آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
07-11-10, 08:57 PM
| #1 | |||||
 
|  إنها عيونك التي لا تخون للكاتبة { الحان الناي }
وجدت في هذا العالم لأعيش و أتعايش مع هذا العالم !! ولم أوجد لكي تعيش العالم و تتعايش و أكون منبوذة !! ليست العالم أفضل مني لكي تستطيع أن تختلط مع الناس و أنا لا أستطيع ذلك .. روايتي هذه أضع بين أيديكم و أول منتدى أكتب فيه روايات كل المنتديات تعودت أكتب في الخواطر ومواضيع عامة لكن اليوم أحببت أن أضع هذه الرواية رغبة في تلبية طلب صديقتي و أن أكسب قراء لروايات أيضاً. رغم أنها ليست أول رواية لي وإنما أول نشر لي .. كما أنني أتمنى من ينقل روايتي هذه أن يكتب اسمي ولن أحلل أو أسامح من ينسبه لنفسه. و سوف أنزل كل أسبوع قدر ما أستطيع كتابته وذلك بسبب دراستي ولن أجد وقت غير في نهاية الأسبوع. لذا أتمنى أن تعذروني لو تأخرت ولكني لن أنسحب من الكتابة ولن أترككم وأنا لم أكمل روايتي. روايتي الأولى للنشر مقتبسة من الواقع. أختكم / الحان الناي. التعديل الأخير تم بواسطة درة الاحساء ; 09-10-13 الساعة 07:30 PM | |||||
|  |
|
07-11-10, 08:59 PM
| #2 | ||||
|  بيت أبو سعود جاسم ــــــــ أبو سعود منيرة ـــــــــ أم تركي > زوجة جاسم تركي ـــــــــ عمره 17 سنة في الصف الثاني ثانوي رايح لثالث تهاني ـــــــ 16 سنة في الصف الأولى ثانوي رايحة لثالث ميس ـــــــ عمرها خمس سنوات. ************************* عائلة أبو فيصل > أخو جاسم الكبير أحمد ـــــــ أبو فيصل> كبير العائلة. فاطمة ــــــ أم فيصل فيصل ـــــــ عمره 35 سنة تاجر فرح ـــــــ 29 سنة متزوجة و لديها بنت عمرها 3 سنوات و زوجها اسمه محمد . غيداء ـــــــــ 20 سنة بالجامعة *********************** عائلة أبو طلال > أخوهم الأصغر ماجد ـــــــ أبو طلال سميرة ــــــــ أم طلال طلال ـــــــــــــــ 25 سنة يشتغل مع عمه أبو فيصل شيماء ــــــــــــــــ 19 سنة خلصت الثانوية ************* عائلة أبو خالد جواد ـــــــــــ أبو خالد سهام ــــــــــــ أم خالد و أخت جاسم و أحمد و ماجد . خالد ــــــــــــــــ 24 سنة خلود ـــــــــ 21 سنة. ****************** عائلة داليا. داليا ــــــــــــ فتاة يتيمة عاشت كل حياتها في دار أيتام ... عمرها 29 سنة مهندسة ديكور رغد ــــــــــ 19 سنة سعود ـــــــــ توأم رغد 19 سنة. { قبل 13 سنة } في غرفتها جالسة تذاكر بكرة عندها اختبار .. لكن كالعادة ازعاجات الأطفال و البنات مو مخليها تركز في شيء قامت تشوف ايش صاير في المكتب , لكن سمعت أصوات بكاء غريب راحت ركض ع مكتب مديرة الدار و شافت طفلين في قمة الجمال يبكون و يقولون نبغى ماما !! نزلت لمستواهم تحضنهم و تهديهم و دققت في ملامحهم شافتهم يتشابهون كثير .....: ايش اسماءهم ؟؟ المديرة : سعود و رغد توأم و أعمارهم 6 سنوات. ..... ايش قصتهم ؟؟ المديرة : وجدوهم بالشارع .... : لا حول ولا قوة إلا بالله .. طيب ما سألتو أحد ؟؟ المديرة : ايش أقولك يا داليا والله مدري .. الشرطة سلمتهم لنا بعد ما قضو أسبوعين عندهم ولا لقو أثر لأحد معارفهم ولا أحد جاء سأل عنهم داليا : وانتي من جدك احد بيسأل عنهم ... اللي يدخل هالمكان ما بيخرج منه المهم أنا باخذهم معاي في غرفتي المديرة : داليا انتي بالمرحلة الثانوية و لازم تنتبهين لدراستك أما هم المربيات موجودات . داليا : أعرف أوفق بين دراستي و بعدين هم كمان بيدخلون المدرسة احنا تونا في بداية السنة يعني ما راح يعطلوني عن شيء. المديرة : بس الولد لا لأنه مصيره حيروح مكان الأولاد . داليا : مستحيل تفرقون بين أخوة ما راح أخليكم المديرة : داليا لا تصيرين عنيدة خلاص انتي تدرين النظام أحسن مني . داليا : اللي عندي قلته و لو سمحتي عطيني فلوس بروح أشتري لهم أغراض. و أخذت داليا الطفلين لغرفتها واهتمت فيهم كأنهم أولادها و حصلت معاها مشاكل وصعوبات بسبب الولد لأنهم يبغون ياخذونه قسم الرجال كما هو النظام. و مرت الأيام والأسابيع و الشهور و السنين و كبرت داليا وكبروا الطفلين معاها. | ||||
|
| |
|
07-11-10, 09:00 PM
| #3 | ||||
|  { بعد 13 سنة } { الجزء الأول } في أحد أحياء جدة الراقية في فيلا متوسطة المساحة رائعة تعيش داليا و رغد و سعود .. وفي ذلك اليوم المشمس راحت رغد و سعود مدارسهم ياخذون شهادتهم بعد ما شافوها ع النت و دق جرس البيت و راحت الشغالة تفتح الباب رغد : سيري وين ماما ؟؟ سيري : فوق رغد تنادي بصوت عالي ماما { طبعاً هي داليا } داليا وهي تنزل من الدرج : خير وايش صاير تصارخين ؟ رغد : ماما نجحت و نسبتي 99 % داليا وهي تحضنها وتبوس جبينها : ألف مبروك حبيبتي عقبال شهادة الدكتوراه رغد : الله يبارك فيك .. ماما سوي لي حفلة زي ما وعدتيني داليا : ان شاءالله حبيبتي انتي وأخوكي مع بعض أسويها لكم رغد : سعود عاده ما رجع ؟؟ داليا : وانتي سامعة حسه ما كملت كلامها إلا وسعود جاي ينط ع حضن أخته و يبوس رأس داليا سعود : ماما وعدتيني تجيبين لي سيارة لو خلصت الثانوية ؟؟ داليا : ان شاءالله .. ويلا كل واحد فيكم يروح يريح شوي عشان ع الظهر عازمتكم على غدا في مطعم تحبونه كتير . رغد و سعود : ان شاءالله. جاء الظهر و صحيت داليا و صلت الظهر و انتظرت سعود ورغد يخلصون عشان يطلعون وما جاء ربع ساعة وإلا هم مخلصين و طالعين يطلعون السيارة و وصلو لمطعهم المفضل أروما كافيه و كالعادة على نفس طاولتهم اللي اعتادو عليها و كل واحد فيهم طلب أكله و خلصو و طلعو و تمشو ع البحر شوي و رجعو البيت. وقت أذان المغرب قام سعود صلى المغرب في المسجد و رجع و لقى داليا ورغد جالسين في الصالة يسولفون مع بعض و جلس وكمل معاهم و فجأة تصرخ رغد رغد : ماااااااااااااماااااااااا داليا : بسم الله خير رغد : ماما وحدة من صحباتي عازمتني على زواج وحدة من قريباتها بروح طيب! داليا : أوك بس لا تصارخين و الساعة 5 تكونين بالبيت و سعود هو بيجيبك سعود : لا ماما .. بروح بسهر مع أصحابي في الشاليه داليا : لا حبيبي حتى انت تكون بالبيت ع الساعة 5 ولو لا زواج ما كان خليت أحد يسهر خارج البيت أكثر من الساعة 2 مفهوم . سعود : ماما والله كبرت متى يعني أسوي اللي أبغاه داليا : ومين قالك ما تسوي اللي تبغاه بس بحدود و أكون أنا ع علم. سعود : زين طيب . رغد : ماما أبغى أروح السوق أشتري اي فستان لبكرة . داليا : أوك بس ما تطولين و انتبهي ع نفسك من عيال الحرام. رغد : لا تخافين أنا تربية داليا داليا : ههههههههههه لا يكثر بس . سعود : و أنا كمان أبغى أطلع مع أصحابي. داليا : بس عشان اجازة بخليكم تطلعون على كيفكم .. ولكن مو كل مرة تقولي أصحابي و أصحابي و أنا مدري أولاد مين أو كيف تربيتهم. سعود : ماما والله أنتي تعرفي كل أصحابي و أنا مستحيل أخرج مع واحد وأنا ما أعرفه. داليا : عفيه عليك .. هذا الكلام الزين. { في السوق } رغد تمشي مع شغالتها لأن داليا مستحيل تخليها تخرج لوحدها , و هي تدور بالمحلات وقفت عند محل فساتين تشوف الألوان .. وهنا وقفو جنبها ثلاث شباب الأول : يا حلو عيونك { رغد ما تغطي وجهها لكن تكشف بدون مكياج ولو حطت غطت وجهها } رغد ساكته وما ردت عليه الثاني : سمعينا صوتك العذب الثالث : { محترم نفسه ومهو حق الغزل } يا شباب عيب ما يجوز اتركوها في حالها. طبعاً طنشوه أصحابه ولا كأنه قال شيء ورغد زي ماهي ساكته ولمن طفشت منهم راحت تغير المكان لكن الشباب وراها ما خلوها في حالها وهنا صبرها نفذ رغد : أقول تعرفون تضفون وجهكم البايخة وإلا اشلون الثاني : أعصابك حبيبي مو زين عليك رغد : والله لو ما احترمتو نفسكم ما يحصل لكم خير الأول والثاني : يعني ايش بتسوين رغد طالعت فيهم باشمئزاز و طلعت تسأل عن مكتب المدير رغد : السلام عليكم المدير : وعليكم السلام .. هلا أختي أي خدمة ؟؟ رغد : لو سمحت ودي أعرف أنتو كيف تسمحون لأشكال ما تستحي بالدخول ومعاكسة البنات المدير : وين هم يا أختي وحقك علينا احنا آسفين وطلعو و نزلو للدور اللي فيه الشباب و رغد أشرت للمدير عليهم وراح لهم وطردهم من المكان. رجعت رغد البيت الساعة 11 و لقت داليا في الصالة تشرب قهوة رغد : سلام داليا : وعليكم السلام هلا بروحي ... ها لقيتي شيء مناسب رغد : ايه الحمدالله بعد ما فرفرت المول كله ... ماما تدرين اليوم مجموعة شباب كانو يعاكسوني داليا فز قلبها خوفاً ع رغد : عسى ما أذوك يا بنتي ترى الأولاد هذول ما منهم أمان رغد : لا تخافين علي كم مرة أقولك أنا تربية داليا اللي راح تكسر رؤوس اللي يحاول يأذيها داليا : هههههههههههه طيب يا تربية داليا مع هذا انتبهي ع نفسك. استأذنت داليا من رغد عشان تطلع تنام و لقت في وجهها سعود سعود : آسف تأخرت والله ما حسيت بالوقت داليا : آخر مرة أشوفك تدخل البيت زي هذا الوقت إلا وأنت معطيني خبر فاهم سعود : ان شاءالله. داليا : يلا تصبحون ع خير رغد وسعود : وانتي من أهله دخلت داليا غرفتها ولذكرياتها المليئة بالأحزان ولا علمت أحد بأحزانها و همومها فكرت داليا بالسنين اللي راحت و بالخسارة اللي خسرتها و دمعت دموع القهر إلى أن غفت ونامت و راح أسرارها مع أحلامها و نومها . ***************************************** استيقظت داليا على صباح جدة المشمسة ع الساعة التاسعة و دخلت الحمام { وانتو بكرامه } و أخذت شور ولبست و راحت على شغلها . و أول ما دخلت مكتبها لقت ظرف مكتوب عليه { عاجل } فتحت الظرف ولقت مشروع تنسيق بيت أحد التجار الكبار في البلد ولقت اسمه و رقمه , و اتصلت ع الرقم داليا : السلام عليكم ....: وعليكم السلام من معي ؟ داليا : معك داليا مهندسة ديكور ولقيت ظرف ع مكتبي باسم السيد أحمد .....: هلا بك ايه نعم هذا الوالد و أنا ابنه فيصل لكن في الحقيقة أنا توقعت رجل. داليا : والله احنا عندنا قسم رجال لكن أنا لقيت الظرف باسمي و عاجل كمان فمعرف اذا انتو اللي فاهمنين غلط أو اللي عندي فيصل : ع العموم يا أختي مو مشكلة وأنا أشوف الوالد وأرد لك خبر داليا: يصير خير مع السلامة وقفلت الخط بدون ما تسمع الرد منه و دخلت عليها هدى موظفة معاها في نفس القسم ولكن ليست بشهرة داليا اللي الكل يطالبها هدى : سلام يا قمر داليا : هلا وعليكم هدى : وايش الأخبار عندك ؟ داليا : شوفة عينك الشغل فوق راسي هدى : الله يعينك داليا : جميعاً ... ها ما عندك شيء اليوم ؟ هدى : لا والله ماخذه اجازة داليا : عبط ولا فيك شيء هدى : هههههههه لا مو عبط و كمان مافيني شيء .. بس وحدة من صديقاتي كانت حامل و سقطت والحين بروح اجلس معاها كم يوم كذا لأنه نفسيتها ما يطمن. داليا : ربك يعوضها بخير ان شاءالله. هدى : ان شاءالله .. ايه تذكرت سمعت أنه جاك طلبية خاصه صح ؟ داليا : اممممممم مدري ... عندي طلبية بس أتوقع انهم غلطانين بالإرسال لأني اتصلت وقال كان يتوقع رجل مو بنت هدى : أشوف الظرف و أعطتها داليا الظرف و فتحته و شافت الإسم هدى : مو قلت لك .. هذا يا ست الكل معروف بالبلد هو و أخوانه الثلاث عندهم أكبر الشركات والمؤسسات و هذا يا روحي يصير والد البنت اللي قبل شوي أكلمك عنها أنها سقطت. داليا : أهااا و هنا دق جوال ولقت رقم غريب و هي تفتح الخط هدى تأشر لها أنها خارجه من المكتب داليا : مرحباً نعم المتصل : الأخت داليا داليا : ايه نعم المتصل : أنا اللي قبل شوي كلمتيه وأنا كلمت الولد وقال لي أنه فعلا إمرأة اللي طلبها و حاب أقولك ياليت تجين البيت اليوم تشوفينه وأنا ان شاءالله أكون متواجد. داليا : ان شاءالله أخوي راح أكون عندك بعد ساعة بالكتير فيصل : أجل خذي العنوان داليا : ما يحتاج أنا بجي مع وحدة تدل البيت مع السلامة فيصل : الله معك . راحت داليا لمكتب هدى و شافت الموظفات مجتمعين عندها يسلمون عليها داليا : هدهود متى تروحين لعند صديقتك هدى : الحين أسلم ع الجماعة و انتظر السواق وأروح داليا : أجل بروح معك مرة وحدة بس بسواقي وقولي لسواقك لا يجي هدى : ليش ايش عندك هناك ؟ داليا : أبد يبغوني أشوف البيت اليوم هدى : أهاا أجل يلا مشينا داليا : يلا و طلعو مع لعض و راحو ع بيت أبو فيصل و أول ما دخلت السيارة لقت قصر مو بيت و أبد ما توقعت انه كبير مرة , ونزلت من السيارة و فيصل كانت ينتظرها كما هو متوقع و سلم عليها و جلس يوريها البيت غرفة غرفة و صالة صالة و يشرح لها ايش المطلوب بالضبط و هنا دق جوال داليا و طالعت بالإسم لقت سعود داليا : هلا حبيبي بغيت شيء سعود : ماما محتاج فلوس عشان سهرة اليوم داليا : ايه بس ما تروح إلا بعد ما تودي أختك و كلكم مايجي 5 إلا وانتو بالبيت مفهوم سعود : ماما حرام عليك خليها إلين الساعة 8 داليا : ما عندي أحد يجلس إلين الصبح خارج البيت و لو مش اختك عندها فرح كان خليتك ترجع 2 سعود : ماما الله يوفقك بس اليوم داليا : اسمعني يا سعود أنا ما أقدر أخلي أختك ترجع لي ع الفجرية لوحدها مع السواق طبعاً فيصل من أول واقف يتسمع عليها و مذهول و يكلم نفسه { ما شاءالله مو باين عليها انها متزوجة وعندها عيال و جمالها أخاذ ما شاءالله عليها } طبعاً داليا ما تغطي وجهها. سعود : طيب خلاص داليا : يلا خلني أشوف شغلي والتفتت لفيصل اللي من أول جالس يطالع فيها داليا : آسفة طولت .. يلا نكمل فيصل : أوك نص ساعة جلس يوريها البيت كله وهي طالة جاتها هدى هدى : اجلسي شوي معانا داليا و هي مستغربة : أشوف البيت بيتك هدى : ههههههههههه أقول بلا فلسفة اجلسي .. ايش قلتي ؟ داليا : والله وقتي اليوم محسوب علي بالدقيقة ولازم أرجع الشركة و أكمل شغلي و أشوف الأشقياء اللي عندي هدى : هههههههههههه ربي يحفظهم ويخليهم لك داليا : آمين يا رب. و نزلت داليا من البيت وركبت سيارتها راجعة للشركة وخلصت كل أشغالها ورجعت ع بيتها. التعديل الأخير تم بواسطة جرح الذات ; 07-11-10 الساعة 10:17 PM | ||||
|
| |
|
07-11-10, 09:02 PM
| #4 | ||||
| { في حفلة الزواج } دخلت رغد القاعة بفستانها العنابي القصير وكانت في قمة أناقتها و دخلت داليا بعدها بفستانها الأزرق البحري الطويل { اضطرت تجي مع رغد لأن سعود عيا يوديها و يجيبها } دخلو أمام دهشة الحاضرين مذهولين من جمالهم الهادئ و أناقتهم الرائعة و أعين الناس معاهم وين ما راحو و سؤالهم اللي مالقو من أحد اجابة{ بنات مين يكونون } راحت رغد لصديقتها رشا اللي تكون صديقة شيماء , و جلست داليا في طاولة فاضية و فجأة لقت زميلتها بالعمل هدى هنا هدى : هلا والله تعرفي أهل العروس ولا أهل العريس داليا : ههههه لا هذا و لا هذاك صديقة رغد عزمتها وجيت معاها هدى : أهاا طيب يا ستي تعالي بعرفك ع صديقتي داليا : أوك و راحو ومشو عند طاولة فيها 4 بنات و بنتين صغار هدى : سلام يا حلوات الكل : وعليكم يا شينة هدى : هههههه عاد من زينكم المهم جبت لكم وحدة تجنن إلا قمر والله والتفتت لداليا وهي مبتسمة آخر ابتسامة { هذي داليا صديقتي و زميلتي بالعمل .. يعني مهندسة ديكور } الكل : هلا فيك تفضلي اجلسي داليا : يزيد فضلكم مشكورين هدى : دولا هذي فرح صديقتي داليا : هلا فيك تشرفت بمعرفتك فرح : و أنا أكثر .. و هذول بنات أعمامي .. هذي تهاني و هذي غيداء أختي و هذي شيماء و هذي ميس أخت تهاني و هذي بنتي الأمورة ملاك و طبعاً العروس خلود بنت عمتنا. داليا : تشرفنا و ألف مبروك لبنت عمتكم. فرح : ربي يبارك فيك . هدى : فروحة تدرين مين اللي راح يسوي بيتكم فرح : أكيييد مش انتي الكل : هههههههههههههه هدى : مالت عليكم وع وجوهكم .. أنا اللي غلطانه أتكلم مع ناس ما عندهم ذوق فرح : عاد انتي اللي عندك الذوق .. يلا خلصينا مين اللي حيسوي بيتنا ؟ هدى : مني قايلة فرح : بلا بياخة يلا قولي هدى وهي تطالع بداليا : صديقتي داليا فرح : من جد والله داليا : ايه فرح : أجل بقولك ايش تسوين لجناحي .. يا ستي أبغاك تسوينه كله بحار وأسماك. غيداء : أقول روحي بيت زوجك أبرك لك وسيبي الجناح لأصحاب البيت فرح : يا سلام يعني أنا مو من أصحاب البيت و في هذي اللحظة جات رغد و اعجبو بجمالها و استغربو من الموقف اللي جالس يصير قدامهم رغد : ماما صديقتي تبغاني انا عندها اليوم داليا : لا .. وحده ما أعرفها ولا أعرف عنها شيء مستحيل ولا تناقشيني بالموضوع رغد : بس ماما .... داليا : اللي عندي قلته طبعاً هما مستغربين انها تقول لداليا ماما واللي ما يبان عليها إنها متزوجة أو عندها عيال و جات عمة البنات واللي تكون أم العروس ولمن شفات رغد شهقت و قالت لطيفة الكل : بسم الله عليك وايش فيك يا عمة ومين لطيفة التفتت سهام ع رغد : انتي رغد صح رغد باستغراب : ايه سهام : وين أخوك سعود رغد : انتي مين ؟؟ سهام : أنا عمتك أخت أبوك و صديقة أمك حضنت رغد داليا وتقولها ماما ما عندها أحد صح و هي ترفع راسها تشوف داليا اللي مستغربة من سهام عمة البنات داليا : صح حبيبتي والحين امسحي دموعك الغالية و روحي كملي سهرتك مع صحباتك رغد : ان شاءالله و راحت رغد لصحباتها والتفتت داليا لسهام داليا : ايش سالفتك ؟ سهام : انتي اللي ايش سالفتك وعيال أخوي ايش يسون عندك ؟ داليا : الحين صارو عيال أخوك ع العموم أنا مالك خص فيني و لازم أعرف ايش سالفتك أو تتركينا في حالنا سهام : طيب اسمعيني .. قبل 13 سنة ضاعو الولدين في حادث سيارة و أمهم ماتت وجدهم و مالقينا شيء عن العيال و بسبب أهلنا ما قدرنا نقدم بلاغ عنهم وعن اختفائهم داليا : والسبب ؟؟ سهام : لأن أهلنا منعونا داليا : ليش ؟ سهام : لأنهم .... لأنهم عيال بنت الحارس اللي عندنا داليا : وكيف تقولين انهم عيال أخوك سهام : أخوي تزوجها غصباً عن ابوي و خلفو توأم ولد وبنت و هذاك اليوم اللي راحو السوق مع جدهم ابو امهم و امهم سو حادث ومات الجد وامهم و الأولاد مالقينا وما قدرنا ندور كتير عليهم لأنه ابوي قال اللي يدور عليهم يتبرأ منه داليا : و انا ايش اللي يخليني أصدقك سهام : أول شيء يشبهون كتير أمهم و أبوهم و ثانياً نقدر نسوي تحليل dna عشان تتأكدين داليا : ايه في تعليقة ولكن مع ذلك لازم أتأكد منكم سهام : والله عيال أخوي حرام عليك أمنيته الوحيدة انه يشوفهم داليا : بعد 13 سنة سهام : ظروف حدنا .. الله يخليك خلي أخوي يرتاح و يشوفهم داليا : يصير خير سهام : أعطيني رقمك و هذا رقمي داليا : أوك و على نهاية السهرة راحو كل ع بيته رغد : ماما مين هذي داليا : خليها لمن أصحى من نومي الحين تعبانه مرة رغد : أوك تصبحين ع خير يا احلى أم داليا و هي تبتسم : وانتي من أهله يا أروع بنت دخلت داليا غرفتها و ألف فكرة يوديها ويجيبها مهي مصدقة من اللي صار في الزواج و أخذت شور و غيرت ملابسها وهي ما زالت تفكر بالموضوع و تكلم نفسها { كيف أتأكد منهم انهم صادقين وكيف أكلم الأولاد و كيف راح يعيشون يارب تعبت ايش أسوي دلني للطريق الصح } غفت داليا و نامت . { بيت أبو سعود } سهام : أبو سعود أبغاك في موضوع أم تركي : وانتي ما عندك ذووق تونا جايين من الزواج وانتي تبدأين بمواضيعك اللي ما تخلص سهام : هذا أخوي و لو هو متضايق راح يقولي وانتي لا تتدخلي بيننا أبو سعود : خلاص انتي وياها { ويلتفت لسهام } وانتي الموضوع ما يتأجل لبكرة ؟ سهام : لو يتأجل ما كان تركت زوجي و عيالي وجيتك أبو سعود : طيب يلا ندخل مكتبي و دخلو المكتب و طلب أبو سعود من الشغالة كاستين عصير سهام : طيب جاسم .. انت ايش نفسك من الحياة أبو سعود : بالله الحين هذا موضوعك سهام : قول وانت ساكت أبو سعود : وهذا يبغاله كلام .. أكيد شوفة سعود ورغد و أطمن عليهم سهام : ولو قلت لك إنك راح تشوفهم قريب وراح تتطمن عليهم كمان جاسم فتح عيونه و يطالع فيها : مو وقت مسخرتك يا سهام سهام : والله ما أتمسخر عليك .. اسمع .. اليوم شفت رغد نسخة من أمها لكن أنفها منك كانت موجوده اليوم بالزواج ماشاءالله عليها حلوة كتير . أبو سعود : تتكلمين من جد انتي يا سهام واللي يعافيك لا تلعبين بأعصابي سهام : صدقني ما ألعب بأعصابك بس قول ان شاءالله توافق اللي كانت معاها. أبو سعود : ومن كانت ؟ سهام : مدري بس رغد كانت تقول لها ماما أبو سعود : كيف و أمها ماتت ... طيب ما قالت شيء عنها سهام : لا ما رضت تتكلم تقول لازم تتأكد من قصتنا وانهم أولادنا أبو سعود : بسيطة راح نسوي تحليل واخذهم غصباً عنها سهام : لا تخاف راح ناخذهم بس بهداوة لأنها باين انها هي اللي ربتهم . أبو سعود : بعطيها أتعابها حق السنين اللي راحت سهام : إذا على كذا أكييد راح توافق أبو سعود : في هذا الزمن كل شيء يمشيه الفلوس سهام : صدقت والله ... يلا عن اذنك بروح زوجي مستنيني أبو سعود : أوك .. الله يريح بالك زي ما ريحتيني { بيت داليا } صحيت داليا ع الظهر و تغدت و جلست في الصالة رغد وهي نازلة : صباح الخير يا أغلى من الروح { و تطبع بوسة ع خدها } داليا وهي تبتسم لها : قصدك مساء الخيرات يا روحي انتي رغد : ماما يلا الله يوفقك قولي مين هذيك اللي في الزواج داليا : أول شيء يا روحي قولي لي انتي ايش متذكرة من طفولتك ؟ رغد : مو كتير بس اللي أتذكره أمي كانت تبكي كتير داليا : طيب ما ودك تعرفين من أهلك وتشوفينهم رغد وهي تفكر : اممممممم إلا نفسي داليا : يعني الحين لو لقينا أهلك تروحين لهم رغد : دامك معاي ع طول ايه بروح أشوفهم وارجع جاء سعود وانضم في سوالفهم داليا : سعود ودك تشوف أهلك سعود باستغراب : وايش اللي فتح الموضوع الحين داليا : جاوب ع سؤالي سعود : أشوفهم مو أعيش معاهم داليا : ليش مو أهلك سعود : أي أهل .. كله اللي أتذكره مشاكل في حياتهم داليا : وانت تتذكر شيء من طفولتك سعود : ايه وأتذكر أنه أبوي ما عنده شخصية داليا وهي ترفع حاجبها : ما عنده شخصية كيف ؟ سعود : كان يسمع كلام جدي وجدتي و أمي كانت تتعذب منهم هذا اللي أذكره داليا : أوك حنروح بيت أهلك اليوم و حتسلمو عليهم و تشوفونه سعود : خلي رغد أنا مني رايح داليا : لا حبيبي أنا ما ربيتكم ع العصيان مهما كان هذول أهلك سعود : وين كانو أول طيب داليا : ما بنعرف بظروفهم اللي خلاهم ما يدورون عليكم سعود : ماما لا تجبريني داليا : لا .. راح أجبرك لأنه بالأول والأخير هم أهلك و لو راحو المحكمة وطالبو فيكم حتروحون مني وأنا هذا ما أبغاه فاهمني سعود : طيب ان شاءالله بس ما نطول عندهم. انتظروني بالجزء الثاني . | ||||
|
| |
|
07-11-10, 11:07 PM
| #5 | ||||||||||||||
| مراقبة ومشرفة سابقة ونجم روايتي  
| اهلا فيك خاطره مكسوره بينا في عائلة روايتي وان شاء الله تلاقي كل ما تستحقه الروايه اعتقد ان المشاكل الحين راح تصير بين داليا وابو سعود ومن خلال هذي المشاكل راح تتعرف اكثر على فيصل اعتقد انو راح يحبها حبيبتي منتظرينك يالغلا لا تتأخرين | ||||||||||||||
|
| |
|
09-11-10, 06:55 PM
| #7 | ||||
| { الجزء الثاني } { بيت أبو سعود } كان البيت في فوضى من صراخ أبو سعود و منع الجميع من الخروج و عزم كل العائلة لبيته من أخوانه وأولادهم و أخته و أولادها , و هو يوصي زوجته أم تركي ع ترتيب البيت و المطبخ و العشاء من جميع أصنافه , و جاء المغرب وكل مخلص شغله و جالسين في الصالة الكبيرة الذي جعلها للإستقبال , الحريم بعباياتهم ما عادا البنات لأنهم ما يغطون عن أولاد أعمامهم دخلت عليهم الشغالة وتقولهم أنهم وصلو . دخل سعود و سلم ع الجميع و رفع صوته يقول لداليا و أخته بأنهم ما يشيلون الطرح لأنه في رجال , و دخلت رغد و معها داليا داليا و رغد : السلام عليكم الكل : وعليكم السلام و سلمو ع البنات والحريم بمصافحة اليد و جلسو جميعهم جنب بعض رغد : ماما شوفي هذيك كيف تطالع فينا كأننا قتلنا أحد من عائلتها داليا : اخسريكي منها و لا تعطيها اي اهتمام رغد : ان شاءالله سعود : أمووووت وأعرف كل ما تجلسو جنب بعض ع ايش تتساسرون رغد : اللي يحشر نفسه بين البصلة وقشرتها يشم ريحتها سعود : ههههههههههههههه أوريك بس نوصل ع البيت داليا : بس انت وياها شوفهم كيف يطالعون فينا رغد و سعود : طيب جاء أبو سعود و جلس ع كنب قريب من سعود أبو سعود : يا أخت داليا أول شيء حاب أتشكرك ع اللي سويتيه مع أولادي { و مد لها شيك ب 50000 ريال } وهذا حق أتعابك للسنين اللي راحت و داليا وهي تغلي من الداخل اكتفت بالنظرة اللي تعودوا عليها سعود ورغد وقت ما أحد يهينها وهنا حست رغد انه ممكن يصير مشكلة كبيرة لأنها تعرف داليا أبد ما ترضى أحد يهينها أما أبوها اللي ما تعرف اي شيء عنه كله اللي تتذكره اللي يبغاه ياخذه ولو بالقوة أبو سعود : ما يكفي المبلغ !! أوك بزيد لك عليه أو أعطيك الشيك وانتي حطي المبلغ اللي تبغينه داليا و ببرود : لو احد جاك وقالك بعطيك شيك بمبلغ 50000 ريال مقابل تركي وتهاني ايش حيكون موقف ؟ أبو سعود : عيالي ما يتساون مع فلوس العالم كله أولادي هم أكبر كنز لي داليا : اجل اتفقنا أبو سعود : عفواً بس ما فهمت عليك ؟ داليا : يعني أولادي ما يتساون مع فلوس العالم كله لأنهم أكبر كنز لي أبو سعود و يصارخ : كمان ما فهمت عليك .. انتي ايش تبغين بالضبط ؟ داليا : ما أبغى شيء و أولادي ما حد راح ياخذهم بالفلوس أبو سعود : هم مو عيالك .. عيالي أنا .. أنا اللي جبتهم داليا : و أنا اللي ربيتهم أبو سعود عصب و جالس يشتم و يتوعد لها أنه ياخذهم غصباً عنهم سعود : صوتك ما يرفع عليها و لا تشتمها و صدقني ما حد يقدر ياخذنا غصباً عنا أبو سعود : يا ابني أنا أبوك رغد وهي تبكي : وين كنت لمن كنا نحتاجك ؟ وين كنت قبل 13 سنة أبو سعود : ظروف وأنا أبوك سعود : أبد ما شفت ظروف يخلي الواحد عياله في الشارع رغد : حياة مافيها أمي داليا ما راح اعيشها افهم هالشيء داليا : أنا تفاجأت من أسلوبك صراحة وخاصة لمن عطيتني الشيك لكن أبغاك تعرف حاجة وحدة .. أنا ما ربيت رغد و سعود ع حب الفلوس وأنه كل شيء يحصلونه بالفلوس و اللي أبغاه منك تحافظ لي ع نفس النمط اللي عودتهم عليه أبو سعود : اللي تبغينه يصير بس يكونون معاي ع الأقل هذا الأسبوع داليا و هي تطلع في رغد و سعود : ما يخالف يجلسون معك هذا الأسبوع سعود : لا .. أنا ما راح أجلس رغد : وأنا كمان إلا لو كنتي معانا داليا : أنا عندي شغل كتير لازم أروح رغد وسعود : واحنا كمان أبو سعود : روحي ع شغلك من هنا ما فيها شيء رغد : ايه الله يخليك وافقي داليا باستسلام : أمري لله وايش أسوي بعد لو رغد وقفت لي رغد وهي تطبع بوسه ع خدها : فديتك يا أحلى أم داليا وهي تبتسم : يلا روحي كلامك العسل هذا ما يطلع الا لمن تبغين الشيء سعود : توك تكتشفينها رغد وهي تطلع لسانها : مو شغلك | ||||
|
| |
|
09-11-10, 06:56 PM
| #8 | ||||
| جاء وقت تقديم العشا و طلعو كلهم للحوش لأن العشا هناك و أخذو البنات مكان لوحدهم و الشباب لوحدهم و الشيبان نفس الشيء مع حريمهم و فرح أخذت ع داليا بسرعة و كل الوقت معاها و هنا سعود كان يكلم جوال و بدون ما يلتفت ع وراه خبط بنت و هي صرخت وهو بدوره صرخ قدام الكل و جاء عند اخته و داليا سعود وهو يطالع في داليا : لا تضحكو داليا وهي ماسكة ضحكتها : لا رغد : كأنه طلع من بيت رعب داليا : هههههههههههههههههه سعود : أوريكم قامت داليا تجري من سعود و هو يجري وراها لمن وصلت عند رغد تخبت وراها سعود : رغد ابعدي أحسن لك وإلا اللي يصير لها بيصير لك رغد : أتحداك سعود : لا تتحديني أحسن لك رغد : يلا وريني التفت سعود حوالينه يدور ع أي شيء إلين شاف المسبح و شال أخته و يجري بها و رماها رغد : والله إنك معفن ما تستحي ... ماما مالي تاخذي لي حقي منه سعود : يا سلام الحين صار ماما وانتي من اول تتحديني { ويلتفت لداليا } ماما ... وقبل ما يكمل كلامه رمته داليا ع المسبح رغد : ههههههههههههه تستاهل سعود : ماما شكلك تبغين تصيرين وحدة مننا صح داليا : ما تلوم إلا نفسك وقتها رغد : هههههههههههه عاشت ماما راحت داليا لفرح وتقولها تبغى مناشف عشان تطلعهم و جابت لها مناشف , وطلعتهم داليا من المسبح و دخلهم أبو سعود جناحهم و اتصلت داليا ع شغالتها تحط لها كم غيار لها وللعيال و بعد ساعة وصلهم أغراضهم و لبسو و نزلو لتحت و لقو الكل جالسين في الصالة يلعبون اونو طلال : سعود تعال انضم معانا سعود : ان شاءالله غيداء : رغد تعالي نتكلم بدل الأونو هذا طفشونا منه رغد : طيب غيداء : أشوف أخوك عادي يعطيك وجه رغد : ههههههههه ليش غيداء : احنا فين وفين تلقين احد يضحك ويمزح معانا رغد : اها هذا يرجع ع حسب تعودكم من صغركم غيداء : مو شرط رغد : إلا شرط .. احنا داليا عودتنا نمزح ونضحك مع بعض مافي يوم خلتنا ننام واحنا شايلين ع بعض .. اللي يزعل الثاني لازم يعتذر غيداء : يا حظكم شيماء : ع ايش تتكلمون رغد : حياك تعالي عادي كلام عادي مرة غيداء : أقولها احنا ما تعودنا نمزح ونضحك كتير مع أخواننا ولو ضحكنا مو زيهم اللي شفناه اليوم شيماء : صادقة والله .. احنا ماحد معطينا وجه رغد : ههههههههههه خلاص خذو سعود تهاني : الحين انتي أختي الكبيرة يعني رغد : يقولون كذا مدري عنك تهاني : بس مو تتأمرين علي رغد : والله أنا ما جيت عشان أتأمر عليك ولا ع غيرك تهاني : أحسب .. وبعدين اللي تشوفينه ما حد يعرف عنه فاهمة رغد : أقولك انتي ليش تتكلمين معاي كذا .. ترى أعرف أتكلم نفس أسلوبك بس ما تربيت عليه تهاني : ايش قصدك ؟ رغد : أبد سلامتك دخلت داليا ومعاها ملاك بنت فرح داليا : السلام عليكم نقزت رغد عندها تاخذ منها ملاك رغد : ماما بنت مين داليا : فرح رغد : تجنن والله بالذات خدودها ممكن أعضها داليا : أقول اتركي البنت تراك تسوينها انتي رغد : ههههههههههه أجل بعضك داليا : عطيتك وجه زيادة روحي مناك سعود : ككككككك تستاهلي رغد : خلك في لعبك بس سعود : وأنا كلمتك رغد : لا قريني سعود : أحسب رغد : ماما داليا : ايش فيه كمان الحين جلست داليا وتلعب و دخلت فرح بجوال داليا فرح : داليا جوالك في واحد دق عليك كتير لمن انزعجت منه رديت والحين الخط مرفوع خذي كلمي داليا : أوك تسلمي ... ألو المتصل : هلا وغلا ما بغيتي تردين علينا داليا انفجعت من المتصل و سكتت و تطالع في سعود ورغد المتصل : ليش ما تتكلمين ردي قولي شيء داليا : ما عندي شيء أقوله مع السلامة وقفلت الخط و الجوال كله و رمته و هنا سعود عرف المتصل و جات رغد تحضنها داليا : بطلع بنام وراي دوام بكرة انتو اجلسو اسهروا شوي رغد : أطلع معاك داليا : لا سعود : طيب تصبحي ع خير داليا : وانتي من أهله رغد وهي تبوسها : أحلاما سعيدة داليا : ان شاءالله داليا وهي بتخرج كلمتها فرح فرح : لا يكون غلطت لمن رديت داليا : لا عادي ولا يهمك فرح : أكييد داليا : ايه أكيد ملاك وهي تمسك يد داليا : بنام معاك فرح : شوفو البنت نست أمها بسرعة داليا : هههههههههه لا ما نستك بس خليها تنام معاي اليوم فرح : تراها بنتي واعرفها والله بتعبك داليا : متعودة لا تخافين فرح : أنا كلمتك مالي دخل . و طلعت داليا لغرفتها و حطت راسها تنام لكن ذكرياتها أبد ما تفارقها و تكلم نفسها { أنا لازم أنسى .. لازم أنساه ماله أهمية في حياتي .. الماضي شيء وراح } و نامت مع ملاك | ||||
|
| |
|
09-11-10, 06:56 PM
| #9 | ||||
| صحيت رغد في الصباح ولقت أبوها و عمها أبو فيصل وفيصل يفطرون و راحت تجلس معاهم تفطر و جاء بعدها سعود و جلس جنب أخته أبو سعود : هلا والله بحبايبي ايش مصحيكم بدري سعود : وفي غيرها الست رغد أبو فيصل : ليش وايش عندك يا رغد رغد : بروح أشوف ماما ايش سوت في حفلتي سعود : حفلتنا .. ترى مو حفلتك لوحدك رغد : روح بس كفاية السيارة اللي بتاخذها أبو سعود : ليش لحد الحين ما عندك سيارة سعود : سيارة خاصة فيني لا لأنها ماما قالت أخلص من الثانوية وتجيب لي أبو سعود : أجل اليوم تروح معاي وتختار لك سيارة سعود : ما يحتاج ماما طلبت لي من الخارج و خلال اليومين هذي بيجي أبو سعود : يا ابني أنا نفسي أعطيك شيء .. أنا ما عطيتكم شيء رغد : لأننا مو محتاجين سعود : لو احتجنا شيء بنطلبه منك لا تخاف أبو سعود : وعد رغد و سعود : ان شاءالله سعود : يلا خلصي عشان نمشي رغد : طيب بس اسألها هي وين أول شيء فيصل : في بيتنا تعالو معاي سعود : وايش تسوي في بيتك فيصل : لا بس تسوي لنا الديكور سعود : أهااا رغد : أجل يلا مشينا و راحت رغد مع أخوها في سيارة و فيصل بسيارته و بعد نص ساعة وصلو للبيت و دخلو على داليا ولقوها تشرح للعمال كيف ينقلو و يحطو الأشياء رغد و سعود : بووووووووووه داليا : هههههههههه مالت عليكم رغد : كيفك يا أحلى وحدة في العالم سعود : ماما ترى وراها شيء داليا : هههههههه تعلمني ع بنتي رغد : أوف ما علي منكم .. المهم ماما أشوفك ما سويتي شيء بخصوص حفلتي داليا : ومين قالك .. هذي حفلة ولدي وبنتي يعني معقولة اطنشها رغد : فديتك والله .. الله لا يحرمنا منك سعود : آمين داليا : ولا منكم يا نظر عيني رغد : متى بتخليها داليا : يوم الجمعة .. أنا اليوم برجع البيت و انتو خليكم عند أبوكم عشان أخلص شغلي سعود : بروح معاك داليا : الا لو تبغاني أزعل منك .. تعرفو ع أولاد عمكم واجلسو مع أخوانكم وافهموهم صح رغد : تهاني ما تحبنا داليا : كيف ما تحبك وهذي أختك مهما قالت لك لا تزعلين منها و دلع بزران ما ابغاه والحين يلا روحو خلوني اكمل شغلي رغد : محتاجة فلوس داليا : أنا اليوم حطيت في حسابكم مبلغ ولا تصرفوه ع شيء ما يستاهل سعود : قولي لبنتك رغد : يعني انت اللي تصرفه ع شيء يستاهل كله لأصحابك سعود : مو شغلك رغد : ولا شغلك داليا : خلاص انت وياها يلا فارقوني سعود و رغد : يلا مع السلامة داليا : انتبهو ع نفسكم سعود ورغد : ان شاءالله ********************** فيصل : أولاد عمي يحترمونك كتير داليا : أكييد مش أمهم فيصل : لا .. أمهم ميته الله يرحمها داليا : الله يرحمها .. بس هي جابتهم وانا ربيتهم فلازم يحترموني فيصل : عندي لك عرض داليا : عرض شو فيصل : زواج داليا : زواج !! كيف يعني ؟ فيصل : تتزوجيني داليا وهي تكح : عفواً بس العرض أبد مش مغري فيصل : اسمعيني الوالد أول ما شافك وهو جالس يلمح لي فعشان كذا جيت أكلمك وبشروط أنا أحطها وانتي ماعليك غير إنك تمشين عليه داليا ترفع حاجبها : زواج وبشروطك .. انت ايش مفكرني ؟ فيصل : الزواج هذا بينفعك انتي أكثر من انه ينفعني فأحسن شيء توافقي علي داليا : مستحيل فيصل : لمصلحة رغد وسعود وافقي إلا راح تفقدينهم داليا و هي تفكر : انت ايش تقصدين فيصل : عمي مو سهل اليوم أو بكرة بيطالب بأولاده سواء برضاهم أو بالمحكمة وانتي في النهاية اللي راح تخسري لأنك ما تصيرين لهم شيء سوى انك ربيتيهم داليا : وهذا ما يكفي برأيك فيصل : بالنسبة لك و لي ع ما أعتقد ولكن بنظر المحكمة هم أولاد جاسم داليا : وايش هي شروطك طيب فيصل : أبوي يهمه الولد و بعد ما أجيب له الولد نقدر ننفصل لو تحبين داليا : اذا عن الولد تقدر تاخذ أي وحدة مو شرط أنا فيصل : أمي تبغاني أخذ بنت أخوها وأنا ما أبغاها داليا : وليش ؟ فيصل : هذا الشيء يخصني داليا : لا تنسى إنك راح تكون زوجي يعني كل شيء يخصني ولازم اعرف فيصل : حياتي كلها راح تعرفين عنه لكن سبب رفضي لبنت خالي هذا ما أقدر أقوله داليا : يعني ؟ فيصل : الماضي ما راح نفتحه .. لا ماضيك ولا ماضيي .. متفقين كذا داليا بعد تفكير : أوك عطني فرصة أفكر بالموضوع فيصل : خذي وقتك بس ياليت ع الأسبوع الجاي يكون عندي الخبر . داليا : يصير خير ان شاءالله انتظروني في الجزء الثالث. | ||||
|
| |
|
10-11-10, 03:56 AM
| #10 | ||||||||
| نجم روايتي وفراشة متألقة في عالم الأناقة والأزياء ومراسلة أخبار فنية ومشارك مميز وفعال بالقسم الطبي و عضوة مميزة في القسم التركي 
| شكلها رواية رائعة بجد شكرا لتعبك وبعد الشر على كسر خاطرك | ||||||||
|
| |
|
| أدوات الموضوع | |
| انواع عرض الموضوع | |
|
|
.png)
العرض العادي
