آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
01-10-12, 08:27 PM
| #21 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  ـــــــــــــــــــــــــ ـــــــــــــــــــــــــ ــــــــــ ــــــــــــــــــ بسيارة راكان ومعاه عناد وسند اضطر يوقف عند المحطة خارج الرياض علشان يعبي بنزين لسيارة وتأخر عن الشباب اللي معاه نزل عناد وسند للبقالة اللي عند المحطة يشترون لهم مويه واشياء يتسلوا فيها على الطريق " طريق المزرعة ياخذ حوالي 3 ساعات او 4 ساعات بنسبة لشباب وسرعتهم ام العوائل تطول الى 5 او 6 ساعات " لحق بتال راكان ووقف عند المحطة حتى يأخذ اغراض لسمر ووليد بتال يكلم سمر اللي جالسة جنبه / ها سموره ويش بغيتي سمر تفكر/ اممممممم .... ابي سنكرز وجالكسي وسيزر وليز وتسالي وااا... قاطعها وليد / خلاص يكفي ترا تمتنين وبعدين راكان يتضايق بتال ناظر وليد اللي جالس بالمقعده الخلفيه وغمزله وليد بتال ضحك على غمزت وليد سمر حمر وجهها من الاحراج / سسسسسسسسسسخخخخخخيف تصدق بتال / ههههههههه لا والله هو صادق كل اللي طلبتيه يزود الوزن سمر بزعل / خلاص ما ابي شي هونت وليد شاف راكان وحب يلعب بأعصاب سمر و بابتسامه / ايش رايك نقول لراكان يشتري لك بتال ناظر وليد وشاف وليد يأشر لجهة معينه التفت وشاف راكان وابتسم / ايه صحيح وبعدين شوفيه قدامك في البقالة سمر التفتت على الجهة اللي يأشر عليها بتال وشافت راكان كان لبس جيز رصاصي وتشيرت اسوك كم نص مبين عضلات جسمه الرياضي لابس نظارات شمسيه بوليس وكاب رصاصي انسرحت سمر فيه ونست بتال .. انتبه بتال لنظرات سمر اللي باينه من البرقع وابتسم .. بخبث وبنبره مقصودة / ماتبينه؟؟؟ التفتت سمر لبتال اللي نسته وفهمت مقصدة و انحرجت منه .. اطلق بتال ضحكة ونزل من السيارة محد يفهم سمر كثره ومحد يفهمه كثر سمر وتوجهة الى البقالة راكان انتبه لبتال وشافه يضحك وما انتبه للي في السيارة راكان بابتسامه لضحكة بتال / عساها دوم بتال بابتسامه/ يدوم عزك يولد العم راكان / خبري ما تحب توقف عند محطة وانت رايح مشوار طويل تجهز السيارة قبل بتال بخبث / علشان الغلا نسوي كل شي راكان بابتتسامه فهم القصد/ يستأهلون ومن حقهم يأمرون وانت تطيع بتال رافع حاجب / لا والله .. يأمرون عليك انت وخشتك .. اما انا يطلبون مني يا انفذ يا ارفض بكيفي>> قالها بغرور وهو يحط اصبعه على راسة راكان شاف عناد وسند طالعين من البقالة / يالله اشوفك في المزرعة بخير وانتبه للخط ولا تسرع ولا ترد على الاتصالات اذا انت تسوق و,, قاطعة بتال / اذلف بس هذا اللي ناقص صاير امي على غفلة .. تركة وتوجه على البقالة عناد نادى راكان وستعجلة على المشوار حتى يوصلون قبل مغيب الشمس راكان التفت على سيارة بتال وابتسم ابتسامه مميزة وخاصة للي بالسيارة واشر بيده " سلام" وتوجه على سيارته اما سمر من لما شافت ابتسامته وسلامه خجلت وصار قلبها يدق دق وزادت بعد ما سمعت ضحكت وليد ما طول بتال بالبقالة ورجع وهو محمل باللي تحبه سمر ووليد ـــــــــــــــــــــــــ ـــــــــــــــــــــــــ ــــــــــ ـــــ بسيارة رعد اللي البنات مستأنسين فيها نوال قدام جالسة ورعد يسولف معاها/ هاا يا دكتورة كيف الدراسة نوال بابتسامه من تحت نقابها / تمام الحمدلله يا دكتور رعد بابتسامه باهته/ سابقا ... دكتور سابقا>>> كررها وهو يتألم ريما / ما انت حاب ترجع لطب رعد / لا وخلينا نغير الموضوع وقولوا لي اخباركم ابرار / سلامتك خلصنا الجامعة وعلقنا الشهادة ومبلطين بالبيت لا شغله ولا عمله رنيم / الحياة مؤمله مافية شي يونس روتين دائم رعد رفع نظرة للي جالسة وراه / شنو في خاطرك >> يكلم رنيم رنيم رفعت نظرها له من بعد ما كانت مشغولة بجواله تراسل صديقتها صالحة بالواتس اب .. بعدم مبالاة/ ولا شيء رعد بابتسامه يفهم عليهم وطلال خبره بطلب نوال بس مايبي يامل نوال قبل ما يصير الشي / خاطركم تشتغلون ..؟ نوال / ومن بيسمح لهم .. للمعلومية ابوي واخواني يقولون لي بعد الدراسة قعدي بالبيت لا تفكرين تشتغلين رعد رفع حاجب / ليه هالتخلف .. رنيم / قلتها تخلف والا تدرس وتتعب وبالاخير تجلس بالبيت .. ريما / بإمكانها تفتح لها عيادة خاصة وتخليها لنساء فقط وما تستقبل رجال ابد وبعدين تخصصها اسنان يعني تقدر تحدد وتحط حدود براحتها ابرار / ما اتوقع عمي عبدالعزيز وطلال وسيف يمنعونك اذا طرحتي هالفكرة رعد / اذا على العيادة انا راح اقنع ابوك فيها بس خلصي دراسة وجيبي تقدير يرفع الراس ولا يهمك شيء ريما / اووووووه مادام الرعد دخل فيها معانه اضمني ان شاء الله تشتغلين وانا ابي اكون السكرتيرة اللي تحط المواعيد لقيت لي وظيفة الكل /هههههههههههههههه ابرار / مو لوحدك انا بعد ابي اشتغل راح اصمم لك ديكور العيادة رنيم تدخل معاهم/ وانا بعد ابي اشتغل .. اكون الممرضة صحيح ما اعرف الاسعافات الاولية بس اتعلم ولا يهمك رعد / ههههههههههههه هذا وهي لسه ما خلصت الدراسة ولا تكلمنا مع ابوها ولا سوينا شيء توه كلام بنيتوا احلامكم نوال / شنو نسوي بالله روتين دائم بحياتنا بعض الاحيان نقابل بعض وكل وحده تقول الطفش عندي وبعدين انا خلصت خلاص واستلمت الشهادة ريما / اية وكل وحده حامله هم كبير بقلبها >> قالت هالكلمه وهي ناسيه رعد وداخله جو بفتح القلب واسراره على بالها جلست بنات زي المعتاد رعد برفعة حاجب/ وشنو همومكم ؟؟.. ما ظنتي يالبنات عندكم هموم وانتم مرتاحين واللي تبونه يوصلكم البنات سكتوا لان هذا اللي دائما يتوقعونه اهاليهم ما عندهم شيء يضايقهم كل اللي يبونه يوصلهم الوحدة ما تقدر تقول ضايق خلقي الا ويقول لها وشلون ضايق وانتي اكله ومرعه وقلت صنعه المفروض مبسوطة طول الوقت و كأنها ما عندها قلب تحس به وتنوجع رعد استغرب سكوتهم / بنات لساتني رعد كاتم اسراركم قولوا شنو اللي بقلوبكم ولا تخافون ما راح يطلع برا ولا راح ازعل البنات طالعوا بعضهم وفهموا اخر كلمه من كلام رعد خطاء ... رنيم بعصبية / شنو قصدك .. .. قصدك انه سوين خطاء او عار هذا اللي انتم خايفين منه .. لا تطلعون لا تروحون لا تصاحبون.. .. ما يسير تلبسين كذا ما يسير تسوين كذا هذا عيب استحي انتي ما تفهمين انتي ناقصة عقل .. هذا اللي انتم هامكم ما يهمكم شنو نحس شنو اللي مضايقنا عمركم ما سألتونا شنو اللي بخاطركم .. خليتونا نخاف منكم انانيين ما تحبون الا نفسكم نكرهكم نكرهكم كلكم لنانيتكم وتعجرفكم .. .. كل واحد يفكر نفسه هو اللي صح والبنات خطاء ودائما مقولتكم هم البنات للممات .. عمركم ما فكرتوا ان لمرضت تجي تدورها لجعت لتضايقت واول ما تخلص منها ترميها .. مو هذا انتم تافهين وعديمين احساس .. اغبياء اغبياااااااء << كانت تصرخ بعالي صوتها .. رعد والبنات كانوا منصدمين من عصبية رنيم والكلام اللي قالته لحظات صمت ما ينسمع فيها الا شهقات رنيم .. .. كانت تبكي واختها ريما حاضنتها وهي متفاجأه من كلام اختها ومصدومه .. رعد بابتسامه حزينة / يبدوا ان غيابي هالكم سنه غيركم حيل نوال والعبرة خانقتها ضحكت باستهزاء على الحال / وما راح تقدر توصل للي بقلوبنا بعد هالغياب خلاص .. رعد كلام رنيم ونوال جرحة بقلبه وصار يفكر بداخله " وشلون ما فكرت فيهم كيف تركتهم ورحت .. كلام رنيم .. ايش مقصدها منه .. وليه قالت هالكلام .. معقولة الفراغ .." وبقي يفكر بكل كلمه قالتها رنيم " .. كملوا الطريق والصمت سيد المكان وهديت رنيم ووقفت بكي وسرحت بأسرار وخفايا تدور بداخلها .. ـــــــــــــــــــــــــ ـــــــــــــــــــــــــ ــــــــــ ـــــــــ بالرياض في جناح العنود ونايف عندها كانوا يتغدون نايف / اتصلت على زياد وسالته متى الوصول .. تخيلي قال انهم مطولين .. .. ويمكن يأخذون يومين بمزرعة جدي ومع عمامي .. العنود بضيق / صدق .. نايف حس بضيق اخته .. وحب يغير تفكيرها ./ احلا ما في الموضوع ان سارونه تغير جو .. العنود بفرحة لختها ونست حالها / يالبى روحها والله اشتقتالها بس بعد خايفة عليها .. نايف / من شريفة .. العنود / لا انا موصيتها ما تقرب ناحيتها وتبقى قريبه من امي وما تتركها بس انا خايفة عليها من لقافتها .. نايف / ههههههههههه احلا مافيها لقافتها ... " يوقف " .. الحمد لله .. العنود بابتسامها / فديتها كلها على بعضها حلوة .. عساه بالعافية ومطرح ما يسري يمري .. خلصوا غداهم وقام نايف من المطبخ وجلس بالصالة حتى يتقهوى من قهوة اخته اللي ما مثلها .. تضبط الراس وتزين بها القعدة العنود جهزت الحلا والقهوة وتوجهة لخوها وضعت الدلة وصحن الحلا .. العنود / من زمان ما سمعت اخبار تقديمك للجامعة .. نايف بابتسامه لاهتمام اخته / ابشرك قبلوني وبالقسم اللي ابيه هندسة معمارية .. العنود بفرحة / مبروك وربي يوفقك ان شاء الله .. وخويك ماجد .. نايف / والله ماجد لساته مسافر ما ادري اذا يلحق او لا قلت له قدم عن طريق النت .. بس هو كانه ماله خاطر يكمل الله اعلم ويمكن يدرس يكمل برا << قالها بحسره .. العنود انتبهت على نبرت الحسره بس ماحبت توضحها له وغيرت الموضوع / كيف اهله .. نايف / قصدك اخته مشيرة .. تزوجت قبل فترة وسكنت الدمام زوجها مهندس بأرامكو .. العنود بفرحة لصديقة عمرها ومقاعد الدراسة / ربي يوفقها ويسعدها ... خاطري اكلمها .. نايف / بسيطة اقول لاخوها يوصلها خبر وترجعون تتواصلون .. العنود وهي ترتشف من فنجانها / كيف ذي .. نايف وهو ياخذ قطعة من الحلا / اخذي رقم تلفونها العنود / وشلون ذي تقول لرجال اعطيني رقم اختك لان اختي تبي تكلمها نايف /ههههههههه طبعا لا تبينه يذبحني العنود بستغراب / اجل كيف نتواصل .. نايف / عن طريق رسالة وانا ضامن ان ماجد يوصلها لاخته وما يفتحها وانتي اكتبي اللي بخاطرك .. واخر شيء اكتبي رقم الجوال واكتبي انكم تتواصلون بالرسايل بس واكيد هي تعرف وضعك وماراح تسالك شنو السبب.. العنود بابتسامه لتفكير اخوها المراهق / وليه هالف والعناء ذا كله مو عرس راكان بعد اسبوعين .. .. ارسل لهم دعوة وتحضر واخذ رقمها لا اخوها والا اخوي يمكن تجي مشاكل .. نايف برفعة حاجب / مخليتني افكر واخطط وانتي مخططه قبلي لكل شيء .. وبمكر .. وايش مخططه بعد يالعنود اعرفك تربيت الظبي .. ابتسمت العنود ووقفت وتوجهت للمطبخ ترتب وتغسل باقي الصحون العنود / متاكد ان الصبي غداء جدي نايف / ايه العنود / زين الحمد لله اللي ربي اكرمنا باذا الصبي اللي يخاف ربه نايف / الحمد لله .. التهت العنود بتنظيف الصحون ونايف يفكر بموضوع الصداع اللي صار يجيه وبنوبات اقواء واذا خذ الحبوب اللي اعطاه اياه عبدالله.. يحس بغيابه عن الوعي ولا يذكر الا اشياء مثل الحلم حط يده بجيبه وشاف الكيس الصغير اللي فيه الحبوب.. وشافها حبتين وقرر يروح لصديقة خبير بذا الاشياء ويسال عنها رجع الكيس لجيبه ووقف .. نايف للعنود / انا طالع تبين شي ناقصك شي العنود بابتسامه / لا حبيبي ما ابي الا سلامتك موفق يا الغالي نايف / مع السلامة .. وطلع .. ولمن جات العنود تقفل الباب سمعة صوت خلود ودخلتها وقفلت الباب .. ـــــــــــــــــــــــــ ـــــــــــــــــــــــــ ــــــــــ ــــــــــــــــ | ||||
|  |
|
01-10-12, 08:28 PM
| #22 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ـــــــــــــــــــــــــ ـــــــــــــــــــــــــ ــــــــــ ــــــــــــــــ بعد المغرب وصلو كل الشباب ورتبوا الاغراض وطلبوا من ابو محمد المسئول عن المزرعة واللي ساكن فيها هو وزوجته اللي متزوجها اكثر من 30 سنه وما الله ارزقهم بأولاد ويلقبونه بأبو محمد طلبوا منه انه يذبح لهم من الغنم ويجهزها لهم عناد توجهه للمكان اللي معروف ان ابو محمد يذبح فيها حتى يساعده في الذبح وباقي الشباب كلن في مهمه عناد لبس بنطلون جيشي وتيشيرت اسود نص كم وباين عضلاته .. شاف ابو محمد وهو يذبح وراح يركض له حتى يساعده عناد / مساك الله بالخير ياعم ابو محمد ابو محمد اللي رافع الثوب ورابطه على خصره ولاف الشماغ على راسة بطريقة غريبه" ابتسم من لما شاف عناد ورفع ظهره ومسح عرقة بطرف شماغة وبصوته الحنون اللي اجهده الزمان وملامحه الحنونة والمتعبة من جور الزمن علية / هلا وغلا مساك رضا من ربي الحمدلله على السلامه .. اشلونك ياولدي عناد ياخذ السكين الكبيرة لتقطيع الذبيحة / بخير جعلك بخير .. ها نبدأ بسم الله ابو محمد بابتسامه / بسم الله ... وعلقوا الذبيحة وبدا الذبح ـــــــــــــــــــــــــ ـــــــــــــــــــــــــ ــــــــــ ـــــــــــــــــــــــــ ــ بعد وصول الكل بعد صلاة العشاء توجهوا الحريم والبنات للفله اللي بالمزرعة (المزرعة فيها فلتين فله كبيرة وهي اللي بالواجهه وفله صغيرة خلف النخل قريبة من اسطبل الخيول وهي اللي نامون بها الشباب بس الشباب نادرا جدا ما ينامون فيها (الفلة الكبيرة ثلاث ادوار .. الدور الارضي ويوجد به المسبح الداخلي كبير وواجهته زجاجيه يرون من بالخارج ولا يراهم ومسبح خارجي بشكل دمعه وحوله كراسي خشبيه الفله فيها سته اجنحة لنوم وكل جناح به ثلاث غرف وصاله وحمامين غير المجالس وغير اجنحة الضيوف ومطبخين كبير وصغير بدور الاول والارضي وخمس صالات ثلاث تحت وصالتين فوق) و (الفلة الصغيرة دورين .. وفيها اربعة اجنحة لنوم وكل جناح غرفتين وحمام وصاله .. وصالتين كبيره ومطبخ واحد بالدور الارضي وفي الدور الارضي مجلس كبير ومجهزينا الشباب لتسلية والترفيه ومسبح صغير)) (المزرعة فيها انواع كثيره من الحيوانات وفيه اسطبل الخيل وفيها انواع من الخضرة طماطم ونعناع واصناف كثيرة ونخل وورود كمان المزرعة تصميمها الخارجي يبهر والداخلي بعد) ـــــــــــــــــــــــــ ـــــــــــــــــــــــــ ــــــــــ ــــ داخل جناح البنات (البنات لهم جناح يجلسون فيه لوحدهم ونومتهم فيها حوسه ويحبونها كثير) شجون وغرام وسمر متضايقين لان البنات استأنسوا بالجية مع رعد كما يضنون غرام / وجع ان شاء الله انتم مجتمعين وحنا قاعدين بالسيارات طفش شجون / ايه صدق وانتم مع رعد وناسة واللي تبونه يسويه اغاني وضحك رنيم تفتح شيلتها وعبايتها ووجهها باين عليه التعب / اسكتوا انتي وإياها بالرجعة خذوا مكاني انا ابي ارتاح راسي دايخ نوال ترتب شعرها حتى ترتاح بلبس الشيله/ انا ابي انزل تحت اشوف شنو يسوون ابرار/ وانا معاك حاسة بخنقه شجون وغرام وسمر يطالعون بعض مستغربين حالتهم وباين الضيقة فيهم سمر / بنات شنو صار لية متضايقين ريما تلف شيلتها وتعدل برقعها / لا مو متضايقين بس الخط اتعبنا غرام وشجون يلبسون لثمتهم اللي من جنب فيها مطاط يقدرون ينزلونها ويرفعونها بدون تعب وما يبان الا عيونهم / نازلين معاكم سمر تعدل برقعها / وانا بعد ما ابي اجلس.. التفتت لرنيم اللي منسدحه على السرير ومغطيه عيونها .. وانتي رنومه مو نازله رنيم تجلس وتمسح على شعرها / الا ابي انزل ما ابي اقعد هينا .. لبست شيلتها وبرقعها وعدلت حالها واخذت جوالها معاها ونزلت والبنات تركوا كل جوالاتهم بالجناح ـــــــــــــــــــــــــ ـــــــــــــــــــــــــ ــــــــــ ــــــــــــــــــــ منار وسارة كان خاطرهم يروحون للبنات بس ام عبدالله ما سمحت لسارة تروح وقالت لمنار تروح وتغث البنات منار توجهت للبنات اللي كانوا طالعين لخارج الفلة ويجلسون على جلستهم المعتادة .. سمر بس شافت منار تضايقت سمر / اووووووووووف هذا شنو تبي غرام وشجون التفتوا لها .. غرام / من تقصدين؟ سمر بضيقة / العنود شجون / ولية متضايقة ؟ سمر تذكرة اللي صار / بعدين اقولكم منار بعبايتها المطرزة واللي مميزة بين الكل وطريقة لثمتها بشيلة واللي كلها طرز بغرور وهي تمشي وتتمايل بمشيتها / هاي صبايا البنات / وعليكم السلام منار تجلس بجنب رنيم وتفك لثمتها وتلف باقي الشيله على راسها والعلكة بالفم .. بغرور / كيفكم نوال وابرار وريما معجبهم الوضع وسمر طنشتها وكأنها مو موجوده غرام وشجون ماحبوا طريقها بالسلام ولا البس فحبوا يطفشونها .. غرام / هي انتي يا بنت الخال المجهول اول شيء لشفتي ناس مسلمين جالسين لازم تقولين لهم سلام او السلام عليكم شجون تكمل / اية ثاني شيء ما نحب العلك والبس المتفسخ اللي عليك انتي تحملين اسم الفارس يعني لازم تبيني لناس انتي متربيه مهو .. سكتت .. منار فهمت القصد / اسمعي انتي وهي واشكالكم .. كانت تأشر بيدها كأنها متقرفه .. انا متربيه احسن منك انتي واياها وبعدين ويش فيه لبس على الموضة والحداثة مو البداوة والقرف اللي انتم عايشين فيه نوال عصبت / لو سمحتي يالعنود اذا ما عجبتك جلستنا واحترمتيها ياليت تتفضلين وتجلسين بمكان غير ريهام جاءتهم ومعاها ترمس شاهي ومعجنات / سلام بنات البنات .. ماعدا منار / وعليكم السلام منار / بكيفي اجلس بالمكان اللي يعجبني هذا اولا .. ثانيا انا ما جيت على شانكم جيت علشان مرت اخوية المحترمة >> قالتها بسخرية >> في هذا الوقت كان بتال جاي للفله علشان يبدل ثوبه ويلبس لبس يريحه لشوي لانه هو اللي راح يشوي منار باستهزاء / كيفك سمور ان شاء الله نمتي زين البارحة وما تضايقتي من صراحتي بتال شاف البنات مجتمعين ووحده بينهم كاشفه عن وجهها وعلى طول صد وهو يسمع اخر الكلام وقف خلف النخلة اللي كانت جنب جلست البنات وقعد يسمع باقي الكلام منار بستهزاء / انا سمعت انه عندكم شي ياعيال سلطان اسمووه اسمووه عزت نفس اهاا ايه عزت نفس .. كانت تتكلم وتحرك يدينها وفمها بطريقه مستفزة .. سمر ما تحملتها وما تبي تغلط عليها احتراما لراكان .. غرام ما تحملت غرام وهي توقف / هييييييييييييييييية انتي اذا ما قضبتي لسانك وحشمتي نفسك تشوفين شيء ما يسرك منار تطالع غرام من فوق لتحت وكانه ما عجبتها / اممممممم انتي من تكونين من حاشيت الخدم اللي عندها البنات متفاجئين من وقاحتها ومو قادرين يردون عليها احترامنا لضيافة مهم كان بس شجون وغرام ابد ما قدروا يتحملون شجون وهي بعد وقفت / سمر بنت سلطان الفارس تستأهل يكون لها خدام وجواري هي اميرة بكل شيء وانت الخادمة اللي عندها تسوأك منار وقفت وبعصبية / هييييييييييه انتي وياها اذا انتم بلا كرامه وتبون تكونون خدام عندها فانا بنت العز اخت نايف تاج راسك وراسها بتال عصب كثير كل شيء صار له حد عنده وبعد ما حترمت اخوانها تنتخي بالصغير اللي مثلها لا يحشم ولا يحترم احد حب يقطع السالفه قبل ما يعلا صوتهم ويوصل العلم للكبار شاف اماني وهيفاء متجهين للبنات وصار يمشي بخطوات ثقيله كانه توه واصل .. نوال انتبهت لبتال وبهمس / بنات جلسوا هذا بتال سمر رفعت عينها جهة اخوها وطاحة عينها بعينه ونزلت دمعة ونزلت راسها بسرعة حتى لا ينتبه لكن بتال كان منتبه لها وهو حاس فيها ونار زادت لمن شاف شجون وغرام يجلسون ومنار بكل وقاحة طالعت فيه وهي مو متغطية وطنشته وتوجهت لجناح خالاتها ـــــــــــــــــــــــــ ـــــــــــــــــــــــــ ــــــــــ ـــــــــــــــــــــــ عند الحريم الكل يضحك ماعدا ام عبدالله وام راكان وخديجة اللي يتفحصون المكان تفحص وعيونهم بتنط من محلها من الحسد ام عبدالله تهمس لخديجة / شايفه .. شايفه العز مالت على حضنا المزرعة اللي يسكنونها الخدم احسن من فلة ابوي خديجة تردد وراها بغباوة لو تقلها الابيض اسود تقول صح / ااااه يالقهر المفروض يعطونا اياها صح ام عبدالله تطالعها بقرف / بيصير .. بيصير .. افففف .. لا تشيلين هم بس خلي راكان يتزوج بنتي مها وبعدين تشوفين خلي طبختي على نار هادئة خديجة / وشلون .. وايت طبخه ؟ ام عبدالله "شريفة"/ اسكتي اسكتي لوعتي كبدي من غبائك خديجة / طيب شريفة بهمس وكانها تحدث نفسها / بس خلي اللي براسي يصير العنود تكلم الجوهره / اقول ابي السر اللي يخلي اخوي يضيع عمرها من لمن يشوفك الجوهره بابتسامه للعنود / وانا ابي السر اللي يخلي فهد ينهبل لمن يشوفك الهنوف تدخل/ انتم الاثنين اعطوني سركم ماشاء الله عليكم انتم اللي تبونه بس تأمرون فيه ويتنفذ وانا يحسرت حالي >> كانت تقولها مزح الجوهرة والعنود التفتوا لها وبصوت واحد / اذكري الله .. التفتت العنود والجوهره لبعض وضحكوا وضحك الكل معاهم ماعدا بومة الشر مياسة / ههههههه ما شاء الله ولا اله الا الله ويا صلاتي على النبي ولا اله الا الله << كانت تغنيها العنود / كلللللللللللللللللللللللو ووووووووييش الكل / ههههههههههههههههههههههههه ههههههه ام غيث تكلم ام سطام وبصوت واطي/ وهو عنده خبر ام سطام / لا ما عنده خبر انا وابوه قلنا نشوف رد البنت واهلها وبعدين نقوله وطح نظرنا على هيفاء وما راح نلقاء احسن منها ام غيث / والله هذي الساعة المباركة ياخيتي ماراح الاقي لبنتي رجل يحفظها ويامن عليها كثر ولدي رعد ولا تشيلين هم حنا موافقين والبنت بنتك ام سطام/ يعني ما تبين تشاورين هيفاء يمكن ما تبي رعد ام غيث / حنا دلعناها زود وكل من جاها قالت مابي اتزوج وابي اكمل دراستي وما دري وشو والحين الدراسة وخلصت ما بقيلها شي وانا ما انيب دايمه لها ابي اشوف عيالها وعيال اخوها غيث ام سطام / الله يطول بعمرك ياخيه وتشوفين عيال عيالهم ام غيث/ امين .. وانا ياخيه خاطري اخطب لغيث وازوجه بس للحين ما فاتحته بالموضوع ان شاء الله اول ما يستقر اقوله اللي بخاطري وان شاء الله اهل البنت ما يرفضون ام سطام / ان شاء الله ياخيه وليه ترفض الا دعيتا لها اميمتها بليلة القدر اللي تاخذ غيث رجال رزين ومعتمد على نفسه وحسب ونسب ليه ترفضه .. وانتي من حاطه عليها عينك ياخيه اعرفها ام غيث بابتسامه / اية من حلك وحلالك ياخيتي ام سطام ابتسمت / ومن هي سعيدة الحظ ام غيث / بنت مياسة ريما .. اعجبتني ما شاء الله عقلها ورزانتها بالكلام مثل مياسة نسخة منها ام سطام / ولا يهمك هي لغيث ومو لغيرة ان شاء الله ـــــــــــــــــــــــــ ـــــــــــــــــــــــــ ــــــــــ ـــــــــــــــــــــــــ ــــــ عند الرجال ابو سطام فرحته كبيرة بجمع عياله كلهم حولة واحفادة خاطرة يجمعهم كلهم سوا بجلسة وحده مثل زمان بس قال لايتضايقون بنات ابونايف ويزعل ولده سطام ابو سطام يكلم ولده سطام / يا ولدي محتاج شي مضايقك شي تونس شي يوجعك قول وانا ابوك هذا اخوك دكتور خله يشوفك سطام بتعب وثقل / ابي انام .. ابي انام سلطان / الحين يجهز العشاء وتتعشاء وتنام سلطان التفت على سعود / سعود قم شوف اخوانك وعجلهم على العشاء سعود وقف / ابشر يبه .. بس وقف وهو يشوف الشباب داخلين التفتوا الجميع على دخول الشباب اللي لابسين بناطيل وهو مو مسموح لهم بلبسه ودخولهم المجلس الا في المزرعة بدر / أي والله انا مو ناقصني شي وليه ما اكمل نص ديني عناد / توك صغير وبعديين مو مسموح لك تتزوج قبلي ابد بدر مقهور / هذا ظلم مو ذنبي اذا انت مالقيت اللي تعجبك سعود بهمس لبتال / ابوي يقول عجلوا علينا بالعشاء عمي تعبان ويبي ينام بتال بهمس / خلاص 10 دقايق ويكون جاهز .. اشر لأبوه بهالشيء وفهم القصد الجد "ابو سطام" سمع كلام بدر / وانت يا بدر لقيت اللي تعجبك وعلى هواك التفت بدر لجده وابتسم / لسه يا جدي .. بس انا اكيد ما ابي غير من بنات عمامي ابو سطام / انت تتكلم صدق خاطرك تعرس بدر يجلس امام جده على ركبته بما ان المجلس جلسته ارضيه / جدي سؤال انت يوم اعرست كم عمرك ابو سطام / اقل من العشرين حول السنه>> يعني 19 بدر متمسكن قدام جده / يا جدي انا قربت ادخل 27 شعري نبت فيه الشيب شوف هاا " ويقرب راسه لجده " شوف هنيا " يأشر له على راسه وهو كذوب .. ورفع راسه بسرعه" يا جدي خلاص ما عاد اقدر اتحمل ابي استر نفسي لا تخلوني اتهور ياسر يايده ويجلس جنبة امام جدهم/ ايه ايه يا جدي بكره اذا قالوا عيالكم اعرسوا بسر لا تستغرب ترا الصبر له حدود سلطان رفع حاجب وبحده/ تتزوج بسر ليه ما عندك اهل سعود يرقع / يبه حنا كبرنا وخاطرنا نتزوج واخوانا اللي اكبر منا مبطين ليتزوجون مو من حقنا يبه نكون لنا اسرة ونستقر يبه ماودك تشوف احفادك بتال ببتسامه/ اذا خاطرك تتزوج يا سعود مسموح ابو بتال/ وانت يا بتال ما ودك بتال يحك جبينه وبابتسامه/ الحين يبه ما فكر به بعد ما اخلص اولويات شغلي هذاك الوقت اجيك واقول لك يبه ابي اتزوج اما الحين ما ودي ابو بتال / اجل ما تتزوج يا سعود قبل بتال ما يتزوج وذنبك برقبته بتال / ليه يبه .. هو وده ومجهز نفسه لها الشي وانا مالي خاطر فيه الحين ابو بتال / هذا اللي عندي سعود ما يتزوج قبلك سعود صد عن نظرات اخوه وبتال تضايق لانه شاف رغبة العرس في عيون اخوه وسعود براسة موال ثاني ابو سطام / وانت يا عناد متى ودك تعرس وانت يا سند ما انتم مفكرين تتزوجون وتجيبون لكم عيال ابو سند يطالع ولده / والله يا عمي انا وام سند فكرنا بها الشي وقنا بعد ما يتزوج رعد راح نخطب لسند رعد التفت لأبو سند / وانا اخذت نصيبي بها الدنيا ومعاد ودي بالزواج زوجوا الشباب وخلاص ابو سطام بعصبية/ انت زواجك بعد شهر قبل رمضان بأسبوعين ولا تفتح فمك بحرف هذا اخر كلام عندي والبنت خطبناها ووافقت والبيت مجهزينه واذا تبي ترفض امسح اسمي من بعد اسمك واعتبر ان مالك لا ام ولا اب ولا اخوان ولا اخوات ولا عزوه انا ما الي ولد ضعيف ايمان ومو مؤمن بقضاء ربه وعبير كان يومها يوم الحادث وقضينا من السالفه رعد حمر وجهة من العصبيه ومو متوقع هالكلام ابد ولا متوقع ان ابوه يغصبة على الزواج او أي امر ثاني هو المدلل الي يأمر ويتنفذ له .. بصوت عالي / يبه انا مانيب مره تغصبني على الزواج وما ابي اتحمل ذنب روح ثانيه البنت اللي خطبتوها اعتذروا من اهلها وخليها تدور على نصيبها والا زوجوها لا أي احد غيري انا ماني ببزر تتحكمون فيه سلطان بعصبيه / رعد وطي صوتك وانت تحكي مع ابوك وزواجك حددناه وانتهى الامر رعد وقف وما زال معصب / وانا مانيب متزوج وش بتسوون يعني بتضربوني ... اسكته كف على وجهه من يد ابو سطام الكل تفاجأ من اللي صار .. رعد حط يده على خده .. ابو سطام بحده / اذا انا غلطت بتربيتي لك وانت صغير مو عجزان على تربيتك وانت كبير يا رعيد والحين اذلف عن وجهي لا اشوفك انقلع رعد ترك المجلس وهو يغلي من العصبية... ابو بتال اشر لبتال وسند يلحقونه وما يتركونه ... ابو سطام جلس في مكانه وهو يستغفر ربه ويحاول يهدي اعصابه اللي ثارت ما يدري وشلون صار اللي صار ما كان يبي يفتح الموضوع بهالطريقة لكن الكلمه جرت الكلمه هو فرح كثير لمن قاله سلطان انه كلم نسيبه عزام ببريطانيا ووافق وكلم غيث بعد ووافق وقاله يشاور هيفاء وقاله هيفاء مثل رعد ماتبي الزواج وهم كل واحد راح يكون دواء لثاني وهو واثق برجاحت عقل غيث ومعرفته بطباع الاشخاص وحدد سلطان مع ابوه وغيث متى يكون العرس وهو وقت زيارة عزام لسعودية بعد شهر وقبل رمضان ـــــــــــــــــــــــــ ـــــــــــــــــــــــــ ــــــــــ ـــــــــــــــــــــــــ ـــــــــــــــــ بالرياض عند العنود وخلود بالجناح خلود تطالع لكل زاوية بالجناح وابتسامه حزينه على وجهها / كانه كان حاس بقرب موتها علشان كذا اهداكم جناحه العنود طالعت خلود وبحزن مماثل/ الله يرحمه لولا هالجناح كان الله يعلم بحالنا خلود بضعف / انا سمعت ابوي يتكلم مع شريفة ويحدد معاها يوم زواجك انتي وعبدالله العنود بخنقه / ويش تبيني اسوي لا ابوي قادر يقول لا ولا نايف وراكان مو داري عن شي يا دوب يخلص من جدي ومشاكله بالشركة ونايف خالتي مو مخليته لحاله تبي تدبر له مصيبه وهو صغير بالعمر و خايفه عليه خلود حست بالخنقه ومي قادره تسوي شي تبي تهرب من الوضع وقفت / انا رايحة غرفتي العنود توقف وتمسك يدها / خلود شنو فيها الغرفة حتى تقعدين فيها خلود تسحب يدها من يد العنود / احس نفسي تعبانه ابي اروح ارتاح ... تركتها وراحت لغرفتها المقابله لجناح العنود وقفلتها على نفسها... خلود فتحت علبة الادوية واخذت الحبوب المنومه وبلعت لها حبة وتوجهة على سريرها ما تبي تعرف شي ولا تبي تفكر بشي تبي تبعد عن الكل تبي تكون وحيده مع خيال احبابها امها واخوها .. دخلت في نوم عميق وهادي بسبب تأثير المنوم ـــــــــــــــــــــــــ ـــــــــــــــــــــــــ ــــــــــ ـــــــــــــــــــــــــ ــــــــ نايف جاء له اتصال من صديقة ماجد وقرروا يتقابلون بالمكان المعتاد في احد الاماكن البعيدة عن الاصوات والتكيف المركزي فيحبون الاماكن اللي يتنفسون بها هواء طبيعي .. زياد تارك سيارته مع نايف نايف يوقف السيارة جنب سيارة ماجد ونزل التفت وشاف ماجد على الرصيف وفارش مفرش صغير وقباله ترمس شاهي وحافظه صغيره فيها فطاير .. ويلعب بسبحة اللي معاه وهو سرحان وما انتبه لنايف نايف عاقد حواجبه ومستغرب حال صاحبة / احم احم ... السلام عليكم ماجد التفت لنايف وابتسم / هلا وعليكم السلام ((ماجد اسمر الون 21 سنه مملوح جسمه رياضي اطول واضخم من نايف يلعبون بنادي واحد لرياضة بس نايف مو منتظم بممارسة الرياضه هو يعرف نايف من لمن كانوا صغار وعيال حارة وحده ومدرسة وحده ماجد تاخر بالدراسة لانه كان مريض وهو صغير يحب نايف كثير ويعتبرة اخوة وكل اسرار نايف عنده واسراره عند نايف يعرف قصة نايف والعنود مع عبدالله وامه ويحاول يساعدة له اخت اكبر منه بسنتين مشيرة هي صديقة العنود راح نتعرف عليها بالوقت المناسب)) بعد السلام والسؤال عن الاحوال نايف / خير لية وجهك متضايق ماجد بضيقة وياشر على قلبة/ القلب ياخوك القلب نايف / لساتها رافضة ماجد / ياليت على كذا وبس نايف / اجل ؟ ماجد / قالتها بوجهي ما احبك اكرهك نايف بعصبية / هذي متحتشم وينها فيه احبك وما احبك وشهي تحسب عمرها تتزوج واحد عن قصة حب هي محسبتن عمرها برا السعودية ماجد بابتسامه / غنوجججججججج غنوووووووج يا اخوي غنووووج نايف بعصبية / والله لو هي بنت عمي احجر عليها واخليها تعفن في البيت واعرس وحده تسواها مية مره ماجد يطالع نايف ويعضي على شفايفه السفليه / بلاك ما تعرفها تستأهل تامر وتدلع وتستأهل اللي يطيعها نايف / والله بلاك من اللي بوسط ضلوعك هالمهايط انت ما تعرف للبنات ماجد بضحكة / عدال ياللي خبير بالبنات ما تعرف غير العنود وحنان نايف بقرف / هييه هييه انت لاتقارن عنودي بحنانوه ماجد يعتدل بالقعدة بعد ماكان متكي على التكاية / الا ما عرفت بيت ام سعيد وين؟ نايف بقهر / لا والله .. للحين ما عرفت وكل من سالت قالوا ما سمعنا عنها ولا نعرفها ماجد / انا كلمت لي وحدة من عماتي تسال عن المطوعه ام سعيد وان شاء الله نلقاء لها اثر هذا اذا كان صدق موجودة وحدة بذا الاسم نايف بعقدة حاجب / كيف يعني اذا موجودة بذا الاسم ماجد / انت كيف عرفت ان اسمها ام سعيد نايف / العنود قالت لي سمعت خالتي تتكلم وقالت لي ماجد / مادام العنود قالت فا يمكن تكون موجودة .. الا كيف ابوك وامك نايف بحزن / والله يا اخوي حالة ابوي وامي كل مالها تزيد سوا ابيه يروح معي للمسجد يصارخ علية ويتعب وقتها الين ما عدت اطلب منه ماجد بألم لحال صديق عمره / والشيخ مطلق ويش سوالكم نايف / سالت عنه قالوا انه مسافر للعلاج وما يدرون متى يرجع ماجد / طيب ما دورت عن شيخ ثاني يساعدك نايف / ومن الي يساعدني ويفهمني مثل الشيخ طلق الله يشافيه ويرجعه بسلامه سكت ماجد لفترة معدوده .. نايف / اختي ودها تكلم اختك عارف صداقتهم ولهم مده ماتكلموا مع بعض ماجد ابتسم/ تصدق حتى اختي تقول لقابلت نايف اسأله عن اخته وقول له ابي احكي معاها .. الا وين عبيد ؟ نايف بقرف / راح مصر جعلة ما يرد ... المهم قوم نروح الحلاق قرفت من هالشعر ماجد يضحك / وهذا شعرك ناعم كيف لو كان مثل شعري خشن ... قم قم مشينا ـــــــــــــــــــــــــ ـــــــــــــــــــــــــ ــــــ | ||||
|
| |
|
01-10-12, 08:29 PM
| #23 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ـــــــــــــــــــــــــ ـــــــــــــــــــــــــ ــــــ بتال وسند لحقوا على رعد وقبل ما يركب سيارته ( طبعا الكبار ما ينادون رعد بخال او عم لتقارب العمر بينهم) سند يمسك يد خاله ويوقفة / يا رعد وش فيك هدي شوي رعد بعصبية / اتركني انت واياه انا رايح وماني براجع ابد بتال / انت بعقلك هدي شوي وين تروح وجدتي وعماتي ما فكرت فيهم رعد سكت ثواني اخذ نفس / انت ما سمعت جدك وايش يقول سند مسك رعد وسحبة لطاولة خشب مستطيله وحولها كرسي خشب مستطيل كأنه جذع شجرة مقسوم بين النص/ اجلس وهذي الامور ما تنحل بالهروب رعد بعد ما جلس حط يدينه على راسه وبألم / ما راح تفهموني ولا تحسون فيني بتال يحط يده على كتف رعد / ومن قال هالحكي رعد بحزن / شايفه بعيني الا تبون تفرحون على حسابي ما تدرون قد ايش عبير ساكنه قلبي وعقلي .. سند بحده / انت اللي سكنتها وانت اللي تبي تعذبها وتعذبنا طول عمرك يا رعد تبي الكل يهتم فيك ويداريك ويراعيك من كنت صغير لازم تكبر يا رعد شنو اللي ما تحسون فيني لا تقول اعشق واحب انت مؤمن بربك لازم ترضى بقدرة انت منت بزر... تركة سند وهو ماشي شاف ( نوال ورنيم) قباله ما كانوا بعيد يعني يسمعون كل الكلام ما طاحت عينه الا بعينها دق قلبه لها ااااه من عيونها اللي تذبحني واااااااااه من عشقي لها ما لومك يا رعد والله ما لومك بس لازم تفوق لعمرك صد عنهم وتعداهم رنيم بعد ما تعدا سند من جنبهم وبعد عنهم / بارد عديم احساس ما يعرف للعشق ودروبه نوال / حرام عليك ليش حاقده عليه وبعدين سند اكثر واحد حساس من شباب العايله رنيم تطالع فيها / ايه واضح .. واضح ما سمعتي كلامه لرعد نوال / وهو ما غلط تعالي نروح لرعد!! رنيم / وبتال؟؟ نوال بابتسامه خبيثه / ما عليه تعالي بس قربت نوال ورنيم من رعد وبتال .. نوال / مسافر يا رعد .. اوههه قصدي بتنحاش بتال التفت عليها وهو معصب / انتي واياها ضفو وجهكم وايش اللي جابكم هنا نوال برغم من توترها من بتال الا انها طنشته ورنيم مستغربه منها / هاا يا الرعد ما ظنتي ان كلامك اللي بسيارة نسيته والا ليه لا .. انت مثلك مثل غيرك روح روح يالرجال >>> قالتها بسخرية مما استفز رعد رعد بعصبية/ثمني كلامك يا بنت نوال ببرود / ليه اخطيت ... لا والله ما اشوفني اخطيت بشي انا اعرف الرجال يواجه مصيبته ويؤمن بربه وبالقضاء والقدر والا ليه ربك قال الرجال قوامون على النساء مو علشان يكونون قد تحمل المسؤولية والمصايب مو يهرب وينحاش رعد بعصبية اكثر / نوال والله ان ما انقلعتي من وجهي لتشوفين شي ما يرضيك بتال كان في البداية مو راضي بحكي نوال لكن لمن فهم مغز كلامها وشاف انفعال رعد حب يشجعها .. تكلم بهدوء / ليه تبيها تروح لانها ما اخطت في حكيها رعد التفت لبتال بصدمة ... نوال تزيد / تبي تثبت انك رجال ورنا مراجلك والاااااا ....... سكتت بكف من رعد اسقطها بالأرض وهو بقمة عصبيته / رجال وبغصبن عنك والله طالت وشمخت يا نويل عطيتك وجهه وقمتي تتمادين بالكلام كأني اصغر عيالك ماني بعمك رنيم ساعدت نوال على الوقوف ... نوال عطت رعد نظرة ومشت عنهم لحقتها رنيم بتال بعصبية / لا والله ما طبتك المراجل اجل تمد يدك على بنت وتقول انك رجال رعد بعصبية/ بتال ماني بناقصك اذلف عني بتال تركة وراح .. رجع وجلس رعد على الكرسي وحط يديه على راسة يفكر بالحكي واكثر كلمه "ما انت برجال .. مؤمن بقضاء ربك" الكل يقول له هالكلام رعد " رجال رجال وبغصب عنكم ومؤمن بربي وبقاضة وقدرة " رنيم تمسك يد نوال / لقافتك هي اللي خلتك تنطقين نوال بابتسامه / بس استعدي لعرس رعد راح يتزوج قريب رنيم / ما اظنه يخون عبير نوال وقفت ووقفت معاها رنيم / ويش يخونها انتي خبله والا المسلسلات التركية اللي تتابعينها اثرت على عقلك رنيم برومانسية / لبى العشق والهواء يا ناس ولبى الاتراك اللي يفهمون لهالعشق نوال تهز راسها / لا والله ما انتي بصاحية الله يعين اللي بيأخذك شافوا البنات قاعدين حول المسبح الخارجي اللي بشكل الدمعة واتجهوا لهم رنيم ونوال / سلام البنات / وعليكم السلام نوال تطالع الجلسة وشافت الطاولات عليها مشروبات غازية وسلطات ومتبلات يعني مجهزة للعشاء نوال / بتتعشون هينا غرام / الكل يتعشى هينا رنيم / احسن تغيير جو "شافت سمر مستنده بحضن ريهام " وكلمت غرام .. كيف جوها غرام بقهر / حسبي الله عليها هالعنيد جعلها ... ريما تحط يدها على فم غرام بعد ما جاءتهم من الداخل / حرام لا تدعين عليها قولي حسبي الله ونعم الوكيل وخلاص شجون / بس والله ما اخليها لها لا اقهرها زود سمر كانت تطالعهم والعبرة خانقتها وشلون تقولهم ما عاد ابي اتزوج خلاص ما ابي ابعد ... نزلت دمعه منها وحست بيد رنا تمسحها قبل ما تنتبه لها شجون او غرام وتقوم حرب .. وبهمس / سمر لا تحطين ببالك طنشيها هي مقهورة منك يا روحي سمر ابتسمت / جعلني ما بكيكم ولا اذوق حرت فرقاكم بعده الكل صار يتكلموا ويضحكون وتجمعوا الامهات وجابوا الخدم العشاء من جهت الرجال وقعدوا يتعشون ـــــــــــــــــــــــــ ـــــــــــــــــــــــــ ــــــــــ ــــــ على العشاء عند البنات في طاوله لوحدهم ويتكلمون بهمس غرام / اه يا الي ما بوجهها حياء ولا مستحاء شوفوا وش لابسه نوال / يمكن ما فكرت ان احد من الشباب ممكن يمر شجون / لا تبررين لها هي ما شافت وش لبسين (البنات لبسين العبايات والافين الشيله على روسهم والغطاء كل وحده بيدها تحسبن من دخول الشباب.. وساره كذألك لابسه عباتها اما مها وحنان فعباياتهم مخصره ومطرزة كأنها فستان وشيله مرميه على اكتافهم اما منار كانت بس حاطه الشيله وعلى اكتافها والحريم الكبار بجلالاتهم ) ابرار / بس انا مستغربه ان بنات خالتها وهي متفسخات بالعبي وطريقة غطاهم وكلامهم وساره لا متستره وما يطلع منها صوت واذا جات عينك بعينها تخجل وتنزل راسه مع ابتسامه خجوله رهام / عندي احساس غريب ان سارة عندها مرض نفسي او عقده لانها رافضة الاختلاط بنا روان/ لالا والله تكلمنا معاها عند الحمامات " اكرمكم الله " تكلمت عادي مثلنا وتضحك كمان اماني / لا والله انا احس انها مجنونه تتلفت كل بعد شوي كأنها خايفه غرام بستهبال / ايش رايكم اسحبها لكم واخليها تتكلم معانا ونوال دكتورة تكشف عليها نوال وبتكشيره / لا والله جايبه الذيب من ذيله ما شاء الله عليك يعننك ذكيه اكيد ما راح تجيك لوحدها اكيد معاها عنيد والا مهويه ولا هالمفعوصة الثانية حنانوه وبعدين ايش دخلني في النفسية انا دكتورة اسنننننننان افهمي غرام كشت بيدينها على نوال وطالعت سمر اللي تلعب بحبات الرز اللي بصحنها ولا تأكل منها شي ريما / دخيلكم كلوا هالاكل المحلل وتركوكم من اكل لحوم البشر بهالغيبة كملوا اكلهم وبعدها بعض البنات حسوا بتعب والارهاق وطلعوا ينامون والبعض جلس يكمل السهره والامهات بعد العشاء دخلوا داخل وراح ينامون الكل بدون استثناء ـــــــــــــــــــــــــ ـــــــــــــــــــــــــ ــــــــــ ـــــــــــ عند الرجال الكل تعشاء بصمت بعد اللي صار مع رعد راكان ما كان عنده علم هو وزياد كانوا عند الشوي وصقر يساعدهم راكان بهمس لعناد / ويش اللي صاير عناد بهمس / بعد العشاء تعرف خلك ساكت لتطيح براسك راكان سكت وبعد العشاء الرجال توجهوا للفله ينامون فيها والشباب قرروا يسهرون بالخيمة وينامون فيها مالهم حيل يرحون لفلتهم المخصصة لهم راكان وهو يشرب من بياله الشاهي ويتكي على التكاية / ويش العلم ورعد وينه اختفاء بتال/ ما تدري ويش اللي صار لرعد راكان عقد حواجبه / لا لو ادري ما سألت .. لية ويش صار له؟ عناد / جدي قرر يزوجه وخطب له وحددوا عرسة وهو اخر من يعلم عصب ونافخ وخذله كف من جدي محترررررررررررم راكان عدل جلسته وبعدم تصديق / تمزززززززززح سند / لا والله ما يمزح والله صوت الكف لساته باذني يالله من زمان عن شوفت جدي بهالحاله بتال / ايوه الله انك صادق راكان يطالعهم يبيهم يكملون السالفه .... بدر / والله ما اذكر واشلون دخلنا بسالفة عرس رعد اذكر اني انا ابي اتزوج وانقلبت السالفة ليه وشلون ما ادري ياسر بضحكة / الله يستر منك يا بدير هذا انت بس قلت رغبتك رعد اخذله كف وهو المدلل عند الجميع اجل اذا تم التنفيذ ويش بيصير سعود يكمل / لا عاد تتكلم بسالفه لا تجيب لنا مصيبه كبيره بدر بنص عين / تلايط انت واياه مسوين خفيفين دم مالت عليكم عناد وهو منسدح / لا هم صادقين لا عاد تفتح هالسيرة ابد الا بعد ما انا اتزوج هذاك الوقت افتح فمك بدر بمزحه/ يعني انت فيك امل حتى تتزوج عناد بعصبية تحرك بسرعة واتكاء على يده / لية ما انت شايفني رجال والا طايح من عينك حتى مقدر اتزوج بدر يقوم بسرعة ويسلم على راس اخوة / والله ما قصد اللي فهمت والله اني توقعت انك كاره الحريم وما تبي تتزوج عناد بغضب / انقلع من وجهي تبي تتزوج وما تعرف تثمن كلامك قبل ما تقوله بدر بيتكلم بس صراخ عناد له اسكته وطلع من المجلس وهو معصب لحقة ياسر وصقر وسامر كان نايم رفع راسه وطالعهم شافه بتال / كمل نومك كمله ما فيه شي ... رجع سامر يكمل نومه وزياد حاط يده على راسة ومغمض عيونه ومطنش الكل يحس بضيقة ووحده هو دايم حول عيال عمه بس وجوده زي عدمه ان غاب عنهم ما فقدوة مثل راكان يتمنى يكون مثل فارس وسيف ما خذين راحتهم ومطنشين الكل قام من مكانه واخذ جواله وطلع رايح للفلة عند سيف وفارس ومحد انتبه لزياد وكملوا الشباب سواليفهم راكان / ويش صار لرعد بعد الكف وين راح بتال / قرر يسافر يهج من الديره واهله راكان عقد حواجبه / بعقلة ذا .. الحين وينه؟ سند / بالفلة اللي وراء النخل سعود / يعني ما طلع من المزرعة ... انا فكرت انه على طول يروح المطار واول طيارة يركب فيها وباي باي لندن بتال ابتسم لمن تذكر كلام نوال وعجبه كثير / لالا ما ضنيت انه ينفذ كلامه بانه يهج راح يسمع كلام جدي ويعرس عناد رفع راسة لبتال / من صدقك تتكلم بتال هز راسة وابتسامه على شفاته وسكت ... نام عناد وراكان وسعود وبعد ما رجع صقر وترك بدر وياسر حط راسة جنب سامر ونام اما بتال مجافيه النوم وهو كل ما غمض عيونه يتذكر سمر وسوات العنود فيها وينحرق قلبه ويغتاض قام وقرر انه يروح يتمشى بالمزرعة شوي وسند كان مغمض عيونه ويتذكر عيون محبوبته وعشقة لها سند بنفسة " يارب اغفرلي خطاي والله نيتي خير وانت اعلم بالنوايا يارب تجعلها من نصيب اذا كان فيه خير لي ولها واذا كان شر ابعدها عني وانزعها من قلبي " سمع صوت جوال يرن رفع راسة والتفت شافه جنب صقر قرب منه ورفعة شاف " الحنونه " يتصل بك عرف انها خالته الماسة "يالله يا خاله للحين تخافين علية " فتح الخط وسمع صوتها وهي متلهفة علية وتبي تتطمن ام صقر / يمه صقر ما نمت يمه سند بابتسامه / الا يمه نايم ام صقر / من انت ؟ سند / انا ولدك سند يا الغالية ام صقر بحب لها الولد بذات غير عن كل عيال اخوانها كلهم تحبهم بس ذا غير / يا حلو ها الصوت ويشلونك يمه سند / بخير عساك بخير ... وتطمني على صقر هذا هو نايم بين اخوانه ومرتاح لا تخافين علية ام صقر بحنان / فديتك يمه متغطي عدل مرتاح بنومتها عسى محد ازعله اليوم او تكدر خاطره سند بضحكة / متغطي عدل ومرتاح ومحد يقدر يزعله او يضايقة حطي راسك يا الغالية وارتاحي ونامي وانتي متطمنه ام صقر / ربي لا يحرمني منكم جميع يالله يمه بحفظ الله ورعايته ونام يمه لا تطول بسهر هذا الليل تناصف يمه وبكره جدك وعمامك راح يصحونكم من غبشه .. تصبح على خير سند كاتم ضحكته / وانتي من اهله ـــــــــــــــــــــــــ ـــــــــــــــــــــــــ ــــــــــ ــــ طلع يبي يريح عمره وينسى العنود وحكيها لسمر خاطره يكلم سمر بس خايف تكون نايمه ارسل عليها رساله "اذكريني كل ما وقتك قسى ... واذكريني لا مالت عليك الظروف " وقف فجاه كانه سمع صوت ركز شوي سمع صوت ناعم قرب من جهة الصوت شافها قاعده وراء شجرت الورد وتلعب بغصن منها وهي مو لابسه عباية رجع خطوة لور وقعد يسمع الحديث منار / حياتي اشتقتلك موووووت .... ههههههه .... لا تخجلني..... حبببببببي .. .. خلاص عاد ... اول ما ارجع الرياض اتصل عليك ونتقابل ... ايه حياتي ... ههههههه ... .. ههههههه ... يالله باي لازم اسكر... حبي والله تعبانه... وانا احبك مووووت ... شنو مكالمة فيديو .. .. لالالالا ... ماني لابسه عدل ... ادري انك شايفني بس ابي اكون كاشخه ومو تعبانه.. .. حبيبي الله يخليك والله حدي نعسانه ... هههه ... اممممممم بالا مشتاقه لحضنك .. .. باي .. باااااااي ... سكرت الجوال وراحت لداخل الفلة وهي تركض بين الورود وتدور وما شافت البركان اللي وراها لو ما قامت وراحت عنه كان ذبحها بارضها بتال بعصبية / والله والله يا العنود لا خليك تعرفين الرباه والحياء قريب يا قليلة الادب راح على جهة الفلة تبع الشباب يبي يرتاح هناك ... توجه للمسبح فسخ ملابسه ولبس الشورت ورمى حاله بالمسبح يسبح ... اعصابه معادة تتحمل يكرها ويقرف منها بتال في نفسه " من اللي تكلمه.. اشلون اعرف ... انا لازم اعرف ... اذا قلت لراكان انتبه لها.. يمكن ينشغل عنها هو يتحمل مسئولية الشركة والا الزواج والا ايش يتحمل .. .. ااااااااه يا سمر هالعقربه بتكون جنبك .. ويش السواه يا بتال ويش السواه .. .. يصير خير يا عنيد بعد عرس راكان ورعد يصير خير" ــــــــــــ انتهى البارت ــــــــــــ | ||||
|
| |
|
01-10-12, 08:32 PM
| #24 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| بسم الله الرحمن الرحيم السلام عليكم ورحمة الله وبركاته الصلاة والسلام على سيدنا محمد وعلى اله وصحبة اجمعين توكلنا على الله .. و لا اله الا الله البارت 4 عجزت القى لأحلامي فضاء عمري يحققها عجزت انظر الى جيبي واشوفه دايما خاوي وعجزت القى لي آمالا واشوف الدهر يسحقها ذبل عمري كما ورد على ذاك الغصن ذاوي ورغم الحزن والغربه وعيني الدمع حرقها بتبقى هامتي نجما رغم ليل الحزن ضاوي فلا تخضع ولا تركع لغير الله خالقها واذا شحت دواي انسان رجاى ربي مداوي عند البنات السهرة ... ابرار / نوال كان خاطرك متكدر نوال تتنهد وبسخرية/ لا ابد بس تدرون خلصت دراسة وانتظر الحكم وافكر اشلون ابروز الشهادة واعلقها بجدار غرفتي هيفاء باستغراب / وليه تعلقينها بغرفتك انتي مو دكتورة نوال بتنهيده / ايه دكتوره >>> قالتها بسخرية مخلوطة بألم ابرار تلتفت على هيفاء / بس العادات اللي عندنا درسي و انثبري بالبيت مالك طلعه من البيت الا لزوجك او قبرك هيفاء رافعة حاجب / لا انتم تمزحون سمر تضحك / هههههههههه اللي يسمعك يقول انتي تختلفين عنا هيفاء بثقة/ وليه ان شاء الله ادرس هالعمر كله واخر شيء اقعد بالبيت لا حبيبتي ابي اشتغل وافيد مجتمعي به الشهادة سمر برفعة حاجب/ اهااا اللي قبالك ماتعرف ام عزام ابد هيفاء / اذا عزام وغيث موافقين فتأكدي ان امي راح توافق وتشوفين >> هيفاء لو تكبر عنهم ب7 سنين او 6 الا ان ملامحها طفوليه ماتبين عمرها الحقيقي نوال/ ما شاء الله اخوانك موافقين وامك رافضة عكسنا تماما البنات / هههههههههه رهام بسخرية / شر البلية ما يضحك سمر بنعسان/ اممم بدا تأثير النوم عندي انا لاحقة حبيباتي ابي انام تصبحون على خير الكل / وانتي من اهلة .. هيفاء توقف / وانا بعد اسمحوا لي .. اشرو لها البنات براسهم وطلعت بقيت ( نوال وريما وابرار وريهام ورنيم ) ريهام / ويش صار بسيارة رعد قلبتكم لها الدرجة ريما تتنهد بصوت مسموع / ابد بس رنيم خبصتها مع رعد رنيم بعصبية وتوقف / ما خبصتها ولا شي هو اناني ومغرور وما يفكر بأحد .. .. وايش تبين اقول بعد اللي قاله ما يعرفنا ويشكك فينا .. ابرار بهدوء تمسك يد رنيم / اهدي واجلسي صحيت الكل .. رنيم نفضت يد ابرار بعصبية وتجهه للفلة/ انا انام ابرك لي من جلستكم و انهزامكم .. نوال وريما وابرار وريهام التفتوا لبعض وبعدها الكل سكت ويطالعون لسماء .. نوال تردد بداخلها كلمت انهزام "انهزامكم انهزامكم صادقة رنيم دايم نقول .. هي اللي رومانسية بزيادة ودايم تحلم .. وغامضة .. ومعقدة .. والله ما غيرنا اللي يحلم ومعقد وبعد تافهين " ريما " الله عليك يا رنيم لازم تسببين لانا مشكله اكيد رعد بيقول لامي لالالا رعد دايم يكتم اسرارنا ما ننسى لمن قالنا عن حبه لعبير ويبي مساعدتنا ليتها ترجع ذيك الايام " ريهام تطالع لنجوم " ليتني اقدر اطلع اللي بداخلي ابي اطلع كل لوحاتي برا .. وشلون لازم تنشهر هالوحات انا ماتعبت فيها علشان تنحط بالمخزن .. واصلن المخزن امتلاء كيف اتواصل مع استاذتي واكيد اهي اللي بتساعدني " ابرار " يارب ارحمنا من عندك يارب .. الفراغ يذبحنا صديقاتي تزوجوا واللي معاها ولد واللي متوظفه الا انا .. يارب بوسط صدري فراغ يالمني ابي شخص يحسسني بان لي فايدة بهالوجود .. يارب ارحمني ".. تنحنحت علشان تعدل صوتها .. / بنات تأخر الوقت لازم نروح ننام بكره ورانا قومه من صباح الله خير .. قاموا البنات وتوجهوا على جناحهم لنوم وكل وحدة مشغول بالها بفكر وهم .. ـــــــــــــــــــــــــ ـــــــــــــــــــــــــ ـ بالرياض .. نايف عند باب غرفة العنود بس ما سمع صوت عرف انها نايمه استودعها الله ودخل غرفته دخل الحمام "اكرمكم الله " بيأخذ له دش سريع .. بعد ما خلص ونشف جسمه .. لبس له بجامه سوداء بينت عضلاته الضعيفة نشف شعره اللي قصرة حيل .. مشط شعره وتعطر ورمى جسمه على السرير يفكر " متى صار هالشي متى .. .. عمري ما اكلت شي من يد عبيدوه .. اذا قدر يوصلها لي اكيد يقدر يوصلها لخواتي .. .. قعد بسرعة من خوفه انها تكون وصلت لخواته .. لالا خواتي نادرنا ما يطبخون تحت .. .. دايم يطبخون بجناحهم وانا ما لحظت أي شيء على خواتي .. بكره لازم اتكلم مع العنود وانبهها .. .. و ابي اعرف من وين يجيب عبدالله هالمخدرات .. ابتسم لفكرة خطرت في باله .. .. والله ما ينكسر ظهر شريفة الا عن طريق عبدالله " زادت ابتسامته " والله وطحت يا عبيد انت وامك " انسدح وغمض عيونه وهو يتخيل حياته هو وخواته واخوانه وابوه وامه بدون خالته شريفة .. .. كيف تكون .. ودخل بنومه .. واحلام سعيدة ....^^ ـــــــــــــــــــــــــ ـــــــــــــــــــــــــ ــــــــ يوم جديد .. بأحداث جديدة .. وهموم جديده .. وامال جديده .. بالمزرعة .. سيف وفارس بالجلسة الصباحية اللي جدهم يحب يفطر فيها .. قبال النخل وسقيت الماء .. ابو محمد توه فتح مجر الماء .. وريحة الماء مع الخضرة ونسيم الهواء المنعش تشرح الصدر .. سيف / استعد يافويرس للعصاء من جدك فارس معاه الانفلونزا توها باديه فيه / والله مالنا الا انه نقول ارتفعت حرارتي وانت ساعدتني ..كح كح سيف بضحكة / اللهم لا شماته ليت كل ما انحاشنا منهم تجيئك الأنفلونزا فارس / جعلها فيك موب فيني سيف / هههههههههه لهدرجه متعبتك فارس / جربها وشوف .."وبمزح " تعال خلني اعطس بوجهك .. سيف متقرف / ييييييييييع .. الله لا يقوله .. زياد جايهم وهو لابس بنطلون بني غامق وتيشيرت بيج نص كم وفيه رسمة بالبني الغامق ولبس كاب بني غامق ونظاراته الشمسية ... بابتسامه / صباح الخير سيف وفارس / صباح النور فارس يطالع لبسة وبضحكة/ ويش ذي الشياكة ياهووو الله يعين قلوب البنات .. زياد ابتسم / اذا انا جنبك محد شايفني فارس لابس جينز رمادي غامق وتيشيرت فيروزي وفيه كتابه بالإنجليزي رمادي مع نظارات بوليسية ومحدد السكسوكه ... ابتسم / البارح نايم جنبنا خير ويش صار زياد عقد حواجبه .. وسيف مبتسم / شكلك انخرشت " غمز له " كنت نايم وشكلك متضايق .. زياد ارتجف وفهم مقصدهم غلط وتذكر احداث البارح .. بعد ما طلع من بيت الشعر متوجه للفلة كانت الأضواء موضحة كل شي حوله كان يمشي بخطى سريعة وكانه يركض فجاءة انطفت الإضاءة وسمع صوت قريب منه رجف جسمه وما قدر يتحرك .. رجعت له ذكر قديمة ومؤلمه وجارحة بالنسبة له .. همس / راكان ابو محمد / من هناك زياد يحاول يتمالك نفسة / ز ز زياد ابو محمد / اهاا وانا ابوك وطيته السلك وانفصل .. اهه شبكته زياد اول ما رجعت الإضاءة راح يجري للفلة .. ابو محمد باستغراب / ويش بلاه رجع للواقع بعد ما سمع صوت جدهم وجدتهم وابو بتال ابو سطام / صباحكم الله بالخير يا عيال الشباب / صبحك الله بالنور وقربوا منه وسلم على راسة ويده وسلموا على ام سطام وابو بتال ابو بتال / وينكم البارح ما شفناكم >> يقصد سيف وفارس سيف / البارح كان فارس محموم وما حبينا نزعجكم طلبت من ميري تسوي شوربة وما تخبر احد .. واخذته ووديته للفلة يرتاح وعطيته علاج اخذنه من الصيدلية وبالكمادات الباردة الين خفت الحراره .. فارس يطالعه متفاجأ منه كان يبي يقول كذاب انا اللي طلبت من ميري وانا اللي راعيت نفسي .. وهو ولا اعطاني أي اعتبار ويشوف الفيلم بس يوم شاف الجدة والجد وعمه مصدقين مشاها .. ام سطام / وكيف سويت الحين عسى الحمى خفت عنك فارس يبتسم / الحمدلله اشوا يومه وما قصر سيف معاي ابد ... كح كح كح .. ابو طلال وابو راكان وابو صقر وابو عناد وابو سند وبتال وسعود وسند وراكان وعناد متوجهين للجلسه .. وكلن يسولف مع اللي جنبه .. ابو طلال ماسك يد اخوه ويسولف معه ويحاول يفهم اخوه .. الكل وبصوات متتالية / السلام عليكم الجالسين / وعليكم السلام ابو سند شاف وجهة فارس تعبان وهو يسلم علية وحس بحرارة جسمة عالية / فارس ويش فيك انت تعبان فارس طالع ابوة بابتسامه / مو مهم يوبه بس شوية انفلونزا ابو سند بخوف/ ولية ما قالت لي او قلت لاخوك سند نوديك للمستشفى فارس ابتسم / لا يبه اخذت لي من الصيدلية والحمدلله تحسنت ابو سند بحزم / رح لجناح امك خلها تراعيك بدال قعدتك بهالبرد لا تزيد عليك وتتعب زود قوم الله يصلحك فارس يقبل يد والدة / الله يخليك لي انا بخير ولا تقول لامي شي خلها تستانس ابو سند / اهااا بصرك .. ويا ويلك ان زادت عليك ودرت امك وعصبت اياك تقولها ابوي يدري مانيب ناقص تزعل علية الكل / هههههههههههههه ابو بتال بضحكة / والله ماهي بهينه اختي مخوفتك ابو سند / فديت بنت سعود قلبي ما يطوعني على زعلها ابو سطام / الله يخليها لك ويباركلك فيها .... ...../ صباحكم بالخير التفتت ام سطام بشوق / هلا هلا وغلا صباحك ربي بالرضا والنور والسرور هلا برعدي هلا رعد يقبل راس ابوه وامه ويقبل راس ابو راكان وابو بتال القريبين من والديه .. .. ابو سطام فرح ان ولده ماطلع من المزرعة معناته هذي بشارة خير التفت على ابو بتال وهزله راسه معناته سارت الامور بخير ابتسم ابو بتال ام سطام تسحب يده وتجلسة بقربها / ها يمه اشلونك امس كله ماشفتك ولا طليت علية ابو طلال يطلع جواله ويتصل وبهمس / تعالي بسرعة ليفوتك رعد بحضن امي .. .. وسكر الخط التفت شاف الشباب يطالعون رعد وهم كاتمين ضحكتهم انبسط زود ان الصباحية بتكون مونسه حيل رعد خجلان من ابوه / تطمني يمه بخير وانا كبرت وبكره اعرس وربي ان شاء الله يرزقني عيال وانتي للحين معتبرتني صغير>>رسالة مبطنه لابوة بالموافقة ام سطام / متى ياوليد متى اشوف عيالك يحومون حولي ويتهوشون ونت تراعي ذا وترضي ذا رعد نزل راسة مايبي يبين الضيقة اللي بعيونه / قريب ان شاء الله يمه .. وبنفسة .. " سامحيني يا عبير سامحيني بتبقين بقلبي الا اخر العمر ومحد يقدر ياخذ مكانك " ام سطام بفرحة / وعروستك عندي لمن نرجع لرياض اقولك من هي ان شاء الله رعد التفت على ابوة وشافة ياخذ فنجان القهوة من يد سامر اللي جاء هو وصقر ومعاهم القهوة والتمر ومطنش الموضوع امه تمسح على شعره وتقراء الاذكار علية وتحصنه وهو ماسك اعصابه ليثور يعرف امه اذا ما سوت ذا شي ما ترتاح ما رفع عينه لشباب بس يسمع همس خفيف وما يميز الكلام بس هو متاكد انه يعنية امه للحين تعتبره طفل ...... بصوت فيه عبره/ اييييييييييييه بس اريعيد اللي تدلعونه وتخافون علية كانه هو اللي ولدكم الوحيد وانا لا الكل التفت ... وابو طلال وابو بتال وابو سند وابو عناد فكوها ضحكة /هههههههههههههههههههه ابو صقر بضحكة/ فديييييييييييييت الغيور انا يابعد عمري تعالي جنبي هناء وماعليك من رعيد مياسة ناسيه حاله .. حطت عيونها بعيون ابو صقر وبنظره فهمها .. وتناست وجوده مثل قبل رعد مشتاق لغيره اخته فحب يزيدها انسدح وحط راسه على فخذ امه / جعلني مفقد هالحضن وخلي غيري يموت قهر الهنوف والعنود جايبين الفطور ومعاهم بدر وياسر ... العنود / وانا اقول ويش جاها ... طلع رعد بحضن امي الهنوف بنبرة مقصودة / ياربي متى تكبرين عقلك ذا بزر >> تقصد رعد رعد انتفض وقعد جالس / انا بزر يالعجوز الهنوف حطت الصينية على طرف الجلسة ولمن سمعت كلمة عجوز التفتت على ابو عناد وشافته يبتسم والغيرة قبت في قلبها / انا عجوز يالعانس مالت عليك انا اتحد بنت ال14 العنود / هههههههه عانس هو مو بنت قولي يالاعزب ... الهنوف كشت بيدها رعد يجلس بين امه وابوة / روح روح يالعجايز مابكم الا الغيرة وبعيدين ويش هالعانس لمن ذي الماسة راحت تغلي من الغيرة / يممممممممممممه يوووووووووووبه ولدكم ذابحته ذابحته واتجهت على رعد اللي ما قدر يكتم ضحكته وقام ابو صقر حتى يمسك الماسة ويقعده بجنبه والشباب مو مصدقين شي مغير فاتحين فمهم كانهم مهبل .. راكان التفت على عناد وبهمس / هههههه وتبي بنات عمك عاقلات اغسل يدك هههههه عناد بعصبية / كل تبن وانطم .. العنود غارت من الماسة وراشد / فهيد ما عندك شي منا والا منا >>> قالته بشويه عصبية سند اللي كان جالس جنب ابوه قام قبل ما ياخذ له لطشه / حياك يمه تعالي مكاني ابو سند بمرح / يااااااااااوييييييييييييي يييل قلبي... "يمسك يد سند ويسحبه" ... انثبر مكانك .. .. "وقف واتجه للعنود ومسك يدها والتفت على الجالسين" .. والله خاطر اجلس معاكم .. .. بس اسف مرتبط مع عنودي .. مع السلامه ... "سحب العنود وراحوا يمشون لجلسة وراء النخل " ابو بتال / والفطور ... ما سمعوه لانهم يمشون بخطاوي سريعه مضحكة الكل / ههههههههههههههههه ابو طلال يلتفت على ابو بتال / اقول يا سلطان ابو بتال / سم ابو طلال / سم الله عدوك ... مو كان انا وانت اللي بقين بدون حريمنا ابو بتال / والله من لقافتك جبتهم تحسبني ما شفت اتصالك ابوطلال بضحكة / ابي استانس ابي اضحك من زمان عن هالجمعه الكاملة ابو بتال / هااا هي خذ الحين قاعد بالحالك يا رجل الثنتين ابو سطام/ هههههههههه الله لا يحرمني منكم للحين ماكبرتوا على المناقر .. والتفت على ولده سطام شافه ساكت ويدور بعيونه على الفراغ كانه ضايع او يفكر بشي .. .. حزن على حال ولده اللي مو بعارف كيف يعدله .. واللي سمعه البارح زاد من حرقة قلبه ابو بتال التفت لابوه وهو مبتسم ولمن شاف نظرات ابوة على اخوه سطام زم شفايفة وسكت بألم الماسة والهنوف رجعوا عند الحريم وام سطام حلفوا عليها عيالها الا تفطر معاهم وافطروا الرجال والشباب كلهم مع بعض ـــــــــــــــــــــــــ ـــــــــــــــــــــــــ ــــــــــ ــــــــــ | ||||
|
| |
|
01-10-12, 08:33 PM
| #25 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ـــــــــــــــــــــــــ ـــــــــــــــــــــــــ ــــــــــ ــــــــــ عند الحريم البنات توهم صاحين شافوا الجو مره حلو للقعده برا فاصروا يفطرون بالجلسة الارضية اللي خلف الفلة قباله حديقة الورد غرام تكلم البنات / شرايكم بعد الفطور نروح جهة الخيل سمر / ايه انا ضايق خلقي وابي اركب الخيل شجون / حضكم انتم تقدرون تركبون بس انا عنادوه محرم علية غرام / انا ابي اركبك واعلمك ركوبه واتحداه يفتح فمه ابرار تضحك/ لا تكذب عليكم اصلن هي تخاف من الخيل وشلون تركب .. التفتت على شجون .. وبعدين لا تحطينها براس عناد ماهو بقايل لك شي شجون بعصبية / انا مااخاف انتي اتحداك تركبينه ابرار بتحدي / ماشي راح اركب اليوم وتشوفين ان عناد ماراح يقولنا شي غرام تكلم بنات الماسة / وانتم يالرقيقات ريما / انا راح اطالعكم وبس رنيم / انا ابي اركب بس ما اعرف غرام بفزعه / انا اخت سند ان اعلمك نوال / بالعدال لا يطق لك عرق ... رنوم انا اللي بعلمها ريهام / اما انا بصف ريما ما اقدر اقرب جنب الحصان ابد رنا وروان كذالك مايدين ريهام وريما غرام / الله من الرقه الماااااااااااسخة رنا / احسن منك يالمرجوجه اماني بدلع مو لايق / نوال نونو حبيبت اختها الوحيده نوال عارفة مقصدها / خير حبيبة اختها ويش تبي اماني بفرحة طفوليه / ابي اركب معاك الخيل نوال بابتسامه لاختها اشرت على عيونها .. قامت اماني وباستها بقوه على خدها / فديتك والله شجون بقرف / يالله صباح خير شوفوا من شرف ... التفتوا البنات وشافوا منار ومها وحنان لبسين عباياتهم اللي كانها فستان مطرزه ومخصره مبينه مفاتن جسمهم والثمة اللي تغطي ربع الوجه >>> تعبانين فيها >> وريحت العطر تفوح منهم لبعد كيلو غرام بقرف / استغفر الله هذيلا وين رايحين ابرار / سمعتهم يبون يتمشون بالمزرعة شجون / عساهم يضيعون ولا يلاقونهم سمر بسخرية / هاا مفكره بيروحون لوحدهم لازم دليل سياحي >> وحطت قطعة خبز في فمها بقهر غرام / والله لرجع لهم وانا ذابحتهم نوال تفكر / اقول قوموا بسرعه وجهزوا عمركم واطلعوا من الباب الخلفي قبل ماحد يشوفنا وينشبنا بهم البنات بسرعه قاموا ودخلوا الفله وجهزوا نفسهم واخذوا شناطهم معاهم تتعلق بالظهر وحطوا فيها من الشبسات والشوكلاتات وكل وحده علبة مويه والكل لبس .. .. لبس يليق بالخيل يعني بنطلون و بوت وطلعوا كل البنات وتوجهوا على اسطبلات الخيل ـــــــــــــــــــــــــ ـــــــــــــــــــــــــ ــــــــــ ـــــــــــ عند الشباب الجو رايق ويشربون الشاهي والشياب راحوا يشوفون النخل وباقي محصول المزرعه هم مقسمين محصول المزرعه جزء يتوزع على بيوت العائلة والجزء الثاني يتوزع على الفقراء اللي في القرئ اللي حوالين المزرعه سند يتكلم مع عشاق الخيل راكان وعناد وبتال وسعود ورعد والباقي يحب يركب الخيل لكن مو مثل شغف هالسداسي ومهارتهم بالركوب "وطبعا طلال معاهم" سعود يركب الخيل ومتمرس بها لكن مو مثل اللي اكبر منه تربايت ابو سطام سند / ماودكم نتسابق مع هالجو الحلو << الجو ليس بحار ولا بارد معتدل منعش لروح خاصة مع ريحة الزرع بتال / الا والله خاطري اشوف "كساب" لي حول الاسبوعين ماشفته رعد / انا البارحه شفت "الرعد" بس ماركبت عليه والحين رايح له راكان / يالله خلينا نتوكل عناد / بس مانبي سباق اول شي نفحصها ونشوفها والعصر يصير خير وحتى الشياب يكونون موجودين وهم اللي يحكمون سعود بابتسامه / ويش ناوي عليه ياعناد عناد يبتسم / على كل خير سند وهو يوقف ويلتفت للبقيه / محد مخاوينا للخيل بدر / انا والشباب اتفاقنا نلعب بلياردو في الفله والعصر نسير على الخيل عناد / يعني بتجلسون بالفله الثانيه صقر / واحتمال ناخذلنا غفوة للاسترخاء بتال / اهااا براحتكم وتوجه رعد وبتال وسند وسعود وعناد وراكان وكل اثنين يتحدثون بأمر يشغله ياسر يتكلم مع فارس / فويرس معاد فيه تراجع فارس / مافيه يالله نبداء سيف / انا ماني مع التراهن حرام زياد / وانا بعد مثل سيف صقر وسامر / هاااااا عليش اتفقتوا ياسر / خلاص اللي يفوز ياخذ سيارة الثاني رسمي وحنا نشهد زياد / اعذروني انا ابي اتمشى بالمزرعه سيف / وانا ابي اخاوي زياد الكل توجه الى ما يريد زياد وسيف راحوا جهة الحيوانات وفارس وبدر وياسر وسامر وصقر الى الفله لإقامة التحدي المتفق علية ـــــــــــــــــــــــــ ـــــــــــــــــــــــــ ــــــــــ ــــــــــــــــــــــــ شريفه " ام عبدالله "/ يا ام عناد البنات خاطرهم يشوفون المزرعه بدال الخنقه ام عناد/ ايه خليهم يروحون مع بنات عمهم هذا هم رايحين مها بميوعه/ مافيه احد كلهم راحوا وتركونا ام عناد تلتفت على جهة البنات وماشافت احد ام سند / وانتي يا ام راكان وخواتك مو خاطركم تتمشون معانا هذا احن نبي نمشي تعالوا معانا تشوفون... منار تقاطعها / بس حنا نبي نمشي مع البنات ونسولف سوالف بنات ويش لنا بسوالف العجايز مغير تجيب الهم >> قالتها وهي متقرفه وتقصد شريفة الجوهره ما اعجبها اسلوب منار اللي تعتقد مثل الجميع بانها العنود .. .. / ويش ذا الحكي يابنت احشمي الجالسات كلهم كبر امك منار برفعة حاجب / على ما اعتقد تكلمت معاك وبعدين احشم ماحشم كيفي >>> قالتها وهي تضع اصبعها على راسها مها / ماما احنا رايحين نمشي لوحدنا مو صاير شي علينا العنود "ام سند" بغضب / ويش اللي تمشون لحالكم وانتم ما تعرفون شي بالمزرعه والمزرعه كبيره وفيها عمال ليصير عليكم شي منار بصوت عالي / اوههههههههههههههههههوووه انتم ليه ما قلتوا لبناتكم ذا الحكي ليه ما منعتوهم والا هم على راسهم ريشه >>> التفتت على بنات خالتها >> انا ماشيه اللي بتمشي معاي اوكيه واللي خايفه تجلس مع العجايز ساره تضايقه من طريقة كلام منار ما تبي صورة العنود تتشوه ولاهي قادره تتكلم خايفه من شريفه وتتذكر وصية العنود لها " ايش ما يصير ما تنطقين بحرف وعماتي ما يهموني ابد انتي ومنار اللي تهموني " الجوهره والعنود تضايقوا حيل ووضح هالشي بملامح وجهها اما ام سند فاكتفت بالاستغفار والدعاء بالهداية ام عبدالله اتسعت ابتسامه وهي تشوف وجه العنود والجوهرة متغير وواضح فيه الضيقة والبقي ما يهمها ـــــــــــــــــــــــــ ـــــــــــــــــــــــــ ــــــــــ ـــــــــــــــــــــــــ ــــــــ عند الشياب ابو سطام يجلس في العريشه في وسط الارض المخصصة لزراعة الطماطم والذرة والمحاصيل الاخرى البعيده عن الفلل والشباب يبي يتكلم مع ابو محمد في شيء قد طلبه منه من حوالي يومين ابو سطام/ هاا يا ابو محمد جبته ابو محمد / ايه ياعم جبته وهو يحتريكم في هذيك الغرفة انا نظفتها وزينتها مثل ما طلبت ابو سطام / زين زين .. ومثل ما قلت ما ابي احد يدري بالعلم ابو محمد / ابشر طال عمرك ابو سطام / نادي لي على سلطان وسطام ابو محمد يقف / تامر ... واتجه الى سلطان وبلغه بالامر سلطان كان عنده خبر بالي يبه ابوه .. سحب سطام معاه وتجهوا الى والدهما ومعاهم ابو محمد .. سطام كان يمشي معهم وكانه غائب عن العالم .. عبدالعزيز واولاد عمه وقفوا في مكانهم .. ما يدرون باللي يصير بس عندهم احساس بان ما اجتمع سلطان وابوة الا والعلم كايد .. عبدالعزيز بتوجس / عسى العلم خير راشد بتوقع / يخص سطام خالد وفهد هزوا راسهم يأكدون الموضوع والتهوا بعدها بجمع المحاصيل اللي حولهم ـــــــــــــــــــــــــ ـــــــــــــــــــــــــ ــــــــــ ــــــــــــــــــــــ | ||||
|
| |
|
01-10-12, 08:34 PM
| #26 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ـــــــــــــــــــــــــ ـــــــــــــــــــــــــ ــــــــــ ــــــــــــــــــــــ عند البنات ابرار تمسح على احد الخيول وتتكلم مع شجون التي تتصنع عدم الخوف وهي ترجف بداخلها ابرار / شوجي تعالي مسحي على جبهتها ورقبته صدقيني ما راح يضرك وماله داعي الخوف شجون بعصبيه / قلت ماني خايفه بس متقرفه غرام وسمر/ ههههههههههههههههههههههههه ههه شجون بعصبيه تلتفت لهم / على ايش تضحكون انتي واياها سمر ومعاها خيلتها " غياهيب " / ما انتي خايفه الا مرعوبه والله ما هقيتها منك يا شوجي انتي تخافين غرام وخيلتها " الغلا "/ وحاطة الحجة على عناد ... حجة البليد كمليها >>> قالتها وهي تضبط سرج خيلتها سمر وغرام هما الوحيدتين اللي يمتلكون خيول خاصة بهم من بين البنات .. وهي مهداه من جدهم سعود ابو سطام لهم لانهم يعشقون الخيل ومتمرسين بركوبها .. نوال طلعت خيل اخوها طلال " طلق " وطلبت من غرام تشوف السرج .. وهل هو ثابت وما يأذي الخيل بما ان غرام وسمر خبيرات بالخيل وامورها .. نوال واماني وابرار ورنيم وسمر وغرام هم اللي يبون يركبون الخيل .. واما البقيه فقرروا الجلوس قريب من الاسطبل ينتظرونهم .. نوال على خيل اخوها طلال " طلق " وخلفها اماني وابرار ورنيم اخذوا من الخيول الموجودة بالإسطبلات ويملكها جدهم " جدهم من عشاق الخيل " غرام على خيلها "الغلا" .. سمر على خيلها " غياهيب " .. كانوا لابسين العبي ورافعينها لنص بطنهم ورابطينها ولافين الشيله ومتلثمين بها بطريقة محتشمة .. ومثبته عليهم بطريقه رائعة ولابسين النظارات الشمسية ونفس الشي ابرار ونوال ورنيم واماني .. خرجوا من الاسطبل وتفاجأوه بدخول الشباب من البوابة الاخرى .. ـــــــــــــــــــــــــ ـــــــــــــــــــــــــ ــــــــــ ـــــــــــــــــــــــــ ــــــــــــــــ عند الحريم الجوهره تهمس للعنود/ هالبنت ما شفت اوقح منها العنود / والله ما دري وشلون تغيرت تذكرين المره الاولى ما كانت كذا تغيرت علينا الجوهر وهي تحس بالم بمعدتها وهاذي الالم ما يجيها الا اذا تضايقة مره / انا ابي اطلع اريح معدتي تألمني شوي العنود بحنية / تبيني اسوي لك نعناع باليمون او يانسون تهدي اعصابك ومعدتك الجوهره بشكر / لالا تسلمين انام واصير زينه مع السلامه .. وتركت العنود وصعدت لجناحها العنود / بحفظ الله ورعايته الهنوف والماسة يجلسان بجوار العنود ... الهنوف/ استغفر الله ... والحمدلله أني ما كلمت ابو سند عنها العنود عاقده حواجبها / تقصدين من؟ الهنوف/ اقصد بنت اخونا العنود .. كنت ابي اكلم ابو سند اقوله يخطبها لسند زين وعقل بس بعد اللي شفته لا والله ما ني بمرميتن ولدي على هالبنت الغثيثه الماسة / انا والله اني اشك في امرها البنت متغيره حيل العنود بضيق/ سكروا السالفة مالنا ومالهم الله يستر علينا وعليها الهنوف / ويش اللي مالنا ومالهم انتي ناسيه انها بنت اخونا يعني اللي يضرها بيضرنا العنود صدت وسكتت " كانت تفكر انها تكلم بنت اخوها عن حال ابوها وامها بس بعد اللي شافتها ابد ما تفكر تكلمها " سكتت الهنوف والماسه عن الموضوع وهم يطالعون ام راكان اللي جلست جنبها خديجة .. وكل بعد شوي تقلها سالفه وام راكان تدور بعيونها بضياع .. ام عبدالله تطالع بالمزرعة وتتحسر .. ـــــــــــــــــــــــــ ـــــــــــــــــــ عند شريفة واخواته بجناحهم .. شريفه فرحانه / ويش رايك باللي سوته منار .. ما نكدت على الجوهره والعنود خديجة بغباء / هاا الا الا شريفة / الامور تمشي مثل ماني مخططه لها واحسن خديجة / وشو شريفة طنشتها .. ام راكان تجلس ساكته تحس بأرهاق شديد وتعب .. حطت راسها على طرف الكنبه اللي تجلس عليها وغطت في نوم عميق .. يظهر للبعض ولكن هي تصارع الاحلام والكوابيس التي تزورها كل ليله ـــــــــــــــــــــــــ ـــــــــــــــــــــــ عند منار وساره ومها وحنان وهم يتجولون بالمزرعة منار بتأفف / خلونا نرجع انا تعبت سار شافت البنات جالسين قريب من الاسطبلات وبصوت وفرحه طفوليه / شوفوا البنات التفتت منار ومها وحنان للجهة اللي تأشر عليها ساره.. مها / ويش رايك نروح لهم ساره فرحة بس تذكرت وصية العنود " لاتخلين امي ابد .. وانتبهي من زعل شريفه " منار تحس بضيقة مي عارفة سببها من الصباح الباكر / لا خلينا نرجع ماني فايقة لهم ساره / ايه صدق وبعد هم ما يحبونا توجهوا للفله وساره تسير خطوه وتلتفت الى جهة البنات وتبتسم اذا شافتهم يضحكون حتى غابوا عن عينيها .. ـــــــــــــــــــــــــ ـــــــــــــــــــــــــ ــــــــــ ـــــــــــــــــــــــــ ـــــــ بماليزيا .. بأحد المنتجعات .. طلال واقف قريب من دورات المياه لنساء ينتظر مرام لفت انتباهه شابه محجبه يبدوا عليها انها عربيه ممكن تكون من بلاد الشام ومعها طفله صغيرة بحوالي الاربع سنوات ويشوفها تلعب حولين الشابه .. طلال " هذي بنتها والا اختها .. ابتسم .. ما شاء الله عليها اللي يحفظها " مكان يطالع لشابة .. كان كل تركيزه على الطفلة البريئة وكيف تلعب وتركض حولين هذه الفتاه وضحكته البريئة .. ويتعجب كيف الشابة تفهم كل تحركات الطفله .. وما انتبه لخروج مرام ووقوفها جانبه .. كان يبتسم بنفس الوقت اللي تبتسم فيه الطفلة ابتسامته جميله .. ومن يشوفه يعتقد بانه معجب بالفتاة ويبتسم لها او يستظرف .. مرام بصوت غاضب وعالي شوي / ليش واقف ليه ما تروح لها وتتعرف طلال انتبه لمرام والتفت وعقد حواجبه باستغراب / ويش تقولين .. ما فهمت عليك ؟ مرام بنرفزه / الحرمه شكلها متزوجه وهذي هي تلعب بنتها وانت عيونك اكلتها اكل .. وهذا احنا مالنا الا يومين متزوجين وعيونك زايغه على الحريم .. اجل كيف بعد سنه تخوني .. طلال بغضب / انطمي .. وسدي حلقك .. الناس حولنا قاعدين يطالعونا .. وبعدين الكلام اللي قلتيه .. راح نتفاهم علية بالفندق .. امشي قدامي الحين احسن لك .. عكرتي علي مرام بحده وصوتها يعلو اكثر/ عكرت عليك .. الحين اللي يقول الحقيقة يعكر على ا.. قاطعها طلال بحده وصوت منخفض / الحقيقة ... ناظري البنت علشان تعرفين الحقيقة مرام التفتت لشابه بكره وغضب واستحقار وتبدلت كل نظرات الغضب والاستحقار بسرعه لنظرات عطف وحزن انفشلت وخجلت من اللي قالته لطلال عضت شفايفها ونزلت راسها طلال بصوت غاضب منخفض / خلينا نرجع للفندق تعكر الجو والشمس قربت تغيب .. امشي مرام التفتت لطلال وشافت نظرات الغضب ونزلت راسه بسرعة ومشيت وراه بدون اعتراض طلال وهو يمشي بدون ما يطالعها / تدرين ان العمى عمى البصيرة مو البصر مرام انجرحت من الكلمة " بس معاه حق معاه حق ,, تستأهلين ازود" ـــــــــــــــــــــــــ ـــــــــــــــــــــــــ ــــــــــ ــــــــــــــــــ في الرياض .. غرفة نايف .. كان يدور في غرفته خلاص مو قادر يستحمل الم راسه نايف بالم / الله يحرقك ياعبيد الله يحرقك دمرتني الحين وشلون اجيب الحبوب معاد اقدر اتحمل سمع صوت طرقات على الباب ما فيه غيرها العنود " مو وقتك يالعنود تكفين مو الحين " العنود من خلف الباب / نايف اذا صاحي تعال نتقهوا تحت في الحديقة ما فيه احد بالبيت نايف سكت وحاول يسيطر على الالم لكن ما قدر .. سمع خطوات ابتعاد العنود عن الباب رفع جواله واتصل على ..... ـــــــــــــــــــــــــ ـــــــــــــــــــــــــ ــــــــــ ـــــــــــــــــ بالمزرعة وعند اسطبلات الخيل غرام بابتسامه من تحت لثمتها / سبقناكم هالمره رعد يبتسم / الناس تسلم تقول صباح الخير غرام / انت لا تكلمني انا زعلانه منك رعد / افااا ياذا العلم غرامي زعلانه علي تبشر باللي يرضيها غرام بدلع / ليه اخذت البنات معاك وما اخذتني تحبهم وما تحبنا رعد بابتسامه / باااااسس ابشري بمشوار خاص اول ما نرجع الخبر ها رضيتي غرام بابتسامه / ايه رضيت والحين اقولك صباح الخير رعد بضحكه / صباح الرضاء سند بعتب / من لقى احبابه نسى اصحابه ... وكان يسترق النظر الى معشوقته من تحت نظاراته الشمسية غرام بمحبه / انت الخير كله حبيبي لو الكون كله يوقف حواليك ما يقدرون ينسوني وجودك رنيم ياللي كانت مرعوبه بس ما اتبي تبين وبصوت هامس بظنها .. مسموع للكل .. .. / غرام انتي رابطة الكرسي على الحصان عدل غرام والكل التفت عليها باستغراب .. غرام / أي كرسي رنيم ببراءة وبنفس همسها / اللي جالسه علية الكل /ههههههههههههههههههههههههه ههههههه رنيم تفأجات من ضحكهم كل ظنها انها تكلمت بصوت ما يسمعه الا غرام بس من الرعب ما انتبهت انها رافعة صوتها غرام بضحكه / ايش رايك ههههه تنزلين وتصفين جنب خواتك الرقيقات هههههه حتى لا تنفشلين اكثر ههههه رنيم منحرجه ومعصبه وبهمس / مالك دخل بس تعالي شوفي الكرسي مثبت .. .. اخاف اطيح وبكره ورانا عرس تبيني اروح مكسورة .. غرام ضحكت وفجاه تذكرت شي والتفتت ناحية سمر اللي كانت منحرجه .. .. من وجود راكان وكانت صاده على الجهة الثانية .. غرام التفتت لراكان اللي كان ناسي اللي حوله ومبتسم لسمر وهو يشوفها تفرك اصابيعها محرجه .. وما فاق اللى على صرخة غرام / هههههيه انت صك حلقك ليطيح واستح الى الحين ما صارت مرتك علشان تطالعها .. واخوانها اثنين حولك ما قدرتهم .. لمن تصير حلالك هذاك الوقت طالع فيها واشبع .. راكان اللي وده يسحب غرام من شعرها ويبرد حرته / وانتي ويش خصك خطيبتي مالك دخل بها غرام برفعة حاجب / بس للحين ما تحل لك لسه ما ملكت هي الحين حصريه لي انا وبس .. .. وانت اقلب وجهك مالك دخل فيها انت مناك يالله يااااالله .. فارق اشوف .. عناد بعصبيه / وطي صوتك والا ما انتي شايفتنا يعني غرام بهدواء علشان تعصب عناد زياده / وانت من حضرتك علشان تحاسبني او تكلمني .. ما انت شايف اخوي وعمي والا مو مالين عينك عناد سكت احتراما لسند ورعد سند بحزم / غرام خلاص ويالله توكل وانتبهوا لنفسكم رنيم بصوت اعلى اول ماشفتها بتتحرك وهي متوتره حيل/ غرررررررررررررررررام تعالي شوفي الكرسي غرام التفتت عليه / يالرقيقه اول شي هذا مو اسمه كرسي هذا سرج ثاني انا ماني بفاضية لك ... .. التفتت لسمر .. سمور مشينا .. وانطلقوا تاركين وراهم نوال اللي كانت ما ترفع عينها حتى لا تلتقي بعيون سعود .. ياللي حاسه بلهيب نظراته وهو يطالعها من تحت النظارات الشمسيه .. وابرار اللي خايفه من عناد يعصب عليها ويفشلها قدام بنات عمها وعيال عمها .. ورنيم ياللي قلبها بيوقف خوف من سقوطها من على ظهر الخيل .. ـــــــــــــــــــــــــ ـــــــــــــــــــــــــ ــــــــــ ـــــــــــــــــــــــــ ـــــــــــــــــ | ||||
|
| |
|
01-10-12, 08:35 PM
| #27 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ـــــــــــــــــــــــــ ـــــــــــــــــــــــــ ــــــــــ ـــــــــــــــــــــــــ ـــــــــــــــــ في الغرفة اللي تقع باخر المزرعة بعيد جدا عن الشباب والبنات والحريم ابو سطام وسطام وسلطان وابو محمد والشيخ اللي كان ماسك سطام ويقراء عليه وهو ينتفض من بين يديه وسلطان وابو محمد يحاولون الامساك به قام ابو سطام بعد ما شاف التعب المبين على وجه الشيخ .. .. وابو محمد وسلطان بعد .. راح جهة الباب ينادي باقي اولاده لمساعدته .. دخل ابو عناد وابو صقر الذين يستطيعون تقوية قلوبهم لمشاهدة سطام وهو يصارع تعبه .. بعد وقت من الزمن وبذل مجهود كبير وبعد روية ما احتواه معدة سطام من السحر وغيابه عن الوعي الشيخ مسفر بحزن / لاحول ولا قوة الا بالله حسبي الله ونعم الوكيل .. حسبي الله ونعم الوكيل .. ابو سطام ياللي كان يمثل القوة وهو يشوف فلذت كبده يصارع الاوجاع .. بصوت مرهق .. وغير مصدق / ويش فيه يا شيخ الشيخ مسفر/ اللي واضح انه سحر .. كفانا الله شره .. ومو واحد الا اكثر من واحد .. هذا سقوا .. ..اما الثاني اللي به سحر مربوط وان شاء الله نعرف مكانه .. سحر يذهب العقل والصحة والإرادة .. .. اللي شفتوه هذا سحر مسقي في اكله والله العالم انه به سحر ثاني سلطان بحزن / يا شيخ ما تقدر تعرف من اللي سحره الشيخ مسفر / استغفر الله ياولدي ولا تقنط من رحمة الله اذا الله اراد هالشي يوضح .. الكل / استغفر الله استغفر الله استغفر الله .. حسبي الله ونعم الوكيل .. حسبي الله ونعم الوكيل ـــــــــــــــــــــــــ ـــــــــــــــــــــــــ ــــــــــ ــــــــــــــــ عند اسطبل الخيل .. بعد انطلاق غرام وسمر بخيولهم .. رنيم بخوف وبهمس / ياجعلك ياغريم تطيحين على راسك .. الشرهة مو عليك .. .. الشرهة عليه انا الخبلة اللي طوعتك وركبت هالحمار لو قعدت عند اخواتي مو احسن .. .. صهل الخيل وبدا يتحرك ...رنيم صرخت ... ااااااااااااااااااااااااا ااه امسكوه امسكوه خلاص ابي انزل .. نوال تقرب منها وهي كاتمه ضحكتها / خلاص رنيم .. ههه .. هدي والخيل تهدا .. اذا صرختي راح يزيد الحركة اماني تضحك / قالت لك غرام ما يصلح لك هالمجازفه يا رقيقة روحي صفي جنب الرقيقات خواتك رنيم بخوف / خلاص خلاص توببببببه ابي انزل توبه توبه ابي امييييييييييييي الشباب انفجروا ضحك وبعدوا عنها ..رعد توجهه لها وهو يضحك .. .. / هههههههه رنوم حبيبتي ههههههه هدي وانا اعلمك كيف تركبين هههههه رعد بدا يعلم رنيم اول الخطوات في ركوب الخيل .. ورنيم ساكته بس تهز راسها " زعلانه " .. .. علمها رعد اساسيات مسكت الرسن .. وكيف توجهه الخيل على الجهة اللي تبيها .. رعد اخذ رنيم والخيل وراح لميدان تدريب الخيل .. نوال لحقت غرام وسمر معاها اماني وابرار .. ـــــــــــــــــــــــــ ـــــــــــــــــــــــــ ــــــــــ ـــــــــــــــــــــــــ ـ عند ابوسطام الجالس بالعريشة وسلطان وعبدالعزيز وخالد وفهد وراشد وابو محمد والشيخ ابو سطام بحزن وماسك عصاته / لاحول ولاقوة الا بالله والسواه يا مطوع الشيخ / يا ابو سطام السحر انواع فيه اللي يننسقى بشرب وفيه اللي ينحط بالاكل .. وفيه اللي ينربط وينعقد وفية اللي يتثبت .. وفية اللي يرمي بالبحر .. هاللي طلع من بطن سطام .. محطوط بشربه وبأكله .. ويبيله اكثر من جلسة حتى يطلع اللي فيه .. والله الشافي المعافي .. واذا اراد له يعيش يعيش.. واذا اراد انه يظهر ويبان محل السحر الثاني يبان.. كلها بمشيئة الله .. الكل / والنعم بالله سلطان وهو رامي شماغه على كتفه ولعقال بيده .. وقلبه يعتصر الم على حال اخوه .. / يعني اللي فيه من الاكل والشرب بس.. الشيخ / الله اعلم يمكن فيه سحر ثاني ما يندرا بس اللي فيه قوي والله يعينه ويعنيكم الكل / امين سلطان سرح بفكرة وظنونه .. يطالع الغرفة اللي نايم بها اخوه .. وبهمس لأبوه / نعلم ركان ابو سطام يهز راسه بلا .. وبصوت جهور / هالعلم لا يطلع لحد واللي شفتوه ادفنوه .. الكل التزم الصمت .. ودفنوا اللي شافوه .. ـــــــــــــــــــــــــ ـــــــــــــــــــــــــ ــــــــــ ـــــــــــــــــــــــــ ـــــــــــــــــــــ عند غرام وسمر .. بمزرعة الليمون .. يحبون هالمكان .. و خاص فيهم .. امامهم مجرى الماء يسقي الشجر .. غرام وهي جالسة تحت وحدة من شجرة الليمون .. .. / هاا سمور شنو اللي مضيق خلقك سمر واقفه وتمسح على رقبة " غياهيب " / ولا شي غرام التفتت على سمر / حلفي .. يعني انا ما اعرفك الحين .. طيب صدقتك .. .. وماراح اقولك وش صار بيني وبين عناد .. سمر ابتسمت / زي المعتاد تخانقتوا وهو عصب وقال مقولة الشهيرة "قليلة ادب" غرام تضحك / هههههههه لا ماقالها هالمره قال شيء اقوى واخطر ومضحك سمر عقدت حواجبها ..قربت من غرام وجلست جنبها / اقوى واخطر وتضحكين .. وما قلتي لاحد .. غرام / لا .. وبعدين كيف تبين اقول لاخواني .. عناد يقول لي قليلة ادب .. ويتضاربون معاه .. .. وتكبر الهرجة وتصير فتنه .."وبضيق " .. اصلا انا حاسه انهم يدرون .. لان سند قالي اكثر من مره انتبهي .. .. وبعدين ما يصير أي شي يضايقك من احد تجرين وتعلمين به اخوانك .. بعض الاشياء تصير معاك فلحظة غضب .. .. او عصبية لا تخذينه على محمل الجد .. كذا تتعبين وتجيبين المشاكل لنفسك .. وهذا الشيء لازم تخلينه ببالك .. .. وخاصة وانتي على وجهة زواج وتحمل مسؤولية .. يعني لو سمعتي هرجة او شفتي تصرف من اهل زوجك .. .. طنشيه ما دام زوجك يحبك ويحترمك وفاهم .. فطنشي يا عمري وريحي دماغك .. .. وخلي دايم شعارك "مدام معايه القمر مالي ومال النجوم " >>>كانت تقولها وهي تغنيها وتضحك سمر تبتسم / جعلك دايم بهالروقان غرام تبتسم / يالله قولي لي شنو مضايقك ولا تكذبين سمر تتنهد / هالي اسمها العنود بنت عمي غثتني بهرجها .. بليلة العرس .. .. قالت ان راكان يبي يتزوجني علشان فلوس ومنصب ابوي .. وان راكان يحب مها .. .. طول الاسبوع معاه وانتي حتى ما يشوفك .. ونهاية كل اسبوع يجي و ما يشوفك .. .. متوقعه انه يحبك .. هو يكذب عليك ... جرحني هالكلام يا غرام ولو تفكرين فيه .. تشوفينه صح .. غرام كاتمه غضبه حتى لا تنفجر بسمر/ وانتي صدقتي سمر امتلت عيونها دموع / هي صادقة ا.. غرام توقف وبصوت عالي / هي صادقه والا انتي اللي ما عندك ثقة بنفسك .. سمر لازم تحطين شي في بالك .. .. راكان ما يحبك بس راكان يموت عليك .. لكن بسبب الخوف اللي عندك وعدم الثقة راح تخسرينه.. .. " جلست قبالتها على ركبته وبهدوء " .. اسمعيني سمر ان سمحتي لاحد أي كان يتدخل بحياتك .. .. او يشكك بحب راكان لك .. انت راح تكونين الخاسرة الكبرى وراح تتعبين .. راكان يحبك .. .. ويعزك وخلي هالشي هنا >> حط اصبعها على راس سمر << .. وبعدين اللي يبي يتقرب من نسب سلطان .. .. هذا الغريب .. لكن راكان مايحتاج لاسم سلطان حتى ينجح .. اسم ابوه اقوى .. هذا ولد سطام الفارس .. تعرفين من سطام الفارس .. اذكاء مهندس واغرب و رجل اعمال ينخاف منه بالسوق .. واذا ما انتي مصدقة .. اسالي بتال .. او قوقل .. وراح تشوفين انجازاته وغرابة تصاميمه .. يعني كلامها فاضي مو صحيح ابد .. سمر بعبرة / بس انا خايفه حيل .. ما تتصورين قد ايش .. اول مره راح ابعد عن اهلي وعنكم .. وما قدرت تكمل ودخلت بنوبة بكاء .. غرام ضمتها وهي تتحسب على العنود ... بعد ما هديت سمر شوي .. .. غرام حبت تغير الموضوع وبابتسامه / ما تبين تعرفين عناد ويش قال سمر تمسح وجهه من اثر الدموع / ويش قال هالغول غرام تضحك / هههههههه عجبتني غول ذي تطابقة .. المهم حضرت الغول بعد ما خرجت من القاعة .. .. الا اقابله بوجهي كان واقف ينتظر خالتي الهنوف لانها دايخه .. طبعا انا كنت لابسه ملثم .. ورافعه الشيلة عن عيوني .. لاني ابي اشوف سند وين موقف سيارته .. .. توني طالعة والا اسمع صوته البايخ يقولي غطي عيونك و... قاطعتها سمر باستغراب / بس غطي عيونك بدون شي غرام تضحك / هههههههه طبعا لا .. غطي عيونك عساك العمى << تقلد صوته سمر بابتسامه / ايه كذا تأكدت ان عناد اللي مكلمك .. اهاا غرام وهي تحرك يدينها يمين وشمال/ المهم انا تناشبت معاه .. رفع ضغطي واقول له انت ويش خصك .. اغطي ولا لا انت زوجي .. والا ابوي .. والا اخوي .. وهو رد بابتسامه .." تحرك يدينها وكانها تهوي على نفسها " .. اول مره بحياتي اعرف ان عناد يعرف يبتسم .. قل بروقان .. عجبتني الاول .. وانا عادتي الشينه كانت موجوده .. واللي هي لا عصبت انسى ويش قلت .. هو بس شافني مفهيه وماني فاهمه ضحك .. وانا طول الليل قعدت افكر ويش اللي قلته .. ونمت وانا ما عرفته .. وسبحان الله قمت من النوم .. .. ابي الحق اصلي الفجر والا اتذكر كاااااال اللي قلته .. بغى قلبي يوقف ... سمر فاتحة فمها مستغربة / تتكلمين من جد والا تمزحين غرام تبتسم / لا والله اتكلم جد سمر مسكتها من كتوفها / غررررررررررررام تعرفين ويش يعني .. يعني ان عناد ناوي يتزوجك .. غرام تهز راسها / ايه هذا الظاهر لكن فالباطن .. يبي يلعب علية بس انا لها .. سمر شهقت بخوف / غرااااااااااام هذا زواج مو لعب غرام / ادري وانا له سمر / غرام توك تعطيني نصايح .. ومدري شنو غرام / راكان غير عن عناد .. راكان يحبك ومو مخلي احد يضايقك .. اما عناد يفكر اني قليلة ادب .. سمر / بصراحة غرم .. معاه حق .. انت تتكلمين مع اخواني .. وعيال عمي عادي .. وكانهم اخوان لك غرام ببرائة / وهم كذا .. اخواني سمر / حبيهم مثل اخوانك .. بس فيه مو تتكلمين معاهم مثل ما تتكلمين مع اخوانك .. صوتك عورة عندهم ..وحرام .. غرام / بس امي وابي وحتى عمامي وخوالي وجدي ما قالو لي هالشي عيب سمر / على ما اعتقد درستي الدين وتعرفين الحلال من الحرام غرام تفكر بالكلام / صح .. امي وابوي دايم يقلون عني صغيره .. حتى شجون .. سمر / وانا بعد .. بس خالتي هيفاء نبهتني .. تدرين لمن سافروا كنا صغار مانغطي .. ولمن رجعوا تغطينا .. كنت مشتاقة العب مع راكان .. بس خالتي هيفاء قالت لي .. انتي كبرتي وفعلن كم شهر وخطبني .. .. كنت مقهور .. ابي العب معاه .. غرام بخبث / بسيطة كلها كم اسبوع وتلعبين معاه اللي تبين سمر محمر وجهها من الاحراج / وجع لبليسك .. قليلة ادب .. غرام / ههههههههههههههه ـــــــــــــــــــــــــ ـــــــــــــــــــــــــ ــــــــــ ـــــــــــــــــــــــــ ـــــــ عند منار ومها وحنان بالغرفة ... منار منسدحه على السرير جنب ساره النائمة .. .. وتفكر بالمكالمة اللي تلقتها من بنت عمها .. وتخبرها بسوى حالة عمها المريض .. واحتمال وفاته باي لحضة .. خاطرها تسافر لجدة .. بس كيف .. " يارب افرجها من عندك " مها /يووه يهبل يهبل يهبل خوقاق وااااااااااااااااااو ماكنت اتوقع انوه فيه احد بهالجمال حنان / مو بس بتال حتى عيال عمه مره حلوين ما شفتي العريس مها / لا تذكرين والا هذيك العروس تستأهله انا احلا منها مو منوره منار ليعه كبدها منهم اعطتهم قفاها وتركتها .. مها رفعة حاجب .. وطلعت البلاك بيري وبدت تطقطق ساره فتحت عيونها وشافت منار تعضي شفتها قربت منها وبهمس / ويش صار منار بهمس / عمي خضر مره تعبان لازم اروح جدة حالتوه مره خطيرة .. بزورتوو مره صوغار .. ساره / بكره نرجع الرياض ان شاء الله .. وكلمي نايف يحجز لك لجدة .. وتروحين تتطمنين عليهم .. لاتخافين .. ان شاء الله ربي يقومه بالسلامة .. و يشافيه ويخليه لعياله منار تقرب وتحط راسها على كتف ساره وبهمس / ان شاء الله ... ساره صارت تمسح على شعرها الا ان نامت منار .. ـــــــــــــــــــــــــ ـــــــــــــــــــــــــ ــــــــــ ـــــــــــــــــــــــــ ـــــــــ | ||||
|
| |
|
01-10-12, 08:36 PM
| #28 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ـــــــــــــــــــــــــ ـــــــــــــــــــــــــ ــــــــــ ـــــــــــــــــــــــــ ـــــــــ عند الشباب بإسطبل الخيل كلن بخيله عناد وخيله " العناد " / العناد يبيله فحص ما هو بعاجبني راكان مع خيله " برق " بابتسامه .. ونبرة مقصودة / يمكن ضايق خلقة ويبيله ونيس ! عناد يمسح على خيله وبابتسامه مخفيه وبنبرة مقصودة / امممم يمكن قريب يكون عنده ونيس بتال على خيله " كساب " رافع حاجب / من صدق عناد يلتفت على بتال وبحدة / انتم ويش شايفيني .. ماني برجال .. يوم اجيب طاري اني ابي اتزوج تستغربون .. .. ولا شايفيني ماني بكفو اتحمل مسؤوليه .. راكان وبتال فاهمين حساسية هالموضوع عند عناد وهم كانوا معاه بأحداث سالفته .. بتال يحاول يهديه .. بتال بابتسامة / الا كفو وكفو وكفو .. بس نستغرب لان ظانين انك مانت بمفكر تتزوج الحين .. .. وان كنت تبي تتزوج يكون بعد مية وسيلة اللي ينفك عنادك .. راكان يضحك / ما قول الا الله يعينك ويعينها ما اعند منك الا هي عناد يلتفت بسرعة لراكان / من ذي وانا تزوجت والا خطبت حتى تقول كذا راكان كاتم ضحكته و يهز راسه بلا وهو يمشي "برق " الى جهة الميدان لفحصه وتدريبه ... سند مشغول مع خيله " العزم " وفكرة مشغول ... بتال التفت على عناد بابتسامه لها معنى وعناد صد عنه .. سند / يالله مشينا .. اخذوا خيولهم واتجهوا للميدان ـــــــــــــــــــــــــ ـــــــــــــــــــــــــ ــــــــــ ـــــ عند رنيم ورعد بالميدان ... رنيم بضيق / خلاص رعد .. ابي انزل تعبت رعد بابتسامه / مدي يدك خليني اساعدك رنيم مدت يده اللي قبل يومي فكت الجبيرة عنها .. رعد مسك يدها وسحبها بقوة شوي .. رنيم بعد ما نزلت صرخة بألم / اااااااااه .. مسكت يده ... ااااااي وجعتني رعد بهتم / ويش صار رنيم تحاول تكتم وجعها / لا ولا شيء خلاص .. رعد يقاطعها بحدة / شنو لا ولا شيء خلاص .. وشفيها يدك رنيم تحاول تبلع عبرتها ../ قبل اسبوعين وشوي طحت عليها وتعورت والحين اوجعتني شوي رعد / عندك الادوية رنيم / رنيم ايه الحين اروح واخذها رعد / بس الادوية مو كافيه لازم تهتمين بأكلك انتي شايفه عمرك بس سحبتك عادي .. .. من فوق ظهر الحصان طرتي بالجو .. وزن وزن ريشه يامعصقل .. رنيم رفعت حاجب / الحين كل اللي حولي ما شفتني الا انا تقولي معصقل رعد يضحك / كلكم معصقلات ولا يهمك بس لا تزعلين يكفي اللي صار امس رنيم شافت الشباب داخلين الميدان ... نزلت عبايتها وضبطت لثمتها / انا ابي اروح للبنات الشباب وصلوا .. رعد بابتسامه / فمان الله .. بس لا تكونين زعلانه رنيم / لا تطمن ماني زعلانه لو زعلانه كان ما خليتك تقرب جنبي .. يالله باي رعد بابتسامه / باي راكان يلتفت جهة الاسطبل المبني قريب من الميدان بشكله الغريب / بتال بتال يلتفت عليه / هلا راكان يأشر على الاسطبل / للحين ما روضته بتال يتنهد / كاسر .. لا للحين ما تروض جبت اكثر من سايس له .. وما قدروا يروضونه .. سند / يقولون ان صاحبه الاصلي معلمه على حركة يهديه فيها عناد / وصاحبة ليه ماقل لك بالحركة بتال / قصة طويلة راكان / اللي هي بتال / يقولون ذا الخيل من خيل اصيله .. وابوه كثير من مولاك الخيول يبونها .. او يبون شي من نسله .. .. وحاولوا كثير يوصلون له ... او يوصلون لخصوبته .. بس الصاحب الاساسي لها النسل رفض .. وخذا الخيل واخفاه .. حتى عن اهله .. وبعد سنين .. شافوه عند واحد شاب صغير .. يقولون انه حفيدة ولد بنته .. راكان / وكيف وصله بتال / خلني اكملك .. وما كان احد يقدر يركبه غيره .. من كثر ما يحب هالخيل ويغليه .. .. بناله مزرعة خاصة فيه لوحده .. ومحد يرعاه غيره .. وبعدها بفترة توفى الولد .. والورثة باعوا المزرعة .. .. وهالخيل كانت من ضمن البيعه .. لان تعب معاه اللي اشترا المزرعة .. وما قدر علية لانه كسر كل اللي حوله .. .. ان كان من عمال والا الاسطبل اللي هو فيه .. وخوف الخيول الموجودة معاه .. فقال يبي يتخلص منه .. .. وانا شفته عنده مره فطلبت منه اشتريه .. واشتريته فالبداية فكرت اني اقدر اسيطر علية .. لكن ما قدرت .. وبعد ما نكسر كتفي بسببه حلفت امي ان ركبته مره ثانية لتغضب علية .. وابوي طلب اني أبيعه .. بس انا رفضت بعد ما شفته مستحيل اتخيل ان احد يركبه غيري .. فبنيت له اسطبل لحاله وبشكل يريحه .. والميدان اللي خلفة بعد له .. خاطري اوريه جدي بس كل مره يصير شي وينشغل عنه .. سند / ما شاء الله اللي يشوفه ما يمل منه راكان / خلينا نشوفه ونشوف اسطبله رعد بعد ما رجع الخيل اللي كانت راكبه علية رنيم وجاب خيلة " الرعد " / للحين ما بدأتوا بتال / بنشوف الكاسر رعد باستغراب / من الكاسر ؟ بتال / تعال وتشوفه وتوجهوا للإسطبل الغريب (الاسطبل كان شكله مستطيل كبير ومرتفع طوله والميدان بشكل دائرة ملاصق للإسطبل والشبك الحديدي بطول الاسطبل مرتفع ... الغريب فيه ارتفاعه ) بعد قربهم من الاسطبل .. رعد باستغراب / ويش ذا سند / اسطبل خاص بكاسر فتح باب الاسطبل بتال .. سند / ما شاء الله تبارك الخالق رعد / ما شاء الله تبارك الرحمن من وين جبت هالزين بتال بابتسامة / صدفة كان " كاسر يركض فالإسطبل بخفه ورشاقة ولونه الاسود مع اشعة الشمس الداخلة مع نوافذ التهوية للإسطبل .. .. كان زايد جمل .. وصوت صهيله اللي يدل على اصالته يشعرك بشعور غريب ولذيذ .. كان يصهل ويصهل كانه يحس بوجع وفقدان لصاحبه .. رعد / تسمح لي يا بتال ابي اشوف نفسي عليه بتال بجمود / ما انصحك رعد التفت عليه / ليه ويش فيه سند / له سنه وزود عندنا .. وكل ما حولنا نقرب منه هاج .. واي احد يكون قريب منه ينصاب .. .. مو مروض ولا احد قدر يروضه .. بتال كان موجهة نظره لعيون كاسر للي كانه يتحداه .. وكان بينهم معرفة سابقة .. بتال في نفسة " ليه احس ان فيه شي يربطني بك اغار عليك .. .. حتى الحين لمن طلب رعد يمتطيك .. غرت بس من مجرد الفكرة وشلون لو يتنفذ .. ويش السر ومن صاحبك .. " بتال بحده / خلينا نطلع خيولنا برا الكل التفت على بتال مستغربين من نبرة صوته محد فهم بتال الا سند اللي عارف بقصة كاسر .. .. و ايش احساس بتال كل ما شافه ... ابتسم سند ولف بخيله بسهوله وطلع .. ووراه الشباب .. ـــــــــــــــــــــــــ ــــــــــــــ نوال واماني وابرار على الخيل بين الاشجار ابرار بزهق / لمتى بنقعد على هذا الحال والله طقت روحي نوال بغباء / اي حال ؟ ابرار بعصبيه / نوال لا تسوين نفسك مو فاهمه .. وانتي عارفة قصدي .. عاجبك حالنا قاعدين مقابلين جدران غرفنا .. وان تقابلنا ما عندنا شي نسوية حتى السوالف خلصت .. اماني بلقافه / علشانكم ما تقعدوني معاكم واقل لكم ويش سويت بالمدرسة مقالب وكـ... قاطعتها نوال / امون اذا ما سكتي وقعدتي عاقلة والله لأنزلك عن الخيل اماني تعض على شفتها السفلية / انتم الحين مو تقلون الكبار ما يعطونا متنفس ليه انتم ما تعطوني ها ابرار كاتمه ضحكتها ونوال مبتسمه بس مغطيتها بلثمتها/ امون اسكتي احسن لك .. والا كل قصصك اللي مساويتها بالمدرسة توصل لطلال .. اماني تضحك / طلال الحين مو فاضي لي مرومه عنده يعني ما يهمني نوال بخبث / اذا طلال ما يهمك ايش رايك بسيف اماني بشهقة رعب / هئئئئئئ لالا الله يخليك نونو حبيبتي والله ما اسوي شيء يغثك خلاص توبة وهذا انا اسكت .. ابرار بابتسامه / امون وغرامي وشجوي بس اقعد معاهم شوي يضحكوني بحركاتهم وهبالهم .. نوال بابتسامه / قلتيها مهبل اماني كانت تبي تتكلمن بس تذكرت تهديد نوال وسكتت ابرار بهمس / خليهم يعيشون .. " تعدل نبرة صوتها " الا سمعتي باخر هبال غرام مع مين نوال / مع مين ابرار / مع جدي وقدام عناد وراكان ورعد نوال تضحك / هههههههه مو اول مره تطلع هبالها قدام جدي و على فكره جدي يحب هبالها .. .. بس قدام عناد ورعد وراكان لا قويه .. ويش سوت هالخبله .. ابرار بحماس تحاول تغلب عبرتها / طلبت من جدي الملحق الخلفي اللي وارء القصر هذاك اللي مو بعيد عن صالتهم الرياضية .. نوال تجاريها عارفه بلي بقلب ابرار بس ما بيدها حيلة اللي يطولها من الحكي يطولهم / ويش تبي فيه .. ابرار بنفس الحماس / استراحة للبنات .. نوال متفاجأه صدق / تمزززززززحييين .. ما اصدق .. ابرار تضحك / والله شجون جاتني وهي ميته رعب .. قالت لي وهي تبكي .. وتقول عناد راح يذبحني وما ادري ايش .. نوال / وهذا متى صار ... ابرار / قبل عرس طلال ومرام .. امممممم لمن جاء رعد من السفر .. وهم راحوا يسلمون على جدي .. .. وهرجة تجر هرجة وطلبت منه .. بس المفاجاه وين .. ان جدي وافق .. نوال / ياسلام راح تكون ونااااسة وفله على كيفك .. راح نطلع جناننا كله .. وراح نمنع دخول الرجال .. ولا يشوفونه بعد .. ونأثثها على كيفنا .. ابرار بحماس / اهم شي بالموضوع اني راح القالي شيء اطلع كل اللي درسته فيه .. .. راح اصمم الديكور .. وراح اخلي جو الاستراحة جو فرح .. و راح اطلع كل الابداعات اللي عندي .. .. وراح .. راح ... واااااااااااي نوال متحمسه .. متحمسة ما تدرين قد ايش .. فيه شي راح يشغللني .. نوال بفرحة / موفقين ان شاء الله ... اممم .. بس انا مارح اكون معاكم دائما ابرار / ليه نوال / لان طلال وعدني انه يكلم ابوي بخصوص شغلي .. وانتي تدرين ان كلمت طلال ما تطيح الارض .. .. ان كان عند ابوي والا العايلة كلها .. يعني راح اصير الدكتورة نوال صدق .. ابرار / الحمدلله .. الله يتمم لك على خير .. ويوفقك .. اماني ترفع يدينه لفوق كأنها تدعي وهي ساكته.... نوال وابرار ضحكوا عليها وكملوا مشوارهم .. ـــــــــــــــــــــــــ ـــــــــــــــــــــــــ ــــــــــ ــــــــــــــــ بعد الظهر .. بالمزرعة .. الكل رجع للفلة .. تغدوا .. بعد الغداء شريفه تشوف الجوهره والهنوف والعنود يضحكون على مياسة اللي يعلقون عليها وعلى موقفها من رعد .. وام سطام استأذنت تبي تروح تنام .. شريفه مقهوره .. ام راكان خذتها بنتها ساره لغرفتها .. وخديجة ما تعرف تسولف مفهيه .. ومها تطقطق بجواله و تتبوسم .. حبت تخرب الجلسة وتقلبها لمصلحتها .. شريفه دقت منار بكوعها .. ومنار سرحانه تفكر .. وبهمس / ويش فيك ما تتحركين وما تشوفين هالعجايز يتضاحكون .. .. ما تغثينهم يا حضي .. وخاصة ها الجوهره .. شافت الجوهرة توقف وتروح .. اخخخخ يالقهر .. تقرص منار .. .. انا ما قلت لك تغثينهم كل شوي .. انا قلبي يشب نار وانتي حطه رجل على رجل .. اوريك يا مانير ان ما فضحتك .. منار مو ناقصة هم بالها مع الاتصال اللي جاها .. بدون شي متضايقة وبتنفجر .. وكان بصالح شريفة .. .. وقفت بعصبيه وبصراخ / اووووووه وبعدين معاك انتي .. مو ناقصني غيرك .. .. اووووووف .. قرفتيني .. عيفتيني حياتي .. الله ياخذك الله ياخذك .. ويفكنا منك .. مشت بسرعة وما انتبهت لدخول الجوهره ضربت بكتفها / وخري انتي بعد .. ومشيت .. سمعت صوت صراخ وطنشته .. الجوهره تنفض يدها وملابسها من اثار الشاي الاخضر اللي مسويته .. .. لانها تنافست مع العنود واللي يخسر يسوي الشاي وكسبت العنود / آآآآآآآآآآآآآه يدي العنود / قومي قومي خليني اكلم احد يوديك للمستشفى الهنوف / لا ان شاء الله ما تحتاج مستشفى .. فيه كريم حروق بصيدليه ادهني يدك وان شاء الله تخف شريفة فرحانه باللي صار برغم انها مقهورة من كلام منار.. حاولت قد ما تقدر تكسب الموقف لصالحها .. .. بحزن كذاب / هذي هي .. العنود لا تحشم ولا تقدر .. مدري وشلون يعيش معها اللي بيتزوجها العنود كارهه شريفه وتصرفات العنود / امشي امشي يالجوهره لجناحك ترتاحين فيه .. ساعدت العنود الجوهرة على الوقوف .. والهنوف ومياسة توجوا لأجنحتهم يريحون فيها شريفة ابتسمت بخبث .. والتفتت لمها / وايش رايك فيني مها تبتسم لامها / ممتازة " وبداخلها .. يوووووه يا يمه ما توقعتك تكرهين العنود هالكثر .. .. اصلا طول عمرك تكرهين خالتي شيخة وبناتها وتغارين منهم برغم ما شوف ناقصك شي .. .. بسبب غيرتك الزايدة واحقادك .. خليتي ابوي يكره حبك .. ابوي اللي يغيب بشهور عنك .. .. ويجيك مشتاق .. ومن يشوف صراخك ودعويك .. يهج من البيت .. وينك يبه اشتقت لحنانك " رجعت لواقعها على صراخ امها / وجع يوجعك يالخبله الحين كل اللي صار وانتي نايمه خديجة تمسح عيونها من اثار انوم / غافت عيني شوي .. ويش صار .. شريفة انقهرت منها وطنشتها شافت وحدة من الخدم ونادتها / هي انتي جيبي لي حلا وقهوة الخدمة اشارت براسها وراحت .. مها وقفت وراحت لجناح منار واختها حنان .. بجناح ام راكان .. دخلت منار معصبه .. ساره اللي توها نيمت امها / خير ويش صار منار والعبرة خانقتها / ما ادري بس صار شي ما ادري .. اهئ اهئ ساره تضمها / ايش فيك ..! منار تبكي / عمتي فوزيه تعبانه دخلوها العناية يقولو حالتها خطيرة .. انا لازم اروح جده .. ساره تبعدها شوي وتمسح دموعها ../ خلاص حبيبتي بكره نرجع لرياض ونايف يوصلك للمطار .. بجناح الجوهرة .. العنود / الحين لو رحتي المستشفى ونظفوه لك وعالجوه مو احسن الجوهرة ويدها ملفوفه / لا مو احسن .. هذا انا نظفته ودهنت .. ما يحتاج مستشفى .. العنود باستغراب / وليه لا الجوهرة / كذا بتكبر السالفة .. ويدرون عنها عيالي .. وانتي تدرين عن بتال .. بارود ما يتفاهم معه .. العنود / اهااا .. وبنبرة مقصودة .. وسلطان الجوهرة ما فهمة القصد / سلطان يتفاهم اقول له ما شافتني و يتاسفت وانتهاء الموضوع العنود تمسك يد الجوهرة وتذكر الله / لا اله الا الله والله اخوي ما يلام بجنانه عليك اجل ذي يد كنها قطنه الجوهرة بخجل سحبت يدها وغطتها بكم جلابيتها / الحين بس سلطان المتجنن على مرته .. واللي فصخ عقلة وراح يترقص معاها قدم خلق الله ويش يكون .. هااا .. العنود تقرصها / اذكري الله لا تطخينا بعين ويصير رجلي نسخة ابوه .. الجوهر بضحكة / لا اله الا الله ما شاء الله تبارك الله .. وااااي يالعنود تخيلي يرجع عمي سند العنود بجمود / الله يرحمه ويسامحه .. الجوهرة سكتت شوي / كان انا وانتي جدات من زمان ويمكن نزوج عيال عيالنا .. العنود / الله يرحمه ما شفت بحياتي ولا سمعت عن رجل مثله .. تدرين ان بعض الاحيان اخاف من ولدي سند .. الجوهرة باستغراب / ليه بس علشان اسمه سند .. العنود / مو بس اسمه حتى ملامح وجهه وحدتها ونظرته بس فديته حنين .. الجوهرة / وبتال ماخذ نبرة صوته واذا زعل ما يسمع ولا يفكر يحكم على طول وينفذ الحكم .. .. والله بعض الاحيان اخاف يطلع مثله .. بس اشوف حنيته على اخته اقول لا .. العنود / مره سمعت امي تقول ان عمي سند كان حنون بالحيل بس صارت له سالفه وغيرته .. الجوهرة باستغراب / ويش سالفته .. اول مرة اسمع بذا الشي .. العنود / مدري حاولت استفسر من امي بس قالت اذا تبين رضاي صكي على السالفه ولا عاد تطرينها .. ــــــــــــــــــــــ انتهى البارت 4 ــــــــــــ | ||||
|
| |
|
01-10-12, 08:38 PM
| #29 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| بسم الله الرحمن الرحيم السلام عليكم ورحمة الله وبركاته الحمد لله والصلاة والسلام على رسول الله توكلنا على الله .. لا اله الا الله محمد رسول الله .. البارت 5 انا اليا منـي تضايقـت واحزنـت من ضيقتي تحزن لحزن جماعـه لذا أكابر لأنـي ادركـت وايقنـت انـي حريـق وخايفيـن اندلاعـه بك يألهي عن عطا غيرك اعتنـت يلي خلقت من الصناعـه صناعـه لاضاق بي حالي توضيت واذنـت وصليت لك يارب سمعن وطاعـه مدامني عبـدك وبقـدارك امنـت اكيـد ابصبـر لانفقدلـي طماعـه لا يارفيقي ليت لازنـت ماشنـت امرضتني وانـا ماعنـدي مناعـه كنت احسب انك لاتبينـت بينـت واثرك مع البشعين تدرس بشاعـه قسيت بي وانـا لقربـك تهاونـت وكسبت ضيقت خاطري واتساعـه اللي على امال تزويجهـا ادمنـت اخذتها فـي قـرب جـد ولكاعـه ماوقفت دنيا بكبرهـا علـى بنـت اللى يوقفهـا الرفيـق وضياعـه يابن العمومه لاتحسبونـي شنـت لا والذي تصبح بذكـره الاذاعـه ماهوب هو لكن انـي كمـا كنت لا اخون فالصاحب ولا الوي ذراعه على العموم اشكرك جدأ ولاهنـت اقنعتني في شي واصبـح قناعـه من سخريت الاقدار اني انا وأنـت يضمنـا جـد ونتسمـى جماعـه " سعد علوش " ــــــــــــــــــــــــ عند الشباب .. بالمجلس الخارجي راكان و رعد و بتال و عناد و سند .. ملتفين على بعض و يسولفون .. سيف وفارس وزياد .. على الاب توب .. ويشوفون مقاطع شعرية على اليوتيوب سامر وصقر معاهم الاي فون يدردشون على الواتس اب .. بدر وياسر وسعود يقيلون .. عناد مبتسم / الحين سند ايش دخله راكان بقهر / اخته رفعة ضغطي وبما اني ماني قادر اوصل لها احطها براس اخوها .. سند بابتسامه وهدوء / اختي ما غلطت بكلامها عناد بنبرة مقصودة وبهمس سمعه بتال اللي على يمينه وسند اللي على يساره / .. .. بس غلطت بشي ثاني .. ولا ما شفته .. راكان بعصبية / وايش لها دخل تطابني .. كل كلمة واثانية نطت لي .. .. تراها ناشبه لي هنا " واشر على بلعومه " .. ما تنبلع .. بتال شاف تغير وجهه سند وحب يقفل السالفه / وهي صادقة .. لا ملكت طالعها .. .. راكان لا تخلي صورتك تصغر بعينا .. واثقل وسكر السالفة خلونا نغير الموضوع .. رعد بعد دقايق / البنات يبون يشتغلون .. " قاطعة عناد " .. / أي بنات ..!! رعد / بناتنا اخواتك واخوات اللي قبالك راكان / انا ما عندي اخوات .. " بتال انقبض قلبه ".. وكمل .. يبون الشغل .. بتال راح يفكر لبعيد و يهوجس ويحط الظنون .. " ان بعض الظن اثم " رعد / يمكن خواتك ياللي ما شفتهم بحياتي .. بس بناتنا حالتهم مو زينه .. عناد / والله ان البنات همهم للممات .. الحين ما كلين شاربين مرتاحين .. .. لا تفكر بمناقصة .. ولا عقاب ان فشلت بمشروع .. ولا تلف بهالشموس .. .. علشان تتفقد اوضاع العمال .. تحت هالمكيف .. وعلى ذا السرير المريح .. .. تنام متى مابغت وتصح متى مابغت .. واللي تبية تحصله .. .. ياهووووو اتركك من خرابيطهم ودلعهم .. رعد / لا تقول كذا ياعناد ياكثر البنات اللي ضاعوا والسبب الفراغ .. انت .. عمرك سالت اخواتك .. ناقصك شي .. ويشلونك .. محتاجة شي .. عمرك .. سولفت مع وحدة منهم .. تأخذ اخبارها .. وتعطيها اخبارك .. عناد يطالع رعد ويفكر بالكلام ../ لا .. بس اذا وحدة تبي شي تقول لامي رعد / وانت اخو بالاسم .. لو شفت اختك تكلم واحد مو محرم لها .. ويش تسوي عناد بحدة / لا انحره وانحر الكلب اللي معاها .. رعد بحدة / ولية ماتسال عمرك لية سوت كذا .. لية راحت للحرام .. انت رميتها بالنار .. قبل ماترمي نفسها .. انتبه لأخواتك بدون لا تكسرهم .. بتال / ويش السالفة ندري انك اكثر واحد قريب للبنات قول اللي بجعبتك سند يسمع كل كلمة ويفكر فيها وفي اخواته .. قد ما يخاف عليهم .. قد ما تركهم بحرية تخوف .. مثل ما طيش غرام وحساسية مرام .. رعد / نوال دكتورة اسنان .. وابوي واخواني رافضين شغلها .. عناد يقاطعة ../ اجل تبيها تشتغل بمستشفى مع الرجاجيل .. .. لا وتخيل تفتح فم رجال وتميل علية .. وجاتك مشكله تحرش .. .. وياعيني على الفضايح .. تنثبر بالبيت احسن لها .. سيف اللي ترك الاب مع فارس وانتبه لكلام رعد ومقاطعة عناد له .. وبحدة / اذا كان لك شور عليها .. افرض رايك .. ما دام راس ابوها واخوانها يشم الهواء .. ما ينكسر خاطرها .. وخلي عندك وعند غيرك خبر .. طلال قبل زواجه كلم ابوي واقنعه .. و بداية الشهر ان شاء الله راح تفتح عيادتها بالمستشفى اللي كانت تدرب فيه .. .. عيادة اسنان خاصة بالنساء .. يعني ما راح تنفضح وتجيك المشاكل يا ولد عمي .. الكل انتبه للحوار اللي يصير .. والنايم صحي .. واللي مشغول ترك شغلته .. رعد / وهذا نوال انتهاء امرها .. سعود متكي على يده وملتفت لرعد اللي جالس قباله بحدة / من قال .. سيف بحدة وصوت اعلا / ابوها واخوانها عندك اعتراض .. سعود يوقف / ايه عندي .. سيف يوقف ويقبله / ومن حضرتك حتى تعترض .. سعود يمشي خطوتين لقدام / ولد عمها .. اذا انت واخوك ما قدرتوا تعسفونها .. انا لها .. سيف بعصبية / احشم عمرك احسن لك سند بصوت جهوري / والله الظاهر ما احد منكم حاشم نفسة ولا شايف احد .. سيف يلتفت لسند اللي جالس وماسك يد عناد وبتال حتى لا يقومون .. بعصبية / .. .. ما انت سامعه وايش يقول .. هو ما حشم احد .. سند بصوته الجهوري / انقلع انتي ويه برا سعود طالع بتال وشاف حدت نظراته وطلع .. رعد / وانت اجلس >> يقصد سيف رن جوال راكان / هذا عمي سلطان .. ويش يبي .. معقول سمع اصواتنا .. عناد / ما اظن .. رد علية بسرعه راكان باحترام / هلا عمي .. سم .. " وقفل " .. يبيني بجناح جدي .. عسى خير .. بتال / يمكن يبي يكلمك عن العرس .. راكان / خليني اروح واشوف .. " يوقف " .. لا تنسوني من دعائكم .. بدر بضحكة / جعله خالي يقولك الليلة ملكتك وخذ مرتك وتيسر راكان يتجه له وينحني بسرعة ويقبل راس بدر وبكوميديا / من بوائك لباب السماء .. الكل / هههههههههههههههه رعد يضحك / ههههههه اجل ابي اجهز شنطة الاسعافات اخاف يوقف قلبك .. راكان / بعيد الشر عن البي .. خلني اشبع من حبي وبعدين .. يالله لا تخلوني أتأخر عن حبيبتي الكل / ههههههههههههه ههههههههههههههههههه ياسر / ههههههه انهبل راكان ... تصدق خاطري اشوف وجهه لو يقوله عمي نبي ناجل العرس لبعد رمضان الكل / هههههههههه هههههههههههههه .. عناد بضحكة / يصير ارهابي والضحية سمر هههههههههه بتال / الله يوفقهم وييسير امورهم على خير .. " وسكت وهو يفكر بسمر وكيف راح يكون حالها " .. ـــــــــــــــــــــ | ||||
|
| |
|
01-10-12, 08:39 PM
| #30 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ـــــــــــــــــــــ بالرياض .. العنود تتغداء مع خالتها خلود فوق .. ونايف طلع مشوار .. والصبي يغدي جدها تحت .. العنود / خلود لمتى بتقعدين على ذا الحال خلود تركت الملعقة ووقفت / الحمد لله شبعت .. العنود تمسك يدها / لوين .. تبين تهربين ..لمتى يا خلود .. خطيبك تركك .. وبسببك .. قاطعتها خلود / خلاص عنود اتركيني .. انا مرتاحة كذا .. العنود بحدة / لا ما راح اترك .. راح تتعالجين .. راح احجز لك عند دكتور ممتاز و.. قاطعتها خلود بحدة / انا مجنونه مجنونه وما لك دخل فيني .. اذا بتعالجين عالجي امك وابوك انصدمت من كلامها العنود وتركتها .. راحت تجري لغرفتها .. العنود انسدت نفسها ولمت باقي الاكل .. ـــــــــــــــــ بعد العصر .. الهنوف و ام طلال " مريم " ومياسه يتقهون تحت قبال المسبح وهم ملتفين بجلالهم .. شجون وغرام بعبيهم / سلام .. صبوا لهم فناجين قهوة واخذوا كم حبة تمره .. غرام وهي تشرب فنجانها بسرعه / خالتي مريم .. طلال ومرام ما كلموك .. ام طلال / يا فديت هالطاري .. الا كلموني جعلني ماخلى منهم ومبسوطين ويسلمون عليكم .. غرام / هالخايسة اختي شافت طلال وما عاد شافت احد غيره نستني المشفوحه .. شجون / وهي تصب لها فنجان قهوة ثاني / لو خليتوها تاخذ راحتها قبل الزواج ماكان ما صار لها كذا .. غرام / قولك يعني بسبب جوع بالناحية العاطفية .. شجون / ايه هذا هو ظني .. ومسكت ترمس القهوة تبي تصب لها فنجان ثلث غرام / اقول لا يكثر نبي نروح للعشاق قبل لا يبعدون .. مياسه / وين سمر ما اشوفها معاكم غرام وهي تربط ملثمها / نايمه .. يالله تبون شيء .. شجون / خذيني معاك غرام بضحكه / منطقة محظورة غير مسموح بالدببه .. وراحت تجري وهي تضحك شجون تجري وراها / بالعدال يا غزال البراري ام طلال / وطي صوتك يا بنت لحد يسمعه .. الله يصلحكم .. الهنوف / خلهم يا مريم لساتهم صغار ام طلال / وايش صغارة وحنا بعمرهم بزرانا حولينا الهنوف / علشان كذا للحين فينا الفصلات وتشوفين هبالنا مياسه / بس العيب عيب والحرام حرام .. والبنات كبروا ياختي .. ام طلال / وهي صادقة ها سمر بعمرهم وما شاء الله على ركازتها .. وبكرة بتتزوج الله يوفقها .. الهنوف / بس يا ختي قلبي ما يطاوعني اقول لها شي مياسه / كلكم راعي وكلكم مسؤول عن رعيته .. لا تنسين ربك يا ختي .. جاءتهم ام عزام .. وغيروا الموضوع .. ــــــــــــــــــــــــ ابو سطام وام سطام يمشون بين النخل .. ابو سطام / وهذا اللي صار ام سطام تمسح دمعتها / حسبي الله ونعم الوكيل .. والله يا ابو سطام ان مرته مو احسن منه .. ابو سطام / الشيخ يقول ان السحر محطوط بأكله .. وفية المربوط .. يبي له قرايه عميقة .. ام سطام / يمكن من هاللي ما يخافون الله الخدامات انت تعرف من يطبخ لهم .. .. مرته قايلتن هاه هاه " تفتح فمها وتدور براسها يمين ويسار " .. فاتحتن فهمها وبنتها تقول مريضه بشي ما عمري سمعته .. المرض يخل الوحدة كذا .. تدور بعيونها وما غير هالبنيه الصغيرة تقودها وما تعرف شيء .. ابو سطام ../ والعنود ام سطام بحده / مثلها مثل جدتها عوبه .. زين وجهه وشين افعال .. ابو سطام بحده / الظبي عمره ما كانت فعايلها شينه .. وانتي اكثر وحدة تعرفينها .. ام سطام بعبرة / للحين قلبك يحن لها .. ما يكفي حرمتني من ولدي وبناته طول هالسنين .. ابو سطام / لا حول ولا قوة الا بالله يا مره ما تنسين .. " شاف البنات جايين جهتهم " .. .. البنات جايين يمنا سكتي ولا تبينين لهم .. " وبابتسامه " هلا هلا .. هلا ببناتي هلا .. غرام / هلا بك يابو سطام .. بس من قلبك تهلي ابوسطام بمرح / لا من وراء النخل .. تعالي تعالي من زمان عن سوالفك شجون / وانا مالي بطيب نصيب .. ابو سطام / هههه لك كل النصيب تعالي .. " و بداء الجد يعلمهم على نوعيات النخل واسماها " ـــــــــــــــــــــــــ ـ راكان جاه اتصال ضروري ومهم من الشركة فاضطر انه يعجل بالرجعه .. .. طلب من اهله يتجهزون لرجوع لرياض .. وبعد ما تجهزوا وركبوا السيارة .. راكان و معاه شريفه وخديجة و مها وحنان .. وزياد معاه امه وخواته .. بعد ما مشيوا .. " طبعا التقسيم من اوامر شريفة .. و راكان يظن انه من امه " شريفة باستغراب / راكان وين ابوك .. راكان لابس نظاراته الشمسية و ترنيق رياضي / عنده شغل بالخبر وقعد شريفة وقلبها مو مرتاح / وايش شغله .. ما اخبر ابوك له شغل هينا راكان بحده / عنده شغل وما اظن لك علاقة فيه .. وانتهى .. شريفة سكتت والخوف يلعب بها لعب .. نزل راكان عند بيت الشعر نسى محفظته ويبي ياخذه .. ومها عيونها تراقب فعيال الفارس .. مها بهمس لحنان / هذا مين ..>> تأشر على رعد حنان بهمس / هذا عمهم رعد .. الدكتور .. مها بهمس / ابي اصوره وارسله للبنات با البي بي واقول لهم خطيبي .. وااي ينجنون البنات .. حنان / لا لا فيه احلى منه .. سند .. بس اذا ارسلتيه ما تخافين وحده من ذا البنات تعرفه وتكذبك .. مها بهمس / ما حد من البنات من بيت الفارس .. وخري بس .. "وصورة رعد وسند وبتال اكثر من صورة" .. حنان بهمس / راكان جاء انتبهي .. " نزلت مها جوالها .. ومحد انتبه لها .. لا الشباب ولا امها وخالتها " بسيارة زياد .. منار اللي مغطية وجهها كليا .. لان السيارة فاضية واكيد راح يتكلم زياد .. .. ويقول لها مثل ما يقول لها راكان ونايف / زياد ابوي وينه .. زياد / راكان يقول ابوي عنده شغل هينا ويبي يقعد .. " ساره باستغراب / ابوي .. زياد / ايه .. سكتت سارة ومنار اخذت لها مقعد كامل ونامت عليه ... .. وفتحت شيلتها بما ان السيارة مضلله .. ساره بهمس / ممكن جوالك منار / ما فيه شحن .. البطارية خلصت .. كنت ابي اشحنه بس انشغلت وما شحنته .. ساره / خساااره .. اووووف يالله خليني انام ... منار / وامي .. " ساره تعدلت بجلستها / صح نسيت .. منار عدلت شيلتها وجلست / يالله خلينا نسولف .. ما ابي اخليك لوحدك .. ـــــــــــــــــــــــــ | ||||
|
| |
|
| أدوات الموضوع | |
| انواع عرض الموضوع | |
|
|
129Likes
العرض العادي
