شكراً كونوزو على الفصل الرائع

والله زمان يا أجمل مخرجة غموض

ايه الجمال ده الله أكبر عليكِ ما شاء الله

أولاً أنا عايزة أقول لأسما حاجة مهمة .. مامتك رغم إنها رخمة ومش نازلالي من زور واسمها كوثر كمان بس شكلها كده داعيالك وبتحبك .. أصل اللي ربنا ينجدها من واحد زي نضال تبقى محظوظة
يعني هو شوية عيون خضر وغمازة في الدقن وشعر أصفر ولا بني مش فاكرة .... عادي جدا الوسامة على قفا مين يشيل المهم اللب على رأي غروب ... نضال رغم أن الأحداث لم تتضح تماماً بعد ولكني أراه روبوت أكثر منه شاب له إرادة .. يتحرك مرة بأوامر نديم ومرة بتحريضات والدته .. والرجل إن إنعدمت إرادته بفففففففففف ولا يسوى بصلة بعد كده .... خسارة وسامتك يا نضنض

يعني انت خطبت نسرين لمجرد الفتنة الطاغية ورغم كده حاسس بالذنب تجاه أسما اللي شاغلتها وبعدين عملت ندل وسبتها .. لا وكمان لوتس كلام على الفيسبوك وميعاد وقبلة مفاجأة يوم خطوبتك بنسرين !! أنت عايز ايه بالظبط وهل للوتس علاقة بإتفاقك الغامض مع نديم ؟؟

فارديا ونظرات أهل البيت الغامضة لها كأنهم بيشبهوا عليها ؟ هل في حد شبهها يعرفوه ؟ ربما تكون اللي بتصرخ خلف الباب المغلق اللي راح نديم يقضي واجب معين خلف الباب المغلق ... بس نديم وصل جبروته أن جدته تختفي منه وتكتم صرختها ودموعها ايه البيت العجييييييييييييييب ده

أسما عندي احساس إن الشبح هو ساري وبيتسلى بموضوع الأشباح ده يعني له تاريخ انقاذ طويل معاها وهي مش عارفة
لا تتخيلي زوزو كمية القهر الي حسيت بيهم ان بنت ممكن تقدم على انهاء حياتها لأنها تدهس بهذا الشكل من الجميع بصراحة كوثر عايزة الحرق انسانة حقيرة ما يهمها الا المصلحة لكن بنتها ولا ذرة قلق عليها
مين اللي لحقها لما دخلت البيت ساري ولا نديم ؟؟

غروب بطلتي أنتِ ... نظراتك الواثقة لنضال شفت غليلي شوية عكرت عليه سعادته على الأقل بس أهو راح يكمل رغي مع لوتس على التيلفون روبوت مطيع يا نضال جتك ستين نيلة

أضحكتيني لما فارديا وصفت جمال بالبنت المطيعة ههههههههههههههههههههه والله جمال ده برقبة مليون واحد زي نضال يارب يكون منه نسخة لأسما الغلبانة وهو خليه مع نسرين يعني لايقين مع بعض مووووووووووت رخم ورخمة هيتجوزوا ويخلفوا شلة رخمين دول يا زوزو تعمليلهم جزء لوحده تكتبيله مقدمة فقط وتخليهم محبوسين فيها كده معلقين لا سما ولا أرض

في انتظار فتاة الأزهار والفصل القادم بكل شووووووووق وعشان خاطري يا زوزو الست اللي اسمها كوثر دي خليها تتكعبل من على السلم مرة واحدة تتخرشم ملامحها وتبقى شوارع :sm20:

في حاجة صحيح فارديا حست بانجذاب للجدة لما شافت في عينيها دفء أمومة لم تحظى به ؟؟ طيب وطنط سوسن مكنتش بتحبها بالعكس دي كانت بتدللها ولا تكون بتعاملها على شيء ثمين حصلت عليه وستمتلك به الكثير ؟ نفسي أعرف أمنية سوسن الأخيرة كانت ايه ؟ حاسه انها فيها حل للكثير من الغموض

في أمان الله يا كونوزتي المبدعة