10-12-17, 02:35 AM
| #1 | |||||||||||
 
|  شبح فوزية القصة القصيرة شبح فوزية  شبح فوزية ********** اسمى ريماس بنت جميلة وعاقلة وذكية الكبيرة فى اخواتى وكل الى بيشوفنى بيحبنى ومبحبش اتكلم عن نفسى خالص بدرس فى كلية الاداب قسم علم نفس تحديدا فى السنه الاخيره .. حياتى زى حياة أى بنت عادية فى سنى الكلية والمذاكرة والنت. لحد ما جه اليوم الى اتغيرت حياته بعده كنا بناخد محاضرة عن الإنفصامات الشخصية وأد إيه المريض ممكن يشوف هلوسات أو يسمع حاجات محدش غيره بيشوفها أو يسمعها لأن مرض الإنفصام زى ما درسنا هو حالة نادرة من الامراض النفسية . المريض الى بيصاب بيه ممكن يكون لنفسه شخصيتين تلاتة و كل شخصية ليها اسم مختلف وكمان ليها طبع مختلف وكل ده بيحصل دون علم المريض او وعيه الكامل اهتمينا اوى بالموضوع ده وقعدت انا وحور نفهم عنه اكتر منعرفش ليه اتشدينا ليه يمكن لاننا بنحب علم النفس او لانه موضوع مثير للاهتمام .. بالمناسبة حور دى صحبتى الانتيم من ايام الإبتدائى هى التانيه فى اخواتها ذكيه لماحه جدا مشكلتها الوحيده بتخاف من خيالها بس هيا صحبتى وبحبها .. طولت عليكم انا عارفة بس لازم يكون عندى امانة وانا بحكى حكايتى عشان تتعظوا من الى حصلى .. دلوقت هكلمكم عن اليوم الى فرق فى حياتى جدا : كان اول ايام تدريبنا العملي وربنا يحفظكم كان فى مستشفى العباسية بالقاهرة شفنا خمس حالات بيعانوا من اعراض نفسية وعصبية شديدة جدا ومتنوعه ما بين انفصام اكتئاب شيزوفرنيا وغيرها من الامراض النفسية .. لحد ما وقفنا عند حالة بنت مصابة بالانفصام شوفنا انها فرصة عشان نطبق عملى الى درسناه ونتعرف اكتر على مرض الانفصام من مراقبه المريض واحنا بنتكلم معاه .. اخدنا اذن الدكتور اننا نتكلم معاها وهو سمحلنا لانها كانت واخدة العلاج بتاعها ومستقرة وكله تمام وقعدت معانا الممرضة كإحتياط كانت واقفة بتسرح شعرها قدام المراية وبتتكلم مع حد كأنها شيفاه وسمعاه وهو شايفها وسامعها .. سألنا الممرضة على اسمها قالت ان اسمها ندى ..قربنا منها وخبطنا على كتفها بمنتهى الهدوء اتلفتت لينا وبصت لنا ندى : اهلا يا بنات عاملين ايه .. ريماس: بصيت لبعض انا وحور واستغربنا ازاى عندها انفصام وبترد باتزان كده هل الأدوية ليها مفعول السحر للدرجة دى .. قعدت على السرير وبمنتهي الهدوء بدات تتكلم معانا وهيا مبتسمه ندي: اقعدوا واقفين ليه .. انا شفت طلبة كده كتير زيكم من وقت ما جيت هنا انا كمان كنت بدرس فى اداب انجليزى وكنت متفوقه جدا لانى بحبه وكنت بطلع كل سنه بتقدير تقريبا انا فى نفس سنكم .. ريماس: وفجأه وشها اتغير وسكتت وانا وحور الفضول هيقتلنا نسالها وشها اتغير ليه بس هيا سبقتنا وبدات تتكلم تانى ندى: كانت حياتى هادية جدا وكنت سعيدة جدا بيها لحد ماجه يوم اتغير فيه كل شئ لما فوزية جات عندى البيت فى يوم عشان تزورنى فوزية دى اقرب صحباتى ليا وبحبها اوى لان ترتيبها فى اخواتها نفس ترتيبي وكمان دماغنا كانت قريبه من بعض بالرغم من ان مواد دراستنا مختلفه بس كنا بنشجع بعض عشان نذاكر وننجح كانت فوزية بتطلع دايما بترتيب على الدفعه بتاعتها وكانت محبوبة من كل الدكاترة بس كان ليها عيب واحد وكل الناس حذروها منه فضولها كان كبير جدا يوم زيارتها ليا قعدت تكلمنى قد ايه دراسة علم النفس ده شئ ممتع وبيفهمك حاجات كتير عن الناس اى نعم كلها مبتبقاش صح بس بيفيدك .. قالتلى عن الامراض النفسية المختلفة والفرق بينهم وعن المرضى الى بيبقى عندهم انفصام كانت اغرب حالة مريض شافتها كان محي زوج بيحب مراته اوى وكان عنده مرض نفسي اكتئاب حاد مش قادر يصدق ان مراته ماتت بالرغم من انه كان مهندس ومرموق فى المجتمع ومشهور وناجح بس فضلت صدمه موت اميمه مراته ماثره عليه انعزل عن الناس كلها وقعد ينكر فكرة موتها لحد مافى يوم جاتله فكرة ازاى يصحيها تانى او حتى شبحاها او القرين بتاعها حتى .. ريماس: انا وحور مسكنا فى بعض وبدأنا نحس بالخوف الممرضة لما شافتنا كده طلبت منها تسكت ولكن هيا صرخت على الممرضة ندى: اسكتى فوزية قالتلى احكيلهم هيا مش هتزعل لما هما يعرفوا حكايتها وراحت ماسكة المراية وقالتلها مش كده يا فوزية وراحت حطاها قدام الممرضة قالتلها شوفتى موافقة اهى .. ريماس: قمت من مكانى وقولت للممرضة: خلاص مفيش مشكلة احنا مبسوطين بكلام ندى ضحكت ضحكة عميقة جدا كانها اول مرة تسمع كلام حلو من حد المهم قولتلها كملى ياندى .. بدات تكمل تانى وتقول ندى : عارفين يا بنات فيلم مارى الدموية الاجنبى ده الى الابطال جابوا ويجا وقعدوا يلعبوا بيها وطلبوا من مارى تحضر لهم عشان يتواصلوا معاها وتنفذ لهم طلباتهم ريماس: عنينا برقت تلقائى انا وحور ولانها شجاعه جدا مسكت فى دراعى كأنى امها المهم قولنالها اه عارفين الفيلم .. ندى: تمام اهو محي بقى عمل كده بس هو قرأ فى كتاب من بتوع السحر والخزعبلات دول انك ممكن تحضر قرينك او قرين اى شخص تانى لو وقفت قدام المراية وركزت اوى وفضلت تنادى عليه وفعلا فضل يعمل كده ويقول كلمات عجيبة قراها فى الكتاب عزروس عزروس ايليشيا سينشسيا احضر وهات روح اميمة هنا وقعد يكرر الكلام 3 مرات ورا بعض عزروس عزروس ايليشيا سينشسيا . عزروس عزروس ايليشيا سينشسيا .. بس يا عينى مفيش فايدة استمر خمس ايام على نفس الحال ده فى اليوم السادس اخد قرار يجرب يعمل استدعاء لروحها وهو طافى النور وولع شمعة و جاب الكتاب الى فى الطلسم وعمل الطقوس ونادى على المراية وبرده مفيش حاجة حصلت يأس و زهق جاب قماشة كبيرة جدا وغطى المراية وفقد الامل ان ممكن حاجة تحصل او اميمة ترجع تانى . بس الصبح حصلت حاجة عجيبة سمع صوت بيرن فى كل ركن فى البيت محي محي تعال انا جيت قام مفزوع من نومه وطلع جرى على الاوضه الى فيها المراية الكبيرة رفع الملايه لقاها اميمة انبهر اتصدم فرح زعل مشاعره كانت ملخبطة كانت قدامه ومكنش عارف يلمسها كان سامعها بس حاسس انه مش مبسوط حاسس انها اميمة ومش اميمه فى نفس الوقت اميمة حبيبته الهادية الجميلة الى كانت موجودة فى المراية كانت بتحاول تسيطر على عقله وتخليه يعمل حاجات كانت لا يمكن اميمة تخليه يعملها صلح البيت بتاعهم نصب على ناس وسرق كتير اتحول لبنى ادم غير محى المهندس المحترم الناجح بقى مسخ بتتحكم فيه شبح او روح موجوده فى مرايه لحد ماجه يوم تعب وكانت هيا خلاص سيطرت على عقله طبعا لانه كان عنده انفصام كان بيحس ان هو هى وهى هو لحد ماقرر يتمرد عليها محى : امشى وسيبينى فى حالى انا غلطان انى عملت كده حبى لاميمه خلانى مشوش ومش قادر اشوف الحقيقه ان الى مات مش بيرجع سامحنى يارب ثارت الروح المحبوسة جوه المراية حاول يقاوم تاثيرها عليه كسر المراية خمسين حتة وراح بنفسه للمستشفى عشان يتعالج من الهلوسات بتاعته او زى ماكان بيسميها اضغاث احلام .. بس يا خسارة محدش يعرف اى شئ عن موته المفاجئ لقيوه شانق نفسه فى اوضته فى المستشفى .. ريماس: خلصت ندى كلامها وسكتت وفجأه واخيرا نطقت حور حور: طيب يا ندى كل ده جميل وكويس بس ازاى فوزية عرفت كل ده هيا قابلته اتكلمت معاه يعنى وايه علاقة المراية الى فى ايدك بفوزية هى ماتت ريماس : فعلا يا حور معاكى حق دى كانها عاشت القصه كلها معاه ندى : استنوا يابنات انا هجاوب على سؤالكم طبعا هيا شافته مرة واحده بس تانى يوم هو دخل فى المستشفى ولما عرفت انه اتوفى لظروف غامضة قررت بفضولها انها تكتشف ايه الى حصل وفعلا بمساعده ممرضه فى المستشفى قدرت تاخد التقارير العلاجيه بتاعته ووصف الدكتور المعالج لحالته ولقت شويه ورق هو كان مسميهم استعداء روح حطمتنى وجذب انتباهها اخر سطر فى الورق ده سيطر على فضولك بلاش هو يسيطر عليك عشان مترحش طريق مفيش منه رجوع . انتهى .... اما بقي فوزيه ماتت ازاى دى مااقدرش اجاوبكم عليها كل الى اقدر اقوله انها قبل وفاتها بيوم زارتنى فى البيت وادتنى المرايه دى قالتلى لو حصلى حاجة نادى عليا فيها هتلاقيني موجودة على طول وسلمت عليا ومشت ريماس : تنفسنا الصعداء ولكن لسه مش فاهمين هيا ماتت ازاى برده وفى نفس الوقت ندى صعبت علينا ولسه هواسيها واشكرها انها حكت لنا عن صاحبتها دخل علينا دكتور وليد دكتور وليد : يلا يابنات ده معاد الغدا بتاع ندى كفايه كده النهارده خلوها ترتاح دى اول مرة تتكلم مع حد كتير كده حور : من فضلك يا دكتور عشر دقايق بس فاضل اهم سؤال نعرف فوزيه ماتت ازاى ريماس : خلاص يا حور نسمع كلام الدكتور هو ادرى بمصلحه ندى خلاص يا دكتور هنسلم عليها ونمشى معاك وفعلا انا وحور سلمنا عليها ومشينا لحد ماوصلنا عند باب الاوضه بتاعتها نادت علينا فجاه ندى : يابنات فوزية بتقولكم انها هتيجى تزوركم وتحكى لكم عن سبب موتها هى حبتكم اوى ريماس : اتجمدنا واحنا واقفين وحور الى كانت متعلقه فى دراعى مسكت فيا بزيادة لاحظ دكتور وليد اننا متوترين جدا فوصلنا بنفسه لباب المستشفى دكتور وليد : نورتونا يابنات ان شاء الله بعد التخرج تعملوا دبلومة ودكتوراه وتشرفونا هنا . بصتله انا وحور باستغراب دكتور وليد : ايه فكرتوا ايه تنورونا اخصائين نفسيين وكلام ندى متركزوش فيه اوى هيت من وقت ما دخلت المستشفى ومفيش حد من اهلها بيزورها كتير غير كل فين وفين فبتجاول بتعمل لنفسها جو تعيش فيه . يلا التاكسي مستنيكوا توصلوا بالسلامه . ركبنا التاكسى وحور طول الطريق بصه لشنطتها الى على رجلها استغربت موقفها جدا ريماس: فى ايه ياحور بكلمك بتردى وانتى باصه للشنطه ليه هى مقطوعه ولا حاجه حور : ياسلام ياختى عوزانى ابص فين التاكسي كله مرايات ايه مستعجله اوى على زياره فوزيه من خاف سلم ولا هتعملى نفسك مش خايفة وعاقله ده انتى طول ما دكتور وليد ماكان بيتكلم انتى كنتى سرحانه ومش مركزة فعلا حور معاها حق انا الموضوع ده شاددنى جدا ومكنتش مركزة خالص والدكتور بيتكلم حور : بصى يا ريماس تعالى نعمل زى الدكتور ماقال نتجاهل الموضوع وننسي وبلاش نفكر فيه يلا انا هنزل خلاص اقابلك بعد بكرة ان شاء الله وابقى كلمينى فى التليفون .. سلام ريماس :عشر دقايق وصلت انا كمان بيتى دخلت الاسانسير طبعا كعادة اى بنت مراية يعنى تظبيطات وحركات بصيت لنفسى وزعلت جدا ان الروج لونه راح ده لونه حلو اوى ويمكن كان عمل تاثير مع دكتور وليد بس يلا المرات الجاية كتير وربنا يخلى التربية العملى ويخلى المجانين زى ندى وشبحها فوزية . فجاة وقف الاسانسير واتعطل والنور جواه اطفى كمان قلبى وقع فى رجلى ساعتها وسمعت حد بيقول اسمى بس بصوت ضعيف .بقيت واقفة بكلم نفسي ايه انا خلاص اتجننت انا الى بسمع افلام رعب تخوف العفريت نفسه هخاف طلعت موبايلى وفضلت اخبط على جدارن الاسانسير وانادى على عم محمد لحد مافجأة الاسانسير طلع باقصى سرعة ووقف قدام بيتنا ومش عارفة من خوفى وسرعتى انى اخرج منه الباب اتفتح ولا انا الى فتحته وعدى باقى اليوم وانا بفكر فى ندى ومحى وفوزية من قلة الاسامى ملقتش غير فوزية وتصاحبها قال فوزية واشباح قال مشيت لحد مرايتى ومسكت الفرشة عشان اسرح شعرى فجأة لقيت قدامى واحدة بتسرح شعرها بس مش انا فركت عنيا جامد ورجعت بصيت لقيتها لسه بتبصلى وبتسرح اتفزعت ورجعت لورا سريرى قدامه المراية والتسريحة اساسا فمخدتش وقت ثوانى كنت على سريرى وماسكة الفرشة وقال يعنى هتحمينى منها انتى مين ياست انتى ضحكت وفردت شعرها وراها وبمنتهى الثقة انا فوزية ايه مين انتى ايه لالالالا اكيد انا بحلم اكيد انا بحلم صح فوزية ازاى وايه جابك عندى وبتعملى هنا ايه .. ضحكت تانى وقالتلى فوزية : انتى الى جبتينى عندك لسببين الاول لانك نديتى عليا ريماس : اييييييييه نديت عليكى محصلش .. فوزية: لا حصل فى الاسانسير وانتى بتشوف طرحتك و الروج الى لونه حلو كمان وكان هيعجب دكتور وليد ريماس: طيب امتى ندهتك بقى فوزية : وانتى مركزة فى المراية وبتبصى لنفسك قعدتى تقولى قال فوزية قال فوزية لا يمكن طبعا دى كلها هلاوس .. ريماس: طيب وهو كده انا ابقى ندهتك فوزية: اه انتى كده ندهتينى .. السبب التانى انى جيالك عشان احكيلك حكايتى.. ريماس: بس انا مش عاوزة اسمع حكايات اكيد الى انا فيه ده حلم مزعج او هلاوس من الدراسة والمستشفى هنام واقوم زى الفل ... وادى المراية الى هتجننى ملاية كاملة ليها لوحدها اما اشوف ست فوزية هتشوفنى منين تانى وفضلت تكلم نفسها وتلف حوالين السرير لحد ماقعدت فى نص السرير بالظبط وفردت عليها الغطا وسندت راسها لورا وقعدت تبص للمراية الى غطتها هل ده حقيقى ولا تهيأت لحد مااستسلمت للنوم . الصبح دخلت عليها حنان امها عشان تصحيها يلا ياريماس قومى عشان تساعدينى زى العادة ده اليوم الوحيد الى بعرف امسكك فيه من غير مذاكرة .. ريماس : ياماما حرام عليكى عاوزة انام حنان: يلا يا بنتى كفاية كسل . قعدت نص قاعدة وسندت ضهرها على السرير وفجأه صرخت باقوى صوت عندها .جرت امها عليها ايه حنان : يابنتى مالك ايه الى صابك بتصرخى ليه ريماس :فوزية يا ماما فوزية .. حنان : سلامة عقلك يابنتى فوزية مين يادى النيلة ياولاد البت اتهبلت من كتر علم النفس الى هيا بتذاكره كان مالها كليه اقتصاد منزلى على الاقل كنتى نفعتى نفسك وانتى فى بيت عدلك ولا كنتى ساعدتينى هنا اه يانى وقفتى كده ليه يابت اتهبلتى ريماس: ياماما بقولك فوزية فى المراية اهى بتبص علينا وتضحك حنان : يا شبابك الى راح هدر يابنتى سلامة عقلك .. ريماس : ياه ياماما طيب انتى شيلتى الغطا ليه دلوقت من على المراية .. حنان : هيا المراية يابنتى هنغطيها انزلى يابنتى واستهدى بالله دى عين وصابتك انا لازم ابخرك وفتحت امها البلكونة والشبابيك للشقة كلها وشغلت القران وطلعت بنتها فى الصالة وقعدت ترقيها وتبخر فيها .. لحد ابوها مارجع من صلاة الجمعة. الحج احمد : سلام عليكم ياام ريماس ايه الدخان ده حرقتى حاجة .. حنان: عليكم السلام ياحج البت بنتك ياخويا اتلبست .. ضحك الحج احمد والد ريماس الحج احمد : الله يغزى شيطانك يا حجة اتهبلت مرة واحدة وقعد جنب بنته حاوطها بدرعاته وسالها مالك يابنتى.. ريماس: فوزية يابابا فوزية الحج احمد :فوزية مين يابنتى.. ريماس: شبح المراية يابابا والله مش بكدب الحج احمد : عارف يا حبيبتى انك مش بتكدبى بس برده ده كلام محدش يصدقه فى حاجة اسمها شبح وكمان اسمه فوزية وضحك ريماس: طيب يابابا انا هوريك تعال معايا وراحت ماسكه ابوها من ايده ودخلوا اوضتها وشالت الملاية من على المراية وشاورت لابوها اهو يابابا بص شايف قعدة جوه بتغيظنى ازاى قالها الحج احمد : يابنتى بسم الله عليكى مفيش حد فى المراية انتى بس اعصابك تعبانة من المذاكرة تعالى ريحى النهاردة وهتبقى عال العال .. وفعلا سمعت كلام ابوها وقضت باقى يومها مع اهلها ده يوم الجمعة يوم التجمع العائلى .. وجه وقت النوم حس ابوها فيها انها لسه مهزوزة اخدها من ايديها ودخل بيها اوضتها وغطاها وغطى المراية وحط جنبها مصحف الحج احمد : انتى بس متبصيش كتير للمراية خاصة بليل يعنى والصبح اتاكدى ان شكلك حلو وامشى على طول وربنا يحفظك يابنتى صحت تانى يوم جاهزة للجامعة كلها نشاط كشفت المراية ايه ده مفيش فوزية تكون ماتت .. ايه ياريماس اتجننتى هتكلمى نفسك خلاص .. فطرت ونزلت للجامعة يوم زى اى يوم ماعادا هيا وحور كانوا لسه تحت صدمة الكلام بتاع ندى .. خلص اليوم بعد مااتخصموا درجات التحريرى كاملة والمشروع بتاع التخرج كمان عشان رفضوا يكملوا زياراتهم للعباسية .. بس مزعلوش كالعادة ريماس وصلت حور وكملت هيا لبيتها طلعت البيت وجرى على المراية بتخبط عليها بتشوفها يمكن نايمة ولا حاجة .. بس مفيش فايدة سكوت تاااام فى المراية حست انها فعلا كانت بتحلم بس بكابوس مش حلم عادى ومر يومين لحد ماجه الثلاثاء المشؤم وهى فى عز النوم بعد ما رجعت من الجامعة هلكانة وتعبانة كان عندها امتحانات .. سمعت حد بيندهه عليها ريماس رموسة قامت من نومها ريماس: ايوه ياماما جاية اهو بس امها سمعت صوتها ودخلت عليها لقيتها متمسرة فى سريرها وبتشاور على المرايا ندهت امها على ابوها حنان :الحقنى ياحج الحقنى ياخويا الحج احمد : مالك ياام ريماس دخل اوضة بنته ولقاها متمسرة وبتقول فوزية اتخض من منظرها الحج احمد : فوزية تانى يابنتى مش قلنا استعيذى بالله ريماس : فوزية يابابا واشرف المحروق جايباه عشان اسمع حكايته معاها دى بتقول انها انتحرت وعشان تحكى حكايتها لازم اعرف حكايه اشرف المحروق كمان .. اتعصب ابوها وثار الحج احمد: انتى اتجننتى بقى ولا ايه اشرف ايه ومحروق ايه وفوزية ايه امك كان عندها حق لما قالت الدراسة لحست مخك ريماس : يابابا الحج احمد : بلا بابا بلا زفت وادى المراية . وكسر المراية ستين حتة كلم كام محل موبيليا من الى يعرفهم وطلب تسريحة من غير مراية طبعا ما بين استغراب اصحاب المحلات طلبه وما بين اصراره على تسريحه من غير مرايه وافق صاحب معرض يعمله واحده مخصوص وفعلا جت التسريحة الجديدة اتركبت وفى وسط كل ده يلاقوها بتقول ريماس :طب انا هعدل لبسى ازاى الحج احمد بنفاذ صبر : عندك مرايات الدولاب مر يومان وهى مش قادرة تطلع الموضوع من دماغها .. وجه الليل ومعاد النوم لسه هتنام لمحت ضلفة من الدولاب ابو مراية مفتوح قامت جرى قفلتها ورجعت للسرير تانى .. وفى دماغها سؤال واحد بس هل اسطورة فوزية واشرف المحروق خلصت على كده هل ده كان حلم ولا هلاوس وياترى لو حقيقة مين الى هيدقق فى مرايته فتطلعله فوزية !! وراحت فى نوم عمييييق ... نصيحتى ليكم / متبصوش كتير فى المرايات لتكونوا انتوا صديقات فوزية المرة الجاية.. وبلاش تجيبوا عفش فى بيتكم فى مرايات كتيرة .. وبلاش بص كتير بتمعن وسرحان بليل تحديدا فى اى مراية عندك .. لو عجبتكم او لا عرفونى رايكم يهمنى .. التعديل الأخير تم بواسطة rola2065 ; 12-12-17 الساعة 05:17 PM | |||||||||||
|  |
|
11-12-17, 10:16 AM
| #2 | |||||||||
 
|  اقتباس:
القصة مهما كانت مرعبة، اتحكت باللهجة المصرية صارت كوميدية ... من واحنا صغار علي فكرة والأهل بيقول "بطل بص في المراية لتتلبس" 😂 بس احنا مبنخفش 😂 مع إن القصة كلها عامية مفيش كلمة فصحي إلا إنها كانت ممتعة ... أهلا بك وبالتوفيق | |||||||||
|
| |
|
11-12-17, 12:10 PM
| #3 | ||||
| نجم روايتي  
| ﺳﻴﻄﺮ ﻋﻠﻰ ﻓﻀﻮﻟﻚ ﺑﻼﺵ ﻫﻮ ﻳﺴﻴﻄﺮ ﻋﻠﻴﻚ ﻋﺸﺎﻥ ﻣﺘﺮﺣﺶ ﻃﺮﻳﻖ ﻣﻔﻴﺶ ﻣﻨﻪ ﺭﺟﻮﻉ . ﺍﻧﺘﻬﻰ ... هههههه روعه جدا ل لحظة اندمجت و وقف شعر راسي الفضول قتل القط التاثير النفسي والخداع والاوهام هو ال بيسيطر عل الانسان لذلك نجد من يؤمن بالاشباح والدجل الوهم حينما يتسلط علي عقل فارغ يصبح تربه خصبه والاكتر هولا حين يتسلط عل روح فارغه ضعيفه الايمان احيييك عل اسلوبك الاكثر من رائع جذبتني وكما ل لحظة خضتيني وده روعه الحبكه بساطه اللغه تسللت ال العقل والقلب معا اتمني لك مزيد من الابداع من غير فوزيه وعمايلها ههه وفقك الله | ||||
|
| |
|
13-12-17, 01:27 AM
| #5 | ||||||||||||
| ممتنه لاوقت الى اديته ليها عشان تقراها اقتباس:
 سعيده انا عجبتك وان شاء الله الى جايه فصحى اتمنى تعجبك كمان شـكــ وبارك الله فيك ـــرا لك ... لك مني أجمل تحية . | ||||||||||||
|
| |
 |
| الكلمات الدلالية (Tags) |
| رعب, زاير, قصة قصيرة |
| أدوات الموضوع | |
| انواع عرض الموضوع | |
|
|
العرض العادي
