آخر 10 مشاركات
ندبات الشيطان- قلوب شرقية(102)-للكاتبة::سارة عاصم*مميزة*كاملة&الرابط (الكاتـب : *سارة عاصم* - )           »          602 - عودة الحب الى قلبي - كارول مورتيمر - ق.ع.د.ن *** (الكاتـب : ^RAYAHEEN^ - )           »          ❤️‍حديث حب❤️‍ للروح ♥️والعقل♥️والقلب (الكاتـب : اسفة - )           »          [تحميل]من قريت الشعر وانتي اعذابه من كتبت الشعر وانتي مستحيلة لـ /فاطمه صالح (الكاتـب : فيتامين سي - )           »          متاهات بين أروقة العشق(1) *مميزة و مكتملة* .. سلسلة قلوب شائكه (الكاتـب : hadeer mansour - )           »          ✨الصالون الأدبي لرمضان 2024 ✨ (الكاتـب : رانو قنديل - )           »          كُنّ ملاذي...! (92) للكاتبة: ميشيل ريد *كــــاملة* (الكاتـب : Gege86 - )           »          وأغلقت قلبي..!! (78) للكاتبة: جاكلين بيرد .. كاملة .. (الكاتـب : * فوفو * - )           »          ساحرتي (1) *مميزة , مكتملة* .. سلسلة عندما تعشق القلوب (الكاتـب : lossil - )           »          بقايـ همس ـا -ج1 من سلسلة أسياد الغرام- للكاتبة المبدعة: عبير قائد (بيرو) *مكتملة* (الكاتـب : noor1984 - )


العودة   شبكة روايتي الثقافية > قسم الروايات > منتدى الروايات والقصص المنقولة > قسم ارشيف الروايات المنقولة

موضوع مغلق
 
LinkBack أدوات الموضوع انواع عرض الموضوع
قديم 22-05-17, 08:08 PM   #1

اوراق الزمن

? العضوٌ??? » 400150
?  التسِجيلٌ » May 2017
? مشَارَ?اتْي » 2
?  نُقآطِيْ » اوراق الزمن is on a distinguished road
?? ??? ~
My Mms ~
Rewitysmile27 رواية ثلاث ملامح لوجه واحد للـ الكاتبه اوراق الزمن ..


مسيتو بالخير جميعاا اليوم انقل لكم رواية ثلاث ملامح لوجه واحد نيابةً عن صديقتي الكاتبه اوراق السنين والتي لسبب ما يخص الاتصال لاتستطيع نقلها لكم مباشرة لن أطيل كثيرا
قراءة ممتعه ..








{بسم الله }


بدايةً هذي اول تجربه لي بكتابة روايه أتمنى اكون عند حسن ظنكم واعجابكم احتجت الكثير من الشجاعه صدقا عشان اخطو هذي الخطوه وتأكدو ان الصوره اللي تشكلت امامكم ماجت الا من تعب وصبر وتشجيع اكثر من مره اخيرا ما أحلل احد ينقلها لمنتديات ثانيه غير صديقتي او ينسبها لنفسه ..



أحيانا نستيقظ لندخل في غيبوبة تسمى حياة .. وأحيانا أخرى نغفو لنحيا بعيدًا .. بعيدًا عن كل شي .. ولكن الأسوأ يكمن في أن نغفو لنحيا أقرب إلى كل ما نريد الابتعاد عنه في الواقع ، تصبح أحلامنا وقتئذ تشويهّا لواقع كان في الأصل مرفوضّا ، قبل أن تتفنن خلايا عقلنا في تقريبه منا لدرجة نمقتها .. وكأن تلك الأحلام ريشه تعبث في لوحة حياتنا بدقه ، دون أن تُلونها ! فنصبح في النهاية عالقين بين حالات ثلاث .. واقع مرفوض ، وأحلام منبوذه ، أما الحالة الثالثه فهي أنا اتوسطهما !



الفصل 1 .



كانت واقفه تناظرهم بصدمه وبذهول تلتفت لـ امها وخواتها كل وحده تصيح اكثر من الثانيه رجعت لفت لـ اخوانها وجيههم ماتبشر بالخير وخالد متلثم بشماغه ويهتز من الصياح وزعت نظرها على ابوها عيونه الذبلانه بشكل ملحوظ و منسدح على فراشه بهدوء وسلام تام مدت يدها تلمس لحيته اللي كساها الشيب اقتربت اكثر لـ ابوها تهزه بجنون

' يبه يبه حبيبي اهلي انت شف الخبول هذول يصيحون على مادري وش '

صمت رهيب كان الفاصل وسط صدمتها وعيونها تتأمل ملامح أبوها والتجاعيد الرهيبه حول عيونه وكأن فيها الامل انه يرد ويسمعها يتدارك نهاية هذي الصدمه ..

اقترب محمد منها يبي يبعدها عنه وقال بحزن وهم

" انتي مؤمنه لا تسوين كذا وهذا المصير كلنا بنرو ...'

قاطعته بصراخ " ولا كلمه ابوي مو رايح مكان يتهيأ لكم ورجعت تهزه يبه سمعت وش يقول ذا قوم الله يخليك اثبت لهم العكس انا متأكده ماتروح وتخلي بنتك حبيبتك "

زاد صياح امها وخواتها وكأن بتصرفها هذا ترش الملح على الجرح مو ناقصهم وجع وحزن كانوا خايفين من ردة فعلها لانها اكثر وحده متعلقه فيه ولا احد منهم تجرأ ينقل لها خبر وفاته تركوها تواجه هذا المصير وحطوها تحت امر الواقع ،

اقدامها ماعاد هي قادره تحملها فقدت توازنها وسقطت على الارض بجانبه تطيح دموعها لا شعوريا وصوتها يعلى بالبكاء ضمت أصابعها بقوة للشفاها من أنفجرت العبره في فمها .. حتى تهتز كتوفها بقوة ..

" ليش يايبه ليه تسوي فيني كذا ، اهون عليك انا ااه ياربي صبرني استغفر الله استغفر الله "

قالتها والحزن والخذلان يكوي قلبها تحركت بسرعه خارجه من المكان لغرفتها تبي تختلي بنفسها يمكن تستوعب اللي قاعد يصير ،

ركض يلحقها نايف يخاف تسوي بنفسها شي من صدمة الخبر دخلت غرفتها وسكرت الباب بقوه سد اذانيه نايف من قوة صوت الباب تنهد وقال بقلق

" ريم نظر عيني افتحي الباب مايصير اللي تسوينه بنفسك كلنا متأثرين بموتته لكن ماسوينا مثلك لازم نصبر "

رفعت صوتها : خلوني لوحدي ما ابي اقابل احد '

ابتعد من امام الباب بيأس ورجع لقا الاسعاف وصل ويشيلون ابوه متجهين فيه للمستشفى وقفهم ورفع الغطاء الابيض عن وجهه وتم يناظره بتأمل يبي يخزن شكله بذاكرته قبل يندفن طبع قبله وداع عميقه اخيره على جبينه نزلت دمعته غصبا عنه مسحها بسرعه واستغفر ربه غطاه مره ثانيه وساعدهم بحمله للسياره انهى اجراءات الوفاة على عجل وتحركت السياره من امامه مبتعده أخذ يتأملها بذهن شارد الين ماختفت كليا انتبه انه يناظر للفراغ زفر بهم لازم يستجمع نفسه قبل يدخل هو الكبير الان والمسؤوليه كلها وقعت عليه ..



.................................................. .........

في مكان بعيد كل البعد عن هذه الضجه بأحد المباني الوزاريه التي تخص الدوله وتحديدا مبنى وزارة الداخليه الشاهق ارتفاعه والتي تُحيطه كاميرات المراقبه من جميع الاتجهات والحرس منتشرين بكل زاويةٍ به يجلس منهك امام اللاب توب يشعر وكأن راسه سينفجر يجمع كفيه ويمسح على وجهه بتعب يجب ان يدرس جيدا كل خطوه يقررها الوضع صعبٌ جدا اكثر من مايتخيل أرسلنا بالثلاث الاعوام اللي مضت أربعه من اكفأ رجالنا بداعي التجسس ومعرفة خطوات الخليه الارهابيه وتم عقد اجتماعات كثيره لطريقة التواصل معهم حين يذهبون الى هناك بحيث لا يكشف امرهم وهاهو الخامس ذهب ولم يعد بل حتى لم نستطيع الوصول اليه كغيره من الرجال وكأن الوضع اشبه بالغابة المظلمه من يدخل لايخرج ابدا وان خرج لـ كان ميتاً بـ التأكيد ، اغلق اللاب توب بهدوء و أخذ بعض الملفات التي تخص القضيه تحرك متجهاا لمكتب وزير الداخليه خرج من مكتبه الذي لا يفتح الا ببصمة اصبعه فقط يمشي بكل هدوء وثقه بين الممرات متجاوز للموظفين وقف امام المصعد حتى فُتح دخل ووضع الشيفره السريه ليظهر امامه جهاز يتم التعرف على بصمة العين من خلاله ماهي الا ثواني وسُمح له بالنزول بينما من هم خارج المصعد يهيأ لهم انه يتجه الى الاعلى ، وصل الى مكتب صديقه قبل ان يكون وزير الداخليه دخل والقى السلام على عجله وقال بعدم صبر

" راجح ماينفع كذا كل ما ارسلنا رجل من اكفأ الرجال اللي عندنا يختفي ولا ندري عنه بشي لازم ندور خطه غير ذي كل سنه نخسر رجل تعبنا بتدريبه واعداده على هالحال عيالنا كلهم بيصيرون عنده "

على الجانب الاخر جالس على مكتبه يدقق بـ اوراق بيده ويشرب من قهوته بهدوء قال بشي من تلطيف للجو " بسم الله وراك داخلن علي كذا اهجد لا اخليهم يخلونك تتعفن بالتوقيف على اسلوبك ذا "

جاسر بسخريه " تسويها والله ولنا في الماضي عِبر ( كمل بجديه ) خل المزح هلحين لازم نغير الخطه ونبدا بشي جديد ومضمون كل مالهم يتمادون ويجرون من شبابنا لصالحهم بداعي الدين والجهاد وهالضعوف تمشي عليهم "

اخذ رشفه من القهوه وقال بنبره قويه " لا تحسبني غافل عن اللي يسونه اعرف كل تحركاتهم لكن ماينفع نتخذ اجراء بهذي السرعه تحت تأثير العصبيه والعجله مجهز خطه بس ادقق فبعض الامور فيها واطرحها عليك انت وعبد الله لكن اصبر الصبر زين "

قال والحسره والألم تجتمع بصوته " لا تلومني باللي أحسه لنا 12 سنه نطاردهم كنا 4 وعملياتنا تتم بسريه تامه وفقدنا واحد منا بمطاردتنا لهم كل مره ادخل فيها الوزاره اتذكر فهد وملامحه واحس قلبي بيطلع من مكانه من الوجع لا شفت مكان مكتبه ولا لازرت بيته وقابلت عياله الوضع طال واللي بيجيب رقبة هالخسيس انا لازم ينمسك ب اسرع وقت "

راجح بضيق " ما الومك انا وترا كلنا زعلنا وبكينا على فهد مو بس انت لحالك وعياله وزوجته الدوله مهتمه بكل شي يخصهم وانا بنفسي مشرف على هالشي ماله داعي تشيل هم لا تخلي الغضب والانتقام يعميك ولا تنسى انهم اكثر من خليه متداخله فـ بعض وياليتها ارهاب وبس مخدرات وقتل بعد التهور والاقدام بدون خطه رح يضيعنا وكأنا ماسوينا شي وجهد فهد وجهدنا كل هالسنين بيضيع "

رمى نفسه بـ اهمال على الكنبه المتواجده امام المكتب وحط يده على عيونه وهو شبه مستلقي التفكير بالعمليه يرهقه كثير واللي يضغط عليه زياده ويسبب له هالحاله لا زار بيت فهد وشاف عياله يحمل نفسه مسؤولية موته وانتقامه لهم وله عن ابوهم وخويه اقل شي ممكن يرد حقهم هو نجاح العمليه وتدميرهم ، قطع حبل افكاره راجح وهو يقول

" اذا كل مره تروح لبيت فهد الله يرحمه وتسوي هالسواة اقطع روحاتك ما ابيك مشتت متهور يفكر ب الانتقام وبس لازم تضبط نفسك ( ناظر ساعته ثم اكمل ) الساعه الحين 2 ونص اخر الليل مابقى شي على صلاة الفجر رح البيت نام لك شوي وريح "

جاسر بتعب " مر الوقت ولا حسيت فيه اي والله اكثر شي احتاجه الحين هو النوم وقبل اطلع وانسى جبت لك ملفات للعمليه ممكن تفيدنا بكرا ونحصل ثغره او اي شي "


" رح بس ولا تشيل هم بكرا ان شاء الله يجي عبدالله ونجتمع وانا بعد يبيلي ارتاح لكن لازم اخلص هالبيدي "

هزيت راسي بهدوء وتمتمت " على خير ان شاء الله فمان الله "

طلعت من المكتب متوجه للبيت وانا اقنع نفسي ان بكرا بنلاقي الحل لقضيتنا ونرتاح

.................................................. ....................


واقفه تودع اخر وحده من المعزين اللي ماتجاوز عددهم العشرة حريم وأغلبهم جيرانهم من الحي انتظرتها لين تطلع لوحت بيدها مودعه لها وقفلت الباب وراها سندت نفسها على الباب تحس انها لهلحين مو مستوعبه موت ابوها هذا ثاني يوم للعزا وماتدري كيف مرت اليومين هذي عليها فقدت ابوها حبيبها وهو كل شي بالنسبه لها تركها وراح لذي الدنيا المليانه بالمتاعب والهموم عزاي الوحيد ان بموته انتهت مرحلة معاناته مع المرض و الالم وحسرته على اهله الله يرحمك الله يرحمك ويجمعنا فيك بجنته ، ضمت نفسها من الهواء القوي اللي مر تحركت بخطوات بطيئه لداخل البيت لقت امها والكل مجتمع بالصاله دخلت وقالت

ريم بـ ارهاق " تبون احط لكم عشاء محد منكم اكل شي ؟ "

الجازي " محد له نفس ياكل شي اجلسي وريحي ملائكتك من اليوم وانتي واقفه "

ام نايف اللي كانت اكثر وحده ملتزمه الصمت وصابره قالت بـ هدوء واتزان " تعالي يمي اجلسي محد ناقصه شي انا عندي كلام وابيكم تسمعوني للأخير "

استغربوا كلهم ماعدا ريم كانت عارفه وش اللي بتقوله امها يناظرون بعضهم باستفهام نبرة امهم ماتبشر بالخير والجديه واضحه بصوتها

التفت عليها محمد وقال بتساؤل " خير يمه وش فيه ؟ '

قالت بنبره حاولت قد ماتقدر تطلع لعيالها بـ اتزان وثبات " اسمعوني ياعيالي ابوكم مات الله يرحمه وهلحين هو تحت التراب وماتجوز على الميت غير الرحمه ولكنه موصيني بعد موته يبيكم تعرفون ان لكم اهل اللي هم اهل ابوكم مو مثل ماكان مقنعكم انه يتيم ولا عنده اخوان بـ استثناء ريم لأنها تعرف قال لها كل شي ، ابوكم رحمة الله عليه وصاني اقول لكم هالشي و نوصل لجدكم وصيته هو كاتبها ولا يفتحها غيره هو ابوه "

ألتفتوا كلهم على ريم يناظرونها بصدمه وذهول وش اللي تقوله امهم الحين طلع لهم عمان وعمات وجدانهم عايشين و ريم تعرف كل ذا وساكته

قال خالد بعدم تصديق " وشو يمه لنا اهل ؟ ولا عايشين وينهم عن عزا ابوي هذا ثاني يوم له محد تكرم وجاء !! "

نايف بنفس النبره والصدمه " وش اللي تقولينه يمه من متى عندنا اهل وليش ماندري عنهم وينهم عن ابوي وعنّا من زممان "

قالت ريم بسخريه لاذعه " ريلاكس انت وياه تراهم محسوبين اهل لا اقل ولا اكثر اقولكم بس لجل مااتحمسون "

الجازي بانفعال " تعرفين طول هالسنين ولا كلفتي على نفسك تقولين لنا وليش انتي بس اللي تعرفين حتى نايف مايدري ؟ "

ريم بدفاع " لا تدرعمين اول شي ماتكلمت لان ابوي ماكان يبي احد منكم يعرف عن اهله بشي وثاني شي (واردفت بمصخره ) عرفت بالصدفه قبل 10 سنين كلكم كنتوا بمدارسكم ونايف في دوامه محد بالبيت غيري انا وابوي وامي ولا ندري الا باللي يدق الباب وشوي ويكسره علينا ومحسوب عليكم عم يتهجم على ابوي ويتهدد بالمجلس يوم ابوي دخله ماتذكرون يوم ابوي فجأه طاح وتعب علينا ! كان من بعد جيت عمكم المزعوم اكمل بعد ولا اصدمكم بحقيقة هالاهل اللي طلعوا فجأه ؟ "

وقفت مها والفرحه مو سايعتها" دقيقه يعني صدق هالكلام ؟ الله يعني بيكون لي جد وعمان وبنات عم ؟ وش ذا الوناسه ورا محد قال لنا من زمان '

ريم بنبرة غضب " وشرايك بعد نتخير قصر من قصورهم ونسكن فيه ( واكملت بطنازه ) وتاخذين بعد الجناح اللي يطل على الحديقه ؟ "

الجازي بنفس النبره " وش فيك مشتطه انتي خل البنت تفرح وبعدين وش سبب الكره الواضح وطايحه سب فيهم فيه سبب ولا مثل عادتك وقعدت تقلدها (والله ابد هالناس مارتحت لهم ) "

جلست على الارض ماده رجولها وضحكت بصوت يملي كل المكان استمرت بالضحك لين مالمعت عيونها بالدموع تحت انظار الكل اللي مستغربين فعلها رفعت يدها لحنجرتها تحس بـ ألم من خنقتها العبره

قالت بنبرة حسره وكره " ايه طبيعي ماتعرفون شي واخذتوا موقف الدفاع على طول عمانكم هذول اللي متعشمين فيهم ..."

قاطعتها امها وصوتها الضعيف يمتلي بالغصه " مو وقته يالريم كلنا تعبانين نفسيا وجسديا "

ريم بقهر " لا وقته يمه يكفي كل هالسنين اللي مضت وانا ساده فمي وساكته يمه من اليوم ورايح لا تطيح دموعك على شي مايسوى خليهم يعرفون وش سوو بك انتي وابوي يوم انه تزوجك بـ الحلال طردوه وكأنه مو ولدهم ومنهم وفيهم وكم مره حاول يرد المياه لمجاريها لكن ماقابل منهم غير الصد والتبري منه ليش انه اخذ وحده غير بنت عمه وقبيلتها لهم نزاعات بين قبيلتنا جريمته انه حب وعشان يصون هالحب العفيف قرر يتزوجك ؟ "

نزلت عيونها بالأرض حتى تاخذ نفس بقوة تحاول تقهر شعور الموت اللي باغتها من الذكريات السيئه حاولت تكتم العبره بقلبها مثل دايم ولا توضح لهم شي ولكن ماقدرت انفجرت تصيح وغطت عيونها بشيلتها ،


جلس نايف قبالها وقال بـ قهر " ماعاش اللي ينزل دمعه من عيونك اهدي والله مايصير الا اللي تبين وتامرين عليه لكن لا تبكين ما اقوى دمعاتك والله ما اقواها يمه "

اقترب خالد ومحمد منها وحاوطوها بحب قال محمد " يمه مايهمنا الماضي وزواجكم اللي يشوفونه عار وغلط بالنسبه لعيالك وسام يعتزون فيه طول عمرهم يكفي انه جاب لنا اغلى ام بالدنيا (حب راسها وطلع مناديل من مخباه يمسح دموع امه ) "

خالد بتأييد " انشهد كل كلامهم صح واللي مايبيك مانبيه ولو كان من الاهل طول عمرنا عشنا حياتنا بلاهم وبنكملها بدونهم زي مابدينها و اللي يربطنا فيهم وصية ابوي بس لا تشيلين هم يالغاليه "

رفعت عيونها للسقف وخذت نفس عميق ثم رجعت تناظرهم وقالت بنبرة خوف " انا ما بكيت على اللي راح لانه فات وانتهى والاخذ والعطا فيه نقصان بالعقل ابكي على الجاي جدكم وعمانكم من تقبلون عليهم ماتدرون وش يحملون لكم من شر وأذى لامنهم دروا انكم عيال سلمان ونويّر وانا مابحياتي الا انتم خسرت ابوكم بسبتهم ولا ابي اخسركم معه "

نايف وهو يطمنها " لهم الشرف لا اقبلوا عليهم عيال وبنات نويّر وسلمان لا تخافين مايقدرون يسوون شي لا تنسين اني ضابط ورئيس قسم مو ناقصني شر واذيه حتى انا ماحنا بمناسبينهم ننفذ وصية ابوي ونضرب الباب "

مها انفجرت ضحك " فديته الضابط ماعرفتك وانت تهايط مو من عادتك بس هاه تكفى شايب ابليس ان زودها تله للسجن "

محمد وهو يجاريها " تخيلوا بس مكلبش يديه وتاله تل للسجن وهذاك فاصل ويسب ويعنني انا شيخ القبيله وانت ماتعرفني وماني مخليك والله هاللحظه ان صارت يبيلها توثيق بالسناب "


ريم بـ جمود " ياحبكم للشماته اقطعوا الهرجه انت وياها كان يوم متعب وختامه حكي يضيق الخلق وامي بعد تعبت خل تدخل غرفتها وترتاح بكرا نكمل وناخذ التفاصيل اكثر "

الجازي بتأييد لكلام ريم " ايه يمه يبيلك ترتاحين تعبتي اليوم و رجولك ماتقوى على الضغط المستمر ادخلي ارتاحي "

قامت من مكانها تستند على عصاتها وتمشي ببطء بنبره تحذير " ياويلكن ان سهرتوا لوقت متأخر واتعب انا بتصحيتكم مثل كل مره نامن بدري لا هالعصا توطوط على ظهوركن "

مها بخوف مصطنع " لا لا كله ولا عصاتك اطال الله في عمرك يكفي اليوم بغيتي تكسرين ضلع من ضلوعي الفاتنه "

أرتسمت على شفاتها أبتسامه هاديه حتى تتحرك صوب باب غرفتها " انتي بـ الذات اول وحده قلت لكن عاد والكلام للجميع "

تحرك الكل متوجهين لغرفهم بعد هذا اليوم المهلك نفسيا اكثر من كونه متعب جسديا وقفت بتلحق خواتها استوقفها نايف وقال بهدوء ' ريم أجلسي ماخلص حكينا '



هذا وبحمد الله تم الفصل الاول حاولت قد ما اقدر اطوله وبالنسبة لمواعيد البارتات بتكون اسبوعيا كل اثنين الساعه 11 بالليل لكن طبعا اذا حصلت استجابه منكم وردود .. وبالمناسبه اي تعليق و انتقاد بناء وليس جارح اتقبله بكل رحابة صدر واذا عندكم تعديلات فبعض الاشياء بـ الروايه لان ممكن يصدر اي خطا مني بحكم انها اول تجربه لي بالكتابه لا تبخلون علي واطلعوني عليها عشان ترتقي الروايه للافضل بمساعدتكم وحبكم وبرضو تنال على رضاكم واعجابكم اولا واخيرا .

{سبحانك اللهم وبحمدك اشهد ان لا اله الا انت استغفرك وأتوب اليك }
[/align][/font][/color][/size][/size][/font]




اوراق الزمن غير متواجد حالياً  
قديم 29-05-17, 10:05 PM   #2

اوراق الزمن

? العضوٌ??? » 400150
?  التسِجيلٌ » May 2017
? مشَارَ?اتْي » 2
?  نُقآطِيْ » اوراق الزمن is on a distinguished road
?? ??? ~
My Mms ~
افتراضي

رسالة من الكاتبه " كل عام وانتم بخير رمضان كريم والله يعوده علينا وعليكم كل سنه وانتو طيبين وبـ افضل حال .. معليش بنات مضطره اوقف الروايه مؤقت مع اني مابديت فيها الا قبل شهر تقريبا وماتجاوزت حتى البارت الثالث اخذني الحماس واستعجلت بتنزيلها وانا لمى اكتب روايه ابي اكون ملتزمه فيها وبالموعد المحدد ولا يصير فيه تأجيل او تاخير لكن ماعندي وقت اكتب واحاول اخلق الفرص للكتابه واحيان اقابل اللاب توب واقعد عاجزه ماتطلع من كلمه حتى اوعدكم بس اوصل لنص الراويه على الاقل ارجع واعرضها لكم .. مع حبي وتقديري لكم ❤ "

اوراق الزمن غير متواجد حالياً  
قديم 30-05-17, 12:42 AM   #3

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي


هلا وغلا أوراق الزمن وصديقتها

وكل عام وأنتن بخير

إن شاء الله يطيب لك المقام وتجدي التفاعل اللي يسرك

تغلق الروايه حتى عودة الكاتبه لتنزيل البارتات وإبلاغ المشرفات لفتح الروايه




فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


موضوع مغلق

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

الانتقال السريع


الساعة الآن 03:03 AM



Powered by vBulletin®
Copyright ©2000 - 2024, vBulletin Solutions, Inc.