الى الكاتبة الرائعة مايا ***** انا اسيرة رواياتك من اول اسيرة الشيطان انتى فى الرواية دى اختلفتى تماما عن كل الروايات الاخرى وحتى عن رواياتك انتى شخصيا اولا احيي اختيارك لاماكن الاحداث انتى خلتينى الف العالم وانا فى مكانى واغرق مع ابطال روايتك فوق الموج وتحت الموج واسرتينى بطوق الياسمين وسؤال نزار هل تعلمين معنى طواق الياسمين ياتى به رجل اليكى
انا بدأت روايتك الساعة10ص خلصتها 6ص اليوم التالي مقدرتش اوقف اولا بطلة روايتك اعصار وبركان وفيض من المشاعر والحنان بطلة من نوع جديد مش البنت الرقيقة العاطفية اللى بتضحى بنفسها من غير مقاومة روح نمرة غاضبة تستفز رجولة اى فارس لترويضها نار فى شعرها وقلبها حبست انفاسي فى كل فصل وخاصة وقت ماغنت اغنية مارياكارى وكانت شبه ساحرة غجرية متحدية
اما البطل انتى قدمتى ساحر بكل معنى الكلمة ساحر الجواهر والقلوب لاول مرة تكسرى تيمة البطل القاسي اللى مش هينطق كلمة حب بالعكس بطلنا قالها بكل سحره وفخره وعفويته قالها وهو مقدر قوة كلمته قالها وكررها وانتظرها هى تقولها ساحر يلعب بالكلمات كما تلعب هى بالرياح ساحر بيحمل فى قلبه حب الحاضر وجراح الماضى وحنان المستقبل حب بيحوط كل اللى حواليه كان بيشارك البطلة اول كل حاجة اول كل لحظة حلوة حتى الحاجات الصغيرة منه سحرتنا واسرتنا لما بيمسح عن شفتاها بقايا الشوكولا وبكل بساطة يوضعها فى فمه حتى لحظة طفولية زى لما بيهديها الشوكولا فى كل حاجة سحرنا برقته مش قسوته ورقة مشهد الشرفة لروميو وجولييت اللى هيفضل اروع لحظات الحب خلودا
من اول لاخر لحظة ماوقفت عن الابتسام خاصة مع جاب لماكسرت التماثيل ولماضربت لولافى الحمام
كل لحظاتهم شدوجذب كانى فى حرب بس حرب لطيفة مش عاوزاها تنتهى من كتر استمتاعى بيها كنت قدام طفلين كبار فى منتهي الحب والعنادتهرب منه اليه وتبعدعنه ويخطفها اقول ايه ولاايه مش قادرة اقول ان فيه مشهد اقوى من الثاتى انى كتبتي مشاهد روايتك كلها بنفس درجة القوة زلازل مقياس10 ريختر ولامشهد ضعيف كلها قمم اسمحيلى ارفع القبعة تحية واجلالا لرواية ارق من الياسمين واقوى من الزلازل والبراكين
| 
09-04-11, 05:24 PM
5Likes
العرض العادي
