آخر 10 مشاركات
جدران دافئة (2) .. سلسلة مشاعر صادقة (الكاتـب : كلبهار - )           »          294 - لماذا تهربين؟ - كارول مورتيمر (الكاتـب : بلا عنوان - )           »          ثمن الكبرياء (107) للكاتبة: Michelle Reid...... كاملة (الكاتـب : فراشه وردى - )           »          1041 - ميراث خطر - ستيفاني هوارد - د.ن (الكاتـب : سنو وايت - )           »          البجعة الورقية (129) للكاتبة: Leylah Attar *كاملة & تم إضافة الرابط* (الكاتـب : Andalus - )           »          زهرة النار -قلوب أحلام زائرة- لدرة القلم: زهرة سوداء (سوسن رضوان) *كاملة* (الكاتـب : زهرة سوداء - )           »          ✨الصالون الأدبي لرمضان 2024 ✨ (الكاتـب : رانو قنديل - )           »          317 – صدى الذكريات - فانيسا جرانت - روايات أحلامي (الكاتـب : Just Faith - )           »          مذكرات مقاتلة شرسة -[فصحى ] الكاتبة //إيمان حسن-مكتملة* (الكاتـب : Just Faith - )           »          أنين الهوَى - الجزء 1 من سلسلة تايري -شرقية زائرة -للكاتبة:ملك على* مكتملة & الروابط* (الكاتـب : ملاك علي - )


العودة   شبكة روايتي الثقافية > قسم الروايات > منتدى الروايات والقصص المنقولة > منتدى الروايات الطويلة المنقولة الخليجية المكتملة

Like Tree1Likes
إضافة رد
 
LinkBack أدوات الموضوع انواع عرض الموضوع
قديم 11-03-14, 12:57 AM   #1

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
Rewitysmile25 وقت الساعه حسب توقيت الاحباب المحلي بقلم/ راقي الذوق اماراتية (مكتملة )






بسم الله الرحمن الرحيم

الحمدلله والصلاة والسلام على رسول الله وعلى آله وصحبه أجمعين

السلام عليكم ورحمة الله وبركاته

أعضاء روايتي الغالين نقدم لكم رواية

(( وقت الساعه حسب توقيت الاحباب المحلي ))

بقلم/ راقي الذوق




قراءة ممتعة للجميع .......


ندى تدى likes this.


التعديل الأخير تم بواسطة لامارا ; 12-12-14 الساعة 11:09 AM
فيتامين سي غير متواجد حالياً   رد مع اقتباس
قديم 11-03-14, 12:59 AM   #2

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي


رابط لتحميل الروايه بجميع الصيغ

https://www.rewity.com/vb/t297473.html

البارت الاول ..

عايله بوخلفان ..
بوخلفان ( محمد بن خلفان الـ....) 60 سنه وهو اكبر اخوانه .. ماخذ بنت يرانهم وبعد (ام خلفان .. لطيفه سالم الـ ... ) 54 سنه .. بجرهم خلفان 26سنه معرس من سنه وماخذ بنت عمه شما وخلفان ماااخذ الحلااه كلها ..طول بعرض وعبيون تذبح وخشم كنه حد السيف وعارض رهييب .. وسالم 24سنه يدرس برع .. يشابه خلفان شوي بس خلفانا حلى وكلهم يشابهون ابوهم .. وروضه 22 تدرس بالجامعه وملكه جماال العايله وطوايفهم كلهم .. وهم عايشين فالعين ..
عايله بوسلطان ..
بوسلطان ( أحمد بن خلفان الـ.. ) 58 سنه وهو عقب بو خلفان .. ماخذ بنت عمه (ام سلطان .. موزه سلطان الـ..)54 سنه .. بجرهم سلطان 25 سنه معرس وماخذ اخت ربيعه من سويحان واسمها رفيعه .. وعنده توم ولد وبنت ( احمد وموزه,,عمرهم سنه) هو وايد ويا خلفان بس هو معرس قبل خلفان بسنه ..حتى سلطان وسييم وعليه عيون تعق الطير من السما من حلاتها .. وعقب راشد 23 سنه مدير شركه العايله .. شخصيه ولا اروووع .. مسنع الكل ..حازم في شغله واللي يشوفه ما يعطيه هالعمر .. وهو واااااايد يشابه خلفان بس شخصيته عاطتنه هيبه اكثر .. وعقب راشد ..لطيفه 20 ما عليها قصور من الحلاه وهي وااايد ويا روضه .. وعقب ميره 18 سنه .. ثنويه عامه (علمي) فرفوشه وحبوبه وحليوه وشاطره ,, واخر العنقود .. محمد 15 اول ثنوي .. تقريبا هو شرات راشد ووايد يحب راشد ودوم وياه ..
وباقي الشخصيات بعرف عنهم وقت ما ايي دورهم


فزت شما من نومها تزاااااعج ..
شما : خلفاااااااااااااااااااااا اااااااااااااااااان .. آآآآآآآآآآه خلفااااااااان
خلفان نازل ع الدري بيسرح الدوام سمع صريخها ورد فوق بسرعه .. وع زعيجها طلعت روضه من حجرتها وشافت خلفان يركض للحجره .. وركضت وراه
دخلو ع شما وهي تصيح وماسكه بطنها ..
روضه: بلااج شماااني
مسكها خلفان من يدها ووقفها
خلفان: روييض هاتي شيلتها وعباتها بسرعه .. ونزلي بسرعه عند امي خليها تلبس عباتها
روضه : عطني السوييج .. بجدم السياره للباب
طلع خلفان السويج من مخباه وفره ع روضه ,, خذت روضه السويج و طلعت عباه شما من الكبت وعطتها اياها ونزلت تركض تحت عند امها تقولها تلبس عباتها لان شما تعبانه وبسيرون المستشفى وركضت برع شغلت السياره وطلعتها من الكراج وريوستبها للباب .. وردت داخل وكان خلفان نازل وهو مساند شما وهي تصيح ..
ام خلفان : فديتج امايه لا تصيحين ..
شما تلوي ع عمتها وتصيح : اماااااااااايه بموووووت والله
خلفان: يلااا يلااا ..
وطلعوا وروضه واقفه عند الباب تشوفهم .. نزل خلفان جامته يرمس رويض
خلفان: رويييض اتصلي بعمتيه خليها تسبقنا الدختر
حرك خلفان صوب الدختر وروضه دخلت واتصلت بيت عمها ورمست حرمت عمتها وقالتلها ان شما تعبانه وساروبها الدختر ..
سكرت روضه عنها وسارت فوق تبدل ثيابها ,, وام سلطان من سكرت عن روضه قامت بتيب عباتها وهي طالعه من حجرتها تتصل بالدريول سمعها راشد وهو نازل
راشد: ياااااالله بصباح خير وين بتسرحين بعد من غبشه
ام سلطان : متفييج انت تتطنز ,, ختك تعبت وودوها الدختر ,,لازم اسيرلها
راشد: شماااني ؟!!
ام سلطان: هيه
راشد: شو بلااها
ام سلطان منرفزه : رشووود شو هالفاقه اللي انت فيها .. تشوفني في وقت اسئلتك هاي اللي مالها معنى ,, خووز عني
راشد: هههه بلاج فديتج ( ويحبها ع راسها) صباح الخير يا احلى ام
ام سلطان: اففففففف رشووود خووز عني
وظهرت ام سلطان .. ولحقها راشد وهو يضحك بس يوم لفت وخزته بنظره ..يود عمره
راشد: ام راشد فديتج انا بوديج ,, بنزلج ع دربي وبطمن عليها بعد,, الدريول خليه الحين بناتج بيسرحن جامعاتهن والمدارس
ام سلطان: هيه صدقك .. فاااااروق ., خلاص برايك انته راشد بيوديني انت تريا البنات اللحين بيسيرن الجامعه
فاروق: ان سا الله ماماه انا في سوي انتزاار بناات >> (ان شا الله ماماه ,, بترياهن)
راشد: خس الله هالرمسه اللي لك يا فاروق .. خلصت عيش الدوله ولا تعلمت ترمس عدل
ام سلطان: خل عنك فاروق يلا اركب خلنا نروح
روحوا راشد وامه .. وصلها الدختر وشاف انه ماشي وقت ينزل يطمن بيتاخر ع الدوام وقال لامه تتصله تطمنه وروح عنهم .. وخلفان بدوره بعد نزلهن ودخل وياهن وعقب طلع بسرعه بيضرب كرت بالدوام وبيرد عليهن ,,
راشد من حرك عن الدختر بعد ما نزل امه اتصل بروضه
روضه : هلااا والله
راشد: اهلييييييين وسهلين وبوستين ع الخدين
روضه: هههه شحالك
راشد: دامني سمعت هالصوت اكييد بخير وسهاااله
روضه: يعله مديييم
راشد: وياااج .. رواضي
روضه: لبيه
راشد: لبيتي في منى .. بلااها شمووه ؟!!
روضه: ما ادري .. نشت تزااعج وتتويع ووداها خلفان الدختر وامايه بعد سارت
راشد: الله!! .. العيايز كلهن سارن !!
روضه: هههه لازم يسيرن وياها .. عيل يخلنها روحها
راشد: انزين طمنيني عليها .. اا قلت لمايه بس اكيد بتنساني
روضه: خلاص اوكي ,, واللحين لو سمحت خلني لاني بسير الجامعه
راشد: يلا انزين .. انا بمر عليج اوديج
روضه: نعم انته !! وين تبا ؟!
راشد: بلااج .. ختيه وبوديها الجامعه ..شو فيها ؟!!
انصدمت روضه من كلمت راشد وبلعت ريجها
راشد: بلااج روويض
روضه: هاا ؟!! لا ماشي ... خلاص يلا برايك بتاخر ع الجامعه
سكر عنها راشد وهو بعد كان واصل للدوام .. روضه من سكرت عنه نزلت دمعه من حرقتها ,, مسحتها ونزلت تحت وركبت السياره وروحت وهي طالعه من البيت اتصلتلها لطووف بنت عمها ..
لطيفه : صباااااااااحوو
روضه : هههه صبااحوو
لطيفه: سرحتي والا بعدج ؟!!
روضه: عند لفت البيت .. توني ظاهره
لطيفه: زين ,, يلا عيل مري عليه
روضه: يلا ظهري انا عدال بيتكم اللحين
وصلت روضه بيت عمها وصيحت هرن وطلعت لطيفه وشافت فاروق واقف
ليطفه: انته هنيه؟!!
فاروق: انا في انتزار انتي وميره >>( انا اترياج انتي وميره)
لطيفه: عيل وين ماماه؟
فاروق : روح مع راسد >>( روحت ويا راشد)
لطيفه: يا الله عليها .. وين تهوم من الصبح
ردت روضه وصيحت لها هرن مره ثانيه ,, فزت لطووف وهي تضحك
لطيفه: يلاا فاروق انا بسير مع روضه .. انت تريا ميرووه
فاروق : اوكي
ركبت لطيفه وروضه تطالعها بنظره ..نقزت عليها لطووف وباستها
روضه: يااالله عليج .. مكاااره
وحركت روضه ..
لطيفه: هههه فديتج والله .. بس اتخبر عن امايه .. يوم ما لقيتها تحريتها سايره مكان واتصلتلها وان فونها فالبيت ما شلته .. عاد اتخبر فاروق عنها .. هو مدير اعمالها يعرف وين هي
روضه: ههههه وقالج مدير اعمالها وين هي
لطيفه: يقول سارت ويا راشد
انتفضت روضه يوم سمعت اسم راشد .. وحست لطيفه بـ هالشي
لطيفه: رواضي .. فيج شي !!
دمعت عينها يوم قالتلها لطيفه رواضي ( محد يزقرها رواضي الا راشد) ومسحت دمعتها بسرعه وكملت دربها ساكته ولطووف تتحرطم تبا تعرف روضه شو فيها .. وصلوا لجامعه نزلت روضه ولطيفه بعدها قاعده تطالع روضه .. وقفت روضه جدام السياره وتاشر للطيفه (يلاا ) نزلت لطيف وهي تتحرطم على روضه ,, قفلت روضه السياره ودخلت ولطيفه تلحقها وتتحرطم

لفت روضه على لطيفه ..
روضه: لوولوو ,, خلااص مافيه شي بس فكيني .. وقت ما ابا ارمس بيج وبقولج ,, اللحين خليني
لطيفه: خلااص اوكي ع راحتج
روحت روضه لكلاسها ولطيفه بعد روحت لكلاسها وهي مستغربه من روضه بس طنشت .. شافت ربعها وسولفت ونست السالفه ..

يا ترا شماا شو فيها ؟!! وروضه شو سالفتها ويا راشد ؟!! وشو بيصير بين شما وخلفان ؟!!




التعديل الأخير تم بواسطة فيتامين سي ; 11-03-14 الساعة 03:04 AM
فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 11-03-14, 01:00 AM   #3

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي


البارت الثاني ..



في الجامعه ..
لطيفه قاعده في الكانتين ويا ربيعاتها ..
ريم: لوولوو وين رويض ؟
لطيفه: اممم .. عندها كلاس ع ما اعتقد
سلامه: لا شوفي هاي ساره اللي دوم وياها وكلاستهن رباعه .. اكيه يالسه ع الطاوله اللي مجابلتنا
ظهرت لطيفه فونها من مخباها وتوها بتتصل بروضه وانها يايه صوبهم
روضه: مرحبااااااااااااااااااا
البنات : هلاااا والله
لطيفه : عمرج طويل .. توني بدقلج اشوفج وين
ريم : انا بسير اخذلي عصير .. تبون شي
روضه: عصير برتقال لو تسمحين
لطيفه :وانا بعد
سلامه : وانا فراوله
مريم : وانا بقوم وياج
ريم: يلاا
قعدت روضه وصاح فونها يوم شافت الرقم انجلب ويها والكل لاحظ .. قامت بعيد عنهن وردت ع التلفون
راشد: هلا والله برواضي
روضه: هلا اخويه
حس راشد انها نغزه بس طوف : علوومج
روضه: طيبه
راشد: عوذ بالله بلاج ترمسين جيه ..مب انتي رواضي الاوليه
روضه: الله لا يبلاك .. مابلاني شر .. بس عند البنات كيف تباني ارمس
راشد: المهم .. اخبارها شمووه ؟ اتصل بامايه ما ترد عليه
روضه: امك ناسيه فونها فالبيت
راشد: شدراج ؟
روضه: لوولوو قالتلي
راشد: منووو؟؟
روضه: لطووف
راشد : لووولووو ..هههههه اسميه ما يركب عليها
روضه: يركب ما يركب ها مب شغلك
راشد: ادري انه مب شغلي .. انا شغلي مدير
روضه: رااااااااشد
راشد: هههههههه انزين انزين ..ما تتحاجين اليوم
روضه: اخلص عااد .. شو تبا ؟
راشد: اتخبر عن شما
روضه: انا روحي نسيتها ..يلا برايك بشوف امايه والا خلفان وبرد عليك
راشد: اوكي
سكرت روضه عن راشد واتصلت بامها
روضه: مرحبا امايه
ام خلفان: مرحبا فديتج
روضه: ها بشري عن شما
ام خلفان: والله بعدها .. لين اللحين محد ظهرلنا
روضه: الله يعينها .. طمنيني عليها فديتج
ام خلفان : ان شا الله
سكرت روضه وردت للبنات
سلامه: ما يستوي تغازلين جدامنا
روضه: تراج قلتي اغازل ..ماباكن تسمعني
ريم ومريم يايات
ريم: امففف .. منو يغازل بعد
روضه: شدراني عن سلامي وسوالفها الفاضيه
لطيفه: لا صدقها ..والا ليش سرتي بعيد ولفيتي بعد عشان ما نشوفج وانتي ترمسين
مريم:اسميكن بلشه .. خلنها ع راحتها
روضه: قولي انتي !! عافداتلي في حلجي
سلامه: انزين طمني قلوبنا وقولي ترمسين منوه
روضه: ارمس امايه اطمن ع شما
فزت لطيفه وكانها تذكرت شي : اماايه سارحه لشما ؟!! ليش شما شو فيها ؟!!
روضه: اووه انا بعد نسيت اقولج ..شماني تعبانه وودوها الدختر الصبح
كفختها لطيفه ع جتفها
لطيفه: كيييف تنسين ؟
روضه: بعد ربج
لطيفه: واللحين شو شمااني .. ربها بخير
روضه : والله الحمدلله .. وتذكرت راشد وطرشتله مسج
شربن البنات عصيرهن وكملن سوالفهن وعقب ريم وروضه راحن لان باقلهن كلاس ,, اما مريومه وسلامي ولطووف تمن قاعدات لان الدكتور غايب ..
في الدختر ..
ام خلفان : الله يهديج يا ام سلطان .. لا توترين عمرج ..يسير يرتفع عندج الضغط والا شي
ام سلطان: ما اروم ما اتوتر واحاتي ,, ما سمعتي الدكتور شو قال !! قال انها ما تتحمل ,, قلبها ضعيف
ام خلفان : الله بيعينها ان شا الله
طلعت النيرس من الغرفه وزقرت ام سلطان
ام سلطان : ختيه لطيفه .. تعالي ويايه
ام خلفان :يلااا
دخلن عند شما .. وعقب خمس دقايق يا خلفان وما لقا حد في الممر ..
خلفان: وين سارن بعد هالعيايز
سمعته النيرس
النيرس: استااز ؟!! عم بدور ع المرتين اللي كانو هون ؟
خلفان: هيه .. شفتيهن ؟
النيرس: فاتو لجوو عند المدام
خلفان : اهاا .. اوكي مشكوره
نرد للجامعه ..
الساعه 12 خلصت روضه كلاساتها واتصلت بلطيفه عشان تلاقيها عند الباب بيروحن ..
طلعن البنات من الجامعه .. وهن فالدرب
لطيفه: رويض ..خلينا نمر ع ميره نظهرها من المدرسه

روضه: ماشي باقي ع الدوام ساعتين وبترد البيت
لطيفه: انزززين ..ما تحيدينا نحن كيف كنا نستانس يوم نظهر ..لو الحصه الاخيره
روضه: عاد اختج علمي ما بتطيع
لطيفه: لا ما عليج منها .. ع الشله تراها
روضه: خلاص عيل .. بنتغدى برع اليوم
لطيفه: عاااشت المرووقه
روضه: لا تطنزين وتخليني اغير رايي
لطيفه: لا لا لا .. اسولف والله
مروا المدرسه وظهروا ميره وسارن يتغدن وناسيات سالفه شما المسكينه اللي فالدختر ..
وهن يسولفن ويضحكن صاح فون روضه وردت
راشد: حي الله العمه
روضه: الله يحيك .. بس اول مره تعترف اني عمتك وتاج راسك
راشد: ههههههه لاا فهمتيني غلط .. انتي من اليوم .. لا اقصد من قبل دقايق استويتي عمه محمد بن خلفان اللي انا استوي خاله
روضه تزاعج وناسيه عمرها انها في مطعم وناس حولها : شماااااااني ربت!!
لطيفه: ربــــــــــــــــــــت؟!!
ميره مب فاهم السالفه ؟!!
راشد: ههههههه طريتي اذني .. هيه ربت .. انا بخلص وبسير صوبهم
روضه: اوكي .. نحن اللحين بنسير
راشد: انتن منو؟
روضه: انا ولطوف ومياري
راشد: هن وياج؟
روضه: هيه اليوم خلصنا من وقت ومرينا ع مياري وسرنا نتغدا
راشد: يااااسلاام .. بدوني ؟! ,, هنالج تاكلين بدوني؟!!
روضه: طبعا .. وكان وايد لذيذ
راشد: انزين يلا يلا .. جلبي ويهج ..اونها تغايض
روضه: ههههههههه
راشد: اقوولج
روضه: هلا
راشد: لا تقولين اني انا اللي ارمسج .. بتصرطني لطوف .. بتقول بشرت روضه قبلي
روضه: ان شا الله بوسنيده
لطيفه: رااااااشد؟!!
راشد: الله يقطعج .. يلا بااي
روضه: ههههههه باي
سكرت روضه عن راشد واشرت للنادل ايب الفاتوره
لطيفه: كنتي ترمسين راشد ؟
روضه: ههه هيه
لطيفه: السبال ..والله براويه .. يتصلج انتي وانا ما يتصلي يبشرني
وصاح فون لطيفه .. شافت الرقم وسكرت في ويهه ..وروضه تضحك ,, دفعت الحساب وقامن
ميره: محد بيتبرع ويفهمنتي السالفه ؟!!
روضه ولطيفه :هههههههه
روضه: حليلج .. نسينا نخبرج
ميره: شوو؟
لطيفه: شما من الصبح تعبانه وفي الدختر وامايه عندها
ميره: هيه ,, ما حصلت امايه الصبح
لطيفه: واللحين بشرنا راشد ان شما ربت (ولفت ع روضه) ماقالج شو يابت؟
روضه: محمد بن خلفان
ميره: واااي فديتها والله .. بنسيرلها؟؟
روضه: هيه
ركبن السياره .. وصلن ميره البيت تبدل ثياب المدرسه ومرت روضه بيتهم تيب شنطه شما لان امها قاتلها وسارن الدختر توها بتدخل الباركنج جان يعرض راشد سيارته
روضه: سخييييييييييييييييييييييي يييف
لطيفه: لا تقولين جيه عن اخويه
روضه : روحي زيييين انتي واخوج
ريوست اونها بتلف وعدل راشد سيارته جان تجدم مسرعه وتدخل الباركن ..
ميره ولطيفه : هييييه عااشت روووضووه بن سليم
روضه: هههاي ..شو تتحرون بعد .. بيقص عليه اخوكن
ريوس راشد وعرض سيارته ورا سياره روضه ..يعني ما تقدر تطلع الا اذا راشد حرك,, نزلن البنات يضحكن ع راشد وهو بعد نزل من سيارته ..ومشوا بيدخلون داخل
ميره: هههههه قصت عليك بنت محمد .. اونك يعني بتلعوزها
راشد: كسرت خاطريه عشان جيه خليتها
روضه: واااي وااي
راشد: جب جب .. طوفن جدامي
دخلوا وساروا صوب حجره شما .. ولطيفه طول الوقت ساكته اونها مغيضه ع راشد
وصلوا الحجره .. وروضه كانت جدام جان يدزها راشد
روضه: ااااه يالدفش شوف جدامك
راشد: خوزي عن عمج .. خليه يطوف جدامج
روضه: تخسي
ودخلت روضه وراشد وراها بيزخها لكن حشم يوم شاف خلفان رافع حياته ويطالعه
راشد والبنات: السلااام عليكم
الجميع: وعليكم السلام
وكلهم حول شما يحبونها ويباركولها ويشوفون البيبي وخلفان يروغهم عن ولده ويزاعج
راشد: اييييييه انته .. محد ياب عيال غيرك .. هاته ها ولد ختيه
خلفان: وختك من وين يايبتنه ؟
سكتوا كلهم ..
ام خلفان: يالله بالستر .. خلفااان !! ,, شو هالرمسه بعد؟
خلفان: تخبريه هو .. عيل يقول ولد ختيه .. ها ولديه انا
ام خلفان: صدقه انزين ولد خته بعد
خلفان : ماباا اعطيه اياه .. ها دفش
راشد: ماابااه .. فديت عيالي ,, بشلهم وبحبهم ,, الله يخليهم لي ولا ابا عيال حد غير
الكل استغرب من رمسته
ام سلطان: شوووووووه؟؟
راشد شافهم مب فاهمينه قال باستعبط عليهم : دامنها يت عاد السالفه ..انا بخبركم واللي فيها فيها
روضه طلعت >> صدقت مسكينه
حسبها راشد ووده يضحك بس ماسك عمره ..وخرط عليهم سالفه ,,انه معرس وعنده ولدين وبنت وسوالها سالفه عووده
راشد: ......واللحين هي تحن عليه تباني اعرفها عليكم .. ودامنكم عرفتو بالسالفه ,, خلاص الامور طيبه بيبها باي وقت
راشد يرمس والكل يطالعه باستغراب والكل مساكين مصدقينه لانه يرمس وشكله جدي .. ام سلطان ماسكه راسها وعقب ما خلص راشد كلامه رفعت راسها وطالعته
ام سلطان: اطلع برع
خلفان : استهدي بالله يا عمتيه .. الامور بتنحل بالتفاهم
ام خلفان: أي تفاهم اللحين ,, يوم قده 3 يتبعونه
وراشد مكمل مسرحيته وياهم .. وطلع بسرعه قبل لا ينفجر ضحك
حط خلفان الولد فالمنز ويا بيلحقه لكن ام سلطان حلفت محد يلحقه ,, ورد قعد
راشد من طلع ومشى فالممر نقع ضحك .. وروضه كانت قاعده ع الكرسي تمسح دموعها يوم انتبهلها سارلها ..اول ما قعدل عدالها وهو يضحك وقفت روضه بتسير .. انقطعت ضحكت راشد وزخ روضه من يدها وقعدها ..
راشد: بلااج؟
روضه: .........
راشد: رواااضي
روضه: مافيني شي
راشد: اشوف عيونج
وخت روضه وصاحت
راشد: حيااتي رواضي شو فييج؟
روضه وهي تصيح : ما تدري ؟!!
راشد تذكر ورد يضحك : هههههه ايه انا اسولف والله
لفت روضه تطالعه وهو يضحك ويضحك ويضحك
راشد: اسميكم مصخره ..هههههههه .. صدقتي ؟!!
روضه تكفخه ع جتفه: سبااااااااااال والله .. خربت علينا فرحتنا بالبيبي
راشد: غبياااات لانكن ,, مع احترامي لامي وامج طبعا
روضه: وشدرانا انك تسولف
راشد: انا اقصد عيال المستقبل بس يوم شفتكم مب فاهمين كملت
روضه: وقفت قلبي
راشد: سلامت قلبج .. مستحيل اصلا اخذ وحده غير اللي تختارلي اياها ختيه وحبيبتي رواضي
حست روضه بصعقه اقو ى من اللي قبلها ودارت بها الدنيا .. راشد ولا انتبه وقام بيدخل عندهم يخبرهم انه يمزح ولا يعكرلهم وناستهم ..دخل وخبرهم وحصله كم هزبه وكم سبه وطلع هو وخواته وامه بيسيرون البيت ورفيع هيت بتقعد بدال امها وام خلفان لانهن من الصبح لين الظهر وقت ما ربت شما وهن واقفات ع ريلهن ويحاتنها ,, وام خلفان طلعت مع خلفان .. وروضه روحت روحها ..
وصلت روضه قبل امها واخوها,, بدلت ثيابها ورقدت ,, وصلوا مها وخلفان وع طول روحو يرقدون ونشو العصر كلوهم شوي وعقب سارو لشما وروضه بعدها راقده ..
نشت المغرب ونزلت تحت مالقت امها ,, ردت فوق بتيب فونها عشان تتصل بامها ولابها عشان تكمل بروجكتها ,,
طلعت الفون واللاب من الشنطه وشفت 7 مسدكوول ,,5 راشد و2 لطووف وشافت مسج فتحته وانه من راشد ..
(( رواضي غناتي ترا شكلج اليوم موول مب عايبني ,, لو بتدسين ع الدنيا كلها عليه انا ما بترومين ,, ولا حتى اسلوبج ويايه ,, احسن شاربيه اذا كان كلامي غلط ,, واتمنى انج ما رديتي عليه لانج راقده لان لو عرفت انج شفتي اتصالتي لكن سويتلي طاف ما تبين تردين يا ويلج ))
ردت عليه (( المشكله انك فاهمني .. بس مب كل شي اقدر اقولك اياه .. ولا تخاف انا اصلا ما اروم اسويلك طاف وما ارد عليك ,, بس صدق كنت راقده))
راشد توه ظاهر من متسبح وسمع صوت المسج .. قراه ورد عليها
(( دامه يريحج انج ما تقوليلي انا راضي .. بس مابا اشوف رواضي اللي شفتها اليوم مره ثانيه ))
ما عرفت شو ترد عليه ..وشلت قشها ونزلت ..

احدااث يديده ومشوقه بين راشد وروضه ..بتعرفونها في الجزء الثالث



فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 11-03-14, 01:02 AM   #4

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي


البارت الثالث

قعدت روضه في الصاله تشتغل ع بروجكتها .. وعقب نص ساعه صاح فونه وردت ..
روضه: هلا والله
لطيفه: فعيييييييينج
روضه: بسم الله الرحمن الرحين
لطيفه: منج
روضه: ههههه بلاج ..
لطيفه: ما يخصج ,, انتي وين؟
روضه: وين بكون يعني ,,فالبيت
لطيفه: اوكي يلا باي
روضه: ههههه باي ,,(بعد ما سكرت) الحمدلله والشكر ,,بلاهااا هااي المستخفه
وردت تشتغل ع بروجكتها ..
وشوي وان لطووف داخله عليها ..
روضه: هلااااااااا والله
لطيفه تلوي عليها: سخييييييفه ,,تدرين؟!!
روضه: ههههه ,, ليش ؟!!
لطيفه: ما اعرف ,, اليوم مول ما عيبتيني وتوقعتج تين وترمسيني لكن ما يتي وانا ما صبرت
روضه: ههههه,, خلاص انسي انا اللحين مروقه
لطيفه: ولانج مروقه بتقوليلي (وتفر عباتها ع الكرسي وتقعد)
روضه: يصير خير ,, شو تشربين ؟!! عصير والا نسكافيه ؟!!
لطيفه: لا حر ما ابا نسكافيه ,, عصير لو تسمحين
روضه: اوكي
سارت روضه تقول للخدامه تسوي عصير وتيبلهم سويت وردت للطوف .. وقعدن يسولفن ويضحكن لين الساعه 10 رد بو خلفان من برع وكان وياه بو سلطان ..
بوخلفان: حي الله البنااات
روضه ولطيفه: الله يحيك (وكل وحده قامت تحب ابوها وعمها)
ويلسوا الشواب يسولفون مع البنات ..
روضه: ابويه سرت لشما ؟
بوخلفان: توني ياي من عندها انا وعمج
بوسلطان: ظهرنا من العزبه صوبهم
روضه: زين يا حيكم
لطيفه: شفتوه الصغيرون؟
بوخلفان: هيه فديته
... كملو سوالفهم عقب ترخص بوسلطان وشل لطيفه وياه وسارو البيت ,, ورويض تمت يالسه عند ابوها وعقب قامت تسخن له كوب لبن بوش .. ويت يلست عداله تحبه وتلوي عليه وهو يطالع قناة الواحه (قناه الشواب) .. وعقبها بشوي ردت ام خلفان البيت مع خلفان .. وخلفان منهد حيله ع الاخر ع طول سار يرقد ..
وروضه شلت لابها وحبتا مها وابوها وروحت حجرتها بتكمل بروجكتها ,,
ع اليوم الثاني ..
الكل سارح لدوامه وجامعته وام خلفان سارت الدختر عند روضه وام سلطان رجعت البيت لانها طول الليل عندها .. والاهم ان بيت بوخلفان محد فيه الصبح ..

وصل ,, نزل شنطه وخلاهن فالصاله ,, وسار حجرته يرقد .. يوم ردت روضه الساعه 12 من الجامعه شافت الشنط في الصاله ,, زقرت الخدامه تسالها قالتلها ما ادري .. روحت تشوف ابوها ,, لقته منسدح في الصاله الثانيه ..
روضه: السلام عليكم (ووخت عليه تحبه) ..
بوخلفان: وعلييج السلام .. خلصتي دوامج؟
روضه: هيه ,, (وقامت بتسير فوق بس تذكرت ) ابويه شو هالشنط اللي عند الباب
بوخلفان: شدراني ,, يمكن هاي بياعه يارتكن اللي دوم اطرش شنطها والا اغراض شما بيودونهن الدختر
روضه: لا ما اعتقد .. هاذيل شنط كبار
وطلت روضه .. ياها الفضول وانتبهت للاستكر اللي ع الشنطه وشافت ختم المطار وتاريخ اليوم .. وع طول ركضت فوق ,, وقفت قدام باب حجرته وحست بالبروده (يعني المكيف شغال) يعني في حد داخل ,, توها بتفتح الباب سبقها هو وفتح
ويوم شافها فز ما توقع ان حد عند الباب ,, وهي يوم شافته فزت بعد ..
روضه: سااااااااااااااااااااااال م (ولوت عليه)
سالم: هههه روعتيني .. فدييييييييييييييييييييييي يتج روووووووووويض تولهت عليييج
روضه ودموعها تسبق كلماتها : انا اكثثثثثر يا الغالي .. الحمدلله ع السلامه
سالم: الله يسلمج
خلصت من روضه ونزل يسلم ابوه .. دخل الصاله وروضه وراه
سالم : السلاام عليكم ..
بوخلفان يوم سمع صوته لف بسرعه وفز واقف : هلااا والله ,, وعليييك السلام والرحمه
حب سالم ابوه ع راسه وحضنه ..
بوخلفان: فديت روحك يا الغالي .. الحمدلله ع السلامه
سالم: الله يسلمك ,, عيل وين امايه
بوخلفان: امك عند شما فالدختر
سالم: حرمت خلفااان ؟!! .. خير رب ما شر
روضه: يابت ولي العهد
سالم: الحمدلله ع سلامتها .. متى ؟
روضه: البارحه
سالم: ياسلاااام استويت عم
بوخلفان: وعقبال ما تفتك انته بعد من بلاد الغربه ونشوفك ابو مب بس عم
سالم: قريب ا نشا الله
روضه: اووه ,, ثره الاخ ياي بيعرس
سالم: انا قصدي قريب اخلص ,, وبعدين ليش يعني ما اعرس ناقصتني ايد والا ريل
بوخلفان: لا بسم الله عليك
سالم: يترين اشاره هن بس
روضه: في ذمتيه انه حظها اللي بتضويها يا بوغنيم
قعد سالم ويا ابوه يسولف وياخذ علومه وروضه سارت تبدل وردتلهم ,, اذن الظهر وسارو بوخلفان وولده يصلون وروضه بعد سارت تصلي .. وعقب الصلاه حطو الغدا لان سالم يوعان ..
وعقب الغدا سار بوخلفان يقيل شوي وروضه وسالم سارو فوق يسولفون ..
ام خلفان ردت البيت وتغدت وسارت ترقد ..وعند اذن العصر نش بوخلفان وسار الصلاه وعقب ع طول سار العزبه .. يعني ما شاف ام خلفان عشان يخبرها عن سالم وها اللي كان سالم يباه ..
وع الساعه خمس شلت ام خلفان فوالتها اللي قالت للطباخ يسويها وسارت لشما ,, قالت لروضه تسير وياها لكن روضه قالتلها عقب بيكم وها بعد اللي كان سالم يباه ..
اتصلت روضه براشد وسالته اذا بيسير الدختر وقال لا .. قالتله انها تباه في سالفه ضروريه وتبا تلاقيه فالدختر ووافق راشد ,, والمغرب كلهم كانو فالدختر ,, ام سلطان وراشد ولطيفه وام خلفان وخلفان ..
راشد: عمتيه روضه ما يت ؟
ام خلفان : تقول يايه اللحين فالدرب ..
وسمعوا دق ع الباب .. ودخلت روضه
روضه: السلااام عليكم
الجميع : وعليكم السلام
روضه: ويايه ضيف .. عدلن شيلكن
استربو من رمستها .. منو يعني اللي بيكون وياها ؟!! .. فتحت روضه الباب
روضه: اقرب
دخل سالم وكلهم يطالعون الباب يبون يعرفون منو ياينهم : السلااااااااام عليكم
ام خلفان : وااايه فديت هالويه
راشد: سااااااااااااااااااالم !!!!
ام سلطان : مرحبا .. مرحبا
وسار صوب امه اللي هي بعد كانت مسرعه صوبه وحضنته: الحمد لله ع السلامه يا الغالي
سالم : الله يسلمج
وعقب ما فجته امه وايه اخوه وولد عمه وسلم ع شما وباركلها .. وقعد وياهم يسولفون وطبعا روضه حصلت هزبه يوم عرفت امها ان سالم من الظهر فالبيت وتحلفت لبو خلفان بعد لانه ما خبرها هو بعد .. وكملو سوالفهم لين 10 وعقب ترخص راشد وقام سالم وياه .. بعد ما وصلو عند الباب تذكرت روضه ان سويج سيارتها عند اخوها لان هو اللي كان يسوق .. اتصلت به وترياها عند الباب وطلعت بسرعه صوب الباب تاخذ السويج ..
راشد: بلاك الشيخ وقفت عند الباب .. ليكون تباني اجدملك السياره لين هنيه
سالم: شو فيها .. هات السياره لين هنيه ما اروم امشي
راشد: بطرااااااان ,, يلا يلا امش ..انا ما عندي هالدلع
سالم: ههههههه ,, لا اتريا روضه بتي تاخذ سويج سيارتها نسيت اعطيها اياه
راشد: اهاا
ويت روضه ومدت يدها وحط راشد سويجه
روضه: انا اسوق ستيشن عقب الرنج
راشد: تنازلي عشان خاطر اخوانج
روضه : اسفه ما انزل مستوايه
سالم: والله نحن اللي ما انزل مستوانا لسيارتج لكن ملزومين ,, هالخبايل يتحرن الرنج احسن
رفعت روضه حاجبها
سالم: اقصد البنات مب انتي
روضه: ليش وانا شو ؟!!
راشد: هههههههههههههااااي ..حلوه ,,بس عيب عليك هاا ما ارض فـ رواضي
سالم: جب انته ,, (يرمس روضه) اقصد اللي سايرين صوبهن ,,يعني باختصار بنغازل والصراحه الرنج يطيحهن
راشد: يلا عاد ترا وايد عطيناج ويه,, ضيعتي وقتنا
راضه: لاااااااااه
سالم: بس عاد روضه ,, قولي الله يحفظكم
روضه: الله يحفظكم (ودخلت عنهم)
وصلت الغرفه وتوها بتقعد قالتلها امها بنسير البيت وقامت وحتى ام سلطان قامت بتسير وياهم ,, ولطيفه طلعت معاهم بتوصلهم للباب وبتتحوط شوي فالممرات عشان تخلي خلفان ويا حرمته شوي ,,
لطيفه: ايه شوي شوي ع امايه وعمتيه ,, حاولي توصلينهن البيت بسلام
روضه: شو قالولج ..عليميه
لطيفه: لا بس هالويلات اللي عند اللفات وع الدوار بلااه اوكي
ام خلفان: صدق روضه؟!!
روضه: جذاااااااااااااااابه
لطيفه: هههههه امزح عموه امزح ,, بس ابا ازيكم ,, شقايل مامنين ع عماركم وياها
روضه: فديتني ,, ادري انج غيرانه
ام سلطان: حافظ ع سواقتها بنت محمد ,, هاديه وريفه
ام خلفان:الا هالرنج انا ما ادانيه
روضه: مب متعودين ع العز ,, استيشنات ونياسين
ام سلطان: انا ما جد ركبته عيل
روضه: عاد عـ حظج عموه ,, عندي سياره راشد
لطيفه ما عيبتها السالفه ورفعت حاجبها : لييييييييش ؟؟
روضه: هو يبا يجرب سيارتيه
ام خلفان : الحمدلله ,, انا سيارتج ما ادانيها ,, اخير سياره راشد عنها
وصلو عند الباب ولطيفه ردت
روضه: يلسن عـ هالكراسي بيب السياره هنيه
يلسن الحرمات وطلعت روضه ,, لفت يمين ,, يسار ,, تدور السياره ما شافتها ,, واتصلت براشد
راشد: وقتج غلط بالقووووو
روضه: لو ما ردتني الحايه لك ما دقيت
راشد: ههه لا فديتج امزح ,, امري
روضه: وين موقف سيارتك ؟
راشد: انتي وين واقف ؟
قالتله وين هي ووصف لها وين مكان السياره عنها وسارت صوبها .. ركبت السياره .. وريحه عطر راشد تارستنها ,, تنشقت عطره ومضت عيونها وساندت راسها ع السيت .. وقطع حبل افكارها صوت التيلفون ,,
روضه: هلا امايه
ام خلفان: وينج ,, ابطيتي ,, زيغتيني عليج ؟
روضه: كنت ادور السياره ,, يلا يايتنكن
سكرت روضه وشغلت وسارت صوب الباب وصيحت هرن ونشن وركبن كلهن ورا
روضه: يااسلااااام ..وحده منكن تي جدام
ام سلطان : ام خلفان سيري ركبي عدال بنتج
ام خلفان: لا لا حشى بركب عدالج
روضه: عموه انتي تعالي جدام عيل
ام سلطان: لا عاد خلاص ركبنا ما فينا نحول ونركب جدام
روضه: اسميكن انكن سالفه .. والله احس عمري دريول
ام خلفان : تراج تسوقين يعني دريول
روضه: لااااه
ام سلطان: هههههههه ..لا عاد هي تطري لول ما يقولون فلان يسوق ,,يقولون فلان دريول يعني انه يعرف يسوق ,, يلا عاد انتي حركي ,,والا بنتم واقفين ونسولف
روضه: امري لله بستويلكن دريول
ويضحكون عليها .. وصلوا ام سلطان البيت جان تنزل ا مخلفان وتركب جدام
روضه: اللحيييييين؟ ,, اكوه البيت وصلنا
ام خلفان : عاد استحي اخليها ورا وانا متفيزره عنها جدام
حركت روضه وساروا البيت ,, وصلن ,,نزلت امها وهي وقفت السياره في القراج ودخلت البيت وع طول سارت فوق ,, وتوها داخله الحجره وصلها مسج ,,
(( يا حظ السياره ))
ابتسمت روضه يوم شافت المسج من راشد ,, واستربت بنفس الوقت ,, ها شو سالفته !! كل يوم يحسسني باحساس ,, ساه حبيبته وساعه اخته وساعه احس عمري امه ,, مب الا بس امه ,, يدته ,,,آآآآآه ياراشد ,, والله حيرتني وياك ..



يتبع ....



فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 11-03-14, 01:04 AM   #5

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي


البارت الرابع

اليوم الجمعه وبوخلفان قرر انه يسوي عزيمه للريايل ع رده سالم .. وام خلفان بعد تعزم ياراتها
روضه نشت من وقت وسارت مع الخدامات الميلس ترتب وعقب سارت المطبخ تجهز السويتات .. واتصلت بها ميره
روضه: هلا والله بمياااااري
ميره: اهلين وسهلين ومرحبتين وبوستين ع الخدين
روضه: اوه اوه .. شو طراني ع بالج اليوم .. العاده مانشوف رقمج ياثنويه عامه
ميره: بتعقدوني بهالثنويه .. الصراحه ما طريتي ع بالي بس امي طرتج
روضه: ياقواه ويهج كااش ولا علييج
ميره: هههه ما اعرف اجذب واجامل
روضه: ياويلي منج ,, زين انسه ميره ,, شو تبا عموه
ميره: ماتبا شي بس قالت سيري لروضه وساعديها .. عاد انا قلت مابتعب عمري وايج واخر شي تطلعين انج ماتبين مساعده ,, فقلت اسال اذا تبين مساعدتي تراني على الرحب واذا لا بعد عادي ,, فشو قلتي يا انسه روضه
روضه: عشان هالمسرحيه الطويله اللي سويتيلي اياها وضيعتي فيها وقتي مابقولج مابا مساعدتج ,, يلا تعالي بسرعه
ميره: اذا ما تبين عادي ماباي
روضه: لالا اباج يلا تعالي
ميره: هههه اوكي ربع ساعه واكون عندج
وبعد عشر دقايق دخلت ميره شاله صحنين جيز كيك والخدامه وراها شاله بعد صحنين ..
ميره: السلااااااام عليكم
روضه: اوه اوه اوه .. وعليكم السلاام
ميره: باقي اوه وحده بعد لاني مسويه 4 صحون
روضه: هههههه الله يخس بليسج ,, هاتي عنج
ميره:حطي فالثلاجه بعده ما جمد
شلت روضه عنها الصحون وحطتهن فالثلاجه ولفت ع ميره توايها ..
ميره: ههههه اوه نسيت اني ما وايهتج
روضه: ههههه مغفييييه لانج
سوزي: ميرووه انا يجلس هنيه والا روح بيت >> ميروه انا اتم والا اروح؟
ميره: لا سيري البيت عاد اذا ما سار عنج فاروق

سوزي: لا هو في انتزار حق انا ,, خلاص انا بيرووح >> لا هو يترياني .. بروح
ميره: اوكي
قعدت ميره ع الطاوله وروضه تحط اللمسات الاخيره
روضه: بتمين اطالعيني ,, فزي ..خلصي الصينيه الثانيه
ميره: انا انسانه تعبانه ,, من صليت الفجر ما رقدت وعقب من الساعه 7ونص لين 11 اسوي جيز كيك وتوني بس فضيت واتسبحت ويتكم ,, يعني ما اتشغليني لو سمحتي
روضه: ذليني ع الجيز كيك اللي سويتيه
ميره: ههههه شو قالولج روضه
روضه تفرها بالخاشوقه (الكفشه) : تحلمين تكونين شراتي
ميره: هههه اونج عاااد,, المهم ,, ليش سيارتج فبيتنا وسياره اخويه فبيتكم
روضه: الله يسلمج لان اخوج خذ سيارتيه يبا يكشخ فيها ويغازل وعطاني سيارته
ميره: اهاا ,, انا ماكنت ادري بالسالفه وبعدين اصلا سالفه تافهه ليش مكبرينها ما ادري
روضه: شو هي ؟
ميره: سالفه السياره وحشره لطووف
روضه: لطووف !! ,, ميروه شو السالفه فهميني
ميره: ما اتصلتلج لطوف البارحه ؟
روضه: لا
ميره: خلاص خلاص ,, انسي ,, انا اخرف ما اعرف شو اقول
طالعتها روضه بنظره وابتسمت ميره ونزلت من عالطاوله
ميره: انا بسير اسلم ع امج
وشردت من المطبخ التحضيري بتسير للصاله ,, وهي ساير صوب حرمت عمها ,, سالم كان نازل من فوق ويرمس بالفون ويضحك ويوم سمعت صوته لفت اطالع وهو انتبه ان حد (مب روضه) جدامه ,, ويت عينه بعينها يوم لفت وبسرعه نزلت نظرها ,, هو سكر وهي دخلت الصاله ومالقت حرمت عمها ودخل وراها سالم ..
سالم: السلاام عليج
فزت ميره ولفت تطالعه: هلا وعليك السلام
سالم: بلاج تروعتي ماباكلج
ميره: ما تروعت بس فزيت لاني ما حسيتبك ورايه
سالم: اهاا ,, شحالج
ميره: بخير وسهاله ,, انت شحالك؟
سالم: الحمدلله ما نشكي باس
ميره: يعله مدييم ,, اووه نسيت ,, الحمدلله ع السلامه
سالم: الله يسلمج ,, (وتجدم شوي بييلس ع الكرسي) بنتم وقووف ..ايلسي
ميره: لاا بسير عند روضه .. بس كنت بسلم على عمتيه
سالم: اهاا ,, انزين لو تسمحين هاتيلي كوب جاهي
ميره: ان شا الله
وروحت ميره للمطبخ .. طلعت استكانه جاهي وصبت جاهي وروضه تتحرطم عليها تبا تعرف شو السالفه وهي مسويه طاااف ولا كانها تسمع ,, ويوم يت بتظهر من المطبخ شاله الجاهي وقفت روضه بتظهر وراها وسرعت ميره خطواتها فالممر وهي تضحك وروضه وراها وزختها قبل لا تدخل ع سالم بالجاهي ..
روضه: بتقولين والا اصبه عليج هالجاهي
ميره: هههههههه رويض عيب عليج انا بنت عمج
روضه: بتقوووليييييين؟!!
ميره: هههه انزين صبري صبري فيديه كوب جاهي بينجب
وطلع سالم ع صريخهن : حووه بلاكن !! ينيتن ؟!!
روضه فجت ميره وتجدمت ميره وناولت سالم الكوب : هاي ختك تبا تحرقني بالجاهي
روضه: الله عليج ,, اونج تشتكن عليه,, والله براويج ما عليه منكم
ميره: هاا شوفها
سالم: رووويض ,, بلاج ع البنيه ؟!!
روضه: ما بلاني شي ,, ثواني بس بخلص اللي في ايدي وبيج ,, وبتقولين غصب عنج
ميره: ههههه يصير خير
روحت روضه المطبخ وسالم وميره دخلو الصاله
سالم: شو بلاكن؟
ميره: ماشي ,, بس اختك هاي ام علوم ,, بتحرقني بالجاهي اونها اذا ما خبرتها السالفه
سالم: اسميكن حرمات (وسمع صوت الاذان ,, شرب كوبه ووقف بيطلع) يلاا انا بسير الصلاه
ميره: الله يحفظك
سالم وهو طالع: ع فكره ,, ترا الجاهي روعه شرات اللي يايبتنه لي
استحت ميره وابتسمت ووخت وسالم ضحك وروح .. شلت ميره الكوب بتوديه المطبخ ,, وهي طاله فالممر شافت عمها وحرمت عمها طالعين من حجرتهم وسارت صوبهم ووايهتم ,, وع طول بوخلفان طلع للمسيد وام خلفان سارت ويا ميره المطبخ تشوف شو الترتيبات اللي سوتها روضه ,, وعقبها طلعت مع الخدامات للمطبخ العود تشوف الترتيبات هناك للغدا لان الطبابيخ سارو ا لصلاه .. وعقب الصلاه بوخلفان عزم الرياايل ع الغدا في بيته وتويهوا كلهم صوبه .. وراشد سار وياب امه ..
ميره وروضه سارن يصلن في حجره روضه وعقب الصلاه قرن سوره الكهف ونزلن تحت عند امهاتهن والحرمات ..وعقب روضه سارت تشوف السويتات كيف رتبنهن الخدامات في الصحون وفهمتهن كيف يقدمن ومتى (للمره الالف مع انهن شطورات وفهمن ويعرفن لان هاي مب اول عزيمه ماشا الله بس زياده تاكيد ) وعقب روحت للصاله عند الحرمات ..
ام خلفان: ووويديه ,, ام سلطان وينها لطيفه؟!!
ام سلطان: عند ختها فالدختر
ام خلفان: اوووه صدقج ,,نسيييت
وكملو الحرمات سوالفهن .. وشوي ويابو الغدا للحرمات وتدوا وحلوا وسوالفهن ما خلصت ..اما البنات (ميره وروضه ) عقب ما تغدن خذن سويتات وسارن فوق (حجره روضه) يسولفن .. وهن سايرات دخل سالم من باب المطبخ التحضيري وركض ع الدري وهن زاغن لانه كان سريع ويوم شافهن جدامه وقف وضحك
سالم: هههههههههههه سوري والله ما كنت ابا ازيغكن بس شفت حرمه ظاهره عشان جيه نقزت
روضه: وشو بتسويبك الحرمه ,, بتاكلك !!
سالم: لا ما بتاكلني ,, بس اخافها تخطبني لبنتها
ميره : تخطبككككك؟!!!!
سالم: تدرين بعد انا رياال وسيم واذبح واخافها تحلف عليه ببنتها واستحي اردها وتطلع بنتها شيييفه
ميره: هههههه مطولها من سالفه
روضه: اسميك خقاق
سالم: المهم ,, تسلم ايدج رواضي ,,السويتات روعه تخبلوا عليها الشباب
ميره: وايد ميره
سالم: انتي ميييييييره؟؟
روضه: ليكون من الصبح تسولف وياها ولا تعرف منو هاي؟
سالم: لا لا اعرفها ,, كيف ما اعرفها
ميره: انزين انا مب ميره ,, انا قلت وايد ميره ما قلت وايدي
سالم: ولا انا قلت انج ميره
روضه: ههههههه توهق خويه ,, خلاص لا تحاول كشفناك
سالم: خلاااص مب مهم اسمج .. المهم بنت عمي أحمد
ميره: وليش انا اعرف اسمك وانت لا ؟؟ عيل بزقرك ولد عمي محمد
روضه: هههه تفجج من لسانها اللحين عاد
سالم: انتي ميروووه خلااص .. توبه ,, اسولف وياج,, اسفيييين
ميره: هيه جيه ابااك .. وبعدين شو ميرووه ,, ميره والا مياري بطوفها لك
سالم: رووووضه خوزيها من جدامي لاافتضح في عمي عقب
روضه: ههههههه يلا الشيخه مياااري طوفي جدامي
ميره: لا لحظه ,, شو يعني بافتضح في عمي ,, اصلا شو تروم تسوي
سالم: ميروووووووووه
ميره: ههههه خلاص خلااص



فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 11-03-14, 01:08 AM   #6

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي


البارت الرابع ..

اليوم الجمعه وبوخلفان قرر انه يسوي عزيمه للريايل ع رده سالم .. وام خلفان بعد تعزم ياراتها
روضه نشت من وقت وسارت مع الخدامات الميلس ترتب وعقب سارت المطبخ تجهز السويتات .. واتصلت بها ميره
روضه: هلا والله بمياااااري
ميره: اهلين وسهلين ومرحبتين وبوستين ع الخدين
روضه: اوه اوه .. شو طراني ع بالج اليوم .. العاده مانشوف رقمج ياثنويه عامه
ميره: بتعقدوني بهالثنويه .. الصراحه ما طريتي ع بالي بس امي طرتج
روضه: ياقواه ويهج كااش ولا علييج
ميره: هههه ما اعرف اجذب واجامل
روضه: ياويلي منج ,, زين انسه ميره ,, شو تبا عموه
ميره: ماتبا شي بس قالت سيري لروضه وساعديها .. عاد انا قلت مابتعب عمري وايج واخر شي تطلعين انج ماتبين مساعده ,, فقلت اسال اذا تبين مساعدتي تراني على الرحب واذا لا بعد عادي ,, فشو قلتي يا انسه روضه
روضه: عشان هالمسرحيه الطويله اللي سويتيلي اياها وضيعتي فيها وقتي مابقولج مابا مساعدتج ,, يلا تعالي بسرعه
ميره: اذا ما تبين عادي ماباي
روضه: لالا اباج يلا تعالي
ميره: هههه اوكي ربع ساعه واكون عندج
وبعد عشر دقايق دخلت ميره شاله صحنين جيز كيك والخدامه وراها شاله بعد صحنين ..
ميره: السلااااااام عليكم
روضه: اوه اوه اوه .. وعليكم السلاام
ميره: باقي اوه وحده بعد لاني مسويه 4 صحون
روضه: هههههه الله يخس بليسج ,, هاتي عنج
ميره:حطي فالثلاجه بعده ما جمد
شلت روضه عنها الصحون وحطتهن فالثلاجه ولفت ع ميره توايها ..
ميره: ههههه اوه نسيت اني ما وايهتج
روضه: ههههه مغفييييه لانج
سوزي: ميرووه انا يجلس هنيه والا روح بيت >> ميروه انا اتم والا اروح؟
ميره: لا سيري البيت عاد اذا ما سار عنج فاروق
سوزي: لا هو في انتزار حق انا ,, خلاص انا بيرووح >> لا هو يترياني .. بروح
ميره: اوكي
قعدت ميره ع الطاوله وروضه تحط اللمسات الاخيره
روضه: بتمين اطالعيني ,, فزي ..خلصي الصينيه الثانيه
ميره: انا انسانه تعبانه ,, من صليت الفجر ما رقدت وعقب من الساعه 7ونص لين 11 اسوي جيز كيك وتوني بس فضيت واتسبحت ويتكم ,, يعني ما اتشغليني لو سمحتي
روضه: ذليني ع الجيز كيك اللي سويتيه
ميره: ههههه شو قالولج روضه
روضه تفرها بالخاشوقه (الكفشه) : تحلمين تكونين شراتي
ميره: هههه اونج عاااد,, المهم ,, ليش سيارتج فبيتنا وسياره اخويه فبيتكم
روضه: الله يسلمج لان اخوج خذ سيارتيه يبا يكشخ فيها ويغازل وعطاني سيارته
ميره: اهاا ,, انا ماكنت ادري بالسالفه وبعدين اصلا سالفه تافهه ليش مكبرينها ما ادري
روضه: شو هي ؟
ميره: سالفه السياره وحشره لطووف
روضه: لطووف !! ,, ميروه شو السالفه فهميني
ميره: ما اتصلتلج لطوف البارحه ؟
روضه: لا
ميره: خلاص خلاص ,, انسي ,, انا اخرف ما اعرف شو اقول
طالعتها روضه بنظره وابتسمت ميره ونزلت من عالطاوله
ميره: انا بسير اسلم ع امج
وشردت من المطبخ التحضيري بتسير للصاله ,, وهي ساير صوب حرمت عمها ,, سالم كان نازل من فوق ويرمس بالفون ويضحك ويوم سمعت صوته لفت اطالع وهو انتبه ان حد (مب روضه) جدامه ,, ويت عينه بعينها يوم لفت وبسرعه نزلت نظرها ,, هو سكر وهي دخلت الصاله ومالقت حرمت عمها ودخل وراها سالم ..
سالم: السلاام عليج
فزت ميره ولفت تطالعه: هلا وعليك السلام
سالم: بلاج تروعتي ماباكلج
ميره: ما تروعت بس فزيت لاني ما حسيتبك ورايه
سالم: اهاا ,, شحالج
ميره: بخير وسهاله ,, انت شحالك؟
سالم: الحمدلله ما نشكي باس
ميره: يعله مدييم ,, اووه نسيت ,, الحمدلله ع السلامه
سالم: الله يسلمج ,, (وتجدم شوي بييلس ع الكرسي) بنتم وقووف ..ايلسي
ميره: لاا بسير عند روضه .. بس كنت بسلم على عمتيه
سالم: اهاا ,, انزين لو تسمحين هاتيلي كوب جاهي
ميره: ان شا الله
وروحت ميره للمطبخ .. طلعت استكانه جاهي وصبت جاهي وروضه تتحرطم عليها تبا تعرف شو السالفه وهي مسويه طاااف ولا كانها تسمع ,, ويوم يت بتظهر من المطبخ شاله الجاهي وقفت روضه بتظهر وراها وسرعت ميره خطواتها فالممر وهي تضحك وروضه وراها وزختها قبل لا تدخل ع سالم بالجاهي ..
روضه: بتقولين والا اصبه عليج هالجاهي
ميره: هههههههه رويض عيب عليج انا بنت عمج
روضه: بتقوووليييييين؟!!
ميره: هههه انزين صبري صبري فيديه كوب جاهي بينجب
وطلع سالم ع صريخهن : حووه بلاكن !! ينيتن ؟!!
روضه فجت ميره وتجدمت ميره وناولت سالم الكوب : هاي ختك تبا تحرقني بالجاهي
روضه: الله عليج ,, اونج تشتكن عليه,, والله براويج ما عليه منكم
ميره: هاا شوفها
سالم: رووويض ,, بلاج ع البنيه ؟!!
روضه: ما بلاني شي ,, ثواني بس بخلص اللي في ايدي وبيج ,, وبتقولين غصب عنج
ميره: ههههه يصير خير
روحت روضه المطبخ وسالم وميره دخلو الصاله
سالم: شو بلاكن؟
ميره: ماشي ,, بس اختك هاي ام علوم ,, بتحرقني بالجاهي اونها اذا ما خبرتها السالفه
سالم: اسميكن حرمات (وسمع صوت الاذان ,, شرب كوبه ووقف بيطلع) يلاا انا بسير الصلاه
ميره: الله يحفظك
سالم وهو طالع: ع فكره ,, ترا الجاهي روعه شرات اللي يايبتنه لي
استحت ميره وابتسمت ووخت وسالم ضحك وروح .. شلت ميره الكوب بتوديه المطبخ ,, وهي طاله فالممر شافت عمها وحرمت عمها طالعين من حجرتهم وسارت صوبهم ووايهتم ,, وع طول بوخلفان طلع للمسيد وام خلفان سارت ويا ميره المطبخ تشوف شو الترتيبات اللي سوتها روضه ,, وعقبها طلعت مع الخدامات للمطبخ العود تشوف الترتيبات هناك للغدا لان الطبابيخ سارو ا لصلاه .. وعقب الصلاه بوخلفان عزم الرياايل ع الغدا في بيته وتويهوا كلهم صوبه .. وراشد سار وياب امه ..
ميره وروضه سارن يصلن في حجره روضه وعقب الصلاه قرن سوره الكهف ونزلن تحت عند امهاتهن والحرمات ..وعقب روضه سارت تشوف السويتات كيف رتبنهن الخدامات في الصحون وفهمتهن كيف يقدمن ومتى (للمره الالف مع انهن شطورات وفهمن ويعرفن لان هاي مب اول عزيمه ماشا الله بس زياده تاكيد ) وعقب روحت للصاله عند الحرمات ..
ام خلفان: ووويديه ,, ام سلطان وينها لطيفه؟!!
ام سلطان: عند ختها فالدختر
ام خلفان: اوووه صدقج ,,نسيييت
وكملو الحرمات سوالفهن .. وشوي ويابو الغدا للحرمات وتغدوا وحلوا وسوالفهن ما خلصت ..اما البنات (ميره وروضه ) عقب ما تغدن خذن سويتات وسارن فوق (حجره روضه) يسولفن .. وهن سايرات دخل سالم من باب المطبخ التحضيري وركض ع الدري وهن زاغن لانه كان سريع ويوم شافهن جدامه وقف وضحك
سالم: هههههههههههه سوري والله ما كنت ابا ازيغكن بس شفت حرمه ظاهره عشان جيه نقزت
روضه: وشو بتسويبك الحرمه ,, بتاكلك !!
سالم: لا ما بتاكلني ,, بس اخافها تخطبني لبنتها
ميره : تخطبككككك؟!!!!
سالم: تدرين بعد انا رياال وسيم واذبح واخافها تحلف عليه ببنتها واستحي اردها وتطلع بنتها شيييفه
ميره: هههههه مطولها من سالفه
روضه: اسميك خقاق
سالم: المهم ,, تسلم ايدج رواضي ,,السويتات روعه تخبلوا عليها الشباب
ميره: وايد ميره
سالم: انتي ميييييييره؟؟
روضه: ليكون من الصبح تسولف وياها ولا تعرف منو هاي؟
سالم: لا لا اعرفها ,, كيف ما اعرفها
ميره: انزين انا مب ميره ,, انا قلت وايد ميره ما قلت وايدي
سالم: ولا انا قلت انج ميره
روضه: ههههههه توهق خويه ,, خلاص لا تحاول كشفناك
سالم: خلاااص مب مهم اسمج .. المهم بنت عمي أحمد
ميره: وليش انا اعرف اسمك وانت لا ؟؟ عيل بزقرك ولد عمي محمد
روضه: هههه تفجج من لسانها اللحين عاد
سالم: انتي ميروووه خلااص .. توبه ,, اسولف وياج,, اسفيييين
ميره: هيه جيه ابااك .. وبعدين شو ميرووه ,, ميره والا مياري بطوفها لك
سالم: رووووضه خوزيها من جدامي لاافتضح في عمي عقب
روضه: ههههههه يلا الشيخه مياااري طوفي جدامي
ميره: لا لحظه ,, شو يعني بافتضح في عمي ,, اصلا شو تروم تسوي
سالم: ميروووووووووه
ميره: ههههه خلاص خلااص
وروحن عنه الحجره وهو سار حجرته وهو يبتسم ع سوالف ميره .. وعالعصر عقب ما رد سالم من الصلاه بدل ثيابه ولبس بنطلون وقميص وطلع وميره كانت نازله تيب فونها لانها نسته تحت .. يوم شافها ظاهره من الحجره وبتنزل وراه ع الدري اونه يعني تضيج ( بس يبا يغايضها)
سالم: يااااااربي
ميره: استغفرررر الله
سالم: انتي موقتلي متى اظهر ومتى احدر ,, لازم يعني اجابلج كل شوي
ميره: واااااااااايه ,, لا تصدق عمرك بس ,, المهم ,, كاشخ وطالع ع وين ؟!!
سالم: هههاي ,, حلوه هاي ,, وانتي شو يخصج!!
ميره: يمكن حد يتخبر عنك ,, شوو اقولهم ,,ما ادري!!
سالم: لا اللي بيتخبر عني قوليله خليه يتصلي
ميره: انزين انا اتخبر عنك ,, ما بتقولي !!
سالم: انتي حشره ,, بسير العزبه
ميره: هههههههه وحليله ولد امريكا ,, يسير العزبه بجنز ,, استح ع ويهك وسير البس كندوره ,, انته فالعين اللحين مب في بوسطن
سالم: بوسطن ما فيها عزب ,, يا عزبه ,, وبعدين انتي شلج يا خي ,, ليش متعنيه !!
ميره: رووح رووح ,, خلهم يمصخرونك الشواب ,,بس دخيلك صور فيديو وانت تتمصخر ,,اوكي
ضربها بالفون ع جتفها ومشى عنها : عنزز
ميره: حرمتك
سالم: ههههه تراني قلتلج عنز ,, رديتي تسبين عمرج

استحت ميره ترد عليه ,, وهو طلع وهو يضحك ..
خذ سالم سياره البيت ( النيسان) وروح للشباب في عزبه سويحان ,, وميره يابت فونها مت تحت وردت لروضه فوق يرتبن حجره شما لانها بتطلع اليوم من الدختر ,,
روضه: ميااري والله بذبحج من الصبح تغيرين السالفه
ميره: خلاص روضه ..سالفه وانتهت
روضه:عاد شوو هي ووما احب جيه حد يقولي طرف السالفه وعقب ما يكمل
ميره: سالفه تاافهه والله
روضه: انزين انا ابا اعرف هالسالفه التافه
ميره: الله يسلمج لطووف يوم درت ان سياره راشد عندج وسيارتج عنده اتصلت به وقعدت تخربط بالرمسه وليش وما ادري شو ,, وراشد يض عليها وقالها ان اتصلتلج وضيجتبج ع نفس السالفه ياويلها ,, احتشرت اكثر اونه ما يرضى فيج وما ادري شو ,, ومتحلف انه يغايضها عدل عشان ما ترمس بهالرمسه الفاضيه ,,ووبس
ميره ترمس وروضه تطالعها باستغراااب: لطووووووف ؟!!
ميره: هيه لطوف ,, بس ما عليج منها ,, كلنا ندري انكم من يوم كنتو صغاار وايد ويا بعض
روضه: وشو فيها لو خذ سيارتي ؟!! ليش هي مكبره السالفه؟!
ميره: شدراني ,, خليج منها .. يلا خلاص خلينا ننزل ,, اللحين بيوصلون
نزلن البنات تحت وعقب شوي وصلو وخلفان يصيح هرنات فالحوي ( لازم ولي العهد ياي البيت) وطلعن ميره وروضه .. نزل خلفان وفتح لشما الباب وخذ عنها محمد ونزلت هي وعطاها الولد ونزل اراضهم ودخلو ..
ميره: لطوف وين؟
شما: خطفناها البيت ,, وين اماايه لطيفه عيل !!
ام خلفان طالعه من حجرتها : مرحبااا مرحباا ,, تو ما نور البيت
خلفان: النور نورج يا ام خلفان
وتوايهت ويا شما وشلت الصيرون عنها ,, وعقب روحت شما فوق ترتاح في حجرتها وميره وروضه وياها وعقب طلعن عنها ,, وعقب ما صلن العشا ميره اتصلت بفاروق ايي يوديها البيت وقالها انه محد
روضه: احسن ,, قلتلج عقب العشا انا بوديج
ميره: انا من الصبح عندكم ,, بس عاد ,, فضيحه
روضه: لا فضيحه ولا شي ,, بيت عمج
وصاح فون روضه
روضه: هلا بوغنيم
سالم: اهلين ,و اقولج هالعنز بعدها عندج
روضه: ههه منو .. ميروه؟
سالم:هيه
روضه: هيه هنيه
سالم: اوكي خلاص ,, بطرشلج صوره راويها اياها ,, قوليلها شوفي يا العنز هو وين ؟!
روضه: مع اني مب فاهمه السالفه ,, بس اوكي
ميره: شو يبا ها ؟
روضه: يقول بيطرش صوره وشوفي يا العنز هو وين
ميره: محد عن زالا هوو
روضه: هههه لا هو تيس
وصل مسج لروضه وكان سالم مطرش وسايط ..مقطع فيديو ,,يوم شافته ميره ضحكت بس روضه ما فهمت
روضه: شو السالفه ,, ليش يعني يراويج عمره وهو ع الدراجه؟!!
ميره: انا تخبرته وهو طالع وين بيسير قال العزبه وضحكت عليه قلتله ما يسيرون العزبه بجنز ,, سبني قالي يا العنز وضحك عليه وروح عني ..واللحين عاد يراويني ليش هو لابس جنز
روضه: هههه توني استوعبت
ميره : الحمدلله ,, يلا انزين خلينا ننزل
نزلن البنات وع الساعه 9 حطوا العشا وعقب العشا ودت روضه ميره البيت وما طاعت وروحت .. وهي تريوس عند الباب ,,راشد كان داخل .. جدمت عنه ودخل وضرب لها اشاره توقف ,, نزل من السياره وسار صوبها
راشد: ها بنت العم ,, علومج
روضه: الحمدلله ,, انت علومك
راشد: طيب
روضه: ما بتعطيني سيارتيه !! تولهت عليها
راشد: واللي ماخذ سيارتج ؟!
روضه: لا اللي ماخذ سيارتيه ما اتوله عليه ,, حد يتولهه ع الحشره ,, اتصالات 24 ساعه وكل شوي ينطلي البيت
راشد: زييييييين ماعلييه يا رويييض
روضه: هههه ,, اونك يعني تخوفني
راشد: زين ما عليه ,, يلا يلا ,,حركي
ريوست روضه وهي تضحك ع راشد ,,ولطيفه كانت واقفه عند الجامه وشافتهم ..
لطيفه: ليش ما خذت سيارتها عنه
ميره: انت شو يخصج ؟! لطووف يوزي عنهم
لطيفه: اووووووووووف .. ابد مب عايبتني بنت عمج
روحت ميره عنها فوق وهي تمت واقفه ,,دخل راشد وعرف انها كانت تشوفه ,, خطف عنها وسار الصاله عند امه وابوه ..
وعقب كل حد سار حجرته يرقد ,,
في بيت بوخلفان
الساعه 2 الفليل ..
نش سالم وسار صوب حجره روضه وشافها منوره عالخفيف ,, ودق الباب بشوي شوي
روضه: منوو؟
سالم: اناا
قامت وفتحت له الباب: هلا بوغنيم .. حياك
سالم: يحييج ,, اسف عالازعاج بس ماياني رقاد قلت بشوفج انتي بعد
روضه:حتى انا ,, مع اني ناشه من وقت
سالم: ليش ماياج رقاد,,منو ها اللي مايستحي مسهر رويض
روضه: هههه محد مسهرني ,, روحي ارتب افكاري ,, انت شو مسهرنك ؟
سالم: ولا شي ,, ارتب افكاري
روضه: ههه لاااه !!
سالم: عيل بس انتي تقصين عليه
وصل مسج لروضه وفتحته وقعدت تضحك ..
سالم: منو ها اللي مطرشلج مسج بهالوقت وضحكج جيه
روضه: ههههه ميرووه
سالم: مايستوي تضحكوني وياكم
روضه: اممممم .. بينا سالفه بنات (كانت تخبرها عن لطووف)
سالم: اهاا ,, انزين رويض (روضه تكتب مسج ورفعت راسها تشوفه) اممم .. ميره كم كبرها ؟1
ابتسمت روضه: لحظه لحظه ,, خلني ارد عليها عشان اعرف ارد عليك انت بعد
خلصت من المسج وفرت فونها عداله وردت تطالع سالم : امرني ,, شو قلت ؟
سالم: كم كبرها ؟
روضه: السنه ثنويه عامه
سالم: يعني ؟!!
روضه: 18 او حدود 19
سالم: وااااايد زين
روضه بابتسامه خبث: شو هو اللي وايد زين؟( كفخها سالم وقام عنها ) خلاص ياك الرقاد؟!!
سالم: هيه
وهو مروح عنها عند الباب اونه فونها صاح وردت ع ميره ورد سالم بسرعه عدالها ,,جان تضحك ,, وحصلتلها بعد كفخه وسدحها عالشبريه وطلع عنها ..

((شو سالفه سالم وميره ؟!! وشو بيصير ويا راشد وروضه ؟!!.....في البارت الخامس ))


فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 11-03-14, 01:09 AM   #7

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي


البارت الخامس ..

بيت بوسلطان الصبح الساعه 9 ..
راشد وسلطان يتريقون وام سلطان عدالهم تلعب احمد وموزه عيال سلطان
سلطان: متى بترد سياره البنت ,, عيب عليك عاد
راشد: انتو شلكم ,, انا وهي متفاهمين ,, بس ارتاح انا اللحين بخطف سيارتها وباخذ سيارتيه من عندها
سلطان: بسم الله ,, ليش غيضت انزين !! انا اتخبرك بس
ام سلطان : رااشد ,, بلاك ع اخوك !! هو يسالك ,, وبعدين صدقه ,,متى بتردها ,, انت ماخذنها يوم واحد بتسير وبترد واشوفها عيبتك وخليتها يومين
راشد: استغفرررر الله ,, شووو فيهاااا ؟!!
ام سلطان : مافيها شي يابويه .. لكن الواحد روحه يعرف ,, الشي اللي ياخذه من حد بدون ما يطلبون منه يرده
راشد: حشى ماتسوى عليه هالسياره اللي بادلتبها ,, ما اعرف ليش مسوينها قضيه (وقام بيطلع) يلاا ,, اكرمكم الله
ام سلطان: الله يحفظك
وطلع عنهم ,, اول ما ركب وشغل ,,عطاهاااا ريييييس عشان يغايض ,, او يفرغ غيضه بالمعنى الاصح وروح ..
خطف بيت عمه وشاف سياره عمه موجوده قال في خاطره زين بعد ,, بينزل ييلس عنده شوي ويسولف وياه .. دخل السياره الكراج ونزل وهو يمشي صوب البيت طرش لروضه مسج ..

(( صباح الخير ياحلوه .. انا فبيتكم وابا سويج سيارتي ))
روضه كانت نازله من فوق وهي تقرا المسج طالعت من الدريشه شافت راشد بيدخل ركضت صوب الباب وفتحت بنفس الوقت اللي راشد كان بيفتح الباب .. قفز راشد ورد على ورا
راشد: بسم الله ,, من وين طلعتي انتي
روضه: ههه من بطن امي
راشد: ههههاي ,, تستخفين دمج
روضه: لا استضرف
راشد: الله يعينا ع المتفيجين ,, خوزي عني بدخل ,, وين عمي
روضه: اوه نسيت ,, هلا حيااك اقرب
راشد: قرييب (ودخل ومشى وراها للصاله اللي قاعدين فيه) السلاام عليكم
بوخلفان: وعليك السلام
راشد وهو يتجدم بسرعه صوب عمه ويحط ايده على جتف عمه : استرييج عمي استريح (ويحبه ع راسه)
بوخلفان: يعلني افداك ,, شحالك
راشد: طيب طاب حالك ,, انت شحالك
بوخلفان:والله الحمدلله ,, مقزرين فهالدنيا
راشد:الله يعطيك طولت العمر والصحه والعافيه
سارت روضه تيب سويج سياره راشد من فوق وردت لهم الصاله ,, راشد وعمه كانو يسولفون عن العزبه عقب بوخلفان سال راشد عن الشركه واوضاعها لان مثل ما تعرفون راشد اللي ماسك شركه العايله ,, وعقب شوي ياهم سالم توه ناش من الرقاد .. حب ابوه على راسه وتوايه ويا راشد ونشت روضه وحبته وانسدح وقال لروضه تصبله حليب ..
بوخلفان: شورايك تشربك اياه بعد
سالم: يالييييت والله
بوخلفان اونه يعني معصب عـ سالم: بتعلمهم كباار والا صغااار
راشد: هههه قووم يلااا ,,شو هالكسل اللي فيك توك ناش من الرقااد
سالم: انتو ليش منقهرين خلو ختيه تدلعني
بوخلفان: اسمع الرمسه انته ,, عنبووووك ريال وتدلع
سالم يعدل يلسته: اصبحنا واصبح الملك لله
راشد هلكاان ضحك على سالم ,, سالم هااا سووووداني ,, من ينش من الرقاد لازم على قولته يريح شوي ما ادري شو كان يسوي فالحلم !! جنه يصارع .. حب راشد يكملها ويغايض
راشد: الااا اقول بوغنيم
سالم: آآآآآآآمر
راشد: مايامر عليك ظالم ,, انت اللحين بتقعد 7شهور صح !!
سالم: هيه
راشد: و7شهور بتقعد بطالي
سالم: يعني ادور شغل لـ 7شهور بس وعقب اودره واساافر
راشد: ما يحتاي تدور ,, الشركه موجوده
سالم يطالع راشد بنظره يعني اسكت احسنلك ,, وراشد بالغصب ميود عمره عن لايضحك
طبعا بوخلفان عيبته الفكره وتم يرمس سالم وسالم يتحلف لراشد ,, عقب ترخص راشد وقام بيطلع وقامت روضه وياه ..
طلعت وياه لين عند السياره وعطته السويج وخذت سويجها ..
راشد وهو يركب : نظفتيها عاد عن كشرتج
روضه: كشره فعييينك !! انا انسانه نظيفه ,, سيارتيه ما خيسها عشان اخيس سياير الناس
راشد: يعل الناس يفدونج ,, اسولف
استحت روضه واونها يعني اخرت ع ورا عشان يسكر الباب وهي بتروح ,, زخها راشد من يدها قبل لا تروح
راشد: لحظه
بسرعه روضه فجت يدها من يده ولفت تطالعه
راشد: امم ,,سوري بس كنت ابا ارمسج
روضه:ماعليه ,,بالحل ,, آآمر
راشد: مايامر عليج ظالم ,, بس كنت ابا اشبع عيوني من عيونك شوف قدر المستطاع
ابتسمت روضه وروحت عنه وهو ضحك وحرك وطلع من بيتهم ..
مرت الايام والاوضاع عاديه مابين الكل بس احداث عاديه تصير بين سالم وميره كل مايلتقون .. وحموودي كبر وطلع من الاربعين وام سلطان كانت مسويه طلوع محمد فبيتهم .. وكانت العزيمه عائليه ..
وفجاه وبدون سابق انذار من راشد وعقب ما تغدوا وقدام كل الريايل .. راشد لف صوب ابوه وزقره
بوسلطان: لبيه الغالي
راشد: لبيت في منى ,, ابويه انا عزمت وبعرس
بوسلطان متفاجأ من رمسه ولده وسالم يطالع سطان وخلفان وكانهم يسالون بعض بنظراتهم (شو سالفته هاا ؟! تخبل .. حد يقول لابوه جدام العرب كلها ابا اعرس !!)
واحد من الريايل : بالبركه ياولديه
سلطان: راشد قوم اباك شوي
راشد: لحظه سلطان انا ما خلصت رمستيه (ورد يرمس ابوه) ها ابويه شو قلت ؟!
بوسلطان: الصراحه فاجاتني يابوسنيده بطلبك ,, شوو الطاري !! والا لسعك الشوق وتويعت
راشد ابتسم
بوسلطان: الساعه المباركه يا ولديه ,, وعروسك عاد نتافهم عليها عقب ,, بنتشاور وياك
راشد: لا انا اباك تخطبلي اياها اللحين دام ابوها واخوانها حاضرين
سلطان يرمس خلفان: خويه تخبل ,, بيخطب من الريال وهو فبيته
خلفان: ياخي ظهر اخوك من الميلس ,, فضحنا
بوسلطان: اخطبلك من الريال وهو في بيتي !! لاااابوسنيده ضاع دليله .. الشوق لاعببه عدل
راشد: ابا بنت عمي محمد
الريايل : ونعم الساااع من بوخلفان
بوخلفان: تممم يابوسنيده ,, ماعندي اللي اغلى منك .. انا عني موافق
لف راشد يطالع سالم وخلفان (شو رايكم؟!)
خلفان: بالبركه يابوسنيد ,, مالنا شوور عقب شور الوالد
سالم: ان وافقت البنت,, مبرووك
بوسلطان مستغرب من تصرف ولده ويضحك فخاطره على خباله ,, والا هاي طريقه واسلوب يخطبون فيها !! .. بعد ماظهروا الريايل (يرانهم وهل بوسلطان واللي يقربون لهم وانسابتهم) وحتى الحرمات ..
خلفان شل حرمته وولده وروحو البيت ,, وسالم وابوه وامه وروضه بعد ردو االبيت وفالسياره سالم وبوخلفان كانو يتكلمون عن السالفه بس روضه وامها مب فاهمات ولا شي .. ويوم وصلوا البيت روضه سارت حجرتها وسالم لحقها وبوخلفان وام خلفان سارو حجرتهم وخبرها بوخلفان باللي صار ,, استغربت تصرف راشد وضحكت عليه وفرحت لبتها ..وسالم طبعا لاحقنها بيخبرها عن راشد وهي تتحرا بيسال عن ميره عشان جيه اول مادخل قالتله انها ما يلست وياها وايد ولاشافتها لان ميره نزلت شوي بس عن خاطر شما والا البنيه ثنويه عامه وعليها امتحانات
عقب ماخذ العلوم ضحك على روضه وقالها انه ياينها بسالفه غير .. وخبرها بسالفه راشد من البدايه لين اخر شي

يتبع ..



فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 11-03-14, 01:11 AM   #8

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي


البارت السادس

سالم عقب ماخبر روضه بالسالفه ,, طبعا هي استانست بس مابينت لاخوها ,, وسار عنها يرقد ..
واليوم الثاني طبعا راشد حصل له هزبه محترمه من امه عالموقف اللي حط ابوه وعمه فيه جدام الناس بس طبعا راشد اكبر طاااااااااف .. وروح عنها الدوام ..
اتصل بروضه بس ما ردت عليه لان فونها ع السايلنت اصلا .. عند الدوار ,,شاف راشد سياره روضه ..ودعس ولحقها ولف عليها وصيحت له هرررن
روضه: استغفر الله ,,بلااااااه هااا من الصبح جان نفدنا
وخذ تفونها وشافت مسدكول منه وهي اصلا كانت بتتصله تهزبه ..
اول ما رد راشد هزبته روضه
روضه: شو بتستفيد عاد لو نفدتنيه ع الدوار ونفدت انته بعد
راشد: لاا ادري انه ما بستوي عليج شر ,, بسبعه ارواح
روضه: الله واكبر منك يا الساحر ,, كلني
راشد: ليش ما رديتي عليه
روضه: فوني مان سايلنت ,, شو تبا
راشد: سولفي عليه لين ما اوصل الدوام
روضه: متفييج انته ,, محد له بارض الصبح للسوالف .. ويلا برايك انا بخطف الشيشه
راشد: عووذ بالله ,, بلااج اليوم
روضه: رشود مب متفيجه ,, ناشه مصدعه ..ما رقدت الا عقب الصلاه يعني ما رقدت الا ساعتين
راشد: مب مشكلتي ,, انا ابا اسولف
روضه: رشووووود
راشد: انزين انزين .. خلاص برايج (اونه يعني زعل) انا ماعندي سالفه متصللج
روضه: اووونه يعني زعل,, تراا عاادي
راشد:ادري انه عادي وما تفرق عندج .. منو هو راشد اصلا!!
روضه: هذي هي .. منو هو راشد ؟!!
راشد: اقووول
روضه: امر
راشد: يلا مع السلامه
روضه: هههههه مع السلامه
سكر راشد وشوي ووصل الشركه وروضه بعد وصلت الجامعه ... والكل سرح للدوام الا ميره طبعا عندها اجازه اسبوع قبل الامتحانات ..
وع الساعه 10 خطف بوسلطان على اخوه محمد فالعزبه .. ويلس وياه وسولف وعقب استسمح منه على حركه راشد البارحيه واونه يعني خطب روضه من ابوها وطبعا بوخلفان البارحه عطا راشد كلمه وما بيردبها وقال لاخوه انه مطمن على بنته جيه اكثر لانه حس ان راشد وايد يحبها عشان جيه ما هموه الناس .. يعني خطب رسمي وبوخلفان وعد اخوه انه يشاور روضه اليوم ويرد عليه خبر قريب ا نشا الله .. وعقب قامو لعزبه بوسلطان لانه قريبه من عزبه اخوه وكان يبا يراوي اخوه بكره تعبانه عنده وبيشاوره فيها ..
مرت الساعات وردوا من دواماتهم ..
روضه سيده سارت ترقد لانه مدووخه عالااااخر لانها ما رقدت بسب تفكيرها بسالفه راشد واللي قالها اياها سالم ..
وعالمغرب نشت واتسبحت ولبست ونزلت تحت .. ما حد كان فالبيت كلهم قاعدين فالخيمه اللي فالحوي وطلعت لهم
سالم: صح النوووووم
روضه تبتسم بتعب (بعده فيها رقاد): يصح بدنك
سالم يفتحلها ذراعه عشان تي تلوي عليه وهي ما صدقت (دلوعه العايله) : شوو هالرقااد !! خستي
روضه: تعباااانه (وتبوس اخوها بالقووو)
خلفان: ياسلااام الحب كله لسالم وانا حليلي من متى ما لويتي عليه وحبيتيني
نشت روضه بتسير تيلس عدال خلفان وتلوي عليه بس يودها سالم ..
سالم: انته عندك حرمه ,, انا حليلي ماعندي حد
شما لبقت من المستحى وخلفان وروضه يضحكون وام خلفان فرت سالم بالكلينكس
ام خلفان: اييه .. حشم شوي
سالم: قلت شي غلط
وقطعهم صوت تيلفون روضه ( يافتان طال البعد وانا عليك اون ..ونين بدوي طايح من ظهر ناقه )
روضه: هلاااااا والله
ميره وخانقتنها العبره: اهليين
حست روضه ان ميره فيها شي وقامت عنهم : ميروه عيوني بلاج
طبعا سالم سمعها وطلع اونه بيروح .. ولحق روضه
ميره: رووويض بمووت والله .. اول مره اخااف جيه من امتحان
روضه: ههه حسبي الله على بليسج ,, تحريت شي فيج
ميره: رويض لا تستويلي لطوف الثانيه ..مول ما تحس فيه
روضه: ماعليه حبيبتي ها شعور عادي صدقيني ,,كلنا مرينا بنفس الشعور وخصوصا العلمي
ميره: انزين ,, انا متاكده اني فاهم الدرس واعرفه بس يوم ايي بحل ما اعرف تتيبس يديه .. واتخربط
روضه: الرياضيات ؟!
ميره: هيه ,, ها هو الكابوس العود
روضه: خلاص ولا يهمج ,, انا بساعدج ..والا نسيتي اني كنت علمي واحب الرياضيات
ميره: صدق !!
روضه:طبعا .. متى ما تبين
ميره: اللحين
روضه: يلا انزين تعالي اللحين
ميره: اوكي ,, ببدل وبقول لفاروق يشل السياره
سالم كسر روضه وهو ياشر عشان تقول انها هي بتسير تيبها وقالتلها وميره قالت لا عادي بيبني الدريول بس روضه اصرت عليها ,,مافيها على حلج سالم ..وافقت ميره وسارت تلبس وسالم خذ سويج روضه وسار بيب روضه وروضه ردت الخيمه ..
طبعا سالتها شما شو فيها ميره وقالتلها انها مب فاهم شي فالرياضيات وتباها تفهمها ..وكملو سوالفهم ..
سالم وصل بيت عمه وصيح هرن وطلعت ميره وهي على ويها تتحرا روضه اللي يايه لانها شافت سيارتها ..يوم ركبت انتبهت انه سالم ويتب تنزل وقفل الباب ,,لفت ميره اتطالعه وهي رافعه حاجبها
ميره: اونك يعني تقفل عليه ,,ماعرف افتحه يعني
ابتسم وريوس بسرعه عن لا تفتح الباب : وعليكم السلاام والرحمه
ميره: ليش طرشتك !! هي قالت انا باي اشلج
سالم: بخير الحمدلله
ميره:ههههههه تستعبط .. انا ماسلمت ولا سالت شحالك
سالم: ش اسويبج يوم انتي ما تعرفين السنع ..
ميره: ههه انزين سوري ,,السلاام عليك ,,شحالك ,واخبارك
سالم(يستعبط وياها) بخييييييير انتي شحاااالج
ميره: ههههههه اييه لا ترمس جيه
سالم: انشا الله عمتيه
سوالف وضحك ووصلوا البيت ..روضه يوم سمعت صوت السياره طلعت من الخيمه بتتلقى لميره ..نزلت ميره وهي تضحك
روضه: اللللللللله ع المستانسين ..يعله دووم ,,بس مب جنهم توهم كانو يصيحون
نزل سالم وهو شاق الحلج بعد : ويايه وتبينها اتم زعلانه
لفت ميره وحطت يدها في خاصرتها : ليش منو انت؟!
تقرب سالم منها وطالعها بنظره خربطتها : منو انا ؟!
تجدمت بسرعه صوب روضه وروضه تطالعهم وتضحك (وهي توايه روضه تهمس فاذنها) اخوج ها يجننننن
روضه: ههههه شو تقولين ميره ما سمعت
كفختها ميره على جتفها ودخلت الخيمه تسلم عليهم وروضه تترياها عند باب الخيمه عشان يسيرون داخل وسالم واقف عدال روضه يعني ماشي مجال تخطف ميره .. ضكت روضه بس يوده سالم وروضه تضحك وتهمس لسالم(والله بينتبهون)
وطالعها بنظره تعني (عاادي) رفعت ميره حاجبها وهي تطال سالم ما رام يتم واقف ضك على ورا وهلك ضحك ..
ابتبهو اللي فالخيمه انه في شي وروضه حاولت تدارك الموقف بسرعه
ام خلفان: بلاكم
روضه: تخرطفت وهو ضك عني لاني بتيود فيه
ام خلفان: الله يهديكم
خطفت ميره وروضه وسارن داخل البيت وسالم رد ييلس وياهم ..وعقب شوي يا بوخلفان وبوسلطان وياه .. سالم اتصل براشد وتواعدوا عند المقهى ويا الشباب وسارو .. وشما شلت ولدها وسارت بتحطه فالحجره لانه رقد وخلفان وامه وابوه وعمه يسولفون عن العزبه والمزارع والحلاال (ٍسوالف الشواب اللي ما تخلص) .. عقب ما حطت شما ولدها شغلت الجهاز عداله (عشان تسمعه اذا صاح) وخذت الجهاز الثاني وياها وخطفت عالبنات تشوفهم قبل ما تنزل ..

شما: ها بنات ,,اخباركن
ميره: فديتها والله رواضي بسطتلي الامور وايد ,, احسن عن المس
روضه: لا تبالغين عاد ,, صح بسطت الحل ,, بس مب احسن من المس
ميره: لااوالله احسن ,, جيه عرفت احل
شما: زين الله يوفقج انشا الله
ميره: انشا الله,, يلا نحن باقلنا شوي ونخلص
شما: بهالسرعه ,,ها رياضيات ما يباله تجليب صفحات
روضه: هههه لا بس هي جزئيه بسيطه مب فاهمتنها واللحين تحل عليها تمارين وخلاص
شما: اهاا ..زين عيل ,, اخليكم تخلصون
وروحت عنهم شما وميره كملت حل تمارين وروضه وياها وعقب ساعه نزلن وكان بوسلطان يركب سيارته بيروح وشافت ميره وزقرته ..لف يطالعها لانه تحراها شما ما يدري ان ميره هنيه
بوسلطان: انتي هنيه؟
ميره: هيه رويض كانت تدرسني
وتجدمت روضه توايه عمها
بوسلطان: وخلصتي؟!
ميره: هيه
بوسلطان: يلا انزين .. دخلي الخيمه وايهي عمج ويلا بنسير
روضه: برايك عمي انا بوصلها عقب ما تتعشى
ميره تغمزلها : نفس ما يبتيني!!
ضحكت روضه وفهمت شو تقصد ميره ,, ودخلت ميره الخيمه وايهت عمها وترخصت وهي طالعه حبت روضه وتشكرتها وركبت عند ابوها وروحت البيت .. ورضه دخلت تيلس ويا ابوها شوي
محمد الصير صاح ونشت شما تركض داخل عنده ونش وراها خلفان ,,بيتسبح قبل الصلاه لان ماشي باقي عن الاذان ومحد تم الا روضه وامها وابوها .. غمز بوخلفان لحرمته وطلعت عنهم .. حست روضه انه ابوها عنده شي من كثر ما يتحنحن بس تمت ساكته واونها تبدل القنوات ..
بوخلفان: بنتي
فز قلب روضه: امر فديتك
بوخلفان: بنتي ,,انتي اللحين ماشي باقلج وان شا الله تتخرجين ..والسنوات تطوف .زامس كنتي ياهل واليوم ما شا الله عليج كبرتي واستويتي عروس ......الخ(من المقدمات اللي تضيع وقت وتربك البنت اكثر ) .. يا بنتي عمج رمسني اليوم ويباج لولده راشد
روضه طبعا لا تعليق ..
بوخلفان: انا مابا رد اللحين خذي وقتج وعلى راحتج ومتى ما قررتي خبري امج
روضه هزت راسها بس بدون تعليق
رن 3 ايام وبوخلفان سال حرمته اذا روضه قالتلها شي والا ردت عليها وقالتله لا .. وبوسلطان خبر راشد انه رمس اخوه وطلب انهم يشاورون البنت وطبعا راشد تم متحرق صيبا يعرف الرد وما يروم يتصل بروضه ..
وعقب اسبوع بوخلفان قال لسالم يسال اخته .. وفليل عقب ما رد سالم من الميلس مر حجره روضه ودق الباب وقامت روضه وفتحتله ولوت عليه وباسته (كالعاده كل ما يتلاقون) >> الله يخليهم لبعض
سالم: ها ام سنيده ليش ما رقدتي لين اللحين
روضه : ام منوووووووووو؟!!
سالم: مب ريلج بوسنيده ,, يعني انتي ام سنيده
روضه: شو تخربط انته
سالم: ما ينفع معاج مقدمات وايد ..صح؟
روضه: صح
سالم: اسبوع تفكرين ولا رديتي علينا خبر وولد عمج بيموت علينا (روضه استحت ووخت راسها) اقول مبرووووك !!
روضه بالزور طلعت منها الرمسه: اللي تشوفونه
سالم: شو يعني اللي تشوفونه!! نحن اللي بنعرس والا انتي .. تبينه والا لا ؟!!
روضه هزت راسها بمعنى هيه
سالم: ابا اسمعها لو تسمحين .. موافقه ؟!!
يالله يالله ينسمع صوتها : موافقه
قام سالم وحبها على راسها وباركلها وطلع عنها .. وهو عند الباب لف صوبها
سالم: ادري دفش ,, وادري انهم مب جيه يرمسون ,, بس عاد انا ما اعرف
ابتسمت روضه وطلع من الحجره .. وسار حجرته واتصل براشد يغايضه شوي
راشد: تووك سايرعنا شو تبا تتصل
سالم: اوكي كيفك ..باي ,,خل غيري يعطيك العلوم
فز راشد وانتبه (يمكن يقول شي عن روضه) لا لا فديييتك اسوي سوالف
سالم: عاد انا ما اعرف السوالف .. يلا باي
وسكر عنه ورد راشد يتصل وسالم ما يرد عليه وعقب طرشله مسج
(سويلم يا النذل ..لاتخليها فخاطريه والله ما برقد تراني منها..رد عليه )
رد عليه ( غااااايته ,, انا اباها اتم فخاطرك ولا ترقد)
واتص راشد وبعد ما رد عليه ورمه ثانيه وثالثه وعقب رد عليه
سالم: نعععععععععععم
راشد: بوغنيم ,, فديت خشمك قول اللي عندك وخلصني
سالم : شوف ,, اصلا انت كنت كاسر خاطريه ومب عارف كيف اقولك (راشد قلبه يرقع بالقوو) بس يوم غلست عليه ,, اللحين بقولك ايااها وعادي (كسر خاطره صدق وخفف جذبته).. رويض تبا بعد اسبوع تفكر
راشد: يعني ما وافقت !!
سالم: انا ما قلت ما وافقت .. قالت تبا اسبوع تفكر
راشد: وليش تفكر هالكثر !! ..(تضيج راشد )
سالم(ميود ضحكته): والله ما اعرف شو اقول
راشد: خلاص انزززين ,, يلا برايك
سالم: ربي يحفظك
وسكر عن راشد وهلك ضحك عليه .. وعق كندورته ورقد ..بس من نذالته راشد بات طول الليل واعي ..ولا ياه رقاد وروضه بعد بات طول الليل ما ياها رقاد وعقب ما صلت الفجر حست بكسل وياها الرقاد وطرشت للطوف مسج وخبرتها انها ما بتسير الجامعه اليوم ,, وراشد سار المسيد يصلي رد اتسبح ولبس وطلع ,, بيتحوط شوي لين ما تي الساعه 7ونص وبيسير الشركه ..
الساعه8 يوم طلعت ام خلفان وشافت سياره روضه بعدها واقفه فالقراج استغربت قالت اكيد روضه رقدت عن الدوام وطرشت الخدامه تشوفها وراحت الخدامه ووعت روضه وقالتلها روضه انها ما عندها دوام اليوم وردت ترقد والخدامه نزلت تخبر ام خلفان .. ونفس الحاله بس بالعكس ,, ام سلطان يوم طلعت الساعه 7 مالقت سياره راشد وسارت فوق وشافت فراشه مثل ماهو يعني راشد ما رقد هنيه ,, اتصلت به وهو كان نازل الشيشه ياخذله حليب جاهي وناسي فونه فالسياره ,, ويوم رد شاف امه حارقه فونه واتصلبها ..
راشد: صباح الخير
ام سلطان : صباح النور والسرور ,, الغالي وين انته
راشد: سارح الدوام
ام سلطان: وين بت؟
راشد: فالبيت
ام سلطان: لا تجذب عليه ,, انا سرت حجرتك ولقيت فراشه مثل ماهو
راشد: والله اني بايت فالبيت ,, بس ما رقدت على الشبريه
ام سلطان: رشوود لا تجذب عليه
راشد: هههه ,, تخبري ريلج ظاهرين الفجر من البيت رباعه
ام سلطان: انزين خلاص برايك الله يحفظك
راشد: في امان الله
مرت الساعات وعالساعه 10 نش سالم وتزقرت على الاخر ونزل تحت ولقا امه حاطه عجمان وتتريا بوراشد(البث المباشر) حبها وطلع .. وشوي ونزلت روضه .. وحبت امها وانسدحت عدالها .. لفت امها تشوفها وشافت عيونها متنفخه
ام خلفان: ليش ما سرتي الجامعه اليوم
روضه: ماعندي الا كلاس واحد ومب مهم
ام خلفان : ولي شجيه شكلج ؟
روضه: ما رقدت عدل
ام خلفان : شي بلااج ؟! شي يعورج !!
روضه: لا ماشي ,, بس روحي (ونشت تصبلها حليب )
سالم يوم طلع كان ساير لراشد الشركه ,, الحبيب قبل لا يدخل خذله جوله فالشركه وعقب سار مكتب راشد ,, كان بيدش جان يوقف السكرتير
السكرتير : لو سمحت اخوي ,, وين داش
سالم: عند راشد
السكرتير: استاذ راشد مشغول اللحين ,, عنده وفد الماني .. استريح يوم بيطلعون تقدر تدش
يلس سالم ورفع السكرتير التيلفون وهو يسال سالم اذا يطلبله شي ,, وطلع راشد من مكتبه ووياه الوفد .. وشاف سالم قاعد .. طلعو من المكتب وتوايه ويا سالم ..
راشد: ياحي الله بوغنيييييييم ,, نورتنا
سالم: النور نورك طويل العمر
راشد: أي نور الله يخليك (ويفتح الباب) تفضل (ولف للسكرتير) خلهم ايبون 2 كبتشينو
السكرتير: ا نشا الله
دخلو المكتب وقعد راشد وقعد على كرسيه
سالم: اووب اووب من يرومله بوسنيده
ودخل الفراش بالكبتشينو ,, شربوه وقعدو بسولفون وسالم يلف ويدور ,, كسر خاطره راشد شكله هلكان تعب ومب راقد عدل ,, وساله سالم ..
راشد: مب الا مب راقد عدل ,, الا بشيرك ما رقدت موول
سالم: افاااا ليش؟
طالعه راشد ونزل راسه ,, يعني كانك ما تدري ليش
سالم: ما يستوي تطلع من الدوام .. عازمنك,, انا يوعاان
راشد: ما عندي شي مهم ,, والوفد وخلصت شغلي وياه .. بس ما اروم اظهر قبل نهايه الدوام .. بعدين شو هاليوع توها الساعه 11 ونص .. حتى بعده ما اذن
قام سالم وسار ووقف عدال راشد وحط ايده على جتفه
سالم: واذا قلتلك اني ياي اباركلك يا النسيب وعازمنك بهالمناسبه ..
وقف راشد وعيونه تلمع من الفرح والابتسامه على ويهه ويطالع سالم : وافقت ؟!
سالم: من البارحه بس حبيت العب باعصابك شوي
لوى عليه راشد وعقب كفخه على جتفه وسالم يضحك ..
راشد: انا اللي بعزمك .. يلا طوف جدامي
طلعوا من المكتب .. وراشد خبر السكرتير انه اليوم اووف يعني عالساعه 12 خل الموظفين يطلعون وسالم يطالعه ويضحك .. وطلع هو وسالم كل واحد بسيارته وتلاقو فالمول .. سارو الكوفي وقعدوا شوي وشافو ربعهم سيف وخالد وقعدو وياهم عقب قامو يصلون وتمشو شوي وسارو السينما لان سيف وخالد اصلا كانو قاعدين فالكوفي يتريون وقت العرض وخذ راشد تذاكر له ولسالم ودخلو وياهم .. وعقب السينما حلف سالم عليهم وتغدو في جليز( الريال يوعان من الصبح مسكين) وعقب كل حد سار بيته ..
مر اليوم واليوم الثاني ..
ولا صار جديد غير ان بو خلفان اتصل باخوه وقاله ان روضه موافقه وبوسلطان بشر ولده اللي سوا عمره ما يدري بالخبر ..
ولطيفه رغم انها تدري ان اخوها خطب روضه .. بس لا باركت لروضه ولا باركت لاخوها حتى ..
عكس ميره اللي رغم انشغالها بالمذاكره لكنها اتصلت بروضه وباركتلها وسارت لراشد غرفته فليل قبل لا ترقد وقعدت وياه وسالها عن مذاكرتها واخبارها وباركتله وسولفت وياه شوي وروحت عنه ..
وبعد يومين .. بدت امتحانات الثتويه العامه وكالعاده علمي اول يوم رياضيات ..
روضه من الفجر عقب ما صلت طرشت لميره مسج تهديها شوي وقالتلها انها هي بتوديها الامتحان ..
عقب ما تريقدت روضه لبست عباتها وطلعت .. مرت بيت عمها ونزلت تتريا ميره لان امتحانه 8 ونص وباقي وقت لين الامتحان وماتباها تسير قبل بوقت عشان ما يشوشنها البنات باسالتهن
ويوم شافتها لطيفه تنرفزت مع ان ماله داعي .. وسارت فوق تقول لميره ان روضه تحت
لطيفه: ليش يعني هالمصلحه ,, خلاص خطبها
ميره: استحي على ويهج لطووف .. حرام عليج رويض مب جيه
سمعهم راشد وهو طالع من حجرته ومر حجرت ميره: بلاها رويض!!
لطيفه: اوووف ..كملت(ويت بتطلع)
بس يودها راشد من يدها بالقوو: بلاااج انتي جلبتي عالبنت
لطيفه: اااااه ايدي
رص عليها وفر يدها بالقوو وهي سارت حجرتها (اونها ما تبا تنزل وروضه تحت )
راشد: شو بلاها اختج
ميره: ما اعرف ,و خلها عنك(وابتسمت) انزل شوف منو تحت .. وخلها تترياني بلبس وبنزل ,, ثواني
ابتسم راشد: روضه
هزت راسها ميره (هيه)
راشد: خذي راحتج ,, ليش ثواني
وطلع بسرعه ونزل تحت واونه ما يدري وميره تضحك عليه .. سكرت الباب ولبست
اونه يعني اتفاجأ راشد يوم شاف روضه
راشد: هلااااا والله
روضه بمستحى: اهلين
راشد(حمد ربه ان امه مب موجوده ) : شحالج حياتي
روضه: تمام .. انت شحالك
راشد: دامني شفتج ,, بخير
روضه: مكاار
راشد يتقرب منها : بس لان امتحان ميروه اليوم يتي!!
روضه: عيل عشان سواد عيونك
راشد اونه زعل وقعد بعيد وصب له حليب جاهي وروضه تضحك
روضه: اوونك يعني .. زعلت؟!
راشد: ما يخصج
روضه: هههه اناااا؟!
راشد: لا انااا
روضه: اوكي .. (واونها بتطلع)
راشد: وبن بتسيرين ؟
روضه: قول لميره بترياها فالسياره .. هنيه ناس ما يرمسوني .. ايلس وياهم ليش
راشد: يلسي يلسي .. انا الي لازم ازعل مب انتي .. عطيتيني اياها كاش
روضه: ههههه تدريبي ما اعرف اجامل .. والا تباني اقص عليج
راشد: انا راضي بالمقصه المهم يبرد قليبي
روضه: ماتهون عليه اقص عليك
راشد: عيل ما لج حل ,, حبيني وتولهي عليه
دخلت ميره فهاللحظه : واللي يقول هي مب ميته عليك .. اونه مالج حل .. حبيني وتولهي عليه
روضه استحت ولا عرفت شو تقول : مياري انا اترياج فالسياره
وطلعت وميره تضحك وطلع راشد وراها .. ركبت السياره ولا انتبهت لراشد وركب عدالها
روضه: راااشد
راشد: عيونه
روضه: شو تبا راكب السياره .. لو حد من هلك شافنا !!
راشد: حلالي ..حرمتيه وكيفي
روضه: لا بعدي مب حلالك .. يلا انزل
راشد: انتي كله كاش اليوم
روضه: ههههه .. ما اعرف شو اقولك ..الصدق
وفجأه بدون ما تنتبه وبحركه سريعه من راشد باسها على خدها ونزل بسرعه وهي تيبست مكانها .. سار راشد لسيارته وهو يضحك ركب وحرك وطلع من البيت وميره يت تركض وركبت السياره واستسمحت من روضه بس روضه ابد ما كانت وياها ..
ميره: روووضه ..روييييييييض
روضه (انتبهت) هاا !!
ميره: ماشي .. سلامتج,,بس يلا حركي بنتاخر
ابتسمت روضه وحركت وسارت صوب المدرسه .. ويوم وصلت وصت ميره وقالتلها انها بتي تاخذها يوم بتخلص لانها بتكون مخلصه كلاساتها .. وقبل ما تنزل ميره اتصلت امه على روضه
ام سلطان: ها بنتي وصلتو
روضه: هيه عموه
ام سلطان: وينها هي ميره ,, نزلت ؟! انا ما شفت يوم طلعت
روضه: لابعدها (وناولت ميره التيلفون)
ميره: هلا ماماه
ام سلطان: اهلين .. امايه فديتج شوي شوي حلي وقولي بسم الله قبل كل شي واقري المعوذات
ميره: ا نشا الله
ام سلطان : قولي اللهم اشرح لي صدري ويسر لي امري واحلل عقده من لساني يفقهه قولي ..واللهم لا سهل الا ما جلعلته سهل وانته تجعل الحزن سهلا .. واستحيطي بربج وتوكلي عليه
ميره: ا نشا الله امايه ,, يلا فديتج انا بنزل عن لا اتاخر
ام سلطان: انزين .. عاد اقري الاسئله عدل وركزي ولا تستعيلين
ميره: انشا الله ا نشا الله ..يلا مع السلامه امايه.. ادعيلي
ام سلطان: الله يوفقج .. الله يحفظج
سكرت ميره عن امها ونزلت .. من كثر حاله الرعب اللي تصيب الطلاب وخاصه العلمي بامتحان الرياضيات حتى اهلهم يتمون متوترين من هالسالفه ويحاتون ..
مر امتحان الرياضيات بسلام هالمره .. ومرن اللي عقبه والايام خطفت وخلصت ميره امتحاناتها ..

يتبع ..


فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 11-03-14, 01:13 AM   #9

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي


البارت السابع ,,

عقب اسبوع من خلصت الامتحانات ,, وبدت الجامعات اجازتها .. راشد رمس ابوه وابوه بدوره رمس اخوه عشان يتفقون على الملجه .. بوخلفان قال انه بيشاورهم متى يبون وبيرد خبر على اخوه ..
مرت الايام وتحدد موعد ملجه روضه وراشد ..
قبل الملجه بثلاث ايام
ميره ولطيفه كانن عند روضه وشما رفيعه وحرمت سلطان بعد والحنايه يايتنهن كلهن .. ومن الصبح سوالف وضحك
لطيفه ردت طبيعيه وعادي ويا روضه ,,ما اعرف ليش الفتره اللي طافت كانت وايد تتنرفز منها يمكن لانها حست بالغيره من اهتمام راشد بها ..
ميره: اييييه رويض ترا اذا ما طلعت نتيجتيه لين يوم الملجه ما بحضر وحتى اذا ظهرت ولا سمح الله ما عيبتني بعد ما بحظر
روضه: والله لو يايبه 50 بسحبج من شعرج وصب بتحظرين
ميره: بسم الله عليه من الخمسين
شما: كيف ما بتحظرين ملجه اخوج وبنت عمج الوحيده
ميره: امممم عادي عقب بشوف الفلم
لطيفه:اللي بيراويج اياه عاد
ميره: ما عليه نتفاهم عقب ,, المهم رويض ابا اشوف فستانج
لطيفه: هيييه انا بعد
رفيعه: عن اللقافه .. تراكن بتشوفنه عليها
روضه: ما يبته
ميره: خراااااااااطه ,,امس يوم ارمسج كان سالم مودنج تيبينه
شما: ههههه عندها التقرير ,,ما بتقصون عليها
ميره: يلاااااااا عااد
روضه: بتشوفينه عليه ..صدقها رفووع ,,ليش اللقافه
قامت ميره بتفتح الكبت واوونها روضه ادزها بس عقب ضكت اونها استسلمت وفتحت ميره الكبت ما لقته ..حطت ايديها في خواصرها ..
ميره: وينه؟!
روضه: هههههه,,, دوريه
ميره: وين يعني بيكون اذا مب فالكبت ؟!! (اونها عرفت) في حجره شما ؟!
روضه: هههه لااا,, ذكيه غلبتيني
ميره تكفخ روضه: ايييه يلا عااد ابا اشوفه
روضه: تضربيني !!
لطيفه: سجليها لها ,, وخبري اخويه عقب
روضه: انا براويج يا ميروه شو بسويبج
ميره: روحي زين ,,والله بسير ادور في حجره شما وحجره امج بعد
طلعت ميره وطلعت روضه تضحك وراها ..دورت في كبت شما مالقته ونزلت تسال ام خلفان ..
ميره: عمووه
ام خلفان: هاا فديتج ,,امري
ميره: شوفي رويض ما تطيع تراويني فستانها وانا راويتها
روضه: محد قالج راويني ايااه
ام خلفان : شو بيستوي علي جان راويتها اياه
روضه: بس نحاسه
ام خلفان: لا عااد كله ولاميرووه ,, سيري فديتج شوفيه ,, ضني حاطتنه في كبت سالم
روضه: لاااااااا اماايه
انتصرت ميره وركضت فوق بسرعه حجره سالم وروضه وراها ,, دخلت وقفلت الباب وروضه ادق وهي تضحك ومتسانده على الباب تاخذ نفسها .. وروضه تتحرطم وتحلف عند الباب ,,بس منو مسولها سالفه
دشت الحجره ( سالم عند قسم واول ما ادشين ممر عقب الصاله وميني بار(مطبخ تحضيري صغير) على الطرف وعقب في دريتين اونها يعني حركه وتودي لغرفه النوم) ,, ميره اول مره تدخل قسم سالم وتشوفه وايد عيبها وفخم بالقوو .. وهي تمشي صوب الغرفه طلع سالم منها نقزت ميره .. وسالم طالعها باستغراب بس ابتسم
سالم: حي الله الحلووين
استحت ميره ولفت بتشرد بس ذكرت ان روضه عند الباب وما عرفت وين تسير وردت تطالع سالم
سالم استغرب تصرفها ورفعلها حاجبه كانه يساله شو السالفه
ميره: ما بطلع ,, روضه تترياني عند الباب
سالم مشى صوبها: وانا ما باج تطلعين
ردت ميره على ورا وضحك سالم ..
سالم: ههه بلاج ما باكلج .. يلسي انا بطلع
مشى سالم صوب الباب بيفتحه ولا اراديا لحقته ميره ويودته ويوم ابتسم على مسكتها فجته بسرعه
ميره: لاتطلع ,,روضه تتحلفلي عند الباب
سالم: ليش؟
ميره: ابا اشوف فستانها وهي مب طايعه وانا اغايضها واللحين هي تتحراني دشيت وشفته عشان جيه تتحلف
سالم: شفتيه ؟!
ميره: لااا
رد سالم صوب حجرته وسحب ميره من يدها وياه
ميره: اييه ,, وين مودني
سالم: براويج الفستان
ميره: لا مابا اشوفه
سالم يطالعها ورافع حاجبه
ميره: هي ما تبا وانا ما بموت لو ماشفته اللحين ,, بس اغايضها
فج يدها ووقف جدام المنظره اللي في صالته يعدل صفرته : فاضيات
ودقت روضه الباب : عنبوه شو تسوين هالكثر ,, هالكثر اتشوفين الفستان ,,والا لانها حجره سالم ما بتظرهين ؟!!
سالم شق حلجه ورفع عينه في المنظره يشوف ميره وميره بسرعه ردت على روضه وهي بتمووت من الربكه

ميره: مااااااااااااااااايخصه
روضه: مااايخصه !! ,, حليلك يا خويه ,ويحبونك ويموت فيك ولا يطيعون يظهرون من حجرتك بس جدامك نحاسه وغياض
سالم طااااااااااار وشق حلجه بالقووو وميره تمنت الارض تبلعها هاذيج الساعه .. لف سالم صوب ميره وعيونه كلها حب
سالم: صدق ميره؟؟
ميره (لا تعليق) *_*
تقرب منها سالم وزخها من جتوفها : صدق اللي سمعته ؟!!
ارتبكت ميره بزياده ونزلت راسها ورفعه بيده ..
سالم: صدق!!!!!
ميره:ما ادري (ومشت عنه وبسرعه صوب الباب ,,فتحته وطلعت )
روضه اول ما سمعت الباب يتبطل ردت لانها ملت منالوقفه وكات بترد حجرتها ,و اونها بتتراوش ويا ميره وشافت ميره فدنيا ثانيه ومب منتبهتلها ,, وشوي وشافت سالم طالع وراها ..
روضه: انت دااااااااااااخل ؟!
ابتسم سالم وكمل طريجه ونزل تحت ..وميره دخلت حجره روضه
وروضه حقت سالم بسرعه تحت بس ما رامت ترمس لان خلفان كان ياي في ويهم وقعد يرمس سالم وردت تركض لميره ,, يوم دخلت الحجره كلهم سالوه شو سوت بميره وجلبتها جيه وهي ابتسمتلها وزخت ميره من يدها وسحبتها لحجره شما وميره تمشي وياها وكانها مبنجه ..
قعدت ميره وقعدت روضه عدالها ..
روضه: شو صار؟!
ميره: ولا شي
روضه: عيل ؟!
ميره: كنت واقفه عداله يوم ترمسين وتقولين تحبينه وما ادري شو ,, هو طار وسالني صدق اللي اسمعه !
روضه: وانتي شو قلتيله ؟
ميره: قلتله ما ادري وشردت
روضه: بس جيه ,, وانتي ربع ساع هوياه داخل
ميره: ماشي ,,بس اطالعه ويطالعني
روضه: ههههههه ماعليه ,, حصل خير
ميره: روييييييض,, بموووت ,,اخوج فضييييييع نظراته تذبح وخص يوم يبتسم ,,ايبها عدل ,,فالصميييم
روضه: وهو المطلوب
وقفت ميره بتسير عنها : رووحي زييين ,, اونه المطلوب ,, انا بعدني ابا اعيش حياتي شوي
روضه: عيشيها وياه
استحت ميره وروحت وروضه طلعت وراها تضحك ,, سارن الحجره وبدت الحنايه تحني ميره وعقب يت وحده غير مخصوص لروضه وبدت تحنيها ,, البنات يوم نشف حناهن سارن البيت ,,محد تم الا شما وروضه ..
وعقب شما سارت حجرتها تسل حناها وتشوف ولدها ,, وروضه عقب المغرب سلت حناها وبدلت وانسدحت لى الشبريه لانها هلكانه تعب من القعده لين نشف الحنا .. واندق بابها
روضه: ادخل
سالم يدخل ويشوف الحنا : الله ع العروووووس
روضه استحت وسالم شل يدها يشم ريحه الحنا ويبوس يدها ولوت عليه روضه
سالم: ليكون تحنيتي احلى عن مياري ؟!!
روضه: طبعا احلى ,, انا اصلا احلى عنهم كلهم امبوني
سالم: ههه ,, لازم انتي احلى ,, يكفي انج اخت سالم
روضه: والنعم والله في بوغنيم
سالم: ينعم بحالج ,, امم
روضه: هههه هيه اخلص ,, شو عندك ؟!
سالم: ههه ما عندي شي ,, بس اشكرج لانج تراوشتي ويا ميره ودخلت حجرتيه وشفتها ,, لو مب رواشتج جان ما شفتها
روضه: ولا رمستها ؟!
سالم: الله يخليج ,,عاد كله ولا الرمسه
روضه: هههه ماعليه ,, توها ,,وبعدين يكفي نظرات العيون
سلم: هي قالتلج ؟!
روضه: لا اختك لبيبه وتستنتج روحه .. مب انتو اثنين في مكان واحد شي طبيعي بطالعون بعض
سالم: اممم .. انزين انا اللي سمعته صدق؟!
روضه: وشو تفرق؟
سالم: وااايد اشياااااء
روضه: تخبرها ؟!
سالم: ما جاوبتني
روضه: مب لازم حار بحار ,, او مب لازم تقول ,, انت روحك شوف
سالم: مافيه صبر
روضه: هههه عاد هاي روحها مصيبه
وكملو سوالفهم وعقب طلع عنها سالم لانه اذن العشا وسار يصلي وهي بعد قامت تصلي وعقب نزلت تحت تيلس ويا امها شوي ,, وابطت تحت لين ما حطوا العشا وتعشو واخلصو..عقب سارت ترقد من وقت لانها هلكانه اليوم ..
مر اليوم واللي بعده ومابقى شي ليوم الملجه


(( الملجه واحداثها .. واللي بيصير فيها .. في الجزء الثامن ))



فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 11-03-14, 01:14 AM   #10

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي


البارت التاسع ..

دخل راشد ميلس الحرمات ووياه سالم وخلفان بوخلفان يستحي يدخل عند الحرمات وبعدين ها مب عرس عشان يحدر المعرس الا ملجه >> حجج شوااب ..
روضه ماكانت تباه يحدر ويلست تتحرطم على شما وتزن عليها انها تكلم خلفان ما يخلي راشد يدخل بس شما مب مسويتلها سالفه وتقولها خليه على كيفه ليش تحرمينه فرحته ,, اول ما دخل راشد .. الحرمات يباركن ويرحبفيه وهو عيونه على روضه وهي منزله راسها .. وصل عندها وباسها على راسها .. وشوي ويابوله الشبكه ولبسها (الحبيب متفق مع امه من قبل انه هو اللي بيلبسها) وقفوا خوانها وياها شوي عقب مشو بيطلعون بس المصوره زخت خلفان وقالته انها تبا تصوره ( الاخت افتتنت بوساامته وطبعا شما تحرطمت وهو ضحك ) وقف وصورته كم صوره وقالت لراشد يضك شوي عن روضه تبا بس خلفان عدالها .. وحتى سالم راغته قالتله انته متصور بسك ,,ها احلى منكم ما تصور وايد .. تجدم سالم عن اخوه بظهر جان يزخنه الحرمات يسلمن عليه (عاد تعرفون العايايز .. الولد ياي من الغربه ولازم يسلمن ويتخبر عنه ويتفدنه شوي ) وقف سالم يتبسم ويسولف وياهن وخلص خلفان وظهرو رباعه .. وهو طالع شاف ميره عند الباب .. طالعته بنظره وروحت ..حس ان فيها شي بس ما يروم يرمسها والا يسير صوبها والميلس ممزور ..
وعقب شوي ظهر راشد .. وشوي شوي ظهرن الحرمات وبدن يقلن ..لين 11 ونص محد تم الا هم وقوم عمهم ..
شما سحبت روضه الميلس الثاني وروضه تقولها انها تعبانه بتسير فووق خلاص بس اونها شما تبا تقولها شي ,, وتوهن يالسات جان يدخل خلفان وراشد عليهم .. روضه تطالع شما وترد اطالع خلفان .. وقفت شما ومد لها خلفان يده
خلفان: يلا السموحه .. انا ابا حرمتيه شوي
شما: فديتك بومحمد,, حتى انا ابا اقولك شي ..نظهر
روضه: وين وين
راشد واقف يطالعها ويبتسم
خلفان: ما يخصج فينا ,, عندج ريلج (ويرمس راشد) نص ساعه وياينك
راشد: ماعليه نتفاهم بعدين
شما: بحاول اعطله ما عليك انته
طلعوا من الميلس وسكرو الباب وروضه تطالعهم وهم طالعين بس ما تقدر تلحقهم ووجنها مب عارفه شو السالفه ..خلفاان كيف يخليني ويا راشد ويظهر !! ومنو ريلي !! يقول عندج ريلج !! بلاهم هاذيل .. تقرب راشد ويلس عدالها .. وعقب فتره استوعبت انها خلاص استوت حلال راشد .. زخ يدها وحست بقشعريره في جسمها كله ..وباسها
راشد: مبرووك
روضه وبصوت واااااااااااااااااااااااا طي: الله يبارك فيك ..
راشد: وانا مالي مبروك !
روضه بصوت اوطى : مبرووك
راشد رفع راسها بيده وخلاها تجابله : لا ماباها جيه .. بوسيني وقوليها مثل الناس عشان اسمعها عدل
رفعت حاجبها روضه كانها مب عايبنها طلب راشد وهو ابتسم
راشد: بلاااج!
صدت عنه الطرف الثاني ,, وشوي وطاح فيها راشد مغازل وهي ميته مكانها ويشوفها مستحيه ويزيدها وهي منزله راسها وتبتسم ومب عارفه ترد عليه ..
روضه: رااشد ,, بس عاد استح على ويهك
راشد: ههههههه استحي على ويهي ليش ؟!! شو مسوي ثرني !! حرمتيه وعلى كيفي
روضه: لا مب على كيفك
واندق الباب وبدون ما يقولون ادخل ,,دخل سالم ..جان يدز ر اشد وييلس بينه وبين روضه
راشد: صدق انك ما تستحي ,,اييييه انته وين داعس عمرك
سالم: يلا حياتي رويض ,, مب بسج من مجابل ويهه .. ادري ختيه وحاس فيج لا تغمزين لي .. ادري لايعه جبدج منه .. ادري انه لس وما ينطاق .. قلتلج بس انتي قلتي ابااه ..تحملي
روضه: انا ماغمزت لك والله
راشد عيبته السالفه وكمل ويا سالم: افاا ياروضه .. قوليلي روح وبروح من طيب خاطر .. مب تمزين لاخوج يروغني
روضه: لااا والله راشد ,, سويلم يجذب عليك
سالم: انا اجذب !! (ووقف) اوكي مشكوره .. ريال بلحيتيه وتجذبيني وجدام ريلج
روضه: ساااااالم
وطلع ووقف راشد بعد بيروح جان توقف وراه وتزخه من يده ولف لها وهو يبتسم وارتبكت فجت يدها من يده بسرعه
روضه: امم .. والله سالم يقص عليك .. ما غمزت له ولا شي
تقرب منها وباسها : يعني تبيني ؟!!
روضه ارتبكت : على راحتك
راشد: هههه لا بس عاد ,, المفروض استحي على ويهي واروح ..برمسج ..وبيج مره ثانيه
روضه: زين ,, اللي يريحك
راشد: يلا في امان الله
روضه : الله يحفظك
طلع راشد وروضه ردت تيلس مكانها ويودت راسها ووسرحت ولا انتبهت لسالم .. دخل شوي شوي وزيغها .. كفخته بالمخده وروحت عنه فوق ولحقها ..ما سوت لها سالفه ودشت تبدل وهو يلس على شبريتها
طلعت من الحمام ووقفت جدام المنظره تفتح شعرها وهو يسالها عن ميره وهي مطنشه .. اونها زعلانه لانه زيغها
وعقب مسحت مكياجها وقام سالم باسها وطلع وهي اونها مطنشتنه .. عقب ما خلصت ما هان عليها وسارت حجرته .. لقت باب الصاله مفتوح ودشت وشافته منسدح على الكرسي ومتلحف ووراقد و التلفزون شغال ..وخت عليه وباسته وبندت التلفزون وطلعت عنه وسكرت الباب وروحت حجرتها ..
كل حد حط راسه على مخدته ويفكر بشي .. روضه براشد والعكس صحيح .. وسالم بميره والعكس صحيح ورقدو على افكارهم ..
مرن كم يوم ع الملجه ..
الساعه 7 نشت ميره على صوت المسج اللي بشرها بالنتيجه .. نقزت على الشبريه تتاكد وتقراه بدال المره عشر .. عقب ركضت الحمام تسل ويها وشلت فونها وركضت تحت تزااعج
ميره: امييييييييييييييييييييييي ه .. ماااااااااااااماااتي
بوسلطان: بسم الله الرحمن الرحيم ,, بلاج ميروه ,, شو مستوي
ركضت ميره وطاحت بحضن ابوها : ابوووويه طلعت نتيجتيه
بوسلطان: هاا بشري فديتج !!
ميره ودموعها تسبق كلماتها : 96,7
بوسلطان طار من الفرحه : فديييييتج فديتج ,, مبرووووووك مبرووك يا الغاليه ..سيري بشري امج في حجرتها
وركضت ميره صوب امها تبشرها .. باركولها وحبوها وحضنوها امها وابوها وعقب سارت فوق >> طبعا ما بتكمل رقادها .. لان مستحيل ايها الرقاد عقب هالخبر الحلو .. تسبحت ولبست ونزلت تحت تتريق ويا امها وابوها ..

وع الساعه 9 الا ربع تقريبا نزل راشد مستعيل لانه تاخر عن الدوام شوي .. وايه امه وابوه ومشى بيروح
راشد: ماشا الله ,, شو موعنج من وقت اليوم
ميره: طلعت نتيجتيه
لف راشد يسمعها : وشوو !
بوسلطان: طبعا بنتي ترفع الراس (ولوى عليها) بياض ويه فديتها
راشد: كم نسبتج ؟!
ميره: 96,7
رد راشد ووقفت له وباسها ولوى عليها : مبرووووووك ,, امريني وهديتج بتوصلج الظهر يوم برد من الدوام
ميره: مابا عليك شي
راشد: لااا فاا .. تستاهلين يابنت احمد .. بياض ويه ماشا الله عليج,, خلاص دام مافي شي بخاطرج .. انا بيبلج على كيفي
ميره: اللي تشوفه
وهمس في ذنها: بشرتي روويض
ميره: لا بعدني ,, اكيد راقده
راشد: انا بخبرها .. (ومشى عنها ) يلاا في امان الله
ام سلطان: الله يحفظك
روح راشد وركب سيارته وحرك وعقب شوي اتصل بروضه وكانت بعدها راقده .. يوم شافت الرقم ردت بكسل
راشد: يااااا الله ع الكسلاانين
روضه: ههه اهليين
راشد: حبيبي بسج رقاد
روضه بدلع: توها 9
راشد: زيين يا السودانيه .. ترا نتيجه ميروه طلعت
يلست روضه وكانها صحصحت : صدق !! هاا بشر
راشد: يا الله ,, اشوفج صحصحتي
روضه: ما بترمس ,,يلا باي بدقلها
راشد: فديت خت راشد لازم بياض ويه
روضه: كم نسبتها ؟!!
راشد: 96,7
روضه: فدييييييييييييتهاا ,, مبرووك
راشد: بس هي فديتها ,, واللي مبشرنج
روضه: ههه ,, يلا انزين برمسها عقب برمسك
راشد: باي
سكرت عنه واتصلت بميره تبارك لها وعقب ما سكرت عن ميره فرت الفون وردت تنسدح بترقد وتذكرت راشد واتصلت به
راشد: الوو
راوضه بكسل: هلاااا
راشد: لا ترمسيني جيه لاني سكرااان رقااد
روضه: زين عيل ,, يوم بنش وبصحصح برمسك
راشد: لا بترمسيني لين اوصل الدوام
روضه: توك سارح
راشد: البركه فيج ما خليتيني ارقد لين الفجر لازم ما بنش من وقت
روضه: ههههه انا ما يخصني .. كم مره قلت لك بسكر عنك عشان ترقد وراك دوام وما طعت ,, ويوم انت تعبان وما رقدت ليش سرحت الدوام ,, ما بيطير لاحق ع الشغل
راشد: عندي اوراق مهمه لازم اخلصهن ,, وبشوف سالفه الارض اذا خلصت والا لا .. يعني ع الساعه 11 ونص ,, 12 ,, يمكن ارد البيت ارقد اذا ما جد جديد عليه وطلعتلي شغله غير
روضه: الله يعطيك الصحه والعافيه
راشد: ويااج ,, انزين حبيبي انا وصلت اللحين ..برد ارمسج عقب .. ردي كملي رقادج
روضه: ههه اوكي ,,بااي
راشد: بباي
سكر ونزل الدوام وهي ردت تكمل رقادها ..

يتبع ..


فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
إضافة رد

الكلمات الدلالية (Tags)
(مكتملة, المجمد, الاحباب, الذوق, الساعه, تنقية, بقلم/, راقي

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

الانتقال السريع


الساعة الآن 12:18 AM



Powered by vBulletin®
Copyright ©2000 - 2024, vBulletin Solutions, Inc.