آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
11-03-12, 09:42 PM
| #1 | ||||
| نجم روايتي وكاتبة في قسم قصص من وحي الأعضاء وبقلوب أحلام 
|  غلطة عمر (3) *مميزة و مكتملة* .. سلسلة هو و هي    غلطة عمر هناك اغلاط يمكن لنا ان نصلحها وهناك اغلاط يكون ثمنها اعمارنا ..من منا لم يخطئ ؟ من منا لم يجد صدر الام والاب والاخ الحنون ليخفف عنه ويكون له سندا ؟ هذا ما يخفف عنا هفوات الشباب واندفاعهم وسقطاتهم ..ولكن ابطالنا لم يجدوا هذا الصدر الحنون ..لم يعرفوا في حياتهم غير القسوة والالم .. وتركوا لبعضهم البعض ايضا القسوة والالم ..فهل ترحمهم الايام ؟ هل يجدون الراحة بعد سنوات من العذاب ؟ هل يرسون على شاطئ الامان ؟ ام انهم سوف يبقون يتخبطون في الالم والضياع ؟ هو...عبر بلاد سار على ثلجها ..عاش الالم جسدا وروحا .. وهي ..طحنت سحقت ..وظنت انها شفيت ..ولكن ... وهل ندفع الاثمان لوحدنا ؟ وهناك دائما ضحية لكل الاغلاط ....يدفع رغما عنه ..ورغم عنا .. مع غلطة عمر ...نعيش لحظات يكون املنا كبيرا جدا .. و نعيش لحظات اخرى يكون الوجع اكبر من الخيال ... ارجو الله ان تقضوا وقتا ممتع معنا في غلطة عمر .. مع كل الحب ..........ضي ...........  توقيع للرواية من تصميم المبدعة gege86   روابط فصول الرواية ... الفصل الأول https://www.rewity.com/vb/6550644-post4.html الفصول الثانى و الثالث و الرابع https://www.rewity.com/vb/t193462-2.html الفصل الخامس https://www.rewity.com/vb/6582103-post37.html الفصل السادس https://www.rewity.com/vb/t193462-6.html الفصلان السابع والثامن https://www.rewity.com/vb/t193462-7.html#post6609698 الفصلان التاسع والعاشر https://www.rewity.com/vb/t193462-9.html#post6624103 الفصل الحادي عشر https://www.rewity.com/vb/6628311-post90.html الفصلان الثاني والثالث عشر https://www.rewity.com/vb/t193462-11.html الفصل الرابع عشر https://www.rewity.com/vb/6667249-post109.html الفصل الخامس عشر https://www.rewity.com/vb/6681553-post111.html الفصلان السادس و السابع عشر https://www.rewity.com/vb/t193462-12.html الفصل الثامن عشر https://www.rewity.com/vb/6717722-post123.html الثلاث فصول التاسع عشر والعشرون والواحد والعشرون https://www.rewity.com/vb/t193462-13.html#post6723628 الفصول الثاني والثالث والرابع والعشرون https://www.rewity.com/vb/t193462-19.html#post6740005 الفصلان الخامس والسادس والعشرون https://www.rewity.com/vb/t193462-22.html#post6759171 الفصل السابع والعشرون https://www.rewity.com/vb/6771217-post228.html الفصلان الثامن والتاسع والعشرون https://www.rewity.com/vb/t193462-24.html#post6793078 الفصل الثلاثون https://www.rewity.com/vb/6804384-post247.html الفصل الحادى و الثلاثون https://www.rewity.com/vb/6815720-post275.html الفصل الثاني والثلاثون https://www.rewity.com/vb/6827744-post283.html الفصل الثالث والثلاثون https://www.rewity.com/vb/6828094-post288.html الفصلان الرابع والخامس والثلاثون https://www.rewity.com/vb/t193462-31.html#post6841093 الفصل السادس والثلاثون https://www.rewity.com/vb/6842325-post313.html الفصل السابع والثلاثون https://www.rewity.com/vb/6855809-post323.html الفصل الثامن والثلاثون https://www.rewity.com/vb/6856100-post328.html الفصل التاسع والثلاثون https://www.rewity.com/vb/6874454-post340.html الفصل الأربعون https://www.rewity.com/vb/6874609-post342.html الفصل الواحد والأربعون https://www.rewity.com/vb/6874744-post345.html الفصول الثاني والثالث والرابع والأربعون https://www.rewity.com/vb/t193462-37.html#post6894081 الفصلان الخامس والسادس والأربعون https://www.rewity.com/vb/t193462-39.html#post6915301 الفصول السابع والثامن والتاسع والأربعون https://www.rewity.com/vb/t193462-41.html الفصلان الخمسون والواحد والخمسون https://www.rewity.com/vb/t193462-47.html#post6938965 الفصل الثاني و الخمسون https://www.rewity.com/vb/6958882-post555.html الفصل الثالث والخمسون https://www.rewity.com/vb/6978997-post583.html الفصل الرابع و الخمسون "الأخير" https://www.rewity.com/vb/6997734-post607.html رابط كتاب الرواية ورابط ثاني للكتاب الالكتروني  التعديل الأخير تم بواسطة كاردينيا الغوازي ; 20-05-16 الساعة 04:29 PM | ||||
|  |
|
11-03-12, 09:50 PM
| #2 | ||||
| نجم روايتي وكاتبة في قسم قصص من وحي الأعضاء وبقلوب أحلام
|  سوف ابدأ بكلمات خاصة لهذه القصة ... اذا حبك جريمة شو عقابي يا حبيبي اذا حبك محرم انا خرجت من النعيم قلبي عشق طيفك في صبحي وليلي اناظر الصورة واعشق اللى صوره ربي انا ذنبي قلبي هواك قلبي ما يقوى جفاك قلب ما يقدر على بعدك ولا اقدر على صد عينك وعيوني ما تصبر عن شوفتك احبك واعترف فيها وقلبي كيف يخفيها وعيونها كيف ما تبكي لبعادك وقلبي كيف ما يهدى لهمساتك احبك وتر قلبي يغنيها احبك مثل شادي الحنها احبك دوم ارددها همس الليل وضوء الصبح وعطر الورد وريح العود شي من معاني الحب في قلبي لك يا مالك قلبي بقلمي انا ضي ... | ||||
|
| |
|
11-03-12, 09:56 PM
| #4 | ||||
| نجم روايتي وكاتبة في قسم قصص من وحي الأعضاء وبقلوب أحلام
| غلطة عمر 1 أوشك وقت العمل على الانتهاء وكانت تلملم بقية أوراقها عندما دخلت السكرتيرة إليها السكرتيرة : يا مدام هلأ دخل استاذ بيقول بس أعطيك البطاقة وإذا ما بدك تقابليه هلأ بيرجع بكرا هي : " ما قلتي له إني ما بقدر اشتغل بعد الوقت يعني ؟ هاتي لشوف " أخذت الكرت وقرأت الاسم ، جلست وأعادت وضع نظارتها ولبست الجاكيت فوق بلوزتها وقالت " خليه يدخل لنشوف " دخل إليها وهو يجر خطواته لا يعرف كيف يجب أن يحييها وكيف يسلم عليها ولا بأي اسم يناديها . لم تترك له المجال ليفكر عندما قالت هي : " اتفضل يا " وأعادت النظر في البطاقة وكأنما هي ناسية من يكون " استاذ " اختارت أن تتجاهله هو: " شكرا " وجلس حيث أشارت له هي : نعم ؟ طلبك هو: وضع أمامها ملفا هي : فتحت الملف وبدأت في تقليب الأوراق لتعرف إذا كانت مكتملة أم لا " ناقص معلومات ما منقدر نفيدك بشي من هيك معلومات بدنا نعرف الامكانيات المالية المتوفرة حقيقة والتدريب و هو: " خلص كل شي بيكون عندك من بكرا " وتنهد كمن يريد إكمال حديث فتح الباب ليدخل شاب في نهايات الخامسة عشر من عمره الشاب : نظر للمرأة القابعة خلف المكتب بشيء من العتاب وقال " هلأ يا امي مو قلتي مافي بعد انتهاء الوقت شغل ليش غيّرتي ؟ " هي : أشارت له بيدها أن يقترب بدون أن تتكلم ، كانت ابتسامتها تملأ وجهها . اقترب الشاب ووقف خلف كرسي أمه ليواجه الرجل أمامه على الكرسي الشاب : العفو منك يا استاذ بس وقت الشغل انتهى هو : كان ينظر للشاب بشكل يكاد يكون نوعا من الذهول ولم يعرف ماذا يجيبه " هز رأسه " هي : " خلص هلأ الاستاذ رايح " وأعادت له الملف وقالت " كمّل الأوراق مشان نقدر نخدمك ونشتغل معك " هو : سار إلى الباب وعندما وصل إليه أعاد النظر للسيدة وابنها مرة أخرى قبل أن يخرج هي : أحمد ليش هيك كان لازم تبقى برا حتى انهي شغلي ونطلع يعني أحمد : امي هلأ وين وعدك مو قلتي مافي شغل بعد الوقت ؟ أنا مو غلط وخصوصا اليوم ومع الاستاذ " ورفع الملف وأعاده " هي : عرفته ما ؟ أحمد : ايه طبعا عرفته بس شو همي ؟ يلا تع يا أحلى أم بالدنيا أنا عازمك ع الغدا هي : لا ما بدي ، بدي ارجع ع البيت وارتاح كتير تعبانة خلي عزيمتك ع العشا خرجا وهما يمسكان يدا بعضهما البعض . كان هو ينتظر في سيارته البنز لم يستطع الحراك حتى رآهما وهما يخرجان ركبت السيارة مع ابنها وانطلقت في سيارتها ذات الفتحة في السقف والتي أصرّ عليها أحمد حتى يخرج منها ويعانق الهواء ما أن انطلقت حتى أخرج جسمه من الفتحة في السقف وضحك وحضن الهواء هي : شدته حتى يجلس وهي تصرخ " هلأ بوقف إذا ما نزلت خلص ح تتعب من الهوا البارد " أحمد : لا وحياتك يا امي بحس إني هيك ملك و هي : لك انت مجنون ع الآخر اقعد هون أحسن لك. جلس حيث أشارت أحمد : لمس اصبعها التي تحمل خاتم الزواج وقال " ليش بعدك لابستيه ؟" هي : بيحميني أحمد : هلأ أنا معك وبحميك ارميه خلص كبّيه هي : " معك حق " وبدأت في إخراجه من يدها بصعوبة ، كان ضيقا جدا وكأنما قد حفر في يدها أحمد : خلص بس نوصل منشوف كيف بدنا نطلعه يعني مو معقول بايدك من عمر الست عشر يعني كبرتي فيه هي: ايه والله معك حق يا أحمد كبرت فيه بس حلّي اكبر عنه أحمد : ايه امي خلص صدقيني ما عاد اله لازمة ويا ريت تنهي كل شي عن جد طلقي يا امي صار لازم هلأ بعد طلّة اليوم هي : تنهدت وقالت " صح بدي اسألك شو رأيك باللي صار اليوم ؟" أحمد : مقزز يا امي خلص اقطعي هيك خيط وما تهتمي بأي حدا وعلى أي حال إنت بعدك صغيرة وبتقدري تتجوزي وتعيشي حياتك شو بدك بهيك خاتم مرت هي : شوف أحمد انت ما خصك ولا انت طرف بيني وبين أبوك هاد بالنهاية أبوك يعني اللي صار .. أحمد : لا خصني امي خصني إنت مفكرة إنك بس إنت اللي انضريتي لأنه تركك وهجرك ؟ لا أنا كمان يعني لسى بتذكر لما كنت نادي لخالي جاد بابا واولاده بيقولوا لي مو أبوك انت أبوك مسافر ، كان بدي قول بابا عشت كتير أحلام عن إنه بابا راح يجي ويجيب لي هدايا بس مرّت السنين وعرفت كل شي وخلص هلأ أنا حر ما بدي يرجع ولا بدك تبقي معه هي : انسى خلص نحنا هلأ كاملين مع بعض مو ناقصنا شي وعلى كل حال بكرا بيبان كل شي . أحمد : يصطفل أنا ما بيهمني بشي أبدا يعني لو فيي غيّر اسمي ما بقول لا هي : لا تملا قلبك غل على أي حدا يا حياتي ما في أي شي يخليك تتعب قلبك ب كرهه أو الحقد عليه أحمد : خلص وصلنا . دخلا بيتهما وهي تمسك بكتفه " كان أطول منها وقد بدأ خط شاربه بشعرات خفيفة وصوته مخشن كان أخا لها وليس ابنها " كان هو يتبعهما حتى دخلا المنزل وأكمل المسير إلى منزل أخيه طرق الباب . الأخ : هلا وينك من الصبح ناطرينك أبي وامي بدهم يعرفوا شو قررت ؟ هو: يا سامر صار شب طولي تقريبا سامر : شو مفكر يعني بدو يبقى عمره شهور متل ما تركته ؟ هو: عرفني حسيت من عيونه بس ولا كأنه عرفني اتطلّع بالاسم واتطلّع فيي وعلى شوي كان قلّعني . سامر : اهدى شوي واقعد وبعدين منشوف شو بتقدر تعمل هو: بس هي بعدها لابسة الخاتم . سامر : ايه بعدها . هو: يمكن اقدر احكي معها و سامر : شو تحكي ؟ انت مو عامل شوي هو : ايه غلطت وغلطت وغلطت بعرف بس معقول ما في أي سبب مخفف ؟ يعني ولد عمري تمان عشر سنة مع ولد وزوجة وعيلة مو شوي كان ضغط كبير عليي حسيت حالي مخنوق مو قادر عيش حياتي شو اعمل والله حبيت ابني بس كنت ضعيف و سامر : انت حطيت حالك بهيك موقف انت غلطت وكان لازم تصلّح غلطك شو اعمل لك اديش حذرتك وقلت لك حرام بنت صغيرة وجنّت فيك وانت مو مفكر غير بنزواتك هو: وأنا كنت شو مو ولد ؟ يعني شو بيفرق إنها بالخمس عشر وأنا بالسبع عشر ؟ كنا اولاد عم نعرف حالنا حسينا إنو قلبنا ومشاعرنا بتاخدنا من غير ما نفكر بس فلت كل شي من ايدنا . سامر : والله انت وهي دفعتوا تمن غلطكم ، وإذا بدك الحقيقة هي دفعت أكتر ، انت مو عارف كل شي ولا شفت كيف قاتلت مشان تبقى مع ابنها هو: ابنها هي لوحدها وأنا شو ؟ سامر : هي اللي ربّت وهي اللي بقيت معه ، هي اللي ضحّت ، انت شو ؟ هربت تركت كل شي وراك وهربت هو: " معك حق " ونظر للبعيد وعاد إلى حيث كان يحدثها على سطح منزله القديم الذي يطل على سطح منزلها ويرسل لها أشعار نزار، تذكر تلك العيون الواسعة الشهل التي تعكس ألوان الدنيا وشعرها الطويل المائل للون البني وشقاوتها وجنونها هو: بحبك بدي اكتبها على حيطان كل الحارة هي : ههههههههههه يلا اكتب وافضح الدنيا وخليهم يجوزونا غصب عنهم شو رأيك ؟ هو: لا منروح خطيفة أحسن هي : اقتربت من الجدار المشترك بينهما وقالت " احلف إنك بتحبني مو كلام وعم تغنيه على راسي متل ما قالت لي سلوى اختي " هو: والله بحبك وبموت فيك بحبك أكتر من كل شي بالدنيا ما بعرف كيف ممكن يمضي يوم من غير ما شوفك هي : اقتربت منه أكثر حتى يطبع قبلة على خدها . قطع عليهما صوت أمها التي تطالبها بالنزول " ييييييييي خلص ماما هلأ بتطلع ح تدبحني " هو: يلا انزلي وبس يناموا تعالي أنا بدي احكي معك وسمّعك أشعاري هي : باي جاية نزلت وهو يتبعها بعيونه تذكر تلك المشاعر التي لم يستطع أن يقاومها في عمر لا يعرف للعقل مكان ولا للخوف عنوان " قال في نفسه كنت قد ابني هلأ تقريبا " عاد سامر وهو يلبس جاكيته ويقول سامر : يلا أبي وامي ناطرينك ع الغدا هو : " يلا " كانت صورة أحمد لا تبتعد عنه ويتردد صوته في رأسه سامر : شو بك ليش صافن ؟ هو: آخر مرة بعت لي صورة ل أحمد كان عمره شي تلات سنين وبالعيد كان بكيان مو ؟ سامر : ايه هي مرة راح أبي وأصر يخليه يعيّد معنا وكان كتير زعلان ما بدو وبس عم يبكي وأخدنا الصورة وبعتنا لك كان أبي عندو أمل إنك ترجع مشان ابنك . هو: تنهد وقال " كان بدي اعمل شي واشيا كتير ما بعرف كيف ممكن لخّصها هلأ ، بس هلأ لما شفت ابني حسيت إني ما ح اتركه أبدا ما بدي اترك ابني يا سامر شو ما صار مو تاركه " سامر : شو ح تعمل يعني أحمد مو ولد مشان تحكمه بدك تبذل كتير جهد يعني ح تبقى هون وتترك مرتك الفرنساوية هو: أولا مو فرنساوية جزائرية وتاني شي بروح وبجي وعموما مريم عندها شغل بناديها ومو ممكن تترك هنيك وتجي لهون سامر : ايه وشو ح تعمل بقى ؟ هو: عادي هلأ بدي أسس شغلي هون وح استقر هون سامر: ومرتك هنيك شو بدك تتركها ؟ انت هيك أي شي ما بدك ياه بتتركه وبتروح مافي عندك غالي هههههههههههههههه هو: شوف أنا ومريم عشنا سوا شي ست سنين قبل ما نقرر قبل سنتين نتزوج وأسسنا شغلنا سوا بس أنا بدي ارجع على بلدي ومريم بدها تكفي هنيك قررنا إني ابدأ شغلي هون ومريم تكمل هنيك ونشوف بعض مرة هون ومرة هنيك سامر : قلت لي بدك أحمد بهيك حياة مشتتة ؟ يلا وصلنا. نادت على أحمد الذي دخل إلى غرفته وفتح جهاز الكمبيوتر ووضع السماعات وغرق في عالمه الخاص . فتحت الباب على أحمد هي: يلا تع خلصت عملت الأكل تع نتغدا أحمد : " يا الله يا امي ليش هيك تاعبة حالك ؟ " وقبل يدها ، وأجلسها وأكمل إعداد السفرة وسكب الأكل هي : ههههههههههههه محسسني إني ختيارة عمري ستين سنة أحمد : لا شو ختيارة ؟ إنت صبية وست الصبايا ولو ، إنت قيمي هالخاتم وشوفي كيف العرسان صفوف صفوف ع الباب هي: ايه ومين قال إني أصلا بدي اتجوز ؟ أنا ما بدي غير شوفك انت عريس يا قلبي انت بس الرجل الوحيد بحياتي . أحمد : أمسك بيد أمه وقال " ليش ما قمتيه ؟" هي : بدو قص أحمد : قصّيه قيميه اعملي أي شي بس ما بدي شوفه هي : أحمد هلأ إذا قال بدو يحكي معك شو ح تعمل ؟ أحمد: ما بدي احكي معه ولا بدي شوفه وأحسن له ما يحاول مشان ما يسمع شي ما بيحبه هي : لا مو هيك يعني عامله عادي أحسن ليش هيك انت حاد اعتبرو حدا أكبر منك واحترام عادي ما أحمد: لا ماما بكرهه وبحتقره وإذا حكى معي ما ح احترمه بنوب ولا تطلبي مني إني احترمه أو هلأ بعمل شي بحالي إذا بدك تضغطي عليي هي : لا الله يخليك يا ابني انت كل شي الي أنا كل شي عملته بحياتي مشانك اوعى تطالعني خسرانة كل شي ، بيكفي اللي خسرته بحياتي . أحمد : لا إنت معي هون حدي يا امي وح احميك مو أنا ابنك والرجّال الوحيد بحياتك ؟ خلص أنا مسؤول هي : ابتسمت ، كانت تخاف إذا تصرف بشكل مستفز أن تصل حيث لا تريد من مشاكل كانت تحاول تفاديها على مدى سنوات رجعت لذلك اليوم الذي رجع فيه من الجامعة وهو في منتهى الغضب حاولت تهدئته قالت هي : شو صار معك ليش هيك زعلان ؟ هو: اطلعي ما بدي شوفك ولا بدي اسمع صوتك بتقدري تعملي هيك ؟ هي : بس شو عملت لك أنا ؟ بدأ أحمد بالبكاء هو: واحملي هاد معك خرجت وجلست في الصالة إلى جوار أمها كانت في غرفة في بيت أهلها تسكن الأم : شوبه مو شايف حدا قدام عيونه ؟ هي : تعبان مابعرف من شو مو عارفة ؟ الأم : لا خلص زهق بدو يتركك إنت والولد هي : حرام ماما لا تظلميه إنت أصلا ما بتحبيه الأم : اقتربت من أذن ابنتها وقالت " كيف بدي حب واحد عمل فيك هيك وهلأ عم يطردك إنت وابنك وإنت متل الهبلة ماشية وراه ؟" هي : تساقطت الدموع من عيونها على طفلها الوليد بين يديها . .........................يتبع | ||||
|
| |
|
11-03-12, 09:59 PM
| #5 | |||||
| نجم روايتي وكاتبة في قسم قصص من وحي الأعضاء وبقلوب أحلام
| وهلا فيك هبه قلبي .. وان شالله تكون القصة قريبة من قلوبكم .. من الان اقول لكم اعدوا مناديل ورقية وخذو حبه بندول وعليكم ان تستعدوا نفسيا لكل القهر والجنون معا ..والمغامرة .....  اقتباس:
| |||||
|
| |
|
12-03-12, 12:37 AM
| #6 | |||||
| روايتي مؤسس ومشرفة سابقة وقاصة في منتدى قصص من وحي الاعضاء  
| تسلمى ضياء على الفصل الرائع ... قرأت الفصل أول ما نزل و لكن الكهرباء قطعت و النت طار و طار الرد الأول  يا الله شو مسكينة و ظلمتها الأيام هى ... هى دفعت ثمن إندفاعها و غلطة عمرها لآخر مدى و يبدو أن هو عاش حياته بالطول و العرض و لا كمان كان عايش مع صديقته سنين قبل ما يتزوجها و الغلبانة هى عم تربى إبنها و تراعى الله فيه ... عن جد ظلم و هو هلأ جاى لحتى قال شو يأخذ إبنه ليش هو رباه و لا حتى اهتم فيه لحتى يسميه ابنه ... هو مجرد أب بيولوجى و بس هى الأم اللى ربت و سهرت >>> غاظنى كثير  ضياء متابعاكى و شكراً لك | |||||
|
| |
|
12-03-12, 02:43 AM
| #8 | ||||
| نجم روايتي 
| ضى مبروووووووك الرواية الجديدة ووحشتينا جدااااا وكنت منتظرة روايتك على احر من الجمر واضح ان الرواية المرة دى مختلفة تماما تسلم ايدك على الفصل المؤثر هى ضحية لغلطة مازالت تدفع ثمنها ولكن ما يفرحها ان ثمرة الغلطة ابنها احمد اللى بينور حياتها وينسيها كل التعب هو واضح انك ندل وابتديت بداية مش حلوة ابدااا معايا وبصراحة متغاظةمنك جداااا راجع بعد كل ده ومتجوز وعايش حياتك وسايب مراتك وابنك لوحدهم يواجهوه الحياة بدونك مهما كنت صغير وقتها لكن ده ما ينفيش عنك المسئولية ابداا لانها هى كمان كانت صغيرة جدااا دلوقت بس افتكرت انك لك ابن طيب كنت فين من زمان اشرب بقى واتحمل القسوة من ابنك لانه بيكرهك ضى بداية مشوقة وحزينة وتثير الفضول اكيد منتظراكى دائما وتقبلى منى ااجمل التحيات يا قمر | ||||
|
| |
|
| أدوات الموضوع | |
| انواع عرض الموضوع | |
|
|
2Likes
hala bel 7amel wel m7amel .gif "Eh S(7)")
mtab3aky 7abibty 
العرض العادي
