شبكة روايتي الثقافية

شبكة روايتي الثقافية (https://www.rewity.com/forum/index.php)
-   عروس روايتي (https://www.rewity.com/forum/f282/)
-   -   كل شي عن الزواج.. حياكم نصاايح مني شخصياا (https://www.rewity.com/forum/t205869.html)

crazygirl-1995 06-07-12 12:54 PM

كل شي عن الزواج.. حياكم نصاايح مني شخصياا
 
السلام عليكم ورحمة الله وبركاتووو معاكم سلوى المطيريييي


شلوونكم؟؟ >> عرووسة سابقا


انا قبل جم شهر كنت مثلكم اجهز واحاتي، وتزوجت.. وخلال هالاشهر المعدودة من زواجي صارتلي وايد مواقف واستفدت من كل شي.. كنت اقول لما اطيح بأي مشكلة: محد علللمني !! بس الحين حبيت اعلمكم عن الشغلات اللي احس كل عروس لازم تعرفها قبل الزواج.



ادعوولي بالتوفيق عفيا

أول شي (ليلة الدخلة) :

-بنات أول شي لازم تكونون متهيئين نفسيا.. اقروا سورة البقرة الصبح والمعوذات وأذكار الصباح والمساء وادعوا الله يووفقكم بحياتكم. واقروا دعاء الجماع بس مو اشكره .. وهم طول فترة الجماع أول ليلة عليج بالاستغفار..

-الليلة الأولى لج لاتسوين شي.. لاتبادرين.. لاتسولفين.. خلج مستحية وصدقيييني هالشي من صالحكم بناات.. انا ماراح اقولكم علشان الريال ياخذ فكرة (ترى في رياييل يحبون البنت اللي تسولف وتبادر) بس علشان موضوع ليلة الدخلة يصير افضل خلج مستحية.

-لا تسألون احد عن اول ليلة اذا تبون نصيحتي، انا لو كنت ادري شبيصير جان اخذت فوق تحت ، احسن شي انج تكونين عفوية وماتدرين شيصير، بعدها مو مشكلة سئلي عن كل شي، لكن اول ليلة يفضل يكون على ويهج.. علشان ماتفكرين وايد بهالموضوع.


-النظافة فالنظافة فالنظااافة، ولما اقول نظافة يعني (المنطقة الحساسة وريحة الحلج)..
بنات انا ما الومكم طول اليوم لووية وضغط وتعب والعرررس، لما اتيين الفندق او شقتج سمعي كلامي عدل:
-بعد ماتقطين بدلتج، سواء تسبحتي او لا: غسلي المنطقة الحساسة بغسول ويفضل (سيتيال من الصيدلية سعره 3 وشي وحجمه كبير)، بعد ماتبللين المنطقة تاخذين منه شوي وتفركين عالخفيف على المنطقة الحساسة من جدام، وبعدين تاخذين وتفركين عالخفيف عالمنطقة من ورا وتغسلين.. التفريك يكون مثل ماتغسلين ايدج بالصابون..

-بعدها الاندر آرم على حسب طريقتج في حالة يمديج تاخذين شاور اخذي، في حالة الوقت مو بصالحج اخذي كلينكس وبلليه بماي وصابون "عصريه لايصير كله ماي وتتبهدلين" ، بعدين فركي عالخفيف على الاندر ارم وماله داعي تغسلينه بماي بس نشفيه وحطي ديودرنت وبعدين بودرة مرة ثانية "بودرة اساس".

-المهم، فرشي اسنانج، وفييي شغلة من الصيدلية عبارة عن كبسولات للمنثول "النعناع اللي بالعلوج والحلاو اللي ريحته حلوة"، هذا ياحبايبي في منه حبوب تقدرين تاخذينها اكثر من مرة باليوم، واللي معدتها ماتتحمل خل تستشير الصيدلي.. هذا بدال لاتاكلين علج راح تطلع ريحة النعناع من بطنج وجسمج >> بدال حبوب زيت الزيتون. وهم انصحكم بالحلاو بو قرطاس اللي يكون جنه قرطاس تحطين وحدة بحلجج وانتهينا.. وحطيها تحت مخدتج

-بعدها انصحج ان المنطقة الحساسة ترطبيها عالخفييييف من فوق حيل بس.. وترطبين اللي ورا.. ونصيييحة البوودرة يابناات.. اشتروا البودرة المعطرة ترى صج صج تنعم البشرة وتعطيج ريحة حلوة.

-في حل سريع واهوا الكلينكسات ملوت المنطقة الحساسة، بنات ضروووري تشترونها ويكونون بالحمام او بدرجج او بجنطتج لازم يكوونون معاج مثل ظلج للحالات الطارئة، ولاتنسون الكير فري واحسن نوع اهوا الفريش داي FRESH DAY . وهم اولويز مالهم حلو.

-بعد ماتخلصين من الجماع روحي تسبحي على طول وصلي ركعتي، وخلج مستحية ومالج ويه، علشان لايطلب منج هالشي مرة ثانية .

-المكيااج ضرووري يابناات.. مقلمة المكياج بالحمام تكرمين او عند درجج، وانصحكم ان غسول الويه يكون بالحمام مع المرطب، علشان لما تتسبحين تغسلين مكياجج وترطبين بشرتج وتحطين مكياج، المكياج المقترح:
- فاونديشن هيلثي مكس من برجوا
- كونسيلر غارنييه من الجمعية "طبيعي وعملي وخفيف"، او اذا عندج هالات استخدمي اي كونسيلر ترتاحين عليه وانا ارشحلج HR و ماك
- كحل اسوود قلم + اللي تستخدم الايلاينر تحطه بالمقلمة
- حمرا طبيعية تحبينها
- غلوس او زبدة كاكاو
- بلشر صيغروني طبيعي
- باليت شدو من ثلاث الوان على حسب ذوقع (درجات البني او الرمادي او الوردي.. وهكذا)
-قلم حوااجب >> ضروري للي نفس حالتي
-عطر صغير.. واذا عندج عينات حللييييهم


بنات نصيحة كشخووا وانا انصحكم ان اول الايام تلبسون كله حراير وكله الوان العرس مثل الابيض والاوف وايت والوردي الفاتح.. حسسوا نفسكم انكم عرايس خوو الوحدة جم مرة بتعرس


القمصان (متى وشلون):

-بنات اول شي في معلومة غلللط حبيت اصححها، القمصان الطويلة ماتشترينها حق اول يوم بسسس !! القمصان الطويلة صح تلبسين منها اول الايام بس هم من اول اسبوع ابدي لبسي القمصان الساتان اللي تصير فوق الركبة مباشرة او تحت الركبة او بنص الركبة.. ولبسي قصير بس القصير المحتشم الناعم الذرب :


وبليييز بناات الله يخلييكم القمصان الطويلة والله حلوة.. خاصة لما تكونين كاشخة حدج ومسوية شعرج ومكياجج عدل احلى شي القمصان الطويلة.. بس تكفون قمصان يدتي لاااا.. او اللي جنهم شلحات طوييلة.. بنات اخذوا اللي يكونون طوال بس شفافين.. فيهم شقات.. فيهم دانتيل.. الظهر طالع.. الصدر طالع.. إلخ:


بالنسبة للبيبي دول أجلي فكرته شوية، اشتري اي.. بس لاتلبسينه اول الايام.. وبعد اسبوع او اسبوعين ابدي لبسي قصار مغريين بس مايكونون نظام مشلح اووفر.. لبسي ستايل فكتوريا سيكرت يعني ذرابة وبنفس الوقت إغرااء.. التدرج حلو بالنسبة لج انتي، لان القميص بالنسبة للرجل يعكس رغبتج فيه.. فلو كنتي لابسة ابو المشلح من اول الايام عباله ان انتي تبينه (سوري عالجرأة)


- البجامات الحرير، بنات هذول نوعوا فيهم جوي بحري أرضي.. يعني طويل قصير ثلاث ارباع.. حفر جابانيز.. شورت.. كللله نوعي فيه.. وأفضل شي الابيض والاوف وايت والوردي والاحمر.. بينفعونج حيل وماراح تتحسفين


(العناية بالمنطقة الحساسة والتجهيز للجماع):

بنات المنطقة الحساسة لازم تهتمون فيها نصيحة، وصدقوني الاهتمام سهل وراح يكون من صالحكم، حاولوا تتنقعون بماي دافي وملح خشن راح تحسون بفررق، والغسول مهم، وحاولوا ماتفركونها بصابون بس استخدموا الغسول.. لازم تشيلون المنطقة على طول سواء بشيرة او موس -على حسب اللي تفضلونه-، انا وحدة من الناس سويت ليزر وبس اشيل بموس.. تسبحوا عادي واستخدموا السنفرة للمنطقة الحساسة وللخلفية بس لاتسنفرون حيل.. وبعدين غسلوا وطلعوا.. اذا تبون حطوا بيبي اويل على جسمكم او لوشن للي ماتحب الاويل.


قبل الجماع.. دشوا الحمام غسلوا بغسول,, ولما تطلعون حطوا لوشن على جسمهم وشوي عالمنطقة الحساسة ومن ورا.. رشوا عطر الجسسسم.. وبعدين حطوا بودرة معطرة على جسمكم.. ومسك على اماكن النبض و ورا الاذون وعلى التجفسات وفوق بالمنطقة الحساسة.. بين الفخوذ والمنطقة اللي ورا، بعدين لبسوا القميص ورشوا عطركم على القميص بسس.. تقدرون مثلا بدال اللوشن تستخدمون اللوشن اللي فيه زري -من فكتوريا سيكرت- وماله داعي البودرة.. اذا عندكم وقت حطوا خمرية على شعوركم وتبخروا.. اخذوا نقطة من الخمرية افركوها بيدهم ومرروها على اطراف الشعر بس.. ويكون الشعر شوي مبلل..


بنات حطوا غلوس من باث اند بدي ووركس اللي يكون بنكهة.. ونصيحة لاتبدون من الحين تشترون المنتجات الزوجية لأن اولا انتوا ماتعرفون شنو يحب الزوج وماتدرون شنو ردة فعله + لكل شي حلاوته وطعمه بوقته..

الاشياء اللي تقدرون تستخدمونها بس الغلوسات العادية اللي بطعم + الزري + الهيلاهوبات + الحجول

ملاحظة: بنات اللي تحس ان جسمها فيه عيوب خل تحاول تتفادى العيوب.. مثلا فخوذج وريولج متان لبسي الهيلاهوب الاسود.. او اذا كان طالعلج شعر لبسي هيلاهوب.. ونفس الوقت اذا حسيتي اللون مو متناسق.. عندج بعد الرش يبيعونه بكل مكان.. واهم شي الغرفة تكون مرتبة واذا مايمديج تبخرين عالاقل رشي من المرشات علشان النفسية تصير حلوة :d

(الشاور)

بنات نصيحة لوجه الله اول ماتقعدون من النوم اذا كنتوا على طهارة روحوا اخذوا شاور للجسم بس من غير الشعر.. ويفضل ان قبل الجماع تاخذين شاور كامل وتسوين شعرج والميك اب اذا يمدي.. واذا مايمدي بس للجسم بس نصيحة الشاور زين قبل الجماع

وبعد الجماع في بنات يتسبحون على طول وفي بنات بعد ساعتين.. نصيحة تسبحوا على طول وحطوا مكياج ناعم حيل بالحمام -تكرمون- يعني مال الهالات اللي من غارنييه واولاي وكحل وغلوس او حمرة دائمة..


ولبسي بجامتج او شورتج -اللي ترتاحين عليه-.. في بنات بعد ساعتين علشان الحمل بس ترى مو شرط.. انا حملت مع اني اتسبح على طول.. المهم بنات ذكرتووني بالحمر الدائمة.. انا خبلة ماشريت حمر دائمة.. نصيحة اشتروووهم اللي يصيرون ثابتين ومايروحون وحطوهم بالليل..والحمرة السحرية اشتروها خلوكم على طول حاطينهم.. واذا ريلج يمنعج من الحمر الغامجة برة البيت مسحوها وحطوا بدالها حمر فاتحة ولونها نيود ولحمي.

بنات كشخوا 24 ساعة ولايطيح الميك اب من ويووهكم لان لو عودتوا الريال يمكن اولا يحرمج من الميك اب او يقول هذي ماتهتم.

منقوووووول

sky and earth 07-07-12 07:47 AM

ألف شكر للنصائح وربنا يسعد كل البنات ويفرحهم ويستر عرضهم يارب

crazygirl-1995 07-07-12 12:55 PM

اقتباس:

المشاركة الأصلية كتبت بواسطة sky and earth (المشاركة 7141626)
ألف شكر للنصائح وربنا يسعد كل البنات ويفرحهم ويستر عرضهم يارب


العفوحبي

اشكرك على مرورك العطر

واتمنى

* ليالي * 10-07-12 01:01 PM


crazygirl-1995 10-07-12 03:16 PM

اقتباس:

المشاركة الأصلية كتبت بواسطة * ليالي * (المشاركة 7155161)

العفو حبي

اشكرك على مرورك العطر

واتمنى انه اعجبك

رونق الروح 25-07-12 05:51 AM


رغد تبوك 11-08-12 08:32 AM

نصائح هامه وضرورية تسلم الاياااااااادي

قيثارة 21-10-12 07:50 PM

الله يعطيك ألف عافية على الموضوع


الساعة الآن 02:45 AM

Powered by vBulletin®
Copyright ©2000 - 2024, vBulletin Solutions, Inc.