آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
| |
13-02-11, 08:56 PM
| #1 | ||||
| نجم روايتي 
|  ســجـل يـا تـاريـخ 11 - 2 - 1988 يوم ميلادي، اللي اصبح يوم ميلاد كل المصريين ...!!! السلام عليكم ورحمة الله وبركاته ازيكوا يا جماعة  عاملين إيه من غيري أيوه النهاردة يوم ميلادي، متستغربوش، انا اتولدت في 11/ 2 / 1988،،، أمبارح كملت 23 سنة، وأمس كان يوم تاريخي، كالعادة يوم ميلادي 11/ 2 - اللي تنحى فيه الرئيس كم أحب هذا اليوم منذ مولدي، لانه دايمًا تحصل فيه أحداث عالمية تاريخية، أو على الأقل أحداث شخصية مهمة، والله بدون مبالغة، امس تنحى الرئيس المصري مبارك، والحمد لله إنه ممسكش في السلطة أكثر من كدة، واستجاب أخيرًا لصوت العقل، وصوت غالبية أبناء شعبه، ياااااااااااااااااااااااا ااه أخيرًا حل عن سمانا، وترك السلطة، وساب مصر للمصريين، والله انا كنت متفاءل للغاية، وأدركت بعد القرار الأول للقوات المسلحة، إنه هو بنسبة 90% برا اللعبة، لان انعقاد القوات المسلحة بدونه، تعني شيئين الشيء الأول، إنه لم يعد القائد الأعلى للقوات المسلحة، لانهم أول مرة ينعقدو بدونه والشيء الثاني، إن القوات المسلحة لا تصدر بيانات رسمية أبدًا إلا في حالة الحروب، ومع صدور هذا القرار، خلاص كإنهم بيقولوله تنحى فالشعب لا يرديك، كما أن الجيش لا يريدك ،،،، اليوم ده عيد ميلادي، كل الناس فرحانه، وانا فرحتي دوبل،،، هههه يوم ميلادي أصبح يوم ميلاد كل المصريين،،، ،،،، كل الناس فرحانة فرحتي دوبل في عيد ميلادي، مثل ما كانت دوبل في العام 2010، عندما فزنا بكأس أفريقيا وبالمناسبة أيضًا اليوم كان 11/ 2 وفي عام 2008 فزنا بكاس أفريقيا وفي عام 2006 فزنا بكاس أفريقيا، لان البطولة الأفريقية، بتنتهي يوم 10/ 2، وغالبًا ما بنكون بنتابع الماتش بعد الساعة 12، لانه بيكون في دولة أفريقية بالتالي بنكسب وبناخد الكاس يوم ميلادي 11 - 2 ،،، هع هع هع هع هع ،،،، مش عارف هيا صدفة ولا إيه، لكن مع كل سنة تقريبًا يكون حدث عالمي في تاريخ مصر أو في تاريخ العالم، يتوافق هذا الحدث مع تاريخ ميلادي 11 - 2 تكون بداية عام بالنسبالي،،،، ،،، قبل الثورة، في شهر واحد، كنت بقول السنادي مفيش بطولة،،،، ومش هيحصل حدث عالمي يوم ميلادي، وسبحان الله بالصدفة جاء خطيب اختي وقال إنه عقد القران هيبقى في منتصف شهر 2، وبعدها استقرينا على يوم الجمعة يقوم موعد عقد القرآن، وببص في النتيجة لاقيته يوم ميلادي وأيضًا يوم ميلاد اختي تؤأمي، اللي هتتزوج، بدون ترتيب، هههه زاد استعجابي وانا بقول أيوه كده لازم يحصل حدث شخصي مهم، أو حدث عالمي هههههه ،،، لكن مع الظروف اللي شهدتها البلاد بعد 25 يناير، قررنا نأجل الزفاف لأجل غير مسمى، وانا كنت متفاءل جدًا، وقولت عسى مبارك يتنحى يوم 11 ههههههه وسبحان الله تنحى بالفعل يوم ميلادي، لما تميت 23 سنة، بالظبط،،، هههههه ،،،، باركولي الأول يا جماعة لبلوغي 23 سنة، وثاني شيء لتنحى الرئيس مبارك عن الحكم، والله الفرح من القلب طاير أنا أول ما سمعت المخفي عمر سليمان، بيقول القرار قرار تخليه عن السلطة، سقفت بطريقة هسيترية، وقفزت قفزة، والله طلت سقف الحجرة بأيدي، حاولت اطوله بعدها، لكن هيهات، ههههه مش عارف أنا جيبت الدفعة دي منين، والله الحين بحاول أركز واقفز أعلى قفزة عشان اطوله ومش عارف .... !! ،،، وخلوني استغل الموضوع واطرح كام سؤال عليكم وهو كيف استقبلتم القرار، سواء مصريين أو عرب، بكل الصدق.... بالنسبالي كل العيلة فرحانة، وكل اسرتنا وعايلتنا أبدًا ما شفت احد حزين، او قلق كلنا معارضين لنظام مبارك، كلنا كنا بننتظر هذه اللحظة التاريخة، إلا جدي أبو الوالدة هو الوحيد اللي بيحب مبارك،  وحزين عليه هههههههه،،، وقت ما الثورة ما شغالة في ميادين القاهرة، وميدان التحرير، كان يقول، أنا لو من مبارك، هضرب الكام عيل دول، واشوط فيهم بالجيش هههههه اقوله يا جدي ازاي، يقول لا مبارك خدم مصر ههههه ،،، بيحبه، يمكن عشان من جيله، يعني جدي في أواخر السبعنات، يعني اصغر من مبارك بسنتين هههههه ،،،،، كنت عند جدي في زيارة وبقوله يا جدي انتا جايب على التلفزيون المصري العقيم ده ليه، هات على قناة الجزيرة، أو العربية أو البي بي سي، أو أي قناة عالمية نظر لي نظرة غضبان وهو بيقول لأ اضطريت اني ا سمع لهذا الإعلام الأصفر، وانا مشاهدتي مختلفة يعني براقب الكلام اللي بيتقال، أو بدخله على عقلي الأول وكله كدب في كدب هههه المهم خلصت الأخبار راح جايب على قناة رياضية يا جدي هات على الجزيرة، أو البي بي سي، وهو أبدن ههههه مع إنه مش رجل عسكري، لكني اظنه يمتلك حس الرجال العسكريين، لا يقبل بالهزيمة، أو الرجوع إلى الخلف ههههههه ،،،،، أجواء جميلة واجواء رائعة الكل فرحان، الكل متفاءل، الناس متعرفش بعض وبتحضن بعض، فرحًا،،، المهم بعد سماعي قرار التخلي طبعًا نزلت علطول على ميدان التحرير وجيت قبل الفجر، وانا في أفضل حالتي النفسية، بالمناسبة شوفت الرائد اللي استقال من القوات المسلحة ونزل مع الشعب، وسلم بندقيته، وقرر ينزل لصفوف الجماهير، ويسيب منصبه في القوات المسلحة، قال كلام جميل أوي في إذاعة التحرير، عرض حياته للخطر، في زم النظام وهو ما زال رجل عسكري، نزل لصفوف الجماهير، وكال كلام قاسي لمبارك، وهو بيتسأل عن الفضايح اللي حصلت في عهده كمان سلامة قائد الدافع الشعبي في مدينة السويس الباسلة، وقت حرب اكتوبر أصلاً الراجل ده كنا بناخده في التاريخ هههه، يعني هو قائد الدفاع الشعبي في السويس وقت حرب اكتوبر، شوفت اعلام المجتمع المصري الشرفاء في منصة الاحتفال بميدان التحرير الكل بيرقص، الكل فرحان، الكل بيأمل الخير، الكل متفائل، اعتقد مؤيدو مبارك كمان <<< برغم إنهم قلة،، دي إجابة السؤال الأول اللي سألتهولكم، وهو كيف عايشت اللحظات الأولى أول ما عرفت الخبر؟ السؤال الثاني: شايف مصر ازاي من وجهة نظرك على المدى القريب وعلى المدى البعيد، من جميع النواحي السياسية، والاقتصادية والاجتماعية؟ السؤال مش للمصرين بس، ووالله هكون سعيد لو أي أخ أو أخت عربي أجاب على هذا السؤال من وجهة نظره، وطرحها بالنسبالي، على المدى القريب، ((الفترة المؤقتة اللي هيمسك فيها الجيش)) اعتقد انها هتكون من 6 شهور إلى سنة على الأكثر ،،،، اقتصاديا، هتقل عمليات السلب والنهب المنظم، واللي كان بيقوم بيه جهات معروفة لترويع الأهالي، وإشعارهم بإن في فوضى وهنعاني صعوبات اقتصادية، يمكن منها هروب أموال الأجانب خارج البلاد، ويمكن الميزانية يزداد عجزها لكن ده مش هيأثر، لان عمليات السلب والنهب هتبقى معدومة وده هيعوض ده بإذن الله.... خلو بالكم أنا قولت اقتصاديًا على المدى القريب، يعني في خلال 6 شهور وهذا شيء طبيعي لان البلد في حالة حرجة، الكام شهر الجايين، وهذا دائمًا ما يكون سبب في مرحلة قادمة افضل وافضل مليون مرة بالظروف الاقتصادية اللي كنا عايشنها، يعني العام الأول هيدفع ثمن هذه الثورة الشريفة، واعتقد مش هتأثر كتير، يعني لن تزداد أسعار السلع الغذائية، أو تزداد حالة التخضم،،،، والله اعلم ،،، على المستوى السياسي، اعتقد في خلال الكام يوم الجايين، الجيش هيكون لجنة لرئاسة البلاد من 3 أفراد أو 4 هيا اللي هتدير البلد، في الفترة الانتقالية والحرجة دي، وهتستقر الأحوال تمامًا، ويمكن يترفع حظر التجول، لان الآمان والاستقرار والعدل هينتشر على أرض مصر، المجلس الرئاسي ده، اعتقد إنه هيحل مجلس الشعب، والشورى وجميع المجالس النيابية، هيقيل الوزارة، << وعلفكرة طلع قرار من شوية بحلهم، والله هذا كان توقعي قبل ما اشوف البيان وقبل ما اكتب الموضوع هيلغي الدستور و هيعمل لجنة قضائية من الخبراء الدستوريين، يعملوا دستور جديد وفقًا لمطالب الشعب اعتقد هيلغوا حالة الطواريء، ويفرجوا عن كافة المساجين السياسين،،،، ويمكن يمكن يمكن والله اعلم يفككوا جهاز أمن الدولة، الجهاز الخبيث اللي انشأه مبارك لقمع كل من تسول له نفسه أن يتكلم في السياسية، اعتقد هيتم تفكيكه، وتوزيع الظباط اللي فيه على اقسام الشرطة آخر حاجة هيعمل انتخابات حرة ونزيهة وهينجح الرئيس الأكثر شعبية، واللي البرنامج الرئاسي بتاعه هو الأفضل الأفضل اعتقد في الوقت الحالي البرادعي، لكن مش هيمسك، لان النظام السابق شوهه صورته، ولانه كان بيسافر دائمًا خارج الوطن، مما جعل الناس تخاف منه البرادعي هو الأفضل في رأيي، ويليه أحمد زويل لو ترشح، ويليه عمرو موسى من حيث الأفضليه لكن اللي هيكسب الانتخابات عمرو موسى، هو ليس الأفضل، لكنه جيد على كل حال ويتمتع بشعبية كبيرة تمكنه من إنه ينجح ويحقق مطالب الشعب وزيادة،،،، بالنسبة لإسرائيل آخر حاجة بالنسبة للمستوى السياسي اللي هتشهده البلاد في الفترة القادمة، اسرائيل هتبقى خايفة، ولن تفكر في مهاجمة مصر، اطلاقًا كما ردد البعض مصر كانت هي الصديق الأول، والحليف الأقوى لإسرائيل وإسرائيل مش عارفة مين اللي هيجي، بالتالي، لن ترتكب حماقة إنها تهاجم مصر، الجيش هو اللي ماسك البلد، لكن قوة الجيش وانتشاره في الشوارع اعتقد لا تتعدى 5% منه، بالتالي الجيش بالكامل صاحي، يعني هتخسر لو دخلت حرب معانا وكمان إسرائيل لن تدخل في حرب مع مصر، لان في معاهدة سلام، والغرب كله هيقوم عليها، وغير كده اعتقد إن العرب كلهم هيقفوا مع مصر ويضغطوا على أمريكا والدول الغربية مثلما فعلوا في حرب 73 وكانت من أسباب انتصارنا على اليهود، أو انتصارنا وانتصار كل العرب على اليهود، لإن اللي حصل من نصر في 73 لم يكن انتصار للشخصية المصرية فقط، بل في المقام الأول للشخصية العربية وغير كده إسرئيل في الوقت الحالي، مشغولة بالضفة الغربية ورام الله، وقطاع غزة، وكمان سوريا، يعني هيا مش غبية عشان تهاجم مصر كما ردد البعض، إسرائيل مش غبية عشان تفتح جبهة جديدة، وتلغي معاهدة السلام الخبيثة، اللي خليتها تعيش في سلام طيلة 30 سنة، والله كنت مش عارف ليه سعات بقول يا ريت إسرائيل تضرب وتخش سينا، عشان معاهدة العار دي تتلغي، فضلنا مأمنين إسرائيل 30 سنة، كإننا جبناء وانا على ثقة، إن لو مصر ضعفت في يوم من الأيام، هتدخل علينا، وتنقض المعاهدة، هي بس مستنية لحظة ضعف، ده المستوى السياسي على المستوى القريب ،،،،،،، المستوى الاجتماعي، اعتقد هيحدث تآلف بين المصريين وهتعود نغمة الحب بين أطياف الشعب، غني وفقير، مسلم ومسيحي، لن تكون لغة الكراهية والحقد سبيل بين المصريين في ظل حالة التوحد هذه التي تشهدها البلاد، لغة الحب التسامح هتكون اللغة الرئيسية في الحوار بين الشعب المصري، يعني باختصار مثلما فعل النبي صلى الله عليه وسلم، حينما الف بين المهاجرين والأنصار، حالة الصراع بين طوائف وطبقات الشعب، اللي خلقها مبارك سوف تنتهي بإذن الله، .............. ده بالنسبة للمدى القصير، للحياة السياسية والاجتماعية والاقتصادية التي سوف تشهدها البلاد،،، على المدى البعيد،،، سياسيًا، بيقولوا اللي ميشوفش من الغربال يبقى أعمى، وانا اعتقد إن سياسيًا على المدى البعيد يعني بعد 10 سنين كده ولا حاجة، مصر هتشهد صرعات ولغة حوار، أشبه بالحرب الباردة بينها وبين إسرائيل، مثلما الحال الآن بين تركيا وإسرائيل لان الرئيس اللي هيمسك مصر هيتكلم من منظور الشعب، والشعب اليوم قال كلمته في ميدان التحرير كله في نفس واحد ((راجعين يا أقصى)) وتم رفع العلم الفلسطيني يعني مصر هتكون دولة قوية جدًا، وده هيضايق الدول الغربية والأعداء، لانها هتتمسك بالشريعة الإسلامية أكثر وأكثر، وهتكون دولة يسودها العدل، والحديث يقول ((إن الله ينصر الدولة الكافرة العادلة على الدولة المسلمة الظالمة)) يعني أنا شخصيًا مش عايز حاجة في مصر غير العدل،،، مصر اعتقد هيكون ليها اعداء كتير في المستقبل، عكس الحال في نظام مبارك البائد، إسرائيل حليفة والغرب كله أصدقاء،،، مصر هتكون دولة مدنية على خلفية إسلامية، وهتكون كما كانت ملهمة العرب، ورائدة الدول العربية، مثل عهد عبد الناصر <مع إني بكرهه مصر هترجع لعروبتها، وهتختار فلسطين بدلاً من إسرائيل، فلن تسمح بحصار قطاع غزة ... !! هيمسك مصر رئيس دولة، بنص الدستور الجديد هيكون فترتين، كل فترة من 4 - 6 سنوات الله أعلم ،،،،،، اقتصاديًا مصر هتبقى في مصاف الدول العالمية، على المستوى البعيد، وتذكروا كلامي هذا بعد 10 سنين، شوفوا مصر هتبقى عاملة ازاي العلم عند الله لكن زيي ما قولت اللي ميشوفش من الغربال يبقى اعمى وانا شايف إن تركيا ومصر كانوا هما الاتنين في مستوى واحد من حيث الفساد، والفقر، والباطلة لحد عام 2000 اللي شهد انطلاقة لتركيا، تعدت مصر بكثير بعد ما كانوا هما الاتنين في مستوى واحد، فأصحبت تركيا من الدول الــ 20 على مستوى العالم مثلاً لو مسكنا قطاع مثل قطاع السياسي من الناحية الاقتصادية تركيا بيدخلها دخل سياحي، أكثر من دخل الدول العربية مجتمعة في قطاع السياحة، ومصر افضل من تركيا بكتير مصر فيها مدينة اسمها الاقصر فيها ثلث أثار العالم، هذا غير باقي المحافظات، ضربت بالسياحة مثال، واعتقد إن الاقتصاد المصري هيبقى قوي للغاااااااية بفرح كتير بأي تقدم لتركيا، لكن بزعل على حالنا أكثر من الفرح لتركيا بزعل لما اشوف دولة زيي البرازيل، مبقتش دولة متخلفة، من دول العالم الثالث، مثلنا، بزعل على حالنا كتير، ،،،، اجتماعيًا، الشباب اللي قام بالثورة ده وعنده 25 سنة كمتوسط سنهم، هيكونوا كلهم عباقرة وناس نافعين لمجتمعهم ومثقفين، وهيسود الرخاء ولغة الود، بين أطيافهم، ولن ينسوا أبدًا هذه الثورة، مما سيزيد من تآلف أرواحهم، والعمل على نهضة هذه البلاد الحبيبة التي هي بمثابة ام لهم الشعب هيبقى مثقف، وهيزيد وعيه،،،، وزيد عليه الحالة الاجتماعية اللي ذكرتها فوق على المستوى القريب،،، ،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،، ،،،،،،،، أنا متفاءل للغاية زيي ما نتوا شايفين في كتابتي للموضوع ده، ،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،، ،،،،،،،، ويا رب يكون ،،،، السؤال الأخير، بعد الشكر لشب أسمه بو عزيزي، ضحى بروحه من أجل تونس، اللي كانت هي الشرار الأولى للثورة المصرية، وارتفاع سقف مطالب المواطن المصري، هذا حقهم، فلا نبخسهم اياه، تحية لكل شعب تونس، وتحية للشرارة الأولى التي فجرها بو عزيزي السؤال هل بتتوقعوا امتداد ثورة تونس ومصر إلى الجزائر وسوريا واليمن والمغرب والأردن والبحرين، السعودية الخ الخ الخ ،،،،، وقبل ما تضعوا الإجابة أو التوقع، أسأل الله أن يصلح من ولاة أمور البلاد العربية، أن يصلح من حال حكامنا، لانو والله والواحد بيزعل لما يخرج أهل شعب عربي مسلم على رئسيه لكن هنعمل إيه، الحاكم ظالم، الحاكم فاسد، الحاكم بينهب ثروات البلد، ويوزعها على بطانته، ووزراءه ومحاسيبه اللهم اصلح من أحوال حكامنا، وولي أمورنا خيارها ،،،،،،،،،، ،،،،،،،،،، وبالرغم من إني زيي ما انتوا شايفين بحال مصر متفاءل للغاية، وسعيد جدًا بيكفي التعبير اللي قولته، الفرح من القلب طاااااااااااير، والله طاير ،،، لكن هناك جانب لا نستطيع إغفاله وهو تحية لكل شهداء الثورة المصرية تحية لأكثر من 400 واحد قتلوا في سبيل هذا الوطن، تحية لأسر أكثر من 7000 مصاب و 400 واحد استشهد، تحيه لهم والله يلهمهم الصبر تحية ليهم، لانهم رفعوا راس كل مصري، بعد ما كان بيتكسف يقول إنه مصري تحية لكل شهيد، لانه عادت كرامة كل أبناء الوطن بسببهم تحية لكل شهدائنا، لانهم ضحوا بحياتهم عشان يعيش 85 مليون حياة أفضل تحية لنساء ترملت، وأبناء تيتموا، واباء فقدوا ابناءهم بعد ما شافوهم شباب تحية لكل شهدائنا اللي مدخروش جزء ومهمهومش طلق النار المصوب في صدورهم العارية هؤلاء هم من يستحقوا التحية، هؤلاء هم الأبطال ،،،، والله الواحد هيفضل مدين ليهم بقية عمره، وكان نفسي يبقوا عايشين لانهم هما الأبطال الحقيقيين، اللي صنعوا مجد مصر وكتبوا التاريخ من جديد ،،،، شكلي هتأثر من الكلام اللي بكتبه وهبكي ،،،  قولنا شعارات كتيرة منذ بداية الثورة، لكن أعظمها كان آخر شعار، بعد نجاح الثورة وهو افرح افرح يا شهيد، مصر رجعت من جديد والسلام عليكم ومتنسوش الأسئلة، السؤال الأول هو كيف عايشت اللحظات الأولى أول ما عرفت الخبر؟ السؤال الثاني: شايف مصر ازاي من وجهة نظرك على المدى القريب وعلى المدى البعيد، من جميع النواحي السياسية، والاقتصادية والاجتماعية؟ السؤال الثالث والأخير هل بتتوقعوا امتداد ثورة تونس ومصر إلى الجزائر وسوريا واليمن والمغرب والأردن والبحرين الخ الخ الخ؟ ،،، التعديل الأخير تم بواسطة PEPOO ; 13-02-11 الساعة 09:13 PM | ||||
|
|
13-02-11, 09:17 PM
| #2 | ||||
| نجم روايتي
| طبعًا بقول هذا كله من منطلق إن اللي هيحكم مصر هيكون واحد من الشعب، يعني مدني ،،، وليس حكم عسكري، وهذا احتمال ضعيف لاني معتقدش إن الجيش هيمسكها عسكري ،،،، ياااااااااااااااااااااااا ااااااااه أخيرًا هيمسك بلدنا واحد من الشعب، واحد مدني من محمد نجيب، وجمال عبد الناصر، وانور السادات، ومبارك كلهم عسكريين كلهم من الضباط الأحرار اللي قادوا الانقلاب على الملك في 52،،، واقول انقلاب وليس ثورة، لإن اللي نفذه الضباط، وقاده الشعب، ثم أيدهم الشعب أخيرًا بعد أن سقط الملك وياليته لم سقط،،،، ليس دفاعًا عنه، ولكنه أفضل الوحشين، ،،، | ||||
|
|
|
15-02-11, 03:15 AM
| #4 | ||||||||
| نجم روايتي
| اقتباس:
،،،، يوم ميلادي أصبح يضع البسمة على ملايين المصريين، وملايين المسلمين في كافة إنحاء العالم الحسنة الوحيدة اللي عملهالي مبارك ههههه إنه تنحى في يوم ميلادي اقتباس:
أنا اخوكي الصغير ... !! اشك يا بنوووووتة قوليلي انتي كام سنة <<< فيس ضحكة تمساح لا بجد، لفتي نظري لشيء يا بنوتة، وهو التعود على الرئيس، يعني انا اشوف مؤيدي مبارك، برغم قلتهم، إلا انهم حاجة من اتنين، إنهم مستفادين من هذا الناظام الفاسد، لانهم فاسدين أو أنهم اتعودوا على الراجل ومش متصورين مصر بدونه، بالظبط زيي حالة جدي الحبيب ،،،، وعلفكرة جهاز الشرطة من أمناء شرطة وظباط، زادت رواتبهم بنسبة 100% يعني لو واحد بيقبض 600 جنيه هيقبض 1200، رغم إن الشرطة كانت بتستخدم أساليب وحشية معانا، إلا إني تمامًا مع هذا القرار، ويمكن اقترح 200% كمان، عشان ما يتخلل هذا النظام الذي يحفظ الأمن الفساد، يعني ميمدش إيده ويرتشي زيي الأول،،، وعلفكرة، هذا القرار تم بعد الثورة، قامت اعتصامات لضباط الشرطة عشان يطلبوا زيادة الأجور،،، يعني احنا نقوم بالثورة، وهما تزداد مرتباتهم ههههه ،،،، اقتباس:
آمين يا رب، تكون هذي الثورة، بمثابة ضوء أحمر لكل الحكام في بلادنا، وبمثابة إنذار لكل مسئول فاسد، ولكل ظالم، إنه هذا الطريق، بيولد انفجار، لا تحمد عقباه، وعشان يصلحو من نفسهم،، ويحاسبوا الفاسدين، كلامك عن أهل مصر، اضعه وسام في صدري، الله يباركلك يا مرام ووالله مش بقولها لمجرد المجاملة في الكلام، أو رد التحية، أنا اشعر أيضًا بإن الشعب السعودي واحد من أحب الشعوب على قلبي، اقتباس:
ونبدأ من الأول بسؤال وهو، متأكده إنك مش مصرية هههه ،،، يعني الأشياء اللي حكيتي عنها ومظاهر الفرح، دي تقريبًا عملها كل واحد مصري فرحان، وسعيد بهذا الخبر، بداية من التنطيط لحد ما وجد صعوبة في النوم ههههههه ،،، كلامك عن الحاجة كوندي، والفوضى الخلاقة، وتذكرت معه مقال من سنين عن هذا المصطلح العجيب، ولسه مش مستوعبة لحد دلوقتي، يعني ازاي هيا فوضى، وازاي هيا خلاقة في نفس الوقت، يعني ينفع اقول هذا الشاي ساخن ولكنه بارد ههههه عفكرة الثورتين يخليني أقول سبحان ا لله السيناريوا اللي تكرر في تونس هو هو اللي اتكرر في مصر وهو هو اللي بيتكرر في الجزائر دلوقتي، بداية بالاعتقال وضرب الرصاص المطاطي ومن ثم بـ حظر موقع الفيس بوك ههههههه يعني سبحان الله، الناس دي مبتقرأش اللي بيحصل على أرض الواقع، وتستفيد منه، هههه اخاف لا تكون الخطوة الجاية تكون إنه يخرج البلطجية من السجون هههه وبالنسبة للمعونات اللي بتيجي من أمريكا، والله أشعر بالخزي تجاهها، كنت أشعر بالذل والمهانة ده، لي كمصري وكل المصريين، وكل الشعب، إلا الريس طبعًا صفقات رخيصة، لتطبيق سياسات معينة، واستخدامها كورقة ضغط، على الرئيس يعني بالمصري كسر عينه إن شاء الله مفيش قوى خفية، تضر بمصر، أكيد في اشياء من هذا القبيل، لكن نسأل الله الحماية لمصر، ويرد كيد الكائدين، وبمناسبة كامب ديفيد، أتمنى لو يطرح عليها استفتاء لمجلس الشعب الجديد، اللي هيتم فيه انتخابات نزيهه، إذا كانت آخذه في السريان أو لأ وانا متأكد إن الإجابة هتبقى لأ، لإن الشعب يشعر تجاهه بوصمة عار، | ||||||||
|
|
|
13-02-11, 10:15 PM
| #5 | ||||||||||||
| نجم روايتي وعضو بالسينما ورئيسه تغطيه و كاتب في الموسم الأول من فلفل حارThe Vampire Diaries  
| السلام عليكم ..... كل سنه وانت طيب اخي الصغير ههههههه شفت طلعت اكبر منك يابيبو هاد عيد ميلادك يوم عالمي لازم تدخل التاريخ هههههههههههههه اول شئ بالنسبه لرأي العربي ان كنت بتابع الاخبار اول باول لان بالبيت كانت ماما دائما تجيب الجزيره يعني كنا بنشوف 24/24 مصر وميدان التحرير من الي شفت في ناس كانوا حابين ان الرئيس مبارك يتنحى وفي ناس لا يمكن حبا بالشخص او بالتعود عليه دائما موجوده بهذا المنصب مش شويه 30 سنه بالنسبه للاوضاع يعني لو مثلنا دلوقت "ان شاء الله ما تكونوا " "الوضع الاقتصادي احسن اكيد " يعني الرواتب زاده عن قبل 100% بس في ضريبه مثل ما بيقولون ..وفي الوضع الي مش احنا راضين عليه تعرف حكينا قبل كده " السنه الغلابه الي احنا في هذا البلد وسيطره الشيعه على البلد " وهذا اكيد مصر مش راح تمر بهذه للازمه لانكم من مذهب واحد سياسيا : ان شاء الله حكومه اتتقاليه سريعه وقد المسؤوليه ...وبالنسبه للوضع في اسرائيل دلوقت ميته من الخوف وكل همها الحفاظ على معاهده السلامه ومش هتفتح حرب جديده مااعتقد واكـــــــــــــــــيد كل الحكومات العربيه راح تخاف من الشعوب وتصلح احوالها هذا شئ اكيد بتخاف من المظاهرات وان شاء الله مصر حره ابيه دائما . | ||||||||||||
|
|
|
13-02-11, 10:54 PM
| #6 | ||||
| نجم روايتي 
| فعلاً رقم ح يسجل بالتاريخ وح تتكلم فيه الأجيال لزمن طويل واخيرا تجددت امجادنا وماصرنا بس عايشين بامجاد الماضي ههههه وانا الصراحه ماأعرف شعوري اذا كنت فرحانه بالوضع بشكل عام بعالمنا العربي او حزينه اظنه بين الفرح والقلق والخوف والحزن من المستقبل لانه مش بس الشعوب العربيه اللي بتتحرك الآن كل العالم يتحرك معها حسب مصالحه وربنا يكتب اللي فيه الخير لنا جميعاً .. وانا ماقريت موضوعك كله بيبو لانه يحتاج له جلسه بس انا حفظته بجهازي حتى اقراها لما أفضى هههه بس قريته على السريع ونطيت شويه بين السطور ههههههه .. وربنا يبارك لك بعمرك وبأهلك وبعملك .. ويطول بعمر جدك الله يسعده هم بركة أي بيت .. ام كيف شايفه أهل مصر فالصراحه نظرتي للمصريين ماتغيرت عن زمان يعني انا عكس البعض اللي كان ضد المصريين ويحملهم جريرة نظامهم وفجأه صاروا حبايبهم وغاليين عليهم انا علاقتي باهل مصر الطيبين من زمان ولذلك لهم معزه كبيره بقلبي وماأبالغ لو قلت هم اغلى شعب عربي عندي .. ونعم الثوره ما ح تتوقف بالعكس ثورة مصر وتونس شجعت باقي الشعوب العربيه انها تطالب بنفس الأصلاحات ومحاسبة المفسدين في بلدهم وربنا يستر يارب ويلطف بينا جميعاً . | ||||
|
|
|
13-02-11, 10:55 PM
| #7 | ||||||||||
| إدارية ومشرفة سابقة وكاتبة وقاصة في قسم قصص من وحي قلم الأعضاء وأميرة الخيال وشاعرة متألقة بالقسم الأدبي  
| السؤال الأول هو كيف عايشت اللحظات الأولى أول ما عرفت الخبر؟ اول سويته اني نطيت من مكاني Yes>>بثلاثة  وكنت لحالي مثل الهبلا اجري واصرخ جد مدري كان شي لاشعوري وامي تقول بس وانا قول بس كل وحده تسكت الثانية اختي متنحه بقوة ..تقول وش صار وش فيه مات  قلت لها شي زي كذا >>مشكلتهم الفيزيائين الاستيعاب بطيئ مسكت التلفون ابوي يعطيني بيزي لانه كان معزوم  واختي الصغيره جايه فرحانه تحسب في عطله لان الجو كان ذاك اليوم فيه عواصف ثلجيه لبى جونا مع المزاج  اتصلت بصديقتي بالاسكندرية وكان فيه ضغط عجيب على الاتصالات وارسلت لها مسج في نص الليل ولقيتها على المسن قالت لي اشياء كثيره لكن اللي اثر فيني انها تقول (بحس بقوة عجيبه الدنيا منورة منورة اوي )قلت لها بلاهياط على بالك حرتوا فلسطين .. ردت علي ياوحشة احنا اللي حنعملوها ..الشباب دا عنده طاقه قوية .. قلت اسكتي لاتسمعنا اسرائيل  وقالت ان اخوها لبى قلبه خطيبي سابقاكان بينزل مع الشباب في الشارع بالعصايا وامها تنزل تضربه وتدخله البيت ههههههههههههههههههه جد حست ان فيه شي غير بذاك اليوم شي عجيب غريب في مصر فرحه شخص اظناه الشوق وكان مبارك سجن كبير وافرج عن المصريين في ذلك اليوم صدقني بيبو مافي شي اسمه لحظات اولى لانا كنا معكم لحظه بلحظه ونتابع اصدائها الى اليوم ماابلغ لوقلت اني ماقدرت انام ذيك الليله جسلت افكر واحس التاريخ يعيد نفسه بيبو بريطانيا هي اللي قسمت الدولة العثمانية بعد بالثورةالعربية على يد الملك حسين والحرب العالمية الاولى وسايس بيكو .. واليوم امريكا جالسه تشكل الشرق الاوسط الجديد .. بسياسة كوندليزا رايس ..الفوضى الخلاقه تفقد الحكومات هيبتها ثم تسقطها جد شي يخوف .. ولاحظ الترتيب والتقارب في كلا الثورتين التونسية والمصرية .. المهم ان تكون هالثورات لصالح الامه الاسلامية والعربية مو ضدها وماتستغلها امريكا .. لانه امريكا احسها راح تستغل الوضع الاقتصادي بمصر .. اذا الشعب رفض المعونات المباركية القديمة راح تتدخل بشكل ثاني اسرائيل ساكته وماطلع حسها وكل همها معاهدات السلام واهمها كامب ديفيد اللي افقدت الجيش المصري قوته وهيبته امام العدو اليهودي ... جد انا خايفه خايفه خايفه فيه قوة خفيه تغير العالم من حوالنا .. غير إرادة الشعوب ... وتستمر الحكايه وتسكت شهرزاد عن الكلام المباح  كل عام وانت ومصر واهلها الطيبين بكل خير .. التعديل الأخير تم بواسطة ~sẳrẳh ; 13-02-11 الساعة 11:12 PM | ||||||||||
|
|
|
13-02-11, 11:26 PM
| #8 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
| بيبو دائما مميز بيبو دائما أنت مميز حتى تاريخ ميلادك مميز واعلم أن هذا لم يزدك تميز فانت لتميز مثال فأنت من أبناء الهاشمي النبي البالغ الخصال عــرفتك من بضع شهورٍ فوجدتك فيك اعتدال بين السماحة و الدين الحق عدلت باكـــــتمال يا بني كن دائما متوجها للخالق بالغدو والآصال ولسوف نفرح جميعنا يوم يحكم عادل يحقق الآمال يعيد لمصر أمجادها وما خسرت من بنين ومال وأنت واحد من شبابها فاعمل على ذلك بالحال لتغدوا بلدك رمزا وعلما خفاقا فوق قمم الجبال كل عام وأنت بخير يا حفيدي الغالي بيبو  | ||||
|
|
|
13-02-11, 11:18 PM
| #9 | ||||
| نجم روايتي 
| أولا يابيبو ارحموا عزيز قوم ذل يعنى مبارك ده مسلم على الأقل نطق الشهادة و كفاية تجريح فيه ..اتكلم بعيد عنه اتكلم بلدنا رايحة فين ..انسى جزء تنحى الرئيس ان شاء الله تمتد الحرية والديمقراطية لكل شبر فى الدول العربية ووقتها حتفرج مين راح يجرح زعيمه زى المصريين | ||||
|
|
|
14-02-11, 01:00 AM
| #10 | |||||
| نجم روايتي وعضوة في فريق الروايات الرومانسية المكتوبة 
| اقتباس:
مريم فى ايه مالك انتى محسسانى اننا ماسكين سواطير وعمالين نقطع فيه وبرضه مفيش فى كلام بيبو اى تجريح عن مبارك كل كلامه عن البلد وتواقعاته ايه ممكن يحصل بعد كده وبيتمنى تقدم ورقى مصر لانها بلده برضه وان شاء الله تتقدم بايده وايد كل شبابنا واتمنى متزعليش من كلامى لان مصر كلها مش متمثلة فى شخص مبارك وجميلة اوى الصور اللى جبتيها وبلدنا كمان احلى من كده بكتير . وان شاء الله هتكون أحسن وأحسن ادعى ان القادم يكون افضل مما مضى | |||||
|
|
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
.png)
.png)
العرض المتطور
