آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
26-05-13, 06:46 AM
| #21 | ||||||||||
  
|  صباح الخير حبيبتي بالبداية اسمحيلي اعبر عن اعجابي باسمك او لقبك كثير حابة اعرف معناه  نرجع للبارت بارت جميل تعرفنا على شخصية جديدة وهو حازم امممممممممممم الحقيقة انصدمت لما عرف شريف عن شيرين انها اختة بس مع هيك بحس انة مستقبلا راح تكون علاقتهم بعيدة عن الاخوة واكيد راح نفهم الرواية بالبارتات القادمة الى الامام ودمتي بخير  | ||||||||||
|  |
|
26-05-13, 01:38 PM
| #22 | |||||||||
  
| اقتباس:
صباح النور حبيبتى .. واعجابك بالاسم ده بس من ذوقك يا قمراية .. اما بالنسبة لمعناه هو ضوء القمر بس مش فاكرة باى لغة هتأكد وهرد عليكى ان شاء الله واتمنى دايما تنورينى يا قمراية وتتابعى معاية .. دمتى بخير حبيبتى | |||||||||
|
| |
|
30-05-13, 10:12 AM
| #23 | ||||
| نجم روايتي ومناقشة أدبية مميزة 
| السلام عليكم ورحمة الله وبركاته فصلين حلوين ودمهم خفيف واسلوب هادىء ومريح للاعصاب ضحكت جدا لما بتبص لريم قوى وبتقولها انت مين سكر جدا المشهد ده اسلوبك لذيذ استمتعت جدا بالفصلين تسلم ايدك | ||||
|
| |
|
01-06-13, 02:16 AM
| #25 | ||||||||||
| ماهيناااااااااااااااااااا ااااااااااااااار ماهيناااااااااااااااااااا ااااااااار وييييييييييييييينك  عم دور عليكي وماعم لاقيكي وين رحتي بالبارت انا كثير زعلانة وراح ابكي  كثير تاخرتي علينة وعقابك هو انة تنزلي بدل البارت اثنين هههههههههههه لا عن جد كثير اشتقتلك وبتمنى يارب انه يكون سبب تاخيرك خير ومع هيك ماراح اتنازل عن البارتين ههههههههههههههههه | ||||||||||
|
| |
|
03-06-13, 01:52 AM
| #26 | |||||||||
| اقتباس:
عليكم السلام ورحمة الله وبركاته .. ده بس من ذوقك يا قمر ونورتينى كتير بوجودك حبيبتى واتمنى تتابعى معايا ع طول  | |||||||||
|
| |
|
03-06-13, 01:56 AM
| #27 | |||||||||
| اقتباس:
ميرسى كتير يا قمر .. نورنى وجودك واتمنى تتابعينى دايما واتمنى اللى جى يعجبك اكتر | |||||||||
|
| |
|
03-06-13, 02:01 AM
| #28 | |||||||||
| اقتباس:
ايام هير حبيبتى ههههههههههههههه انا عارفة انى اتأخرت كتير ف البارت ده بس والله ظروفى ملغبطة شوية وعشان خاطرك حاضر هنزل بارتين بدل واحد النهاردة :* | |||||||||
|
| |
|
03-06-13, 03:33 AM
| #29 | ||||||||
| ♥ السلام عليكم ورحمة الله وبركاته ♥ بعتذر كتير ع التأخير ف البارت ده بس اكيد والله غصب عنى .. مش هتكلم كتير هدخل ف البارت ع طول واتمنى يعجبكم ان شاء الله .. ولو النت كويس ان شاء الله يكونوا بارتين بدل واحد .. الـــجـــزء ((4)) - قعد شريف يبص لشرين وسرحان ..... ومرة واحدة ضحك قوى ..... (شرين):فى ايه ....!؟ .... ممكن اعرف حضرتك مبسوط قوى كده ليه ....!؟ (شريف):يعنى ..... اصلى شوفت عمو سعد وانا قدامه وهو نازل بهدلة فيا .... ايه ده .... ده انا شكلى وحش قوى . (شرين):والله ...! هو ده هم سيادتك ..... شكلك قدام بابا ...! طب بالنسبة للى اتبهدلت دى ... ايه نظامها معاك ...!؟ (شريف):يا بنتى ..... اكيد انا شكلى اهم . (شرين):والله ...! طب اوكيه ...شوف بقى حد تانى يدافع عنك قدام بابا يا استاذ . (شريف):انتى زعلتى تانى ...!؟ طب انا هتبهدل عشان مين ....!؟مش انتى ...!؟ يعنى برضو بسببك . (شرين):اه ..... اصل انا اللى قلت افضل لوحدى فى الكافيه .......... مش كده برضو .......!؟ (شريف):انتى هتتشطرى عليا انا .....!؟روحى العبى بعيد يا شاطرة ..... كان فين لسان سيادتك ده مع الاخ بتاع الكافيه ..... ولا انتى بتعملى معايا بروفة الاول ....!؟ ههههه (شرين):يعنى انت الغلطان وهتذلنى بيها كمان ......!؟ طب ايه رايك مش عايزة اشوف وش سيادتك بعد كده اصلا ...ممكن يا استاذ ...!؟ اتفضل مع السلامة . - جت ريم ولقت صوتهم عالى جدا مع بعض.... (ريم):ايه ده ...هو انتى لازم تتخانقى مع حد ......!؟ حرام عليكى .......هههههه (شريف):انتى لسه شوفتى حاجة ....!؟ هى دى شرين ..... اصبرى بس شوية . (شرين):والله ....! طب بلاش تصبرى خالص ....عشان انا سايبة المكان كله وماشية . - شرين قامت بسرعة عشان تمشى ....بس شريف مسكها من ايديها وقعدها تانى.... وبص لريم .... (شريف):ميرسى ليكى قوى يا ريم .... معلش عطلناكى على الفاضى .... روحى عشان تلحقى المحاضرة .... ونشوفك بكرة ان شاء الله . (ريم):طب وشرين ....!؟ (شريف):خلاص انا معاها ........يلا شوفى المحاضرة . (ريم)طب اوكيه .....اه ...طب ممكن موبايلك . (شريف):اوكيه اتفضلى .. - ريم كتبت رقمها عنده ورنت على نفسها ..... (ريم):ده رقمى ..... ولو عايزين اى حاجة .... انا تحت امركم . (شريف):خلاص ماشى ..... سلام . - مشيت ريم وقعد شريف مع شرين وباصصلها وساكت .... (شرين):فى ايه .........!؟ مالك ....!؟ (شريف):عايز افهم مالك النهارده ......!؟ عصبية ليه ...!؟ (شرين):الصبح تعاملنى وحش قوى .....وبعدين ترمينى فى الكافيه لوحدى واتصل بيك ولا معبرنى .......وبعدين جى تقول عليا عصبية وانى كده علطول .....كل ده ليه ...!؟ عشان ست ريم بتاعتك ...!؟ (شريف):اولا ...انا قلتلك اسف الصبح وخلصنا ....وبعدين انا مكنش قصدى اتاخر عليكى ....كنا بننقل الجدول ... ووالله ما سمعت الموبايل خالص .... وريم كمان قالتلك كده ....صح ولا غلط ...!؟ (شرين):ريم ....ريم ......ريم ...... ايه متعرفش حد غيرها ....!؟ (شريف)دى لسه عارفها من ساعتين بس ..... وبعدين مالها .....!؟ (شرين):مش عارفة ... مش جاية معايا سكة خالص ..... ليه ...!؟ معرفش . (شريف):آه ...... بس على فكرة دى مش وقتها خالص . (شرين):هى مين ...!؟ - وبنظرة خباثة من شريف ...... وبص بعديها فى الارض ..... (شريف):الغيرة يا شيرى ..... انا موافق بس مش وقته . - شرين وشها احمر قوى وراحت ضربت شريف فى كتفه ....... (شرين):ايه ....!؟ غيرة ايه يا ابنى ...!؟ طب مين بيغير من مين وعلى مين .....!؟ (شريف):والله ...! انتى بتغيرى من ريم .... وعليا طبعا ..... بصى .... انا مقدر ده ... بس البنت ملهاش ذنب انها حلوة شوية . (شرين):اوكيه ...طب بص بقى .....اميرة بتغير عليك من ريم ..!؟ (شريف):لأ طبعا . (شرين):ليييييييييييييه بقى ...!؟ (شريف):عشان لسة متعرفهاش يا فالحة . (شرين):وعشان اختك يا فالح .... صح..!؟ (شريف):ممكن . (شرين):يبقى ازاى انا هغير عليك يا اخويا يا حبيبى انت .......!؟ - شريف بصلها ... (شريف):انتى صح ......... عندك حق .... يلا قومى عشان نروح . (شرين):طب والمحاضرات .......!؟ (شريف):نبقى نعوض ان شاء الله ..... ده لسة اول يوم ...... وبعدين بعد اللى حصل لازم اعصابك ترتاح . - وفعلا الاتنين روحوا وكل واحد دخل شقته وبالليل شريف اتصل بشرين عشان يطمن عليها ....... (شريف):الو ... ازيه يا شيرى ..... عاملة ايه دلوقتى ...!؟ (شرين):الحمد لله ...ا .... كويسة .... مالك فى ايه ....!؟ (شريف):مال صوتك ........ كنتى نايمة ولا ايه ..!؟ (شرين):اه ... من ساعة ما جيت ....... تخيل ....!؟ (شريف):معلش ... طب روحى كملى .... انا كنت بطمن عليكى مش اكتر . (شرين):خلاص ماشى ... واشوفك بكرة .... بس بقولك ايه ..... (شريف):طب ثوانى خليكى معايا ..... معايا حد تانى ..... هشوف مين وارجعلك . - شريف فعلا علق مكالمة شرين .... بص لقى رقم شافه قبل كده ......... بس مش فاكره ........ رد عليه ........ ده كده البارت الرابع ولو النت ساعدنى هيكون الخامس هنا خلال دقايق ان شاء الله | ||||||||
|
| |
|
03-06-13, 03:44 AM
| #30 | ||||||||
| وده البارت الخامس زى ما وعدتكم وسامحونى ع تأخيرى بقى .. و صغنون بس ع قد ما قدرت اكتب عشان النت مش مساعد بحاول الحق ع قد ما اقدر قبل ما يهرب ههههه الـــجـــزء ((5)) - شريف فعلا علق مكالمة شرين .... بص لقى رقم شافه قبل كده ......... بس مش فاكره ........ رد عليه ........ (شريف):الو ...... مين معايا ....!؟ (ريم):انا ريم يا شريف ...... ده انا حتى عطيتك الرقم الصبح .... شكلك كده مش سجلته عندك .......... (شريف):اه .... لا .... اصل بصراحة مبصتش فى الموبايل قبل ما ارد ..... معلش . (ريم):ولا يهمك .... بس كنت عايزة اسالك المحاضرة بكرة الساعة كام ......!؟ اصلى مكملتش الجدول . (شريف):اه صحيح .... معلش .... عموما المحاضرة الساعة 10 ان شاء الله . (ريم):ميرسى قوى يا شريف .... اشوفك بكرة ان شاء الله . (شريف):ان شاء الله ...... سلام . (ريم):سلام . - قفلت ريم ...... ورجع شريف مرة تانية لشرين ...... (شريف):معلش اتاخرت عليكى . (شرين):لا عادى ..... طلع مين .....!؟ (شريف):دى ...... اصلها مش عارفة المحاضرة بكرة الساعة كام . (شرين):ايوة ..... هى مين بقى ......!؟ (شريف):أ...... أ ..... ريم ..... بس قولتلها على معاد المحاضرة وقفلت على طول ..... اصلها ملحقتش تنقل ال ........ (شرين):تصبح على خيريا استاذ شريف ....... عشان عايزة انام . (شريف):عشان خاطرى متزعليش ..... اصلها والله ....... (شرين):يلا سلام . - قفلت شرين وهى زعلانة قوى ........ وسهر شريف طول الليل وهو بيفكر يعمل ايه ...... اصل ريم ملهاش ذنب فى اى حاجة ..... وهو بيحب شرين قوى ومش هيقدر يزعلها منه ..... بس هو كان بيتصرف ..... يعنى مش بيكلم ريم قدام شرين ..... بس طبعا شرين كانت بتحس بكده .......... بس هى كمان عشان بتحبه قوى كانت بتبين انها مش حاسة بحاجة خالص ...... - وعلى الحال ده قضى شريف وشرين فى الكلية اربع سنين ومش قادر يعترف بحبه ليها لانها دايما بتحسسه انها مقتنعة تماما انهم فعلا اخوات ...... وشرين كمان مش قادرة تعترف بحبها ليه لانها مستنياه هو اللى يعترف الاول .... - فكان ساعات بيحارب كل الناس عشان حبه ليها ......... بس ساعات تانية كان بيفقد الامل وبيبعد عنها ....بس قلبه كان رافض تماما انه ينساها ..... ولما خلصوا اعدادى وسنة اولى ونجحوا بتقدير جيد جدا ..... الاتنين اتفقوا مع بعض ان كل واحد هيطلب عربية هدية نجاحه....... وفعلا بابا شريف جاب له العربية اللى هوه عايزها ..... بس بابا شرين رفض تماما انه يجيب لشرين عربية وكان دايما يقولها "انتى كبيرك تسوقى الهبل .. مش عربية ... " لانها كانت بتسوق بجنان وبسرعة غريبة .... فكان بيخاف عليها .......... - بس لما نجحت فى سنة تانية باباها وافق يجيب لها العربية اللى هى عايزاها ..... وكانت شبه بتاعة شريف بالظبط ...... وده كان على وعد منها لباباها وشريف انها هتسوق براحة قوى... - واول يوم فى سنة ثالثة ......... دخلو الاتنين الكلية سوا ...... ونكمل المرة اللى جاية بقى ان شاء الله تحياتى ليكم جميعا ومستنية الارآء بقى | ||||||||
|
| |
|
| الكلمات الدلالية (Tags) |
| أشلاء من الماضى |
| أدوات الموضوع | |
| انواع عرض الموضوع | |
|
|
1Likes
.png)
.png)
العرض العادي
