إقترب مني ترى الدنيا فرص و خذ من شوقي إذا شوقك نقص / للكاتبة جنان حبك

لامارا · 05-06-16, 01:39 PM

بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين
السلام عليكم ورحمة الله وبركاته

نقدم لكم رواية
إقترب مني ترى الدنيا فرص و خذ من شوقي إذا شوقك نقص
للكاتبة جنان حبك

قراءة ممتعة للجميع.....

لامارا · 05-06-16, 03:22 PM

بسم الله الرحمن الرحيم

السلام عليكم ورحمة الله وبركاته

هــلأأ وغـلأأ

شخبـــاركم ..

اشتقت لكـــم وايــــد ..

بعدمــا خلصت روايتي الاولى:

((خجول الورد ماينلام لانك اجمل انسانه))

هذا رابطها.....

https://www.rewity.com/forum/t303644.html

قررت اني .. انزل لكم روايتي الثانيه عل وعسى القى التفاعل مثل روايتي الاولى ..

مــلاحظـه:للي حابة تنقل الروايا اتمنى تذكر اسمي ..جنان حبك

رابط لتحميل الرواية

https://www.rewity.com/forum/t351278.html#post11333390

((اقترب مني ترى الدنيا فرص وخذ من شوقي اذا شوقك نقص))

بين ايديا

بين إيديا وأحس إنك بعيد ذوب باحضاني مثل قطعة جليد
علم العشاق كيف الحب يكون بلاحواجز أحلى طعم الحب أكيد
زيد ناري وخلي بجروحي ملح خلي نسهر ليلنا لحد الصبح
ولا تفكر حبنا غلطة وإلا صح شما يعدي العمر حبنا يظل جديد
إقترب مني ترى الدنيا فرص وأخذ من شوقي إذا شوقك نقص
خلي أحكيلك مواويل وقصص شما يعدي العمر حبنا يظل جديد

\\

لامارا · 05-06-16, 03:27 PM

ـــــــــــــــــــــــــ ـــــــــــــــــــــــــ ـــــــــــــــ
دخــل المكتب بهيبته كالعاده
دخل المكتب كالعالدة وقال بأبتسامه:السـلام عليكم
اسيــل+فاطمه:وعليكم الســلام
محمد كالعادة:شخبارك اسيــل؟؟
انقهرت فاطمه وقالت اسيل:بخير استاذ وانت شحالك؟
محمد:نشكر الله وانتي يافاطمه؟
فاطمه بدلع:من شوفتك صرت بخير
اسيل طالعتها ××شقصدها مو توها تقول قرفانه الله يستر منها××
اسيل:استاذ هاذي الاوراق وصلت قبل شوي
محمد وهو طالع من المكتب:وصليها لمكتبي
اسيل:حاظر
فاطمه:هاتي انا باخذها وبالمرة بروح اقول لـ(كمار) يجيبلي قهوة
اسيل عقدت حواجبهاا:اتفضلي
كملت شغلها وماعطتها وجه
..
قالت بدلع:استاذ اتفضل الاوراق
محمد وعينه ع الاوراق:هاتيها
فاطمه انقهرت منه وتعمدت تطيح الاوراق
فاطمه برقه نزلت تاخذ الاوراق وكانت تاخذ الاوراق ببطئ لعل وعسى يجي الاستاذ محمد ياخذها بس خطتها فشلت
حطت الاوراق ع الطاوله بعصبيه وطلعت بسرعه
اما محمد استغرب من تصرفها
..
بمــا اني فاظيه الحين بعرفكم علي وعلى عايلتي
انا اسيل عمري 19 اشتغل مثلما انتو شايفين
اخوي احمـد عمره 23 سنه خاطب بنت عمي مرام
اختي سجى 26سنىه متزوجه خالد عمره 28 وعندها وسن عمرها سنه
اختي لبنى عمرها 10 سنوات كيوت واحبها وايد
ماما:حبووبه وتحبنااا كثير وما تطلع من شور بابا ابد
بابا:عصبي بس يحبنا ومايرفض لنا طلب
..
محمد:انسان طيب عمره 25 سنه طييب مملوح وخشمه سلة سيف
فاطمه:تشتغل وياي عمرها 20 سنه حلوة بس جمالها عادي غيورة بس طيبه
..
:هلا يمه
ماما:هلا وغلا اسوول كيف كان يومك
اسيل ابتسمت:تعبب وجوعاانه مرررررررررررررره
ماما:يالله بدلي وتعالي الغداء جاهز
..
في الغداء
احمد:وين لبنى؟
ماما:لبنى نايمه رجعت من المدرسه تعبانه
اسيل""ابتسمت وانا اتذكر ايام المدرسة ومن تذكرت صاحبتي ريم اكلت بسرعه وعلى طول رحت اتصل عليها لي فترة ماشفتها""
__
ريــم:واخييييييييرا ملكتي راح تكون الشهر الجاي
اسيل:والله مبرووووووك من قدك لا وبتتزوجين فارس احلام الطفوله
ريم:هههههههه اقول ذلفي
اسيل:خلاص هونت ماراح احظر ملكتك
ريم:لااااااااا انتي اهم وحدة
اسيل:حتى اهم من العروس
ريم:هههههههه دوووووبه
وكملوا السوالف لـ الساعه 4 العصر
__
نــزلــت لكــم هالبــارت القصيــر
وبشوف تفاعلكم ويااي .. واذا لقيت ان شاء الله راح انزل البارتات ع اوقاتها ^_^

لامارا · 05-06-16, 03:28 PM

قمت الصبح ,, ناظرت الساعه كانت 6 ونص
دخلت الحمام(وانتو بكرامه)
خذيت لي شاور بسيط ولبست عبايتي ولفيت شيلتي ع السريع حطيت عطر فرنسي
وخذيت شنطتي الجوتشي
ناظرت ماما كانت تحط الفطور ع الطاوله
ابتسمت:صباحك ورد ماما
ماما:صباح النور والسرور تعالي افطري
انا:لا ماما بس راح اشرب نسكافيه نفسي منسدة
ماما:ع راحتك
مدتلي النساكفيه
شوي ونزل احمد وهو دايخ
انا:الناس اتسلم
احمد ناظرني بعين والثانيه مسكرة وقال بتعب:اقول اذلفي
انا:هههه مأثرة فيك مرومه
انسحبت وانا اضحك
سمعته يدعي ويشتم خخ
ركبت السيارة تذكرت اني نسيت اوراق كنت اشتغل عليها البارح
وركضت ع طول اجيبها
كان احمد ياكل الفطور من شافني راكضه
احمد:كح كح كذا يدخلون البيت حشى مو بنت صاروخ
ولو اني مو طايقة شيء من الصبح بس ضحكت غصب عني:ههههههههه
___
ف الدوام
استغربت ع غير عادتها فطوم مداومه وكاشخه اخر كشخه
قلت وانا داخله المكتب:السلأام عليكم
فطوم وهي تعدل الكحل:وعليكم الســلأام
قلت وانا احط شنطتي والاوراق ع الطاوله:شخبارك؟
فطوم:بخير .. الا اقول شرايك فيني اليوم
طالعتها شوي وكتمت ضحكتي لأني الميك اب موو مناسبها قلت اجااملها:دايم حلووة
فطوم بغرور:مشكورة
قلت فخاطري[عافانا الله شكلها اول مرة تسمع احد يجاملها]
وكلعادة مر يسلم علينا الاستاذ محمد
ورمست فطوم بدلعها وغنجها المقرف
___
عنــد ريووم ..
ام راشد:ريووم يالله قومي
ريوم:يمه تعبانه
ام راشد:ايش فيكي؟
ريوم:حاسة اني مسخنه
ام راشد بلا اهتمام:برسل الخدم يحطون لك الكمادات
ريوم زعلت كثير من كلمات امها
____
ام راشد:انسانه ماهمها غير الفلوس والموضه حتى عيالها ماهمها عمرها 34 سنه
بوراشد:عكس زوجته تماما اهتمامه الاكبر عياله
راشد:عمره 23 سنه يشتغل وطيوب يبحب اخته
ريم:حبووبه وطيووبه عمرها 19صاحبه اسيل الروووووح بالروووح
____
شوي ودخلت الخدامه
وحطت لريم الكمادات وغيرها
شوي ونــامت..
____

اسمحولي ع البارت القصير اوعدكم ان شاااء الله باارت الاربعااء طويل لعيونكم .. فديتكم

لامارا · 05-06-16, 04:11 PM

قـــراءة ممتـــعه للجمــــيع ..

.
.

كنت جالسة ف المكتب
وماعندي شغل ..
قلت اتصـل ف ريم اسلم عليها ..
رفعت التلفون ..
ودقيت ع رقم ريوم
عطاني مصكر ..
دقيت مرة ثانيه قلت يمكن من الخدمه طلع هم مصكر ..
قررت اني ادق ع البيت عل وعسى اترد ..
شوي وسمعت صوت رجولي
انا:الـسـلام عليكم ..
...:وعليكم السلام
انا:ريم موجودة؟؟
...:ريم مريضه وراقدة
انا استغربت:من متى.؟
...:من قبل يومين تقريبا
انا:من تصحى خلها تدق علي
...:انزين منو اقوللها؟
تذكرت غبائي وقلت وانا كاتمه ضحكتي:صاحبتها اسيل
...:انتي اسيل يلي ريم حاشرة الدنيا فيها
انا بغباء:هااا؟؟
...:هههه انا راشد اخوها وريم حاشرتنا فيك
انا حسيت ان طولناها:امم اوكي قوللها اني دقيت ومن تصحى قوللها اتدق علي
راشد:ان شاء الله اي اوامر ثانيه
انا:ههه لا مشكوور
ــــــــــــ
كملت الي بيدي .. وخذيت الاوراق بوديها لــأستاذ محمد
انا:الســلأأم عليـكم ..
الاستاذ محمد ابتسم:وعليكم السلام
انا:استاذ هالاوراق خلصتها الحين وعليك تراجعها
ابتسم:خلاص حطيها هني
حطيت الاوراق وظهرت
مادري ليش من يشوفني الاستاذ محمد يبتسم لي
طوفت الموضوع وانا اوهم نفسي انه وهم لأأأ اكثر ..
____
"ياربي صووتها خيااالي هالبنت مالوم ريوم فيها"
ابتسم راشد وهو راسم صورة اسيل الخيالي ..
واتجهه لغرفة ريوم
كانت جالسة ع السرير ومنهد حيلها
راشد:السلااام عليكم
ريم بتعب:وعليكم السلام
راشد:شخبارك اليوم
ريم:ربي يعافيك الحمدلله
راشد:دقت صاحبتك اسيل
ريم نقزت:والله متى..؟؟؟
راشد:ههه شفيك مفجوعه ايه قبل ساعه
ريم:وكيف عرفتها
راشد:ههه هي قالتلي اقولك انها اسيل
ريم:اشوى
راشد:شو تتحريني خطيبك فيصل
ريم طقته:بااايخ
راشد:انزين انزين دقي ع صاحبتك
ريم:مايخصك بدق وقت الي ابيه
راشد يصطنع انه مو مهتم:شورك ماطقيتك ع ايدك وقلت لك دقي
ريم:انزينة ياستاذ راشد ممكن تطلع بكلم صاحبتي
راشد شيء بداخله يمنعه يطلع ويحس انه يبي يسمع صوت هالمخلوقه:مانيب طالع
ريم:اووف اووف منك نشبببه
راشد كتم ضحكته لأأنه سمع صوت اسيل ولو انه خفيف بس حس انه مرتاح
ريم:اسوووله اشتقتلك
انا:فديييييتك وانا بعد ياقلبي ..
ريم:اهون عليك ماتيجي اتزوريني
انا:والله ف خاطري اجيك تدرين شلون اليوم الساعه 5 بجيك
ريم:ونااااااااااااسه انتظرك الساعه 5
راشد"واااو يعني ساعه 5 لأزم اكون اهني ولازم اشووفها لاازم"
طلع وهو طااااير من الفرحه
خذ سويج سيارته وطاربهاا للحلااق خخخ
ــــــــــــ
اخترت لي بلوزة كانت هديه من عمتي ام مناف
كانت بلون الاصفر واخترت وياها سكيني اسود
حطيت مسكرة وبلاشر برونزي ..
وقلت اني مارح احط كحل اخاف يسيل من الحر
ولبست عبايتي وتعطرت
وحطيت شيلتي ع كتوفي ..
خذيت المجله اقرأءها لحين يخلص احمد ..
حطيت ايدي ع قلبي لما تبطل باب غرفتي بقووة وكان بينكسر
مو بس الباب كان بنكسر حتى قلبي من الخوف
شفت لبنى حاطة غلوس احمرررررر ع شفاته
ولابسة كعبب وحاطة بلاشر الله لا يوريكم احمرر
وياليت لو الغلوس مرتب
نازل تحت وطالع فوق مثل الاصانصير هههه
انا:شووو مسويه بوجهك؟
لبنى تخصرت:مو عاجبك بروح معاك لريم
انا فتحت عيني ع الاخر:نعــــــــم ؟؟
لبنى بعصبيه:نعممم ليش ماتبيني اروح معاك؟
انا:اخذك وانتي بهالحاله لامنتيب صاحيه
لبنى بوزت:مابي مابي بروح معاك
جا احمد وهو يلبس ساعته:يالله اسيـ.. ههههههههههههههههههههههههه ههههههه شو هذا شومسوي ذي
انا:ههه لا وتبي تروح معاي لريوم
احمد:هههـ ابـ ههههههههه
لبنى:ااااااااااااااااااهئ اهئئئئئئئئئ
وركضت
كتمت ضحكتي وانا اقول لأحمد:حــرام عليك .. رح راضها عشان اقدر امسح هالي بوجهها فشلة اخذها بيت الناس كذا
احمد ابتسم وهو ووجهه احمر من الضحك:من عيوني
___
فتحت دولابها ولقيت كل الملابس فوق وتحت
يادووب حصلت لبسة مرتبه
كانت عبارة عن فستان وردي حلوو
لبسته بعد عناااء وقتال
لبنى:مانيب طالعه الا لو حطيتيلي روج
انا:ااففف منك تعالي
حطيت لها روج وردي خفيف
سلمت ع ماما وطلعت
___
في السيارة
جاني صداع من لبنى
واحمد يسايرها
عصبت وقلت:لبوونه ان شاء الله ماراح اتسكتين
كشرت:وهذا بعد بكرة عيد ميلادي
انا:ههههههههههه فديتك والله
شوي ووصلنا ..
نزلنا وانا اهزئ لبنى لأنها ماسكتت ابد
___
ابتسم راشد وهو يطالع اسيل واختها لبنى
وقف عند الباب وهو يشغل نفسه بجواله
انا بصوت خفيف:الســلام عليكم
راشد:وعليكم السلام
عرفته من صوته انه راشد
انا:هني ريم
راشد:ايه موجودة..حياك
كانت ف استقبالي ريوم من شافتني ركضت
..
خذتني لغرفتها ..
فسخت عباتي .. وعدلت شعري ..
وجلست
بس فجأءة تذكرت شيء:ويننن لبنى.؟؟؟؟
ريم:امبيه انتي من دخلتي ما كانت معاك
ركضت لبنى تدورها وانا لحقتها بعدما لبست عباتي ..
__
عصببت وانا اشوف لبنى فاله السوالف ويا راشد ..
ضحكت ريم وانا مامنعت نفسي للأأن شكل لبنى كان فللللله
___
رجعنا للغرفة ..
انا:جبتي فستانك؟
ريم:لا لسى ماجهز وانتي
انا:هه بعدني ماخذيت
ريم عصبت:ومتى ان شاء الله ناويه تاخذيه
انا:ان شااء الله بكرة ..
ريم:اي اشوى
____
:خــــــــــــــــالد
خالد عصب:سجووو خذي بنتج من هني صج ماتستحي اونه خالد
سجى:ههههههههههههه وسن حبيبتي تعالي عند ماما
خذتها سجى
اما خالد كمل نومته
_____
سرح بأفكاره بالي سحرته ..
انقهر لما هزته لبنى:رشوود بلاك ماترمس
راشد ضحك ع دلعها:ههههه ولا شيء
لبنى:شرايك انروح باسكن روبنز
راشد لقاها فرصة:من عيوووني ..
___
وبس ..
توقعاتكم ..
هــل راشد راح ياخذ لبنى باسكن روبنز..!! وشو راح يصير اهناك..؟؟
وهل لبنى راح اتقول لأسيل عن روحتهم؟؟

تحياتي .. جنان حبك

لامارا · 05-06-16, 04:14 PM

وقرأءة ممتعه للجميع ..
*
*
*
*
*
*
*
*
*
*
*
*
*
****
كانت حاطة ميك اب ثقييل
وحاطة روج احمــر والشيلة طايحه
دخلت غرفة بنتها وشافت معها بنت وقالت:السلام عليم
انا+ريم:وعليكم السلام
قمت وسلمت ع ام راشد
ام احمد:من انتي بنته؟
انا:عبدالله الـ.....
ام راشد كشرت:اهاه
ووجهت كلامها لريم:شخبارك اليوم؟
ريم كان ودها تبكي ليش انها ماسألت عنها من يومين واليوم تسألها عن اخبارها:بخير ..
ام راشد:اوكي يالله باي عندي حفلة
____
انـأ:ريوم يالله بستأذن
ريم:لا اجلسي بلييز
انا:الحين الساعه 9 عندي دوام ولبنى عندها مدرسه
ريم:الا ع طاري لبنى مالها حس
انا:ابي اعرف شلي عاجبها بأخوك
ريم:ههه لاتصدقين اخوي عاد ...ماتنمل الجلسة معاه
انا:يالله ننزل نشوفها
لبست عباتي وخذيت شنطتي ..
جلسنا اندور ع البلشة لبنى
انا:ياويلي وين راحت هالهبلة؟؟
ريم:لحظة لحظة بتصل لراشد
انا:بسرعه الله يخليك
___
ريوم:الووو رااشد انت وين ولبنى وين؟..وكذا ماتقول لناا واحنا عافسين الدنيا هنا ..طيب انتو وين الحين ..؟اوكي
قفلت ريوم من راشد
وقلت بلهفة:وينهم؟
ريوم:راشد ماخذها لباسكن ويقول اصرت انها ماتقولك
انا:بوريها لأانها عارفة اني برفض
ريوم:ههه حرام عليك خليها مبسوطه
ابتسمت لها..
شوي ووصلوا راشد ولبنى
___
مر علينا احمد وخذنا للبيت وطول الطريق لبنى تحكيلنا عن الي صار
وانا عاد حدي تعبانه
فقلت عندي وقلت بعصبيه:خلااص يكفي راسي بينفجر لا وصلنا احكي للجدار ع كيفك
اما احمد فطسس ضحك على تعليقي:هههههههههههههههههه� �ههههههههههههههههههههه
ولبنى كشرت وهي متوعدة فيني انها تعلم ماما
___
وصلنا البيت وللحظة تذكرت شيء وعاى طول فسخت العباية
وشفت لبنى تتصارع مع الشوز
استغليتها وقلت لها:لبونه
لبنى بتكشيرة:نعم؟
انا:ايش قلتي لراشد وشو قالج
لبنى وكأنها تفكر:ولآلآ شيء
انا ناظرتها:متأكدة
لبنى ركضت:ايوا ايوا ايوا
ارتحت نوعا ما
__
الصبح في المدرسة
لبنى وهي تاكل الجلكسي:شهوودة تعرفين وين رحت امس
شهد:ويين؟
لبنى:بااااسكن روبنز
شهدد:والله
لبنى:ايه مع اخو صديقه اختي<<<ياطول المشوار
شهد:واااااااااااااااااااا� �ااااو
لبنى:وسألني عن اختي وقال لي شسمها واذا كانت مثلي
شهد:لاماعتقد مثلك اختك مررة حبوبه
لبنى:ايش قصدك يعني انا مو حبوبه
شهد:لأأأ انتي شريرة
لبنى وقف بعصبيه:ايش تقولين
وطاحت فيها ضرب
اما شهد معصبة مرررة<<<مو اطفال هذوول
___
استغربت ان فطوم مو مداومه اليوم
طلبت قهوة من كومار
الا بدخلة فطوم
بس اليوم غير لا حاطة ميك اب ولاشيء
ناظرتها بأستغراب:وش فيك
فطوم جلست ع مكتبها وشكلها يكسر الخاطر:بقولك بعدين بس انا
جيت بس عشان اقول لأستاذ محمد اني باخذ اجازة 3 ايام
انا:ولييه ماقلتيلي اقوله
فطوم:كنت مارة وقلت اقول بنفسي احسن
انا:اها ..بس استاذ محمد ماوصل للحين
فطوم:ايه انتظره
انا:اها اوكي
____
سجى وهي تحط بنتها ع الصوفه
شوي وجت ريهام اخت خالد
جلست بفستانها الاحمر الواسع:مرحباا
سجى:مرحبتين
ريهام:سجى ابيك ف موضوع
سجى بأستغراب:اي قولي
ريهام:بس ماقدر اقولك هني لأزم انروح لغرفتي او لقسمكم
سجى:اخاف خالد يدخل اي لحظة انتي روحي وانا الحقك بعدما اخذ وسن لقسمنا
ريهام:اووكيه
___
سجى بصدمه:شووو
ريهـام:ايوه يا سجى انا حامل
سجى:انتي ايش تقولين ومتى وكيف تعرفتي عليه؟؟
ريهام ببكاء:تذكري مرة طلعنا للبر
سجى وهي تتذكر:ايوا
ريهام:شفنا ولد وسلم ع اخوي خالد اسمه ابراهيم
سجى طالعته:ابراهيم ماغيره
ريهام طالعتها بخوف:تعرفيه؟
سجى:ايه اخوها فاطمة تشتغل ويا اختي اسيل
ماحست الا وريهام طايحه ف حظنها مقطعه روحها من الصياح
سجى:خلاص انتي اهدي ياقلبي وقوليلي هو يدري؟
ريهام:اي بس من بعد مكالمتنا يلي قلتله اني حامل ماقام ايرد علي
سجى طالعتها بقهر:اي دقي عليه الحين وازعجييه بأتصالاتك
دقت عليه ريهام ومارد الا بعد 10 مكالمات
ابراهيم:نعممم شتبين؟
ريهام:ابراهيم انا حااامل افهمني الله يخليك والي ف بطني ولدك
ابراهيم:اوووف زهقتيينااا ولدك وولدك يعني شسوي بالله؟
ريهام ببكى:الله يخليك تزوجني واستر علي الله يخليك
ابراهيم:نعممم اتزوجك
ريهام:استر علي الله يستر ع خواتك؟
ابراهيم للحظة تذكر اخته فاطمه لو دمر ريهام بتدمر فاطمة
وقال بتهديد:اسمعيني ياريهام بتزوجك بس من تولدين بطلقك فاهمه يالله باااي
سجى وهي تهزها:شفييك شو صاار؟شوقالك؟
ريهام بصرااخ:بيتزوجني يااسجى بيتزوجني
سجى حظنتها:الله يوفقك ياارب
كملت ريهام بحزن:بس بيطلقني بعد ولادتي
سكتت سجى للحظا:......اهم شيء بيستر عليك ياقلبي
ريهام وهي تبووس سجى:الله يخليج لخالد ووسن امييين
سجى:اميين ياقلبي ..بس لاتقولين شيء حج احد هالشيء بيني وبينج
ريهام:بحزن ..ان شااء الله .. ياااااارب ســأأأأأأمحنـــــــــي
رفعت سجى يدها ومسحت دموع ريهام
____
ريووم:هلا والله
انا:هلا وغلا
ريوم:اسوله بتروحي معاي السوق
انا:امم اليوم لأأ ماقدر سوري والله اختي وزوجها بيزورونا اليوم
ريوم:اووكي حبيبتي بباي
انا:بااي حيااتو
ركضت وانا اشوف وسن تبوس مامـي
وخذيتها وانا ابووسها
سجى:بسس بسس بتذبحين بنتي
انا:روحي زين
خذيتها لغرفتي وعفستها فوق تحت
خذيتها ورميتها ع سجى
خالد:هيي اشوي اشوي ع زوجتي
انا:ومن متى الرومانسيه
خالد:ومن يشوف هالوجه(وهو يناظر سجى)ومايصير رومانسي
الكل:هههههههههههههههههههه� �هههههههههههه
_____
وبس ..
لاتقولو قصير ..
توقعاتكم ..
هــل ابراهيم راح يتزوج ريهام؟؟وبيطلقها؟؟
وفاطمه شو سالفتها؟؟
شو رياكم في
اسيل..لبنى..راشد..محمد..فاطمه ..ريم؟؟
تقايمكم ..
تحياتي ..
جنان حبك

..

لامارا · 05-06-16, 04:15 PM

قـراءة ممتعة ..
*
*
*
*
*
*
*
*
مرت على ريم ايام التجهيز للملجه ..صعبة بس حلووووه..
واليوم بيحطون لها الحنه ..
وباجر اح يكون الملجه ..
حدها خايفة ومرتبكها ..
وانا ماتركتها لأ دقيقة وـلأ ثـأنيه ..
من الصبح لليل مجابتلها ..
ريم:اسوول
انا واحط ساعتي اللويس فيتون ع الكمندينو:هـلأ..!!
ريم:شرايك تتحنين بألأول
ناظرتها:ليش..!!
ريم:لأان فيصل يبغاني ادق له الحين ..وخايفة ارده ويزعل ..^_*
ابتسمت لها:من عيوني ياقلبي ..وخذي راحتك في الحكي ^_*
ابتسمت بخجل ..
*
*
*
*
*
*
*
كانت تفكر وبالها مو معاها ابد
" ..مادري ..اقول لأسيل او لأ ..خايفة تفهمني خطأ..او حتى ماتكلمني طول عمرها ..مادري مااادري..انزين هي ليه للحين ماوصلت..مو من عوايدها تتأخر"
قطع حبل افكارها دخول الاستاذ محمد:السلام عليكم ..
فطوم:وعليكم السلام
استاذ محمد:شخبارك فاطمه..!!
فاطمه:بخير ربي يسلمك ..امم استاذ
استاذ محمد وهو يطالع الاوراق الي بأيده:نعـم..!!
فاطمه:اسيل لسى ماوصلت عسى ماشر ..
استاذ محمد:ماخذة اجازة يومين..اي اوراق وصليها لمكتبي ..
فاطمه:ان شاء الله ..
فاطمه استغربت اسيل ماقالت لها ..
فقررت تدق لها:
بعد رنات طويلة
:مرحبـأ..
فاطمه:مرحبتين شخبارك اسيل..!!
اسيل:بخير يسرك الحال ومن صوبك..!!
فاطمه:الحمدلله ..
اسيل:دوم ياارب ..
فاطمه بلقافه:الا ليش مومداومه
اسيل:ماخذة اجازة لــأن بكرة زواج صـ....
قاطعتها فاطمه بصدمه:اخوج بيتزوج ..!! كيف وانا حاولت افصل بينه وبين مرام لييه مايحبني وانا احبه لييه لييه بيتزوج
انـأ:شنووو .. اااه يالحقيرة ..انتي ماعندج قلب حرااام عليج حرااام علييييييك..للأسف زواج صاحبتي مو اخوي ..
فاطمه:اسمــ.....
قاطعتها اسيل:مابي اسمع منك اي كلمه
وقفلت الخط ..
كنت بهون الحنة وانا منقهرة ..
بس من شفت الفرحه تلمع بعيون ريم ..
تناسيت او بالاصح أجلت موضوع فاطمه ..
*
*
*
*
*
*
سجى:اووف مادري شو البس .. كل الملابس ضاقت علي ..
خالد وهو يضحك:اي طالعي صور عرسنا وطالعي نفسك الحين
سجى:بـــــــــــس اهئ اهئ
خالد:ههههه خلاص انا بختار لك ولا تقولي لأ ومادري شنو تراني بهون
سجى وهي تقعد:وامري لله ..
خالد وهو يرمي عليها دراعه حمرا ..
سجى فكت عينها بصدمه:نعــــممم تبيني البس دراعه بعرس اعز صاحبات اختي لأأ مستحيل
خالد:اقولك اختاري بنفسك
سجى بعد عناء:خلاص بلبس هالفستان وامري لله ..
خالد:وبنتك شو بتلبسينها..!!
سجى:نعممم تبيني اخذها العرس وتبهدلني لأأ مستحيل
خالد:اليوم بس اليوم بس وقت ثاني ماني بماخذها
سجى ابتسمت
اما خالد توهق بوسن ههه
*
*
*
*
*
*
*
شافت الفرحه بعيون امها ..
تمنت لو الزمن يرجع ..ومايصير الي صار ..
قالتها الي صار ..
"اااه ليتك يابراهيم اتحبني مثلما انا احبك"
قطع حبل افكارها صوت امها الي واضح انها فرحانه:ريهام يمه العرس راح يكون ان شاء الله بعد اسبوعين ..
ريهام وتتصنع الفرح:يمه مابقى وايد احس الوقت ضيق ..
ام خالد:الي تبيه انا مستعدة اجيبله لك .. انتي بنيتي الوحيدة لازم افرح فيك لازم سوي عرس لا صار ولا استوى ..
قاطعها ابوخالد:لا الريال لزم ان يكون فقط كتب كتاب بدون طقطقه وعوار راس..
ارتاحات ريهام نفسيا ..
اما ام خالد .. تمنت انه يكون عرس كبير .. بس ماباليد حيلة .. واستسلمت للأمر الواقع ..
*
*
*
*
*
*
*
فاطمه:الف مبروك براهيم ..
براهيم كشر:الله يبارك فيك ..
فاطمه:بروح ابشر صاحباتي ..
ابراهيم:ارتاحي ..مراح يكون طقطقه وغيرها ..فقط كتب كتاب ..
فاطمه انقهرت:اوووف
*
*
*
*
*
*
*
لبنى وهي راجعه من المدرسه ..
شافت اسيل لابسة عباتها .. وشكلها تنتظر ..
لبنى بتكشيرة:ع وين ..!!
انا عصبت:لا والله..قدامك بزر ..!!
لبنى:مو فاضيه لك .. قولي..!!
انا:ماراح ارد عليك .. الكلام وياك ضايع
كتمت ضحكتي لما احمر وجهه لبنى الي كان ودها تكفخني ..
شوي وجا احمد ومن نبرة صوته واضح انه ضايق:يالله مشينا اسيل ..
انا واخذ شطنتي:يالله ..
لبنى بقهر:وين بتروحون ..!!
انا:بروح الصالون
لبنى وكأنها تذكر:اووووووه صج اليوم عرس ريووم
انا عصبت:اصغر عيالك ..!!
لبنى سفهتني:ونااااسة مارح احل واجب العربي ..
انا:مــأمـ...
قاطعتني لبنى:بس بس خلاص بحله
طلعت وانا معصبه عليها .. مدري شفيها لسانها صاير طويل ..
قبل من اقول لها كلمه اتسويها بدون نقاش ..
**
جلست في سكند سيت واحمد الي كان يسوق
وواضح انه ضايق وحتى مانطق بكلمه ..
انا:وشفيك يأحمد ليه ضايق كذـأأ..!!
احمد:ولا شيء ..
انا وعطيته المنظرة ..
احمد ضحك غصب عنه ..
اجلت الموضوع لأأن وصلنا لبيت ريوم وانا اسب واشتم ف فاطمه الي هي سبب تعاسة اخوي ..
حطيت مس كول لريم ..
شوي وطلعت ..
شو وجت ..
حسيت بتوترها حتى ماسلمت ..
مالومها .. :شخبارك عروسنا..!!
ريم ابتسمت هالشيء الي وضح لي من نبرة صوتها:بخير ..
حز بخاطري انها اليوم بتفارقنا ..
حسيت بضيقه كان ودي ابكي .. بس هي بروحها الي فيها مكفيها ..

تحياتي لكم .. جنان حبك ..
لاتنسون التوقعات لأأني بزعل لو مالقيتها ..

تحياتي لكم ..

لامارا · 05-06-16, 04:20 PM

وقــراءة ممتعـــه للجمــــيــع ..
*
*
*
*
*
*
*
حست بداور ..
خذت لهـأ بأندول ..
وهي اتشوف ..
((امها))
تجهز شناطها ..
الي بياخذونها لبيت
((ابراهيم))
دموعها نزلت قصبــ[ـن]..
وهي تلوم نفسها..كان يوهمها بزواجهم ..
واليوم تحقق .. بس غير عن حلمها الي بنته سنوــأت
والقصص والرومانسيه الي عاشتها كانت حلــم وسرــأأب
حست انها لعبة ف ايد ابراهيم ..
كانت كلها امل انـهـأ..ترجع بعد ولادتها لبيتهم وللأبد ..
((مطلقه))
والكل يسألها عن سبب طلاقهم ..!!
بشنو اترد ..؟؟
شنوو تقول ..؟؟
ماقاومت ابد
ركضت لغرفتها وهي تبكي من القلب
للحظة خطر ع بالها ..
ابرـأهيم ..
بعد ولادتها او بالاصح بعد طلاقها ..
بياخذ ولدها منها ..
ام بيرميه عليها بلا رحمه
وهل بتتوفق كأي ام غيرها ..!!
ولـأ بتفشل في امومتها
مسحت دمعتها .. بدخول سجى
الي كانت حايسة مع الفساتين ..
سجى:ياهلا عروسنا شو البس ف حفلة اليوم؟هذا ولا هذا؟
ريهام مسحت دمعتها الي ماعلقت عليها شجى:الاحمر احلا
سجى ابتسمت:ربي لا يحرمني منج
*****
*
*
*
*
*
*
*
حــس .. انه مشتاق لهــأ..
لصوتها
لضحكتها
لهمستها
لطيفها
لعفويتها
لكل شيء
اليوم عرس اخته ويتمنى يشوفها ولو نظرة ..
ولو لحظة ..
ولو ثانيه ..
كان اسمها محفور ف قلبه وكيانه ..ومايبغى سوــأأه ..
{{اسيـــل}}
****
*
*
*
*
*
*
*
*
علي:ها يامحمد شخبار الشركه معاك؟
محمد:الحمدلله والله
علي:تصدق هالفصيل له وحششة
محمد:معرس ماينـلام
علي:ههه عقبالك
محمد:لـأ لا الا الزواج
علي:انزين انا استأذن .. اشوفك اليوم
محمد:لحظة تمرني ولـأ امرك لـأني احس فشلة ادخل ومحد معاي
علي:خلاص مرني انت؟
محمد:خلاص الـ8 امرـك
علي:حلووو
*****
*
*
*
*
*
:لاتحاتين ياقلبي ..اذكري ربك
ريم:خايفة حدي ومرتبكه
انا:كلنا معك ياقلبي ..لاتشيلين هم
ابتسمت ريم وانا خاقة ع شكلها خصوصا الفستان السكري مرررة لــأيق عليها
وميك ابها معطيها شكل خيالي ..الله يستر فيصل عليها ..
وقفت وناظرت لشكلي:ريوم ماتحسين ان الميك وايد اوفر
ريم:لا ابد حبيبتي لأنك ماتحطي ميك اب ابد فأتحسين كذا
ابتسمت لها وانا رفعت الكام اصورها
..
تنقبت بسرعه لـأن
راشد دخل وبأيده اوراق ..
حسيت بريم بتبكي اقتربت منها وهمست لها:لاتبكين والي يعافيك كافي اني اكثر من ملوين مرة عدلت الميك اب
ابتسمت ريم من بين دموعها ..
وابتعد عنها شوي ..
لأن راشد قرب وهو يقول لها:يالله عروسنا وقعي هني
ركزت نظري ع ايدها المرتجفه
وكان ودي ابكي ..
بس هالوقت لازم افرح مع اعز صحباتي ..
وقعت بأيدها المرتجفه
وانا اسمع اصوات البنات تعلى ..
وراشد لوى عليها ..
من طلع راشد
رميت النقاب والشيلة
واقتربت منها ابارك لها ..
ماحسيت الا وهي ف حظني ..
مسحت دموعها ..
وعدلت ميك ابها ع السريع ..
لأنه الحين وقت الزفه ..
..
كانت الزفة بطريقه حلوة ومرتبه ..
ابتعد عن مكان الازعاج
ولقيت مكان مافية احد جلست
وحطيت ايدي ع وجهي وانا ابكي ..
مادري هو فرح ولا حزن
ولا هو فرح وحزن مع بعض
رفعت جوالي وشفت الساعه
شهقت .. ومسحت دموعي
وركضت لأن الحين وقت دخول العريس ..
وبكل حركة كنت اسويها كانت عين تلأحقني ..
..
وصلت لريم الي كانت عيونها تدورني ..
اقتربت لعند الكوشه ..
وانا ابتسم .. يالله حبيبتي الحين فيصل بيدخل
وركزت نظري ع مكان ثاني ..
عشان ماتطيح دمعتي ..
انصدمت وانا اشوف ام ريم ..
لاهية مع صحباتها ولا هامها بنتها الي بتتزوج ..
ولبسها الي صدمني اكثر شيء
كانت لابسة فستان ميدي .. لون اسود
وفاكة شعرها وحاطة فيونكه
قطع حبل افكاري صوت ريم:لأ تستغربين .. شفت كذا واكثر من طفولتي ..
قاطعتها وانا اصرف الموضوع:اكيد سجى عصبت علي لأنها طلبت مني شحن للكام
وابتعدت عن ريم ..
مو لأن سجى تبغى الشحن ..
بس عشان ماضيق خلقها ..
لبست عباتي ونقابي ..
وجهزت الكام ..
وبديت اصور ريم من خلف الكواليس ..
عشان تكون ذكرى لي ..
كنت اراقب حركاتها .. وخوفها .. وحستها تدور عليي
بس ماحبيت اقترب منها ..
اخاف دموعها تنزل ..
شفت الفرحه تلمع ف عيون فيصل ..
ارتحت من قلبي ..
ودعيت ربي يوفقها ..
وهالمرة صدق ام راشد قهرتني
حتى ماباركت لبنتها ..
وصحباتها .. عافنا الله ..
لا نقاب ولا ستر
الميك اب اوفر بقووووة
***
حسيت بخوف لما سمعت خطوات شخص
ريم ومع فيصل ..
وسجى مستحيل تجي لهنا
طيب من؟؟
سمعت صوت رجولي كان بيغمى عليي:شتسوين هنا؟
عرفت انو راشد
حسيت بحرارة ..
كان ودي اركض او اصرخ
وماودي التفت له
غصب عني التفت له ..
مادري كيف يعرفني هالانسان
راشد:شخبارك اسيل؟
انا:اــ بخير ..
راشد:وــ....
قاطعته:ممكن اطلع
راشد:لا
ناظرته بخوف
وابتعد عن الباب ..
وركضضت بسرعه
مادري ليه هالانسان يسبب لي الخوف ..
*
*
*
*
*
*
*
وبس ..
اسفة لو البارت قصير ..

توقعاتكم ..!!

شو رايكم بريم وفيصل ..وهل راح يتوفقون ف زواجهم؟؟
وشو اخرة ام راشد؟؟
اسيل وخوفها من راشد؟؟هل هو خوف ام شيء ثاني؟؟
وريهام هل ابراهيم بياخذ ولدهم منها ام بيرميه عليها بلا رحمه؟؟
شرايكم بالبارت ..!!

تقايمكم:$

تحياتي .. جنان حبك

,,

..ودي لكم ..

لامارا · 05-06-16, 05:00 PM

سـلأأم ..
شخباركم .
اولا حابة اشكر همســأت انثى ..
وهذا البارت ..
قرـأءة ممتـــعه للجميع ..
**
**
**
**
**
رجعت ذكراها لورى ..
قبل سنه ..
في الجامعه ..
انا:ريوم شفيه الوجهه منور اليوم؟؟
ريوم:اللهم لاحسد
انا:لا والله ايش..
قاطعتني ريوم وهي تضحك:خلاص بقولك ..بس ماعتقد بيفرحك بس يفرحني..
انا:كل الي يفرحك يفرحني ياقلبي ..
ريوم:فيصل ابن عمي .. بيخطبني اليوم ان شاء الله ..
انا:ونااااااااااااااااسة الف مبروك ياقلبي ..
ريوم:هههههه
انا:يالله ريوم احمد وصل ..
ريوم:اي حتى رشوود وصل ..
انا:اوكي بتصل فيك بعدين ..
ريوم:اوكيه ..
**
ولما وصلنا البيت عشان اتغدى
طلعت لغرفتي ,,
ثواني ورن تلفوني
[[ريم]]يتصل بك
انا:هلـأاأأأ
ريم:لحقي عليي يا اسيل
انا:شفيك ياقلبي ليه تبكين؟
ريم:أبوي رفض فيصل ابن عمي
انا:اييييييييش؟؟؟؟
**
عشنا انا وريم ايام معاناة .. بس كل شيء تغير
والحمدلله ريم تزوجت فيصل
ابتسمت ع الكلمه ..
خلاص ريم تزوجت وبتصير ام ان شاء الله
تذكرت اني للحين الميك اب ع وجههي غير ان الكحل نازل من اثـأر البكاء
ناظرت الساعه وكانت 2 الفجر ..
وتذكرت الدوام حسيت بضيق اني بشوف فاطمه ..
غسلت الميك اب ولبست بيجامتي البرتقالية ..
وحطيت رـأسي
**
*
*
*
*
مرت الايـام صعبة ع ريهام واليوم
راح يزفوها لقبرها ..
ماذاقت الراحه من عرفت ابراهيم ..
واليوم بتكون معاه
وبيسوي فيها اي شيء ..
تمنت الموت كان ودها تذبح ابراهيم الي قهرها ..
قررت انها ماتبكي ولاتنزل دمعه منها ..
حطت ايدها ع بطنها الي بدأ يكبر ..
وهـذا الفستان الي راح اتلبسه

اما سجى لبست هذا

سجى وبأيدها الكام:وااااااااو شو هالجمال رهومه
ريهام ابتسمت بحزن:بيزفوني لقبري
شهقت سجى:يابنت انسي وربك كريم وبيفرجها
ريهام خذت نفس:امييين
الا بدخلة خـالد ومعه اوراق
خالد بحنيه:يالله ريهام وقعي هنا
رفعت القلم بأييد مرتجفه
ناظرت في اخوها المبتسم
وفي سجى
وقعت بأيدها المرتجفه وعلى طول ارتمت ف حظن خالد ..
كان الموقف مؤثر كثير ..
مسحت سجى دمعتها وتقدمت لريهام عدلت الميك اب والطرحه وساعدتها ع الوقوف
..
كانت خطواتها ثقيلة وتحس انها كلما تقترب للمجلس يقترب موتها ..
دخل خالد بالاول ..
امـأ ريهام بعده ..
ماناظرت فيه ولا ثانيه خايفة من نظرته لها خايفة ان نظرته تذبحها تذكرها بأيام سودا
اكتفت بـ:السـلأم عليكم ..
وجلست ع اقرب مكان لها ووبعيد عن ابراهيم
ناظرها بأستهزأء:محلــوة اليوم
غمضت عينها وكان ودها تعطيه كف
شوي ودخلت ام ابراهيم وفاطمه
**
*
*
*
*
*
ريهام:اسيل الله يخليك بحط وسن معاك لأنها تعبتني كثير
ابتسمت لها:من عيوني
..
كانت سجى مرتبشه وحسيت بضيقتها ..
بس مادري شفيها ..
كنت احاول اسألهـا بس كانت تحس فيني وتغير الموضوع ..
خذيت وسن معي لأني شفت فطوم ..
خصوصا اني طلبت من الاستاذ محمد ينقلني للقسم الثاني ووافق ..
يعني من يومها ماشفت فطوم ..
واليوم من شفتها تضايقت وكان ودي اذبحها ..
فيني قهر ليش اني سكت عليها ..
الفترى الاخيرة انشغلت عن احمد كثير وحتى ماشفت مرام من فترة ..
كـان نفسي اذبح فطوم ..
خذيت نفس عميق وانا اتجاهل فطوم الي بدت تكلمني ..
انا:فـاطمة الله يخليك مو ناقصتك ابعدي عني والي فيني مكفيني..
فاطمه:سامحيني اسيل والله انا احـ
قاطعتها بعصبيه:استحي ع وجهك احمد مايحبك احمد يحب مرام وبس والله ان صار شيء لهم مابتلومين الا نفسك فااهمه
نزلت دمعتها
صح انها عورت قلبي ..
بس تجاهلتها من تذكرت احمد ومرام ..
**
*
*
*
*
يـأربي هالبنت ملـأك ..
لأ ياراشد لاتنسى اسيل انت اتحب اسيل
سعود:وشفيك تناظر البنت من ساعه
راشد:ياسعود تجنن
سعود:اجل عليك بهـا
راشد:لاياسعود
سعود:وليه؟
راشد بعصبيه:بس
سعود:ماقلنا شيء وشفيك عصبت
فضل راشد السكوت لان عصبيته ماكان له داعي ...
ناظر لمكان البنت .. بس مالقاها ..
حس بضيقه ..
استأذن من سعود ..
**
*
*
*
*
ريم بدلع:فيصل
فيصل بحب:ياعيوونه؟
ريم:بتاخذني لأسيل اليوم؟
فيصل:من عيوني
ريم:فديتك
**
*
*
*
استغربت من هدوءه ..
كانت خايفة وهي متأكدة انه هدوء ماقبل العاصفة ..
حبست روحها في الغرفة ..
تمنت انها تموت ساعتها ..
سمعت طق ع الباب ..
حست برعب .. حست بجسمها تكهرب من سمعت صوته الي فيه نبرة من الاستهزاء
ابراهيم:مانويتي تفتحين الباب
ارتمت ع السرير وبكت
كل الي كان يدور ف بالها ..
عرووس ف ليلة عمرها
[[تبكي]]
حست بقهر
ندم
كرهه
ضيق
كانت مخنوقه وودها تموت ..
استجمعت قوتها ..
وفتحت الباب بعصبيه وصرخت في وجهه
ريهام:انت انسان طماع وماتحب الا نفسك انت حقيير وانسان واطي ماهمك شيء ماهمك اختك يــألـ...
ماحست الا بكف صحاها من الي تقوله
ابراهيم بحدة:لاتنسين ان للحين اقدر اطلقج وافضحج بس انا مو من هالنوع يـأ ريهام ا......
قطع حكي ابراهيم:شو مسوي ف البنت؟؟؟؟؟
**
*
*
*
*
*
وبس ..
من الي قطع حكي ابراهيم؟؟
ايش الي شاغل بال سجى ومضايقها؟؟
ايش نهاية راشد بالي شافها وبأسيل؟؟
وايش رايكم بالبارت؟؟

تحياتي ..
جنان حبك..//

لامارا · 05-06-16, 05:02 PM

مرحبــأ..
شخباركم ..!! عساكم مرتااحين ..
رديت لكـم ويـأ البارت ..
اتمنى ماطولت عليكم ..
قرـأءة ممتعه للجميع ..
___________
*
*
*
*
*
*
*
*
*
*
مرت الايـام ..
وريهام عايشة بـ
عذأأب ..
الم ..
حسرة ..
ندم ..
من يوم تزوجته مافكر فيها ولـا فكر يـأخذها لمكان ..
كانت مشتاقه لـأمهـأ ولسـجى .. وقررت تقوله تعودت ع حكيه الجارح ..
كان كاشخ وشكله بيطلع حست بقهر منه:ابراهيم ..
وقف وناظرها ببرود:نعم ..!
ريهام بتوتر وبعد تردد:ابي ازور امي ..!!
ابراهيم وكـأنه اهتم:وبتقولين لهـأ عن حملك ..!!
استغربت من اهتمامه وقالت بخوف:مادري ..
ابراهيم صرخ ف وجهها:وانتي كل شيء ماتدرين ..!!!!!
فضلت ريهام السكوت وسمعته يقول:بلغيها عن حملك .. واذا سألتك كم صار لك لأ تقولين لهـأ
هزت راسها بالموافقه وردت تسأله:انت بتاخذني ..؟؟
ناظرها ببرود وبنفس الوقت استهزاء:وليش في احد غيري ...
قطعت حكيه ريهام وقالت ..:لـأ مافي احد ممكن تقصر حسك لأن كفاية الي صار امس وكنا بنروح فيها ..
ابراهيم:كنتي انتي الي بتروحين فيها لأ تقولين احنا لأني ماغلطت في شيء وبعدين فاطمة تعرفك وتعرف [وناظرها من فوق لتحت]اخلاقك يعني مو ضروري اقولهـأ عن ..
قطعت حكيه ريهام بقهر:بروح اجهز ..
جهزت لها ملابس ..
ودخلت دورة المياه [اعزكم الله]
وخذت لها شاور يريح اعصابهـأ..
تلبست ع السريع ..
وترددت كثير اتحط شيء ع وجهها او لـأ..
في النهاية قررت انها ماتحط شيء وجهه مالها خلق هوشة ابراهيم ..
نزلت تحت وكان ابراهيم ينتظرها ف السيارة ..
احتارت وين تجلس في ..!!
ف النهاية اختارت تجلس ع السكند سيت ..
..
كان الصمت سيد الموقف ..
خطر ع بالها امها ..
لأ بشرتها عن حملها كيف راح يكون موقفها ..!!
اكيد بتطير من الفرح ..
وسجى ..
ماراح تنسى وقفتها معاها ..
كانت مثل الاخت واكثر ..
ربها عوووضها بـأخت الي ماجابتها امها ..
_____________
*
*
*
*
*
*
*
*
*
ابتعدت عن مكان الازعاج ..
اليوم عمي وعياله عندنا ..
وبيتمون لـ3 ايام عندنا ..
وانا تضايقت من ابوي طلب مني اخذ اجازة 3 ايام ..
وانا ماقدر ارفض له طلب ..
وطلبت اجازة من الاستاذ محمد ووافق ..!!
وياكثر اجازاتي ..
انقهرت لمـأ دخلت غرفتي وشفتها فووق تحت
شهقت:عنووووووووووود شو مسويه ف الغرفه
[[عنود:بنت عمي عمرها 18 سنه هبلة وحبوووبه]]
عنود وهي داخلة جوو مع الاغنية:انا تراني طيرك الي يحبك موت ...
اقتربت منها ورتبت الملابس .. وهي للحين عايشة الجو
صرخت:عنوووووووووووود
عنود:نعم نعم .......!!!!يعني لااازم تخربين جووووييي؟؟
انا:انتي شفتي شوو مسووويه؟؟؟
لفت عنود ع الغرفة بشكل مضحك:شفيها؟؟
انا:لا ابد مافيها شيء..
قهرتني عنود لمـأ حطت اغنية اكرههها وسفهتني ..
كنت بذبحها بس سمعنا صوت صرييخ ..
ركضنا انا وعنود والفضول ذابحنـأ..
لـأ هني عاد الطااامة الكبرى ..
لبنى تضرب عبود اخوو عنود والمسكين اكبر منها ...
صرخت عليها:لبنى ...!!
ردت علي:بتاخذين هالبزر عبود والا ..
انا قاطعتها:والله يالبنى لو سمعته يبكي او يشكي لعمي لـأوريك الويل ..
لبنى وكـأنها خافت:طيب قوليله يصير السواق..!!
ناظرت عنود وفطسنا ضحك ..
بس توقفت لمـأ تجمعت الدموع ف عيون عبود ..
اقتربت منه:خلاص انت راح تكون الملك ولبنى وعهود الخدم
[[عهود اخت عبود وعنود عمرها 10 سنوات وهاادئة بس لاصارت مع لبنى انقلبت]]
ابتسم عبود بأنتصار اما لبنى وعهود ناظروني بقهر ..
بجد حسيت نفسي صغيرة وضحكت بيني وبين نفسي وانا اتذكر ايام نلعب انا وريم وسجى ..
كان خالد مايرضى ع سجى بشيء ..
واذا شافها تبكي .. يبكي معها ..
ايــأم .. تمنيتها ترجع ..
بس قطع حبل افكاري عنود وهي تقول:تعالي ابيك تستشوريلي شعري ..
طلعنا للغرفه ..
وبديت استشور لعنود ..
طفشت عنود وسألتني:اخبار سجى ..!!
انا:تصدقين اخر مرة شفتها ف زواج اخت زوجها ريهام
عنود بحماس:طيب وش رايك نروح لهـأ..!!
انا:حلووو بس بالاول خلني اخلص لك الاستشوار ..
عنود:طيب استعجلي ..
انا:لحظة بتصل لها وبسألهـأ يمكن بتطلع ..
عنود:طيب ..
اتصلت لسجى ..
وقالتلي انها ف البيت وريهام بتروح لهم الحين ..
خلصت استشور لـعنود ..
وجهزنا وتلبسنا ..
وطلبنا من ابوي وعمي ياخذونها ..
وطبعا مارفضوا ..
وصلنـأ لسجى ونزلنــأ وكانت سجى بترحيبـنا ..
افتقد جوالي وطلعت اشوفه يمكن نسيته ف مكان لأني لما نزلت من السيارة كان ف ايدي ..
سمعت صوت لفتني
استوعبت انه صوت ريهام:ابراهيم اتركني ..
ابراهيم:مليت من وجههك وابيك تنزلين هالطفل .. وبطلقك ..
ريهام:الا ولدي يا ابراهيم انسى ..
ابراهيم:مو مستعد اعترف بطفل اشك انه مني
شهقت وخفت انه احد سمعني بس ارتحت لما سمعت ريهام شهقت معي بنفس الوقت
__________
*
*
*
*
*
*
*
*
رجعت لهم وانا افكر بحكي ابراهيم ..
معقولة تكون ريهام كذا ..!!
ليش لـأ دامها مادافعت عن نفسها ..
بس من متى هي حامل..!!
وليش ماابراهيم مايبي الطفل ..
قطع حبل افكاري سجى وهي تقول:وشخبار ريم وكيف الزواج وياها ..
ابتسمت:مررة مبسوطة .. الله يوفقها
سجى وعنود:امييين يارب ..
كانت سوالفنا وحكينـأ .. عادي ..
يعني ماصار شيء ..
شوي ودخلت ريهام سلمت علينا وكان واضح عليها التعب والحزن ..
جلست ومانطقت بأي كلمه ..
واصلا بالها مو ويانا خير شر ..
نزلت خالتي وسلمت ع بنتها سلام حار ..
بعدها سلمت علينا ورحبت فينا ..
كل الي كان شاغل بالي حكي ابراهيم ..
كنت احاول انساه بس مو قادرة ..
كان فيني فضول .. ودي اعرف معنى حكي ابراهيم ..!!
استأذنت منهم ..
وطلعت لدورة المياه ..
لفتها صوت سجى وهي تقول لريهام:شخبارك ويا ابراهيم ..
ريهام:تعبت ياسجى .. حكيه مثل السم ..
سجى:استحملي يا ريهام كلها شهور وبتتطلقين منه
ريهام:طلب مني انزل الجنين ..
شهقت سجى:ماعنده قلب
ريهام:ويشك فيني انه مو ولده ..
سجى:حسبي الله عليه من ظالم..
سكتت ريهام وكملت سجى ..
:ريهام انتي جبتيها لنفسك ولازم تتحملي النتيجه وامك لازم تدري بموضوع الحمل انتي كم صار لك ..؟؟
ريهام نزلت راسها:صار لي 5 شهور؟
انصدمت هي ماصار لها غير 3 شهور متززوجه وهي ف الشهر الـ5
معناته ابراهيم الي قاله صج ..
كسرت خاطري ريهام ..
صج انها غلطت بس هذا مو معناته ابراهيم يقول لها حكي زيي كذا ..
رجعت لعنود وام خالد
وشوي رجعت ريهام وبعدها سجى ..
كنت منصدمة ..
وطول الجلسة كنت اناظر ريهام ..
ومن تناظرني ابعد نظري عنها ..
ـــــــــــــــــــــ
*
*
*
*
*
*
*
وبس ..
رايكم بالبارت.,!!
شو ممكن تسوي اسيل من بعد الي عرفته؟؟
هل راح تنزل ريهام الطفل ام بتكمل؟؟
ومرام واحمد شو نهايتهم؟؟!!

جنان حبك ..

,’

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري