آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
29-12-11, 02:21 AM
| #11 | ||||||||||
| نجم روايتي والفائز بجائزة التسالي الرمضانية وأميرة حزب روايتى للفكر الحر  
|  البارت السابع ماذا أقول له لو جاء يسألني رجلا أن كنت أكرهه أو كنت أهواه ماذا أقول :أذا راحت أصابعه تلملم الليل عن شعري وترعاه؟ وكيف أسمح أن يدنو بمقعده؟ وأن تنام على خصري ذراعاه؟ غدا أذا جاء...أعطيه رسائله ونطعم النار أحلى ماكتبناه حبيبتي!هل أنا حقا حبيبته؟ وهل أصدق بعد الهجر دعواه؟ أما انتهت من سنين قصتي معه؟ ألم تمت كخيوط الشمس ذكراه ؟ أما كسرنا كؤوس الحب من زمن فكيف نبكي على كأس كسرناه رباه..أشياؤه الصغرى تعذبني فكيف أنجو من الأشياء رباه؟ هنا جريدته في الركن مهملة هنا كتاب معا...كنا قرأناه على المقاعد بعض من سجائره وفي الزوايا..بقايا من بقاياه مالي أحدق في المرآة ..أسألها بأي ثوب من الأثواب ألقاه أأدعي أنني أصبحت أكرهه وكيف أكره من في الجفن سكناه؟ وكيف أهرب منه .؟؟أنه قدري هل يملك النهر تغيير لمجراه؟ أحبه...لست أدري ماأحب به حتى خطاياه ماعادت خطاياه الحب في الأرض بعض من تخيلنا لو لم نجده عليها...لاخترعناه ماذا أقول له لو جاء يسألني أن كنت أهواه أني ألف أهواه...# وقف بسيارته الجيب آخر موديل بوسط المزرعة ...فتح الشباك وهو لابس نظارته الكبيرة ماركة ديور وشعره مرجعه لورى ...تنهد بصوت مسموع وسحب الأوراق ألي جنبه.. رفعها وقعد يقرى فيها لثواني بس مسرع ماأبعدها وهو xxxxx من شي ..لف يطالع الأشجار ألي مغطيه سور المزرعة والورد المتناسق حواليه..هبت هواء حارة شوي تداعب خصلات شعره وهو يطالع كل شي بعبث ..حرك عينه صوب المساحه الخضرا الوسيعه قباله وصوت الماي وهو يسقي الشجريتردد على مسامعه...رفع يده وعدل ياقة بلوزته السودا ألي منسمجه بشكل جذاب مع بياض بشرته وسواد شعر عوراضه وشواربه..جى العامل له يركض وبسرعة فتح الباب العامل:بابا أنتا فيه زواج كيف يجي؟؟ جابر ينزل ويوقف قبال العامل ألي صار ولاشي قدام طوله وضخامته:مالك شغل..جدي هينا العامل يهز راسه بخوف وكأنه حس أن جابر مو بمزاج يسمح للمزح:موجود بابا..موجود رمى جابر المفاتيح بوجه العامل وراح يمشي بخطوات متوازنه مع صلابه أمتلت ملامحه رغم أن هالملامح لمجرد مايشوفها الشخص يعكس له أن صاحبها طيب ومزوووح وكانت شخصيته مفارقه عجيبه بينها وبين ملامحه الهاديه...صار بكل خطوة يشد بقوة على الأوراق ألي بين أيديه وكأنه وده يقطعها قطع صغار ظل يمشي على الرصيف وهو يضرب الأوراق بكف يده ..صعد الدرج وسحب الباب بعصبيه..أستقبله سيب فخم عليه صور للجد سعد.. وحده وهو راكب خيل أبيض وبجنبه ذعار...والثانيه له وهو يستلم درع بحفل كبير والأضاءة الذهبيه فوق كل صورة وعلى طول أسرع بخطواته وهو يطالع بأخر السيب باب خشب مليان زخارف والفخامة للحين عنوان لهالقسم...دف الباب بقوة وراح صوب جده ألي كان قاعد على مكتب يليق بهالشخص العظيم.. رمى الأوراق على الطاولة وبكل هدوء رفع الجد سعد عيونه لجابر وهو لابس نظارة طبيه وماسك بيده عصا لونها ذهبي وريحة السجارة وهي على وشك الأنتهاء موجودة بصحن صغير قبال الجد ألي معالم الترف باينه عليه بأندماج عجيب مع هيبته وهالشيب ألي غطى شعر لحيته بالكامل...ظل الجد سعد يطالع جابر وهو متكشخ وكل شي لابسه حفيده كان يحس فيه بالفخر والأعتزاز دام أنه يلبس أفخم شي الجد سعد يتساند بظهره على الكرسي ويرص بمسكته للعصا:هلا والله بذراعي اليمين ..أشوفك عندي هينا وتارك عروستك لحالها جابروهو متنرفز:أي عروس مصدقين أنتم أني بظل مع هالأشكال ...جدي أشفيك؟؟كنت رافض وجودها بينا وش تغير..وبعدين أنا مستحيل بكون ذراعك اليمين وأنت عارف أني كونت مستقبلي وأسست حياتي بعيد عن فلوسك وفلوس أبوي الجد سعد بأبتسامة أستغرب منها جابر وهو يسحب الأوراق:جيتك اليوم وراها شي ماهي بعبث أبد...!!! فتح الجد سعد الأوراق والأبتسامة للحين تزداد أكثر وأكثر...وقف جابر يطالع بجده وهو مو قادر يتحمل تصرفات جده ألي تنرفزه جابر يرمي نفسه على الكنب وكأنه تعود على أسلوب جده الأستفزازي:هذي أوراق بيع أرض من أراضيك والفلوس حولتها لرصيدك بس لا يجي في بالك أني بترك مستقبلي وأدير أموالك ...عندك أبوي وبدر يكفون والله الجد سعد بوناسة:أنا ثقتي فيك كبيرة..صح أن ذعار هو ذراعي اليمين وهو ألي ربيته وخليته طبق الأصل مني بس ألله ما أراد وتوفى... جابر بملل :طول عمرك تغلي ذعار أكثر منا لأنه ولد خويلد..ولد ولدك.. ألي ربانا بعد ماتوفى أبوي وصار غصب يربي عيال أخته فوزية...وحنا ماكنا غير عيال بنتك ألي ضميتنا تحت قصرك الكبير وتعودنا بدال مانقول للعم عم..صرنا نقول له يبه.. الجد سعد يرفع عصاه ويضربها بالأرض بكل عصبيه:تعديت حدودك ياولد غانم وقاعد تقول كلام أكبر منك بكثير ولو سمع خويلد هالكلام ماراح يحصل لك طيب ..مو كفايه أنه رباكم نفس ولده ذعار ومافرّق بينكم أبد جابر بكل برود:ههههه لدرجة ألغينا من حياتنا هوية غانم وصار بداله خويلد...(حط رجل على رجل)ماعلينا أنا جيت على أساس أتفاقنا أني أتزوج زوجة ذعار وبعد ماتتعود ورد علينا أرجع هالي ماتتسمى والله أسمها أنساه..للمكان ألي أخذتها منه وأرمي بوجها ورقة طلاقها... الجد سعد ينزل نظارته وهو يحاول يهدى بعد ماتبدلت ملامحه وصار مثل الوحش:قول ألي في خاطرك تراك تربية أيدي أنت وأخوانك ..أعرف أن وراك شي جابر بأبتسامة وهو يعرف جده وذكائه ألي يشهد له الكل:أبصراحة سالفة أني أتزوج هالبنت عشان تحافظ على سمعة العايلة مادخل ببالي والدليل أنك عطيتني تلميح أنها أكبر مني وأكتشف بالصدفة أنها بنفس عمري يعني 26سنة قام الجد سعد من كرسيه وراح وقف قبال الشباك ألي على طول الجدار وهو يطالع مزرعته ألي على أمتداد البصر الجد سعد بعد صمت وهو يطالع المزرعة بتركيز:تبي تعرف السبب الرئيسي ورى هالزواج؟ جابر ينزل رجله ويطالع جده ألي معطيه ظهره:أي أبعرف لأني أمس مديت يدي على هالعجوز ورحت نمت بشقتي ...أنا مو قادر أتحمل وجودها عطني سبب يقنعني الجد سعد يحرك راسه صوب جابر :بس على شرط جابر :....... الجد سعد يرفع حاجبه اليمين:لاتخيب ظني فيك نفس ماسوى ذعار وأبوها والطعنه كانت من ألي أعتبرته ذراع لي(ضحك بطنازة)ومن ألي مفروض يكون عون لي عقد جابر حواجبه وأحساسه أن سالفة هالزواج كبيرة طلع صح...حس بالتوتر يمتلك قلبه وهو يطالع جده يبيه يتكلم ..يقول الشي ألي حيره...يعطيه السبب لوجود وحده بحياته وهو كاره هالشي ...وماوافق ألا أحترام لأبوه خويلد وماكان يبي يكسر كلمة الشخص ألي رباه وأهتم فيه الجد سعد يرجع يطالع المزرعة:أنا من قرر أن ذعار يروح يتزوج هالبنت بالذات وعارف أن أبوها واحد طماع ومايملى عينه غير التراب جابر بصدمة:..... الجد سعد يكمل ووراه جابر يسمع بكل صمت أحتواه:لأن...لأن بو ذعار يفتح الباب ويدخل:لأن جاردينيا تكون بنت عمك وعبدالله ألي شفته هو عمك...وذعار ولدي تزوجهابعد ماأوهمها أنه شرطي وساعدها من العيشة ألي هي فيها بشور من جدك حتى يرجع الفلوس ألي سرقها منه عبدالله بعد مازاد الطمع في قلبه وصار حلمه يورث كل شي من جدك..(جلس بوذعار على أقرب كنبه عنده بعجز وكأن هالسالفة بصمة عارأنكتبت تكون من ولده الوحيد..كمل) وبعد ماحقق ألي يبيه أعمت الفلوس عينه...4ملايين مو بسيطه أبد ^ ^ ^ كـــــــــــــــــــــت.... .. | ||||||||||
|  |
|
29-12-11, 02:27 AM
| #12 | ||||||||||
| نجم روايتي والفائز بجائزة التسالي الرمضانية وأميرة حزب روايتى للفكر الحر
| البارت الثامن سكت بوذعار وشفايفه بدت تهتز من عبرة أخنقت صدره...رفع عيونه لسقف وهو يستغفر جابر:أكيد الفلوس رجعت لك ياجدي...صح!! الجد سعد يتحرك بخطوات بطيئه ويجلس على الكنبة ألي جنب جابر:لا..سافر ذعار لبريطانيا بعد ماحول الفلوس كلها لرصيده وأبد ماشفناه من بعدها...أخذها لنفسه وتناسى أهله سوى سواة عمه الخاين...وماعرفنا وين راح ألا بعد مادقت السفارة علينا وقالت أن ذعار بين الحياة والمووووت سكت جابر والكلام وقف على أطراف شفايفه بعد ماسمع السالفة كلها...رفع عينه ولمح دمعة خانت أبوه بأنكسار مهين وألي شافه ماأحد يتحمله الجد سعد يتنهد:وكل ألي صار من ورى بنت عبدالله ..طالعه على أبوها بنت الخدامة ...أكيد هي ألي أقنعت ذعار ياخذ الفلوس لهم لحالهم ويسافر هو ..بعدين تلحقه هي وبنتها خطط فاشلة بس رب العالمين لهم بالمرصاد توفى ذعار قبل يتهنون بهالفلوس(طالع جابر وبكل حقد وغضب همس)وهالحين فلوسي صارت كلها لبنت اللذينا..ورثتها عن زوجها وأبيك تاخذ حق جدك وأبوك منها ..تعذبها وتخليها تعرف كيف تلعب معنا لعبة وسخة..وبعد ماتاخذ هالفلوس أرميها حتى لو بصحرا ..تستاهل الموت..بس أبيك تحذر من كيدها ترى كيد الحريم عظيم جابر يرفع أيديه ويحطهم ورى الكنب وبكل ثقة وكبرياء أحتوت نبرة صوته:والله أني قلته ..بيئة المتسولين ألي جايه منها مايعرفون غير هالسوالف...بس ماعليك حط ثقتك فيني وأرتاح أصلن هالبنت بالذات عايفها خلقه ..(وبصوت واطي مايسمعه غيره)حب وكلام تافه...والله من المسخره الزايدة ألي عايشه فيها... الجد سعد ووجهه يشرق بأبتسامه دافيه:والله كفو...قلته ماغيرك بيكون ذراعي اليمين جابر:عشان هالشي نقلتنا لبيت جدتي القديم...والله على بالي تبي ترجع لأيام الغاليه,,,أبصراحة خطيييير بتفكيرك أكيد كنت تبي توهمها أن هذا مستوانا تبي تشوف ردة فعلها الجد سعد يرفع حواجبه ويطالع ولده:تلومني لاقلت أني أشوف نفسي في هالولد.. بو ذعار يصد بعيونه وكأنه كل ألي يصير ماهو معجبه:شفت ..شفت .. أخذ نفس جابر وقام بكل غرور أمتلكه:أنت طلبت مني أنفذ كل ألي تبيه وأنا وافقت وتزوجت وحده رغم أني كارها بس بعد ألي سمعته منك اللعبة لازم تكون في بدايتها شروط و باقي شرطي أنا عشان كل ألي تتمناه يصير الجد سعد بنظرة صامته هزت جابر من داخل:أيه جابر يوقف قبال جده وجه لوجه:كل صلاحيات ذعار وألي أنت معطيها له تكون لي ...كل شي يملكه ذعار في البنوك يتحول لرصيدي ...أراضي و****ات ...حتى الفلل ألي سحبتها منه تكون تحت يدي...(وبمكر أعتلى قمة مشاعره)بالعربي أبي أكون المدير العام لكل شي...وبعد كل ذا أقدر أقول أني ذراعك اليمين.. فتح بو ذعار عيونه على الأخر وقام مستنفر من كلام ولده ألي رباه...مايدري كيف تجرأ يقول هالكلام قبال جده ألي بو ذعار نفسه ماتجرأ بيوم يطلب ألي طلبه ...بالعكس عاش تحت سلطة أبوه يربي ولده وعيال أخته خايف من شخصية أبوه ألي ظلت طول عمرها محافظة على قوتها وهيبتها.. بو ذعار يمسك جابر من بلوزته ويقربه منه: وش قلت..أنت مستوعب أنت وش قاعد تقول وش قاعد تهذي فيه جابر يحاول ينزل يد أبوه:ليه ؟؟أنا وش قلت شي غلط...أبي أكون نفس ذعار ما أماشي غير الشيوخ ....أبي كلمتي فالبيت ماأحد يثنيها أو هو شي خاص بولدك ذعار ألله يرحمه ظل الجد سعد يسمع بصمت وهويشوف ملامح جابر الثايرة قباله...ماسك عصاه بأيديه الثنتين وحاطها قبال رجليه وهو قاعد على الكرسي...أبتسم بعبث بعد ما أمتلكه شعور غريب من ناحية ألي يشوفه قباله....ياما تعب بتربية ذعار لين صار نسخة طبق الأصل منه ...وياما أفتخر بوجوده بين الناس وهو يقول لهم هذا ولدي...بس كل ألي تعب فيه تلاشى فجأه والطعنه جت في خاصرته من ولده وحفيده...ومن غير ماينتبه كانت الوراثة تلعب لعبتها الخطيرة في شخصية واحد من أحفاده وتمر السنين بدون مايستوعب أنه تعب في تربية الحفيد الغلط ...ولولا الصدف العجيبه كان ماأكتشف أن هالحفيد ألي مفروض يكون وريثه هو جابر بملامح توحي بشخصية عكس ألي داخله ....والشي ألي بقى يدل على أن جابر فعلا نفسه هو صوته الرجولي الغليض ...رفع عصاه وضربها بالأرض بكل هيبة أحتوته حتى يعلن أنه موجود ...أبعد بوذعار عن جابر بطريقة عصبية وعلى طول دف جابر بعيد عنه كأنه يقول له جاي الوقت وبتندم نفس غيرك الجد سعد يقوم:تم...من هاللحظة أنت تمتلك كل صلاحيات مديري العام ...ومكانك في البيت بمكانتي ..وش تبي بعد سكت جابر ورفع حواجبه كأنه مو مصدق ألي صار أو هو أستعجل بالي سواه...أخذ نفس وصار يطالع بو ذعار ويرجع يطالع جده بأبتسامة بدت باهته في البدايه...أكيد هو قاعد يتخبط بطريق الغلط ...وش سبب ألي سواه؟؟!!معقوله عشانها...عشان ألي تزوجها وهي تموت في أخوه المتوفي..أخوه ألي ظل يغار منه عشان المكانه ألي عايش فيها ....لأنه من زمان وهو يشوف كلمته مسموعة وعمر أحد ماعارضه...من راح يسترجي يعارض ذعار..كيف تفجر بركان الغيرة ألي تناساه من زمان بهاللحظة...ليه..كله منها لو أنها مادخلت حياته كان ظل هالشي مستور...لهدرجة البركان بداخله طغى على كل شي وصار همه الوحيد يدمر أي شي يتعلق بذعار ...(آآآه)صرخت أعتلت بس داخله وماكان يسمعه غيره ...وبكل تردد مد يده صوب جده برجفه غريبة أحتوت أطراف أصابعه جابر:عطني مفتاح فلته ألي شرق الرياض...أبيها هالحين بوذعار ماهو موافق أن خصوصيات ولده تكون بيد واحد ثاني:بس.... الجد سعد يرفع يده :مافيه بس...(مشى بخطوات واسعة وراح صوب مكتبه الفخم ..سحب أحد الأدراج وبسرعة رمى المفتاح لجابر)هذا هو ... جابر يمسك المفاتيح :يلا...عن أذنكم وبخطوات تحمل لعبة الأنتقام فيها فتح باب المكتب وطلع ...من هاللحظة توقفت عجلة الزمن حتى تبدى اللعبة في يوم جديد حسب الأتفاق ألي أتفق فيه جده...الجد ألي نسى أن هالبنت عاشت مثل اليتيمة رغم أن عايلتها عايشة...عاشت تعاني مصيرها فالعذاب...الكره...الحب..الموت ...تناسى أنها حفيدته وأنها للحين مكسورة الجناح تتألم من الفرقى والوحدة ...رماها بحضن شخص الحب عنده هامش من هوامش الحياة هذا أذا ماكان مدعاة للسخرية عنده...وعدم المبالاة عنوان يعتلي قمة شخصيته ألي تتملكها كثير أنانية وأحاسيس شبه ميته...وعلى كل هالشي تناسى الشي المهم أنها أم تعيش عشان تضحك بنتها ألي هي قطعة من قلبها أذا هالقلب مو محتوي بنتها بكامل أحساسه....لكن هذي هي الحياة تبتسم أفواه على حساب صرخات الغير...وتمشي خطوات في طرق مظلمة على قلوب البشر الطاهرة.... ++++++++++ فتحت الباب بفرح وأستقبلتها صالة وسيعة حيل والخدم منتشرين في كل مكان ينظفون التحف والصور ألي مليانه الصالة بشكل رهيب... غالية تدور:وأخيرا وأخيرا رجعنا لفلتنا من جديد هنادي تنزل شيلتها وبضيق:الحمدالله والشكر تعرفين أن جدي هو ألي أجبرنا نرجع لبيت جدتي القديم ألله يرجعها لنا بالسلامة هند تعبانه من النوم:تكفوون بنات ودي أنام وماقوم غير بكرة الصبح سوسن ترفع عبايتها وبطنازة:فيه أحد يلومك أمس حفلة الملكة كانت شي شي..وبدووور ماقصر وياك أبصراحة شوي ياكل يدك بدال الكيك..قدام قرايبنا الكرام ولا أستحى بس أففففففف قرايبنا وش كثرهم..ألله يهدي جدتي هذا واحد مربيته وهذا واحد مرضعته ومدري شنو هند راح وجها أحمر:عنز!!!!والله أحس أني رحت فيها (وبحماس تكلمت)بس شفتوا زوجة جابر شو كانت لابسة!!!!شكلها ماتدري أن ألي أمس كانت حفلة بسيطة عشان الخطوبة والملكة ...مو الزواج الكبير تمسكت هنادي وغالية بأيدين بعض وهن فاطسات ضحكت...لفت لهم سوسن كأنها شاكة أنهم يعرفون شي ومخبينه سوسن تحط يدها على خصرها:بلوط وعلقم..قولوا قولوا والله مانقول لأحد فتحت أم محمد الباب ومعها أغراض وبسرعة راحت هند وشالتهم أم محمد تمد مفتاح لبنتها:هذا مفتاح قسمنا روحي شيكي على أن الخدامات نظفوووه زين لأن عمانك كلهم مع جدك والعيال مجتمعين بالديوانية ألي برا مدري وش عندهم هند تشيل الأكياس وهي تحط نفسها بالعافية تمشي:أوهو ..ألله يعين الخدم باقي قسم عمي فهد وقسم أبوي العود وقسم العيال ..أففففف..ليه جدي جمعنا بهالشكل كأني أشوف العايلة بتنفجر من الزحمة في هالفلة هنادي تشهق :بسم الله علينا... طول عمرنا متربين مع بعض وأحلى أيامنا بهالفلة ..قاعده تتمنين لنا الفرقى(ضمت غالية)أبصراحة مقدر أتخيل نفسي بعيد عن غلاي ...وغرفتنا وحدة أم محمد تلوي فمها:أقول بلا هذرة زايدة...الزواج تراه ينطر كل وحدة فيكم ..فاهمين دخلت شريفة ووراها بنتها ألي حتى السلام ماقالته لأحد وعلى طول صعدت الدرج الواسع بالثريا ألي تعتلي سقف الصالة رايحة لقسمهم... شريفة تسلم على أم محمد:أخبارك؟؟هي خالتي نورة متى تجي محد عنده خبر طولت بعلاجها أم محمد بأستغراب:ليه ...؟؟هو ولدك طارق مادق عليك شريفة تنزل عبايتها وشالها:هالولد مدري وش فيه مره يدق ومره تقل ماوراه أهل يسأل عنهم ...له أسبوع كل مادق مهند عليه مايرد أم محمد تروح تجلس على أقرب كنبة :يمكن هناك مشغله شي...وخالتي أم ذعار علاجها بفرنسا محتاج وراه راحة لها لاتنسين هالشي مسكت غالية الشال ألي حوالي رقبتها وأبتسمت من يوم سمعت طاري طارق...طولت سفرته هالمره وصار المكان بدونه مافيه حياة...والأحداث رغم أنها مفرحة بالنسبة لها لكن الأشخاص في قلبها شاحبين ...ملل يحتوي زوايا قلبها ألي ماتكتمل فرحته ألا بشوفته ... فجأة أعتلت أصوات الرجال بالديوانية الخارجية وكأنهم يتهاوشون ألتفت الكل صوب باب المدخل الرئيسي.. هنادي بخوف:شسالفة ؟؟؟ سوسن قاعدة على طرف الحجر ألي يلف النافورة وهي حاطه رجل على رجل ومتسانده بيدها على ركبها :.............. دفت منى الباب بزهق ووقفت تطالع الكل متوجه أنظارهم لها ..فتحت عيونها على الأخر منخلعة منى:بسم الله ... غالية تمشي بخطوات واسعة وتدف أختها عن الباب:بعدي شوي أنتي وكرشتك ماحدن لمك ياثور مالت براسها تطالع مدخل الديوانية من بعيد والشجر حوالية مصمم بطريقة خيال وهو يتمايل بشدة من قو الهواء...ظلت على هالحال لثواني لكن الأصوات هدت فجأة غالية ترجع بظهرها لورى وتلف تطالع أم محمد:ماسمع صوت شريفة بفضول:أقص يدي أذا مافيه شي ... بس من راح يهتم والكل يحسون بالتعب والأرهاق من حفلة أمس...رغم أن الموضوع يثير الفضول لأنه أول مرة يحسون بالتوتر يضم زوايا هالبيت الكبير بس لقوا أنفسهم يستسلمون للتعب والنوم ..قامت كل وحدة وراحت لقسمها المخصص لها ...وظلت شريفة واقفة لحالها والفضول يلعب فيها(أنطر بومهند يجي ويقول لي الأخبار!!!)بهالكلمات أقنعت نفسها تحلق القافلة ألي راحت قبالها وتستلم للنوم ...صعدت الدرج وعيونها تروح غصب للمدخل الرئيسي..لكن وقفت أول مادخل بدر وباين أنه ثاير ووراه بوذعار بوذعار يمسك ولده:تعال..أشفيك أنت عصبت بدر يرفع يده ويصارخ:أنت أكثر واحد عارف كيف أنا تعبت من بعد ذعار..أنا وأنت..وألي أشوفه لاحمد ولاشكر حتى كلمة مشكور ماقالها جدي لي بوذعار يحاول يهدي ولده:هو أنت تغار من أخوك عشان جدك ولاه كل شي فتح فمه بدر بيتكلم لكن كلمات أبوه الأخيره خلته يسكت مستغرب...غيره!!!لا أكيد أنا للحين نايم ..أنا بغار من جابر.!!!. بدر يرص على أسنانه بقهر:هذي أخرت كلامك ...لاوالله كفيت ووفيت يبه ... طلع من الصالة وبوذعار ظل واقف في مكانه بحزن على هالخيوط ألي تشابكت مع بعض وألغت مفهوم المعادلة الصحيحة...من ألي المفروض يكون له الفضل في ثبات هالبيت بعد ماأنغرست سكين ذعار في قلب جده...رفع يده ومسح على وجهه بتعب أرهقه..ظلت شريفة واقفة ماتدري وش السالفة لكن أسرعت بخطواتها أول ماسمعت صوت زوجها بومحمد يدخل الصالة:هو البنات كلهم وصلوا بومهند:أيه...مابقى أحد ..أنا بروح لصاحبنا ألي ناوي يبيع أرضه تبي تروح معي بومحمد:يلا طلع بندر دااااااايخ من الدوانية وخطواته بالعافية تشيله...ماكان واعي للي ينقال داخل أو بالأصح رافع يده أستسلام لهالأمور مايحب يدخل عمره فيها ويملى راسه بوجع الراس...تثاوب بقوة ووراه مهند يفرك عيونه.. مهند يضرب راسه:سد فمك ياولد تقول أسد وأنت فاتح فمك بندر يلف ويطالع مهند:هآآآآآآ مهند يهز راسه:لاآآآآآآآ...أقول روح توسد مخدتك أحسن بندر يمشي متوجه للبيت:هو أنا أصلن بستشير أحد....والله متعبين أنفسهم يوم طلبوا حضوري لف مهند براسه ومن ورى الزجاج ألي ممتد بطول الديواينة لمح جابر قاعد جنب جده ومركز معه بكل كلمة يقولها...مفاجأه ألي صاربالنسبة له.. جابر ألي عمره ماهتم بالفلوس...ولا بثروة جده هالحين صار ذراع جده اليمين..غريبة هالدنيا والله..وقف جابر واستأذن من جده ..مشى وأول ماطلع من الديوانية وقف وهو مع مهند يتبادلون نظرات مليانه أستفهام وأسئلة كثيرة كانت في بال مهند..ولد عمه وصديق روحه...كمل جابر طريقه مبتعد عن مهند وكأنه يبي يتهرب من ألي راح يقوله مهند له...هالولد قادربثواني يفتش في مخزون هالقلب ألي بين ضلوعه ويكتشف السر ألي ورى موافقته على توليه أمور هالعايله...لالا..مستحيل بيترك أحد يطالع أو يحس بالي داخله..أذا كان هو نفسه مايدري للحين هو ليه طلب يكون بمكان ذعار..معقولة يغار من المكانه ألي كان فيها ...أو يغار على الحب ألي تفاجأ منه يحتوي قلب وحده غبية وجاهله نفس جاردينيا ...بس ليش يغار منها ...والحب شي تافه شايله من قاموسه؟؟!!!!!!!! كمل خطواته وهو محتاج يكون لحاله يرتب هالأوراق ألي تبعثرت في يوم أغبر ...رفع عيونه لسما الصافية وهو معقد حواجبه..يااااااااااااااه الجو حار حيييييل هذي هي الرياض ..العاصمة ألي تحتوي مشاعر ملاييين البشر..وقف ومال بجسمه الضخم عشان يسحب المفاتيح من جيبه ..مد يده أول ماطاحت هالمفاتيح الجامدة بين أصابعه وفتح قفل باب كان مغطى بلون أسود...سحب الباب بقوة ودخل ...الظلام الخفيف يحتوي صالة مليانه أجهزة رياضة ...رجع يده لورى وسكر الباب وراه..فتح أزارير بلوزته وحده ورى الثانية وبسرعة رماها على الأرض...توجه صوب مكبرات الصوت وشغلها ..رمى نفسه على الكرسي ألي قبال الابتوب وبهدوء شغله... رفع راسه لفوق وهو يمسح على رقبته...المكان مليان بريحة هالأجهزة ألي ظلت متنفسه الوحيد ...وبعد مافتح الابتوب قباله حط أصابعه على الكيبرود وهو يحركهم بمهارة عاليه ..وماهي ثواني وأرتفعت صوت الموسيقى الكلاسيك وصارت تتردد في أرجاء هالصالة ..قام بخطواته الحايرة وجلس على وحده من الأجهزة ..رفع أيديه ومسك حديدتين وصار يرفعهم لفوق وتحت بحركات سريعة تدل على شي مشغل باله والضياع ألي عايش فيه بهالوقت... خصلات مجعده طايحة على جبهته وشعره ألي واصل لحد رقبته صار يتحرك معلن أستسلامه... في المقابل رغم أن الصمت على الألم أمر من البوح فيه كانت تسير تبي تلقى حل للي تحس فيه ...وقفت بأحد االممرات الطويله داخل قسم العيال وبتردد رفعت الستارة بخفة تبي تعرف وين راح؟؟...تبي تشوف حلمها ألي ظنت أنها تملكه لكن بيوم ليلة ملكته وحده غيرها...أمتلت عيونها بدموع أخيرا قررت تنزل حتى تخفف على الثقل ألي كاتم عقلبها وهي تشوفه قاعد يتمرن على أحد الأجهزة...ماعليه غير فانيلته البيضا وبنطلون جنز أسود وبحركات سريعة يحرك أيديه من تحت لفوق....غمضت عيونها بألم وبدت العبرة تتسلل لقلبها خانقه حتى أنفاسها ...رجعت تطالعه مره ثانيه والعرق واضح على عضلات أيدية ومن الصدربشكل ملفت...كأن هالعضلات محتاجه بروز أكثر عشان يهتم فيها!! ..خصلات من شعره تعلن تمردها على جبهته ألي أمتلت بتجاعيد تدل أنه معصب من شي أو عقله مازال تحت سطوت أفعاله الحايرة...فزت من مكانها أول ماسمعت صوت مهند ألي وقف متفاجأ من وجودها داخل قسمهم لأول مرة ولو أحد عرف راح تصير مشكلة هي بغنى عنها مهند بصوته الهادي :هنادي وش جايبك هنيه؟؟ لفت هنادي صوبه وهي تمسح دموعها بسرعة من ورى النقاب..أبتسمت وحركت عيونها صوب وحدة من التحف بعبث هنادي بربكة:كن..كنت أبي محمد مهند عقد حواجبه:محمد!!! أصلن وش راح يجيبه هينا كان رحتي لهم بقسمهم داخل الفلة فوووق هنادي توهقت:هآآآآ..أمممم..لاااااا� �ااا رحت بس مالقيته دفت غالية الباب بعنف كالعادة ودخلت ..وقفت قبال هنادي وهي معصبة حدها وصارت تتكلم بسرعة متجاهله وجود مهند أو بالأصح مانتبهت لوجوده غاليه:هنادي ووجع..ماتركت مكان مارحت له..أبلشت العايلة وأنا كل شوي داقة على باب واحد منهم أسأل عنك..وبعدين تعالي وش مدخلك هينا تعرفين لو عرف جدي أو أبوي وش راح يصير.ها..طار النوم ألله يلعن أبليسك وش أسوي هالحين مهند فاتح عيونه:بل بل بل..ولا راديوا بلعت ريقها أول ماحركت عيونها صوبه..شلون ماشافته؟؟؟..سحبت هنادي بسرعة وطلعت من قسم العيال على الحديقة الخلفية متهربه من هالموقف السخيف...مرت من عندهم خدامة شريفة وهي شايلة ورد ألي واضح عليها أنها متقطعة من البكا غاليه:هيه أنتي وين ماخذه البنت الخدامة:ماما يقول ودي لي بندر غاليه بدون أهتمام:أييييييييييييييه...ر وحي داخل بتلقينه (ضربت هنادي مع كتفها)ووجع يالثور..هبله أنتي وش راح يقول عنك الأمير الصامت هنادي بدون أهتمام يعكس الحزن ألي داخلها:أقول دام مافينا نوم خلينا نروح نتنشط ونتسبح بالمسبح(تحركت ناويه تروح وصورة جابر مافارقت خيالها)يلا غاليه تمسك يدها:سوسن أبلشتني ألا تعرف وش سالفة ألي صار...قسمن بالله عجزت أسد فمها خفت أحد يسمعها عاد تبدا الأسئلة...والله لو عرفت منى أن ألي أمس ماكان غير مقلب تعمده جابر للي يكرها ..بتصير علووووووووووم...هههههااااي ..وبتكمل لاعرفوا أني أنا وياك داخلين بالسالفة هنادي تهرج بعصبية:وش تبي منى بهالغبيه...تستاهل ! جابر مايبيها هي ليش لاصقة فيه ...أفففف ماتقولين أنك قلتي لها أنه مايواطنها بعيشة الله غاليه تلوي فمها:والله قلته بس هي ماتفهم شكلها لزقت عنزروت ياعلها للعمى هالأرملة..بس ياحرام والله كسرت خاطري يوم دخلت للصالة...الحفلة حفلة خطبة وملكة وفساتين ناعمة ...وهي داخله عليهم بفستان زواج ..كل قرايبنا قعدوا يطالعونها منهبلين...هههههههه...شفتيها كيف كانت واقفة وجابر مرتاح على كرسي تووووحفة هنادي تتكتف:على جثتي أذا شافت ليلة دخلة ... غالية تميل براسها على كتف هنادي:هذي هنوووووودتي عيوني..كفو والله هنادي تبعد راسها:أذا سألك أحد طنشي أو تدرين خليهم يروحون يسألون جابر عشان ياكلهم بلسانه.. رفع يده بدر وهو ينادي هنادي من بعيد وجاي لهم...لابس ثوب أبيض مخصر على جسمه شوي ومتكشخ بالغتره ..كل تفكيره بالي يدق عليها وهي مطنشته ..معقولة نايمة لالالا موصيها حتى لو نايمة ترد عليه ...رفع عيونه لظل الفلة الشامخة وكأنها تتفاخر بهالجمال ألي يحوي كل جزءفيها...ضايق ويبي يسولف مع أحد لعل وعسى ينسى تجاهل جده لتعبه طول هالسنين بدر يبعد عن العشب الأخضر ويركب الرصيف:هنادي هنادي:هلا بدريوقف قبالها:أدق على هند ماترد علي ..قوليلها تنزل وتجيني لغرفة المجلس أنتظرها.. غاليه بردة فعل نبعت من تفاجئها بالي يقوله أخوها :نعم!!!ياقيس بن الملوح البنت تعبانه مو فاضية وبعدين(طالعت ساعتها وشافتها 12)مابقى شي ويأذن روح روووح تجهز لصلاة ألله يهديك بدر بقهر:غاليوووووووووه أطلعي منها لا أوريك شغلك هنادي تحاول تكون ذوق شوي:أحم وممكن أعرف وش له هاللي تسويه كله غاليه تهز راسها:شفتي..شفتي..جيل أخر زمن مسك بدر كل وحدة من كتفها ودفهم لقدام بقوة بدر :برووح للمجلس وخليها ماتجي ...والله ماعرف غيركم وقفت هنادي تطالع فيه بس هو تركهم وراح مو فاضي يتكلم كثير ...لأنه لو سوى هالشي يمكن يفقد تماسكه وثباته...رغم أنه حاول يستوعب كيف وافق جابر على أنه يحل محل أخوه...جابرالطفل الصامت بأفعاله قابل أنه ينفجر بأي لحظة وكأنه قنبلة موقوته مصنوعة من قلة الصبر والعصبية الزايدة.. ماكان غير شخص يعبي مكان في هالفلة بالصراخ والمزاجيه ألي عايش فيها ماله علاقة أبد في عالم الأعمال وأدارة الشركات ...من يوم تخرج من الثانوية قرريسافر لأمريكا رغم رفض الكل لها الفكره...لكن من راح يسمع لهم أو تكون أصواتهم أذان صاغيه عنده...لقى الطريق الوحيد للهروب من سلطة أخوه أو ولد عمه وجدة هو السفر بحجة تكملة الدراسة...!!! هنادي تمسك راسها:والله النشبه أخوك ... بس وناسة بنشوف وجه هند لما تعرف أنه يبيها..هههههههه...والله لاتروح مثل طماطة خاااااااايسة غالية تحمست:أجل أمشي بسرعة لايفوتنا الفلم الهندي.. ركضن بسرعة وكل وحدة تحاول تسبق الثانية..فتحت هنادي باب الصالة ودخلت تركض لغرفة هند وسوسن ..لفت وراحت تمشي بخطوات واسعة في سيب طويل ...نزلت نقابها وفسخت الشيلة ألي حطتها حوالي كتوفها وغالية نفس الشي ...دخلت صالة جانبية وفجأة وقفت وعلى طول ضربتها غالية مع ظهرها وهي مو منتبهه هنادي ترفع أيديها:هصصصص..بهدووووء يابت بشوف هي نايمة أو لأ غاليه تهز راسها :معك وأنا بنت عمك هنادي ترفع حاجبها اليسار:أحلفي بس غالية :والله ليه ماكنتي تعرفين ...؟؟ مسكت بيدها الناعمة طرف عبايتها الفخمة وعلى أطراف أصابعها صارت تمشي بهدوء ووراها غالية ألي منحنية وحاطه يدها على ظهر هنادي....أشكالهم توحي بأنهم حرامية على وشك سرقة شي غالي ...تساندت بيدها على أطار الباب ومالت براسها ................... وسط غرفة تحمل من البساطة الشي الكثير لكن ديكورها راقي حيل ..منسدحة على ظهرها وشعرها الطويل والكثيف متناثر حواليها ...ثانية رجولها وهي تحرك اليمين بخفة تدل أنها غايبة عن واقعها غرقانه في عالم أحلامها...مدت يدها وبنعومة سحبت خصلة من شعرها وصارت ببطء تمررها على بشرتها البيضاء وهي تطالع السقف ألي يتمازج فيه اللون الأصفر مع البنفسج والثريا موجودة بالوسط...جزر أحلام كثيرة لقتها موجودة على أرض قلبها ..وصورته ترتسم على سما ذكرياتها وهو يمد واحد من أصابعة الطويلة ويمررها بخفة على حواجبها حب لقته أكبر من أن قلبها الصغير يستقبله ...أرتسمت أبتسامة هادية على شفايفها وبحركة تلقائية رفعت أصابع رجولها لفوق وهي لابسة شبشب على شكل قطاوة رغم أنها تعبانة وتحس عظامها تتهاوى معلنه أستسلامها لكن عقلها مازال في قمة نشاطه ...وكأن هاللأفكار على سلم نهايتها أول مافزت من مكانها وبدون وعي سحبت المخدة وضربت فيها راس هنادي ألي نطت بقوة حتى تجلس جنب أختها هنادي تحط راسها على اللحاف وهي تتألم:آآآآآآآآآآي ... هند ببراءة:صار فيك شي ؟؟(ضمت أصابعها وبقوة ضربت ظهرها وهي حدها مقهورة)ياحمارة عجزانه تنبهيني أنك موجودة غالية تبتسم بعفوية: أتركي ذي عندك ...موبايلك وينه...؟؟ هند ترجع خصلة من شعرها لورى:أممممم بشنطتي ليه هنادي ترفع راسها وهي حاسة بدوخة:لأن زوجك تو جاني يقول يبيك بالمجلس...أنقلعي له شكله يدق عليك وأنتي ماتردين فتحت فمها لثواني وهي تتذكر وصاته أنه أذا دق عليها لازم ترد...قامت بسرعة وسحبت شنطتها من الكمودينة فتحتها بسرعة وأعتلت شهقة تردد صداها بالغرفة الواسعة ...13مرة داق عليها...وش راح تقول له هالحين ...معقولة بتروح له ...حست برجفة تسري من أصابعها لحد راسها ألي بدت فيه الحيرة والخوف...ماصدقت على الله تخلص حفلت أمس على خير كيف بتروح له الحين؟؟ كيف تمنع نفسها من الرجفة والأحراج ألي يوضح عليها بسرعة ...حركت غاليه عيونها صوب سرير سوسن ألي كانت متغطيه ونايمة بسابع نومة ولاهي حاسة بالي حولها ... هنادي ترص على أسنانها:قومي ياهبلة الولد ينطرك تحت هند تبي تخلص نفسها من هالورطة:لالالا..قولوا له نايمة غالية تدخل الغرفة وتوقف قبالها متعمدة تحرجها:بس أنا قلت له أنك صاحية أتسعت عيونها والربكة بدت واضحة فيها ...تحركت طالعة من الغرفة وراحت لغرفة أمها وهي حاطة يدها على خصرها تبي أحد يقول لها لاتروحين.. يمنعها من شوفته لو اليوم بس ....أخذت نفس وهي حاسة قلبها يضرب بقوة بدون سبب ...أول ماوصلت للغرفة فتحت الباب بدون ماتطقه هند بدون مقدمات وبيأس:يمه ألحقيني...؟ قامت أم محمد مفزوعة من سريرها الواسع ألي بدى ماخذ مساحة كبيرة بالغرفة...وضوء الشمس متسلل بخفة من أحد سوايا الستارة ألي مصممة بطريقة خيال حتى يعطي للغرفة شوي أنارة...ريحة الغرفة مليانة بالبخور ألي ظل مصدره على وحدة من الطاولات الزجاج ألي قبال كنبة توسدت الزواية بفخامة أم محمد:بسم الله وش صاير يابنت ..أبوك فيه شي هند ترفع يدها وتبعثر شعرها بحيرة:لاااااا يمة بس بدر يبيني هالحين وأنا مستحية أطلع له... عم الغرفة صمت وأم محمد تطالع بنتها بنظرات تحاول تكتم بداخلها صرخة كانت واقفة على أطراف شفايفها ...بدى لها أن بنتها فيها من الغباء الشي الكثير أو هي تتعمد تتهرب من شي بيصير بأي حال من الأحوال...بدر صار زوجها خلاص لو ياخذها من شعرها الحين ماراح أحد يهرج أم محمد ترجع تنسدح وبشوي عصبية:طسي لزوجك لا والله أقول لأبوك عن خبالك ..يلا ..أنا تعبانه أبي أنام قبل يأذن ...فارقي أمتلت عيونها بالدموع وأحساس أن أمها قاسية بالتعامل معها صار مسيطر عليها ..مسكت يد الباب وطلعت خايبة من أمل شافته هو ألي بينقذها ...سكرت الباب بهدووووووووء وعيونها منزلتها بالأرض ...بس فجأة شدت ذراع قويه كتفها وماشافت نفسها غير أن أنفاس حارة تلفح خدها ...أنحنت بجسدها لورى متروعة وعلى طول رفعت بصرها وهي تتألم من مسكته..أتسعت عيونها المليانة بدموع ببطء أول ماأستوعبت أن الي ماسكها هو بدر...طالعته ووجهه مليان بملامح العصبية... مصغر عيونه ومعقد حواجبه يبي يهزأها لكن بأخر لحظاته صد بعيونه وخفف من مسكته...حست أنها مو قادرة توقف على رجولها بس هو ليه معصب ؟؟؟ وكيف يتجرأ يمسكها بهالطريقة ... بدر بصوت مخنوق:أنا أذا قلت أبيك يعني أبيك ...ولا ناسية أني زوجك!!!! أحتارت بتجرد المشاعر ألي تتملك بدر بدون سبب تذكره..مو محتاج يذكرها أنه زوجهاوماهو غصب تشوفه؟؟...مستحيل هذا هو الشخص ألي كان جالس أمس جنبها ...مستحيل بيكون ألي يداعب أيديها ويتكلم بحنان لها ..فكت يده وبقوة وراحت تاركته لحاله تداري شي بداخلها أنكسر ... ضم بدر شفايفه مع بعض وضرب يده بالجدار...مشى بخطوات واسعة طالع من قسم عمه بس هالخطوات وقفت مجبورة أول ما أنفتح الباب كله وسد فتحت الباب جثة شخص أمتدد ظل جسمه بالصالة لين وصل لحد عنده...شعره مازال متناثر وكأنه مبلل بماي وبعد جسمه وفانيلته ألي لاصقة في صدره ...ماسك بقبضة يده ملف أسود بقوة وهو راص جوانبه مع بعض ...مزاج سئ متملكه كالعادة مجهول سببه..وظل هالملف وكأنه يصرخ من بين أيديه يطلب الرحمة أبتعد بخطوات قليلة عن الباب حتى يسمح للهواء بالدخول ونظراته تدور بحيرة بين أرجاء الصالة بس مسرع ماترجع تطالع بدر....كيف لجدي يعطيه صلاحيات الأدارة وهو أصغر عمر بينا..هذا ألي ظل يدور في ذهن بدر وهو يراقب جابر واقف بصلابه قدامة...عمره مقضيه بين السفر والدراسة وماينشاف غير بالأجازات ...وبيوم وليلة يمسك صلاحيات عامة لكل شي وهو جاهل بكل شي ...أرتسمت أبتسامة سخرية على شفايف بدر وهو يمشي بخطوات واسعة متجاهل وجود أخوه..(راح نشوف كيف هالبزر بيتدبر أمور هالعايلة) حديث نفس بين بدر ونفسه ... جابر بصوت غليض وهو يطالع أخوه بطرف عين:بعد صلاة العصر بكون بالشركة وأبيك تكون موجود...تعرف أنا ماعرف شي و.... بدر يقاطعه بحدة وهو يوقف على يمينه :دام جدي هو ألي قرر... فالموضوع منتهي بس لايجي في بالك أنك تتأمر علي وأظل ساكت ذعار ماحد يحل مكانه ..لا أنت ولاغيرك...فااااااااااهم رفع جابر حواجبه بعدم مبالاة للي سمعه وهو يطالع توحفه كانت قباله بالضبط ....متوقع هالحرب ألي بتكون عليه من العايلة...نفخ صدره بثقة ومشى بخطوات متوازنه تدل على توازن جسمه الرياضي...مو غريبه تصرفاتهم دامه أصغر واحد فيهم وأمتلك شي ما أمتلكه ألي يشتغلون عند جده لهم سنين غير أن حب ذعار ألي متملكهم بيكون الدافع الرئيسي ورى رفضهم لوجود ه محل أخوه ...مو مهم عنده رضوا أو لأ..المهم أنه بيعوض شي بداخله ظل يجرحه بدون رحمه لين أستنزف أخر قطره دم داخله....صعد الدرج بخطوات ثقيلة وهو يحك ذقنه ...أستقبلته صالة ماكانت أقل فخامه من ألي تحت....لأول مرة يصعد هالطابق بعد ماكبر ودخل الثانوية والسبب منع ذعار له بهالشي لأن الفلة مليانه بنات مو محارم له وجده ماعارضه أبد ...رددها بصوت يقارب للهمس(مو محارم لي)وهو يخفي بين هالكلمات كره يتفجر بداخله مثل البركان لشخصية ذعار القوية ...ماينكر أنه مازال فيه حب طفيف أخوي يحن له ..لكن بالمقابل ذكريات سودا كثيرة كاتمه على قلبه وهو ساكت...وقف قبال باب ضخم في أخر الممر بعيد تقريبا عن الغرف وكأنه متفرد لحاله ...رفع بصره يطالع الباب بتأمل وهو يمرر بأصبعه على الزخارف البارزة على الباب وأحساس يجثم على قلبه يخنق أنفاسه ..مازال يحس نفسه أنه يتخبط بطريق مايعرف وش أخره...سحب من جيبه المفتاح وبتردد نوى يفتح الباب لكن قطعه صوت دافي خلاه يلف براسه ويطالع مصدر الصوت غصب منى وهي تمشي له:جبوووورة ...بسم الله يوم شفتك وأنا طالعه من غرفتي أستغربت قلت أكيد أني بحلم...وش جايبك هينا وتارك زوجتك لحالها..وشكلك وراه متبهذل وبجمود وصمت ..زوجتي !!!!رجعت له الذاكرة وكأنه كان فاقدها ..كيف نساها بالفندق كل هالمدة لحالها...ماله خلق يروح لها أو حتى يتعب نفسه بالتفكير عنها...شعور بالملل يحوي جزء أرتبط فيها حتى تكون زوجته ألي المفروض نصفه الثاني ...متى بيتقدم الزمن بسرعة ويصير ألي يبيه جده حتى يرميها بعيد عن حياته ...متى؟؟؟رفعت منى يدها ولامست واحد من أصابعه أبتسم وهو يحس بالندم لأنه كذب على قلب هالطاهره وصدقت أن أمس ليلة دخلتهم ..أحساس يهوي بداخله ويرتطم بصخرة ماكانت غير سبيل حتى تمزق هالأحساس لأشلاء...هالعجوز دفعته لأشياء مايبيها ..زواج وكذب وأنتقام ...لولاها ماتعلم فن التعامل مع هالأشياء بمهاره ..ماعليه بيدفعها ثمن لعبتها بالماضي مع ذعار..دمعة أبوه وهو يتكلم بأسى ماراح تنزل عبث منى شافت تصرفاته ماهي طبيعيه:جابر!!! جابر :تعبان أنا وأبي أرتاح عطاها ظهره وفتح الباب ... منى :جابر ليه فاتح قسم ذعار ..من زمان ماحد فتحه جابر بغرور تملك صوته الخشن:ماقالوا لك أني صرت ذعار ...!! وقفت مثل الأطرش بالزفة وهو يدفع الباب ويدخل مسكره وراه ...كثير أشياء راح تتغير في هالفلة بس للأحسن أو الأسوأ..؟؟محد يدري | ||||||||||
|
| |
|
29-12-11, 02:32 AM
| #13 | ||||||||||
| نجم روايتي والفائز بجائزة التسالي الرمضانية وأميرة حزب روايتى للفكر الحر
| البارت التاسع هدووء يعم المكان وصوت الأنفاس ينسمع بهمس....هواء المكيفات الباردة مثل الثلج في هالمكان تزيح عن هالأنفس أجواء الصيف الحارة ...أعين تترقب الأجابة للسؤال ألي ظل يخالج شعور كل واحد موجود...وعلى طاولة الأكل الخدمات واقفات يجهزن السفرة بعجلة ...وماهي ثواني ودخل الجد سعد بهيبته المعهودة والكل وقف أحترام له ..دار في بصره يطالع ملامح عياله وعيال عياله المتواجدين على سفرة الأكل وبالجهه المقابله احفيداته وحريم عياله قاعداتعلى الكنب وهن متغطيات ....رغم كبر عمره لكن كلمته مثل حد السيف ...تحرك صوب الطاولة وعلى طول قام بندر وأبعد الكرسي ألي على راس الطاولة عشان جده يقعد...أول ماقعد سأل بحزم الجد:أنا مو قلت الكل لازم يحضرعلى الغدا بوذعار يطالع بأخوانه وبأرتباك:يبه بدر هالحين بيجي ..وجابر..(سكت مايدري وش يقول) قطع عليهم خطوات بدر أول مادخل عليهم وهو لابس تي شيرت رصاصي على بنطلون عادي رصاصي..حرك عينه صوب البنات وكأنه يدور له أحد بس المسافة كانت أقصر على أنه يطالع بعيونها من ورى النقاب ويبتسم ..مسك الكرسي وجلس عليه معطي البنات ظهره ...وعيون مقهورة تطالع فيه بدون مايحس رفع الجد عينه بغضب لبدر ألي ظل منزل عينه ومارفعها الجد سعد:أيه كمل بو مهند:الولد عذره معه أكيد تعبان الجد سعد بأمر وهو يضرب عصاه بالأرض:عندي هينا مافي أحد يمشي برايه وألي موعاجبه يطلع ...فاااااااااااااهم فزن البنات من الخرعة أول ماعتلى صوت الجد وهن يحسن بتوتر الأجواء في هالغرفة ألي رغم وسعها ضاقت بأحاسيسهم...وأتسعت عيون بندر ومهند ومحمد وكل واحد يطالع بالثاني...كان يعرف الجد أن تصرفات حفيده في البداية راح تكون متمردة خارجة عن سيطرته لكن بحكمته قادر يغير منه أشياء كثيرة أو بالأصح يربيه من جديد...لف صوب البنات ونادى غاليه غاليه تقوم:هلا جدي الجدسعد:روحي فوق قولي لجابر جدك يبيك ضروري ...مو ناقص ألا أرسله دعوة خاصة غالية تطالع هنادي وبعدم فهم:ليه فوق؟؟ الجد سعدينزل عصاه ويسندها على الطاولة جنبه:تلقينه بقسم المرحوم ذعار .. وقفت مصدومة لثواني ...هو وش يخصه بقسم ذعار ؟!!طالعت خالتها ومرة عمها ألي هزن كتوفهن والدهشه للحين مرسومه على عيون كل وحدة ..تحركت طالعة من الغرفة ودخلت الخدامة شايلة ورد وهي متقطعة بكا وتنادي أمها..من فارقتها أمها أمس وهي على هالحال عيونها متورمة ورايح وجها أحمر ...قامت فيروز مستغلة الموقف بمهارة وراحت صوب ورد شالتها وصارت تهزها يمين ويسار وهي تبوس خدودها وسط أفتخار أمها بذكائها ...كان عليها تتصرف هالتصرف عشان تكسب جدها والأغلبية لصفها تتستر بغطا البراءة والطيبة وهي تخفي خططها داخل ضلوعها ..ماكانت تدري أن هالجد للحين رافض يعترف بقرابته من هالبنت .. زادت ورد فالبكا أكثر وأكثر قام بندر وراح لها ...شالها بحنان وضمها لصدره بندر:تراها ماتحب الغرب ..قصدي ماهي متعودة عليك... ضحكت هنادي من قلب بس تداركت نفسها وحطت يدها على فمها طالعت فيروز بندر من فوق لتحت وراحت رجعت لمكانها تمنت لو أنها قادرة تعطيه كف معتبر...موقف فعلا لاتحسد عليه تكتفت سوسن مستغربه من هالحنان ألي شافته يحضن بندر فجأة..معها مايقصر بالتطنيش والزعل وهالحين ماشالله !!! هند تميل براسها لسوسن وبهمس:شفتي ياحياتي شكله يحب البنات أذا تزوجتي جيبي له درزن عيال عشان ينسى الدنيا..هههههههه سوسن بدون نفس وهي تطالع بندر بحقد:هاهاهها...خليك أنتي مع بو الشباب ألي عيونه تطالع الصحن قباله تقول ميت جوووع ...أعوذ بالله كسر خاطري قومي حطي له غدا ونسيه شوي هنادي تهز راسها وهي تميل براسها لخواتها:قليلات حيا عن جد ...بس وش رايكم بمقلب هالشهم مع بنت العم طاح وجها بالأرض عند عماني ..هههههههههههههه..ههههههههه هههه أم محمد بعصبية:بتسكتن ولا شلون.. مهند يمسك يد ورد وهي بحضن بندر:آآآآه وش حلاتك بندريمسح دموعها بعد ماسكتت وهو يبتسم لجده:بالله ياجدي أبيك تقول كلمة الحق موهالقمر طالعه علي بومحمد يضحك:ههههه حرك الجد سعد عيونه ألي أمتلت بتجاعيد صوب ورد ..تأملها وبقلبه غصة ألم دفنتها السنين في قلبه...هذي البنت ألي كانت ثمرت خطة من خططه مع ذعار ...شلون نسى يوصيه أنه مايجيب منها عيال... ماكان ذعار راح يقدم على هالخطوة لولا أن بنت عبدالله الشيطانه ملكت عقله وقلبه وخلته يتناسى عايلته... تمنى لولا أن الزمن يرجع لورى عشان يصحح غلطة ندم عليها واالمفروض هالحين أنه يضم ورد تحت جناحه...بس حواجز كثيرة وقفت في طريقه خلته حتى يتجاهل يمسك ورد ويحطها بحضنه يلعب معها... يسمعها تقول جدي ويفرح في هالكلمة...صغر عيونه بدفا وهز راسه حركها بندر بخفة وحطها على رجله الثانية ورد :ماما..ماما..وييييين... بندر يلعب بيدها:بتشوفينها ....ألا جاردينيا وين هي مو غريبه من يوم أخذها جابر ماشفناها أبد.؟؟؟وهو قاعد عندنا هينا مد يده وتساند فيها على أطار الباب ...لابس ثوب أبيض ومرجع شعره بجل كله لورى ألي مجعد ومتمايل على بعضه من ورى رقبته...ريحة عطره الخاص كانت أسرع من خطواته وأنتشرت بالغرفة تثبت للكل أنه موجود...باين عليه أنه ماكان نايم أو حتى تعبان لكنه مع هالتأخير متأكد أن مافيه أحد راح يتغدى ألا أذا حضر جده وهالجد بالطبع راح ينتظره ...أستنتاج ماكان ذكي لأن هالتجربه كان عايشها من قبل ... دخلت غاليه الغرفة وجلست جنب هنادي بسرعة ألي غرقت بعالم حزن تملكها رغم أن هالحزن كان لشخص عمره ماعطاها شي أو حتى بادلها نفس الشعور ... جابر يطالع الكل وهو يخفي بداخله أبتسامه:زوجتي مو لازم تتواجد عندك هينا أخ بندر...وبنتها فيه من يرعاها ... (حرك عينه صوب جده)سوري كنت مشغول بأوراق لشركة وحسابات وراح علي الوقت بدون ماأحس أبتسم الجد سعد وبداخله يمدح جابر على تصرفه ...بهالطريقة راح تتعود ورد على عدم وجود أمها معها غاليه وهي تحط يدها اليمنى على خدها وتطالع السجاد تحتها بصبر:مشغول!!..أكيد بس مو بحسابات الشركة ...ألا بالتفتيش بأغراض ذعار ألي ظلت على ماهي عليه .. بس فتحت عيونها على الأخر بصدمة أول ماقام الجد سعد وأبعد عن كرسيه وهو يأشر له يجي يقعد بمكانه...حركت راسها صوب منى ألي ظلت مركزة بهالتصرف ألي كشف الستار عن هالأجتماع الطارئ ..رسالة وصلت للكل بدون مايقول الجد أي كلمة ...رفع جابر يده وحرك ياقته بغرور وبدون أي أعتراض مشى لين وصل للكرسي وجلس عليه والكل قاعدين قباله ..عمانه علي يمينه وأخوانه مع عيال عمه على اليسار...هذا المفروض يكون مكانه بالعايلة الأول بكل شي ...أحساس أعتلى قمة التحدي بداخله صار مسيطر عليه وهو يمتزج بنشوة غرور أعتلى ملامح وجهه وسط صمت الكل ...قام بوذعار عشان أبوه يجلس بمكانه وراح لأقرب كرسي جنب بو محمد وجلس عليه...أحساس لايوصف وهو يحس هالحين الكل تحت أمره هو الآمر والناهي هالحين...الكل بدى يعرف أن ذعار هالحين صار جابر ...جابر وبس الجد سعد :بسم الله ..يلا الغدى برد أم محمد تقوم :أجل حنا نستأذن ... جابر وهو ياخذ بالملعقة من الرز الموجود بصحنه:أذنك معك خالتي ..نورتو الغرفة اليوم ماردت عليه والرفض بدى مهيمن على الجميع بدون أسنثناء...طلعت كل وحدة ورى الثانية بدون أي همس وورد بحضن بندر تطالع جابر وهي تضرب الطاولة بيدها الصغيرة لابسة تي شيرت بناتي عليها رسومات توم وجيري على بنطلون جنز أزرق ...توجهت منى صوب بندر وشالت ورد قبل تطلع ... بندر :منى شوفي لها أغراض بغرفتي شاريها لها ...وخليها معك تراها مو متقبلة وجود هالناس حواليها منى :ولايهمك ... حضنت ورد وطلعت من غرفة الأكل ...مشت بخطوات بطيئة وهي تبوس ورد وتمسح على شعرها ...لفت مبتعدة عن الدرج الواسع وصوت النافورة يتردد في الصالة مبعثر هالسكون الغريب...دخلت المجلس وهي تنادي الخدامة غالية متمددة على الكنب:شفتوا ...؟؟من كان يصدق أن ذعار بيكون جابر مكانه ..جااااااااااااااابر ألي طول عمره متولع بالطب وعمره ماحضر أجتماعات أبوي وذعار بالشركة يمسك كل شي ...أكيد جدي بيندم ...عز الله رحنا فيها وطي هنادي حاطة رجل على رجل وهي رامية عبايتها جنبها وفاكة شعرها ألي يوصل لحد كتوفها:بالعكس يليق بجابر هالشي ... منى تجلس قبالهم وتسحب ريموت التلفزيون:أي والله صدمة أخر شي توقعته ... دخلت الخدامة ووقفت عند باب المجلس الخدامة:yes madam منى :جيبي الغدا لي لحد هينا.. الخدامة تهز راسها:ok ×××××××××××× وقفت بقهر وهي حاسة أن الضغط بدى يرتفع عندها ..تحركت من مكانها وصارت تروح وترجع بتوتر ...وبالمقابل بنتها واقفة عند الباب بدون أهتمام وهي تلعب بخصلات شعرها من بين أصابعها ,,رفعت عيونها لفووق وهي متمللة طلعت منها أففففف بصوت مرتفع شريفة تلف لبنتها:ولاكلمة يالخبلة ..هاااا...لو أنك موافقه عليك كان هالحين أنتي مالكة كل شي ..شي أبوك نفسه ماملكه...مالت على هالوجه ألي مابارك فيه ألله...جابر هالحين ذراع جدك ..كل شي كان يملكه ذعار بيروح له هذي مافيها كلام فيروز تاخذ نفس وتزفره:ياربي على هالجابر من زينه...أصلن أنا هالأشكال ماتملى عيني أبد...الحمدالله والشكر شايف نفسه الوليد بن طلال!!! ..وبنت أختك ذي ألي مافيها من الحلاشي أبد شريفة تجر بنتها من القهر وتطلعها :أطلعي برا ...فارقي يلا..فاااااااااااااااااارق ي أرتمت فيروز على الجدار وهي تتأفف للحين وبقوة سكرت أمها باب الغرفة...رفعت يدها بعدم مبالاة وراحت لغرفتها ألي أحتوت كل شي تحس فيه ...دق جهازها وعلى طول ردت فيروز بصوت ناعم :هلا والله ..تصدق أنك دقيت بالوقت المناسب(رمت نفسها على السرير)أحس بضييييييييق سليمان :أفااااا..وأنا موجود فيروز تدلع على أنها متضايقة:واااي مليت من بيتنا ملييييييييييت...اليوم أمي هزأتني لأن جابر كان بيخطبني ورفضته سليمان بعد صمت:وخالتي ليه هزأتك فيروز تمد بوزها:أمممم..عشانها تبيني له...وهو اليوم أخذ مكان ذعار ألله يرحمه ...هذا ألي وضحه لنا جدي بدون ولاحرف سليمان فتح فمه:جابر صار المدير العام لكل شركات جده ..تتكلمين عن جد!!!!! هالمتغطرس ذا عرف يلعبها صح..من كان يصدق فيروز تعقد حواجبها وبسؤال يدل على غبائها:أنت ليش تكره عيال عمي وأخوي وهم بالأساس ...عيال خالتك أبفهم سليمان توهق:لالا حبيبي ..ذولا بيظلون عيال خالتي عارف والله ...أممم وراح أثبت لك هالشي أبجيكم هالحين فيروز تطالع الساعة ألي على الجدار:هالحين! سليمان ماعطاها فرصة :أطلعي لي عند باب الحارس ألي بالحديقة وراح أجيك هناك يلا فيروز نوت تتكلم :بس.... لوت فمها وهي تطالع شاشة الجهاز..سكر الخط بوجها !! بس مسرع ما أبتسمت وقامت عن السرير بفرح راحت صوب الكبت وفتحته بقوة...سحبت وحدة من عباياتها ولبستها حطت الشال حوالي رقبتها وتوجهت صوب المراية مالت بوجها وهي شوي وبتلصق فيها ...تسائلت بنفسها أذا تحتاج مكياج جديد أو هالمكياج الخفيف يكفي؟؟ ...هذا حبيب قلبها جاي يشوفها دون غيرها حتى مافكر يسأل عن أمها أو يقول أنه بيسلم عليها ...أحساس يحتوي قلبها ألي غرق بمشاعر الوهم وماكانت تدري أن كل يوم تقترب أكثر وأكثر من شخص بيدمرها عشان يدمر أهلها ...يستغلها عشان يوصل لأهدافه ...راحت تركض بفرح وهي تلف الشال ألي بالعافية مغطي شعرها ...نزلت من درج الصالة وطلعت للحديقة ...البيت شبه فاضي وصوت الماي ألي يسقى النخل والعشب يتردد بمحيط هالحديقة الواسعة وقفت تطالع البوابة الخارجية بشوق وشعاع الشمس طايحه على نص كتفها..مرت الدقايق وحرارة الشمس بدت تحرق جسدها بس مسرع ماتسعت عيونها وهي تشوف سليمان واقف عند البوابة ويدخل وهو منحني متوجه للشجر حتى يغطي وجوده...لفت لورى بخوف لايكون أحد موجود ويشوفها ..رفعت عبايتها وراحت تمشي بخطوات واسعة للمكان الموجود فيه ...أول ماشافها جايه له نزل نظارته وأبتسم بخبث ...وقفت قباله وهي ماسكة الشال وحاطته على فمها سليمان بحب كاذب:هلا والله..آآآآآآآآآآآه ياقلبي طالعه لي بهالجمال وش تبين تسوين فيني فيروز ذابت:سليماآآآآآآآآآآن...بلا أحراج سليمان يمسك يدها ويسحبها له:وراك مبعدة عني ..لا زعلت فيروز تحاول تفك يدها:سليمان أخاف أحد يشوفنا سليمان يحذف يدها:يعني ماهمك وجودي ..أنا ماعلي من أحد فاهمة فيروز :لاتزعل تكفى سليمان يرفع راسه ويطالع الحديقة من ورى الشجر:أممممم..مافيه أحد وين البنات؟ فيروز بأستغراب:بنات!!! سليمان يتدارك نفسه:قصدي بالعادة غالية هينا أشوفها ,, فيروز بحقد:هالبنت لاتطري أسمها لي ... سليمان بفضول :ليه ..؟؟ فيروز تهز رجلها وهي تطالع ملامح سليمان :شايفة نفسها نفس أخوها وعبالها الناس خدم عندها سليمان يرفع حاجبه والخطة ألي براسه تمشي مثل مايبي:تبيني أأدبها لك وأخليها خاتم بأصبعك فيروز بوناسة :تقدر!!!! سليمان يقرب من فيروز وبخبث أمتلى فيه صوته:أيه ..مافيه غير حل واحد ...أتزوجها وبعد ماخذ ألي أبيه منها أتزوجك أنتي وتكون خدامة عندنا أو أطلقها وأرميها ..وش رايك فيروز تطالعه وبجمود:........ سليمان وهو يسحب خصلة من شعرها ويلويها بأصبعه:لاتخافين ماغيرك مالك هالقلب ...بس حتى أنا ماأرضى أحد يهينك أو يقلل من شأنك ..أشيله من الوجود ..أمحيه فيروز بأبتسامة وبدى كأنه منومها بكلامه:حياتي ... ماراح أرتاح لين أعلمها درس ماتنساه سليمان يرفع يده وهو يحك ذقنه وبنفسه:ههههه..وأنتي بعد بعطي أخوك درس عنك كيف يكون للبنت أخلاق ...أكون زوج غاليه واللهي الفكرة مو مستحيله ...(رفع عيونه يطالع بالفلة الضخمة والشجر يتمايل حواليها)أقتحم عالم هالبيت وأخذ ألي أبي منهم ... دف فيروز بقوة وطلع من البوابة أول مالمح جابر والجد سعد طالعين من الفلة ...شهقت فيروز وصارت تضرب خدها بخرعة لو شافها جدها واقفة هينا والله يذبحها ويقول لأبوها ...أنحنت ورجولها ماعادت قادرة تشيلها ظلت بمكانها وأصواتهم كل مالها تصير أقرب منها الجد سعد:أنت هالحين مدير يعني وظيفتك لازم تتركها ,,, جابر يعقد حواجبه بحيرة ..مافكر أبد بوظيفته:أممممم...أفا يبه.. ماعليك قادر أوازن بين أشغالي ...لاتشيل هم وقف وبعصبية طالع فيروز المنحنية قرب الشجر عبالها ما أحد لمحها ...وبخطوات واسعة راح صوبها وسحبها بقبضة أيديه حتى ضربت جسمه الضخم بالنسبه لها ...تكورت على نفسها وطاح الشال ألي مغطي شعرها ... جابريصارخ:أنتي وش تسوين هينا ؟؟؟ماتشوفين الباب مفتوح عالشارع ..هاااااا... فيروز بالعافية تتكلم:ج..جهازي طاح مني هينا وجيت أدوره رماها بعيد عنه وصد بعيونه جابر:أذلفي داخل الجد سعد يأشر بعصاه:دوبك ع البنت غطت شعرها وراحت تركض بخطوات بالعافية تشيلها ...دخلت الصالة وشافت غاليه وهنادي قاعدات يتفرجن على التلفزيون غالية تحرك عيونها صوب فيروز ألي شكلها محيوس:وش فيك بسم الله تقول طالعه من حرب هنادي تنحني وتحط يدها على خدها:أي والله فيروز بقهر :مالكم شغل يالحمير... رفعت غاليه حواجبها و ماسرع ماقامت تبي تهاوشها بس فيروز تحركت وصعدت لفوق متجاهلتهم.. هنادي ترفع صوتها:ماغيرك الحمار غاليه تضرب بيدها على الكنب وهي تجلس:لا ذي ناويه على من يكسر رقبتها رجعت بظهرها لورى وهي لابسة طوق وردي ورافعة شعرها كله لفوق على بلوزة وردية ناعمة وبنطلون برمودا زيتي...رفعت رجولها عن الأرض وتربعت على الكنب سحبت الخدادية وحطتها بحضنها غاليه ترفع عيونها لسقف:متى تتوقعين جدتي وطارق بيرجعون لرياض ..طولوا والله!!! هنادي تميل بجسمها وهي تعلك علكة وتلعب بخيوط طالعة من الخدادية:عن جد طولوا خاصة أني من زمان ماكلمت جدتي..مسكينه من يوم توفى ذعار وحالتها حالة ..تقول أمي أن هالسفرة ريحتها كثير غالية بصوت مليان حزن:مات بنفس المرض ألي توفت فيه أمي بعد ماولدتني... هنادي تبي تغير الموضوع وهي تشوف غاليه تحاول تتماسك :غلاي ...وش رايك نفس ماسوينا مقلب بهند ...نقلب على سوسن غالية تضحك بهبال:هههههههه...لا تكفين ماقصرت هند معنا...نفسي أمسك بدر هذا وأفرمه حرام عليه هنوده حساسة هنادي تهز راسها:وسوسن ألعن منها ...الدمعة معلقة برموشها ...تكفين نبي يصير فيلم هندي رومانسي خطير خاصة أن بندر جرئ ومايستحي أبد...أقص يدي أذا هي ألي مو مزعلته .. غاليه تناظر هنادي بنظرة شيطانية:أيدي بيدك..بس شلووون ...لازم يكون فيها شي يحمس هنادي تنزل رجولها بالأرض وتلبس شبشب:قووومي ...أنا بروح أشوف وين سوسن وأنتي ألقي نظرة على العيال وشوفي بندر وينه.. غاليه بحماس :وااااااااااااااااي ...تخيلوا عاد سوسن وبندر بمكان واحد..عز الله أن بندر ينطر هاليوم من زمان ..هع هع راحت هنادي تدور أختها وغالية لبست عبايتها ونقابها ...وبخطوات واسعة دخلت سيب طويل قبالها ..لفت يسار وشافت باب زجاجي مسكر ..تلفتت وراها وكملت طريقها وبكل هدوء مدت يدها وفتحت الباب ..الهدوء يعم المكان والأضاءة منتشرة قبالها في السيب كله والرخام يعكس الأنارة على زواياه...سمعت صوت ماي بدورة المياه غاليه ترفع أيديها لسما:يارب بندر يارب بندر يارب...هو يحب النظافة الزيادة(ضمت شفايفها)لايكون الأمير الصامت نفسه ...ماهي غريبه والغرف فضت عليهم وصارو مقابلين بعض دخلت وتركت الباب وراها..رفعت كتوفها أول ماتسكر الباب بقوة ..ظلت جامدة في مكانها تنتظر أحد يطلع ويمسكها في هالمكان ..مرت الثواني وهي على أعصابها وتجهز في بالها أي عذر عشان تقوله لكن ماطلع أحد..حطت يدها على قلبها وراحت صوب دورة المياه فتحت الباب ومالت براسها ..أبتسمت بفرح أول ماشافت ملابس بندر معلقه قبال المغاسل غاليه شوي وتنط من الفرح:يس..يس ..هالحين الدور عليك هنادي ...ههههاااااااي سكرت الباب بشويش وسحبت جهازها غاليه بهمس تقول حرامي:ألو...بندر بالحمام شكله ياخذ شاور ..أيه يلا يلا بسرعة ... رجعت الجهاز بجيبها وتساندت بظهرها على حافة الجدار وهي تطالع الديكور بعبث والصور الموجودة....جمعت أصابعها مع بعض بتوتر وهي تطق كل أصبع تبي هنادي تجي بسرعة .. فتحت هنادي الباب وهي تجر سوسن ألي واضح أنها متخرعة من شكلها تاركة العباية مفتوحة وبجامتها الكيوت طالعه ..لافه الشال بشكل مبهذل أول مالمحت غاليه دفت هنادي لورى وتقدمت لها سوسن شوي وتصارخ:وينه؟؟؟ غاليه ببلاهه:منو؟؟ رفعت هنادي أيديها وهي تأشر لها لداخل غاليه ترفع راسها:أهاااا..داخل ..داخل سوسن تمسك عبايتها:وش برودة هالأعصاب ... دفت الباب بقوة ودخلت دورة المياه... المغاسل جنب بعض لونهم مايل لرصاصي مع سيراميك الأرضيه حركت عيونها بخوف تطالع المكان مو موجود أحد بس مسرع ماسمعت صوت الماي بواحد من الحمامات ...راحت ركض له وصارت تطق الباب بقوة متخرعة وتحاول تفتحه بأي طريقه سوسن:يبه ..أنت هينا ؟؟رد علي رجعت ترجف الباب برجليها ..أختفى صوت الماي وفجأة توقفت رجليها عن الضرب أول مانفتح الباب وطلع لها شخص حاط الفوطة على خصره وجسمه مبلل ماي متخرع المسكين مايدري شسالفة...تلاشت عندها الرؤيا وحست بوجع ببطنها من المنظر ألي تشوفة ...مشى كهرب من أصابع رجليها لحد راسها ألي أنتفض مو مستوعبة شي ...مسكت بطنها وهي تتوجع وحاسة بدوخة.(.هذا ..هذا مهند أجل وين أبوي ألي تقول هنادي أن الباب أتسكر عليه وماحد قدر يفتحه ....)رفعت راسها وهي تشوف عضلات جسمه واضحه قبالها سوسن بتبكي:أبي أبوي مهند متخرع وبنبرة حادة :تبين أبوك !!هبلة أنتي جايه ترجفين الباب علي وهالحين تقولين أبوى,,, سوسن تنحني براسها وهي ماسكة بطنها :أبييييييييييي ...أبوي أبيييييييييييييه... نزلت دموعها وهو وقف متفاجأ مو قادر يفهم شي أبد ...منحنية قباله وهي تبكي صد بعيونه وبنفسه_مو ناقصني غير خبال بزارين)... وبالجهه الثانيه شهقن بصوت واحد وطالعن بعض منصدمات من صوت ضحك بندر ألي يتردد في السيب وهو كأنه يكلم واحد.. هنادي تلعثمت:ه..ه..هذا مو صوت بندر غالية تمسك راسها :أجل مين ألي بالحمام؟؟!! هنادي تمسك خدها وتجره :أختي ..رحنآآآآآآآآآآآآآ وطي فزن أول مانفتح باب الحمام وطلع مهند واضح من ملامحه أنه متضايق وهو معقد حواجبه ..غمضت غاليه عيونها ومدت يدها تبي تغمض عيون هنادي ومن الربكة سدت فمها .. هنادي تحاول تتكلم:............. غاليه للحين مغمضة عيونها:عيب أبعدت هنادي يد غاليه وهي حاسة أن نفسها أنقطع ... هنادي تسحب هوا:الولد أصلن ما أنتبه لوجودنا ...والله بنكحلها أعميناها غاليه ترفع أيديها بأستسلام وبصرخة:الفرار من الحرب ...هجيييييييي فتحت هنادي عيونها وماعادت تشوف غير غبرت غاليه ألي راحت تركض متخرعة ...وماحست غير بنعال تضربها بقوة طاحت على الأرض هنادي وسوسن طايحه فيها طق وهي تبكي سوسن :حيوانه هذا مزح ...رجووولي مو حاسة فيهم والله لا أوريك... هنادي تحاول تقوم وهي تحمي نفسها بأيديها:تووووووبة والله...بس أنتي أهدي طالعي وجهك تقول مقلوبة مصاصة دماء سوسن تفسخ نعلتها الثانية وتحذفها صوب هنادي ألي راحت تركض :هين قسمن بالله لا أخليكن تندمون ... وقفت ماتدري وش تسوي وحدها مقهورة ...لكن بنفسها ماراح تتركهن ..مسكت نعلتها وهي ترصها بين أصابعها وراحت تركض ورى هنادي متناسية هي وين بالأساس ...شافت هنادي تتزحلق بقوة وتلف يسار ...عدلت شالها ورفعت أكمام عبايتها لنص ذراعها هالمرة ماراح تتركهم نفس كل مرة سوسن تنادي:بلووووووووط وعلقممممممممم ...يالنتفه أنتي وياها ..تعاااااااااااااالن عن طيب خاطر لمحت خيزرانه معلقة على يد وحدة من الغرف ...سحبتها وبنفسها ..(جت من الله)...لفت يسار وراحت صوب الباب الوحيد الموجود قبالها ...رجفت الباب برجلها وهي تعض على شفايفها والغضب معمي عيونها ...صرخت هنادي وغالية ألي أنحشرن بالزاوية مثل القطاوة ..رفعت سوسن الخيزرانة على أنها تهدد ونوت تنزلها بس العصا وقفت معلقه بالهوا ماتحركت ... بندر يسحب العصا من يدها بسهولة :هذا أنتي ...حشا وحش مو سوسن!! حست بدقات قلبها توقف وهي تطالع الغرفة شبر شبروالرجفة ترجع لأطرافها لكن أشد وصوت بندر يرن بأذانيها ...مشتاقة لهالصوت وهو ينطق أسمها...يوم أو يومين متجاهلها مو مهم ... المهم أنها حسته كأنه سنة كاملة ماقدرت تتحمل وقلبها ينعصر ألم من جفاه ...مالقت بنفسها جرئه تلف لورى وتطالعه رغم أن ريحة عطره لفت جسدها تحضنها بطوفان دمر حصونها تدمير ...موجود ورى واقف أكيد ينتظرها تلف له حتى تلتقي عيونها بعيونه بس الشجاعة تلاشت فجأة ومابقى غير معنى الأنهيار بداخلها .. تقدم بندر وهو متكشخ بالشماغ والثوب وواضح على شكله كانه على وشك يطلع ...رفع أيديه وبهدوء سحب شالها وغطا فيه وجها المكشوف ...مر من عندها وصار واقف قبالها ...أبتسم لسوسن وهو متقصد هالحركة...يبي يحسسها بالأمان ألي تفاجأ أنه مو موجود في قاموسها رغم الحب ألي يجمعهم .. بندر يطالع هنادي ألي منحشرة عند الكمودينه وغالية لاصقة فيها:أكيد هالمتوحشات زينوا لك شي ..هااا حبيبي ..قولي لي (رفع الخيزرانه)عشان أكسر أصابعهن أنهارت تبكي ماتدري ليه..هو خوف من موقفها السخيف مع مهند..أو شوووق لصوته الدافي ..أو حيرة شتتها أكثر...أنحنت على خفيف وغطت وجها بأيدينها تقدم بندر منها وحط يده على كتفها بندر :أشفيك حياتي ...ليه كل هالدموع سوسن ترفع راسها وتأشر للبنات وصوتها متقطع :أبيك...أبيك تطقهم ...حطوني بموقف سخيف مع أبوي بالحمام ...يلا طقهم..مالي شغل فتحت هنادي فمها وغالية طلعت عيونها ..وقف بندر لثواني وهو يحس بمشاعر غريبه تجتاح قلبه أول مرة يحس أن فيها تصرفات طفوليه تميزها أكثر وأكثر ...رفع الخيزرانة وصار يحركها بالهوا وهو يتقدم لهنادي وغاليه بندر يسحب طرف شماغه ويحطه فوق راسه والطرف الثاني تاركه على كتفه:يلا ..كل وحدة تمد يدها ... هنادي يقال ماهمها:هييييييه مو على كيفك وكيفها تضربنا ..والله لا أقول لجدي بندر يهز راسه ويطالع سوسن :مسطتين غاليه تضم أصابعها مع بعض وترفعهم لبندر:تكفااااااااااااا...أل له سبحانه رحيم بعباده ..خلك رحيم بندر يسحب هواء ويمد يده متساند فيها على الجدار جنب غاليه:وش عندها الداعية غاليه اليوم مو ناقص غير تقعدين قبال بيتنا وتصيرين مريم نور سوسن ماقدرت تمسك نفسها:هههههههه بندر يلف لها:فديت هالضحكة والله.. هنادي تضرب كتفه:بلا قلة حيا ...ماحنا عايشين بأمريكا ناس أخر زمن بندر :يلا كل ماتكلمتن بيزيد الضرب ..هالحين أربع ..يلا أفتحي يدك يامريم نور غاليه بأستسلام تمد يدها وهي تحاول تغمض عيونها:بس بشويش ... أعرفك مايهون عليك تضربني ضربها وعلى طول قعدت تحك يدها غاليه:أي أي أي ..تعوووووووووووووووور بندر :مدي يدك يلا خليها مرة وحدة هنادي :بقرة غاليه تبي تخلص وتطلع:ها مديتها رفع العصا وبسرعة ضربها ثلاث مرات وهي مسكينه شوي ألا تبكي ...تكتفت هنادي بعناد وطالعت أختها بحقد هنادي :أذا لمستني والله لا أصرخ وأخلي الكل يجي يشوفك بندر يحك أذنه :صرخي ماهمني أبد..على فكرة قسمنا ذا لو تصارخين من اليوم لبكرة محدن سامعك غاليه تبعد عنها وهي تضم يدها من العوار:خليه يسوي ألي يبي ..أخلصي تراه لزقة يابنت رفع بندر راسه وهو مو قادر يصبر وراه موعد لازم يلحق عليه ..سحب يدها وبعنف لصقها بالجدار ...قعدت تصارخ وتحاول تبعده بس مافيه فايده هو أقوى منها بكثيييير..حاولت تضم أصابعها بس هو مد يدها وضربها أربع مرات قعدت تبكي بس ولاهمه ..حذف الخيزرانه وقبل يطلع بندر:أذا تعرضوا لك ...ماعليك ألا تناديني وأنا بوريك شغل الله فيهم .. طلع من غرفته وبخطوات أنتصار مشى بالسيب الطويل ..سحب الباب وأستقبلته الهواء الباردة وظلال الشجر في كل مكان...لمح مهند واقف يعدل شماغه بندر :على وين ؟؟ مهند:بروح آخذ أمي تبي تزور أم عدنان منومة بالمستشفى ومنها أشوف شغلي هناك بندر يأشر بعيونه لداخل:تو ضربت هنادي وغاليه بالعصا..لو تشوف أشكالهم ..ههههه مهند يرفع حاجبه:أفا وليه ؟؟؟ بندر يتنهد براحة:لقيتهم مضايقين سوسن..عاد جت فرصة وماقدرت أفوتها مهند بنفسه:ليتك كفختها ذي بعد ..روعتني ع الفاضي دق جهازه وبهدوء حرك يده داخل جيبه وسحبه... مهند يطالع سيارته من بعيد:هلا جابر جابر :أنت رايح للمستشفى؟؟ مهند بأستغراب :أيه ليش ما أنت رايح جابر يطالع الشارع بعبث:أبيك تاخذ لي أجازة...تعرف شكلي ببطل هالوظيفة مهند بعد صمت وهو يهز راسه:أوووكي ..أنت عارف أني لازم أقعد معك وتراي حاس بتهربك مني بس وين بتروح أنقبض قلبه فجأة ونوى يتهرب منه جابر :يلا أجل أشوفك بعدين مع السلامة أذا كان رفيق دربه قادر يكشف أسراره فهو قادر يتقن لعبة الهروب من الموقف...مايدري ليه خايف أن الستار ينكشف عن ألي بداخله ...رفع عيونه لسما الصافيه ...حاله كله تبدل بيوم وليلة هذا جده قاعد جنبه ساكت بسيارته الفخمة ...بعد دقايق راح يوصل لمبنى الشركة لأول مرة ...ويبدى أول مهامه بعد ماوكله جده لكل شي ...راح يكون بمكانه عمره ماتخيلها الكل تحت سلطته ...مكانه حاول لسنين يتجاهلها ويعيش حياته نفس مايبي ...صحى من عالم أفكاره أول ماحط الجد سعد يده على فخذه ...وش كثر السنين تعيش أيامها بأجسادنا !!رفع يده بأبتسامة تعكس هالتردد ألي بداخله وحطها على يد جده المليانه تجاعيد الجد سعد :يلا وصلنا ... < < < | ||||||||||
|
| |
|
30-12-11, 03:11 AM
| #15 | |||||||||||
| نجم روايتي والفائز بجائزة التسالي الرمضانية وأميرة حزب روايتى للفكر الحر
| اقتباس:
منتظرة رأيك فى الفصول الجاية وان شاء الله تعجبك .gif "Eh S(7)") | |||||||||||
|
| |
|
30-12-11, 04:41 AM
| #18 | ||||||||||
| نجم روايتي والفائز بجائزة التسالي الرمضانية وأميرة حزب روايتى للفكر الحر
| للأسف الفصل 12 مانزلش معايا هحاول معاه بكرة ان شاء الله التعديل الأخير تم بواسطة جرح الذات ; 30-12-11 الساعة 04:44 PM | ||||||||||
|
| |
|
30-12-11, 11:25 AM
| #19 | ||||||||||
| نجم روايتي  
| السلام عليكم ورحمة الله وبركاته يعطيك العافيه يااقمر بعد قراااءة الأجزاااء أولاً اسلووووب الكاتبه جدأأأ مشووووق وكمية تعبيريه هاااائله لكن يداخلني أحسااااس غريب لأكمالي للـ أجزااء أحياااناٌ يتذبذب أسلووب الكاتبه من الرااائع ألى الجيد ألى السيء أشياء ماحبيته بهذي الأجزااء يعني الجد السعد مو لازم يقول أن جاردينا هيا أبنت عمه لهم حلووو لمن كانت بعيدهـ وحسيت شي غير مقنع أأأبداا وظهووور شخصية جابر بهذا الحجم حسيته شي مباالغ فيه غاليه وهنادي بدات أحس بالملل منهم ومن حوارتهم وموقفهم مع سوسن ومهند جدا طفوووولي جاردينااا الأنهزاامية الغير طبيعه والمبالغ بعض الشي في تصرفاتها لا أعلم عدم بشرية جابر في كل المووواقف اللي تجمعه بهااا مع مروور الاجزاء لم يحصل بينهم أي حوار عقلاني كلهاا شتات وقدح بالكلمات وضررب وأحياانا المبالغ المهووله في تصرفات جابر معهااا ..؟؟ أكاد لا أستوواعبهاا أكثر شي أستغراب منه هو الصدفه القووية أألي خلت جابر ياتي لتلك الفله .. أتووووقع لو رجع الفندق ومالقهاا كان أفضل ووبحث عنهاا ووشوية أكشن كذا يحبس الأنفااس اقضل من رمي المقابلات على الصدف الرواية يعيب عليهاااا فكرة ابناااء العم والعمومه والبيت الوواحد وووشخصية الجد القووية والأبناء الخانعين والأحفاااد الأبطال والحفيداات المسااكين أللي يتزوج عيال العمومه .. وعدم ووجود غرباااء وتوووسيع الداااائرهـ أرحب بتكراار الافكاار لكن مع تجديد وأختلاق موووااقف جديدهـ ووأعمار مناااسبة وشخصية معقدهـ نفسياُ ولاليس شخصياا طبعا كلامي ليس موجه للرواية لأنننا مازلنا في البداية ومن عدم الأنصاااف الحكم الأن .. لكن أنا كـ قااااارئة بدأت أحس بالملل من تكراار الأفكار والمووواقف لكن يبقى لحلاووة ألاسلوب ونكهة الكاتبه الخااصه شي مشوووق بروواية | ||||||||||
|
| |
|
31-12-11, 05:48 PM
| #20 | ||||||||||
| نجم روايتي والفائز بجائزة التسالي الرمضانية وأميرة حزب روايتى للفكر الحر
| البارت الثانى عشر جابر :جاردينيا ...جاردينيا ..تسمعيني ...بسم الله عليك وش صار فيك ؟؟ مغمضة عيونها وتحس بأصابعه ألي تمسك أيديها أحيانا وأحيان يمسك راسها ويحركه ... تحس بثقل جسمه وهو كأنه ينحني لها ويدور شي جنبها ومسرع هالثقل ما يبتعد عنها ويبقى منه بس ريحة عطره القويه وصوت حركاته المرتبكة...مسك أيديها مرة ثانيه وصار يرص عليها بقوة ...مشهد أتقنت أدائه من بنتها ورد ألي أذا ماقدرت تاخذ ألي تبيه تنسدح على الأرض وتحط نفسها مغمى عليها ...مرت صورة بنتها في فكرها وهي مغمضة عيونها ونوت تضحك بس مسكت نفسها ... جابر بحيرة وخوف وهويحاول فيها تصحى :والله يابنت الناس ماكان بنيتي أرميك ولا أتركك في هالمكان ...بس أنتي ألي خليتيني أسوي هالشي ..جاردينيا قومي ...قومي والله أرجعك للفندق لو صحيتي هالحين ... جاردينيا بنفسها :قلعتك...يوم أنك مو قد ألي تقوله ليه ماخذني لحد هينا ...بغيت أروح فيها بس ماعليه تستاااااااااااااهل وأزود بعد جابر:ياربي وش هالورطه سكر بابها وراح صوب باب السايق وركبه ..حرك مبتعد عن هالصحرا الخاليه ... وهي أكتفت أنها تسمع ويتسلل لقلبها حيره وأعجاب غريب لنبرة صوته وهو خايف ومتوهق ... كيف يكون فيها كثير دفا وحنان؟!! ..تمنت لو أنها تقدر تفتح عيونها وتطالع كيف شكله وهو خايف بس لو سوت هالشي بتكون فعلا كتبت نهايتها بيدها ... ومو غريبه عليه يذبحها لو عرف أن الدعوة كلها تمثيل بتمثيل ...هذي الطريقة الوحيدة ألي لقتها قابلة لتنفيذ وسط مشاعر الخوف ألي أحتوتها ...لف لها وهو يستغفر ويزيد من سرعة سيارته جاردينيا وبكل راحة مغمضه عيونها:لو أدري أن هالحركات بتفيد فيك كان من زمان حطيت نفسي مغمى علي...آآآآآآآآآآه ياظهري نعنبو أبليسه حتى وهو يعدله دفش ..دفش بس هالحين ماقول ألا دواك عندي مرت دقايق وهو للحين يسوق ..خافت ياخذها للمستشفى وبتردد رفعت حاجبها وفتحت عينها وماشافت غير ظلمى ...مادخل الرياض !!وقف بسيارته قبال بوابه قديمه لونها أسود وصار يضرب هرن بقوة ...أول مانفتحت البوابه دخل وأستقبله النخل العالي ألي بكل مكان مشى بخط مستقيم مبتعد عن النخل لين وصل عند بيت طين ...وقف بالسيارة وطال قعدته وهي ظلت تنتظر يجي يشيلها أو يسوي لها أي شي ...وبفضول فتحت عينها بحذر !! متساند براسه على الدركسون ومنزل الطاقيه عن شعره ويحاول يهدى ويفكر بهدوووء على كثر مايقدر ...ظلت تطالعه وتتأمل ملامحه ...كسر خاطرها وبنفسها تمنت لو أنها ماسوت هالحركة فيه ...بس ألي أستغربت منه أنه واااااضح عليه أنه طيب بس أفعاله عكس كل ألي تحس فيه ...ليه يخفي هالطيبه وكأنها شي مايجوز للكل يحسون فيه ...!! بس فكرة مجنونة طغت على أحساسها المبعثر وبسرعة راحت تنزل عبايتها وعيونها معلقة فيه ....فتحت باب السيارة بسرعة وراحت تركض صوب بيت الطين وخطواته الواسعة تسمعها تركض وراها..دخلت الصالة ألي ماكانت غير جدران على وشك الأنهيار لفت لأول غرفة قابلتها ومسكت يد الباب برجفة وأنفاس تنتفض داخل ضلوعها تدور الهدوء والراحة حركت الباب ألي مليان صدى ونوت تسكره بقوة بس وقفت يد تمسك الباب ألي نوت تقفله حتى تمنعها من أنها تحمي نفسها من زوجها ألي صار بالنسبة لها مجنون !!!فتحت عيونها على الأخر وطاحت على الأرض وظل شخص يمتد قبالها فالصالة الصغيرة ..صرخة نوت تفجرها لكن لقت حلقها ناشف وعظامها تتهاوى أستسلام للتعب والألم .................................. تبقى المشاعر المتمردة داخلنا أقوى من أنا نسيطر عليها بعقلنا الواعي والأحلام مهما أنهارت نبقى نبني بداخلنا أمل أنه بيوم قادرين نبنيها من جديد حتى لو كلفنا هالشي تضحية بهاللقلب ألي يحوي ضلوعنا ....مالت براسها على الزجاج وهي تطالع الحديقة الواسعة بتصميمها الأكثر من روعة وعيونها تتنقل مابين الورد والشجر لبركة الماي ألي أستقرت بأحد زوايا هالحديقة تلف المكان بروح ساكنه تعطي لقلبها شوي قوة ... رغم أن الأحداث كانت ورى بعض وكأنها أشبه بالبرق بس روحها مازالت تغرق وماحد حاس فيها ..طول عمرها تشوفه فارس لأحلامها ..ذكريات كثيرة علقتها بشخص بيوم وليلة تجرد من أحاسيسه ونوى يتبع أطياف السفر بعيد عن حزن حوله لأشلاء ...تتذكر اليوم زين أول مادخل عليهم وهو شايل أمه بين أيديه ويركض فيها مثل التايه حتى تلفظ أخر أنفاسه في حضن ولدها الصغير ...تتذكره وكأنه ماحصل غير بالأمس... طلعت تنهيده طويله والأحزان تدفعها للدموع ألي أبعد ماتكون بحاجتها بهالوقت... ومن ذاك الوقت لحد الحين وهو متغير صاير مزاجي وعصبي وفيه عدم مبالاة غريبه.. تمنت لو السنين ترجع وتعيش طفولتها من جديد بين أحضان أبتسامته الدافيه ووجه الحنون ..وتبقى الأمنيه هي أمنيه ماراح تنحت على واقع صار للكل شي لابد منه ومن ورى ظهرها وهي غارقة بعالم أفكارها وقف يطالعها بنظرة حنونه ...علامات الكبر والشيخوخة بدت واضحه على وجهه المليان تجاعيد ممزوجة بهيبه عجيبه أحتوت هالملامح ...ومسرع ماصغرت هالنظرة وأبتسامة دافيه ترتسم بهدوء على شفايفه ...قضى عمره كله يأسس هالعايلة على الشي ألي أرسمه وفعلا تعبه ماراح عبث أبد هذولاهم عيال عياله حواليه وتحت جناحه ماقصر معهم بشي ولاعمره راح يقصر بيوم.... مايبي الحياة تبعثر قوتهم تحت وطأة خطواتها القاسيه مثل مافعلت معه ...مشى خطوتين ومد يده وهو يمسح على شعر هنادي ألي فزت من مكانها مذعورة حاطة يدها على قلبها بس أول ماستوعبت وجود جدها أبتسمت وباست راسه هنادي :جدي قلبي طاح ببطني ...صاير هالأيام نشيط ماشالله خطواتك ماتنسمع أبد الجد سعد:ههههههههه....قولي ماشالله لا أطيح من عينك يابت هنادي تجي جنبه وتحضن يده:قلت ماشالله والله والله ....وش هالمفاجأة الحلوة جدي الجد سعد يسحب يدها ويخليها تجلس :وراها بنيتي سرحانه تفكر ومشغول بالها هنادي تسحب هوا وترفع كتوفها وهي تحاول تنسى ألي كانت تفكر فيه:أممممم...ولاشي بس بالي مشغول في الأختبارات تعرف مابقى عنها شي الجد سعد يرفع راسه:أهااااا..شدي حيلك زين ووصي البنات ألي بتحمل مادة هالسنة لاتفكر تطلع سفريات ...هذا أنا قلت لكم هنادي تشهق:لأ..والله شادين حيلنا ...مانقدر على هالعقاب والله الجد سعد يتساند على عصاه ويقوم:بسم الله فتح بو مهند الباب وهو باين عليه الربكة وأول ماشاف أبوه أخذ تنهيده طويلة وتقدم بخطواته مبتعد عن الباب حتى يدخل بو ذعار وبدر...أول ماشافهم الجد سعد عقد حواجبه بضيق وتحرك يبي يطلع من الصالة بو ذعار :يبه.... الجد سعد بعصبية :عندكم شي غير السالفة ألي كلمتوني فيها قلها وأذا بتفتح السيرة من جديد أحسن لك تسكت بندر يمسك ذقنه بطفش ويصد بوجهه عن جده:...... بو مهند:يايبه أنت موكل واحد مايفقه شي ...جابر وأعرفه ..كلنا نعرفه الجد سعد يرفع يده وهو منفعل حده:وش رايك تجي تتكلم وتاخذ القرارت بدالي عبالكم خرفت أنت وياه(ضرب عصاه بالأرض)أنا حر بأختيار من أبي وجابر يتعلم ماوراه شي بو ذعار:أنت معطيه وكالة عامة عن كل شي ...يايبه هذا مو عدل أبد الجد سعد بصرخة :ألي مو عاجبه يقدم أستقالته ويرتاح..فاهمين!!!!!! وبعدين أنا عطيته وكالة مو الثروة كلها لاتخافون لامت كل واحد بياخذ حقه وزود بدربضيق :وش هالكلام ياجدي كمل الجد سعد خطواته متوجه لقسمه وهنادي قاعدة فاتحه عيونها على الأخر ....آآخر شي توقعته أن مكانة جابر بتكون بداية مشكلة راح تهدم مستقبل هالعايلة كلها -------------------- واقفة وهي ضامة أيديها مع بعض ومتساندة بظهرها على الجدار بجنب غرفة صغيرة بالعافية تكفي خمس أشخاص ....تحاول توقف على رجولها ألي تحس أنها بأي لحظة راح تطيح من طولها على الأرض...سحبت كم البلوزة وصارت تحاول تحك أيديها في بعض بكل عبث...طاحت دمعة خانت تماسكها وبسرعة أمسحتها وأبتسمت ...حركت عينها صوب الغرفة وهي تشوف جابر يضم له وحدة بقوة وصوت ضحكته تتردد في المكان ...رفعها على خفيف ودار فيها بالغرفة وهي تضحك بدلع ومتمسكة فيه رفعت عينها لسقف بكره وصارت تهز رجلها بقووووووووة جابر ينزل البنت:والله مو مصدق ...وش هالمفاجأة(سحب خد البنت وهو مستانس)ياااااااااااه حدي مشتاق لك يافوز فوزية تميل براسها على يده:وأنا بعد..ولو أني زعلانه عليك تعرف أني بغربة ولادقيت تتطمن علي ...ماصدقت تتركني لحالي وترجع هااااااااا جابر يلف يده حول رقبتها:يادوووبة تعرفين أني ما أقدر على فرقاك ..وش أسوي جيت هينا وأنشغلت طارق وهو جالس على الأرض ومتمدد:آآآآآآآآآه..ياحلاة الرياض وهواها...عن جد أشتقت لها ترك جابر فوزية وراح صوب جدته ألي قاعدة بجنب مركة وصار يبوس راسها ويشم ريحتها جابر:قول ياحلاة هالريحة بس .. الجده نورة تبعده:وي وي ..ياولد وخر عني ماتترك أنت سوالفك ذي جابر يجلس جنبها :تلوميني يالغاليه فيك لوت جاردينيا فمها وهي تشوف جابر قاعد بجنب جدته ومنسجم بالسوالف معها ....ظلت تطالعه بنظرات حاقدة مركزة بعيونها عليه وهومتربع منحني بجسمه الضخم صوب جدته ألي باين عليها الكبر... رجع طارق براسه لورى وصار يمسح على شعره الطويل بشكل ملفت..لابس بدلة سموكنج متلائمة مع ملامحة الحادة والرسمية بزيادة...أول مارفع عينه لمح جاردينيا حاطة عينها بعين جابر وهي ماسكة خصرها ومتمايلة فيه..صغر عيونه متفاجأ من حركتها بس مسرع ماضحك طارق :طالع ياولد ذي والله عينها قوية فوزية تلف لورى وتطالع جاردينيا:خييييييييير أن شالله ..هذي مين؟؟جبووري جابر يسحب يد جدته وبدون مايطالعها:خدامتي مالها كم يوم عندي ...ماعليكم منها ترا ما من عقل فوزية ترفع حواجبها لفوق وبهواش:يلا للمطبخ ..قسمن بالله عينها قوية طارق بطنازة:مافي مفهوووووم أنتي ...يلا ظلت واقفة فاتحة عيونها على الأخر وهي تطالع جابر ألي قال هالكلام بكل برود وجفا وداس بأخر كرامة بقت داخلها برجله ...نزل يد جدته ألي رفعت يدها بدون أهتمام للموقف وصارت تأشر لفوزية الجده نورة:روحي دليها على المطبخ ...أنا ماأدري ليه تاركينها واقفة بهالشكل ..لازم تتعلم مكانها الصح وين هزت فوزية راسها وراحت صوب الباب ..مسكت طرف شال جاردينيا بأطراف أظافيرها وكأنها شي وسخ وبواحد من أصابعها أشرت للمطبخ فوزية :هناك المطبخ طسي له.. نزلت عيونها بكل أنكسار وذل وتحركت بخطوات يائسه للمكان ألي قالت عنه فوزية...غمضت عيونها لثواني وتمايلت بدون وعي بس مسرع ماتمسكت بالجدار ... طارق يرجع يميل براسه لورى:أنت وش تبي فيها شكلها مريضه ...أنتبه لايكون فيها مرض معدي جابر يبتسم نص أبتسامة بطنازة:والله أنك صادق ...أنا شاك بهالشي من أول يوم شفتها فيه وبالمكان ألي عايشه فيه ....ههههههههه...بس خلاص ماعاد يمديني أرجعها دخلت المطبخ وهي تسمع هالتجريح والذل بصمت غريب..جلست على الأرض وضمت رجولها مع بعض لصدرها...حطت أيديها على أذانيها بقوووة ماتبي تسمع شي خلاص تعبت من هالحياة ..تبي ترتاح ولاتدري كيييف مالت براسها على الثلاجة ألي جنبها وتركت الحرية لدموعها لعل وعسى تغسل بقايا هالحزن القاسي .... فوزية تتمايل بخصرها وتدخل الغرفة:أففففف ..وش هالقرف ياربي ..شكلها بتموت بأي لحظة جابر يطالع جدته:فيه أحد يدري أنك هينا الجده نورة:لأ... طارق مغمض عيونه وحاط يده على صدره والجكيت طايح وكاشف عن بلوزته البيضا:أصرت ألا أنا مانقول لأحد جابر مستغرب:والله لايزعل جدي لو عرف الجده نورة بعد صمت وبهمس كأن الموضوع مايهمها أبد:تزوجت؟؟ جلست فوزية جنب جابر وقلبها بدى يزيد بدقاته بدون مقدمات مع رجفة خفيفة سرت بأطراف أصابعها...وبكل خوووف طالعت جابر تنتظر منه الأجابه ..نزل جابر عيونه بالأرض وأخذ نفس بقوة يحاول يبعثر شي كاتم على أنفاسه من هالسيرة جابر يضم شفايفه مع بعض ويهز راسه:أيه تزوجت... حطت فوزية يدها على فمها تبي تكتم شهقه لاتخونها قدامه ...أمتلت عيونها بالدموع وعلى طول قام طارق متعدل بجلسته وهو مو مصدق طارق يحاول مايضحك:أنت..أنت تزوجت ...لالالاالا مستحيييييييييييل صدت الجده نوره بعيونها عن جابر بس مسرع مارجعت تطالعه بنظرات ماهي مفهومه الجده نورة:نفذت ألي يبيه جدك ..هااااا جابر:.............. طارق يحط أيديه على ركبه وهو متربع:البنت من بنته؟؟ جابر بضيق:زوجة ذعار ألله يرحمه فتح طارق عيونه على الأخر:زوجة ذعار...وذعار متى تزوج ؟؟وكيف عرفت ترا والله مو فاهم شي .. جابر يرجع بظهره على المخدة ألي وراه وينفخ صدره:طلع متزوج ووصاني أتزوج زوجته لاتوفى يوم كنت معاه ببريطانيا طارق يرفع يده ويمسح على شعره:والله مو مصدق ..معقولة وأنت كيف رضيت؟؟ الجده نورة بحزم:وهو شي أحد بيستشيره فيه ..هذي عادات بالعايلة عشان بنت ذعار ماتروح مع أحد غريب...مهما كان السبب ورى هالزواج فهو لازم يتم طارق:وبعد عنده بنت!!!!!!!! حرك جابر عيونه صوب فوزيه وقعد يطالعها بحنان وبداخله صار متيقن أن جدته رغم أنها بعيده عن الأحداث ألي صارت كلها بس تعرف كل شي وموافقه عليه ... من هدوئها ونبرة صوتها ..مد يده وسحب يد فوزيه يبي يبوسها بس هي سحبت يدها من بين أصابعه وقامت تاركه لهم الغرفة وهي تبكي وحدها متحطمة جابرنوى يقوم:فووووووووز..دقايق بفهمك كل شي .. حطت الجده نورة يدها على فخذ جابربقوة تمنعه من أنه يقوم الجده نورة:ماعليك منها لمتى بتظل تراعي مشاعرها ...هالحين العايلة كلها بيدك أترك عنها جابر بأستنكار:جدتي ...وش هالكلام تعرفين أن فوز بيوم كانت قطعة مني وبسبب نسيانكم حطمتوها وحطمتوني معها....ذبحتونا بهالعادات ألي ماجابت لي غير وجع الراس الجده نورة ترجع لأسلوب عدم الأهتمام:أيه...ومن ألي أخذ مكان ذعار وحطت يدها ع الجرح كأنها تبي توصل لشي جابر مو فاهمه أبد ولا راح يفهمه دام أنه عاش أغلب حياته بعيد عن هالعايله ..فالغربه ألي رسمت حدود شخصيته وحياته جابر :أنا الجده نورة :ومن ألي عطاك هالحق جابر حاس أنه بدى مواجه مع جدته أكون أو لاأكون:ليه شايفتني مو كفو عشان يكون فيها حق الجد نورة ترفع يدها وتعدل شيلتها الشفافه :ماقالوا لك أن ألي بيكون متولي أمور هالعايلة لازم ينفذ شرط أنا شارطته جابر يرفع واحد من حواجبه:شرط..؟؟؟(وبأستهزاء)ع� �اه بس مشى على ذعار الجده نورة بثقه:أجل كيف...؟؟ذعار الغالي... ضحى بحياته عشان هالعايله ترك دراسته ووقف مع جدك أسأل طارق والعيال كيف تحمل كل شي عشان يثبت أنه كفو...(وبعبرة خنقت صوتها)تركنا وراح ليتني كنت أقدر أعطيه حياتي والله أنه عيوني ألي أشوف فيها طارق يهز راسه :وأنا أشهد جابر للحين مو فاهم النقطه ألي تبي توصل لها الجده وهو مرتفع الضغط عنده من كلام الجده عن ذعار:بس جدي عطاني الصلاحيات بدون شروط الجده نوره بعصبيه:أنا مالي شغل بجدك ...ألي ماتعرفه أن هالثروة لي أنا ...وأنا ألي راح أقرر من ألي راح يتولاها ..فاااااااااااهم جابر يقوم مستنفر :خلاص قرري من ألي راح يمسك كل شي ...وزوجة ذعار بطلقها ووصلي هالكلام لجدي خليه يختار أحد غيري يتزوجها وينفذ ألي براسه طارق يقوم:ياولد أهدى ..خل جدتي تكمل كلامها لين النهايه...هالشرط أنا جربته وبندر وبدر ومحمد كلنا ...أنت ومهند أخترتوا السفر بعيد عن هالعايلة .. جابركأنه بدى يفهم :أهاااااا...أنتي ياجده جيتي هينا عشان تشوفيني ..صح الجده نورة بأبتسامة:أجل جدك ماكان مغلط يوم قالي أنك طالع عليه تمسكها وهي طايره جابر يهز راسه:أستغفر الله ..هذا أنا قاعد أسمعك الجده نورة تقوم وتسحب عصاتها معها :تعال معي ... حركت رجولها بتعب وعلى طول راح لها طارق ومسك يدها عشان تتساند عليه ...طلعت من الغرفة وجابر يمشي وراهم... رفع يده وصار يحك ذقنه بعبث وعينه تروح لباب المطبخ جابر :دقايق بوصي الخدامة تسوي لنا قهوة وشاي طارق :أوووكي راح جابر صوب المطبخ وقبل يدخل مال براسه شوي لأنه أطول من الباب ..دخل ووقف يتلفت يدور عنها في مكان ضيق باين عليه أنه قديم ..ماكان فيه غير كبت نص أدراجه منكسرة والفرن بأحد الزوايا يحوي الغبار كل جزء فيه تحرك ومد يده عشان يشغل اللمبات وبسرعة نزل عيونه لتحت أول ماضربت جزمته طرف جزمتها ...رفع حواجبه لفوق وهو يشوفها تحته متكورة على نفسها بشكل يكسر الخاطر ..أنحنى على طول وجرها مع يدها لين وقفت على حيلها ونقابها غرقان بدموعها ...أبتسم وهو يشوف هالدموع جابر يتأمل عيونها بأنتصار:على وش هالدموع كلها ..حبيبي.. وفريها للأيام الجاية تراك ماشفتي شي ...(دفها لقدام بعيد عنه بدون رحمة)يلا أنقلعي سوي لنا شاي وقهوة أنتي وهالخشه ألي تسد النفس.. طاحت على الأرض بقلة حيلة وطلعت منها (أأأأأأأأأأه)...عطاها ظهره ناوي يطلع بس وقف أول ماتكلمت جاردينيا بصراخ وهي تبكي بقهر:أنا مو خدامة عندك تفهممممم... لف لها جابر بعصبية ورجع يطالع الباب يخاف لا أحد سمع صوتها.. راح صوبها ومسكها من ورى وهو مايبي يسمع صوتها أبد.. رفعت جاردينيا أيديها وتمسكت بذراعه من قو الألم ألي تحس فيه جابر يقرب منها وهو ثاير حده:خدامة غصبن عليك يالحقيرة ....وصوتك لو سمعته قسمن بالله لا أقص لسانك فاهمة...هذا هو المكان ألي تستاهلين تعيشين فيه يعني يليق بمستواك ومستوى المكان ألي جيتي منه طلع تاركها محطمة وعاجزة لهالحياة ألي حرمتها من كل شي ...من أبوها من أمها حتى من زوجها وبنتها ...طلع متجاهل كل شي يشوفه وبدون ما يلين قدام هالأنكسار والذل صار يدوس عليه أكثر وأكثر... مسك مخباته وزفر هوا يبي يشتت مشاعر تتملكه وتفقده السيطره على تصرفاته..هبت هوا باردة وبأبتسامة شاف جدته قاعدة على جلسه خاصة قبال النخل وهي سرحانه بأفكارها ومن بعيد طارق واقف عند سيارته يفتش فيها...تقدم بخطواته من عند جدته ونور القمر يملى المكان وريحة الماي وهي تسقي النخل منتشرة وترد الروح جابر يجلس جنب جدته:وين فوووز؟؟ الجده نور تتنهد:ياحوووووووول ...أنت وراك تسأل عنها وأنت عندك الشي الأهم جابر يضرب يده على الكرسي :أيه ووش هو هالشي الأهم..قصدي الشرط الجده نور تطالع المزرعة الواسعة بأشجارها ونخلها:تعيش في هالمكان شهرين..تشتغل مع العمال تسقي النخل وتهتم فيه ...وهالبيت يكون بيتك ..أبي أشوف هالمزرعة تتغير على يدك نفس ماسوى ذعار جابر :نعم!!!صاحي أنا أترك النعمة وأجي هينا بهالحر..(لف يطالع البيت من فوق لتحت)حتى مكيفات مافيه ..جده من جد تتكلمين طارق يوقف وراه ويحط أيديه على حافة الكرسي:حنا عشنا هينا كلنا ..ههههههههه..ألي تحمل يوم ويومين وطلع تارك كل شي ألا ذعار قعد هينا لحاله ونفذ الشرط عشان هالشي ..كلمته كانت مثل كلمة جدي ماأحد يثنيها وهيبته معروفة جابر يرفع أيديه:أجل خلوا ثروتكم ذي أحد يمسكها غيري الجده نورة ترجع تطالع المزرعة:كنت عارفة أن ذعار مثل الجوهرة النادرة ماتتكرر مرتين رص جابر على أسنانه بقهر وقام :ليه نادر؟؟ ...أنا أقدر أعيش في هالبيت ترا ماهو أنجاز ألي سواه الجده نورة تطالع جابر:متأكد جابر بتردد:أيه متأكد ... حركت عينها صوب طارق ألي رفع حواجبه مستنكر تصرفه مايمديه كان رافض وأول ماجابت طاري ذعار ومدحته غير رايه .. الجده نورة :أجل خلك في هالبيت من هاللحظة وبنشوف أذا أنت قادر تتولى أمور العايلة أو لأ...لأنه من قادر يعيش هالعيشة في هالبيت ويتحمل كل شي قادر يتحمل مسؤليات أكبر جابر بحيره:وين فوز طارق يأشر لسيارته :هناك مدري ليه تغير مزاجها .. أبتعد جابر عنهم ورفع عيونه يطالع القمر ألي شامخ بنص السما والنجوم حواليه قليلة.. مشى بخطوات واسعة لحد عندها كأنه يبي يتهرب من الموضوع بكبره أو مايبي يفكر كيف قاعد يجبر نفسه على أنها تتحمل شي أكبر من طاقتها.. جابر:فوز!! فزت من مكانها وعطته ظهرها وهو يقرب من عندها,,صارت تمسح دموعها بقوة وهو على طول رفع أيديه وحضنها جابر :أفااااااا تبكين؟ فوز أنهارت على صدره :لاتسألني ليه هالدموع...لاتنطق بأي كلمة خلاص الشي ألي صار.... جابريقاطعها و يضمها لصدره بقوة مايبيها تتكلم أكثر:ولا راح أفكر..ذكرى مسحناها أنا وياك بفرنسا صح فوز أنهارت أكثر :........ جابر ياخذ نفس ويمسح على شعرها.:حبيبتي خلاص...والله بزعل ترا فوز:خل طارق يرجعني للبيت تكفى ..أحس أني بختنق هينا جابر بعد صمت :ولا يهمك ... رفع أصابعه وصار يمسح دموعها وأبتسامة دافيه أرتسمت على شفاته وهي تطالعه وعيونها معلقه فيه ...نزل أيديه وأول مانوى يتحرك شاف جاردينيا واقفة عند جدته ألي تتكلم معها وهي بس تهز راسها ...أسرع بخطواته صوبها بخوف لايكون تكلمت معها أول قالت أي شي جابر يجلس بسرعة وهو يطالع جاردينيا بنظره قاسيه:أيه ... الجده نورة تمسك عصاها وتهزها يمين ويسار:بنت عبدالله وين هي الحين رفعت جاردينيا عيونها لجابر وهي متفاجأة من سؤال الجده عنها...لحظة صمت عمت المكان وجابر بدى عليه الأرتباك...طالع بعبث طارق ألي كان بمسافه ماهي بعيدة عنهم يطالع المزرعة جابر يطالع جاردينيا ويرجع يطالع جدته وهو يبلع ريقه :موجوده الجده نورة بملامح أقل من عاديه وهي تتكلم عن بنت ولدها:ألا هي تشبه مين؟؟طالعه ع أبوها أو أمها الفلبينيه جاردينيا ترفع عيونها لسما بطولة بآآال وبنفسها:أللهم طولك ياروووح ...شكل هالأم بتكون مثل الذنب بحياتي جابر يهز كتوفه :مدري ...(أشر لجاردينيا بحدةوالربكة للحين معتليه قمة ملامحه خايف جدته لاتزل بلسانها وتقول أنه يكون ولدها أو تجيب هالطاري)ليه ماتصبين قهوة كم مرة أنا لازم أعلمك هآآآآآآآآآآ الجده نورة :أذا طلبتها بيوم لازم تجي لحد عندي بسرعة ...وصلها كلامي..قولها أني أبيها بكلام تقدمت جاردينيا بدون ولاكلمة ومسكت الدله وألف سؤال وسؤال يدور في بالها ..وش الشي ألي راح تقوله لها الجده ويخليها مصره على لقياها..هي لاتعرفها ولا في شي يربطهم فيها غير بنت ذعار ..سحبت فنجان واحد بس وصبت للجده قهوة ...مدت لها الفنجان ورجعت الدله لمكانها لعانة في جابر ألي كان متوقع أنها راح تصب له ...تكتف جابر بقهر وقعد يطالعها من فوق لتحت جابر بأحتقاروهو يطالع جاردينيا:جيني..صبي لي قهوة يلا جاردينيا ترجع توقف جنب الجده بدون أهتمام وهي تطالع صوب السيارة:.......... جابر بعصبية:ماتسمعين أنتي؟؟ جاردينيا للحين تطالع السيارة بسرحان غريب:....... الجده نورة تلوي فمها :روحي ألله يهديك...(طالعت جابر)صب لنفسك قهوة أبتسمت جاردينيا بأستهزاء فضحتها فيه عيونها وقبل تروح عطت جابر نظرة باردة ... طارق يجي لحد عندهم :لالا..وين تروح أبيها تنزل كم غرض من السيارة...تعالي جيني راح يمشي صوب سيارته وهي بكل أستسلام غيرت وجهتها وراحت تمشي وراه وهي تحس بنظرات جابر تلاحقها ... مشت بخطواتها ألي تجرها جر ..لف طارق حول السيارة وفتح باب السايق.. أنحنى لداخل وهو يفتش عن شي ...وقفت جاردينيا وراه وتكتفت بملل والسيارة صارت مغطيه بيت الطين كله ...طلع طارق معه كيس كبير شوي ولف صوبها ...شهقت بقوة أول ماسحب يدها وبدون مقدمات رصها على السيارة.. طارق بخبث وهو يهمس قريب من أذنها :أنتي من أي بلد؟؟...جسمك حلو وبياضك ملفت أبصراحة قعدت ترجف بقوة وهي فاتحة عيونها على الأخر والكلام واقف على شفايفها من الروعة منصدمة من حركته ألي ماتوقعتها ..جسمه قريب منها لدرجه حست بأنفاسها تضيق وبأي لحظة راح تختنق..صغرت عيونها وهي تطالع ملامحه الحاده تترجاه بصمت يبعد عنها ماهي حمل هالمصايب ألي تتحاذف عليها بوقت واحد... طارق يقرب منها أكثر:أنتي فلبينيه صح؟؟ أو من أندونيسيا.. حست أن الدنيا تدور فيها من الرجفة ألي أنفضتها نفض ...حاولت تدفه بس كل مادفته يقرب منها أكثر ...أهتزت شفايفها وحلقها ناشف تبي تنطق تصارخ تقول أي شي بس ماقدرت... | ||||||||||
|
| |
|
| أدوات الموضوع | |
| انواع عرض الموضوع | |
|
|
18Likes
.png)
العرض العادي
