شبكة روايتي الثقافية - رفقاً بقلبي (1)*مميزة ومكتملة* .. سلسلة قلوب تحكي

لالالالالالالالالالالالال الالالالالا منشان الله كله ولا الوجه دامع العيني اهئ ائه اهئ والله قلبي كان حاسس انك زعلانة ...بيبتي انتي يا كركر كله ولا زعلك ....انا والله لولا الظروف ....طيب اسمعي واحكمي...
انا كنت بامان الله قاعدة لاصقة بالجهاز وعم بقرا بالفصل https://www.lakii.com/vb/smile/21_143.gif.....وآآآآآآآآآآآآآه يا قلبي من اللي صار في حالتي من الفصل...المهم..... انا بامن الله بقرا واهم شي الابتسامة الهبلة معبية وجهي ...لا وشو الكارثة الكبيرة بضحك باعلى صوتي .... الوحش الاخضر اتصل فيي كالعادة يسالني شو عم تعملي... فقلتله خالصة شو بدي اعمل عم بطبخ... فقال يعطيكي العافية ما تنسي راح اجي ع البيت بدري اليوم قلتله ان شاء الله ...المهم سكرت معه ورجعت متل المجنونة اكمل الفصل وبرضه بضحك مع ابتسامة هبلة لاصقة بوجهي... ولا شو كمان عم بجيب اسماء اللي بضحك عليهم مرة كريم ومرة نجاة ومرة حسين وهيك.... لحتى وحشي وصل البيت وانا ما واخده بالي انه دخل كنت عم بضحك وبقول الله يجبرك يا ابو حميد على هيك عمل.... وعينك ما تشوف الا النور نط بوجهي وقال مين ابو حميد هاد؟؟؟؟ (وعيونة ربنا يحفظنا بس).... فبلمت متل الهبلة والمصيبة انه الابتسامة الهبلة مش راضية تروح عن وجهي وقديش حاولت وبرضه ع الفاضي لاصقة لا محالة متقوليش لصقة انجليزي؟؟؟؟ فقلتله...احم احم.... يعني كم ابو حميد عندنا بالعيلة؟؟؟ ربك ستر يا كركر انه اخي اسمه احمد والا كان شك فيي الزلمي انه مصاحبتلي شي واحد اسمه احمد...ايييييييييييييييييه منيح ما اجا وانا بقول يسعدلي اياك يا مصطفى.... كان شو بدك اقوله؟؟؟؟ اجا زوج خالتي على بالي فجأة؟؟؟ طيب نفرض مشيت عليه ...حسين منين اجيبله واحد من العيلة وهو اصلا مو موجود....المهم ربك سترها معي....
سالني الاكل جاهز ؟؟؟ فنطيت متل المجنونة وقلتله ثواني بس وتعالي شوفي حالتي تحلفي يمين اني بحرب عالمية تالتة وكانت هاي حالتي وطبعا ما تنسي الابتسامة الهبلة اللي على وجهي...
https://fbcdn-sphotos-a-a.akamaihd.n...20372741_n.jpg
فلما شافني هيك متل الهبلان قال بحلف ميت يمين انك كنت قاعدتيلي من الصبح على النت والله ما رايحة تشوفيه طالما انا بالبيت وكيفي يا ست هانم قاعدلك 3 ايام اجازة...اهئ اهئ اهئ وحرمني من النت يا كركر اهئ اهئ اهئ ومع كل هاد ما قدر يمسح الابتسامة الهبلة عن وجهي تقوليش تعويذه وابتليت فيها ..... والله والله والله وانا على سريري باليل كانت الابتسامة بعدها لاصقة والوحش منجن وهو بيسال ولك شو صايرلك مالك هيك؟؟؟ فقلتله لا بس فرحانه انك ماخد 3 ايام اجازة وقلبت حالي للجهة التانية لانفضح ههههههههههههههههه وشوفي يا حرام صدق كلامي وقال اذا هيك الله يبسطك كمان وكمان ههههههههههههههههه
بس ما قدرت يا كركر تاني يوم سرقت الاب ودخلت الحمام وقلت خليني افقد المنتدى وايه الاخبار ع السريع.... فاصطدمت بوجه دامع العينين فقلت لاااااااااااااااااااا يا الوحش يا انا
https://fbcdn-sphotos-b-a.akamaihd.n...93308214_n.jpg
وبالاخير التعليق انتصر ههههههههههههههههه
نيجي للفصل... يعني شو بدك اعلق واقول؟؟؟؟ والله كل كلمة بدي اكتبها فيكي بتكون شوية على ابداعك اللي ما اله نهاية... بسم الله ما شاء الله عليكي وبعدين انا سمعت انك مريضة... الف لا باس عليكي ان شاء الله بسهام وامها ولا فيكي... انا خايفة انه حسدناكي كركورتي ... بخري نفسك يا قمر.... حرام شو ذنب عمو الحكومة نصيبك بعين حسد؟؟؟؟ واتما انت فاه ذنبك لانك مش مخلية لحد ابداع مكوشة عليه كله.... بسم الله ما شاء الله ولا حول ولا قوة الا بالله...

حسين ...سوسن... الله يتمم عليكم بخير... فرحانة كتير انه الحب اللي نما بينهم اتغلب على كل المشاكل اللي صارت بيناتهم... خاصة بعد اغتصابه لها... صح اللي صار بناتهم كتير صعب خاصة على واحد متل حسين .... وانه اتقبل ماضي سوسن حتى لو انها ما كملت زواجها بس بدك الصراحة كركر مو كل شاب بيتقبل ماضي متل هيك خاصة لما يكون بالسر.... يعني لو كان بالعلن عادي بتكون متلها متل غيرها ما كان نصيب واتطلقت.... لكن انه يكون بالسر فهاي كارثه حقيقية....
ابدعتي بوصفك للمشاكل من هاي النوعية كركورتي.... وانه من الممكن انه كل بنت تخطأ بحياتها وكيف انها لازم توعى على حالها وما تصدق كل كلمة حب او اعجاب تنقال لالها... يعني ما رايحة اصدق انه ما في بنت ما اعجبت باستاذها او زميلها... لكن الشطارة هون كيف نتعامل مع الموضوع... انا منه علي قلت لبنتي اسمعي يا بنت انا عارفة كل حكاوي البنات واول ما رايحة تبصي رايحة تتوجهي لاستاذك او زميلك فخليكي من هالحركات لانك رايحة تشبعي ضحك على حالك لما تكبري وتقولي وين كاين عقلي فاختصري الطريق وسيبك من هيك شغلات ... وذا صار وحبيتي فانا اول وحدة تعرف... انت سامعة... قالت سمعا وطاعة فغابتلها البنت شي يومين وتيجي بعدها وتقولي ماما اتفقنا اصارحك... زميلي بيطلع علي بنظرات غير... فانا بلمت يا كاري ومعرفتش ارد ازاي.... اتاري البنت كانت بتستنى مني الضو الاخضر... طيب استني يا بنتي لحتى يمر شي اسبوع ع الموضوع اهئ اهئ اهئ هو انا ناقصة هيك كلام اهئ اهئ اهئ بس الحمدلله انها قالتلي انا مو لحد تاني اتو انها سكتت عن الموضوع خالص...صارت يا كركر لما تقولي ماما عاوزتك فلبي يصير يدق متل المجانين من الخوف.... المهم خلينا بموضوعنا... صحيحي هو حسين اتصرف بالاول بطريقة قاسية بس مين فينا كان يقدر يلومه؟؟؟؟ لكن بفضل لسانه اللي متبري منه وخلاه يحكي لكريم ابو عقل كبير عن مشكلته كان ما عرف يحلها ويخلي البسمة الهبلة تلصق بوجوهم....
( " الا استطيع ان احظى .. بقبلة ؟!" ) يا عمري عليك يا حسين... بنت يا سوسن اعطيع اللي بده اياه... ولك يا بنت انت قبل كنت بدون ما يحكي لاصقة شفايفك بشفايفه ...هلأ لما الزلمي صار بده حقه بدك تترفعي عنه... بكسر راسك ولك...
( لم يشعر يوما بكل هذا الظمأ حتى ارتوى منها ليدرك ايّة ايامٍ جوفاء كان يعيشها محروما منها ... يد تعانق جانب وجهها وذراعه الاخرى تحيط خصرها لتلصق جسدها به ...) ييييييييييييييي يشحر راس اليهود ان شاء الله ولك احنا قلنا بوسه مو توكلها للبنت... ملحق يا اهبل هلأ روحوا ع الغدا وكلشي بوقت منيح......

منى ... مصطفى...
أويهــــا ارفـــع عينـــك يــا مصطفى واقشعهــــا
أويهــــا وكـل مـا قلتلـك كلمـي إسمعهـــا
أويهــــا وكـــل المـال يلّـــي حطيتـــوا
أويهــــا مــا بيســــوى راس أصبعهــــا
أويها "مصطفى" يـا واحـد
أوها "ومنى" يـا اتنيـن
أوها اللي ما يصلّي عالنبي
أوها لـيعـدم العـينتيـن
لي لي لي لي ليش
دخيل الله انا... خيرا هالهبلة اقتنعت بانها بتحبه... لا وشوف البنت بتحبه ومن هي صغيره... يسعدك ربي يا كركر كيف انك بينتي ليش منى حاملي كل هالعقد عن الحب مع انه ابوها وامها احلى مثال على اتنين بيموتوا ببعض.... قال شو قال بدها تبرهن للكل انها مش ضعيفة وانها بتقدر تكون قوية متل الاولاد.... روحي بس هو حد لاقي .... ولك بنات هاليومين بتحلفي يمين انها زلمي مو بنت من كتر دفاشتهن... تعالي شوفي البنت اللي عندي... ليل نهار بتتفرجلي على جون سينا بتاع المصارعة لحتى شكيت انها ولد مو بنت من حركاتها والله لما تضرب اخوها بتقولي مطرقة مو ايد بنت.... لا وشوفي الفلم البنت متل جون سينا وامها ليل نهار عايشة بعالم ديزني لاند مع الاميرات... وانا بقولها ولك خليكي ناعمة... لا اله الا الله بس.... تعالي شوفي الوحش اللي عندي بيقولي لازم اتدوريلها على عريس يكون معضل شوية لانه لو اعطيناها لواحد رومانسي بتكومه من اول ليله... شو اعمل والا شو اقول بس.... الله يجبر اللي عنده بنات...
(" هل انت نائم ؟!!") احلى شي لما تتصل بالليل بواحد نايم وتساله هالسؤال.... لا والله كان بيعمل شوبينج....
(" هل هذا هجوم بعد منتصف الليل ؟!") بدك تعذرها صطوفتي البنت ما عرفت تنام ولو استنت لبعد منتصف الليل كان انجنت....وبعدين محلاك وانت عم تعترض... المهم انها اتصلت .... منتصف الليل باخره باوله بالقرود المهم اتصلت...
(رد بصوت اثقلته مشاعر حبيسة " هل كان يجب ان تتصلي بعد منتصف الليل ؟!! هذه المرة سأجن من انتظار بضع ساعات حتى تشرق الشمس ) لا تستنى ولا شي... اسمع انتي جارها مو هيك...انزل لتحت في عندهم حديقة وما ادراك ما الحدائق يا سطوف.... واكيد في اشجار... وما ادراك ما الاشجار .https://www.lakii.com/vb/smile/21_75.gif.. انت وصل هناك وبتتفاهموا بكل روقان.... انت روح بس....منى بجرها من راسها وبوصلك اياها لهناك... يمسيكم بالخير يا ال الشرقاوي.....
( همست بخوف " ماذا تفعل مصطفى ؟!! ما زلت بثوب العرس !!") ما تخافي من بده شي بده يحكيلك قصة قبل النوم.... شو رايك بقصة عروس وعريس؟؟؟؟ واذا على الفستان ما تخافي بيطير مشان عيونك....
يعني تنين بليلة عرسهم هلأ اجا ببالك يا ست منى تحكيله كنت متعقده من الحب والزواج ليش؟؟؟؟ الله اكبر ولك يا بنت حتى ليلة دخلتك بتختلف عن باقي البنات....ما صدقتي وجبتي كل الماضي لحتى تحكيه... طيب رفقا بقلب الزلمي اللي مستني على نار.... ما فكرتي فيه وهو شايفك قدامه... لا اله الا الله بس... الحق عليك مصطفى انت دللتها كتير....

فراس... رهف.... يا عيوني عليكي والله انت فعلا اللي كنت مفاجأة...والله وكبرتي يا بنت وعرفتي تشغلي عيونه للدكتور.... شوف الركازة اسم الله عليها.... الها حق انها تخجل منه بعد اعمال المراهقة اللي كانت عم تعملها معه .... بتعرفي كاري رهف قالت وجهة نظري بالموضوع ..( ان اي ارتباط بالدكتور فراس هو خطأ "...انه احب اختي يوما) انا سبق وقلت هيك برضه حتى لو ما كان حب فراس لمرام حب كبير متل حب ابو حميد لكن ما ننسى انه موجود الثور بالنص....يعني شو راح يكون احساسه لما يشوف فراس طالع نازل عندهم؟؟؟؟ والله ليكون متل الثور اللي بتلوحيله قطعة القماش الحمرا لحتى يهجم عليكي.... بس بقول الله يصبرك يا ابو حميد على اللي بده يصيرلك من حرق اعصاب في الجزء التاني اللي كركر بدها تكتبه....والله لنضحك ضحك ههههههههههه....
شو دكتورنا...فتاة الشباك كبرت واتدورت ما شاء الله... هلأ صارت تعجب ما؟؟؟ يا ويل قلبي عليك ... هالاحمد ما تركلك شي من بنات بشرى.... احنا لو كنا عارفين هالشي كان احكيتلك مع بشرى وتجيبلها كم بنت لانه الظاهر سوق بناتها ماشي عال العال ... فرجيني لشوف كيف هاي المرة بدك تقلب لفتى الشباك وتلحقها لرهوفة...
قلبي معك دكتورنا.....

سهام.... الله يخزيكي يا شيخة... هون المقطع الوحيد اللي الابتسامة الهبلة راحت من وجهي... استغفر الله بس.... ولك شو كنتي بدك تبرهني لحالك بدي افهم؟؟؟؟ والا كنت بدك تشوفي شعور امك لما كان واحد متل ابوكي يقرب عليها؟؟؟ شو بدك تعطيها مبررات والا شو؟؟؟؟؟ الله يخزيكي كمان مرة ... انسانة مريضة فعلا... ولك عامل الكهرباء؟؟؟؟ ما لقيتي احسن منه.... ريتك تتكهربي انتي واياه ان شاء الله....اخس عليكي...

بشرى.... بصراحة ارفع لك القبعة على ابداعك لتربية بناتك بالرغم من عدم وجود الوالد.... ابدعتي ابدعتي ابدعتي.... يعني انك تلاقي نفسك مسؤولة عن بنات تنتين وانك الاب والام هاد اصعب شي وما بعتقد انه اية واحد بمكانك كان رايح يعرف يربي بناته على الطريق الصحيح وانه يقدر يتحمل اللي اتحملتيه...ربي يكون بعونك...
طريقة احتواءك لرهف خوف من انها تكرر خطأ اختها كان رائع ... مع اني ما بلومك ابدا لانك وافقتي مرام على طلبها... لكن سبحان الله ربك اعطاكي من العقل ما يكفي لتعرفي مصلحة بناتك ... وهاد الشي كمان ظهر بطريقة تعاملك مع مشكلة مرام لما زعلت من احمد وانتقلت لبيت نجاه... يعني ما جيتي وعاتبتيها بقولك انا قلتلك وانت ما سمعتي كلامي... بالعكس كنت لالها السند .... احييكي ...

نجاة... كريم... مو شي غريب على كركر انها تجيب شخصية متل شخصيتهم بالرواية.... ربي يسعدك على هيك شخصيات ... نجاة بقلبها وكريم بعقله... وبعدين انا ما بشوف انها نجاة ضعيفه حسب كلام منى... بالعكس يا هبلة هاد اسمه تكتيك... يعني بتعرف امتى تتكلم وبتعرف امتى تسكت مو متلك خيبة.... تعالي شوفيها كيف انها بتفرض رايها بدون ما تحسس كريم انها فرضت شي ما بده اياه... يسعدلي اياها بس... والله هالنجاة مدرسة لازم الواحد يتعلم منه...
بتعرفي كركر والله انت المدرسة... لانه انتي اللي بتكتبي هيك كلام وهيك ابداع... يعني هالكلام وهالتفكير كله نابع منك انت... يسعدك ربي ونياله حكومتك على وحده بتملك عقل متل عقلك وتفكير متل تفكيرك ...لازم كل يوم يصلي ركعتين شكر لوجه الله الكريم على انك زوجته وام عياله... ربي يسعد قلبك....

احمد...غرامه... يا بنتي ايه الكلام الكبير بتاع ثور افندي... الله الله الله عليكي يا كركر والله خايفة احسدك... ما شاء الله... شو هالتعبير عن المشاعر ... شو هالجمل وهالكلمات .... والله تفوقت على نفسك بكل المقاييس... ابداع لا مثيل له... خيال.... اخيرا ... اخيرا تخلصت مرام من شبح شهد ومكر سهام.... والله مني مصدقة.... لا وشوف البنت ما اشطرها عرفت انها تخلي السيد احمد بجلالة قدرة يوافق على انها تشتغل... مع انه كان رافض الموضوع اساسا... بس عرفت كيف تقدر تاثر عليه وتخليه يوافق.... انا كتير فرحانه انها قدرت تمارس عليه تاثيرها.... لانها بتملك تاثير كبير على ابو حميد بس ما كانت عارفة لانها كانت هي بذات نفسها متاثرة فيه وتحت سيطرته العاطفية... بس كان يطلع فيها الا هي دايبة وبتستسلمله ... يا اختي في حدا عنده هيك رجال وما بده يستسلم... الله اكبر بس....
(يمكنك ان ترتدي بنطالا من الجينز فقط ،مثلنا تماما ... وعندها لن تشعري بالحر ابدا ..") انت عارفه شو ضحكت على هالجملة ههههههههههه والله شكيت انه الجيران سمعوني وقالوا انجنت المرة بتضحك لحالها ههههه والله يا ايمن هاد اللي كان ناقص ابوك ... يعني حضرته مو ماسك حاله وهي ملفوفة بالروب كمان بدك اياها تكون لابسة بس البنطلون ههههههههه يسعدك ربي....
(" قد لن تشعر هي بالحر لكن والدك سيشعر بالاشتعال ..") ههههههههه يا وقح شو هالكلام.... بتفسد اخلاق الولد بعدين... سؤال بيطرح نفسه.... ما هي المكونات التي تؤدي للاشتعال؟؟؟ والله سؤال بياخدوه الاولاد بالعلوم انا كنت بعرف انه لازم تتوفر مادة قابلة للاشتعال وكمان اوكسجين ومادة مشعلة لكن هون اتغير المقرر واللي ظهر انه مشان تسبب الاشتعال يجب ان يتوفر مرام كما طالبها ايمن ان تكون + ابو حميد = اشتعال متل البراكين ههههههههههه
(ربما هي لاتسمعك جيدا .. اذهب اليها ابي وقل لها صباح الخير يا غرامي وسترد عليك ..") يسعدلي اياه الفهمان... شوفي البراءة... ولا ماخد قول يا غرامي من مسلمات حياته ....
(" قل لها ان العشق يبدأ وينتهي بها فلا عشق قبلها ولابعدها .. قل لها ان الرعايا يموتون جوعا ومليكتهم لاترمي لهم حتى بالفتات !! ") آآآآآآآآآآآآآآآآآآآآآآآآآ آآآآآآآآآه يا قلبي يا كركر حرام عليكي شو هالكلام هاد....والله عارفة يا ابو حميد بس شو نعمل ... البنت بدها تربيك شوية عشان تثبت شخصيتها ...
( " فقط لو تسمحون لي بالاقتراب منها .. انا احتاج للتكلم معها على انفراد ..")قالوا للكداب احلف....
(" لماذا تغلقين الباب بالمفتاح يا منى ؟؟" ثم اضافت بمرح ساخر " صدقيني احمد لن يهاجمني عند منتصف الليل ليلتهمني وانا نائمة !!") ههههههههههه مصدقة حالها الاخت وواثقة كتير ...طيب لفي وشوفي.... مش رايح يستناكي لحتى تنامني اصله بيحب تكوني واعية....
(" ماذا تفعل هنا ؟!") شوف هالسؤال!!! والله لولا التشفير كان قلتلك شو بيعمل عندك... بتستهبل الاخت....
( " صباح يذكرني بصباح زفافنا .. " صمت ليضيف بعذاب " لكن ...شتان ما بين ليلة زفافنا وليلة الامس !") انت حتقولي يا ابو حميد ... انا شو اتعب قلبي الا البطيييييييييييييييء .... الله يسامحك يا مرام هيك ...هيك تكسري بخاطره للزلمي؟؟؟؟ وينك يماما تعطيها كم كلمة بجنابها من اللي بيحبه قلبك.... يا ويل قلبي عليك يا ابو حميد....ثور وبده يعيش ع الذكريات؟؟؟؟.... اييييه اذا بالتطبيق ومو ساترنا بالله كيف بده يصبر عليها نظري بس؟؟؟..... انا من هلأ بقول مو مسؤولة عن اللي بده يصير....
( " انت تعملين الان وتفعلين ما تريدين .. وانا اثبت لك مرارا وتكرارا حبي واخلاصي لك .. اذن ماذا تنتظرين لتعودي للبيت ؟! هل ساظل هكذا مشتتا ؟! لابيت .. لاعائلة ..لا .." توقف قليلا وهو يرفع راسه لينظر في عينيها قائلا بهيام " لا.... حب !")( " حسنا .. سأكون جاهزة للعودة لبيتنا بعد ساعة من عودتي من الصيدلية ..") لا لا ما تستغرب ابو حميد انا ما سكتت للبنت... والله شو رايها يعني تضل انت بجهة وهي بجهة... ما بيمشي عنا هالحكي والمرة لازم تلصق بجوزها وين ما يروح... وبعدين انا قلتلها ..... قال – صلى الله عليه وسلم-: "إذا دعا الرجل امرأته إلى فراشه فأبت، فبات غضبان عليها، لعنتها الملائكة حتى تصبح"، والحديث متفق عليه، عند البخاري (3237)، ومسلم (1436) وبيني وبينك هي لما شافت هالبرهان ما ضل براسها العقل ووعدتني اول ما تشوفك رايحة ترجع على طول....
(بعد فترة كان احمد يضحك بلا توقف وهو يلملم الزجاج المتكسر المتناثر بينما مرام تتخصر بحنق عابسة) كركر يا شريرة في هون برتوت ناقص.... شو كسر القناني بدي افهم؟؟؟ يعني بيجوز انها قالتله هالكلمتين فاندفع عليها متل الثور لحتى ينهل من الشفايف اللي نطقوا هالكلام؟؟؟؟
والا بيجوز انه لما سمع كلامها انقض عليها كالوحش الاسر ومن خوفها ما عرفت وين تروح فارتطمت بالرفوف وبهيك سقطوا القناني؟؟؟؟ بس برضه انهل منها لحتى شبع...والا طالب الاخ بدفعة صغيرة لحتى تصبره لحتى يرجع على البيت وما لقيت غير الرفوف تتسند عليهم لانه رجليها تحولوا بقدرة قادر لهلام؟؟؟؟ والا.... اسمعي يا كركر يا بتلحقيني بالبرتوت بتاع الصيدليه يا انه حفضحكوا بالمنتدى وانا عم اتخيل شو صار بالصيديلة.... والله هو حد قالك انه بدنا باختصار؟؟؟؟ انا مليون مرة قلتلك انا ما بفهم الا بالشرح المفصل.... والله شرحك راح يكون ارحم من تخيلاتي....
يسعدلي اياكم كيف ما رحتوا وكيف ما جيتوا ... والف الف مبروك على الحمل ويتربى بعزكم ان شاء الله...
كلمة على جنب ابو حميد... انا كتير فرحانة فيك باللي عملته مع سهام المعدومة .... صح انه وجهها ما بيستاهل بس انت بيردك اصلك الطيب وكمان ما تنسى انها بتضلها ام ابنك ورايح الاشي يأثر عليه لو اثرت فضيحة... يسعدلي اياك شو فهمان... اه وكمان شي تاني... بطل شغلة الثوران هاي لانه الاخت حامل وما رايحة تتحمل هيك انفجارات واندفاعات... فبالراحة عليها لحتى تثبت... يسعدلي اياك... كيف انك رجولة ممزوجة بالحنان...

نرمين.... هههههههههههه والله هالنرمين بتوصف حال بنات هالمنتدى ههههههه كان غيرك اشطر يا حلوة ...مرام اسرته من نظرة وحده فما يكون عندك امل ... الا اذا بتسالي نجاه اذا عندها اخ تاني وما حدى بيعرف فيه؟؟؟؟
ابدعتي ابدعتي ابدعتي... والله ما لاقية كلمات توصف ابداعك او توفيكي حقك من الشكر....
قدرات ابداعية لا متناهية... ما شاء الله عنك... دايما عندك تجديد وابتكار... ودايما بتعرفي كيف تعرضي المشاكل وتحليها..... يسعدلي اياكي... دائما وانا عم بقرا بفصولك بحس كاني بغيبوبة ناعمة....
دمت لنا متالقة ودام ابداع دائما وابدا...
بانتظار الابداع القادم ...وآآآآآآآآآآآآآآآآآآآه من الغوازي وعملهم.... انا فضيت كل غرف الغسيل استعداد للزنقات الغير متوقعه... واشتريتلك اما شو يا كاري اريكة غير شكل.... اصغر حبتين من اللي كانت موجودة بالاول... انت عارفة ليش طبعا.... يسعدلي اياكي.....