17-07-12, 11:50 AM
| #1 | ||||
| نجم روايتي
|  الضياع - من حكايات عابر سبيل *مميزة*      أول القصيدة [imgr]https://www.masrawy.com/Ketabat/Images/2012/7//14-7-2012-10-14-23774.jpg[/imgr] شوف يا عم ، انت اول ما تنزل مطار هثرو في لندن ، المطار الكبير قوي ده ، تاخد المترو وتطلع على وسط البلد في بيكاديللي ، أيوه زي العتبة كده عندنا ، وهناك بقى ما اقولكش ، دي عالم تانيه خالص ، وكمان الدنيا هناك سهلة ، والحريم زي الرز ، وشوف بقى سمعة التحرير موصله لحد هناك ، يعنى يا معلم تقف كده عند سينما اوديون ، ما تبقاش عبيط ، دي اوديون بتاعتهم مش بتاعتنا احنا ، وخد في وشك مش حتلاحق يا معلم ، وادعيلي صاحبنا صدق صاحبه وقال لنفسه ، طيب وانا خسران ايه ، ما هو اللى ما يشتري يتفرج ، وطول الرحلة وهو 6 ساعات قاعد مغمض عينيه في الطيارة وبيحلم بقى بالجنه اللى حيدخلها ، طبعاً اول الطيارة ما نزلت هثرو ، صاحبنا ما كانش عامل حسابه على البرد ده ، لأ وكمان علشان تكمل الطيارة وقفت بعيد على الممر واضطر يركب باص في ريح جامدة ودرجة حرارة حوالى 8 درجات وهو لابس قميص ، لما تلج ، بس يا عينى عليه لسه قلبه اخضر ، وكان كل ما يتكتك يدفي نفسه بالحلم اللذيذ بتاع وسط البلد وبنات بيكاديللي وفعلا اخد المترو وطلع على وسط البلد عندهم هناك ، رمى الشنط في الفندق ونزل جري على لندن البلد ، صاحبنا أول ما نزل الشارع لقى فعلاً واحد بيبوس واحده ، لأ ده مش بيبوسها ده كان باين بياكلها ، قال لنفسه ، قشطه جداً ، يبقى كده ان فعلا في وسط البلد ، وهب طلع زي الرهوان على شارع اكسفورد الجديد لما الباشا وصل لحد محطة المترو بتاعة توتنهام كورت قرب هاي هلبورن ، دخل شمال من تحت الكوبري ولف يمين من عند المطاعم وبعد شارعين كده لقى زحمة وبنات بالعبيط هناك قال لك بس فرجت ، عدى الشارع زي القرد ، ما هو كان لسه مش واخد على نظام السواقة الشمال بتاع لندن ، قالك بس بلاش اللمه دي لأن منظري وانا باعدي الشارع كان زي العالم البيئة ، ودخل كده من اول يمين لما دخل الشارع اول حاجه قابلته محل على الشمال للحاجات قليلة الأدب (الكلام للكبار فقط) ، قال لك بس ادى أول القصيده ، يا معلم يا معلم ، كمل كمان ، بعد شوية لقى الزحمة بتكتر والناس مرمية في الشارع على تربيزات زي اللى على الكورنيش كده في ساحل روض الفرج ، وكل واحد واخد إزازه ومزه وبيشربهم ، ايوه ما تستغربش هو اكتشف في لندن ان المزز ممكن تتشرب ،وتتاكل كمان ، وده كان اكتشاف طبعاً ، قال لك فرجت والنحس الدكر حيتفك ، وجه على أول صالة عرض وجه داخل ، اول ما دخل لقى واحد بيبوس واحد ، اتخض ، وقال في نفسه ايه القرف ده ، بس ما اداش خوانه ، قالك عادي ما هي كل لندن كده المهم وقف شويه ولقي واحدة بتحضن واحده من ضهرها ، وبعد دقيقه لقى واحده بتحضنه من ضهره قلك بس يا ريس الحريم هلت ، شويه والحضن سخن ، صاحبنا راح في ملكوت تاني وبيلف ولقى غضنفر واقرع وبحلق في ضهره ، صاحبنا نط وفط زي مازنجر وحط ديل الجلابيه في سنانه وهات يا فكيك ... وطلع يجري وهو بيصرخ .... انا كنت باتفرج ، مش جاي أشتري  منطقة سوهو حيث دارت احداث اليوم الأول من رحلة بطلنا يتبع  روابط أجزاء الحكاية ... ديو مارى ميى https://www.rewity.com/vb/7188224-post2.html فراخ بانيه https://www.rewity.com/vb/7189998-post5.html حتى أنت يا لندن https://www.rewity.com/vb/7190986-post6.html الغريب الحلقة الأولى https://www.rewity.com/vb/7194385-post14.html الغريب الحلقة الثانية https://www.rewity.com/vb/7196841-post22.html الغريب الحلقة الثالثة https://www.rewity.com/vb/7196852-post23.html الغريب الحلقة الرابعة https://www.rewity.com/vb/7196887-post26.html الغريب الحلقة الخامسة https://www.rewity.com/vb/7197310-post29.html الغريب الحلقة السادسة https://www.rewity.com/vb/7197405-post32.html الغريب الحلقة السادسة مكرر https://www.rewity.com/vb/7197456-post35.html الغريب الحلقة السادسة الجزء الثالث https://www.rewity.com/vb/7197624-post38.html الغريب الحلقة السادسة الجزء الرابع https://www.rewity.com/vb/7198380-post41.html الرحلة الحلقة السابعة الجزء الأول https://www.rewity.com/vb/7308889-post52.html الرحلة الحلقة السابعة الجزء الثانى https://www.rewity.com/vb/7310286-post57.html الرحلة الحلقة السابعة الجزء الثالث https://www.rewity.com/vb/7313854-post62.html الإختفاء الحلقة الثامنة الجزء الأول https://www.rewity.com/vb/7349884-post72.html الإختفاء الحلقة الثامنة الجزء الثانى https://www.rewity.com/vb/7351255-post74.html الإختفاء الحلقة الثامنة الجزء الثالث https://www.rewity.com/vb/7352455-post79.html الإختفاء الحلقة الثامنة الجزء الرابع https://www.rewity.com/vb/7352842-post85.html الإختفاء الحلقة الثامنة الجزء الخامس https://www.rewity.com/vb/7355785-post88.html مغامرة فنية في ماربل آرتش الحلقة التاسعة الجزء الأول https://www.rewity.com/vb/7382806-post94.html مغامرة فنية في ماربل آرتش الحلقة التاسعة الجزء الثاني https://www.rewity.com/vb/7383744-post96.html مغامرة فنية في ماربل آرتش الحلقة التاسعة الجزء الثالث https://www.rewity.com/vb/7533754-post107.html مغامرة فنية في ماربل آرتش الحلقة التاسعة الجزء الرابع https://www.rewity.com/vb/7535904-post110.html مغامرة فنية في ماربل آرتش الحلقة التاسعة الجزء الخامس https://www.rewity.com/vb/7539321-post113.html مغامرة فنية فى ماربل آرتش الحلقة التاسعة الجزء السادس https://www.rewity.com/vb/7542778-post118.html مغامرة فنية فى ماربل آرتش الحلقة التاسعة الجزء السابع https://www.rewity.com/vb/7546529-post123.html مغامرة فنية فى ماربل آرتش الحلقة التاسعة الجزء الثامن https://www.rewity.com/vb/7550466-post127.html مغامرة فنية فى ماربل آرتش الحلقة التاسعة الجزء التاسع https://www.rewity.com/vb/7555225-post135.html مغامرة فنية فى ماربل آرتش الحلقة التاسعة الجزء العاشر https://www.rewity.com/vb/7562650-post139.html مغامرة فنية فى ماربل آرتش الحلقة التاسعة الجزء الحادي عشر https://www.rewity.com/vb/7564848-post146.html قريباً بإذن الله  التعديل الأخير تم بواسطة فاطمة كرم ; 20-10-12 الساعة 09:10 PM | ||||
|
|
17-07-12, 12:06 PM
| #2 | ||||
| نجم روايتي
|  دو يو ماري ميي صاحبنا بعد ما حصل اللى حصل ، وخد نفسه وهرب وقال لك توبة أجي الشارع ده تاني ، قال لنفسه اروح ادور على حاجه اكلها احسن ، صاحبه ما كانش نصحه بالأكل ، هو كان مركز بس على الشرب (الحدق يفهم) ، فكان لايص مش عارف ياكل ايه وفين ، وطبعاً الأكل مآساة في حد ذاته ، المهم رجع على شارع اكسفورد الجديد وبعد شارع المتحف بشوية ، لقى كام مطعم كده جنب بعض لإن المنطقة تجارية المشكلة الحقيقة كان يدخل ويختار ايه!! ، المهم قرر انه ياكل اكل صيني على الأقل مفيهوش قلق وخصوصا انه ممكن ياكل سمك او جمبري ، ودور على محل بيعمل بوفيه مفتوح بسعر معقول حوالى 10 باوند ودخل ، طبعاً قبل ما يدخل فضل 10 دقايق يشوف فيه قلق جوه ولا لأ ماهو اتعلم من درس الصالة اللى لسه معلم على ضهره ، لقى الموضوع هادي دخل ، كان اختيار كويس الأكل شكله حلو وريحته حلوه ، المهم قابلته جرسونه قمر شكلها كده صيني أو كوري ، صاحبنا قلبه وقع في رجله ، وكان عايز يقعدها على الترابيزه ويروح هو يخدم عليها ، وقال لنفسه اهو كده مفيش داعي للسلطه ... العبي يا العاب جابت له الطبق وساعدته يختار ايه وفعلاً قعد ياكل وهو كل تركيزه على البنت ، مش باقول لكم قلبه لسه اخضر وما بيتعلمش ، المهم البنت شافته مركز معاها بدأت كل شويه تبتسم له ، وهو قلبه بينط من الفرحه اخيراً لندن حتبتسم له ، والمره دي من غير قلق ، مطعم واكل وجرسونه ، عادي يعني مفيش بقى كلام تاني ، المهم نسيت اقولكم ان صاحبنا لاحظ ان كل الناس في الشارع آخر شياكة ولابسين آخر موضه ، وطبعاً كان جديد عليه ان نفس الكلام ده ينطبق على الجرسونه ، طقم الشغل على آخر صيحه موضوع اللبس ده عمل له مشكله ، لإن البنت كانت كل ما توطي تجيب الإطباق من ضلفة المطبق الأرضيه ضهرها كل ينكشف ، وصاحبنا يتنح ، والبنت تبتسم ، عادي يعني ، المهم قالك بس ما بدهاش خلص الأكل بسرعه وطلب الحساب من البنت اياها ، طبعاً الإبتسامه على وشها وهي بتقدم له الفاتورة ، خلته مش قادر يبلع ريقه صاحبنا كان لسه حلم الإقامة من ذكريات محاولة الهجرة لكندا بيشوكه ، المهم بلع ريق بصعوبه وبصلها وسبل عينيه وقالها بكل رومانسية ورقه ... دو يو ماري مي ... البنت ابتسمت ابتسامه رقيقه وقعدت معاه على الترابيزة وقالته ، انت منين واسمك ايه وبتشتغل ايه ، كلمه منه على كلمه منها الموضوع مشي زى الحلاوة ، وصاحبنا بقى طاير من الفرح ، ان القمر دي ممكن تبقى مراته ، البنت ادته العنوان علشان يزورها في البيت بعد الشغل لإنها مش حتقدر تقعد معاه بعد كده ، وكمان علشان ما تكتش منه اخد رقم الموبايل بتاعها ، ودفع الحساب وكمان دفعلها خمسين باوند علشان خاطر عيونها ، وطبعاً علشان يبان انه راجل لارج ، البنت اخدت الفلوس وقالته ، سيو تونايت دارلينج قبل الميعاد بربع ساعة كان واقف تحت البيت عندها في شارع هاوس رايد وده شارع متفرع من شارع ريجنت ، عند التقاطع مع شارع اكسفورد لما تخرج من محطة مترو اكسفورد سيركيس ، بعد جامعة ويستمينيستر بشوية صاحبنا وقف في المطر والبرد لحد الميعاد ما قرب وبكل ثقة ضغط على جرس الشقة رقم 59 زي ما قلت له ، نسيت اقولكم انه اخد معاه هديه وبوكيه ورد دفع فيهم 100 باوند ، ولما البنت فتحت الباب الرئيسي من فوق كان قلبه بيسبقه على السلم ، وهو طالع الدور الأول لما قرب على الشقة ولسه حيرن الجرس لقى الباب بيفتح ومفيش حد ظاهر ، دخل راسه لقى البنت واقفه ورا الباب بلبس النوم (هو عندنا صراحه مش لبس نوم ، ده أصلا مش لبس) ، طبعاً تنح ، ودخل وهو مش على بعضه ، لما دخل قعد في الصاله ، نسيت اقولكم ان الشقق في لندن زي علبة الكبريت ، الشقه تعملها بالكتير 50 متر وكده تبقى كبيره ، وراحت تجيب له حاجه يشربها شويه وسمع صوت غريب كده ، لما البنت رجعت قالها فيه حد معاكي في الشقة قالت له آه زميلتي ، قالها بس انا سامع صوت ، قالت له آه اصل معاها كاستومر بت ايام فري ، هو ما فهمش قالها يعني ايه هي كالعادة ابتسمت ابتسامه خلته نسي السؤال وقلبه داب بعد شوية فهم الساذج لما اتفتح الباب وطلع الراجل والبنت من غير هدوم خالص ، ساعتها صاحبنا اتنفض من على الكرسي خبط في السقف ، ورمي الهديه والورد في وشها وجري على الباب ، والبنت تمسك في بنطلونه وتقوله انت مش حتتجوزني ، طبعاً شد البنطلون زي اللى لسعه تعبان وخد ديل الجلابيه في سنانه وقال يا فاكيك ، وهو بيصرخ انا جاي اتفرج مش اشتري  صورة المطعم والنادلة يتبع | ||||
|
|
|
17-07-12, 01:31 PM
| #3 | |||||
| روايتي مؤسس ومشرفة سابقة وقاصة في منتدى قصص من وحي الاعضاء  
| أهلاً و سهلاً بك radws فى أسرتنا الكبيرة روايتى و فى قسمك قصص من وحى الأعضاء ... أتمنى أن تجد كل ما تبحث عنه من إهتمام و متابعة و نقد هنا ... كما أتمنى منك الإطلاع على قوانين القسم هنا https://www.rewity.com/vb/t169971.html مذكرات خفيفة و سردها متقن و رائع و لكنى واثقة أن صاحبنا حين مر بها كانت بالنسبة له شيء آخر ... يبدو أنه يبحث عن الهجرة و الإقامة و سيكون له الكثير من المغامرات بسبيله هذا ... و لكن من هو صاحبه و مرشده بنصائحه فى رحلته ؟؟؟ فى شوق للتالى ... radws متابعاك و شكراً لك | |||||
|
|
|
17-07-12, 02:28 PM
| #4 | |||||
| نجم روايتي
| اقتباس:
ثانياً : هو اعتذار واجب لاقتحامي عالمكم الفسيح هنا بدون التمهيد للدخول ، ولكنى لم اطق صبراً ان أن انضم لتلك الكوكبة من الكتاب هنا وكم انا سعيد ان اعثر اليوم على موقعكم الجميل هذا ، فالإعتذار واجب للجميع ولكن انتم تحملون جزءً من ذلك الخطأ ، كونكم بالفعل متميزون عود للموضوع ، صاحبنا سيمر بأيام ستغير حياته وستقلبها رأساً على عقب للننتظر ونرى تحياتي لك ولكل الأعضاء الكرام | |||||
|
|
|
17-07-12, 07:47 PM
| #5 | ||||
| نجم روايتي
| فراخ بانيـــــــــــــــــــــ ــه [imgr]https://mynmi.net/mbrutz/finalproject/cartoon_chicken.jpg[/imgr]نفد صاحبنا بجلده من العروسه الكوري مع أنها بنت الإيه كانت قمر ، وطبعاً حيحرم عينه تزوغ تاني ، بس هل حظه حيتعدل ولا حيفضل منحس كده ، آه على فكره ، من يوم صاحبنا ما نزل والمطر عمال يرخ ، وطبعاً الناس في لندن عادي جداً ، البلطو على كتفي والشمسيه في النمليه ، والعيشه آخر لذاذه ، والمزه في حضني وعادي عيش يا معلم صاحبنا شاف ايام صعبه من البرد والمطر ، ما كنش صاحبه اللى نصحه في الأول ايوه فاكرين بتاع وسط البلد وأوديون ، قال له ان الجو عامل كده فمعملش حسابه ، فكر يروح يشتري بالطو ، وفعلاً راح على شارع اكسفورد قرب محطة مترو ماربل آرش فيه محل هناك اسمه بريمارك بعد العربية للعود ، متستغربش فعلا العربية للعود فاتح محل هناك في اكسفورد وبيبيع بخور وعطور شرقيه ، طبعاً صاحبنا كان مبسوط جداً ان فيه يافطه مكتوبه بالعربي، المهم إن بريمارك ده فيه اسعار رخيصه ، وطبعاً بقى حذر جداً من بعد الحادثتين اول ما دخل من المدخل أخد شماله وفجأه لقى نفسه في قلب منطقة الملابس الداخلية الحريمي ، وعلى حظه كانت غرف القياس زحمه ولقى بنات عادي بتقيس كده ، كده ازاى ، أقولك ، على جنب كده وتقلع البلوزه في عز البرد وتقيس حمالات الصدر ، مع ان ممنوع ان الستات تقيس ملابس داخليه ، بس هو أول ما شاف المنظر ده من هنا ، وعلى طول نور في عقله ضوء الإنذار وهاتك يا فكيك ولا بالطو بقى ولا حاجه هي المشرحه مش ناقصة قتلى خرج من المحل جري على المترو ، نسيت اقولكم ان الشارع كان فيه كمية ستات وبنات محجبات رهيبة لدرجة انك لا تتخيل انك في لندن ، المهم صاحبنا خد في وشه وعلى المترو ، المهم نزل على خط السنترال وهو نازل على السلم الكهربائي كان واقف قدامه بالضبط بنت محجبه مع ولد نازلين بوس واحضان ، لدرجة خلته هو نفسه مكسوف ، المهم رجع محطة توتنهام كورت ودي كانت بعد محطتين صاحبنا قرر يدور على مطعم عربي طالما فيه هنا الكم ده من المحجبات لازم فيه مطاعم عربي ، ولف شويه لحد ما وصل لمطعم مكتوب عليه بالإنجليزي فلافل وكباب ، قالك بس أربط عندك ، طبعا الجرسون من على الباب ، أهلا يا باشا ، ده فكره بهوهو في الساحل ، وريحة طاجن اللحمه في الفرن لسع مناخيره ، وهوب الراجل سحبه على جوه ، صاحبنا ما قاومش ، هو أصلا كان جاي لكده ، ودخل واتفرج على الأكل واتعرف على الولد اللى شغال في المطعم ، كان مغربي وكلمه منه على كلمه من صاحبنا طلب منه فراخ بانيه وبطاطس وشاي ودفع 8 باوند وساب للولد المغربي بقية العشرة باوند بقشيش شويه ودخل المحل ولد انجليزي مش على بعضه ، هو كان رفيع ولابس جينز بس تحس انه ضايع كده ا|و عامل دماغ سبارس ، وبعدين أصلا مش عارف أنواع الأكل ولا يطلب ايه ، شويه وطلب سوسيس - ليه سوسيس ... ما اعرفش - مع بطاطس وبيبسي ، شويه ودخلت بنت عسوله ، قعدت تسأل على كل انواع الأكل ، وفي الآخر قالت للجرسون ، انا اصلا مش عايزه آكل انا عايزه ادخل الحمام ، الولد دخلها واختفي دقيقتين ، بعد شويه خرجت البنت مبسوطه وعملت له بصباعها علامة ميه ميه ، اكيد استريحت مسكينه ، ده صاحبنا قال لنفسه ، شويه ودخل الولد الأولاني ، والجرسون اختفى دقيقتين ، شويه وخرج الولد مبسوط ، وقعد ياكل بشهية ، صاحبنا فكر وقال انا كمان لما اخلص ادخل الحمام ، بس الموضوع اتكرر ومزز وشباب رايحين جايين على الحمام والمحل اصلاً شكله يسد النفس صاحبنا قالك ايه الحمام اللى عامل زي التيرمنال بتاعة مطار هيثرو ده ، وبدأ الفار يلعب وبدأ يقلق وبدأت أعراض صالة العرض تظهر بشايرها عليه وبدأ يتلفت حوليه ، وكل شويه يبص وراه مستنى الحضن ، بس شويه وكتر موضوع الحمام وموضوع الإنشراح ده ، صاحبنا من القلق مكانش عارف يقطع الفراخ بالسكينه ، وفجأه دخل راجل ضخم وبسرعة دخل ورا أستاند الأكل ، وفجأه الولد الجرسون حدف على صاحبنا لفه ، وصاحبنا سمعه وهو بيقول للراجل الضخم لأ الماريجونا تخص الزبون ده ، أتارى المعلم مش بتاع أكل وبس ، ده بتاع مزاج كمان ، واتارى كل اللى يدخل حزين يطلع مبسووووط ونفسه مفتوحه ، والحمام كان بيشغي مزز وشباب صاحبنا ضرب اخماس في اسداس بعد اللفة ما استقرت على الترابيزة قدامه ، وبسرعة رمى الشوكة والسكينة ومسك اللفه ورماها على الجرسون المغربي اللى رماها على الضابط ، وصاحبنا في لمح البصر خد ديل الجلابيه في سنانه وطلع يجري وهو بيقوله الله يخرب بيتك انت حتودينى في داهيه ، وبسرعة صاروخ ارض جو نط من فوق الكراسي ، كان فيه اتنين بيحضنوا بعض وقعهم على الأرض من الخبطة ووقع فوقهم ، وبسرعة قام وكان بره المطعم قبل الضابط ما يلحقه واختفى في زحمة منطقة سوهو قليلة الأدب يتبع | ||||
|
|
|
17-07-12, 11:29 PM
| #6 | ||||
| نجم روايتي
| حتى أنت يا لندن  كانت الفتاة التى تعزف على الجيتار الكهربائي في محطة ويست منستر ، حيث قرر بطلنا القيام بزيارة لمبنى البرلمان البريطاني وبرج ساعة بيج بن الشهيره على شاطئ نهر التايمز الملوث ، كانت حقاً جميلة ، وكانت تقف منتصبة القامة ، كغصن بان مازال مبتلاً من أمطار أواخر الشتاء التى داعبة حياءه على حين غفلة ، كانت العازفة تُجبر جميع الركاب على تحيتها لعبقرية العزف ، وجمال صوتها وهي تغني أغنية قوة الحب لسيلين ديون  Céline Dion - The Power Of Love - YouTube ما زال مظهرها الجذاب وعزفها المتفرد يجوب طرقات خيال بطلنا وهو منهمك في مشاهداته للنهر ورواده والبواخر الصغيرة التى تقوم بين وقت وآخر برحلات نهريه بين ضفتي النهر ، تلك التى ذكرته بالأتوبيس النهري ، ورحلات القناطر الخيرية ، ورقص الثلاث فتيات يوم العيد وهو راجع مع مجدي من زيارة خالته ومجدي هو صديق المراهقة الأول وصاحب المغامرات الأليمة معه وهو ما زال غض العود لم تتفتح أزهاره بعد ، تلك الذكرى التى ترك مرورها بمخيلته إبتسامة وهو يتذكر ذلك الفتى ذو السبعة عشر ربيعاً من بعيد الذي كانه ، والتى تحولت لحسرة عندما غادرته الذكرى وحل موضعها واقعه امام عينيه في طريق عودته من ذات المحطه قرر أن يقف للإستمتاع بعزف تلك الفتاة ، وكانت لا تزال تعزف ، ولسوء حظها لم يضع العابرون الكثير من العملات المعدنية في حقيبة الجيتار السوداء التى قد فتحتها على أمل ان يتكرم الماره عليها ببعض المال ، ولا تتعجب عزيزي القارئ فهذا الأمر مألوف في لندن في كل محطات المترو ، وكذلك على شاطئ النهر ، تجد من يتسول بعدة طرق مختلفه منها الطريف ومنها الممتع ومنها المؤلم ، فحتى لندن لم تعدم المتسولين ولا الباحثين عن الطعام في مخلفات الأكثر دخلاً ، حتى انت يا لندن ، هكذا رددها بطلنا بينه وبين نفسه قرر بطلنا ان يقف للإستماع للعزف وأن يساعد هذا الفتاه ببعض العملات الزائدة عن حاجته والتى تشكل آله عزف رديئة في جيبه اثناء حركته ، هكذا وجدها فرصة للتخلص من تلك العملات التى اعطته اياها تلك الفتاه في المقهى القابع عند بوابات عين لندن الشهيرة ، بعد ان طلب قهوته ، وبعد انتهاء العزف تقدم من الفتاه واخرج كل ما كان في جيبه من عملات ملأت قبضة يده ووضعها في الحقيبة ، وعبرت الفتاة عن امتنانها بإبتسامه رقيقة لا تقل جمالا عن عزفها ولا روعة عن أناقتها ، وبدأت في جمع أغراضها للذهاب ، تقدم بطلنا وعرض عليها المساعدة في جمع الأسلاك ، وبالفعل قبلت منه الفتاه ذلك وهي ممتنه لجميل صنعه وزاد بطلنا ان حمل معها الحقيبة وسارا معاً إلى خارج المحطة في اتجاه لمبس نورث ، عبرا معاً الكوبري للجهة الأخرى حيث عين لندن الشهيرة ، لاحظت الفتاه صمته فبدأته هي بالحديث وسألته عن ماذا يفعل في لندن ، وكم من الوقت سيقضي هنا وما الأماكن التي شاهدها ، وهكذا سارت الأمور وبدأ التواصل يصبح دافئاً بعض الشئ في هذا الطقس البارد الملئ بالأمطار سألها بطلنا اين تريد ، فأجابته ، سوف أعود للبيت لأرتاح قليلاً قبل أن اعود مرة أخرى للعزف في نفس الموضع ، ولكن كانت قد قررت أن تغير الأغنيه بأخرى لأن ما جنته في الصباح لم يشجعها على غناء نفس االأغنية مرة أخرى ، وكانت قد قررت غناء أغنية ذات إيقاع سريع لجذب جمهور من الشباب والفتيات فلعل ذلك أن يزيد ما تجنيه من المال ، وجدها بطلنا فرصة ان يقدم لها شيئا قد يسعدها فدعاها لتناول الغذاء ، قبلت الفتاه الدعوة وهي سعيدة لدرجة أوحت اليه ان يقوم بدعوتها كل يوم ، فقط ليشاهد نفس الشعور على ملامح وجهها ، وبالفعل دخلاً إلى مطعم ماكدونالدز بالقرب من محطة مترو واترلو وطلبت الفتاه اجنحة دجاج وكولا وبطاطس ، وهو تناول برجر مزدوج بالجبن وعصير تفاح وبطاطس في اثناء الطعام بدأ بطلنا بالحديث وسألها عن إسمها ، لمدة اكثر من ساعة وهو ينتظر هذه اللحظة ليعرف إسمها ، واجابته اسمي جيني ، وسألها عن قصتها ولماذا وهي على هذه الدرجة من الإحترافية لا تعمل بالعزف أو الغناء فتجد دخلاً يغنيها عن طلب الناس في محطات المترو ، رجعت جيني بظهرها إلى المقعد وكفت عن الأكل وتنهدت وهي تحاول استرجاع ما مرت به خلال الأعوام الماضية واغمضت عينيها للحظات وعندما فتحت عينيها كانت آثار آلام لسنوات قد احتلت ملامح وجهها فجأة ، وكأنها قد تبدلت لشخص آخر ، فحلت روح اليأس محل المرح ، وحل الألم موضع السعادة ، وقالت بصوت حزين ، هل تعرف أني خريجة جامعة الملكة ماري في ميل اند ، وكنت انا زميلي هاري نخطط لمستقبل جميل ولتكوين أسرة وكنا نسكن في شقة صغيرة تطل على حديقة كنجستون وملاعب التنس هناك ، ولكن هكذا الدنيا لا تمل من التلاعب بنا ، فبعد موت هاري في حادث سيارة وانهيار كل احلامي كان الكحوليات هي ملاذي ، وتركت شقتي وكنت دائما اتسكع مخمورة في طرقات سوهو ، وصاحب المنزل بعد عدة اشهر استرد الشقة لعدم مقدرتي على الإحتفاظ بها ، ولم يعد لي ملجأ إلا الشارع ، قاطعها بطلنا ولكنك اخبرتني انك ذاهبة للمنزل ، فأجابته نعم فانا أسكن الآن حديقة بارني سباين جاردن على شاطئ النهر بعد المتحف القومي ونحن الآن متجهان للبيت ، سألها بطلنا ولكن كيف تبقين على قيد الحياه في الشتاء حين تنخفض درجة الحرارة لأقل من الصفر ، اجابته جيني ، في بعض الأيام ارتاد احد ملاجئ المشردين لأحصل على وجبه دافئة ، وقد سكنت مطار هيثرو لبعض الوقت ، فانا مظهري لا يبدو كالمشردين وقد ازيد من الأمر بارتداء ملابس راقية لأبدو احدى الركاب الذي ينتظر رحلته ، فأنا ... محترفة تسكع أوصلها بطلنا حيث منزلها المتواضع ولم ينس وهو أمام مدخل الحديقة ان يضع في يدها مائة باوند مساعدة منه لفقراء لندن ، وقفل عائداً وهو يتمتم حتى أنت يا لندن  عين لندن الشهيرة حيث احتس بطلنا قهوته | ||||
|
|
|
17-07-12, 11:29 PM
| #7 | |||||
| روايتي مؤسس ومشرفة سابقة وقاصة في منتدى قصص من وحي الاعضاء
| شو هالحظ ... عن جد بينطبق عليه المثل قليل الحظ بيلاقى العظم فى الكرشة ... دائماً فى البداية لابد من أخذ المقالب حتى يتعرف على البلد و بعد كده يبقى مثل صاحبه الدليل ... radws متابعاك و شكراً لك | |||||
|
|
|
18-07-12, 08:29 AM
| #8 | ||||
| نجم روايتي
| أهلا بعميلتي الوحيدة هبة دائما ما كان مرورك الكريم الجواد على الموضوع كمرور السحابات لتمسح وجه الأرض الجدباء وتسقيها من ذتها ، وكونك جميلة الخلق راقية الأسلوب الإداري ، لا عجب ان كانت واحتكم الغناء مستراح كل عابر سبيل ليستنبت روحه ويقيم بناءه ، قبل ان يرتحل مرة أخرى في دروب تلك الحياة التى تحيانا دمت بكل الود ودام الود دائما موصول لكل الأعضاء الكرام ------------- عود للموضوع حيث لم تظهر عين لندن في المداخلة السابقة ، ها انا أضعها امامكم حتى نعايش ما مر به بطلنا بعد ان احتسى قهوته في المقهى امام بوابات عين لندن على نهر التايمز ، قبل أن يعود إلى جيني تلك المشردة العذبة التى ستغير مسار رحلته وإلى الأبد  | ||||
|
|
|
18-07-12, 11:31 AM
| #9 | ||||||||
| مراقبة عامة ومشرفة وكاتبة وقاصة وقائدة فريق التصميم في قسم قصص من وحي الأعضاء  
| السلام عليكم ورحمة الله وبركاته شكرا جزيلا للدعوة ..... حقيقة روايتك لم اقرا من نوعها في المنتدى ..لك اسلوب مختلف ... يذكرني بافلام عاطف الطيب ... لديك نظرة مخرج في عرض الرواية ... سرد رائع واحداث غزيرة متلاحقة .... اعجبتني الاحداث جدا وفي شوق للقادم .... وماذا ينتظر صاحبنا وكيف ستتغير حياته مع العازفة .... تحياتي لقلمك المميز | ||||||||
|
|
|
18-07-12, 01:42 PM
| #10 | ||||||||||
| مراقب عام ومشرف منتدى قصص من وحي الأعضاء وكاتب في قسم وحي الاعضاء  
| هلا فيك اخووي ... واهلا بعابر سبيل .. و مذكراته الجميله و الخفيفه ... حقيقة انسجمت معها للاخر و خاصة انها باللهجة المصريه المحبوبه للجميع ... تمنياتي لك بتشجيع اكثر و تطور افضل ... واصل يا بطل دمت بخير | ||||||||||
|
|
 |
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
.png)
.png)
العرض العادي
