09-04-13, 02:52 AM
| #54 | |||||||||||||
| نجم روايتي  
|  خلص الجزء الاول من الفصل الخامس  يبدو من التعليقات انه قصير .... حسنا اعترف .... قصير جدا .... و لكن للجزء بقية ستكون بين يديكم غدا بأذن الله بعد التدقيق .... فقط اردت رفعه على يومين لأن الجزء الثاني منه ... محتاج دماغ فاضيه ... عند قراءته | |||||||||||||
|  |
|
09-04-13, 11:50 PM
| #57 | |||||||||||||||
| نجم روايتي
| اقتباس:
اقتباس:
| |||||||||||||||
|
| |
|
09-04-13, 11:51 PM
| #58 | |||||||||||||||
| نجم روايتي
| اقتباس:
اقتباس:
| |||||||||||||||
|
| |
|
09-04-13, 11:54 PM
| #59 | |||||||||||||
| نجم روايتي
| الفصل الخامس ج 2 المفاجأة ... ستكون وسيلتها ..... و الثقة ... سلاحها ..... الصدمة ... ستكون أداتها ..... و الشجاعة ... درعها ........ و ها هي أية تستعد للمواجهة المرتقبة . عليها ان تتوقف عن التفكير في كريم الان ... في لوحاته الرائعة .... في تصرفاته الغريبة .... في غموضه الذي يزداد يوما بعد يوم .... و في افعاله التي لا تستطيع فهمها ..... لابد ان تنحيه خارج نفكيرها الان .... و تتفرغ للتفكير في مواجهة منة القريبة ..... تنهدت بضيق ..... ياليتني تستطيع ! ...... تعلم ان هذه المواجهة لن تكون سهلة .... لن تستسلم منة بسهولة .... و لكنها لن تخرج من هذه المعركة خاسرة ...... ابدا ..... لن تترك منة حتى تعترف بكل ما تخفيه عنها . ******** في الجامعة ..... بعد نهاية اول محاضراتهم لهذا اليوم .... كانت منة تجلس بصحبة آية في الحديقة ... تقهقه بينما تروى لصديقتها احدى مغامراتها مع اخيها : و بعد ما خبط عربية الراجل .... طلع يجري و روحنا عالبيت و عملنا فيها ملايكه و لا كأن حاجه حصلت .... بس الراجل طلع ناصح و خد ارقام العربية و عمل بلاغ و بابا عرف .... و بهدل رأفت ... كان حته يوم ! قاطعتها أية و هي تتظاهر بالشرود قائلة : بس تخيلي ان انا لغاية دلوقتي معرفش لية .. قالت منة بأندهاش : ليه ايه ؟ آية : يعني عملتي فيلم و انا مجنونة ... و كريم مش موجود .... و نسيتي تقوليلي ليه ....... تنهدت ثم قالت بسخرية : طب ده انا حتى دوري كبير في الفيلم ... يبدو ان خطتها نجحت فمنة تجمدت في مكانها ..... و لكنها حاولت ان تداري صدمتها من هذه الثقة التي تتحدث بها آية و قالت : فيلم ايه يا آية ... انا ... و لكنها لم تستطيع ان تكمل جملتها فقد قاطعتها آية قائلة : لا لا لأ .... لو ناوية تقولي نفس الكلام ... يبقى تسكتي احسن .... او اقولك .... جددي من نفسك .... دوري على كدبة جديدة تضحكي بيها عليا .... منة : آية ... ايه الي انتي بتقوليه ده ؟! أية : كلام واحدة مجنونة .... عادي يعني هي حاجة جديدة . منة : انا .... انا مش فاهمه انتي بتكلمي عن ايه ؟ ... انا قاطعتها آية مرة اخرى : استني متكلميش .... عيب برضه نتكلم عن حد في غيابة .... انا هاروح انادي كريم عشان يسمع الحوار ... قامت من مكانها و هي لا تعلم ماذا ستفعل ..... انها لا تستطيع ان تذهب اليه .... ماذا ستقول له .... و لكنها فقط تهدد منة. منة : استني يا آية .... كريم مين ده الي انتي عاوزه تناديه ؟ آية : كريم ابن عمتك .... ابن طنط جيجي ..... كده يا منة .... حد يعمل كده ..... بتتظاهري انك مش عارفه ابن عمتك ...... لا .. انا مكونتش اعرف عنك كده ابدا . منة : انتي بتتكلمي كده ليه يا آية ؟ أية : ما انا قولتلك اني مجنونة .... حد ياخد على كلام مجنونة ؟ ثم استطردت : و لا اقولك ... انا مضمنش اسيبك هنا تهربي .... مادام قدرتي تكدبي مستبعدش انك تعملي اي حاجة تانية .... احنا نروحله احنا الاتنين .... و يسمع الحوار كله بقى ..... او مثلا اجرك لغاية هناك .... ما الناس كمان مش بياخدوا على افعال المجانين . منة : آية .... انتي جرى لعقلك حاجة ؟ آية : و الله ده كلامك انت .... انا مجنونة .... انتي الي قولتي كده بنفسك .... و لا كمان بقيتي بترجعي في كلمتك ؟ منة : آية كفاية بقى .... آية بمرارة : مين الي يتقال له كفاية ؟ .... انا ..... ولا انتي ! .... سنة .... سنة كاملة و انتي مفهماني اني بشوف واحد مش موجود ..... عارفه يعني ايه ؟ .... يعني اخاف و انا ماشية في الشارع ارفع راسي لأبص على حاجة مش موجودة ..... يعني لمدة سنة كاملة ... لما اسمع حد بيكلمني.... ما ابقاش عارفه اعمل ايه .... اخاف ارد و يطلع مقالش حاجة و انا بتخيل و يقول عليا مجنونة و بكلم نفسي.... و اخاف اسكت يطلع كان بيتكلم ..... سنه كامله مش واثقه في اي حاجه بتحصل .... مش واثقة انا مين .... مش متأكده ... حتى من اسمي .... بخاف ابص في المراية تجبلي صورة مش انا ..... سنة كاملة و انا عايشة في اكتئاب .... مش عارفه ذكرياتي حصلت ولا لاء .... مش عارفة مستقبلي هيكون ازاي ..... كرهت حياتي لأني مش عايشة فيها . قالت منة بصوت اجش مختنق : انا اسفة يا آية .... مكنتش اعرف ان ممكن يحصلك كل ده بسببي ..... عمري ما تخيلت ان انا ممكن اسببلك كل ده . آية : ده على اساس ان اسفة هترجعلي ايام عمري الي عشتها في عذاب . منة : و الله كنت فاكره انك هتتقبلي الموضوع . آية بعصبية : ايه ده الي اتقبله ... اني مجنونة ؟! ... انك لما تقوليلي اني بتخيل واحد ..... اقول عادي ... مفيش مشكلة ... مش مهم .......... ثم اضافت بلهجة ساخرة : تصدقي اقنعتيني ... انا ليه كبرت الموضوع كده ؟! منة : آية من فضلك اقعدي و انا هفهمك كل حاجه . آية : لا ... انا الي اسفه بقى .... مش هفهم حاجه الا لما يكون كريم موجود .... انا ايه يضمنلي انك مش هتكدبي تاني ؟ قالت منة بألم : انتي مش بتثقي فيا . آية : كنت .... كنت هبلة و بثق فيكي و بصدق اي حاجة تقوليها ..... و لولا هبلي ده مكونتش اتعذبت كل الفتره دي .... لكن دلوقتي لأ . منة : ارجوكي يا آية .... ارجوكي .... متقوليش لكريم على اي حاجة .... اسمعيني الاول .... و بعدين روحي اتأكدي من كلامي ... بس بلاش كريم يعرف .... ارجوكي بدا على آية التفكير فقالت منة : و الله هقولك الحقيقة .... بس مش كلها . آية : لا يا منة ... انا عايزه اعرف كل حاجه . منة : مقدرش اقولك كل حاجه .... في حاجات مينفعش تعرفيها . آية : من حقى اعرف السبب الي خلى صديقة عمري تقنعني اني مجنونة . منة : عشان مصلحتك و مصلحة كريم .... مش هقدر اقولك . آية : انت اخر واحده ممكن تتكلمي عن مصلحتي بعد كل الي عملتيه . منة ببؤس : يا آية انتي كده بتعجزيني .... آية : انتي الي حطيتي نفسك في الموقف ده . زفرت منة انفاسها بقلة حيلة ... ثم قالت : عايزه تعرفي كل حاجة .... حتى لو الحقيقة هتخليكي تكرهي كريم . قالت آية بأصرار : ايوه يا منه .... قوليلي كل حاجة . منة : طب بلاش هنا .... استني لما تخلص المحاضرات ... و نتكلم في اي حته بره . آية : و اسيبك تفكري في كدبه جديدة ... او تستعيني بخدمات رأفت .... يمكن المره دي تخلوني انا نفسي مش موجوده و بتخيلني . منة : و الله مش هكدب عليكي تاني ... و بعدين انا قولتلك ... الكلام الي هقولهولك ... روحي اتأكدي منه . آية : ماشي ... ماشي يا منه ... خليني معاكي للأخر . ********* حنان : سوزي كلمتني في موضوع آية تاني . محمود : مش فاهم يعني انتي عايزه ايه ؟ حنان : تقول رأيك . محمود : انتي اتجننتي يا حنان . حنان : هو انا لما ابقى عايزه اضمن مستقبل بنتي ابقى اتجننت . محمود : و انتي لما تجوزيها و هي لسه مكملتش 20 سنة تبقى ايه ؟ حنان : انا بس عايزه نقرا فاتحتها و في الصيف تتخطب و تبقى تجوز لما تخلص . محمود : الله الله ... ده انتي مظبطه الخطة كلها ... و يا ترى بقى آية عندها علم بالخطة ؟ حنان : لأ لسه .... بس اكيد مش هترفض يعني ........ انت عايزني استنى لما تكبر و تقولي بحب ده و مبحبش ده ؟ محمود : و انت ايه الي عرفك انها مش هتقولك دلوقتي انها بتحب واحد تاني . حنان : لا لأ .... مستحيل . محمود : و ليه ان شاء الله مستحيل ؟ حنان : لأنها كانت هتقولي . ضحك محمود بسخرية : تصدقي ضحكتيني ...... بنتك مش بتقولك حتى اسامي اصحابها في الجامعة ..... انتي يدوبك عارفه هي بتدرس ايه .... عايزه تفهميني انها ممكن في يوم تيجي تقولك انا بحب يا ماما ؟؟! حنان : هي الي كتومة ... ولا انتا عايزني اشيل الاحترام بيني و بين بنتي و افضل ارغي معاها زي اصحابها . محمود : لا انا عايز انام عشان ابقى فايق بالليل في المستشفى . ******* ما ان انتهت محاضراتهم حتى خرجوا من الجامعة و اتجهوا إلى مطعم قريب . في المطعم ... آية : اتفضلي يا منة ... اهه سمعت كلامك و بعدنا عن الجامعة خالص ... ممكن بقى افهم . تنهدت منة بصوت عالي و قالت : مبدأيا .... انا مفيش حاجه قولتهالك عن كريم صح .... كله كان كدب ... حتى لما قولتلك انه صايع و فاشل و كده ... كنت بكدب عليكي عشان اخليكي تبعدي عنه و خلاص .... آية : ابعد عنه ايه ... انتي كنتي شيفاني بخرج معاه من ورا اهلي ! .... ده انا حتى مكنتش اتكلمت معاه ولا مرة . منة : و انتي كنتي عايزاني استنى لما تتكلمي معاه ! ... انا كان لازم اوقف الموضوع من الاول .... عشان حتى متفكريش تتكلمي معاه .... و تشليه من دماغك خالص . آية بصوت جاهدت لبقاءه هادء: ليه ؟ رأفت : ممكن تسبيني اكمل كلامي ؟ زفرت آية بقوة ثم قالت : حاضر .... اتفضلي . منة : حاولت اني اسوء صورته عندك ... لكن انتي متأثرتيش ... و فضلتي تسألي عنه كتير ..... فرحت قلت لرأفت ...... ان .... اني بحب كريم و ... و .. و انك .. آية و هي تكز على اسنانها بنفاذ صبر : اني ايه ؟ منة : مش مهم قولت لرأفت ايه ..... المهم اني طلبت منه اني يساعدني في اني ابعدك عن كريم بأي طريقة ..... فقال لي انك مش هتقتنعي لو قلتلك حاجات غلط عنه .... و ده فعلا الي حصل .... فاقترح عليا اني .... اني اقولك ان كريم مش موجود ... و انك بتتخيليه .... و قالي انك شويه و هتنسي الموضوع و هتنسي كريم خالص .. آية : طبعا ... كان لازم اعرف ان الافكار الفظيعة دي من رأفت .... و انتي ..... انتي ازاي كنتي بتفكري ساعتها .... ازاي قبلتي تلعبي عليا كده .... و ملقتيش حل غير انك تطلعيني مجنونة ..... و ليه لأ مادام في هبله بتصدق كل حاجة . منة : ارجوكي يا أية .... متضغطيش عليا .... انا كنت مدايقة من نفسي جدا و انا بكدب عليكي ... كنت بتقطع و انا شيفاكي حزينة .... بس كان لازم اصبر و اكمل الخطة . آية : و انتي كنتي فاكره ان خطة متخلفة زي دي ممكن تقعد على طول ؟؟ .... بالرغم من غبائي ... اكيد كان هييجي اليوم الي اعرف فيه الحقيقة ..... منة : بس كنت متوقعة ان اليوم ده لما ييجي هتكوني نسيتي كريم . آية : و ليه مقولتيش انه ابن عمتك .... و ليه خبيتي عليا انك بتحبيه ؟؟؟؟ منة : كريم اخويا .... طول عمري بعامله على انه اخويا .... و هيفضل كده ..... انا قولت كده لرأفت عشان يساعدني بس . كان الاندهاش يبدو جليا على وجه أية .... كلام منة يبدو لها ألغازا ... قالت : لسه معرفتش ليه مقولتيش انه ابن عمتك .... و ليه حاولتي تبعديني عنه مع ان اصلا مكانش في حاجه بينا . منة : مقولتش عشان لو كنتي عرفتي مكونتيش هتبطلي أسئلة .... كنتي هتسألى ليه احنا بعاد عنه .... و ليه هو على طول لوحده .... و ليه عمرك ما شوفتيه ..... كنتي هتسألي كتير .... و مش هتلاقي عندي اجابة مقنعة .... عشان مقدرش اجاوبك .... و لو كدبت عليكي في الاسئلة دي كان هيبقى سهل جدا انك تعرفي الحقيقة ..... و انا في الاول كنت بحاول اقنعك انه مش كويس ... مكانش ينفع اشتم فيه و في الاخر اقولك انه ابن عمتي . آية بأصرار : ليه حاولتي تبعديني عنه ؟ منة : عشان مصلحتك . آية : ليه يا منة ؟؟ منة : صدقيني يا آية .... انا عملت كل ده عشانك .... انتي لما بتدخلي حاجه دماغك بتفضلي وراها لغاية ما تجبيها .... اهتمامك بكريم قلقني .... خفت اهتمامك ده يبقى حب .... و ساعتها هتبقى كارثة .... و كنتي هتتعذبي اكتر بكتير . قالت آية و هي تصر على اسنانها : ليه عملتي كده يا منه ؟ منة : لو قلتلك مش هتستريحي يا آية . آية بغضب : و انا مش ماشيه من هنا غير لما اعرف . منة : فكري يا أية ..... لو عرفتي .... كريم هيسقط من نظرك . لا تعلم من اين جاءتها هذه الثقة لكنها قالت : مش هيحصل ابدا يا منة .... و بعدين من امتى يعني و صورته في نظري تهمك ..... قولي يا منة مخبية ايه ؟ منة : محدش يعرف الموضوع ده غيري انا و عمتو جيجي . اومأت اية برأسها .... فأكملت منة قائلة : اوعديني انك مش هتقولي لحد عن الي هقولهولك و انك هتشيلي كريم من دماغك خالص .... مع اني متأكده انك لما تعرفي .... مش بعيد تكرهيه .... قالت أية بثقة كبيرة : مش هقول لحد ..... و مش هكرهه . ازدردت منة ريقها بصعوبة و تنهدت بصوت مرتجف ... ثم قالت باضطراب : حتى لو الحقيقة هي .......... هي .......... ان كريم .................................................. .................................................. .................................................. .................................................. .................................................. .............................................. مثلي ! ******* انتهى الفصل | |||||||||||||
|
| |
 |
| الكلمات الدلالية (Tags) |
| قوس قزح |
| أدوات الموضوع | |
| انواع عرض الموضوع | |
|
|
85Likes
.png)
.png)
.png)
.png)
العرض العادي
