07-02-13, 03:42 PM
| #51 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  | الصلاة , الصلاة , الصلاة ,, اللهم بلغت اللهم فـَ اشهد | البارت (41) باليوم الثاني .. عند غادة+تركي (قام من النوم وما انتبه على الأكل اللي كان ناقص .. دخل الحمام وبعدها تذكر ان ملابسه بالغرفة عند غادة .. حاول يفتح الباب عليها وفعلا انفتح لأنها نست تقفله بعد ما جابت لها الأكل .. دخل للغرفة وشاف صحن الأكل اللي كان على الطاولة اللي جنب السرير وابتسم ابتسامة خفيفة لأنه عرف انها استسلمت للجوع .. اخذ له ملابس وبعدها طلع من الغرفة بهدوء بدون ما تحس عليه غادة) ............................................ ببيت هيفا .. سفرة الأكل محمد : ليش ما تاكلين ؟ هيفا بتوتر وهي ماسكة جوالها بيدها : مالي نفس .. متى اتصل على تركي وغادة ؟ خلود : يا بنت استحي شوي .. توها الساعة 8 ! هيفا وهي تقوم : الحمدلله لينة : انتي كليتي شي عشان تقولين الحمدلله ؟ .. اجلسي بس افطري هيفا : مالي نفس محمد : كملي فطورك هيفا برجاء : يبه محمد بصرامة : انا ما اعيد كلامي هيفا بإستسلام وهي تجلس : ان شاءالله يبه خلود وهي تاكل : هيفا اذا خلصتي فطور روحي نامي .. امس ما نمنا الا الفجر وانتي قايمة من 6 الصباح !! هيفا : ان شاءالله ........................................ ببيت طلال (جالس على سريره ومعه الكعب حق فهده .. من اول ما خذاه منها وهو كل يوم يتأمله .. يتذكر هبالها يوم نطت فوقه وقعدت تقومه من النوم .. وجاذبيتها بفستانها بملكة غادة .. وحتى عصبيتها يوم اخذ الكعب منها .. ضحك بداخله ورجع الكعب حق فهده بالصندوق اللي خصصه لهالكعب وبعدها دخل الصندوق تحت السرير ونزل عشان يفطر مع اهله) ....................................... ببيت منار+مضاوي .. غرفة منار (كانت جالسة على سريرها وتفكر) مضاوي وهي تدخل عليها : حتى انتي قايمة ؟ منار اللي وجهت نظرها لأختها : اساسا ما نمت .. كنت قاعدة افكر بغادة مضاوي وهي تجلس جنبها : ريم وفهده ورندى نفس الشي توني ملكمتهم .. ما عرفو ينامون فقامو بدري .. وهيفا قالت انها مثلك ما نامت منار : والله خايفة عليها ..(بقهر).. هالتركي ممكن يسوي اي شي مضاوي وهي تتنهد : ان شاءالله ما يصير لها شي .. من اول ما طلعت من القاعة وانا ادعي ان الله يعدي هالليلة على خير .. الا ما دريتي ؟ منار : عن ايش ؟ مضاوي : تركي قرر ياخذ غادة ويسافرون لشهر عسل ......................................... ببيت فهده+رندى .. غرفة رندى رندى بصدمة وهي توقف : ايـــش ؟ فهده : توني مكلمة مضاوي .. قالت ان هيفا ارسلت لها مسج وقالت فيه هالكلام رندى وهي للحين مصدومة : شلون ياخذها شهر عسل وهم ما يطيقون بعض ! فهده بحقد : اكيد يبي يستفرد فيها الحقير عشان ياخذ راحته بتعذبيها رندى وهي للحين مصدومة : غادة تدري ؟ فهده : مدري بس اتوقع لا .. هم كانوا مخططين انهم ما يسافرون شهر عسل بحجة ان رمضان قرب .. بس الظاهر ان تركي كذب عليهم وقال انه مسويها مفاجأة لغادة رندى بقهر : الحقير فهده : ربي بيجازيه الكلب !! .......................................... ببيت ريم .. غرفة ريم (جالسة على السرير تكلم بدر وتبكي) ريم : بفقدها بدر : كلنا بنفقدها .. بس كلها اسبوعين وبترجع للرياض ريم وهي للحين تبكي : لا ما استوعب ان غادة مو معنى .. بالعادة اول يوم برمضان نصوم كلنا مع بعض بس هالمرة لا بدر وهو متوهق ويحاول يهديها : لازم تتعودون .. المرة الجاية ممكن ما تكونون مع بعض يعني كل وحدة تكون راحت بطريقها ريم وهي تمسح دموعها قالت بطفولة : اها .. طيب انت ما تفقدون بعض ؟ بدر وهو يضحك : احنا دايم نجتمع مع بعض .. بس مو يوميا مثلكم .. يعني انا اغلب وقتي مع فارس ومحمد ..(الشاب اللي قعد بدر يفضفض له المرة اللي فاتت اول ما اكتشف ان ريم اخته).. وطلال ونايف وماجد مع بعض وعبدالعزيز واحمد وفيصل وتركي مع بعض .. يعني نفتر بعض الأحيان عشان كذا متعودين ريم : اها ........................................ عند غادة (قامت من النوم ودخلت الحمام الموجود بالغرفة وغسلت وبعدها طلعت لها فستان لونه برتقالي غامق اكمامه ثلاثية وماسك لحد الخصر بعدين يصير واسع ولفوق الركبة وعليه رسوم عشوائية بالأسود والأبيض مع كعب اسود عليه شريطة برتقالية وسوت شعرها ستريت ولمته مع الجوانب على ورا وحطت ميك اب خفيف وخذت عبايتها وطلعت للصالة وشافت تركي جالسة يناظر التلفزيون وقدامه الفطور) غادة وهي متخصرة : متى ناوي توديني لأهلي اسلم عليهم ؟ تركي ببرود بدون ما يناظرها : ماراح نشوفهم حتى اهلي لان خلال نص ساعة لازم نكون بالمطار غادة وهي رافعة حاجبة : خير ان شاءالله ومين انت عشان تقرر اللي تبي على كيفك ؟!! تركي وهو يتأملها : انا زوجــــك .. بعدين غيري ملابسك ما اتوقع انها بتكون مريحة بالمطار واحنا رحلتنا طويلة غادة بعصبية : ماراح اغير لاني ماراح اسافر ! تركي ببرود وهو يوقف : مو على كيفك .. انا نازل تحت .. خمس دقايق واشوف قدامي غادة بعناد : قلت ماراح اروح (تقدم لها لحد ما صار واقف قدامها بالضبط) تركي بهمس : صدقيني مو من مصلحتك تعانديني .. بالبداية حاولت اتعامل معك تعامل راقي .. بس الحين غيرت رايي .. اذا انتي ما تعتبرين لي وجود انا بعد ماراح اعتبر لك وجود ! غادة بإرتباك حاولت تخفيه : انا ماراح اغير كلمتي تركي بدون اهتمام : كنت ابيك ترتاحين بما ان رحلتنا طويلة .. بس بالنهاية انتي حرة بنفسك و....... غادة بمقاطعة : اكيد انا حرة بنفسي !! تركي بغضب مكبوت : غادة .. انا ما احب احد يقاطعني ! .. حطي هالشي في بالك زيــــن ..(وهو يطلع من الغرفة).. خمس دقايق واشوفك تحت قدامي .. برسل العمال ينزلون الشناط وابيك تطلعين قبل ما يجون ..(وسكر الباب وراه بقوة) غادة بقهر : افف .. الحين بيقلب حياتي في هالـ 6 شهور جحيم ! .. حسبي الله عليك يا تركي .. حسبي الله ونعم الوكيل .................................... عند تركي (واقف عند سيارته اللي كانت موقفة قدام بوابة الفندق ينتظرها .. انتظاره طال مرت عشر دقايق ولا طلعت له .. فكر انه بيعطيها خمس دقايق اضافية واذا ما جت خلالها ممكن يرتكب فيها جريمة .. بس بهاللحظات طلعت من بوابة الفندق ومشت لجهته .. ركبت السيارة بدون ما تنطق بأي حرف) تركي بسخرية وهو يركب السيارة : يعني كلمتي هي اللي مشت بالأخير غادة بقهر : لا تصدق نفسك .. انا سويت كذا لاني مالي خلق اتناقش مع اطفال تركي من بين اسنانه : وربي يا غادة لو اني ما اسوق كان الحين عطيتك كف يعدل ملامح وجهك ! .. فأحسن لك اسكتي غادة بقهر :" هذا وانا عروس يكلمني كذا ! .. اجل لو اننا من زمان متزوجين وش بيسوي فيني " (وصلو المطار .. قسم الرحلات الخارجية .. دخلو الشنط وبعدها طلعو لصالة الإنتظار) ........................................ ببيت محمد (صديق بدر الجديد) محمد : الله يوفقها .. اكيد فقدتوها على الفطور بدر : اكيد فقدناها .. بالعادة اذا قامت تكون لابسة بجامة او لبس بلون غامق مثل الأسود اوالكحلي ونعلق عليها انا وماجد .. بس هالمرة غير .. هالمرة رهف هي اللي لبست لون غامق .. وكأنها تبي تقلد غادة محمد بإبتسامة : شكلكم متأثرين مرة بدر :" اكيد بنتأثر .. اساساً احوالنا انقلبت فوق تحت بعد اللي صار بس انت ما تدري عن شي ! " .. كثيــــر محمد بهدوء : اخبارها ؟ بدر : ما كلمتنا للحين محمد : انا ما اقصد غادة بدر بإستغراب : مين تقصد اذا مو غادة ؟ محمد بهدوء : اختك من الرضاعة بدر بهدوء : الحمدلله بخير محمد : وانت ؟ بدر : شفيني ؟ محمد : للحين تحبها ؟ بدر وهو يتنهد : اكيد .. بس بالنهاية تظل اختي ..(بإبتسامة).. حبي لها تحول لحب اخوي لا اكثر ولا اقل وهي نفس الشي محمد براحه : يعني خلاص غيمة الحزن بتروح عنك ؟ بدر بإبتسامة قال بمرح : اعتبرها راحت من زمان ...................................... ببيت غادة راشد بدهشة : شلون يعني ؟ تركي اللي كان معه على الخط : مثل ما قلت يا عمي .. الطيارة بتقلع بعد نصف ساعة تقريبا وما معنا وقت نزورك واحنا الحين بالمطار راشد بعدم اقتناع انه ماراح يشوف غادة : توصلون بالسلامة ان شاءالله .. عندك غادة ؟ تركي وهو يناظرها : ايه .. تبي تكلمها ؟ راشد : ياليت والله تركي : دقيقة بس ..(ومد لها الجوال وهي خذته بسرعة) غادة بلهفة : بابا راشد بحنان : عيونه .. شلونك يا بنيتي ؟ غادة : الحمدلله .. انت كيفك يبه ؟ .. وامي كيفها ؟ .. وبدر وماجد ؟ .. واهم شي رهوفه راشد : كلهم بخير ويسلمون عليك .. غادة امك تبي تكلمك غادة : عطني اياها هدى : الو غادة بشوق : ماما هدى بفرح : هلا والله بغادة .. شلونك يمه ؟ غادة : الحمدلله بخير .. انتي كيفك يالغلا ؟ هدى : الحمدلله بخير بعد ما سمعت صوتك يا قلبي .. اخبارك واخبار زوجك ؟ غادة بحقد حاولت تخفيه : الحمدلله بخير هدى : زين يا قلبي انا الحين بسكر .. سلمي لي على زوجك غادة : يوصل .. مع السلامة هدى : مع السلامة ..(وسكرو الخط) تركي بسخرية وهو يشوف علامات الراحة بعيونها : اشوفك روقتي ؟ غادة من دون نفس : تركي خليني بحالي ترا والله مو فاضية لك تركي وهو رافع حاجب : لا يا شيخة ! غادة : الا اي مدينة بنروح لها ؟ تركي بسخرية : يهمك ؟ غادة من دون نفس : خلاص ما ابي اعرف ! .......................................... ببيت منار+مضاوي (نزلت عشان تفطر مع ابوها واختها .. جلست بمكانها بعد ما سلمت .. الجو كان متوتر بين ابوها واختها من بعد اللي صار .. والسبب ان مضاوي للحين ما سامحت خالد على اللي صار) خالد وهو يشرب قهوته : انبسطتو في العرس مضاوي : ......... منار : ايه .. غادة كانت كأنها ملاك بسم الله عليها خالد بهدوء : الله يوفقها مضاوي بعد ما خلصت فطورها : الحمدلله خالد : كملي اكلك مضاوي ببرود : شبعت ..(وراحت .. واول ما طلعت تنهد خالد تنهيدة طويــلة) منار وهي تناظر ابوها : مصيرها ترضى خالد بحزن : ان شاءالله ترضى .. اللي سويته فيها مو سهل منار بحنان : هي راضية بس قاعدة تكابر خالد وهو يرجع يتنهد : وانا ما تعبني الا هالمكابر منار وهي تغمز له : طالعة عليك (ابتسم بحب لبنته ورجع يكمل اكل) ............................................. عند غادة وتركي (ركبو الطيارة واقلعت الطيارة) غادة للمضيفة : تقدرين تجيبين لي حبة بندول ؟ المضيفة : طبعا .. دئيئة وراح اعطيك اياه ..(وراحت) تركي بإهتمام : وش تحسين فيه ؟ غادة بضيق وهي تلف للشباك : مالك دخل تركي بقهر وهي يوطى على رجلها : ما سمعت غادة : مـــــالك دخل تركي وهو يضغط على رجلها بقوة : ايش ؟ غادة اللي تألمت بس تكابر : مالك دخل ! تركي اللي ضغط عليها بقوة جنونية قال من بين اسنانه : ايـــــش ؟!! غادة بصراخ خلى كل اللي بالطيارة يلتفتون لهم : آآآآآآآآآآه واحد من الركاب : عسى ما شر ؟ تركي : لا ما في شي بس الظاهر انها عظت لسانها بالغلط الراكب وهو كاتم ضحكته بعد ما الكل ضحك على غادة : ايه الحمدلله غادة بهمس وحقد : الله يخاذك الكل صار يناظرني ويضحك علي ! تركي بإبتسامة وهو يناظرها بسخرية : تستاهلين غادة بقهر : والله لأخليك تندم يا تركي والله (كان بيرد عليها .. بس المضيفة اللي جت واعطت غادة البندول خلته يسكت غصب) .............................................. بالإمارات .. بيت ياسر (دخل البيت هو وهزاع واستقبلتهم ام ياسر) هزاع وهو يبوس راسها : شلونك يا خالتي ؟ ام ياسر : الحمدلله بخير انت شلونك ؟ هزاع بإبتسامة : الحمدلله بخير ام ياسر : بعد اذنك بس بغيت ياسر بكلمة راس .. وانت خذ راحتك البيت بيتك هزاع وهو يروح لغرفة ياسر : خذو راحتكم ياسر : وش بغيتي يمه ؟ ام ياسر : رحت امس وشفت رنا ياسر بإستغراب : اي رنا ؟ ام ياسر : هو شفيك رنا خطيبتك ! ياسر وهو يتذكر: ايه صح .. بس انتي قلتي انك خذيتي الموافقة ام ياسر : انا خذيت الموافقة بعدين رحت اشوفها .. بس بقي انت تشوفها ياسر بعدم اهتمام : اذا الأسبوع الجاي يناسبهم بروح اشوفها ام ياسر بفرح : الله يوفقك يا وليدي .. الحين رح لهزاع لا تتأخر عليه ياسر : ان شاءالله (ملاحظة : اعتذر منكم اذا كانت تقاليد الإماراتيين تختلف عن عن تقاليدنا .. بس انا كتبتها كذا لجهلي بتقاليد الإماراتيين .. هذا غير اللهجة .. انا ما اكتب باللهجة الإماراتية لأني ما اضبطها ^_^) ...................................... الساعة 5 العصر .. محاكم الرياض (طلعو من المحكمة بعد ما خلصت جلستهم ومعهم المحامي) المحامي : احنا اللي فزنا بالقضية بالنهاية .. المفروض تفرح يا استاذ سعود سعود ووجهه خالي من اي تعبير : انا كنت ابي افوز بالقضي .. بس الحكم اللي صدر يا استاذ وليد للحين مو قادر استوعبه وليد {المحامي} : طبيعي يصدر هالحكم لأنها متزوجة .. هذا اللي ربي كاتبه لها سعود وهو يتنهد : ونعم بالله ..(التفت لعياله).. اسبقوني للسيارة فيصل : ان شاءالله يبه ..(بهمس).. نايف نايف اللي كان مشغول بكتابة رسالة : نعم فيصل : ما تسمع ابوك ؟!! .. يلا على السيارة لا تفشلنا مع المحامي (وركبو السيارة .. فيصل هو اللي يسوق وجنبه سعود وورا نايف اللي كان مشغول برسالته اللي كان بيرسلها لطلال بعد ما قال له عن سبب الطلاق) {كان مكتوب بالرسالة : ابشرك فزنا بالقضية بس عن نفسي حسيت الحكم قوي شوي صح الجوهرة تستاهل بس احس حكم الإعدام قوي شوي لا وفوق هذا قبل ما تنعدم بيجلدونها} (دقايق وجاه رد من طلال) {المكتوب بالرسالة : المفروض ما تتعاطف معها لأنها تستاهل بس وش كانت ردة فعلها لما قالو الحكم ؟} (رد عليه نايف) {يعني وش بتسوي مثلا ؟!! تبيها تقعد ترقص وتغني ! اكيد قعدت تبكي ورجت المحكمة بصراخها} (رد عليه طلال) {يلا هذا المكتوب بتجينا اليوم ؟} (رد عليه نايف) {ما اتوقع ابوي يبي يروق شوي وبنروح ناخذ عمرة قبل رمضان والزحمة حجزنا اليوم} (رد عليه طلال) {اها توصلون بالسلامة سلم لي على فصول وابوك} (رد عليه نايف) {يوصل} ............................................ باليوم الثاني .. الساعة 8 الصباح (وصلو غادة وتركي لمطار ايطاليا بعد رحلة طويلة ومتعبة .. بعد ما خلصو الإجرائات راحو على وحدة من الفلل اللي كان تركي متأجرها) غادة وهي تتأمل الديكور اللي كان فخم مع ان الفلة صغيرة : فيه هنا خدم ؟ تركي : ل غادة وهي رافعة حاجب : لا يكون على بالك اني بطبخ لك ؟ تركي ببرود وهو يرمي نفسه على السرير : ليش انتي شايفة غير كذا ؟ غادة بقهر : مستحيل اطبخ لك .. اساساً ما اعرف اطبخ تركي بتطنيش وهو ينهي الحوار : بتنامين بالغرفة اللي قدام هالغرفة غادة وهي تطلع من الغرفة : مريض ! تركي بصوت عالي عشان تسمعه : متخلفة ! ............................................ بوحدة من مستشفيات فرنسا (بالست الشهور اللي فاتت تغيرت تغيير جذري .. قبل ما تتغير كانت بهالوقت مغرقة وجهها بالميك اب ورايحة للأسواق تغازل وتتميلح .. والحين قاعدة تقرأ القرآن بكل خشوع !) ام رشا بحب : يلا يا بنيتي انا طالعة الحين رشا اللي رفعت راسها قالت بإبتسامة شاحبة : مع السلامة (اعراض المرض بدت توضح فيها اكثر واكثر .. تتذكر لما رجعت مع اخوها ناصر وصار ابوها يضربها بعنف .. ما كان يبي يقتلها عشان ما تكبر السالفة وينفضحون فقرر انه يعالجها بفرنسا على اساس انها مريضة بالسرطان مو بالإيدز) .......................................... عند غادة (دخلت غرفتها ورمت نفسها على السرير وقعدت تفكر بوضعها) غادة وهي تناظر رجلها :" حسبي الله عليك الكلب رجلي للحين مورمة بسببه بس مستحيل اقول له عنها عشان ما يقعد يتشمت فيني ! .. المشكلة الحين مو برجلي المشكلة بالطبخ .. شلون اطبخ له وانا ما اعرف اصلح شي حتى البيض ! .. احسن خله يموت من الجوع مو مشكلتي ..(بإيجابية).. على الأقل بتكون مهمتي الوحيدة هي الطبخ والتنظيف وباقي الوقت بقعد بالغرفة لحالي بعيد عنه .. ايه هذا احسن شي على الأقل الى ان ارجع للرياض ويصير عندي ماجد وبدر وقتها ماراح يقدر يسوي فيني شي وهم موجودين ..(وهي تاخذ جوالها).. بتصل على امي اقول لها اني وصلت " ......................................... بمكة .. وحدة من الفنادق المطلة على الحرم (كانوا قاعدين يفطرون مع ابوهم) فيصل اللي ناظر نايف وهو شوي وينفجر ضحك لأنه عارف ان نايف اليوم بيفاتح ابوه بموضوع منار : نايف شكل عندك شي تبي تقوله سعود اللي يناظر نايف : قول وش عندك نايف اللي يناظر فيصل بنظرات نارية : لا بس يبه انا ابيك تحجز لي وحدة من البنات سعود بإبتسامة : شكلكم غرتو من تركي ؟ نايف : تقريبا سعود : تبي وحدة معينة ؟ نايف : ايه سعود : مين ؟ نايف : منار بنت خالد سعود بتفكير : والله خالد ما عليه ماشاءالله مربي بناته احسن تربية .. خلاص يا ولدي ما يصير الا اللي تبيه .. اذا رجعنا فاتحت ابوها بالموضوع نايف بفرح : مشكور يبه سعود بنص عين : وانت يا فيصل .. ما عندك نية تتزوج ؟ فيصل بإبتسامة : اذا تزوج نايف خليت منار تدور لي على عروسة سعود بعدم تصديق : نشوف .. انا بكلم عمتك عذاري عشان تخطب لك وانت كلم باقي خالاتك نايف : ان شاءالله .................................. ايطاليا (كانوا قاعدين يفطرون بهدون بدون ما يتكلم احد فيهم .. والسبب الكف اللي عطاه تركي لغادة بعد ما رفضت تسوي له الفطور بحجة انها ما تعرف .. وبالنهاية فطورهم صار خبز وجبن) تركي بسخرية : الظاهر انك صدق ما تعرفين تطبخين غادة بقهر : انت شرايك ! تركي بعدم اهتمام : فيه كتاب طبخ بدولاب المطبخ تعلمي منه ..(ووقف).. انا بطلع ازور واحد من اصدقائي وانتي خليك هنا ولا تفتحين لأحد ..(وطلع من الفلة) غادة بقهر وهي تقلد صوته بأسلوب مضحك : لا تفتحين لأحد .. مسوي مهتم فيني الحين ! ..(وقامت ودخلت للمطبخ وطلعت لها ثلج وحطته على خدها الي كان للحين احمر واثر اصابع تركي واضحة بخدها .. هي تعترف انها غلطت لما سبته بأفظع الألفاظ بس ما يحق له يضربها) ......................................نهاية البارت...................................... مقتطفات من البارت القادم : 1- .... : عنده رجال يالخبلة .. تخيلي انك دخلتي عليهم والله بيذبحك ابوي ! 2- .... : طبعا راي البنت اهم شي 3- .... وهي تطقها بالعصا : موب صاحية هالبنت .. انقلعي لغرفته يلا يلا ! مين اللي قال هالجمل ؟ انتظر توقعاتكم .. كلمة اخيرة /... في الصحيح: (إن الله لا ينظر إلى صوركم وأموالكم ولكن ينظر إلى قلوبكم وأعمالكم) فاحرص ألا يرى في قلبك إلا المعاني الشريفة والنوايا الطيبة، اغسله وتعاهده يوميا؛ لئلا تتراكم فيه الأحقاد، والكراهية، والبغضاء، والذكريات المريرة التي تكون أغلالا وقيودا تمنعك من الانطلاق والمسير والعمل، ومن أن تتمتع بحياتك د . سلمان العودة | ||||
|  |
|
07-02-13, 03:55 PM
| #52 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| | الصلاة , الصلاة , الصلاة ,, اللهم بلغت اللهم فـَ اشهد | البارت (42) بعد مرور اسبوع .. ايطاليا (قامت من النوم بكسل وكانت بتشرب موية بس تذكرت ان اليوم هو اول ايام رمضان وانها صايمة .. ابتسمت بقهر وهي تتذكر ان اليوم المفروض تفطر مع كل البنات وامس المفروض تتسحر معهم .. دخلت الحمام وبعدها غيرت ملابسها) غادة وهي واقفة قدام دولاب الملابس :" خلني اغير الروتين والبس فستان بما ان تركي مو موجود وماراح يرجع من صديقه الا على الليل كعادته .. من يومين وهو يسوي كذا عشان يتجنبني بالذات بعد ما ضربني بقوة قبل كم يوم " طلعت لها فستان كت لونه احمر يوصل لفوق الركبة ماسك من جهة الصدر ومن تحت ماخذ راحته على جسمها مع فلات احمر وحطت ميك اب خفيف واستشورت شعرها ولبست طوق احمر غادة وهي تناظر نفسها بالمراية : وه بس يا زيني .. مو مثل قبل حارمة نفسي من الميك اب عشان ما اتزين لتريك .. حتى قلوس ومسكرة ما احط ! .......................................... بالرياض .. بيت منار+مضاوي (بعد التروايح) (نزلت من غرفتها وكانت بتدخل مجلس الرجال وهي طايرة عشان تشوف ابوها .. بس مضاوي مسكتها بآخر لحظة) منار : خليني بروح اشوف ابوي مضاوي : عنده رجال يالخبلة .. تخيلي انك دخلتي عليهم والله بيذبحك ابوي ! منار وهي تجلس جنب اختها : طيب مين الرجال اللي عنده ؟ .. نعرفهم ؟ مضاوي بنظرة خبث : انتي اكثر وحدة تعرفين اللي جوا منار بعدم فهم وهي تعدل جلستها : شلون يعني ؟ مضاوي بإبتسامة : اللي جوا نايف ومعه فيصل وابوه منار وهي مطيرة عيونها : وش يسوون هنا ؟!! مضاوي وهي تضحك : ههههههههههههههههههه .. شوي شوي على عيونك بتطلع من مكانها منار : مضــاوي بسرعة قولي وش يسوون هنا ؟!! مضاوي : انتي توقعي .. يعني ابو وعياله رايحين لرجال عنده بنات هذا غير ان بنته يحبها ولدهم .. وش تتوقعين يسوون ؟ منار بصرخة : يخطبوووووون مضاوي وهي تسكتها : اسكتي يالفضيحة ! منار بحماس وهي مو مصدقة : لازم اقول لفيهو وريامي مضاوي وهي تضحك : روحي قولي لهم بس لا تصارخين عشان ما تفضحينا عند الرجال ........................................... عند الرجال خالد : والله يشرفنا نسبكم .. بس يعني نايف للحين ما توظف والبنت صغيرة سعود : نايف يشتغل عندي بالشركة واحنا ما نبي نسوي الزواج الحين .. اذا كبرت البنت وكبر نايف خالد : اذا على كذا انا موافق .. بس لازم ناخذ راي البنت سعود : طبعا راي البنت اهم شي ........................................... ببيت فهده+رندى فهده بحماس وصراخ وهي واقفة بنص البيت : احلفــــي منار : والله فهده وهي تنطط من الحماس : وناسة وناسة وناسة الجده اللي نزلت على صراخ فهده قالت بعصبية : اعقلي يا بنت .. اللي يسمع صراخك يقول قامت الحرب ! فهده وهي تبوس راسها : يا حبنيلك يا جدة .. بس وش اسوي من الفرح الجده : ان شاءالله تدوم الأفراح .. بس وش اللي مفرحك كذا ؟ فهده اللي تعرف انها لو قالت لها عن خطبة منار كل الحارة بتدري فقالت : اليوم اول يوم برمضان وفرحانة <<<العذر مثل وجهها الجده وهي تطقها بالعصا : موب صاحية هالبنت .. انقلعي لغرفته يلا يلا ! (راحت فهده لغرفتها وهي ميـــتة من الضحك ومطنشة منار اللي على الخط) ............................................ عند غادة غادة وهي تكلم بالجوال : لا الحمدلله كلنا بخير .. انتم وش اخباركم ؟ .. اخبار رهوفة وبدور ومجود ؟ .. وانتي يمه شلونك ؟ .. وابوي شلونه ؟ ..(استمرت تكمل مكالمتها وما انتبهت للي واقف عند الباب ويناظرها بصمت) غادة : ههههههههههههههههههه يا حبنيلها ..(التفتت وراها وانتبهت على تركي وشهقت بقوة وقالت بإرتباك).. يمه فديتك بعدين بكلمك .. مع السلامة ..(وسكرت الخط وقالت لتركي بعصبية).. انت شلون دخلت هنا (اما تركي رفع لها مفاتيح الباب وهو مبتسم بسخرية) غادة بقهر : المفروض تقول انك جيت ! تركي : والله عاد مو مشكلتي انك ما انتبهتي لي غادة وهي تدخل غرفتها : افف ..(وسكرت الباب بقوة) (اما تركي ابتسم بحب .. يحب يشوفها معصبة او متنرفزة .. ويكره نفسه اذا مد يده عليها بس هي تستفزه وهو ما يقدر يمسك نفسه .. جلس يسترجع شكلها وهي بفستانها الأحمر وكبرت ابتسامته .. يحبها .. من بعد اللي صار كله اكتشف انه يحبها .. بس المشكلة انها حتى ما تطيق تسمع صوته !! .. وفكرة انه بيطلقها بعد 6 شهور هذي بحد ذاتها تخليه يثور ويضربها من قهره) ......................................... بغرفة غادة (دخلت الغرفة وهي متنرفزة منه .. دخلت الحمام وقعدت تنظف وجهها من الميك اب .. هي متضايقة ومتنرفزة وشوي وتنفجر من القهر .. بس في شي بداخلها يخليها مبسوطة اذا قعدت تتهاوش معه .. بس وش هالشي ؟ .. ما تعرف !!) ........................................ ببيت هيفا .. غرفة نواف (قاعدة تلعبه وهو مبسوط معها .. مع انه اخوها من ابوها الا انها تحبه اكثر من تركي) لينة وهي تدخل عليهم وبيدها رضعة نواف : هيفا ترضعينه ؟ هيفا بحماس : اوكي ..(وخذت منها الرضعة وصارت ترضعه) لينة وهي تجلس على الكنبة الموجودة بالغرفة : شفيك ؟ هيفا بإستغراب : شفيني ؟ لينة بإبتسامة : ملاحظة انك متغيرة كثير .. اذا تبين تفضفضين ترا انا موجودة هيفا وهي تتنهد : لينة هالمشكلة ما تقدرين تحلينها لينة : بالنسبة لك ما اقدر احلها .. بس لا تنسين اني اكبر منك هيفا اللي اقتنعت بكلامها : بقولك بس قبل كل شي اوعديني ما تقولين لأحد لينة : اوعدك ما اقول لأحد هيفا : تتذكرين لما كنا بالمخيم ؟ لينة : ايه هيفا : بآخر يوم ..(وقالت لها سالفة غادة وتركي) لينة بصدمة : كل هذا يطلع من تركي ؟!! هيفا : حتى انا انصدمت لينة : بس كذا انتم ظلمتوها باللي سويتوه ! هيفا : يعني وش المفروض نسوي ؟ لينة بتفكير : والله مدري .. يعني هو ظلم انكم تزوجونها بس بنفس الوقت مافي حل ثاني ! هيفا : هو بيطلقها بعد 6 شهور وبعدين هي بتعيش حياتها زي ما تبي لينة : هيفا اذا طلقها تركي لا تحسسونها بالنقص هيفا بإستبعاد : طبعا ماراح نحسسها بشي ......................................... ببيت منار+مضاوي .. الصالة (جالسين يتقهوون مع ابوهم ومنار تنتظر خالد يتكلم ويقول اللي عنده وهو جالس يشرب قهوة ويقرأ الجريدة ببرود) منار : بابا عطني فنجالك خالد وهو يحط الجريدة على جنب : لا مابي قهوة بكلمك بموضوع خاص .. الحقيني على المكتب منار وهي توقف وجسمها يرجف من التوتر : طـ طيب مضاوي وهي تضحك بعد ماراح ابوها : هذي اللي كانت متحمسة ؟!! منار وهي ترجف : ما توقعت اصير كذا .. لما خطبني ياسر كنت اكلم ابوي بكل برود بس الحين ! مضاوي : ههههههههههههه .. اقول روحي لأبوي وانتي ساكتة .......................................... بمكتب خالد خالد وهو يناظرها : انتي كبرتي واحلويتي يا منار منار وهي ترجف : ايه يبه خالد بضحكة : طيب شفيك كذا خايفة ؟ منار بإرتباك : هاه ؟ .. لالالا مو خـ خايفة مـ مين قال انـ اني خايـ يـ يفة ؟ خالد بجدية : اليوم ابو فيصل جاء هو وعياله يخطبونك لنايف (هنا منار تبخرت من الخجل) خالد بإبتسامة وهو يشوف خدود منار اللي قلبت فوشي : معك اسبوع كامل فكري فيه على راحتك .. وانا بسأل عنه وبشوف .. وطبعا الزواج مو الحين بعد ما تتخرجين من الثنوي (هزت راسها بالإيجاب بدون ما تنطق ولا حرف .. ثواني بس تذكرت شي مهم ورفعت راسها وقالت) منار : ومضاوي ؟ خالد: شفيها ؟ منار : هي اكبر مني وما يصير اتزوج قبلها ! خالد بحدة : مضاوي بيجيها نصيبها يا منار .. انتي الحين فكري بمستقبلك بعيد عن مضاوي منار بعدم اقتناع : اوكي خالد وهو يقوم وبيده اوراق : انتي فكري وانا بسأل عنه واللي بيقدمه ربي بيصير منار : اوكي ........................................ ببيت فيصل+نايف .. غرفة نايف (طاير ومتشقق من الفرحة .. هو واثق ان منار بتوافق عليه فما شال هم ابدا) فيصل وهو يجلس على السرير : مبروك مقدما يالمعرس نايف بفرح : الله يبارك فيك .. والله ما اصدق احس اني بطير من الفرح فيصل وهو يضحك : انت الحين طاير من الفرح !! نايف وهو يضربه بمرح : عن الكلام الفاضي .. خلنا نروح الحين لطلال وماجد ابي ابشرهم فيصل : يلا ..(وطلعو على بيت ماجد اللي كان عنده طلال) ........................................... باليوم الثاني ..(بعد صلاة التراويح بيت خال نايف+فيصل) ابو عبدالله (خالهم) : والله يا ابو مضاوي الولد محترم واخلاقه عالية .. ويشهد الله علي اني ما اقول هالكلام لانه ولد اختي .. بالعكس الزواج نصيب وحرام نظلم البنت معه اذا كان ما عنده اخلاق .. بس نايف ما عليه كلام خالد بإبتسامة : احنا عارفين اخلاقه والولد متربي قدامنا .. بس الحرص واجب ابو عبدالله : لا اذا على اخلاقه لا تخاف ابدا (بنفس البيت بس من جهة ثانية) مرام بملل : تغريدوه تغريد (اختها) وهي تحوس باللاب : نعم مرام : الحين مين اللي عند ابوي ؟ تغريد : مدري والله .. بس رجع معاه من المسجد يقول بيكلمه بموضوع مهم مرام بغرور : تتوقعين يخطب تغريد بإحتقار لأختها : من زين هالوجه عشان يخطبك ! .. بعدين الرجال كبير يعني بالأربعينات تقريبا مرام : يمكن لولده تغريد : لو كان يخطب كان جاب ولده .. بعدين انتي ليش واثقة ان اي رجال يزور ابوي يخطبك ! مرام بغيرة : انتي مخطوبة وما تحسين باللي احس فيه .. انا وش يثبت لي اني ماراح اعنس ! تغريد وهي رافعة حاجب : مرام عمرك 17 سنة بس !! .. بعدين انا وحمد (خطيبها) محجوزين لبعض من اول ما انولدنا مرام وهي تقوم : افف بس متى يطلع الرجال واشوف وش يبي من ابوي تغريد بملل : مرام اذا بتقعدين تحنين على راسي اذلفي وخليني اشوف شغلي .. ترا للحين ما اخترت موديل فستان العرس !! مرام بقهر وهي تروح لغرفتها : افف ......................................... ببيت جد نايف+فيصل عذاري بقهر : ايــــش ؟!! نايف وهو يكلمها بالجوال : خطبت منار وبعد اسبوع بيردون لنا ! عذاري : طيب ومرام ؟ نايف بحدة : انتي قلتي انك بتشيلينها من بالك عذاري بخوف من حدة اسلوبه : طيب خلاص .. بس مين بيروح يشوفها ؟ نايف : خالاتي وانتي كثر الله خيرك عذاري بعصبية : نعم نعم نعم !! .. وانا مو عمتك !! نايف : عمتي وعلى عيني وراسي .. بس انا بكلم خالاتي وما احتاج منك شي عذاري بقهر : نايف خلك عاقل نايف : عذاري انا قلت لا عذاري بإستسلام وقهر : طيب مع السلامة ..(وسكرت الخط بدون ما تنتظر رده) ......................................... ببيت مرام (طلع ابو عبدالله بعد ما ودع خالد ودخل عند بناته) مرام بلهفة : يبه الرجال اللي عندك وش يبي ابو عبدالله بنص عين : وانتي وش دخلك بالرجال مرام وهي مادة بوزها : ابي اعرف وش يبي ّ ابو عبدالله ببرود : لا بس يسأل عن نايف مرام بحماس بما ان السالفة فيها نايف : وش يبي فيه ؟ ابو عبدلله : ما شاءالله عليه خطب بنت جيرانهم .. وهذا ابوها يسأل عنه مرام بصدمة : ايــــش ؟!! ..(تداركت الوضع).. يعني نايف خطبها او فيصل ؟ ابو عبدالله : لا نايف (تحولت نظرات مرام لأختها تغريد) تغريد وهي تناظرها بشماته : الله يوفقهم اذا كان فيه نصيب (قامت مرام بقهر ولحقتها اختها ودخلو غرفتهم) مرام بعصبية : سمعتي المهزلة اللي قاعدة تصير ؟!! تغريد بنغزة : اكيد انها محترمة واخلاقها عالية مرام بقهر : تغريد وش تقصدين بكلامك هذا ؟!! تغريد ببرود وهي تجلس على السرير : لا يكون على بالك اني ما ادري عن مكالماتك آخر الليل مع الشباب ! (هنا مرام ما قدرت تعلق وصارت تناظر اختها بصدمة) تغريد : انا بعتبر اني ما شفت ولا شي .. بس امسحي كل ارقامهم ووالله لو عرفت انك رجعتي كلمتي شباب بقول لأبوي او عبدالله مرام اللي صارت ترجف من طاري عبدالله اخوها لأنه مرة شديد : لا تكفين الا عبدالله خلاص بحذف كل ارقامهم واذا تبين قدامك بعد تغريد : انتي بتحذفينها غصب عنك سواءً قلت لعبدالله وابوي او ما قلت .. بس مو هنا مشكلتنا مرام : وش تبين ؟ تغريد : الشذوذ اللي قاعد يصير مع صديقاتك هذا اتمنى انك ما تعيدينه ! مرام وهي ترجف : شلون عرفتي ؟!! تغريد : اذا تخرجت من الثنوي ودخلت الجامعة هذا ما يعني اني اقطع علاقتي بصديقاتي اللي اصغر مني واللي الحين هم بثالث ثنوي ويعرفون كل حركاتك ! مرام بإستسلام : طيب تغريد : وخطيبة نايف لا تقربين منها مرام اللي رفعت راسها قال بسرعة : لا تغريد وهي رافعة حاجب : لا ؟ مرام بعناد : ايه لا .. انا مستحيل اخلي السالفة تتم بالعكس بخرب عليها كل شي تغريد بتهديد : والله يا مرام والله لو عرفت انك سويتي لها شي بكلم نايف وهو يتصرف معك ! مرام وهي تتأفف : الحين الغريبة صارت اهم مني ! تغريد بسخرية وهي تطلع من الغرفة : على الاقل هي غريبة مو مريضة مثلك !! مرام بحقد :" والله ما اخليك تتهنين بس خليني اعرف مين انتي وبعدها ببدأ شغلي " .......................................... عند غادة+تركي تركي وهي يدخل الصالة اللي كانت غادة موجودة فيها : بنروح نفطر عند صديقي غادة وهي رافعة حاجب : وانا وش دخلني فيك ؟ تركي ببرود وهو يجلس : اخته معه واصرت انك تجين غادة بملل : تركي مالي خلق تركي بعناد : بتجين غصب غادة بعناد وهي توقف قالت بطفولة : عناد لك ما راح اروح كان تركي بيبتسم على عنادها بس احتفظ بالإبتسامة لنفسه وقال : قبل الأذان بنص ساعة تكونين جاهزة ..(وطلع من الصالة عشان ما يعطيها فرصة تعترض) ......................................... ببيت هيفا لينة وهي تقرأ مجلة وبحظنها نواف : هيفا في مسابقة للرسم للبنات ليش ما تشتركين فيها ؟ هيفا : لاني ماشاءالله علي فنانة لينة بجدية وهي تحط المجلة على جنب : جربي ماراح تخسرين شي هيفا والفكرة بدت تدخل براسها : شكلي بجرب لينة بتشجيع : شاركي فيها صدقيني بتستانسين وانا بساعدك هيفا وهي تاخذ اللاب حقها اللي كانت تاركته على الطاولة : بدخل على موقعهم واشارك .. متى آخر موعد لتسليم اللوحات ؟ لينة وهي تاخذ المجلة وتقرأ : بعد العيد هيفا : زين تكفيني هالفترة ..(وفعلا دخلت هيفا على الموقع وسجلت البيانات المطلوبة واشتركت وقررت تطلع بكرة مع لينة عشان يشترون الأغراض اللي تحتاجها للرسم) .......................................... بإيطاليا .. قبل اذان المغرب بنص ساعة لبست بنطلون ابيض وبلوزة طويلة شوي (مثل بلايز المحجبات) لونها زهري فاتح عليها تطريز ناعم ومعطي البلوزة فخامة بنفس الوقت باللون الأسود والأبيض وحجاب اسود داخل عليه الأبيض مع فلات اسود وحطت ميك اب خفيف غادة وهي ماسكة شنطتها السودا وقفت قدام تركي وقالت بملل : مو قلت لي قبل الأذان بنص ساعة خليك جاهزة ؟ .. انا الحين جاهزة يلا قوم تركي وهو يناظرها : بتطلعين كذا ؟ غادة بإستغراب من نظراته : ليش شكلي غلط ؟ تركي : لبسك غلط ! غادة وهي تتأمل ملابسها : مافيها شي ملابسي الحمدلله ساترة ومو ملفتة تركي : لا غيريها غادة بجدية وهي ما تبي تناقش تركي : تركي انا متعودة البس كذا اذا سافرت مع اهلي .. ومو مشكلتي اذا كنت ما تعرف طبعي تركي وهو يتنهد : المرة الجاية ما ابيك تلبسين كذا غادة وهي رافعة حاجب : هذا اذا كان فيه مرة جاية (ناظرها تركي بطرف عينه وطلع ولحقته غادة) غادة وهي تأشر على السيارة اللي مستأجرها تركي : وين بتروح ؟ تركي وهو يمشي : البيت مو بعيد .. بنروح له مشي غادة وهي تمشي وراه : اوكي ........................................... ببيت منار+مضاوي .. غرفة منار (دخلت على غرفة اختها وشافتها تنطط على السرير ومعها ريم وفهده .. تحمدت ربها على نعمة العقل وقربت منهم) فهده : بنات وخرو شوي على جنب ..(بعد ما بعدو عنها تشقلبت فوق السرير ومضاوي مطيرة عيونها) مضاوي وهي مطيرة عيونها : افرضي طحتي على الرخام وانكسر راسك فهده بهبال : عادي ارجع اجمعه مضاوي : هاهاها .. ضحكتيني يالسخيفة فهده : محد طلب منك تضحكين مضاوي بطيحة وجه : المهم ما علينا .. انا مشتهية كب كيك شرايكم نروح نشتري ؟ ريم : لا احنا اللي بنسويه منار : عشان نتسمم ! مضاوي اللي دخلت براسها الفكرة : معنا روز وهي اللي بتعلمنا فهده بحماس : يلا منور .. اساساً لازم تاخذين كورسات بالطبخ عشان اذا تزوجتي نايف منار وخدودها مولعة : لاحقين على التعلم مضاوي اللي تبي تزيد عليها : لا تعلمي من الحين عشان اذا كبرتي يطلع طبخك حلو مو اي كلام منار بإستسلام لأنها عارفة لو عارضت بيحرجونها زيادة : اوكي اسبقوني على المطبخ ........................................... عند تركي+غادة (كانوا يمشون والناس الموجودة بالشارع تناظر غادة بإستغراب والسبب حجابها .. وفجأة تقدمت لها طفلة صغيرة) (ملاحظة : بكتب لكم الكلام مترجم) الطفلة ببراءة وهي تأشر على حجاب غادة : ما هذا ؟ غادة بإبتسامة لان الطفلة كانت بعمر رهف تقريبا وتشبهها حيل : هذا حجاب الطفلة : وما هو الحجاب ؟ غادة : هو شيء ترتديه المرأة المسلمة لتغطي شعرها (شوي وتجي ام البنت وتمسك يد بنتها) الأم بإحراج : انا آسفة على ما فعلته ابنتي ولكنها طفلة غادة وهي تطلع صورة رهف من شنطتها : لا داعي للإعتذار ..(ابتسمت وهي تمد للأم الصورة).. ابنتك تشبه شقيقتي الأم بإنبهار بعد ما شافت الشبه اللي بين رهف والبنت بس الفرق ان البنت شعرها اشقر : يتشابهان كثيرا ! غادة بإبتسامة وهي تاخذ الصورة : اعرف هذا .. بالإذن ..(وكملت مشي مع تركي اللي كان يراقب الموقف بصمت) تركي بهدوء : البنت تشبه رهف غادة بدون نفس بعد ما تذكرت رهف : اعرف ..(كانت غادة تمشي وفجأة دخلت رجلها بحفرة صغيرة وكانت بتطيح على وجهها بس تركي مسكها بآخر لحظة وظلو دقايق ساكتين يستوعبون اللي صار لان غادة لو طاحت كانت بتطيح على بقعة طين وتروح فيها .. بعد ما استوعبو قعدو يضحكون بقوة لدرجة الناس صاروا يناظرونهم) غادة وهي تحاول تهدي نفسها : آآآآه يا بطني تركي وهو للحين يضحك : اتخيل شكلك لو طحتي بوسط هالطين ! غادة بطفولة وهي تضربه بخفيف : لأنك نذل تركي بإبتسامة وهو يناظرها : انا عندك اسوأ انسان بالدنيا غادة بعفوية وهي ترتب حجابها : مين قال ؟!! (رفعت راسها وهي مو مستوعبة وش قالت وشافت تركي يناظرها بإستغراب وقالت بترقيع) غادة وهي تحاول ترقع قالت بإرتباك : انت مو اسوأ واحد لأنك من كثر ما انت سيء ما اقدر اوصفك (ابتسم تركي مرة ثانية لما عرف انها ترقع وكمل مشي وهي صارت تمشي معه) ......................................نهاية البارت...................................... مقتطفات من البارت القادم : 1- .... وهي مبوزة : طيب لا تصارخين 2- .... : جهزو رقم الإسعاف 3- .... : فيه عواصف متوقعين انها تجي بالأيام الجاية ويمكن تتعطل الرحلة ونتأخر مين اللي قال هالجمل ؟ انتظر توقعاتكم .. كلمة اخيرة /... المتفائل ليس أعمى ولا واهماً يعيش في الأحلام وإنما هو واقعيٌ يدرك أن الحياة بقدر ما فيها من المشكلات يوجد إلى جوارها الحلول وبقدر العقبات فهناك الهمم القوية التي تحوِّل أبداً المشكلة والأزمة إلى فرصة جميلة .. د . سلمان العودة | ||||
|
| |
|
07-02-13, 03:56 PM
| #53 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| | الصلاة , الصلاة , الصلاة ,, اللهم بلغت اللهم فـَ اشهد | البارت (43) ببيت منار+مضاوي .. غرفة منار (دخلت على غرفة اختها وشافتها تنطط على السرير ومعها ريم وفهده .. تحمدت ربها على نعمة العقل وقربت منهم) فهده : بنات وخرو شوي على جنب ..(بعد ما بعدو عنها تشقلبت فوق السرير ومضاوي مطيرة عيونها) مضاوي وهي مطيرة عيونها : افرضي طحتي على الرخام وانكسر راسك فهده بهبال : عادي ارجع اجمعه مضاوي : هاهاها .. ضحكتيني يالسخيفة فهده : محد طلب منك تضحكين مضاوي بطيحة وجه : المهم ما علينا .. انا مشتهية كب كيك شرايكم نروح نشتري ؟ ريم : لا احنا اللي بنسويه منار : عشان نتسمم ! مضاوي اللي دخلت براسها الفكرة : معنا روز وهي اللي بتعلمنا فهده بحماس : يلا منور .. اساساً لازم تاخذين كورسات بالطبخ عشان اذا تزوجتي نايف منار وخدودها مولعة : لاحقين على التعلم مضاوي اللي تبي تزيد عليها : لا تعلمي من الحين عشان اذا كبرتي يطلع طبخك حلو مو اي كلام منار بإستسلام لأنها عارفة لو عارضت بيحرجونها زيادة : اوكي اسبقوني على المطبخ .......................................... بعد دقايق .. بالمطبخ (دخلت عليهم منار وشافتهم مطلعين المكونات اللي قالت لهم روز عنها) مضاوي لروز : كم ملعقة ملح نحط ؟ روز بعصبية والشيب بيطلع راسها من الأغبياء اللي قدامها : مافي ميله <<<ملح مضاوي وهي مبوزة : طيب لا تصارخين (طلعت روز من المطبخ وهي تتحلطم) ريم وهي تكسر البيض وجابت العيد فيه : وش نحط بعد البيض ؟ فهده بغباء : حطيه بالقوالب ..(القوالب حقت الكب كيك اللي ندخلها بالفرن) منار بصراخ : خبلة انتي .. حطي الطحين و .......الخ مضاوي وهي تطق منار مع كتفها بخفيف : والله اختي سنعة منار بغرور : عارفة انكم بتجيبون العيد فقريت الطريقة بالنت على السريع (ريم سوت كل اللي قالته منار وجت بتحط طحين طاحت الكيسة من يدها بقوة على الأرض وانتشر الطحين على البنات) فهده بعصبية وهي توخر الطحين اللي على وجهها : خبلة انتي !! ريم ببراءة وهي مسكرة عيونها : طاحت مني بالغلط .. بنات ما اقدر افتح عيوني دخل فيه طحين ! مضاوي وهي تمسكها مع يدها وتدلها على طريق المغسلة : غسلي وجهك منار اللي الطحين كان بس على نص وجهها شهقت وهي تشوف بلوزتها توصخت : هئئئئ .. بلوزتي توني شاريتها !! مضاوي وهي تنثر الطحين اللي على وجهها : خلونا نمسح هالطحين اللي على الأرض حرام الخدامة توها منظفة المطبخ ريم وهي تنشف وجهها : لا الحين خلونا نجهز الكب كيك واذا دخلناه للفرن نظفنا كل شي عشان نشغل نفسنا البنات : اوكي (خلطو المكونات وبعدها دخلو صواني الكب كيك بالفرن ونظفو المطبخ وجلسو يسولفون بالمطبخ بعد ما قالو لهيفا ورندى يجون) ......................................... ببيت هيفا (كانت لابسة عبايتها ومتلثمة وشنطتها بيدها كانت بتطلع بس وقفها صوت امها) خلود : اي وحدة من البنات بتروحين لها ؟ هيفا : منار ومضاوي خلود وهي تهز راسها بالإيجاب : اها .. لا تتأخرين هيفا : ان شاءالله لينة بتعب وهي تدخل الصالة : انكسر ظهري بسبب هالولد ! هيفا بحماس بعد ما سمعتها : ليون باخذه معي لينة بإستبعاد : لا وين .. روحي انتي وانبسطي مع البنات هيفا بإصرار : ليون تكفين خليني آخذه معي والله بنتبه له وباخذ رتني (الخدامة) معي خلود : خليها تاخذه وانتي ارتاحي لك كم ساعة .. واذا صار شي بيت منار ومضاوي مو بعيد لينة والفكرة بدت تعجبها : خلاص بس خلي رتني تغير له ملابسه اول هيفا وهي تشوف لبس نواف اللي كان عبارة عن بربتوز ابيض عليه دباديب بالسماوي وشكله ناعم ومرتب : لبسه حلو والبنات مو بعيدات انتي قولي لرتني تلبس عبايتها وتلحقني لينة : اوكي ....................................... بعد دقايق .. ببيت منار+مضاوي .. المطبخ هيفا : جهزو رقم الإسعاف ما استعبد اتسمم بسببكم منار بثقة : لا تخافين انا قارية المكونات بنفسي هيفا وهي تضحك : يا واثقة .. انا خايفة لانك انتي اللي قاريتها ..(وقفت).. بروح اشيك على فوفو (نواف) واجيكم يمكن المهابيل ريم وفهده سوت له شي مضاوي بمزح : ريم وفهده لا تأمنينهم على اطفال ولا بتلقين خدودهم رايحه فيها من التبويس هيفا بوسوسة : بروح اشوفهم مضاوي وهي توقف : بجي معك (وبكذا ما ظل بالمطبخ الا رندى ومنار) رندى وهي تناظر منار اللي مروقة وتغني : وش قررتي ؟ منار وهي ترفع راسها : عن ايش ؟ رندى : عن نايف منار بثقة : هذي فيها سؤال ! .. طبعا موافقة بس انتظر ابوي يسألني عشان اعطيه الموافقة رندى بجدية : منار هذا زواج مو لعب منار : عارفة هالشي .. بس انا واثقة ان نايف رجال وفوق هذا يحبني واحبه رندى : الزواج مو حب وبس يا منار ! .. بعدين انتم صغار وللحين مراهقين يعني يمكن حبكم يكون حب مراهقة منار بثقة مصطنعة مع ان الشك بدا يدخل بقلبها : حبنا مو حب مراهقة رندى وهي تتنهد : انا ما اقول لك اتركيه .. بس فكري بهالموضوع مليون مرة منار بإستسلام : اوكي رندى : واستخيري اكثر من مرة ..(بشك).. لا تقولين انك ما استخرتي ؟ منار بإحراج : يعني انا كنت متحمسة ونايف و...... رندى بمقاطعة وتأنيب : المفروض تستخيرين هالموضوع مو لعبة لا تستهترين فيه منار وهي تتنهد بعد ما حست ان كلام رندى صح : اوكي رندى وهي توقف : الحين خلينا نروح عند البنات بس بعد ما يخلص الكب كيك وناكل ابيك تروحين تعتكفين بغرفتك وتدعين ربك وتستخيرينه منار وهي توقف معها : اوكي ..(وراحو للبنات) ......................................... عند تركي+غادة (وصلو للفلة اللي كان فيها صديق تركي .. انصدمت غادة من عمر صديق تركي لانه كان كبير شوي .. وعرفت بعدين انه كان يدرسه بالجامعة وبعدها انتقل لإيطاليا بسبب فرص العمل اللي كانت احسن ومعه اخته وامه) دانة (اخت صديق تركي اللي عمرها 21 سنة) .. هلا والله حبيبتي .. نورتي البيت حياك غادة بلطف وهي تدخل الصالة : النور نوركم ام خالد (خالد هو صديق تركي) وهي توقف : ماشاءالله تبارك الله .. شلونك يمه ؟ غادة بإبتسامة وهي تشوف ام خالد الكبيرة بالسن واللي التجاعيد صارت واضحة على وجهها ومع كذا كان الوقار باين عليها : الحمدلله بخير انتي شلونك يا خاله ؟ ام خالد : الحمدلله ..(جلستها جنبها) : وش اسمك ؟ غادة : اسمي غادة ام خالد : يا زين اسم غادة .. كنت افكر اسمي دانة بهالأسم بس ابوها رفض وقال سموها دانة ..(ابتسمت بحزن).. الله يرحمه غادة بحزن : الله يرحمه ام خالد وهي توقف : بروح اشوف القهوة وانتي يا دانة خليك معها دانة : ان شاءالله ..(وجلست غادة ودانة يسولفون) غادة بتساؤول : الحين انتم عايشين هنا ؟ دانة : ايه .. توفى ابوي وتعبت نفسياتنا من البيت ففكرنا ننقل لبيت جديد بس خالد اعجبته وضيفة هنا فقررنا نترك الرياض بكبرها غادة : واهلكم اللي بالرياض ؟ دانة : ما عندي لا عمان ولا خوال .. بس خال واحد متزوج وساكن بجده كاف خيره وشره (استغربت غادة ان دانة قالت لها كل شي مع انهم للحين ما وصلو لمرحة الموانة بس بما ان دانة محتاجة تفضفض فما لقت قدامها الا غادة وغادة قدرت هالشي وصارت تجاريها) غادة : اها ..(بحب بعد ما تذكرت البنات).. وجيرانكم ؟ دانة بإستغراب : شفيهم ؟ غادة : ما تفقدينهم ؟ دانة وهي للحين مستغربة السؤال : لا علاقتي فيهم رسمية غادة : اها ..(بحماس).. انا مع بنات الجيران الروح بالروح وما اقدر اعيش بدونهم دانة : اها ..(بفضول).. كلهم نفس عمرك ؟ غادة : فيه بنفس عمري وفي اصغر مني بسنة يعني اعمارنا متقاربة دانة : الله يخليكم لبعض غادة من قلب : آآآمين (واستمرت السوالف وبعد دقايق دخلت عليهم ام خالد وشاركتهم فيها) ......................................... ببيت منار+مضاوي .. المطبخ (كانوا واقفين مصدومين بعد ما طلعو الصواني من الفرن .. كان الكيك محترق تقريبا) منار وهي متوهقة : يمكن الطعم احلى من الشكل رندى وهي تاخذ قطعة : نجرب وش ورانا ..(ثواني بس وذاقتها وراحت فيها) مضاوي بيأس : شكل مافيه امل وانا مشتهية كب كيك ..(بقهر).. لو اني ما سمعت كلامكم ورحت اجيب لي من محل كان الحين انا قاعدة آكل ومروقة !! رندى بعد ما شربت موية : مو بس محترقة الا مليااااااااااااااااانة سكر !! ريم بعد ما خذت قعطة صغيرة : طعمها شنيع جدا ! هيفا : حرام نكب الكب كيك وش نسوي فيه ؟ فهده بحماس : لقيتها .. بنرسله للبنات الصغار هم يحبون الأشياء الحالية رندى : مستحيل ياكلونه وهذا شكله ! فهده : بنزينه بشكلاته وخرابيط وماراح يلاحظون ريم والفكرة عاجبتها قالت بحماس : ابـــــــــــــــي ازين الكيك ..(وقعدت تنطط كأنها بزر).. وافقو وافقو وافقو مضاوي : خلاص بطلع الأغراض اللي بنحتاجها وانتم غسلو الصحون اللي ما غسلناها البنات : اوكي (وفعلا زينو البنات الكب كيك وارسلوه لبيت ريم لأن البنات الصغار كانوا هناك) ............................................. عند تركي+غادة (مر الوقت بسرعة على غادة لأنها كانت مبسوطة بهالطلعة .. طول الوقت اللي فات وهي ما تطلع من الفلة اللي مستأجرها .. قعدت تمشي بهدوء جنبه بالطريق) تركي يحاول يلطف الجو بينهم : انبسطتي غادة بقسوة ما توقعها تركي : اكيد انبسطت لاني قابلت ناس غيرك وغير الأربع جدران تركي بتأنيب ضمير : اعرف اني غلطت لاني ما طلعتك بس انتي تعرفين ظروفنا .. من بكرة بصير اوديك الأماكن السياحية الموجودة هنا غادة بقهر : ما ابي اطلع معك لمكان !! .. انت خلك برا البيت وبرتاح ! تركي بنرفزة من اسلوبها : صدق انك مو كفو احد يحترمك ..(طنشته غادة ورجع الصمت يخيم عليهم لحد ما وصلو للفلة وكل واحد راح لغرفته وحط راسه ونام) .......................................... باليوم الثاني .. عند غادة+تركي (قامت من النوم جلست تفكر .. بالفترة الأخيرة كانت تقول بينها وبين نفسها انها تبي تظل مع تركي العمر كله وتقنع ماجد يلغي سالفة الطلاق .. وصارت تقسي عليه هالفترة بزيادة لانها تبي تأدبه على اللي سواه .. بس بالنهاية يظل زواجهم زواج اجباري وما صار لا برضاها ولا برضاه ! .. اكيد ان نهايته محتومة بالفشل هذا غير انها ما تبي تجيب عيال من واحد "مغتصبها !!!!" .. القرار كان مؤلم بالنسبة لها .. بس بالنهاية يظل الفراق هو احسن حل للأثنين .. هي مو اول وحدة تتطلق ولا آخر وحدة والطلاق مو عيب ولا حرام .. وانك تكونين مطلقة هذا ما يعني ان حياتك ومستقبلك منتهي .. بالذات وان غادة جميلة وبنت ناس واخلاقها عالية وتوها صغيرة يعني فرصها بالزواج كبيرة .. وهو الله يوفقه مع بنت الحلال اللي تبيه) (قاطعها دخول تركي المفاجئ عليها) غادة بغضب : خير ان شاءالله تركي ببرود : الخير بوجهك .. بس حبيت ابلغك اننا بنرجع للرياض بكره غادة بإستغراب : بس طيارتنا المفروض تكون بعد 4 ايام !! تركي : فيه عواصف متوقعين انها تجي بالأيام الجاية ويمكن تتعطل الرحلة ونتأخر ..(بسخرية).. وما اتوقع انك تبين تطولين اكثر من كذا بإيطاليا غادة : طبعا ما ابي !!!! ..(بفرح مو طبيعي).. اخيرا اخيرا اخيرا برجع لامي ورهف والبنات ومجود وبدور وابوي .. يوووووه ما شريت لهم هدايا .. تركي بطريقنا لبيت صديقك شفت محل شكله حلو بروح له اليوم ..(وجلست تحوس بالغرفة بحماس وترتب اغراضها ونست وجود تركي اللي ابتسم بسخرية وقهر على فرحها بالرجعة وطلع من الغرفة) ........................................... بالإمارات .. بيت ياسر ياسر بإبتسامة : الحين هذي رنا ؟ ام ياسر بفرح : اعجبتك صح ؟ .. قايلة لك ان البنت جميلة ياسر وهو يجلس قال وهو يكابر : يعني مملوحة ام ياسر بثقة : مو مملوحة جميلة لا تقعد تكابر يا ياسر .. حتى ام هزاع قالت انها بتخطب اختها لهزاع ياسر وهو يضحك : هزاع بيتزوج ؟!! ام ياسر بإبتسامة : ايه غار منك .. قال احجزو لي مثل ما حجزتو لياسر .......................................... ببيت منار+مضاوي .. مكتب خالد خالد : وش قلتي بخصوص موضوع نايف ؟ منار بخجل وإرتباك : مـ موافقة خالد : خلاص بكره ان شاءالله بعطيهم خبر لاني اليوم مشغول شوي منار وهي منزلة راسها : اوكي خالد بإبتسامة : يعني نقول لك مبروك ؟ منار وهي توقف قالت بسرعة : الله يبارك فيك ..(وبعدها ما شاف الا غبارها .. قعد يضحك عليها شكلها وهي خجلانة كأنها طفلها .. هو للحين ما يستوعب انها انخطبت وبتتزوج بعد كم سنة .. بس بالنهاية هذا نصيبها .. وهو راضي بنصيبها لان نايف مافي مثله) ............................................ ببيت مرام .. غرفة مرام+تغريد (لبست عبايتها اللي كأنها فستان وسبحت نفسها بالعطر ووجهها كله ميك اب ولبست كعبها العالي .. كانت ملفته بشكل كبيـــــر .. مرام صح ما توصل لدرجة منار بالجمال بس تعتبر مملوحة) تغريد بعد ما دخلت الغرفة قالت بإنتقاد : بتطلعين كذا ؟ مرام وهي تكثف الكحل على عيونها : ليش وش فيه شكلي ؟!! تغريد : معبية وجهك مبيك اب وانتي تتحجبين مو حرام عليك ؟!! .. بعدين ريحة عطرك واصلتني قبل ما ادخل ترا حرام تطلعين كذا !! مرام ببرود : انا حرة تغريد : مرام شوفي شلون عبايتك ! .. تتذكرين لما رحتي لصديقتك وكنتي لابستها ؟ .. امي جتني بالغرفة وقالت غريبة مرام رايحة لصديقتها بجلابية !! مرام : تغريد بلا مبالغة تغريد : انا ما ابالغ .. اساسا العباية المفروض تكون سودا وانا ما اشوف فيها شي اسود من هالتطريز اللي ماليها .. اساسا شكلك طالع كأنك لحجية .. خلي عبايتك مطرزة ما قلنا شي بس مو بهالشكل المبالغ فيه ! مرام بملل : اف اف اف .. انتم كل شي تنتقدوني فيه ! تغريد : لانك عمرك ما سويتي شي صح بحياتك !! مرام بوقاحة : تغريد مع احترامي لك بس انتي معقدة تغريد بصدمة : الحين انا معقدة عشاني انصحك !! .. ياماما انتبهي لأسلوبك الزفت لانه بيوديك بستين داهية (طنشتها مرام وقعدت تدخل اغراضها جوا شنطتها) تغريد بعصبية وهي تتذكر : بعدين وش هالأسلوب اللي كلمتي فيه امي بالصباح .. ترا صراخك هذا ما راح اسكت عليه وبقول لعبدالله عنه عشان يأدبك مرام اللي خافت من طاري عبدالله بس ما بينت : قولي له بعدين انا صارخت على امي لاني كنت معصبة تغريد بسخرية : لا والله مرام بقهر : شسوي يعني هي رفضت اطلع ! تغريد : هي لو تقول لك ارمي نفسك بالنار المفروض تسمعين كلامها ! مرام بقهر وهي تطلع من الغرفة : اقول انا بطلع قبل ما يجي عبدالله ويتفلسف فوق راسي عشاني شكلي ..(وسكرت باب الغرفة بقوة .. وجلست تغريد على سريرها وتنهدت بيأس .. خلا ما تقدر تتحمل تصرفات اختها الطايشة لازم تقول لأخوها وابوها عشان يوجهونها صح .. بالذات لان مرام تجازوت حدودها من جميع النواحي .. لا احترام ولا اخلاق ولا اي شي !!!! .. حتى الشذوذ والصياعة وصلت لها !) ........................................... ببيت منار+مضاوي .. (طلعت من مكتب ابوها وراحت طيران لغرفة اختها) مضاوي بحماس : وش قال ؟ منار وخدودها مولعة : اول شي قال لي .......(وقالت له كل شي صار بالتفصيل) مضاوي : وناااااااااااااسة ..(وحظنتها بفرح .. وبعدها بعدت منار عنها وقالت وهي تتذكر).. ايه صح قبل دقايق دقت وحدة على بيتنا وقالت انها بتزورنا لانها تعرفنا بس احنا ما نتذكر مين هي منار بإستغراب : وش اسمها ؟ مضاوي : مدري بس تقول مرام منار : ما اعرف احد بهالأسم ! مضاوي : حتى انا .. بس خلينا نشوف شسالفتها منار : اوكي ..(وقفت).. انا بروح اضبط شكلي مضاوي وهي تسكر باب الغرفة ورا اختها : حتى انا ....................................... (بعد مرور ساعة تقريبا) منار وهي جالسة بالمجلس حق الحريم : مو كأنها تأخرت ؟ مضاوي بملل : الا والله (كانوا لابسين : منار فستان سيور حرير لونه اخضر فاتح ماخذ راحته على جسمها ويوصل لتحت الركبة وعلى الخصر شريطة ناااعمة لونها موف غامق مربوطة على جنب وبوسطها كرستالة ناااعمة لونها اخضر وكعب لونه موف ومصلحة شعرها بالفير ولامة بعض شعرها على ورا بكرستالة نااااعمة لونها اخضر وحاطة ميك اب خفيف مضاوي تنورة لونها فوشي واسعة من فوق بس من تحت ماسكة على الجسم توصل لفوق الركبة وبوسطها حزام ناااااااااعم لونه اسود مع بلوزة سودا نص كم واكمامها منفوشة شوي واطراف الأكمام محددة بالفوشي وكعب اسود عليه شريطة لونها فوشي وشعرها لامته على جنب وحاطة ميك اب خفيف كان شكل مضاوي ناعم مررررة عكس منار اللي كانت انوثتها صارخة) (شوي ويسمعون صوت الجرس ونطت مضاوي تفتح الباب) مرام بغرور وهي تدخل البيت قالت وهي تناظر مضاوي من فوق لتحت : انتي مضاوي ولا منار ؟ مضاوي بإستغراب لان اسلوب منار انقلب فجأة غير انها قالت بالتلفون انها تعرفهم : مضاوي مرام وهي تتأملها قال بغيرة : اها "ويقولون الصغيرة احلى من الكبيرة .. اذا هذي الكبيرة اجل وش تطلع الصغيرة !" مضاوي :" غريب وش هالبنت !! .. من اول ما دخلت وهي مشتغلة نظرات احتقار " مرام اللي قطعت تفكير مضاوي : ماراح تخليني اتفضل ؟ مضاوي اللي تداركت نفسها : هاه ؟ .. الا طبعها تفضلي (ودخلو جوا الفلة) .......................................... عند غادة+تركي .. بالمطار (كانوا جالسين بصالة الإنتظار وغادة تكلم امها .. كانت تركي مجروح حيـــــــل وهو يشوف حماس غادة وهي تكلم امها كانت بتطير من الفرحة .. كانت وهي تكلم امها مبسوطة وما تغير اسلوبها لما كلمت رهف وابوها وماجد وبدر .. ليش هو الوحيد اللي ما تكلمه بنفس الطريقة اللي تكلم اهلها فيها ؟!! .. مع انه زوجها والمفروض يكون اقرب الناس لها .. مرت عليهم ايام ما يتكلمون مع بعض فوق العشر كلمات !! .. ثواني بس واستوعب ان الأسلوب اللي تستخدمه غادة طبيعي بالنسبة للي سواه فيها .. كان عنده امل انها تتقبله وترضى تعيش معه وما تتطلق منه بس تعاملها الجاف والقاسي اللي زاد بالفترة الأخيرة خلاه يفقد الأمل .. هذا غير انه كان يضربها يعني خلاص .. الطلاق شي اكيد للي بحالتهم) ......................................نهاية البارت...................................... مقتطفات من البارت القادم : 1- .... :" غريب وش هالبنت !! .. من اول ما دخلت وهي مشتغلة نظرات احتقار " 2- .... بعصبية : انتي كيف تتجرأين تعامليني بهالطريقة 3- .... قالت بضحكة : هيفا لا تقعدين تلمحين عارفة قصدك مين اللي قال هالجمل ؟ انتظر توقعاتكم .. كلمة اخيرة /... ينبغي استعمال الرفق , والصبر , والمداراة واحتمال الاذى , ومقابلة السيئة بالحسنة كما امر الله بذلك في كتابه { ولا تستوي الحسنة ولا السيئة ادفع بالتي هي احسن فإذا الذي بينك وبينه عداوة كأنه ولي حميم } وبهذا استخدم نبينا صلى الله عليه وسلم قلوب اعدائه , وعالج قسوتها , ونفارها , حتى للحق وانقادت .. د . سلمان العودة | ||||
|
| |
|
07-02-13, 03:58 PM
| #54 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| | الصلاة , الصلاة , الصلاة ,, اللهم بلغت اللهم فـَ اشهد | البارت (44) ببيت منار+مضاوي منار وهي جالسة بالمجلس حق الحريم : مو كأنها تأخرت ؟ مضاوي بملل : الا والله (كانوا لابسين : منار فستان سيور حرير لونه اخضر فاتح ماخذ راحته على جسمها ويوصل لتحت الركبة وعلى الخصر شريطة ناااعمة لونها موف غامق مربوطة على جنب وبوسطها كرستالة ناااعمة لونها اخضر وكعب لونه موف ومصلحة شعرها بالفير ولامة بعض شعرها على ورا بكرستالة نااااعمة لونها اخضر وحاطة ميك اب خفيف مضاوي تنورة لونها فوشي واسعة من فوق بس من تحت ماسكة على الجسم توصل لفوق الركبة وبوسطها حزام ناااااااااعم لونه اسود مع بلوزة سودا نص كم واكمامها منفوشة شوي واطراف الأكمام محددة بالفوشي وكعب اسود عليه شريطة لونها فوشي وشعرها لامته على جنب وحاطة ميك اب خفيف كان شكل مضاوي ناعم مررررة عكس منار اللي كانت انوثتها صارخة) (شوي ويسمعون صوت الجرس ونطت مضاوي تفتح الباب) مرام بغرور وهي تدخل البيت قالت وهي تناظر مضاوي من فوق لتحت : انتي مضاوي ولا منار ؟ مضاوي بإستغراب لان اسلوب منار انقلب فجأة غير انها قالت بالتلفون انها تعرفهم : مضاوي مرام وهي تتأملها قال بغيرة : اها "ويقولون الصغيرة احلى من الكبيرة .. اذا هذي الكبيرة اجل وش تطلع الصغيرة !" مضاوي :" غريب وش هالبنت !! .. من اول ما دخلت وهي مشتغلة نظرات احتقار " مرام اللي قطعت تفكير مضاوي : ماراح تخليني اتفضل ؟ مضاوي اللي تداركت نفسها : هاه ؟ .. الا طبعها تفضلي (ودخلو جوا الفلة) مضاوي : عطيني عبايتك اعلقها مرام بغرور : ما يحتاج انا ماراح اطول مضاوي :" هالبنت ما وراها خير وانا متأكدة " براحتك ..(وجلسو بالمجلس) مرام بترقب : وين منار ؟ مضاوي : الحين بتجي ..(وفعلا كلها ثواني ودخلت منار ووراها الخادمة شايلة دلال القهوة والفناجيل) منار بإبتسامة مع انها مستغربة ان مرام ما غيرت عبايتها : هلا والله مرام من دون نفس : اهلين ..(ومدت منار يدها ومرام طنشتها وقعدت تناظرها من فوق لتحت وقالت ونار الغيرة تحرقها).. انتي منار ؟ منار وهي رافعة حاجب : ايه انا منار مرام بغرور : شوفي انا ما جيت اشرب قهوة واسولف لا يا قلبي انا بقول اللي عندي وبطلع منار بسخرية : يلا قولي اللي عندك تجاهلتها مرام مع انها كانت مقهورة منها : انا اصير بنت خال نايف .. عموما مو هذا موضوعنا انا جاية اقول لك لا يكون على بالك ان نايف خطبك يعني يبيك ! .. لا يا ماما انا وهو نحب بعض بس صار بيننا سوء تفاهم وخطبك على اساس انه بيأدبني بس بما انه ما يقدر على فراقي جاني واعتذر لي وهو متوهق فيك فلو تروحين وتقولين لابوك انك مو موافقة عليه يكون احسن لانه ما يبيك يبيني انا ..(كانت تتكلم والحقد مالي قلبها هذا غير غيرتها الواضحة وطريقة التملك بكلامها .. ما حست الا وبيد حااااارة على خدها رفعت راسها وهي مصدومة وشافت مضاوي وهي شوي وتنفجر من العصبية) مضاوي وهي ماسكة نفسها لا تقوم تفجر فيها : لا تتوقعين ان كلامك هذا ممكن يأثر بأختي .. لا طبعا انتي غلطانة ! .. لان انا واختي ما نتنزل نصدق كلام امثالك .. وواضح من طريقة كلامك انك تغارين ..(مسكتها من طرف العباية بقرف وسحبتها وطلعتها لبرا الفلة وقالت بقرف).. احنا ما نتشرف تظل وحدة مثلك ببيتنا دقيقة زيادة فـ اطلعي بكرامتك احسن مرام بعصبية : انتي كيف تتجرأين تعامليني بهالطريقة .. وانا ما اكذب نايف يحبني وما يبي منار مضاوي بعصبية وصراخ : اسمعيني زين يا بنت الناس .. انتي واضح انك تحبين تخربين بين الناس .. فـ ابعدي عن اختي ولا والله بتشوفين شي تندمين عليه يا الوقحة ..(ودفتها بقوة للشارع).. برا يا قليلة الأدب برا (من قوة الدفة طاحت مرام على ركبها وتوصخت عبايتها وقفت وتأففت بصوت مسموع وركبت السيارة ورجعت لبيتهم .. وهالموقف كله صار تحت انظار ماجد اللي كان بيركب سيارته وشاف مضاوي بما انها فتحت الباب وطردت البنت .. بدت الأفكار توديه وتجيبه .. وش تقصد بكلامها لما قالت "ابعدي عن اختي ولا والله بتشوفين شي تندمين عليه" تساؤلات كثيرة بعقله وتحتاج لأجوبة .. بس عند مين بيلقاها ؟!!) ....................................... عند مضاوي (دخلت الفلة وشافت اختها جالسة على وحدة من الكنبات الموجودة بالمجلس وتهز رجلها بتوتر والعصبية واضحة عليها) منار بعد ما رفعت راسها وشافت اختها وقفت وقالت : وش صار ؟ مضاوي وهي تتنهد : طرتها من البيت مثل الكلب طبعا .. قليلة الأدب لا تهمك واضح انها غايرة وتبي تخرب كل شي منار : انا ما همتني .. بس افرضي كان كلامها صح ؟ مضاوي بعصبية : لا يكون ناوية تصدقينها ؟!! .. منار شغلي عقلك لا هي ولا امثالها يقدرون يبعدونك عن نايف وهو يحبك ! منار وهي للحين تفكر بكلام مرام : لا ما صدقتها .. بس انا اقول لو مضاوي : هالإنسانة خليها على جنب لو سمحتي وشليها من تفكيرك نهائياً ..(وطلعت من المجلس وهي معصبة) ........................................ ببيت هيفا .. غرفة هيفا كانت مفضية وحدة من جهات الغرفة عشان تحط ادوات الرسم فيها .. من اول ما جابت الادوات وهي تحاول ترسم بس عقلها مافيه افكار ابدا .. حتى لينة حاولت تساعدها بس ما قدرو يسوون شي .. بالعربي هي الحين متوهقة !!! .. خطرت ببالها فكرة مجنونة وماراح يضر لو سوت هالشي .. خذت جوالها واتصلت على رندى بسرعة قياسية رندى : الو هيفا بحماس : رنود اسمعي انا مشتركة بمسابقة للرسم بس توهقت وما عرفت وش ارسم .. اساسا انا ما اعرف ارسم بس قلت اسجل فـ لو يعني تساعديني بكون لك شاكرة رندى اللي عرفت هيفا وش تبي توصل له قالت بضحكة : هيفا لا تقعدين تلمحين عارفة قصدك هيفا بإحراج : طيب شقلتي ؟ رندى بإبتسامة : ولا يهمك بشوف اذا وافق احمد يعطيك كم لوحة من عنده .. كم وحدة تبين ؟ هيفا : المفروض ثلاثة رندى : خلاص بكلمه بعد شوي وارد لك هيفا : لا تتأخرين بالرد رندى : اوكي .. مع السلامة هيفا : مع السلامة .. وسكرو الخط ......................................... ببيت منار+مضاوي .. غرفة مضاوي (دخلت غرفتها وهي ميـــــته من العصبية .. تعرف اختها زين اذا شكت بأحد ما تترك الشك بسرعة .. خذت جوالها واتصلت على فهده وريم وشبكت خط معهم) ريم : هلا مضاوي وش عندك شابكة خط ؟ فهده : من جد مو من عادتك مضاوي بدون مقدمات : بنات اسمعو اليوم صار موقف ماراح تتصورونه ...(وقالت لهم كل شي) ريم : الحقيرة .. صدق ما تربت فهده : ما علينا منها اهم شي منار لا يكون صدقت مضاوي : مو انا متصلة عليكم عشان منار فهده بدون تصديق : لا يكون صدقت ! مضاوي : لا ما صدقتها بس بدت تشك وانيت تعرفين منار واخاف يخرب كل شي .. والمشكلة اليوم ردت على ابوي بالموافقة واخاف تكنسلها بما انه للحين ما كلم عمي سعود ريم : لالالالالا مستحيل تكنسلها !!! .. مضاوي لازم تقنعينها ان البنت تكذب مضاوي : هذي مهمتكم انتم .. ابيكم تقنعونها وانا متأكدة انها بتقول لكم اللي صار بما انكم اقرب البنات لها فهده+ريم : اوكي ......................................... بسيارة مرام (كانت مطنقرة من القهر وشوي وتفجر السيارة باللي فيها .. هبلت بالسواق كل شوي قايلة له يوديها لشارع معين !! .. طلعت جوالها من شنطتها واتصلت على صديقتها راما اللي ما كانت احسن منها ابدا) راما بحماس : بشري وش صار ؟ مرام بقهر : طردتني اختها من البيت وقعدت تهزأني وربي بلحظتها حسيت ان ما عندي كرامة ! راما : هئئئئ .. مروم لازم ما تستسلمين لان لحظة ضعف وحدة ممكن تدمر مستقبلك وانتي عارفة نايف ما يتفوت مرام : اعرف اعرف .. بس وش اسوي ؟ راما بخبث : شوفي يا مرام هي ما تعرفني ولا تعرف اني اعرفك .. فـ انا بروح لها بس هالمرة بأسلوب محترم وبقول ان نايف يحبك واني وحدة من جيرانكم واعرف هالشي من كثرة تردده على بيتكم وهي اكيد بتصدق مرام بحماس : خلاص روحي لها اليوم راما : لا طبعا ماراح اروح اليوم عشان ما تشك بشي ! مرام : بس روحي لها قريب عشان ما ترد لأبوها انها وافقت راما : اوكي بروح لها بكرة بما انك مستعجلة مرام : اوكي ........................................... بسيارة ماجد (كان للحين يفكر بالموقف اللي شافه .. مضاوي كانت معصبة وتصارخ اكيد ان هالبنت مسوية شي كايد .. بس وش دخل منار في الموضوع !! .. طرد هالأفكار من راسه صح هو يحب مضاوي بس بالنهاية لكل انسان خصوصياته وهو ماله حق يتدخل بخصوصياتها) ........................................... ببيت رندى+فهده .. غرفة احمد سمع صوت الطق على باب غرفته ومن طريقة الطق عرف ان اللي واقفة عند الباب رندى فقال : ادخلي رندى وهي تسكر باب الغرفة وراها : حمود حبيبي ابي اطلب منك طلب احمد بعد ما رفع نظراته لها : اطلبي جلست على السرير جنبه وقالت : ابي ثلاث لوحات من عندك .. انا مشتركة بمسابقة وتوهقت ما عرفت وش ارسم قلت آخذ لوحات من عندك .. وهم طالبين ثلاث لوحات يعني عطني ثلاث احمد وهو رافع حاجب : لا والله .. اقول اطلعي برا الغرفة وسكري الباب وراك رندى بخبث : طيب واللي يقول اني كذبت كذبة صغنونة واللي مشتركة باللوحات هي هيفا ؟ احمد بإهتمام : مين اللي مشترك ؟ رندى ببرود مصطنع : هيفا احمد : وش عندها مشتركة ؟ رندى : مدري بس هي قالت انها مشتركة ومحتاجة لوحات فأنا من باب المساعدة قلت لها بشوف احمد اذا يقدر يعطيك لوحات او لا .. صح هي رفضت بالبداية تقول انه عيب تطلب هالطلب هذا غير انك مليون بالمية بترفض وتطيح وجهها فقالت لي لا بس انا اصريت عليها ووافقت احمد اللي عرفت رندى تقلب السالفة براسه : مين قال اني بطيح وجهها ؟!! رندى بدون اهتمام وهي تقوم من على السرير بتطلع من الغرفة : هي تفكر كذا .. عموما بقول لها انك رفضت وبنحاول نشوف لنا احد يعرف يرسم احمد وهو يوقف : لحظة لحظة .. بعطيك كم لوحة وانتي عطيها لهيفا ابتسمت رندى بينها وبين نفسها وقالت : اوكي (اخذ مفتاح المرسم اللي كان على الطاولة ودخل للمرسم ووراه رندى) احمد : اختاري اي وحدة رندى وهي موقفة عند وحدة من اللوحات : ابي هذي احمد : لا هذي للحين ما كملتها .. اختاري غيرها رندى : طيب باخذ هذيك ..(وكانت تأشر على لوحة بنت واقفة عند البحر وشعرها طاير واللوحة روووعة) احمد : والثانيات رندى : امممم .. انت اختار لي احمد : اوكي ..(وراح لدولاب طويـــل وكبير مرة وفتحه بمفتاح وطلع منه لوحتين وبعدها رجع قفله رندى بإستغراب : احمد ليش ما تعرض اللوحات اللي بالدولاب هنا مع باقي اللوحات ظ احمد : لان اللي هناك من احلى اللوحات اللي رسمتها .. وما ابي اعرضها مع العادية رندى وهي مطيرة عيونها : الحين الرسوم اللي هنا عادية ؟!!! احمد : ايه عادية .. يلا خذي هاللوحتين واطلعي (خذتها منه وكانت وحدة منها عبارة عن طفلة صغيرة جالسة على خصن شجرة وحوالينها ورود كثيييرة والثانية عبارة عن اقنعة كثيرة مرسومة بشكل فوضوي واللوحات كانت تجنن وفعلا مميزة عن غيرها) ............................................ عند تركي+غادة .. بالطيارة قاعد وهو شوي وينفجر من الملل .. التفت لجهتها شافها ماسكة كتاب لا تحزن .. ابتسم بسخرية لهالدرجة ما تقدر تتقبله ؟!! .. لهالدرجة هو يعتبر سيء بالنسبة لها ؟!! .. لدرجة انها صارت تقرأ كتب عشان تتصبر عليه ! .. هالشي يتعبر اهانة غير مباشرة له هذا غير انها طعنة انغرست بقلبه بدون اي رحمة .. صعب انك تشوف الشخص اللي تحبه يعاني بسببك .. حيـــــــل صعب !!!! .. ثواني بس واستوعب انها انتبهت له وصارت تناظره بإستغراب غادة بإستغراب وسخرية بنفس الوقت : مضيع شي بوجهي ؟ تركي بتصريف : معك بندول غادة ببرود وهي ترجع تكمل قراءة : لا .. اطلب من المضيفة ..(بعد دقايق التفتت له من جديد وقالت).. كم بقي من ساعة ونوصل ؟ تركي وهو يناظر ساعته 6 ساعات تقريبا غادة بملل : افف ..(استوعبت شوي وبعدها قالت بحماس).. وناااااسة بقابل البنات اكيد بيفرحون اذا شافوني ! ......................................... ببيت منار+مضاوي .. غرفة منار (جالسة ومعها ريم وفهده .. قالت لهم كل شي عن مرام وهم هزأوها وقالو لها انها المفروض ما تصدقها) فهده بنرفزة : شكلي بقول لأحمد يقول لنايف يتفاهم معها منار بخوف : لالالا خلاص شلت الفكرة من بالي بس لا تدخلين نايف بالسالفة وتخلينه يكلمها مالي خلق مشاكل ! فهده : طيب الحين روحي غسلي وجهك لان هالدموع اللي مالها فايدة تستفزني منار وهي تقوم : اوكي (بعد ما دخلت للحمام) ريم بهمس : صدقت ؟ فهده بهمس : ما اتوقع .. الله يعين منار صعب تقتنع بكلامنا بعد الموقف ريم وهي تتنهد : هذا طبعها وما اتوقع تغيره فهده : الا قولي مستحيل تغيره ! (كانت ريم بترد عليها بس طلعت منار من الحمام وغيرو الموضوع على طول) ريم : واشتريت الفستان الاحمر <<<خخخخ انا وصديقاتي دايم نصرف السالفة بذا الفستان فهده : طلع ضيق عليك صح ؟ ريم : ايه مرررة ضيق منار بسخرية وهي تجلس معهم : واضح انكم تصرفون السالفة وكنتم تتكلمون فيني فهده ببراءة : لا ما صرفنا سالفة ولا شي .. ليش تقولين هالكلام ؟!! منار بذكاء خارق : لأن مستحيل يكون فيه فستان ضيق على هالنتفة اللي قدامك ريم اللي حمر وجهها من العصبية وصارت كأنها بزر : انتم وعدتوني ما تقولون عني نتفة ! منار بضحكة وهي تحط يدها على كتف ريم : حقك عليك .. ماراح اعيدها فهده وهي تضحك : ههههههههههه والله انك خطيرة ولقطتيها يا منير منار : منير في عينك .. اسمي منور فهده بملل : اقول بنوتات خلونا تصل على غادة ريم بهبال : لالا خلوها اخاف تركي يذبحنا تعرفون يعني بشهر عسل و....... آآآآآآه ريم وهي حاطة يدها على راسها قالت بألم : وجع .. خير وش ذا البثارة يا مناروه منار : اعقلي يالخبلة اللي يسمعك يقول انها ما تعرف وضعهم ريم وهي مبوزة : سوووري فهده : اتصل ولا لا ؟ ريم بحماس : لالا اتصلي .. بس اذا عصب تركي انا مالي دخل آآآآآه منار : اعقلي فهده اللي اتصلت عليها : مقفلة جوالها منار بخوف : الله يستر لايكون حادث ! ريم بهبال : او يمكن تركي قفله ما يبي احد يزعجهم منار بنرفزة : فهده سكتي هالخبلة اللي قاعدة معنا لأقوم اتوطى ببطنها الحين فهده : ههههههههههههه .. ريم ترا منار متنرفزة ما يحتاج تزيدين عليها ريم وهي تحرك حواجبها : هذا المطلوب منار تطلع حلوة اذا عصبت منار وهي تدور شي تضرب فيه ريم قالت لها : ريم عطيني علبة المناديل اللي جنبك ريم وهي تعطيها : تفضلي .. آآآآآآآه منار اللي للحين تضربها بالعلبة : تستاهلين يالخبلة ريم اللي شعرها صار حووووووسة : فهده وخريها عني (راحت لهم فهده بس وهي تسحب منار عن ريم .. رمت ريم فلاتها على منار ومنار نزلت راسها فجا بوجه فهده بنص جبهتها) فهده بألم : آآآآآآآه ..(بصراخ).. ريييييمووووووه ..(وقامت عليها وانقلب الوضع وصارت منار تفرقهم وكلها دقايق وتقوم بينهم الحرب وكل وحدة تضرب الثانية .. دخلت عليهم مضاوي وطيرت عيونها) مضاوي بعصبية : هيه انتي وياها وخرو عن بعض ريم+فهده+منار : ...........(لا حياة لمن تنادي) (شوي وكبت عليهم موية بااااردة خلتهم يبعدون عن بعض بسرعة قياسية) فهده : خير يا مضاوي !! مضاوي : تستاهلون .. بعدين وش هالصراخ ؟!! .. سمعته وانا بالحوش اكيد ابوي سمعكم عشان كذا قرر ينام بالفندق الليلة ! ريم بإحراج : يا فشيلاتاه فهده وهي تحك شعرها راسها بخجل عفوي : من جد والله احراج منار بإنتصار : تستاهلون ....................................... بعد مرور 7 ساعات تقريبا .. عند غادة+تركي (وصلت الطيارة بسلام وخلصو اجرائات المطار خلال ساعة تقريبا .. هم الحين بالطريق للبيت) تركي بنرفزة وهو ما يبي يوضح شي قدام السواق اللي كان يسوق السايرة بعد ما قال له تركي يجيهم بالمطار : الحين شفيك مطنقرة ؟!! غادة وهي مبوزة : ليش ما تبي توديني لأهلي ؟!! تركي وهو يتنهد : قلت لك يا غادة الحين الساعة 6 الصباح ومليون بالمية انهم نايمين ! .. اذا قمنا وديتك عندهم غادة بتردد : اوكي .. تركي تركي : نعم غادة : شوف انا ابيك تطلقني اليوم تركي وهو يلف لها : تستهبلين ؟!! غادة بصراحة : لا انا اتكلم من جد ما اقدر اتحمل اعيش معك اكثر من كذا .. وسواء تطلقت الحين او بعد 6 شهور كلام الناس ماراح يرحم .. وراحتي اهم من كل شي تركي بضيق : يصير خير غادة بقهر وهي تحسب ان تركي مستهتر بالموضوع : لا تقعد تستهتر بالموضوع ترا هذي حياتي ! تركي بنرفزة : غادة انا ما استهترت ! .. بس خليني افكر شوي غادة بقهر : افف .................................... ببيت منار+مضاوي .. غرفة منار (كانت قايمة على اساس تاخذ لها شور وترجع تنام .. بس وهي تنشف شعرها سمعت صوت جوالها يعلن عن وصول رسالة .. خذت الجوال من فوق التسريحة وفتحت الرسلة .. ومن قوة صدمتها بالموجود فيها ما قدرت ترفع عينها عن الجوال) {كان مكتوب : الأخت منار ثقي ان هالكلام موجه لك لأني ما ابي آخذ اثم اني اعرف هالشي وما بلغتك عنه الاخ نايف سعود الـ....... يحب وحدة غيرك والظاهر انها قريبته انا واحد من زملائه بالمدرسة واعرف هالشي لأنه كان يتكلم عنها كثير بصراحة ما اعرف السبب اللي خلاه يخطبك بس انا قلت ابلغك عشان ما يظل شي برقبتي فاعل خير} (كانت مصصصصصصدومة حيــــل واللي خلاها تقوم من صدمتها صوت الطق على باب غرفتها) منار بصوت يترجف : مين ؟ مضاوي : انا منار : ادخلي مضاوي بعد ما سكرت الباب قالت بإستغراب وهي تشوف شكل منار المنقلب فوق تحت : شفيك ؟ منار بغصة : مافيني شي ..(بتغيير للموضوع).. وش عرفك اني قايمة ووش اللي مقومك هالوقت ؟ مضاوي : جاني حلم يخوف وفزيت من نومي .. طلعت من الغرفة على اساس اشوف شي يشغلني وشفت نور غرفتك من تحت الباب فدخلت عليك .. المهم الحين شفيك ؟ منار : مافيني شي مضاوي : لا تحاولين تكذبين .. عيونك فاضحتك منار وهي تناظر نفسها بالمراية ومركزة على عيونها اللي تلمع بالدموع : خذي جوالي واقري آخر رسالة (اخذت الجوال وقرت الرسالة وبعدها حذفتها وقالت بعصبية) مضاوي : لا يكون ناوية تصدقين ؟!! منار وهي تبكي : خلاص يا مضاوي مافي شي اكثر من كذا يثبت لنا ان كلام مرام صح مضاوي بعصبية : وانتي وش يثبتلك ان هذا فعلا زميله ؟!! .. مضاوي شغلي عقلك شوي منار بدموع : بس مرام ما تعرف رقمي ! مضاوي بسخرية : وزميل نايف بيعرفه ؟!! منار وهي تبكي : والله مدري وش اسوي يا مضاوي والله مدري ! مضاوي برحمة وهي تهديها : يا قلبي يا حبيبتي ماله داعي هالدموع .. بس انا متأكدة ان كل اللي قاعد يصير هو اكيد من تحت راس مرام وما ابيك تخربين حياتك بسبب وحدة تغار منك .. بالله انتي ما شفتي شلون نظراتها لك يوم تدخل ؟!! .. قاعدة تتأملك من فوق لتحت ............................................ عند غادة+تركي (دخلو لبيت تركي وكان هاااادي لان الكل نايم حتى الخدم اللي نظفو البيت وبعدين رجعو نامو .. دخل تركي لغرفته وهي دخلها لغرفة هيفا .. غادة نشبت فيه الى ان رضى يطلقها اليوم قدام اهله بحجة انهم ما يناسبون بعض .. فقرر يتركها تريح بغرفة غادة وهي بغرفته عشان ما يكون الوضع مشكوك فيه .. قلبه يتقطع على فراقها بس خلاص ! .. تعب من كثر ما يلاحقها وحاول يرضيها .. صح اساليبه كانت غلط لأنه استخدم الضرب وما صبر على عنادها .. بس ما يقدر يتحمل اكثر من كذا .. وبما انها هي طلبت الطلاق بيطلقها) ............................................ بغرفة هيفا (دخلت غادة وشافت هيفا نايمة .. ترددت اذا تقومها من النوم او لا بس بالنهاية قررت تقومها) غادة بهدوء وهي تهز هيفا بخفيف : هيفا .. هيوف هيفا بإنزعاج : همممممم غادة وهي تزيد عليها الهز : انا غادة قومي .. هيفا يلا قومي انا غادة (فتحت هيفا عيونها وظلت دقايق تناظر غادة وبعدها نطت وحضنتها بفرح) هيفا وهي تشد على حضنها : متى جيتي ؟ غادة : قبل دقايق هيفا بفرح : ما اصدق اني شفتك والله ما اصدق غادة بإبتسامة وواضح بعيونها الحزن : حتى انا هيفا اللي استوعبت نظراتها : شفيك ؟ غادة بغصة : هيفا تركي بيطلقني هيفا بصدمة : ايـــــــش ؟!! غادة : مثل ما سمعتي .. بعدين شالغريب كلنا نعرف انه بيطلقني بعد 6 شهور هيفا وهي للحين مصدومة : اعرف بس بعد 6 شهور مو الحين ! غادة ببرود : هيفا انا ما اقدر اتحمله هيفا بعصبية مكبوتة : بس ......... غادة بمقاطعة : لا بس ولا شي ..(بدت دموعها تنزل).. هيفا تركي يضربني هيفا اللي انقلبت ضد اخوها : الحقير غادة : ما اقدر اتحمل اكثر من كذا ما اقدر اتحمل .. هذا غير الإهانات اليومية والخلافات اللي تصير على اتفه الأشياء .. طلبت منه الطلاق عشان ارتاح واخليه هو بعد يرتاح لأن اثنينا تعبنا من هالوضع !! هيفا بتردد : والناس ؟ غادة بصراخ : الناس الناس الناس .. انا ما دمر حياتي الا كلام الناس ! هيفا وهي تهديها : اششش .. وطي صوتك يا غادة الناس نايمة غادة بهدوء : هيفا رجاءً لا تصعبين الوضع علي .. خلاص موضوع الطلاق تفاهمنا عليه انا وتركي وخلصنا منه ..(بسخرية).. تصدقين ان موضوع الطلاق هو الشي الوحيد اللي اتفقنا فيه ؟ (هزت هيفا راسها بأسى وبعدها عطت غادة بجامها بما ان ملابس غادة بشنطة السفر حقتها ورجعو نامو وقررو يقومون قبل العصر) ......................................... ببيت راما (كانت جالسة تكلم مرام بالجوال) راما وهي تضحك : شرايك فيني ؟ مرام بفرح : خطيييييييرة .. شلون جتك هالفكرة ؟ راما بغرور : اعجبك يا قلبي .. وبعد صلاة التراويح بروح لها عشان صدق تصدق السالف مرام : تتوقعين تشك ؟ راما بعدم اهتمام لانها ما كانت مهتمة بالموضوع من الأساس : لالا ماراح تشك مرام : راما ليش احسك مو مهتمة بالموضوع ؟ راما بترقيع : وش دعوة مو مهتمة ؟!! .. بالعكس انا مهتمة فيه اكثر منك مرام اقتنعت بسرعة بما انها غبية : يا زينك (ابتسمت راما بسخرية على غبائها .. وكملو كلامهم اللي ما منه فايدة) .......................................... قبل الأذان بنص ساعة .. ببيت هيفا (قامت هيفا وغادة من النوم .. هيفا كانت لابسة بجامة سماوية نااااعمة وغادة لبست عبايتها وتحجبت بدون ما تلثم) غادة بخوف لهيفا : هيفا انا خايفة هيفا بتعاطف : غادة خلاص هالقرار اتخذتوه انتي وتركي مثل ما قلتي لا تتراجعين عنه غادة بتوتر : اوكي ..(ونزلو تحت عند خلود ولينة ومحمد وتركي وكان نواف عندهم جالس يلعب بالعابه) خلود بحب بعد ما شافتها : هلا بالعروس (توترت غادة فوق ماهي متوترة وجلست بهدوء جنب هيفا) لينة بإستغراب : غادة ماله داعي العباية خذي راحتك مافيه احد تتغطين عنه (زاد توترها وفضلت ما ترد واكتفت بإبتسامة متوترة وبهاللحظة قال تركي يغير الموضوع) تركي : يبه شرايك تعزم عمي راشد على الفطور ؟ .. ابيكم بموضوع خاص محمد وهو معقد حواجبه : خير ان شاءالله ؟ تركي بهدوء : ان شاءالله خير يايبه .. انت بس اتصل عليه وعطه خبر محمد وهو يطلع جواله من جيبه : ان شاءالله ......................................نهاية البارت...................................... كلمة اخيرة /... الدنيا مسأله حسابيه اطرح منها { التعب والشقاء } واجمع لها { الحب والوفاء } واترك الباقي لرب السماء ., د . سلمان العودة | ||||
|
| |
|
07-02-13, 04:03 PM
| #55 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| | الصلاة , الصلاة , الصلاة ,, اللهم بلغت اللهم فـَ اشهد | البارت (45) قبل الأذان بساعة .. ببيت هيفا (قامت هيفا وغادة من النوم .. هيفا كانت لابسة بجامة سماوية نااااعمة وغادة لبست عبايتها وتحجبت بدون ما تلثم) غادة بخوف لهيفا : هيفا انا خايفة هيفا بتعاطف : غادة خلاص هالقرار اتخذتوه انتي وتركي مثل ما قلتي لا تتراجعين عنه غادة بتوتر : اوكي ..(ونزلو تحت عند خلود ولينة ومحمد وتركي وكان نواف عندهم جالس يلعب بالعابه) خلود بحب بعد ما شافتها : هلا بالعروس (توترت غادة فوق ماهي متوترة وجلست بهدوء جنب هيفا) لينة بإستغراب : غادة ماله داعي العباية خذي راحتك مافيه احد تتغطين عنه (زاد توترها وفضلت ما ترد واكتفت بإبتسامة متوترة وبهاللحظة قال تركي يغير الموضوع) تركي : يبه شرايك تعزم عمي راشد على الفطور ؟ .. ابيكم بموضوع خاص محمد وهو معقد حواجبه : خير ان شاءالله ؟ تركي بهدوء : ان شاءالله خير يايبه .. انت بس اتصل عليه وعطه خبر محمد وهو يطلع جواله من جيبه : ان شاءالله ..(واتصل على راشد) .......................................... ببيت منار+مضاوي .. غرفة منار (جالسة على السرير ومتكورة على نفسها تبكي .. سمعت صوت الباب وبعدها دخلت الخدامة) روز : مس منار مستر خالد قول ..(وقطعت كلامها وهي تشوف حال منار اللي يقطع القلب قالت بخوف).. مس منار ايش في ؟ منار وهي تبكي : ولا شي .. وش يبي ابوي ؟ روز : قول روحي مكتب .. مس منار انتي تعبان ؟ منار بتصريف وهي تمسح وجهها : ايه تعبان روز : ابغا دوا ؟ منار : لا .. اطلعي وسكري الباب ..(وفعلا طلعت الخدامة وسكرت الباب اما منار عدلت شكلها ونزلت تحت) ........................................ بغرفة مضاوي (كانت قاعدة تكلم رندى بالجوال) مضاوي بقهر : مرررة تنرفزت واكثر شي نرفزني ان منار صدقت رندى : لا تضغطين عليها ترا ما تنلام مضاوي : اعرف .. بس شلون تشك فيه بعد كل شي ؟!! رندى : هذي طبيعة منار وما نقدر نغييرها .. اهم شي تخلينها تشيل هالفكرة من راسها مضاوي : شلون ؟!! .. انا حاولت معها مليون مرة وما رضت .. تدرين انها للحين بغرفتها تبكي ! رندى برحمة : تبيني اجي اكلمها بنفسي ؟ مضاوي : تكفـــين تعالي .. منار تعرف انك اعقل وحدة مننا ويمكن تقتنع بكلامي رندى : خلاص بعد المغرب ان شاءالله بجيكم مضاوي : مشكوووووورة .. يلا رندى مع السلامة بنزل اشرف على الخدم واشوف وش ناقص للفطور رندى : اوكي .. مع السلامة ..(وسكرو الخط) ....................................... ببيت مرام .. غرفة تغريد (قاعدة على سريرها .. سمعت مكالمة اختها مع راما وحرام تسكت وهي تعرف انها ناوية تخرب بين منار ونايف .. تبي تقول لمنار بس المشكلة ما تعرف وين بيتهم .. لمعت براسها فكرة .. هي تعرف ان منار بنت جيران نايف يعني اكيد البيت قريب منهم .. قررت تطلع بعد التراويح وتسأل اي احد بالحارة عن البيت واكيد بيدلونها عليه) ....................................... المغرب .. ببيت تركي (جالسين ينتظرون الأذان اللي بقي عليه 20 دقيقة تقريبا وغادة جالسة جنب ابوها وتركي جنب ابوها واللي استغربوها انها كانت لابسة عبايتها ومتحجبة) محمد : يا بنيتي يا غادة شيلي هالعباية اريح لك (احتارت وش ترد بس انقذها تركي وقال) تركي : يبه خلها على راحتها .. عمي انا ابيك بموضوع يخصني انا وغادة راشد : تكلم يا ولدي كان ساكت لمدة لثواني عشان يرتب الكلام اللي بيقوله وبعدها تكلم : يا عمي بصراحة انا وغادة ما ارتحنا مع بعض ..(سكت شوي ياخذ نفس وقال).. وقررنا نتطلق قبل ما يصير بينا اطفال ويصير الطلاق صعب .. وغادة صغيرة ومليون من يتمناها .. وانا جمعتكم انت وابوي عشان اطلقها قدامكم .. آسف يا عمي بس انا وغادة ما نناسب بعض محمد بعصبية : تاخذ البنت وتطلقها يا تركي ! ..(وقف وقال بصوت عالي).. والله واللي رفع هالسماء انك اذا طلقتها لا انت ولدي ولا انا اعرفك تركي برجاء : يبه هذا قراري انا وهي محمد بحزم : انا اللي عني وقلته .. اذا طلقتها لا اعرفك ولا تعرفني يا تركي راشد وهو يوقف : لا يا ابو تركي اذا هم ما ناسبو بعض الطلاق احسن شي بالنسبة لهم .. وانا ما ارضى على بنتي تعيش مع واحد رافضها محمد بخجل من صديق عمره : بس يا ابو ماجد ....... راشد بمقاطعة : حصل خير يا ابو تركي .. الزواج قسمة ونصيب واذا هم ما ناسبو بعض ماله داعي نجبرهم ..(التفت لتركي).. طلقها تركي بغصة : انتي طالق ..(طلعت من غادة شهقة قوية كانت كاتمتها وبعدها انهمرت دموعها .. طلعت من المجلس ركض ووقفت بنص الصالة اللي كانت تطل على سفرة الأكل) خلود وهي تناظرها قالت بخوف : عشى ما شر يا غادة ؟ .. وش صاير صوتكم واصلنا غادة وهي تبكي راحت وحبت راسها وقالت : معليش يا خالتي بس انا وتركي تطلقنا خلود وهي تحط يدها على قلبها قالت بصدمة : ليـــش ؟!! غادة : ما ناسبنا بعض يا خالتي ..(باست راسها مرة ثانية).. سامحيني يا خالتي سامحيني خلود بحنان وهي تحضنها مع انها مصدومة : لا تبكين يا بنيتي قسمة ونصيب قسمة ونصيب (شدت غادة على حضن خلود وكلها ثواني وتسمع صوت ابوها يناديها) غادة وهي تترك خلود قالت بدموع : مع السلامة خلود+لينة : مع السلامة غادة وهي تناظر هيفا : مع السلامة هيفا هيفا وهي تبكي : مع السلامة ..(وحضنو بعض بقوة كأنهم بيفترقون للأبد مو كأن غادة بترجع لبيتها اللي جنب بيت هيفا !!!!) (طلعت مع ابوها بعد ما ودعتهم وودعت عمها .. دخلو البيت وثواني الا وهو مأذن) هدى بفرح وهو تشوف غادة : تو ما نور البيت ..(بإستغراب).. مو قلت يا راشد انك بتفطر مع محمد وبتجي غادة لنا بعد التراويح ؟ راشد بهدوء هو يجلس على السفرة : غادة تطلقت هدى بصدمة : أيــــــش ؟ .. انا بنتي مطلقة !!!! ماجد بحده : يمه وش فيها اذا صارت غادة مطلقة ؟!! هدى بإرتباك : مافيها شي بس ليش ؟ راشد ببرود : الله ما كتب لهم نصيب هدى بقهر : حسبي الله عليك يا تركي .. حسبي الله عليك راشد : لا تتحيسبين عليه .. بنتك اللي طلبت الطلاق هدى بعصبية : ليش تطلبين الطلاق ؟!! غادة وهي تبكي : يمه ما ابيه ما ارتحت معه هدى بصراخ : والحين جاية تقولين لي هالكلام ؟ بدر : يمه ماله داعي هالصراخ .. خلاص صار اللي صار ويمكن خيرة راشد : اذكري الله هدى بعصبية مكتومة : لا اله الا الله .. خلاص تعالو افطرو الحين وبعدين نتفاهم ..(وجلسو على السفرة والكل ياكل بهدوء .. وغادة كانت تحاول تتجنب تناظر ماجد وبدر اللي ما خفت عليها نظرة استغرابهم وصدمتهم لما عرفو باللي صار) غادة بهدوء وهي تقوم من على السفرة : الحمدلله هدى وهي تحاول تكون طبيعية : ما كليتي شي ؟ غادة : نفسي منسدة ويكفيني تمر وموية .. وين رهف ؟ هدى : نايمة غادة : اها ..(ورقت لغرفتها) ........................................ ببيت هيفا (كان البيت مقلوب فوق تحت) خلود بقهر : يا حسافة غادة عليك تركي : يمه خلود : اساساً انت ما تستاهلها تركي : يمه خلاص ! خلود بقهر اكبر : هذا اللي انت شاطر فيه .. تسكتني وبس ! .. بعدين وش اللي خلاكم تتطلقون ؟ تركي بتصريف : خلافاتنا ما وقفت مع اننا بشهر عسل وهي طلبت الطلاق وانا وافقت خلود : بس عشان كذا ! .. انتم توكم بتزوجين يعني عادي هالخلافات تركي : يمه البنت عنيدة وما تسمع كلامي وترفع صوتها علي خلود بعدم تصديق : مستحيل غادة تربت مع هيفا وما احس انها عنيدة تركي وهو يتنهد : يمه خلاص صار اللي صار وتطلقنا ! خلود بحزن : انا ابي مصلحتك يا تركي تركي : مصلحتي اذا بعدت عنها خلود بإستسلام : الله يوفقك مع غيرها تركي :" ما اتوقع يكون فيه وحدة غيرها يا يمه ! " ان شاءالله .......................................... ببيت منار+مضاوي .. غرفة منار (دخلت عليها مضاوي وقالت) مضاوي : ترا رندى بتجينا بعد المغرب منار : يعني ؟ مضاوي : يعني تجهزي وغيري ملابسك ! منار : ماراح تفرق لو جلست ببجامتي او غيرتها انا امون على رندى مضاوي بنرفزة : منار وش صاير مو معقولة كم كلمتين تهزك كذا ! منار بكآبة : خلاص ما صار فيه شي يفرق معي .. حياتي انتهت ! مضاوي بصراخ : ليش تقولين هالكلام استغفري ! منار بدموع : مضاوي ابوي قالي انه اعطى الموافقة لسعود ! مضاوي : واذا اعطى المواقفه له ؟!! .. مو انتي موافقة من الأساس منار : بس كنتي بغير رايي ! مضاوي : لأنك مجنونة .. منار صدقيني اكيد يكذبون منار : وش يثبت لك ؟ مضاوي : نظرات مرام لك .. بعدين وش يثبت لك انتي ان اللي مرسل الرسالة مو هي ؟!! منار : ..........(ساكتة ما عندها شي تقوله) مضاوي : اكيد بتسكتين لان كلامي كله صح ! .. يلا قومي غسلي وجهك وتجهزي لرندى ..(وطلعت من الغرفة) ...................................... (كلها نص ساعة وكانت رندى عندهم .. كانوا جالسين بالصالة وماخذين راحتهم لان خالد معزوم) رندى بهدوء : منار .. مضاوي قالت لي كل شي صار لك منار : عارفة وش تبين تقولين يا رندى .. بس ما ابي اسمع خلاص ما تفرق معي رندى : لا بتسمعيني .. مو معقولة هذي انتي يا منار ! .. وين منار المتفائلة ؟ .. وين منار المرحة ؟ .. وين منار القوية ؟!! .. مو معقولة شي سخيف مثل كذا يهزك ! .. منار شغلي مخك شوي منار : بس ........ رندى بمقاطعة : لا بس ولا شي .. منار انتي تتكلمين وكأنك فقدتي ثقتك بالله منار بسرعة : لا ما فقدتها ابدا رندى : معناته لا تتشائمين .. اللي كاتبه ربي بيصير منار : ونعم بالله رندى : انتي صلي وادعي ربك يكتب لك الأحسن .. مو تقعدين تبكين طول الوقت بدون فايدة ! .. يلا الحين ابيك تصلين ركعتين لربك تطلبين منه ييسر لك امورك منار وهي تقوم : اوكي ..(ودخلت لغرفتها) مضاوي بعدن تصديق : شلون قلبتي نفسيتها كذا ؟!! رندى بإبتسامة وهي تغمز : سر المهنة مضاوي بمرح : تصلحين طبيبة نفسية رندى : ههههههههههه مضاوي : انتي بتدخلين علمي مع هيفا صح ؟ رندى : ان شاءالله .. وانتي ادبي مع غادة ؟ مضاوي : ايه رندى : اقول اقلبي السالفة ما نبي نتعمق بالدراسة لاحقين على الغثا مضاوي وهي تضحك : اوكي ........................................ ببيت غادة (جالسة بغرفتها وتبكي شوي وينفتح الباب بقوة وتدخل رهف وتنط بحظنها) رهف وهي تبوس غادة بقوة : اشتقت لك .. خلاص لا تروحين لتركي يكفي اسبوع اقعدي عندنا غادة وهي تحضنها : خلاص بقعد عندكم رهف بفرح وهي تبعد عن غادة : صدق ؟ غادة : ايه رهف بإستغراب : طيب ليش تبكين ؟ غادة وهي تمسح دموعها : دموع الفرح حبيبتي رهف وهي تحاول تصيح : حتى انا ابي ابكي من الفرح غادة وهي ترجع تحضنها اقوى من اول : الله يبعد عنك الدموع يا رهف قولي آمين ........................................ ببيت هيفا .. غرفة تركي (جالس على سريره يسترجع كل اللي صار بينه وبين غادة .. من يوم ما كانوا بالبر وفوق الجبل الى لحظة طلاقه لها .. تنهد بتعب ودخل الحمام ياخذ له شور بااااااارد يخفف عنه النار اللي بقلبه) ........................................ بعد التراويح .. ببيت مضاوي+منار رندى+منار : هههههههههههههههههههههههه مضاوي بحماس : شرايكم ؟ رندى : متى صار كل هذا ؟ مضاوي : لما كنت بدبي مع امي و ......(قطع عليها كلامها صوت الخدامة) ليزا : مس منار في بنت ابغا انتي في مجلس (ناظرو مضاوي ومنار ببعض وقامت مضاوي وقالت بعصبية) مضاوي بعصبية : اكيد العقربة مرام ! (ودخلو المجلس بسرعة وكانت معهم رندى) مضاوي بإستغراب : مين انتي ؟ ........ بهدوء : انا (قطع عليها الصوت اللي طلع من ورا البنات) تغريد بصدمة : راما ؟!! منار وهي تناظر تغريد : مين انتي ؟ ..(رجعت التفتت لراما).. وانتي بعد راما بإرتباك بعد ما شافت تغريد : اااااااه تغريد بعصبية وصراخ : مرام ارسلتك صح ؟!! مضاوي اللي طق فيها عرق يوم سمعت اسم مرام : اطلعو برا ما نبي ناس تعرف مرام تدخل لبيتنا رندى وهي تحاول تهدي الوضع : يا بنات اهدو وخلونا نعرف شسالفة راما وهي تاخذ شنطتها : انا بطلع ..(وكانت بتطلع من المجلس بس وقفتها يد تغريد) تغريد : ماراح تطلعين قبل ما تشرحين لمنار الوضع كله ..(بصرخة).. فاهمة ؟!! راما بخوف : فـ فاهمة (جلسو على الكنب) رندى : الحين اشرحو الوضع .. شسالفة ؟ .. ووش عرفكم بمرام ؟ تغريد بأدب : قبل كل شي انا آسفة على دخولي بيتكم بدون موعد بس الخدامة فتحت لي الباب ودخلتني للبيت وشفتها (تقصد راما) وما قدرت امسك نفسي وقعدت اصارخ عليها مضاوي اللي مستغربة ادب هالبنت : ما علينا من اللي صار .. الحين نبي نفهم السالفة تغريد : اول ليش انتم عددكم ثلاثة .. وانا اللي اعرفه ان منار ما عندها الا اخت وحدة منار وهي تأشر على رندى : هذي اختي اللي ما جابتها امي .. تقدرين تتكلمين قدامها انا ما اخبي شي عليها تغريد : اوكي ..(وقالت لهم عن ان مرام تحب نايف وانه مو معطيها وجه وانها لما سمعت المكالمة حبت تعدل الوضع وطبعا قالت ان راما صديقة مرام وطبيعي تساعدها والرسالة اللي وصلت منار هي من راما) مضاوي وهي تناظر راما : وش بتستفيدين اذا خربتي على منار ؟!! .. عيب عليك بدال ما تنصحين صديقتك تخربينها راما ووجهها طايح بالأرض : خلاص عرفتو السالفة انا بطلع .. ولا تتدخلين بيني وبين مرام ..(وطلعت بسرعة بدون ما تعطيهم فرصة يتكلمون) تغريد وهي توقف : امسحوها بوجهي .. مرام ما كانت كذا بس راما اثرت عليها رندى : لا تشيلين هم حبيبتي .. بس انصحك تبعدين مرام عن هالبنت تغريد بيأس : يامام حاولت انصحها بس ما تسمعني .. يلا بالأذن انا طالعة مضاوي وهي توقف : وين ؟ .. اقعدي معنا شوي مو معقولة تدخلين بيتنا وما ضيفناك ! تغريد : ماعليه مرة ثانية ان شاءالله انا الحين متأخرة ..(وسلمت عليهم وطلعت .. اما البنت دخلو غرفة مضاوي وقعدو فيها) ........................................... بغرفة مضاوي مضاوي : والله صراحة فرق بين مرام واختها رندى : من جد مضاوي : ما كأنهم خوات رندى : واضح ان تغريد راقية .. اساساً حتى اسلوب كلامها كان راقي وهي انسانة واقعية مضاوي : ماشاءالله عليها مرة محترمة منار بضحكة : خلاص عاد كليتو البنت بالمدح مضاوي بقهر : انتي خليك على جنب لو سمحتي .. ترا للحين مقهورة منك منار وهي مادة بوزها : اقول انا بنادي ريامي وفيها اصرف لي رندى : واتصلي على هيفا منار : اوكي ..(واتصل على هيفا اول وحدة لانها عارفة انها اذا كلمت ريم وفهده بتقعد ساعة قبل ما سكرت منهم) منار بعد ما ردت عليها هيفا : الو هيفا والهم واضح بصوتها : هلا منار منار بإستغراب : شفيك ؟ هيفا وهي تتنهد : سالفة طويلة عريضة .. مستحيل تصدقين كل اللي صار ! منار بخوف : وش صار هيفا تكلمي هيفا : اذا فاضية جيتك اليوم وقلت لك انتي والبنات منار : ايه انا فاضية ورندى عندنا وبقول لريم وفهده يجون هيفا : اوكي .. مع السلامة بروح البس منار : مع السلامة ..(وسكرو الخط) ............................................... خلال ربع ساعة كانوا البنات كلهم موجودين ببيت منار+مضاوي منار بقلق : هيفا بسرعة قولي اللي عندك هيفا ووجهها ما يتفسر : شوفو اليوم رجعت غادة وتركي و.......(وقفت كلامها بسبب صرخات البنات وفرحهم وحماسهم) ريم بطفولة وهي تضربها : ليش ما قلتي لنا اول ما جت ! هيفا بتوتر وهي تشوف فرح البنات وما تبي تخرب عليهم : بنات غادة تطلقت (شهقو البنات مرة وحدة مع بعض وظلو يناظرون بعض بصدمة) مضاوي بصدمة : هيفا تستهبلين صح ؟ هيفا بأسف : لا رندى بهدوء : قولي كل شي صار بالتفصيل هيفا : اول شي كانوا جايين بالصباح وغادة دخلت غرفتي ..(قالت لهم كل الأحداث اللي صارت والصدمة كانت لاجمتهم وولا وحدة فتحت فمها بحرف بعد ما خلصت هيفا كلام وجلسو وفي فترة صمت ما يعرفون كم مدتها .. قطع عليهم هالصمت صوت فهده) فهده بهدوء غريب : غادة فاتحة جوالها ؟ هيفا : ما اتوقع .. اتصلت فيها اكثر من مرة وكانت تعطيني مشغول وبعدها قفلته منار وهي تتنهد : يمكن خيرة رندى : الله يكتب لهم اللي فيه الخير الكل : آمين ريم : مع ان هالشي متأكدين منه بس ما توقعناه الحين توقعناه بعد 6 شهور ! منار بحزن : صدمتنا كبيرة ياريم .. حيل حيل كبيرة مضاوي وهي توقف : بقول للخدامة تسوي لنا قهوة عشان نروق شوي البنات : اوكي فهده : بنات لازم نزورها بكره البنات : اوكي منار بتساؤول : بنات وش بتسوي اذا بدأت الدراسة ؟ رندى : يعني وش بتسوي ؟ .. اكيد بتضطر انها تغيب الى تخلص العدة ريم : بس عدة المطلقة ثلاث شهور تقريبا .. ونظام المدرسة اذا تغيبت الطالبة اكثر من شهر يفصلونها ! فهده : هذا اذا ما كان عندها عذر مقنع .. بس غادة عندها عذر مضاوي اللي سمعت حوارهم كله بس ناقشت قالت بضيق : بنات خلاص قفلو السيرة البنات اللي هم نفسهم ما اعجبتهم سالفة الطلاق قالو : اوكي .......................................... باليوم الثاني .. بيت غادة .. غرفة غادة (جالسة على السرير ومتكورة على نفسها .. من امس على نفس الحالة حتى ملابسها ما غيرتها .. بهاللحظات دخلت عليها هدى) هدى وهي تجلس جنب غادة وتحط يدها على كتفها : يا يمه صار اللي صار .. وانتي ما يصير تجلسين كذا حتى اللقمة ما تاكلينها ! (رفعت راسها وشعرها متناثر على راسها وقالت بصوت كأيب عكس صوتها القديم اللي كان فيها رنة حيوية غريبة) غادة : مو مشتهية شي هدى بحزن : انتي تبين تذبحين نفسك يا غادة .. على الأقل كلي لك شي خفيف يسد جوعك غادة وهي تدفن راسها مرة ثانية بين رجولها : يمه ما ابي (تنهدت ام غادة بحزن ووقفت عشان تطلع من الغرفة .. ولما كانت وقافة عند باب الغرفة قالت) هدى : البنات تحت .. اخليهم يجونك (ما جاها من غادة رد .. تنهدت للمرة الثانية ونزلت للبنات) رندى وهي تشوف هدى جاية لجهتهم : خالة هدى اذا وضع غادة ما يسمح اننا نشوفها ترا عادي بنرجع لبيوتنا ما فيها ازعاج واحنا نمون على غادة هدى بحزن وهي تجلس : لا روحو لها فوق يمكن تعدلون نفسيتها شوي ..(برجاء).. بنات بفترة العدة لا تتركونها وكل يوم زوروها تراها محتاجة لكم منار : لا توصين يا خالتي .. خالتي ماجد وبدر فوق عشان نتلثم ولا طالعين ؟ هدى : لا طالعين خذو راحتكم حتى راشد مو موجود البنات : اوكي ..(ورقو البنات) .......................................... عند ماجد+بدر (كان بدر يسوق وماجد راكب جنبه يسب تركي وهو بقمة قهره) ماجد بقهر : احنا متفقين يطلقها بعد 6 شهور عشان سمعتها ! بدر : ماجد غادة هي اللي طالبة الطلاق بنفسها وانت عارف هالشي وسائلها بنفسك امس يوم مسكناها وحققنا معها على جنب بعيد عن امي وابوي ماجد : اعرف وهذا اللي قاهرني .. الله يستر بس من كلام الناس بدر وهو يضرب بالدركسون بقوة : الله ياخذ هالناس اللي كلامهم ضيعنا ! ماجد بحيرة : بدر الحين غادة مو تكره تركي .. ليش حابسة نفسها ومو راضية تاكل اذا هي تكرهه ؟ بدر : لا تلومها يا ماجد .. الطلاق صعب وهي توها صغيرة ماجد وهو يتنهد : الله ياخذ اللي كان السبب .......................................... ببيت غادة .. غرفة غادة (جالسة على نفس وضعيتها بس الفرق الوحيد انها رافعة راسها لهم وتناظرهم) رندى : غادة اذكري الله ما يصير اللي انتي تسوينه غادة وهي تتنهد مع اعماق قلبها : لا اله الا الله (ظلو البنات طول الوقت يواسونها ويهدونها بدون ما يبينون لها انهم راحمينها) ......................................نهاية البارت...................................... مقتطفات من البارت القادم : 1- .... وهي تدخل عليها بالغرفة : تجهزي ابوك يقول انكم لازم تكونون بالمطار خلال ساعة 2- .... بمزح : يعني نقدر نسميك النسيب من الحين 3- .... : كلها كم سنة وتعدي بسرعة لا تشيلين هم مين اللي قال هالجمل ؟ انتظر توقعاتكم .. كلمة اخيرة /... طهارة الحب حقا ..! ان يهتم بك ليطمئن قلبه - انك بخير .. وليس : ليشعرك بأنه / مهتم بك ! | ||||
|
| |
|
07-02-13, 04:06 PM
| #56 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت (46) والأخير (مرت 3 شهور بدون اي احداث .. والحزن كان مخيم فيها على ابطالنا) ببيت غادة .. غرفة غادة (طلعت من الحمام وهي تمسح وجهها .. وقفت عند المراية وجلست تتأمل وجهها) غادة وهي تحط يدها على وجهها الشاحب : تغيرتي كثير يا غادة .. هذي مو غادة اللي اعرفها .. هذي مو انا ! (كانت وجهها بقمة الشحوب وشعرها متقصف وطالع ناااشف بسبب قلة التغذية .. نحفت كثير بالثلاث شهور اللي راحت وكانت لابسة قميص طويل ووسيـــــع جدا لونه سماوي ومنقط بجميع الألوان وشكله لحجي وفظيـــع ولامة شعرها بفوضوية .. هذي مو غادة اللي كانت اكثر وحدة انيقة من البنات .. تغيرت كثيــــر بالفترة اللي راحت) (تنهدت بهم وجلست على السرير وهي تتأمل شنط السفر اللي على ارض غرفتها .. اليوم بتسافر مكة مع ابوها .. تبي تريح نفسها وتبكي شوي ببيت الله .. امس انتهت عدتها وتبي تفتح صفحة جديدة بحياتها بعيد عن تركي وهمومه) هدى وهي تدخل عليها بالغرفة : تجهزي ابوك يقول انكم لازم تكونون بالمطار خلال ساعة غادة : اوكي ...................................... ببيت منار+مضاوي (كانوا حايسين غرفهم بشكل مو طبيعي .. اليوم زواج تغريد وهي عازمتهم عليه) منار بصراخ : مضاوي وين فستاني البيج ؟ مضاوي : وانا وش يعرفني وين فستانك ؟!! .. بعدين مو قلتي انك بتلبسين الفيروزي ؟ منار : مالقيت معه كعب يناسب مضاوي : خذي من عندي منار : اوكي ..................................... ببيت غادة .. الملحق (كان جالس ومعه ومعه محمد اللي صارت علاقته فيه اقوى من علاقته بفارس) بدر : محمد انا ابي افاتحك بموضوع مهم محمد : تفضل بدر : صحيح اننا ما تعرفنا من مدة طويلة عشان تكون بيننا كل هالثقة بس بصراحة انا اثق فيك حتى اكثر من اخوي ماجد (كان محمد ساكت بمعنى كمل) بدر : انت تعرف سالفتي مع ريم صح ؟ محمد : ايه بدر : اسمع انا ابيك تخطبها محمد بدهشة : اخطبها ؟ بدر : ايه اخطبها .. بما اني ما اقدر اتزوجها ابي احد يستاهل انها تكون له وانتي برأيي الشخص المناسب محمد بتردد : والله مدري وش اقول بس ........ بدر بمقاطعه : انا ماراح اغصبك على شي اذا انت رافض فهذي حرية شخصية محمد بسرعة : لالا بس انا كنت افكر اخطبها منك بما انك عزيز علي وتصير اخوها من الرضاعة بدر بإبتسامة : خلاص هالموضوع بيضل بينا هالفترة .. اذا تخرجت من الثنوي تقدر تخطبها رسمي من ابوها محمد : ان شاءالله بدر بمزح : يعني نقدر نسميك النسيب من الحين محمد : ههههههههههههههههه ............................................. ببيت هيفا .. الصالة (دخلت الصالة وبيدها كتاب طب كالعادة .. كان بالصالة امها تكلم بالجوال ولينة تلعب نواف .. جلست على وحدة من الكنبات وقعدت تقرأ كتابها .. ما فاتتها نظرات امها المبتسمة بس ما عطت الموضوع اي اهمية .. خلصت امها المكالمة والتفتت على هيفا) خلود : هيفا هيفا : سمي خلود بإبتسامة : جايينك اليوم خطاب هيفا بفهاوه : هاه ؟ ..(استوعبت).. نعـــــــــــــــــــم ؟!! خلود : هههههههههه شفيك كذا سكري فمك ! هيفا : مين الخطاب يمه ؟ خلود : احمد اخو رندى وفهده هيفا ووجهها مولع قالت بإرتباك : وش دراك انه هو اللي خاطبني ؟ خلود وهي تضحك : امه مكلمتني يا هيفا ! .. عموما انتي فكري زين وانا بقول لأبوك يسأل عنه هيفا وهي تقوم وتروح لغرفتها قالت بخجل : اوكي لينة : هههههههههههه يا حليلها هيفا بنشوفها عروس خلود بفرح : ياربي تسعدها وتوفقها وتكتب لها اللي فيه خير ..(بحزن).. وتيسر امور تركي لينة وهي تخفف عليها : طبيعي انه يتأثر بالطلاق يا خلود لا تشيلين هم خلود بحزن : شلون ما اشيل همه وهو من يوم ما طلق غادة مو طبيعي ! .. سافر لهالغربة وتركنا لينة : كلها كم سنة وتعدي بسرعة لا تشيلين هم .. بعدين هو بيزورنا بالإجازات خلود : ان شاءالله .................................... بأمريكا .. ولاية كاليفورنيا (جالس بالكفيتيريا يقرأ له كتاب .. سكر الكتاب بضيق وهو يتنهد .. امس طلعت من العدة .. هو سافر عشان يبعد عن غادة .. شعور فضيع جدا يجتاحه لما كان ببيت اهله .. صعب كثير انك تشوف بيت حبيبتك كل يوم ! .. ومع كذا ما تقدر تسوي اي شي .. حتى بدر وماجد علاقتهم فيه صارت ضعيــــــفة .. حاول ينسى غادة كثيـــر بس ما قدر .. بالعكس كل يوم يكتشف انه قاعد يتعلق فيها اكثر .. له شهر ونص هنا ومع كذا مو قادر يتأقلم مع الوضع .. مع انه تعرف على مجموعة من الشباب السعودين والخليجيين المبتعثين بس حنينه لوطنه واهله والأهم من هذا كله حنينه لغادة يغلبه .. فتح كتابه مرة ثانية ورجع يقرأ من عند النقطة اللي وقف فيها) ..................................... ببيت هيفا .. غرفة هيفا (دخلت الغرفة وهي بقمة الخجل .. سكرت الباب بسرعة وقفلته وقعدت تتنفس بقوة .. حطت يدها على قلبها تتحس نبضها اللي شوي ويطلع من مكانه من سرعته ! .. ابتسمت بخجل بينها وبين نفسها وراحت وقفت قدام اللوحة اللي رسمها لها احمد .. وبعدها راحت للجائزة اللي ربحتها بسبب لوحات احمد اللي اشتركت فيها .. صح انها فازت بالمركز الثاني بس على الأقل فازت .. ابتسمت مرة ثانية وهذت جوالها واتصلت على رندى) ..................................... ببيت فهده+رندى .. غرفة رندى (رن جوالها وردت على الرقم وهي مبتسمة) هيفا بعصبية : ليش ما قلتي ان احمد بيخطبني ؟!!!! رندى : ههههههههههههههههه .. يعني تبين تقنعيني انك مو مبسوطه هيفا اللي وجهها قلب علبة الوان مائية : لا .. بس .. انا .. يعني .. ايه .. لا .. اووووووووه مع السلامة ..(وسكرت الخط بوجه رندى) رندى : ههههههههههههههههههههههههه ههه ...................................... بوحدة من قاعات الرياض (الوضع حوسة وهي واقفة بعبايتها مع اخوها عبدالله اللي يشرف على تزيين الكوشة) عبدالله : تغريد روحي جهزي نفسك انا بشرف عليهم تغريد بتوتر : بس تأكد انهم ما راح يلخبطون بالوان الورد عبدالله : لا توصين انتي بس روحي روقي وارتاحي تغريد : اوكي ..(وراحت للغرفة المخصصة لعروس وجلست تاكل لها شوي بما انها ما ذاقت شي من اول ما قامت) ....................................... عند غادة (ركبت الطيارة ومعها ابوها .. جلسو بأماكنهم وربطو احزمة الآمان .. وكلها دقايق واقعلت الطيارة لجدة) ....................................... الساعة ونص10 .. بالقاعة (بدو الناس يتوافدون للزواج بكثرة .. وبوحدة من الطاولات كانت منار ومضاوي جالسين عليها مع كم بنت) كانوا لابسين : منار فستان توب لونه فيروزي ماسك لحد الخصر بعدين يكون ماخذ راحته على جسمها وله ذيل طويل شوي ومن جهة الصدر فيه كرستالات ناعمة بالفوشي واطراف الفستان من تحت مطرزة تطريز ناعم وفخم شوي بالفوشي وكعب فوشي وحاطة ميك اب فوشي خفيف ومسوية شعرها ويفي وطالعة خيااااال مضاوي فستان سيور وفتحة الصدر على شكل 7 ولونه خربزي فاتح ماسك لحد الخصر وبعدين يصير منفوش شوي وعلى الخصر شريطة سودا مربوطة على ورا بشكل ناعم واطرافه من تحت فيه تطريز بكرستالات ناااااعمة لونها اسود ولابسة كعب اسود وحاطة ميك اب خفيف ورافعة شعرها شنيون مضاوي بهمس : منور شوفي هذيك مو كأنها عذاري ؟ منار بهمس : الا والله ..(بإستغراب).. شفيها تناظرني كذا ؟ مضاوي : مدري بس ما اعجبتني نظراتها منار : حتى انا .. بس عيب قومي نسلم عليها مضاوي : يلا ..(وقامو سلمو عليها وسلامها كان بارد نوعاً ما .. وبعدها رجعو جلسو بأماكنهم وهي جلست بطاولة قريبة منهم) منار وهي رافعة حاجب : ما شالتها عينها عني مضاوي : ما عليك منها ..(بحماس).. قومي نرقص هالأغينة احبها منار وهي توقف : يلا ..(وراحو رقصو رقص خلا كل اللي بالقاعة يناظرونهم .. بالذات مضاوي اللي كان رقصها رهيــــب .. بعد ما خلصت الأغنية نزلو من على المنصة .. وهم راجعين لأماكنهم مرو من حرمتين وسمعوهم يقولون) الحرمة 1 : شفتي ام خربزي ماشاءالله رقصها مرة حلو غطت على بناتنا الحرمة 2 : ما عليك من رقصها شوفي ام الفيروزي مرة جميلة ماشاءالله وجسمها يهبل الحرمة 1 : معك حق .. تتوقعين مرتبطات او احد متكلم عليهم ؟ الحرمة 2 : والله مدري ..(وقفت).. بروح اسألهم ......................................... بمكه .. الحرم (جالسة تصلي عند الكعبة .. لها نص ساعة وهي تبكي ومو راضية دموعها توقف .. الناس اللي يمرون من جنبها يرحمونها بسبب صوت شهقاتها العالي ودموعها اللي ما وقف وعيونها الحمر والمنتفخة من البكي) راشد وهو يحط يده على كتفها : يلا يا غادة وقفت ومسحت دموعها اللي قدرت اخيرا تمسكها : يلا ..(ورجعو للفندق عشان يرتاحون لأن بكره بيرجعون للرياض) ......................................... بالزواج (كانوا واقفين بعيد شوي عن الإزعاج لان خالد متصل على مضاوي يسألهم متى بيرجعون .. واول ما خلصت مكالمة جتهم الحرمة) الحرمة : لو سمحتي منار : هلا الحرمة وهي تسلم عليهم : شلونكم ؟ منار+مضاوي بإستغراب : الحمدلله بخير الحرمة وهي تاكل مضاوي بنظراتها : انتم من بناته ؟ منار : بنات خالد الـ....... الحرمة : والنعم والله ..(لمضاوي).. لا بس حبيت اسأل انتي مرتبطة او احد متكلم عليك ؟ مضاوي وهي متوهقه : ايه يا خالة الحرمة بخيبه : اها .. وانتي ؟ منار بإبتسامة وهي تتذكر نايف : حتى انا الحرمة : اها .. اللهم يوفقكم ان شاءالله منار+مضاوي : آمين ..(وراحت عنهم الحرمة) منار : ليش قلتي انك مرتبطة ؟!! مضاوي : ما احب الخطبة اللي تكون عن طريق زواجات منار : اغلب الزواجات تصير كذا ! مضاوي : انا ما تعجبني ! ..(بإبتاسمة).. بعدين ماجد وين راح ؟ منار بإستغراب : وش جاب ماجد الحين ؟ مضاوي بحالمية : آآآآخ بس والله احبه منار : هئئئئئ .. يالخاينة تحبينه ولا قلتي لي .. من متى ؟ .. ووووو ......(راحت مضاوي لمكانها وجلست وتركت منار تكلم نفسها) (بعد ساعة الا ربع تقريبا .. انزفت تغريد اللي كانت كأنها اميرة بفستانها الأبيض .. سلمو عليها البنات وباركو لها وبعدها تعشو وطلعو لأنهم ما يبون يتأخرون) ......................................... باليوم الثاني .. عند تركي (منسدح على سريره يفكر وهو يردد بينه وبين نفسه " ارجع ولا ما ارجع .. ارجع ولا ما ارجع " .. هو صلى استخاره وارتاح .. يعني يرجع عشانها ويحاول يراضيها ؟ .. طيب والبعثة والدراسة ؟ .. قرر يضحي بها لأن كل شي يهون عشان غادة .. كل شي يهون عشان حياته وروحه وقلبه !) ......................................... بعد مرور 3 ايام .. ببيت هيفا (طلعت من غرفتها لغرفة امها .. دلخت الغرفة بعد ما طقت الباب) هيفا بخجل : يمه انا موافقة على احمد ..(وطارت لغرفتها) خلود وهي تضحك قالت بصوت عالي : طيب تعالي خليني اتفاهم معك شوي ! هيفا بصوت عالي عشان تسمعها امها : مابي خلاص موافقة وبس لا تحرجيني خلود : هههههههههههههههههه .. الله يوفقك يا هيفا ..(قامت من مكانها وراحت لتسريحتها ترتب عطورها وما حست الا بيدين تغطي عيونها) خلود : هيفا الله يهديك هذي اللي كانت مستحية ؟!! .. خليني اشوف اشغال ..(تلمست اليدين اللي على عيونها وحستها شوي خشنة وكبيرة مو مثل يدين هيفا الناعمة).. هاااااو محمد ؟!! ........ وهو يضحك : لا مو محمد خلود وهي مرتاعة بسبب الصوت قالت بشهقة : تركي !!!! تركي وهو يحضنها : ايه تركي .. شلونك يمه ؟ خلود وهي تشد على حضنه : الحمدلله بخير انت كيفك يا يمه ؟ تركي : بخير بشوفتك يالغالية خلود : وش مرجعك الحين ؟ .. المفروض ما نشوفك قبل 6 شهور تركي بمزح : ما تبيني يعني ؟ خلود : لا والله الا قلبي يتحسر عليك تركي بحب : خلاص من اليوم بصير دايم معك خلود بفرح صدق ؟ .. ودراستك ؟ تركي : انا خذيت لي اجازة .. بقعد عندكم شهر بعدين برجع اكمل خلود وهي تمسكه من يده وتجلسه جنبها على السرير : اها .. ما علينا الحين قلي وش سويت هناك ؟ ...................................... (مر اليوم مثل اي يوم بدون احداث جديد غير رجعة تركي من امريكا .. ورجعة غادة من مكة .. الكل عرف ان تركي رجع الا غادة اللي للحين ما تدري) ...................................... ببيت غادة .. مجلس الرجال تركي : ماجد يوم تزوجتها انا تزوجتها بطريقة غلط والحين ابي اعدل غلطتي وارجع تزوجها ونبدأ صفحها جديدة ليش تصعب الموضوع علي ؟!!! ماجد : وش يظمن لي انك ماراح تبهذلها وتكرهها بحياتها مثل المرة اللي فاتت ؟ تركي : والله واللي رفع سابع سماء اني اصونها .. واللي صار انا نفسي ما ابي اتذكره (ناظرو بدر وماجد في بعض بحيرة وبعدها قالت بدر) بدر : بناخذ رايها اول تركي بسرعة : انا ابي اكلمها ..(تدارك الوضع).. بكلمها قدامكم هنا ماجد بتردد : بشوفها واذا وافقت خليتها تجي تكلمك ..(وراح نادها وهي دخلت عليهم بعد ما جلس ماجد يقنعها سنة .. دخلت وهي منزلة راسها بالأرض وجلست جنب بدر) تركي بهدوء : شلونك يا غادة غادة بهمس : الحمدلله بخير تركي : غادة انتي تعرفين ليش انا هنا صح ؟ غادة بنفس الهمس : ايه تركي : طيب انتي شرايك .. بتعطيني فرصة جديدة بدال اللي راحت ؟ .. او تخذليني وتخليني اتحسر على عمري كله ؟ (استغربت جرأته بالكلام مع ان اخوانها معها .. رفعت نظرها لماجد اللي عطاها نظره بمعنى الخيار لك .. والتفتت لبدر وعطاها نفس النظرة .. خذت نفس طويل وقالت) ....................................... ببيت منار+مضاوي .. مجلس الرجال (دخلت عليهم وهي لابسة تنورة لنص الساق لونها اسود وعلى الخصر شريطة سودا فخمة شوي مربوطة على قدام مع قميص حرير نااااعم لونه سكري واطرافه محددة بالأسود ومسوية شعرها ستريت وحاطة ميك اب خفيــــــف مررررة ولابسة كعب قصير شوي لونه اسود .. راحت وجلست جنب ابوها وهي منزلة راسها بخجل .. اما هو كانت عيونه تاكلها اكل) نايف : كيفك يا منار ؟ منار بهمس : عاشت ايامك (ابتسم نايف على ارتباكها .. اما خالد حاول يبين نفسه ثقيل ومشعل صار يضحك عليها بدون صوت يعني على الهزاز .. وهي تقلب وجهها مية لون) (بهاللحظة صار نايف ومشعل وخالد يتكلمون مع بعض .. وخلال دقيقتين قامت منار بهدوء وطلعت برا المجلس وراحت لمجسل الحريم لأن مهى ومضاوي ينتظرونها هناك) مضاوي بحماس : بشري وش صار ؟ منار وقلبها يقول طق طق طق <<<<خخخخ : استحيت مرررة .. هيبته بحد ذاتها تخلي الواحد يرتبك ويستحي انا ارتبكت وما عرفت وش اقول ! .. تخيلي قال لي كيفك وانا قلت عاشت ايامك !!!! مهى+مضاوي : هههههههههههههههههههههههه منار بقهر : وعمي مشعل ما يعرف يمسك نفسه على طول صار يضحك ! مضاوي : ههههههههههههههههههههههه .. خلاص منار والله معاد اقدر بطني يعورني ! ...................................... ببيت غادة (طلع من البيت وكل هموم الدنيا فوق راسه .. رفضته .. رفضت ترجع له مع انه اعتذر لها .. بس مع كذا ما تنلام .. صعب ان الوحدة تعيش مع واحد اغتصبها وفوق كذا يهينها ! .. حمد ربه انه ما كنسل دراسته وخذا له اجازة وبيرجع يكمل بعد شهر .. دخل للبيت وكانت هيفا تنتظره بالحديقة) هيفا بهلفة : بشر ؟ .. وافقت ترجع لك ؟ تركي وهو يتنهد قال بضيق : لا .. خلاص لازم اشيلها من بالي وهي الله يوفقها هيفا بحزن على اخوها : آمين يا رب .. ويرزقك ببنت الحلال اللي تسعدك (ابتسم بسخرية على تلميحها الواضح .. دخل جوا الفله وطنشها .. اما هي تنهدت بضيق ودخلت هي الثانية للفلة) ........................................ ببيت غادة .. غرفة غادة (جالسة على سريرها تفكر اذا اللي سوته صح او لا ؟!! .. مع انها مقتنعة الا ان قلبها يقول لها انها غلطانة .. بس هالمرة لازم تدوس على قلبها عشان كرامتها .. لأن مستحيل تسامح نفسها اذا عاشت مع واحد مغتصبها ! .. كل اللي صار اثبت لها ان المطلقة حالها حال اي بنت لها حقوقها .. وما تنقص عنها بأي شي) ...................................... ببيت فهده+رندى .. غرفة فهده (قاعدة ترتب دولاب ملابسها وبالصدفة شافت الكعب حقها اللي كان مع طلال الفردة الثانيه حقته .. الأحداث اللي صارت خلتها تنسى هالشي .. دخلت هالفردة بعلبتها وكملت ترتيب بدون ما تهتم بمثل هالمواضيع) ...................................... بنفس البيت .. بس بمجلس الحريم (جالسة تقهوي ام محمد وجدتها .. ما فاتتها نظرات ام محمد المعجبة فيها .. صح رندى ما وصلت مستوى جمال باقي البنات .. بس تعتبر مملوحة هذا غير انها محترمة واخلاقها عالية) رندى لأم محمد : عطيني فنجالك ام محمد بإبتسامة : خذي ..(خذت الفنجال وبعد ما ملته بالقهوة رجعته لأم محمد اللي للحين كانت مبتسمة) ...................................... بعد مرور 7 سنين تقريبا (بوحدة من قاعات الرياض كانوا مجموعة كبيـــرة من البنات متفقين يسون لهم حفل تخرج .. واصوات التصفيق مالية المكان والبنات اقل ما يقال عنهم مبسوطات .. بهاللحظة ارتفعت قبعات تخرجهم بالهوا وكل وحدة حظنت صديقتها .. مثل منار وريم وفهده اللي كانوا حاضنين بعض وطايرات من الفرح) فهده بفرح لا يوصف : اخيرا تخرجنا ! ريم وهي تبكي بفرح : والله ما اقدر اصدق اي شي منار وهي تمسح دمعة تمردت على خدها قالت بعدم استيعاب : خلاص الحين مستحيل احد يسمينا طالبات (بهاللحظة رندى+هيفا+غادة+مضاوي قربو منهم وحضنوهم) منار وهي حاضنة مضاوي وتبكي : والله ما اقدر استوعب اي شي مضاوي بفرح : انبسطي خلاص ودعتي الدراسة كلها بعدت منار عنها وحطت يدها على بطن مضاوي المنتفخ : عقبال ما تتخرج البنوتة الحلوة اللي ببطنك مضاوي : ههههههههههههههه .. بسميها دلال منار بفرح : اقتنع ماجد تسمينها دلال ؟ مضاوي بأبتسامة : ايه .. هو كان يبي يسميها هدى بس انا قلت البنت الثانية بنسميها هدى والأولى دلال منار : كم بقي على ولادتك مضاوي : شهرين تقريبا انا الحين بالسابع منار : اها (بهاللحظات جاهم فهد "ولد رندى" ووقف بالنص بينهم) فهد ببرائة : حالة ميمو مضاوي : يا روح خالة ميمو فهد : ليث بتنك كبير ؟ مضاوي : لأن فيه هنا بنت صغنونة بعد كم شهر بتطلع وتصير صديقتك فهد بفرح : ثدق ؟ مضاوي بإبتسامة : ايه ثدق فهد ببراءة : تيب عاتي اذا كبلت اتذودها ؟<<<خخخخخ اللي بيفهم له اللي يبي مضاوي بضحكة : ايه عادي فهده بفرح : وناثة ..(وراح يركض لرندى) رندى بضحكة : فشلني هالولد كل ما شاف بنت قال بتزوجها .. كله من ناصر " اخو محمد زوج رندى " قاعدين هالفترة ندور له على عروس وهو غار منه البنات : ههههههههههههههههههههههههه ه غادة بإنزعاج : هيفا ضفي بنتك عني لأذبحها .. هبلت فيني كل شي ضاربة تركي هيفا بحب وهي تحضن بنتها الهنوف "مسمينها على الجده خخخخ" : فديتها بنوتي قوية .. انتي اللي ولدك خكري وما يعرف يدافع عن نفسه غادة وهي تبوس تركي : ولدي مؤدب ما يطق البنات .. بعدين ترا عمره سنتين بس يا هيفا ! منار وهي تبعد عنهم : بروح شوي واجيكم فهده : ليش ؟ ريم بخبث : يعني ما تعرفين ؟!! .. اكيد حبيب القلب متصل عليها منار بصوت عالي عشان تسمعها : مالك دخل ..(بعد ما بعدت عنهم ردت على نايف .. اللي صار لها مملكه عليه شهرين تقريبا وزواجهم بعد شهرين ونص) ............................................ بنفس المكان .. بس بزاوية ثانية (كان فيه 7 بنات جالسين مع بعض .. 4 منهم كان عمرهم 15 سنة والـ 3 الباقيات عمرهم 16 سنة) تولين بضحكة : بنات شوفو هذيك ام فستان فوشي رهف : ههههههههههههه والله شكلها توحفــــــة دانة : عيب عليكم لا تحشون بخلق الله ليان : لين عطيتي الروج حقك .. روجي انمسح لين : طلعيه من الشنطة انا بعدل رسمة الكحل حقتي ما احس انها مضبوطه شهد وهي توقف : بروح اسلم على ريم والبنات رغد وهي توقف معها : بروح معك (كملو البنات سهرتهم وبعدها كل وحدة رجعت لبيتها) ........................................ ببيت نايف+فيصل (قبل سنتين تقريبا مات سعود وترك البيت لنايف وفيصل اللي قررو يعيشون مع بعض فيه .. موتة ابوهم خلتهم يعيشون بفوضى اجبرت فيصل انه يتزوج .. لأن البيت ينهار اذا كان مافيه مرة .. فتزوج ريوف اللي منار وصتهم عليها والحين هم عايشين احلى عيشة وعندهم بنت صغنونة اسمها مشاعل على ام فيصل) (اما نايف كان بقمة السعادة .. يوميا يسهر هو ومنار ويكلمون بعض .. كانوا يعشقون بعض بشكل جنوني وكل واحد فيهم مستعد يفدي الثاني بحياته) (ملاحظة : نايف+فيصل ماشكين شركة ابوهم من بعد ما مات) ....................................... ببيت غادة (اما غادة تزوجت ولد عمها سعود اللي كان يقدرها ويحترمها وهي نفس الشي .. ومرت الأيام وقدر سعود بحبه لها ينسيها تركي وكل اللي مرت فيها .. وجابت غادة من سعود ولد وسمته تركي عمره سنتين .. ما كانت تشتغل كانت طول الوقت بالبيت وسعود زوجها يشتغل محامي وفاتح له مكتب محاماة) ....................................... ببيت تركي (رجع تركي من امريكا ومعه شهادة الماجستير .. مسك ادارة الشركة بدال ابوه اللي خذا منه العمر اكثر مما بقى وتزوج بنت خالته اللي اسمها " العنود " وقدرت هي الثانية تنسيه غادة وجابت له بنت وسموها "غيداء" .. كانت تشتغل مدرسة بس بعد ما جابت البنت تركت وظيفتها وتفرغت لبنتها) ....................................... ببيت هيفا+احمد (كانوا عايشين مع بعض بتفاهم ومعزة واحترام .. جابو بنت عمرها 3 سنين وسموها الهنوف والسبب ان الجدة ماتت قبل ما تولد هيفا بأسبوع وهالشي ترك تأثيره على احمد فسمى بنته عليها وهيفا ما اعترضت ابداً لان اسم الهنوف مع انه قديم شوي الا انه حلو .. حققت هيفا حلمها وبعد كم شهر بتبدأ دوامها كطبيبة اسنان واحمد كان يشتغل بشركة العائلة) ....................................... ببيت رندى+محمد (مثل ما توقعت رندى .. بعد كل تلميحات ام محمد خطبتها لولدها محمد وهي ما رفضت لانها شافت بمحمد الشاب اللي يناسبها .. وفعلا عاشو مع بعض احلا قصة حب تكونت بعد الزواج .. والمعروف ان الحب اللي بعد الزواج يكون هو الحب الثابت والدائم وحياتهم اثبتت هالشي .. جابت منه فهد اللي عمره الحين 5 سنين .. رندى تزوجت اول ما تخرجت من الثنوي عكس باقي البنات اللي تزوجو بعد الجامعة او لما كانوا يدرسون فيها .. رندى صارت تشتغل مع هيفا بنفس المستشفى بس هي طبيبة امراض نفسية .. لقت هالشغلة تناسب شخصيتها فأختارتها ومحمد كان شتغل بوظيفة حكومية مرموقة) ...................................... ببيت ريم (جالسة بغرفتها تتأمل صورها مع بدر اول ما تزوج .. مر على زواج بدر سنتين تقريبا .. اصرت ريم انها هي اللي تدور له على عروس واختارت له خلود .. ابتسمت لما تذكرت محمد وكلام بدر عنه .. الحين هم مخطوبين لبعض خطبة رسمية وتقريبا الكل عارف فيها .. ماكانت ريم تبي تتوظف ابدا اما محمد فكان يشتغل مع ابوه بشركته) ....................................... ببيت مضاوي+ماجد (هم الأثنين ما اختلفو عن غيرهم .. كانوا عايشين مثل اي زوجين يحبون بعض بدون اي شي يعكر عليهم صفو حياتهم .. صح واجهتهم بعض المشاكل بأول زواجهم لكن بحبهم قدرو يتلغبون عليها .. مضاوي ما كانت تشتغل اما ماجد فكان ضابط) ...................................... ببيت فهده (انسدحت على سريرها وخطت نفسها على اساس انها بتنام .. وما امداها سكرت عينها الا قامت على صوت جوالها .. خذته وشافت اتصال من طلال .. ابتسمت بينها وبين نفسها وقطعت الخط بوجهه وبعدها قفلت الجوال .. ورجعت نامت وعلى وجهها ابتسامتها الجذابة اللي ما فارقتها من يوم ما ارتبطت بطلال .. هالفترة صارت تتغلا عليه وما تكلمه بحجة ان زواجهم باقي عليه اسبوع واحد بس) ...................................... ببيت طلال .. غرفة طلال (بعد الجوال عن اذنه ورجع اتصل عليها وشاف الجوال مقفل .. تنهد تنهيدة عشق طويــــلة وختمها بإبتسامة وهو يناظر العلبة الحمرا اللي مجهزها كهدية لفهده عشان تفتحها اذا تزوجو) (ملاحظة : طلال يشتغل بشركة ابوه اللي كانت للديكور) ...................................... عند منار (كانت مندمجة وهي تكلم نايف وما انتبهت على ابوها اللي واقف عند الباب) نايف : قوليها منار ووجها احمر : لا .. يلا نايف بسكر الحين عشان بنام نايف بعناد : لا ماراح تنامين قبل ما اسمعها منار : بس نايف بمقاطعة : لا بس ولا شي .. قوليها منار بهمس : احبك نايف بأسلوب مستفز وهو كاتم ضحكته : ايــــــش ؟ .. ما سمعت عيدي منار : لا خلاص قلتها وماراح اعيدها نايف بإصرار : قوليها ما سمعت منار بإبتسلام : احبك نايف بهيام : وانا اموووووت فيك (حمر وجهها زيادة فوق ما هو محمر .. رفعت راسها وشافت ابوها موقف ويناظرها ومبتسم .. شهقت بقوة وسكرت الخط بوجه نايف) خالد : هههههههههههههههه وش قال لك عشان يقلب وجهك كذا ؟ منار بإحراج : ولا شي (طلع خالد من الغرفة وهو يضحك بقوة من خجلها اما هي رفعت جوالها وشافت مسج جايها من نايف مكتوب فيه " وش فيك ؟ .. ليش سكرتي الخط فجأة ؟ " .. بعد ثواني اتصل فيها ودرت على طول) نايف : شفيك صاير شي ؟ منار بزعل : ابوي سمعني وانا اقول احبك .. كله منك نايف وهو يضحك : مافيها شي واحد يكلم زوجته ! منار بخجل وهي تتذكر الموقف : لا والله وجهي صار احمر بسببك نايف : ههههههههههههههههههههههههه هههههههه منار : نااااااايف خلاص انت تعرف اني ما احب احد يضحك علي نايف : هههههههههه خلاص ولا يهمك ماراح نضحك عليك ......................................... بعد مرور اسبوع .. بقاعة الزواج اللي كانت فهده مستأجرتها (كانت التجهيزات رووووووووعة ولا يعلى عليها وفهده وفستانها يهبلون .. على الساعة 11 ونص انزفت فهده والكل كان يذكر الله عليها .. وبعد ما دخلو الرجاجيل طلعت هي وطلال وراحو لوحدة من فنادق الرياض .. دخلت للجناح وفصخت عبايتها وجلست على وحدة من الكنبات الموجودة بالصالة .. ثواني ودخل عليها طلال وفصخ البشت حقه وجلس جنبها) طلال : كيفك ؟ فهده بخجل : الحمدلله طلال بإبتسامة وهو متعمد يحرجها : صار لي اسبوعين ما سمعت صوتك كل هذا تتغلين ؟!! (حمر وجه فهده بدرجة مو طبيعية وطلال انفجر ضحك على شكلها وهالشي زاد خجلها) طلال : طلبت لنا عشاء بيجيبونه بعد شوي فهده : ......... طلال وهو يوقف : انتظري هنا شوي ..(ودخل غرفة النوم وطلع خلال دقايق ومعه علبة حمراء مغلفة بشكل ناعم .. رجع جلس جنب فهده ومد لها العلبة).. تفضلي فهده بإستغراب : ايش هذا ؟ طلال : مفاجأة .. افتحيها وتعرفين (خذت فهده العلبة منه وفتحتها وتوسعت عيونها من الدهشة) طلال بإبتسامة واسعة : شرايك ؟ فهده بدهشة : للحين محتفظ فيها ؟ طلال بحب : اكيد .. انا اقدر ارمي شي وهو لك ؟!!!! (حمرت خدود فهده على خفيف ورجعت تتأمل بكعبها اللي كانت ناسية سالفته وشايلتها من بالها نهائياً) ...................................... بالقاعة (بعد العشاء بعض الناس راحو بس اغلبهم كان جالس .. بدت الطقاقة بالطق والبنات قامو يرقصون وبعد ما خلصت هالأغنية) الطقاقة : هذا الشوط مخصوص لبنات الجيران ..(بانت علامات الإستغراب على البنات) سارة : يلا يا بنات .. فهده طالبة مني اقول للطقاقة تحط لكم شوط خاص فيكم قومو ارقصو (ابتسمو البنات على حركة فهده .. مع انها كبرت الا انها ما تركت هبالها ابداً .. راحو للمنصة وقامو يرقصون) " النهــــــــــــــــــاية " | ||||
|
| |
|
23-08-13, 12:18 PM
| #57 | |||||||||||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
|
| |||||||||||||
|
| |
 |
| أدوات الموضوع | |
| انواع عرض الموضوع | |
|
|
العرض العادي
