|
آلا ليت الزمان يعود " مميزة & مكتملة " السلام عليكم ورحمة الله وبركاته احن للماضي واحب استرجاعه ميزه او عيب سموه اللي تحبون لكني عاشقه لما مضى بكل ما فيه من اماكن وشخوص بسيطه هي كلماتي واسلوبي اعتمد فيه على العفويه يمكن تكون روايتي لا جديد فيها يمكن تكون تقليديه لكن اتمنى اميزها بأسلوبي وفي النهايه انتم الحكم ألا ليت الزمن يرجع ما نرفضه بالماضي ونمقته تدور الدنيا وبيكون من احب الاشياء ونتمنى لو كانت نظرتنا بالماضي له نفس النظره شبيهة امي https://scontent.fcai3-1.fna.fbcdn.n...57&oe=5AC3CC5B روابط فصول الرواية ... الفصل الثاني https://www.rewity.com/vb/t212185-2.html#post7494474 الفصل الثالث https://www.rewity.com/vb/t212185-3.html الفصل الرابع https://www.rewity.com/vb/t212185-3.html#post7554696 الفصل الخامس https://www.rewity.com/vb/t212185-5.html الفصل السادس https://www.rewity.com/vb/t212185-5.html الفصل السابع https://www.rewity.com/vb/t212185-6.html الفصل الثامن https://www.rewity.com/vb/7683530-post63.html الفصل العاشر https://www.rewity.com/vb/t212185-8.html#post7746233 الفصل الحادى عشر https://www.rewity.com/vb/t212185-10.html الفصل الثانى عشر https://www.rewity.com/vb/t212185-11.html#post7873970 الفصل الثالث عشر https://www.rewity.com/vb/t212185-11.html#post7904971 الفصل الرابع عشر https://www.rewity.com/vb/t212185-13.html الفصل الخامس عشر " الأخير" https://www.rewity.com/vb/t212185-13.html رابط لتحميل الرواية ككتاب إلكترونى >>> شكراً حنان يجب ان ترد لمشاهدة المحتوى المخفييجب ان ترد لمشاهدة المحتوى المخفي |
1 في مدرسه ثانويه للبنات في مبنى حكومي جديد رن الجرس معلن عن بداية الحصه الخامسه دخلت الوكيله بهدوووؤ وسمت ووقار : يالله يا معلمات كل وحده على حصتها لو سمحتن وخرجت بهدوؤء مثل ما دخلت قامن المعلمات للحصص وبقي معلمتين ودخلت الثالثه معلمه عليا معلمة اللغه العربيه :السلام عليكم من عليها القهوه اليوم راسي ييتصدع من الوجع امينه:علي وابشري هالحين اصب لتس وقامت وصبت بكوب ورقي : تفضلي ...سلامتس وش فيتس مصدعه عليا: ابد ما نمت زين البارح والليله عند ابوي عشا وبكرره زواج عليان لاتنسووون انا بكره ماني جايه انتن عارفات حوستي الله يمضي بكره على خيير فايزه: اييييه وش صار على فستانس اخبرس تقولين ماطلع من الخياط عليا وكأنهاا تنبهت.:تصدقييين اظاهر انه هو اللي خلاني ما انام من كثر ماقهرني الخياط عساه ينشك بإبرره على قد ماقهرني يومه يماطلني وهو عارف اني مستعجله امينه : لا تدعين قولي حسبي الله وكفى عليا: الا والله حسبي الله عليه هو واللي في بالي فايزه لوت شفايفها :بس بس كفايه تتحسبين عليه عليا و هالموضوع يثير عندها عرق الجنان : الا بدعي وادعي واحمدي ربس ما ابتليتي نفس بلوتي ردت فايزه : انتي اللي احمدي ربس منتي مثل حالتي خلوني ساكته لا اتنكد وانكد عليكن ودمعت عيونها واختنقت بغصه ومراره وقامت تتوضا وتصلي الضحى وتدعي ربي يفرج همها امينه بلوم لعليا : افى عليا انتي عارفه ان فايزه وضعها متعبها ومتعب نفسيتها المفروض ما نكشتيها عليا حست بالندم فايزه صديقتها الحبيبه وانها ماقدرت وضعهاواحساسها ********************* الساعه 4 العصر يابوي ترى كل شي جاهز بس عليان ماجاب الذبايح ابو علي : اكيد على وصول بس الله الله بالعشا الزين مثل ما عودتينا يا عيني عليا بإبتسامه : من عيوني يا عيوني انت ابو عليان : امتس واعيه عليا : أي يا بوي توني عطيتها علاجها وفتحت لها اذاعة القران ابو عليان :طيب يا عيني هاتي لي الشاهي حقي عندها مشتهي اسولف معها لي عنها من الصبح عليا : هالحين يجيك احلى شاهي دقايق "جلست بجنبها بعد ما حبيت راسها تأملت حالها وتتبعت عيوني اثار الزمن وخطوط المرض والتعب سبع سنوات وهي على هذا الحال ممده على سريرها ما يتحرك فيها الا عيونها دليل انها واعيه معانا يدها بيدي وعيوني تلتمع بدمعها :ايييه يا شيخه الله يعظم لتس الاجر يا روح الروح تلالت دمعتها بعيونها ورفعت نظرها لفووق قلت أأيدها: صحيح الحمد لله ...الحمد لله ودخلت علينا نوارة بيتنا عليا قلت: ياعلني ما افقد زولس يا عيني نزلت الشاهي وجلست على طرف سرير امها مقابله ابوها :ابوي ممكن طلب صغييير : ابشري عليا :ابي نسرين تنام عندنا الليله ابو عليان : حك دقنه امممم والله يا بنتي ان تنام عندس غصبن عنها وعن ابوها ولا يهمس انا اكلم ابوها الليله لا جو للعشا سمعو صوت سياره داخله الحوش وقفت عليا وناظرت من الشباك ابوي هذا عليان توه وصل انا رايحه اخذ منه الاغراض ******************** بعد المغرب. :عليا همممم جت خالتي منيره بسرعه بسسسرعه تبغاس قامت عليا وغسلت يدها وتوجهت للصاله وشافت منيره كاشخه بتايير اسود ضييييق مفصل جسمها المتناسق وعقد ذهب جديد وكعب اسود دقيق ناظرت بـ عليا: عسى بتستقبلين الناس بهالشكل عليا ببرود : لا طبعاً بس توني افضى وانتي ونسرين توكن تهزن طولكن وتجن ولا وحده فكرت تجي بدري تساعدني نسرين بإحراج :والله ابوي رفض وقال لارحت تروحين وش اسوي يعني منيره: لا تقعدين تحلطمين هذانا جينا وش تبين نسوي عليا : ما ابي شي شكراً خلصت كل شي بس بطلع ألبس واتجهز لإستقبال الناس ********************** جالس ويشيش وعيونه على التلفزيون يتفرج شريط مصارعه جلست بعيد عنه وقالت بتردد تكرر محاولتها اليائسه : ابو ساري اتجهز للعشا الليله رد بتذمر ونرفزه :اووووهو بس يا مرره فكيينا قلت لا دمعت عيونها: بس ابو عليان طلبك وانت وافقت حذف لي الشيشه من يده :اقول تبين تقلعين من وجهي والا انتي خابره وش بيجييس طلعت من دون اي كلام عارفته مصارع مايفكر الابيده مستحيل يستخدم عقله ولا كأنه انسان متعلم ومدير مدرسه محترم ضحكت من كل قلبي " هه قال محترم قال مفارقه هو وخشته المعفنه المروح الله لا يسامحك كان من يوم اخذتك وانا في مرار وعذاب. الله يسامحس يا يمه ويرحمس ************** اذن العشاء و تجمعوا قدام باب مسجد الحاره ابو عليان وازواج بناته ابو عبدالله وابو عادل مع عليان وعبدالله وعادل وابو ساري وبعض الجيران :ابوعليان بعد الصلاه انتظركم جميع في مجلسنا لا يتأخر منكم احد الصغير والكبير وناظر بابو ساري وشدد بالكلام :ام ياسر تجيبها الليله يا بن آخي خلها تفرح وتشوف الناس ابو ساري بضحكه باهته : تجي ان شالله تكلمني وكأني انا اللي امنعها عنكم!!! هي اللي ماتحب الطلعات ولا الجمعات ذبحتني الله يهديها ابو عليان يهز راسه يمشي له كلامه مع انه عارف حالهم ************** دخل عليان غرفته بيغير اتفاجأ بالشغاله سوليسترا بغرفته صرخ عليها: يا زفته كم مرره قايل لس ماتدخلين هنا وفتح الباب: وقال براااااا شالت سلة الغسيل وطلعت بهدوؤء تعوذ من الشيطان وقفل الباب وغير ونزل بسرعه يوقف مع ابووه |
***************** دخل عليها وهو محترق من الغيض مايقدر يقول لابو عليان لا :يا هييه وينس وقفت باول الصاله وهي صاده عنه : نعم قال بنرفزه : نعامه ترفس وجهس وافتك منتس بالضبط عشر دقايق ابي تجهزين وتلبسين احسن ماعندس بنروح للعشا من دون اية كلمه كأنها طفله صغيرره تبدلت دموعها من الحزن والقهر لدموع الفررح واخييرا من سنتين ماخلاها زوجها الظالم تزور احد او تستقبل احد جهزت في دقايق في النهايه مابتنزل عباتها وهي طالعه من غرفتها شافت نفسها بالمرايه "كبرتي يا أم ياسر والهم كبرتس زياده الله يحنن قلبك علي يا ياسر الله يحنن قلبك ونزلت دمعتها غبن وقهر وشوق وحنين له *************** اخر اللمسات على سفرة الرجال واقف معاها عليان ونسرين :عليان اعجلي يا عليا ابوي لا يعصب علينا عليا : خلاص كل شي تمام نسرين: خالي علوي وش انت مسوي بنفسك كأنك محلووو عليان بغرور مصطنع : محلوو!!!! انا حلو من يوم خلقني ربي بس انتي اللي ما تشوفين ولفها مع اكتافها ودفها برى المقلط :يالله برى بسرعه بنقلط الرجال ************ تعالت الاصوات في الصاله " دخلت الصاله واشوف منيره اختي تسلم على حرمه وضامتها وتصيح قربت وانا مستغربه منهي ذي رفعت راسها وانصعقت ما توقعتها تجي من سنتين ما شفناها حبيبتي خالتي وركظت لها اضمها واسلم عليها جارتنا ام احمد جت تتهادى بمشيتها حرمه كبيره وثقيله بثوبها الروز الاحمر المنقط وطرحتها السودا القطن لكنها تجمع حنان الكون كله :علامتسن تبتسن اذكرن ربتسن (ربكن ) وكملت وصلة الضم والسلام على خالتي قمرا مسحت قمرا انفها بطرحتها وقالت بصوت باكي : ابي اشوف اختي اخذتها ومن اقبلت للغرفه وزاد صوت بكاها وقفتها قبل لا تدخل عند امي :خالتي تكفين امسكي نفسس امي تتأثر وتتعب كثير ووقفتها قدام المغسله : غسلي وجهس واهدي شوي نفذت خالتي وتنفست بعمق وهفت على وجهها غصب عني رجعت احضنها بقووه وهمست لها : والله نور بيتنا يا خالتي وردت لي الضمه باقوى منها : يا بعد عيني ياحبيبتي انتي "دخلت على اختي ام عليان اختي الكبيره الغاليه اخر من بقى من ريحة اهلي واحس اني اطير ما امشي لين جلست على سريرها وشلتها في حضني وضميتها وكأني متوقعه من شوقي لها انها بترد لي الضمه :ياحيبتي ياحبيبتي ونسيت وصات عليا لي اني اتمالك نفسي ولا انهار قدام اختي :يا ريحة اهلي انتي يا بعد هالدنيا يا علني ما اذووق حر فرقاس ياختي مسكتني عليا واخذت امها من بين ايدي ورجعت سدحتها على السرير بحنان ورتبت الغطا فوقها وقالت بإبتسامه : يمه شايفه خالتي قمرا جت تفرح معانا بعليان ومسحت دموع امها: يمه اكييد هذي دموع الفرحه من قدس يأم العريس ورفعت كف امها وباسته بحب ورحمه "سكت بحلقي غصه كبر هالكون واحساس مر علقم على عيني ياختي اقطعس والا اغيب عنس ساعه الله لا يسامحك يا خلف الله يريحني منك |
******** قبل بليله في جده ياسر قم بسرعه ولد عمك يبيك جلس ياسر وقال :اصلا ما نمت وتوجه للتلفون : هلا والله يا ابو عبد الله بندر :هلا بك وينك يا رجال لي كم يوم و انا ادورك واتصل على بيتك ما ألقى رد ياسر بإحراج :والله يا بندر كنت بالشرقيه عندي دوره لمدة اسبوع والبارح وصلت بندر : اقولك عمي ابو عليان كل يوم وهو يتصل عليك بعد ياسر اعتدل بجلسته :خيير صاير شي بندر : ابد بس زواج عليان بعد بكره ويبيك تجي واعتقد انك غبت بما فيه الكفايه وتارك وراك امور مهمه لابد تجي وتشوفها ياسر بضيق : ان شالله خير بس والله مضغوط ما اقدر اجي اشوف اقرب فرصه واجي ان شالله بندر بإلحاح : ضروري يا ياسر ياسر بضيق : قلنا ان شالله يالله يالغالي تعبان بريح ووراي بكره دوام وقفل السماعه بعصبيه ناظره سلطان وسكت لانه لو تكلم الان قامت الحرب العالميه الثالثه ********* انتهى العشا وراحو الناس وما انتهت مشاغل عليا لبست عباتها منيره وقالت لعليا : بكرره الكوافيره اجيبها معي الظهر نامي واشبعي نووم ورانا بكرره الف شغله ابتسمت نسرين وقالت : ههههه تبين خالتي عليا تنام ووراها شغل مستحيل قالت منيره : وش عندها سوليسترا تسوي كل شي ردت عليا وهي تلم فناجيل الشاهي : أي ماشالله سوليسترا الرجل الالي حقنا اللي ما يتعب من تقوم الى تنام وهي تكرف حرام لازم اساعدها شوفيها منهد حيلها المسكينه قالت منيره لنسرين : تراهنين انها بتقول لسوليسترا روحي نامي وهي بتكمل الشغل عنها ردت نسرين : ما يحتاج اراهن ياخالتي لانها قالت وخلصت وانا بتسحبني معاها نكمل شغل الاميره سوليسترا :ياولد دخل عادل بعد ما تنحنح ركظت نسرين تتخبى في المطبخ عن ولد خالتها وولد عمها :يمه يالله اخواني بالسياره بس باقي انتي والتفت لخالته عليا ودنق يسلم عليها بود واحترام :هلا بخالتي عليا الحلوه ضمته عليا بحب: هلا حبيبي وضربته بقبضتها : انت ياولد كل ما اشوفك القاك طولان اكثر بس وقف وين ناوي توصل عادل بضحكه خفيفه : ناوي اوصل للقمر منيره : ابوك راح عادل : لا واقف مع عمي بندر تغطت : يالله بكره لا تنسون الظهر مو اجي القاكم نايمين وطلعت وباقي عادل :خالتي لا تنسين مشوارنا بكره الصبح ضروري عليا : لا ما نسيت الساعه 10 انتظرك ************* في بيت ثاني بنفس الليله :يمه الله يخليس لي والله اني عارفه بس ما اقدر ما اقدر ام فهد بدموع وحره :طيب ان كان قلبس يرضى عيال اختس تربيهم وحده غريبه طلعت وتركت فايزه بهم كبر الجبال تذكرت اختها لولو الله يرحمها مضى على وفاتها سنه وعيال اختها عندهم في البيت وزوج اختها يوميا يزورهم قبل شهرين تكلم مع امها انه يدور له عروس وهي اولى انه يتزوجها حتى ما يدخل مرة اب على عياله وان خالتهم احن عليهم من الغريبه رفضت في البدايه ولازالت رافضه زوج اختي هو اللي مربيني من وانا صغيره كنت اعده اخوي الكبير كيف اتزوجه هو اصلا كيف فكر انه يتزوجني انا كــــــيف **************** سلطان : طيب انت متضايق ليه على فكره انت السبب تارك حياتك ملخبطه هناك ياخي رح لمره وحده وخلص امورك ولا عاد ترجع لهم ابد ياسر يغطي راسه باللحاف : سلطان ياخي انت ما تمل من هالسيره رجعه للديره ذيك ولأهلها ما انا براجع سلطان : طيب بعطيك الشور وانا والله ناصح لك قم توضأ وصل ركعتين استخاره وشف وش ربي يختار لك ياسر من تحت اللحاف اقول : اطلع وصك الباب وراك بنام وراي دوام طلع سلطان بعد ما ارضى ضميره بنصيحه لصديق عمره نفض اللحاف ياسر وجلس ومسك راسه بيدينه وشد شعره يالله ياربي ان تريحني من هالهم اللي لي سنين وانا شايله ******* |
في غرفة عليا عليا تدرين ابوي من كلم البارح عليا: من ؟؟ نسرين : هذاك عليا بنرفزه: وجعة جدي له وللي يجيب طاريه نسرين: عليا لازم تسمعين وش قاله ابوي عليا لوت بوزها اقوى شي :ما ابي اعرف نسرين: الا لازم تعرفين عليا : هاااه وش قولي لا تموتين ماقلتي نسرين : قاله ابوي غبت بما فيه الكفايه وراك امور مهمه لازم تجي تشوفها رفعت راسها بحده والكلام شد انتباها وحفز حماسها: اي وش رد عليه ذاك الغبي نسرين هزت كتافها بمدري :بس اشوف ابوي انبسط عليا: عاد الي يشوف حماس ابوتس بيقول اني موافقه نسرين :خاله تكفين وافقي عليا : نسرين حبيبتي ذا الموضوع ما احب اعيد وازيد فيه انتي عارفه رأي فيه وان عدتيه علي مرره ثانيه تراني بزعل واتضايق نسرين نطت تحب راس خالتها : لااااا تكفين الا الجنونه بتاعت الزعل مش عاوزينها تبان ضحكت عليا : ماشاء الله عليها سعديه اثرت فيس ههههه نسرين : تدرين بنت اللذينا تركت فراغ يوم راحت مصر عليا : ماتدرين متى ترجع نسرين : مدري ابوي ماقال شي بس اكييد مو اكثر من اسبوعين عليا نامي ورانا بكره يوم طويل ************* :اف اوووووووف متى تخلصين قطعت الخيط باسنانها وعطته الثوب :هاك جهز ثوبك اللي كل ما زعلت قطعت ازاريره رد بوقاحه :انتي السبب عارفتني ما احب احد يساألني وين انا رايح والا منين جاي وطلع من غرفتها الصغيره دون ان يشكرها او يقدرها لو بنظره خرج من البيت وبيغيب عنه اسبوع او اكثر كالعاده دون ان يتفقدها او يطمن عليها ولا رجع يكون باسوء حال مخمور فاقد لعقله ولدينه هذا حال ام احمد ولدها الوحيد ********* ياسر جالس في سريره ويفكر بعمق "مخنووق وضايق سلطان نكش موضووع كريه كنت اتناساه لمتى وانت تعاقبها !! لازم تروح وتشوفها هز راسه بالرفض طيب كلمها حرام عليك مهما سوت ما تستحق ان تحرمها صوتك طول هالسنين تحسبني مبسوط وانا هاجرها. ترى زعلي على قدر شرهتي اعوذ بالله من الشيطان الرجيم انا احسن حل اسويه اقوم اصلي ركعتين استخيير ويارب ارتاح من هالهاجس الي ما خلاني انام ******** اخر الليل دخل عليان البيت وهووو منهد حيله وحالته حاله محتاج ترويشه عاجله ونومه مريحه وراه بكره اهم يوم في حياته دخل الصاله عادةً بيتهم ذا الوقت فااضي اخته عليا اكييد نايمه ناظر ساعة الصاله لقاها 2 ونص راح لغرفته وفتح الباب وتفاجأ بالبنت اللي في غرفته وقف ثواني غير مستوعب قربت منه وهي تحط شعرها الاسود الفاحم على كتفها بدلال وبهمس :أليان (عليان ) بقلبه تعوذ من الشيطان وبصوت مكتوم : ا نا كم مررره قايل لا تدخلين غرفتي برى يالله يا حيوانه وقف برى الغرفه وهو ينتظرها تطلع صدمة عمرها ما توقعت انه بيصدها اذا تزينت وسلمته نفسها ناظرت فيه بعيون غايمه من الدموع I love you: مسكها بتقزز من شعرها ودفها برى الغرفه وصك الباب وهي مصدومه من ردة فعله طلعت تركظ لغرفتها استغفر عليان وتروش وبعدها راح لعليا بغرفتها دق الباب عليها طلعت عليا وشرشفها للصلاه على راسها هلا عليان عليان :شوفي لي حل مع الخدامه ما ابيها تقرب غرفتي سمعتي لاتدخل عليا : وش فيه يا خوي عليان : تعوذ من الشيطان بس كذا ما ابيها تدخل حايسه اغراضي الله ياخذها عليا : فاقد شي عليان : لا خلاص بدخل انام يالله تصبحين على خيير نزلت بعدها للمطبخ وجهزت صينيه وحطت فيها الاكل المهروس والادويه وتوجهت لغرفة امها شافتها نايمه صحتها بهدوء ومحبه يمه يماااه حبيبتي جبت لس علاجس قومي يا كل دنياي فتحت ام عليان عيونها الذابله ومحاجرها الغايره عدلت مناير وضع امها ووجلستها بشكل مريح وبدت تأكل امها وتسولف عليها :يمه بقولس شي نسرين قالته لي تقول ان ابو عبد الاله اتصل على هذاك وقاله لازم تجي تنهي امورك المعلقه نزلت الملعقه ومسحت فم امها بنعومه وابتسمت لعيون امها الغرقانه دموع :يمه حبيبتي تصدقين احيانا اقول عساه للموت واحيانا اقول ليته يجي ويريح ويرتاح وينهي هالوضع البايخ يمه بالله عليس عاجبس وضعي و عمري اللي راح احياناً اقول حلو الوضع اللي انا فيه اني عندكم واني معاكم واهم شي اني قريبه منس يمه واحياناً اقول لا هذا وضع ما ينسكت عليه انابوضع صعب معلقه وبيد من !! بيد الخايس اللي هاجر امه وتاركها تعاني من هجره يمه ذا الانسان مريض ياحرام يا خالتي قمرا والله تحزن وين تلقاها من زوجها الشرس اللي كنه ملاكم ويبقس فيها حارمنا منها والا من ولدها اللي ما يسأل عنها ارحمها كثيير وينه ما يجي يعز امه ويكون لها سند ويوقف بوجه ابو ساري سكتت شوي ورجعت تكمل عليا : يمه حبيبتي لا تزعلين مني تكفين اعرف ما ترضين عليه ولد اختس بس انتي الوحيده يمه اللي اقدر اقولها كل اللي بخاطري باست راس امها وقامت يالله يمه حبيتي بقوم انام ******** قراءه ممتعه لكم وردود حلوه لي |
بداية جد جميلة و مشوقة، اعجبتني رعاية عليا لوالديها و خصوصا تجاه امها، لكن ما سبب هجر زوجها لها؟ و ما سبب وضع امها؟ متابعتك حبيبتي |
صباح الخير ........ياهلا ومرحبا باام رنو ........نور المنتدى فيك يالغلا ....هالله هالله بداية روعة كما عودتينا .....وبداية مشوقة جدا .. عليا وياسر يعني عليا متزوجة ياسر او متملكة صح ؟؟ طيب ليش تاركهم وكاره الرجة لهم شسالفة الي مبعدته .....هل هو زوج امه الكريه ولا ايش .......طيب لو السبب زوج امه عليا شذنبها تظل معلقة ليش ماتمم زواجه منها الا اذا كان مو راغب فيها من الاول ....... اعتقد انو بيصير شي يخليه يرجع وان شاء الله يخلص امه من الجحيم الي عايشة فيه دام مافي شي يمنعها تطلق من ابو ساري وتعيش مع ولدها اعتقد مافي شي يربطها فيه من عيال بس ياترى السبب يستحق غيبته وهجره لامه وتعليقه لبنت خالته وكم صار له غايب واهل عليا ليش ساكتين على هالحال .... متشوقة للسبب علياااااااان شكله الولد الوحيد بين البنات ........المفروض مايسكت للخدامة وبلاويها لانها تمادت استغفر الله كيف مايخبر عليا او يسفروها امثالها مالهم امان اعتقد انها بتجر مصايب لعليان وزوجته والله يستر ماتوصلها للسحر دام هذي سواياها ماينسكت عنها ولا يتأمن انها تتخلى في البيت فايزة عرفنا الي مضايقها طيب اذا زوج اختها محترم وماعليه كلام تتزوجه افضل من تاخذ واحد يمكن يمرمر حياتها وخصوصا اذا كانو عيال اختها متعلقين فيها .........هو صح صعب وخصوصا انو اكيد نوع علاقتها معاه على حياة اختها كانت غير والحين تكون زوجة له شي يوتر بس اتوقع بتتزوجه علشان العيال وبتتعب معاه في البداية بس ربي بيهونها عليها بعدين ام احمد واحمد لسى ماعرفنا من يكونو ولا دورهم بالرواية وهل بيكون دور مهم او عادي .... نسرين ومنيرة منيرة ماعجبتني بصراحة دامها اخت العريس المفروض تكون متواجدة مع اختها بدري مو جاية ترز وجهها على الاخير شكلها ماتهتم الا بشكلها قدام الناس نسرين بنت مين الي فهمته انها مو بنت منيرة وعليان خالها طيب وين امها هل هي يتيمة لسى ماتعرفنا على الشخصيات في الانتظار |
يا هلا بالحامل و المحمول ... هلا بأم رنا و بطفلتك الجديدة ألا ليت الزمن يرجع ... هن مدرسات و كل واحدة منهن لها قصتها ... مستنى قصة فايزة ... كيف تتزوج زوج أختها من كان لها الأخ كيف يكون لها الزوج ؟؟؟ أعلم أن الشرع و الأعراف تبيح ذلك خاصة بعد وفاة الأخت و العقل و العاطفة يلحان أن الخالة ستكون المرفأ و الحضن الحنون للأيتام و لكنها صعبة للغاية ربى يكون بعونها ... عليا ... جزاك الله خيراً فى رعايتك لأمك و أهلك ... يبدو أنك زوجة للغائب الهارب من مسئولياته ... كيف يترك والدته تعانى هذه المعاناة من والده ... كيف لا يبرها و يمنع عنها الأذى ... ماذا تريد الأم من ولدها حين تكبر و حين تُظلم إلا الإنصاف و الرحمة ... لا أعطيه أى عذر لبعاده ... مهما كان هو الآن رجل ... لا أقول أن يقف وجهاً لوجه مع والده و لكن وجوده سيمنع والده من الأذية الكبيرة و ربما يعطها المتنفس فكما يبدو أن والده يراعى برستيجه الخارجى و لا يريد أن ينفضح رغم فضيحته بين الجميع ... الخادمة الملعونة ... حسبى الله و نعم الوكيل فيها و ربى يستر من أفعالها و يا خوفى تعمل لعليان سحر أو شيئ من أفعالهم السوداء ... ربى يستر أم رنا بداية مشوقة و بإذن الله سأكون من المتابعين ... أم رنا متابعاكى و شكراً لك |
اقتباس:
اقتباس:
اقتباس:
|
السلام عليكم ورحمة الله وبركاته ياحيالله ام رنا وياهلا بالحامل والمحمول منوره المنتدى يالغاليه بدايه مشوقه وتعد بالكثير والأجمل عليا الله يجزاها خير على برها ورعايتها لأمها وواضح إنها عاقله وما أظن تطلع منها العيبه لكن هل متزوجه من ياسر أو مجرد خطبه أو ملكه وتركها بعدها ياسر ماعجبني في تركه لأمه وهي في عز الحاجه له ولا تصرفه مع عليا وعندي إحساس إنه ماغلطت عليا وإنه ظالمها لكن هو جبان ماقدر يواجه بندر وكذب عليه وهو ماعنده نيه يرجع مثل ماقال له لكن اللي مافكر في أمه بيفكر في غيرها عليان غلطان كان لازم يخبر عليا بسوات الخدامه والمفروض يسفرها اليوم عرضت نفسها عليه بكره تعرض نفسهاعلى غيره أو تعمل له سحر الله يكفيهم شرها فايزه العقل والعاطفه تخليها تتزوج زوج أختها خاصه لو مافيه شيء يعيبه لأن الغريبه ماراح تكون أحن على عيال أختها منها وهو مستحيل يجلس بدون زوجه صحيح هي صعبه على الإثنين وخاصه فايزه لكن ممكن تنجح حياتهم لو عندهم الرغبه في إنجاحها وفي الواقع مرت علي حالات مثل فايزه أبوساري عسى يده للكسر مستقوي على الضعيفه ووقدام الناس مسوي ماله ذنب لكن الشرهه على قمرى اللي ساكته له وعلى أهلها شافهم ساكتين قال أسوي اللي أبغى ماحد راح يردني نسي إن كل قوي فيه أقوى منه قمرى الله يكون في عونها ويعوض صبرها خير وينصرها على ابو ساري أم رنا تسلم يمينك منتظرينك يالغاليه |
| الساعة الآن 09:34 AM |
Powered by vBulletin®
Copyright ©2000 - 2024, vBulletin Solutions, Inc.