02-07-11, 03:44 AM
| #11 | ||||
| نجم روايتي 
|  بعد أن كان يتمنى أن يحكم يدية حول عنقها ليخنقها .. وجد نفسة يحاول أن يواسيها و هو يحكم أمساكها بحنان و يحضها على فتح قلبها و مشاركته همة : فــــادية ... يا قلب ياسر أبــــــكي .. لا تكبتين ... أبكي .. كانت ثالث مرة ينطق أسمها الصحيح .. لكنها لم تكن مركزة معة فبين اضلاعها ألم يقطعها أن لم تبح به .. و أخير فتح السد : أبوي مات .. مــــــات .. كان نفسي أشوفة .. أودعة .. أقولة سامحني .. كان نفسي أحبه فوق جبهته .. أمسك يدة قطع كلامها بفعل الشهقات الكثيرة و المتتابعة .. غرست يديها بكتفية بغير شعور .. فيما تكلم بهدوء و أقناع : هو مسامحك .. هزت رأسها لتصرخ بألم : نفسي أشوفة .. نفسي أشوفة .. بس نظرة .. أو لمحة .. مو مصدقة مات .. أحسة بأي لحظة راح يدخل من الباب و كان قد سمع كثر رددوها بعزا والدها فوجد نفسة يخفف عنها بها : فادية قولي " إنا لله و إنا إلية راجعون اللهم أجرني في مصيبتي و أخلف لي خيرا منها " بعد أن حاولت أن تصفي صوتها :" إنا لله و إنا إلية راجعون اللهم أجرني في مصيبتي و أخلف لي خيرا منها " أكملت بتعب : قـــــلـــــبـــــي ... يــــــعــــــورنــــــي .. يعورني حيـــــل .. أنا خـــــايفة أنت بعد تروح و تخليني .. مثل أمي و أبوي .. أنت قلت " استودعك الله اللذي لا تضيع ودائعة " .. كنت تودعني .. عندك الشرب و أصحابك أهم مني قطعها بحنان غاضب و هو يهزها برقة : أنتي من وين جايبه افكارك .. أنا قلتها لانك كنتي نايمة و مضطر اطلع و ماني مرتاح اخليك لحالك .. و لي ليلتين و أنا أقولها و ارجع لك .. تركها شوي ثم تذكر شي : و الشراب تركته .. و أصحابي مو أهم منك أبد .. أنتي أهم من حياتي .. بعيون لامعة مملؤة بدمع فادية : قـــ ـــلــ ــــبــــ ــي ... يـــــ ـعــــ ــورنــــ ــي ..... وش أسوي يــــاسر .. أحس قلبي بينفجر من الوجع .. تكرارها لنفس الجملة جعل قلبه يهتز بألم و يجيب بأول مايخطر ببالة : أنا ابوك .. هزت راسها بثقة و كأنها تلزمة بكلامة : أنت كل هلي .. فأضاف بثقة : أنا ابوك .. و اخوك .. و زوجك .. و صديقك .. كان يفكر ليضيف : و أمي أمك .. راح تحبيها .. أمي تحب البنات و تتمنى لو يكون عندها بنت .. و أكيد راح تحبك . تجمدت بين ذراعية .. لتهمس من بين دموعها و شهقاتها و تقترب منة أكثر رغم علمها بأن محبوبها مثل النار من يقترب منة يحترق : لا تـــــمـــــ ـــــوت .. و لا تخليني و تروح .. أنت هلي أحس بها تتحرك لتأخذ شيء من جيبها .. لتضعة بجيبه .. كانت المسبحة المشتراه لوالدها كهدية .. رغم أستمرار دموعها التي أخيرا في هذة الليلة هطلت إلا أن تنفسها أنتظم .. نامت و لازلت تشهق بين حينا و أخر .. و وجهها مبلل وضعها فوق الكنبه و توجة للحمام .. ليستحم بماء بارد يماثل جو الرياض .. و يعاكس نيران جسدة .. خرج ليغطيها و ينام على الارض و معها بنفس الغرفة خوفا أن تستيقظ و تبحث عنة و لا تجدة .. نسي أو تناسى ثأرة و كل شي ما عداها .. اجمل غرور0000للكاتبة 000فضاء | ||||
|  |
|
02-07-11, 06:51 AM
| #12 | ||||
| نجم روايتي 
| وقفت سحر فوووق ورفعت يديها بالجو مثل الطيووور .. تتنفــس وهي تطالع المنظر قدااامها .. ابدااااااااع سبحان الله... أرض منبسطه رمل أحمر بالمدى البعيد... وأسفل الجبل أشجار وخضرة غريبة.. يمكن مع المطر الموية تنزل من هالجبل للقاع ..السبب اللي خلا الزرع والخضرة تنبت وتزيد بهالمنطقة اكثر من غيرها.. وقفت عالحافة المنحدرة ..وناظرت تحت عند رجولها..ونزل بقلبها رهــبة قوووية ، الجبل مو مثل ما توقعت الجهة هذي غير اللي طلعت معها ...الانحدار كان شديد لو تزلق رجلها بهالحصى بتروح فيها ... فكرت بجنون انها تنزل لكنها تراجعت تخاف تنزل ..ومعد تعرف تطلع ، زااوية الانحدار حاااادة والمجنون اللي بينزل من هالجهة ! تراجعت بحذر وهي تبتسم ..المكان روعة ..لازم تقول للبنات عنه ويقررون يفطرون هنا بكرة !!.. مشت على الحصى الصغير الزلق بحذر للجهة الثانية وهي مبتسمة .. الله لو تقدر توقف مع محمد هنا .. جنبـه.. الله لو تقول له عن هالمكان الابداعي.. طردت هالحلم المستحيل.. ، وبيدها فكت ربطة شعرها السايح ، من نعومته انسدل على كتفها .. تبي تحس بالهوا يتخلله ويطير روحها معه .. الجو روعة ومهما قالت روعة مارح احد يتخيل ! المنظر يبعث عالارتيااح بشكل سحري.. هاللحظة اللي اختلت فيها بنفسها خلتها مثل ملكة ملكت الكون وهي تناظر المنظر قدامها.. بدت تغني اغنية تايتنك بصوت عالي..وصوتها اللي ينتشر بالكون بصدى خفيف ويرجع لها كان معجبها.. - وش تسوين هنا ؟؟؟ شهقت من صوت الرجال اللي وراها .. والتفتت بخرعة ومن حظها ما انتبهت انها واقفه على كومة حصى زلق قريب من الحافة... زلت رجلها والحصى ما رحمها زلقت قدمها اليمنى لتحت ..تلتها صرخة وهي تحاول تتسمك بأي شي .. تركي انصدم من ردة فعلها وبدون شعور لقى نفسه يركض لها. قدرت سحر تثبت رجولها عالأرض بواسطة أصابع رجلها ..اللي وقفها عن الانزلاق قبل ما تجذبها الجاذبية اكثر.. لكن وضعيتها ما تساااعد ابدا .. هي لو حركت رجولها بأي طريقة بتزلق اكثر.. غير ألم يدينها اللي تجرحت بسبب الأحجار الخشنة المتمسكة فيهم... طلعت دموعها بعيونها وهي تشوف وليد يحط رجوله بهدوء ويحاول ينزل بتوازن.. ناظرت فيه تستنجده ودموعها بتنزل .. مدري وش اللي خلاها تناظر تحت هاللحظة ، الشي اللي خلاها تغمض عيونها بقوة وتناديه بخوف : ولييييد .. تركي كان معصب وهو يحط رجوله بهدوء.. ويحاول ينزل : انتي وش جابك هنا؟؟؟ ما لقت رد ، كانت بس تبي يده تنمد لها عشان تطلع وتنقذ روحها !!.. هي ان زلقت بتدحرج عالحصى الزلق..واكيد بتموت صارت ترتعش ما تدري وش بيصير لها باللحظة اللي عقبها .. قرب تركي منها بحذر وخطواته تهتز بسبب الانحدار وطبيعة الارض اللي كانت بغير صالحه وصالحها . مد يده القوية لها وهو يحاول يتمسك بأي شي لكن للأسف مافي شي.. اعتمد على قوته الجسمانية اللي الظاهر بتخذله بعد.. مدت سحر يدها له .. بس هالشي كان بغير صالحها..لأنها من رفعت يدها عن الحجر زلقت رجولها مو متحمله ثقلها .. وطاحت على بطنـها ويدها ترجع لنفس المكان بشكل تلقائي.. صرخت مو عارفه وش تسوي حتى رجولها مو قادره ترفعها !!.. كل ما حطتها عالأرض بتثبتها زلقت وجرّت ثقلها معها... وتركي فوق بعيد عنها شاف وضعها ، عرف ان قدامه خيار واحد مافيه له ثاني .. يا ينفذه ولا البنت بتروح فيها جلس عالأرض الزلقة بعد ما كان واقف ... واستخدم رجوله عشان تثبته .. وبدا ينزل بالانزلاق عالحصى..وكل ما حس انه بدا يفقد السيطرة حط رجوله عشان يوقف.. سحر كانت تبحث عن أي شي ينقذها .. جسمها يخونها ..ورجولها ويدينها وكل أطرافها كانت تخونها.. الجاذبية كانت اقوى من قدرتها ..طاقتها كل ما لها تضعف ناظرت في وليد ودموعها تغشي عيونها .. تبي تتمسك فيه هو أملها الحين.. وصل لها ما بينه وبينها غير مسافة بسيطة .. مد يده لها وهو على نفس وضعه رجوله مثبتها بالأرض قالت سحر بدموع يوم شافت يده الممدودة ، وهي مو قادرة ترفع يدها وتمسكها : ما ..اقدر.. تركي بعصبية : امسكي يدي بسرعة قالت ودموعها تسيل بانهيار : ما اقدر بطيح ..وليد شاف حالتها الصعبة .. قرب أكثر ماله الا يمسكها بنفسه..وصل جنبها وهي تبكي بصمت لأنها حتى مو قادرة تعتدل بوضعها.. تنتظر منه ينقذها بطريقته لأنها الحين مثل المشلولة ، ان حركت اصبع بتنهار قواها.. غمضت عيونها يوم حست بيده القوية تلتف على خصرها عشان يعدل جلستها.. سحر بضعف وخوف ، وهي مستسلمه : ول...يد... وليد تركي بعصبية من الحالة الصعبة : اششش ولا كلمــة ! انطمت مثل ما يبي ..الوضع ما يسمح تقول كلمة ..زمام الأمور بيدينه الحين مالها سلطة تقول شي.. سحبها من الأرض لأنها كانت طايحة على بطنها.. ولفها بقوة عشان تصير جالسه من غير ما تتركها يده.. صارت لازقه فيه وهي ترتجف ..، بلعت سحر ريقها وهي تشوف الانحدار اللي قدامهم.. انفاس وليد جنبها تزيد ، ويده مو راضيه تتركها .. دموعها زااادت وش هالموقف اللي هم فيه..لا ومع مين مع وليد!!.. بكت غصب عنها يوم شافت انهم عاجزين ما يتحركون التفت عليها ولأول مرة كانت بهالقرب منه.. اجسادهم متلاحمة من غير ارادتهم .. قال بعصبية : قومي واقفة وبهدوء اطلعي ناظرته ودموعها تنهمر.. واصطدمت نظراتهم بلحظة سريعة ما كملت الثانية في ظل الخوف اللي تعيشه سحر .. والعصبية والتعب اللي يواجهه تركي.. قالت سحر وهي تصد عنه وتناظر الانحدار ناسيه العالم وناسيه وضعهم : ما اقدر وليد بطيح ساعدني كانت يده الملتفه على خصرها من قدام موفره عليها تعب كبير ، لكن على حسابه هو... تركها للحظة عشان يعدل وضعه الشي اللي دفعها الثمن غالي.. زلقت من جديد بغمضة عين .. تركي ما لحق منها الا يدها.. لكن اندفاعها الكبير خلا مقاومته تنهار والثمن انه طااار وياها للقاااااااااااع.. ثوااااني تمر.. بصمت وسكووون.. أثار التراب والغبار متناثرة بالجوو.. والحصى الصغير لا زال يتدحرج من غير توقف بسبب وقوعهم العنيف... لحظات مرت كان الوضع هااادي سكووون عجيب ... محد منهم أصدر صوت .. أحياء ولا موتى محد يدري !! ثواني.. وفتحت سحر عيونها بهدوء ..ما تدري وين وصلت بأي قاع... حية ولا ميتة ؟؟... حست بأنفاس حارة تلفح جبينها ، خلاها تفتح عيونها بقوة على وسعها...ومن غير ما تتحرك شافت انها طايحه على صدره .. بفززززع قامت قاعدة مرعووووبة ، وشافته ساكن ومغمض عيونه.. ما قدرت تستوعب اللي صار قبل لحظة.. ولا تستوعب اللي صار لهم الحين.. استقرت عيونها على وجهه تناظره..وقلبها يررجف.. تنتظره يفتح عيونه.. تنتظره يصدر ردة فعل.. لكنه كان جامد وساااكن من غير حراك ،، بالأخير وبصوت باكي حطت يدها على صدره وهزته : ولييييييد ما رد عليها ... نزلت دموعها وش فيه .. هزته بخوف تبيه يرد : وليييييد رد علي ما حصلت رد .. نزلت دموعها وش تسوي.. حاولت توقف لكن ألم ولّع برجلها خلاها تنهد عالأرض بإنهااااك ،، الظاهر لوت رجلها من غير ما تدري !! رجعت لوليد الطايح من غير حراك .. وانهمرت دموعها وش سوت هالمجنونة : وليييييييييييييد شافت شي أحمر يسيل من راسه .. وينزل بهدوء لين اذنه ..طارت عيونها بصدمة وهي تشوف هالأحمر القاني يرسم خط من غير توقف !! دم؟؟ ...دم؟؟... دم يا سحر!!! فجأة ...فتح عيونه بهدووء وبطء... وبصمت قااام قاعد بهدووء وهي تناااظره مفزوعة ..مو قادرة تنطق.. مسد رقبته وهو مكشر !!.. وهي تراقبه مو مصدقه ... قربها له بهالشكل خلا وجهها يحمررر رغم خوفها .. اخيرا رفع راسه والتقت نظراتهم.. لقاها تناظر بصمت والخوف يطفح بعيونها... بلعت ريقها طرحتها فقدتها يوم تطيح ما تدري وين .. ووضعها الحين لا تحسد عليه طالت نظرته لها ما كأنه واحد مصاب او فيه شي .. سحر نزلت عيونها بالأرض والدموع بعيونها .. قال اخيرا : تعورتي؟؟ ما عرفت ترد .. ورغم ألم رجلها هزت راسها نفي.. بدا ينفض يدينه وذراعينه وهو جالس..وكأنه واحد ما تعود عالقرف والوصاخة... شكت سحر ان هالبشر عنده احساس او شعور ..لأن الدم ينزل منه وهو ولا داري.. قالت بقلق : دم ! رفع راسه باستغراب : دم؟؟ أشرت على راسه وهي شوي وتنهار : راسك... ينزف !! مسح على جبينه وناظر في يده.. تلوثت بالدم.. رفع عينه لـ سحر شافها متأثرة والخوف ماكلها.. ببرود قام واقف وهو ينفض ملابسه .. سحر ما صدقت يوم شافته يوقف ويتحرك مافيه شي... شي من الارتياح نزل بقلبها ..كانت ممكن تكون سبب بأذيته ويمكن موته. مشى تركي بصمت يبي يطلع من هالمكان ، لأن وجوده معها شي ما يحتمله... ويوم ابتعد كم خطوة التفت وراه يشوفها... لقاها على نفس وضعها جالسه مثل طفلة وتناظره بطريقة تذوب الصخر "نظرة خوف" ! تركي بهدوء واستغراب : لمتى بتجلسين هنا؟؟ سحر كانت خايفة.. لو عرف انها ما تقدر تتحرك وش بيسوي.. كانت خايفه خااااايفه .. ناظرها بصمت.. وبلحظة دخل الشيطان بعقله ! وقام يوسوس له بمليون شي وشي.. تغير وجهه من الأفكار اللي تدور براسه.. سحر بغت تموت يوم شافت تقلب غريب على وجهه.. رفع عينه والتقت نظراتهم من جديد ، وضرب قلبها خوووف نظرة عيونه مألوفة... بس الحين الشر زايد فيها؟؟.. ولا هي تتخيل!! قرب منها من جديد وقلبها بدا يرتععععد.. وقف بنص الطريق وملامح وجهه غير مقروءة.... سحر ضربات قلبها وصلت للمليون بالثانية ما تدري وش مصييييرها.. ووجهه ما يبشر بخيير.. قال وهو في مكانه ، يعاند خطوته : بتقومين ولا اروح واتركك طالعته ودموعها بعيونها.. مو قادرة تقول كلمة.. احتار وش بلاها ذي .. راسه بدا يعووره.. قرب اكثر وهي بيغمى علييييييييها.. شك تركي ان فيها شي وقال وهو معقد حواجبه : متعوره؟؟ اخيرا حس على قلبه .. هزت راسها ايجاب ودموعها تنزل ما تدري خوف رهبة رعب ولا شي ثاني !! تركي : وش اللي يعورك ؟؟ سحر بتردد : رج..رجلي لويتها قرب ..وجلس على ركبة قدامها وهي تمنت بهاللحظة تموووووووت تفقد روحها ... وقبل ما يلمس رجلها قالت بسرعة ، وبصوت مرتعش : أظن لازم تنادي خالد هو بيعرف يتصرف رفع عينه لوجهها وهو عارف سبب خوفها.. وابتسم بسخريـة هزّتهـا وهو يقول : اتركي هالخوف انتي آخر وحدة ممكن أفكر فيها..! لاتبكــــي > للكاتبه / عيــون القمــــر | ||||
|
| |
|
02-07-11, 07:02 AM
| #13 | ||||
| نجم روايتي
| قامت تتلفت بهدوء لعلها تلقاها .. ونادتها ثاني : بيااااااان.. ما سمعت رد .. يمكن عند احد هالسيارات لأنها تحب تندس بأماكن صادة احياناً وتلعب.. فـ مشت ناحية السيارات يمكن تلقاها هنـاك...بس... اللي شافته شي ثاني.. وقفت مكانها بصمت... يوم شافت باب سيارة بندر.. مفتوح..! قربت بهدوء مستغربة... ووقفت مرة ثانية..يوم شافت بندر بهيئة غريبة.. جالس جوا السيارة ..وحاط راسه ، ويدينه على الدركسون.. وقفت تتأمله ثواني.. لأن حاله ..كان غصب..يبعث عالوجع بالنفس.. تلفتت يمين ويسار .. لأنها جت تدور على بيان..ويوم ما شافتها... نوت ترجع مثل ما جت.. بس بندر رفع راسه عن الدركسوون بهدوء وهو يناظر قدامه بجمود.. انهز بدنها.. لأنها لمحت.. دمعة كانت متعلقة بخده... أو كذا تهيأ لها ! المنظر خلاها ترتبك.. والتفتت بسرعة عشان ترجع .. لكن ما أمداها لأن بندر..التفت.. وشافها قبل ما تهرب.. ناداهــا بجمود : سحــر !! بلعت ريقها ، ووقفت وهي مغمضة عيونها .. ما استرجت تلف..لأن المنظر كان غريب عليها.. وبندر صاير غريب! حتى يوم نطق باسمها كانت نبرته .. ترربك ! وارتبكت ، لأنها ازعجت عليه لحظات خلوته بنفسه بندر وهو مسند ظهره للكرسي .. ويناظرها من غير ما يتحرك : ليه جايه ؟ سحر : ك... كنت أدور بيان ! سمعته من وراها .. ينزل .. ويضرب بالباب وهو يقول : بيان مو عندي..ما شفتها لفت له .. وشافت وجهه طبيعـي ، مثل ما تعرفه.. بس.. لمعة حزن مميزة بعيونه..كان يجاهد عشان يخفيها بس ما قدر وقالت بسرعة : طيب شكرا... وركضت بعيييد وهي مرتبكــة بندر واقف مكانه.. يناظر طيفها اللي اختفى.. ونظرة عيونها الخايفة ، والمرتبكة.. اختفت معها.. عض شفايفه قهر.. وألم من الحالة اللي وصل لها.. غمض عيونه .. وبهالحركة كان يحاول يسيطر على روحه... رفع راسه للسما..يناظر ليلها شي على خدي يسيل ..؟!! مدري مطر ! مدري بحر ! يمكن دموعي بهالقدر ؟؟؟! تبي تجي على جرح العمر وبذوق أنا موت الصبر تكتب " دموعي " كلمتين .! الحزن مامنه مفر ..؟ لاتبكي > للكاتبه/ عيون القمر | ||||
|
| |
|
02-07-11, 07:51 AM
| #14 | ||||
| نجم روايتي
| طلع بندر بعد ما لبس جزمته ..ومشى شوي لكن ما عرف وين تنتظره ! رفع جواله وبعيون مكشّره دق رقمها .. لكنّها ما ردّت عليه ..! وصله رنّة رسالة بعدها مباشرة.. قراها... " تعال عند الشجرة ورا مخيّمنا " هزّ راسه بملل وهو يقفّل الجوال ويدسّه بجيبه.. غيّر مساره واتجّه للشجرة اللي ورا المخيم وهو ما يدري بالضبط وش تبي مشاعل منه بنص الليل والعالم نايمة !! حكّ خده وهي يسحّب رجوله من وقتها غلط ! ، ، كانت واقفه هناك من غير حيلة وجوال مشاعل بيدها يرتعش ! متوترة ومررتبكة جداً من اللحظة الجاية .. من كلامها اللي للحين ما قدرت تصفصفه في مخّها ! من أفكارها المتطايرة.. والغير مرتبة .. من انعدام التوازن اللي تعيشه على الجانب العاطفي والنفسي ..والجسدي ! من شخصية بندر اللي رافض يحكي معها ! طول الساعات اللي فاتت ومن صار اللي صار مع محمد وجرحه الأليم.. دخلت عالم من التشتت المتزايد والجرح اللي ينزف داخلها من غير توقّف.. والبكى الصامت اللي مو راضي يرحمها وياخذ نقطة توقّف لعلها تكفف جراحها وتقدر تستعيد توازنها المفقود ! ما درت وش تسوي .. وما قدرت تنام جافتها الراحة .. ومرضها ونفسيّتها تلاعبوا فيها بما فيه الكفاية ما تقدر تنام وهي ما تفاهمت معه .. وما تدري ليش هو صار كذا بالنسبة لها ! وليش هي مهتمّه عليه أكثر..؟ كانت تناظر الجوال بحزن مستديم ووجهها كئيب من الحال اللي وصلته ومن اللي صار اليوم بكل ما فيه !.. رفعت راسها يوم شافت طيفه يقرب خلال الظلام واللي ما ينوّره الا قمر يشع بين السحاب المتناثر .. ارتجفت يدها من أدركت من مشيته المعتدلة وخطواته المتقاربة ببطئ إن هذا.... بندر ! ثم نزّلت الجوال لجيبها وهي تعدّل وقفتها باستعداد للمواجهه اللي ما جهّزت لها أي كلام مصفصف..ولا قدرت ! اقترب من غير لا يدري إن الطيف اللي واقف هي سحر ومو مشاعل اخته ! قال وهو يقرب من غير لا يركّز بالملامح..وهو يحك شعره بنعاس : مشاعل مب وقتك وقسم بالله ! بلعت ريقها وقالت من غير لا تحس : ...أنا سحر ! لاحظت إنه وقف من سمع الصوت.. ونزّل يده عن شعره وخطواته اللي كانت ناويه تقرب أكثر.. وقفت بمكانها..! سكت وهو يمحي تكشيرة النعاس ..ويستبدلها بنظرة تركيز وتفحّص لملامحها ! رمش كذا مرة بتقطيبة بين حواجبه يوم استوعب ان الرسالة منها .. ومو من مشاعل !! قال بنبرة مبحوحة بسبّة النعاس اللي كان فيه : تدرين الساعة كم ؟؟ ابتسمت تبي تهدّي من العواصف داخلها .. وقالت بنبرة مبحوحة أكثر منه من المرض : ما تركت لي طريقة غير كذا يا بندر .. فرك قمة أنفه وهو يغمض عيونه .. ثم فتحها وناظرها : قلتي تبين شي ضروري .. ؟؟ قالت وهي تراقب ملامحه اللي ما تقدر تستشفي منها شي.. سوى هدووء نبرته اللي كانت أكثر من اللازم : ايييه.. شي ...مهم... بالنسبة لي ! سكت وهو يدخّل يديه بجيوب بنطلونه ويركّز فيها وبوقفتها من خلال الظلام اللي ما كان حاجب كل الرؤية عنه.. كان يقدر يشوفها ويلمح بعض الاشياء بوجهها لكن مو بذاك الوضوح..! بهاللحظة كان يبي يشوف لأي حد وصلت له عقب اللي صار مع محمد آخر عهده فيها.. يوم تركتهم تبكي ..ويدرك من جوا قلبه وش قد بكت طول هالساعات من غير الحاجة إنه يشوفها بعينه ! قال بابتسامة جانبية غريبة يوم شافها ساااكنه وكأنها ما مرّت باللي مرّت فيه قدامه : وش المهم بيني وبينك ؟..بالله يا سحر ؟! تألمت من نبرته اللي فيها شي من السخرية .. وحافظت على باقي القوة اللي متعلّق فيها قلبها وقالت بنبرة ضعيفة : إذا نسيت اللي صار اليوم أذكرك.. قال وهو يقرب خطوة ليقدر يلاحظها أكثر..وبنفس الهدووء الغريب بصوته : ما يحتاج تذكريني .. بس ما أظن اللي صار يهمك.. أنا قلت اللي قلته عشان أريّح نفسي لا أكثر ولا أقل.. ومو محتري منّك ردة فعل ،! قالت ببحـة واضحة ..وهي تحافظ على ثباتها ولا تدري لمتى بتصمد : متخيّل اسمع منك كل ذاك الكلام ثم مـا تتوقع مني ردة فعل ..ليه يا بندر؟ تحسب اللي قلته سهل وما أثّر فيني !؟ حس برجفة صوتها اللي تحاول تسيطر عليها ..وقال وأعصابه بدت تنشدّ : وتحسبين إنّ اللي قلته كنت أبي أقوله ! .. انتي اللي جبرتيني عليه ونصيحة يا سحر ترى اللي قلته فيض من غيض لا تخليني أكمّل كل اللي عندي عقب ما نسيته هالساعات ! رجف صوتها أكثر ووضح عليه نغمة الدموع اللي ما قدرت تسيطر عليها : ومتوقع اللي قلته لي شي ينتسى كذا.. (سالت دموعها اللي صارت خارج السيطرة ) تحسب ان اللي قلته بيكون أخفّ علي من اللي بتقوله الحين .. تدري إني صرت أحس بالذنب ولا أدري ليش أحسّه وأنا بريئة من كل كلامك ! ابتسم بسخرية ممزوجة بمرارة : طبيعي تحسين بالذنب .. تدرين ليه ؟؟.. لأن حياتي الغريبة وطريقة عيشتي ترى لها اسباب .. ما فكرتي فيها ؟؟.. ليش أنا تارك البيت وأهلي .. ليش مختار لي حياة غريبة بعيد عن الناس .. ما فكرتي فيها مرة وأنا اللي أعرفك ذكية ؟؟ .. أنا أقولك ليش.. لأن بندر ما كان يبي يشوفك ويقابلك دايما وهو عارف عن زياراتك اليومية.. عارف انك تحبين أخوه.. وعارف إنك تفضّلينه عليه.. عرفتي ليه أنا غريب أطوار وعايش بعيد عن العالم والناس.. وخصوصا عنك إنتي وعن محمد !!! شهقت بدموعها لجزء من الثانية .. وكتمتها ما تبيها توصل لمسمعه .. بلعت الشهقة قبل لا تطلع ومن جديد رفعت راسها له وهي مو مستوعبة اللي يقوله واحساس الذنب اللي كانت تبي تنهيـه.. لقت إنه يتفاقم ألحين ..! قالت ببكي يخترق الحروف : والله ما كنت أدري ! ضحك بمرارة : صعب أصدق يا سحر صعب ولا تلوميني ! زاد بكاها وهي تناظر وجهه العذب مليان مراارة : والله العظيم ! عطاها ظهره مو قادر يستمر معها بالحكي أكثر.. ما يبي يزيدها عليها عقب اللي صار اليوم مع محمد.. ولا يبي يغمس عمره من جديد بمشاعر سلبية تجاوزها الساعات اللي طافت ! قالت بنفس العبرات يوم حسّت إنه بيتركها وهي توّها ما انتهت : مو مصدقني ؟؟ حكّ شعره من ورا من غير لا يناظرها : مسألة إني أصدقك أو لا أعتقد خلاص ما رح يغيّر من الأمر شي.. أنا نسيت اللي صار من قلت ذاك الكلام ..والأفضل تنسينه بعد ! بألم ودموع : شلون تنساه وتخليني أنا اللي أعاااني !!..لا ما أقدر أنساه أبي أفهم رجع يطالعها .. وهي تناظره بصموود عجيب ..من غير لا يدري عن المشاعر اللي صاير يثيرها داخلها بطريقة غريبة..هي مصدومة منها ! قال بهدوء : سحر ! ما قالت شي غير إنها تتأمل وجهه العذب وهي تقاوم الألم والدموع.. وملامحه المريرة رغم هداوتها وسيطرته على نفسه ! قال وهو يبتسم بمرارة : لا تخليني أكمّل الله يخليك..لا تخليني أعيش اللي عشته من أول وجديد!! غصّت بالعبرة اللي بحلقها .. واللي تحاول ترجّعها لداخل صدرها لا تظهر !! نبرته كانت تجرح.. تخلق تأنيب الضمير داخلها..رغم إنه متألم ! قالت ويدها ترتجف والضياع انفرض عليها : و...وش...تبيني أسوّي؟! سؤالها خلّاه يضحك .. ضحكة غريبة ما فهمتها.. ضحكة مع نفسه فيها من السخرية ذاتها والمرارة ! ناظرها بعد ثواني عقب ما هدت ضحكته والابتسامة الجانبية المريرة على وجهه... ثم قال : لا تسوّين شي..!... قلت لك أنا ما انتظر منك ردّة فعل ! واستدار بيمشي.. لكن شي استوقفه وهو يغمض عيونه من الفكرة اللي مرّت على خاطره..! كانت تناظر الفراغ ودموعها متعلّقه بخدها مو قادره تاخذ موقف.. الذنب ما يرحم أبد ما يرحممم ! قال وهو يلف..ويناظرها بطرف عينه وهي هااادية ظاهرياً : ...انسـي محمد ! رفعت عينها المحمّرة ووجهها كنّه مصفوق .. من كلمته أساساً ! وثانياً.. إنّه ما كان ناقصها إلا إنّه يذكّرها فيه هاللحظة.. وهي ناسيتـه طالما إن بندر قدامها ولا تدري ليـه ! لاحظ سكوتها .. وقال وهو يغلّف صوته بالجمود : انسيه قبـل بكرة ! .. آخر نصايحي لك ! قالها.. واستدار ماشي .. بنفس خطواته الهادية ! ما قدرت ترد .. ما قدرت تخلق حروف.. توّها ما انتهت من بندر ! توّها ما أصلحت اللي تحسّه فسد بينهم ! تقدمت خطوتين سراع وقالت بأعلى ما تملك من حرّ ما في جوفها : ما انتهينا يا بندر لا تفكّر إن بخلّيك ولا بنسى اللي قلته.. ( خنقتها العبرة من جديد وجلست عالأرض مهدودة الحيل وهي تتنفس بصعوبة من الخنقة والعبرات اللي تجرّ عبرات ) سمع كلامها وهو يمشي.. وكمّل طريقه والمرارة تزيد على ملامحه والموقف كله أثّر فيه.. وين النهاية !! سحر جرّته من جديد لوسط المعمعة بعد ما حسّ إنه تملّص منها الساعات اللي طافت ! كلامها يعوّر.. وصوتها يعوّر.. واصرارها هالمرة يعوّر !! لاتبكي > عيون القمر | ||||
|
| |
|
02-07-11, 04:04 PM
| #15 | ||||
| نجم روايتي 
| حست إنه دموعها بدت تتجمع في عيونها من دون سابق انذار .. بعد ما خلصوا تصوير طلعت المصورة تاركة وراها عروسه خايفة وتايها بحزنها وعريس مثل الجبل ما يهزه ريح رنيم وهي تلعب في باقة وردها والربكة واضحه عليها .. بصوت مخنوق ومرتبك :يا أبو .. أبو سعود رفع راسه ورفع حاجبه الأيمن .. وبصوت رجولي في بحه: شنو ما سمعت ؟؟ رنيم رفعت راسها بخوف .. خافة لاا يكون ما يحب أحد يناديه أبو سعود .. بس هي ما تعرف شنو أسمه .. قالت وهي خلااص شوي وتصيح: أبو سعود .. رفع سبابته وهو يأشر على نفسه بغرور من فوق لي تحت .. :الحين أنا شكلي يطيح أكون أبو سعود رنيم ما عرفت شنو تقول وشنو تسوي ما قدرت غير إنها تكتم دموعها إلي تيمعت ونزلت راسها :............... بس تفاجأة بصوت ضحكة قويـــــة .. رفعت راسها جافته يضحك بقوة .. استغربت .. رنيم في قلبها "أشك إنه ريال مخرررف" قعد يمها وهو يحك راسه ويناظرها بنظرة ما عرفت تفسيرها .. قال بـ قهرررر: أنا سعود مو أبو سعود حست رنيم كأنه أحد صاب عليها ماي بارد .. منصدمة مو مستوعبة .. رنيم : ها سعود وهو ما زال يناظرها بعيونها إلي واضح عليها الصدمة: أنا بسببج تعقدت حياتي .. وانجبرت فيج .. لاا تتوقعين اني ميت عليج علشان آخذج من أبوي .. لااا هذا بعدج .. أنا خذتج لأني مجبور .. في اللحظة الأخيرة إلي أبوي كان بيوقع ياله اتصال من خالي ما أدري شنو قال له بضبط .. بس أكيد كان شي كبيــر لدرجه خلت أبوي يتراجع عن هالقرار .. وعلشان أبوي مسوي هالعزايم وهالحفله الكبيرة علشان يتحدى أمي .. ما قدر يقول لهم كل شي انتهى .. فجبرني اني أنا أتزوجج وخذتج مجبور مو حباً .. وطبعاً انا وافقت علشان سمعتنا بين الناس .. لااا أكثر .. كانت تسمع وهي مو قادرة تستوعب .. رفعت راسها له وابتسمت بإنكسار ونزلت من عيونها دمعه كسيرة .. رنيم في قلبها "آآه على حظج يا رنيم .. كل واحد يقطج على الثاني .. لهدرجه أنا الرخيصة .. بالأول أبوي رخص فيني وبعدين ابو سعود .. والحين أكيد سعود كلها كم يوم و أكيد راح أكون في بيت أهلي" .. قام سعود من طوله و هو يناظرها بشمئزاز: أقول لاا تسوين روحج المسكينة على أمرها .. يلاا قومي بلا دلع ماضخ قامت وهي ما ودها تقوم .. ودها يكون كل هذا حلم .. صحيح إنها تمنت يصير شي وما تاخذ ابو سعود .. بس في نفس الوقت تمنت ما تاخذ ولده سعود .. طلعت معاه و ركبت السيارة حتى من دون ما تودع أمها .. كان طول الطريج الصمت هو سيد المكان.. أنجبرت فيك وماتوقعت أحبك و أموت فيك ****((للكاتبه : مفتون قلبي )) | ||||
|
| |
|
02-07-11, 11:17 PM
| #16 | |||||||||||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  فادية وياسر
التعديل الأخير تم بواسطة لامارا ; 07-02-13 الساعة 09:41 AM | |||||||||||||
|
| |
|
02-07-11, 11:44 PM
| #17 | ||||
| نجم روايتي
| يقتلنا اليأس عندما يتوغل في أعماقنا ... دايما كنت أحلم بهاليوم ,, يوم أكون فيه أنا الأميرة و ما أحد يشاركن ,, يوم أفرح من كل قلبي و كل اللي يحبونن حولي ,, دايماً أحلم بيوم ملكتي ,, من عمر و أنا راسمة لنفسي صورة و أنا لابسه أحلى فستان ,, حاسه إني أعيش الموقف بأدق تفاصيله سمعت تبريكاتهم و حسيت بقبلاتهم على خدي ,, وحسيت بإيدين الغاليه أمي وهي تضمنّ و شميت ريحة الحنا من شعره ,, شميت ريحة البخور و سمعت صوت الفناجين و غطرفة الحريم ,, شفت ابتساماتهم و فرحتهم اللي تشع من عيونهم ,, كانت كل العيون عليّ ,, و كل أكف الضراعه لله يطلبون منه السعاده و التوفيق لي و له ,, بينما أنا أخفض راسي بكل خجل و تتورد خدودي من مجرد ذكر اسمه ,, : وراتس يمه ما تردين ؟ رفعت راسي و شفت مريم ,, تلفتّ أدور أمي ,, سحبت نفس ,, و تلفتّ مرة ثانية أدور أمي ,, لكن ما لقيته ,, وين البخور ؟ معقوله أتوهم ,, أصغيت السمع ,, و الله إني سمعت الفناجين قبل شوي ,, رفعت ايديني بتوتر لما ما سمعت شي و تحسست خدودي أدور على أثر أي روج يثبت لي إن اللي صار حقيقه موب وهم ,, نزلت ايدي لمستوى نظري و تأكدت إن كل احساس حلو عشته قبل لحظات كان من نسج الخيال ,, كانت أمنيات و اندفنت بهالليلة ,, بمجرد ما قال ولي أمري قبلت ,, عجيب حال هالدنيا ,, كلمة وحده " قبلت " لكن به هلاكي مرتين ,, مره أنا و مره أختي ,, امتلت عيوني دموع ,, قهر إنك تعيش حياة حلوة و مجرد ما تفتح عيونك تتفاجئ بالواقع ,, كل حلم بحياتي لازم أنساوه من الحين ,, اكتسان كل شعور سيء بالدنيا و رفعت راسي لمريم و دموعي أخذت طريقه على خدودي .. قربت مريم و جلست بجنبي : وش بتس يمه ؟؟ رديت و أنا أضرب صدري : هذا ضآآآآآآيق بالحيييييييل . ردت و هي تمسح على ظهري : بسم الله عليتس ,, لازم الارتباك يا عمري و بعدين كل البنات يرتبكن بيوم الملكة .. رديت بلهفه : و محمد ما لان . مريم : وش هالكلام يا مي الحين الرجال يتعشون و أنتي موقعه على الدفتر بيدتس يعني أنتي زوجة تركي الحين و تبين محمد يتراجع وش هالكلام !! رديت بصراخ و أنا ماسكه شعري بكل ايديني : ما أبيه مااااااا أبيه , محمد ليش يغصبن عليه ,, تركي لرونق موب لي . حطيت راسي بين رجليني و انفجرت أصيح ,, يا ترى يا أختي وش حالتس هالحين ,, تاكلين ؟! تشربين ؟! لا لا أكيد منهاره ,, أنا أدري انتس تحبينه ,, أدري انتس منصدمه من اللي يصير بس و الله موب بيدي أنا رفظته ,, طحت عند رجلين محمد و ترجيته لكنه عيّا ,, آآآآآآآآآآه بس لو تدرين ليه يا أخيتي محمد ملزم على تركي ؟؟ لأن أبوي اللي عكر عليتس حياتس و قبلتس على أمي موضي وصّاوه ياخذن قبل يموت ,, أكره أبوي هو السبب بكل شي يصير لنا ,, عمره ما كان عاجبه إن تركي يخطبتس لأنتس ببساطه بنت الشامية ,, كان دايما يحاول يقنعه إنتس ما تناسبينه و لو ياخذن أنا أحسن له ,, أكره إن أبوي يرخصن بهالشكل و أكره إنه يقلل من قيمة أختي و روحي ,, عمري ما حبيته لأني أكره تعامله مع أمي و معتس يا خيتي ,, و حتى خيانتي لتس كانت بسبب و بتعرفيبنه و بتعذرينن يالغاااااااااااااااااالية .. حسيت به تحط ايده على راسي : اذكري ربتس و تعوذي من الشيطان . صرخت بقوتي : هو هو الشيطان و الله هو . سحبتن مريم و ضمتن لصدره وسط مقاومتي له و بدت تقرأ و تنفث عليّ .. فرغت كمّ من الصياح اللي بقلبي لكن و الله لو أصيح دم ما أفرغ كل اللي بقلبي,, أكره أبوي أكرهه ,, حياتي تعقدت كله منه ,, ما ريحنا وهو حي و لا بعد ما مات ,, سحبت نفسي من حضن مريم و طحت على وسادتي ,, سحبت غطاي و غطيت جسمي كله و بديت أوّن تحت الغطاء ,, أون ندم ,, قهر ,, حسافه على كل شي صار,, نفسي بشي واحد بس ,, أبي الزمن يرجع لورا و أصلح كل شييييييييييييي هدمته !! ـــــــــــــــــــــــــ ـــــــــــــــــــــــــ ـــ شلت بطانيتي و حاولت أوقف ,, كان جسمي ينتفض بشكل موب طبيعي ,, تمسكت بالطاوله القريبه و سحبت رجليني سحب لحد ما وصلت لشنطتي ,, أنا أذكر إني حاطه البنادول هنا بس وين راح ؟؟ دورت بالشنطه على البنادول لكن تعبت و ما لقيته ,, كبيت الشنطه بالأرض و طاحت أغراضي و ما كان البنادول معهن ,, تحاملت على نفسي و قمت طلعت من الغرفه و أنا أتمسك بالجدران ,, حاسه بدوخه و جسمي كله يرتجف ,, كنت بردآآآآنه , وصلت للمطبخ و لقيت نور تغسل المواعين . تكلمت بعد ما جلست على الكرسي : نور عطين بنادول . : لااااااا , لا تعطينه . التفت للصوت و شفت هند واقفه عند الباب و حاطه ايده على خصره ,, رديت : و الله راسي يوجعن أبيييييي بنادول . مشت هند لحد ما وصلتن و حطت ايده اليسار على كتفي : حرام عليتس خافي ربتس بنفستس ,, أكلتي ثنتين العصر و ثنتين المغرب و لا بعد بنادول اكسترا ,, أنتي شكلتس ناوية تذبحين روحتس . حطيت راسي على الطاوله بارهاق : و الله راسي بينفجرررر . كنت أنتظر أي رد من هند أبيه ترحمن و تجيب لي بنادول لكني ما سمعت أي رد ,, رفعت راسي لهند و تكلمت برجاء : و الله إني أكلت البنادول من زمان من المغرب و الحين الساعه عشر . سحبت هند كرسي و جلست : لااااااااا , بتذبحين نفستس ,, و بعدين لو تتركين التفكير و الله إن ترتاحين و يرتاح ذا (و أشّرت على راسي ). : السلام عليكم . التفنا أنا و هند للصوت و شفنا ندى بابتسامته ,, وهـ بس يا حبيله ,, سلمت ندى على هند و قمت أنا بتثاقل و سلمت عليه ,, أحبه و أفرح بشوفته لكن حاسه بشي قاعد على قلبي ,, صدري ضايق ,, ندى : بسم الله عليتس وراتس حاره . رديت و أنا أناظر هند : تعبآآآآآنه و أبي بنادول . ندى و هي تتحسس ايديني : طيب كولي بنادول وش اللي رادتس . هند : تخيلي يا ندى أكلت من العصر أربع بنادول اكسترا . شهقت ندى و ضربت صدره : مهبوله أنتي تبين تموتين نفستس .. أنا : و الله إن راسي مصدع و بردآآآآآآآنه . سحبتن مي و هي تتكلم : تعالي تغطي و أنا أسوي لتس زنجبيل يدفيتس .. دخلنا لغرفتي و هي ماسكه ايدي و قعدت أنا على سريري بينما ندى تفصخ عباته ,, أنا : غريبه أمتس طاعتس تجين عندي . نزلت راسه ندى تفكر و رجعت رفعته و ابتسمت : لو تدرين وش سويت عشان أجيتس .. أنا : وش سويتي . ندى : أولا أنا عارفه إني لو أقول لأمي من اليوم إلين بكرى موب طايعتن ,, عشان كذا قلت لأبوي ووافق و اتفقنا أنا و اياوه اننا نقول لأمي إني عند بنات عمي عشان ما تعصب عليّ . أنا : يا قويتس و طلعتي قدام أمتس و أنتي مكذبه عليه !!! ندى : لا أصلاً أمي موب بالبيت رايحه تآزر أخته العروس .. وطلعت من الغرفه .. لاااااااااااااااا يا ندى لا تذكرينن و الله إني من اليوم و أنا أحاول أتناسى لكن هيهآآآآآآآت ,, حاولت أنام عشان ما أفكر ,, و ما قدرت ,, ذبحن الصداع و تمنيت الموت ,, حطيت راسي على فراشي و الهم على صدري كبيييييييييير ,, نفسي أصيح أطلع لو جزء من هالهموم اللي بقلبي لكن ما أقدر و الله اللي بقلبي أكبر من إني أعبر عنه بدموع ,, تركي بكيفه الرجل بداله رجل ,, و الأيام تنسين إياوه ,, خل يروح بعد ما لعب بقلبي و ما أقول إلا الله لا يوفقه ,, لكن أختي من وين لي بداله ,, لاااااااا و موب أي أخت هذي مي يا عالم مي ,, يا ما صحنا مع بعض و ياما ضحكنا مع بعض ,, دايما كانت تتضايق أكثر منّ إذا تضايقت ,, و إذا هاوشن أبوي و صرخ عليّ ,, ألقاه تصيح بغرفته ,, وش اللي جاه و خلاه تقلب ضدي أنا اخته ياناس أخته !! شهقت ندى و حطت الصينيه على الأرض و سحبتن من فراشي : قوووووووومي لا تسوين بنفستس كذا . أنا : غصب عليّ و الله صعب عليّ أتخيلهم . مسكتن ندى مع كتوفي و ثبتتن : كولي تبن لا تفكرين بهم و الله انهم ما يستاهلون انتس تفكرين بهم . و كملت : قومي الله لا يوفقهم قومي . تلذذت بدعوة ندى ,, الله لا يوفقهم ,, آآآآآآآمين ,, خلاص الخاطر طاب منهم ,, بس أبي أشوفهم بمثل حالي هذا أو أردى .. قمت مع ندى وأنا أسحب بطانيتي ,, جلست بالأرض و صدري شاب ضو بعكس أطرافي المتجمده ,, صبت لي بيالة زنجبيل و حطته قدامي ,, ثم سحبت بطانيتي عنّ . تمسكت بالبطانيه و رديت : لااااااا تكفين بردانه . سحبت ندى الغطا و ردت : عليتس حراره موب زين تتغطين . رجعت جلست بمكانه بعد ما أبعدت الغطا و تكلمت ,, يله سولفي عشان ما تفكرين ,, أنا : آآآآآآآآآهـ بس لو تدرين بالنار اللي بقلبي . ندى : خيرة يمكن اللي صار لتس خيره . انفعلت من كلامه : أي خيرة الله يخليتس ,, ندى : و عسى أن تكرهوا شيئاً و هو خير لكم . أنا : خيرة موتة أمي و أبوي !! نزلت راسه ندى و تكلمت : لا تركي و زواجه من ميوووه .. أنا :وربي أكرههم اثنينتهم لكن ودي أبرد قلبي بهم . رشفت ندى من البياله و ردت : ما جيت لمتس عشان تسولفين بهم و تضيقين صدرتس ,, انسيهم .. أنا : يا ليت أنساهم و ياليتهم همي الوحيد !! بنت الشامية | ||||
|
| |
|
03-07-11, 09:11 AM
| #18 | |||||||||||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
|
التعديل الأخير تم بواسطة لامارا ; 07-02-13 الساعة 09:42 AM | |||||||||||||
|
| |
|
04-07-11, 01:27 AM
| #19 | ||||
| نجم روايتي
| ال ظبي عفست وجها ونزلت الظبي الصغيره على العربه الصغيره... سحبت الجريده متجاهلتهم...واستغرقت في قراءة الصفحه الاولى... مناهل تسئل بهتمام\وش ها الي معك يامنير...؟ مناير وهي تحرك الكوب الحليب الي بيدها\حوايج با الحليب مآخذتها من آمي عسى يومي يسبقها.. مناهل باآبتسامه\آمين يارب..غير وش الفايده... مناير بحماس ..\تبيض...وتسمن..وترب رب الخدود..ومير تحطك عرض الباب..جسم..وشكل.. مناهل\اجل مابيها....زنودي ماهي ناقصه عرض..لكن انتي بعد..والله انك سمينه ليه تبين اكثر.. مناير\ويلي عنتس يالرفلا..!حلاة الحرمه..عريضة ..مرربه ..ماهي عظام..و عيدان..! جسمس تسذا زين..لكن يبلتس كم كيلو بعد.. مناهل بتشكيك\وزني 83 يعني تهقين لو آسمن بعد كم كيلو يجي في وجهي العافيه مناير\ايه ايه..آجل كيف..ياحبيبتي الرياجيل يحبون كذا...الهمام ..!الهمام...! آستدارت عيون الظبي بصدمه لجهت مناير.... آنتبهت مناير لنظرة الظبي المصدومه..نزلة الكوب برتباك من نظرتها الغريبه.. مناير برتباك\وانا صادقه..الرياجيل يحبون السمينات..وش فيتس..؟ الظبي ترمي الجريده وبعصبيه..\الهمام الهمام..!انتي يامنير الي مكلمتني البارح..؟ مناير بخوف وارتباك..سكتت وماقدرت تتكلم..لو بحرف اكتفت فقط بشهقه.. مناهل عيونها تدور في الفراغ...وهي منصدمه في حدة ذكاء الظبي.. كلمه وحده بس..كلمه وحده...من غير تعب منها...كشفتهم..بآول قعده معهم..! الظبي تعيد السؤال بعصبيه\انتي يامناير...انتي...لا تقولين لي انه مو صحيح..؟ مناير انهارت وهي تتكلم برجفه\حبينآ نمزح عليتس ونخفف دمنا شوي..واتاريس خذيتي خبالنا جد..اساساً كنا بنخبرك الحين..صح يامناهل صح والا لا.. مناهل برتباك ووجها تحول للون ثاني تمام تراقصت فيه الالوان الطيف...\ايه ..بلهـ ..صدق..؟ الظبي واصله لدرجة الف في العصبيه\آنتم وش مصلحتكم اني اطلع من ها البيت ماتكلمون..! على صراخ الظبي..كان مقرن متوسط الصاله وبصوته الخشن\وش فيكم..وش ها الصوت وها الصجه.. الظبي بصراخ ومن دون ان تلتفت على ابوها\تعال شوف..تعال..لآيطوفك الخطط والتدبير...هذولا الثنتين حول خطة تصفية الرجال الي مشغلك لهم وشوف وتفرج وش بيسون فيه...! مقرن بحده..وهو يشير بعكازه\وش العلم..!وش فيكم...ماتحكون..؟ الظبي \يبه..داقين علي البارح من رقم غريب..ومتبلين طارق رجلي..يقولون الحقي عليه مع نسوان ويلعب بذيله...يبوني اظهر من البيت او يبون يهدمون بيتي...آلصوت مسجلته بتلفوني...وهذي هي حكت لها كلمه قالتها لي البارحه...وكشفت نفسها بنفسها.. مناير وهي تبكي\لآ ياعمي ماهوب بقصدنا..حنى بس كنا نبي نمزح معها..وهي تحسبنا نبيها في شر..يا الظبي ماهو بقصدنا..تراتس غاليتنا على قلوبنا...ومناهل تشهد.. مناهل وعيونها ممتلئه با الدموع\والله ياعمي ان حبها من حب مناير...وربي يشهد..^_^ مقرن بعصبيه وصراخ\انتم ..؟آنتم..؟آنتم..؟آنا ناقصكم بعد..!لكن رجالكم اذا جاء يسنعكم..!الله ياخذكم كلكم في يوم واحد..! آستدار مقرن لمكتبه ولحقته الظبي... مناير تجلس على الكنبه وهي تبكي بمراره\عساها الرماتيزم الي يعشش بعظامها و البلا الي يثقل لسانها...وجع ماهو بمخ الي عندها... عساه ينفجر.. عسى ربي يشغلها..من عنده..ان كانها..مبتلية المسلمين..وناشبة في حلوقهم... سلبه ..سلبه ..ٍسلبه..ماهي ادميه...! الناس الي مثلها مايقومون من السرير..وهذي ماغير تنوقز كئنها سلوقي.. مناهل وهي مناهره تماماً\الحين من يفكنا من بتال...خلينا نجهز قشنا احسن ...والله ماعاد نقعد عنده ليل..وهي كشفتنا ..ان يدق بتال على اهلنا يجون يشلونا جنازه... مناير مستمره في دعواتها لكن هذه المره برفعة يدين وتوجه للقبله\يالله ياكريم تجعل بتال حضاً ونصيباً انا وها العله منيهل مايعرف غيرنا ومانعرف غيره.....ماتفرقنا يا كريم ولاتولي علينا ظالم ولاتعطي ها الظبي رقابنا..يالله ياكريم مانبي الا الستر والوفق...آمنعنا منها عاجل غير آجل...يآرب الناس يدعون ها الوقت با المطر والخير ..وانا آنتشبت فيها مآغير آدعيك انها تفارقني...يالله لاتكسر خاطري...ولاتشمت عدواتي فيني ترى فيهم شر..وبيفرحون علي اذا جيت بيت اهلي مطلقه...يارب مرة اخوي الجازي بعد فيها شر..آنكب عفشها مع الظبي ياكريم...! مناهل ناظرتها بنصف عين ومن ثم قآمت.... مناير تمسح وجها بعد الدعاء الحار والمتعب لها...ومن ثم قآمت بسرعه لجناحها.. ...... بعض العيون حقدها في نظرها 000لضمني بين الاهداب | ||||
|
| |
|
04-07-11, 09:59 AM
| #20 | |||||||||||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| 
التعديل الأخير تم بواسطة لامارا ; 07-02-13 الساعة 09:42 AM | |||||||||||||
|
| |
 |
| أدوات الموضوع | |
| انواع عرض الموضوع | |
|
|
113Likes
العرض العادي
