حكاية قلبين (باللهجة العراقية) *مميزة ومكتملة*

[شوق2012]

المقدمة

حين تمرُّ عليكَ السنين
ويسبقني اليكَ الحنين
فكُنْ يا فارسي على يقين
بأنك قدرُ مكتوبُ على الجبين




الفصل الاول

(حنين) هي الطفلة المدللة لعائلة غنية هي عائلة (الحاج رشيد)والمكونة من 6 افراد بالاضافة الى
الام والاب..جميع اخوانها واخواتها هم اكبر منها لديها ثلاث اخوات واخوين(صلاح
وحيدر).تدور الاحداث هنا بينها وبين شقيقها(حيدر)الذي يكبرها ب(10)سنوات حيث كان
من المفروض ان يكون حيدر اخر العنقود لكن عندما بلغ حيدر (10)سنوات,شاءت ارادة
الله ان تصبح ام صلاح حامل مرة اخرى وكانت اخر العنقود(حنين)_بطلة حكايتنا_.طبعا
العلاقة بين الاخوة والاخوات كانت طيبة لكن حنين وحيدر كانا على النقيض بسبب غيرة
حيدر من حنين التي اخذت مكانه(حسب اعتقاده)في قلب والديه وكان حيدر يحاول بكل
الطرق ان يسيطر على حنين لكنها كانت بنت شقية ومدللة,
ودلوعة والديها . كانت حنين ذات شعر طويل وناعم وعيون ملونة وكانت اطول من بنات
الجيران ممن كانو في مثل عمرها الى درجة انهم كانو يظنون ان حنين اكبر منهم
ولهذا السبب كانت بنات الجيران يمتنعن عن اللعب معها ولهذا تضطر حنين أن تلعب مع اولاد
الجيران الذين بمثل عمرها وبعكس بنات الجيران كان جميع اولاد الجيران يحبون حنين ويسعون لكسب رضاها . وكانت بالمقابل صارمة معهم ولا تسمح لأحدهم بالتجاوز عليها كونها ..اما حيدر فكان دائما يمنعها من أن تلعب مع الاولاد خوفا عليها.
اليوم صار عمر
حنين(10)سنوات اما حيدر فأصبح عمره(20)سنة وكالعادة كانت حنين تلعب مع اولاد
الجيران في الشارع وتركض مثلهم وملابسها متسخة كأغلبهم.. ولم تنتبه لوصول (حيدر) برفقة صديقه(فارس) وهما عائدين من
الكلية,أما حيدر وفي اللحظة التي لمح وجودها بين مجموعة الاولاد توجه ناحيتها وبعصبية سحب يدها من بينهم وهو يتوعد بمعاقبتها عند وصولهم للبيت وحاول ضربها لكن فارس انقذها من بين يديه والتفت الى حيدر.
فارس: على كيفك بيها حيدر, خطية طفلة اشون تتعامل وياها بهالقسوة؟
حيدر بنفس العصبية :فارس خليني اضربها هاي متتعلم
الا تنضرب(والتفت الى حنين):وانتي ولج كم مرة اكوللج لا تلعبين وية الولد
بالشارع,مو هناك البنات ديلعبون ليش متروحين تلعبين وياهن؟
حنين (وهي تمسح دموعها ببراءة):والله
ميرضون العب وياهم.حتى روح اسألهم .
فارس اخذها وأجلسها بحضنه ومسح
دموعها :لا تبجين حبابة,يلا روحي لبيتكم هسة وغسلي وجهج.
وفعلا دخلت حنين الى البيت وغسلت وجهها وغيرت ملابسها وجلست بهدوء على الارجوحة,وبعد قليل دخل كل من
فارس وحيدر الى البيت ..توجه حيدر لداخل البيت وطلب من امه تحضير الغداء له ولفارس الذي فضّل الانتظار في الحديقة وانتبه لحنين التي كانت تنظر له بفضول وبعينين بريئتين .
فارس ملاطفاً لها: ما شاء الله اشون طالعة حلوة
بهالملابس النظيفة . ما كلتيلي انتي شنو اسمج؟
حنين: آني اسمي حنين.
فارس:الله شنو هالأسم الحلو..عاشت الاسامي
حنين.
ابتسمت بخجل .
تقدّم منها معرّفاً بنفسه: و اني اسمي فارس صديق اخوج حيدر.
عَبَسَ وجه حنين على ذكر حيدر .
ابتسم فارس وسألها:
انتي بعدج زعلانة من حيدر؟
حنين هزت رأسها بــ(نعم)
فارس وهو مستمتع بمحادثتها:تدرين حنونة بصراحة حيدر ما يلاّم..لأنه يخاف عليج..ميصير بنية حلوة مثلج تلعب وية الولد بالشارع.

حنين ببراءة:آني ما احب البنات اكرههم.
ضحك فارس لجوابها: وليش متحبيهم؟
حنين: همة ميخلوني العب وياهم وميقبلون اصير الأميرة,يكولون انتي صيري الأم لأنه
انتي طويلة.
فارس(ابتسم لتفكير الاطفال):بس صحيح انتي المفروض متصيرين الاميرة انتي المفروض تصيرين
الملكة.
حنين :زين إنت َما عندك اخت صغيرة مثلي؟
فارس: لا والله ولو عندي اخت
الا اجيبها تلعب وياج يومية هي وين تلاكي صديقة حلوة مثلج.
زفرت حنين بيأس.
استمر فارس بنصحها وهو جالس قربها على الارجوحة: اكوللج حنين انتي لا
تزعلين من حيدر لأن حيدر كوللش يحبج ويخاف عليج وميريدج تتأذين,اوكي ؟
حنين(هزت راسها):نعم .
وبهذه الاثناء حضر حيدر ولاحظ الإنسجام بين فارس وحنين في اللحظات الاولى من لقائهم واستغرب أكثر لهدوء حنين وهي مع فارس
اقترب منهم وجلس بجانب حنين التي تململت في جلستها احتجاجا على جلوسه قربها..
ابتسم حيدر بدوره وقال مشاكساً لها:
هيلا يا رمانة ..حنّونة زعلانة
منو اليراضيها؟..محّد يراضيها.

..ضربه فارس بخفّة على كتفه:
ولك حيدر مو كافي عاد كبّر عقلك شوية.
حيدر ممازحاً لفارس: ها فارس تبيعني لخاطر حنونة؟..عالعموم اذا تريدها اخذها لبيتكم احنة منحبها.
حنين التفتت لفارس موضحة: والله كلهم يحبوني..ماما وبابا وصلاح وو...
قاطعها فارس :حتى آني احبج حنونة..عوفيه لحيدر بس هو يحب يضحك وياج.
حنين التفتت لحيدر:مو أكَولك كلهم يحبوني؟
حيدر قرص وجنتيها: يلا يلا آني هم راح احبج وأمري لله..هيَّ بقت علية.

نهضت حنين من مكانها وهي تسأل عن الساعة..أجابها حيدر بأنها الساعة الرابعة عصرا..توجهت بسرعة لداخل البيت .
حيدر: ها وين رايحة؟
حنين :اروح اشوف السنافر.

فارس:والله حيدر انتة ظالمها هالطفلة
شوفها اشون رقيقة وهادئة.
ومرت الأيام وتعلقت حنين بفارس
وبالمقابل فارس تعوّد على حنين وبراءة كلامها واسئلتها خصوصا انها دائما
من تفتح له الباب وتستقبله في زياراته المتكررة لــحيدر.
صار عمر حنين(12سنة)واليوم
بالتحديد هو يوم توزيع نتائج السادس الابتدائي و كانت حنين من
المتفوقات,حنين استلمت النتيجة وكانت الاولى على مدرستها,رجعت للبيت وهي مرفوعة
الرأس وسط صديقاتها وجاراتها,ولما وصلت الى البيت كان حيدر مجتمع مع اصدقائه قريباً من
باب البيت.
حنين ولشدة لهفتها وفرحتها بالنجاح توجهت راكضة نحو حيدر وأصدقائه..
حنين:حودة حودة باركلي طلعت الاولى عالمدرسة كلها.

(حودة هو اسم الدلع الذي أطلقته حنين على حيدر داخل البيت في لحظات الصفاء بينهم,لكن حيدر نبهها مراراً
الا تذكر هذا اللقب خارج البيت )

أحمرّ وجه حيدر بين اصدقائه وحاول أن يقلب
الطاولة على حنين.
حيدر ساخراً منها: ايييه وهسة اليسمعج يكول
الاولى ع العراق.
(وضحك هو واصدقائه)ما عدا فارس. الذي نهض من مكانه بعصبية مدافعاً عن حنين.

فارس موجها كلامه لحيدر ولأصدقائه:حيدر شبيك؟هذا بدل
متباركلها لأختك؟,وانتو ليش تضحكون؟منو بيكم اللي طلع الاول على مدرسته وهو بالسادس؟

سكت الجميع بينما توجه فارس ناحية حنين التي كانت لاتزال واقفة بمكانها وعيونها
دامعة من الاحراج.

فارس مع ابتسامة لطيفة: مبرووك حنونة,صحيح انتي الاولى عالمدرسة؟
حنين(هزت راسها):نعم.
فارس:عفية
بالشاطرة, وعناد بيهم الا باجر اجيبلج احلى هدية بالسوك.

حنين ابتسمت وسط دموعها شاكرة له.

وفي عصر اليوم الثاني كان فارس واقفا عند الباب منتظرا لحيدر ..وكالعادة حنين هي من تفتح له الباب..
فارس بأبتسامة: ها حنين اشونج اليوم؟
حنين:الحمد لله, تريد حيدر؟
فارس: اي نعم بس قبل
حيدر تفضلي هاي الهدية (ومدَّ لها كيسا انيقا بداخله لعبة جميلة )مثل ما وعدتج.
حنين(شهقت):صحيح؟هدية
الي؟
فارس:اي
صحيح ..مو انتي الاولى عالمدرسة لو آني غلطان؟
حنين وهي تحمل الكيس بفرح: اي صحيح.
فارس: وكل درجاتج عالية؟ حنين: إي صحيح,بس
بالرياضيات اخذت 92

ابتسم فارس:بس الرياضيات كوللش سهل..مرة ثانية ما ارضى تاخذين اقل من 100
حنين:ليش انتة شاطر بالرياضيات؟ فارس: اني
أصلا اختصاصي
رياضيات واذا عندج مشكلة بس كوليلي اوكي؟
حنين: ان شاء الله.
واخذت حنين الهدية من فارس وتوجهت لداخل البيت فصادفها حيدر بخروجه وسألها
حيدر: هااي لمنو الهدية؟ أكيد الي.
حنين وهي تحتضن الكيس:لااا عيني هاي الهدية الي آني من فارس لأنه
طلعت الاولى.
حيدر:فارس
شنو؟كولي عمو فارس..وبعدين انتي شكرتيه ع الهدية؟.
حنين التفتت لفارس وتوجهة ناحيته وقبّلت خده:شكرا.
ودخلت حاملة هديتها بفرح.

وكانت هدية فارس عبارة عن سنفورة لطيفة مع اكسسواراتها وفعلا صارت الهدية جزء من
حنين وصارت تجلس معها بالساعات تمشط لها شعرها وتغير لها فساتينها.

إنتقلت حنين للصف الأول المتوسط حيث كل شيء مختلف عن مرحلة الابتدائية وبالنسبة للرياضيات كانت حنين تلجأ لفارس اذا صادفتها مشكلة في الرياضيات
وكان هو يفرح لأسئلتها ويفرح أكثر لإستيعابها السريع وظلت على هذا الحال الى ان أصبحت حنين وبمساعدة فارس متميزة
في الرياضيات والفيزياء بشهادة مدرساتها واستمر الحال الى ان بلغت حنين ووصلت لمرحلة
الثالث متوسط وصار عمرها(15سنة) عندها نبهتها امها ان تمتنع عن فتح الباب او الخضوع بالقول والكلام مع اصدقاء حيدر خصوصا (فارس) لأنها لم تعد صغيرة وإذا حدثَ والتقتهم صدفة
أن تكتفي بالسلام فقط .

(سبحانك اللهم وبحمدك اشهد الا اله الا انت استغفرك واتوب اليك)

روابط الفصول

المقدمة والفصل الاول اعلاه
الفصل الثاني

الفصل الثالث

الفصل الرابع

الفصل الخامس والأخير

[زهرة نيسان 84]

شوق قصة رائعه و ناعمة فيها الحب الطاهر البرئ
شخصية فارس رائعة و فيها وجدت حنين العطف و التفهم
يمكن بعد كم سنة يتحول حب الطفولة لحب كبير يجمعهم عن جديد
تسلم ايديك صحيح وجدت صعوبة بفهم بعض الكلمات لكن صدقا استمتعت و كنت مبتسمة طول الوقت
كل الحب و الود

[شكرإن]

ياميت اهلاً وسهلاً على احى شوق والله اليوم العصر كَلت النفسي مشتاقه الى كتابات شوق وبديت اقره ادمنت عنادك مره لخ ماجنت ادري من القلب للقلب رسول عاشت ايدج بدايه مشوقه ياشوق

[هبة]

يا هلا بالحامل و المحمول ... يا هلا بشوق و بجديدك حكاية قلبين ...



الغيرة بين الأخوة تظل عادية إلى أن تصل إلى مرحلة الإيذاء و أتوقع أن الغيرة بين حيدر و حنين عادية مع أنه من المفترض أنه كبر فى السن و أصبح يستوعب الأمور بطريقة ناضجة أكثر ...


تطورت الأمور مع حنين أتوقع إلى الإفتتان الشديد و ربما يصل الأمر إلى الحب فيما بعد ...



شوق متابعاكى و شكراً لك

[انثى الهوى]

يا اهلا وسهلا حبيبتي والله مشتاقيلج ومشتاقة لروايتج الحلوة وخصوصا لهجتنا الحلوة
بصراحة اعجبني جدا طريقة سردك للقصة وانقهرت انها خلصت كنت اتمنى تكون اطول
حنين ذكرتني بأيام طفولتي من كنت صغيرة وشلون افتح الباب لاصدقاء اخوية الي يكبروني 15سنة بس فعلا من بدأت اكبر بطلت اطلع للباب قصتك واقعية جدا بيها لفحة جميلة من الطفولة والحب ...احبت فارس وجدت بية الاخ المفقود بحيدر وربما بمرور الزمن يتحول هالاعجاب لحب وممكن لا..
ننتظرج شوق حبيبتي رائعه اخرى من ايدج الحلوة

[nz111]

رواية رائعة بانتظار التكملة شـكــ وبارك الله فيك ـــرا لك ... لك مني أجمل تحية . موفق بإذن الله ... لك مني أجمل تحية .

[خجلي سر جاذبيتي]

تسلم ايدك اختي قصة مره حلوه عفيه متى راح تكمليها متشوقه اعرف ايش راح يصير للبطلين

[SheRen 88]

يا مية الف مليون اهلًا وسهلا والله مشتااااقين كلش كلش لرواياتج متااابعيج حبي ونشوف شنو سالفة حنونة وفارس من المقدمة بأمينة القصة روعه

[نسمة صيف 1]

يا اهلا وسهلا بكى حبيبتى شوق
مجددا رائعه اخرى من روائعك ...كتير بسعد بمتابعتك والقراءه لكى
اكثر ما يعجبنى فى رواياتك هى الواقعيه مع انها لا تخلو من الرومانسيه الجميله
حنين وفارس اعتقد ان تعلقها به هى بداية لقصة حب قوية
ولكن ماذا قد يكون موقف اخيها حيدر من هالحب
حيدر يبدو لى غريبا فشاب فى العشرين من المفروض انه قد نضج على موضوع الغيره من اخته الصغيره

وان يكون يشعر نحوها بالحمايه والعطف
فصل جميل جداااااااااا يا شوق
تسلمى حبيبتى الحلوه
وانا متشوقه جداااااااااا للفصول القاده
دمتى مبدعه يا قلبى

[s.a.a.s]

بدايه جميله جدا وباللهجة أول مره أقرأها ونفسي أتعلمها

حنين وفارس
أتوقع حنين بعد ماتمنعها أمها من مقابلة فارس بتبدأ تحس بحبها له بينما فارس شكله يحبها من زماان

حيدر وحنين
مدري ليش حسيت أنو في نهاية الأمر أكثر واحد حيساند حنين وحبها لفارس هو حيدر