آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
15-11-08, 02:58 PM
| #31 | ||||
|  همسة : قصة سالم قصة حقيقية , مرت علي في حيااتي , وحبيت أسردها ., " هل هو زمن العجائب , أم ماذا ؟ " الجزء الحادي عشر " عبدالعزيز " الحمدالله ياربي باجر بطلع من المستشفى , في هالأسابيع حسيت نفسي تحسنت واايد وكل شي خف فيني , لا طفح جلدي ولاااأنتفاخات الحمدالله بس الله يغربل بليسه هالعليوي , حلف إن يوديني برع عشان أجيك , على قولته مستشفيات الدوحه خرطي ! أنفتح الباب وحسيت بقلبي بيوقف , قمت أتنفس بقووه , ليش جيتي ؟ ليش أشوفج هنييييه ؟ طلعي برررع لا تعذبيني زوود ياهند طلعـي هند : هاا أخبار الشيخ عبدالعزيز , يقولون تشقح وتنطح رسمت البسمه غصبن عني , ماقدر تكلمني وماأبتسم.. ماضحك.. قلبي مايفرح : الحمدالله تماام جات خالتي وسلمت علي : عيل باجر بتطلع ؟ قلت : إن شاءالله خالتي هند وهي تحرك حواجبها : وعاد شد حيلك عشان ندور لك عروس أنتي عروستي , أنتي عروستي يااهنـد ..إذا ماخذتج ماخذ غييرج , وانا سمحت لكم تملجون لأني كنت في المستشفى لكن , زوااجكم ماراح يتم , مايتم لو على قص رقبتي ياااهند , أنتي أنخلقتي لي وانا أنخلقت لج ! هند وهي تحرك يدها جدامي : يااهوو , شكلك حاحط وحده في بالك , من قلناا عرووسه سرح ههههههه ضحكت خالتي : الله يتمم على خيير , ويكون عرسج وعرسه في يوم واحد قلت بسرعه وبتهور : فال الله ولا فالج ألتفتت علي هند متخرعه وخالتي شهقت : ماظنتي دعيت عليك بـ الموت ! آآه الموت أهون من زواج هند , قلت أرقع : لا يا خالتي بس انا مابي أتزوج هههههه انتي مافهمتي قصدي هند وهي تكلم أمها وتطنز : يبي يعفن هو وعليوي , مايبون حرمه تتحكم فيهم خالتي وهي تقوم : ههههه ماعندهم سالفه قامت هند وسندتها , قلت : ويين خالتي , قااعدين ! خالتي : لا ياوليدي رويلااتي تعورني بروح البيت أتمدد لي شوي قلت : سلااامتج ماتشوفين شر ان شاءالله خالتي : الشر مايجيك فديتك , يلااا حبيبتي تحمل على روحك قلت وانا أشوف هند أملي عني فيها : إن شاءالله ياخالتي , وتحملي على روحج أنتي وهند طلعوا , ورجعت أنسدحت على السرير وانا أتنهد , تخرعت يوم حسيت بحد واقف عند راسي , ألتفت وأنصدمت ! معقووله ؟ هااي من وين طلعت ....: وأخيراً راحوا , تعبت وانا أنطر عند الباب قلت وانا أعدل جلستي : هلااا هنادي , شخبارج ؟ قعدت هنادي على الكرسي اللي أحذى السرير : بخير بشوفتك أستغفرالله العظيم , هاي شنو اللي جابها ؟ هنادي وعيونها تلمع : تحبها ؟ طالعتها وانا مستغرب : أحب من ؟ هنادي وهي ترص على ضروسها : عبدالعزيز لا تستهبل علي عرفت إنها تقصد هند , فـ قلت : الزبده ؟ هنادي وقفت وهي منفعله : لييييييييش ؟ ليش تحبها وهي ماتحببببك لييش ؟ ليييش تتعب قلبك عشان وحده ماتسستااااهلك صرخت : هنااادي لااا تعليين صوتج ألتفتت علي وهي تصيح , وهمست : كل هاي عشاانهاا ؟ زين انا توأمها , انا نسخه منهاا ! أشبهها , وهي تشبهني يعني .. حسيتها قامت تتوتر وماتعرف شنو تقول , كملت : حبني انا ! انا أحبـك انا اللي أستااهلك مو هي قلت لها بنفس نبرة صوتها : الحب مب شي سهل ياهنادي , مو أي شخص تقدرين تحبينه وتقررين من تحبين ومن تكرهين , الحب يجي فجأه مثل الموت ! يأسر بـ قيوده ومستحيل تقدرين تتخلصين منه , وانا حبيت هند مو عشان شكلها , حبيت روحهاا حبيت طيبتهاا , حنيتها على الكل وعفويتها , حبيت فيها كل شي ," وصديت عنها الصوب الثاني " لكن للأسف ماعني لها ولا شي صرخت هنادي : غبييييييييه هي وحماررررره , حد يحصل لها قلبك ويعووفه , انا أنوح وأترجاك وأطلب قربك , لكنك عايفني همست : هنادي لو سمحتي طلعي براا هنادي وهي تصيح : مااابي , ماطلعت اللي في قلبي كله , انا أتعذب كل يوم عشاانك , أكره قرب خلف , أكرهه كله لكني متأمله إن في يوم بيجمعني معاك في بيت واحد سديت أذني بحركه طفوليه مادري شلون طلعت مني , لكني خلاااص مابي أسمع منها شي , كفاايه تفكيري بـ هند , تجي هي الثانييه سمعتها تصررخ , رحت رصيت على أذني بقووه وانا مغمض عيوني بعد دقايق قليله فتحت عيوني وشفتها واقف تصييح , نزلت يدي عن أذني همست هنادي : أحبك ., وعطتني ظهرها وطلعت من الغرفه " هند " دخلت البيت وانا متسنده على ضاحي , عقب ماسوو لي غسيل كلى في المستشفى ! دخلت غرفتي وأنسدحت ونمت من عقب التعب .. وعيت على رنة المسج , سبحان اللي يغير ولا يتغير , انا أقوم على رنة مسج ! فتحت المسج أبطى جوابه والرسايل قليله والشوق يدفعني على كل الأحوال .. صحيح قلب المؤمن أصبح دليله .. لكن قلبي ماعرف راحة البال .. ياليته يكمل بقايا جميله .. آلو هلا .. وشلونك ؟ وكيف الأحوال ؟ فديييت رووحك والله , معني الصبح مكلمني قبل لا يروح الدواام ! أتصلت له وعلى طول رد راشد : هلااا والله قلت : أهليين , شلونك ؟ وكيف الأحوال خخخ ؟ راشد : هههههه بخير والله , أنتي شخبارج ؟ قلت : تماام , يمدي أوحشك ؟ ترااك مكلمني الصبح راشد : أكييد وحشتيني , بس قلت مابي أتصل خسرتيني واايد خليها هي تتصل وأخسرها ههههههه ضحكت : أياا البخييييييل راشد : ألا قولي إيا الغبي , ترى فاتورتج من يدفعها غيري ؟ ضحكت بصوت عالي : محشششوم شدعووه ؟ راشد : هههههههه مالت علييج عقب ماضحكتي قلتي محشوم ؟ قلت : شاسوي فييك , في حد يسب عمره هههههه راشد : أسب روحي ولا حد يسبني قلت : ههههه اييي خير إن شاءالله راشد : زيين بسألج أخبار جيرانكم ؟ رحتي لهم الصبح ؟ تنهدت بحزن وضيق : ايي , ربي يصبرهم إن شاءالله , أمه صابره ومتحمله , انا خفت أروح أول الأيام قلت يمكن أشوف أمه منهاره وأصييح وراهاا فـ رحت آخر يوم ! راشد : الله يصبرها إن شاءالله , و يرحمه قلت : آآميين راشد : عيل شسويتي اليوم في المستشفى ؟ قلت وانا أجابل المنظره وأحط السماعات في أذني وأمشط شعري : قبل لا أروح موعدي مريت على عبدالعزيز ولد خالتي تحمدت له بـ السلامه , وعلييه صج عور قلبي , بس إن شاءالله باجر بيطلع راشد : وليش تروحين له ؟ مو أنتي قلتي لي بتروحين حق موعدج وبس ؟ ليش رحتي حق عبدالعزيز ؟ حسيت فـ نبرة صوته الضيق وكأنه معصب شوي : انا زرت ولد خالتي , شفيها ؟ لاازم أقوم بـ الواجب ! راشد وهو معصب : ومحد يعرف الواجب غيرج , ماخبرت نروح نزور بنات خالاتنا في المستشفيااات ! حذفت المشط على الأرض بعصبيه : زين الحين انت ليش معصب ؟ راشد وكأنه يكتم غيضه : عبدالعزيز بـ الذاات مابيج تزورينه ولا تشوفينه , خلاااص أنسي إن لج ولد خاله قلت بـ أستغراب : ليييش ؟ شفيه عبدالعزيز ؟ راشد يصرخ : خلاااااااص , قلت لج عبدالعزيز لا تزورينه ولا تكلمييينه , مفهووووم ؟ قلت وانا معصبه : يوم انت بتفنش هالسكرتيره الخااااايسه اللي عندك راشد بنرفزه : هــــــــند قلت : بدينا نتنرفز من بعض , مع السلامه قبل لا يصير شي لا يعجبني ولا يعجبك سكرت منه وانا أنتفض من القهر , يعني يقعد يحاسبني على دخلاتي وطلعااتي ومايشوف سكرتيرته الماااااصخه الخاايسه طرشت مسج حق شوق وانا أصييح , طلبت منها تجيني بسرعه , مادري ليش حسيت إني محتاجه لها مسحت دموعي ونزلت تحت أبي أسوي لي كوب نسكافيه , شفت سعود وطارق في الصاله , طنشتهم ورحت المطبخ ..سمعت سعود يقول : أهم شي اللي مطنش ! فتحت الثلاجه وطلعت لي حليب بارد وصخنته , أبي أعرف ليش راشد مانعني من عبدالعزيز ؟ شـنو المشكله اللي بين عزيز وراشد ؟ دخل علي سعود : هيي يـ المفهيه , الحلييب نطش ! ألتفت بسرعه على الحليب وطفيت النار , طلعت لي كوب وصبيت الحليب عليه سعود وهو يحرك حواجبه : في شنو سرحانه ؟ أبتسمت أبتسامه جانبيه , والله ماظن اللي سرحانه فييه يسرك ياسعود , خلني ساكته وهمي في قلبي أحسن من ماكدر اللي حولي معااي حسيت بيد سعود على كتفي ويهزني : هندوووووه بسم الله علييج شفيييج ؟ ضحكت : ماافيني شي عمي الشيخ , أقول قووم خرمت عظامي سعود رفع حاجبه : متأكده ؟ قلت وانا أصد عنه : اييي سعود مسك زندي ولفني له : هند تراج مو طبيعيـه يعني شفتينا في الصاله ماسلمتي ولا علقتي , وطول الوقت سرحاانه , انتي مو هند اللي الكل يعرفها ! دمعت عيوني , يااوييلي ليش حس إني متغيره ؟ ليش ماعرف أخش اللي في قلبي مثل باقي النااس ؟ لاحظت يده تمسح دموعي , مسكت يده وقعدت أصييح , نقز سعود متخرع : هندووه فدييتج شفيج ؟ شصاااير ؟ قلت بصوت متقطع : ماادري , تت ـعباااته , أح حسس كل شي ضدي سعود بشك : انتي مو مرتااحه مع راشد ؟ رفعت راسي له منصدمه , شعرفه ؟ سعود حط يده على كتفي : لازم هالمشاكل بتصير , وبتكون طبيعيه , لأن ماصار لكم مده من ملج عليج , انتي ماتعرفين طبايعه وهو مايعرف طبايعج , تتكلمين براحتج وهو يتكلم براحته وماتدرون إذا واحد منكم جرح الثاني بكلمه وهو مايدري , ليش أحنا مسويين ملجه ؟ ليش الناس تملج وعقب مده تتزوج ؟ عشااان الثنين يتفاهمون مع بعض , ويعرفون أطباع بعض , والمفروض ماتتضايقين وتحطين في خاااطرج , بـ العكس فكري الحين بـ حل لـ المشكله اللي بينكم ورجعي أتصلي له وراضيـه ولا هو يراضيج ! أقنعني كلااامه , وماحسيت بروحي إالا وانا حاضنته سعود وهو يضحك : اييييي ترى انا أستحي من هالحركاات ماحبها ! ضحكت وضربت كتقه : يحصل لك هند بنت دخيل تلمك وياا ويهك ., سعود وهو يدزني برع لأني كنت واقفه : أقوول ذلفي بس ذلفي ضحكت ورحت فوق أركض , مسكت جوالي وقعدت أدور مسج ترضيه عشان أطرشه لـ راشد ! ياااربي ماافي , مالت علي انا مازعل من حد عشان يطرشون لي مسج ترضيه , لبست نعالتي بروح أطر مسج من عند أي حد , لكن أنفتح الباب ودخلت شووق و ويهها أحمممرر , شفيها ؟ الدنياا مو حر ! شفتها تمسك الجريد اللي على الطاوله وتهف على ويهها , سحبت الجريده من يدها : شفيييييج ؟ ضحكت شوق وقعدت على السرير , فرحت من قلبي , أول مره أشوف شوق جي مستاانسه وتضحك ! قعدت أحذاها وانا ماسكه الجريد وشوي وأطقها : بتقوولين شعندج ولا الجريد على مخج ., ضحكت شوق وقامت تقول لي السالفه بـ طريقه الأشاره , انا الحمدالله أفهم لكن بطيئه لو بعبر بـ الأشاره مثلها شوق : شفت سعود رفعت حاجبي مستغربه : زيين ؟ حمرت شوق مره ثانيه : ماتدرين إني , إننييي .. وبعدين قامت عني , رحت مسكت يدها وقلت بنفااذ صبر : شووقووووووه ! شوق بحركه سريعه بيدها : أحب سعود وغطت ويهها بـ المخده , تحب سعود ! من شووق ؟ شلوون ؟ ماوعيت إلا وانا أضحك : أبييييييييييه شووقووه ؟ حلللللللفي قامت شوق وضربتني بـ المخده , ضحكت عليها : من متى يـ العفنه ؟ ولا قلتي لي ؟ شوق تربعت وقامت تحرك يدها وتشرح لي وانا أحس بـ الفرحه تشع من عيونها : تخبرين اول يوم كنا نلعب مع بعض , كانت كوثر واايد تجي بيتكم وانا بعد ماكان عندي حد ألعب معاه غيرج أنتي وهنادي فـ كنت كله أنام عندكم ., حسيتها تعبت وهي تشرح لأنها نزلت يدها شوي , وبعدين رفعتها وكملت : ومن هالأيام وتفكيري بـ سعود مايقل , كل يوم حبي له يكبر وأحس نفسي متعلقه فيه أكثثر وأكثثر حطيت أصابعي في لساني وصفرت : واااااااو يااحركاااااااات ياشووق ! ماهقيييت ورى سكوتج قصة حب وقمت أحرك حواجبي لها وهي تضحك وتضربني قلت لها : زييين عندج مسج ترضيه ؟ هزت شوق راسها بـ " أي " وطلعت جوالها وقامت تطرش لي مسجات , وبعدين أتصل لها جابر وراحت بيتهم " هنادي " بعد مارجعت من عند عبدالعزيز , طحت على السرير أصييح بقهر , لييش مايحبني لييييش ؟ كل هااي صار من ورى رااسج ياهنووده , كله منج , انتي اللي هدمتي حيااتي كل شي يصير فيني بسببج قمت من على السرير وانا أصييح بقهر : أكرررررهج , أكرررررهج مسكت العطور وقمت أحذفها على الأرض , لين ماحسيت بحيلي ينهد وطحت على الأرض منهااره , حسيت بحد يرفعني : هناادي قلبي , شفييج ؟ شصاار فييج ؟ حسيت بـ الرااحه , هذاا هو , هااي الي يحبني ويحس فييني هو الوحيييد من بين هالعاالم , هو اللي يحبني ألتفت عليه وحضنته وانا أصييح : خلف , خللف الله يخلييك لا تهدنييي خلف وهو يمسح على راسي : مابخلييج مابخلييييج , لاا تفكرين فـ هالشي كلش ظليت أصييح في حضنه , يوم حسيت بروحي هدييت , بعدت عنه شفته يطالعني , نظرااته كلها حناان كلهاا حب ! أول مره أشوف هالنظره بين مليوون شخص , هو الوحيد اللي يحبني , مستحيل أفرط فييك ياخلف مستحييل , لكن خلني أنفذ اللي في بالي قبل وبعديين أرجع لك قمت عنه بسرعه ورحت الحمام ألبس ولما طلعت شفته يبدل ثوبه رحت له بسرعه : لااا لااا انا بروح بيت أمي , ودني لهاا خلف : إن شاءالله , بتسبح وأوديج رحت سويت شعري فير خفيف وحطيت لي ميك آب سمووك صاارخ وتعطرت وكشخت من الزيين ., و نزلت تحت الصاله وشفت أم خلف ومشاعل قاعدين , أم خلف ماده ريلها ومشاعل تحط على ريلها فكس سديت خشمي بقرف : أففف يااشيين ريحة الفكس , تبط الراااس مشاعل : إلا يازينها زينااااه .. أشرت عليها : أنتي موديلج موديل عياايييز " وغيرت أتجاه صبعي لـ أم خلف " مثلها نزل خلف من فوق وقمت بسرعه له وانا أدلع : يلااا حبيبي بنتأخر شفت الصدمه بـ ملامح خلف , ضحكت في قلبي وعلييه ماصدق قلت له هالكلمه مسكت يده وسحبته لين برع , ركبت السياره وبعدين هو ركب أستغربت منه إنه ماشغل السياره , ألتفت عليه شفته يطالعني , مسك يدي وباسهاا آآآخ أحس بطني يعورني سحبت يدي بسرعه من يده وصديت الصوب الثاني شغل السياره ورااح لـ بيت أمي دخلت البيت على أذان العشا , وماشافت حد في الصاله فصخت عبايتها وقعدت , تفكر شافت الخدامه ماسكه صينيه فيها الفواله ورايحه صوب الميلس هنادي : من بيجي ؟ الخدامه : بابا راشد زمت هنادي بوزها بضيق وصدت صوب التلفزيون , وفجأه طرت على بالها فكره ! " أيييييوااا جبتيهاا ياهنادي , هههههههه والله لا أهدم حيااتج ياهندوه " مسكت الخدامه وقلت لها : شوفي روحي وقفي عند الباب وأنطر بابا راشد , يوم يجي بابا راشد على طول دخليه المجلس , أوكي ؟ هزت راسها بـ " أوكي " وراحت برع , ضحكت ولكن بسرعه تمالكت نفسي وعضيت على شفايفي , والله وبتذوقين المرر ياهند , اللي سويتيه فيني مو شويه " توها طالعه من الحمام عقب ماتسبحت , شافت 2 مس كول , لما فتحته شافتهم من راشد أتصلت فيه راشد : هلااا حبي هند : أهلييين راشد : ترى انا جايج هاا , في الطريج شهقت هند : شنو ؟ راشد يمثل الأحراج : بعد أنتي عزمتيني , والشوق ذباااح جهزت بسرعة البرق هند منصدمه : يعني انت في الطريج يعني الحين بتجي ؟ راشد : ايي هندووه شفيج ؟ هند : بس انا لين الحين مابرزت توني متسبحه ., راشد بهمس : انتي كلج على بعضج قمر , لو تطلعيين من طين بعد بتكونين قمر هند أنحرجت : رااااشد مو وقته راشد : هههههههههه بيني وبينج , أبي أعرف المفاجأه اللي مسويتها لي ضحكت هند : اهااا انا أشوف الشوق ذبااح ليش ., !! راشد : ههههههه لا والله وربي واحشتني , ماشفتج غير مرتين من يوم الملجه هند : أووكي زين أنتي سوق برااحتك أوكي , يعني شوي شوي لا تستعيل راشد : إن شاءالله , يلااا أجهزي بسرعه ولا أروح لج غرفتي أسحبج من شعرج هند بخوف : لااااا خلاااص يلااا باي راشد : هههه باااي دخلت المجلس وحطت ريل على ريل وقامت تفرفر بـ جهاز التلفزيون ماتدري كم مر من الوقت , لكنها حست بوجود شخص بدت بتنفيذ الخطه سوت روحها مو حاسه بـ اللي دخل , رفعت شعرها الطويل بيدها وحذفته على صوب اليمين بدلع , قامت وشافت اللي واقف متسمر,. منصدم من اللي شاافه عضت على طرف شفايفها وقامت ترمش بعيونها بحركه سريعه , قدم منها رااشد وحط يده على شعرها وقام يمسح عليه وهمس : أحلى مفاجأه شفتها في حيااتي , تدرين إنج طالعه أحلى من يوم الملجه ضحكت هنادي في قلبها , " أكييد أنا أحلى من هندووه , وعااد هاي الثور مايعرف حرمته ! مسك يدي , وحسيت بقلبي يرقع من الخوف , انا غبيه شنو سويت ؟ أنفتح الباب وألتفتنا ثنيناتنا متخرعين شفت هند واقفه منصدمه , بعدت عن راشد وسويت روحي أصييح ورحت حق هند : هند ماالي ذنب انا والله مالي خص " " راشد " وقفت منصدم , توني متذكر إن هند لها توأم , أكييد اللي كانت قاعده هي توأمها ..هناادي ! نزلت راسي بسرعه , انا شسويت ؟ معقوله ماعرفت حرمتي !! غببببي , انا جاي براضيها أروح أزيد الطين بله ؟ ولااا هاي أختها شنو اللي مقعدها جي , ويوم شافتني ليش ماراااحت !! والله شي غرييب رفعت راسي لما حسيت فيها , شفت الدموع المتعلقه بعيونها توني بنطق لكنها صرخت فيني : مرااجعااااااتك وسكتنااااا , سكرتيييرتك وبلعناااهااا , لكن توصل لـ أختي ! هاي اللي مستحيل أسكت عنه " شفتها دنعت ومسكت كيس كبير شوي ودزته علي : هاي المفاجأه اللي كنت بعطيك أيااهاا , يوم ميلادك أظنك نسيته ! وراحت تركض لـ دااخل , وقفت منصدم , شنو اللي قاعد يصير ؟ هي شعرفها بـ يوم ميلااادي ؟ طلعت برع المجلس ورحت ركبت سيارتي بسرعه وطلعت من البيت بضييق , مو معقوله اللي صاار , انا لااازم أفهم هند السالفه ! انا مالي ذنب ., شافتها وهي تركض لـ غرفتها , ضحكت : والله غبييه وبسرعه ينقص علييها قامت هنادي وراحت لـ هند فوق غرفتها دقت هنادي الباب هند : هنااااادي الله يخلييج مابي أتكلم مع حد هنادي وهي تمثل : هند والله قلبي يعورني , الله يخلييج خليني أتكلم معااج شوي قامت هند وفتحت الباب وحضنت هنادي : هناادي اناا , انااا مو مرتااحه مع رااشد , أحسس إن أحنا كلش مو متفااهميين محد فينا يفهم الثااني هنادي وهي تواسيها : معليه ياهند , ترى انا وخلف علاااقتنا مو مثل السمن على العسل , في مشاكل من بيناا واايد , وخصوصاً وأنا كنت رافضه إن يشوفني فـ الملجه هند رفعت راسها : بس رااشد عينه زاايغه عضت هنادي على شفايفها تمنع ضحكتها , نزلت راسها : هند انا آسفه , بس ماكنت أدري إن راشد بيكون موجود ! انا دخلت المجلس لأني كنت يوعانه وشفت الفواله , مافكرت إن في حد بيجي هند ضحكت بسخريه : حتى لو شاف خدامتنا بيغازلها , ماكفوه مراجعااته والحريم اللي يشتغلون عنده ! هنادي بخبث : وانتي شتبين في واحد عينه زايغه ؟ تطلقي منه , خلييه يطلقج دام أن توج على البر ., تنهدت هند وقالت في قلبها " وهذا اللي بيصيير " اليوم الثاني على المغرب في بيت بوبدر "هند" ماما : هنييييد إن ماقمتي قمت عليج بـ هالعصاا ضربت ريلي بـ الأرض : ماااااابي ماامااا مابي أروح بيت خااالتي ماما : بتقومين وريلج فوق راسج قلت بضييق : زيييييين خلااااااص روحي أنتي ببدل بدلت وانا متضايقه , راشد دق لي فوق الـ 20 مره لكني مصره مارد لبست وخلصت وشفت مسج من راشد , مسحته على طول قبل لا اشوف محتواه مسكت كليتي: آآخ أحس بـ ألم تنهدت ونزلت تحت , عمري ماتكلفت في الكشخه , إلا أمس , يوم ميلاده كشخت له لكن يخسي أكشخ له بعد هاليوم , لأني بتطلق منه وبفتك من عوار هالرااس , حتى ولد خالتي مايبيني أزوره ., وصلنا ضااحي بيت خالتي وانا طول الوقت ساكته , الكل أستغرب مني لكني طنشتهم , مافي شخص يظل طول عمره مستاانس ! وصلت بيت خالتي , وسلمت على خالتي اللي كانت في المطبح ورت على طول فوق غرفة شوق وحطيت راسي على المخده ونمت وعيت على شوق تهزني , فتحت عيني وشفتها كااشخه ومتمكيجه قلت : الساعه كم ؟ أشرت لي بيدها : 9 شهقت وفزيت بسرعه وانا أعدل جلابيتي , ضحكت شوق وكلمتني : قومي بعدلج كنت بعارض لكن حسيت إن ماله داااعي , انا بطلق من راشد ماله دااعي أضيق بخلقي حطت لي مكيااج نااعم وكانت بتسوي لي شعري لكن قلت لها إني بتم بشيلتي , نزلت تحت ويااهاا , لكن اللي صدمني وجود " أم راشد " شنو اللي جابها !! رحت سلمت عليها وانا أحس بنفسي قذره خبيثه , ماعرف أوصف نفسي بشنو ؟ يعني انا بطلق من راشد , ماادري مااعرف انا ضااايعه أم راشد : هلااا والله بـ الغاليه قلت : هلااا فييج خالتي أم راشد وهي تسحبني حذاها : شخباارج يمه عساج مرتاحه ؟ قلت وانا أتصنع الأبتسامه : بخيير الحمدالله , أنتي شخبآرج ؟ أم راشد : بخيير دام حرمة ولددي بخيير أبتسمت غصب عني وقلت : أسمحيلي خالتي أم راشد : مسموحه فدييتج طلعت برع الحوش وانا في خااطري أصييح وأغرق هالمكاان كله دموعي , تنهدت بضييق : آآه ياربي .....: أسم الله علييج من الآآه ألتفت متخرعه وشفت في نظرااته الخوف والحب اللي انا محتاجته : عبدالعزيز ؟ عبدالعزيز : لبيه قلت : بغيت شي ؟ عبدالعزيز بتردد : هند .. انـ ناا حسيبت بـ اللي بيقوله , لكن خلاااص انا تزوجت , تكفى ياولد خالتي لا تعذبني : عبدالعزيز لو بتتكلم فـ .. قاطعني وقالت : انتي مرتاحه مع راشد ؟ أنصدمت من سؤاله , ماتوقعته في يوم يسألني هالسؤال ! ماقدرت أقول له " لاا " من يكون عشان أدخله في مشاكلي الخاصه قلت : الحمدالله مرتااحه واايد حسيت أن ماتوقع هالرد مني , سكت فتره وبعدين قال : الحمدالله , انا بكون أسعد شخص داامني أشوفج " وسكت فتره وقام يفرك جبهته بتوتر " مرتاحه مع راشد هزيت راسي وانا أمنع دموعي إنها تنزل , ياليتك تقدمت لي ياعبدالعزيز , والله كنت بوافق عبدالعزيز : ممكن تنادين لي شوق قلت : إن شاءالله دخلت البيت بسرعه وقلت حق شوق إن عبدالعزيز يبيها برع " فهد " سكرت من فضل وانا أتنهد برااحه , عمر مشاكلي ماوصلت لـ هالحد , لكن أنا أراوويج ياندى , مسكت يدي المكسوره , يااعلكم الماحي اللي يمحيكم , مادري منو اللي كسر يدي أخوها المعصل ولا الدب دق الجرس ورحت أفتح باب الشقه وشفت فضل واقف وفي يده ظرف قلت : هلااا وغلااااا بـ الحامل والمحمول فضل وهو يدخل : ماظن إنك ترحب بـ الحامل ضحكت : الحمدالله إنك عرفت خذف علي الظرف ورحت له أركض وفتحت وشفت الصور , قعدت أضحك بهستيريه : والله لا أفضحج ياندى فضيحه لا صارت ولا أستوت فضل : ماكملت لي السالفه , عقب ماكفخوك أخوانها , شصاار ؟ حطيت الصور على الكرسي وقلت بقهر : مسكني أخوها الدب وقال لي أطلع الصور وعاد انا رفضت لكنه دخل الشقه ونفضها نفااض وطل الصور اللي موجوده كلها وكسر جوالي ولاب توبي , وانا الصور حاطها في الاب توب فضل يضحك : والله وطلعتة ذكي وحطيت نسخ عندي قلت وانا أرفع حاجبي بفخر : رفيجك ذييييب , بس يلااا شد حيلك انت والربع عشان ورااكم مهمة نشر فضل وهو يفرك يده بيده الثانيه بحماس : أفااا علييييك لعبتناا هااي قلت بخبث : وهالله هالله بـ الفوتوشوب ضحك فضل : أبششررررر بيت أم جابر في الحوش كان عبدالعزيز وشوق يسولفون ويضحكون , لكن أستوقفهم صوت صرااخ , راح عبدالعزيز يركض وشوق حطت الشيله على راسها وراحت ورى عبدالعزيز خالد يصرخ : ولك ويه تتكلم ياولد الحرااااامي نقز عليه سعود ومسكه من ياقة ثوبه : حرااااامي في عيييينك يالحقيييير , أبوي أشرف منك ومن أششكاااااالك خالد يضحك بسخريه وهو يبعد سعود عنه : ايييي وااضح واااضح , ومن اللي ذبح عمي غييره توه سعود بينقز على خالد مره ثانيه لكن خالد دزه بعييد : عمي ماات وهو في عز شباااابه , أبوك الحقيير هو ربعه ماكانت تهمهم غير الفلووس , ذبحوو عمي وهو مظلووم صرخ سعود : غلطاااااااان , أنا ماجذب إن أبوي كان بيسرق الفلوس لكنه ماخذ ولا رياال ولا دش في جيبه فلس حراام خالد بـ أنفعال : سبحااااااان الله , والميه ألف الي طاارت مو أبوك اللي خذااهاا توه سعود بينقز عليه لكن مسكه عبدالعزيز , صرخ سعود : ياحقييييير انت ماتعرف السالفه كلهاااا , لا تححححكممممم ., خالد بسخريه : ولا أبي أفهم شي , أبووك مجرررم وحراامي , ومكاانه السجن حاول سعود إن يفك يده من قبضه عبدالعزيز لكنه ماقدر وقام يصرخ : أبوي يوم رااح ذاك اليوم الشركه كانوا معااه ثنييييين , هو كان دااخل بياخذ الفلوس وهم كانوا يراقبون المكان وفي يدهم المسدس اللي أبوي ماكان يدري بوجوده , ولما سمعوا صوت خالي صقر الله يرحمه صوبوه بـ المسدس , وأبوي طلع وهو متخرع , ماكان متفق معااهم على هالمسدسااات , وحذف الفلوس وطلع من الشركه , وساافر 5 شهور برع البلاااد ولما رجع أعترف حق يدي بـ السالفه كلهااا , ويدي ساامحه لأن الثنين اللي معااه أعترفوا إن بكل شي صرخ خالد بقهر : ماييييييهمنننني , أبووك مجرررررم وأكببر مجرررم ودخل يده في مخبااه وطلع مسدس خالد : والله لا أذبحك وأحرق قلب أمك مثل ماحرقت قلبي على عمممي , حرقتوا قلبي على توأم روحي على الشخص الوحيد اللي كان يفهمني في هالدنيااا ووجهه خالد المسدس صوب خالد لكن أستوقفتهم صرخه أنثويه : لاااااااااااااااااااااااا ااااااااااء توقعاتكم ؟! شنو بيصير بين هند وراشد ؟ حياتهم في خطر ! وهنادي ! وبعدين ويااهاا ؟ وخالد بيتزوج فاطمه ؟ سعود معقوله بيسكت عن خالد وأتهاماته ! ومن اللي صررخ ؟ معقوله تكون هند ؟؟ أنتهى أختكم / غرشه فيمتو | ||||
|  |
|
15-11-08, 05:09 PM
| #32 | ||||
 
| مرحبااااااااااااااااااااا اااااااااا كيفك خيتوووووو غرشة فيمتو(يم يم طعم اللقاء) بصراحة اسمك الحاله يشجع الواحد يقراء و ما يمل من القراءة المهم ما راح اوجع راسك بسوالفي ندخل في المهم راح ابتدي بخالد: ياااااااااااااااارب اشوف فيك يوم تدور فيه رضى فاطمة و ما تحصله الا بعد مشواااااااار طوييييييييييييييل فاطمة: الله يسامحك يا رب حد عنده ام مثل كوثر مو بس ام لا صديقة و تغلطين كذا الله يهديك يا رب و ينتقملك من خلود الشرير أحمد: الله يعوضك يا رب و يعطيك على قد نيتك و يوفقك في دراستك بدر: الله يسامحك يا رب كل الي صار و اتوقع يصير اكثر كله من زرعك للكره الي اتمنى انه يزول ندى: يا بنت يا هبلة يعني ما حكمتي عقلك ولو شوي و وازنتي العمل الي اقدمتي عليه علشان تعرفين انه غلط في غلط و اكبر غلط بعد الله يهديك يا رب هدى: يا رب تكشفها و تخليها تبطل حركات غلط و تهديها مريوووم ما ادري ليش بس احس نصيب راح يكون مع يا سعود او طارق بس سعود يناسبك اكثر وش رايك خخخخخخخخخخخ <<<<<<<< الاخت اشتغلت خطابة سعود انت و طروق الحلوين الله يوفقكم يا رب ضاااااااااااحي : الله يعطيك الولد الي تتمناه انت و دنون الحلوة بس اقولك خف على البت شوي داااااانة: يا ربي على الانيو مذر يا رب تعطيها الولد الي تتمنى مشاعل: يا رب ربي بيعطيك و يرضيك من رضى والدتك الطيبة و حبك لخوك يا عسسسسسسسل اشواق: عندي احساس ان الايام مخبي لك مفاجات كثير و اغلبها سعيدة خلف: الله عليك يوم تعصب على هناديووووووووو اقولك بس اسبوع ادخل و اطلع و لا تعطيها وجه و عصب في اليوم مرة وحدة و راح تشوف هنادي تكون خاتم في صبعك تراها تبط القلب و ما تنعط وجه ابد هنادي: عقلي يا بنت ترى مو بساهل تلاقين احد يحبك و عنده الكم الوفير من الرومنسية احمدي ربك ناس تدور نص رمنسية خلف وهذا تحذير لك اذا ما تسنعتي مع زوجك اتوقع راح يقلب عليك 180 درجة وقتها ما راح ينفعك الندم عزوز:يا قلبي عليك الله يشفيك و يرزقك بالي تعرف قدرك و عسى ان تكرهو شيء و هو خيرا لكم علوي: الله يهديك و يذوقك طعم الحب الي يخليك تمشي على العجين ما تلخبطه خخخخخخخخخخخخخخخخخخخخخ راشد: الله على الناس الرايقة و الي تحب تفرفش و تضحك و كل هذا مغلف بحب يا ربي يتمم لكم على خير انتي و هنود هند: ياحبي لك يا بنت لا تضيعين رشود من يدك باسباب ما لها داعي الولد دكتور و في بدايته لا تحسسينه انك ممكن تكونين حمل عليه حاولي انك تشيلين منه التعب و هم الشغل علشان ما يشوف غيرك قدامه ملاذ و صدر حنون و كل هذا يرد عليك من حنيته و رومنسية بس اكيد ما راح يبين كل شي الحين اكيد شايل شوي لبعد العرس يا قمر سالم يا رب على هالولد موته اثر فيني مرررررررررررررة بس مش نقول غير ان لله و ان اليه راجعون غروشة عيوني يا ربي يعطيكي العافية على القصة الحلوة بس فيه حاجة انا ما فهمتها و الي هي قضية موت ولد بو بدر و ملابساتها و سلمة يداك يا قمر | ||||
|
| |
|
18-11-08, 03:30 PM
| #33 | |||||
| اقتباس:
................... | |||||
|
| |
|
21-11-08, 07:23 PM
| #34 | ||||||||||
| إدارية ومشرفة سابقة وكاتبة وقاصة في قسم قصص من وحي قلم الأعضاء وأميرة الخيال وشاعرة متألقة بالقسم الأدبي  
|  كل يوم اطل عليك >>>مثل الصورة اللي فوق خخخخخخخخخ واقول تبدع في البارت الجديد اكثر من اللي راح وانتظر القادم بلهفه و اشوف تطور في الكتابة من بارت لثاني استمررررررررررررري وانا متابعه لك غرشة فيمتو احترامي لك يالغلا لا عدمنـــــــــــــــــــــ ـاكـ | ||||||||||
|
| |
|
22-11-08, 06:24 PM
| #37 | ||||
| " عاشر من تعاشر فلابد من الفراق " الجـزء الثاني عشر و " الأخير " ألتفت عبدالعزيز متخرع " هذا صوت شوق , اييي صووتها " ترك سعود وراح يركض لها لأن شافها جايه صوبهم , حضنها وبعدها عن سعود وخالد شوق تصرخ بصوت مبحوح متقطع : بـ ببيذ ذبحح ححـه زاد عبدالعزيز من قبضته لـ شوق وهو يحاول يبعدها من هالمكاان صرخ خالد : عمري ماراح أندم على هالشي , لأني بذبحك وبفضح أختك وبحرق قلب كوثر ومبارك عليييكم فتح سعود عيونه على وسعها " الحقييير بيفضح أختي عند الغرررب ! " هجم سعود على خالد بوحشيه وهو يصرخ ويضربه ضربات عشوائيه : ياحقيييير يابن الـ **** والله لا أسيح دمك حاول خالد يبعد سعود عنه لكنه ماقدر من قوة سعود , حرك خالد يده يدور المسدس مسكه وعلى طول صوّبه على سعود شوق وعبدالعزيز بصدمه : لاااااااااااااااااااااااا ا وعلى صوت طلقة الرصاص , كل اللي في البيت طلع بخوف ورهبه من الموقف والصوت ! ركضت شوق وهي تصيح لـ سعود اللي طايح على الأرض , كانت تشوف منظر الدم اللي مغطي جهة اليسار, مو مستوعبه اللي صاار ألتفتت على خالد اللي كان واقف وهو يلهث من التعب ويتلفت يمين ويساار , قامت تركض لـ أخوها عبدالعزيز وتحضنه عبدالعزيز يمسح على شعرها : شووق أهدي , تكفيين خليني أتصرف أسوي شي شوق وهي تشاهق : مـ ..مم اااااات , مااات !! لمح عبدالعزيز هند اللي جايه تركض متخرعه كانت جمييله , كلمة رووعه قليله بحقها , مكيااجها الناعم وخصلات شعرها اللي طالعه من تحت الشيله بـ أهماال , نظراتها التاايهه وفجأه صرخت , راحت تركض لـ سعود وهي تهزه : سعوووود , سعووود رد علييييي " عبدالعزيز " حسيت بثقل شوق بين يدي , ألتفت عليها وشفتها فاقده الوعي , صرخت بخوف : شوووووق !! شليتها ورحت فيها أقرب غرفه وحطيتها فيها , وانا طالع شفت هنادي في ويهي قلت بسرعه : هناادي تكفيين شوفيها , قوميها بـ كلونيا ولا ماي هنادي : أنت تآمر مشيت عنها وانا متنرفز , فااضيه هااذي .. وصلت لـ مكان خالد وسعود وشفت الشباب والشياب كلهم برع , وفـ وسطهم سعود اللي طايح على الأرض وطارق اللي قاعد جنبه وكأنه يصيح قلت بصوت جهوري عالي : أتصلتوا على الأسعااف ؟ أحمد : أييي انا أتصلت قال يدي بوبدر بخوف : عبدالعزيز , شـ سالفتهم ؟ شنو اللي صاير ؟ رحت صوب يدي وقلت له السالفه بـ أختصار , لكن ماتوقعته يفور جي , رااح لـ خالد اللي كان واقف مرتبك مايدري شلون طلعت هالطلقه بيدين ترجف , وعطااه كف من الزين : صج إن ولدي ماعرف يربيك ياكللللب . وعلت الحشره وصارت الأصوات ماتنسمع , ووصلت سيارة الأسعاف بوماجد : أحمد , قول حق الحريم يدخلون داخل , يلااا بسرعه تحرك أحمد ودخّـل الحريم داخل البيت , وجو المسعفين وشلوا سعود اللي فقد الوعي وكان طارق معاه مرافق , وأنقلوه على طول لـ الطوارئ صرخ يدي على بوماجد إن يوديه المستشفى , وراح له ركض وركبوا السياره وانا قمت وركبت سيارتي بسرعه وشفت جابر جايني يركض وركب معاي وحركنا ورى السعاف " هند " قعدت أتلمس فستاني الأبيض , بااجر عرسي والله ماني مصدقه , مرت الأيااام بسرعه , وقفت ورحت صوب الدريشه فتحتها أبي أتنفس هوى يديد , تذكرت كل شي مر في حيااتي , تخرجي من الثانويه, زواج ضاحي , زواج هنادي , مصيبة خالد , مرض عبدالعزيز , و وفاة سالم , آآآه دمعت عيني , أحس إني مابرتااح في زواجي , مع أن علاقتي مع راشد رجعت مثل الأول وأحسن الحمدالله , أكتشفت إن مافي سبب لغيرتي عليه , مهما كان هاي شغله وهذا اللي المفروض يسويه ., رن جوالي ورحت أشوف المتصل , لقيتها فاطمه , مالي مزااج أرد أحس نفسيتي فـ الحضيض , الله يعينج يافاطمه ملج عليها خالد بـ الغصب ,ماحسها بـ تذوق طعم السعاده معاه , بس ربي يوفقهم إن شاءالله ويهدي خالد ويحس بـ الغلط اللي سوااه , وسعود ياقلبي علييه , الحمدالله طلع من المستشفى قبل أسبوع وعلى طول خطب شوق مايتعطل يحليله ههههه سمعت طق ع الباب , فتحت الباب وشفت دانه مع كرشتها اللي وضحت شوي وضاحي حاط يده على خصرها ضاحي ودانه : مسااااء الخير ياعرووس ., أبتسمت بـ أحرااج : ههههه مساء النوور , خير شتبون ؟ ضاحي : افاا , أعتبرها طرده ؟ قلت وانا أصد عنه بـ عبط : أعتبرهاا اللي تعتبره دانه : ترى أحقد عليج وماكلمج , وأكوّك أمي وخواتي علييج , تراني أخت المعرس " ورفعت حواجبها تغيضني " ضحكت : زيين , جان قدرتي " وقلت بغرور " انا الزين كله فيني ومحد يقدر يعوفني ضاحي ضرب رقبتي بـ الخفيف : ياااشييييينج يوم تكونين واثقه من نفسج قلت : وانا هند بنت دخييل , وشلون ماشوف نفسي ههههه دانه مسكت بطنها : عاد إن شاءالله ولدي مايطلع على عمته ضحكت : زين أقولج , أنتي ماكشفتي على جنس البيبي ؟ دانه تطالع ضاحي : لااا , أحنا عارفين إن ولد قلت : وليش هالثقه ؟ ضاحي : مو ثقه , تقدرين تسمينها الحاسه السادسه هند بعبط : ههههههااااي شدعووه مسرحيه ؟ دانه : هههههههههههه ضاحي : زيين يلااا نزلي , خليناا نسولف قبل لا تروحين عناا تجمعت الدموع في عيني , كلمة " بتروحين عنا " عورت قلبييي ! مابي أطلع من بيت أهلي ماابي : معليه ضاحي بنزل بعدين , بقعد الحين مع نفسي شوي دانه أبتسمت وهي تمسك يد ضاحي عشان يروحون : أخذي راحتج فديتج أبتسمت لها , وصكيت الباب ورحت صوب سريري وشفت البرواز اللي فيه صورتي وصورة هنادي في يوم عرسها حسيت بقشعريره بجسمي وبـروده بـ أطراافي , وينج ياهنادي ؟ ويينج عني ؟ وربي محتاجتج في هاللحظـه أنسدحت على السرير أصييح على اختي وأصييح على مرضي , وأصييح على راشد اللي بيبتلي فيني !! في الكوفي شوب كان خالد قاعد وهو متضاايق , آآخ يادنيااا تركتني سااره تركتني اللي وعدتني ماتتركني , كنت بـ أمس الحاجه لهاا , وملجت على هالعله فاطمه , آآآآه ! حس بضربه على يده شاهين رفيجه : ويين رحت ؟ تنهد خالد بضيق : سلامتك ضحك شاهين وهو يتعبث بـ موبايله : طاالع توني مستلم بلوتوث عجييب , قسم بالله بنات هالبلاااد راحوا فيهاا خالد يضحك بدون نفس : هه , والمشكله إنهم يوم يشوفون الغرب المفاصيخ , يشمئزون منهم ! مايشوفون نفسهم شاهين وهو يحذف الجوال على خالد : شوف شوف الله يخلييك مسك خالد الجوال , وطاحت عينه على منظر ماكان يتمنااه , تجمد وحس ان كل حزء فيه تصلب , هي ما غيرهااا , شلون طلعت هي ,! فز من كرسيه وحذف الجوال على الأرض وتكسر وراح يركض برع وهو يردد : والله لا أذبببببحج ياانـدى , والله " هنادي " فتحت الباب بشوي شوي أشوف برع , حاولت أتسمع شوي , أبي أسمع صوته إذا هو جا ولا لاء !! سكرت الباب بعد عشر دقايق بخيبة أمل أووف ياربي ماجاا , الساعه 11 ونص وهو لين الحين ماجاا , أقول لكم على سر , وييي ياربي والله أستحي , غطيت ويهي بـ المخده , انا أحب خلف , والله حبيييييته من أول يوم زواجنا وانا أحبه , لكني غبييييه , ماحسيت بحبي له إلا اليوم , متى بيجي ؟ مسكت الجوال ودقيت عليه وانا متوتره , أووف ليش مايرد ؟ معقوله صار فيه شي ؟ هو مستحيل مايرد علي , من ثاني رنه أسمع صوته , خفت ونزلت تحت شفت أم خلف ومشاعل يشوفون التلفزيون , قلت : مشاعل , خلف أتصل عليج ؟ مشاعل بـ أستغراب : لااا , ليش ؟ غريبه ؟ شصاار عليه ؟ قلت : لاا ولا شي طلعت فوق غرفتي وانا محتااره , من المغرب طلع ولا رجع , معلييه بيرجع بعدين , شغلت التلفزيون أصبر نفسي على أي شي لين يوصل , لكن غلبني النوم ونمت ! صحت هند على الساعه 9 ونص , قامت غسلت ويهها وصلت لها ركعتين وأستغفرت ربها وقامت تدعي إن ربها يسعدها في حياتها ويبعدها عن كل شر ويقرب أختها لها , قامت من على سجادتها ودخلت مريم في هاللحظه بـ أبتسامه مشرقه مريم : هللللوو بـ العرووس , كيفك , وكيف النفسيه ؟ هند : مرتااحه كتيير , إنتي كيفك , وكيف شعورك وعمتك بداا تتجوز مريم وهي تقعد ع الكرسي : أقوول يازيين كلاامنا بس هند : هههههههههه اي والله , حتى لو تتقنين اللبناني ولا المصري عدل ماتحسينه حلو عليج , أكثر من لغتج مريم : صدقتي , هاا جاهزه ؟ هند تنهدت براحه : جاهزه نقزت مريم بفرحه : عيل أنطلقناااااااااااا , " وراحت تركض برع الغرفه " واااااااي عمتي بتتزوج خذاهم محمد لـ قاعة الدانه , ومع مرور كل نص ساعه تجي كوافيره وماكيرا جديده , وتستلم وحده من البنات وكان في غرفتين لـ أهل العروس ولـ أهل المعرس مسكت مريم الكاميرا وقامت تصور كوثر وهم يمكيجونها : هاا عمتي شنو شعورج ؟ كوثر وهي تتكلم من بين أسنانها عشان ماتزعج الماكيرا : يعني شنو بيكون شعوري , أكيد بطير من الفرحه وهاي مو أي وحده هاي هنوده بنتي الثانيه مريم : هههههههه ايي أوكي , بنتج الثانيه , نروح حق بنتج الثانيه ونسألها عن شعورها وتحركت مريم لـ هند اللي كانت قاعده تآكل هند وهي تغطي الكاميرا : لاااا مريووم يالعنز لا تصوريني مريم وهي تبعد يد هند عن الكاميرا : خليييني بعدين بتشكريني على هالتصوير وبتقولين ليتج صورتي أكثر هند وهي معصبه : لااا مب قاايله , انتي طالعي حلجي كله وصصصخ وبجامتي مالت عشر سنين مريم وهي تروح بعيد وتسوي زوم : هههههه والله محد قال لج , بس بغيت أسألج شنو شعورج واليوم عرسج ؟ هند وهي تلعب بـ خصل شعرها المبلوله ماي : أمممم , شعوري مثل كل عروس مريم : هههههاااي , أخترعتي الذره بـ هالأجابه ضحكت هند غصبن عليها وطلع الأكل من حلجها , صرخت مريم بقرف : واااااع شفتواا العروس المقرفه , والله لا آخذ هاللقطه وأطرشها لـ راشد , وأخليه يطلقج من ثاني يوم هههههه هند صرخت : مرييييييوم يالحقيييييييره ضحكت مريم وراحت عنها , رن جوال هند وشافت المتصل راشد , ماردت عليه " شفييه هاي , اليوم العرس ومتصل , خليه يشتاااق لي " سكر وبعد ثواني جاها مسج , فتحته " هنوده قلبي , ردي " طرشت له هند " خير , تبي شي ضروري ؟ انا مشغوله ! " جاتها فاطمه اللي تحسنت نفسيتها شوي عقب ماملج عليها خالد : تطرشين مسجات حق منو ؟ هند وهي تخش الجوال : مايخصج ضحكت فاطمه وقالت من قلبها : الله يوفقكم أبتسمت هند وأفتحت المسج اللي وصلها " أبيج ضروري ردي علي " فهمت هند الغمنده , وطرشت له مسج ثاني وهي تضحك , ثواني وجاها مسج " هنووود حراام علييييج , آخر مره مكلمج في العيييد ! صار لي شهر ماسمعت صوتج , وربي بمووت , أشتقت لج حدي " هند : ههههههههههههه لمحت مريم هند وهي تضحك وراحت لها وهي تسوي زوم على ويهها الشيخه هند تضحك , هااا ضحكينا معااج ؟ هند وهي ترفع حواجبها : مايخصج مريم تضحك : أكييييد من الريل , قوليله يصبر شوي ترى مابقى شي , ساعات قليله فقط ضحكت هند وكتبت " انا مشغوله لا تعطلني ههههه " الكوافيرا : فييين العرووسه ؟ انا عوزا أبوص عليهاا نقزت هند : انا العروس . الكوافيرا بصدمه : مشااءالله , أيه الأمر ده ؟ ضحكت هند وقفلت جوالها وراحت لـ الكوافيرا كانت قاعده تحط اللمسات الأخيره في الغرفه , ولعت الشموع وشغلت الفواحاات , وأنملت الغرفه بـ الريحه البخور والعطور وريحه الورد راحت تاخذ لها دش ونفسها مو سايعتها من الفرحه " خلف طرش مسج لـ مشاعل إن بيجي الساعه 11 في الليل لأن كان عنده شغل , مادري ليش ماطرش لي , بس مو مشكله أهم شي يجي , يمكن كان يبي يسوي مفاجأه لي ههههههه , فدييته بس انا اللي بسوي له مفاجأه " طلعت من الحمام وراحت تشنف شعرها وتستشوره وتعدله وتمكيجت وتعطرت على سنقة عشره ! تنهدت وهي تشوف نفسها في المنظره " اليوم عرس هند لكن مستحيل أروح لها , هدمت حياتي وعيشتني في كئابه طول عمري , كسبت حب الناس كلهم لها , وخلتني انا على الهامش , أكرهها وأدعي عليها طول عمري , ياعلها ماتتوفق " أنفضت من راسها هالأفكار وهي تتجة لـ فستانها العناابي .. حطت لها الماكيرا اللمسه الأخيره , لمعت شفايفها بجلوس شفاف على روجها الزهر الماكيرا : مشاءالله عليج ربي يحفظج , شوفي نفسج قامت هند وراحت صوب المنظره , وأنبهرت من نفسها , كانت رووعه بمكياجها السموك , أول مره تسوي مكياج جي , هي متعوده على النااعم واللبناني , كانت رافعه شعرها بطريقه حلوه وحاطه تاج فضي عريض على تسريحتها , ومثبته طرحتها تحت شعرها دخلت مريم وهي تركض وتتنفس بقوه : هاا هنود جهزتي ؟ هند أبتسمت بتوتر : ايي .. مريم : حلوو يلااا انا بقول حق الفرقه تشغل شريط الزفه .. طلعت مريم وجات كوثر وأم ماجد بعد فتره ومسكوا هند و وقفوها عند الباب عشان من تبدأ الزفه يدخلونها وقفت هند برهبه من الموقف , تحس نفسها مو متوازنه " هند " سمعت موسيقة الزفه تبدأ , والسبوت لايت توجهه علي , مشيت بثقه وانا أبعد الوسواس وأتبسم حق كل شخص تجي عيني عليه , الله يسامحج ياهنادي , عرس أختج وماتحضرينه ! بسم الله المعبود والرحماني وأزكى صلاةٍ ع النبي العدناني على عروس(ن) نورها يسبقها تمشي ونتبعها بنظر الأعياني ألف الصلاة والسلام ألف الصلاة والسلام, علييك ياحبيب الله محمد كنت حاسه برجفه وقلبي يمقصني , وتهيأ لي ألم في كليتي , ايي أنا أمس كان موعدي لكن مارحت , نسيت والدكتور أصلاً ماتصل لي , إن شاءالله ماعلي شر عروسنا كل الحسن يكسيها والبدر يخجل لو يطالع فيها هي رايده والشعر مايوفيها لو فيها غنا وأبدع الألحاني لا إله إلا الله عروسنا كل الحسن يكسيها والبدر يخجل لو يطالع فيها هي رايده والشعر مايوفيها لو فيها غنا وأبدع الألحاني وصلت لنص الأستيج وانا أحس بدوخه , لمحت كوثر وشفت نظرات القلق عليها , أبتسمت لها وردت لي الأبتسامه , وفجأه شفت المكان يضبب ورؤيتي صارت مو واضحه , لااا ياربي , ياارب إنك تساعدني لين أوصل لـ الكـ .. ماكملت كلمتي ورحت في عالم ثاني فتحت الدريشه وظلت تراقب باب الحوش , تأخر ؟ شسالفته هاي ؟ شوي ولمحت سيارته , نطت من الفرحه أكوووه جااا وراحت تركض طفت الليتات وشيكت على روحها وحطت لها الجلوس مره ثانيه وبخت من العطر وعدلت فستانها وقعدت على الكرسي اللي غطته بـ القطعه الحمرا ومن تحت الكرسي الشموع المشتعله دقايق ودخل خلف الغرفه , وقف منصدم , منبهر , مافي كلمه توصف شعوره , شمسويه هااذي ؟ وقفت هنادي بغنج ودلع ومشت صوب خلف , طبعت بوسه على خده وحضنته وهمست بـ أذنه : وحشتني تمنى لو كانت مسويه هالشي من قبل , على الأقل من يومين , " آآه تأخرتي واايد ياهنادي , واايد " تنهد وبعدها عنه وأتجهه صوب كبته فتح باب الكبت وطلع أغراضه وحطها في الشنطه بضيق وقهر كانت هنادي تطالعه بـ أستغراب " شيسوي هاي ؟ " سكر شنطته بقوه وسحبها معاه وطلع برع , ركضت وراه هنادي وهي تحاول تمسك يده : خلللف , خللللف رد عليييييي خللف " وصرخت " خللللللف لكن خلف كان ثابت , حابس حبه ومتغلب على عاطفته " أنذليت عشانج واايد ياهنادي , وااايد " وصل لـ الصاله وشاف المناحه اللي فاتحينها أمه وأخته مشاعل وهي تصيح وبصوت متقطع : حراام علييييك ياخلف حرااام علييك تسوي فينا جيييي , لا تخلييناا وتساافر , عشااان أمييي ياخلف عشااااان أميييي مسحت أم خلف دموعها بملفعها : خلييييه , مالي خاطر عنده , خلييه يرووح صرخ خلف بداخله " ماااابتفهموني مابتفهموووووني , حراام عليكم أنتواا , أبي أنسى حب هناادي أبي أنسااااااه " طلع من الصاله وهو يحاول يتغلب على عاطفته اللي حس إنها ممكن تخونه في لحظات قليله ركضت هنادي ورى خلف وهي تسحب يده وتترجااه : خللللف الله يخلييك وقف لا تسااااااافر , عشااني ياخلف , انت تحبببني لا ترضى علي بـ المذللللله , خللللللللللللف غمض خلف عيونه بقوه يمنع دموعه إنها تنزل " أبعدي عني ياهنااادي أبعدييييي " شاف أمه وهي جايه بتعب ومشاعل ساندتها أم خلف وهي فاتحه يدها : تعال فحضني ياولييييدي تعااال ترك شنطته وراح لها يركض وحضنها وهو في خااطره يفجر الدموع المحبوسه في عينه " آآه يايمه , ماابي أخليييييج لكن الهوى عكسي , عكسي يااييييمه " ألتفت على مشاعل وكأنه يقول لها ماوصيج على أمي , وحضنها وهي كانت تصييح : الله يخليك ياخووي مالي غييرك , مالنا غيرك في هالدنيييا لا تخليينا وترووح " وشهقت " لااا تخليييييناااااااا بعد خلف عن مشاعل , ومسك شنطته وأتجهه لـ باب الحوش ماااااعبرني , رااااااح وماعببببرني , حضنهم وماحضنننننني !! صرخت علييه وهي تشهق من الصيااح : خلللللللف لا تخليييييني , وربي أبيييييييك محتااجتلك أكثر من أوووول , لا تخلييييني مثل ماخلووني , أحببببببك يااخلف والله أحببببك سكر خلف الباب وهو يسحب ورااه الباقي من كرامته أنهارت هنادي على الأرض يمه ودعني حبيب القلب يمه كان ودي من كثر شوقي أضمه الهوا يمه من قلبي تمكن اللي خبيتيه يايمه الحين بين لما نزلت دمعه تحرق من عيوني كلهم شافوها يمه وأعذروني في برود الثلج أشر لي بيدينه وانا يمه أيدي مالمست يمينه أرتعش يالله من رعشات يمه يمشي عني يمه ماجنه يهمه مثلي مثل الناس مافرقني عنهم والغريبه يايمه إن حضنهم الهوا يمه على بابه ذبحني انا خبيته لكنه فضحني ألتفت يمي ماشوف إلا همي قلت مالي يالعزيزه إلا أمي في قاعة الدانه كانت صرخات الحريم عاليه , الكل كان يصرخ ويسمي ويدعي لها كانت طايحه مثل القطعه البيضا , الكل يصرخ من حولها ويحاول يقومها لكنها ماكانت تسمع لـ ندائهم أمها كانت قاعده على الأرض وتصييح وتستغفر وتدعي ربها : يالله يارب إنك تشفي بنتي ياارب , يارب تقومها بـ السلامه ياارب وبدون سابق إنذار دخلوا جيش من الأثواب البيضا , وأولهم راشد كانوا يركضون وماهمتهم صرخات الحريم المستنكره دخولهم , وصوت الأسعاف ملى القاعه نقلوها على سرير الأسعافات وهي بفستاان عرسهاا كانوا البنات يتراكضون يلبسون عباياتهم ودموعهم على خدهم , هاذي الغاليه هاذي هند ., وصلت هند لـ المستشفى ودخلوها الطوارئ , كان الكل متوتر وخاايف والحريم يصيحوون قعد راشد على الكرسي وهو حاط يدينه على راسه ويستغفر ويدعي , دخل عبدالعزيز وهو يركض ولمحهم قاعدين على كراسي الأنتظار , وقف وهو يلهث من التعب ويلتفت يمين ويسار , شاف ضاحي وجااه بسرعه : شخباارها ؟ رفع راسه ضاحي وقال : الله أعلم قعد عبدالعزيز بـ أستسلااام وهزيمه , وبعد ساعه تقريباً طلع الدكتورالمسؤول عن حالة هند .. راح حق ضاحي لأنه يعرفه وقال : انت ليش ماجبتها أمس لـ موعدها ؟ ضاحي بتوتر : ماادري نسيت , وهي ماذكرتني قال الدكتور بعتب : مو عذرر هاااي , حالتها تدهورت وااااايد , وهاي عشان ماجات الموعد مسكه راشد من كتفه : يعني شنو يادكتور ؟ تنهد الدكتور بـ ألم : أدعو لها , هي تحت رحمة الله صرخوا الحرييم وقاموا يصييحوون , صرخ عليهم ضاحي : أذكرواا الله , أدعواا لها الله يقومها بـ السلاااااامـه وبعد ساعات طلع الدكتور من غرفة هند وقال : تقدرون تدخلون عليها لكن واحد واحد ألتفت ضاحي على راشد وقال : أدخل راشد توهق لكنه ماتعطل ودخل الغرفه بسرعه , وشافها بـ اللبس الأخضر وجهاز التنفس على ويهها , ماقدر يستحمل وأنهدرت دموعه مثل ياهل خذو لعبته مسك يدها وقام يصييح : هند تكفيين لا تخليني وتروحيين , انتي قلبي أنتي بحياتي , أهون علييج تخليني بروحي , قومي معااي فتحت هند عينها شوي شوي وهي تتنفس بتعب : ر رررااشـ ششد راشد نقز عليها : تكفيين لا تتكلميييين لا تتكلميييين , أرتاااحي أنتي بس أرتاااااحي مسكت هند يد راشد ورصت عليها , وهمست : أبببي , أبـ بـي ه هه نـآآد د يي , أأ خ خخ ـتي وقامت تتنفس بتعبت وااضح من هالكلمات البسيطه اللي طلعت منهاا راشد : إن شاءالله ياقلبي , إن شاءالله بس أنتي أرتااحي وطلع بسرعه وقال حق ضاحي إن هند تبي هنادي ضاحي أتصل لـ هنادي اللي ماكانت ترد وبعد 3 مكالمات ردت ضاحي يصرخ : وييييييينج أنتييييييييي ؟ هنادي تخرعت : ليش ؟ شفيييييييك ؟ ضاحي : هند في المستشفى , بين الحياااا والمووت , تبييج ياعديمة الأحساااااس ماعرفت شنو تسوي , تضحك ولا تصييح ؟ توأمها في المستشفى , اللي هدمت حياتها في المستشفى ! كانت في مشاجره حاده بين عاطفتها وعقلها لكن قلبها الأسود هو اللي غلب , ونقزت بنيه شينه وراحت المستشفى وصلت لـ الرسبشن ودلوها على غرفه العنايه المركزه راحت لـ الغرفه وشافت قبلها أمها وأختها وأبوها وأخوانها وراشد , وعبدالعزيـز !! كل هذول جايين عشاانج ياهند ؟ والله ماتستااهليييين دخلت الغرفه وهي تشوف حال هند وتبتسم بسخريه , وصلت لها : وأخيراً بتموتين ؟ فتحت هند عيونها وقالت : هنـ ... ننآآدي دنعت هنادي لهند بقهر : هدمتي حياااتي , كل شي مني راااح , حتى خلللف رااح , وأضنه رااح لج " وضحكت بسخريه " مو أنتي خطفتي عبدالعزيز مني أكيد خطفتي خلف بعد " وراحت لها الصوب الثاني من السرير صوب الأجهزه " تذكرين يوم شفتيني انا وراشد في المجلس , هههههه ماظنتي تنسين , انا اللي كنت داخله عليه أدري إن هو كان موجود ودخلت , أبيي المشاكل بينكم , أبييه يطلقج وتعيشين بتعااسه مثلي , أنتي ليش تسسستااانسسييييين وانا لااااااا ؟ غرقت هند مخدتها بـ الدموع : ممسسآآمـ مم ححتـج يـآأخـتي , مسآمحتج وتنهدت بتعب رفعت هنادي حواجبها : وليش تسامحيني ؟ المفروض تطلبيني مني السمااح " وصرخت " أنا ماسويت شي عشااان تسامحيييني عليييييييه" نزلت دموعها " عمري ماشفت السعاده ولا ذقت طعمها , ومستحيل أخليج تذوقينها , بذبحج مثل ماذبحتي قلبي بذببببحج ومسكت جهاز الأ ُكسين وفصلته عنها هند شهقت : لااا , لاااااا طلعت هنادي وهي تحس بـ النصر , خلاااص هند راحت ومابقى غيري ركضوا الدكاتره لـ الغرفه , وقاموا الشباب متخرعييين دقاايق مرت عليهم كأنها سنيين , طلع الدكتور بخيبة أمل : عظم الله أجركم أم بدر منصدمه وتلتفت يمين ويسار : شنو ؟ لاااا بنتي ؟ مسك ضاحي أمه ودموعه على خده : يمه شـ .. صرخت أم بدر : لاااااا بنتي حراام عليكم , توها صغييييره لا تذبحونهاااااا لااااااااااااا , أبببببي بنتي جييييبوهااااا شهق ضاحي من الصياح , حاول يسيطر على نفسه لكن ماقدر هاذي هند , هااااذي الغااااليه جا بوماجد ومسك أمه وحضنها , صرخت ام بدر : أببببببي بنتـي جيبوهااااا , جيب لي بنتي ياااسعد , إذا تبي قلبي يرضى علييك جيب لي بنتي بوماجد وهو صابر : بنتج يايمه عند اللي أحسن مني ومنج , أدعي لها يالغاليه إدعي لهااا قعدت في غرفتها وهي ماسكه الصور, مو متخيله اللي صار , معقوله هي سوت جي , أقتلت روح من غير حق ! صاحت وصرخت : والله ماذبحتها والله ماسويت لها شي , انا ماااااااذبحتهااااااا هي مااتت بروحهااااااا والله ماذبحتهااااااا وعلى صراخها دخلوا أم بدر ودانه , تخرعت هنادي ومسكت الصور بقوه وسحبتهم لـ صدرها وقالت وهي تصرخ وتهز راسها بـ النفي : مااااذبحتهاااااا ماذبحتهاااااا حطت أم بدر يدها على راسها وصاحت : رااااحت بنتي الثاااانيـه , بناااتي رااااحووا ياداااااانه , بناااااتي راااحواا بعد 4 شهور ضاحي وهو يمشي في ممرات المستشفى بتوتر : ياارب إنك تقومها بـ السلااامه ياارب طلعت النيرس من الغرفه : مبروك بااباا , جيب بنت أنصدم ضاحي , موو ولللللـد !! النيرس : انت مافي مبسوت ؟ <- أهم شي اللغه بس تكفون لحد يعلق ضاحي يضحك : لااا لااا , زين بيبي وين ؟ النيرس : أهين ودي هداانه طلع ضاحي 100 ريال من جيبه وعطاها أيااه وراح يتصل على أمه ويبشرها , وبعدين دخل على دانه اللي كانت تعباانه ومعرقه ضاحي يبوس يدها وراسها : مبروك حبيبتي دانه بتعب : الله يبارك فييك أبتسم ضاحي : عيل طلعت بنت دانه : هههههه شفت شلون ! أنرسمت على ملامح ويهه الحزن وبعدين بعدها بـ أبتسامه : بنسميها هند دانه مسكت يده : بدون ماتشاور ياقلبي تعبت نفسيتها خلاااص , تعبت من كل شي قاااعده في البيت والكل يحتقرها ويعايرها بـ الصور اللي أنتشرت , حتى المدرسـه منعوها منها , أصلاً شلون تروح المدرسه , ناويه على روحها عقب مانفضحت ؟ بس اللي كان يفرحها إن هدى صارت مثلها , صادها ماجد تكلم وااحد , وسنعها , وسحب منها كل شي سعود : ههههههههههههههه والله فله , أول مره حد يخاف علي شوق : أحلف عااد سعود : فدييتج والله , أممم , زين باجر أمر علييج شوق بـ أحراج : البيت بيتك فدييتك حيااك في أي وقت سعود : حبي , بسألج شوق : آمرني فديتك سعود : مايآمر عليج عدو , بس أنتي زعلانه إني مابسوي عرس ؟ شوق : شدعوه ياسعود , لو انت ماطلبت هالشي انا بطلبه , وهند أختي أكثر من ماهي بنت خالتي سعود تنهد براحه : ربي يخليج لي ياربي شوق بخجل : ويخليك لي دخلت البيت هي ويااه , كان توه جايبها من بيت أمها , ركبوا فوق لـ ملحقهم , وراح كل واحد صوب غرفته ألتفتت فاطمه على خالد وهي واقفه على باب غرفتها وطالعته بحقد وكرهه , كل يوم كرهه يزيد في قلبها , ألتفت خالد عليها وطالعها بنظرات بارده بلا معنى , كل شي أنتهى عنده بعد ماتركته ساره وأنفضح بين ربعه بسبة أخته , عطاها ظهره فـ نفس الوقت اللي لفت فاطمه عنه , كل واحد دخل غرفته وناام مع همه فرش عبدالعزيز الصور على الأرض وقام يمسح عليهم بحزن , من توفت وهو ماصار يطلع غير الجمعه لـ الصلاه ويرجع البيت بسرعه , البسمه اللي على شفاته ماتت من بعد موتها , كل شي صاار أسود , ماصار يحس بـ طعم الحيااه , لييته مات بـ مرضه ولا سمع بخبر موتها كان واقف عند المقبره ومتلثم بـ الغتره ومخبي عيونه بنظارته الشمسيه ويصييح عليها " رحتي عني ياهند , رحتي وماتركتي لي شي منج غير الذكرى , حراام علييج تعيشيني في هالعذاااب وتروحيين , ماني مصدق إن مر على وفاتج أربع شهور أحسهم أربعيين سنه , كل شي من حولي تغيير , ماحس إني ممكن أعود راشد القبلي آآخ ياهند , رحتي وكل شي رااح من بعدج تمت مازلت أبحث عن روايه تجمعني بكم من جديد , روايه مختلفه عن باقي الروايات , عزيزاتي أشكركم من كل قلبي , فـ أنتم مصدر إلهامي .. غرشه فيمتو | ||||
|
| |
|
22-11-08, 06:26 PM
| #38 | |||||
| اقتباس:
| |||||
|
| |
|
22-11-08, 09:16 PM
| #39 | ||||||||||
| إدارية ومشرفة سابقة وكاتبة وقاصة في قسم قصص من وحي قلم الأعضاء وأميرة الخيال وشاعرة متألقة بالقسم الأدبي
| اتمنى روايتك الجديده على روايتي واتمنى تابعين معنا الاستفتاء على روايتك قريب وادعوا زوار متصفحك بالتاواجد والتقيم والتصويت | ||||||||||
|
| |
|
22-11-08, 10:33 PM
| #40 | |||||||||
| نجم روايتي و عضو في فريق عمل الترجمة وعضو فريق الكتابة للروايات الرومانسيةومدققة بقلوب أحلام  
| السلام عليكم ورحمة الله وبركاته بصراحة أحترت ماذا أكتب خاصة أنى مازالت مذهولة من نهاية هند الحزينة و الغير متوقعة و كأن الحكمة التى تؤمن بها هى عنوان الرواية ... و فعلا أحيانا الفراق وارد لكن يختلف شكل الفراق و ليس بهذا الشكل البشع . عموما بعيداً عن أجواء الحزن الذى أتسمت به الخاتمة ... سلمت أناملك على هذه السطور التى تعايشنا معها و مع مختلف الطبائع و العادات البشرية التى أتسم بها الابطال . و أكيد نحن بأنتظار رواية جديدة و بمفهوم و روح جديدة تكون بصماتك واضحة بها ... لذلك لك الكثير من الدعوات و ألامانى بالتوفيق و النجاح . و كل رواية و أنت بخير و دمتى بود | |||||||||
|
| |
|
| أدوات الموضوع | |
| انواع عرض الموضوع | |
|
|
.gif "Eh S(7)")
هههههههههه صج ؟ والله توني أدري :icon_smile_eyebrows
.png)
.png)
العرض العادي
