21-05-13, 08:51 PM | #11 | |||||||||
| اقتباس:
عليكم السلام ورحمة الله وبركاته حبيبتى .. انتى الاجمل يا قمر .. ميرسى كتير ع ذوقك ومرورك الجميل واتمنى تعجبك القصة ان شاء الله | |||||||||
21-05-13, 09:06 PM | #13 | |||||||||
| اقتباس:
نورتينى حبيبتى بوجودك واتمنى القصة تنال اعجابك ان شاء الله .. | |||||||||
21-05-13, 10:37 PM | #15 | ||||||||
| السلام عليكم ورحمة الله وبركاته الـــــــجـــــــزء ((2)) - شريف بص وراه لقى شرين وصلت عند باب الكلية وخلاص داخلة طبعا جرى وراها ووقفها.... (شريف):إيه ... رايحة فين ...ومستعجلة كده ليه... مجتهدة كدة من أول يوم..!؟ (شرين):ههههه....لأ ... بس زى ما تقول كده ..... رايحة أهزر مع ناس معرفهاش عند سيادتك مانع ....!؟ (شريف):إيه ده ...إنتى زعلتى بجد ولا إيه...!؟ (شرين):لا والله ....! عايز أسمع كلام حضرتك اللى زى السم ده ومزعلش....!؟ ده حتى يبقى معنديش اى دم . (شريف):طب متزعليش ....والله مش قصدى خالص .... خلاص بقى .... يا ستى حقك عليا ... انا آسف . (شرين):كنت زعلانة بس مش لدرجة "آسف" وكفاية كده ويلا ندخل عشان شكلنا بقى وحش قوى . - ودخلوا الاتنين الجامعة مع بعض بس للاسف مش فاهمين حاجة فى اى حاجة...... (شرين):هنعمل إيه دلوقتى ...!؟ ...راسم مشوارك ولا عايش يومك كالعادة ....!؟ (شريف):ليه يعنى ....!؟ هى كمياء....! كله بيعدى . (شرين):أيوة .... يعنى هنعمل إيه....!؟ (شريف):بصى يا ستى ..... هوصلك عند الكافيه ... وانا بقى .. هروح اشوف الجدول والمحاضرات وكده يعنى ..ومش هتاخر عليكى . (شرين):خلاص اوكيه....بس بسرعة...اصلى مستجدة هنا . (شريف):آه .... وده بقى على اساس انك بتكلمى عميد الكلية .... يلا يا بت من هنا. - وضحكوا الاتنين ...... وفعلا راح وصلها عند الكافيه .... وهو راح ينقل الجدول وبعد لما خلص لقى بنت واقفة جنبه.......... (البنت):نقلت الجدول خلاص ..!؟ (شريف):آه .... خلاص ... عايزة تنقليه..!؟ (البنت):مش هعطلك يعنى ...!؟ (شريف):لأ خالص ....بس تعالى نقف على جنب عشان الزحمة . - البنت لسة يا دوب نقلت كلمتين راح شريف بصلها و .......... (شريف):بصى يا انسة ........ (البنت):ريم ..... اسمى ريم . (شريف): اه ... اهلا ...وانا شريف...ممكن سؤال ....!؟ (ريم):طبعا ....اتفضل . (شريف):إنتى مستنية حد هنا ... !؟ (ريم):لا ... ليه ... !؟ (شريف):طب ممكن نروح الكافيه وتنقلى هناك ...!؟ لأ ..بلاش تفهمينى غلط .... اصل معايا ناس هناك ومش هينفع اسيبهم اكتر من كده .... بس لو مش عايزة خلاص ممكن تكملى هنا عادى . (ريم):لا عادى .... اوكيه يلا بينا . - شريف وريم مشيوا رايحين على الكافيه عند شرين بس لما قربوا عند الكافيه... سمعوا صوت خناقة كبيرة ...... ودخل شريف بسرعة يشوف شرين ولقى ولد بيتخانق مع حوالى (5) شباب وشرين واقفة بتعيط جامد وتقريبا كده منهارة شريف جرى عليها ..... (شريف):شرين .... ايه اللى حصل ..!؟ فى ايه اتكلمى ...!؟ بس شرين بتعيط ومش بترد عليه..... (شريف):ريم ...... من فضلك خدى شرين وامشى من هنا وانا هاجى وراكم ...يلا بسرعة . - ريم اخدت شرين ومشيت من الكافيه وشريف رجع عشان يفهم فى ايه ....وحاول يفهم بس كله مركز قوى فى الخناقة وامن الجامعة دخل فى الموضوع وخلص الحكاية واخد الشاب اللى كان لواحده وواحد من الخمسة اللى اتخانقو معاه وشريف راح معاهم عشان يفهم الحكاية ... ونكمل المرة اللى جاية .. مستنية أرائكم اكـــيد سلام يا حلوين | ||||||||
22-05-13, 04:42 AM | #16 | ||||||||||
| بسم الله الرحمن الرحيم مساء الخير حبيبتي بارت جميل مع انة قصير بس ماعلينا شوي شوي بيكبر ريم شخصية جديدة اعتقد راح يكون الها دور في القصة اسيكون دورها ايجابي ام سلبي لا اعلم وما سبب الشجار من الممكن ان يكونو قد تحرشو بشيرين ومن هو الشاب الذي دافع عن شيرين وما دورة اسئلة كثيرة منتظرة الايجابة عليها في البارت الثالث حبيت اسال اذا البارت الة موعد نزول وفي اي يوم موفقة بإذن الله .ودمتي بخير | ||||||||||
22-05-13, 07:30 AM | #17 | |||||||||
| اقتباس:
مساء النور حبيبتى .. مرورك هو الاجمل يا قمر وان شاء الله البارت يكبر حبة حبة كل اجابات الاشئلة هنعرفها اكيد ف البارت الجديد .. وبالنسبة لمواعيد تنزيل الاجزاء كنت حابة طبعا اوضح واحدد ايام بس للاسف ظروفى احتمال يكون فيها تغيب شوية فمحبتش اوعد ومقدرش اوفى لكن اكيد هحاول انزل البارت الجديد قريب جدا وان شاء التزم بيومين ف الاسبوع او حتى يوم لو الظروف صعبة جدا .. نورتينى يا قمر بوجودك | |||||||||
23-05-13, 06:52 PM | #18 | ||||||||||
نجم روايتي وعضو فعال في التراس المنتدى الادبي
| مبروك ع الروايه الجميله..وبدايه حلوه ان شاء الله بكون من متابعين الروايه تسلم الايااي وف انتظار الباقي بشووووق لكي مني أجمل تحية | ||||||||||
25-05-13, 11:57 PM | #19 | |||||||||
| اقتباس:
الله يبارك بعمرك حبيبتى يارب اتمنى ان شاء الله تنورينى دايما يارب تحياتى ليكى يا قمر | |||||||||
26-05-13, 12:33 AM | #20 | ||||||||
| ♥ السلام عليكم ورحمة الله وبركاته ♥ الـــــــجـــــــزء((3)) ريم اخدت شرين ومشيت من الكافيه وشريف رجع عشان يفهم فى ايه ....وحاول يفهم بس كله مركز قوى فى الخناقة وامن الجامعة دخل فى الموضوع وخلص الحكاية واخد الشاب اللى كان لواحده وواحد من الخمسة اللى اتخانقو معاه وشريف راح معاهم عشان يفهم الحكاية .. الاتنين دخلوا مكتب مسؤل الامن وشوية وطلع الولد اللى كان بيتخانق لوحده وشريف سأله .. (شريف):لو سمحت يا كابتن .... ممكن تقولى ايه اللى حصل .... !؟ (الشاب):عايز ايه انت كمان ... مش هنخلص ولا ايه فى الليلة دى ....!؟ (شريف):معلش اصل البنت تبقى قريبتى .... يعنى افهم ايه اللى حصل ...!؟ (الشاب):اه ... بص يا سيدى ..... البنت كانت قاعدة لوحدها وبعدين دخل عليها الرخم اللى جوه ده بشوية كلام زى وشه ..... بس البنت سكتت ومقدرتش ترد عليه ..... بس هو زودها قوى وغلس اكتر . (شريف):وبعدين ...!؟ (الشاب):بس ... طلعت الموبايل وقالت انها هتكلم اخوها وهو هيجى يتصرف معاه ..... بس تقريبا اخوها مردش عليها ..... بس الواد ده زودها كمان ولما حاولت اوقفه عند حده قامت الشلة بتاعته تدافع عنه وكله خايف يدخل الموضوع ...... اصل شكله كده واد صايع ومسمع فى الكلية .. بس انت تقربلها ايه ..!؟ (شريف):لا ... اه ... انا اخوها ومشكور قوى يا كابتن على الموقف الجامد ده منك .... بس انت تعرف الواد ده ....!؟ (الشاب):لا ... دى اول سنة ليا هنا ... واسمى حازم .... وانت ...!؟ (شريف):اه ... انا شريف ... واول سنة برضه ....ودلوقتى عن اذنك اروح اشوفها عشان كانت منهارة قوى . (حازم):اوكيه ... واكيد هنتقابل تانى .... ولو على الواد ده ... خلاص اعتقد الامن علم عليه . (شريف):اوكيه ... يلا سلام . (حازم):سلام . - شريف مشى وهو بيحاول يكلم شرين عشان يعرف هى فين ... بس هى مش بترد عليه ... قاعدة مع ريم ولسة بتعيط ..... راحت ريم اخدت الموبايل وردت عليه ... (ريم):الو ..... (شريف):ايوة ..... مش ده رقم شرين ....!؟ (ريم):ايوة ...انا ريم يا شريف ....انت فين دلوقتى ....!؟ (شريف):اوصفيلى مكانكم وانا هاجى ... ريم وصفت المكان لشريف .... وفعلا راح لقاهم قاعدين ..... دخل عليهم وقعد جنب شرين عشان يكلمها ... (شريف):شيرى .... خلاص بقى .... يا ستى خلاص الموضوع عدى على خير .... طب انا اسف .... يا بنتى طب انا ذنبى ايه ....!؟ (شرين):ذنبك ايه .....!؟ شوف اتصلت بحضرتك كام مرة وانت ولا انت هنا ...... اخوات اخر زمن . (شريف):والله ما سمعت الموبايل .... الدنيا كانت زحمة موت .... طب حتى اسالى ريم . - شرين انتبهت لاول مرة لوجود ريم ... وكمان كان جى معاها الكافيه ... شرين بصت لريم قوى ... (شرين):مين دى ....!؟ (شريف):نعم ....! انتى لسة اخدة بالك منها ...!؟ طب عموما حمد الله على السلامة . (ريم):انا ريم .... معاكم هنا فى الكلية اول سنة برضو .... وكنت مع شريف وهو بينقل الجدول .... وكنت بنقل منه وهو خاف يتاخر عليكى .... وجينا بسرعة عشانك ..... وفعلا محدش فينا سمع الموبايل . (شريف):خلاص ..... حصل خير .... قوليلى تشربى ايه ....!؟ (ريم):خليك انت معاها وانا هروح اجيب حاجة تشربها عشان تهدى شوية ..... يلا سلام . - قعد شريف يبص لشرين وسرحان ... ومرة واحدة ضحك قوى ..... ونكمل المرة اللى جاية بقى ومستنية اراء يا جماعة ♥ ســـــلام ♥ | ||||||||
الكلمات الدلالية (Tags) |
أشلاء من الماضى |
أدوات الموضوع | |
انواع عرض الموضوع | |
|
|