آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
20-06-13, 08:34 PM
| #12 | ||||||||
| مراقبة عامة ومشرفة منتدى الروايات المنقولة  
|  ياهلا وألف مرحب أنثى الخيال تسلم يمينك يالغاليه على النقل المميز وإن شاء الله تكملي نقل الروايه حتى تكتمل أرجوا منك الإطلاع على قوانين القسم https://www.rewity.com/vb/t219143.html الروايه أحداثها مشوقه أعتقد خالد بيكتشف إنه ظلم هديل وبيحاول يظهر الحقيقه من فهد بعد عودته أنثى الحلم متابعه معك ولي عوده للتعليق إن شاء الله أحلى تقييم تستاهلين يالغاليه التعديل الأخير تم بواسطة لامارا ; 03-10-13 الساعة 01:15 PM | ||||||||
|  |
|
23-06-13, 02:07 PM
| #13 | ||||||||
| مراقبة عامة ومشرفة منتدى الروايات المنقولة
| البارت الثامن ....(بصراخ)الحق علي يا راااكاااان احس بألم ببطني بمووووووووت راااكان بموووت راكان وقف السيارة وشاف اسم المتصل رهف وقال:وين ساكنة رهف:بحي ال#### مقابل محل ال#### بالعمارة وبشقة رقم 23 راكان اغلق الجوال وضغط بقوة عليه وشغل السيارة وتوجه لرهف ووقف السيارة قدام العمارة ونزل ورن الجرس شقة رقم 23 فتحت الباب من دون ما تشوف مين على الباب:اااااه يا راكان مراااا اتألم احس انه الولد فيييه شيي راكان اخذ عبايتها ولبسها ومسكها يدها يمشيها شوي شوي ودخل الاصنصير ونزل لتحت وركبها جنبه بالسيارة وتوجه للمستشفى ودخل لمكان الاستقبال راكان:لو سمحتي ....:تفضل اخوي راكان قال بصعوبه:زوجتي حامل وحااسه بألم كبيير في طبيبة نسائية للحمل موجودة ....:ايه انتظر شوي رفعت السماعة التلفون عشان تكلم الطبيبة وبعدها طلعت اوراق اجرائات المريض وخلص راكان وبسرعه دخلوها الممرضات الغرفة وراكان انتظر براا ** انتهى اليوم...وحل صباح جديد على لندن اجوائها بااردة صحيت هديل من النوم وتوجهت للحمام توضت وراحت تصلي وبعدهاا نزلت تحت للمطبخ شافت الخدامة البيرطانية تغسل الصحون هديل:عفواا ! لو سمحتي التفتت الخدامه لها:تفضلي سيدتي هديل:احضري لي الفطور انا هنا تحت الخدامه هزت راسها بإيجاب وتوجهت هديل للصالة وشافت ندى صاحية وما اهتمت لوجودها وجابت الخدامة الفطور وجلست تفطر وندى تناظرها بغرور وبعدها ابعدت عينها وحطتها للتلفزيون هديل خلصت فطور والتفتت لها:ندى متى بتروحي ندى:لما يصحى (وتعمدت تمد اسمه)خااااالد بيوديني جاء خالد للصالة ماسك بإيده المفاتيح السيارة:يلا ندى انا بالسيارة قامت ندى وناظرت بهديل بنظره شماته وبعدها راحت للسيارة هديل:مااالت عليها وعليه ** بالسيارة ندى:خالد متى راجع الرياض؟ خالد وهو يناظر الطريق:ليش تسألي ندى:لا بس كذا مافي سبب للسؤال خالد:بكرة وصلوا العمارة بيتها ندى ابتسمت:شكراا خالد ما قصرت خالد:عفوا ندى طلعت من السيارة وطيحت نفسها على درج العمارة عشان يساعدها خالد قام خالد من السيارة:ندى وشفييك ندى:مدري وانا امشي طحت خالد مسك يدها وقومها ندى اعتدلت بوقوفها:شكرا للمرة الثانية خالد:عفوا مع السلامة ندى:باااي راح خالد ركب السيارة(وش تقصد هاذي بحركتها تحسبني غبي وبصدق افلامها الهندية)وتوجه للبيت ودخل الصالة وشاف هديل راح جلس جنبها خالد:ابي اكلمك بموضوع التفت هديل له:نعم خالد:اليوم ابيك تجهزي نفسك هديل:لييش خالد بإبتسامة خبث:انتي عارفه قصدي الليلة ابيك مابي اوضح اكثر عشان ما تنحرجي هديل:الحين صرت زوجتك وليش من قبل قلت نبين للناس اننا مع بعض واحنا مو مع بعض هااا يلا فهمني اشوف وش اللي غيرك خالد:لا احنا بالفعل مثل الكلام الي قلتيه بس ابي اخذ حقوقي وغصب عنك ولا تبين الملائكة تلعنك هديل قامت بتروح لغرفتها بس خالد مسك كتفها ورجعها لمكانها:ما خلص كلامي معك هديل:افففف وش تبي خالد (ابيك) مابي شيء بس شكلك ملفت للنظر وانتي معصبة وابي اشبع نظري منك هديل بسخرية:هههههههه تدري انك تضحك جد انت انسان متناقض وركضت قبل لا يمسكها وهو ركض وراها وهي تحاول تمشي بسرعه بالدرج وهو يلحقها وجات بتدخل الغرفة مسكها بيدينه الاثنين ولصقها بالجدار:عيدي شقلتي هديل بنظرات حقد:انسان متناقض خالد اغمض عينه وقرب شفايفه لها وهي ما قاومت وبادلته وبعد ثواني تركها وراح نزل تحت فتحت عيونها ودخلت لغرفتها وهي منحرجة منه .. ** بالرياض بالشركة.. الساعة:12:10 الظهر اتصل السكرتير على ابوخالد:هلا طال عمرك ممكن ادخل مكتبك في شيء مهم ابي اقوله لك ابوخالد:تفضل اغلق الهاتف وتوجه لمكتب المدير:بو خالد في واحد يتصل كل يوم يبي يكلمك بشغله ضرورية ابوخالد:وش اسمه ؟ سلطان(السكرتير):اسمه حاتم ال... ابوخالد:وليه توك جاي تقولي سلطان توتر وما عرف وش يقول وقال:اسف طال عمرك ابوخالد:لولا مكانة ابوك عندي كان طردتك من غير تردد كم رقم حاتم طلع سلطان دفتر صغير وكتب الرقم وحطه فوق مكتبه وطلع لمكتبه ابوخالد اتصل على الرقم ** صحي حاتم من النوم على اصوات التليفون وقام ومشي بسرعه ورد:الوو ابوخالد:هذا بيت حاتم ال... حاتم:تفضل مين معي ابوخالد:انا سعد ال.... حاتم ابتسم:ايه يا سعد كيف بنتي هديل ابوخالد:بخير حاتم:عمرها 18 صح ابوخالد:ايه تخرجت من الثانوي وتزوجت ولدي حاتم:بو خالد اذا ما عليك امر ابي اشوف بنتي من بعيد مابيها تشوفني انا مريض بالسرطان ويمكن قرييب (وبألم)أمووت ابوخالد حزن لحال حاتم:طيب بس هي الحين مسافرة وقريب كلها يوم او يومين وبترجع حاتم:انشاءالله ولما ترجع اعطيني خبر انشاءالله ماكون عطلتك عن شغلك يلا فمان الله بوخالد اغلق جواله ورجع لشغله ** بالمستشفى ما نام قاعد براا ينتظر وطلعت الدكتورة متوجها له:زوجتك بخير والجنين بخير كانت مجرد آلام بسيطة طبيعية ببداية الحمل من امس المفروض تقدر تطلعها بس المريضة تبي ترتاح والحين تقدر تاخذها راكان:اذا ما عليك امر ابي اسوي فحص ال d n a الطبيبة استغربت:ليش اننت شاك انه مو ولدك راكان بدور على كذبه:لا كانت متزوجة واحد قبلي وطلقته وتزوجتها بسرعه وحملت بسرعه وهي تقول انه ولدي وانا شاك انه ولد زوجها الثاني الطبيبة بتفهم:انشاءالله لما يولد الطفل عشان صعبه نسوي هالتحليل والطفل ببطنها طلعت رهف وهي حاسه نفسها دايخة مسكها راكان ومشي معها للسيارة &&(رهف لون عيونها رمادي عيونها واسعه جسمها متوسط والطول متوسط بشكل عام جميلة من كل النواحي بالشكل وهي كانت تحب راكان وهو الولد الوحيد الي من اول ما دخلت الاستراحة وهي معه عمرها 19) رهف:اسفه تعبتك معاي راكان ببرود:لا عاادي رهف:اهلي ماتو بحادث سيارة من قبل اسبوع وساكنة لحالي بالبيت والسواق ما يرد فما لقيت احد اتصل عليه غيرك راكان حزن على حالها وقال:رهف تتزوجيني؟ ** بلندن الساعة 10:11 بغرفة هديل زهقت من جلوسها بالغرفة اخذت حجابها وجاكيتها وجوالها وطلعت برا بالحديقة تشم هوا وفتحت جوالها واتصلت على فتون فتون:هلا بالعروسة كيف بيريطانيا معاك هديل:الحمدالله تمام وحشتيييييينيي حيييل فتون:وانا اكثر شخبار خالد هديل:الحمدالله بخير وانتي اخبارك فتون:ماشي الحال بس طفشااانه مرااا هديل:طيب روحي سوي شيء مفيد بالحياة فتون:ماااالي خلق توي افتكيت من الدراسة اروح لدراسة ثانية لا طبعا جات سيارة خالد داخل الحديقة وقفها وهديل ابعدت نظرها عنه خالد فتح الشباك:تعالي بنروح السوق هديل:فتون يلا بااي بسكر بنروح السوق الحين فتون:سلميلي على خالد وجيبوا لي هدية لا تنسي هديل:انشاءالله واغلقت الجوال وجلست جنبه بالسيارة وكان الصمت مالي المكان حتى وصلوا لمحل كبير مثل المجمع فيه ملابس وهديا واشياء تذكارية للندن والخ..... فتحت الباب وطلعت وراحت بجهة وخالد بجهة بالسوق دخلت قسم ملابس النسائية وبدأت تاخذ بلوفرات وبلايز بالكيس المخصص للمحل وجا واحد ملامحه تدل على انه جميل وسعودي وقاال من وراها:هلا يالمزززه التفتت هديل لورا وقالت:مزة بعينك احترم نفسك ...:تبين رقمي يا حلووو هديل سفهته واخذت اشيائها وراحت وهو يلحقها والتفتت لوررا:خلاااص اتركني بحاالي ...:نووو اعطيني رقمك بالاول هديل شافت خالد عند جهة الكتب وسوت نفسها تشوف كتاب وخالد ما انتبه لها عشان تشوف وش بيسوي لو جا هذاك الولد وتغزل فيها ...:طيب عالاقل وش اسمك يا جمييل انت خالد التفت ولما شاف هذاك الولد قريب من هديل سحب هديل لعنده وقال:احترم نفسك يا الكلب حتى الكلب مؤدب اكثر منك ورفسه برجله ومسك ايد هديل وراح لمكان الحساب ولما خلصوا طلعوا وراحو عالبيت ** بالرياض الساعة 2 ظهرا ببيت العم محمد بغرفة أسماء تحديدا جالسه بالسرير والكاميرا حطتها تحت السرير واخذت السيدي وشغلته بالاب توب واول ما بدأ المقاطع حطت ايدها بفمها:معقووولة هاذي لا لا لا مو انا مو انا واول ما سمعت شخص بيفتح الباب اغلقت الاب توب راكان شك فيها بحركاتها السريعة بغلق الاب توب وقال:يلا الغدا امي ساعة تناديك ما سمعتي أسماء بتوتر:لا ما سمعت الحين بجي طلع وراح لغرفته ورا الباب ينتظرها تطلع وسمع صوت خطواتها بالمشي لتحت حتى انتهى الصوت ودخل لغرفتها وفتح الاب توب ما كان فيه كلمة سرية واول ما فتحه شاف المقطع يمشي و.... ** قبل ساعتين راكان حزن على حالها وقال:رهف تتزوجيني؟ رهف ما صدقت ووابتسمت:ايه راكان: بكرا بملك عليك وتجين تسكنين عندنا رهف بفرحه:موافقه راكان بحنية:عندك احد من معارفك او اقاربك او صديقاتك يقدر يجي عندك وينام هالليلة معك عشان ما اضمن انه ما يصير فيك شيء رهف بإبتسامة:ايه صديقتي حنان الحين اول ما ادخل بتصل فيها راكان:يلا مع السلامة رهف فتحت الباب:الله يحفظك وطلعت وراحت لفوق ودخلت الشقة ** بلندن بالليل الساعة 9 بغرفة هديل جالسه تشوف الجوال والرسايل وتسولف مع فتون بالواتس اب وفتح خالد فجأة الباب:هديل جاهزة هديل التفتت خايفه منه:لا خالد مسك يدها بقوة وهي تحاول تفك يدها ما نفع:خااالد وييين بتوديني خااالد خالد وصل للغرفة نوم لشخصين ومسكها بيدينه وهو يحاول يقرب منها و..... ** بالرياض بالشقة عند احمد ووئام عايشين بسعاده مثل عصافير الحب ... حياتهم تخلو من المشاكل واحمد صار يهتم فيها اكثر من اول ودوام الشركة يومين بالاسبوع وكل باقي الايام يجلس مع زوجته وئام يهتم فيها يطبخ لها اكل جا اتصال له رد ...:احمد فيصل ماله اثر دورنا عليه ما لقيناه احمد:وشوووو دوروووه لازم تلاقوه ** انتهى البارت توقعاتكم راكان&رهف أسماء&فهد خالد&هديل احمد وش علاقته بفيصل؟ التعديل الأخير تم بواسطة لامارا ; 03-10-13 الساعة 01:15 PM | ||||||||
|
| |
|
23-06-13, 02:12 PM
| #14 | ||||||||
| مراقبة عامة ومشرفة منتدى الروايات المنقولة
| المدخل * * * * * * ماودي أتخيّل حياتي بدونك يا أغلى من أقرب شخص لي بحياتي ومن كثر ما احبك وأبي ساعة رضاك شفني على خنجرك .. كاتب وصاتي ! دامك تبي الفرقا .. ف أنا اروح وياك ما ابغى أقابل لين أموت .. امنياتي ! خذني وعذبني على كيفك هناك ! وان مت .. رجعني على ذكرياتي !! البارت التاسع * * * * * * * * * * * بالرياض الساعة 10:19 بالليل طلع وراح لغرفته ورا الباب ينتظرها تطلع وسمع صوت خطواتها بالمشي لتحت حتى انتهى الصوت ودخل لغرفتها وفتح الاب توب ما كان فيه كلمة سرية واول ما فتحه شاف المقطع يمشي بقق عينه على الاب توب ورما الاب توب حتى تكسر وقام وهو معصب وطلع بسرعه لتحت وشاف أسماء وهي تتغدا بهدوء ناظرها بتحقير ومسكها من كتفها وعطاها كف قوي وبوكس لدرجة نزف انفها دم ووجهها احمر من الكف انهارت بالبكاء وعينها عالارض ما قدرت تقول شيء لانه مافي شيء تدافع فيه عن نفسها وطاحت مغمي عليها ام محمد قامت وبصراخ :رااااااكاان وشفيك وش سويت راحت لبنتها وأسماء دايخة مغمي عليها راكان بعصبية وأشر بعصبية:هاااااااذي البنت لوثت شرفنا يا يمه لوثته كانت تطلع بالليالي مع الشباب ومحد داري عنها وتدرين يا يمه انه الي صار لك ذنب فيه لانك ما اهتميتي ولا سألتي وين تروح وتجي اتمنى تقولي هالكلام للوالد و كيف بنرفع راسنا بعد الي سوته ما عاااد عندي اخت اسمها اسماء ام محمد بصدمه من كلامه ومن الي سوته أخته ما ردت و اتصلت على السواق وجابت العبايه ولبستها وراحوا للمستشفى وراكان طلع من البيت معصب وراح للسيارة وراح مسرع ووقف السيارة قدام مكان خالي من السكان مكان يختلي فيه بنفسه وطلع من سيارته وطلع سيجارة يدخن فيها.. ** بلنلدن الساعة 2:22 الفجر فتحت عينها وشافت نفسها نايمة بجنبه استحت لما تذكرت الي صار اخذت البطانية وغطت نفسها ومشيت ولبست ملابسها وطلعت لغرفتها واخذت شور عالسريع ولبست بيجامه اخضر وابيض ونشفت شعرها بالمنشفه وتركته ينشف لحاله لانه كيرلي ناعم وغطت نفسها بالبطانية ونامت الصباح الساعة 6 بالضبط اشرقت الشمس بيوم جديد اخر يوم الرجعه للرياض استيقظت هديل من النوم على اشعاعات الشمس المعلنة عن صباح يوم جديد وقفت من على السرير ودخلت الحمام توضت وبعدها اخذت الشرشف الصلاة وصلت واخذت القرآن وقرأت كم سورة تريح فيها نفسها وبعدها اغلقت القرآن ونزلت بالدرج ودخلت المطبخ وشافت رئيسة الخدم لانا هديل:لانا ممكن تسويلي كوب نسكافيه مع ساندويش بالجبن بالحماصة لانا:تكرمي مدام بدك شيء تاني هديل:لا شكرا وراحت للصالة وفتحت التلفزيون وكان مسلسل اجنبي كوميدي جلست تتابع ما كان مترجم بس هي تفهم وبعدها جات لانا وهي ماسكة التبسي وحطته بالطاولة الصغيرة قدامها وبإبتسامة:بالعافية مدام هديل:الله يعافيك بغرفة خالد قام من النوم فتح عينه التفت يمين يسار ما شافها موجودة وفتح الجوال وشاف الساعة 7 وونص قام واخذ شور عالسريع ولبس بنطلون جينز اسود وتيشيرت احمر ماركة تومي كيرفل وشوز تومس كحلي ونشف شعره ونزل تحت بالدرج وشاف هديل تفطر تحت جا جلس جنبها وهي ارتاعت من قربه لها ثم اردف:صباح الخير هديل ببرود: متى الرحلة للرياض خالد: طيب قولي صباح النور ترا العجلة مو كويسة هديل:بكيفي عندك مانع خالد:الله الله ليش معصبه هديل قامت وطنشته وطلعت لفوق وكان بيقوم وراها بس شاف اتصال من سكرتيره:هلا سلطان سلطان:هلا خالد احنا من اول نتصل عليك ما ترد مقفل حبيت اقولك انو لقينا فهد ال... والحين هو محبوس بالغرفة ببيت المزرعه خالد:تمام اليوم انا جاي للرياض وبتصرف معاه يلا مع السلامة سلطان:توصل بالسلامة فمان الله قفل الجوال وتوجه لغرفته يرتب اغراضه ** بالرياض قبل 10 ساعات بالليل الساعة 11:18 بالمستشفى طلع الدكتور وقامت ام محمد بقلق من الكرسي:هااا دكتور وش صاار وشفيها الدكتور بحزن:هي بخير بس الجنين مات نتيجة حصول نزيف أثناء وقوعها بالارض ام محمد وعلامات الصدمه بوجهها:البنت حاامل الدكتور:ايه كانت بس فقدنا الجنين ويلا بالسلامة انشاءالله ام محمد ما عرفت وش تسوي خايفه تقول لزوجها يقتل البنت فقررت ما تقول لاحد حتى أسماء تتعافى وتطلع من المستشفى ** عند راكان كان نايم بالسيارة استيقظ من النوم على نور الشمس المشع وتوجه للمسجد و فتح السيارة وراح للمسجد يصلي الفجر هو صحيح راح وقت صلاة الفجر بس ما كان يبي يرجع البيت والمسجد مفتوح بأي وقت فعشان كذا راح صلى هناك ** حنان بضحكة:رهف هو جد بيتزوجك ولا تمزحين رهف:وشفيك كم مراا افهمك ما تفهمين اييه بيتزوجني بيملك علي اليوم حنان:حركااات يا رهف بتصيرين زوجة راكان ال.... رهف بإبتسامه:ايه ومين قدي حنان:ههههه تتوقعين بيتقبلوك اهل زوجك رهف:مدري عنهم بس انا ماراح احتك فيهم بكون سطحية معاهم حنان قامت وهي تلبس العبايه:زيين يلا انا الحين برجع البيت الله يسعدك مع راكان رهف:باااي اول ما طلعت حنان رهف اتصلت على راكان:هلا راكان الحين توها حنان راحت متى بنملك راكان:انشاءالله الحين بجيك واعطيني بطاقة احوالك وجواز سفرك رهف:اوكي بااي ** راكان شغل السيارة وتوجه لبيت رهف ونزل وطلع لفوق بالاصنصير ورن الجرس طلعت يدها واعطته بطاقة الاحوال والجوازالسفر اخذه ونزل تحت ودخل السيارة وتوجه لنفس المسجد كان فيه شيخ يقرأ القرآن دخل:السلام عليكم الشيخ توقف عن القراءة وناظر راكان بإبتسامة:هلا بولدي راكان تعال تعال جا عنده راكان وجلس جنبه:اهلين شيخ ابراهيم كيف الحال ابراهيم:الحمدالله بخير وانت راكان:تمام ابراهيم:ويينك ما عااد صرنا نشوفك كثير مثل اول راكان:ظروووف منعتني..شيخ ممكن تسويلي عقد قران (طلع البطاقات الاحوال)خذ ابراهيم بإبتسامة:ايه ممكن راكان بإبتسامة:متى تخلص ابراهيم:امم اتوقع الليل عالساعة 8 يكون جاهز راكان قام:تمام الحين بطلع وبرجع لك الليل ابراهيم:انشاءالله الله يحفظك يا ولدي راكان:ويحفظك ومشي بالسيارة واتصل على واحد من معارفه راكان:هلا سالم انت كنت عارض شقة بحي ال... هي الحين متاحه ولا احد اشتراها سالم:لا موجودة تبي تشتريها راكان:ايه انا بالطريق جهز الاجرائات باخذها سالم:انشاءالله ** بالصالة جالسه فتون تشوف التلفزيون وجات ام خالد وجلست بكنبة مقابلها وبإبتسامة:ليش الحلوة طفشاانه فتون:زهق هديل مسافرة ووئام شايفتها قريب توها متزوجة مابي ازعجها ام خالد:اهاا طيب قررتي تدخلي أي جامعه السنة الجاية فتون:ايه قررت ادرس برا ** راح راكان للعمارة وطلع لفوق لشقة سالم ورن الجرس فتح له سالم سالم:يا هلا فيك كيفك زماان عنك راكان:مثل منت شايف هاذي الشقة سالم:لا الشقة الي مقابلها تفضل ندخل نشوف ** بلندن الساعة 10 الصباح فتحت ندى الدرج تدور على شيء معين ودورت تحت السرير وجدت صندوق مقفل حاولت تفتحه فتحت الدرج لقت المفتاح الصندوق فتحته وطلعت المسدس وحطته بجيب الجاكيت وتوجهت لبيت خالد ** ببيت ابواحمد Stop نعرفكم بالعايلة الكريمة ابواحمد انسان حنون بعياله وطيوب ووقت الجد ييكون جد عمره 56 ام احمد متوفيه فيصل (هو نفسه ولد عم ندى عرفتوه)شخص مغروووور درجة اولى ومملوح شوي و يحب ندى يبي يمتلكها لوحده دايما وراهاا وساكن بلندن حاليا يدور على ندى عمره 27 احمد عكس اخوه تماما حتى بالشكل اجمل منه بشرته بيضا ووسيم مغازلجي عمره 25 ** بالقصر الكبير الذي يندهش كل من يراهه خارجا مصمم بإتقان بالصالة الكبيرة تحت الوانها ذهبي وابيض كان ابواحمد ينفخ بالارجيله او بسمى اخر الشيشة واحمد جالس جنبه ووئام ماجات راحت لعند امها ابواحمد:فيصل ذا متى بيحط عقله براسه خلاص البنت تركته ما عنده كرامة ابدا احمد:حااولت اقنعه ما يسمع وش اسوي يعني حتى زواجي ما حضر وذا كله عشان ندى الولد مجنون فيها ابواحمد:الله يهديه بس احمد:ايه والله ما نقدر نسوي شيء غير الدعاء له بالهداية ابواحمد:ايه زوجتك بأي شهر احمد بإبتسامة:الاول ابواحمد:تولد بالسلامة انشاءالله احمد:الله يسلمك ** ببيت خالد وهديل خالد:يلا خلاص كل شيء جاهز هديل:ايه بعد الترجمة خالد:سوزااان ضعي هذه الاغراض خارجا سوزان:حسنا يا سيدي جات ندى والمسدس داخل جيب الجاكيت وشافت باب الحديقة مفتوح ودخلت خالد:يلا مشينا هديل ماسكة شنطة اليد وطلعو كانو بجانب بعض بس مو ماسكين ايد بعض وفجأة طلعت ندى قدامهم خالد تفاجأ من وجودها ندى وهي منهارة بالبكاء:خااالد بترروووح نسييت حبنا بكل بساااطة خالد ما رد بس يناظرها هديل ما انصدمت منها وتوقعت جيتها :خالد انا بروح اركب السيارة ندى طلعت المسدس بإتجاه هديل وبصراخ:لااااااا تتتحركيييي خالد انصدم من المسدس ومن كثر صدمته ما تحرك وقلبه يدق بقوة وهديل فتحت فمها وبخوف وبصراخ عالي:خاااااااااالد ندى ضغطت عالزناد وخالد....... * * * * * * * * * * انتهى البارت توقعاتكم التعديل الأخير تم بواسطة لامارا ; 03-10-13 الساعة 01:14 PM | ||||||||
|
| |
|
23-06-13, 02:16 PM
| #15 | ||||||||
| مراقبة عامة ومشرفة منتدى الروايات المنقولة
| توقعت اني بطول بكتابة البارت لاني كنت على نهايته وتوي خلصته اتمنى يعجبكم وينال رضاكم * * * * * البارت العاشر * * * * * * * * خالد انصدم من المسدس ومن كثر صدمته ما تحرك وقلبه يدق بقوة وهديل فتحت فمها وبخوف وبصراخ عالي:خاااااااااالد ندى ضغطت عالزناد وخالد ركض قدام هديل وجات الرصاصة ببطنه وندى طاح المسدس من يدها وحطت ايديها الاثنين بفمها تبكي وخالد بدأ يطيح شوي شوي وهديل انفتحت عينها بصدمه وبنبرة غير مفهومة وهي تبكي :خخخخاااالد وجلست على ركبتها وهي تشوف الدم يطلع من بطنه واغمض عيونه وهو يحاول يتكلم وانفاسه كل لحظة تنقطع:هههديل....سسا..محييني هديل بصرااخ:خااالد قوووم جووو الحراس وندى هربت واتصلو على الاسعاف وجات سيارة الاسعاف بعد الترجمة ...:لو سمحتي ابتعدي قليلا حتى نستطيع تدخيله بعدت هديل عنه وجابوا سرير الاسعاف وشالوه وحطوه فيه ودخلوه وهديل ركبت معهم وهي ماسكة يد خالد وعينها تذرف دموع وبدأو الاطباء بمحاولة ايقاف النزيف حتى وصلت وطلعوا الاطباء وطلعوا السرير ودخلوا المستشفى وهديل تلحقهم حتى دخلوا غرفة العمليات وكانت بتدخل بس منعتها الممرضة:عفوا! لا يمكنك الدخول انتظري هنا هديل كل ثانية تنزل دمعه وجا شاب مبين من هيئته انه ثري وملامحه تدل على انه سعودي ومتواضع ومد يده اعطاها المنديل وهي ما شافت ولا اهتمت واخذت المنديل من دون ما تشوف وجلس بمقعد امامها ثم اردف بنبرة حنان:الصبر مفتاح الفرج هديل التفتت عليه ولا اهتمت ولا ردت وبعد مرور ساعتين طلعوا الاطباء وهديل وقفت هديل:ماذا حصل هل هو بخير الطبيب:استطعنا ايقاف النزيف والان حالته مستقرة ولكن.. هديل:ولكن ماذا ؟ الطبيب نزل راسه وبنبرة حزن:دخل بغيبوبة هديل بإنفعال:ماذاااا تعني بغيبوبة هل سيكون بخير او لا؟ الطبيب:تفائلي بالخير يا ابنتي وسيكون بخير هديل:هل استطيع رؤيته الأن الطبيب:يفضل بعد ساعتين هديل:لكن اريد ان اراه الان وفورا الطبيب شاهد اصرارها بالدخول واردف:حسنا لكن 10 دقايق فقط لا تزيد عن ذلك الحد هديل:موافقه ذهبت الى غرفة الملابس ولبست الكمامة والقفازات والبلوزة الزرقا وغطاء الراس فوق حجابها ودخلت عليه ووجدته مستلقي بالسرير ملامح وجهو مصفره وقفت بجانب السرير وامسكت يده وثم قالت بصوت هادئ خفيف بالبحة:خالد ادري انك عايش وبكرا بتصحى انا مسامحتك على كل شيء سويته بس خليك قوي وبعدها جلست تتأمل بوجهو وبعد مرور 10 دقايق جات الممرضة:عذرا سيدتي يجب ان يرتاح المريض انتهى وقتك هديل اعطت نظرة اخيرة لخالد وبعدها قامت ونزعت ملابس المستشفى ورجعت لممر الانتظار ولمحت نفس الشاب وهو يراقبها بصمت حتى جلست امامه وبعدها قام وراح وبعدها رجع ومد يده لها:خذي المويه هديل استغربت من تصرف الشاب الغريب :لا شكرا ...:براحتك ورجع لمقعده وهو يراقبها بصمت (طويل القامة وجسمه نحيل و بشرته برونزية على افتح من البرونزي شوي وشعره سبايكي وعنده سكسوكة محليته بشكل عام وسيم عمره 25) اما الاسم مع الاحداث بتعرفوه هديل ما اهتمت لنظراته ولا اعارتها اهتمام وعينها تتأمل غرفة خالد تنتظر خبر استيقاظه من الغيبوبة.... ** بالرياض – الساعة:7:30 بالليل بالعمارة مستواها 4 نجووم فخامتها عادية بالشقة سالم سالم صافح راكان:مبرووك تتهنى فيها انشاءالله واذا صار أي عطل بالشقه كهربائي او بالمويه انا بالخدمة راكان:الله يبارك فيك ومشكورة ما تقصر وقام:يلا استأذن فمان الله طلع وراح للسيارة البورش البيضاء وشغلها وتوجه للمسجد نزل ودخل وشاف الصغار بين عمر 12 و8 سنوات يحفظون القرآن:السلام عليكم.. ..الكل التفتو وردو السلام:وعليكم السلام .. ابراهيم وقف وماسك بإيده العقد:هذا هو يا ولدي متى تبيني اجيكم عشان نسوي الملكة راكان:انا الصراحة ما بسوي حفلة للملكة ويكون الافضل لو تجي معي ونكتب عقد القران ابراهيم:انشاءالله (والتفت للاولاد)يا اولاد الحين بيجي شيخ هزاع كملوا قراءة ويلا مع السلامة وطلع مع راكان بالسيارة وفتح راكان الجوال واتصل على رهف ** كانت تشوف التلفزيون بملل جا اتصال من راكان وبسرعه من دون تردد ردت:هلا راكان:تغطي والبسي العباية انا بالطريق ومعي الشيخ بنكتب عقد قران رهف:انشاءالله يلا باي اغلقت الجوال والابتسامة تملئ كل وجهها وراحت لبست لبس محتشم ولبست العبايه والحجاب ورن الجرس وغطت وجهها بالكامل وفتحت الباب ودخلوا وجلسوا بالصالة هي بعييد شوي مقابلهم بالكنبة وفتح الشيخ عقد القران وراكان الوضع عادي ولا كأنه بيتزوج واردف الشيخ:راكان ال... هل انتي موافق على رهف ال... من دون أي إجبار راكان:ايه موافق الشيخ:وانتي يا رهف ال... موافقه تتزوجين من دون أي ضغط او إجبار رهف بفرحه:ايه مواافقه الشيخ قرب العقد من راكان ووقع عليه ببرود وبعدها قام راكان واعطى الكتاب لها وهي وقعت ورجع الكتاب له:الشيخ يلا فمان الله الله يسعدكم راكان:اقوم اوصلك الشيخ:ايه اذا ما عليك آمر راكان:رهف جهزي اغراضك بوصل الشيخ وبرجع اخذك رهف:انشاءالله طلع راكان وابراهيم ووصله بسرعه ورجع للشقة وفتحت له رهف والهدوء كان المحيط بينهم كان يساعدها بالترتيب حتى خلصوا ورتبوا ثم اردف راكان:يلا انا بشيل هاذي الشنطة والشنطة الثانية انتي شيليها وبعدها توجه للسيارة وفتح شنطة السيارو الي ورا وحط الشنطة وانتظرها حتى جات ودخل شنطتها ودخل السيارة وهي دخلت جنبه كان الصمت مستمر بينهم ثم اخيرا نطقت رهف:راكان وين بنروح لبيت اهلك ولا ويين راكان ببرود:لا لشقة رهف التزمت الصمت وبعدها وصلوا وهي مسكت شنطة وهو مسك شنطة ودخلوا للشقة وراكان فتح الشقة بالمفتاح :انا راح اجيب اغراضي ما بطول لا تفتحي لاحد وانا ما بدق الجرس عندي المفتاح رهف:اوكي طلع ركض للسيارة متوجه للبيت دخل وبدخلته شاف ابوه ابومحمد وهو طالع:راااكان وينك وين امك واختك مو موجودين راكان بسخريه:هههه ما قالت لك امي السالفه ابومحمد:لا أي سالفه راكان:روح مستشفى ال... هم هناك وخل امي تقولك الحكاية او القصة او سميها مثل ما تبي ابومحمد خاف يكون صاير شيء وركب سيارته وتوجه للمستشفى ** بلندن صحيت رحاب من النوم وطلعت الصالة ما شافت ندى صرخت:ندىىىى لا مستجيب لبست بلوزة طويلة بأكمام طويلة وفوقها جاكيت بني وشوز بيج وحجاب ابيض فيه ازهار وطلعت من الشقة وحست نفسها بتولد الآم بطنها تزيد طلعت من العمارة ووقفت تكسي بيدها ودخلت:أذهب لأي مستشفى قرييب بسرعه ** بالرياض صحيت أسماء ونزعت الممرضة عنها المغذي وطلعت براا عشان تلبس اسماء ملابسها وبعدها امها قالت بعصبية بصوت منخفض حتى لا تنفضح بالمستشفى:أسماء انتي كيف تسوي فيني كذا الحين كيف بنرفع رؤؤسنا هنااا جااااوبي وأسماء ما عندها جواب عينها بالارض اخذت ملابسها وتوجهت للحمام ولبستها بسرعه وطلعت ولبست العبايه ومن بعدها امها قالت:بتسقطين هالولد فاااهمة وياويلك لو قلتي لابوك لانه بيقتلك ومن بعدها طلعوا وابو راكان كان تو طالع من السيارة وتوجه لهم:وشفيكم وش صاير ام راكان تدور على كذبه:ما فيه الا الخير بس أسماء كانت كل شوي تدوخ تستفرغ صح يا اسماء اسماء:ايه ابو راكان بإقتناع:زيين يلا ادخلوا السيارة ** بيوم جديد اشرقت الشمس مشرقه بالرياض – الساعة 12 الظهر بالمزرعه كان بالغرفة جالس بالكرسي يحاول يفك مو قادر وبعد محاولات قدر يفك الحبل وفتح الباب وشاف شخصين يتكلموا من بعيد ركض وشاف سور نقز فوقه وشاف بوابة كبيرة ركض بأقوى ما عنده وبعدها طلع واتصل على اقرب صديق له:اااه ناايف تعال انا بالمزرعة خالد ال... ..... وانا وش دراني وينها انت اسأل عنها.....أوكي يلا باي لا تطول قفل الجووال وكان جيعان لانه ما كانوا يعطونه اكل بس يشرب مويه وجلس ينتظر بالشمس الحارة بمرور نص ساعة جات سيارة بي ام ركب جنبه:يلا بسرعه قبل ما يمسكوني ** بلندن اشرقت الشمس معلنة عن يوم جديد بالمستشفى مستمرة على نفس الحال لم تنام والشاب ينظر إليها طوال الليل لم ينام حتى أردفت:ليش جالس هنا مين المريض الي جالس تنتظره ....الشاب بكذب:امي انحرجت لانها سألته لانه ينظر اليها طوال الوقت فسمعت صوت:بدر ويينك وانا ادور عليك بكل مكان بلندن التفت بدر وبعدها هديل ابعدت نظرها عنهم وقام بدر واخذ صديقه وراحوا الكفتيريا المستشفى وهو يحمد ربه ان صديقه لم يكشفه امام هذه الفتاة فواز:بدر وش سالفتك مع هالبنت خلاص اتركها البنت متزوجة بدر:كيفي انت مالك علاقه فيني اتركني بحالي ياخي كنت بتكشفني قدام البنت فواز:ليش وش قايلها بدر:سألتني ليش جالس بالمستشفى قلت لها عشان امي فواز:كذا ولا كذا بالنهاية بتعرف بس صدقني الي تسويه ماله داعي و ماله فايده بدر:اقول قم فارق عني فوازوقف :ههههه يلا انا رايح بس تذكر كلامي زيين بدر قام وتوجه لمكانه وما شاف هديل التفت يمين يسار حتى شافها طلعت من الحمام اتنهد تنهيدة راحة وجلس بمقعده وهديل رجعت لمكانها وشافت مكالمة فائته بجوال خالد من راكان وبعدها رجع اتصل فيها وقفلت الجوال وبعدها شافت جوالها راكان يتصل قررت ترد راكان:هلا هديل اسف ازعجتك بس وين خالد من امس وانا اتصل فيه لانه قايلي بترجعون الرياض امس وانتظرت بالمطار ولا جيتوا وش السالفه هديل ما عرفت ايش تقول فماا قررت تقول الا الحقيقة:الصراحة خالد..بالمستشفى بس لا تقلق حالته الحمدالله زينة راكان خاف عليه:هديل وش فييه هديل والدموع بدأت تتجمع بعيونها:انصاب بالرصاصة راكان بصدمه:اييييش ...انا الحين بحجز للندن بأي مستشفى هديل:مستشفى ال..... راكان:اوكي مع السلامة هديل اغلقت الجوال ومسحت دموعها بيدها وبعدها طلعت لبرا بحديقة المستشفى تشم هوا ** بجهة أخرى كانت تدمع عينها فرحا بمولودها الجديد تمنت زوجها يشاركها فرحتها جائت الممرضة ومعها سرير متحرك اوقفته جانبها وبإبتسامه:هل يمكنني اخذ الطفلة الى السرير رحاب اعطتها الطفلة واستلقت بالسرير وفتحت هاتفها اتصلت على ندى لكن لا مجيب مرة اخرى حتى يأست من الرد واغلقت هاتفها(وينك يا ندى ليش ما تردين) ** لندن بالقصر الكبير المصمم بديكور قديم بالصالة اتصلت على اخيها حتى اجاب ....:بدر وينك من امس اتصل فيك ولا ترد بدر:يا وجدان كم مرا اقولك انه عندي شغل وجدان:ومتى انشاءالله بيخلص شغلك بدر:يمكن شهر بس لا تخافي بمر عليك وجدان:طييب يلا بااي بدر:بااي اغلقت الجوال وجلست بالكنب تتفرج على التلفزيون بملل ** بالرياض بالاستراحة اتصل عليها كثيرا حتى اجابت ...:الوو مين فهد:هلا بالزين اسووم ترا شغلي ما خلص معاك اسماء:مافي شيء يثبت فهد:المكالمات المسجلة عندي نسيتي اسماء:فهد انا حامل ..: ... انتهى البارت التعديل الأخير تم بواسطة لامارا ; 03-10-13 الساعة 01:14 PM | ||||||||
|
| |
|
26-06-13, 10:38 PM
| #16 | ||||||||
| مراقبة عامة ومشرفة منتدى الروايات المنقولة
| البارت الحادي عشر * * * * * * * * * * الرياض – بالقصر ابو خالد بالصالة وئام:اااه ابي عنب فتون بضحكة:تتوحمين على العنب هههه وئام:ترا ما امزح روحي جيبيلي عنب فتون:طيب يا مدام وئام هههه قامت فتون وراحت المطبخ وشافت سلة الفواكه اخذت ربع من العنب وغسلته وحطته بالصحن ومشيت للدرج وحطت الصحن قدام وئام بالطاولة الصغير:تفضلي وئام:تسلمييييين فتون فتون:الله يسلمك وئام وهي تاكل:ايه متى بيرجعون خالد وهديل فتون:مدري اتوقع بيطولوا وئام:طيب انتي خلاص قررتي ما بترجعين عن قرارك فتون:حق ايش وئام:تدرسين برا فتون جلست رجل على رجل:ايه ملييت من السعودية ابي رتاح منها كم سنة وئام:لييش وشفيها عااد من زيين الدراسة براا فتون:والله انا عاجبتني مو لازم تعجبك وئام:ايه جد بشتاق لك وش تبين بالغربه هناك طيب قررتي وين بتسافري فتون:اممم ايطاليا وئام:طيب سألتي خالد يمكن ما يوافق فتون:دام ابوي موافق هو ماله شغل فيني وئام:الله الله على هالثقة يعني تتوقعين ما بيمنعك فتون:ايه واثقه لاني بقنعه وئام شافت احمد يتصل ردت:اهلين حموود احمد:هلا وئووومتي يلا انا براا انتظرك وئام:طيب يلا الحين جايه مع السلامة اغلقت الجوال وفتون تناظرها بحزن مصطنع:لا تروووحي والله زهق وئام وقفت:طيب اوعدك بكراا بجي فتون ابتسمت:طيب تعالي الساعة 2 الظهر الغدا عندي وئام:انشاءالله يلا بااي فتون:بااياات طلعت وئام ووجلست بجانب احمد ابتسم لها ثم قال:اشلونك واشلون البيبي وئام:تمام الحمدلله وانت احمد:بخير اليوم بنتعشى بمطعم وين تبينا نروح وئام:جد تسللم احمد الله لا يحرمني منك روح مطعم البحار احمد:عااد انتي تموتين بالاكل البحري صح كلامي ولا غلط وئام بإبتسامة:صح الصحيح يلا امشي ** بجهة اخرى بالرياض اتصل فيه ثلاث مرات حتى اجاب ....:هااا قلت لها ....:لا يا جدي توو بدري ....:اجل متى انشاءالله ....:بأقرب وقت بس انت اهدأ لا تعصب ....:طيب يلا مع السلامة لا تطول ....:انشاءالله جدي مع السلامة ** بالشقة القديمة المهلوكة جالس على الكنبة ينظر الى ابنته وهي تلعب بدميتها كالعادة وقام واتصل على رقم سعد ال... الذي حفظه عنده حاتم:السلام عليكم ورحمة الله وبركاته سعد:وعليكم السلام... حاتم:سعد ممكن تعطيني رقم هديل سعد:بس خلاص هم قريب بيرجعون حاتم:بس انا ابي رقمها سعد:انشاءالله #####059 حاتم:شكرا مع السلامة اغلق الهاتف وفتحه من جديد واتصل على الرقم الذي سجله بالورقه ** بلندن – بالمستشفى وجدت هاتفها يرن بإستمرار برقم غريب حتى اجابت:مين ...لا رد هديل:مين معاي الوووو ...لا رد هديل اغلقت الجوال بعصبية وتركته بجانبها وكل هذا يحدث امام نظر بدر وهديل نطقت بمرارة:وانت ليش تناظرني كذا بدر:لا بس منظرك ملفت للنظر هديل ابعدت نظرها عنه وذهبت للطبيب:هل يمكنني الدخول الأن الطبيب:حسنا لكن لا تزيد عن 20 دقيقة هديل:حسنا دخلت ولبست نفس الاشياء الي لبستها من قبل ودخلت وهي تمشي وتنظر الى الاجهزة المحاوطة بجسمه اقتربت منه ووضعت يديها فوق رأسه وبدأت تقرأ ما تيسر من القرآن حتى شعرت بحركة يدينه امسكت بيده وهو ضغط على يدها وأبتسمت وأردفت بهمس:كنت حاسه انك بتتحسن خالد خفف من مسكت يده ليدها بعدها قالت:خالد انت تسمعني جات الممرضة وشافت يدها بيد خالد بعدها اردفت:لو سمحتي هل يمكنك الخروج قليلا التفتت عليها بإبتسامة:لقد امسك بيدي بقوة هو بخير اليس كذلك؟ الممرضة:لا أدري اخرجي قليلا وأنا سأبلغ الطبيب هديل قامت والقت نظره عليه وبعدها طلعت الممرضة:دكتور الانسة تقول بإن خالد امسك بإيدها الطبيب ذهب الى المريض وامسك بإيدي خالد وبعدها طلع وهديل جات عنده هديل:ماذا حصل ؟ الطبيب:المريض يحس ويسمع من حوله وهذا تقدم جيد هديل:فعلا الطبيب: نعم و بالسلامة عليه وذهب وهديل مو مصدقه الي تسمعه وراحت تبلغ راكان باللي صار وكل هذا حدث امام بدر ابتسم بلا شعور على شكلها وهي فرحة)دووم انشاءالله هالفرحة)وهديل انتبهت لنظراته لها ولابتسامته لم تهتم كالعادة واتصلت على راكان لا مجيب(شكله بالطيارة) واتجهت إلى الكفتيريا طلبت قهوة وكراسون ثم جلست وبعدها التفتت وشافت نفس الشاب بطاولة قريبه منها(وش يبي هذا لا مو صدفه لازم اروح اشوف وش يبي)راحت جلست بالمقعد امامه:انت وش تبي فيني كل شوي اشوفك حولي هاذي مو صدفه ممكن تفهمني بدر بنبرة عذبه:احمم بتعرفين بعد فترة هديل:لا الحين بدر:يعني مصرة اني اقول هديل:ايه من حقي اعرف دام الشيء يخصني بدر:اوكي نبدأ انتي تكونين..(توقف وكان سيكمل لكن قاطعته) هديل:اكون مين بدر:خلاص بإختصار تقربيلي هديل:ايش بس انا ما عندي قرايب بدر:الا عندك وانا اكون ولد عمك هديل بصدمه:ايييش بس انا ما عندي اعمام بدر:اسمعيني من الأول للاخر وبعدها قولي الي تبيه..جدي الي هوو جدك عايش بس كان مو واعي ولا كان يشتغل وكذا ولما تحسن عرف كل شيءوابوي..(وبنبرة حزن)ظلم ابوك وابوي تغير وندم وحاليا يدور على ابوك لانه حي وجدي ما بيسامحه حتى يلاقي ابوك هديل وكل علامات الاستفهام بوجهها :هاااا انت وش تخربط وش تقول بدر:الي سمعتيه مافي داعي اعييد هديل:يعني يعني ااابوي عاااايش بدر:ايه بس لحد الحين ما لقينا ماله اثر هديل وبدأت عيناها تتجمع بداخلها الدموع ومد يده فيها المنديل اخذته وبدأت تبكي وتنهار وترجع ذكرياته لورا لما تركها ابوها تحاول تتذكر امها بس ما عرفت ونطقت بنبرة بكاء:طيب وماما عايشة؟ بدر:لا ماتت بحادث بعدها اظن بشهر او شهرين اخذك ابوك لسعد ال... ابو زوجك هديل وعينيها محمرة من البكاء:وليش توك جاي تقولي بدر:كنا ندور عليك بالسعودية بعدين جانا خبر انهم شافوك مع رجال كنتم مسافرين للندن ولحقناكم وبعدها ارسلنا بودي قارد يدور حتى جانا خبر من المستشفى انه خالد سعد ال... مصاب برصاصة وانا جيت ووبس...هذا الي صار هديل قامت وهي تبتعد تشعر بالانحصار بالكتمة بأشياء ثقيلة بداخلها تحاول انت تكون قوية لكن الصدمة اقوى منها جاء خبر وجود والدها بهذه الحياة كالسهم المنغرز بجسدها هي لا تعلم هل تفرح لوجوده ام تحزن لأنه تركها... ** بمملكتنا الحبيبة – بالرياض , الساعة:12:10 الليل فهد:المكالمات المسجلة عندي نسيتي اسماء:فهد انا حامل فهد بسخرية:ههههههه وش تبين مني وش تقصدين بكلامك انك حامل اسماء ببكاء:امي تبيني اسقط الولد وانا ..ابيه فهد:والله كفوو امك سقطيه واسمعي كلام امك تبين الولد يطلع ولد حرام يا ست الحسن اسماء:انت ما عندك احساس ولا ضمير انت من ايش مخلوق فهمني من حجر ولا ايش فهد:والله انتي الي بدأتي باللعبة مو انا وجالسه تلوميني انت شوفي نفسك بالاول وبعدها تعالي وقوليلي ليش ما عندي احساس ولو تبيني اتزوجك عشان انظف شرفك (وبسخرية)حلم ابليس بالجنة فاااااهمــة واغلق بوجهها وهي صرخت:يااااااااااااااااااا� �اااالله وفتحت الدرج وشافت حبوب اخذت ثلاث حبات ورا بعض وبعدها شربت الماء وبعدها اخذت حبتين وشربت الماء مرة أخرى وحاسة نفسها دايخة واغمضت عيناها لا ترا سوا سوااااد هائل ** بجهة اخرى بشقة راكان راكان قام من الكنب وشافها صاحية تقرأ كتاب ومن ثم اردف:رهــف رهف التفتت له:لبيه راكان:روحي جهزي نفسك بنروح بيت اهلي بقول لهم عنك رهف قامت وقربت من راكان ووقفت قدامه:بس انا خااايفه خلاص الوقت تأخر خليها بكرة راكان شيء ما اجذبه بها اخذها بيدينه لحظنه وهي كانت عينها بالأرض ومن ثم سأل:كيف البيبي؟ رهــف ابتسمت بخجل:تمام راكان بعدها بخفة عن حظنه:يلا انا طالع بروح اجيب اكل للمطبخ رهف:اوكي رهف:راكان التفت لها ورفع حاجبيه بمعنى وش فيه رهف ابتسمت:الله يحميك راكان لا يعلم احس ان هناك شيء يجذبه لها ذهب إليها وباس خدها الأيمن وبعدها ابتسم ولأول مرة يبتسم لها حتى بانت غمزاته:ويحميك وخرج ورهف اخذت تنهيدة بسعااادة كبيرة بقلبها ** بشقة حاتم ذهبت الجوري اليه:بابا حاتم بإبتسامة:عيون ابوك وقلبه الجوري:ممكن اروح لبيت صاحبتي هو هنا بنفس العمارة حاتم:امك تعرف امها الجوري وهي تلعب بأصابع يدها:امم لا حاتم:ما يصيــر يا بنتي لازم تكون تتعرف عليها ولما ترتاح لهم تروحين لها الجوري:بس ماما مشغوولة محد فاضي انت تعبان وماما طول اليوم بالشغل ما ترجع الا على نهاية اليوم وانا طفشانة حاتم اخذ بنته لحظنه:يا قلبي علييك يا جووجو انشاءالله اول ما اشوف اختك هديل بعرفها عليك وتصيري تروحي تلعبين وياها الجوري ابتسمت:صدق بس انت دايما تقول كذا ولا يصير حاتم ابتسم:لا هالمرة صدق بس قرييب انشاءالله مو بعيد بتشوفيها الجوري قامت وهي تركض وتلعب بالدمية بفرحه وابتسم حاتم من قلب على فرحتها(الله يدوم هالفرحة عليك وانشاءالله ما اموت الا وهديل راضية عني) ** ** بلندن – 2 الفجر اغمضت عينيها بتعب لم تنام ليومين نامت بسابع نومة وهي جالسه ومسدوحة بظهرها على الكرسي المستشفى جاء الطبيب وقام بدر:ماذا حصل يا طبيب قامت من سمعت الدكتور وبدر ووقفت وقربت منهم الطبيب:...... ** بمملكتنا الحبيبة – بالشركة الســاعة 8 الصبــح جالس بمكتبه يحوس بين الأوراق قطع عمله صوت دقت الباب:تفضل دخل السكرتير وهو يحمل بيديه ظرف كبير:طال عمرك هذا واحد أرسله لك وضعه فوق المكتب وعلامات الاستغراب بوجهو فتح الظرف وشاف تقرير فتحه وعيناه انفتحت من هول الصدمة من المكتوب كانت ورقه مكتوب بها عزيزي سعد انا جد هديل شكرا لإهتمامك بها اريد ان ارجعها لمنزلي انتظر منك اتصالا هذا رقمي ######050 قرأ كل شيء مثل الصاعقة(معقوووولة حاتم ابوه عايش ويكون هادي ال...) ** انتهى البارت هو صح مو طوييل بس اطول من الي قبله وانا مابي اكثر احداث عشان ما اكون متسرعه في الاحداث وانشاءالله ينال رضاكم ..... التعديل الأخير تم بواسطة لامارا ; 03-10-13 الساعة 01:13 PM | ||||||||
|
| |
|
01-07-13, 07:26 AM
| #17 | ||||
| البارت الثاني عشر البارت الثاني عشر * * * * * * * * * * * * * بلندن – 2 الفجر اغمضت عينيها بتعب لم تنام ليومين نامت بسابع نومة وهي جالسه ومسدوحة بظهرها على الكرسي المستشفى جاء الطبيب وقام بدر:ماذا حصل يا طبيب قامت من سمعت الدكتور وبدر ووقفت وقربت منهم الطبيب:لقد استيقظ المريض ويريد رؤيتك يا هديل وهو الان بغرفته كان بالعناية هديل ارتسمت بثغرها ابتسامة وسيعة:حقاا شكرا يا دكتور الطبيب:لا شكرا على واجب بسرعه ركضت ودخلت عليه وشافت شكله كان المغذي بإيده بجهة اليمين ولاحظت انه الاجهزة مو موجوده وجلست بكرسي قريب من السرير ووضعت يدها فوق يده وهو ابتسم لها وشد يده على يدها وبعدها اردفت:صباح الخير خالد كيفك مرتاح خالد:ايه دامك بجنبي انا مرتاح متى بطلع هديل:امم لا توك طلعت من العناية لازم تريح يومين وتطلع خالد:لا ابي اطلع بكرة ما اطيق المستشفيات هديل:ههه عاد لازم تسمع كلامي وغصب تقعد هنا يومين عالاقل خالد:طيب هدول كيفك هديل تتصنع الزعل وبمزح:توك تفكر تسأل عني خالد:هههههه وجهك انقلب 180 درجة وشفيك كنت امزح عاد الا زعلك مابيه دخلت الممرضة وبإيدها الاكل واخذته هديل وحطته بالطاولة قدامه:يلا كُل خالد:ههه لا ما باكل لازم تأكليني بنفسك هديل:اوكي اخذت قطعة من الخبز مع البيض ودخلتها بفمه خالد:امم مرااا طعم يلا لقمة ثانية هديل:ههههه شكلك كأنك طفل خالد:ههه وش قلتي انا طفل اجل انتي ايش (وبمزح)انتي خدامتي هديل:ههههه نعم!.. خدامة بعينك يلا افتح فمك ** بجهة اخرى بلندن جالس على اعصابه بالقصر بالمجلس تحت فيصل:ندى خلاااص متى بتوقف دموعك اهدي خلااااص ندى وعيونها بالارض:بس بس انا انا قتلته كيف تبيني ارتاح واهدا فيصل:طيب فهمنا انك قتلتيه كم مرا تعيدي وتزيدي خلاص لازم نرجع السعودية ندى:طيب فيصل تكفى هو بخير ولا فيصل وقف:يالله صبرني قلت لك هو بخير الف مرا يلا انا رايح احجز للرياض ولا تفكرين تهربين لانه المكان محاصر ندى مستمرة على وضعها ما اتحركت وجفت دموعها من عينها ** ببيت ابو خالد توو دخل وشاف بنته وزوجته بالصالة:السلام عليكم.. الكل:وعليكم السلام ورحمة الله و... جلس عالكنب بقرب ام خالد:ها كيف زوجتي الغالية وبنتي الدلوعه فتون:هههه بخير يبا وانت كيفك ام خالد:الحمدالله ابوخالد وهو يوقف:دامكم بخير زيين يلا استأذن بطلع فتون:لا يبا توك جاي ابوخالد:اعذريني بنتي بس الدوام متعبني ومضغوط منه ابي اريح شوي ام خالد:اوكي نوم العوافي فتون:اهاا (والتفتت لامها)يما الحين بتجي وئام ودي نروح مطعم نتغدا فيه ام خالد:طيب روحوا..اييه فتون صاحبتي مسافرة مع زوجها وعندهم بنت بيجيبونها هنا حتى يرجعون اهلها فتون:طييب وش اسويلها ام خالد:عييب يا بنيتي انا اقصد من كلامي انك تتعرفين عليها وتخليها وياك انتي ووئام فتون:اممم طيب وش اسمها ام خالد:فجر وهي بنوتة قصييرة وكتكوته صدقيني بتدخل قلبك بسرعه فتون:اهاا طيب كم عمرها ام خالد:اظن 20 فتون:اماا كبيرة توقعتها بزرة بالثانوي ام خالد:بس والله انا حبيتها رن الجرس ام خالد:يلا هاذي هي جات روحي البسي وكلمي وئام عشان تطلعون فتون وهي توقف:انشاءالله وبسرعه ركضت لغرفتها ولبست بننطلون كحلي سكيني مع بلوزة وردية فاقعه كاروهات مخططة بوردي واسود ولبست العباية ولبست شوز تومس وردي ونزلت لتحت فجر وهي ماسكة الشنطة بإيدها ودخلت وسلمت على ام خالد:اهلين خالتي كيفك؟ ام خالد:الحمدالله بخير وانتي فجر:تمام ام خالد:انا بقول لسوزي تدخل شنطتك بغرفة هديل وانتي بتروحين مع بنتي فتون وبنت عمها وئام لمطعم تتغدون فجر:اوكي ونزلت فتون وشافت فجر وشافت فرق الطول كأن فجر اصغر منها وسلمت عليها:يلا فجر بنطلع فجر:يلا مشينا طلعوا وركبوا خلف السواق وتوجهو لبيت وئام ** بجهة أخرى تبعد مسافات قصيرة كانت جالس بالقصر المصمم بتصميم هندسي قديم كان قاعد بالصالون وماسك بإيده الارجيلة او بمعنى اخر الشيشة كبير بالعمر يدعى عبدالعزيز البالغ من العمر 70 يعيش مع ابنه سعود البالغ من العمر 50 نعرفكم بالعايلة الجد هادي عمره 70 عصبي غالبا لكنه حنون مريض الزهايمر الجدة نوال متوفيه سعود لا يهمه سوى المال استغل مرض ابيه في اموال الشركة حتى اخذ كل الورث من اخيه عمره 50 لا يهتم بأولاده وزوجته كل يومه بالشغل والسفر منال لا تهتم بأولادها لا تهمها سوى راحتهم لا تسأل ولا تهتم واغلب اوقاتها خارج البيت العمر 48 بدر قد سبق التعريف به اريج دائما تخرج بالاستراحات والقضاء طوال حياتها مع صديقاتها لكن لا تتعدا حدودها كمثال الخروج مع الشباب فقد يتغزلونها وهي تبادلهم فيها طيبة بقلبها لا احد يعلم عنها شكلها الخارجي يظهر على انها مغرورة لكن هي طيبة القلب وجميلة الشكل تهتم بشكلها العمر 20 وجدان فيها غرور وتكبر عكس اختها والعمر 19 سافرت مع اخيها لندن الجد اتصل المرة الاولى لا مجيب والثانية اجاب الجد:هاا بدر قلت لها بدر:ايه جدي قلت لها كل شيء الجد:زيين بدر:بس طلعت متزوجة الجد:وشهوو متزوجة مين بدر:خالد سعد ال.... الجد:اها والله كان تكون زوجتك بس الله ما كتب بدر التزم الصمت الجد:اجل يلا مع السلامة بدر:مع السلامة ** بالمنطقة الشرقية بالدمام بشقة فخمة الشكل طرازها باللون الابيض والذهبي بالصالة جالس يتابع فلم مندمج معه وبالمطبخ صديقه يطبخ الاكل التعريف الشخصيات الجديدة راشد تسريحته سبايكي ويلعب حديد والبشرة بيضا بشكل عام وسيم دايما يلعب على البنات بالجوال ويشوفهم بس ما تتعدا حدود انه يقابلهم بالشقق بأخر سنة بالجامعه عمره 24 يعيش بالاصل بالرياض لكنه يدرس بالدمام باسم اعز صديق لراشد دايما معه بكل شيء حتى بالقرارات مملوح الشكل العمر 24 وساكن بالاصل بالرياض لكنه انتقل هو وصديقه للدراسة هنا دائما يقرأ الكتب عكس حركات راشد ما يكلم بنات انتهى الفلم غير القناة من الريموت وجاء باسم وبإيده صينية الاكل وجلس جنبه راشد:يالله وش هالريحة الحلوة وش طاابخ اليوم يا الشيف باسم باسم:ههههه طابخ مكرونة بالبشاميل بالجبن راشد وهو يالكل بالملعقة:والله جد لذيذة وشرايك نسوي مشروع مطعم وانت الشيف راشد:ههههه لا اكيد تمزح باسم:هههه لييش لا قاطعهم اهتزاز جوال راشد ناظر بالجوال ورد راشد:يا هلا بالزيين ....:ههه رشوود انت الزين كله راشد:فدييت هالضحكة يا نااس ....:خجلتني ايه كيفك راشد:فدييت الي يستحون انا تمام وانتي يالغلا ....:بخير لما سمعت صوتك راشد:منييح على قولت السوريين بتطلعين اليوم على كوفي ....:ايه اليوم بفضي نفسي بس عشانك راشد:فديتك يا عسل انا الحين بجهز نفسي واجي طيارة على كوفي .... ....:تمام حبيبي يلا باااايوو راشد:بايااات اغلق الجوال وباسم يقلد صوته:بااياات ياخي ازعجتنا وش هالغزل الي فيك جد انسان فااااضي راشد بإبتسامة:ههههه طبيعي مافي دراسة ولا هم خلينا نعيش الحياة سهلة باسم:عااد انا نصحتك مليون مرة وانت ما تسمعني بكيفك بس اذا امسكوك الهيئة لا تبلشني فيك راشد:لا ما يقدرون يمسكون راشد ال.... ههههه باسم:مالت عليك وعلى ثقتك الزاايدة هاذي ** بلندن بالعصر كانت تتمشى مع خالد بحديقة المستشفى وكان يراقبها من بعييد(اااه يا هديل لييتك تكونين من نصيبي اموووت فيك اعشقك ليه هالقدر ليش تكونين لغيري)اقترب منهم ومد يده لخالد وهديل مستغربة من جيته خالد:مين انت بدر:انا بدر ال... خالد:بدر مين ما اعرفك بدر ناظر هديل وبعدها رجع نظره لخالد:انا ولد عم هدييل خالد:.... ** ببيت حاتم ال... قام من الكنبة ولبس نعاله والثوب وكان يمشي وهو منتبه للطريق الي قددامه وبعدها شاف السيارة موقفها بعييد شوي وهو كانت سيارة متجه امامه و....... ** بالرياض بشقة راكان ورهف دخل البيت وشاف الاثاث مرتب وكل شيء جاهز بالشقة وشاف رهف جالسه بالكنبه مو منتبها لوجوده قلبه يدق بقوة يحس بالسعادة لما تكون قدامه قرب منها وجلس بجانبها وهي ابتسمت له ورجعت تشوف التلفزيون راكان:يلا رهف روحي جهزي نفسك بنروح عند اهلي رهف:راكان والله خاايفه ما يتقبلوني راكان:لا كوني قويه انا معاك رهف قامت ودخلت غرفتها وغيرت ملابسها ولبست بنطلون وبلوزة كاروهات رمادي واسود ولبست العباية والشوز وربطت شعرها ذيل حصان وتحجبت وحطت اللثمة وطلعت:يلا انا جاهزة قرب منها ومسك ايدها وبعدها قال لها بدون ما يلتفت:رهف مراا ثانية حطي النقاب مابي اشوف شكلك كذا قدام الناس براا رهف:انشاءالله وطلعوا وركبت بجانبه بالسيارة وتوجهو لبيت ابو راكان ** كلام من الكاتبة: انتهى البارت ادري قصيير بس ما حبيت اخليه متأخر انا جد مشغووله هالفترة وعندي ضرووف سامحووني اعتذر جداا وضغطت على ننفسي عشانكم...اتمنى ما تزعلووا مني... | ||||
|
| |
|
03-10-13, 01:22 PM
| #18 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
| البارت الثالث عشر ببيت ابو راكان – عالساعة 7 بعد المغرب ابو راكان:وين أسماء ليه ما صارت تقعد معنا مثل اول ام راكان بعد اهتمام:مدري عنها دخل الصالة وبإيده ماسك زوجته التفتوا الكل لهم وابوراكان ناظر ابنه وكل علامات الصدمة بوجهو وهكذا ام راكان وقال لهم بعيون حادة واشر بإيده على زوجته:هاذي زوجتي وجات الخدامة ركض لهم وبصراخ:بااااباااا ماااااما اسماااااء طيح على ارض ووجه اسفر(يعني اصفر) ابو راكان قام وراح عند بنته وام راكان وراه وحط ايده على نبضات قلبه كانت ضعيفة ابوراكان شال بنته بإيديه ولبسها العباية بشكل سريع ودخلها السيارة بسرعه وام راكان دخلت جنبه رهف:راااكااان وش صاااااير راكان:مدري يلا تعاالي نروح نشوف وش الوضع رهف هزت راسها بإيجاب ومشوا لداخل السيارة وتوجهو وراهم ** وصلو المستشفى دخلوها الاطباء غرفة العمليات وجلسوا الكل بممر الانتظارودخلوا راكان ورهف راكان توجه لابوه:يبه وشفيها اسماء ابوراكان:مدري من ايام وهي بالغرفة وما ندري عنها طلع الدكتور وجا اليهم وعلامات وجه لا تبشر بالخير:البنت مااخذه حبوب وممكن تودي للانتحار لكن نحمد الله انه نبضات قلبها رجعت لمستواها الطبيعي ولا كان ممكن تموت ابوراكان:طيب دكتور وين بتودوها بغرفة عادية ولا عناية مركزة الدكتور:لا غرفة بس ممنوع الدخول خلوها ترتاح شوي والطفل الحمدالله ما تضرر ابوراكان:أي طفل الدكتور:البنت حاامل لييش ما خبرتكم ابوراكان وعلامات الصدمة بوجهو والربكة:لا الدكتور:عموما اتمنى انك تهتموا لصحتها بالتغذية يكون افضل وبالسلامة انشاءالله ام راكان لم تستغرب ولكن ابوراكان انقلبت ملامحه من الحنية الى العصبية ووجهو احمر وراكان اردف قائلا بهدوء:تذكر يبه ذاك اليوم الي كانو بالمستشفى ويوم كلمتك وكنت المح لك على شيء هذا هو الي كنت اقصده البنت لوثت شرفنا ومحد داري عنها ابوراكان بعصبية:وليه توك تقول راكان:والله ما فضيت توقعتك انه(كان بيكشف امه بس سسكت) ام راكان ما توقعت انه ولدها يستر عليها وابوراكان:توقعتني ايش راكان:خلاص ولا شيء بس جيت اقولكم انه هاذي زوجتي رهف رهف كانت جالسه بعيد أشر لها تجي لعنده جات وقفت جنبه ابوراكان التزمت الصمت ابوراكان اتقبل الامر الواقع ولم يقل شيء وبعدها قال لام راكان وهو يرص على اسنانه:هالبنت اول ما ارجع عالبيت بذبحها ام راكان:لا يابوراكان حرام عليييك سوي الي تبيه بس لا تذبحها ابوراكان:ولا اقول ماراح اذبحها برسل الولد الي كانت علاقه معه يذبحها ودخل على غرفتها ووجد عيناها تحتها سواد مفتوحه بتعب منهاوبعدها قالت بصوت متعب:ي..ب..ـه ابوراكان بعصبيه:ميين الي اخذ شرفك هااا تكلمي ولا بذبحك اسماء بخوف واردفت بتعب:فهـ...د ال.... ابوراكان طلع من الغرفه ومن المستشفى بكبره واتصل على السكرتير:الوو سمير ابحث عن فهد ال.... تطلعلي هو من تحت الارض فاااهم وبأسرع وقت وتجيبه لي ...واغلق الجوال ودخل داخل السيارة وتوجه للشركة... ** بلندن بالعصر كانت تتمشى مع خالد بحديقة المستشفى وكان يراقبها من بعييد(اااه يا هديل لييتك تكونين من نصيبي اموووت فيك اعشقك ليه هالقدر ليش تكونين لغيري)اقترب منهم ومد يده لخالد وهديل مستغربة من جيته خالد:مين انت بدر:انا بدر ال... خالد:بدر مين ما اعرفك بدر ناظر هديل وبعدها رجع نظره لخالد:انا ولد عم هدييل خالد:ووشووو اظن انك مضيع لانه هديل ما عندها اعماام بدر:لا مو مضيع اذا تبي تتأكد اسأل هديل خالد التفت لهديل:صح كلامه هديل؟؟ هديل:اااا.اايه صح خالد:وليه ما قلتيلي هديل:ما اتذكرت لانك توك طلعت من المستشفى ما شفت وقت مناسب اقوله لك خالد:نتحااسب بعدين يا هديل والتفت لبدر:هلا انا خالد زوجها اعذرني بس ما كنت اعرف بالموضوع بدر:لا عاادي مافي مشكلة بس جدي يبي يكلم هديل بالرياض خالد اعطيني العنوان الحين بنروح الرياض بدر طلع دفتر صغير وكتب العنوان واعطاه لخالد:خاالد اظن بتشوفني كثيير انا مثل (قالها بصعووبه)اخ لهديل خالد:هااها ضحكتني وانا مابي اضحك انت موب اخوها الحقيقي بدر:خالد لا تزيد الطين بلله خلاص يكفي لهنا وبس خالد:اووف منك بس قام ومسك يد هديل بالقوة وراحو متوجهين للمطار وبدر لحقهم ونادى النداء الاخير للرحلة الى الرياض ونطقت هديل بهمس:خالد اوجعتني خالد خفف من مسكته لهديل وركبوا وهديل عند النافذة وخالد بجانبها ووراهم بدر وشخص بريطاني عجوز هديل ناظرت خالد وسرحت بشكله(يالله ليش هالانسان ما يحبني هو بس يبي حقوقه مستحييل يحبني او يفكر فيني والدليل اسلوبه معي قبل شوي يالله صبرك يارب)قاطع تفكيرها التفات خالد لها ابعدت نظرها عنه خالد(كم اعشقك يا هديل عيناك فاتنة تجذبني واذوب عندما اسمع صوتك فكيف بمجرد نظرات لكن سامحيني يا هديل انا رجل لا استحقك شككت بك كثيرا انتي فتاة تستحقي شخص يحبك بأفعاله لا بقلبه)قطع تفكيره المضيفه البريطانية (طبعا بعد الترجمة):سيدي هل تريد الارز مع اللحم ام السوشي خالد:الارز مع اللحم (والتفت لهديل)تبين سوشي ولا رز مع اللحم؟ هديل:سوشي خالد التفت للمضيفة:سوشي وراحت المضيفه وخالد فتح الجريدة ينشغل فيها بالقراءة وهديل فاتحة مجلة العطورات والساعات وبجهة ثانية لم يبعد نظره عن هديل(اااه يااا هدييل ليش حبييتك ليش انتي بالذات قابلت بنات كثير بدراستي براا بس بعمري ماشفت بنت جذبتني كثرك الله يسعدك مع خالد وش هالقدر الي خلاني احبك بنساك وبسوي المستحيل ولو على حساب موتي) ** ببيت حاتم ال... قام من الكنبة ولبس نعاله والثوب وكان يمشي وهو منتبه للطريق الي قددامه وبعدها شاف السيارة موقفها بعييد شوي وهو كانت سيارة متجه امامه وتوقفت ببريك قوي وحاتم ارتاع لما شاف السيارة وابتعد وحمد ربه انها ما صدمته وركب سيارته الونيت واتصل على هديل ** بالمطار الرياض راح خالد ياخذ الشنط وهديل وافقه تنتظره ورن جوالها(يالله وش هالرقم الغريب)ردت بعد الرنة الثانية:الوو ...:لا رد هديل:الحمدالله والشكر ناس فاضية يا تردون ولا بسكر الخط ...:هـ..د...ي.ل هديل:مين انت ...:انا...ابوك هديل ارتاعت لم ترد حاتم:هديل شخبارك هديل سكتت شوي وبعدها اردفت:الحمدالله وانت حاتم:بخير لما سمعت صوتك استمر الصمت دقايق حتى جاء خالد:ااااا..الحين بسكر اكلمك بوقت ثاني حاتم:انشاءالله وابي اشوفك عشان اكلمك عن اسبابي وضروفي واسمعيني من الاول للاخر هديل:يصير خير اغلقت الجوال(هو تركني ليش يبيني الحين) خالد عقد حواجبه ثم اردف:مين كنتي تكلمي هديل:ابوي خالد ببرود:طيب يلا تعالي بنركب السيارة هديل لم ترد عليه وصلو للسيارة وهي ركبت ورا عناد فيه خالد التفت لورا:خير ليش جالسه ورا تعالي قدام هديل:كيفي مابي بتجبرني مثلا!! خالد:لا ما بجبرك اصلا مو ميت عليك على انك تجلسين جنبي بس عشان كلام الناس(وبسخريه) انه انا صاير مثل السواق ورا وانتي المدام هديل:اسكت بس صوتك يجيب لي الغثة خالد:هاا وش قلتي عيدي اشوف قولي وش قلتي هديل ولا كأنه يهمها شي:صوتك يجيب لي الغثة خالد فتح السيارة ومشى بالطريق وكان شبه فاضي وجلس يسوي حركات مثل التفحيط بالسيارة وهديل بصراخ:هي انت بتموتني لا تفحط خالد:هههههه تستاهلين واكثر بعد قلة ادب ولا في احد يقول كذا لزوجه هديل التزمت الصمت ووصلوا للشقة هديل اتفاجأت توقعت انهم بيروحون للبيت ابوخالد هديل:خالد ليش احنا هنا ما قلت لي عن الشقة خالد بحدة:قلت اخليها مفاجأة بس اكتشفت انك ما تستاهلين هالمفاجأة ويلا انزلي وانتي ساكته احسن لك ولا كلمة فاااهمة هديل:لا مو فاهمة احترم نفسك خالد بسخريه:هههههه احترم نفسي! ههههه والله انا محترم نفسي من قبل ما تقوليلي يا مدام هديل بس والله واضح مين بيننا لازم يعرف وش هو الاحترام هديل اتفشلت وسكتت ونزلوا من السيارة كانت العمارة شكلها جميل وخمسة نجوم من الخارج والداخل كانت مثل الفندق الفخم اخذت هديل شنطة وحده وشنطة اليد وخالد اخذ الشنطة الثانية ودخلوا لداخل الشقة هديل تأملت الشقة بإنبهار كانت قمة في الروعه كان الكنب لونه بنفسجي داكن والمفرش بنفسسسجي غامق والستاير قنرفلي على وردي غااامق والجدار بألوان متنوعه خالد قاطع تأملها وقال بحدة من ورا قلبه:هديل انتي لك غرفه وانا لي غرفه وتعالي اوريك غرفتك هديل حست بالاهانه والعبرة خانقتها مو عارفه وش ترد مشت معه من دون كلام خالد فتح الباب:هاذي غرفتك ويا ويلك تعتبين باب غرفتي فااهمة تركها وراح لغرفته وهديل واقفه ما تحركت والدموع متجمعه بعيونها خالد انسان غامض مرة يكون حنون ومرة يكون عصبي وبنفس الوقت متناقض وقررت قرار بنفسها مستحيل تتراجع عنه دخلت الغرفه وفتحت الشنطة بقوة ودخلت الملابس بسرعه وعيونها تنزل دموع مسحتها بسرعه وكملت ترتيب وراحت للتسريحه وحطت المكياج والعطورات وتوجهت للحمام ارضيته كان باللون الوردي والجدار ابيض وضعت المنظفات الجسم فيه وقفلت باب الحمام وفتحت المويه الدافئة وبدأت بالاستحمام وعيونها كلها دموع ما توقف قلبها يألمها بالنغزات الي تجيها ** بغرفة خالد ما كان حاله احسن من هديل بس يشوف هذا الاحسن بينهم عشان يخليها تنساه وهو ينساه(اااه يا هديل صدقيني احبك كثر المطر الي ينزل بس مو بإيدي لازم اعاملك بقسوة عشان تنسيني وبعدها بسوي الي ببالي ) فتح الكمبيوتر وفتح تويتر وفتح صفحته وكتب ما تزاعلنا بس ما نحاكي بعض .. و ما أفترقنا بس تغيرنا كثير..! ومن بعدها كتب تغريدة اخرى عشـقـي لـك اكـبر مـن غـلا أنـسان لأنـسان .. أحسـاس مـو كـل البـشـر يـفهـمونـه♥! وبعدها اغلق الكمبيوتر وفتح جواله وشاف رقم غريب وكاتب له • مساء العسل ياللي من العسل اصفي لو بايدي علاج الناس اخلي شوفتك وصفه استغرب وكل علامات الدهشه بوجهو بس مع كذا ما اهتم واغلق جواله وتركه بالشاحن وانسدح بالسرير في نوم عميق.. ** بالشرقية (الدمام) الساعه 7 من بعد صلاة المغرب كان باسم جالس يقرأ رواية رومانسية وراشد كعادته يتغزل بالبنات بجواله وكل شوي يبتسم من رساله ابتسامه خبيثة وبعدها ناظر باسم ومن ثم اردف:انت ما تطفش من هالروايات السخيفة باسم شال عينه من الكتاب وعقد حواجبه:والله ما السخيف الا انت ووجهك مع هالبنات راشد:بس والله وناسه هذول البنات يوسعون الصدر يجيبون السعادة يااخي باسم بدون اهتمام:طيب وش اسويلك يعني! راشد:انت الكلام معك ضايع ايه نسيت ابشرك مليت من هالجامعه الي هنا قررت اخذ الدكتوراه برا باسم:يا سلاااااام هاذي الساعه المباركة راشد:ايووة والله زهقت هنا الدراسة هنا موب كفو باسم:ووين قررت تدرس راشد:انا الصراحة محتار بين لندن وايطاليا باسم:انا اقول ايطاليا احسن اجواءها حلوة راشد:ايوة والله صدق كلامك خلاص اجل بروح ايطاليا وبكمل دراستي هناك باسم:والله يا خوفي تروح الحفلات الي توزع خمر ومن هالخرابيط راشد:لا لا توصي حريص انا مو حقير لدرجة اني اشرب خمر يا غبي باسم بإبتسامة:ايه الحمدالله زين والله راشد:زين ولا موبايلي باسم:هاهاها ما تضحك راشد:انت كلك على بعضك ما تضحك ياااخي اضحك فلها (وبوجه حزين مثل الطفل خخخ)يعني ما بتشتاق لي ولهبالي باسم اخذ مخدة الكنب ورماها بوجهو:هههههههههههه راشد راح غرفته واخذ رشاش الثلج و رشه بوجه باسم :هههههههههههههاي شكلك تحففففه هههههههه...اااه بطني ههههههههه باسم وقف وفتح الثلاجة وشاف صحن بلاستيك كيك بالشكولاته اخذه وركض وحطه بوجه راشد:ههههههههههه شوف شكلك بالمرايه وجلسوا يلعبون ويضحكون لحظات كانت كلها سعادة ♥ ** بالرياض ببيت الجد هادي الساعه 7 ونص جالس بمكتبه الفخم الطراز القديم ويفكر كيف بيجيب هديل لعنده وبعدها قام وراح للصاله وشاف الجريدة وفتحها وجلس يقرأ بنظاراته الطبية وفتح التليفون الي بجنبه واتصل على الخدامه:سيريتا جيبي لي قهوة امريكية واغلق الهاتف ورجع نظره للجريدة وشاف اسمه وقرأ شركات هادي ال... تنجح بأول مشروع في بناء مستشفى ال.... الذي حقق نجاحا هائلا والخ...... تعجب واستغرب صار مشروع جديد من غير علمه وضع الجريدة بجنبه واخذ القهوة وارتشفها كلها مرة واحدة وقام وراح لغرفته ** بجهة أخرى بالرياض بالكوفي فتون:فجر ما كلمتينا عنك وعن اهلك قوليلنا وش قصتك بالضبط فجر بتمثيل البرائة:اااء...انا فجر ياسر ال...عمري 20 ادرس طب بثاني سنة وما عندي اخو او اخت عايشه لحالي مع اهلي وابوي كله سفرات وامي مشغوله دايم وئام:اهاا ماشاء الله الله يحفظهم لك امك وابوك فجر:امين وياك يارب فتون:طيب انتي وش قررتي تصيرين دكتورة ايش فجر:اممم دكتورة نفسية اعالج الناس النفسين واساعدهم بحل مشاكلهم فتون:أممم انا قررت ادرس برا بجامعة ال.... وش تنصحوني بأي قسم ادخل وئام:انا برأيي تدخلي قسم التصميم الفني فتون:امم حلووو وانتي يا فجر فجر:امممم بقسم الطب فتون:لا شكرا ماحب دراسة الطب صعبــــة خلاص بدخل التصميم احسن وئام:ايه جميييل عـــاد ما اوصيك تصممي لي فستان فتون:هههه ايه اكيد خليني ادرس واتخرج وبعدها اصير مصممة واصمم لك الي تبينه فجر فتحت جوالها وارسلت رساله ثانية له واغلقت الجوال وابتسمت لهم مجامله واكملوا حديثهم عن كل جديد... ** بالمستشفى كان واقف يمشي ويدور ينتظر اتصال حتى جا الاتصال المنتظر رد بسرعه:هاااا وينه.....ايه مسكتوه.....وين بالضبط...اهاا اوكي...الحين بجيكم مع السلامة طلع من المستشفى وركب سيارته وتوجه للمكان الي فيه فهد كان عبارة عن بيت صغير مغلق من كل الجهات بالاقفال المتطورة فتح القفل بكلمة سريه ودخل ودخل عند غرفه صغيرة وكان فهد جالس بكرسي ومربوط وفمه فيه لصقه ومسك ابو راكان اللصقه وفتحها بقوة لدرجة شفايفها نزفت دم ثم قال بعصبية:تقولي الحين كل شي من الاول للاخر فاااااهم فهد بنظرات كلها خوف امال رأسه بنعم وقال:بالبداية...كلمتني على اني حبيبها وبعدها قالتلي ارسل لخالد ال... صور واخرب سمعة زوجته وافرق بينهم وبعدها................ ابو راكان:كل هذا يطلع من بنتي حسبي الله عليها وانت انت بتتزوجها فاااهم عشان السمعه الزفته هاذي سمعتنا صارت بالارض وانت بتنظفها فااااهم ولا بخليك الحين تموت فهد:لا لا لا تكفى بسوي الي تبيه بس تكفى لا تقتلني ابو راكان:الحين بجيب بنتي لهنا وبجيب الشيخ يا ويييلك لو هربت او حتى حاولت تهرب وطلع وفهد يرتجف من الخوف ** انتهى البارت اتمنى انه اعجبكم ...) | ||||
|
| |
|
03-10-13, 01:23 PM
| #19 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت الرابع عشر بالرياض الساعه 9 اللليل ببيت فيصل فيصل بحدة:ندى خلاااص يكفي كل شوي تبكين يكفي خلااص راسي مصدع وعلى فكرة خالد الحين رجع من السفر هو وزوجته وصحته تمام بس يرحم امك خلاص سكتي من الصياح ندى توقفت دموعها:جد الحمدالله يارب فيصل:الحين بجيب الشيخ نملك موافقه ندى:لا فيصل بسخرية:ومين قال اني انتظرك توافقين غصبا عليك بتوافقي ندى:لا لا فيصل تكفى واللي يرحم امك مابي اتزوجك وش هو غصب يعني فيصل:ايه غصب يعني انا قومت كل الدنيا عشان الاقيك وبعدها لقيتك وما اتزوجك! ندى سكتت خايفه منه هو مثل الشي المفترس الي لازم تسمع كلامه عشان ما يفترسها ** بلندن – بالمستشفى كانت تراقب ابنها الصغير كان حجمه صغير كان بالعربة السرير بجانبها(ااااه يا باسم تمنيتك جنبي بهاللحظة بس الله يرحمك توفيت وانت بعز شبابك وما شفت ولدك)انذرفت دمعة حزن سريعه وضعت يدها على جبين طفلها ومسحت عليه بحنان الام وابتسمت له وقامت من مكانها ولبست ملابسها ولفت الحجاب بوجهها وطلعت عند الاستقبال وطبعا بعد الترجمة رحاب:لو سمحتي هل يمكنني الخروج الأن ...:نعم يمكنك لكن عليك أولا تعبئة استمارة نطالب فيها بإسم الطفل والاب وكل هذه المعلومات ومن ثم تكاليف المستشفى رحاب:حسن اعطيني الاستمارة اعطتها الاستمارة والقلم الازرق وبدأت بالتعبئة ثم عندما وصلت لإسم الاب حست بغصة والعبرة خانقتهها وكتبت الاسم ببطئ وصعووبة واكملت الباقي بسرعه وسحبت بالفيزا وراحت للغرفة واخذت ولدها فارس وتوجهت للشقة بالتاكسي ونزلت ودخلت للشقة وفتحت جوالها واتصلت على ندى ولا مجيب واتصلت مرة ثانية وثالثة ورابعه والجوال مقفل ثم بالمرة الخامسه جاءها صوت خشن صوت رجل:نعم رحاب استغرب ثم قالت:وين ندى ومين انت فيصل:انا فيصل ولد عم ندى وبنتزوج والحين وعلى فكرة احنا بالرياض مو بلندن رحاب:ايش!! فيصل:الي سمعتيه وانسي ندى ومع السلامة رحاب شالت الجوال من اذنها وحست بغصه صارت وحيده ايه وحيده مافي احد معها لا عايلة ولا زوج ولا صديقه في الغربة شعور جد صعب شايله هم لو راحت الشغل مين بيهتم بولدها خايفه من انها توثق بخادمة ومن ثم تندم ** بالشرقية وتحديدا بالدمام اشرقت شمس صباح جديد بالشقة باسم وراشد كانو نايمين واحد على كنبة والثاني عالسجاد بالارض فتح راشد عيونه والتفت وشاف البيت صار كله متوسخ من الكيك والرشاشات ابتسم وقام وراح الحمام وغسل وجهو وفرش اسنانه الي تبرق من البياض وتووضأ وصلى وفتح جواله البيبي وشاف رسايل من هبة وهدى وسارة والخ... بنات كثار فتح علىيهم كلهم وارسل لهم برود كاست واحد مكتوب فيه بنات خلاص انتهت حياة المراهقة ودخلت في الشباب وابيكم تحذفوني كلكم لاني بالاصل ما حبيت ولا وحده فيكم كنت ألعب عليكم وانتو صدقتوا عموما ياليت تحذفوني لاني مالي خلق احذف احد من كثركم وشكرا تحيـــاتي وبدأو البنات ينقصون حتى صارت القائمة (0) اغلق الجوال وراح المطبخ الصغير واخذ من الثلاجة حليب وثلاث بيضات وبدأ يسوي خلطة البان كيك بس هاذي محاولة فاشلةلانه احترق البان كيك وصار اسود:يالله وش ذا الحظ الي راكبني الحين مين ياكل هذا البان كيك اففف مسكه وحطه بالزباله وفتح الثلاجه وشاف مرتديلا اخذ حبه واخذ الخبز البريد واخذ حبيتين ومسحهم بالجبن السايل وحط المرتديلا والخس واكلهم وتوجه للصاله وحط يده بخفيف على باسم يصحيه:باااسم قوووم ابي اشوف التلفزيون قووووم باسم صحي وهو مرتاع ونطق بإسم(رحاب):رحاب راشد عقد حواجبه:بسم الله عليك مين رحاب وشفيك يا باسم باسم:لا ما فيني شي بس كان كابوس راشد:تعوذ من ابليس بس مين رحاب باسم:اعوذ بالله من الشيطان الرجيم...مدري مين رحاب بس هالبنت دايم اشوفها بأحلامي راشد قعد جنبه:باسم وشفيك باسم:احس اني اعرف هالبنت مدري ليش انا كنت مسوي حادث من قبل سنة وفقدت الذاكرة واهلي ودوني الدمام وقالولي اني كنت ادرس هنا ولازم اكمل دراستي هنا وبس راشد:يمكن هاذي رحاب وحده تحبها او يمكن حبيبتك باسم:لا لا لا احس انها كانت بقلبي اعظم من كذا ما كانت حبيبة وبس كانت شي عظيم بقلبي بس مين تكون ما اتذكر راسي يصدع كل ما احاول اتذكرها راشد:اهها الله يعينك ياخوي باسم:طيب انا اشم ريحة شي محروق وش سويت راشد:هههه كنت اسوي بان كيك وانحرق باسم:استغفر الله كان صحيتني اسويلك احلى بانكيك بالعالم راشد:ههههههه لا خلاص سويت لي ساندويش تكفيني والله شبعت باسم:اوكي بروح اتوضى واصلي ** * * بالرياض الساعة 10 الصباح استيقظت من النوم العميق ودخلت الحمام توضت وصلت الفجر وفتحت الدولاب وطلعت فستان ناعم يوصل لحد الركبة لونه وردي فاتح وفردت شعرها الكيرلي البني الفاتح وحطت مكياج خفيف وكان طالع شكلها جميل من كل النواحي ولبست فلات ابيض وطلعت من الغرفة وتوجهت للصالة ** بغرفة خالد فتح عيونه من النوم وقام واعتدل بجلسته بالسرير وشاف جواله كان فيه رساله من الرقم الغريب نفسه فتحها بكسل وقرأ ليتني قنبله يرميني عدوك عليك بدال ما انفجر اضمك واقول اسم الله عليك اتفاجأ واستغرب مين هاذي الي ترسله هالرسايل فتح برنامج النمبر بوك برنامج يقدر يعرف مين صاحب الرقم كتب الرقم فيه وطلع مسجل بإسم (بكشا ميل) اسم غريب مين هذا الي يرسله هالرسايل مين يكون معقوله ندى حولت رقمها لهندي لا لا ندى ما تعرف رقمي الجديد انا غيرته يالله مين هذا ميين انا المشكلة اني فضولي وبقوة لازم اعرف مين صاحب هالرقم اكييد بنت قطع تفكيره صوت الجوال يرن بإسم فتون رد فتون:واخيييرا رديت وانا من زمن جدي انتظرك ترد خالد:هلااا فتون اخبارك اعذريني كنت توي راجع من السفر امس واليوم بنجي عندكم فتون:الحمدالله بخير وانت كيفك وكيف هديل خالد:الحمدالله كلنا بخير فتون:خاالد وشفيه صوتك كذا فيك شي...تعبان! خالد:ايه فيني زكام خفيف من امس ما تغطيت بالفراش زيين وبيروح بسرعه لا تخافي فتون:اهاا كويس اجل الحين بسكر ننتظركم اليوم عالعشاء لا تتأخروا خالد:يصير خير انشاء الله يلا مع السلامة فتون:مع السلامة اغلق جواله وتوجه للحمام توضى وفرش اسنانه وصلى وراح للدولاب وطلع تيشيرت احمر فيراري وجينز اسود برمودا مو طويل واخذ جواله معاه ومشي للصاله تأمل هديل وهي مندمجة مع فلم اجنبي جلس بكنبة قريبة منها هديل ما اهتمت لوجوده خالد ببرود:وين الفطور هديل التفت له ونظراتها له بحدة:ما سويت فطور عندك يد ورجل سوي بنفسك خالد:قومي سوي الفطور الحين اخلاقي مقفله مالي خلقك هديل:والله مشكلك هاذي مو مشكلتي تبي شي سويه بنفسك خالد ابتسم بسخرية:والله وطلع لك لسان وين هديل الساكته الهادية الخجولة والله تغيرتي هديل:طيب!..وش اسوي لك خالد قام:سلامتك مابي شيء من يدك اصلا عفت نفسي منها هديل كانت تنتظر منه اصرار اكبر عشان تسوي له فطور بس خاب ظنها لما قال هالكلام حست بطعنات تطعنها من قلبها بس تجاهلت كلامه والتفتت للتلفزيون هي صح عيونها على التلفزيون بس تفكيرها فيه خالد قام واتصل براكان راكان:هلا خالد وصلت ولا قلت لي يالخاين خالد:هههه لا والله بس كنت تعبااان وتوي راجع امس ومالي خلق لشي والحين ابي افطر براا تجي معي راكان:اوك مسافة الطريق واكون بالكوفي الي دايما نلتقي فيه خالد:اوك بااي قفل جواله وتوجه لغرفته ولبس جزمة تومس سوداء وحط النظارة بعيونه واخذ جواله ووحطه بالجيب وطلع من الشقة بسرعه هديل اول ماا طلع خالد تجمعت الدموع بعيونها اخذت المنديل ومسحتها قبل ما تنزل ** وصل ابوراكان مع المملك دخله لداخل البيت بمجلس مرتب وفخم وراح للمستشفى دخل لغرفة اسماء كانت تلبس عبايتها ابوراكان بعصبية:يلا يا بنت ال### بسرعه لبست أسماء عبايتها بسرعه ومسكها ابوها بقوة وام راكان راحت مع السائق لبيتها مع رهف وركبت اسماء مع ابوها ووصلوا ابوراكان:يلا انزلي بسرعه نزلت وابوها وراها حتى دخلوا للمجلس وراح ابوراكان للغرفة المعدومة وكان فهد جالس بالكرسي مربوط شال الربطة بسرعه:اسمع الحين الشيخ موجود تقول موافق طيب ولا بتشوف شي ما شفته بحياتك فهد قام واخذ المناديل ومسح وجهوا الي فيه دم وراح مع بوراكان للشيخ الشيخ:يا بنتي انتي موافقه على فهد سالم ال... اسماء من دون تردد:ايه موافقه وجا فهد وجلس بعيد عنها شوي وسأله الشيخ:يا فهد سالم ال... موافق على اسماء محمد ال... فهد ناظر اسماء والشرار والحقد كلها بعيونه:ايه موافق الشيخ اخذ الاحوال من ابوراكان حق اسماء وفهد اعطاه الاحوال وملكوا ووقعوا العقد الشيخ قام:مبارك عليكم يلا استأذن ابوراكان:الله يبارك فيك انتظرني بالسيارة الحين جايك راح الشيخ وابوراكان التفت لهم:انتي يا اسماء على ذمة فهد وياويييلك اشوفك معتبه بيتي فاهمة انا مو راضي عليك ليوم الدين وانتي مو بنتي ولا انا ابوك فاااهمة...احمدي ربك نعمة مني اني زوجتكم ونظفت شرفكم يا كلاب ولا لو واحد ثاني كان قتلكم تفو عليكم وانت يا فهد قوم وخذ اسماء ودبر نفسك وراح ابوراكان لبيته وفهد ناظر اسماء بحقد:انتي سبب البلاء كله ويلا امشي قدامي اسماء:وين بنروح فهد:للشقة انا مستأجرها يلا ولا كلمة وامشي قدامي مشت معه واخذ تاكسي ووصلهم للشقق كانت من النوع المتواضع العادي مافيها الا فخامة بسيطة نزلت اسماء ومشت معه لداخل الشقة كانت مليانه خمر ومخدرات ومو مرتبه وروايح كريهة تقرفت من المنظر وراحت تدور على غرفة ما كان فيه الا غرفة وحده كانت غرفة نوم وحمام وصالة مفتوح المطبخ عليها حست بالضيقه بهالشقة وقالت:فهد انا بنام بالغرفة النوم وانت بالصاله فهد بسخرية:هههه لا يا حبيبتي انتي الي بتنامي بالصاله على هالكنب وانا بهالغرفة ومن اليوم ورايح انتي خدامتي تطبخين لي وتنظفين كل صغيرة وكبيرة اسماء:اييشش!! خداامة بعييينك انا ببيت ابوي كنت ملكة والحين خدامة! فهد:ايه وغصب عنك وقومي يلا سوي لي عشا اسماء:بس انا حامل لازم ما اتعب فهد بعصبية:قال حامل قال روحي سوي العشاء الحين لا انزل الي ببطنك اسماء خافت منه وعلى الطفل وراحت للمطبخ كان فيه سلة داخلها الخبز البريد والخبز الصامولي والخبز العربي وفتحت الثلاجة وكان فيه جبن سايل كرفت ومربى بالفروالة وعسل اخذت الجبن السايل ودهنته بالخبز البريد وفتحت الادراج وشافت الصحن حطته فيه وشافت عصير برتقال صغير اخذته وحطته بالتبسي وواخذته لعند فهد بغرفته وحطته فوق السرير وكانت بتطلع بس وقفها صوته:وش ذا العشا بس ذا فطور مو عشا اسماء:والله هذا الي اعرف اسويه ما كان فيه غيره بالمطبخ فهد:مع انه شكله ما يشجع للاكل الا اني باكل عشان اسد جوعي وانتي اطلعي برا ولا تجين الا اذا طلبتك فاااهمة اسماء بخوف:فاهمة وطلعت وحااسه بالجوع راحت للمطبخ ** * بالاستراحة بالرياض حاطين اغاني ويرقصوا الي تغني والي تاكل كيك والي تاكل شبس والي قاعدة على جوالها اريج كانت تغني اغنية ما يا خذني الا الموت ما ياخذني الا الموت...الا المووووت وغيره ما يفرقنا معك العمر كله يا عسى يومي قبل يومك وعد ماغيب عن عينك..ماغيييب وعد ما رخص محبتنا حبيبي ساعة الفرقى ابيها اخر اهمومك اريج:بناات وش رايكم بصوتي غادة:واااو مرة جمييل انصحك تكوني مغنية افنان:صادقة والله صوتك يجنن يجنن يجننن جواهر:انا رأيي من رأيهم اريج:زيين بناات وش رايكم نروح لمجمع ال... نتعشا على حسابي افنان:فكرة حلوة يلا مشينا غادة:اووكيشن الحين بلبس عبايتي الكل تجهز وراح للمطعم جلسوا بطاولة بالنص المطعم واريج فكة اللثمة وطلبوا الاكل جواهر قالت بصوت واطي لاريج:اريج في واحد يأشر لك شكله معجب فييك اريج:هههه شيء طبيعي يا حبيبتي متعودة اكييد يبي رقمي غادة:وش جالسين توشوشون افنان:وش السالفة اريج:شفتو الولد الي قاعد قدامنا يخقق صح البنات:ايه وشفيه اربج:هو خاق علي غادة:بتااخذين رقمه؟ اريج:لا هو الي يجي يطلب بالاول وانا ما برفض افنان:والله هالولد مزززه جا الاكل وبدأو ياكلو وخلصوا بسرعه وقامت اريج وراحت قعدت جنب هالشاب وهو استغرب من جراءتها وبنفس الوقت ابتسم لها ابتسامة خبيثة اريج:هلا (وطلعت ورقة مكتوب فيه رقمها)خذ اعرف انك تبيه بس صعبه تاخذه مني ...:حلوو اعجبتني حاستك السادسة حسيتي اني ابي رقمك اريج بإبتسامة:ايه انا اسمي اريج وانت ...:انا فراس اريج:اعجبني اسمك الصراحة تشرفت فيك يلا انا رايحة الحين بااي فراس:باي راحت ودفعت الحساب ورجعت للبنات:يلا قوموا دفعت الحساب قاموا البنات وما استغربوا من حركتها هاذي دايما تسويها معروفة بالجراءة وهذا طبعها ** بالشركة هادي ال... راح هادي للشركة وهو معصب والكل يستقبله بالسلام والترحيب الكبير وصل لباب غرفة سعود فتحه بقوة التفت سعود عليه بالكرسي:هلا يبا نورت الشركة هادي:انت كيف تسوي مشروع من غير علمي ترا انا عايش لحد الحين ما مت وش هالقلة الاحترام تقرر بكيفك من غير ما تستشيرني سعود افتشل وبعدها قال:والله انشغلت ما فضيت اخبرك هادي:وحاتم لقيته ولا لا سعود بعدم اهتمام:لا بحثنا عنه ما لقيناه هادي:طيب وين بدر سعود:مدري عنه هادي:انت ابوه وما تدري عنه حسبي الله من هالزمن سعود التزم الصمت هادي طلع معصب وكل هموم الدنيا عليه اول شي ولده حاتم ما يدري عنه وثاني شي حفيدته هديل وحفيده بدر ما يدري وينهم وكان بيركب بالسيارة بس انتبه لواحد يمشي بثوبه المصفر وشماغه كان حاتم ايه حاتم نفس شكله ما تغير غير انه صار نحيف شوي وكان يمشي للشركة الي جنب شركته راح لعنده وناداه:حاااتم حاتم التفت على الصوت:يـ...بـ..ـه هادي تقدم له:ايه يا ولدي حاتم:وينك يا يبه لما احتجت لك وينك ليه تركت سعود ليه أمنته على كل شي ووثقت فيه وشوف هاذي النهاية سواتك انا فقير اشرشح نفسي قدام الناس وولدك ماخذ كل الورث ومبسوط فيه وانت ساكت دورت عليك بس انتقلتو ورحتوا لبعيد تعبت وانا ادور عليك يبه انت كيف ما عندك قلب كيف ترضى على ولدك هادي نزل راسه زعلان كثير على ولده انربط لسانه مو عارف بإيش ينطق او يقول حس انه قلبه انقبض يده تهتز حاتم ركض لعنده:يبه يبه وشفيك هادي كان يهتز نزل البودي قارد من السيارة ودخل الجد للسيارة وحاتم جنبه ورا راحو للمستشفى ** بالكوفي كانو جالسين يحتسون القهوة راكان:خالد قرارك غلط انت منجدك خالد:ايه اكيد من جدي هذا هو القرار السليم ووالصح راكان:لا يا شييخ غلط صدقني هي تحبك خالد:قصدك كانت تحبني بس الحين لا تكرهني انت ما تشوف كيف تناظرني الزبدة انا خلاص مقرر قرار نهائي وهو افضل قرار وكل واحد بيرتاح وهو الطلاق ** بالشقة بلندن جالسه بالصالة فاتحه كل انوار الشقة والطفل في السرير نايم وهي جالسه بالكنبة خايفة مو عارفة وش تسوي فتحت الكتاب تسلي نفسها وابتسمت لما تذكرت كيف اخذت هذا الكتاب ^^ كانت تدور بالمكاتب بكل مكتبة عشان تلاقيه كانت رواية روميو وجوليت ما كانت موجودة بالمكاتب وبإحدى المكاتب رحاب:لو سمحت فيه كتاب رواية روميو وجوليت كان جالس يقرأ بالمكتبة انتبه لها وهي تطلب الكتاب ...:لا مافي خلص وقف باسم من مكانه واعطاها الكتاب الي بيده وبإبتسامه:خذي هذا الكتاب رحاب بتوتر:ااا..لا لا خلاص مابي باسم وكان يحس بنبضات قلبه تعلى وتعلى بقربها:لا خذي لا تخجلي اصلا هالكتاب قراءته كثير ملييت منه اخذيه اعتبريه هدية مني رحاب اخذت الكتاب بخجل ووجهها احمر وراحت وحاسبت عند الحساب وبسرعه طلعت كانت اول مرة تشوف فيها باسم هذا كان اول لقاء بينهم لقصة حب لم تدوم (تبون تعرفون السبب مع الاحداث بتعرفون) ابتسمت على ذكراه (الله يرحمك يا باسم ويغفر لك يارب) نظرت الى فارس فيه ملامح من ابوه كان ابييض مسكت وجنتيه الحمراء ابتسمت على شكل فارس وهو نايم ورجعت تقرأ الرواية ** وانتهى البارت.. | ||||
|
| |
|
03-10-13, 01:25 PM
| #20 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت الخامس عشر * * * * * * المقدمة.. وصفك نسيته بس باقي ملامحك ...بنهيك واني بالهاية جنونك ما تستحق أمد كفي وأصافحك ...مثلك غلط عمري وابحيا بدونك لكن خسارة صرت غاية مصالحك...ياليتني ماجيت لحظة بكونك واليوم من صفحة حياتي ابمسحك...هديت صرحك ثم طاحت اركونك ** بالمستشفى...الساعة:3:10 العصر كان واقف ويلف بالمستشفى بتوتر ينتظر الطبيب يبلغه بحالة ابوه طلع الطبيب وعلامات وجه لا تبشر بالخير راح له بسرعه حاتم:بشر وش صار الدكتور:حالته صعبه مراا وكويس انكم لحقتوه ولا كان ممكن يموت حاتم:ليش وشفيه؟ الدكتور:عنده الضغط والسكر انخفض ضغطه لازم ما يتعرض لآزمات نفسية ولا ممكن يموت وبالسلامة ان شاءالله راح الدكتور وحاتم جلس بالكرسي المستشفى وراسه يصدع ضغط على آلمه بإيديه الاثنين عشان يخف بس زاد وقف وراح لاي دكتور امامه:ممكن..اا شاف الدنيا سودا وطاح ومسكه الدكتور وجابوا سرير ودخلوه بغرفه ^ بالشركة هادي ال... جالس بالشركة يفكر بالمشروع الجديد قطع تفكيره التلفون فتحه:نعم! .....:طال عمرك من المستشفى يبونك سعود بإستغراب:حوله لي بسرعه ....:السلام وعليكم...معي سعود هادي ال.... سعود عقد حاجبيه:ايه نعم خير وشفيه ....:هادي ال... حالته صعبه تعال المستشفى عشان تعرف حالته الصحية واخوك حاتم ال... على اخر ايامه سعود قام من مكانه من كثر الصدمه:اوك مسافة الطريق وجاي ترك السماعه مفتوحة واخذ المفتاح بسرعة ركض للاصنصير ناظر للادوار بيتأخر اذا انتظر الاصنصير فتح الباب الي يوصل للدرج عشان ينزل لتحت بسرعه ركض وركض لحد ما طلع من الشركة بكبرها ووصل لسيارة واقفة بجانبها بودي قارد اعطاه نظره بمعنى شغل السيارة وفتح الباب وركب ورا وانفاسه تتعالى وتنخفض:ببســ...رعه للمــ..ستـ..شفى ** جالسه بغرفتها فتحت اول صفحه بمذكرتها الجديدة كتبت **كم من الصعب أن تعيش على أمل لن يتحقق** والاصعب عندما يتجاهلك من تحبه انت لا تحبه فقط انت تحبه وتعشقه بجنون لكن احيانا تقف الكبرياء والكرامه فوق كل ذلك تتألم كل يوم لانك تحبه وهو يكرهك اسباب بسيطة ومشاكل استطاعت التغلب علينا والتفرقة بيننا يا خالد.. اغلقت الدفتر وبركان من الدموع يتجمع بعيونها احست بحرارة الدمعه بعينيها تبكي على حظها العاثر على حياتها التعيسة مع خالد دائما يتعمد تجريحها بكلامه احيانا يكون له حق واحيانا لا انسدحت بالسرير اغمضت عينيها لعلا ذلك حلما وسوف تستيقظ منه ^^ فتح باب الشقة وتوجه للمطبخ اخذ دلة الماء وصب له بكأس مع الثلج(وينها ليه مالها حس)ترك الكأس بطاولة المطبخ ومشى ببطئ لغرفتها وهو متردد!(ادخل ولا ما ادخل لا لا لازم ادخل يمكن مريضة او تعبانه فيها شي لا لا يمكن تكون صاحية ومافيها الا العافية لا لا لازم ادخل)اقترب ووقف امام الباب وضع اصابعه بيده اليمنى على مقبض الباب وفتحه بخفة وهدوء وجد المكيف حرارته باااردة مثلجة بروودتها عالية اقترب بهدوء اليها وهي وبالسرير نظر الى شكلها(وااه ملاك والله ملاك وهي نايمة ودي اضمها لصدري واقول لها انتي حياتي ومالي غيرك بهالدنيا) اقترب شفته الى جبتها باس رأسها ومسك خدها الناعم بخفة ونعومة ومن ثم بدأ يبتعد حتى وصل للباب وهو موجه نظره لها القى نظره اخيره لها وبعدها اغلق الباب وذهب الى غرفته استلقى على السرير ووضع راسه على مخدة السرير واغمض عيناه لكنه لم ينام كان يفكر بهديل لا غيرها...حتى غفى بعد نصف ساعة.. ** بالقصر الكبير الضخم بعد الانتهاء من توقيع عقد القران بالمجلس.. فيصل وضع يده على خدها:يا جماالك يا ندى واخييراا صرتي لي ندى:وخر ايدك عني لا تفكر اني بخليك تلمسني فيصل:هههههه انا حلالك يا ندوي لا تطلع لي قرون..انا مروق عالاخر اذا قفلتي اخلاقي بتشوفين شي مو طيب ندى سكتت فيصل:فدييت الخواافة انا ندى قامت فيصل بسرعه قام معها:وين وين ان شاءالله رايحة ندى:لجهنم ان شاءالله يعني لوين مثلا بروح غرفتي فيصل مسك ايدها ولف لوجهها والابتسامة مشققته:قصدك غرفتنا يلا خلينا اليوم نسهر وننبسط ندى خافت:لا لا لحظة لحظة..ليكون تبي تلمس.. قاطعها:ايه وش على بالك يعني..اكيد انا كنت منتظر هاللحظة من زمن جدي واخيرا جات ندى بخوف:بس... بس فيصل بنبرة حنونة:لا تخافي مني انا ما بأذيك افهميها يا ندى انا احبك انتي الوحيدة الي ملكتي(وضع يده بقلبه)قلبي ندى:بس بس خاايفة فيصل:لا تخافي يلا امشي معي ندى اتطمنت شوي هي تعرف انه فيصل يحبها وما يبي يأذيها ويتحدى كل العالم عشانها تذكرت هالشي وابتسمت وندمت لانها فكرت بخالد وما تبي تشغل بالها غير بفيصل بتفتح صفحه جديدة بحياتها صفحة كلها سعاادة مافيها أي حزن مشت معه للغرفة و####### محذوف*مشفر*رقابة ** بشقة راكان ورهف منقهرة كثيير وحاسه بكتمة جواتها وتبي تطلع كل الي بجواتها كان راكان يشوف التلفزيون طلعت من غرفتها وراحت له وهي معصبة وقالت بعصبية:انت مو مهتم فيني..ولا تسأل عني ولا عن البيبي انت من ايش مخلوق من بشر ولا من حجر راكان عصب وقف وراح لقدامها:انتي هيه احترمي نفسك...وصوتك لا يرتفع مرة ثانية ولا بتشوفي شي ما بيعجبك رهف ماهتمت لعصبيته وقالت بصوت عالي وبعصبية اكبر:انت تعلم وش هو الاحترام وبعدين تعال وقول احترمي نفسك!..ان.. راكان قاطعها:اصص ولا كلمة خلاص يكفي مابي اسمع صوتك اخذ مفاتيحه وقام وقال بصوت واطي:الحمدالله والشكر وشفيها انفجرت علي مثل الوحش رهف مسكت بطنها انتفخ كثير والان هي بالشهر الخامس حست بألآم شديد:ااااه بطني..اااه التفت راكان لها واقترب لها:رهف وشفيك رهف تأشر على بطنها:بطني بطني حيييل تألمني احس نفسي بمووت راكان راح الغرفة واخذ العباية ولبسها بسرعه وراح فيها للمستشفى..و... ** بالشقة جالسه تقطع البصل وعيونها تدمع من البصل دخل فهد الشقة:ماشاءالله اشوفك تطبخين اسماء التفتت له:ايه اكيد بطبخ دام هالاكل لزوجي فهد بسخرية:ههههه ضحكتيني وانا مابي اضحك بلا رومانسيات وكلام فاضي خليكي بشغلك بس اسماء مستمرة بالتمثيل عليه حتى تكسب قلبه وبعدها تهرب عن هالسجن الي هي عايشته فهد راح لغرفته وفتح البلازما الصغيرة على قناة تعرض افلام الاكشن وبدأ يتفرج واندمج مع الفلم بعد نص ساعه بدأت ترتب الطاولة وتجهز الصحون والرز البرياني والشوربة بالفطر وحطت كوب عصير له ولها ومشت ودقت الباب وما رد ودقت مرة ثانية بصوت اعلى فهد صرخ:نعععم! اسماء:فهد حبيبي يلا الغدا جهز فهد:طيب رووحي الحين جاي راحت وسحبت لها كرسي وجلست فيه بالطاولة وبدأت تاكل فهد قام من السرير بتكاسل وفتح الباب وسحب كرسي وجلس وبدأ ياكل بصمت حس بشعور غريب من اسماء وحط عينه عليها كانت تاكل وهي سرحانه مو منتبها له حس بدقات قلبه تعلى بداخله ورعشات بجسمه توقف عن الاكل وراح للحمام بغرفته وغسل ايده وهو سرحان فيها(وشفيني وش هالشي معقولة احبها لا لا ماحبها بس شعور عادي وبيروح مع الوقت بس متأكد مو حب وش ابي فيها اصلا عااد من زينها) ** بالشرقية الدمام... باسم قاعد يقرأ الرواية الرومانسية كعادته وراشد جالس طفشان لا شغل ولا مشغله ينتظر تأكيد قبوله بإطاليا بمدينة فيرونا تحديدا بعد ربع ساعه رن جواله الايفون 5 برقم غريب رد راشد:الوو مين .......:انت راشد عبدالرحمن ال.... راشد:ايه نعم لييش .......:انا سعيد ال... الي طلبت مني اني اشوف لك قبول بأي جامعه بفيرونا مدينة بإطاليا راشد:اييه تذكرتك اسف نسيت ما سجلت رقمك عندي لاني كلمتك من جوال باسم..الزبدة وش صار في قبول لي ولا لا.؟؟ سعيد:ايه انقبلت وبتدخل تكمل بجامعه ال... الدكتوراه بيوم 22\11 بشهر 11 ويوم 22 يعني بعد شهرين بتسافر وشقتك جاهزة بالجامعه وكل متطلباتك جاهزة راشد نط من الفرحة:جد الله يعطييييييييييييك العاااااافية ويوفقك دنيا واخره مشكووووووور ما تقصر باااااي اغلق جواله وراح لباسم:باااسم بااسم انا انقبلت انقبلت باسم ابتسم لفرحة راشد:مبروووك راشد بفرحة كبيرة:الله يبارك فيك..مو مصدق كلها شهرين وبسافر باسم:يلا توصل بالسلامة...(وبتحذير)ما نبي حركات منناك ولا مناك انت عارف قصدي راشد:اكيييد(مسك كتف باسم وقومه)يلا قوووووم عازمك على احلى مطعم بالعالم على حسااابي باسم لبس حذاءه وراشد كان متشقق بإبتسامته الجذابه مو مصدق انه انقبل بالجامعه هو كان يتوقع من المستحيل لانه معدله مو عالي بس رغم كذا تفاءل بالخير وبالفعل ما كان من المستحيلات وتحققت رغبته..) ** بالشقة خالد الساعة 7 بعد المغرب استيقظ من النوم شاف الساعة بإيده:افف تأخرت قام بسرعه واخذ شور سريع وطلع تيشيرت بولو ازرق وسرح شعره على فوق واخذ العطر وتعطر على السريع ولبس حذاء تومس رمادي غامق وتوجه لغرفة هديل وهو متردد يدخل او لا بعد التفكير فتح الباب بسرعه شافها جالسه بكرسي التسريحة تتمكيج وكانت لابسة فستان احمر لنص الركبة وتاركة شعرها البني مفرود وحاطة الروج الاحمر الصارخ والعيون الكثيفة الرموش والكحيلة خالد(ملاك والله ملاااك بشكل بشر الله جمييلة كثيير الله يحميها من الحساد)قطع تفكيره وهي تقوم من الكرسي التفتت له ومن ثم اردفت:نعم! وش تبي؟ خالد:هاا..اقصد جيت اخبرك انه رايحين لبيت ابوي مسوين عشا لنا هديل بحدة:ماشاء الله توك جاي تخبرني لا خلاص لا تتعب نفسك فتون قالتلي خالد طلع من دون ولا كلمة(اااه يا هديل ليش انتي قاسية..صح صح هي لها حق انا ظلمتها بس والله هي شينة وهي قاسية ملامحها بريئة ما تركب عليها العصبية ابد..افف وشفيني افكر فيها..انساها يا خاالد انساها انت بتطلقها اووففف)اخذ مفاتيح سيارة وقال بصوت عااالي:اناااا بالسياارة انتظرك. هديل ما ردت لبست عبايتها وتحجبت وحطت النقاب وتوجهت للباب واغلقته وضغطت على الاصنصير انتظرت دقيقة دقيقتين حتى انفتح دخلت وكان فيه شاب بالعشرين دخلت لانه ما كان فيه اصنصير والشاب يناظر فيها بغرابةوبعدها قال:يا حلوووو اعطينا رقمك هديل ما ردت عليه تجاهلته ...:والله انك مززززة يلا اعطيني رقمك صدقيني بونسك و.. هديل من كثر عصبيتها شالت شنطتها من كتفها وضربتها بوجهو بأقسى قوة ما تملك الشاب ارتاع وانفتح الاصنصير وطلعت بسرعه ركض لبرا وشافت سيارة خالد تشارجر البيضا دخلت فيها وراه خالد ما استغرب حركتها وحرك السيارة وكان الجو هدووء خالد فتح المسجل على قناة اف ام وكانت اغنية حبيبي واللي يسلمك تقول منهو يعلمك منهو الذي غرك علي خلاني ما عدت أفهمك اول اجيلك بالغلا واسمع تراحيب وهلا واليوم عن عيني تصد وعن دنيتي قلبك سلا كان الفرح لي يبتسم كل ما بوجهي تبتسم والحين اجي وتردني وحزني بوجهي يرتسم بصبر واذا طبعي الوفاء واتذكر احظان الدفاء والجو لو غيم شوي لابد من ساعة الصفا عيونها تجمعت فيها الدموع احست بمرارة الدمعه وقلبها يألمها بقوة (مشتاق لك يا خالد والله اشتقت لك كثيير اااه ليش يصير كذا ليش نفترق على اتفه الاسباب) خالد خفض الصوت وما كانت حالته احسن من هديل وبعدها وصلوا للقصر نزلوا وفتحوا الخدم لهم الباب شالت هديل العباية واعطتها للخدامة و مسك خالد إيد هديل:هديل احنا لازم نبين لهم اننا مع بعض فاهمة هديل التزمت الصمت لم ترد عليه وصلوا للمائدة والكل كان مجتمع ام خالد وابوخالد وفتون كانو جالسين بالكنب امام المائدة ووقفوا ابوخالد بإبتسامة:يا هلا والله مرحبا بالعرسان وحشتوني هديل بسرعه حظنته:بابا حتى انت وحشتني اكثر وبعدها سلمت على ام خالد وبعدها فتون فتون:وييينك يالدبة انقطعتي عني لا خبر ولا شي هديل ابتسمت مجاملة:لا بس كنا مشغولين انا وخالد فتون بمزح:افااا يالعلم تنشغلين مع خلودي وتنسيني والتفتت لخالد:خلود كيف خليت هديل تنساني وتنقطع خالد:هههههه ما سويت شي ام خالد:عسى انبسطتوا وغيرتوا جو خالد:ايه يمه الحمدالله فتون:افاا ما تجي تسلم على اختك خالد باس راسها وضمها:وحشتيني يالعنزة فتون:اففف منك مالت عليك وانت الثور خالد:ههههه ابو خالد:يلا تفضلوا للعشا ** بالقصر الفخم (بيت ابوخالد) الكل كان مجتمع بمائدة الطعام بالرياض.. بالمستشفى.. دخل سعود المستشفى وتوجه للاستقبال:وين عبدالعزيز ال... كان سيتكلم لكن جا المدير:اهلا سعود تعال وراي لمكتبي سعود مشى وراه وهو ساكت وصلوا للغرفة وجلس بالكرسي:هاا دكتوور وش فيه ابوي عبدالعزيز:الحمدالله حالته استقرت بس.. سعود قاطعه:بس وشو ؟؟ عبدالعزيز:حاتم اخوك فيه سرطان ومع الاسف وصل بمراحله الاخيرة وممكن شهر بالكثير شهرين ويموت سعود:طيب انا ما يهمني حالته اهم شي ابوي قام من المكتب وتوجه لغرفة ابوه والدكتور امال وجهو (اول مرة اشوف اخ ما يهمه حالة اخوه يعني لو قلت له اخوك يحتضر الحين ما بيهتم وش هالقلب القاسي الحمدالله والشكر) انتبه لنفسه ورجع لشغله.. دخل سعود عند ابوه وجلس امامه انفتحت عيون المتجعده:حـ..ـا..تـم انا اسف حـ...ـا,,تم وينه سعود:ارتاح يبه ارتاح حاتم مو موجود مادري عنه لا تعب نفسك بالكلام دخلت الممرضة:ممكن استاز لو سمحت تطلع بدي اعطيه إبرة المهدئ وقف سعود والقى نظره على ابوه وبعدها طلع كيف يصدق ذلك؟قلب يخاف على ابوه ويكره ويحقد على اخيه لسبب تافه لغيرته الشديدة لاخيه اخذ الورث كاملا منه كان ابوه يفضل حاتم كان حاتم اولا ثم سعود كان الاول بكل شي وسعود الثاني مما اثار الكره والحقد والبغض بقلبه لدرجة انه تركه فقيرا متذللا من غير شيء... ** بجهة اخرى بالمستشفى انتظر خروج الطبيبة مرت ربع ساعة وبعدها خرجت وبسرعه راح لها راكان:وشفيها رهف؟؟ الدكتورة:... ** بالغرفة بالقصر جالسه لحالها بالظلام وارسلت له رسالة رومانسية كعادتها ومن ثم قالت(والله لاخليك تدفعين الثمن يا هديل وباخذ خالد وبيصير لي انا وبس لي وملكي انا وبتشوفيين والله لاخليه خالد يحبني ماكون فجر اذا ما خليته يحبني..) ** وانتهى البارت ادري البارت قصير بس هذا الي قدرت اكتبه وبإذن الله البارت الي بعده بيكون اطول...) | ||||
|
| |
|
| الكلمات الدلالية (Tags) |
| للكاتبة:ملاك’, اختاروك, رواية |
| أدوات الموضوع | |
| انواع عرض الموضوع | |
|
|
.png)
العرض العادي
