صبراً يا غازية (3) *مميزة و مكتملة* .. سلسلة إلياذة العاشقين

[فريدتى]

طبعا فى البداية انا باعتذر عن التأخير لكن الثانوية العامة كملت على اللى باقى من عقلى اللى طار نصه بسبب الروايات فمبقتش مركزة (ماتزعليش وعلى فكرة اى تقصير منى فى المرحلة الجاية فده علشان انا على ابواب الامتحانات فاعذرينى بقى ماشى ) نيجى بقى للرايق ابن اخو الرايق يالهوى على المزاج والغموض والتأنى المدروس والسحر اللى بيشعوا من كل حاجة فيه طبعا المقدمة كلها العاب نارية ومولعة وولعت فى قلبى اصلا وحاسة ان قلبى فعلا طاير فى الهوا والابتسامات الهبلة اللى قالوا عنها الاعضاء وصلتنى وروحت فى عالم تانى مافيهوش غير صفية وماهر بالنسبة للانسة صفية فطبعا هى باين انها بتكابر وانها اصلا مهتمة بيه جدا وانه هو خلاص تسلل لمسام جلدها لكنها طبعا رافضة الاعتراف وانا مش بالومها خالص بالعكس انا معاها وخصوصوا ان عشق واحد زى ماهر ده حيبقى مشكلة وكمان لانها اتعودت تسيطر على حياتها فمش بسهولة حتقبل انها تسلم حياتها ونفسها لاى حد وخاصة ماهر لانها حاسة انها مهتمة بيه وكمان هى اتربت انها تكون فى مركز القيادة وماهر كمان فصعب ان واحد فيهم يتخلى عن القيادة دى للتانى بجد يا كارى المقدمة دى روعة اوى اوى وخصوصا ان انا كنت مستنية بقية رواية ماهر وطبعا مش محتاجة اقولك ان الاسم جذب انتباهى وعجبنى بدرجة مش معقولة ولى رجاء اخير ماتاخريش نزول الفصل بلييييييييييييييييييييييي ييييييييييييييييز

[cherry 86]

صباح الخير كارى
بعرف اننا بليل لكن شو بسوى ميؤس منى فى ضبط نومى اللى عنده حل يحكيلى لانى متل الخفافيش
مقدمه رائعه كارى كل حدا منهم يحلل شخصيه التانى وكإنه هو اللى فاهمه وهو اللى ماسك الخيوط معه بينتهم تحدى صامت من اللى بده يتنازل الاول ويعترف لحاله قبل التانى
صفيه اخذه تحلل شخصيات الغازى ووصلت ان ماهر متل عمه اسر واللى مابتعرفه انه قرر يتسلل إلها بنفس طريقه عمه لناديه
وينه نزار لانها حكتله انه بينكتب كتابها بعد اسبوع وعدى اسابيع فشو صار
ماهر بيكون بحبها ولا المرفوض مرغوب ولمجرد إخضاعها ياترى هو صريح مع حاله فى شو بده منها وهى شو بالنسبه إله
صفيه الظاهر اها بتكابر وتعاند فى حالها ومو بدها تعترف انه بعجبها ومهتمه بيه
فى انتظار الفصل الاول كارى
حبيت كتير وصف صفيه لحاله ظافر هههههههههههههههههه شو بسوى كتير بحبه ومأثر فينى وبدى اتابع اخبارهم فى الروايه بللللليز كارى:heeheeh:

[dodylov]

شـكــ وبارك الله فيك ـــرا لك ... لك مني أجمل تحية .

[cherry 86]

المشاركة الأصلية كتبت بواسطة laraaa

ههههههههههههههههههههههههه هههههههه هي الحكوومه بتشوووف شوو بتكتبي علييهم ...اناا لوو يشووف الكلام الي بقووله كاان عدم نهااري ههههههههههههههه...

يااابنتي اسسسكتي ...دا ماااهر اناا بموووت فية لانه شبة ااااسر ...مم يمكن تقدرري تقوولي انه اسر بصغررره بس الفررق ااسر لاقى حبيبتته بالثلاتيين ومااهر بالعشررين ......انتي حطة نقرك من ولاد لية ؟؟؟....بكراا حا شووف بسس تتغيري وتمووتي بمااهر ....انا حبييته من اوول مااا ضهر برواية اسف مولاتي ...حسسسيته نفسس اااسر.... هو يمكنن ع العمووم لاني بحب شخصية الرااجل كداا بمييل عليهم اكثر هههههههه

والله يارا مواتى لحالك اللى بحب الراجل هيك ههههههههههههههه
بالنسبه إلى بحسه هيك شخصيه ورجوله ومسويه اضراب عن الزواج لحد مايجى ابو شخصيه واقارنه بابطال الروايات الخوف انه يتأخر كتير شو بسوى ساعتها ههههههههههههههههه

[زهرة برية]

هذا الشبل من ذاك الاسد والله زمان يا ابو الشواهر كارى بتهيالى ماهر اخد كتير من شاهر واضح ان ماهر عرف هو عايز ايه وابتدى يتحرك عشان يحقق هدفه وكمان باين انه صريح فى مشاعره مع نفسه زى شاهر برده ( بغض النظر ان محدش يقدر ياخد مكانة ابو الشواهر ) وحاجة ايجابية انه قادر يقرأ مشاعر صفية يا رب دايما بس لازم ياخد باله كويس واضح ان صوفى حتوريه ايام يلا مش حنستعجل

شفتى يا كارى عملتى فيا ايه من كتر ما شخصياتك مجسدة دايما بحس نفسى معاهم جوه القصة وعمالة دماغى تقول الواد شكله شبه ابوه لا ابوه محدش زيه ده ابو الشواهر والاجر علله

تسلم ايدك مليون مرة حبيبتى على كل اللى بتقدميهولنا وبتسعدينا بيه

[كاتبة مبتدئة]

السلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين

اثبات تواجد ^__^

للأسف عندي مشكلة مع النت الأيام دي وطلعلي أول صفحتين بس أخخخخخخخ على النت

تعاطفك لوحده مش كفاية اتبرع واكتبلي صفحة

أنا أكيدة ان المقدمة مبدعة ورائعة
صفية بتحليلها لماهر ومهدي وظافر هههههههههههه خصوصا ظافر الهيمان
ماهر يجذبها بغموضه برغم كل شيء ورائعة عطره عاملة مشاكل كبيرة... يا قلبييييييي
وواضح من التعليقات ان ماهر الغازي بيضع خطة استراتيجية لمحاصرة الهدف والانقضاض عليه
صفية عايزين نعملها حزب ضد غزو الغازي ههههههههههههه
من آسف مولاتي وماهر هو الأكثر شبها بآسر الغازي وتبدو صفية ذات شخصية قوية لا تستسلم بسهولة... تشابه سيجعل الرواية مثل الافعوانية

متشوقة جدا لمعرفة أخبار العيلة كلها، تعرفي تحسيهم قريبنا ومش شوفناهم من زمان وحشونا كلهم، يعني كاري معاك لغايت الأحفاد تكتبيلهم

بانتظارك كاري يوم الثلاثاء وادعيلي النت يرضى عني
دمت في حفظ الله حبيبتي ^__^

[cherry 86]

المشاركة الأصلية كتبت بواسطة rola2065

هههههههه لا يا ماريا متقلقيش خالص دى حالة بسيطة خالص اسمها العلمى kary's syndrom
اما عن اعراضها بقى ياستى
شوق ولهفة فظيعه لروايات كارى مع اعادة تظبيط جدولك الاسبوعى تبعا لمواعيد نزول الفصول علشان تكونى متفرغة وقتها ولو معرفتيش فى مرة تظبطيها تلاقى نفسك داخلة من الموبايل لما عينك تحول من كتر ما بتحولى تركزى علشان تعرفى تقرى من عليه وده لو حظك حلو لكن لو زى حالاتى هتضطرى تشيلى اللاب توب معاكى للشغل لما كتفك يتخلع من الشيلة اما الغلابة اللى معندهمش ولا ده ولا ده فبنديهم قرص مهدئ مع كوب كامل من الكاموميل لزوم التهدئة لغاية ما يعرفوا يوصلوا البيت وويقروا الفصل
العرض التانى بقى يا ستى وده بيظهر لما تكونى بتقرى الفصل وسط تجمعات او بتفتكرى اى جزء منه وده عبارة عن تغير فى تعبيرات الوجه مابين قلق وترقب على رد فعل حوراء من كلام سالى ليها
او غيظ وغضب من مؤيد وتصرفاته مع اخواته شهد ونجوى او من تصرفات الاخ ماهر مع يسرا او دمعه على خضر واللى جراله لما غادة كانت هتضيع منه
او بسمة من تصرفات سلسبيل وشقاوتها ولا عمار وحنانه وحبه لذات الظفيرة هبه او ضحكة من جنون ظافر وفى الحالة دى لو بصيتى حواليكى هتبصى تلاقى الناس قاعدين بعيد عنك بيبصولك بتوجس وريبة ما بين تعجب وشفقة ونظرة تقول يا عينى دى حتى لسه صغيرة على الجنان ودعاء ربنا يشفى كل مريض كل ده عادى وما فيش منه اى مشاكل
المشكلة بقى لما تلاقى مودك بدا يتاثر بالاحداث يعنى لما تدخلى على اصحابك وانتى عماله تشتمى فى مؤيد واللى زيه وتدعى عليه ربنا ياخده هوه وسالى فى يوم واحد وتلاقى اصحابك بيهدوكى ايه يا بنتى مين ده وتقعدى تشتكلهم منه ومن عمايله مع اخواته وتلاقى النصايح عماله تهل من جميع الجهات اللى ينصح شهد واللى يدعى لنجوى واللى تقول لا دول لازم يروحوا القسم يعملولوا محضر علشان يتلم وتلاقيهم كل يوم والتانى عمالين يسالوا على شهد ونجوى عاملين ايه ؟؟؟؟؟؟؟؟؟؟؟؟؟؟وتكتشفى فجاة انك نسيتى وسط الكلام ومقلتلهمش انهم شخصيات خيالية فى رواية لكارى :a555:
مش فاهمه بجد ايه اللى جرالهم للعنف ده كله ايه يعنى لما تكون شخصيات خيالية مش فاهمة انا
اه نيجى بقه لاهم فترة ودى فترة حساسة جدا وهى فترة راحة كارى ما بين رواية والتانية ودى بقى يا ستى لازم لها استعدادات خاصة تجنبا لحدوث صدمة قوية والدخول فى انهيار عصبى
والعلاج الوحيد المتوفر ليها لغاية دلوقتى انك تستعدى من قبلها وتكونى مجهزة روايات كارى كلها ومقسماها على فترة اجازتها يعنى لو هتاخد اجازة اسبوعين تكونى مقسمة الروايات انها تخلص بعد اسبوعين بالظبط مش قبل كده لان لو خلصتيهم بدرى وهيا لسه ما نزلتش الروايه الجديدة بتكون العواقب كتير وخيمة انا مش مسئولة عنها وملهاش علاج متوفر لغاية دلوقتى
بس متقلقيش الحالة دى مش عندك لوحدك و بدات فى الانتشار جدا ما بين اعضاء المنتدى والمنتديات المجاورة وللامانه انا نشرتها كمان فى العيلة عندى يا دوبك ماما وبنت خالتى وخالتى وكام صاحبة من صحباتى بس

مو إنتى لحالك اللى صار بيها هيك ههههه اخوى فى الرايحه والجايه يقعد يحكيلى علشو بتضحكىهيك
وشوى يحكيلى ان المنتدى خطر على سلامه عقلى
واخوى التانى على طول يحاول يقفل اللاب مشان يعرف يحكى معى كلمتين لانى لما قعد على المنتدى حاسع السمع والاحساس باللى بالموجودي بتنعدم نهائى (لا اسمع..لا اشعر..) ههههههههه

[rola2065]

المشاركة الأصلية كتبت بواسطة فريدتى

طبعا فى البداية انا باعتذر عن التأخير لكن الثانوية العامة كملت على اللى باقى من عقلى اللى طار نصه بسبب الروايات فمبقتش مركزة (ماتزعليش وعلى فكرة اى تقصير منى فى المرحلة الجاية فده علشان انا على ابواب الامتحانات فاعذرينى بقى ماشى ) نيجى بقى للرايق ابن اخو الرايق يالهوى على المزاج والغموض والتأنى المدروس والسحر اللى بيشعوا من كل حاجة فيه طبعا المقدمة كلها العاب نارية ومولعة وولعت فى قلبى اصلا وحاسة ان قلبى فعلا طاير فى الهوا والابتسامات الهبلة اللى قالوا عنها الاعضاء وصلتنى وروحت فى عالم تانى مافيهوش غير صفية وماهر بالنسبة للانسة صفية فطبعا هى باين انها بتكابر وانها اصلا مهتمة بيه جدا وانه هو خلاص تسلل لمسام جلدها لكنها طبعا رافضة الاعتراف وانا مش بالومها خالص بالعكس انا معاها وخصوصوا ان عشق واحد زى ماهر ده حيبقى مشكلة وكمان لانها اتعودت تسيطر على حياتها فمش بسهولة حتقبل انها تسلم حياتها ونفسها لاى حد وخاصة ماهر لانها حاسة انها مهتمة بيه وكمان هى اتربت انها تكون فى مركز القيادة وماهر كمان فصعب ان واحد فيهم يتخلى عن القيادة دى للتانى بجد يا كارى المقدمة دى روعة اوى اوى وخصوصا ان انا كنت مستنية بقية رواية ماهر وطبعا مش محتاجة اقولك ان الاسم جذب انتباهى وعجبنى بدرجة مش معقولة ولى رجاء اخير ماتاخريش نزول الفصل بلييييييييييييييييييييييي ييييييييييييييييز

اممم مش عارفة يا بنات انتى مش اول واحده تتكلم عن حب صفية لماهر ومحاولتها انكار الحب ده بس ده بصراحة غير اللى انا شايفه خالص وشكلنا هنحتاج كارى تنجدنا وتوضحلنا
اللى انا شايفاه ان صفية بنت من اسرة متواضعه ماديا وواضح انها الكبيرة او على الاقل شايلة مسئولية وده مخلى عندها شخصية من وجه نظرى رزينة بتحكم عقلها مسئولة واللى حساه انها على قد احترامها لشاهر و شخصيته و تقديرها لجديه مهدى فى عمله رافضه ماهر والاستهتار اللى شايفاه منه اعتقد انها بصاله فى صورة الولد الغنى المدلع اللى شايف نفسه واخد النعم اللى هوه فيها من وجود اسرة متماسكة ذات مستوى مادى مرتاح كامر مسلم بيه مش بيحاول يجتهد زى ابوه واخوه انه يشتغل ويحافظ عليها بالاضافة لطريقة تعامله مع البنات بالشركة وابتساماته المستهترة اللىبيوزعها يمين وشمال عليهم وهيا شايفه تاثيره ده على البنات ورافضه تكون زيهم واقفة طول اليوم فى انتظار مداعبة او ابتسامه منه
اعتقد انها الطريقة الوحيدة اللى ممكن تجذبها ليه ان تشوف الجانب التانى منه اللى هوه شخصية رجل الاعمال الجدى المسيطر او رجل العيلة الحنون اللى واقف جنب قرايبه
وده ممكن يخليها تبدا تغير نظرتها عن كونه مستهتر ومغرور بس لكن ممكن تشوف ساعتها انه زى اى شاب عنده كل جانب بس بيظهره عند اللزوم ومع ارتباطه واستقراره هيختفى الجانب اللعوب المستهتر اللى هيا رفضاه فيه؟
مش عارفة ده اللى انا حساه لغاية دلوقتى لكن موضوع انها حباه لا خالص كارى محستهاش ادت اى انطباع عنه كله كان رفض لشخصيته واستهتاره اللى هيه عكس شخصيتها المسئولة المتزنه
ولا ايه يا كارى

[cherry 86]

المشاركة الأصلية كتبت بواسطة rola2065

بصى يا خلود انا عندى مقتنعة كتير بمبدا الغاية لا تبرر الوسيلة
وبالتالى مش معنى ان كانت نيته خير وانه كان عايز يصلح بين والده ووالدته انه يبرر لنفسه اللى عمله مع يسرا مطاردته ليها وخداعها انه بيحبها لغاية ما حبته وبوظ علاقتها بعمتها وكسر قلبها بعد كده لما عرفت الحقيقة
انا شايفة انك باصة للموضوع من منظور واحد اللى هوه منظوره هوه لكن جربى تحطى نفسك مطرح يسرا وشوفى احساسك هيكون ايه اى اعتزار او مبرر ممكن يقدمه بعد اللى عمله قيمته بالنسبة ليكى هيكون ايه بعد ما خدعك وكرحك واهان كرامتك وكبريائك بعملته دى
وبامانه مش حاساه ندم قوى على اللى عمله يمكن مكنش مرتاح للطريق اللى كان ماشى فيه مع يسرا لكن ندم حقيقى محستوش يمكن علشان زى ما قلتى كان مبرر لنفسه بالكلام اللى قاله لريما
علشان كده شايفة ان موقف صفية معاه ورفضها له ولاسلوبه واستهتاره فى التعامل مع البنات ممكن يخليه ياخد وقفه مع نفسه ويندم بجد على اسلوبه وطريقته ويعيد حسباته من اول وجديد واحس انه بجد اتعلم من خطأه ساعتها ممكن اتقبل اللى حصل منه مع يسرا واقول كفايه انه كان سبب فى انه اتعلم درس وغير من اسلوبه
مستنياكى يا صفية تعلمى هالمغرور الدرس اللى ما ينساه ابدا طول العمر

انا معاكى رولا الجرح والازى من مبدء الغايه تبرر الوسيله مابيفيد المجروح مهما كان تبريره لان جرح القلب التئامه صعب ولازم يترك اثر والاصعب عدم الثقه والخوف من تكرار الجرح بيضيع اشخاص مخلصين لمجرد انعدام الثقه والامان

[rola2065]

المشاركة الأصلية كتبت بواسطة cherry 86

انا معاكى رولا الجرح والازى من مبدء الغايه تبرر الوسيله مابيفيد المجروح مهما كان تبريره لان جرح القلب التئامه صعب ولازم يترك اثر والاصعب عدم الثقه والخوف من تكرار الجرح بيضيع اشخاص مخلصين لمجرد انعدام الثقه والامان

ايوه انا شايفة ان اللى عاملة هوه غدر بانسانه كتير وثقت فيه
وانا مش كارهه ماهر على قد ما انا كرهه تصرفه
وزى ما قلت يمكن لو حسيته ندم كنت اتعاطفت معاه لكن هوه مجرد مكنش حابب الاسلوب اللى اتبعه ومش مرتاح له بس برر لنفسه ده وده اللى غايظنى منه تبرير الخطأ