آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
27-08-13, 06:10 PM
| #11 | ||||||||
| نجم روايتي وكاتبة في منتدى قصص من وحي الأعضاء 
|  اقتباس:
| ||||||||
|  |
|
27-08-13, 08:04 PM
| #12 | |||||||
| نجم روايتي وكاتبة في منتدى قصص من وحي الأعضاء
| الفصل الثالث عبد الرحمن : كلشي مو صاير اتركنا منها خلينة مرتاحين. عزيز(صار الفار يلعب بعبة): عبد الرحمن شبيك صاير عصبي ؟ سؤالي واضح وبسيط شبيك وياهة ؟ عبد الرحمن : اهووووووووو متكلي انت ليش منطيهة اكبر من حجمهة يعني القسم كله ما بيه بس اسرار حتى نكتل نفسنة اذا تزعل واذا ترضى . عزيز بعصبية: عبد الرحمن احجي عدل منو اللي منطيهة اكبر من حجمهة اني ؟ وبعدين البنية شسوت يعني؟ عبد الرحمن : روح اسئلها . قاطعة عزيز: لا اني دا اسئلك انتِ احجي كول ! عبد الرحمن غمض عيونه كأنه يتذكر شي ما يعجبه : شفتهة واكفة وية واحد تحجي وتضحك ومن سالتهة تكول اخو صديقتي. عزيز:ايييييييييي وبعدين؟ عبد الرحمن : وبعدين رزلتها وشوية قسيت عليهة بالحجي . عزيز: ليش يعني ؟ انت شعليك ؟ اذا اخو صديقتها ولا لا؟ عبد الرحمن بارتباك : شعلية شنو ؟ مو مو هية طالبة من قسمنة وما اريدة تجيها كلمة مو حلوة واللي يمسها يمسنة كلنة . عزيز بعدم تصديق :ايبااااااااااااااه بس! عبد الرحمن احجي الصدك شكلتلها؟ عبد الرحمن يتنهد: ااااه والله ما ادري بس حسيت نار بقلبي من شفتهة تسولف وية هذا الولد وما شفت نفسي غير كدامهة ووو............ عزيز:وشنو؟ عبد الرحمن يعني ليش هيج دتسوي وية البنية ؟ عبد الرحمن :والله ما ادري عزيز لا تسألني .. عزيز : بس اني ادري... عبد الرحمن انت تحبهااا؟ مو؟ عبد الرحمن : هااا ما اعرف عزوز والله بس اللي اعرفه حتى لو احبها ما اكدر اسوي شي .يعني متتذكر اخوية اياد من راد يتزوج زميلتة اشلون انكلبت الدنيا بالبيت عدنة ابوية زعل عليه وامي تمرضت ....اااخ عزيز ما اريد اعيد نفس السيناريو تعرفني كلشي بالدنيا اتحمله الا زعل امي وابوية لحظة,,, احنة ما صدكنا يرضون عليه ويباركون زواجه بس تدري بيه شكد هو مرتاح والبنية طلعت طيبة واصيلة والكل يحبها . عزيز:ادري والله ,اكول تتذكر اول ما حبيت ميس انت شكلتلي؟ عبد الرحمن يضحك : اوووووووووه شذكرك؟ عزيز : لان اريد اكلك نفس الحجاية اكتم وانتظر الوقت المناسب ولا تعلقها بيك وتكسر قلبها بعدين حرام عليك. (عبد الرحمن يقاطعة): بس يا عزيز اسرار تختلف عن ميس عالاقل ميس جيرانكم وتعرف كلشي عنها اصلها من فصلها عاداتهم وتقاليدهم ولا تنسى انه ميس تحبك وتسوي كلشي لخاطرك بس اسرار ما صارلها ويانة كم شهر وما اعرف عنها شي بس ملخبطة كياني والله . عزيز بحزن لحال صديقه : خلاااص لعد اكتم يا خوي وبعدين لا تخليها تتعلق بيك اكثر.. (عبد الرحمن فتح عيونة ) بس عزيز كمل كلامة: صدكني البنات كلش حساسات وعاطفيات والبنية اللي تشوف واحد مهتم بيهة صدكني لا اراديا تتعلق بيه ويا خوفي اسرار تتعلق بيك وبعدين تكسر قلبها_رفقا بالقوارير_ عبد الرحمن بياءس: زين كلي شسوي؟ عزيز: امشي وياية اعتذر منها وعاملها عادي مثل كل الزميلات اعتبرها اختك يا اخي. عبد الرحمن : والله ما اكدر اعتبرهة اختي مااكدر اضحك على نفسي . عزيز يبتسم : اوكي اعتبرها بت عمك بس امشي وياية. عبد الرحمن بتنهيدة طويلة: ياريتها بت عمي وانهي عليها بس. وفعلا صعدو عزيز وعبد الرحمن للقسم بس اتفقو انه عزيز يروح بالاول وبعدين يلحكة عبد الرحمن , اسرار كانت كاعدة بالممر على كرسي لوحدها وبيدها الكراسة تشخبط بيهة رفعت راسها شافت عزيز ابتسمت بوجهه عزيز: يابة يصير اسلم لو لا؟ اسرار ضحكت : ليش ميصير وبعدين السلام لله. عزيز ارتاح من ضحكت: زين عيني السلام عليكم شبيهة الحلوة زعلانة صارلها فترة؟ اسرار : وعليكم السلام ..لا مو زعلانة بس مشغولة شوي وبعدين ليش دا ازعل ما صار شي يعني يستوجب الزعل . عزيز: اي صحيح بس اكو واحد دمة ثكيل اسمة عبد الرحمن سمّعج حجايتين مو عدلات صح لو لا؟؟ اسرار: هو حر يحجي بكيفه وبعدين اريدة يعرف انه اللي يمنعني اغلط هو خوفي من رب العالمين لان اعرف الغلط راح يودي لغلط اكبر بس هو اكلني حاصل فاصل وما انطاني فرصة حتى ادافع عن نفسي عزيز : وهو عرف بغلطتة ويريد يعتذر . اسرار بتردد : عزيز الله يخليك ما اريدة يعتذر ولا شي خلي يعتبر ما صار شي , وبهالاثناء صعد عبد الرحمن وراحلهم وسلم وركز على اسرار: السلام عليكم اشونج اسرار اخبارج؟ اسرار: الحمد لله بخير. عبد الرحمن : اااااا اسرار اني احب اعتذر عن الموقف اللي صار, غصبن عني والله بس اوعدج ما راح يتكرر اسرار : صار خير اعتبر ما صار شي. عبد الرحمن ركز على عيونهة : اكيييييد يعني مو زعلانة؟ اسرار ارتبكت : لااا مو زعلانة نسيت خلاص. عبد الرحمن وبجراة: لعد خليني اشوف ضحكتج حتى ارتاح. اسرا ر احمر وجهها وعزيز استغرب من جراةعبد الرحمن هذا وهو موصيه وحب يغير الموضوع: اييييييه اسرار اخذتي محاضرات مادة علم النفس؟ اسرار: اي الحمد لله البنات ما قصرو وياية. عزيز : وحتى المادة الاضافية اخذتيهة ؟ اسرار: اي ّمادة؟؟ لا ما اعرف بيهة. عزيز : بلي الاستاذ حدّد مادة وكال داخلة بالامتحان ضرورية هسة ننزل اني وعبد الرحمن ننسخلج منها اوكي يلة عبد الرحمن , مشو هو وعبد الرحمن سالة عزيز : عبد الرحمن شبيك؟ حرجتهة البنية اذا اني الولد انحرجت شبيك نسيت نفسك؟ اول مرة اشوفك تتصرف بهالطريقة . عبد الرحمن : مو اكلك ملخبطتني بس ادعي الله يصبرني . واخذ السبحة من جيبة وبدا يستغفر. ومرت الايام وزادت العلاقة بين اسرار والشلة بس ظلت نظرات عبد الرحمن معذبتهة وتريد تعرف شنو سرهن . وبعد الامتحان طلعوا بالممر يراجعون الاسئلة والاجوبة عبدالله وهو يتثاوب : يااا ربيييي والله نعسان وبعيني النومة تدرون ابوية دكلي طبل من السبعة ونص لان يدري عندي امتحان وميريدني اتاخر الله يسامحك حجي . الكل ضحك من كلامه وهو يفرك عيونة مثل الطفل اسرار: هنيالك والله متكعد للسبعة ونص تدري بهالوقت اني اكون بالكلية. عبد الرحمن مستغرب : وليش تجين من وكت واول محاضرة متبدي لل9؟ اسرار: ادري والله بس بابا يطلع لشغله من الصبح ويحب يوصلني بسيارته لهذا تعودنة نطلع الصبح سوية من وكت فما احب ازعلة. عبد الله : اسرار عيني ديري بالج على روحج يعني بنية وحدهة بالكلية من الصبح قصدي حاولي تبقين برة البناية الى ان يتجمعون الطلبة . اسرار: ليش احد يريد ياكلني ؟ عبد الرحمن (بجدية): الصياد الشاطر ميصيد فريسته من اول مرة فديري بالج. اسرار(بلعت ريقها): زين اشلون يعني؟بيهة مجال اخذ مفتاح القاعة ؟ (قاطعها عبد الله): لااا يا حلوة منين تاخذين المفتاح من عادل (المسؤول عن القاعة) اوووووووووه اللي يسمعه يكول عندة مفتاح المدينة مو مفتاح قاعة يومية يوصينة عالممتلكات العامة ولا تشخبطون وديرو بالكم عالسيتات والسبورةخلوهة نظيفة الخ الخ الخ . اسرار بيأس: يعني ماكو طريقة فعلا حيرة. طبعا عبد الرحمن فكّر بطريقة يجيب بيها المفتاح ولأنه كان الكل يحترمة وميرفضلة طلب بالاضافة اللى انه كان يشتغل بشركة اهله للاستيراد والتصدير وكان عادل زميلهم من ضمن اصحاب المحلات اللي يتعاملون وياهم وبنفس اليوم قرر عبد الرحمن يروح لبيت عادل. عبدالرحمن دك الباب طلعتلة بنية صغيرونة سلم عليها وعرف انه بنت اخو عادل كاللهة روحي صيحيلي عمو عادل راحت وبعد شوية طلع عادل اللي تفاجىء من زيارة عبد الرحمن وكان متصور انه جاي يطالبه ببقية الفلوس مالة البضاعة اللي مشتريها. عادل بترحيب: الف هلا بيك عبد الرحمن اتفضل اتفضل والله اعرف تاخرت هواية بالسداد بس ان شاء الله الفلوس هاليومين تكون عندك اسف والله يا خوي بس تعرف السوك اشوية بطىء ووووو..... (قاطعة عبد الرحمن ): هييييييييه على كيفك يمعود خليني اسلم اخذ نفسي شبيك اكلتني والله حتى فلوسك ناسيهة عادل يحك راسه : هاااااااا مووو ........مستغرب من جيتك بهالوقت . عبد الرحمن : لا حبيبي اطمن مو جاي علمود الفلوس براحتك ادفع صدك جذب. عادل تنفس بارتياح : بارك الله بيك زين تفضل للبيت ليش واكف برة؟ عبد الرحمن : عادل اسمعني زين اريد منك مفتاح القاعة انسخ منة نسخة وارجعة الك فد ساعة انوب. عادل : بس يا عبد الرحمن تعرف المفتاح مسؤولية وووووو.... عبد الرحمن: اعرف حبيبي بس صدكني اي شي لا سمح الله يضيع من القاعة اني راح اكون مسول عنة حتى لو قطعة طباشير بس ضروري تنطينياه اليوم ووعد مني راح هذا الموضوع يظل سر بيني وبينك وراح اعتبرة فضل منك اظل شايلة على راسي من فوك عادل باستسلام: والله عبد الرحمن اني اثق بيك الا تعرفني ما انطي المفتاح لابوية. عبد الرحمن : بارك الله بيك وان شاء الله اكون كد الثقة . وفعلا اخذ عبد الرحمن المفتاح وسوة منه نسخة ورجعة لعادل . وفي اليوم الثاني على الساعة سبعة ونص صعدت اسرار للقاعة لكت باب القاعة مفتوح استغربت بس بنفس الوقت فرحت عالاقل تكعد بالقاعة تكون بامان احسن مما تظل برة , دخلت للقاعة ما لكت احد خلت جنطتها عالسيت ووقفت يم المراية تعدل بنفسها الا تتفاجأ بدخول عبد الرحمن للقاعة. عبد الرحمن : السلام عليكم صباح الخير. اسرار: وعليكم السلام صباح النور , شعجب اليوم جايين من وكت؟ عبد الرحمن : لا ماكو احد بس اني جيت بشغلة ضرورية. اسرار قلبها صار يدق طبول لأنه بس هي و وعبد الرحمن بالقاعة , قاطعها عبد الرحمن : اسرار هذا مفتاح القاعة خليه عندج(وترك المفتاح عالسيت) بس ما اريد احد يعرف انه عندج نسخة منه اوكي؟ اسرار ببتسامة: اشكرك والله ليش تعبت نفسك؟ عبد الرحمن رد عليها: تعبج راحة ما سويت شي, (وبإبتسامة ساحرة)بس تريدين الصدك طلعت من البيت بلا ريوك(فطور) وهسة ميت من الجوع فراح انزل للكافتريا وانتظرج هناك اوكي . ونزل حتى بدون ميسمع جوابها , اسرار انصدمت وهية اصلا مو متعودة تكعد وية واحد منهم بالكافتريا لوحدها بس صارت تقنع نفسها اوكي تنزل بس هالمرة واذا طلب مرة ثانية تعتذر وفعلا نزلت اسرار ودخلت للكافتريا اللي كانت فارغة شافت عبد الرحمن حاجز وحدة من الطاولات واول ما شافها وقف وسحبلها الكرسي وكعدت بس لحد الان تسمع دقات قلبها وانفاسها صارت سريعة. عبد الرحمن مرتبك اكثر منها : اااااا اسرار شتحبين تاكلين ؟ اسرار: امممم والله شبعانة بس اشرب كوب شاي اذا ممكن . عبد الرحمن :هسة اشربج احلى شاي من ايد عمي عمران (عامل الكافتريا) اسرار ضحكت: عمك مرة وحدة ؟ رجع عبد الرحمن وحط الاكل عالطاولة . عبد الرحمن : يلة بسم الله, هذا الشاي وهذا بسكت وياه. اسرار: اشكرك , كعدو ساكتين طبعا عبد الرحمن كمل الريوك وانتظر لما اسرار كملت عرفها محرجة منه ولان هو محرج اكثر منها كاللها: اسرار اذا تريدين اخذي راحتج روحي للقاعة واني من يجون الطلبة اصعد . اسرار تنفست الصعداء: اوكي اشكرك عالمفتاح وعالريوك بعد. عبد الرحمن : الشكر لله ما سويت شي. الله معاج . طبعا اسرار راحت من هنا وعبد الرحمن بسرعة طلع جكارة وراح يدخن بعصبية . اسرار من ارتباكها نست الجنطة بالكافتريا فرجعت حتى تاخذها لكت عبدالرحمن واكف يم جهة الشباك يدخن ومندمج حييل لدرجة ما انتبه منو دخل للكافتريا وهية ما حبت تضايقة اخذت جنطتها وطلعت بسرعة وفكرها كله وياه . وفي القاعة في نهاية المحاضرة عبد الله : اكول شباب اشو بطني كامت تقرقر من الجوع منو ينزل وياية للكافتريا؟ عزيز : شعجب ليش مو ماكل ؟ عبد الله : والله طفحت بيضتين بس بعدني جوعان . طبعا البنات اللي كدامهم سمعو كلشي وابتسموا من كلام عبد الله ومنهم اسرار بعدين التفتت شيماء على عبد الله شيماء: طبعا اذا من بدت المحاضرة ليهسة وانت تحجي متكول شتكفيك البيضتين عالاقل لازم تاكل طبقة بيض يا دوب تقايش وياك . الكل ضحك من كلام شيماء . عبد الرحمن : ههههههههههه اكلها مدبسة اتصور شبعت هسة ؟ عبد الله : ها ابو كرش جتك عالحاضر بس بسيطة اذا ما خليتك تتوسل حتى تتريك وياية. عبد الرحمن : لا عبودي بس لا تحلف ,,بالعافية عليك اليوم تريكت احلى ريوك بعد اسبوع ما اتريك. .طبعا اسرار ارتفعت حرارتها من هالكلام وكامت تفكر شنو يقصد احلى ريوك يمكن ويمكن ..اااااااااااه منك لو بس اعرف شتفكر. كملت المحاضرة وكلهم واكفين بالممر كالعادة. عبد الله بتوسل : اكول اسرار انزلي وياية نتريك؟ بس هالمرة الله يخليج. عبد الرحمن وعينة على اسرار واكف على اعصابة ينتظرها ترد اسرار: والله من عيني بس صدكني متريكة وشبعانة والحمد لله . عبد الرحمن ابتسم ابتسامة خفية وارتاح من كلامها . عبد الله يضحك:شنو السالفة لتكونون متريكين سوة واني مو داري بيكم يا ويلكم اذا صدك . اعرف يمكن البارت قصير بس النت بطيء وان شاء الله بعد ساعة انزل بارت يكون طويل توقعاتكم هل تستمر اللقاءات بين عبد الرحمن واسرار ؟ وهل سيعترف بمشاعره تجاهها؟ التعديل الأخير تم بواسطة هبة ; 27-08-13 الساعة 08:22 PM | |||||||
|
| |
|
27-08-13, 09:33 PM
| #13 | |||||
| روايتي مؤسس ومشرفة سابقة وقاصة في منتدى قصص من وحي الاعضاء  
| مشكورة شوق على الفصل الرائع ... أتوقع أن حب أسرار قد تمكن من عبدالرحمن تماماً و خير دليل خوفه و غيرته الشديدة عليها و توقعى أن سيصارحها بهذا الحب و لن يستمع لنصيحة عزيز فالصب تفضحه عيونه ... شوق متابعاكى و شكراً لك | |||||
|
| |
|
28-08-13, 02:06 AM
| #14 | |||||||||||
| نجم روايتي 
| السلام عليكم اختي انتي شوق وروايتك مشوقه جدا جدا وشوقتينه للقادم متابعتج وننتظرج على احر من الجمر روايتج روعه وجميله وسلسله وذكرتنه باحلى ايام بالعمر | |||||||||||
|
| |
|
28-08-13, 09:20 AM
| #15 | ||||||||
| نجم روايتي وكاتبة في منتدى قصص من وحي الأعضاء
| اقتباس:
والله انتي اللي مشكورة يالغالية عالتشجيع المستمر افرح كثيرا لما اشوف تشريفك للقصة وتعليقك الجميل آآه عندما تفضح العيون لا نقول الا ..الله يكون بعون كل العاشقين منورة حبي | ||||||||
|
| |
|
28-08-13, 09:23 AM
| #16 | ||||||||
| نجم روايتي وكاتبة في منتدى قصص من وحي الأعضاء
| اقتباس:
منورة حياتي ومشكورة عالكلام الذوق يالطيبة فعلا احلى ايام العمر هي ايام الجامعة وايام الدراسة .. شرفتيني بهالطلة الحلوة وتابعي معايا يالغالية | ||||||||
|
| |
|
28-08-13, 09:59 AM
| #17 | |||||||
| نجم روايتي وكاتبة في منتدى قصص من وحي الأعضاء
| الفصل الرابع نرجع لزميلة اسرار واللي اسمها ( شيماء ) طبعا شيماء انخطبت وحبت تسوي عزومة غدا على حسابها لطلاب القسم وعزمتهم كلهم ومن ضمنهم اسرار والشلة.وا ثناء وقوفهم بالممر اسرار والشلة ..مرّت شيماء حتى توجهلهم دعوة لحضور حفلة خطوبتها . شيماء : السلام عليكم الكل: وعليكم السلام. شيماء :اكول عيني بس حبيت اعزمكم الاسبوع الجاي بالقاعة الخاصة بالكافتريا يا ريت تشرفوني. عبد الله واللي يعتبر شيماء اخته الكبيرة : ان شاء الله ليش احنة كم شيماء عدنة ؟؟بس صدك شيماء خطيبج يدري بيج تسولفين هواية وتعلقين على كل شي ؟لو اصير فاعل خير واروح احذره منج ؟ شيماء تضحك : اي يدري وطاير بية استاذ عبد الله موت بحسرتك . عبد الله : اهم شي ما عنستي لان والله شايل همج بس رحمتة الخطيبج اذا احنة نص يوم ومدوختنة لعد هو شلون ؟؟مسكين منو داعي علية؟ شيماء : مشكور عبد الله متشيل هم غالي بس لا تنسون انتظركم الاسبوع الجاي واللي ميجي راح ازعل عليه . وبيوم الحفلة كل البنات كانو كاشخات اما اسرار فسوت شعرها كيرلي ولبست تنورة غجرية وقميص جديد وطوخت المكياج شوي وحضرت قالبين واحد بسبوسة وواحد كنافة وبالحفلة الكل كان حاضر, اول شي شيماء كانت طالبة الغدا من المطعم ورتبوه على شكل بوفيه وبعد الغدا كان منهاج الحفلة انه يطلبون اغاني وواحد من الطلبة يؤدي الاغاني بصوتة وهذا الطالب كان اسمه مؤيد لان مو مخلي اغنية جديدة ولا قديمة تعتب عليه فاول شي بدو البنات يطلبون واللي تطلب عمرو دياب واللي تطلب كاظم واللي تطلب فضل شاكر الى ان وصلو الى اسرار اللي طلبت اغنية اصالة ( ليه الغرور) طبعا عبد الرحمن ميعرف بالاغاني بس لانه مؤيد يغني بدون موسيقى فعبد الرحمن بقى يسمع و من سمعها طلبت هالاغنية صار يحلل شنو تقصد بيها ؟ اما مؤيد بدا يغني:ليه الغرور والكبرياء ليه الغرور لالاتباهى بالذكاء ليه الغرور تعوذ من كلمة انا وخلك طبيعي مثلنا حب التواضع الجميل ولا تصير في دمك ثكيل تكسب قلوب لك تميل وتكبر كذا في عيننا ليييه الغرور . طبعا بعدين الطلاب صارو يطلبون الى ان وصلو لعبدالرحمن اللي ما كان يعرف حتى اسماء المطربين اعتذر منهم. بعد ما كملو الغدا, الطلاب قدمو هدية لشيماء, شيماء شكرتهم وبعدين اخذت المايك وكالت للطلبة :عيني بعد ما كملنا طلبات الاغاني يلة تفضلو اشربو عصير وحلويات بس للامانة مو كلها من البيت عدكم البسبوسة والكنافة من ايد الغالية اسرار. بسرعة مؤيد وبيدة قطعة من البسبوسة : الله الله روووعة البسبوسة عاشت ايدج اسرار بس الله يخليج اكتبيلي المقادير حتى اخلي اهلي يسوون مثلها . اسرار: الف عافية و ان شاء الله دقايق وانطيك المقادير . (قاطعهامؤيد): لا عيني ليش مستعجلة خليها على باجر ويا ريت وية المقادير فد قالب صغير بسبوسة حتى اخلي اهلي يجربون عينة. اسرار: من عيني ان شاء الله . هنا عبد الرحمن صار يغلي وبينة وبين نفسة ( الله ياخذك مؤيد قبل متضوك شي من ايدها ,,ااااااه استغفر الله يا رب) وطلع عبد الرحمن برة القاعة اخذ جكارة وصار يدخن وينفخ بالهوا وبينة وبين نفسة ( متكولين شمسوية بحالي انتي ؟ مترتاحين الا تموتيني يعني؟. متكولين منين طلعتي مو كاعد و بالي صافي ؟ يااااااربي الصبر ) وبهالاثناء قاطعة عبد الله: ها عبد الرحمن ليش طلعت ؟ اكو شي. عبد الرحمن : لا ماكو شي بس دخت من الهوسة هسة دقايق وارجع . رجعو سوة للكافتريا وكانت العزومة على وشك تخلص بعدين نط مؤيد: زين عيني انتو كلكم طلبتو اغاني واني لبيت طلبات المشاهدين زين اني اريد اطلب اغنية واريد واحد منكم يغنيلي واحد اسمة عبد الرحمن. الطلاب صاحو بصوت واحد : عاوزين مين ؟ عبد الرحمن . عبد الرحمن : شبيكم ما شبعتو اغاني وبعدين اطمنو اني مو حافظ ولا اغنية يلة كلمن البيتة . الطلاب طبعا ما اقتنعوا وكالولة :اوكي بس لازم تنشد نشيد نختم بيه هالتجمع وبعدين ناخذ صورة جماعية بس عبد الرحمن صار يتعذر لان يخجل ينشد كدام البنات وبعد الحااح شديد وافق ينشد قصيدة البردة وفعلا عم الهدوء وصار عبد الرحمن ينشد : مولاي صلي وسلم دائما ابدا على حبيبك خير الخلق كلهم . طبعا البنات كلهم انجنو على صوتة واسرار صارت تغلي من الغيرة وتتمنى محد يسمع صوته بالدنيا غيرها وزادت غيرتها خصوصا لما سمعت وحدة من الطالبات تتغزل بعبد الرحمن وتكول الصديقتها( فعلا عبد الرحمن صوت وصورة )يعني شكل حلو وصوت حلو. مرت الايام وكانو الطلاب مقبلين على سنة ميلادية جديدة وبدا الطلاب المسيحيين ياخذون اجازات حتى يحتفلون بالكرسمس وية عوائلهم. شلة العبادلة متجمعين لوحدهم يتناقشون .. عبد الله: اكول شباب تعرفون (طوني)هذا الولد المسيحي؟ عزيز: اي اعرفه شبيه؟ عبد الله: لا ما بيه شي بس اليوم اجة كَلي إنه هو واقاربة راح يروحون سفرة للسليمانية(شمال العراق) بمناسبة الكرسمس ويكول اذا احنة النة واهس نروح وياهم حتى تخف الاجرة عليهم. عبد الرحمن : زين هم يروحون للكرسمس احنة شعلينة ما ادري يمكن ميجوز نروح وياهم. (قاطعة عبد الله): ها حجى الشيخ عبد الرحمن ؟ اكول لا تفتي بكيفك هو الولد ما كال تعالو احتفلو ويانة وبعدين يا اخي كل انسان على نيتة يعني نروح وياهم وبعدين نكعد بفندق ونفتر براحتنا. بعدين عبد الله وعبد الرحمن اثنينهم التفتو على عزيز. عزيز: شكوووووووووووو؟ عبدالله : مو انتة ابونة اذا متروح منروح. عزيز: زين روحو انتو اثنينكم. عبد الرحمن : ليش عايف نفسي اروح وية عبد الله لا حبيبي لو انتة ويانة لو منروح يمكن ارجع لو كاتل لو مكتول عبد الله يضحك : لا والله اني المو عايف نفسي اخاف تعقدني اكو واحد بكامل قواه العقلية يروح وية عبد الرحمن , يبوووووو الله يساعد التاخذك تموت ناقصة عمر . عبد الرحمن وعزيز ضحكو من تعليق عبد الله وبعد الاخذ والرد اتفقو يروحون بس ياخذون بالاول اجازة من رئيس القسم وفعلا وافق رئيس القسم وصارت السفرة للسليمانية وكان هذا الاسبوع بالنسبة لاسرار اطول اسبوع مر عليها تحس القاعة ظلمة بدون الشلة اما الشلة فكانو متونسين عالاخر ما خلو مكان ما راحولة وقبل ميرجعون قررو يروحون يشترون هدايا لاهاليهم . عبد الرحمن اشترى هدايا لابوه واخوانة ودخل محل حجابات وعبايات اسلامية حتى يختار لامه الشي الحلو اللي يناسبها وفعلا اختارلها ارقى واغلى عباية وحجاب تليق العمرها وقبل ميحاسب لفت نظرة وحدة دخلت للمحل صارت تسال صاحب المحل عن حجابات مناسبة لبنتها بالجامعة وصاحب المحل طبعا صار يعرضلها الانواع الراقية والمناسبة لكل بشرة وحسب المنيكانات المعروضة يعني كل منيكان لون بشرتها يختلف عن الثانية والهة حجابات تليق بيهة هنا عبد الرحمن قرر.......... , نرجع لعبد الله وعزيز كل واحد اشترى هدايا لاهلة بس ما نسو اسرار من هداياهم , عبد الله اخذلهة دبدوب صغير وعزيز اخذلها دفتر بناتي وقلم موضوع بصندوق مزخرف. نرجع لاسرار طبعا الجو كان متقلب واسرار صارت تاخذ حر وبرد ومو ماخذة احتياطاتها وصارت بيها انفلونزا بس على خفيف وهي طبعا لا تدفي نفسها ولا تشرب سوائل . المهم بعد اسبوع السفرة عبد الرحمن كان اول شخص يجي للجامعة من الصبح بس من دخل القاعة ما لاكى اسرار وظل بالة يمها لذلك نزل يركض ومن طلع من باب البناية صارت اسرار بوجهة طبعا وجهها شعشع من الفرحة بشوفتة بس كان مبين عليها مريضة. عبد الرحمن : ها اسرار اكو شي وين جنتي؟ اسرار وهي تكح (وبصوت ضعيف) لا والله بس نزلت اخذلي كوب شاي بس الكافتريا لسة مقفولة . (قاطعها عبد الرحمن): زين روحي للقاعة هسة واني راح اجيبلج الشاي . وفعلا بعد 5 دقايق صعد عبد الرحمن وبيدة شاي وبسكت انطاهم لاسرار. اسرار بخجل : بارك الله بيك. عبد الرحمن : العفو , اني برة القاعة اذا تحتاجين شي اوكي؟ هزت اسرار راسها .وقبل ميطلع من القاعة صاحتلة اسرار: عبد الرحمن؟الحمد لله عالسلامة. عبد الرحمن : الله يسلمج يا رب. اسرار: ان شاء الله تونستو ؟ عبد الرحمن : الحمد لله غيرنا جو شوية . وتوجه ناحية السيت مالتة وطلع كيس وخلاه كدام اسرار. عبد الرحمن: وهذا شي بسيط يا ريت تقبليه مني . وطلع من القاعة بسرعة حتى قبل ان تشكره. اسرار صارت تضرب اخماس باسداس بأي صفة تقبل منه الهدية ؟بس اكو شي بداخلها منعها انه ترجعلة هديتة وقنعت نفسها انه هذي تكون المرة الاولى والاخيرة . وبعد انتهاء اليوم الدراسي رجعت اسرار للبيت بس كانت كلش مريضة يا دوب دخلت غرفتها وغيرت ملابسها راحت شافت الهدايا فتحت هدية عزيز وفرحت بيهة وفتحت هدية عبد الله وعجبتها وكانت متقصدة انه تخلي هدية عبد الرحمن بالاخير وفعلا فتحتها وتفاجئت بحجابات عدد2 وبالوان راقية ومعاها بطاقة صغيرة مكتوب عليها دعاء (سيد الاستغفار) اسرار دمعت عيونها وفرحت بنفس الوقت وحضنت الحجابات ونامت. وعلى المغرب اندق باب غرفتها الا بصعدة اختها الصغيرة رشا : سوسو حبي ماما تكول يلا كومي صلي المغرب. اسرارمو كادرة ترفع راسها من الحرارة العالية: جاية جاية بس سدي الباب وراج ورجعت نامت . امها قلقت لان اسرار عادة تنزل تصلي وية امها وخواتها جماعة وفعلا صعدت الام ودقت الباب وصاحت على اسرار, دخلت الام وشافت وجه اسرار صاير احمر من الحرارة العالية بسرعة سوتلها كمادات وثاني يوم ابوها اخذها للطبيب وقررلها على اجازة لمدة اسبوع وثاني يوم بالكلية عبد الرحمن كان كاعد على نار ينتظر اسرار لان ظل بالة عليها من شافهة مريضة بس للاسف الاستاذ بلغهم انه اسرار راح تكون هالاسبوع باجازة مرضية وفعلا طاااال الاسبوع وبعد الاسبوع كان المفروض اسرار تداوم بس اسرار تاخرت لانه حسب اجراءات الكلية لازم تاخذ اجازة الطبيب للمستوصف التابع للجامعة حتى يوقعها الطبيب المختص بشؤون الطلبة ولهالسبب تاخرت شوية لان المستوصف ميفتح ابوابه الى الساعة 9 صباحا وكان هذا اليوم هو يوم سبت وعبد الرحمن عينه عالباب يحس بيهة انه اليوم تداومويحسب الثواني حتى يشوفها وفعلا بعد دخول الاستاذ بدقايق اندق باب القاعة ودخلت اسرار وكانت فعلا متغيرة , عبد الرحمن فرك عيونة بس حتى يتاكد اذا هالبنية اسرار لو لا ؟لان فعلا متغيرة بس للاحلى لكن اللي مغير اسرار ما كانت الانفلونزا .... تتوقعون شنو اللي مغير اسرار للأحلى ؟؟ والى اي مدى ستتطور علاقتها بالشلة ؟ التعديل الأخير تم بواسطة هبة ; 29-08-13 الساعة 12:43 AM | |||||||
|
| |
|
28-08-13, 05:21 PM
| #18 | ||||||||
| نجم روايتي وكاتبة في منتدى قصص من وحي الأعضاء  
| مساء الانوار يا شوق حللت اهلا ونزلت سهلا مبروك روايتك الاولى على روايتي واتمنى ان تجدي ما تتمنينه هنا بالنسبة للرواية اعجبني ما قرات يبدو انك متمكنة مما تكتبينه ولكني لا اخفي عليك انني قد وجدت صعوبة في الفهم فانا مغربية ولم تكن لي اي علاقة باللهجة العراقية تبارك الله عليك مع متمنياتي لك بالتوفيق بيزووووو | ||||||||
|
| |
|
29-08-13, 02:42 AM
| #19 | |||||
| روايتي مؤسس ومشرفة سابقة وقاصة في منتدى قصص من وحي الاعضاء
| تسلمى شوق على الفصل الرائع ... توقعى أن أسرار قد دخلت القاعة و كانت متحجبة بالحجاب الذى إشتراه لها عبدالرحمن و توقعى أن هذه الخطوة هى من ستجعله يتحرك نحو الإرتباط بها و تذليل كل الصعاب حتى يتحقق له حلمه ... شوق متابعاكى و شكراً لك | |||||
|
| |
|
29-08-13, 08:05 AM
| #20 | ||||||||
| نجم روايتي وكاتبة في منتدى قصص من وحي الأعضاء
| اقتباس:
مشكورة على كلامك الحلو حبيبتي وربي يبارك بيك تحياتي لكِ ولكل اهل المغرب الاعزاء منورة سويتي | ||||||||
|
| |
|
| الكلمات الدلالية (Tags) |
| الجامعة...قصة, اسرار, عراقية |
| أدوات الموضوع | |
| انواع عرض الموضوع | |
|
|
1Likes
.png)
.png)
العرض العادي
