11-06-13, 09:50 PM | #6461 | ||||||||
نجم روايتي وكاتبة في قلوب أحلام
| مساء الورد والفل والياسمين انا عاوزة اتدخل برد بسيط بخصوص اللي اتقال عن رواية بلو واللي قالته ناهي انا كنت معاها مية بالمية بكلامها كل واحد وله رأيه الخاص طبعا لكن اللي جه في تعليق القارئه انها ما تابعت الرواية معانا من الاول وانما قراتها لغاية اخر فصل كلها بيوم واحد يعني هي لازم اتكون اكتر وحده قدرت تتوصل تعرف نديم على حقيقته واسرع مننا احنا اللي كنا منتابعه من البداية وكنا مش عارفين اسبابه ابدا اضافة الى كل هذا .. في شيئ مهم كان لازم هي تكون عارفاه .. صحيح ان ضرب الزوجه ما في اي امراة بتتحمله ولكن لما يبقى في حب اكيد حيكون في تسامح ولما تبقى في عقد كتير بالشخص الظالم اللي هو هنا نديم .. لما يبقى يعرف اخطائه ويحاول يصلحها اكيد احنا حنقبل نديله فرصه تانيه .. وفارديا اخطائها تعادل اخطاء نديم تماما .. لانها كانت السبب الاول لما فعله بها .. استسلامها له في كل مرة بيحاول ياخد منها حقوقه الزوجيه دي تعتبر ايه غير رضوخ لواقع انه زوجها ؟ ولما تبقى عاوزة تهرب منه وهي عارفه من بدائة زواجهم ان في اتفاق بينهم وانها مش لازم تخرج من قصره وخصوصا من غير اذنه يبقى برأيكم رد فعل اي زوج على محاولة هروب زوجته حيكون ازاي ؟ حيعمل زي ما نديم عمل واكتر كمان .. غضب الزوج السريع بتخليه يعمل حاجات اكيد بيندم عليها بعدين .. والحياة الزوجيه من غير تسامح ابدا ما بتدوم في حاجه اخيرة ومهمه ايضا .. فارديا وعنادها هم اللي وصلوها لــ ياللي هي فيه .. لو انها رضخت من الاول واستسملت واتصلت باخوها كانت وفرت على نفسها كل العذاب اللي تعذبته .. لكن هي مش راضيه .. ومتصورة انها حتعرف تعيش وتتقبل الحياة اللي عايشاها مع نديم .. حتى اننا مش عارفين حتعمل ايه لما يظهر صلاح وبنيته يخرجها من عند نديم .. مين بيعرف يمكن هي اللي ترفض .. وبقول يمكن .. يعني طبعا لــ بلو افكارها اللي ما حد يقدر يتوقعها اخيرا احب اقول ان نديم وفارديا .. اتنين معقدين .. اظن ان مفتاح عقد كل واحد منهما مرتبط بالاخر .. يبقى زي ما نديم حيعرف اخطاءه ويعترف بيها .. فاردي حتسامحه وتديله فرصة تانيه ويمكن تالته .. طالما بالنهايه في حب حيجمهم وينهي الحقد والانتقام اللي كان موجود بينهم | ||||||||
11-06-13, 10:09 PM | #6463 | ||||
| اوك بنات هدوا شوى و ردى ده مش تطويل للمناقشة عشان مش بحب احداث جانبية تأخذ من احداث الرواية اولا عشان نبقى واضحين اكرر تانى انا فعلا بحب بلو كشخص يظهر و يدعم الجميع فى المنتدى و بحب بلو الفنانه اللى بتطلع احلى حبكة روائية لا اجدها عند كثيرين ، فنقدى ليها حب و ليس ذم لو مابحبها ماهتميت اقولها رأى و قريت الرواية و انا ساكته او ماكملتش ، لكن انا عارفة انا بوجه كلامى لكاتبه عامله ازاى بلو مش مبتدئة او سطحيه فهتاخد كلامى كاحباط او هجوم، و لكن نقد للروايه و ليس لشخصها و اى نقد اما يقبل او يرفض و انا قلتلها كده انها حرة تاخد بيه او لأ اما بالنسبة انى اول مرة اعلق فى اى من روايات بلو فليس صحيح انا عموما مش بعلق على كل فصل مبعرفش ادخل اعلق على كل فصل و اشرحه انا اعلق عندما تستفز مشاعرى بسواء بالسلب او بالايجاب و اجد نفسى اكتب بلا شعور ما لدى الاخت nahe24 انا مش زعلانه منك بس برده مش هطلب منك انك متزعليش منى، حلو انك تكونى وفيه و عندك ولاء لبلو و لكن انا ماقليت احترامى و لاذميت فيها انا قلت رأى بلا تجريح ،قلت وجهة نظرى و على بلو و الاخرين اما يقبلوا انه يوجد اراء اخرى او يحاولوا يوصلوا مفهومهم نرجع للرواية ردك nahe24 هو ماكنت اقول عنه انه فى الخيال و الروايات كل شىء مباح و لكن .... ، انا بحب اربط الخيال بالواقع شويه عشان يبقى عندى امل ان حب الروايات مش بس خيال لكن ممكن يحصل لواحدة فينا ممكن اكون مجنونه بس انا كده ، بحلم ان جوزى يكون فى قوة و حنان صلاح و انه يكون عاشق مجنون كخضر و انه غيور و ميشوفش غيرى كهاشم ، انت قلتى ان فى الحقيقة فى ازواج بيضربوا زوجاتهم و لسه عايشين معاهم و انهم عادى لسه بيحبوا بعض مينفعش تحكى عن العنف المنزلى بأريحية و ده سبب مضايقتى من مشهد ضرب نديم لفاردى ان بسبب حب القراء للروايه تغاضوا عنه ماهو غير مقبول و ماراح تقبليه مهما كان تفهمك لشخصية نديم يعنى زى ماقالت كاردينيا نديم و فاردى حاله خاصة روائية مينفعش نربطها بالواقع انه بيحصل و عادى انا مقلتش انه اغتصبها انا قلت انتهك جسدها ، نعم هو برضاها و نعم يجعلها تستمتع لكن بخسارة كبيرة لنفسها و انه مجرد استغلال جسدى للانتقام و ليس تواصل روحى مع الرجل، ممكن احنا شايفين انه بيحب فاردى و انه فعلا بيعمل كده بحب و رغبه حقيقية و ليس انتقام لكن لها هى المفهوم وصل مختلف عشان كده هى عندها الضرب كان ارحم من انه يكون معاها بالطريقة دى لو شخص نديم ده مكنش البطل و كان شخص ثانوى مش بيظهر فى الروايه و لكن فاردى كانت بتحكى مثلا انها مرت بكذا كذا و حكت ابعاد شخصية نديم برضة، كنتوا هتقبلوا كل شىء صار ولا كنتوا هتهجموه !!! كون ان نديم البطل اعطاه عذر انه اكيد كويس اكيد هيثبت انه يستاهل يعيش بسعادة رغم انه لو كان مش البطل و حب يرجع للبطلة مكنش حد سمحله و كل وقفله بمقلاة مهاتى الجبارة انا لم اقل ان نديم لا يستحق نهاية سعيدة لانى بحب النهايات السعيدة و مابقبل غيرها بس كنت بقول انه لازم يتعذب لما فعله لها و ان مش كونه تعذب من قبل يبقى كده خلصنا بلو عارفة انا بشوف نديم ازاى ، انا شايفه واحد بيعمل الحاجة غلط و بقسوة لكن بيعمل كده ليثبت لنفسه و لينتقم من نفسه عارفة جملة فاردى لما بتقول انها السبب فى جنون نديم لضربها هى وصلته لكده حتى يطغى الالم الجسدى على ألمها النفسى، هو كده برضة كأن تركيز انتقامه مع فاردى يلهيه عن وجعه المستمر من ساعة ماكان عنده 5 سنين و ابتدى يشوف مأسى عائلته انا حسيت بوجع خضر و صلاح لان مفيش اوحش من نبذ الاهل لان الواحد بيفكر لو اهلى نفسهم محبونيش الى المفروض يحبونى بلا شروط بلا مقابل فكيف يجد الحب عند الاخرين و الاهم هل استحقه !!! نديم مأساته هو موت عائلته الواحد تلو الاخر عاش وجع الفراق مرة بعد مرة بس برضة مفهمتش ربطه بين مأساة عائلته و عائلة النجار ؟؟ لو على تخلى عم صلاح عن عمته امانى من اجل حب امرأة اخرى من لم يفعل ذلك و لو على كده يبقى اولى يعاقب نضال لانه تخلى عن اسما من اجل اخرى نديم و فاردى حالة استثنائية لسبب ان فى العادة يكون البطل هو اللى عنده ندوب من الماضى تأثر عليه و تجعله قاسى مع الجميع حتى تأتى البطلة ببرائتها و حبها لتخرجه ، لكن نديم و فاردى الاتنين لهم ندوب داخلية نديم يزيد عن فاردى لكن فاردى ترى فى نديم نفسها ، هى خايفة تبقى زى امها ساحرة قاسية و تتعامل مع الناس بانها تضغط على هذا الجانب عشان ميظهرش لكن مع نديم بحسها بتطلعه لانها مش خايفة يشوفها كده بالعكس بترتاح لما بتطلعوا قدامه نديم مع فاردى هو رجل يغرز السكين فى صدرها بيد و باليد الاخرى يربت على خدها حتى يهون عليها و ده يجنن ام فاردى لانها مش عارفه اى مشاعر توجهها الكره ام الامتنان ام الغضب انا طولت كتير كتير معلش بلو بس حقيقى انا بحبك و بحترم رواياتك عشان كده بكلمك تسلمى و موفقة دائما يارب | ||||
11-06-13, 10:23 PM | #6464 | ||||
| للعلم انا معممتش كلامى على جميع روايات بلو و لما جبت سيرة محمود و اسيل مش بذم فى الروايات ديه لانها روايات بحبها و عندى فى مكتبنى الخاصة بالعكس مشهد اعتداء اسيل رغم انى قشعرت لكن تفهمته ، و محمود لما ورى مراته ازاى يكوت التعامل مع العشيقة حكيت مع بلو و وصلتلى مفهوم محمود و اقتنعت كل رواية الكاتب يجنح بخياله احيانا بقسوة البطل او البطله لحبكة الرواية ، لكن يكون تصرف واحد شطح شويه ضمن الروايه لكن انا شفت انا نديم من اول الروايه و هو شاطح ماشالله عليه و ده سببلى صدمة مش لاحقه اطلع من صدمة موقف الا لما بدخل فى التانية انتوا اخدتوها على جرعات انا اخدتها مرة واحدة فى زورى كده فتنحت | ||||
11-06-13, 10:33 PM | #6465 | |||||||||
نجم روايتي وكاتبة في قسم قصص من وحي الأعضاء وكاتبة وقاصة بقلوب أحلام
| مسا الخير صبايا ..... شكرا لكل من تابع المواضيع الجانبية في الرواية .. وأدلى بدلوه في الأمر RINCKYPINKY ... أنا مش زعلانة منك ... أنا أوضحت قبل كدة أني أتفهم اختلاف وجهات نظر القراء ....أنا زعلت فقط لأنك لم تري نديم وفارديا من مفهومي .. ولم تميزي الجانب المختلف في شخصيتيهما والتي تميزهما عن باقي الأبطال ناهي ...... أبوسك يا قلبي على غيرتك علي ... والله لهفتك عندي تسوى الدنيا ... بلييز صبايا الموضوع انتهى حتى هذه النقطة ... كما RINCKYPINKY قالت رأيها ... ناهي أيضا عبرت عن رأيها .... ومن المجحف أن تلام على كلمات قصدت منها الغيرة على الرواية وعلى قراءها ... أنا سعيدة جدا بتفاعلكم وعلى تواجدكم الدائم في روايتي .... اليوم كنت برة البيت طول النهار ( فيس مذنب ) .... وحقعد الآن أكتب الواجب زي البنت الشاطرة ادعولي يخلص الفصل قبل بكرة | |||||||||
11-06-13, 10:53 PM | #6468 | |||||||
مراقبة عامة ومشرفة وكاتبة وقاصة في منتدى قصص من وحي الأعضاء
|
التعديل الأخير تم بواسطة rola2065 ; 11-06-13 الساعة 11:19 PM | |||||||
11-06-13, 11:32 PM | #6470 | |||||||||||
نجم روايتي
| السلام عليكم ورحمة الله وبركاته مساء الخير بلو انا داخله اطمن يا رب يكون في فصل بكره بجد متشوقه كتير لفصل جديد منك بلو عموما مش هضغط عليكي و اقولك لازم يكون فيه بارت بس هقول اني لازم اقراء بارت بكره هنتظرك بكره على نار | |||||||||||
الكلمات الدلالية (Tags) |
للعشق, الأرواح, سلسلة, زهرة, غابة, فصول |
أدوات الموضوع | |
انواع عرض الموضوع | |
|
|