آخر 10 مشاركات
هيا نجدد إيماننا 2024 (الكاتـب : رانو قنديل - )           »          ليلة مع زوجها المنسي (166) للكاتبة : Annie West .. كاملة (الكاتـب : nagwa_ahmed5 - )           »          غمد السحاب *مكتملة* (الكاتـب : Aurora - )           »          443 - سر الأميرة - كارا كولتر ( عدد جديد ) (الكاتـب : ^RAYAHEEN^ - )           »          كاثرين(137)للكاتبة:Lynne Graham (الجزء1من سلسلة الأخوات مارشال)كاملة+روابط (الكاتـب : Gege86 - )           »          مواسم العشق والشوق (الكاتـب : samar hemdan - )           »          ✨الصالون الأدبي لرمضان 2024 ✨ (الكاتـب : رانو قنديل - )           »          6 - موعد مع الغرام - روزمارى كارتر - ع.ج ( إعادة تنزيل )** (الكاتـب : امراة بلا مخالب - )           »          328 - العروس المتمردة - جوليا جيمس (اعادة تصوير) (الكاتـب : سنو وايت - )           »          نصيحة ... / سحر ... / الأرملة السوداء ... ( ق.ق.ج ) بقلمي ... (الكاتـب : حكواتي - )


العودة   شبكة روايتي الثقافية > قسم الروايات > منتدى الروايات والقصص المنقولة > منتدى الروايات الطويلة المنقولة الخليجية المكتملة

Like Tree2Likes
إضافة رد
 
LinkBack أدوات الموضوع انواع عرض الموضوع
قديم 11-05-11, 02:59 PM   #1

ghost1983

? العضوٌ??? » 5952
?  التسِجيلٌ » Apr 2008
? مشَارَ?اتْي » 1,071
?  نُقآطِيْ » ghost1983 has a reputation beyond reputeghost1983 has a reputation beyond reputeghost1983 has a reputation beyond reputeghost1983 has a reputation beyond reputeghost1983 has a reputation beyond reputeghost1983 has a reputation beyond reputeghost1983 has a reputation beyond reputeghost1983 has a reputation beyond reputeghost1983 has a reputation beyond reputeghost1983 has a reputation beyond reputeghost1983 has a reputation beyond repute
Icon24 غرام وانتقام...للكاتبة نسايم نجد...رائعة




االسلام عليكم .
لقد سمحت الكاتبة بنقلها عندما انهتها انا فقط نفلتها كما كتبتها وعلى لسانها قالت :.بعد ما؟أنتهت الروايه
( اسمح لكم بنقلها لمنتديات ثانيه مع ذكر اسم الكاتبه لانه مجهود شخصي ولي ينقلها بدون ذكر اسمي لا ابيحه ولا احلله )

للاشارة الكاتبة هي نسايم نجد


ندى تدى likes this.


التعديل الأخير تم بواسطة لامارا ; 22-10-13 الساعة 09:53 PM
ghost1983 غير متواجد حالياً   رد مع اقتباس
قديم 11-05-11, 08:51 PM   #2

taman

نجم روايتي

 
الصورة الرمزية taman

? العضوٌ??? » 62057
?  التسِجيلٌ » Nov 2008
? مشَارَ?اتْي » 6,430
?  نُقآطِيْ » taman has a reputation beyond reputetaman has a reputation beyond reputetaman has a reputation beyond reputetaman has a reputation beyond reputetaman has a reputation beyond reputetaman has a reputation beyond reputetaman has a reputation beyond reputetaman has a reputation beyond reputetaman has a reputation beyond reputetaman has a reputation beyond reputetaman has a reputation beyond repute
افتراضي

اقتباس:
المشاركة الأصلية كتبت بواسطة ghost1983 مشاهدة المشاركة
االسلام عليكم .لقد سمحتالكاتبة بنقلها عندما انهتها انا فقط نفلتها كما كتبتها وعلى لسانها قالت :.بعد مان تهت الروايه ( اسمح لكم بنقلها لمنتديات ثانيه مع ذكر اسم الكاتبه لانه مجهود شخصي ولي ينقلها بدون ذكر اسمي لا ابيحه ولا احلله )
للاشارة الكاتبة هي نسايم نجد


اذا غاليتى اعتذر لحذفها ياريت تعيدى تنزلها من جديد
وسأكون اول المتابعين معك ان شاء الله

وأحلى تقيم لكي يا قمر ...

alamal likes this.

taman غير متواجد حالياً  
التوقيع











رد مع اقتباس
قديم 12-05-11, 12:48 AM   #3

ghost1983

? العضوٌ??? » 5952
?  التسِجيلٌ » Apr 2008
? مشَارَ?اتْي » 1,071
?  نُقآطِيْ » ghost1983 has a reputation beyond reputeghost1983 has a reputation beyond reputeghost1983 has a reputation beyond reputeghost1983 has a reputation beyond reputeghost1983 has a reputation beyond reputeghost1983 has a reputation beyond reputeghost1983 has a reputation beyond reputeghost1983 has a reputation beyond reputeghost1983 has a reputation beyond reputeghost1983 has a reputation beyond reputeghost1983 has a reputation beyond repute
افتراضي

غرام وانتقااام



ـ احب ان اطرح بين يديكم مولودتي الاولى واتمنى ان تنال رضاكم لقد تناولت في روايتي بعض من المبادى


_ لقدت تناولت الطيبه وحسن النيه ويقابلها الاستغلال للوصول الى المال والشهره على اكتاف الغير من غير مراعاة الحلال والحرام وان هناك من يدفع الثمن بالمستقبل


_ تناولت الحقد الدفين بقلوب صغيره يكبر ويزاد مع الزمن وهدفها الانتقام ممن اساء الى اعز انسان لها وان عقول الاطفال لاتنسى ماحدث بصغرهم
ان الحب والعطاء والحنان لا يكمل بالاهل الحقيقين بل ممكن يتعداهم للاسره المربيه


_الصداقه الحقيقيه التي تستمر على مر السنين من الاباء للابناء وتثبيت الصداقة بالنسب

ـدخلت لحدود العلاقة بين الزوجين من المحبه والموده


_ بطلتي هند مجموعه من المتضادات حنونه حقوده قويه ضعيفه متواضعه مغروره

كان للماضي اثر في تركيب شخصيتها المعقده هي اقرب لشخصيه الرجاليه بالصلابه والقوة والقساوة والتضحيه والتفكير والقياده




السؤال / هل تتغير هند اذا وجدت الحب الحقيقي من رجل حبها حب صادق وعشقها حتى الجنون


اترككم مع الروايه لاينكشف بين طياتها شخصية بطلتنا ( ممكن البعض يتعاطف معها ويحبها والبعض يحقد عليها ويكرهه فهذي وجهات نظر )

احب ان انوه ان روايتي خياليه لا تمت بالواقع باي صله


ان انوه ان روايتي خياليه لا تمت بالواقع باي صله

البارت الاول

رويتي تتناول مرحليتن من الزمن زمن الاباء وزمن الابناء




البـــــــــــــــــــداي ة


بداية عمر كانت عطر
عم الفرح وضحك القدر
افتكرت اني فهمت الحياة
وحسافة مخبى فيها الغدر
ليالي كانت كلها فرح
وربيعها كلو زهر
كنت حاسب حبي ملاك
وما يتغير بظروف الدهر
وبلحظة غدر خاينة
تخلى عن عشرة عمر
تركني بهالعالم وحيد
اصارع اعمال القدر
خلت قلب صاير شريد
يحمل اضغان البشر
وجمد بالدم الوريد
وخلت قلب يعصر عصر
منقول


في بيت راشد


بطلتنا هند عمرها 7 سنوات واقفه في زاوية الصالة تبكي وترتجف من الخوف بسبب صراخ ابوها العالي على امها الحنونه ابوها انسان قاسي استغلالي استغل امها بنت العز والاموال بنت انسان معروف بالمنطقة من كثر الثراء توفي ماعنده الا ساره وعبدالرحمن وورثت الشي الكثيرررررررر من الاموال وال****ات والشركات ولكن بعض الاموال اخفتها عن زوجها لانها كانت تخاف من استيلائة عليها لانه اخذ الكثير منها فعندما ظن انها لم تعد تملك ريال واحد وان الدجاجه الي تبيض ذهب لم تعد تبيض اصبح يفتعل المشاكل ونكشف على حقيقته



ساره حامل بشهر السابع وفرحانه بحملها كثير بعكسه كاره الحمل اقتنع بحملها الول لانه يخاف من زعلها لانه بيفقده العز الي عايش فيه
ساره غلبت عليها عاطفة الامومه وكررت بعد سنوات الحمل وطلب منها تسيقيطه لكنها رفضت


ساره قمه بالجمال والانوثه والدلع واضح عليها اثر العز بكل تصرفاتها كانت طيبه حنونه محبوبه من الجميع

وكان الصراخ هذه المره لتوضيح الحقائق التي طالما كانت خايفه وتتهرب منها

راشد / بصوت عالي وبصراخ / اموالك نقلتها كله بسمي بالتوكيل الي اخذته منك وانت الحين شحاااااااااذه ههههههههههههههه

ساره من الصدمه/ ..........

راشد / ليه ساكته ليه ماتتكلمين

ساره/ ماصدق انك سويتها ياراشد وانا الي حبيتك وتحديت العالم وتزوجتك وانت فقير تقدم لي الكثير وتجاار وخترتك انت وهذا جزاتي

راشد / انا ماتزوجتك حبن فيك ولا لسواد عيونك تزوجتك لفلوسك ولا هذا الوجه احد يتحمل يطالعه روحي شوفي وجهك بالمرايه اصحي انا عمري محبيتك انتي جسر علشان اوصل للمال ووصلت له والجسر خلاص مايلزمني لاني تزوجت عليك

ساره/ شتقول تزوجت علي

راشد / ايه تزوجت بنت عمي الي اعشقها من يوم كانت صغيره وهي محيره لي

ساره / حرام عليك يا راشد ليه خدعتني انا حبيتك تعرف اش معنى حبيتك

راشد بسخريه / هههههههههههه انا حبيت فلوسك يقولون خذ القرد لمااله راح المال بقى القرد على حاله

ساره بحزن / مافكرت ببنتك ولي ببطني

راشد / اعتبريها مكافاة نهاية الخدمه متنازل عنهم ومتبري منهم مراح يرثون مني ريال واحد

ساره / انت ظالم ما تخاف ربك وش ذنبهم ياحسافة على ضياع احلى ايام عمري عند انسان مثلك استامنتك على مالي وحلالي انت انسان حقييييييير ونذل ياخسارة حبي لك ياخساره الله ينتقم منك يارشد واشوف فيك يوم

دفها راشد بقوه طاحت على الارض وداس برجله على وجهها وضحك باستحقار ههههههههه هذا قدرك عندي والحين جهزي اغراضك ان جيت بعد العشاء ولقيتك ماطلعتي من بيتي حذفتك انتي وبنتك بالشارع

ساره / هههههههههه بيتك من متى

راشد / يامدام نسيت لاقولك سجلته باسمي وانتي مكانك الشارع ولا روحي لخوك الحنون واذا ماضفك روحي للمساجد اشحذي وخذي بنتك معك

ساره / مراح تسلم مني ياحرامي وبنتقابل في المحاكم

راشد بقوه / هههههههههه اعلى مافي خيلك اركبيه القانون لا يحمي المغفلين وانتي مغفلة

ساره تتوجع وهي بالياله تتنفس بسبب اوجاع بظهرها بسبب الطيحه لكنها تكابر ماتبي راشد يضيع الباقي من كرامتها ويتشفى بوجعها

هند جت تركض بسرعه لابوها وصارت تضربه على فخذه وتقول انا اكرهك انت حرامي ليه تضرب ماما ان بكره ان كبرت بضربك ودوس وجهك برجلي زي ماسويت لماما

صعق راشد من كلام بنته ولكن من قسوته ضربها وصرخ عليها صوته ارعب هند انخشت وراء ظهر امها الملقاه

راشد / انا طالع بجيب عروستي معي بعد العشاء الاقي بيتي نظيف منكم يالحثاله

وقبل لا يطلع التفت على زوجته الطايحه على الارض قال لها انتي طالق طالق طالق

ساره سمعت الكلمات حست بظلام وفقد الوعي وغمي عليها

وطالع وسكر الباب باقوى ماعنده مما سبب الفزع لهند


ناظرت هند امها المغمي عليها خافت وعلى طول راحت المطبخ نادت الشغاله لما شفتها الشغاله خافت وجابت ماء وغسلت وجه ساره لكن لا مجيب وطلبت من هند تروح تجيب عباية امها ركضت هند لغرفت امها وخذت العباية ولبست الشغاله ساره وحاولت بكل ماتقدر تسندها الى ان وصلت لسياره السواق وطلبت منه بسرعه يروح للمستشفى


وبعد قائق وصلو المستشفى ودخلوها الطوارئ الممرضة منعت هند من الدخول وهي تبكي بهسترياء تبي تدخل ولصغر حجمها شالتها الممرضه تطمنها تسالها

الممرضه / وين بابا

هند بحزن / بابا مات طلعت عفويه من هند بسبب كرها لابوها الي حرمها من حنانه بسبب اطماعه

في هالحظه طلع الدكتور وقال وين ولي امر المريضه اجابت هند انا طالعها الدكتور باستغرب من الطفلة الواضح عليها الذكاء

الدكتور / بابا لازم واحد كبير ماما لازم تولد الحين ولاز م احد يوقع على اوراق ضروري علشان نولدها بسرعه

هند / انا اوقعها انا اعرف اوقع انا بدرس انا كبيره

الدكتور / انتي شاطر بس لازم تعطيني رقم احد كبير اتفاهم معه

على طول هند عطتهم رقم خالها عبدالرحمن


في بيت عبد الرحمن


متزوج من بنت عمه نوره

عبدالرحمن 35 سنه وسيم وحنون وطيب وله هيبه ورزه وشخصيته قويه

نوره 30 نوره انسانه حنونه وعطوفه وذكيه تحب هند كثرررررر وهند تحبها لانها امها الثاني ونوره وام هند مثل الخوات اسرارهم عند بعض هي الي اشارات على ساره انها تخبي عن راشد ممتلكاتها وشركاتها الي كانت تديرها ساره بالخفاء وكانت


تجي عند اخوها لمشاركتها ببعض ارائه لانه له باع طويل بالتجاره والشركات ساره كتبت كل شركاتها واملاكها باسم بنتها الغالية هند

خالد 7 سنوات اخو هند بالرضاعه رضعت مع خالد يوم امها سوت عملية المراره فضطرت نوره ترضعها مع خالد

محمد / 5 سنوات

وفهد / شهرين

نوره من الصباح وقلبها مقبوض عندها احساس وقلق ان صاير شي او بصير شي وقلبها مقبوض من هند لها يومين ماكلمتها ماهي من عوايدها

اول ماسمعت صوت جرس التلفون على طول ركضت من ثاني رنه ردت

/ الو

نوره / هلا

/ هذا بيت عبدالحمن فهد .......

نوره / ايه نعم من معي

/ اختي ممكن اكلم عبد الرحمن ضروري

نوره / لحظه

وركضت لغرفتها كان عبد الرحمن بالغرفه بياخذ قيلوله بعد الغداء فتحت عليه الغرفة قالت له حبيبي فيه واحد على التلفون يبيك ضروري

عبدالرحمن / كان قلتي نايم

نوره بخوف / يارجال قوم انا من اصبحت وقلبي مقبوض

عبدالرحمن / اللهم اجعله خير انا اخاف من احساسك

بسرعه نزل عبد الرحمن ورد على التلفون

عبدالرحمن/ الو هلا من معي

/ انا دكتور من مستشفى ....... ياليت تتفضل ضروري

عبدالرحمن بقلق / ممكن اعرف من عندكم مريض

الدكتور / بخصوص اختك ساره

عبدالرحمن مصدوم ورد وهو خايف / حالتها كيف

الدكتور / تعال المستشفى وانت تعرف

بسرعه ركض عبد الرحمن من غير مايغير لبسه هذي اخته الوحيده الغاليه الي يفداها بعمره طلع وهو يدعي يارب اجعله خيررررررر

ركب سيارته يسوق بسرعه جنونيه لين وصل للمستشفى


ghost1983 غير متواجد حالياً   رد مع اقتباس
قديم 12-05-11, 12:56 AM   #4

ghost1983

? العضوٌ??? » 5952
?  التسِجيلٌ » Apr 2008
? مشَارَ?اتْي » 1,071
?  نُقآطِيْ » ghost1983 has a reputation beyond reputeghost1983 has a reputation beyond reputeghost1983 has a reputation beyond reputeghost1983 has a reputation beyond reputeghost1983 has a reputation beyond reputeghost1983 has a reputation beyond reputeghost1983 has a reputation beyond reputeghost1983 has a reputation beyond reputeghost1983 has a reputation beyond reputeghost1983 has a reputation beyond reputeghost1983 has a reputation beyond repute
افتراضي

البارت الثاني
في المستشفى

ركض عبدالرحمن في الاسياب يبحث عن غرفة اخته وشاف من بعيد هند واقفه تروع من حالت صغيرته هند دلوعته بالمستشفى ببجامة البيت وشكلها مبهذل من غير احذيه استغرب انه يشوفها وحيده يسال نفسه وينه راشد

شافته هند وحست بالامان ركضت وضمته بابا ضرب ماما وماما ماتت

سالها عبدالرحمن / هنوده من جابكم هنا

هند / السواق مع ريتا الشغاله

انفجع عبدالرحمن من كلامها وفي نفسه يهدد ويتوعد راشد شلون يتركهم في الظروف هذي بس الحين لازم يتطمن على ساره

راح لرسبشن يسال عن الدكتور المشرف على حالتها فدلته الممرضه على غرفته دق الباب سمع الدكتور يطلب منه الدخول دخل وهو مرتبك ومرعوب خاف ينصدم من الكلام الي بيقوله وهو حاط يده على قلبة

عبدالرحمن / انا اخو المريضه ساره فهد ....

الدكتور / اختك تعرضت لصدمه عصبية وللاسف اصيبت بجلطه ولازم نولدها بعمليه قيصره ضروري لانه ممكن يتوفى الجنين ويتسمم جسمها وفيه خطر على حياتها

عبدالرحمن فتح فمه منفجع وغصب عنه دمعت عينه / ان لله وانا اليه راجعون طيب ونتيجة الجلطه كيف بتقوم منها سليمه

الدكتور بحزن لما شاف حالة عبدالرحمن / يؤسفني ابلغك ان الجلطة اثرت على اختك واصابها شلل بتجلس طول عمرها على كرسي متحرك وبصعوبة بالكلام

عبد الرحمن / مافيه امل تتشافى انا مستعد اسفرها للعلاج برا باكبر مستشفيات العالم
الدكتور / خل املك بالله كبير برا مثل هنا لكن احتمال معدوم انها تمشي مره ثانيه

عبدالرحمن بحزن / والمطلوب الحين مني

الدكتور / توقع على اوراق العملية قيصريه

عبدالرحمن اخذ الاوراق ووقعها

وعلى طول طلعو ساره من غرفة العنايه قدام عيونه بسريرها مغطاه بشرشف ابيض اخذوها لغرفة العمليات وتقدم لها وباس جبهتها ودعاء لها تقوم بسلامه دخلوها وسكرو عليها الباب حاول الدخول لكن امنعوه جلس قدام الغرفة وهموم الدنيا على راسه ورجلينه ماتشيله من الخوف انه يفقدها

ويسال نفسه ساره وش الي صار لها وسبب انهيارها وبسبه انجلطت انا اعرف ساره نادر ماتعصب او تزعل وهي عمرها ماخبت شي عني
التفت شاف هند شكلها يكسر الخاطر ماتتحمل تجلس بالمستشفى

نادى الشغاله قال لها تاخد هند مع السواق ويرجعونها للبيت لان هند واضح عليها التعب والارهاق

رفضت هند تسمع الكلام تبي تشوف امها لانها متعلقه كثيررررر فيها جت الشغاله عنده وقالت ان هند معنده ماتبي تروح للبيت

راح لها باس راسها وضمها ويمسح على شعرها
عبدالرحمن / بابا ماما نايمه وانتي تعبانه من اليوم وانتي بالمستشفى وعد مني اذا قامت انا اجي اخذك تشوفينها ماما اذا درت انك هنا بتزعل عليك ترضين ماما تزعل عليك
هزت هند راسها بلا وستجابة لكلام خالها

مسكتها الشغالها بيدها لان الشغاله ثقة هي وزوجها السواق كانو عند ام ساره لما توفوا اهلها اخذتها عندها لان مالهم احد بديرتهم ويحبون امها وابوها لانهم عطوفين وحنونين عليهم ساكنين بملحق في بيت ساره وبيت ابوها قبلها



في بيت راشد


وصلت هند البيت طلعت لغرفتها الورديه ودخلت في سريرها الطفولي ومفرشها فيه صوره باربي والغرفم مليانه بالدبابيب وعرائس الباربي وفولا والجدارالمقابل لباب غرفتها فيه صوره مكبره لهند ماخذه حيز كامل من الجدار والغرفه يطبع عليها اللون الوردي وبجنب الغرفه غرفة التبديل وغرفه فيها مراجح ووبيوت والعاب

دخلت هند في سريرها من التعب والارهاق نامت




في المستشفى


مرالوقت بطيئ على عبد الرحمن سمع جواله يرن طلعه من جيبه كان رقم نوره تذكر انه طلع من دون مايخبرها رد عليها وسمع صوتها مرعوب قالت حبيبي وينك
عبدالرحمن / بالمستشفى

نوره بخوف / عسى خير

عبدالرحمن / قال لها كل الي صار

سمع صوتها تشهق من البكاء

نوره / هند وينها

عبدالرحمن / راحت للبيت مع الشغاله

نوره / حرام عليك كان جبتها عندنا الحين بتخاف لحالها

عبدالرحمن / يابنت الحلال لا تزودينها علي ماكنت بعقلي الله يقوم ساره بسلامه

نوره / امين الا راشد عندك بالمستشفى

عبدالرحمن / لا

نوره / غريبه يترك زوجته بالظروف هذي

عبدالرحمن / فكينا من سيرته انا من الاول ما هضمته احسه داخل على طمع بس ساره عندت الا تتزوجه وتعرفين دلوعتنا مانرد لها طلب يله حبيبتي ماقدر اطول معك مع السلامه

نوره / مع السلامه

بعد ماسكر الجوال شاف الدكتور طالع من غرفة العمليات

ركض عنده عبدالرحمن / طمني يا دكتور بشر كيف حالة ساره

الدكتور / الحمد لله جابت بنوته مثل القمر بس لازم نحطها بالحاضنه لانها جاية بالسابع

عبدالرحمن / ممكن اشوف ساره

الدكتور / لا معطينها بنج ومهدئ بتستمر نايمه لبكره بالليل الحين محتاجه لراحه اما انت روح ريح باين عليك الارهاق تطمن اختك بايدي امينه وهي تحتاجك قوي متماسك علشان تقدر تتاقلم وترضى بحالتها

اضطر يسمع كلام الدكتور طلع وركب سيارته ويوم شاف نفسه وحيد سمح لدموعه تنزل مسحها بيده متاثر بسبب على ما اصاب اخته مقهورلانه يجهل السبب وكان متاكد ان راشد هو السبب


في بيت راشد


كانت نايمه ماصحت الا على صوت صراخ وتاكدت انه صوت ابوها
نزلت وهي خايفه شافت ابوها معه وحده واضح من عمرها 18 وعرفت انها زوجتهالي قال عنها

راشد يضم زوجته لصدره ويبوسها قدام هند الي انقهرررررت وحست بالغير عمرابوها ماضمها حارمها من حنانه حقدت كثيرررررررر عليه وعلى الي معه كانت اقل جمااااااال من امها

ساره كانت مضرب للجمال لكن راشد دوم يحطمها ويقلل من جمالها وهو بداخله معترف انها اجمل من حبيبته


صرخ عليها انتي يالحيوانه انتي يالكلبه وامطرها بسيل من الالفاظ والشتائم البذيئة انتي للحين هنا انا اش قلت

هند ترتجف من الخووووووف ومن صراخ ابوها والفاظه

راح يحوس بالبيت يدور على ساره ناوي يذلها اذا شافها لكن عرف انها غير موجوده بالبيت

سال هند عن امهامن الخوف ساكته ماترد

دخل راشد المطبخ وطلع اكياس زباله وحذفها على وجهها وسحبها بذراعها الصغير بغى يخلعها من مكانها

دخلها غرفة امها ورماها على الارض كانها شي قذر

راشد / جمعي كل اغراض امك واغرضك وحطيها بكياس الزباله يزباله


بكت هند وحاولت ترفض لكن ابوها ماعطاها فرصه انها تحتج ركلها برجله على ظهرها وتالمت من الضربه لكنها خافت و سكتت

راشد / نصف ساعه اجي القاك مخلصة لا والله لذبحك وادفنك بمحلك خافت وفتحت دوليب امها وصارت تحشي الاكياس بملابس امهاالغاليه حطتهم بدون أي ترتيب بعد ما خلصت غرفت امها

دخلت غرفتها فتحت دواليبها وطلعت ملابسها ودخلتهم بالاكياس انهد جسم هند من التعب وعيونها منفخه وجههااحمرمن كثرالبكي تبكي بكاء يقطع القلب

كان باقي غرفة الالعاب احب الاماكن لقلبها وهي بغرفتها دخل عليها وصرخ عليها صرخه انتفضت منها وارعبها صوته المفاجئ

راشد / خلي الالعاب هذي في الغرفه بتصير لعيالي ياله انزلي بقلعك لبيت خالك

جرها بشعرها الطويل
اوجعها لكن من خوفها تحملت الالم ركبها بالسياره بقسوه كانت الساعه 10 في الليل

لما وصل لبيت عبدالرحمن فتح الباب ونزل الاكياس وصرخ عليها وطلب منها النزول كانت جالسه وراء متجمعه على نفسها ووجها مازال احمر ومتورم فتح الباب الي من جهتها وسحبها بيده بقوه ورماها جنب الاكياس كان منظرها موجع للقلب

ركب سيارته وعلى طول شخط تاركها بالظلام ترتجف تصارع الخوف والرعب والوحده ماخاف عليها من عيال الحرام ونسى انها طفلة لا حول لها ولا قوة كله بسبب ظلمه وجبروته






ghost1983 غير متواجد حالياً   رد مع اقتباس
قديم 12-05-11, 01:10 AM   #5

ghost1983

? العضوٌ??? » 5952
?  التسِجيلٌ » Apr 2008
? مشَارَ?اتْي » 1,071
?  نُقآطِيْ » ghost1983 has a reputation beyond reputeghost1983 has a reputation beyond reputeghost1983 has a reputation beyond reputeghost1983 has a reputation beyond reputeghost1983 has a reputation beyond reputeghost1983 has a reputation beyond reputeghost1983 has a reputation beyond reputeghost1983 has a reputation beyond reputeghost1983 has a reputation beyond reputeghost1983 has a reputation beyond reputeghost1983 has a reputation beyond repute
افتراضي

البارت الثالث والرابع




ركب سيارته وعلى طول شخط تاركها بالظلام ترتجف تصارع الخوف والرعب والوحده ماخاف عليها من عيال الحرام ونسى انها طفلة لا حول لها ولا قوة كله بسبب ظلمه وجبروته

ومن حسن حظها بعد دقيقة وصل عبد الرحمن لبيته

انصدم وهو يشوفها ببجامتها في الشارع وجنبها اكياس زباله

ثارت جنونه على صغيرته وعلى حالها ركض لها بسرعه وصل لعندها شالها بين ذراعيه وهي ادفنت وجهها بصدره تبكي وتنتفض من الخوف والرعب الي شافته من راشد

عبدالرحمن بحزن رفع وجهها ومسح دموعها

عبدالرحمن / حبيبتي هنوده ليه جالسه هنا ومن الي جابك

هند وهي تبكي / بابا


عبدالرحمن التفت على اكياس الزباله


عبدالرحمن / حبيبتي لمين اكياس الزباله


هند بحزن / ملابسي مع ملابس ماما


عبدالرحمن مستغرب / ليه حاطتهم بالاكياس


هند / بابا ضربني وقالي بيموتني اذا ماحطهم بالاكياس


انفجع عبدالرحمن وجن جنونه صار بركان ثاير من العصبيه بسبب كلامها في نفسه يهدد ويتوعد براشد وحلف لينتقم منه ويعلمه قدره


فتح باب الشارع ودخل وهو شايل هند طلب من الشغاله تاخذ الاكياس وتطلعهم فوق في غرفة هند


استقبلتهم نوره اخذت هند منه و ضمتها شافت الشغاله معها اكياس تطلعهم فوق استغربت


نوره بستغراب / عبدالرحمن شنهي ذا الاكياس


عبدالرحمن / قال لها السالفه الي قالتها هند


انصدمت من حقارة راشد وكيف طاوعه قلبه انه يسوي كذا بزوجته وبنتها ضمت هند بقوه لصدرها تحاول تخفف من خوفها بسبب الاحداث الي صارت الي كبرتها فوق عمرها


سالت نوره / حبيبي بشر وش اخبارها ساره


عبدالرحمن / سار جابت بنت


فرحت نوووووره وباسة هند


نوره بحب/ مبروك حبيبتي جاتك اخت بنوته صغيره


نوره / هنوده روحي فوق الشغالة بترتب اغراضك واغرض امك وخذي لك شور وانزلي تعشي


طلعت لغرفتهاالي كانت تنام فيها اذا جت بيت خالها


لما طلعت هند غرفتها اخذت نوره راحتها بالكلام مع عبدالرحمن


نوره / حبيبي شخبارها ساره


عبدالرحمن / قال لها الكلام الي قاله الدكتور


بكت نوره على الي صار لصديقتها لانها تحس فيها قبل لا تشكي وياما حذرتها من راشد لكن من حبها اعماها وخلاها تامنه على حلالها


نوره بحزن والم / اه اه ياساره ما تستاهلين الي صار لك وجلست تبكي وتشاهق


نوره / متى بيكتبون لها خروج لازم انجهز لها الغرفه الي تحت وناثثها باثاث يليق فيها هذي ساره الغاليه


عبدالرحمن / مدري بس الدكتور يقول احتمال سبوعين الى ثلاث اسابيع


تركته نوره ودخلت ا لمطبخ تجهز عشاء لزوجها ولهند


بعد لحظات نزلت هند ومعها دبدوبها الي شراه خالها تتركه ببيت خالها لانهاكثير تجيهم وتنام عندهم تحب تلعب مع خالد القريب من نفسها


كان عبد الرحمن منسدح على الكنبه وحاط يده على عيونه واضح عليه التعب والقهر


جابت نوره العشاء وجهزته على الطاوله وراحت بتنادي زوجها لما قربت منه صدمتها دموعه رفعت يده من عيونه وباسته على عيونه


نوره / حبيبي احنا محتاجينك هند وساره محتاجينك لا تقهر نفسك هذا مقدر ومكتوب

طالع فيها ونزلت دمعه ساخنه على خده اول ماشافتها نوره ضمته لصدرها ضمه قويه كان محتاج من يواسه لانها تعرف مكانة ساره عنده اغلى من عيونه وهي ضامته تمسك فيها بقوه كانه ماصدق يلقى الصدر الي يطفي ناره


عبدالرحمن / انا ابي اعرف ليش صار كذا ابي اعرف السبب والله ورب سابع سماء لو كان راشد هو السبب ما يفكه مني الا ال......


حطت نوره يدها على فمه علشان ما يكمل


نوره / حبيبي انت اكبر من الاجرام وتلوث يدينك وتضيع نفسك وعايلتك والناس الي تحبك علشان انسان حقير تافه


رفع نفسه من صدر نوره على دخلت هند

واضح عليها الهم والحزن والدموع على خدهااول ماشافها فتح يدينه لها

ماصدقت وركضت له وضمها وهي تنتفض كانها ورقه خايفه من كل الي صار لانه

كبير على طفله عوره قلبه عليها وبداخله يدعي على راشد رفعها عن

صدره ومسح دموعها وقال حبيبة خالها ماابي اشوف دموعها انتي هنوده القويه

هند تحب عبدالرحمن لانه عوضها فقدان الاب ويحبها اكثر من عياله


هند / خالو بابا تزوج وضرب ماما وبكت ماما بابا حط رجله على وجه ماما


عبد الرحمن عصب وتغير لون وجهه من العصبيه خافت نوره عليه اول مره تشوفه زوجها الطيب معصب كذا


تاثرت نوره وانقهرت من فعايل راشد لكن حبت تكون القويه قدام زوجها تخفف عليه


اول ماسمع الكلام من هند قام بيطلع برا البيت بيقابل راشد


ركضت له نوره ومسكت يده الي تنتفض من شده العصبيه


نوره بحب / تكفى اتركه عنك خله لربه بينتفم منه حرام تيتم بنته وتحرم عيالك منك حنا مالنا غيرك انت ابونا واخونا وكل اهلنا


عبدالرحمن بعصبيه / نوره انا ماني ضعيف ارضى بالضيم والقهر والظلم على اختي اذا ما ادبت راشد ودفعته ثمن سواياه اطلع ماني برجال



نوره بحب / انت رجال وسيدهم لا قتل راشد بيزيد رجولتك انا ماقلت اتركه

لكن القتل والضرب ماهو حل خلنا نعرف وش سوا بالضبط روح له لكن اخذا

احد معك حلفتك بالله تاخذ واحد عاقل اعرفك ماتتحمل راشد يمكن تتهور

وتندم على تصرف ساعه غضب حبيبي لازم نحكم عقلنا قبل عاطفتنا


سكت وهو يطالع بزوجته الحكيمه الي قدرت تمتص منه الغضب بكلامها الحكيم


نوره / يله تعشى وخل المسكينه تتعشى لازم تصير قدامها قوي انت قوتنا


هند شافت وسمعت كل الي صار لما شافت دموع خالها زاد حقدها وكرها لابوها


جتها نوره وحاولت تغير من حالة هند ضمتها


نوره / هنوده ماما جابت بنوته حلوه مثلك


هند بفرح / والله صار عندي اخت


نوره / والله وبكره نروح نشوفها ونشوف ماما


هند بفرح / ماما ما ماتت


ضمتها نوره بقووووه الكلمه سكاكين انغرست بقلبها


نوره بالم / ماما تعبانه شوي


هند/ بسمي اخته على اسم صديقتي


نوره بحب / وش اسم صديقتك


هند / غاد


نوره/ الله حلوووو مره خلاص اسمها غاده بكره خالك بيسميها

سالتها هند سؤال طفولي


هند / خالتو اقدر اغير اسم بابا انا ماحبه


نوره / عيب هذا بابا البنت الحلوه لازم تحب ابوها


سكتت هند وفي بالها انها تغير ابوها تبي يكون اسمها هند عبدالرحمن

لتعلقها فيه تتمنى انها بنته لان قلب الطفله كره وهي ذكيه وذكائها يعطيها اكبر من عمرها


سحبتها نوه من يدها قالت ياله نتعشى تاخرنا على النوم وحنا بكره بنشوف ماما ابتسمت هند لنوره الحنونه


بعد العشاء

بعد ماخلصو العشاء شالت نوره الاغرض ودخلتهاللمطبخ وتركت وراها هند وزجها
وطلعت تشوف عيالها بغرفتهم بعد ما تطمنت على نومهم دخلت لغرفتها دخلت الحمام خذ ت شور ولبست قميص نوم احمر خيط وطوله يوصل للفخذ ودهنت جسمها بكريم عطري وبخت من عطرها المميز ولبس شبشب احمر وتركت شعرها لاسود المسدول رافض عبدالرحمن انها تصبغه لان لونه عادبه و يوصل لتحت الكتف ناعم مايحتاج استشوار تتميز بجمال هندي عيون وساع كحيله وطولها وسط وجسمها ريان وبشرتها حنطية


تحت

بعد ماطلعت نوره فوق نادى عبد الرحمن هند وجلسها بحضنه باسها على خدها هذي هند دلوعتة طلباتها اوامرها مستجابه عنده

عبدالرحمن / هنوده انتي مع ماما بتسكنون معنا بالبيت
استشرق وجه هند فرح من كلام خالها

عبدالرحمن / غرفة ماما بتكون تحت لان ماما تعبانه ماتقدر تطلع فوق رجلينها مريضه وانتي غرفتك فوق نفس غرفتك القديمه لكن بكره بعد مانزور ماما نروح انا وانتي نختار اثاث غرفتك مع غرفة ماما مع غرفة غدويه الصغيره

رمت هند نفسها في حضن خالها وشدها بقوه له لانه عارف انها محتاجه لحضنه بسبب الي صار لها

رفعت راسهاوالدموع متحجره بعيونها
هند / خالو ابي غرفة العاب مثل الي كانت ببيتنا لان بابا اخذهاوقال بتصير لعياله

قال عبدالرحمن في نفسه / الله ياخذك ياراشد وربي لخليك تندم بس خل الصبح يصبح

عبدالرحمن / ياعيون خالك وحبيبته راح تكون عندك غرفة العاب اكبر واحلى من الي كانت ببيتكم حطت هند يدينها خلف رقبة خالها وباسته على خده قام خالها وشالها بين ذراعيه

هند مبسوطه تضحك هههههههه خالو انا كبيره اقدر امشي فرح لما شاف ضحكتها
عبدالرحمن / انتي بعيني صغيره ونونو لين تصيرين عروسه
حمرة خدودها ضحك عليها

عبدالرحمن / ههههههه وباسها على خدودها وطلع فيها الدرج وفتح باب غرفتها ونزلها وحطها على سريرها وغطاها وباس جبهتها وسكر النور وترك نور الابجوره شغال اول ماطلع من غرفتها

دخل غرفته المقابله لغرفة هند

كانت نوره متكيه على السرير حزينه تفكر بساره والي صار لها لما دخل مانتبهت له لانها كانت سرحانه قرب منها ودخل بسريره

عبدالرحمن / نوره
نوره صحت من سرحانها / لبيه حبيبي

عبدالرحمن بحب / لبيتي بمنى لا تضايقين نفسك هذا وانتي من دقايق تواسيني

نوره / كاسر خاطري ساره وبناتها ماشفع لها حبها لراشد علشان يرميها ذا الرميه سواته مايسويها يهودي

عبدالرحمن / غلطنا يوم طاوعناها وزوجناها لراشد لكن معاد ينفع الكلام بالموضوع الي صار صار

نوره من قلب / حسبي الله عليه جعله يشوف حوبتها

عبدالرحمن / امين

حب عبدالرحمن يغير من جو الحزن الي بالغرفه التفت عليها

عبدالرحمن بحب / ناويه تذبحيني يوم لابسه الاحمر ماتدرين اني اروح وطي لشفته

ضربته على كتفه نوره / بسم الله عليك ان شاء الله بعدوينك


عبدالرحمن / براشد ان شاء الله


نوره / حبيبي خله عنك


عبدالرحمن بحب / حبيبتي وش رايك نطفي النور وننام ترى بتهور


نوره بحياء / حبيبي تهور احد ماسكك وطفو النور و ......




الساعه 3 الفجر


عند نوره وعبدالرحمن

قامو من نومهم مفزوعين على صوت هند تصارخ خاف خالها ركض لغرفتها من غير شعور ودخل الغرفه لقاها نايمه وتصارخ وتتكلم بكلمات غير مفهومه وحش باب اكرهك لا تذبحني ماما ماتت وخر عنها يوحش

وكان وجهها يتصبب عرق اخذ كاس ماء يحاول يشربها لكنهارافضه لحقته نوره مفزوعه قربت من هند وحطتها على فخذها وصارت تقرا عليها وهند كانها ورقه تنتفض بين يدينهم

نوره بحزن / حسبي الله على من كان السبب


عبدالرحمن مولع من القهر والعصبيه والخوف على حبيبته


عبدالرحمن / وتقولين اتركه والله ماتركه سالم ماتشوفين حال المسكينه حتى بنومها مطاردها


نوره / .........


نوره ساكته ما عندها كلام تقول لانها متاثره من حالة هند


جلست نوره عندها لين هدت وستقرت بالنوم بعد ما شربتها الماء وقلبها يتقطع الم على حالها


دخلت غرفتها كان زوجها متكي على السرير وفي نفسه يتهدد ويتوعد براشد


جلست جنبه نوره / حبيبي ارجع نام هدي نفسك الله يفرجها


عبدالرحمن / من وين بيجيني النوم وانا احس بالضعف انا عمري ماكنت ضعيف ولا راح اكون وحقنا باخذه بايدي اذا ماخليته يندم ويتمنى انه ما نولد ماكون عبدالرحمن


نوره / حبيبي تتوقع ان هذا حل للمشكله احنا ماندري وش صار يمكن ظالمه


عبدالرحمن / انتي صاحيه كل شي واضح وضوح الشمس تبين نكذب على انفسنا ونداري فعايله


شافت ان زوجها معند ومصر على الي بيسويه راحت على طرف السرير ونامت وهو جلس يتقلب وكان داخله بركان من القهر تقلب على سريره النوم جفاه سمع صوت اذان الفجر دخل الحمام توضى وصحى نوره علشان تصلي وهو راح يصلي بالمسجد

بعد ماخلص من الصلاة ركب سيارته وصار يدور بشوارع لانه ناوي على راشد



يوم جت الساعه 6 توجه لبيت راشد نزل من سيارته شاف سياره السواق ولاشاف سيارة راشد دق الجرس وجلس يدق بعد ربع ساعه فتحت الشغاله له


عبدالرحمن / بابا راشد وين


الشغاله / بابا راشد مافي موجود مسافر مع زوجه جديد برا يقول بيجلس ثنين سنه هناك والبيت فيه نفر جديد بيسكنه


عبد الرحمن بقهر / الجبان انحاش وين بتروح مني جايبك جايبك

طلب من الشغاله والسواق يجون لبيته لان مالهم قعده هنا لانهم جاين بكفالة ابوه

الشغاله / كيف ماما ساره وهند

عبد الرحمن / تعبانه مرررررره

بكت الشغاله

عبدالرحمن يسال الشغاله عن الي صار مايب يظلم راشد


عبدالرحمن / ريتا ايش الي صار مع ساره ليش اغمي عليها

الشغاله قالت كل شي من ضربه لساره واخذه لفلوسها والي صار لهند يوم امرها بقسوه تجمع الملابس بكياس الزباله ورفض انها تساعدها


ثارت جنونه من راشد لو انه قدامه كان قتله بنت فهد ال ...... يصير فيها كذا ومن من من واحد كحيان منتف نظفناه وزوجناها كذا يعض اليد الي امدت له اصبر علي ياراشد




في بيت عبد الرحمن


نوره جالسه على نار والافكار توديها وتجيبها متاكده ان زوجها عند راشد وهي حاطه يدها على قلبها خايفه من تهوره وهي تاكل بنفسها سمعت صوت الباب الخارجي يفتح ارتاحت وركضت تستقبله شافت الشغاله و وراها عبد الرحمن الي وجهه اسود من القهر


نوره / حبيبي خير خوفتني عليك


عبدالرحمن بعصبيه / الجبان انحاااش عارف اني بدوره وسبقني ونحاش وبيت ساره اجره وكاتبه باسمه الحرامي من زمان وانا عارف انه داخل على طمع بس الله يهدي ساره من طيبة قلبها خلته يستغلها ويستغلنا صرنا مغفلين يانوره طعنا راشد وهرب من متى احد يتجرى ويطعنا بس مصيرك تظهر ياراشد افعاله افعال ما يسونها الحريم متى الرجال ينخش عن المواجهه


نوره كانت في داخلها مبسوطه بختفاء راشد خايفه ان زوجها يتورط معه


نوره/ حبيبي الحين افطر وخلنا نروح لساره تراها محتاجتنا حوليها ترى مصابها كبير شلل وطلاق ولا فوقه سارقها انت اخوها تحتاج وقفتك جنبها وقوتك اطلع غرفتك خذ لك شور وستهدي برحمن

عبدالرحمن / لا اله الا الله هند صحت


نوره / لا يقلبي دخلت عليها لقيتها غاطه بنومتها كسرة خاطري من بعد البارح خليتها تنام متى ماشبعت نوم بتصحى


عبدالرحمن / وعيالك


نوره / صحيتهم ولبستهم والحين بينزلزن فرحانين ان هند موجودهوخاصة خالد قال بيصحيها لكني منعته قلت اذا قامت العب معها لو تشوف فرحته يوم درا ان هند بتسكن عندنا


عبدالرحمن / هند حبوبه تدخل القلب خلود يحبها لانها اخته متربيه معه


عبدالرحمن / وينه فهودي مشتاق له من امس ماشفته


نوره / شوفه وراك نايم على الكنب


عبد الرحمن بخوف/ حرام عليك لو طاح


نوره / للحين مايتحرك حطته بزاوية الكنب وحاطه حولينه خداديات


عبدالرحمن باسه على خده وصار يلاعبه لين صحى وصار يدغدغه وهو يضحك


نوره / حبيبي بقولك شي من امس افكر فيه


عبدالرحمن / قولي عساه خير


نوره / خير ان شاء الله وش رايك ارضع غاده مع فهد مدامهم بيسكنون عندنا يصيرون عيالي اخوانها وتاخذ راحتها عندنا لكبرت مايحتاج تتغطى عنهم ولا يصير بينهم حواجز وانت تعرف هند بنتنا راضعه مع خالد ونبي غادة تصير بنتنا بعد

عبد الرحمن اعجبته الفكره


عبدالرحمن / موافق لكن اهم شي ترضى ساره


كمل عبدالرحمن / بعد شوي اذا صحت هند تروحين معناالمستشفى ونطلب من الدكتور انك ترضعينها


نوره / ان شاء الله انا متشوقه لساره وابي ازورها من غير فكرة الرضاعه


نوره / حبيبي متى نجهز الغرفة الي تحت لها



عبدالرحمن / من اليوم بنبدا فيها هي وغرفة هند وانا وعدت هند تروح معي ووعدتها بغرفة العاب



نوره / الله يقويك ياله تعال الفطور على السفره افطر قبل لايبرد


الا على دخلة خالد ومحمد يتسابقو من يوصل لابوه اول والي سبق خالد وباسه ابوه


عبدالرحمن / حبايبي ياله نفطر علشان بالليل عندي مفاجئه لكم


خالد بالهفه / شنهي


عبدالرحمن / بطلعكم الملاهي وبناخذ هند معنا


خالد بصررررراخ ياهوووووووو عاش بابا ومحمد يناقز مبسوط


الساعة 9 قامت هند من النوم وهي تحس بكسل دخلت الحمام اخذت شور ولبست بنطلون جنز وبلوزه كت لونها اصفر وبالوسط مرسوم قلب بسماوي مغطى بالترتر لبسها طفولي كيوت لبست معه صندل لونه سماوي نادت على شغالتها تعدل شعرها سوته لها ظفيره هنديه و شعرها الطويل لتحتك كتوفها ربطته بربطه على شكل فونكه سماوي وتركت قذلتها نازلة على عيونها شكلها الطفولي يبهر كل من يشوفه


نزلت من الدرج دخلت لصاله لانها تسمع اصوات فيهاشافتهانوره


نوره / هلا حبيبتي تعالي


ركضت لها وباستها استقبلها خالد بكل حب وشوق اخوي باسها على خده
ا

نوره بحضنها فهد تحاول تنومه وخالها بغرفة المكتب ينتظرهم يخلصون علشان يروحون للمستشفى


نوره / هنوده حبيبتي فطورك بالمطبخ بسرعهافطري علشان نروح لانتاخر على ماما


راحت للمطبخ لحقها خالد علاقتهم قويه مره جلست على طاولة الاكل بالمطبخ وجلس خالد مقابلها وهي تاكل فطورهامع عصيرهاالمفضل عصير فراوله طبيعي


خالد / هنوده بابا يقول بيودينا للملاهي باليل

طالعته و ابتسمت له وكملت اكلها

تذكرت هند ان امها جابت لها اخت طالعته


هند بفرح / خلودي ماما جابت بنوته حلوووه صار عندي اخت صغيرورنه مثلك انت عندك اخو صغيرون خالو بيودينا نشوف ماما والبنوته انا بسميها غاده على اسم صديقتي


خالد / وووووووواو وناسه عندنا بنوته بالبيت انا فرحان مرررررره هنوده انكم بتسكنون في بيتنا ويصير بابا هو بابا لك كلمته حزنتها مع انها لمفروض تفرح لانها تحب خالها


هند / ايه حتى خالو يقول غرفة ماما تحت وانا غرفتي فوق واليوم بروح نشتري اثاث لها وخالو قال بيسوي لي غرفة العاب اكبر من الي في بيتنا


خالد / هنوده تخليني العب معك بالعابك


هند / اكيد خلودي دايما اخليك تلعب معي لا تنصب علي وتقول ماتلاعبيني


خالد / انا ما نصبت انا قلت خليني العب معك


قطعت عليهم نوره / حبيبتي هنوده خلصتي فطورك خالك بسياره ينتظرنا


هند / ايه خالتو


خالد / ماما بروح معكم بشوف اخت هنوده


نوره / حبيبي اليوم هند تروح وانت تجهز مع اخوك بتروحون العصر للملاهي

التفتت على هند /هنوده اسبقيني واركبي السياره انا طالعه ابدل والبس عباتي مراح اتاخر عليكم


هند / طيب

طلعت هند ركبت بسيارة خالها

طلعت نوره لغرفتها بدلت بسرعه ولبست عبايتها مرت على المربيه تطمن على فهد ووصتها عليه لانها بتتاخر


فتحت باب الشارع وركبت قدام وهند ورا تسمع سوالفهم

نوره / حبيبي بعد الزياره بروح نختار اثاث لساره ولهنوده


عبدالرحمن / ان شاء الله اذا فيه وقت


بعد نص ساعة وصلو للمستشفى لان الطريق فاضية لان الناس بدوماتهم وصلو للمستشفى وهند عندها الطريق طويل كل دقيقه تسال خالها متى نوصل لانها متشوقه تشوف اختها


سبقهم عبد الرحمن لرسبشن يسال عن غرفة سارة لانهم الصباح انقلوها لغرفتها الخاصة بعد ماتحسنت صحتها وفاقت من البنج


دخل عبد الرحمن ومعه نوره ووراهم هند دخلو غرفة ساره اول ما شفتهم سارة تذكرت كل الي صار لها مع راشد النذل غصب عنها دمعة عيونها ركض لها اخوها ومسح دموعها باطراف اصابعه وحبها على جبهتها


عبدالرحمن بالم / ياخوك دموعك هي ضعفي ترضين لخوك انه يضعف


هزت ساره راسها بلا


سحب يدها ضمها بين كفوفه عبدالرحمن / تقومين بسلامه وتنورين بيت اخوك يالغاليه

ياخوك انتي شعرة وجهي والي يضرك يضرني وانا مراح اسكت عن راشد طال الزمن او قصر موته بيدي
على طول حطت يدها على فم اخوها تمنعه من انه يكمل وهي تستنكر ان اخوها يذبح ابو بناتها ويتمهن


عرف عبد الرحمن الي تبيه ساره


عبدالرحمن / مالك الا طيبة الخاطر ومالك الا سعدك يالغاليه


التفت وراه شاف نوره تبكي وتشاهق ودموعها شلال على خدها


عبدالرحمن / نوره انا اسكت بساره تبكين انتي


نوره وهي تبكي / والله غصب عني هذي ساره اختي الغالي ربي مارزقني بخوات ولا صديقات عوضني ربي فيها


ابتسمت لها ساره وعلى طول رمت نفسها على صدرها باستها ساره على راسها تشكرها على الزياره


متقبلة الي صابها بروح قويه الصباح بلغها الدكتور عن حالتها وخاف تنهار وفاجئته انها استقبلت الخبر بقوه


كانت هند عند الباب اطالع بامها وعلى طول ركضت بعد ماقامت عنها نوره ورمت نفسها على صدر امها باستها امها بكل مكان بوجها وضمتها لصدرها بقوة كانها بتفقدها ومسحت على شعر بنتها


دخلت عليهم الممرضه / انتهى وقت الزياره المريضه تعبانه الدكتور مانع عنها أي انفعال


استجابو لكلام الممرضه و وعدو ساره بزياره مره ثانيه

طلعو من عند ساره متوجهين للحضانه بيشوفون البنوته



عبد الرحمن / انا بروح امر الدكتور اسئله عن حالتها ومتى يكتبون لها خروج وبعدها بروح اسجل غاده بالاوراق الرسميه

تركهم عبدالرحمن وراح بطريقه

ونوره وساره متجهات للحضانه فتحت الممرضة الباب وسئلوها عن بنت المريضه ساره فهد ال..... على طول الممرضه طلبت منهم يلبسون لبس معقم لان الاطفال خدج مناعتهم ضعيفه والمكان معقم


دلتهم على حاضنه زجاجيه فيها بنوته لونها احمر على جسمها اسلاك وانبوب طالع من خشمها


الممرضه / هذي هي البنوته

ماكانت ملامحه واضحه لانهانايمه على بطنها والحفاظ اكبر منها

خافت نوره لما شافت الاسلاك واكثر الي خوفها الانبوب


سالت الممرضه كيف حالة البنوته


الممرضه / الحمدلله صحتها كويسه بس حجمها صغير لانها ولدت بالسابع


نوره / والاسلاك والانبوب ليش


الممرضه / لان مناعتها ضعيفه والاسلاك نطمئن فيها على القلب والتنفس والانبوب للتغذيه


تطمنت نوره من كلام الممرضه وسالتها متى تبدى ترضع طبيعي

الممرضه / من اسبوع لعشر ايام


نوره / متى تطلع للبيت


الممرضه / بعد اسبوعين الى ثلاث اسابيع يعتمد على زيادة وزنها لان وزنها ناقص كثير عن المعدل الطبيعي


هند / خالتو بمسكها


سمعتها الممرضه / ممنوع تطلع من الحاضنه لان الحاضنه معدل حرارتها كانها في بطن امها


طلبت منهم الممرضه الخروج والزياره للحضانه ممنوعه ما يدخلها الا ام وابو الاطفال شكرتها نوره


وطلعو برا الحاضنه ينتظرون عبدالرحمن يخلص ويطلعون من المستشفى شافوه من بعيد ركضت له هند


هند / خالو شفت اختي صغيره مررررره والممرضه ماخلتني اشيلها


عبدالرحمن يمسح على شعرها / لانها صغيرره مره وتعبانه اذا تحسنت تشيلينها وتلاعبينها انتي اختها الكبيره


نوره/ حبيبي خلصت


عبدالرحمن / أيه خلصنا من اوراق غاده وباقي اثباتها على بكره ان شاء الله تكون خالصه


نوره / ساره متى يكتبون لها خروج


عبدالرحمن / الدكتور يقول هاليومين لكن البنت بتبقى عندهم من سبوعين لثلاث اسابيع


عبدالرحمن / يله نطلع بروح محل اثاث علشان حبيبة خالها تختار غرفتها الجديده


طلعو من المستشفى ركبو السياره متجهين لاكبر محل للاثاث اختارو لساره غرفه لونها عودي لانهم بيصبغون الغرفه عنابي على احمر

وختارو لهند غرفه نوم بنوته مدموجه الوردي مع الابيض لان غرفتها بيصبغون جدرانها بالون الوردي مع اضافة صور كرتونيه على الجدار

هند طلبت من خالها يرسم صورتها على الجدار مثل غرفتها ببيتهم


خالها وافق وطلب من اكبر رسام يرسم صورتها على الجدار على طلبها

وشرى لها كرسي بنوتي لونه وردي وبرا ومن السعف ويصير مثل المرجيحه عجب هند وشراه لها


وشرو سرير مواليد لغاده وا درج خاص لملابسها خلصو على اذان الظهر


رجعو للبيت وهند مستانسه بالمشوار اول ماوصلت البيت طلعت لغرفتها بتغير ملابسه وتلبس لبس بيتي



تحت


دخلت نوره المطبخ وسالت الشغاله عن الغداء قالت بعد الصلاه بيكون جاهز طلعت نوره لغرفة المربيه شافت فهد نايم والمربيه جالسه عنده تراقبه دخلت غرفة خالد شافتهم يلعبون بلا ستيشن ومحمد زعلان لان خالد رافض يخليه يلعب


نوره / خالد ليش ماخليت حمودي يلعب معك


خالد / يخرب اللعب مايعرف يلعب وانا الحين انتظر هند تجي تلعب معي لانها رايحه لغرفة بتبدل


نوره اخذت محمد وباسته وشالته


نوره / انا بالعب مع حمودي فرح محمد ان امه بتلعب معه التفتت نوره على خالد


نوره / خالد طف البلاستيشن والعبو بعد الغداء اذا ماشفتكم على السفره بحرمكم منه


خالد بستسلام / لا بطفيه بس لا تحرميني حنا بالايجازه اذا شلته وش اسوي


نوره / تلعب فيه ساعة وان طولت ساعتين ان ماسمعت الكلام اخفيته عنك


هز خالد راسه بنعم وواضح عليه عدم الرضاء لكن خاف من امه تنفذ تهديدها ووافق


طلعت هند من غرفتها لابس فستان بيتي لونه وردي فيه ورود بالون الابيض مع شبشب بيتي وردي وشعرها مفتوح لابسه طوق ابيض وعلى الجنب ورده بالون الودري لابسه حلق طفولي من الالماس على شكل ورده صغيره فضي وبوسط الورده لون وردي ولابسه عقد طقم للحلق


دخلت غرفة خالد وبيدها دبدوبها توئمها الي مايفرقها لما ادخلت الغرفة مالقته


نزلت تحت لقته جالس جنب امه ينتظرون الغداء



هند / خلود وين الي بيلاعبني معه


خالد / هنوده ماما تقول بعد الغداء لاتنسين هنوده بعد العصر بروح للملاهي


هند / طيب


عبدالرحمن نزل تحت بعد ماخذ شور اول ما شافوه تسابقو من يوصل له اول هالمره هند الفائزه باست خالها


هند / خالو احنا جوعانين تاخرت علينا


عبدالرحمن / ماعاش الجوع يا حبيبة خالها ياله نروح نتغداء


جاء ركض خالد / بس هند حبيبتك وانا شنو


عبدالرحمن / هههههههه انت قلب ابوك جاه محمد قال وانا باسه ابوه وشاله


عبدالرحمن / ههههههه ولا تزعل انت عيون ابوك كلكم حبايبي


نوره / برد الغداء يله


جلسو على طاولة الطعام عبدالرحمن كان كرسيه اول الطاوله ونوره عن يمينه وهند عن يساره وخالد جنبها ومحمد جنب امه وبدت تغرف لهم كل واحد بصحنه اول من خلص هند


عبدالرحمن / هنوده ما كلتي شي


هند / شبعت خالو انا اكلت كثير قامت غسلت يدها وفمها وطلت على خالد وهو ياكل


هند / خلودي انا بغرفتي اذا خلصت اكل وتبي تلعب نادني


خالد / طيب بس لا تنامين


هند/ طيب انا بجهز لبسي الي بطلع فيه للملاهي


طلعت غرفتها وتركتهم وراها يكملون غداهم جلست نصف ساعه الا الباب يدق


هند / ادخل خلودي


خالد / ياله هنوده مافي وقت علشان نلعب ونروح للملاهي


راحت هند معه الغرفة ولعبو لما جت الساعه اربع العصر جاتهم نوره


نوره / لكم ساعتين تلعبون يله تجهزو بتروحون للملاهي
كلن راح لغرفته علشان يتجهزون لروحه


الساعه خمس اركبو السياره مع عبدالرحمن وصلو للملاهي لعبو وانبسطو لما جت الساعه ثمان طلعو من الملاهي وركبو السياره تكلمت


هند / خالو نبي ناكل بمطعم


عبدالرحمن / حاضرين كم هنوده عندنا



هند وهي تضحك / هههههههه خالو اكيد وحده وخالودي واحد وحمودي واحد وفهودي واحد


كلهم /ههههههههههههههههههههههه



الساعه تسع ونص وصلو للبيت اول مادخلو طلبت منهم نوره ياخذون شور ويبدلون وينزلون يتعشون


عبد الرحمن / تعشينا برا


نوره بزعل / حبيبي ليه ماقلت الي من اليوم انتظركم ماكلت شي


عبدالرحمن / حقك علي حبيبتي سماح هالمره


نوره / سماح بس بشرط


عبدالرحمن / اشرطي ياعيون عبدالرحمن


نوره / تعوضني بكره بعشاء برا البيت


عبدالرحمن / بس ماطلبتي شي


نوره / تسلم حبيبي من زمان ماطلعنا مع بعض لحالنا


عبدالرحمن / قولي نفسكك اشغلك فهودي العنفوص عني استحت حمرت خدوده



عبدالرحمن / يويلي على الخدود والله اذوب وباسها على خدها بقوووووووووه


نوره / حبيبي استح حنا مانا بغرفتنا


عبدالرحمن / زوجتي حلالي بغرفتنا ولا تحت احد عنده شي



ضربته بكتفه نوره / انا طالعه فوق قبل لاتجيب العيد وتحوسنا تحت وهي راكبه اول درجه


لحقها وشالها نوره / حبيبي نزلني وش يقولون العيال اذا شافونا


عبدالرحمن / يقولون الي يقولونه حبيب يشيل حبيبته ذابت نوره من كلامه ودفنت وجهها برقبة عبد الرحمن ما صار يسمع الا نفسها وعلى طول وصل لغرفته ونزلها على السرير ونام جنبها ونومها بحضنه




عند راشد


بعد ما نزل هند عند بيت خالها خايف من ردة فعل عبد الرحمن لانه يعرف انه رجال واصل ولا راح يرضى بالي سواه باخته الغاليه متاكد لو شافه بيموته


طلب من صديقه يهتم بتاجير البيت لانه مستحيل يسكنه ويكون صيده سهله لعبدالرحمن


اخذ زوجته وسافرو لديرتهم الي يجهل عبدالرحمن مكانها
سافر بسيارته مايبي عبدالرحمن يعرف طريقه لانه لو سافر بالطياره بيعرف مكانه عن طريق معارفه الي يشتغلون بالمطار ويعرف وين متجه ويجيبه وهو مو قده لانه اجبن عن مواجهته


الديرته منطقه بعيد عن الرياض ومنطقه بدائية ناوي يهرب فيها فتره لين ينسى عبدالرحمن موضوعه وبعدين لكل حادث حديث



وهو يسولف مع موضي فرحان بالغنايم الي كسبها من وراء ساره فجئة انفجر كفر سيارته حاول يتحكم بالسياره لكن بدون فايده استسلم لمصيره ارتطمت سيارته بحاجز جداري






ghost1983 غير متواجد حالياً   رد مع اقتباس
قديم 12-05-11, 02:49 PM   #6

taman

نجم روايتي

 
الصورة الرمزية taman

? العضوٌ??? » 62057
?  التسِجيلٌ » Nov 2008
? مشَارَ?اتْي » 6,430
?  نُقآطِيْ » taman has a reputation beyond reputetaman has a reputation beyond reputetaman has a reputation beyond reputetaman has a reputation beyond reputetaman has a reputation beyond reputetaman has a reputation beyond reputetaman has a reputation beyond reputetaman has a reputation beyond reputetaman has a reputation beyond reputetaman has a reputation beyond reputetaman has a reputation beyond repute
افتراضي

السلام عليكم ورحمة الله وبركاته

الرواية راااااااااااااااائعة ...ياترى ماذا سيحدث لراشد الجبان
اتمنى الأ يموت ويبقى عاجز كما فعل فى سارة
تسلمى على النقل يا غالية
يا ترى الرواية مكتملة ولا الكاتبة لم تكملها بعد؟؟؟


taman غير متواجد حالياً  
التوقيع











رد مع اقتباس
قديم 12-05-11, 06:27 PM   #7

ghost1983

? العضوٌ??? » 5952
?  التسِجيلٌ » Apr 2008
? مشَارَ?اتْي » 1,071
?  نُقآطِيْ » ghost1983 has a reputation beyond reputeghost1983 has a reputation beyond reputeghost1983 has a reputation beyond reputeghost1983 has a reputation beyond reputeghost1983 has a reputation beyond reputeghost1983 has a reputation beyond reputeghost1983 has a reputation beyond reputeghost1983 has a reputation beyond reputeghost1983 has a reputation beyond reputeghost1983 has a reputation beyond reputeghost1983 has a reputation beyond repute
افتراضي




التعديل الأخير تم بواسطة taman ; 12-05-11 الساعة 06:52 PM
ghost1983 غير متواجد حالياً   رد مع اقتباس
قديم 12-05-11, 06:41 PM   #8

ghost1983

? العضوٌ??? » 5952
?  التسِجيلٌ » Apr 2008
? مشَارَ?اتْي » 1,071
?  نُقآطِيْ » ghost1983 has a reputation beyond reputeghost1983 has a reputation beyond reputeghost1983 has a reputation beyond reputeghost1983 has a reputation beyond reputeghost1983 has a reputation beyond reputeghost1983 has a reputation beyond reputeghost1983 has a reputation beyond reputeghost1983 has a reputation beyond reputeghost1983 has a reputation beyond reputeghost1983 has a reputation beyond reputeghost1983 has a reputation beyond repute
افتراضي

البارت السابع والثامن



بعد مرور سنتين على ابطالنا




هند وخالد في ثالث ابتدائي وزاد تعلقهم في بعض

وغاده عمرها سنتين تعلقت هند فيها كثير حتى احيانا تصر على امها تغير ملابسها وترضعها وتنومه بحضنها واذا جت من المدرسه شرت شغلات تعطيهم لغاده وغاده تعلقت بهند كثير لان طول اليوم غاده مع هند تلاعبها او تاكلها ساره كانت فرحانه كثيررررر على تعلق وحب وهتمام هند لغاده تحاول محد يقرب لغاده ويلبي طلباتها غيرها



اليوم يعتبر يوم ما ساوي على ابطالنا


صحت نوره بدري كالعاده مع هند وخالد علشان يفطرون ويروحون للمدرسه بعد مافطرو طلعو لمدرستهم على الساعه ثمان نزل عبدالرحمن وطبع بوسه على خد نوره

عبدالرحمن / حبيبتي كيفها ساره

نوره بقلق / امس ماعجبتني وجهها شاحب وقلت لها بوديك المستشفى رفضت تقول الي فيها ارهاق دخلت عليها من دقائق لقيتها نايمه مابغيت ازعجها

على طول خاف عبدالرحمن عليها وراح لغرفتها دخل وقرب من سريرها جلس على طرف السرير ونادها
عبدالرحمن / ساره يخوك قومي فتحت عيونها بتعب

عبدالرحمن بخوف / يوجعك شي تحسين بشي
اشرت براسها بلا وكملت نومها وطلع متوجه لشركه

بعد الظهر جت هند وخالد من المدرسه على طول ركضت كالعاده لغرفة امها دخلت عليها شافت امها نايمه باست راس امها وستغربت امها ماتتحرك قومتها ماتتحرك

خافت هند وركضت عند نوره بالصاله وهي تبكي خالتو ماما ماتتحرك

خافت نوره وفزت مرعوبه وركضت على غرفة ساره اول مدخلت قربت من سريرها ونادتها لكن لا مجيب مسكت اطرفها مثلجه حطت اذنها على قلبها مافيه صوت صارت تبكي وتشاهق وكل هذا وهند واقفة خذت جواله اتصلت على عبدالرحمن

عبدالرحمن كان جالس مع ابو بسام بمكتبه
اول مادق الجوال وشاف المتصل نوره خاف لان مو من عادة نوره تزعجه بشغله بسرعه رد

عبدالرحمن / الو

سمع نوره تبكي وتشاهق و تخربط بالكلام

عبدالرحمن / نوره خير فيه شي تكلمي خوفتيني

نوره وهي تشاهق / الحق يا عبدالرحمن ساره ماتتحرك

على طاح الجوال من يده حس بخوف ورعب وصار يركض ووراه ابو بسام متروع من حال صديقه اول مره يشوفه كذا امسكه ابو بسام

ابو بسام / مستحيل اخليك تسوق وانت بالحاله هذي انا بوصلك وكمل اللهم اجعله خير

بثواني وصلو للبيت وعلى طول طار عبدالرحمن لغرفة اخته وكانت حالت هند

ونوره تحزن حاطه راسها على صدر ساره وتبكي وتشاهق وهند ضامه غاده وتبكي بكاء يهد الجبال وهي حاسه انها بتفقد امها وتصير وحيده بدون ام لانها كل ليلة وهي بحضن امها وتقول لها كل شي يصير لها بالمدرسه

قرب عبدالرحمن من سرير اخته وحاول انه يكون قوي لكن رغم عنه نزلت دموعه وصار يبكي كانه طفل فاقد امه ويمسح دموعه بشماغه

عبدالرحمن وهو يبكي / تعوذي من الشيطان ادعو لها برحمه وهو يبي من يعزيه كمل اكرام الميت دفنه

كلم الاسعاف انقلوها للمستشفى وهو لحقهم بسيارة ابو بسام وسو الاجرائات بيصلون عليها العصر وبيدفنونها



في بيت عبدالرحمن

انهيار كامل لنوره وهند وعندهم ام بسام كلمها ابو بسام لما درى عن الخبر علشان توقف مع نوره

ام بسام وهي تبكي / نوره حرام الي جالسه تسوينه بنفسك هذا اعتراض على المكتوب ماتدرين يانوره يمكن موتها اريح من حياتها

نوره بحزن / ونعم بالله انا ماقنطت بس انتي تعرفين مكانت ساره عندي هي الاخت والصديقه تربينا سوا ما اتخيل يمر يوم ماشوفها وصارت تبكي بوجع وحرمان

ام بسام / هي ماتحتاج للبكاء والنياح هي محتاجه لدعاء هي الحين بين يدين الي ارحم مني ومنك

نوره / الله يرحمها قاطع قلبي بناتها فقدن الابو وهو عايش والحين تيتمن من امهن

ام بسام / لهن الله مراح يضيعهن وانتي وخالهن فيكم الخير والبركه بتعوضونهن عن الي فقدنه وانا اعرفك مراح تقصرين مع بناتك لانك امهن الثاني

نوره / والله يام بسام ان غلاهن بقلبي غير عن عيالي لانهم من ريحة الغاليه الله يرحمها لكن كلنا نعرف ان الام مايجي احد بمكانها

ام بسام / هن صغيرات ماعاشن ولا تعلقن كثير بامهن بامكانك تصير الام بحنانك وطيبتك

نوره / الله يقدرني ويساعدني ولا اظلم هاليتيمات
قلبي يوجعني على حالت هند الايام الاخيره متعلقه بامها كثير ماتفارقها كانها حاسه نها بتفقدها والحين منطويه بغرفة امها ماسكه اختها عندها

ام بسام / انتي صيري قويه هند تحتاجك مابقى لها احد الا انتم انتي حالتك حاله وابو خالد منطوي هو الثاني وين تطلع من العزله وانتم هذي حالتكم

نوره / الله يصبرنا على فقدانها بحاول اطلعهم من الي هم فيه



في غرفة ساره

بغرفة امها تبكي وتشاهق وبيدها ثوب امها الي كانت لابسته فيه ريحتها تشمه وتضمه كانها تضم امها وكانت متمسكه بغاده بقوه كانها خايفه تفقدها حاولت المربيه تاخذها لكن كل ما قربت صرخت عليها هند واصارت المسئوله عنها استسلمو لطلبها لان الي فيها مكفيها مايبون يضغطون عليها ما صارت تطلع من غرفة امها معتكفه فيها وهي تبكي


مرت ايام العز كئيبه وحزينه عبدالرحمن كان منهار يحاول يكابر قدام المعزين ماطب الاكل فمه من يوم وفاة ساره عايش على الماء


مر اسبوعين والحال على ماهو عليه وعبد الرحمن الهم والحزن ذابحه ما صار يروح لشركه وصار بس من الغرفه للمسجد

دخلت عليه نوره / حبيبي حرام عليك الي تسويه بنفسك كلنا حزنانين على موت الغاليه بس الي تسويه بنفسك مراح يرجعها بالعكس بيعذبها بقبرها وين عبدالرحمن القوي

كملت / حبيبي من يوم ماتت ساره ماطب فمك اكل تبي تذبح نفسك وجلست تبكي تكفى يا عبدالرحمن صير قوي اكل علشاني وعلشان هند وغاده حنا محتاجينك هند حالتها ماتسر محمله نفسها هم اكبر من عمرها وربي قلبي يتقطع عليها تعرفها ماتسمع الا كلامك اقنعها تطلع معنا بالصاله حتى اختها غاده حابستها معها مقابلة سرير امها والكرسي وتنتحب من البكاء ان استمرت كذا اخاف تلحق امها ولا يصير شي لعقلها

اول ماسمع عبدالرحمن الكلام تذكر هند كيف نساها فز وخاف على بنات الغاليه الي باقين من ريحتها

عبدالرحمن بحزن والم / جهزي اكل لي ولهند

فرحت نوره وعلى طول ركضت تجهز لهم اكل



في غرفة ساره


كانت غاده نايمه بعد مارضعتها هند وغيرت لها حاطتها بسريرها
قربت من كرسي امها المتحرك وبسطت عليه ثوب امها وحطت راسها عليه كانها حاطه راسها بحضن امها ونامت


ماتت امي

جتني الاخبار في وسط السبوع
وانتهى فكري مع اخباري وضاع
كل قلبي محترق بين الضلوع
والسبب نار الحزن والألتياع
ماتت أمي وأنطفت ذيكِ الشموع
وابتدا حزني بأيامي وشاع
ماهنى لي زاد ورقاد وهجوع
عايشٍ في هم واكدار وصراع
المصايب جتني من كل نوع
بس موتك يا حياتي لي ضياع
كل ساعتي بعد موتك سبوع
والثواني كنها موت و وداع
بعد موتك هلت عيوني دموع
كل دمعي بحور وأحزاني شراع
صرتِ من دنياي يا يمه قنوع
دنيتي بعدك حسايف والتياع
أمي ساره يا بعد كل الجموع
في حشاي وفينك حصون وقلاع
يا قمر عمري يا شمس الطلوع
يا حنين القلب يا نور وشعاع
جعل ربي يرزقك ذيك الربوع
في جنان الخلد جناتٍ وساع
بين أنهار واغصان وفروع
عند ربي خالق الكون
منقوله ( احمد العجمي )




دخل عبد الرحمن عليها يوم شاف شكلها ماقدر يمسك نفسه بكى وجع والم من كل قلبه على حالت هند الي كبرها الهم فوق عمرها وانها تيتمت من ابوها وهو عايش وكملت وتيتمت من امها ياترى وش مخبيه لك الدنيا ياهند

وصل عبدالرحمن عند هند جلس على ركبته وصار يمسح على ظهرها وراسها حست فيه رفعت راسها اول ماشافته كانت محتاجته له من وفاة امها ماشافته رمت نفسها بحضنه وصارت تبكي وتشاهق مع كل شهقه يتقطع قلب عبدالرحمن

عبد الرحمن / حبيبة خالها الحين بتطلع مع خالها برا ونتغداء مع بعض

هند وهي تشاهق من البكي / خالو ماما ماتت وتركتني

عبدالرحمن / صحيح ماتت بس هي ان شاء الله بالجنه الحين لازم ندعي لها اذا بكيتي تزعل عليك تبين ماما تزعل

هند ببرائة طفوليه وهي تمسح دموعها / لا انا احب ماما مابيها تزعل بس انا مشتاقه لها

عبدالرحمن/ ان شاء الله نشوفها بالجنه لازم نتصدق لها وندعي لها هذا الي ماما تحتاجه

هند بحماس / خالو اليوم بتصدق لها

عبدالرحمن / ان شاء الله لكن الحين قومي معي نتغداء خالد مشتاق يلعب معك زعلان كثير انك ماتطلعين من غرفة ماما

حزنت على خالد لانها تعرف تعلق خالد فيها وكانهم توائم

سمعت كلام خالها وطلعت اول ماطلعت كان خالد ونوره جالسين بالصاله اول ماشافها خالد فز من مكانه قام وضمها وباسها

خالد وهو يبكي / ليه هنوده تركتيني لحالي كل يوم اقول هند بتلعب معي ادخل عليك الغرفة اشوفك تبكين اطلع غرفتي ابكي

كمل / هنوده انا شريت شريط بلاستيشن الي تحبينه تكفين هند العبي معي معندي احد يالعب معي من زمان ماقلت لك وش صار لي بالمدرسه

هند / طيب

فرح خالد مو مصدق ان هند ترجع مثل اول لها اسبوعين وهي منطويه معتكفه بغرفة امها

هند التفتت لخالها / خالو بكره بروح للمدرسه من زمان غايبه مابي اصير كسلانه

فرحت نوره من كلام هند لانها خذت لها اجازه من المدرسه بعد ماقالت لهم عن ظروفها

خالد بحب / انا بساعدك بالدروس والواجبات الي غبتي فيهم

هند / طيب بعد الغداء تساعدني بالواجبات
والعصر خالو بيطلعنا علشان بتصدق لماما واشتري اغرض لغاده من زمان ماشريت لها

خالد / طيب اليوم اربعاء بقول لبابا يودينا الملاهي

هند / طيب

نوره وعبدالرحمن مستمعين مبسوطين من التطورات الي صارت لهند وان شاء الله تمر من الازمه على خير

جابت الشغاله الغداء جلس عبدالرحمن وهند على الطاوله وبدو ياكلون لما خلصو اكل
طلعت هند لغرفتها وشافت غاده نايمه وبعدها اطلعت مع خالد لغرفته وكان خالد مبسوط لان هند جالسه تلعب معه

تحت

نوره / عبدالرحمن اليوم انا وام بسام بنجمع ملابس واغراض ساره ونرسلها لتبرعات

عبدالرحمن نزل راسه من شده الحزن

نوره / حبيبي اذا اغراض ساره موجوده مراح نقدر ننساها وبنتعذب ونعذب غيرنا وهند مراح تقدر تنسى امها والاغراض موجوده

عبدالرحمن / سوي الي تبينه وش بنسوي بالاغراض وصاحبتها راحت ونزلت دموعه

نوره / الله يصبرنا على فراقها لازم تطلع هند من البيت وحنا نجمع اغراض امها مابيها تتاثر وهي تشوفنا

عبدالرحمن / انا اليوم بطلع معها العصر مشوار وبناخذ خالد ومحمد معنا بنمر الملاهي وبعشيهم بمطعم

نوره / زين ماسويت تبي لها تغير جو لها اسبوعين حابسه نفسها في غرفة امها

بعد صلاة العصر دخل عبدالرحمن غرفة خالد وشافهم منسجمين باللعب

عبدالرحمن / خلصو لعب وغيرو لبسكم بنطلع الملاهي ونتعشى برا

خالد / طيب

هند / طيب خالو باخذ غاده معي

عبدالرحمن / لا هنوده خليها عند نوره والمربيه بينتبهون لها الملاهي خطره عليها وانا ابيك تنبسطين مابيك تنشغلين بغاده

هند / حاضر خالو وباسته على راسه

قامت وطلعت من غرفة خالد متوجه لغرفتها دخلت الحمام خذت شور وجهزت لها فستان خيوط جنز ولابسه فوقه جكيت قصير ابيض
ولبست جزمه بيضاء وشعرها سوته ذيل فرس ورابطته بربطه لونها ازرق ولبست حلق صغير من الالماس لونه ازرق

طلعت من غرفتها مرت على خالد الي لابس برمود ابيض وبلوزه سماوي مخطط بالابيض وصندل لونه ابيض

نزلو تحت لقو عبدالرحمن جالس مع نوره وعبدالرحمن بيده فهد يلاعبه ويدغدغه وفهد يضحك من لعب ابوه لان صار عمره سنتين وشهرين ونوره بحضنها غاده جالسه تاكلها لانها توها قايمه على طول ركضت هند لنوره واخذت اختها وضمتها على صدرها


هند / خالتو انا بطلع مع خالو انتبهي لغاده

نوره بحب / اش هالكلام ياهند غاده بنتي وانتي بعد بنتي ازعل عليك ان قلتي هالكلام

هند / تبتسمت وحبت راس نوره اسفه خالتو ماقصد بس اخاف عليها امي قبل ماتموت كاتبه بورقه انتي ام غاده لازم تهتمين فيها وتحافظين عليها وكاتبه انها امانه عندك ياهند بكت لانها تذكرت امها

نوره حزنت على هند انها تحملت المسئولية بدري

نوره / هنوده روحي انبسطي انتي وخلود وانا بمسك غاده لين تجين لا تنسين اشتري لها العاب واكل معكم

هند استانست / ان شاء الله

طلعو مع عبدالرحمن ركبو السياره خالد قدام وهند ومحمد وراء وكله سوالف واسئله

اول ماطلعو من البيت كلمت نوره ام بسام تطلب منها تجيها على الوعد

جتها تقهون وجلسن شوي يسولفون

نوره / يله خلينا نروح لغرفة ساره نجمع اغراضها ونخلص قبل لا تجي هند

ام بسام بحزن / والله مايطاوعني قلبي اجمع اغراض ساره انا للحين ماني بمصدقه انها خلاص راحت وجلست تبكي

نوره تيكي / الله يرحمها

دخلن غرفة ساره جمعو ملابسها بكراتين وعطورها ومكياجها بكراتين لتبرع
يوم وصلن عند الباب شافن كرسي ساره اخذنه معهن بيتبرعن فيه

طلبت نوره من الشغاله تحط الاغراض كلها بغرفة المستودع الي بالحوش لين بكره الصباح يرسلونها لمكتب التبرعات

رجعت نوره وام بسام لجلستهن وكملن شرب القهوه وعزمت نوره ام بسام للعشاء لانها لحالها لان عبدالرحمن والعيال بيتعشون برا

تعشت ام بسام وطلعت من عند نوره الساعه 10 على دخلت عبدالرحمن والعيال

دخلت هند غرفت امها وانفجعت يوم ماشافت ملابس امها والكرسي جلست تصارخ بشكل هستيري

عبدالرحمن ونوره لما سمعو صوتها جوها ركض اول ماشافتهم تبكي بشكل جنوني اول مره يشوفون هند بهذ الشكل

عبدالرحمن بخوف / هنوده حبيبتي وش فيك

هند تبكي وتشاهق / خالو ملابس ماما اغراض ماما ماهي موجوده

عبدالرحمن بحب / حبيبتي ارسلنها لجمعية البر للفقراء ويكون الاجر لامك وهي ميته

هند ببكاء موجع / والكرسي

عبدالرحمن بحزن / والكرسي بعد تبرعنا فيه


هند تصارخ / لااااااااااااااااااااا خـــــالو الا الكـــــــرسي الله يخليــــــك هاتـــــه امـــــــي راحـــــــت وصارت تبكي وتشاهق
خاف عليها عبدالرحمن وقربت من خالها تبوس بضعف ابي كرسي ماما لاتحرمني منه الله يخليك

تقطع قلب عبدالرحمن عليها وجها احمرررر من قوة الصراخ خاف يصير لها شي

عبدالرحمن بضعف / حبيبتي خلاص اهدي

طاحت بينهم مغمي عليها خافو عليها وعلى طول شالها عبدالرحمن ولحقته نوره لبست عباته

وركبو السياره وبسرعه وصلو للمستشفى دخلوها غرفة الطوارئ


طلب منهم الدكتو الخروج من الغرفه وهم ينتظرون برا الرفة طلع عليهم الدكتور منصدم

عبدالرحمن / طمنا يا دكتور

الدكتور/ انهيار عصبي انا مستغرب طفله بهالعمر تصاب بانهيار عصبي ماقد مر علي عطيتها ابره مهدئه بتستمر نايمه لبكره

تعال معي اخ عبدالرحمن عندي اسئله لازم تجاوبني عليه

استجاب عبدالرحمن لكلام لدكتور وتوجه معه لغرفته

الدكتور / ممكن اعرف شنو الشي الكبير الي صار كان السبب بانهيار طفله

عبدالرحمن بحزن / قال لدكتور كل شي من وفاة امها وقو علاقتها فيها كل شي قاله بالتفصل لين تبرعهم باغراض امها

تاثر الدكتور وحزن على حالت هند / ياخ عبدالرحمن مايكفي القدر حرمها من امها تكملون عليها وتحرمونها من الشيئ الي يذكرها فيها

لازم توفرون لها اسباب الراحه لا تنتكس حالتها ما ضمن لكم وش راح يصير لها

رجعو لها الكرسي طلبها جد بسيط مادامها تنازلت عن كل اغراض امها هذا يدل ان علاقتها بالكرسي الي كانت تجلس عليه امها علاقه قويه فهو يخفف عنها حرمانها من امها

عبدالرحمن وهو بقمه الحزن والهم على حال هند الحساسه والي صار لها

عبدالرحمن / ان شاء الله برجع لها كرسي امها
متى نقدر ناخذها للبيت

الدكتور / بكره بعد مانتطمن على صحتها والحين تقدرون تمشون




بيت عبدالرحمن

خالد يبيكي ويشاهق بكاء يقطع القلب ويقول هند ماتت والشغاله تحاول تهدي فيه لكن كل ماله والبكاء يزيد وهو يقول انا شفتها ميته

رجع عبدالرحمن مع نوره ودخلو البيت وانفجعو من شكل خالد

ركضت له نوره / حبيبي اش فيك

خالد / ماما هند ماتت صح

ضمته نوره على صدرها بقوه بتهديه

نوره / لا حبيبي بس شوي تعبانه بكره الصباح بتطلع وبتروح مع ابوك اطلعونها ولا تنسى تشتري لها ورد

خالد / طيب

قالت نوره روح نام بكره الصباح بقومك علشان ماتتاخر على هند

طلع خالد غرفته بعد ماطمنته امه عنها وراح لغرفته ولبس بجامته ونام



تحت عند عبدالرحمن ونوره


عبدالرحمن / نوره وين اغراض ساره

نوره بحزن / بالمستودع

عبدالرحمن / طلعي الكرسي ورجعيه لغرفتها ابي بكره لطلعت تلقاه قدامها

نوره / بس

عبدالرحمن / لابس ولا شي هذا كلام الدكتور ولا هند بتضيع منا

نوره / بسم الله عليها سو المناسب اهم شي عندنا هند كنت مسويه ذا الشي علشان مصلحتها مضنينت اني بسبب لها مشكله وربي ياعبدالرحمن انها اغلى من عيالي

عبدالرحمن / عارف يا لغاليه وعارف ان همك مصلحتها الله يخليك لنا

نوره / ويخليك لنا يله نطلع ننام بنام دايخه من قومة الصبح

طلعو فوق ودخلوا لغرفه ومن الارهاق والتعب نامو



اليوم الثاني

الصباح بدري قام خالد من الحماس دخل الحمام اخذ شور وغير ملابسه وراح غرفته ابوه وطق عليهم الباب


في داخل الغرفة نوره وعبدالرحمن نايمين استغربو من الطق قامت نوره تفتح الباب استغربت ان خالد لابس وكاشخ طالعت بالساعه الي على الجدار توها الساعه خمس الفجر

نوره / اش عندك خلود ماصحينا بدري

خالد/ بروح للمستشفى انطلع هنوده

نوره / حبيبي بدري المستشفى مسكر مايفتحون الا ثمان

خالد / يوووووووه ماما انا من اليوم قايم علشان هنوده قومي بابا

نوره / ولا يهمك خلود انزل ا ذا جت الساعه 7 اقوم ابوك الحين يتنام يا تلعب بغرفتك لان ابوك تعبان وراه شغل اليوم بالمكتب

خالد بخيبة امل / طيب بروح لغرفتي

الساعه 8 قومت نوره عبدالرحمن لان وقت الزياره

نوره / حبيبي قوم تاخرت على هند

عبدالرحمن / ممممممممم

نوره / من الساعه 5 وخالد صاحي ينتظرك متحمس لزيارة هند

قام عبدالرحمن دخل الحمام اخذ شور وجهزت له نوره ملابسه

انزلت الصاله لقيت خالد ينتظر على جمر

خالد/ ماما بابا وين تاخرنا

نوره / خلودي بابا بالحمام شوي ونازل افطرت

خالد / ايه افطرت

نوره / وينه اخوك محمد

خالد / نايم مو راضي يصحى

نزلت المربيه ومعها فهودي وغاده ماسكه كل واحد بيد

المربيه / مدام نوره غاده ما نامت من البارح يمكن ساعه وحده الي نامتهم من اليوم تبكي مو راضيه تسكت متعوده على هند و تعرف لها

نوره / طيب لما شفتيها مانامت ليش ماتصلتي علي وخبرتيني

المربيه / اسفه مدام خفت يكون فيه ازعاج

اخذت نوره غاده وضمتها لصدرها وهي تبكي خذتها وحاولت تاكلها لكن ماهي راضيه

لما شاف فهد غاده مع امه ركض لامه غيران من غاده اخذته نوره وحطت كل وحد بجهه من حضنها

نزل عبدالرحمن اول ما شافه خالد استقبله بابا ياله تاخرنا

عبدالرحمن / انتظر خلني افطر وبشوف امك

خالد/ يووووه بابا بطول علي

تركه عبدالرحمن ودخل المطبخ ولقى نوره جالسه بحضنها غاده وفهد وغاده تبكي نزل راسه وباس نوره على خدها وباس غاده وضمها وباس فهد وضمه

نوره / حبيبي غاده امس تبكي باليل مانامت لانها متعوده على وجود هند

عبدالرحمن / الله يعينها هند حملت مسئوليه اكبر من عمرها

دخل خالد المطبخ / بابا يله تاخرنا

عبدالرحمن / جالس اشرب كافي باقي
شوي واخلصه صاير بلشه نشبت بحلقي

خالد / انا انتظرك عند السياره لاتتاخرعلي

عبدالرحمن / حاضر عمي خالد

خالد طلع ما سمع كلام ابوه لانه مستعجل

خلص عبدالرحمن قهوته ولحق خالد وهو طالع سالته نوره بتتغداء عندنا

عبدالرحمن / ماضن وراي اشغال كثيره بتغداء بمطعم الشركه

نوره / انتبه على نفسك حبيبي وسوق على مهلك

عبدالرحمن / ان شاء الله ياطيب واحن زووجه بالدنيا



بالمستشفى


هند صاحيه طفشت من المستشفى دخل عليها الدكتور وفحصها وشافها تحسنت

هند / دكتور فك المغذي طفشانه باتحرك
طلب الدكتور من الممرضه تفك المغدي

وعلى طول قامت وراحت لشباك الغرفه تتفرج على الرايحين والجاين وهي تبكي سمع الدكتور شهقاتها وجاء من وراها وحط يده على كتفها

الدكتور بحزن/ بابا ليش تبكين ترى كثر البكاء هو الي جابك عندنا بالمستشفى شكلك تبين تبقين عندنا

التفتت هند لدكتور ومسحت دموعها ووجهها احمر وعيونه منتفخه من كثر البكاء

هند / مابي ابكي انا مشتاقه لماما من يمسح شعري اذا بنام من اقوله الي يصير معي بالمدرسه صرت يتيمه وصارت تشاهق من البكاء

الدكتور ضمها لصدره وغصب عنه تاثر من كلامها اوجعه قلبه عليها لانه يعرف ضروفها الي قالها خالها

الدكتور / هنود انتي كذا تزعلين الناس الي يحبونك خالك يحبك وزوجته

امس يوم جيتي كانو كثيرخايفين عليك كانو بينامون عندك انا طلبت منهم يرجعون

على كلام الدكتور دخل خالد معه باقة ورد كبيره وعبدالرحمن معه علبة حلاو ودبدوب

الدكتور / شفتي ياهنود انهم يحبونك ولا يستغنون عنك

الله شوفي الورد اش حلوه ابيك تعطيني شكولاته ولا انتي بخيله

ابتسمت هند وباسها خالها وضمها وقال لها

عبدالرحمن / هنوده خوفتيني عليك وكرسي امك رجعناه
فرحت وبان على وجهها الفرح

الدكتور / وين حلاوتي هند
اخذت هند علبه الحلاوه وفتحت العلبه وقدمتها لدكتور اخذ قطعه

الدكتور / الحين تقدرون تاخذونها معكم لانها صارت تسمع الكلام

وياليت تسوي الي قلت عليه امس اهم شي الاهتمام بحالتها النفسية

طلعت هند مع خالها وطلبت من خالها يمر سوبرماركت بتشتري اغراض لغاده

اول مادخلت البيت دخلت تدور على غاده اول ماشافتها غاده ركضت لهند عطتها هند بعض الاغراض لانها شاريه اغرض لفهد والعاب له ولغاده

شالت هند غاده وضمتها وجلست معها على الكنبه شويات الا غاده ناااااايمه لانها حست بحنان هند

دخل عليهم عبدالرحمن ونوره وشافو غاده نايمه بحضن اختها

نوره / يقلبي ياغاده فرحانه باختها على طول نامت وانا من الصباح احاول انومها ماهي راضية

عبدالرحمن / الله يخليهم لبعض ويحنن قلوبهن على بعض

لما شافتها هند غاطه بالنوم دخلتها غرفتها الي كانت لامها سابق لانها انتقلت فيها من ايام العزاء حطت غاده بسريرها التفتت بتطلع شافت كرسي امها صارت تناقز من الفرحه نوره رجعت الكرسي الصباح

طلعت لهم هند في الصاله ركضت ورمت نفسها في حضن نوره وهي مبسوطه

هند / خالتووووو انا احبك

نوره عرفة سبب فرحت هند ان السبب وجود كرسي امها ولامت نفسها كيف تجرت وحرمتها من شي تحبه يذكرها بامها

نوره / وانا احبك كثيرر ياهنوده

عبدالرحمن / هنوده تحبين خالتو وماتحبين خالو

هند / احبكم ثنيناتكم

هند / خالتو انا جوعانه

نوره / ماعاش الجوع مسويه لك الاكل الي تحبينه روحي بدلي وانزلي بيكون الغداء جاهز
ترى غاده بتغداء عندنا انا عازمتها

هند بفرح / وناسه

نوره / لا طولين جايه بالطريق

هند / طيب

جت ام بسام ومعها غاده وبسام على طول طلع عند خالد وغاده جلست جنب امها تنتظر هند تنزل



في غرفة ساره


خذت شور ولبست فستان نعومي لونه وردي وشبشب وردي وشعرها طلبت من الشغاله تسوي لها ظفيرتنين وراء اذنها وتركت قصتها نازله على عيونها

نزلت هند تحت لقيت غاده جالسه بصاله مع امها

اول مادخلت سلمت على ام بسام وسلمت على غادة

نادتهم الشغاله على الغداء تغدو واخذت هند غاده لغرفتها كانت غاده الصغيره معهن بالغرفه اخذت هند لاختها غداء ودخلته بالغرفه وغدتها وهي تسولف مع غاده
شغلت لها توم جيري وصارت اطالع فيه لين نامت

جلست غاده عندهم لين الساعه 12 لان اليوم خميس وبكره ايجازات












































ghost1983 غير متواجد حالياً   رد مع اقتباس
قديم 12-05-11, 06:45 PM   #9

ghost1983

? العضوٌ??? » 5952
?  التسِجيلٌ » Apr 2008
? مشَارَ?اتْي » 1,071
?  نُقآطِيْ » ghost1983 has a reputation beyond reputeghost1983 has a reputation beyond reputeghost1983 has a reputation beyond reputeghost1983 has a reputation beyond reputeghost1983 has a reputation beyond reputeghost1983 has a reputation beyond reputeghost1983 has a reputation beyond reputeghost1983 has a reputation beyond reputeghost1983 has a reputation beyond reputeghost1983 has a reputation beyond reputeghost1983 has a reputation beyond repute
افتراضي

السلام عليكم القصة مكتملة لكنها طويييييييييييييييييييلة اكثر من 50 بارت

ghost1983 غير متواجد حالياً   رد مع اقتباس
قديم 12-05-11, 07:12 PM   #10

ghost1983

? العضوٌ??? » 5952
?  التسِجيلٌ » Apr 2008
? مشَارَ?اتْي » 1,071
?  نُقآطِيْ » ghost1983 has a reputation beyond reputeghost1983 has a reputation beyond reputeghost1983 has a reputation beyond reputeghost1983 has a reputation beyond reputeghost1983 has a reputation beyond reputeghost1983 has a reputation beyond reputeghost1983 has a reputation beyond reputeghost1983 has a reputation beyond reputeghost1983 has a reputation beyond reputeghost1983 has a reputation beyond reputeghost1983 has a reputation beyond repute
افتراضي

البارت التاسع


مرت السنين ووراها سنين وكبرت هند وكبر معها حقدها لابوها وتتمنى يجي اليوم الي تنتقم منه


أكرهـك وأكـره كـل مـن جـاب طاريـك
وأكــره الدنـيـا يــوم تـحـلا لــك
أكـره اسمـك وأكـره أرض(ن) تحتويـك
روح عسـى مـا يــوم يصـفـا لــك
الله لايسهـل دربـك وتتعثـر بخطـاويـك
مثل ماصعـبـت دربــي بأفـعـالـك
ربـي يكفينـي شـر مـكـرك وبـلاويـك
يالـلـي ضيعتـنـي بليـلـك الـحـالـك
لـو تبـوس راسـي والله مـا اراعـيـك
بــردك محـتـرق وخـايـب(ن) فـالـك
أنـا كرامـتـي اكـبـر مــن مبـاديـك
وعـزة نفسـي ماتسمـح لــي إذلالــك
أدعـي علـيـك يخـيـب الله رجـاويـك
وكـل مـن تحبـه يغيـره عليـك عذالـك
قلبـي يصـرخ بعالـي الحـس مـا أبيـك
كـمـل طريـقـك بصحـبـة أنـذالــك
فـارق..لاتـجـيـنـي ولا أجــيـــك
كرهـت شوفـك وأكـره أقـعـد قبـالـك
أعزي كل قلـب(ن) صـار اليـوم يغليـك
واقولـه زهـب أكفانـك المـوت جـالـك
مثلـت لـي حـبـك ووفــاك وتفانـيـك




وانتهـى فلمـك بمـوت كــل أبطـالـك
جريمـة ارتكبتهـا بحقـي ربـي يجازيـك
على غدرك يغدربك كل من تطلبـه وصالـك
حطمـت أحلامـي عسـى تتحطـم أمانيـك
وماتهنا مع كل حبيب(ن) م بعـدي غدالـك
هنت قلبي..بس كرامتـي تمسهـا ماأخليـك
لهينك وأأدبك ليـن تنـدم وتغيـر أحوالـك
تظن كل من شافك يحبـك وميـت(ن) فيـك
(هــه)... مجنـون وغـرورك زاد خـبـالـك





هند 26 من اجمل البنات جمالها خرافي وجهها ابيض صافي عيونها حاده ممزوجه بنظرة التحدي والكبرياء والثقه والحزن

خشمها صغير واقف فمها صغير منفوخ لونه وردي بخدها غمازتين شعرها طويل وكثيف يوصل لتحت فخذها ناعم من كثر نعومته ماتمسكه البكله قاصه شعرهامن قدام مدرج ومن وراء على طوله لونه على طبيعته بني فاتح

تبهر كل من شافها كلها جاذبيه نااادر ماتنشاف ضحكتها لان وجهها كله حزن والم

جسمها ينطق نعومه وانوثه طاغيةوسط لاهي طويله ولا قصيره

شخصيتها قويه وجديه وجودهاطاغي تجبرالي قدامهايحترمهاويخاف منها فيها قساوة وجبروت مع الي يستاهل وحنونه وكريمه مع الي يستاهل تساعدماترد احد يبي منه مساعده

تميل لتواضع والغرور في نفس الوقت شخصيته قياديه مدبره

انسانه عامله ما تهتم بمظهرها كل لبسها رسمي ماتعرف شي اسمه مكياج دايما تكون على طبيعتها

معها دكتوراة في اداره الاعمال ماخذتها من بريطانيا باقصر مده لذكائها

سلمها خالها شركاتها وفي خلال سنوات قلبلة شركاتها كبرت وصارت معروفه لها فروع بالمملكه وحاليا فاتحه فرع ببريطانيا ماسك ادارته ولد خالها فواز لانه مستقر مع اهله هناك تسافر في السنه لها مره او مرتين تجلس شهر تطمن فيها على شركتها وبعده ترجع ويكون اخوها خالد او محمد معها

وبفضلها صار لشركاتها سمعه طيبه وتفكر تفتح فرع لشركتها بدبي لكنه مشروع مؤجل


فتحت فرع من فروع شركتها خاص لتسليف ومساعدة الشركات المنهاره الي تحتاج للمساعده تسلفهم بدون ارباح ربويه
صارت بمده قصيره اكبر مليارديره سعوديه تلاحقها وسائل الاعلام لان مشاريعها انتشرت بمده قياسيه

اعجب خالها بذكائها وصار يستشيرها بامور شركته

علاقتها قويه بخالد مايتفرقون ابد بفضله تعلمت السباحه والرمايه وركوب الخيل
ولما كانت في بريطانيا اخذت دروس في الرياضات القتاليه والدفاع عن النفس


غاده عمرها 19 جميله جمالها يختلف عن جمال هند جمالها طفولي كلها نعومه ورقه ودلع وجذابه بشكل كبير
شعرها لين كتوفها صابغته بني فاتح بخصل ثلجيه وزادها جمال فوق جمالها تدرس بالجامعه بثاني سنه طب

طيبه حنونه متعلقه بهند كثير تعتبرها امها
ما تقول لهند الا ماماتي لكن اذا زعلت وعصبت متهور افعالها تسبق تفكيرها

عائلة عبدالرحمن

عبدالرحمن عمره 60 شخصيته قويه له هيبه ورزه ووقار شخصيته تفرض على الكل يحترمه علاقته بهند كبيره وعند المشاكل تلجاء له وهو الوحيد الي يشوف دموعها وضعفها

نوره عمرها50طيبه وحنووونه ربت بيت تحب هند وغاده كانهم بناتها وهند تحبها وتقدرها وتحترمها كانها امها

خالد عمره 26 جميل وسيم اسمراني فيه شبه كبير من ابوه شعره قصير نازل لرقبته بقصه رجوليه ملامحه حاده شنب وعوارض جسمه رياضي لانه مداوم على الرمايه والسباحه وركوب الخيل دمه خفيف

نقطة ضعفه يشوف هند متضايقه عنده الحاسه السادسه يحس فيها قبل لا تشكي يحبها اكثر من اخوانه الباقين

درس نفس تخصص هند ومعه دكتوراه باداره الاعمال يشتغل مع هند بشركتها وبكل مكان معها ويحضر الاجتماعات ويسافر معها وهي محافظه على حجابها الكامل

هند صديقه خالد وخالد صديق هند اسرارهم كلها عند بعض هند
ماتكون بشخصيتها الطبيعه الا قدامه

محمد عمره 23 حبوب طيوب يشبه خالد شخصيته مسالمه يستشير هند ببعض اموره الخاصه لانه يثق برايها يحترم هند ويحبها ويعاملها كام مو اخت فتحت هند له مكتب محاماه

فهد عمره 19 اكبر من غاده بشهرين علاقته بهند قويه ويعتبرها امه الثانيه يدرس بابريطانيا سياسه وعلوم اقتصاديه وهند تحبه وتعامله مثل غاده

عدنان اخر العنقود عمره 15 ثالث متوسط دلوع البيت لسانه طويل مناقر مع غاده يخاف من هند


عائلة ابو بسام

ابو بسام عمره 60 شخصيه طيب وحنون مع عياله خفيفة دم علاقته قويه مع عبدالرحمن كان يتمنى يربط علاقتهم مع بعض بنسب لكن ماصار لانه خطب هند لبسام وهند رفضته وقالت تعتبره مثل خالد

ام بسام عمرها 50 حبوبه تحب هند كانت تتمناها لبسام لانها تعرف ان بسام يحبها
لكن على قولتها الزواج قسمه ونصيب

بسام عمره 29 مملوح كله رجوله يحب هند من يومه صغير انصدم من رفضها له لكن امه اصرت تزوجه بنت اختها

نجلاء حبوبه وطيبه قدرت تكسب قلب بسام والحين حامل بشهرها الرابع بدايه زواجهم كانت حياتهم كلها مشاكل وسكنت عند اهله لكن الحين ببيت الحالهم

غاده عمرها 26 تدرس تخصص طب نفس
صديقة هند الروح بالروح جميله لكنها سمرا كانها مكسيكه شعرها طبيعته كيري كشيخه وتهتم بالبس والموضه عكس هند وكشختها زادتها جمال فوق جمالها جسمها كله اغراء وفتنه

تحب خالد اخو هند وهو يبادله نفس الشعور لكن كل واحد يجهل مشاعر الثاني

غلا عمرها 7 سنوات اول ابتدائي دلوعة البيت مخربها ابو بسام بدلع كل اومرها مستجابها تحاول تقلد اختها بكل شي
عائلة راشد

ام راشد وضحى عمرها 92 ساكنه بالديره تبعد عن الرياض 4 ساعات

مريم خالة راشد ام موضي عمرها 90 ساكنه بالديره مع اختها

قاطعهن راشد بسبب زوجته موضي لانها مانعته من زيارتهن

جاسم صار مسئول عنهن وفر لهن خدامه وسواق وممرضه اذا اتعبن بغيابه
وصى عليهم جارهم ابو مطلق وولده يطلون عليهن بعد فتره وفتره لانه مشغول باشغاله بالرياض والاجازات يقضيها عندهن

يحبن جاسم ودايما يدعن له ومبلشاته بالزواج وكل رده ان شاء الله وبسرعه ينسن بسبب الكبر

راشد عمره 60 الي يشوفه يعطيه اكبر من عمره بسبب الضغط والسكر

رجع لقصر هند بعد ماتطمن ان عبدالرحمن نسى الي صار خسر امواله بسبب طلبات زوجته الكثيره

شركته خسرانه والبيت حاجز عليه البنك

مخبي على اهله ان متزوج وعنده بنت ماقال لهم خايف يحرمونه من بنت عمه لي يحبها ومحجوزه له

موضي الوحيده الي تدري بموضع زواجه وبنته و مخبيه عن الكل من مصلحتها ماحد يدري علشان مايشاركونها براشد

راشد لما تزوج ساره قال لاهلها ان اهله كلهم ميتين خاف من اهله يوصلون شي لساره ويخرب مخططه

موضي زوجته وبنت عمه وخالته عمرها 40 مهتمه بنفسها جمالها عادي وواضح عليها الكبر

طماعه وانانيه وتحب الفلوس وتتمنى الحصول عليها ايا كانت الطريقه ( هي السبب بضياع اموال راشد )

قاطعه بامها ما تزورها لان امها مو راضيه بفعايلها مع راشد وتنصحها
طلبت من راشد يقطع بامه تبيه يعيش لها لحالها ( علشان فلوسه )

من بعد الحادث استقوت اكثرعليه مايقدر يرفض لها طلب
عيال اخوه ويصيرون عيال اخت موضي

جاسم عمره 35 طبيب جراح تخصص جراحة قلب لكنه ترك الطب بسبب وفاة طفل كان مريض بالقلب وتوفي بين ايدينه وهو يسوي العمليه تاثر كثير لانها اول عمليه يفشل فيها تعقد وترك الطب

شخصيته قويه جميل ووسيم بشرته حنطيه فيه حبة خال في خذه محليته شنبه خفيف جسمه كله رجوله له هيبه ورزه

ماتزوج لانه مايبي يربط نفسه بزوجه تغثه يكره الحريم بسبب الي يشوفه من خالته لعمه لانه عارف ان خالته استغلاليه وهو ساكن معهم بالبيت وعلاقته قويه مع عمه

فيصل عمره 25 طيار اجمل من جاسم قريب من اخوه يعتبره صديقه دايما سهراتهم مع بعض ربع جاسم هم ربع فيصل سهراتهم وطلعتهم مع بعض عصبي اذا انفعل مايتحكم باعصابه مايخبي شي عن اخوه ونفس الشي اخوه

الجوهره عمرها 19 صديقة غاده ومعها بنفس الجامعه ونفس التخصص طب اسنان صديقتها الوحيده الجوهره وفيصل ساكنين عند امهم بقصرهم لانهم يعتبرون اغنياء لكن اقل مستوى من هند وهم مليونيره
عائلة ابو نواف

ابو نواف عمره 70صديق لعبد الرحمن ولابو بسام

زوجته فاطمه عمرها 60 اخت ام بسام

نواف عمره 35 صديق جاسم الروح بالروح يشتغل طبيب جراحه قلب بمستشفى خاص لابوه كان جاسم يشتغل معه بنفس المستشفى لكن ترك الطب

نجلا عمرها 23 جميلة وجذابه تصير زوجه بسام

صلاح عمره 19 ثاني سنه جامعه علوم سياسيه يدرس مع فهد بابريطانيا



في بيت ابو عبدالرحمن

في غرفة هند

كرسي امها موجود بالغرفه لازم قبل ماتنام تتكلم مع الكرسي وكانها تتكلم مع امها

قامت هند على صوت اذان الفجر دخلت الحمام توضت اخذت سجاتها وصلت الفجر وكانت غاده نايمه بحضنها كالعاده ما تنام الا بحضنها

قربت منها تبوسها على راسها / غدويه حبيبتي ماما قومي صلي الفجر بتطلع الشمس

غاده بنعاس/ ماما بنام شوي واقوم روحي قومي خالد ومحمد وبعدين تعالي تلقيني قايمه

هند/ خالتي وخالي بيقومنهم لانهم قايمين قبلي وتلقينهم راحوا للمسجد ووراك جامعه يادوبك تستعدين

قامت غاده ودخلت الحمام وتوضت وصلت وبعد الصلاه ضمت هند

غاده / ماما تعبانه بغيب اليوم ماشبعت نوم

هند بعصبية / غدويه لازم كل يوم على هالموال انتي تعرفين رايي بموضوع الغياب مافي ولا عاد اسمعك تطرين الغياب الطب مو سهل ابيك ترفعين راسي ويقولون هند عرفت تربي

غاده / خلاص ماماتي لا تزعلين مني توبه
معاد اطري الغياب ماماتي وش رايك قبل دوامك والجامعه نتجهز ونطلع
برا

هند قرصتها بذنها خفيف / طيب بالبس وانتي البسي وبخلي خالد هالمره يودينا تعرفيني لازم الطلعات هذي معي خالد

غاده / انتي وخلود كانكم توئم سونامي ماتنفصلون

ضربتها على راسها هند / قولي ماشاءالله

غاده / ههههههههههه ماشاء الله عيني بارده

هند / بروح اقول لخلود فيما تتجهزين وتاخذين شور وبعدك بدخل اخذ شور على السريع بالبس أي شي القاه قدامي

غاده بحب / ماماتي ميته اشوفك بالمكياج اش رايك احط لك الحين قبل ماتروحين لشركه

هند / لا مخليه المكياج لك بشركه تصير اجتماعات بحضور رجال ونقابي علي مرتاحه لا اشوف احد ولا احد يشوفني
دخلت غاده الحمام تاخذ شور وتسعد للجامعه

طلعت هند لغرفة خالد مالقته موجود سمعت صوته على الدرج

هند / خلود انا بطلع مع غاده نفطر بمطعم وانت بتوصلنا وعازمتك تفطر معنا تعرفني ماحب الطلعات هذي من غيرك

خالد / كم مره اقولك لاتقولين خلود شنب وعوارض وتاليتها خلود شكلي بطيح بكبد اهلي بسبتك

هند / ههههههههههه لا تطمن مراح اطيح بكبد اهلك على ضمانتي فيه وحده دعت عليها امها وحبتك

خالد / الا داعيه لها امها ياله تجهزي خلي السوالف عنك

دخل خالد غرفته ودخلت غرفتها اول مادخلت غرفتها الا غاده طالعة من الحمام

دخلت واخذت شور طلعت من الحمام لقت غاده لابسه تنوره جنز وبلوزه بيضاء لبس الجامعه واقفه قدام التسريحه تستشور شعرها

فتحت دولابها وطلعت بدله رسميه لونه كحلي عباره عن جكيت وبنطلون
ولبست بلوزه وردي تحت الجكيت بيحيث طالع قلابي القميص فوق الجكيت وجزمه واطيه لونها كحلي والشعر جففته ولمته بعضاضه لونه وردي

هند / غاده انا خلصت انتي للحين ماخلصتي

غاده / باقي احط قلوس

خلصت غاده وكان مكياجها ناعم مره علشان الجامعه

طلعو من الغرفة لقو خالد ونوره بالصاله

هند وغاده / صباح الخير لاغلى خاله

نوره / صبح النور ماشاء الله وش هالنشاط

هند / عازمتهم على الفطور قبل الدومات

غاده / خالتو وينه خالو ماشوفه
نوره / ياحبيبتي خالك نايم دوامه 8 والساعه الحين 6

هند / خاله اذا جيت من الشركه فيه موضوع ضروري ابي اكلمك فيه

نوره بخوف / عسى خير لا تعلقيني وتطلعين تعرفيني احاتي وافكر كثير

قربت منها وباستها على راسها هند / لا تحاتين يالغاليه ان شاء الله خير

بحاول اطلع بدري علشان ماطولين اتحاتين ولازم محمد يكون موجود هو وخالد

نوره / ان شاء الله بس وانا امك لا طولين علي

مسكت يدها وباستها هند/ ماعاش الي يضايقك

طلعت هند وخالد وغاده لمطعم جلسو على طاوله اخذو المنيوم اختارت هند كرسون بالزبده وكبتشينو

وغاده طلبت بانك كيك وعصير برتقال

وخالد طلب كرسون جبن وعصير برتقال
خلصو فطور اطلعو من المطعم ركبو السياره وصلو غادة للجامعه

وهند وخالد كملو طريقهم لشركه والجو بالسياره سوالف مر الوقت محسو فيه الا لما وصلو

دخلوا لشركه كان الوقت بدري باقي ساعه على الدوامات

دخلت هند مكتبها ودخل خالد معها نزلت عباتها ونقابها وعلقتها على علاقة ملابس بالمكتب محطوطه وراء مكتبها

كان مكتبها الجدران كلها خشب عودي والمكتب كان قمه بالفخامه وفيه غرفة داخليه خاصه للاجتماعات فيها طاوله كبيره للاجتماعات بنفس ديكور غرفتها لها بابين باب من مكتب هند وباب من برا وبجانب المكتب حمام صغير خاص لهند

عندها سكرتيره لبنانيه تحدد مواعيد الاجتماعات والصفقات وعشاء العمل الي تحضرها غالبا مع خالها لان له قدره وقيمته بالسوق

هند تحضر الاجتماعات بحجابها الكامل من عباه ساتره ونقاب ياله تبان عيونها وبحضور
محرم اغلب الاحيان خالد اوخالها كل التجار يحبون التعامل معها لامانتها والتزامها بكلمتها بالسوق ولا ترضى بالغلط والصفقات المشبوهه ترفضها وبقوه ولا يهمها احد


بالجامعه

جالسه غاده مع الجوهره في كفتريا الجامعه سوالف وضحك

الجوهره / غاده انا مسويه عزيمه بعد اسبوع بنات خالتي بيجون من جده ودايما اتكلم عنك عندهم وابيهم يشوفونك انتي صديقتي الوحيده

غاده / ماقدر اوعدك ماضن ان ماماتي ترضى اني احضر الحفلات هذي

الجوهره / خليها تجي معك وتتعرف على امي انا متاكده بيصرن صديقات

غاده / ماضن ان ماماتي تحضر لانها ماتحب الاجتماعات هذي ماماتي كل اهتماماتها بالشغل لكن بحاول مع خالتي نوره تجي معي
الجوهره / طيب مو تقولين خالتي رفضت

غاده / لا اضمن موافقت خالتي اولا لانها اجتماعية وثانيا ماتحب ترفض لي طلب

الجوهره / خلاص انتظرك

غاده / يله بسرعه تاخرنا على المحاضره




في بيت بسام

نجلا / حبيبي قوم تاخرت بالنوم بتتاخر عن الدوام

بسام غمز بعينه / كله منك البارح سهرتيني مخليني انام بس احلى سهر سحبها لحضنه وضمها اليوم ماني بمداوم باخذ اجازه من ابوي

نجلاء حمرت خدودها / بسام خف علي ترى استحي

بسام / فديت الي يستحون انا وش الي مجنني غير الحياء والخدود المحمره ضمها بقوه

نجلا / خف شوي على ولدك خنقته

بسام / متى يجي واخذ راحتي على الاخر

نجلا / حبيبي حبيبي اش رايك نعزم خالتي وبيت ابو خالد واهلي للعشاء الليله عندنا لان من يوم سكنت البيت ماجوني اهلك الا مره وحده

بسام / الي تشوفينه بس خليها حريم تعب عليك لما يكون معاهم رجال بعزمهم بستراحتنا
وبعشيهم هناك لانك تعرفين الشياب لازم عشاهم بدري وينامون بدري

نجلاء / خلاص شورتك وهداية الله



في بيت عبدالرحمن

نوره جالسه على نار تنتظر هند الساعه 10 وللحين ماجت وكلمت محمد بيه يجي على طلب هند وصل وللحين ماجت

نوره / محمد كلم اختك شوف وينها تاخر

محمد / يمه هدي اعصابك الله يهداها هند المفروض تقولك على طول ماتخليك تحاتين

نوره / بعد قلبي قلبها ماهون عليها

سمعت الباب يفتح دخلت هند ومعها خالد

هند / يالغاليه اسفه كان عندي شغل ضروري وخلصته وجيتك طيران

نوره / يمه ادخلي بالموضوع من اليوم وانا على نار وانا انتظرك

هند / يمه ابي اسالك خالي بدر وينه

دمعت عيونها يوم ذكرت اخوها بدر لانها اصغر منها بسنه وعلاقتها معه قويه اكثر من اخوانها الباقين
نوره / يمك من سنتين منقطعه عنا اخباره اخواني ما تركو مكان ماسالو عنه وللحين ماندري وين ارضيه امي ماتت بحسرتها عليه وجلست تبكي
سلمت على راسها / يالغاليه لا تبكين انا مافتحت الموضوع علشان اشوف دموعك ومسحت دموع نوره بيدها

نوره / وش الي جاب طاري بدر بالموضوع

هند/ لاني عرفت مكانه

نوره بحماس / وينه فيه وين غايب كل هالغيبه

هند / يالغالية خالي بدر محبوس بحق خاص

نوره/ كيف حق خاص

هند / خالي بدر ذابح واحد بالمسدس بالخطا لكن اهل الميت رفضو يتنازلون كنت بتدخل واحل المشكله وطلع خالي طلعت السالفه معقده تحتاج لخوالي

نوره / كيف
هند / لازم جاها من كبار العايله يروحون لاهل
المتوفي ويشوفون طلاباتهم وان شاء الله يسقطون حقهم لو نضطر ندفع ثمن دم ولدهم

محمد / انا بحاول اصير المحامي لخالي لان ان شاء الله ضامن القضيه اذا ماتنازلو لانه قتل بالخطا والقتل الخطا يتطلب ديه

هند / الحين لازم خوالي يدرون وهذا عليك يالغاليه تعلمينهم لانهم هم الي بيجمعون الجاهه

نوره / ان شاء الله الحين بروح لهم وبقول لهم

هند / يالغاليه وسعي صدرك وطمني اهل خالي بدر وانه ان شاء الله راجع لهم
خالي بدر ذبحته وحشت السجن محدن درى عنه ولا احد زاره لازم يزورونه ماحتاج من يقويه بمصيبته يكفي سنتين بالحاله

نوره / سلمت على راس هند الله لا يحرمني منك ولله وعرفت اربي

هند بحب / اذا تبيني اروح معك انا حاضره والي تبينه مني بسويه انتي تامرين وانا انفذ

نوره / ياليت وانا امك اتشجع بوجودك معي

هند / ولا يهمك يالغاليه العصر اروح معك لبيت
خالي سعود


في بيت راشد

راشد وجاسم وموضي جالسين يتغدون

راشد / جاسم وانا ابوك سمعت عن شركه هند الفهد

جاسم / ايه ياعمي اكبر الشركات بالخليج صاحبتها المليارديره هند

راشد / سمعت انها تعطي سلفية لشركات المبتدئة وتساعد الشركات الي طايحه بالسوق والسداد بدون ربا

جاسم / سمعت وصديقي نواف ابوه يعرفهم وله علاقة كبيره بشركتهم

راشد / انا ناوي اروح لشركتهم اخذ منها سلفيه اقوم فيها شركتي وتصير احسن من اول

جاسم / مدري ياعمي اخاف ماتقدر تسدد القرض وتحمل على نفسك ديون وتتطورط
راشد / انا خسران خسران مراح تضرني المحاوله اليوم كلم شركتها واحجز موعد نقابلها فيه والي سمعته ماترفض احد

جاسم / ان شاء الله عندك رقمهم

راشد / ايه ماخذ من واحد مساعدته هند

جاسم/ بكلمها الحين بحاول يكون الموعد بكره

راشد / خير البر عاجله

اتصل جاسم على مكتب هند ردت السكرتيره وطلبت منه ينتظر على التلفون


في الشركه

بعد ماقالت لخالتها سالفة خالها رجعت لشركه مع خالد

دخلت السكرتيره على هند السكرتيره / فيه مكالمه من واحد اسمه جاسم يبي موعد علشان يقابلك يبي سلفيه علشان شركته
هند حولي لي المكالمه
السكرتيره تكلم جاسم

السكرتيره / اخ جاسم لحظه احول المكالمه

جاسم / طيب انا انتظر

هند / الو مرحبا

جاسم خق على صوتها / انا جاسم املك شركه افلست وسمعت ان شركتكم تعطي قروض خاليه من الفوائد الربويه وهذا الي شجعني اتعامل معكم

هند / احنا تعاملنا بالطرق الاسلاميه ونتعامل بالعقود والاثباتات واذاعندكم شركه مفلسه لازم تحضرو اورق تثبت الملكيه لان كثير من اصحاب النفوس الضعيفه ياخذون القروض ولا يسددونها مما نضطر ان نرفع عليهم قضايا

جاسم / ان شاءالله نجي و معنا اوراق تثبت اننا نملك شركه كان لها وزنها بالسوق بسبب ظروف افلست
هند / خلاص باذن الله الاجتماع بكره الساعه 10 لان هذا الوقت مناسب لي اذا ماناسبكم كلم السكرتيره تحط لكم الموعد بالوقت الي يناسبكم

جاسم / الوقت مناسب كثير بكره باذن الله نكون موجدين بنفس الموعد

هند / باذن الله يله مع السلامه


جاسم / مع السلامه



في بيت راشد

جاسم / عمي كلمت الشركه عطتنا موعد بكره الساعه 10 ولازم نحضر اوراق تثيت ملكيتنا لشركه

راشد / خلاص بكره ان شاء الله نروح للموعد الاوراق عندي جاهزه
في بيت ابو بسام

ام بسام / حبيبي ترى نجلاء عازمتنا على عشاء احنا وبيت بو خالد

ابو بسام / بسام عزمنا بالاستراحه

ام بسام / انا بكلم نوره بوصل لها العزيمه
دقت ام بسام تلفون البيت على نوره


بيت عبدالرحمن

رن التلفون ردت نوره

ام بسام / السلام

نوره / وعليكم السلام

ام بسام / نوره صوتك مو عاجبني اش فيك
نوره/ متضايقه شوي

ام بسام / عسى ماشر

نوره / موضوع طويل اذا قابلتك قلت لك

ام بسام / ترى نجلا تعزمك على العشاء الليله

نوره/ اعتذري لها بنيابه عني ماقدر احضر مرتبطه اليوم بموعد ضروري

ام بسام / منتي بعاجبتني يانوره فيك شي وشي كبير بكره الصباح بجيك ماقدر ارتاح وانا ادري ان فيه شي مكدر عليك

نوره / حياك الله

ام بسام / ياله ماطول عليك مع السلام

نوره / مع السلامه
بالشركه

الساعه 4 العصر لبست هند عبادتها ونقابها ونزلت وركبت سيارة السواق عمران وهي بسياره كلمت نوره

هند / الو يالغاليه انا جاية بطريق تجهزي بنروح بيت خالي سعود كلمتيهم نبيه يكون موجود

نوره / ايه كلمته وقت الغداء ولقيته وقلت ضروري نقابله ولازم يجمع اخواني عنده

هند / زين نقول لهم الخبر جماعي

نوره / كذا احسن

هند / يله بمر غاده ودقايق وانا عندك فمان الله

نوره / فمان الله

وصلت هند للجامعه كلمت غاده
هند /الو غاده انا عند الجامعه اطلعي لا تتاخرين

غاده / حاضر

طلعت غاده من الجامعه وركبت السياره

وصلت للبيت نزلت غاده وركبت نوره السياره متجهات لبيت سعود


في بيت سعود


مجتمعين اخونها مستغربين من الموضوع الي جايه فيه نوره ومعها هند

دق الجرس دخلت عليهم نوره وهند سلمت على خوالها ونوره على خوانها جلسو على الكنب وبعد ماشربو القهو والشاهي

سعود / نوره انتي جمعتينا وقلتي عندك موضوع ضروري
نوره / ايه ولافضل ان هند الي تقوله لكم لانها هي الي قالته

كل العيون توجهت لهند ينتظرون الكلام الي بتقوله

هند / خبركم ان خالي بدر غاب فجئة وله سنتين غايب ولا احد يدري عنه ومن كم يوم جتني رساله على مكتبي من واحد مجهول يقول ان خالي بدر مسجون

سعود بستغراب / مسجون

هند / انا كذبت الموضوع وبطريقتي تاكدت من صحه الخبر وانه متهم بالقتل الخطا كان مع واحد من الربع بطلعة بر وكان خالي بدر معه مسدس وبالغلط رمى صديقه وعلى طول توفى وحبسو خالي واهل القتيل رفضو يتنازلون متهمين خالي بالقتل العمد وللحين ما نفذو القصاص بخالي لان فيه قصر ينتظرونهم يكبرون يمكن يتنازلون انا حاولت اني احل الموضوع بمعرفتي لكن طلع اكبر مني السالفه لازم جاهه يروحون لاهل الميت يشوفون وش طلباتهم وحنا مستعدين باي مبلغ يبونه مقابل تنازلهم

سعود / لاحول ولا قوة الا بالله خلاص بنسوي جاهه ونروح لاهل القتيل

هند / ياخوالي خالي بدر محتاج لزيارتكم يكفيه سنتين محد درى عنه ولا احد وقف معه ترى زيارتكم بتقويه بمصيبته
سعود / اليوم بنزوره وخلال يومين كل شي خالص باذن الله

نوره / ماتقصرون خذوني معكم ابي ازوره

سعود / بخليك تزورينه بزياره الحريم

هند / زرته مع خالد كنت بتاكد انه خالي بدر خفت يكون اشتباه بالاسم يوم شفناه تغير شكله اول ماشفته ماعرفته همومه كبرته كان فرحان بزيارتنا مو مصدق يشوف احد من اهله بعد كل هالسنين

سعود / الله يصبره على الي هو فيه

جلست هند مع نوره ومسك عليهم سعود للعشاء




توقعاتكم




































































ghost1983 غير متواجد حالياً   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

الانتقال السريع


الساعة الآن 01:09 PM



Powered by vBulletin®
Copyright ©2000 - 2024, vBulletin Solutions, Inc.