شـكــ وبارك الله فيك ـــرا لك ... لك مني أجمل تحية .

الجزء الثانى والعشرون


كان واقف جنب باب غرفة العمليات وقت اجت مريم وآيه بركضو لعنده .......... طمنى احمد كيفها لميس؟.... رد عليهم من غير مايلتفت .. مافى خبر عنها من ساعه هى جوى ولهلا ماحدا طلع ...... قالت ايه بقلق ... مافهمنا منك شو صار ليش هى تعبانه وليش دخلت المستشفى ..........قال ولسى ظهره لهم وعيونه مركزه على باب غرفة العمليات ....... مين منكم بتعرف ان لميس حامل .........طلعت شهقه من آيه وحاولت تسدها بايدها وهى بتطلع بظهر احمد وعيونها ظهر فيها الرعب وبتتخيل شو صار للميس خاصه ان احمد لما عرف اول مره انها حامل اصر عليها تنزل البيبى ...... قالت لاحمد بقهر .. انت اصريت عليها تنزل البيبى ما؟ منشان هيك هى هون بالمستشفى........ التفت احمد لخواته بسرعه بعد ماسمع كلام آيه ...... مريم وآيه رجعو خطوه لورى من منظره كانت عيونه حمر و فيها غضب كبير وقميصه كله دم ...... حطت مريم ايديها على خدودها وقالت بالم وعيونها بتدمع ... شو ساويت بالبنت؟ ........... التفت احمد لمريم وقال من بين اسنانه .. معناها انت بتعرفى.. ليش ماقلتى لى ليش؟........ ردت عليه مريم بنبره حاده .. منشان ماتعمل بالبنت شى متل ماعملت فيها هلا .. شو احمد لما رفضت لميس تنزل الجنين عملت الواجب منشان تنزلها اياه؟..حرام عليك حرام ....... احمد ماعاد يتحمل كلام مريم كان جارح كتير اخد نفس عميق وغمض عيونه بقوه وهو زامم تمه منشان يتمالك اعصابه وما ينفجر باخته الكبيره ... قال وهو لسى مغمض عيونه .. انا ما عرفت انها حامل الا من ساعه بس لما جبتها للمستشفى.. والى عندها كلمه تحتفظ فيها لان مانى متحمل شى..... جلسو ينتظرو حدا يعطيهم خبر عن لميس .. بعد ربع ساعه وصل بشير وجلس جنب ايه حاوط اكتافها وضمها منشان يقربها اله ويطمنها ... رفعت آيه راسها وسالته باستغراب .. شو جابك لهون اصلا مين قالك انى هون؟....... احمد اتصل فينى لان مرته بدها دم وفصيلة دمى متل فصيلتها منشان هيك تبرعت لها بالدم وهلا خلصت وجيت اشوفك واطمن على لميس ....... لفته آيه وقربت منه زياده وهى بتبحث عن الدفى والامان بالوقت الى حاسه حالها ضايعه ومو عارفه شى ......


ساعه كمان مرت قبل ما ينفتح الباب الى عذبهم ويطلع منه الدكتور وخلفه سرير لميس و الممرضات بجروها... الم حاد عصر قلبه لاحمد اول ماوقعت عينه عليها..وجها كان شاحب كتير وشكلها تعبانه لما شافهم بجروها حس حاله بخسرها مع كل سنتمتر ببعد فيها سريرها عنه صرخ بحده ...... وقفو........ التفت الكل لاحمد الى قرب من سريرها ومسك ايدها بين ايديه وصار يبوسها ويدلكها بلطف رفع عينه للدكتور الواقف جنبه . لوين اخدينها ؟........ حضرتك زوجها ..............هز احمد راسه باى ............ مرتك ضعيفه كتير وتعبانه جسمها فقد كمية دم كبيره غير ان لاحظنا وجود رضوض كبيره على جسمها منشان هيك حولت الحاله للشرطه هم هلا اخدين المدام لغرفتها منشان ترتاح وتصحى بعد العمليه وجه الدكتور كلامه للجميع .. ارجوكم مابدى اى توترات او انفعالات مع المدام لان صحتها مابتتحمل... يالله اسحبوها على غرفتها ...... نفذت الممرضات اوامر الدكتور.. احمد ماقدر يتركها مشى معهم لغرفتها وشاف الممرضات بدهم ينقلوها لسريرها قرب منهم وشال لميس بكل حذر وحطها على سريرها ... ضعفها وجسمها البارد هزو مشاعره كتير قال للممرضه من غير ما يرفع عينه من عليها .... جيبيلها لحاف تانى منشان تدفى ...


عجزت مريم فيه انه يرجع عالبيت منشان يرتاح مارضى بده يبقى جنب لميس ويعتذر منها اول ما تفتح عيونها .... الكل كان محتار بامرهم شوصار لحتى دخلت لميس المستشفى وليش احمد هيك شكله ؟........ الشرطه اجت وحكت مع احمد بس هو ما عطاهم شى وطلب منهم يأجلو التحقيق لحتى تصحى مرته وهم تفهمو الوضع وبما انه محامى مشهور كمان قدرو الشى هدا وبس ذكروه انه مابصير يسافر حتى ينتهى التحقيق بالقضيه ووقع احمد ورقه بهالشى..... جابت ايه لاحمد ملابس منشان يغير ملابسه الى كلها دم ويرتاح اكتر بالقعده جنب لميس ......مرت الايام ولميس ماصحية والدكاتره خافو تكون وقعت بغيبوبه.. الخبر هدا نزل متل الصاعقه على احمد الى منظر لميس كان بذبحه وبالمه كتير خاصه انه السبب فيه عاهد نفسه انه مايترك مكانه لتصحى وكان كل الوقت ايدها بين ايديه وهو بحكى معها وبترجاها تصحى وبعتذر منها عن كل الى عمله وبوعدها بالسعاده الابديه بس تصحى


كانت بردانه وتعبانه .. الظلام الى عايشه فيه تاعبها صار لها ايام محبوسه بنفس الزنزانه و ايديها مربطه بسلاسل من حديد كانت بتبكى بصمت ومستسلمه لواقعها مافى بايدها تعمل شى السلاسل شاددتها للارض ومانعتها الحركه شوى شوى حست ان الاهوى بنقص بالزنزانه ومع هالشعور زاد خوفها وبكاها ماعرفت شو تعمل هل اذا صرخت حدا حيسمعها وينقذها من الالم الى عايشته؟... مين الى حابسها هيك وليش هى شو عملت؟.... زاد بكاها مع زيادة شعورها بالاختناق .. صار صدرها يوجعها بدها هوى بدا الرعب يسرى فى جسمها بدت تشعر بالموت جاى ..بدها ترفع ايداها وتحطها على رقبتها بحركه يائسه منشان تساعد نفسها ماقدرت السلاسل مانعتها الالم بزيد والشعور بالموت صار محتم بدت تستسلم لالمها وللموت ودموعها جريان على خدها سمعت صوت امها بسكراتها الاخيره فتحت عينها بضعف والم تبحث بين الظلام عن امها بعد ثوانى خاب املها رجعت استسلمت للموت والامها بتزيد ..جسمها بهتز بينازع وبعدين استسلم للقدر المحتوم ....اصوات عاليه اصوات بتعرفها كسرت الصمت الرهيب للزنزانه وضو خفيف بدى يدخل للزنزانه يبدد ظلامها ويستقر على السلاسل الى مربطتها و يحرقها منشان يحررها بدت السلاسل تتكسر وبدت اطرافها تتحرر بس هي بقيت جثه هامده ماتحركت وفجئه بدى نسيم هوى خفيف يدخل الزنزانه و شوى شوى زاد تلقفته رئتيها بشغف وشهقت بقوه وفتحت عيونها.. الضوى الى ملى زنزانتها عماها وخلاها تسكرهم مره تانيه رفعت ايدها لرقبتها وصارت تاخد نفس ورى التانى بعمق حست حالها اندبت فيها الحياه من جديد فتحت عيونها على مهل الصوره مغبشه قدامها مو شايفه ندهت بضعف اول اسم خطر على بالها يمكن ينقذها من التوهان الى عايشته .... احمد .... حست بشى دافى بغمرها وصوت بكى مكتوم قريب من اذنها ...... حبيبتى انت بخير الحمد لله ..... مافهمت شو صاير وماجاوبت بشى غمضت عيونها مو شايفه شى كله مغبش رجعت فتحتهم ودققت النظر بالوجه القريب منها حاولت كتير لحتى صفيت الصوره .. كانت تعبانه كتير من المجهود الى عملته .. قالت وعنيها على وجهه.... تعبانه وخايفه انام .....حط خده على خدها وحركه بنعومه وهو بقول نامى حبيبتى ارتاحى انا جنبك لا تخافى .... مال راسها عليه مستسلمه لتعبها بعد ما حست بالامان وانه حيحميها من الرعب الى عاشته خلال الايام الماضيه...

شنو هذا مزحة ?
هذا ما جاش حتى شطر فصل
ذوقوه و شوقوه مثل ينطبق عليه
يا خسارة انتظاري من الصباح و تعبي في كتابة التعليقات.

اسفه حبيبتى مافهمت شو قصدك من هالتعليق

يعنى الجزء ما عجبك ولا زعلانه من حدا

على العموم تعليقاتك محل اهتمامى وبقراها وبقدر وقتك الى خصصتيه للروايه
وانا قلت انى حرد عليها قريب

شو سويت يا احمد ...ضيعت الخيط الرفيع جدا في هذا العلاقه
اتوقع انو حبها لك ما عاد يشفع لك اخطاءك
رائع جدا تصوير حاله لميس وهي في حاله الغيبوبه كنت متوقعها شخصيه جديده
الكارثه انها باقي تبحث عن الامان عنده ..بس اعتقد انو هذا طبيعي شخصيه تعرفها تنتشلها من الضياع
مو لشرط انو حبيبها الظالم

راااااااااااااااااااااااا ااااااااااااائع حلو ة كل اجزائك قصة افضل قصة قرأتها
ما شا الله كتابتك مبدعة
بس تمنيت لو تزيدين عدد الاجزاء
حرام عليكي تشوقينا و ما تحطين الا جزء برجوك زيدي عدد الأجزاء
اتمنى ما اكون ثقلت عليك و شكرا

الف شكر سحابه
بس لي بارت صغير
زعلتيني راح البيبي واحمممممممممممممممممممممم مممممممممد
اه منك زعلانه منك وعليك نفسي ابرر الي سويتو مش قادره يمكن الغيره
الغضب ببببببببببببببببس انشاءلله تقدر لميس تسامحك اصعب الشى خساره الولد ومش مره مرتين
وانت السبب
سحححححححححححححححححححححححح حححححابه انت هيك قلقتينا وما طمنتينا بكفي قلقنا على اصحابنا بمصر
فاذا في مجال بارت تاني نعرف شو يصير لما تفيق لميس ههههههههههههههههههههههههه طميعه انا بعرف