14-02-11, 07:42 PM
| #1 | ||||||||||||||||||||
| نجم روايتي وعضو فعال في منتدى صحة ورشاقة  
|  جواهر للكاتبة دانة الروح
التعديل الأخير تم بواسطة فيتامين سي ; 12-10-13 الساعة 11:12 PM | ||||||||||||||||||||
|  |
|
14-02-11, 07:43 PM
| #2 | |||||||||||
| نجم روايتي وعضو فعال في منتدى صحة ورشاقة
|  الفصل الثاني طالعت جواهر بكل اللى حواليها كل هذا لي .. ما توقعته بيوم من الايام وكنت عايشة سعيدة مع اهلي مو ناقصني شي وما تمنيت بحياتي الا اكون مع اهلي لكن وين هم الحين ووين انا بعيده عنهم متغربه بمكان اول مره اشوفه مع ناس اول مره اشوفهم ...لهنا بدت الاحزان تتجمع وحده ورا الثانيه وحركت راسها .. اخذت لها تنورة خضرا قصاتها على جنب من شانيل واخذت معها بلوزة عشبي ايدينها طويلة وواسعه من اطرافها اللى تجملها تدرج الوانها من العشبي الفاتح ويغمق لونه عند الرقبه اللى جايه على شكل حرف v اخذت شيلة سودا فيها تطريز خفيف بالاخضر ويا الفضي وفتحت درج التسريحه واخذت المشط سرحت شعرها الاسود احلى ما فيها شعرها الاسود الناعم المتموج عند اطرافه ,,, جميل ولكن مرات يتعبها لانه طويل واصل لأسفل ظهرها لمته فوق بربطه لونها اخضرعلى شكل ذيل حصان من ورا .. وبتحط شيلتها على راسها الا وسمعت دق على الباب فهد : جواهر يالله على طول رشت عطر من على التسريحة ايلين احلى عطر شمته هالسنه وعلى طول ركضت فتحت الباب وغطت شعرها بالشيله جواهر: يالله وهي مبتسمة فهد وهو يطالع فيها: ما شاء الله ..اميرة وربي ماكذب من سماج جواهر جواهر نزلت راسها بالارض استحياء.. اخذ يدها بايده ..لحظتها كانت مرتاحه انها بتواجه لاول مره العايلة الكريمة عائلة رجل الاعمال المليونير تركي بن عبدالله &&&&& نزلت الدرج وهي لا زالت مبهورة من فخامة البيت اعمدة الدرج ملونه باللونين الأسود والذهبي وهي على شكل امواج بحر انبهرت بمنظر البهو الواسع اللى بكل قطعه فنيه فيه يدل على ذوق رفيع ..طبعا من قال قصر يشهد بهالشي ..دخلت قصر صاحبتها ملاك لكن على هاللى تشوفه قدامها شي ما ينوصف جلسه من كنب امامها باللونين الازرق والبيجي الفاتح والستائر متدرج الوانها الازرق من الاطراف الى ان توصل بالوسط للون البيجي الفاتح شي رائع تناسق الوان الستائر مع الوان الكنب وانعكاسه يحسس الواحد انه عايش بعالم آخر. جواهر وش فيج يالله تعالي صحت من حلمها على صوت اخوها فهد لقته راح على اليمين وفتح الباب المتحرك تفاجأت بصالة الطعام الأنيقة واللى فاجأها اكثر انه ماحد فيها الا هي وفهد وبس الفطور على الطاولة واستغربت جواهر: وين الباقي ... فهد: الفطور نادر ما تلقين احد مجتمع فيه ..اللى نايم واللى صحى من بدري واللى واللي ...... والبندري مشغوله بالعيال وغير.... سكت لانها سالته فجأه جواهر: من البندري ؟؟؟؟؟ فهد: زوجة اخوى عبدالعزيز نسيتي. جواهر : ايه قلت لى عليها آسفه بس كثير اللى علمتنى عليهم فهد: ههههههههههههه المهم لا تنسينا احنا عايلتك الباقي مو مهم جواهر مبتسمة: ما راح انساكم إن شاء الله طالع فيها فهد لأول مره.. اخته يا حلاتها بسيطة وعلى نياتها ظاهر في نظراتها البريئة وبشكلها الطفولي الجميل ... لما سمع انهم جايين بالليل على الرياض ما كذب خبر اتصل في اخوه عبدالعزيز اول ما وصلوا فهد: ....الوووووو السلام عليكم عبدالعزيز: وعليكم السلام فهد: هلا وغلا وينكم طولتوا الغيبه حمدالله على السلامه عبدالعزيز: ههههههههه ما امدانا نسافر ونرجع لهالدرجه ولهت علينا لا يكون انت البندري وانا ما دليت صوتج ههههههههههه فهد: هههههههههههه مالت عليك البندري صوتها مو احلى مني عبدالعزيز: انقلع عاد يا الطبل فهد: وين انقلع وينها جبتها معاك عبدالعزيز: امممم ايه كم مقاسك انت فهد : ها وش عنه تتكلم انت عبدالعزيز: ههههههههههههه عن البدله الا ما علمتنى انا جبت لونها ابيض بالمررره فهد: عن الضحك يالله عاد وينها فيه اهى جنبك جواهر: ايه جنبي اذيتنا والله الحين بننزل من الطيارة عبدالعزيز: اوكى انا ناطركم هنا يالله بسرعه عبدالعزيز: وين ناطرنا انت بالمطار فهد: ولا على بالك بنتظر لين اشوفها بالبيت هذي اختييييييييييييي عبدالعزيز: ههههههههههه طيب يا اخوها يالله نتلاقى بصالة المطار فهد : الله وياك مو مصدق انها الحين صارت عندهم .... دخل صالة vip قدم بطاقته للسكيورتي اللى هناك وراح على طول جلس على الكنب جاه المتر: تبغى شي سيدي؟؟ فهد: قهوة لو سمحت ...كان فيه واحد من العيله يعرفه شافه وقف وجا عنده على طول. عادل: اهلين فهد اشلونك فهد وهو يسلم عليه: هلا ابو احمد اشلونك وشخبارك عادل: الله يسلمك ..من معك هنا فهد: الاهل توهم واصلين عادل: الحمدلله على سلامتهم فهد: الله يسلمك عادل: اوكى ما طول عليك انا طايرتي الحين يالله نستاذن الحين فهد: بحفظ الله ..ترد بالسلامه عادل: الله يسلمك جلس وطلع الجوال وبدا يشوف اخر الارقام ومنتظر الا وانفتح باب الصالة نظر الى قدام شاف بنت تمشي بحياء وبجنبها شاف اخوه وقف وهو مبتسم: هلا وغلا الحمدلله على السلامه واخذ اخوه بالاحضان عبدالعزيز: الله يسلمك عبدالعزيز وهو يلتفت الى جواهر: هذا فهد اخونا جواهر وهى تناظر له من ورا البرقع: السلام عليكم فهد: ما هقيت انه البراقع يفتنني . وعليكم السلام ,, الحمدلله على السلامه ,, عبدالعزيز: هههههههههههههههههههه ما عليج جواهر دايم هو كذا.وتعالوا جلسوا لين يخلصوا اجراءات يدوب ربع ساعه ونمشي جلسوا وجا المتر بالقهوه الى فهد: تفضل سيدي فهد: شكرا...تبين شي جواهر جواهر : ها لا مابي شي شكرا تم فهد يطالعها,,,,, عبدالعزيز وهو يدفه بكوعه : هيه اركد وش فيك تبحلق فيها بتخرعها ترى بتخليها ترجع بالطياره لبلدها فهد: وش انا شفت متى بتطلع البرقع نشوفها زين ...ولا ايه ما ينفع تطلعه هنا فيه ناس معنا عبدالعزيز: خرعتها يبه لو انا منها كان رديت ديرتي فهد: الله وش ديرتها ديرتها الحين هنا وبس ولا ايش رايج جواهر جواهر متردده: هنا وهناك ما تفرق كلنا خليج واحد فهد وعبدالعزيز: هههههههههههههههههههه ههههههههههههههههههههههههه ههه هههههههههههههاااي عبدالعزيز: وربي انها اختي تقدر ترد وتسكت اللى قدامها بعد جواهر مبتسمه بينها وبين نفسها : وان شاء الله على طول كذا رن تلفون عبدالعزيز: ايوه .... اوكى خلاص نلقاك ان شاء الله عبدالعزيز وهو يوقف: يالله بنمشي خلص الاجراءات فيصل فهد يمسك ايد جواهر ووقفها : انا باخذ جواهر للبيت انت الحقنا ويا فيصل عبدالعزيز: روحي ويا فهد,, انا بتبعكم ويا الجنط هناك ان شاء الله راحت جواهر ويا فهد وايده بايدها وتطالع اللى رايح واللى جاي ...يا كبر المطار بس يمكن شوي المسافرين بهالوقت ما فيه زحمة كبيرة لهناك طالعته على الجنب... كاشخ طويل ووسيم لاخر درجه الله هذا اخوها ..الكل يطالعه وهو ماشي رفعت راسها اكثر اخوها اللى معها لو يعرفون هالشي ..ابتسمت طلعوا من المطار وبالسيارة اللى يسوق فهد فهد : الحمدلله على السلامه جواهر والله وصار لى اخت لا وبعد جواهر ودرر وياقوت واللى تعرفينهم الباقي جواهر وهي تضحك هههههههههههههههههههه بحياء : ربي يخليك اصل الجواهر منكم وفيكم فهد: قالها من قبل والحين انا اقولها وربي انتى اختى يازين ردك وكلامك اوخيتي ..راح يحسدوني عليج الكل ابتسمت وسالته: كم المسافه من المطار للبيت فهد: وهو يحط شريط راشد الماجد متكبر علينا : يعني ساعه جواهر: الله مسافه والله فهد: ايه ما عليج اكيد تعبانه من السفر ...عادى نامي لما نوصل بصحيك جواهر: لى اسبوعين ما اقدر انام وجسمي مره تعبان على الاخر فهد: الله وليه طيب.. جواهر: ليه سالفه مثل هذي لو صارت لك بتخليك تنام فهد: ايه والله سالفه ماحد يصدقها ولا بالاحلام ...بس هذا ربك وما شاء فعل الحمدلله وانه معنا اختنا اخيرا ولو انه تربينا بعيد عن بعض لكن من اليوم ورايح انتى خلاص منا وفينا وهلا بج يا جواهر يا زينة الجواهر كلها جواهر وهي تضحك :هههههههههههههههه &&&&&&&&&&& عائلة عبدالله ... الاب: عبدالله ابو ابراهيم وكيل وزارة الصحه الام: ندي خالة جواهر أسبانية من اصل عربي وأم ابراهيم وحسن ورجاوي ابراهيم: الابن الكبير متزوج ومعه بنت يشتغل مهندس معماري حسن: خريج جامعة اوهايو الامريكية .. حاليا يشتغل بشركة الوالد واعماله رجاوي: اول سنه فاونديشن جامعة كمبريدج البريطانية. عائلة رجل الاعمال رجل الاعمال: تركي بن عبدالله تزوج 3 مرات وأخر زوجة له الريم عنده 5 اولاد وبنت الريم: الزوجة الثالثة ام الوليد ومحمد عبدالعزيز: الابن الكبير من الزوجة الاولى متزوج وعنده ولدين شهد وتركي البندري: زوجة عبدالعزيز فهد: الابن الثاني 21 سنة بثاني سنة جامعة الملك سعود احمد: الابن الثالث عمره 20 سنة باول سنة جامعة ليدز جواهر: الابنة الوحيدة ... 17 سنه بالثانوية اخر سنه | |||||||||||
|
| |
|
14-02-11, 07:46 PM
| #3 | |||||||||||
| نجم روايتي وعضو فعال في منتدى صحة ورشاقة
| الفصل الثالث **************جواهر بعدها للحين مو مصدقه اللي صار . جت مثل كل مره من المدرسة وهي هالمره عصبت على الآخر من هالمرشدة بعثت لها بأول مره : جواهر ايوه أستاذة بغيتي شي مني المرشدة: جلسي يا جواهر ...بغيت أسالك اسئله عاديه احنا نسوى بعض الاستبيانات ونعبي بعض بيانات الطالبات جواهر: اوكى ليش مو ملفى فيه كل شي المرشدة: الا فيه بس حابين نتاكد وبعض بيانات ناقصة فكرت وهي مستغربه يعني المدرسة اللي قبل كانت فيها مو عارفه عنها كل شي واكيد بملفها جواهر: اوكى المرشدة: انتى جواهر عبدالله جواهر: ايوه المرشدة: والدك هو وكيل وزارة الصحة جواهر: إيه المرشدة: وأمك ندى علي جواهر: ايوه المرشدة: اللي عرفته هذي مو أمك صح بس بحسبة أمك جواهر: ايوة هذي خالتى أخت امى وربتني بعد ما توفت والدتي المرشدة: ايوه صح رجاوي... الا كم عمرها جواهر: هي اكبر مني بسنه المرشدة: اها طيب اوكى .. تقدري تروحي جواهر ...................... جواهر مستغربه وهي تسولف ويا صاحبتها العنود: للحين مستغربه وش تبي مني المرشدة وش فيه تعبي البيانات هذي ابي افهمها انا يعني للحين ما يعرفون عني حاطيني بالمدرسه مجهولة الهويه ولا اشلون العنود وهي تضحك: هههههههههههههه وانتى الصاجه الا يبون يألفون رواية عنج ولازم يعرفون الماضي البعيد هههههههههههههههه جواهرلصاحبتها العنود: يالله عاد ما خبرتيني بتجين اليوم عندي البيت تعالى نتعشى سوا ونحل الواجب اللى علينا بالكيمياء مدرى ليه الكيمياء مرات اكرهه بالمره العنود وهي تضحك: هههههههههههههه ايه تكرهينه باين درجاتك كلها a دليل على الكراهية جواهر تبتسم: والله شي صعب تفسيره فعلا اكرهها الكيميا مدرى ليه العنود: طيب ليتنى انا بعد اكره جميع المواد وتجي درجاتي مرتفعه جواهر وهي تضحك ههههههههههههههههههههههههه هههههه : اوكى وش قلتي بتجين اليوم تتعشين عندنا العنود: اوكى بس على شرط جواهر وهي تضحك: فديتك ادرى باللى بتقوليه ولا يهمك بيسوي شوربة العدس بالدجاج العنود: فديتها جواهر الجواهر وضحكوا مع بعض باليوم الثاني بعد الدراسة وهي تروح مع السواق من المدرسة تفاجات بواحد يطالع فيها من بعيد بسيارته ومر جنب سيارتهم هى كانت تعدل شيلتها على راسها وما انتبهت له الا بعد ما راح طالعت فيه : هه حتى بالمدارس معاكسه الله يستر علينا من بلاويكم ........... بالبيت على الغدا: امها كانت على غير عادتها فيها شي مرتبك... جواهر: يمه وش فيج مو عاجبتني ام حسن: لا ما فيني شي بس مصدعه جواهر: فديتك يمه انتى وصداعك ليته فيني ان شاء الله اوكى شربتي ادول ولا اجيب لك ام حس: لا شربت اكيد بيروح بعد شوي جا والدها ودخل صالة الطعام: السلام عليكم ... جواهر وام حسن وحسن: وعليكم السلام حسن: تاخرت اشوفك يبه... كيف الوزارة ابو حسن: مثل كل مره مرضى وادوية ومستشفيات هههههههههههههههههههه ضحكوا الكل حتى ام حسن لما شافتها جواهر تضحك ارتاحت ام حسن: الا وين رجاوي اختك جواهر : تعرفينها ساعه بالشاور بعدين ساعه وهي تطالع بروحها بالمرايا ههههههه ام حسن: ما بتبطل حركتها هذي كل هالوقت ... وخسارة الماى بلاش كل يوم كنها طاحت بوحل. حسن وهو يضحك: هههههههههههههههه..... انتى يا يمه مسويه دعاية حق استهلاك الماي هههههههههههههههههه جواهر : ههههههههههههههه ام حسن: جب انت ويهك ولا احسن ساعه اخطط لمستقبلي هناك جواهر ويا حسن وابوهم ههههههههههههههههههههههههه ههههههههههه ههههههههههههههههههااي راح اليوم عادي مثل كل مره جواهر ورجاوي كل وحده بغرفتها تذاكر دروسها وتكمل واجباتها ويشوفون بعض على العشا وبعدها تكمله الدروس وبالاخير يجلسون بالصالة اللي بين غرف النوم يتسامرون ويا امهم ومرات ابوهم وياهم او احد من اخوانهم وجواهر رتبت واجباتها وطلعت بالصالة عند امها تطالع التلفزيون معها ويدردشون سوا رجاوى طلعت من الغرفه بعد ساعه وتمت تطالعهم وعلى طول قالت لهم: يالله خلونا نشوف فلم حلو مع بعض ام حسن: مافيه قنوات بهالزمن تجيب افلام حلوه يالله المسلسلات اللى بعدنا نشوفها بعد فتره ياخوفي لا تصير كلها قنوات اغاني ورقص بالاخير الله يستر علينا ..وربي الجيل اللى طالع ما فسد من شويه الا من هذول القنوات جواهر : والله كلامك صح يمه رجاوي : الله يعني اللى عنده موهبه ما يقدر يطلعها ويخلي الناس تشوفها لو انا صوتي حلو كنت رحت واشتركت معهم بسوبر ستار ولا ستار اكاديمي ام حسن: روحي انتى وتعرفين وش راح نسوي فيج ذبحش ترى حلال جواهر وهي تضحك هههههههههههههههههه الله اختى بتطلع بسوبر ستار رجاوي وهي تقرصها بايدها: جبي زين عاجبك يعني الكلام جواهر: انتي اللي جبتيه لنفسك يا سوبر ستار ههههههههههههههههههههههه رجاوي وماده برطمها: انزين يالله حطي قناة بغينا نشوف فلم ...بعد ساعتين شافوا فلم كوميدي بقناة ام بي سي تو وظلوا يضحكون عليه ..امهم راحت قبل نهاية الفلم مثل كل مره ما تطول وبعدين كل وحده منهم دخلت دارها تنام جواهر على السرير تفكر: ياتري وش اللى مغير امى بهالفترة مو على بعضها وحتى ابوي احسها انه بعيد عني شوي ليش ؟؟؟؟؟ بس يمكن ضغط العمل ابوي مرات يالله يكلمنا من كثر العمل اللى عنده الله يعينه بس ويعطيه الصحة ****** بعد تقريبا 4 ايام وهي بغرفتها جتها امها وشكلها كان مهمومه من شي وكانت تبكي ...بقايا الدموع على جفونها بعدهم جواهر ارتاعت لما شافتها بهالشكل: يمه وش فيج فيه شي صار ليش تبكين يمه علميني ابوي فيه شي حد فيه شي ام حسن: لا ما فيني شي الحمدلله ماحد فيه شي بس ...نزلت راسها ودموعها نزلت على خدودها اخاف تروحين وتخليني بعد ما تخلصين الثانوية جواهر: الله يمه وين بروح يعني انا بعدني بالثانوية ولا يهمك برسب نفسي عشان اتم معاج ولا راح انجح ولا ايش رايج خلاص ماعد بدرس بجلس معاج هنا بالبيت ام حسن: فال الله ولا فالك ان شاء الله امتياز مثل كل مره وترفعين راسنا وتدخلين احسن الجامعات جواهر: راسكم مرفوعة دوم بعز ابوي وعز اهلي ان شاء الله ام حسن: ايوه عز اهلك ان شاء الله جواهر مستغربه: ان شاء الله يمه لا تفكرين الله يخليج واذا انتى بتظلين على هذي االحاله من الحين خلاص بلاش جامعه بجلس هنا اشوف اى معهد وادرس فيه ام حسن: لا والدك قال بيدخلك احسن الجامعات اللى بره اى وحده وان شاء الله تدرسين التخصص اللى تبغينه جواهر: الله كريم يالله عاد ام حسووووون وريني ضحكتك وصف سنونك اللولي يا لولي ام حسن وهي تضحك هههههههههههههههه: والله تاكليني اكل بالكلام فديتج ربي يخليج لى وهي تحضن جواهر جواهر وهي تبوس راس امها وتحضنها : ويخليج لي يا يمه &&&&&&&&&&& انتبهت على صوت من بعيد: جواهر يا جواهر اصحي ترانا وصلنا البيت فهد: يالله وصلنا البيت ولا تبينى أشيلك جواهر وبصوت حاد: لا بمشي ما فيني شي وفتحت باب السيارة وسمعت صوت فهد يضحك عليها استحت ليش أنها ردت بقوة عليه وكل شي صار بسرعة دخولها البيت استقبال زوجة ابوها الريم وزوجة أخوها عبدالعزيز لهم وعلى طول جا عبدالعزيز طلعت وياها زوجة أبوها لجناحها ومعها خادمتها الخاصة ...وش هالبذخ والترف اول مره تشوفه الريم: فهد لا تأخرها خلها تنام وترتاح اوكى فهد: حاضر يايمه الريم : هههههههههههههههه تصبح على خير فهد: تلقين خير ان شاء الله كل شي بسرعه بسرعه عقلها بدا يتوقف وأخيرا بغرفتها مع فهد أخوها بروحها بعد ما راحوا منها الريم والبندري وتركوها تنام فهد: اوكى يالله انا الحين بروح اخليج تنامين وترتاحين لو تبين تاكلين شي الاكل عندك اوكى بالمطبخ يالله اشوفج ان شاء الله الصباح تصبحي على خير جواهر: فهد .. ابي شي ممكن فهد: عيوني لج ..امري وش تبين جواهر: ابي اكلم أمي اطمنها على أكيد مو نايمه تحتريني لين أوصل واكلمها بس ما عندى جوال دولي ممكن استخدم تلفون البيت فهد: اكيد طبعا لحظه أنا بدق لج الرقم فهد: شوفي تضغطين رقم 01 وبعدها يجي الخط اكتبي رقم فتح الدولة وبعدها الرقم اوكى جواهر: اوكى تسلم فهد فهد: الله يسلمج تبين شي بعد جواهر : لا سلامتك تصبح على خير وشكرا فهد: من غير شكرا اوكى وتلقين خير ان شاء الله .... جلست واتصلت مثل ما علمها فهد شوي وسمعت صوت امها ام حسن: جواهر بنيتي يمه الحمدلله على السلامه طمنيني عليج وشخبارج ..مرتاحه ولا لا ...تعشيتي ولا بعدك ... احد قال لك كلمه و و ؟؟؟ جواهر: يمه فديت قلبك انا بخير لا تحاتين وتعشيت الحمدلله توني واصله البيت بالرياض وخليت اخوي فهد يعلمني اشلون اقدر اتصل للحين ماعندي جوال بس إن شاء الله بتصل عليج من البيت من هذا الرقم اوكى يمه وبطمنج دايم علي ام حسن: فديتج يا الغالية والله لج وحشه بالبيت ...سكتت وبدت تبجي .. جواهر من سمعت امها تبكي بدت الدموع تتجمع بعيونها : يمه يمه ...بدت جواهر تبجي .. يمه خلاص مابجلس هنا بكره اعلمهم انى ارد لكم ما ابيهم انا مرتاحه وياكم انتوا اهلي والله ام حسن: جواهر بنيتي هذولاك اهلك خلاص ما نقدر ناخذك منهم بس احنا اهلك وغصب عن الكل بنظل اهلك وبتظل بيتنا بيتج يالغاليه ...ابيج تنتبهين لنفسج واي شي تبينه اطلبيه ..لا تفكرين يا جواهر بتلقين احلى الاشياء هناك وبتنسينا ترى كل شي عندنا بديرتنا وان ما لاقيناه نجيبه لك يا جواهر الخليج كلها جواهر وهي تضحك: هههههههههههههه فديتك يمه الا بطلب وبطلب وبطلب ام حسن: طالع هذي ..تبي تخسرنا كل شي هههههههههههههههههههه جواهر: ههههههههههههههههه ربي يخليكم لي ولا يحرمني شوفتكم ابد ام حسن: ويخليج لي المهم انى اطمنت عليج اوكى ... واحنا الكل بخير ابوج واخوانج ورجاوي كلهم بخير جواهر: بكره بتصل عليكم اوكى بالليل بكلم ابوي واخواني اوكى خلي رجاوي تلفونها مفتوح اوكى ..يالله يمه فديتكم نامي تصبحين على خير ام حسن: وانتى من اهله انتبهي لنفسج زين اوكى جواهر: ولا يهمك يمه مممممممممموه على هالخد ام حسن: مع السلامه جواهر: مع السلامه ....وحطت السماعه بمكانها بتنام اخيرا بعيد عن اهلها..... تذكرت امها وابوها ونزلت دموعها ..صارت بروحها بعالم ثاني ويا ناس غير اشلون تتغير حياتها فجأة راسها بدا يصدع ما نامت ابد هالفتره جلست تطالع باللى حولها وهي نايمه على السرير واخيرا نامت من كثر التعب..... فهد: هيه وين سرحتي كل هالوقت جواهر ولا شي اخوى الريم: لا يكون الاكل مو عاجبك تبين شي غيره جواهر: لا والله الحمدلله على النعمه الله يديمها عليكم ان شاء الله الريم: علينا وعليج ان شاء الله ..آمين ...سكتت شوي ..أقول جواهر بعد ما تخلصين الفطور ان شاء الله اخذج بجولة بالبيت اوكى اكيد متشوقة ههههههههههه تشوفينه جواهر: ابتسمت ايه اكيد ابي اشوف البيت بس بالاول ابي اشوف اخواني كلهم الريم: ههههههههههههه ما يحتاج تراهم من اللقافه بتلقينهم قدامك بعد ما تخلصين فطور الحين من خبرناهم عنج وهم يقولون متى تجي وليش عايشه هناك وياكثر اللقافه عاد انتى تحمليهم جاوبي على السؤال 100 من ألف سؤال هههههههه جواهر: ههههههههه فديتهم اجاوبهم ان شاء الله باللي اقدر عليه &&&&&&&&&&&&& راحت ويا الريم بجولة بالبيت شافت الصالات اللى تحت صالة كبيرة للحريم ووحده بالجانب الثاني للرجال وطبعا الديكور على الأثاث والتحف الموجودة اكثر من رائع ... وفيه غرف اضافية ويا حماماتهم ومطبخ مصغر متصل بالمطبخ الكبير وطبعاً.... ما قدرت تدخله لانه الريم قالت لها انها ما تدخله وقت الصباح لين الطباخيين يخلصون شغل فيه تروح تشيك على كل شي واذا فيه شي يبي له تنظيم او تنظيف تخبرهم فيه مدبرة البيت .... مدبرة البيت تكفي هالشي انها تاخذ اوامرها منها وكل اللى بالبيت وهي توصله للشغاليين اللى بالبيت. طلعت الطابق اللى فوق بالمصعد على طول شافت جناح اهلها عبارة عن غرفة نوم كبيرة وبداخلها الدريسنج روم متصله بباب متحرك وبطرف الغرفة فيه باب اخر يوصل لغرفة مكتب والدها فيه بالجناح 3 غرف كبيرة ويا مرافقهم وصالة بالوسط بينهم وطبعا مطبخ ايطالي حديث بس مصغر مع مخزن جانبي. وراحت لغرف اخوانها بنفس الطريقه بس الاجنحه الباقية فيهم غرفتين اضافيتين بس وطبعا بالاخير جناحها نفس اجنحة اخوانها..كانت البندري بجناحها ورحبت فيها مررررره وأشرت لها على بيت جانبي شافت العمال يبنون فيه وكبير قالت لها:: هذا بيتنا ان شاء الله باقي له مدة بسيطة ويخلص مثل باقي بيوت اسلافي ...بس عشان العيال ابتدوا يكبرون ولازم يكونون ببيت اكبر ... بس احلى شي مسويه عمي الله يخليه لنا انه يبينا دائما مع بعض. لاحظت انه زوجة والدها ويا البندري متفاهمين وطيبين الحمدلله انها جت عند ناس مثلهم ... ولاحظت بعد شي انه بيوت اخوانها باخر سورالبيت وكل واحد له طريق ثاني داخلي من الحديقة .. اخذتها زوجة والدها لجناحها آخر شي .. ومن امس اعطتها صندوق الجواهر اللي جابته معها جت لجناحها وشافت بعض الشغالات طالعات من غرفتها .. الريم: قلت لهم يرتبون اغراضك كلها الحين اكيد بتلقينهم بالكبت ...متدربين على الترتيب تعالي بنشوف وش سووا هذول باغراضك هههههههههه دخلوا الغرفه وعلى طول للدريسنج روم المتصله بغرفة النوم فتحوا الباب اللى يظهر انه جدار وابتدوا يفتحون ابواب الكبت شافت جواهر كل شي مرتب ,, العبايات والشيل بمكان فساتين وجلابيات ما تذكر انها شرتهم من وين جو هذول ولا بعد بعض التنانير والبلايز اول مره تشوفهم جواهر: هذول بعضهم مو اغراضي لا يكونون غلطوا. الريم: هههههههه لا اغراضك انا والبندري رحنا لفينا شوي بالسوق وجبنا كم حاجه لك يعني قلنا اول ما تجين ما بتروحين على طول السوق جواهر فكرت: اها عشان جذي استغربت لما اخوها عبدالعزيز سالها عن مقاسها وقال لها اكتبيهم لي وقال لها بعدين تعرفين جواهر: والله ذوقكم حلو وااايد ..وهي تلمس قماش فستان سهره سماوي له قصات غريبه من الوسط ومثبت بسلاسل فضية شكله حلو بالمررررره الريم: تعرفين والدج على طول اصدر الاوامر روحي انتي والبندري وجيبوا اغراض لبنتي مابي ينقصها شي هههههههههههههههههههه ما صدقنا واكيد احنا بعد كان لنا نصيب شوي هههههههههههههه يعني هم بعد تسوقنا على كيفنا جواهر: ربي يخليه الريم: آمين ان شاء الله تعالي الحين نسولف شوي . اخذتها وجلسوا على الكنب وابتدت: جواهر شوفي ترى هذا الحين بيتك واحنا اهلك وما راح ننكر فضل اهلك اللى ربوك من وانتي صغيرة بس الحين صرتي غير ووضعك غير انتي فاهمه .. حركت راسها جواهر بايوة الريم: تعرفي اخاف عليج من الحسد والعين وما شاء الله عليج انا ما صدقت لما قال ابوج انه انتى جميلة لكن جميلة قليلة بحقج انتى القمر يغار من جمالك جواهر حمرت خدودها : لا ما وصلت لهالدرجه يعني لا باس فيني ما شاء الله انتوا احلى بواااااايد الريم: وربي مبسوطه مررررررررره زين تقهرينهم اللى قالوا عنج بتكون وحده عاديه ولا تعرف شي ..بس اللى شفته الحين منج ما شاء الله تقدرين تسكتينهم جواهر: انا ما جيت هنا اسكت حد انا جيت لبيت ابوي اعيش فيه لانه هو طلب هالشي مو جايه اخذ حلالهم ولا شي مصيري بتزوج وبروح عنهم الريم: مو اصلا هم خايفين من هالشي جواهر مندهشه وطالعتها بنظرة : اشلون يعني خايفين من هالشي الريم: يعني تاخذين واحد من اللي حاطين عليه عينهم جواهر مستغربه ونزلت راسها بالارض وش هذول الناس اللى يفكرون بهالشي ياربي : متى ما جا النصيب بيجي يطمنوا ما راح اخذ حد منهم الريم: لا تخافين من كلامي بس حبيت انى ابين لج اللى ممكن او ممكن ما يصير فهمتيني. وبعدين احنا ما نبيج تتركينا منا ما صدق والدك لما عرف انه بنته موجوده.. لو تشوفين وش فرحته هذيك الايام كان يبي يطير لعندك وياخذك بحضنه على طول | |||||||||||
|
| |
|
14-02-11, 07:48 PM
| #4 | |||||||||||
| نجم روايتي وعضو فعال في منتدى صحة ورشاقة
| الفصل الرابع في بيت عبدالله بنفس الوقت كانت ام حسن جالسه بالصاله فوق الا وطلعت رجاوي من غرفتها رجاوي: صباح الخير يمه ... جواهر ما اتصلت ما قدرت انام احتريها ام حسن: هلا يمه الا اتصلت امس بالليل وصلت متاخره وبخير هي بتتصل اليوم رجاوي وهي تبحلق بعيونها: طيب الدبه والله لوريها ماكني اختها الحين وليه طيب ما تتصل علي ام حسن: يمه بعده ما معها جوال دولي ولا كان اتصلت عليج بعد فتره واكيد استحت تطلب هالشي من اول ما توصل ...اليوم بتكلمك قالت وبتكلم الكل بالليل بتتصل اكيد بعد العشا تعرف الكل يكون على العشا موجود رجاوي: اوكى بس وش قالت لك ..اشلون اللى معها وش سوت وكيف استقبلوها ولا لال....... ام حسن: يبه هي طيبه ومبسوطه باين من صوتها خلاص مافيه عاد كل هالاسئله ترى اعرفج زين ياحبك للتسأل الوايد اوكى خففي من هذرتك شوي عليها لما تكلمينها خليها تحس بالامان معهم فهمتي رجاوي: ما قلت شي بس والله وحشتني بالمره ...ياليت ما تركتوها تروح ام حسن متألمه من كلام بنتها : If was by our hand we were what we left and know that you and she is Trbitoua except sisiters and no it separated you and no we were wanting the secret that emerges, but unfortunately The truth appeared and he was necessary that tell it to it because it is what we want reaching of courts we with sufficiency from it ( ليت بيدنا وانتى عارفه انه انتى وهي تربيتوا مثل الاخوات ما فرقنا بينكم لكن ظهرت الحقيقه اللى كنا خايفين منها وما نريد هالشي يوصل بالنهايه للمحكمه لو احنا تمسكنا فيها) رجاوي: لكن ماما حرام جواهر ما تستاهل كذا .. ليه ما يخلونها تختار حياتها اللى تبيها ليه يغصبونها تروح وياهم هناك وابتدوا يدردشون بالاسباني (( خخخخخخخخخخخ صراحه ماعندي خلفيه عن اللغة يالله نكتب اenglish وبس ) ) ام حسن: متى بترجعين الكلية ؟؟؟ رجاوي: مليتي مني يا ام حسن اشوف وهي مسويه روحها زعلانه ام حسن : ههههههه لا والله بالاول انتى رحتي وقلت جواهر عندي والحين راحت جواهر وابتدت تعبس بوجهها وبتبدي تبكي بسرعه رجاوي قالت لها: خلاص بجلس هو فاونديشن عادي اروح بداية السنه وش رايج بكمل هنا كورس واخذ الشهادة اقدر بعدها ادخل تخصص على طول ام حسن وكنه الفكرة عجبتها: ويصير تدخلين تخصص عادى ولا لازم امتحان قبل رجاوي: لا عادي يصير وش رايج ها وبالمره ما اعتقها ذيك الدبه الا اسافر لها ونتم معها كم يوم هناك شوبينج واااااااااااااااو ... وش رايج انا وياج نروح لها بعد فترة نزور الرياض لاول مره بتاريخ العايله ههههههههههههههه ام حسن: والله فكره بس علمي ابوج بالاول لو يوافق على هالشي رجاوي وهي فرحانه : ياهووووووووووووو ماما You are the nicer and the most beautiful mother by the world ام حسن: ههههههههههه ايه اوكى اوكى رجاوي: بنروح للسوق جهزي روحك يا ام حسن ام حسن وهي مستغربه : متى وليه رجاوي: ليش هو انا ماعلمتك للحين ...بنتسوق اخر الموضه شفت بعضهم بالمجلات والله تخبل بالمره ومعروضين بالاسواق عندنا ما يصير ما يكون شي عندي منهم ام حسن: الله يغربلج دارج متروس وين تحطين كل هذول الأغراض اللى تشترينهم رجاوي: الله يخلي ابوي ياكثر الغرف لو انترست غرفتي منهم بنتقل للغرفة اللى بعدها ام حسن: وربي مهبوله تسوينها رجاوي: ههههههههههههههههههههه عادى وهي تروح وترسل بوسه بالهوا لامها ***** في شركة عبدالله لاعمال البناء والمقاولات حسن في مكتبه واتصل على ندى سكرتيرته: لو سمحتي ندى جيبي مناقصه المجمع السكني وابيج تحضرين لاجتماع رؤساء الاقسام ضروري بعد ساعتين اوكى ندى: اوكى بس فيه موعد على الظهر الساعه 12 مع الخبير الانجليزي عشان يمكن الاجتماع يطول حسن: لا عادى ما راح يطول ساعه بالكثير وجدول الاعمال جاهز تكوني موجوده بعدين عشان طباعة التقارير خلي احمد مكانج بالمكتب بره ندى: اوكى سكر حسن من عندها وجلس يتابع تقرير المهندس المعمارى المسؤول بالشركه .... من كم مره حاول انه ينبه هذا المهندس المعماري على بعض الاشياء اللى لازم يرجعها من يوم ما زوجته توفت بحادث وصار عمله ملخبط ... يفكر انه يخليه خبير فقط بالشركه بدون اعطاءه مسؤولية كامله ... يفكر بالامر لازم يتخذ هذا القرار مع والده..بيكلمه لما يروح البيت اليوم ...... ابراهيم كان يشتغل حر في مكتب مستقل يتابع اهم الاعمال المطرحة بالسوق ويعرض عليهم خبرته في هذا المجال ... الحمدلله للحين استطاع يكون اسم لا باس فيه بالسوق من اول ما ابتدا ..مع ان والده واخوه يبونه بالشركه بلكن حب يستقل بذاته يبي يبتدي لوحده وبعدين يفكر ما يمنع انه يتعاون ويا شركة والده لكن الحين لا ... والمشكله انه شركة والده مرات توقف بطريقه في بعض المشاريع اللي يحط عينه عليها *********** اتصلت نورا في حسن بمكتبه نورا: السلام عليكم حسن: وعليكم السلام حي الله بهالصوت وصاحب هالصوت نظر عيني نورا :ههههههههههههه فديتك ها اشلونك وشخبارك حسن: تمام يا بعد عمري ...الا ليه متصله هالوقت من الصباح مو من عوايدج نورا: ول ول من اولها تطنيشه طيب يا ابوعلي هين وانا اللى صحيت بدري ومشتاقه لريلي قلت اسمع صوتك خلاص ما اعودها مع السلامه .... وسكرت الخط حسن تفاجأ من حركتها وتم يضحك ههههههههههههههههههههههههه ه واتصل عليها ..... رن تلفون نورا ما شالته طالعت بالرقم وهي معصبه ... ولما سكت رجع مره ثانيه يرن ردت عليه نورا: نعم حسن: السلام عليكم نورا: وعليكم السلام نعم وش تبي حسن: ممكن اتعرف على صوت الكروان نورا: لا والله اشوف التطنز على اصوله حسن: فديت هالصوت والله وفديته لما يعصب نورا: اقول هات من الاخر وش تبي حسن: بعد عمري وطوايفي كلهم ولهت عليج نورا وهي معصبه طيب الا اوريه : وانا ما ولهت عليك ابد يالله باي وبتسكر السماعه وتسمع ضحكة حسن ترن باذنها وسكرت على كذا ظلت تحرك رجلها وهي معصبه هذا وانا ولهت عليه وابي اسولفه له يومين ما كلمنى مشغول كله بس يدز مسجات ....ياربي وش كثر اعاني زوجي واحبه وش اسوي طيب بس زين هين وهي بتنفجر من القهر وبنفس الوقت من ولهها عليه رن التلفون مره ثانية هالمره ردت : السلام عليكم حسن: وعليكم السلام ... ممكن لو سمح النور بكلمه ابتسمت دايم تحب تسمعه يقول لها النور : ها تفضل شنو ؟؟؟؟ حسن: اليوم بتعشى عند عمامي ممكن تقولين لخالتي تطبخ لنا الطبخه اللى احبها ويا ليت ناصر القاه بعد هناك وهم بعد بسهر وياكم طارت نورا من الفرحه لما سمعته يقول هالكلام : والله فديتك متى بتجي باي وقت حسن وهو يضحك :ههههههههههههههههه ايه الحين فديتك ان اللى عيوني فدوة لج بجي بعد صلاة العشا نورا: بحتريك غلاتي حسن: نورا نورا: هممم نعم حسن: والله احبج موووووووووووووووووت والله واحشني مووووووووووووت خاف بعدك اموت ههههههههههههههههههه نورا وهي مستحية: وانا بعد احبك وفال الله ولا فالك جعل يومي قبل يومك ان شاء الله حسن: طولة العمر لج ان شاء الله يالله حبيبتي انا برجع الشغل اوكى مع السلامه ديري بالج على روحج نورا: وانت بعد دير بالك على روحك مع السلامه سكرت الجوال وحضنته بايدها الثنتين وضمته لصدرها وتنهدت متى ياربي نجتمع سوا اخيرا وراح تفكيرها لليوم ...بتشوفه لها اسبوع ما شافته ...الشغل ماخذ حياته يا ترى هل بعد الزواج بيكون كذا لكن ما يهمني المهم انى اكون معه وبس **************** بنفس الوقت ببيت فهد عبدالله اخو تركي عبدالله وعم جواهر كانت وضحه بنته جالسه بالصالة ويا والدتها جت عندهم زيارة ويا بنتها الصغيرة نوفا ..اكبر بناتها ميثا ... نجلاء.... مضاوي وضحه: ها ما قلتي وش اخبارج يمه ... الام: الحمدلله تمام بس امس السكري شوي طالع عندي وضحه: الله يهداج يمه انا كم مره قلت لج أي تعب تحسين فيه خلى احد ينادي علي وبروح وياج الدكتور ترى مو زين تهملين بروحج الام: ما يحتاج بنيتي انا الحمدلله بخير وضحه: الا صج وش اخبار البنت الضايعه اللى لقوها الام: عيب وضحه هذي بنت عمك والله لا بنت عمي ولا شي وبعدين ما لقوها الا الحين بعد 17 سنه ليه احنا وين بمسلسل مكسيكي مدبلج هههههههههههاي وهي تضحك باستهزاء الام: لا تحكمين على البنيه من اول مره وبعدين انتى ما شفتيها ولا شي ومالها ذنب انه ما عرفها ابوها الا الحين وضحه: طيب طيب يا يمه انتى طيبه وايد والله ما يندرى وش تجيب معها هالبنت حاسه قلبي مقبوض من ناحيتها من اول ما سمعت الام: لما تشوفينها يمكن تغيرين رايج انا قبل لا تجين كلمت الريم وكانت مبسوطه وقالت انها مستانسه وجواهر بنت يا زينها ومؤدبة وضحه وهي تحرك عيونها فوق وتحت : طيب طيب يا ليت تظل على كذا ما يندرى الام: انتى بس خلك من هالتفكير وبنت عمك ووصلت وخلاص وضحه: الا ما قلت لي سلطان اخوي ما كلمتيه عن مشاعل الام: لا والله ومره لما فتحت السالفه قال لي يا يمه لما ابي اتزوج انا بجي لعندج وبعلمك بالبنت اللي ابيها او اطلب منك تخطبين لي البنت وضحه: هذا راسه يابس ابغى اعرف يعني هو للحين وش منتظر دراسه وخلصها ويشتغل ما شاء الله عليه وش ناقصه الا العروس ومشاعل خوش بنيه والله الام: ههههههههههه انتى مصرة على مشاعل ليش انها اخت ريلك وضحه: مو كذا بس والله خوش بنيه ما راح يلقى حد مثلها الام: وانا معك بس ما اقدر اضغط عليه وضحه: طيب وابن بطوطه وينه هاليومين بعد .... الكل ملقب اخوها محمد ابن بطوطه من كثر سفراته للخارج عشان الشغل والسياحه الام ما ادرى والله متصل هو علينا قبل 3 ايام قال انه بشرق اسيا .. وضحه : يالله هذا اللى ما يجلس ابد بمكان ... الا صح وينها العنود ؟؟؟ الام: خانت حيلي والله خبرك بالشهر الاخير ويالله مسكينه تقدر تقوم من الفراش وتنزل لتحت وضحه: ههههههههههههههه الا قولي صارت مثل الفيل .. الله يسهل عليها واكيد اخوي تركي مقابلها طول الوقت ههههههههههه الام: ايه لما يرجع من الشغل يالله نادر ما يطلع يقول اخاف بتولد وماحد يكون هنا معها وضحه: وش رايج ياخذها معه للشغل بالمره هههههههههههههههههههه عشان لما بتولد تكون معاه ومن هناك على طول المستشفى والله هذي مصيبه مو طالع علينا ابد الام: فديت قلبه الا حنون طالع علينا انا وابوه وضحه: يعني انا مو كذا طيب يا ام تركي تدفين بالكلام ...لكن ما عليه برضه انا بنتك الكبيره وبظل الكبيرة الحبوبه غصب عن الكل الام :ههههههههههه فديتكم كلكم عيالي وربي يخليكم لي ويخلي لنا بو تركي وضحه: آمين ان شاء الله يا ام تركي وحبيبة قلب الوالد هههههههههههههههههه ضحكت امها معها ههههههههههههههههههههههههه ه شوي ويشوفون نوفا نازلة من الدرج وجت لعندهم نوفا: صباح الخير الام+ وضحه: صباح النور نوفا: اشوف وضوح هنا هلا والله ,,,,,,, وحبت على راس امها وسلمت على اختها وضحه: صباح النور يا الكسلانه مدرى وش عاجبك بالنوم لهالوقت والله مافيه احلى من جلسة الصباح وطلوع الشمس نوفا: حاضر عمتي باكر اقوم من الفير بعد الصلاه وانتظر شروق الشمس بالحديقه وضحه: عن الميانه اوكى ..... نوفا وهي تضحك ههههههههههههههههههههه : فديتها وينها حشاشة جوفي اللى اسمها على اسمي وضحه: ايه اصلا انا غلطانه انى سميتها نوفا نوفا: والله يا زينها طالعه حلوه علي واحلوت اكثر واكثر لما صار اسمها نوفا ولا لو سميتها غير راح تلوع الجبد وضحه: لوع الله بليسج قولي آمين يالله عاد من الكلام اللى ما منه فايده نوفا: فديتها مشتاقه لها وضحه: ويا الشغالة خذتها تبدل لها ملابسها بالغرفه نوفا وهي توقف: بروح اشوفها فديت قلبها وراحت تركض للغرفة اول ما جت بتفتح الباب ووووووووواااااااااااااااخ خخخخخخخخخخخخخ نوفا وهي تطالع بالويه المرعب وتصارخ : واااااااااي يمه لحقي علي الله يلعن ابليسك يا خالد طس من قدامي والله لوريك يا بو قوطي خل بس ابوي يجي لعلمه عليك خالد وهو يطلع الويه من عليه ويطلع لسانه : ماعلي قولي ما راح يقول شي نوفا الجبانه وتتخرعين من كل شي مو شفتي هالويه هذاك الاسبوع نوفا: طس يالله مابي اشوفك بتخرع البنت الله يغربلك ..وراحت شالت البنت من الشغاله وهي تحضنها فديتها قلبي وعمري وتبوسها على خدودها ورقبتها والبنت اول ما شافتها تمت تضحك وتسكر عيونها نوفا وهي تلاعبها: فديتها وهي تسكر عيونها لما تستحي وربي طالعه علي خالد: اصلا تحمدي ربج انه اسمج على اسمها نوفا: طالع الخبل هذا يالله طس قلت لك طلع وطلع لها لسانه ...أي أي أي أي أي أي أي أييييي على فكره عايلة عم جواهر تتكون من .... فهد عبدالله : الوالد ومتقاعد من وزارة ال ويدير شركة لتصنيع واستيراد الأثاث الام: الهنوف ومعها 5 اولاد وبنتين وضحه: البنت الكبيرة 33 متزوجة من ولد خالها وعندها 4 بنات تركي: الابن الثاني 30 سنة متزوج وعنده 2 اولاد محمد: الابن الثالث 27 سنه غير مستقر ...وهذا ابن بطوطة العايلة سلطان: ولد عم جواهر 25 سنة خريج امريكا تخصص ادارة اعمال يشتغل بالشركة ويا والده طلال: ثاني سنه جامعة امريكية بالشارقة وصديق فهد نوفه : بنت عم جواهر عمرها 18 سنه بالثانوية العامه اخر سنه خالد: 14 سنة بالصف الثاني اعدادي .. يحب عمل المقالب لإخوانه واللي يعرفهم من أهله وأصحابه .. | |||||||||||
|
| |
|
14-02-11, 07:51 PM
| #5 | |||||||||||
| نجم روايتي وعضو فعال في منتدى صحة ورشاقة
| شوفتوو بقى انا شاطرة ازاى وبحبكوا وان شاء الله كل يوم انزلكم اربع احزاء لحد ماتخلص فى انتظار تعليقاتكم الحلوة وتقيماتكم الاحلى ودمتم | |||||||||||
|
| |
|
16-02-11, 12:36 AM
| #6 | |||||||||||
| نجم روايتي وعضو فعال في منتدى صحة ورشاقة
| بجد زعلانة ولا رد واحد يفتح نفسى عموما انا وعدت ووعد الحر دين علية بسم الله نبدء الفصل الخامس ــــــــــ بغرفة جواهـــــــــر ــــــــــ [color="teal"]جواهر جلست بدارها بعد ما طلعت من عندها الريم...كل شي فيها حلو والحلو اللى فيه انه فيه مكتبه صغيره هلى اليسار بآخر الغرفه فيها بعض الكتب وطاولة صغيره ويا كرسيين على جنب شافت بعض الروايات العالمية المعروفة قد قرت بعضها ...تحب شي اسمه قراءه اخذت لها كتاب وراحت طلعت على السرير وجلست تقرى فيه .... وخذاها الوقت وما حست بروحها الا صوت المؤذن يأذن لصلاة الظهر ...اخذت لها شاور وتوضت وصلت واخذت لها قرآن تقرا فيه شوي ......... شوي وسمعت صوت فهد على انتركوم: جواهر افتحي باب الجناح قامت وبايدها المصحف وفتحت الباب فهد لما شافها : تقبل الله جواهر: منا ومنكم ان شاء الله صالح الاعمال شوفي وش جايب لج معي ومد لها بكيس معاه ... لما فتحته لقت كرتون جوال جديد فهد وهو يطلع المحفظه من جيبه: وهذي بطاقتك ترى ورقمها خاص مررررره نفس الارقام الاخيره اللى معنا كل اللى هنا جواهر: ليه الجوال تجيبه معي جوالي جديد بس ابي بطاقه ... فهد: عن الهرجه الزايدة اوكى ... حط البطاقة بالجوال وفتح الرقم وبعدها اتصل على رقمه ورن عنده .... بسجل لك كل ارقام اللى هنا بالمره وجلس يلعب بالارقام بعد دقايق التفت عليها فهد: الحين كل الارقام اللى تبينها هنا ابوي واخواني كلهم والبندري وخالتي اوكى جواهر: يسلمووو فهد. فهد: يالله انا الحين بروح اصلي ... ويرن جوال فهد فهد: السلام عليكم .....: هلا والله بهالصوت فد: طلول يا القاطع وربي يبا لك ذبح وينك مطنشني انت طلال وهو يضحك هههههههههههههه: وربي معورين راسنا بهالبحوث اللى مالها اول ولا تالي فهد: علي انا هالكلام يا ولد الهنوف والله ولا مليون بحث يخلونك متغير بهالشكل طلال: اسكت يا فهد صويب من نظرة عيني اذبحتني وبعدني انزف منها للحين فهد وهو يضحك هههههههههههههههههههههه: اها قول هالكلام من اولها ...... ويطالع لجواهر اللى مستغربه ..... لحظه طلول ..... هذا طلال ولد عمي يدرس بالشارجه الجامعه الامريكي يالله اشوفج على الغدا اوكى طلال: منو تكلم انت؟؟؟؟؟ فهد: اكلم اختى الحبوبه جواهر طلال : ايه والله نسيت بالله هالقصه صحيحه فهد: وليه ما تكون صحيحه وكاهي عندنا بالبيت طلال: والله وطلع لكم اخت ويا ترى حلوه مثلك فهد: جب انت ويهك لطلع لك من الجوال واكفخك طلال: ههههههههههههههه ما قلت شي سورى اسف كنت امزح ولد عمي فهد: لا تمزح بهالامور وخصوصا اختى فهد: ول ول وش صار ما كلمه قلناها وخلاص فهوود يالله عاد اسفين ما راح نكررها فهد وهو يبتسم : اوكى خلاص كنت امزح ...الا احلى مني يا الخبل ههههههههههههههه يالله بتصل عليك وقت ثاني الحين بروح اصلي وبعد الغدا بتصل عليك اوكى طلال: ههههههههههه اوكى بحفظ الله فهد: الله معك .... وطالع بجواهر وتم يضحك ههههههههههههه هذا طلال ولد عمي مزوحي بس يسألني اختك حلوه مثلك لو شافك بيتينن اكيد من جمالك جواهر: لا يبه ما نبيه يتيين ابد ولا راح يشوفني فهد: ايه كذا ابيها اختي يالله عادى انا بروح جواهر: اوكى الله وياك .... الا صح اابوي متي بيجي فهد: اعتقد بكره ان شاء الله باقي عنده شغل اليوم .... راح فهد وهي بدلت ملابسها ونزلت لتحت ...لقت بصالة الجلوس ولدين توأم اول ما شافوها تموا يطالعونها ... راحت صوبهم وقدمت ايدها لواحد منهم جواهر: انا جواهر من انت حبوب ..: جواهر انتي اختي ماما جالت لنا ... انا الوليد ..وهذا اخوى محمد وهو يأشر عليه بايده جواهر: طيب ممكن اسلم عليك الوليد وهو يطالعها: اوكى عادى جواهر قربت منه وباسته على خده قام هو ولمها تفاجات فيه محمد : وانا بعد ممكن تعطيني بوسه جواهر: هههههههه فديتك ايه ولمته وباسته الوليد: انتى وين كنتي .... الحين بتنامين هنا عندنا خلاص ؟؟؟ جواهر: ايه بظل هنا على طول تبوني اجلس معكم على طول ولا اروح محمد: لا نباج ما تروحين الريم: ها اشوفكم ويا اختكم وش رايكم فيها حلوه مووو الوليد ومحمد : ايه وايد حلوه انا احبها محمد: وانا بعد جواهر وهي تضحك: وانا بعد احبكم كلكم فديتكم ^^^^^^^^^^ بصالة الطعام ببيت عبدالعزيز عبدالله كان سلطان ويا والده ووالدته يتغدون ومعهم نوفا ووضحه وخالد .... وشوي زهم عليهم تركي السلام عليكم الكل : وعليكم السلام تركي : اشلونك يبه اشلونج يمه امه وابوه: الحمدلله بخير تركي: وينها العنود ما نزلت امه: لا يمه ودينا لها الغدا تقول مو قادره تنزل تركي تغير ويه: وش فيها بروح لها يالله ...وطلع بسرعه من عندهم ...وصل لغرفته شاف العنود جالسه على الكرسي وتطالع التلفزيون والغدا على الطاولة قريب منها ما لمست شي منه تركي: السلام عليكم العنود: وعليكم السلام هلا عمري تركي: ليه ما تغديتي يا الغالية؟؟؟ العنود: مالى نفس والله اكلت لى ملعقتين سلطه وبس. تركي: تقول امى انج تعبانه وش فيج تبيني اوديج الدكتور تحسين بشي ؟؟؟؟؟؟ العنود: التعب العادي واحس روحي خلاص ما فينى شي لا تخاف ... ياربي اوكى احس باوجاع بسيطه ومدرى هي ولا لا تركي بخوف: مينونه انتي ولا تقولين لامي ولا لاحد يالله قومي خلنى اوديج المستشفى العنود: ابو عبدالعزيز ماله داعي وبعدين مو وقته الحين تركي: الا وين العيال العنود: خذتهم الشغالة بيت يدتهم تبيهم واحسن يتمون هناك اليوم وبكره ابرتاح شوي تعرفه سعود الا يتهاوش ويا عبدالعزيز خلهم هناك اليوم اوكى تركي: ولا يهمج بس انتي يالله خلنا نروح المستشفى العنود: فديتك بالاول انت روح غير هدومك وبخليهم يجهزون لك الغدا اوكى تركي: انا مابي غدا يالله قومي الله يرضى عليج ما عليج مني العنود: فديتك ما اروح معك الا ليمن تتغدى تركي: الله يهداج بس يا الغاليه تعرفين ما اقدر اكل الا وانتي معاى العنود: وبتاكل من ايدي بعد ولا يهمك ...اخذت سماعة التلفون وطلبت يجهزون الغدا راح تركي وبدل ملابسه ورجع لها وجلس جنبها وحط ايده على بطنها: ياترى متى اشوفها الهنوف العنود: الهنوف بس انت قلت لى اسميها مثل ما ابي تركي: ولا يهمج الهنوف الجازي أي شي المهم تولدين بالسلامه وترجعين لي حبيبتي مثل اول العنود : اها يعني انا الحين مو حبيبتك طيب يا ابو عبدالعزيز من زم ا.... وسكتت وسكرت على عيونها من الم مفاجيء تركي حس فيها : العنود يالله قومي لبسي عباتج بعلم امي تروح ويانا العنود: مو وقته والله باقي لي اسبوعين لين اخلص الشهر التاسع تركي : يالله قومي وساعدها تلبس عباتها وخبر والدته اللى على طول اول ما سمعت الخبر جت لعندها: العنود بنيتي وش تحسين فيه العنود: اوجاع بس مو وقتها ادرى يا خالتي وخايفه خالتها: لا تخافين ربنا كريم ويسهل عليج ان شاء الله الكل عرفوا انهم رايحين المستشفى وضحه راحت وياهم بعد وخلت نوفا ويا خالتها وهم بعد راح ويا سلطان ووالده وصاه يعلمونه بأي شي يحصل معاهم هناك بالمستشفى سلطان: ولا يهمك الوالد اطمن الله كريم ....... دخلت العنود مرحلة الولاده وجت الدكتوره لعندهم الدكتورة: من زوجها ..... تركي: انا وش فيها دكتورة بشري من ساعات واحنا ناطرين هنا الدكتورة: لازم لها عملية ومحتاجين توقيعك تركي بخوف : ليش وش صار فيها شي العنود الدكتورة : حالة الجنين صعبه ولازم نسوي عملية ولا بيموت وممكن تصير مضاعفات للام تركي: الله لا يقولها اوكى وين اوقع ارجوج دكتورة العنود اهتمي فيها اولا واخيرا هي الدكتورة: الله كريم ان شاء الله ادعوا لهم الكل كان خايف يصير شي ...وضحه بدت تخاف كانت تشوفها من قبل شهور وهي تعبانه مع انها تراجع الدكتوره وتقول لها كل شي عادي لكن الحين عملية الله يستر واخيرا طلعت لهم الدكتورة: مبروك جاتكم بنت مثل القمر الحمدلله على السلامه تركي على طول: العنود طمنينا عليها وش اخبارها الدكتورة بتردد: زوجتك ان شاء الله تعدي المرحلة اللى هي فيها صار لها مضاعفات بالعملية ولكن قدرنا نسيطر عليها بس هي الحين بالعناية المركزة يعني ان شاء الله بعد 24 ساعه لو صحت من البنج ان شاء الله بتكون احسن تركي بخوف: ولو ما صار وش يعني العنود وش فيها علميني وش سويتوا لها سلطان وهو يمسك اخوه : استهدى بالله ياخوي اذكر الله ان شاء الله العنود بتطيب وبتصير بخير ربك كريم ان شاء الله تركي: ما اقدر اتصور العنود لو صار فيها شي بموت انا يا سلطان بموت سلطان: لا تفول عليها ان شاء الله بتصحى وبتكون بخير ادعي لها ربك كريم ان شاء الله يفرج عليها ام تركي وضحه بداو يبجون بصمت : واعليج يابنيتي الله لا يفجعنا عليج ان شاء الله وتقومين لنا بالسلامه وضحه: امين ان شاء الله ما عليها شر يمه ادعي لها يمه هذا الغالية والله لو يصير شي اخاف تركي اخوي يتينن بعدين امها: فال الله ولا فالج الله كريم ان شاء الله بتكون بخير لهم ساعات بالاخير قام سلطان لعند امه: يمه تعالي يالله انتى ووضحه ارجعكم البيت وضحه: انتى من الظهر ما شفتي بنتج يالله عاد ونوفا اتصلت علي تقول نوفا تبكي الحين يالله وضحه: طيب اوكى بس والله قلبي مشغول علي العنود سلطان: الله كريم وبتعرفين ان شاء الله متى قامت وصارت بخير يالله قومي يمه ما يصير بعدين تظلين طول الليل هنا ما بتسوين شي لها الحين الصباح بجيبيج لهنا بس قومي يالله ارتاحي امهك والله يمه ما فيني اتخلى عن العنود بروحها ... سمعها تركي: يمه روحي انا بظل هنا بس اطمنوا على العيال اتصلوا عليهم اوكى واى شي بعلمكم عليه سلطان: انا بوديهم وبرجع لهنا تركي: ما يحتاج ترجع سلطان: برجع يالله اشوفك بعدين ان شاء الله | |||||||||||
|
| |
|
16-02-11, 12:46 AM
| #7 | |||||||||||
| نجم روايتي وعضو فعال في منتدى صحة ورشاقة
| الفصل السادس ــــــ في بيت سالم ــــــــ وهذا يكون اخو عبدالله واللي ربي جواهر واول شي بحاول اعطيكم نبذه مختصرة عنه هذا عم جواهر وصاحب شركة مقاولات واستيراد وتصدير وحرمته فاطمة قويه ومسيطرة تحب الظهور في كل الحفلات اللي بتصير في المجتمع وما تحب عائلة عبدالله ولا تودهم وبدرابنها عمره 24 سنة خريج سياسة واقتصاد جامعة الكويت يشتغل بشركة والده وحسن اخوه باول سنة جامعه عمره 19 سنة .. واخر شي اختهم الصغيرة عالية وعمرها 18 سنة خلصت ثانوية عامة ودخلت الجامعه اللي تبيها ومع بنت عمها رجاوي ومع انها تحب عائله عمها لكن امها دايما تحاول تبعدها عنهم لانها تغار من جواهرواختها رجاوي ليش انهم احلى بكثير من بنتها ولانهم دوم متفاهمين مع بعض الام فاطمة : عاليوووه وينج تاخرت على الحفلة يالله عاد خلصيني..... عالياء: زين زين هذا انا وهي معتفسه وزعلانه امها: وهي تطالع في بنتها نازلة من الدرج ... ايه الحين ريحتيني بهالويهه اكيد اليوم ما راح احد يخليج عالية: يمه والله مابي اروح تعرفيني ما تعيبمني هالحفلات ماصخه وصخيفه وكلها تعليقات مدرى على فلانه تزوجت وهذيج تطلقت وكله حش وفتنه امها وهي معصبه: يالله عاد عن الهذره الزايده اشوف انج معطينج ويه يالله قومي امشي قدامي زين مني انى ابي اعرفج على الناس الهاي وتكونين منهم عاليه: مابي الناس الهاي ..... انا ابي اكون نفسي وبس جذي عاجبني نفسي من غير قناع على ويهي مزيف امها: يالله يالله جبي عاد خلصيني .. ودزتها على كتفها لقدام عالية بالسيارة تفكر( متى ربي يفكني من هالعيشة والله تعبت من تحكم وسيطرة امى علي ... ) لما وصلوا الحفلة شافت امها ويهها زعلان : هيه انتي فجي عنج هالويه التعبان ابتسمي واضحكي مع الحريم غيري هالويه لو ما انتى حلوه وراح تخبلينهم ولا جان ما جبتج وياي هنا تعفسين علي مزاجي بالحفلة عاليه بتبتدي ترد على امها ...بس سكتت وقالت بخاطرها اشلوت اتكلم وهي اصلا ما راح تفهم ابتسمت غصب عنها وسارت ورا امها ..... وكانت بتعدل الشيله على راسها وهي ماشيه الا وسياره قريبه منها وقفت مرت من جانب فيصل: الله وش هالحلاة وصفر سمعته عالية ولفت بويهها عليه وعطته ذيك النظره .... ما شال عينه من عليها فيصل: حلوه ونظرة قويه تصوب ما يصير يبه ارحمينا ولو بنظرة يا الغزال ما اهتمت فيه عالية ومشت بدربها ودخلت صالة الاحتفالات بالفندق ...شافت امها وراحت صوبها اول ما دخلت المكان بعض الحريم التفتوا صوبها جمالها حلو آخاذ تشابه على والدها وعايلته لكن ان كانت ويا جواهر طبعا جواهر جمالها ولا احلى جمال اوروبي مع عربي مزيج اندلسي ويا اصالة العرب شي ولا بالخياال لكن بعدها جواهر صغيره وتحلاهن اشلون لا عاد كبرت شوي بتعق الطير من السماء.... ام عالية: وينج انتى ادورج عالية: كنت اعدل شيلتي وهذا انا ام عالية : طيب لا توقفين جذي ..تعالى بعرفج على بعضهم ام عاليه وهي تقرب صوب مجموعة حريم جالسين على طاولة: السلام عليكم هلا ام راشد اشلونج ام راشد: هلا ام بدر اشلونح انتى عاد ما بغيتي تيين تاخرتي ام بدر: والله خبرج البنيات وسوالف الماكياج وتأخيرهن .... وهي تطالع ببنتها وتقربها حدها ..بعدت شوي منها عالية ام راشد: ما شاء الله عليها هذي بنتج وينها من زمان ما شفناها ام بدر: خبرج البنت بعدها صغيرة ويا الدراسه لكن قلت يالله اول مره تعالي تسلي وشوفي الدنيا ههههههههههههه ام راشد: الله يوفقها بأى مرحلة هي ام بدر: باخر سنه ثانوية عامه ام راشد: اها ربنا يوفقها ...كانت عالية تطالع باللى حولها ولا انتبهت لهم عن ايش يسولفون,, شوي وانتبهت لوحده بنيه كانت تقريبا من عمرها مع رفيقتها مبين عليها اكبر شوي ... قالت لامها: يمه بروح شوي اقابل رفيقاتي هناك واشرت عليهم امها وهي تطالع مكان ما اشرت : روحي يمه فديتج على راحتج لما بروح من هنا بعلمج عالية طالعت بامها باستغراب : ياربي هالكلام والحنيه المزيفه بس كله قدام هالشله اللي قدامها تبين لهم كثر محبتها لها مشت وتركتها وراحت عند رفيقاتها زصلت عاليه لعندهم : السلام عليكم ...الاخت مشاعل مشاعل: ايه انا منووووو عالية: انا عالية رفيقتكم كنا بنفس المدرسة ويا جواهر ورجاوي بنات عمي مشاعل: اها اييييه تذكرت الحين بس انتى انتقلتي مدرسه غير عالية: ايه والحين ادرس باول سنه جامعه كمبريدج وتقولها بصوت عالى شوي وهي مفتخره بهالشي مشاعل: مبروك عقبال ما تخلصين الجامعه .... يعني الحين يايه بإجازة عالية: ايه نص السنه والعالم كريسماس وخبرج وما حبيت انى اروح مكان قلت اقضي هالشهر هنا مشاعل توها انتبهت لبنت خالتها : هذي بنت خالتي ساره وان شاء الله تكون بينا بالعيلة عن قريب ملجتها على اخوى بعد شهر والعرس بعده باسبوعين استحت ساره ونزلت راسها بالارض : هلا حياج عاليوه عالية: هلا بج الغالية اكثر ..ومبروك تتهنون ان شاء الله ويا بعض ساره: تسلمي الغالية وجلسوا يتساسرون ويا بعض واستانست عالية انها جت الحفله ولقت حد تعرفه على بالها كلش بس بتلقى ربيعات امها ــــــــــــــــــ عند جواهرــــــــــــــــــ بالليل قبل العشا بدلت جواهر ملابسها وخذت لها عباه وشيله من اللى موجودين وجابتهم لها خالتها وكانت بتطلع الا وفهد اخوها يدق عليها على الانتركوم الداخلي: جواهر يالله ترى انا ناطرج تحت اوكى جواهر على طول رشت لها عطر على شيلتها من عطر مركز واخذت برقعها ونزلت لتحت...شافت فهد ينتظر بصالة الجلوس المقابلة الدرج وياه الوليد ومحمد اخوانه .... الوليد يركض لين جواهر: جواهر وين تروحين جواهر: ابغى اروح اتمشى شويه ويا فهد الوليد: خذيني وياج ارجوج نروح الملاهي شوي فهد: الوليد مو اليوم وقت ثاني اوكى جواهر: خله يجي ويانا فهد بعلم خالتي ..... وهذي الريم جايه صوبهم الريم: ها اشوفكم طالعين ما راح تتعشون ويانا فهد: لا بنطلع شوي نتمشى .... وبنتعشى بره اكيد بوري جواهر وش محلى ديرتنا جواهر : ههههههههه ادرى حلوه شفتها من الطياره فهد: وش شفتي بالليل ولا شي اليوم تشوفينها وتشوفين اشواقنا الحلوه ادرى فيكم ياحبكم للتسوق والشراة جواهر: ههههههههههههههههههههههه الوليد وهو يشد عباة جواهر: انا اروح معكم محمد: وانا بعد اروح معكم ...ياحليله كلش يحب يتبع اخوه الوليد بكل شي . جواهر: فديتكم اخذكم ليش لا الريم: لا وين تاخذينهم بعد العشا بيرقدون وانتوا بتتاخرون لا خذوا راحتكم فهد: ايه احسن وانا قلت لها كذا من اول جواهر: بس اوكى ونزلت ومسكت ايد الوليد ومحمد شوفوا اليوم بروح ما باخذكم بس بييب لكم هدايا معاى اوكى الوليد ومحمد ويا بعض وهم يصيحون بفرح : والله جواهر: ههههه ايه والله اوكى وكونوا عيال كويسيين وانا بييب لكم احلى هديه يالله عطوا جواهر احلى بوسه وعلى طول لمها الوليد وحضنها بالقوة وعطاها بوسه على خدها طيح شليتها معاها جواهر وهي تضحك ههههههههههههههههههههههههه ه فديتك وجا محمد وسلم عليها بالخد الثاني ولمها بحضنه فهد: يالله جواهر بنمشي وراحت ويا فهد اول شي لف فيها الشوارع الريسئية ويعلمها على المناطق الموجوده حواليها بس مو كلهم وبعدين وداها للفيصليه ولفت وياه لين ريولها تعبوا خذت لها زجاجة عطر توها جديده شافت دعايته بالمجلات وبكل مره يقول لها فهد ليه ما تشترين شي وترد عليه عندي وايد والله ولو ابي اكيد باخذ بس الحين مابي بالاخير خذاها لمطعم بالمجمع وجلسوا هناك يتعشون ويسولفون عجبها المجمع وايد وفيه بعض الاشياء حطت عينها عليها ان شاء الله بتجي مره ثانيه وبتشتريهم. بعدها فهد استاذن شوي وقال لها بيروح ربع ساعه ما يتاخر بيشوف شي وبيرجع ..هى قالت ليه ما اتصل على رجاوي ويرن تلقون رجاوي بالناحية الثانية رجاوي : السلام عليكم جواهر: يالغلا ممكن اكلم رجوووى حبيبة قلبي رجاوي وهي تصايح : يالقشرة يالعيبه يالدبه يالقاطعه وينج انتي تولهت عليج والله جواهر: فديتج انا اللي تولهت عليج حيييييييييل بالمره اقول ماما اشلونها وابوي وخواني فديتهم والله واشلون حسن عنتر زمانه هههههههههههههههههههههه بعده متوله على عبلته رجاوي: ايه عبله بخيرها وعنتر بعد ومتولهين على بعض متي عادي يعرسون ونفتك من قرقرتهم على راسنا رجاوي: يحاول يسويها وانا بعيد عنكم والله لشد شعر بنته لما تجيهم رجاوي: ههههههههههههههههههههه ول من اولها بيييب بنت جواهر: ايه وبيسميها اكيد اليوهره على اسمي يتحمد ربه انى بتنازل عن اسمي لبنته رجاوي: ههههههههههههههههههههههههه ههههههه خله بس يسمع هالكلام بيقول لج اذلفي واجلبي ويهك جواهر: ها اشلون هناك عمي ومرة عمي الحديديه ههههههههههههههه بعدها ما انصهر رجاوي: وين تنصهر يطلقون عليها هاللقب دايم جواهر: وعاليوووووه فديتها والله تولهت عليها وعليكم كلكم رجاوي: وما تولهت على حد غير بعد جواهر: جبي عاد كلكم مثل بعض تولهت عليكم ولا تقطين شي براسج اعرفج زين تبين تسوين قصه وتفوزين بجائزة بوليتزرللآداب رجاوي :ههههههههههههههههههههه فديتج ايه نسيت لا اعلمج بكمل الكورس هنيه بالديره جواهر: الله وليه يعني وش صار رجاويك ماما فديتها بس عشان ما اخليها بروحها وحسيت انها متوله على فراقج جواهر: فديتها وبدى صوتها يتغير رجاوي: خلصنا وربي ما صارت حاله اسكت ماما لما تتذكرج تنزل دموعها والحين انتي وابتدت دش وسوالف وياها بلهجتهم جواهر: تعرفي انا وين الحين ويا فهد اخوي يوريني الديره رجاوي: احلى احلى طيب انتى وين الحين ...اكيد من الصوت بالسوق علميني وش شريتي لي جواهر: هههههههههههههههههه ولا شي طبعاُ رجاوي: يا البخيلة زين وهذي انتي بنت ملياردير طيب جواهر: هههههههههههههههههههههه هاو ما صارت من اولها تبين هدايا توني واصله من يوم واحد بس خليج تتولهين علي اربع سنين وبعدين افكر وش اشتري لج رجاوي: يؤيؤيؤيؤيؤيؤ ليه وين تعيشون انتوا بالاسكا القطب الشمالي جواهر: ههههههههههههههههههههه جبي عاد قلبي ويهك يالله الحين بخليج بكلم ماما بعدين اوكى رجاوي: اوكى هذا رقمج الحين صح .... وجا لعندها فهد ومعاه كيس بايده وشافها تهرج ويا احد جواهر: ايه ...خزنيه عندج وعطيه الماما رجاوي: اوكى جواهر: سلمي عليهم كلهم فديتكم كلكم رجاوي: ربي يسلمج ديري بالج على روحج جواهر: وانتي بعد الله وياج رجاوي: مع السلامه ..فهد: منو كنتى تهرجين معاها؟؟؟ جواهر: هذي رجاوي اختي ياحليلها تولهت عليها والله فهد: اها الا كم ولد بعايلتكم جواهر: انا ورجاوي اكبر مني بسنه واخوى حسن يشتغل مع الوالد وابراهيم يشتغل بروحه وبس ماما وبابا ... وسكتت فهد: ربي يخليهم لج جواهر: ويخليكم لي ان شاء الله بعد العشا راحوا شوي يلفون بالمجمع ولما تعبوا رجعوا البيت بس فعلا استانست جواهر ويا فهد وعجبها مرررررره المكان اللى راحت له جواهر: مشكور فهوووود على الطلعه الحلوه فهد: المهم انبسطتي ولا لا جواهر: والله حيييييييييييل بالمره مشكووووووووووووووور اخوى فديتك وعطته بوسه على خده. فهد: انا اللى فديتك ولمها بحضنه . دخلوا البيت وعلى طول لجناحها وكانت تبدل ملابسها وشوي دق باب الجناح فتحت الباب فهد: نسيت لا اعطيج هذي لج جواهر: مشكور ليه كلفت على حالك فهد: موصي عليها من قبل وخلصت امس بس ما رحت لها واليوم اخذتها يالله افتحيها فتحت البوكس اللى فيها كان فيه سلسال ايد من الذهب الابيض مكتوب عليه بالالماس جواهر كل حرف لحاله وبينهم قلوب صغيره جواهر: الله يهبل والله يسلموووووو فهد وربي روعه يالله بلبسه الحين خلعت اللى بايدها ولبسته فهد: ماكل من ايديكي حته ههههههههههههههههههههههههه هههههههههههههههه ضحكوا سوا يالله تصبحي على خير جواهر: وانت من اهله ...... سكرت الباب وكانت تطالع بالسلسال حلو طالع مررره على ايدها وشوي وسمعت مره ثانيه دق على الباب جواهر وهي تضحك : ههههههههههههههههههه ها وش نسيت فه..... | |||||||||||
|
| |
|
16-02-11, 12:48 AM
| #8 | |||||||||||
| نجم روايتي وعضو فعال في منتدى صحة ورشاقة
| الفصل السابع ــــــــــــــــ في المستشفى ـــــــــــــــــــ كان تركي بعده ما راح البيت ورجع سلطان لعنده سلطان: تعال يا خوي نروح كافييه المستشفى تشرب لك شي وترتاح الحين انته ما راح تسوي شي ابد تركي: والله مالى نفس بأي شي حاس نار جوا تاكل فيني سلطان: الله كريم اهدى وادعي لها وان شاء الله ما فيها الا العافيه ما تشوف يابت لك عبدالعزيز وسعود والحمدلله قامت بالسلامه ان شاء الله بعد بتقوم بالسلامه وتربي الهنوف الا صج ما شفتها بنتك تركي: مالى نفس اشوفها والغاليه امها ما شافتها بعد عيني سلطان: لحظه بروح اشوفها وارجع لك ..... راح سلطان ولقى قدامه الممرضه: لو سمحتي زوجة اخوى ولدت قبل ساعات وين مكان الاطفال المولودين عرفته بالمكان وراح ولقى الممرضه هناك وسأل عن الطفلة .... شافها: ما شاء الله واااايد صغيره بس ان شاء الله بتطلع حلوه اكيد على امها وابوها .. راح يتخبل عليج ابوج لو شافج الله يسلم لج امج ان شاء الله راح لعند اخوه: ابو عبدالعزيز لو تشوف بنتك ما شاء الله عليها حلوه مثل امها روح شوفها ريح قلبك بشوفتها ياخوي تركي بقلب حزين يرد عليه : قلبي ما يطاوعني اشوفها ولا اشوف الغاليه قبلها شوي وتجي الدكتوره عليهم على طول تركي وقف وهو يطالع بخوف في عيونها لما شافها ابتسمت كنه جبل وانزاح عن قلبه الدكتورة: الحمدلله صحت وعدت مرحلة الخطر بهالحالة لكن بنخليها بالعناية الفائقة لبكره ان شاء الله تركي: الحمدلله يارب ... يعني اقدر اشوفها الدكتورة : بعدها للحين بالعنايه الفائقة بكره ان شاء الله تركي : ارجوج دكتوره بس دقيقه اشوفها واطلع ما راح اتكلم بشي بس اطمن عليها الدكتورة: اوكى ولا يهمك تعال بخلي الممرضه تاخذك لعندها لماشافها وهي بهالتعب وده بس يمسح على جبينها ويمسك ايدها ويحب عليها الحمدلله انها قامت بالسلامه ...تذكر بنته وعلى طول راح شافها صغيره مرررره بس حلوه طالعه على امها الهنوف فديتها سلطان جا جنبه: ها وش رايك ترى انا بخطبها من الحين لولدي تركي: هههههههههههههههههه ماعندي مانع بس لازم ناخذ رايها بالاول بعد ان شاء الله 20 سنه سلطان: الله بعد 20 سنه لا يبه انا ولدي بزوجه من يخلص الثانويه ضحكوا مع بعض ههههههههههههههههههههههههه ههههههه اتصلوا على البيت وخبروهم والكل فرح بقومة العنود بالسلامه .... وراح تركي لعند اولاده يشوفهم ويطمن عليهم وخبر خالته بحالة العنود ام العنود: الحمدلله على سلامتها والله مشغول قلبي عليها فديتها بنيتي اشلونها الحين تركي: الحمدلله بخير هي تعبانه شوي لكن الحمدلله والله ما طلعت من هناك الا لما شفتها ام العنود: الحمدلله على سلامتها ولدي ...ابروح اشوفها من بكره الصباح الحين العيال راقدين خلهم بكره ان شاء الله ارسلهم مع الشغالة للبيت تركي: خالتي انا بيي أخذج على طريقي الصباح بتصل عليج قبل ام العنود: اوكى ان شاء الله خير شوي ودخل عليهم مساعد اخو العنود مساعد: السلام عليكم هلا والله وحيه بمن جانا ابو عبدالعزيز عاش من شافك وينك يا شيخ ؟؟؟؟؟ تركي: هلا بك ابو عبدالله والله شغل وبيت وين راح اكون يعني ...ايه سلامة اختك ام عبدالعزيز ولدت ويابت لنا الهنوف مساعد وهو فرحان: والله مبرووووووك الحمدلله على سلامتها .. وينها مرة ولدي تركي: ههههههههههههههههههههههه لا يبه هذي راحت خطبها قبلك سلطان مساعد خلى روحه زعلان: سلطان بعده ما عرس ولا معه حد انا ولدي بالطريق تركي: هههههههههههههههههههه خلاص انا اعطيت كلمه ما اتراجع فيها هههههههههههههههه بعد 20 سنه يصير خير ضحكوا الجميع على كذا وطلع من عندهم وراح للبيت . ــــــــــــــــ في بيت عبدالله ــــــــــــــــــــ رجاوي: ماما ماما ................ تدخل غرفه اهلها بعد ما دقت الباب امها: ايوه رجوووي وش تبين... ادخلي ؟؟؟ رجاوي: جواهر اتصلت علي يمه تسلم عليج وبتتصل قالت بعدين اوكى والدها: والله وشخبارها عساها مرتاحه والله تولهت عليها رجاوي : اكيد بتتصل عليكم بعد شوي ....وسكتت شوي والدها: وش فيج تبين تقولين شي رجاوي: يبه ابي اكلمك بموضوع ممكن وهي تطالع بوالدتها والدها: خير ان شاء الله رجاوي: يبه ابي اكمل كورس الفاونديشن هنا والدها: اشلون تجي هذي علميني رجاوي: يبه عادي انا بكمل كورسين بحسبة كورس واحد وكلهم معتمدين من الجامعات البريطانية وان شاء الله بجيب درجات حلوووه وبدخل الجامعه والدها: ولو ما جبتي مجموع وش راح يصير رجاوي: يبه لا تفول علي بجيب ان شاء الله مجموع حلو ولو ما جبت زيادة الخير خيرين عادي ادخل التخصص الجامعي بنص السنه ما فيها شي زيادة لغه بس مابي اترك امى هالفتره والدها وهو يطالع بزوجته: انتي وش بلاج تبين تتركينها دراستها وتقابلج هنا والدتها: انا ما قلت لها تسوي هالشي والله وابتدوا يتكلمون بالانجلش لما شافتهم رجاوي كذا بدت مناقشتهم شوي ترتفع بسبتها رجاوي: يبه ماما بليز سمعوني خلاص بسوي اللى يريحكم والدتها بزعل: ما ودي شي اسالى ابوج وراحت وتركتهم رجاوي: يبه والدها: بتكملين الكورس عادي بالجامعه وما راح تخلينه يعني هو لعب وبس وما عليج من والدتج بتنشغل هالفتره وانا ما راح اخليها ادرى ليه مسويه كذا عشان جواهر بس وش نسوي وبدت عيون والدها تشوف فيهم الحزن لاول مره رجاوي لما شافت والدها بهالشكل تأثرت: يبه خلاص بروح بكمل الفاونديشن ولا يهمك وماما ان شاء الله بتكون اوكى وجواهر اكيد ما بتتركنا يا تجي لعندنا يا نروح لها الوالد: الله كريم وبارك الله فيج بنيتي ..... باسها على جبينها وراحت لغرفتها لقت والدتها جالسه بالصالة جت وجلست وياها ..... شوي وجا والدهم وجلس وياهم وظل يسولف مع رجاوي ويرد عليها وشوي تكلم ويا زوجته: يا ام حسن يا الغالية حقج على سامحينا عاد كله من هالمقروده رجاوي هي وشورها اللى مثل ويها الحلو رجاوي: يبااااااااااااااا وسكتت يوم سمعت ويهها الحلو ههههههههههههههه ام حسن: ما صار شي تعرفني ابو حسن ما اشيل بخاطري ابو حسن: الله لا يخليني منج ولا منكم الجميع ان شاء الله جلسوا شوي عد التلفزيون وجا ولدهم ابراهيم وبعده حسن وجلسوا يتسامرون مع بعض ـــــــــــــــــ في جناح جواهر ـــــــــــــــ وشوي وسمعت مره ثانيه دق على الباب جواهر وهي تضحك : ههههههههههههههههههه ها وش نسيت فه..... شافت والدها: ابوي ... ااالحمدلله على السلامه والدها لمها وباسها على جبينها: اشلون بنتي ان شاء الله مرتاحه جواهر: ايه الحمدلله مرتاحه وانت اشلونك يبه الحمدلله على السلامه .... تفضل يبه دخل والدها الجناح: اول ما عرفت بوجودك عدلت هالجناح لج على طول ان شاء الله عجبك كل اللى فيه جواهر: تسلم يبه ما يحتاج يكفي وجودي بينكم جلسوا وقامت جواهر: بجيب لك عصيريبه والدها: لا مابي شي الحمدلله قبل ساعه وصلت ومتعشي الحمدلله ... انبسطتي ويا فهد اخوج لما طلعتي جواهر: ايه وايد مبسوطه الحمدلله خذاني للمجمع وتعشينا هناك وشفت الناس انبسطت الحمدلله ايه وجاب لي هذا السوار وروته لابوها والدها: حلو السوار وحلى اكثر على ايدج جواهر باستحياء: تسلم يبه والدها: اشلون الريم والبندري وياج اشلونهم كلهم وياج جواهر: الحمدلله طيبين والله معاي ما قصروا بشي ربي يخليهم مو محسسيني انه فارقت اهلى وديرتي والدها : الحمدلله لو بيوم حسيتي مو مرتاحه علميني اوكى .... وترى ما عليج من اى احد الا بهالبيت لازم تكونين مرتاحه فيه والله يقدرني انى اعوضج عن اللى راح وعن اللى ضيعته .. وسكت جواهر: ربي يخليك لي واوبي ما قصر بتربيتي من وانا صغيرة وان شاء الله انت ما راح تقصر وبتكمل عليه طالع فيها والدها بحب وحنان: يالله الحين بروح ارتاح جيت اتطمن عليج تصبحي على خير جواهر: تلقى دوم الخير ان شاء الله سكرت باب الجناح .. وتذكرت والدها اخذت التلفون وقالت بتتصل عليهم احسن يرن التلفون بالطرف الثاني ابراهيم: السلام عليكم جواهر: وعليكم السلام .... منو معاي ابراهيم: عفوا ... جواااااهر ...............سكت كل اللى كانوا عنده جواهر: ايه من ابوخليل ابراهيم : ايه ابو خليل اشلونج جواهر وشمسويه وحشتينا والله ام حسن: فديتها خلني اكلمها ابراهيم: اشلون البنات الحلوين اللى هناك جواهر: ههههههههههههههههههههه ما تيوز انت عن سوالفك ...حلوين بس مو احلى من اختك يالله وينه ابوي وامي تولهت عليهم ابي اكلمهم ابراهيم: ههههههههههههههههه اصلا انا باخذها من هوا الاندلس اسبانيه اه اويلي من ريحة الاندلس واللي فيها ضحكوا منه ههههههههههههههههههههههههه ه ام حسن: هلا يمه اشلونج وشمسويه؟؟؟ جواهر: انا بخير يمه .... بعد ما كلمت امها شوي كلمت والدها وبعده اخوها حسن وبعدين خذت لها شاور وتوضت وصلت وجلست تقرا قران شوي قبل لا تنام فتحت التلفزيون شوي تطالع بالقنوات وبعدها حطت راسها على الوساده وجلست تفكر باللى صار معها لين الحين | |||||||||||
|
| |
|
16-02-11, 12:50 AM
| #9 | |||||||||||
| نجم روايتي وعضو فعال في منتدى صحة ورشاقة
| الفصل الثامن ــــــــــــــــــ في بيت عبدالله ــــــــــــــــــ قبل شهررجاوي راجعه من السفراليوم اجازة الكريسماس وجواهر فرحانه مره لانها تولهت على اختها ان شاء الله بتجيب نسبه مثلها وبتكون وياها السنه الجايه ... واللى فرحها اكثر انه عيد ميلادها بكرة وراحت لعند امها بغرفتها ..... جت رجاوي وفرحتهم كانت كبيره خصوصا جواهر اللى جلست تحضن وتبوس باختها اول ما شافتها وبعد الغدا جواهر صكت راس والدها بالحفله وش راح تلبس وش جابت لاختها رجاوي وانبسطت رجاوي لما شافت التايير الحلو اللى شراته لها اختها وهم بعد عجبها فستان جواهر للحفلة بكره اكيد راح ياخذون عقول البنات هههههههههههه راحت جواهر ويا رجاوي للغرفه وهات يا سوالف وضحك وطلعت كل اللى بالشنطه وعطتها هديتها جابت لها بلوزتين على تنوريتين وحده شانيل ووحده بقصه دائريه لونها البني غامق فيها دانتيل خفيف على طول القصه من تحت باللون الازرق والبلوزه كانت مناسبة لها لون ازرق وفيها ورود بنيه غامقه مع درجات مائلة للاصفر اكمامها طويلة ,, وصندوق ميك اب ويا شنطه وجزمه ... عطت خوانها كل واحد هديته وجابت لابوها عطر جديد من هارودز ولامها بعد جابت لها عطر وشنطة يد بيوم الحفلة تعدلوا وتكشخوا وجت لهم له مدام هيلدا سوت لهم الميك اب ... من بعدها راحوا للحفلة ويا الدريول وقال لهم حسن انه بيرجعهم بعدين ما عليهم الا يتصلون عليه. كانت حفلة عيد الميلاد حلوووه بالمره سووها في قاعة الهوليدي ان وكل صاحباتهم جوا يهنونها تمنت انه عالية بنت عمها هنا لكن بتتاخر بتجي بعد اسبوع هذا اللى عرفته من رجاوي .... وصلوا البيت جا لهم حسن ياخذهم من هناك وطالع يطلع الا لما يشوف نورا ويسلم عليها وهي بتدخل ويا امها للسيارة حسن: السلام عليكم اشلونج خالتي اشلونج نورا نورا + وامها: وعليكم السلام هلا بولدي اشلونك عساك طيب حسن: الحمدلله خالتي ها بشروا استانستوا بالحفله خالته: ايه والله ..يالله الحين نستاذن تصبح على خير حسن : وانتوا من اهله .... تصبحي على خير نورا نورا: تلقى خير .... وهو رايح يدق جوال نورا..... اول ما ركبت السيارة فتحت الجوال نورا: الووو حسن: فديت هالصوت والله خلي جوالك مفتوح بعدين بتصل عليج يا بعد عمري نورا: اوكى حبيبي .... مع السلامه امها: هذا حسن هههههههههههههه ما يصبر نورا: يماااااه استحي امها: ههههههههههههههه ايه تستحين والله راح زمانا اللى اول جان الوحده ما تقدر تحط عينها بعين ريلها الا بعد الزواج ولا تقدر تهرج وياه مثل الحين الله يستر على بنات اليوم بس تلقى الوحده من تنخطب وهات يا سوالف وطلعت الحيا ويا خطيبها نورا: زمنكم غير وزمنا غير يايمه ام نورا: والله زمننا احلى من زمنكم بوايد الحمدلله عشت فيه ... الله يستر عليكم بنات اليوم . نورا: آمين راحوا للبيت وحسن اخذ خواته وامه للبيت وطول الوقت رجاوي وجواهر يسولفون عن اللى صار بالحفله بس غريبه امه ساكته طول الوقت مدرى حس فيها شي متغير بس ما سألها ******** وصلوا البيت شافت والدها بالصالة سلموا عليه وسالهم عن الحفلة جت لعنده جواهر وسولفت له عن الحفله شافها مستانسه ومبسوطه على الاخر بدا يفكر في كلام زوجته جواهر: يبه وين سرحت والدها: هااا ولا شي بس اتخيلج وانتي بالحفله جواهر هههههههههههههههههههه: ما عليه لما يطلعوا الصور بتشوفيني وش حلاتي قاطعتهم رجاوي: اوكى تصبحوا على خير ما فينى اجلس بعد والله راسي مصدع على الاخر باخذ لى بندول وبنام الكل: تصبحي على خير ورجعت جواهر تقول لوالدها عن الحفلة بذيك اللحظه دخل عليهم حسن وسمعها تسولف حسن: السلام عليكم اشلونك يبه والده: الحمدلله بخير حسن: اقول جواهر يا العيوز والله صكيتي مخنا بهالحفله نعبنو دارج صرتي عيوووووووووز جواهر: هاهاهاهاي ما عيوز الا نورا توني شباب صرت 17 سنه حسن: نورا زينه البنات لو يجون بعدها مليون بتظل بعدها زينة البنات جواهر طلعت له لسانه وهي توقف اوكي بخليكم دام صكيت راسكم بالحفله ضحك والدها منها وقال لها انا بروح جلست بس عشان اشوفج واقل لج كل سنة وانتي طيبه وهذي هديتي لج...... طلع كرتون اول ما شافته جواهر فتحته على طول جواهر: وااااااااااااااو المجموعه الكامله لتاريخ العرب احب هالاشياء وايد ربي يخليك لي احلى هديه والله وحضنت والدها جواهر : يالله تصبحوا على خير انا بروح انام الكل: تلقين خير *********** باليوم الثاني بعد الغدا بغرفة اهل جواهر .. كانت ام حسن تسولف ويا ريلها ام حسن: ابو حسن تتذكر اختى ماريا ابو حسن: وش اللى خلاج تطرينها عقب هالفترة ام حسن: اللى خلاني اطريها هذي الرسالة .. ومدت ايدها برسالة قديمه في ظرف اخذ منها ابو حسن الظرف : وش فيها هذي الرسالة يعني مافهمت الكلام اللى مكتوب عليه ام حسن: قالت لي ما افتحه الا بعد ما تكمل بنتي جواهر 17 سنه صح ولا لا ابوحسن: والله نسيت لكن اذا كتوب كذا اوكى افتحي شوفي وش فيه ام حسن: خايفه ابو حسن من اللي فيه والله ابوحسن: وش راح يكون فيه عادي ..واخذ منها الظرف ومزقه وطلع رساله لما فتحها طاحت منها ورقه وصورتين اخذ الورقة وقال كنها هذي شهادة بس حق شنو؟؟؟ واخذ الصورتين وشاف اللى فيها : منووو هذا اللى بالصورة ويا اختك طالعت ام حسن معاه بالصور: هذي اختي لكن مدرى هذا منووووو... يا ترى يكون اللى في بالي ...!!! ياترى منهو اللى مع ماريا...؟؟؟؟ ابو حسن : ما فهمت شي اقري الرسالة وعلميني ... قرت ام حسن الرساله وجان يطالعها ابو حسن وشافها يوم يتغير ويها اكيد من شي بالرساله ابو حسن: وش فيه وش وصت فيه اختك ام حسن ما قدرت تكمل وبدت تصيح ..: لا لا بنتي ما راح احد ياخذها مني ابد ابوحسن وهو يهديها: وش فيه وش بلاج ليه تصايحين ام حسن: لا ما اقدر تبينا نعلم جواهر انها مو بنتنا ونعلم ابوها بعد لا والله عقب كل هالسنين اللى طافت تبينا نسلمها لابوها وكنه ما صار شي ام حسن: تعرف هي تقول بالرساله انه جرحها وطلقها وحتى رفض انها تتصل فيه ابدا لا وبعد بعث واحد يخبرها بهالشي وهو ما يكلف خاطره ولا سوى هالشي وعشان جذي ماعلمته انها حامل وعشان جذي بعد حرمته من انه يعرف عن حملها واي شي عنه ولما جابتها كتبت شهادة باسم ابوها الحقيقي وخلتنا نربيها ونكتبها بعد باسمنا وما علمتنا انها كتبت لها شهادة من قبل ... ام حسن: تتذكر ابو حسن لما جت بيوم لعندنا الشقة وكانت تعبانه مره توها طالعه من مستشفى الولاده وجت لمدينتنا على طول باشبيليه ابوحسن: ايه اتذكر ساعتها ترجتنا ناخذ بنتها ونربيها كنها بنتنا وتكون اخت لاولادنا لانها حاسه روحها تعبانه وما راح تقدر تعيش لتربيها ..... ابوحسن: واتذكر لما قلت لج ما نبي نربيها ويكفي الاولاد اللى عندنا واشلون نربيها واحنا ما نعرف اصلها ولا شي .... ام حسن: وادرى انى زعلت عليك ومن بعدها اختى تركتنا ما عرفنا الا من مستشفى انها موجوده وباللحظات الاخيره ...تهدج صوتها وبدت تتذكر اشلون كانت اختها تنازع باللحظات الاخيره واعطتها رساله وامنتها عليها انها تربي بنتها ولا توريها الرسالة الا بعد 17 سنه . ابو حسن: يعني اهي مسويه جذي عشان بس ابوها اللى تركها وما سأل عنهم ابد وطلقها بدون ادنى سبب تبيه يعرف انه بنته تربت بعيد عنه وبتظل بعيد عنه لانها بعد هالعمر اكيد بترفض تعيش وياه عقب ما تعرف جواهر باللي صار مع امها ام حسن وهي حزينه عقب ما وقفت دموعها: ما اقدر ابوحسن اتخلى عن جواهر هذي بنيتي وربيتها ويا اولادي اشلون اتخلى عنها بهالسهولة ....... بدت تصيح مره ثانيه بالبكا ابو حسن: ذكري الله الحين جواهر هنا ما راحت ,لا حول ولا قوة الا بالله وش هالمصيبه .... يعني ما تجي الا بيوم ميلادها وش اللى ذكرج بهالشي ام حسن: والله ما تذكرت بس والله كنه ربك يبي هالشي حلمت باختي وبعدها تذكرت الرسالة اللى بالظرف انه نسلمها لجواهر بعد ما نقراها .... لو كانت تدري انه وصيتها راح تكون بهالشكل ما احتفظت بالورقة اصلا ولا شي . ابوحسن: وش هذي الورقة بعد؟؟؟؟ ام حسن: هذي شهادة ميلادها اسم والدها الحقيقي فيه .. ياربي ليه بس بعد هالسنين. ابو حسن: اهدي الحين خلينا نفكر زين ... كلام اختك عدل يعني حتى لو قدرنا نعرف الحين وين ابوها واتصلنا فيه ما اظن بعد هالسنين بيجي بسهولة وبياخذها اولا جواهر ما راح توافق ام حسن: انت بتوافق انها تروح لو بيجي ياخذها حرام عليك هذي بنتك ابو حسن: يعني فكرك انى ابي اتخلص منها هذي بنتي وانا ربيتها مثلج لكن هذي بنته لو تطيح ورقة شهادة الميلاد بايده اى محكمه تعطيه الحكم وحقه انه ياخذها ام حسن: ومن قال انه بيشوف شهادة الميلاد او بيعرف شي عن جواهر لا ما راح يعرف شي ابد هذا قرارنا بيكون وخلاص بنحرق كل شي ولاحد بيدري عن هالشي وجواهر تظل معنا ابوحسن: اعوذ بالله وش هالكلام ام حسن حرام عليج والله تاخذين الذنب ليوم الدين عشان ورقه لا انا بدور على ابوها وبعلمه وبخليه يجي ولازم جواهر تعرف واهى تقرر ولا نضغط عليها بشي ام حسن: حرام عليك لا تسوي فيني جذي تبي تذبحني انت ابوحسن: ما راح تموتين الا بتموتين جواهر لو خبيتي عنها حقيقة ابوها حرام عليج فكري زين وخافي الله باللى تبين تسوينه ام حسن: خلنى الحين مو قادره افكر بشي خلاص خلنى الحين وظلت تبكي تركها ابوحسن وطلع شوي لمكتبه وفتح له كتاب يقرا فيه ...لكن وين يقدر يقرا اشلون بعد كل السنين الحلوه وياهم تروح .؟؟؟ ......... مر عليهم هذاك اليوم كنه كارثه وحلت على سماهم .. ابوحسن ما قدر يكلم ام حسن او يفتح لها بالموضوع مره ثانيه ... وام حسن ما تعشت وياهم وبناتها كانوا يبون يشوفونها قالت لهم تعبانه وبتنام ولا رضت تفتح لهم الباب ..لاول مره يحسون انه فيه شي صاير بينهم على العشا كانوا متيمعين على الطاولة حسن: يبه وش فيها امي مريضه تبينى اوديها المستشفى ابوحسن: ما فيها شي عوار راس وبيروح اعطيتها حبوب مهدئه تنومها ونامت حسن: ليه حبوب مهدئه وش فيها امي متضايقه من شي احد مزعلها ابوحسن: ما فيها شي قلت لك ويالله عاد خلنا ناكل ولا تبيني انا بعد ييني عوار راس من هذرتك على راسي حسن متفاجأ من رد ابوه: سلامتك يبه وانا اسف ماعدت اكررها سكت وهو متضايق يدوب حط لقمه بفمه وعلى طول قام من على العشا : الحمدلله شبعت عن اذنكم طالعوا فيه جواهر ورجاوي وعيونهم راحت عند ابوهم لما خز عينه بعينهم وخصوصا جواهر اول ما طالعها وتذكر على طول اللى صار تنهد وقال: لا اله الا الله اوكى زعل بيني انا وامكم وان شاء الله بيكون كل شي اوكى خلوها ترتاح وخلوني انا بعد اهدا وان شاء الله يكون كل شي اوكي بس لا تضايقونها باسئلتكم ولا تضايقوني اوعدكم كل شي بيكون احسن ..قام من مكانه على الطاولة وطلع من صالة الطعام ظلوا رجاوي وجواهر يتسآلون وش صار مع اهلهم لاول مره تصير جذي ولو كانت زعله كايده بيناتهم على طول تعرفهم دايم يردون لبعض بنفس الوقت.! **************** بعد يوم من هالحادثه رضت ام حسن انه ابوحسن يخبر جواهر باللي عرفوه ... صدمتها بمعرفة كل شي خلتها ذيك اللحظه ما تقول أي شي جواهر( اشلون اطلع مو بنتهم اوكى وماما ندى وادرى انها خالتي لكن بعد ابوي وهم مكذبين علينا انهم تطلقوا وردوا لبعض مره ثانيه عقب ما امي توفت ....) توقف الزمن من حواليها وش اللى قاعد يصير .... اه يا زمن ليه تبي ترميني وتكسرني انا وش سويت بدنيتي عشان يصير جذي فيني ابوحسن: يبه جواهر بنيتي سمعتيني انا ترى عرفت منهو والدج وانا لسه ما اتصلت عليه ابيج انتي اللى تطلبين هالشي ما نبي نحرمك من انه تشوفينه واعرفي انه احنا اهلك وراح نظل اهلك بس هذي وصية امك لازم تشوفين ابوج وتعرفينه جواهر: امي لا هذي ماهي امي ماما ندى هي امي اللى ربتني هذيك مو امي قاسية انانية ما فكرت الا بروحها .... وركضت وطلعت من الغرفه على طول لغرفتها مرت بالصالة الجلوس اللى بين الغرف وكان اخوها ابراهيم هناك ويا رجاوي يلعبون ورق وهي ما اهتمت على طول لغرفتها وصكت الباب بقوة وقفلته بالمفتاح رجاوي راحت تركض وراها وتدق الباب : جواهر جواهر وش صار وش فيه فجي الباب انا رجوووي ...... ما لقت رد علي كلامها وجا ابراهيم : جواهر فتحي الباب وش صار يا جواهر جا والدهم : اتركوها اوكى لاحد يزعجها بتهدى بعد شويه ابراهيم : وش صار يبه ليه جواهر تبكي وتصيح ابوحسن: بعلمكم على كل شي وينه حسن حسن: اعتقد بغرفته تبينى انادي عليه ابوحسن: ايه نادى عليه جلس وياهم ابوهم وعلمهم بكل السالفه ما صدقوها ابد ورجاوي تظل تقول يعني جواهر مو اختى ليه حرام عليكم مالي غيرها بهالدنيا لا تحرموني منها وبكت وابراهيم لمها يهديها شوي ..حسن ساكت ولا قال شي وحتى ابراهيم ما علقوا على كلام والدهم ... باليوم الثاني الخميس الصباح طلعت جواهر جواهر: صباح الخير يبه وراحت سلمت على جبينه ابوحسن: هلا بنيتي الحلوه اشلونج اليوم جواهر: احسن عايشه ...جت والدتها وسلمت عليها وجلسوا يفطرون الكل مع بعض جواهر: يبه لو تعرف مكانه اتصل عليه ابي اشوفه واعرف ليه هو سوا كل هذا فينا ؟؟؟ ابوحسن مصدوم: والله تبيني اتصل عليه جواهر: ايوه يبه ابي اشوفه واعرف ليه سوا كذا ... وقامت من عندهم وعلى طول راحت لغرفة رجاوي كل شي صار بسرعه معرفة واتصال والدها بابوها الحقيقي وصدمت ابوها بمعرفة انه له بنت واشلون ما صدق بالبدايه وبعدها رضى انه يجي الكويت ويشوفهم ويكلمهم ــــــــــــــــــ في الجناح بالفندق ـــــــــــــــــ بعدها ب3 ايام من اتصاله فيه جا واتفقوا على موعد انه يكلمه بالاول بعدها خبره بالسالفه كلها واشلون جوا بعد كل هالسنين يعلمونه عن بنته جواهر لانهم ما يعرفونه اصلا وعلى بالهم واحد حبته ماريا وتزوجته وغدر فيها وبعدها مات ولما اكتشفوا بالوصيه كذا صار لازم يعلمونه بكل شي ..... الصدمة الكبيره اللى صارت انه ابوحسن عرف من والدها انه صح طلقها وانه ارسل لها اخوه الكبير عبدالعزيز انه يعطيها فلوس واي شي تبيه هو حاضر وانه ما سوا هالشي الا غصب عنه وبامر من والده المريض ومن خوفه عليه لا يموت لما عرف انه متزوج مره ثانيه على بنت عمه لا وبعد اجنبيه تعرف عليها من جولته بالخارج ... ابوعبدالعزيز وهو يتكلم بحزن شديد: ليه اخوي سوا فيني كذا ليه يحرمني من انى اشوف بنتي وليه يعذبها قبل لا تموت والله انها ما تستاهل يصير معها كل هذا .... لو تدري اشلون انا تعذبت لانى تركتها بروحها في وقت انا وعدتها انى ما اتخلى عنها .... بعد وفاة المرحومه ما حسيت بالحب ولما شفتها ماريا دخلت قلبي من اول مره .... ما خليت مكان ما سألت فيه عليها ولا جا على بالي انها ماتت ..الله يا دنيا اخذت مني سعادتي مرتين وسكت ... ابوحسن: والله يابو عبدالعزيز مدرى وش اقول لك .. لكن الله عوضك ببنت ولا كل البنات وانا ربيتها احسن تربيه وتقدر تشوفها بأي وقت تبيه ولا نحرمك من شوفتها ابدا بيتنا مفتوح لك بأي وقت تجي حياك الله ابوعبدالعزيز: بنتي كل اللى معي اولاد تمنيت يكون عندي بنت تهتم فيني وتحس بوالدها والله عوضني بعد هالعمر كله الحمدلله ..لكن وسكت وطالع فيه ... هذي بنتي ووالله انى ما اتخلى عنها ابدا ولو كنت اعرف عنها من زمان وربي الشاهد ماكنت تخليت عنها ولا خليت احد يربيها غيري لكن هذي مشيئة الله ابوحسن: يعني اشلون تبي تاخذ بنتنا منا بعد كل هالسنين حرام بتعذبها انت بهالشي لا عمرها تعرفك ولا شافت اهل ابوها ما تعرف الا احنا وبس تجي بالاخر تاخذها لمكان غريب ابوعبدالعزيز: هذي بنتي وباخذها لعندي لعند اهلها وناسها واقسمت بالله لو كنت ادرى ما كنت تخليت عنها ولا اقل لك لحظه .... طلع جواله واتصل وشوي ابوعبدالعزيز: السلام عليكم هلا ابو تركي اشلونك ابوتركي: هلا ابوعبدالعزيز اشلونك ياخوي عساك طيب ابوعبدالعزيز: لا ياخوى والله تعبان بالمره ليه سويت فيني كذا بعد كل هالسنين اعرف انك كذبت علي ليه وش سويت فيك انا ... وفتح السبيكر عليه ابوتركي: وش فيه وش صار ... كيف كذبت عليك ياخوى وش تهرج انت ابوعبدالعزيز: مو انا ارسلتك تروح لعند ماريا وتعطيها فلوس وتاخذ عنوانها عشان اطمن عليها ولما يصير والدي بخير اقدر انى احاول معه مره ثانيه وارجعها وش سويت انت ابوتركي ساكت وبعدها رد عليه: هذي سالفة قديمه وش اللى جاب طاريها عليك ابوعبدالعزيز: الا صارت جديده ليه ضحكت عليها وليه علمتها انه انا ما ابيها وانى كنت اضحك عليها ولا عاد تحاول تكلمنى ولا تتصل فيني ابوتركي: من اللى قال لك هالكلام من وين جبت هالكلام ابوعبدالعزيز بعصبيه: صح هالكلام ولا لا علمني صح ولا لا ابوتركي بعد شوي: صح وانا ما سويت هالشي الا لانه والدي الله يرحمه كان تعبان وبغى يموت لما عرف بزواجك من اجنبيه ودامك انت طلقتها ولا بينكم شي عادي وهو امرني اسوي كذا ولا اعلمك وبعد وقت اكيد بتنساها لما تختفي من حياتك وفعلا لما ماعاد عرفت مكانها خلاص ما عاد اهتميت وهذا انت ما شاء الله واولادك معاك ابوعبدالعزيز: الله يسامحك ياخوي تركت بنتي تتربى بعيد عني وسكر عنه السماعه وهو متأثر كل هذا وابوحسن يسمع الكلام اللى بينهم ووجهه حزين ..يعني فعلا والدها ماله ذنب كل الذنب على اهله اللى ابعده عنه الله يسامحهم بس ابوعبدالعزيز: ابي اشوف بنتي متى اقدر اشوفها ابوحسن: حياك الله في أي وقت.. | |||||||||||
|
| |
 |
| أدوات الموضوع | |
| انواع عرض الموضوع | |
|
|
8Likes
.png)
العرض العادي
