آخر 10 مشاركات
فجر يلوح بمشكاة * مميزة ومكتملة * (الكاتـب : Lamees othman - )           »          311 - لن ينتهي الرحيل - الكسندرا سكوت (الكاتـب : سيرينا - )           »          غريب الروح * مميزة ومكتملة * (الكاتـب : Heba aly g - )           »          ودواهم العشق * مميزة ومكتملة * (الكاتـب : emy33 - )           »          423 - امرأة من دخان - سارة مورغن (الكاتـب : ^RAYAHEEN^ - )           »          إمرأة الذئب (23) للكاتبة Karen Whiddon .. كاملة مع الروابط (الكاتـب : nagwa_ahmed5 - )           »          ضلع قاصر *مميزة و مكتملة * (الكاتـب : أنشودة الندى - )           »          وحدها تراني (19) من سلسلة لا تعشقي أسمراً للكاتبة المبدعة: Hebat Allah (كاملة&مميزة) (الكاتـب : Hebat Allah - )           »          نقطة، و سطر قديم!! (1) *مميزه و مكتملة*.. سلسلة حكايات في سطور (الكاتـب : eman nassar - )           »          بين نبضة قلب و أخرى *مميزة ومكتملة * (الكاتـب : أغاني الشتاء.. - )


العودة   شبكة روايتي الثقافية > قسم الروايات > منتدى الروايات والقصص المنقولة > قسم ارشيف الروايات المنقولة

موضوع مغلق
 
LinkBack أدوات الموضوع انواع عرض الموضوع
قديم 24-02-14, 07:45 AM   #1

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
Rewity Smile 1 أرملة ولكن صغيرة بقلم/ mryo0om25





بسم الله الرحمن الرحيم

الحمدلله والصلاة والسلام على رسول الله وعلى آله وصحبه أجمعين

السلام عليكم ورحمة الله وبركاته

أعضاء روايتي الغالين نقدم لكم رواية

(( أرملة ولكن صغيرة ))

بقلم/ mryo0om25





قراءة ممتعة للجميع ......





التعديل الأخير تم بواسطة فيتامين سي ; 24-02-14 الساعة 10:07 PM
فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


قديم 24-02-14, 07:47 AM   #2

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي


بسم الله الرحمن الرحيم
والصلاه والسلام على اشرف الخلق سيدنا ونبينا محمد عليه أفضل الصلوات والسلام..
وبعد...

القصه جت ببالي وكتبتها...هذي اول قصه لي..سامحوني ع القصور...اذا حبيتوا القصه وشفت ردود راح اكملها..بس اذا شفت الاقبال عليها شوي بس ما راح اكملها..

الشخصيات الرئيسيه...

فهد 31متزوج من نوره من 6 سنين بس لين الحين الله ما كتب لهم عيال...
ميثه.أرمله..22..زوجوها أهلها يوم كان عمره 18 وحملت بعد سنه من زوجها ..بس المصيبه زوجها الله يرحمه ما هناها ابد فعيشتها..عذبها عذاب مختلف..كان كل ليله يسكر ويضربها..أهلها ما كانوا يعرفون انه يسكر والا ما كانوا زوجهوا له...فيوم من الايام وكانت توها بشهرها الثالث..يا البيت سكران قبل صلاة الفجر..ومخربط... دخل فالصاله وما لقى جدامه اكل..فصعد فوق ومسكها من شعرها وقامت متخرعه وتصارخ..وهوه يسحبها ومب فوعيه ويسحبها لين وصل نص الدرج ورماها وطاحت على الارض وهيه مب بالدنيا ..حطت يدها على بطنها وغابت عن الوعي..ما صحت غير الصبح يخبرونها بفقدانها لجنينها...ما عرفت شو تقول او شوو تسوي..اكتفت بالسكوت المصدوم..ودموعها اللي يخبرن الدكتوره بمدى حزنها..رغم انها ما تبي تيب ياهل يعيش مع ابوا قاسي وما يخاف ربه...بس بنفس الوقت حست بفقدان جزء من روحها...بعد فتره ردت بيت اهلها..وامها حالفه انها ما اتطب بيت زوجها السكران..ولكن اللي فاجئ الجميع..ان زوجها من كثر ندمه باللي صار بولده تم يسكر ويسكر يحاول ينسى بس للأسف ما قدر ركب سيارته وساير صوب بيت اهل حرمته لكن صدم عمود الاناره وتوفى بنفس اللحظه..
...عقب وفاة زوجها ميثه اشتغلت بالبلديه وما حبت احد يهتم فيها..فصايره مهتمه بنفسها وبأهلها صح ان ما عليهم قصور بس عقب ما تزوجت حاسه انها كبرت فوق عمرها 30 سنه زياده وتبي تعتمد على نفسها ..
ميثه راجعه من شغلها...
ميثه تداوم فبلدية العين..وماشالله عليها متفوقه في وظيفتها..حبيت اوضح ان ميثه متنقبه..وماشالله عيونها تقتل من حلاتهن..وبيضاء وطولها نص نص ..وشعرها اسود طووويـــــل شوي ويوصل ركبتها..وغليظ ماشالله..
وصار لها سنه من اشتغلت الكل يشهد بمدى اهتمامها وتفوقها مع انها ما درست جامعه بس عندها دورت كمبيوتر وتتقن اللغه الانجليزيه
....
فتحت الباب ودخلت :السلام عليكم
ام ميثه يالسه تشوف التلفزيون ابتسمت:وعليكم السلام ورحمة الله..الله يعطيج العافيه
ميثه تقربت وحبت راس امها:ويعافيج ويسلمج من الشر
ام ميثه من تشوف بنتها تحس بالذنب.وحليها صغيره وارمله.وفوق هذا فقدت جنينها بيوم اغبر..حسبي الله عليك يا جسوم(زوج ميثه المتوفي)
ام ميثه:نامي...نأأأأأأأمي وثول!!ما تسمعين.؟
ميثه مبتسمه وتفصخ نقابها وشيلتها وتحطهن جنبها وترتب قصتها الجداميه..
ميثه:شو تبين منها؟
ام ميثه:اباها تيب لج الغداء
ميثه:لا امايه بس ما اشتهي((وتوقف وهيه تشيل شنطتها وشيتها ونقابها
ميثه تكمل:اليوم فاطمه يايبه فطاير كليت كمن حبه واحس عمري منترسه..بروح اتسبح اتنشط شوي ويأذن العصر..
ام ميثه:ع راحتج حبيبتي...
..............
نروح عند فهد اللي نايم..و نوره اللي تشوف التلفزيون فالصاله في قسمها....

نوره شافت الساعه فتلفونها جلكسي نوت3..
ونزلته وهيه حاطه ريل على ريل...
بوصف لكم نوره...نوره عاديه جدا بس دايم تحاول تخلي من نفسها قمه فالجمال والكشخه..دايم تحط من هالاصباغ فويها..وشعرها صابغته بندقي مع خصلات فاتحه ويوصل لين بيت اكتافها...وجسمها مستوي مثل الشوكه يابسه وايد وضعيفه.اوين تهتم بصحتها ..ما تاكل اي شي ومهووسه بالسعرات الحراريه وبالوزن وبكل شي يخص الرشاقه والجمال..مع ان لي يشوفها يقول مب زود الحلاه 0(يعني مو حلوه وايد عـــــاديه)
اما فهد ماشالله عليه اللي يشوفه يقول بدوي ريج ماشالله عليه حليو بشرته حنطيه شوي وخشمه طويل وعيونه تحس فيهن غموض..
...فهد يتقلب على السرير وبعدين يرف راسه يدور تلفونه يبي يشوف الساعه..
شافها الساعه3:20..قام من سريره وطلع للصاله وهوه يحك راسه وبطنه من تحت الفانيله..
فهد يتثاويب ويكمل حك:ليش ما وعيتيني.؟
نوره ابتسمت وقامت:الحين كنت قايمه اوعيك
فهد ابتسم وشكله نايم نص نص..
ورح للحمام(غزكم الله)وهوه حاط الفوطه على كتفه...
................................
تحت فالصاله الكبيره...
ام فهد ترف بعينها تشوف الدري وترد تكمل لبو فهد اللي ملتاح لها وبأهتمام
بو فهد:انزين كملي
ام فهد بصوت واطي:والبنت على حد علمي..ارمله..
بو فهد عقد حواجبه:خيــــبه..عيل عوده
ام فهد/:اششششش..لاب عوده ولا شي..
بو فهد:توج تقولين ارمله
ام فهد:هيه بس عمرها 22
بو فهد:عيل نحيسه و تبين تجتلين ولدج
ام فهد بدون صبر...
ام فهد و ابو فهد دوم سوالف وضحك..ما جنهم متزوجين من اكثر من 36 سنه..دوم يسولفون ويضحكون مع بعض . في هالفتره يخططون يزوجون فهد..يبون يشوفون احفاد..
ام فهد بدون صبر:ريلها القبلي دوم سكران وما يخاف ربه..والا يوم انه يدعم ويتوفى المسكيه كانت عاقه وزعلانه فبيت اهلها..
بو فهد بشطانه وبسمه على يانب:جن خطبتيها لي عيل
ام فهد مسكت الوساده الصغيره وفرتها على ويهه وبشكل معصب شوي مع انها تعرف انه يمزح معها:موب منك مني انا اللي يالسه اسولف وياك
بو فهد فاطس ضحك ...هههههه
فهد ونوره نازلين مع بعض وفهد يوم سمع ابوه يضحك ابتسم ابتسامه طويله :هالله هالله يا ربي لا تحرمني هالضحكه
ام فهد /:هههه اسمع ابوك اوين يبا يعرس
فهد وسع عيونه وضحك:هههه ابويه.!لا لالالاا
ما ضتني لو خالي اللي يبا يعرس جان ما استغربت..بس ابويه؟لا اااا حرام لا تظلمينه
نوره كالعاده دايمه دفشه فالحجي وما تقدر حد
نوره/:عمي على منوه حاط عينك؟
ام فهد طالعتها
فهد:هيهي هيهي (يحاول يرقع...:ابويه يسولف ويا امايه هيهيهي يهيههي بس سوالف
نوره بغباء:اهااا اتحرا صدق يبا يعرس
فهد:نوره حبيبتي يممكن تسوين لي شي اكله يوعان
نوره بصوت واطي :بس انت متغدي..تبا وزنك يزيد؟
فهد/:حرام عليج والله كلته تحسبين انه اكل؟ميت يوع هاتيلي اي شي
نورره قامت:بيب لك بسكوت دايت من فوق
بو فهد:دايت؟ام فهد شو يعني دايت
ام فهد:علمي علمك والله
بو فهد بصوت عالي لان نوره وصلت الدري وبتطلع:نوره هاتي بنشوف هالدايت اللي تقولين به
نوره:هههه انشالله عمي
فهد بعد ما طلعت نوره غمض عيونه:حرام بموت يوع ..هالدايت ذبحها والحين بتذبحني وياها
ام فهد يوم شافت نوره طلعت يلست عدال ولدها:اقول فهد
فهد استغرب:خير امايه؟
ام فهد:الخير بويهك..لقيت لك عروس
فهد كشر بويه ووقف:امايه انا كم مره قلت لج اني ما اريد اعرس..
ام فهد تلف اتشوف الدري وترد اتشوف فهد وتكمل:قصر حسك
فهد:قلت لج ما اريد و ع سالفه العيال هم ما اريد خلاص امايه فكيني
بو فهد بعد سكوت:اقول فهد
فهد يلس:نعم بويه
بو فهد:انت ما تحبنا؟
فهد وسع عيونه:افا!!! انا ما احبكم؟شو هالكلام بويه..يعني ان ما تزوجت يكون ما احبكم؟
بو فهد/:انا اقصد بموضوع العيال
فهد :بس نوره قد حملت..ما فيها شي..
بو فهد:حتى ولو يا بويه..الحين من متى من تزوجت..ابا اشوف عيالك قبل ما اموت
نوره كانت واقفد وتسمعهم بدون صوت..
هالموضوع صاير ينفتح وايد بهالبيت..ام فهد وابوه يبون يوشوفون عيال فهد وحيدهم..بس فهد مصر ما يتزوج.نوره عنده بالدنيا..رغم تصرفاتها الانانيه والمتكبره بس بعد يحبها وما يبا حرمه غيرها...

فهد حس بوجود نوره وقام يبا يطلع بدون ما يطالعها ويتحرك للباب:نوره خلاص ما ابي بسكوت..
وطلع
ام فهد وبو فهد يطالعون نوره
نوره طالعتهم بنظرات كره ورمت البسكوت على الارض انفتحت العليه وتناثر البسكوت على الارض.... وطلعت فوق والنار تاكل قلبها ما تحبهم..تكرهم..يلستها فهالبت بس عشان فهد..
..
ميثه تحط شيلتها السودا على راسها..جدام المرايه..ابتسمت على الخفيف حطت قلوس خفيف شفاف على شفايفها الورديه..غطت القلوس وحطته على التسريحه وطلعت..
ام ميثه حطت صينيه العصير والبسكوت على الطاوله الصغيره بنص صالة التلفزيون ولفت تشوف بنتها تنزل الدرج درجه درجه وهيه ماسكه موبايلها وشكلها تتراسل ومبتسمه..كانت ميثه لابسه كندوره اماراتيه كشخه ومسويله لها خصر وربطه من ورا..شكلها ضغيرونه وكيوت..
ام ميثه(حسبي الله عليك يا جسوم..بس الحمد لله يوم شفتها تبتسم..:هــــاه ميثاني اشوفج تتبسمين
ام ميثه تيلس ...
ميثه وصلت تحت ومبتسمه وشكلها خلصت مراسلها :هههه ولاشي..بس هاي شواخ تقول تبا تسير المول تاخذ فستان
ام ميثه مستغرب:ولين الحين هاي ما خلصت؟
ميثه تيلس عدال امها وتتناول العصر من الصينيه:لا والله حضرتها لين الحين ما لقت فستان..(وسعت عيونها:والله لو عرس علي انجانج شفتيني ما ايلس ولا اقر لين ايب فستان
ام ميثه:ههه صدقج والله..اقول ع طاري علي وينه اليوم ما شفتها؟
ميثه ترجع تحط العصير على الطاوله بعد ما شربت منه شوي:ما ادري احيده يقول عنده باجر امتحان وسار للمدرس يساعده شوي
ام ميثه وكأن الذاكره رجعت لها:اهــــاءء انا اقول وين يبا طالع مستعيل..توني تذكرت والله نسيت
ميثه :اقول امايه
ام ميثه ميتسمه وتشرب عصير:هممم
ميثه:شرايج نسير عمره؟
ام ميثه:والله صدقج..احسن من اليلسه فالبيت..نروح عمره نكسب اجر ومناك نتحوط شوي
ام ميثه مو وايد عوده ووايد مهتمه في نفسها يعني حرمه مترتبه وكشخه..
ميثه:ابويه متى بيرد.؟
ام ميثه:توني مسكره من عندها يقول هاليومين بيوصل انشالله
ميثه:الله ايبه بالسلامه
ام ميثه:امين
..............................
نوره تتكلم فالموبايل وشكلها معصبه:وبعدين يعني؟
فهد فالجهه الثانيه ساند راسه بيده ويحك يبهته بشوي شوي وكأنه يفكر:والله يا نوره ما ادري شو اسوي حاشريني حشره
نوره تيلس :تبا تفهمني انك موافق يعني تتزوج علي؟وانا؟
فهد يرفع راسه و يتنهد ويشوف المناظر من فوق جبل حفيت:والله يا نوره..اني ما ابا حد غيرج..بعيال والا بدون عيال
نوره ابتسمت بس تمثل بزعل:عيل ليش كل مره هالكلام..(تصيح,,,,
فهد:بعد قلبي يا نوير لا تصيحين ..والله والله ما تهونين علي
نوره:رد البيت الحين اباك ترد البيت..ما احب ايلس بروحي
فهد يشوف ربيعه سيف ياي يمشي صوبه
فهد:نوره ...عطيني ساعه بالكثير وبيي
نوره تمسح عيونها:زين اترياك
فهد:مع السلامه حبيبتي
نوره تسكر الخط وتمش عيونها زين وتعقد حواجبها:ماعليه يا عويش تبين تيوزينه؟(عويش ام فهد اسمها عاشه..بس شو نقول هاي بلا احترام..
.............
ام فهد:والحين؟
بو فهد يخوز عقاله و غترته وحايس يوز:مدري ..اباه يعرس بس هالنسره ما بتخليه
ام فهد:تباني اكلم امها واحطه جدام الامر الواقع؟
ام فهد:لا لا لا لاا هذا مينون بيعفس الدنيا..اباه ياخذها برضاه
ام فهد:عيل شو نسوي...؟تحط ايدينتا على خدنا نترياه ايي بروحه يقول ابا اعرس؟
بو فهد لف يشوفها زين وقال:اقول عوشه
ام فهد:خير!
بو فهد:اتصلي عليه وخليه ايي بسرعه
ام فهد:ليش؟!
بو فهد حط يده على صدره وتم يكح
كحححححححححح كحححححححححح كحححححححححح
ام فهد تروعت:بلاك بلاك؟شو استوا بك؟
بو فهد ضحك:ههههه صدقتي؟
ام فهد طلعت نفس بقو:حسبي على ابليسك روعتني
بو فهد:خليه ايي وانا براويج فيه..اعنبوه نبا نشوف عياله>>خطير هالشيبه..ع فكره ترا دوم سوالف وغشمره وضحك
ام فهد ابتسمت ومسكت تلفونها وبتمثيل:فـهـد يمه تعال الحق ابوك ما ادري شو فيه>>حتى انتي مب هينه ويالسه تحسب ع ابليس ريلهاــــــ*
بو فهد يكمل تمثيل ويتقرب من التلفون ويكح من خاطر...كححححححح كححححححححح
فهد واقف يربع للسياره وسيف وراه
فهد:امايه طلعي بطاقته ابسرعه يالله ياي
..سف:عسى ما شر؟؟؟
فهد يركب:ابويه تعبان شوي يالله برايك بو هناد السموحه
سيف:سر سر ابسرعه وطمني عليه
ويتحرك فهد بعد ما يشعطه بوييـــل ....
ام فهد توايج من باب غرفتهم ويوم تشوف فهد ترد تربع داخل وتغمز لبو فهد
بو فهد فهم:كحححححح كحححححح
ام فهد يلست عدال زوجها وتمسح على صدره:سلامات سلامات بو فهد
فهد يفتح الباب بقو:ابــويه(يركض لبوه:ابويه شو بلاك شو فيك؟؟ مساعه طالع عنك ما فيك شي
بو فهد الممثل:تعباااان..حاااس يومي قرب
ام فهد وسعت بعيونها(لا حول ولا قوة الا بالله يبا يجتلني هالريال)
فهد صدق صدق خايف من خاطر يحاول يقوم ابوه:قوم قوم ابويه خل اوديك المستشفى
بو فهد وسع بعيونه خلاف وخطف نظره لام فهد و يبس عمره ما يبا يطلع من الشبريه:لا لا يا بويه ما اريد اسسير المستشفى..ابا(يكمل تمثيل:ابا ايلس وياكم...فهد يا ولديه..انت ريالا البيت...الله يبارك فيك يا ربي ويسلمك من الشر...يا ولديه...ابا...ابا.......كححح كححححح
فهد:ابويه ريح عمرك دخيلك لا ترمس
ام فهد تبي تضحك وماسكه نفسها...
بو فهد:لا يا ولديه لازم اكمل...ابا...ابا
فهد:خير يا بويه شو تبا؟؟
ام فهد وصل حدها وطلعت بسرعه قبل ما تنفجر ضحك وتخرب الخطه....
فهد يوم شاف امه تربع لخاري وماسكه فمها يحسب انها تصيح..(ما يدري بالضحكه)ورد يشوف ابوه المتألم التعبان...
بو فهد:ابا..ابا اشوف ...ابا اشوف حفيد...
فهد وسع عيونه:هذا وقته؟؟؟؟؟؟؟؟؟؟؟؟؟
بو فهد:هيه ..انا بموت ولا شفت عيالك...حرام عليك يا ولديه تحرمنا منهم..
فهد عوره قلبه...:ابويه..
بو فهد يمثل انه معصب بألمه:شوف يا فهد...
تراني بموت وانا مب راضي عليك...وين بتروح من ربك بعدين؟؟
فهد:بسم الله عليك يا بويه.خلاص خلاص اللي تباه بس لا تتعب نفس الحين(قالها عشان يسكت ابوه ما يبا يتعبه...
بو فهد وسع عيونه:صدق؟يعني بتتزوج؟
فهد :هيه هيه خلاص بس يالله قوم نسير المستشفى
بو فهد يلس بسرعه ولا كأنه مريض(خرب ابو التمثيلـــــــــ**
بو فهد:ام فهد..ام فــهــــــــــــد
دخلت ام فهد والل شكل عيونها محمره من الضحك:خير بو فهد
فهد:ابويه!؟
بو فهد:وافق وافق فهد سيري اتصلي بأمها وخبريها بنيهم باجر الضحى
ام فهد مبتسمه بالقو:انشالله انشالله
فهد مو مستوعب اللي يصير جدامه...
بو فهد يكلم فهد:انشالله انشوف عيالك
فهد فهم شوي ووقف:"شوووه؟اي عيال؟؟شو تقول انته؟؟ابويه انا ما ابا اعرس
بو فهد طلع من سريره كأنه حصان:لا بتعرس ..وخلاص سمعت موافقتك بأذني هاي(يأشر على أذنه..:
فهد|:بس ابويه انا\
يقطع عليه بو فهد ويقول:تبا تمرضني يعني انته؟؟؟جم ولد عندي انا؟؟؟هاه؟؟؟قول؟؟؟؟؟؟
فهد نزل راسه...رفع راسه...:ابويه انت ما فيك شي؟
بو فهد توه انتبه ويلس وحط يده على صدره:الا!!!!تعبان انا...كححححححححح بس يابوك من فرحتي ما حسيت بعمري
فهد يشوف ابوه بنص عين وبوفهد يتفادى نظرات فهد وينسدح على سريره زين ويتلحف
ام فهدتدخل عليهم وكاشخه:توني كلهمتهم
فهد يطالع امه بنص عين...:يعني الحين يالسين تمثلون عليه؟
ام فهد تعدل لحاف بو فهد ويتكلمون بالنظرات بس
بو فهد بعيونه(طلعيه عني لا اضحك
ام فهد(كيف؟
بو فهد(ماادري
ام فهدتتكلم ويافهد:يالله ابويه خل ابوك يرتاح واطلع عنه
فهد شك فيهم وام فهد تطلعه برا:ابوك بيرجد وبرتاح انشالله واذا تعب زياده بنوديه المستشفى>>عاجبها الدور وماشيه فيه
تسكر الباب على بوفهد اللي يلس وتنفس بارتياح بعد ما طلعوا عنه:حشى...مابغى يوافق؟! كححححححححح(وسع بعيونه:يبت لعمري المرض من كثر ما فاولت على عمري..بسم الله عليه بسم الله عليه..(وقف ودش الحمام(اكرمكم الله)يتسبح......
ام ميثه عقب ما سكرت ام فهد عنها نادت ميثه اللي توها نازله تبي تروح السوق ويا شواخ بنت خالتها...
ام ميثه:تعالي امايه ميثه ابغيج بسالفه


..انتهى البارت الاول واتمنى انه يعجبكم..
واذا شفت اقبال على قرائته بيكون في بارت ثاني ..



فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


قديم 24-02-14, 07:49 AM   #3

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي


البــــــــــــــــــــــ ــــارت الثاني...


ام ميثه عقب ما سكرت ام فهد عنها نادت ميثه اللي توها نازله تبي تروح السوق ويا شواخ بنت خالتها...
ام ميثه:تعالي امايه ميثه ابغيج بسالفه
ميثه تيلس عدال امها وتحط نقابها وشنطتها بحضنها:خير امي
ام ميثه:بويهج ياامايه...
ام ميثه كانت ناويه تقولها بس قالت احسن اتريا ابو ميثه يكلمها احسن
ام ميثه:ااه؟لا لا ماشي..وين قررتن اتسيرن
ميثه حست ان امها تبا تكلمها بموضوع بس غيرت رايها بس سوت انها ما انتبهت وقالت:العين مول..فساتينه حلوه..
ام ميثه:وانتي؟
ميثه:مالي خاطر اسير العرس انا بسير عشان شيخه تبا فستان
ام ميثه:لا والله وهاي حلفه بعد..يتسيرين يعني بتسيرين..حلوه هاي!!ولد خالتج بيعرس وانتي ما بتحضرين
ميثه قامت تضحك بشوي شوي:خلاص خلاص ..بشوف شو يصير ويايه..(تلبس نقابها
ام ميثه:دوري لج فستان حلو
ميثه:ههه انشالله امايه (تمسك شنطتها وتطلع مفاتيح سيارتها:يالله امايه شي فخاطري؟
ام ميثه:الله يحفظج ولا تنسين تاخذين فستان
ميثه:ههه انشالله يالله مع السلامه
ام ميثه:بحفظ الرحمن..
ميثه تطلع.............
نوره منسدحها على الشبريه واتصيح..فهد جنبها وحاط يده على كتفها يجاول يهديها..
فهد:خلاص نوره قطعتي قلبي؟دخيلج لا تصيحين..والله ثم والله اني احبج والعرس كله موفبالي..بس شو اسوي ببويه وامايه ابويه تعرفين انه من متى حاشرني !بس الله يهديهم ما فيهم صبر..والله تعبت من كثر ما اقولهم صبروا نوره حملت مره وانشالله بتحمل مره ثانيه..ومناك ما اريد اغضب ابويه وامايه عليه..
نوره تيلس مرتبكه وعيونها تدمع والكحل مسوي بلاوي..
نوره تحاول ما تبين ارتباكها:ماابيك ما ابيك طلقني..ما اتحمل انك تاخذ وحده علي...طلقني اقولك..
فهد وسع عيونه:استهدي بالله يا حرمه وماله داعي هالحجي..انتي تعرفين زين اني ما بقلبي غيرج.
نوره حاطه يدينها على ويها:ما اباك طلقنييي
فهد يهز راسه:لا حول ولا قوة الا بالله
نوره تقوم من على السرير وتروح لغرفة الملابس..ويلحقها فهد
نوره تدور الشنطه الكبيره وتفتحها وتبدا تحط ملابسها وتمسح دموعها..
فهد:يابنت الحلال ما بخذها ما بخذها..
نوره:لا والله.!؟!!؟!عيل من شوي شو تقول؟؟انا بسير بيت اهليه طلقني..
فهد عصب ومسكها من ذراعها:طلاق مب مطلق...فاهمه؟؟؟؟|(فتح يدها وبحنيه وكأنه يتوسل لها:اسف نوري..بس لا تخليني اعصب..انا احبج وما ابي اخسرج..واذا عصبت بكسر الدنيا جدامي
نوره يلست على الكرسي العريض اللي بنص غرفة الملابس جنب الشنطه...:وليش ما ترد عليهم ليش ما تقولهم انك ما تباها
فهد يلس جنبها يوم شاف انها هاديه..
فهد وكأنه يكلم ياهل:حبيبتي..والله من متى وانا معارض تعبت من كثر ما قلت لهم ما اريد اعرس..ابا اسّكت ابويه بس..حتى ولو وصار وتزوجتها..مالي دخل فيها..انا لج انتي وبس...بيبها وبتوحها فالحجره ..
نوره:شوووه؟؟؟بعد بتسكنها هنيه؟؟؟؟؟؟؟؟؟؟؟؟؟؟؟حرام عليك حرام عليك(تصيح
فهد:لا حول ولا قوة الا بالله..وين تبيني احطها؟؟ما عندي افتح بيتين..
نوره:ما اريد ما اريد..مثل ما خطبوها لك خلهم يتكفلون ببيتها انا ما اريد اجابلها كل يوم فويهي
فهد:خلاص ولا يهمج ما يصير خاطرج الا طيب بخبر ابويه وبقوله بعد شوه!؟
نوره وقفت وقالت:عندي شرط
فهد وقف:آمري تدللي
نوره:زواجكم يكون على ورق وبسسس
فهد:قصدج...
نوره:انت فاهم قصدي..زواجكم على ورق وبس..والعيال انا اللي بيبهم لك مو هيه
فهد:خلاص ولا يهمج شو ابا فيها دام غناتي وقلبي نوره موجوده
نوره:وشرط ثاني بعد
فهد:اللي تبينه بسويه اهم شي ما اشوفج متضايقه وزعلانه
نوره:كل يوم تبات عندي
فهد:اوووه!!هاي قويه..ما اقدر عليها
نوره:من أولها؟؟خلاص خلاص انا مو موافقه ولا شي
فهد:ههه نوره حبيبتي شو بقول لبويه يوم يشوفني كل يوم ابات هنيه؟!مره مرتين بروم ألقا غذر بس مو كل يوم..صعبه
نوره:دبر عمرك ما يهمني
فهد:بحاول
نوره:لا مو تحاول اكيد.
فهد:خلاص اكيد ولا يهمج..
نوره:وثالث شرط
فهد وسع عيونه:بعد؟؟؟؟؟؟؟؟؟
نوره:ماشي عرس ولا شهر عسل
فهد:ههههه وفي هاي انا وياج..بعدين هيه ارمله عوده شو تبا فالاعراس ما بسوي عرس ولا شهر عسل
نوره يلست مرتاحه شوي...
نوره محد يعلم باللي فخاطرها..وليش قالت له هالقرار..بس بيني وبينكم يتعلق بالمعصيبه اللي سوتها لفهد...وفهد ما يدري بها.

نوره:فهد,,,شو....شو رايك...شو رايك نسافر؟
فهد يلس جنبها ويسوي نفسه يفكر:حبيبتي كم مره سافرنا؟؟وكل مره نفس الكلام...الواحد يتوكل على الله ويصبر..بس ولا يهمج..انشاالله بعد ما اخلص الدوره اللي عندي...
نوره:ومتى بتخلص؟
فهد يقوم ويفصخ الحمدانيه(الغتره الملفوفه على الراس):خل تبداء أول..محد يدري به هالمدير مره يقول هالاسبوع..ومره يقول عقب شهر..الله يعلم
نوره توقف وتمسك الغتره:بتطول؟
فهد:لا مو وايد..يمكن اسبوعين بس
نوره:ووين هالمره؟
فهد يفتح معاقم الكندوره:اعتقد فرنسا
نوره:الله..خل اسير وياك
فهد:/ههههه اتصدقين..انا قلت فخاطري..اذا بيكون الدوره نهار بس بشلج ويايه..بس اخاف يكرفوني ليل ونهار..بس ولا يهمج..انا بتخبر السكرتير بو فيصل هناك وبخذ العلوم من عنده.وبرد لج خبر
نوره مبسوطه وايد وتلمه..
فهد:ههههههههههه كل هذا عشان السفره.؟
نوره تفتحه وتقط الغتره على ويهه بغشمره
..........................ــــــــــــ ــــــ*ـــ^

المول........
شواخ:اقول ميثه شو رايج بهالمحل؟
ميثه تلف تشوف :هيه والله..يالله تعالي ويايه انشوف
ودخلن المحل...........
شواخ طاحت عينها على فستان كحلي...ماسك من الصدر وواسع حيل من تحت
ميثه تشوف الفستان:الـــــله وايد حلو
شواخ:انا لقيت لي خلاص...يالله الحين دورج..شو رايج بهالسكري؟
ميثه:لالالال ما با
شواخ:ترا خالوتي قالت ما ارد اليوم البيت بدون ما ناخذ لج فستان
ميثه وسعت عيونها:بسم الله متى كلمتج.؟
شواخ:مساعه يوم دشينا المصلى نصلي العشاء
ميثه:اهاااا وانا اقول شو بلاج تتكلمين فالتلفون ثرج تكلمين الوالده؟
شواخ تدفرها من ورا:هيه..ويالله يالله تحركي خلينا نقايس..
ميثه ابتسمت ومشت وياها
.............
.............
بالباجر الصبح...........................
بو فهد:بيت بروحها؟
بو فهد وفهد يالسين في الصاله الثانيه بروحهم...
فهد:هيه ابويه..انتوا خطبتوها لي بس انا ما عندي اافتح بيتين ومناك..انا ما اريد مشكال وعوار راس..
بو فهد فهم عليه وانا الكلام مو كلام فهد..بس قال:ولا يهمك
فهد وسع عيونه وفخاطره يقول:معقوله بيسويها وبياخذ بيت؟؟؟؟لا لا لا
بو فهد:البيت موجود...
فهد:شوه؟؟؟مسرع!!!!بيت من؟؟؟
بو فهد:بو علي زهبت فلة ولده علي وبيتحول...وانا بقوله اني ابا فلتهم
فهد:بو علي؟؟؟اي بو علي هذا؟؟
بو فهد يأشر بيده لليمين:هذا يارنا
فهد وسع عيونه وياشر بيده وكأن الريال جنبهم واقف:هذا بو علي ما غيره؟؟؟؟؟؟؟؟؟؟؟؟؟؟بس هذا لاصق جداره بجدارنا!!!
بو فهد ببراءه:ليش انت عندك مانع؟؟؟؟؟
فهد:أه؟؟لا بس
بو فهد يوقف:قم بس قم خل انسير صوبه
فهد يقوم بسرعه:اصبر اصبر بلاك مستعيل؟؟انا ما عندي فلوس اخذ فلل
بو فهد:ومن قال انك انت اللي بتاخذها..انا اللي بشتريها بفلوسي انا ..
فهد:بس ابويه هاي فلة مو بيت شعبيه!!؟
بو فهد:الخير وايد والحمد لله
فهد يلس:ايلس ابويه ايلس ليش انت دوم مستعيل
بو فهد يمشي مطنشنه:خير البر عاجله ويمكن اطير من يدنا واذا ما بتسير ايلس برايك انا بسير له بروحي
يطلع بو فهد.....
فهد يحك راسه:ياربي...انا قلت بقوله عن البيت وبيكنسل..ياربي ابويه عنيد واللي براسه بيسويه
ام فهد من وراه:منوه ذا العنيد؟
فهد لف شافها ورد براسه على جدام:وفي احد ثره عنيد غير ابويه فهالبيت؟
ام فهد يلست جنبه:عيب عليك لا ترمس جيه عن ابوك
فهد بنص عين:يعني الحين تحاولين تقنعيني ان ابويه مو عنيد؟
ام فهد ببراءه:لا والله صدق كلامك من جهة انه عنيد.. فهو عنيد..بس ليش تقول جيه؟
فهد:قلت له اني ابا بيت ثاني للحرمه الثانيه
ام فهد:شوه؟؟ليش عاد؟؟في قسم عود فوق
فهد:امايه انا ما اريد المشاكل وعوار الراس..وجيه احسن لنا
ام فهد:انزين وبعدين.؟؟
فهد:ويوم خبرته قال بيسير لبو علي يارنا
ام فهد ابتسمت وموسعه عيونها:هيه والله صدقه بو فهد..بو علي بيتحول..وبناخذ بيته وبنشل الجدار اللي امبينا..وبيكونن فلتين بحوش واحد>>اشتغل مخ المهندس
فهد وسع عيونه ويطالع امه:اماااااااااااااااااه؟� �الحين انا وين وانتي وين؟؟؟؟؟؟
ام فهد:شووووووووه؟وانا صادقه...(تقوم وتمشي لبرا:بتريا ابوك فالحديقه..
فهد ضرب يبهته بيده:اخخخ ياربيييييي
وقف فهد وراح فوق عند نوره يخبرها بأبوه....
نوره واقفه ولامه ايدينها الثنتين:لا يعني لا..الحين انا هنيه متحمله وعايشه ويا اهلك وتي هاي وتسكن بفله كامله بروحها؟؟؟؟لا يعني لا.
فهد موسع عيونه:وبلاها عيشتج هنيه؟؟؟اهليه من متى غثوج بشي..
نوره تيلس ورافعه خشمها:ما اريد
فهد يلس زين ولم اصابع ايدينه مع بعض:والحين شوه يعني؟
نوره:تخلي عمي يشتري الفله لي انا.وهيه هاتها هنيه تخدم امك وابوك
فهد:اولا امايه وابويه مب شواب(كبار)عشان الواحد يخدمهم..وبعدين انتي من متى خدمتيهم؟؟امايه قايمه قوم بهالبيت بروحها..حتى خداماتج ما يسون شي غير طلباتج
نوره توقف:فــــهد؟؟؟يعني الحين تبا صدق تسكنها بفله بروحها؟
فهد وقف وشكله معصب:سمعي عاد..مب انتي اللي بغيت انها تسكن بروحها؟وان ابويه هوه اللي ياخذ البيت؟؟خلاص صار اللي تبينه..ابويه بياخذ فلة يارنا وبسكنها فيها
نوره تقرب منه وتحط يدها اليمين على كتفه اليسار وتسند راسها على كتفه اليمين..:حبيبي..خل نسكن بروحنا..انا مليت من العيشه هنيه...وهناك برتاح اكثر...وبعدين بنسوي باب امبينا وانت كل يوم عندهم..حبيبي دخيلك..خل اعيش مرتاحه ببيت بروحي..
فهد فخاطره(ياكثر طلياتج يا نوره..والله صرت ما افهم عليج...
نوره:شو قلت حبيبي؟
فهد:ما ادري...اخاف اقول لبويه ويكنسل ما ياخذها
نوره بسرعه وبيدينها الثنتين:لا لا لا لا خله ياخذها قبل..وعقب ما يشتريها بنتحول فيها..(بدون نفس:اما النسره خلها تسكن هنيه
فهد حاس بوز:اوفففففففف
نوره مبتسمه وتدف كتفها بكتفه:يالله عاد والله بناخذ راحتنا اكثر فبيت بروحنا
فهد حك يبهته........
صحيح ان شخصية فهد ممكن للبعض يقول انها شخصيه ضعيفه رغم شكله اللي ما يوحي بالضعف ابد..بس فهد حب نوره قبل الزواج...واهله كانوا معارضين لانهم ما يعرفون اصل البنت وفصلها..وكانوا يبون يخطبون له بنت خالته اللي عرسها بعد كم يوم(اللي بياخذها عبيد ولد خالة ميثه) بس فهد رفض وماطاع ياخذ غير نوره..وبطلعت الروح وافقوا اهله يزوجونه نوره..
بو فهد اتفق ويا بو علي على البيت وليش ان بو فهد صاحب وجار لبو علي ..بو علي ماقصر ونزل له من قيمة الفله وايد لخاطر عيون ربيعه بو فهد....وتوكلوا على الله واشترى بو فهد الفله ..

اليوم عرس عبيد ولد خالة ميثه.............

فالعرس..كان الكل حاضر....وحتى نوره زوجت فهد....

بعد صلاة العشاء طلعت ميثه وشواخ من الصالون متوجهات للقاعه........
.....من جهه ثانيه فهد وسيف يالسين يعبون بترول فالشيشه..
ميثه:اوه!!!لازم نعبي بترول
شواخ شهقت:الحين؟؟؟؟؟؟حلفي؟؟؟؟
ميثه:ههههههههه ليش احلف بعد؟فيها توصلنا القاعه بس ما فيها ترجعنا
شواخ طلعت عطر من شنطتها رشت شوي..
ميثه:هيه انتي
شواخ:تبيني انروح بترول يعني؟
ميثه:ههههه انزين صبري لين نخلص ونعبي قبل
ميثه وقفت فالشيشه جنب سيارة فهد
فتحت شوي من الدريشه بعد ما غطت عيونها بالشيله زين لانها متمكيجه
ميثه:عب 100
وسكرت الرديشه
سيف :شوف شوف
فهد لف وين ما يطالع سيف
سيف:شوف مب سياره عندها..شكلها غنيه
فهد يطلع بوكه ويشوف الفلوس:ونحن شكو؟شو نباها عليها بالعافيه
سيف يلف يشوفه:والله انك لوح
فهد يطلع 200 من اليوك:وليش عاد؟
سيف:ياخي حس فيه!!انا ع باب الله..وانت يا دووب ممشي عمررك
فهد:الله يطول عمر امايه وابويه..والوظيفه بعد ما محتاي شي والحمد لله نعمه من عن ربي
سيف:ما قلنا شي..بس بعد زيادة الخير خيرين
فهد يفتح الدريشه ومطنش سيف
فهد:حووووووووووو تعالي خلاص انترس التانكي
الهندي كان بيروح بس سيارة ميثه خلصت وهوه جنبها,,فرجع هوز البترول محله وسكر لها غطاء فتحتة البترول وراح لدريشتها وماشاف غير ال100 درهم ممدوده من طرف الدريشه حتى اصبوعها ما بينن
سيف يطالع يتلفت يمكن يلمحها ....
الهندي رجع لسيارة فهد .........
ميثه تتحرك جدامهم..وفهد حاسب الهندي ومشى وراها...
شواخ تفتح العشوه وتلف المكيف عليها:اووفففف بيخترب مكياجي
ميثه مغمقه سيارتها كامله ولو واحد برا مستحيل يشوف من داخل...
ميثه تفتح شوي من نقابها..ومبتسمه وطالعه تخبل مكياج حلو يجنن صح انه خفيف بس مخليها ملاك ماشالله...
سيف:غريبه
فهد:شو الغريب انشالله يا سيد سيف؟
سيف:ما تلاحظ انها تتجهه لقاعه العرس؟
فهد:انزين يمكن تكون معزومه انت شو تبا الحرمه .؟اول مره تشوف وحده تسوق؟؟؟
سيف:لا بس اتصدق خاطريه اعرف من هاي ياخي ياني فضول
فهد يعطي اشاره لها انه يبا يتجاوزها
ميثه تنتبه:شو يبا ها؟
شواخ تلف:منوه؟
ميثه:ماتشوفيه يعطي اشاره
شواخ:خوزي عن دربه شكله مستعيل
ميثه لفت عنه وفهد تجاوزها مسرع
ميثه بصوت واطي:الله يهديك عن هالسرعه
وصل فهد وسيف قبلهن للقاعه وسار يلس ويا المعرس اللي يكون صديق سيف وايد...بس يعرف فهد معرف سطحيه..يلسوا ويا الاهل يحرسون لين يتعشن الحريم ويدخلون العروس...
ميثه وشواخ دخلن القاعه فصخن عباياهن ويلسن سوالف بعد ما سلمن على امهاتهن...
ام فهد يت صوب ام ميثه:مرحبا مرحبا
ام ميثه مبتسمه ويوايهن بعض:ياهلا وغلا بالقاطعه وينج من زمان ما شفناج؟
ام فهد:ههههه الا انتي قاطعه محد يشوفج ولا شي
ام عبيد(ام المعرس وخالة ميثه وام شواخ)ياهلا وغلا والله يا هلا
ام عبدالله(ام العروس اخت ام فهد)يا هلا يا هلا
الكل يرحب ويأهل ويسهل...
ام فهد مسكت ام ميثه وشلتها يانب وقالت:يت ميثه؟
ام ميثه مبتسمه:هيه اكيه وين تشوفينها؟
ام فهد تشوف وين ما تأشر ام ميثه ووسعت عيونها..شافت ملاك ماشالله:ماشالله ماشالله..من زمان ماشفتها وايد متغيره وصايره قمر
ام ميثه:بسير ازجرها لج صبري
وسارت ام ميثه تنادي ميثه اللي ما عندها خبر بالموضوع...
ام فهد تسمي وتقرا على ميثه لا يصكونها الحريم بعين...
ميثه استغرب:منوه هاي امايه؟
ام ميثه تمسك بنتها بيدها وتمشيها صوب ام فهد:بتعرفين بعدين تعالي سلمي عليها
والحريم يطالعن ميثه من الصبح وخاطرهن يعرفن من هالقمر...
ام فهد تفتح ايدينها وتلم ميثه المنصدمه وتبوسها شرق وغرب:هلا هلا ببنتي ميثه هلا بالعروس هلا
ميثه انصبغت احمر..بس ما حبيت كلمة عروس ميثه:هلا والله خالتي شحالج؟
ام فهد ماسكتها من ذراعها:تف تف تف عليج من العين بسم الله عليج
ميثه منصدمه وتطالع امها
ام ميثه:هههههه الله الحافظ يا ام فهد
ام فهد تسحب ميثه وتيلسها جنبها:يلسي امايه يلسي
وميثه مفتشله ما تبا تيلس بس يلست لا تفشل الحرمه
ام فهد:جنج ما عرفتيني
ميثه مستحيه وطالعت الصحن اللي جدامها مفتشله
ام فهد تضربها على كتفها بخفه:افا بس افا انا خالتج ام فهد..نسيتين يوم ايب لج البثيث؟
ميثه تذكرت ووسعت بعيونها:خـالوه عاشه؟
ام فهد:هههههههههه توج تتذكرين؟
ميثه حطت المستحى جنبها ولفت عليها تشوفها:من زمان ماشفتج خالوه والله متوله على بثيثج
ام فهد بسوالف:ههه الحين متولهه على بثيثي بس؟
ميثه ردت لبست المستحى:ههه لا خالوه مب قصدي والله ..بس صدق تولهت عليج
نوره وقفه ورا ميثه وبدون نفس ورافعه خشمها:هذا مكاني
ميثه انصدمت ووقفت:اسفه والله مو قصدي ايلس مكانج..تفضلي استريحي
ام فهد ما عيبها اسلوب نوره..بس لو تدري انها تباها لفهد ان جان جتلتها الحين
ام فهد تاشر لكرسي ثاني:انزين يلسي الكراسي وايد
نوره تيلس محل ميثه ومسويه طاف لام فهد اللي انقهرت
ميثه حست بحساسيه فالجو:خالتي انسير انسلم عالعروس ؟قبل ما يدخلونها خلاف بيدخل المعرس وما بنواحي
ام فهد تقوم مبتسمه وياها ويسيرن مسويات طاف لنوره المقهوره محلها ومب مطمنه لميثه ابد...بيني وبينكم غارت من ميثه بحلاتها وجسمها الغرشوب وشعرها الطويل اللي فاتحته وشوي لا يوصل ركبتها...حست بقلبها يدق بقو من شافتها ما ارتاحت لها...
ام فهد ماسكه يد ميثه المنحرجه منها ويمشن صوب غرفة العروس...وقفتهن حرمه وتسلم عليهن وعقبها خمس حريم وكل مره حد ايي يسلم بس بصراحه الحريم يبن يعرفن ميثه بنت منوه؟؟؟
ام فهد عرفت زين لهن بس عرس وما تبا الحريم يقولن ما تبا تسلم عليهن.
ميثه داخ راسها من كثر الحريم اللي يسلمن عليهن بس مب مستوعبه
الحريم بكلام متداخل:شحالج امايه..بنت منوه انتي...؟....بسم الله عليج..الله يحفظج لهلج...ماشالله ماشالله..
ام فهد مسكت ميثه بقوه وقالت:هاي حرمة ولديه
ميثه انصدمتO~oO~
ام فهد مشت بميثه لغرفة العروس وميثه مصدومه والحريم تفارجن بعد ما خاب املهن ..
ام ميثه مسكت يبهتها:الله يسامحج يا ام فهد اسميج عكيتي وانا ما رمست البنت بعدني(عكيتي=خربتي الموضوع
.....
ميثه قالت فخاطرها يمكن ان ام فهد قالت جذيه عشان الحريم يسكتن او شي..لا لا ما ظنتي..احسن ما افكر وايد
ام فهد وميثه سلمن على العروس وراحن وميثه استأذنت من ام فهد وراحت عند شواخ
..................
بعد ما خلص العرس............
فبيت بو فهد....
فهد:هاه امايه عسى استانستوا بالعرس.؟
ام فهد:يالله يالله ع العرس و اللي بالعرس
فهد ما فهم؟؟؟
نوره:اقول عموه
ام فهد:قولي
نوره:منوه ذيج البنت اللي كنتي تكلمينها وسرتي وياها عند العروس؟
ام فهد:وحده>>ياخطير انته محدش أدك
نوره:ادري انها وحده وانا قلت واحد؟
فهد ما عيبه كلام نوره وطالها بنظره نوره تتدارك الوضع:اقصد يعني اذا معرسه لو لا
ام فهد:لا والله مو معرسه مخطوبه
نوره:اهااا قلت فخاطريه جن تعرفينها زين بناغي عمتيه اتدور حرمه لعبدالرحمن ولدها
ام فهد:لا لا لا لا خله يستريح هالبنت بالذات لا
نوره بصوت واطي:خيبه وانا شقلت كلتني
فهد\:هههه شمعنا هالبنت يعني؟دام نوره عاجبتها خطبوها لولد عمتها
ام فهد:ما تفهم انت هاي بالذات لا
فهد:ابا اعرف انا انتي ليش مصممه لا لا لا!!!؟
ام فهد بصوت واطي:لانها خطيبتك
نوره سمعتها ووقت بسرعه:شوووووووووووووووووو� �ه؟
فهد ما مستوعب ما يجمع ابسرعه
ام فهد بعفويه:حشى مب أذون عليها|
نوره انصدمت من حلاة هالبنت وقالت اكيد فهد بيستخف عليها ان شافها...وانها مو عوده مثل ما كانت متوقعه
نوره:خطيبت فهد؟؟؟ حسبي الله عليج..حسبي الله عليج
وطلعت تربع فوق........
فهد توه استوعب ان نوره شافت خطيبته فالعرس..ولا فوق هذا اعترفت انها حلوه تبا تخطبها لولد عمتها..والحين اكيد نوره بتستخف صدق...
فهد:امايه!!!!شو هالكلام الله يسامحج
ام فهد حاطه يدينها على صدرها وموسعه بعيونها:تحّسب عليه سوّد الله ويها
فهد بصوت قوي:امايه؟؟؟؟؟؟؟؟؟؟؟؟
ام فهد عقدت حواجبها:وانت؟؟؟ مب رايم تمسك حرمتك وتربيها؟؟؟؟؟
فهد وقف ما عرف شو يقول غير:لا حول ولا قوة الا بالله..اكيد بتكثر المشاكل الحين يا امايه وانا مب ناقص..كفايه شغلي
وطلع فوق .....
ام فهد:علمته حسبي الله عليها..مب رايم يتحمل كلمه من حد..وانا شو قلت تراني..خطيبته!!!>>بيّض الله ويهج بس عكيتي
...........
......................
ميثه موسعه بعيونها:يعني صدق؟؟؟؟؟؟؟
ام ميثه:هيه يامايه ..هيه خطبتج لولدها فهد..ما تذكرينه فهد؟
ميثه:يا امايه اي فهد الحين اي خرابيط ومن قالج اني ابا اعرس؟؟
(ميثه تذكرت معاناتها ويا جاسم الله يرحمه...
ميثه وقفت بسرعه:مو موفقه..
ام ميثه وقفت:يا بنتي يلسي شوي
ميثه شوي وتصيح:امايه دخيلج..انا ...انا..........انا ارمله...تعرفين شو يعني أرمله؟
ام ميثه:وحلوه وصغيره..والا سواه بج جاسم انسيه الحين..خلاص يامايه..حمدي ربج انج ما يبتي ياهل منه والا بيحشرونا اهله هالخمه..وبعدين انتي وايد صغيره على كلمة ارمله
ميثه:بس انا ما نسيت.كيف انسى شخص هاني وعذبني وفوق هذا جتل لي ولدي؟.ما اريد اعرس..دخيلج يا امايه لا تغصبوني مثل ما غصبتوني على جاسم...يعني الحين يتنكرين اني أرمله!
ام ميثه:ما انكر..بس سمعيني عدل....من بيطق بابنا غير الارمل والمطلق واللي معرس والشواب؟؟
ميثه مب قادره تستوعب امها شو تقول
ميثه:الحين انتي تبين الفكاك مني؟؟؟؟انا مضايقتنكم بشي؟؟مثقله عليكم بشي؟.خبريني..خبريني وبشل قشي وبطلع من البيت اذا وجودي يزعجكم..
بهاللحظه دخل بو ميثه..
ام ميثه خبرت بو ميثه بالوضع قبل ما يوصل من السفر
بو ميثه:السلام عليكم
ميثه مسحت دمعه كانت توها بتنزل
ام ميثه وميثه:وعليكم السلام...
ويسلمون عليه ويلس بو ميثه وام ميثه جنبه وميثه مقابلتهم....
بو ميثه:انا اعرف بكل شي
ميثه رفعت راسها تبيه ينقذهاا من هالزواج
بو ميثه:وانا من راي امج
ميثه تحطمت,,ونزلت راسها
بو ميثه يكمل بعقليه:الحين يا بنتي انا وامج مب دايمين لج..اللي صار قبل انسيه ولا تفكرين به ابد....كان اختبار من الله على صبرج وتحملج..وانتي يا بنتي بنت مؤمنه وخايفه الله..
ميثه منزله راسها وتحاول ما تصيح...وتحس بغضب بس كاتمه نفسها
بو ميثه يكمل\:ع حسب علمي ان الريال متزوج بس ما ياب عيال..واذا ما تبين تسكنين ويا اهله انا بشرط عليهم يسكنونج بيبت بروحج
ام ميثه:والله يا بو ميثه ان ام فهد حرمه تنحط عالجرح يبرا..وحتى ميثه تعرفها زين مازين..كانوا جيرانا قبل
بو ميثه مبتسم:هاه يا ميثه..يا بنتي نحن مب دايمين لج....وبعدين فهد ريال والنعم فيه...
ميثه قوت نفسها وقال:تقول ان ما عنده عيال..يعني يباني ايب عيال وبس..ابويه ما اريد اعرس
(ميثه اصلن تموت على العيال بس كرها لجاسم خلاها تخاف تحمل وتيب ياهل تخاف يتعقد والا يستوي به شي)
ام ميثه:يعني تبين تفهميني انج ما تحبين العيال؟وبعين شو فيها.؟يمكن انتي تاخذين محلها
بو ميثه ":خلي هالكلام عنج محلها ما محلها...ميثه حبيبتي..فكري زين...اليوم ياج متزوج بس باجر يمكن ايج واحد فالخمسين...انا ابا مصلحتج...فكري زين...اذا ما وافقتي الحين يمكن اوافق على اول يخطبج بعده..لاني مب ناوي اخليج يالسه فالبيت عندي
وقف بو ميثه وسار عنهم
ميثه تمسح دموعها وتحاول ما تصيح:امايه
ام ميثه تيلس جنبها:يا بنتي وافقي مب زين تيلسين فالبيت جذيه انتي ارمله تعرفين شو يعني ارمله؟
ميثه ما تحملت لمت امها وصاحت......


..انتهى البارت الثاني واتمنى انه يعجبكم..
توقعاتكم للبارت الثالث..



فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


قديم 24-02-14, 07:50 AM   #4

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي


البــــــــــــــــــــار ت الثــــــالــــــــــث..

سيف واقف بسيارته ويتكلم تلفون وشكله معصب شوي:ياخي ذليتنا..لاعت جبدي من حركاتك..شف شف .ضاعت عليه مرتين الحلبه بسبتك..هيه...لا لا لا انا موووو متحرك من جدام باب بيتكم...(سيف يعشق شي اسمه حلبة السيارات ودايم الدوم فيها)
عبيد (المعرس)مسافر ماليزيا وويتكلم معه:ياخي انا قايل لهم يحطونهن فالكراج البراني لك
سيف ينزل:اي صوب؟
عبيد:ادخل داخل الكراج بتلقى الباب مفتوح
سيف يتقدم ويشوف باب الكراج مفتوح:هيه مفتوح الباب..بس اي جهه؟
سيف:شفت الكراتين ؟.جيه بتلقى ثلاث كراتين على ايدك اليسار
سيف يلف براسه:ماشي عير اثنينه
عبيد:لا لا بتلقى ثلاثه
سيف/لا اعور انا ما اشوف!!!
عبيد:خخخخ ياخي صاير دفش
سيف:منك ياخي معصب بي..الهم..ماشي عير كرتونين
سيف يتقرب ويفتح اول واحد..:يالطيب...حد قالك اني بيدار عندكم؟
غبيد:خخخخخ لا والله بس ليش؟
سيف:هاي بذور
عبيد يحك راسه:ياخي والله قايل لهم...لحظه شوي وبرد اتصل بك
سيف يسكر ويفتح الكرتون الثاني لعل وعسى يلقى الجامبيلات(يتركبن فالسيارات)
شواخ تشوف التلفزيون ويرن تلفون البيت جنبها:الو؟
عبيد:هلا شواخ
شواخ:كولولولوللوشش..هلا والله بالمعرس
عبيد:ههههه ثانكيو ثانكيو.هلا بج..اقول شواخ
شواخ:وشحالك وشحال فاطمه..احجزلي تذكره ابا اسير ماليزيا.عادي ياخي لو شليتوني وياكم ما بسوي لكم ازعاج.
عبيد:بسسسسس سكتي سكتي شوي..تنفسي
شواخ/اوووهووو اوووهووو...
عبيد:خخخ اقولج سمعي
شواخ:لبيه
عبيد:لبيتي حايه..انتو نزلتوا الجامبيلات من حجرتيه.؟
شواخ:شوه؟؟شو هذا؟؟جامبيلات؟
عبيد:هيه انا مكلم امايه الصبح وقايل لها تنزلهن وتحطهن بالكراج
شواخ:والله ما ادري امايه اصلن راحت بوظبي
عبيد:بو ظبي؟؟؟؟عيل ما قالت لي..!
شواخ:يدوه تعبانه شوي وقالت بتسير عندها يومين
عبيد:شو فيها يدوه؟
شواخ:لا تخاف ما فيها شي بس زجام وتعرف يدوه لازم كل عيالها يكونون عندها يوم تمرض
عبيد:خالتي سارت وياها؟
شواخ:هيه
عبيد:اووووووووووووووووووو� �ووه الحين سيفوه بيجتلني اسميني نسيته..اقول شواخ روحي حجرتيه وبتلقين كرتونين فحجرة الخزاين نزليهن وحطيهن فالكراج
شواخ وسعت عيونها:حد قالك اني جون سينا؟؟شو شايفني أرفع اثقال عشان اشل كراتين؟
عبيد:موب ثقال خفاف ياختي سيري بيجتلني ربيعي انقفظي
شواخ حاست بوز:زين زين..
عبيد:مشكوره شواخي
شواخ:ما اديّن انا
عبيد:بسم الله...حاضرين حاضرين اللي تبينه
شواخ رافعه خشم:انا كاتبه قايمه وعطيتها فطوم
عبيد يطالع فاطمه اللي كانت تلبس نقابها بينزلون يتمشون:عيل ما قالت لي
فاطمه تأشر بيدها(شوه؟)
شواخ:والله مو لازم تعرف..يالله اجلب ويهك
عبيد يسكر التلفون:حشى بتاكلني يوم من الايام
فاطمه:منوه هاي؟
عبيد:هه شواخ
فاطمه:ههه سوالف عليها
..............................................
شواخ طلعت فوق قسم عبيد وتدخل غرفة الملابس ..وتشوف كرتونين متوسطات وسعت عيونها وتقربت...شالت أول واحد وكأنها اقتنعت انه خفيف ونزلته...
..............
سيف:هاه؟؟لقيتوهن؟
عبيد:هههه هيه سر البقاله شوي ورد
سيف فهم عليه:يالله يالله ياخي مت من العطش منك
عبيد:الحين انا اللي منشّف حلجك لو لسانك اللي ينقط عسل؟
سيف:كركر كر كر بموت ضحك
(عبيد وسيف هذي نوعيه حجيهم كلها غشمره وسوالف ومحد يشيل بخاطره على الثاني)
سيف يتحرك شوي صوب سيارته بهالوقت شواخ فتحت باب الكراج الداخلي ولفت براسها تتأكد ان مافي حد..حطت الكرتون الاول ورجعت داخل.....
.............................
بوظبي....
ام ميثه وام شواخ اللي بنسميها ام عبيد من اليوم ورايح.واخوانهن سلطان وبو فيصل..يالسين بالصاله الفخمه في بيت بو فيصل...
ام ميثه:الله يهديها امايه دوم تروعنا لو ما فيها شي
سلطان أصغر واحد عمره26 ولين الحين ما تزوج..ويسكن ويا اخوه بو فيصل..
سلطان:تعرفين امايه لازم تكونون جمبها يوم تمرض..بعدين وايد تتوله عليكن ما تزورنها دايم
ام عبيد:شو نسوي عندنا اشغال والله
بو فيصل:معذورات يالغاليات معذورات..الا شو عبيد؟
ام عبيد:ابخير الحمد لله..(تذكرت:اووووه..متصل الصبح عليه من رخصتكم شوي نسيت اكلم شواخ
تقوم ام عبيد من عندهم..
سلطان:ليش ما يبتي ميثه وعلي؟
ام ميثه):ميثه عليها داوم...وعلي هالفتره عليه اختبارات
بو فيصل:الله يوفقهم...
الكل:أمين..
..............................
شيخه(شواخ) شالت الصندوق الثاني وتنزل الدري ..ورن تلفونها حطت الصندوق على الدري ويلست عداله تاخذ نفس:ألووووووووووه
ام عبيد:بسّم الله
شواخ:هاهاهاهاه هلا امايه
ام عبيد:بلاج تناهين؟حد يروغج؟
شواخ:ههه لا بس عبيدوه هلكني بكراتينه
ام عبيد:ههه سامحيني امايه نسيت اقول للبشكاره تنزلهن
شواخ:عادي عادي يا قميل انته
ام عبيد:انزين قولي للبشكاره(الخدامه) تنزلهن ليش انتي كالفه ع عمره
شواخ وسعت عيونها وضربت يبهتا.:.اخخخخ نسيت
ام عبيد:هههه
شواخ:شو حال يدوه؟
ام عبيد:بخير وسهاله ما فيها شي..بيي باجر
ام شواخ:ههه تتدلع عليكم يدوه
ام عبيد:ههه الله يحفظها يا رب
شواخ:آمــــــــــــــــين يالله ماماتي حياج الحين وسلمي على خوالي
ام عبيد:يوصل وانتبهي لعمرج وسكري البيبان زين
شواخ ترفع بيدها سلوط:أمرك سيدتي
ام عبيد:ههه يالله ..الله يحفظج
شواخ توقف:ويخليج يالغاليه
وتسكر التلفون وتشمر عن يدها وترفع الكرتون:بسم الله..
ما درت شواخ وغير هيه طايره من نص الدري ..تعلقت طرف كندورتها بنعالها وطاحت...........................
...........................
سيف رجع ودخل الكراج وشاف كرتون واحد..واستغرب!:لا يكون ناوي يضحك عليه؟
ويتصل::ألـــــــــــــــــ ــــــــــــوووووووووووو ووووو
عبيد:ويهد
سيف:يشلك..تضحك عليه انته؟
عبيد:ياخي انا معرس حس فيه شوي حشرتني بالتلفونات
سيف:انزين وين الكرتون الثاني وما بتصل بك مره ثانيه
عبيد وسع عيونه:بند بند
واتصل ع تلفون البيت..صاح التلفون لين انقطع ومحد رد عليه....
شواخ نايمه على الارض وحاطه يدها على ريلها وتتألم..سمعت التلفون حاولت تقوم وما قدرت..:اخخخخخخخ..اي ريلي..
...رد عبيد يتصل مره...
شواخ تحاول تقوم..أخ...أخ ريلي...أخ ما اروم...(تشوف ريلها وشكلها مكسوره..وسعت شواخ عيونها...:بسم الله..أي...أخ...
عبيد اتصل على تلفون شواخ....
شواخ تسمع تلفونها يرن وتتلفت اتدوره..وتشوفه طايح تحت طاوله جانبيه وفوقها مزهرية ورد..سحبت نفسها شوي ومدت ايدها تسحب جسمها وهيه تتألم..وتغمض عيونها شوي وترد تفتحهن وتسحب جسمها....تقربت من الطاوله ومدت يدها بس التلفون بند..
عبيد:ياربي ردي شواخ
يرجع يتصل مره..
شواخ حطت اصبعها على الدايره الخضرا ع تلفونها بعد ما مسكته وبألم:ألووو
عبيد:شواخ؟ليش ما تردين.؟
شواخ شوي واتصيح:.عبيد...أخ ريلي
عبيد وفاطمه يالسين فالتكسي متوجهين للمطعم وفاطمه لاحظت تغير نبرة عبيد للخوف:بلاج؟؟؟شو فيها ريلج؟
شواخ تيلس غصب:اخخخ طحت..من الدري
عبيد:والحين؟حد عندج؟؟؟؟تعورتي؟؟؟ردي عليه انا اكلمج
شواخ:لا محد عندي..بس ريلي تعورني وايد..اظني انكسرت..
عبيد:انكسرت؟؟؟الله يهديج يالمايه هذا وقت ابوظبي ومخليتنها بروحها؟؟؟انزين اتصلي ...اتصلي بميثه..ميثه بتيج
شواخ حست بفرحه صغيره لانها كانت خايفه وناسيه ان ميثه تسوق:زين...يالله برايك..بتصل عليها..
عبيد:لا تتحركين...اذا ريلج مكسوره خلي ميثه تتصل بالاسعاف لا تتحركين من مكانج
شواخ تهز راسها:انشالله..يالله برايك
عبيد:طمنيني عليج..انا بتصل بامايه وبقولها ترد انتي كلمي ميثه ابسرعه
شواخ تهز راسها:انشالله
سكر عبيد واتصل على امه...
وشواخ اتصلت على ميثه:ميثوه
ميثه يالسه على مكتبها وبيدها كوب شاي وعيونها على الكمبيوتر...:هلا شواخ(تحط كوب الشاي على الطاوله وتمسك الماوس ..
شواخ:ميثوه لحقي عليه..
ميثه حست بصوت شواخ متغير:شيخوه بلاج؟شو فيج؟
شواخ:طحت من الدري..ما اروم اقوم من ريلي..
ميثه:تتكلمين صدق انتي؟
شواخ:هيه..ريلي وايد تعورني..
ميثه:يالله الحين بييج
شواخ:ميثوه متروعه
ميثه:بسم الله عليج لا تتروعين الحين بيي عطيني دقايق بس(ميثه تلبس شنطتها وتضبط نقابها وتقوم من مكتبها بسرعه..وتروح لمسؤولها فالدوام وتترخص منه وهو ما قصر وافق يوم عرف بظرفها...
.............................
سيف :اوففففف ياربي اسميه ملل..هالانسان ملل..ليش لين الحين ما كلمني؟؟؟
ويتصل على عبيد:جنك نسيتني؟
عبيد:لا ما نسيتك..بس خلها لباجر
سيف:ليش؟
عبيد:ياخي خلها لباجر الحين..ما عندي حد يطلعه لك الحين..مر باجر وبتلقى الكرتون الثاني فالكراج
سيف لاحظ ان عبيد صوته متغير:زين زين امري لله...باجر باجر
سكر عبيد وسيف لف يشوف التلفون:خيبه...شو فيه ذا؟
سيف يتحرك صوب سيارته ووقف فجأه يوم شاف سيارة ميثه توقف شوي عند الدروازه الكبيره..وينفتح الباب الأوتاماتيك وتدخل بسيارتها داخل...
سيف ضوق بعيونه:انا وين شايف هالسياره؟؟
حاس بوز شوي وراح صوب سيارته وركب فيها وحط يده على الكرتون اللي جنبه فالسياره وابتسم:هذا وواحد ويا..وباجر بيي اخوك>>الطيب يكلم الصندوق..سكنهم مساكنهم
وتحرك بالسياره ويوم وصل أخر الشارع كانت سيارة الاسعاف تمشي عكسه..سيف وسع عيونه وانقبض قلبه:الله يستر...
كمل سيف وسياره الاسعاف دخلت بيت عبيد.............
......ميثه لبست شواخ عباتها ونقابها وشالوها في الاسعاف .
وميثه تبعتهم فالسياره..............
...ام عبيد كلمها عبيد ويابها سلطان وام ميثه رجعت وياهم..وام عبيد مسويه مناحه طول الدرب من بوظبي للعين..وسلطان اخوها متضايق مره يهديها ومره يناقرها يباها تسكت عوره راسه من صياحها...وام ميثه تهديها ....وتقراء قران..
فالمستشفى...دخلو شواخ قسم العمليات لانهم لقى فيها كسر..وميثه يالسه برا على الكراسي...
عقب ساعه وصلوا ام عبيد وام ميثه وسلطان..وسألوا عن شيخه وقالوا لهم انها بعدها ما طلعت من قسم العمليات وراحوا كلهم..لقوا ميثه فاتحه مصحف صغير وتقرا فيه ..ميثه رفعت راسها شوي لانه سمعت صوت خالتها ام عبيد وامها..حبت المصحف ودخلته في شنطتها ووقف
ام عبيد تمسك ميثه من كتوفها:وينها؟؟شو فيها؟؟؟شو ياها؟؟
ميثه موسعه عيونها:خالتي اهدي ما فيها الا العافيه...كسر بسيط وبيجبرون ريلها..ليش اتصيحين انتي الحين.؟
ام عبيد تيلس وحاطه ايدها على راسها:اخ يا شواخ والله قلبي كان ناغزني يوم سرت عنها..
ام ميثه تيلس عندها وتحط يدها على كتفها:ياختي ذكري الله بنتج ما فيها شي
سلطان:شحالج ميثه؟
ميثه:خالي!ابخير الحمد لله سامحني ما انتبهت لك.شحالك؟شو يدوه الحين؟
سلطان يلس :بخير وسهاله..الا اقول ما قالت لج كيف طاحت؟
ميثه يلست:لا والله ما سألتها ما وحت كله استوى بسرعه..بس كانت تحت يمكن طاحت من الدري
ام عبيد:كانت تكلمني ذاك الحين..الله يعفو عنها يا رب
سلطان:سلامتها انشالله
يطلع الدكتور....
قاموا كلهم..
ام عبيد:دختور..شو بنتي؟
الدكتور:شيخه؟
ام عبيد:هيه هيه
الدكتور:لا بس كسر بسيط..ما فيها الا العافيه
ام عبيد:الله يريحك مثل ما ريحتني (تيلس ام عبيد ما قادره توقف على ريولها .
سلطان:متى بتحطونها فالحجره؟
الدكتور:ربع ساعه بس..يالله اترخص عنكم
الكل:حياك..مشكور دكتور...يزاك الله خير...
...
بعد ما وصلوا شواخ لغرفتها.........
ام عبيد تمسح على شعر شواخ على ورا وتقرا عليها...
ميثه بصوت واطي لخالها:خالي؟
سلطان:هلا
ميثه:من زمان ما شفتك..ليش ما تيلس عندنا شوي
سلطان:ههه والله تولهت ع العين.بسير بوظبي بخلص كمن شغله وبخذ اجازه وبيي عندكم
ميثه مبتسمه:حياك الله تنور بيتنا
سلطان يحيس عقاله:أدري اني بنور بيتكم
ميثه:ههههه
سلطان يعدل عقاله:ههههه
ام ميثه:شو عندكم تتضحكون؟
سلطان:هههه ماشي..بس ميثه تباني ايي عندكم كم يوم
ام ميثه:هيه والله يا خوي من زمان ما يت عندنا
سلطان:توني اقول لميثه..بخلص كم شغله عندي هناك وبييكم ان شالله.,انا بروحي متوله عالعين
ام ميثه:يا مرحبا بك يا خوي ..اسميه علي بيطير من الفرحه
سلطان:ههه عاد علوه هذا دواه عندي اعنبوه ما يقول عندي خال وبتصل عليه !!!
ام ميثه:لا تلومه يا خوي دراسه وامتحانات عليه
سلطان موسع بعيونه:انا بس ابا اعرف ولدج هذا على منوه طالع ؟؟؟ماكل الكتب اكل..
ميثه:خخخخخخخخخخخخخخخخ
ام ميثه:قول لا اله الا الله بتنضل لي ولديه
سلطان:لا اله الا الله هههههه ما شاء الله ما شاء الله عيني عليه بارده ..بس صدق صدق بياكل الكتب
ام ميثه معصبه:اعووووووووووووووذ بالله من الشيطان الرجيم ياخوي انت ياي تصك ولديه بعين؟؟لا تي ..لا تي عندنا خلك فبوظبي
ميثه وسلطان:هههههههههههههههههه� �ههه
ميثه:ههههههههههههه حرام عليج امايه والله خالي يسولف هههههه
سلطان ينقز يحب راسها:خخخخخخخخخخخ اسوالف وياج اموت عليج يوم تعصبين تذكريني بالوالد الله يرحمه تشبهينه وايد
ام ميثه تدفه شوي ع اساس اني زعلانه
سلطان يلمها:ههههه يالله عاد رضوه رضوه
ام ميثه ابتسمت:خلاص رضيت فجني بس
ام عبيد من وراهم:انتوا ما اتسكتون؟؟؟؟؟؟؟؟
الكل لف عليها؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟
ام عبيد:الحين بنتي راجده وانتوا فاجين سوق سمج بحسوسكم؟!!!
الكل يضحك بصوت واطي:هيهيهيهيههييههي
ام ميثه حاست عينها على ميثه وسلطان(تعاتبهم) ولفت على ام عبيد:سامحيني اختي هذيلا الاثنين من يتولفون ما تقومين من عندهم غير وانتي بتموتين ضحك..سبحان الله ما جنهم بنتي وخالها..تقو اخوان
ميثه وسلطان قربوا روسهم لبعض بنفس الوقت وكشخوا\:ما تشوفونا نتشابهه؟؟
هو فعلا سلطان وميثه يتشابهون بشكل كبير اللي يشوفهم يقولون صدق أخوان ما شالله عليهم ..
شواخ:اعوذ بالله
الكل انتبه!!!!!!!!!!!!!!!!!!!!!!!!!!!1
شواخ مبتسمه وترفع نفسها:شو جمعكم كلكم هنيه؟
ام عبيد:الحمد لله ع السلامه امايه
ميثه:سلامااااات شواخ
سلطان:سلامات سلامات يالله يالله قومي ما فيج شي
ام ميثه: سلامات شيخه
شواخ:الله يسلمكم من الشر..
سلطان:الا شواخ...شقايل انجليتي من الدري؟؟؟؟؟؟
شواخ تتذكر وترفع صبعين تشكو ربها :اووووووووووووه حســـــــــــــــــــــــ ـبــــــــــــي الله على كراتين اعبيد
الكل !!!!!!!!!
ام عبيد:!!!ردينا ع الكراتين؟؟؟؟؟؟؟؟؟
سلطان لميثه:اي كراتين؟
ميثه:مدري!!!
ام ميثه:كراتين شو؟؟؟
ام عبيد:يا ربي انزين شو حاط فيهن ؟؟؟؟
شواخ:شدراني به اخخخ يا ريليييي اخخخخخ
ميثه:خلي ريلج عنج مسكنينها ولا تعورج وقوليلنا شو سالفة الكراتين؟
شواخ:اي كراتين؟؟؟؟
سلطان ضرب يبهته!
ام عبيد:هذيلا كراتين عبيدوه مازر بهن البيت
ام ميثه:وشو ياب الكراتين للدري؟!!!
ميثه:صبروا صبروا..خسفتوا بنا..واحد منكم يخبرنا
سلطان:الحين هالكراتين لعبيد؟
ام عبيد مسكت راسها:اووووههههووو راسي عورني
شواخ:دخيلكم لاحد يطري لي كراتين ما كراتين.!! تراني ان شفت كرتون اليوم بيني انهيار عصبي>>عدال يا ام كرتون ونص
سلطان يأشر لكرتون الكلينكس بغشمره:حتى هذا؟!
شواخ تمسك الكرتون وتفره على سلطان:خـــــــــــــــــا� �ــــــــي!
(لا تستغربون تصرفات ميثه وشواخ ويا خالهم سلطان من يوم يومهم مع بعض وما في فرق كبير وايد بينهن ودايمن سوالف وغشمره)
سلطان يمسك الكرتون قبل ما يضرب ويهه
الكل ما عدا شواخ المعصبه على عبيد وكراتينه:هههههههههههههههه� �ههههههههههههههههههههههه
.................
الحمد لله مر يومين وطلعوا شواخ ومجبسين ريلها..عبيد خبر امه يخلي البشكاره تحط كرتون سيف المنحوس فالكراج..وفعلا يا سيف وشله وهو ما يدري بشو استوى على شواخ من كرتونه..وسلطان رد بوظبي ..بيخلص اشغاله هناك بعد ما وعدهم انه يرجع لهم قريب..............
مر الوقت على ميثه وهيه تفكر وتفكر.بموضوع زواجها من فهد..ما تبي توافق تخاف تعيد معاناتها الأوليه...وفي نفس الوقت ما تبي تظلم فهد يمكن يكون ريال محترم صدق مثل ما يقولون عنه وينسيها عيشتها الزفته ويا جاسم الله يرحمه...
ام فهد زارت ام ميثه تبي تسمع قرارهم.......


انتهى البارت الثـــــــــــالـــــــــ ــث
توقعاتكم يا حلوين*ـ^



فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


قديم 24-02-14, 07:52 AM   #5

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي


البــــــــــــارت الرابـــــــــــــع

مر الوقت على ميثه وهيه تفكر وتفكر.بموضوع زواجها من فهد..ما تبي توافق تخاف تعيد معاناتها الأوليه...وفي نفس الوقت ما تبي تظلم فهد يمكن يكون ريال محترم صدق مثل ما يقولون عنه وينسيها عيشتها الزفته ويا جاسم الله يرحمه...
ام فهد زارت ام ميثه تبي تسمع قرارهم.......
ام ميثه:قربي قربي زارتنا البركه
ام فهد تفتح غشوتها:ساعتج ابرك يا الغاليه
ام ميثه تتقرب وتمد يدها:تفضلي تفضلي استريحي
ام فهد تيلس مبتسمه وين ما اشرت لها ام ميثه:شحالج ام ميثه
ام ميثه تيلس جنبها:ابخير وسهاله شو حالج انتي وشحال بو فهد وفهد
ام فهد:ابخير الحمد لله يسرج حالهم..شو ميثه وعلي؟
ام ميثه:ابخير الحمد لله...
ام ميثه توقف:نـــــامي..نـــامي هاتي القهوه..
ميثه كانت فالمطبخ تسوي سويتات...
نامي يت مسرعه ووقفت بسرعه قبل ما تدعم ميثه وحطت يدينها على صدرها بسرعه:بسم الله الرهمن الرهيم
ميثه:بسم الله بلاج ؟؟؟؟؟؟؟؟؟؟
نامي تضرب ويها طراق خفيف عشان تصحى اوين>>خدامتهم مصفوقه شوي عليها خفه دم وعقل
ميثه:خيبه رد بها طرانها)طرانها..مرضها او عوقها تقصد الخفه
ماني:لا لا لا ميسووه(تقصد ميثوه)....ماما يريد قهوه في هورمه برا صديق يمكن
ميثه:اهاااا زين اكيه القهوه شليها وسيري..اقول..تعرفينها انتي؟
نامي تشل الصينيه:لا ما في معلوم. انا اول مره يشوف
ميثه نغزها قلبها....:انزين شو موقفنج؟؟سيري وصلي القوه وتعالي اباج تساعديني..
نامي هزت راسها:جين جين ون منت
ميثه وسعت عيونها:....ون منت؟؟؟؟اول مره تقولها!!!
نامي طلعت وشكلها مطيره ومستعيله..
ميثه:خخخخخ شكلها بتمردغها امايه اليوم(بتمردغها=بتضربها
نامي دخلت المطبخ مطيره مره ثانيه:ميسووه ماما يريد برا
ميثه:شوه؟
نامي بهزت الراس:انتي ما يسمع؟؟ماما يريد برا...هازا هورمه انا اسمع يقول يبي يشوف انتي
ميثه:مسرع سمعتي الحجي يا ام الحجي ..قومي قومي عني بسير برا..(تأشر للصحن.:يوم يبرد هاتيه برا
نامي تاخذ بسكوته وتفرها بثمها:جين ميسووه
ميثه تهز راسها دوم تضحكها نامي وسوالف عليها:خخخ
نامي فتحت حلجها ع الآخر وتربع تشرب ماي
نــامي:آآآآآآآآآآآآآآآه هازا زياده هـــــــــــار..
ميثه:وانتي شو كالفنج؟؟لو تسمعين الكلام جان ما حرقج البسكوت..ما قلت لج يوم يبرد هاتيه؟؟تراه حار يالخسفه..
وطلعت ميثه ونامي تشرب ماي وتهز راسها....
ميثه شافت ام فهد وبلعت ريجها..(الله يستر..الله يستر..
تقربت ميثه وسلمت:السلام عليكم
ام فهد توقف مبتسمه وتتقرب منها تبوسها وتضمها:وعليكم السلاااااام ورحمه الله شحالج يامايه وشخبارج؟
ميثه مستحيه منها..:ابخير خالتيه الحمد لله..شحالج انتي؟
ام فهد:ابخير وسهاله..شو الدوام؟
ميثه: ههه الحمد لله زين
ام فهد تمسكها من يدها:تعالي امايه يلسي عدالي
وتيلس ام فهد وهيه ساحبه ميثه جنبها..
ام ميثه تقوم:من رخصتج شوي..بسير اشوف علي عليه امتحان واحيده فوق يذاكر..
ام ميثه متعمده تخليهن بروحها لان ام فهد طلبت منها هالشي يوم عرفت ان ميثه ما قررت لين الحين..
ام فهد مبتسمه:ميثه شحالج؟
ميثه كانت تشوف امها ومستغربه علي ما عليه امتحان!!
ميثه تشوف ام فهد:ابخير خالتي
ام فهد ما عارفه كيف تبدا بالموضوع وياها:أاا مم أأا ...
ميثه عرفت انها تبي تكلمها بموضوع العرس..ميثه حاسه بمشاعر مختلطه...تبي اتصيح..تبي تعصب...تبي تصارخ...ما تبي تحرج ام فهد...اكتفت بالسكوت ومنزله راسها...
ام فهد:ميثه امايه...
ميثه :..................
ام فهد:تبين الصدق..ما اعرف شو اقول...والله اني حبيتج من كل قلبي...وما بلقى وحده اخير منج لولديه فهد...
ميثه:.....................
ام فهد بلعت ريجها:ميثه حبيبتي...شو رايج بالموضوع...؟
ميثه خانقتها العبره ومستحيه من ام فهد..
ام فهد:والله يا ميثه اني بحطج بعيوني...انا اعرف انج رافضه
ميثه رفعت راسها (كيف عرفت)
ام فهد:يابنتي مو كل الريايل مثل بعض..واللي صار ويا زوجج الله يرحمه..اختبار من عند ربج...وانتي يا بنتي بعدج صغيره والدنيا جدامج...واللي تسوينه حرام..
ميثه حست ان الكلام مارايم يطلع من يوفها..(حلجها):بس..
ام فهد:حتى لو ما تبين فهد..محد يقدر يغصبج بشي...بس يابنتي عرفت انج رفضتي حتى ولد خالتج
(ام عبيد خطبتها لعبيد بدون حتى ما تشاور عبيد اللي يشوفها مثل اخت بالنسبه له.بس ميثه كانت نفسيتها التعبانه بذيج الفتره ورفضت لان عبيد مثل أخوها.وما قدروا يضغطون عليها)
ام فهد تكمل:حبيبتي محد بيقوم بج ولا بيراعيج غير ظناج..اهلج ما بيدومون لج...
ميثه نزلت دمعه من عينها وهيه منزله راسها ما تبي ام فهد تشوفها
ام فهد شافتها ونزلت دمعتها رحمت ميثه وايد..ياحليها كيف متعذبه فعيشتها...ام فهد تلم ميثه وتخليها تصيح فحظنها:لا تكدرين نفسج يا بنتي..لا تصيحين ولا شي..ما بيصير غير اللي تبينه..ولا يهمج حد..
ميثه وايد ارتاحت من حظن ام فهد لها...وايد حبتها وحست بالامان وياها...
ام فهد تقوم ميثه من صدرها وهيه مبتسمه..وتمسح دموع ميثه:خلاص امايه ما اريد اشوف دموعج...ما بيصير غير اللي تبينه..
ميثه حست انها ياهل جدام ام فهد...ونزلت راسها..
ام فهد ترفع راس ميثه بصبوعها:ميثه!!(بأسلوب مميز ومضحك:افااااااااااااااااا بتقلبين زيارتيه لج هم وصياح؟؟؟ما اروم اصيح انا وان روحت البيت ما بيعرفني بو فهد من عيوني المتنفخه وبيشوتني برا البيت
ميثه :هههههه
ام فهد:خخخخخ هيه توج حرمه..خلي الصياح عنج يانب...
ميثه حست براحه كبيره...
ام فهد بجد:سمعي حبيبتي...صلي استخاره...وعقبها قرري...وسواء وافقتي او لا..انا ما بزعل منج ولا شي...
ميثه هزت راسها:انشالله خالتي
ام ميثه نزلت عندهن واستغربت تشوف ام فهد وميثه شكلهن كانن يصيحن...بس ما علقت على الموضوع ويلست مبتسمه:ياهلا والله ام فهد..
ام فهد :هلا فيج والله
نامي يت وحطت صحن البسكوت فالنص وتهز راسها لميثه..
ميثه تشوف ويه نامي وارم:شو فيج؟.
ام فهد تطالع فم نامي:خيبه لا يكون فيها خاز باز
(خازباز=مرض..يورم الفم والحلق,,
ام ميثه:بسم الله...شو فيج نامي؟؟؟؟
نامي طلعت الثلجه من حلجها وبصوت عالي وتاشر للبسكوت:هازا حرك لسان مال انا
ميثه وام فهد وام ميثه:هههههههههههههههههههه� �هههههههههههههههههههههههه ههههههههههههههههههههههههه ههههههههههههههههه
ام فهد:ههههه غربل الله عدوها
ام ميثه:هههه زولي داخل سيري..فضحتينا ويا لسانج هذا
ميثه تتكركر بروحها:خخخخخخخ
نامي ترد الثلجه في ثمها وتروح داخل.....
...............
ميثه فالليل بغرفتها...فارشه سيادة الصلاه ولابسه حجاب الصلاه ورافعه يدينها تدعي الله...

بعد يومين من زياره ام فهد لبيت ام ميثه....

بو ميثه:وافقت؟؟؟؟؟؟؟؟؟؟؟؟؟؟؟� �؟؟؟؟؟
ام ميثه متشققه من الفرحه.هيه(تيلس جنب بو ميثه:توها تقولي انها وافقت...صلت استخاره وارتاحت وايد....بس قالت ما تبا عرس..
بو ميثه:الله يبشرج بالخير...بس ليش؟
امميثه:خلها براحتها|...مع اني ابا اسوي لها عرس ينسيها جاسم حسبي الله عليه بس ما اريد اضغط عليها
بو ميثه:لا تحسبين على الريال..الميت ما تيوز عليه غير الرحمه
ام ميثه:استغفر الله العظيم..الله يرحمه....من اللي فيني لا تلومني يا بو ميثه
بو ميثه يقوم:الله يكتب اللي فيه الخير..بسير العزبه بتسيرين ويايه
ام ميثه:لا ما بسير بس ميثه تبا تسير وياك قايلتلي يوم تسير تبا تسير وياك
بو ميثه ابتسم:يالله بترياها تحت
......
ميثه كانت تلم شعرها دخلت عليها امها وخبرتها ان ابوها يحرسها تحت..لبست ميثه عباتها ونقابها ونزلت بسرعه...
..ميثه وايد تحب تروح العزبه تحس براحه كبيره يوم تكون فالبر....
بو ميثه يالس فالسياره نيسان1012 على السيت الثاني...
ميثه شافت ابوها ابتسمت وركبت على سيت الدريول..
ميثه:السلام عليك بو ميثه
بو ميثه:هههه بوميثه عاد؟وعليكم السلام(يناولها السويج:تفضلي
ميثه تتناول السويج وتشغل السياره:هاه طال عمرك ع العزبه؟
بو ميثه:بسم الله توكلنا على الله
ميثه:والنعم بالله...
وتحرك ميثه صوب العزب....
فالسياره..بو ميثه حاس بندم..يطالع ميثه...:ميثه
ميثه:نعم بويه
بو ميثه:قالت لي امج انج موافقه
ميثه استحت من ابوها وارتبكت:انشالله
بو ميثه:اذا ماب مقتنعه بلاه الزواج.
ميثه ابتسمت:انا صليت استخاره..والحمد لله وايد مرتاحه.
بو ميثه:انا حاس اني ضغطت عليج شوي
ميثه مبتسمه:لا بويه عادي..انا عارفه انك اتدور مصلحتى..
بو ميثه حط يده على يد ميثه اللي كانت على القير:الله يوفقج انشالله
ميثه لفت مبتسمه على ابوها وردت اتشوف الدرب
بو ميثه حس ان ميثه هالفتره وايد متغيره..صايره تسولف اكثر من قبل وتبتسم أكثر..الله يسعدها يا رب..
..........................
بوفهد حاط غترته على كتفه وواقف بنص الصاله:فــــــــــــــهد
فهد كان توه ينزل من الدري بشكل سريع:خير ابويه بلاك؟
بو فهد:تأخرت انقفض
فهد وصل لبوه:يالله مشينا .
بو فهد:يالله..ما تشبع رجاد؟نهار وليل؟
فهد:ههههه يالله يالغالي تفضل
مشى بو فهد وفهد رايحين للعزبه....
فالسياره:اقول ابويه..
بو فهد:هاه؟
فهد:خلاص خذيت الفله؟
بو فهد:هيه...ليش تتخبر؟
فهد:أه؟؟؟لا بس علشان اشتري لها اثاث
بو فهد:لا تتعب عمرك.بخلي ميثه تختار الاثاث كامل
فهد:من ميثه؟
بو فهد وسع عيونه..:الحين نحن من زمان عن منوه نتكلم؟؟؟حرمتك اليديده...
فهد:اهاااا...بس انا ما كنت اعرف اسمها
بو فهد:وها انت عرفت..
فهد:ابويه بقولك شي بس لا تزعل
بو فهد:خير من الله..دامك يالس تمهد لموضوع..الله يستر بس
فهد بلع ريحه:ابويه...انا ....بحط..نوره فالفله
بو فهد ابتسم على جنب وكأنه كان متوقع ..:انزين؟
فهد استغرب ردت فعل ابوه...:وبخلي الارمله عندك
بو فهد عصب من سمع فهد يقول الارمله:فهد؟؟؟استح ع ويهك..البنت اسمها ميثه...
فهد:خلاص خلاص ما صار شي لا تاكلني...تراها ارمله !!
بوفهد:بس البنت بعدها صغيرونه توها اول العشرين لو كانت ارمله مب زين منك تقول هالكلام وهيه بتكون حرمتك
فهد:شوه؟؟فالعشرين؟؟؟؟اتحر� �ها اكبر عني!!
بو فهد:امك قالت لك انها عوده؟
فهد:لا بس...ما توقعت انها تكون صغيره ...اقصد..يعني ....قلت يمكن تكون فالثلاثينات
بو فهد بنفس مرتاح:لا,,,,البنت صغيره وايد....وانشالله بتعيبك على تمديح امك لها
فهد حاس بوز...:ابويه...انا عندي شغل شوي...عقب صلاة المغرب بيي اشلك....بس ما عندك مانع ان نوره تسكن فالفله؟
بو فهد:لا ..ما عندي مانع...لو تبا اليوم تقدر تتحول فيها..بس الاثاث اشتره بمالك..
فهد ما توقع ان ابوه يوافق بهالسهوله:مشكور ابويه الله يطول بعمرك...
....بو فهد كان عارف بهالشي من قبل..عارف انه بياخذ الفله وان نوره اللي بتسكنها..يدري ان نوره مب هينه..وان لو سكنت بروحها بتطير عيشة فهد اللي من تزوجها من 6 سنين وهوه متغير 180 درجه.حتى العزبه ما ايلس فيها مثل ما كان قبل 24 ساعه فيها..وبعدين حاس بحنيه صوب ميثه اللي لين الحين ما شافها..بس من خبرته ام فهد كيف كانت عيشتها قبل ما تترمل..خاف يخليها بروحها وحس بالشفقه عليها..فحب ان ميثه تكون عنده فالبيت ويجابلها وما يقص عليها فهد بكلمتين من كلام نوره..
وصلوا العزبه ونزل بو فهد وفهد سار يخلص اشغاله....
قبل اذان المغرب بو فهد بعد ما عشى بوشه وخلص يحرس فهد ايي.:اووهوووو شكله نساني مسود الويه..انا براويه...
ويمشي بو فهد صوب العزب يمكن يلاقي احد يرده البيت...
مشى على كمن عزبه وما لقى حد فيهن غير العاملين...وشاف من بعيد سيارة بو ميثه توه بيتحرك..بو فهد يلوح بغترته:هحووووووووووووو حووووووووووووو وقف وقف..حووووووووووووو
بو ميثه:صبري صبري
ميثه توقف السياره:خير ابويه؟
بو ميثه:شوفي ذاك الريال
ميثه تشوف:يمكن يبا شي..
بو ميثه نزل ويوم تقرب بو فهد عرفوا بعض...وسلموا على بعض...
بو فهد:والله قلت انك بتسير ما لقيت حد يردني البيت
بو ميثه:افا والله فالك طيب...
بو ميثه ينادي ميثه تطلع من السياره وميثه استحت ما تعرف الريال..يالفشله
ميثه :السلام عليكم
بو فهد عرف انها ميثه:وعليكم السلام والرحمه..شحالج ميثه؟
ميثه:ابخير عمي شحالك انته؟
بو فهد:الحين انا بخير يوم شفتج
ميثه استحت وحليلها...(طبعا ميثه متنقبه)
بو ميثه:ميثه امايه ..هذا عمج بو فهد..ابو فهد اللي بيكون زوجج انشالله
بو فهد وسع عيونه فهم ان ميثه وافقت...
بو فهد لف براسه يشوف بو ميثه
بو ميثه هز راسه(نعم موافقه)
ميثه ودت ان الارض تنشق وتبلعها من المستحى...
بو ميثه:امايه ميثه وصلي عمج بيتهم..
فهاللحظه تلفون بو فهد صاح...:ألو
(نخلي بو فهد وفهد يتكلمون ونسير صوب ميثه اللي تقربت من ابوها وتقوله انها تستحي توصل ريال غريب
بو ميثه ابتسم ومسك السويج عنها)
فهد:ابويه وينك؟؟؟انا فالعزبه...
بو فهد:يالله يالله الحين بيي اصبر.(سكر بدون ما يسمع من فهد..
بو فهد:امايه ميثه وصليني العزبه...ريولي عورني من كثر ما مشيت
بو ميثه:يالله انا بوصلك
بو فهد:تعالي امايه لا تيلسين بروحج هنيه والا تستحين مني؟
ميثه:ههه لا عمي بس بيلس عند البوش شوي
بو فهد:ما تتروعين تنقز عليج واحده منهن
ميثه:هه لا عمي
بو ميثه:ههههه لا تخاف بو فهد ميثه رابيه وياهن من يوم يومها
بو فهد:هه ما شاء الله انتبهي ع عمرج امايه
ميثه:انشاء الله عمي
وتوجهه بو ميثه بعد ما ركب بو فهد ..صوب عزبة بو فهد..

ميثه مبتسمه لناقتها تمسح شوي على رقبتها وعلى راسها..

فهد يالس يمسح على راس الناقه والناقه كأنها تعاتب فهد اللي من زمان ما شافته وتهز راسها بقو..
فهد:هههههه...افا يالمملوحه افا.(المملوحه اسم ناقته
فهد:هههه تعالي تعالي..يمسك راسها زين ويخاشمها:اسف يالغاليه بطيت عليج...
سمع صوت سياره تتقرب فتح ناقته اللي كان لاوي عليها ولف براسه وشاف ابوه ينزل من السياره ونزل بو ميثه لانه شاف فهد.
بو فهد:فــــــــــــهــــد
فهد يتقرب ويسلم على بو ميثه
فهد:شحالك عمي
بو ميثه مبستم:ابخير وسهاله شحالك فهد؟
فهد:ابخير الحمد لله قرب
بو ميثه:قريب يالله بو فهد من رخصتكم
بو فهد:افا قرب بتاخذ لك فنيان
بو ميثه:لا والله مستعيل .ما اروم اخليها بروحها اكثر من جذيه
بو فهد فهم :هيه برايك عيل وسلم عليها
بو ميثه يرفع يده:يوصل..يالله وادعتكم
بو فهد وفهد:بحفظ الرحمن
بو ميثه حرك سيارته وسار.............
فهد:ابويه
بو فهد:شو بغيت؟
فهد:ابويه من ذا؟
بو فهد موسع عيونه:ما تعرفه؟
فهد:لا
بو فهد:كيف ما تعرفه ؟ما كنا يران من قبل؟ما تحيده؟
فهد معقد حواجبه وضام شفايفه يحاول يتذكر:امممم ما ادري..انا حاس اني شفته من قبل بس ما اذكر
بو فهد يحط يده على كتف فهد يحركه:مش مش اظلمت البقعه
فهد يمشي ويفكر...وركبوا السياره وتحركوا

في بيت عبيد...
فالحديقه الخارجيه......
شواخ يالسه على الكرسي وجنبها ميثه وفاطمه حرمة عبيد لانهم ردوا من السفر...
شواخ اللفه على ريلها خفيفه وعدوها يشيلونها هالاسبوع لانه حشرتهم شواخ ما تبيها تمللت منها
فاطمه تناول ميثه صحن وفيه كيكه وميثه مسكتها مبتسمه:مشكوره
فاطمه:العفو
وتحط لشواخ كيكه وتعطيها:اندوج شواخ
شواخ تمسكه وتحطه قدامها:مشكوره فطوم لا خليت منج
فاطمه:حبيبتي والله
فاطمه:خلصتي زهابج ميثه ؟
ميثه :هيه خلصت
شواخ:شكلج يقول غير جذيه
ميثه تحط صحن الكيك قدامها لانها كلت شوي منه:ليش عاد؟خلصت ما باقي لي شي
شواخ بنص عين:كل شي كل شي؟
ميثه:لا تشككيني خذيت شويت شغلات ومقتنعه فيهن
شواخ بنفس النظره:متأكده؟1
فاطمه:هههه شواخ خفي عليها قالت لج مخلصه
شواخ:ينخاف منها ميثوه ما تلم السوق..
ميثه موسعه عيونها:وليش ألّم السوق؟(ألّم=أخذ الاولي والتالي
شواخ:لانج عروس !! لازم تشترين وايد
ميثه:والله مو قاعده..واذا اعتزت شي المولات بكل مكان
فاطمه:صدقها ميثه
شواخ :والله انا يوم بيي نصيبي ما بخلي شي ما بخذه ..خل احس اني صدق صدق عروس
ميثه:هههه برايج..شكلج بتفقرين الريال وبعده ما يا
شواخ ترفع ايدنها تدعي ربها":يااااا رب..يااا رب
فاطمه:ههههههه تبيني ادور لج ريال رزين؟
شواخ:وووووععع لا مابا..ومن قالج دوريلي؟(بدلع:انا بعدني صغيونه
ميثه:هههه بقوم اشوف خالتيه احسن لي
وتقوم ميثه ومخليه فاطمه وشواخ سوالف وضحك
ميثه لفت الفله الداخليه وقبل ما تدخل شافت اخوها علي يمشي..ومسكت يده بنت صغيره تقريبا عمرها 9 سنوات..انا ما قلت من قبل..بس علي عمره 16 سنه..المهم البنت مسكت يد علي وعلي مبتسم نزل شي على ريوله ومسح على راسها وشكلهم يتكلمون
ميثه رجعت بها الذاكره.لورا........................... .......
ميثه عمرها 8 سنوات.......................
كانت لابسه فستان وردي ناعم وفيه ربطه من ورا وايدينه نص كم..وشعرها مفتوح وطويل يوصل أخر ظهرها..وحاطه وردتين على قصتها من فوق ولابسه جوتي ودلاغات بيض...وكانت راكبه الدرفانه(المرجيحه) فالحديقه العامه ومبتسمه وتضحك..وفجأه طاحت من الدرفانه وتعورت ركبتها..وبدت اتصيح...حست ان حد جنبها رفعت راسها وشافت واحد مبتسم ويمسح على راسها:ليش اتصيحين؟
ميثه معقده حواجبها من الالم....
فهد شاف ركبتها وبحنيه:ترومين توقفين؟
ميثه هزت راسها(هيه)
فهد عمره 17 سنه
فهد ابتسم ومسكها من كتوفها وقامت ميثه:اخ
فهد مسكها من يدها وبيدها الثانيه مسح على راسها.:تبيني اشلج؟
ميثه استحت وحليلها وهز راسها(هيه)>>اخ منج
فهد لف ع ورا وركبت ميثه على ظهره وتعلقت برقبته ومبسوطه وكأن ما فيها شي
فهد:ههههه تبينا انروح الدكان؟
ميثه مبسوطه:هيه
فهد وسع عيونه وابتسم:ههههه يالله
وساروا للدكان..اخذ لها حلاوى ونمكي وعصير.....
ورجعها للدرفانه ولقى امها تدورها..ونزلها فهد وربعت ميثه لأمها وسوت باي باي لفهد...
ردت ميثه للواقع وابتسمت لعلي اللي طلع حلاوى من مخباته وعطاها البت وردت تربع ويا صاحباتها لبيت جيرانهم اللي مقابلنهم..
علي يدخل مبتسم:هاه ميثه شو موقفنج هنيه؟
ميثه مبتسمه:منوه هالبنت؟
علي يلف براسها لبرا ويرد يشوف ميثه ومبتسم:ههه هاي كل يوم تشوفني ايي من المدرسه وتقولي ابا حلاوى..وصرت ايب لها كل يوم
(المدرسه عدال بيت عبيد وعلي يسير يمشي لانها قريبه وايد من البيت )
ميثه:هههه...غريبه شو يايبنك بيت خالتك؟
علي:امايه سوت لي تلفون تقول غدا عندهم لسلامة شيخه
ميثه:هيييييييييييييييه زين زين قرب فالميلس لين ايي عبيد
علي:وينه هوه؟
ميثه:مدري بس مو فالبيت
علي:يالله بسير الميلس انا
ميثه:برايك...
.............................
..نوره من درت ان عمها وافق..وكانت كل يوم اتسير تاخذ اثاث لفلتها..
اما بو فهد..فكسر الجدار اللي بين الفلتين >>من افكار المهندسه ام فهد..
وألغوا باب الفله الثانيه .وسكروا باب فلة بو فهد..وسووا فالنص باب كبير بين الفلتين...ورتبوا حديقه بين الفلتين بس تكون فيها جلسه ومظلات ونافوره حلوه صغيره فالنص..

ام فهد رتبت الطابق الثاني اللي في فلتها..ووسعت فيه وبدلت صبغه واثاثه والديكورات بعد....
فهد سافر فرنسا شغل.ونوره ما سارت وياه..كانت تاثث فلتها..كمل اسبوعين..ويوم خلص..كانت نوره مجهزه الفله كامله..
وبينتقلون فيها...
بعد شهرين..طبعا ام ميثه خبرت ام فهد بان ميثه ما تبا عرس..وام فهد يالله يالله وافقت وخبرت فهد اللي ارتاح لانه كان شرط من شروط نوره......
وقرروا يسوون حفله بسيطه في بيت بو ميثه..........

اليوم الحفله هوه حفله وملجه بنفس اليوم..بس بسيطه بين الاهل..
عقب ما ملج الملاج وسار..المعازيم بدوا يخفون شوي شوي عقب العشاء..بس لان فهد بيشل ميثه وبيروح بيته رباعت فهد ما ساروا لانهم بيسون له زفه مع ان فهد مخبرنهم ما يبا هالخرابيط ولا شي..
ميثه تتغشى وتنزل ...
ام ميثه بعد ما سلم عليها فهد اللي اول مره تشوفه ابتسمت ما شالله مملوح
ام ميثه:ايلس ابويه الحين بتنزل ميثه
فهد ما له نفس ايلس بس يلس بدون صوت..
ميثه نزلت متغشيه ومشت صوب امها وتفاجأة يوم شافت فهد ووقفت مكانها

... انتهى البارت الرابـــــــــــــــــع

شـــــو تـوقــعـــــــــاتكــــــ ـم؟؟


فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


قديم 27-02-14, 10:04 PM   #6

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي



البارت الخــــــــــــــامس

نوره تتكلم فالتلفون بصوت واطي:اليوم ملج..يا ماما سمعيني
انزين ما له داعي تسافرين الحين صبري شوي
...يا ربييييي ...المره الاوليه ما نفع ويا عمي..لا تحاولين..انا ما عندي فلوس..توني مأثثه الفله وما عندي حتى درهم واحد..
لا ما ابي الحين..خل تشرف ست الحسن والجمال وبراويهم صدق من هيه نوره...مثل ما يبت راس فهد بيب روسهم واحد واحد....
........................

فبيت بو ميثه...
ام ميثه بعد ما سلم عليها فهد اللي اول مره تشوفه ابتسمت ما شالله مملوح
ام ميثه:ايلس ابويه الحين بتنزل ميثه
فهد ما له نفس ايلس بس يلس بدون صوت..
ميثه نزلت متغشيه ومشت صوب امها وتفاجأة يوم شافت فهد ووقفت مكانها
فهد وقف..
ام ميثه/:ميثه امايه سلمي على فهد
ميثه تقربت بهدوء
فهد (ان ما كرست راسج ما اكون فهد
ميثه:السلام عليكم
فهد:وعليكم السلام.......مشينا؟
ميثه رجفت يدها وبدون ما تخليه ينتبهه مسكت طرف عباتها زين وراحت تسلم على امها....
فهد واقف يحرسها تخلص وام ميثه حاضنه بنتها وتمسح دموعها:الله ويفقكم يا رب ويبارك فيكم
ميثه فتحت امها ولفت اتشوف فهد اللي عطاها ظهره وطلع..
......
فهد فتح الباب السياره ودخلت ميثه .. سكر الباب ورد مكانه ركب وحرك بدون صوت منه او منها.......
رباعت فهد اول ما طلعت سيارة فهد من البيت بدا شغل الزفه صدق...هرانه واعروض ووويلات(تفحيط) وشغلات شباب ...
فهد مسك تلفونه واتصل وشكله معصب:خبل انته خبل؟؟؟
ميثه فخاطرها(لازم تصمخ اذوني يعني؟
فهد يكمل:قلت لك ما اريد زفه مب غصب..يالله خبرهم يوقفون ويروحون
سيف:ياخي استح ع ويهك حرمتك عدالك ويالس تنازعني..؟مب منك بس صبر شوي
وسكر سيف فويه فهد وتم يحرق تواير سيارته جدام سيارة فهد والدخان اللي يطلع من التواير بكل مكان..دخل الدخان فسيارة فهد وميثه كحت
ميثه حطت يدها على صدره:كحح كححح كحح كححح
فهد لف يشوفها وتم يضرب هرانه لسيف المخبول..شو بيقولون خلاف شلها من بيت اهلها للمستشفى سيده؟حشى!!!
..
ما صدق على الله ان سيف يلف بسيارته وسرع فهد وما خلا مجال لسياره ثانيه تتجاوزه ووصل البيت ودخل السياره داخل...
ام فهد تستقبل ميثه وتفتح لها الباب وتسير بها داخل بعد ما باست ميثه راسها...
فهد نزل من سيارته وراح برا عند سيف المصفوق ....
..................
وصلت ام فهد ميثه وترخصت منها...ونزل تحت تشوف فهد اللي أختفى!!!

ام فهد:فــهـــــــــــــــــ� �؟؟وينك؟
بو فهد ماسك فهد من ذراعه ويمشي به داخل البيت..
شكل فهد ماله نفس ابد ابوه يسحبه وهوه يبا يرجع لربعه اللي وقفوا كلهم لما شافوا فهد عندهم...

فالفله الثانيه نوره واقف عند الدريشه وفاتحه طرف الستاره والشرار يتناطر من عيونها..تسكر الستاره بعصبيه وتروح تيلس على السرير وتضغط على أرقام تلفونها بعصبيه...
نوره:ألو..ماما مو مرتاحه..آه؟..توهم وصلوا..ياربي ياماما كم مره قلت لج الحين ما عندي..صبري شوي .انا مستعيله اكثر منج..انتي بدل هالسحور لفهد وراج ما تسوين لي شي ايب لي ياهل واسّكت اهله؟؟.ماما انتي تعرفين المره الاوليه ..لا...لا...شو تبيني اسوي والله مو بأيدي..يا ربـــــــي وبعدين وياج؟..المره القبيله محد كشفني والله ستر هالمره شو تبيني أسوي اذا عرف؟..بيطلقني اكيد ما يبالها شي بعد.لا لا ما اريد خلي هالموضوع بعدين..اووففف تراج ترفعين الضغط يالله برايج الحين.
وتسكر نوره وتفر التلفون على الشبريه وترجع تمسكه مره ثانيه وكأنها تذكرت شي..............
نرجع لفهد....
ام فهد:وين سرت.؟يالله سر فوق عند حرمتك
فهد تأفف وطلع بخطى متهالكه...
ميثه لين الحين بعباتها وغشوتها....
دق فهد الباب وهوه يطالع امه وابوه اللي يطالعونه من تحت الدري...
دخل فهد وسكر الباب وراه..
ام فهد وبو فهد راحوا يلسوا فالصاله..
فهد ساند روحه على الباب ويدينه وراه يفكر بنوره اللي ما ترد عليه اليوم...
وصله مسج..وفتح تلفونه
نوره(ارقد بالصاله)
فهد(حتى مبروك ماشي)يبي يشوف ردت فعلها
نوره(احلف بس؟ اذا ما تبي تشوف رجعت ويهي سوها اشوف)
فهد(هههههه ليش ما تثقين فيني؟)
نوره(احبك واغار عليك..)
فهد(فديتج والله..لا تخليني اتخبل واييج الحين!)
نوره(هههه تروم؟)
فهد(هههههه )
نوره(المهم...مثل ما قلت لك..نام فالصاله..وبشوفك باجر الصبح)
فهد(انشالله حبيبتي تصبحين على خير)
نوره(وانت من اهله فديتك)
فالغرفه...
ميثه تشوف الغرفه وشكلها حلو ومرتب.ماشالله ام فهد رتبتها من خاطر..والاثاث قمة فالروعه..
سمعت فهد يتنحنح ويفتح الباب بعد دقه بسيطه..
ميثه لفت عليه براسها وبعدين بجسمها..
فهد ما يبا يطولها وهيه قصيره:ابا اكلمج بسالفه تعالي الصاله لو سمحتي
فهد طلع وميثه استغربت!!!..بس ارتاحت شوي...فتحت عباتها وغشوتها..وكانت لابسه فستان ابيض وفيه لمعه ذهبيه صحيح انه مو فستان عرس بس شكله يهبل موووت ..ماسك على صدرها وفي مثل الشفيون اللي يا دوب يبان مغطي شوي على طرف كتفها..شعرها مرفوع بدون مثبت ونازله خصلات ناعمه على اطراف ويها وظهرها يغطي شوي بس من ظهرها لانه الفستان واصل لنص ظهرها ولابسه عقد الماس يلمع مع خاتمه وحلقه والاسواره|.
شافت نفسها فالمرايه واستحت تطلع..قالت فخاطرها احط شيله لو لا؟؟بس هوه ريلي!!لا لا استحي..حطت شيله على راسها بس قالت شكلي غلط..احسن اشيلها..حطت الشيله على الكرسي وطلعت...
فهد يالس فالصاله وشكله يفكر ...
ميثه تقربت بس لاحظت ان فهد ما انتبه لها..صح ان قلبها دق شوي يمكن خوف اول ليله مع انها مرت قبل بهالليله بس غير حتى ولو كانت مو اول مره لها...
ميثه:احم
فهد انتبه ورفع راسه كان بيقول شي بس انصدم من جمالها.يخرب بيتها اتجنن..
فهد سوا نفسه عادي مع ان قلبه تم يدق بقو...
ميثه كانت منزله راسها اول ما قالت احم..
فهد:تفضلي استريحي
ميثه يلست مقابلتنه وماسكه ايدينها ومنزله راسها..
فهد مبهت فيها(صدقها نوره يوم ينت يوم شافتها ..صدق البنت وايد حلوه.
ميثه حست بنظراته تمت تسمع دقات قلبها فحلجها...
فهد يرجع شوي لورا وشايف نفسه:بغيت اقولج وأكلمج عن موضوع زواجنا
ميثه رافعت راسها تشوفه..
فهد ارتبك شوي بس مقوي نفسه:وانا ابا اقولج..انا زوجنا هذا كله وانا مو راضي فيه
ميثه وكأنها تقول له(لا والله؟احلف بس؟
فهد يكمل:وانا بصراحه احب حرمتي واموت عليها...وع سالفه الحمل والعيال
ميثه هنيه انصبغت...
فهد يكمل:ما اريد عيال...يعني
فهد يوقف:يعني يا اخت ميثه..ابيج تكونين متعاونه ويايه شوي..امممم
ميثه وقفت وهيه فاهمه عليه وقالت:يعني ما تبغي تتزوجني؟
فهد ابتسم عجبه ذكائها:عليج نور
ميثه حست براحه شوي:...............وعلى شو ناوي؟ نحن ملجنا
فهد:انا بروح الحمام وبتسبح وبنام هنيه فالصاله وانتي بدلي ملابسج ونامي بالغرفه..بس...ما اريد امايه وابويه يعرفون بهالشي..
ميثه يلست وفي حاله استغراب وخيبة امل يمكن تقولون(قبل أرمله...والحين معلقه؟؟اللهم لا اسألك رد القضاء بل اسألك اللطف فيه..ما احيد سويت شي..استغفر الله العظيم..خيره...الخير فيما اختاره الله..يمكن يكون خيره لي وانا ما ادري...)
فهد يشوف ميثه كيف يالسه وشكلها تفكر..(ماشالله عليها.)
ميثه على الاقل حست براحه..ما تحب حد يلمس جسدها..جاسم كرها كره بنفسها..كرت الريايل ما تبي حد يلمسها تحسه بيعتدي عليها مثل ما كان جاسم يسوي بها كل يوم..مع انه كان زوجها..بس دايم تبي والا ما تبي ما يهمه غير يشبع نفسه لو هيه كارهه هالشي...
............فهد:همم
ميثه رفعت راسها ويت عيونها بعيون فهد..
فهد تم قلبه يدق...
ميثه دق قلبها ونزلت راسها:اللي تبيه بيصير..
فهد:خلاص عيل...انا بدخل اتسبح
راح فهد للحجره يبدل ويتسبح....
ميثه(حاسه اني شايفتنه قبل هالمره..بس وين؟؟...وين يا ربي وين؟؟؟)
ميثه افكارها متخربطه وقفت وسارت صوب الحجره وتوها بتفتح الباب سبقها فهد ووتفاجأوا الاثنين!!!! فهد فتح الباب كامل وطلع وميثه دخلت بعد ما قف شعر ينبها(جسمها)
دخلت ميثه غرفة الملابس وكانت تفتح كل مره كبت تدور على الروب ..ولقته وحطته على الكرسي الكبير اللي بنص غرفة الملابس..وتحاول تفتح سحاب فستانها اللي على جنب من صوب خاصرتها اليمين..بس ما رامت له..
ميثه:بسم الله شو بلاه هذا؟
تحاول تفتحه بس ما قدرت..:خيبه شو فيه؟؟مجربتنه قبل ما استنحس..ما لقى غير اليوم يستنحس فيه؟؟؟؟؟؟؟
فهد من وراها:شو بلاج؟
ميثه انتفضت ولفت على ورا:بسم الله الرحمن الرحيم
فهد يتقدم بطنازه:خير شايفه يني؟
ميثه:ااا اا بس..ما قلت انك(ما كملت
فهد يقاطعها:هيه هيه بس ياي اشل لحاف من الكبت
فهد لف عنها وسار صوب الكبت يدور لحاف ومخده.وميثه لفت اليانب الثاني تحاول تفتح السحاب بدون ما ينتبه فهد..
فهدمسك اللحاف والمخده وتوه بيطل انتبه لميثه اللي شكلها متلعوز..
فهد:اساعدج؟
ميثه وسعت عيونها:لا مشكور..شوي بس معلق
فهد حط اللحاف والمخده على الكرسي الكبير وتقرب منها:خوزي ايدج شوي بساعدج
ميثه محمره صدق ما رامت تفتحه..خوزت يدها على قدام صوب صدرها وكأنها تخبي جسمها عنه..فهد مسك السحاب ومسكه من تحت يحاول يفتحهه>>شكله خبير بفتح فساتين نوره..استحي على ويهج عيب,,*ـ*
ميثه منصبغه وفهد مركز يفتح السحاب اللي معلق بخيط غليظ ..جلس فهد على الكرسي وبدون ما ينتبه يمسك ميثه من خصرها اليسار ويلفها زين عليه يحاول يفتح السحاب..ميثه صدق صدق صدق صدق صدددقققق محمره...فهد يحاول يطلع الخيط بطرف اصبوعه بس قوي وما رام له...بعدين قرب راسه اكثر يحاول يمسكه باسنانه..
ميثه مب رايمه تتنصخ....تحس انها بتموت من المستحى منه وبنفس الوقت ما تبيه يقرب منها
ميثه:خلاص خلاص مو لازم
فهد :صبري شوي لازم افتحه اليوم يا انا يا هوه
>>لاحول ولا قوة الا بالله شو هالغبي
ميثه مستغربه منه !!!!
فهد تقرب وقص الخيط باسنانه ومسك السحاب ونزله بسرعه بقوه يشوف اذا ابينفتح بس سكر عيونه ابسرعه عقب ما شاف خصر ميثه لفت بسرعه وحطت الروب عليها:خلاص مشكور تقدر تطلع...
فهد حس نفسه مسوي جريمه انصبغ ويهه وطلع بسرعه وناسي اللحاف والمخده..
ميثه يوم طلع تنفست لانها كانت كاتمه نفسها....تاحت الفستان ولبست الروب..حطت الفستان على الكرسي الكبير..وشافت اللحاف :شكله نساهن!
فهد يالس على الكرسي وحاط يدها على صدره ويهز راسه:لا لا لااا مستحيل يا فيهد مستحيل...(يدق على صدره شوي يقوول:انت لنوره وبس سامع...؟؟؟بسسسسس

ميثه تسبحت وطلعت لبست بجامتها قميص نوم للركبه بس حمالات ولبست روب القميص اللي بنفس لونه وردي باهت مع ورد مطرز على الصدر بشكل ناعم ما سكرت الروب....فتحت شعرها ومشطته على طوله وراحت للسرير..بس قبل ما تيلس..تذكرت اللحاف,,فكرت تشيله له او تخليه..بس قالت بشوفه قبل اذا نايم لو لا..
تقربت من الباب فتحته شوي..شافت فهد منسدح يشوف التلفزيون..
وسكرت الباب..
راحت على التسريحه ويلست:برايه..يوم يبا يرجد بيي وبيشلهن واناشعلي.؟خله يولي..
وتوها قايمه فتح فهد الباب وانصبغت ميثه وطارت للسرير وفهد انصبغ ويهه صدق لما شافها فقميص النوم ومشى بشكل سريع لغرفة الملابس شل اللحاف والمخده وطلع وقبل ما يسكر الباب بدون ما يلف عليها لانها كانت منخشه فالسرير:تصبحين على خير..
طلع وسكر الباب..
ميثه فتحت اللحاف وشكلها محمره:.اسميني غبيه..لازم ما ألبس هالقمصان..توبه توبه ويهي عورني من القفطه..
تلحفت.....
وفهد منخش فلحافه ويفكر كيف ان ميثه صدق حلوه...بس يبعد هالافكار عنه لانه ما يبا غير نوره...
......في صباح اليوم التالي...

ميثه لابسه مغربي نيلي ومطرز شغله كله باللون الفضي..وعليه حزام فضي..ويدينه واسعه..ومسويه مكياج خفيف عيونها سموكي اسود ع نيلي بس خفيف وشكله حلو مخلي عيونها سووود وايد..وحطت قلوس خفيف بلون فوشي.. حطت دهن عود شوي وحطت شيلتها الشيفون على راسها وضبطت قصتها اللي على جنب وشافت ساعتها
:اوعيه لو لا؟؟لا برايه..لا اوعيه احسن..لا لالا خله برايه انا بنزل ما احب الليلسه بروحي
توها بتفتح الباب فهد سبقها ودخل مع انه نص نايم بس انتبه كيف صايره حلوه و متكشخه.
فهد يطنش ويروح داخل:دقايق بتسبح..
دخل يتسبح وميثه يلست فالصاله تترياه..
طلع فهد بعد ربع ساعه ومتكشخ
فهد يحط تلفونه فمخباه:نزلنا؟
ميثه تقوم وهيه ملاحظه وسامة فهد:يالله
فتح فهد الباب وطلع وناسي ميثه اللي سوا لها طاف>>صفقت جبهتي
ميثه فتحت الباب مصدومه وطالعت فهد بنص عين
فهد لف بسرعه وكأنه ناسي:اووه سوري
ميثه حاست بوز مشت لتحت تتجاهله..
ميثه شافت ام فهد وابو فهد تحت يطالعونهم مبتسمين...
ميثه مبتسمه تتقرب منهم:صباح الخير..
ام فهد وابو فهد :صباح النور.
تقربت ميثه وحبيت ام فهد واوبو فهد على روسهم
فهد استحى على ويهه تقرب وعقب ما حبتهم ميثه حبهم وراها.
ام فهد وابو فهد استغربوا بس ابتسموا من زمان ما حبهم على راسهم
ام فهد تيلس ميثه عدالها:مبروك يا عروس
ميثه استحت وابتسمت ابتسامه خفيفه ومنزله راسها...
بو فهد:مبروك يا فهد
فهد بلا نفس:الله يبارك فيك..
ام فهد :بقوم اخلي الخدامه تيب لكم الفطور وسيروا افطروا فوق..
فهد وقف..
ميثه مطنشته وتكلم ام فهد وتوقف جنبها:انا ابا افطر وياج..
ام فهد:هههه شو رايك فهد؟
فهد يلس/::زين احسن
ام فهد تمشي ومشت ميثه وراها
ام فهد لفت براسها ووقفت:وين تبين؟
ميثه ببرائه:بساعدج
ام فهد ضحكت ومسكتها لين وصلتها جنب فهد ويلستها:ههههههه يلسي ويا ريلج
ام فهد:بو فهد؟ما ودك تساعدني؟
بو فهد فهم عليها انها تباهم ايلسون بروحهم ووقف:يالله يالله وانا ما اقول لا لروحي ام فهودي
فهد معصب ومستحي:ابويه؟!!!!!!!!!!1
ميثه حبت ان بو فهد يدلع زوجته جدامهم
بو فهد:جب انته وانا عندي غير العوش نظر عيني يعلني ما خلا منها
ام فهد استحت ومشت وهيه تتضحك
فهد منصبغ:ابويه شو هاااااااااااااااااا؟لا اتم اتدلع امي جدامي دخيلك
ميثه تتضحك بصوت واطي..
بو فهد طنشه ومشى بخففه ورا ام فهد..
فهد لف يشوف ميثه وشافها تحاول تمسك ضحكتها ومنزله راسها واصابعها تتلمس بها شافيفها تمنعهن عن الضحك..
تم قلبه يدق بقووو..يطالعها كيف صدق حلوه..يدق....يدق.....يدق......يدق. ....(ابتسم ابتسامه خفيفه بس انتبه لعمره وقام بسرعه لحق امه وابوه...ميثه استغربت!! بس كملت تتكركر على عمها وعمتها..
فالمطبخ...
ام فهد:انته شو يابك؟
بو فهد يالس على الكرسي والطاوله ياكل زيتون اخضر...
فهد:قلت يمكن تبون مساعده
ام فهد تدفه على برا:سر سر عند حرمتك يالله
فهد:خلاص خلاص انزين انزين

يطلع فهد ويروح للصاله وميثه كانت عاطيته ظهرها وتشوف حديقة البيت من الدريشه الكبيره...كانن الستايرمفتوحه...وخيوط الشمس تمر من الدريشه للصاله ومنورتها ...تقرب فهد وهوه يطالع ميثه..مع انه من زمان بهالبيت بس ما لاحظ ان هالشباك يدخل هالنور كله للبيت...
ميثه حاطه يدها اليمين على طرف الستاره..واليد الثانيه ترفع بها شيلتها الشيفون اللي طاحت على كتفها...
فهد:ميثه
ميثه تلف عليه..
فهد ما عرف شو يقول...تقرب ووقف جنبها يشوف حديقة البيت..
ميثه تشوف الحديقه:حديقتكم حلوه..منو مرتبها؟
فهد:ابويه وامايه..انا ما اتدخل ابد بالحديقه
فهد وميثه عيونهم تتفحص الحديقه ويتكلمون وكل واحد ما يشوف الثاني...
ميثه:بس حرام انك تحرم نفسك من شي طبيعي
فهد:شو تقصدين؟
ميثه:اقصد لما تزرع نبته..(تأشر على الشجره الكبيره والطيور حوليها..
فهد يشوف الشجره الكبيره
ميثه تكمل وتنزل يدها:وتشوف غيرك يعتبرها بيت ومأكل وملجا له تحس براحه كبيره...شوف كيف الطير يحتمي فيها..يبني اعشاشه فيها وياكل منها ..ويحمي عياله من الحيوانات المفترسه..
فهد ما بعمره يفكر بهالطريقه..حس ان مخه انفتح شوي..
فهد:انا لاحظت حديقة بيتكم ..وايد حلوه..
ميثه ابتسمت:مب ذاك الزود..يعني مو وايد
فهد:لا بالعكس بصراحه صايره وايد حلوه
ميثه:مشكور
ورجعت ميثه مكانها وفهد شاف قط يمشي صوب الشجره ويرقى لها بشوي شوي ناوي للطيور
فهد فتح الدريشه بسرعه وسوا صوت يخوف القط اللي شرد بسرعه...فهد خاف على الطيور..وهذي اول مره تصير وياه..سكر الدريشه ولف على ميثه اللي كانت تطالعه وخايفه
فهد ابتسم:هههه لا بس قطو كان ناوي للطيور
ميثه يلست مبتسمه/هههه
ام فهد:فهد ميثه تعالو بتفطرون
ميثه:خالوه
ام فهد: خير حبيبتي
ميثه تتقرب منها:شو رايج نفطر برا؟
ام فهد:خاري؟؟؟؟؟؟؟؟؟ ليش؟؟؟
ميثه:الجو حلو...شو رايج
ام فهد:اتصدقين عاد من متى ما فطرنا خاري؟
يمكن يوم كان فهد هالطول
فهد:انا ما احيد فطرنا برا
ميثه:والحين شو الراي؟
ام فهد :يالله عيل ساعدوني خل نطلع فطورنا برا...مع انج عروس بس تبين تفطرين خاري؟
ميثه :هيه والله اليلسه برا أحلى من الكتمه داخل

ومشوا كلهم ...فهد حس براحه كبيره بأول يوم لميثه فالبيت..بس يحاول يبعد شعور الانجذاب لها..
بو فهد توه بيحط اللقمه فثمه تمسكها ام فهد وتردها بالصحن:قوم قوم يالله انسير خاري
بو فهد منصدم ويشوف فهد وميثه وام فهد يلمون السفره..
بو فهد:ع وين.؟
فهد:انسير بويه بنفطر خاري
ميثه:عمي بنفطر خاري..نشم هواء الطبيعه احسن لنا
بوفهد ابتسم:صدق؟؟عاد من زمان ما فطرنا خاري
وقام يساعدهم وميثه مبتسمه وفهد شاف بسمة ميثه وابتسم وطلعوا بالفطور على الحديقه وفرشت ام فهد السمه(الحصيره) ويلسوا يفطرون ..بو فهد وام فهد سوالف شوي ومغازل شوي..وفهد مره يعصب ومره يضحك..وميثه مستانسه وايد...
شخص من وراهم :السلام عليكم
كلهم لفوا يشوفون منو؟!
انتهى البارت الخامس...توقعاتكم؟


فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


قديم 01-03-14, 02:18 PM   #7

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي



السلام عليكم ورحمة الله وبركاته

كيف حالكم إن شاء الله دائما بخير ؟

هذه احدى روايات باقات شهر مارس جديد × جديد

سنحرص نحن المشرفات على نقل لكم الفصول أول بأول

وإذا حدث أي تأخير فاعلموا أنه من الكاتبة نفسها لا من الناقلة

لأن كما تعلمون لكل كاتبة ظروف يجب أن نقدرها لأنها تتفانى من أجلنا نحن القراء

وإلى ذلك الموعد القادم للفصل الجديد قراءة ممتعة لكم جميعاً......



شـكــ وبارك الله فيك ـــرا لك ... لك مني أجمل تحية .

موفق بإذن الله ... لك مني أجمل تحية .



لامارا غير متواجد حالياً  
قديم 03-03-14, 06:16 AM   #8

nz111

? العضوٌ??? » 150192
?  التسِجيلٌ » Dec 2010
? مشَارَ?اتْي » 1,211
?  نُقآطِيْ » nz111 has a reputation beyond reputenz111 has a reputation beyond reputenz111 has a reputation beyond reputenz111 has a reputation beyond reputenz111 has a reputation beyond reputenz111 has a reputation beyond reputenz111 has a reputation beyond reputenz111 has a reputation beyond reputenz111 has a reputation beyond reputenz111 has a reputation beyond reputenz111 has a reputation beyond repute
?? ??? ~
My Mms ~
افتراضي

شـكــ وبارك الله فيك ـــرا لك ... لك مني أجمل تحية .

nz111 غير متواجد حالياً  
قديم 03-03-14, 07:29 PM   #9

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي


البارت السادس

ام فهد وابو فهد وفهد وميثه يالسين يفطرون فالحديقه.. بو فهد وام فهد سوالف شوي ومغازل شوي..وفهد مره يعصب ومره يضحك..وميثه مستانسه وايد...
شخص من وراهم :السلام عليكم
كلهم لفوا يشوفون منو؟!
وشافوا نوره واقف وراهم..
ام فهد وبو فهد طالعوا بعض...
فهد وقف:نوره؟قربي
ميثه مع انها كانت مستغربه ييت نوره بس ما بينت شي ونزلت راسها شوي
نوره تتقرب وتيلس بين ميثه وفهد..
فهد يلس...
ام فهد:كنت احسبج فبيت أهلج
نوره تمسك خبزه وتقصها:لا خالوه ما سرت(تاخذ بالخبزه شوي جبن وتقول لفهد:قول اه
فهد انحرج شوي.وطالع امه وابوه وقال:أأه
ميثه لين الحين منزله راسها وكسرت الخبزه فيدها وتطالعها وشكلها سرحانه(دام صدق يحبون بعض ليش زوجوه؟؟ليش ما صبروا عليها؟؟ )
نوره تكمل:امايه بتسافر هاليومين..ويوم بترد بسير لها
ام فهد:يعني بتسير ******؟.
نوره بنص عين:هيه..
ميثه حست انها مخنوقه....
ام فهد شافت سرحان ميثه صبت لها كوب شاي
ام فهد تناولها الشاي:سمي
ميثه انتبهت ومسكت الكوب:سم الله عدوج
فهد لمح ميثه ورد يشوف نوره وهوه مبتسم..
بو فهد طبعا طنش الكل ويالس ياكل زيتون اخضر عشقه....
ام فهد تعطي ميثه المدلاه وكوب:اندوج صبي لريلج
ميثه ابتسمت وتوها بتاخذهن مسكتهن نوره قبلها:هاتي عنج انا اقرب..
مسكت المدلاه وصبت لفهد كوب...
ميثه انحرجت مسكت كوبها وشربت شوي منه
نوره تريد تبين لميثه انها مب سهله وقويه....
بو فهد وعينه على حبة الزيتون اليي فيده:نوره صبي كوب
نوره تحط المدلاه عند ميثه:صبي له اكوه الكوب عدالج
ميثه بدون ما تشوف نوره خذت المدلاه
ميثه فهمت ع نوره وانها تبي تحرجها اكثر بس ميثه ابتسمت بهدوء وصبت الكوب وناولته عمها وهيه مبتسمه:سم عمي
بو فهد:سسمممم الله عدوج
ميثه تقوم وهيه مبتسمه:الحمد لله بترخص عنكم
ام فهد وبو فهد:وين.؟؟؟؟؟
ميثه :هههه بروح فوق شوي بيب تلفوني..نسيته..
ام فهد و بوفهد حسوا بان ميثه صدق منحرجه من اليلسه وياهم...بس اكتفوا بنظرات لنوره اللي ما مهتمه فيه ويالسه تقص خبز لفهد وتأكله..
فهد بيني وبينكم تضايق يوم شاف نوره ..لانه كان يبي يروح لها الفله ولا انها تي عندهم...بس ما حب يحرجها..ما يبي مشاكل وعوار راسه على قولته....
ام فهد غمزت لفهد وكأنها معصبه..وتبيه يلحق ميثه
فهد :بس بس نوره الحمد لله..(يقوم ويمشي شوي
نوره:فهد:لا تتاخر ابيك بموضوع
فهد لف عليها وسوا حركه بصبوعه(ok)
ام فهد يوم دخل فهد:انتي ما تستحين على ويهج؟
نوره:لا ما استحي..وانا شو سويت؟؟؟
بو فهد قام وسار عنهم متجهه صوب الحديقه الثانيه....
ام فهد:بس عيب عليج..هيه عروس..شو يايبنج.؟
نوره:ابا فهد بموضوع
ام فهد:انزين مب رايمه تتصبرين لين ايج بنفسه؟
نوره توقف:لا.
ام فهد وقفت:نوره عيب عليج..انا عمتج تكلمي ويايه باخترام
نوره:والله انا كيفي..لو شفت منج احترام جان كلمتج باحترام بس انتي حيه..ما ارتحتي لين يوزتيه..
ام فهد:استغفر الله العظيم واتوب أليه..يا بنتي بدل ما تركضين تيوزينه بنفسج يايه تقولين حيه وما حيه؟
نوره:أيوزه؟ليش انا مينونه؟وبعدين فهد بنفسه ما يبا عيال
ام فهد بطنازه:هههه وحد ثره ما يبا العيال..؟؟هوه ساكت عشان خاطرج..والا الود وده يكون عنده عيال ويلاعبهم
نوره تضايقت وايد وطنشت عمتها وسارت عنها...
...............
ميثه تمسك تلفونها اللي كان محطوط على طاوله فنص الصاله ابتسمت يوم شافت شواخ ترمسها بالمسجات
ميثه(بسم الله الرحمن الرحيم..انتي ما ترجدين؟)
شواخ(هيهيهيهيهييه...شو اخبارج يالعروس؟)
ميثه(الحمد لله...بس ليش مطرشه مسج الساعه خمس!! لا وبعد فاضي)
شواخ(اوعيج للصلاه.x.x)
ميثه(حماره وحده هههههه حد قالج ما اصلي؟)
شواخ(خخخخخخ اقول وين عريس الغفله؟)
ميثه(شواخ يا الحماره استحي على ويهج تراه ريلي)
شواخ(خخخخ اوكيه اوكي سوري..اقصد زوجج المحترم)
ميثه(تحت عند اهله)
شواخ(اها!!!! اوك!!!! برايج الحين..!!! ونزلي تحت عنده!!! لا تلحس حرمته عقله!!!!)
ميثه(شو سالفة الـ!!!!!)
شواخ(مدري!!!!!)
ميثه(هههه الله يكملج بعقلج..يالله مع السلامه وسلمي على خالوه)
شواخ(آمـــــــــــــــــي� �...يوصل انشالله مع السلامه)
ميثه:هههه وربي انج سوالف
فهد من وراها:منو؟
ميثه تروعت وطاح تلفونها ابسرعه:بسم الله
فهد مسك التلفون وعطاها:ليش يني؟
ميثه تمسك تلفونها:لا بس ...ما سلمت وروعتني
فهد:السلام عليج
ميثه بنص عين(الحين؟!):وعليكم السلام
يلس فهد على الكرسي يشوف التلفزيون....
ميثه ما عرفت شو تسوي ويلست على القنفه الثانيه :أممم
أقول فهد
فهد لف عليها...
ميثه:ابغي اقطع اجازتي..
فهد:أي اجازه؟
ميثه:من الشغل
فهد: ثرج تشتغلين؟
ميثه:هيه
فهد:وين؟
ميثه:بلدية العين
فهد:والله بكيفج..
ميثه ابتسمت على الاقل الشغل يسليها..
ميثه:بكنسلها الاسبوع الياي
فهد يشوف التلفزيون وينسدح على القنفه:بكيفج
ميثه توقف ..
فهد:وين؟
ميثه:بروح تحت
فهد:لا يلسي شوي..
ميثه:ليش؟!
فهد:يلسي انتي..
ميثه ما فهمت عليه ويلست...
فهد:نص ساعه ونزلي..
ميثه مو مستعوبه..مسكت تلفونها وحطت ريل على ريل وألتهت سوالف ويا شواخ..
فهد مره يشوف التلفزيون..بين دقيقه والثانيه يلمح ميثه شوي حس بقلبه يدق...
فجأه وقف بسرعه حتى ميثه تروعت....
فهد طلع من قسمهم ...
ميثه:بسم الله الرحمن الرحيم....شو بلاه هالريال؟؟
..............
نوره:ليش بطيت؟
فهد يلس :نوره...من أولها؟؟
نوره يلست:شوف..ترا امك بدت تطول لسانها عليه
فهد:نوره..حبيبتي...انتي اللي سويتيه غلط
نوره وسعت بعيونها:نعم نعم نعم نعم نعم نعم!!!شقلت؟؟؟
فهد:الحين البارحه الملجه اليوم انتي مصبحه؟ترا حتى ولو كان الزواج عالفاضي مو معناتها تغثيت بنت الناس..انا قلت لها
نوره:خير؟!؟!؟بنت الناس؟؟؟وقلت لها؟؟؟انت عن شو تتكلم؟
فهد:انا خبرت ميثه ان زواجنا اباها على ورق وبس
نوره:انزين؟؟
فهد:وماقالت شي..فدام انها متعاونه ومتساهله ما اريد مشاكل وعوار راس..خلج هنيه وهيه بتم فبيت ابويه..ما اريد صدعه
نوره شافت ان فهد معصب شوي :فهد..بس انا اشتقت لك والله
فهد يوقف:حتى انا اشتقت لج..بس اللي صار اليوم ما اباه يتكرر..
نوره:خلاص ولا يهمك..انا اثق فيك..متى بترد الليله؟
فهد يمشي لبرا:هالاسبوع ببات عندهم ما اريد صدعه ويا ابويه
نوره تلحقه:وقف وقف
فهد لف عليها وشكله متملل
نوره:بس انت وعدتني تبات كل يوم هنيه.
فهد:وانا ما قلت شي..خلي اول اسبوع يمر..خلاف لكل حادث حديث..يالله برايج ..
وطلع فهد مخلي نوره بتموت من القهر والعصبيه....
نوره:اخخخخخخخخخخخخخ ان ما خليتك تصبحها بطراق وتمسيها بطراق ما اكون نوره..
....على الغداء..فهد حط تلفونه صامت من كثر مسجان نوره وازعاجها....
ميثه تصب على غدا صحن بو فهد صالونه(مرق)
بو فهد مبتسم:بس امايه يزاج الله خير
ميثه:أصب لج خالوه؟
ام فهد:شوي لا أغص.ما احب الاكل ناشف
ميثه:هههه انشالله
وتصب لأم فهد...
يلست ميثه..
ام فهد:وانت فهد ما تبا؟
ميثه افتشلت....:اصب لك؟
فهد يمسك المغرفه من يدها:لا بصب بنفسي
ميثه تقوم:لا والله هات عنك
مسكت المغرفه وصبت لفهد
فهد:بس يكفي
ميثه ردت المغرفه فالمله ويلست(المله= وعاء المرق
بو فهد:ما ناوين اتسيرون بقعه؟
ميثه غصت:كحححححححححححح كحححححححححححح
فهد جنبها دحها على ظهرها وناولها كوب الماي وشربت شوي
ام فهد:بسم الله عليج بسم الله عليج..
بو فهد:بسم الله عليج
فهد شاف عيون ميثه احمرت وكيف شكلها كيوت :هههههه شوي شوي لا تغصين ههههههه
ميثه انحرجت
ام فهد وابو فهد ابتسموا...
ميثه بدون اراده منها شاتت ريل فهد من تحت الطاوله وهيه تحاول ما تبين لهم
فهد انصدمن مليووووووون مره من حركتها..
ميثه عقب ما حست باللي سوته انحرجت من فهد.يالفشله والله ما استحي ع ويهي.
فهد ما يبا يبين لهم ان ميثه ضربته على ريله كان بيتسم لهم ويمسح بيده على ريله من تحت الطاوله....ومستغرب من وين يابت الجرأه تضربه على ريله!؟
بو فهد:هاه شو قلتوا.؟
فهد:اححح ..اها؟لا ما يحتاي..ميثه عندها دوام الاسبوع الياي
ام فهد:شوه؟؟؟ما وحتي؟
ميثه: عندي شغل
بو فهد:اجلي شغلج امايه
ميثه مستحيه منهم ومجندسه..(مجندسه=اطالع تحت

ام فهد:امج قايله انج ماخذه شهر
ميثه:أه؟؟(مسرعج يا امايه وخبرتيهم)هيه..بس بكنسلها
ام فهد:لالالالالا استريحي ..لا تكنسلينها ولا شي...شو رايكم اتسيرون الامارات الشماليه؟(دبي والشارقه وعجمان)
فهد طالع ميثه اللي بدورها طالعته
فهد:ما يحتاي
ميثه مسكت خاشوقتها وكلت لقمه..(خاشوقتها=مغرفتها
فهد ياكل....
بو فهد يطالعهم ويطالع ام فهد:شو فيهم ذيلا!؟!؟!؟
فهد وميثه طالعوه
ام فهد:علمي علمك...انتو...انتو بلاكم؟؟؟أول مره اشوف معاريس ما يبون يسيرون بقعه؟
فهد:ما له داعي نيلس فالبيت احسن
بو فهد:لاحق ع البيت..باجر اباكم شالين شنطكم وسايرين شمال..شو بتقول ميثه؟؟عروس وما يبون يطلعوني
ميثه:.......................ما..ماله داعي عمي
فهد(الله يعيني على نوره):...............زين ما عليه زهبي شنطتج...
..........يقوم فهد:بسير اقيل شوي
ميثه تقوم:الحمد لله
فهد:كملي غداج
ميثه:لا بس الحمد لله..
وطلع فهد وميثه وراه...
ام فهد:ما لاحظت شي بو فهد؟
بو فهد:شي مثل شوه؟
ام فهد:مادري...
بو فهد يكمل غداه:كلي كلي خلي عنج الوسواس
ام فهد حاست بوز وكملت غداها....
فهد يفتح الباب ويدش وميثه من وراه...

فهد حط غترته وعقاله على الكرسي..ودخل الحجره..بيروح للحمام...(اكرمكم الله )
ميثه مسكت الغتره والعقال ومشت وراه...راحت للشماعه اللي بغرفة الملابس وحطتهن...
فهد طلع من الحمام(عزكم الله)وشكله غاسل ويهه والماي ينزل منه..ميثه شلت الفوطه وعطته:تفضل..
فهد شل الفوطه ومسح ويهه:مشكوره..اقول
ميثه:همم
فهد:يومين بس..خلينا انسير يومين..ومناك..ما اريد اهلج يقولون بخيل وما يطلعها
ميثه(بخيل وما يطلعها؟؟):زين
مشت ميثه مطنشتنه فصخت شيلتها وحطتها على الكرسي وراحت للكبت تطلع لها كندوره اماراتيه ,,,
فهد تذكر:تعالي صدق
ميثه تلف براسها تشوفه وايدينها بالكبت....
فهد:ليش تشوتين صيمي؟؟؟؟؟؟ بغى ينكسر!(صيمي=ريلي
ميثه احمرت وطالعت للكبت وتدخل بجسمها ع داخل ما تبيه يطالعها...:سوري
فهد يتقرب وشبه معصب:سوري آه؟؟؟؟سوري؟؟؟صيمي بغى ينكسر وانتي تقولين سوري.؟
ميثه طلعت اتشوفه بعيونها من ورا باب الكبت:"ما كنت اقصد..اسفه(تبا تضحك بس ماسكه نفسها صدق حركتها غبيه شوي)
فهد شاف عيونها...قلبه يدق ويدق....حب يغير الموضوع
فهد يدور لحافه ومخدته:وينهن؟؟؟وينهن؟؟؟
ميثه بعفويه:شو ذا؟منو؟
فهد:لحافي
ميثه راحت للخزانه الثالثه وفتحتها وطلعتهن فهد شالهن عنها وسار...:الساعه ثلاث ونص وعيني
ميثه:زين!!!!
...........................!!!..
فهد منسدح فالصاله..مسك تلفونه وشاف مسجات من نوره..
نوره(متى بتي؟)
(فهد رد)
(فهد ليش ما ترد؟)
(ترا ان عصبت بيي البيت الحين)
(وبعدين؟يعني ما بترد؟)
فهد هز راسه(ادري انها تحبني بس مب لهالدرجه..
فهد طرش لها مسج(سوري..كنت انغداء..آمري)
نوره(لا والله؟!وليش ما ترد؟)
فهد(قلت لج اتغداء)
فهد انسدح وتلحف
نوره(تعال عندي)
فهد(نوره ابا اقيل)
نوره(تعالي قيل عندي)
فهد(الله يهديج)
نوره(ليش انا مينونه؟)
فهد(ما قلت شي..بس خليني اقيل..وببات عندج اليوم)
نوره(صدق؟)
فهد(هيه صدق..يالله الحين برايج)
نوره(حياك الله واترياك الليله)
فهد حط تلفونه على الطاوله وتلحف زين و رجد...
....
ميثه مو متعوده تقيل الظهر..ف فتحت شنطه وحطت فيها ملابس تكفيها يومين..سكرت شنطتها وفتحت باب الحجره واتشوف فهد فسابع نومه..شافت الساعه فتلفونها 2:30 مشت على طرف اصابعها وفتحت باب الصاله بشوي شوي طلعت وسكرت الباب وراها ..فهد حط يده على اذنه حكها وهوه نايم..zzzzz

ميثه تمشي على الدري وحاطه يدينها ورا ظهرها وتشوف يمكن تلقى عمتها او عمها يالسين فالصاله..ما شافت حد وراحت صوب المطبخ,...ما لقت حد...وسارت تتمشى فالبيت تستكشف.
...
شواخ منسدحه على الشبريه على بطنها وتلعب فاللابتوب...
وصلها مسج ومسكت تلفونها
ميثه(ToT)
شواخ يلست مستغرب؟؟(شو فيج ميثه؟)
ميثه(متملله)
شواخ(كركركرر)
ميثه(ضحكت عنز عند باب المسلخه)
شواخ(أفا...شو فيج معصبه؟)
ميثه(مو معصبه بس متملله ما عارفه شو اسوي)
شواخ(ريلج وين عيل؟)
ميثه حاست بوز:اي ريل الله يهديج؟(نايم)
شواخ:يالبغام!!شو ميلسنها وريلها راجد؟!(انزين رجدي ليش تحوطين شروات حمارة القايله؟)
ميثه(انا حمارة القايله؟؟؟ الله يسامحج)
شواخ(هههه تشبيه تشبيه...)
ميثه(تشبيهج سخيف)
شواخ(صح ما قلت لج)
ميثه(خير)
شواخ|(خالي سلطان يا من السفر)
ميثه(ليش ما قالي؟)
شواخ(احتشر يو درا انكم ملجتو وسرتي بدون عرس)
ميثه(لا تقولين!!! صدق؟)
شواخ(والله صدق .يمكن اي هاليومين عندنا العين)
ميثه(خبرتيه اني انا اللي ما ابا العرس؟)
شواخ(لا ما قلت له )
ميثه كانت يالسه فالصاله تحت ودخلت عليها ام فهد:سلام عليج ميثه
ميثه وقف يوم انتبهت:وعليج السلام
ام فهد:شو ميلسنج هنيه بروحج؟
ميثه:ما اداني ارجد الظهر
ام فهد:ههه يلسي يلسي
تيلس ام فهد وتيلس ميثه جنبها
ام فهد:كلنا فهالبيت نموت على المقيل الظهر
ميثه:انا ما متعوده ما اعرف ان رجدت الظهر بسهر طول الليل
ام فهد:هيه,,فهد بعده راجد؟
ميثه تشوف ساعتها:بعد شوي بوعيه
ام فهد توقف:بسير اخلي البشكاره تسوي قهوه
ميثه:انا بطلع فوق اوعيه شي فخاطرج؟
ام فهد:الله يحفظج ولا تنسين تزهبين غريظاتكم..تكشتوا شوي
ميثه مبتسمه:إن شاء الله عمتيه
تمشي ام فهد صوب المطبخ وتفتح ميثه تلفونها وتراسل شيخه وهيه تصعد فوق.....
....
ميثه فتحت الباب بشوي شوي...
وتطل براسها ونشوف فهد بعده راجد...دخلت وسكرت الباب عالهادي ومشت صوبه وبصوت واطي من بعيد:فهد....فهد!!.....فهد قوم...فهد
فهد فسابع نومه.....
ميثه تتقرب شوي:فهد....فهددد قووم
فهد نايم حك اذنه وعفس شعره.....
ميثه بلعت ريجها...تقربت شوي.....تمت اتطالع فهد...خاطرها تدخل اصابعها فشعره وتمسح على راسه..شكله هادي وبرئ وايد..حست بأحساس انها تعرف فهد قبل هالمره بس ما قدرت تتذكر..حست بأحساس يجذبها لفهد..نزلت راسها شوي .وتقربت منه تشوفه زين.....فجأه عقد حواجبه وهوه نايم...ميثه عقدت حواجبها مستغربه!...فتح عيونه ابسرعه ميثه تروعت وشهقت وردت خطوتين ورا وطاحت يالسه على الطاوله اللي بنص الصاله:بسم الله الرحمن الرحيم
فهد انقلب واحد ثاني نقز ابسرعه وشكل عيونه حمر ومسكها من يدها بقوه وبصوت مرعب:من انتي؟؟؟؟؟؟؟؟؟؟
ميثه شافت جاسم رد للدنيا وصرخت أأاييي:أي ايدي جاسم..اخخ يدي افتحت يدي

انتظروني البارت القادم..



فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


قديم 06-03-14, 10:18 AM   #10

الحلو والزين

? العضوٌ??? » 308189
?  التسِجيلٌ » Nov 2013
? مشَارَ?اتْي » 157
?  نُقآطِيْ » الحلو والزين is on a distinguished road
افتراضي

جمممميييلللة القصة وين البببببااااققققييييي

الحلو والزين غير متواجد حالياً  
موضوع مغلق

مواقع النشر (المفضلة)

الكلمات الدلالية (Tags)
أرملة, بقلم/, mryo0om25, صغيرة, ولكن

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

الانتقال السريع


الساعة الآن 11:36 AM



Powered by vBulletin®
Copyright ©2000 - 2024, vBulletin Solutions, Inc.