آخر 10 مشاركات
عيون لا تعرف النوم (1) *مميزة & مكتمله * .. سلسلة مغتربون في الحب (الكاتـب : bambolina - )           »          لقاء الخريف / الكاتبة : طرماء و ثرثارة ، كاملة (الكاتـب : taman - )           »          جدران دافئة (2) .. سلسلة مشاعر صادقة (الكاتـب : كلبهار - )           »          ضلع قاصر *مميزة و مكتملة * (الكاتـب : أنشودة الندى - )           »          الدخيلة ... "مميزة & مكتملة" (الكاتـب : lossil - )           »          309 - نهر الذكريات - مارى ويبرلى - روايات احلامى (الكاتـب : samahss - )           »          دموع بلا خطايا (91) للكاتبة: لين جراهام ....كاملة.. (الكاتـب : *ايمي* - )           »          أنتَ جحيمي (82) للكاتبة المُبدعة: Just Faith *مميزة & مكتملة رابط معدل* (الكاتـب : Andalus - )           »          ✨الصالون الأدبي لرمضان 2024 ✨ (الكاتـب : رانو قنديل - )           »          كتاب رحلة الساق المعلقة من رأس العش إلى رأس الكوبرى (الكاتـب : ahmad2006771 - )


العودة   شبكة روايتي الثقافية > قسم الروايات > منتدى الروايات والقصص المنقولة > منتدى الروايات الطويلة المنقولة الخليجية المكتملة

Like Tree1Likes
إضافة رد
 
LinkBack أدوات الموضوع انواع عرض الموضوع
قديم 05-01-12, 11:57 PM   #1

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
Rewitysmile25 جنون الحب ~ للكاتبة مجنونة الحب....





بسم الله الرحمن الرحيم

الحمدلله والصلاة والسلام على رسول الله وعلى آله وصحبه أجمعين

السلام عليكم ورحمة الله وبركاته

حبيت أنقل لكم قصة من تأليف الكاتبة مجنونة الحب وان شاء الله تعجبكم وهي قصة عن حب يعني رومانسية

المقدمة......

شنو الحب؟وهل صحيح ان الحب جنون؟هل الحب فيه مضار؟هل فيه منافع لو كثيرة؟شنو الحب من ناحية الشاب أو البنت؟

أنا أعطيكم قصتي الدرامية الرومانسية المشوقة المملوئة بالحب والعاطفة والجرأة والحزن(جنون الحب) وان شاء الله راح تعجبكم الكاتبة(مجنونة حب)
أولاً راح أعرفكم على شخصيات القصة:
عبد الرحمن:أب للعائلة البسيطة مادياً اللي تتكون من7أشخاص عصبي شوي لكنه طيب ومتقاعد من زمان
شيخة: أم العيال وهي حنونة وطيبة
ناصر:شاب متزوج وعنده ولده حمد عمره4سنين وعمر ناصر 29سنة
عبد العزيز:عمره26سنة متدين ومايرضى بالمعاصي
خالد:شاب عمره22سنة عنيد وراسه يابس ومملوح شوي
لطيفة: بنت حلوة مثل القمر رقيقة عمرها20سنة تتميز بالهدوء والخجل والنعومة وهذا اللي محليها تدرس في ثاني جامعة تموت في قصص الحب وفيها ملامح البراءة
سارة: بنت عمرها15سنة تعيش مراهقتها بشكل عادي وهي الدلوعة وملقوفة حيل
.................................................. .........
عائلة أحمد ,أبوهم ميت من 5سنين
فوزية(أم يوسف):الأم وهي على نياتها وطيبة
أماني: وهي البنت الكبرى وعمرها 30 سنة وعندها ولد أسمه سعد عمره7سنين ومتزوجة من واحد أسمه علي ومتزوجته عن حب
يوسف:شاب عمره20 سنة حساس حيل ويتأثر بسرعة
فاطمة:بنت عمرها19سنة في أولى جامعة أجتماعية وجريئة تدرس في نفس الجامعة اللي تدرس فيها لطيفة
منصور:ولد عمره13 سنة دايماً يهزيء أخوه الكبير يوسف, فيه نبذة من الغباء
.................................................. ..........
عائلة عبد الله(بوحنان):وهو الأب اللي مدلع بناته الثنتين ومتزوج ثنتين
نوال:وهي أمهم حشاشة ومتسلطة شوي ولعينة وعصبية
حنان: وهي البنت الكبرى عمرها23سنة ومتحررة
آلاء:عمرها21سنة بنت عادية مثل باجي البنات تدرس في ثالث جامعة
.................................................. ......
عائلة يعقوب وهي تتكون من ثلاث أفراد بس:
يعقوب: وهو الأب ويدير شركة كبيرة في الكويت وعنده ولدين وهو سعودي الأصل.
سالم:شاب عمره22سنة رومانسي بشكل خيالي وحلو ووسيم حيييييل, كل البنات متهبلين فيه في الجامعة, وهو طايش ويحب البنات
سلمان:ولد عمره17سنة صايع شوي ومايشبه صفات اخوه فولا شي إلا الصياعة
.................................................. .....
نورة: صديقة لطيفة بالجامعة مصادقتها من أيام الثانوي في توافق كبير بينها وبين لطيفة
.................................................. ..
حصة: وهي أم لسالم وسلمان مطلقة من يعقوب ومتزوجة واحد ثاني وماعندها عيال منه ومتسلطة.
هذي القصة رومانسية بشكل رهيب تتفجر فيها منابع الحب وفيها الجنون جنون الحب ..هذي القصة ما وضعتها تسلية القصة للأستفادة... واللي ينكتب فيها موجود كثير في مجتمعاتنا..وهذا موتخريب لكن هذا دليل على الحب الكبير اللي ماتشوهه أي علاقة ثانية ..دليل على أصرار الحب... هالقصة تقارن بين الحب القوي اللي مايفرقه شي والحب الضعيف اللي ينتهي بسهولة ..فراق..حزن..فرح..شوق..خداع..خي انة..
................................
مرة حبيتو؟واللا حسيتو بالحب؟..حسيتو باللي يحبون؟قدرتو شعورهم واحاسيسهم؟..عذرتوهم ؟ياترى هم قاسيين لمن يفارقونكم أقصد لمن تحبون؟..شنو الحب الحقيقي؟..وشنو الحب اللي يقوم على الكذب والخداع؟كل هالأجابات تلقونها في هالقصة
وأخليكم مع القصة
.....................................


ندى تدى likes this.


التعديل الأخير تم بواسطة لامارا ; 08-08-14 الساعة 10:08 AM
لامارا غير متواجد حالياً   رد مع اقتباس
قديم 05-01-12, 11:59 PM   #2

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
Rewitysmile18

الجزء الأول:
في حي من أحياء الكويت في بيت صغير بسيط رجعت لطيفة من جامعتها بعدما انتهى
دوام الجامعة وشافت أمها جالسة تشوف التلفزيون:
لطيفة:السلام عليكم
الأم:وعليكم السلام...جيتي
لطيفة: أي جيت
وراحت لطيفة فوق لغرفتها
ويوم دخلت لغرفتها شغلت اللمبات ورمت بكتبها على الطاولة وهي تقول:أوووووووووف وراحت للسرير وجلست فيه وهي تفكر بحزن وتقول في قلبها: ياترى أنا ليش جذي...أحس أني غير عن البنات اللي يسالفون ويضحكون وعندهم رفيجات وايد...وأنا بس رفيجة وحدة وشدراني أنها وفية بعد...مدري شالحياة التعيسة اللي أنا عايشتها....بس الحمد لله على كل حال.
.................................................. ..........
نوال وهي قاعدة تكلم بالتلفون وتضحك
نوال:...الحمد لله والشكر ماحد من عايلة عبد الرحمن سنع مرة عزيز هالمتشدد على غفلة ولا سارة هذي الخبلة ولا لطيفة اللي ملوعة جبدي بسكوتها وهي عقرب رمل وأمهم اللي تدافع عن عيالها ...مالت عليهم كلهم...
وشافت بنتها حنان نازلة من الدرج وتقولها أمها نوال:وين رايحة؟
حنان :رايحة عند رفيجتي عازمتني عالغدا
نوال:أنزين يللا روحي بس لاتتأخرين زين
حنان:ان شاء الله
وتمشي وتطلع
نوال تكمل مكالمتها اللي ماتنتهي من الحش
نوال:....إي آسفة قاطعتج عشان بنتي حنان بتروح لرفيجتها.........إي وافقت
رفيجتها:نوال أنتبهي لبنتج ترى البنات هالأيام يسوون حركات جذي و جذي
نوال:لابنتي ماتسوي هالحركات لاتخافين أنا عارفة تربيتي زين
صديقة نوال:ألا تعالي شخبار شريتجتج مرت زوجج الثانية
نوال:وييييييييي مالت عليها لاتذكريني فيها هذي سعيد
صديقتها:ياحرام
نوال:بلا حرام بلا زفت هي دمرت حياتي لاوأكبر من زوجي بعد عجوز النار
...............................................
وفي بيت يعقوب(بو سالم) كان سالم في غرفته وهو منبطح على السرير ويكلم بنت
سالم:بالعكس أنا يوم عن يوم يزيد حبي لج...........ياعمري والله
ويدق الباب
سالم:لحظة...لحظة شوي...منو؟
سلمان:أنا أنا سلمان
سالم:وشفيك
سلمان: أبي أكلمك بشي مهم
سالم:ok باي حبيبتي أكلمج بعدين...يللا باي..........أدخل
سلمان يدخل للغرفة ويجلس على السرير اللي قاعد فيه سالم
سلمان:سالم أنا بصراحة أبي منك فلوس
سالم:فلوس!!وليش ماتطلب من أبوي؟
سلمان:الله عاد أبوي ....هوخله يقعد معانا عشان أطلب منه فلوس أبوي موحاس فينا أصلاً
سالم:وكم تبي؟
سلمان:أبي منك...200دينار بس
سالم بتعجب وهو يعدل جلسته:200دينار لاياحلو 200دينار كثير روح أطلبها من واحد ثاني
سلمان:الله يخليك أنا أخوك
سالم:أنت وين تودي فلوسك؟!
سلمان:يعني تدري الربع وجذي.ومصاريف المدرسة..أنت عطني الفلوس وبس وأرجعهم لك
سالم: اللحين احنا نقول مصاريف الجامعة وانت مصاريف المدرسة...موديل يديد والله ..أنزين بعطيك وبشوف آخرتها معاك ياسلمانو
سلمان:أقول سلوم
سالم:اييييييييه اللحين سلوم نعم شتبي بعد
سلمان:لاماشي بس ودك تروح السعودية؟ ترجع لهلك وأحبابك
سالم:ليش من متى صار لنا أحباب هناك من أول مابلغت السنة واحنا هني ومانروح السعودية بالحيل في الأعياد.... وبعدين الود ودي لواروح السعودية اليوم قبل باجر
سلمان:الله لها الكثر مشتاق لها!
سالم:أكيد هذي بلدنا اللي تمشي في عروقنا ياكثر اني مشتاق لأرضها واهلها بس ابوي الله يهديه بعض الساعات يسوي حركات شباب ومراهقين.. واللا هذا شغل انه يتغرب عن أهله
سلمان:هههههه أقول اسكت لايسمعنا اللحين
سالم:ياخي خله يسمعنا عشان يحس
سلمان :بس هذا شغل وهو مضطر
سالم:جا المحامي سالم بن يعقوب
سلمان:سويلم بقولك شي بس ماتزعل
سالم باستغراب:شنو!
سلمان:تصدق قلبك حجر والا أبوك مو مهتم انه يزعل واللا لا
سالم:هاه أشوفك مصختها أقول روح وماراح أعطيك ولافلس
سلمان:لالالابلييييييييييي� �يييييييز سلومي أنا أخوك الوحيد الحبوب
سالم يشوف اخوه من طرف عينه:والله تورطنا مع هالأخو المشكلة ماعندي غيرك
.................................................. .........
وفي بيت أحمد بو يوسف كان يوسف جالس يتفرج على التلفزيون وهو منسدح ويقوم شوي ويجلس مكانه أخوه منصور ويرجع يوسف ويشوف منصور
يوسف:قوم هذا مكاني
منصور:أقول روح بس
يوسف:منصورو قوم
منصور:أنقلع مكان ثاني
وانسحب يوسف من دون قوة
فاطمة وهي جاية لهم:يوسف وين أمي
يوسف:شدراني
فاطمة:منصورو وين أمي
منصور:مادري عنها
فاطمة تنادي أمها بصراخ:يمه...يمه
فوزية:نعم يمه
فاطمة:يمة وينش قاعدة أدورج من زمان
فوزية:شبغيتي يافاطمة
فاطمة:أبي جوال
الأم:انزين شاسويلج حنا ماعندنا فلوس
فاطمة:يمه الله يخليج اللحين كل البنات اللي فعمري عندهم جوالات وأنا في أولى جامعة يعني لازم أشتري جوال
الام:أنشاالله يمه بشتريلج بس بعدين
فاطمة:وأبي جوال جديد بوكاميرا طبعاً
يوسف:بعد بوكاميرا!
فاطمة:أي مالك دخل
يوسف:أقول لاتنفخين
فاطمة تعطي وجهها لأمها:هايمه توعديني أنش تشترين لي جوال؟
الام:أوعدج يايمه..لوكان أبوش هني كان ماقصر معاكم بس ماقول الا الله يرحمه
.................................................. .....
آلاء كانت تذاكر دروسها للجامعة ودخلت عيها أمها
نوال:هاآلاء يمه تذاكرين؟
آلاء:أي نعم
نوال:أيه صيري أحسن من أختج ذاكري عدل وشدي حيلج
آلاء:ان شاء الله
نوال:عسى الله يوفقكم ويخليكم لي يارب
حنان جات لهم
حنان:ها...كني سمعت حش عني
نوال(أم حنان):لاحش ولاشي أنا أقول الصج لازم تذاكر آلاء موتصير مثلج ماأمدى طلعتي من الجامعة على طول شتغلتي حتى ماكملتي دراستج الجامعية
حنان:موأحسن أني أشتغل يعني!ولاحنا على زمان لوَل البنت لازم ينقعونها في البيت لين تموت من الزهق ...الحياة حرية
نوال:أنتي الحشي ضايع معاج...أهو بس وخري( وطلعت نوال من الغرفة)
وحنان تسرع لأختها آلاء وتقعد في سريرها
حنان:آلاء...آلاء واعدني
آلاء:منو؟
حنان: مين بعد خالد ولد عمي
آلاء:صج؟!
حنان:أي(والضحكة شاقة وجهها)
آلاء:وين؟
حنان وهي متشققة من الوناسة :في المطعم وهذا أول موعد لنا
آلاء:أنا أول مرة أشوف علاقة تطول جذي معقولة5سنين وأنتي معاه وماحد يدري بعد!
حنان:لأن كل واحد منا أذكى من الثاني
آلاء:تحبين نفسش...المهم كم الساعة بتروحين له
حنان:قالي الساعة10تكونين هناك
آلاء: يابختش ليتني أكون مثلج
حنان:أيه تذكرت أنش تتشفقين على الحب
آلاء مافي أحلى من الحب
.................................................
خالد وهو طالع :يمه يمه
شيخة (أم ناصر):نعم آمر
خالد:لابس أبي أقولج أني طالع يللا مع السلامة
الام:مع السلامة يمة
عبد العزيز :هذا شسالفته من هو مراهق وهوكله جذي حاله ...طالع ...نايم...طالع...نايم
ناصر:لاصج عمره ماجلس في البيت أنا أخاف أنسى شكله
الام:ناصر..عزيز خلوه على راحته ماعليكم منه....شلون حمود ياناصر
جت سارة الخبلة:يمه...يمه...يمه
الأم:جات الخبلة نعم شتبين؟
سارة:وين لطيفة؟
الأم:فوق في غرفتها
سارة:وين حمود؟
الأم:هناك مع أمه
سارة:ويه أمه هالكريهة
شيخة(أم ناصر):عيب عليش هالحشي هذي مرت أخوج
ناصر:لا وتقول هالكلام جدامي جني مو موجود
........................................
ودخلت سارة لغرفة لطيفة وشافتها تقرا وهي قاعدة على الكرسي
سارة:شتقرين؟
لطيفة:قصة رومانسية
سارة:أنا أكره شي عندي القراية مادري شتحبين فيها
لطيفة:وشفيها القراية؟!هي اللي تثقفش وتعلمج
سارة:وقصص بعد الله يصبرج
لطيفة بوناسة:القصص الرومانسية أحلى شي عندي بالدنيا
سارة:اللي يسمعج يقول أن أنش ملكة الحب يالمراهقة
لطيفة:وانا من كبري يعني!توني في الـ20ومو شرط المراهق اللي يحب.. وبعدين المراهقة مو شرط تكون من13-18سنة فيه دخلوا الخمسين وللحين يراهقون
سارة:شي عجيب في هالدنيا!
لطيفة:توش تدرين بهالجي!وفي أشياء أغرب وأغرب
.................................................. ................
شنو اللي ينتظر لطيفة؟
وهل راح ينكشف الحب اللي بين حنان وخالد؟
وسالم هل راح يحب حب حقيقي ولاراح يتم يقص على البنات؟
وشسبب نقل ابو سالم من السعودية للكويت؟
انتهى الجزء الأول


لامارا غير متواجد حالياً  
التوقيع







رد مع اقتباس
قديم 06-01-12, 12:01 AM   #3

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
Rewitysmile18

الجزء الثاني:
سالم وسلمان وهم نازلين يتعشون مع أبوهم
بوسالم:سلمان شلون الدراسة عسى ماشية؟
سلمان:زينة يبى
بوسالم:وانت ياسالم شلون الجامعة معاك؟
سالم: زينة
بوسالم:هاسالم شد حيلك ترى هذي آخر سنة
سالم:هذي آخر سنة وأصعب سنة
يعقوب(بوسالم):ايه باين عليك انك ماتذاكر وتعبان تغذى زين
سالم:يبى.. أصلاً من طلقت أمي وانا حالتي موزينة
بوسالم وهو معصب:يعني تبي أرد لأمك عشان تمشيني على كيفها وتروح وتجي ولاكأني موجود!حامض على بوزك أنت وياه وبعدين شيايب موضوع أمك اللحين
ويقوم سالم وهو زعلان:أنا شبعت
ويمشي
سلمان:سالم انطرني لين اخلص لا تنسى اني بروح معاك
سالم:أنطرك بالسيارة ياذكي
سلمان:زين أنا يايك اللحين
ويقوم سلمان :مع السلامة يبى
بوسالم:مع السلامة
وبو سالم قاعد يفكر ويقول في قلبه بعصبية وحرة: والله مادري شوراك ياسويلم انت وامك ,انت ماتعرفها زين حصة غدرت فيني وخانتني كانت تبي الانسان اللي يناسبها آخر عمرها واللحين تزوجته وافتكيت منها وافتكت مني لاكن لوتنطبق السما على الأرض ماراح ارد لها
.................
عايلة يعقوب(بوسالم)سعودية لاكنهم ساكنين في الكويت بسبب الشغل وهذي الأشياء تصير من واقعنا أما حصة(أم سالم) كويتية وهي أول من أقنع زوجها أنهم ينتقلون للكويت موبس للشغل ألا لانها بلدها وبوسالم ماصدق يبي يفتك من اهله بعدما قتل اخوه الكبير من دون ماحد يدري من قبل عشرين سنة بسبب الورث فقرر أنه يترك السعودية ويهاجر للكويت بوسالم أنسان متسلط ومتكبر ويبي كل شي له
.................................................. ....
خالد يتصل على حنان وهو يركب السيارة
حنان وهي قاعدة تمشي بالسيارة واستانست يوم شافت الرقم
حنان:هذا خالد...ألو
خالد:هلا حبيبتي
حنان:هلا ياقلبي شلونك
خالد:الحمد لله بخير
حنان:وصلت المطعم؟
خالد:لاأنا توني راكب السيارة
حنان:يعني أنا بوصل قبلك؟!
خالد:أي حبيبتي معلي.. آسف تأخرت شوي وبعدين شفيها؟
حنان:شنو شفيها المعروف أن الولد يوصل للموعد قبل البنت مو البنت هي اللي توصل قبل!
خالد:أنتي حساسة وايد مو شرط,اللحين أنا يايج بعد عشر ثواني عديهم ها
حنان:ههههههه ياحليلك ....المهم تعال بسرعة لاتتأخر زين؟!!
خالد:أنشالله ياقلبي يللا باي
حنان:بااااي
وتسكر حنان الجوال وهي مستانسة
حنان بنت جريئة تطلع بكامل المكياج وعندها حركات جذب والملابس كشخة
.................................................. ......
سعد وهو رايح لأمه: يمه
أماني: نعم يمه
سعد:زهقان أبي أطلع...متى يجي أبوي؟
أماني:أصبر اللحين ياي...وتسمع صوت الباب كاهو جا
سعد :يبى ...يبى
علي:هلا سعودي
ويرن التلفون وترد أماني:ألو.......هلا يمى شلونج؟
فوزية(أم أماني):وينكم يمى ليش ماتزورونا أشوفكم قاطعين ياأماني
أماني:والله يمى هذاا شغل علي شسوي بعد ومانطلع إلا مرة في الأسبوع
الام:انزين تعالي بروحج أنتي وسعودي مافيها شي
أماني ارتبكت شوي:لايايمى علي ريلي مايرضى.........يايمى خلاص نييج الاسبوع الجاي........أنشا الله.....يللا مع السلامة
وتسكر وتقول لزوجها هذي أمي تسلم عليك
علي:الله يسلمها
سعد:يللا يبى موطالعين
علي :يللا روح بدل ثيابك
أماني:وانا بروح ببدل ثيابي بعد شنو مالي حق أطلع
.................................................. .................
لطيفة وهي نازلة من الدرج وتشوف أبوها جالس على الكنب
لطيفة:يبى..أبي أطلع
أبو ناصر:خلي خالد يطلعج
لطيفة:أخاف مايرضى
ابو ناصر:أنا أقوله
لطيفة:مشكور يبه
الابو:الحين أناديه؟
لطيفة:إيه
الابو:وهو ينادي :خالد...يا خالد
خالد نازل من الدرج :نعم يبى
الابو:اليوم أبيك تودي أختك لطيفة السوق زين؟
خالد:انشاء الله
بوناصر:وبتجي معاش سارة؟
لطيفة:مادري يمكن
الابو يلف وجهه لخالد:سمعت أبيك توديهم اليوم السوق
خالد:تامر
بوناصر:يللا أنا طالع مع السلامة
خالد ولطيفة:مع السلامة
وبعدما ماطلع أبوهم
خالد:اللحين انا فاضي أوديج السوق!
لطيفة:أي فاضي وبعدين من زمان ماطلعت أبي أطلع أشوف الناس..الظاهر صارلي شهر ماطلعت
خالد:أنتو مشكلة يالبنات تروحون هالمجمعات عشان تبحلقون فيهالشباب الصيع اللي أشكالهم (يضحك)..مخرعين مع هالشعور صرتو مثل الشباب هم يغازلونكم..وأنتو ..الحمدلله والشكر تغازلونهم
ويروح خالد لفوق
لطيفة:وانتو بعد مشكلة يالشباب انتو صناع المشاكل
.................................................. ......
سمر وهي قاعدة تلاطف ولدها حمد وتجي لطيفة
سمر:هالطيفة شلونج؟
لطيفة:الحمد لله بخير...الا قوليلي انتوا وين رحتو
سمر:رحنا نتمشا شوي وردينا...... وين سارة؟
لطيفة:سارة فوق بغرفتها...سمر ممكن أسئلج سؤال؟
سمر:تفضلي!
لطيفة:انتي ليش متهاوشة مع سارة؟
سمر:عاد تعرفين اختش سارة عسرة شوي
لطيفة:فيها قوة شخصية ولسان اللهم ياكافي يوم كنت كبرها ماكنت جذي أبد
سمر:انا عارفتج ماشالله عليج هادية ومسالمة
لطيفة:خلف الله علينا ماعندنا لسان مثلها كل وحدة منا أهدى من الثانية
ويضحكون
لطيفة:شلونك حمودي؟
حمد:زين
لطيفة:لاوقام يعرف يتحشى زين
سمر:أي وصل ال4 اللحين
لطيفة:ماشا الله عليه
.................................................. ..............
حنان وهي تطالع التلفزيون وجاتها آلاء
آلاء:هاحنان شلون المقابلة الرائعة اللي قضيتيها مع خالد؟
حنان:كان أحلى غدا..تصدقين هذا أحلى يوم بحياتي
آلاء:الله كل هذا حب؟!
حنان:وأكثر
آلاء:حنانو لوصاروعرفت أمي او ابوي شبتسوين؟
حنان:أهرب...أهج...أهاجر
ودخل بوحنان
عبد الله:السلام عليكم
حنان والاء:وعليكم السلام
بوحنان: شلونكم يابناتي الحلوات
حنان:طيبين أنت شلونك؟
عبد الله:لوني أبيض (ويضحكون)...سخيفة بس علي حلوة بدام انا قلتها(وكلهم ضحكو)
عبد الله :يللا أنا رايح انام تصبحون على خير
حنان والاء:وانته من اهله
حنان:لايكون أبوي توه راد من مرته الخايسة
آلاء:أكيد ..أف ياكرهي لها ما اطيقها بعيشة الله
حنان:لا عاد أنا اللي أموت فيها
.................................................. ...
واما لطيفة وسارة وخالد فكانو يتمشون في مجمع ويروحون للمحلات
وتشوف لطيفة مقابل وجهها شاب جذبها وهو كان مع ربعه وتطالع فيه وتقول لسارة:سارة شوفي هذا الرجال يهبل صح
سارة:أي استحي
لطيفة:أبتسمت
وتبطىء سرعتها مع ان كان موجود اخوهم خالد قدامهم وانتبه لها هالشاب وهو سالم المعروف بين بنات الجامعة انه اللطيف لشدة رومانسيته وجاذبيته وحبه للبنات
وتمو يطالعون بعض لمدة طويلة واستحت لطيفة والتفتت لشي ثاني وتلتفت له ويليتها مالتفتت لانه كان مبحلق عيونه عليها ولاراضي يشيلها....وبعدين حست انه يلاحقها مع انهم برفقة خالد...
سالم حلو ووسيم أبيض موكثير بياضه عادي شعره أسود وناعم وعيونه سود وخشمه طويل كانه سلة سيف وسالم طويل وضعيف ملامحه ملامح سعودية لانه سعودي
أما لطيفة فكانت فاتنة بيضة وبياضها صافي وشعرها أسود طويل وناعم عيونها كبار ولونهم بني غامق رشيقة وتناسب تكون عارضة أزياء وملامحها ملامح طفولة وبراءة وحيل ناعمة
لطيفة تقول لسارة:شفيه هذا يلاحقني من مكان لمكان أنا خايفة
سارة :من حلاتج عاد
لطيفة لا الموضوع جد عاد انتي اللي مذوبة الشباب أنا للحين مدري كم واحد تغزل فيني من كثرهم......وتلتفت لخالد:خالد ابي اروح الحمام
خالد:انزين بوصلكم للحمام وبتمشى وبرجع لكم..........ويروحون للحمام وسالم وراهم وكانت لطيفة بتدخل وحست انه يلاحقها...فجأة يطلع الرقم ويعطيها الرقم ويقول سالم:أتصلي فيني باكر الساعة 9 لاتنسين
لطيفة بخوف....ش..شتبي مني ؟
سالم بابتسامة:كل الخير لاتخافين مني ويمشي سالم عنهم
...وكانت لطيفة ميتة خوف وتحط الرقم في الشنطة ...سارة:مجنونة أنتي ترى أعلم ابوي.....لطيفة:لا الله يخليج لاتعلمينه انزين سارة.....
سارة :زين زين .....دشي بس دشي(ودخلو الحمام)
.................................................. ...........
ياترى شراح يصير للطيفة بعد ماعطاها سالم الرقم ؟
ولين متى راح تتم علاقة خالد وحنان؟
وهل راح تتصل لطيفة في سالم وهل راح تصير بينهم علاقة حب؟

نهاية الجزء الثاني.......


لامارا غير متواجد حالياً  
التوقيع







رد مع اقتباس
قديم 06-01-12, 12:03 AM   #4

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
Rewitysmile18

الجزء الثالث:
فاطمة وهي جاية:يمى
الام:نعم
فاطمة:يمى باركيلي شريت جوال
الام:مبروك يمة....أشوفه
يوسف:هه جوالي أحسن
فاطمة:أسكت بس أدري انك تغار مني
وراح يوسف لغرفته وهو يتحمد ربه
فاطمة:يهبل يمة موجذي
.................................................. .......................
سالم وهو قاعد في غرفته وسرحان بجمال ونعومة لطيفة ويقول في قلبه:
الله شهالبنت حلوة وناعمة حيل.ويرن جواله ويشوف متصلة عليه أبرار حبيبته
سالم:أوووووووووه شتبي هذي اللحين....(ويرد)ألو
أبرار:ألو هلا سالم شلونك
سالم بدون خلق:هلا أبرار..نعم شتبين
أبرار:شنو شتبين ليش تكلمني بهالطريقة وبعدين ليش كل ماأتصل فيك مقفل جوالك
سالم:مافيني شي بس تعبان اللحين وأبي أنام يللا باي
أبرار:ألو...ألو...هين ياسالم تسكر الخط بويهي!
.................................................. ................
لطيفة وهي في بحر من الأفكار وهي لابسة جلابيتها ومطفية اللمبات ومشغلة الأباجورة وتجلس على السرير وتفكر وتقول في قلبها:
ياترى شيبي هذا مني رغم طيشه الا اني أـحس انه جذبني لا يقص علي.. بس. وتقوم وتمشط شعرها الحريري الواصل لين ظهرها الأسود وتبتسم ابتسامة حلوة وهي كأنها صايرة ملاك
وجت أختها سارة للغرفة
سارة:لطيف
لطيفة:بسم الله.....أوووووف نعم شتبين
سارة بصوت واطي:أتصلتي على الرجال اللي عطاش الرقم؟
لطيفة: أولاً مالش دخل ثانياً هو قال بكرة ثالثاً لاتعلمين أحد
سارة:لابعلم ياحلوة شنو تاخذين الرقم من هالشاب وماتبيني أعلم
لطيفة:سارة أنا بنت في العشرين يعني مو مراهقة
سارة:أنتي صايعة
لطيفة:فيه أحد أصيع منج
سارة:أنا!!!! ليش شسويت؟!
لطيفة:أقول روحي ترى مالي خلقج ياسوير
سارة:عيل بعلم
لطيفة:خلاص خلاص هونا وجع ..بس ترى أنتي صغيرة وماتفهمين لها الأشياء ..
سارة:أنا أفهم أكثر منش
لطيفة:أقول روحي بس
.................................................. .
علي وسعد وأماني وهم راجعين من برة
أماني:هاحبيبي سعد أستانست؟
سعد:أستانست وايد
علي:يللا اللحين روح نام باكر وراك مدرسة
سعد:أنشا الله
وراح سعد فوق ينام
أماني:علي..باكر أبيك توديني بيتنا أبي أشوف أمي من زمان ماشفتها
علي: متى أوديش؟
أماني ممممممم.. العصر
علي:انزين وانتي بعد روحي نامي اللحين ولا نسيتي انش مدرسة
أماني: جنها طردة
علي :يمكن جذي!
..............................................
في بيت يعقوب(بوسالم)تنزل من السيارة مرة في الأربعينات وترن الجرس وكان بوسالم جالس في الصالة وتفتح الخدامة الباب
حصة:موجود بابا هني
الخدامة:أي ماما في موجود
وتدخل حصة(أم سالم) للصالة وتشوف طليقها يعقوب
حصة بعبوس:السلام عليكم
يعقوب بتفاجئ:وعليكم السلام....أنتي شيايبج هني
حصة:هذا بدل ماتقول تفضلي
يعقوب:تفضلي...(وجلسو)ها شتبين طلاق وتطلقنا شالجديد
حصة:مافي داعي نفتح هالمواضيع القديمة مرة ثانية وبعدين أنا موياية عشانك أنا ياية أشوف عيالي
يعقوب:عيالج؟!اللحين صارو عيالج بعد ماعذبتي أبوهم اللي هو أنا!
حصة:تبي ترجع السعودية أرجع أنا طليقتك اللحين
يعقوب:هه تحسبيني ياي هني وساكن هني عشانج لا أنا عشان أتبع رزقي جيت هنا
حصة:وين عيالي؟
يعقوب:أنتي ماعندج عيال تخلين عنهم طول الوقت ولا كانهم عيالج
حصة:مومن حقك تحرمني من عيالي وينهم أبي أشوفهم
يعقوب بصراخ:حصة ردي مكان ماجيتي
حصة:أنا ماراح أطلع ألا لين أشوف عيالي (وتناديهم)سالم.......سلمان
ونزلو العيال
سالم وسلمان بتعجب:يمى!!!!!!!!
ويروح سلمان لأمه :يمى شلونج
حصة:الحمد لله ياعمري بخير
وتلف وجهها لولدها سالم:ها شلونك سالم عساك مرتاح
سالم بتكبر وفنفس الوقت بزعل:الحمد الله أنا بخير
أم سالم:سالم...شفيك؟
سالم:مافيني شي
ويروح فوق لغرفته وهو ماله خلق للدنيا كلها
حصة:بوسالم شفيه ولدي أنت مزعله
بوسالم باستهزاء:لا أكيد منج
أم سالم: انا شسويت؟
بوسالم:هاملة عيالج وهادتهم وشلون ماتبينه يزعل
أم سالم:لامو عشان جذي لأن سالم نسخة من ابوه قلبه قاسي مثلك ولدي واعرفه زين
بوسالم طنشها وماتكلم
حصة:سلمان يمة أهتم بنفسك زين؟
سلمان:انشا الله يمه
حصة:يللا مع السلامة
سلمان:مع السلامة
ويطالع سلمان أبوه بنظرات وبوسالم واقف ويطالعه ولاهمه ويروح سلمان لفوق
.................................................. ................
لطيفة تتصل في نورة
نورة:ألو
لطيفة:ألو
نورة:هلا هلا والله
لطيفة:شلونج شخبارج
نورة:أنا الحمد لله بخير أنتي شلونج
لطيفة:تمام...تعالي أنتي ليش ماتتصلين هالأيام
نورة:انا تعبانة ومالي خلق من هالجامعة والله تعبنا
لطيفة:يعني لوماتصلت كان حقرتيني
نورة:لا شدعوة ماقلت جذي
لطيفة:المهم مادريتي شصار اليوم!
نورة:شصار؟
لطيفة:شي كبير حيل ولاتزعلين مني لاقلته
نورة:يعني عن شنو
لطيفة أنا اليوم رحت أنا وأختي وأخوي مجمع و....تعرفين يعني الشباب ياكثرهم
نورة:أعرف شنو...اها قصدج المغازلجية
لطيفة:أي هذي مايبيلها تفكير
نورة:شلون ومعاج أخوج؟
لطيفة:لاتستعيلين... بس اللي قط علي الرقم يانورة حلووووو
نورة:!والمسألة فيها رقم...ها شسالفة لطوف
لطيفة:معلي أقولج السالفة شوراي بس لاتعلمين أحد
نورة:بس تعالي تصدقين غريبة مارديتي عليه.. أنا اللي أعرفه أن من يجي واحد يغازل تتجرأين وتهزأينه
لطيفة بضحكة:ياحلوة ترى أنا بعض الأحيان ماأقدر أتكلم من الخوف وبعض الأحيان ودي أطلع حرتي فيهم واشرشحهم هالشباب الصيع
نورة:ههههه..المهم قولي السالفة

.................................................. ........
انتهى الجزء الثالث وسوري لانه قصير لكن الجزء الرابع راح يصير أطول إذا تفاعلتو معاي وآسفة بعد لأن هالجزء مافيه شي من الرومانسية
هل راح تتصل لطيفة في سالم؟
وهل راح يضل سالم شاب طايش ؟
وهل راح ينحرمون سالم وسلمان من شوفة أمهم وحتى بلدهم طول عمرهم؟
قولو شنهو توقعاتكم في قصتنا(جنون الحب)


نهاية الجزء الثالث.....


لامارا غير متواجد حالياً  
التوقيع







رد مع اقتباس
قديم 06-01-12, 12:05 AM   #5

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
Rewitysmile18

الجزء الرابع:
تتصل حنان بخالد بجوالها:ألو.........هلا خالد.......شلونك......أنا الحمد لله ماشية..المهم متى راح نشوف بعض ولا ماتبيني؟.......عقب باكر؟...أنزين يالله ماعلي مع أني ماأقدر أفارقك ولا لحظة تدري ليش؟.....موبس أحبك أموت فيك.......بس عااااااد خلود ترى أستحي من هالحشي الحلو
الأم سمعت شوي بنتها وهي تكلم وتحاول تفتح الباب عليها لكنه مقفل
وترتبك حنان لما شافت أحد بيفتح الباب( وتتكلم بهمس)يللا ...يللا باي أكلمك بعدين
وتفتح حنان الباب
وتدخل أمها بعصبية:من كنتي تحاشين؟
حنان:كنت....كنت أحاشي رفيجتي
الأم:إيه قصي علي هذا أنتوا يالبنات..(تعايب)كنت أحاشي رفيجتي..حنان من كنتي تحاشين؟
حنان:يمه والله كنت أحاشي رفيجتي شفيج! تشكين فيني!؟
أم حنان:لامافيني شي بس أشوف بنتي من كانت تكلم..لكن أن طلع شكي بمحله ياحنانو لاتلومين ألا نفسج
والأم وهي رايحة تدخل آلاء الغرفة
آلاء:حنان شصاير؟
حنان:أمي تشك أن لي علاقة مع رجال
لآلاء:أنشا الله تعرف بأسرع وقت
حنان:أنتي مجنونة!!!!!!!
آلاء:حنان ماردها راح تنكشف أسراركم أنتي وخالد ولابضلون تكلمون بعض وتقابلون بعض على طول جذي
حنان:آلاء أنا خايفة
.................................................. .........
يرن جرس بيت بو يوسف وتفتح فاطمة وتشوف أماني مقابلها وسعد
فاطمة:أماني!!هلا شلونج(ويسلمون على بعض)
فاطمة:تفضلي
وكانت أم يوسف جالسة في الصالة وتشوف أماني
أم يوسف:أماني هلا يمة شلونج
أمانب:أنا الحمد لله بخير وأنتي شلونج
الأم:بخير الله يسلمج وشلون سعودي
سعد:أنا بخير(بكلمات الطفولة)
أماني:يمى وين منصور ويوسف ماأشوفهم
الأم:منصور ويوسف طالعين
أنزين قوليلي شلون حالتكم؟
الأم:مثل ماتشوفين زينة والحمد لله ..المهم أنتي قوليلي شلونج مع ريلج وسعد
أماني:والله مادري شقولج أنا أتعب وايد ..أروح المدرسة وأهد الولد بروحه مع الخدامة والأبو في الشغل وارد وعلى طول أسوي الغدا لأن وقتي ضيق وانا ماعندي وقت
ام يوسف:أحسن حل انش تتركين هالشغل وتتفرغين لبيتج وريلج وولدج
أماني بعصبية:لايمى أنا ماراح أترك الشغل ابد
الام(ام يوسف):انزين كاهو ريلج يصرف عليكم
أماني:ماعلي انا لازم اعتمد على نفسي حتى لوكان مصروف ريلي وايد
فاطمة:أي يمة خليها تشتغل علشان تصرف على نفسها على الأقل
الام:أنتي سكتي مالش دخل
أماني:يمة لاتحاولين أنا ماراح أترك شغلي يعني ماراح اتركه
.................................................. .....................
كانت لطيفة ماسكة جوالها وكانت الساعة تشير لـ9وكانت مرتبكة وتطل على الباب وهي داخل غرفتها وتاخذ الرقم وتدق عليه وجوال سالم يرن ويرد:
سالم:ألو
لطيفة بخوف:ألو
سالم:نعم مين صاحبة هالصوت الحلو
لطيفة:انا اللي امس شفتني في المجمع
سالم:لحظة...لحظة أنتي القمر اللي عطيتها الرقم في المجمع عند باب الحمام؟
لطيفة بجدية:أي نعم...هذي انا
سالم:شوفي أنا أول شي بقولج اياه لاتخافين ولاترتبكين أنا شاب مسالم وقاصد خير
لطيفة:قصدك انك ياي تخطبني من هلي على طول جذي؟!عن طريق المغازل!!!!
سالم:طبعا عيل ليش عطيتج الرقم
لطيفة ببرود:ألاعيب شباب
سالم:بس انا غير...المهم لازم نتعرف على بعض لان هذي اول مكالمة لنا
لطيفة بنفس الجدية:طبعا أولا شسمك؟
سالم:سالم وانتي
لطيفة:أسمي لطيفة
سالم:الله على هالأسم الحلو
لطيفة:المهم خلنا اللحين من هالكلام الحلو وقلي ..انت أي سنة اللحين تدرس واللا تشتغل..المهم كلمني عنك وبدون كذب
سالم:أنا اللحين في سنة رابعة جامعة وأدرس في كلية الطب قسم المختبرات ...وانتي كلميني عن نفسج وحدة بوحدة
لطيفة:انا بنت عمري 20 سنة ادرس في كلية الأداب سنة ثانية ......اللحين راح اسكر لاني خايفة أحد يجيني
سالم:بهالسرعة! طيب عطيني رقمج عشان أكلمج مرة ثانية
لطيفة:أنا بعطيك اياه بس لاتعتبرني غبية مثل باقي البنات فاهم؟
سالم:أكيد
لطيفة:أنقل....
.................................................. .................
في يوم جديد في الجامعة اللي تدرس فيها لطيفة لطيفة وهي تمشي مع صديقتها نورة
لطيفة:نورة ابقولج شي
نورة:قولي
لطيفة بس بشرط ماتعلمين أحد
نورة:أفااا عليش قولي وماحد راح يعرف
لطيفة:أتصلت على الرجال اللي قلتلج عنه
نورة:شنو أنتي مجنونة؟!تتصلين على شاب لعوب ممكن يقص عليش بأي لحظة؟
لطيفة:أنا ماحد يقدر يقص علي أنا أذكى من جذي
نورة:تبين الصراحة أنتي ذكية بس بالعكس لاتسوين عمرج
لطيفة:بتشوفين يانورة
نورة:بتشوفين انتي الايام بتثبتلج انه كذاب
لطيفة:أنا بعرف اذا هو يقص علي ولا لا
نورة :شلون؟
لطيفة:بتعرفين بعدين
نورة:شنو بعدين قولي انعجبتي فيه وفكينا
لطيفة:تبين الصراحة هو حلو ومزيون وايد
نورة:مو مهم انه مزيون واحد يغازلش وتقولين عنه مزيون!
لطيفة:هاه موانتي كنتي تقولين لي جذي وانا اللي انصحج اشوف قلبتي الدور
نورة:كنتي أحسن وأعقل أشوف هالايام انهبلتي
لطيفة:لاانهبلت ولا شي انا مثل ماأنا..... حتى طريقته في الكلام تجنن
نورة:لطيفة عيب
لطيفة:اتمصخر عليش ماانعجبت فيه بس هذي الصراحة
نورة:انزين من يشبه وصفيلي اياه
لطيفة:ممممم..مايشبه أحد
نورة:أنتي بتجننيني؟! قولي يشبه المغني آدم مثلاً؟
لطيفة:أحلى
نورة:يشبه وائل كفوري؟
لطيفة:أحلى واحلى
نورة بعد نفاذ صبر:ياربييييييييي وصفيلي شكله
لطيفة تضحك:زين زين هو أبيضاني وشعره أسود وعيونه سود جسمه رهيب لاهو معصقل ولاهو كانه من المصارعين طويل ماشا الله وحلو
نورة:لايكون مطير شعره مثل الشباب اللي نشوفهم في المجمعات
لطيفة:أكيد أي في غير هالأشكال؟!
نورة:وجع...أمشي امشي بس اللحين بتبدى المحاظرة
.................................................. ..............
أبرار21سنة تدرس في نفس الجامعة اللي يدرس فيها سالم بنت مغرورة وجريئة وجميلة ودايما تلبس كشخة وتهتم كثير بالموضة وصبغات وقصات الشعر وتظهر بزينة كاملة وعند ابوها ثروة يعني غنية تحب سالم وهو....بعدين نعرف
وهي تتصل عليه عند موقف الجامعة ويرن جوال سالم وهو داخل الجامعة مع ربعه الصيع ويشوف مكتوب أبرار ويقول لهم:عن اذنكم الحبايب متصلين
ويقولون ربعه ووووووووووو..ووووو (واحد من الربع):من قدك
وسالم يضحك على هبالهم وينفرد بعيد عنهم ويرد:ألو
أبرار:هلا سالم شلونك
سالم:أنا بخير..تعالي اليوم ليش ماحضرتي الجامعة صايرة مظلمة؟
أبرار:مشكور والله مالي خلق للجامعة اللي فيني كافيني
سالم:أفا شصاير؟
أبرار:يعني ماتدري تاركني وكل ماأتصل فيك جوالك مقفل أوتكلمني بجفاف
سالم:أنا!!!
أبرار:أي نعم أنت...المهم أبيك تطلع من الجامعة علشان انا عازمتك عالغدا وترى أنا سيارتي موقفة عند باب الجامعة علشان تلحقتي بسيارتكok؟
سالم:okيللا باي
أبرار:باي حبيبي
.................................................. ............
في شي نسيت أقول لكم عبد الرحمن عنده أخوين هم عبد الله وأحمد وأكيد تعرفونهم

في المملكة العربية السعودية شخصيات ظهرت جديدة لكن راح تبقى لين نهاية القصة
سعود(بو راشد)أخو يعقوب الكبير تاجر كبير معروف في الخبر مدير شركة وعنده ولدين وبنتين راشد28سنة شاب ينشد فيه الظهر مطيع وطيب وخلوق متزوج من مها25سنة حنونة وطيبة وعندهم بنت وولد رغد6سنين وسعود سنة ونص ،حمد23سنة نفس أخوه ولد مطيع ونشمي ومرح أما رهف 21سنة مغرورة وشايفة نفسها على الكل مخطوبة من شاب مدمق(ضعيف شخصية)جميلة لكنها مغرورة ومغترة بجمالها في ثالثة جامعة،وآخرالعنقود نور19سنة بنت ذكية وجريئة في الشكل مايحتاج لكن موأحلى من لطيفة لا في الشكل ولا في النعومة(مدري شدخل لطيفة) تدرس في سنة أولى جامعة
وأمهم ميتة من سنتين بسبب مرض السرطان
أخت يعقوب وسعود جوهرة وعندها ولد واحد بس جراح 22سنة دلوع امه وابوه يدرس في كليه الهندسة يحب الناس وفيه روح المراحة مع انه صايع مثل ولد خاله سالم وهم أصدقاء من أيام الطفولة
.................................................. ............................
رهف ونور كانو توهم راجعين من الجامعة دخلو البيت رهف ونور لابوهم اللي كان جالس في الصالة:السلام عليكم

سعود(بوراشد):وعليكم السلام هلا ببناتي الحلوات
رهف:يبى شدعوة صرنا اللحين في الجامعة وتقول حلوات كنا بزارين
نور:أبوي ماغلط أنا حلوة واذا موعاجبك كيفك قلتي الحقيقة
رهف:انتي انطمي فاهمة
نور:انتي اللي انطمي يامغرورة
بوراشد:خلاص يابنات روحو غرفكم مابي وجع راس يللا
راحت نور وبقت رهف
رهف:يبى ليش مارحت الشركة اليوم
بوراشد:والله ودي أريح من هالشركة وبعدين عادي أغيب أنا صاحب الشركة
رهف:يبى نسيت ماقولك حسن بيمرني بكرة بطلع معاه
بوراشد:شتقولين ماعندنا بنات يطلعون مع شباب
رهف:بس يبى حنا مخطوبين يعني عادي الله يخليك وافق
بوراشد:أنتي قايلتله؟
رهف:بصراحة أي
بوراشد:ووين بتروحون؟
رهف:بنروح مجمع الظهران
بوراشد:وانتي ماتشبعين من هالمجمعات تروحين معي ومع اختك ومع صديقاتك وبعد مع خطيبك
رهف:انا اموت في المجمعات ابي اشتريلي أغراض
بوراشد:واللي شريتيهم ذاك الاسبوع؟
رهف:ماشريت الا بدلتين وهالمرة باخذ راي حسن فيهم
بوراشد:والله حسن هذا مدمق مسكين
رهف:بالعكس يطيع كل اوامري يحليله احبه
بوراشد وهويطالعها بنظرة:هاه أشوف بدينا
رهف لا لا لا خلاص آسفة المهم موافق؟
بوراشد:خلاص موافق أمري لله
رهف:مشكور يبه(وتبوس راسه)
بوراشد:بس بشرط
رهف:شنو الشرط
بوراشد:نور تجي معاكم
رهف:يووووووووووووه وليش نور بعد
بوراشد:أحسن من أنكم تطلعون بروحكم
رهف:يبى شقصدك
بوراشد:يمكن الشيطان..
رهف:يبى أنا تربيتك
بوراشد:ولو خلي أختك تجي معاك أأمن
رهف:يبى أنت مو واثق مني
بوراشد:بلا حنة خلاص حنا موقاعدين في أمريكا
رهف:بس أبي مرة وحدة أطلع معاه بروحنا حنا مالكين عادي
بوراشد:خلاص خلاص موافق
رهف:الله يخليك لي يايبه(وتروح لفوق)
بوراشد يفكر في خاطره:والله ومن زمان عنك ياخوي يا يعقوب مانشوفك الا في الاعياد لا والست سنين اللي قبل ماشفناك أبد عيالك كبرو وانت الانفراد عاجبك في الكويت
.................................................. ...........................
سالم وابرار وهم داخلين للمطعم
عجيب هالزمن البنت صارت تعزم الشاب ترى هذي ظاهرة حقيقية!!!زمن العجايب
وجلسو.......سالم:أبرار أنا عارف انش تبين تكلميني موبس غدا
أبرار:عيل شرايك؟
سالم:قولي شتبين؟
أبرار:سالم اسمحلي على سؤالي الجريء بس..انت تحبني؟
سالم متفاجيء من هالسؤال الجريء:هاه أكيد أحبج
أبرار:ما أتوقع
سالم:ليش عاد
أبرار:أكيد وحدة ثانية دخلت حياتك
سالم يحاول يخفي الحقيقة:أبدا أنا مالي غيرج يا قمر
أبرار:هه وفر هالغزل لوقت ثاني ياالصديق الحبيب الخاين
سالم:أفا لالا عاد جذي ماأرضى
أبرار:سالم أحس انك هالايام تتجاهلني وماتبيني شصاير في وحدة تحبها غيري؟
سالم في قلبه:هالوحدة دخلت قلبي وعقلي وما أعتقد بحصل وحدة مثلها مادري ليش
أبرار توعيه للحاضر:هيييه سالم وين رحت وين خذتك الحبيبة
سالم:ياربيييي وانا شتبيني أسوي علشان أثبت لش أني مااحب غيرج؟
أبرار:أشياء كثيرة بس أولها هو انك تجي حفلة عيد ميلادي باكر
سالم:أوكي انتي تامرين أمر
أبرار:أيه أنا عازمة ربعي كلهم بس أنت المميز لازم تيي زين
سالم:خلاص ياعمري قلنا أوكي
أبراروهي تبتسم)أبيك جذي
.................................................. ........
معقولة سالم يكذب على أبرار ومايحبها؟
وشسالفة خطيب رهف الضعيف شخصية؟
يتبع.............


تابع الجزء الرابع:
في بيت عبد الله بو حنان
آلاء كانت جالسة في غرفتها وطفشانة
وتجي حنان :آلاء ترى أمي طالعة
آلاء:أدري شنو شايفتني
حنان تتوجه لدولاب ملابسها:وانا بعد بطلع
آلاء:وين بتروحبين؟
حنان:بتمشى شوي أحس بضيقة من البيت
آلاء:أجي معاش؟
حنان:وأنا من أطلع مكان تيين معاي؟
آلاء:انزين زهقانة شسوي
حنان:روحي بيت عمي كاهم جيراننا روحي سالفي مع فاطمة
آلاء بعد يأس:مافي غير هاالحل الوحيد
.................................................. ..............
سارة كانت داخلة الغرفة ببطء علشان ماحد يسمعها وتاخذ جوال لطيفة ولطيفة ماتدري لانها تحت مع الاهل وفضول سارة مايفارقها لانها بنت فضولية وتدور عند الاسامي وتشوف مكتوب(الغريب)وعرفت انه سالم بس هي ماتعرف اسمه وتحاول تتصل ويرن...يرن...يرن الجوال
ويرد:ألو
سارة:ألو
سالم:هلا لطيفة شلونج
سارة:أنا مو لطيفة أنا أختها سارة
سالم:خير بغيتي شي؟
سارة بدت النصايح:عيب عليك تغازل اختي فاهم! لأنك ماترضى هالشي لخواتك وانا عارفة.....
وفي ذاك الوقت جت لطيفة من دون ماتدري سارة انها جاية
لطيفة بصرخة:شتسوين!!!
سارة نقزت من الخرعة:ها....ولا شي يالسة ألعب بجوالج
لطيفة بعصبية:عطيني الجوال(وتعطيها)
لطيفة:أدري أنش اتصلتي عليه لكن ان عدتيها ذبحتج
سارة بصراخ:أتحداج تحركيني
لطيفة:سوير ترى اللي سويتيه موزين ممكن يودينا في ستين داهية وبعدين يكفي انج اتصلتي عليه
سارة:أنا أخليه يبتعد عنش
لطيفة:لا تتدخلين
سارة:يعني انتي راضية وماترضين لغيرج
لطيفة:انتي صغيرة على هالأشياء
سارة:اوووووووووووووه صغيرة وصغيرة ترى مو بس المراهقين يسوون الأشياء اللي فبالج وبعدين انتي قلتيلي ان المراهقة مالها سن
لطيفة:سمعي ياسارة ان عرفت انش تكلمينه وتتدخلين في خصوصياتي ادفنج وانتي حية
سارة:والله أكلم والا مااكلم كيفي هذي حياتي وانا حرة فيها
لطيفة بعصبية زيادة:بعد ترادديني
وسطرتها كف
سارة وهي تدفها)لاتطقين ياحقيرة
لطيفة ضربتها كف مرة ثانية وصراخ البنات وصل لين تحت وخالد والام كانو جالسين وسمعوهم
ودخلو الغرفة وشافو لطيفة تمشع شعر اختها وتلعب فيه وسارة ماسكة عمرها وتصرخ
خالد بصراخ:بس .....شفيكم انتو شصاير
لطيفة:الأخت سارة تتكشف على أشيائي بالجوال
سارة:سكتي لا اعلمهم يالكذابة الخايسة
الام:عيب عليكم تسوون جذي انتو خوات
سارة:هي اللي بدت
لطيفة:لسانها طويل ويبيله قص وكله كيفي وكيفي لانكم مدلعينها ومخلينها على كيفها
الام:حسبي الله عليج يالطيف خليها كم مرة أقولش لاتطقينها
لطيفة:لاماني مخليتها لاتنسين انها في مرحلة خطرة
خالد:يمه لاتخلين هالزفتة هذي على كيفهاأنا أعرفها لعينة وماتحترم اختها الكبيرة
الام:لا والله هذي اللعينة لطيف أنا اعرفها زين
لطيفة انصدمت من كلام أمها وطلعت من الغرفة بزعل
.............................................
أم سالم جايبة الشاي لزوجها صالح اللي تزوجته بعد ماطلقها بوسالم يعقوب
تجلس على الكرسي
صالح:اللا قوليلي شلون عيالج
حصة:والله بخير الحمد لله ..بس سالم
صالح:شفيه سالم؟
حصة(أم سالم):باين انه معصب وزعلان علي
صالح:خليه يزعل هو يزعل ويعصب على نفسه
حصة:جذي تتحشى عن ولدي!!!
صالح:ايه جذي أصلاً ولدج لعين وارث الحسد واللعانة وقسوة القلب من ابوه أنا أشوف سلمان ألين منه شوي مومثل أبوه يعقوب
حصة:سالم غير يخبي كل شي بقلبه وسلمان يمكن توه صغير مايفتهم
صالح:لاتحاولين تدافعين عن ولدش وبعدين شنو سلمان صغير ماشالله عليه بقي له سنة ويتخرج من الثانوي وتقولين صغير!
وتجي ريم من برة وهي داخلة البيت ريم بنت صالح الوحيدة المدللة 20سنة وتدخل:هاااااي
صالح:هلا ببنتي ريومة
وتجلس على الكنب
حصة:ريم في سؤال فبالي ودي أسئلج أياه
ريم:شنو خالتي؟
حصة:ولدي يدرس عندكم بالجامعة ..يعني تعرفينه؟
ريم :بس بصراحة أنا ماأعرف شلون شكل عيالج أنا ماشفتهم ألا يمكن مرة أويمكن ماشفتهم بعد
حصة:أي صح...بس فيه واحد يدرس سنة رابعة جامعة قسم المختبرات أسمه سالم اليوسف
ريمكنها تتذكر)هو أبيض وطويل شعره أسود كثيف مدري شلون؟
حصة:أي أي هاذا هوولدي
سالم:اييييييي هاذا هو سم الله عليه ثلاثة أرباع البنات بالجامعة معجبين فيه
صالح:ريموه عيب
ريم:بس أنا مومعجبة فيه لا تخاف يبى
حصة:هاو ليه ينعجبون فيه شفيه زود؟
ريم:ماتدرين ياخالتي لانه حيل حلو ورومانسي ومادري اللحين اهو كم بنت منعجبة فيه......بس ليش تسئليني عنه
حصة:والله ودي ولدي يخطبج انتي ماشالله بنت خلوقة وحلوة ومافيج قاصر
ريم:شنو خالتي أنا أصلاً ماأفكر بالزواج
صالح:وأنا يعني كني طاولة ولاقلتولي شي
ريم:شنقول يبه أصلاً أنا مادري عن الموضوع
حصة:شغلطت فيه لو ولدي ياخذ ريومة الحلوة
ريم احمرت من الخجل:مشكورة خالتي بس...مابي أتزوج خصوصاً اللحين
حصة:شماتبين تتزوجين الزواج ستر يابنتي وانتي اللحين صار عمرش 20سنة وسنش مناسب وايد للزواج
صالح:حصة قلتي ولا ماقلتي بنتي ماراح تاخذ ولدج الصايع أنا ماارضى حق بنتي تعيش مع واحد مغازلجي .... راح تعيش معاه بشقا طول عمرها
حصة وريم سكتو وحصة قامت تطالع في صالح نظرة ملامة لانه يتكلم عن ولدها ولانه يمنع بنته من الزواج منه
.................................................. .........
هل من جد ريم تحب سالم أو تفكر فيه؟
وسارة بتعيد لقافتها في التدخل بينها وبين الشاب اللي تكلمه لطيفة؟
وشو اللي بيوقف حنان عن الأشياء اللي تسويها؟
ترقبوا أحداث أحلى في الجزء الخامس......


لامارا غير متواجد حالياً  
التوقيع







رد مع اقتباس
قديم 06-01-12, 12:07 AM   #6

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
Rewitysmile18

الجزء الخامس:
يرن جوال لطيفة وهي في غرفتها وتشوف أسم سالم وترد
لطيفة:ألو
سالم:هلا والله حبيبتي شلونج؟
لطيفة:لاتقول حبيبتي ما أسمح لك
سالم:شدعوة ....ليه؟
لطيفة:بس ماابي تقول حبيبتي ...سالم انا بقولك الصراحة
سالم:شنو؟
لطيفة:أنا ماا حب الشباب
سالم:ليه؟
لطيفة: ما أثق فيهم نصابين
سالم:بس مو كلهم... أصابع أيدج زي بعض؟
لطيفة:لا
سالم:خلاص عيل مو كل الشباب زي بعض.. يالطيفة كل واحد يختلف عن الثاني
لطيفة حست بالراحة:اهااا...........
سالم:المهم ابي أشوفج
لطيفة:لا ما أقدر
سالم:يوووووه ليش بعد؟!
لطيفة:أنا أخاف وبعدين كا أنت شفتني في المجمع وهذا كافي
سالم:حبيبتي أنا مو وحش وثانياً أبي أشوفج واتمتع بشوفتج
لطيفة:لا والله بس تحلم تنفذ اللي فبالك وانا عارفته
سالم:لا مواللي فبالي صدقيني اذا تبين مكان عام على أمرج
لطيفة بعد اقتناع:أنا ماعندي لاسيارة ولاسواق شلون تبي تشوفني؟!
.................................................. ........
في بيت سعود(بوراشد)
نور وابوها جالسين بالصالة
نور:يبى
بوراشد:نعم يبى
نور:ودي أسئلك سؤال
بوراشد:نعم نور شبغيتي
نور:الا شصار عن عمي يعقوب وعياله من زمان ماشفناهم مدري حيين ولا ميتين!
بوراشد:والله خبريبهم يابنتي بس في العيد ويوم تطلقت حصة من عمك
نور:يبى أنا ماشفتهم من6سنين عياله, وهو بالموت اشوفه مدري ليه منقطعين عنا ليه سوى عمي كذا ونقل الكويت
بوراشد:عمك يابنتي نقل هناك علشان يتبع رزقه
نور:بس الفلوس تخليه يتغرب عن أهله وينقل للكويت!السعودية كلها خير ونعمه والحمد لله
بوراشد :وشتنتظرين من عمك الله يهداه عنيد وراسه يابس بعد شنسوي له كيفه على راحته
ويجي حمد ولد بوراشد من برة
حمد:السلام عليكم
نور وسعود:وعليكم السلام
سعود(بوراشد):هايبى حمد شلون الشغل معاك
حمد:والله الحمد الله يبى ماشي...عن اذنكم أنا بروح فوق برتاح شوي ساعتين
نور:حمد لحظة لحظة شوي
حمد:وشو شصاير؟
نور:تذكر عمي يعقوب وعياله؟
حمد:لا أنا فاقد الذاكرة ما أعتقد
نور:حمد شالسخافة؟!
حمد:شفيهم؟
نور:ودي أكلمك عنهم
حمد:شف وانا أظنها بتكلمني بموضوع مهم أقول ماني فاضي لك أنا رايح أناااااام
ويروح ويتركها
نور:أوف منك
.................................................. ......
سالم وأبوه وهم قاعدين يتكلمون عن موضوع قديم وحساس
سالم:ليش ما بقينا في السعودية ليش نقلنا هني؟
بوسالم:سؤالك سخيف وماله معنى
سالم:ليش؟!
بوسالم:أكيد عشان رزقي بعد شنو
سالم:السعودية كلها خير ونعمة وما أعتقد علشان امي كويتية
بوسالم:خلاص انتهى الموضوع وهذا انا قلت لك
سالم:يبى أنا مااحس ان احنا جينا هنا علشان الشغل علشان شي ثاني أكيد
بوسالم حس أنه في ورطة:هاه.....لا لا يعني أكذب عليك؟
سالم:لا يبى بس .......شاك
بوسالم:سويلم اسمع ماابيك تجيب هالموضوع نهائياً ....وبعد راح اجنسك واخليك كويتي انت واخوك
سالم:وانا مابي
بوسالم:ليه انشا الله؟
سالم:بس جذي..ماابي
بوسالم:لا مو على كيفك
سالم:أنا رجال وبعد ما أتخرج من الشامعة انشا الله بسافر واكمل دراستي وما أرجع الا وانا في السعودية هذا ان مارحت في العطلة هناك بعد
بوسالم بعصبية:روح باللي مايحفضك
سالم أنقهر حيل من كلام أبوه لها الدرجة هو قاسي كذا! شهالأبو مايحب إلا نفسه وبس ..أهم ماعنده الفلوس احس ان وراه شي في جيتنا هنا من انولدت لين اللحين وانا أتساءل بس ما أعرف ولازم أعرف
.................................................. .........
لطيفة وهي في غرفتها وفي أشياء تجول بخاطرها تقول في نفسها
ياترى اللي أسويه صح ولا غلط؟مادري احس انه غلط وأكبر غلط...ياربي ساعدني...أخاف يقص علي هالولد ...وانا أصدقه...لا أنا ذكية...أقول بلا مدح...بس لازم أحذر منه ومن ألا عيبه ماراح أخليه يقص علي...ويطيحني بالحضيض ...بس إذا يحبني صج راح يخطبني من هلي غير هذا ماراح أكلمه أنا مو مثل هالبنات الغبيات اللي ياما قصو عليهم شباب أمثاله ...بس يمكن يكون غير...شكله نصاب مثل الشباب اللي غيره...بس مولازم أحكم عليه بالشكل...يمكن يحبني...أوووه خلني من هالأفكار وانزل احسن لي
...........
وتنزل لطيفة تحت ويجي أخوها عبد العزيز من برة ويشوفها
عبد العزيز:هي هي هي أنتي شلابسة
لطيفة كانت لابسة بجامة برمودا وهو مايرضى
لطيفة تشوف نفسها:بجامة عادية
عبد العزيز وهو معصب:روحي بدليها اللحين
لطيفة:انزين كاهي سارة لابسة مثلي
عبد العزيز :وينها؟
لطيفة تأشر:هناك
والآنسة سارة منسدحة تطالع التلفزيون
عبد العزيز:وانتي بعد! يللا روحو بدلو هاللي لابسينه
سارة:انزين شفيها؟!
لطيفة:أي والله شفيها بجامات عادية
عبد العزيز:بلا شفيها بلا زفت روحو بدلو اللحين وانا كم مرة أقول لكم لا تلبسون هالأشياء
لطيفة وسارة:أنشا الله
.................................................
أما في بيت أبرار الكبير كان الكل معزوم لحفلة عيد ميلادها من الجامعة اللي معاها في القسم والمستوى(قسم المختبرات)(المستوى الرابع)
ووناسة وأغاني ورقص وسوالف وهذي الحرية التامة ومو كنا في الكويت كنا في أمريكا, المهم الكل حضر الحفلة وجتهم أبرار بكشخة وصايرة حلوة وشعرها صاير طبقات وناعم وصابغته خصل عنابي وسلمت على الكل, وجت لسالم اللي تحبه وتموت فيه وكان سالم كشخته كشخة غربية 100% ومو بس هو كل الشباب لابسين بدل وجنوز على كيفك وذا الشعور اللي هابين عليها هالايام وسالم منهم والبنات نفس الشي كشخات وموضات أكيد كلهم من جيل الشباب مافي مكان للرسميات.
أبرار:هاي سالم شلونك حبيبي
سالم مستانس:بخير يابعد روحي....(وطالعها من فوق لتحت يشوف اللي لابسته وكانت لابسة بلوزة حلوة فوشي وفوقها جاكيت جينز قصير وتنوره قصيرة مقصقصة لحد الركبة)شهالكشخة يا أبرار صكيتي على كل البنات صايرة قمر!
أبرار بغرور:مشكور يابعد عمري بس أكيد أنا أميرة الحفل وهذا عيد ميلادي, طبعاً بكون أحلاهم
سالم:أحلى مافيج الثقة اللي تخليج من أحلى البنات
أبرار يعني اني استحت:ياحليلك وياحليل كلامك ياسلوم
سالم:عن اذنج
أبرار تمسك أيده:وين؟
سالم:بروح مع ربعي
أبرار:وأنا
سالم وهو ماسك أيدها:أنتي حياتي وحبيبتي وعمري وهلي كلهم
أبرار:عيل بتضل وياي طول الحفل وربعك أجيبهم هني
سالم:ok دام الحلو مُصر
................................................
في بيت بوحنان عبد الله مع مرته الثانية
سعاد:الليلة مافي النوم عندي ولا رجلك تلمس بيت نوالو
عبد الله:وانا قلت شي؟
سعاد:لا شايفتك مرتبك ومو على بعضك لايكون حنيت لنوال
عبدالله :وانا ما أفتك من نجرتكم!هناك سعادو لاتروح لها وهني نوالو لاتروح لها الحمد لله أني حطيت لكل وحدة بيت
سعاد:حبيبي البيت هذا ثلاثة ارباع فلوسه مني
عبدالله:وبتقعدين تعايريني طول عمري
سعاد:لولاي ماشفت هالقصر
بوحنان:واللحين بتمنين علي بفلوسج! أنتي غير وانا غير
سعاد:لوكنت مدير مثلما انا مديرة مركز ماكان صرفت عليك
بوحنان:انزين وين فهودي اللحين
سعاد:نايم عشان يروح الحضانة ,اللحين الوقت متأخر(وتقوم)وانا بعد بروح بنام تصبح على خير
بوحنان:وانتي من اهله (وقعد متضجر من هالبلاوي زوجاته)
...............................................
في الحفلة جابو كيكة عيد الميلاد لأبرار
وكلهم نفخو على الشموع وصفقو والحاضرين يباركون لها بعيد الميلاد وبعد خروج بعض الطلاب من الحفل وباقي ناس سالم يستفرد أبرار بمكان مركون في البيت
أبرار:شنو؟!
سالم:عندي لج شي دليل على حبي لج
أبرار:!!شهاالشي!!
سالم طلع لها عقد يجنن فيه حرف a ومرصع بالألماس حيل حلو مامن مثله
أبرار أندهشت واستانست :وااااااااااو شحلاته مشكور ياحبيبي (وتلم سالم)مشكور
..سالم استغرب من حركتها الشريئة تلم رجال لاهو أخوها ولا أبوها زميلها بالجامعة بس.. بس استانس هو بعد مايقصر في الجرأة
سالم:أكيد اعجبج ياحياتي
أبرار:أكيد وااااااااي من مثلك بهالدنيا!
سالم يمسك أيدها:وانتي من مثلج بهالدنيا
وقعدو يضحكون
وطلعو كل الحضور وأبرار استانست وايد عشان الحفلة وعشان حبيبها سالم
.................................................
في بيت بوناصر كانت الام تنادي لطيفة:لطيفة...لطيفة...لطيف
لطيفة بغرفتها:نعم (وتنزل)....نعم
الام:نظفي المطبخ
لطيفة بضجر:والآنسة سارة ماتسوي شي كل شي فوق راسي
الام:اختج ساعدتني اليوم في العشا مو انتي قاعدة ..اختج الصغيرة أحسن منج صارت تنفع أكثر منج
لطيفة بحزن مكتوم:أي طبعاً سارة(وكانت سارة قاعدة يم أمها)بنتج المفضلة في كل شي مفضلة علي اجتماعياً وعملياً وذكاءً وكل شي وأنا الغبية المفهية اللي ماأفهم شي صح؟
الام:كلتيني ماقلت شي ..خلاص لاتسوين شي أخلي سيور تسوي أحسن حتى شغلها مضبوط
لطيفة تكتم دموعها:بنتج المفضلة ...وراحت غرفتها وكل شي خانقها تتمنى الموت ونزلت الدموع منها ماقدرت أمها دايماً تفضل سارة عليها لانها متفوقة أجتماعياً عليها وكل الناس عند لطيفة يفضلون سارة عليها من وجهة نظرها وقالت بصوت مسموع بخفيف:خلها تنفعها بنتها المفضلة سارة وسارة وسارة وأنا الغبية المفهية وهي الذكية الهذرة الشاطرة
في خاطرها تفكر تتصل بسالم(بقلبها):خلني اتصل فيه أشكي له همومي هو حبيبي...لا...بس ماعندي غيره أحس انه هو اللي بينفس عني ويجلي همي عيل ليش اتصل عليه وشفايدة الأحبة...إذا ماكانو يحسون بالحبيب؟!!استبعدت هالفكرة
وتفتح دفتر خواطرها وتكتب:
الموضوع:همومي واحزاني
هي المفضلة علي...
دائماً هي الأفضل...
أمي تفضل أختي الصغيرة علي دائماً..
وأنا...ولا شيء أنا كالجماد
لا أحد يحس بي
لا أستطيع أن أشكي همومي لأحد
لماذا الهادئون مثلي مذمومون؟
أم هم حظوظ
لماذا الأجتماعي مفضل لدى أغلب الناس؟
وأولئك...يذوقون حسرات الزمن والدموع تسيل...ولا أحد يحس بهم...أما الطرف الآخر ففي قمة الأستمتاع ...دائماً في مزح وشغب
رغم أني أتحدث مع الناس وأضحك ولكن...هناك ناس جهلة يريدون أن ينزلوني إلى تحت ويرتاحون بذلك
ومهما كانو يحبونك...مهما كنت تتحدث وتضحك وتمزح تأتي منهم بأنك إنسان إنطوائي
فيدمرون معنوياتك وكل أحلامك أن تصبح إنساناً أجتماعياً طارت في مهب الريح بمجرد كلمة واحدة منهم إلا إذا كانت ثقتك بنفسك قوية جداً...الحلم الوحيد أن أصير إنسانة اجتماعية سعيدة في حياتي........
أو الإنتحار... إن بقيت في هذا الحال أوالخروج من البيت...فوضعي لايطاق.
وبعد كذا طق باب غرفة لطيفة ودخلت الدفتر ودخل خالد وتحاول تخفي دموعها واحزانها وتسوي نفسها طبيعية وتاخذ مجلة علشان تتخفى
خالد:لطيفة شفيج زعلانة
لطيفة بتصنع:لاني زعلانة ولاشي
خالد:لاباين انج زعلانة قوليلي شفيج أنا أخوج (يمسكها من كتفها بحنية)
لطيفة:قلتلك مافيني شي
خالد:كذابة باين من ويهج
لطيفة وشوي بتصيح:لا خالد خلاص مافيني شي...بغيت شي؟
خالد:أبي فلوس
لطيفة:ماعندي
خالد:يللا عاد
لطيفة :ماعندي شي
خالد وهو طالع هين أوريج
ولطيفة أفتكت أن أخوها ماشاف دموعها أشوى مانزلت قدامه صحيح أن خالد بالنسبة لها أحسن الأخوان لانه الأقرب لها سناً بس ماتبي تشكي همومها لاحد وماتبي تبين لاحد أنها زعلانة وحتى ناصر مفضل في العايلة لانه عمره ماضربها لاهو ولاسارة بس اللحين تزوج وابتعد عبد العزيز طيب بس متشدد حيل التدين زين ومن احسن مايكون بس مايكون تعقيد بدل تطوع وأختها سارة لطيفة تشكي لها كل همومها وتبوح لها كل أسرارها وتحبها حيل رغم هوشاتهم اليومية وأمها تموت فيها وماتقدر تعيش بدونها بس بعض الأحيان تزعل عليها بحكم تفضيل الام سارة على لطيفة وابوها حيل تحبه يدلعها ويحبها موت ويلبيلها أغلب طلباتها وحتى ماتذكر أن يوم ضربها أو صرخ عليها
.................................................. ............
حسن ورهف كانو يتمشون بمجمع الظهران
حسن:يللا عاد ماخلصنا ترى طاحت رجولي من كثر المشي
رهف:وين نخلص وين باقي أغراض كثيرة
حسن:وش باقي؟
رهف:باقي لي بنطلون جينز وبرمودا وبلايز باقي اصبر شوي
حسن:يللا عاد حبيبتي خلصي بسرعة
رهف:وراك شغل؟
حسن:لا اليوم معطل
رهف:انشا الله حبيبي بخلص وبعدين ماوراك شغل
رهف بنت استغلالية حيل ومغررة وحسن يناسبها مطيع ومشكلته يطيع رهف في كل شي ويحبها موت وهذا تو ماتزوجو أجل لوتزوجو علوم
.................................................. ............
هل سالم راح يحب لطيفة يوم من الأيام؟
وهل راح يبتعد سالم عن أبرار؟
وهموم لطيفة من يفرجها؟
وشسالفة الانتقال من السعودية للكويت الطويلة؟
أنتظروني بالجزء السادس ان شاء الله



لامارا غير متواجد حالياً  
التوقيع







رد مع اقتباس
قديم 06-01-12, 12:09 AM   #7

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
Rewitysmile18

الجزء السادس:
في الكلية اللي تدرس فيها لطيفة(كلية الآداب) كانت لطيفة ونورة مع بعض
لطيفة:نورة أنا اليوم ماراح أحضر المحاظرة
نورة:ليش؟!شصاير؟
لطيفة بارتباك:اليوم...أنا متواعدة مع سالم
نورة بعصبية:لا والله تمزحين حضرتج!شلون تسمحين لنفسج تطلعين مع واحد مثله؟ موعيب عليج!!
لطيفة:لحظة...هو أجبرني بس هو قال بنكون مع بعض بمكان عام أقصد أنا قلت له
نورة:لطيفة صدقيني بيقص عليج هو يبي ياخذ منج اللي يبيه وينحاش
لطيفة بسخرية:هه.. مايقدر
نورة:ليش مايقدر انتي بنت وهو ولد ماراح تقدرين عليه!
لطيفة:مايقدر أنا مو من النوع الغبي فهمي
نوة:اقول انا بروح عنج احسن اقعد مع وحدة تكلم شباب!
لطيفة:نورة حرام عليج هو واحد وبالموت وافقت انه يواعدني
نورة:أنسي رفيجة عندج اسمها نورة انا بنت شريفة وعارفة ان ثلاثة ارباع البنات يكلمون شباب بس انتي ماتوقعت
لطيفة:لا نورة تكفين لاتروحين انا ماعندي غيرج بهالجامعة وانتي تدرين(نصابة عندها بنات غير نورة بالجامعة بس ماتبي تفقد صديقتها العزيزة)
نورة:آسفة
وترحل نورة وتتركها ولطيفة حست بالحزن الشديد وحست انها وحيدة لانها فقدت صديقتها على حد قولها وما تبي تقعد مع احد مالها خلق وهي موكلش مع الناس لانها هادية بس بعض المرات يقب الهبال فجأة عليها بس ماتحب رزة وجه المهم قعدت شوي لطيفة ويرن جوالها وكان سالم
لطيفة:ألو...هلا سالم..وصلت؟ ...انزين انا يايتك اللحين
كان سالم جالس بالمقهى اللي يم الكلية وهو ينتظر حضرته طبعاً لابس بنطلون جنز وتي شيرت ودخلت لطيفة المقهى وقعدت تدور وشافته من بعيد شكله أحلى من ذيك المرة لانها ماشافته زين شافته شاب عصري درجة أولى ولمحها واو ياحلاتها كانت لابسة بلوزة وردية مزينة وبنطلون جنز جاية حلوة مع انها ماحطت مكياج كثير بالعكس خفيف وناعم لايق لها وشعرها مفتوح(مفتول) يوم قربت سالم انعجب بجمالها وفتح عيونه وهي صايرة أحلى من المرة القبلية شاف فيها شي غير عن كل البنات اللي يعرفهم ويكلمهم.
لطيفة بخوف:صباح الخير
سالم:صباح الورد ياورد
لطيفة تجلس وهي خايفة ومرتبكة لان اول مرة تجلس مع واحد ماتعرفه أو تكلمه
سالم لاحظ خوفها:شفيج خايفة؟
لطيفة:ها ...لا مافيني شي
سالم:خايفة مني؟
لطيفة:بصراحة...طبعاً بخاف
سالم:ليش؟!
لطيفة:لان انا اول مرة أتعرف على شاب
سالم:عادي.. مافي شي يخوف وانا معاج
لطيفة نزلت راسها انا شسوي!
وقعدو ساكتين شوي
سالم:الا كلميني عنج
لطيفة:أنت كلمني عن نفسك أول
سالم يتنهد:شقولج!! قصتي طويلة.........أنا شاب سعودي الأصل والجنسية.. أمي كويتية وابوي يشتغل هني عشان جذي احنا ساكنين هنا ......أحس اني أعيش حياتي على الهامش أحس أن حياتي مالها معنى رغم انها وناسة فلوس وغنى الحمد لله..ومتوفرة لنا كل سبل الترفيه والكل يتمنى عيشتي..... ربع ووناسة وطلعات و مجمعات ودوارة في الشوارع..وحتى ابوي مدير شركة.....بس أحس ان ناقصني شي في حياتي.........
لطيفة:وبعدين....
سالم:أمي ماتعيش معانا بالبيت لان ابوي مطلقها من 5سنين تقريباً وعندي أخو واحد يصغرني بـ5 سنين
لطيفة:وشلون علاقتك مع ابوك؟
سالميضحك باستهزاء)علاقتي مع ابوي!!! زفت جداً.. تعبانة
لطيفة:الله ليه؟!
سالم:أسأليه.. دايماً يهزيء فيني ويضربني ويعاملني بجفاء موكاني ولده............عاد انا فتحت لج قلبي (يحاول يحط ايده بأيدها)
لطيفة يوم حست أيدها بتلمس ايده سحبتها على طول
لطيفة بذهول:سالم..شتسوي عيب انا ماأرضى!!!!!!!!!
سالم:وانا شسويت كلتيني..بس عشاني حطيت ايدي على ايدج الحلوة
لطيفة حست بوهقة:اففففففففف وخاطرها ياربي مايستحي هالأنسان!
...........................
في بيت يعقوب كان سلمان نايم ولاراح المدرسة اتصل بوسالم من الشركة للبيت علشان يتطمن على عياله ويعرف أن سالم راح الجامعة أو سلمان راح المدرسة لانه رايح الشركة مبكر
يعقوب يكلم الخدامة:راح سلمان المدرسة؟
الخدامة:لا با با سلمان مافي روح
بوسالم:ليه؟
الخدامة:يقول فيه تعبان
بوسالم:ليه ماقلتيلي؟
الخدامة:انت في روح سلمان مايرضى
بوسالم:انزين اللحين روحي صحيه وقوليله بابا يبيك بالتلفون
الخدامة:أوكي بابا
وراحت الخدامة تصحي سلمان اللي نايم بسلامته
سلمان:أوووووووهووووووو شتبين انتي ؟
الخدامة:بابا يعقوب يبي أنت في التلفون
سلمان بملل:يووووووه شيبي بعد هذا
وراح يكلم ابوه
سلمان:نعم يبى
بوسالم:ليش مارحت المدرسة اليوم؟
سلمان:يبى تعبان
يعقوب(بوسالم): نشوف تعبان يقول
سلمان:يبى والله تعبان ومالي خلق
بوسالم:سلمانو بلا كذب..ان رجعت من الشركة لي كلام ثاني معاك...مع السلامة
سلمان:مع السلامة
ورد سلمان يكمل نومه خوش عايلة الابو حجر والولد يتغزل بالبنات ويرقمهم وسلمان بتشوفون شنو بيصير له
.............................................
في بيت كبير كانت في بنت بس وامها يعيشون في ذا البيت وهذا البيت لبدر اللي انقتل قبل 22سنة( اخو يعقوب وجوهرة وسعود)و زوجته بدرية أم أمل وبنته أمل 22سنة بنت محطمة من كل النواحي وعمرها ماحست بحنان الأبوة اللي مات ابوها وكان عمرها أقل من سنة أنذاك........كانت نور زايرة أمل
أمل:هلا والله أسفرت وانورت واستهلت وامطرت هلا بنور بنت عمي
نور:هلا فيك حبيبتي شلونك وشلونك خالتي بدرية؟
بدرية(أم أمل):الحمد لله يابنتي بخير
أمل:تعالي يالخايسة ليه ما تجين لازم اتصل واقولك تعالي يعني!؟!
نور:عاد شسوي دروس الجامعة وبعدين عادي شفيها أمول
أمل:عادي؟!انتي بنت عمي ومن لحمي ودمي وبالموت تتصلين وتسألين وتقولين عادي!
نور:هذا أنا جيت وطيبت خاطرك واللا ترى أزعل واروح
أمل:آه طيب.. زارتنا البركة
نور:الله يسلمك
أمل سرحت شوي كانها تذكرت شي مهم بحياتها
أمل:نور شخبار هلك وعمي سعود وعمتي جوهرة
نور:الحمد الله كلهم طيبين وأهلي يسلمون عليك
أمل:الله يسلمهم.......وعمي يعقوب وعياله شخبارهم؟
نور:مثلنا مثلك مندري عن اخباره لاهو ولا عياله.. منقطعة اخبارهم عنا.. يمكن بس في العيد يتكرمون ويجون هنا السعودية وبعدين ينحاشون للكويت
أمل:شنو هذا!!شهالقطاعة ياربي واحنا ولايمر طيفه عندنا
نور:هذا عمي وحركاته
أمل بقهر:بس عشان ابوي اللي ماشفته ولاتمتعت بشوفته مات!..خلاص مايحس أن فيه بنت أخو مثل بنته!..وبدت تمتلي عيونها بالدموع
نور:بس ياأمل خلاص اللي صار صار
بدرية:أمل حبيبتي يمه لا تبكين ابوك الله يرحمه مات من زمان الله يرحمه ويغمد روحه الجنة
وبدت تبكي أمل
نور وأمل:آمين
أمل:ودي لو أشوف أبوي.. واتمتع بكلمة يبى...ودي يرد لي حتى لو على الأقل لحظة ابي أبوي ماشفته ماقلت له...(يبى)...ماسالفت معاه..الله يجزي اللي كان السبب
................................................
في الشركة..كان بو سالم جالس يفكر ويفكر ويتذكر ذكرى يوم قتل أخوه الكبير بدر طعنه بالسكينه يوم كانو يتهاوشون على الورث كل هذا حب للفلوس والتملك كان قاصد وغير قاصد ماكان بعقله أستجن بذيك الليلة عشان وسخ دنيا رايحة فيه ناس كذا وأبشع من كذا واللحين نشوف شنو سالفة القتل
يعقوب كان عمره23سنة وفي الذكرى (في السعودية بالدمام)
يعقوب:بدر ابي أطلب منك طلب والله يخليك توافق
بدر:قول تفضل
يعقوب:ا...ابيك تزيد حصتي من الورث
بدر متفاجئ:تمزح حضرتك؟!
يعقوب:بدر أسمعني أنا محتاج...أنا رجال متزوج ومرتي حامل ويكفي أني على قد حالي وأنزل منكم
بدر:يعقوب...كلن نحكم عليه بالعدل
يعقوب:بس أنا غير
بدر:في وشو غير؟ هاه..أخوك سعود متزوج وعنده ثنين ماشا الله وماقال مثل ماتقول
يعقوب بحسرة:بس أنا مظلوم...ماحد يحبني منكم لا أنت ولا سعود ولاجوهرة ..وماحد راح يدري عن الموضوع
بدر:يعقوب...تكلمنا بهالموضوع من قبل وخلاص...وبعدين استح على دمك ماحد يسوي سواتك
يعقوب:أقولك أنا محتاج ماتفهم؟؟؟
بدر:هذا حلال أبونا
يعقوب:وابوي مات
بدر:أقصد ان نوزع الحلال بالعدل بدون زيادة أونقصان
يعقوب:وانت ششايف نفسك قاضي واللا وشو!!!
بدر:أنا أخوك الكبير وافهم كل شي
يعقوب:لا ماتفهم شي
بدر:يعقوب! عيب هالكلام أنا أخوك الكبير
يعقوب:ايه صح كلامي أنا شكيتلك حالي ومافيها شي لزدت حصتي من الورث شوي
بدر:حرام نسوي كذا يا يعقوب
يعقوب بحقارة:أقول..راح تزيد يعني راح تزيد وأصلا موبكيفك هالشي
بدر:استح على وجهك وعيب تكلم اخوك الكبير كذا
يعقوب:انتو ليش تكرهوني كيفي هذا ورث ابوي
بدر:لاموبكيفك
يعقوب بصراخ:لا كيفي وانت مالك شغل ..لانك سافل وحقير وماتحس وانا حاقد عليك من زمان
بدر عصب كثير:ايا النذل (وتوه بيضربه)
ويطلع يعقوب السكينة ويطعنه ببطنه وهرب وكان مخطط بهالشي من زمان و خلاه ينزف وينزف لين مات اخوه
ويعقوب ماحد عرف بجريمته البشعة وماكان يجي على بال أخوانه وللحين ما انحلت القضية وماحد درى بالقاتل رغم مرور 22سنة ....نكمل الذكرى.....
.........
......:حصة...ياحصة...(حصة كانت حامل)
حصة:نعم يعقوب شفيك؟!
يعقوب:كل شي...كل شي ماهوب زين
حصة:خير شصاير؟
يعقوب:حصة...مستقبل ولدنا راح يكون هناك بالكويت
حصة:الكويت؟ تراني مافهمت شي
يعقوب:سالم راح ينولد بالكويت..راح نظل هناك على طول
حصة:ليش؟ صاير شي؟
يعقوب:لا موصاير شي ودي ......اتبع رزقي بس
حصة:بس عشان هالشي؟
يعقوب:والاحسن ان انتي كويتية بعد
حصة:مشكور بس حتى هني
يعقوب:أولاً هناك الشغل أنفع وأحسن وبعدين هذي بلدش
حصة:والله أنك ولد أصيل يا يعقوب وماراح أنسى هذا الفضل لآخر يوم بحياتي
...
واعتقد انتو تدرون ليه نقل يعقوب للكويت هو وزوجته موللشغل والرزق وامثاله..لقضية القتل أكيد هرباً من التهمة وكذا انحلت الألغاز واللي جاي أكثر إثارة
.........................................
هل راح تكشف جريمة يعقوب من بعد22سنة؟
وأمل شنهاية آلامها؟
لطيفة وسالم بيستمر حبهم واللا في تراجع من أي طرف؟
هل الحب اللي يعطيه سالم للطيفة حقيقي؟
إلى متى راح تظل لطيفة تعاني من الجروح والآلام والانكسار؟
ترقبو الجزء السابع بأحداث أحلى




لامارا غير متواجد حالياً  
التوقيع







رد مع اقتباس
قديم 06-01-12, 12:10 AM   #8

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
Rewitysmile18

الجزء السابع:
لطيفة وهي تكلم نورة بالجوال
نورة:هاشسويتي معاه؟
لطيفة:ولاشي
نورة:شلون ولا شي يعني ماتكلمتو ما سالفتو؟
لطيفة:امبلا سولفنا شوي
نورة:وهذا ماسوالج شي غير جذي يعني مالمحلج بشي؟
لطيفة:هو طلب أني أقابله مرة ثانية
نورة:وانشا الله بتوافقين؟!!!!
لطيفة:لا شفيج؟!أصلاً يحمد ربه بأني قبلت أجي معاه
نورة:وبعدين كملي
لطيفة:مسك ايدي
نورة تشهق:هييييييييييي مايستحي هذا!!!!!
لطيفة:بس سحبت ايدي منه وجعمته
نورة:زين..وبعدين
لطيفة:اعترفلي بحبه لي
نورة:نصاب...هو تلاقينه بعدين يكلم مية بنت صدقيني نصاب
لطيفة:عارفة لاتحسبيني غبية
نورة:هو يدرس؟
لطيفة:أي في كلية الطب
نورة:ماشالله شهالكذبة!
لطيفة:يمكن صج شدراج؟
نورة:وانتي مصدقة الحمد لله هالأشكال ماتعرف كلية الطب
لطيفة:صيري ذكية مرة وحدة بس.. هالاشكال بعضهم يدرسون في جامعات كبيرة ..وبعدين هالكلية فيها بنات
نورة:اهااااااااا قولي جذي من قبل...يعني هو ابو البنات مثل اخوج خالد
لطيفة:أي...تعالي مو انتي تركتيني في الكلية؟
نورة:...سامحتج علشاني أعرف انج ماراح تطيحين ضحية له
لطيفة:ولا يحلم
نورة:بس أنتبهي أنتبهي أنتبهي
لطيفة:ولا عليج أنا أم النباهة
.................................................. .....
في بيت بوسالم سالم كان توه راجع من بره
شاف أبوه قاعد بالصالة
سالم:هاي....(وهو ماشي بطريقه أستوقفه أبوه)
بوسالم:سالم
سالم:نعم
بوسالم:تعال أبيك انت واخوك روح ناده
سالم:ok(وراح ينادي اخوه وجلسو بالصالة مع ابوهم)
بوسالم:سمعو ياعيال قررت في عطلة الاسبوع نروح السعودية
سالم وسلمان أستانسو
سلمان:ياسلام
سالم:وأخيراً
بوسالم:أبيكم تتزهبون
سلمان:يبه متى نسكن هناك للأبد؟
بوسالم:متى ما تقاعدت وانتهى الشغل
سلمان:ومتى بتخلص شغلك؟
بوسالم:باقي لي كثير لاتحنون فوق راسي
سالم:يبى صح كلام سلمان أن تخرجت خننقل
بوسالم:سكو هالموضوع وأعتقد سمعتو اللي قلت
سالم:ايه
بوسالم:يللا أنا بروح أنام وانت ياسالم.. نفس الشي سلمان.. لاتكثرون طلعات
سالم وسلمان:أنشالله يبى
وراح بوسالم ينام وبقى سالم وسلمان
سلمان:ياسلام ياسويلم بنروح السعودية بنرد لأهلنا
سالم:ياني مشتاق لهم
سلمان:أي أنت مع جراحو وحمود الثلاثي الغبي
سالم:وأنت مع من؟
سلمان:...معاكم صج مافي أحد كبري
سالم:ههههههههه مسكين
سلمان حب يحرج أخوه مثل ماضحك عليه:أقول سويلم
سالم:هاه
سلمان:أنت ليش تخاف من أبوي؟
سالم ماعرف شيقول:هاه...لا ما أخاف منه
سلمان:موعلينا أنت تخاف من ابوي
سالم:قلتلك ما أخاف أنت اللي تخاف
سلمان:سالم معليه أنا أخوك
سالم:ااااه هو اللي خوفني منه ...احس انه وحش...مايحبني...دايماً قاسي معاي..يمكن أنت ماتشوف جذي لانه يعاملك أحسن...بس أنا...أنا أخاف منه لانه متوحش..طلق أمي بدون سبب مبرر..مدري حاس بجذي
سلمان:لاماعليك ياسويلم أبوي طيب بس لاتشيل هم...اااااه يايمى بس
سالم:أشتقت لها؟
سلمان:أي وانت
سالم:أنا لا
سلمان:ليه هذي أمك اللي ربتك وعلمتك وحبتك وتعبت عليك ياسالم
سال:عمرها مااهتمت فيني لاهي ولا ابوي
سلمان:شكلك تعبان نفسياً
سالم:لا مافيني شي...أنا طالع أنام
................................................
نور ورهف كانو بغرفتهم
نور:أقول رهيف
رهف:خير
نور:عمي يعقوب وعياله بيجون هالأسبوع
رهف:والله!!شدراك؟
نور:أي والله أبوي قالي
رهف:زين فيه تطور تصدقين يمكن من4سنين تقريباً ماشفت عيال عمي
نور:حتى أنا ماشفتهم...بس تتوقعين هالزيارة وراها شي؟
رهف:مدري...يمكن أشتاق لاهله
نور:يمكن (وسرحت)
رهف:مين اللي سرحتي عشانه؟
نور:مالك شغل
رهف:شفيك أنتي تبين كف؟
نور:أنتي فكري بمين سرحت
رهف:تحبين يانوير
نور:مين أحب...مااحب أحد
رهف:هم من اللي جايين من الكويت؟
نور:أف...أي
رهف:لايكون سالم ولد عمي
نور:شلون احبه وانا ماشفته من4سنين
رهف:أجل مين؟
نور:هو خلاص
رهف:عارفة أنك تشوفينه بالخفة تطلين واهو يدخل ويطلع أن جاو في الأعياد
نور تهز راسها بالإيجاب:تبين الصراحة..أنا مو بس أحبه أنا أموت فيه
رهف:الله واااااااااو تموتين فيه شهالرومانسية
نور:رهـــــــف
رهف:خلاص خلاص...بس شتحبين فيه؟
نور:وشو شتحبين فيه موعاجبك انتي وخشتك؟
رهف:ولد صايع بدرجة مثل جراح ولد عمتي
نور:شدراك؟
رهف:باين اعرفه
نور:بس هو طيب..وخلوق...وحلو
رهف:الحب جنون...يمكن مايفكر فيك تعرفين البنات هناك ياكثرهم وياحلاتهم في الكويت
نور:وأنا شدخلني!!المهم أني أحبه
رهف:ميتة فذا العصقول؟!!الخكري
نور:عصقول بعينك بالعكس جسمه حلو ماشفتي خطيبك العصقول المدمق
رهف:لا تغلطين صحيح انه مدمق بس طيب وحلو بعد
نور:بس مو أحلى من حبيبي
رهف:تراك مصختيها أنتي وحبيبك ذا
نور:موتي حرة
رهف:على وشو ياحسرة على ولد عمك الصايع! المايع!
نور:رجاءً لاتغلطين
......................................

تابع الجزء السابع...
كان في ليلة الخميس الأخوان أحمد وعبد الله وعبد الرحمن وعيالهم مجتمعين في بيت عبد الله عازمهم عالعشا كان البيت فيه حركة سوالف وضحك ووناسة
في غرفة البنات كانو موجودين آلاء وفاطمة وحنان ولطيفة وسارة
حنان:هالطوف شلون الكلية؟
لطيفة:والله زينة ماهي دروس صعبة مثل ماتوقعت
فاطمة:بصراحة سنة أولى صعبة
لطيفة:أوف صعبة أكيد بس شرايج آلاء في سنة ثانية وثالثة
آلاء:سنة ثانية سهلة وثالثة مايحتاج
حنان:بس اللي قاهرني هالقعدة بالبيت
لطيفة:اشتغلي مرة ثانية
حنان:أخاف أطلع مرة ثانية وبعدين من وين احصل شغل وابوي مايرضى
لطيفة:والله حالة....حنان أنا خلاص نفذ صبري
حنان:شلون بعد نفذ صبرج؟!
لطيفة:خلاص لازم نجمعكم في عائلة سعيدة
حنان:أقول أنا ما أفهم بالألغاز
لطيفة:بقول لخالد يجي يخطبج
حنان:ماش الله ليه أنشا الله شذا اللقافة
لطيفة:في وحدة ماتبي تتزوج؟!
حنان:مو ألحين حبيبتي
آلاء:مسكينة قاص عليها أخوج
حنان:هه يقص علي يخسي
فاطمة:ألا حنانو هي تقص عليه موهو
حنان:صح
لطيفة:شهالحب المعقد!
حنان:وإذا قص علي واللا خاني ما أخليه بحياته
فاطمة:يمه خطيرة
لطيفة: بنات بعترف لكم اعتراف خطير
البنات بفضول:شنو
لطيفة:بس بشرط ماتعلمون أحد
حنان:okماراح نعلم بس قولي
لطيفة:بنات أنا......أنا أكلم واحد
البنات أندهشو:وااااو لطوف
لطيفة:لحظة..لحظة ماكملت
حنان:حبيبتي مافي مجال من تكلمين وتحبين يللا قولي؟
لطيفة:لا أنا مأحب..أنا أكلم مثل حالتج
فاطمة:ترا هالمكالمات وراها بلاوي
آلاء:لحظة شوي خلو البنت تكمل كلتوها
لطيفة:فيه واحد قط علي رقم ترددت بالاول بس بعدين قلت ليش ما أتصل عليه
حنان:وبعدين
لطيفة:وبعدين..أتصلت عليه كلمته بجفاء بس أغلب المرات هو يتصل
حنان:شلون أوصافه شكله مثلاً رومانسي زي جذي يعني ؟!!
لطيفة:هو حلو..شكله عصري سبايكي يدرس جامعة سنة رابعة
آلاء:بأي كلية أو جامعة؟
لطيفة:كلية الطب
فاطمة:ماشا الله كلية الطب هالأشكال تتفلسف!!
لطيفة:لحظة خلوني أكمل..حيل جذاب وفوق جذي رومانسي بس أنا ما أعطيه مجال حق رومانسيته
حنان:ليه حرام؟
لطيفة:أحسن..عيب ماحب حركات الشباب هذي
حنان:ماعليه صيري رومانسية شوي معاه بيتعلق فيج
لطيفة:أخاف أنا اللي أتعلق فيه وايد رومانسي
آلاء:بس لاتنجين عليه
لطيفة:يعني أصير مجنونته!أستحالة...أصلاً هاذولا الشباب نصابين
فاطمة:أكيد
لطيفة:ونادر اللي يبون يتزوجون جداً
حنان:بس في بعضهم مهما تشوفينهم يكلمون يتعلقون ببنت وحدة
لطيفة:يعني شلون؟
حنان:يعني لو واحد دايم يكلم بنات يشوف بنت غير يحبها هي الوحيدة مهما عرف من بنات
لطيفة بس نادر...عالعموم أن مستحيل أصير مجنونته
.................................................. ..
هل معقولة لطيفة راح تحب سالم من كل قلبها وتصير مجنونته؟
ونور وحبها لسالم هل هو بيبادلها ولو جزء بسيط من الحب؟
وش بيصير بالسعودية لعايلة بوسالم؟
أنتظرو الجزء الثامن



لامارا غير متواجد حالياً  
التوقيع







رد مع اقتباس
قديم 06-01-12, 12:13 AM   #9

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
Rewitysmile18

الجزء الثامن:
في طلعة سالم مع ربعه ياسر وجاسم وطارق وطلال <<<جاسم صديق سالم المقرب لأنه معاه من أيام المراهقة وفوق كذا مهما كان جسوم صايع وفّي>>>
في شقة سهرتهم ^^
سالم:اااااااااه ياجسوم شقولك بس تعبااان
جاسم:هالسرح هذا مايقول جذي..تعبان واللا عشقان؟
سالم:الثانية زين
جاسم:أما هذي عاد قوية سالم عشقان؟!! وتعبان من العشق؟!
سالم:وليش ماعندي مشاعر أصلاً أنا رومانسي
جاسم:رومانسي ماننكرها بس تعشق لا
سالم:الرومانسي طول عمره يحب..بس آخر وحده من البنات اللي رقمتهم شي رهيب ياجسوم
جاسم:شلون يابو العريف؟
سالم:رقة ودلال وجمال وشرف
ياسر:يعني اللي ترقمهم مافيهم شرف؟
سالم:لا ما أعتقد
طارق:عيل ليه تكلمهم؟
سالم:أولاً أسأل نفسك كاأنت تكلم
طلال:أي والله صح كلنا نكلم صراحة بنات
ياسر:ياليته يحبونا كذابين
طارق:لا بس فيه يحبونا حتى لو قصينا عليهم
والكل يضحك
سالم:بس بصراحة أنا أكثر واحد مذوب البنات
الشباب قامو عليه
جاسم:مصدق نفسك؟!!!!
طلال:مالت عليك
ياسر:من حلاتك عاد
طارق:تخرع!!!! (مع أن سالم يهبل بس تعرفون الشباب)
سالم:يمة كلكم تغارون مني ليه؟
ياسر:أقول روح لابكف أعدل مخك
جاسم:والله يخرع ويقول مذوبهم
سالم: أقول بصراحة أنا مشتهي كاس يعدل مزاجي
ياسر:بس أنت! كلنا مشتهين يللا قومو
وقامو يشربون (خمر) المشروب السام اللي يخلي شاربه يخربط ويتخبط
وهم يشربون
جاسم:وأبرار ياسالم وين راحت
سالم:فكنا منها الله يخليك أبي أعدل مزااااااااجي
.................................................
السعودية>>الخبر
جراح:يمه...يمه....Mammy
أم جراح (جوهرة):مامي فعينك خير
جراح:ترى أناطالع مع ربعي
أم جراح:زين تعدلت والله من متى أنت تستأذن
جراح:من أمس خخخخخخ (ويطلع)
أم جراح:الله يهديك ياجراح
ويرن التلفون
وترد أم جراح:ألو...هلا والله بخوي بوراشد شلونك شخبارك
بوراشد(سعود):بخير والله يا اختي انتي شلونك بشريني عنك
أم جراح:والله عايشين ياخوي
بوراشد:المهم..أبي أقولك أن اخوي يعقوب جاي هالأسبوع هو وعياله
ام جراح:حياهم الله اخوي وعياله
بوراشد:عاد نبي نجتمع كلنا في بيتي أنا مسوي لهم عزيمة ونبي الأستقبال الزين
ام جراح:ما أمرت شي يابوراشد..طيب وبدرية مرت بدر الله يرحمه وبنته
بوراشد:أنا قلت لنور تبلغهم يجون
ام جراح:ياني مشتاقة لخوي وعياله نادر ماأشوفهم صغار بس حليلهم عياله
بوراشد:ماشاالله سالم اللحين بيتخرج وسلمان في الثانوي وتقولين صغار
ام جراح:اجل خلاص زين أدور لسالم بنت الحلال
بوراشد:ههههه بتزوجينه؟
ام جراح:أي مافيها شي ولد اخوي وحسبة ولدي..وأنا لقيتها
بوراشد:من؟
ام جراح: بنتك نور موجودة
بوراشد:بنتي نور؟...ماادري
ام جراح:ايه الله يوفق الكل انشاالله
(حاله)
.................................................. ..
الكويت
في المجلس عند الرجال
عبد الرحمن:والله من زمان عن هالقعدة مع بعض
أحمد:منشغلين بهالدنيا
عبد الله:أي وانت الصادق يكفي البلوتين اللي عندي
عبد الرحمن:المهم أن احنا أجتمعنا مع بعض وما شغلنا شي
من جهة ثانية من المجلس خالد ويوسف
خالد:شلونك يوسف؟
يوسف:أبيض مو أسمر مثلك هههه (ملاااااااقة)
خالد:ههههه...يالسخيف للحين على سخافتك؟!!
يوسف:أنا سخيف ياولد عمي حرام عليك؟!
خالد:مافي جديد عن الدراسة؟
يوسف:مانت قد الكيمائي
خالد:ماشا الله ولا انت قد التقني
عبد العزيز قط:هاشخبارك يوسفو من زمان عنك؟
يوسف:انت اللي من زمان عنك ياعزيز
عبد العزيز:أشتقت لسوالفك وهبالك
يوسف:أنا أهبل؟! أنا سيد العقال
ناصر:اما عاقل ماشالله عاقل
يوسف:شفت
ناصر:أدافع عن ولد عمي
يوسف:وين ولدك حامدو؟
ناصر:هناك عند الحريم
خالد:ابو البنات اللي مايستحي
يوسف يكلم خالد بصوت واطي:شكله محلوة الجلسة هناك عند البنات
خالد ويوسف:هههههههههه
خالد ويوسف أصدقاء وعيال عم يحبون بعض مرة واذا أجتمعو أنواع السخافات عندهم بس يمّوتون ضحك
...............................................
جا اليوم اللي تروح فيه عايلة بوسالم السعودية وتحديداً الشرقية الخبر وكانو مستانسين
بوسالم:إذا جينا بنروح مابي ذا الخلاقين اللي تلبسها أنت واخوك
سالم:أي خلاقين؟!
بوسالم:الجنوز والتي شيرتات...أبيك انت واخوك تلبسون دشداشة الثوب والغترة وابي كشخة خليجي واللي يشوفك يقول هذا سعودي عن ظهر قلب
سلمان:أوف ما أطيق الثوب
سالم:me to صراحة
سالم مايحب يلبس الثوب ولايلبسه يحب يلبس جنوز وتي شيرتات ونفس الشي أخوه
بوسالم:واشفيه الثوب انت وياه هو رمز الأصالة من عاداتنا وتقاليدنا
سالم:يبى هني ثلاثة أرباع الشباب بالجنوز حتى هناك بالسعودية
بوسالم:أصلاً كل الخليج لازم يتعلق بالعادات والتقاليد....يللا أبي أشوفكم بالثياب رايحين لعمكم سعود.. يللا نمشي جدامنا طريق طويل
سالم بضجر:انشاالله يبى
وراحو وغيرو ولبسو أول شي سلمان لبس الثوب وكان كشخة بس مهما كان مراهق يعني مبهدل شوي وبعدها جا سالم لبس الثوب السعودي مثل اخوه والغترة طبعاً والعقال بالغترة الحمرة كان مره شكله حلو و رزة <أحسن من الخلاقين اللي يلبسونها شبابنا> هع هع هع
بوسالم:أي شوفو مشاالله شزينكم بالثياب وكانو سالم وسلمان متضجرين
.................................................. .....
نور كانت منسدحة على السرير تفكر بحبها الآنسة اللي جاي اليوم تبي تشوفه بلهفة وكانت تسمع كلام أختها تكلم حسن خطيبها (مليكها) وهي مستانسة وهي معاها بالغرفة
رهف:كلامك حلو زي العسل...you to ..حسن
حسن:لبيه
رهف:أنا وشو بالنسبة لك
حسن:أنتي كل شي بحياتي أنتي هواي اللي أتنفسه ......
وقعدت رهف تسمع الكلام الحلو وتذوب ونور تطالعها وتقول بخاطرها:الله ياليت أصير مثلك يا رهف ياليت أشوف اللي تشوفينه من حب من حبي سالم
.................................................. ..
في بيت عبد الله عند الحريم كانو أماني ونوال وام يوسف وام ناصر
أماني:اااه يا خالتي ام ناصر من زمان ماشفتج
ام ناصر:ياحبيبتي يا أماني عاد شنسوي الظروف
أماني:ايه بس الحمد لله شفتج
ام ناصر:الله يسلمج
نوال:ألا وين سعد وحامد
أم يوسف:طلعو يلعبون بالحوش
أم ناصر:ياحليلهم
نوال:اللي قاهرني سعادو ذكرتني بولدها الله يدمرها
الكل سكت.........
نوال تكمل:أشوى ماجات فكة من وجهها
أماني ماعلي يامرت عمي تصالحو ترى التسامح زين
نوال:يعني ترضين علي ياخذ عليج وحدة ثانية؟
أماني:......بصراحة لا بس هو اللي جاها مو هي
نوال:كان رفضت
أماني:عالعموم علي زوجي ومستحيل يسوي جذي وخلاص أنتهت السالفة
نوال:خلاص عيل..اللي قاهرني فيها جريئة ولسانها طويل
ام يوسف:خلاص يانوال
ام ناصر:ماعليه وبخاطرها(شدعو أنتي يانوال ياطول لسانج .....عبد الله ماتهنا بزوجاته أبد)
.................................................

تابع الجزء الثامن
دق جرس بيت سعود بوراشد
عرفت نور أنه عمها وسالم وسلمان قالت لازم أشوفهم فتحت الخدامة ودخل بوسالم وجا بوراشد وحمد
بوسالم:السلام عليكم
بوراشد:وعليكم السلام والرحمة شلونك بوسالم عساك بخير
بوسالم:أنا بصحة وسلامة المهم أنت شلونك
راشد:حياالله عمي
بوسالم:الله يحييك ياراشد من زمان ماشفتك ياولدي
وقعدو يسلمون على بعض فترة لأنهم من زمان ماشافو بعض
ونزلت نور عشان تشوف حبيبها سالم نزلت طبعاًعند الدرج وشافت سالم هي ماشافته من3سنين تقريباً لأن زياراتهم بس بالأعياد وقليلة فنادر تلحق تشوفهم ولما شافته أندهشت بوسامته
نور بخاطرها:هذا سالم!!!!واااااااااااااي يهبل مشالله عليه وهذا اللي معاه سلمان معقولة 3 سنين من ماشفته من زياراته النادرة يصير كذا هذا كل ماله ويحلو خفق قلبها بسرعة تحبه وتموت فيه بس هو بقلبه وحدة بس وهي لطيفة وياليتها تدري بحبه بس بتبين لها الأيام صدق مشاعره مهما كان شاب لعوب بالبنات
نور:تدخل الغرفة باندهاش:رهف....رهف
رهف:خير شفيك أنجنيتي؟؟!!!!
نور:جا عمي
رهف:طيب سمعت صوت الجرس ودريت أنه عمي
وتمت نور تطالع برهف
نور:مو فرحانة؟
رهف:من وشو؟
نور:انه جا.....عمي
رهف:ادري أن موقصدك عمي عطيني من الآخر
نور:جا وشفته كلماله ويحلو
رهف:قصدك سالم؟
نور:أي ياااااااااي يهبل
رهف:شوي شوي يمكن يحب غيرك
نور:مستحيل
رهف:نور حبيبيتي أنتي تدرين أن سالم لعوبي بالبنات
نور:اووووووووووه ماعلي منك
رهف:إذا انصدمتي بالواقع مالي دخل
نور:أنتي ليه تغارين ليه أن حبيبي أحسن من حبيبك...الخطيب الغبي
رهف:ألزمي حدودك هذا خطيبي حبيبي
نور:والله كانه حمار تسيرينه على كيفك
رهف:أنتي مالك دخل وتمي على أحلامك الوردية احسن لك
.................................................. ........


هل راح يدري سالم بحب نور له وهل بيبادلها الحب؟
وجراح شنو ينتظره؟
ولطيفة شصار فيها هل زادت مشاعرها حباً؟
وحنان وخالد هل علاقة حبهم راح تتغير؟
آلاء وينها عن الحب؟وفاطمة بعد؟
ويوسف هل راح يحب بشخصيته الحساسة؟
الكل ينتظره شي من هالاشياء في الحب لا تنسون أن الحب جنون
أنتظرو الجزء التاسع


لامارا غير متواجد حالياً  
التوقيع







رد مع اقتباس
قديم 06-01-12, 12:15 AM   #10

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
Rewitysmile18

الجزء التاسع
في بيت عبد الله للحين على سهرتهم
......
واستأذن سالم من ابوه وعمه أنه بيروح الحمام ويدق جوال على لطيفة
..........................
لطيفة يرن جوالها بغرفة البنات وتشوف الرقم:بنات هووو
والبنات تجمعو عليها
البنات:ردي لطوف بسررررعة..يللا
لطيفة :ok ok برد أكلتوني
لطيفة:ألو
سالم :ألو هلا والله بهالصوت وراعية هالصوت
لطيفة:...هلا سالم
سالم:شالأخبار حبيبتي؟
لطيفة:رجع يقولي حبيبتي ..سالم لاتقول حبيبتي حنا مابينا علاقة تربطنا ببعض لانت خطيبي ولازوجي
سالم:لافيه ياقلبي علاقة تربطنا ببعض وهي الحب.. عيل ليه تكلميني
لطيفة:حب؟!! ..نصاب عارفة أنك تكلم ألف بنت غيري
سالم:.....أنا بصراحة ما أنكر هالشي بس بهالوقت والوضع ما أقدر أكلم غيرج من بعدج لأنج ملكتي قلبي
لطيفة: بهالوقت وبالوضع؟ خير شصاير؟!
سالم:بالوقت والمكان ...لطيفة أنا بالسعودية عند أهلي في بيت عمي
لطيفة بسذاجة:ليه؟
سالم:نسيتي القصة اللي قلتلج أياها؟
لطيفة:أي صح تذكرت
سالم:عشان جذي لا تستغربين من غيابي....يللا غلاي باي
لطيفة:باي!!!
آلاء:ها شصار؟ شيقول؟
حنان:شقالج؟
فاطمة:شالسالفة
لطيفة:يقول أنه هو اللحين بالسعودية
حنان:شيسوي هناك؟
لطيفة:قصة طويلة
حنان:قوليلنا أياها
لطيفة:مواللحين بعدين
فاطمة:لا اللحين يللا قولي
...............................................

السعودية<<المجلس
بوراشد:حيا الله أهل الكويت
بوسالم:الله يحييك المفروض تقول حيالله أهل السعودية
بوراشد:ماغلطت طول عمركم هناك هههههههه
بوسالم:ههههههه
بوراشد:وحيالله سالم وسلمان...والله ماتوقعنكم تجون الله يهديكم ليه ماتبون تشوفونا؟
سالم وسلمان:الله يحييك ياعمي
سالم:بس من الدراسة شوي صعبة عشان كذا ماقدرنا نجي (يرقع السالفة)
راشد:شلون كلية الطب ياسالم؟
سالم:والله تمام بس تعرف القسم اللي أنا فيه يبيله طولة بال
راشد:ماشا الله أجل بتصير دكتور
سالم:مدري يمكن ما أصير دكتور
حمد:بتروح بعثة؟
سالم:شكلي ودي أروح بعثة
حمد:اللحين داخل كلية الطب ويمكن ماتصير دكتور أجل وش بتصير؟!
سالم:ودي أستنسخ أصير عالم استنساخ
حمد: هههههههه عالم استنساخ لا وعالم بزر
سالم:جب ترى الفرق اللي بيني وبينك سنة وحدة بس
حمد:"يكمل ضحكه" لاتزعل ياعالم الاستنساخ أنت.. قلنا قسم مختبرات بس مو عالم استنساخ
راشد:أحسن منك يمكن يتحقق اللي فباله لاتحطمه
سالم:تستاهل ماحد قالك تضحك علي أنت ماتعرف شي عن الاستنساخ
حمد:وانت ياسلمان شلون الثانوية معاك ؟
سلمان:أقول زفت لا تسألني عن الدراسة
راشد:هاه!!! شدعوة لهالدرجة جاحد الدراسة؟
سالم:يبى هذا مايدري عن هوا داره
سلمان:مالك شغل شدعوة أنت يابو البنات
سالم:أسكت لايجيك شي عمرك ماشفته
راشد:شششششششششش خلاص أنتو اخوان عيب عليكم تتهاوشون
حمد:يعني أنتو كذا طول عمركم بالبيت
سلمان:يتحرش
سالم:هذا جزاي علشان مصلحتك انت وويهك
بوسالم أنتبه لهم:بس خلاص عيب عليكم تتهاوشون ببيت عمكم
.......................................



جراح يسأل امه:زينة كشختي يمه؟
أم جراح:إيه بس أسال أبوك
بو جراح:ماهوب رجال ولد أمه
جراح:ها بدينا نغار
بوجراح:فكنا من خرابيطك ياجراح
جراح:ماقلتلي زينة كشختي يبه؟
بوجراح:ايه ماشالله عليك كشخة بالثوب...يللا نمشي يام جراح تأخرنا
ام جراح:يللا مشينا
.............................................
نور:أجل وشفناك يامها
مها:عاد شسوي ذا الحلوين متعبيني
نور:تعالي رغودة هنا وانت ياسعود تعال ياقلبي"وتحمله الدب"
رهف بغرورها المعروف:شلونك مها؟
مها:حمد لله بخير وانتي شلونك
رهف:بخير يامرت اخوي القاطعة
نور:ياناس أمل تأخرت
رهف:لاتنسين انها جاية مع عمتي جوهرة ماعندهم أحد يوصلهم
مها:والسواق وين راح؟
رهف:بس مع عمتي أحسن
يرن الجرس
نور:هاذا هم جو
وفتحت الخدامة
ودخلو الرجال للمجلس بوجراح وجراح
والحمريم ام جراح وبدرية و أمل للحمريم
بعد ماسلمو
مها:هلا أمول اشتقنالك وينك؟
أمل:بهالدنيا
بدرية:والله هي ميتة على شوفتكم
مها:فيها الخير
نور:أخيراً جيتي بيتنا!
رهف:أي والله أخيراً جيتي
أمل:عاد شسوي حتى أنا اشتقت لكم والله
.............................................
جراح:هاسلوم للحين على هبالك؟
سالم:قول انت اللي للحين على هبالك
جراح:كلنا بالهوا سوا
سالم:ههههههههه أي والله
جراح:اليوم السهرة مع الشباب
سالم:وانا شعرفني فيهم
جراح:لاتصير منعزل تعال مع ربعي بعرفك عليهم
سالم:ok....شلونك مع البنات قاطعتهم؟
جراح:لاااااا قاطعتهم للحين على الترقيم
سالم:مثلي متلك صديقي أنت
جراح:والله ماينمل من البنات
سالم:ههههههه لاعبين بعقولنا
جراح:ههههههه قول حنا اللي لاعبين بعقولهم
سالم:أي والله....جراحو
جراح:نعم
سالم:ودي تمشية بالخبر
جراح:اليوم بمشيك أنت وسلمان آخر تمشية في الخبر والدمام بدور راسكم
سلمان:والله جد؟ أبي أتمشى
سالم:زين زين لاتموت
جراح:على أمركم...بوديك الراشد والكورنيش وبكرة الظهران واسرح وامرح بالبنات
سالم:أكيد عشان الغز
جراح:أشكال روووووعة
سالم:بس بالكويت أروع هناك تشوفهم بلا عبايات ولاشي
جراح:أكيد داري
وبو سالم وبوجراح من جهة والشباب من جهة ثانية اللي يسالف عن الأسهم والشركات وال****ات والشباب عن السيارت واللاعبين والكورة والغز بالبنات
................................................
آلاء:لطوووف نامي معانا اليوم أنتي وفطوم
لطيفة:ليه ماعندي بيت؟!
فاطمة:أي والله ماعندنا بيوت؟!
آلاء:لابس قعدو معانا ونسونا على الأقل لين الصباح وتمشون
حنان:يللا عاد يالسخيفات
لطيفة:قولو لفاطمة مدري عنها
فاطمة:توهقيني يالزفتة!!!
حنان:يللا عاد بلا دلع
لطيفة:بلا دلع هاه!
حنان:فطووووم لطوووووف يللا عاد نامو عندنا
فاطمة:نفكر
لطيفة:أي صح نفكر
حنان:لطوف لطوف
لطيفة:نعم
حنان:خالد هني؟
لطيفة عرفت:أي هني شتبين فيه
حنان:سلمي عليه
لطيفة:ههههههه قديمة وشنو بعد تبين منه؟
حنان:قوليله يتصل فيني موكله أنا اللي أتصل أحس اني أنا اللي متلزقه فيه
لطيفة:ok....عشاق آخر زمن
..................................................
طلعو سالم وجراح وحمد وسلمان للراشد بعد ماغيرو ولبسو الجنوز والتي شيرت ونططو شعورهم كالعادة
وهم بستار بكس اللي بالراشد
جراح:ها موناوي ترقم اليوم؟
سالم:والله بشوف الللي تعجبني
جراح:وين شكثرهم يللا عاد
سالم:والله ماودي أخون
جراح:أحلا ياسويلم حبيت من جد؟
سالم:تقريباً تقول جذي
حمد:أنتو شقاعدين تقولون؟
جراح:سلامتك ياولد خالي مافينا شي
سلمان:لازم نعرف هاااااااه شفيكم؟
سالم:أنت شدخلك يالبزر بلا لقافة
سلمان"يعايب":أنت شدخلك يالبزر بلا لقافة ...أنتو تبون ترقمون داري
سالم:أنقلع وانطم لا بكف على ويهك
جراح:أهجدو انتو يللا بس خنتمشى وخلونا من هواشكم
.................................................. ..
كانت أبرار طالعة مع صديقاتها بمجمع كانو قاعدين عند محلات الكوفي شوب
مريم:شخبارج مع سالم؟
أبرار:تمام...بس هالأيام أحس أنه مو مرتاح معاي
تهاني:شلون يعني مو مرتاح؟
أبرار:يعني أشك أن له علاقة مع بنت ثانية خصوصاً أن بعض المرات أشوفه مع بنات غيري بالجامعة
مريم:بس أشوف بعيد ميلادج علاقتكم تحسنت وايد
أبرار:أيه رد سالم الأولي بعيد ميلادي
تهاني:عيل خلاص ليش الهرج عليه يمه ميتة فيه
أبرار:أموت عليه
مريم:شوي شوي لاتموتين علينا بس!
تهاني:ياليت هو يحبج مثل ماتحبينه
أبرار:عارفة أنج غيرانة مني يا تهاني ليش ان ماعندج حبيب
تهاني:الحمد لله والشكر!
.................................................. .
نور:أمل شفتي عيال عمي سالم وسلمان؟
أل:كني شفتهم
نور:شفتي سالم؟
أمل:مدري لا
نور:يوووووووووووه يهبل...حلو مره
رهف:بلا قله أدب
نور:أنتي لك خطيبك وخلاص
مها:أي جد عيب
نور:مافيها شي قلت حلو ويهبل
أمل:ماشفته ولاادري عنه
نور:مها شخبار زوجك القاطع أكيد لاعب بحسبتك؟
مها:ههههههههه..أخوك بخير وبعدين حرام لاتقولين عنه كذا بالعكس هو يدلعني وأتحدى إذا جاك زوج مثل زوجي
رهف:والله وطلع اخونا ناس وناس يانور
أم جراح انتبهت لهم وهي قاعدة تسولف مع بدرية أم أمل
أم جراح:بنات بلا هالهرج ويللا نقوم نجهز العشا تأخرنا
نور:الشباب مهوب موجودين مابقى أحد
أم جراح:ليه وين راحو ....ايه صح تذكرت جراح طلع مع العيال
نور:ما أعتقد أنهم بيتعشون ...تر ى مابقى ألا راشد وعمي وعمي ورجل عمتي
رهف:شمقعد راشد عند الشياب ؟!
أم جراح طالعتها بنظرة
نور:والله شكله بيطلع اللحين وهذا وجهي أن ماانحاش
...............................................
سلمو البنات على بنات عمهم لطيفة وسارة وفاطمة على حنان وآلاء
آلاء:عاد نبي نشوفكم
لطيفة:انشا الله
آلاء:وانتي بعد يالملقوفة سويرة خنشوفج
سارة:زين...بس حتى لطيف ملقوفة
لطيفة:"تشهق" أنا....تحطين التهمة علي؟!
سارة:أي في كل شي تتليقفين بعض الساعات تشوف أخواني ولاابوي يتكلمون وتجي وتقول"مين؟"
لطيفة:أنا اعترف أسويها بس مو كثرج
فاطمة:يللا مو طالعين اللحين؟
لطيفة:الا جايين بس شايلة همنا؟
فاطمة:كيفكم يللا باي
لطيفة:يللا مع السلامة وتعالو لنا
حنان:انشالله نشوف عاد
وتوهم بيروحون
حنان:لطيفة
لطيفة:نعم
حنان بهمس:سلمي على خالد
لطيفة:هذي المرة الثانية اللي تقوليلي اياها...ok ذابحج خالد
حنان:ههههههههه
..............................................
راشد:يللا عن اذنكم مع السلامة
بوراشد:وين رايح ياراشد؟
راشد:يبى بروح البيت عندي شغل بنام
بوراشد:على راحتك
راشد:يللا مع السلامة
الكل:مع السلامة
................
دق جوال مها:هذا راشد
مها:ألو....أوكي اللحين بطلع باي
نور:بتروحين؟
مها :أي مع السلامة
نور:ماقلتك أخوي بينحاش طلع كلامي بمحله
مها:هههههههههه مع السلامة
وسلمت عليهم وطلعت مع زوجها وعيالها
بالسيارة>>>
كان سعود بحضن أمه ورغد مجلسينها ورا
مها:شفيك طلعت بسرعة طلع توقع نور بمحله؟!
راشد:نور قايلتلك اني بطلع؟
مها:أي وكنها تدري
راشد:والله قعدة مع الشياب شسوي وانا توني شباب
مها:أدري انك شباب وصغير كان طلعت مع عيال عمامك واخوك
راشد:طلعتهم سخيفة تصدقين راحو بدلو ملابسهم وبعدين طلعو
مها:طيب هاذا هم كاشخين!
راشد:لا حبيبتي يلبسون ذا البدل ويسوون شعرهم سبايكي ويدورون بهالمجمعات
مها:معلي شباب طايشين مصيرهم بيتعدلون
راشد:بس أنا أحسن الشباب صح؟
مها:بنظري أكيد أحسنهم وأطيبهم وأنظمهم وأحلاهم بعد
راشد:أما عاد شدعوة؟!
مها:معلي زوجي وحبيبي وبمدحه
راشد:ياحبيبتي يامها
مها:ياحبيبي ياراشد
وتمت مها تطالع بزوجها تتأمله مملوح حنطي عيونه واسعة وحلوة تذبح ومها بنظرها زوجها أحسن واحد بالعالم بكل شي بالأخلاق والجمال والطيبة
راشد:شفيك تطالعين فيني؟
مها:معجبة
راشد:هههههههه معجبة؟!
مها:وأحب مابي نبتعد عن بعض
راشد بنظرة ساحرة:الله لايحرمني منك يامها
مها: ولا يحرمني منك يابو عيالي
................................................
شنو مصير حنان وخالد هل بيتزوجون ولا لا؟
ومها وراشد شبيصير لهم بعدين؟
سلمان شينتظره من أيام مراهقته؟
وأبرار هل بتبتعد عن سالم يوم من الأيام واللا بتزيد علاقتهم ببعض؟
والأهم سالم ولطيفة شاللي ينتظرهم؟
الأجزاء كلمالها وتزيد إثارة أكثر وأكثر
وان قريتو لاتنسون الردود اللي يقرا يرد القصة راح تذوب البنات القارئات
هههههههه باي وانتظرو الجزء العاشر عما قريب ان شاء الله


لامارا غير متواجد حالياً  
التوقيع







رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

الانتقال السريع


الساعة الآن 11:09 PM



Powered by vBulletin®
Copyright ©2000 - 2024, vBulletin Solutions, Inc.