آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
12-12-10, 01:01 PM
| #13 | ||||
| نجم روايتي 
|  .. البارت السادس .. .. رنيم انصدمت ولاا إرادياً .. أرتفعت يدها وعطته كــــــــــف .. تصنم بمكانه .. منصدم صار يناظر بعيونها العسلية إلي تجمعت فيها الدموع .. وهو ما زال على نفس وضعه .. كانت تتنفس بصعوبه .. بعد لحظات قصيره جداً .. بس كانت بالنسبة لهم طويــــله وااايد .. رنيم للحظه أستوعبت إلي صار .. ما تدري ليش بس كل الشجاعه والقوة إلي كانت في قلبها قبل لحظة تبخرت .. صارت ترتجف من الخوف والربكة .. منتظرة منه الكف أو الكفوف إلي راح تيــها .. كانت تطالع بعيونه وهي خايفة .. توها بتتكلم .. قطع عليهم صوت دلال: أنتي هني وأنا قاعده أدورج .... وقفت دلال تطالع فيهم وهم يناظرون بعض بصمت .. ابتسمت بعبط .. :أقول تعالي يا جوليت ترى والله لااحقين على بعض .. إذا رحتوا البيت قعدو تأملوا بعض على راحتكم هههههههههه .. مسكت دلال رنيم من يدها وسحبتها معاها: يلااا روميو باخذ منك جوليت ههههههه رنيم مشت مع دلال وهي ما صدقت على الله إنها نقذتها من مواجهتها (المؤقته) مع سعود .. مشت وهي قلبها يدق بقوة .. وللحين مو مستوعبة إلي هي سوته .. رفعت يدها وصارت تناظر فيها .. رنيم في نفسها "معقوله مديت يدي عليه .. أحس إني أحلم .. لاا لاا يا رنيم إنتي ما تحلمين .. بس الله يستر من سعود أحس بدل هالكف برد لي كفوف" .. أما سعود فـ مازال واقف مكانه متصنم .. مو مستوعب .. رفع يده لخده وصار يتحسسه .. سعود في نفسه "عطتني كـــــف .. أنا سعود ولد الـ... تعطيني وحده بنت فقر كــــف .. والله وجنيتي على نفسج يا رنيمووو" ~ بعد ساعتيـــــن ~ رنيم مازال الخوف ممتلكها .. تحس بأي لحظة راح يدخل عليهم الصالة ويتوطى في بطنها .. كانت كل شوي ترفع راسها تناظر من يدخل ومن يطلع .. خوله وهي تبتسم: شفيــج كل هذا مشتاقه حق سعود لفت رنيم لـ خوله بستغراب: هاا الكل: هههههههههههههههههه نجوى وهي تحرك حواجبها: هاا هاا عليــناا كل هالسرحـــان وتطالعين المدخل وما تدرين بالدنيا .. أكيــد مشتاقه حق حبيبج ههههههه رنيم للحظة استوعب الموقف .. ابتسمت بصعوبة علشان تبين الوضع عادي: مالكم شغل فيني دلال وهي توقف وتسحب نجوى: براويكم شلون جكيتهم واقفين في الممر إلي عند الحمام ههههههههه الكل: هههههههههههههه دلاال وهي تساسر نجوى: ههههههههههههههه دلاال ونجوى بدو يمثلون بكل رومانسيـــــة واتقان .. دلال وهي تناظر بعيون نجوى بكل شوق و لهفة .. ونجوى تبادلها النظرات .. والكل: ههههههههههههههههه ما عدا رنيم إلي تجهم ويها من أي تعابيــر بسبب دخول سعود وأبو سعود الصالة سعود وأبو سعود: السلاام عليكم الكل لف لهم : وعليكم السلاام .. ملااحظة: كل البنات مو متحجبين ما عدا دلال ونجوى .. أما الخالات والعمات فكانوا لاابسين عباياتهم وشيلااتهم .. أم سعود ببتسامة: تعال يما أقعد يم عروستك ناظر سعود برنيم وعلى طول قعد يمها من غير ما يعبرها .. أما أبو سعود فقعد يم أم سعود و عيونه على رنيم .. أبو سعود في نفسه "يا قلبي هذي كانت بتصير حلاالي .. بس آآخ صارت من نصيب سعود .. إلي مو مقدر النعمة إلي عنده .. بس هو كلها سنة وبيطلقها .. وأكيــد ما دخل عليها .. إن شاء الله يا ربي ما يدخل عليها علشان أول ما يطلقها بتزوجها ولاا من جاف ولاا من درى ههههه" .. كانت منزله راسها تلعب بأناملها الناعمة وهي تحس بتوتر وسعود قاعد يمها .. حس بـ توترها وحب يوترها أكثر .. قرب شفاته من عند أذونها وهمس .. سعود: والله يا بنت الفقر راح اوريج انجووم السما وكرهج عيشتج وخليج تكرهين الحظه الي رفعتي يدج علي لانه مو انا سعوود ولد ابووي الي يمدوون يدهم علي فااهمه .. وقف سعود وهو يسحب رنيم من يدها : يلااا لاازم نروح الحين أم سعود: وين تو الناس يما قعدوا تعشوا سعود وهو يمثل الرومانسية .. قرب رنيم من حظنه وحط يدها على صدره: لااا يماا أحنى بنروح نتعشى بـمطعم .. تونا معاريس خلونا نستانس الكل: هههههههههه .. حست بغصة و ربكة من حركته وكلاامه .. الخوف بدى يعتلي على ملاامح ويها لدرجه الكل لااحظ تغير ويها .. بس ما أعتبروه خوف .. أعتبروه خجل نجوى ودلال: ما نقدر على الي يستحون ههههههههه ويها تلون بس أرحمها يا سعود سعود ناظر برنيم وجاف الخوف في ويها .. ابتسم بسخرية : ما عليكم منا .. يلاا رنيم لبسي .. لبست رنيم عبايتها وهي ترتجف من الخوف مو عارفة شنو ينتظرها .. بعد ما لبست مشت مع سعود بعد ما الكل ودعهم وخبرتهم أم سعود إنه بعد اسبوع بروحون المزرعة و بسون حفله لهم .. ركبت السيارة وقلبها يدق بقوة .. مشى سعود طالع من فلة أبو سعود متوجه لفلته .. وطول الطريج كان الصمت هو سيد الموقف .. أول ما وصلت السيارة عند الباب .. نزلت من السيارة بسرعه متوجه لداخل وعلى طول لـ غرفتها .. توها بتسكر الباب .. حست بيد تمسك يدها .. بلعت ريجها وكل خلية بجسمها صارت ترتجف .. دف سعود الباب وهو ماسك يدها سحبها لي حظنه ولوى يدها وهي صرخت من الألم .. لكن سعود ولاا كأنه يسمع شي .. مسكها من شعرها ورفع راسها وعطها كـــــف من قوته طلع دم من شفايفها .. بس ما وقف صار يعطيها كف ورى كف .. وهي تصيح .. سعود وهو ينفضها من يده ويرمها على الأرض كأنها ورقة .. وبصراخ هز صداه أرجاء البيت : هذي علشان مرة ثانيـــــة تعرفيــــن شلووووون تتطاوليــــــــــن على أسيـــادج وترفعيـــــــــن يدج عليــهم .. مو أنا سعود إلي تيي بنت مثلج تمد يدها علي .. وأسكــــــــت عنهاااا يا زباله .. ويرفسها على بطنها ويطلع من الغرفة ويقفل عليها الباب | ||||
|  |
|
12-12-10, 01:04 PM
| #15 | ||||
| نجم روايتي
| .. البارت السابع .. الدكتور: هي عندها حمــه شديده بس عطيناها خافض للحرارة .. وعندها هبوط حاد والحين حاطين لها مغذي وعندها ضيق في التنفس بس حطينه لها اكسجين .. أنا ما أنكر إنه حالتها كانت صعبــة ولو متأخر بشوي كان ممكن لاا سمح الله تروح .. بس الحين الحمد الله المدام صارت حالتها مستقره .. وهي الحين تحت المراقبة لمده 24 ساعه سعود بإرتياح: الحمد الله .. طيب ممكن أجوفها الدكتور كان بيرفض .. بس جاف شلون سعود متوتر وخايف .. وعلشان يطمنه أكثر: خلاااص تقدر تدخل وتجوفها بس لك 5 دقايق سعود ببتسامه: إن شاء الله .. مشكور دكتوور ما قصرت الدكتور: لاا العفو هذا واجبي .. عن اذنك .. مشى الدكتور .. وسعود على طول دخل .. جافها وهي مستلقية على السرير والمغذي في يدها والأكسجين على ويها .. وشعرها الأسود متناثر ويدها اليمين على بطنها واليسار ممدوده وفيها المغذي .. قرب منها وصار يتأملها .. سعود وهو حاس بتأنيــب الضميـر: أتمنى إنج تسامحيــني يا رنيــم .. والله ما كنت أقصد .. حس بهدب عيونها تيحرك .. ناظر فيها وكلها ثواني وهي تفتح عيونها ببطئ وتعب .. أبتسم وهو يبعد خصله نزلت على ويها .. سعود: الحمد الله على السلاامه رنيم وهي تحس بالتعب مو قادرة تتكلم .. بس أكتفت إنها تفتح عيونها وتغمضها :........... سعود وهو ياخذ كرسي .. ويقعد يمها ويمسك يدها اليمنى : لاا تخافيــن راح تصيرين بخير .. رنيم غمضت عيونها .. وناامت من التعب وهي مو حاسه بـ شي ... طلع سعود من الغرفة ومن المستشفى بكبره .. و رد البيت يريح وقرر يروح لها في الليل .. .. عند البحر .. قاعد داخل السيارة يناظر البحر وسرحان بفكره .. كان الهدوء مالي السيارة بس في شي عكر صفو الهدوء .. وهو صوت تلفونه .. رفع التلفون وجاف الشاشـة "أم سعود" يتصل بك .. ضغط على الرد بلهفة وهو ينتظر الجواب .. بدر: ألوووو أم سعود: ألوو السلاام عليكم بدر: وعليكم السلااام .. هاا بشري أم سعود: لااا أبشرررك وافقت .. بدر وهو يحس براحـــه: الحمد الله .. بس هي درت إنه أنا وله للحين أم سعود: لاا للحين ما تدري .. وأنا ما راح أقول لها إلاا يوم الملجــة بدر وهو يهز راسه كأنها تجوفه: إي إي زيــن جي .. علشان أضمن إنها ما تغير رايها أم سعود: يالله أخليك الحين يا اخووي بدر: طيب .. مع السلااامة أم سعود: مع السلااامة .. ابتسم بإنتصار .. بدر: واخيـــراً يا نجوى راح تصيرين ملكــي .. آآه أحس هم وإنزاح .. بس ما راح يرتاح لي بال إلاا لما يصير كل شي رسمي وتكونين حلاالي .. في فلة سعود .. .. يحاول ينام بس مو قادر يحس النوم مجافيه .. خذاله ساعتيـــن تقريباً وهو يتقلب .. يبي يرقد يحس إنه نعســآن بس مو قادر .. باله مشغول عليها .. خلاااص استسلم وقام بدل ملاابسه وعلى طول طلع متوجه للمستشفــى .. في المستشفى .. .. فتحت عيونها بتعب .. وصارت تطالع بالمكان بستغراب .. مو مستوعبة هي وين فيه .. غمضت عيونها وهي تحاول تتذكر .. في نفسها .. رنيم "شنو إلي صــار .. أي كنت في غرفتي ودخل علي سعود و ...." .. سكتت وهي تبلع ريجها وتتذكر الأحداث وكأنها البارح ............ .. توها بتسكر باب غرفتها .. حست بيد تمسك يدها .. بلعت ريجها وكل خلية بجسمها صارت ترتجف .. دف سعود الباب وهو ماسك يدها سحبها لي حظنه ولوى يدها وهي صرخت من الألم .. لكن سعود ولاا كأنه يسمع شي .. مسكها من شعرها ورفع راسها وعطها كـــــف من قوته طلع دم من شفايفها .. بس ما وقف صار يعطيها كف ورى كف .. وهي تصيح .. سعود وهو ينفضها من يده ويرمها على الأرض كأنها ورقة .. وبصراخ هز صداه أرجاء البيت : هذي علشان مرة ثانيـــــة تعرفيــــن شلووووون تتطاوليــــــــــن على أسيـــادج وترفعيـــــــــن يدج عليــهم .. مو أنا سعود إلي تيي بنت مثلج تمد يدها علي .. وأسكــــــــت عنهاااا يا زباله .. ويرفسها على بطنها ويطلع من الغرفة ويقفل عليها الباب .. هي مسكت بطنها ودموعها تنزل بغزاره .. حست الدنيا بدت تسود من حولها .. وغابت عن الوعــي .. بعدها صحت وهي ما تدري كم خذالها وهي على هل حال .. حاولت تقوم بس ما قدرت .. تحس كل جزء في جسمها يألمها .. بلعت ريجها وهي تحس بعطـــش .. بللت شفايفها وهي تحس بالموت .. البطــــيء .. قررت تحاول تقوم .. بس ما قدرت كان منهد حيــلها .. الطق إلي ياها من سعود خار كل قوة تملكها .. ظلت مكانها مستسلمه تنتظر الفرج .. أو الموت .............. .. صحت من سرحانها على سكرت الباب .. فتحت عيونها وناظرت جهة الباب .. جافته يناظرها وعلى شفاته ابتسامه .. أول مرة تجوفها .. ما تدري ليش بس حست بالخوف والرعب بدى يتسلل لـ قلبها .. بلعت ريجها بصعوبه .. ونزلت عيونها .. كان مبتسم بس لما جاف ردت فعلها والخوف إلي وضح وضوح الشمس على ملامح ويها .. تلااشت ابتسامته .. وحلت مكانها الجمود .. مشى لناحيتها وسحب كرسي وقعد .. سعود بهدوء: السلاام عليكم يات تبي ترد .. بس حست كل الحروف تلااشت من لسانها .. حتى عجزت تقول حرف واحد .. رنيم:........... سعود غمض عينه وهو عاذرها من ردت فعلها .. فتح عيونه وجافها لا زالت منزله راسها .. سعود بنفس الهدوء وهو يغمض عيونه: ... أنا أدري إنه إلي سويته معاج أكبــر غلط .. أتمنى إنج تسامحيـنـي رنيم:............. سعود:.............. رنيم:............... .. ظلت ساكته .. وهي تنتظره يكمل كلاامه .. انتظرت وانتظرت .. بس ما تكلم .. استغربت ورفعت راسها وانصدمــــــــــت .. في حديقة فلة أبو سعود .. .. هي قاعده على الدورفة تمرجح .. وفكرها مشغول بـ سالفة .. "أنا إلي سويته صح أو لااا .. يعني شلون أوافق حتى اسمه ما اعرفه .. مو مهم لاا اسمه ولاا شكله .. إن شاء الله يكون مو حلو عادي أهم شي ما آخذ الحمار بدر .. آآه وأخيــراً برتاح من بدر ومن سخافته وغروره" قطع عليها سرحانها صرخه فزعتها .. دلاال: بوووووووو نقزت نجوى من مكانها بخوف .. بس لما جافت دلاال وهي ماسكه بطنها وتضحك عصبت .. نجوى وهي حاطه يدها على قلبها: يا حمااااااااارة .. وقفتي لي قلبي .. والله انج سخيــفه دلال: ههههههههه سوري والله ههههههههه .. بس شكلج كان توحفه نجوى بقهر: مالت عليج والله مالت عليج دلال: هههه شفيج شيرتي هههههه نجوى لفت عنها وهي مو معطتها ويه :............. دلال بخبث: إلاا تعالي ما قلتي لي .. بشنو تفكرين تنهدت وهي تغمض عيونها .. نجوى: بـ قراري دلال بغباء: اي قرار ؟! نجوى وهي تبتسم بسخرية: غبية طول عمرج .. بموافقتي يعني شنو دلال: بس انتي وافقتي وامي كلمتهم وقال عن موافقتج نجوى بأســى: والله يا دلاال ودي اني ما اتزوج وانا في هالعمر .. بس انا اطريت أوافق .. كله من خالج الحمار ما تدري ليش بس خافت وحست إنها حقيرة .. دلال وهي تحس بتأنيب الضمير: أنا أبي أعرف ليش انتي رافضة خالي والله إنه خوش ريال .. يعني وين بتلااقين واحد حنون .. وطيب و يحبج "خلي إلي في القلب بالقلب" .. نجوى وهي تمثل الملل : خل حنيته وطيبته وحبه له وحق مرته .. أنا مالي خص فيــه .. و ياريت تسكرين على الموضوع .. لأنه ما منه فايده أنا في طريج وهو في طريج دلال في نفسها "وراج ما تدرين إنه إلي وافقتي عليه هو نفسه بدر خالــي" .. في المستشفى .. .. ظلت ساكته .. وهي تنتظره يكمل كلاامه .. انتظرت وانتظرت .. بس ما تكلم .. استغربت ورفعت راسها وانصدمــــــــــت .. كان منزل جسمه وحاط راسه على الكرســي .. ومغمض عيونه .. و نــايم مو حاس بـ شي .. ما تدري بس لاا إرادياً ابتسمت على شكلـه وهو نايم رنيم وهي تتأمل شكــله .. من شعره الناعم الأسود المتناثر بعشوائية على ويهه .. بـ عيونه الكبار والمكحله والرموشه الطوال .. بحواجبه العرااض الكثيفين .. بخشمه سله السيف إلي ماعطته هيبه .. بشفايفة الوردية المتوسطة .. بسكسوكته إلي طالعه عليـــه روعــه .. حست في نفسها انها فهت فيه .. احمرت خدودها و بعدت عيونها عنه وهي منحرجه .. صارت تفكر بإلي صار لها .. وشنو المفروض تسوي .. هي صارت تخاف منه .. وتخاف من الايام إلي ما تدري شنو مخبية لهاا .. على هالتفكيــر دخلت النرسـه وهي تبتسم .. ردت لها رنيم الابتسامه .. لفت النرسه وجافة سعود نايم .. يات تبي تقعده بس يد رنيم كانت اسرع في منعها .. رنيم بهدوء: حرام خليه نايم النرسه (مصرية): بس يا مدام دا مش كويس .. ينام على الكرسي رنيم وهي تبتسم بنعومه: اي بس حرام شكله تعبان واذا قعدتيه بخترب نومته .. النرسه ببتسامه: ما أدرش على الحب ههههه الله يخليه ليكي وما يحرمك منوو ما عرفت شنو تقول لها .. فـ فضلت إنها تكتفي ببتسامه:.......... النرسه وهي تجيك لها الضغط: لااا تأنتي بإيتي كويسة ولله الحمد رنيم : اممم يعني أقدر أطلع النرسه: أممم ممكن .. بس الأفضل تستشيري الدكتور أحسن رنيم ببتسامه: ميرسي النرسه: واجبنا ابتسمت رنيم على الكلمة لأنها يات بسلوب مضحك وخصوصاً وهي تحاول تقلد اللهجة البحرينية .. طلعت النرسه .. و رنيم صارت تطالع بـ سعود وسرحت بـ معالم ويهه قطع عليها التمعن .. سعود: مضيعه شي في ويهي توردت خدودها بخجل .. وعلى طول بعدت عيونها .. رنيم:........... ابتسم على شكلها المنحرج .. وحب يحرجها أكثر .. سعود بخبث : طيب ليش خدودج احمروو .. حست انها بتمووت من الاحرااج .. رنيم وهي تضغط على يدها يمكن يخف الإحراج الي فيها:........... هني ما قدر يمسك ضحكته لما جاف ردت فعلها .. سعود: ههههههههههههه والله انج برنامج هههههههههه من الاحراج حبت تضيع السالفه .. رنيم: تقول النرسه عادي أطلع .. ممكن تكلم الدكتور .. أبي أطلع تمللت سعود ببتسامه: امداج تتمللين .. ترى ما قعدتي فيها إلا ساعات .. عيل لو قعدتي فيها كم اسبوع شنو بتسوين رنيم بتكشير .. وبدلع عفوي: لاا لاا وإلي يرحم والديــك .. أكره شي عندي قعدت المستشفيات تيب لي المررض سعود وهو للحين حاس بتأنيب الضمير .. قام من الكرسي وقعد على السرير يمها .. ومسك يدها وصار تناظر فيها .. احمرت خدودها و ارتبكت من قربه وحركته .. على طول نزلت راسها علشان تبعد عيونها عن عيونه .. وهي مستغربه من تغييره المفاجئ .. سعود وهو يحط يده على ذقنها .. مما زادت دقات قلبها .. رفع راسها و طاحت عيونها في عيونه سعود و تأنيب الضميره مو مخليه مرتاح: حلفتج بالله يا رنيــم .. تسامحيــني على إلي صار بلعت رنيم ريجها وارتجف قلبها وهي تحس الكلاام ماله مطرح لأنه تلااشه منها .. سعود وهو يضغط على يدها أكثر: بليـــــز رنيم غمضت عيونها وهي تحاول تقوي نفسها .. هذي فرصتها إنه تحط لكل شي حد .. لاازم تستقل الموقف لـ صالحها .. فتحت عيونها بس أول ما إلتقت بعيونه .. حست كل الشجاعه والقوة تبخرت .. كرهت روحها مليووون مررررة على ضعفها .. على طول رجعت تغمض عيونها علشان ترجع الثقة والقوة رنيم بصوت راجف وفيه العبرة: أنا بسامــحك .. لكــن على شرررط سعود ابتسم وارتاح نسبياً: وأنا موافق .. من غير ما تقولين .. المبلغ إلي تبينه راح يكون عندج .. صدمها تفكيــره .. ما توقعته يفكر فيها بهـ طريقه .. فتحت عيونها على وسعها .. رنيـم بصدمه: من قال لك إني أبي فلووس .. سعود وهو يرفع حاجب: يعني تبين تقنعيني انج ما تبين فلوووس رنيم حست بالقهر منه ومن تفكيــره: أكيــد لأنه هذا آخر همـــي سعود استغرب .. لأنه عمره ما توقع إنه آخر هما الفلوس: طيب عيل شنو الشرط؟! رنيم وهي تغمض عيونها: تطلقنــي سعود وهو يرفع حاجب: خيرررر رنيم وهي تتنهد: مثل ما سمعت .. أنـ.ـا .. سعود بستغراب: أنتي شنوو رنيم وهي تتشجع: أنا ما اقدر أعيش معاك على هالحال .. يعني أنت مجبور .. وأنا مجبورة سعود بصدمة وعدم تصديق : مجبــورة؟! رنيم وهي تنزل راسها: اي مجبورة .. على بالك أنا برضى آخذ واحد كبر أبووي وأضيع مستقبلي وشبابي .. وأرخص بعمري علشان بيــزات ؟!! سعود بإستنكار: مو مقتنع رنيم:..... طيب لاا تقتنع .. بس أنا أبي حريتي أبي الطلاااق .. سعود وهو يقوم من مكانه: بس أنا ما أقدر أطلق .. طلبي أي شي ثانــي رنيم: بــس سعود: لااا تحاوليــن طلاااق ما راح أطلق .. يعني استني لـمده سنة بالكثير وذيك الساعه أقدر ألبي لج طلبج رنيم بخيبة وحزن ما خفت عن سعود: بس أنا تعبت .. نزلت دموعها من دون سابق انذار .. تحس إنها ما تقدر تتحمل أكثر من جذي .. خلاااص كل طاقتها وتحملها وقوتها خااارت .. أما سعود .. ماحب الوضع وعلى طول طلع وراح لـ دكتور ~ بعد يوميــــن ~ .. في فلة أبو سعود .. أم سعود وهي محتاســة: نجوووى يلااااااااا نجوى وهي تلبس عبايتها: طيب طيب أكاني دلاال وهي تلبس جبليتها (انتوا والكرامة) : يما لااا تنسين لااازم نمر بيت خالتي أم خوله تبي تيي معانه ام سعود وهي تطلع: إي زين ذكرتيني لأني نسيت نجوى وهي تلف الشيله: يلااا ترى تأخرنا لااازم نكون موجودين قبل المعازيم أم سعود: يلااا .. طلعوا من الفلة متوجهيــن للمزرعة إلي راح تقام فيها الحفــلة بـ مناسبة زواج سعود ورنيم .. وطبعاً كل العائــلة والمعارف راح يكونون موجوديـــــن .. .. فلة سعود .. لبس ثوب وشماغ وتعطر وطلع خطيررر وكشــخة .. بمعنى يطيح الطيــر من السماا .. طلع من الغرفة وراح لـ غرفتها .. دخل من دون ما يطق الباب .. جافها قاعده عند التسريحة ماعطته ظهرها وهي لاابسة الفستان الأحمرر إلي كان قصير يوصل لين تحت الركبة .. وسادي وضيج من عند الصدر لين الخصر و فيه فتحه كبيرة عند الظهر .. بمعنى نص الظهر مكشوف .. ومن عند الصدر فيه قصة وكانت تاركه شعرها بحريته ولاابسة تاج يلمع بالكرستال الأحمر .. و هي تحاول تسكر العقد و واضح عليها إنها محتاســة .. قرب منها بحيث وصل وصار واقف وراها .. سعود ببتسامه: تبين مساعده ؟! .. ما زالت تحس بحيره من تصرفاته ولطفه معاها إلي خذاله يومين وهو يعاملها أحسن ما يمكن .. لدرجه صارت تخوف من هالتغير .. ابتسمت بربكة واحراج .. رنيم: لااا مشكور .. عرف إنها منحرجه منه .. على طول قرب منها أكثر وباعد شعرها وحطاه على جنب .. مما خلاا ظهرها مكشوف .. كان يبي يمسك العقد بس لاامست أنامله أناملها الناعمة .. .. ارتبكت أكثر من ما هي مرتبكة .. حست ريجها نشف و دقات قلبها تدق بقوة أكبر وهي تستنشق عطره و تحس بـ لمسات أطراف أنامله وهي تداعب ارقبتها بنعومة .. بعد سعود وهو يبتسم : يلااا مشينا .. وله للحين ما خلصتي .. هزت رنيم راسها: إلاا خلصت .. ثواني بس ألبس عباتي .. سعود وهو يطلع من الغرفة: أنتظرج بالسيارة .. في بيت أبو رنيم .. .. خذاله حوالي نص ساعة وهو يعدل الشماغ .. لدرجة أم رنيم طفشت .. أم رنيم بملل: يا ريال ترى تأخرنا .. و الله الشماغ عدل .. ترى ما صارت أبو رنيم بعصبية: انتي سكتي لااا تقعدين تحنين على راسي .. أم رنيم وهي تقوم وتطلع من الغرفة: إذا عليك وعلى هل الشماغ ما بنروح .. بعد ربع ساعة .. طلع أبو رنيم من الغرفة وينزل من الدري : يلااا أمشي .. أنتظرج في السيارة إن تأخرتي مشيت عنج أم رنيم بملل وهي تحمل ليث وتمسك صلااح من يده ويطلعون متوجهيـن لـ سيارة .. في المزرعــة .. إلي كانت كشخـــة .. وكبيـــرة وخيــــــال .. لدرجة يعجز الواحد عن الوصف .. وصلوا ام سعود و دلال ونجوى وأم خوله وخوله وبناتها .. وبعدها وصلوا سعود ورنيم .. وبدوا المعازيم بالوصول تدريجياً وعلى الساعة 9 ونص تقريباً .. الكل وصل ^^ .. كان صوت الأغانـــي مالي أرجاء المكـــان .. .. في المجلس .. كانوا الرياييل قاعدين سوالف وضحك و وناســة .. وأبو سعود يوزع إبتسامات و هو كل دقيقه يناظر الساعة .. يبي يدخل ويجوف زوجة ولده .. ((رنيـــم)) .. أبو رنيم وهو يبتسم حق سعود: هاا عساك مرتاح مع رنيــم يا ولدي .. ومو متعبتك معاها .. ترى أعرفها زيــن إلسانها متبري منها .. بس إنت قول لي وأنا أربيها لك و ....... ما يدري ليش حس بالقهر من طريقة كلاام أبو رنيم .. أبو سعود وهو يقاطع أبو رنيم: لااا شنو هالكلااام يا خليــل .. هذي بنتك متربية زيــن ولو هي مو متربية كان ما طلبناها تكون منا وفينه .. و زوجه ((بغصه)) لولدنا سعود صار مصنف على أبوه .. وهو شاك بالموضوع .. بس حاول ما يبين .. سعود: إلاا ما قلت لي يا عمــي أنت شنو تشتغل أبو رنيم ببتسامه مكر: بالمقاوله سعود وهو يهز راسه : أهااا .. دخل المجلس وهو مبتسم .. وكاشخ كأنه معررس .. بدر ببتسامة: السلااام عليـــكم الكل: وعليـــكم السلااام نايف (عم سعود): شخبارك يا بدر .. من زمان عنك بدر ببتسامة: والله زين الحمد الله .. والله شاسوي مشاغل أبو خالد (صديق أبو سعود): آآه من المشااغل العمرر يخلص والشغل ما يخلص الكل: صدقت .. سعود وهو يقوم : عن إذنكم بروح أسلم على الأهل .. أبو سعود على طول قام: خذني معاك .. *_^ .. سعود بقهر: إي يا الله .. طلع سعود مع أبوه من المجلس وهم يتوجهون لـ داخل الفلة .. سعود وهو يوقف أبوه: يبا أبو سعود بإستغراب : خيرر سعود: كل الخير .. يبا انت في شنو تفكر فيه بالضبط أبو سعود وهو مو مستوعب: ما فهمت شلون يعني ؟! سعود وهو ياخذ نفس عميق ويزفر : أنت حاط عينك على رنيــم .. صح ؟! أبو سعود بربكة: هااا سعود وهو يغمض عيونه:أنت عارف أنا شنو أقصد .. بس هي ما تحل لك .. ومستحيل تقدر تخذها حتى لو طلقتها أبو سعود بصدمة : أنت دخلت عليــهااا ؟! سعود حس بقهررر لأنه توقعه طلع بمحله .. ومن بين أسنانه: يبـــا !! .. أنت شلوون تفكر هالتفكيــــر .. هذي زووجة ولدك إلي هووو ((وهو يأشر على نفسه)) أنــــا أبو سعود:............ سعود بسخرية: أي خبري فيك يا يبه فالح بس حق الزواج .. ومراهقتك .. من دون ما تعرررف إذا كان الشي صح أو لااا .. خووب إنت في الديـــن ميــح .. أبو سعود بعصبية: سعوود أحترم نفسك وإلزم حدودك سعود بسخرية: تبيني أحترم نفســي .. طيب .. بس بقول لك شي وأتمنى ما تنساه .. تفكيــرك غلـط .. والبنت ما تحل لك سواء دخلت عليها ولــــه لاااا .. مشى سعود لداخل .. تارك أبوووه مصدوووم .. مو مستوعب أبو سعود بقهر: معقوله ما تحل لي ؟!! .. في الصالة الداخلية .. كانوا النسوان ((الحريم)) و البنات قاعديـــن سوالف وضحك .. و رقــص .. نجوى وهي تتمايل مع الأغنية وداشـــة جوو .. راحت لـ ناحية رنيم وسحبتها من يدها .. نجوى: بليــــــــز رقصي رنيم بخجل: بس أنا ما أعرف صفاء وهي تبتسم: عاادي نجوى تعلمج .. خوب هي معلمه الكل الرقص .. أم سعود بصوت عالي : يا جمــاعة سعوود بيدخل طبعاً إلي متحجبة تحجبت .. وإلي لاابسة قصير تسترت .. دخل بهيبته وسلم على عماتــه و بنات عماته لأنه ما سلم عليهم لما يوو .. وطبعاً الكل بارك له على زواجــة .. نجوى وهي تبتسم: مرتــك دليــعه سعوود سعود وهو يرفع حاجب: ليش يعني ؟! دلال وهي تضحك: ههههههه مسكينه ما يسوى على البنت قالت لج ما تبي ترقص سويتيها دليعه سعود وهو يناظر بـ رنيم وإلي ساكته و منزله راسها : لااا تحملو تخلونها ترقص صفاء بخبث: خايف عليها من العين .. أعترررف الكل: ههههههههههههه رنيم انحرجت وتوردت خدودها .. أما سعود ضحك بقوة: ههههههههههههههههههههه .. سعود: هو فعلاا هالسبب بس بعد في سبب ثاني خوله: شنووو سعود: توها من يومين طالعه من المستشفى والدكتور مانعها من أي شي يجهدها أم رنيم بخوف: هـــــه ليــش شنو فيها .. وليش ما خبرتني سعود : لاا تخافين يا خالتي .. بس تعبت شوي لااا أكثرر .. ويوم وديتها المستشفى .. (قاطعته أمه بفرح) أم سعود: لاا يكوون حـــــامل .. هني تعالو دورو رنيم من الاحرااااج إلي فيها .. ما تتخيل إنها تكون حامل ومن منو من سعووود .. سعود ابتسم وهو يحس بـ حراج رنيم: لااا يما تونا معاااريـــس ويــن تحمل .. تو الناس .. أم خوله: إن شاء الله .. الله يرزقكم بالذرية الصالة الكل: آميــــن سعود وهو يعدل شماغه: يلااا أخليــكم الحيـــن الكل: الله معااك .. طلع سعود من الصاله .. وأم رنيم على طول راحت لـ رنيم .. أم رنيم بقلق: يعورج شي .. تعبانه .. فيج شي ؟! ابتسمت رنيم بحب لأمها: لااا ماما مافيني إلااا العاافية لااا تخاافيـــن أم رنيم: متأكدة؟! أم سعود وهي تسحب أم رنيم: خليها البنت مافيها إلااا العافية رنيم ببتسامه: هذي ماما من خوفها تمرضني غصب زور الكل: هههههههههه .. ام رنيم بزعل: الله يسامحج رنيم بحب وهي تبوس أمها بنعومه على خدها: يا حبي لـــج .. قامت أم رنيم مع أم سعود .. وصارت رنيم مع البنات تسولف .. رنيم وهي تناظر بنجوى وهبالها : نجوى لفت عليها نجوى : آمري رنيم: أنتي شلون أخت سعود برضاعة .. وعايشة معاهم .. سوري على تطفلي .. بس فيني فضوول نجوى ببتسامه: لااا عاادي .. الله يسلمج .. أمي إلي هي عمة سعود هي إلي رضعت سعود مو أنا .. طبعاً أنا عندي أخو كبر سعود الله يرحمه الكل: الله يرحمه نجوى وهي تكمل بحزن: و يوم أمي ترضع سعود كانت خالتي أم سعود .. تعبانة علشان جذي .. أما بخصوص شلون أنا عايشة معاهم .. لأنه الله يسلمج كان علي امتحانات قبل سنة .. وهم كانوا يبون يسافرون .. وأنا أطريت ما أسافر معاهم وأقعد عند عمي أبو سعود .. وهم سافروا بـ السيارة وصار لهم حادث و ........ كلهم عطوج عمرهم الكل حزن .. وكأنه هالشي صار من أمس .. رنيم حست بالحزن على نجوى .. سبت نفسها مليووون مررررة لأنها ذكرتها رنيم ودموعها بدت تغرق عيونها: أنا آســفة .. ما كان قصدي نجوى وهي تمسح دموعها وبمرح: لااا عاادي .. دلاال وهي تبي تغير الجو الكأيب : يلااا خل نررررقص البنات: يلاااااااا .. وقااامو البنات يفلوونها .. ويرقصوون .. | ||||
|
| |
|
12-12-10, 01:06 PM
| #16 | ||||
| نجم روايتي
| .. البارت الثامـــن .. رنيم وهي تناظر بنجوى وهبالها : نجوى لفت عليها نجوى : آمري رنيم: أنتي شلون أخت سعود برضاعة .. وعايشة معاهم .. سوري على تطفلي .. بس فيني فضوول نجوى ببتسامه: لااا عاادي .. الله يسلمج .. أمي إلي هي عمة سعود هي إلي رضعت سعود مو أنا .. طبعاً أنا عندي أخو كبر سعود الله يرحمه الكل: الله يرحمه نجوى وهي تكمل بحزن: و يوم أمي ترضع سعود كانت خالتي أم سعود .. تعبانة علشان جذي .. أما بخصوص شلون أنا عايشة معاهم .. لأنه الله يسلمج كان علي امتحانات قبل سنة .. وهم كانوا يبون يسافرون .. وأنا أطريت ما أسافر معاهم وأقعد عند عمي أبو سعود .. وهم سافروا بـ السيارة وصار لهم حادث و ........ كلهم عطوج عمرهم الكل حزن .. وكأنه هالشي صار من أمس .. رنيم حست بالحزن على نجوى .. سبت نفسها مليووون مررررة لأنها ذكرتها رنيم ودموعها بدت تغرق عيونها: أنا آســفة .. ما كان قصدي نجوى وهي تمسح دموعها وبمرح: لااا عاادي .. دلاال وهي تبي تغير الجو الكأيب : يلااا خل نررررقص البنات: يلاااااااا .. وقااامو البنات يفلوونها .. ويرقصوون .. .. في المجلس .. دخل و طاحت عيونه في عيون أبوه .. حس بالقهر فـ بعد نظره عنه بسرررعه خايف يسوي شي يندم عليه .. راح وقعد يم خاله علشان ينسى إلي صار أو بالأحرى يتناســـــى لاااحظ عليه من أول ما دخل .. مستحيل تطوف عليه حركاته .. ابتسم وهو متأكد من إلي في باله ببتسامة جذابة .. بدر: شفيــك !! لف عليه و القهر واضح بصوته .. سعود: ما شررر بدر : ههههه واااضح سعود وهو يتنهد: آآه أبوي يا بدر أبوي بدر وهو يقوم وببتسامه: قوم خل نتمشى قام سعود وصار يتمشى مع بدر في المزرعه .. ناظره وابتسم .. بدر: يلاااا قول لي شنو إلي مضايقك من أبوك غمض عيونه و استنسق عبير الهوى .. سعود: تخيل يفكر بزوجتي بانت الصدمة وعدم التصديق على مراسم ويهه .. بس اكتفى بإنه يهز راسه بأسى على هـ الشي .. بدر: مو معقول ؟!! دار سعود حول نفسه وهو راسم ابتسامه ساخرة: جفت شلون .. هذا هو الوالد العزيـــز دائماً مو معقول ابتسم على حركة سعود .. كأنه ياهل يدور حول نفسه .. بدر بجدية: و شنو راح تسوي سعود وهو يرفع كتوفه: ما بسوي شي .. لأنه مافي يدي شي من الأساس بدر بنفس نبرته: شلون مافي يدك شي إلااا فيــه .. مو هي زوجتك وأنت رجلها .. خلاااص انت بيدك كل شي سعود بستغراب: يعني شنو أسوي !! بدر وهو يبتسم: شفيك صاير غبــي يا رجال شغل مخك المجيم .. ركز معااااي سعود ببلااهه: اوكي بدر: مو أنت تحب مرتك وغار عليها ابتسم سعود بسخرية وفي نفسه "لحد يسمعك ويصدق بس ههههه": انزين ابتسم على جواب سعود .. وكمل بكل جدية .. بدر: أسمع حاول تخلي مرتك ما تقرب من أبوك واذا كلش خلها تتحجب عنه .. أنا مو قصدي بـ هل كلااام إنك تخلي زوجتك تحقد على أبوك أو أنت تاخذ عليه .. بس يمكن يحس بإلي راح تسويه ويعرف غلطته سعود وهو يبتسم: فكرة مع أني أشك أن ممكن يحس ويغير فكرته بدر: ان شاء الله وقف بخطواته وناظر بـ بدر .. سعود: خل نرجع المجلس بدر وهو يبتسم : أوكي بس أنا بروح أشرب ماي نشفت ريجي سعود: هههههههه أما نشفت ريجك كثر منها بدر وهو يوقف: هههههه اي سعود ببتسامه: طيب بس فيه المجلس ماي بدر: وأنا من متى أشرب ماي حار سعود: هههه اي حار يبا الماااي بارد بدر بغرور: بس أنا أحبــــه ثلــــج سعود: عيل رووح المطبخ بدر وهو يمشي: وهذا إلي كنت بسويه .. راح سعود المجلس وبدر توجه للمطبخ .. .. في الصالة الداخلية .. كل البنات قاعدين ما عدا نجوى مازالت ترقص ^^ حنان ببتسامه: ما شاء الله كلنا تعبنه من الرقص إلاا نجوى للحين تردح الكل: هههههههههههه .. يات وقعدت على الكرسي بتعب .. نجوى: تعبت الكل: ههههههههههههه استغربت من ضحكهم ورفعت حاجب .. نجوى: خيرررر ضحكوني معاكم عايشة وهي تضحك: ههههههه حنون عطتج عين توها من شوي تقول كلنا تعبنا إلاا نجوى .. إلاا وانتي يايه ومنهد حيلج هههههههه نجوى ببتسامه : يا الحنـــة أرايــــج تعطيني عين هااا صفاء : اي منقهره من رقصج نجوى بهبال: إي أدري عنها حسوووووده الكل: ههههههههه حنان وهي تكش بيدها على ويه نجوى: وي مالت عااد من زينج ولاا من زين رقصج نجوى وهي تقوم وبغرور: أدري محتررررررررره الكل : ههههههههههههه .. راحت نجوى للمطبخ تشرب ماي لأنه فعلاا تعبت من الرقص .. .. في المطبخ .. دخلت وهي تدندن وتترقص .. خذت قلااص وهي تدور على نفسها و تتوجه لـ كولر الماي وتصب لها وهي تتمايل بجسمها .. لفت وهي تشرب ببتسامه .. بس أول ما طاحت عيونها في عيونه شرقت بالماي وقامت تكح *_^ ياته الضحكة على شكلها المخترع .. بدر: الله .. حلوو رفعت راسها وهي للحين مو مستوعبه .. نجوى بستغراب: أنت من متى هني !! ابتسم بدر وقرب لها شوي : من لما دخلتي من الباب ^^ .. حست بالحرارة تسري في جسمها من الاحرااااج والفشله وخصوصاً إنها لاابسه فستان عاري وقصيــــر .. يات تبي تطلع بس كانت يد بدر أسرع منها .. مسكها من ذراعها وسحبها لين ما صارت قباله .. رفعت حاجب بستنكار .. نجوى: خيرررررر ؟! بدر بهدوء: كل الخير نجوى بقهر وعصبية من الهدوء إلي هو فيه: وين بجوف الخير بعد ما جفت ويهك النحـــس تنرفز من كلاامها .. بس ما حب يبين .. وبهدوء يقهر .. بدر: عيب تقولين حق زوجج ويه النحس .. حست إنها راااح تنفجر من القهر والعصبية .. نجوى بتمرد: واااايد ترااك مصدق روووحك .. تخسي آخذ واحد مثلك .. ولاا حتى في الأحلااااام .. بدر وهو يرفع حاجب: متأكده ؟! نجوى بكل ثقة وغرور: مليون بالميـــة بدر وهو يجرب منها أكثر لين صار ما يفرق بينهم شي .. وبتحدي: نجوووووف .. أنا بكرة راح أكلم خالج نجوى وهي تبتسم بستهزاء .. وبتحدي: أعلى مافي خيرك أركبه بدر ابتسم ببتسامه حلوة : طيب .. سي يوو يا زوجتي العزيزة ^^ .. حست بالقهر أكثرررر بس ما أهتمت .. ومشت عنه تاركته يناظر بـ خيالها ويبتسم على الفكرة إلي طرت في باله .. .. في الصالة الداخلية .. حاطه ليث في حظنها وتلعب معاه .. تحس إنها مشتاقه له من زمان ما قعدت تلااعبه .. واليوم فرصه لها .. ولاازم تستقلها .. ناظرتها وابتسمت على شكلها كان كيوووووووت وهي تلااعب ليث .. أم سعود وهي توجه الكلاام لأم رنيم: بنتج ما شاء الله عليها .. جوفيها وهي تلااعب أخوها صاير شكلهم كيووت من قلب أم رنيم ببتسامه حب: إي والله .. الله يعطيها إن شااء الله وإنجوفها تلااعب عيالها أم سعود من كل قلبها: آآآآآآميـــــن أم حسام ببتسامه وبصوت عالي سمعه الكل: تدرون إني أول ما جفت رنيم دخلت في خاطري وقلت بخطبها حق ولدي حسام .. بس أكتشفت إنها العرووس .. يابخته سعود فيهااا يا أم سعود أم سعود في قلبها "قل أعوذ برب الفلق من شر ما خلق" .. ابتسمت كـ مجامله: الله يهنيهم ويخليهم حق بعض ويحرسهـــم من العيـــــــــن الكل ما عدا رنيم: آآآميـن .. حست بالاحرااج من كلامهم عنها .. وعلى طول طرى في بالها .. وخذتها أفكارها في هاللحظة بـ سعود .. رنيم في نفسها "يا ترى شلي غيرك يا سعود .. والله إنك حيرتني .. أمرك غريب كنت ما تشتهي حتى تناظرني والحيـن تسولف معاي وتبتسم لي .. ما أدري بس مو متطمنه خايفــة إنك ناوي علي بنيــه .. الله يستر من نواياك" .. دخلت وهي تحس ببراكيــن مكتوومه في قلبها .. منقهره موووت منه .. نجوى بتحلطم : عسى ربي ياخذك ويريحني منك .. حمااار .. مصدق روحه هذا إلي قاصر بعد آخذه .. بس الحمد الله الحين ما يقدر يسوي شي بعد ما وافقة على الريال إلي تقدم لي .. بس (سكتت وهي تفكر بـ منطق) يا خوفي يقول حق خالي إنه أولى ويلف بـ مخه .. ذيك الساعة راحت علي أكيــد خوله بستغراب منها : شفيج ؟!! نجوى لفت ببلااهه: هااا خوله: من قال ها سمع نجوى بشرود: أي أي خوله بضحكة: هههه شنو أي أي .. لااا شكله مأثر عليج الرقص .. ما عليج شرها نجوى بغباء: الشر ما أييج خوله هني فطستها ضحك: ههههههههههههههههههههههه رنيم وهي تبتسم: شفيج خوله استخفيتي خوله ببتسامه: لااا بس رنووم بذمتج جوفي نجوى وحكمي .. شكلها اليوم محششه مووو رنيم وهي تناظر بنجوى إلي سرحانه وحاطه يدها على ذقنها وتحرك سبابتها بدلااله التفكيـر .. كان شكلها توووحفه .. ابتسمت وهي تهز راسها .. رنيم: من قلـــــب .. في المجلس .. دخل والفكرة مازالت تلعب في راسه .. قعد وهو يناظر بأبو سعود إلي كان يسولف مع الرياييل ومندمج في السوالف .. لف على سعود وجافه هو الثاني مندمج بالسوالف مع الشباب .. فكر بحيره وفي الأخيــر قرر ينفذ إلي يدور براسه بدر ببتسامه وهو يناظر بـ أبو سعود .. وبصوت شبه عالي : أحم أحم يا أبو سعود ناظره أبو سعود بستغراب وانتظره يكمل كلاامه .. ما يدري ليش بس حس بشويه احراج لأنه الكل قام يناظر فيه .. بس هالشي ما وقف تنفيذ إلي براسه .. بدر بجديه و ببتسامه: أنا حاب في هالمناسبة .. ويشرفني إني أطلب يد بنت أختك قدام الكل .. وأتمنى إنك ما تردني ابتسم سعود وابو سعود كان عارف بـموافقة نجوى لأنه أم سعود خبرته .. ابتسم وهز راسه بالموافقة أبو سعود : ما أعتقد إنه راح نحصل ريال أحسن منك .. وأنا موافق وما عندي مشكله بدر ببتسامه: بس لاازم تشاور البنت أبو سعود: مافي مشكله لو تبي الحين بعد آخذ رايها وتملك بدر بفرح لأنه وصل إلي هو يبيه: يكون أحسن بعد الكل: هههههههههههههههه انحرج وابتسم على زلت لسانه .. أما أبو سعود ناظر بـ سعود : روح وخذ راي أختك سعود وهو يقوم : أبشررر .. طلع سعود من المجلس واتصل بأمه .. أم سعود: ألووو سعود: هلاا يما أم سعود: هلاا فيك زود .. عسى ما شر سعود: ما شر بس خالي أم سعود بخوف: شفيـه سعود: مافيه شي لاا تحاتين .. بس هو قال حق أبوي وجدام الكل طلب يد نجوى و يبي يملك عليها اليوم بما أنه الكل من الاهل موجود .. وأبوي يبي موافقة نجوى أم سعود بفرح: أبشر بإلي يسرك سعود : بسرعه يما عجلي ورحي سأليها و عطيني خبر أم سعود: إن شاء الله سعود: باي .. سكر سعود من أمه و سند نفسه في الجدار ينتظر اتصالها .. .. في الصاله الداخلية .. أول ما قفلت من سعود تهلل ويها سعاده .. وراحت على طول ونادت نجوى ودخلتها بغرفه وقعدت معاها بروحها .. وطبعاً نجوى مستغربه من الوضع بس ما علقت .. أم سعود بفرح: إنتي وافقتي على المعرس إلي تقدم لج صح نجوى بخوف "أبيـــه لاا يكون بدر فر مخ خالي وخلاه يرفضه" : اي أم سعود ببتسامه: وهو مستعيل ويقول يبي يملج عليج اليوم بما إنه الكل مجتمع نجوى بصدمه: اليوووم أم سعود بمكر: إي اليوم .. إلاا إذا ما تبينه ترى عادي قولي والحين أتصل وأقول لهم ويردونه نجوى: لاا لاا لاا بس لاازم أفكر .. يعني أنا هالانسان ما اعرفه ولاا حتى جفته ولاا كلمته .. فـ على الأقل خل أفكر أم سعود بنفس المكر: إي بس لين متى بالتفكرين .. هو جي ولاا جي ما ردج موافقه . سوى صار العرس الويم ولاا بكرة ما يغير وبعدين هذي بس ملجه نجوى بتفكيــر "أممم يمكن هذي خيره لي من ربي .. قبل لاا يكلم بدرووه أبوي بكرة .. هههه أكيد بدر الحين ينتظر على نار ومنقهر .. وأخيرا يات لي فرصة اكسر غروره وثقته الزايدة" نجوى ببتسامه نصــر: موافقة ام سعود بفرح : كلووولوووووووش .. ألف ألف مبروووووووك يا يمه نجوى ببتسامه: الله يبارك فيج يا خالتي اتصلت أم سعود بسعود وبشرته .. وانتظرت هي ونجوى داخل الغرفة ليــن ما يعطيهم خبر إنهم كتبوا الكتاب .. ملاااحظـــــة: عندنا إحنى الولي الأمر هو إلي يوقع عن العروس ويوافق من دون ما يسألها الشيــخ << للمعلومية فقط ^^ .. .. في المجلس .. الفرحه مو سايعته لما زفاه سعود بالخبر .. وارتسمت على شفايفه ابتسامه انتصار وغرور .. بعد نص ساعة وصل الشيــخ .. وتم كل شي و صار بدر زوج نجوى على سنة الله و رسوله .. سعود وهو يبارك حق بدر: مبرووووك يا النسيـــب بدر: هههه الله يبااارك فيك سعود وهو يغمز: خل أبشر الوالده بدر وهو يبتسم: اي بس ياريت تقول لها إني أبي أجوف نجوى سعود: أكيــــــــد مو خلااص هي صارت مرتك .. أفرح يا شيــخ بدر: هههههههههههه .. أتصل سعود وبشر أمه .. وطلب منها تخلي نجوى تروح للمجلس الداخلي لأنه بدر يبي يجوفها .. .. عند البنات .. مستغربين من أم سعود .. ومن نجوى إلي تأخروا وهم داخل الغرفة .. صفاء بلقافة: مو قاااادرة أبي أعرررف شسالفه عايشة: هههههه طول عمررج ملقوفه رنيم : ههههههههه نفسي أنا بعد عندي اللقافه ماخذه لمركز الأول عندي خوله: كلش ما يطيح يا حرم سعود ما تدري ليش بس إنحرجت من حرم سعود .. حسستها إنها فعلااا زوجه له .. اكتفت ببتسامه خجل .. في ذي اللحظة ظهرت أم سعود وهي مستانسة : كلوولوووووووووووش الكل لف واستغرب .. دلاال بهبال تناظر رنيم: خيررر متى حملتي رنيم انقلب ويها احمرررررررر من الفشله :........... الكل: ههههههههههه خوله وهو تضرب دلال على خفه: جب يلاا جب احرجتي البنت .. ما عليج منها هذي هبله رنيم وهي تهز راسها وخدودها حمر: لااا عاادي دلال وهي تناظر أمها: خير يما فرحيـــــنا معاااج أم سعود وهي تغمز: نجوى ملج عليها بدر من شوي دلاال بونااسه: كلوووووووولووووش .. الكل فرح بـ هل الخبر و صاروا البنات يقومون ويرقصون .. بـ هل المناسبة على إنهم كانوا فاليـــنها من بداية الحفله ^^ .. في المجلس الداخلـــي .. كانت قاعده وهي تحس بالتوتر .. وخايفه قلبها يدق بقــــــوة مو طبيعية .. حست بأحد يفتح الباب .. وقلبها زاااااد من ضربااااته .. كانت منزلـــــــه راسها .. جافت بظل طويــل و بخطوات كل مالها وتقرب منها .. لين صارت قبالها .. رفعت راسها وهي مرتجفه ومستحية في نفس الوقت و انصدمـــــت صدمة عمرررررررها .. بدوا المعازيــم يمشووون وما بقى غيــر الأهل .. قرر سعود يرجع البيت لأنه حس بالتعب .. دخل الصالة وهو عارف إنه مافي أحد غريب .. و علشان يقول حق رنيم تجهز نفسها علشان يمشون .. كانت قاعده ومغمضة عيونها بتعب .. سمعت صوته وهو يتكلم مع أمه وعرفت إنه ياي يقول لها تجهز نفسها لأنه بيمشون .. قامت على طول ولبست عبايتها وشيلتها وتوجهة له .. لمحها وهي تجرب منه .. لف لها وجافها لاابسه وخالصة .. سلموا على الكل وطلعوا .. .. عند السيارة .. لمح سعود أبوه يقرب منهم .. على طول ناظر بـ رنيم بنظره .. سعود بنرفزة: غطي ويهج غطت رنيم ويها والخوف بدى يتسلل لـ قلبها لأنه رجع أسلوبه مثل قبل :........... أبو سعود انقهر لأنه رنيم مغطيه ويها .. كان متشفق لشوفتها: وين تو الناس سعود بقهر بس كابته: لااا وين تو الناس .. وبعدين انا تعبان وأبي أريح .. وحب يقهر أبوه و يخليه يغير تفكيــره .. حاوط خصرها بجرئه وقربها له .. وببتسامه .. سعود: ونكون لـ وحدنــا أنا ((وشدد على الكلمة)) و زوجتـــــي مووو .. كان يناظر بـ رنيم إلي كل خليه فيها ارتجفت وارتبكت من حركته وكلاامه .. رنيم ببلااهه: هاا ابتسم سعود على ردها و ما حب يطول السالفه تركها وهو يمشي عن أبوه .. سعود: مع السلااامه يبااا مشت رنيم و ركبت السيارة مع سعود إلي على طول شخطها وطلع من المزرعه تارك أبوه مقهووووور .. في المجلس الداخلي .. كانت منزلـــــــه راسها .. جافت بظل طويــل و بخطوات كل مالها وتقرب منها .. لين صارت قبالها .. رفعت راسها وهي مرتجفه ومستحية في نفس الوقت و انصدمـــــت صدمة عمرررررررها نجوى بصدمه : أنـــــت | ||||
|
| |
|
12-12-10, 01:07 PM
| #17 | ||||
| نجم روايتي
| .. البارت التاســع .. .. في المجلس الداخلي .. كانت منزلـــــــه راسها .. جافت بظل طويــل و بخطوات كل مالها وتقرب منها .. لين صارت قبالها .. رفعت راسها وهي مرتجفه ومستحية في نفس الوقت و انصدمـــــت صدمة عمرررررررها نجوى بصدمه : أنـــــت !! ابتسم بإنتصار وغرور .. بدر: بشحمه ولحمــه حست إنها إنهبلت ولاا في عقلها شي .. وإذا كلش فهي تحلم .. وبعدم تصديــق نجوى: بــدر!! ما قدر يمسك نفسه وهو يجوف الصدمة إلي هي فيه .. بدر وهو يضحك: هههههههههههههه قعدت على الكرسي وهي تحس إنه ما عاد فيها قوه توقف والأفكار قامت تاخذها وترجعها .. نجوى في نفسها "أكيد لما عرف بموافقتي من الريال فر مخ خالي" .. نجوى بندفاع والحقد والقهر واضح بعيونها: أنت بأي حق تسوي إلي سويته بدر بهدوء:وأنا شنو سويت نجوى بعصبية: كل إلي سويته وتقول لي شنو سويت ؟!! بدر وهو يجرب منها شوي: أي شنو سويت .. يعني أنا تقدمت لج وأنتي وافقتي نجوى بصدمة: شلوووون !! بغرور .. بدر: إلي سمعتيه يا زوجتي العزيــزة نجوى وهي للحين ما صحت من الصدمة: يعني أنا إنخدعت و إنغشيت بدر وهو يهز راسه: مو مهم قعد يمها وهي على طول قامت بـ تبتعد بس يد بدر كانت أسرع سحبها وقعدها في حضنه .. رجعت تبي تقوم بس هالمرة ما قدرت لأنه كان محاوط خصرها نجوى بعصبية : أتركني يا حمار مسك ويها بيده اليمين واليد اليسار مازالت محاوطه خصرها .. بدر بحده وعيونه في عيونها: أششش عيــب أنا زوجج ما يصير تقولين عني حمار حست بالاحراج و الربكه وهي في حضنه .. نجوى بقهر : إلاا حمار وستين حمار بعد بدر ببرود ينرفز: أهاا زين قلتي لي علشان أعلمج الحمار شنو ممكن يسوي نجوى بتحدي: يعني شنو بتسوي بدر وهو يبتسم وبدهاء: تبين أراويج ما تدري ليش خافة .. بس ما حبت تبين .. نجوى وهي تسوي نفسها مو مهتمه: يلااا .. بدر صار يتأمل شعرها المبعثر على ويها بطريقه تسحر .. بعيونها الوسيعة المكحله .. بشفايها المليانه .. أغراه الروج الأحمر الصارخ .. قربها منه أكثر وباسها بقوة .. دفته عنها وقدرت تفلت من حضنه .. نجوى وهي تمسح شفايفها بيدها بقرف: حمااااااار قام بدر بطوله وهو رافع حاجب: جوفي أنا سكت مو معناته خايف منج .. بس صدقيني هذي آخر مرة أحذرج حسني ألفاظج أحس لج نجوى وهي تحس نفسها شوي وتصيح: طيب أتركني حس فيها إنها على وشك ذرف الدموع .. بس حب يأدبها .. بدر بخبث: بتركج بس بشرط نجوى بخوف: شنووو صار يقرب لها وهي تبعد ..يقرب .. وتبعد .. لين ما لصقت في الجدار .. قرب لها وحط يدينه بـ الجدار .. محاصرها .. وجرب ويهه من ويها أكثر كانت تتنفس عطره .. ودقات قلبها تدق بقوة نجوى من بين أسنانها: بدر بعد عني بدر وهو يبتسم: وإذا قلت لج لاا نجوى وهي تحاول ما تبين ربكتها .. صارت تحاول تبعده عنها .. بس بدر كأنه جبل ما تحرك من مكانه على كثر محاولااتها نجوى وهي تحس بالتعب: يعني شلون ما بتبعد بدر ببتسامه: لااا مو قبل لاا تنفذين شرطي نجوى وهي تبلع ريجها : و شنو هو بدر بثقة وغرور: تعتذريــن على كل كلمة قلتيــها نجوى بندفاع وتمرد: مو أنا إلي أتأسف من واحد متخلف ومنحط بدر وهو يرفع حاجبه: شكله ما راح ينفع معاج هالأسلوب .. ((وبخبث)) بس أنا أعرف أسلوب قوي وفعال بعد رفع راسها بـ يد واليد الثانية على الجدار .. وصار يوزع بوساته الحارة على ويها والرقبتها .. وهي تحاول تبعد عنه نجوى برتجاف وخجل: خلاااص آآآسفة .. بعد .. ابتعد وهو يبتسم .. بدر: قلت لج ما ينفع معاج إلاا هالأسلوب *_^ .. أول ما أبتعد عنها وحست إنه في مجال تطلع .. على طول ركضت وطلعت من المجلس تاركته مبتسم .. في فلة سعود .. وصلت السيارة عند الباب .. نزلت وهو نزل معاها .. دخلوا البيت وكل واحد فكره مشغول فسخت شيلتها وتركت شعرها ينساب بحرية .. و حذفة روحها على الكنبة بتعب .. حذف نفسه بنفس طريقتها ابتسمت رنيم وبعفوية: كسرت الكنبة لف لها وصار يناظرها وهو رافع حاجب .. أول ما جافت نظرته على طول حطت يدها على شفايفها وهي خايفة رنيم وهي تبرر: سووري والله .. ترى مو قصدي شي .. كنت أمزح والله ما قدر يمسك نفسه على خوفها إلي واضح من طريقة كلاامها .. سعود: ههههههههههههههههههه رنيم:......... سعود وهو يبتسم: شفيج خفتي .. تراني مالي بوحش رنيم وهي تبتسم وتحاول ما تبين خوفها: عن أذنك .. قامت وهي متوجهه لدري .. بس صوته وقفها سعود بحده: رنيم لفت له رنيم وهي تحس بالخوف: آ..آمـ.ـر سعود وهو يقوم ويوقف: من يوم وطالع أبيج تتنقبين عن أبوي رنيم بصدمة: هااا سعود وهو يمشي ويقرب لها: مثل ما سمعتي .. و إن جفت أو سمعت أو حســيت إنج تخلين أبوي يناظرج يا ويلج يا سواد ليلج .. سااامعه هزت راسها وهي تحاول تفهم .. مشى عنها وصعد فوق .. وهي ثواني وصعدت دارها .. في غرفة رنيم .. بعد ما بدلت ولبست لها بجامه بدي وشورت .. قعدت تفكر بكلااامه .. رنيم في نفسها "معقوله يغار علي .. إلااا عيل ليش يطلب مني هالطلب .. بس هذا أبوه وبعدين من المحبة الزايده يعني علشان يغار علي .. أكيد يبي يرفع ضغطي لاا أكثررر ..أممم والله إنك حيرتني معاك يا سعود" هزت راسها كأنها تبعد الأفكار عنها .. قامت وشغلت شريط ماجده الرومي المغنية المفضلة بـ نسبه لها صارت تغني بصوتها الناعم العذب ودخلت جو مع الكلمات _(يقول إني مرأة)_ يقول إني إمرأة يغار منها النهار وإنني لؤلؤة تعدو إليها االبحار ويحسب الأزهار لوني وبسمتي نبع الصفاء والعطر إبحارا بثوبي ونظرتي وجه الضياء يقول أن كل اللغات تحار دائما بوصفي وإنني له الحياة والحب إمضائي وطيفي يقول اني نهر الجمال، والله كم يهوى الجمال ولفتة الدلال مني، والناس يغويها الدلال اغنية من قلبي...أصداؤها في صوتي ترق للحب.. وعاشق لو يأتي! ~ بعد يوميـــــن ~ .. في فلة أبو سعود .. من رجعت من المزرعة وهي حابسة نفسها في غرفتها و رافضة تكلم أو تجوف أي أحد .. حتى أكل ما تاكل بس تشرب ماي .. وطول الوقت تصيح بحرقة .. نجوى وهي ضامه نفسها وتتذكر إلي صار .. هزت راسه بقوة تبي تبعد عنها كل شي .. تبي تنسى بس مو قادرة نجوى وهي تنسدح والدموع تنساب على خدها .. وبصوت مخنوق: بدر كوم وإنتي يا خالتي كوم ثاني لـ هدرجة أنا أرخيصة عندج يا خالتي علشان تزوجيني واحد مثل بدر .. آآه مو مصدقه إني آخذ بدر أكره شخص عندي في هالوجود .. لفت على جهة اليسار وهي تكتم شهقاتها: قدرت تخدع الكل يا بدر إلاا أنا ما راح تقدر لأنــــي أعرف كل شــي .. كل شي يااا حقير .. الله ينتقم منك .. في الصالة .. أم سعود بأسى: والله خايفة عليها دلاال بحيرة: بس شنو بيدنا نسوي .. هي من دخلت دارها ما فتحت الباب لنا .. حتى أكل ما تاخذه من عند الباب غير الماي أم سعود بحزن: أحس إني ظلمتها دلاال وهي تربت على كتف أمها: لااا يما إنتي وأنا ما غلطنا .. وبعدين هي ما تقدر تحط اللوم علينا أم سعود وكأنه كلاام دلال خفف عليها شوي: بس دلاال وهي تقاطع أمها: لاا بس ولاا شي .. يعني مو إحنى إلي قلنا لها وافقي .. هي وافقة وتتحمل نتيجة قرارها .. و اذا بتلومنا على إنه ما خبرناها منو المعرس .. هي ما سألت ومو ذنبنا بعد هزت أم سعود راسها و أقتنعت بإلي قالته لها دلال: معاج حق .. هي وافقة وهي إلي تتحمل هالقرار .. .. في بيت أبو رنيم .. قاعد في الصالة وهو يفكر بالخطة إلي راسمها .. متردد وخايف .. بس في نفس الوقت متفائل خصوصاً لما كلم سعود أبو رنيم في نفسه "خطتي أساسها رنيم .. يعني لااازم أكسبها في صفي .. علشان كل شي يمشي في التمام" ابتسم و تحولت ابتسامته للأبتسامه خبيثة و تتابعة بعدها ضحكة مليت صداه أرجاء البيت أبو رنيم: ههههههههههههههه .. دخلت الصالة وهي مستغربه ومحتارة .. أم رنيم في نفسها "والله إنه قلبي قارصني .. طول الوقت سرحان ويفكر أخاف ناوي على نية .. الله يستر الله يستر" .. قعدت يمه وهي تحط رجل على رجل: دوم الضحكة أبو رنيم وهو يبتسم: آميــــن أم رنيم استغربت أكثر من مزاجه الرايق: خيرر من وين طالعه الشمس اليوم صاير تضحك ورايق أبو رنيم: بل بل بل من عينج .. حاسدتني حتى بالضحكة أم رنيم في نفسها "ومن زين الضحكة عاد ولاا أفلاام الرعب" : لااا بس مستغربة يعني مو بالعادة .. بس ما أقول غير الله يديم الحال على مثل ما هو أبو رنيم وهو يقوم: طيب أنا طالع بروح القهوى أم رنيم: الله معااك .. طلع من البيت و هو مقرر يبدأ الخطوة الأولى لأنها هي الأساس وبعدها راح ينحل كل شي بكل سهوله وعلى حسب ما هو يبي .. .. في فلة سعود .. من الصبح وهي تعور في مكانها مو قادرة تتحرك .. حست بأحد يفتح الباب توقعته الخدامة .. بس انصدمت إنه "سعود" عدلت نفسها وهي يادوب تقدر تتحرك من الالم .. .. دخل و قرب منها وهو يبتسم ورايق .. سعود بمرح: وينج اليوم كلش مو مبينه خير شر رنيم وهي تكابد ألمها: ما شر بس شوي تعبانه سعود بستغراب: تبين تروحين المستشفى رنيم وهي تهز راسها : لاا لاا ماله داعي سعود وهو يأشر على ويها: شلون ماله داعي و ويهج أصفررررر .. وشكلج تعبانة واايد رنيم وهي تغمض عيونها لأنه حست بنغزة مفاجأة في ظهرها : آخ سعود وهو يرفع البرنوص (اللحاف) عنها: لااا قومي بوديج المستشفى رنيم بعيون مليانه دموع: لاا بس أبي ماما سعود ابتسم كأنه يتعامل مع طفله : ماما .. أقول قومي على المستشفى وبلاا ماما بلاا بابا هزت راسها بلااا .. وبخجل رنيم: بس أنا علاجي ماما سعود بستغراب: طيب بتصل عليها عيل هزت رنيم راسها بموافقة: أوكي .. رفع سعود تلفونه ودق على رقمها بعد ما سجله عنده يوم أمه تطلبه .. وكلها ثواني أم رنيم: ألووو سعود: ألوو السلاام عليكم أم رنيم: وعليكم السلاام .. يا هلااا والله سعود: يا هلاا بيج خالتي .. سوري لأني اتصلت لج في هالوقت أم رنيم: لااا شدعوة عاادي سعود: رنيم تعبانة وتقول تبيج أم رنيم بخوف: شفيهاااا سعود: ما أدري بس شكله بطنها يألمها ومو قادرة تتحرك ولما قلت لها بوديج المستشفى رفضت وقالت (وهو يقلد صوت رنيم) ماما هي علاااجي أم رنيم وهي تبتسم: أييي هههه شكلها يات لها .. أقصد الدورة .. هي دوم بطنها وظهرها وما تقدر تتحرك من مكانها يعني كل شي لاازم أنا أسوي لها .. بس أنا ما أقدر أيي لأنه صالح مريض سعود وهو يناظر بـ رنيم ويبتسم: أهاا ما يجوف شر .. لااا ماله داعي تيين وتعبين نفسج قولي لي شنو أسوي وأنا مستعد أم رنيم: عطها حبوب مال ألم الظهر هي عندها.. و مطارة حارة على بطنها .. ولاا تخليها تتحرك من مكانها وايد لاازم على طول تكون مسطحة على ظهرها أو بطنها .. سعود: مافي شي ثاي بعد أم رنيم: اي تراها عنيده .. مشروبات غازية لااا تشرب و أي شي فيه فيه فلفل حاار بعد لاا تاكله .. وخل تشرب الشوربة زينه لها .. واي تراها إذا تييها الدورة بسررعه تتحسس وتحب تتدلع وايد يعني تحملها ^^ ابتسم سعود: ان شاء الله أم رنيم: يلاا سلم لي عليها سعود: يوصل .. مع السلاامة أم رنيم: مع السلاامه .. سكر سعود من أم رنيم .. ابتسم بخبث وحب يحرجها .. سعود وهو يناظرها: عيل فيج الدورة هاا تعالت ملاامح الخجل وانرسمت على ويها .. حست بحر فضيع من الاحراااج رنيم:.......... سعود: ههههههههههه يا حليج والله .. طيب وين حبوب مال ألم الظهر أمج تقول عندج رنيم هزت راسها بإحراج: إي عندي سعود: وين ؟ رنيم وهي تأشر: في درج الاستواليت راح وخذ الحبوب وعطاها مع ماي بارد .. بعد ما شربت .. استكانت في مكانها من غير أي حركة طلب سعود من الخدامة تسخن ماي وتحطها في مطارة وتسوي شوربة وكلها ربع ساعة ويابتهم الخدامة .. حطتها رنيم وهي منحرجه من سعود إلي ما طلع من غرفه من أول ما دخل سعود بأمر: يلاا شربي الشوربة كلها رنيم بدلع: لااا ما أبي رفع سعود حاجب بس تذكر كلاام أم رنيم .. ابتسم وهو يسايسها حسها طفلة: ليش رنيم على نفس الدلع: مالي نفس سعود وهو يقعد يمها على السرير وياخذ الشوربة : أنا مالي شغل .. بتشربين الشوربة يعني بتشربين .. يلااا مد يده لها بالملعقة .. و رنيم إنحرجت إنها تاكل من يده سعود بحده: يلااا عااد ترى يدي عورتني رنيم: طيب عطني أنا بشرب خلااص عطاها سعود وصار يناظر فيها وهي تشرب الشوربه .. للحين هي مستغربة الوضع .. ودها تسأله بس خايفة ومتردده بس في الأخيــر تشجعت رنيم وهي منزله راسها: سعود سعود بستغراب: خير رنيم بهمس: ليش تغيرت معاملتك لي ؟؟ سعود وهو رافع حاجب: ليش موعاجبتج معاملتي لج ؟؟ رنيم:.... لاا مو قصدي بس يعني شلي غيرك فجأة سعود وهو يبتسم: أممم تقدرين تقولين تأنيب الضمير .. أو أممم بصراحة من بعد ما قلتي لي إنج مجبورة علي كانت صدمة لي و حسيت إني ظلمتج فيها .. يعني إنتي أكيد حاسة فيني رنيم ببتسامه: يعني أفهم من كلاامك إنك راح تغير معاملتك معاي سعود بهدوء وبرود: على حسب .. يعني أنا عصبي و إنتي إذا استفزيتيني لااازم تتحملين إلي راح أييج مني .. فالأفضل تبعدين عن مضايقتي أو استفزازي لأنج ساعتها ما بتجوفين خير مني .. على كثر ما ريحها كلاامه على كثر ما خوفها .. .. في الشركة .. حاط يده على خده يجوف المناقصات .. بس كان فكره شارد مو معاه .. كان يفكر بأحداث الأمس لما اتصل حق أم سعود وخبرته عن نجوى .. انقهر و في نفس الوقت كسرت خاطره بدر وهو يمسح بكفه على جبهته: ما اختلفنا يا نجوى بس مو لهدرجه تكرهيني .. آآه توقعت مهمتي سهله بس شكلها أصعب مما اتصور .. شكلي بتعب معااج وااااايد لين ما اروضج وأخليج تشهقين بشي اسمه بدر .. سكر كل شي عنده في المكتب و ترك أوراقه ومناقصاته وطلع متوجه لـ فلة أبو سعود .. في فلة أبو سعود .. وخصوصا عند نجوى .. قررت تطلع من إلي هي فيه .. هي مو متعوده تكون ضعيفة نجوى وهي تناظر نفسها في المنظرة: مو أنا إلي أحبس نفسي وأحرم روحي من الأكل بسبب بدر .. الحمااار أنا لاازم أواجهه وأكون قوية ما أبين ضعفي له .. وبطفره لين يطلق وأفتك منه ابتسمت حق نفسها و على طول دخلت تاخذ لها شور ......... انـا زعـلان منـك حيـل وشايـل لـك بقلـبـي عـتـاب واتـمـنـى تحمـلـنـي مـثــل مـــا اتـحـمـل عـتـابــك ترى بعض الصراحة جرح وثقل ونرفزه واعصاب ابـي تسمـع كلامـي زيـن وتـمســك زيـن اعصـابـك تعاهـدنـا انــا وانـتـه عـلـى إنـــا نـكــون احـبــاب واحبـابـك هــم احبـابـي واحبـابـي هـــم احـبـابـك وش الــي غـيـرك فجـأه تكـلـم واذكــر الأسـبــاب انـا بسمـع كـلامـك زيــن وبسـمـع زيــن اسبـابـك رغـم كـل الخطـاء منـك فوجهـك مـا قفـلـت الـبـاب ويـوم اخطيـت فـي حقـك قفـلـت فوجـهـي ابـوابـك رخصـت الغالـي لعيونـك حنيـت لخـاطـرك ارقــاب رضـيــت احنـيـهـا ارقـابــي ولا تحنـيـهـا ارقـابــك كفايـه تمتحنـي هــم وخــل مــن ذم فيـنـي وعــاب ترى من عاب في غيـرك ولـو طـال الزمـن عابـك ......... نزلت ودخلت الصالة .. جافت أم سعود قاعده تطالع التلفزيون نجوى وهي للحين منقهرة من أم سعود: سلااام لفت أم سعود لـ نجوى بستغراب .. بس كلها ثواني وتهلل ويها بفرح: هلاا والله .. تعالي يما قعدي قعدت بعيد عنها وهي تناظر التلفزيون .. أم سعود حز في خاطرها .. بس ما علقت نجوى تحس إنها بتنفجر إذا ما طلعت إلي في قلبها نجوى بقهر: ليـش ؟!! أم سعود وهي تناظر بـ نجوى بثقة: شنو إلي ليش ؟! نجوى: ليش خدعتيني ليش جذبتي علي ليـــــش لهدرجة أنا أرخيصة عندج علشان ترخصيني لواحد مثل بدر !! أم سعود بصدمة: أرخصج ؟!! نجوى بتمرد: أي ترخصيني ولااا شنو تسمين إلي سويتيه إنتي وبنتج أم سعود وهي تحاول ما تعصب: والله أنا متأكده إني ما غلطة .. ولاا إني جبرتج على شي إنتي ما تبيــنه .. أنا قلت لج وإنتي وافقتي من دون ما أضغط أو تضغط عليج دلاال .. حتى إني قلت لج إذا ما تبينه قولي .. بس إنتي قلتي لااا أبيه نجوى وهي توقف بعصبية: وأنا شدراني إنه بدر .. كان علمتيني مو تخليني على عماي أم سعود بعصبية: والله إنتي ما قلتي لي ولاا سألتيني منو .. وأنا على بالي عرفتي .. وبعدين تعالي قولي لي شنو إلي يعيب أخووي ؟!! .. ومخليج كاره عمرج ورافضة .. و مو عاجبج هااا لاا يكون مو ريال ومالي عينج نجوى من القهر والحقد: اي مو رياااال وما يعجبني زيــــــــن .. ما حست إلاا بكــــــــــف .. حطت يدها على خدها وهي مصدومة أم سعود ما كانت أقل صدمة منها .. بدر بعصبية وقهر من كلاامها إلي جرح رجولته وكرامته: ريااااااال قصبـ(ن) عنج نجوى وهي تناظره بكره: طلقــــني إذا كنت فعلاا ريااال بدر ما قدر يستحمل أكثر .. مسكها من ازنودها وبصراخ: طلاااق حلمـــــي ما راااح أطلق .. وريااااال قصبـ(ن) عنج .. رضيتي ولاا إنرضيتي ساااامعه نفضها من يده بقرف .. بدر على نفس عصبيته ونبرته الحاده: وجهزي نفسج الزواج بعد شهررررر وذيك الساعة براويــج الرجووولة .. بعد ما حذف عليها هالكلمات على طووول طلع من الفلة و أعصابة ثايرة نهايـــــــــــــــــــة البـــــــــــــــارت | ||||
|
| |
|
12-12-10, 01:13 PM
| #19 | |||||
| نجم روايتي
| اقتباس:
شـكــ وبارك الله فيك ـــرا لك ... لك مني أجمل تحية . شكرا لمرورك وانشاء الله القادم من الرواية اجمـــــــل | |||||
|
| |
|
| أدوات الموضوع | |
| انواع عرض الموضوع | |
|
|
50Likes
العرض العادي
