أنا الشموخ ومارضيت البهاذيل كسرت خشم الناس من قو ذاتي .. للكاتبه : ظميانة عشقهy

[babo]

بسم الله الرحمن الرحيم
صباحك رضا دلع
رواية قوية ورائعة
وبارتات جميلة
الجازي شخصية مميزة جدا تستحق الاعجاب
ريم لماذا كل هذا الضعف
عزيز لي شايل من اولاد عمه
ولا يكون ماراضي انو ابوهم ياخذهم معاه
يستاهل الكف ولو اني ما بحبذ الضرب لكن هو الحشرو شنو
طلال حب جميل وراسخ يارب يستمر ويتوج
يسلمووووووووو
دمتي بود

[دلع الكويت]

المشاركة الأصلية كتبت بواسطة em esoos

السلام عليكم ورحمة الله وبركاته

الف مبروك يا دلع تستاهلين يا غاليه الى الامام

ام السوس

المشاركة الأصلية كتبت بواسطة صبوحة2008

هلا والله وغلا بدلوعتنا دلع الكويت

المشاركة الأصلية كتبت بواسطة babo

بسم الله الرحمن الرحيم
صباحك رضا دلع
رواية قوية ورائعة
وبارتات جميلة
الجازي شخصية مميزة جدا تستحق الاعجاب
ريم لماذا كل هذا الضعف
عزيز لي شايل من اولاد عمه
ولا يكون ماراضي انو ابوهم ياخذهم معاه
يستاهل الكف ولو اني ما بحبذ الضرب لكن هو الحشرو شنو
طلال حب جميل وراسخ يارب يستمر ويتوج
يسلمووووووووو
دمتي بود

يسلمو حبايبي على المتابعه الرائعه والتواجد الأروع

دقايق البارتين عندكم

وديــ ...

" دلع الكويت "

[دلع الكويت]

	((7))

	وناظرت برا....أبغى ريم تسكت....من غير ما أجرحها....أنا قاعده أجاملها وأسولف معاها....ابغاها تسكت....والكل قاط أذنه عندنا....طلعنا من الدمام وانا أحس الجو بيخنقني....مابغى أطلع بس وربي لأطلعها من عيونكم.....صرخت ريم بطريقه فزعتني :يووووه شوفي حارقيني أمي وخالي اتصالات..... تنهدت بداخلي بضيق وأنا أشوف ريم تتصل عليهم:هلا يمه.....وبخوف...هاه لا والله مافينا شي....بس...هاه الجازي...ماأدري....وبسؤال غبي...الجازي ليه مغلقه جوالك.....سفهتها.....هلا خالي....والله مافيها شيء.....وبخوف...والله هذي هي مافيها شيء..ومدت لي الجوال....جازي خذي خالي يبغاك.... قلت بقل صبر...وأنا أأشر على جوالي.:ذا وشو؟....ناظرتني بغباء....قوليلهم مابغى أكلم أحد...وأنا لابغيت أكلمهم...بأكلمهم ....ويالله سكري... ناظرتني بصدمه....وكلمت خالي:سمعت....وبخوف...وأنا شدخلني....أوكي باي.... وسكرت الجوال...وهي تناظرني...أقل من ثواني....ورد جوالها يدق....ناظرتها بضيق:منو؟..... قالت وهي تبغى ترد:أمي.... جريت الجوال قبل ترد...وأغلقته ورميته عليها....وبتهديد:أنا أحذرك...لاتبطلين جوالك.....مالي خلق ازعااااج.....أوكي.... قالت بضيق:طيب.... الكل التزم الصمت....ونمشي بالطريق....وشوي وقطعني من سرحاااني....صوت سلطان اللي توه صحى من النوم:أنااا وين؟... الكل التفت عليه....وناظرته بحنيه:هلا حبيبي صحيت.... ناظر الكل باستغراب:هذولا من؟.....وبصدمه...حنا وين رايحين؟..... قلت وانا امد يدي لشعره واعدله:بنروح مكان مفاجأه....طيب قلبي..... قال بهدوء:طيب.... سكتنا....قال سلطان بضيق:جوجو اختنقت....ابغى هوا.... قلت بضيق:تحمل ياقلبي....وش نسوي بالقرارات اللي تنقال....ومادري شتبي؟..... قال ناصر بضيق وهو يلف علي:شقصدك يابنت أمك.... قلت بغرور وأنا أشوف الضيق بوجهه:يشرفني....وبعناد....ياح� �اته من اسم....وبنغزة وأنا أشوف عيون عزيز اللي تبغى تذبحني....واذا تبي توصلني للسما قلي يابنت فيصل.....وبهدوء....وقصدي ياولد الناصر...أنك دامك تبغى تأخذنا من خوالي....جايب سيارة سنعه.....مهوب هالسيارة اللي استغفر الله.....حاكرينا فيه....وبخبث.....نصيحه مرة ثانيه خذ قراراتك بعقلانيه أكثر.... عزيز أخذ بريك قوي....وكلنا نطينا قدام....ولف علي....وبتهديد طيح قلبي:انثبري وابلعي لسانك.....لا والله ادفنك بهالخلا....وماحد بلايمني....وبصراخ...لعنبودار� �....انتي من شنو مخلوقه؟....لاتحشمين احد.....ولاتهابين..... ناظرت عيونه اللي ترعب....وتصنعت البرود....وبحده:احشم نفسك أنت.....واعرف من تكلم.....لاتشوف اللي بعمرك ماشفته..... ولاتحسبني مثل غيري أسكت....لاياماما....بعيده عن شاربك.....وبثقه...أنا وحده قد كلامي وافعالي....أقولها بوجهه ولايهمني أكبر راس....بس العتب على اللي يسوي فعايله الشينه....وداسها.....ذا رجال ياولد حمد.... الكل شهق بصدمه....مد يده بيضربني....بس مسكه أبوي برجا:تكفى ياعزيز....اسكت عنها....تكفى انك تمسحها بوجهي...وبعصبيه لف علي...ابلعي لسانك يابنت لاتشوفين وجهي الثاني....ووالله ان سمعت حسك لأدفنك هنا..... قلت بضيق:قوله هو يسكت وانا اسكت.... تنهد أبوي بضيق...وهو يفتح زراير ثوبه....ناظره عزيز اللي وجهه مايتفسر....وتنهد بتعب.....وكمل يسوق.....وحتى مالتفت لي.... سلطان كانت عيونه ضايعه....ويناظرهم بكره....قال بضيق:جازي أبغى أجي عندك.... قلت بهدوء:حبيبي أنت عندي....السيارة ضيقه....مانقدر نتحرك.... قال بضيق أكثر وهو يناظر ريم ويضربها بكتفها:أنتي حماره قومي....ليه تجلسين عندي....أبغى أجلس عن الجازي....... قالت ريم بعصبيه:سلطانوووه ووجع.... قلت بعصبيه أكثر:يوجعك....ريم شالسالفه.....وبعدين يعني.... قالت بضيق وهي ماسكه يدها:شوفيه وجعني بيدي....ضربني.... قلت بضيق:ولو لا تدعين عليه.....وسلطان ليه ضربتها؟.... قال بعصبيه:تستاهل وصخه حماره.....شوفي ضيق المكان...رجولي قامت تعورني.....وبترجي....أبغى اجي عندك..... قلت بضيق:خلاص حبيبي الحين نوصل.....علشاني اسكت.....طيب.... قال بدون نفس:طيب.... سكتنا.....ربع ساعه...وقال سلطان بعصبيه:جااااااااااااااااا� �اازي..... كنت سرحانه وقطع علي....قلت بنرفزة:خيــــــــــــــــ� �ر...... قال بصدمه:ليه تكلميني كذا؟.....أنتي وصخه....حمارة.....قليلة ادب....أنا جمااااااااد أنا تكلميني كذا..... الكل كان يبغى يضحك على جماد.....بس مسكوا أنفسهم.....وأولهم أنا....قلت بحنيه:آسفه حبيبي.....وبخبث...ما كنت أحسبك تكلمني أنت.... قال سلطان بغباء:أجل كنتي تحسبيني منو؟.... قلت ببراءه ونذاله:كنت أحسبك ذا.....وأشرت على أبوي..... ريم شهقت بصدمه....وسلطان بضحكه خبيثه:ماتحبينه أنتي صح.؟... هزيت براسي ايه....ناصر وجهه صار أسود....صح كسر خاطري بس.....يتوكل ماحد قاله يسوي سوالفه معانا.....ناظرت سلطان أبي أضيع الموضوع:المهم شنو كنت تبغى؟.... قال وهو يتذكر...وبضيق:ايه صح....جوجو جيعاااااااااان.... تذكرت بضيق....يووووه هو صح ما أكل شيء من أمس.....من سهرتنا والحلويات اللي بلعناها......قلت بضيق وأنا أناظر ريم:مافيه بجنطتك أكل.... قالت بصدق:لا والله ماعندي.... قلت بضيق:أووووووف....الله يلعنك يالشيطان نسيت......وبحنيه....حبيبي تحمل شوي.....وبس نوصل أطلب لك....أوكي.... قال بعصبيه:مابغى أبغى الحين....بطني توجعني..... تنهدت بضيق.....قال أبوي بحنيه:يخسى الجوع وأنا أبوك.....ولف على عزيز....عزيز يابوك شف أقرب محطه أو مطعم ووقف عنده..... قال بصوت غليظ:تبشر ياعم....الحين دقايق وبنوصل للمحطه.... وفعلا وصلنا المحطه وكلهم نزلوا وسلطان معاهم....تنفسنا براحه أنا وريم.....قالت ريم بشبه ضحكه:يمه منك.....حرام عليك ليه سويتي بعزيز كذا؟..... قلت وانا أضحك:يستاهل قليل المروة..... قالت وهي تغمز:بس وربي خفت عليك منه....انتي شلون ماخفتي منه......وبخبث....بس ابن اللذينا عليه جمال يموت..... قلت بروقان:صدقيني شكل خارجي لا يكثر....لايغرك جمال الشكل.....والرياجيل مخابر مو مناظر...... قالت وهي تصفر:ياعيني ياعيني...وبجديه....جوجو ياحياتي بليز....لاتستفزينهم أكثر من كذا.....تجاهليهم علشان يرجعونا لأمي.... قلت ببرود وأنا أناظر لبعيد:انشالله..... لمحت سلطان اللي طالع من المحطه.....ومعاه الشباب....ويمشي جنب ناصر.....ويضحكون بقوة....مسكت قلبي....أكيد سلطان قالهم سالفه من سوالفي....أخوي واعرفه مايسولف الا عني....حسبي الله على عدوك ياسلطان....كانك دوم فاضحني ياخوي....ناظرتهم وكلهم كان فيهم شبه من بعض...وضحكهم واصل لسابع سما....وسلطان ماسك له كيستين مو هينين....تارسهم ترس.....وحتى عزيز كان يضحك معاهم....تحسرت بقلبي وأنا أشوف ضحكة سلطان الحلوة....وهو يضحك ويسولف....والنار شبت بجوفي....حرمته من كل شيء....عسى ربي يحرمك عمرك......استغفرت ربي....مهما كان ابوي....صح غلط بس يبقى أبوي......والنار اللي بجوفي كل ماقربوا لنا زادت....ركبوا وسلموا....والضحكه للحين على وجيهم....الا عزيز من طاحت عينه بعيني كشر...وأنا ناظرته باحتقار ولفيت....وحركنا قال بفرح وحماس وهو يلعب بحلوياته:جوجو شوفي شريت لنا حلاو واجد وكاكاو ...وجبت لك بيبسي.....وجلكسي... ومدهم لي....وبفرح:جوجو خذي.... قلت بحده وأنا أبغاه ماياخذ من أحد شيء:مابغى.... انصدم....قالت ريم تبغى تغير الجو:وأنا حبيبي شنو جبت لي.... ناظرها بنص عين:انقلعي...."ريم برد وجهها....وأنا جاهدت علشان ما أضحك....سلطان يغار حيل من ريم.."ولف علي وهو يقرب لي الحلاو....جوجو خذي....أمانه خوذيه...انتي ليه زعلانه؟..... قلت بضيق:سلطااان خلاص مانيب زعلانه..... قال بزعل:خلاص مابغاه بعد أنا زين....ماحبك زين.... ورمى الكيس على ريم بزعل.....قالت ريم بحنيه:جوجو خلاص حرام عليك....تدرين انه ماراح ياكل اذا ماكلتي معاه.... قال ناصر بعصبيه:انتي وبعدين معاك.....أخوك جوعان وانتي تعاندينه....حرام عليك.... قلت بعصبيه واستهزاء:لاتكفى علمني الحلال.....وباحتقار...تعرف الحرام ماشاء الله عليك.....وبعصبيه...وكيفي أنا وأخوي ننجاز...ولفيت على سلطان....صح سلطان؟.... قال بثقه:صح....وبعصبيه وهو مو مصدق اني كلمته....انت ترا مانبغاك ومانحبك حنا أوووووووف منك...... انصدم وقال بدفاع:سلطان حبيبي عيب....أنا بابا....أنا شريتلك الأكل ذا كله.....تقول عني كذا.... قلت باحتقار وأنا جتني من الله أبي أبرد حرتي:نعم نعم....أول شيء ما أنت أبوه...وثانيا...لاتقعد تمن بهالكم الريال اللي دفعتهم للخرابيط ذي....لاتخليني أفتح الدفتر.....ونتحاسب....من مثلك من سواد تاريخه....يدفع وهو مايشوف الدرب.....وبدون لايقول حرف واحد.... قال سلطان المؤيد لكلامي كالعاده:اي والله...انت ماتستحي....خذه مابيه مالت عليك وعليه....ولف علي.....جوجو خل ندق على خالي يجيب لنا أكل أحسن من أكله.....صح؟.... قلت بضحكه وأنا أشوف أبوي اللي يرجف من العصبيه....وعزيز يدينه المحمرة وهو ضاغط على السكان:صح..... سكتنا شوي....قال سلطان بتردد:جوجو.... قلت بضحكه وأنا أدري انه بياكل:هلا حبيبي.....خلاص كل...... قال بخبث:وانتي.... قلت بضيق:مابغى.... قال بخبث وهو يضحك:ماتبغين....والا لأن ذا الرجال الوصخ اللي تكرهينه هو اللي شرى ماراح تاكلين.... ضحكت بخبث....ياربي هالانسان فاهمني أكثر من نفسي......قال ابوي بضيق:شكل كلامه صدق.... قلت بثقه:أكيد.... قال بفرح:يووووه جوجو انتي لاتكلمينه.....عشان ماتعصبين....وبترجي....ماتزعلي ن اذا أكلت...... قلت بحنيه:لا.... وماصدق على الله....انقض على الكيس.....ويفتح وياكل شوي...ويعطي ريم أو يرميه....هذا طبعنا الخايس انا وسلطان....نفتح وناكل شوي ونرمي....وهم منصدمين..وأنا كل دقيقه أقوله خلاص...مابقى تلوع جبده....وطبعا الأخو كلها كاكاوات....لا والثقيله بعد....لما عجز ياكل أكثر....رمى كل شيء....قال بتعب:جوجو.... قلت بخوف:شفيك حبيبي؟..... قال بلوعه:برجع.... صرخت بصدمه:وقف وقف بسرعه... وقفنا السيارة ونزلنا....وسلطان كل دقبقه يبغى يرجع....بعدين يقول راحت....وأنا فضحت ناصر...."هذا من أكلك....وانت السبب...انت شلون تخليه يشتري كذأ.....والله اذا صار بأخوي شيء يويلك....."وهو سافهني خايف على سلطان.....قال سلطان المتعلق فيني:جوجو هنا يعورني....يييييع...قرف......"وهو يأشر على بلاعيمه..... ناظرت فيه وأنا أحس الوجع اللي فيه فيني....ناظرت بأظافيري الطويله....وتضايقت....قلت بضيق:ريم تعالي.... قالت بحزن:هاااه....مارجع وارتاح.... قلت بضيق:لا....وبجديه وأنا أناظر أظافرها المقصوصه....ريم تكفين دخلي يدك بفمه....علشان تلوع جبده ويرجع.... صرخت بصدمه:والله مدخلها....مجنونه أنتي.... الكل ناظرني بصدمه.....قلت بعصبيه:ريم شوفيه شلون يتوجع؟... حرام عليك....ووالله لو ما أخاف أجرح فمه....كان دخلت يدي....بس أظافيري طويله..... قالت بخوف:اطلبيني أي شيء.....الا ذا الطلب أخاف..... قال سلطان بالم:جازي يالله.... ناظرت ريم بقهر وحقد.....وهي نزلت عيونها بخوف....لو أضغط عليها شوي....أدري بتوافق....بس الوقت موملكي.....ماقدر أتحمل سلطان يتوجع أكثر.....قلت بهدوء:افتح فمك حبيبي... وفتحه...دخلت يدي بحذر...وأنا أحاول أثني أصبعي ...لا ينجرح من أظافيري.....بس الحمدلله شكل ترجيعته كان واصله....مباشره رجع كل شيء....ويدي سحبتها بسرعه....والترجيع ماليها....بس ناظرت الترجيع بيدي....عطيتهم ظهري....ورميت لثمتي....وقعدت أرجع أنا وسلطاااان....أنا بطني كانت فاضيه...لكذا حسيت بالموت وأنا أرجع....وقفت بسرعه....جابت لي ريم ماي غسلت وجهي ويدي....وعدلت لثمتي ولفيت لسلطان المنقرف من نفسه ويناظرني بصدمه....والترجيع على ملابسه من فوق....قلت بحب:ارتحت حبيبي.... قال بقرف:جازي شوفي قرف.....وبخجل...انتي قرفتي مني... قلت بحب وأنا أمسك خده:أنا اقرف من الديا كلها وما أقرف منك.....ولفيت على ريم....ريم طلعي بنطلون وقميص لسلطان بسرعه.... فكيت أزارير ثوبه....ونزعته...ونزعته فانيلته....مسحت صدره بالماي....عن الريحه....وسلطان يرجف...."جازي بارد...".وجابت ريم قميص وبنطلون...لبس القميص....ولبس البنطلون....وركبنا السياره....والكل بحالة صدمه....وريحه ملابس سلطان الجديده .....والعطر اللي أمي تنقع ملابسنا فيه فايح بالسيارة........مشينا بالطريق....ودخلنا الرياض....ووصلنا القصر.....كان قصر كبير....له ثلاث فلل كبيره متصله ببعض....عرفت انه القصر اللي سمعت عنه....قصر عيال الناصر....وصلنا البوابه....وبس شاف الحارس السيارة....فتح الباب وهو يرجف....دخلنا وتعبت وحنا نمشي بالحديقه....شفت بيت الشعر الكبير...اللي لفتني....ووقف قدام القصر....ونزلوا كلهم....وأبوي بفرح:انزلوا يبه بيتكم ذا.... ناظرته بطرف عين ونزلنا....وريم وسلطان فاتحين فمهم على القصر....وناصر يترجى بعيال أخوه يدخلون وهم رافضين....بس حلف عليهم انهم يدخلون معاه يتعشون....وبعدبن يطلعون يصلون....لأن آذان الفجر مابقى عليه شيء.... مادري ليه؟...جاني احساس انه يبغى يتجنبني.....ودخلوا...وحنا معهم....البيت كلمة جنان قليل عليه....كل مافيه ينطق بالفخامه والثراء والذوق.....بس كنت أناظر كل شيء باحتقار.....وسلطان وريم استخفوا....وماظلت كلمة مدح ماقلوها المهبل....سمعنا صوت جاي من قريب....قال أبوي بفرح:أكيد هذا وليد أخوكم....وصرخ....وليد...وليد.... ثواني وجانا شاب كربون من سلطان بس أنعم وبارتباك وهو مو منتبه لنا:هلا يبه....ألحمدلل....ه... وانقطعت كلماته وهو يناظرنا....وبس طاحت عيونه على سلطان صرخ:سلطاااااااااان أنت أكيد..... ورمى حاله على سلطان المتجمد....وهو يسلم عليه ويسلم على راسه ويرحب فيه بفرح وسعاده.....وأنا أناظرهم بمحبه....وسلطان يناظرني بخوف....مادري ليه؟....لأول مرة أحس ان جيتنا خيره....وسلطان يترجاني بعيونه...اني أفكه....ضحكت وانا أتوجه لهم وأبعده عن سلطان....وبمرح:ترا أحرجت أخوي ورعبته...وبدلع....ماودك تسلم على خواتك بعد... كان متصنم...بس قلت خواتك...مسكني وهو يجرني لحضنه:هلا وغلا....الا كلي فدا لخواتي....وبحنيه لمست قلبي كثير وأثرت فيني....بس ريم والا جازي... قلت بضحكه:هلافيك أكثر....لا الجازي معاك....وذي ريم.... تركني....وراح يسلم على ريم بنفس الحراره.....الكل كان يناظر حرارة سلامي مع وليد وفاتح فمه.....عمرهم ماراح يفهموني....همس لي سلطان بخوف:جازي ذا مجنون؟.... قلت وانا أضحك:ههههههه....لا حبيبي....ومسكت وليد...ووقفته قدام سلطان جنبي....ووقفت قدام أبوي وأنا أراقب تعابير وجهه وطبعا عيال أخوه جنبه.....وبخبث...ماعرفت من ذا؟..... قال بهمس:لا.... قلت بخباثه:ذا أخونا وليد....اللي وريتك صورته....هو ونايف ونوف وبدر..... الكل شهق....قال سلطان بفرح:اي والله صح....وبفرح...أنا دايما أشوف صورتك.....وأقول لجازي متى أشوفه؟....تقولي بعدين مو الحين..... قالت ريم بصدمه:جازي عندك صورهم..... قلت بثقه:ايه.... قال وليد باستغراب:من وين جبتيهم؟.... قلت بغموض:مصادري الخاصه.....وليد حبيبي راسي يوجعني من النعاس....ودني للغرفه اللي بنام فيها..... قال بضيق:يووووه وأنا أبغى أسهر معاكم.....ورسمت أحلام.... قلت بضحكه:لاتزعل....العمر قدامنا...أخير شيء بتمل مننا....يالله تكفى....يالله سلطان.... قال أبوي وهو يناظرني بنظره غريبه:خليه شبع نوم....محنا ماكلين منه شيء....بنتعشا.... قلت بغرور:لوسمحت لاتتدخل....يالله سلطان..... وليد انصدم....بس دزيته بخفه....ومشى وسلطان جنبي.....وريم معانا....وصلنا لغرفه وقال بمرح:ذي ريومه لك....أبوي مسويها لك....وعمرنا مادخلناها..... شفنا الغرفه وريم ماصدقت فرحت......غرفتها كانت زيبرا بأحمر....كانت جناااان....وكبيره....وقال بفرح:والحين دورك....تعالي...وجرني....معاه ودخلني غرفه بحجم غرفة ريم تقريبا.....موف ببنفسجي....والذوق ينطق منها.....أعجبتني كثير...بس كابرت....قلت بغرور:زينه...ماشي حالها.... قال بضحكه:حراااام عليك....نوف ذبحت روحها تبيها....بس أبوي رفض....قال هذي للجازي......وانتي بكل بساطه....قلد صوتي...ماشي حالها.... ضحكت بدلع....ورميت طرحتي....ورميت عباتي....وأنا أضحك:حراااام عليك الحين أنا صوتي كذا.... لفيت عليه لقيته متجمد يناظرني وهو فاتح فمه......ضحكت على شكله....وهو انحرج....وحك خده بخجل:يوووووه خلاص لاتضحكين.....وفي سبيل تضيع الموضوع....وهو يحضن كتف سلطان....أما الشيخ سلطان....فغرفته بجناحنا.... قلت بحده:لا سلطان معاي... قال بصدمه:شلون معاك....أبوي مسويله غرفه بجناحنا.... قلت بهدوء:لا وليد....سلطان ينام معاي....هو عالسرير وانا على الكنب.... قال باستغراب:وش اللي حادكم؟.....الله ماكثر الا الغرف فهالبيت.....وبعدين غرفته جاهزه....ليه تنامين على الكنب انتي؟..... قلت بضيق وحده:وليد بليز تكفى لاتناقشني....سلطان متعود ننام بغرفه وحده.....وماني مغيره هالنظام أبد..... وليد أحسه تضايق من لهجتي.....قال ببرود:أوكي....تصبحون على خير.... قلت بحنيه:وليد اعذرني....بس ضغط سفر ومتضايقه ونعسانه......تكفى اعذرني..... قال بحنيه كبيره:معذورة ياختي....لاتشيلين بخاطرك ماصار شيء..وتلقين بالكبت لحاف ثاني..... وطلع بعد مالتمست طيبه هالانسان....وآمنت ان كل شيء خيره....على كثر ماسمعت عن طيبه وليد الا اني حسيتها الحين....نزعت قميص سلطان....وخليته يدخل بالسرير....وقعدت العب بشعره....وأحك اذنه....لما نام...."وذي عادته من كان صغير....ماينام الا أحد يلعب بشعره ويحك اذنه"...نزعت جزمتي"تكرمون.."...وطلعت لي لحاف من الكبت....وأخذت مخده من السرير....وانسدحت على الكنب...غرقت الغرفه بالظلام.....بس خليت ضوء خفيف...علشان سلطان اذا صحى مايتروع....تبغاني ياوليد اتركه بروحه....هو ببيتنا واذا صحى ومالقاني جنبه يتروع.....ويظل طول اليوم مرتاع.....تبغاه يصحى ببيت ثاني ومايلقاني.....والله ليموت بعيد الشر عنه...تذكرت صدمتهم لما عديت أخواني....وان صورهم عندي....الصدمه ذي فرحتني كثير.....تنهدت وانا اتذكر أمي وخالي وجدتي وأنوار وحتى جود...و....تركتهم وهربت....ايه هربت....دمعت عيوني...لازم ألقى حل لازم.....تذكرت طلال....أكيد راح يثور اذا درا اني رحت معاهم برضاي.....تذكرت عزيز وكشرت....ورديت لطلال....وأنا أتخيل أدق أدق تفاصيله....ياويل قلبك ياجازي.....وتميت أتخيل مثل كاليوم حياتي مع طلال اللي راسمتها بالورقه والقلم....وكالعاده حياة سلطان اللي ابدى من كل شيء....بس ناقصها شيء مهم وتكمل....وأمن أخوي وحياته ومستقبله.....علشان أقدر أعيش أنا....لازم...سلطاااان يعيش....ولو مهما كلفني هالشيء أنا مستعده....تذكرت طلال وابتسمت ودموعي زادت....وأبحرت بمواقفه اللي أموت فيها.....وبملامحه اللي أعشقها...وحياتي وأحلامي اللي رسمتها معاه.....

[دلع الكويت]

	((8))

	صحيت من النوم وأنا أحس جسمي متكسر....وصداع ذابحني....فتحت عيوني واستغربت من المكان اللي أنا موجوده فيه....ثواني واستوعبت....ناظرت السرير....أبغى أشوف سلطان....بس كان فاضي....حسيت بضيق....أول يوم لسلطان ونزل من غيري....واجهم من دوني....وبحسره....شكل حياتي بتبدى تتغير من اليوم...أول مرة سلطان يصحى ومايصحيني.....ناظرت ساعتي وانصدمت انها عشر بالليل....صعقت...كل ذا نوم....أنا ظليت أهوجس الليل كله...وصليت الفجر....وغرقت بأفكاري ونسيت متى نمت؟....تحلفت بريم وسلطان انهم ماصحوني....شفت جنطة ملابسي عند الباب....فتحتها...وطلعت لي جينز وبدي أحمر بدون أكمام...أخذت دش عالسريع....ولبست ملابسي وجمعت صلاواتي عسى ربي يغفرلي....ناظرت جنطتي اليد الموجوده بجنطه ملابسي...استغربت....فتحتها ولقيت بوكي وبطايقي البنك....والصرافه حقت خالي...وخمس آلاف.....ابتسمت بحب...ياعسى عمرك طويل يالغالي....وربي مايحرمني منك....يدري اني لو أموت ماراح أطلب منهم شيء....لبست عباتي وتلثمت...ناظرت بعيوني الحاده...وابتسمت بخبث...أكيد الكل مجتمع تحت....عائلة الناصر كامله...بوريهم اللي بعمرهم ماشافوه....فتحت جوالي....وانهالت المسجات تجاهلتها....وانا متأكده انها من أمي وخالي....بدون لا أفتح أي مسج....اتصلت على ريم.....ثواني وجاني صوتها الخجلان:هلا جوجو....قلت بعتب وأنا أمشي بأسياب القصر....ووقفت عند المرايه اللي قبال الدرج:هلا ريم....ليه ماصحيتيني؟.... قالت بأسف:والله كنت بأصحيك....بس أبوي قال أكيد تعبانه اتركيها ترتاح..... قلت بحده:وهو شكو انشالله؟....مصدق نفسه.... انفجرت ريم بالضحك....قلت بضيق:طيب....سلطان عندك....أكل والا لا.... قالت بهدوء:ايه تغدا معانا.... قلت بضيق:طيب من موجود؟... قالت بهمس:الكل....وتغطي ترا الشباب موجودين..... عدلت لثمتي وأنا متضايقه....وثواني وسمعت ضربه....وريم تتوجع....عقدت حواجبي...وابغى أسوي مصيبه باللي ضرب ريم....بس وصلني صوت أحب الخلق لقلبي:جـــــــــــــــــو� �و.... قلت بحب وكل ملامح وجهي الحاده انشرحت:قلب جوجو وعمرها كله أنت.......مشتااااااقتلك مووووت..... قال بفرح:حتى أنا مشتاااااااااااااااقلك موووت.....انتي وينك؟.... نزلت الدرج وانا أضحك ....ومنزله راسي...قلت بحب:الحين نازله قلبي..... صرخ سلطان بغباء.....وهو يركض لجهتي:شفتك.... شفتك...ههههههه.... رفعت راسي وأنا بنص الدرج....وانصدمت بعيون الكل مسلطه علي....ناظرت بنظرة سريعه....معقوله كل ذولا عايلة الناصر كثير حيل....حسيت بارتعاش....وبخوف....بس أنقذتني أحضان سلطان....اللي حسيته بيدخلني جواته....ضغطة عليه بحظني أكثر....أبي أستمد منه قوه....علشان أواجهمم....حسيت سلطان انرعب....من اني حظنته بقوة....أنا كنت مغمضه عيوني....قطع علينا وليد:خيانه...ترى حتى أنا أخوك.....وباستهبال....وترى أنا الجديد لازم الأحضان ذي لي.... لما حسيت نفسي أخذت طاقه....فكيته وانا متجاهله نظرات عيونهم اللي تحرقني حرق....مسكت يد سلطان....ومشيت بكل غرور وشموخ.....وقلت بصوتي الحاد وبثقه:أخوي على عيني وراسي.....وبغرور....بس انك تقارن نفسك بسلطان تخسر ياماما... قال بعصبيه مصطنعه:لا والله...قدها... تجاهلته لما وصلت لآخر الدرج....قلت بهدوء:الســـــلام عليكم...... الكل رد السلام.....قام لي رجال كبير بالسن وهو متسند على باكورته.....قال ناصر الفرحان:تعالي يبه سلمي على جدك وعمانك.... تقدمت بثقه وأنا أسلم على الرجال الكبير....وسلمت على راسه....قال جدي:يالله انك تحيها.... قلت بثقل وأنا أجلسه:تحيا وتدوم يالغالي.....بشرني عن أحوالك.....عساك طيب.... قال باعجاب ووجهه منور:بخير دامك بخير يابوك.....طمنيني عنك أنت؟.... قلت بابتسامه:أنا بخير يالغالي.... ناظرت وجه أبوي المنصدم على فرحان....سفهته....وتوجهت للرجال اللي وجهه سمح....ابتسمت وأنا أسلم عليه:كيفك ياعم؟... قال بحنيه:بخير عساك بخير....وشلونك أنتي؟.... قلت بثقل:بخير ياعم.... وطبعا هذا عمي أبو مشعل....سبحان الله كربون من ولده.....وسلمت على عمي أبو تركي....كان يناظرني بحذر....سلمت عليه بهدوء...واحترام....بس مو بحرارة سلامي على جدي وعمي أبو مشعل....قلت بهدوء:شلونكم ياعيال العم..... الكل بصوت واحد:بخير دامك بخير يابنت العم.... وبعدها توجهت للنسوان وسلمت عليهم.....البنات سلموا علي بحرارة كأني أعرفهم من سنين....ومرة أبوي سلمت علي بحنيه....ولمست فيها طيبه كبيره.....مانكر اني حقدت عليها....بس تعوذت من ابليس وسلمت عليها بحرارة....أصدمت الكل....وشفت نوف أختي....خجوله حيل ونعومه.....وجلست على كنبه منفرده....والكل التزم الصمت....والعيون احرقتني حرق....ماوعيت الا على ضربه برجلي...رفعت راسي وأنا عاقده حجتي بعصبيه.....ناظرت وجه سلطان المعصب.....قلت بهدوء:ليه؟.... قال بعصبيه:أنتي ماتستحين تقعدين تبوسين بالرياجيل.....وانتي ماتعرفينهم..... الكل شهق وضحك....أنا النار ولعت فيني.....قلت باستهزاء وقوه ألجمت الكل:ما أشوف له داعي للضحك......وبتبرير....عمره ما شاف عمانه.....أكيد مابيعرفهم..... قال أبوي وهو يبغى يسكتني ويلملم الموضوع.....بعد ماضحك....:سلطان حبيبي عادي هذولا عمانك..... قلت سلطان بعصبيه:أنت لا تتكلم..... قلت بهدوء:سلطان حبيبي تعال عندي.... قال وهو بزعل:مابغى.... قلت بزعل:أصلا أنا اللي لازم ازعل مو أنت... قال بصدمه...ونسى زعله:ليه؟....قسم بالله ماسويت شيء.... تجاهلته....وسكت....والكل سكت....نزلت راسي....وماحسيت الا على راسه على رجليني.....قال بضيق:انتي زعلانه ليه؟..... قلت بهدوء وأنا أمسح على راسه:ليه ماصحيتني معاك؟...... قال بعصبيه:والله أنا كنت أبي أصحيك....بس ماخلوني....والله....وبعصبيه ....ريموه الزفته وذا......أشر على ناصر بقرف.... مارفعت راسي....كنت متوقعه......قلت بحده:وأنا كم مرة أقولك اللي تبغاه سوه ولا ترد على أحد؟.... قالت ريم بدفاع:جازي والله..... رفعت يدي أسكتها....وبحده أخرست ريم واصدمت الكل:أول وأخير مرة أحذرك تقربين من سلطان...وانتي تعرفيني عدل.....وبحده أكبر وبنغزه لناصر....وهذا التحذير لك ولغيرك...... الكل شهق....والكل بدأ يتهامس....قال وليد وهو يحاول يزيل التوتر اللي صار:أقول سلطان قم عندي....والا عجبتك الجلسه..... قال سلطان بخبث:انقلع مابغاك....وبدلع...أبغى جوجو.... وليد شهق بصدمه:أيا الخوان....وأنا اللي من صباح ربي أفرفر فيك....وماخليت شيء بنفسك......والحين ...وقلده...أبغى جوجو..... قلت بثقه وأنا أقومه وأجلسه بالكنبه وأجلس جنبه....ربعي على الكنب...الباقي جالسه بحضن سلطان....خاصه ان جسم سلطان معضل:لاياقلبي لاتمنن بفرفرتك.....احمد ربك....سلطان تنازل وتمشى معاك...... قال سلطان بثقه:اي والله.... ضرب وليد كف بكف بحسرة مصطنعه:عزالله الولد تبدل...من دخلتي.... تجاهلته وأنا أعدل شعر سلطان المتبعثر على وجهه....قلت بحب:أكلت حبيبي.... قال :ايه....بس أكلت شوي.... قلت بضيق:جوعان أنت الحين....أطلب لك.....نفسك بشيء...... قال بتفكير:لا مو جوعان....أكلت من الدكان....رحت أنا ووليد..... ناظرت وليد بامتنان....وأنا للحين أمسح على شعر سلطان....أرجعه ورى....وهو يرجع قدام.....شعر سلطان كثير ناعم.....قال جدي بمزح:الحين ورا ماتقص هالشوشه ياسلطان.؟.... قلت بضحكه:حرام عليك يايبه.....ذي شوشه....وبحب...بلاك ياجدي ماتدري هالشوشه وشهي عندي....... قال جدي والسالفه راقتله:وشهي عندك؟....وبضحكه....كلها شوشه لاراحت ولاجات..... قلت بحب وعيوني تلمع:هالشوشه اللي لاراحت ولا جات عندك يايبه....تسوى عندي قبايل...... قال وليد بمقاطعه:أقول آنسه جازي.....لوسمحت لاتقولين يبه.....قولي جدي.... حالك حالنا.....وراسك براسنا.....وبنغزة....ترى جدي مايرضى أحد يناديه يبه غير عياله....أما أحفاده فكلنا نقول جدي...... قلت بثقه وغرور:بس أنا غير....وأبوي.....ضغطت عليها....بيرضاها مني.....وبثقه وانا أناظر جدي المبتسم.....والا لك راي ثاني يابوحمد..... قال بضحكه:خلينا على يبه....أحسن من ابوحمد... الكل ضحك والتزم الصمت....رفعت عيوني....وطاحت بعيونه اللي تاكلني أكل....عطيته نظره استهزاء واحتقار....حمر وجهه منها....ولفيت عنه.....قالت مرة أبوي بحنيه:الجازي حبيبتي حنا تعشينا....تعالي كولي لك شيء..... قلت بهدوء:تسلمين ياخاله....ماني مشتهيه.... قال أبوي بحنان قهرني:قومي يايبه كولي لك شيء....ماكلتي شيء من أمس.... كنت بأرد أسكته برد يسكته طول عمره.....بس سبقني سلطان اللي صرخ عليه بنرفزة فاجأت الكل:أنت شكو؟....أنت غبي....غبي ماتفهم....جوجو ماتاكل اذا صحت من النوم....بس تشرب قهوة....ماتأكل بسرعه.....أوووووف منك.....غبي حمار وصخ.... ناظرت وجه ناصراللي يعطي ألوان من الفشيله......ماقدرت أكتم ضحكتي.....ضحكة بقوة....وضحك معاي سلطان...ناصر كان يناظرني بنظرة مافسرتها ولاعرفت أفسرها....كانت ضحكتي عاليه.....كبحتها بقوة....وناظرت لسلطان ومسحت دموعي....قال سلطان بخبث:استانستي..... ناظرته بطرف عيني وهمست له بكلام جمده:حبيبي خلاص عيب.....لاتغلط على أحد طيب.....خلهم يولون....علشان مايقولون حنا قليلين أدب....وحنا جماد مانستحي....وحنا زباله وصخين...... كنت أستخدم مصطلحاته اللي يشتم فيها سلطان....علشان مايغلط على احد....سكت سلطان وصار يناظر الكل برسميه...وانا مرتكيه على صدره....وأناظر الكل.....الكل انصدم من تبدل حال سلطان.....ثواني ودخل شاب مألوف وجهه عمره 12سنه....بس شفته حسيت أساريري انفرجت....ناظرني بصدمه....وأنا قمت له وسط استغراب الكل....قلت بحنيه:ماتبغى تسلم على أختك يانايف.... الكل انصدم من معرفتي فيه....حتى هو....تقدم بخجل....نزلت له حيل خاصه هو قصير حيل....وأنا طويله حيل.....سلمت عليه بحرارة....وجلس بالكنبه اللي جنبي....قال بخجل:اعذريني كنت بأسلم عليك من أول مادخلتوا البيت.....بس كنت نايم...ولما صحيت أنتي نايمه.... قلت بابتسامه وحنيه وأنا أضرب رجله:معذور ياخوي..... قال وليد بصدمه مصطنعه:ترا بديت اخاف منك....شلون عرفتيه؟..... قلت بضحكه وأنا ألعب بحواجبي:مصادري الخاصه....وكملت بفخر....تصدق أكثر واحد من بينكم كنت أتمنى أشوفه نايف.... قال باستعباط:لا والله وأنا....وبتمثيل....وهذا قدامي تقولينه...... قلت بصدق:لا والله فيك الخير والبركه وليد.....ناظرت نايف الخجلان وضحكت.....بس نايف غير.... قال بزعل:ياسلام...بشنو غير؟.... قلت بغموض:غير وبس.... قال سلطان بخبث يعاند وليد:أنا أعرف.....أقول جازي.... قلت بضحكه:لا.. وغيرت الموضوع وأنا مندمجه مع أخواني بالسوالف......والكل ساكت يناظرنا.....حسيت بفضول نايف ووليد انهم يعرفون كل شيء عني واهتمامهم.....وشوي شوي بدو البنات يسولفون معانا....بس قطع سوالفنا السطحيه صوت مره كبيرة بالسن شوي:الا أخبار أمكم؟.... رفعت حاجبي وأنا أتلمس نبرة الأستهزاء بصوتها.....قلت ببرود:بخير...وتسرك أحوالها..... ناظرتني بحده....وأنا ناظرتها باستهزاء....طبعا هذي تصير عمتي أم خالد.....الكل قعد يتغامز....قطع علينا صوت جوال ريم...احتدت نظرتي وانا أثبت نظري على وليد وسلطان ونايف اللي شغلوا البلاي ستيشن ومندمجين باللعب..أكيد خالي....وصلني صوت ريم الخجول:هلا خالي....الحمدلله بخير....حسيتها تناظرني.....هاه ايه صحت...طيب....ان شاء الله.....وقربت مني....وبهدوء...جازي خالي يبغاك...... قلت ببرود وأنا ماسكه جوالي:ذا وشو.؟... قالت باستغراب:جوالك.... قلت ببرود:اذا بغيت أكلم أحد بكلمه من جوالي......أوكي.... قالت بضيق:أجل ليه مقفلته؟.....أمي وخالي متجننين..... قلت بحده وأنا أصر على أسناني:ريم والله ثم والله ثم والله....هذي ثلاث حلوف....ان ماوخرتي عن وجهي الحين لتشوفين شيء ماشفتيه.... حسيت برجفه ريم....وهي تبعد عني بخوف....وعيون الكل اللي طلعت....ريم كلمت خالي بضيق:موراضيه....وبزعل...ماسمع ت شسوت فيني....وأنا شدخلني....أوووووف....طيب....آسف ه خلاص....مع السلامه...... كنت أحس بالعيون اللي مسلطه علي....قالت عمتي باحتقار وهي تتكلم ريم:الا صج خالكم تزوج بعد ماطلق بنت الشيوخ؟..... أنا هنا فار دمي....الا خالي.....قلت باحتقار:بنت الشيوخ....وضحكت باستهزاء....وبفخر وغرور....ايه ولد الشيوخ بدله باللي تسواها..... قالت بعصبيه:احشمي نفسك.....وش زوده خالك.....من كبر حظه رضوا فيه...... قالت ريم بخوف:الجازي خلاص.... ضحكت باستهزاء:الا قولي من كبر حظها هي عاشت تحت جناحه شهرين.....وبنغزة....ترى قول الحق واجب يا بنت الناصر....وبغرور....وزوده انه رجال عن مليون رجال.....المجالس تفززله.....من صغر سنه..... زوده يابنت الناصر أن بنت الشيوخ....أبوها من فرحته بنسب خالي....من خطبها....قاله جتك....ومن غير مهر....أنا أشري الرجال.....وحي النسب....دامه يجي منك....زوده صان أخته وعيالها وهو بزر.....وماخلاهم بعازة أحد....أغناهم حتى عن أبوهم..... قالت باستهزاء:بشويش بشويش.....ماناقصك الا تكتبين فيه شعر..... تسندت على الكنب براحه.....وأنا احس القهر بيطلع من عيونها......قلت بحب وبغرور:يستاهل أبو الجود.....ماينكتب الشعر الا فيه....وياليته يوفيه حقه..... ناظرتني بغضب....وهي بس تبي تسكتني....وبخبث ووقاحه:يابخته بهالحب.....لو مسجلك عماير باسمك....والا مغرقك بالملايين وش بتقولين عنه؟.... الكل شهق بصدمه من وقاحتها....وناصر مستانس طبعا.....قال جدي بنرفزه:منيرة وش هالهرج الناقص.... قلت بدلع:لا يبه اتركها تقول اللي بقلبها......ولفيت عليها وأنا حالفه اني امسح فيها البلاط......والكل عيوونهم علي......قلت بخبث وبرود:والله يابنت الناصر.....أبونا راعي الملايين....."وحطيت عيوني بعيون ناصر اللي عبس بعد ابتسامته.."وش سوتلنا ملايينه؟...ماغير نكران ورميه لنا....وماغير اسم حتى أستعري منه.....كل اللي يسألني أنتي من الناصر....أقولهم لا تشابه أسماء.....وباحتقار وأنا أناظرها وهي ترجف من العصبيه....الملايين والعماير ماتريح ذا...وذا...."أشرت على قلبي وعقلي...".....وباستهزاء....اذا هي ترضيك أنا ماترضيني.....وبثقه....وحبي واحترامي لخالي ماشراه بملايين ولا بعماير على قولتج.....شراه برجولته وطيبه وكرمه.....شراه وأنا أشوفه كبير بعيون كل اللي يعرفونه قبل عيوني......شراه بحنيته اللي ماشفتها بأبوي.....شراه وهو يتعب ويشقى وهو توه صغير.....علشان يعيشنا أحلى عيشه.....وهو مو ملزوم فينا.....غيره قال أروح وأطلب من أبوهم.....وغصب عنه ومن ورا خشمه يصرف عليهم......بس لا مو فيصل اللي يقول كذا......وبغرور.....هذا شيخ الرجال.... الكل انصدم من هالدفاع المستميت....قالت باستهزاء وهي تحول تغطي فشلتها وجدي يرمي عليها نظرات ناريه:أصلا لو أنه مثل ماتقولين ماضرب مرته وطلقها..... ضحكت باستهزاء.....وقلت بثقه:لا ياماما معلوماتك غلط.....مو خالي اللي يمد يده على مره.....خالي أكبر من كذا.....طاحت عيوني بعيون ناصر....أللي نزل راسه بسرعه.....وكملت بثقه....أنا اللي ضربتها..... الكل شهق واولهم أم خالد.....قال وليد وهو يضغط ستار:أحلفي ...... قال سلطان:ايه قسم بالله....جازي طقتها بالجزمه....وتفلت عليها....وأنا بعد تفلت عليها.....وبعدين جازي قالت لخالي....أنا أروح لأبونا اللي هو ملزوم فينا....وخالي عصب قال ليش.....قالت أنا وذي مانجلس تحت سقف واحد.....عاد خالي قالها أنتي طالق....ووداها بيت أهلهم..... الكل بطل عيونه فيني.....قال جدي بصدمه:جازي صدق يبه ذا الكلام..... قلت بثقه:سلطان مايكذب..... قالت أم خالد:أنعم وأكرم ومفتخره.... قلت بغرور:أكيد...ولو ينعاد الزمن مليون مره.....والله لأسويه..... قال جدي بفضول:طيب ليه؟..... قلت بثقه:من دخلت بيتنا ياخالي.....وهي حطت دوبها من دوبي.....سكت عنها مره ومرتين قلت الحشيمه والقدر لخالي....وهي ناقصة عقل....أسفهها أحسن.....لما مليت....موقفين وعرفتها قدرها بالبيت وصارت اذا قعدت مجلس هي تفز منه....وأنا سفهتها...يعني حرمت تقرب من صوبي.وخالي رجال لاهي بشغله.....المهم كانت موريه أمي وريم وجدتي الويل.....وخايفات يقوللي.... شهقة ريم وهي تصيح صدمت الكل..... تنهدت بضيق وأنا أحط عيوني بعيون ناصر المنصدم.....وبيوم كنت جايه من المدرسه....ولقيتها سلطان ينطرني برا وهي ضاربته....شفت أبوي اللي ناظر سلطان بعصبيه.... قال وليد بعصبيه:أيا بنت الكلب...... قلت بابتسامه لعصبية وليد:أنا جيت غرفانه نفسي....من المدرسه...وزودها سلطان حلفت أني هاليوم مايتعدى على خير....دخليت ومني كلمه ومنها كلمه.....حطيت عيوني بعيون ناصر المتألمه....لحد ماعيرتنا بأبوبنا....انه رامينا على أبونا...غمض ناصر عيونه بألم وانكسار قوي.....والكل يناظرنا.....أنا هنا ماحسيت بنفسي الا بجزمتي"يكرم السامع"بوجهها.....ووجهها دم.....كسرت خشمها....وجاء خالي وقلت له وفيت وكفيت.....ووجهك أبيض....تحملتنا وأنت موملزوم فيني....جاء دور اللي بيتحملنا غصب عنه....زوجتك أبدى مننا ياخال....وأنا مايجمعني سقف مع ذي المره...... قال بعصبيه:هذا رايك فيني؟....مرتي أبدى منكم..... وطلقها وطلعت من البيت زي الكلب"يكرم السامع".....بعد ماباست رجليني علشان أخلي خالي يردها.....وسمعتها كلمتين بالعظم....وطلعت مذلوله......وهي جزمه لاراحت ولاجات.....وفصخها خالي.....وبحب وعوضه ربي باللي تسواها وتسوى أشكالها......وباحتقار...ذي بنت الشيوخ يابنت الناصر.....

[دلع الكويت]

قراءة ممتعه للجميع ...

وديــ ...

" دلع الكويت "

[babo]

بسم الله الرحمن الرحيم
صباحك حب
لالالالالالالا الجازي عليها قوة ما طبيعية وجراة عجيبة
والله انا حانة علي ابوها
الحمد لله انو علاقتها باخوانها حلوة يعني ما اخذتهم بوزر ابوهم
وانها احترمت الجد والاعمام وزوجة ابوها
يسلمووووووووووو

[plalk]

شـكــ وبارك الله فيك ـــرا لك ... لك مني أجمل تحية .

[nahe24]

يسلمو حبيبتي دلع على البارتات جميعا
بس ععندي تعليق بسيط
الجازي فعلا كثييييييير قويه وهل نوع من القوه يعتبر وقاحه
يعني زودتها وشو ما كان الاب هو الاب لو شو ما كان
واجت احترامه وانا انتقد الكاتبه وبشده من هل ناحيه
وبعدين كأن هل جازي بنت ا19 ما عندها اخطاء كلنا بشر
لا بس مصوره الجازي وكانه ما في منها
مع انه انا شايفتها غلط ميه بالميه لو شو ما كانت مجروحه من ابوها
هل تصرفات فظيعه جدا جدا جدا
اعذريني عزيزتي لكن فعلا انا قرات الروايه لحد ما الكاتبه واصله
من شدة حماسي وبشكرك كثير لانك عرفتيني على هل روايه الجميله
لكن فعلا كرهتها للجازي وناطره متى تسكت وتحترم ابوها وحتى اسلوبها مع امها
ما يعجبني وكأنها ناصر جديد بيسيطر على حياة امها
شكرا ليكي كمان مره حبيبتي ومتابعه معك للنهاية
متمنيه تنزلي البارتات بأسرع وقت لحتى نوصل مع الكاتبه واعلق معك هووووون
ما فيني صبر الله وكيلك

[em esoos]

السلام عليكم ورحمة الله وبركاته
دلع يالغلا وين التكمله بليز لا تعلقينا فيها وبعدين ما تكون مكتمله

طلبتك تكفين دلع كمليها حلوه مشوقه حتى لو فيها مبالغه من الجازيه مين هي حتى
تحاسب ابوها وتهينو والمجلس مليان رجال
جد هاي حركه جدا بايخه منها قد ما يكون ابوها وله حق الاحترام

تقبلي مروري يا كل الغلا

ام السوس

[jana123]

بجد روعة شـكــ وبارك الله فيك ـــرا لك ... لك مني أجمل تحية فين التكملة