آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
07-09-15, 11:54 PM
| #1 | |||||||||||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  فصول شتى / للكاتبة رِمْشْ الْغَ‘ـلآ ، مكتملة
التعديل الأخير تم بواسطة لامارا ; 27-11-15 الساعة 06:40 PM | |||||||||||||
|  |
|
10-09-15, 11:28 AM
| #2 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
|  ‘، تتعدد الفصول والأبواب وتتلاقى الأحداث والمواقف فما كان منهم إلا أن تشتت بهم في عالم الخيال كان يجمعهم نسيج لرواية [ فصول شتى ] كتبت في دفتر وضع على مكتب مرتب وأنيق ليس فيه إلا دفتر و قلم ينسج ما كان بين الخيال و الواقع مواقف عشناها و مواقف كان لها من الخيال نصيب آخر نضع روايتنا الأولى بين يديكم و عسى إن تنال جزء من إعجابكم ! تحكي عن فتيات عدة { ...جوري .. أريم .. هند .. غلا .. غصون .. غالية .. جنان... } في بارتات متعددة و كواليس مختلفه لبارتات منوعه لحد النهايه تتراوح مابين {... المزح و الجد الهبل و العتب ...} أسميناها [ فُصُوّلٌ شَتَى ] . . لـ . . [ رمش الح‘ـلآ ، رمش الغ‘ـلآ ] ღ..ღ  التعديل الأخير تم بواسطة لامارا ; 13-09-15 الساعة 11:59 AM | ||||
|
| |
|
10-09-15, 11:55 AM
| #3 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| // { البداية « . . { مشهد ؤلم ~ في ليلة شتوية بٱرده خرج من بيته لزيارة أخته ٱلصغرى ٱلتي طٱلمٱ ?ٱن يعتبرهٱ طفلته ٱلمدللة رفع يده إلى ٱلجرس قبل أن يضغطه سمع صوت أرعبه .......: خلٱص ت?فى هدني بأموت أتركني بموت تكفى خلآص .. وقف مصدوم يستمع للصوت من الداخل وبحركه سريعه مٱ ?ٱن منه إلٱ أن ?سر ٱلبٱب ودخل بسرعة ليجد مدللته ٱلصغيرة غٱرقة في بحر من ٱلدمٱء التفت بكل عصبيه : ياحقير ابعد عنها وبكل قوه وإندفاع للرجل أبعد عنهٱ هذٱ ٱلمتوحش و حملهٱ بسرعه جنونيه إلى سيٱرته ليصل بهٱ إلى أبوٱب مستشفى [ لعبة المشاعر ] . . { بعد مرور سنتين ~ ,’, ما هقيت أن فيه لعبة اسمها [ لعبة المشاعر ] ما هقيت أن الناس ماعندها قلب تلعب في مشاعر غيرها و بدون أي { إحساس } ,’, السبت في المدرسة بعد البريك رجعوا أريم و جنان للكلاس لقوا على طاولة أريم ورقه مرسوم عليها قلبين ومكتوب إلى أريم قرت أريم الورقة واستغربت من مين هذه الورقة ..؟! و صدقت نفسهـا مر اليوم بخير وانتهى الدوام حكت السالفة لغصون و غصون قالت : أبصم بالعشرة أنه مقلب و خلي عنك التفكير أريموه أريم مازالت مستغربة : بكيفها خلاص بأنسى السالفة طيب قولي لي من بيجي يأخذك غصون بحماس : ساميو فديته أريم : خخخ كل هذا لأخوك يكفي غصون : ايش حارق رزك ღ..ღ بالليل في بيت أبو أنس هند : أنسوه قوم بسرعة أنس : همم هند : أنسوه قوم شوف الساعة 9 يرحم والديك من العصر ما شبعت نوم أنس : دقيقة بس هند : أنس خلاص كمل نوم أبنادي أبوي أنس تروع من طاري أبوه بيهزئ فيه لأنه من العصر نايم : جربي تعلمين هند : طيب مو مناديته بس قوم أبحاكيك عدل أنس جلسته : أمري كم عندنا من هنوده هند : بتطلع اليوم ..؟! أنس : وليه السؤال ..؟! هند : بس كذا يالغالي أنس : من الآخر يا حلوه هند : بغيت تجيب لي ماك أنس : طيب بس بشرط هند : يعني لازم المذلة أشرط أنس : بأسألك سؤال هند : كلي أذان صاغية أنس : يعني أي وقت عندي سؤال تجاوبين عليه بالغصب هند : لا والله وش هالشرط اللي مثل وجهك . . أنس : مالي شغل ترضين فيه ولا طسي عني . . هند بيأس ونفاذ صبر : أوف منك تحب تذل الشخص .. انس وهو يبتسم : وه من قالك من زمان اخلصي قبلتي بالشرط ولا لا ؟ ! هند : اوك خلاص انس : أحلفي عشان اصدقك ما ضمنك بصراحه هند بعصبيه : والله خلاص لاتكثر هرج . . ღ..ღ في مطبخ بيت الجد أبو عبد الله مبروكة: محدودة أنتي في مألوم اليوم في هلال إلأب كوروه و إلا ما في إلأب ..؟! " محظوظة أنتي معلوم الهلال بيلعب كره أو مو لاعب " محظوظة : ما في مألوم واللهي مبروكة : أنا يبقى شوف هنا في وناستْ " أبغى أشوفه وناسه " محظوظة : أنتي يبقى شوف هذا أنا يبقى تليبون بيبي حق أنا " أنتي تبغي تشوفي هذا و أنا أبغى أكلم ورعاني " مبروكة : بيبي أنا من جمان مابي تليبون أنا مسس بيبي حق أنا " ورعاني من زمان ما كلمتهم أنا مشتاقة لهم " محظوظة : الله كريم ميتا أنا شوب " الله كريم متى أشوفهم " ღ..ღ من بكره بعد البريك رجعت أريم و معها غصون و حصلوا ورقه ثانيه على طاولتها تفاجأت أمس وتناست السالفة و اليوم مره ثانيه قرأت الورقة غصون جت طايرة و قرأت معها : أمم من تتوقعين ؟ أريم : مدري بس أحس أملوه و رغيّد هاذي حركاتهم غصون : يمكن يردون مقالبنا فيهم والله ترى اوب سهلين أريم : و أنتي الصادقة أوب سهلين و راح اليوم كله بالتحقيق مع الشلة و جرحوا مشاعر أريم بقوه بس يحطمون فيها و صارت مسرحه طول الوقت مو مع الدروس نست الدفارة » نسيت أقول أنها دارفورة ^_* غصون و أريم جننوا أمل و رغد على الأقلام إلي مكتوب فيها بالأوراق عشان يعلمونهم أنهم مكشوفين ღ..ღ في بيت هنادي أخت أريم هنادي :سارونه حبيبتي قومي مابقى إلا خير ساره : مامي دقيقة بس هنادي : حبيبتي قومي يله بنروح لأهلي اليوم ..؟! ساره فتحت عيونها : يله شنو يومه ..؟! هنادي : الأحد و إلا نسيتي ساره وهي تقوم : أوه راح عن بالي هنادي : يله حبيبتي بدلي و بدلي لرغوده معك ساره و هي تبوس رأسها : من عيوني طلعوا لبيت أخوالهم " بيت أبو أريم " أريم كانت نايمه و طلبت محد يقومها و غادة نزلت تحت و آخر وناسه خصوصاً أن هنادي موجودة ღ..ღ بعدها بيوم ما جاء رسايل لأريم و أريم و غصون يحاولون يعرفون المهم أريم و غصون قرروا ينتظرون إلى البريك و بعد ما طلعوا البنات غصون رقت فوق و قعدت تستنا الكلاس يفضى و تشوف من آخر بنت تطلع و أخيراً طلعت ...... انصدمت غصون وطيران على أريم تعلمها غصون من بعيد : أريموه تعالي شوي أريم أبعدت عن البنات : عرفتي ..؟! غصون تلهث من الركض : أي عرفت نفس ما توقعنـا أمل و رغد ما غيرهم أريم : اهاا طيب يعني يردون مقلبنا أوريك فيهم هالتبنات غصون : أريم ايش بتسوين فيهم خليهم يخلصون مقلبهم أحسن ثم تسوي أنفسنا مانعرف ايش السالفة زين أريم : زين و نشوف أخرتها معاهم يله خلينا نرجع للبنات شكلهم شكوا وبيزعجونـا غصون : يله مشي مشي ღ..ღ في مكان آخر في المدرسة الواسعة أمل: رغد ما شفتي أمس أريم تنرحم مسرحه طول الوقت خخخ رغد تضحك : هههه ملاحظه عليها بجد خبله خلصوا البنات عشان نعجب فيها هي ! أمل : طيب ايش نسوي ألحين ؟ رغد : حطيتي الورقة على طاولتها ؟ أمل : أي حطيتها رغد : زين خلينا نكمل الأسبوع و الأسبوع الجاي نكشف الحقيقة أمل : الله يعينها على الصدمة القويه « ما يدرون أنهم مكشوفين هاهاها مساكين ღ..ღ في نهاية الدوام غالية : أريم غصون ايش عندكم من اليوم أريم تستغبي : حنا وش عندنا .. ؟ هند : حنا و إلا زيت هههه < < ادري بايخه بس مشوها غصون : ايش أسوي ألحين أضحك بايخة غالية : لا أنا أي أنتم كل وحده تهمس في أذن الثانية محنا عِميان لذا الدرجة و في البريك فجأة اختفيتوا وش عندكم يله اعترفوآ أريم : سلامتك يا غالية الغالية بس كنت أقولها سالفة خاصه جداً هند بلقافة : سالفة شنو الخاصه ذي ..؟! غصون : قد أحد قالك أن اللقافة مزروعة فيك زراعه ولايمكن احد يحصدها بتاتاً << هع خشت جو .. هند : أبداً ما أخذتها من بعيد أكيد من غصون غصون تتمسخر : يا حليلك يا هند ارحمك ! غالية : يعني مو قايلين ؟ غصون : لا بس كنا نتكلم عن جمعة خوالي إلي بعد بكرة جوري : يعني مو جاية لعماني ؟ غصون : مدري غالية : أوه سوري على التدخل أجل هاي سالفه خاصه من جنبها ღ..ღ في بيت غالية مستحييه مره من جت و عزيزة ماسكتها تعليق عشان ............ « تعرفون مع الأحداث عزيزة : كللللووووووووووش يالدبة غالية و لا عبرتها من جت و عزيزة تبارك لها عزيزة : شنو فيك مو رايقة شاركيني فرحتي فيك يادوبا غالية منحرجة: خلاص طيب من جيت و أنتي تباركين والله استحي ترى ^_* عزيزة : من فرحتي قيك صدق انك ما تستاهلي تعبي إلي من اليوم غالية : تكفين فكيني من السالفة طيب قولي لي شنو أخبار الجامعة و ايش صار على بحثك قبلته الدكتورة ولا لا ..؟! عزيزة : لا تذكريني أكيد قبلته و إذا ما قبلته تطق رأسها بأقرب طوفه غالية : هههه خربت أخلاقك بالطاري أحسن << نذله *_* عزيزة : يا شينك شيناه في احد قال انك ماصله .. ؟ غاليه : ايوآ كثير مو انتي اول وحده هع . . ღ..ღ المغرب في بيت أبو سامي « نغمة مسج فتحت غصون عيونها: و الله ناس مروقه هذا وقته من جد فاضين فتحت المسج قلبي معك روحي معك محفظتي ضايعة أظنها معك المرسل : ماي توينز » يعني توأمي غصون : صدق أنها فاضيه ذا الأريموه من جد فراغ . . ღ..ღ أمل تكلم رغد على المسن أمل :رغيد افهمي أكيد اكتشفونا ما تشوفين أريم تقول عطيني ذا الأقلام و غصون تقول شايفتهم بس مدري وين والله مكشوفين رغد : شايفتهم يعني وش تبين نسوي نكمل ونشوف ايش يصير معنا نجرب الدنيا تجارب أمل :اممم اوك وش ورانا على قولتك رغد : طيب أبسكر أختي تبي الجهاز أمل : أوك أخليك رغد : باي ღ..ღ يوم الإربعاء الصباح في بيت أبو سعود " أبو غلا " عهد تفتح تسريحة غلا: غلاوي وين اكسسواراتك الجديدة أبي منها أشياء صعنونة غلا : تبطين عطيني ظهرك بسرعة أبلبس اخلصي علي عهد : تكفين أبيهم أبرجعهم أول ما أرجع غلا طيب قلبها ما تتحمل أحد يترجاها حنونه ^_* : طيب اخذي إلي تبين بس رجعيه أول ما تجين أوك عهد : مشكورة يا أحلى أخت في الدنيا غلا : أشوفك على خير عهد : و أنتي من أهله ღ..ღ . . { انتهى ~ توقعآت?م يٱلغوآلي ~ من هي إلي ?ٱنت تصٱرخ قبل سنتين ..؟! أريم .. غصون .. رغد أيهم تتوقعون .. تتوقعون ماهو سر حيـآء حبيبتنـآ غاليه ؟ لكم ودي مع ارق تحيه .. خوآتكم .. . . { رمش الح‘ـلآ ، رمش الغ‘ـلآ ~ | ||||
|
| |
|
10-09-15, 11:56 AM
| #4 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ,’, أتمنىآ أشوف توقعآت على البآرت هذآ .gif) عجب ! وقت البريك قاموا أريم و جوري و غصون و غلا ملوا من الرسميات على قولتهم يتسابقون في المدرسة ثالث ثانوي ايش ورآهم آخر سنة متعة وفله ووناسه أريم : وقفوا بلا غش واله غش وقفوآ وقفوآ جوري : يله بس لايكثر 1-2-3 و طيران ما في بنت ما صدموها ما في حاجه ما سووها بالبنات توطوا فيهم و خربوا كششهم تغيرت أشكال بنات المدرسة بفضل الله ثم أريم و إلي معها تقولين خبال مبزره مو أوادم . . غصون بمحاس : وصلت وصلت جوري : وصلت أنا بعد وصلت ترى غلا : ما تدرون ايش سوينا في بنات المدرسة غيرنا لهم أشكالهم وخليناهم تحف أريم وصلت تضحك : شفتوا أشكال البنات هههههههههههههه تحفه والله تحفه جت بنت من بنات أولى من ورآهم : خير وينا فيه بزران والله أريم : هلا عمتي بغيتي شيء مالبزر إلا انتي » تتمسخر عليها *_^ البنت منفعلة : خيييير تركضون ايش سويتوا فينا شوفي كيف صار شعري ( برقه تقولها ) غصون تتطنز : هههههههههه تمسكي بس تصدقين كذا شكلك أحلى عاد جوري : صدق أحلى من البف إلي رازته من الصبح كأنه محشوا بكيس بطاطس تسالي بالكاتشب » ايش دخل مدري بس دخلوه البنت شوي و تصيح : كش عليكم كش والله ود & ألاء شافوهم من الأول إلى الآخر و تسدحوا من الضحك : ههههههههههههههههههـ طبعا كل وحده مع صديقاتها بس شهدوا على الحدث ألاء أشرت لود من بعيد خلينا نروح لهم ود راحت تمشي لهم و ألاء ألاء : هاي البنات : هايات ود : سلام ما قلتوا لنا أنكم متوحشات جوري : متوحشات في عينك هذي أشد أنواع الرقة شفتيني طلعت عضلاتي << اعصابها ^_* ألاء : بعد فيه عضلات وريني ( تتطنز ) غلا : عز الله وصلت فضيحتنا لجلاجل دام ود & ألاء شهدوا بوجود العضلات ود : ايش قصدك يعني غلا : أمزح عليك يمه منك تروعين ! ღ..ღ بعد ما ملوا أريم و غصون من الخناق مع إلي رايح و إلي جاي رقوا للكلاس غصون : أريموه شوفي فيه ورقة موجوده . . أريم جايه طايرة : صدق قولي قـآإآ غصون تقرأ بصوت مسموع : أقـإأ اسمعي بس { ريم أنتي هواي إلي أتنفسه و الحياة إلي أنا عايشة فيها غيابك عن حياتي بيكون موتي تحياتي moon } أريم : الله الله الله كل ذا لي غصون : موب سهلين يا أمل و رغد والله تعرفون تسوون مقالب أريم : ننتظر و نشوف ايش بيصير وياهم هالعفنات . . ღ..ღ في بيت أبو فيصل فيصل : جوجو جوري : خير فيصل : ايش فيها الأخلاق تجاريه يابنت اعقلي جوري : في أي مول أقول من الأخر فصول فيصل : أذكر أني الكبير بس نمشي نمشي لك المهم يبجون بيت عمي تركي بكره ؟ جوري : و ليه تسألني ! فيصل : أسأل بس قلت يمكن تعرفين ؟ جوري بملل: مدري عنهم والله فيصل : أذكر أنهم عيال عمك ايش فيك كذا ! جوري مقفلة معاها : قال ايش قال عيال عمك طيب عارفة أقول يا خوي سألت وخلصت وانا جاوبت ممكن تشرف برآ فيصل يقوم : الكلام معك ضايع و طالع بس مو لسواد عيونك ترى *_* ღ..ღ في بيت أبو جهاد جنان : يبه و صل الواثق « الحصان حقها أبو جهاد : لا يبه ما وصل في الإسطبل إلي في الخرج جنان : طيب يبه متى نروح نشوف الإسطبل الجديد ودي اشوفه لمى : أكيد امتلاك " الحصان حقها " كبرت و صارت أحلى يبه خلنا نروح عشان نصورها بعد بليز ناصر : يبه أنا إلى الحين ما وصل حصاني متى بيوصل والله طفش أبو جهاد : و ينك يا أم جهاد تعال سكتي عيالك أكلوني بأسئلتهم من جد حاله جنان : يبه أبو جهاد : خلاص انتظروا إلى الخميس الجاي و يصير خير أبو جهاد قاعد على جهازه و يشوف الأسهم : ايش صاير بالأسهم معقولة لهذه الدرجة تنزل جنان : يبه السنة الجاية أبدخل إدارة أعمال عشان أدير أعمالك و ما تخسر بالأسهم << تتطنز هع ناصر : أقول ما عندنا بنت تشتغل حدك بيت رجلك يله مناك جنان : ايش وين عايش الناس وصلت للقمر و أنت بعدك على الأرض ياحبيبي ناصر : أنتي قلتي بلسانك الناس مو إحنا << مسوي ذكي ^_* لين بصراخ : خلاص أنا أبغى أسولف مع بابا خلاص اوص ღ..ღ الفجر غصون و أريم على الجوال و كل وحده تحكي للثانية ايش صار في رواية يقرؤونها و حماس على الآخر واشكالهم توحفه أريم : شفتي يوم تنصدم أختهم الصغيرة غصون بحزن : لا تذكريني صحت لين قلت بس آآآآه بس أريم : بجد و فقدت الذاكرة حكاية ثانية ومؤلمه بعد << تحمسو واجد غصون : أي حاله ثانية و خصوصا أن أخوها إلي صادمها والله ترحم ! أريم : أما فتون يوم يطلعون البر و تغرز بسيارة فيصل والله وناسه . . غصون : هههههههههه تحفة مدري كيف متحمل الأخ . . أريم بشاعريه : ايش يسوي يحبها الحب بلوى .. << مجربه الأخت ^_^ غصون : تكفين يالرومنسية فكينا بس أريم : آه بس أريم : لا و منال عاد هذي أنا كارهتها و خصوصا إلي سوته في أم سعود وجي اصكها بكف يأدبها غصون : الله يقلعها بس ، عاد وعد لا تجينها هذي أحلا شيء في الرواية آه بس فديتها . . أريم خاشه جو : هههه مو هي سكر الرواية ღ..ღ ,’, لقاء محبة ! من بكرة العصر أريم : مامي ، مامي ، مامي أم أريم : سمي يمه وش عندس ..؟! أريم : يمه غصون اليوم مو رايحين لأعمامهم أم أريم : أقول وش فيس مربوشة أثر السالفة فيها أريم : يمه خلينا نروح لأخوالي بليز ماما أم أريم : أشوف بس ابعدي عني أريم : يمه وش تشوفين خلينا نروح تكفين أم أريم : أجل دقي على علي قولي له يجي عشان يروح معنا أريم : من عيوني وه بس فديتك ^_^ أم أريم : و تجهزي بسرعة أريم : أوف كورس ღ..ღ أما عند الأعمام أبو فيصل وصل مع عياله و أبو سامي مع سامي و أبو رنا و أبو أروى و أماني و ساره و اجتمعوا الرجال سواء و النسوان سواء و الورعان سواء والكل يرعى « جمعتهم ما تنمل أبداً عند البنات حصة و فاطمة و رنا و جوري رنا : الشينات ما جو ودي اصفقهم جوري : ما ملينا عينك يادوبـآ رنا : أفأ عليك ماليتها وزود وزود بعد حصة : أحسب بعد رنا : أقول قوموا نطلع في السور " الحوش "نتمشى في الهواء الطلق الرقيق << ركبوهـآ عـآد جوري : أما طلق كثري منها عاد يله وش ورانا نطلع نطلع طلعوا و قعدوا يسولفون و كل وحده تأخذوا تعطي للثانية إلى أن نادوهم على الساعة 11:30 عشان يحطون الغداء ويا النسوان و الورعان كالعادة ما خلوا أحد في حاله البنات صعدوا للسطح و أخذوا يرشون موية على السور و الأولاد عند معشوقتهم في الملعب إلي جنب بيت الجد فيصل : حسام ايش ذا اللعب كله غش في غش والله سامي يؤيده : لازم تغش كل ما لعبنا يعني على بالك عمنا يعني إننا بنمشيها حسام يصرفهم : أقول العبوا حمود ناولني بسرعة لا يأخذها سامي حمود : استلم و عند الحريم أم وليد : الله يرحمها إلا شفتوا منيرة طلقها رجلها عشانها جاء من الشغل ما حطت له الغداء أم عبد الله " الجدة " : منيرة ..؟! من منيرته ..؟! أم وليد : منيرة بنت أبو محمد ما غيرها ما تعرفينها ؟ ساره : إلي ساكنين بأخر الحارة أم وليد : إيه هي إلي ولدها ماتت زوجته في حادث مع أهلها حنين و أماني ملو من سوالف الحريم ذي تطلقت وذي تزوجت و ذي مدري ايش فيها وعلى هالموال ! طلعوا يقعدون مع البنات ღ..ღ الشياب ايش عندهم ..؟! أبو عبد الله : ألحين أنتم شوفوا عيالكم وش كبرهم متى بتزوجونهم ترى من زمان ماحضرنا زواجات أبو نواف : يبه متى ما بغوا و قالوا زوجونا زوجناهم مو بالغصب الزواج . . أبو عبد الله : وش يبغون بعد خلصوا دراسة وش ينتظرون بعد ؟ أبو سامي : يبه المسألة مو مسألة أنهم اشتغلوا أو المسألة أنهم يبغون يعيشون عزوبيتهم قبل يتزوجون أبو عبد الله : أي عزوبية حنا تزوجنا و حنا أصغر منهم أبو نواف : يبه تقارن أول ألحين الزمن تغير أبو عبد الله عصب : وش فيه أول والزمن ثابت ماتغير ابدآ أبو عبد الله : ما فيه شيء ما أقول إلا طوبا لمن حضره والزمن يابوي تغير وشوف حال الناس عشان تتأكد خالد كان جالس معهم و عرف أن أخوانه توهقوا أبوه يبغاهم يزوجون عيالهم و حسام على راحته و هم يدورون أعذار قال يصرف السالفة : إلا تعال يا تركي أشوف الشركة بادية ترتفع ايش مسوي علمني مو معلم أحد أبو سامي ابتسم: والله عاد سر << يعرف الأسرار هع خالد : يعني مو قايل لي أنا أخوك الصغير الصغنون الحبوب أبو نواف : خالد لا تتعب حالك لي أسبوع أحاول فيه مو متكلم ولا قال لي ولا حرف أبو سامي : لا و الله بس كانت أول تنخفض عشان أغلب الحلال في الأسهم و إذا انخفضت نزلت الشركة فيها و سحبتها و أحاول أكون مشروع ذا الأيام و المشاريع القادمة في الطريق أبو عبد الله : الله يوفقكم هذا حلالكم الله الله فيه ياعيالي ,, ღ..ღ و في مكان بعيد عن جو العائلة في الفيصلية و من محل لمحل إلى أن تعبوا راحوا و طلبوا هم هم و جلسوا يأكلون غلا : روابي عندي مقاطع أخذتها من جوري و التوينز « أريم و غصون يقولوا لهم توينز } خطيرة افتحي البلوتوث أرسلها لك روابي مقفله : لازم يعني غلا : بكيفك ما تبين تشوفين مو لزوم ترى ! روابي فتحت البلوتوث و حطته على الطاولة و قاعدة تفتح المصاص " الشفاط "حق العصير جاها مربع حوار بدون ما تنتبه ضغطت قبول و هي تشرب من العصير شوي جت الرسالة فتحت الجوال انصدمت من الرسالة : غلا وجع ايش ذا الرسالة البايخه غلا مستغربة : هو أصلاً متى استقبلتي يانصبك ؟ روابي : تستهبلين أرسلتي و استقبلت و مرسلة لي ذا بعد غلا : بس شوفي ينتظر تقبلين ما قبلتي إلى الآن متأكده مأرسلت شي توني روابي فقت فمها من الصدمة !! . .{ انتهى ~ توقعاتكم يالغوالي .. أبو جهاد ..! ولده ناصر ..؟! هل الجد بيغصب الشباب و يزوجهم ..؟! من تتوقعون أرسل لروابي ..؟! . .{ خوآتكم ~ | ||||
|
| |
|
10-09-15, 11:57 AM
| #5 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ‘، تابع لعبة المشاعر ~ جاءها مربع حوار بدون ما تنتبه ضغطت قبول و هي تشرب من العصير شوي جت الرسالة فتحت الجوال انصدمت من الرسالة : غلا وجع ايش ذا الرسالة غلا مستغربة : هو أصلاً متى استقبلتي روابي : تستعبطين أرسلتي و استقبلت و مرسلة لي ذا غلا : بس شوفي يستنا تقبلين ما قبلتي روابي فتحت فمها من الصدمة : يعني ممن ..؟! غلا تأخذ الجوال : هاتي أشوف غلا تقرأ بصوت مسموع : فديت هالخشة ليتني شفاط روابي مازالت مصدومة و تعدل بالطرحة و العباية غلا : من أرسلها لك روابي خافت : مدري توقعت أنتي و قبلت غلا : جد أنك خبلة و ما تفهمين و إلا أحد يقبل بدون ما يدري روابي : فاضية لك أنا خلاص طيب صار ايش نسوي غلا : خليني بس أكلم راجو نرجع للبيت روابي تقوم : يله طلعوا و هم في الطريق انتبهت غلا لسيارة تلاحقهم بس ما قالت لروابي تخوفها زيادة و ظلت تناظرها إلى أن وصلوا وقفت السيارة بعيدة شوي خافت لو شاف أبوها أو أخوانها السيارة الله يعين ღ..ღ في مكان آخر جمع أحباب على مائدة العشاء في بيت الجد أبو ناصر العنود : هههههههههههههههههههههه خلاص جنو جنى : باقي نكته بأقولها سمر : لا لا تقولين لما نخلص تعبنا من الضحك ترانا على الأكل دانة : قوليها أنا أبغي أسمعها جنى : فيه محشش طلع من البقالة فرحان قال لعبت على الهندي عطيته ريال و لا شريت البنات ضحكوا على طريقة جنى < كانت خاشة جو *،^ ღ..ღ بعد العشاء في غرفة مشاعل ديما : جد ..؟! وتين : والله أن فكرتهم حلوه ايش شعورك أريم بذا المقلب ..؟! مشاعل : حرام عليكم لا تجرحون مشاعر بنت أختي أريم : فديتها خالتي غصون : طيب أعطونا فكرة مقلب نسويه فيها بعدين ود & العنود بصوت واحد : لقيناها أريم بحماس : ايش ..؟! العنود : راسلوها على الإيميل و جننوها و طلعوا فضايحها على أنكم و حده من البنات بس طبعا اختاروا بنت تقلدونها غصون : اممم أريم : فكرة حلوه غصون : بس أخاف تشك فينا مشاعل : طيب انتم فرجونا شطارتكم أريم : بنفكر ღ..ღ عند هند قاعدة عن الـTV وتتابع فيلم هندي و متحمسة على الآخر و مطفية الليت و جايبه بوب كرون دخل أنس و شاف الدنيا ظلام شوي و جاه صوت TV راح يشوف شاف ست الحسن و الدلال تتابع و مسويه إزعاج في البيت و الكل نايم عشان فيلم أنس : وين إحنا فيه هند متحمسة : هلا أنسوّه تعال تابع معي لا يفوتك أنس : و الله أنك فاضية و بعدين ايش تأكلين و أنا جايب لنا من تشيلز هند نقزت : فديت أخوي بعد دنيتي و الله أنس : اعقلي و تعال و خليني أقولك ايش صار اليوم هند متعودة أخوها إذا جاء يقول لها ايش صار معه بالتفصيل : طيب يله تعال اجلس أنس يجلس : اليوم و أنا في الفيصلية هند تفتح الأكل و تحطه على الطاولة : الله هالمرة بالفيصلية ايون ايش صار أنس : أيون و إلا الذرة المهم كنت جالس ألعب بالجوال و جو بنتين و جلسوا على الطاولة إلي قدامي ........ و جلس أنس يحكي لها أنه أرسل الرسالة و أنه لحقهم للبيت ^_ ما ندري ايش مخبية الأيام _^ ღ..ღ نرجع عند أريم و غصون ناموا هم و باقي البنات عند خالتهم مشاعل غصون : صبايا خلونا نعلمكم ايش مكتوب في الأوراق أريم : أي و الله بتموتون ضحك مشاعل : يله قولوا كلنا أذان صاغية غصون : أريم معك الأوراق أريم : أوف كورس ثواني ود حبيبتي عطيني الشنطة وراك ود تمدها لها : اخذي غصون أخذتها و تقرأ بصوت مسموع : أهلا أريم أنا معجبة فيك بس لا تفهمين غلط ودي أكون صديقتك لأنك شاطرة و مضحكة و فله تحياتي moon وتين : مشاء الله عليها أخلاق ديما تعيد : معجبة بس لا تفهمين غلط العنود تتطنز : أجل بنت عمتي مضحكة مشاعل تتمسخر عليها : لا وشاطرة حطوا عليها خطين غصون : لو سمحتوا ما خلصت باقي أرواق وتين : كملوا أريم : الرسالة الثانية أريم أنا أرجع أكرر لك ودي أكون صديقتك بس بدون شلتك مع تحياتي moon مشاعل : ايش فيهم شلتك وش حلوهم غصون بزعل مصطنع : علموها أريم :لا تزعلون ماي توينز ود مندمجة تبي تعرف آخر شيء : كملوا أريم : الرسالة الثالثة تقول أريم أنتي هواي إلي أتنفسه و الحياة إلي أنا عايشة فيها غيابك عن حياتي بيكون موتي تحياتي moon ورمت نفسها بمعنى أنها خلاص ما تقدر على ذا الكلام < *،^ الرومنسية ذي وتين عيونها تدمع من الضحك : هههه يا هههههه قلبي يا بنت هههه خالتي كل ذا لك البنت رومانسية بس محد مقدر أ ... غصون قاطعتهم : الرسالة الرابعة حياتي أنا ودي تعرفين من أنا عشان كذا ودي نتقابل يوم السبت عند الكراسي إلي جنب الحمامات " الله يعزكم " تحياتي moon ديما : الله يقرف العدو ما حصلت إلا ذا المكان وتين : أما عليها مكان شيء ثاني أريم : شفتوا رسايلها هذي هي بس تتفنن بالخط و قلب منا و قلب مناك مشاعل : ايش عرفكم بالرومانسية غصون : أما رومانسية كثري منها وكانت ليلة من الليالي الحلوة إلي قضوها بلمتهم الحلوة ღ..ღ عنيدة هالدنيا تعبت أتحداها ~ شمس بددت بوجودها خيوط الليل معلنة بقوم صبح جديد ღ..ღ قامت غالية من النوم و نزلت عند أمها و عزيزة عزيزة من يوم شافت غالية مقبلة : يا هلا و غلا تو ما نورت الصالة أمهم تمزح معهم : وشو ..؟! عزيزة ترقع : قصدي تو كان فيه نور و طفئ يوم جت غالية و بعدين غالية : سلكي عادي أمهم : صدقتي يا عزيزة ما نورت الصالة إلا يوم أقبلت غالية الله يخليها عزيزة : و أنا أمهم بصدق الأم : الله يخليكم لي ولا يحرمني منكم غالية و عزيزة بصوت واحد : أمين ولا يحرمنا منك يا أغلى من في الدنيا أمهم : غالية يمه ايش بتسوين معد بقى شيء على الملكة و أنت ما جهزتي حاجه عزيزة : صادقة أمي معد باقي إلا أسبوعين إلا يومين بالتمام غالية : أمم يمه ما أبغى تكلف بسيطة مو حوسة و لا أكلف على أحد أمهم : أي يمه أحسن بعد طيب بأقول لأخوك اليوم نروح للسوق عزيزة : أن شاء الله أي عشان يمدينا نخلص ღ..ღ الظهر دخل من الباب شايل أكياس فيصل : سمي يالغالية تبين شيء زيادة أم فيصل : سلامتك فيصل : يمه ودي أسافر أكمل دراسة ايش رأيك ..؟! أم فيصل : يا ولدي وش لك بالسفر الدراسة ادرسها هنا فيصل : نفسي أدرس برى بس إذا أم فيصل يزعلها بلا سفر بلا هم أبو فيصل توه داخل : كأني أسمع طاري سفر فيصل يقوم يسلم على رأس أبوه : أي يالغالي كنت أقول للوالدة أني أبسافر بس ما عجبها الموضوع فعشان كذا بلا سفر لا هم أبو فيصل يعارض : و الله يا فيصل ما لنا حق نعترض على دراستك إذا تبي تدرس الله يقويك و أمك خلها علي أنا أقنعها أم فيصل تأيد أبوفيصل < من شوي معارضه "_^ : إذا مصر يا فيصل سو إلي تبي راضيه عليك وين ما تكون فيصل يبوس رأسها : الله يرضى عليك أهم شيء رضاك جوري دخلت : سلام أبو فيصل : و عليكم السلام هلا بدلوعة أبوها جوري سلمت على رأس أبوها و أمها و جلست : ايش عندكم جالسين بدوني فيصل : ما دريتي أبسافر أدرس جوري : صدق فيصل : شكلك استانستي تبين الجو يحلو لك لوحدك جوري نزلت دموعها : حرام عليك ليه تروح عادي يا كثر الجامعات هنا ادرس فيها و بلاش سفر فيصل قام وجلس عندها و ابتسم : لهدرجة أنا غالي جوري بكبرها تبكي عشاني أبسافر جوري ناظرته بنص عين : ايش شايفني عديمة إحساس أبو فيصل : جوجو خليه يروح يدرس و يفكنا من الإزعاج فيصل : يبه ترى كاشفك تبي تفتك مني عشان كلام جدي ترى وصلنا أنه يبي يزوجنا أنا وسامي آه بس بننحرم من عزوبيتنا أبو فيصل يقاطعه : تراه جدك فيصل : يبه خلني أهج عشان ما تضيع عزوبيتي جوري بمكر : ترى بعض الناس مو قاعدين يستنوك تخلص دراسة فيصل ناظرها : ايش قصدك جوري هزت رأسها : أنت أخبر مني أم فيصل : ايش السالفة جوري : فـ..... فيصل يقاطعها : تستهبل يمه ღ..ღ لمى : يمه و ين الديكشنري " المترجم " أم جهاد : شوفيه في درج المكتبة لمى : أوك طلعت لمى من عند أمها لمكتبة البيت في الدور الأرضي و فتحت الدرج أخذت الديكشنري و جت تسكر الدرج ما رضي يتسكر معها فتحته تشوف العلة لقت شريط فيديو عليه غبار واضح أنه قديم اشتغل عرق اللقافة أخذته معها و طيران على غرفتها تشوف ايش فيه ღ..ღ المغرب في بيت الجد أبو عبد الله أبو عبد الله : يا بنتي الرجال ما يعيبه شيء عندك سبب عشان ترفضينه نورة : بس يبه أبو عبد الله : لا بس ولا غيره تراك مو صغيرة و أنا ألحين ما ني شايف شيء عليه عشان ترفضينه نورة : خلاص يبه مثل ما تبي أبو عبد الله : الله يقدم إلي فيه خير دخل حسام : السلام عليكم نورة طيران على غرفتها و طاحت على السرير صياح ليه أبوها يبيها تأخذ واحد شايب و تقول في نفسها : أبوي ما يحبني و صياح و هي تندب حظها حصة كانت توها جاية من الدور الثالث سمعت صوت من غرفة نورة طقت الباب محد رد فتحت الباب لقت نورة و حالتها تكسر الخاطر تبكي من قلب خافت عليها و صار تناديها : النوري ، النوري ، النوري نورة ما ردت و كملت بكي حصة : النوري ايش فيك ما في حاجه تستاهل دموعك احكي من مسوي فيك كذا نورة من زمان ودها تطلع إلي بقلبها و جاء الوقت على طول رفعت رأسها و حطته في حضن حصة : تخيلي أبوي ما يحبني يبيني أخذ واحد شايب ليه أنا ايش سويت عشان يغصبني يعني عشان الشايب غني مالت عليه هو ويا فلوسه أنا بنته يبي يفتك مني حصة: النوري يمكن خيره لك محد يدري وين الخير فيه نورة سكتت حصة تلطف الجو : يقول خالد أمس أبوي مستلم إخواني متى بتزوجون عيالكم و مخلي حسام على راحته نورة : أبوي كلن يبي يزوجه و يفتك منه إلا حسام حصة : ايش فيك حقدتي على أخوي شوي و جت فاطمة : سلام البنات : و عليكم السلام فاطمة : ايش عندكم و لا تعزموني ولا حاجه حصة تلفق يمين و يسار : هذا يا طويلة العمر جالسين ندور بنات عشان أبوي يبي يزوج عيال إخواني فاطمة تستهبل : والله أن أبوي فله أجل بيغصبهم نورة : ما أتوقع أخواني بيعارضون ومستحيل يسمحون ღ..ღ غلا نست سالفة أمس قاعدة في غرفته و جايبه بنات أخوانها تبي تصورهم و لا أعطوها بال غلا : رنيّم سجيوه ناظروني يرحم والديكم رنيم ولا معبرتها تعدل في التيشيرت و مره في الشباصة و سجى تناظر سعابيلها و تسحبها < ويع يع "،" روابي تدخل : هههه غلا ما تفهمين ما يبغون تصورينهم و رنومة يله بابا يقول يله بتروحون رنيم تركت الشباصة و بدت تبكي : لا عمه ما أبي أروح لا ما أبي اهئئئ غلا تضحك : ما بغت تترك الشباصة يله رنومة روحي مع السلامة رنيم تبكي : مابي مابي ღ..ღ غالية و عزيزة في المول ومن محل لثاني حاولوا يخلصون أغلب الأشياء اليوم ما فيهم يدخلون كذا مره عزيزة : ايش باقي ألحين غالية : باقي الجزمة " الله يعزكم " عزيزة : بس باقي الجزمة حلو طيب خليها مرة ثانية تعبت غالية : ما عندي مشكلة خلاص بأدق على محمد يجي عزيزة : طيب يله دقي غالية تدق على محمد : هلا محمد ....... أي خلصنا ...... عند البوابة الثانية ........ سلام عزيزة : وينه ..؟! غالية : يقول قريب ღ..ღ بعد ما رجعت غالية فتحت الجهاز و جلست تسولف مع هند على المسن و ترسل لها صور و يعلقون عليها غالية : أيهم إلي عليها قلبين ..؟! هند : أيه أيه غالية : بس أحس هذي إلي فيها وردة مرمية أحلى هند تستهبل : واختلف العلماء غالية : صدق أنك بعد مروقة ، أي صح هنوده بأقولك شيء هند : كلي أذان صاغية غالية مستحية و تكتب : انخطبت .! هند منصدمة : ايش ..؟! غالية : إلي قريتي هند فرحت : جد كلللووووووووووووش مبروك يالدبة غالية : الله يبارك فيك هند : تحددت الملكة أو لا غالية : إلا الأربعاء الجاي هند : الله مبرووووك الله يسعدك غالية : تسلمين ، بس عاد يالدبة لا تقولين لأحد هند : إن شاء الله ღ..ღ توقعاتكم يالغوآلي ~ البنات بيردون المقلب أو مع الأيام بينسون ؟ الجد بيغصب النوري على الزواج ؟ و هل الحلوات بيتعرف عن ملكة غالية ؟ و إذا كان عرفوا ايش ردت فعلهم ؟ أختكم | ||||
|
| |
|
10-09-15, 11:58 AM
| #6 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ‘، القادم المجهول ! ღ..ღ يوم السبت وصلت رغد للمدرسة فرحانة جاية مع خالتها " المديرة " من زمان ما جت معها و كانت قدامها وهي تدخل مس نورة « خبلة رسمي *_^ متقطعة البنت على طول على شلتها تعلمهم كأنها ما قد شافت خير رغد : تخيلوا من دخل قبلي أمل : أكيد مس نورة رند : يرحم والديك من زينها رغد تقرب إذنها منها : عيدي ما سمعت أمل تستهبل : يمه تخوف ذا الرغد رند : خخخ ما قلت شيء كلمة و سحبناها رغد : ما دريتوا أمل : عن ايش رند تسبقها : غالية مخطوبة أمل : من غالية رغد : ما في غيرها أمل : إلي في ثالث أدبي رند : أي هي أمل : حركات والله من قدها رند : إلا من علمك يوم علمتيني رغد : شفتي خالتي نورة ولد عم عيالها إلي بيأخذ غالية أمل : مشاء الله كيف عرفتي بذا السرعة رغد : هع هع سر المهنة ღ..ღ هند جاية بدري للمدرسة نط لها عرق دفارة مدري من وين هند في نفسها غريبة ما جاء أحد من البنات بعد خمس دقايق غالية توها وصلت : أنا في حلم إلا علم هند هوني ايش صار في الدنيا هند : آه .. أخيراً أحد جاء غصون : و أنا وين سلام هند و غالية و جنان : سلملم غصون تناظر جنان : من وين جيتي جنان : خخخخ من بيتنا أريم : هاي غلا : هايات هند : وينكم من شوي بلحالي و ألحين كلكم دفعة وحده في البريك أريم قررت تسوي نفسها " بقرة ^_* " و تروح للمكان إلي مكتوب في الورقة و راحوا معها الشلة أوف كورس محد يدري إلا غصون و جنان و الباقيات مستغربات ايش جيبهم في ذا المكان ما لقوا إلا هو ... جت أمل : هاي ، أريم تنظرين أحد أريم تستغبي : لا ما أنتظر أحد غصون : غريبة أمل جايه عندنا أمل تسوي نفسها ما سمعت : توقعتك أذكى من كذا ترى سالفة الأوراق مقلب مني أنا و رغد غصون : أي أوراق أمل : أريم غصون عارفه أنكم كاشفينا من زمان بس يله أكدنا لكم أنه أحنا أوك أريم : مو أحنا متأكدين بدون ما تحكين أمل : هههه ضحكتيني أنتي لو تشوفي حالك مصدقة بقوة هع هع أوك سلام جنان و جوري : سلام أريم : و الله أنها تقهر غصون : مردودة أريم انهبلت : مردوه مردودة و الله ما أخليها ღ..ღ في بيت أبو جهاد لمى غايبة لمى في نفسها لازم أتشجع و أسأل أمي من ذا إلي مع جنان لا بس أخاف تقول من وين جبتي الشريط طيب ممكن يكون من يا ربي تعبت من التفكير طول أمس أفكر وغبت ألحين لازم أسأل أمي تشجعت و طقت الباب على أمها : مامي قايمة أم جهاد : ادخلي يمه لمى تسلم على رأسها : شلونك يمه أم جهاد : بخير يمه وش مقعدك علة الصبح كان كملتي نومك دامك غايبة لمى : يمه أبي أسألك سؤال تجاوبين عليه طوالي الله يخليك أم جهاد: اسألي لمى : يمه أنا شفت أمس شريط في المكتبة و شغلته و تفرجت عليه كان حفلة و فيها جنان و معها ولد فيه شبه منها أم جهاد تجمعت الدموع في عيونها ولا قدرت تكتم و سكتت جاء صوت من ورآهم : هذا أخوك يا لمى لمى و أم جهاد لفوا رؤوسهم مصدومين لأبو جهاد " لمى على المعلومة الجديدة و أمها أنه علم أحد من عياله و هو محرصها ما تعلم أحد" لمى بصدمة : أخوي أبو جهاد يجلس : أ......... لقاء ~ لمى بصدمة : أخوي أبو جهاد يجلس : أيه أخوك كان توأم جنان و لما صار عمرهم أربع سنوات سوينا الحفلة إلي شفتيها بما أنهم فرحتنا و رحنا لمكة و أنتي معنا و رجعنا بدونه فقدنا ولدنا و بقيت جنان الله يخليها لمى تبكي : طيب هو حي أم جهاد : إن شاء الله أنه حي أملنا بالله كبير أبو جهاد : ونعم بالله لمى : أنخطف هو ..؟! أبو جهاد بحزن : أيه لمى تمسح دموعها : أن شاء الله نلقاه ღ..ღ في بيت أبو علي « أبو أريم المغرب أريم تفتح الليت غادة : وين و ين أقول قفليه بس لا يكثر أبغى أنام أريم : نو توي قايمة قومي يكفي نوم أبذاكر غادة : مو وقت دفارتك قفلي الليت أو نامي أريم : مو نامية و لا مقفلة الليت غادة : المسألة عناد يعني أريم : افهمي بالي يعجبك غادة : يلا أقول الحق مو عليك على إلي يخليك غادة تجرها وتفتح الباب و طراااااخ بالباب أم أريم : وش صاير أريم منقهرة : ما صار شيء علي : هههههههه طردتها غادة من الغرفة أريم : يمه شوفيه أبو أريم يطلع من الغرفة : يله يا عيالي تعالوا تقهوو معي أريم : يبه شفت غادة ايش سوت لي يبه أبو أريم مطنش و طاح وجهها ღ..ღ فديــت وقتن حطيت في دربي رفيق و أحـدن يضحك معي وأضحـك معه و أحـدن لا صار وسط القلــب ضيــق بالسوالف و المزايح وسعـه وان حـكى بأسلوبه العذب الرقيق يسرق من الجـوف قلبن يسمعـه ^_^ في دار رعاية الأيتام تركي معصب : حمّود قفل الراديو خلنا نذاكر محمد : وليه نذاكر ايش نستفيد ؟ تركي : لا يكون بتقعد زيادة هنا بتطلع وين تعيش و تشوف حياتك فيه إذا ما ذاكرت محمد ببرود : الحمد لله في أقرب عشه تركي : تعوذ من الشيطان و ذاكر عشان تجيب درجات ترفع الرأس محمد بحزن : أرف رأس من يا حظي تركي : رأسي أنا مو صديقك و أنت صديقي من كنّا في الابتدائي ننام في غرفة وحده و نأكل سواء و نلعب سواء و نذاكر سواء أنت أكثر من أخو لي ليه ما ترفع رأس و أرفع رأسك محمد سكت شوي و بعدين قام قال : بلا راديو بلا إزعاج أبذاكر عشان أرفع رأس أخيي تركي بابتسامة : فديتك يا أخوي ^_^ يحاول جاهدا إنهاء دراسته ليلتحق بالجامعة .. فمنذ أن كان طفلاً اُخِذَ بيد تلك المرأة إلى الواقع المجهول .. أصبح مرمياً في الشارع لا مكان له مثلها .. انتشلته من يديها أيدي الخير إلى دار الرعاية حيث أكمل حياته .. و ها هو الآن يتم عامه الثاني عشر في الدار .. ليتركها بعدها إلى الواقع المجهول مرة أخرى .. هذا هو حال تركي .. خُطف من أيدي ذويه و هو ذو الأربعة أعوام .. فهل يا ترى سيعود إلى أحضان والديه أم ماذا..؟! ღ..ღ مر الأسبوع بدون أحداث تذكر و البنات يفكروا يردوا مقلب أمل و رغد ღ..ღ يوم ملكة غالية البنات جوري و غصون و أريم لما عرفوا أنه اليوم ملكة غالية عن طريق زلت لسان هند زعلوا أنها ما علمتهم و لا عزمتهم بس سرعان ما رضوا بعد ما هند ألفت لهم سالفة مالها أول و لا آخر المهم قرروا يروحوا سبرايز و تمر عليهم هند أول ما رجعت هند قالت لأهلها أنها بتمر صديقاتها إذا جت تروح لغالية تبرع أنس يوصلهم « السالفة فيها بنات جهزوا البنات و آخر شياكه غصون و أريم راحوا عند جوري يتجهزون وصلوا و سوالف و ضحك غصون : جوجو فَصّول فيه « طاقه الميانة جوري : لا أظن مو فيه غصون : أوك ثواني و جاية فيصل كان قاعد في غرفته ما انتبه أنه فيه البنات عشانهم دخلوا بهدوء طلع من الغرفة لقي بنت في المطبخ الفوقي ما أنتبه ايش تسوي معطيته ظهرها على طول توقع أنها مو جوري ما تشبه جوري أبداً غصون بصوت مسموع تسولف على روحها ما انتبهت بأحد ورآها: ألحين ذا من صدقه بيسافر ليه طيب عشان جدي قال بيزوج كل عيال عماني هذا ساميو ما قال أبسافر بجد غريب ، يا رب ما يسافر ايش بيصير فيني إذا سافر و الله أبنجن متى بيحس متى ؟ جاها صوت من ورآها : لهدرجة يهمك إني أسافر أو لا التفت إلى الصوت و انصدمت أنه هو توقعت أي أحد بس هو لا و انخرص لسانها فيصل : غصون جاوبي لهدرجه أهمك و متى أحس أنا راح أحس إذا حسيتي فيني غصون ساكتة تجمعت الدموع في عيونها و حاولت تطلع بس هو عند الباب فيصل فهم أنها تبغي تطلع أبعد عن الباب و لما وصلت لعنده همس في أذنها : إذا قالت غصوني لا تسافر مو مسافر غصون لفت عليه و قالت بصعوبة : لا تسافر ( وركض للغرفة الجوري ) فيصل بعد ما اختفت غصون عن عيونه قال في نفسه بلا سفر بلا وجع قلب غصوني ما تبيني أسافر خلاص انتهى الأمر ^_^ عند البنات دخلت عليهم غصون و طيران عشان ما ينتبهوا لدموعها على الحمام البنات استغربوا أنها تركض بس سلكوا الموضوع طلعت غصون بعد ما عدلت الماكياج و لا كأن فيها حاجة أوف كورس الموقف إلي فات كان في أحد غير الاثنين حضره من يا ترى ..؟! بنعرف مع الأحداث ღ..ღ غالية خايفة و الدموع ما وقفت من أصبحت أم غالية : يمه وش له الدموع ما خبرتس أم دميعة غالية ساكتة و دموعها تتكلم عزيزة دخلت هي تسكر سحاب الفستان : غالية كافي و الله ما في حاجه تستاهل أم غالية : الله يوفقس يا بنتي خلي عنس الدلع و يله ترى فيه أربعة بنيات وش زينهن يقولن نبي نرقى لغالية نسلم عليها قبل الكل غالية توقعت أنهم بنات عمانها بس أمها قالت بنيات يعني ما تعرفهم باستغراب : من هم أم غالية : و الله مدري عنهم عزيزة : غالية خلصي و أنا بأقعد عندهم الين تخلصين و أدخلهم غالية : طيب و خلصت غالية لبس كان شكلها آخر شياكه دخلوا عليها البنات متكتفات يعني أننا زعلانات مدري ايش مجيبهم زعلانات إلا هند داخلة مبتسمة البنات بصوت واحد :كلللللللللللللوووووووووو� � مبروك يا قميلة غالية استحت : الله يبارك فيكم و عقبالكم البنات بسرعة : آميييين عقبالنا عزيزة: هههه مستعجلات أريم : خاينة جوري تكمل : خاينة و ما تنصفي يالي خاب ظني فيك .. غالية : استغفر الله الصبايا : هههه جوري : سوري طلعت عفوية غالية : نو برا بلم و انزفت غالية على الحريم على زفة عروس الشمس بدون موسيقى و البنات معها من الأول إلى الآخر بعد كذا طلعت غالية للمجلس عشان يلبسها حمد " توه يظهر لنا " الشبكة و البنات رجعوا بعد ما استانسوا و استهبلوا على عزيزة و بنات خالاتها ღ..ღ أنس و هند رجعوا البنات كل وحده لبيتها و بعد كذا راح لبيت غلا هو كان يبي يشوفها كانها طالعة بدون ما تدري هند هند أول ما دخلوا الحارة لمحت البيت : أنسوه أنس سرحان : همم هند بحماس : هذا بيت صديقتي غلا أنس يناظر للبيت : أي بيت هند : إلي بابه عليه بني محروق أنس انصدم و يأشر : هذا هند : أي ، أي أنس انتبه أنها معه و سلك السالفة : و الله حركات حتى البيت شكله من برى ذوق هند : قول مشاء الله لا يحترق فيهم أنس : فالك شر دايم .. مشاء الله و أبعدوا عن الحارة و أنس في نفسه أجل بيت غلا بس أنا سمعتها تقول روابي بأحاول أعرف من هند مين روابي.. ღ..ღ توقعآتكم يالغوآلي ~ | ||||
|
| |
|
10-09-15, 12:10 PM
| #7 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ‘، [ شعور ] ! ღ..ღ جنان قالت لها لمى على سالفة أخوهم جهاد و انقلبت نفسيتهم ثنتينهم دمار تحسف أبو جهاد كثير أنه قال للمى بس إذا فات الفوت ما ينفع الصوت ღ..ღ يوم السبت في المدرسة الصبايا من جو و هم مستلمين غالية استلام و جنان معهم و هي معهم أريم : جنو نحن هنا جنان بهدوء غير معتاد : عارفه أنكم هنا غصون تلمس حررتها : شكلك مسخنة جنان : لا مو مسخنة و لا حاجه غالية : جنو مو هذي إلي نعرفها ايش بك هادية جنان بابتسامة : سلامتك ايش كنتوا تقولوا هند : أقول سندريلي لا يكون أخذك عنا الأمير البنات : هههههههههههه ღ..ღ في بيت أبو سامي المغرب صحت غصون من النوم أخذت الجوال تشوف كم الساعة لقت فيه مسج فتحته لو أن اليوم هو اليوم العالمي للسرقة فماذا ستسرقين مني ..؟! المرسل : أمل غصون من قلب : هههههههههه أرسلت لها تستهبل أسرق منك روحك عشان نفتك منك أمل استقبلت المسج و انقهرت : أجل روحي ها ღ..ღ غادة : أقولك غصون تدق على جوالك روحي ردي أريم تتقهوى و ببرود : ايش عرفك ..؟! غادة عصبت من برودها : نغمتها بتردين أو بكيفك مو مغصوبة أريم قامت وردت على غصون وسوالف كأنهم ما شافوا بعض اليوم و قالت غصون لأريم سالفة فيصل و مسج أمل أريم : أجل رايح فيها أخو جوري غصون : سدي حلقك ويا ويلك لو زل لسانك قدامها بشيء أريم تضحك : لا توصين سرك في بير غصون : أقول أريموه ملاحظة معي جنو اليوم متغيره أريم غصت بالبسكويت : بقوة بعد و لمى بعد ما شفتيها اليوم ما جلست مع صديقاتها غصون : أي شكل فيه شيء كايد صاير لهم أريم : و أنت الصادقة بأحاول أعرف مع أني عارفتها ما تحب أحد يسألها هي تتكلم من حالها ღ..ღ محمد : تركي قوم خذ لك شاور لعل حرارتك تخف تركي منهد حيله من الحرارة : همم محمد خايف عليه : طلبتك تركي قوم تركي : دقيـ ـ ـقـ ـقـ ـة و أأقـ ـوم محمد : ما فيه دقيقة و لا ثانيه يله و ساعده لين وصله للحمام و استناه يأخذ شاور طلع تركي و حرارته خفت شوي بس ما زال تعبان حيل ووجهه أحمر ღ..ღ جنان من أول كانت تجيها فترات و تتعب و محد يعرف ايش فيها من دكتور و ثاني و محد اكتشف حست بألم لفت على لمى لقتها نايمة حاولت تصحيها : لمى .. لمى لمى نومها خفيف على طول حست نطت : جنان ايش فيك جنان بصوت خفيف : تعبانه لمى بخوف : رجع عليك التعب جنان : أحس ذا اليومين أني مو طبيعيه معي تعب و ألم فضيع في رأسي لمى تقوم : بأقول لماما و بابا جنان : لا تقومينهم تعالي لمى ما عبرتها و طلعت تقومهم أبو جهاد و أم جهاد في الصالة يسولفون طلعت عليهم لمى من غرفتها ويا جنان أم جهاد : سمه ايش فيك على ذا الليل لمى شوي بتصيح : يمه لمى رجع لها التعب أبو جهاد قام على طول دخل غرفة البنات : جنو .. جنو بابا ايش تحسين فيه جنان : يبه سلامتك ما فيني حاجه بس لمى هواله"تعطي الأمور أكبر من حجمها " لمى تصيح : جنو لا تكذبين قبل شوي تعبانه و ألحين ما في حاجه جنان ما سمعت كلام لمى لنو أغمى عليها ღ..ღ غلا تطل من شباك الغرفة انتبهت لسيارة نفسها موقفه غلا : أقول روبي روابي ممدده على السرير : همم غلا : تذكرين إلي أرسل لك يومنا في الفيصلية روابي باشمئزاز : أي أذكر ايش فيه غلا بهدوء و تناظر الشباك : تدرين أنه لحقنا للبيت روابي انصدمت : ايش غلا : جد أنا شفته يلحقنا بس ما علمتك عشان لا أزيد خوفك و إلى الآن و هو مسنتر قدام البيت بعد تعالي شوفيه هنا روابي نطت تشوف الوقح : استغفر الله ما عنده أخوات يخاف الله فيهم غلا : أي و الله ما يخاف يصير في خواته كذا « لو تدرون من أخته ღ..ღ سامي تعب من اللف و الدوران حسام و فيصل مو فاضين له اليوم و يوسف شكله يتغلى عليه " خاله " رجع للبيت و شاف وتين و غصون و ود جالسات و كل وحده يدها على خدها سامي : سلام ود بمرح : سلملم سامي : شحالكم أخواتي الحبيبات ..؟! وتين تناظر الشبك و تسأل غصون : الشمس من فين اليوم مشرقة ..؟! غصون : شكلها من الشمال مو شرق و لا غرب إلا قولي كم ميت من يهودي اليوم ..؟! سامي يتدخل : والله ما تبعت الأخبار و إلا كان علمتك ود : ايش بك يا أخوي ترى الساعة 9 و نص غريبة راجع بدري سامي يجلس : مليت من الشوارع قلت أرجع أجلس مع خواتي وتين : الله يحييك و حنا بعد ملانات غصون : خلونا نلعب كيرم سامي : جيبوها ود بحماس : ون منت سامي يستهبل : فيه صارور على الدرج ود كانت تركض و ريوست و طبت على وتين شوي بتصيح : يمه .. لالا.. يمه سامي مات ضحك على شكلها : صادوه غصون و وتين : بايخ وتين : جاي تنكد علينا أو تجلس ويانا سامي : خلاص بلا دلع أتغشمر معك ود وهي تجفف دموعها : حتى التغشمر ما تعرف كيف ( و طلعت تجيب الكيرم ) ღ..ღ في مستشفى ....... طلع الدكتور شاف أهل جنان واقفين و معهم جنان توها صحت حلفت تطلع الدكتور منصور : السلام عليكم لو سمتحتوا أحد منكم فصيلته b- محتاجين تبرع بسرعة أبو جهاد : أي أنا الدكتور منصور : أجل تفضل معنا نأخذ من تحليل عشان ننقل الدم بأقرب وقت شوي و رجعوا أبو جهاد و يا الدكتور و صادف جيت محمد : هاه يا دكتور بشر ..؟! الدكتور منصور : و الله حالته صعبه صاحبك بس إن شاء الله ننقل له الدم يتحسن محمد : نقل دم ليه ما قلتوا لي أنا نفس فصيلته الدكتور منصور : كنّا مستعجلين بس الله يجزاه خير المتبرع أبو جهاد : ماسوينا إلا الواجب دخل الدكتور منصور و جاء الدكتور محمود : أنا بأؤلك يا أختي قنان المفروز أنك تقلسي لبكره مشان صحتك تكون كويسه جنان بنرفزة : طلعه اليوم أبطلع مو قاعدة أبو جهاد : طيب جنو تطلعين اليوم بس ألحين تجلسين إذا كان لي خاطر عندك بس مغذي جنان : عشان خاطرك يبه بس ღ..ღ على الفجر صحى تركي شاف الدنيا بيضاء و التفت شاف محمد يبتسم له : الحمد لله على سلامتك جهود خوفتني عليك تركي رجع رأسه : الله يسلمك حمّود محمد : أي صح إلي تبرع لك بالدم يبغى يشوفك [ نقطة تفتيش ] ! محمد : أي صح إلي تبرع لك بالدم يبغى يشوفك تركي مستغرب : الدم ليه هم نقلوا لي دم .. ناده أشكره بعد محمد يطلع : طيب أبطلع أناديه شوي ودخل أبو جهاد مع محمد : السلام عليكم تركي : وعليكم السلام أبو جهاد : الحمد لله على السلامة يا وليدي تركي : الله يسلمك و الله يجزاك خير و يجعله في موازين حسناتك أبو جهاد : ماسوينا إلا الواجب يا وليدي تركي أعجبته كلمة و ليدي و كان لها وقع في قلبه : الله يجزاك خير أبو جهاد : إلا ما قلت لي وش اسمك تركي : تركي أبو جهاد : عاشت الأسامي تركي : تعيش أيامك أبو جهاد: الله يقومك بالسلامة يله أستأذن أشوف الأهل تركي : الله يسلمك محمد : الله معك ღ..ღ دانة : راما يالدبة قومي قبل سوي لي شعري تأخرنا راما مغمضه عيونها : ما لي دخل أنا أبغيب قولي لأمي تسويه و إلا شوفي عنيّد أختك دانة : بأقول لعنوده أحسن منك و أخذت شنطتها ستروبوري و طلعت طقت الباب على غرفة ديما و العنود دانة : عنوده العنود تلبس شوزها : دخلي دندونة دانة فتحت الباب و جتها تركض و باستها على خدها و على ديما بعد رجعت عند العنود : سوي لي شعري راما بتغيب و عيت تسويه العنود : مالت عليها هاتي أسويه سوت لها قرنين يجننوا و طلعت تركض عشان تروح المدرسة « لبى‘ى ألب الصغنونين ღ..ღ مرت يومين عاديات لمى و جنان كملوا الأسبوع في البيت بعد ما تعبت جنان و أنس يدور فرصة يسأل فيها هند عن روابي و فيصل قرر أنه ما يسافر غصون كل ما تذكرت الموقف مع فيصل تسب روحها ألف مبرة في الدقيقة تركي طلع من المستشفى و يستعد للامتحانات هو ويا حمّود ^ الأحداث باختصار ^ ღ..ღ وتين : أقول غصون سمعيني بأقولك سالفة خطيرة غصون مو معها على المسن : همم وتين : وجع عطيني وجه غصون متحمسة ولا لفت لها وتين جت تمر كأنها ما انتبهت و تفصل الشاحن « فاصلة البطارية غصون عصبت : أمري وتين : ايش رأيك نعزم البنات قبل تبدأ الامتحانات غصون : أي بنات و أي اختبارات وتين : البنات كل أبوهم ؛ اختبارات الفاينل غصون تحمست : طيب ايش رأيك يوم الأربعاء عشان نتابع مباراة الهلال & النصر وتين : أوك غصون نطت : وناسه ღ..ღ غصون تكلم أريم أريم : يعني بعد بكره غصون : أي ايش فيك مو مصدقة أريم : أحس بيصير فله من زمان ما اجتمعت الشلة كاملة غصون : عاد لا أوصيك خلينا نلبس زي بعض و نقول لباقي البنات نقهر جوري و حصة و فطوم مالت عليهم من نصراويات أريم : بأقول لغادة و ميشو غصون : أوكيشن ღ..ღ رغد طالعة للمملكة تتمشى و يا أختها سديم رغد : سديم شوفي هذا سديم : تناظر وينه رغد : ذا يالخبلة إلي لابس كاب أسود سديم : ايش فيه رغد : هذا أخو غصون من ذي إلي معه سديم : ايش دخلك فيه رغد : مخليه أخوها شريف و هو شوفيه سديم : ايش يدريك يمكن تقرب له رغد : العبي علي هذي مو وحده من خواته سديم : لحول خلينا نجلس تعبت من الفرفرة رغد تتوعد في غصون في نفسها : أوك ღ..ღ عند سامي و البنت إلي معه سامي : ميشو خلينا نجلس تعبت من الفرفرة مشاعل : بعد قلبي و لد أختي تعب مني يله خلنا نجلس و مشكور على الطلعة سامي يضحك : أي طلعة بس هديّتي حيلي من كثر ما شريتي مشاعل : حرام عليكم كل مالها 200 نعوضك بدالها سامي : أمزح يا الغالية ღ..ღ وتين : غصون جوالك غصون شافت الرقم : رغيّد ايش تبغي ود : ردي غصون : مرحبا رغد : مرحبتين أخبارك غصون ..؟! غصون : منيحة بشري عنك ..؟! رغد : كويسه .. أي صح غصون قبل شوي شفت أخوك مع وحده في المملكة « ما عندها مقدمات غصون عارفة أنه مطلع مشاعل قالت تجاريها تسوي نفسها مصدومة : صدق ..! رغد :أي و أنت مسويه فيها أنه شريف و هو خليني ساكتة دخل سامي : سلام عليكم بعد روحي وتين : ما بغيت تجي اشتقنا لك غصون قالت تكمل التمثيل عشان رغد تسمع غمزت لسامي و أشرت على الجوال : سامي مين كنت طالعة معه سامي يستهبل : مع صديقتي ايش دخلك لا بعد قولي ايش اسمها غصون : حرام عليك لو أحد يقرب لنا شافك هذا و أنا في كل مجلس أمدحك سامي : يا قلبي يا أختي عادي قولي طلع مع ميشو وتين تستهبل : شين و قوي عين سامي : أقول عاد .. غصون ايش فيك مو قايل لك أني أبطلع مع خالتي غصون تبغي تسمع ردت فعل رغد : عارفه بس البنات شككوني يقولوا أخوك طالع مع وحده رغد طاح فيسها *،^ : غصون شكلك مشغولة أكلمك وقت ثاني باي غصون : بايات غصون بعد ما سكرت :هههههههههههههههههههههههه� �هههههههههههههههههههههههه وتين & ود : ألحين تشكك بأخوي مالت عليها من بنت تموت بالتفرقة سامي : أثر السالفة كذا مالت عليكم غصون ترقع : بس تراها طيبة « ما تخش ღ..ღ هند : مو فاضيه لك أنس : والسؤال إلي ذاك اليوم قلت بأسألك إياه » تذكرون هند : ياليل أسأل أنس : غلا صديقتك عندها أخت أسمها روابي « يبغي له دروس في فن طرح السؤال هند : .................................................. ................... توقعاتكم يالغوآلي جمعة البنات ايش راح يصير فيها ؟ هند بتجاوب على سؤال أخوها ؟ و إذا كان عرف أنس هل بيأذي روابي بحاجه ؟ | ||||
|
| |
|
10-09-15, 12:11 PM
| #8 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ‘،‘ ( هدية ) ! أنس : غلا صديقتك عندها أخت أسمها روابي « يبغي له دروس في فن طرح السؤال هند : ايش دراك أن صديقتي أسمها غلا و ايش دراك إذا عندها أخت أسمها روابي ترى ما أسامحك إذا جيت من صديقاتي خلهم في حالهم أنس : سألت سؤال ما طلبت محاضرة هند : ايش تستفيد أنس : خشت مزاجي إذا ما قلتي لي أبجيب الجواب بأي طريقة أخرى هند : ايش بتسوي ترى مالهم مال حركاتك أنس : سألت سؤالي جاوبي عليه هند خافت لا يجيب الجواب بطريقة تضر روابي : أي عندها أنس قام : ثانكيو ღ..ღ غصون عزمت البنات و عزمت معهم هند و غلا و طبعا بتجي معها روابي غصون : وين البروش الأزرق إلي عليه f خلصيني ود أبغاه ود : إذا عطيتيني الجل عشان أجعد شعري عطيتك إياه غصون عصبت : خير تقلدين أنا مجعدة شعري ود : بس أنا طنت في رأسي أو عطيني ذاك الشوز الأزرق عشان ما أجعد شعري غصون : أخذيه بس هاتي البروش وتين من بعيد : غصون وين الحزام حق الجينز حقك غصون : خير ايش تبغي فيه أنا بألبسة وتين : يوه طيب عطيني الحزام الأبيض غصون : شفيه في الكبت وتين : أوك ღ..ღ غادة : يله أريم سارة السواق عند الباب أريم تسحب العباية : يله بعد ما ركبوا السيارة أريم : يونس وقف عند كرسبي كريم يونس : أوك عمتي أريم : عمت عيونك و تخفست سارة : كل هذي دعاوي تكفي وحده أريم : يرحم والديك اسكتي وصلوا لكرسبي كريم نزلوا وناموا في المحل كل وحده تختار دونات و بعدين ما تعجبهم و يغيرون و بعد ما خلصوا راحوا لبيت خالتهم ღ..ღ غصون تهدد : معاذ حمود إذا شفت ظفر واحد منكم بنومه اليوم في السطح فاهمين أحمد & معاذ : فاهمين غصون : على الغرفة و لا تطلعون أبد طن طن « جرس الباب ود ترد من السماعة : مين وتين : افتحي على طول يا الخبلة ود : طيب ღ..ღ على الساعة 8 اجتمعوا البنات في بيت أبو تركي وتين و غصون و ود « أهل البيت أريم و غادة و سارة و العنود و ديما « بنات أخوالهم مشاعل « خالتهم حصة و فطوم « عماتهم رنا و ألاء و جوري « بنات عمانهم غلا و روابي و هند « صديقاتهم البنات يعرفوا بعض يجتمعون مع بعض في فترات متباعدة بعد السلام و السؤال رنا : متى تبدأ المباراة حصة : 8 و نص فطوم : نصبر ايش ورانا و بعدين خذوا راحتكم البيت بيتكم وتين و غصون ناظروها : أذكر أنه المفروض حنا نقول فطوم : انتظرتكم تقولون ما قلتوا قلت بأقول هذا بيت أخوي ود جاية بالعصير : بسرعة أخذوا لأكب عليكم هند تتأفف باستهبال : أوف من أولتها أجل بأدق على أخوي يجي ود : أبركها من ساعة على الأقل ألقى لي مكان بأقعد واقفة طول الوقت البنات : هههههههه غلا : افهميها هنود هند : مالت عليكم ღ..ღ جنان حاولوا معها البنات تحضر بس كانت تعبانه و ما قدرت جنان : لمى أسم أخوي جهاد يقول أبوي أنه توأمي لمى خايفة على أختها صايرة بس تردد جهاد توأمي : جنان اصحي تكفين جنان : ما تدرين جهاد توأمي أنا .. أنا تعبانه يمكن يكون تعبان لا بسم الله عليه عند أبو جهاد أم جهاد : متأكد من إلي بتسويه أبو جهاد : إن شاء الله يشبه لجنان ما شفتيه أنتي و الله يشبه لها مع أن اسمه تركي إلا أن قلبي يقول هو ما غيره جهاد أم جهاد : الله يوفقك طلع أبو جهاد و أم جهاد تدعي له و تدعي ربي يجمعهم بجهاد و يشفي جنان من إلي أصابها ღ..ღ في وسط المباراة جوري و فطوم بصراخ : قوووووووووووووووووووول رنا معصبة عشان النصر 2 و الهلال 1 : اسكتوا وجع فطوم قامت تنطط من الفرح وترفع شال النصر : ونااااااااااااااااااااااا سة .. وناااااااااااااااااااااسة رنا احترقت : اجلسي خلاص درينا بعد نص ساعة من الإزعاج نقزوا البنات عدا فطوم و جوري وحصة : قووووووووووووووول و يرقصون من الفرح بالشالات و الشعور انتفشت من الوناسة غصون : و أخيراً رنا : حرقوا أعصابنا بس ما زلنا ننتظر الفوز ألحين تعادل ديما : خلونا نكمل ألاء : متوقعه أنه تعادل العنود : لا عاد نبي الفوز ود : الفوز يارب من نصيبنا الهلاليات : يارب و انتهت المباراة بتعادل بس ما خلا من الوناسة ود ركض رفعت على التلفزيون و بدو يرقصون كلهم ღ..ღ نرجع عند أبو جهاد الريسبشن : أي تركي هو دائما يراجع هنا ساكن في دار .......... لرعاية الأيتام أبو جهاد تهلل وجهه بالفرح : جزاك الله خير أخوي .. ما قصرت الريسبشن : وياك أخوي .. حاضرين طلع أبو جهاد شاف الشوارع مليانة عكس يوم يجي الكل طالع من الملعب ركب السيارة و هو عازم اليوم يعرف عن هذا إذا هو ولده أو لا كانوا الأولاد طالعين يتابعون المباراة في الملعب موظف ماجد : السلام عليكم هلا عمي أبو جهاد : وعليكم السلام هلا بك من معي الموظف ماجد : ماجد الله يبقيك أبو جهاد : تشرفنا يا وليدي ماجد تقدر تخدمني أبغى أعرف عن واحد من الأولاد إلي موجودين هنا الموظف ماجد : طبعاً أقدر أساعدك تفضل معي ღ..ღ شوي سمع الكل صوت نغمة مسج سكتوا « اشتغل عرق اللقافة كان من جوال جوري جوري مبتسمه : غصون تعالي غصون : شسالفة نطت أريم معها و قرؤوا المسج ابتسمت أريم في وجهها و قالت بهمس : حركات غصون و وجهها أحمر بهمس مثله : لا تفضحيني أريم ماسكة ضحكتها أوف كورس الكل شاف ايش صار نطت وتين : غصون أشوف ايش إلي قلب وجهك غصون طارت على فوق و ما ردت أريم و جوري : هههههههههههههههههههههه البنات مستغربات من ايش ذي تضحك [ القدر المحتوم ] ~ انتهى ~عند غصون تتوعد في داخلها في فيصل هذا وقتك و أنا عند البنات ترسل لجوري عشان أقرأها رجعت تتذكر المسج غصوني ما قلتي لي أنك تحبيني كل ذا الحب لو أدري أنك بتلبسين بروش فيه حرفي f كان جيت أشوفك لا بسته و ترى أرسلت اليوم مع عمي هدية يارب تعجبك أبغي رأيك فيها ღ..ღ البنات يحاولون في أريم تعلمهم وهي رافضة تقول اسألوا غصون غصون دخلت : يعني لازم تعرفون لفت جوري عليها غمزت لها احمر وجهها مره ثانية : ترى فيه ناس غير أريم أنا أعرف بس مو معلمه عذبتوا أريم ^_* رنا تستهبل : و أخيراً بيعرسون بنات عمي نفتك منهم وتين فتحت فمهما : خير من لاعب عليك رنا كانت عارفة من جوري : جوري أنا صارت عندي مرة أخو وحده و أنتي كم عندك ..؟! جوري: ما فيه ولا وحده لأنو إحنا خطبنا لفصول وحده من مدة وظني ما توافق رنا : رحمتك .. إلا قولي لي ايش صار على سالفة سفر فيصل حصة : أي ليه يسافر ؟ جوري : ما دريتوا مو مسافر وتين : جد ! طيب ايش غير رأيه ..؟! جوري تناظر غصون بنص عينها : مدري عنه فجئه غير رأيه يقول قلبي يقول لا تسافر مو مستفيد إذا سافرت » على فكرة جوري مو هي إلي شهدت على الموقف إلي بين غصون و فيصل راح نعرف مع الأحداث من إلي شهد غصون قرصت جوري قرصه جوري نقزت : آآآآآآآآآآآه ود بخوف : ايش فيك جوري : شكل كراسيكم فيها بلى و الله أعلم و كملوا سوالف طبعاً تركت جوري سالفة فيصل خافت على روحها من غصون ღ..ღ ماجد : أي يا أخوي موجود ألحين إذا تبغي نناديه لك ناديناه أبو جهاد : يا ليت " أبو جهاد حكى لماجد السالفة و وعده ماجد يساعده و يسوون dna " شوي و دخل تركي : السلام عليكم أبو جهاد و ماجد : وعليكم السلام ماجد : تفضل يا ولدي تركي : تسلم يا عمي .. ( شاف أبو جهاد إلي تبرع له بالدم باسه على رأسه ) هلا بك يا عمي أبو جهاد : هلا فيك وليدي بشر ايش أخبارك تركي ابتسامة : بخير وصحة أنت بشر عنك أبو جهاد : الحمد لله أنا بخير من شفتك ماجد يناظرهم مبتسم : تركي أنا ناديتك أبغى أكلمك بموضوع و أبغي مساعدتك تركي : أمر ماجد حكى له أنه بيأخذون منه دم عشان تحاليل مهمة و أنه ناداه و عنده أبو جهاد لأن أبو جهاد خايف من الدم إلي تبرع فيه لك أبو جهاد : عندك مانع يا وليدي تركي : لا والله ما عندي مانع لو تبغوا ألحين ما عندي إشكال ღ..ღ قال أبو سامي لغصون على هدية فيصل و هي انه خطبها غصون : يبه أنا رأيي من رأيك أبو سامي : الله يقدم إلي فيه خير أجل طلعت غصون من عند أبوها و على الغرفة حمدت ربها أن وتين نايمة و نامت هي بعد ღ..ღ يوم الخميس خالد : النوري أبوي رافض أي تدخل حتى أخواني حاول و الله آسفين كل الأسف نورة : خلّود عادي خلاص رضيت ما عندي مشكلة و الله يوفق خالد : آمين نورة : طيب ترى ما أبي حفلة ملكة و حركات بس عقد و قضينا خالد : ودي أعارض نبي نفرح فيك بس دام هذي رغبتك محد راح يعارض نورة : أكيد محد راح يعارض خالد : أجل خلاص طيب أنتي عارفة أن اليوم الملكة صح نورة : أي عارفة قلت ما أبي شيء بوقع على موتي وبس خالد : أي موت حرام عليك أن شاء الله صدقيني بيجي يوم و تقولين يا حبي لأبوي يوم زوجني غصب و أنتي مسوية إزعاج و أن الرجال شايب و ترى كل مال عمره 32 أكبر منك بثمان سنين و أكبر مني بسنتين أجل عديتيني من الشياب نورة ضحكة : لا مو منهم توك باقي عليك سنتين خالد : هههه سنتين وتعديني منهم أجل ها ღ..ღ المغرب اجتمعت العائلة كلها بحكم أنه اليوم شبكة نورة جاء القدر المحتوم « على قولة نورة ملك عليها و هي قايلة ما أبي أشوف شيفته بس عاد أبوها حكم بشيء مو على كيفها قال لها لك فرصة ربع ساعة و إلا أبخليه يدخل و أنتي كذا نورة باردة قالت الله يحييه أجل و أنا كذا ألحين ليه بعد ربع ساعة و الجد ما قصر يستناها تقول ألحين وناداه و هي ببلوزه ذهبيه جبنيز و تنورة بنيه شانيل وعليها حزام ذهبي و جزمه بني و ذهبي ماركة شانيل و مجعدة شعرها و حاطه ورده ذهبية صار شكلها آخر شياكه « أوف كورس عشان جمعت العائلة اليوم ما فكرت في القدر المحتوم دخل القدر المحتوم " ماجد " « أظن الاسم جاء سابقاً أو أنا غلطانة الموظف ماجد نفسه ماجد : السلام عليكم نورة وقفت : وعليكم السلام خالد يستهبل لأنه يمون على ماجد: اسمع مجود أختي أغلى من عيوني احفظها و إلا ترى يا ويلك ماجد وصل عند نورة وباس رأسها : من أولتها تهديد خالد : لأنك ما تدري من أخذت ماجد يستهبل : لا تكون أم أروى و أنا مدري خل لك أم أروى و خل النوري خالد : لا تدف .. أبطلع أحسن لي ماجد : بالسلامة جلس جنبها و مسك يدها : مبروك نورة بهمس : الله يبارك فيك ماجد : شخبارك ..؟! نورة مستحية و ما حست على نفسها و قالت : كوسة و أنت ماجد ماسك ضحكته : أنت كوسة فأنا جزر نورة حست على غلطتها ضحكت على الخفيف على استهباله ماجد : أحس خالد مخرب سمعتي عندك قد قالك أني أكل نورة مسكت ضحكتها ايش عنده ذا قالت أجاريه : لا قال تشرب ماجد : هههههههه و أخيراً حكيتي بس أنا عارف أن خالد قايل لك أني أشين رجل بالدنيا نورة سكتت ماجد : يعني قايل لك نورة رفعة رأسها و فتحت فمها من الصدمة هذا شايب هذا في عز شبابه و هي مسويه ازعاج أنه شايب سكتت ماجد ضغط على يدها : مشاء الله عليك قمر نورة بخجل : تسلم و قعدوا يسأل وهي تجاوب حست أنها مستانسة ما توقعت أنه مرِح لهدرجة و لا حبوب ღ..ღ توقعاتكم يالغوآلي ~ ايش راح يصير على التحاليل ؟ و هل توقع أبو جهاد في محله أو لا ؟ و كيف يواجهون تركي ؟ | ||||
|
| |
|
10-09-15, 12:11 PM
| #9 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| [ صدمه ] ..! ღ..ღ يوم السبت العشاء طلع أبو جهاد لماجد و تركي في مستشفى .......... عشان يشوفوا نتائج dna إلي عملوها يوم الخميس أبو جهاد : طلعت النتائج تركي ما كان يعرف يحسبها نتيجة شيء ثاني يعني التحليل عشان المرض إلي يتكلمون عنه ماجد يطالع في الأوراق راحم أبو جهاد كثير وده لو كانت النتيجة ايجابية بس مع الأسف : طلعت أبو جهاد متلهف : بشر ماجد يناظر في الأوراق : و الله يا أبو جهاد مدري ايش أقولك النتيجة سلبية أبو جهاد اسودت الدنيا في وجهه و انطفئ الأمل إلي كان موجود دخل تركي من برى شاف وجهيهم استغرب شك أن النتيجة سلبية و أن فيه مرض خاف كثير تركي بقلق : خير يا عم وش صار أبو جهاد يترد : و الله يا تركي وش أقولك ........ ღ..ღ ميشو : حمودي تعال يله كل أم حمودي يضحك : ماما ماما .. لا لا ميشو : يله عشان تنام بدري و تصحى بدري و رغوده بتجي بكره حمودي ينطط : يلا ماما أم أم .. تجي رغوده.. هيه ღ..ღ محضوضة : مبروكة اليوم في شغل كتير أنا في تأبأن واجد تألي سوي بيد حق فتوم " مبروكة اليوم الشغل كثير و أنا تعبانه كثير تعال سوي بيض حق فطوم " مبروكة : لا أنا في سوي عشا هسام " حسام " محضوضة : ايش دكل انتي هذا هوسه سوي حق هوا " ايش دخلك انتي حصة تسوي له " ღ..ღ ماجد : تركي لا تخاف ما فيك ألا العافيه أبو جهاد بنبرة حزينة : تركي تعال معي شوي تركي تروع : وش صاير عمي وش صاير طلع أبو جهاد بدون و لا كلمة و أخذ معه تركي وركبوا سيارة أبو جهاد اللونكن و جلسوا يدورون فيها و يفترون بالسيارة و أبو جهاد ساكت ما تكلم و لا كلمة و لا فتح أي موضوع تركي : خوفتني يا عمي وش السالفة أبو جهاد بحزن : بأقولك قصتي و أرجوك تفهمني و تعذرني لأنه ما فيه مرض و لا حاجه تركي : أسمعك يا عم ღ..ღ في بيت الجد أبو محمد عايشة : وينهم البنيات معد نزلوا من فوق لولوة : و الله صايرات يدلعون علينا دخل خالد : اسمع عجايزنا يتكلمون في البنات و أنا ما جابوا طاريي حسام من وراه :أي و الله و أنت صادق بس وين أبوي ألي يدلع الشباب وساحب على البنات لولوة : أشوفكم غايرين من البنيات حسام : يحق لنا نغار ما تتكلمون ألا فيهم ღ..ღ أبو جهاد حكي لتركي السالفة و أنه ولده ضاع يومه صغير و أنه حس أنه ولده فقرر يسوي التحليل بس طلعت النتيجة سلبية تركي انصدم : ايش أبو جهاد سكت تركي : يوم شافه ساكت قال بعصبية : نزلني هنا » ما ألومه مصدوم أبو جهاد يهديه » وش عقبه : استهدي بالله تركي انهار : نزلني ، نزلني أبو جهاد وقف عند أقرب محطة على أنه تركي بيهدى إذا وقف تركي و لا سأل أحد نزل و قعد على الرصيف يتذكر 12 سنة قضاها من غير أم و لا أب و كان عنده أمل يلقاهم بس تحطم بعد ما عرف بسالفة أبو جهاد تركي صدع رأسه من شدة التفكير و زاد الألم و فجأة وقف وراح يركض للمجهووووووووووووول » لا نعرف ما سيحدث لتركي هل سيجد أبويه أو لا ღ..ღ يوم الأحد جنان حضرت للمدرسة بعد ما أقنعها أبوها تروح أريم بصراخ : جت جنان الشلة كلهم قاموا : جد جنان بهدوء : سلام الشلة : سلملم غصون بحماس : شحالك جنو ..؟! جنان تحاول أنها ترجع زي أول : منيحة بشوفة فيسك أريم : و أنا جنان : أنتي الأولى عاد و ما اهتموا يسألون جنان عن سبب الغياب الطويل عشان ما ترجع زي أول لأنها اليوم مفرفشة على الآخر و تستهبل ღ..ღ الامتحانات قربت و الكل يجتهد يبغوا يجيبوا نسبة ترفع الرأس *،^ ღ..ღ نورة كانت هي الوحيدة إلي ما عندها امتحانات و رافضه تطلع مع ماجد بالآخر طلعت معه و تقضي وياه للزواج .. نورة : مجود انكسرت رجولي من الدوران ماجد : طيب أجل خلينا نجلس نورة : يله و طلبوا لهم ماجد : النوري ايش كنتي تتوقعيني أول ما خطبتك نورة غصت بالدونات : كح كح ماجد رفع حاجبه : أكيد كنتي تعتقدين أني و سكت نورة نزلت رأسها : لا ما كنت معتقده حاجه بس كنت كارهه الزواج الناس خربوه من كثر مشاكلهم ღ..ღ مرت أيام الاختبارات بسلام الكل نجح و البنات ينتظروا النتائج تطلع عشان يسووا حفل تخرج اليوم تطلع النتائج كانوا غصون و أريم وجوري مجتمعات عند غصون بيجيب لهم النتائج سامي سامي يتنحت : يا ولد بأدش تحجبوا البنات غصون : دش سامي دخل : مبروووووووووك على أكبر مهابيل مشاء الله نتائج ترفع الرأس غصون : قول بسرعة سامي : أريم 99% مبروك يا بنت خالتي درجة ترفع الرأس أريم نست نفسها : واااااااااو وناسة الله يبارك فيك سامي يكمل : جوري 96% مبروك يا بنت عمي درجة ترفع الرأس بعد جوري : الله يبارك فيك سامي يكمل : أما أنتي يا أختي الحبيبة ما توقعتها منك غصون بتصيح : كم سامي قام وقال بصراخ : 98% مبرووووووووك غصون نزلت دموعها من الفرح : الله يبارك فيك و راحت تضمه من الفرحة و كل وحده راحت تبشر أهلها ღ..ღ أنس واقف عند بيت روابي طلعت روابي و غلا بيمرون على هند سمع أخته تقول لغلا مروني بيطلعون لصحارى مول يجهزون لحفلة التخرج روابي حاقدة عليه : غلا مو هذا صاحب البلوتوث غلا : أي هو مالت عليه ايش يبغي ورابي : أقول خلينا ننسى و يله نمر على هند غلا : يله راجو روح بيت صديقتي هند راجو : أوك ماما غلا : على آخر عمري أصير أمه روابي : يختي هذا من الاحترام ايش عرفك غلا مقفلة معها : يقطع أبو الاحترام ذا وصلوا لعند بيت هند غلا تتصل عليها : يله هنود نستناك برى هند : أوك طلعت لهم و ركبت وسلمت عليهم والتفتت لشباك انصدمت يوم شافت سيارة أنس سكتت قالت صدفة هند تبغي يبعدون عن سيارة أنس : خلونا نوقف على باسكن روبنز نأكل على بال نوصل غلا : ما عندي مانع راجو وقف عند باسكن روبنز راجو : أوك ماما نزلت هند لباسكن روبنز ودقت على أنس هند بدون سلام : أنت بتبعد عنا و إلا أتصل بأبوي ترى مو أهل تفاهتك أنس : سوي إلي يعجبك و إلي في بالي بأسويه هند قفلت في وجهه متنرفزة و رجعت و معها الآيس كريم عند أنس مروق ولا له خلق أخته كمل ورآهم لصحارى مول وصلوا ودخلوا وهو برضو دخل وجلس يمشي ورآهم و هند تبرأت منه غلا : ذا من طلعنا من البيت و هو يلاحقنا هند : أي واحد روابي : إلي لابس تيشيرت بيج هند ناظرته و من جوا تحترق : أوك أنا أبتصرف راحت على أقرب سكرتي وقالت له أن هذا يلاحقنا من الصبح السكرتي شكرها و راح لأنس أنس في داخله يتوعد في هند وهند استأذنت من البنات و أبعدت و دقت على أبوها وقالت له كل السالفة لأن غلا خبرتها أنه مسنتر عند بيتهم و أبوها قال بس خليه يجي البيت و أنا أوريك فيه رجعت هند للبنات روابي ارتاحت نفسي أخيراً أفتكت منه كل وحده شرت لها فستان آخر شياكة وحاولوا يخلصون حاجياتهم كلها ღ..ღ جنان : يبه جهزوا المزرعة أبو جهاد : لا تخافين مجهزه و ترى باقي أسبوع على الحفلة جنان : بس ولو لازم تكون جاهزه أبو جهاد : لا تخافين جاهزة أبو جهاد مدلع بنته جنان خايف يفقدها زي ما فقد جهاد فوعدها يحط حفل تخرجها و صديقاتها في مزرعتهم في الخرج ღ..ღ في بيت أبو عاصم باسل : ألاء تعالي ألعبي معي ملل ألاء : طيب إذا فزت تشتري لي على حسابك من البقالة باسل تحمس : و إذا فزت بأشتري من البقالة على حسابك أنتِ ألاء : طيب يله اسبقني أبلبس و أجي باسل : طيب وراح للسور وجلس ينتظرها إلى جت ألاء وبدؤوا يلعبون في وسط اللعب باسل طاح : غشاشة طيحتيني ألاء : أقول كمل ترى يسمى انسحاب باسل يعارض : لا مو انسحاب في النهاية فاز باسل وراح البقالة و اشترى بس من حساب ألاء و فوها استهبال و شاركتهم رنا ووليد يوم دخل وشاف البسطة جلس مهم يلعبون بلاستيشن رنا : لولا لفي يمين لا يفوزون علينا ألاء : و الله أنهم سريعين وليد : مستحيل تفوزون علينا ღ..ღ أنس رجع للبيت ................................ انتهى توقعاكم يالغوآلي العآلم المجهول الذي ذهب أليه جهآد ما هو يآ ترى ؟ أنسس و روآبي ما النهآية ؟ | ||||
|
| |
|
10-09-15, 12:12 PM
| #10 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ‘،‘ [ لآ مبآلآة ] ღ..ღ أنس رجع للبيت و هو مقهور على إلي صار له بسبة أخته أبو أنس : يا الله أن تحيي و لدي وينك و أنا أبوك من اليوم أنس سلم على رأسه : أدوج يبه أبو أنس : أجل ايش الأخبار إلي قالوا لي عنها ايش انك مسوي أنس : ايش مسوي أبو أنس : اتصلوا علي الشرطة يقولون ولدك وقع تعهد على سلوكه في مركز تجاري يؤذي خلق الله أنس ينزل رأسه : يبه أنا آسف أبو أنس : و الله آسف ما تكفر غلطتك و أنا أبوك ألحين طول الأيام إلي فاتت مسنتر عند بيت البنت الله يستر علينا و عليها أنس : هند قالت لك ..؟! أبو أنس : أي هند قالت لي أنس بصوت واطي : هين يا هنوده .. هين أبو أنس : إذا سويت لأختك شيء ما تلوم إلا نفسك و البنت خلها في حالها ودك يصير لأختك إلي تسويه أنس : يبه أبغي تخطبها لي أبو أنس : الساعة المباركة إلي أزوجك فيها يا ولدي بس البنت قالت لي هند أنها متملكة على ولد عمها و أنه مسافر أنس مصدوم : ايش أبو أنس : إلي سمعت يا ولدي بخلي أمك تدور لك على البنت الصالحة بدل ذي أنس مازال مصدوم : ما أبي خلاص غيرت رأيي أبو أنس : أجل خل عنك ذا الحركات و اعقل أنس طلع بدون ما يرد على أبوه ღ..ღ صباح يوم رائع لأناس و سيء لأناس آخرين في بيت الجد أبو عبد الله فطوم : محضوضة تعالي كوي فستاني محضوضة : ليه كوي الآن عزيمة ما في اليوم فطوم : بس أبحطه في الكبت محضوضة : أيوه .. شوي أنا جيب فطوم و هي رايحه : أوك محضوضة : خلاص كوي وين ودي فطوم : جيبيه لغرفتي أوك محضوضة : أوك ღ..ღ فيصل يترجاه : يبه الله يخليك أبو فيصل : قلت لعمك بس البنت تقول ما تبي شيء رسمي إلا بعد الجامعة و أبوها ما يبغي يجبرها تحط شيء ألحين فيصل : يبه بس ملكة أبو فيصل : انتهى الموضوع روح تفاهم مع عمك فيصل : أجل أبروح له و أشوف أبو فيصل : الله معك استقبلت جوري فيصل أول ما طلع من عند أبوه جوري : فصول ها ايش صار فيصل : بنت عمك ذي أبذبحها جوري : ليه فيصل : الكل موافق إلا هي جوري : و الله أنها مو سهله غصون فيصل : إذا بتمدحين فيها وخري عن طريقي أبروح لعمي أقنعه جوري : يا رب يقتنع فيصل : الله يسمع منك ღ..ღ غصون آخر شيء تفكر فيه الملكة مو وقتهم ذولا أريم : حجزتوا كل شيء غصون : لا توصين حريص أريم : و الله ما يندرى عنك غصون : إذا مو مصدقة بكيفك أريم : خلاص مصدقة طيب ربع ساعة و أبمرك نطلع نتونس شوي و أقولك من عزمت و أنتي قولي لي غصون : أوك أنتظر غصون سكرت منها و أخذت لها شاور و لبست جينز سماوي و تيشيرت أبيض كت و جعدت شعرها القصير و لبست شوز سماوي و سحبت الشنطة و العباية ونزلت تحت شافت أبوها قاعد في الصالة باست رأسه أبو سامي : غصون وين بتطلعين غصون : بتمر علي أريم و بنطلع أنا وياها للسوق أبو سامي : لا تتأخرون غصون : تأمر و باست رأس أمها وطلعت للحديقة تتمشى فيصل جاء شاف الباب مفتوح تعود يدخل عادي بدون جرس و لا حاجة و إذا وصل لباب الفلة استأذن عشان يدخل انتبه بغصون تلعب بالورد في آخر الحديقة لابسه عبايتها و متحجبة قرب منها » يتحجبون من عيال عمهم فيصل : سلام غصون لفت عليه : سلملم فيصل : شخبارك غصوني غصون استحت من كلمة غصوني : منيحة و أنت فيصل : مو بخير غصون وهي تناظر الورد : سلامتك فيصل : آآه بس غصون : ايش فيك فيصل : أجل أهمك غصون تقهره : مو ولد عمي أكيد تهمني فيصل أنقهر : ما فيني إلا العافية غصون تضحك : هههه أتغشمر وياك قولي ايش فيك فيصل ناظرها بنص عين : متى ناوية تخلين الملكة غصون تفكر : اهمم إذا خلصْتْ الجامعة فيصل : حرام عليك طيب الزواج بعد 5 سنين بس الملكة في الإجازة غصون : سوري فيصل : بلا سوري بلا مصري في الإجازة غصون تناظر الجوال إلي يرن : No Ican't " لا أستطيع "عن أذنك أبطلع صديقتي تنتظرني عند الباب فيصل : الله معك ღ..ღ أول ما دخل استقبلته دانة دانة : يبه شفت أنا يوم كنت كبيرة كانت عندي ملابس زي حقت ديما أبو ديما شالها : حركات بنتي أجل كنتي دكتورة دانة ببراءة : أي كنت دكتورة و كنت أعالج المريضين أبو ديما : إن شاء الله ترجعين كبيرة مرة ثانية و تصيرين دكتورة دانة : أن شاء الله أم ديما : جيت أبو ديما : ما تشوفيني قدامك شخبارك أم ديما : بخير الحمد الله و أنت شخبار الشغل اليوم أبو ديما وهو يجلس : و الله ماشي أم ديما : تبي العشاء ألحين أبو ديما : يا ليت جوعان مرة أم ديما : دقايق و تلقاه جاهز ღ..ღ غصون : ما راح نعزم إلا صبايا توب و نورة و حنين و أماني أريم : من خوالي ما فيه كلهم من الشلة غصون : صح و البنات كل وحده بتنادي قريباتها البنات منهم و رغد و أمل عزمناهم أريم : أحسن يصير حلوه الحفلة ترت .. ترت « نغمة مسج غصون : جوالك أريم أريم تفتح المسج وتقرأه أنتشر فايروس يصيب البقر فحبيت أتطمن عليك المرسل : سارونة غصون قرأت معها : هههه هههه أريم : هههه سارونة صايره تستهبل كل يومين ترسل لي مسجات زي كذا غصون : هذا أحد عوامل إبعاد الطفش أريم : هههه ايش رأيك أرد عليها غصون تفكر : همم لقيتها أريم تكتب : قولي غصون : لو تلقى كنز لو تركب بنز أو تلبس جينز ما تتغير يا عنز أريم : بنت أختي مو عنز غصون : من طقك على يدك تطلبين رأيي أريم : أرسلتها ღ..ღ الفجر غادة : وتين جهز فستانك حق زواج عمتك نورة وتين : أي أمس وصل من باريس غادة : عجبك وتين : أي مره شياكة مو أنتي مساعدتني في الاختيار غادة : احم .. احم وتين : طيب أنتي خلصتي تجهيز زواجك غادة : أي عاد أنا حالة مميزة ما في زواج ولا حركات وتين : لا يغمى عليك كل هذا تميز غادة : هههه خليني أفرح أرقع لنفسي أبسافر و بتفقدوني وتين : الله يرجعك بالسلامة غادة : الله يخليك ~{ انتهى ،، توقعآتكم يآالغوآلي ~ | ||||
|
| |
|
| أدوات الموضوع | |
| انواع عرض الموضوع | |
|
|
1Likes
العرض العادي
