03-10-12, 08:40 PM
| #21 | ||||
| نجم روايتي ومشرفة سابقةومصممه 
|  الفصل التاسع عشر هند كملت الاسبوع مع ضحى وكالعاده ضحى تحارب وتجيب صديقاتها معها عشان يقهرون هند وهند تقاوم طفح الكيل بس الي مصبرها ان عبدالعزيز ماله اثر هند سمعت ضحى تقول انه يسافر وانه الحين في سيدني هند دخلت في اليوم الثامن البيت وتوجهت للمصعد وبدال ما تدق على الدور الرابع دقت على الثالث هند ما لاحظت وقدها بتفتح الباب سمعت صوت بيانو هند وقفت يدها ونزلت كان الدق رائع حزين مهيج للمشاعر هند بقت تسمع وما قاطعت اللحن ( تظن انها ضحى ) اللحن يخفت كانه انسان يئن بعدين يرتفع بصرخات معذبه هند حست ان اللحن موجه لها لحالتها لذاك اليوم الي فقدت فيه فرحها هند جلست حول عشر دقايق على ذي الحاله وسمعت ان اللحن بدى ينتهي وانتهي بضربه خارجه من القلب كانها تقول بس بعيش هند بدت تقرب يدها للباب لكنها سمعت ان البيانو رجع يدق دقه موسيقيه رائعه صعبه هند استنت شوي ورجعت يدها تكمل الطريق للباب لكنه عندما لامست يدها الباب سمعت صوت رجل يغني كان يغني بالانجليزي هند نزلت يدها عرفت ان هذا الصوت له صوت رخيم عميق الاغنيه كانت اغنيه هند المفضله Its too late to apologize It's too late I said its too late to apologize I'd take another chance Take a fall Take a shot for you Mm * I need you like a haert needs a beat But it's nothing new I loved you with a fire red Now it's turning blue and you say Sorry like the engel heaven let me think was you It's too late to apologise It's too late .................................................. ..ز هند عرفت ان غلطت في الغرفه تراجعت وهي خايفه وناظرت الدرج وطلعت ودقت الباب حق ضحى ضحى ناظرتها ضحى _ ليه تاخرتي هند كانت ما تقدر تتكلم تحس صوته بعده في اذنها تحس باحساس من الالم ضحى _ انتي ايه اذا تعبانه ريحيني وارجعي البيت هند دخلت الغرفه وحطت كتبها عشان تبدا الدرس .................................................. ..ز رعد_ ايش الي طاريلك اذكر انك ما تمسك البيانو الى اذا كنت متضايق تركي _ وتغني اكيد فيه شي عبدالعزيز قام بهدؤه وجلس جنب رعد_ ما فيه شي رعد_ ليه سافرت كثير في هذا الاسبوع ليه جمعت سفراتك وخليتها كلها في هذا الاسبوع عبدالعزيز_ أي وانت دو ذات ( ابغى اسوي كذا ) تركي _ عبدالعزيز فيك شي متغير رعد ضحك_ لاتكون حبيت تركي ضحك ورعد واصل ضحكه لانهم مستبعدين الفكره لان عبدالعزيز مو من النوع الي يتعلق بشي عبدالعزيز سكت وما ضحك تركي ورعد وقفوا ضحكهم منصدمين رعد قام رعد_ عبدالعزيز فيه وحده تركي _ اوو قاد عبدالعزيز قول فيه وحده عبدالعزيز ناظرهم بهدوء _ لا رعد ناظر تركي مو مصدقين عبدالعزيز ناظر الباب وكانه يناظر الي وراه هو حس ان كان فيه احد موجود عبدالعزيز قام رعد_ وين رايح عبدالعزيز _ بروح اقابل المعلمه الجديده الشباب سكتوا مو مهتمين .................................................. ..... هند تعطي الدرس بقلب مو موجود ضحى _ انتي ايه وش فيك بعدين انا ما قلتلك غيري ذي الملابس وضبطي شعرك ولا عاد تلبسين ذي العبايه ( واشرت على عبايه هند الي كانت على الكنبه مع شيلتها ) ربى _ قولي امين تمرض وتخلصنا لا عاد نشوف وجهها هند ناظرتهم _ اعذروني ابي ادخل الحمام اغسل وجههي ضحى _ روحي اخلصي علينا هند دخلت الحمام وغسلت وجهها والدموع كانت تنزل مع المويه الباب حق غرفه ضحى اندق ضحى فتحت لقت عبدالعزيز عبدالعزيز _ ابي اقابل الا ستاذه ضحى _ اووف تعبانه مالت عليها اقرفتنا كل شوي تتعب كانها تبي تغوم علينا عبدالعزيز_ وينها ضحى وربى ناظروا بعض صوت عبدالعزيز فيه اهتمام وخوف ضحى – في الحمام لا تخاف عليها ما راح يصيرلها شي بتتحمل مو رقيقه عشان انخاف عليها هند طلعت في ذا الوقت وعيونها قدها حمرا من البكا وتفاجأت يوم لقت عبدالعزيز قدامها هند بغت ترجع بس تراجعت مو اول مره يشوفها كذا هند نزلت نظرها ضحى _ هاذي المعلمه هند وناظرت هند عبدالعزيز مد يده لهند هند ناظرت يدها ومدت يدها وسلمت عليه بسرعه يدها حرقتها عبدالعزيز بصوته الهادي _ استاذه هند تقدرين تروحين لبيتك وارجعي لما تصيرين بخير ..هند هزت راسها موافقه ضحى صاحت هي ويا ربى صيحه فرحه هند استغلت الفرصه عشان تناظر عبدالعزيز تبي تشوف علامة التعجب على وجهه بس كان عبدالعزيز يناظرها بهدوء ولا على وجهه أي علامه تعجب كانه عارف عبدالعزيز طلع من الغرفه ضحى لحقته وربى هند جلست مستغربه معقوله انه عارف من قبل قامت هند تبي تلبس عباياتها حست انها بتطيح ما كلت لها يومين عشان همها ذا عبدالعزيز وضحى وربى لاحقينه ضحى _ مشكور عبدالعزيز ما عادني مستحملتها ربى – اووف ما احبها عبدالعزيز كان منقهر عرف انها كانت تبكي ولا عيونها ليه حمرا معقوله ضحى سوتلها شي عبدالعزيز تمنى انه يصارخ على ضحى ويضربها بس ما يبي يبين ان يعرف هند ليه هو سافر الاسبوع الي فات كله عشانها عبدالعزيز وهو نازل سمع طيحه هو ويا ضحى وربى سمعوها وناظروا على طول فوق لغرفه ضحى عبدالعزيز ما قدر يمسك نفسه ركض ضحى وربى انتظروا شوي من الصدمه ولحقوه رعد وتركي سمعوا الركض ركضوا بعد عبدالعزيز دخل ومن بعده ضحى وربى لقوا هند طايحه مغمى عليها عبدالعزيز بصوت عالي _ هند وراحلها وشالها وحطها على سرير ضحى ( ضحى وربى تجمدوا ليه ناداها عبدالعزيز كذا هو يعرفها ) عبدالعزيز جلس على هند وصار يضرب وجهها عشان تصحى عبدالعزيز_ هند هند هند انتي سامعتني هند هند ضحى وربى ناظروا رعد وتركي الي وصلوا ومثل ربى وضحى تجمدوا رعد ناظر تركي نظره لها معنى رعد_ عبدالعزيز ناخذها للمستشفى عبدالعزيز ما رد عليه عبدالعزيز_ ضحى جيبيلي عطر ضحى عطته العطر حط في يده وقربها من انف هند هند بدت تفوق وتناظر الي حولها شافت وجهه كان قريب ريحته تلف كل المناطق الي تحيط بها عبدالعزيز وهند قعدوا يناظرون بعض لثواني عبدالعزيز قام ونزل من على السرير عبدالعزيز_ انتي ما كليتي صح هند ما ردت لانها كانت تناظر الاربعه الي يناظرونها بنظرات شك هند قامت من على المخده عبدالعزيز الي تهور خلاص الصوت حقه طلع لاقصى مستوياته بالنسبه له عبدالعزيز_ اجلسي مكانك كافي تهور هند ناظرته وقالت بفظاظه _ ابي ادق على ابي وابي البس شيلتي عبدالعزيز رمالها جواله وناظر رعد وتركي _ يله نطلع وقبل ما يطلع قال لضحى _ خليهم يجيبونلها غدا .................................................. .......... .... رعد وتركي اول ما دخلوا الغرفه ناظروا عبدالعزيز بوجه متجهم رعد _ عبدالعزيز نبي تفسير عبدالعزيز الي جلس _ لايش تركي _ لا تستهبل انت تعرفها صح عبدالعزيز_ لا ما اعرفها رعد_ والي كان قبل اشوي يناديها باسمها وبيموت من الخوف من هو عبدالعزيز- انتوا متوقعين اني اناديها استاذه هند لما ابي اقومها بعدين هي امانه عندنا رعد_ عبدالعزيز انت عارف ان احنا ما عمرنا خبينا على بعضنا لا تسويها الحين عبدالعزيز ناظرهم بعدين ناظر قدامه _ انتوا عارفين ان ابوي اذا عرف بسالفه هند راح تتورط وتدخل مشاكل اانا ابي ابعدها عنه انا ما اعرف البنت كويس لكن شفتها من قبل رعد عطاه السؤال المهم_ تعنيلك شي عبدالعزيز_ لا .. رعد _ اذن لا تخاف عليها تركي _ ما راح يخرج الموضوع من هنا لا تخاف رعد راح لعبدالعزيز وقال بابتسامه _ البنت ما تحبك وش سويتلها صاحت في وجههك انت مضايقها عبدالعزيز ناظره بقهر _ هي كذا لسانها ينقط سم تركي _ احس ان حياتنا راح يصير لها معنى واحنا نحول نخبي سرها عبدالعزيز_ لا تخبونه انسوه بليز .................................................. . هند دقت على ابيها وقالها انه مو موجود مو قريب بيتاخر وقفلت /بيجيها هند_ لا لا يبه ما ابي وليد يجيني ما عليه بانتظرك ابو محمد_ بس انا بعيد وانا ابوك والسياره معي ولا كان خليت ياسر يجيك هند_ معليه يبه بانتظر هنا ابو محمد _ خلاص وانا ابوك بقوله لاعاد يجيك هند _ طيب يبه وانا بنتظرك هند قفلت الجوال ونزلت من السرير وراحت لعبايتها ولبستها كانت لحالها في غرفه ضحى هند افتحت الباب بعد ما لبست العبايه وشيلتها ووجهها غطته بالنقاب ناظرت يمين وشمال ما لقت احد هند ركبت المصعد ونزلت للدور التحتي اول ما نزلت لقت قدامها ربى وضحى كانوا يتكلمون مع بعض شكل الموضوع مهم هند الي قلطعتهم وهي ما فيها حتى تتكلم _ ابي انتظر ابوي وين انتظره ضحى ناظرتها بنظره كره خارجه من اعمق اعماق قلبها رغم ان عبدالعزيز قالها الكلام الي قاله لاصدقائه ضحى نادت الخدامه وقالتلها تحط هند في غرفه من غرف الانتظار هند تبعت الخدامه الفلبينيه ودخلتها لغرفه هند جلست وحطت الجوال قدامها هند قعدت تناظر الغرفه كانت فخمه الجدار منحوت عليه صور غريبه وفيه جدار ملصق فيه تحفه ينزل منها شلال الغرفه تريح لكن هند مو فاضيه ترتاح اما عن فوق فتركي ورعد قد راحوا من عند عبدالعزيز الي كان جالس عند الدريشه يفكر ان فيه شي غلط وش هو عبدالعزيز الي كلم نفسه في نفسه _ انا ابي ارتاح ما ابي افكر نهائيا .................................................. .ز هند على بالها انها بتنتظر كثير لكن بعد شوي دخلت عليها وحده من الخدم تقولها ان السواق جا هند ناظرت الجوال الي على الطاوله ليه ابوها ما دق عليها يوم صار عند الباب هند طلعت وراحت للسياره الي كانت نوع كامري فسفوريه هند استغربت من هاذي سيارته هند ناظرت السواق قبل ما تدخل المفاجاء كانت انه.. وليد هند وقفت وما عرفت وش تسوي لو ما ركبت بتفشله ولو ركبت بتتضايق هند وكلت امرها وركبت ورا وليد_ السلام عليكم هند- وعليكم السلام ( بصوت واطي ) وليد حرك السياره واول ما مشى كان فيه دريشه من درايش القصر من الدور الثالث تقفلت ستارتها وليد تكلم بعد ما خرجوا ومشوا مسافه _ هند ليه رضيتي تشتغلين هنا ليه انتي محتاجه هند لما تسمع ذا الكلام تنقهر هم ويش يشوفونهم عايشين برخاء وليد_ هند ليه تسوين كذا اذا انتي محتاجه اطلبي هند ناظرته بعدم تصديق وليد_ هند وافقي علي هند_ وليد قفل الموضوع وليد _ وليه تطلبيني اقفله هند انا اقدر اصرف عليك وعلى هلك انا الحمدلله احوالي الماديه صارت زينه هند_ انا يا وليد ما كان تزوجت عشان زوجي يصرف علي وعلى هلي بعدين انا اقدر اصرف عليهم وليد ارجوك قفل السالفه وليد حس ان هند بدت ترجع طبيعيه وان كان بشكل غير ملاحظ لكن من ردودها تبين لان هند هاذيك الرد ما ترد وليد_ هند اوعديني انك اذا فكرتي بالزواج في يوم من الايام راح يكون طلبي الاول عندك هند استغربت ايش في وليد صارت مشاعره علنيه وين ذاك الي يكابر وليد_ هند ردي هند ما ردت وليد ابتسم ابتسامه متالمه يعني انه مو زعلان .................................................. ......... هند رجعت للبيت ودورت ابيها عشان تسئله ليه يسوي كذا بس ما لقت الا امها هند_ يمه وين ابوي ام محمد_ ما جاء للحين وش فيه هند_ مخلي وليد يجيني انا ما ابي اجد يجيني الا هو ام محمد_ بس ابوك دق على وليد قبل ما تقولين لا ولما رفضتي قال ابوك لوليد انك رفضتي لكن وليد قال انه ما كان خلاك في ذاك البيت وانتي ما عندك شغل هند ناظرت امها وطلعت معصبه من نفسها تحس انها صارت سهله الاستفزاز وهي طالعه دق جوالها هند_ الو المديره_ الو السلام عليكم استاذه هند هند_ وعليكم السلام.. ايش اخبارك استاذه مريم المديره – الحمدلله.. استاذه هند انا وصلني قرار انك تقدرين ترتاحين في البيت فتره ثلاث ايام لا تداومين خلالها الا اذا كان لضروره وعندها الانسه ضحى هي نفسها راح تجيك البيت هند فرحت لانها لما تدخل ذاك البيت تجيها افكار ومشاعر ما تبيها هند_ حاضر شكرا استاذه مريم المديره _ استاذه هند عندي سؤال اتمنى ما تزعلين منه هند_ تفضلي تقدرين تسئلين المديره_ عندك احد له علاقه بعايله ال سياف لاني مستغربه انك ليلحين مانزل قرار فصلك هند_ الله اعلم ربي ستر وانا ما عندي نهائيا أي علاقه مع عائله ال سياف المديره تكلمت وكأن الرد ما اعجبها _ عموما انا فرحانه انه ما صار لك شي ..اذ مع السلامه لنا لقاء ان شاء الله بعد اسبوعين هند_ ان شاء الله مع السلامه هند قفلت الجوال وطلعت وهي طالعه وقف قدامها ياسر كانه يبيها توسعله هند ناظرته لقته كان يناظرها بعدين يوم شافها ناظرته حول نظراته لتحت هند _ وين رايح ياسر ناظرها بعدم تصديق هند ناظرته ظنته ما يبي يرد ياسر _ رايح لحمد ونزل...قالت هند وياسر في نص الطريق هند وصوتها بدا يحس انه يقدر يطلع ويكلم ياسر _ ما ابيك تروح لحمد ياسر ناظرها وهو مازال مدهوش ياسر – لازم اروحله ..وراح هند ناظرت زوله وهي معبسه هند طلعت ولبست قميص اسود ربع كم وطوله لفوق كوع الرجل وفي منطقه البطن فيه جيب صغير حاطه فيه جوالها كان لونه مبلح لان كل هاذي الملابس بالاساس لريم قبل زواجها ونزلت تحت ترتب وتزبط المطبخ وتنظف الغرف وكعادة هاذي الايام ما شافت عمها الا ما كان يجي الا في وقت النوم او بعض الاحيان ما يجي للبيت هند على الساعه 1 تاكدت ان اهل البيت نايمين وان ياسر نايم وكانت تلف على البيت تشوف الابواب مقفله لقت باب البيت مفتوح وفي هذا الوقت السماء انزلت دموعها البارده بغزاره هند ناظرت السما ومدت يدها عشان الدموع السماويه تغطيها وتختلط بدموعها الدنيويه التي ليس لها خلاص ولا مواسم هند حست ان همومها زالت في ثواني تحس براحه وكأن المطر راح لهمومها ومحاها وان كان هذا الشي مؤقت هند راحت للباب وقفلته وعلى وجهها ابتسامه صغيره وهي تمشي في الحوش تحت المطر الي كان نعمه الهيه هند عارفه انها راح تنقلب لكارثه لان بيتهم ببيدا ينقط سطحه ماء من المطر وهي تمشي بطنها اهتز هند ناظرته تذكرت الجوال كانت دقت مسج دخلت البيت وراحت للمطبخ وطلعت نحاسات وحطتها في ارجاء البيت عشان تمسك الماء النازل من المطر وفي هذا الوقت طفى النور يعني انقطعت الكهربا هند جلست في الصاله تفكر وصوت المطر يطق طق على النوافذ وتذكرت الجوال انه فيه مسج هند فتحت جوالها وقرت الرساله لطالما تسألت في الصغر من اين يأتي المطر والان انظر اليه وانا خائف لا اريدك ان تكوني وحيده لا اريدك ان تكوني بعيده هند عادت الرساله ثلاث مرات ما عرفت الرقم هي ظنته الرقم الي يدق عليها ولا يرد بس هذا غير هند قالت لنفسها اكيد انسان غلطان يبي يرسلها لاحد فغلط بالرقم وارتسلت لي هند ناظرت الكلمات اعجبتها قفلت الجوال بعد ما مسحت الرساله وقامت وطلعت لبرا تجلس تحت المطر .................................................. هند قامت على الساعه تسعه الصبح تسوي الفطور امها دخلت عليها المطبخ ام محمد_ هند عيال عمك جايين بعد شوي هند ناظرت امها _ طلال ولورا ام محمد_ ايه طلال وورولا ولا ما ادري وش اسمها هند _ طيب يمه بروح اجهزلهم غرفه ريم ام محمد طلعت هند هي ما كانت تطلع لهم كثير كانت بس تسلم وتروح ومو دايمن بعد واصلا هم ما كانوا يجلسون الا يوم واحد ويروحون هند اليوم نوت انها تسوي شي غير المطر له مفعوله هند على الساعه 12 راحت تفتح الباب لهم هند ما استوعبت ان طلال كبر عشان كذا هي رايحه تفتح لطلال ولورا الي تعرفهم هند وصلت عند الباب ولما دق فتحته وهي جالسه ورا الباب دخلوا اولا وحده لابسه عبايه بس فاتحه وجهها وبعدها دخل واحد طويل لابس ثوب وعلى راسه كاب هند انصدمت الي دخلوا كلهم طوال اخر مره شافتهم قبل سنتين معقوله تغيروا لورا اول وحده التفتت للي فتحلهم الباب لوار اول ما شافت هند شهقت هند ابتسمت بعد جهد_ ايش حالكم ( هند ما رفعت وجهها لطلال خايفه ) لورا من غير مقدمات حضنت هند هند حضنتها هند في ذي اللحظه ارفعت عينها لطلال لقتها يناظرها بابتسامه هند ركزت بعينها عليه طلال مو طلال كان طويل جسم متناسق وجهه بس صار احلى ممكن عشان السكسوكه الي كان حاطها هي مو سكوسكه كانت خنجر من تحت بس هند فكت لورا وناظرتها بعد لورا تغيرت صارت بنت كامله الانوثه هند ناظرت طلال للمره الثانيه هند مدت يدها له لكن طلال ناظر يدها وضحك وقرب منها وحضنها هند افتحت عينها على الاخير طلال فك هند وناظرها _ من صدقك تبني اسلم عليك بيدك وانتي قبل شوي مسلمه على لورا وضامتها ليه مالي رب هند ناظرته حست انها بخير صدق بخير وان ما احد تغير زي ما ظنت الي تغير هي بس هند _انت ايه ما كبرت على بالي عيشوك في السعوديه بتتعدل طلال _ اقول بلا تعدال ما تبوني اسلم على اختي صح الا اذا شفتيني مو اخوك وفي ذي الحاله انا راح اطلب عمي يدك هند مغطت ريقها ما تبي احد يتطرق لذا الموضوع لكن ناظرتهم ما كانوا مهتمين هند ضربت طلال على كتفه هند_ عمي مو موجود الحين يله تعالوا ادخلوا لورا _ هند اشتقتلك هند ناظرتها بابتسامه دافيه حزينه طلال ولورا دخلوا الصاله اما هند فراحت للمطبخ تجهز الغدا بعد شوي دخلت لورا عليها هند التفتت للورا الي كانت لابسه تنوره لتحت الركبه بشوي وفوقها هند استغربت ليه لورا لابسه كذا وهي عارفه ان فيه ياسر في البيت لورا ناظرت هند يعني وش فيه هند هزت راسها يعني ما فيه شي لورا _ هند انا راح اجلس عندكم يومين بعد هند استغربت لورا _ عندي اجازه ولي شهرين ما شفت ابوي وبغت تقول وانتي بعد رجعتي طبيعيه شوي بس ما تكلمت هند_حياك طلال بعد بيجلس طلال هو الي دخل _ ايه انا بعد هند فكرت ان هاذي فرصتها ياسر يقدر يبعد عن حمد اذا خلت طلال يساعدها …………………………………………� �………… في اليل وفي الليله الثانيه على التوالي المطر نزل هند ولورا الي ما فكتها وطلال كانوا جالسين برا ياسر اليوم كلها ما حضر البيت ام محمد تقول انها دق عليها وقالتله انهم موجودين هند عرفت انه عشان طلال موجود ما راح يرجع لانه مثل هند ماكان يجلس معهم هند كل شوي تناظر طلال تبي تقوله بس لورا ما خلتهم طلال بعد شوي قال_ لورا بليز روحي رتبي اغراضي لي لورا _ لا ابي اجلس هنا الجو روعه طلال _ لورا بليز قبل ما يجي ياسر لورا ناظرته بحزن وقامت طلال لما دخلت لروا ناظر هند وقال _ وش تبين هند ناظرته مستغربه وش دراه هند_ كيف عرفت اني اباك بكلام طلال _ عرفت والسلام قولي قبل ما تجي لورا هند_ ياسر طلال _ وش فيه هند_ متغير طلال _ توك عرفتي هند_ انت عارف ظروفي طلال _ وش الي تغير الحين عشان تلاحظينه قررتي تطلعين من الحاله الي انتي كنتي فيها هند_ طلال انا ما ابي اطلع من الحاله طلال _ اذا يا هند يؤسفني اني اقول ان الي مدخل ياسر في ذي الحاله هو انتي ولي بخرجه بعد انتي مساعدتي ما تنفع هند_ كيف انا الي دخلته طلال _ هند ياسر فقدك مثل ما فقدتي سيف هند شهقت يوم سمعت اسم سيف من لسان طلال طلال _ هند خلاص كافي لمن تسوين كذا لنفسك فهذا يدل انك انانيه لاتقولين انك تسوين كذا لذكرى سيف سيف مو محتاج ان وحده ميته روحهاهي الي تتذكره لا وكيف بالانعزال سيف حبك عشان روحك فأذا انتي تحاولين تحفظين الاشياء الي يحبها حافظي على روحك هند هند_ بس كيف تبيني افرح سيف _ ليه سيف لو انه موجود الحين كان حب انه يشوفك تمنعين نفسك الفرحه هند انا ما اقول لاتحزنين انا اقول بس لا تحزنين وتحزنين الناس الي حولك هند_ انا ما حزنتهم انا بعدت نفسي عنهم طلال _ من الي قالك انهم يبونك تبعدين عنهم هند ناظرت طلال _ طلال لو شوفتني فرحانه ما راح تزعل وتقول نست اخي طلال ضحك _ هند انا عارف سيف وشفت حالته بعد موت بدر زعل مثلك حوالي شهرين ما طلع من البيت حاول فيها ينتحر مرات كثيره بعدها سيف طلع ما لمحنا زعله الا في شي واحد تغير شخصيته سيف كان ضحوك مرح بعد بدر صار انطوائي لكن ما اهملنا ما نسانا دايم يدق علينا دايم يلبي رغباتنا هند لا تخليني اقول ان سيف اقوى منك لاني لطالما تخيلت انك راح تتحكمين بحياة سيف هند_ طلال ما جاوبتني لو شفتني فرحانه راح تزعل طلال _ ما راح ازعل اكثر من الحين هند_ يعني راح ازعل طلال _ لا هند دموعه نزلت وقالت بصوت باكي _ طلال قولي هو صدق انا الي سويت كذا بياسر طلال ما بغى يجاوب بس سمع صوت لورا راجعه _ ايه يا هند لورا رجعت وجلست في النص بينهم _ الجو حلو صح طلال _ ايه هند ما ردت لورا ناظرت هند وقالت _ هند انا بعد ما راح ازعل لو فرحتي هند ناظرت لورا بخوف _ انا اسفه بس صار فيني عاده احب استمع للاحاديث هند_ والله على كذا لازم اعدلك طلال _ انسي ما ينفع وكذا جلسوا طول الليل وهم كلام هند ما رجعت طبيعيه لكن لاول مره رجعت تضحك .................................................. .......... ... | ||||
|  |
|
03-10-12, 08:41 PM
| #22 | ||||
| نجم روايتي ومشرفة سابقةومصممه
| الفصل العشرين بكره الليل راحوا طلال ولورا على وعد انهم يرجعون العم ما قابلهم بس هم ما اهتموا لانهم لازموا هند ومافكوها هند رجعت لغرفتها بكره بترجع تروح للتدريس عند ضحى ما تبي تجلس في البيت اكثر هند طلعت عرفت ان ياسر اكيد بيرجع لانه عرف ان طلال ولورا راحوا هند انتظرت عند الباب ولما جات الساعه اربعه الفجر دخل ياسر هند قامت ياسر شافها وكمل طريقه هند_ياسر وين رايح ياسر ناظرها _ طالع فوق هند_ ابي اتكلم معك ممكن ياسر _ فيني نوم هند _ ياسر انا ياسر _ ممكن تخلين الكلام بكره وطلع للدرج هند طلعت وراه ومسكته من ثوبه من ورا هند_ لما اكلمك وقف ياسر ناظرها بنظره تخوف هند_ ياسر خلاص ليه تسوي كذا انا هند اختك محتاجتك ياسر _ هند هند من غير مقدمات حضنته وقعدت تبكي – ياسر لا عاد تسوي كذا تراني تعبت والله تعبت ياسر حضنها ومسح على شعرها وضحك _ عمري ما تصورت اني راح اكون مهم في حياتك هند فكت الحضنه وناظرته وقالت بسخريه يعني انها رجعت لعادتها القديمه هند_ انت ايه منين لك ذا الكلام أي مسلسل قاعد تتابع ياسر مسك راسها بين يده ونزله هند رفعت راسها لياسر ياسر _ هند انا جوعان هند_ ياسر هو انت الي توصخ المطبخ كل يوم ياسر _ لا والله مو انا انا اصلا ما ادخل المطبخ عشان لا اوصخه هند ابتسمت وراحت للمطبخ وسوتله اكل وجلسوا مع بعض .................................................. .......... ...... هند قامت بكره وعلى طول دقت على المديره تقولها انها راح ترجع اليوم مو بكره قالت للمديره وقفلت وراحت لياسر وقالتله عشان يوديها دايمن بدال ابوها ياسر وافق رغم فكره اعطاء دروس خصوصيه مو معجبته ما طلع اليوم لحمد ولا عاده .................................................. ......... هند وياسر ركبوا السياره ولما بدوا يمشون المطر بدا ينزل هند_ الله يديمها نعمه ياسر – احب ذي الاجواء وانتي بدال ما نطلع نروح لمكان حلو تروحين تدرسين هند_ انت الحين بتشوف احلى منظر بعينك بيتهم حلو ياسر _ هم اغنياء كثير ولا ها يعني هند_ اظن اغنياء كثير .................................................. .......... .... ياسر راح بهند ووصلوا للبوابه ياسر _ ما عاد ذي بوابه ذي حصن هند_ بعدك ما شفت شي ياسر دخل البيت ومشى بالهايلكس حقته في الشارع _ وش ذا بيت هند_ شفت كلامي البيت كان من بعد المطر خيال الشجر مخضر بزياده الشوارع كأنها مغسوله يعني الحجر القرميد الي علة الشوارع يلمع الريحه خيال والنوافير صوتها رائع ياسر – ماشاء الله هند ناظرته وفي ذي اللحظه شافت من بعيد عبدالعزيز يمشي على خيل اسود ببطءعلى حافه الطريق وهو لابس لبس اسود وبلوزته فاتحه ازرارها الثلاثه الفوقيه كلها ومن وراه الاشجار العاليه الي لونها يميل بين الاخضر الفاتح والغامق ياسر ناظره وهو يمر من عند السياره وما التفت ياسر_ كني قد شفته هند_ ها من وين تشوفه اصلا ياسر ما رد وصلها عند الباب وانتظر لين دخلت وراح هند دخلت وطلعت لفوق بس وهي تضغط زر الاصانصير سمعت احد يناديها من وراها هند التفتت لقت الخادمه الي تتكلم سعودي الخادمه_ الانسه ضحى برا في الحديقه هند قامت وتبعت الخدامه وطلعت للحديقه الرائعه كان الجو ما فيه شمس والحديقه كبيره مره والطاولات الي عليها مظلات راسها ابيض ممليه الحديقه هند حست انها في حفله واحساسها ما كذبها كانت ضحى جالسه بين حول خمسة عشر بنت ملابسهم بسيطه بس روعه ملابس خفيفه هند وقفت قبل ما توصلهم هند للخدامه _ ضحى مسويه حفله هند_ على كذا انا برجع وانتي قولي لها الخدامه _ قلتلها قالت تجينها انا انصحك ارجعي وبقولها انك قلتي انك راح تنتظريها لانها اكيد بتسويلك شي مو كويس هند ناظرت الخادمه بامتنان على النصيحه _ خلاص برجع للبيت وقوليلها الكلام الي قلتيه هند رجعت للبيت وجلست في الغرفه الي هي اخر مره جلست فيها غرفه الانتظار شالت البرقع وفحت الدرايش عشان المنظر لايفوتها واول ما فتحت الدريشه لقتها تطل على الحفله او العزومه هند قعدت تناظرهم هي شافت ناس اغنياء من قبل بس مثل ذول لا ما شافت كل شي ينطق بالثراء من حولهم هند قعدت تناظرهم وتناظر تحركاتهم البوفيه حقتهم الخدم الي حولهم ضحى بدلعها ولبسها الاخضر الغامق الي يوصل للركبه واسع من تحت الصدر على حركه غجريه من تحت والبنات الي حولها هند دخلت معهم وما لاحظت الانسان الي كان في الغرفه يراقبها بدوره هند قعدت تناظر البنات وهي تناظر انعكس على الزجاج حق الدريشه صورة رجل هند حبست نفسها وناظرت وراها بهدوء كان عاقد يدينه ومتكي على طاوله يناظرها هند _ وش تبي عبدالعزيز_ بما انك مهتمه بهم ليه ماطلعتي لهم هند_ ما ابي كلهم صغار بعمر ضحى عبدالعزيز_ من قال فيه ناس اكبر منك هند_ انت مو عارف عمري عشان تعرف عمر الناس الي اكبر مني عبدالعزيز_عمرك 25 سنه هند ناظرته بعدين رجعت تناظر الدريشه عبدالعزيز_ انتي بخير الحين هند ما ردت عبدالعزيز_ ليه جايه اليوم مو مفروض تكونين هنا بكره هند_ ابغى اخلص فتره الشهر بسرعه ابغى افتك عبدالعزيز قال بصوت مليان غضب مكبوت _ هند تعلمي معي الادب هند خافت في نفسها هي عارفه انها اذا واجهت يوم غضبه انها ما راح تطلع سالمه هند_ لو سمحت استاذ عبدالعزيز عبدالعزيز قاطعها _ يعني الحين صرت استاذ هذا الادب عندك هند_انا ما اعرفك عشان اقول اسمك وان قلته من قبل حاف اسفه عبدالعزيز_ كيف ما تعرفيني ليه ما تلاقينا من قبل هند _ ليه ما تفهم ان احنا في السعوديه وان الي قاعد تقوله بصوت عالي لو عرفه هلي بيذبحوني ثانيا الي صار انا ما كان لي يد فيه عشان كذا انسى ان احنا تلاقينا من قبل انا نسيت عبدالعزيز_ هند انا مستغرب من شي انتي تكرهيني هند قالت كلمات سامه مقصوده _ لا انا ما اكرهك انا اصلا ما اعرفك وبصراحه مو ناويه اعرفك عبدالعزيز ناظرها باستغراب _ هند في ذي اللحظه دخلت عليهم مره لابسه بنطلون ساتان لامع اسود وفوقه بلوزه لحد الركبه شيفون ازرق غامق عليه حركات المره لبسها يزيد من هيبتها المره ناظرت هند بتمعن هند الي كانت جالسه على الكرسي بدون نقاب بس شيله و عبايه وعبدالعزيز الي كان متكي الجلسه كانت توحي انهم يعرفون بعض من زمان بعدين ناظرت عبدالعزيز عبدالعزيز ناظرها في عيونها بهدوء العمه ساره _ عبدالعزيز ايش قاعد تسوي هنا عبدالعزيز وهو يناظرها _ اتكلم مع استاذه هند عن ضحى العمه ساره ناظرت هند بعدين ناظرت عبدالعزيز- انا راح اكمل عنك اكيد عندك اشياء اهم عبدالعزيز ناظر هند بعدين طلع العمه جلست تناظر هند الي كانت تناظرها بادب واحترام فرضته عليها الام العمه تنفست بعمق بعدين ناظرت ساعتها وقالت لهند العمه ساره_ اتمنى انك تجلسين هنا وما تخرجين عندنا ضيوف وطلعت هند ناظرت ظل العمه وخدودها حمرا من القهر هاذي الانسانه حقيره مثل بنتها اكيد ضحى بنتها تشبها .................................................. .......... ز تركي ورعد دخلوا بوابه بيت عبدالعزيز رعد في سيارته ومعه تركي رعد_ تركي ما تشوف ان احنا طولنا ذي السفره نرجع الاسبوع الجاي وش رايك تركي- ما ادري احس اني ارتحت هنا لاحقين على العنا رعد_ انا خلاص خذيت كفايتي من هنا ابي ارجع.. لفرنسا وحشه تركي_ عندي احساس ان عبدالعزيز ما راح يرجع رعد_ هو اصلا جاي هنا للراحه والولد قلبها شغل ما اعرف ليه تركي _ انا ما يعجبني الا عمه هشام هو الوحيد الي من ذيك العايله يريحك تحسه طبيعي اما الباقين تحس بالنقص معهم رعد_ وانت صادق لاهي مع لوحه والرسم عموما هاذيك العايله عيالها نوعين يا اذكياء يا فنانين تركي_ عبدالعزيز جمعها بس مازلت اكره ذكائه رعد_ الحمدلله انه ما يبينه ولا والله ما كان عرفته ولا خاويته وقعدوا يتذكرون قصص عبدالعزيز وذكائه العالي ووصلوا لعند البيت ونزلوا ولما نزلوا رعد_اوه تركي شوف اظن ضحى مسويه حفله تركي _ بسرعه ادخل لو شافونا صديقاتها ما راح يفكونا ودخلوا بسرعه وهم داخلين شافوا وحده لابسه عبايه وشيله ونقاب طالعه من غرفه الانتظار وهي معصبه هند عصبت لها ساعه ونص ولا جاتها الاخت ضحى وهي تمشي شافت رعد وتركي موقفين في نص الصاله يناظرونها منصدمين مو عارفه ليه رعد وتركي وقفوا في نص الصاله من يوم شافوا هند طالعه شكلها غريب لابسه العبايه الراس وشامرتها وتمشي مشيه غريبه كانها رايحه تضرب احد هند وهي ماره من عندهم ناظرتهم بكره تحمله لهم مادام انهم اصدقاء عبدالعزيز رعد وتركي يوم شافوا النظره ناظروا بعض منصدمين هند وقفت عند المطبخ وبدت تنادي بصوت عالي هند بصوت عالي ينرفز من كثر ماهي متنرفزه_ وحده منكم تروح تنادي الاخت ضحى رعد وتركي ما راحوا قعدوا يناظرون هند مستغربين انا هند فما زالت تامر لانها صدق وصلت عندها هلها مو خدامينها كل شوي تقولهم لا تجون ذلحين او تعالوا في ذي اللحظه رعد وتركي شافوا عبدالعزيز نازل من الدرج بسرعه وبغضب مخيف هند كانت ملقيه رعد وتركي ظهرها وتكلم خدامه بصوت عالي هند_ روحي ناديها انا مو خدامتها عبدالعزيز وقف وراها ومسك كوعها وادارها له عشان تناظره عبدالعزيز وهو ماسك نفسه _ وطي صوتك وين شايفه نفسك هذا مو بيتك عشان تصارخين فيه كذا فهمتي هند ناظرته منصدمه كلامه جرحها هند فكت يدها منه بقوه _ مو هذا بيتي ولا ابيه يصير بيتي ما ابي انجن و لا عاد تصارخ في وجهي تفهم بعدين انت الي وش شايف نفسك عليه رعد وتركي وقفوا ورا عبدالعزيز ومسكوه رعد_ عبدالعزيز يله خلنا نطلع عبدالعزيز فك اياديهم ورجع يناظر هند _انتي ايه مو عارفه مع من انتي قاعده تتكلمين صح رعد وتركي ناظروا بعض مستغربين فيه شي صاير هذا مو عبدالعزيز رعد_ عبدالعزيز اتركها البنت ما سوت شي ضحى تاخرت عليها عبدالعزيز ناظرهم بعدين ناظر هند عبدالعزيز_ ضحى تقدر تتاخر زي ما تبي وانتي كل الي عليك انك تنتظرينها فهمتي هند تناظره تحس في صدرها شي يوجع هي متعوده عليه طيب وش فيه انقلب شيطان هند بصوت هادي متالم _ انا مو خدامتكم عبدالعزيز ناظرها بحزم _ بلا هند_ احترم نفسك عبدالعزيز _ انا راح اطلع الحين بعد خمس دقايق راح انزل ما القاك هنا فهمتي هند قعدت ترمش بعينها تمنع دموعها اما عبدالعزيز ناظرها بعدين طلع رعد وتركي ناظروا هند رعد_ اسف استاذه هند تركي اشر براسه يعني انا بعد بعدين طلعوا ورا عبدالعزيز هند سمعت ضحك التفتت للمطبخ لقت ضحى وربى ولولوه وبنتين ثانيات ضحى الي شكلها دخلت من باب المطبخ ضحى باستهزاء _ استاذه هند وش الي مجلسك اطلعي الحين انا مو عارفه وش ممكن يسويلك عبدالعزيز اذا نزل وبعدك هنا ربى _ ممكن راح يخرجها بنفسه بس اكيد ما راح يلمسها لولوه _ اووف ياله احنا تحملنا شوفتك انتي وملابسك القرف ضحى _ بنات لا تتكلمون بمواضيع تافه ومفروغ منها انتي (تنادي خدامه )طلعي هاذي برا البيت الحين (تاشر على هند ) هند مشت وخلتهم وراحت لغرفه الانتظار تاخذ شنطتها دخلت وخذت الشنطه كانها اله دموعها تحاول تنزل وهي تردعها ولما بغت تطلع شافت فيه خدامه بانتظارها هند مشت وراها وهي تمشي قعدت تدق على ياسر هند_ الو ياسر وينك ياسر ما لاحظ صوتها _ بعيد هند_ تعالي ياسر _ هند انتظري ساعه لاني بعيد والله انتظري عندهم طيب هند ناظرت حولها بياس ماهي عارفه وش الي صاير تايها _ ماهي مشكله بس تعال بسرعه ياسر _ ابشري ..وقفل وطلعت برا البيت وهي تمشي الخدامه التفتت لها وهم قدهم بعيد يمشون في الرصيف الي يودي للبوابه الخدامه طلعت ظرف وعطته هند _ هذا الظرف من السيده ساره هند خذت الظرف _ من هي السيده ساره الخدامه ضحكت _ الصراحه اقدر اقول اطيب سيده للقصر مقارنه بام السيد عبدالعزيز هند_ ام ضحى الخدامه _ تقصدين السيده ساره ايه ام ضحى عمه السيد وفي هذا الوقت جات خادمه لابسه ابيض على وردي غير اللبس السائد للموظفين الخادمه الاخرى _ انا ساخذ الانسه من هنا الخدامه _ طيب وناظرت هند وقالت مع السلامه هند تبعت الخادمه الثانيه لكن الخادمه الثانيه التفتت لورا عشان تشوف فيه احد ومدت يدها لهند وهي مبتسمه الخدامه _ عطيني الظرف لو سمحتي هند ناظرت الظرف بخوف هي محتاجته كيف تعطيها هند_ بس انا الخادمه _ اوامري تقول ما تخرجين من البوابه ومعك الظرف لو سمحتي عطيني ياه هند تندهت وعطتها الظرف الكبير المليان فلوس الخادمه وصلت هند لبيت صغير متخفي بين الشجر شكله رائع مبني من الخشب وعلى الطريقه اليابانيه مو كبير دور واحد هند استغربت ودخلت ورا الخدامه هند قعدت تناظر البيت منبهره كان فيه موقد كبير في جدار من جداران الغرف وقدامه ثلاث كنبات وثيره عنابيه الارض ما عليها الامفارش متناثره كلها الوانها عنابيه وفي زاويه من زوايه الغرف كان فيه بياونو والباقي تلفزيون معلق على الجدار بلازما كبير وزينات غريبه مرهفه متوزعه الخادمه اتجهت للموقد وحطت الظرف بين النار لتلتهمه هند شهقت _ ليه سويتي كذا هاي فلوس الخادمه ابتسمت _ هاذي اوامر هند_ من الغبي الي قالك سوي كذا الخادمه ناظرت هند منصدمه بعدين ابتسمت الخادمه _ مو مهم من قالي لو سمحتي تفضلي اجلسي .................................................. .......... .. رعد تركي دخلوا على عبدالعزيز الي كان قاعد على مقعد البيانو ويناظره رعد_ ليه سويت كذا عبدالعزيزناظره _ ليه انت مهتم البنت معجبتك رعد عصب _ عبدالعزيز ايش فيك انجنيت عبدالعزيز ناظره نظره هاديه _ مالك علاقه بالي اسويه رعد_ بلا لي علاقه لما تسوي كذا ببنت مسكينه ما سوت شي تركي_ احنا شوفنا الموقف من اول البنت لها حق تعصب اظن ضحى تاخرت عليها عبدالعزيز خذا نفس عميق _ كان لازم اسوي كذا رعد_ ليه كان لازم تسوي كذا عبدالعزيز _ عمتي دخلت علي وانا اكلم هند ومن كلامي بينت اني اعرفها رعد_ عبدالعزيز انت مكبر الموضوع ما اعرف ليه هاذي مو اول مره تعرف بنت وتكون لك معها علاقه عبدالعزيز مسك يده بقوه _ انا ما اعرف هند ولا بيني وبينها علاقه رعد_ انا عارف بس اهلك اذا فكروا بها بيفكرون بذي الطريقه اهلك عمرهم ما تدخلوا بصداقتك ما دامها ما راح تتعدى العلاقه العابره وعشان كذا لا تخاف انت اصلا معها ما تعرفها كويس وما اظن لك فرصه معها البنت كارهتك وهذا شي واضح عبدالعزيز لاول مره يفكر ان عمره ما فكر بهند بذي الطريقه كان يشوفها طول الايام الي فاتت شي غريب يحب يستكشفه او بصراحه نادرا ما كان يفكر فيها يعني ما كان يتذكرها الا لما يشوفها تركي وهو يغمز لرعد _ وش ذا الكلام يا رعد عبدالعزيز مو مهتم بالبنت هذا بعد شي واضح رعد فهم_ عموما البنت مو معطيته فرصه عبدالعزيز ناظرهم بسخريه وبدا يدق على البيانو وش الي فيه مو عارف بس هو عارف انه اذا يبي شي بياخذه واذا حط في راسه شي بيسويه .................................................. ....... هند بعد ما راحت الخدامه ما قدرت تمسك نفسها قرحت تبكي خلاص ليه كذا الناس يسون وهي تبكي قعدت تناظر النار وتشوف بقايا الظرف كرهت ذي العايله اكثر هي عرفت ناس اغنياء بس مو كذا ما همهم احد هند قعد تتكلم بصوت واطي .. اكرههم الله ياخذك يا عبدالعزيز اكرهك هند ما هي عارفه ليه من يوم سوا كذا فيها وهي صورته عيت ما تروح من راسها ؟؟ دخلت الخدامه بعصير وووراها ثلاث خدامات بصواني هند تناظرهم بكره الخدامه _ تفضلي ست هند هند ما عاد استحملت _ لو سمحتي اتركيني لحالي الخدامه _ ليه فيكي شي ست هند (لاحظت وجهها منتفخ من البكا ) هند ناظرتها وما ردت وقعدت تناظر الجوال متى يا ياسر بتجي وتفكني ؟؟؟,,,,,,,,,,؟؟.............................. ............... .... في الليل بعد ما رجعت هند للبيت كانت بردانه لان الاجواء بارده مره هند لابسه قميصين فوق بعض واحد اكمامه طويله والثاني كمه للنص وفوقها جاكيت وشراب عشان رجولها هند نزلت لامها ياسر ما حس بشي في السياره ممكن لانه تعود ان هند ما عاده تقول شي او دايمن زعلانه هند من يوم جات وهي تحس في صدرها نار ما طفت وما قدرت تفك عقده حواجبها كانها طول الوقت متالمه لانها تفكر فيه وش عليها منه كلامه صح بس ليه سوى كذا هو اصلا كذا مو طيب خبيث بلا كان يمثل الطيبه صح لا ما اعتقد فيه شي غلط بس وش علي احس اني بانفجر ليه ما رديت عليه ليه سكت وش عليك تردين عليه انتي مجنونه بس انا الحين اكيد ما اقدر ارجع لذاك البيت هو كانه يقول انتي مطروده انا منين القاها يا رب هونها علي \\ هند دخلت على امها في الصاله لقت ابيها موجود عمها له كثير منه زي ما قلنا يروح ويجي ما عاد يجلس في البيت هند جلست وهي مبوزه وقعدت تتابع التلفزيون مع هلها ابو محمد_ وش اسم ذا الممثل يا هند هند ناظرت التلفزيون زين لانها كانت تفكر في شي ما وقفت تفكير فيه من يوم رجعت هند جاوبت ابوها ورجعت في تفكيرها هند حست احد يناظرها لقتها امها هند ناظرت امها بحب ام محمد_ هند تعالي معي للمطبخ ابيك هند قامت ورا امها هند في المطبخ_ عسى ما شر يمه ام محمد_ اظن هاله حامل هند_ وش دراك ام محمد_ وانتي برا البيت جات هي ويا محمد نص ساعه وراحوا محمد ما يخليها تمشي هند_ وليه ما قالنا خايف نحسدها ام محمد ناظرت هند_ هاله بعمرك وقد ذا ولدها الثالث جاي هند ناظرت تحت في الارض ام محمد طلعت هند وهي تناظر تحت كانت دموعها تطيح على الارض غمضت عيونها عشان دموعها توقف خلاص تعبت بس ما حد فاهمها هند ناموا هلها كلهم على الساعه 11 ما عاد به احد قايم حتى عمها راح ينام بعد ما عشته هند وعطاها نظره من نظراته وهند طنشت هند طلعت فوق بعد ما قفلت الابواب والمطر كان ينزل بس على خفيف وقبل ما تنام ناظرت جوالها الي قعد يضى باشاره مسج هند فتحت الجوال وقرت الرساله من نفس ذاك الرقم شكله لذلحين مو عارف انه غلطان ويرسل لصاحب الرقم الغلط مادام انه مو هذاك الي يدق عليها ويقفل ما هي مشكله هل تستطيعين ان تسامحي من لا يستطيع مسامحه نفسه ؟؟ .................................................. .......... ...... هند من غير شعور قالت بصوت واطي لا غريبه رسالته ما فيها الا سؤال شكله مزعل حبيبته هند نامت حست براحه كانها كانت خايفه انها ممكن تسامح عبدالعزيز بس الحين لا هاذي الرساله فوقتها انها لا تسامح ابد .................................................. ..... عبدالعزيز جالس في بيت صغير خاص فيه على الطريقه الصينيه البيت كان مختفي بين الاشجار هذا البيت عمر ما احد دخله غير عبدالعزيز اما رعد وتركي ما يدخلونه الا اذا فيه شي مهم لان هاذي مملكه عبدالعزيز عبدالعزيز بدا يعزف البيانو بعد ما قالتله الخادمه على كل شي وعلمته انها نفذت تعليماته وان هند كانت تبكي عبدالعزيز بدا يعزف مقطوعه تقطع القلب لدرجه ان الخدم الي في المطبخ قعدوا يناظرون بعض بحزن اما وحده منهم فبدت تدمع .................................................. .......... ........ هند من بكره قامت تشتغل حاسه براحه غريبه بتدق على اخيها خالد اليوم وتقوله انه لازم يصرف على البيت لانها خلاص ما عندها شغل ومع ذلك حاسه انها بتصير هي وهلها حمل عليه وش ذا الكلام يا هند هو الي اصلا مفروض انه يصرف من غير احد يقوله هند في الظهر بعد ما جهزت الغدا طلعت فوق ترتب اغراضها ودخلت الغرفه حقت ياسر ترتبها وهي تنظف التسريحه حقته لمحت نفسها هند قعدت تناظر صورتها وش الي خلاها ترجع ما هي قالت لنفسها انها لازم تغير نفسها ماهي قالت انها مالها علاقه بالناس عشان لما يروحون ويبعدون ما يوجعون قلبها ليه يا هند رجعتي كنتي بخير والناس مرتاحين غرك كلام طلال طلال مو عارف وش انتي حاسه به ولا اصلا شكلك كنتي تبغين احد يقولك كذا هند تنفست نفس عميق ورجعت تشتغل وهي تشتغل فتحت الكوميدينه تدخل فيها كتاب ياسر لقت علبه سيجاير هند شهقت ومن غير شعور ما عاد استحملت نفسها خذت السيقاير وطلعت ونزلت تحت ووقفت عند الصاله ولقت ياسر مع هلها هند _ ياسر تعال ابيك ياسر قام وهو يناظر هند اما الباقين مو مهتمين هند طلعت الدرج على ان ياسر يلحقها ودخلت غرفته هند على طول اول ما دخل ياسر راها ورته الدخان هند_ وش ذا يا ياسر ياسر ناظرها وعلى طول وصلها بسرعه وخذا العلبه _ من الي سمحلك تفتشين في اغراضي هند_ هذا ردك اقولك وش جابها وانت تقول ليه افتش ياسر _ هند وش له معصبه وشفيها هند شهقت _ وش فيها انت هبل ذا دخان ياسر_ انا رجال وكبير واسوي الي اسوي هند ماعاد فيها قربتله وبدت تخبطه على صدره بقوه وقهر ياسر مسكها _ بعدي يدك ما اني باصغر بزرانك هند _ بلا انت اصلا مفروض ما طلعت من بطن امك يا بزر ياسر ناظرها بتعصيبه الكل كان معصب مسك يدها بقوه _ مو انا الي انضرب هند فكت يدها _ ما دام ما عندك ادب لا بتنضرب يا الصايع ياسر بقوه عطاها كف هند طاحت من قوته كان قوي لدرجه ان هند حست ان سنونه طقطقت ام محمد دخلت بسرعه مع العم محمد هند_ انا انا يا ياسر تضربني ياسر ناظرها _ ايه اضربك واضرب الي مثلك هند بدت تصيح _يا الضايع انك صايع ماذي فعايل رجاجيل روح لخويك الله لا يوفقه ام محمد بصوت عالي _ هند بس خلاص وش فيكم خلعتونا هند ناظرت امها _ ولدك ولدك ضاع ياسر _ تلايطي لا اجي اكمل الباقي هند من غير شعور ركضتله وبدت تضربله وهو يبعدها بس هند ما شافت الا احد موقفها ومعطيها كف فوق الاول هند حست ان خدها يحترق هند ناظرت عمها عمها _ روحي غرفتك يا كلبه مو الرجاجيل الي ينضربون هند ناظرت عمها بحقد وطلعت منهد حيلها الكف يحرق هند دخلت الغرفه وقفلتها وعلى طول طاحت مغمى عليها ............... | ||||
|
| |
|
03-10-12, 08:43 PM
| #23 | ||||
| نجم روايتي ومشرفة سابقةومصممه
| الفصل الواحد والعشرين هند بدت تشوف خيالات تروح وتجي بدت تصحى من الاغماءة\ جلست تناظر حولها كانت في غرفتها ناظرت حولها وبدت تتذكر ناظرت الدريشه الدنيا ليل هند استندت على الباب والمقبض عشان تقوم وراحت لسريرها وجلست عليه وتهمت في الدولاب حقها هند التفتت للمرايه وشافت وجهها كان منتفخ وعلى جانب منه كدمه بنفسجيه كبيره ماخذه خدها الايمن كله هند ما عاد استحملت تبي تقول لحد مسكت الجوال تبي تدق لقت مكالمات لم يرد عليها 4 هند فتحت الارقام لقتها المديره وواحد ريم الي كان الاخير هند دقت على المديره اول ممكن عشان اجرات الفصل هند انتظرت وهي تتالم سنونها توجعها من الكف المديره _ الو هند تكلمت وسمعت صوتها تفشلت كان تعبان كانها باكيه_ الو استاذه مريم انا هند المديره _ اهلين هند وش اخبارك فيك شي تعبانه هند_ لا بس بعدني قايمه من النوم المديره _ اذا هذا يفسر عدم حضورك لتدريس ضحى اليوم هند _ ايش بس انا وسكتت المديره انتظرت شوي _كملي بس انا ايش هند_ اخر يوم صارت مشكله وعلى بالي اني خلاص مفروض اني ما اروح هناك المديره _ ليه احد قالك هناك انك مطروده هند فكرت _ لا ما احد قالي المديره _ انسه هند لو سمحتي لا عاد تتغيبين عشان اشياء كذابعدين انا داقه عليك اقولك انك لازم تروحين بكره وتروحين من بدري تعوضين غيابك اليوم روحي بكره الساعه ثنتين هند_ ثنتين الظهر ليه المديره_ هاذي الاوامر هند تحس بقلق مع ان وظيفتها رجعت _ شكرا استاذه مريم ان شاء الله اكون هناك بكره المديره_ العفو اشوفك قريبا ان شاءالله .................................................. .......... .. هند قفلت وكانت تبي تدق على ريم بس فيه احد دق الباب هند اظرت الباب وما تبي تفتحه ريم_ هند افتحي انا ريم ومعي ثريا هند قامت وهي فرحانه انهم جاو هند فتحتلهم الباب وريم مسكت وجهها ريم_ جعل يده الشل شوفي وجهك كيف ثريا_ ما عندهم ضمير هند ودي اني اشلك معي للبيت هند ابتسمت _ ادخلوا وش الي جابكم ريم_ امي دقت علينا تبكي قبل شوي تقول انك ما بعد نزلتي من بعد الضرب قولنا لها وش الضرب ذا قامت وعلمتنا السالفه هند_ معليه ريم_ اووف هلي ما عادهم مثل اول النفوس تحولت كله من ذا االغراب النحس لا وفقه ربي ثريا_ تمنيت ان حن ما شفناهم كل المصايب حلت من يوم جاو ريم ناظرتها وثريا سكتت ثريا كانها تذكرت شي ثريا قامت وراحت تبي تخنق هند _ هند يالكذابه قولي والله اني ما شفت ولد ال سياف في حياتي هند ناظرتها بخوف _ ها ليش اقول كذا ثريا _ شوفته هو الي كان في الجوال يعني هو الي كان معك في سالفه العم صالح ليه ما قلتي لنا هند_ ها ثريا تهزت بهند _ ها هند اعترفي هو عشانه يعرفك ما فصلك هند _ ايش بلى العالم خبلت لا ما اعرف ليه هو ردني ثانيا انا ما كنت عارفه انه ولد ال سياف ثالثا انا وياه ما نتقابل واذا تقابلنا يبان علينا ان احنا نكره بعض ثريا_ نكره بعض كره حقيقي ليه هو وش سوالك وانتي وش سويتيله بعدين مفروض اول ما شفتيه علمتينا هند_ ما اعرف وليه اقولكم انا ما يهمني بعدين انتي وين شوفتيه ثريا _ مجله المدرسه منزلين عنه وعن اهدافه لانهم ناويين يفتحون فرع للمدرسه في البحرين ودول الخليج كلها هند_ مالت عليهم ريم ما كانت تتكلم كانت بس تناظر هند تتذكر كلامها عن سيف يوم كانت تقول انه يكرهني بس هند لاول مره تقول اني اكره واحد ريم_ هند تكلم معك هند_ لا ليه يتعب نفسه بعدين بيتهم كبير مره انتوا ما شفتوا الي شفته ريم_ وصفي لنا هند_ ما فيني اتكلم والله ثريا _ بروح معك ريم_ وانا بعد هند ناظرتهم بتعب _ انتوا مهايبل وش تسوون هناك تبون تسمعون كلام يسم البدن ريم_ هم يضايقونك هند_ ايه لازم ضحى تسوي كذا ولا ما تطلع ضحى ثريا _ الله يا خذها اكرها ريم_ خلاص يا هند انزلي امي بتخبل عليك بعدين وش قاعده تسوين هنا طول العصر هند ما قالت _ ما شي بس ريم بغيت اقولك انا لازم اروح لضحى بدري عشاني ما عطيتها حصه وما عندي من يوديني ابوي يكون في سوق الغنم ما يرجع الا ثلاثه ونص وياسر ما كان طلبته ريم _ المشكله ان عادل في الالزام بكره وبعده ثريا _ معليه بخلي عمر يوديك هند_ تكفين يا ثريا لا تنسين ثريا _ لا تخافين ما راح انسى بعدين انتي عارفه عمر بيوديك هند_ ايه عارفه ابو بندر ما يقصر ثريا _ هند في شي غلط هند_ وش هو ثريا _ ليه خلاك تدرسين ضحى وهي محتاجه لغه البنت اصلا كانت عايشه برا هند_ شكلهم جايبيني احل واجباتها البنت مهمله ببشكل كبير ثريا _ قولي كذا .................................................. ......ز رعد يمشي في غرفته رايح جاي عبدالعزيز_ خلاص وجعت راسي تركي كان يناظر السمكه الذهبيه الوحيد5 في حوض زجاجي كبيرومستغرب ما همه في الي قاعد يصير رعد_ انتوا وش فيكم باردين امك جايه يا عبدالعزيز وانت عند ك عادي تركي ناظر رعد بعدين رجع يناظر السمكه عبدالعزيز ناظر يده بعدين ناظر تركي رعد- ما عرفت ليه جايه عبدالعزيز_ ليه اعرف انا قالي جاك انها جايه هذا كل شئ تركي رجع يجلس على الكرسي الذهبي _ رعد قصده ان امك وعذرا على ذي الكلمه ناويه تسوي شي مو كويس رعد_ عبدالعزيز انا خايف على هند ممكن الي انت خايف منه وحنا نستهين به يصير حقيقي عبدالعزيز ضحك _من هي هند عشان امي تنزل عشانها لا تخاف انا عارف ليه جاي او بالاصح عارف وش هي ناويه عليه رعد_ المهم ما فيه هند عبدالعزيز ناظر رعد نظره بارده مخبي وراها انزعاجه _ ليه مهتم بهند رعد_ انت عارف اني ما احب الظلم عبدالعزيز_ خلنا نشيل هند من السالفه لان مالها علاقه فيها تركي _ وش السالفه ليه امك جايه عبدالعزيز_ اظن عشان موضوع بنت ال خيامي رعد- قول والله كويس ريحتني عبدالعزيز اللي كان الموضوع عنده عادي تركي _ على كذا الغدا لها بكره عبدالعزيز _ بكره لها كله رعد_ يعني بديت تقرب من القفص الذهبي عبدالعزيز قام _ انا رايح .................................................. .......... هند كانت قايمه الساعه تسعه الصبح وراحت للحوش تنظفه وماكلت شي من امس لا غدا ولا عشا والحين مالها نفس تاكل غدا امها تناظرها كل شوي خايفه انها زعلانه منها لكن هند طمنتها انها ما هي بزعلانه من حد هند على الساعه وحده طلعت فوق تلبس بعد ما دقت عليها ثريا وقالت ان عمر جايها هند راحت لقت كل ملابسها مغسله امس جردتها يوم شافت ان ما عاد به دوام وش تسوي تاخذ من ملابسها القديمه مالها الا ذا الحل طلعت ملابسها الي حاطتها في باغه زبايل سودا وقعدت تدور على لبس كويس لقت بلوزه ورديه فاتحه هديه من هاله هند مسكتها بقوه وين هاله ذيك راحت الله يعين هند في الاخير خاطرها وقف عند بلوزه حمرا عليها صوره تويتي وسلفستر وهم يتضاربون هي ما بغت تلبسها بس هي من البلايز القلايل الي ما لهم ذكرى معينه هند لبستها على تنوره سودا من ايام زمان كانت كلها واسعه عليها هند لبست عبايتها وطلعت لعمر اخي عادل الكبير اطيب خلق الله متزوج بوحده طيبه وهاديه ما تختلط بالناس تناسبه تمام هند دخلت السياره بعد ماركبت ورا هند_ السلام عليكم عمر _ وعليكم السلام وش اخبار هنوده هند تحبه لانها دايمن تعتبره اخيها الكبير هند_ بخير ها اشوف جبت معك عمر ( عمر ولد ريم راكب قدام لابس مثل خالته بلوزه حمرا وبنطلون جينز شعره طويل اسود ناعم مره وابيض وخدوده حمرا فيه من خالته ) عمر الصغير _ اماه ما ئندي بزكوت ( عمر يسمي هند اماه لان ريم معودته كذا ) هند _ ابشر اجيبلك بدال البزكوت ثنين عمر الصغير ترك السيت الي قدام وراح للي ورا يبي يجلس في حضن هند عمر _ هند من وين اروح هند قعدت توصفله لين وصلوا عمر _ والله يا هند انتي تشتغلين هنا ما شاءالله الناس طيبين ولا ماخوذ خيرهم هند_ عادي ناس مثل غيرهم عمر وهو يمشي على الرصيف الحجر الي يوصل للفيله دق جواله عمر ناظر الجوال ومسك راسه علامه ان فيه شي نساه والحين تذكره عمر _ هند عادي تاخذين معك عمر هند _ ها عمر _ انا لازم اروح للشرقيه الحين وماني براجع الا في الليل هند_ بس عمر عمر _ هند مافيها مشكله البنات يحبون يشوفون اهل مدرستهم هند فكرت ذا الكلام صح لو ضحى طالبه عاديه هند_ معليه رح بشل عمر معي هند طلعت و عمر الصغير ومسك يدها هند شافت عمر الكبير وهو رايح هند ناظرت عمر _ عمور شوف اذا تادبت ولا سويت مشاكل بعطيك حلاوه كبيره عمر ما فهم شي الا الحلاوه الكبيره هند ناظرت البيت وبنظره كره دخلت اول ما دقت الباب ودخلت خافت لان البيت كان مليان خدم ناس ريايحين وناس جايين وشالين صواني فاازات اشياء غريبه هند دخلت ولا حد عطاها وجه وقعدت تناظر البيت وقررت انها تطلع الاصانصير يا رب ان ضحى موجوده وتخلص معها ويا رب بعد ان عبدالعزيز ما يطل بوجهه لاني مو قادره استحمله او استحمل اني اعامله بهدوء هند دقت على زر الاصانصير وفتح ودخلت هند وقفل وفي نفس الوقت فتح الاصانصير الي جنبه وخرجت سيده جميله شعرها بني فاتح قصير متدرج لعند الرقبه عيونها عسليه لابسه ثوب حليبي لعند الركبه ضيق وعليه جاكيت اسود شيفون كان الثوب رائع وواضح انه ثوب من تصميم محترف ورغم سنوات عمرها القريبه من الخمسين فلا نستطيع اعطاءها اكثر من ثلاثين هند وصلت للدور الرابع ودقت على الباب الاسود الي قدامها ما احد رد هند مره ثانيه ما احد رد هند فتحت الباب وما لقت احد بالغرفه دخلتها وين تروح هي ويا عمر عمر اول ما دخل ركض وطاح فوق هرم الدبدوبات الورديه الموضوعه للزينه هند_ عمر تعال ولا ما فيه حلاوه عمر تركها وركض لهند وقعد يناظر الالعاب وهو نفسها فيها هند جلست على الكنبه وقعدت تناظر الي حولها بعد شويه فتح باب الحمام وخرجت منه ضحى كان شكلها يمثل صدمه كانت لابسه روب الحمام بس الي يوصل للركبه وشكلها اصلا هي ما كانت تتروش بس لابسته كذا وفاتحه شعرها من غير تنظيم هند استغربت وقامت وراحت لهند رغم ان العلاقه بينهم مو كويسه بس هند رحمتها شكلها يحزن هند قربت من ضحى _ ضحى ضحى ناظرتها _وش تسوين هنا هند_ انتي بخير ضحى جلست على الكنبه هند جلست جنب ضحى وعمر راح يلعب مره ثانيه ضحى كانت متهمه قدام هند_ ضحى صاير شي ضحى ناظرتها _ لا لا ما فيه شي واذا فيه شي بتظنين اني راح اقولك هند_ طيب ليه الخبصه الي تحت ضحى من غير مقدمات بدت تتدمع _ وهم تحت قاعدين ينظمون البيت عشان الحقيره هند قربت منها _ ضحى هدي ضحى قامت _ لا ماني مهديه وحده ما نعرفها تاخذه بسهوله ليه هند حست ان فيه الم بصدرها وخوف _ من هو ضحى _ يا رب ان عبدالعزيز ما يحبها والله اموت هند تجمدت وش جاب طاري عبدالعزيز هند- السيد عبدالعزيز وش فيه ضحى مشت وراحت لباب في نص الغرفه وفتحته على غرفه الملابس وهي داخل الغرفه ضحى _ تعالي هند قامت وراحتلها وهي مخدره ما تفكر بشي فيه شي غلط هند دخلت غرفه الملابس حقت ضحى ضحى بدت تطلع ملابس سهره _ خذي هاذا وهاذا وهاذا بعد وذا وذا وكمان ذا اوه هذا ما قد لبسته شيليه بعد هند كانت تشيل الثياب الي تعطيها ضحى هند ما كان شالتها بس اليوم حالة ضحى ما تسمح هند شالت الثياب للغرفه ضحى بدت تمسك الثياب وتلبسها لبست ثوب ذهبي قصير رائع جدا ضحى _ ها هذا حلو هند ناظرتها معقوله تبى رايها ضحى _ ردي هند_ حلو ضحى راحت تلبس غيره هند كانت كلمتها دايمن حلو ضحى في الثوب الاخير الاسود ضحى _ ها وش رايك هند_ حلو ضحى _ هاذي كلمتك دايمن وش الاحلى هند_ الاول ضحى_ وهذا انا اطلع فيه كبيره ما ابي اطلع صغيره في الصاله هند_ ما اعرف الذهبي احلى ضحى _ بس يطلعني صغيره هند_ ايه ضحى _ تصدقين بالبسه عشان عبدالعزيز هو الي اهداني ياه وراحت تلبس الذهبي واول ما خلصت راحت للتلفون تبي تدق على وحده من الخدامت تدعيلها الكوفيره حقتهم هند_ على كذا انا راح اروح البيت شكل ما فيه درس اليوم ضحى _ اجلسي اجلسي معي هند انصدمت _ ها ضحى _ اوووف اجلسي ما اقدر اقول لربى ولا لولوه راح يتهزون فيني هند جلست ودعت عمر يجلس جنبها ضحى _ من هو ذا هند_ ولد اختي ضحى ابتسمت _ يشبهك هند ناظرت عمر وابتسمت ببؤس وش فيها ليه الالم الغريب الحارق العاصر ذا قهر فيها عشان من ؟؟ ضحى _ تعرفين عبدالعزيز صح؟ هند ناظرتها بخوف هي ما عرفت كيف تخفيه _ها عبد\ السيد عبدالعزيز لا ضحى _ متاكده هند_ انا وش يعرفني به ضحى ناظرتها وما جاوبت هند جلست عند ضحى والناس يضبطونها كان واضح ايش ضحى تسوي كانت تحاول تغير راي عبدالعزيز فيها وتقوله انها ما عادها بنت صغيره ضحى خلصت على الساعه سته ونص هند كانت تناظر ضحى الجديده كانت رائعه ضحى _كيف هند _ شي جميل ضحى دعت الخدامه تلبسها كعبها وطلعت من الغرفه ضحى _ انا نازله الناس بيجون بعد شويه هند_ وانا بعد راح اروح هلي راح يجون ضحى _ انزلي واجلسي في المطبخ هند ما ردت عرفت ان ضحى بدت ترجع لطبيعتها اما ضحى طلعت هند ناظرت الكنبه وجلست شوي وسمعت بعد شوي سيارات هند قعدت تناظر الدريشه هي ويا عمر الي كانت شالته على كتفها هند شافت اربع سيارات سودا تفتح ويخرج منها ناس هند ما شافتهم لان الناس يدخلون لشي مثل الشرفه هند ناظرت عمر وحبته عمر مسك وجهها وقعد يناظر عيونها كانه عارف انها زعلانه وحزينه وحبها في فمها هند_ عمور يله ننزل جدك بيجي بعد شوي هند دخلت الاصانصير وحطت على رقم 2 بالغلط لانها كانت لاهيه بتفكيرها وبعد مع عمر وقف الاصانصير هند قدها بتطلع لكنها لمحت احد هند ما تعرف منين جاتها ذيك السرعه دخلت الاصانصير بسرعه وضغطت زر من غير وعي شافتها شافت جده سيف وش تسوي هنا ليه هي هنا هند فتح الاصانصير وهي راحت على طول للباب الاسود الي على بالها انه باب غرفه ضحى دخلت وقفلت وراها بسرعه لقت الغرفه تسبح في الظلام هند من العجله والخوف ما حاولت حتى تشم ريحه الغرفه وشالت نقابها عشان تتنسم هند_ يا رب انها ما شافتني يا رب انها ما شافتني عمر مسك نقابها _ اماه باخذه هند عطته_ اششششش عمر ونزلته وراحت تدور على زر النور وهي تدور (عمر ما يخاف ولا يهمه جلس في مكانه) وهي تدور سمعت حركه مشي هند بصوت واطي فرضه عليها الظلام _ عمر لا عاد تلعب ياويلي منك وين ذا النور هند وهي تدور في الجهه الثانيه سمعت حركه جنبها _ وش قاعده تسوين هند صاحت صيحه خوف _ يمه من انت عبدالعزيز قام بكسل لانه كان جالس جنب عمر لان عينه تعودت على الظلام ومشى وقفل الباب وبعدين مشى لهند هند بعد ما عرفت انه عبدالعزيز ارتاحت _ انت وش تسوي هنا عبدالعزيز_ وطي صوتك مو مستحمل اششششششش هند حست ان صوته تعبان مرره وقعدت ترمش عشان عينها تتعود على الظلام بس هي متاكده ان عبدالعزيز يمشي صوبها جايها هند الصقت في الجدار خايفه مو عارفه من ايش عبدالعزيز قرب من هند هند بحذر_ وش قاعد تسوي | ||||
|
| |
|
03-10-12, 08:45 PM
| #24 | ||||
| نجم روايتي ومشرفة سابقةومصممه
| الفصل الثاني والعشرين عبدالعزيز قرب من هند هند بحذر_ وش قاعد تسوي عبدالعزيز_ هند ولا كلمه (صوت متعب ) وقرب منها ومد يده الي يشوفه من بعيد يقول انها بيحضنها لكن كل الي سواه انه ولع النور الي وراها هند قدها فاتحه عينها على الاخير من الخوف يوم فتح النور هند ناظرت عبدالعزيز الي كان يناظرها نظرات لا مو نظرات بشر اصلا كيف نقول انها نظرات من بشر ما دام هذيك عيون ما نقدر نقول عنها الا عيون من عالم اخر بس عيونه مشوهته الهالات السودا المحيطه الي تدل على تعبه هند قعدت تناظره باحتقار عبدالعزيز ناظر وجهها كله ووقف عند خدها الي عليه كدمه بنفسجيه اطرافها صفرا عبدالعزيز مد يده وتحسسها هند بعدت يده وناظرت صوب عمر عبدالعزيز بصوت غاضب هادي متعب _ منو الي سوالك كذا هند الي مو قادره تتحرك لاي مكان الا لما تدف عبدالعزيز_ مالك علاقه اووف وراحت تاخذ عمر عبدالعزيز_ ايش قاعد تسوين هند_ انت ما تفهم مالك علااقه وشالت عمر واتجهت للباب تبي تطلع هذا الي ناقص اجلس معه في غرفته عبدالعزيز قعد يناظرها وهي تشيل عمر ومتجه للباب وكل الي سواه انه طفى النور مره ثانيه تعبان مو فاضيلها وهي صوتها عالي وتنطر فيه راسه المه مع ان الالم كان بدا يخف هند متجه للباب وشافت عبدالعزيز وهو يطفي النور هي خافت يوم طفى النور بس كملت طريقها وفتحت الباب وهي تفتحه شافت الاصانصير الي قدامه يرن رنه تعلن عن وصول احد الضيوف لهذا الدور هند شهقت عبدالعزيز وهو يناظرها وهي طالعه سمع بسمعه المرهف صوت الاصانصير يطلع كان متعود على ذا الصوت على طول مشى بسرعه للمكان الي هند متجمده فيه مو عارفه وش تسوي وجرها لداخل الغرفه وقفل الباب وعلى تقفيله الباب بالمفتاح انفتح الاصانصير هند ناظرت عبدالعزيز في الظلام تبي تقوله بس عبدالعزيز مسك فمها هند كل الي قعدت تسويه انها تتنفس بقوه عبدالعزيز مسك يدها ودخلها لغرفه صغيره وولع النور وفي هذا الوقت الباب حق الغرفه دق عبدالعزيز ناظر هند عبدالعزيز قرب لوجه هند وقال بصوت واطي_ اجلسي هنا لا تطلعين قفلي الباب وراي بالمفتاح لا تخلينه يتكلم او يبيكي بليز هند تناظره وهي تتنفس بقوه وتاشر براسها علامه الموافقه عبدالعزيز طلع وهند على طول قفلت الباب حق غرفه الملابس الي ما كان نورها طافي بس الغرفه متكونه من غرفتين داخله ببعض الغرفه الي قرب الباب مو منروه بس البعيده منوره بنور ذهبي معطي للغرفه القريبه من الباب نور خفيف يقدر الانسان يشوفبه الطريق الي يمشي عليه هند حطت عمر في الغرفه البعيده وخلته وهو اصلا كان هادي شكل فيه نوم وما كذب خبر هند اول ما حطته انسدح وقعد يناظرها هند قربت للباب تبي تسمع عبدالعزيز كان متوتر وهي رايح يفتح الباب فتح الباب لقى امه دخلت امه وراه عبدالعزيز راح لسريرها واتمدد عليه فاديه_ عزيز جده الانسه سحر وسحر يبون يدخلون لك (تكلمت بالسعودي ) عبدالعزيز كان يناظر امه بصدمه مو عشان الناس الي بيدخلون بعد شوي لكن عشان امه امه نفسها عبدالعزيز_ يمه فاديه _ طبعا تقدر تقولي يمه قدامهم عبدالعزيز لا تمثل علي عارفه انك تقدر تتكلم سعودي ابوك بعد بس مطنش بمزاجه عموما لغتك راح تنفعنا الحين بما ان زوجتك على الارجح راح تكون عربيه عبدالعزيز كان منصدم صدمه عمره فاديه_ هم بس يبون يطمنون عليك اخليهم يدخلون عبدالعزيز استوى بجلسته _ ايه يقدرون يدخلون فادبه_ لا تخاف ما راح اخليهم يفتحون النور عبدالعزيز زرر قميصه وجلس على السرير هند قعدت تسمع الكلام مو مصدقه وش معناته بعدين ليه النور ما يولعه طيب ليه ولعه يوم جيت اها اصلا يوم ولعه وانا عنده تالم عبدالعزيز قبل ما يدخلون قعد يناظر غرفه الملابس خايف عليها دخلت عجوزلابسه بدله سودا وعلى راسها شيله بس محطوطه على الراس ونهايتها على الكتوف ووراها بنت طويله جميله لابسه فستان لحد الركبه اسود اللون رقيق ولامه شعرها شانيون عبدالعزيز قام ولا همه جمال البنت الصارخ عبدالعزيز سلم على العجوز وبعدها على البنت الي كانت مستحيه وترتجف بس متهمه في وجه عبدالعزيز السيده خالده _ ايش حالك عبدالعزيز عبدالعزيز_ الحمدلله انا اسف السيده _ لا تخاف مقدرين ظروفك انا عارفه ان مرض الشقيقه المزمن ماله علاج الا الظلام والهدوء سحر _سلامات عبدالعزيز عبدالعزيز_ الله يسلمك اخبارك سحر سحر _ الحمدلله فاديه_ لازم تتعودين على هاذي الحاله سحر خجلت والجده ابتسمت اما عبدالعزيز كان باله عند ناس ثانين يفكر فيهم وماخذين عقله فاديه_ عبدالعزيز لازم تعلم سحر بالخطوات الي لازم تعرفها عبدالعزيز ناظرهم مو فاهم وش هم يقولون الجده_ خلاص تطمنا انا راح اطلع فاديه _تفضلي سيده خالده عبدالعزيز فهم انهم راح يخلون سحر عنده شوي عبدالعزيز قام يوم الجده قامت عبدالعزيز جلس وقعد يناظر سحر سحر قامت وجلست جنبه ومسكت راسه عبدالعزيز مسك يده وبعدها سحر تنفست _ انت تتالم كثير عبدالعزيز الي صدره يوجعه مو عارف ليه وش فيه وش همه ليه مهتم باللي موجود في غرفه ملابسه عبدالعزيز_ ايه سحر _ وش مفروض اسوي لما يصيرلك كذا عبدالعزيز ناظرها ببرود يبي يقولها منو الي قالك انك راح تكونين موجوده مره ثانيه لما يصيرلي كذا سحر قعدت تناظر عبدالعزيز_ شكلك تعبان مره انا اسفه لازم اروح الحين عبدالعزيز قام عشان يوصلها سحر هي بغته يقول خليك او يقولها كلمه بس كل الي سواه انه قام عشان يوصلها سحر طلعت وعبدالعزيز قفل الباب وراح على طول لباب غرفه الملابس هند اللي كانت جالسه عند الباب عرفت ان عبدالعزيز جايها ولاول مره تشوف هند وضعيه جسمها كانت متكوره على صدرها كانها متالمه وحاطه يدها على صدرها وحواجبها معقوده وفمها خط واحد هند فتحت لعبدالعزيز عبدالعزيز ناظر عمر الي نام عبدالعزيز_ لازم تطلعين الحين من السلم الخلفي عشان توصلين لبرا البيت من الخلف هند اشرت براسها عرفت عرفت وش الي صاير بس والله ما تسمحله يصير لو كان اخر يوم في عمرها عبدالعزيز مسك هند وهي ماشيه تروح تجيب عمر عبدالعزيز_ هند منو الي سوالك كذا (يقصد الكدمه) هند ناظرت قدامها _ انت عارف اني ما راح اقولك عبدالعزيز قال بصوت واطي سام _ هذا واحد ضعيف غبي رخيص ما عنده احترام لنفسه وضيع سافل منحط قذرليه سمحتي لواحد مثل هذا يسوي فيك كذا هند ناظرته بكره _ قلت مالك علاقه ولا عاد تتكلم عن ياسر بذي الطريقه تفهم عبدالعزيز تعجب _ ياسر الي سوالك كذا هند استغربت منو الي قال ياسر هند_ من الي قال ياسر عبدالعزيز بسخريه_ ما احد ..بعدين ناظر الكدمه .. اها وش تسوين هنا هند بفظاظه لانها مفروض تطلع وذا يعطلها _ ظنيتها غرفه ضحى عبدالعزيز ناظر عمر _ ومن هي الي تدعين ربي انها ماشافتك هند_ ها عبدالعزيز ناظرها بتعب هند_ وحده ما كنت ابيها تشوفني من الي كانوا تحت عبدالعزيز باستغراب _ تعرفينهم هند ما ردت قعدت تناظر جوالها عشان ابيها ايش فيه ما دق هند ناظرت عبدالعزيز الي يناظر عمر الي صحى عبدالعزيز ناظرها وتركها وراح لعمر عبدالعزيز_ منو ذا هند+_ عمر عبدالعزيز_ وش يكون لك هند ما ردت عليه عبدالعزيز ناظر عمر الي مسوي نفسه هادي عبدالعزيز وهو ياشر على هند_ منو هاذي يا بابا عمر _ هاذي اماه عبدالعزيز تهم في عمر كانه انشل هند استمتعت عبدالعزيز ناظر هند_ انتي امه هند_ ليه مستغرب عبدالعزيز_ كيف هند_ وش هو الي كيف عبدالعزيز قام ومسك راسه من الالم بعدين هدى كانه يسمع شي برا ناظر هند وعمر عبدالعزيز_ يا ربي مره ثانيه واتجه لهند هند_ وش فيـ............. عبدالعزيز ما خلاها تكمل قفل فمها واشر لها اسكتي وطلع من الغرفه بعد ما قفلها هند مره ثانيه قفلت الباب وش ذا الليل مو معدي على خير نهائيا اووف عبدالعزيز يحس راسه بينفجر وحواجبه تنبض من الالم فتح الباب والمفاجاءه كانت ضحى عبدالعزيز فتح عينه على الاخير من شكل ضحى عبدالعزيز ضحك_ ضحى وش مسويه بنفسك ضحى دخلت الغرفه _ ليه مو حلو عبدالعزيز الي حط يده على كتوفها _ لا حلو وش فيك زعلانه ضحى بعدت يد عبدالعزيز عنها واستنت لين جلس على السرير ضحى _ عبدالعزيز لا تتزوج عبدالعزيز ضحك_ تغارين على اخوك ضحى _ انت مو اخوي ولا انا اختك عبدالعزيز_ لذي الدرجه زعلانه مني تبريتي مني (عبدالعزيز كان عارف بكل الي يدور في راس ضحى بس هو مسوي نفسه ما يعرف عشان لايكبره في راسها ) ضحى _ عبدالعزيز انت مو مفروض تتزوج عبدالعزيز_ خلاص ما راح اتزوج ضحى بدت تبكي _ عبدالعزيز لا عاد تمزح معي انا مو صغيره عبدالعزيز قام وراحلها _ ضحى خلاص بس حبيبتي ضحى ناظرته ولفت تبي تطلع عبدالعزيز_ وين رايحه ضحى التفتله_ رايحه لغرفتي افكر ليه ما تحبني عبدالعزيز سكت وضحى طلعت عبدالعزيز قفل الباب وراها هند فتحت الباب من غير ما يدق عبدالعزيز ناظرها هند كانت تبي تبكي هند كانت بائسه وعبدالعزيز كان مشوش عبدالعزيز ناظر عمر الي كان مطيح اغلب ملابسه هند ناظرت عبدالعزيز بخوف لايكون معصب من ذا الشي لكنه ابتسم وراح لعمر وشاله عبدالعزيز_ صح انه يشبهك بس ما اقدر اصدق انك امه هند ناظرته حست بالحنان يطلع منه هند قررت تقول الصدق _ انا خالته عبدالعزيز ابتسم بفرحه _ قولي كذا عمر ناظر عبدالعزيز بمحبه _ ايث اثمك عبدالعزيز ضحك وناظر هند _ قولي باه عمر ناظر هند وهند ناظرت عبدالعزيز عبدالعزيز_ الحين معه ام واب جديدين هند تحس بحركات المبزره _ هو معها بس امين واب واحد بعدين ناظرت جوالها اما عبدالعزيز هز راسه علامه استياء واستسلام هند في نفسها مره ثانيه غريبه أبي ما دق عبدالعزيز_ تاخر عليك هند اشرت براسها يعني ايوه عبدالعزيز رجع لسريره هند_ فيك الشقيقه عبدالعزيز_ اها هند كانت تعرف وش مفروض تسوي لما تشوف احد بذي الحاله بس مو ناويه تساعده لانها تعبانه وتبغاه يتعب معها هند دقت على ابيها الي قالها نص ساعه وهو عندها هند_ ابوي قال بيجي بعد نص ساعه راح انزل عبدالعزيز_ لا.. تصدقين اجلسي احسن لك لما يكون تحت انزلي هند فكرت تطلع تروح لغرفه ضحى بس كيف؟اكيد بتسئلها وين كنتي مالها الا تجلس معه بعدين شكله مو مثل ذاك النوع يعني لو يبي يستغل الفرصه كان استغلها من زمان هند راحت لزاويه في الغرفه وجلست وحطت عمر في حضنها عبدالعزيز تمدد على ظهره وناظر السقف وهند كانت تناظر عمر كل واحد لاهي بافكاره عبدالعزيز كان حاس ان راسه بينفجر مو قادر يستحمل هو مفروض في ذي الحاله يجلس في غرفه ما فيها نور ما يتعرض للازعاج ما يتكلم ما يفكر وهو سوا ذا كله عشان كذا راسه خلاص وصل لالم رهيب اما هند تناظره وعارفه انه يتالم بس ما همها وتحس برضا داخلي هند ناظرت الساعه كانت سبعه وربع هند قامت وتنفست بقوه لازم تقوله هند_ عبدالعزيز(لاول مره تقول اسمه قدامه) عبدالعزيز ناظرها وجلس على السرير رغم تعبه هند برجاء _ ما ابي ارجع هنا لذا البيت مره ثانيه ردلي وظيفتي في المدرسه عبدالعزيز ناظرها من غير ما يتكلم هند بيأس وبصوت واطي _ عبدالعزيز ردلي وظيفتي تعبت ما ابي اجلس هنا ضحى مو محتاجتني ولا تبي تشوف وجهي وانا بعد اتضايق من ذا البيت ومن الي ساكنينه عبدالعزيز قام من السرير_ اظن لازم تنزلين الحين هند بصوت بائس _ انت ايه سمعت وش قلت عبدالعزيز راح للباب وفتحه هند ناظرته من فوق لتحت بعدين شالت عمر وحطت شيلتها على وجهها لان نقابها مو موجود هند\ طلعت من باب عبدالعزيز وهي رايحه تفتح باب السلم عبدالعزيز الي كان فاتح باب الغرفه _ هند انتي هنا موب عشان ضحى هند ناظرته شافت وجهه الي كان يناظر الارض بقهر كات تعبان حرام على ذاك الوجه هذا التعب هند فتحت باب السلم ونزلت لقت هذا السلم يودي على طول للمطبخ جلست خمس دقايق وطلعت لابوها و على ظهرها حمل عمر وفي قلبها حمل شي جديد هند ناويه تقتله .................................................. .......... . على طاوله الطعام الموجوده في الغرفه الزجاجيه في الحديقه فاديه _ ضحى ما احد قالي عن الاستاذه حقتك ضحى ناظرت عبدالعزيز الا كمل اكله ومو مهتم بالحديث ضحى _ اسئلي عبدالعزيز عنها فاديه ناظرت ضحى بعدين ناظرت عبدالعزيز الا كان ياكل مو معطيهم وجه كان يناظر اكله فاديه _ عبدالعزيز وش سالفه الاستاذه عبدالعزيز من غير ما يناظر امه _ مالها سالفه مدرسه خصوصيه فاديه _ انت الي جايبها لضحى ساره ام ضحى _ عبدالعزيز مهتم بمصلحه ضحى وعشان كذا جابلها ذي المعلمه بعدين هي معلمه محترمه عبدالعزيز ناظر عمته مستغرب فاديه الي قعدت تناظر عبدالعزيز بالخفا وتناظر ضحى الي كانت تناظر عبدالعزيز بقهر .................................................. ........ هند تكلم ثريا الي توصلها سلام المعلمات ثريا _ هند انا انا امس انخطبت هند_ ايش ثريا _ انا جاوني خطابه بس مو عارفه وش اقول هند_ علميني عنه ثريا _ مدرس حاله حالنا هند_ كويس طيب احس ان فيه شي مو عاجبك ثريا _ اوووف هند انا ما كنت اتصور اني اخذ رجال عادي ابي واحد استثنائي يرضي غروري هند ضحكت بهدوء _ ثريا صلي على النبي انت الي تقدرين تخلين زوجك انسان استثنائي ثريا _ هند لا لا مو قادره انا ما ابيه الرجال هلي يبونه بس بس انا ما ابيه هند_ قولي لا بعدك صغيره ثريا _ وين ذي الصغيره عمري 27 هند_ وذا ثريا اذا مو عاجبك قولي لا ثريا _ اه طيب اصلا انا صدري قابضني من ذي الزواجه خلاص خيرها في غيرها هند_ صح ثريا _ خلاص انا بقفل بجلس افكر وش اسوي بعطيك خبر هند_ طيب يله مع السلامه ......................................... هند قامت من بعد المكالمه وهي متضايقه سالفه الزواج وكل ذي الامور تجيب الهم هند امس ما نامت تتذكر شخص ما تبي اصلا انها تتذكره وما قدرت حتى تكتب رساله لسيف لانها كل ما تبي تكتب تتذكر الشخص الثاني وش معنى ذا هند تقول لنفسها معناته اني اكرهه اكثر من أي شخص قد شفته في حياتي انا اكرهه اكرهه ..حيل ....................... بعد اربعه ايام هند مازالت تداوم ولالحين ما شافت ام عبدالعزيز وعلاقتها بضحى كالعاده فيها كلام سام يعني ضحى رجعت لعادتها القديمه بس هند قدرت تمسك نفسها وتطنش بقوه وبعد هند مو عارفه وش سوى عبدالعزيز بسالفه الخطبه هل تمت او لا في اليوم الخامس لبست لبسها مغصوبه منقرفه لبست البلوزه الكحليه الي تشبه لبس العاملات حقين القصر دخلت البيت ابو محمد_ هند وانا ابوك قولي للبنت انها تجيك للبيت هند_ يبه البنت هاذي غرفتها كبر بيتنا تبيها تحس بالضيق ابو محمد_ غرفتها كبر بيتنا سبحان موزع الارزاق هند _ سبحانه وقفها ابوها عند البيت ووقف لين دخلت هند هند دخلت لقت البيت مخبوص مثل ذاك اليوم هند قعدت تمشي للاصانصير بس سمعت احد يناديها اتفتت لقت الخدامه هند_ نعم الخدامه _ ضحى هنا في الدور الاول هند_ طيب خلاص انا بطلع خليها تطلعلي وفي ذا الوقت نزل عبدالعزيز من الدرج الي في منتصف الصاله (هند دايمن تستغرب ليه هو ينزل من الدرج مع ان فيه اصانصير بس شكله مو فارقه عنده ) ومر من جنب هند ولا كانه يعرفها هند ناظرته بنظره جانبيه وشافته يلبس نظارته الشمسيه الكبيره ويطلع برا البيت كان لبسه خيال وبسيط جدا بلوزه صوفيه سودا لها سحاب جاي على الكتف والسحاب مفتوح ومسوي حركه رائعه ولابسه على بنطلون جينز هند رجعت تناظر الخدامه لكن الخدامه كانت تناظر ظل عبدالعزيز هند_ لو سمحتي تقدرين تقولين لها الخدامه فاقت على نفسها _ ها ااا لا الانسه ضحى قالت لي اني اقولك اذا جيتي ان ما فيه درس عندها سوق لازم تروح له هند ناظرت حولها ودها انها ماسكه فازه وضاربه هل البيت ذا كله من القهر هند_ ليه ما قالتلي الخدامه ناظرت هند بتعجب هند فهمت ذي النظره يعني انت وش انتي عشان تقولك _ وين المطبخ بجلس انتظر فيه ودتها الخدامه للمطبخ هند شافت المطبخ ما في الحقيقه مطبخ كان مصنع هند جلست على طاوله والخدامه عطتها كوب عصير وصحن فيه بسكوت هند دقت على ابيها ما رد وتدق وتدق وتدق هند وقفت شوي من الدقدقه على ابيها وبعد خمس دقايق ارجعت تدق بعد ربع ساعه من المحاولات رد عليها ابيها هند_ يبه خوفتني وينك ابو محمد_ والله يا هند السياره بنشرت وهنا شله شباب يساعدوني هند_ لا تقول يالله يبه على كذا من الي بيردني ابو محمد_ وليه ترجعين الحين هند_ ها لا بس البنت طلعت ونسيت ما تقولي ابو محمد_ الله يهد حيلها لا وفقها ربي انتظري بشوف اذا فيه حد فاضي يجي ياخذك هند_ طيب .................................................. .......... ز عبدالعزيز ورعد وتركي يحاولون يصلحون سيارة نوع هايلكس موقفه في الطريق الي يسوقه شايب كبير في العمر عبدالعزيز الي كان عارف انه ابي هند عبدالعزيز_ يا عم اظن لازم نروح ندعي مصلح السياره تعبانه رعد_ انا بروح بالسياره واجيبه وانت يا عم راح يوديك تركي لبيتك وراح نقول للمصلح انه يجيب السياره لحد باب بيتك ابو محمد _ ما قصرتوا ...وفي ذا الوقت دق جواله وكانت المتصله هند عبدالعزيز يبي يعرف منو الي كان ابو محمد يدعي عليها من الي ضايق هند اكيد ضحى عبدالعزيز ناظر العم لين خلص المكالمه ابو محمد ناظر عبدالعزيز الولد معجبه عبدالعزيز _ يله يا عم انا وخويي بنوصلك لبيتك ابو محمد مشى للسياره وركب قدام بعد ما فتحله عبدالعزيز الباب تركي ركب ورا عبدالعزيز ساق السياره عبدالعزيز كان يسوق ومو مهتم بالتفاصيل الي يعطيها العم ابو محمد عشان يوصف لهم بيته ابو محمد استغرب بس ما اهتم ما فكر بشي اصلا وش ممكن يخطر له لكن الي استغرب هو تركي الي كان قاعد يناظر عبدالعزيز بمليون معنى وعبدالعزيز يناظره من وقت لوقت ابو محمد دق على عادل وقاله انه مو فاضي على عمر قاله انه في حفر الباطن على وليد الي وافق بسرعه (ياسر ما معه سياره اصلا ) عبدالعزيز كان يناظر عمه ومستغرب ليه هند تبي ترجع ومنو الي راح ياخذها ابو محمد_ الو تجهزي بيجيك وليد هند بصوت عالي _ لا يبه تكفى كلن الا وليد ابو محمد_ مابه احد فاضي الا هو هند_ يبه طلبتك ما ابي وليد يجيني ابو محمد- يا بنت الحلال مابه احد يجيك غيره ما هو ماكلك هند _ الله يعين انت عارف اني انحرج معه ابو محمد_ لا تنحرجين ولا شي تريه ولد عمك هند _ طيب يبه مع السلامه عبدالعزيز الي كان يسمع المكالمه انقهر شكل ذا الشخص هند مو طايقته بس هي اصلا مو طايقه احد تركي _ يا عم ودك نرجع نجيب بنتك عبدالعزيز ناظر تركي الي كان يقول ذا الكلام بسهوله كعرض خدمه عبدالعزيز انتظر جواب ابو محمد\ ابو محمد_ لا وانا ابوك ولد عمها بيجيبها هو يعرف المكان عبدالعزيز وصل ابو محمد لعند الباب ..ابو محمد قالهم انزلوا للقهوه بس هم قالوا عندهم مشاغل تركي ركب قدام بعد ما نزل العم ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,, ,,,, عبدالعزيز قرر انه يرجع البيت لان ملابسه توصخت وتركي كلم رعد عشان يلقاهم في البيت عبد العزيز دخل البوابه تركي _ انت ما راح تموت الا من ذي السرعه هذا وانا اسرع ما اقدر اتجرا واوصل لذي السرعه عبدالعزيز_ وش الفايده من احنا نشتري سيارات سريعه واحنا ما نقدر نسرعبها تركي_ تراك انت مو في لوس انجلس ولا في الفري واي بليز وط السرعه عبدالعزيز ضحك ووصل البيت ولقى سياره فسفوريه عبدالعزيز ناظر الرجال الي كان طالع من السياره ومتكي على سيارته تركي كان يناظر وليد بعدين ناظر عبدالعزيز تركي _ يله ننزل عبدالعزيز نزل وتركي وراه عبدالعزيز قعد يناظر وليد ووليد بعد كان يناظر عبدالعزيز وتركي بكره وقرف تركي فسخ نظاراته ورد النظرات لوليد وليد كان منقهر لا تكون هند شافت مثل ذي الاشكال أي والله الي راحت فرصتي عبدالعزيز وتركي دخلوا البيت وهند كانت طالعه من باب عبدالعزيز ناظرهند عبدالعزيز_ استاذه هند وين رايحه تركي ناظر عبدالعزيز مستغرب هند الي كانت تبي تطلع ناظرت عبدالعزيز وتركي الي كان يناظرعبدالعزيز هند _ رايحه للبيت ضحى الغت الحصه عبدالعزيز _ ارجعي ضحى راح تاخذ الحصه اليوم هند _ ايش بس انا خلاص هلي عند الباب عبدالعزيز _ قولي لهم يروحون انتي ملزمه بالحصه تركي _ عبدالعزيز خلها عبدالعزيز_ تركي لو سمحت تركي هز راسه وطلع وخلاهم هند_ انا لازم اطلع انا ابي اطلع عبدالعزيز_ اذا طلعتي لاعاد ترجعين لذا البيت واعتبري نفسك مفصوله هند قعدت تناظره وهو طالع للدرج هند ما قدرت لازم تقوله الكلمه الي في قلبها هند_ اكرهك عبدالعزيز وقف شوي بعدين كمل مشي في الدرج عبدالعزيز بإستهزاء _ والله فاجئتيني هند ناظرت البيت وطلعت تبي تقول لوليد انه يروح هند _ السلام عليكم وليد _ وعليكم السلاام..ومشى يبي يدخل السياره هند_ وليد انا اسفه بس البنت تبي تاخذ الحصه خلاص تقدر تروح وليد ناظر البيت وتخيل وجود الشابين بغى يستخف وليد_ هند يله امشي انا داقه مشوار وفي الاخير تقولين ما راح تروحين هند حست بالذنب _ وليد طلبتك خلاص روح وليد_ تصدقين لا ما راح اروح وانتي ادخلي وخلصي حصتك وانا بابقى هنا انتظرك يله روحي عبدالعزيز كان يناظرهم من فوق من دريشته تركي _ خلاص انقلبت شارلك هولمز عبدالعزيز قفل دريشته وجلس تركي _ وش فيها مميز عبدالعزيز_ ولا شي تركي _ طيب ليه مهتم عبدالعزيز_ انا مو مهتم تركي ضحك _ لا تقول عشانها فقيره عبدالعزيز_ رغم اني ما فكرت كذا بس هي صدق فقيره وتصرفاتها متهوره لابعد الحدود بالنسبه لي تركي _ تعرف يا عبدالعزيز العيب الوحيد الي فيك غرورك عبدالعزيز_ انت عارف اني مو مغرور تركي _ وش تسمي الي قلته قبل شوي عبدالعزيز الي رجع يناظر الدريشه _ واقع .................................................. .......... .. | ||||
|
| |
|
03-10-12, 08:47 PM
| #25 | ||||
| نجم روايتي ومشرفة سابقةومصممه
| الفصل الثالث والعشرين تركي قام يناظر مع عبدالعزيز وشافوا هند تدخل ووليد يبقى ورعد يوصل ومثل ما صارلهم قعد يناظر وليد بقرف تركي ابتسم وعبدالعزيز قفل الدريشه .................................................. .......... ...... الخدامه دخلت على هند الي كانت جالسه في المطبخ مره ثانيه الخدامه _ استاذه هند ضحى تنتظرك هند ناظرت الخدامه بلؤم مو هي قايله لها ان ضحى مو موجوده صدق ملعنه هندقامت وخلاص أي شي وبترفع صوتها وتسوي مشاكل مع ان شكلها من برا هادي وحزين هند دخلت على ضحى الي كانت جالسه على طاوله الدرس منتظره هند استغربت وش ذا الوحي الي نازل عليها ومخليها هاديه هند جلست وناظرت ضحى الي كان وجهها من دون معالم كانها منصدمه هند_ انتي بخير ضحى وكانها منتظره احد يسئلها – ايش اسوي عشان افهمه اني احبه هند ناظرتها يا ربي هي وش علاقتها بذي الامور ضحى _ انا احبه موت وهو مو ملاحظني ابيه يناظرني نظرات رجال لمره مو اخ لاخته هند بلاا تناظرها مالها علاقه لكن تحس انها ودها تسكت ضحى ضحى _ انتي ايه تساعديني هند فتحت عينها على الاخير هند_ انا انا كيف انا ما اعرف في ذي الامور ضحى – ابيك تروحين له وتقولين انك شايفتني متغيره وانك خايفه علي وقولي له أي شي ينفعني هند_ انا ما اظن اني اقدر ضحى _ بلا بتقدرين انتي عارفه انه ما باقي الا ثلاثه ايام ويخلص مده الشهر حقتك ولازم تعرفين اني انا الي خليت الشهر يعدي وانتي عارفه ذا الشي انا رحمتك وقدمتلك خدمه وانا اطالبك تردينها هند_ بس انا مو قادره ضحى _ تقدرين.. لما تخلص الحصه انزلي وبنزل معك بجلس عند باب عبدالعزيز وانتي ادخلي عنده وقوليله الكلام الي قلتلك والا انا راح اضطر اقول لعمتي انك تضايقيني وصدقيني اعرفي انك من بكره مفصوله هند ناظرت ضحى بكره ضحى ناظرتها بتحدي هند_ اولا خلينا نخلص الدرس ضحى _ تضحكين على نفسك انا اعرف اتكلم انجليزي بطلاقه انا عايشه برا مو محتاجه منك دراسه بتسوين الي قلتلك عليه هند ناظرتها _ عبدالعزيز ممكن انه ما يشوفك الا اخت ضحى _ اسمه السيد عبدالعزيز ثانيا مالك علاقه بتسوين الي قلتلك عليه هند هزت راسها بنعم ضحى _ كويس بدال الدرس خليني افهمك وش تقولين له .................................................. .......... ...... عبدالعزيز وتركي ورعد جالسين في الغرفه رعد كان يناظر تركي وعبدالعزيز الي كل واحد في وادي تركي مع السمكه وعبدالعزيز يناظر الدريشه رعد_ وش السالفه ما احد رد عليه رعد_ وش فيكم قولوا تركي ناظره ورجع يجلس _ ما فيه شي ليه انت شايف شي رعد_ لا بس ليه ساكتين عبدالعزيز ناظرهم +_ هاذا احنا تكلمنا شوفوا ما تشوفون ان احنا طولنا في الرياض رعد_ انا قلت هذا الكلام لتركي انا عن نفسي راجع بعد يومين عبدالعزيز- ليه ما قلتلي رعد_ انا حاله استثنائيه انا لي هنا ثلاثه اشهر بس انتوا بعدكم شهر عبدالعزيز _ انا عن نفسي مسافر بكره تركي ناظره _ ليه عبدالعزيز _ انا خلاص انقرفت بعدين ممكن اهرب من سالفه الخطبه رعد_ عبدالعزيز خلاص وقف ليه ساكت انت عارف انك اذا قلت لا هلك راح يسمعون عبدالعزيز_ ايه عارف بس انا اصلا ما وافقت ولا عطيت راي بس تركي كمل عنه بمكر _ بس انت ما كنت رافض الا لين شفت الانسه هند ومن بعدها قررت انك ما تقدر ترتبط بغيرها رعد ناظر تركي وعلى وجهه علامه سؤال اما عبدالعزيز فكان مقفل فمه بقوه وماسك نفسه عبدالعزيز ناظر تركي بهدوء قاتل _ اسمها لا عاد تطريه على لسانك فاهم تركي قام وناظر عبدالعزيز بتحدي _ ليه ليه يا عبدالعزيز جاوبني ليه ما تبيني اطري اسمها ليه ما تبي رعد يدافع عنها رعد وقف بينهم _ بس خلاص بعدوا وش فيكم تركي اخذ جوال كأنه يبي يطلع _ ما فينا شي بس الاخ عبدالعزيز مهتم بهند بس تخيل ما يبي يعترف لنفسه عشان انها فقيره ومو من مستواه عبدالعزيز صح انك ولد ال سياف بس خذها مني هند بتطيحك وبتشوف رعد_ تركي وش ذا الكلام بس وقف عبدالعزيز _ تركي مو انا الي تخليني بنت اتهور ولا اتغير تركي مشى للباب _ انا ابي اروح عندي مشوار اشوفكم بعدين عبدالعزيز اذا مسافر بكره مع السلامه القاك في فرنسا ( هم كذا يتزاعلون بسرعه ويرضون بسرعه ) رعد يوم طلع تركي ناظر عبدالعزيز رعد_ وش اللي صار ولا عرفته عبدالعزيز_ تركي يشوف اني مهتم بهند رعد_ بس انت مهتم بهند عبدالعزيز ناظره يعني حتى انت رعد_ يله يا عبدالعزيز الامر واضح بس الي انا مو فاهمه اهتمامك بها كاهتمامك بغيرها او هي شي جديد لان انت عارف احنا ما نعرف رايك في ذي الامور انت بارد فيها عبدالعزيز جالس في قلبه هم وبيقوله عبدالعزيز_ اسمها هند الصالي رعد _ اووووووووووووووه قول والله بس كيف عبدالعزيز_ ما اعرف بس انا شفت اسمها في الملف يوم جابوه وعشان كذا انا ما بغيت افصلها وبعدين انا قعدت اكلم هند الي انا كنت اظنها هند ثانيه بس عقلي لطالما ردد انهم نفس الشخص وكانت هند الي اكلمها غايبه في الفتره الي كانت فتره اتخاذ قرار فصل هند ال صالي رعد_ يعني انت قاعد تقول ان اهتمامك بها ينبع من عقده الذنب عبدالعزيز لطالما قال لنفسه ذا الكلام بس الحين يوم سمعها من غيره شافه كلام غلط لا هو مهتم بها عشانها هند هند وبس عبدالعزيز كذب _ اظنه سبب كافي صح رعد_ صح بس مو مقنع عبدالعزيز ناظر صديقه عارف ان رعد ذكي عبدالعزيز قام رعد بخبث_ يعني انا لو قلت لك اني افكر في هند واني ابيها ما راح تزعل عبدالعزيز وقف وما عاد مشى رعد قام وربت على كتف صديقه_ فهمت يا عبدالعزيز ايش اقصد الحين ممكن تكون تصرفاتك مقنعه ................................................ هند كانت تناظر ضحى الي كانت تكتب على الصفحه عبارات وتشطب هند حست ان ضحى مجنونه او مصممه على شي مستحيل ضحى _ يله قومي الحين مفروض ان احنا ننفذ الخطه هند خلاص تحس ان عقلها بدا يرجع _ ضحى انا ما اقدر اتكلم مع السيد عن موضوع مثل هذا ضحى _ بس لازم تتكلمين معه عن هذا الموضوع انا بعدين ناظرت هند كانها بتضي بشي مهم ضحى _ انا ما عندي غيرك يقدر يسوي كذا هند ناظرت ضحى ولقتها ظهرها _ انا رايحه له بس مالي علاقه بلي بيصير بعدين ... وبغت تضيف ممكن انه حب مراهقه ضحى وقفت عند بابها _ انا انتظرك هنا قولي لي وش بيصير هند لبست نقابها على الشيله وطلعت ................................................. وقفت عند بابه هي غبيه ولا خبل ايش بلاها ما عاد فوق راسها ولي وش قاعده تسوي والله لو عرف ابيها وهو ابيها الطيب لايذبحها بس انا مجبوره عشان الوظيفه الله يلعن الوظيفه ويلعن صاحبها هند بغت تدق بس تراجعت هي خبل اكيد خبل وليد تحت لو بس سمع شي لو عرف شي ممكن يسوي شي لا تحمد عقباه بس انا مو جايه اتكلم معه عني ولاني بمطيحه الميانه انا اكرهه واعتقد اني فهمته وضحى ذي الخبل بتبقى خبل حتى لو هو قال ما يبيها وهنا هند سئلت نفسها السؤال الاهم هل هو صدق بيقول انه ما يبيها ولا ما يهمني اوف دقت الباب مره مرتين عبدالعزيز_ ادخل هند تمنت انه يكون باي مكان الا غرفته بس اوففف مره ثانيه هند فتحت الباب ودخلت راسها عبدالعزيز ناظرها مو فاهم من هي بعدين كانه فهم قام بسرعه اما رعد فكان يناظر هند وهو عارف انها هند هند وهي عند الباب _ ممكن اشوي رعد _ انا بطلع تفضلي هند هند ناظرته كيف عرف اسمها وبعدين هي تمنت انه ما يطلع بس ما تقدر الموضوع يمثل سر بالنسبه لغيرها رعد طلع وهو مبتسم لهند عبدالعزيز _ تفضلي ..لان هند متحجره عند الباب هند اول ما دخلت مد عبدالعزيز يده لها بكوب قهوه هند ناظرت الكوب وناظرته عبدالعزيز_ هو لي بس انا للحين ما شربت منه هند_ شكرا ما ابي عبدالعزيز ناظر الكوب بعدين حطه على الطاوله وناظرها خايف ممكن لانه خلاص اعترف بمكانتها في حياته غريبه ذي الحياه شخص مو معروف يصير هو الشي المعروف الوحيد بالنسبه لنا هند تناظر الارض بقرف وش تقول لذا هي ما تحب تشوف وجهه هي مره بس شافته ولا تبي تعيدها عبدالعزيز اتكى على الطاوله _ هند وش تبين هند ببروده تثلج الصحراء_ اسمي استاذه هند عبدالعزيز كأن احد عطاه كف عبدالعزيز بهدوء _ وش تبين يا استاذه هند هند ما عرفت وش تقول حكت يدها لعبت بطرف عبايتها سوت كل شي وفي الاخير _ لا تتزوج عبدالعزيز ابتسم بسخريه _ امر من الاستاذه هند... وقف شويه بعدين كمل .. ليه يا هند؟ هند ناظرته وقالت بانفعال _ انت ما تناظر حولك فيه ناس يبونك يحبونك عبدالعزيز_ انا ما اشوف قدامي الا انتي وانا متاكد ان هذا ابعد احساس عن قلبك هند ناظرته صدرها ضاق وش يسوي فيها ليه كذا كافي مره وحده تكفي يا رب ما ابي ما ابي خلاص اكتفيت والله اكتفيت هند بصوت غصب يطلع وكان حلقها قرر يتوقف _ انا جايه ابي اقول ان ضحى عبدالعزيز قاطعها _ تحبني وعارف ان حبها مو حب اخت لاخ وبعدين وبعدين يا هند جايه تقولين لي اني مفروض احبها وما اتزوج من غيرها هند ناظرته لا ما تبي تقول كذا بس لازم تقول كذا هند_ انت عموما تبي تتزوج وحده من مستواك وتفهمك ضحى مناسبه عبدالعزيز_ من الي قرر ذا الشي انا الوحيد الي اقرر هند_ البنت ما راح تعيش من دونك البنت تحبك على الاقل ارفق بها قولها شي يرضي خاطرها عبدالعزيز _ هند ممكن انعدي سالفه انك واسطه مو لايق عليك لانك مو مهتمه لا بضحى والاكيد مو مهتمه بي هند سكتت شويه بعدين ناظرته _ صح صح انت صح انا اكرهك واكرهها واكره ذي العايله عبدالعزيز ارتكز وقال _ هند ليه من الي خلاك كذا هند كانت ترتجف _ انت ما تعرفني من اول عشان تعرف اني تغيرت بس على فكره توقعك مو غلط انا تغيرت وانتوا السبب اكرهكم اكرهك انتوا الي قتلتوا فرحتي انتوا الي خليتوه يروح انتوا السبب خليتوه يزعل في اخر ايامه خليتوه يتخلى عن كل شي عشان غروركم عبدالعزيز كان يناظرها بعيون حزينه تحولت زرقتها الى سواد الليل وقال بانفعال مخنوق _ من هو هند_ من هو تبي تعرف ضحيتك عبدالعزيز يقرب لها بصوت واطي يسكن في الماضي _ هند من هو هند_ انا متاكده انك ما راح تتذكره لان ضحاياكم كثير عبدالعزيز ناظرها بعينها هند انصدمت كان فيها في عيونه صدمه كانه خايف من شي عبدالعزيز قال بصوت تخنقه العبره_ سيف ويش يقربلك هند شهقت _ تنطق اسمه بعد يا حقير عبدالعزيز عظ شفايفه _ اخوك سيف اخوك ؟ هند بكت بقهر بصوت واطي كانه تفجر كانه فرحان لانه شاف واحد ماقد حكاله قصته فبدا يقصها عبدالعزيز ناظرها ناظر ظهرها المنحني سمع بكاها ورجعت الامه رجع الاحساس الي ما تخلص منه لي الحين عبدالعزيز قعد يناظرها مو عارف ويش يسوي يحس الم في راسه الشقيقيه بدت اللامها تجي عبدالعزيز_ هند انا اسـ هند قاطعته _ انا مابي اسمع اسفك ما راح اسامح من الي بيردلي سيف اسفك من الي بيردلي زوجي حزنك عبدالعزيز توقف الالم للحظه ورجع بموجه ضاربه وش قالت هي ايش هند ايش هند رفعت راسها لوجهه لكن شافت شي غير متوقع عبدالعزيز يناظر وراها متهم يفكر في شي عبدالعزيز رجع لذاك اليوم تذكر ان فيه احد قاله يوم كان ينتظر ان كان يكلم زوجته وراح يجي وتذكر ان ذاك الشخص يتكلم وكانه يقول ان عمليه انتزاع سيف من على جواله خاصه ان كان يكلم زوجته صعبه هند التفتت لورا وراحت تمشي هديت صدمها حزنه لا ارضاها ليه يا هند صرتي قاسيه هند وقدها قريبه من الباب عبدالعزيز_ هند لا عاد ترجعين هنا لا عاد تجين لذا البيت هند وقفت هذا ما يحس ذي العايله ما تحس .................................................. ... عبدالعزيز_ هند لا عاد ترجعين هنا لا عاد تجين لذا البيت هند وقفت هذا ما يحس ذي العايله ما تحس عبدالعزيز_ لا عاد ترجعين هنا داومي متى ما تبين في المدرسه خلاص انامابي اشوفك هنا هند بدال ما تفرح وجعتها جملته الاخيره هند طلعت بهدوء ولا قفلت الباب اما عبدالعزيز فكان يناظر ظلها وهمه زاد وعقدت الذنب كبرت .................................................. هند طلعت الاصانصير كانت ناويه تنزل وتخلي ضحى بطقاق لكن هند ما قدرت وش تقولها هند اول ما فتحت الاصاصير شافت ضحى جالسه عند الباب وتناظر هند هند خافت شافت في ملامح ضحى علامه تساؤل لكن ضحى اخفتها ضحى ببرود_ وش قال هند ناظرتها _ قال انه انه ضحى ناظرت هند المتردده وفهمت _ يشوفني كأخت بس هند هزت راسها مابه غير ذا الجواب ضحى _ تقدرين تروحين هند_ انا اليوم اخر يوم لي ضحى ناظرت هند وقالت بصوت واطي بس مو من قلبها _ الحمد لله بترجع لي حريتي هند_ مع السلامه ونزلت ومشت في البيت وهي تحس رجولها ثقيله قلبها عنده وش فيه خافت من شكله ..اكيد هو تعبان الحين بس مفروض ما ازعل مفروض ان هذا الشي يبرد شي داخلي وهو كذلك طلعت من البيت وبدال ما تحس بحريتها حست انها فقدتها .................................................. .......... .. وليد في السياره يناظر هند الي من يوم دخلت حتى السلام ما قالت وليد_ فيه شي ضايقوك هند الي كانت تسمعه وما تبي ترد وليد_ من اللي ضايقك قولي هند _ ما احد لا تشغل بالك وليد سكت وينها هند الي كانت تقول عنها شروق انها تدافع عنك قدام البنات راحت أي والله راحت ؟؟؟؟؟؟...................................... ............ الساعه الرابعه فجرا في الرياض روح هائمه تشعر بالخواء....هند وروح تستعد لان تحلق بعيدا قلبا وقالبا ....عبدالعزيز عبدالعزيز الي حزم اغراضه كلها وما سمح لاحد يدخل غرفته من يوم خرجت هند عبدالعزيز فتح الباب وحط الشنط ونادي الخدامات عشان يودونها تحت عبدالعزيز نزل من الدرج كالعاده حقته لكنه كان واضح انه تعبان وبلوزته ما زرر ازراره العلويه وشعره مبعثر امه كانت جالسه عند الباب مع ان الساعه الرابعه من فجر ذاك اليوم بس عشان ولدها الوحيد ممكن تسوي أي شي عبدالعزيز وهو نازل ورايح باتجاه امه لانها اصلا عند الباب فاديه_ ممكن اعرف ليه عبدالعزيز_ انا هنا لي شهر فاديه _ بس انا كنت اشوفك مرتاح عبدالعزيز_ انا بعد مرتاح في فرنسا فاديه _ ما احد جاب طاري فرنسا الحين عبدالعزيز_ وش تبين يا روحي فاديه _ انا نزلت وخليت ابوك عشان اشوفك واجلس معك لو مره في بيت واحد وانت الحين ناوي ترجع لفرنسا وتجلس في بيتك عبدالعزيز_ تعالي نسافر فرنسا واسكني معي في بيتي فاديه _ عبدالعزيز ليه انا عارفه فيك شي متغير الزواج اذا ما تبي قولي انت عارف انك اذا قلت لا بينتهي الموضوع عبدالعزيز_ عارف وانتي عارفه اني راح اقول لا بس مع ذلك تميتي تدورين فاديه_ حبيت دور الام عبدالعزيز قربلها وحضنها _ انتي ام من صدق فاديه _ اذا انا امك زي ما تقول من صدق اجلس لا تسافر ا عبدالعزيز فك امه وعقد حواجبه_ ما اقدر ابي اسافر ما اقدر اجلس بختنق احس ...كان بيكمل ويقول ان كرهها واصلني وخانقني (يقصد هند) \ فاديه _ عبدالعزيز ناظرني فيه احد ضايقك قولي عنه واعرف انه انتهى امره عبدالعزيز اجفل وناظرها _ انا مو صغير عشان االلي يضايقوني تعاقبينهم فاديه_ يعني فيه احد مضايقك عبدالعزيز_ لا ما فيه احد انا رايح فاديه حضنته وهو رد عليها بقوه وطلع .................................................. .......... عبدالعزيز في السياره البي ام دبليو الي يسوقه سواق عبدالعزيز عطاه عنوان وقاله ودني لهناك بعد ما وقفه السواق عبدالعزيز طلع من السياره واستند عليها بظهره وقعد يناظر البيت الي وراه كان الجو ممطر بس المطر شوي يعني تفتف وعبدالعزيز قعد يناظر البيت الي ما كان فيه ولا نور غرفه والع وبدا المطر يقوى وعبدالعزيز عاقد يدينه يناظر البيت يحس انه يشوفها بس ما يقدر يقربها صح أي والله صح هي مثل البيت حقها جماد ما تحس والمطر صار قوي عبدالعزيز رفع وجهه وتناثرت عليه قطرات المطر .,ز.............................................. ........... .... هند كانت نايمه بعمق لانها ما نامت الا قبل ساعه وقامت على صوت رنه ظنتها رنه المنبه لكنها لقتها رنه المسج حق الجوال هند ناظرت الجوال بعتب كانها تقول له ليه تقومني شالته وفتحت الرساله اخرجي واستقبلي رسلي فكل قطره من قطرات هذا المطر ستخبرك بألمي وستعانق وجهك وستستقر على شفتاكي بكسلي هند عرفت المرسل الغلطان هند تحب تسميه كذا حتى وان كان فيه احتمال انه مو غلطان هند تكلمت بصوت واطي_ والله وطلعلك نفعه زين علمتني ان فيه مطر وطلعت هند ورفعت وجهها وصدق المطر قعد يتلاطم وجهها كانه يعانقها وقطرت اخرى تستقر على فمها هند بدون شعور ابتسمت بثماله .................................................. .......... | ||||
|
| |
|
03-10-12, 08:51 PM
| #26 | ||||
| نجم روايتي ومشرفة سابقةومصممه
| . . .القصل الرابع والعسرين . . . . . ؟. بعد ثلاثه اسابيع في فرنسا في الدور الارضي الي تحت الدور الاول جلسوا شابين كان الاول جالس على كرسي صغير مرتفع يرسم لوحه معقده تختلط فيها الالوان بالم وكره وحب وجميع العواطف الانسانيه والاانسانيه والثاني يناظر النافذه الوحيده الموجوده في ذا الدور الي تنبعث منها شمس ريف فرنسا ويضئ جزء من الدور الي كان عباره عن غرفه وحده تستعمل مرسم هشام _ عزيز منت ناوي تقول وش فيك ( رجل في اربعينيات عمره بس من يشوفه ما يعطيه خمس وثلاثين لانه مو مهتم بالعالم ولا بالدنيا همه الرسم شعره اسود لكن هناك عند احدى صدغيه تربض شعله من الشيب ومع ذلك هشام شخص ترتاح لرؤيته لانه حالم ورومانسي طيب ) عبدالعزيز اللي كان يناظر الدريشه ولاهي بافكاره عبدالعزيز _ ما فيني شي هشام_ عزيز انت من يوم جيتنا وانا عارف فيه شي مو من عوايدك تجي للريف الا اذا كنت متضايق عبدالعزيز_ هشام؟(رغم انه عمه ) ليه نظن ان احنا المهمين والكل يدور على رضانا هشام ترك رسمته وناظر ولد اخيه الوحيد هشام _ انا ما اظن ان احنا الاهم لكن ابوي, اخوي يظنون كذا وما اظن ان اعتقادهم هذا نابع من عدم عبدالعزيز _ ليه ما نقدر نحب ونعلن عن حبنا هشام بسخريه _ لا لا لا في ذي العايله نقدر نحب بس ما نقدر نعلن حبنا لانه نقطه ضعف راح تكون بيد الاعداء عبدالعزيز_ كل شي يدور حول الربح القوه الخساره وين مشاعرنا هشام _ في ذي العايله تقدر تلقى نوعين اللي يشوف الحياه ربح او خساره وتقدر تشوف الي ما يشوف الا من خلال منظار مشاعره وانت عارف من اقصد عبدالعزيز_ ابوي الاول وانت الثاني لكن انا وش انا هشام_ انت مشكلتك جين خليط ذكي ومعك مشاعر والمشكله الاكبر انك ولد بندر يعني لو ولدي كان خليتك على حريتك بس ابوك يبيك تمحي مشاعرك عبدالعزيز ناظر عمه اما هشام فناظر وجه بعدين ناظر الدريشه _ من هي عبدالعزيز ابتسم عبدالعزيز – محد دق جواله وناظره لقاها امه الي بعدها في الرياض معجبها الوضع وتجي لفرنسا يومين وترجع عبدالعزيز قفل من امه وهو معبس هشام_ وش فيه عسى خير عبدالعزيز_ تقول ان ضحى تعبانه في المستشفى هشام_ اووووووه يعني وش يبون منك عبدالعزيز_ يبوني ارجع للرياض بس ما راح اروح ما ابي هشام ضرب كتف ولد اخوه _ خلنا خلنا نطلع نركب خيل وطلعوا .................................................. .......... ........ في غرفه هند ثريا _ يا بنت ركزي هند ناظرتها مو فاهمه _ ها ثريا _ خلاص سرحانه طول الوقت وش فيك هند بتعب_ ما فيني شي وش تبين ثريا تقلدها _ ما فيني شي كذابه الا فيك شي والحين قولي لي وش هو انتي من يوم ردولك الوظيفه وانت مو على بعضك هند تناظر ثريا وتبي تقول كذابه لكنها تتذكره كل يوم ليه ثريا +_ يا بنت اصلا انتي ما قلتيلي كيف ردولك الوظيفه وانتي ما خلصتي الشهر هند_ ما باقي شي على الشهر كان وش الفرق يومين ثريا ناظرت هند وشافته بصوره كامله الي قالوا عنها انها تحسنت رجعت دايمن تسرح _ هند انتي انتي بخير هند_ ايه ايه بخير ثريا _طيب الحين خلينا نسوي شغل الهبله منيره انا وش علاقتي انها متراضيه مع زوجها واليوم بيرجعون لبعض وانا وياك مساكين الله الي انسويلها ادوات درسها بكره هند_ الحين وش باقي كتبنا ايات قرأن كريم وحديثين من سنه تقولين نكثر ثريا _ ايه على فكره يقولون ضحى تعبانه غايبه لها اربع ايام هند ناظرت ثريا باهتمام _ وش فيها ثريا _ ما عرف لكن البنات قالوا انها ما عادها تاكل شكل جاها فقر دم هند_ من متى ذا الكلام ثريا_ ما ادري احسن هذا عقابها على الي سوته فيك هند سكتت وحست بالالم حق صدرها يرجع لا لا مو قدام ثريا هند قامت ثريا _ وين رايحه هند_ الحمام هند راحت للحمام بسرعه وقفلت الباب وطرشت تحس روحها بتخرج منها هند ما كانت عارفه ان صوت طراشها وصل لثريا ثريا ركضت لهند ثريا =- هند افتحي الباب هند_ معليه لا تخافين ثريا _ هند هند افتحي الباب بسرعه وتضربه هند غسلت المغسله وراحت للباب وفتحته ثريا اول ما فتحت هند المغسله ناظرتها ثريا _ وش فيك هند _ ما فيني شي بس شكل الاكل مو كويس ثريا ناظرت المغسله وتنفست من الخوف وهند رجعت الغرفه لكن ثريا وهي تقفل باب الحمام شافت بقعه دم كبيره على الارض ثريا شهقت _ هند وريني وجهك هند ناظرتها وكان في حلقها بقعه دم ما غسلتها ثريا _ هنــــــــــد وش ذا ,,وبدت تبكي ..من متى من متى وانتي كذا هند_ايش فيك يا ثريا ثريا تركتها ودقت الجوال على ثريا هند تحاول تاخذ الجوال منها لكن ثريا دقت على ريم وقالتلها ثريا +_ ريم الحقي هند تتطرش دم والله دم ريم قفلت بوجه ثريا ثريا _ ايوه يا اخت هند ومتى كنتي بتقولينا ولا كنتي بتلحقين سيف انت خبل مجنونه وينك طلعتي اضعف خلق يا غبيه صدق مو بصاحيه تعرفين سكوتك على مرضك انتحار يا اللي ما عندك عقل وش الفايده عيشي عيشي حياتك كافيك حزن هند في ذي اللحظه ناظرت ثريا وفكرت انها صدق ما عاد فيها حيل تصير قويه هي ضعيفه بس قوتها تبان في وجه ذاك تحس كل ما شافته انها تقدر ترد عليه وتخاصمه لكن مع غيره ولا شي سلحفاه وجات ريم وطلعت ومن غير مقدمات لبست هند العبايه من غير ما تكلمها ريم قويه في ذي المواقف ونزلت لعادل المنتظر تحت مو بس خايف على هند خايف على ريم الي ما كان مفروض تقوم الحمل متعبها صدق ............................................. هند وريم وثريا وامهم داخل عند هند في الغرفه الي متنومها فيها ياسر وعادل وابو محمد وووليد برا مو عارفين من قال لوليد لكن الي قاله عادل بناءاً على امٍر جاه من ريم الي تبي توفق راسين بالًحلال على قولتهَا هند تناظر هلها بعقدت ذنب هي الي خلتهم يخافون عليها كذا ام محمد _ انا بجلس عند هند انتوا روحوا الله معكم ثريا _ الا انا اللي بجلس عند هند انتي يا عمه تتعبين وانا ماعلي خلاف بجلس لا وراي بيت ولا ما يحزنون ريم_ ايه يمه خلي ثريا مع هند ام محمد+ طيب على كذا انا بروح البيت ريم _ وانا بعد الزياره بتخلص وطعلوا كلهم وبقت ثريا وهند ثريا _ التحاليل بتطلع بعد يومين هند- كويس ثريا _ وش الكويس في السالفه انك بغيتي تروحين وتودعين هند بتعب _ خلاص يا ثريا ثريا سكتت وبلعت في جوفها .................................................. ......... المديره زارت هند من بعد يومين دخلت باقه ورد وسله حلاوه المديره _ اهلين سلامات سلامات يا استاذه هند خوفتيني عليك هند الي كانت جالسه على السرير _ الله يسلمك ثريا كانت تناظر المديره بكره لانها ما تحبها خلقه المديره ما عطت ثريا وجه وكانها مو موجوده في الغرفه ثريا جلست في الكرسي وخذت لها مجله تقراها المديره _ انتي ايش اخبارك انشاء الله افضل هند ناظرت ثريا _ الحمدلله انا بغيت اسئلك عن ضحى هي بخير الحين المديره _ انا رايحتلها بعد شويه اطمن عليها انقلها سلامك هند_ ايه لو سمحتي وجلست خمس دقايق تناظر الغرفه بقرف والسرير بعدين قامت _ انا استئذن زي ما قلتلك لازم اروح للانسه ضحى هند- مع السلامه ثريا قامت عشان توصلها وقفلت الباب وراها هند_ وش بلاك عليها المديره _ اكرهها هند_ ليه ثريا _ ما يصير اني اكره شخص من غير سبب هند_ بلا يصير ثريا _ راح تطولين التحاليل ما طلعت للحين هند ناظرت ثريا بعدم مبالاه ثريا رجعت تقرا وصدرها ضايق لان الدكتور شاك بسرطان الدماغ ثريا عارفه وريم وعادل بس وماخبروا الباقين لانه مازال الدكتور شاك بذا الشي مو متاكد هند تناظر الورد وماكانت عارفه ان ثريا تناظرها هند قعدت تناظر الورد بعيون سرحانه هو فينه اكيد مازال متضايق من كلامي ما علي منه احسن لازم يعرف انه ولا شي هو اكبر سفاح اكبر شيطان ثريا _ من تفكرين فيه هند طلعت من سرحانها ثريا قامت وجلست جنبها _ هند مازلتي تفكرين في سيف هند ناظرت ثريا نظره غريبه هند في نفسها مستغربه سيف سيف كيف نسته لا هي ما نسته ثريا _ هنوده ايش فيك هند دمعت منصدمه ثريا _ هند روحي خلاص هند_ لا لا بس معليه ثريا حضنت هند ثريا _ هند تكفين كافي عيشي والله حرام اللي قاعده تسوينه في عمرك هند تنهدت _ بس انا يا ثريا عايشه مو هاذي انا اكلمك مو هاذي انا اشرب اكل ابتسم ما مت بعد سيف ثريا ناظرت هند هاذي اول مره تسمعها تقول اسم سيف من بعد ما مات _ بس منتي هند الاوليه مو هند هند_ما قدرت ارجع حاولت ما قدرت احس بذنب كبير لما افرح لما اخاصم احس اني بموت من القهر ما قدرت ارجع حاولت ما قدرت ثريا ابتسمت فيه بوادر طيبه من قبل هند ثريا تبي تغير الموضوع _ علمتك انا خلاص شكلي بوافق على اللي خطبني اخر مره هند_ ليه منتي قلتي انك ما تبينه ثريا ابتسمت ابتسامه كبيره _ مافيه الشخص اللي يرضي طموحي اللي يخليني اسوي اشياء مجنونه انا كنت ابي احب بس خلاص فكرت اني كبرت على ذي الكلمه صح ولا لا هند_ لا مو صح اسمعي لا توافقين انا ما ابيك توافقين خليك عانس مثلي ولا ما تبين ثريا _فال الله ولا فالك قالت عانس بس صح انا وياك عوانس عموما هند_ ثريا لا توافقين ريم اللي دخلت وهم يتكلمون +_ وش هو ذا الشي الي ما توافق عليه هند_ ريم متى جيتي ريم اللي جلست من الطرف الثاني على السرير _ قبل شوي ها قولولي وش هو ذا الشي الي مفروض ثريا ما توافق عليه ثريا _سالفه الخطبه هند_ قلتلها لا توافق ريم_ ليه هند ما ردت _ ريم شكلك تعبان فيك شي ريم اللي بدت تعرق _ لا بس بس احس اني مو قادره امشي المصعد حق المستشفى خربان عشان كذا طلعتلك بالدرج ثريا قامت _ قومي اوديك للدكتوره انتي هبل ما قلنا لا عاد تسوين مجهود حملك في خطر ريم في ذا الوقت صاحت هند قامت _ ريم وش فيك ريم_ ااااااااااااااااااااااااا اااااااااااااااااااا ثريا بخوف _ بروح انادي الدكتور هند جلست ريم بدالها على السرير هند_ سوي مثلي تنفسي مثلي يله ..شهيق زفير شهيق زفير ريم_ هههههههههننننننننننننند ااااااااااااااااااااااااا ااااا ثريا دخلت ووراها ممرضات وشالوا ريم هند ما قدرت تطلع لانها ممنوعه من أي جهد ثريا طلعت مع ريم اللي شكلها بتولد في شهرها الثامن .................................................. .......... ... في واحد من مقاعد الطياره الفخمه والمريحه والهاديه جلس عبدالعزيز كان حاني راسه للامام يناظر الاوراق اللي قدامه مضيفه الطياره _ سيد عبدالعزيز هل ترغب بكوب ثاني من القهوه عبدالعزيز مدلها الكوب الفاضي _ بسرعه المضيفه ناظرته من يوم دخلت وهي تحاول تلفت انتباهه بس هو بارد ما يحس وكانها مو موجوده شالت الكوب واختفت عبدالعزيز ناظر اللاب تب حقه وقفله بعدين استند وحط راسه على الكرسي هو الحين راجع من اسبانيا بعد ما انتهت صفقه الرخام على خير المنافسه قويه بس حسمت بسهوله نظرا لاسم الشركه الحين مو رايح لايطاليا يتفقد سلسله الفنادق ويشوف وش صار في مشكله الفندق اللي في فينيس المضيفه رجعت وناظرها عبدالعزيز ومد يده بعد ما عطته الكوب قالت _ سيد عبدالعزيز هل تشعر بالتعب هل ترغب ان اقوم بتدليك راسك عبدالعزيز رجع لورقه _لا شكرا واشر بيده يعني اخرجي .................................................. ......... في جناح في مستشفى مجهز لها خصيصا كانت ضحى تناظر الباب وهو يتقفل بعد ما خرجت المديره منه ضحى كانت تفكر في كلام المديره اللي قالته عن هند وانها تعبانه ومنومه هل تستغل حاله هند عشان مصلحتها بس لو اللي في بالها صار راح تتحطم كيف كيف ترضاها لنفسها كيف بس ابي ابيه يرجع .................................................. ..... هند تنتظر في غرفتها تبي خبر ما احد عطاها وجه دقت على ثريا محد رد دقت على عادل ..كذلك الممرضه دخلت وشافت هند_ انتا ايش في سوي اجلس على هدا سرير ما في قوم يله انتا تعبان هند جلست على السرير والممرضه عطتها دواها قاست ضغطها هند_ سستر انتا شوف هذا حرمه فيه يولد الممرضه _ حرمه هدا شيل من هنا انا شوف قبل عشره دقيقه يخرج من غرفه حق عمليه هند_ والله هي بخير الممرضه_ انتا ما في صيح ايوه حرمه بخير في ذا الوقت دخل ثريا وشالت نقابها ثريا عطت هند الجوال بدون مقدمات هند_ الو ريم_ ابشرك بهند هند دمعت وبدت تبكي هند_ خوفتيني عليك انتي بخير مبروك مبروك ريم_ ليه تخافين البنت طالعه على خالتها من اول قالبه بطني ملعب كوره ويوم خرجوها رفضت الاخت معترضه على قرار الحكم يله وش انسوي الله يعيني بس تشبهك الكل يقول انها تشبهك هند وهي تنشق _ احمدي ربك منين تلقين وحده بجمالي ريم_ الحين لقيت بنتي بتغطي على خالتها هند ضحكت ثريا خذت الجوال _ اصلا الشرهه مو عليك على اخي ليه ما سميتموها باسمي ريم _ وخري زين احنا مو متحملين ثريا وحده تبينا نتحمل ثنتين ثريا كشت الجوال _ مالت عليك وعلى الصوت اللي طالع منك هند تضحك ثريا _ ايه اضحكي من قدك هند_ لا تخافين البنت الثانيه باسمك ثريا ضحكت _ لا تكفين عشان ريم تضرب بنتها اللي بسمي لما اسويلها شي هند _ كيف شكلها ثريا ما جاوبت طلعت هند استغربت وبعد عشر دقايق ثريا دخلت ومعها لفه هند شهقت _ثريا ثريا _ جبتلك هنوده الصغيره عشان تشوف انتي بخير ولا لا ثريا حطت هنوده في حضن هند هند من غير مقدمات قعدت دموعها تنزل شلالات الطفله تلعب بيدها ورجولها وتناظر هند بعيون صغيره وخدود حمرا وشعر اسود ثريا _ مولوده في شهر ثمانيه ووزنها ثلاثه اعوذبالله امها كانت تاكل مفطحات هند_ هاذي هند ما تلعب ودفنت وجهها في رقبه البنت وقعدت تبوسها هنوده كانت تميل براسها لان هند كانت تعضها في خدودها هند حست الحياه رجعت الروح رجعت رجعت بعد غيبه …………………………………………� �….. بعد اسبوع هند طلعت البيت وريم كانت جالسه عندهم عشان فتره النفاس هند شخصلها الدكتور حالتها بمرض اسمه بلد انيمي وفيه الدم في لحظه يفقد هدفه الوظيفي وثانيا فيه جروح بصدرها كانت السبب في نزول الدم هند ما خافت وثريا وريم تطمنوا كل شي الا السرطان اللي كانوا خايفين منه هند ما راحت لشغلها معها اجازه اسبوعين وكانت تبي تروح لضحى عشان تزورها لكنها سمعت ان ضحى رجعت للبيت وهند ما قدرت تروح هناك ما تعرف ليه …………………………………………� �….. عبدالعزيز _ خلااص يا عمه انا جاي والله جاي العمه ساره _ تكفى حالتها تخوف عبدالعزيز _ يومين وانا عندكم العمه ساره _ مشكور مشكور يا عبدالعزيز عبدالعزيز قفل الجوال وناظره منقهر على ضحى البنت هاذي تبي تذبح نفسها صدق مجنونه ... العمه ساره قفلت الجوال وناظرت ضحى اللي كانت تبكي العمه _ خلاص هذا هو جاي ضحى ابتسمت لانها فرحانه عشانها ما استعملت الخطه الثانيه العمه جلست جنب بنته _ خليتيني اكذب عليه واخوفه ضحى _ بس انا ابي اشوفه العمه ناظرت بنتها وتنهدت .................................................. ... ريم _ الحين لازم نغير ذي الغرفه عشان الضيوف اللي راح يجونا ام محمد_ أي والله هند_ مفروض هذا التفكير قبل ما تولدين ريم _ اللي يشوفك يقول اني كنت عارفه اني بولد في شهر ثمانيه ام محمد _ خلاص تري عماتك راح يجون بعد كم يوم ريم _ وخليهم يجيبون شروق وناديه ام محمد_ ان شاء الله اني بقولهم ريم_ والله اني كل ما اتذكر وش سوى اخوهم يوم هند تعبانه انه يكبر في عيني هند ناظرت ريم بقرف ريم كملت تبي تزبط الوضع _ ما شاءالله عليه تعرفين ما خلا دكتور يدخل عليك الا وهو متاكد انه كويس وسئل عنهم هند_ وش سوى يعني لو مالقاهم كويسين بيروح يجيب غيرهم من برا ريم_ الولد مسكين تعب وانتي ذا كلامك عنه هند_ ما احد طلبه يتعب ام محمد_ الولد يبيك وانتي معنده تبين تجلسين في حلقي ريم _ هند الولد ما شاءالله عليه ما عليه قصور هند_ مو هذا وليد اللي ما كنتي تدنينه ريم _ انا غلطانه .................................................. ..ز في الطائره القادمه الى السعوديه جلس هشام وعبدالعزيز هشام _ تعرف اخر مره كنت فيها في السعوديه قبل عشر سنين عبدالعزيز _ على الاقل شفتها هشام _ ايه ابي اشوف هي تطورت عبدالعزيز _ اعتقد هشام _ايش فيك كانك تشوف الجحيم عبدالعزيز _ماكنت ناوي ارجع هشام _ بس هذا انت رجعت عبدالعزيز _ ايه هذا انا رجعت ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟ هند جالسه في الصاله هي ويا ريم وثريا الي ما صدقت ان ريم تجلس عند هلها عشان تجلس عندها خالد ما رجع طولها لدوره سته اشهر هند بلا تناظر هنوده مسحوره ثريا _ هند خوفتي البنت بعدي منها هند_ مالك علاقه ريم _ انتوا اسكتوا خلوني اركز في الفيلم هند ناظرت الفيلم وكل شويه تناظر هنوده النايمه وبعد شوي سمعت صوت رنه مسج ثريا ناظرت هند اللي فتحت المسج بهدوء ما تبي تبين شي عشانها عارفه المسج انه من الغلطان هل شعرتي ان هناك شئ غريب هل شعرتي ان عدت واني اصبحت قريب وهل شعرتي ان هذا المطر الساقط يطفئ ما فيك من لهيب هند ناظرت المسج وقامت وفتحت الدريشه وشافت المطر ناظرت الجوال وقالت يا سيد المطر اشتقتلك ثريا _ هند وش فيك هند_ تعرفون انه مطر ثريا _ قولي والله ما شاءالله عليك كيف حسيتي هند_ احساسي قوي وواثقه فيه ثريا _ حلفنا هند ضحكت فرحانه فرحاااااااااااااانه .................................................. ..ززز عبدالعزيز ركب الدباب الهارلي دايفيدسون ومشى به تحت المطر اللي ملى جاكيته الجلد الاسود مر من خمسه شباب عرف منهم ياسر كانوا كلهم قايمين وشكلها بودار هواشه وما خاب ظنه فلما مر منهم ثلاثه بدوا يهجمون على ياسر وكان فيه واحد يحاول يبعدهم عن بعض عبدالعزيز وقف الدبابه وراحلهم وبدون كلام طلع الحره اللي فيه في الثلاثه ياسر كان يناظره مستغرب ليه يساعده الشباب راحوا بعد ماسبوا عبدالعزيز وياسر والولد الثالث وتحلفوا فيهم بس المهم هربوا من بعد ما جاهم من ضرب مو بصاحي عبدالعزيز ناظر الشباب بعد الحره حقته ما بردت ناظر ياسر وعطاه كف قوي على وجهه جمع فيه قهره منه يوم عطى هند كف وعشانه جالس مع هاذي الشله ياسر حس لحيه انفك ناظر عبدالعزيز بكره بس عرف انه ما يقدر يسوي شي اما عبدالعزيز فمشى لدبابه وراح بهدوء يحس انه مرتاح .................................................. .......... . ريم _ هند انا ما عادني اشوف عمي محمد وينه هند_ ما اعرف ما يجي الا كل اربعه خمسه ايام وينام ويطلع ويجيك بثوب ريحته عود ثريا _ فكه عساها دوم يغيب بلا يجي ويسوي مشاكل لك هند ما ردت وقعدت تناظر هنوده وفي ذا الوقت دخل عليهم ياسر وهو معصب وكان ثوبه مقطع وحالته حاله ريم _ وش فيك ياسر ناظرهم وشافوا خده الاحمر وطلع هند ناظرت ريم وثريا ثريا _ شكله متهاوش هند _ تقولون اطلع له ريم_ ليه تراضيتوا بعد ذاك اليوم هند_ لا ريم_ اذا لا تطلعين تري هذا ربي شوفي شكله واحد معطيه كف على وجهه مثلك هند ناظرت هنوده وابتسمت ريم وثريا ناظروها فرحانين .................................................. .......... ..... هشام في الحديقه الخلفيه حقت البيت الصيني دخل عليه عبدالعزيز هشام وهو مازال يناظر المطر وهو ينزل على الشجر القريب هشام _ عبدالعزيز ليه المطر هنا له احساس خاص عبدالعزيز _ احساس خاص ؟ هشام _ نعم تعرف قرار سفرتي للسعوديه قرار صائب عبدالعزيز بسخريه _ كويس ومنها تقدر تطلب امي تزوجك هشام ضحك وكمل سخريه عبدالعزيز _ شكرا انا مضرب عن الزواج انا ابيلي وحده رومانسيه رقيقه حالمه رائعه بسيطه عبدالعزيز _ انت تبيلك انسانه تصلح تكون موضوع لوحه من لوحك هشام _ بالضبط عبدالعزيز _ طيب بس ابي اعرف اولا من اللي دلك على ذا المكان هشام _ دورتله بنفسي عبدالعزيز _ ليه هشام _ ابي اعرف واشوف المكان المحرم على غيرك دخلته الا بضروره انا اللي اعرفه ان هنا ما يدخلها الا الخدم واصدقائك اذا كان فيه شي مهم ليه عبدالعزيز ناظر عمه بابتسامه _ جدي بنى هذا البيت لي لحالي فهمت لي ولحالي هشام _ ابي هو الي بناه لك اها والله حركات لطالما شكيت انه يحبك اكثر منا عبدالعزيز _ انا سر جدي ولا هشام _ صح انت سره عموما وين كنت عبدالعزيز _ رحت اطمن على احد اعرفه واقوله اني رجعت هشام _ عبدالعزيز لازم اشوفها عبدالعزيز فتح عينه على الاخير _ من هي هشام _ الانسانه الي خلتك مشوش وكئيب عبدالعزيز – وليه تعتقد ان فيه انسانه وانها السبب ورا الي صايرلي هشام _ تقدر تنكر عبدالعزيز _ لا هشام _ ايش اسمها عبدالعزيز سكت كثير لدرجه ان هشام ظن انه ما راح يجاوب _ وحده متكبره هشام ضحك _ انت يا عبدالعزيز تقول عن وحده انها متكبره عليك عبدالعزيز _ هشام ايش فيك انت ورعد وتركي تشوفوني متكبر مغرور ترا والله بديت اشك بنفسي هشام _ خلاص هدي نمزح بس ايش اسم المتكبره عبدالعزيز _ ماابي اقول اسمها هشام _ ليه عبدالعزيز قام _ كافي اليوم ااعترفتلك انها موجوده بس مو اليوم راح اقولك اسمها بعدين الحين ابيك تطلع من بيتي اتضايق لما اشوف احد هنا هشام _ طيب اوكيه راح اروح وتاكد اني راح ابني بيت قربك عشان تفقد خصوصيتك عبدالعزيز _ من اللي راح يسمحلك انك تبني هنا اصلا هشام _ يعني الحين تبي تبين ان ذي الارض لك صح ليه ما قلت لابوك عبدالعزيز _ ليه اقوله هشام _ ايه صح ليه تقوله وطلع من باب الحديقه عبدالعزيز رجع يجلس ويناظر الندى وهو ينزل من الاوراق عبدالعزيز انت اللي على بالك انك اذا بغيت وحده راح تركضلك وتنجن عشانك هذا انت اللي قاعد تركض وتنجن وهي مو عارفه ولا مهتمه الا كيف تبينلك كرهها مع ذلك احبها ولا راح اخليها الا لما تعرف انها ما تقدر تعيش من غيري ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟ الله اكبر كيف صرت محروم وكنت اظن الناس ما يحرموني سكنت في سجن من احزان وهموم وجنوده من هجروجفا يحرسوني عذاب بعده خلف اجروح ووسوم وحتى بعذابي ما نسوا يحسدوني الحب قسمه والعنا فيه مقسوم ومقسوم وقته يهتني به بدوني مدري ظلمته او انا فيه مظلوم مدري نسيته ولا عيونه نسوني .................................................. .......... . | ||||
|
| |
|
03-10-12, 08:53 PM
| #27 | ||||
| نجم روايتي ومشرفة سابقةومصممه
| الفصل الخامس والعشرين . . . . . . . . شروق وناديه وامهم جاو من بكره عند ريم عشان المولود وبعد عشان هند اللي يظنون ان الي فيها فقر دم شروق اللي كانت متغيره قاصه الشعر وصابغته اشقر مع انه ما يناسب بشرتها بس حلو عليها وناديه اللي مجعده شعرها وكل هم لاحظوا ان هند بدت تتحسن يكفي انها قابلتهم شروق وناديه وهند وثريا جالسين جنب بعض في طرف الصاله والعمه وام محمد جالسين عند ريم شروق _ بنات دورولي شغل مو مستحمله اجلس اكثر في البيت ثريا _ وش اللي طرالك انتي تحبين جلسه البيت ناديه _ على بالها ان الزواج قريب بس مسكينه عنست هند فهمت وماردت شروق _ هند وين خالد ثريا _ ايه بعدي بعدك تحبينه ناديه _ قالت تحبه البنت مهووسه فيه هند جاوبت على سؤال شروق متجاهله تعليقات الباقين _ في جده عنده دوره كانت بس شهرين بس هو طولها لسته اشهرأرتاح هناك ويحسبله راتب ومسكنينه على حسابهم ها يعني مريح ثريا _ حركات شروق _ قال وليد ان خالد مو مرتاح في الفرع اللي هنا لا يكون ناوي ينقل في فرع جده هند_ ما اعرف بس تري مدير فرع جده صديقه بس ما اتصور انه يتركنا ناديه _ اها صح من اللي بيجلس عندهم يا خبل محمد عايش في بيت لحاله على طاري محمد ثريا شخبار هاله ثريا _ كويسه شروق عبست وناديه قعدت تناظر ثريا ما اعجبها الرد وهند جلست تفكر في كلام شروق وثريا متضايقه من سيره هاله .................................................. .......... . في غرفه مغلقه في القصر كانت الغرفه دائريه ورائعه تتسرب اشعه الشمس من كل مكان لان النوافذ كانت طويله كانها جدار فاديه من ورا مكتبها (الكلام بالانجليزي دائما مع جاك ) _ جاك انا خايفه على عبدالعزيز احس ان فيه شئ يضايقه قرر السفر بشكل مفاجئ ولما رجع اشوف ا انه مو بخير جاك اللي كان يبي احد عشان يوريه الاوراق اللي عنده فاديه _ ابغاك تعرفلي من هو ذا الشخص جاك _ سيدتي انا لقد لاحظت هذا الشئ منذ مده ولقد جمعت صور توضح تردد السيد لاحدى البيوت بشكل يومي الشئ الغريب ان السيد لا يفعل شئ غير الوقوف والنظر في ذاك البيت وهو لايذهب هناك عموما الا عند حلول الليل وخاصة بعد منتصف الليل فاديه _ وين الصور جاك _ سأعود بعد قليل فاديه ضمت يدينها تبي تهدي نفسها تحس انها تبي تذبح الشخص اللي خلى ولدها يحس بالحزن ولو لحظه جاك رجع وحط مغلف بني على الطاوله فاديه افتحته وناظرت الصور عبدالعزيز يناظر بيت اللي يشوفه يظن ان ما احد ساكنه فاديه ناظرت جاك مو فاهمه فاديه _ ليه يسوي كذا جاك _ سيدتي ان هذا البيت (واشرلها على بيت العم صالح ) بيت السيد صالح البودي قارد الذي كان يعمل قبلي فاديه _ ايه اعرفه بس عبدالعزيز يدور له جاك _ سيدتي السيد عبدالعزيز لا اعتقد انه كان يذهب لرؤيه بيت السيد صالح بل للبيت المحاذي لبيته فاديه ناظرت البيت الثاني اللي كان صبغته مقشوعه صح عبدالعزيز يناظره فاديه _ ما فهمت شي جاك _ سيدتي لا اعلم ماذا اقول لكن هذا البيت يعود لمعلمه ضحى الخاصه التي كانت تعمل هنا لا اعلم اذا كنتي تعرفينها فاديه تذكرت الموضوع – نعم اعرف عن هذا الموضوع جاك_ السيد عبدالعزيز يعامل هاذي المعلمه بشكل مميز اولا لقد قامت باختلاق مشكله مع الانسه ضحى ومن المعروف ان السيد يقوم بعقاب كل من يؤذيها لكنه ................وقالها القصه كلها فاديه _ ايش تبي تقول ان عبدالعزيز له علاقه بذي البنت جاك _ هذا ما لاحظته فاديه _ عبدالعزيز رجال ممكن تكون ذي البنت مثل غيرها جاك _نظرا ان السيد ليس من النوع الذي يهتم بهذه الامور اقصد لا يهتم بالنساء فلقد رايت ان الشئ يستحق البحث فيه عموما اليوم الذي توقفت المعلمه القدوم فيه الى هنا هو اليوم نفسه الذي غادر فيه السيد عائدا الى فرنسا فاديه _شكرا جاك تستطيع المغادره جاك _ على الرحب والسعه ...وخرج اما السيده فاديه فناظرت الصور وكانت تحس بالكره تجاه هاذي البنت اللي بعدها ما شافتها كيف تتجرا وتؤذي ولدي وكيف اصلا عبدالعزيز يناظر وحده وضيعه مثلها بس قبل ذا كله انا لازم اشوفها .................................................. ....... في بيت ابو محمد راحوا الضيوف على الساعه 11 ريم _ شروق محلوه ثرياا _ المسكينه انتظرت اخيكم بما فيه الكفايه خلاص تبي تشوف نفسها ريم _ مالك علاقه يا شين اللقافه هند_ بنات تروا برا مطر شكله بيقوى ثريا _ من اللي قالك هند اللي عرفت من غير مساعده سيد المطر هند_ معي اذن تسمع ثريا _ بطلع البس بعدين انزل اشوفلي فيلم اما هند اللي قدها اصلا لابسه قميص اسود مبلح فيه عند منطقه البطن جيب حاطه فيه جوالها هند تكلم ثريا اللي قدها في الدرج _ الناس يقولون بننزل نشوف المطر مو نشوف فيلم ثريا _ ما ردت هند طلعت برا البيت عشان تشوف المطر صدق زي ما توقعت بدا يكثر هند رجعت _ ريم تكفين خليني اوري هنوده المطر ريم _ لا تكفين اخاف عليها هند_ تكفين ريم _ هند بلا خباله البنت صغيره بتتعب هند ناظرت هنوده اللي كانها عارفه خالتها تحركت بسرعه ريم _ مو مفروض انها تسوي كذا بعدها صغيره ذي البنت شكلها بتمشي قبل وقتها هند بدلع _ يا ربي طالعه على من بسم الله عليها ريم ناظرت هند بسخريه _ المهم ما تطلع دلوعه بجلس اضربها هند_ حاولي بس والله لاكسر يدك ثريا _ اعوذ بالله انا اصلا قلت اني ما ابيك تسمين حدى بناتك على اسمي بطلعين حرتك فيها ريم _ بس خلاص انتوا يا الثنتين كليتوني هند_ كم الساعه ريم _ 11 ونص هند جلست تنظف المطبخ وتربط كيسه الزباله عشان تطلعها ريم وهي شايفه هند طالعه ريم _ وين رايحه هند_ اطلع كيسه الزباله ثريا _ تبين مساعده هند_ لا برجع بعد شوي هند طلعت للحوش كان المطر قوي هند تركت الكيسه ورفعت يدها ودموع نزلت من عيونها وكالعاده هند كانت تبي ان دموعها تختلط بالدموع السماويه االطاهره عشان تمسحها وتنسيها سببها السبب الي غير حياتها ليته يرجع مسحت دموعها تحس براحه مع ان فيه فجوه في صدرها فاضيه فارغه تنتظر صاحبها عشان يملاها هند شالت الكيسه مره ثانيه كانت ثقيله ومشت بها تبي تطلع وهي عند الباب وقفت ونزلت الكيسه وقدها ماسكه مفتاح الباب تبي تفتحه ثريا نادتها _ هند هند الحقي هند تركت الكيسه والباب ولحقتهم هند وقفت في نص الصاله _ وش فيه ثريا _ شوفي ذا اعلان الجزء الثاني من فيلمك عادهم يوم فكروا يعرضونه هند ناظرت التلفزيون كان اعلان لفيلم نـــــيو مـــون هند ناظرت ثريا _ انتي ليه تسوين كذا فيني ثريا منصدمه _ ليه انتي تحبين ذي الافلام هند بصوت مخنوق _ وداعيتني ليه عشان توريني دعايه ثريا تبي تخفف الموقف _ هذا وانا ابي اسويلك جماله هند ناظرت ثريا ثريا اللي ناظرت ريم تبي تفهم وش فيه ثريا _ هند وش بلاك ليه معصبه هند طلعت من غير ولا كلمه ثريا ناظرت ريم _ انا وش سويت ريم _ تهورتي احنا قولنا بدت ترجع الاوليه بس ما رجعت كاملا ثريا _ اووف بس انا شفتها اليوم تغيرت ريم _ ثريا خليها براحتها هي تغيرت واحنا مو عارفين السبب وان شاء الله انها ترجع ثريا _ كله منك يا نيــو مــون انت اللي خليتها تعصب علينا فيلم نحس ريم _ الحين خبلتي رسمي تكلمين لك فيلم بس متى عرضه ثريا _ خليني اشوف .............................................. هند طلعت من البيت وراحت لكيستها وتحس نفسها مكسوره ليه مو قلنا تغيرت وتحسنت حالتي ليه البنت ما سوت شي وانا خاصمتها باعتذرلها بعدين يا رب ريحني وفرحني تعبت افتحت الباب وخرجت الكيسه وبعدها خرجت نفسها وفي ذي اللحظه شافت عمها جايها كانت ريحته واصلتلها عود وعطر غالي هند خافت منه مو عارفه وش ممكن يسويلها هذا هو قدامه سبب انه يضربها ويهينها هند اللي كانت الكيسه ثقيله مرره عليها قررت انه تبين للعم اما العم فناظرها وشافها تحاول تشيل الكيسه بصعوبه ومر من جنبها هند بينتله ان الكيسه ثقيله مره بس هو مر جنبها بدون ما يسوي شئ بس عطاها نظرة كره لكنه سوى شئ حقير قفل الباب وراه يوم دخل هند شهقت وناظرت وراها الباب مقفل صدق ليه ليه سوا كذا ما يحس وبدت تدمع عيونها وتنزل مثل الشلالات هند تمشي مكسوره ورفعت الكيسه الثقيله بس الكيسه انفتحت وطاح على هند بعض المخلفات هند نفضتها بس باقي على راسها وشوي على ملابسها وحطت الكيس في البرميل وهي تبكي ليه يسوي كذا هذا مو الهوا الي قفل الباب هذا هو قاصد متقصد وحتى ان كان الهوا ليه ما فتحلي بس انا شفت رجوله وهو يقفل الباب هند ناظرت حولها ما به احد في الشوراع الرئيسيه في الحي والمطر قوي وثيابها لاصقه فيها لازم تتخبى وتدق على ثريا غريبه ليه ما دوروا عليها هند ركضت لذاك الشارع الصغير اللي بينها وبين الجيران (العم صالح ) وهي تبكي نفسها مخنوق وتشاهق شهقات صغار متقطعه واستندت على الجدار خذت الجوال من جيبها وشعرها انفك ومبتل وينقط ماء على عينها وجوالها هند دقت على ثريا وانتظرت الرد وهي تنتظر ناظرت من تحت شافت رجول هند تسمرت مكانها وبدت ترفع نظراتها شوي شوي قلبها طاح تحسه انخلع الخوف استولى عليها وش تسوي ورفعت عينها وشافته كان يناظرها عاقد يدينه والمطر مبلل شعره وجاكيته الجلد كان يناظرها نظرات ملائكيه رائعه حنونه هند في ذي اللحظه ما استحملت بدت تبكي وهي تناظره تبكي من قلبها توقعت كل الناس الاهو عبدالعزيز مشى لها بخطوات بطئيه بس واثقه مو خايف من احد هند كانت تناظره وهو يقرب منها ولما كان خلاص بيصير جنبها هند حطت عينها في عينه وبصوت باكي _ ليه انت هنا قرب منها وحط وجهه قدام وجهها بجرأه كبيره عبدالعزيز _ من هو ذا الحقير اللي ما ساعدك هند نزلت نظراتها الحمدلله انه مو عارف انه هو اللي قفل الباب عليها بعد هند ومازال اثار البكى واضحه بصوتها _ مالك علاقه عبدالعزيز سكت وران الصمت بينهم بعدين ابتسم بتعب _ اشتقت لذي الجمله هند بصوت تحذيري باكي _ عبدالعزيز عبدالعزيز حس صدره تقطع واحترق من اسمه هند _ ليه انت هنا عبدالعزيز _ خلاص تعبت من محاوله اني ابقى بعيد عنك هاذا انا استسلمت هند الي ماسكه فمها بقوه وتبكي هند ناظرته بعينه ما زالت تبي تجرحه _ بس انا ... عبدالعزيز ناظرها وعرف وش تبي تقول _ خلاص تعبت من كرهك هند انا ما استاهل كرهك ما استاهله هند نزلت نظراتها وقالت في نفسها بس انا ما اكرهك ااهه ما اكرهك بس لسانها نطق الكلمات السامه _ انت مجنون انا قلتلك اكرهك تستاهل ذا الكره او لا انا اكرهك عبدالعزيز بهدوء مميت _ هند بس خلاص هند_ ابعد عني اتركني مو محتاجه لمشاعرك لانك كذاب حقير عبدالعزيز حس انه انهان انجرح انظلم على يد حبه عبدالعزيز _ هند هند_ اكره اسمي لما يطلع من فمك اكرهه عبدالعزيز مسك راسه من الالم وناظرها خلاص كافيه اهانات ما عنده كرامه نزل يده وفصخ جاكيته وحطه على هند عبدالعزيز _ اسف وتراجع شوي ولف وقعد يمشي للجهه المقابله بهدوء ما انكسرت مشيته ومازال محتفظ بهيبته بس خلاص هند ضيعته هند ناظرته من وراه وما شافت الا يد منمده لها ناظرت لقتها ثريا ثريا اللي سمعت الكلام كله _ هند هند ناظرتها ومشت معها وهي منهده تركته ليه وش سويت خليته .................................................. ........ ثريا دخلت هند المنغلقه على نفسها هند اللي دموعها رفضت التوقف ريم اول ما دخلوا الصاله _ ثريا وش اللي صار ثريا اللي سمعت اللي صار مع ريم على الجوال اللي كان مفتوح ثريا ناظرت هند _ ما اعرف ريم _ من هو يا هند هند ناظرتهم وبدت تشهق وتبكي تشهق شهقات طالعه من القلب ثريا انصدمت وريم قامت رغم تعبها ريم _ هند وش فيه هند اللي بعدها تشهق شهقات متقطعه ناظرت ريم وباندفاع راحت لاختها وحضنتها ثريا اللي عرفت من هو لانها شافته انصدمت وش بين هند وشخص مثل ذاك ريم ناظرت ثريا هند متمسكه بحضن ريم ريم _ هنوده يله خلاص لا عاد تبكين قدام سميتك تبين تعلمينها الضعف هند رفعت راسها وبدت تمسح دموعها ثريا _ هند احنا سمعنا المكالمه هند تجمدت ريم ناظرت ثريا نظرة عتب ليه تقولين ثريا _ من هو هند قامت تبي تطلع هاربه ثريا _ هند وش علاقتك بولد ال سياف وليه تكرهينه هند_ ثريا بس ريم _ ايه خلاص ثريا هند بتقولنا بعدين هند ناظرتهم _ لا ما راح اقولكم بعدين لان ما فيه شئ ينقال من هو ولد ال سياف تبون تعرفون من هو ولد مغرور متكبر ليه اكرهه لاني لازم اكرهه ثريا _ وش سوالك اكيد سوالك شي يوم سالفه بيت جيرانكم هند ناظرت ثريا _ مو انا اللي اسمح له ولامثاله يقربوني انا هند تعرفين ايش معنى هند ثريا _ ليه تكرهينه ليه لازم تكرهينه هند_ وليه ما تبيني اكرهه ما يذكرك اسم ال سياف بشي ثريا _ هند لا تستهبلين انتي عارفه اني عارفه انه مالك المدرسه هند_ بس انا عارفه انك مو عارفه انه هو اللي فلس سيف واستولى على شركاته ريم_ طيب سيف باعها عن رضا هند_ من اللي قالك ريم _ الشركه انقذته من السجون سددت ديونه انا عارفه السالفه هند عمرها ما شافتها بذي الطريقه كانت شايفتها دايمن بمنظور انهم مسكوا سيف من اليد الي توجعه بس مع ذلك استنتاجها طلع تافه وماله اساس ثريا _ هند من متى وانتي تعرفينه هند_ انتوا ايه بدال ما تخاصموني وتضربوني على تصرفي ذا وعلى مكالمتي لغريب وعلى اني اعرفه تتكلمون معي عادي ريم ناظرت هند باستغراب ريم _ هند انا واثقه فيك هند دمعت ولفت تبي تطلع وشمت ريحه عطره اللي على الجاكيت اللي عطاها ياه هند\_ بس انا مو واثقه بنفسي .................................................. ...... فاديه _ ضحى غريبه المعلمه حقتك ما جاتك تزورك بعد خروجك من المستشفى عبدالعزيز رمش بعينه وقعد يشرب الكوفي حقه ضحى _ تقصدين معلمتي الخصوصيه ما اعرف بس انا عارفه انها تعبانه هي بعد كانت في المستشفى عبدالعزيز تهم ضحى قعدت تناظر عبدالعزيز تبي تشوف تاثير ذي الكلمات عليه لكن عبدالعزيز انسحب بهدوء من الطاوله وطلع برا البيت يبي يروح للبيت الصيني فاديه التفتت لضحى فاديه _ دقي عليها انا ابي اشوفها قوليليها انك تبين تشوفينها ضحى ناظرت عمها فاديه ابتسمت بهيبه _ ابي اتعرف عليها ما جاتني فرصه اني اشوفها ضحى اللي كانت عارفه ان السبب غير اللي قالته خالتها بس وش تسوي .................................................. .......... ......ز هند ما طلعت من غرفتها من امس ثريا حاولت لكن هند ابت هند كانت ماسكه دفتر اليوميات وتبكي ما نامت من امس تحس انه بتموت وتبي تشوف الشخص اللي قاعده ترسله الرسايل طول السنوات اللي فاتت ناظرت الرسايل هند بصوت واطي _ متى راح اعطيك ياها ومتى راح تجي او اجيك متى ,................................................. ...... وفي البيت الخاص الصيني عبدالعزيز قاعد يدق البيانو ووقف عن العزف وقعد يلمس الازرار الموسيقيه بدون ما يتطلع صوت وغمض عينه هو في حياته جرب كثير لكن عمره ما جرب احساس انه مو مهم..... مهمل .....مكروه .................................................. .......... ما همني غيرك وانت بعذابي مهتم وان شوفت في يوم فرحتي جلست وحدك مغتم هنت عزتي وكسرت فرحتي وما عطيتني فرصه عشان التم تكرهني واضح اكيد ..واحبك حب اقربه بعيد حبك حلوه مر... وبوحي بحبك في قلبي سر سهل تشوفني وانا مجروح ...و صعب اشوفك وانت لغيري تروح .. | ||||
|
| |
|
03-10-12, 08:56 PM
| #28 | ||||
| نجم روايتي ومشرفة سابقةومصممه
| الفصل السادس والعشرين . . . . . . . . . . . . هند نزلت لهم في الليل على الساعه تسعه بعد ما عرفت ان الالم ما يزيله الا الم اكبر منه الحين المها مذنب هي المذنبه فيه جلست في الصاله جنب امها وبعدت عن ريم وثريا ما تبي تناظرهم مختجله منهم ثريا ناظرت ريم وقامت معصبه ثريا طلعت فوق ودقت على باب ياسر ياسر فتح الباب وفتح عيونه على الاخير يوم شاف ثريا عند الباب ثريا _ ياسر اطلع ابي اكلمك ياسر وقف عند الباب ثريا _ الحين روح انزل وراض هند ياسر ناظر ثريا _ انا خايف انها ما توافق ثريا _ هند مو النوع اللي كذا معليك بترضى ياسر _ ثريا ما اقدر ثريا عطته ميه ريال ياسر ناظر الفلوس ثريا _ روح اشتريلها قاتوه واكتب فيها اسف يله ياسر ناظر الميه وهز راسه علامة موافقه ثريا نزلت وجلست مكانها من ريم .................................................. .......... هند ناظرت ثريا ونزلت نظراتها وشافت بعد شوي ياسر طالع من البيت ثريا شاورت ريم وقالتلها بلي سوته ريم ابتسمت بوجه ثريا هند قامت بهدوء وجلست عند فراش ريم بس مو من الجهه اللي جالسه ريم وثريا فيها بس من الجهه اللي هنوده جالسه فيها هند ناظرت هنوده اللي قعدت تصارع النوم عشان تبقي عيونها مفتوحه تناظر خالتها هند شاورتها هند_ هنوده احبك الصغيره حركه راسها بحركه تبين انها مثل خالتها ما تحب احد يشاورها ريم _ هند تعالي عندنا ليه بعيده هند بقت عيونها على الارض وعلى وجهه تعبير طفولي حزين ثريا _ تعالي هند قربت منهم ريم مسكت اختها وحطت راسها على صدرها ريم بحركه تمثيليه _ هند انا الحين صرت ام يعني بتحسين بحنان الامومه معي هند قامت من على صدر اختها وناظرت ريم بقرف ثريا _ امحق ام ريم _ والله انتي اللي امحق عمه ثريا _ بس اسكتي شوفي ولدك عمر اللي مو مخلي ركن بحاله في ذا البيت ريم _ شوفيه رجال بلا مرافق ابي ويروح معه لكل مكان ثريا _ مسكين يا عمي هند_ أي والله مسكين ريم_ حتى انتي يا هند هند اللي دخلت بالسالفه بعد جهود _ انتي مو عارفه ان ولدك كسر قزاز السياره من ورا ريم _ قولي والله هند_ ايه والله اسئلي ابي لكن ريم وثريا مو معها كانوا يناظرون وراها هند ناظرت وراها لقت ياسر شال كيكه وفوقها شموع هند ناظرت ثريا وهي تفكر من هو عيد ميلاده لكن ياسر وقف قدامها هند ناظرته وبدت تتعبر ياسر _ يله ننفخ ولما ننفخ انسي اللي سويته هند حضنته ياسر ترك الكيكه وحضنها .................................................. ... ضحى جلست تناظر الجوال ما تبي تدق على هند بس وش تسوي لازم عمتها امرتها بس ليه وش تبي عمتها اكيد فيه شي ودي اعرف ضحى شالت الجوال ودقت رقم هند .................................................. .......... . ياسر كان قريب من جوال هند اما هند فكانت تاكل قطعته وتعطي هنوده لحسات من غير امها ما تعرف ياسر رد لقافه عارف ان هند ما كان رفضت بعدين الرقم ماله اسم ضحى بصوت متكبر_ الو ياسر ما اعجبه صوتها _ الو ضحى اللي وقفت شوي عشان تميز الصوت _ هذا جوال هند ياسر _ اها من اللي يبيها ضحى _ اووف عطني ياها بسرعه ياسر اللي انقهر هند لاحظت وقربت منه تبي تاخذ الجوال لكن ياسر بعد راسه يبي يكمل ياسر _ انتي ايه تكلمي زين ضحى اللي انصدمت بعدين شهقت _ انت ايه هات هند ياسر ناظر الجوال _ صدق قليله ادب و وقفل الجوال في وجهها هند خذت الجوال وناظرت الرقم هند_ من هي وليه بهذلتها ياسر _ تستاهل قليله ادب هند _ هي قالت انها تعرفني ياسر _ ايه مدري كيف انتي تعرفين مثل ذي الاشكال هند قامت تبي تدق على البنت ..بس ريم صاحت ريم _ من اللي عطى هنوده كريمه هند تجمدت ريم_ هند انتي خبل ياسر اللي كان اصلا ماد يده يبي يعطي هنوده لحسه خاف من ريم فلحس اصبعه هند_ خلاص بس حرام ما تذوق ريم شالت بنتها ونظفت فمها وهند طلعت تدق على الرقم ................................................. ضحى جلست تناظر الجوال منصدمه ضحى _ حقير دنئ ابي اذبحه بس جوالها دق ضحى ردت بعد ما عرفت انه رقم هند ضحى _ الو هند_ الو الرقم هذا دق على قبل شوي ممكن اعرف من ضحى _ هند انا ضحى هند- اا ضحى......(تداركت نفسها) ايش اخبراك ضحى _ منو اللي رد علي شوي هند خافت _ ها اخوي ياسر سوري بس هو ما كان عارف رقمك ضحى سكتت ما عرفت ترد _ عموما انا كنت ابيك تجين تزوريني هند استغربت من الدعوه وكيف انقالت الدعوه هند_ بس انا ما اقدر لاني ما عندي عذر اجي بيتك ضحى _ كيف مالك عذر انا طالبتك السابقه ابيك تجيني هند ما عرفت وش تقول _ اممم ما فيه سبب مقنع ضحى _ ومرضي مو سبب مقنع هند_ انا بعد مرضت ضحى _ اها اوكيه يله باي هند _ مع السلامه بس ضحى قد قفلت الجوال من قبل هند عمرها ما شافت احد كذا تقولها تعالي البيت زوريني وش ذا الكلام بعدين .................................................. ......... ضحى قامت تبي تقول لعمتها وقالت لعمتها والصدمه كانت ان عمتها قالت انها لازم تروح تزور هند اولا ضحى _ عمه انا ما اقدر انا ما كان رحت لبيت مثل ذاك البيت فاديه _ بس هذا واجبك ضحى _ واجبي ؟ فاديه _ طبعا واجبك ضحى بكره تجهزي راح اخلي السواق ياخذك ضحى _ راح اخذ صديقاتي فاديه _ لا روحي انتي بس ضحى ما ردت تخاف من عمتها لانها عارفه ان عمتها رغم مظهرها الا انها انسانه ما تحب ان احد يرفضلها طلب او يؤذيها او يزعلها او يدوسلها على طرف .................................................. .......... ...ز هند قفلت الجوال وهي مو مصدقه اللي سمعته وش يعني ان ضحى جايتهم قالت لثريا وريم وياسر اللي ما علق استغربوا ثريا _ انا مو مرتاحه حاسه بشي ريم_ وش سالفته ذي ضحى ليه تكرهونها لذي الدرجه ثريا _ ضحى شيطان يمشي على الارض ريم _ اوله لا يا هند لا تدخلينها بيتنا مو ناقصني شياطين هند_ هو بكيفي وش يعني اقول للبنت لا تجين ثريا _ خليها تجي وش خاسرين خلينا نشوف بنت العز وهي جالسه بينا وفي ذا الوقت دق جرس الباب ريم _ من اللي بيجينا في ذا الوقت هند_ بروح افتح وطلعت هي وثريا اللي قررت ما عاد تخلي هند باعتبار انها جالبه للحظ هند فتحت الباب والمفاجاه انها لورا بس هند صاحت _ لورا لورا ابتسمت ودخلت البيت هند انتظرت ان احد يدخل ورا ها بس ما دخل طلال هند_ لورا حبيتي وين طلول لورا _ مسافر عندهم رحله ميدانيه كامبز هند قفلت الباب هند_ يا مرحبا بلورا البنات رحبوا بلورا وفرحوا بها ولورا اللي كان واضح انها جات بناءا على ما شافته اخر مره من تطور في حالة هند وما خاب ظنها هند تحسنت ثريا وهي طالعه مع هند ومخلين لورا تحت مع ريم مشغوله بهنوده اما ياسر فلما شاف لورا ارتبك وسلم عليها وطلع لورا اختجلت بس استغربت تصرفه هذا ليه ما جلس وتكلم معها ثريا _ هند لورا هنا وضحى جايه بكره هند_ يعني ثريا _ مو انتي مخبيه عليهم انك درستي خصوصي هند_ والله عادي لان ضحى ما كان تكلمت عن ذا الموضوع متفشله منه ثريا _ ان شاء الله ان كلامك صدق >>>>>>>> .................................................. .... الساعه الرابعه عصرا نزلت ضحى من السياره المرسيدس السودا وخلت السواق ينزل يدقلها الباب دق السواق دقتين ورجع يفتح البودي حق السياره ويخرج منه علب حلويات كبيره وسله ورد كبيره لونها بنفسجي كئيب ياسر فتح الباب السواق سلم عليه اما ضحى انتظرت لين دخل السواق الاغراض داخل البيت في الحوش كانت بس تناظر ياسر وتحس قلبها ما وقف نبض ياسر ناظرها نظره عابره عارف انها ضحى وانها زي ما قالت ثريا شيطان بس وش بس ذي ما اعرف البنت عليها جمال مو بصاحي (هي فاتحه وجهها ) ضحى ما اعجبها عدم اهتمامه فقررت انها تمشي وهو بعده عند الباب دخلت وياسر وسعلها لكنها عطته نظره مكتبره ياسر ردها وما قدر يسكت _ نزلي نظراتك ضحى ارتبكت ونزلت عيونها ورجعت تناظر قدام ومشت بكبره و فخامه شكلها ذي المشيه متاصله في العايله ياسر قفل الباب وناظر ظهر ضحى وابتسم هند استقبلت ضحى وناظرت ياسر وخافت لا يكون سوا للبنت شي ضحى مدت يدها لهند وطلعوا ثريا ولورا بعد عشان يسلمون ضحى ناظرتهم بعدين ناظرت لورا اللي كان لبسها اكثر وحده فري تنوره قصيره مثلها وبلوزه نص ضحى دخلت وهي تناظر يمين شمال البيت نظيف ومرتب ودخلوها لغرفه ...ضحى تجمدت عند بابها هند ناظرت ضحى اما ثريا ولورا فدخلوا ضحى شافت هنوده وابتسمت ريم تبي تلفت انتباه ضحى _ السلام عليكم ضحى ناظرتها واشرت على هنوده _ بنتك ريم اللي عرفت ان ضحى ما راح ترد عليها السلام _ ايه اسمها هند ضحى مشت لهند زي المخدره ثريا وهند ناظروا بعض مستغربين ضحى قربت من هنوده وباستها ضحى ناظرت ريم _ حلوه بس اسمها مو حلو هند وثريا ابتسموا عرفوا انها مازالت ضحى ضحى فصخت عبايتها وجلست على الكنبه مثلهم هند اللي كانت فاكه شعرها ولا بسه لبس حلو اخضر رايق كان مسوي على بشرتها انعكاس رائع هند_ وش اخبارك ضحى ضحى _ الحمد لله ثريا _ وش الزياره المفاجاه ذي ضحى _ زرتكم عشان بعدين لما اقول ابيك تزوريني تلقين عذر هند ابتسمت هي تعودت على طبيعه ضحى جلسوا يتكلمون لكن الواضح ان ضحى يوم عرفت ان لورا مو اختهم تجنبت الكلام معها ياسر دق على هند وقالها تسويله عصير ثريا بعد ما قفلت هند _ منو هند _ ياسر يبيني اسويله عصير لورا فزت _ انا راح اسويله ضحى فتحت عينها على الاخير هند_ ايه تكفين يا لورا سويله عصير ليمون وكثري السكر ضحى هزت رجولها ثريا لاحظت بس خذتها بمزحه بعد خمس دقايق رجعت لورا وفي وقتها قامت ضحى هند_ على وين ضحى لبست عبايتها _ لازم اروح طولت هنا بعدين عندي اشياء لازم اسويها البنات قاموا وودعوها ضحى خرجت من باب البيت وانتظرت السواق يعدل السياره عشان تركب على طول وتروح بس التفتت لقت ياسر جالس عند الباب وفي يده كوب عصير شكله يتلذذ بطعمه ضحى جلست تناظر العصير بحقد ياسر اللي جلس يناظرها مدلها العصير ياسر _ تبينه ضحى مشت له وخذت الكوب وناظرت ياسر في عينه وطيحت الكوب من يدها عشان ينكسر ياسر ناظر الكاس المتحطم وناظرها ياسر _ اانتي اكيد معقده نفسيا صح ضحى اللي وجعها كلامه بس ما بينت وش يهمها واحد مثله ياسر _ يله انقلعي من وجهي اركبي سيارتك لا اقوم الحين اتوطى في بطنك صدق ما تربيتي ضحى ما قدرت ترد بس جلست تناظر ياسر اما ياسر عداها وراح ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,, ضحى دخلت السياره وورفعت الحاجب بينها وبين السواق وبدت تبكي كانت منجرحه من كلامه ليه يا ضحى؟ .................................................. .......زز في الليل هند وثريا وريم ولورا كالعاده سهرانين عند الحلوه هنوده الملاك السمين ريم _ تصدقون انا على قد ما سمعت منكم بس مع ذلك حسيت انها طيبه ثريا _ ههه قالت طيبه قالت هاذي الشيطان يجي يستشيرها في الامور الخبيثه البنت دبلوم شر هند_ ضحى عيبها ان نظرتها للناس دونيه هي اصلا متربيه على ذا الاساس لورا _ انا ما حبيتها انا اصلا اسمع عنها انا ادرس في مدارس ال سياف اللي في الشرقيه ثريا _ والله لورا _ ايه ودايمن اسمع عنها كل الناس يبون يشوفونها اووه لو تعرفون فيه واحد اللي هو حفيد ال سياف الوحيد البنات مسوين نوادي معجبين له ريم وثريا ناظروا هند اللي كانت عارفه انهم راح يناظرونها فنزلت نظراتها ثريا تبي تحور الموضوع _ وانتي يا لورا في حدا ذي النوادي لورا _ لا ما يسمحون لاي احد انه يدخلها لازم يجمع ميه صوره له وهو بصراحه ما يحب التصوير كثير ثريا _ اصلا منين تلقونه له صور انا اصلا ما اشوفه الا في مجله المدرسه لورا _ من قال امه عندها مجله مشهوره في فرنسا واوروبا عموما اسيل تعرفها لانها مجله حلو مره ثريا _ واكيد امه عشان تجذب الناس تحط صور ولدها لورا _ زي ما قلتلك هو ما يحب التصوير هند تبي تغير الموضوع_ وش حال اسيل لورا _ كويسه ثريا _ ما جابت عيال لي الحين لورا _ لا مو ناويه تبي تعيش شبابها ريم_ البنت نظام امريكي في ذا الوقت دخل ياسر ثريا _ هلا بياسر يا ولد شكل بنت ال سياف معجبه فيك شكلها حبتك بعد كلامك الناعم والراقي معها لورا ناظرت ثريا بقهر ياسر ضحك باستهزاء _ مفروض اضحك ثريا _ بس بالله يا ياسر لو صدق وحده مثلها تحصلك كان تزوجتها ياسر _ لا هاذيك ما احد يسكتها لورا ابتسمت ثريا اللي تحب تفشل _ يعني مالك الا لورا ياسر عبس وجلس يلعب مع هنوده اما لورا فقامت من الخجل هند ناظرت ثريا وهزت راسها .................................................. .ز عبدالعزيز كان يسبح في الحوض الكبير رفع راسه لقى ضحى جالسه تنتظره عبدالعزيز اللي سبح لها وتكلم معها وهو في المسبح عبدالعزيز _ ليه الزعل ضحى _ انا مو زعلانه عبدالعزيز طلع من البركه ولبس الروب الكحلي و فصخ النظاره الخاصه بالسباحه عبدالعزيز _ وش في حبيبة اخوها ضحى انقهرت من كلمة اخوها _ عبدالعزيز انت ..انت , و. هند بينكم شي صح عبدالعزيز اللي كان ينشف شعره وقف بعدين خذا نفس ورجع ينشف شعره بهدوء عبدالعزيز _ من وين استنتجتي هذا الاستنتاج السخيف ضحى _ عبدالعزيز لا تمثل علي انا عارفه انا سمعتكم ذاك اليوم اخر يوم لها هنا عموما انا مو عارفه ليه اسوي كذا بس انا ابي احذرك عمتي شكلها ناويه على شي مو بطيب تبيني ادعي هند تجينا البيت عبدالعزيز جلس _ ليه ضحى _ ما ااعرف ..وقامت عبدالعزيز _ متى راح تجي هند ضحى _ بعدني ما دعيتها على فكره اخت هند جابت بنت وسمتها على اسم هند عبدالعزيز ابتسم ضحى قبل ما تطلع التفتت لعبدالعزيز _ ليه هند عبدالعزيز ناظر المسبح ما لقى جواب ضحى ضحكت ضحكة قهر _ ما تستاهلك وطلعت عبدالعزيز قام وناظر المويه اللي في البركه معقوله ما فكرت فيني ولو لحظه معقوله ما حست برجولتي معقوله ما جيت على بالها ولا انا بس تحب تعذبني تحب انها تكرهني ليه ما احد يطمني ليه ما احد يطفيلي شكي ولو كلمه وحده ................................. حياتي في بعدي عنك مش حياه دنا بعد منك قلت اه مشتاق لحضنك واعمل ايه صعب على الكل حالي واشتكت مني الليالي كل يوم بسئل سؤالي هو انا ما بقيش على بالك ؟ ولا عذابي يبحلالك؟ طمني بكلمه حبيبي ريح قلبي الي ندالك حبيبي انا قلت حأقدر على العذاب لكن تصور في الغياب حبيتك اكثر تعالى وحس بيا وخدني ليك رجعني ليا انا غير عينيك في الدنيا ديا ماليش مكان هو انا ما بقيش على بالك؟ ولا عذابي بيحلالك ؟ طمني بكلمه حبيبي ريح قلبي اللي ندالك .................................................. .......... .... هند دق جوالها وكانت مو موجوده ثريا ناظرت الرقم لقت الاسم ضحى ناظرت ياسر بخبث ثريا _ ياسر هاذي ضحى تبي اعطيك ياها تعطيها كلمتين ياسر قام معصب هند دخلت الصاله على خروج ياسر منها خذت الجوال وردت على ضحى .................................................. .......... هند قفلت الجوال وناظرت ثريا اللي سمعت كل شي ثريا _ هند تكفين وافقي هند _ بس انا مو مطمنه ثريا _ يعني انا المطمنه بس لا تخافين انا بروح معك هند_ قولي والله ثريا _ والله لاروح معك هند ناظرت ثريا بتردد ودها تروح وبعد ما ودها _ على كذا بروح خليني بروح اطلب ابوي بس تري بكره بنروح ولا خلينا بعد يومين ايش رايك ثريا _ لا بكره كويس خاطري اشوف بيتهم ............................................... لورا طلبتهم تبي تروح معهم بس هم صرفوها ريم ساعدتهم ياسر قرر انه هو اللي راح يوديهم ثريا بلقافتها_ ياسر لا تكون تحب ضحى صدق لورا سمعت ذا الكلام لورا _ ياسر ابي اروح معكم ابي اشتري اغراض من السوق ياسر _ لورا خليها وقت ثاني عشان تكون معك حدا خواتي ما اقدر اشيلك لحالك لورا طلعت وخلتهم زعلانه ,................................................. .......... .... هند في السياره هند_ ياسر وقفنا عند محل حلويات نبي نشتريلهم حلى وبعد عند محل ورد ثريا _ اشترلها ورد ازرق هند_ ياسر خله ورد اصفر ضحكوا لكن ياسر اشترى ورد لونــــــــــــه ابيض وقفهم ياسر عند البيت ثريا اللي كل شوي تصارخ متعجبه من ان هذا البيت موجود في الرياض هند وقفت وقعدت تناظر البيت وتتذكر الموقف الاخير الي صار ثريا دفت هند عشان تدخل لان هند بلمت دقوا الباب وفتحت لهم خادمه شكلها جديد وياسر راح وخلاهم بعد ما ناظر درايش البيت وفي نفس الوقت دريشه انفتحت وهو داخل السياره هند دخلت هي ويا ثريا لغرفه دلتهم عليها خادمه كانت غرفه هند اول مره تشوفها بعد شوي دخلت عليهم خدامتين وحطوا قدامهم عصير وصحون حلويات واغراض كثيره .................................................. .. ضحى تركض لغرفة عبدالعزيز ضحى بعد ما فتحلها الباب _ عزيز لازم تطلع الحين هند جات عبدالعزيز رجع لغرفته وخذا النظاره الشمسيه حقته وطلع من الغرفه .................................................. ... هند تزبط شيلتها ولفت برقعها بعنايه وحطته على الطاوله وثريا سوت نفس الشي السيده فاديه والسيده ساره كانوا يمشون في الصاله يبون يروحون للغرفه اللي فيها هند لكن عبدالعزيز نزل في ذي اللحظه شاف امه وكان يبغى يرجع عشان لا تشوفه بس هي شافته وهو لاف في الدرج فاديه _ عزيز عبدالعزيز التفت لامه وهو زام فمه _ نعم فاديه _ كويس انا كنت ادورلك تعال حبيبي عبدالعزيز ناظر حوله ونزل عبدالعزيز _ يمه انا عندي شغل لازم اطلع لا تاخريني فاديه ابتسمت _ تعرف من عندنا عبدالعزيز ناظر الصاله _ ما اشوف احد فاديه _ انتظر شوي راح اجيب الضيف انتظر السيده ساره ناظرت بنتها اللي توها طالعه من اللفت ضحى انصدمت وهي تشوف عبدالعزيز وواقف في الصاله عاقد يدينه بفراغ صبر .... هند وثريا شافوا مره جايتهم وقفوا عشان يسلمون عليهم كانت جميله جدا ثريا على طول عرفتها كانت المره اللي شافوا صورتها في جوال عبدالعزيز فاديه دخلت واصطنعت الابتسامه ومدت يدها لهم وسلموا عليهم وهم في قلوبهم رهبه كان واضح انها مره قويه فاديه اشرت على هند _ الاستاذه هند هند هزت راسها _ ايه فاديه ابتسمت _ تعالي معي هند ناظرت ثريا بخوف ثريا تمنت انها تضرب المره ذي هند طلعت معها وكانت فاديه تكلمها وتقولها انا تمنيت اني اشوفك من زمان وكلام منذا هند دخلت الصاله وتجمدت شافت عبدالعزيز لابس نظارته وعاقد يدينه ويناظر الدريشه ومعه ساره وضحى فاديه بصوت تبي منه ان عزيز يلتفتلها _ عزيز شوفت من اللي جاتنا اليوم مدرسه ضحى الاستاذه هند عبدالعزيز ما التفت لهم لفتره بعدين التفتلهم ووجهه جامد هند ما قدرت تبعد نظراتها عنه فاديه _ استاذه هند اعرفك ولدي عزيز عبدالعزيز مشى لهند ومد يده هند مو عارفه وش اللي صاير لها قعدت تناظر يده تحس انها حزينه فاديه _ انسه هند انتي بخير هند ناظرت فاديه بعدين ناظرت عبدالعزيز في عيونه اللي النظاره خبتها ومدت يدها سلم عليها عبدالعزيز سلام بيد بارده بس هند جسمها صار بارد من السلام كأن بروده يده دخلت في جسمها عبدالعزيز فك يده وناظر امه عبدالعزيز _ لازم اروح فاديه اللي عرفت ان فيه شي بينهم حست ان فيه شي يدور حولهم تحس بشي فيه شي اكيد ( عدوا كم كلمه شي في ذي الجمل هههه) فاديه بصوت هادي _ حبيبي تقدر تروح اسفه على تاخيرك عبدالعزيز مر من جنب من هند مثل الطيف اما هند فكانت علامه الحزن باينه على وجهها تحس انها اذته بس وش تسوي فاديه _ استاذه هند ايش رايك نرجع لغرفه الضيافه ... وما انتظرت رد هند ناظرت ساره وضحى ..وقالت يله فيه ضيفه ثانيه تركناها لحالها هند رجعت للغرفه وجلست حنب ثريا اللي ما لاحظت ........................................ عبدالعزيز طلع ومو عارف كيف طلع شاف نظرات هند شاف حزنها اكيد حزينه عشانها في بيتنا عشانها بين ال سياف تمنى انه رحب بها ولو بنظراته حتى مسكه يده بارده قعد يتحسس يده اللي لمستها هند وقرب يده من فمه ولثمها قلبه حاول يخفي بس ما زال يدق باسمها ولها بس .................................................. ......... ماذا يمكن ان افعل يمكنني فقط النظر اليك لا يمكنني حتى الترحيب بك قليلا يداي بارده حتى عندما تمسك بهما لكن ايجب ان اتوقف عن ارسالك بعيدا ماذا يمكن ان افعل انك تبتعد عني امتلا قلبي بالدموع فقط بالرغم من اني حاولت اخفائه لا يمكنني جعله يتوقف ماذا افعل بهذا القلب الذي لا يستطيع التوقف (كلمات اغنيه مترجمه ) ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,, ,,,,, فاديه جلست تناظر هند عارفه انها السبب الحين اكيد هي ما كان بينهم حديث صراحه اللي تكلم كان ساره وفاديه بمواضيع بان ان المقصود فيه اعطاء الضيوف حجمهم الحقيقي ياسر دق على هند بعد نص ساعه وقالها انه راح يجيها هند قالت انها بعد شوي بتروح السيده فاديه عرفت اني اللي راح يجي ياخذ هند هو اخوها وليتها ما عرفت طلعت فاديه ورجعت بعد شويه بعد ما قالت للخدم انهم ما يفتحون البوابه لياسر وبتخلي هند وثريا يمشون للبوابه هاذي اولى العقوبات والجايات اكثر هند دقت على ياسر وقالها انها تتطلعله لان البواب قال انه ما يقدر يفتح الباب لان فيه اصلاحات هند استغربت وش ذي الاصلاحات اللي طلعت في ساعه هند قامت قاديه وساره وضحى قاموا عشان يوصلونها عند الباب ثريا قعدت تناظر البيت بحسد وكره هند وثريا طلعوا من البيت اخيرا وقفلوا الخدامت وراهم هند ناظرت وراها بقهر _ حتى ما ودوا معنا خدامه تدلنا على الطريق للخروج ثريا مسكت يد هند _ اتركيهم قرف الله يهد حيلهم اما على الطريق انا حفظته هند _ انا بعد حافظته بس انتي مو عارفه وش معناته هذا هذا يدل انهم كارهينا مو عارفه ليه لازم ان احنا نكرهم مو هم ثريا _ هند لا توجعين راسي انا مو عارفه ليه لازم نكرههم ولا عارفه ليه هم يكرهونا بالطقاق فيهم هند_ صح بالطقاق ومشوا الثنتين بعد ما دقت هند وقالت لياسر انه ينتظر لانهم بيمشون له ثريا وهند مشوا في طريق تحفهم فيه الاشجار ثريا _ الله يخرب بيتهم على التنسيق هند_ الله يخرب بيتهم وبس ثريا _ هند الا اقول وش كانوا يبون فيك هند مغطت ريقها _ ما شي بس كانوا يبون يخلوني التقي بــ ثريا _ خلاص خلاص فيها لقى المهم شوفتي عبدالعزيز هند هدت تعابير وجهها وقالت بحزن _ لا ما شفته ثريا ضحكت هند_ وش ذا الضحك له ثريا _ افكار خاصه .. وفي ذا الوقت شافت حصان بني وصاحت هند شوفي حصان وراحت تلمسه هند راحت تبي تشوفه عن قرب فالحصان ناظرها هند ترجعت ثريا تكلم الحصان _ هند ابي اجمع من ذاك الورد (وشافت الحصان يناظرهم )انت ايه نزل نظراتك حصان ويدلع هند_ ثريا تري الحصان خطر وفي ذا الوقت طلع من بين الشجر رجال لابس بنطلون جينز فاتح وموصخ فنيلته البيضاء ببقع الوان لا حصر لها هو اصلا سمع كل الكلام حق ثريا ثريا تجمدت وهي تشوف الرجال يقرب ويحط اللوحه حقته في حقيبه معلقه على الحصان هند مسكت كم ثريا المتجمده عشان تخليها تمشي هند عرفت ان هذا الرجال من العايله واضح بس اكيد مو ابي عبدالعزيز لان شكله بعده صغير هشام وقف وقعد يناظر ثريا اللي ما قدرت تشيل عيونها من عليه تجمدت وما حست بنفسها هند عطت ثريا لطمه مو قويه على وجهها عشان تفيقها ثريا ناظرت هند _ وش فيه هند_ يله نمشي ثريا قعدت تمشي على غير هدى ورا هند اما هشام لما راحوا ابتسم كانت عيونها تصلح تكون موضوع لوحه عيون مصدومه فاتنه وناظر ظلهم هند بعد ما بعدوا _ ثريا انهبلتي ثريا _ يمه ما اعرف وش صار لي هند انا ابي واحد مثل ذاك لا انا ابي ذاك هند_ ثريا فوقي انت هبل هذا من ال سياف ثريا _ ما شاء الله يعني جمال ونسب هند _ تبين كف ثريا ناظرت وراها _ قهر صح يله بس على الاقل عرفت ان فيه امل اني احب هند_ حبتك قراده صدق خرفتي ثريا _ هند بصوت عالي عشان هند تسكت هند سكتت اما ثريا رجعت لافكارها ورجعوا يمشون باقي خمس دقايق ويوصلون للبوابه هند_ كذابين مابه اصلاحات ثريا _ ليه قالوا كذا طيب هند_ الله اعلم وسمعوا احد يناديهم من ورا هند وثريا التفتوا لقوا خدامه تركض وفي يدها باقه ورد احمر ابو خمس شتلات اللي كانت موجوده في حافه الطريق قربت منهم وناظرتهم بعدين وقفت وثريا وهند وقفوا ينتظرون يشوفون وش فيها الخدامه _ من منكم اسمها ثريا ثريا _ نعم انا ثريا الخدامه مدت لها الباقه ثريا خذتها _ من من الخدامه تراجعت وراحت ما تبي ترد ثريا _ هند هاذي منه هند ناظرت الورد _ قطيه ثريا _ وش هو اللي اقطه هند_ الورد ثريا _ ليه هبل باخذه يعني باخذه ما علي منك هند تركتها وكملت مشي .................................................. .......... .. ثريا تبتسم وهي طالعه لياسر في السياره وهند مهمومه ياسر بعد ما ركب _ وش سالفه ذي التصليحات اللي في ساعه هند_ ما اعرف شكل اصلا ما به تصليحات ما اعرف ليه قالوا كذا ثريا _ انا اشوف انها يمكن اصلاحات داخل المباني مو لازم تكون قداك عيونكم هند ناظرتها الحين صارت ثريا تدافع عنهم والله حاله .................................................. .......... ...... هند لما رجعت البيت طلعت فوق وقفلت عليها الباب وراحت لدفترها وبكت عليه هند بصوت واطي عشان ما يسمعها الا الدفتر _ تخيل وضحكت بخجل بغيت اني احاول انساك هههه بس تخيل ..اسفه ما راح احاول مرره ثانيه وعد بس تعرف لما قلت ابي انساك حنيت اكثر لك انت عارف حياتي معك ولك بس متى راح ترجع وتاخذني انا هاذي الدنيا مالي فيها نصيب انت بس نصيبي ورحت رد خذني ورجعت تضحك _ خلاص خبلت اكلملي ميت (هند في ذي اللحظه وقفت ضحك وتجمدت وش قالت كيف قالت ذي الكلمه وعيونها بدت تنفتح على الاخير ودموعها تنزل ليه ليه قلتها ؟) .................................................. ...... ******************************* عبد العزيز دخل غرفة عمه بدون استئذان هشام اللي كان يرتب شنطته عبدالعزيز _ وش الكلام اللي سمعته ليه تبي تسافر هشام ناظره بهدوء _ ابوي يبيني عبدالعزيز _ ايش ؟ ليه هشام _ ما اعرف يقول انه شي مهم يمكن عشان الامر اللي انت عارفه عبدالعزيز _جدي مازال يدور عليه ليه هشام _ كيف ليه ما دام ان عنده خبر انه عايش بيظل يدور عليه عبدالعزيز _ عنده معلومات جديده عنه هشام _ نعم عبدالعزيز_ مو معقوله بعد كل هاذي السنين الطويله بتلقونه هشام اللي قفل شنطته _ ما يهم المهم ان ابوي يرتاح انت عارف ان حالته تدهورت بعد هذاك اليوم عبدالعزيز _ وش راي ابوي بهذا الموضوع هشام _ مو عارف واتمنى انك ما تقوله انت عارف ابوك ممكن يحاول يسوي شي ياخرنا عبدالعزيز مشى لعمه واخذ الشنطه وطلع من الغرفه هشام مشى وراه وقفل الباب .................................................. .......... . جاك خرج من غرفة السيده فاديه وهو يفكر ان هاذي السيده تملك روح سيئه وعقل شيطان وش طلبت فاديه من جاك بنشوف ؟؟؟؟؟؟؟؟؟؟؟؟؟؟؟؟ ### حلالة المشاكل (ذكريات مسروقه1)## | ||||
|
| |
|
03-10-12, 09:01 PM
| #29 | ||||
| نجم روايتي ومشرفة سابقةومصممه
| الفصل السابع والعشرين . . . . . . . . جاك خرج من غرفة السيده فاديه وهو يفكر ان هاذي السيده تملك روح سيئه وعقل شيطان وش طلبت فاديه من جاك بنشوف .................................................. ......... بعد مرور عدة ايام : فاديه دقت باب غرفة ولدها اللي بعده راجع من دبي فاديه _ عزيز عبدالعزيز اللي كان يلبس بلوزه بيجامته التفت لامه فاديه _ انت عارف ليه عمك سافر عبدالعزيز ناظر قدامه وشكله ممتغث من ذي الحركات فاديه _ عزيز انت عارف عبدالعزيز _ لا هو قال بس ان عنده معرض لازم يحضره فاديه _ قول كذا وخرجت عزيز ناظرها وهي تطلع هو عارف انها جات عشان شي ثاني بس ليه ما قالته .............................................. فاديه خرجت وقررت انها خلاص ما تسئله هي اللي راح تتصرف مع هذيك البنت بنفسها الواضح بينهم شي ولو ان هذا الشي عادي كان بينه عزيز لانه ما يهمه احد بس هاذي البنت خايف عليها او لانه عارف ان اللي يبيه من هاذي البنت اكثر من اللي يبيه من أي احد ثاني لو قلتله راح يتعلق اكثر بها راح اخليها هي اللي تبعد عنه المهم ان جاك يسوي اللي قلتله عليه .................................................. .......... ..... خالد يمشي في شارع من شوراع جده بعد خروجه من مول قزاز وهو يمشي لقى قدامه نقطه تفتيش في نص الشارع وقف كالعاده خلاص هو ارتاح في جده وناوي يبقى هنا بس هله هناك وش يسوي فعشان كذا طول الدروه لانه يبي يجلس هنا اطول فتره ممكنه وقف سيارته الهمر الكبيره (المستاجره ) عند البوينت تشك وهو على باله انهم كالعاده بيخلونه يمر لكنهم قالوله وقف على جنب وقف خالد وطلع من السياره وانتظر الشرطي عشان يجيه الشرطي _ السلام عليكم خالد_ وعليكم السلام الشرطي _انت خالد هادي ال صالي خالد _ نعم انا خالد فيه شي الشرطي _ سيد خالد مكتب استئجار للسيارات مقدم عليك بلاغ انك ماخذ منهم سياره ولك ثلاثه اشهر ما سددت قيمتها خالد_ صل على النبي انا معطيهم اجار شهرين مقدما والشهر الثالث كان بعد بكره مفروض اعطيهم الشرطي _ سيد خالد هذا الكلام تقوله للضابط لو سمحت اركب السياره حقتك بس خلي عبدالله اللي يسوق خالد ناظر الشاب اللي دخل سيارته خالد ركب جنبه وهو منشل وش اللي قاعد يصير وش ذا الكلام .................................................. .......ز هند كانت تروش هنوده وريم جالسه عند باب الحمام على كرسي ترشدها ريم_ هند بزين على راسها هند_ انتي ايه خلاص ذبحتيني انا عارفه وش اسوي ريم _ ليه لايكون قد معك عيال ولا انا بداريه هند ما ردت ثريا جايه ومعه جوال هند ثريا _ هند اطلعي من الحمام خالد يدق عليك هند طلعت هنوده من المويه وحطتها في المنشفه وعطتها امها وخذت الجوال هند_ الو خالد_ هند روحي لمكان ما يكون عندك فيه احد هند _ طيب شوي ...وطلعت غرفتها خالد_ خلاص هند_ ايه وش فيه خالد_ هند انا الحين في السجن محبوس هند شهقت _ ليه وش صار خالد_ شركه تأجير السيارات اللي انا ماخذ منها السياره حاطه علي بلاغ وقايله فيه اني ما سددت والله كذابين انا مسدد شهرين قدام والشهر الثالث كنت راح اعطيهم ياه هند_ طيب كم المبلغ اللي عليك خالد_ هند السالفه ان العقد ينص على اني اذا تاخرت عن تسديد الاجر لمدة ثلاث اشهر لازم ادفع قيمه السياره هند_ أيـــــــــــش وش ذا الكلام خالد_ انا ما شفته في العقد بس هم ناصينه ما اعرف هند_ وش هي السياره خالد سكت _ همر هند_ خالد منين اجيب المبلغ اسمع ليه ما تطلب من البنك الي انت تشتغل فيه خالد_ هند انا انفصلت اليوم انا حاس ان فيه احد ورا اللي يصيرلي ممكن انه احد اخوياي اللي تركتهم ولا حد كارهني هند_ وش معنى فصلوك خالد_ نزل قرار فصلي اليوم وعطوني راتب ثلاثه اشهر هند لفقولي تهمه وخلوني غصب اوافق على الفصل حتى ان المدير تاسف وقال مجبورين ما فهمت كلامه هند_ يارب ساعدنا خالد انت كم معك خالد_ انا معي حول الحين ميه وثلاثين الف هند_ كثيره يعني خلاص انحلت الامور خالد_ هند السياره بميتين وثلاثين هند_ اووووووووووووووووه يعني يبالك ميه الف خالد_ ظنيت معك شي في البنك هند_ لا والله ولا ريال بس شوف انا بروح بكره البنك واطلب منهم قرض كويس خالد_ كويس هند بالله استعجلي هند_ ابشر انت اصبر الله يظلم من ظلمك خالد_ امين هند بقفل انا اصلا مكلمك بمساعده هنا ولد حلال هند_ يله انتبه لنفسك خالد ضحك بقهر _+ انا عند الشرطه ما عاد وراها حمايه ذي يله مع السلامه هند_ مع السلامه .................................................. ......... هند ما خرجت تفكر بالمصيبه اللي هي فيها لازم تروح الحين للبنك بس هم يقبلون يعطون قروض للموظفين في المدارس الاهليه هند سكتت وقررت انها بكره تروح وتجرب حظها .............................................. جاك _ سيدتي لقد فعلت ما امرتي به فاديه _ مذا فعلت بالضبط جاك _ لقد اعطيت هذه المهمه لرجل اعرفه وقد اخبرني ان ما اردناه قد تم فاديه _ والامر الاخر جاك _ لقد اخبرتهم انهم عندما يرونها يفعلون ما امرتي به فاديه _ إذا انتهت هذه المهمه اخبرني لان اريد ان اقوم بدوري جاك_ حسنا .................................................. .......... .... هند راحت مع زوج ريم بعد ما قالت لريم بشكل سري عادل _ هند راح اخذك للمدرسه حقتك اول هند_ ليه انا ابغى البنك عادل _ عموما لازم اخذك للمدرسه عشان تاخذين مشهد انك معلمه عندهم هند_ ليه انا احتاجه عادل _ اكيد هند_ على كذا خذني للمدرسه عادل _ انتي اصلا متى بترجعين للدوام هند_ السبت الجاي عادل _ اجازتك ثلاثه اسابيع والله زين هند قعدت تناظر الطريق للمدرسه ما كانت تبي تكمل خطوه وحده صارت تكره ذي المدرسه كثير عادل وقفها _ يله بنتظرك هنا هند نزلت ودخلت المدرسه بهدوء وراحت مباشره للمديره دخلت عند المديره اللي تفأجأت وكان على وجهها علامات غريبه ختمت لهند المشهد هند سلمت عليها وطلعت ودق عليها عادل وقالها تروح لثريا تسئلها اذا تبي تروح معهم هند مشت ولقتها وحده شكلها اصلا كانت تركض هند عرفتها طالبه ما تحبها تحسها جاسوسه لضحى الطالبه مرت من جنب هند وصدمت فيها وطاحت شنطه هند البنت شلتها من على الارض وعطتها هند ....هند شكرتها و كانت تبي تكمل بس الطالبه ناظرت هند من فوق لتحت الطالبه وقفت شوي بعدين بثواني تغير وجهها _ لعنه انت ما تشوفين هند ناظرت الطالبه باستغراب هي عارفه ان ذي الطالبه كريهه بس مو قليله ادب هند_ وش قلتي الطالبه قعدت تبكي بصوت عالي وتمسك خدها هند تناظرها مو عارفه وش اللي صاير هند_ انت ايه وش فيه المديره جات بينهم كذا فجأءه وكأن الريح جابها او كأنها متخفيه وتتظر ذي اللحظه عشان تطلع هند حست انه مشهد في تمثيليه المديره _ استاذه هند تفضلي معي وناظرت الطالبه وانتي بعد هند مشت ورا المديره والطالبه اللي كان بكاها عالي ومبتذل دخلت هند المكتب المديره _ ممكن افهم وش اللي صاير هند كانت تبي ترد بس الطالبه بصوت عالي ردت الطالبه _ لحقتها لاني شفتها ماسكه شي بيدها ويطلع نور وخفت انها تسوي شي غلط ويوم جيتها وقلتلها استاذه هند انت وش كنتي تسوين قبل شوي ردت علي وقالتلي مالك علاقه يا قليله الادب والله والله يا استاذه مريم اني شفت معها شي شكله جوال كاميرا هند كانت تناظر الطالبه ودها تضحك وكان ناويه تسكت بس شافت ان المديره تناظرها عشان تعقب على كلام البنت _ تعرفين انتي صدق قليله ادب وزياده على كذا كذابه استاذه مريم انت مو مصدقه الكلام اللي تقوله صح المديره مشت لهند _ استاذه هند انت عارفه ان ثقتي فيك كبيره بس لازم اشوف شنطتك هند ابتسمت غصب وعطتهم شنطتها بهدوء المديره حطت الشنطه على الطاوله ودعت المساعده حقتها هند استغربت وش ذا كله له المديره بدت تطلع اغراض هند هند معهم تناظر الاغراض وبدت تشك في نفسها منهم.... المديره وهي تطلع الاغراض مالقت شي وقعدت تناظر الطالبه بكره هند_ استاذه مريم ما راح تلقين شي انا جوالي هذا هو(جوالها كان بيدها ) و مو كاميرا المديره _ بس معليه الاحتياط واجب هند اسكتت وهم كملوا بحث وماشافت هند الا المساعده تطلع جوال اسود بلاك بيري هند شهقت الطالبه بصوت عالي _ شوفتوا شوفتوا عشان تعرفون اني مو كذابه المديره مسكت الجوال وبدت تقلب الصور وكل شوي تصيح وتحط يدها على عينها هند قربت تبي تشوف وش فيه تحس انها خلاص بتبكي المديره _ استاذه ارجوك اجلسي مكانك وناظرت الطالبه تقدرين تطلعين وقالت ذا الكلام للمساعده هند في ذا الوقت دق عادل هند اللي مسكت الجوال بيد مرتعشه _ الو عادل _ هند وين انت لي ساعه تحت ذي الشمس هند_ عادل تقدر تروح وتجيني عندي شغل ارجعلي بعدين عادل _ وش شغله ذا والبنك هند_ عادل اخلص الشغل وادق عليك عادل _ يله يله مع السلامه ...وقفل بوجهها المديره _ استاذه هند ممكن افهم وش ذا (ورفعت الجوال ) هند_ ما اعرف انا اول مره اشوفه المديره _ استاذه هند انا مصدومه صدمة حياتي هند_ استاذم مريم اؤكد لك ان هذا الجوال مو لي المديره _ لقيناه في شنطتك وفيه شهود عموما استاذه هند انا اقدر اني اغطي الموضوع هند ناظرتها تحس انهم يمثلون الكل يمثل المديره _ استاذه هند ابعدي عن ذي المدرسه راح ينزل بحسابك راتب شهرين وانسي انك درستي في ذي المدرسه وقولي لهم انك طلبتي الاستقاله هند قامت وقالت بصوت عالي _ بس انا مالي ذنب صدقيني المديره _ اسفه انا مجبوره اصدق البراهين اللي قدامي انسه هند انتي بنت ما تبين سمعه سيئه سوي اللي قلتلك عليه تري ما عندك احد يدافع عنك هند فكرت بعبدالعزيز بس هو بعد وش اللي يخليه ما يصدق هند_ خلاص بس ابسئلك شي واحد هل ممكن تصدقين اني ممكن اسوي شي مثل ذا المديره قامت وجلست في مكتبها _ استاذه هند الدنيا صدمات اسفه هند ناظرتها وراحت لشنطتها وخذت اغراضها وهي ترتجف تبي تصلح مشكله خالد الحين صار عندها مشكلتين .................................................. .......... .... هند خبرت ريم اللي اصلا ما صدقت وقالت ان البنت هي اللي سوت كذا هند_ انا بعد شاكه بس ليه ريم_ تكرهك هند_ مو معقوله لذي الدرجه ريم انا خايفه على خالد الحين وش اسوي معي 18 الف بس ريم_ انا راح اساعدك بخلي عادل يدبرها هند_ منين انتي عارفه ان راتب عادل على قده ريم_ لا تخافين بعدين بغيت اقولك انا بكره راجعه لبيتي عمتي تبي العشره الايام الاخيره عندها هند_ ريم وش اللي قاعد يصير ريم_ ما اعرف ذا البيت محسود من مصيبه لمصيبه الله يفكنا منها هند بدت تبكي ريم_ هند ماله داعي ذا البكا في ذا الوقت دخلت ثريا عليهم بعبايتها حقت المدرسه ثريا _ هند هند ليه قدمتي استقالتك هند بدت تبكي وريم ناظرت ثريا بعدم فهم ثريا _ فيه شي صاير صح وش هو قولوا هند قامت ومسحت دموعها ثريا _ يعني انتوا مو شايفيني اختكم اخس عليكم ما هقيتها منكم هند ناظرت ثريا اللي شكلها زعلانه هند_ انا ما استقلت المديره فصلتني ثريا صاحت _ لـــــــيه وش سويتي هند علمتها باللي صار ثريا _ بالطقاق فيهم انتي خلاص اتركيهم هذا اللي صار واضح انه عمل مقصود ريم_ المصيبه ان احنا نبي فلوس هند ناظرت ريم بغضب ثريا _ ليه وش فيه يا هند ما تبيني اعرف ؟ هند_ لا يا ثريا بس احنا ما نبي نزعجك بسوالفنا ثريا بضيق _ لا يا هند انتي مو شايفتني اختكم والله اني متضايقه ريم_ لا تتضايقين ولا شي تبني اقولك القصه ثريا _ لا خلاص صدق لكل بيت اسراره وش علي هند اللي شافت ان ثريا لازم تعرف هي وحده من البيت _ خالد ماسكته الشرطه ,,وقالتلها القصه ثريا _ كم عليه هند_ ميه الف انا معي 18 منها وريم بتخلي عادل يدور على الباقي ثريا _ انا عندي في البنك فلوس لا تقلقون راح اعطيكم ميه الف هند_ لا لا مشكوره يا ثريا بعدين انتي منين لك فلوس ثريا _ من رواتبي انا ما اصرفها ابوي وخواني ما يقصرون بعدين انا عندي اسهم وبعتها خلاص الميه عندي ومالكم علاقه ولا تقولون لا انا ناويه اصير شي مهم في ذي العايله هههههه .................................................. .... جاك _ سيدتي فاديه _ جاك تفضل جاك _ لدي اخبار جديده فاديه _= اقول جاك _ بالامس تم تنفيذ طلبك الثاني فاديه – والله كويس زين جاك _ اعذريني فاديه _ تفضل باستطاعتك الخروج ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,, ,,,,, هشام _ هذا ابوي مو قادر يبعد عن المصحه حاجز لنا في الفندق اللي جنبه ولو تشوف الفندق ردئ عبدالعزيز الي يكلم عمه بالجوال _ طيب متى تاكدتوا انه هو هشام _ امس النتايج اصلا لو تشوفه نفس وجه المرحوم عبدالعزيز _ تقبل الفكره هشام _ اولا انت عارف طباع المرحوم صح عبدالعزيز _ اها لا تقول نفس طباعه على كذا ما تقدرون تفتحون معه باب حوار هشام_ ولا حتى دريشه ولا حتى حفره كيف اقولك غريب وغامض عبدالعزيز _ بس مو معقوله انه مو مهتم هشام _ عزيز فيه مشكله تواجهه ولا يا اخي ليه جالس في المصح عبدالعزيز _ صح ليه جالس في المصح هشام_ ذاكرته مفقوده مو مفقوده بالشكل اللي نعرفه لا ناسي اشياء كثير ولا فيه أي شي يذكره بها يتذكر اسمه بس واشياء بسيطه عبدالعزيز_ هشام ليه ما تدورون للشخص اللي حطه في المصح هشام _ هذا ابوي يدور له عموما احنا بعد اسبوعين راجعين عبدالعزيز _ اسبوعين طيب وين راح ترجعون ابي القاكم هشام_ ابوي قرر في الرياض شكله تاثر بروحاتنا لها عبدالعزيز _ كويس يعني بعد اسبوعين بتجون هنا وابوي هشام_ ابوي قاله يجي للرياض في الوقت اللي احنا راجعين فيه بس انت عارف ابوك ممكن ما يجي عبدالعزيز _ مو قادر انتظر ابي اشوف الموقف الا اقول هشام صورلي ياه وارسلي الصوره هشام_ لا خلها مفاجاه عبدالعزيز_ يله ابي الصوره ابي اشوف من اللي بينافسني في وسامتي اذا هو شكل عمي فعمي كان وسيم العايله هشام_ بعطيك تلميح اما الصوره فتهبى لازم تنتظر عبد العزيز _ هات التلميح راضين بالمقسوم هشام_ما عنده عيون زرقاء بس مع ذلك عيون ال سياف تعرفها عن بعد الف ميل طويل نفس طولك وخلص التلميح عبدالعزيز _ هذا مو تلميح هذا تعذيب هشام_ مالك الا هذا يله سي يو ليتر عبدالعزيز_ اوكيه باي .................................................. ... هند جلست على سريرها تفكر الحين وش تسوي من اللي بيردلها الوظيفه تدق على عبدالعزيز وتخليه يردها لها بس وش اقوله اقوله :عبدالعزيز انا ابغاك تردلي وظيفتي لانهم ظلموني لقوا في شنطتي جوال كاميرا وفيه صور ما اعرف وش هي لا تصدقهم .....بيقفل الخط بوجهي صدق مهبوله يا ربي ويش اسوي الحين عادل بيسافر بعد بكره جده وبيخرج خالد وبعدين من اللي بيصرف علينا لا انا ولا خالد نشتغل اقول لمحمد بس محمد مسؤل عن بيت يا كبره بس بعد احنا بيته اوف معقوله في احد حظه نحس مثلي لا اكيد هذا الحظ يبكي وناظرت الدفتر انا على بالي راح اعيش سعيده معك لكن ليش الحياه كل مالها تقفل من بعدك مو قلتلك تعال خذني وخلصني .................................................. .......... .. - ريم _ باقي شنطه ملابس عمر تلقينها في غرفه خالد ثريا _ وش وداها هناك هند_ انا اللي حطيته هناك بروح اجيبها ورجعت بشنطه عمر _ بطلعها لعادل ريم_ بالله يا هند خذي هاذي بعد هند طلعت ثريا ناظرت ريم _ متى راح تدفعون كفالة خالد ريم_ عادل مسافر بكره ثريا _ الله يعينهم الحين محد متوظف منهم ريم__ ليه انا وين رحت ثريا _ وش انتي ريم_ ابوي يبيع غنم وخالد لما يرجع ما راح يجلس بيدورله على وظيفه وانا راح اعطيهم فلوس من اللي يعطيني ياها عادل كل شهر ثريا _ هند احس بقهرها والله محسوده على ذي الوظيفه ريم_ فكه خليها ترتاح ثريا _ البنات بيفقدونها هند محبوبه عند الطالبات ريم_ هاذي اختي ما تلعب بس والله انه احسن لهند عشان تفكر في نفسها شوي ثريا _ هذا اللي ينخاف منه انتي عارفه (دخلت هند وسكتت ثريا ) هند_ خلاص الشنط في السياره ريم قامت ولبست برقعها وثريا بعد هند_ كان جلستوا اكثر ريم_ انتي عارفه اني مفروض اروح امس بس جلست عشانك ثريا _ ودك تجين معنا هند_ والله ومنو اللي بيجلس عند امي وبيطبخ ثريا _ بخلي الخدامه تجي هنا وانتي اللي لا يهينك راح تطبخين لنا هناك هند_ لا يا حبيبتي وش لي بالمهانه ثريا _ كيفك عرضي مغري هند_ لا مغري ولا شي انتوا ايه لا تقطعوني ريم سلمت عليها وثريا _ مو بقاطعينك لا تخافين وانتي انتبهي لنفسك وعادي الوظيفه الله لا يردها افتكي منه هند سكتت مقهوره ...............................................ز رجع البيت فاضي بس فاضي هاذي المره بشكل مخيف قعدت هند تنظف البيت من بعد ريم لفت الطراحه اللي كانت ريم قاعده عليها رتبت غرفه ريم اللي كانت ثريا نايمه فيها ورجع البيت كما كان من قبل غزو عمر عليه هند على الساعه سبعه الليل تروشت ولبست قميص من اقمصتها ونزلت تبي تسوي العشا وهي نازله شافت امها قدها بتطلع الدرج هند_ يمه ليه تبين تطلعين الدرج ممنوع عليك ام محمد_ اناديك لي سنه ما رديتي تعالي عندنا ضيوف هنا مره هند_ ضيوف من تعرفينهم ام محمد_ لا ما اعرفهم قالت انها تبيك حتى ما سلمت علي جعلها مرض ما ينبرى هند_ وحده تبيني وما سلمت عليك يمه انتي عارفه مديرتي هل هي هي ام محمد_ لا ماهي بمديرتك ذي وحده على مستوى هند_ بروح البس وانزل ام محمد_ طيب وانا بروح عندها لين تجين هند طلعت ولبست لبس حلو بسيط نفس لبسها لما جات ضحى وربطت شعرها بحركه حلوه ونزلت ولقت امها جالسه عند الدرج وتناظر الغرفه بقرف هند_ يمه وش اللي مجلسك هنا ام محمد_ ما ابي ادخل قطيعه مخليه هنا ثنتين موقفين وراها كنهم حرس ولا تتكلم معي وانا احاول هند_ جعلها حذاك اتركيها روحي اجلسي في الصاله انا بدخل لها ....................................... هند وقفت عند الباب قبل ما تدخل وضبطت قصتها ودخلت ووقفت جامده ما تتحرك كانت فاديه جالسه على كنبه ووراها ثنتين ضخام متبرقعين واقفين كنهم حرس فاديه شافت ارتباك هند ابتسمت فاديه _ مفاجاه صح هند كملت مشي ووقفت عند فاديه اللي ما قامت وكانت هند تبي تسلم فنحنت لفاديه اللي بعدت وجهها عنها ما تبي تسلم فاديه بعد ما بعدت منها هند _ انا مو جايه اسلم ولا اتبادل معك احاديث وديه هند_ ليه جايه اذا ؟ فاديه _ كنت ابي اوضحلك مسائل وبصراحه توقعت يكون شكلك غير كذا هند_ كيف كنتي متوقعه شكلي وليه متوقعه انه يكون متغير فاديه _ وش سويتوا بسالفه خالد هند تجمدت وش عرفها _ خالد وش عرفك فاديه ضحكت _ مازال محبوس هند قعدت تناظر فاديه وهي تبي تصارخ وش عرفها وليه تضحك وفرحانه فاديه _ اووه هند المسكينه انتي بعد وش احوالك بعد الفصل هند _ ممكن اعرف وش اللي عرفك بهاذي الامور غير امر فصلي لان المديره اكيد قالتلك فاديه _ او اكيد اني انا اللي قايلتلها تسوي كذا واكيد بعد انا اللي خليت الشركه تزور العقد حق التاجير لخالد واكيد اني سويت كذا لاني ابغى شي منك هند شهقت _ انتي الي سويتي كذا ليه فاديه بتخامل _ هند قلتلك قبل شوي انا ابغى منك شي هند_ انتي تتكلمين جد فاديه _ هند انا انسانه تعلمت ان اللي ابيه اخذه باصعب الطرق عشان اضمن انه يكون بالدرجه اللي انا ابيها هند_ وش تبين مني انا ما عندي شي يهمك فاديه _ صح انتي ما عندك أي شي يهمني تاكدي من هذا الشي لكن الطلب اللي اطلبك ياه يخص شخص هو الشي الوحيد اللي يهمني في ذي الحياه \ هند على طول طرا ببالها عبدالعزيز _ عبدالعزيز فاديه _ اووه شكرا هند اختصرتي وقت ووصلتي للب الموضوع عــبدالعزيز هند_ وش فيه فاديه _ اتركيه بعدي منه ما راح اسمحلك لو للحظه وحده بعد انك تحزنينه او تخلينه يتعلق فيك انتي مو شايفه نفسك او ليالحين ماقمتي بمقارنه بين عايلتك وعايلتنا انتي منو وولدي منو هند_ ابعد عن عبدالعزيز بس انا والله ما لي علاقه به اسئليه فاديه _ هند ما احب الاستغفال انا عارفه ولدي ما راح يقول هند خلصيني بعدي عنه وش تبين فلوسه اعطيك اللي يعيشك طول حياتك تبين حبه ولدي ملال بيتركك انا عارفته وعارفه برودته هند_ انتي تفهمين وش انا قاعده اقولك انا وعبدالعزيز ما بينا شي اسئليه ريحيني فاديه رفعت صوتها على هند _ انتي لا عاد تنكرين اكره الكذب علي اتركيه انا امرك ولا والله ما يحصلك طيب شكلك انتي ما تهتمين بعايلتك بس والله لافقدك الامان و اعرف كيف هند_ انتي مو مصدقه كلامي مو مهم واللي تبين تسوينه سويه خالد بيخرج من السجن وظيفتكم ما ابيها مرتاحه من دونها واللي بيدك سويه فاديه قامت _ انا بروح رقم جوالي هذا هو لك اسبوع اذا ما رديتي خبر وقلتي فيه انك مستعده تسوين اللي اقوله لك عليه لا تلوميني على اللي راح اسويه وصدقيني ما تقدرين تردين لي ولا شي و طلعت ام محمد دخلت _ وش فيه وش تبي وجه البومه ذي فاديه _ سالفه فصلي يمه يبون بعوفون سببه ناس ما عندهم عمله ولا شغله غيري ام محمد_ اتركيها لا تكونين قلتيلها انهم فصلوك هند_ لا ما قلتلها نفداك يامه لاتقولين لاحد انها جات خلاص ام محمد_ ابشري هند طلعت وغيرت ملابسها مو مصدقه معقوله في احد عنده ذي العقليه الشريره وبعدين وش مفروض اسوي ادق عليها بس انا صدق ما بيني وبينه شي هو غصب ولا غصب ما راح ادق بالطقاق ........................................... فاديه جلست في غرفتها البنت كلامها كان مقنع شكل مابينهم شي بس اللي صاير واللي شفته واللي صوره جاك مو ضحك ولا وهم بس معليه انا بشوف اذا ما صار شي ذي العطله راح اغفل سالفه العقاب وانساها ....................................... عبدالعزيز قفل من رعد وقام من سريره ورجع جواله يدق مره ثانيه عبدالعزيز شاف المتصل ضحى عبدالعزيز_ الو ضحى _ عبدالعزيز ابي اروح لهند توديني عبدالعزيز _ هند تبين تروحين لهند غريبه ليه ضحى _ بس بغيت اشوف هند لي منها فتره انت عارف اني خلاص ماعاد داومت عبدالعزيز _ ومنين ذي المحبه النازله ضحى _ انا ما احبها انا قلت بروح عندها استانس لاني زعلانه من صديقاتي ذي اليومين ومو راضيه انهم يدقون علي موليه عبدالعزيز _ تبين تروحين العصر ضحى _ لا الحين عبدالعزيز _ الساعه تسعه الحين ضحى _ ايه عارفه ابي اروح عندهم عندك مانع عبدالعزيز _ لا يله جهزي نفسك ولما تخلصين دقي علي ............................................... هند قعدت تسوي فطور كويس لانها عرفت ان ضحى جايه هاذي وش فيها تعدلت ممكن او تبغى توصل رساله من احد ياسر دخل عليها _ اوله ذا الفطور كله لمن هند اللي هم الدنيا فوق راسها بس تخبي _ وش مغيبك اليوم ياسر _ محاضرتي تبدا الساعه اربعه عصر هند_ طيب ليه قايم الحين ياسر _ وليه ما اقوم الحين يله جوعان عطيني فطور هند_ طيب بعطيك في صحن لحالك اسمع بتجيني ضيفه لا تزعجنا ياسر _ ليه بزر قدامك هاتي الفطور اخلصي علي منو اللي جايك هند_ ما تعرفها ولا صح بتعرفها خلني اشوف بتتذكر ضحى ياسر _ اعوذ بالله هاتي زادي بسرعه خليني اختفي واهج من البيت هند_ وش سوتلك البنت انت اللي تكلمت عليها في الجوال ياسر _ المهم هاتي زادي بسرعه ابي اطلع فوق هند ابتسمت وعطته الصحن وطلع به بسرعه بشكل تمثيلي ............................................ ضحى جلست في الصاله مع ام محمد اللي توقفت عن الكلام لانها مو فاهمه ردود ضحى اللي من يوم دخلت تحاول تسوي نفسها طيبه ضحى ناظرت ام محمد اللي حاطها بالها بالدله حقت القهوه هي تعرف ان هنا اهم شي هي ام الرجال يعني لو خلت ام محمد تحبها راح يحبها ياسر بس وش تسوي العمه تتكلم كلام ما افهمه هند دخلت بالفطور وحطتها على الارض وخذت صحن وحطته على طاوله قرب ضحى ضحى _ لا لا ماله داعي ابي اكل معكم هند بلمت في وجه ضحى هي اصلا من يوم جات ضحى وهي خايفه تقولها شي ضحى قامت وجلست على الارض ام محمد ابتسمت وعطت ضحى خبزه وضحى فرحت هند تناظر ضحى ومستغربه ايش وراها خلصوا الفطور هند قامت تلف الصحون ضحى قعدت تناظرها عشان تشوف وش تسوي وبدت تقلد هند ولفت السفره مع هند في المطبخ ضحى دخلت وراه هند ضحى _ هند هند بخوف مخفيته _ هلا ضحى _ ممكن اكلمك لحالك ابيك بموضوع هند خافت تخاف ان فيه رساله من فاديه ضحى بتوصلها لها هي ياله فرحت ان العمه نسيت هند_ تعالي نطلع فوق لغرفتي ضحى طلعت وراها وكانت تناظر الغرف وسئلت سؤال بجرأه _ ياسر ينام هنا في ذا الدور هند ناظرتها بصدمه _ ليه تسالين ضحى _ وليه ما اسال هند فتحت باب غرفتها وخلت ضحى تدخل قبلها هند_ ايه ينام في الغرفه اللي قدامي خلاص عرفتي ضحى ابتسمت هند قفلت الباب واستندت عليه _ هاذا احنا لحالنا وش تبين ضحى _ هند بعدك تكرهيني هند_ انا ما اكرهك ضحى _ كويس هند اطلب منك تساعديني هند ابتسمت على طريقه ضحى _ في ايش ضحى _ قبل ما اقولك في ايش راح اقولك ايش المقابل هند_ بس انا ما طلبتك مقابل راح اساعدك يله قولي وش تبين ضحى _ اووف لا لا تخربين مخططي انا كنت مخططه اني راح اطلبك شي وراح اساعدك في شي ثاني هذا شي انا متعوده عليه هند_ انا ما عندي شي ابيك تساعديني فيه ضحى _ اولا خليني اقولك وش ابي منك هند انا احب هند ضحكت ما قدرت تمسك نفسها ضحى قعدت تناظرها وقدها بتبكي _ ليه تضحكين هند_ ما اعرف بس كملي كملي ضحى _ انا احب ياسر هند وقفت ضحك وقعدت تناظر ضحى _ من تحبين ضحى _ ياسر ساعديني ابي اعرف اذا هو يحبني ولا لا هند_ ياسر اخوي ما غيره بس انتي وين شوفتيه ضحى _ مو مهم وين شفته المهم انه معجبني هند ما عرفت وش ترد هي عارفه ان ضحى رومانسيه زياده عن اللزوم يعني لو قالتلها ان ياسر يحب لورا وما يفكر بغيرها بتجن هند_ خلاص راح احاول ضحى _ ثانكس زي ما توقعت منك راح توافقين هند_ انا مكشوفه ها ضحى _ بس عشان تعرفين اني طيبه اذا صار الثاني طيب معي انا راح اساعدك بموضوع عبدالعزيز هند تجمدت وبيض وجهها _ وش خص عبدالعزيز وش راح تساعديني فيه ضحى ناظرت هند بوجه متسأل_ ليه انتي ما تحبين عبدالعزيز هند بعصبيه _ لا انا ما احبه ضحى قامت _ بس عبدالعزيز يحبك كيف كيف ما تحبينه مو معقوله هند_ ضحى ابي افهم ليه كلكم متفقين على انه يحبني واني احبه وان فيه شي بينا هو قال شي هو قال ان بيني وبينه شي فهميني هذا الموضوع اللي تقدرين تساعديني فيه ضحى الي قدها بتبكي مو مصدقه_ لا ما قال انا انا بس افترضت صح انا اصلا كيف فكرت بشي مثل هذا هههه انتي وش ممكن يشوف فيك انتي عارفه عبدالعزيز اوه الحين افكر ان الفكره تافه وسخيفه وراحت صوب الباب هند لحقتها وانفتح باب ياسر ياسر اول ما فتح الباب حقه ما لاحظ ضحى بس شاف هند _ هند راحت ذي الزفت ابي انزل ايش فيك ما تردين راحت المجنونه راحت ضحى وقفت منصدمه وهي تسمع ذا الكلام ياسر مالاحظ انها كانت في اخر الممر ضحى نزلت بهدوء بعد ملبست قناعها الهادي المتكبر هند بعد ما شافت ان ضحى مشت _ يا غبي سمعتك ولحقت ضحى اما ياسر حس ان احد صب عليه مويه بارده ............................................... ضحى جلست في الصاله بهدوء هند وقفت قدامها _ ضحى خلينا نتكلم ضحى ناظرتها ببرود_ من انتي عشان اكلمك لو سمحتي لا تزعجيني خليني لحالي هند_ ضحى انت ما فهمتي ياسر كان يمزح ضحى _ من هو ياسر هند عرفت ان ما فيه امل ؟؟؟؟؟؟؟؟.................................. ........زز عبدالعزيز وقف سيارته عند الباب حق بيت هند ضحى طلعت له بهدوء عبدالعزيز _ كيف اليوم ضحى _ كويس عبدالعزيز _ صوتك مو كويس ضحى ما ردت عبدالعزيز مشى بالسياره وهم في الطريق العام ضحى تكلمت فجاه_ عزيز عندنا طباع الناس يشوفونها عيوب مو عارفين ان احنا لازم نملكها اذا بغينا نعيش بعالمنا صح عبدالعزيز ابتسم _ شكل اللي يجلس عند هند يرجع فيلسوف متشائم ضحى قالت بصوت واطي _ هند ما تحبك .................................................. ...... | ||||
|
| |
|
03-10-12, 09:05 PM
| #30 | ||||
| نجم روايتي ومشرفة سابقةومصممه
| الفصل الثامن والعشرون عبدالعزيز وقف سيارته عند الباب حق بيت هند ضحى طلعت له عبدالعزيز _ كيف اليوم ضحى _ كويس عبدالعزيز _ صوتك مو كويس ضحى ما ردت عبدالعزيز مشى بالسياره وهم في الطريق العام ضحى تكلمت فجاه_ عزيز عندنا طباع الناس يشوفونها عيوب مو عارفين ان احنا لازم نملكها اذا بغينا نعيش بعالمنا صح عبدالعزيز ابتسم _ شكل اللي يجلس عند هند يرجع فيلسوف متشائم ضحى قالت بصوت واطي _ هند ما تحبك عبد العزيز تجمدت ابتسامته _ عارف ايش الا طرا الموضوع ضحى انصدمت _ انت عارف ليه بعدك تبغاها عبدالعزيز سكت وطول في صمته _ لاني ما قدرت اوقف مو انا الي اخترت احب ومو انا الي راح اختار اوقف عقلي متى بيوقف بيوقف ضحى _ مو معقوله لازم تحاول لا تخليها تملكك اكثر عبدالعزيز الي فكر ان ما عاد به شي تملكه اكثر خلاص هي ملكته كله عبدالعزيز _ وش الي صار شكلك متضايقه كثير ضحى _ لا مو متضايقه بس عرفت ليه في الافلام والروايات يقولون ان فيه عالمين ما يلتقون وعرفت اني عايشه في وحده من ذي العالمين عبدالعزيز _ وهند عايشه في العالم الثاني نفس تفكير امي ضحى _ الكبار يعرفون اكثر دايمن عبدالعزيز _ لاول مره اعرف انك كبرتي يا ضحى ضحى سكتت ما ردت صوت ياسر وكلمته تتردد في اذنها .................................................. .... هند_ ايه سمعتك ليه زعلان ليه ما فكرت قبل ما تقول ذا الكلام ياسر _ انا كنت امزح احب اسميها بذي الاسماء بس مو قدامها هند- تعال تعال انت اصلا منين تعرفها انا الي اعرفه انك كلمتها بالغلط من جوالي بس ياسر قام _ هند مو فاضيلك ..وطلع هند تذكرت كلام ضحى عن عبدالعزيز معقوله يحبني بس انا كيف اقدر اقبل بذا الشي ما اقدر ............................................ ضحى حست انها بتنفجر بتموت الحياه سودا في عينها عبدالعزيز مع انه عارف ان هند تكرهه بس انه يسمعها من لسان ناس ثانين خلته يشوف ايش قد ذي الكلمه كريهه وقفوا عند باب البيت ضحى انزلت وما استحملت قعدت تمشي بسرعه وعيونها تدمع عبدالعزيز مشى وراها بهدوء مو عارف ليه تبكي ولا يبي يتدخل في ذا الوقت اللي فيه كافيه ضحى دخلت البيت وفاديه شافتها بغت تشوف وش فيها بس ضحى طلعت الدرج بسرعه فاديه شافت موعها فاديه حست ان فيه احد دخل البيت لقته ولدها عزيز فاديه_0 عزيز وش فيها ضحى عبدالعزيز الي ما فيه من تكلم _ ما اعرف وطلع فوق فاديه حست انها بتنفجر طلعت فوق لضحى ............. في غرفة ضحى فاديه فتحت الباب بعد ما دقت بس ما انتظرت الاذن ضحى كانت متمدده على السرير ووجهها متجمد تناظر السقف بعيون خاليه من الدموع والحياه فاديه _ وين كنتي ضحى ناظرت عمتها وقامت وجلست على سريرها _ كنت عند استاذتي ازورها فاديه على طول كرهت ذا الاسم اكيد ان ضحى عرفت ان بينهم شي ولا ما كان زعلت ضحى تحب عبدالعزيز واكيد زعلانه عشان كذا يعني الحقيره ما سوت الي قلتلها عليه اوريك مو انا اللي يستهان بها فاديه _ ضحى من الي سمحلك تروحين لبيتها ضحى _ انا بغيت ازورها انتي خليتيني المره الي فاتت فاديه _ ايه بس الحين انتي ممنوعه من زيارتها ضحى _ طيب يا عمه اصلا ما كنت ناويه ازورها بعد ذي المره فاديه _ كويس ان هذا قرارك .................................................. . هند _ يبه تقدر توديني بكره لديوان الخدمه ابي اقدم على وظيفه ابو محمد _ طيب بس بتاخر عليك لاني بروح لسوق الغنم هند_ معليه راضيه ابو محمد_ جهزي نفسك الساعه سته بمشي هند_ طيب ام محمد_ يا بنتي اتركيك من ذي الوظايف خليها على الله انتي بنت اجلسي في البيت هند _ واذا انا بنت لازم اتوظف ابي اخرج من البيت على فكره خالد راجع بعد ثلاثه ايام (تبي تغير الموضوع ) ام محمد_ الله يبشرك ابو محمد_ كان قلتيله يجلس يكمل اصلا ذا الولد لازم له تربيه من جديد يخلي هله من غير سنع هند_ يبه انت عارف الدوره حقته هي الي جلسته هناك ابو محمد_ ايوه عارفها وعارف انها بس تنتهي بعد شهرين وانه هو اللي طولها الله يهديهم عيالنا هند_ امين ............................................. عبدالعزيز جالس في الحديقه الخارجيه للقصر كالعاده يفكر فيها معقوله الي صايرله صار مجنون ضايع دونها وراح يبقى كذا لانها مو ناويه ترضى به فاديه جلست قدام ولده _ عبدالعزيز حبيبي انا هنا عبدالعزيز ناظر امه كأنه اول مره يشوفها _ اسف كنت افكر فاديه _ في ايش عبدالعزيز_ مو في شي محدد فاديه _ قولي عبدالعزيز متى اروح ادورلك على عروسه معقوله ولا وحده من هاذولاك اعجبتك عبدالعزيز حط راسه على حضنها _ يمه خليني انا اللي اختار (ليتك ما قلتها ) فاديه كأن احد صب عليها ما بارد فاديه _ ومتى راح تختار عبدالعزيز _ راح اقولك في الوقت المناسب فاديه قامت عبدالعزيز ناظرها كان باين عليها معصبه شكل فيه شي قاله خلاه تعصب اكيد موضوع الزواج فاديه دخلت ودقت على جاك (صح ان الاشياء اللي سمعتها ما تثبت شي بس عقلها ورغبتها ان هذا الشي يكون حقيقي عشان تعاقب هند هو اللي خلاها تفسر كل شي زي ما تبغى ) فاديه _ جاك بكره سو اللي قلتلك عليه ..ايه عارفه ان الاسبوع ما خلص ابي الحين فهمت ...مع السلامه ..................................... ماذا سيحدث بالغد قلب غاضب قلب مفجوع قلب ضائع ماذا يخبي الزمن لهم؟ ........................................... قامت الساعه خمسه غافله عما سيحدث بعد خمس ساعات نزلت وشافت عمها جالس في الصاله استغربت له مده ما عاد جلس في حزه الفجر في الصاله راحت تسويله القهوه والشاي وحطته قدامه ما علق ولا ناظرها هند طلعت من الصاله لقت ابيها قدامها ابو محمد_ يله هند البسي عبايتك هند لبست عبايتها ام محمد_ هند تبين اروح معك هند ابتسمت _ لا يمه ماله داعي بس تذكري انك تقومين ياسر الساعه عشره ام محمد_ لا ما راح انسى وطلعوا (بعد ثلاث ساعات ) هند طالعه من الديوان مهمومه ما رضوا حتى يناظرون شهادتها مو عارفه ليه ابوها قالها انها تنتظر نص ساعه وجايها هند جلست تناظر البنات وهم يقدمون اوراقهم كانوا اشكال والوان في منهم ناس تعرفهم ووحده كانت هي وياها زميلات في ماده قدها حامل هند استغربت وحست انها ناقصه يا ما تخيلت نفسها حامل وسيف يلاحقها ويعتني بها بس كل هذا خيال حلم مستحيل بنظر هند .................... ابو محمد_ شفتي الو انك جالسه في البيت كان ابرك لك هند_ يبه المهم حاولت ابو محمد_ وانتي الصادقه المهم انك تعبتي وش لك بعذاب القلب ودعاوي الناس هند_ وليه يدعون علي الناس ابو محمد_ اذا نقصتيهم درجه ولا شي دعوا عليك اتركيها يا بنتي اللي الي يعينك هند_ انشاء ااااااااااااااااااااااااا ااااااااااااااااااااااااا وش ذا يبه ابو محمد فرمل بقوه بالسياره \ …………………………………. هند نزلت بسرعه تركض لي اخوها ياسر وعمها وناس كثيرين متجمعين عند بيتها (اما ابو محمد فجلس في السياره من الصدمه ) هند راحت لياسر اللي جالس يناظر النيران اللي تاكل بيتهم وتحوله لرماد والاطفاء يحاولون _ ياسر وش صار وش صار من اللي سوا ببيتنا كذا ياسر قرب لاخته كان هادي شكله منصدم _ تعالي خليني ادخلك هند لاول مره تفوق ان فيه ناس كثيرين ملتفين هند_ فكني من اللي اللي سوا كذا ياسر بصوت واطي _ ما اعرف يا هند ما اعرف لا انا ولا امي سوينا شي خطا في البيت ممكن الغاز ما اعرف هند مصدومه وبصوت مخنوق _ ايش ياسر _ هند خليني اخذك لبيت الجيران تكفين الناس يناظرون هند حست ان احد عطاها كف تذكرت كلام فاديه معقوله هذا تنفيذ للتهديد معقوله ان هاذي الانسانه ما عندها دم ما عندها رحمه ياسر راح لامه ومسكها وقادها لبيت الجيران كانت حاله امها تحزن وابو محمد نزل من السياره وقعد يناظر بيته هند قعدت تناظر الكل وتحس انها هي الوحيده المذنبه ما خذيت كلام الشريره بشكل جدي هند ناظرت عمها اللي كان يناظر البيت بقرف وبعدين ناظرها ويوم شافها تناظر ابتسم بخبث وقرب منها هند يوم شافته قريب _ يا عم العم محمد قرب منها وقالها بهدو سام _ انحرق قلبك مثل ما حرقتي قلبي على ولدي انا مرتاح الحين كنت ابي اشوف فيك يوم وهذا انا شفته هند تحجرت ما نطقت العم محمد مسكها من عضدها وقادها لبيت الجيران هند وهي رايحه معه شافت اخوها ياسر طالع من البيت نفضت يدها من عمها وناظرته بحقد وراحت لياسر هند بصوت واطي _ ياسر تكفى ابيك تاخذني لمكان مهم ضروري ياسر من غير ولا كلمه ركب وانيت ابيه اللي كان فاتح ومشغل هند ركبت جنبه وقالتله يوديها لبيت ال سياف ياسر _ لا يكون تبين تطلبين منهم يساعدونا هند_ لا ما كان سويت كذا ياسر _ طيب ليه تبينهم هند نزلت لما وقفوا عند باب بيت ال سياف _ بقولك بعدين ياسر _ لا قولي الحين بنزل معك هند- ليه انا ابغى اشوف وحده ياسر اللي كان معصب ولا هو بمرتاح _ من هي اكيد مو ضحى هند_ لا عمتها ياسر ناظر اخته وحسبها في راسه _ هند معن ماذا بوقته بس بتنظرك هنا هند اللي حمدت ربها ان ياسر مصدوم ولا هو مركز _ طيب وناظرت باب البيت ومسحت دموعها وخذت نفس عميق ما راح تسكت \\ هند دخلت البيت بعد ما فتحته لها الخدامه هند قعدت تناظر البيت /بتحدي هند_ وين فاديه الخدامه _ السيده فاديه تقصدين هند بتحدي +_ فاديه وين فاديه بهدوء وابتسامه على وجهها خارجه من مكتبها -_ انا هنا كويس جيتي ريحتيني من اني اجيك بس اوه سوري وين اصلا كنت راح اجيك هند ناظرتها بكره ورفعت اصبعها في وجهها _ اقسم بالله لو انك مو كبيره كان ما سلمتي مني بس تعرفين انتي انسانه ما مفروض احد يحترمها انتي جزمه حثاله وحده ...حقيره فاديه بهدوء ينرفز _ للعمر فوايده هند بما انك هنا ايش رايك اقولك باللي انا ابيه (وتجاهلت باقي الكلام ) هند_ انا مو جايه اسمع ايش تبين لان اللي تبينه مو يهمني انا جايه اتاكد اذا هو صدق انتي اللي احرقتي بيتي وتاكدت انت ما عندك قلب اتركيني ابعدي عني الحين اكيد ارتحتي خلاص بعدي عنا ولفت تبي تطلع فاديه _ ابعدي عن ولدي هند التفتتلها وكانها بتنجن -0 انتي مجنونه وفيك حاله نفسيه انا ما بيني وولدك اي شي روحي اسئليه فاديه _ هند انا ما احب احد يلعب علي واذا انتي شفتي بيتك وحرقه شي عادي فالشي الثاني راح يكون هلك بس مو عمليه غبيه مثل الفلوس صدقيني لو بغيت اورطهم في عمليه لو من هنا لاخر العمر تحاولين ما تخرجينهم هند معصبه _ ابعدي عن هلي احسن لك فاديه _ هند انتي ولا شي قدامي لا تهدديني عطيني قرارك موافقه تبعدين عن عزيز ومستعده اني الحين اسكن هلك في فله عمركم ما حلمتوا بها هند_ انتي ما تفهمين تبيني اشقق هدومي ما بيني وبين ولدك شي فاهمه فاديه _ طيب تقولين ما بينك وبينه شي خلاص بس انا ابي ارتاح حاولي انك تقنعينه انك ما تبينه زي ما انتي تقنعيني الحين هند ناظرت فاديه بكره خارج من اعمق نقطه في قلبها وناظرت الدرج وطلعتته بسرعه فاديه خافت من هند لا تكون رايحه لعزيز _ انتي ايه ارجعي مو كذا ارجعي هند سمعت صراخ فاديه بس كملت لازم تنهي ذي المسرحيه .................................................. ...... ياسر من برا يناظر البيت ومو سامع شي من الصراخ ينتظر هند مستغرب وش تبغى رفع عينه للنوافذ وعبس واتكى على سيارته ينتظر اخته ومن الجهه الثانيه اللي ما كان يشوفها وصلت سياره ونزل منها ناس كثير حول خمسه وياسر ما شاف شي .....................................ز وقفت عند بابه ودقته بقوه ومن غير شعور دموعها نزلت عبدالعزيز ركض للباب من الدق القوي فتح الباب وشاف هند قدامه عيونها مليانه دموع عبدالعزيز بصدمه_ هند هند اشرت لتحت _ انزل الحين وقول لامك انك منت تبيني عبدالعزيز قعد يناظر هند ويدها اللي تاشر لتحت عبدالعزيز _ ايش هند تتكلم بسرعه وانفعال باكي _ تعبت افهمهم انك ما تبغاني واني بعد ما ابغاك بس مو راضين عذبوني عذبوني روح الحين لامك وقلها الصدق لاني خلاص مليت عبدالعزيز حس انه في حلم لا في كابوس وده انها يهزها ويسكتها عبدالعزيز بغضب _ امي سوتلك شي هند بصوت مخنوق _ عبدالعزيز انزل ارجوك عبدالعزيز مسك راسه يبي يهدي نفسه بعدين ناظر هند اللي كانت تناظره حس انه يحترق من الغضب لو عرف بس ان امه سوت شي لهند ما راح يمر اليوم بسلامه عبدالعزيز عدى هند ونزل الدرج بسرعه هند تبعته عبدالعزيز لقى امه جالسه في الصاله عبدالعزيز بصوت عالي مو مؤلوف منه _ ممكن افهم ايش سويتي لهند فاديه ناظرت هند اللي دخلت ورا عزيز _ وش قالت لك عبدالعزيز بصوت غاضب تحذيري _ يمه لا تلعبين معي ذي اللعبه انا عارفك انك سويتي لها شي فاديه _ حاولت ابعدها عنك لاني شفتها تفكر لبعيد بالنسبه لك عبدالعزيز وقف شوي مصدوم _ باي حق باي حق انتي مو فاهمه انتي تظنين ولدك الناس لازم كلهم يحبونه لا لا هند ..تكرهني هند بغت تسكته لا هي ما تكرهه هي عمره ما شافت احد بطيبته معها ما تكرهه عبدالعزيز _ يمه ما راح اسامحك لو عرفت انك اذيتيها و\ناظر هند اللي ما وقفت بكي فاديه _ ايه اذيتها البنت هاذي ضحكت عليك ومثلت بعد تعرف انها تحدتني وقالت انها راح تخليك خاتم باصبعها وانها ما تبي الا ثروتك هند ما استحملت تحس الصدمات كلها تجمعت اليوم قعدت تبكي بصوت عالي _ كذابه والله كذابه انا قلتلها ما بينا شي عبدالعزيز _ هند لا تبررين انا عارف امي وعارف ان هذا الكلام من تاليفها يمه انتي شكلك مو عارفه شي انا اللي احب هند وهي اللي ما تبيني فهمتي يمه فهمتي ان مو كل الناس يبوني وانهم يركضون وراي فاديه _ تبي تعلقك فيها عبدالعزيز لبصوت عالي _ يمه خلاص اسكتي هند مو محتاجه انها تعلقني فيها هند ما زالت تبكي _ اتركيني تكفين كافي ما سويتيه ..كلكم ابعدوا عني انا ابغى هاذي الزياره تكون الاخيره لي لذا البيت عذبتوني من قبل ما اعرفكم وبعد ما عرفتكم زاد تعذيبكم هند لفت تبي تطلع من البيت تعبت وتمنت ان كل شي انتهى هنا عبدالعزيز بصوت صارخ _ هند امي وش سوت لك فاديه _ عزيز البنت هاذي ما تنفعلك ناظر عزيز امه بحقد بعدين رجع يناظر امه عزيز _ هند جاوبي هند من غير ما تلتفت بصوت كانها صرخات من الالم _ ما ابغى اقول ابغى انسى خلاص بعدوا وبنكون بخير بعدوا بعدوا هند بعدت عنهم خطوتين وفي ذا الوقت انفتح الباب حق الصاله ودخل منه هشام هند غمضت عينها عشان نور الشمس وفتحتها لما تعودت ودخل بعد هشام رجال على كرسي متحرك الي يقوده بنفسه هند حست انها قد شافته كان رجل كبير بالعمر له لحيه صغيره مكسيه بالشيب كان يشبه احد بشكل كبير ممكن عبدالعزيز وبعدهم دخلت وحده شعرها اشقر قصير لابسه تنوره بيضاء قصيره ولبس مو رسمي ومع ذلك واضح عليها انها ممرضه او ما شابه بس جميله جدا كانها بطله فيلم هند حست ان قلبها انقبض وتوقف عن العمل ممكن لانها ما كانت تبي احد يشوفها من ال سياف هند خطت خطوه قدام وفي ذي اللحظه دخل البيت شاب طويل ........... حلالة المشاكل (ذكريات مسروقه 1)### | ||||
|
| |
 |
| أدوات الموضوع | |
| انواع عرض الموضوع | |
|
|
2Likes
العرض العادي
