10-08-13, 02:03 AM
| #11 | ||||
 
|  [آلبــــــ(10والأخير)ـــــآر ت] [المستشفى] الدكتور/نحن بذلنا كل جهودنا عشان ننقذها لكن ما بايدنا حيلة,,البنت عطتكم عمرها.. [أم خيال اغمى عليها..ومس خيال وشذى مصدومين ما يعرفون شو يقولون] أبو خيال/دكتور الله يخليك قول غير هالكلام[وتدمع عيونه] عبود/أرجوك دكتور,,قول أي شي بس حووور تمووت مستحيييل.. الدكتور/هذي حكمة ربنا وقضاءه وقدره,,ولازم نرضى بهالشي.. عبود/لا حول ولا قوة إلا بالله,,إنا لله وإنا إليه لراجعون.. أبو خيال/إنا لله وإنا إليه لراجعون.. [مس خيال سارت عند حور وشذى تقوم أمها] مس خيال[ترمس حور]/حنيين الله يخلييج لا تخليني,,حنيين ردي علي,,حنيين لا تسيرين عني,,حنييين قوومي أنتي تجذبين علي صح,,أنتي تلعبين معااي,, حنييين قووومي[والدموع أربع أربع].. [يدخل عليها أبوها ويهديها وبعدين ساروا البيت واليوم اللي بعده بدفوننها بعد صلاة الفجر] [بيت أبو خيال,,الصالة] أم خيال/بنتي رااحت[وتصييح] أبو خبال/اذكري الله كله بيد الله سبحانه وتعالى.. عبود/عمتي هدي أعصابج قولي إنا لله وإنا إليه لراجعون.. أم خيال/كييف اهدي وبنتي مااتتت,,كييف!! [شذى عند مس خيال بالغرفة] شذى[تصيح]/خلاص خيال بسج صيااح.. مس خيال/كييف ما اصييح وأختي راحت عني,,أنا خليتها بروحها لولااي ما كانت بتغرق أنا السبب أنا السبب.. شذى/هذا قضاء الله وقدره اذكري الله,, مس خيال/لا إله إلا الله محمد رسول الله,,بس حنين ماتت,,مااتت ياشذى.. شذى[تحضن مس خيال]بس حبيبتي بس,,[وظلت تهديها لين ما رقدت مس خيال] [سارت شذى الصالة] عبود/هاا..شخبار أختج الحين!! شذى/الحمدلله رقدت,,وين امي وابوي!! عبود/ساروا غرفتهم.. شذى/يالله يا كرييم,,والله مب مصدقة اللي صار.. عبود/انا بعد,,راحت عناا فجأة.. شذى/صح أنها ظلت ويانا واايد بالبيت,,بس دخلت قلوبنا بسرعة.. عبود/وهي ما كانت أختي الحقيقية لكنها والله عسل وطيوبة وحبوبة.. شذى/الله يرحمها ويغفرلها ويدخلها جناته.. عبود/آمييين,,والحين كيف بخبر أمي وأبوي ونواري!! شذى/خبرهم بااجر أحسسسن..يمكن لأأنهم راقدين الحيين والوقت مب مناسب.. عبود/الله يعينهم كيف بتحملون الخبر.. شذى/ربك يدبرها,,الله كرييم.. عيود/يالله نسيرر البيت بقينا نحن بس.. شذى/يالله.. [عند مس خيال وهي راقدة حلمت حلم عن حور] [مس خيال كانت قاعدة ويا حور ع البحر وحور كانت سليمة ما فيها شي وكانت تلعب ويا مس خيال وترسم ع الرمل ويتسابقون] مس خيال/حنيين أحبج واايد حور/وانا بعد[وتبتعد شوي شوي عن مس خيال] مس خيال/حنيين,,لا تسيرين عني ,,لا تخليني بروحي,,أنا احببج.. حور/سلمي ع امي وابوي واخواني وربيعاتي واهلي كلهم [وبعدين اختفت] مس خيال[اتصارخ]/حنيييين [وقامت من الرقاد بالليل ودخخلت عليها أمها تطمن عليها] مس خيال/ويين حنين!! أم خيال/خيال بلااج!! مس خيال/كان حلم صح,,أمي قولي كان حلم الله يخلييج.. أم خيال/يالييت حلم يالييت[واتصيح] مس خيال/أمي حنيينن ما ماتت أنا جفتها بالحلم كانت تلعب معاي وتسولف معاي وقالت اسلم عليكم,,وكانت تضحك ومستانسة بعدين اختفت.. أم خيال[تحضنها]/خيال,,خلاص حنين راحت عند ربها وإن شاء الله نلتقي هناك وياها بالجنة.. مس خيال[اتصيح]/آميين أم خيال/يالله ارقدي.انا بسير ارقد.. مس خيال/إن شاء الله.. [وسارت أم خيال غرفتها] مس خيال[اتطالع سرير حور واتصيح]/كل شي يذكرني فييج,,ما اقدر انساج,,ليش سرتي عني!!كنا بنسوي واايد أشياء وبنحقق واايد أحلام,,وينج!!كنتي تخبلين فيني قبل ما ارقد وتتحرطمين يوم ارقد قبلج..تخلصين مكياجي ع ويهج,,وروجي على المراية,,كنتي تصيحين واايد إذا تبين شي,,آآه وينج حنين!!سرتي وخليتيني بروحي,,الغرفة بدونج ولاشي.. .................................................. ............[نشيدة:رحل منهو يسليني!!].................................................. رحـل منـهو يسليني ..وصـار اليوم في قبـره رحل عني وفارقني .. حزين وصرت في حسرة ذكرتـه يوم يحـاكيني ..وهالبسـمات من ثغــره ذكــرتـه يـوم يواســيني .. اذا مـا هلـت العــبـره ذكرتــه يوم يشـكي لـي .. عن همومن ملت صدره ذكرت وهلـت ادمـوعي .. وصـار الفكر في اسره .................................................. .................................................. ...................................... [ويا اليوم اللي بعده,,سووا العزا وعرفوا أهل حور القبليين بوفاتها وانصدموا ووااايد خااصة أمها ونواري,,وعرفوا ربيعاتها,,وعد وسجى اغمى عليهم يوم سمعوا الخبر وفجر صاحت واايد وحضر العزا واايد نااس وخاصة الحريم من معلماتها وربيعاتها وأهلها] [العزى..الصالة.] [عند وعد وسجى وفجر] فجر/والله انصدمت,,يوم قالوا لي أن حنين ماتت,,سارت عنا بهاي السرعة.. سجى/ربيعتي سارت عني,,انا بعد انصدمت,,ولين الحين منصدمة..[وصاحت] فجر[اتطالع وعد]/بلاج وعد ساكتة!! وعد[تصيح]/ما اعرف شو اقول,,ربيععتي حور راحت وما بجوفها مرة ثانية,,أصلاً ما كنت بيي ااهني.. سجى/كيف ما اتيين عزا ربيعتج.. وعد/ما اتحمل هاي المواقف.. فجر/لحظة,,ما اجوف مس خيال وينها!! سجى/ما اعرف,,انسير نسأل أمها!! فجر/استحي.. سجى/أنا بسألها.. فجر/أنزين يالله..يالله وعد تعاي.. وعد/انزيين.. [وساروا عند أم خيال] سجى/خالوه وين مس خيال!! أم خيال/بغرفتها,, سجى/عادي انسير لها.. أم خيال/هيه تفضلوا هااذيك الغرفة.. سجى/مشكووةر خالوه.. أم خيال/عفوا حبيبتي.. [وساروا عند غرفة مس خيال] البنات/السلام عليكم..مممكن ندخل.. مس خيال[قاعدة ع سريرها واتصيح]/وعليكم السلام,,تفضلوا.. البنات/عظم الله أجرج.. مس خيال/أجرنا وأجركم..آسفة ما طلعت لكم برع مالي خلق اجوف حد,, فجر/مسمووحة,,إذا ما تبينا بنطلع عاادي.. مس خيال/لاا عادي,,خلوكم وياي,,تراكم اتذكروني بحنين الله يرحمها.. البنات/الله يرحمها.. سجى/شكلج واايد تعبانة,,عيونج احمرت من الصيااح.. مس خيال/كييف ما اصيح واختي سارت عني,,كانت أختي وروحي وكل شي بالنسبة لي.. سجى/إنا الله وإنا إليه لراجعون.. مس خيال/تعالوا عدالي تعالوا احضنكم واشم ريحة حنين.. [حضنتهم بقوو وصاحت زيادة] [ومرت الأيام والأأسابيع] [قبل بداية الفصل الدراسي الثاني بيوم] [بيت مس خيال,,الصالة] مس خيال/أمي ما ابي اسير المدرسة خلااص,,يمكن استقيل بعد.. أم خيال/لاا يا بنتي,,ليش اتسوين جي!! مس خيال/لان هاي المدرسة تذكرني بحنين الله يرحمها,,وأنا ما ابي اذكرها تعبت,, أبو خيال/لو حنين كانت بينا الحيين,,كانت بتوافق ع هالشي!! مس خيال/هاا,,لا طبعاً,,كانت بتزعل وما بتكلمني.. أبو خيال/عيل خللاص,,هاي السالفة ما يبالها كلام,, أم خيال/أصلاً قعدة البيت مملة,,أحسن المدرسة تتسلين فيها,, مس خيال/اعوذ بالله من قعدة البيت,,ههههه,,أمري لله.. [بيت وعد..غرفتها] عهد/باجر جامعة,,تعب,,بس يالله كرييم..ارمس الحيط اناا,,وعد ارمسج انا.. وعد/هاا..شو تبين,,مالي خلق ارمس حد.. عهد/تحبين حور الله يرحمها!! وعد/كيف ما احبها!!كانتي ربيعتي وأختي وأكثر بعد,,الله يرحمها.. عهد/اهاا..ألله يرحمها.. وعد/مالي خلق اسير المدرسة باجر,,كل ما بجوف مكانها بصييح وكل شي يذكرني فيها,, عهد/طااع,,لازم تسيرين,,شو رايج تتقاعدين بعد وتيلسين فالبيت. وعد/يمكن اسويها,, عهد/وعدوه عن الاستهبال,,أصلاً لو حوور موجودة وأنتي تغيبين عن المدرسة بسببها كانت بتزعل,,صح ولا لا!! وعد/كانت تشجعنا ع الدراسة واتضاربنا إذا اتحرطمنا عن الدراسة وكانت تحب الدراسة واايد لأانها كانت تبي تصير معلمة.. عهد/ايواا,,اونه زيين زين حلم واايد حلوو,,وكل هاذا ما تبين اتسيرين المدرسة!! وعد/خلاص غيرت رايي,, عهد/صح أنتي شو تبين تصيرين يوم تكبرين!! وعد/كنت بستوي دكتورة,,بس بغيت احقق حلم حور واصير معلمة.. عهد/شي حلوو,,معلمة شو!! وعد/معلمة أطفال.. عهد/هي كانت تحب الأطفال!! وعد/وااايد,,لدرجة فظيعة.. عهد/الله يرحمها.. وعد/آمييين [فجر ترمس سجى ع الواتس آب] فجر/سجووي,,وعد ما ترمس وياي مثل قبل احس واايد تغيرت بعد وفاة حنين الله يرحمها,.. سجى/يمكن لأانها متعودة ارمسها كل يوم ويسولفون ويضحكون فتغير عليها الوضع,,لا تحاتين كلنا جي مالنا خلق نرمس,,الله كرييم.. فجر/هييه والله,,مالي خلق اسير المدرسة باجر.. سجى/أنا بعاد.. [وتدخل عليهم وعد المحادثة] وعد/بلاكم تتحرطمون!!خلوكم ريلاكس,,لو حور اهني بتزعل منكم.. سجى/باسم الله.. فجر/وعد..فيج شي!! وعد/لا مافيني شي,صج أن حور سارت عنا لكن بتم اهني في قلوبنا وبين أيامنا وليالينا.. سجى/صح كلامج..حنين بتم في قلوبنا.. فجر/وأخييراً,,رجعت وعد القبلية.. وعد/هههههههههههه سجى/ربي يديم الضحكات في وجوهنا.. فجر ووعد/أمييين.. وعد/انزيين,,بخلييكم الحيين,,ولا تنسون تددعون لحواري.. فجر/مع السلامة,,أبداً ما انسيها من دعواتي.. سجى/مع السلامة وربي يحفظج..مي تووو بكل صلاتي ادعي لها.. [بيت عبود وشذى..الصالة] عبود/ومتى صار ها كله!! شذى/أمس يوم كنت بالدوام,,سرت ويا أمي المستشفى وقالوا لي.. عبود/الله ونااسة.بنت ولا ولد!! شذى/طااع,,بعده توني بالشهر الثاني.. عبود/خخخ..مستعيل ع رزقي.. شذى/حسييت,,أن شو تبا بنت ولا ولد!! عبود/كل شي من ربنا حلوو,,استقبل أي شي.. شذى/ههههه حلووة [بيت مس خيال,,غرفتها] [سارت صوب خزانة حور,,وخذت فونها] مس خيال/محطية رمز بعااد,,منو يعرف له هاذا الحيين!!بخبر ربيعاتها يمكن يعرفوون.. [مس خيال ترمس وعد] مس خيال/وعد..بسألج تعرفين الرمز مال فون حنين!! وعد/امممم..هي مرة قالتلي يمكن رقم فونها أو تاريخ ميلادها.. مس خيال/اهاا..جزااج الله خير..بجرب أنا.. [وسارت تجرب وطلع رقم فونها,,وفتحت الصور وبعديين المحادثات,,وظلت تقرأ وتقرأ,,لين ما جافت محادثة حور ويا وعد يوم خبرتها عن سالفة حادثها وأنه كان مقصود] مس خيال/حنيين..ليش خليتيني اتحمل ذنب أني دعمتج,,ليش ما خبرتيني عشان يرتاح ضميري.لييش!! [وسارت ترمس وعد] مس خيال/وعد.. وعد/نعم مس.. مس خيال/ليش ما خبرتيني أن حادث حنين مقصود!! وعد[انصدمت]/هااا..هي قالت لي ما اخبر حد.. مس خيال/اعرف أنها قالت لج ما تخبرين حد..بس هي ما فكرت فيني وبتأنيب الضمير.. وعد/يمكن نست,,مس انسي السالفة,,قولي الله يرحمها ويسامحها.. مس خيال/آمييين.. وعد/مس خيال..أنا بتركج,,بمعنى ثاني بفترق عنج.. مس خيال/ليش!! وعد/لاني السبب بموت حور!! مس خيال/وعد شو تقوليين هذا كله بأمر ربج,,لا تلوميين نفسج.. وعد/أصلاً لولاي.جان حور ما دعمت نفسها وما انكسرت ريولها وما غرقت بالبحر.. مس خيال/وعد..لا تقولين هالكلام مرة ثانية ولا بزعل منج.. وعد/مس صج اللي اقوله..ما اببي احس بتأنييب الضمير.. مس خيال/وعد سمعيني شوي.. وعد/مع السلامة مس,,وربي يحفظج وين ما كنتي,,والسمووحة.ما ابي اسمع شي زياادة.. مس خيال[بنفسها]/يالله ليش يستوي فيني جي..اللي يحبوني تخلوا عني ما بقى حد لي بهاي الدنيا إلا أمي وأبوي ربي يحفظهم ويطول بعمرهم] [مدرسة الأجيال..الحصة الاولى,,اللغة العربية] المعلمة/بنات مال منو هاي الطاولة والكرسي ,,منو غايب!! سجى/مس ها مكان حنين الله يرحمها.. المعلمة/الله يرحمها..انزيين خذوه وراا.. وعد/مس لو سمحتي,,ممكن يخلونه بحاله,,كل ما اجوف طاولتها اتشجع أكثر واحس أنها موجودة ويانا. المعلمة/اوكييه..بنات موافقين ع كلام وعد!! البنات[بصوت عالي]/أكيييييد.. المعلمة/ع راحتكم,,الله يرحمها ويغفر لها,,لا تنسوها من دعائكم.. البنات/إن شاء الله.. [الفسحة] وعد/أنا تركت مس خيال.. فجر/شووو!! سجى/لييش!! وعد/ماا ابي احس بتأنيب الضمير.. فجر/ليش!!أنتي اصلاً شو سويتي!! وعد/أنا السبب في موت حور أناا.. سجى/وعدوه عن الاستهبال,,هذا قضاء ربنا ماله دخل بأي حد.. فجر/حنين الله يرحمها,,كانت تساعدج بس عشان اتجوفين مس خيال..والحين تخربين عليها اللي سوته وتتركينها ليش!! سجى/ليش اتخليتي عنها!! الحين منو ببقى وياها منو يذكرها بحنين,,منو بسولف وياها ويونسها.. وعد/خلااص سكروا السالفة,,محد يقولكم شي باسم الله.. فجر/فكري بالكلام اللي قلته لج,,بتندمين عقب. سجى/هييه والله..حرااام اتسوون بمس خيال جي.. [بعد أيام..العصر بيت وعد,,غرفتها] [وعد تتصل لمس خيال] وعد/آلو السلام عليكم.. مس خيال/وعليكم السلام..شحالج!! وعد/ألحمدلله بخيير.. مس خيال/مب جنه كنتي ما ترمسيني واونج بتتركيني.. وعد/آسفة مس,,,كنت بلحظة غضب وفكرت واايد,,تعبت,,ما قدرت ع فراقج أبداً.. مس خيال/وبعد!! وعد/حور الله يرحمها,,كانت تسوي كل شي عشاني وأنا ليش اخرب اللي اتسويه.. مس خيال/كلاام حلو,,والحين!! وعد/أناا آسفة,,وسامحيني ع اللي سويته ويااج..أبداً ما بخلييج بروحج.. مس خيال/وإذا ما قبلت اعتذارج.. وعد/معاج الحق أنج ما تقبلين اعتذاري وأنا راضية بكل شي تقولينه وتسوينه.. مس خيال/مسمووحة حبيبتي,,وبنظل طول عمرنا خواات,, وعد/والله قلبج أصيل وطيب شرات حواري الله يرحمها.... مس خيال/تسلميين حبيبتي,,الله يرحمها.. وعد/الله يسلمج.. [ورجعوا وعد ومس خيال مثل قبل وأحسن..سجى وفجر ووعد ظلوا مثل ما هم ما بتغيرون أبداً ما يفرقهم ولا شي..وأم نور وأبوها ونور اتعودوا ع البيت بدون حور مع دعائهم لها طبعاً.. وأم خيال وأبو خيال ومس خيال وعبود وشذى استانسوا ع البنوته الحلوة وسموها حنين ع اسم حور الله يرحمها,,مس خيال كانت أكثر وحدة مستانسة ع حنين الصغيرة لأنها كانت تشبه حور الله يرحمها..وبعد سنوات,,اتخرجوا ربيعات حور من الثانية وبعدين الجامعة,,سجى ووعد وفجر كلهم صاروا معلمات أطفال] [بعد خمس سنوات] [ع البحر..عند مس خيال وحنين الصغيرة اللي كملت 5 سنوات] مس خيال/يالله حنين نرسم ع الرمل ونكتب اسامينا.. حنين[فرحانة]/هيه هيه,,بنرسم ع الرمل.. مس خيال[تكتب ع الرمل]/ها اسمي خيال وها اسمج حنين وها اسم حنين بعد.. حنين/ليش حنين اثنين..أنا بث وحدة.. مس خيال/أنا كان عندي أخت اسمها حنين واايد حلوة وتشبهج وطيوبة بعاد.. حنين/وينها!! مس خيال/سافرت مكان بعيييد.. حنين/يالله نروح لها.. مس خيال/ما نقدر نسير لها,,هي بمكان بعييد.. حنين/يوم بكبر بسير لها وباخذج معاي.. مس خيال[اتصيح وتحضن حنين]/حبيبتي والله.. حنين[تمسح دموعها]/ليش اتصيحين خالوه!! مس خيال/قولي خالوه مرة ثانية.. حنين/خالوه.. مس خيال[فرحت]/الله..حلووة.. حنين/عيل خلاص كل يوم بنادييج خالوه,,بس لا تصيحين.. مس خيال/فديتج والله.. حنين/يوم بصير كبييرة أنتي بتدرسيني بالمدرسة.. مس خيال/إن شاء الله,,بس لازم تكونين شاطرة.. حنين/أنا شاطرة..أكييد.. مس خيال/فديت الشطار أنوو..[اتطالع البحر وتقول بنفسها]/ياليت تكونين وياي بهالمكان وبهالجو الحلوو,,ما بنسااج حنيين ولا لحظة ولا لحظة.. جميع الحقوق محفوظة لدى[خيآل طفلة..!*] أتمنى أن تنال إعجابكم...!* | ||||
|  |
|
15-06-14, 07:35 PM
| #15 | |||||||||||
| نجم روايتي وقاصة بقصص من وحي الأعضاء وكاتبة في قلوب أحلام وكاتبة ومحرر لغوي بقسم وحي الخيال - مقيم التسالي - منسق المجلد الأول لوحي الخيال - م  
| شكرا علي الرواية | |||||||||||
|
| |
 |
| الكلمات الدلالية (Tags) |
| مسبح, بقلمي..!*, روآيتي[خيآلها, واقعاً..!] |
| أدوات الموضوع | |
| انواع عرض الموضوع | |
|
|
.png)
.png)
العرض العادي
