شبكة روايتي الثقافية

شبكة روايتي الثقافية (https://www.rewity.com/forum/index.php)
-   فـضـاءات (https://www.rewity.com/forum/f236/)
-   -   "ضميني من غير ما ألمسك "للشاعرمحمدحمدي غانم (https://www.rewity.com/forum/t280149.html)

سارة عادل 01-03-13 06:06 PM

"ضميني من غير ما ألمسك "للشاعرمحمدحمدي غانم
 


https://im31.gulfup.com/0phYo.gif





ضميني من غير ما ألمسك للشاعر المصري وضيف الشرف

الاستاد محمد حمدي غانم






تمنياتي بقراءة ممتعة




ضميني من غير ما ألمسك

خليني أشوفك مرة واحدة
لو حتى كانت من بعيد
أنا قلبي كان عصفور وحيد
وف حزنه مسجون من زمان
بيغنّي من خلف الإزاز
من خلف قضبان الحديد
عطشان لحبات المطر
ولا يوم على بالك خطر
إنك خطر.. متحبهوش!
وتحطمي حلمه الوليد!
آه بس لو أصعب عليكي
وتطيّبي جرحي بإيديكي
أنا كنت أصير إنسان جديد
أيامه حلوه، حياته عيد

ياه يا قمر
دا أنا نفسي أطولك من زمان
تشرق لي وتنور غيطان
تهدم حواليا الحيطان
وتبدد البرد الشديد

يا حلوة يا سايقة الدلال
هاتي براءة بسمتك
دليني أمشي ف سكتك
ولو اللقا أصبح محال
خليني بس أتنسمك
وأرسم جمالِك في الخيال
ضميني من غير ما ألمسك
عايزك بعيدة قريبة
سامعاني من غير ما أهمسك
صمتك أغاني جوه قلبي وضحكتك موال
وإن خُفتي من كتر البعاد
هابعت لليلك يحرسك
قلبي اللي باح لك بالغرام من غير ما قال
واستنى مطمن وخايف
فجاوبتي من غير السؤال
عن 100 سؤال

الحلم في ليل الهوى بيبدأ هلال
لو ليله ضاع من غير ما قلبك يسهره يصبح زوال
والشوق نضال
من قلب عايز يبتدي
يقطف عناقيد الأمل
طابت ف بستان الجمال
أو يشرب الخمرة الحلال

أنا شوفت من بين التلال
أجمل غزال
ماشي ومعاه النهر سال
شلاله من فوق الجبال
عذب وزلال
وأنا نفسي أشرب من زمان
عطشان وخايف أقترب
ليفر من خوفه الغزال!

يا خايفة من كل احتمال
الهجر فاق الاحتمال
بحلم أشوفك من زمان
بستان حنان
فدادين أمان
أمنيّة دافية وابتهال

يا اللي أنت خايفة من الهوى
لأ ما تخافيش
غيرك مفيش
لو أنتي حابة، أنا بعشقك
منتيش منيش!
وَيّاكي لحظة أنا نفسي أعيش
وأحرس جمالك م البشر زي الشاويش
واياكي يوم سهمك يطيش
أنا قلبي ملهوش حد غيرك
مليان جنون
مسجون ما بين حكمة وطيش
خبيني حلم ف بسمتك
خليني أطهر حاجة تسكن دنيتك
وتشوف بنورك
وإن كنت يوم غلطة ف ضميرك
متحبنيش
أنا كنت يوم بحلم أطير بجناح وريش
بس الفضا ما استنانيش
بعدت بعيد عني السما
مستسلمة
ولقيتني واقف وحدي فوق أرض العدم
من غير ندم
مستني إنك تيجي تاني يمامة ف عينيك السما
متبسمة
شفتيني ولا مشفتنيش؟

يا بعيدة وأنت قريبة
شيلي الحواجز كلها
خليني أبعِد لما أطير
لكني مطمن مفيش
ولا حاجة عنك تمنع القلب الرجوع
أنا عايز أهرب من حدود الأسئلة
وأعطش وأجوع..
للمستحيل
محتاج أقول لك ألف مرة أنا بعشقك
لكني متحنط قتيل
ما أنتي اللي عارفه إن القدر
بيوزع الحزن ف كاسات
يسقيها لقلوب البشر
ويا ريته كان قلبك حجر
علشان عليّا ما تحزنيش
لما أتوه عنك ف ليل
سامحيني يا ضي القمر
ف عينكي بركان الهوى لما انفجر
ما قدرش يوم يستحمله قلبي العليل

محمد حمدي غانم
11/2/2013


فاطمة كرم 01-03-13 06:28 PM

شكراًُ عزيزتي همس على الدعوة وإمتاعك لنا بروائع المبدعين

شكراً أستاذ محمد على القصيدة الرقيقة , لون جديد من إبداعك استمتعت به كثيراً :)

العنوان مميز ينبيء بتناقضات قلب العاشق ( بطل القصيدة ) و كأنه يترك دائماً مساحة أمان من الشوق و الحرمان بينهما رغم ما يبثه لها من أشواق كي يظل حبه لها متوقداً

في انتظار جديدك دائماً

في أمان الله



ayatdima 01-03-13 06:30 PM

السلام عليكم استاد محمد

الكلمات روعه والاسلوب بسيط وخفيف وسهل جدااااا
تسلم
الاسم وعنوانه معبر جداااااا

احضنيني دون ان تلمسيني فكم من نظرات قد تعانقت ومارست احلى واجمع انواع وتعابير الحب لتحمل بين طياتها العشق والغرام

الله الله الله على الكلام الي حاسته من القلب

رغد تبوك 01-03-13 06:45 PM

مشكوووورة عزيزتي على الدعوة
شاعرحساس كلمات بسيط تصل للقلب

الفارس الخيال 01-03-13 06:56 PM

رائعه جدا
كلمات عذبه رقيقه
من محب يريد ان يحضن حبيبه حتى لو بالمشاعر فقط
احضان القلوب والاحاسيس
رائعه جدا
وشكرا لك
همس
ودى وتقديرى

ساميه العلا 01-03-13 07:29 PM




ما اقسى الحب واعذبه

إذا كان الحبيب قريب...بعيد


يكون المحب مثل المقيد لايستطيع الفكاك منه

يستحوذ على تفكيره واحاسيسه ومشاعره
من بعد واي بعد

بعد قاااااااسي

مقطوعة رائعة بحق

:::::::::::::::::::::::::::::::::::::::::::::::::: ::::::

زحمة كلام 01-03-13 08:33 PM

شكرآ على الدعوه همس ...ابدعت آستآد محمد ..

كلمات جدآ ممتعه ورآئعه ..

كاتبة مبتدئة 01-03-13 08:41 PM

السلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين

كلمات رقيقة ورائعة
دام ابداعك أستاذ محمد

ليله طويله 01-03-13 09:44 PM

السلام عليكم ورحمة الله وبركاته رائعه جدا (أنا قلبي ملهوش حد غيرك
مليان جنون
مسجون ما بين حكمة وطيش) كلمات جميله مست شغاف القلب تسلم ايدك وشكرا همس على مجهودك الجميل

Aysel _2011 01-03-13 10:07 PM

شكرا على الدعوة هموس
وطبعا الكلمات جميلة جدااااااا قريبة من القلب كعادة الشاعر


الساعة الآن 06:32 PM

Powered by vBulletin®
Copyright ©2000 - 2024, vBulletin Solutions, Inc.