شبكة روايتي الثقافية - سليل الشيطان -الجزء 1 من سلسلة الهذيان- للكاتبة الرائعة: أميرة الحب *مميزة & مكتملة*

سارة عاجبني جدا تمسكها بدينها على الرغم ان مفيش تشجيع عليه من اي حد من اللي حواليها و في نفس الوقت احترامها لوالدتها و اهلها حتى مع وجود الفجوة بينهم بسبب عدم تفهمهم ليها و لاسلوب حياتها لكن ترحاب جدتها بيها بيقول الا حد ما انها متقبلة سارة كما هي عن والدتها

علاقتها بايهاب كلامها بيقول انها بتحبه او يمكن تكون متوهمة انها بتحبه اا بشوف ان حالة ايهاب هي نفسها حالة يونس عند سارة الكل بعيد و الكل يعتبر غير متقبلها محدش فاهمها محدش معاها الا ايهاب في الحاضر و الماضي كان يونس و بالتالي مقدرش احكم على مشاعر سارة الا مع ظهور يونس لانه هيكون الترمومتر لقلبها بجد و هيبان اذا هي فعلا بتحب ايهاب ولا ايهاب كان تعلق و اعجاب فقط و ياترى هي حبت يونس ولا زي ما قلت سابقا انه تعود و تعلق
و لكن اتمنى ان ظهور يونس يكون سريع عشان ميكونش في أضرار كتيرة

إيهاب بتحبها جدا و مش اعجاب اللي يقعد سنين يحب و يخبي و كل دا عشان تديها وقتها انها تنسى و ترجع تعيش من تاني و ترجع تثق في اللي حواليها دا مينفعش يكون اعداب تفهمك الشديد ليها و كانها كتاب مفتوح لا يندرج تحت مسمى الاعجاب حقيقي ايهاب انا حبيتك جدا و اتمنى من كل قلبي انك متكونش ضحية اخرى من ضحايا أل ناصر
حبيت قدرتك على التعامل مع اهل سارة رغم عدم تقبلهم ليك و دا ان دل على شئ فبيدل على انك شخص واعي و ناضج و قوي و مسيطر ييييييييييي عليا بدأت اعد حسناتك من دلوقتي ياربي مش عايزة احبك عشان لو لا قدر الله انكتبلك تنجرح مزعلش و انقهر و افضل طول الرواية نقمانة بس اعمل ايه مش بايدي

اهل سارة عالم دماغ بجد يعني زعلانين انه عربي و مسلم يعني لو مكنش عربي فلازم يكون مسلم ولا هم مش قادرين يقتنعوا خالص انها اختارت ديانتها و حياتها بجد ناس غريبة

كريستين و حوارها العقيم اللي دا بينها و بين بنتها ان كانت كريستين قاست مع والد سارة فدا كان لاسباب خاصة بكريستين و جوزها نفسه و حالتهم و مش من المنطق انه ينطبق على سارة اصلا يعني جو انها أم دا و انها خايفة عليها مدخلش دماغي خالص

ياسر و ياقوت وجع القلب بادي بدري و يا خوفي اضيف على قائمتكم ايهاب

على يا جحودك يا اخي انا هسألك نفس سؤال ياسر اللي عمرك ما هتجاوب عليه لانك متقدرش تجاوب عليه عارف ليه لان المبدأ اللي انت ماشي عليه هو حلال للكل و حرام علينا حلال انك تجرح ياقوت و تهددها و انك تجوز ابنك غصب عنه و تخلف شرع ربنا لكن حرام انك ترضى بدا على نفسك او على اهلك الشئ اللي يخدم مصلحتك حلال و اللي مش يخدمها فهو حرام انت من الناس اللي بتحلل كلام ربنا على مزاجها تاخد اللي يعجبها منه في الوقت اللي تحبه و الموقف اللي عايزة و مش مهم الباقي ولا مهم اي مواقف تانية ممكن تكون مشابه

عايز ابنك يتجوز و يخلف طيب مسألتش نفسك يا سيد علي ياللي بيقولوا عنك حاج ان ممكن ابنك يقولك طيب و ميجبش عيال و تطلع مراته عندها عيب لا قدر الله هتعمل ايه وقتها هتجبره يتجوز التالتة ولا يطلق و يتجوز و بلاش لنفترض يا سيد يا محترم ان ابنك قالك حاضر و اتجوز لكن متممش جوازه و مقربش على مراته دي ساعتها هتعمل ايه هتبقى مرتاح ولا هتضغط عليه عشان كمان يمارس حقوقه الشرعية

يا سيد علي ياسر مش صغير و الضغط بيولد الانفجار و الانفجار من المحتمل انه يكون مدمر و يدمركم كلكم و زي ما انت عنيد مش بعيد هو يكون اعند فسيبه بقى يختار حياته و طريقه و متحولش علاقته بياقوت لجحيم

هناء و لطفي اممممممممممم بص يا لطفي كرهك لياقوت مريب و انا فكرت في احتمالين اولا انك تكون بتكنلها مشاعر و ممكن تكون مشاعر قديمة من قبل جواز اخوك و كنت حاطط عينك عليها
و ممكن تكون ناقم على ياسر لانه اتجوز واحدة تخالف كل اللي انت و اخواتك اتجوزتوهم و بطلع دا في حقدك على ياقوت
و في الحالتين هناء بتخدمك و بتخدمك حقدك و كرهك باللي بتعمله
مش عارفة بس دا اللي جيه في دماغيتي ناو
في النهاية ربنا ينتقم منكم انتوا الاتنين انت لانك بتكره اخوك قبل ياقوت و بدور على عذابه و تتلذذ بيه
و هناء لانها بتحاول بأقصى الطرق انها تحول حياة ياقوت لجحيم و الجحيم دا يطول علاقتها بياسر و اقدر اقولكم انكم نجحتم ان كنتم بتخططوا انك من ناحية تقنع ياسر يتجوز و ان ياقوت موافقة فهناء من ناحية تانية بتكوي ياقوت بنار مواقفتها المبدأية على الفكرة

ياقوت اللي عملتيه غلط كبير لانك باللي بتعمليه دا مش هتأذي حد غير ياسر و انتي بس و مهما كان ياسر بيحبك فهو حاليا بيمر بأسوأ مرحلة في حياته مع ضغط اهله و تصرفاتك مش بعيد تقدميه على طبق من دهب لواحدة غيرك و تعيشي عمرك كله تندمي
في الاول و الاخر هو انسان هيوصل لمرحلة و يتعب لو اللي بيحارب عشانها اتخلت عنه و بدأت هي كمان تحاربه و تضغط عليه بطريقة مختلفة أسد و اقسى من ضغط الاخرين

اسمعيها نصيحة ياقوت كوني انتي الصدر الحنون لياسر في الفترة دي كوني قوته اللي يحارب بيها و يقدر يقف قدام علي و اخواته بلاش تكوني انتي الايد اللي تسلمه ليهم

اخ منك روجي فصلين وجعوني و خلوني اكتئب بجد تعبت فعلا و كل دا و احنا في الاول بس حقيقي نفسي اسأل علي ازاي عايز يجوز ابنه و ابنه اصلا مش عايز يتجوز يعني بجد ازاي كل ما افكر فيها الاقي نفسي بتخنق و عايزة اشوف علي قدامي عشان اصرخ فيه
و رجاء اخير كوني رؤوفة و رحيمة بايهاب لو سمحتي