02-07-13, 08:22 PM
| #22 | |||||||||
|  اقتباس:
تسلم والله مرورك الأروع وان شاء الله الأجزاء الجايه احلى لاتحرمنا من طلتك | |||||||||
|
|
09-07-13, 08:14 PM
| #24 | ||||||||
|  روايه قلوب نقيه الجزاء 11 البااااااارت الحادي عشر رجع البيت مضايق اتوجه على غرفته وسكر الباب على نفسه وجلس يفكر :انا ليش يصير معايا كذا كله من اللي سويته في حلا كسرت بخاطرها امه دخلت عليه :مازن متى جيت؟ مازن:قبل شوي امه:وين اختك مازن:ليش هيا مو هنا امه:لانزلت متأخر من البيت ولسى ماجت مازن:غريبه وين راحت اخذ تلفونه وتصل ثواني وردت:الو مازن:ايوا وينك انتي دينا:اسكت يامازن لو تعرف ايش صار معايا مازن:خير دينا:اذا رجعت احكيلك مازن:متى رح تجي؟ دينا:بعد ساعه تقريبا مازن:طيب لاتتأخري دينا:طيب مع السلامه مازن سكر منها:قالت رح تجي بعد ساعه امه:طيب انا رايحه السوق ويمكن اتأخر اتغدوا انت واختك مازن:طيب خرجت وسكرت الباب وراها مازن:ماكلفت على حالها حتى تسئل ليش مضايق ااااه بس دينا سكرت من مازن شوي يطلع مروان من الغرفه:اذا تأخرتي على بيتكم عادي انا رح ادبر نفسي دينا:من قلك اني تأخرت يالله امسي مروان مشى وهو يعكز برجله خرجوا من المستشفى:تحب امسك ايدك مروان بصوت وتطي:ياريت دينا:ايش مروان:لامافي داعي دينا:طيب براحتك ركبوا السيار دينا:وين بيتك مروان:انتي امشي وانا رح ادلك على الطريق دينا:ماشي ظلوا يمشوا ساعه في الطريق:شكله بيتك بعيد مروان:قلتلك مافي داعي توصليني دينا:لا عادي مو يكفي ان اللي صار بسببي مروان:ادخلي هاد الشارع دينا:طيب دخلت وكان الحي مره بسيط ويبين ان اللي فيه كلهم فقراء دينا تطالع بأستغراب اول مره تجي هالأماكن مروان طالع فيها:شكلك مستغربه دينا:اول مره اجي هنا مروان:كنتي مفكره اني عايش في حي راقي بتوع اصحاب الفلل دينا:امممم مروان:خلاص مارح تقدري تدخلي اكثر من كذا الي هنا ضيق دينا وقفت السياره:طب وين بيتك مروان اشر بأيده:قريب من هنا شكرا لك دينا:مافي داعي تشكرني وانا اسفا على اللي صارلك بسببي مروان:اللي صار مكتوب بس اهم شي يكون لك درس مره ثانيه ماتسرعي وتشوفي اللي قدامك دينا ضحكت:ان شاء الله مروان خرج من السيلره:مع السلامه دينا:الله يسلمك دينا حركت السياره وخرجت من الحي:معقوله في ناس عايشه كدا مروان دخل البيت وهو يعكز برجله امه حست فيه طلعت من الغرفه انفجعت لما شافته:مروان ابني حبيبي ايش صار لك مروان:لاتخافي مافي شي امه:كيف مافي شي ايش بها رجلك مروان دخل الغرفه وجلس:رحت اجيب بضاعه لدكان وانا في الطريق صدمتني سياره بس الحمدالله جات سليمه ماصار لي شي امه:الحمدالله ومين هاد اللي صدمك ليكون هرب وتركك مروان:لا والله هو بنفسه اخذني المستشفى ماتعرفي قد ايش طيب ورجعني البيت كمان يالله ايش يجنن امه:مين هاد اللي يجنن مروان انتبه لنفسه:ها لا ولا شي امه:خليني اقوم اعملك شي تاكله مروان:اي والله مره جوعان امه قامت للمطبخ مروان تذكر:وين الأدوياء يالله شكلي نسيتها بالسياره دخل البيت وتوجه للمطبخ مالقى احد دور في كل البيت مالقاها طلع لفوق سمع صوت جاي من البلكونه راح لقاها جالسه وتسمع عبد الحليم حافظ أبتسم :ياعيني على الروقان طالعت فيه وضحكت سكرت المسجل:احمد متى جيت؟ احمد:من يوم ماقال عبدالحليم بأمر الحب افتــح للهوى وســلم منار:ههههههه احمد:الله يدوم هالضحكه منار:امين وياك احمد:هايعروس فكرتي في الموضوع منار:امممم احمد:ايش؟ منار:قبل كل شي قولي ليش عملت كدا ليش رحت عند فارس احمد أبتسم:اللي شوفته في عيونك اكد لي على انك لسى تحبيه ماخلاني اتردد دقيقه اني اروح وبعدين يكفي اللي عملتيه مشاني انتي ضحيتي بشبابك بس علشاني ومهما سويت مقدر اوفي لك حقك منار عيونها دمعت:الله لايحرمني منك انا مو عارفه اصلا كيف رح اقدر اقدر افارقك احمد:افهم من كلامك انك وافقتي منار:ايوا وافقت بس لازم اقول لعمك اول احمد:وعمي ايش دخله هاذي حياتك انتي منار:عارفه بس كمان لازم يكون عده علم احمد:مو يأثر عليكي بكلامه ويخليكي تغيري رأيك منار:لا أطمن مارح يقدر يسوي شي احمد:الا صحيح هو وينه له كم يوم مو مبين ايش لسى ماخلصت الفلوس اللي معه منار:احمد عيب هالكلام مهما كان هذه عمك احمد:انا ماقلت الا الصدق هو مايكلف نفسه يتصل يسئل علينا مايعرفنا الا لما يحتاج فلوس منار:ايش نعمل الله يصلحه احمد:امين العائله كلها مجتمعه على الغداء ابو أياد:في شي حاب اخبركم فيه ملك:خير ابو اياد ابو اياد:خير ان شاء الله اليوم كلمت زياد خبرني انه اليوم اخر يوم في العزاء حلا:وكيفهم الحين ابو أياد:الحمدالله احسن المهم اللي ابغى اخبركم فيه انه فرح اخته رح تجي تسكن هنا حلا:بجد أياد:قصدك رح تعيش معانا بالبيت ابو اياد:ايوا ليش اياد:لا بس اسئل ابو اياد:ملك ابغاكي تعتبريها زي بنتك ترى البنت يتيمه وماعندها غيرنا ملك:من غير ماتقول رح تكون مثل حلا بنتي ابواياد:الله يرضى عليكي هذه اللي منتظره منك وانتوا ياولاد من غير ماأوصيكم حلا:اطمن يابابا رح نحطها في عيوننا ابو اياد:وانت ياأياد اياد:انا ايش ابو اياد:يعني ماعلقت على جيت فرح للبيت اياد:ماعندي شي اقوله البيت بيتها ابو اياد قام:الله يديمها نعمه علينا حلا:ماأكلت شي بابا ابو اياد:الحمدالله ها كيف استعداداتكم للأمتحانات حلا:تماااااااااااام اياد:لاتخاف رح نبيض وجهك ابو اياد :ان شاء الله في جده... بعد ما مشيوا الرجال دخل البيت توجه لغرفه فرح دخل عليها لقاها ماسكا المصحف وتقراءجلس عندها لين مخلصت سكرت المصحف وحطته على جنب:مشيوا الناس زياد:ايوا احس حالي مره تعبان فرح:روح غرفتك نام انت لك يومين مو نايم زياد:قبل مااقوم ابغى اقولك شي فرح:خير زياد:اليوم كلنت عمي يطمن علينا وكمان يخبرني عن الشغل المهم احنا لازم نسافر دبي فرح:مافهمت قصدك نعيش هناك زياد:ايوا رح نسكن عند عمي فرح:زياد من جدك اترك جده واروح اعيش في دبي زياد:انا شغلي هناك يعني لازم نسافر فرح:طيب سافر انت زياد:وانتي اتركك لوحدك يعني فرح:مدري زياد:فرح افهميني انتي لو رحتي دبي رح تكملي دراستك وبعدين انا متأكد انك رح تنبسطي عند عمي فرح:اللي تشوفه زياد:انا ماابغى افرض عليكي بس انتي لازم تقدري ظروفي ابغاك تفكري في الموضوع وتديني خبر فرح ساكتا زياد قام:انا رايح انام طلع من الغرفه فرح مسكت صوره امها :اااااااه ياماما قد ايش اشتقت لك مادري ايش رح اسوي من بعدك جلست تبكي لين ماغفت ونامت اول ماوصلت البيت طلعت لغرفه مازن فتحت الباب:سلام مازن:واخيرا جيتي دينا دخلت:اوف تعبت مازن:ايش صار دينا:لما خرجت من البيت كنت مستعجله وامشي بالسياره بسرعه شوي الا واصدملك واحد مازن:مااات دينا:فال الله ولا فالك مازن:طب ايش صار له دينا رجله تعورت مازن :طيب وبعدين دينا:اخذته على المستشفى ربطوا رجله واعطوه ادويه ووصلته البيت مازن:اوف اوف كل هذه الحمدالله ماصار له شي دينا:اي والله مازن:عشان مره ثانيه تخففي سرعتك دينا:توبه والله اليوم كان قلبي رح يوقف من الخوف مازن:الحمدالله مرت على خير دينا:الحمدالله وين ماما مازن:تنهد:طلعت دينا:ايش بك؟ مازن:ساره دينا بملل:ايش بها مازن:انخطبت دينا:ايش على مين مازن بعصبيه:هذه اللي يهمك انا قلبي يحترق وانتي تقولي على مين دينا:طب هدي حالك انا عارفه انك تحبها بس مازن:بس ايش دينا:بس احس انها ماتناسبك يعني ساره غير عننا مانعرف شي عنها وبعدين انت ولامره جلست انت وياها لحالكم وتكلمتوا مع بعض انا نفسي تفاجئت انك تحبها قولي انت كيف عرفت انك تحبها مازن:ماعرف بس احس بشعور غريب لما اشوفها دينا:طب يمكن مو حب يعني مجرد اعجاب مو اكثرر مازن:مادري دينا:مازن انت ماتحبها انت بس اعجبت بشكلها او بشخصيتها عشان كدا انا متأكده انك رح تنساها مازن:ياريت لو انساها دينا:ناظر حولك رح تلقلى في شخص يتمنى حبك مازن:قصدك حلا دينا:حلا احسن بنت شفتها مو لأنه صحبتي وبدافع عنها بس من جد حلا غير مازن:دينا انا عارف هاد الشي بس انا طول عمري بعتبر حلا زي اختي ومعزتها من معزتك دينا:خلاص خليها تضل اختك وانسى ساره رح يجيك اللي احسن منها مازن سكت دينا:قوم معي مازن :وين دينا:على المطبخ نعمل الغداء انا وياك مازن:والله انك فايقه دينا:خلينا نغير جو ملينا من اكل الخدم مازن:مالي نفس دينا بترجي:مزون الله يخليك مازن:خلاص لاتحني يالله قومي دينا قامت:رح اروح ابدل ملابسي واجي راحت الغرفه وسكرت الباب فتحت الدولاب اخذت لها بجامه وتوجهت للحمام الا شوي ويرن تلفونها دينا رجعت اخذت التلفون وردت:الو وسام:الو دينا:ايوا مين معي وسام:ماعرفتي صوتي دينا :لا وسام:وسام دينا صنمت وسام:الو دينا:ايوا معك وسام:كيفك دينا:تمام وانت كيفك وسام:صرت بخير لما صمعت صوتك دينا قلبها دق وسام:دينا دينا:هممم وسام:ممكن اشوفك دينا:ليش؟ وسام:حاب اتكلم معاكي في موضوع دينا:اممم متى وسام:بكرا اذا تحبي دينا:ok وين؟ وسام:بكرا رح اتصل عليكي واحدد لك المكام دينا:طيب مع السلامه وسام:مع السلامه سكرت التلفون وجلست على السرير :من وين جاب رقمي وايش المضوع اللي يبغاني فيه دخل الغرفه لقاها جالسه وتغكر:انتي لسى ماغيرتي ملابسك دينا صحيت من تفكيرها:ها يالله رح اقوم مازن انتبه لتلفون اللي بأيدها:كننتي تكلمي مين؟ دينا بأرتباك:مع هديل مازن:طب يالله قومي دينا قامت:طيب مازن خرج من الغرفه وهيا دخللت الحماااااام نزل لصاله لقى الأكل على الطاوله اتوجه لطاوله وجلس اغرته الريحه وماقدر يصبر جلس ياكل دينا نزلت شافته جالس ياكل راحت لعنده بعصبيه:مااازن مازن انفجع:بسم الله خوفتيني دينا:مو اتفقنا انا نعمل الغداء سوا مازن:قلت لك مالي نفس اعمل شي نزلت لقيت الأكل جاهز على الطاوله جلست اكل دينا:او منك مازن:خلاص مره ثانيه الحين اجلسي كلي دينا:انسدت نفسي رح اطلع انام احست لي مازن:براحتك دينا طلعت وماردت عليه مازن:الله يكون في عون اللي رح ياخذك جالسه في غرفتها على اللابتوب فتحت تويتر دخلت على صفحته لقته كاتب حياتي بدونها ماتسوى شي قرئت التعليقات وفي منهم وحده كاتبه الله لايحرمني منك:هاذي اكيد زوجته رح اعملها متابعه والله مااكون هديل اذا ماخربت بيتك رن تلفونها برقم غريب ردت بعصبيه:الو نعم :انتي هديل هديل بأستغراب:ايوا انا هديل مين معي :انا خالد اليوم وصلت من لند وعندي اغراض لك من ابوكي ياريت تجي تاخذيهم هديل:غريبه اليوم كلمت باابا الصبح ماقال لي :والله ماعرف المهم الأغراض عندي انا مارح اقدر اجيبهم هديل:اوكي عطيني العنوان :العنووان هو... هديل:خلاص ساعه واكون عندك سكرت التلفون قامت لبست ملا بسها واخذت مفتاح السياره وطلعت من البيت ركبت سيارتها وتوجهت للمكان وصلت نزلت من السياره ودخلت العماره طلعت الدور الرابع دقت الباب ثواني وانفتح الباب وماكن في احد هديل دخلت ماحست الا الباب يتسكرالتفتت على وراء بأستغراب:ماجد ماجد:ايش رايك بهالمفاجئه هديل انت ايش تسوي هنا ماجد:انا اللي اتصلت عليكي هديل:انت ماجد:جلست افكر كيف اخليكي تجي لعندي مالقيت غير هاد الحل هديل:يعني كذبت علي ماجد:ماشاء الله عليكي فهمتي هديل:والله انك ح... ماجد مسك ايدها وشد عليها :يكفي اهانات هديل سحبت ايدها منو:اترك ايدي الظاهر انك لسى ماتعرف مين انا ماجد:يااااومي خوفتيني صراحه هديل:انا هبله اني جالسه اضيع وقتي مع واحد مثلك لفت تفتح الباب بس طلع مسكر بالمفتاح :افتح الباب ماجد:واذا مافتحت هديل رفعت ايدها بتهديد:افتح الباب احسن لك ولا واللهي رح تندم ماجد قرب منها وحط ايده على ذقنها:مو انا ياللي بتهدد فاهمه هديل بعدت ايده بقرف:بعد ماجد قرب منها اكثر:خفتي هديل دفته:انا اخاف من هادي الأشكال ماجد عصب سحبها من ايدها ورماها على الكنبه وقرب منها هديل تضرربه بأيدها:بعد عني يا... ماجد مسك ايدها:والله رح تندمي هديل دفته بكل قوتها وقامت تجري دخلت الغرفه وكانت رح تسكر الباب ماجد لحقها بسرعه دف الباب ودخل هديل رجعت على وراه:لاتقرب مني ماجد أبتسم بخبث :انتي اللي جنيتي على حالك هديل ترجع وهو يتقدم لين ماطاحت فوق السرير نهااااااااااااااااااااااا اااااااااايه الياررررررررررت | ||||||||
|
|
 |
| مواقع النشر (المفضلة) |
| الكلمات الدلالية (Tags) |
| روايه, نقيه, قلوب |
| أدوات الموضوع | |
| انواع عرض الموضوع | |
|
|
.png)
.png)
روايه قلوب نقيه الجزاء 12 
.png)
.png)
العرض العادي
