نـــســــاء جــاهـــلات ،للكاتب/ لطيف الحس،كويتية (مكتملة)

[فيتامين سي]

	بسم الله الرحمن الرحيم الحمدلله والصلاة والسلام على رسول الله وعلى آله وصحبه أجمعين السلام عليكم ورحمة الله وبركاته اعضاء روايتي الغالين نقدم لكم رواية (( نـــســــاء جــاهـــلات )) للكاتب/ لطيف الحس قراءة ممتعة للجميع ...

[فيتامين سي]

رابط لتحميل الرواية

https://www.rewity.com/forum/t363989.html#post11811600

المـقــدمــــه

بسم الله الرحمن الرحيم ...
تحيه طيبه وبعــد
أكتب هذه الروايـه ... لكـم .. تحت عنـوان " نساء جاهلات " وهي تتضمن . مشكلات وقعن بها النساء نتيجه لاختيارهن . وآمالهـن الكبيـره بالرجـل ..
قـد تكون انتقاديـه . أو اجتماعيـه .. لكـن اتمنـى أن تكـون بموجب النصيحه لهن . ولن أذكـر اوطـان ولن اذكر اسماء حقيقه .. لكـن هي مقتبسه من واقع وأنا احـاول أن يكون بها شي من خيـالي ..

وهـيا لنبــدأ...



الجـزء الأول

[فيتامين سي]

الجـزء الأول

*أميـره ..
الاسـم : أميـره ..
العمـر : 32
عدد : الابناء (5) ( رامي – رهف – رسيل – ريم – رؤوف)
الحاله : متزوجه ( اسـم الزوج حمـد)

أميـره .. عـانت بحيـاتهـا كثيرا .. لنـرى ماهـي مشكلتهـا ..

أميـره : رهف ابـوك وينـه ماجاء البيت للحين
رهف : لا يمه ابوي ماجاء بدق عليه اشوفه انتي متى تجين
أميره : مدري ليش تبون شي
رهف : ترى حنا بالبيت ماعندنا احد .
أميره : دقوا على ابوكم انا مالي شغل
رهف (تتصل على ابوها ) : يوبا وينك
حمد (الاب ) : انا بالبر انت وش تبون
رهف : نبي غدا نبي ناكل ياخي
حمد : الشغاله عندكم تطبخ لكم
رهف : يوووه منكم مدري ليه عايشين
حمد : دقي على امك خليها تجي
رهف : امي تقول انت تعال البيت
حمد : ليه
رهف : ماعندنا احد
حمد : امك ما تبطل هياته بالاسواق ما تبطل
رهف : مدري والله زوجتك وتفاهم معها
حمد : زين تغدوا انا جاي البيت

وبعد لحظات يأتي الأب البيت ويرى ابناءه ويمارس دور الأم ..

حمد : هاه رامي شعليك واجبات
رامي : خلصتهم
حمد : انتم كتبتم واجباتكم خلصتوا
رهف : رؤؤف عليه امتحان .. مادرس
حمد: امتحان شنو
رووف: رياضيات
حمد : يعني انتم تعرفون اني ماعرف اشرح وماني متعلم بس شسوي بدق على مدرس يجي يدرسه
امكم معلمه عالفاضي كله هايته
رهف : لا حول ولاا قوة الا بالله
حمد : قلت شي غلط
رهف : احنا مالنا شغل بمشاكلكم
حمد ( يتصل على مدرس رياضيات ) : السلام عليكم
المعلم : وعليكم السلام
حمد : ابيك تدرس ولدي خصوصي
المعلم : اوكي ساعتين واكون جاي
حمد : بكم الساعه ب5
المعلم : لاا ب10
حمد : اووف غالي
المعلم : اجي ولا لا
حمد : لا تعال درسه ما عليه


***
ويقضي اليوم يوما دون أم تشعر بأبناءها وزوجها أمرأه بليده لا تراعي مشاعر أحد تهتم بمصلحة ابناءها ولا مصيرهم

[فيتامين سي]

وأب يمارس دور أم وأب في آن واحد ..لاسيمـا أن حقوقه الزوجيه جميعها مهضومه . لكن
لما هذا .. وماهو السبب ... لنـرى



والأن الساعه 11 ليلا دخلت اميره بيتها


أميره : حمد العيال نامو
حمد : ايه نامو
اميره : زين
حمد : ايه العيال عليهم امتحانات وجبت لهم مدرسين
أميره : زين وبعدين
حمد : لا بس اقولك يعني
أميره : زين بنام تبي شي
حمد : لا عوافي

وكلاهما نام على جبنه الأخر .. لا كلام لا أسئله .. لا اهتمام . لا محاسبه


ومع مرور الوقت .. وكثرت هموم وزاد الكتم بقلبهما .. زادت برود الحياه لديهم .. وكأن ازواج ميتين لا يشعرون بقيمه الحياه ..

لكن لا بـد من وجود السبب

والسبب ..

فـي نـدوه أقيمت فـي احد مدارس التعليم الثانـوي
تحت شعار أخطائنا كيف نصححها
تحت مجموعه طلاب واستاذه في علم الأجتماع
وتبدأ الندوه ويخاطبون الطلاب ويضحكون .. وكان من المواضيع التي طرحت .. موضوع الزواج
ولفت انتباه المعلمه أميره .. لكنها .. صبرت حتى انتهت الندوة ..

أميـره : السلام عليكمم
فراس : وعليكم السلام هلا والله
أميره : هلا فيك
فراس : آمري اختي ( بابتسامه)
أميره : عندي مشكله بحياتي وابي اتكلم عنها
فراس : الحين
أميره : يصير
فراس : طبعا لا ( بابتسامه ) بس حياك الله في مكتبنا وأطلبيني اسمي فراس
أميره : اسمك فراس اقولهم فراس بس
فراس : أي بس فراس
أميره : متى تكون موجود
فراس : من العصر لين الساعه 8 الليل
أميره : مشكور
فراس : العفـو بانتظارك

[فيتامين سي]

وألأن ذهبت أميـره للمكتب وجلست تنتظر فراس لتخبره ما تعاني بـه



فـراس : هلا اختي شنو مشكلتك عساني أن أجد حل لها
أميـره : مشكلتي .. مادري أخجل اقولها
فراس: لا أحنا هـني ما نقول لحد ولا ننشر السوالف
أميره : مو عن بس مستحيه اقولك
فراس : يمكن تكون مشكلتك بسيطه
أميره : ما اعتقد
فراس : طيب قولي وش هي
أميره : أنا ببساطه تزوجت ولد عمي .. وحياتي معاه بارده ماحس كانت جميله الا في ايامها الاولى وبعدها مافي شي ابـد كنت احبه ويحبني .. بس الحين مافي شي بينا حتى مايسأل وينك ولا يتصل
فراس : طيب كم عمرك
أميره : 32
فراس : متى تزوجتي ..؟
أميره : 20
فراس : زواجك صارله12 سنه
أميره : تقريبا
فراس : ابناء عندك
اميـره : ايه 5
فراس : مستواك التعليمي
أميره : جامعيه
فراس : زوجك
أميره : متوسط
فراس : صفي زوجك بثلاث كلمات
أميره : طيب غبي قديم
فراس : ههههههههههههههههههههههههه هه
أميره : شفيك تضك
فراس : صفي نفسك بثلاث كلمات ؟
أميره : قياديه احب التعلم طموحه
فراس : اها... طيب قولي وش الاشياء الحلوه الي صارت بحياتك
أميره : اول ماتزوجت لمن جبت رهف ورامي .. كانت حياتي حلوه
فراس : كيف
أميره : كان يهتم فيني حيل ويحبني ومايقصر معاي بشي
فراس : والحين شلي تغير
أميره : مافي شي جديد خلاص سفر سافرنا حب وحبينا
فراس : ليش الحب بين الازواج ينتهي
أميره : مدري
فراس : زين وانتي شلي تبينه
أميره : ابي واحد يهتم فيني
فراس : انتي تغيرين نفسك بين فتره وفتره لزوجك
أميره : ايه
فراس : والشعور
أميره : من بعد ما جبت رامي .. احس بس حياتنا نوم وخلاص مافي شي بس كنه جايبين عيال للناس شوفو ترانا جبنا عيال

فراس : اها
اميره : انسان ما يهتم كله بر وطيور ودجاج خلاص نساني

فراس : مو تحسين ان هذا شي حلو
أميره شلون
فراس : حريم واجد يعانون بشك ازواجهم وتلحقهم
انتي لا جاج زوج مايدري عنج وناسه

أميره : اصلا هذا الشي يخلي المرأه تسوي اشياء غلط وحرام
فراس : شلون
اميره : هذا انا اكلم رجال واطلع معهم شقق ماشوفه سأل عني
فراس : وش هالكلام
أميره : انت وعدتني ماتقول لحد
فراس : ايه ماقول .. بس شنو اللي وصلج لحاله
أميره : مافي اهتمام مافي
فراس : بس مو المشكله الاهتمام هذا شي حرام وكبير
أميره : ادري
فراس : اجل ليش تسويته
أميره : ناقصني هالشي
فراس : ليش ما تطلبين من زوجك
أميره : طلبته وغيرت له وسويت كل شي بس هو لاء
فراس : انتي ما مشيتي على هواه
اميره : ايه هذا انتوا يالرجال توقفون مع بعضكم
فراس : المرأه هي اللي تسلط ضوءها عالرجل وهي اللي تقدر تتحكم فيه
أميره : وش معنى
فراس : في اشياء انقصيتيها بزوجك خليته ما يلبي طلبك شوفي ابحثي انتي وش سويتي بحياتك
عشان ماا صرتي تحبينه
أميره : مثل شو
فراس : ابناءك السفر تغير جو البيت الطلعات هذي وينها
أميره : طلعات ماعمري طلعت معه الا اذا بشتري حاجه وجو البيت مافكرت اغير فيه
فراس : ايه هذا السبب
أميره : لا
فراس : أنتي شكلك ماتجين البيت ولا تساعدين زوجك بالاساس وفوق كل هذا ما تعطينه حماس بحياته الحين علميني متى طلعتي انتي وعيالك لعشا لمنتزه لحديقه تقضون جو عائلي
اميره : ولا مره
فراس : الرجل مايبي المرأه اللي تغيب عن عينه يوميا بأسباب تافهه مثل ما انتي تسوين تسوقين وتعرفين رجال . وهو مثل الغبي قاعد في بيتك
أميره : هو سبب
فراس : أنتي لو تقولين له وتروحين له وتقعدين معه بتتغير حياتك لو تعطينه شوي طاقه بتغير الحياه بتلقينه سعيد وانتي اسعد الحياه مو بس نوم وبس
أميره : محتاجه اجد يفهمني
فراس : راح يفهمك لو فهمتيه
أميره : كيف
فراس : انتي الحين لو تعرفتي على رجال غريب وش بتقولين له
أميره : اكيد بسـأله أسأله شنو تحب ماتحب شرايك
فراس : مثل ما انتي تتعرفين على رجال بالاسلوب الحلو هذا .. تعاملي مع زوجك
أميره : وش دخل ذا بذا
فراس : اذا جت بنت وسوت مثل ماتسوين بزوجك بيحبها صديقيني
أميره : وهذا المطلوب اكمله بهالاسلوب
فراس : المرأه حتى التاريخ ذكرها بتغير الرجل ياما امبراطوريات وودول طاحت بسبه نساء شلون انتم ما تكون عندكم القدره على تغير حال الرجل
أميره : وليش الرجل ما يغير المرأه
فراس : من أنجب الرجل
أميره : المرأه
فراس : من ربا الرجل
أميره : المرأه
فراس : من علم الرجل
اميره : المرأه
فراس : من كمل مسيره حياه الرجل
اميره : المرأه

فراس : أجل كيف المرأه ما تغير حياه الرجل وهي اللي جابته وعلمته وربته وكبرته أخر شي يرتبط بأمرأه تنجب له وترافقه وتعايشه

أميره : اختصر لي

فراس : حبي الاشياء اللي يحبها زوجك البر قولي له نبي نروح البر معاك يحب تربيه الطيور .. حبي الطيور وانواعها وابحثي عنها معلومات .. تتغير حياتك بهوايات الرجل يلتزم عليك نجاح هاللاشياء والماديات والشغالات هذي ماتلزمه
أميـره : اروح معاه البر وبس
فراس : لا طبعا حاولي انك تتقربين منه تسألينه مثل ما تسألين الرجال اللي تعرفينهم مع تغير بالبيت وتعاون بتكون حياتك جميله

أميره : واذا ما نفع هالشي

فراس :كلميني ؟. بس خلي حياتك بها اكشن لا تخلينها كذا ميته

اميره : طيب طيب
فراس : اتركي الخرابيط اللي تسوينها وكوني بالبيت واذا حابه تطلعين
اخذي عيالك وزوجك معك منها يشيل عليك الحساب ويوفر لك ومنها تنبسطون كلكم وتكونون على قلب واحد
اميره : مشكور
فراس : العفوا وكلميني هاه طميني

[فيتامين سي]

وبعـد مرور شهــريــن

أميـره( تتصل بفراس) : السلام عليكمم معاي فراس
فراس : ايه نعم حياك الله من معي
أميره : معاك اميـره عرفتنني
فراس : ايه عرفتك
اميره: هاا
فراس : شخبارك
أميره : طيبه
فراس: شصار معك تعدلت الاوضاع
اميـره : شوي
فراس : الحمدالله
أميره : بس
فراس : تعالي تعالي المكتب بس ساعه بكون موجود عندك مشكله انتي شكلك
أميره : يلا بجي

فراس: طيب انتظرك

اميره : مع السلامه
فراس: مع السلامه

بعـد لحظات قابلت أميره فراس بالمكتب

أميره : السلام عليكم
فراس: عليكم السلام تشربين شي
أميره: لااءء
فراس: يا محمد جيب معك 2 كابشينو 2 مويا
أميره : قلت مالي نفس
فراس : ههههه مب كيفك يا عسل
أميره : مهموومه
فراس : افاا
أمميره : جد والله
فراس : يلا قولي
أميره : جلس يعايرني بدا مستانس بالبدايه ويمزح بس يعايرني
فراس : بأيش
أميره : بمستواي التعليمي يقولي ايه متعلمه ومدري وشو
فراس : وش قلتي له
اميره: ماقلت له شي بس انا اللي بديت
فراس : ليه
أميره : ولدي روؤف كسلان وقلت لحمد رؤؤف طالع عليك غبي فاشل
فراس : ههههههههههههههههههههههههه
اميره : شفيك
فراس: دايم انتوا كذا وتقولون ليه الخليجين يبون من برا
أميره : شتقصد
فراس : الحين انتم تعايرونا بشهادتنا المغربيه والسوريه ماتشوف شهاده الرجال تشوف قلبه تمصعه مصاع ولا انتم اجمل منهم واحلى منهم واحسن اخلاق منهم
أميره : هو بعد سخيف ليه يزعل
فراس : الرجل موو زي الححرمه تتقبل المزح هذا الكلام تقولينه مع صديقاتك خواتك ؟ أما الرجل فأي كلمه يحسب حسابها

أميره : يعني انا غلط
فراس : واكبر غلط
أميره : اووف اوووف اوووف انا تعبت منه
فراس : لانك مشتاقه للهياته
أميره : ايوه والله اشتقت لها
فراس : ههههههههههههههههههههههههه ه
اميره : وتضحك بعد
فراس : أي بضحك على عقلكم الجاهل
أميره : الحريم جاهلات
فراس: أي النساء جاهلات مو كلهم بس اللي مثلك
أميره : انا اموت واعرف كيف صديقاتي ازواجهم مو مثل حمد
فراس : انا بعرف ليه انتي منتي مثل صديقاتك
اميره : أي صح ينقصني الكثير عنهم
فراس : شفتي
اميره : وشو
فراس : انتي كثر ماصلحتي غلطتي
أميره : والعمل
فراس : شجعيه قولي له انت ذكي حفزيه
أميره : اكذب عليه
فراس : ما سمعتي الناس يقولون الرجال زي الطفل
اميره : الا بس مافهمتها
فراس : ولا عمرك راح تفهمي : يعني الرجال يحب اللي يمدحه ويعزز له يحس بالفخر وانتي طال عمرك محطمه زوجكك
أميره: هههههههههههههههههه
فراس : هووووه ده
اميره : شوو
فراس : ضحكتي
أميره : اول مره اضحك من قلب
فراس : لانك عرفتي انك غلطانه
اميره : نصيب
فراس : صح نصيب بس الحياه تتغير اذا تغيرنا
اميره : انصحني
فراس:

" كوني مثل الأم لطفلها .. ومثل العاشقه لحبيبها ومثل الأخت بوفقتها ومثل الزوجـه بطاعتها .. مع زوجك " (قلمي)

" الرجل لا يريد ألا أن يكون اميرا بنظر المرأه .. والمرأه لا تريد ألا تكون واحده بقلب الرجل .." (قلمي)

[فيتامين سي]

الجــزء الأول ...
الشخصيــه الثـانيــه
*نـايـــف




نـايــف : شاب متـزوج حديثأ ماله إلا خمس شهور من زواجه
وطـالب بكليه العلوم الأجتماعيه العمر 22
لنتعرف على هذه الشخصيه

في إشراقه صبـاح .. ويــوم مليئ بالمشاكل .. صحـى نـايــف وألتفت لزوجتـه .. ولكن لن تصحـى

يـظـن بعض النسـأء .. إن الرجل سبب لفشل الحياه
لكن قد قيـل بأن **النساء كيدهن عظيم**

ولكـن نختصــر القصـه ...

نـايــف : منى .. قومي يلا وراي جامعه شنو ما قعدتي يووه قوومي
منـى : تكفى قوم انت منت جاهل
نايف : لاحول ولاقوه الا بالله
منـى : اوف زين بقوم احطلك الريوق ( الفطور)
نايف : زين يلا

نايف يتجهز
ومنى تزهب الفطور

منـى : انت بترجع اليوم
نـايف : شرايج يعني
منـى : زين ماقلت شي صباح خير بس
نـايف : منتي رايحه الكليه
منـى :لا ماني رايحه ودني بيت اهلي
نـايـف /: اوكي
منـى : ترى الساعه 7 ونص
نايف : يلا قومي بوديج اهلج
منـى : ماعندي الا عباتي
نـايــف : ودوامي ماصارت غياب يعطونج انذار بعدين
منـى : كل شي وله عذر
نـايــف : انتي ليش ما تكلميني عن حياتج عن مشاعرج ليش كله ساكته
منـى : انا قصرت معاك بشي
نـايف : لاااء حشى والله قايمه بواجباتي
منـى : شتبي اكثر يعني من اني اطيعك
نـايـف : الطاعه للزوج مو كل شي ياخي ابي احس انج زوجتي مره بس
منـى : يااااوو انت كله حووبه ما تبطل صباااح خيير يابن الناس
نايـف : ايه فعلا صباح خيـر قومي قومي

(( فالسياره نـايــف يشغل أغنيــه نــوال تبغـى الصـدق ))

نـايــف : تحبين نوال
منـى : ايه
نـايف : احلى اغنيه تحبينها شنو
منـى : كل شي حلو
نايـف : مافي شي تحبينـه
منـى : اللي تحبه احبه
نـايـف ( بضيقـه ) : زين
( وصلها بيت اهلها ) ؛ ( وكمل طريقه .. للجامعه )

[فيتامين سي]

جالس يتنظر .. كلاسه بكليه العلوم الاجتماعيه

نـايــف : هللاااا بو الشباب هلا سالم (صديقه
سالم : هلا والله صباح الخير
نـايـف : شخبارك
سالم : الحمدالله بخير ابشرك ملكت على بنت عمي
نـايــف : مبررروووك
سـالم : الله يبارك فيك
نايف : وش علومك
سـالم : طيب الحمدالله انت
نايف : بخير بس متضايق
سـالم : افااا وليش ان شاءالله عسى ماشر
نـايــف : والله مشاكل بالبيت
سـالم : قول وانا اخوك
نـايــف : عيب اتكلم عن مرتي
سـالـم : لا مو عيب من قال عيب ياخي انا اخوك
نـايف : ادري
سـالم : تستحي مني عمرك شفت مني شي مو زين
نـايف : الظليمه شينه حشى والله ماشفت منك الا كل خير
سـالـم : اجل قول
نـايــف : أأأه ياخوك مهموم .. هالمره ماهي راضيه تحسسني انها شريكه حياتي اقولها كل شي عني ماعرف عنها أي شي بس اسمها وعمرها واهلها بس ماعرف عن قلبها وعن حياتها أي شي تخدمني راس الخدمه اطلع معاها اوديها اجيبها انطر منها تعليق واحد مافي

سـالم : زين تهقى تحب غيرك
نـايـف : لا شهالكلام حتى لو تحب غير كان ما رضت تتزوجيني
سـالم : صح
نـايـف : مدري ليه
زين اسمع : بنـروح لفراس خويينا .. تلقاه الحين طالع من كلاسه ..
نـايــف : فراس
سـالم : أيـه
نايـف : شمعنـى
سـالم : ملقبينه سـم الحــريــم يعرف يتعامل معاهم امش نوف علتك شدواها
نـايــف :ههههههههههه هو سم سم بهذي صدقت
سـالم : يلا

( يروحون لفـراس )

سـالم : صبحك الله بالخير
فراس : هلا وغلا شلونكم
سالم ونايف : بخير
فراس : تروحون الكافتيريا ولا المسجد
سالم : لا متريقين امش المسجد
فراس : يلا مشينا

( وهم يمشون )

فراس : شخباركم هه
نـايـف : جايينك بموضوع
فراس: ي الله سترك
سـالم : حلها عاد
فراس : انا كرهت اني تخصصت علم اجتماع وربي
سالم : هه كلنا مثلك
فراس : ويومكم مثلي ليش ما تحلون مشاكلكم بنفسكم
نـايــف : خبرتنا بسيطه انت صارلك 3 سنوات وهم تقوم بدورات
سـالم : احنا مو مثلك ما عندنا جرئه
فراس : يلا بسم الله المسجد

نـايـف : فرراس
فراس : هلااا
نـايـف : انت تعرفني وانا اعرفك تراك ولد عمي
فراس : كلامك خطير قول
سـالم : اقول نـايــف ترانا ربعك وماهي من علوم المراجل نشتم فيك وترانا سترك وغطاك واللي يعيبك يعيبنا
فراس : وانا ولد عمك واللي يضرك يضرني
نـايــف : اسمعووا
فراس وسالم : أأسـلــمم
نـايـف : انا مرتي ما تتوافق معاي كله ما تقولي رايها ماعمرها اطلبت مني شي هديه طلعه سفره ماعمرها 5 شهور ما عمرها شاركتني بشي مغير فراشي واكلي وشربي تسويه وتنظف الشقه وترتب ملابسي وتنام معاي وبس وغير هذا لا فراس اطلعها سينما اطلعها بحر اسفرها ما تقول ابي ماتقول ما تطلب مني شي كل همها .. بس توكلني تغسل ملابسسي وتنام زي الشغاله ما تامر بس تنفذ
فراس : زين سألتها ليش
نايف : قلت لها ليش ما تشاركيني ماتقولين لي
فراس : أي
نـايف : تقول ماعندي شي بحياتي مهم اقوله ماعندي شي اقوله لك كل شي منك راضيه فيه
فراس : وانت شنو تبي
نايـف : صح كل الرياجيل يبون حريمهم تحت طاعتهم بس صح احنا نحتاج للمشاركه ماعمرها قالت يوم كنت او قريت شي او حتى قالت سمعت خبر حياتي معاها ميته .. ميته مافيها تفاعل ولا شي

سالم : طلقها
فراس : شنو يطلقها
سالم : هي ماتبيه يعني افهم يا غبي
فراس : لا شكووو .. خبل هذا ما عليك منه كمل كمل

نـايــف : شفت اللي درسناه بالرعايه الاجتماعيه اللي قاله الدكتور حمود كله طبقته عليها مااافي شي مشا وياها

فراس : زين اهجرها
نايف : شلوون
فراس : غيب عنها شهر اسبوعين اسبوع
نـايـف : والهدف
فراس : شوفها تسأل ولا تهتم ولالا
نـايــف : زين شلون
فراس : شوف احنا عندنا عطله شهر 1 اقنص معانا بروح ظهران نقنص
نـايف : مع منو
فراس : مع خالد وعوض ومشاري وسلمان
نـايـف : تم
سـالم : هووه انت وياه قلنا عيال عم بس ما تعزمون صاحبكم
فراس : تجي قبل نايف
نايف : ههههههههههههههههههه تفشلنا عند الغريب
فراس : لا ماهو غريب هذا عشيررنا
سـالم : اجل الحين كل واحد يطس لكلاااسه وونشوف بعدين وش يصير

فراس : اتمنى يتعدل وضعك توك متزوج اصبر عالبنت

[فيتامين سي]

بعـد قضاء طويل بالجامعه ... وانتهاء المحاضرات ...

نـايـف ( يتصل ) : الوو منى يلا ربع ساعه واكون عندج اخذج
منى : ان شاءالله
نـايـف : تبين شي
منـى : لا
نـايف : صج والله
منـى : لو ابي بقولك
نايف : اكيد ماتبين شي
منـى : لا
نـايـف : تغديتي
منـى : ايه وخاشه لك غدى
نـايـف : يابعد عمري انتي والله احبج ؛< اول مره يقولها
منـى : زين يلا تعال
نايـف ( صمت وقهر ) : طيب جاي باي
منى : (قفلت الخط ما قالت باي)

# نـايـف :: بتفكيـر .. ** انا شكلي بتعب منها .. خبري البنت تستانس اذا احد قالها كلام حلو هذي لا
الله يعين بس هذي ماقدر اعيش معاها صدق سالم يوم قال طلقها قيام المرأه فيني مو كل شي اتزوج وحده ما تخدمني بس تتفاعل معاي .. وتحسسني بوجودي .. احسن من بنت تسوي واجباتها ... ولاتحس فيني

نـايـف ( يتصـل ) .: منى يلا اطلعي
منى : زين باي

وطول الطريق .. صمت مافي كلام بس تفكير

وصلوا البيت
( دخلت منى تحضر الغدى وتسخنه )


منـى : نايف زهبت لك الغدا
نـايـف : مابي
منـى : كيفك اشيله
نـايف ( بنظره استحقار ) : أيـه مابيه مابيه
منـى : اوكي ( بكل برود)
نايـف : بنام
منـى : عوافي
نايـف : سكري الليت والباب
منـى : ان شاءالله
............................
( لن تتغير الاوضاع سوا الطاعه الدائمه .. والوضع البارد الذي نفذ صبر نايف منه ولن تشعر منى باي نقص أو بأي حاله قهر كأنها البنت الغبيه .. التي لا تدرك طباع زوجها بارده كالثلج لا يحركها حرف أو فعل .. ))


وبعد مرور ثلاث اسابيع.............

نـايـف : يلا امشي بيت أهلج
منى : زين
نايف: اسمعي انا بروح مع ربعي البر وانتي اقعدي مع اهلج
منـى : زين
نايف : حسسسي فيني حسسسسي
منى : انت علامك اللي تبيه ارضا فيه
نـايــف : انتي شنو بشر انتي متأكده انج بنت
منـى : ايه انت شنو شايفني يعني
نـايف : ابي احس انج شريكه بحياتي
منـى : شسوي يعني
نايف : تكلمي قولي انطقي ياخي قولليلي نكته أي شي مثل حكمه ابيات أي شي شاركي بشي حلو ياخي ابج علميني أي شي تحبينه أي شي أي شي
منـى : قلت لك من اول ماعندي

نايف ( بعصبيه) : ماعندج امشي بس بيت اهلج صج انج تقهرررين
منــى : وانت ماعندك سالفه
نـايــف : شلووون بالله
منـى : هذا انا اقوم فيك واطعيك واسكت ولا اقول شي
نااايف : شوووفي انا مابيج تطعيني ولا ابيج حتى تطبخين لي وتغسلين ملابسي ابيج تكونين جنبي تحسسيني انج زوجتي واقرب الناس لي ابي احس ان عندي ادميه اشيل همها وتشيل همي

منـى : استريح بس

(ركبووا السياره ) ( نايف بشده القهر ومنى بكل برود الوضع عادي عندها )
نـايف : وصلنا بيت اهلج
منـى : يلا مع السلامه
نايف : باي

وراح القنص....
وبعد لحظات .. وصـل نـايف المخيم

فـراس : علامك وجهك مختلف لونه
نايـف : السلام
مشاري : طع ماله نفس بعد
عوض : ايه ايه الحين يستانس بهالجو
خالد : هههههههههه محد مزعله غير مرته
مشاري : ههههههههههههههه أي والله الحريم حريم
فراس : اشوه ماتزوجت
خالد : ابرك لك
نايف: انا اشههد
خالد : عاد انا مرتي غير
نـايـف : ي حظك
خالد : بس كله مخسرتني
نايف : الفلوس تروح وتجي
مشاري : اما انا ... كل سفرني ياخي مليت
كله تشوف انستقرام وتقول جيب هذا حط هذا واذبحتني بالككاو والاكل اللي تسويه
نـايــف : وانا عندي وحده غبيه
مشاري : هذا الزين
نايف : وش زينه يحرم والديك
مشاري : مره لا تحاسبك ولا تطلب ولا شي هذا احسن شي ولا بعد تقدر تخونها ولا تسـألك
خالد : مو احنا يفتشون تلفوناتنا ويشوفون حسابتنا البنك ولا بعد كل شوي وينك وينك وينك وينك ولا بعد تقول سمعني صوت ربعك بسمعك بشوف انت مع رياجيل ولا حريم
عوض : عزالله هونت ماني خاطب
فراس : ههههههههههههههههههههههههه هه
مشاري : فراس انت مايحتاج ها كل حياتك بنات
فراس : لا حرام تبت تبت تبت توبه
عوض : خل الولد يستانس
مشاري : البل امو منه بلا من البنات اللي لاحقته ياخي يدقون علي بنات يقولون توسط لنا عند خويك
خالد : أي والله حتى انا يرقموني عشان يكلمون فراس
سالم : عاد انا كله مكاتيب
فراس : صج عاد
مشاري : لا نقص عليك نمزح معاك
فراس : اشوه عبالي صج
سالم : لو صج كان فصلوك من الجامعه
فراس : يعني ترفعون لي
مشاري : اعرس اعرس
نايف : لا تعرس لا تعرس
عوض : انا وياه نبي نعرس على مزيونات للحين ماجت المواصفات المطلوبه
فراس :
أي بالله اعشقه واعشق وصوووفه
وأحب حروف اسمه أربعتها
دال .. ياليت يدي ماتفارق كفوفه
وياء عساني مانحرم من طلتها
ميم .. ليته تسمح شوفته ظروفه
والالف ..وتهنى النفس وتذوق راحتها

عوض : هالله هالله
مشاري : صح لسسانك
نايف : يابختتتها
خالد : ممكن تغير الحروف واسرقها لزوجتي
فراس : هههههههههههههههههههههه < ماعليكم زود

خالد : ليه ما تتزوجها
فراس :هههههههههههههه ماتزوج انا لا بنت في بالي

نايف : احس من كثر ما يحلم بالمواصفات الذهبيه ماراح يتزوج الا عبده

فراس : تكفى لا تذكرني بالعبدات تكفى
نايف : الولد متعقد كل ماعشق له بنت طلعت عبده ههههههههههههههههههههههههه ه
فراس : تذكر يوم بالرياض نواعد البنت اللي صارلي اربع سنين اكلمها وكل مره تقولي اذا شفتني بتخقققق ويوم شفناها عند الدرج المحترك واحنا صاعدين الا هي عبده ههههههههه وننزل من الدرج الثاني منحاشين ههههههههههههههه
مشاري : ههههههههههههههههههههه من صجكم
نايف : قسم بالله طرنا طيرااان
فراس : تتدري من عقبها حرمنا نكلم بنات
نايف : وبعدين خلاص ما نروح الا الجنوب بناتهم حلوين
فراس : يازينهم
نايف : والله لو اهلي يرضون اتزوج سعوديه قسم بالله ادفع فيها نص مليون
عوض : تبي ازوجك بنات عمي تراهم بالخفجي
مشاري : مزيونات خذ لي منهم
فراس : اصلا السعوديه من تتكلم تضيع بكلامها بس تقولها تكلمي تكلمي
نايف : اصلا صوتهم وكلامهم كله جاذبيه تحس بس تبي تسمعها
عوض : مو بناتنا . واي صج امبيه قطع
فراس : ههههههههههههههههههههه
عوض : سعوديه تجيك .. كذا بالله .. اماا عااد كلام جميل تطرب له مسامع الاذن
سالم : عاد الاماراتيات اويلالااه ؛؛ هيه ابويه شو بغيت .. شيل هالرمسه احبك مول .. حدي ميهوده هههههههه
فراس : يلا مشينا نتزوج
مشاري : 1 سعوديه والثانيه اماراتيه والثالثه عراقيه
خالد : يووه عاد كلام العراقيات عذاب شقد انت هسه اروح لك فدوه وداعتك ياخي كلام العراق يمصع القلب

فراس : ماتبون الرابعه لبنانيه
خالد: هههههههههه حمص وتبوله وفتوش
فراس : جب عاد بنات الديره مافي احسن منهم اولى فينا
خالد : بس الدلع فيهم ماييلييق كلاممنا غثيث قسسم يايه ديايه واي امبيه ماينبلع موومثل السعوديه لمن تقوله خاله ولا جايه .. ياخي الحرف من منطقهم يطلع غير
فراس : السعوديات فيه دلع فطره الا عاد الخبلات
سالم : حتى الاماراتيات يعيبونك
فراس : قلب اماراتي الاخ
سالم : لو اتكلم من باجر مافي غير بنت ديرتي
فراس : هذولا اللي بيرضون فينا
نايف : أي والله صدقت

[فيتامين سي]

( وبعد مرور اسبوعين من القنص واصطياد الطيور)


فـراس: مأسـالت
نايف : لاااء ولا فكرت
فراس : دز لها شلونج
نايف : انا قررت
فراس : شنوو
نايف : بطلقها
فراس : ليه
نايف: هذا اللي بسويه
فراس : مو هذا الحل
نايف : حاولت فيها يا فراس لا تتوقع اني ما كلمتها
كل مره ادز لها صباح الخير
فراس: أي
نايف : حتى القصايد ارسلتها ما تحس
فراس : حاول زين
نايف : بطلق وخلاص لحد يناقشني واذا تعدلت بردها
فراس : لا تستعجل
نايف : فرااس تراني حاولت واجججد ومافي أي تفاعل حتى اللي بقلبي قلته لها وعااادي عندها
فراس : براحتك

(( بعـد رجـوع ... نـايـف ..طلق زوجته وتزوج بوحده اخرى ))


النصيحــه ,,



#لست طاعة المرأه تقدر مثل مشاركتها بهموم زوجها .. ومراعتها ومشاركتها ومناقشتها فالمرأه شريكه بحياه الرجل . فهي الصديقه والأخت والأم والأبنـه .. على النساء فهم ازواجهن واهتمامهم بـأمور حياتهم .. قبل القيام بواجباتهن نحو الزوج فالشيئ الوجداني هو من يحرك بنا الحياه


# راعي زوجك .. بمشاعره .. وشاركيه واصدقي معه .. كي لا يلقى عليك اللوم بأي لحظه , ان لقى عليك اللوم .. سيندم يقول هذه من قالت كذا وكذا ووقفت بجانبي واونستني وسلتني ورفعت همي عني .. علي ان اعتذر منها وأقدم لها شي تستحقه