آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
24-07-23, 02:02 AM
| #1 | ||||
 
|  كل مخلص في الهوى واعزتي له...لوتروح سنين عمره ينتظرها *مكتملة* السلام عليكم ورحمة الله وبركاته كيفكم جميعاً اليوم قررت انزل روايتي البسيطه بمجتمع مهتم واتمنى منكم مساعدتي بالردود الحلوه واتقبل رايكم بكل حب بما اني جديده بينكم استمتعوا بسم الله الرحمن الرحيم : : : الفصل الاول 1 خلف مقعد الاستقبال في عيادات العظام رتبت اغراضها على الطاولة بسعاده كون اليوم اخر دوام وتبدء إجازتها تقدم منها احد المراجعين كبير سن مع مساعده بحكم انها عيادة عظام فأغلب المراجعين من كبار السن الي تحترمهم تفضل ياعم بأيش اقدر اخدمك يابنتي عندي مراجعة عند الدكتور خالد طيب لو سمحت ممكن اسمك محمد علي سعيد ال شامخ تيبست يدها على الحروف من شدة صدمتها من الاسم رفعت راسها له بذهول تتفحص ملامح وجهه المرهقه وتجاعيد دار عليها الزمن ناظرها بإستغراب : وشبلاتس يابنتي تناظريني تسذا استوعبت وبدت تكتب اسمه وحجزت له عند الدكتور : تفضل ياعم بالانتظار لين ينادي الدكتور اسمك رد عليها بالدعاء وتوجهه لصالة الانتظار وهي تراقبه بعيونها مومعقول تشابه الاسم هالدرجة في ديرة بعيده عن ضجيج المدن وحضارتها المتقدمه اخذت هالديره من هالحضاره القليل بيوت متراصه واشجار خضراء ونخيل تحاوطهم وبعض المزارع الصغيره على جوانب الديره وقليل البيوت الي تتكون من دورين والكل يعرفون بعض شافته جالس على عتبت الباب الخلفي الازرق يحتضنه الصدأ من السنين المتراكمة للحوش جاته وسحبت الي بين اصابعه رمته علىالارض ودعسته بقدمها بكل قهر : الحين ماتقولي متى تترك هالعفن تعبتنا وتعبت روحك ياسياف ابتسم وعيونه تنطق ضيق: ماتملين ياهبوب هبوب بحنان وهي تربت على كتف اخوها العريض:لاماراح امل لين اشوف سيافنا يرجع ضاق صدره من كلامها الكل شايل همه وهو مابيده شي موقادر يتخطى ابد ولاوده تضيق صدورهم سكتوا لثواني وزمت شفايفها من لمحت الي طالع من بيته متجهه للسيارة سياف : ادخلي ياهبوب منتظره لي ساعه من لمحتس غير وجهته هبوب وهي تكش على الي دخل سيارته وتتافف: ايه جاء حبيب القلب راقب هبوب بضيق لين اختفت ولف راسه لصوت التصفير واشر بيده بمعنى تعال جاء مبتسم سلم عليه ووقف على جنب وهو يناظر للارض: هاا كم سحبت اليوم سياف وهو يناظر للدخان ورماده الي متناثر حول العتبه :تكفى فكنا :وش ودك فيه ياسياف ابتسم لان رفيقه داري بالي بصدره وانه ضاقت عليه هالدنيا هالوقت فسكت وطال هالسكوت لخمس دقايق كلهم يتأملون الارض وهو ساكت ينتظر سياف يحكي سياف: لك حيل صيد ابتسم : افا وتسأل انت بس قول يلا ياحمد ووالله لامشي وراك ولا اسأل مارد سياف عليه وهو يدري محد قريب له بكثر حمد وقف : روح جهز عزبتك نمشي الحين فز حمد بفرحه: ابشر بس بسيارة العم مصطفى قدام الباب الرئيسي للحوش تصب من قهوتها وتسولف على جدتها وتتمازح معها هبوب بضحكة: جده بالله من كنتِ تبين جدي علي ولا مصلح حق البقالة جدتها وهي تضربها على ذراعها: يالي ماتستحين بعد هالعمر مع جدتس تسألين ضحكت هبوب بقوه وهي تأشر لسياف الي جاي من خلف الحوش وبيده شنطة الصيد :سياف تعال لايفوتك جدتي متهاوشين عليها اثنين جدتها وهي تناظر لسياف الي باس راسها وجلس بجنبها: ياجعلني ماابكيك ياولدي هبوب بمشاكسة :ايه ياجده غيري الموضوع غيريه الجده عصبت عليها:يالي ماتستحين ماينقال لتس حكي سياف وعينه تنتقل مابين هبوب وجدته : اهجدي عن جده ياهبوب رفعت يدها بعلامة الاستسلام وهي تأكل من الحلا سياف : ياجده انا بطلع صيد مع حمد ويمكن ماارجع الا الصباح هبوب وقبل ترد جدتها وقفت وتخصرت :ماشاءالله هالتيس ماقدر ياخذك الا اليوم لما سويت العصيده سياف ناظرها بحده وهي هجدت ورجعت تجلس بمدت بوز الجده وهي تبتسم لسياف: ماعليك من هالخبيله روح ياولدي وتونس مع رفيقك باس يدها ووقف ووجه كلامه لهبوب:قومي حطيلي قطعة من هالحلا بصحن وفنجان قهوة ناظرته بتعجب وقال:علامتس هبوب :القطعه لك بتأكلها تنكتب بالتاريخ ياعدو السكر ابتسم بخفيف وهو عارف ردها: ماهيب لي لحمد يحب الحلا بسرعه البرق شالت صينية الحلا ودخلت وهي تقول : والله مايذوقه حلاي وبكيفي ضحك وقالت الجده بعصبية:ياقليلة الادب هين ياهبوب ماعليك وانا امك اقول لام فاهد ترسل حلا الحين وتعطيه لرفيقك والله يستاهل ( امفاهد جارتهم من اصول سوريه فنانه في الحلويات وتحب تطبخ وكل خميس تعلم بنات الديره الطبخ ومن ضمنهم هبوب) سياف:تسلمين ياجده مايحتاج انا طالع الحين طلع من البيت ودعوات جدته تحاوطه ركب سيارة العم مصطفى الكبيره الي تتحمل عجرفت البر وتوجهوا يبحثون عن مكان صيد مريح لهم بعد مده من غابت الشمس واسدل الليل ستاره وعلى ضيء القمر والنسمات البارده تحاوطهم بعد ماانتهوا من صلاتهم جلس بتأفف :البر صاير بخيل هالايام حط دلة القهوة على النار المشتعله وارتكى بذراعه على المركى ناظر بساعته وهو يتأملها بعيون تلمع اقترب حمد بجنبه بعد دقايق : للحين تزورك الكوابيس تنهد بضيق ومارد صب لرفيقه قهوة وبدء يرتشف من فنجانه بهدوء:انت ليش موراضي تطيعني روح لدكتور ناظره بهدوء تام: قد قلت لك دكتور ماني رايح سكتوا قريب الساعه وكلن يتأمل هالبر وعيونه مليانه حكي اخذ حمد هالهدوء بصوته المبحوح اثر السكوت الطويل: دايم وانا اضحك للصواديف لاجن لين الليالي السود بلشت بحالي واستنشدت عني وقالت هذا من؟ اللي يذوق المُر ويقول حالي بعد ماوصلت البيت ورتبت غرفتها نزلت بكل حماس كعادتها بوقت الاجازات كانوا ينتظرونها تنزل سلمت عليهم وجلست بجنب اخوها الصغير ذو التسع سنينداعبت وجهه المليان :تسلم لي هالخدود الي تنوكل ابوها: بما ان حبيبت ابوها اجازه وين ودكم نسافر سحاب: نروح الجنوب زميلتي بالدوام تمدح اجوائها وانا ماقد رحت هناك ام سحاب بإعتراض: لا نروح دبي سحاب بزعل: بس انتوا وعدتوني هالمره انا اختار امها: اختاري اي مكان غير الجنوب ياسحاب سحاب:وليش غير الجنوب انا ابيها ابوها: تبشر السحاب وناظر بزوجته بضيق :هالمره الجنوب وتبشرين بسفرة دبي ياهبوب لحالنا ماامداها تضحك الا امها وقفت بزعل وراحت لغرفتها لفت راسها لابوها :ودي اعرف أمي ليش تكرهه الجنوب ابتسم ابوها : اسئليها قامت بتروح تشوف امها وتذكرت ورجعت لابوها : يبه يصير تتصادف اسماء الاشخاص نفسها ابوها باستغرب: كيف سحاب:اليوم جاء رجال كبير للعيادة وانصدمت من اسمه -شسمه الي خلاك تنصدمين -اسمه محمد علي سعيد شامخ شافت الصدمه تتوزع على ملامح ابوها التفتت براسها للدرج الي طلعت منه امها وهي تقول: نفس اسم امي تصير تصير ياابوك كثير ناس تتشابه اسمائهم ضحكت وهي تفكر ايش بتكون ردت فعلها إذا لقت وحده نفس اسمها وراحت لامها تقنعها بسفرة الجنوب مسك راسه بين يديه وهو يدعي الله يستر من وين جانا هالمحمد كنا مرتاحين في الخط راجع للديره التفت على عثمان الي يسوق : وقف عند هالمحطه وقفت السيارة الددسن الي يادوب تتحمل وهي ينقطع بها دروب طويلة بسبب شايبها الي يحب يسافر سيارة بدال الطياره بجنب البقالة اليبالمحطة نزل وهو يرتكز على عصاه الغليظه اشترى كل الي طلبته بنته منه وفوقها اشتراء عصير لاطالما حبه ولده لعلى وعسى هالمره يقبله منه ويرضى حط عثمان الاكياس بحوض السيارة بعد ساعات طويلة مرهقه بالسفر وصلوا على صلاة الفجر نزل وهو يقول لعثمان: نزل الاغراض بالحوش انا بروح للمسجد بعد الصلاة توجهه الشايب لبيته ومالقى احد بالحوش وهذي مو عوايد اهل بيته رفع نظره للباب الي انفتح وطلعت وهي شايله صبنية القهوةبخمول ووراها جدتها ابتسم : ياالله تحيي عويناتي الثنتين فتحت عيونها وهي تنزل الصينيه بجنب الباب وتحضن ابوها بفرح : حياك حياك والله انورت الديره الجده: ياالله حيه راعي البيت بشرني وشقال الدختر لك: الحمدلله كالعاده ادويه ووجع راس هبوب تناظر الاكياس تنتظر ابوها يقول لها اغراضك عشان تهجم عليها ضحك وهو يشوف نظراتها: ايه بالله حقتس ضحكت وهي تفتش الاكياس ودخلت فيها للمطبخ طلعت وشالت الصينية معها وحطتها بمكانهم المعتاد وبدت تصب لهم قهوه: جايب له عصيروكالعاده انا بشربه ضاق وجهه وامه تقول: خلاص ياابو سياف ماعاد له قلب يلين تحصن بالقساوه تنهد وهو يشرب قهوته وهو يناظر للجهه الخلفيه من الحوش هبوب: لاتدوره ماهوب موجود طالع للصيد مع التيس شرقت بالقهوه من ضربت جدتها :ليش ياجده الجده بعصبيه: كم مره اعلمتس امسكي لسانتس عن ولد الناس لو الله ثم هو ودعنا اخوتس بوززت بزعل وهي تشرب ماء وبدو يسولفون ويسألونه عن السفره بعد يومين من طلعتهم للبر ماقابل ابوه الا مرات قليله ومابينهم الا رسميات وحصون متينه من العتب والضيق كعادته لاضاق ومن متى قلبهمرتاح سكنته الضيقه والظلمه قرر يتمشى بالديره لعل هالهم ينزاح شدد على فروته البنيه الاجواء بدت تشد ببردها وبعد مشي ساعه راجعللبيت حس بالعيون الي تراقبه زفر بضيق وتزايد ضيقه بصدره وهو يدخل للبيت -لمتى يعني بتنتظرينه التفتت لأختها بحزن وهي تقفل الستاره:للموت سحبتها وجلستها بجنبها على السرير:ياضي عيني كل شي في هالدنيا قسمة ونصيب والله انها خيره لتس وله فكي عنتس هالحزن ماقدرت تمسك نفسها أكثر وبكت بحرقه صار الدمع مسكن لعيونها الناعسه وذبلت حضنتها ومسحت على شعرها الطويل تقرء عليها ( اخخ يافاتن لمتى بتظلين على ذكرى وامنيه ماتدرين عن هالعم وش مخبي لتس ، يارب ياحبيبي تكفي اختي شر طمعهم ) اندق الباب بهمجيه وصوتها العالي: ليش مقفلات الباب افتحن اشوف وش مخبيات بنات العقربه انفتح الباب ودخلت كالاعصار وهي تمشط الغرفه واستقرت عينها عليها : وش بلاها اختتس افنان : مافيها شي قيمتها من فوق لتحت: وانتي ليش لابسه تسذا ماكأن فيه عيال بالبيت افنان : شايفتني اتمشى بالحوش جالسه بغرفتي العمه بغضب :تراددين يابنت حصوه العقرب هين ان ماخليت عمتس يقص لسانتس الطويل مااكون منيرة تأففت افنان وهي تطنش كلامها عن امها مالها خلق للهواش : نفس الموال كل يومين تعيدينه وقفت : افنان خلاص طلعت مثل مادخلت قفلت الباب بقوه وراها اسمعيني زين يافاتن كل مره اسكت لكن والله زيارة خالي الجايه لاقوله كل شي مسكت ذراع اختها بترجي: تكفين لاتشبين النار أكثر تعرفين لاقلتي لخالي ايش بيصير فينا مسحت وجهها بألم من مسكت اختها على ذراعها الي امتلت بالكدمات من ضرب عمها امس: استغفرك يارب فاتن بترجي: افنان افنان: يكفي الي شفناه هنا يكفي والله مالي قلب يتحمل اكثر فاتن ببكي: وبيتنا ؟ افنان: ماعد يهمني لابيت وفلوس ابشتري راحة بالنا وقلوبنا يكفينا العذاب الي عشناه طول هالسنين فاتن: وتظنين خالي بيقدر يتحمل مسؤليتنا ناظرت اختها وهي تدري قد ايش خالهم ضعيف قدام عمهم لكن تتمسك بحبل مرتخي افضل من الغرق بعد ايام ببيت حمد الي يتكون من دور واحد بسطح وحوش كبير بزاويته مجلس خاص للرجال صرخ بكل صوته بقهر: لاااا وقف بسرعه وهو يرمي الفنجان من يده :وشصار التفت له وهو ينزل السماعه وضحك على شكل وجهه: خسرت باللعبه رجع جلس وهو يتنهد :حسبي الله على عدوك بغيت اودع متى بتترك هالخبال جلس مقابل له وصب له قهوه: ذحين علمني وش مجلسك عندي وحمد موفيه لايكون هاج من بيتكم ناظره بطرف عينه ولارد عليه شرب قهوته ووقف : تغديت ولاتتغدا معي سياف:متغدي الحمدلله رجع بصينية الغداء وجلس بمكانه وهو يتغدا سياف: مالقيت لك وظيفة ؟ هز راسه بلا سياف: وليه ماتدور بالمدن ماراح تلقى قريب الديره :ماودي ابعد يكفي حمد سياف: يا ايمن هذي هي الحياة بتشقى فيها عشان بعدين ترتاح ايمن: وين الراحه يوم ابعد عن اهلي وبعدين انت ليش رافض توظفني بلاسطبل سياف : جربتك مره ولاعادني بجربك ايمن يمثل الزعل: افا وانا اقول بيليين راسه علي وبيحن سياف وهو يحرك مسبحته بين اصابعه : وبتجلس كذا كل الحِمل على اكتاف اخوك ايمن بضيق: والله ان ودي لكن وش السوات ماحد يقبلني ماهو بيدي ياسياف ارتكى بظهره على المركى وهو يغطي عيونه بذراعه : الله يعين خلص من غداه ورجع يلعب لين اذن العصر وقف فوق راسه : ولاكأن عنده بيت ينام هنا هزه من كتفه : سياف ياسياف يلا اذن العصر جلس وهو يتمغط وعاقد حاجبينه مسح وجهه: اعوذو بالله وش هالكوابيس ضحك عليه ايمن: يلا يلا نلحق نصلي بالمسجد دخلت الغرفه الخاصه بالموظفات وهي تنزع نقابها وحجابها جلست وهي منهد حيلها على الاخر مدت لها المشرفه علبة ماء :تفضلي افنان بعد ماشربت من الماء وتحس انتعش جسمها: تسلمين يادكتوره هناء الدكتورة هناء: اليوم واضح عليتس التعب افنان: مانمت وجايه مواصله واحس طاقتي انتهت هناء: وقعي وارجعي نامي وبكره نشوفتس تعدلت افنان بجلستها: لامايصير اطلع باقي لي ثلاث ساعات ومامريت على مرضاي ابتسمت لها : ماعليتس انا اتكفل بجدولتس اليوم روحي ارتاحي افنان: متأكده، مع اني اول مره اسويها واطلع بدري هزت راسها بتأكيد وقعت وخرجت وهي تشيل ملفاتها وقفت تسلم على جارتهم : سلامات ياام جاسر ام جاسر بحزن: ولد أختي جاي زيارة والضعيف طاح ولده الصغير وشكل به كسر افنان وهي تشوف مجموعة الحريم الي جايات لام جاسر: مايشوف شر وإن شاء الله بسيطه ماردت عليها لان داهموها الحريم يسألن عن الولد مشت وهي تقول بنفسها( مافيهم طب حريم هالديره كم مره نقول المشفى مو للزيارات والسؤال) مشت بإتجاهه بيتهم و وقفت باول الشارع الي يودي لبيتهم تناظره بضيق يكتم على صدرها رفعت راسها للسماء وهي تدعي ربي يكفيهم شر عمها ويعيشن براحه عمها له شهر هادي ويسولف معهن ولا ضربهن وشتمهن كالعاده وهذا الشي مخوفها حتى بدوامها ماترتاح تشيل هم اختها وتخاف عليها من مرت عمها السوسه فزت من افكارها بخوف وبرد كل جسمها لما سمعت صوت البوري من وراها وماقدرت تتحرك تيبست رجولها نزل من سيارته وهو يناظرها بإستغراب رفع صوته يمكن تسمعه لكن لامجيب دق البوري ورا بعض وشاف كيف انتفضت حزن عليها : يا أخت تحركي ساده الطريق علينا ماردت ولاتحركت خاف انه فيها شي تقدم لين وقف مقابلها لوح بيده قدامها: فيتس شي علامتس واقفه بنص الشارع فجاءه انطلقت من جنبه زي الريح انصدم من سرعتها لف و شافها كيف تفتح بابهم برجفه حك راسه وضحك : وش هالسرعه ماشاءالله ركب سيارته وهو يتجه لخارج الديره سحاب وهي ترتب مكتبها دخلت امها عليها سحبتها من يدها وجلستها جنبها على السرير بصدمه : كيف شكله الي اسمه زي اسمي سحاب : ابوي علمك ام سحاب: ايه علميني وش يشتكي منه سحاب بإستغراب: انتِ تعرفينه وش مرضه معاه احد . وش مرضه معاه احد و ماقدرت تمسك نفسها وبكت امها وابوها وكل اهلها بكت السنين الي راحت وهي بعيده عنهم ماتدري عنهم حتى خبر وفاة ابوها وصلها بعده بشهر ولاقدرت تروح تعزيهم حضنت امها بفجعه : بسم الله عليكِ يمه وشفيكِ مين مزعلكِ ماقدرت تسكت كل ماله يزيد بكائها جاء على صوتها وقف بجنبها وهو يمسح على ظهرها بحنيه: تبين تشوفينهم ياهبوب بعدت عن حضن بنتها ناظرته بإنكسار وهزت راسها مسك يدها وضغط عليها : لو ودك نمشي لهم الحين نمشي يكفي كل هالبعد صار وقت تتصافى القلوب وقفها وهو يلف ذراعه على كتفها وطلعوا ماتحركت من مكانها دموعها تنزل بدون صوت تناظرهم مافهمت شي من امها وتصفى قلوب مين مو قادره تستوعب امها كانت بحضنها منهاره اول مره تشوفها بهالشكل وقفت بتلحقهم الا بدء عقلها يستوعب الرجال اسمه زي امها وسؤالها عنه والخوف الي لمحته بوجهه ابوها لما علمته بالاسم ماله إلا تفسير واحد الرجال يصير اخو امها يعني خالها شهقت لما استوعبت كل شي وان ماعمرها سألت عن خوالها كانت تشوف اعمامها لكن ليش ماقد سألت امها وهذا سبب رفض امها للجنوب عشان اهلها هناك صدمه ماراح تتجاوزها بسهوله في المركز الامني الكل فرحان واخيراً الراحه تعم المركز بعد الاستنفار وتلف الاعصاب الي صار لهم حمد وهو يحضن رئيسه : الحمدلله احبطنا عمليات هالفاسدين وانطرحوا كلهم بالسجن العريف حزام ربت على ظهر حمد : الحمدلله ياحمد وتستاهلون الترقيه يابطل لو الله ثم انتم ماكنا وصلنا للي وصلنا له حمد بإبتسامه ارتياح:تعليماتك سيدي ابتعد العريف حزام بعد ماضرب لهم تحيه وهو فخوور لابعد حد برجاله الابطال تعبوا معاه خلال 4 شهور من مطاردات لموزعين المخدرات وقدروا يوصلون لرئيسهم ويمسكونه ابتعد شوي عنهم وهو يناظرهم كيف فرحانين بإنجازاتهم وكل واحد يحضن الثاني ويبارك له بعد صلاة المغرب توجه للساحة مع باقي زملائه الكل اصطف العريف حزام وجنبه الفريق الاول ويصطفون جميع العساكر والضباط امامهم بعد انتهاء العريف حزام من خطابه وشكره لفريقه بدء يسلم فريقه رُتب الترقيه لكل واحد إلا ان وصل لحمد بعد ماتبادلوا التحيه لبسه النجمتين على اكتافه ربت على كتفه: تستاهل الف مبروك ياملازم اول اعطاه تحيه مليانه فخر وفرح انصرف جميع من في الساحه وهو من فرحته وده يطير للديره لكن باقي ثلاث ساعات على الانتهاء وبداية اجازته من الفرحه متر الساحه وهو رايح جاي جاته رساله تنبيه ان الاجازة بدت من الان وهذا كان قرار العريف حزام انهم مايكملون ويطلعون لاهلهم ركض بقوه متجهه لسيارته تارك ملابسه بالمركز اكثر شي يهمه الان يوصل للديره ويفرح اهلها دخل الصاله وهو شايلها :بنتكم هذي يبي لها تأديب ضحكت: وشفيك شايلها تسذا نزلها لاتتعور ايمن وهو يمثل انه معصب: شوفيها ضاربه مريم واخوها الصغير ولاعبه فيهم بالتراب ضحكت بشقاوه : حطيت بظهر مريم خنفس فتح عيونه لها وتعالت ضحكات امها وابوها ايمن وهو ينزلها: لالا انتِ صرتي شريره وانا ما احب الشريرات مدت لسانها له وراحت بحضن امها : ماما فستاني صار وصخ هز راسه ايمن وجلس بجنب ابوه: دلعتوها حتى الكلام ماتسمعه ابوه: غيران من اخر العناقيد اشر عليها : من هالنتفهه وصل على اخر الحوار ابتسم ودخل :السلام عليكم ورحمة الله وبركاته نطت من حضن امها تركض لحمد حضنها بقوه باسها وضحك وهو يقول: بوستس طعم تراب سلم ايمن عليه : الخبيل متهاوشه مع مر... ماكمل كلامه وهو ينتبه للنجمتين صرخ وهو يلمسها : نجمتين نجمتين ضحك على ردت فعل اخوه وعيونه تنتقل بين امه وابوه شاف الفرح والفخر بدموعهم حضنه ابوه بقوه وهو يربت على ظهره : مبروووك ياولدي مبروك هالترقيه تقدم لامه وحضنها وباس يدها وهي تبكي فرحة ولدها مسح دموعها بطرف اصابعه: ليش هالدموع يمه مسكت وجهه بيد واليد الثانية تمسح على كتفه: يشهد الله انها دموع الفرح كنت تتمنى هالترقيه وجاتك وش ابي اكثر باس يدها وراسها الساعه قريب وتصير 2 بالليل تزاحمت الذكريات براسه وودععه النوم تقلب كثير لين صدع راسه وقف لبس ثوبه وقرر يمشي يضيع وقته لين صلاة الفجر طلع كالعاده من الباب الخلفي وقف يتلفت ويتمغط لاحظ سيارة حمد وماهي الا دقايق ويشوفه طالع ببدلته الرسمية متجهه له راقبه لين وقف قدامه دق له التحية بإبتسامه وعيون تلمع : ماودك تسلم يالحبيب ضحك وهو يقرب يسلم عليه: طولت هالمره حمد: ايوالله طولت لكن جيتك بإنتصاري مافهم عليه وناظره بإستفسار ميل له كتفه وبرزت له النجمتين الفخوره وهي تعتلي كتف رفيقه انشرح صدره وبانت الفرحه بتقاسيم وجهه وحضنه وهو يبارك له : ياكبر الفخر ياحمد حمد والإبتسامه الي مافارقت وجهه: لاتخليني ابكي ناظر للنجمتين بسعاده رفع عينه لحمد الي قال: وش لي بهالمناسبه ابتسم: لك الي تبي تحول وجه حمد للجديه: اطلب اختك على سنة الله ورسوله ناظره بصدمه ماتوقع هالطلب ابد وسرعان ماتحولت هالصدمه لفرحه: والله ياحمد ماالقى لها احسن منك ابتسم له واكمل سياف كلامه: عطيناك إذا ربي عطاك شورها الاول والاخير حمد: اكيد وغير هالشي ماارضى فيه وقفوا دقايق ثم بدء سياف يمشي وجنبه حمد بهدوء بعد مشي ربع ساعه حمد: سياف ودي تشاورها بدون احد يدري إن وافقت جينا خطبنا رسمي : كيف تبيهم مايدرون انك خطبتها حمد: تكفى امي بيضيق صدرها وبتزعل إذا رفضت ترا امي تغليها من غلا امكم الله يرحمها : الله يرحمها ويغفرلها ، ابشر : تبشر بجنته رجع يغير بدلته الي ظل لابسها عشان يشاركه سياف فرحته صلوا الفجر وناموا تثاوبت : يمدحون النوم ياجده الجده وهي تشرب قهوتها الي كل بعد فجر بالحوش : النوم للخايبين نايمه من المغربيه ماشبعتي نوم انسدحت على فخذ جدتها: بس ساعه تكفين محد يجي الحين مسحت على راسها: نامي نامي ياضي عيني ابتسمت على هاللقب الي تناديها فيه جدتها من صغرها تحبها وتغليها اكثر من عيالها رغم انها تقسى عليها احيان لكن كله بمصلحتها جاء ولدها وجلس بهدوء بعد ماسلم على راسها ويتقهوى : يمه صحيها تنام بغرفتها تعب عليها هنا ماوقفت مسح على راسها: خلها عنك شوي وبتصحى تقهوى انت محمد: وين سياف عنكم اليوم امه: نايم طول ليله صاحي وبعدها طلع مع رفيقه هالولد متى يرتاح ماادري هز راسه بضيق: يارب تريح له قلبه وتهديه وتحنن قلبه ناظرت ولدها بحزن وقلبها يلهث بالدعاء لهم — البارت قصير كبداية وبإذن الله بعد يومين نلتقي توقعاتكم للاحداث والشخصيات بنائاً على البارت الاول رايكم بالبارت ( استغفرالله العظيم واتوب إليه ) الفصول الفصل 1... أعلاه الفصل 2,3,4 .... أسفل الصفحة الفصل 7,8 الفصل 9,10 الفصل 5,6 الفصل 7,8 الفصل 9.10.11.12.13.14.15 الفصل 16.17 الفصل 18 الفصل 19 الفصل 20 الأخير التعديل الأخير تم بواسطة **منى لطيفي (نصر الدين )** ; 20-03-24 الساعة 09:31 AM | ||||
|  |
|
27-07-23, 02:02 AM
| #3 | ||||
| البارت الثاني : : بعد اسبوع بدت اجازة المدارس وكالعاده العم لافي يرجع للديره وبكل مره يفرحون بجيته لافي العم الكبير لسياف وهبوب طيب وحنون وسمح محيا فتح البوابه كامله وهو يرحب : ياهلا ومرحبا بالعضيد ياهلا بأخوي نزل من سيارته بإبتسامه سلم على اخوه وعلى سياف مرت من جنبه زوجته صفيه : السلام عليكم ياابو سياف شخباركم ابو سياف وانظاره للارض رد السلام: نحمده ونشكره دخلت ووراها بناتها التؤام سجى وجنى بعد ماسلمن على عمهن ماصدقن يبعدن عن انظار سياف نزلن العبايه وهن يركضن للجده بفرحه بعد السلام واخذ الاخبار تعشوا وكلن راح ينام طبعاً العم لافي له بيت بالديره لكن حلفت الجده الا ينامون عندها اليوم مشتاقه لهم حيييل بالليل بعد ماناموا الكل وقفت تطل براسها بشويش مع الباب الخلفي التفتت يمين شافته يفتش بسيارته: ياحي هالزول يا أخوي رفعت صوتها شوي عشان يسمعها: سياف ياسياف لكن ماسمعها حست بشي يتحرك بالجهه الثانيه التفتت بااقوى ماعندها وشخصت عيونها وقلبها يدق بقوه ثم التفتت جهة سياف تخاف شافها واثناء دخولها بقوه صقعت راسها بالباب وصحكت الباب بقوه وهي تجلس وراه بخوف كل جسمها ينتفض مسكت قلبها: بسم الله الله ياخذ عقله طير قلبي من الخوف انطلقت ضحكته المتوتره وبنفس الوقت ضحك على سياف الي فز من صوت الباب العالي وصقع راسه باعلى السياره حك راسه وضحكته تخفت وصل عنده : خبل انت تقفل الباب بالقوه في هالوقت وبعدين ليش تقفله مامعي مفتاح حمد ضحك : ماعليك الليله تنام عندي هز راسه : تصدق كنت ناوي انام بالاسطبل عشان اهل عمي ياخذون راحتهم وارتاح انا بعد دخل المجلس وهو يحط فراش سياف ورتب فراشه جنبه انسدح سياف وثم حمد بعد ماطفئ الانوار :سياف رد عليه بهمهمه وكمل حمد: شاورت اختك؟ سياف: مالقيت وقت اصبر علينا : صارلك اسبوع وعليها كيف مالقيت وقت التفت عليه : اشوفك مستعجل حمد:مليت من العزوبيه ابي تكون لي عيله وافرح امي التفت لجهته : ماودك نتزوج سوا تنهد : ماودي ابد دقايق ثم جلس حمد: للحين وهي بقلبك برضو مارد ساكت وكمل حمد: يعني بتعيش طول عمرك بدون زواج ولاعيال كل شي في هالحياه قسمه ونصيب انساها وشوف غيرها التف بكل جسمه للجهه الثانيه وصار ظهره مقابل لحمد: نسيتها ياحمد من زمان قفل هالموضوع حمد: لاوالله انك مانسيتتها : جالس بقلبي انت يوم تحلف اني مانسيت حمد بضيق: تحسبني ماادري عنك اشوف نظراتك لبيتهم سرحانك كل ليل ويشهد هالي بجيبك هالحين انك مانسيت جلس بغضب من معرفت حمد فيه هالكثر: قلت قفل الموضوع لايوصل للزعل بيننا : ليش تقفل الموضوع كل مره فك اقفال قلبك فضفض واقطع كل هالالم وتقدم خطوه ثانيه لها لعل هالخطوه تكو... ماكمل كلامه بسبب وقوف سياف بضيق وغضب طلع من المجلس تنهد حمد ورجع انسدح: لاحول ولاقوة إلا باالله اما هو يحس كل جسمه ينبض ضاق صدره اكثر وبدء ينقطع نفسه اكثر واكثر توجهه لسيارته بسرعه وهو يطلع البخاخ ويبخه بفمه عدت بخات لين ارتاح وانتظم تنفسه ارخى راسه على المقعده مسح على وجهه وضرب ضربات خفيفه على قلبه : يارب يارحمن ارحم هالقلب تحسس السلسال الي بجيبه ومافارقه من ثلاث سنين تنهد واغمض عينه وتذكر كيف كان يحس نفسه خفيف من الفرحه الي ملت قلبه باس راس جدته مسك يدها بحنان: جعل هاليدين للجنه ابتسمت بوجهه : فرحان يمه : والله من فرحتي ودي كل هالناس تفرح معي مسحت وجهه بيدها النحيفه: ياجعل هالفرحه دايمه وعامره بهالبيت والله يسعدك معها هبوب وهي ترقص وتغني لين وصلت لهم باست راس اخوها : مبرووك ياسياف اول مادريت بموافقتها طرت لبيتهم بستها وباركت لها ضحك على اخته وفرحتها بخطبته : الله يبارك فيتس ياضي هالعيون وقف عند الباب وانظاره لباب خطيبته وبيده السلسال الناعم وقلاده صغيرة بلون الازرق تنهد بإرتياح: الحمدلله الي جعلتس من نصيبي يافاتن لكن هالارتياح والفرحه مااكتملت لما وقف قدامه عمها : سمعت انك خطبت بنت أخوي دون شوري : الشور الاول والاخير لها : ماتجوز خطبة على خطبة ياسياف مسك نفسه لايضربه : ماعندنا علم بالخطبه خطبنا وجاتنا الموافقه وتممنا عم فاتن والشر يتطاير من عينه:اسمعني زين انا خاطبها لخالد من قبل واخذنا موافقتها والبنت ماتطلع من العائله مالكم عندنا شي مشى عنه لكنه رجع التفت لسياف: وكيف تبيني ارمي بنتنا لمكان مافيه امان وناس موبعقلها تصلب جسمه والغضب يحاوطه ضغط على السلسال ثم رماه بااقوى ماعنده قريب منه: يشهد الله ماابي اقلل احترامي و امد يدي واكسرلك فكك وأنت بهالعمر ضحك بسخريه: لا دارس التربيه عديمها مايدري كم مر عليه وهو يناظر لمكان اختفاء عمها وانفاسه عاليه وصدره يعلى ويحبط بغضب توجهت اناظره للي رماه مشي لكنه سرعان مارجع والتقطه وحطه بجيبه تحرك للاسطبل وقضى فيه يومين ولما رجع تلقى خبر رفضها واختيارها لولد عمها كرهها وكره قلبه الي حبها وتعلق فيها عمره الي راح وحلف إذا احد جاب له طاري الزواج لتكون جبال الزعل بينهم مرت عليه ربع ساعه وهو على هالحال تدور براسه هالذكرى وتنعاد وتضيقه زياده ماحس الا بحمد واقف عنده وماسك الباب : لاجيت تنام بالسيارة مره ثانيه قفل الباب لاتنسرق : تكفى ياحمد سحبه من يده يطلعه من السيارة: قوم نام على فراشك مافيها خير نومة السيارة مشى لمجلس حمد بدون كلام سحب بخاخ الربو وباقي ادويته الي يحتفظ فيها بالسيارة ولاعمره اخذ منها الا للضروره ومشى وراه وهو يحلف ان اليوم لازم ياخذها ويرتاح لانه يدري كيف يكون حاله قفل باب السيارة: اخذتوا كل الضروريات سحاب : ايه كل شي معنا حرك السيارة ومسكوا خط الجنوب ل23 سنه كان ممنوع المشي له بكت وندمت طوال السنين ولكن كان فيه حاجز كبير يمنعها تروح لاهلها طوال الطريق ساكته وكانت السيارة خاليه من الاصوات الا صوت القران سحاب للان مالقت الجراءه تستفسر وتعرف قصة امها تحس انها للان بصدمه التفتت على زايد النايم وراسه على جنب ناظرت لامها نظره سريعه شافتها كيف سرحانه ولاهي يم احد سدحت زايد بجنبها وحطت راسه بحضنها سندت راسها في محاوله للاسترخاء ماحست بنفسها ونامت بعد عدد ساعات متعبه بالسفر صحت على صوت ابوها: سحاب ياسحابي يلا اصحي هذي اخر محطة نمرها محد بالسيارة امها وزايد بالمصلى الي بالمحطه نزلت تتمغط ودخلت دورات المياه وتوضت وجلست عند امها بالمصلى كان وقت الفجر بعد ماانتهوا اشتروا مايلزمهم ويسكت جوعهم والخوف والقلق من لحظة الوصول بانت بوجيههم قريبين من الديره ماتفصلهم الا ساعه على الوصول مرت الساعه عليهم ببطئ مميت عند حمد واقف يتأمل بدلته وهو مبتسم مر ايمن من جنبه وخبطه بظهره: الحمدلله والشكر وش عندك تتأمل حمد رد له الضربه على راسه: البس وانت ساكت تاخرنا مسك راسه بوجع: وشبلاك على راسي بيجي يوم بصير بدون عقل من هالضرب طنشه وهو يعدل شماغه ويطلع لابوه وقف مبتسم ويشوف امه تبخر ابوه وتبوس راسه وتستودعه دائماً يدعي ربه يرزقه بزوجه تملك حنان وطيبة امه انتبهوا له : يارب لاتحرمني هالوجيه النيره ايمن من وراه: اللهم امييين ، هذي لاتفشلنا وتهاوش بزرانهم ترا مالي دخل من الحين مسح على راسها: بنتي شطوره ماتأذي احد وهو ينزل لها: بنتي الشاطره بتقعد عاقله وتسمع كلام امها صح ياترف هزت راسها بقوه بإبتسامه طفوليه: صح بابا ركبوا السيارات حمد و ايمن بسيارة وامه وابوه وترف بسيارة قبل يتحرك نزل من السيارة متجهه لسياف الي طلع من الباب سلم عليه وودعه وحركوا متوجهيين لديرة خوالهم اربع ايام كعادتهم بالاجازات تكون افراح وعزايم خوالهم كثير اشرقت شمس الصبح وتعالت اصوات الحياة بأنحاء الديرة وصلوا وكانت سيارتهم غلط بهالمكان والفتت نظر كل الديره وانظارهم تراقبها لين وقفت قدام الباب الي بجوانبه مزروع انواع الورود اخذت نفس عميق وتوجهت انظارها بخوف لزوجها مسك يدها: مستعده ننزل هزت راسها تأملت الباب نفسه والورود الي عبيرها يداعب انفها: للان ياسميه تزرعين الورد ماتغيرتي ابتسمت بحب وقلق لبنتها الي شجعتها بمسكتها ليدها دقت الباب برجفه وقلبها من قوة نبضه تسمعه ماانفتح الباب التفتت لزوجها واقف عند السيارة هز راسه وابتسم ورجعت تدق لين سمعت صوت بنت يقترب من الباب . ضربتها هالمره على راسها: ووجع قومي شوفي من هالي يدق الباب حكت راسها بعبوس: ايي ياجده عورتيني : بلاتس تستهلين شوفي الباب قامت بتأفف وهي ناويه تجلد الي دق بوقت مانامت : طيب بشويش على الباب، ميين صصوت حرمه وصلها(عجايز مايستحن مايصدقن بالفجر عشان يتزاورن ويتنقد بخلق الله) فتحت وهي تتخبئ خلفه: حياتس ادخلي دخلت حرمتين وولد صغير او مره تشوفهن واكيد انهن مو من الديره ناظرتهن باستغراب : بنت سميه؟ هزت راسها بنعم وهي تاشر على الداخل : تفضلن جدتي هنا مشن وراها لمكان الجده شافت امها الحضن الي دايم تتخبئ من احلامها فيه وتضحك فيه كان حياة وامان بالنسبه لها شهقت ببكي رفعت الجده انظارها للي واقفات قدامها ووحده تبكي تعجبت : بسم الله عليتس استهدي بالله ياحرمه فتشت عن وجهها وهي تطيح عند امها بنحيب وتبوس اي مكان تجي عينها عليه: اشتقت لك يمه اشتقت لكم يمه سامحيني تصلب جسدها من عرفتها بنتها الي كل ليل تسجد وتدعي ترجع لهم كل ليل تستودعها وتدعيلها ولاعمرها غضبت عليها وكانت تعيش للحظه هذي بنتها بحضنها بادلتها الحضن والبكي: ياوجع قلبي يابنيتي ياوجع قلبي يشهد الله اني مسامحتس من طلعتي من الديره رحتي وخذيتي قلبي معتس يابعد هالدنيا باست يد امها عدت مرات وهي تبكي: الله ياخذني على هالوجع الي سببته لكم الله ياخذني مسحت على وجهه بنتها : لاتدعين على روحتس لاتدعين :ابوي راح وهو زعلان مني راح ماستسمحته ابتسمت من بين دموعها: ياجعله بالجنة سامحتس قبل رحيله ووصاني إذا رجعت قولي لها اني سامحتها وراضي عليها دنيا واخره وخليها تسامحني وتدعيلي بكت بوجع بعد عصيانها وتمردها عليهم سامحوها : والله مااستاهل والله مااستاهل حضنت بنتها بقوه وهي تسكتها: اصص كل شي راح ومضى عليها الدهر خليتس بحضني اشبع منتس واقفات وكل وحده دموعها على خدها هبوب بكت من بكى جدتها ماقد شافتها تنتحب بهالشكل حتى بوفاة جدها كانت تتخبئ عنهم لذلك بكاها اثر فيها بشكل كبير اما سحاب للان بنقابها وماسكه يد اخوها الي موفاهم الي يصير قدامه بعد فتره بعدت عن حضن امها وجلست بجنبها لاصقه فيها وهي حاضنه يد امها اشرت عليهم يجون: تعالوا سلموا على جدتكم ، يمه هذولا عيالي سحاب و زايد فتشت وجهها الي تشابه امها فيه بشبابها سلمت على جدتها وحضنتها: بسم الله ماشاءالله وش هالحلوين ياهبوب ابتسمت لهم جلسوا جنب امهم الجده :شوفي هالخبيل مويمنا ، بنت لما ماسمعتها نادتها بصوت عالي: ياهبوب التفتت بسرعه لجدتها والي جنبها:لبيه : لبيتي بمِنى تعالي هذي عمتس اخت ابوتس وتراتس سميتها ناظرت لوجه عمتها المبتسم وحالتها حاله بسبب البكاء قربت سلمت ورجعت وقفت نادتها جدتها تسلم على بنت عمتها قهوتهم واستوعبت كيف شكلها شعرها الكشه وثوبها حق البيت الي مقطوع عند ذراعها ركضت بقوه لغرفتها : عندنا عمه اول مره ادري لا كيف بتكون ردت فعل ابوي وسياف : محمد هنا لازم تنظيف مسح على الخيل الي ينافس الليل بسواده: اشتقت يالغيهب صهل الخيل والتف يحتضن سياف بشده ضحك وهو يمسح على شعره فتح البوابه كلها ثم امتطى الغيهب بكل خفه ماان اعتلى ظهره انطلق فيه بسرعه يعبر الاثنين عن الاشتياق لبعض ظل قريب الساعتين وهو على ظهر خيله رجع للاسطبل ترك الغيهب يتجول في انحاء الاسطبل براحه وعيونه تراقبه صحاه من سرحانه صوت العامل محمد يعطيه كل شي عن الخيول بما انه طول ماتفقد حلاله رجع الغيهب يدور حوله ببطئ صرف محمد لوقت ثاني ورجع يمسح على شعر الخيل وهو يبوسها ربت عليه بحب حطت المرهم على كتف اختها المجروح: حسبي الله عليها عسى يدها للكسر ضربتها بقهر: لمتى وانتِ ضعيفه الي يقولتس كلمه رديها عشر والي يرميتس بورده ارميه بالنار دافعي عن روحتس ياجعل روحهم للنار بكت: مااقدر ياافنان انا مو انتِ يخافون منتس وقفت بغضب: لانتس تبينين لهم ضعفتس انا مودايمه لتس قوي روحتس قالت هالكلام بوجهها ونزلت لهم شافتهم كلهم متجمعين على عشاهم (ياجعله السم ببطونكم) شافتها زوجة : وشبلاتس تناظرينا تسذا توجهت انظار الكل عليها وهي تقول: اخر مره احذركم أختي لايصيبها اذى ولا والله الي رفعها سبع لاندمكم على كل دمعه تنزل منها وقف عمها نفض الرز من يده والشر بعينه: تهددين يابنت حصوه اشرت بيدها بتهديد: لاتجيب طاري أمي الله يرحمها على لسانك وحصوه هذا بيتها وبيت بناتها تقدم لها بغضب: لايعلى صوتتس لاقصه لتس ياقليلة الادب وهالبيت بيتي افنان : البيت بإسمي وبيظل بيتنا لو سكنتوه سنين مسكها من طرف عبايتها ودفها باقوى ماعنده:اذلفي لغرفتس جعلتس للمرض اذلفي رجعت للغرفة قفلتها رمت عباتها وطرحتها وانسدحت حست بأختها تنسدح جنبها سكنت لين حست بتنفس اختها ارتخى دليل انها نامت بكت وبكت وهي تحاول تكتم شهقاتها والحزن يعتصر قلبها دايم تبين لأختها القوه وتتخبئ بضعفها ماتدري شتسوي محد قادر يساعدها بشي كل شي بيد عمها ودها تتحرر أختها قبل لاترتبط بولد عمها خالد الداشر الي لاصلاة ولاعباده بيزوجونها له اول مايتخرج من ثلاث سنين ماتنسى وش صار لاختها من ضرب عشان موافقتها على سياف وربطها بولده خالد الي مايشوفونه الا بالسنه حسنه وهي حبسها بالغرفه عشان ماتخرب عليهم خطتهم بالحوش جلست على المرجيحه تنتظر رجعت سياف مستحيل تخلي احد يخبره بعمته تذكرت كيف انفعل ابوها ونقاشه الحاد مع زوج عمتها وعمتها لكن ساعه رجع يتعذر منهم وحن لاخته وكيف بكت عمتها بحضن اخوها ماتنسى دموع ابوها وقفت عندها: تسمحين اجلس معك ناظرتها وبعدها ابتسمت: تفضلي يابنت العمه خلينا نتعرف على بعض سحاب ضحكت بهدوء: اممم أنا سحاب قريب ادخل 24سنة خريجة ثانوي متوظفة استقبال في عيادة اممم هبوب بإبتسامه: ايش تحبين وايش مواهبتس سحاب وعينها للسماء : احب السماء بشكل كبيير احب اتأمل الاشجار وكل تفاصيل لوصغيره احبها احب اسمع شعر واعشق امي بشكل ماتتصورينن وعلى فكرة احب اسمها كثييير ضحكت : عاد تبين الصراحه انا مااحب اسمي ماادري احس هبوب كذا اسم شرير سحاب : حرام عليك والله انه يهبل ، يلا عرفيني عنك سوت نفسها تفكر وتحرك نفسها بالمرجيحه:اسمي وتعرفينه واصغر منتس بسنه برضوه متخرجه ثانوي احب الطبخ كثير واتعلم عند ام فاهد لازم اذوقتس حلى فرنسي تعلمته قبل اسبوع وو ماعندي صديقات ، التفتت لسحاب بإبتسامه مرحه: شكلتس بتصيرين صديقتي ردت لها الإبتسامه وهي تنزل حجابها على اكتافها اخذت نفس عمييق وزفرته براحه : الله حتى الهواء هنا غير سكتوا دقايق ثم وقفت بسرعه من انفتح الباب الي قدامهم وطل جسم طويل ونحيف ثم رجع وصكر الباب بقوه سمعت صوته عالي ينادي :درب ياهبوب وقفت هبوب بخوف التفتت للي هربت بسرعه تقدمت وفتحت الباب وهي خلفه: ادخل مافيه احد وقف قدامها : كم مره قلت وحذرت محد غريب يجلس هنا من هالي ماتستحي برا بيتها لهالوقت وبدون عبايه ببيت غرب هبوب بلعت لسانها ماتدري شتقول سكتت قفل الباب : روحي وصليها للباب مشى عنها ركضت خلفه وسحبته بيده : لاتدخل الحين ناظرها بإستغراب وينتظرها تفسر كلامها هبوب: امم عمتي رفعت عيونها : تدري ان عندنا عمه رجعت اليوم ومعها زوجها وعيالها فتح عيونه : وش رجعها بعد هالسنين : يعني تدري بهالعمه :لا بس قد حكتي جده عنها : وجده وأبوي سامحوها وحلفوا عليها تسكن هنا ولاترجع تبعد عنهم : البنت الي من شوي بنتها هزت راسها بنعم وقالت: ودي اعرف وش قصتها وليش ماجاتنا من قبل شكلها مسويه مصيبه : مالنا دخل بسوالف الكبار ياهبوب ماجانا منها ضر عمتنا هي عمتنا لها التقدير والاحترام مهما كانت الاسباب : طيب والحين كيف بتنام وعيالها نايمين بالغرفه الي جنب غرفتك صعبه والله ماقدرت امنع جده حلفت عليهم تنهد: بنام فوق رفعت عينها وهي تأشر للدور الثاني : المجلس موجود وش له تن... قاطعها: روحي جيبي لي لحاف ومخده ولااشوف احد بهالجهه راحت وجابت له الي يحتاجه اخذهم وطلع مع الدرج وقف وهو يشوف كل زوايا هالبيت كيف انبناء بفرحه من قرر انه بعد شهور بيخطب ووقف الشغل بهالبيت من بعد رفضها تافف وهو يشوف الغبار يملئ الجو نزل للمجلس ينام فيه احسن من يتعب صدره زياده بعد صلاة العصر سلم سياف على عمته عادي جداً كانها من زمان عندهم مايحس باي شعور كرهه لها فتجاهل غيابها واسبابه الكل جالس بمكان قهوتهم المعتاد بالحوش تقهويهم هبوب ورجعت جلست جنب سياف همست له: لك ساعه جالس ماودك تروح همس لها: ماتبيني ياهبوب الحين ودايم تزعلين إذا طلعت ضحكت: ، سحاب لها ساعه تطلطل مع الشباك اطلع خلها تجي تتقهوى ضحك عليها ووقف: يلا انا استاذنكم وراي اشغال رد عليه ابوه: اذنك معك ياولدي الله يحفظك وابتسم لجدته الي تدعيله مشت هبوب متجهه لسحاب تناديها الجده: ياضي عيني ياهبوب مبسوطه فيكم : ياروحي هي ابوسياف: ماتنلام ماتروح ولاتجي حدها بيت ام فاهد ساعه وترجع ماعندها غير سياف الي اغلب وقته برا ام سحاب: صح سياف كم عمره؟ الجده: حول 29 ام سحاب: ماشاءالله الله يحفظه ويعطيه طولت العمر هو ماتزوج لسى؟ تنهدت الجده :الله يصلحه معيي يتزوج جات هبوب ماسكه يد سحاب وتسولف عليها : : توقعاتكم للاحداث القادمه رايكم ودعمكم لي يسعدني | ||||
|
| |
|
27-07-23, 05:15 PM
| #4 | ||||
 
| اللهم صل على سيدنا محمد وعلى آل سيدنا محمد كما صليت على سيدنا إبراهيم وعلى آل سيدنا إبراهيم وبارك على سيدنا محمد وعلى آل سيدنا محمد كما باركت على سيدنا إبراهيم وعلى آل سيدنا إبراهيم في العالمين إنك حميد مجيد لا تنسوا الباقيات الصالحات سبحان الله الحمد لله لا إله إلا الله الله أكبر لا حول ولا قوة إلا بالله العلي العظيم | ||||
|
| |
|
02-08-23, 06:44 AM
| #5 | ||||
| مرت ايام الاجازه بفرحها وحزنها وكلن يحمل بقلبه مشاعر مختلفه مرت على بيت ام لافي بسعادة تبان بوجيه اهل بيتها سوت عشاء كبير وكل اهل الديره حضر وكانت هي بنفسها على رأس هالعشاء من تجهيزات العشاء للترحيب للقهوه كانت فرحتها ماتوسع هالكون برجعت بنتها الوحيده وفرحتها كبرت لما رجع بيتها تضج فيه الحياة ولدها لافي وبناته وبنتها وعيالها واكيد عيال محمد باقي يومين وتبدأ الدوامات لافي رجع مع اهله وابو سحاب رفض يمشي ويخليهم بالديرة الجده : حلفت عليك بنتي وعيالها اتركهم عندي ابو سحاب:مااصبر عنهم ياعمه وقف سياف بقهر من زوج عمته وصوت جدته كله رجاء لكنه سكت من وقف ابوه وقال: اختي بتجلس عندنا ماشبعنا منها وانت دوامك كله اربع ايام وتعال بابنا مفتوح لك ابتسم ابو سحاب ووافق من شاف نظرات سياف له سحاب كانت مقدمه على تمديد لإجازتها بطلب من امها قبل يجون للديرة فجلست هي وزايد مع امهم الكل سلم عليه وودعه ودخلوا البيت الا سياف الي وقف عند الباب وانظاره بمكان اختفاء سيارة زوج عمته يحرك مسبحته ( والله اني حاس بنظراتتس يافاتن بس وش بيدي وانتِ اخترتي غيري تنهد ، تمنيتتس اول الحاضرين بعشاء عمتي لكنتس قطعتِ خطوتتس لبيتنا وبعتي ) رد السلام على الي وقف قدامه: أنت سياف إذا ماخاب ظني سياف: ايه بالله انا سياف امرني :قد شفتك يم بيت العم عبدالله بسألك عنهم لي ايام اجيهم ماهم فيه عندك خبر متى راجعين سياف: لاوالله ماعندي خبر ، بس ماقلتلي وش معرفتك فيهم ابتسم له: معك نواف المصعب صاحب ايمن ولدهم : والنعم شكلك مو من الديرة :صح عليك تعرفنا على بعض بإستراحة واحد من الشباب جيته قبل فتره وتبي الصراحه ديرتكم تأسر القلب بخضارها فكرت اسكن هنا ضحك سياف بخفيف: ياهلا ومرحبا طلت براسها من ورا اختها:ياعجايب الدنيا سياف يسولف ويضحك واضح مبسوط بعمته قفلت طرف الستاره ولفت لاختها وبكت كعادتها لما تشوفه :تكفين ياافنان مابيه ماابيه ليش يغصبوني ماابيه ولااحبه مسحت دموع اختها: لاتبكين حلفت لتس من قبل مماراح يااخذتس واقص يده لو حاول يمس شعره منتس الفرج قريب بإذن الله بس انتِ لاتضعفين وهذي هي حالة فاتن من بكى لبكى لين خط الدمع على خدودها والهالات وذبول وجهها اكبر دليل على الي تعيشه يوم الجمعة بعد الصلاةكان يتمشى شاف بقالة ايمن مفتوحه استغرب لانه من شوي مر جنب بيتهم ماشاف سياراتهم دخل :ايمن ! رفع راسه من الطاولة ثم وقف:سياف ياهلا شخبارك :الحمدلله نشكره ونحمده ، متى رجعتوا :هااه قبل امس عقد حاجبه: قبل امس وحمد وينه ماشفته وبعدين تعال سياراتكم وينها نزل راسه وسكت مارد وضح الخوف بوجهه: اهلك فيهم شي هز راسه بلا ورجع سأل ونبرته ترتفع اكثر: ايمن ارفع راسك رفع راسه وانصدم من عيونه الذبلانه : ايمن حمد وينه فيه شي ايمن جلس وسحب الكرسي الثاني:اجلس اول جلس ينتظره يتكلم :بمجلس خالي فهد طلب حمد يتزوج بنته وكان هالحكي على مسمع خوالي كلهم وعيالهم لكن حمد رفض وقالهم ان هذا زواج وعمر وانه بياخذ من ديرة ابوي واحتد بالنقاش مع خالي لين تدخلوا اخوانها وتهاوشوا ووصلت لطرد حمد لحقته ومشيت معه خفت عليه يسوق وهو يتنافض من العصبيه لكن حلفني مااقولك شي والسيارة مركونه ورا المزرعه وقف بقهر :وهو وينه الحين :مادري من امس العشاء ماشفته دورته بكل مكان ياخوفي رايح لدوامه وهو كذا صدقني بيرجع بدون وظيفه وصلت معه من خوالهم الي بكل مره تنتهي بهواش ومن حمد وتخبيته عنه والحين اختفائه فتشوا الديره شبر شبر لين تعبوا اذن عليهم المغرب صلوا ورجعوا جلسوا عند الباب الازرق :وين تظنه راح اول مره يسويها :علمي علمك دايم تهججه عصبيته لكن موللحد الي مانلقاه مسح وجهه ووقف: قم ادخل خلنا نتعشى :ايوالله من الصباح على لحم بطني دخله للمجلس الصغير بخلف الحوش ووقف عند الباب فتحه بشويش وينادي هبوب لكنها ماردت عليه الي ردت هبوب عمته:هلا ياعمه فيه احد ولاادخل : ادخل ياسياف مافيه احد (الله واكبر ياسياف حتى ببيتك صرت تستأذن تدخل) سلم على عمته :ماشاءالله ياعمه تقرين ناظرت للكتاب وابتسمت:ايوالله اقراء دام الكل قرر ينام :هبوب نايمه مااخبر تحب تنام هالوقت ضحكت: ايوالله نامت بعد سوالف سحاب وزايد :وجدتي وينها :ياروحي ياامي تقراء قران بغرفتها سكت مارد: تبي شي ضروري من هبوب : كنت ابيها تحطلي عشاء وقفت: افاا وانا عمتك جوعان الحين اسويلك احلى عشاء ابتسم :لاتكلفين على روحتس ياعمه بشوفلي اي اكل بالمطبخ يكفيني :لاوالله اليوم تذوق طبخي :تسلمين لي ياعمه راحت للمطبخ بفرحه وهو اتجهه لغرفته واخذ الاوراق الي بدرجه شيع الغرفه بنظراته فيه احد داخل غرفته من متى وشباك غرفته مقفل ومسدوله الستاره عليه واغراضه مرتبه على التسريحه (هبوب ولاعمرها رتبت غرفتها عشان ترتب غرفتي) طلع وهو يقفلها انفتح الباب الي بجنبه وطلعت ببجامتها الورديه وهي تتثاوب وتمسح تهجد شعرها انفجع لما شهقت ورجعت دخلت اما هو هز راسه بضيق:استغفرالله العظيم رجع للمجلس شافه سرحان والضيق بوجهه جلس جنبه ربت على كتفه : هونها وتهون مد عليه الاوراق: امسك :وشذا :هذي اوراقك قدمت لك على شركة... ووافقوا مبدئياً :يعني :يعني الله يسلمك تمشي لهم بكره يختبرونك مده معينه وبعدها تتثبت ولا لا على حسب شغلك حط الاوراق بحضن سياف:والله انك فاضي اقولك اخوي مختفي من امس تقول وظيفه ماكانك خويه وتخاف عليه :حمد ماهو طفل ينخاف عليه مااختفى الا لانه مايبي يضر احد بعصبيته وانت اكثر واحد يعرفه لاعصب يحرق الي حوله بس يهدء بيرجع انت تطمن ولاتشيل هم تنهد بقوه: فرصتك ياايمن سعيت بدالك لانك أخوي لاتردني رجع مد الاوراق عليه واخذها يقرائها اندق الباب قام وفتحه لقى عمته حاطه صينية العشاء اخذها وتعشوا سوا سياف: اهلك متى راجعين :ماراح يطولون اكييد يوم يومين ارخى جسمه :يلا قوم نام عشان تصحى الفجر وتمشي مارد عليه وقف ومشى لبيتهم مر الليل و سياف على نفس سدحته غاب عنه النوم يفكر بحمد ناظر بساعته مابقي الا قليل ويأذن الفجر توضى واتجهه للمسجد بعد الصلاه شاف حمد جالس عند الباب جلس بجنبه :عساك هديت التفت عليه: ماكلمت أختك ؟ :لا ، لاتمر هالسنه وخوالك زعلانين منك وقف بغضب:مين المفروض يراضي الثاني انا ماغلطت ياسياف حتى رفضي ماسمعه غير خالي فهد احترام للبنت قبل احترام ابوها والله مابغيتها توصل لهدرجة لكن الخال رفع صوته يهاوش مالهم اي حق يربطوني فيها هذي حياتي مال اي احد دخل بزواجي سحبه من يده جلسه:قصر صوتك زفر بقوه يحس صدره يضيق عليه وصار يمسده عله يخف الالم الي يكتمه التفت له: كلمها اليوم :ليش رفضتها :يشهد الله مارفضتها لشي يعيبها بنت خالي على عيني وراسي لكني طالب أختك قبل وأمي تدر... قطع كلامه من شاف سيارة ابوه وقفت وناظرته امه بزعل ودخلت تقدم ابوه وهو شايل ترف النايمه :السلام عليكم ورحمة الله وبركاته ردوا عليه السلام وجه كلامه لولده:الحق امك وراضها مهما كان هذولا اخونها توجهوا للبيت وسياف يناظرهم اسرع لسيارته ياخذ علاجه مايبي احد يداريه ويخاف عليه صار يتحمل الالم الي تداهمه عشان مايشوف الضيق بعيونهم عليه وصلها لحد باب المستوصف وطبعاً بدون ماتدري جاي لهديرة لشي وصار بشي ثاني اتكى على الجدار ونظراته للمستوصف (ايش الي جاك يانواف مانت صاحي تراقب بنت الناس من بيتها لدوامها) مسح على وجهه(صحصح صحصح ) تنهد ورجع دربه الا يتقابل مع سياف الي واقف عند سيارته يشرب ماء ابتسم وتقدم له:صبحك الله بالخير ياسياف شخبارك اعتدل بوقفته: ياهلا ومسهلا نشكره ونحمد : الحمدلله :بشر عسى بييت النيه بالسكن عندنا ابتسم:يشهد الله ان اهل ديرتكم يردون الروح واحوس ادورلي بيت صغيرون على قدي ابتسم بخفه والتعب واضح بعيونه ضرب على صدره:ابشر بالبيت مسك يده بدراميه:تكفى قول ان عندك بيت جاهز ضحك عليه:عز الله انك خوي ايمن، ايه عندي رد له الضحكه:من عاشر قوم اربعين يوم صار منهم :على طاري ايمن تراه ببيته التفت على بيتهم:جد اخيراً متى رجع :امس سكتوا دقايق سياف: تامرني بشي ابتسم له:لا تسلم ياسياف بعد العصر دق بابهم وفتحت له بنت صغيره ابتسم ونزل لمستواها:بسم الله عليتس يالمزيونه استحت ولصقت بالباب :شسمتس ياحلوه :ترف :الله اسمتس حلو مثلتس انفتح الباب وطل من وراها: يالله حيه وقف وسلم عليه: وينك لي ايام امر ومحد فيه وماجيت الاستراحه :رحت يم خوالي ، انتِ للحين هنا ادخلي اشوف ابتسم لها سحب خدها:ماعلمتنا عندكم مزيونه ناظر فيه ثم لها وضحك:مزيونه مين لايكون تقصد هذي :ايه بالله اقصدها وفيه قمر غيرها هنا فطس ضحك وهو يشوف ترف مستحيه ومشبكه يدها ببعض :ياويلي وينك ياحمد تشوف هالشوفه لاتذوبين علينا ضربه بكتفه بخفيف:حرام عليك تضحك عليها يازينها سحبها من فستانها يدخلها:بلاك ماتدري عنها ضحك على ايمن وضحك زياده لما شافها رجعت ضربته وركضت تدخل :شفت اختي واعرفها والله انها ماتدل للحياء درب :المهم أنا ماشي الحين ووصيت سياف يدورلي بيت هنا :لايكون ناوي تسكن هنا :ايه نويت تعرف مالي احد ومن الاستراحه للبيت وهنا الكل يحسسك انك واحد من اهل بيته والصحبه الطيبه نتعنى لها :ياجعلك تسلم يانواف يشهد الله انك عزيز وغالي :الا تدري سطام وشلته وين مسافرين؟ :لاوالله ماادري عنهم لي شهرين عن الاستراحه ماجيتها وماتواصلت معهم هالفتره : سطام كان ساكن هنا :ايه اتوقع للمتوسط ونقلوا من هنا : اهاا ، توصيني بشي برجعتي :لا تسلم توصل بالسلامه تصافحوا ومشى نواف بسيارته خارج الديره مشى ايمن للبقالة(البقاله لاابوه وهو يديرها من فتره لفتره) جلس وحط الاوراق الي عطاه سياف قدامه يناظرها بقهر راحت عليه نومه وبكذا طارت الوظيفه وقف وهو يقطعها نصفين ويرميها بالزباله(لعلها خيره) بعد يومين من الهدوء التام بالديره صباح الثلاثاء اليوم الي تكون بطوله بقلق وخوف لبست شنطتها وهي توصي أختها فاتن بملل: بعد العشاء قفلي الغرفة ولاتطلعين حتى لو ينادونتس والله حفظت من كثر ماترددينها علي خلاص داومي مرتاحه افنان ضحكت: أختي الشاطرة يلا الساعه جات 7 حضنت اختها : استودعتس الله مع السلامة ابتسمت لها : مع السلامه ياروحي اول ماطلعت اختها من الغرفة قفلتها وكعادتها لازم تشوفها رايحه للدوام لين تختفي ناظرت للباب ( غريبة اول مره ماتنسمع اصواتهم نهائياً من امس هاجدين ولااحد قرب يمنا ) عند العم : اتفقت معه بعد صلاة الظهر يجي ووالله يا خالد لو ماتجي لاكون ذابحك تسمع تأفف: سامع سامع بس يبه لونأجلها مااحس اني مستعد اخذ نفس يكتم غضبه : ياولد اسمع الكلام الظهر تكون جاهز هذي فرصتنا ولا ماتبيها :الا ابيها بس امه: بلا بس بلاهم دام اختها موفيه اليوم كله من متى ننتظرك تخلص هالدراسه الي مابغت تخلص طنشههم وقف وسلم عليهم وطلع ابوخالد:ياخوفي من ولدتس يفشلني اليوم يكفي قبل سنة ام خالد تصب الشاي: ماعليك يجي يجي إن شاءالله طلع يسقي وردات هبوب بجوانب الباب الامامي حمد وهو رافع ثوبه ورابطه على خصره يلعب بالكوره : ولقيت له بيت ؟ سياف يرش الوردات:بيت ابو عمرالله يرحمه الي ببداية الديرة اشتريته من ولده قبل ينقل وقف لعب: وعساك بتسكنه ببلاش : لا ، لكن تدري مومرتاح له ولصحبته لايمن فيه احد صاحي يجي يزور صاحبه ويقرر يسكن هناويترك اهله رجع يلعب: قابلته كذا مره رجال طيب صرخ عليه لما ضرب الكورة بقوه وطاحت بوسط وردات هبوب انفجع من صرخت سياف عليه :يالخبل كل ذا عشان ورد خلعت قلبي طلع الكوره وشاف الوردات الحمراء منكسر ساقها: الله ياخذ عدوك ياحمد ذحين مين يسكتها عني ضحك حمد وهو ينتف الورد التالف ساقه:ماهي داريه عنها شاف وجهه وركض جهة بيتهم وهو يضحك رماه بالكوره بكل قهر زفر وهو يناظر مكان الورد: كل هذا وماراح تلاحظ اخخ حمد وقف عند باب بيته يلهث بضحك ناظر لمجموعة الورد الاحمر بيده تنهد وهو يبتسم انفتح الباب وطلعت امه: بسم الله عليك وش بلاك تتبوسم للورد باس راس امه: مادريت ان الورد حلو يمه ضحكت عليه:ايه بالله حلو من وين جايبه :سر يمه سر جات بتمشي: الا يمه وين رايحه : بروح يم ام سحاب بنتقهوى ضحك ودخل اندق الباب وفتحت لها هبوب :ياهلا بام حمد حياتس ابتسمت لها: ياجعلتس للجنة ياسمية ابتسمت لها بحب كل مره تشوفها تدعي لامها بالجنة كانت صاحبه لامها من طفولتهم وتربت بين بيتها وبيت جدتها فتحمل بقلبها كل حب واحترام لها دخلت للصاله ماسكه يدها الجده وهي ترحب فيها سلمت عليهن وجلست بجنب الجده والعمه هبوب بجنبها هبوب وقدامها سحاب وهبوب جالسات : ماشاءالله بنتتس تشبهتس بصغرتس :ايه بسم الله عليها الجده التفت لام حمد بهمس:علمتوا حمد عن امه ام حمد بضيق:لاوالله ياعمه كل ماجيت بقوله ينقبض قلبي ماودي اشوف الحزن والضيق يزوره الجده:لازم تعلمونه لاتخلونه بتندمون بعدين تنهدت ام حمد والحزن بعيونها ناظرتها بدهشه وصدمه اخذتهم السوالف لين جات الساعه10 :يلا بروح اجهز الغداء ولاتسوون غداء حاسبتكم معي :ياجعلتس تسلمين يام حمد لاتكلفين على روحتس :لاكلفه ولاشي ياخاله انتوا اهلي ، الابسألكم بيت ابو خالد جاركم وش عندهم من الصبح يركبون انوار حول بيتهم :علمنا علمتس ماندري :يلا فمان الله سحاب:شرايكِ نطلع السطح العصر نتقهوى هبوب:وشعندتس ماغير جالسه بالسطح أوالحوش ام سحاب:ماتنلام الهواء وريحة النخيل ترد الروح مو 24 ساعه بين جدران :ايوالله كنت بين جدران ويني عنكم من زمان بعد صلاة الظهر فتح الباب للشيخ وضيفه بمجلسه الشيخ: وين العريس ابو خالد وهو يمدله الفنجان بتوتر:الحين يجي الشيخ :الشاهدين وش قرابتهم لكم ابو خالد وهو يأشر عليهم: عيال اخوي مسلط الله يرحمه دخل وهو يسلم تنهد براحه لما شافه:وهذا هو العريس جاء الشيخ:بسمع موافقة العروس اول ابوخالد وقف:ابشر ام خالد وهي تدق الباب عليها وتحاول ماتصارخ:افتحي الباب لكن فاتن ساكته ومطنشتها الالما سمعت عمها يناديها وقفت بخوف ايوخالد: فاتن افتحي يافاتن ولاترا مايصيرلتس طيب فاتن ضعيفه تخاف من اي تهديد من عمها من خوفها نست نصايح اختها الصباح فتحت الباب برجفه من فتحت الباب سحبها من ذراعها بقوه: اسمعيني زين الشيخ بالمجلس بيسمع موافقتس على خالد ووالله لو ترفضين لااخلي هاليوم اخر يوم بينتس وبين اختتس تفهمين هزت راسها بخوف مشت خلف عمها بكل ضعف ودموعها تنزل بدون صوت ندمت انها فتحت الباب لهم ابوخالد:البنت هنا ياشيخ تقدم الشيخ من الباب:يابنتي موافقة بالزواج من خالد ولد عمتس ماردت من خوفها تناظر عمها الي واقف عند الباب التفت لها بعيون تهدد ونغزتها عشان ترد الشيخ: ها يابنتي موافقه فاتن بإنكسار وتحس قلبها كان احد يعتصره:مو .. موافقه الشيخ: الف مبروك والله يكتب لكم الحياة السعيده تهللت وجيههم بفرح واخيراً تم الزواج الي يطاردونه من زمان طلع كل من في المجلس ودخلت عند ولده تزغرط وتحضنه: مبرووك ياولدي تتهنى ياخالد اما فاتن وقفت على الدرج كجسد بدون روح صار الي كانت خايفه منه سنين وينها افنان عنها كيف بتحميها وتحررها الحين انطفت الحياة بعيونها سحبنها خوات خالد للغرفه سحر: يلا ياعروسه هذا فستانتس مجهزين لتس كل شي اليوم بنسوي الزواج فتحت عيونها بصدمه متى امداهم يجهزون عشان كذا هاجدين عنهن يخططون من وراهن فضه:عاد الله الله بخالد ولدنا الوحيد مريم بفرحه طفوليه:الله بيصير عندنا عروسه وعريس وقعدوا يضبطونها ويحركونها على كيفهم مستسلمه لهم بضعف تمشي بين ممرات المستوصف بقلق وقفتها الدكتورة هناء:افنان وشبلاتس وجهتس مخطوف لونه افنان: احس اختي فيها شي قلبي مو مطمن الدكتورة هناء:تعوذي من الشيطان إن شاءالله انها طيبه يلا لاتتأخرين عندنا شغل للفجر تنهدت وهي تستودع اختها بكل ثانية وودها لو تطوي الوقت للفجر وترجع لها بعد صلاة العشاء ببيت سياف شافته طالع كاشخ رفعت حاجبها:ماشاءالله يابوسياف وش هالزين ابو سياف ابتسم لها يضبط شماغه:يبه هبوب جيبي علاجي وكوب ماء الجده باستغرب :وين رايح ابوسياف:ابوخالد مسوي عشاء زواج ولده حطت يدها على صدرها بخوف:ياويل حالي وشتقول انت صادق ناظرت لامها:بسم الله عليكِ يمه وشفيكِ ابوسياف بضيق:ايه يمه جات هبوب واعطت ابوها علاجه التفتت للباب : وشهالاصوات من عنده عشاء اليوم ابوسياف مشى مارد عليها سوا الي عليه لكن كل شي في هالدنيا قسمة ونصيب ونصيبها ولد عمها وقفت على عصاتها تمشي للباب وراه العمه وهبوب يمشون وراها موفاهمين شي وصلت للباب فتحته على خفيف تناظر بيتهم ناظرت هبوب شافت الرجال يسلمون على بعض تأملت الانوار والزينه الي تحتضن بيتهم والفرش الخاصه بالمناسبات مفروشه ودلال القهوة : ماشاءالله زواج مين قفلت الباب الجده ودموعها بعينها العمه هبوب مسكتها بخوف: يمه وشفيكِ تبكين رفعت الجده عيونها لهبوب:اخخخ ياروح روحي ياسياف هبوب فتحت عيونها لما بدت تستوعب خوف ودموع جدتها والاهم نعيها لسياف :فاتن ياجده اليوم زواج فاتن ! ثم شهقت ناظرتهم العمه: ذحين ماتعلموني ايش فيكم ومن هذي فاتن جات سحاب تركض: بسرعه تعالوا السطح جيرانكم عندهم عزيمه اول مره اشوف مناسبات بهالشكل سكتت وهي تتأمل وجيههم طنشتهم راحت تركض للداخل الجده ببكي:لاحول ولاقوة الا بالله العمه:يمه من هي فاتن تنهدت بألم:فاتن كان يبيها سياف خطبها واخذوها منه ركضت لهبوب دخلت غرفتها شافتها تلبس عباتها:يالخبله وين بتروحين لاتسوين مشاكل هبوب وتنفسها عالي من كتمها لقهرها وبكائها : البسي عباتتس بسرعه :طيب علميني وين بنروح صرخت عليها:امشي وانتِ ساكته لبست عباتها وهي تحاول تجاري مشي هبوب السريع طلعت من الباب الخلفي متجهه للبيت الي بجنبهم دقت الباب ورا بعض و بقوه داخل كان يقاوم النوم فز من سمع الباب طلعت امه من المطبخ:بسم الله من يدق كذا قوم شوف مين لاتصحى ترف راح يفتح الباب انصدم لما شاف حرمتين قدامه وحده منهن يسمع صوت تنفسها: نعم هبوب ناسيه كل حياها من خوفها على اخوها:ناد حمد بسرعه فتح فمه بعدم استيعاب:هاا حمد وشتبين فيه ناظر للي جبنها تمسح على ظهرها: اهدي :انا هبوب ناد حمد بسرعه الله يخليك ايمن:وشبلاتس اهلتس فيهم شي هبوب والغصه ماخلتها ترد عليه سحاب بقهر من الي قدامهم:انت ماتفهم ناد حمد هذا ناظر فيها ورفع حاجبه من النقاب الي لابسته ومبين وسع عينها البنيه الي مايشوفه الا قليل بالديرة :وجع جعل عينك للفقع ناظرها بسخريه ورجع ينادي حمد وجاء وراه حمد ووجهه واضح فيه الخوف: هبوب وشبلاتس هبوب بكت ماقدرت تمسك نفسها اكثر انفجعوا كلهم من صوت بكيها العالي ايمن فتح الباب: ادخلوا بروح انادي امي لها حمد من شاف طريقة بكيها تأكد ان سياف فيه شي :لاتفجعيني فيه حاولت تمسك نفسها: روح لسياف لايجي لايجي حمد وهو موفاهم شي منها قال بحده:سياف شفيه يابنت هبوب بشهقه:اليوم زواج فاتن تكفى ياحمد سياف لايجي شافت كيف انقلب وجهه وتوسعت عيونه بصدمه جاء اليوم الي ماحسبوا له طلع مثل الريح لسياف الي المغرب تركه بالاسطبل طلعت ام حمد بخوف وحضنتها:بسم الله على روحتس يمه هبوب تعوذي من الشيطان تشبثت بحضنها بقوه سياف معور قلبها ماتحب تشوف الحزن بعينه :اخخ قلبي يعورني والله يعورني بيزعل سياف اخخ ياقلب... اغمى عليها بحضن ام حمد فتشت عنها الغطاء ضربت على خدها بخفيف:هبوب يمه هبوب التفتت للي واقفه جنبهم ونقابها مرفوع تبكي :جيبي ماء بسرعه من خوفها وتوترها دخلت البيت نست تسأل وين المطبخ وقفت بالنص تتلفت الا ايمن طلع بوجهها انصدم من وجودها بالبيت وهي من توترها نست تتغطى: ابي ماء لهبوب اشر على المطبخ وطارت تركض طلعت شايله كاس ماء وهو للان بمكانه وطلعت اما هو واقف مكانه حتى تفكيره توقف من شافها (ياحلو سمارها يفتن ضرب على خده (ايمن عيب عليك تطالع بنات الناس) طلع وهو موقادر ينزل نظراته عنها يلحق بحمد طلع ماشافه زفر:لاحول ذحين وين ادورهم ...... بارت بداية الأحداث رايكم وتوقعاتكم تسعدني وادعموني بنشر الرواية | ||||
|
| |
|
13-08-23, 03:49 AM
| #6 | ||||
| البارت الثالث استمتعوا واسعدوني بتعليقاتكم : : عند فاتن فقدت روحها ناظرت بنفسها فستان ناعم ابيض وطرحة عروس ناعمه جداً تأملت شكلها بالمرايا ابتسمت بحزن( حلم من احلامي تحقق اليوم لكن بدونك ياسياف لغيرك لبست الأبيض لغيرك بنزف بعيش ببيت مو بيتك بجلس بجنب غيرك بصير حلال لغيرك ياسياف قلبي ودعتك الله ) اختفت ابتسامتها الباهته دخلت سحر بهمجيه:يلا اجهزي العريس بيدخل وقفتها ووقفت ترتب لها الفستان ضربتها على كتفها:ووجع ابتسمي كانتس ميته ناظرتها بسخريه والتفتت للي دخل بين ابوه وامه وفضه ومريم وراهم وقف قدامها و هو موراضي فيها الا بسبب ورثها اختفت تكشيرته لما تأملها شعرها الاسود الطويل وعيونها الناعسه وتقاسيم وجهها البريئه مااهتم لنظرة الكرهه بعيونها كان عنده اعتقاد انها شينه تقدم منها باس جبينها :والله طلعت مزيونه بنت العم ضربته امه: عاد استحى موقدامنا التفت لخواته وهو يمسك يدها الي تحاول تفلت لكنه ماسكه بقوه :يلا زفونا لغرفتنا مشى وهو يسحبها جنبه للغرفه الكبيره بزاوية البيت امه :يلا حنا دقايق وبنمشي بنبات الليلة ببيت عمك مسلط الله يرحمه اخذوا راحتكم دخلت وتوجهت للتسريحه على طول نزعت الطرحه من فوق راسها بقوه مااهتمت لشعرها وبدت تجدل شعرها الطويل ولما بدت تمسح الالوان الي توها تنتبه للهبل الي سوته سحر بوجهها وهي بجواتها تدعي عليهم انصدم من شافها تمسح وجهها: بسم الله يالخبله مااسرع تونا دخلنا وقفت ورفعت الفستان شوي من طوله:بروح ابدل جلسها جنبه على السريرغصب:لاحقه على التبديل اجلسي نسولف شوي صدت عنه وارتعش جسمها من مسك وجهها ولفه بقوه جهته:لما اتكلم ماتصدين بوجهتس عني تفهمين ابتسم ومسك جديلتها يفكها: بتغاضى اليوم بس عن هالحركه وشعرتس لاتجدلينه انتِ عروس : قبل ساعات بوقت المغرب راجع لبيته يتثاوب وقف بنفس الشارع الي يودي بيته شاف عقود الانوار والجلسات والرجال يتهافتون للبيت بدت ترتفع نبضات قلبه تقدم كم خطوه ووقف عجز يكمل الخوف سيطر عليه(يارب لا يارب) سمع الي ماوده يسمعه التفت على الشباب الي قريب منه يبي يتأكد:زواج مين واحد من الي واقفين: خالد :على :يقولون بنت عمه الي ساكنه معهم تحطم وانهدت كل اماله تجهم وجهه نظر نظره سريعه على بيتها ورجع للاسطبل بهدوء وصل وجلس بجلستهم الي يسمرون فيها دايم رفع عينه للسماء اخذ شهيق قوي ضرب الطاولة برجله وتناثرت الكأسات وفناجيل القهوة حوله من قوة صوت تكسرها صهلت الخيول ناظر القزاز بحرقة الدمع وهو يقول بصوت خفيف (مهما كانت ياسياف لاتبكيك حرمه لاتبكيك وتكسرك ) من القهر الي يحسه التقط قطعة قزاز وضغط عليها بقوه عله يتوجع من ألم الجرح وينسى وجع فاتن لما انتبه للدم رماها وانتفض واقف لازم يبعد عن الاسطبل على هالحال بيدمره اسرع للغيهب الي صهل حس بصاحبه واول مااعتلى ظهره حتى ركض فيه يسابق الريح لابعد مكان عن الاسطبل جلس بهدت حيل مسح على صدره ونفسه يعلى ثم بدء يضرب بجهة قلبه( صارت لغيرك اااخخ ياوجع قلبي يافاتن ) صار يتنفس بسرعه وقف وهو يحاول ينفضها من راسه وكيف ينفضها وهي متربعه قلبه(لاتفكر فيها ياسياف حليلة غيرك مايجوز) لكن موقادر يسيطر على نفسه صرخ بكل قهر وحبه لها ضحك بسخريه خفيفه ويحس بعيونه تنغزه بألم من الدموع المتحجره ورافضه تنزل (عزاي ياقلب اليوم فيها راحت شبيهة القمر والليل) ناظر للغيهب بنظره وجع :راحت وبتعيش حياه مع غيري صهل الغيهب وقرب يحتضنه ويشد عليه تنهد بوجع فتت صدره:اخخخ ياوجع قلبي حتى حبل الامل الي تشبثت فيه انقطع للابد صار يمشي والغيهب يمشي خلفه يحس نفسه تايه كان عارف بيجي هاليوم لكن من تأخر هالسنين كلها عطى نفسه امل بخطوه لها لكن ضاع كل شي وقف واعتلى الغيهب وصار يركض يحس للان مكتوم وصدره يوجعه لكن وجع قلب اقوى وبطريق رجعته لمح حمد ( جاي تواسيني فيني ياحمد اعذرني يااخوك مو الحين) ورجع بخيله التفت وشاف حمد يرجع للاسطبل فهم عليه زفر وكمل طريقة : بعد نص ساعه من الي صار بسياف وصل للاسطبل الهادي حتى العمال ناموا دخل يشيع المكان بنظراته ماله اثر وهو يدعي انه مارجع للبيت تقدم لمكان جلستهم الي مقلوب قرب وهو يشوف القزاز المتناثر بكل مكان رجف قلبه من شاف بقعة الدم وقف بسرعه يتلفت يدور على سياف اسرع للخيول يتفقد إذا الغيهب فيه ولالا ارتاح لمن شاف مكانه خالي يعني للان سياف هنا لكن وين يرتاح والدم شاغل باله ومخوفه سحب الباب عن الخيل الابيض الي متعود على حمد امتطاه واتجهه لخلف الاسطبل يمشي بهدوء وقف بالخيل لما شاف سياف متجهه له لكنه خاف لما شاف غبار الغيهب يرجع لدربه بقوه وهذي اشارة لحمد لاتجيني "كلما ضاق سياف هذا حاله يركض بالخيل يشتت افكاره وإذا جاه حمد يصده بهالطريقة" ضاق صدر حمد( يارب يارب يارب قوي قلبه ولاتضعفه) رجع حمد والضيق يكتم على صدره قفل الباب على الخيل وجلس بنص الساحه بعد مانظف القزاز ومسح الدم يلهث بالدعاء لسياف : قريب الفجر بكت وجع قلبها تتمنى موته هالوقت ارتجفت وهي تضم نفسها من دخل الغرفه وهو يجفف شعره رمى عليها المنشفه:الله ياخذتس يالنكديه وشبلاتس تبكين كأن الي سويته حرام ناظرته بقهر وودها تقتله وترتاح منه ومن اهله :الله ياخذكم كلكم بتجي الي بتاخذ حقي منكم ضحك عليها:لايكون قصدتس افنان ماتقدر تسوي شي انتِ حلالي على سنة الله ورسوله راقبته يطفي الانوار وينسدح:اسكتِ يانكد بنام طلعت من الغرفه للحمام وهي تدعي عليه وتشتمه بكل شتيمه تعرفها اول ماشافه مقبل عليه ركض له ووقف يتفحصه انتبه على يده الي لافها بشماغه سحبها وشال عنها الشماغ فتح عيونه :انت خبل عشانها تسوي بروحك كذا صاحي انت سحب يده لكن رجع مسكها : بنظف الجرح وتمشي معاي للمستشفى بدون اعتراض تسمع بعد مانظف له الجرح جلس بجنب حمد بهدوء يحاوطهم الا من تنهيدات سياف الحاره حمد:بكره يبدء دوامي ولاودي اروح وانت بهالحاله التفت له:وشفيه حالي ياحمد مد له البخاخ وعلاجه بحده:لاتروح مكان الا علاجاتك معك تفهم ناظر للي بيده وطنشه:انا بحسن حال فك غطاء البخاخ وهو يقربه لفم سياف بقهر :إذا انت عايف نفسك حنا نبغاك لاتلعب بصحتك عشانها سحب منه البخاخ وبخ بفمه لكن ماساعده بطرد الضيقه من صدره مد له علاجه والماء واخذه غصب عنه بعد سكوتهم الطويل:عمرك لاتحب وحده ماهي بيدك وحلالك حمد:الهوى ماهو بيدينا ولالنا مقدره عليه زفربقوه:وجع الحب يهد الحيل :ياجعل هالوجع فيني التفت له بقوه:استغفر ربك ياعساك ماتذوق الاوجاع ياحمد ابتسم له بخفيف:عارف كل الي بقلبك لكن إن كان ودك تتكلمم بس قول ياحمد حط يده على كتف حمد وضغط عليها:قفلت كل شي الليله ولافيه كلام ينقال وقف :اجل نرجع وتروح المستشفى وتطوي هالصفحه مد يده لسياف ووقفه بجنبه حاوط كتفه ومشى بعد ماوصلوا راحوا المستشفى عقموا جرحه وخيطوا كفه من الداخل بثلاث غُرز قال وهو يمسح على راسه: اسمع ياسياف انا خطبت من فتره ومارديتوا علي وبكره انا ماشي سياف عارف ليش رجع يفتح موضوع اخته الحين يبي يشغل تفكيره ويفرحون ابتسم :تبشر بالخير يالعضيد تفارقوا وكل واحد متجه لبيته لكن وقف حمد من شاف سياف يغير طريقه التفت بخوف لكنه ارتاح لما دخل للبيت من الباب الامامي(الله يريح قلبك ) الكل خايف والقلق يعتلي وجيهم من العشاء وهم ينتظرونه يرجع جالسين بالجهه الخلفيه للحوش لان متعودين سياف يدخل من هالباب وقفت لما سمعت صوت الباب الامامي يتقفل حطت يدها على قلبها:سياف رجع ابوسياف بإستغراب:غريبه مادخل من هنا الجده الي بدت تمشي:المهم انه رجع حبيبي وقف من شافهم جايين له ووجيهم شاحبه حط يده بجيب ثوبه يخفيها عنهم يكفي الخوف الي واضح فيهم تأملهم جدته وهبوب وابوه وعمته ابتسم لهم وهو يحاول يكتم اي شعور وغصه ألم ويبين لهم انه بخير وماأثر فيه كل الي صار سلم عليهم وردوا السلام ولااحد تجرأ يسأله او يقوله كيف حالك دخل متجهه لغرفته بدون صوت متجاهل بنت عمته الي واقفه ويدها ضامتها على صدرها وعيونها ليده الملفوفه دخل غرفته تنهد انسدح وانظاره للسقف ثم ورفع السلسال بيده يتأمله الزمرد الازرق عرف من هبوب بحبها وامنيتها تلبس زمرد بلون ازرق حبها من حكي هبوب عنها لجدته اندق الباب ودخلت اما هو حط السلسال تحت مخدته وجلس يخبي يده هبوب :ادخل :دخلتي وخلصتي تعالي ضحكت بخفيف وجلست جنبه على السرير بعد تردد ناظرت له: متضايق ابتسم وحاول بجهد ماتبين مشاعره:وليش اتضايق بالعكس فرحان ماحبت تضغط عليه تدري ايش تعني فاتن بقلبه:فرحنا معك تأمل وجهها:جايتس خطيب عقدت حواجبها:خطيب منهو قال بحنان:اسمعيني زين ياهبوب أنتِ اختي وبنتي ونظر عيني ويشهد الله لو اقرب الناس ضايقوتس لاهد حيلهم واحميتس من هالدنيا والخطيب الي جاتس زينة الرجال شهادتي فيه مجروحه وواثق انتس بتعيشين بسعاده معه لو وافقتي ابتسمت له بحب: يعني موافق عليه وفرحان فيه هز براسه بنعم ابتسمت بإستحياء:دامك موافق أنا موافقه :لاتستعجلين فكري واستخيري ماردت عليه ورجع ابتسم لها:ماودتتس تعرفين مين ابتسمت له وكمل:حمد اختفت ابتسامتها ووقفت لكن قال لهابجديه: حمد رجال مايتعوض وانا ضامنه فكري زين وبعد اسبوع رديلي خبر طلعت من عنده ودخلت لغرفتها الي تشاركها فيها سحاب وقفت بنص الغرفه رفعت سحاب عينها لها :بسم الله وشفيكِ التفتت لها ثم جلست عندها بقلق:حمد ضحكت عليها سحاب:توكِ تستوعبين وش سويتي ضربتها على فخذها بقهر:خطبني فتحت عيونها تناظرها: خطبك متى :توه سياف قالي حاولت ماتبين انها شافته من رجع :سياف رجع كيفه بخير فيه شي :يقول بخير بس اعرفه اخوي من جواته مضايق تنهدت بحزن : الله يريح قلبه رجعت وقفت بسرحان فضحكت سحاب:بدينا من الحين نفكر ونسرح :هاا من قال اصلاً برفضه وقفت قدامها:وليه وش يعيبه :مااحبه سحاب بعقلانية:مولازم تحبينه عشان توافقين عادي الحب يجي بعد الزواج انتِ لاتستعجلين خذي وقتك فكري واستخيري : الانظار كلها عليه بعد الهوشه الي افتعلها عمداً قال ويده على كتفه:اذكر الله (تعرف الله انت يالفاسد) نفض يده بغضب:يستاهل ماجاه سطام:يااخي كبر عقلك تتهاوشون عشان مباراه طنشه لان سطام بالذات مايبي يتهاوش وتكبر بينهم لازم يكسبه وطلع من الاستراحه لسيارته اتصل ولما ماجاه الرد رمى جواله بقهر:فوق هالمهمة الي بتكسر ظهري ماترد اخذ نفس عميق وزفره يهدي نفسه (دايم وانت هادي بمهماتك ليش هالمره موقادر تضبط اعصابك يانواف) اتصل جواله ورد عليه بهدوء:نفذت كل شي لكن كلاب مانطقوا بشي استمع للطرف الثاني ثم رد:لمتى بصبر وانا لحالي عندهم وكلهم انظارهم لي حاقده ارسلولي دعم ولا بتحضرون عزاي هالايام الطرف الثاني:من متى نواف الصعب يخاف ويتردد بمهمة وايمن متى يكون بالصوره تنهد:عجزت اتقرب منه يصدني بكل مره :لازم تتقرب منه هو الوحيد الي يعرفهم أنت متى ماشي لديرته؟ :بكره :توصل بالسلامة وانتبه منه زين خاطرنا بإسمك يانواف لاتشكك احد فيك لو شكوا فيك اقرب بحث عن اسمك عرفوك فانتبه :ابشر طال عمرك تامرني بشي :سلامتك قفل منه وهو يريح راسه شد على شعره بتنهيده قهر وتفكيره كله كيف يكسب ايمن وسطام بصفه استنزفت طاقته هالمهمه وده يرتاح منهم : : بعد هالأحداث بفترة بسيطه افنان انصدمت من زواج اختها وهاوشت وهددت الكل وقفت الدنيا وماقعدتها لكن فاتن هدتها وقالت انها راضيه بحياتها ، هبوب كل مره تتردد برفضها لحمد وسحاب كل يوم تقنعها ،سياف على حاله وكل مره يثبت نفسه ويرجع يفكر فيها وصارت ابتسامه كذابه تعتلي وجهه كل مارجع للبيت ، ابوسياف كل يوم يزيد تعبه العمه وبنتها خاليات البال مرتاحات بالديره ايمن كل مره يحط راسه على المخده يطري عليه وجهه سحاب الاسمر الباكي حمد مشغول باله بسياف ويستنى متى يرجع للديره الجده وبمكانها المعتاد تتقهوى شاف ولدها :يامحمد تعال ياولدي تقهوى جاء سلم على راس امه :ياجعلتس تسلمين بروح الحق على محاظرة شيخنا قبل يأذن للصلاة ابتسمت:روح جعله درب الصلاح والهدايه استودعتك الله ابتسم لها وطلع مسحت دمعتها بطرحتها وهي تذكر حاله قبل سنين وللان تدعي للي حسن حاله الي ماتدري كيف وليه ولاسئلته يكفيها التغير الايجابي والاستقامه الي هو فيها تذكر اخر موقف معه (( شافته يمشي بعدم توازن وشماغه على كتفه وازارير ثوبه العلويه فاتحه ضرب سياف برجله وكلامه ينفعم منه كلمه وعشر غير مفهوم: يالداشر ماتقول لابوك ان عندك نياق ماترك له وقت يرد دخل للبيت وهو يغني ويترنح بمشيه لين وصل لغرفة امه وهي وراه امه بتعب وضيق من منظر ولدها: لاحول ولاقوة إلا بالله ياابن الناس لمتى بتظل كذا تختفي بالشهور وترجع لنا وحالتك حاله تعبتنا اتقي الله في نفسك وعيالك رمى عليها الشماغ:اسكتي ازعجتيني الله ياخذتس تجادلت معه واعتلت اصواتهم تعبت وهي تغطي عليه تعبت وهي بكل مره تقفل على هبوب غرفتها عشان ماتشوفه وتقولها انه تعبان ومايحب احد يشوفه وتخاف منه يكفيها سياف الي عاش وانضرب وتدهورت دراسته تعبت والناس تضايقهم فيه فرغت كل غضبها وقهرها مابقي لهم جيران يزورونها حتى اعتزلت مجالس الحريم ضربها ضرب ماتحس بألمها كثر ماتحس بوجع قلبها فتح الباب بقوة وهو يدف ابوه عن جدته وقف وهو يهدد ويتوعد تلفت وشاف صندوقها الحديد الاحمر بجنبه وبدون اي رحمه شاله ورماه على سياف الي معطيه ظهره صرخ من قوة الضربه لكنه ماتحرك عن حضن جدته جره من ثوبه وبدء يركل فيه وجدته تحاول تبعده عنه لين طلعت من الغرفه رجع طلع من البيت كلهوهذي كانت اخر مره يشرب فيها ربي هداه صح رجع غاب عنهم لكن رجع لهم إنسان ثاني )) رجعت تبكي بصوت بعد هالذكرى الي وجعتها بسياف والجرح الي انصاب فيه ببداية ظهره وترك اثره للان : دقت باب الغرفه ودخلت على اختها الي ترتب ملابسها:افنان لمتى بتخاصميني طنشتها وماردت عليه سحبت الي بيدها بقهر:كلميني لاتسفهيني يكفي الي فيني لاتزيدينها علي وقفت بغضب:وش فيتس ها علميني مو تقولين راضيه بزفت الطينه فهميني ليش جايه عندي بكت بضعف: تكفين ياافنان لا تصيرين أنت والدني... قبل تكمل كلامها سمعته يناديها وسكتت افنان بسخريه:روحي للي اخترتيه عن اختتس بكت اكثر وهي تنزل لخالد وودها لو تقطعه تقطيع لكن هي عكس افنان ماتقدر تاخذ حقها وترفع صوتها خوافه وقلبها رهيف لحقها للغرفه وقفله بقوه:وشبلاها عليتس غطت وجهه وتناثر شعرها يغطيها قرب منها ورجعه لوراء ونزل يدها عن وجهها:لاتبكين حضنها لكنها ماوقفت بكي دفها عن حضنه بقوه وهو يتافف:وش البكايه الي مزوجيني اياها تصبحني وتمسيني بنكد وطلع هذا هو يحن عليها إذا كان رايق ويبي منها شي لكنها تصده ماتبيه يقرب منها ولاتبي حضنه تكرهه : هبوب جالسه عند راس ابوها الدموع بعيونها:يبه تكفى لاتقول كذا ناظرها بحنية وحط يدها على راسه:اقري علي الجده والعمه جالسات مقابل له يدعن له رجع للبيت وطاح عليهم التفت عليهم والتعب اخذ حتى قوة صوته:سياف وقفت سحاب عند الباب تمسح دموعها على حالة خالها الي تقطع القلب وقساة قلب سياف هي ماتدري اصلاً ليه هو جاف مع ابوه كذا طلعت للحوش تغطت اول مادخل مع الباب وقفت على الطرف عشان يدخل مشى من جنبها لغرفة ابوه لين اختفى(الي يشوفك ياسياف يقول هذا احن قلب بهالدنيا لكن لك قلب قاسي على ابوك) مرت ساعه واقفه مكانها تبكي وعيونها للباب تدعي فزت لما سمعت صرخة هبوب ثم اعتلت اصواتهم بالبكي اسرعت فتحت الباب خالها على السرير يد سياف على عيونه يغمضها ويد على صدر ابوه وهبوب بحضن جدتها تبكي وتمسح على شعرها وعيونها مليانه بالدموع وامها جالسه بالطرف الثاني للسرير وتبكي بهدوء تقدمت بجهة سياف ثم شهقت:م مات وقف سياف وغطى ابوه بالحاف :إنا لله وإنا إليه راجعون ادعوله بالرحمه انتشر الخبر بالديره بسرعه تجمعوا غسلوه وصلوا عليه وبدت ايام العزا اسرع ايمن يفتح الباب كامل صف الكراسي عند الباب بمساعدت الشباب اتجهه لسياف الي واقف بنص الحوش حط يده على كتفه:اذكرالله ياسياف اخذ نفس بحزن ومسح على وجهه ناظر للسماء وهو يستغفر ويدعي لابوه بدء يستقبل المعزيين وجنبه ايمن وابوه وزوج عمته الي كان متواجد عندهم من يوم اما عند هبوب رفضت تطلع للعزا جالسه بغرفتها وتبكي الجده تهمس لسحاب:روحي لهبوب طلعت شافتها تشاهق من قوة البكي جاتها بسرعه حضنتها:ياقلبي استهدي بالله راح للي احسن من هالدنيا لاتتعبين روحكِ بالبكي مسحت دموعها الي ماتوقف:بدل هالبكي الي بتعذبينه بقبره افرشي سجادتكِ وادعي له يحتاجكم تدعوله الحين موتبكون عليه بدت تهدأ بحضن سحاب قعدت تقراء عليها لين نامت لحفتها وقفلت الانوار والباب نزلت تحت جلست جنب ام حمد:كيفها الحين سحاب:نامت بعد ماهدت حيلها بالبكي :والله اني عجزت اطلع اعزيها ماودي اشوف حزنها :الله يربط على قلوبنا ويصبرنا :اللهم امين مرت ايام العزا ثقيله عليهم البيت هادي من الأصوات الا صوت القران الي تشغله الجده من بدايت اليوم كلن بغرفته جالس بمكانه يتأمل الارض للان صوت ابوه براسه (( لما وقف بجنب السرير مسك يده يجلسه بجنبه ابوه بضعف:ماحن قلبك ياابوك علي ماتكلم انظاره على يده فتح عيونه من سحبه يحضنه يبكي بضعف: ادري غلطت وضيعتكم بكل مره ارجع لكم يضيعوني ويشتتون حياتي يشهد الله امك راحت واخذت روحي معها سامحني ياسياف سامح ابوك على كل الي جاك مني شهق بقوه:تعبتكم وضيقت حياتكم خليتكم تمشون منزلين رووسكم بين الناس حتى يوم انحرقت المزرعه بأمك ماقدرت انقذ احد فيكم لكني تبت ورجعت لكم ليه ماتسامحني حتى البنت الي تبيها حاولت ارجعها لك لكن عمها وقف بوجهي تحملت حكيه الي يوجع عشانك ياولدي ادري الي جاك مني بنى حجر على قلبك حط يده على جهة قلب سياف:ماصر وقته يلين تنهد بضيق وهو يضم ابوه :مسامحك يبه من زمان يشهد الله مسامحكبس انت ريح نفسك لاتتكلم كثير تتعب مسح على ظهر سياف :اخخخ ياسياف من زمان اتمنى هالحضن بعد عن حضن ابوه وهو يحارب دموعه لاتطيح حط يده على صدر ابوه وابتسم:ارتاح يبه ابوه وهو يتأمل بإبتسامه كل الي بالغرفه لين وقفت نظراته بسياف حط يده فوق يد سياف الي على صدره: هم وصيتي لك ياسياف حنن قلبك عليهم ولاتضايقهم بيوم كل ماطلبوك قول ابشروا ثم التفت للي جالسات:وصيتي لكم سياف رجع ناظر لسياف وابتسم رفع اصبعه وتشهد كانه يحارب المرض والموت لين يحضن سياف )) تنهد وهو يستغفر وبدأ يدخل الكراسي وكان بيقفل الباب الا وقفت قريب من الباب حرمه من شاف طرف العبايه بعد عن الباب عشان تدخل لكنها ظلت واقفه استغرب ورفع عينه ونزلها على طول لثانية بس عرفها ماتكلم ينتظرها فاتن بصوت خافت باكي:عظم الله اجرك الله يربط على قلبك بعد ماقوت نفسها وجات تعزيه شهقت بخفيف اثر بكيها ورجعت للبيت بسرعه اما هو ظل مكانه واقف (جايه تعزيني وانتِ بعيده والمفروض اول المعزيين والمواسيين لي أنتِ) ضرب الباب برجله بقوه (كل مره تضعف لها ) كل هالحدث تحت انظار افنان على الشباك :وين قوتتس هذي يافاتن يوم يجرونتس لقبرتس وينتس مارفضتي وينتس مااحتميتي في وش ينفعتس الحين تنهدت ونزلت رايحه دوامها وهي تمشي تكلم نفسها :الله واكبر ياافنان صرتي تتمنين الدوام يطول بدل ماكنتي تدعين يقللون ساعات دوامتس عشان ترجعين للبيت بدري عشانها اخخخ منتس يافاتن رفعت عينها للي واقف عند العياده الي هي فيها دخلت بضيق صايره تتضايق منه كل مره يطلع بوجهها رتبت الاوراق على مكتب الدكتورة هناء وجلست تنتظرها تجي عشان تستقبل المرضى اندق الباب وانفتح وقفت من شافته:لوسمحت الدكتورة لسى ماجات انتظر برا لين ننادي اسمك فتح الباب كله وتقدم :من مضايقتس؟ ناظرته بخوف والقلق تملكها:لوسمحت اطلع ضيق عيونه وعقد حواجبه وهو واقف مكانه :لاتجيبلي المشاكل واطلع برا موناقصه مشاكل طلع وهو منقهر من نفسه كيف يتعدا خطوطه الحمراء من سمع الممرضات يتكلمن عنها و كيف تزوجت اختها دون علمها وانها رجعت للعياده مضايقه ومعصبه تنام فيها بعيده عن بيتها يومين كامله زفر من سمع صوتها الي واضح فيه انها كانت تبكي تنهد ومشى لبيته القريب من المستوصف ضربها وهو يصارخ:من سمح لتس تطلعين وين كنتي مسكته امه:قصر حسك لايسمعونك الناس فلت يدها وهو يجر فاتن من شعرها:فكيني هذي يبي لها تربيه من جديد رماها بقوه على الارض بكت من ألم طيحتها على يدها صار يدور بالغرفه يبحث عن شي يضربها فيه يبرد حرته من انطرد من المحل الي يشتغل فيه بعد ماسرق من فلوسه سحب المكنسه الي ورا الباب وضربها بقهر:تطلعين من دون شوري وين رحتي هاا تبكي وتحاول تبعد عنه:مارحت مكان رجع يضربها ويشتمها ويشتم اهله الي زوجوه غصب طلع من البيت بعد مافرغ غضبه عليها مريم الصغيره طلت عليها ثم رجعت عند امها الي جالسه تتقهوى قالت بحزن:حرام فاتن تبكي امها:تستاهل محد قال لها تطلع كانت بترجع لغرفة فاتن لكن امها صرخت عليها جلست جنبها بحزن ضمت نفسها بوجع قلبها ووجع ضربه تكورت على نفسها بضعف(افنان وينتس احتاجتس) هالضرب بس عشانها طلعت كيف لو درى انها رايحه لسياف وتعزيه كان دفنها بمكانها نامت وهي على حالها : بالليل اول ماوصل استقبله خبر موت ابوسياف راح يركض لبيتهم دق الباب لكن محد فتح له رجع يدق ووقف ينتظر اي احد يفتح بعد دقايق فتح سياف الباب تقدم منه حمد يضمه والحزن بعينه:عظم الله اجركم واحسن الله عزاكم ياجعله بالجنه البارده ربت على ظهره: اللهم امين الله يجزاك خير ابعد عنه:متى بذبول: له اسبوع مايدري شيقول وويواسيه فيه فسكت مشى ورا سياف الي قفل الباب متجهه للباب الخلفي فجلس على العتبه وحمد وقف قباله في كل مره يضيق يجلس نفس جلسته هذي قال وعيونه للارض:كنت معه وقت وفاته كان يوصيهم فيني ويوصيني فيهم تنهد بحزن ورفع يده اليسار يناظرها:كانت يدي على صدره حسيت بتوقف قلبه ياحمد ندمان اني ماتقربت له اكثر متشفق على حضنه وإبتسامته جلس بجنبه وهو يربت على كتفه: لله ما أخذ، ولله ما أعطى، اصبر وترحم عليه اخذ نفس : ، اللهم اغفر له وارحمه اللهم ثبته عند السؤال وأجعل قبره روضة من رياض الجنة :اللهم امين ظلوا جالسين على حالهم ساكتين وقف حمد:ادخل ارتاح :ماودي اشوف حزنهم يكفيني الايام الي فاتت :امش معي للبيت طيب هز راسه بلا :روح ريح انت توك جاي تعبان نزل شنطته على جنب ورجع جلس مايطاوعه قلبه يروح يرتاح ورفيقه جالس بحزن فسكت سياف يبيه جنبه على السطح كانت سحاب وهبوب الي طلعتها غصب عنها للسطح تشم هواء بدل جلستها بالغرفه من وفاة ابوها ذبحت نفسها بالبكي وتخاف عليها من الاكتئاب سحبت الصندوق الحديد لجهة الجدار وطلعت عليه تناظر من فوق الجدار تحت نظرات هبوب لها اشرت لهبوب تجي لكنها طنشتها وماتحركت التفتت عليها:وتقولين مايستاهل توافقين عليه تعالي شوفي جاي لاخوكِ حتى شنطته على كتفه وببدلته سكتت لما شافتها تناظرها وعيونها مليانه دموع التفت بكل جسمها عليها بضيق:لمتى يعني بتبكين ارحمي عيونكِ ادعي له هبوب ببكي:هذا ابوي ياسحاب ابوي كيف تبون ماابكيه وانا ماراح اشوفه ولااسمع حسه وضحكته بالبيت نزلت من على الصندوق ضمتها وهي تحاول تهديها لين سكتت بعد دقايق سحبتها للصندوق غصب لازم تطلعها من هالحزن الي وضحت اثاره عليها اشرت عليهم:الي يوقف معاكم بحزنكم قبل فرحكم يستاهل ارجعي فكري وامحي كلمة اكرهه فكري فيه كمواقف ورجولته وصحبته لاخوكِ وفكري ليش تكرهينه والحياة ماتوقف على موت احد لازم نستمر بالحياة ونحمدالله على النعم الي عندنا ونفرح ونفرح قلوب الي حولنا تأملته جالس ببدلته العسكريه وكتفه بكتف سياف تنهدت وهي تنزل وتنسدح على الفرشه الي حاطتها سحاب اما هي تناظره بعيون خوف عليه سياف عرفت شخصيته من سكنت عندهم مايحب يبين مشاعره احيان ماتدري هو زعلان ولافرحان تحس انها بدت تميل له كثيير بالتفكير اول رجل غريب عنها يكون بحياتها تصادفه كثير بما انهم ببيت واحد تسمع طريقة حكيه وحنانه على جدته وهبوب حتى ابتسامته الي بالغصب تبتسم لاشافتها تأففت لما شافت ايمن يطلع من بيتهم ويتجهه لهم نزلت وجلست عند سحاب:سبحان الله فيه ناس كذا من الله ماينحبون لفت براسها لها:مين شفتي :هذا ولد ام حمد يقهر ماينطاق :قصدتتس ايمن والله انه حبوب وطيب كشرت بوجهها وضحكت هبوب ابتسمت لها:ايوه اضحكي والله فقدت ضحكتتس الحلوه :ضحكتتس مولايق السين عليتس ضحكت:تراني كل يوم اتدرب على نطقه ثقيل وصعب وراح الليل وهي تسولف عليها عشان تنسى حزنها لو شوي __ نهاية البارت استودعكم الله | ||||
|
| |
|
16-08-23, 06:52 AM
| #8 | ||||
| السلام عليكم ورحمة الله وبركاته صباح الخير الف تحية للكاتبة المبدعة روايتك جدا جميلة نجي للأحداث سياف >>> كنت متوقعة بيكون له نصيب مع سحاب بس واضح ان ايمن داخل في الخط لكن وضع فاتن مع زوجها ممكن يكون فيه خط رجعة لسياف ابو سياف >>> كنت متحيرة ليش سياف كان صاد عن ابوه وحزنت لما عرفت السبب هبوب الصغيرونة >>> يابخخخختك بذا العريس ننتظر الفصل الجاي بحمااااس ونشوف فاتن واختها وش راح يسوون مع عائلة عمهم الطماع!! | ||||
|
| |
|
| الكلمات الدلالية (Tags) |
| رواية.كل مخلص. |
| أدوات الموضوع | |
| انواع عرض الموضوع | |
|
|
190Likes
العرض العادي
