آخر 10 مشاركات |
|
| LinkBack | أدوات الموضوع | انواع عرض الموضوع |
02-08-12, 07:54 PM | #1 | ||||||||||||
نجم روايتي
| ربيعـــــة ومريـــــم وحدة تربعت والثانية تقشعــت !!!!!!! السلام عليكم ورحمة الله وبركاته طبعا اليوم موضوعي راح يتكلم عن خدامتين كانوا موجودين في بيتنا وراح اسردلكم قصصهم بالاختصار المفيد عشان تحرمون تجيبون شغالات في بيتكم الا للضرورة القصوى ، بس قبل لا اسرد القصة لاحد يحكم علي لاني كنت صغير في المتوسط وتقولون اني كنت خواف ووين الرجولة طبعا حنا مانجيب خدامة الا وقت النفسة !!! أمي قبل لاتولد بايام بأخوي الصغير قالت لأبوي جيبلنا شغالة لانه حرام اخلي شغل البيت على بنتك وحدها لاتنسى انه بيجونا ناس يوميا خلال الاربعين يوم وفيها شيل وحط وتنظيف وتكنيس وطبخ . المهم ابوي قال طيب يالله ياسالم تعال مكتب الاستقدام معاي ، وانا اقول في نفسي يعني مايعرف يسوي الشيء الا لما اروح معاه صدق آباء مايعرفون يعتمدون على نفسهم راعي المكتب : ياهلا والله ومرحبا يالله انك تحييهم توه مانور المكان /// ههههههاي تعرفون هياط اصحاب المكاتب بكلامهم المعسول عشان يجذبون الزباين أبوي: من غير مقدمات نبغى شغالة تكون اندونيسية كبيرة في السن مسلمة ، تعرف تتكلم عربي ، وتشتغل في البيت //// ههههههههههاي طبعا اول ماقال تشتغل في البيت انا فطست ضحك يعني شغالة وش تبغاها تكون ترقص في البيت مثلا راعي المكتب : ماعندنا غير هنديات وفيه وحدة هندية شقردية تخملك البيت مهما كان كبره في ساعتين ولا تكل ولا تمل من الشغل واسمها مريم !!!!!! أبوي : عاشت الاسامي الله يخليها لكم بس انا ابغاها شهر واحد بس //// هههههههههههاي طبعا انا كالعادة فطست ضحك للمرة الثانية على التوالي وش عاشت الاسامي لاتكون بنته على غفلة راعي المكتب : خلاص مريم من اليوم صارت لك وتقدر تاخذها معاك من الحين. أنا : ممكن توريني مريم اشوف هالشقردية شوقتني اني اشوفها !!!!! راعي المكتب : مريم يامريم ، مريم وصمخ !!!! مريم : وهي تهز راسها لين صدعت راسي !!! نعم بابا !!! راعي المكتب : انتي الحين لازم روح مع بابا ابو سالم فيه شغل هناك !!!! أنا : مريم كيف شغل كويس !!!!! ( طبعا انا ماارتحتلها من اول ماشفتها حسيت انها بتتعبنا ) //// طبعا ماجاوبت على سؤالي وتنحت !!!! المهم وديناها البيت وشافتها امي وعلى طول قامت توريها البيت وتعرفها على عيالها وشوي نطقت ابو الهول اللي هي مريم ( ماما انتي عندك واجد عيال انا مايقدر يسوي كله شغل لازم مساعدة ) !!!! ههههههههههههاي طبعا انا سمعت وش قالت وانادي ابوي وانا فاطس ضحك واقوله شوف مريم شوف الشقردية اللي ماتكل من العمل وش تقول تقول ماتقدر على شغل البيت وتبغى مساعدة ويقول المثل ( إذا هذي أولها ينعرف تاليها ) !!!! المهم قعدت معانا يومين ماتشتغل وكل شوي تقول انا مريضة ، وامي طيبة جدا صدقتها وقاعدة تخدمها . طبا امي ولدت وجابت ولد وانا من زود حبي للولد رجعت من المدرسة بدري بس للاسف حصلته نايم ، قلت خليني اشوف وش في القنوات وفجاة جاء عيني على مسلسل وكان الصوت عالي ، وكان بطل المسلسل يوسف الجراح وهو يصارخ مريم يامريم ، مادريت الا مريم جاية عند التلفزيون ومقربة خشتها عند الشاشة وتقول ( نعم بابا ) ويوسف الجراح معطيها جوها وينادي باعلى صوته ( يامريم ) وهي ترد نعم بابا ايش يبغى انا فيه شغل واجد ، وانادي امي واقولها من فين جبتوا هالقروية ماتعرف التلفزيون يعني !!!!! طبعا صبرنا عليها لين جات الطامة الكبرى . كانت مريم منسدحة على الفراش وجنبها طاولة قامت اختي الصغيرة الله يرحمها نطت من فوق الطاولة وطاحت فوق مريم ، ومريم تصيح وحاطة يدها جنب كليتها وتقول ( بابا وديني مستشفى ) وفي النهاية اكتشفنا انه عندها فشل كلوي ومن غير اي تردد ماصدقنا الصباح يطلع ووديناها المكتب واخذنا فلوسنا وماقاهرني غير صاحب المكتب يوم انه يقول انها شقردية وغشنا فيها !!!!! طبعا ماكان عندنا وقت وامي قالت نجيب خدامة حبشية تقعد معانا شهر ، وفعلا حصلنا وحدها اسمها ربيعة ومالها من اسمها نصيب ورتنا الصيف في عز فصل الشتاء طبعا اول يوم ربيعة نشيطة واذا جو الناس عشان يباركون لامي بالولد تكون نشيطة وتشتغل واول مايروحون الناس تطفي وتتابع التلفزيون !!! أنا : ربيعة وش فيكي جالسة خلصي تنظيف الصحون وجيبيلي موية !!!! ربيعة : وهي تخزني بعينها وشكلها كان يخوف يخوف وتقول ليه انت مافي يجيب موية ناقص يد ولا رجل انا شغل هنا عشان نفسة بس مو عشان اخدم انت !!!! /// هههههههاي بصراحة جوابها كان مسكت مسكت لدرجة اني بلعت ريقي خمس مرات في ثواني طبعا حنا منيمينها في المجلس ، وفي يوم م الايام جيت متأخر البيت وقبل لاأدخل اشوف فيه نور من طاقة المجلس بس ماهي نور لمبة او انوار ذي نور تلفزيون شغال ويوم دخلت البيت عرفت انه ربيعة سهرانة على الدش وعشان كذا تقوم متأخرة !!! طبعا فتنت عليها عند أمي وياريتني مافتنت ، وقلتلها إلحقي ربيعة سهرانة تتابع مسلسلات ، وامي كعادتها طيبة خلها تشوف مانبغى نزعلها عشان تساعدنا بكرة !!!! رحت قلت لاختي الكبيرة قالت ماعليك بكرة بسحب سلك الريسيفر قبل لاتنام عشان مايكون فيه شيء يشغلها وتنام بدري !!!! أنا قلت بكيفهم نسوان ويصطفلوا مع بعضهم خصوصا انا مااحب أحشر نفسي معاهم !!!! وفي يوم من الايام قمت من النوم والسيب ظلام ويالله افتح عيوني الا واصطدم بشيء لا هو جدار ولا هو مكنسة مااشوف غير بياض اسنان وانا من داخلي ارتجف قلت بس أكيد ذا جني !!!! وفجاة مااسمع الا صوت ربيعة وهي تخاصمني ( إنت مافيه شوف انا يعرف حركات انت انت يبغى تحرشي ) ومامدانني أتكلم وارد عليها الا وسحبتي بثوبي من رقبتي ودخلتني المجلس وقفلت عليا الباب !!! وانا بصراحة كنت خايف لانها مهجدة كل اللي في البيت حتى ابوي قلت بس الحرمة تبغى تغتصبني وش اسوي أطب من الدريشة مااقدر لانه الارتفاع عالي !!! أنا : ربيعة إذكري ربك لاتنسي انه الشيطان مامات وحنا في خلوة غير شرعية !!!! ربيعة : تضحك ضحك جهوري خوفتني منها زيادة وتقول بكل قوة عين وش يبغى فيك انت عظم انا فيه مخطوبة ، بس أنا يبغى سلك الريسيفر وين السلك يبغى يشوف مسلسل ( خرج ولم يعد ) !!! أنا: قلت بس تسويها اختي الكبيرة وتطيح فوق راسي انا ، خلاص ياربيعة ابشري ولايهمك ماتنامي اليوم الا والسلك في احضانك تامرين امر!! بس يرحم أمك فكي الباب قبل لايقوم احد ويحسب إنه بيننا عوووولاقة غير شرعية لاسمح الله ربيعة : عندك نص ساعة قبل لايبدأ المسلسل ولا بكرة مافيه شغل !!!! على طول نقزت عند امي واصحيها من النوم : أنا :امي امي امي تعرفين المثل اللي يقول ( طبخ طبختيه ياطفلة كليه ) !!!! كل اللي سويتوه في ربيعة اليوم بيطيح فوق راسك بكرة وياشماتة ضيوفك وماحد راح يقدملهم لاشاهي ولا حتى موية وربيعة اعلنت إضرابها عن العمل لين ترجعوا سلكها الضايع !! أمي : على طولت قامت من نومها يوم سمعت السالفة فيها ربيعة وراحت ركض تقوم اختي وتقولها وين السلك ربيعة ماسكة كل واحد وتسأله مين اخذ السلك وقاعدة تهدد وتتوعد !!! أختي : قامت من الفجعة ومن حيرتها رايحة جاية جاية رايحة سيت وين حاطة السلك ، وانا اقولها باقي على المسلسل ربع ساعة تكفين جيبيه وفكينا !!!! والحمد لله حصلناه تحت مخدتها بس المصيبة مافيه ولا واحد يبغى يسلملها السلك يد بيد لانهم خايفين من العواقب !!! طبعا انا اخذت السلك وحطيته جنب باب المجلس ودقيت على الباب وشردت ، طبعا هي فتحت الباب اخذت السلك وانا رحت انام !!!! اليوم الثاني قامت ربيعة تفرعنت زيادة تقومني من النوم وهي ترفسني برجولها يالله قوم يبغى ينظف غرفة !!!! أنا : يرحم امك ياربيعة خلاص إنسي موضوع السلك ومن متى انتي تنظفين غرفتي ولا هي السالفة عناد عشان تخربين نومي لاتنسين انه الضيوف ماراح يدخلون غرفتي !!!! ربيعة : أنا كلام قوم يعني قوم مايبغى يكرر جملة مرتين !!! أنا : على طول مثل الصاروخ قمت وسبتلها الغرفة بما حمل ورحت انام في غرفة امي ، وامي تقول استحملها ماحصلنا شغالة غيرها وفي النهاية صارت ربيعة كل ماتقوم من النوم تشيل سلك الريسيفر معاها وتقفل باب المجلس بالمفتاح عشان ماحد يتعبث بأشيائها او يشيل الريسيفر وحنا على مثل هالحال لين خلص الشهر وراحت ، وبعد يومين رجعت عشان تعزمنا لزواجها ، وانا من الطاقة فوق اكلمها وإستجمعت كل شجاعتي لانها قاعدة في الشارع وطلعت كل اللي في صدري ماخليت شيء فيها ماقلته وقلتلها ( كل جبار ظالم جاته مصيبة ) وهي تقولي مافيه مشكلة خليني يطلع جوى بيت وانا يعرف كيف اقص لسان انت ومن بعدها ماطبت في بيتنا خادمة من الرعب اللي شفناه من ربيعة كأنها هي صاحبة المكان واتحداكم تحصلون بيت حصل فيه مثل اللي حصلنا ولاتقولولي خواف لانني كنت صغير في المتوسط | ||||||||||||
02-08-12, 09:01 PM | #2 | |||||||||||
مراقبة،مشرفة عالمي..خيالي,الوثائقية،البحوث والمعلومات،روايتي كافيه،(قاصة ولؤلؤة ألتراس،لغوية،حارسة السراديب، راوي)،نشيطة،تسالي،متألقةومحررة جريدة الأدبي، صحافية فلفل حار،كاتبة عبير
| مسا الخير سالم والله فضلت اضحك لما خلاص مش قادرة قولى كده بقى بسبب الموضوع والحادثة الفظيعة دى بقيت مسئول عن قسم الحوادث اتباعا لسياسة اضرب المربوط يخاف السايب وان المركز له هيبة ورد فعل على طفولتك البائسة واللى حصل لك ياحرام وانت صوغنون وعشان ضميرك الوحش قال جنى قال يعنى خلاص البنت زنقت معاها مش بقولك كترت فرجتك على احلام عملت عمايلها معاك وعجبتنى اوى شجاعتك وانت بتقولها ( كل جبار ظالم جاته مصيبة ) من الطاقة فكرتنى باللى بيقول لصاحبه دنا مراتى مابتكلمنيش الاوهى راكعة قاله ازاى رد وقاله بتقولى اطلع من تحت السرير يا جبان بس حكايتك والله كلها مواعظ وعبر اهى تصبر فيتامين سى على شغالتها الحبشية وربنا يستر وما تخفش زيادة سالم من فضلك trans شقردية وسيب | |||||||||||
02-08-12, 10:09 PM | #3 | ||||
| هههههههههههه الله يعينك ,, تذكرة خدامات خالي . خدامتين في بيت واحد المهم وحده طيبه مررره اسمها" نور "والثانيه شينه اسمها "سعاد" مره صارت مهاوشه بين نور وسعاد وضرب وتكفخ وماقدرنا نفكهم غير الرجال جو فكوهم ,و ورحت سألت نور قال لها ليش ضربتي سعاد ؟؟قالت لي انها تقول لها روحي لماما وقولي لها زيدي الراتب ,و المهم نور ماسكتت وضربت فيها وخالي سفر سعاد للعلم مو اول مره يتهاوشون والمشكله يوم يكون فيه ضيوف ومن بعدها صرت اخاف منهم | ||||
02-08-12, 10:13 PM | #4 | ||||
نجم روايتي وقاصة وعضو الموسوعة الماسية بقسم قصص من وحي الأعضاء وعضو متألق ونشيط بالقسم الأدبي
| مساء الخير ههههههههههههههههههههههههه هههههه وين جروحة تقرا اللي انا قريته والله يا سالم يا خوي يقلك الباب اللي يجيعك منه ربيعة سده وبيعه انت ليش تتحرش في ربيعة لا وقافلة عليك الباب الصراحة انا قلتها البارحة شلون تنامون في البيت وفيه وحدة غريبة وخصوصاً اذا كانت فتوة مثل ربيعة ههههههههههههه اا مو خلصانين مني ومن نومي انوب يجيهم مريم كان امي رمتنا بالشارع انا وهي متت ضحك من تركضون تدورون على السلك | ||||
02-08-12, 10:25 PM | #5 | |||||||||||||
نجم روايتي وعضوة في الورشة والموسوعة الماسية لقصص من وحي الأعضاء ومصممة بمنتدى وحي الخيال
| ههههههههههههههههههههههههه هههههههههههه فطست من الضحك والله الخدامات قصص وبلاوي .. الله يجيرنا منهم بس خخخخخخ شكرااا ع الموضوع | |||||||||||||
02-08-12, 10:44 PM | #6 | ||||||||||||||
مراقبة ومشرفة سابقة ونجم روايتي
| ههههههههههههههههههههههههه هههههههههه ممشيتكم ع العجين هالربيعه عمي عنده شغاله ما ادري ايش اسمها (( كينيه ) وما تتكلم عربي ولا بعد معصبه ولا احد يقدر يتفاهم معاها ولا تبي تشتغل .. لين عمي قال لها يا تشوفين شغلك يا بأسفرك وماراح انتظر العقد يخلص اعتدل حالها خافت طلع زوجها بس يشرب خمر ويضربها ومعذبها مسكينه .. والغريب عمي يسافر هي تعيي تبي بس تجلس في البيت ماتبي تطلع هههههههههههه بس احسن شيء مأدبه العيال خخخخ انا ما ضد الشغالات بس الحين بعد ماكبروا عيالي يمكن اجيب اذا أبي اكمل دراستي او اذا بأخذ دورات تدريبيه .. هههههه اقول دايم الشروط هي انها لازم تخاف الله فيني وفي عيالي ههههههههههههههههههههههههه ههههههههه بجد اخاف منهم وبس ترجع لمعاملة الشخص للخادم اذا زينه او شينه بيجني اللي تزرعه ايديه هههههههههه سالم بيت اهل زوجي عندهم حبشيه بجد مره قليلة أدب وتتعامل مع الكل وكأنها هي اللي راعية البيت ولا بعد اذا ارسلنا احد للبقاله اللي قريبه مننا يعيون بس هي تقول لهم روحوا جيبوا كذا وكذا هههههههههههههه طيراااااااان حتى لوكان المريخ .. الشغالات احسه احسن شيء الهنديه او الفلبينيه او الاندلوسيه اهم شيء يلقون معامله زينه وماراح يسون شيء .. والمثل يقول من خاف سلم هههههههههههههه احسن شيء خلك خايف اما عاد تفاحيطكم ع السلك موقف يجب ان يخلد بالكاميرا للذكرى ههههههههههههههههه الله يعطيك العافيه سالم ع الموضوع المميز لا عدمت طلتك يارب | ||||||||||||||
02-08-12, 10:51 PM | #7 | ||||
عضو موقوف
| ههههههههههههههههه الخدامات صدق مخيفين الحمد الله امي ماتجيب خدامات الى كل فترة والثاني وبس ليوم ومايكثر لان الوالد الله يحفضه كل ماشاف خدامه تشتغل ايقول ريحوها خلوها ترتاج خلاص لاتكملي ومن هال الكلام حتى امي تقول لو اجيب خدامه دائمه راح ايجلسها على كفوف الراحه بس مرة خليتهم ينضفوت غرفتي وحرمت نص اغراضي المهمه في نضري رمتها هديه تخرجي من الابتدائيه رمتها اهي اهي غير رسوماتي الي لقيتها مقطوطه في الزباله المهم صار مرة معانا مع خدامه خالتي هادي كانت عزيزة وغاليه علينا اسمها وردة حتى لما قررت تسافر حزنا اكثير وبدات بنت خالتي كانت تحبها المهم في المطار تم اكتشاف انها سارقه كل الذهب حق بنت خالتي ومن يومها خالتي حرمت تجيب خدامات الى لبعض ساعات ومايكثر ولا صفيقتي "صديقتي " الخدامه حقتهم سرقه كل الامور الثمينه وحطتهم فكيس زباله مع اثيابها وهربت بس صادوها وكل ماحدشافها كفخوها تكفخ ولما رجعت البيت حبسوها في رفه لعين مايرتبو موضوع سفرها سلك التلفزيون عاد دي جريمه عضمه هههههه | ||||
02-08-12, 10:59 PM | #8 | ||||||||||||
نجمة روايتي و زهرة البحوث و كاتب ماسي في الموسم الأول من فلفل حار
| وعليكم السلام ورحمة الله وبركاته ههههههههههههههههههههههههه هههههه لا شجاع من يومك سالم ههههههههههههههههههههههههه هههههههههه تخاف من الحبشيه وليه يعنى ههههههههههههههههههههههههه هههههههه صح انا ضد فكرة الخدم نهائيا الحمد لله الله يعينها ويقويها ماما وانا واخواتى نقوم بالواجب وادا فيه اشغال كتيره الله يبارك ف الجيران والاقارب بنتجمع مع بعض وكل واحد يخلص شغله حتى لو لسنه كامله لكن خدامه صراحه مستحيل ادخلها البيت هتصعب عليا مش هخليها تعمل حاجه [IMG]https://**************.com/images/smilies/15_9_17[1].gif[/IMG] يعنى هتيجى واكله نايمه شاربه وواخده فلوس كمان [IMG]https://**************.com/images/smilies/smile%2813%29.gif[/IMG][IMG]https://**************.com/images/smilies/smile%2813%29.gif[/IMG] بس صح فقعت ضحك على موضوع السلك ههههههههههههههههههههههههه هههههههههههاى على ضحكتك ههههههههههههههههههه [IMG]https://**************.com/images/smilies/01%20%2845%29.gif[/IMG] ربنا يخليلك امك ويبارك فيها ويرحم اختك مشكورسالم ع الموضوع الطريف [IMG]https://**************.com/images/smilies/099.gif[/IMG][IMG]https://**************.com/images/smilies/099.gif[/IMG] | ||||||||||||
03-08-12, 12:51 AM | #9 | |||||||||
مراقبة عامة ومشرفة منتدى الروايات المنقولة
| اقتباس:
مشكور سالم على الحكايه الطريفه عساك دايم سالم | |||||||||
03-08-12, 01:09 AM | #10 | |||||||||||||
نجم روايتي
| اقتباس:
مساء النور والسرور عليكي اختي آسفة ههههههههههههههههاي أصلا أنا ماأخذت مشرف في قسم الحوادث الا من تراكم الخبرات وانا صغير في عالم الاجرام والشطانة وقلت لازم اطبق خبرتي في المشرفة ميسون والمشرفة صدى الامواج عشان اطفشهم من القسم ويصير لحالي ويحلالي الجو ويصير من ضمن املاكي وحدها راحت وفضلت وحدة لازالت تقاوم هههههههههههههههاي اي شجاعة ذي اللي تتكلمين عليها وهي من خلف الجدران هذي لو قدرت توصلي في البيت كان قلبت مثل الثور الهايج ونطحتني بكرشها لين توديني اثيوبيا من غير جواز سفر للعبور وعسى فيتامين سي تتعظ من موضوعي مع اني عارف انها شقردية مشكورة ياآسفة على مشاركتك وتعليقك الطريف ، وعسى هالضحكة تكون مرسومة على شفاتك طول العمر ودمتي بحب دوما | |||||||||||||
مواقع النشر (المفضلة) |
أدوات الموضوع | |
انواع عرض الموضوع | |
|
|