أيام من حياتي / للكاتبة غفران* ، مكتملة

[لامارا]

[/TABLE1]

	[TABLE1="width:95%;background-image:url('https://www.rewity.com/vb/mwaextraedit2/backgrounds/7.gif');border:10px double limegreen;"]	بسم الله الرحمن الرحيم الحمدلله والصلاة والسلام على رسول الله وعلى آله وصحبه أجمعين السلام عليكم ورحمة الله وبركاته نقدم لكم رواية (( أيام من حياتي )) * الغلا الكويتية وخالد السعودي * للكاتبة / غفران* قراءة ممتعة لكم جميعاً......

[لامارا]

قصتي الأولى (( أيام من حياتي ))
* الغلا الكويتية وخالد السعودي *
*************************************

الجزء الأول

يما .. يما .. يمااااااااا
الأم : هلا يما كاني هنيه بالصالة
(وقفة) الأم فاطمه (أم حمد) طيبة وحنونة وكريمة ، أرملة عندها :
(مريم * أم يوسف * عمرها 38 سنة عندها 3 أولاد وبنتين )
(حمد * أبو عبد العزيز* عمره 36 سنة عنده ولدين وبنت)
( نوره * أم فواز * عمرها 32 سنة عندها بنتين وولد)
( ساره * أم مشاري * عمرها 28 سنة عندها 3 أولاد)
(ناصر 22سنه عسكري حبوب ويموت على بطلة قصتنا الغلا لأنهم
توائم .
الغلا وهي تغني : صباح الحب والأحساس والطيبه
(وقفه) الغلا 22 سنة آخر سنه لها بالجامعه إدارة أعمال مملوحة
بيضه طولها لايق على جسمها الرشيق شعرها اسود ناعم وبخدودها
غمازتين تبارك الرحمن محلين وييها ، دمها خفيف عسل حبوبه تحب
الضحك والفرفشه ، انيقه بلبسها ، ما تحب الحشرات والزواحف
وخصوصا الزهيوي (الصرصور)
الأم : صباح النور عالحلوين
الغلا : يما بمر ميمي صديقتي وبروح معاها المجمع ناخذ غرض
وبعدين بنمر الجامعه عندنا شغله ضرورية حق الإمتحان
الأم : الله وياج يما حافظج الله بس قبل لا تطلعين تريقي
الغلا : باخذ نسكافيه معاي السيارة ... يلا باي ماماتي
الأم :بلا هالباي قولي مع السلامه
الغلا : مع السلامه فطومه هههههههههه
الأم بقلبها ( الله لا يحرمني من هالضحكة الله يوفقج يا بنيتي ويرزقج
بولد الحلال اللي يسعدج اللهم آمين )
الساعه 10 صباحا في احد المجمعات المشهورة بالكويت
مريم : شرايج أي لون آخذ
الغلا : ميمي شنو لون بدلتج ؟
مريم : أسود
الغلا : إخذي هاللون راح يطلع وايد حلو عنابي وفيه أسود
مريم تكلم البياع : لو سمحت هذا الطقم كامل ؟
البائع : أيوه مدام وكمان معو ساعه كتير حلوه
مريم : اوكي أشوفها ... واو شرايج غلا
الغلا : كتييييير حلوه ومهضومه
البائع في نفسه ( والله إنتي اللي كتير حلوه ومهضومه ياالله على
هالغمازتين)
مريم : هههههه اشفيج قلبتي
يلا خلصي ورانا مشوار الجامعه
دفعت مريم للطقم وطلعوا من المحل
مريم : غلا خلينا نقعد بالكوفي نشرب موكا تو الناس
الغلا : موكا وأنا مومتريقه
مريم : محد قالج لا اتريقين يايتني الساعه 9 مو متريقه !
الغلا : ما أحب آكل أول ما أقعد من النوم على طول
مريم : مشكلتج ، تعالي طلبيلج كرواسون مع الموكا
قعدوا بالكوفي وخذتهم السوالف ، الساعه 11 رن موبايل مريم
صالح زوج مريم : هلا حبيبتي وينج
مريم : هلا حياتي انا مع غلا بمجمع .........
صالح : انا خلصت شغلي شرايج أمرج إذا خالصه
مريم : إيه حبيبي خالصه تعال
صالح : يلا إذا وصلت أدق لج وطلعي
مريم : أوكي حبيبي باي
الغلا وفاتحه عيونها : اوويعاي ، شنو خالصه تعال ومنو هذا ؟
مريم : بعلي حبيبي صلوحي بيمرني الحين
الغلا : وبغلج ليش ما قلتيله ان ورانا جامعه ؟!
مريم : اوووه نسيت .. عفيه غلاتي عمري حبيبتي حياتي
الغلا : إكلي تبن بدينا باسلوب الطراره من سمعتي صوت
(وتقلد صوتها: صلوحي حبيبي) نسيتي عمرج مالت عليج إنتي
وياه روحي طسي
مريم : غلوي عفيه
الغلا : ....................
مريم : غلغل
الغلا مبتسمه : غلغل شنو بعد ؟!
مريم : ادلعج
الغلا : مانبي دلعج روحي الله وياج وسلمي على سطوحي
مريم : سطوحي بعينج هذا بو محمد الغالي
الغلا تضحك : الله يخليه لج وتولدين بالسلامه
مريم وهي تبوس الغلا على خدها : آمين وأشوفج عروس يا
الغلا يا أعز صديقه في حياتي .... يلا كاهو صالح دق باااي
الغلا : على قولة أمي بلا باي قولي مع السلامه
مريم : مع السلامه وأنطر منج ألو
طلعت الغلا من المجمع وشافت سياره مسكره على سيارتها
الغلا : أووووف منو هذا قليل الأدب اللي مسكر على سيارتي
يعني قلت الأماكن
الغلا تمت واقفه وتتلفت يمين وشمال وتطالع صوب باب المجمع
ونطرت لحد الساعه 12 ألا ربع وصاحب السيارة ما وصل
الغلا : خمس دقايق إن ما وصل لأفشش توايره
وفعلا فتحت الغلا برغي السيارة ونسمت على التاير لما فضته
من الهواء اللي فيه : الحين اشوف شلون بيروح فيها
دقت الغلا على سايقهم مؤمن اييها
الساعه 12.15 شافت اثنين يايين صوب السيارة وواحد يتكلم بالموبايل
خالد : شاهر انت وينك ؟
شاهر : بابا أنا ألهين يجي أنا روه همام (جذاب قاعد يسولف)
خالد : يلا بسرعه حر بره
الغلا وهي معصبه : زين والله انك تدري ان حر بره
خالد :؟!!
الغلا : شنو قلة هالأدب ؟ ماكو مكان تصفط سيارتك إلا ورا سيارتي
وتسكر عليَ
خالد : ما هو أنا اللي مسكر على سيارتك هذا السواق
الغلا : يوم انك شفت السايق وقف عند سيارتي ليش ما قلت له
روح دور لك على مصفط
خالد : حصل خير ما صار شي ليه هالأعصاب خلاص آسفين
الغلا : وانا وين أصرفها آسفين هاذي إن شاالله ، وكل هذا ما صار
شي ساعه واقفه بالشمس انطر وبعدين عطلتني عن شغلي
في هاللحظه يا شاهر يركض صوب السيارة : سوري مدام
الغلا بعصبية : سوري بعينك عمه بعينك انت مال كف على ويهك
انت ومعزبك
خالد : إختي احترمي نفسك وعن الغلط
الغلا : أولا انا ماني أختك وثانيا انا محترمه غصبن عليك
خالد عصب وتوه بيكلمها وقفه فهد ولد عمه
فهد : بس خالد .. إختي إحنا آسفين وحقك علينا
خالد يطالعها بنظرة ومعصب أول مره بنت تكلمه بهالأسلوب
وصل مؤمن ونزل فتح للغلا الباب ..
الغلا تفتح الدريشه وتكلم السايق شاهر : أقول نص ساعه وصلح
التاير خل معزبك يذوق الحر على اصوله وأحمد ربك تاير واحد
اللي مفشوش مو اربعه... يلا مؤمن حرك تأخرت
فهد شاف السيارة ولقى واحد من التواير مفشوش
خالد وعينه على سيارة سايق الغلا وبنفسه (وش هالحلا بس يالله
من لسانها )
فهد : خالد شوف الكفر ؟
خالد سرحان..............
فهد : معقوله هي اللي فرغته ! ماشالله ما أقواها
خالد :.............
فهد : أنا من أكلم ؟ هييييي أنت
خالد : ها ايش تبغى
فهد : وين سرحت ؟ وشلون راح نرجع هالحين ؟
خالد : ماهي مشكله ندق على ليموزين (تاكسي)
(وقفه) * خالد وفهد عيال عم من السعوديه اعمارهم 25 سنه
خالد مخلص جامعه إدارة أعمال ويشتغل بشركة ابوه وفهد دكتور
ومالج على نوف اخت خالد , يايين الكويت زيارة لقرايبهم *
الساعة 4.30 العصر
الغلا : السلام عليكم شلونج ميمي
مريم : وعليكم السلام هلا والله , ها شصار كلمتي الدكتور ؟
الغلا : أي دكتور الله يهداج لو رايحه معاج ابرك لي
مريم : ليش شصاير ؟!
الغلا قالت لمريم اللي صار لها مع خالد وفهد
مريم : هههههه والله قويه شلون فشيتي التاير
الغلا : هههههه توأم روحي حبيبي معلمني
مريم : خوش تعلوم !
الغلا : إييه حق هالمواقف اللي مثل هاذي
مريم : يعني ما رحتي الجامعه ؟
الغلا: امبلا رحت دقيت على السايق ووداني رحت واشوه لقيت
الدكتور معتذر، واااي حمدت ربي اعتذاره يا بوقته لأني داشه
الجامعه متنرفزه والسبه بو شماغ حمر
مريم تضحك : سميتيه بو شماغ حمر
الغلا تضحك : إيه بو شماغ حمر ماركة مسجله هههههههههه
الساعه 6 قبل المغرب بشوي
الغلا : مؤمن ورا صلاة المغرب نروح نييب سيارتي
مؤمن : انا مع منو روه ؟
الغلا : مع منو يعني انا وماما بنروح معاك بس انت ودنا عند
المجمع وروح
الساعه 7 وصلوا المجمع نزلت الغلا مع امها علشان يركبون السيارة
وبفتحتها للباب طاحت بإيدها ورقه صغيره فتحتها
(( احمدي ربك كفرين مفرغين ما هم بأربعه ))
استغربت الغلا من اللي مكتوب ما فهمت شنو القصد من الكلام
وتوها بتدخل السيارة ياها مؤمن : كلا شوف هازا تاير اتنين خراب
شهقت الغلا وفتحت عينها وبنفسها (ايا الحيوان يا التبن)
خذت الورقه وقرتها مرة ثانية ( مالت عليك كفر يعني تاير، اشوه
إني ما فششت توايرهم الأربعه جان الحين يمكن كسر سيارتي
يا عل راسه الكسر)
رجعت الغلا مع امها بسيارة السايق وقعد مؤمن يعابل بسيارتها .
وصلت الغلا وامها بيت خالتها أم وليد وبعد السلام وأخذ الأخبار
الغلا : شرايكم نطلع ضيقة خلق
سعاد : إيه والله جان زين . وين نروح ؟
طيبه حفيدة ام وليد : نروح الألعاب
الغلا : وانتي وين أمج ؟
طيبه : راحت مع بابا
الغلا : وأمج هاذي كله مع بابا ومخليتج عند يدتج
طيبه بكل براءه :إيه
ام وليد : انا ما اقدر اطلع عندنا أهل السعوديه وأكيد الحين يبون
عشا
الغلا : منو أهل السعوديه خالتي ؟
ام وليد : من عيال عموم بو وليد وعياله يايين لشغل
سعاد : يما دقي على أبوي سمعته اليوم يقول بيطلعون بالليل
دقت ام وليد على زوجها وقال لها انه راح يطلع مع ابو عيسى
السعودي والشباب راح يطلعون مع ولده علي
ام وليد : ابو وليد والعيال بيطلعون
الغلا : هييييا .. يلا تزهبوا
ام حمد : نروح يوم البحار
طيبه : ايه علشان العب بالدوارف
ام وليد : عسى بس تيينا نسمة هوا باردة .. يما سعاد دقي على اختج
وقوليلها طيبه بتنام عندنا
قبل لا يطلعون من البيت كانوا الشباب راكبين سيارة علي الهمر
وعلي واقف عند باب سيارته ويتكلم بالموبايل : وينك عطلتنا
الشباب بالسياره
ناصر : كاني قاعد اصفط ما تشوفني ؟
الغلا : هاي علاوي
علي : هلا والله اهلين شلونج
الغلا : بخير الحمد لله انت شلونك
علي : بخير الله يسلمج ..شاف خالته راح سلم عليها وحبها على راسها
ام حمد : شلونك يما وشلون الجامعه معاك ؟
علي : الحمد لله ماشي الحال
الغلا : الله يقطع بليسك خللت بالجامعه استح على ويهك اللي كبرك
الحين تخرجوا
علي : إحم ..إحم.. وبصوت واطي :بس فضحتيني الشباب بالسياره
يسمعونج
الغلا : أي شباب ما شوف الا شمغ
التفتت الغلا وشافت ناصر يسلم على خالتها
الغلا: هلا بالطش والرش وماي الورد بالقرش
ناصر مبتسم : هلا بروحي
طبعا الشباب اللي بالسياره سمعوا الغلا وهي تكلم علي وخاصة
اللي قاعد جدام (خالد!!!!!)
خالد يكلم ولد عمه فهد : فهد الحق مو هاذي اللي شفناها اليوم بالمول
فهد : إيه .. صدق صدفه عجيبه
الغلا : ناصر بتروح مع علي
ناصر : إيه
الغلا : يييييس .. يلا عطني السويج خلني أكشخ بالهمر
(ناصر وعلي ماخذين همر ناصر اسود وعلي ابيض)
ناصر ويعطي الغلا السويج : غالي والطلب رخيص
الغلا تكلم اللي معاها : يلا يا صبايا عالهمر الأسود
ركبوا السياره وحرك علي قبل الغلا ومشوا ورا بعض
الغلا تدق على علي (معلومه* علي اخو الغلا وناصر بالرضاعه
بس على اكبر منهم بتسع شهور)
الغلا : يا بو الهمر الأبيض افتح الطريج للهمر الأسود
علي : هههههه قلبي ويهج
الغلا : إنت قد هالكلمه ؟
علي : يا بنت عن الخبال
الغلا : خبال بعينك .. ، داست الغلا بانزين وطلعت على الحارة الثانيه
بعدين لفت وصارت جدام علي ولزمت بريك بالخفيف واضطر علي
يلزم بريك بعد ، الغلا تكلم علي : قدها وإلا مو قدها
علي : قدها بس فكينا من شرج
ام حمد : يما الغلا شوي شوي شلاحقج
خالد وفهد مستغربين من تصرف الغلا ومستغربين شلون ناصر
عطاها مفتاح السياره ، رن موبايل ناصر : هلا والله بروحي
الغلا : هلا بتوأم روحي
ناصر : لا هاذي مالتي .. ليش غيرتي النشيد
الغلا : ههههههههه هلا بقلبي وروحي وعقلي وكلي
ناصر : إيه شاطرة آمري تدللي
علي : بس لا تدلعها اكثر من جذيه بروحها صايره مليغه
الغلا سمعته : مليغه مرتك يا الجيكر
ناصر يضحك ويقول لعلي : شعليك صرت جيكر
علي : ما جيكر إلا انت واختك
الغلا : حبيبي قول حق عليوي يوقف علشان تاخذ سويج سياره
السايق ترد فيها وانا أرد بسيارتك
ناصر يكلم علي : علي دق فلشر وأوقف
علي : ليش
ناصر : باخذ سويج السياره من إختي
علي عاند شوي علشان يحرها يمشي ويوقف كذا مرة
الغلا تكلم خالتها : خالتي ولدج ينني مال الحين انتف حواجبه
ام وليد تضحك : لو مو متراضعين جان انتي الحين مرته

****************************************
بعد يومين الساعه 9 الصبح الغلا ومريم يتريقون في مطعم .....
بعد نص ساعه الغلا رايحه تاخذ حلو شافت علي
الغلا : اهلين شهالصدفه الموحلوة هههههههه
علي يضحك : مثل صدفتج
الغلا : ياي بروحك ؟
علي : لا معاي الشباب
الغلا : الشباب السعودي ؟
علي : ايه ... ، وانتي مع منو يايه ؟
الغلا : مع صديقتي مريم
علي فز قلبه يوم سمع بأسم مريم : شخبارها
الغلا : لا تسأل عنها خلاص الحين هي متزوجه وبعد جم شهر
بتصير أم ، الله يرزقك بأحسن منها
(علي كان يحب مريم بس هي ما تدري عنه ويوم قال لغلا انه
يحبها ويبي يتقدم لها ، وقال لغلا تكلمها وتشوف رايها ، وباليوم
اللي الغلا كانت بتكلم مريم عن علي دقت عليها مريم فرحانه
بخطوبتها على ولد عمها صالح ، علي تأثر وحزن كان وايد
يحبها وعاجبته بس عزاءه الوحيد ان هالحب كان من طرف
واحد ومريم ما تدري عنه )
الغلا : يلا باي عطلتك عن ربعك
بعد نص ساعه طلعوا البنات من المطعم شغلت الغلا سيارتها
وما اشتغلت
الغلا : واااااي شهالحظ .. الحين يوم فيني النوم سيارتي وقفت
مريم : بدق على صالح ايي ياخذنا
الغلا: لا انا ماني رايحه معاج استحي روحي بروحج اقول لعلي
اخوي يوصلني
راحت مريم مع زوجها والغلا دقت على السايق وكان طالع مودي
ام حمد السوق تشتري اغراض ، دقت الغلا على علي
الغلا : هلا علي خلصت أكل
علي : ليش ؟ لا يكون ما عندج فلوس وتبيني ادفع لج
الغلا : عليوي مو وقتك تعال سيارتي ما تشتغل
علي : وصديقتج وينها ؟
الغلا : راحت مع ريلها
علي : انزين شوي وننزل
الغلا استحت لأنه معاه الشباب : علي عادي متى ما خلصت
دق على موبايلي
راحت غلا تتمشى بالسوق اللي تحت المطعم شافت دلاقات
واخذتهم لأخوها ناصر، دق عليها علي : وينج ؟!
الغلا : تحت اشتري لناصر دلاقات
علي : صج متفرغه يلا تعالي
الغلا : لحظه علي خل الشباب يركبون اول استحي
علي : اوكي يلا طلعي
مشت الغلا وركبت السياره جدام وبصوت واطي : السلام عليكم
علي والشباب : وعليكم السلام
علي شاف سياره الغلا : يبيلها بطارية ، شوي وادق على ونش
يسحبها
رن موبايل علي : لو طارين مليون .. هلا والله باللي اخته غاثتنا
درت الغلا انه يكلم ناصر وضربته بكوعها
ناصر : هلا فيك ليش اختي غاثتك
علي : ياأ خي ناشبه ابلاعيمي كل ما اروح القاها جدامي ومعطلتني
علشان تشتريلك دلاقات
سحبت الغلا الموبايل من علي وكلمت اخوها : هلا ناصر وينك ؟
ناصر : بالدوام ، اشفيج مع علي
الغلا : ما فيني شي اختربت سيارتي وقاعد يتمنن ما يدري انه
سيارته تباركت يوم ركبتها
علي سحب موبايله : قلبي ويهج *ويكلم ناصر*: ها موعدنا اليوم ؟
ناصر : إيه الشباب معاك ؟
علي : إيه معاي الحين بالسياره
ناصر مستغرب : شلون معاك ! والغلا راكبه معاكم
علي : إيه اشفيك ؟
ناصر : شنو اشفيني عيب علي هذيله عيب عندهم هالشي الله يهداك
علي : يعني اخليها بالشارع بروحها
درى خالد ان ناصر متضايق لأن اخته معاهم بالسياره
طول الطريج والهدوء يعم السياره إلا برنة موبايل الغلا : هلا يما
أم حمد : ها يما وينج
الغلا ونست نفسها وان فيه شباب بالسياره : شفت واحد وركبت معاه
ام حمد وتعرف قشمرة بنتها : ومنو هالواحد
الغلا وتلتفت لعلي : تقول أمي شسمك ؟
علي ويساير خبال الغلا : قوليلها عماد
الغلا : يما انا مع عماد حمدي هههه
خالد فرحان ان قاعد يسمع صوتها ( صوتها حلو ودمها خفيف)
ام حمد : هههههه وي يعني مو مع رشدي اباظه ، قوليله دير بالك
على فاتن حمامه
الغلا :هههههههههه علي تقول لك أمي دير بالك على فاتن حمامه
علي يكلم خالته : هلا والله بماري منيب
ام حمد تضحك : حرام عليك على الأقل قلت ميمي شكيب أرز
علي يضحك : تخسى عندج بنت شكيب
خالد وفهد مبتسمين على خبالهم
الغلا : يما بروح عند إديده ولحد يدق علي من امس مو نايمه مواصله
ام حمد : خواتج ورياييلهم بيتغدون اليوم عندنا
الغلا : أدري يما مالي خلق أزعاج مصدعه واللي يمي بعد زاد
صداع راسي بنام عند إديده وأييكم باجر
علي وصل عند بيت يده وشاف يده توه نازل مع السايق ، الغلا
شافته ونزلت تركض ومسكت ادينه ولمته وباسته على خده حيييل
الغلا : هلا والله بالمزيون شلونك ممكن نتعرف
ضحك اليد ومسك ايدها : هلا بالغلا كله
نزل علي يسلم على يده ونزلوا خالد وفهد والغلا دخلت داخل البيت

شرايكم اعزائي القراء بهالجزء
بانتظار ردودكم .. دمتم بخير ( اختكم غفران*)

[لامارا]

(( الجزء الثاني ))

( أيام من حياتي )


بعد مرور شهر، ام حمد تقعد بنتها من النوم : يما الغلا قومي
الغلا وفيها النوم : شنو يما .. خليني بنام ما شبعت نوم
ام حمد : قومي بنروح بيت يدج
الغلا مخترعه : اشفيه العود؟ يما تو الناس الساعه 7 الصبح
ام حمد وصوتها متغير : قومي غيري ولي خلصتي نزلي انطرج
الغلا : يما شصاير .. العود فيه شي ؟ يما انتي تبجين ؟!
ام حمد : لا يما العود ما فيه إلا العافية الضغط مرتفع عليه شوي
الغلا قامت مخترعه : اسم الله عليه .. كاني يما دقايق واييج
ام حمد بنفسها ( يالله سترك انا لله وانا اليه راجعون , انا قلت لها
الضغط مرتفع عليه لو تدري إن الله أخذ أمانته شبتسوي )
الغلا : يلا يما خلصت ( لا يكون العود بالمستشفى وموقايليلي )
وصلوا بيت اليد واول ما دخلت الغلا شافت يدتها تبجي
الغلا : اديده اشفيج ليش تبجين شصاير !
اليده شافت الغلا لمتها ومسحت على راسها ، الغلا التفتت وشافت
خالاتها وبناتهم عيونهم مدمعه
الغلا : شفيكم العود ما فيه شي الضغط مرتفع عليه شوي
الخاله موزه * ام وليد* : ادعيله يما بالرحمه ، يدج توفى
الغلا قامت وراحت صوب امها : يما العود ما فيه شي صح
مو قلتيلي انه بخير.. وبصوت عالي يما ردي علي يماااااا
ام حمد : الله يرحمه ويغمد روحه الجنه ادعيله يما بالرحمه
الغلا فاتحه عيونها : العود راح .. العود مات وطاحت مغمى عليها
الساعه 10.30 بالمستشفى
ناصر : الحمد لله على سلامتج
الغلا : إهيء إهيء ناصر العود راح
ناصر : الله يرحمه .. هدي بالج ما يصير تسوين جذيه هذا يومه
وهو ينطر منج الدعاء مو الدموع
الغلا وهي تبجي : ودني عند اديده
ناصر : يلا انا انطرج بس توعين من الأبره اللي خذتيها
الغلا شهقت وتمسح دموعها : انا عطوني ابره ! ليش ؟
ناصر : اغمى عليج ويوم صحيتي كنتي منهاره عطوج ابره مهديء
الغلا : والله لو انا بوعيي ما خليتهم يقزوني
ناصر: تعلميني ، ادري فيج انتي والأبر اعداء
يلا تقدرين تمشين والا اشيلج
الغلا : لا شدعوه اقدر امشي الحمد لله
بالسياره ، ناصر : شلونج الحين احسن
الغلا : الحمد لله
ناصر : اديده تحاتيج كل شوي تقول دقوا سألوا عن الغلا
الغلا ودموعها تنزل : بعد عمري اديده الله يطول بعمرها ويخليها لنا
ويصبرها على فراق العود ، الله يرحمه ويغفر له ياعل مثواه الجنه
ناصر : اللهم آمين
دخلت الغلا البيت وراحت تركض ودفنت راسها بحضن يدتها وهي
تصيح : الله يخليج لي اديده ولا يحرمني منج يا الغاليه
اليده وتمسح دموعها : ويخليج لنا يما ، شلونج الحين طيبة ؟
الغلا : طيبة وانا بحضنج اديده الله لا يحرمني منج
باليوم الثالث من العزا، حضروا أهل السعوديه ابو عيسى وامه
وزوجته وولده عيسى وزوجته وبنات ابو عيسى نوره ودلال
ونوف وخالد وفهد وابوه
دخلوا الحريم وعزوا اليده وبناتها
الجده فاطمه : وشلونك يا ام راشد عساكي طيبة
اليده : الحمد لله الله يسلمج بخير وعافية
الجده فاطمه : الله يرحم ابيكم ويجعل مثواه الجنه
اليده : آمين وموتاكم وموتى المسلمين
الجده فاطمه تكلم ام وليد : انتي موزه والا فاطمه
ام وليد : انا موزه يا خاله
الجده فاطمه : واختك هاذي اللي جنبك ؟
ام حمد : ايه نعم يا خاله انا فاطمه
الجده فاطمه : وشلونكم عساكم طيبين ، عظم الله اجركم يمي
ام حمد وام وليد : اجرنا واجرك جزاك الله خير
نوف تكلم نفسها ( يا الله انا الحين وشلون بعرف غلا اللي قال
لي عنها خالد ، الغرفه مليانه .. يا رب ساعدني )
ام حمد تكلم الغلا : قومي يما وزعي ماي
قامت الغلا توزع ماي ووصلت عند نوف ومدت لها الماي : تفضلي
طالعتها نوف وابتسمت : شكرا
ردت لها الغلا الابتسامه وقالت لها بالعافيه , وصلت عند دلال اخت
نوف ومدت لها الماي وشافت بحضنها ولد صغير نايم
الغلا : اسم الله عليه ما شاالله جميل
دلال : تسلمي حبيبتي عيونك الحلوه
الغلا : ولدج ؟
دلال : إيه عمر
الغلا : اسم الله عليه كم عمره ؟
دلال : 6 شهور
الغلا : العمر كله ان شاالله .. هاتي اوديه الغرفه ينام عالسرير
دلال : مشكوره يا قلبي اخاف يصحى وما يلقاني ويبكي
الغلا : اخلي وحده من الخدامات تقعد عنده
ام حمد تنادي : الغلا
الغلا التفتت : نعم يما
ام حمد : عطيني ماي لخالتج ام عيسى
نوف بنفسها ( هاذي الغلا ما شاالله والله يا خالد عرفت تختار )
الغلا : ان شاالله يما
الغلا : اتفضلي معاي ام عمر نودي عمر الغرفه
نوف : لا تقولين ام عمر احسها كبيره ، قولي لها دلال
الغلا مبتسمه : عاشت الأسامي
نوف : وانا نوف
الغلا : هلا فيكم حياكم الله
راحت الغلا عطت ام عيسى ماي ومدت ماي للجده فاطمه
الجده فاطمه طالعت الغلا وابتسمت : ما شاالله من انتي يمي
الغلا : انا الغلا ال..... بنت فاطمه ال......
الجده فاطمه : والله والنعم فيكي وفي أمك
الغلا : الله ينعم بحالج يما
ابتسمت الجده على رد الغلا
راحت الغلا نومت عمر على السرير ووصت الخدامه عليه
دخلت عند الحريم وراحت صوب يدتها
الغلا : اديده تبين شي
اليده : وين خالتج منيره ؟
الغلا : قاعده مع الحريم ، آمري اديده
اليده : روحي ناديها
الغلا : ان شاالله
الغلا قاعده يم اختها ساره (ام مشاري) ويم ساره قاعده دلال
تسولف معاها ، يات نوف وقعدت يم الغلا
نوف : تدرسين غلا
الغلا : إيه هذا آخر كورس لي بالجامعه ان شالله شهرين واتخرج
نوف : حتى انا هاذي آخر سنه لي بس باقي لي 5 شهور لأني
متأخره بماده
الغلا : شنو تخصصج ؟
نوف : علم نفس . وانتي ؟
الغلا : ادارة اعمال
نوف : موفقه ان شاالله ، والله انا حبيتك ودخلتي قلبي
الغلا : مشكوره تسلمين حتى انا والله
نوف : اتصدقي لسه عارفه ان عندنا اهل بالكويت
الغلا : حتى انا توني ادري ان عندنا اهل بالسعوديه , حياكم الله
نوف : الله يحييك يا قلبي ، وشرايك نتبادل ارقام تليفوناتنا
الغلا : هاذي الساعه المباركه يلا سجلي ......9
نوف : يلا سجلي رقمي .......5
عند الرياييل بالعزا .. خالد قاعد يم فهد ويمهم علي وناصر ووليد
وحمد وعياله وبالعزا تعرف خالد على حمد

انتهى الجزء الثاني
بانتظار ردودكم
دمتم بخير ( اختكم غفران* )

[لامارا]

(( الجزء الثالث ))

بعد 3 أسابيع من وفاة اليد ، الغلا بالجامعه قاعده مع صديقتها
مريم وأميره رن موبايلها
الغلا : شهالرقم ! جنه مكالمه مو من الكويت
مريم : ردي شالمشكله
الغلا : الو
نوف : السلام عليكم ( طبعا حاطه سبيكر لأن خالد يمها )
الغلا : وعليكم السلام والرحمه ، منو معاي ؟
نوف : معك نوف
الغلا وهي تتذكر (نوف ..نوف.. ما عندي صديقه بهالإسم
نوف : ما عرفتيني
الغلا تذكرت : اووووه نوف السعوديه
نوف : هههههههه إيه نوف السعوديه كيفك ان شاالله بخير
الغلا : الحمد لله بخير الله يسلمج وانتي شلونج وشلون دلال
وولدها والأهل كلهم ان شاالله طيبين
نوف : كلنا بخير الله يسلمك .. ان شاالله ما أكون عطلتك
الغلا : لا انا عندي بريك الحين وقاعده مع صديقتي
نوف : انتي بالجامعه ؟
الغلا : إيه . وانتي ؟
نوف : لا انا بالبيت ما عندي محاضرات
الغلا : يلا شدي حيلج علشان تخلصين موادج بسرعه
نوف : الله كريم . وانتي متى امتحاناتك ؟
الغلا : باقي شهر الله يعيني
نوف : الله يوفقك يارب ويسهل لك امتحاناتك
الغلا : آمين إيه والله ادعيلي مع الظروف اللي مريت فيها
احس اني ما درست عدل
مريم بصوت عالي : ما عليج منها تراها ماكله الكتاب أكل
نوف تضحك : من ذي ؟
الغلا : ههههههه كلاج ريلج قولي آمين .. ما عليج منها نوف
تجذب عليج .. هاذي صديقتي ميمي
نوف : اسمها ميمي !
الغلا : هههه لا اسمها مريم بس انا اناديها ميمي
نوف : يلا حبيبتي اسفه اذا عطلتك ، خلينا نسمع صوتك
الغلا : ان شاالله وسلميلي على الأهل وبوسي لي عمر
خالد ( ما فيه بوسي لي خالد )
نوف : الله يسلمك يوصل ان شاالله مع السلامه
نوف تكلم خالد : ها ارتحت يوم سمعت صوتها
خالد سرحان
نوف تلوح بايدها وبصوت عالي : هيه هيه يا بو الشباب
خالد : ها وش له هالصراخ
نوف : اناديك ما ترد عليَ , شو سرحت بصوت الغلا
خالد مبتسم : مالك دخل
نوف : هالحين مالي دخل ، شوف من يكلمها قدامك مره ثانيه
خالد طلع وهو مبتسم
نوف : والله انها ماخذه عقلك يا خوي
استمرت الإتصالات بين نوف والغلا , ارتاحوا الثنتين لبعض
وعرفت الغلا ان نوف مالجه على ولد عمها فهد
الغلا : من قدج الحين اناديج حرم الدكتور
نوف تضحك : لا وش دعوه ,, وانتي متى نناديكي حرم فلان
الغلا : ههههههه حرم سعادة الوزير
نوف : هههههههه وزير مره وحده يا كبرها
الغلا : اضحك معاج تذكرت المسرحيه
نوف : متى حفل تخرجك ؟
الغلا : بعد اسبوع , حياج تعالي
نوف : تسلمين ودي والله بس ما اقدر
الغلا : شالمانع ؟
نوف : الأسبوع الجاي اختباراتي
الغلا : الله يوفقج ويسهل امورج
نوف : آمين ، ما اوصيكي ترسلي لي صورتك ابغى اشوفك
الغلا : ولا يهمج جم نوف عندنا.. بعطيج اميلي وسوي لي
اضافه وانتي عطيني اميلج .

يوم التخرج ( : الفرحه بعيون ام حمد واليده وكل العايله
ام حمد دمعت عينها يوم شافت الغلا بروب التخرج والكبوس
اللي مزينه لها ناصر بالورد , ومسوي لها طوق كبير من
الورد الطبيعي لتوأم روحه مثل ما يسميها .
نادوا اسمها وصعدت على المنصه واستلمت الشهاده من
عميد الكلية والأساتذه اللي معاه كلهم باركوا لها لتفوقها
وحضورها المميز بالندوات اللي تصير بالجامعه.
التقطت لها جم صورة هي وصديقاتها المقربين وطبعا
اولهم ميمي واميره وصورت مع امها واخوانها وخواتها .
الغلا مسوية برنامج لحفل تخرجهم هي وصديقاتها , اجرت
سيارة ليموزين وشرطت لون أسود
الغلا : يلا صبايا اليوم يومنا خلونا نستانس..الى الليموزين
كل البنات ضحكوا والفرحه تشع من عيونهم
ساق فيهم السايق بشوارع الكويت وناصر واخته ساره
بسيارتهم ماشين وراهم وساره ماسكه كاميرا فيديو وتصور
ناصر : دلوعتنا خلصت الجامعه
ساره : ايه الله يوفقها
فتحوا البنات الدرايش وكل وحده طلعت ايدها وهي ماسكه
كبوسها وتلوح فيه بالهوا فرحانين وناصر وراهم يضحك
ويدق لهم هرن وساره تصورهم .
راحوا البنات محل تصوير.. كل بنت صورت لها جم لقطه
بعدين صوروا كلهم صوره جماعيه , طلعوا من محل التصوير
وراحوا مطعم ........ ونزلوا بلبس التخرج (:
الساعه 3 قبل آذان العصر
ام حمد : الو هلا يما الغلا وينج
الغلا: هلا يما انا مع البنات في مطعم ..... قاعدين نتغدا
ام حمد : متى بتردين ؟
الغلا بدلعها الطبيعي : يما تو الناس اليوم انسيني بعيش
يومي وبفرح بتخرجي , بعد يما ورانا سينما لا تحاتين
بارجع مع ميمي
ام حمد : وميمي هاده ريلها ورايحه معاكم !
الغلا : إيه ريلها ديمقراطي قال لها روحي استانسي مع
صديقاتج وبالليل عازمها عالعشا
ام حمد : الله يحفظكم يما وديري بالج على نفسج
الغلا : ان شاالله لا توصين حريص بنتج سبع هههههه
الغلا : يلا بنات نصلي العصر ونروح السينما ودي
بفيلم هندي
ميمي : فيلم هندي واحنا فرحانين , ما نبي نبجي
روان : إيه والله صاجه , نروح فيلم اجنبي
اميره : لا ، نروح فيلم عربي
الغلا : منيره اشفيج ساكته
منيره : كل لغات الأفلام قلتوها .. ما بقى الا نروح فيلم كويتي
الغلا : هههههههه ماكو الا بس يا بحر
البنات كلهم بصوت واحد : اوه يا مال اوووه يا مال..هييييه
وضحكوا , كانوا فرحانين والبسمه ما فارقت شفاهم
راحوا فيلم عربي كوميدي وطلعوا ميتين من الضحك .
على الساعه 7 بالليل كل وحده دقت على اهلها , ميمي راحت
مع زوجها والغلا مرها ناصر اخوها
ناصر : وين تبين تروحين ؟
الغلا : عند اديده يومين ما شفتها ولهانه عليها وبنام عندها
تعبت من الفراره
ناصر : محد قالج مابقى مكان ما رحتوه
الغلا : نصوري حرام عليك ما تبيلي الوناسه
ناصر مبتسم : لا من قال , انا اصلا فرحان اكثر منج
الغلا : بعد عمري اخوي حبيبي الله لا يحرمني منك يا الغالي
وصلت بيت يدتها وراحت لمت يدتها وتبوس فيها
اليده : هلا والله بنور عيوني
الغلا : هلا فيج اديده شلونج
اليده: بخير يوم اني شفتج بهاللبس الحلو, الله يا زين هالورد
ناصر : احم..احم..الورد انا يايبه.. قوه اديده . ويحبها على راسها
اليده : الله يقويك يما شلونك ناصر
ناصر : الحمد لله اديده ..ترى اغار اشمعنى الغلا نور عيونج
وانا لأ
اليده : حتى انت نور عيوني انت وياها غلاتكم وحده
دخلت الخاله منيره وسلمت : هلا والله بالخريجه
الغلا وهي تسلم وتبوس خالتها : هلا خالتي
ناصر : شلونج خالتي عساج بخير
الخاله : الحمد لله الله يسلمك وانت شلونك وشلون الدوام
ناصر : الحمد لله والدوام تعب ما فيه راحة
( ناصر ضابط بالجيش )
الخاله : الله يوفقك ويسهل امورك ويرزقك ابنت الحلال
اليده : آمين هو واخته بيوم واحد
الغلا : لا اديده ما ابي انا وياه بيوم واحد , جذيه ما اقدر
ارقص بعرسه هههههههههه
ناصر : ايه صح محد بيشيل عرسي غير توأم روحي
الخاله : الله يخليكم لبعض
ناصر : يلا انا استأذن , فمان الله
اليده : وين يا بوك اقعد تعشى
ناصر : لا اديده وين عشا الحين تو الناس الساعه ما صارت 8
اليده : اقعد معانا ولا صاروقت العشا تعشى وتسهل
الغلا : ايه والله نصوري اقعد
ناصر : نقعد ما نبي نزعل الغاليين , ويلتفت على خالته :
وينه طلول ناديه نلعب بلاي استيشن
الغلا : انا بروح اسبح واصلي واييكم
الساعه 10 بالليل الغلا نامت من التعب وحاطه موبايلها يمها
ونست تخليه سايلنت , رن موبايلها وما سمعته , رن مره
ثانيه والغلا وهي مغمضه تمد ايدها وتاخذ الموبايل : اممممم
نوف (طبعا حاطه سبيكر خالد يمها) : الو
الغلا وهي مغمضه عيونها وبصوت نايم : نعم
نوف : الغلا
الغلا يا بإذنها صوت اختها ساره : ساره انا نايمه اذا قعدت
ادق عليج
نوف : آسفه يا قلبي ازعجتك , اخليكي تكملي نومك
الغلا : نوف
نوف : ايوه
الغلا :سوري حسبالي اختي هلا والله بنوف السعوديه
نوف : ههههههه هلا فيكي , نايمه الحين الساعه 10
الغلا : اليوم من الصبح الى اساعه 7 بالليل وانا بره هلكانه
من التعب يدتي غصبتني على العشا تعشيت ونمت
نوف : اوكي يا قلبي لي صحيتي كلميني , مع السلامه
الغلا : الله يسلمج
خالد : ليه ما سألتيها عن صورتها
نوف : خالد البنت نايمه وتعبانه كيف اقولها ارسلي صورتك !
خالد : امرنا لله ننتظر الى بكره ونشوف
نوف : خالد انت ليه مهتم بغلا كذا ناوي تخطبها
خالد : اخطبها ؟!
نوف : ليه لآ , أجل ليه كل هالإهتمام بالبنت ؟
خالد يكلم نفسه ( والله جبتيها يا نوف اخطبها واكسر راسها)
خالد : والله هي البنت عاجبتني من اول ما شفتها بس يمكن ما
ترضى بي
نوف : وليه ما ترضى بك ما شاالله حلو وجامعي وولد عايله
والله مرهي عليك وشغلك مع الوالد ماشي والحمد لله , وبعدين
هي ما هي بغريبه تعتبرمن الأهل والقرايب عيال العموم
خالد : والله يا نوف انتي هالحين دخلتي الفكره براسي..
بس تعالي يمكن البنت مخطوبة
نوف : لا ما هي مخطوبه انا سألتها قالت لأ ..ها وش قلت ؟
خالد : افكر واقول لك
نوف : خالد ابغي اوصل لغلا هديه وهي نايمه عند جدتها
وانا ما اعرف العنوان
خالد : العنوان عندي انا كاتبه يوم صار عندهم عزا جدهم
عطيني الهديه وانا اوصلها باسمك
نوف : الله يخليك لي
خالد : وش جايبه لها ؟
نوف : ساعه ديور مع عطورات
خالد : حلو يلا اخلصي علشان اوديها
الساعه 9 الصبح دخلت الغلا وشافت يدتها قاعده تسمع
اذاعة القرآن
الغلا : صباح الخير عالحلوين (وتحب راسها) شلونج اديده
اليده : صبحج الله بالنور والسرور ..كيف اصبحتي يما
الغلا : بخير وعافيه الحمد لله
اليده : يلا يما قولي لكوماري تجيب لج ريوق
الغلا : لا اديده ما اشتهي بس ابي نسكافيه
اليده : وشنو هذا الاسكانيه
الغلا : هههههههه نسكافيه اديده قهوه
اليده : تشربين قهوه وانتي موماكله شي موزين يما
الغلا : اديده ما اشتهي آكل اذا يعت اكلت
اليده : عمري ما شفتج جوعانه كله مالج نفس تاكلين
الغلا : لا اديده شوفيني صايره بطه زايده كيلوين
اليده : قولي ناقصه مو زايده
قعدت الغلا تسولف مع يدتها اللي غصبتها على الأكل
الغلا : بس اديده بارجع عند امي اذا قعدت عندج بصير فيله
ضحكت اليده .. فرحانه وهي تشوف الغلا عندها وتاكل معاها

في السعوديه * الساعه 4.30 العصر رن موبايل نوف وكان خالد توه نازل
بيروح النادي , شافت نوف الرقم ابتسمت وصعدت فوق
دارها .. خالد ركض وراها : من ؟ الغلا
نوف : خالد بس والله اللي نسويه مايجوز لو تدري البنت
راح تزعل عليَ
خالد: ليه تزعل هاذي زوجة المستقبل
نوف : قول قسم
خالد : قولي ان شاالله ترضى بي
نوف وتحط سبيكر : هلا والله بأهل الكويت
الغلا تضحك : هلا فيج يا قلبي شلونج
نوف : بخير بسماع هالصوت الحلو
الغلا : تسلمين , مشكوره نوف على الهديه ليش كلفتي على
عمرج كلمة مبروك كفايه
نوف : لا والله سامحيني على القصور يا قلبي لزوم انا اجي
اجيبها بنفسي
الغلا : ما قصرتي حبيبتي .. نوف اللاب توب يمج ؟
نوف : إيه , ليه ؟
الغلا : بدزلج صورتي وانا بلبس التخرج ومقاطع فيديو
بس لي انا طبعا صديقاتي لأ
سكروا الموبايل وتكلموا بالماسن
الغلا : يلا استقبلي
نوف استقبلت الصوره ما شاالله شهالجمال
نوف وهي ترسل : ما شاالله كلمه حلوه قليله
خالد : ايه والله كلمه حلوه قليله , نوف شوفي قمازاتها
الغلا : تسلمين عيونج الحلوه , يلا الحين استقبلي مقاطع الفيديو
* المقطع الأول مبين الغلا وهي تستلم شهادتها من العميد
* المقطع الثاني الغلا بسياره الليموزين ومطلعه ايدها وتلوح
بالكبوس
* المقطع الثالث ميمي تقول لغلا شنو شعورج اليوم
الغلا وهي تغني : طاير من الفرحه طاير قلبي على نار ناطر
ثاير من الشوق ثاير وحشتني اديده هههههههههه
خالد : ما شاالله كامله والكامل وجهه سبحانه حتى صوتها حلو
نوف : ما شاالله صوتك حلو
الغلا : مشكوره عمري مدحتيني وايد اليوم بعدين أغتر
نوف : أغتري عمري يحق لك
الغلا : لا أعوذ بالله الله يبعدنا عن الغرور , شرايج بمقاطع الفيديو
نوف : كلها حلوه بس وين كنتي وانتي تغني (سؤال خالد طبعا)
الغلا : في مطعم .........في الكابينه
خالد : اسأليها وش رايها اذا تقدمت لها ؟
نوف : اصبر خالد مو ها لحين
الغلا : نوف بفصل يوني عيال خالتي
نوف : اوكي مع السلامه
انتهى الجزء الثالث. بانتظار ردودكم ودمتم بخير (اختكم غفران*)

[لامارا]

(( الجزء الرابع)) (ايام من حياتي)

بعد شهرين
الغلا ونوف على الماسنجر
حبيبة اخوها : السلام على الحلوين
حبيبة ابوها : هلاااااا والله وعليكم السلام
حبيبة اخوها : هلا بحبيبة ابوها وحبيبتي
حبيبة ابوها : من قدي زادوا حبايبي
حبيبة اخوها : لا تنسين فهد ويانا
حبيبة ابوها : هههههههه فهد بالقلب ما ينسي
خالد اللي طبعا قاعد يم نوف : استحي يا بنت انا جنبك
نوف : محد قالك اقعد جنبي
خالد : يلا نوف اسأليها
حبيبة ابوها : الغلا محد خطبك ؟
حبيبة اخوها : اووووه شكثر وآخرهم من اسبوعين
خالد وهو فاتح عيونه : قوليلها وافقت عليه
حبيبة ابوها : من خطبك ؟ نقول مبروك ؟
حبيبة اخوها : خطبني اخو ميمي صديقتي وطبعا ما وافقت
خالد تنهد براحه , حبيبة ابوها : ليه ؟
حبيبة اخوها : لأن متزوج من قبل وعنده ولد وانفصل عن مرته
ومرته انا قاعده ومسولفه معاها مو حلوه آخذ ريلها .. وبعدين انا
مابي واحد مستعمل (:
حبيبة ابوها : وش قصدك واحد مستعمل !؟
حبيبة اخوها : هههههههه يعني متزوج من قبل
حبيبة ابوها : انا لك عندي زوج ما هو مستعمل على قولك ، وشرايك
حبيبة اخوها : هههههههه صرتي خطابه
حبيبة اخوها : إيه اخطب لأخواني بس
حبيبة اخوها : ؟!
حبيبة ابوها : ايش فيكي ..استحيتي
حبيبة اخوها : انتي من صجج تخطبيني لأخوج !
حبيبة ابوها : ليه ما هو قد المقام
حبيبة اخوها : لا العفو بس عمري ما فكرت آخذ واحد سعودي
حبيبة ابوها : يا حلو السعوديه وشبابها
حبيبة اخوها : ويا حلو الكويت وشبابها
حبيبة ابوها : الغلا حنا موبغرب عنكم وانتوا اهل والسعوديه
والكويت واحد
حبيبة اخوها :نوف انتي تتكلمين من صجج ؟؟!!
حبيبة ابوها : إيه اتكلم صدق واتمنى تصيري زوجة اخوي
حبيبة اخوها : ومنو اخوج هذا ؟
خالد اخذ اللاب من نوف وكتب :
خالد عبد الله ال..... 25 سنه جامعي تخصص ادارة اعمال من
امريكا اسمراني مملوح يشتغل بالشركه مع ابوي سيارته مرسيدس
سوده وعطره المفضل سان لوران
حبيبة اخوها : بس .. بس ما بقى غير تقولين مقاس جوتيه
خالد يكتب : ولا يهمك , مقاسه 44
حبيبة اخوها : نوف اشفيج !! بس عاد
حبيبة ابوها : ها وش قلتي ؟
حبيبة اخوها : نوف حبيبتي هاذي امورما نقررها احنا بهاللحظة
هذا زواج مو لعب عيال
خالد يكلم نوف : الله يكملها بعقلها
حبيبة ابوها : ادري حبيبتي بس انا اجس النبض اذا تتقبلي او لا
حبيبة اخوها : والله نوف هذا الموضوع يبيله تفكير ووقت طويل
حبيبة ابوها : وش قد يعني , اسبوع ؟
حبيبة اخوها : يحليلج شنو اسبوع قولي سنه
حبيبة ابوها وحاطه فيس فاتح عيونه : سنه!!! بهالسنه ولدك بحضنك
حبيبة اخوها : بعد خليتي عندي ولد هههههه الله كريم
حبيبة ابوها : الغلا اكلمك جد انا فكري بالموضوع
حبيبة اخوها : ان شاالله
بعد شهر من محادثة الغلا ونوف
ام حمد : يا هلا حي الله من يانا
الجده فاطمه : الله يحييك يمي وشلونك فاطمه عساكي طيبه
ام حمد : بخير الله يسلمج وانتي شلونج وشلون صحتج
الجده : بخير بشوفتكم
بعد ما سلمت ام حمد على الكل , الجده وام عيسى ونوره ونوف
في بيت ام حمد بالديوانيه قاعد حمد وناصر وابو وليد وعلي
وابو عيسى وعيسى وخالد وفهد , وطبعا اللي ما تعرفه الغلا
انهم يايين يخطبونها
ابو عيسى : ها وش قلت يا بو وليد ؟
ابو وليد وهو يطالع حمد : والله يا بو عيسى هاذي الساعه المباركه
وانت فاجأتنا واخوانها قاعدين يسمعونك
ابو عيسى : ها يا بو عبد العزيز وش رايك ؟
حمد : والله ياعمي انتوا ناس تنشرى بالغالي وانا ما عندي مانع
بس الراي راي البنت
ناصر قاعد ساكت ومتضايق من داخله
ام حمد : والله هاذي الساعه المباركه وانتوا اهل مو غرب
نزلت الغلا بشياكتها المعتاده وسلمت على الحضور لكن سلامها
لنوف غير: هلا والله بنوف السعوديه نورتي قلب الغلا الكويتيه
نوف : ههههههه هلا بك اكثر ... نوف وتساسر الغلا : وش
هالزين بيستخف اخوي
الغلا طالعت نوف وعقدت حواجبها مو مستوعبه
الجده تكلم الغلا : تعالي جنبي يمي
الغلا : هلا يمه
الجده : انا جايه واتمنى انك ما ترديني
الغلا وهي تحبها على راسها : افا عليج يما ما يرد الكريم الا اللئيم
آمري يما شبغيتي ؟
الجده : حنا جايين نخطبك لولدنا خالد ... وش قلتي ؟
الغلا نزلت راسها وسكتت وبهاللحظه حمد ينادي امه
حمد : يما اهل السعوديه يايين يخطبون الغلا
ام حمد : ايه يما توها يدتهم تكلمت , شرايك انت يما ؟
حمد : يما مهما قلت رايي مو مهم عند راي الغلا هي اللي بتزوج
ناديها يما اكلمها
حمد : الغلا العرب يايه تخطب شرايج ؟
الغلا منزله راسها ودموعها تنقط
حمد : اشفيج اذا مو موافقه قولي
الغلا : حمد الموضوع يبيله تفكير عطني مهله افكر
حمد : اوكي اقولهم اسبوع ونرد عليكم وانتي فكري واستخيري
يومين والغلا بدارها تبجي وليلحين تفكر ولا اخذت قرار
ام حمد : الغلا يما افتحي الباب
الغلا : هلا يما حياج
ام حمد : اشفيج يما ليش هالدموع ؟!
الغلا : ما ادري يما خايفه
ام حمد : شمنه خايفه , انتي شفتي امه وخواته وجدته ما شاالله
عليهم كلهم طيبين
الغلا : ادري يما .. انا اللي افكر فيه شلون راح اعيش بعيد عنكم
وانتوا بديره وانا بديره وانا ما اعرف طبايعهم
ام حمد : يما على قولة القايل بينا وبينهم حذفة عصا وهم حالتهم
الماديه زينه وشايفين خير وبتعيشين نفس المستوى اللي انتي
عايشه فيه ويمكن احسن بعد وهم اهلنا مو غريبين
الغلا وهي تلم امها وتبجي : ما اقدر اخليج يما واتغرب
ام حمد وهي تضحك : الله يهداج يما من قال انج بتغربين , كل ما
اشتقتي حجزي وتعالي
الغلا : يما من كلامج جنج موافقه عليهم
ام حمد : يما الراي رايج بالأول .. وانا اعرفهم والنعم فيهم

بعد 4 أيام الساعه 11 بالليل ناصر يدق الباب على الغلا
ناصر : توأم روحي نايمه ؟
الغلا : لا حبيبي تفضل
ناصر : السلام عليكم
الغلا توقف تلمه : هلا والله بقلبي وروحي وعقلي وكلي
وينك جني من زمان ما شفتك
ناصر : انا موجود انتي اللي منخشه
الغلا : .......................
ناصر : شقررتي ؟
الغلا : انت شرايك ؟
ناصر : انا مو مهم انتي رايك اهم
الغلا : ما ادري ضايعه فكرة توديني وفكرة تييبني , انت شفت خالد
شرايك فيه ؟
ناصر : والله هو والنعم فيه ما عليه خلاف .. بس ..
الغلا : بس شنو
ناصر : ما كنت حاط في بالي انج تاخذين سعودي
الغلا : يعني انا اللي حاطه في بالي
ناصر : استخرتي
الغلا : ايه بس ليلحين متردده
ناصر : وشنو اللي رادج
الغلا وهي تبجي : اللي رادني اني راح ابعد عنك وعن امي وخواتي وديرتي
ناصر وهو يلمها : ادري ان الوضع صعب ويبيله تفكير , اليوم
زوج خالتي كلمني وشكله متحمس وموافق وسألني عن رايج
الغلا : وشقلت له ؟
ناصر : قلت له ليلحين تفكر
الغلا : وحمد شرايه
ناصر : حمد قال اهم شي رايج ويقول الحين الموبايلات تقرب البعيد
الغلا نزلت راسها
ناصر : حبيبتي باقي يومين ونرد عالجماعه
الغلا : يصير خير ان شاالله
في السعوديه خالد يكلم نوف : نوف دقي على الغلا
نوف : ادق صار لي 5 أيام وجوالها مسكر
خالد : والماسنجر
نوف : مو شابكه كل ما دخلت لقيتها اوف لاين
خالد : وش فيها لا يكون مو موافقه
نوف : فال الله ولا فالك يمكن البنت مستحيه تكلمني وبعدين باقي
يومين ويردون علينا ليه مستعجل
حمد يدق على ابو عيسى : السلام عليكم
ابو عيسى : وعليكم السلام ورحمه الله
حمد : شلونك عمي عساك بخير
ابو عيسى : بخير الله يسلمك , من معي ؟
حمد : معاك حمد ال..........
ابو عيسى : يا هلا ومرحبا حي الله بو عبد العزيز
حمد : الله يحييك ويبقيك عساك بخير عمي
ابو عيسى : بخير بسماع صوتك .. ها منت معطيني البشاره
حمد : سامحني عمي..............

انتهى الجزء الرابع
لا تحرموني من ردودكم
دمتم بخير ( اختكم غفران *)

[لامارا]

(( الجزء الخامس )) ( ايام من حياتي )

حمد : سامحني عمي طولت عليكم , بشارة الخير ان شاالله
البنت موافقه
ابو عيسى : زين .. زين على بركة الله , الله يبشرك بالخير
انا اخبر الأهل وبينا اتصال
حمد : على بركة الله , اشوفك على خير عمي . فمان الله
ابو عيسى : حياك الله يا ولدي فمان الكريم
ام عيسى : كووولوووولوووووش هذا والله الخبر الزين مبروك
ابو عيسى : مبروك عليكم الله يتمم على خير
الجده فاطمه : مبروك عليكم يبه
ابو عيسى وهو يحب راس امه : الله يبارك فيكي يما
الجده : الله يتمم عليه بخير ويرزقه بالذريه الصالحه
خالد ( وما ادراكم ما خالد ) مو سايعته الفرحه ودق على فهد
خالد : باركلي وافقت
فهد : الف الف مبروك
خالد : اخيرا راح يبدي مشوار الأخذ بالثأر هههاي
فهد : أي ثأر؟!!!!!
خالد : تستعبط انت , نسيت وش سوت فيني
فهد : خالد انت صاحي .. استح على وجهك انت ماخذ البنت
علشان تاخذ بثارك منها ؟!
خالد : ايه , اجل ليه ماخذها
فهد : انت اكيد انجنيت البنت من قرايبكم وعرب معروفين
لا تفضح نفسك
خالد بكل اصرار : لا انا بس بأدبها شوي واعلمها من هو خالد
فهد : الله يهداك يا خوي اتعوذ من الشيطان ولا تسوي شي تندم عليه
خالد : لا ان شاالله ما راح اندم انا مخطط لكل شي
فهد : الله يهديك ويعينها المسكينه
دق ابو عيسى على حمد وحددوا موعد الملجة اللي بتصير بالكويت
واخذ من حمد رقم حساب الغلا علشان يحط فيه مهرها
بعد اسبوعين .. الفرحه بعين ام حمد والخوف بعين الغلا والقلق
بعين ناصر ... تجمعوا العايلتين في البيت العود وتمت الملجة .
دخلت الغلا بفستان ذهبي وميك اب ناعم وشعرها خلته مفلول واصل
لآخر ظهرها وحاطه اكسسوار صغير فيه كانت مرتبكه ومستحيه
قعدت على الكرسي المخصص لها وكل الحضور ياو سلموا عليها
وباركوا لها ولما شافت يدتها قامت الغلا لمتها ودمعت عينها
ساره : لا تبجين لا يخترب المكياج
سلموا عليها أهل السعوديه وعطوها هداياهم ومن ضمنهم عمة خالد
(حصه) , وطبعا نوف كان سلامها غير عن الكل
نوف : الف .. الف.. الف..ومليون مبروك يا مرت اخوي
الغلا : الله يبارك فيج
نوف : يا الخاينه ليه هالقطاعه ليه مسكره الجوال
الغلا : هههههههه لأسبابي الخاصه
نوف : ممكن اعرفها
الغلا : كنت افكر
نوف : وش تفكرين فيه
الغلا : في اخوج
نوف : الله .. اسبوعين حارمتني من سماع صوتك علشان خالد
يا عيني .. يا عيني
اخذت المصوره كم لقطه للغلا واهلها واهل زوجها
وبعد ساعه دخل خالد ومعاه ابوه وحمد وناصر وخالد اول ما شاف الغلا انبهر من شكلها وخاصه شعرها لانه يحب الشعر الطويل
الغلا يوم شافت خالد قرب وقفت .. باسها خالد على جبينها وقال لها مبروك , الغلا من الحيا نزلت راسها وبصوت واطي : الله يبارك فيك
سلم عليها عمها وبارك لها ووراه حمد ويوم قرب ناصر نست الغلا
كل الحضور لمته وحطت راسها على جتفه وناصر حاضنها بذراعه
باسها : الف مبروك عسى الله يسعدج (وساسرها : يا توأم روحي)
الغلا : الله يبارك فيك ( وساسرته : يا قلبي وروحي وعقلي وكلي)
ابتسم لها ناصر والمصوره اخذت لهم جم صوره
طلعوا الرياييل وتم خالد قاعد يم الغلا , ياو جدته وامه وخواته
وصوروا معاه .. وعلى الساعه 11 توجهوا الحضور على العشا
صعدت الغلا غرفتها تبدل لأن ناصر مسوي لها مفاجأه
ناصر : مبروك خالد
خالد : الله يبارك فيك عقبالك
ناصر : الله كريم .. خالد ما اوصيك على الغلا تراها غالية
خالد : لا توصي الغلا بعيوني
ناصر : هذا العشم فيك .. يلا قوم العروس تنطرنا
خالد مستغرب : وين ؟!
ناصر : ما تبي تطلع مع مرتك ؟
خالد مستغرب : وين اطلع
ناصر : اشفيك مستغرب .. احنا عندنا بيوم الملجه الزوج ياخذ
زوجته ويتعشون بفندق
خالد : والله يا ناصر انت فاجأتني ما ادري وش اقول لك
ناصر : لا تقول شي, انا مرتب كل شي بس انت تعال معاي
نزلت الغلا لابسه بدله اوف وايت وخففت من مكياجها ولابسه
شيله اوف وايت معرقه بذهبي ماركة ديور , شافها ناصر تنزل :
ما شاالله شهالقمر اللي نازل
الغلا : ههههههه عيونك الحلوه حبيبي
وصلوا الفندق ... ناصر كان حاجز لهم في كابينه وقايل للمدير عن المناسبه ومتوصين بالشموع والورد والريحه العطره , وصلهم ناصر عند الباب وقال لخالد : اسأل عن حجز باسمك ولا تدفع كل شي مدفوع هاذي هديه مني لكم
خالد : ليه مكلف على نفسك
ناصر : ما فيها كلافه ما عندنا اغلى منكم
خالد : تسلم يا الغالي نردها لك بالافراح
ناصر يكلم الغلا : اذا خلصتوا دقي عليَ
الغلا بابتسامه : اوكي
دخلت الغلا الكابينه واستانست على الشموع والورد .. شافت على
الطاوله علبه مخمل سوده وفوقها كرت : الى توأم روحي الف مبروك
فتحت العلبه وابتسمت
خالد : احم.. احم.. مبروك حبيبتي
الغلا : الله يبارك فيك
خالد : وانا ما فيه مبروك
الغلا : مبروك
خالد : بس كذا حاف ما وراها شي
الغلا : شنو اللي ما وراها شي
خالد : مبروك .. يعني ما فيه مبروك حبيبي ,عمري مبروك حياتي
الغلا استحت ونزلت راسها
خالد يكلم نفسه ( والله تعرف تستحي .. اجل وين لسانها اللي من كم شهر كلتني به)
موبايل خالد يرن : الو
فهد : هلا بالمعرس وينك ؟
خالد : بالفندق مع زوجتي حبيبتي
الغلا بنفسها ( وااي صج جريء)
فهد : اقول عن الكذب
خالد : والله ما اكذب ناصر حاجز لي في مطعم انا وزوجتي
فهد : الله واكبر من قدك تحضرت اشوف
خالد : اقلب وجهك
فهد : بشويش على البنت وخللك من افكارك
خالد : ههههههه كأنك تقرا افكاري
فهد : خالد اعقل
خالد : اوكي يلا مع السلامه
خالد : ولد عمي متفاجيء كيف انا طالع معاكي لحالنا
الغلا : ليش هو ما طلع مع مرته لما ملج !
خالد : لا طبعا حنا ما عندنا كذا
الغلا : ليش حرام ؟!
خالد : لا مو بحرام بس اطباعنا كذا , ما يطلع معها الا اذا اعرس
الغلا : اها .. نفس طبع البدو عندنا
خالد : ليد انتوا مو بكذا
الغلا : لأ .. الوحده تطلع مع زوجها عادي تتمشى .. تتعشى
تزور اهله ويزور اهلها علشان تعرفه ويعرفها .. يعني مرحلة
تعارف بينهم
خالد : وما يصير التعارف الا اذا طلعت معاه .. مافيه جوال
الغلا تكلم نفسها ( يا الله شيفهم هالعقد )
خالد : سكتي .. ما عندك جواب
الغلا بكل ثقه : لا عندي بس احب احتفظ فيه لنفسي .. والبنت راح تعرف زوجها وطبايعه من اول يوم تقعد معاه فيه
خالد : يعني انتي ذالحين عرفتي طبعي
الغلا : لا باسم الله توني قاعده معاك ما صار لي ربع ساعه
دق الجرسون الباب وياب لهم العشا , اكلت الغلا شوي وتركت الشوكه
خالد : ليه ما تاكلي
الغلا : الحمد لله شبعت
خالد : ايه احسن عشان لا تصيري دبه
الغلا بنفسها (عمه بشكلك دبه بعينك .. صج ما عنده اسلوب )
الغلا صدت عنه وقعدت تطالع الكرت اللي كاتبه ناصر
خالد : زعلتي
الغلا : لأ .. انت قلت شي يزعل
خالد : لا احسب لأني ما احب البنت الزعول
الغلا بنفسها ( مالت عليك يا الدفش انا اوريك ) : عيل ما راح تحبني لأني بسرعه ازعل وما احب احد يدوس لي على طرف
خالد مبتسم : اووووه يا ويلي
الغلا مبتسمه وبانت غمازاتها : ايه علشان تعرف بس
خالد بنفسه ( و يا ويل حالي على هالغمازات اموت انا فيهم ) : ما راح ازعلك كل ما شفت هالغمازات
سالها خالد عن الجامعه وقال لها عن رحلته لأمريكا وعن شغله مع ابوه وعن حياتهم في البيت
الساعه 12.30 دقت الغلا على ناصر
ناصر : هلا .. خلصتوا
الغلا : ايه حبيبي تعال
خالد : اغار انا لا تقولين له حبيبي
ابتسمت الغلا وقبل لا تطلع اخذت ورده تذكار من توأم روحها
بعد اسبوعين من الملجه نوف تكلم فهد : شلونك حبيبي
فهد : بخير يوم سمعت صوتك
نوف : فهد خالد معك ؟
فهد : ايه قاعدين بالقهوه مع اخويانا .. خير
نوف : فهد انا .. انا شاكه ان خالد ما يكلم مرته
فهد : وانتي وش دراكي
نوف : من كم يوم شفت خالد يكلم بالجوال واشرت له هاذي مرتك قال ايه وقلت له سلم عليها
فهد : وشو المشكله
نوف : دقيت على الغلا بنفس اليوم وسألتها شلونك مع خالد قالت
لي ما ادري عنه من الملكه
فهد : حبيبتي هذا شي بينه وبين مرته حنا ما نتدخل بينهم
نوف : معقوله فهد ... من اسبوعين ما كلمها ما كنه مجنني كل يوم يقول خطبوها لي والحين يسفها ولا يكلمها .. اخاف متهاوش معها يوم الملكه !
فهد : والله يا نوف ما ادري
نوف : الله يخليك حبيبي اسأله يمكن يقول لك
فهد : ان شاالله حبيبتي تامرين امر
فهد يكلم خالد وبصوت واطي : تعال ابغي اكلمك
خالد : خير
فهد يغمز له تعال بره , استاذنوا من اصحابهم
خالد : خير فهد وش فيك
انتهى الجزء الخامس بانتظار ردودكم * دمتم بخير
( اختكم غفران *)

[لامارا]

(( الجزء السادس )) ( ايام من حياتي )

خالد : خير فهد وش فيك ؟
فهد : انا وش فيني ولا انت !
خالد : انا ؟!
فهد : خالد انت من ملكت ورجعت ما كلمت زوجتك ؟
خالد : وانت شدراك ؟!
فهد : يعني ما كلمتها !
خالد : ايه ما كلمتها
فهد : ليه
خالد : ما عندي وقت
فهد : وغير هالكلام !
خالد : فهد انت من كلمك تو
فهد : انت يا الغبي ما تدري ان زوجتك ونوف يتكلمون بالجوال
خالد : ليه هي داقه تشكي لنوف
فهد : لا .. لا تظلم البنت , نوف شكت فيك يوم كذبت عليها وقلت لها انك تكلم
زوجتك وبحسن نيه دقت على زوجتك وقالت لها انا من الملكه ما ادري عنه
خالد معصب : وهي ليه تقول كذا
فهد : تبغاها تكذب !! خالد غير اسلوبك معها لا تجيب لنفسك المشاكل لا تندم
خالد : فهد انا ما راح ارتاح الا لما آخذ ثاري منها واادبها
فهد : وشلون بتاخذ ثارك منها بتذبحها يعني !!!!!
خالد : ما هو الذبح اللي في بالك .. ذبح على البطيء من غير سكين
فهد متضايق ومعصب : انت اكيد انجنيت .. انت منت خالد اللي اعرفه
خالد : وش بك عصبت ؟
فهد : من كلامك .. كم كلمه قالتها البنت وهي معصبه وحنا اللي غلطانين
مسكرين على سيارتها تسوي بك كذا
خالد : خلاص فهد سكر عالموضوع
فهد : خالد لو ما انت غالي وانا خايف عليك ما كنت كلمتك
خالد : خلاص ولا يهمك راح اكلمها عشانك
فهد : لأ .. ما هو عشاني , عشانك وعشانها
الساعه 12 بالليل دق خالد على الغلا
الغلا نايمه : اممممم
خالد : الو ... الغلا
الغلا بصوت نايم : نعم .. منو
خالد : نايمه
الغلا ما عرفت صوته : منو انت ؟
خالد : ما عرفتيني ؟
الغلا سكرت الموبايل بويهه
خالد : العن ابو شكلك سكرت في وجهي ..( دق عليها مره ثانيه )
الغلا وهي متنرفزه : نعم
خالد بكل برود : الله ينعم عليكي
الغلا : اخوي انت من تبي
خالد : انا ماني باخوكي انا زوجك
الغلا : خاااالد ؟
خالد : ايه خالد وش بك تفاجأتي
الغلا : وليش ما تقول من اول انك خالد
خالد : ليه متعوده احد يدق عليكي بذا الوقت ؟
الغلا : شقصدك ؟!
خالد : لا سلامتك ما قصدت شي
الغلا بنفسها ( الله لا يسلمك الحيوان داق ينرفزني )
الغلا : .........................
خالد : وش بك ساكته
الغلا : انت داق انت تكلم
خالد بنفسه ( نرفزتها .. بعد ما شفتي شي ) : وشلونك
الغلا : ( مالت عليك ) : الحمد لله بخير
خالد : كنتي نايمه ؟ صحيتك من نومك ؟
الغلا : عادي مو مشكله .. شلون خالتي وعمي وامي فاطمه
خالد : كلهم بخير .. ما فيه شلونك خالد حبيبي
الغلا ( حبتك القراده اوووف ينرفز ) : شلونك عساك بخير
خالد : السلام ناقص ما قلتي حبيبي
الغلا ( مصدق نفسه ) : اذا حسيت فيها اقولها
خالد : زعلانه لأني ما كلمتك الأيام اللي فاتت
الغلا : عادي
خالد ( لازم اغير اسلوبي معها عشان تثق فيني ) : حبيبتي كنت مشغول وصارت
مشاكل بالشركه و هالحين فضيت سامحيني غلاتي
الغلا : ما صار الا الخير .. مسموح
خالد : اجل اخليكي تنامي آسف يا قلبي ازعجتك .. تصبحي على خير
الغلا : وانت من اهله
مر شهر وخالد ما قطع اتصالاته مع الغلا وهذا غير المسجات اللي كلها حب وغزل
خالد : هلا غلاتي
الغلا : هلا فيك عمري شلونك
خالد : بخير يوم سمعت صوتك .. آآآآآآه
الغلا : سلامتك من الآه عسى ما شر شفيك ؟
خالد : مصدع .. والإنفلونزا لاعبه بي لعب وفيني سخونه .. اول مره تجيني
كذا جسمي كله يرجف
الغلا : سلامتك ما تشوف شر .. اخذت علاج ؟
خالد : رحت للدكتور وعطاني ابره وكيس مليان ادويه .. احس جسمي يشر مويه
الغلا : الحمد لله اذا عرقت يعني خفت عنك السخونه .. بس لازم تاخذ مضاد
خالد : الدكتور عطاني كبسولات
الغلا : اهم شي لا تشرب شي بارد كله اشياء دافيه
خالد : والله حبيبتي مالي نفس آكل
الغلا : لازم تاكل وعلى قولة امي اذا ما اكلت ما تطيب
خالد : تعالي وكليني
الغلا : ههههههههه ترى اسويها وايي
خالد : تسلم لي هالضحكه الله لا يحرمني منها .. غلاتي اشتقت لغمازاتك
الغلا : هههههههه تعال شوفهم .. والا تبيني ادزهم لك بالبريد
خالد : آآآآآآآآآآآتسووووو ... آآآآآآآآآآه
الغلا : يرحمك الله .. شكلك تعبان حيل
خالد : اكلمك وانا تحت اللحاف , يا ليتك معي داخل لحافي
الغلا : جنك من السخونه قمت تخرف .. يلا اخليك ترتاح وتنام واذا قعدت دق
خالد : اوكي يا قلبي مع السلامه
خالد ( علقتيني فيك يا الغلا .. ما اقدر يمر علي اليوم وما اسمع صوتك ..
صوتك سحرني .. وضحكتك ترن باذني .. حبيت اسلوبك ودلعك بالكلام
بس اللي مخطط له لزوم اسويه )
بعد 5 أيام من محادثة خالد والغلا .. الكويت الساعه 10 صباحا
الخادمه : مدام هازا فيه رجال زوز كلا بره
ام حمد : خالد ؟ خليه يدخل
دخل خالد وحب راس ام حمد وبعد السلام
ام حمد : شلونك يما الحين تقول غلا انك مريض
خالد : الحمد لله الحين احسن
ام حمد : ما تشوف شر يما
خالد : الشر ما يجيكي
الغلا وهي فوق و تصوت على الخادمه : راني يو ميك ماي نسكافيه
راني : يس مدام
الغلا : برنج ات اب
راني تطق الباب على غلا : يور ماذر سد كم داون
الغلا : تل هير آم جست تيك شاور , آي ول جينج اند كم , بوت ماي نسكافيه داون
ام حمد : تريقت يما
خالد : ايه الحمد لله قبل لا اجي افطرت
ام حمد تكلم الخادمه : سوي جاي وقهوه وسوي توست للغلا
بعد ربع ساعه نزلت الغلا لابسه برمودا اسود وتيشيرت عنابي قصير وفاله
شعرها اللي منشفته عالسريع ونزلت وهي تغني :
ان راح منك يا عين .. حيروح من قلبي فين
ده القلب يحب مره .. ما يحبش مرتين .. مايحبش مرتين
وهي بنفس اللحن تنادي امها :
وييينج يا ماما ... منخشه عني فين
التلفزيون مفتوح .. وانتي رايحه عنه فين .. قوليلي يا فطيم
ام حمد تضحك وخالد مبتسم : كاني يمه بالصاله
الغلا : ليش قاعده بالصاله اكيد عندج خالتي موزه والا يارتنا ام محمد
ام حمد : تعالي شوفي من عندنا
راحت الغلا اخذت قهوتها وراحت الصاله واول ما شافت خالد شهقت وطاح
كوب القهوه من ادينها على ريلها .. وقف خالد وسحبها : احترقتي ؟
الغلا من الفشله والقهوه الحاره اللي تحس فيها بس عينها تدمع
ام حمد : يما عسى ما احترقتي اشوف ريلج
الغلا ما زالت ايدها بايد خالد فاجه حلجها وتطالعه
ام حمد خايفه : الغلا اشفيج تحجي
الغلا توها تستوعب : ها .. أي يما حار بروح الحمام
ركضت غرفتها ودخلت الحمام وصبت على ريلها ماي بارد ودقت على الخادمه
ويابت لها كريم , لبست نفنوف قريب الماكسي ونزلت بابتسامه : السلام عليكم
ام حمد وخالد : عليكم السلام .. خالد بنفسه ( ليه غيرتي لبسك .. البنطلون احلى )
راحت الغلا وحبت راس امها : صباح الخير يما
ام حمد : صباح النور .. ها يما شلون ريولج ؟
الغلا وهي تساسر امها : بس يما فشلتيني .. , راحت مشت صوب خالد اللي وقف
يسلم عليها باسها على جبينها : هلا والله شلونك وشلون رجلك
الغلا : الحمد لله ما فيهم شي
خالد : اكيد
الغلا : اكيد .. الحمد لله على السلامه , متى الوصول ؟
خالد : الله يسلمك من ساعتين واصل
الغلا : وشلون الأهل كلهم
خالد : الحمد لله كلهم بخير ويسلموا عليكي وخصوصا نوف
الغلا : الله يسلمهم .. شلونك مع الأنفلونزا ؟
خالد : خفت الحمد لله
ام حمد : خالد شكثر بتقعد بالكويت ؟
خالد : عمه بكره طيارتي قبل المغرب
ام حمد : وين رحت اول ما وصلت ؟
خالد : فندق عمه
ام حمد بعتاب : فندق وبيتنا موجود.. يلا روج ييب اغراضك وتعال
محد بالبيت غير انا ومرتك وناصر
خالد : مشكوره عمه ما قصرتي .. ما ابغي اكلف عليكم
ام حمد : ما فيه كلافه البيت كبير واي غرفه تعجبك نام فيها
خالد : والله عمه انا جاي اسلم عليكم واشوف الغلا
ام حمد : حياك الله يا ولدي والبيت بيتك لا تستحي .. روح ييب اغراضك
وتعال ما راح نتغدى الا وانت موجود
طلعت ام حمد رايحه المطبخ خالد قرب من الغلا وباسها على خدها : وحشتيني
الغلا ابتسمت ونزلت راسها : انت اكثر
خالد : قولي والله اني وحشتك
الغلا تعيد كلامه : والله اني وحشتك هههههههه
خالد يطالعها وما نزل عينه
الغلا : خالد اشفيك مضيع شي بويهي
خالد يضحك : غمازاتك .. اشتقت لهم
الغلا : ههههههههههه
خالد : خليكي كذا على طول اضحكي
الغلا : ليش ! مينونه
خالد : انا اللي مجنون فيكي , قرب يمها ولمها : وش رايك تجي معي الفندق
اجيب اغراضي
الغلا بكل براءه : الحين
خالد : ايه عشان لا اتاخر على صلاة الظهر
الغلا : اوكي اقول لأمي وابدل وايي ,,
صعدت الغلا غرفتها ودقت على اميره : هلا اميره حبي انا
اميره : هلا والله بالغلا كله
الغلا : اقول ترى اليوم ماني يايه
اميره : ليييييييش ؟
الغلا : خالد توه ياي
اميره : ويعني ,, انتي منتي نايمه عندي كلها جم ساعه
الغلا : لا اميره فشله .. ياي متعني من السعوديه علشاني اخليه واروح !
اميره : لي متى بيقعد ؟
الغلا : لي باجر بس
اميره : ok باجر تعالي
الغلا : ok دقي على ميمي وقوليلها اجلنا اليمعه باجر ورا المغرب .. يلا باي
اميره : ok باي وسلمي على السعودي
الغلا : ههههههههه الله يسلمج
خالد بالسياره مع الغلا متوجهين للفندق
خالد : سيارتك نفس سيارتي
الغلا : صج
خالد : ايه بس انا لونها اسود
الغلا : هاذي هديه من ناصر لما تخرجت من الجامعه .. قال لي اخذي اسود
بس انا قلت له ودي بلون سلفر
وطول الطريج وخالد ماسك ايد الغلا : يلا انزلي
الغلا : وين
خالد : وين بعد نجيب ثيابي
الغلا : لا حبيبي ييبهم بروحك انا انطرك بالسياره
خالد : وليه تنتظري في هالحر, انزلي كلها ربع ساعه وطالعين
الغلا : ما فيه حر .. السياره بارده من المكيف .. يلا انطرك لا تتاخر
خالد : انزلي باكلك انا
الغلا مبتسمه : ادري ما راح تاكلني اخاف انا اللي اكلك
خالد : يا ليت تاكليني
الغلا : انت محد يتغشمر معاك
خالد : شو يعني يتغشمر
الغلا تضحك : اوووه انت يبيلك مترجم على قولة خالد النفيسي يتغشمر يعني يمزح
خالد : ههههههه عملتيها حكايه .. يلا يا قلبي راحت 10 دقايق وحنا بالسياره
الغلا : امري لله خمس دقايق تاخذ اغراضك ونطلع
خالد يفتح غرفته : تفضلي
دنت الغلا عن الباب : انت ادخل اول
دخل خالد وسحبت الغلا المفتاح وخلته بايدها ووقفت يم الباب : يلا خمس دقايق
ان ما لقيتك مخلص راح اطلع واخليك
خالد فاتح عيونه : وليه ذا كله
الغلا : خالد بلا ليه يلا باقي 4 دقايق
خالد : طيب ليه واقفه اقعدي على ما اجمع ثيابي واحطهم بالشنطه
الغلا : مرتاحة وانا واقفه .. يلا باقي 3 دقايق
خالد : هههههه انتي ليه دقايقك تمشي بسرعه
الغلا : خالد باقي دقيقتين والله ان ما رحت وطلعت جنطتك بطلع الحين
خالد : ههههههههههههههه
الغلا : بعد من 1 الى 10 , 1...2...3... قالت 4 وخالد مشى صوبها ,
قالت 5 وهي فاتحه عيونها , وقالت 6 اوقف مكانك شتبي !
خالد : ابغي ادخل الحمام بجيب اغراضي
الغلا لزقت بالباب وبحركه سريعه اخذ خالد منها المفتاح وهو يضحك
خالد : اشوف الحين كيف تطلعي
انتهى الجزء السادس اتمنى انه عجبكم
شراح يصير على الغلا .. توقعاتكم .. ولا تحرموني من ردودكم
( اختكم غفران* )

[لامارا]

(( الجزء السابع )) ( ايام من حياتي )

خالد : هههههههه اشوف الحين كيف بتطلعي
الغلا : من الدريشه
خالد يضحك : ما يحتاج مترجم يعني شباك
الغلا واقفه عند الباب ومنزله راسها .. قرب منها ورفع راسها وتم يطالع
عيونها : وش فيكي .. خايفه مني ؟
الغلا بكل ثقه : لو خايفه منك ما ييت معاك , تبي اساعدك نشيل اغراضك ؟
خالد ساكت ويطالعها
الغلا : خالد يلا
خالد : ...................
الغلا : خاااااالد
خالد : اشوف غمازاتك اول
الغلا : غمازاتي ما يطلعون وانت لازق فيني جذيه .. ابعد شوي
خالد : كيف شوي يعني كذا (( خالد لزق فيها وحط ايده حوالين خصرها ))
الغلا مرتبكه : انا قلت ابعد مو الزق .. وهي منزله عينها : يلا بليز
خالد : آخذ اللي ابغي وبعدين ابعد
الغلا رفعت راسها وفاتحه عيونها : وشنو اللي...........
سكتها خالد ابوسه على شفايفها
الغلا صار وييها احمر, لفت وقابلت الباب وبصوت واطي : خالد بليز باطلع
خالد لمها من وراها وشالها ولف فيها مرتين وهي تترجاه ينزلها , وقفها وحط ايده على راسها وسحب شيلتها
الغلا شهقت : خالد لأ .. لأ.. (( افلتت منه ودخلت الحمام وقفلت عليها الباب ))
خالد : ههههههه وش فيكي ليه كل هالخوف وبنفسه ( ما شفتي شي للحين )
يلا اطلعي
الغلا : ما راح اطلع الا لما تخلص اغراضك وتطلع بره الغرفه
خالد : يلا اطلعي ما راح اسوي لك شي
الغلا : قلت ما راح اطلع الا لما تقول انك طلعت بره الغرفه
خالد : اجل ننام هنا الليله
الغلا : نام بروحك .. انا راح ادق على اخوي ناصر , ها , ادق ولا تلم اغراضك


خالد بنفسه ( فلتي مني هالمره لكن الأيام جايه ) : يا بنت لا تفضحينا
خلاص بروح الم اغراضي على قولك
الغلا بالحمام وتسمع خالد يغني : يا اللي بالحمام .. ابعاد كنتم ولا ولا قريبين المراد انكم دايم دايم سالمين .. وما قول غير الله .. الله يكون بعون كل العاشقين
الغلا تضحك وكاتمه ضحكتها : خلصت
خالد : لا باقي نص ساعه واخلص
الغلا : خالد ما راح احلف .. بس صدقني 5 دقايق ان ما سمعت باب الغرفه
يتبطل وانت بره الغرفه راح ادق على اخوي
خالد بنفسه ( ادري بك تسويها .. يا الله ما اقوى هالبنت , بس صدقيني
كسرك على يدي )
دقايق وخالد ينادي الغلا : يلا خلصت وشنطتي بره
الغلا : ابعد عن الباب واطلع بره الغرفه
خالد : طلعي عجلي فضحتينا
طلعت الغلا وركضت بره الغرفه ووصلت عند الاصانصير
خالد : بشويش ليه هالركض
الغلا : ...................
بالسياره .. خالد : حبيبتي زعلانه
الغلا : لأ
اخذ خالد ايدها وباسها : ما قدرت اقاوم الجمال اللي قدامي
الغلا ابتسمت
خالد : غلاتي ما هو عيب انام عندكم ؟
الغلا : لا مو عيب .. تيك ات ايزي يا عزيزي
خالد يضحك : دمك خفيف مره
الغلا : مره والا مرتين ههههههههه
خالد : تسلملي الضحكه وراعيتها .. وين تبغي تروحي
الغلا : البيت
خالد : لسه باقي وقت على ما يجي اخوكي خلينا نتمشى شوي
الغلا : بعد شوي بيأذن الظهر


خالد : ما هي مشكله نوقف عند أي مسجد ونصلي
الغلا بنفسها ( يا فشلتي انا عليَ الدوره أي مسجد اللي بادخله يا ربي )
خالد : وين سرحتي
الغلا : خالد خلنا نرجع البيت الحين الجو حار مو مال تمشي نطلع بالليل شرايك
خالد : اوكي يا قلبي
الساعه 2.30 دخل ناصر وتفاجأ بخالد وبعد السلام واخذ الأخبار
الغلا : يلا ناصر روح بدل بيحطون الغدا
على الطاوله خالد قاعد يم ناصر ومقابل الغلا وكل ما رفعت راسها تشوفه
يغمز لها (ههههههه) ما خلاها تاكل عدل
ناصر : إكل خالد ويه الغلا ما يشبعك ههههههه
الغلا انحرجت ونزلت عينها بصحنها وام حمد تضحك
خالد : تسلم يدك عمه على هالطبخه
ام حمد : عليك بالعافيه يما
خالد : ان شاالله غلا كذا مثلك نفسها حلو بالطبيخ
ام حمد : ايه اسم الله عليها طباخها حلو
ناصر : وانا اشهد خاصه بالسلطات والحلو
الساعه 6 طلع ناصر مع خالد للسوق وعلى الساعه 8.30 بالليل دق ناصر:
ها الغلا زاهبه
الغلا : شوي واخلص
ناصر : احنا بننزل انا وخالد نبدل وعلى الساعه 9 نطلع
نزلت الغلا وهي لابسه تايور اسود وحاطه ميك اب خفيف وحمره حمرة
ولفتها وجنطتها ماركه جوتشي
ناصر يصفر : اموووت انا على الأسود , بيغارون البنات .. شهالحلاوه
الغلا : عيونك الحلوه حبيبي
خالد يطالعها ومبلم وبنفسه ( لو هي بالسعوديه ما طلعت كذا )





ناصر : خالد شفيك .. مو عاجبك لبسها
خالد : عاجبني .. كل شي تلبسه حلو عليها ما شاالله
راحو فندق ..... وتعشوا وعلى الساعه 12 إلا شوي طلعوا
ناصر : وين تبي تروح العروس ؟
الغلا : الفراش
ناصر : ههههههه فيج النوم ؟
الغلا : ايييه , انشق حلجي وانا اتثاوب بالفندق
وصلوا البيت والغلا راحت دارها خذت شاور وصلت ركعتين ونامت
بغرفة ناصر , قاعدين يسولفون وكل واحد يقول للثاتي عن دوامه وعلى الساعه 2 سمعوا الغلا تصرخ ... ركض ناصر ووراه خالد
ناصر يطق الباب : الغلا .. الغلا اسم الله عليج اشفيج

الغلا تبجي بصوت عالي
ناصر : الغلا افتح الباب ؟
الغلا : إ...ـيـ....ـه
دخل ناصر وشافها بالسرير ومغطيه وييها بايدها وتبجي , قعد يمها ومسح
على راسها يسمي عليها وخالد وقف يطالعهم
ناصر : اسم الله عليج حلمانه ؟
الغلا وهي تصيح : ناصر .. اديده .. اديده تعبانه
ناصر : من قالج انها تعبانه !
الغلا : ناصر.. إهيء .. إهيء.. والله تعبانه قالت لي تعالي ودني ناصر ودني
ناصر : الحين ! الله يهداج .. الساعه 2 شيطلعنا هالوقت ؟!
الغلا وتمسح دموعها : اذا منت موديني بروح بروحي
ناصر : شتروحين بروحج ! خلاص قومي وانا بدق على خالتي ما يصير نروح لهم بهالوقت راح يخترعون





طلع ناصر يدق على خالته , وخالد قرب من الغلا ومسك ايدها : الغلا شصاير
ليه كل هالصراخ
الغلا ودموعها تنزل : يدتي تعبانه ولازم اروح
خالد : من قالك انها تعبانه .. انتي كنتي نايمه , احد كلمك بالتليفون ؟
الغلا : لأ .. عندي احساس انها تعبانه وتبيني
دخل ناصر عليهم : الغلا ادق على خالتي ما ترد مصممه تروحين
الغلا : ايه والحين الحين
ناصر : وأمي ؟
خالد : تبغي تفجعها بعد , خلها نايمه
قامت الغلا من السرير ..وانصدم خالد , كانت لابسه شورت قصير(نص الفخذ)
وقميص حفر .. راحت اخذت عباتها ولبست شيلتها وقالت يلا بسرعه
خالد بنفسه ( يا ويل حالك يا خالد حتى وهي تبكي تجنن واللي لابسته يجنن
اكثر واكثر )
الساعه 2.30 وصلوا .. الغلا : ناصر نسيت مفتاح الباب
ناصر : ندق الجرس .. ناصر دق الجرس 4 مرات وبالمره الخامسه طلت
خالته عليهم من الدريشه وهي مخترعه : ناصر ؟! شفيكم .. شصاير!!!!
ناصر : لا تخافين خالتي ما فينا شي الغلا يايه حق اديده
الخاله مستغربه وخايفه : الغلا .. شفيها ؟؟!!
تم خالد بالسياره وناصر دخل مع الغلا اللي راحت تركض لغرفة يدتها ,
دخلت عليها لقتها نايمه وتون بصوت واطي .. حطت ايدها على جبهتها
لقتها دافيه شوي
الخاله : اشفيج حبيبتي
الغلا وهي تلم خالتها: اديده تعبانه
الخاله : من قالج انها تعبانه انا معاها والعيال تعشينا وسولفنا .. حتى
ما نامت الا على الساعه 11
الغلا : خالتي شوفيها مصخنه وتون




حطت الخاله ايدها على جبهة امها ولقتها معرقه : يما .. يما
فتحت اليده عينها وشافت بنتها والغلا وناصر, وهي خايفه : شصاير ؟!
الغلا وهي تلم يدتها : سلامتج اديده اشفيج ؟
اليده وهي مخترعه : الغلا ! اسم الله عليج اشفيج .. وتطالع ناصر , اشفيكم
تحجوا وقفتوا قلبي
ناصر وهو يحبها على راسها : ما فينا شي اديده .. غلا قامت من النوم تصرخ
تقول اديده تعبانه وإلا تودوني الحين
اليده : يا بعد عمري عمرج , جنج حاسه فيني ... انا من ساعه اخذت حبه
راس ونمت
الغلا لامه يدتها وتصيح ويدتها تمسح على راسها : بنام عندج اديده
اليده : تعالي يما
طلع ناصر مع خالته : سامحينا خالتي خرعناكم
الخاله : والله اختك اللي تخرع , من حلم درت ان امي تعبانه
ناصر : هههههه ما عليها شر ان شاالله يلا خالتي تصبحين على خير
الخاله : وانت من اهله حافظك الله
بالسياره .. خالد : وين الغلا
ناصر : ههههههه بحضن يدتي
خالد بنفسه ( ليتها بحضني ) : وشلونها جدتك ؟
ناصر : تصدق صج كانت تعبانه , مصخنه شوي .. بس مسكينه خرعناها
خالد : ما عليها شران شاالله
ناصر : الشر ما اييك , خلاص كنت متضايق انك بتنام بغرفتي لا تضايقني
على قولتك .. عندك غرفة مرتك روح نام فيها
خالد بنفسه ( عز الطلب ) : هههههههههه
خالد بغرفة الغلا : ما كنت اتوقع ولا بالأحلام اني ادخل غرفتها , فتح عيونه
يوم سكر الباب .. الغلا مكبره لها صوره هي وخالد وهم واقفين يوم الملجه
وايدها بايده ولازقتها على الباب ... مشى بغرفتها جنه يكتشفها , يم شاشة




البلازما حاطه اسمها واسم خالد وبينهم قلب الحب احمر, وبالكمودينه اللي
يمها حاطه برواز فيه صورتها مع ناصر وهم بالروضه , وبرواز فيه صورة
ناصر باللبس العسكري وكاتبه تحت الصورة ( الله يحفظك )
شاف مكتبها وعليه اللاب توب ويمه براويز صغيره فيها صور لأمها وابوها
وعيال اخوانها .. راح لسريرها وانسدح عليه .. لم مخدتها وسرح .. ابتسم
يوم تذكرها وهي بالشورت ونام وهو يحلم فيها
قعدت الغلا من النوم الساعه 9 الصبح
الغلا : السلام عليكم يا احلى صبايا
اليده والخاله : عليكم السلام
الخاله : الحمد لله ان احنا ليلحين صبايا
الغلا : واحلى صبايا
اليده : هلا ببنيتي تعالي يمي يما
الغلا : شلونج اديده اليوم ؟
اليده : من شفتج طبت
الخاله : اشمعنى .. ترى اغار
الغلا تضحك
اليده : قومي منيره قولي للخدامه تحط للغلا ريوق
الغلا توقف : لا خالتي ما تقومين انا اروح اقول لها
قالت الغلا للخدامه تسوي لها نسكافيه
درت اليده ان خالد بالكويت : واخزياه جيتيني وخليتي ريلج
الغلا : عادي اديده متعشيه معاه امس
اليده : بروحكم ؟
الغلا : لأ ويانا توأم روحي
اليده : ايه الله يحفظكم .. يلا يما قومي روحي له جاي علشانج وخليتيه
الغلا : ناصر عنده اديده لا تحاتين






اليده : لا يما عيب قومي البسي وروحي وخلي السايق يوصلج
الخاله : قومي الغلا انا بروح الجمعيه اوصلج على طريجي
الساعه 10 وصلت الغلا دخلت وشافت امها تشرب شاي وتطالع التلفزيون
ام حمد : انتي منين يايه ؟!
الغلا : كنت نايمه عند اديده
ام حمد اخترعت : شفيها أمي ؟!
قالت لها الغلا اللي صار .. ابتسمت ام حمد : الله يهداج خرعتيهم
الغلا : يما وين الشباب ؟
ام حمد : محد نزل
الغلا دخلت غرفتها وتفاجأت بخالد نايم بسريرها .. مشت شوي شوي
وقعدت على حافة السرير تطالع خالد , خالد حس بأحد يدخل الغرفه
وكان متأكد انها الغلا وسوى نفسه نايم .. الغلا تمت تطالع ويهه ومبتسمه
خالد : ها وشرايك فيني حلو .

انتهى الجزء السابع
بانتظار ردودكم ... دمتم بخير ( اختكم غفران* )

[لامارا]

اهلا وسهلا بكم حبايبي قراء رواية ( ايام من حياتي )

اليكم الجزء (( الثامن ))

خالد : ها وش رايك فيني حلو ؟
الغلا قامت من السرير : باسم الله الرحمن الرحيم .. خرعتني
خالد رفع نفسه وتسند على حافة السرير : اسم الله عليكي , لسه جايه ؟
الغلا : ايه
خالد : وشلون جدتك ؟
الغلا : الحمد لله بخير وتسلم عليك
خالد : الله يسلمك ويسلمها
خالد مد ايده للغلا * يعني تعالي * والغلا مدت ايدها له وقعدت يمه
خالد : احلى صباح مر عليَ بشوفتك
الغلا تبتسم
خالد : وش رايك يا قلبي نقرب موعد الزواج شهرين باقي وااااجد
الغلا : هههههه لا مو وايد .. عاد تصدق كنت بقول لك نخليه بعد 5 شهور
خالد طالعها بنظره وعقد حواجبه : احلفي بس
الغلا تضحك
خالد : اقول اسكتي لا اخليه هالأسبوع
الغلا وما زالت تضحك : مو بكيفك
خالد : اجل بكيف من ؟
الغلا : بكيف العروس اولا , وثانيا بكيف الفندق اللي بنحجز فيه للعرس
خالد : بس كذا .. نلاقي حجز هالأسبوع وش المشكله
الغلا : المشكله ان العروس ما جهزت ولااااااااا شي
خالد : وليه ان شاالله وش كنتي تعملي الأيام اللي فاتت , ليه ما جهزتي ؟



الغلا بدلعها الطبيعي : وانت حسبالك التجهيز سهل .. اغراض ما يعلم
فيها الا الله من الألف الى الياء
خالد مبتسم : وش هو الألف ووش هو الياء ؟
الغلا : الألف الذهب وملحقاته والياء الملابس
خالد : كثري من الياء هههههه .. إلا وش هي نوع الملابس ؟
الغلا : كل الأنواع
خالد : ما اوصيكي ابغي انواع نفس اللي شفتها امس واقصر بعد
الغلا مستغربه : وشنو اللي شفته امس ؟!
( الغلا تحسب ان خالد فاتح كبتها وشايف ملابسها )
خالد يطالعها ومبتسم , الغلا فاتحه عينها : خويلد تحجى متعبث بكبتي
خالد يضحك : وش هو الكبت
الغلا : خلووووود لا تطفرني هذا ( واشرت على خزانة الملابس )
خالد وهو يضحك : لا والله
الغلا : عيل شنو اللي شفته
خالد وهو يجرها لحضنه : الملابس اللي كنتي لابستها يوم صرختي البارح
الغلا شهقت وحطت ايدها على حلجها ( صج انا حماره ما حسيت بنفسي
واقفه جدامهم جذيه )
خالد والغلا سرحانه شال ايدها وباسها وبصوت هادي : غرت من جدتك
نمتي بحضنها وخليتيني .. يلا تعالي عوضيني انا امس ما نمت يلا نوميني
الغلا ساكته ومستحيه
خالد ويلعب بشعرها : ما شاالله شعرك حلوما توقعته بهالطول ديري بالك
تقصيه .. انا احب الشعر الطويل
حرك اصابعه على خدودها وشفايفها وقربها يمه , الغلا بعدت عنه وقامت




خالد يطالعها ومبتسم : وينهم ابغي آخذهم معي للسعوديه
الغلا : شنو اللي بتاخذه معاك ؟!
خالد : ملابسك اللي امس
الغلا والويه احمر : عطيتهم يدتي
خالد ضحك بصوت عالي وتم يضحك لما دمعت عينه
الغلا تضحك على ضحكته : شفيك تضحك ما قلت شي يضحك
خالد : لا بس تخيلت جدتك لابستهم هههههههههه
الغلا : لا تضحك على يدتي .. يلا قوم الساعه 11 الا ثلث
الساعه 11 نزلوا كلهم تحت
ام حمد : يلا يما قوموا تريقوا
ناصر : يما لا تسوين غدا
ام حمد : ليش!!
ناصر : يما الساعه 11 وليلحين ما تريقنا وعلى حزة الغدا بنكون شباعه
ام حمد : انت لا تاكل غيرك بياكل ( هي تقصد خالد )
الغلا : والله يما لا تسوين اذا يعنا ناكل بره كلنا
ام حمد : لا انا ماني رايحه اذا بتغدون بره انا بروح اتغدى عند امي
ناصر : اوكي نتغدا بره .. شقلت خالد ؟
خالد : كيفكم بس الساعه 5.30 لازم اكون بالمطار
الساعه 2 الظهر راحت ام حمد لأمها .. وعلى الساعه 4 دقوا الدوام
على ناصر وطلبوا حضوره لأمر هام
ناصر : اسمحلي يا الغالي
خالد : مسموح يا خوك ماهي مشكله
الغلا : ناصر انا اوصله المطار




ناصر : وبعدين روحي عند اديده
الغلا : اكيييييد
سلم ناصر وطلع والغلا قالت للخادمه تسوي شاي وقهوه وتحط كيك
راحت الصاله ما شافت خالد نادته ما رد عليها .. صعدت دارها لقته
يرتب جنطته : بتروح الحين
خالد : لا شوي .. بس ارتب ثيابي بالشنطه
الغلا : صج خالد ما قلتلي سبب هالزياره الحلوه
خالد : قلت لك عشان توكليني بس الظاهر نفس ما جيت بروح
الغلا تضحك : تعال تحت اوكلك
خالد : وش توكليني ؟
الغلا : كيك ومعاهم شاي وقهوه
خالد : جيبيهم هنا
صعدت الخادمه الصينيه اخذتها الغلا وحطتها على المكتب , قطعت
كيكه بالشوكه : يلا تفضل
خالد : لا ما ابغي شوكه وكليني بيدك
الغلا بدلعها : خالد من صجك .. لااااا
خالد : انا قلت شوكه لا
الغلا : امري لله .. اخذت كيكه باطراف اصابعها وقربتها من حلجه
خالد فتح حلجه واكل الكيكه وعض صبعها
الغلا : آااااي يا المجرم
خالد : اسف يا قلبي اسف احسب اصابيعك كيكه
الغلا : احلف بس احلف






خالد : الكيكه حلوه وكليني بعد
الغلا : بالشوكه
خالد : لا .. بيدك
اول ما قربت الغلا الكيكه خالد فتح حلجه واكل الكيكه وعض
اصبعها اقوى من المره الأولى
الغلا متنرفزه : يا العيار .. آاااااااااااي خالد يضحك عليها
الغلا رفعت ايده وقربت كفه وعضته بكل قوتها
خالد وهو يضحك : بس غلا
الغلا ولا جنها تسمع عاضته بكل قوتها
خالد : بس خلاص تعادلنا ( الغلا ما زالت عاضه ايده )
خالد قرب منها وقعد يبوس خدودها واذنها .. الغلا ارتبكت وير خالد ايده
وفاجأها ابوسه طويله على شفايفها
خالد يهمس باذنها : عورتي يدي
الغلا : ................
خالد : شوفيها صارت حمره
الغلا : .............. ( مو قلت لكم خجوله وتستحي )
خالد يهمس بأذنها : تبغي بوسه ثانيه ترى انا بالخدمه (:
الغلا : يلا قوم لا تتاخر
خالد : لسه باقي وقت خليني جنبك ما شبعت منك
الغلا : خلاص لا تروح ( يا العياره توج مستحيه هههه )
خالد : تبغي اقعد ما اسافر .. تحبيني غلاتي





الغلا رفعت راسها وشافت عيونه ياها شعور بهاللحظه .. شعور غريب
اول مرة تحس فيه , ودها خالد يروح وودها يقعد .. شعور متناقض
وبنفسها ( يمكن ليلحين ما تعودت عليه توني هاذي ثاني مره اشوفه )
الغلا : الأيام اليايه تجاوبك على سؤالك
بعد مرور اسبوعين من زيارة خالد للغلا .. تعب ابو عيسى ودخل المستشفى
الغلا : هلا والله بنوف السعوديه
نوف وصوتها متغير : هلا بك يا قلبي شلونك
الغلا : نوف اشفيج ؟ صوتج متغير
نوف تشهق بالبجي وما قدرت تتكلم
الغلا بخوف : نوف شصاير ليش تبجين فيكم شي .. ردي عليَ الله يخليج
نوف : ابوي بالمستشفى
الغلا : عمي ؟ عسى ما شر شفيه؟
نوف : طاح من يومين بالشركه ضغطه مرتفع وجاته جلطه
الغلا بصوت باكي : سلامته ما يشوف شر , وشلونه الحين
نوف : الحمد لله حالته مستقره
الغلا : وشلون امي فاطمه وخالتي والبنات
نوف : يدعون له من بين دموعهم
الغلا : الله يقومه بالسلامه يا رب
نوف : تسلمي حبيبتي
الغلا : اخليج الحين سلمي على الأهل كلهم .. مع السلامه
سكرت الغلا من نوف ودقت على ناصر وقالت له عن عمها , وناصر
قال لأبو وليد , وحجزوا ناصر والغلا وأبو وليد للسعوديه





في السعوديه
ابو وليد يدق على عيسى : السلام عليكم
عيسى : وعليكم السلام هلا ومرحبا عمي ابو وليد
ابو وليد : هلا فيك يا ولدي شلونك عساك بخير
عيسى : بخير الله يسلمك وانت شلونك عمي
ابو وليد : نحمد الله بخير .. بشرني عن الوالد شلونه
عيسى : الحمد لله احسن بكثير .. الجلطه اللي جاته خفيفه الحمد لله
ابو وليد : سلامته ما يشوف شر
عيسى : الشر ما يجيك عمي
ابو وليد : يا ولدي انتوا بأي مستشفى
عيسى : مستشفى..........................
دخلوا المستشفى الغلا تمشي يم اخوها وابو وليد يمه .. شافتهم بنت كانت
تمشي مع امها : يما شوفي البنت ذي ما شاالله حلوه
الأم : أي بنت ؟
البنت : يما ذي اللي كاشفه وجهها
التفتت الأم وشافت الغلا : هاذي مرت خالد
البنت : الكويتيه ؟!!!!!!!!
أشرت الأم للغلا والغلا وقفت وطالعت ناصر اللي قالها روحي شوفي
شتبي فيج الحرمه
الغلا : ما اعرفها شلون اروح لها .. وحتى اذا سألتني عن شي انا ما
اعرف شي هنيه
ناصر : قاعده تأشر مره ثانيه روحي فشلتينا





راحت الغلا ولما وصلت لهم سلمت عليها الأم وباستها
الأم : وشلونك الغلا عساكي طيبه
الغلا متفاجأه وبنفسها ( تعرفني !!!!) هلا والله خالتي .. من معاي
الأم : انا عمة خالد حصه ( ام تركي)
الغلا بابتسامه : يا هلا خالتي شلونج عساج طيبه
حصه : بخير الله يسلمك وشلون اهلك ان شاالله طيبين
الغلا : بخير الحمد لله .. بشريني عن عمي شلونه
حصه : الحمد لله احسن نكلمه ويكلمنا
الغلا : الحمد لله ما يشوف شر ان شاالله
حصه : الشر ما يجيك .. الغلا هاذي بنتي جواهر
الغلا بابتسامه : هلا والله فيج
جواهر بنظره فاحصه وحاقده : هلا
الغلا بنفسها ( شهالنفس !!)
الغلا : خالتي احنا ما ندل لو سمحتي خلج جدامنا انا معاي اخوي
وزوج خالتي
حصه : حياكم يا بنتي يلا
ابو وليد وناصر دخلوا عند ابو عيسى والغلا راحت غرفة الحريم
واول ما شافتها نوف لمتها ودمعت عينها
نوف وتمسح دموعها : نورت..نورت..نورت السعوديه
الغلا وهي لامه نوف : منوره بأهلها
جواهر تكلم نوف : وشو فيكي فقرة حضن
الغلا التفتت على جواهر مستغربه






نوف : مثل حضن الغلا وقلبها ما تلاقي
جواهر مطت شفايفها وصدت مو عاجبها الكلام
عند ابو عيسى .. وكان عنده ولده عيسى وخالد وفهد وازواج بناته
ابو وليد : ما تشوف شر يا الغالي اجر وعافيه ان شاالله
ابو عيسى : الشر ما يجيك تسلم يا ابو وليد ليه كلفت على نفسك وتعنيت
ابو وليد : نتعنى للغالين الف لا بأس عليك
ناصر ويحب راس ابو عيسى : سلامتك عمي ما تشوف شر
ابو عيسى : الشر ما يجيك يا ولدي
ابو وليد : يا بو عيسى ريح نفسك العمر يخلص والشغل ما يخلص
والعيال فيهم البركه
قعدوا ربع ساعه واستأذنوا
ابو عيسى : وين يا بو وليد تو الناس
ابو وليد : لا يا خوك طيارتنا اليوم بالليل
ابو عيسى : ليه كذا بسرعه
ابو وليد : جايين نسلم عليك ونتحمد لك بالسلامه.. وناصر هاد دوامه
ما نقدر نتأخر
ابو عيسى : تروح يا بو وليد وحن ما ضيفناك
ابو وليد : خيرك سابق يا بو عيسى
درت نوف ان الغلا بتسافر بالليل , وترجتها انها تروح معاهم البيت
تتغدا عندهم وتقعد معاها لأنها مشتاقه لها حيل
الغلا تكلم ناصر : ها حبيبي شقلت






ناصر: كيفج انا وعمي راح نرجع الفندق متى ما خلصتي دقي عليَ
خالد كان يتكلم مع فهد وما سمع ناصر اللي يكلم بو وليد ويقول له
ان الغلا بتروح مع خالتها ام عيسى
ابو وليد وناصر ركبوا مع خالد وفهد بعد ما دق خالد على نوف
وقال لها يرجعون مع السايق .. , دخلت الغلا البيت وهي مبتسمه
نوف : وش رايك في بيتنا المتواضع
الغلا : كل هذا متواضع !! ما شاالله قصر قليل عليه
نوف : لا تبالغي
الغلا : ما ابالغ ما شاالله مرتب وحلو وراقي .. كفايه انتوا محلينه
ام عيسى : والله انه نور يوم دخلتيه
الغلا : وينور اكثر بدخلة عمي بالسلامه
الكل : آميييين
راحت الغلا غرفة الجدة وقعدت تسولف معاها وبعدين راحت
مع نوف فوق غرفتها : واو غرفتك حلوه
نوف : عيونك الحلوه يا قلبي
الغلا : حلو درجات الوردي ... قعدوا واخذتهم السوالف , رجع خالد
وسأل عن الغدا .. عرفت امه ان ما يدري عن الغلا : دقايق يما ونحطه
على ما تغير وبطريقك نادي لأختك نوف .
صعد خالد لجناحه اخذ شاور ولبس تريننج وحط جل خفيف بشعره
وتعطر ونزل راح لغرفة نوف
نوف : من ؟






خالد : الشيخ خالد
سحبت نوف الغلا وخشتها ورا علاق الملابس : هلا بالشيخ ادخل حياك
خالد يفتح الباب : يلا انزلي .. خالد عقد حواجبه : نوف حاطه عطر
نوف : لأ
خالد بنفسه ( معقوله اشم ريحة عطر الغلا )
نوف : وش فيك ؟
خالد : ما فيني شي يلا انزلي غدا
نوف : خالد انت ما قلت للغلا عن ابوي
خالد : لا ما ابغي اخوفها .. بس اليوم جانا اخوها وزوج خالتها
نوف : من خبرهم ؟ انت ؟
خالد : لا .. يمكن عيسى كلم ابو وليد
نوف : أها .. زين انا جايبه لك مفاجأه وش تعطيني
خالد : على حسب المفاجأه
نوف : اظهر وبان عليك الأمان
انتهى الجزء الثامن اتمنى يكون عجبكم
لا تحرموني من ردودكم
دمتم بخير ( اختكم غفران* )

[لامارا]

(( الجزء التاسع )) ( ايام من عمري )

طلعت الغلا وهي مبتسمه شافها خالد وبطل عيونه وحلجه
نوف : ههههههه اخليكم تسلموا على بعض , وانزلوا بسرعه للغدا
مشى خالد وفح ايده للغلا ولمها حيل لصدره : وحشتيني ( ويبوس خدها)
وحشتيني (ويبوس خدها الثاني) وحشتيني بالحيل (ويبوس شفايفها)
ابتسمت الغلا : انت اكثر .. بس انا زعلانه منك
خالد : افا يا ذا العلم .. غلاتي زعلانه
الغلا بعتاب : ليش ما قلت لي عن عمي
خالد : حبيبتي صار كل شي فجأه وبسرعه , حتى كنت ناوي ادق عليكي اليوم
الغلا : شفت انا صرت احسن منك ييتك صوت وصوره
خالد وهو لامها : يا حي الله الصوت والصوره
الغلا : الله يحييك .. ما يشوف شر عمي ويطلع بالسلامه ان شاالله
خالد : الله يسلمك , شفتيه ؟
الغلا : ايه وقعدت معاه وسولفت وياه
خالد : وانا ؟ متى تقعدي وتسولفي معي
الغلا تضحك : كاني انا الحين عندك واسولف معاك
خالد : غلا لا تسافري
الغلا مبطله عيونها : من صجك .. طيارتنا اليوم بالليل
خالد : ادري قال لي اخوكي .. اقعدي عندنا كم يوم
الغلا : لا خالد استحي شبيقولون عني اهلك
نوف تطق الباب : قلنا سلم عليها ما هو تسولف معها
خالد فتح الباب وهو يضحك وباس نوف : يلا .. راح اوديكي محل الساعات
اللي جننتيني عليه واختاري الساعه اللي تعجبك عشان هالمفاجأه الحلوه
نوف وهي تلم الغلا وتبوسها : انا قايله ان وجهك خير يا وجه الخير
نوف : متى نروح
خالد : متى ما تبغي
نوف : العصر
خالد : على راحتك
نوف وترفع ايدها : يسسس
نزلوا تغدوا ونوف سحبت الغلا وراحت غرفتها
نوف : الغلا شكلك تعبانه
الغلا : ايه والله نوف دايخه
نوف : نامي والساعه 4.30 اصحيكي
طلعت نوف من الغرفه ونزلت الصاله تطالع التلفزيون , والغلا من التعب
نامت على طول .. الساعه 4 طلع خالد من جناحه ونزل شاف نوف بالصاله
بروحها , صعد شوي شوي وراح غرفة نوف دخل وقفل الباب , وشاف الغلا
نايمه على جنبها وحاطه ايدها تحت خدها ..
حرك خالد اصابعه بوييها .. الغلا عقدت حواجبها .. ابتسم خالد على حركتها
وقرب وباس خدها وقرب عند اذنها : حبيبتي غلاتي
الغلا : اممممم
خالد انسدح يمها وسند خده على ايده .. بعد فتره الغلا تحركت لأنها شمت
ريحة عطر قويه .. الغلا وهي تنام على ظهرها وتحط اللحاف على وييها :
واي نوف العطر وايد قوي شنو متسبحه فيه
خالد : ههههههههههههههه
الغلا رفعت اللحاف وشهقت وردت غطت ويهها وقلبت على جنبها :
انت شلون دخلت هنيه !؟
خالد وهو يلمها ويلزقها بصدره : جيت اصحيكي من النوم
الغلا خايفه لا نوف تييهم : خلاص اطلع قعدت
خالد وهو يلعب بشعرها : ديري بالك تقصي شعرك
الغلا وهي ميته من الأحراج : انزين بس اطلع
خالد يلمها ويبوسها ورا رقبتها
الغلا : خالد بس بليز مو وقته .. اطلع
خالد : ومتى وقته ؟
الغلا وويهها مولع : خالد نوف الحين بتيي بليز اذا لي خاطر عندك اطلع
خالد يبعد عنها : يلا قايم قومي عشان تروحي معنا
طلع خالد وحس بأحد يصعد الدري .. صعد جناحه قبل لا حد يشوفه
نوف دخلت دارها وشافت الغلا قاعده بطرف السرير ومنزله راسها : صحيتي
الغلا : ايه توني الحين
نوف : الغلا وش فيه وجهك احمر .. مسخنه ؟
الغلا بنفسها ( الله ياخذ بليسك يا خالد ): لأ ليش ؟
نوف : وجهك احمر
الغلا : يمكن لأني متلحفه بالكفر على ويهي
نوف : وش هو الكفر
الغلا وهي تأشر على اللحاف : هذا
نوف تضحك : هذا هو كفركم هههههه اجل كفر السياره وش تسموه
الغلا تذكرت الورقه اللي كتبها لها ( السعودي(: ) وعرفت ان الكفر يعني
تاير السياره , وهي تضحك : نسميه تاير والجمع تواير
الساعه 5 طلع خالد ومعاه نوف والغلا للسوق بعد ما دقت الغلا على ناصر
وقالت له .. اختارت نوف ساعه شانيل فخمه وحلوه وخالد اخذ للغلا نفس الساعه لكن لون ثاني وعطاها اياه هديه
الغلا : ليش مكلف على نفسك
خالد : ما به كلافه هاذي ما توفيكي حقك يا غلا روحي
الغلا : مشكور يا قلبي ما تقصر تعيش وتشتريلي هههههههه
الساعه 7 وصل خالد البيت .. نزلت نوف وراح هو مع الغلا الفندق اخذ
ناصر وابو وليد وراحوا المطار
****************************
قبل يوم من تخرج نوف من الجامعه
نوف : باركيلي بكره تخرجي
الغلا : الف الف الف مبروك .. شنو جدولج للأحتفال ؟
نوف : ههههههه ليه تحسبي زيك ادوج كل البلد .. استلم شهادتي
واروح البيت , بس بالليل مسويه حفله في البيت كل اهالينا متجمعين
على العشا .. يا ليت يا الغلا تجين
الغلا : اييييلج مشي تستاهلين يا الغالية
نوف : تسلمي يا قلبي بس مشي صعبه شوي هههههههههه
الغلا تضحك : خلاص اييج طيران
سكرت الغلا من نوف ودقت على ناصر : هلا بقلبي وروحي وعقلي وكلي
ناصر : هلا بتوأم روحي
الغلا : ناصر تقدر تاخذ اجازه
ناصر : ليش ؟
الغلا : باجر تخرج حماتي من الجامعه وودي اروح وافاجأها
ناصر : بتسافرين السعوديه باجر !!!؟
الغلا : لا وانت الصاج اليوم علشان يمديني احجز لها كيكه
ناصر : من بيروح ؟
الغلا : بس انا .. قلت لأمي واعتذرت
ناصر : اوكي , ادق اشوف اذا فيه حجز وبينا اتصال
المغرب طارت الغلا وناصر للسعوديه , ولما وصلت الفندق دقت على محل الكيك وطلبت لنوف كيكه وكتبوا عليها
(( للغاليه نوف السعوديه الف مبروك التخرج ))
وطلبت انهم يوصلون الكيكه الساعه 9 بالليل وعطتهم العنوان
* بيوم العزيمه * نوف مستغربه منو اللي يايب الكيكه , سألت اهلها
كلهم حتى فهد !
الساعه 9.30 دخلت الغلا اللي الكل تفاجأ يوم شافها
نوف وبصرخة فرحة : الغلااااااااااااا
الغلا وهي مبتسمه : مو قلت لج بييج طيران
بعد السلام على الحضور عرفت نوف الغلا على بنات عمها وبنات خالها
اللي كلهم حبوا الغلا الا وحده طبعا ( جواهر )
تلت نوف الغلا علشان ترقص , كان رقصها وايد حلو .. الغلا وهي تساسر نوف : ما عندكم شرقي
نوف : الا ما فيه حفله من غير رقص شرقي
الغلا : اوكي يلا خلينا نهز شوي ههههههههه
حطت نوف الشريط ورقصت الغلا رقص اللي الكل انهبل عليها وزاد حقد
جواهر عليها .. نوف صورت الغلا وهي ترقص وفي بالها توريه خالد
الساعه 12 بالليل ناصر واقف عند الباب ينطر الغلا تطلع , طلع خالد
ياخذ غرض من سيارته وشاف ناصر وتفاجأ : ناصر !! هلا ومرحبا
ناصر : هلا فيك خالد شلونك
خالد : بخير الله يسلمك .. ليه ما قلت انك هنا
ناصر : هههههه توصيات مرتك تقول بتخليها مفاجأه
خالد : من متى وانتوا هنا ؟
ناصر : من امس
خالد : من امس وما تقول .. وين اكرام الضيف اجل ؟
ناصر : احنا مو ضيوف احنا اهل ما عليكم قصور يا خالد
خالد : ووين هي زوجتي ؟
الغلا واقفه وراه : شبيك لبيك الغلا الحلوه بين اديك
خالد وهو يضحك : هلا والله نورت السعوديه
الغلا : شكرا هني
خالد : ليه ما قلتي انك هنا كنا دخلنا من زمان
الغلا : انا يايه علشان نوف مو علشانك
خالد : افا
ناصر يضحك
خالد : وليه طالعين هالحين .. على وين
ناصر : على الفندق
خالد : ليه فندق .. حياكم تفضلوا
ناصر : لا خالد مشكور ما تقصر احنا الصبح مسافرين
خالد : انا زعلان منك ناصر تجي وتروح ونحن ما ندري
الغلا : ازعل عليّ انا ناصر ماله شغل انا محلفته ما يقول لأحد
خالد : خلاص انا زعلان عليكي
الغلا : خلاص .. باجر الظهر ادق عليك واراضيك
خالد : وشمعنى بكره الظهر !
الغلا : لما اوصل الكويت ههههههههه
خالد : ناصر ما تقدروا تأجلوا سفرتكم , بكره رايحين للمزرعه
ناصر يطالع اخته : ودج تروحين ؟
الغلا : شلون .. ودوامك ؟
ناصر : ما علييج من دوامي اذا لج خاطر تروحين قولي لا تستحين
خالد : ها وش قلتي ترى ما فيه حد غريب اللي شفتيهم بالحفله
بيجون بكره المزرعه , بس انا حبيت ناصر يجي يتعرف عالأهل
الغلا : اوكي
خالد : اجل امركم بكره الساعه 9
الغلا : الله الساعه 9 !! شبقى باليوم !
خالد مبتسم : الساعه 9 الصباح مو بالليل
الغلا : 9 الصبح ؟! الحين الساعه بتصير 12.30 وانا ليلحين ما وصلت
متى بنام متى بقعد
خالد : ما هي مشكله اذا نعستي نامي بالطريق
الساعه 9 خالد يدق على ناصر : يلا انزلوا
ناصر : خالد اصعد الدور الرابع غرفه 88 العروس ما خلصت
ناصر : حياك تفضل
خالد : وينها العروس ههههههه
ناصر : تبدل
بعد نص ساعه طلعت الغلا لابسه جينز اسود وقميص ابيض فيه
حزام ضعيف على الخصر واللفه اسود مشير بأبيض وحاطه ميك اب
خفيف وشافت خالد مع ناصر
خالد : واخيرا خلصت العروس
الغلا مبتسمه : ايه من زمان صار لي ساعه خالصه انطركم ههههههه
ناصر : يلا عطلنا الريال .. خذت الغلا جنطتها وقبل لا يطلعون
خالد : الغلا ما معك عبايه ؟
الغلا مستغربه : عبايه بالمزرعه !!
خالد : ايه .. فيه هناك عيال عمي
الغلا : ليش وانا باقعد معاهم ؟؟ انا عند الحريم مالي شغل فيهم
ناصر : ميخالف ييبيها واذا شفتي احد غريب البسيها
الغلا ما عجبها كلام ناصر وعرفت انه قال هالكلام علشان يريح خالد
اخذت عبايتها واطلعوا .. والساعه 11 وصلوا المزرعه
الغلا وهي واقفه عند السياره وتكلم ناصر بصوت واطي : مابي البس العبايه
ناصر : اذا قال لج ريلج لبسيها البسيها
الغلا : ناصـــــــــــــر
ناصر: يلا عاد احنا يايين نستانس بتنكدين على نفسج والسبه عبايه
الغلا : اوووف
خالد : شفيه الحلو معصب
الغلا مبتسمه : سلامتك
خالد : وش فيكي غلاتي ؟

انتهى الجزء التاسع
بانتظار اقتراحاتكم
شراح يصير للغلا بالمزرعه ....
تابعوني بالجزء العاشر ( اختكم غفران*)