إسمحلي بس أحبك / للكاتبة إسمي شموخي ، مكتملة - الصفحة 3

لامارا · 09-09-13, 03:41 PM

#$#$#

{ آلـــبـــآرت آلـــعــآشــر }

الساعه صارت 3 بالليل وقريب يأذن الفجر تحديدا عند راشد دخل البيت وهو يغني وامبين من صوته انه سكران سكر الباب وشاف احد يدخل المطبخ راح للمطبخ وشاف رغد نست تأخذ حجابها وقف عند باب المطبخ وهو يطالعها .. رغد تدور بالثلاجه واخيرا لما لقت اللي تبغاه التفتت وشافت راشد .. خافت وانحرجت ماعرفت وش تسوي راح لها راشد وهو مبتسم ..
راشد وهو مبتسم : والله وطلعتي حلووه يارغد
رغد خافت وقالت بتلعثم : ر راشد
راشد : عيوون راشد
دفته رغد لما قرب منها لكن هو كان اقوى منها ومو بعقله بعد .. وقفه صراخ ابوه : راشـــد
وابعده عن رغد ورغد راحت ركض على فوق وهي تصيح ..
راشد انصدم ووقف بمكانه وقال بتردد : يبه
ابو راشد راح له وعطاه كف وقال بعصبيه : انته مينوون مو صاحي هذي اخرة تربيتي فيك
راشد منصدم وطالع بأبوه ..
ابو راشد بعصبيه : يلا اشوف على غرفتك
راشد كان بيروح لكن ابو مسكه من ذراعه ووقفه وطالع فيه وقاله : انته سكران !! حسافة تربيتي فيك يالثور
ترك يده وكمل بعصبيه : روح لغرفتك وتسبح
راح راشد لغرفته وابو راشد مصدوم من اللي شافه !!

#$#$#

عند رغد اللي دخلت الحمام بسرعه قبل لا احد يحس فيها وغسلت وجهها تحاول تنسى اللي صار قبل اشوي ماهي مصدقه اللي صار قبل اشوي وثقت فيه لو هو كان جد يحبها كان ما استغل هذي الفرصه احتقرت نفسها انها حبته وحاولت تستجمع كل قوه فيها باقيه ودخلت عند البنات وشافتهم منسدحين ومسكرين اللمبات راحت لسريرها كل ما تذكرت الموقف صاحت سمعتها وسن وحست فيها راحت لها بعد ماكل البنات ناموا وقالت لها انها تنتظرها بره .. بعد دقايق وهم في الصاله اللي فوق
وسن وهي مستغربه : وش فيك تصيحين صاير شي
رغد وهي تحاول توقف دموعها : لا
وسن : كذابه .. رغد وش فيك
رغد ماقدرت .. تحس شي جالس على قلبها قالت وهي تستعد لنوبة البكاء وبصوت خفيف علشان لحد يسمعهم وهي تتلعثم : راشد حاول يعتدي علي
وسن استغربت وانصدمت : اييش ؟؟!!!
رغد ضمت وسن وقالت : تكفين لا تقولين لأحد
وسن خافت عليها وضمتها وقالت لها : اكيد خلاص اهدي يارغد
رغد وهي تحاول انه مايعلا صوتها : خالي شافنا وبعدها رحت ركض قبل لا ... ( واستسلمت للبكي )
وسن وهي تمسح على شعرها : خلاص يارغد زين انه خالي لحق عليك خلاص يارغد
رغد وهي تشاهق وتحاول تكتم صوتها : وثقت فيه يا وسن وثقت فيه
وسن نزلت دمعتها لكن بسرعه مسحتها علشان ماتحس فيها رغد ..
حاولت تهديها وصلوا الفجر وبعدها وسن نامت جمب رغد علشان تهديها من الخوف اللي فيها

#$#$#

عند محمد واسماء.. كانوا كلهم جالسين بالصاله ويتفرجون على فيلم لما خلص الفيلم محمد شاف فجر وسالم نايمين شالهم وصعدهم على فوق واسماء على طول صعدت فوق واخذت جوالها وهي ترتجف وخايفه يشوفها محمد لما شافت رقم حمد ..
اسماء بصوت مرتجف : حمد محمد راح يعرف تكفى لا تتصل علي
حمد قال بسرعه : وش فيك كذا خايفه لايكون مد يده عليك
اسماء وهي تبلع ريقها وتطالع الباب : لا بس انته لما رجعت .. رجعت لي كل شي انا نسيت اني متزوجه وهذي تعتبر خيانه
حمد مو مصدق : وش تقصدين .. تقصدين انساك ؟؟ انتي عارفه هالشي مستحيل
اسماء قالت بسرعه : باي بااي محمد جاء
وسكرته بسرعه وحطته على الكومدينه ..
محمد سكر الباب وطالعها بنظرات شك : شفيه ويهج جذي
اسماء تصنعت الابتسامه : لا مافيني شي
محمد مايدري ليه يحسها تكذب .. انتظرها الين راحت للحمام وبعدها اخذ جوالها وشاف رقم غريب احفظه بجواله ولما طلعت على طول رجعه بمكانه وسوا نفسه نايم ..

$#$#$

صار اليوم الثاني على بريطانيا طلعت هند من المستشفى بعد رفض الدكتور انها تطلع وانه حالتها ماتسمح لكنها طلعت وراحت مع ريناد المطار وبعد ما انتظروا لمده بسيطه اركبوا الطياره .. امسكت ريناد يد هند وطالعتها هند ابتسمت لها ريناد تطمنها .. هند ردت لها بإبتسامه علشان تطمنها عليها .. ودها تقولها باللي صار لكن ماتقدر تخلي صديقة عمرها او بالأحرى بمثابة اخت لها تشاركها هذا العذاب الأبدي طالعت بشباك الطياره وقلبها ينبض بقوه خايفه من بكره وش بيجيب لها مافرحت بتخرجها ولا راح تفرح بعرس اختها لأنه بداخلها مراره بداخلها حزن عميق ودها تصرخ بأقوى ماعندها واذا استلزم الأمر ودها تذبح اللي سبب لها هالمعاناة ..

#$#$#

عند آلاء وحمد بالسعوديه ..الساعه صارت 9 الصبح .. طلعت آلاء من غرفتها كأنها تدور على شي بخوف .. حمد عرف وابتسم وهو يشرب العصير وقال ببرود يبي يقهرها : وش تدورين
آلاء وهي تدور وخايفه انه الصورة ضاعت : مالك دخل
حمد وهو ماسك ضحكته ووناسته : الصورة صح ؟؟
آلاء وقفت فجأه وطالعته وقالت بحيره : وينها
حمد بإبتسامه يبي يقهرها فيها : ما ادري
آلاء تحس دموعها بتنزل هذا الشي الوحيد المتبقي من هشام : وينها ياحمد وينهاا
حمد بغرور وبإبتسامه اكبر : بزبالة المطبخ
آلاء راحت للزباله وشافت مافيها شي
آلاء وهي تنزل دموعها : ليه تسوي كذا
حمد ابتسم وورجعت ملامحه العاديه وقال بصوت عالي :لأنه هشام مااااات مات خلاص راح انتي غبيييه
آلاء امسحت دموعها وقالت وهي تستجمع قوتها :رميتها صح تحسب انك اذا رميتها راح انساه لا تدري ليه لأنه هشام بقلبي وماراح انساه ابد حتى لو اني جبت عيال وكبرت وصرت عجوز ماراح انساه تعرف ايش هذا هذا اسمه حب يامتخلف
توجهت تبي تطلع من المطبخ لكن مسكها رائد من ذراعها وقال ببرود يعكس اللي داخله من غضب : ليه ؟؟ علشانه سمعك كم كلمه حلوه
آلاء سحبت يدها بقوه وقالت : خلك مع تفكيرك المتخلف اصلا عمره ماكلمني لكن كنت اعرف بحبه لي ووفاءه لي
وراحت لغرفتها ..
حمد راح لغرفتها وقال بعصبيه : وانتي ليه تحبينه لييه
آلاء وهي تمسح دموعها : مالك دخل فيني هذا حب يااخ حمد ولا انت ماتحب اسماء
حمد تذكر اسماء هو كان عارف انه راح يصير كذا لكنه يحبها تضايق حيل وطلع بره غرفتها وجلس على الكنبه وهو يطالع جواله تأمل ولو دقيقه انها تتصل وتقوله زوجي طلقني اي خبر عنها يفرحهه لكن ماكان في امل تفاجأ لما سمع آلاء تقوله : حمد انا اسفه
التفت يطالعها ورجع طالع قدامه وقال بنرفزه : نعم وش تبين
آلاء ماتدري ليه هي اصلا تعتذر منه لكن ملامح وجهه لما نطقت اسم اسماء تغيرت 180 درجه ..
آلاء : ليش ماتتزوجها دامك تحبها
حمد حس انه آلاء جت عالجرح وقال بدون مايحس وبألم يحاول يخفيه : لأنها تزوجت والحين عندها عيال وماتبي تخون زوجها
آلاء ماتوقعت انه يقولها لكنها قالت : اها .. اجل كل واحد فينا يحب شخص معين يعني لاعاد تمد يدك علي لما اتكلم عن هشام
حمد التفت يطالعها وعيونه كلها عصبيه..
آلاء خافت وتندمت انها قالت كذا ..
حمد بنرفزه : على فكره يا آلاء اذا بنستمر كذا عمرنا ماراح نتعود على بعض
آلاء وقفت وقالت بحده : اجل لا تعاملني كأني بزره اوكي
حمد تنرفز لكن اخذ نفس يهدي اعصابه ..
آلاء ماتدري ليه حست ماعندها ظهر من بعد ماطردها ابوها اخر مره قالت ودموعها تنزل : كل واحد فينا يخون الثاني وتبيني اتعود عليك !!
حمد طالعها وقال بسخريه وبعصبيه : لا والله احلفي بس احنا مانحب بعض علشان تسمينها خيانه اوكي فلا تحاولين تحسسيني بالذنب
آلاء بعصبيه : مو انت اللي تقول لازم اطلع بالزوجه المحبه والوفيه وانت مو من حقك تسوي كذا
حمد : ايوه بالضبط خلك كذا تصرفي كبزره وقولي ما انتي بزره دايما كذا ولو كان الحوار اللي بيننا بسيط قلبتيه هواش
آلاء عقدت حواجبها بإستغراب : لا بعد حسسني بالذنب يازوجي الخاين مو انت اللي المفروض تحس بالذنب
حمد ابتسم بسخريه : والله ما ادري مين اللي المفروض يحس بالذنب انا ولا المتعلقه بحبيبها الميت
آلاء بعصبيه وصراخ : على الأقل حبيبي ميت مو زيك تكلم وحده متزوجه يالمتخلف
حمد بصراخ وعصبيه اكثر : لا ماشاء الله وفيه زياده عن اللزوم ياحبي
آلاء عصبت اكثر وقالت بصراخ : لا تقولي حبي انا ما احبك يالسخيف
حمد من بين اسنانه : روحي لغرفتك ولا تطلعين منها
آلاء عطته نظرة احتقار ودخلت لغرفتها وسكرت الباب بقووه ..

#$#$#

عند بيت جود الساعه 3 العصر .. ابو عبدالرحمن وام عبدالرحمن وجود كانوا جالسين بالصاله بعد ماخلصوا من الغدا
جود : يبا
ابو عبدالرحمن طالعها بإبتسامه : هلا
جود : يبا ودي اسافر
ابو عبدالرحمن : هالفتره انا مشغول خليها بعد اسبوعين
جود : لا يبا بروحي
ابو عبدالرحمن طالع ام عبدالرحمن اللي انصدمت
ام عبدالرحمن : بروحج لا
ابو عبدالرحمن : ايه صح كلام امج يا بنيتي بروحج لا
جود تنهدت واتكتفت وقالت : بسافر لباريس اغير جو
ابو عبدالرحمن : لا سمعتيني
جود تنرفزت وصعدت فوق ..
اخذت مفتاح سيارتها وراحت بتطلع ..
جود وهي تفتح الباب : بطلع
وطلعت بدون ماتسمع راي احد
ام عبدالرحمن طالعت بأبو عبدالرحمن ..
ابو عبدالرحمن : يعني شسوي
ام عبدالرحمن تأفأفت وطالعت التلفزيون ..
اما جود راحت تتمشى على البحر فجأه شافت سعود ومعاه وحده قالت بنفسها : (اكيد خطيبته ويع انا احلى)
وراحت لهم وهي ناويه على شر
جود بإبتسامه : اوه سعود انته اهنيه اشتقت لك واااايد
طالعتها خطيبة سعود وطالعت سعود ورجعت تطالعها ورفعت حاجبها وقالت : ومنو انتي
سعود توهق وقال : هذي ..
قاطعته جود وقالت : امبييه شنو ماقلت لها اتصدقين كله يسولف لي عنج (طالعت سعود ) حرام عليك ترى حلووه ظلمتها
سعود بعصبيه : متى سولفت وياج انا انتي منو اصلا
خطيبة سعود وقفت وقالت بعصبيه : ماشي ياسعود مااشي
وراحت وحاول يلحقها سعود لكنها اخذت سيارتها ومشت
سعود طالع جود بعصبيه : انتي مينونه مو صاحيه انتي شتبين
جود وهي تلعب بشعرها : هذي اللي تحبها وميت عليها ولا بعد خاطبها ويييه انا احلى
سعود بعصبيه : مالج دخل اوكي وطلعي من حياتي احسن لج
جود بعصبيه : ماراح اطلع من حياتك ياسعود مو انته اللي تلغيني اوكي
سعود بعصبيه : تعالجي انتي مريضه نفسيه
جود بصراخ : سعود انا احبك
سعود عصب اكثر : وانا مو طايقج انتي مريضة نفسيا اوكي غلطت يوم واسيتج واعتبرتج مثل اختي الصغيره
جود : وانا حبيتك ياسعود
سعود طنشها وركب سيارته ..
جود انصدمت واجلست على اقرب كرسي وقالت بنفسها ( انا شنو قاعده اسوي .. آآآآخ وينج ياعبير وييينج )

$#$#$

برب ..

لامارا · 09-09-13, 03:41 PM

$#$#$

جا ثاني يوم وهم ينتظرونه بفارغ الصبر فرحة ام رائد وابو رائد بحضور هند وفرحة عائلة ابو عبدالله وام عبدالله من طلعة عبدالله من السجن ..
هم تحديدا موجودين بالمطار علشان ينتظرون هند توصل كلهم ينتظرونها على احر من الجمر ..
طالعت هند بالباب اللي يفصلها بينها وبين اهلها مجرد خطوات بسيطه تمسكت بيد ريناد وملامحها باين عليها الخوف .. التفتت لها ريناد وقالت لها بإستغراب : هند اشفيج
هند بخوف : ما ادري وش فيني
ريناد : اهلنا ينطرونا شنو مو مشتاقة لهم
هند اخذت نفس وراحت تلتقي بأهلها وتأخذهم بالاحضان بعد فتره راحت معاهم بالسياره ..
رائد : هاه وش سويتي هناك
هند ماتدري ليه خافت من سؤاله : ابد ولاشي بس اشتقت لكم وااجد
وسن وهي تغمز لها : اييه صح علينااا
هند ابتسمت لوسن : اسكتي بس والله جد (طالعت ام رائد ) واشتقت لطبخك ولك يايمه
ام رائد ابتسمت لها وهي جد فرحانه انه بنتها معاها ..
رغد بمزح : اشوف هند اخذتك مننا يمه
ريم : بزره البنت توها جايه صارلها سبع سنين مانشوفها الا اسبوع ولا احيانا مانسمع الا صوتها
رغد : ريمو ماني بزره شوفيها يمه بتتزوج وحسبت نفسها حرمه اسكتي طيب
ابو رائد : لا حول ولاقوة الا بالله لا تتهاوشون شوفوا بوصلكم للبيت وانا بروح لأبو عبدالله بشوف وش صار
ام رائد تنهدت : واخيرا بيطلع والله يا انه اختي بتفرح الله يفرحج يا اخيتي ويبرد قلبج
وسن : يبا ترى طفشنا مع جلستنا ببيت خالي ليه ماتحجز لنا فندق نرتاح فيه
ابو رائد : وانا لقيت وقلت لا الفنادق اللي امس شفتها مليانه بشوف ان شاءالله اليوم
وسن طالعت رغد وابتسمت لها ..
ام رائد : واللي يعافيك يا ابو رائد ودني لأختي
ابو رائد : ان شاءالله

#$#$#

عند بيت ابو راشد .. ابو راشد دخل على غرفة راشد وشافه جالس على كرسيه ومسند راسه ..
ابو راشد بنرفزه : هيييه قوووم
قام راشد بتعب من راسه ..
ابو راشد بنرفزه : اسمعني زين تصلح غلطتك يالغبي فاهم ولا لا
راشد عقد حواجبه : وانا شمسوي
ابوراشد ضحك بسخريه وقال بنرفزه : اكيد ماراح تعرف من السم اللي شربته تصلح غلطتك يعني تصلحها مو كفايه بغيت تعتدي عليها
راشد واللي تذكر بصعوبه بلع ريقه وقال : بس يبا انا ماكنت بعقلي ..
انصدم بكف من ابوه وقاله بعصبيه : جب وبعد تعترف فوق شينك قواة عينك تتزوجها يعني تتزوجها مو اذا عرف ابوها راح تروح بخبر كان يالغبي
راشد عصب وتنرفز بس سكت ..
وطلع ابو راشد بره الغرفه ..

#$#$#

دخلوا عايلة ابو رائد ببيت ابو عبدالله طبعا بس الحريم اما الرجال على طول راحوا .. رائد بروحته شاف جود وخواتها وازواجهم وامها الزبده ماميز غير جود ..
رجعه على الواقع صوت ابو رائد : يلا يارائد امش
مشا رائد مع ابو رائد ووصلوا للسجن وشاف ابو عبدالله واقف مع يوسف وعبدالعزيز وابوعبدالرحمن ..
ابو رائد : السلام عليكم
الكل : وعليكم السلام
بعد دقايق حسوها البعض ساعات طلع عبدالله .. وابو عبدالله من فرحته راح ضمه بقوه وهو مو مصدق انه ولده بأحضانه .. وبعد فتره بسيطه ضموه اخوانه وسلموا عليه والكل سلموا عليه بعد .. وبعدها ركبوا السياره علشان يروحون للبيت ..

$#$#$

عند ام عبدالله .. اللي حالتها حاله وهي تنتظر ولدها على احر من الجمر وام رائد تهديها .. لحظات بسيطه ودخل عبدالله راحت له امه مو مصدقه وجلست تضمه وتطالع وجهه وتبوس خده وتضمه وتصيح بعد فتره هداها عبدالله وراح لمجلس الرجال .. عبدالعزيز يطالع رائد بإحتقار ورائد شافه لكن طنشه حتى عبدالعزيز يفشله بالكلام .. امسكه يوسف من يده وطلعه من المجلس ..
عبدالعزيز وهو عاقد حواجبه: شفيك جذي ساحبني
يوسف تنرفز وقال : ناوي تسوي مشاكل انته مينون مو صاحي
عبدالعزيز رفع حاجبه وقال ببرود : وانته شكو
يوسف عصب لكن مسك اعصابه وقال : هذا اخو خطيبتي يالغبي ولا ناوي تقلبها هواش بعدين رائد مايستاهل الا اذا انته متهاوش وياه
عبدالعزيز تنهد : عاد هذي شغله مالك دخل فيها
يوسف عصب اكثر : شوف اسمعني زين ترى انته قاعد تضايق ابو رائد بعد وتضايقنا كلنا مو طايقه لا تكلمه فاهم
عبدالعزيز طنشه ودخل المجلس .. يوسف اخذ نفس يهدي اعصابه ودخل للمجلس .. بعد دقايق جا الغدا وتغدوا وبعد الغدا بفتره بسيطه الكل راح ماعدا عايلة ابو رائد بإصرار من ابو عبدالله .. دخل عبدالله وراح وجلس جمب امه وامه المسكينه كل اشوي تطالعه ماهي مصدقه ..
عبدالله : يمه انا تعبان اليوم بروح اصعد فوق علشان اتسبح وارتاح لي شوي
ام عبدالله : روح يمه
وصعد عبدالله لفوق دخل لغرفته وكأنه اول مره يدخلها طالع بمراية التسريحه لفتره شاف شعره القصير وجهه الذبلان .. فجأه دقات قلبه زادت تذكر ذاك اليوم الله لا يعيده من يوم ارتجف وهو يتذكر هالكلمات من الشرطي فيصل : هي حامل
عبدالله بترجي : تكفى قولي من منو
فيصل بخيبة امل واضحه من وجهه : للأسف مو طفلك
عبدالله رجع للواقع المر .. ودخل للحمام واخذ له شور وبعدها رما نفسه على السرير يحس التعب هالكه ..
اما تحت ريم منزله راسها ومنحرجه ..
يوسف وهو مبتسم : شدعوه خالتي ناموا اهنيه
طبعا رائد وابو رائد بره مع ابو عبدالله..
ام رائد : ويييه ياوليدي مايصير ولا انا ودي
يوسف : افا ياخالتي شنو يوم واحد بس ترى بدينا نغار من خالي
ام رائد : وااااي منك تعرف تتحايل
ام عبدالله وهي مبتسمه : ماعليج منه عارفه قصده عيب استح زواجكم باقي له هالأسبوع
ابتسم يوسف ..
ام رائد وهي توقف وتسلم على ام عبدالله : يله مع السلامه حبيبتي نحضر بعرسه ان شاءالله
ام عبدالله : امين يابعد عمري مشكوره على ييتج
ام رائد : ولو هذا واجب بعد
وطلعوا عايله ام رائد وتوجهوا للسياره ..
ام عبدالله بتوعد ليوسف : وبعدين وياك يايوسف ماتستحي احرجت البنت وفشلتني مع امها
يوسف يسوي نفسه ماسوا شي : وانا شسويت
ابو عبدالله دخل وجلس على الكنبه : هاه شلون عبدالله
ام عبدالله بفرحه لا توصف : الحمدالله الحمدالله ياربي والله مو مصدقه
ابو عبدالله ابتسم : ايه والله الحمدالله على كل شي ( طالع بيوسف وعبدالعزيز ) وانتوا لا تخلونه بروحه طلعوه وونسوه
يوسف وعبدالعزيز : ان شاءالله
ابو عبدالله طالع بفاطمه : فاطمه ما ابيج تغثينه ولا ترفعين صوتج عليه
فاطمه بغرور : ويييه انا شكو فيه
ابو عبدالله خزها وقال : انتي عارفه شنو اقصد

#$#$#

عند عايلة ابو رائد .. واخيرا ابو رائد لقى فندق وطبعا بعد ما اعتذر لابو راشد اللي اصر عليه ..
وسن وهي تنسدح على سريرها : ااااااااه واخيرا
رغد وهي ضامه نفسها وجالسه على السرير : شكرا يا وسن ما اتوقع اني راح اقدر اطالع بوجهه بعد لا هو ولا خالي
وسن راحت لها وامسكت يدها وقالت لها وهي تطالع عيونها وعلى وجهها اكبر ابتسامه : صدقيني ماراح اخلي احد يأذيك انتي اختي وامي وكل شي
ماتدري ليه رغد تأثرت بهالكلام وماتدري ليه وسن قالت كذا لكن كل اللي سوته انها ضمتها ونزلت دموعها وقالت : وانا بعد صدقيني ماراح اخلي احد يأذيك
بغرفة هند اللي بلحالها .. كانت واقفه عند الشباك ودموعها تنزل امسحت دموعها بسرعه لما دخلت امها ..
ام رائد : يابنيتي اشفيج بروحج امشي نقعد كلنا مع بعض مشتاقة لج يا بعد عمري
هند وهي تحاول تسوي نفسها طبيعيه ابتسمت : ان شاءالله يمه
ام رائد : اشفيج من اول ما جيتي وانتي مو على طبيعتج صاير شي ؟؟
هند ودها تقولها لكن تقولها ايش : لا يمه ابد بس عارفه فتره طويله صارلي هناك وهذا غير فارق الوقت وتعب السفر
ام رائد ابتسمت لها بحنيه وقالت : حابه ترتاحين
هند ابتسمت : لا ( وتوجهت لها ) امشي يمه نجلس كلنا مع بعض اشتقت لكم مررره

$#$#$

خلص البارت العاشر ..
ردودكم وتوقعاتكم تسعدني ..

لامارا · 09-09-13, 04:18 PM

$#$#$

{ آلـــبــآرت الإحـــدى عــشـــر }

عند عبد الله اللي صحى من النوم على الأذان مفزوع ووجهه وجسمه كله مويه يحس نفسه توه طالع من البحر .. ويشاهق حط يده على راسه نفس الكابوس اللي يشوفه بالسجن يشوفه الحين .. فجأه دخلت امه عليه وهي خايفه عليه وابوه بعد ..
ام عبدالله بخوف : يمه وليدي اشفيك
عبدالله وهو يحاول يأخذ نفس : لا ابد يمه بس كابوس
ابو عبدالله بإستغراب : ياوليدي اشفيك جذي
عبدالله وهو يحاول يأخذ نفس : مافيني شي كابوس
وقام من سريره وراح للحمام واخذ له شور ..
ام عبدالله طالعت ابو عبدالله ..
ابو عبدالله وهو يهز راسه : لا حول ولاقوة الا بالله
وراح ابو عبدالله وام عبدالله طلعت ام عبدالله .. وطلع عبدالله ولبس وصلى .. دخل ابوه بعد ما طق الباب وجلس قدامه ..
ابو عبدالله بخوف على ولده: ياوليدي قولي شفيك
عبدالله : يبه عادي مافيني شي مجرد كابوس
ابو عبدالله : لا السالفه مو جذي انته محتاج تتكلم مع احد
عبدالله اخذ نفس وقال : يبه مايحتاج مجرد كابوس
ابو عبدالله : كابوس وانته تقوم من النوم وحالتك حاله
عبدالله : يبا مافيني شي
ابو عبدالله تنهد ووقف : عالعموم اذا حبيت تتكلم معاي قولي
وطلع بره الغرفه ..
عبدالله حط يدينه على راسه وحاول يرجع ينام ..

#$#$#

عند محمد واسماء .. ماهو قادر ينام وهو يشك بإنها تخونه مسك جوالها هالمره علشان يتأكد اكثر واتصل على الرقم .. بعد كم رنه .. رد حمد
حمد بإبتسامه وفرحه واضحه من صوته : ماتوقعت انك تتصلين لكن اتصلتي
محمد وجهه تحول احمر من العصبيه ..
حمد بإستغراب : وش فيك حبيبتي اسماء محمد جمبك ؟
محمد سكر الجوال بعصبيه وطالع فيه ورماه على السرير بقوه وقف وقام يحوس بالغرفه ماهو عارف وش يسوي .. اسماء تخونه طيب ليه.. ( عطيتج كل شي تمنيته والحين تجازيني بالخيانه )..
توها اسماء دخلت للغرفه وهي مستغربه تطالعه : محمد شفيك جذي معصب صاير شي ؟؟
محمد طالع فيها بكل عصبيه وعيونه بتطلع منهم الشرار توجه لها وهو ناوي على شر عطاها كف طيحها على الأرض وقال بعصبيه : الحين تروحين بيت اهلج فاهمه
اسماء مو مصدقه اللي صار مذهوله محمد عمره مامد يده عليها ولا رفع صوته الا بالمده الاخيره قالت ودموعها تنزل : ليش انا شسويت لك
محمد بعصبيه وبصراخ : بعد تسألين انتي شنو ماتستحين ماتقولين عيب ماتقولين حرااام
وقفت اسماء وهي شاكه الا متأكده من طريقة كلام محمد انه عرف بحمد
اسماء وهي تصيح وتترجاه : تكفى محمد اسمعني تكفى
محمد خلاص صار زي البركان اللي ثار ضربها كف ومسكها من شعرها وقال بعصبيه : لا تقولين اسمي على لسانج الوصخ يالقذره انا حتى شاك انه هذولا عيالي ..
انفتح الباب وكانوا فجر وسالم .. منظر ابوهم اللي ماسك امهم بالطريقه هذي انرسخت بذاكرتهم والكلام اللي سمعوه بعد ..
فجر بعصبيه وهي بتصيح : بابا لا تطق ماما
سالم راح لمحمد وحاول يبعده عن اسماء ماحب محمد انه يشوفونه بالطريقه البشعه هذي او حتى يسمعون منه الكلام هذا ..
سالم بعصبيه : اكرهك اكررهك
وفجر راحت تضم امها وتصيح .. لما حاول محمد يقرب من سالم علشان يهديه دفه سالم وقام يصرخ ويقول : لا تقرب مننا
محمد وقف وقال وهو يوجه كلامه لأسماء : اخذي اغراضج وروحي بيت اهلج ( وطالع فجر وسالم ) واخذيهم وياج
وطلع بره الغرفه .. اسماء دموعها تنزل تدري انه بسبة حمد راح تكون العايله اللي تحلم فيها مفككه ودها تصرخ ودها تصيح بقوه بس بنتها المرتعبه وتصيح بحضنها وولدها اللي يطالعها بحزن كان المنظر اللي قبل اشوي شافوه كافي عليهم والكلام اللي اسمعوه بعد ..
اسماء وهي تبتسم تطمنهم لكن دموعها ماوقفت : لا تخافون ابوكم يحبكم ( وترددت علشان تقول ) ويحبني بعد لا تبكون خلاص يلا سالم قول حق الخدامه تجهز اغراضكم
سالم راح واخذ اخته معاه .. راحت اسماء وجهزت اغراضها ولما خلصت انزلوا تحت وشافوا محمد جالس بالصاله ويهز رجوله وكان امبين انه معصب .. اسماء نزلت لمستوى سالم وفجر وقالت لهم بإبتسامه : يلا روحوا اعتذروا من بابا
سالم عقد حواجبه وقال : ما ابي
فجر امسكت يد الشغاله واسماء عرفت انها ماتبي .. طلعوا بره بعد ما اسماء القت نظره اخيره وحست انه عايلتها راح تتفكك .. اركبت سيارتها وحركتها وهي حابسه دموعها خايفه عيالها يشوفونها بهالطريقه .. اوصلت بعد فتره ودخلت للبيت وارتمت بأحضان امها تصيح وامها تهديها وقالت للشغاله : روحي ودي اليهال الغرفه ( طالعت بنتها بخوف ) يابنتي اشفيج تبجين شصاير محمد شنو سوالج ؟؟
اسماء طالعت بأمها وقالت وهي تصيح : يمه محمد ..
ورجعت تضم امها وتصيح ..
ابو عبدالرحمن لما شاف شنطة اسماء وتصيح بعد خاف انه محمد طلقها ولاشي ..
ابو عبدالرحمن : يابنيتي اشفيج شصاير
اسماء قامت تصيح بقوه ام عبدالرحمن اخذتها فوق لغرفتها علشان تهديها كانوا جالسين على السرير واسماء ضامه امها ودموعها تنزل قالت واخيرا : يمه محمد مايبيني
ام عبدالرحمن بعصبيه : حسبي الله ونعم الوكيل اهدي يابنيتي اهدي
اسماء نزلت دموعها وبعد فتره اتركتها ام عبدالرحمن بعد ما اتاكدت انها نامت ..
رن جوال اسماء وصحت عليه واخذته وردت وهي عارفه انه حمد تبي تنهي هالشي اللي المفروض مايصير ..
اسماء وصوتها مبحوح من البكي : حمد ..
حمد بخوف عليها : ياعيون حمد وش فيه صوتك صاير شي اتصلتي علي بس مارديتي استغربت اسماء تكلمي صاير شي
اسماء استغربت : انا ما اتصلت عليك
حمد استغرب : اجل مع مين كان جوالك
اسماء ودموعها تنزل بصمت : اكيد محمد .. حمد ترى محمد عرف باللي بينا علشان جذي اشوف انه احسن شي نترك بعض
حمد قال بسرعه : الحمدالله انه بيتركك ( استوعب الكلام وقال بعدم استيعاب) يعني ايش
اسماء وهي تحاول تكتم شهاقها : حمد انا عندي عايله وانته عارف شكثر انا يهمني انه يكون عندي عايله مو مفككه انا ما ابيه يطلقني
حمد انصدم : وحبنا يا اسماء انا احبك وانتي تعرفين هالشي
اسماء ابتسمت بسخريه رغم دموعها اللي على خدها : حب ؟ حبنا ؟!! انته شتقول ليش ماجيت قبل ما يتزوجني محمد قبل لا يصير عندي عيال
حمد : انتي عارفه انه اهلي مو راضين بس اكيد انتي عارفه اني احبك يا اسماء انا احبك
اسماء : لا تتكلم عن الحب يا حمد انا عندي عايله انا .. انا خنته تعرف يعني شنو خنته انته ليش رجعت ليييش
حمد مو مصدق اللي تقوله اسماء : علشان احبك انا يوم تزوجت اعتبرتها خيانه بحقك انا تعذبت وانتي تقولين عايله
اسماء : ايه ياحمد عايله ( دموعها بدت تنزل اكثر ) كان عندي احسن عايله واحسن زوج كان يعاملني زين ويحترمني ويحبني وانا خربت هالشي والسبب منو انته .. حمد انا اسفه بس لازم تكمل حياتك وانا ما ابي اعيش بعايله مفككه
وسكرت الجوال .. وانسدحت على سريرها ودموعها ماوقفت ابد

#$#$#

بالسعوديه عند حمد ..
مصدوم ويطالع جواله اتصل على جاسم اللي علاقته تحسنت معه بعد الهواش اللي صار .. بعد كم رنه رد جاسم
جاسم وصوته كله نوم : هلا حمد
حمد : اسف ازعجتك بس ضروري اشوفك
جاسم : ليه وش صاير
حمد : ماينفع بالجوال وين اشوفك
جاسم طالع الساعه : مره متأخر خلاص تعالي البيت
حمد : اوكي يلا باي
وسكر الجوال وراح لجاسم وقاله كل شي ..
جاسم : قلت لك
حمد طالعه وقاله بنرفزه : جاسم ترى مو ناقصك
جاسم : وشو ياخي قلت لك بيصير كذا
حمد تنهد وهو يرمي نفسه بإهمال على الكنبه : تكرهني
جاسم : مو مهم تكرهك ولا تحبك تقبل الواقع هي عندها عايله وانت عندك عايله اذا كنت تحبها جد خلها يمكن تقدر ترجع مع زوجها ولو اطلقت ماراح تأخذك لأنك سبب طلاقها اصلا ومن الكلام اللي قالته بعد باين انها تبي عايله بدون خلافات فعلشان كذا انساها
حمد تنهد : احكمت علي بالاعدام ثاني مره
جاسم وهو يطق على ظهر حمد بخفيف : خلاص انساها ياحمد اسماء مو لك

$#$#$

ثاني يوم الساعه صارت 9 الصبح .. ببيت ابو عبدالله
عبدالعزيز يحس دمه يغلي من العصبيه رائد موجود بنفس البلد وماهو قادر يسوي شي لحد الحين .. مسك جواله واتصل على رائد واخيرا بعد كم رنه رد رائد واتفق عبدالعزيز معاه انهم يلتقون بمكان استغرب رائد رغم انه يدري انه عبدالعزيز اصلا مايطيقه لكن وافق يبي يعرف وش يبغى ..
سكر جواله عبدالعزيز ولبس الثوب واخذ الشماغ ونزل تحت للمطبخ شاف مافي احد واخذ اول سكينه شافها وحطها بجيبه وطلع بسرعه بره لكن قبل لا يطلع صدم بيوسف .. يوسف استغرب لما شاف عبدالعزيز كيف معصب وبنفس الوقت متوتر طالع فيه وقال : عبدالعزيز شفيك
عبدالعزيز : مافيني شي
يوسف مسك يده وقال : شنو ناوي تسوي
عبدالعزيز بنرفزه : اووف يوسف اترك ايدي
يوسف ترك يده وقال : وين بتروح
عبدالعزيز قال وهو يفتح الباب : بطلع مع رفيجي
يوسف مايدري ليه شك بشي وتوجه لغرفة فاطمه وفتح الباب بقوه وفتح اللمبه وقال بنرفزه : انتي هيه قومي
فاطمه عدلت جلستها وقالت بعصبيه : ويعه ماتشوفني نايمه
يوسف وهو يحاول يمسك اعصابه : انتي شنو قايله لعبدالعزيز هاه
فاطمه : اووووف اسغفرالله ياربي وانا شكو فيه والحين ممكن تطلع بره
يوسف طالع فيها بسخريه : تحسبين ماادري شنو تسوين
فاطمه ابتسمت بسخريه : يعني شنو اسوي
يوسف مسك اعصابه وطلع بره الغرفه ..

#$#$#

عند رائد .. كان واقف بره سيارته ينتظر وتقريبا المكان بعيد عن الناس اشوي ..
فجأه جاه واحد كان متلثم ومعاه سكين قال بعصبيه : تحسب بنات الناس لعبه ياولد ال..
طعنه ببطنه طعنتين وهرب طاح رائد على الارض مسك بطنه يحس بعوار فجأه قام يكح بقوه وشاف الدم يطلع من فمه ماهو قادر يصرخ من العوار حاول يروح لسيارته لكن قبل حتى لا يوصل جو له شلة شباب يركضون وهذا كان اخر شي يسمعه ويشوفه ..

$#$#$

عند عبدالعزيز اللي من راح لسيارته وهو مو مصدق وش سوا طالع بيدينه اللي كلها دم وترتجف اخذ الغتره ومسح يده وراح للبيت ودخل ركض على غرفته حمد ربه انه محد شافه ودخل على الحمام على طول وهو يرتجف مو مصدق لكن قال بداخله ( يستاهل آآخ بس لو ذابحك يالخسيس )
..
بعد دقايق الكل صحى وجلس يفطر

#$#$#

عند محمد .. فجأه اندق باب بيته وفتح الباب وشاف ابوه ودخل ابو محمد وجلس على الكنبه وقال بعصبيه : انته شنو سويت
محمد جلس قدامه وقال : يبا اهيه تستاهل بعدين انته ماسمعت السالفه الا منهم مو مني
ابو محمد بعصبيه لا توصف : تطرد زوجتك وعيالك بنص الليل وتقول ماسمعت السالفه منك الغلط راكبك كلك لا تقعد تتحجج
محمد ابتسم بسخريه : اووه الحين اهيه تتحجج لك على اني طردتها بنص الليل مع عيالها تحمد ربها ماذبحتها
ابو محمد اخذ نفس : واهيه شنو مسويه علشان تطردها وتطقها بعد
محمد تنهد بتعب : يبه ياليت هالشي يبقى بس بيننا انا واهيه ابي اطلقها علشان انا ارتاح
ابو محمد بعصبيه : اذا جبت سيرة الطلاق مره الثانيه راح يصير شي مايعجبك فاهم وقال وهو يمر جمبه : ترجعها يعني ترجعها فكر بعيالك قبل لا تسوي حركات هاليهال هذي

#$#$#

عند عايلة ابو رائد .. جاهم اتصال من المستشفى وقالوا لهم انه ولدهم بالمستشفى وهم طبعا راحوا له والكل كان خايف عليه ..
وطبعا لما عرفوا عايلة ابو عبدالله راحوا لهم بسرعه ونفس الشي بالنسبه لعايلة ابو راشد .. واخيرا طلع الدكتور
الدكتور بإبتسامه : الرجال مافيه شي الحمدالله لحقنا عليه قبل لاينزف وايد
ابو رائد براحه ابتسم : مشكور يادكتور الله يعطيك العافيه
الدكتور : الله يعافيك بس ما ادري اذا انتوا حابين تبلغون عن الرجال اللي سوا فيه جذي ولا لا
ابو رائد استغرب : ليه هو وش فيه انتوا كل اللي قلتوه انه بالعمليات وبس
الدكتور : الرجال مطعون وانا لازم ابلغ عن اللي سوه فيه جذي
ابو رائد تنهد : لا حول ولا قوة الا بالله خلاص بلغ
ام رائد لما سمعت كذا قامت تبكي وام عبدالله تهديها ..
ام عبدالله وهي منكسر خاطرها على اختها: يابعد عمري اهدي مايصير تسوين بعمرج جذي اهدي
ام رائد ودموعها تنزل : ليش جذي المسكين ماضر احد حسبي الله على من سوه فيه جذي حسبي الله عليه الله يكسر ايده
عبدالعزيز طالع بأم رائد ولما سمع دعاءها تنرفز لوى فمه بملل واضح .. طالع بوسن وتصنع بإنه مكسور خاطره عليها ..

#$#$#

عند رائد .. يحس بألم فظيع ببطنه ولسه البنج مأثر عليه دخل عليه الدكتور ومعاه شرطي ..
الدكتور : الشرطي وصل ويبي مواصفات اللي طعنك
ومشا ..
الشرطي : اشلونك الحين
رائد بتعب واضح من نبرة صوته : الحمدالله
الشرطي : انزين لو تتذكر ملامح ويهه ياليت لو تقولي
رائد عقد حواجبه : ما ادري ما اتذكر لانه كان متلثم بس كانت باينه عيونه بس مادققت فيه
الشرطي تنهد : سمعت صوته ؟
رائد وهو يتذكر : ايه قالي ..
الشرطي : شنو قال ؟؟؟
رائد بلع ريقه بصعوبه : بنات الناس مو لعبه عندك مع اني مو من هالنوع
الشرطي وهو يكتب : اها انزين وبعد
رائد : بس هذا اللي صار
الشرطي وقف وقال بإبتسامه : الله يشافيك ان شاءالله واذا عرفنا شي بنرد لك خبر
رائد ابتسم له بصعوبه ..
ومشا الشرطي .. لما طلع الشرطي حس بعطش فظيع شرب مويه بعد مساعدة الممرضه

#$#$#

عند عايلة ابو رائد .. بالغصب رضت ام رائد انها ترجع للفندق بعد ماشافته لمده لا تقل عن دقيقه بما انه تعبان ..
ابو رائد : لا حول ولاقوة الا بالله يعني مين اللي ممكن يسوي فيه كذا
ام رائد بحسره : المسكين مايضر احد وجذي تصير حالته يابعد عمري ياولدي
ابو رائد تنهد ...
هند : خلاص يمه اهدي انتي فيك سكر
ام رائد امسحت دموعها : شسوي بعد ما اقول الا حسبي الله ونعم الوكيل
رغد : خلاص انسويلكم شي تأكلونه لأنكم ما اكلتوا شي من الصباح
ام رائد : لا يمه مو مشتهيه
هند : يمه تبيني ازعل عليك مايصير كذا انتي فيك سكر وابوي بعد مايصير كذا لازم تأكلون شي علشان تأخذون الدواء
ام رائد تنهدت وابتسمت لهند ورغد : انتوا سهرانين شوفوا وسن نامت بالصاله روحوا ناموا واخذوا اختكم وياكم انا وابوج متى ما اشتهينا اكلنا
رغد : بس يمه والدواء لازم تأخذونه بالوقت
ابو رائد : نسوي لنا اي شي بس انتوا روحوا ناموا
راحوا ينامون بعد ماصحوا وسن ..

#$#$#

بالسعوديه .. عند آلاء وحمد بعد اذان العصر الساعه 3 ..
آلاء ماكانت مهتمه اذا حمد اكل ولا نام بس اخترعت لما شافته منسدح بالصاله ولا يتحرك ..
آلاء راحت تصحيه تحسبه نايم لكن مارد عليها ..
آلاء خافت بلعت ريقها بصعوبه : حمد ..حمــــد هذا لا يكون مات ياربي وش اسوي
فجأه شافت بيده علبة حبوب طاحت على الارض كانت فاضيه خافت وحطت يدينها على فمها وقامت تصرخ وتهز حمد ماهي مصدقه مو حبا فيه لكنها خافت !!
مارد عليها ماعرفت وشلون تتصرف اخذت جوالها واتصلت على ابو حمد وجا ومعاه الاسعاف واخذوه على المستشفى ..
آلاء كانت خايفه يحطون السبب فيها هي مع انها مالها دخل بس خافت لما شافت ابو حمد كيف يطالعها بكره وحقد ..
قطع هالصمت الفظيع لما جا جاسم يركض لأبو حمد ..
جاسم بخوف : هاه وش صاير ياعمي
ابو حمد تنهد : لحد الحين ما طلع الدكتور
اشوي وطلع الدكتور ..
الدكتور : انتوا العايله؟؟
ابو حمد راح له بخوف من الكلام اللي راح يسمعه : ايه نعم وش فيه ولدي
الدكتور : للأسف ولدك كان يحاول ينتحر بإنه يأخذ حبوب ممكن انها تنهي حياته لكن الحمدالله سوينا له العمليه وهو الحين تحت تأثير البنج ماراح يصحى الحين طبعا بس ان شاء الله بكره وبما انها محاولة انتحار لازم يجي له الشرطي يكلمه
وراح الدكتور ..
ابو حمد بعصبيه على آلاء : شفتي وينك عنه الولد حاول ينتحر وانتي وين كنتي هاه
آلاء خافت وقالت بتلعثم : عـ .. عمي والله ماكنت ادري
ابو حمد بعصبيه اشوي ويضربها مسكه جاسم : كيف يعني ماتدرين مو هذا زوجك
آلاء وهي ماسكه دموعها : عمي والله ما..
ابو حمد بعصبيه : بس اسكتي بنات اخر زمن
جاسم وهو ماسك ابو حمد : خلاص اهدا ياعمي اتركها عنك
آلاء انحرجت ماتدري وش اتسوي ابعدت عن عيونهم اللي تجرحهه واجلست بره على الكراسي .. لامت نفسها كثير اثر فيها كلام ابو حمد هي السبب بإنها ما اهتمت فيه ولو انه عيونها مابعدت عنه كان ماقدر ينتحر لكن ماتقدر قلبها ماليه شخص ثاني على قدر ماحاولت انها تكرهه تلاقي نفسها تحبه اكثر هي تحب شخص راح للأبد يعني مستحيل تشوفه تمنته عايش اكثر من مره علشان يهديها بكلامه ماعرفت وش تسوي لو انها بس حاولت على الأقل لكن مافيه فايده فيه شي يمنعها حمد قلبه ملكته وحده ثانيه وآلاء قلبها ملكه واحد مستحيل حتى تشوفه .. ظلت تبكي وتبكي
سمعها جاسم وهي تصيح انكسر خاطره عليها ماحب يقولها شي وهو اصلا ماله حق يكلمها ودخل للمستشفى ..

#$#$#

بالكويت .. عند اسماء الساعه صارت 8 بالليل .. ماسكه جوالها وتحوس بغرفتها متردده تتصل ولا ماتتصل .. واخيرا قررت انها تتصل اتصلت وهي خايفه من كلامه الجارح .. اجلست لما رن الجوال ماتسمع الا دقات قلبها المتسارعه ورنة الجوال ولكن للأسف مارد سكره بوجهها ظلت تحاول وتحاول لكن بكل مره يسكره بوجهها فقدت الامل ..تفاجأت لما دقت اخر مره ورد عليها ماكانت متوقعه انه يرد عليها ..
ابتسمت رغم الخوف ورجعت لملامحها العاديه رغم التعب اللي فيها : محمد ممكن تسمعني
محمد تأفأف بملل وقال بعصبيه : انتي وبعدين وياج ماكو فايده انتي تفهمين ولا لا انا مارديت عليج سكرته بويهج يعني ما ابي اكلمج تردين تدقين انتي غبيه
اسماء نزلت دموعها على اللي سوته : محمد ابيك بس تسمعني تكفى بس اسمعني شنو اقول
محمد بعصبيه : انتي خليتي فيها كلام اسماء خلاص احنا انتهينا احنا خلاص
اسماء وهي تصيح : محمد لا تقولها تكفى وعيالنا يامحمد حرام عليك انته بس اسمعني بس ابيك تسمعني
محمد بعصبيه اكثر : عيالنا ؟ شنو تحسبيني ياهل ولا غبي ربيهم هذولا عيالج انتي مع حبيبج هه عايلتكم الظاهر كلها تخون شنو الشغله بالوراثه
وسكر الجوال .. انصدمت اسماء او بالاصح كانت متوقعه هالكلام تسمعه .. ترجته و اهانها مسح كرامتها بالارض رمت جوالها بإستنكار وهي تقول : مستحيل انت تكون محمد مستحيل

#$#$#

عند محمد .. البيت كان عفيسه وجهه امبين انه تعبان فجأه انطق الباب وراح افتحه بتكاسل ..
محمد جلس على الكنبه بملل وقال بعد تنهيده : شتبي مبارك
مبارك وهو طايره عيونه بالبيت كان جد عفيسه : انت شنو مسوي بالبيت قوم قووم
محمد طالعه ورجع طالع قدامه وقال بنرفزه : مبارك اذلف عن ويهي ترى مو رايق لك
مبارك : شسوي فيك صارلي يومين وانا ادق عليك ولا ترد قلت الرجال راح فيها بعد خلاص
محمد : مافيني شي يلا اذلف
مبارك : لا ماراح اذلف الين لما تقولي شسالفه
محمد طالعه بعصبيه : بتذلف ولا شلون
مبارك بإستسلام : انزين خلاص بذلف بس مو زين اللي قاعد تسويه بعمرك الحرمه بعدها الف حرمه اهم شي صحتك ما تأكل وبس طيح لي بهالدخان مو زين جذي
محمد : مبارك ترى مو ناقصك
مبارك جلس جمب محمد : شفيك قولي ماراح امشي الا لما تقولي
محمد وكأنه هموم الدنيا كلها فوق راسه : خانتني
مبارك انصدم ماعرف وش يقول : من صجك تتكلم ؟؟؟
محمد طلع الدخان من الباكيت وحطه بفمه وقبل لا يولعها سحبه منه مبارك وقال : هذا مو الحل اقعد وياها انا اعرفك تتسرع وايد
محمد طالعه بعصبيه : لما تتصل من تليفون زوجتك وتسمع واحد يقول اسمها ويقول حبيبتي اجذبه ولا اجذب على عمري
مبارك تنهد : انزين اهدا انته الحين
محمد سكر على يده بقوه وقال : مبارك انته مو داري عن شي مو طايقتني وانا اقول اشفيها واتعذر لها بوفاة اختها طلعت لا والله الأخت طايحة حب وغراميات
مبارك : اهيه الخسرانه مو انته خليها تولي الف وحده تبيك
محمد : انا حتى عيالي مو مصدق انهم عيالي
فجأه اخذ مفتاح سيارته وراح وراه مبارك
مبارك : وين رايح انته
محمد وهو بيدخل بسيارته : بشوف اذا كانوا عيالي ولا لا
مبارك : محمد شفيك لا تستعجل
ماشاف الا سيارة محمد تتحرك .. ركب سيارته مبارك بسرعه ولحق محمد .. وصل محمد لبيت ابو عبدالرحمن .. وطق الجرس اكثر من مره
مبارك : محمد لا تنجن اهدا شلون مو عيالك تكفى لا تسوي شي تندم عليه
محمد بعصبيه وهو يرن الجرس : مبارك اذلف
افتحت له الخدامه وقالت : نعم بابا
محمد بعصبيه : وين فجر وسالم جيبيهم
الخدامه بلعت ريقها بخوف : بابا انا مايقدر فجر وسالم ..
قاطعها ودزها ودخل البيت وهو معصب وصعد فوق ومبارك حاول انه يوقفه لكن ماقدر ..
ابو اسماء بعصبيه : محمد شنو اللي جايبك اهنيه
محمد بعصبيه : وين بنتك
ابو اسماء بعصبيه : لا بعد تعال طقني انته ماتستحي على ويهك طارد المره تالي الليل مع عيالها
محمد بعصبيه : اوهوووه
وصعد فوق بسرعه وفتح باب اسماء بقوه وراح لها ومسك شعرها وقال بعصبيه : ماتنطقين هذولا عيال منو هاه
اسماء وهي تصيح : والله العظيم عيالك
ابو اسماء ابعده عن اسماء بعد عدة محاولات
ابو اسماء بعصبيه : انته ماتستحي مدرعم علينا هذا بدال ماتعتذر استح على ويهك
محمد بعصبيه وبصراخ : استحي على ويهي انا ؟ قول حق بنتك اهيه تستحي على ويهها مو انا
ابو اسماء بعصبيه : والله طالت وتشمخت انته ترفع صوتك علي ياللي ماتستحي على ويهك
محمد وهو يحاول يهدي عصبيته : انزين انا اسف عمي ابي اكلم بنتك على انفراد ممكن
اسماء خايفه وتنزل دموعها بصمت وامها وضامتها تهديها وجود منصدمه واقفه وبس لماشافت فجر وسالم طلعوا من غرفتهم رجعتهم الغرفه واجلست معاهم علشان مايسمعون هالكلام
ابو اسماء طالع ببنته وقال بتوعد وهو يرفع اصبعه : اسمعني زين اذا رفعت ايدك عليها ماتلوم الا نفسك سمعتني
وراح وراحت ام اسماء ..
محمد سكر الباب وطالعها وقال وهو يحاول يهدي اعصابه : بسألج مره ثانيه وماراح اعيد فجر وسالم عيال منو ؟
اسماء وهي تصيح : عيالك والله العظيم عيالك
محمد طالعها بعصبيه : انتي لحد الحين تجذبين شنو استحي خلي عندج دم على الأقل اللي صرفت عليهم دم قلبي خليني اعرف عيال منو ولا ماتدرين
اسماء وهي تصيح اكثر : محمد صدقني عيالك انا اسفه ادري اسفه ماتسويلك شي ادري غلطت لكن والله ندمانه قد شعر راسي محمد انا احبك تكفى سامحني انا ادري قلبك طيب ادري وادري انك تحبني تكفى محمد
محمد طالعها بعصبيه وقال : انا ماجيت اهنيه الا علشان اعرف عيال منو وبس وكلامج هذا خليه حقج ينفعج
وراح لغرفة فجر وسالم وقالهم: يلا تعالوا
جود خافت لما شافت شكل محمد
محمد مسكهم ولما شاف فجر تحاول تدزه شالها وسالم كان بعد يحاول لكن ماقدر .. صاحت فجر .. نزلهم تحت ولما اسمعتهم اسماء انزلت بسرعه ..
اسماء بصراخ وهي تحاول توقفه: محمد اتركهم
محمد التفت لها وقال : سمعيني زين اذا طلعوا عيالي ماراح تشوفينهم لو تحلمين سامعه واذا طلعوا عيالج اخذيهم الين تشبعين فيهم
اسماء وهي تصيح : لا محمد تكفى
ابو اسماء بعصبيه راح له وقاله: اتركهم انت انجنيت ولا شنو
محمد طلع بره وركبهم السياره رغم ضربهم له ورغم صراخهم وبكيهم ..
مبارك انصدم : انته شسويت
محمد ركب سيارته ولا رد عليه ..

#$#$#

خلص البارت الإحدى عشر ..
ردودكم وتوقعاتكم تسعدني ..

لامارا · 09-09-13, 04:19 PM

#$#$#

{ آلــبـــآرت آلــثــآنــي عــشــر }

بالكويت الساعه صارت 1 بالليل تحديدا عند جود جالسه وتتفرج على فيلم ومندمجه وقدامها الفشار اشوي الا يرن جوالها استغربت مين يتصل عليها بالوقت المتأخر لكن لما دققت بالرقم شافت انه رقم لمى ردت ببرود ..
جود ببرود : هلا لمى
لمى بصوت اشوي يرتجف : هلا جود اشلونج ؟؟
جود بملل : الحمدالله بخير
لمى تنهدت : جود انا ادري انج ماتبين تسمعين صوتي انا اسفه ادري انج متضايقه وايد من اللي صار
جود : والحين شنو تبين
لمى: جود ابي اكلمج بموضوع ضروري ادري ما انتي طايقتني لكن انتي الوحيده اللي اقولها كل اسراري
جود انكسر خاطرها : شفيج ؟؟
لمى ودموعها تنزل بصمت : ابي اجيج لأني من بعد اللي صار وانا مايجيني نوم
جود بخوف : لموي خوفتيني شنو صاير
لمى اخذت نفس : جود اقدر اجيج
جود استغربت وبنفس الوقت خافت وش الموضوع اللي بنص الليل : مايمديج باجر اخاف اهلج مايرضون
لمى قالت بسرعه وبرجفه باينه من صوتها : لا اصلا اهلي مسافرين
جود استغربت : وانتي شنو مارحتي وياهم ؟؟
لمى : لا انا قلت لهم ما ابي قاعده مع مرة اخوي وماهي طايقتني
جود تنهدت : انزين تعالي انا انطرج
لمى : اوكي يلا باي
جود : باي
وسكرته .. فتره اشوي طويله وجت لمى واستغربت لما شافت مرام معها لكن صعدتهم جود لغرفتها ..
جود بخوف : هاه تكلمي اشفيج
لمى ما اقدرت تستحمل: انا ومرام جينا علشان نتسامح منج
مرام : ايه والله صج فقدناج وايد
جود رفعت حاجبها وقالت : بس هذا اللي عندكم
مرام ولمى طالعوا بعض ..
لمى : شدعوه عاد ماراح تسامحينا
جود : متصله علي بنص الليل ولازم اكلمج ولازم اجيج واخر شي جذي
مرام ابتسمت : ايه يلا عاد خلينا نسهر عندج ونستانس
جود اتكتفت : خلوا هديل تنفعكم
مرام : على طاري هديل اهلها طقوها طق لما عرفوا علاقتها بسمر
لمى : ايه واحنا عرفنا السالفه اللي صارت بينج وبين هديل صج طلعت ..
قاطعتها جود : انزين انزين
ابتسمت وضموا بعض وهم مستانسين ويضحكون قالت لهم جود سالفتها مع سعود ..
مرام تنهدت وهي ضامه الدبوب الوردي : وااي شنو قصة هالحب
لمى طالعتها ورجعت تطالع جود : ترى هذي خبله .. جود انا اتوقع انها مراهقه وبس ما اتوقع حب
جود : هذا اللي اتوقعته بس لما شفت نفسي اعترف له بحبي له وهو يقولي انه خاطب انصدمت وايد وخصوصا لما بغيت افرق بينه وبين خطيبته ما ادري حسيت انه يحبها
تنهدت مرام بحب : يضرب الحب شو بيذل
جود وهي تطالعهم : وانتوا شنو جايبكم اهنيه وين اهلكم شنو مايدرون
لمى : مسافرين ماراح يطولون قعدت ببيت اخوي قطييعه مرته ماهي طايقتني جنه بيتها الحين
مرام : اتصدقون انه اهلي موجودين بالبيت بس محد يدري عن احد كل واحد ومشغول باللي فيه انا مستأذنه من امي وقلت لها بطلع وهي كعادتها مشغوله بشغلها ووافقت بدون ماتطالعني ولاتدري اصلا الساعه جم
لمى وهي تطالع مرام : ما يحتاج ماشاءالله عليكم يا مرام خير اهل امج وايد ومايحتاج تشتغل
مرام : عاد تعالي اقنعيها من بعد وفاة ابوي ( تنهدت ) صرنا مانشوفها الا بالحسره واذا شفناها لازم نشوف هالأوراق جدامها ماتدري عن اللي طالع وعن اللي بيطلع
جود : هذا اسمه ادمان المسكينه شكلها وايد كانت تحب ابوج
مرام تنهدت : ايه والمشكله محد راضي يكلمها ويطلعها من اللي هي فيه
لمى عقدت حواجبها : ليش واخوانج ليش مايكلمونها
مرام : واللي يعافيج اهمه كلهم اثنين والثالث هو مرته مايطبون البيت خير شر وواحد منهم كله يسافر والثاني مايندرى عنه
جود : وانتي .. انتي بنتها يعني قريبه منها كلميها سولفي معاها
مرام ابتسمت بسخريه : شنو تحسبيني ماحاولت لكن ماكو فايده تتحجج بإنها مشغوله .. خلاص غيروا الموضوع لا تغيرين موضوعج جود
جود استغربت : أي موضوع ؟؟
مرام ابتسمت وقالت بدلع : موضوع سعود
لمى : ههههه امبيه مو من صجكم الرجال بيتزوج
مرام : شنو فيها يعني الشرع محلله اربع مو وحده ( وقالت بتنهيده ) بعدين ودي اسمع قصة حب تنتهي بزواج ولا بعد مع رفيجتي
لمى : ههههههه من صجكم لا والله اكيد انجنيتوا تقول انه خاطب يعني يا انه الحين تزوج او انه مقبل على زواج بعدين لا تخلينها تتأمل على الفاضي
مرام : سكتي سكتي (التفتت لجود ) جود بليز اتصلي عليه
جود افتحت عيونها : ماعندي رقمه وبعدين مستحيل اتصل عليه بهالوقت ليش اقط نفسي عليه جذي خلاص بعد الرجال خاطب
مرام طلعت جوالها وبعد كم رنه ..
مرام : هلا سمر شخبارج
جود ولمى طالعوا بعض وماسكين ضحكتهم وبنفس الوقت منصدمين من جرأة مرام ..
مرام : وااااي سمور مشكوره وماتقصرين تدرين بعد الله يهداه اخوي سلوم جم مره يضيع رقمه يلا باي
وسكرته وعلى وجهها ابتسامة نصر :هاه شرايكم جبت الرقم ولا لا
لمى : شلون بعدين اخوج رفيج اخو سمر ؟؟
مرام : هههههههههههههههههههههههه من صجج اخوي سلوم اصلا مايرافج الا اللي شغلتهم يكلمون بنات وصياعه يعني بس هذا سعود شكله جذي كيوت ومحترم ( تنهدت بحب )
جود : ههههههههه صج خبله واذا عرفت انج تجذبين شنو بتسويين
مرام وهي تمسك جوال جود : شدعوه عاد راح تسأله
جود بسرعه راحت لمرام وتبي تسحب جوالها : من صجج ماراح اكلمه رفضني وتبيني اكلمه
مرام سحبت جوال جود بسرعه وقالت : انتي ماتشوفين نفسج لما تتكلمين عنه عيونج تلمع انتي تحبينه تعرفين شنو يعني تحبينه اتصلي عليه وحطيه سبيكر
جود تضايقت حيل : انا ماحبيته انا حسبته راح يخليني انسى هالعذاب موت اختي اللي بالنسبه لي كل شي وقف يمي يوم كنت منهاره وانا حسبته يحبني انا ما ادري ليش فسرت نظرته بهالطريقه
مرام وهي تحط جوال جود بيد جود قالت : لانه يحبج بس خايف من الواقع اللي جمعكم بهالظروف صدقيني لما يعرف بإنج صج تحبينه راح يترك خطيته
جود ماتدري ليه صدقت مرام فجأه سمعت صوت سعود لأنه كان محطوط على السبيكر ..
ردت بسرعه رغم انها خايفه ومتردده : سعود انا .. انا جود
سعود استغرب : من وين جبتي رقمي
جود : شخبارك
سعود : ..
جود : الو سعود انا جد اسفه اني متصله عليك بهالوقت
سعود تنهد : جود شنو بغيتي
مرام قامت تأشر لها ولما شافت انه جود مافهمت عليها اخذت ورقه وقلم وقامت تكتب لها ..
جود بدون شعور وهي تقرأ اللي كاتبته مرام : اشتقت لك ؟
وغطت الجوال بسرعه وقالت بهمس علشان مايسمعها سعود : انتي خبله شلون اقوله جذي
مرام بهمس : كلميه بسرعه
لمى بهمس : انتي هبله بعدين يقول هذي خفيفه وقطت نفسها علي
مرام بهمس : جود كلميه وماعليج صدقيني بيجي لباب بيتكم يخطبج
لمى بنرفزه وبهمس : لا شنو بعدين راح يقول خفيفه اشفيج انتي
سعود : الوو جود وينج !!
جود بلعثمه : سعود انا اسفه بس دقيت علشان اسأل عن احوالك انته وخطيبتك لا يكون تبي تنفصل ولا شي
سعود تنهد : ما ادري ماترد اصلا على اتصالاتي وهذا كله بسببج انتي
جود ابلعت ريقها : صج انا اسفه وانا مستعده اكلمها واقولها
سعود تنرفز : شنو تبين تقولين لها لا يبا لا تقولين لها شي
جود تضايقت من انها عصبته واسكتت ..
سعود تنهد : على العموم خلاص البنيه حاولت معاها بكل الطرق ما بقى احد ما كلمها لكنها تبينا ننفصل
مرام استانست لما سمعت هالخبر وقامت ترقص من الفرحه رقصة نصر ولمى فاطسه ضحك عليها لكن على الصامت ..
جود : من صجها خلاص خلني اكلمها وافهمها السالفه ..
قاطعها سعود : لا تكلمينها اصلا ماكنا متفقين وجذي يعني
جود ما تدري ليه افرحت وقالت بخجل على الكلام اللي بتقوله والسبب مرام : انزين عادي اقابلك
سعود استغرب : ليش ؟؟
جود وهي تغطي وجهها من الاحراج : علشان احسك متضايق من اللي صار بينك وبين خطيبتك
سعود تنهد كأنه عارف وش تبي : خلاص انزين باجر اشوفج بالكوفي شوب
جود ابتسمت بفرحه لا توصف : اوكي يلا باي علشان تنام
سعود : باي
وسكرت الجوال وعلى وجهها فرحه لاتوصف

#$#$#$

ثاني يوم الصباح طلع رائد من المستشفى ورجع للفندق طبعا اهله كانوا معاه وساعدوه.. بغرفة رائد ..
ام رائد بإبتسامه : الله يشافيك يا وليدي ويخليك لنا ويكسر ايدين اللي سوا فيك جذي
رائد بتعب : الله يسلمك يمه
ريم توها تدخل للغرفه : يمه يمه
ام رائد بإستغراب : اشفيج
ريم : يمه ام عبدالرحمن عرفت باللي صار تقول توها جاها الخبر وتعتذر وما ادري ايش الزبده تقول العصر بتجينا
ام رائد : حياها الله
رغد طالعت برائد : ام الحبيبه جايه
رائد تعبان وفرح لما سمع ريم تقول انه امها بتجي : انتي هيه احترمي نفسك ايش الكلام هذا
وسن غمزت له وقالت بإبتسامه : حركات حركاات اول مره اشوف رائد يحب وكذا
رائد تأفأف وقال يقلدها : اول مره اشوف رائد يحب .. انتوا وبعدين معاكم ما تعرفون تسكتون
ام رائد عقدت حواجبها وقالت : خلاص يلا اطلعوا بره الولد تعبان وانتوا تتحرشون فيه
وطلعوا البنات بعد طرده محترمه من ام رائد
وسن وهي تجلس على كنبة الصاله : ولدك ذا يوم حب ما حب الا هالخايسه ( كملت تعيب على دلع جود ) هالجود
هند استغربت: جود !! انتو تستهبلون جود بزره
ريم طالعت هند : ههههههههههههه اي بزره يا حبيبتي هذي عمرها 18 وتخرجت
ابو رائد وقف : خلاص عاد خلوه يرتاح ولا تزعجونه
ام رائد : وين رايح
ابو رائد : حاس نفسي تعبان مانمت من امس
وراح ..
هند طالعت فيهم : بس حتى لو تظل بزره ونص بعد
وسن بقرف : بتشوفينها حتى دلعها ماله داعي
رغد : بس صراحه صراحه البنت ماشاءالله حلوه بس متى رائد لحق يشوفها
ام رائد بسرعه قالت : اسكتوا زين الولد بس علشانه سأل قلتوا حبها
ريم : انزين ولو افترضنا يبي يتزوجها بترفضين
ام رائد : اكيد بعد شنو ولا نسيتوا اختها شنو سوت
هند استغربت : ياجماعه وش صاير وش سوت اخت جود واي وحده فيهم
وسن : عبيد زوج عبير ذبحها لأنه شافها مع واحد
ام رائد رمت عليها المخده : اسكتي
وسن وهي تبعد المخده عنها : استغفرالله وانا وش قلت
هند انصدمت ما كانت تدري : من جدكم انتوا ؟؟!!
وسن : لا نضحك اجل ليه اهله مسويين له ذبيحه مو علشان طلع من السجن
ام رائد وقفت وقالت بنرفزه : انا اروح انام احسن وانتي وسون سكتي عن السالفه هذي
وراحت ..
هند انصدمت اكثر : السجن !!
وسن طالعت رغد اللي كانت جمبها : هذي وش فيها تردد وراي ( وطالعت هند ) ايه السجن يقولون انها كانت حامل
ريم : وسن امي صادقه اسكتي عن الموضوع هذا
وسن عدلت جلستها وقالت بنرفزه : وانا وش قلت معقده انتي قلت السالفه للبنت ما قلت شي
ريم : بزر وتتكلم اسكتي بس لا تفتحين السالفه ابد هذي اعراض ناس
وسن : هههههه طيب وش قلت انا مو هذي الحقيقه ولا علشانه اخو زوجك المستقبلي
رغد : الا عريس الغفله هههههه
وضربت وسن يدها بيد رغد وهم يضحكون ..
ريم بنرفزه : عريس الغفله بعينك انتي وياها
وسن : الا والله خروف تذكرين يوم كنا طالعين معكم قسم بالله جرئ ما ادري ليه تحبينه
رغد : من جد خروف يعني ولا ذيك السالفة ذي عاد سالفه ثانيه ههههههههههه
ريم حطت رجل على رجل وقالت بنرفزه : اقول بس اسكتوا
وسن وهي تطالع هند وهي ماسكه ضحكتها : والله طافك ياهند نص عمرك هي سوالف صارت
هند : ليه وش سوا
ريم : انتي معهم ياهند
هند : هههههه بسمع السوالف اللي صارت
وسن : اسمعي اسمعي كنا رايحين معهم علشان ابوي قالنا وكذا ومشينا معهم بس ذا الغبي مايستحي يقط هالكلام لها وانا والله استحيت ابد ما يستحي اتنحنحنا انا ورغد علشان نحسسهم اننا هنا يعاند الاخ الا ويمسك يدها عاد انا جد انقهرت ايش مايقدر احد قلت هيه يالطيب ترى فيه عزابيه عندك مارد انقهرت اشوي وارفسه من القهر قامت رغد وقالت له تراك لاحق لا تخرب اخلاقنا طالع فيها وقال لها لا تتمشون معنا عاد احنا سحبنا ريم ومشينا لما قرب صرخت وقلت ياقليل الادب ياللي ماتستحي على وجهك تغازل بعد الزبده المسكين وجهه صار يتقلب الوان لأنه جو له شباب من اللي معضلين بس حسافه كان ودي ينضرب لكن قال انها خطيبته بس جد يعني وجهه لو شفتيه تقولين كأنه شايف له شي من الخوف هههههههههههههههههه
رغد : احسن قطيعه ابيض ههههههههههه
وسن : ههههههههههههههه بس جد قليل ادب ( طالعت بريم ) انتي خليتيه ينحرف صح ولا هو اصلا منحرف
ريم خزتها : ووجع وهو وش قال هاه كل اللي قاله حبيبتي وحياتي فيها شي هذي !!
وسن غمزت لها : يالكذابه هاه قولي وش قال
ريم بنرفزه : محد منحرف وتفكيره منحرف غيرك
وسن : ايه صح واضح بس جد وش قال
قامت ريم وراحت لغرفتها وهي متنرفزه ..
هند : هههه حرام عليكم عصبتوها
فجأه جتها رساله على جوالها كان رقمه وجهها فجأه يقلب الوان خافت ومن خوفها تحس انها ماتسمع الا نبضات قلبها انسحبت اشوي اشوي وراحت لغرفتها افتحت الرساله وكان كاتب .. ابيج تجيبين لي مليونين لا والله افظحج وانشر الفيديو شوفي الفيديو بس ..
افتحت الفيديو وهي خايفه اجلست ولماشافت الفيديو طاح من يدها الجوال وحطت يدينها على فمها ودموعها نزلت بدون ماتحس اخذت الجوال وسكرت الفيديو بصعوبه وامسحت الرساله وقالت وهي تصيح : ياربي وش اسوي اقول لمين الحين اقول لمين !!

#$#$#

عند بيت ابو عبدالله .. انزلت ام عبدالله على الساعه 8 الصبح وشافت عبدالله جالس ويتفطر ..
عبدالله بإبتسامه : صباح الخير يمه
ام عبدالله وهي تسحب الكرسي وتجلس : صباح النور شنو اللي مقعدك الحين
عبدالله : جعت ومليت قلت انزل اتريق واشوف شغلي بس لين متى قاعد
ام عبدالله : ياوليدي توك راجع ارتاح لك شوي مايصير جذي بعد
عبدالله : يمه انتي تعرفيني ما احب القعده بالبيت
اشوي الا ينزل ابو عبدالله ويجلس على كرسي طاولة الطعام : هاه شنو عندكم قاعدين مبجر (مبكر)
عبدالله : بروح اشوف شغلي تعرفني ما احب القعده
ابو عبدالله : لاحق على الشغل والكرف خلك الحين ارتاح جم يوم وبعدين كيفك
عبدالله ابتسم :يبا انا ما ارتاح الا لما اشتغل
اشوي الا تنزل فاطمه وريحة عطرها وصوت كعبها قبلها اجلست على الكرسي اللي جمب امها وقالت بإبتسامه : اووه عبودي اخوي ماننحرم منك ان شاءالله صج صج فقدناك
عبدالله مايحب يتكلم مع فاطمه كثير بعد اللي صار ويفضل انه مايتكلم معاها ابد ولا حتى يشوفها ...
عبدالله بدون نفس وهو يطالعها بملامح عاديه : ماتفقدين غالي
اشوي الا ينزل يوسف وقال بصوت عالي : صباح الخير
وجلس على طاولة الطعام جمب عبدالله : هاه بو العبد بتبدا دوام
قاعد مبجر ( مبكر )
عبدالله : ايه والله
فاطمه وهي تطالع عبدالله : هَــو ليش بعد اقعد عبدالله ارتاح
يوسف طالع بعبدالله : عبيد ترى انته مو مجبور ( كمل بإبتسامه ) روح لك اوروبا غير جو ولا تركيا (كمل بمزح ) رفيجي رايح ويقولك هناك شنو بناااات ههههههههههه
ام عبدالله بنرفزه : شنو انته ماتستحي احترمني واحترم اختك احترم ابوك استح استـــح على ويهك زواجك مابقى عليه الا هالجم يوم وتقول جذي واخزياه
يوسف : يمه اشفيج اتغشمر مو صج
ابو عبدالله : هذا واحنا قلنا بتعقل اذا تزوجت
يوسف : ايه بعدني ما تزوجت اذا تزوجت شوفوني اعقل ولا ما اعقل
ابو عبدالله : والله ماظنتي تعقل سواء اتزوجت ولا ما تزوجت
يوسف طالع عبدالله : هاه نحجز انا وياك
عبدالله : لا ياعمي من صجك
فاطمه : ايه والله صاج يوسف على الاقل تغير جو بعد اللي صار وترد لنا بوحده شقرا حلوه مو مثل عبيرو
فجأه عم الصمت والكل طالع بفاطمه .. عبدالله جد جد انزعج طالعها بحقد
ام عبدالله بعصبيه خزتها وقالت تبي تغير الموضوع : انتي صعدي فوق شوفي اخوج عبدالعزيز قعد ولا لا
فاطمه ابتسمت وهي تطالع امها فرحت لما عرفت من ملامح عبدالله انه تنكد : وانا شكو شحقه جايبين الخدم خليها اهيه تشوفه
يوسف : اقولك عبدالله
عبدالله وقف وقال : يلا عن اذنكم انا بمشي
وطلع ..
ابو عبدالله بنرفزه : فطوم وبعدين وياج انا شنو قلت لج مو قلت لج لا تكلمين عبدالله ولا تتحرشين فيه
يوسف بعصبيه : انتي غبيه ولا تستغبين شنو انتي هذا اخوج يالغبيه اذا ماعندج الا الكلام اللي يغث نفس ويهج لا تتكلمين كلش
فاطمه رفعت حاجب وقالت بثقه : مالك دخل فيني
يوسف بعصبيه : هذي اللي بقوم اذبحها
ابو عبدالله بحزم : خلاص عاد عن الصراخ من صباح الله خير روحوا ناموا ولا شوفو لكم اي شي وفكونا
يوسف هدا اعصابه بالغصب ..
فاطمه وقفت : تشااو
يوسف : مالت عليج بس
وصعدت فوق وهي تغني
يوسف طالع ابوه وقال بنرفزه : يبا امسك بنتك احسن لها لا تدخلون بيوم وتشوفوني ذابحها
ابو عبدالله بنرفزه : يلا عاد عن هالكلام الماصخ هذي اختك
يوسف بعصبيه : لو انت مخلينه نأدبها هاللي ماتستحي كان ما قدرت تطول لسانها
ابو عبدالله عقد حواجبه بإنزعاج : كان ذبحتوها ودخلتوا السجن وانعدمتوا انتوا خبلان روح لأشغالك بس
يوسف وقف وصعد لغرفته ..
ام عبدالله بعد صمت قصير : ابو عبدالله الولد حالته مو عاجبتني
ابو عبدالله : اكيد ماراح تعجبج امس توه طالع من السجن
ام عبدالله تنهدت بضيق : يا ابو عبدالله مو هذا اللي اقصده من سمع اسمها وهو تخربط السالفه صارلها فتره
ابو عبدالله طالعها : عطيه مهله يا ام عبدالله صدقيني اللي صارله ماهو اشوي
ام عبدالله بتردد : انزين بسألك
ابو عبدالله : اسألي
ام عبدالله بلعت ريقها : الحين انته ماشكيت بكلام عبدالله انه يمكن صح
ابو عبدالله عقد حواجبه : من اي ناحيه اذا من نايحة خيانته اكبر دليل جثة الرجال اللي كان بالغرفه
ام عبدالله : لا .. الياهل اللي ببطنها ولد منو ولده ؟
ابو عبدالله طالعها وهو عاقد حواجبه: ام عبدالله الله يهداج وانا شاللي يعرفني انعفسنا بسالفته وبوفاة عبير ونسينا هالسالفه
ام عبدالله تنهدت : الله يهداك بعد شنو اهيه كانت زوجته ومن حقنا نعرف انزين عفيه كلمهم يمكن عرفوا
ابو عبدالله راح جلس على الكنب وقال : يا بنت الحلال انا ابيه ينسى السالفه اقعد اذكره فيها
ام عبدالله : يا ابو عبدالله ابي اعرف واتوقع عبدالله بعد من حقه يعرف
ابو عبدالله تنهد : انزين واذا عرفتي انه الياهل مو من عبدالله شنو بتستفيدين
ام عبدالله : يا ابو عبدالله اسمع مني عبدالله من حقه يعرف
ابو عبدالله : من حقه يعرف ؟ علشان يذبحهه
ام عبدالله عقدت حواجبها : ماعرفنا لك اروح لك يمين تروح لي يسار اروح لك يسار تروح يمين تبيني يعني انا اسوي كل هذا
ابو عبدالله تنهد بإستسلام : خلاص انزين
عبدالعزيز نزل من الدرج بتكاسل وجلس على الكنبه : يمه يوعان
ابو عبدالله : الناس تقول صباح الخير او تسلم
عبدالعزيز وهو رامي نفسه بتكاسل على الكنبه قال ببرود : صباح الخير
ابو عبدالله هز راسه بعدم الرضى ومسك الريموت يقلب بالقنوات
ام عبدالله دقت بالجرس اللي جمبها وجت الشغاله ..
الشغاله : يس ماما
ام عبدالله : سوي ريوق حق عبدالعزيز
الشغاله : اوكي ماما
وراحت ..

#$#$#$

عند اسماء ..
جالسه بغرفتها ولا لها نفس لشي فجأه اتصل عليها محمد واول ماردت..
محمد بدون نفس : سمعيني الحين اشوفج بالكوفي شوب
وسكره..
وراحت تلبس بعد مده ماهي طويله اوصلت وشافته يكلم فجر وسالم وبعدها راحوا يلعبون ..
اسماء تبي تعرف ايش مصيرها مع محمد تطالعه تبيه يتكلم يقول اي شي
محمد : انا سويت التحليل وطلعوا عيالي
اسماء وهي منصدمه من جده هذا يتكلم ؟! ..
اسماء ابتسمت بأمل : اكيد عيالك يامحمد
محمد بنرفزه بدون مايطلعها حتى: انا شنو قصرت معاج فيه
اسماء : محمد انته ماقصرت معاي بشي بس ابيك تسمعني الين الاخير
محمد طالعها وعيونه بتطلع منهم الشرار من العصبيه : انا بقول الكلام اللي عندي ولا ابي اسمع منج شي
اسماء نزلت عيونها بخيبه ..
محمد ابتسم بسخريه : هه وانا اقول وفاة اختها مأثره عليها شوفي يابنت الناس احنا بعد اللي صار مايصلح نكون مع بعض اوكي
اسماء وهي تحاول تمسك دموعها : محمد تكفى اسمعني
محمد وقف : ايه صح وفجر وسالم تحلمين تشوفينهم
اسماء نزلت دموعها ومسكت يده : لا تكفى هذولا عيالي لا تحرمني منهم
محمد ابعد يده بقوه عنها وقال : انتي طالق
واخذ فجر وسالم وطلع رغم انهم لما شافوا امهم يبغون يروحون لها لكن محمد مسكهم بقوه وجرهم للسياره واسماء اللي دموعها انزلت مو مصدقه اللي سمعته او حتى اللي صارلها راحت بسرعه لسيارتها تبي تحمي نفسها من عيون الناس اللي تطالعها بإستغراب اركبت السياره واول ما اركبت وهي تصيح حركت السياره وراحت للبيت .. اول ما ادخلت للبيت راحت بحضن امها تصيح وتقول : يمه محمد طلقني
وام عبدالرحمن ابد ماصدقت اللي قالته : شنوو !!
امسكتها ام عبدالرحمن من وجهها علشان تفهم اللي صار : ليش شنو صار فهميني ليش طلقج
اسماء وهي تبكي بحرقه : يبي يحرمني من عيالي يبي يحرمني منهم
جود اسمعت كل شي وهي تنزل على الدرج اجلست جمب امها مصدومه من شكل اسماء اللي تصيح بشكل هستيري..
اخذت ام عبدالرحمن جوالها واتصلت على ابو عبدالرحمن وبعد كم رنه رد
ام عبدالرحمن بحسره على بنتها : تعال وشوف محمد شنو امسوي بأسماء
ابو عبدالرحمن تنهد : انزين انا بالطريج
وسكرت الجوال وقالت لأسماء : امشي لغرفتج
ومشت اسماء مع ام عبدالرحمن لغرفة اسماء ..
بعد فتره ماهي طويله وصل ابو اسماء وقال وهو يجلس على الكنبه بخوف على بنته : شنو صار محمد شمسوي
ام عبدالرحمن بعصبيه : استخف انجن طلق اسماء
ابو عبدالرحمن بصدمه وعصبيه : شنووو ؟؟!!
ام عبدالرحمن بنرفزه : بعد هذا اللي سمعته بس انا فهمت من كلامها انها طلقه وحده ولا بعد ما يبيها تشوف عيالها هذا مو صاحي
ابو عبدالرحمن بنرفزه : اهيه شمسويه ولا اهوه خبل
ام عبدالرحمن : ماقالت لي شي منهاره البنت بس تبجي
ابو عبدالرحمن تأفأف وهو يطلع جواله من جيبه وبعد كم رنه ..
ابو عبدالرحمن : هلا والله ابو محمد اشلونك .. الحمدالله اقولك ولدك مصخها مطلق البنيه وحارمها من شوفة عيالها عقل ولدك.. انزين .. يلا مع السلامه
ام عبدالرحمن : المفروض تروح له
ابو عبدالرحمن : المهم الحين اهيه اشلونها
ام عبدالرحمن تنهدت بحسره : حالتها حاله
ابو عبدالرحمن : شنو بتطلعون ؟؟
ام عبدالرحمن : ايه قلنا بنزور ام رائد ولدها تعبان يقولون انه احد طاقه بالسجين ( السكين )
ابو عبد الرحمن تنهد : لا حول ولا قوة الا بالله اشلون بتروحين وبنتج
ام عبدالرحمن : قلنا لهم بنجيكم اشلون الحين اتصل يعني اعتذر
ابو عبدالرحمن : ايه بعد شنو
ام عبدالرحمن : انزين
واخذت جوالها واتصلت عليهم
جود لما شافت الوضع كذا قالت بنفسها ( الحين اشلون اشوفه اوف لازم اتعذر لي بأي شي بس مايصير اخلي اسماء ماكو الا اتصل واقوله نأجل الموعد )
واخذت جوالها واصعدت فوق ..
#$#$#

بالكويت .. ببيت ابو عبدالله الساعة 9 الصباح البيت كان هادي ومحد بالدور التحتي انفتح باب البيت ودخل عبدالله بعصبيته وهو يتأفأف جلس على الكنبه وهو يهز رجوله بنرفزه فتح جواله وراح للأسماء تفاجأ لما شاف اسمها وقفت هالدنيا بالنسبه له حذف الاسم لما شاف امه تنزل وسكر جواله ..
ام عبدالله نزلت من الدرج واجلست جمب عبدالله وهي تقوله بإستغراب : عبدالله اشفيك رجعت مبجر شنو صاير ؟؟
عبدالله تنهد بنرفزه وقال: يمه قولي لأبوي عبدالله يبيك لما يرجع
ام عبدالله اسنغربت اكثر : انزين اشفيك جذي منعفس ؟
عبدالله باس راس امه وقال وهو يصعد الدرج : مافيني شي بس قولي لابوي وبس
استغربت ام عبدالله وافتحت التلفزيون..
عند عبدالعزيز كان يطالع جواله وهو بعينه كل المشاعر دخلت فاطمه عليه وهو خاف وسكر جواله بسرعه وقال بعصبيه : انا جم مره قلت لج طقي الباب اول
فاطمه بفضول : ليش جذي اخترعت اشفيك
عبدالعزيز: اوووف شنو تبين الحين
فاطمه سكرت باب الغرفه واجلست على الكرسي وقالت : شنو سويت على رائد
عبدالعزيز : خلاص اتصرفت معاه
فاطمه طالعته وهي رافعه حواجبه : لا يكون انت اللي طاعنه
عبدالعزيز طالعها..
فاطمه : بس ؟!
عبدالعزيز : تبين تجربين علشان تقولين بس ! جب وطلعي بره الغرفه
فاطمه ببرود وهي تلعب بشعرها : لا تصرخ علي فاهم لا افضحك انت وهالخمه عند اخوها
عبدالعزيز استغرب : ومنو هذي اللي بتفضحيني عند اخوها
فاطمه : هههههههههههههههههههه شنو ماعرفتها (كملت بقرف ) وسن
عبدالعزيز بعصبيه : شوفي عاد احترمي نفسج لا اتوطى ببطنج
فاطمه ابتسمت بسخريه : شوف يا اخي العزيز انا اختك واعرفك متى اذا حبيت من قلبك ومتى اذا انت بس تلعب وعلشان جذي هالفكره اللي براسك شيلها لانها مستحيل تصير
عبدالعزيز ابتسم بسخريه : لا صج ! اللي براسي بسويه غصبن عليج وغصبن عن الكل اذا بغيته ومحد راح يمنعني بعدين تعالي انتي منو ؟ امي ابوي ؟؟
فاطمه بجديه : ماراح تأخذها وبس لاني ما اتشرف بهالشاذه
عبدالعزيز : ههههههههه وانتي شكو انا اللي باخذها ولا انتي
فاطمه : عبدالعزيز لا تخليني اولع نار ماتنطفي اسمع كلامي ولا تاخذها
عبدالعزيز ببرود : نار اللي تشب فيج وراح اخذها غصبن عليج
فاطمه اوقفت وقالت بتهديد وبنرفزه : صدقني إذا خذيتها راح يصير شي ماراح يعجبك صدقني بخليك نفس الكلب عندي
عبدالعزيز عصب ومسكها من شعرها وقال بعصبيه : انا الكلب ! بعد اللي سويته لج كلب ماشي ماشي يالثوره
وطردها بره من شعرها وسكر الباب اوقفت وعيونها مليانه حقد وكراهيه وشر وعصبيه وقالت : ماشي صدقني ان ماولعت هالنار تشب هالبيت بكبره وراح اخليك نفس الكلب عندي صدقني ما اطلع فاطمه

#$#$#

خلص البارت الثاني عشر ..
ردودكم وتوقعاتكم تسعدني ..

لامارا · 09-09-13, 04:21 PM

{ آلــبــآرت آلــثــآلــث عــشــر }

$#$#$

عند هند .. بعد اذان الظهر صلت واجلست تدعي وتدعي بحرقه وبألم
وهي تصيح قاطعها رنة جوالها اخذت الجوال استغربت من هالرقم اول مره تشوفه ردت تبي تعرف مين
هند : مين ؟
ابراهيم : افا ماعرفتيني انا ابراهيم يالحلوه
هند حست كل شي وقف بهالدنيا ماعادا دقات قلبها ودموعها اللي تنزل قالت بصراخ : انت وش تبي خلاص خلني بحالي
ابراهيم : ههههههههههههههه ضحكتيني ( كمل بجديه ) هييه عندج مهله اسبوع تدفعين المليونين وبعدها الفيديو راح ينتشر بكل مكان
سكرت الجوال هند ورمته على السرير وهي تصيح فجأه رن جوالها ولما شافت جوالها امسحت دموعها وهي وردت وهي حاول مايبين صوتها انها باكيه ..
هند : هلا ريناد شخبارك
ريناد : انا الحمدالله انتي شخبارج
هند : انا تمام
ريناد : هند ! اشفيه صوتج
هند بتردد : لا لا مافيني شي
ريناد : يعني تبيني ازعل يرضيج اقولج كل شي وانتي ماتقولين لي شي اشفيج شنو صاير لج
هند اخذت نفس : لا بس متضايقه على اخوي المسكين احد طاعنه بس هو الحين زين الحمدالله
ريناد : من صجج .. الحمدالله على سلامته
هند : ربي يسلمك
ريناد : اقولج هند شنو صار على زواج ريم
هند : يقولون مايبون عرس يعني بيعرس عليها وراح يسافرون
ريناد : حرام عاد ريم تساهل كل خير
هند : ايه والله بس امبين انها مو راضيه اختي واعرفها زين
ريناد تنهدت : الله كريم عاد قولي لها خل تشتري كل شي من بره تعالي عرفتي وين بتسافر ؟؟
هند ابتسمت : تقول باريس
ريناد : اوخس هههههه اختج ماهي هينه رومانسيه الاخت
هند : هههههههههه ايه والله
ريناد : يلا عيل قولي لها ريناد تسلم عليج يلا باي
هند : ان شاء الله حبيبتي يلا باي
وسكرته ورجعت لحالة الحيره والخوف ودها تقول لها لكن ماتقدر تحس انها راح تعذبها معها فجأه انطق باب غرفتها وامسحت دموعها بسرعه وقالت: ادخل
ودخلت وسن وقالت لها : يلا الغداء جاهز
وقفت فجأه تطالع فيها وبعدها راحت لها واجلست جمبها : وش فيك ياهند
هند ارتبكت وابتسمت بالغصب : مافيني شي
وسن :علينا كذابه ماتبين تقولين ( وقفت ) يلا عاد قبل لا يبرد الاكل

#$#$#

عند حمد .. بالمستشفى الساعه صارت 6 المغرب صحى من مده ماهي طويله كذا تقريبا قبل ساعه يحس بألم فظيع ببطنه التفت حواليه بتعب شاف آلاء استغرب وقال بصوت كله تعب : آلاء .. آلاء
آلاء التفتت عليه ولما شافته صحى ابتسمت وقالت : حمد انته صحيت سلامتك ماتشوف شر خوفتنا عليك
حمد بتعب : عطيني مويه
آلاء اخذت المويه اللي جمبه وساعدته يشرب ولما خلص
حمد : مشكوره .. وش صار
آلاء تنهدت حزن : انت الله يهداك بالع علبة الدواء كلها والله جد خوفتني
حمد طغى على ملامحه الحزن وقال بنبرة حزن واضحه : ياليتك خليتيني
آلاء كسر خاطرها حمد وقالت : علشانها ؟؟
حمد :..
آلاء: اذا كنت مسوي هالشي علشانها فإنت مجنون
حمد : يعني وش تبيني اسوي
آلاء ابتسمت : خوفت امك وابوك وبعد اختك واخوك وصديقك وانا بعد والله جد مسوي عفيسه
حمد ابتسم : مشكورين واسف عفستك معي
آلاء ابتسمت له : تصدق عاد ياحمد طلعت تحبها جد لكن مافي نصيب يعني ايش تسوي خلاص انساها
دخلوا عايلة ابو حمد وسلموا عليه واخيرا دخل الدكتور وهو يكلم حمد
الدكتور : هاه يا حمد ان شاءالله احسن
حمد : الحمدالله على كل حال
الدكتور وهو يطالع الملف اللي بيده ابتسم وقال : لا ماشاءالله صحتك زينه ويمديك تطلع
ابو حمد : انزين يادكتور ابي اطلعه الحين ينفع
الدكتور : ايه اكيد تفضل معاي
وراح معاه ابو حمد ..
بعد تقريبا 20 دقيقه طلعوا اهله وآلاء معهم علشان بيدخل جاسم ..
جاسم بإبتسامه : الحمدالله على سلامتك
حمد ابتسم له بتعب: ربي يسلمك
جاسم : وبعدين معاك منتحر ومسوي عفيسه كل هذا بس علشان تعرف غلاك عندنا
حمد تنهد : استغفرالله ياربي المفروض اني ما انتحر بس ما ادري ليه حسيت نفسي ضايع بدونها
جاسم : انساها يا حمد وترى فيه غيرها يموتون فيك
حمد : ههه ومين هذولا
جاسم وهو يغمز له : لاعب على الخيطين وتسألني مين بعد
حمد استغرب : اي خيطين انته ووجهك
جاسم ابتسم : آلاء .. شفتها تصيح يوم انك يسوون لك العمليه
حمد انصدم : تصيح ؟؟!!
جاسم : ايه اكذب زياده بعد ( غمز له ) وماتقول يالخايس
حمد : هههه والله انك خبل غريبه تصيح وعلشان مين علشاني
جاسم : الزبده يالوحش اخليك اهلك يبغونك وانا طولت يلا اشوفك على خير ( غمز له ) انتبه على .. نفسك
وطلع ..
حمد مستغرب !! .. ابتسم على تفكيره الغبي وقال بنفسه ( مسكين انت ياجاسم تحسبها تبكي علي !! إلا تبكي على حظها )

$#$#$

ببيت ابو محمد ..
ابو محمد بعصبيه : انت مو صاحي انينيت شلون جذي الطلاق سهل عندك
لهدرجه
ام محمد بنرفزه : وبعدين يعني الين متى تتهاوش مع بنت الناس ولا الحين بعد مطلقها سودت ويهي
ابو محمد بعصبيه : اسمعني زين ترجعها يعني ترجعها مافكرت بعيالك مافكرت انهم راح يتشتتون
ام محمد بعصبيه : حرام عليك سودت ويهي شنو اقول لهم اعقل عاد ورجعها
محمد ماسك اعصابه : انزين ابي اتكلم
ابو محمد بصراخ وعصبيه : اسكت ولا كلمه بعد شنو تقول هذي اخرة تربيتنا فيك
ام محمد بحسره : ايه والله ياحسافة التربيه بس ياحسااافه
محمد عصب : اللي يسمعكم يقول مسوي منكر يبا اسماء طلقتها خلاص ماراح ارجعها
ابو محمد بعصبيه : جب جب الحين تروح وترجعها فاهم
ام محمد : ياوليدي اعقل ورجعها وعن حركات الينون اللي مامنها فايده ماراح تعرف تربيهم بروحك وحتى لو ربيتهم وفجر نسيتها يامحمد فجر بنت وتحتاج لأمها ياوليدي بس عاد رجعها
محمد تنهد : يمه ما اقدر خلاص اذا فجر بنيه انتي ربيها انا تعبت وما اقدر اعيش مع هالإنسانه
ابو محمد بعصبيه : ام محمد عقلي ولدج لا اذبحه اهنيه
ام محمد راحت لمحمد وقالت له : ياوليدي راح يعيشون بتفكك ماراح يتهنون وماراح يمر يوم الا ويلومونك فيه تبيهم يكرهونك .. سالم ياوليدي مايبيك تكلمه وفجر تقوم من النوم تبجي تبي امها انا ما اقدر اعوض هذا كله انا جدتهم مو امهم ومنو قالك بقعد طول هالعمر معاهم
محمد طالعها : الله يطول بعمرج بس يمه صدقيني مو على كيفي انا مو طايقها
ابو محمد تأفأف بعصبيه ..
ام محمد : ليش يايمه شنو صاير ولا اقولك لا ترد انا ادري شنو بتقول مشكله بينك وبينها يا وليدي رجعها اذا مو علشانها علشان عيالك مايصير جذي ياوليدي تدخلهم بمشاكلكم كل مشكله ولها حل ان شاءالله
محمد تنهد ..
ام محمد : رجعها قبل لا تخسر عيالك واذا تبي زوجه ثانيه انا راضيه بس اهم شي ترجعها
ابو محمد بنرفزه : شنو زوجه ثانيه انتي من صجج مايصير الولد مو طايقها جذي ماراح يعدل بينهم اذا شفت نفسك تقدر تعدل كيفك اما تأذي بنت الناس وياك لا
محمد : يمه ما ادري خلاص خلوني افكر ويصير خير
ابو محمد بعصبيه : شنو تفكر يلا رجعها ابوها ينتظر مني رد
محمد : قوله ينتظر الين باجر .. باجر ارد لكم خبر يلا انا برجع البيت
ابو محمد بنرفزه : عاد هذا شي راجع لك انت وياها اهم شي ترجعون لبعض وتفكونا من هالسالفه
محمد وقف ونادى فجر وسالم ونزلوا وراحوا للسياره استغرب محمد هدوئهم ..
محمد وهو يطالع بمراية السياره : اشفيكم جذي هاديين
محد رد عليه ..
محمد : فجر سالم انا شنو قلت مو قلت لما اكلمكم تردون علي
شاف فجر تمسح دموعها وسالم يطالع من شباك السياره ودموعه تنزل
محمد تنهد : تبون ماما ؟؟
فجر قالت بسرعه : ايه
محمد انتظر انه سالم يرد لكن كان ساكت..
تنهد محمد وقال بنفسه ( شفتي شنو سويتي يا اسماء دمرتي عيالنا بنفسج )

#$#$#

ببيت ابو عبدالله ..
ابو عبدالله مستغرب : اشلون يعني ؟؟
عبدالله تنهد : هذا اللي صار عاد انا مو مصدق انا لما وصلت المكتب لقيت احد ثاني قاعد بمكاني وكل القضايا راحت له ولما كلمت المدير يقول اني مطرود وانه سمعتي راح تأثر على سمعتهم

ابو عبدالله : لا حول ولا قوة الا بالله انزين انا قلت لك ارتاح لك اشوي ومن ترتاح السالفه راح تنساها الناس ان شاءالله
عبدالله : ماظنتي انزين شنو اسوي
ابو عبدالله : توظف عندي بالشركه وراح امسكك احسن وظيفه
عبدالله : يبا انت تدري اني تعبان على هالشهاده واخرتها اشتغل بشركه
ابو عبدالله عقد حواجبه : ايه مو عيب بعدين هذي شركتي شركة ابوك اشفيك انت
عبدالله : لا يبا ماكو الا اقدم على مكان ثاني
ابو عبدالله بحده : عبدالله انت تعرف انت ولد منو ؟؟
عبدالله تنهد : يبه انا ادري بس بعد ما اقدر اشتغل بشركتك مو اختصاصي
ابو عبدالله : راح تشتغل بالشركه وبس
عبدالله : يبه ما اقدر مو اختصاصي وبعدين بشوف انا وبجرب
ابو عبدالله : اقول انت بالأول ترتاح وعلى قولة يويسف تسافر
عبدالله ابتسم : يبه يوسف خبل اصير نفسه
ابو عبدالله : بس صدق هالمره سافر غير جو شهر واستانس وارجع
عبدالله : لا يبه هذا كلش مو جوي
ابو عبدالله : عنيد ماكو فايده متى بتبدي
عبدالله : ان شاءالله من باجر
ابو عبدالله : راح اخليك لكن بشرط بروح وياك
عبدالله ماقدر يرفض له طلب باس راسه وقال : تأمر أمر يالغالي
طق الباب يوسف وبعد ما أذنوا له دخل ..
يوسف وهو يغمز لعبدالله : هاه اشوف عبيد ناوي على السفره
عبدالله ابتسم : ياعمي روح انت وسفرتك لا ماراح اسافر خليت السفر لك
يوسف : افا يبه ما اقنعته كنت شاد الظهر فيك
ابو عبدالله : هذا هو شوفه مو راضي
يوسف : يلا عاد قوم جهز نفسك للسفره
عبدالله : يوسف ما لي نفس اسافر
ابو عبدالله : يلا انا اخليكم يوسف اقنعه هاه
وطلع من الغرفه ..
يوسف طالع في وجهه ..
عبدالله :ههههههههه اشفيك جذي تطالعني
يوسف تنهد : وبعدين يعني مايصير جذي حابس نفسك شوف بقول لك الحقيقه عاد اللي تعور
عبدالله: بعد قمت تقول نصايح
يوسف بمزح : خلني اتكلم ولا اطلع
عبدالله ابتسم : يلا قول
يوسف قال بجديه : عبدالله ادري كلامي ماراح يعجبك لكن هذا اللي المفروض اقوله انت تبي تشغل نفسك بالشغل علشان تنساها خلاص عاد انت تعذب نفسك على الفاضي انا ما اقول لك لا تنساها انا بس اقولك حاول تنساها بس بطريقه ثانيه
عبدالله وجهه غير 180 درجه : يوسف
يوسف : ادري مايصير افتح لك هالموضوع بس لازم اكلمك فيه الين متى نتجنب هالموضوع شوف عبيد فطيم هذي تبي تستغل الوضع علشان تغثك لا تخلي لها اي فرصه
عبدالله تضايق : شنو تبيني اسوي اتجاهل كل شي ولا كأنه صار شي
يوسف تنهد : لا تتجاهل جرب بس جرب انك تنسى اللي صار وتبدأ حياه جديده وتنسى اللي صار بطريقه عقلانيه لا تفكر انك اذا اشتغلت راح تنساها مو بهالطريقه ياعبدالله
عبدالله بدون مايطالعه : انا ما ادري ليش اهيه سوت جذي ياليتني لو مطلقها قبل لا اسوي شي اندم عليه اتمنى لو الزمن يرجع علشان ما احبها ولا اتزوجها
يوسف : عاد هذا مقدر ومكتوب وماتقدر تسوي شي
عبدالله تنهد : بس انا يمكن اكون ذابح ولدي
يوسف : شدراك يمكن مو ولدك عبدالله لا تفكر بهالطريقه خلاص عاد لو انا مكانك كان سويت جذي واكثر بعد
عبدالله : لا ياعمي ان شاءالله ماتعيش اللي انا عشته
ابتسم له يوسف ..
عبدالله تنهد : ودي اسوي التحليل
يوسف عقد حواجبه بإستغراب : تحليل شنو
عبدالله : ابي اعرف ولد منو
يوسف : عبدالله خلاص السالفه مر عليها شهور مانبي عوار راس واذا عرفت ماراح تستفيد صدقني .. الله يعوضك ان شاءالله ببنت الحلال اللي تسعدك وتجيب لك هالياهل اللي يفرح قلبك
عبدالله تنهد : الله كريم
يوسف يبي يغير الموضوع : هاه صباحي ؟؟
عبدالله : لا وراي باجر ادور لي شغل مايصير بعد اقعد بدون شغل
يوسف : هذا اللي بينذبح على ايدي انزين ارتاح وبعدين يصير خير هاه شنو قلت ؟؟
عبدالله : بعد جم يوم عرسك يعني جم تقريبا 3 ايام روح لا تخرب نومتك لازم تقعد من الصبح علشان تتأكد انه كل شي جاهز
يوسف تنهد وهو بيطلع من الغرفه : ماكو فايده
وطلع من غرفة عبدالله ..
فتح الباب يوسف مره ثانيه وقال : انزين نتمشى انا وياك وعبدالعزيز هذا اذا مو طالع الحين ونتعشى بعد هاه شنو قلت
عبدالله عرف انه ماراح يخليه بحاله : انزين يلا كلم عبدالعزيز وانا بلبس
غمز له يوسف : عاد اكشخ هاه
عبدالله : هههه ياعمممي روح
يوسف سكر باب الغرفه وهو يضحك وراح لغرفة عبدالعزيز استغرب لما شافه جالس بغرفته وقاله على الطلعه ووافق وراح يوسف لغرفته يلبس ..

#$#$#

ببيت ابو عبدالرحمن .. الساعه صارت 9 بالليل
كلهم كانوا معصبين ..
عبدالرحمن بعصبيه : ليش ماقلتوا لي من قبل كان الحين ذبحته بيديني فوضه يطلق وبس
ام عبدالرحمن : اهدوا علشان نعرف شلون نتصرف
ابو عبدالرحمن بنرفزه : اشفيه طول ابو محمد
جود : ليش يأخذ فجر وسالم ليش محد منعه
ابو عبدالرحمن : عياله مثل ماهم عيال اختج محد راح يقدر يمنعه
عبدالرحمن : بس مو بهالطريقه شنو وين قاعدين ماله حق يحرمها من انه تشوفهم اهله ليش ماوقفوه عند حده
رن جوال ابو عبدالرحمن ورد وقال : شنو صار يا ابو محمد
ابو محمد : كلمناه يقول افكر وباجر ارد لكم خبر
ابو عبدالرحمن بنرفزه: شوف يا ابو محمد انت على راسي لكن ولدك مصخها الطلاق مو لعب يهال اذا يبي يطلق نتفق بالمحكمه على اليهال
ابو محمد تنهد : سامحنا يا ابو عبدالرحمن ميخالف يهال واغلطوا باجر ان شاءالله يرجعها
ابو عبدالرحمن : بيت اسماء ضفها يوم كانت صغيره مو عجزان يضفها وهي كبيره اهم شي عندي كرامة بنتي وماله داعي يدخل البيت علينا بهالطريقه الهمجيه
ابو محمد : ان شاءالله راح اكلمه
وسكره ابو عبدالرحمن..
ام عبدالرحمن : هاه شنو قال
ابو عبدالرحمن : يقول بيفكر وباجر يرد لنا خبر
عبدالرحمن بنرفزه : لا عاد شنو هالمهزأه يخلص علينا يبي يرجعها ولا لا حسافه هذا الحمار مايستاهل اسماء
جود بنرفزه : يلعب بأعصابنا هذا !!
ابو عبدالرحمن : خلاص اهدوا ماكو فايده من عصبيتكم عبدالرحمن روح اخذ زوجتك ورد البيت ولا تقول لها على اللي صار بعد لحد الحين ماصار شي
عبدالرحمن تنهد وهو يوقف : انزين
وباس راس امه وراس ابوه وطلع ..

$#$#$

عند يوسف وعبدالله وعبدالعزيز وهم بالسوق جالسين بالكوفي ..
عبدالله : يويسف عن هالحركات
يوسف : هههه يأخي شسوي فيك ضبط لك جم وحده ماراح تخسر
عبدالله تأفأف وطلع جواله يطقطق فيه .. اما عبدالعزيز اللي من اول الطلعه وهو معه جواله ويطقطق فيه ..
يوسف : لا عاد ما اتفقنا على جذي اسولف مع منو يعني
عبدالله رجع جواله لجيبه وقال : سولف بس لا تسوي هالحركات ترى مالي خلق
يوسف ابتسم وهو يطالعه : انزين التفت وراك
التفت عبدالله وشاف بنات يطالعونهم ويبتسمون ..
عبدالله رجع طالع يوسف وعطاه هذيك النظره اللي وبعدين يعني مع رفعة الحاجب ..
يوسف : ههههههههه شسوي معجبين يأخي
عبدالعزيز واخيرا تكلم : يوسف الحين بالله شافتك ريم شنو يفكك من لسانها
يوسف : واخيرا مابغيت حبيبي ماتقدر ترفع لسانها شنو مو عاجبك رجال انا
عبدالله : ايه يصير خير
يوسف : شنو قلت
عبدالله بإبتسامه : انت اخوي واعرفك زين
عبدالعزيز : هههههههههههه اليمه والله
يوسف رفع حاجبه : يعني مو مصدقين هاه مااشي اوريكم
عبدالله : لا بعدين تزعل البنت
يوسف : لو اني مو رجال كان مالغيت العرس بكبره
عبدالله توه يعرف اصلا : شنووو !!!
يوسف : انت توك راجع وبعدين مو حلوه بعد الظروف هذي اسوي عرس وطقطقه
عبدالله : وانت شكو فيني ياحبيبي هذا زواجك المفروض تفرح فيه مو تلغيه اكيد زعلت
يوسف : كيفها بعدين انت اخوي ما اقدر اسوي عرس وانت تمر بهالظروف
عبدالله طالع عبدالعزيز : عبدالعزيز فهمه هالخبل
عبدالعزيز : يوسف ترى صح كلام عبيد
يوسف : بنروح نسافر ابرك وايد بعد المكان اللي تبيه تعلم ياعبدالعزيز
عبدالعزيز : ههههههههههه شنو اتعلم اصير خروف ؟؟
يوسف : لا يالغبي قصدي تمشي المره على كلمتك
عبدالعزيز : ههههههههههههه يا حبيبي ماتوا اللي جذي نفسك الحين الزواج مشاركه مو منو يفرض رأيه على الثاني
يوسف : روووح زين مو على قولتك اشكالي لو وايد كان ولا وحده تمردت على زوجها
عبدالعزيز : منو قال
عبدالله : اسكتوا خلاص كل واحد وحر بطريقة تفكيره
عبدالعزيز : يوسف نشوفك بعد الزواج شنو بتسوي بتفكر جذي ولا راح يتعدل تفكيرك
يوسف : ليش شنو فيه تفكيري
عبدالعزيز ابتسم بسخريه : شنو فيه !! انت خاطب وقاعد تغازل بنات الناس وتقولي شنو فيه تفكيرك
يوسف اللي بدأ يتنرفز : جب ولا تتكلم اصغرهم ويتكلم
عبدالعزيز : مو هذا الصج
عبدالله : خلاص عاد مصختوها اذا جذي خلونا نمشي
يوسف طلع جواله وقام يهز رجوله بعصبيه
عبدالله : لا والله هذا تغيير الجو عندكم
عبدالعزيز : امشوا نتمشى زهقت من القعده
عبدالله وعبدالعزيز ويوسف راحوا يتمشون ..
راحوا لمحل ووقفوا لما عبدالعزيز راح اشوي بعيد عنهم..
عبدالله : ترى صح كلام عبدالعزيز انت خاطب وقاعد تغازل واذا عرفت ريم
يوسف : اووووف منكم وانا شنو مسوي
عبدالله رفع حاجبه : شنو مسوي ! ليش خطبتها وانت عارف انك ماتقدر ترتبط فيها
يوسف : انا احبها بس هذي السالفه صارت من طبايعي يعني شنو بيني اسوي
عبدالله : طبايعك ! انت تدري انك تكذب على نفسك لو انت صج تحبها كان تركت هذي الاشياء
يوسف عقد حواجبه : يعني شنو قصدك ؟ قصدك ما احبها
عبدالله تنهد : انت تدري شنو اقصد وتدري بعد شنو ممكن تسوي اذا عرفت
جاهم عبدالعزيز : شفيكم جذي واقفين هاه نمشي؟؟
عبدالله : يلا يلا
ومشا يوسف ولحقوه عبدالله وعبدالعزيز
فجأه وقفوا قدامهم نفس البنات اللي كانوا موجودين بالكوفي ..
وحده منهم قالت ليوسف : ممكن بس دقيقه من وقتك
يوسف طالع بعبدالله وطالعها وقال بحده : نعم شنو تبين
البنت : شدعوه عاد بس دقيقه
يوسف : قولي اللي عندج ماراح اتحرك من مكاني
البنت ابتسمت : اوكي .. انت مرتبط ؟
يوسف : شنو هالسؤال يلا يلا
البنت : لا صج مرتبط ؟
يوسف راح على جمب وقالها بنرفزه : انتي شنو تبين
البنت ابتسمت : لا بس انعجبت فيك ماشاءالله جميل وجذي وقلت نتعرف على بعض
عند عبدالله وعبدالعزيز كانوا يطالعون يوسف ويتجاهلون البنات .. فجأه شافوه يعطي البنت ورقه ومشا وقال لهم : يلا مشينا
عبدالله وعبدالعزيز طالعوا بعض ..
واخيرا وصلوا للسياره ..
عبدالله : ممكن اعرف انت شنو عطيت البنت
يوسف ببرود : رقمي
عبدالله : من صجك !! زواجك بعد جم يوم يويسف صدقني راح يمر يوم وتندم ترى ريم ماتستاهل جذي
يوسف عصب : استغفرالله بس شوفوا هذا مجرد لعب وانا اعرف اتصرف اذا تزوجت
عبدالعزيز تنرفز من طريقة تفكير يوسف : اشلون تسمح لنفسك تسوي جذي انزين افرض اعرفت اخر شي بتطلب الطلاق وماراح تثق فيك
عبدالله : انزين البنت هذي يمكن تصر انك تتزوجها ولا تفضحك شنو تسوي ساعتها
يوسف : هههههه ضحكتني ياحبيبي انا رجال ماتقدر تفضحني ليش احط نفسي بمواقف جذي اقولها اني ماراح اخذ علاقتنا بجديه وانتهى الموضوع
عبدالله تنهد : انا مو مرتاح من هالسالفه
يوسف وهو يشغل المسجله : خلوا التفكير لي
فجأه رن جوال يوسف ورد ..

#$#$#
عند عايلة ابو رائد .. صارت الساعه 11 بالليل ..
وسن ورغد تلعب بالبلاستيشن وهند سرحانه بالغصب اجلست معهم .. وريم اللي معاها الجوال وهي متوتره كل اشوي تتصل بس مايرد ..
رغد وهي تلعب بالبلاستيشن : وش فيك ياريم
ريم : اووووف مجنني يوسف صارلي ساعتين اتصل عليه ولا يرد
رغد : كالعاده يمكن طالع ولا انشغل
ريم وهي تهز رجولها بتوتر : لا هو دايما يتصل علي بهالوقت كل ما اتصل عليه يطلع مشغول مين يكلم لحد هالوقت
وسن وهي مره مندمجه باللعبه : اتركي عنك الوسوسه الزايده وبعدين لاتزعجيه كذا خليه متى ما اتصل اتصل
ريم وهي تطالع هند : هند وانتي وش رايك
هند وهي توها تنتبه وتطالعها : هاه !
ريم : وش فيك ما انتي معنا ابد صاير شي ؟؟
هند تنهدت ووقفت : تصبحون على خير
وراحت لغرفتها ..
ريم تكتفت وتأفأفت
عند هند وهي تحوس بغرفتها ماهي عارفه وش تسوي امسكت راسها بتنجن من وين تأخذ هالفلوس هذي كلها تكلم مين تقول لمين قالت بنفسها : ( اقول لريم لا لا مره حساسه وراح تفضحني .. رغد ؟ ماراح تسويلي شي ووسن ما اقدر اقولها لسه صغيره .. طيب مين مييين .. مافي الا ريناد بس كيف وانا رافضه هالفكره من راسي اكيد بتقولي انا حذرتك مو مشكله بس اهم شي اتخلص من هالمشكله من وين لها تجيب لي !! )
اخذت جوالها وهي متردده كم مره تتصل وتسكره واخيرا لما ردت هالمره عليها ريناد تكلمت
ريناد بإستغراب : هند اشفيج تتصلين وتسكرينه
هند بتردد : ريناد في موضوع مره مهم وابغى اكلمك فيه
ريناد :شنو ؟؟
هند : لازم اشوفك ضروري
ريناد عقدت حواجبها : بس الوقت متأخر وابوي مايرضى اطلع بهالوقت
هند ودموعها تنزل بصمت : والله ضروري لو انه موش ضروري كان ما اتصلت
ريناد خافت من نبرة صوتها : خلاص دقيقه واجيج بس خليني اكلم ابوي ان شاءالله يرضى شنو اسم فندقكم
هند قالت لها اسم الفندق وسكرته منها علشان ريناد تكلم ابوها ..
بعد دقايق بالنسبه لهند ساعات .. اتصلت ريناد ..
هند : هاه بشري وش قال
ريناد : لوما الله ثم اخوي ولا كان ماوافق
هند : يعني وافق ؟؟
ريناد : ايه يلا جايتج بالطريج بس بشرط
هند قالت بسرعه : وشو ؟؟
ريناد : ههههه انام عندج علشان بعد ما اقدر ارجع للبيت متأخر
هند ابتسمت : انتظرك
هند سكرته منها وهي تنتظرها بفارغ الصبر ..
عند وسن اللي جوالها ماوقف من الرسايل راحت لغرفتها وهي تتسحب واتصلت على عبدالعزيز .. وبعد كم رنه
وسن بنرفزه : عبدالعزيز انت تزعجني وانا قلت لك اني رافضه هالعلاقه من البدايه
عبدالعزيز : ليش ياحبيبتي
وسن عصبت جد لكن تمالكت اعصابها : انا موش حبيبتك خلاص عاد انا متى لمحت لك اني احبك او شي زي كذا
عبدالعزيز : ومنو قال انج لمحتي
وسن اخذت نفس وقالت بنرفزه : عبدالعزيز كفايه ترى جد مو مستحمله روح شوف لك غيري
عبدالعزيز بإبتسامه ثقة : لا ما اقدر انا احبج
وسن : وانا ما احبك
عبدالعزيز : ليش تحبين البنات ؟؟
وسن تنرفزت : خلاص انا مو كذا وبعدين مالك دخل
عبدالعزيز : ياحياتي والله فرحتيني تبتي علشان تحبيني
وسن : تأكل زق اتوب علشانك انا تبت علشان ارضي ربي وبعدين كانت زله وخلاص
عبدالعزيز ابتسم : وانا عارف شنو اللي راح يرجعج
وسن : مافي شي راح يرجعني ان شاءالله
عبدالعزيز : عيشتج مع اهلج ومراهقتج راح ترجعج
وسن بنرفزه : وش دخلك هاه وش دخلك
عبدالعزيز ابتسم : لكن اذا عشتي عندي انا بصير ولي امرج وعيشي براحتج ماراح امسكج
وسن بعصبيه : احترم نفسك ايش الكلام هذا
عبدالعزيز : اشفيج جذي عصبتي ( كمل بإبتسامه ) بالحلال ياحبيبتي
وسن تنهدت بملل : استغفرالله ياربي انت تفهم اقولك انا تبت خلاص
عبدالعزيز : والتدخين ؟ شوفي انتي ضايعه وبعدين ليش ماتعيشين الحياه اللي تبينها مع شخص يحبج
وسن اضحكت بسخريه :ههههههههههههه مع شخص احبه ؟؟ ومين هو لا يكون انت انا صغيره لسه على الكلام هذا
عبدالعزيز : انا راضي تكملين دراستج
وسن : ههههههههههههههههههههههه ومين قال بوافق ؟
عبدالعزيز : لأنج تبين تهربين بأي طريقه
وسن : اهرب من ايش من اهلي ولا من خواتي ؟؟
عبدالعزيز : كلهم
وسن ابتسمت بسخريه : لا تخاف مرحله وعدت
عبدالعزيز : انتي ليش تكذبين نفسج
وسن : ههههه لأني ما احبك
عبدالعزيز بصراخ : كذااابه سمعتيني كذاااااابه
وسن : اوووص لا تصرخ واحترم نفسك
عبدالعزيز : وسن ذاك اليوم سمعت شي بصوتج عرفت من يومها انج تحبيني ليش تكذبين
وسن عصبت : الطريقه اللي تعرض فيها حبك رخيصه وما ابيها صراحه ما اتخيل نفسي احب ولد خالتي معليش يعني
عبدالعزيز : وليش ان شاءالله انا ولد خالتج مو اخوج
وسن بإستسلام : اوكي احب ولد خالتي بس مو انت اوكي مو انــت
عبدالعزيز بنرفزه : وشنو فيني ؟؟
وسن : خلاص تكفى ترى اللي فيني كافيني
عبدالعزيز قال بخوف : ليش شنو فيج
وسن تنهدت وهي تحط يدها على راسها ابعدت الجوال عن اذنها وقالت بكل كره : ماشي يافطيم تبين تهددين هددي بس ماراح اسمح لج تتحكمين بقلبي
ورجعت الجوال على اذنها وقالت : شوف عبدالعزيز اذا بوافق ابغى بيت لحالي
عبدالعزيز ماكان اصلا متوقع توافق : ولا يهمج
ابتسمت وسن ولأول مره بحياتها من قلبها ..
نروح لهند اللي استقبلت ريناد ودخلتها غرفتها
ريناد : قوليلي اشفيج انتي مو على بعضج
هند تنهدت وقالت بتردد : اسمعيني وتكفين الكلام اللي ابي افوله لك ما بي احد يدري عنه
ريناد خافت من طريقة توترها وهزت راسها بإيه ..
هند بتوتر وصوتها يرتجف ودموعها بدت تنزل : تذكرين الحفله اللي ببريطانيا
ريناد جد خافت لما شافت دموعها : ايه
هند بلعت ريقها : ابراهيم استغلني واستغل ضعفي حط لي شي بالعصير و .. ( وحطت يدها على فمها لأنها ماتبي احد يسمعها ولما هدت اشوي ابعدت يدها وكملت ) اعتدى علي وصورني ويبي ينشرهم الا اذا عطيته مليونين بهالأسبوع هذا
ما اقدرت تستحمل ريناد وقامت تصيح .. ريناد منصدمه ضمت هند .. هند همست لها : تكفين ساعديني مو عارفه وش اسوي
امسكتها ريناد من وجهها وامسحت دموعها وقالت : اهدي خلاص اللي صار صار الحين لازم نفكر من وين نجيب هالمليونين

#$#$#

خلص البارت الثاني عشر ..
ردودكم وتوقعاتكم تسعدني ..
سوري لأني مانزلت بارت امس بس النت فصل علي وما قدرت انزل البارت ..

لامارا · 09-09-13, 04:37 PM

{ آلــبــارت آلــرابــع عــشــر }

$#$#$

اليوم الثاني الساعه 3 العصر تحديدا عند ببيت ابو عبدالرحمن ..
ابو محمد وام محمد ومحمد كانوا موجودين وعايلة ابو عبدالرحمن كلهم موجودين ماعدا عهود .. اسماء تحس كأنها تنتظر الحكم عليها اما بالإعدام او بالإفراج وجود جمبها مسكت يدها تطمنها لأنه توتر وخوف اسماء كان واضح الهدوء يعني شيين يا انه هدوء ما قبل العاصفه او انه مجرد شد اعصاب ..
ابو عبدالرحمن قال يبي ينهي هذا الهدوء : هاه ترجعها ولا شلون يعني
محمد طالع بأسماء وقال بهدوء غريب : بنتك كنت احبها واذا برجعها فهذا معناته اني بنقذها من شي هي خايفه منه شي دايما تقولي اياه اني ما اسويه انه هالعايله ماتتفكك واذا طلقتها فهذا عذاب أأكد لك اني راح اتعذب لكن مو مثل عذابي لما ارجعها ( كمل بصراخ ) ليش سويتي جذي جوابيني
ابو محمد قاطع سكوت محمد وقال : يا ولدي اشفيك ساكت ابو عبدالرحمن يسألك
محمد صحى على هالواقع هذا الكلام اللي كان يفكر فيه وقال بكل خذلان : ايه برجعها
قال هذا الكلام وهو يلعن قلبه يلعن هالاحساس اللي لحد اليوم وهو يحس فيه ..
طالعها شافها فرحانه بشكل ماكان متوقعه توقع انها بتفرح بس مو كذا.. ضمت فجر وسالم بقوه وهي فرحانه ..
ابو عبدالرحمن بحده وهو يطالع محمد : اسمعني زين يامحمد بنتي عاشت طول عمرها بكرامتها عمري ماراح اخليها تنهان لا منك ولا من احد ثاني
محمد كأنه مخدر كأنه بعالم ثاني كأنه بعزاء وجهه ماكان يقول انه بخير ..
اخذت اغراضها اسماء وفجر وسالم فرحانين بشكل لا يوصف ويتكلمون معاها اخذت اغراضها لكن قبل ماتطلع من غرفتها دخل عندها ابوها وقال بإبتسامه وهو يطالع فجر وسالم : انزلوا تحت بابا يبيكم
وسكر الباب وجلس جمب بنته وقالها بحنيه : يا بنيتي انا ما ادري شنو صار بينكم لكن كل اللي اعرفه انج ماتنهانين دام اني عايش متى ماحسيتي انه بدأ يتطاول عليج ولو حتى بالكلام ارجعي لبيتج وصدقيني ماراح يصير الا اللي يرضيج
ابتسمت اسماء وضمت ابوها وقالت : يبا مشكور والله يخليك لي ولا يحرمني منك
ابعدت اسماء عن حضن ابوها وانزلت وتوجهوا اسماء ومحمد وفجر وسالم للبيت طول الوقت محمد كان ساكت استغربت اسماء انه رجعها .. تجاهلت هذا الشعور ودخلت للبيت واصعدت فوق ترتب ملابسها دخل محمد وسكر الباب وقال بدون حتى مايكلف نفسه يطالعها : اسماء اللي بيني وبينج فجر وسالم وبس يعني بالأصح انتي مربيه فقط لاغير هالغرفه هذي مجرد شكل بس علشان فجر وسالم مايحسون بشي ماراح تشوفيني وايد اغلب وقتي طالع واذا برجع بس ابي اشوف فجر وسالم
كان بيطلع لكن وقفه صوت اسماء اللي كانت دموعها تنزل بصمت لكن صوتها يرتجف : محمد
محمد كان معطيها ظهره : صح نسيت وما ابيج تتكلمين معاي بأي موضوع
وطلع بره الغرفه ..
اجلست اسماء على طرف السرير تحاول تستوعب كل الكلام اللي قاله نبرة صوته عايلتها ماتفككت عن طريق الطلاق لكنها تفككت بصمت مؤذي ..

#$#$#

ببيت ابو عبدالله .. فاطمه جالسه بالصاله لحالها وسكرت الجوال وهي معصبه شافت عبدالعزيز نازل من الدرج راحت له ووقفت قدامه وقالت بعصبيه : سويتها
عبدالعزيز ابتسم ببرود : ومن وين عرفتي
فاطمه : من الزفت وسن
عبدالعزيز ببرود : اول شي مايصير تقولين عنها زفت لأنها بتصير زوجتي وثانيا مالج دخل
فاطمه بعصبيه : ماشي صدقني ان ما ..
قاطعها عبدالعزيز لما دفها عن وجهه ومشا ..
فاطمه بعصبيه وصراخ: والله لا أهد البيت بكبره عليكم ياكلااااب
وراحت لغرفتها وسكرت الباب بعصبيه
راح عبدالله لغرفة يوسف بعد ماطق الباب وقال : يويسف تعال ..( فجأه استغرب لما شاف شكل يوسف كذا وقال بإستغراب ) يوسف اشفيك
يوسف : انا ما ادري شنو صار لي
عبدالله سكر الباب ودخل وجلس جمبه وقال : يوسف اشفيك
يوسف طالع بعبدالله : والله احبها انا احبها صج صج احبها لكن ..
عبدالله خاف واستغرب من كلامه : لكن شنو ؟؟
يوسف بخيبة امل : مو مستعد ( طالع عبدالله ) مو مستعد للزواج
انا خايف اذا تزوجتها اضيعها معاي يعني الحب بروحه ماينفع
عبدالله ابتسم : شلون ماينفع إلا ينفع ونص انت خايف لأنك سويت شي ضميرك انبك عليه غير رقمك وماراح تشوف الا ريم قدامك لا تخاف اتهاوشت معاها انت ؟
يوسف تنهد : لا اصلا مارديت على مكالمتها
عبدالله ابتسم: اتصل عليها طمنها عليك تلقاها ميته من البكي عليك
يوسف طالع عبدالله : خايف اظلم بنت الناس وياي
عبدالله : لا ماراح تظلمها وراح تشوف يوسف انت تحب ريم تعرف شنو يعني تحبها
يوسف ابتسم لعبدالله ومسك جواله ولما اتصل عليها طلع عبدالله من غرفة يوسف ..
يوسف : انززين نطري .. ابي اتكلم ... يابنت الناس .. ريم ..... انزين انزين .. خلصتي ؟ .. انا اسف كنت طالع ونسيت تليفوني صامت وماشفته
ريم : لا تكذب اتصل يطلع مشغول
يوسف توهق : هذا عبيد يسولف مع رفيجه وطولها شدعوه ماكو ثقه يالحب
ريم : لا مافيه وبعدين معاك خليتني ما انام وانا عشرين الف فكره تجيني
يوسف ابتسم : يعني تحبيني ؟
ريم ابتسمت بحيا :لا ما احبك خوفتني عليك
يوسف : هههههههههههههههههه انزين فديت اللي خايفين علي انا يلا عاد قلت اسف
ريم بحيا واااضح : هالمره بسامحك بس المره ثانيه لا
يوسف : ههههههههههههه ومنو قالج فيه مره ثانيه لا خلاص ما اعيدها

#$#$#

عند هند وريناد ..الساعه صارت 3 العصر..
ريناد تنهدت : هند ياهنـــد خلاص قصري صوتج قبل ما احد يسمعج وننفضح
هند تنهدت بضيق : وش تبيني اسوي انتي مو حاسه باللي احس فيه خلاص ماني قادره استحمل ياريناد
ريناد بحنيه : ادري ادري الله يعينج والله ينتقم منه ولا يوفقه خليني افكر شنو اسوي
هند نزلت دموعها : تصدقين اني كنت احلم بعايله وكذا اطفال وزوج لكن خلاص انهى حياتي الله يأخذه يارب وينتقم منه
ريناد راحت لها وضمتها : خلاص ياهند اهدي صدقيني ان شاءالله راح احل هالسالفه قبل مايصير شي بس انتي اهدي
عند ريم جالسه وماسكه جوالها وتطقطق فيه وعلى وجهها اكبر ابتسامه .. صحت وسن من النوم وطبعا بعد ماصلت راحت واجلست على الكنبه بتكاسل وقالت : ريم .. ريموو
طالعتها وقالت وهي عاقده حواجبها : وجع يالصمخه ليه ماتردين علي
ريم ابد مو معاها فجأه ضحكت بصوت عالي ..
وسن وهي تبوس يدها : الحمدالله والشكر يارب ثبت علينا العقل
رغد وهي تطلع من غرفتها تدندن واجلست على الكنبه وقالت وهي تطالع التلفزيون : هاه في غدا
وسن : ههههههههههه لا تتوقعين ترد عليك هالخبله
رغد بملل : ايه كالعاده تتهاوش مع هالخبل وبعدين يراضيها بكم كلمه
وسن بإستغراب : وين ابوي وامي
رغد ابتسمت بسخريه : تسأليني!! انا توني قاعده من النوم
اشوي الا رائد طلع من غرفته وراح جلس بالصاله ..
رغد : وش مطلعك من غرفتك روح ارتاح ولا نسيت كلام الدكتور
رائد : طفشتوني كل ماتحركت قلتوا كذا خلوني اشوي اغير جو
فجأه فطست ضحك ريم ..
رائد : هيييه يالخبله ( طالع رغد ووسن ) وش فيها ذي
وسن بملل : يويسف في غيره ماعندنا غير سيرته
رائد رما عليها المخده وقال بنرفزه : ماتستحين انتي
ريم خافت : وش سويت!!
رائد بنرفزه : اكلمك وماتردين بالله مين تكلمين؟؟
ريم : يوسف
رائد : قلعه تقلعك انتي ويوسف يلا روحي سويلي شي اكله
ريم اوقفت بنرفزه : ان شاءالله
وراحت للمطبخ ..
اطلعوا هند وريناد من الغرفه وريناد تسلم على هند ..
ريناد : يلا حبيبتي مع السلامه ابوي اتصل وتعرفينه زين
هند ابتسمت : يلا مع السلامه
ووصلتها للباب .. وطلعت
رائد برفعة حاجب : ومين هذي ؟
هند : ريناد صديقتي كانت نايمه عندي امس
رائد رجع يطالع التلفزيون بملل ..
فجأه وبدون سابق انذار جا على باله جود ..وقال بنفسه ( انا الحين وش اسوي البنت اصغر مني بكثير واكيد اني ماراح اقدر اخذها بعد اللي صار مع اختها امي بتذبحني لو عرفت .. اوووووف طيب ليه ما اجرب بس .. ليه اجرب وانا عارف انه هالشي مستحيل يصير انا وجود ماننفع .. ماني عارف وش اسوي )
رائد : اقول رغد
رغد : هلا
رائد : الحين ام عبدالرحمن ماقالت بتجي ؟
رغد : ايه بس اتصلت على امي اعتذرت تقول ظروف وراح تجي وقت ثاني
جت ريم وحطت الاكل على الطاولة اللي قدام رائد وكانت بتروح بس وقفها رائد ..
رائد : ريم
ريم التفتت وطالعته : هلا
رائد : ريم مكالمتك كاثره مع يوسف خفي شوي عرسك بعد بكره
ريم تنهدت : طيب
وراحت لغرفتها ..
وسن : رائد تدري وين امي وابوي؟؟
رائد وهو ياكل : ايه قالوا لي بيطلعون مشوار قبل اشوي ريم كانت موجوده ماسألتوها
وسن ابتسمت بسخريه : وهي تجاوب! ماتجاوب لا ايه ولا لا
بعد فتره بسيطه اشوي اتصلت ام عبدالرحمن وبلغتهم انهم بيجون اليوم المغرب وفرحة رائد كانت ماتتصور بس طبعا يحاول انه مايبين
وسن دقت هند ورغد بخفيف وقالت بهمس مايسمعه : اقول شوفوا عيونه
هند : وش فيها يعني
وسن بهمس : يالخبله يحبها
رغد بهمس : هاه نطفشه ؟
وسن بهمس : ههههه لا حرام خليه ( بعد تفكير ) خلاص شوفي بخلي ذي الحماره جود تعرف انه يحبها
رغد ابتسمت وقالت بهمس : كيف ؟؟
وسن بهمس : اسمعيني زين هاه
هند بهمس : بنات خلوه بحاله هو رجال ويعرف يتصرف بهالأمور
وسن بهمس : وانا وش دخلني فيه انا ابي اعرف وش نوعها هي يعني من النوع اللي تحب زي اخوي ولا الزواج عندها بعد حب ولا بدون حب
رغد بهمس : ترى جد حرام يعني هو يحبها وكذا وبعدين ينصدم
وسن : اسكتي صايره لنا ريم الثانيه
قام رائد وراح لغرفته بعد ماخلص اكله..
هند تنهدت : مايصير كذا هو حتى ماقال
وسن : من جدك انتي ماتشوفين وش يصير فيه لما يسمع اسمها
هند هزت راسها بعدم الرضى : واذا طلع مايحبها وش تسوين وقتها تعشمين البنت على الفاضي
وسن : يالله عليك انا بمهد له الطريق
هند : انتي موش امه يعني مالك دخل
وسن : اووووف لا انا اخته وانا عارفه اشكال جود ايش راح يسوون مع اشكال رائد
رغد : هند ترى مافيها مضره له احنا بس راح نشوف وش نوعها على قولة وسن
هند : طيب بس بما اني اكبر وحده خلوني اشوف طريقة تعاملها وطريقة كلامها بشوفها اذا تصلح لأخوي ولا لا وبعدين كلموها هالموضوع
وسن طالعت رغد وطالعت هند وقالت وهي عاقده حواجبها : حبيبتي اخوك ذا اذا حب ذي الدلوعه ماراح يستأذن منك
هند : اوووف منكم افهموا عاد وش قصدي انا قصدي انها راح تتقبل ولا لا
رغد : بالله هند انتي دارسه طب اطفال ولا نفسي
وسن : من جد ترى حتى احنا عندنا طريقة تعامل وكذا
هند ابتسمت : ههههههه طيب ماقلت شي يلا بس قوموا شيلوا الأغراض اللي بالصاله

$#$#$#

ببيت ابو عبدالله .. عند عبدالعزيز دخل للبيت وراح لغرفته دخل غرفته شاف فاطمه عيونه قلبهم بملل وقال بنرفزه : يلا فاطمه بره انتي ماتفهمين غرفتي ماتدخلينها ابد
فاطمه اوقفت قدامه وعلى وجهها اكبر ابتسامه وقالت بكل برود : عبدالعزيز في موضوع بكلمك فيه وما ابي احد يسمعه سكر الباب
عبدالعزيز حاول يتمالك اعصابه : انتي ماتفهمين يلا بره
فاطمه سكرت الباب وقالت بأكبر ابتسامه : شوف انا اقدر افضحك عند الكل واليوم ماراح يعدي الا انت مذبوح
عبدالعزيز بنرفزه : جب ماتقدرين تسويلي شي يلا بره
فاطمه رفعت حواجبها وعلى وجهها ابتسامه تعجب : قمت ترفع صوتك شوف عاد بورقه وحده اوديك بداهيه ولا نسيت المصيبه اللي سويتها .. جرب بس تجيب طاري لأمي انك تبي تتزوج وسن وشوف منو اللي راح يشب هالنار بهالبيت اوكي
كانت بتطلع لكن عبدالعزيز مسكها من يدها وعطاها كف وقال بنرفزه : تأكلين تبن تهدديني وياويلج اذا دخلتي هالغرفه مره ثانيه انا اللي بشب النار فيج
وطلعت فاطمه بره بعد ما عطته نظرة توعد
جلس عبدالعزيز على طرف السرير وقال بنفسه ( مستحيل هذي اختي الله يستر لا تسويلي مصيبه ) ..
فاطمه طالعت بغرفة عبدالله
وقالت بداخلها وهي تنزل دموعها بصمت وبدون ماتحس : والله لا أدفعكم الثمن غالي واحد واحد فيكم ماراح اخليكم تتهنون دام اني عايشه والله لا اخليكم تدفعون ثمن هالضرب اللي خذيته منكم وهالإهانه
وراحت لغرفتها ..

$#$#$

عند بيت ابو رائد الساعه 6 المغرب ..
الكل كان متجهز وينتظرون ام عبدالرحمن جت ومعاها جود مثل ماكانوا متوقعين البنات اجلسوا وسلموا على بعض ..
ام رائد بإبتسامه : تسلمين يابعد عمري ( طالعت جود ) هاه ياجود الحين انتي بتروحين الجامعه شنو التخصص
جود : التخصص ان شاءالله ادارة اعمال
ام رائد بإبتسامه : الله يوفقج ان شاءالله
جود ابتسمت : اجمعين تسلمين
ام عبدالرحمن : هاه اشلون رائد ان شاءالله احسن
ام رائد ابتسمت : لا الحمدالله وايد احسن
ام عبدالرحمن : الحمدالله
وسن بإبتسامه : جود الحين انتي مو ناويه تدرسين بره
جود : فكرت بس ماحبيت الغربه وحتى اهلي مو معاي فقررت ادرس اهنيه كنت مقرره طب لكن اعرف نفسي قلبي مايتحمل هالمناظر
هند بإبسامه : عاد انا طب بس طب اطفال
جود : ووين درستي
هند تضايقت لما تذكرت : ببريطانيا
جود : ومتى ناويه تبدين
هند : اول ما ارجع سعوديه ان شاءالله
رغد : اقول جود وش رايك انسولف بعيد عن الحريم اشوي نأخذ راحتنا
جود استغربت لأنها مو قريبه منهم مره فقالت : اوكي
راحوا لغرفة رغد وسن وسولفوا ..
وسن حطت اغنية حب اشوي الا تقصره وقالت لجود : اقول جود وش رايك بالحب
جود : الحب اكيد حلو والكل يبيه
وسن : يعني لو حبك واحد ويبغى يتزوجك راح تقبلي ؟
جود : على حسب
رغد : اشلون يعني
جود : يعني يقدر يعيشني نفس العيشه اللي معيشني اياها ابوي واكثر بعد
وسن : والعمر ؟
جود : اكيد يقارب من عمري
هند : طيب واذا طلع واحد على قد حاله وعمره بالعشرينات ويحبك تقبلين فيه ؟
جود : لا اكيد لا شوفي الكلام الفاضي وحب وما ادري شنو منو يقبل انه ينذل طول عمره بعدين هذا زواج يعني لازم الواحد يفكر لبعدين
هند : قبل اشوي قلتي انه الحب الكل يبيه
جود : طبعا بس الحب اللي الحين مو حب
هند : واللي يحبك ورفضتيه كذا راح تكسرين قلبه
جود : مع الأيام ينسى
هند اللي انفعلت اشوي لأنها تذكرت تجربتها مع راشد: ومين قالك ينسى عشتي تجربة حب وحبيتي من قلبك ؟
جود استغربت من انفعالها : لا وبعدين اللي يحب مره يقدر يحب مرتين وثلاث بعد
هند : الحب الأول الحب اللي جد تكونين حبيبتيه ووثقتي فيه وكل شي هذا ماينتسى راح تبقين حبه الاول ولو جا احد ثاني غيرك تبقين الأولى على مر السنين راح يتشافى لكن قلبه ماراح يتشافى مو هذا الاحساس اللي تدورون عليه انك الأولى بقلبه
رغد ووسن استغربوا من هند اللي جد حسوا كلامها طلع من القلب
جود : اكيد بس كل واحد والطريقة اللي عاش فيها اكيد راح يحب يعيشها مع الانسان اللي يحبه
هند اعرفت انه مافي فايده واسكتت..اعرفت تفكيرها انها تفكر بالفلوس قبل كل شي العز اللي عايشه فيه مستحيل تتخلى عنه علشان الحب بس عرفت انها ماعمرها جربت الحب اجل ليه قالوا "يضرب الحب شو بيذل"
وسن : بعد هذا الحب
نادت ام عبدالرحمن جود علشان يسلمون على رائد وبعدها يروحون
دخلوا على غرفة رائد ماتتصورون الفرحه اللي بوجه رائد حسوا بهالشي رغد ووسن وهند بطريقة كلامه وحتى نظراته جد خافوا عليه حسوا انهم ودهم يوقفون هالشي دقايق بسيطه وراحوا ام عبدالرحمن وجود ..
راحوا البنات لغرفتهم بسرعه
وسن منكسر خاطرها : حرام والله حرام شفتوه ؟؟
هند اجلست على السرير وقالت بتنهيده : وش راح تقدرين تسويه تقولين له انها مستحيل ترضى فيك لأنها وبكل بساطه بزره
رغد رمت نفسها على الكنبه : اوووف من جد قهر رائد راح يتعذب
وسن بتهور : انا لازم اكلمه واقوله
هند قالت بسرعه : لا من جدك انتي مو بعيد يضربك رائد شكله يحبها بس احنا مو عارفين ولازم نتأكد قبل مانتكلم ونقوله هالكلام
رغد طالعتها : وكيف
هند تنهدت : خلاص خلوا ذي السالفه علي انا
وسن بإستغراب : وين ريم ماشفناها من بعد ما اخوي هاوشها
رغد : ايه والله امي ماترضى لازم الكل موجود اذا جا احد يزورنا كيف امي ساكته عنها
هند وهي تمسك جوالها : يمكنها نايمه
رغد : ليه تنام يعني تعرفين ريم تحب تقعد وتكشخ
وسن عفست وجهها : هذاك اول بس علشان ترضي خالتي وتتزوج يوسف
رغد : هههههههههههه اما ريم تفكر كذا
وسن وهي تمسك الريموت : ايه حبيبتي مافي احد مايفكر بمصلحته
رغد : ريم تفكر بمصلحتها ؟هههههههههههههههههههههه ضحكتني هذي حبيبتي هي كذا طبيعتها كذا
وسن : اقول بس اسكتي تبيني ابرهن لك انها تكلمه لحد الحين
هند وهي تمسك المجله : وش دعوه لحد الحين تكلمه وشو ماعنده شغل
وسن قامت : اجل امشوا نشوفها
هند تركت المجله : صدقيني مو معقوله تكلمه لحد الحين
رغد : من جد
وسن وهي تتوجه لغرفة ريم : ماشي
افتحت الباب وشافتها جالسه على سريرها وسرحانه ..
هند طالعتها وعلى وجهها ابتسامه وعطتها هذيك النظره اللي شفتي كلامي صح
راحوا لها وشافوا وجهها مايتفسر ..
هند : حبيبتي ريم وش فيك
ريم تنهدت بضيق واضح : مافيني شي
هند طالعت بالبنات واشرت لهم بإنهم يروحون وراحوا طالعت بريم وقالت لها بحنيه : وش فيك يوسف قالك شي
ريم طالعت بهند وقالت بضيق : لما سكرت من يوسف اتصلت علي فاطمه وسمعتني كلام مثل السم وهددتني
هند تنهدت : كلمي يوسف عنها وبعدين الين متى ساكته يعني
ريم : ما اقدر اقوله هذي اخته واذا ماصدقني اللي خايفه منه انه هذا اتصالها الثاني تطلب مني اترك يوسف
هند : قلت لك كلميه وقولي له اذا يحبك راح يصدقك
ريم وهي عاقده حواجبها : ما احب المشاكل
هند : هالفاطمه هذي لازم احد يكلمها وش تبي هذي
ريم تنهدت : خلي سالفتي على جمب وش صار لما جت جود
هند تنهدت وقالت لها بالضبط اللي صار
ريم وهي مره منكسر خاطرها على رائد : مايستاهلها رائد مره شايفه نفسها
هند : عاد هذا قلبه ما اعتقد اصلا امي ترضى
ريم : صادقه والله وخصوصا بعد السالفه اللي صارت
هند تنهدت : راح ينكسر قلبه انا حاسه بهالشي المشكله ودي اكلمه لكن انتي تعرفين اخوك بهالسوالف زين مايذبحك
ريم : ايه والله صادقه اول مره اشوف اخوي بهالحاله
هند ابتسمت : تصدقين اول ماشافها شفت بعيونه شي ماينوصف حتى عينه ماجت بعينها وتحسينه جد يحبها وجهه وعيونه حتى ابتسامته وكلامه تغيروا 180 درجه مو رائد اللي اعرفه من جد الحب يغيرك

#$#$#

بالسعوديه .. عند آلاء وحمد .. الساعه 11 بالليل
آلاء جالسه على السرير وضامه نفسها وتصيح .. حمد طلع من الحمام وهو لابس وشعره كله مويه ماكلف نفسه حتى يطالعها بس ماينكر انه بكيها كسر خاطره وقال : يا آلاء هالشي صار برضاك عاد خلاص لا تحسسيني مسوي غلطه
آلاء رجعت تصيح مره ثانيه ..
حمد تنرفز : استغفرالله ياربي آلاء انتي عارفه انه ابوي طالب هالشي
آلاء دخلت للحمام .. وحمد ماقدر يجلس دقيقه وحده بالبيت طلع بره بسرعه كأنه بيهرب من شي ..
خلصت آلاء من الحمام ولما البست وخلصت طالعت نفسها بالمرايه وتقول بنفسها ( ان شاءالله اني احمل بسرعه وافتك من هالموضوع )
افتحت الباب بشويش بس لما شافت انه مو موجود راحت للمطبخ تسويلها شي يهدي اعصابها ..
عند حمد .. يدور بالشوارع بسيارته وحاط على الأغاني ومتضايق ومعصب
فجأه شاف جواله يرن طنشه بدون مايشوف الرقم رجع جواله يتصل مره ثانيه رد بعد ماشاف الرقم ..
حمد من غير نفس : الوو
سلوى وهي تصيح : حمد إلحق علينا ابوي راح يذبح فيصل بسرعه تعال
حمد سكر جواله وتوجه للبيت واخيرا بعد ماوصل شاف ابو حمد يضرب فيصل بعصبيه ويقول بصراخ : هذي اخرة التربيه تفوو عليك
ام حمد تحاول توخره لكن كان يبعدها عنه ..
راح لهم وحاول يبعد ابوه عن فيصل اللي جسمه تكسر من الضرب
حمد وهو يحاول يمسكه : يبا خلاص اهدا
ابو حمد بعصبيه : انا تسوي فيني كذا ماشي
حمد وهو يحاول يمسكه : يبا اهدا شوي
سلوى جالسه عند فيصل هزته ماتحرك قامت تصرخ بإسمه وتهزه وهي تصيح : فيصل قوووم فييييييييصل الله يخليك قوووم
حمد راح لفيصل اللي صاير زي الجثه مسكه من وجهه ويقول : فيصل فييصل
ماتحرك شاله وراح لسيارته وام حمد اخذت عبايتها وراحت مع حمد كانت بتطلع سلوى لكن ابو حمد مسكها من يدها بقوه وقال بعصبيه: انتي تجلسين هنا ماتطلعين من البيت
سلوى وهي تصيح : يبا الله يخليك بتطمن عليه
ابو حمد عطاها كف وقال بعصبيه : تجلسين هنا انا كلامي ماينعاد مرتين وتنظفين وصاخة اخوك اللي على الارض
وطلع بره البيت طالعت سلوى البلاط كان مليان دم وراحت تنظفه وهي تصيح ..
اما عند حمد يسوق بسرعه .. وام حمد جالسه ورا تصيح وماسكه راس فيصل ملامحه شبه معدومه من الضرب ..

#$#$#

خلص البارت الرابع عشر ..
ردودكم وتوقعاتكم تسعدني ..

لامارا · 09-09-13, 04:38 PM

#$#$#

{ آلـــبـــآرت آلــخــآمــس عـــشــر }

ببيت ثاني بالسعوديه يختلف كليا عن اي بيت انطق باب بيتهم وافتحت الخدامه باب وقالت : نعم بابا
... بإرتباك : وينها سعاد
الخدامه : موجوده بس انت مين
مشعل : قوليلها مشعل
الخدامه : اوكي بابا تعال مجلس
دخل مشعل المجلس وهو مرتبك ..
بعد دقايق ..
سعاد وعلى راسها الشيله : نعم حضرتك بغيتني
مشعل وقف بسرعه وقال بفرحه ماتوصف : عمتي
سعاد تنهدت بملل : ماعندي الا اخو واحد وماعنده الا ولد واحد انت ولا عمري شفتك
مشعل قرب كم خطوه وقال بإبتسامه : عمتي انا مشعل .. مشيعل نسيتيني
سعاد ابعدت الشيله عنها بصدمه وقالت وهي تطالع بوجهه بملامحه مو مصدقه : مشعل بس .. بس يقولون انك ..
مشعل بضيق واضح : ادري ياعمتي لا تكملين انا الحين بحاجتك
سعاد وهي تمسكه من يده واجلست على الكنبه وهي تمسك وجهه وتمسح على شعره مو مصدقه ..
سعاد بإبتسامه ودموعها متعلقه بعيونها : والله مو مصدقه انك انت الحين هو ليه كذب
مشعل باس يدها وقال وهو يطالع بعيونها : تكفين ياعمتي ساعديني انا ابي ارجع لبيتنا لغرفتي ابي ارجع خلاص طفشت مليت انا اشتقت لأمي لأخوي لخواتي
سعاد تنهدت : خلاص تعال ارتاح واخلي الخدامه تنظف لك الغرفه الحين
مشعل باس راسها وقال بإبتسامه : الله يخليك لي ولا يحرمني منك
ابتسمت له سعاد ..

مشعل عمره 22 ملامحه جميله وقويه .. توه متخرج من الجامعه
نعرف قصته بعدين ..

#$#$#

عند حمد .. صارت الساعه 1 بالليل ..
يحوس مو راضي يجلس وابو حمد جالس ولا كأنه مسوي شي وام حمد حالتها حاله وتصيح ..
واخيرا طلع الدكتور وقال : انتوا عايلته
توجهوا له ..
ابو حمد : وش فيه
حمد : دكتور تكفى طمننا
الدكتور تنهد : الحمدالله بس جسمه كله رضوض ويده مكسوره وهذا غير الكدمات امبين انه ضرب وانا لازم ابلغ الشرطه
حمد طالع ابو حمد وطالع الدكتور
حمد : لا يادكتور مايحتاج هو طاح من الدرج
الدكتور : لا ما اقدر امبين انه ضرب ما اقدر اتغاضى عنه بس الشرطي ماراح يجي الا بكره وولدكم ماراح يصحى الا بكره يلا عن اذنكم
ومشى الدكتور..
حمد طالع ابوه : يبا انت وش فيك على فيصل
ابو حمد بعصبيه : وانت مين تسألني
حمد : يبا فيصل مو بزر وبعدين افرض انه صار فيه شي يمكن يرمونك بالسجن
اول ماجاب حمد سيرة السجن سكت ابو حمد وخاف لكن مابين هالشي
ام حمد ودموعها تنزل : حرام عليك الولد وش سوا لك علشان تضربه وكنت قريب وتذبحه
ابو حمد بعصبيه : حرمت عليك عيشتك انتي تنطمين من تربيتك ولا ماكان طول لسانه علي
ام حمد وهي تصيح : يدافع عن اخته اللي بيتزوجها رجال كبر جدها حرام عليك
ابو حمد بعصبيه وقف وقال : انتي مالك دخل تنطمين فاهمه لا صدقيني اطلقك وارميك بالشارع
حمد كان واقف بينهم : خلاص يبا ممكن تهدا (التفت على امه ) خلاص يمه اهدي واجلسي
اجلست الأم على الكرسي وهي تتحسر على ولدها وبنتها ..
حمد وهو يجلس على الكرسي : يبا وش سالفة سلوى اللي بتزوجها غصب
ابو حمد طالعه وعيونه كلها عصبيه : بزوجها كيفي بعدين هذا شريكي بالمشروع الجديد وهذا شرطه ولا اذا اشتغلت بدونه راح اخسر
حمد عقد حواجبه وتنهد : يبا انت ماشاء الله عندك خير ونعمه من الله ماله داعي هالمشروع بعدين سلوى لسه عليها
ابو حمد بعصبيه : حمد كل تبن هذا حلالي وهذي بنتي وبكيفي
حمد تنهد يدري مو بيده شي ..

$#$#$

نروح للكويت الساعه 2 بالليل تحديدا عند راشد.. قاعد بغرفته ويحوس اشوي الا يرن جواله ورد وقال بنرفزه : اشتبي
.. : اشفيك جذي ننطرك وينك انت
راشد تنهد بنرفزه : انشغلت مالي خلقك الحين يلا يــلا
وسكره ورماه على سريره بنرفزه وتأفأف فجأه وقف جمب الباب يتسمع طلع وهو معصب وقال بعصبيه : انتي هييه شلون تردين بنص الليل
هدى تنهدت حتى ماطالعته وكانت تبي تصعد فوق لكن مسكها من يدها وعطاها كف وقال بعصبيه : انتي هيه لما اكلمج تردين علي
اشوي الا ينفتح باب البيت وكانت لمياء وام راشد ..
خافوا لما شافوا ماسكها من ذراعها بقوه ومعصب ..
ام راشد وهي تحاول تبعده عنها : رويشد وويعه وخر عنها
راشد ابعد عنها وقال بعصبيه : انتوا شلون تردون الحين الساعه 2 وين كنتوا
ام راشد بعصبيه : جب ولا حرف انت ماتحترم احد
راشد بعصبيه : يمه وين كنتوا
ام راشد بعصبيه : انت ماتستحي تكلمني جذي انا امك وبعدين انا وياهم شنو يعني طولت المسرحيه وحاطين خبر عند ابوك
راشد طالعهم بعصبيه وراح لغرفته ..
هدى ولمياء وام راشد صعدوا فوق ..
بغرفة هدى..
لمياء ادخلت عليها وشافتها تصيح وخافت عليها وراحت لها تهديها ..
لمياء بخوف : هدى حبيبتي اشفيج
هدى وهي تمسح دموعها : خلاص مافيني شي ماعليج مني روحي الحين
لمياء تنهدت : وبعدين يعني ليش ماتردين عليه وتفكين نفسج.. انسي اللي صار خلاص لا تعذبين نفسج
هدى طالعتها ودموعها تنزل : شنو انسى تبيني انسى اني مطلقه وفوق هذا كله ياليت لو انه الطلاق قراري الاخير ماكان بكيفي الرجال يشرب ويتعاطى مخدرات وفوق هذا كله اهانه ويجمع الرجال بالبيت كل يوم اعيش برعب
لمياء تنهدت بضيق على اختها : خلاص ان شاءالله يتزوجج اللي بيعوضج عن هذا كله انتي بس انسي
هدى ودموعها اللي ماوقفت : ما اقدر ما اقدر اخوج اهوه السبب اهوه اللي قاله تعال ازوجك اختي وابوي وافق على هذا كله بعد ما سأل وتعرفين راشد شلون لف السالفه لف عمري ماراح اسامحه بس احمد ربي اني مايبت عيال ولا جان مصيبتي صارت مصيبتين
لمياء ضمتها لما شافتها كيف اختها استسلمت للبكي كأنه اخر حل لها ..

#$#$#

عند جود .. الساعه 3 الفجر صلت صلاة الفجر واجلست تطالع التلفزيون شافت جوالها رن ردت لما شافت الرقم وقالت : هلا سعود
سعود : جود ابي اكلمج بموضوع
جود ابتسمت : شنو
سعود : جود انتي تحسبين اني اكلمج علشان شنو
جود : انت قولي
سعود تنهد : جود احنا مو بيننا اي شي وبعدين انا اكبر منج بوايد
جود : واذا الحب ..
قاطعها سعود : جود انا ما احبج بعدين انتي مراهقه
جود : يعني شنو ونظرتك لي
سعود تنهد : جود انتي جميله وطبيعي بنظر لج بهالنظره عالعموم انتي مثل اختي الصغيره ويلا الله يوفقج
وسكر جواله انصدمت جود طالعت بجوالها لدقايق وطالعت التلفزيون وطولته ماتبي تصيح .. لكن نزلت دموعها من دون ماتحس طالعت القران اللي على مكتبتها وراحت له وافتحته وبدت تقرا منه بخشوع ماتدري ليه هي اصلا كلمت سعود بس كل اللي تحس فيه انها ضايعه ..

#$#$#
بالسعوديه .. عند سعاد صلت ولما خلصت راحت لغرفة مشعل وطقت الباب لما مارد عليها افتحت الباب بشويش شافته يصلي ابتسمت ولما خلص من صلاته طالعها وقالها بإبتسامه : هلا عمتي
سعاد دخلت واجلست على الكنبه وقالت بإبتسامه : تقبل الله
مشعل ابتسم : منا ومنك صالح الاعمال
سعاد تنهدت : تغيرت واجد مشعل رجع لملامحه العاديه ..
سعاد انكسر خاطرها عليه: ليه هو سوا كذا
مشعل تضايق : خلاص ياعمتي مو حاب اتكلم بهذي
السالفه
سعاد تنهدت : خلاص براحتك
مشعل : انا اسف اذا ازعجتك بوجودي هنا
سعاد ابتسمت : من جدك انت انا فرحانه مره انك موجود هنا .. انت جوعان ؟ مشعل : ﻻ تسلمين ماعليك مني اذا جعت اعرف كيف ادبر حالي سعاد اوقفت وتوجهت للباب : يلا اجل اخليك ترتاح تصبح على خير وطلعت من غرفته ..
#$#$#

الساعه 4 الفجر تحديدا عند حمد خلص من صلاة الفجر بالمسجد مع ابوه ورجع للبيت مع ابو حمد وام حمد ..
تنهد بتعب وهو يجلس على الكنبه ..
ام حمد وهي تجلس جمبه وتتلفت خايفه ابو حمد يسمعها ماتكلمت الا لما دخل ابو حمد الغرفه ام حمد بخوف : تكفى ياحمد تصرف البنت صغيره والرجال اللي بيزوجها اياه كبر ابوك ويمكن اكبر منه بعد
حمد طالع امه المرعوبه : يمه مو بيدي شي زوجك مايبيني اتكلم حتى انا ترى مو راضي حاط براسه الا يزوجها مو بكيفي
ام حمد وهي تصيح : حمد تصرف يعني كيف اختك هذي
حمد تنهد بتعب : طيب بكلمها هي علشان ترضى بالواقع
ام حمد تنرفزت وقالت وهي تصيح : الحين اكلمك على ابوك وتقولي بكلم سلوى
حمد : يمه تكفين اليوم تعبان بكره بكلمها
ام حمد وهي تمسح دموعها : يتنام هنا ؟
حمد : ايه يمه مالي خلق ارجع للبيت تعبان ومو شايف قدامي
وصعد لغرفته بتكاسل وهو شبه فاتح عيونه .. واول مادخل غرفته رما نفسه على السرير ولا حتى فصخ الشوز حقه تكرمون .. عند سلوى اللي كانت تصيح وبقوة ماتدري وش تسوي طالعت بغرفتها بوحشه وضمت نفسها فجأه دخلت ام حمد وشافت حالتها كيف صايره وسكرت الباب وراحت لها تضمها ..
سلوى ضمتها بقوه وقامت تصيح اكثر وقالت وهي تصيح : يمه وش قال ابوي ام حمد وخرتها عن حضنها وقالت وهي تمسح دموعها : ياحبيبتي اهدي اللي تسوينه بعمرك ماراح يفيدك بشي صدقيني
سلوى وهي تبوس يدين امها : يمه تكفين سوي اي شي يلغي هالزواج
ام حمد وهي تحاول تخفف عليها : يابنيتي كلمت اخوك حمد وهو قالي بكره راح يكلمه
سلوى تنهدت : طيب وش صار على فيصل ام حمد تنهدت : انتي شفتي وش صار بأخوك لما بس حاول يدافع عنك
سلوى تنهدت ودموعها تنزل : الله يشافيه ولا يحرمني منه هو الوحيد اللي حاس فيني ومو قابل بهالشي اللي يصير فيني
ام حمد ودموعها تنزل : الله يشافيه يارب ولا يحرمني منكم ويارب هالزواجه ماتتم
سلوى قالت من قلب : اميييين .. يمه حمد موجود ولا راح لبيته
ام حمد تنهدت وهي توقف : ﻻ موجود يقول تعبان ومو قادر يروح لبيته وانتي حاولي ترتاحين وان شاءالله حمد راح يقنعه
وطلعت ام حمد .. سلوى تنهدت بضيييق .. وقفت وقامت تحوس بالغرفه رايحه وراجعه ماهي عارفه وش تسوي محتاره راحت لغرفة حمد بعد تفكير وافتحت الباب بشويش شافته نايم تأفأفت وتركته ينام وراحت لغرفتها .. وماوقفت بكي .. بكي على شبابها اللي راح يروح مع واحد كبر ابوها وحتى يمكن اكبر من ابوها.. وفوق هذا كله الاعجاب الجديد بدا يتحول الى حب في قلبها حاولت تشيل هالفكره من راسها لكن ما قدرت حاولت تقنع نفسها انها ماتقدر تحبه بدون ماتكلمه .. تحس الهم صار همين ..

#$#$#

ثاني يوم .. الساعه 9 الصبح تحديدا عند جاسم واخته سلمى وهو يتفطر بهدوء فجأه جلس ابو جاسم على طاولة الطعام وقال ببرود : انا راح املك اليوم
فجأه وقفوا سلمى وجاسم عن الاكل وطالعوه بصدمه وقالوا : ايييييش
ابو جاسم ببرود يأكل : صمخان انتوا بملك اليوم وبخطب بعد بنفس اليوم واللي مو عاجبه الباب يوسع جمل
سلمى وهي شوي وتصيح : يبا وامي
ابو جاسم ببرود : امك ماتت واشبعت موت بعد ومن حقي اتزوج
جاسم عصب وانسدت نفسه وقام وطلع بره .. وسلمى صعدت فوق وراحت لغرفتها ..

#$#$#

عند آلاء صحت وهي ماهي قادره تفتح عيونها راحت للحمام وبعدها راحت تسوي لها كوفي وجالسه على الكنبه اللي بالصاله وتشربه بهدوء لاحظت انه حمد اصلا مانام بالبيت ابتسمت بسخريه وقالت : ولا بعد
يبيني اجيب بزر منه علشان يصيع بالشوارع ويخليه علي
طولت على التلفزيون وحطت رجل على رجل وبدت تشرب الكوفي بهدوء ..

#$#$#

بالكويت عند ريناد اذن الظهر وصلت وبعد ماصلت كلمت اخوها يساعدها بموضوع الفلوس بس ماقالت له سالفة هند..
عادل بنرفزه : شمسويه انتي ؟؟؟ مسويه بلوه ولا شنو
ريناد : استغفرالله ياربي تدري اشلون ما ابي شي منك
عادل رفع حاجبه : جاوبيني شمسويه انتي ليش تطلبين مني هالمبلغ
ريناد تنرفزت : اوووووووف خلااااص ما ابي شي
عادل بعصبيه : ريناااد حطيني ببالج عدل اذا مسويه بلوه مثل هالبنات الصيع ترى وربي محد يقدر يفكج من ايدي فاتكلمي الحين
ريناد خافت من عصبيته : عادل انا مو مثل هالبنات بعدين شنو هالكلام تدري اشلون انا غيرت رايي ما ابي منك شي
عادل طالعها بنظرات عصبيه وطلع من غرفتها .. تأفأفت بعصبيه وبحيره املها الوحيد كان اخوها بس مافي فايده منه ..

#$#$#

بالكويت عند هند .. كانت جالسه بغرفتها وعيونها على جوالها تنتظر ريناد تتصل .. اشوي الا يتصل ابراهيم قلبها قام يدق بسرعه من الخوف واخذت جوالها وردت وهي ترتجف ..
هند بخوف : ا..الوو
ابراهيم : ترى راح يزيد المبلغ اذا انتي مطوله جذي
هند ودموعها تنزل : ﻻ ﻻ تكفى انا هالمليونين مو عارفه ادبرهم تكفى عاد ارحمني ابراهيم ضحك بخبث : ههههههههههههههه شنو شنو نسيتي يوم ذليتيني علشان بس اقابلج عاد صج حرام اطوفج من ايديني بس انا اللي يذلني اذله واذل اهله معاه
هند قامت تصيح ..
ابراهيم : تبجين ؟؟ ﻻ عاد صج كسرتي خاطري .. سمعيني انا برد الكويت وادري انج بالكويت وانا بصراحه انتي وايد عاجبتني
هند وهي تصيح : حرااام عليك وش تبي الحين مني
ابراهيم بنرفزه : بس جب لا تبجين انا ابي اشوفج عندي بالشقه ولا صدقيني افضحج هند قامت تصيح اكثر : حرام عليك بعطيك المبلغ اللي تبيه لكن الشي اللي تطلبه مني لا
ابراهيم بنرفزه اكثر : جب بس خلاص قلت لج اشوفج بالشقه هند وهي ترتجف ودموعها ماوقفت : ابراهيم انا حامل !!!!!
فجأه دخلت رغد ادخلت وطالعتها بإستغراب : هند وش تسوين مين يكلمك الحين ؟؟ هند من الخوف طاح الجوال من يدها ..

#$#$#

عند جاسم كان جالس بالمقهى ومعصب وحالته حاله وجمبه الشيشه طالع بجواله وهو يتأفأف يتصل على حمد لكنه مايرد واخيرا رد عليه بعد كم اتصال .. جاسم بنرفزه : انت وينك اتصل عليك ماترد
حمد بصوت كله نوم : كنت نايم وش فيك
جاسم تأفأف : اووووف خلصني تعال المقهى الحين
حمد وهو مسكر عيونه : طيب طيب
وسكر الجوال جاسم .. جاسم وهو يكلم نفسه :من جده ذا نايم للحين

#$#$#

عند سلوى .. الساعه صارت 3 العصر طبعا راحت مع امها للمشغل وتوهم راجعين ..ماتكلمت حتى راحت لغرفتها واجلست على كرسي التسريحه تطالع نفسها كانت جميله واللي زادها جمال الميك اب والتسريحه كرهت نفسها وقالت بنفسها (لو كلمته ممكن انه يحبني مثل ما انا الحين احبه .. لا لا وش جالسه افكر فيه استغفرالله بس .. بس حتى لو هذا صديق اخوي ولو عرف اخوي مو بعيده يذبحني) حاولت تتمالك دموعها وبدت تهف على عيونها .. دخل حمد بعد ماطق الباب ..
حمد : انتي تبكين ؟؟
سلوى تنهدت وهي تمسح بشويش على عيونها علشان مايسيح الكحل ..
حمد : سلوى انا كلمت ابوي
سلوى طالعته بسرعه: جد طيب وش قال
حمد ماهو عارف وش يقول : سلوى ابوي مو راضي ويقول لازم تأخذينه سلوى دقات قلبها زادت وتحاول تستوعب اللي قاله حمد ..
حمد تنهد وتضايق على اخته : ياسلوى اهدي ولا تنفعلين معليه استحمليه كم يوم وان شاءالله بيطلقك بعد مايخلص المشروع
سلوى بنرفزه : من جدك انت انا لعبه عنده متى ماخلص مني رماني بالشارع حمد : استغفرالله ياربي سلوى هذا ابوك وانتي تعرفينه وعارفه وش يسوي لما احد يعارضه.. يلا بمشي
وطلع بره الغرفه ..
سلوى مقهوره على شبابها اللي بيروح مع هالشايب ..

$#$#$

عند ريم الساعه صارت 6 المغرب وهي في شقة الفندق واللي حقت المشغل جايين ثنتين لها ويحوسون فيها .. اليوم عرسها .. وام رائد توها طالعه
من حمام غرفتها الا تدخل عليها رغد وتقول وهي اشوي وتصيح : يمه وين الفلبينيات ذولا ليه ماجو وانا ووسن وهند مين يشتغل فينا
ام رائد وهي تجلس على التسريحه ادخلت فلبينيه من المشغل طبعا غير عن هذوليك وحطت اغراضها ..
رغد افتحت عيونها : يممممه وش ذا وانا وش اسوي اروح كذا بكشتي وببجامتي
ام رائد ببرود : بتجي وحده بس من المشغل الساعه سبع والثانيه اللي هي تشتغل فيني
رغد طقت رجل على الارض واشوي وتصيح : يممممه خليها طيب تبتدي فيني ابغى اصبغ شعري والصبغه تأخذ وقت
ام رائد طالعتها بنرفزه وبحده قالت : صبغه لا يعني لا .. صحي وسن وشوفي هند وش تسوي خليها تجي عندي
رغد تنرفزت بس قالت : وسن نايمه وهند بغرفتها تتروش .. يممه عاد ابي اصبغ.. اصبغ ولا اقص ايش اهون
ام رائد بعصبيه : رغد ذلفي بره لا هذا ولا هذا وبتسوين اللي انا ابييه
رغد اطلعت بره وراحت لوسن تصحيها ..
رغد وهي تهز وسن : وسن .. وساااااان
وسن بدون ماتتحرك وهي مغمضه عيونها : همممم
رغد عقدت حواجبها : اووووف يلا قوومي ولا نسيتي اليوم زواج
ريم وسن تنهدت : طيب زوجوها ولا انا الشيخ يعني
رغد هزتها بقوه : اووووه قومي ترى بررره صايره عفييييسه الحقي على حقين المشغل ذولي ولا ترى بنروح بكشتنا وببجامتنا
وسن : اوووووف طيب طيب بروح اتروش الحين
رغد بنرفزه : وسااااان
وسن وهي تقوم وتتوجه للحمام : خلاص قمت والله قمت
وطلعت رغد من الغرفه .. وتوجهت لهند ودخلت غرفتها بعد ماطقت الباب وكانت جالسه وحاطه على راسها الفوطه ولابسه الفستان وجالسه تقرا المجله وحاطه سماعتها وتغني وتتعلك ..
رغد : يابرود دمك ياهند بره بتقوم الحرب العالميه الثالثه ولا بعد الرابعه وانتي هنا وتقرين مجله وتغنين
هند شالت السماعات وقالت ببرود : ها جا دوري
رغد : لا تو الناس بس امي تبيك هند رمت العلك بالزباله وتوجهت للباب .. ورغد راحت وراها .. رن جوال هند واسمعته رغد وارجعت شافت المتصل وراحت ركض لهند وقالت لهند قبل لا تدخل غرفة امها ..رجعت هند لغرفتها وردت ..
هند : الو ريناد
ريناد تنهدت : هلا هند اخوي ومارضى بس قولي لي اتصل عليج هالنذل
هند بصوت خفيف : ايه اتصل وقلت له اني حامل ارتبك وانصدم بس الحمدالله اني قلت له كذا كان يبيني اجي بالشقه عنده
ريناد شهقت بخوف : ولا يكون صج حامل
هند تنهدت وبدا جسمها يرجف من الخوف : ﻻ الله لا يقولها بس اللي ريحني انه تراجع عن طلبه ويبي المليونين
ريناد : اوووف وهذا شي يريح بالله عليج من وين اجيب هالمليونين لو اقعد سنتين اجمع فيهم ماكو بس اخوي وابوي ماشاءالله عليهم ملايين الدنيا عندهم ولو اطلب منهم شكوا فيني
هند تنهدت بضيق : خلاص تعبتك معي واجد ماله داعي تعرضين نفسك لهذي المواقف
ريناد : سكتي زين انا وياج وماراح اخليه ينشر الفيديو مو على كيفه
هند تنهدت وهي تنزل دمعتها : ومستقبلي اللي ضاع انا جد خايفه احمل و اهلي راح يعرفون ويذبحوني بعد ريناد : من صجج انتي حبيبتي امبين من ارتباكه وفوق هذا مصدوم يعني معناته مأخذ احتياطته
هند وهي تمسح دموعها : يلا بعدين اكلمك اليوم زواج اختي ريم ولازم على قولة امي اكشخ بس علشان زوج الغفله يأخذني ..(كملت هند ونبرتها تتغير للبكي) انا خايفه ياريناد خااايفه
ريناد تكلمها وهي تصيح بس تحاول ماتبين : يابعد عمري ياهند شتسوين بعد بس لا تتضايقين اختج محتاجتج الحين ربي ان شاءالله يفرجها
هند ابتسمت وهي تمسح دموعها ويدها ترتجف: امين يارب يلا مضطره اسكر وسكرت جوالها ..وامسحت دموعها واخذت نفس وابتسمت بالغصب وراحت لأمها ..

$#$#$

خلص البارت الخامس عشر ..
ردودكم وتوقعاتكم تسعدني ..

لامارا · 09-09-13, 04:38 PM

{آلبـــــــــــآرت آلــســآدس عــشــر}

#$#$#

عند سلوى الساعه صارت تسع من بعد ملكتها وخطبتها راحت لغرفتها تصيييح من قلب وخربت مكياجها وخربت شعرها وكرهت كل شي افصخت الخاتم ورمته على الارض وجرت السلسال الين ما انقطع وطاح على الارض .. قامت تصيح بقوووه ادخلت امها عليها وهي خايفه وراحت ضمتها
سلوى وقالت وهي تصيح وتضمها بقوه : يمممه ما ابيه ما ابيييه
امها تهديها لكن مافي فايده بالغصب هدت لما غنتلها اغنيه دايما اتغنيها لها وهي صغيره وكانت بحضنها وعلى الكنبه وسلوى تردد بدون وعي : ما ابيه ما احبه ما ابيه ما احبه
واخيرا نامت بعد معاناة وامها تنزل دموعها على بنتها بصمت..

#$#$#

عند ام عبدالله اللي كانت تبخر الصاله وكاشخه ..
جالها عبدالله وهو كاشخ فتح عيونه وهو مبتسم : اووه الوالده كاشخه (غمز لها ) وينه ابوي على هالكشخه
ام عبدالله : هههه هاه عبيد شتقول عييب اعقل
عبدالعزيز نزل وراح لامه بسرعه وقام يتبخر: يمه عاد ابي اتزوج ترى مليت من العزوبيه
ام عبدالله وخرت البخور تبخر عبدالله : تو الناس يمه اشتغل انت الحين
عبدالعزيز دز عبدالله اشوي وقام يتبخر بداله : يمممه عاد البنت انا مضبطها
ام عبدالله تنرفزت ووخرت البخور عنه : عبدالعزيز وويعه شنو هالحجي بعد
عبدالعزيز باس راس امه :هههههه لا اتغشمر بس حاط عيني عليها
عبدالله بإبتسامه : ايه بعد بعد قص على هالمسكينه امك
عبدالعزيز : يجذب ماعليج منه انا ابيها زواااااج يمه عفيه البنت ماتتطوف يممه
ام عبدالله عقدت حواجبها : وبعدين .. انته منو تماشي انته اول عاقل مو جذي
ابو عبدالله دخل لانه مجلس الرجال بره وهو كان يبخره ويضبطه ..
ابو عبدالله بإبتسامه : يه يه شهالزين يا ام عبدالله يعطيج العافيه
ام عبدالله بادلته بإبتسامه : يعافيك ربي انا شسويت بس ابخر بهالصاله والخدم اهمه سوو كل شي
عبدالله بإبتسامه : عبدالعزيز مشينا يبا يبون يأخذون راحتهم
ام عبدالله بنرفزه وهي مبتسمه اشوي : هاه اشوف عاداك عبدالعزيز شصايرلكم اليوم
ابو عبدالله : هههههههههههههههههه بس عاد لا تعصبونها اليوم زواج يويسف
عبدالعزيز وهو يقعد : ايه لنا الله نبي نتزوج يه يبه سمع مرتك جم كلمه حلوه خلها توافق
ابو عبدالله : انته تتزوج !! شصاير بالدنيا
عبدالله بإبتسامه وهو ماسك ضحكته : ولدكم هذا خرب
اشوي الا تنزل فاطمه ومعاها جوالها تطقطق فيه واجلست على الكنبه بدون حتى ماتتكلم
عبدالعزيز طالع بأبوه : وين يوسف
ابو عبدالله : فوق شنو لحد الحين ماخلص (طالع ام عبدالله ) وين البخور ببخره
دخلت المطبخ وطلعت بخور ثاني وريحته غير وعطته ابو عبدالله وصعد ابو عبدالله فوق دخل غرفة يوسف بعد ماطق الباب ..
ابو عبدالله بإبتسامه : شنو لحد الحين تضبط عمرك
يوسف طالع بأبوه وبإبتسامه : عيل شلون عيل لازم اكشخ
ابو عبدالله وهو يبخره ابتسم وقال : واخيرا بشوف زواجك
يوسف باس راس ويد ابوه : الله يطول بعمرك ويخليك لنا

#$#$#

بالسعوديه ..عند جاسم وحمد ..
حمد : جاسم السموحه يأخوك بس خطبة اختي اليوم واخذت زوجتي ووديتها هناك واول ماخلصت جيتك (طالع بوجهه) وش فيك معصب
جاسم تأفأف وقال بنرفزه :ادري ادري رسلت لي رساله ..
حمد رفع حاجب : وش فيك
جاسم بنرفزه : ابوي باخل علينا بكل شي حتى الفلوس حارمنا منها مع انه عنده خير من الله الحين بس قرر انه يتزوج
حمد : طبيعي اكيد حس بالوحده بعد وفاة امك الله يرحمها
جاسم بعصبيه : لا مو طبيعي لاني عارف انها صغيره ولعبت براسه
حمد تنهد : اهدا الحين مافي فايده من عصبيتك عرفتوا عنها اي شي .. متى صارت السالفه؟؟
جاسم بنرفزه : اليوم الملكه والخطبه بعد
حمد : طيب هذا ابوك وماتقدر تسوي شي (طالع بساعته ) امش امش معي
جاسم طالعه : على وين
حمد : اخوي اليوم يطلع من المستشفى
جاسم استغرب : وش صاير له
حمد وهو يوقف : سالفه طويله امش معي افهمك بالطريق ..

#$#$#

عند اسماء ومحمد .. محمد كان جالس بالصاله وكاشخ بثوبه وشماغه .. وجالس يطقطق بجواله .. سمع صوت اسماء وهي تنزل وتقوله : خلصت
محمد يتأفأف وقال بدون مايطالعها وهو يتوجه للباب : ثلاث ساعات على شنو المهم اركبوا السياره .. اسماء بروحها ماهي طايقه نفسها : كنت انوم عيالك ولا فيك شده تقعد وياهم
محمد بنرفزه وهو يحرك سيارته : بس بس .. انا ماعندي سوالف قعده الين الفجر ماكو
اسماء بنرفزه : اووووف
ومشا محمد ...

$#$#$

عند بيت ابو عبدالرحمن .. جود انزلت من الدرج وراحوا لبيت ابو عبدالله .. لما اوصلت شافها رائد بس من بعيد لانه هو كان بمجلس الرجال وعلى طول ابعد نظره لما طاحت شيلتها .. وجلس وفجأه ابتسم .. دخلت جود وامها وسلموا على الحريم .. فوق عند البنات ..
هند : بس خلاص اسكتوا لا تخلونها تصيح
وسن : تراها بتروح تستانس موب حنا وكشت على رغد..
هند بحده : البنت راح تبدي بحياه جديده ولازم تتعود وانتي تقولين تستانس
وسن : ايه حبيبتي السالفه فيها سفر (تنهدت وهي مبتسمه) اااه بس لو اتزوج كان اسحب عليه واستانس بالسفره
رغد : هههههههه تخيلي عاد تسحبين عليه
ريم محتاسه ماهي عارفه وش تسوي بس تطالعهم ..
هند طالعت بريم بإبتسامه تهديها : حبيبتي لا تخافين ولا تتوترين
رغد وهي تدق وسن اللي جالسه جمبها : ايه ترى عادي نعفس الزواج ذا بكبره
وسن ماسكه ضحكتها : شكله بخيل وش ذا المفروض عرسك يكون بفندق بعد مو اي فندق ابو سبع نجوم بعد
ريم هي اصلا خايفه ومتوتره : وسن خلاص
هند خزتهم : خلاص اسكتوا لا توترونها زياده
دخلت ام رائد وقالت بإبتسامه : هاه جاهزه
ريم قالت بسرعه وبخوف : وشو انزل الحين لا ما ابي
ام رائد : هههههههه لا مو الحين بعد اشوي
رغد ووسن فطسوا ضحك عليها .. وهند تخزهم علشان يسكتون ..
ام رائد : بنات انزلوا تحت الكل يسأل عنكم
رغد وهي تتوجه للباب : تصريفه ذي
هند طلعت ..
وسن وهي تغمز لريم : لابد من النصايح
اسحبتها رغد وهي تضحك وسكروا الباب .. انزلوا تحت ..
وسن دقت رغد بيدها : شوفي جود جت
رغد عفست وجهها : وييع ما احبها كرهتها تصدقين بعد اللي صار
وسن وهي تضحك : شوفي مين سحب هند راحت عند الحريم الظاهر يبون يزوجونها
رغد : هههه ايه والله ورا مانرتز عند الحريم
وسن بدلع :ﻻ انا محجوزه
رغد دقتها : يالكلبه وماتقولين
وسن : هههههههههه هو قالي
رغد بحماس : ميين بسرعه
وسن بحيا : لا ما اقول لا جا وخطبني راح تعرفين بس لا تخافين يقرب لنا وبعد من هنا
رغد : نحيييسه بأخذه منك يعني
وسن : ﻻﻻ ههههههه امشي نرقص ترى الاغنيه تحمس
واسحبت يدها وسن وقاموا يرقصون .. بعد دقايق انزلت ريم وكانت جميله ومأخذه انظار الكل .. طالعتها هند لما اجلست ريم على الكوشه
وابتسمت تحس دموعها بتخونها وتنزل امسكت نفسها ..
رغد تنهدت : اقول هند يوسف يستهبل جد يعني ريم لاهي مطلقه ولا هي عانس ليه زواجها يصير كذا ليه رضت اصلا
هند طالعتها : ما ادري بس كل اللي سمعته من امي تقول انه ظروف
وسن انقهرت : وش هي الظروف يعني من جده يتكلم حرام ريم تستاهل اكثر من كذا
رغد بحسره على ريم : هي رضت بكذا رضت بأقل شي يعني بكره راح يذلها وهي ماراح تقدر تتكلم
هند ابتسمت وقالت بتنهيده : رضت علشانها تحبه وتقدر اللي يمر فيه
وسن عفست وجهها : ياشيييخه وش يمر فيه بالله هو اللي دخل السجن ولا هو اللي مات
هند عقدت حواجبها : استغفرالله لا تقولين كذا
رغد : وسن صادقه انا خايفه على ريم
هند : لا تخافين عليها احنا مارمينها بالشارع هي تزوجت ولد خالتها بس عاد فكونا من هذي السالفه خلونا نصور مع ريم
وراحوا يصورون مع ريم .. بعد دقايق دخل يوسف بعد ماتغطوا الحريم
..وبعدها اجلسوا كم دقيقه وبعدها مشوا ريم ويوسف .. وراحوا الحريم للبوفيه ..

$#$#$#

عند حمد وجاسم .. اخذوا فيصل ورجعوه للبيت .. كان امبين انه تعبان وحالته حاله ..
جاسم : ان شاءالله احسن يافيصل
فيصل بتعب : الحمدالله
حمد ابتسم : اسمع كلام الدكتور يقول لا تتحرك واجد وارتاح واخذ الدواء واكل زين
فيصل ابتسم ..
جاسم بإبتسامه : يلا مضطر امشي ..(طالع بفيصل ) ماتشوف شر ان شاءالله
وطلع من غرفة فيصل ..
حمد الحقه وقال بسرعه : على وين تو الناس اجلس يا ابن الحلال
جاسم بإبتسامه : معليش وقت ثاني ان شاءالله
ونزل وطلع من البيت ..
وحمد رجع لغرفة فيصل وقال لفيصل : انت اشتكيت على ابوي؟؟
فيصل تنهد : مو فاضي للمشاكل ولا كان اشتكيت
حمد : فيصل الشي اللي يصير بين سلوى وابوي مالك دخل فيه لانه راح بتعبك انت وبس
فيصل : يعني كيف اشوف ابوي يظلم سلوى واسكت لا لا انت مو حمد اللي اعرفه مو انت قايل لا تخلي سلوى تتأذى من ابوي هي لسه بنت وصغيره وماشافت الدنيا مو انت اللي تقول دافع عنها
حمد تنهد : شوف حالتك يافيصل ابوي يده ثقيله عليك سلوى الحين بتطلع من هالبيت من هالظلم
فيصل : ايه بتدخل بيت ثاني الا جحيم ثاني حمد ابوي زوج اختي لواحد ماعنده ضمير واحد بكبر ابوي واكبر بعد
حمد : ابوي ادرى بمصلحة سلوى
فيصل ضحك بسخريه :ادرى !هه ابوي يضعف قدام الفلوس ابوي ماتهمه مصلحة سلوى
حمد تنهد : فيصل ابعد نفسك عن المشاكل .. شكلك لسه ماتعرف ابوي
فيصل تنرفز من طريقة تفكير حمد وسكت وحمد طلع بره غرفة فيصل .. وقف للحظه وقال بنفسه ( انا تغيرت !! كيف يعني يقصد ماعندي احساس ) ونزل من الدرج وطلع بره البيت ..

$#$#$

بحديقة بيت ابو عبدالله عند هند قامت من مكانها ..
رغد وهي تشرب العصير : امممم (تركت العصير ) وين رايحه
وسن وهي تطالع صحن هند : اكلي ما اكلتي شي
هند : ﻻ شبعت بتمشى اشوي
رغد : انا رجولي متكسره
هند : لا تقومين خلك
رغد : الرجال مجلسهم بره يعني باللفه
وسن وهي تأكل : ايوه بعدين يشوفونك وكذا ينغرمون فيك
رغد : ههههههههههههههههه حلووه ذي
هند اجلست :اوووف عاد
وسن : هههههههههههه تبين تهضمين ترى تو الناس وما اكلتي شي علشان تهضمينه
هند : انتوا خوات ؟ اختكم راحت لزوجها وحتى ماصحتوا مانزلت دمعه ماغير تسولفون وتضحكون
رغد ووسن طالعوا بعض وافطسوا ضحك ..
هند خزتهم : اسكتوا الحريم يطالعونكم
رغد : حبيبتي يوسف زوجها ماهو وحش
وسن : حلوه اعجبتني ذي وحش ههههههه من جد ترى اللي يصيحون يتميلحون يعني شوفوني ما اقدر افارق اختي
رغد : ايه صح ومعناتها (كملت وهي تحرك رموشها )تعالوا اخطبوني انا مره حساسه
هند : الحمدالله والشكر يعني انا الوحيده اللي صحت ومعناته ابي احد يخطبني انتوا كيف تفكرون
وسن ببرود وهي تأكل : ﻻ تخافين بتجينا بعد شهر العسل مستانسه مو حنا
رغد : اذا بتزوج بقوله انت تزوجني وابي سفره لحالي هههههه وبأخذك ياوسن هههههههه
هند : ههههههه خير يدفع فلوس السفره واخرتها مايجي معك
رغد : ليه راز وجهه انا واختي
هند : ههههههههههه الحمدالله والشكر اللي بيأخذك امه داعيه عليه تراك خبله خلاص اعقلي
وسن : هههههههههه فديتها اختي تفكر فيني مو زيك بخيله
هند : ههههههههههههههههههههههههه ههه ايه بخيله
رغد : هاه نتصل على ريم نطفشها
هند خزتها :ﻻ وييين
وسن بحماس : الا ابي اتصل
هند خزتهم : ترى امي لو عرفت بتذبحكم
رغد : كيف تدري اذا محد غيرنا يدري اننا بنتصل
وسن : يلا جد ترى غثت امنا يوم كانت عزباء
رغد : اهم شي عزباء هههههههههههههههههه يلا
وسن: نتصل على يوسف ولا ريم
هند بنرفزه : ﻻ بنات عن قلة الادب والمصخره
وسن : يلااا عاااد ابي اضحك
رغد وقفت : يلا قووومي
ام رائد جتهم واجلست على الكرسي : وين بتروحين
رغد اجلست على الكرسي : لا غيرت رايي ماراح اروح مكان
وسن وهند كاتمين ضحكتهم ..

$#$#$

بالسعوديه عند آلاء عصبت .. يوم كامل حمد طالع وش معنى هي بعد ماتطلع اتصلت عليه ورد عليها ..
آلاء ببرود رغم عصبيتها : انت وينك
حمد ببرود : طالع مع جاسم ..صاير شي ؟
هنا عاد آلاء عصبت : شوف الساعه بتصير ثلاث الفجر وانت حضرتك صايع بره
حمد ماقدر يعلي صوته وسكره بوجهها ..
آلاء عصبت وتنرفزت وقالت بعصبيه : ماشي وراحت لغرفتها وسكرت الباب بقوه ..

#$#$#

بالكويت عند ام عبدالله جالسه على سريرها وتحس جسمها متكسر .. اشوي الا يدخل عبدالعزيز وباس راس ابوه وامه ..
عبدالعزيز وهو يجلس على الكنبه اللي قدامهم : ياجماعه نخيتكم مانخيت الذيب
ابو عبدالله : يخسى الذيب يلا قول شتبي ترى تعبانين
ام عبدالله : يمه أجل الموضوع باجر
عبدالعزيز قال بسرعه :ﻻ الموضوع مايتأجل
ابو عبدالله : انزين قول
عبدالعزيز : ابي اتزوج
ابو عبدالله بنرفزه : تخسى انت والذيب قوم قوم خلنا ننام
عبدالعزيز وقف : يبااا مايصير الله يهداك
ام عبدالله : عبدالعزيز خلنا ننام ترى من الصبح واحنا محتاسين باجر باجر يصير خير
عبدالعزيز بإبتسامه : هاه يعني باجر تخطبينها لي
ابو عبدالله رما المخده عليه وطلع عبدالعزيز من غرفتهم ..
ابو عبدالله : على طاري الزواج
ام عبدالله وهي منسدحه ومغمضه عيونها : هممم
ابو عبدالله : يه قعدي خليني اكلمج اجلست
ام عبدالله : شنو اشفيك
ابو عبدالله ابتسم : ليش مانزوج عبدالله
ام عبدالله : استغفرالله ياربي ماتشوف الصبي شنو حالته هالمره تبي تزوجه علشان تعقد بنت الناس وياه
ابو عبدالله : الصبي مو معقد وبعدين خليه يتزوج يمكن ينسى عبير
ام عبدالله بنرفزه : ماتقولي منو اللي بتأخذ واحد توه طالع من السجن والجريمه قتل
ابو عبدالله :كان يدافع عن شرفه وبعدين انا عندي البنت اللي بترضى فيه وماتقدر ترفض
ام عبدالله بسخريه : ههههه ومنو هذي
ابو عبدالله : هند بنت اختج
ام عبدالله طالعت فيه وبصدمه : تبيني اوهق البنت وياه
ابو عبدالله بنرفزه : وليش توهقينها لا تجننين الصبي واهوه مافيه شي
ام عبدالله تنهدت ..
ابو عبدالله : هاه بتكلمينهم باجر
ام عبدالله انسدحت : يصير خير

#$#$#

عند عايلة ابو راشد الساعه 1 الظهر بعد الغدا ..
ام راشد بنرفزه :راشد مايأخذها لا يعني لا
ابو راشد وهو يشرب الشاي : وليش ان شاءالله
ام راشد بنرفزه : كيفي انا ما ابيها لولدي وراشد مايأخذ بنت اختك
ابو راشد : سألي ولدج اهوه يبيها
راشد حاط السماعات وموب جمبهم .. نزل السماعات لما امه كلمته ..
ام راشد بنرفزه : انته صج تبي رغد هذي؟
راشد طالع بأبوه وطالع بأمه وقال بتنهيده وهو يطالع جواله : ايه
ابو راشد : اتوقع انج سمعتيه
ام راشد بنرفزه : ولدي مايأخذ بنت اختك وهذا ولدي مثل ما اهوه ولدك
ابو راشد طالع راشد علشان يتكلم ..
راشد قال بالغصب : شدعوه يمه خليني اتزوجها
ام راشد اوقفت وصعدت فوق ..
ابو راشد بعصبيه : اصعد فوق واقنع امك انك تبيها لا تفضحك البنيه
راشد بملل : يبا ماراح تقول شي بعدين انا ما ابيها
ابو راشد بعصبيه : جب ولا حرف وبعد لك عين تتكلم بعد سواد الويه يلا اصعد واقنعها
راشد صعد وهو يصعد شاف هدى واقفه وكان امبين من وجهها انها سمعت كل شي ..دزها عن وجهه وراح لغرفة امه

#$#$#

عند ام رائد على وجهها اكبر ابتسامه وسكرت التليفون وكان الكل موجود بالصاله ..
ابو رائد : عساها دوم هالفرحه خير ان شاء مين كان متصل
رغد وهي تلعب بالايباد : اكيد ريم دلوعة الماما
وسن : هههههههه يمه وشدعوه ترى حنا بعد عيالك فلذة كبدك يمه حبينا زيها
هند : خلوا امي تتكلم اول
ام رائد بإبتسامه : ومنو قال انها ريم وبعدين احبكم مثل بعض وما افرق بينكم
رائد : اجل مين ؟
ام رائد وهي تطالع هند وهي مبتسمه : هذي ام عبدالله تبي تخطب هند لعبدالله هند ملامح الفرحه اللي قبل اشوي والابتسامه اللي على وجهها انمحت بثواني كأنها اسمعت خبر وفاة ..
ابو رائد عفس وجهه : ولا يكون وافقتي بس
ام رائد : وشنو فيه عبدالله وبعدين هذي اختي وما اقدر ارفض طلبها
هند ما اقدرت تستحمل وراحت لغرفتها ..
رائد : يمه حتى لو ولا نسيتي وش مسوي هو
ابو رائد : على اي اساس توافقين بدون ماتسألين البنت يمكن ماتبيه
ام رائد : هذا عبدالله انا قايله من زمان هند لعبدالله بس جت هذيك واعفستنا
وسن : يمه هند تضايقت اول ما اسمعت بالخبر
رغد : ايه يمه ترى عبدالله ذابح زوجته
ام رائد بنرفزه : بس انطموا انتوا صغار وماطلعتوا من البيضه وتتكلمون بعد
وسن : الله يهداك اي بيضه ترى ما انتي دجاجه يمه
رغد اكتمت ضحكتها ..
ام رائد بنرفزه : يلا قوموا غرفكم ماتستحون
وراحوا رغد ووسن لغرفتهم ..
ابو رائد : هذا مستقبلها هي ومو على كيفك توافقين بدون ماتستشرينها
ام رائد بنرفزه : يعني تبيني اقولها لا ما نبيه انته اشفيك هذا عبدالله ولا نسيت شكثر كنت تبيه حق وحده من بناتك
ابو رائد بحده : بس الوضع تغير عبدالله صار عنده سوابق ومايشرف بنتي
رائد : اهدوا ياجماعه يمكن خيره اللي صار
ابو رائد طالعه بنرفزه وراح لغرفته ..
عند هند .. اللي ذبحت نفسها من البكي ومو عارفه وش تسوي على طول اتصلت على ريناد وقالت لها اللي صار ..
ريناد : انزين اهدي الحين انا كنت بتصل عليج علشان اقولج اني حصلت هالمليونين
هند ماهي عارفه تفرح ولا تبكي : من جدك انتي من مين
ريناد: اخوي يمكن انبه ضميره خلي سالفة عبدالله الحين وخلينا نخلص من سالفة ابراهيم
هند : ما اقدر الكل راح يعرف (كملت بهستيريه ) انا لازم انحاش لازم
ريناد : اهدي ياهند وقلت لج لاتحاتين على سالفة عبدالله .. تدرين اشلون عطيني رقم ابراهيم
هند تنهدت وعطتها الرقم واتصلت ريناد عليه بعد ماسكرت من هند ..
ريناد بعد كم رنه : الوو انت هيه اسمعني فلوسك عندي
ابراهيم بنرفزه : تكلمي عدل لا اعلمج اشلون تتكلمين
ريناد : خلصني وين نلتقي واهم شي يكون مكان عام
ابراهيم : تعالي عند ...
ريناد : اوكي بس ماتييب احد وياك لاني راح اعرف
ابراهيم تنرفز : يلا خلصينا الحين
ريناد سكرته بوجهه ..
واتصلت على هند علشان تجهز ..
ولما خلصت هند راحت البست واجلست بالصالة تنتظر ريناد..
رائد شافها : على وين
هند طالعته : بطلع مع ريناد
رائد وهو يجلس على الكنبه : وين
هند : بنتمشى
اشوي الا يرن جوالها وسكرته لانها كانت ريناد وراحت تستأذن من ابوها وطلعت ..

$#$#$

عند اسماء ومحمد .. فجر وسالم ..محمد كان يلعبهم واسماء تطالعهم من بعيد ابتسمت وخنقتها العبره وما اقدرت تستحمل اسماء قربت منهم وقالت : محمد ابي اكلمك اشوي
محمد وجهه تغير وقال بدون مايطالعها : ماتشوفيني مشغول
اسماء تغيرت نبرة صوتها كأنها تستعد للبكي : محمد تكفى
محمد تأفأف وقال بإبتسامه وهو يطالع فجر وسالم : بعد اشوي ارجع لكم اوكي
محمد بنرفزه لكن بصوت خفيف : انا شنو قلت مو قلت ما ابي اكلمج
اسماء نزلت دموعها : مايصير لازم تسمعني
محمد مسكها من ذراعها وقال من بين اسنانه : صعدي فوق لا تبجين جدام اليهال
واصعدوا فوق ..
محمد بنرفزه : يلا خلصيني اشتبين
اسماء وهي تنزل دموعها : محمد مايصير جذي ترى العيشه اللي انا عايشتها انا مو قادره استحملها
محمد طالعها وبنظرات كلها برود : تدلين بيت ابوج وورقة الطلاق توصل الين عندج
اسماء وقفت قدامه رغم انه محمد يتجاهلها ولا حتى يطالعها ..
اسماء : انا غلطت ادري اني غلطت بس اسمع مني الموضوع ماكان بيدي اهوه $اتصل علي ورجع لي كل شي كان بيني وبينه محمد انا ماطلبت هالشي اهوه ماضي
محمد طالعها بعصبيه : يعني تعترفين بخيانتج وجدامي بعد
اسماء وهي تبكي : لا لا مو قصدي جذي بس اسمعني اهوه ماضي .. وانته جيت والغيت شعوري تجاهه
محمد عطاها كف وقال بعصبيه : جب ولا حرف شتقولين انتي تقولين كنتي تحبينه والحين بعد تحبينه وتبيني اسامحج
اسماء وهي تبكي : ﻻ ﻻ ﻻ صدقني الحين الاهم
عندي انته وعيالي صدقني
محمد بعصبيه : اسماء لا تجذبين انتي خنتيني وتبيني اسامحج (كمل وهو يأشر على قلبه ويدق عليه بقوه بإصبعه ) هذا يا اسماء كسرتيه واللي كسر عمره مايتصلح احنا انتهينا
وطلع بره الغرفه معصب ..
اسماء قامت تصيح بقوه ومحمد يحس نفسه مخنوق طلع من البيت ولا حتى التفت لفجر وسالم اللي كانوا ينادونه ..

#$#$#

الساعه 3 العصر عند جود ..طالعه بره مع لمى ومرام ..
جود : هههههه اشفيج
مرام بنرفزه : افففف
لمى : هههههههه خليها الحب ساحب عليها سحبه محترمه
جود : ﻻ عااااد ههههههههههه
مرام وهي تلعب بشعرها قالت بثقه : لا مو ساحب
فجأه شلة شباب قربوا منهم يتحرشون ..
شاب 1 : سلام عليكم
مرام معصبه اصلا ..
شاب 2 : افا ماتردون السلام
مرام قامت تهز رجولها بعصبيه ..
شاب 3 : يه عاد ردوا
مرام بعصبيه : ماتعرفون تذلفون انتوا
شاب 1 : ههههههه الحمدالله تكلمتي
مرام بعصبيه : شحقه جذي معذب عمرك حياك حياك اقعد
لمى قامت من مكانها و الحقتها جود ..
جود بالغصب وصلت لها : احسن شي سويتيه
مرام لما اوصلت لهم : ايه والله افتكينا من هالخمه
جود : حسافه اخذوا مكاننا
لمى : خلهم يأخذونه بس يفكونا
مرام تأفأفت ..
لمى : ابي افهم اشحقه جذي معطيته اهتمام
جود : ايه والله .. امشوا خلونا نشتري ترى السوق بدون ما اشتري ما احس انه سوق وراحوا يتمشون ويشترون ..

$#$#$

عند هند وريناد ..
ريناد : ﻻ ﻻ سلم واستلم عطني الفيديو والنسخ واعطيك الفلوس
ابراهيم ابتسم بسخريه : مسويه فيها ذكيه
ريناد تنرفزت : اووووف خلصني عاد
ابراهيم طلع الفيديو والنسخ ورموهم على الارض ..
وقبل لا يأخذ الشنطه اللي فيها الفلوس سمع صوت الشرطه..
ابراهيم بعصبيه : سويتيها ماشي
كان بينحاش لكن الشرطه امسكته وودوه للسياره قبل لا يوصل للسياره طالع بهند بنظرة حقد وكره ..
هند بخوف : ريناد وش سويتي
ريناد وهي مبتسمه : اشرايج فيني
هند ابتسمت : من جد الحين هو اخذوه الشرطه
ريناد : هههههههههههه ايه خليه يولي امشي خليني اوصلج البيت لكن قبل خليني امشيج واونسج
واخذت الشنطه اللي على الارض والشنطه الثانيه اللي فيها الفيديو ومشت ..

#$#$#

خلص البارت السادس عشر ..
ردودكم وتوقعاتكم تسعدني ..

لامارا · 09-09-13, 04:43 PM

{ آلــبــآرت آلـــسـآبع عـشــر}

#$#$#

عند بيت ابو عبدالله .. كانو كلهم متجمعين بالصاله ..
ابو عبدالله بهمس : تكلمي شنو ناطره
ام عبدالله بهمس : اووف شنو اقوله اقوله خطبت لك واهو مايدري
ابو عبدالله تنهد : ياعبدالله
عبدالله طالعه بإبتسامه : هلا يبا آمر
ابو عبدالله ابتسم : ترى ياولدي خطبنا لك هند بنت خالتك
عبدالله انصدم : شنووو
ابو عبدالله ابتسم : اشفيك جذي منصدم ترى هند خوش بنيه
عبدالله عصب : واذا خوش بنيه انا شكو اشفيكم تخطبون لي جذي بدون حتى ما ادري
عبدالعزيز : انزين انطر خلنا انعرف شالسالفه
عبدالله بعصبيه : يه اقولك اخطبولي بدون ما ادري
ابو عبدالله : البنيه موافقه امها عطتنا الموافقه بعدين هالبنيه بتعقلك عن سواد الويه .. (سكت وتنهد) ياوليدي هالبنت بنت خالتك ..
قاطعه عبدالله وقف وقال بعصبيه : اهيه الوحيده اللي بترضى فيني مو ؟ علشاني توني طالع من السجن واكيد لاني ذابح مرتي لا امبلا قولوا ادري انكم خاشينها بقلوبكم وطلع بره البيت معصب .. وطلع عبدالعزيز ..وعلى وجه فاطمه اكبر ابتسامه ..

#$#$#

عند ريناد وهند الساعه 5 المغرب وقاعدين بالكوفي شوب ..
هند تنهدت وهي توقف : خلاص لازم امشي الحين امي قبل اشوي اتصلت علي واتعرفينها انتي
ريناد ابتسمت واوقفت ..راحوا للسياره وبعد كم دقيقه وصلوا للفندق ولما دخلت هند للشقه ..
ام رائد : هند اسمعيني ام عبدالله راح تيي باجر علشان الملجه (الملكه )
هند افتحت عيونها بصدمه : بهالسرعه عاد
ام رائد : باجر مو اليوم ابيج عاد تروحين للسوق وتشترين هاه الحين مو تصيرين بارده
هند تنهدت : مين راح يروح معي طيب ولا اقولك اشتري لي انتي لاني من الاساس مو موافقه ابد
ام رائد بعصبيه : جب هذا عبدالله يالغبيه انا قلت انها هالعبير ماتنفع له ابد وانتي راح تنسينه عبير واللي جاب عبير بعد سامعتني اسلوب احبه وما ادري شنو مايمشي عندي
ابو رائد طلع من الغرفه وقال بإستغراب : وش صاير ليه كذا تصرخون
ام رائد طالعته : مو صاير شي ( طالعت بهند ) يلا اشوف اخذي خواتج وخلي اخوج يوديكم ودخلت للغرفه ..
ابو رائد : وش صاير ياهند
هند تنهدت : يبا انا ما ابي عبدالله السالفه مو سالفة احبه ولا ما احبه انا بس ما ابيه
ابو رائد تنهد : هي بس لو مو معطتهم كلمه كان قدرت اتصرف بس ماعليك خليني اتصرف مافي زواج بالغصب الحين انتي روحي وسوي اللي امك قالت عليه
مشت هند لغرفة البنات وهي خايفه من وش راح يصير
خايفه من بكره وش بيجيب لها ..
بغرفة رائد مبتسم اكبر ابتسامه وهو يقول بنفسه ( خلاص راح اكلم امي بس سالفة هند تخلص اول وان شاءالله عاد توافق )
بغرفة ابو رائد وام رائد ..
ابو رائد بعصبيه :انا كم مره محذرك وقايل ان كلمتي هي الوحيده اللي تمشي
ام رائد طالعته : نصيب هند وجاها نصيبها يعني شنو تبيني اسوي ما اقدر اقول لا
ابو رائد بعصبيه : نصيب ! انتي حتى ماسألتيها (كمل بتهديد )سمعيني زين هند ماتبي عبدالله ماتبيه والزواج مو غصب
ام رائد خافت لكن مابينت هالشي :خلاص عطيت المره كلمه بعدين عبدالله اللي يبيها مو احد ثاني
ابو رائد تنهد بعصبيه وطلع بره الغرفه..

#$#$#$

بالكويت عند اسماء ومحمد .. الساعه 8 بالليل ..
شافت محمد يتبخر ولابس البشت .. عيونها غورقت حست انه بيتزوج ..
اسماء وهي خايفه من رده : مـ محمد
محمد امبين انه مستانس ويغني وبدون مايطالعها قال : اشتبين
اسماء : انته بتتزوج ؟
محمد ببرود : والله عاد كيفي اتزوج ما اتزوج هذا شي راجع لي تبين استأذن منج مثلا
اسماء وهي تنزل دموعها : يعني بتتزوج محمد حرام عليك انا احبك
محمد وهو يمشي : خلي حبج لحبيب القلب احسن
وراح لسيارته ..
اسماء من الصدمه اجلست على الكرسي وحطت يدها على فمها وقامت تصيح ..

#$#$#

عند عبدالله وعبدالعزيز.. كانوا جالسين على البحر ..
عبدالله تنهد : انا حالتي ماتسمح اني اتزوج (طالع بعبدالعزيز) ما اقدر اظلمها وياي
عبدالعزيز: عبدالله يمكن اهيه تقدر تنسيك الهم اللي عايش فيه
عبدالله وهو يطالع البحر : انا مو قادر انساها بس ودي اسألها ليش انا شنو سويت
عبدالعزيز انكسر خاطره على عبدالله : خلاص ياعبدالله ليش جذي متمسك فيها عبدالله تنهد : اهيه لهدرجه كانت تلعب بمشاعري انزين ليش ما ارفضتني من البدايه ليش خلتني احبها اكثر
عبدالعزيز تنهد : عبيد يه مو قلنا خلاص
عبدالله طالع بعبدالعزيز : الياهل ولد منو بس ودي اعرف
عبدالعزيز : اووف عبير ماضي خلاص لا تفكر فيها
عبدالله : اشلون تبيني ما افكر فيها هذي بيوم اسرقت قلبي وعقلي وبعدها اذبحتني
عبدالعزيز تنهد ..

$#$#$

الساعه 3 الفجر تحديدا بالكويت ببيت ابو راشد ..
ام راشد نزلت تحت وابو راشد توه داخل للبيت كان يصلي بالمسجد ..
ام راشد طالعت ابو راشد بتكبر وغرور وطالعت براشد وقالت له : تعال
راشد صعد مع امه لغرفتها ..
ام راشد : اسمعني زين انا راح ارضى بزواجك من هذي ( كملت بقرف ) رغد لكن هاه راح تتزوج وحده من بنات اختي يعني تتزوج تنتين انا مالي دخل بهذي انا الاهم عندي بنت اختي وبس
راشد ابتسم : زين عيل انزل اقول لأبوي
ام راشد مسكت يده وقالت بتهديد : لا تقوله على سالفة بنت اختي
راشد عقد حواجبه بإستغراب : بس تدرين هالأيام قاعد يعصب اذا ماقلنا له
ام راشد بحده : كلمتي اهيه اللي تمشي بهالبيت وبس
راشد طلع من غرفة امه وقال لأبوه ..

#$#$#

الساعه 4 الفجر بالسعوديه عند آلاء وحمد ..
حمد توه داخل للشقه .. وشافته آلاء قالت له بنرفزه : صباح الخير يازوجي العزيز
حمد طالعها وهو امبين انه تعبان قال بنرفزه : آلاء ترى تعبان ومالي خلق
آلاء بنرفزه حطت يدينها على خصرها : والله عاد هذا الكلام ماينفع معاي صايع بره البيت من امس واليوم بعد وحابسني بالبيت
حمد انسدح على الكنبه يبي ينام ..
آلآء بعصبيه وهي تصرخ : انت هييييه كلمني.. ( فجأه حست بدوخه وطاحت على الأرض )
حمد طالع فيها وخاف لما شافها طايحه لبسها عبايتها ووداها للمستشفى ..
ولما اوصلوا افحصوها وقالوا انه الفحوص ما تطلع الا بكره .. وصلها للسياره وكانت ساكته .. والدوخه خفت شوي ..
حمد : كيفك ألحين ؟
آلاء مسحت دموعها بسرعه وقالت : لا تخاف ماراح اموت بسيارتك
حمد تنرفز : اوووف عاد سألتك جاوبي
آلاء بعصبيه : خلاااااص عاد لا تقعد تطلع رجولتك علي وبعدين لا تسأل يأخي محد جابرك
حمد عصب وبصراخ : انا رجال غصبن عليك والشرهه علي اني موديك للمستشفى انتي لو ادفنك احسن علشان افتك من وجهك
آلاء بصراخ وهي تصيح : طيب كل تبن
حمد طالعها لما وقفوا عن الاشاره وقال بعصبيه : ايش قلتي ؟؟
آلاء طالعته : ماسمعتها اعيدها يعني ( علت صوتها ) كل تبن
حمد طالعها بعصبيه وقال : ماشي حسابك بالبيت
واول ما اوصلوا للبيت .. حمد مسك آلاء من كتفها بقرف ودخلها بالغرفه وقفل عليها وقال بعصبيه : ماتقوليلي كل تبن وانا موديك للمستشفى
آلاء بعصبيه وهي تطق الباب : افتح الباب لا تنجن فوق راسي
حمد وهو يجلس على الكنبه : لما تحترميني يصير خير
وطول صوت التلفزيون ..

$#$#$

ثاني يوم الساعه 1 الظهر .. عند بيت ابو حمد ..
سلوى وام حمد يجهزون الغدا ..
وابو حمد وفيصل جالسين على طاولة الطعام ..
سلوى وام حمد حطوا الاكل على السفره ..
ابو حمد وهو يأكل وببرود : سلوى زواجك بكره اجهزي من اليوم
سلوى قامت من الأكل وراحت لغرفتها ركض .. وتصيح بغرفتها
فيصل تضايق اول ماشاف اخته كذا رافضه هالزواج وماتبيه وام حمد بعد لكن ما باليد حيله ..
فيصل وقف بيروح لسلوى .. بس وقفه صوت ابوه ..
ابو حمد بحده : على وين
فيصل طالع ابوه : شبعت
ابو حمد وهو يأكل ببرود : قول لأخوك عرس اختك بكره ابي اشوفه موجود وانت بعد
فيصل طالع بأبوه كيف يقدر يزوج بنته لواحد كبره او اكبر منه واحد تحسبه نفس ابوها .. صعد لغرفة سلوى توقع يشوفها بهالحاله .. شافها تصيح بصمت دموعها تنزل بدون مايرف لها جفن وتطالع نفسها بالمرايه ..
فيصل انكسر خاطره على اخته وقال : سلوى
سلوى بدون ماتطالعه : بكره زواجي بكره نهاية حياتي ( طالعته وقالت ) فيصل قول لأبوي اني غلطت غلطه كبيره خله يذبحني .. خله يذبحني قبل لا .. ( وقامت تصيح وما اقدرت تكمل )
فيصل تنهد : سلوى اهدي ماراح اتعذبين الا نفسك شفتيني لما حاولت اني ادافع عنك كيف ابوي مارحمني ولحد الحين مافكر حتى يغير رايه ابوي مايهتم لأحد غير الفلوس يا سلوى
سلوى وهي تصيح : يعني راح اتزوجه
فيصل بدون مايطالعها لأنه وعدها انه هالزواج ما راح يتم: ايه
سلوى ماتبي تصدق : كلمت حمد ايه اييه حمد اكيد راح يوقف معاي وماراح يخلي ..
فيصل قاطعها : حمد مو حمد ياسلوى حمد متقبل الوضع مو كأنه حمد اللي وصاني عليك من ابوي قبل لا يتزوج (تنهد ) ما ادري مين اللي غيره معقوله زوجته !!
سلوى طالعته :لا آلاء مستحيل اتسوي كذا وانا عارفتها زين
فيصل : على العموم الله يستر عليها
سلوى وهي تصيح : طيب حاول تسوي اي شي تكفى يافيصل
فيصل وقف وتوجه للباب : انا بمشي بخليك تهدين وبعدين يصير خير
وطلع بره غرفتها .. جت ام حمد وافتحت الباب على سلوى وقالت لها : حبيبتي إلبسي علشان نطلع ونشتري ..
سلوى قاطعتها : ما ابي اشتري شي انتي اشتري لي ( علت صوتها) مالي خلق اطلع
ام حمد بخوف : يا ابنيتي اسكتي لا يسمعك ابوك
سلوى بعصبيه : ما ابي ماابيييي
ام حمد : تنهدت وراحت لها وضمتها وقالت لها تهديها : اهدي ياحبيبتي اهدي لا يسمعك ابوك
سلوى بصراخ وهي تصيح : ما ابي ما ااببببييي
دخل ابو حمد وماسك عقاله وقال بعصبيه : ووجع ان شاءالله تصرخين هاه انجنيتي!!
سلوى وخرت بخوف وام حمد راحت لأبو حمد وقالت بخوف : او حمد زواجها بكره تكفى لا تضربها واتبين للناس انها ماتبيه خلاص اهدا
ابو حمد بعصبيه : خليها تسكت لا اذبحها اليوم
وطلع بره الغرفه معصب ..
ورجع مره ثانيه وقال بعصبيه : يلا البسي وخلصي وروحوا للسوق وابي اشوفكم شاريين كل شي ( كمل بصراخ ) يلااا
وطلع من الغرفه ..

#$#$#

عند بيت ابو عبدالله .. على الغدا عبدالله باين انه معصب
ابو عبدالله : عبدالله اشفيك
عبدالله اكل بعصبيه ..
ابو عبدالله : انت معصب يعني
عبدالله على نفس الوضعيه ..
ام عبدالله تنهدت وطالعت ابو عبدالله وهزت برأسها بعدم الرضى ..
ابو عبدالله عقد حواجبه : يه عاد ترى خطبنا لك ما سبيناك
عبدالله طالع بأبو عبدالله وقال بنرفزه : لأنكم ماقلتوا لي إلا بعد ماخطبتوا لي
ابو عبدالله : واذا يعني البنيه زينه ومافيها شي وصدقني تصلح لك
عبدالله وقف وراح لغرفته فوق ..

$#$#$

عند يوسف وريم .. تحديدا بباريس .. كانوا جالسين يتعشون في المطعم
وماكان فيه بارتشن بس ريم كانت متحجبه ولابسه لبس ساتر ..
يوسف وعيونه مو على ريم ابد : هلاا ابوووي
ريم طالعته وقالت بإستغراب : مين اتكلم انت
يوسف توه انتبه لها : لا لا ابد حياتي
ريم ارجعت تأكل ..
يوسف وعيونه على البنت اللي مرت : شنو هالزين
ريم انتبهت له وعصبت وقالت بعصبيه لكن وهي موطيه صوتها : يوسف
يوسف طالعها وقال بإبتسامه : هلا بعمري
ريم بعصبيه اشوي وتصيح : انت ايش ماتحترم وجودي ماتحترمني كزوجه انت مو تقول انك تحبني
يوسف وهو يطالع وراها وبإبتسامه : لا امبلا احبج واحب طوايفج كلهم بعد
ريم طالعت وراها وشافت بنات يبتسمون ويطالعونه ..
ريم .. كيف قدر يسويها كيف يقدر ! قامت وراحت للمصعد وتحاول تصد دموعها ..
يوسف راح لها يركض وشافها واقفه عند المصعد وتصيح..
يوسف تنرفز : انتي اشفيج ولا بعد تبجين
ريم طالعته واول مافتح المصعد عطته كف وراحت بالمصعد بس جد خافت لأنه نظراته كان باين انه وده يذبحها فشلته قدام الناس وعطته كف ..

#$#$#

خلص البارت السابع عشر ..
ردودكم وتوقعاتكم تسعدني ..

لامارا · 09-09-13, 04:43 PM

{ آلــبـــآرت آلــثــآمــن عــشـر }

#$#$#$

عند هند .. الساعه 7 بعد اذان المغرب ..اللي كانت جالسه بغرفتها وخايفه وعيونها ورمت من البكي وتدعي انه يصير اي شي يوقف خطبتها .. دخلت عليها ام رائد وسكرت الباب على طول وقالت بخوف : حبيبتي هند اشفيج
هند طالعتها وهي تمسح دموعها واتصنعت الابتسامه : لا لا ابد بس خايفه اني افقدكم ومتوتره اشوي
ام رائد ضمتها : يابعد عمري ( وخرت عنها وبإبتسامه ) حياتي انتي قومي عدلي مكياجج لأنهم ترى على وصول
قامت هند وهي ترتجف وخايفه وتدعي الله بنفسها انه يوقف هالخطبه ..
مكيجتها ام رائد ولما خلصت اطلعت هند اكثر جمال وهي اصلا جمييله .. المهم جو عايلة ابو عبدالله .. وبعد مرور دقيقتين جت هند وهي شايله العصير .. واول ماشافها عبدالله ماينكر انه انعجب فيها لكن مجرد اعجاب .. هند لما اجلست ماتدري ليه استحقرت نفسها اكثر لما اصلا صدقت ابراهيم وسمى اللي بينهم مجرد اخوه .. ابتسمت مجامله لمدحهم لها انصدمت لما اسمعت ابو عبدالله ..
ابو عبدالله بإبتسامه : اذا البنت وعارفينها زين وعارفين اخلاقها ليش ما انخلي الخطبه والملجه بيوم واحد
حتى عبدالله انصدم وطالع ابوه ..
ابو رائد : وليه العجله
ابو عبدالله بإبتسامه : لأنه بنتك اهيه بعد نفس بنتي
ام رائد قالت بسرعه : ايه ليش لا وهم بعد ولدكم نفس ولدنا
ابو رائد طالعها بنظرات كلها عصبيه ..
ابو عبدالله ابتسم اكثر : يلا عيل على البركه
وطبعا سوو الملكه والخطبه بنفس اليوم .. كل مايتحججون لهم بشي يرد عليهم ابو عبدالله ..
عبدالله ولا كأنه هو اللي بيخطبها ويملك عليها اي شي يقولون يسويه .. كان امبين انه ماييها وهند امبين انها خايفه ومرتعبه بعد وماتبي لكنها مجبوره .. .. رغد ووسن ملاحظين هالشي ومكسور خاطرهم عليها لكن ماباليد حيله ..

#$#$#

نروح عند يوسف وريم .. تحديدا بباريس ..
ريم اااه ياريم مرميه بالزاويه وتصيح بقوووه صرخت بقوه وضربت راسها على الجدار بخفيف وجهها معاناة كانت مضروبه من يوسف .. طالعت بيدها اللي تحس انها تعورها .. حست بشعور انها عايشه بكذبه مجرد كذبه حتى يوسف مجرد كذبه يعني كل هذا علشان كف .. هذا اللي كانت تفكر فيه ريم ..
عند يوسف جالس تحت بالفندق ويهز رجوله بتوتر ويحط اظافره بفمه من التوتر ..ويقول بنفسه ( انا شسوي الحين ريم حيل حساسه واكيد مو غريبه تطلب الطلاق كلش كلش تقول حق اهلها وتصير مصيبه اوووووف بس لاعاد ايدها ماتنمد علي شنو اصغر عيالها انا ولا بعد جدام الناس .. لا لا لازم اصعد اوديها المستشفى اي شي ان شاءالله عاد ما انكسرت ايدها ) صعد لجناحهم .. ودخل تردد اكثر لما سمعها تصيح بقوه وتشاهق ..
يوسف واقف قدامها وقال : يلا امشي اوديج المستشفى علشان يشوفون ايدج
طالعته ريم وقالت وهي تصيح : اطلع بره ما ابي اشوفك
يوسف تنهد بنرفزه : يلا قومي عاد ما احب هالدلع الماصخ
ريم بعصبيه : ماابي اطلع بره انت تفهم
يوسف : اووووف عاد سمعيني انا بنطرج بره الغرفه وان طولتي ..
قاطعته ريم بعصبيه : اطلللع برررره
يوسف طالعها بنظرات كلها عصبيه وطلع بره وسكر باب الغرفه بقوه ..

$#$#$

بالكويت .. تحديدا ببيت ابو عبدالله .. اول ما ارجعوا البيت عبدالعزيز صعد لغرفته..و فاطمه جاها اتصال وكانت بتروح تطلع على طول لكن وقفها صوت ابو عبدالله : على وين ان شاءالله
فاطمه بإبتسامه : يبا رفيجتي متصله علي تقولي تعالي وبسرعه بعد
ابو عبدالله : بس ترجعين مبجر مو تطولين
فاطمه ابتسمت اكثر : من عيوني
واطلعت ..
عبدالله كان جالس على الكنبه رما الخاتم على الطاوله اللي قدامه وقال ببرود: متى تخلص هاللعبه
ابو عبدالله اللي كان جالس بعيد اشوي عنه بإستغراب : اي لعبه
ام عبدالله خافت على عبدالله وبس تطالعهم ..
عبدالله طالع بأبو عبدالله وقال بنرفزه : هالمصخره اللي تصير الخطبه والملجه بيوم واحد لا ليش مطولين جذي جان خليتوا العرس باجر
ابو عبدالله بحده : صوتك مايعلا علي وبعدين ابي مصلحتك انا
عبدالله بعصبيه : انا مو مينون ومتى مابغيت اتزوج راح تزوج .. انته مزوجني وانا حتى شغل ماعندي
ابو عبدالله بنرفزه : شغلك وعندي بعدين انا ماقلت مينون
عبدالله بعصبيه : لا امبلا من تصرفاتك وبعدين انا درست وتعبت علشان اروح اشتغل بشي ما اعرف فيه
ابو عبدالله بعصبيه : اذا فيك خير سو لك مكتب خاص فيك وبشوف منو راح يروح لك
عبدالله وقف وقال بعصبيه : ماشي بتشوف ..على فكره انا ما ابي هند ودبروا لكم حل لا صدقوني ايننكم صج هالمره
وصعد لغرفته فوق..
ام عبدالله : شفت قلت لك ما ابي اغصبه اهوه بروحه تعقد من هالعبير
ابو عبدالله طالعها بنرفزه : انتي وبعدين وياج انا ابي اعقله وانتي تقولين انه معقد هذا بدال ماتساعديني عليه
ام عبدالله عفست وجهها : رووح زين هذي الحين مرته و يقدر يطلقها اذا يبي
ابو عبدالله تنهد بنرفزه وراح لغرفته ..

$#$#$
عند عايلة ابو رائد ..من اول ماراحوا عايلة ابو عبدالله ..وهند راحت لغرفتها تبكي من قلب وماهي عارفه وش تسوي ..
اما بغرفة ابو رائد وام رائد ..
ابو رائد بعصبيه : انتي كيف تسوين كذا هاه كيييف ولا بعد ماخليتيني اتكلم
ام رائد ببرود : والله عاد هذي بنتي وانا ابي مصلحتها
ابو رائد بعصبيه : تراك جننتيني وهند بعد بنتي ترى
ام رائد : ايه وانا سويت اللي المفروض اسويه
ابو رائد مسكها من ذراعها وقال بعصبيه : سمعيني زين وحطيني على بالك زين هذا زواج وموش لعبه
ام رائد خافت وحاولت تبعد يدها عن ابو رائد وقالت : لا تمد ايدك علي
ابو رائد تركها وهو يطالع فيها بعصبيه ..
ام رائد راحت للسرير ..
ابو رائد بنرفزه : جهزي شنطتك وشنطتي بكره بنرجع للسعوديه
وطلع بره الغرفه وراح لغرفة هند ..شافها تصيح وجالسه على الأرض اول ما شافت ابوها راحت له تضمه وتقوله بحررقه وهي تصيح : يبا الله يخليك سامحني سااامحححنييي
ابو رائد استغرب وجلس معها يهديها وطول الوقت ماعلى لسانها إلا : يبا الله يخليك سامحنيي
واصلا مايدري وش صاير .. هند منهاره وحالتها ماتطمن ماراح عنها إلا لما نامت .. تضايق على حالتها وراح لغرفة ريم ووسن وقالهم يجهزون ملابسهم وملابس هند وينتبهون عليها لأنه يحس انها تعبانه ومحتاج خواتها يجلسون معها وبعدها قال لرائد..

#$#$#

عند عايلة ابو عبدالله .. ارجعت فاطمه للبيت وهي تغني وتوجهت لغرفة عبدالعزيز وشافته نايم على طول راحت عند غرفتها .. واضحكت وهي تطالع الورقه بفرح ..
اما عند عبدالله مو قادر ينام ويحوس بغرفته ويقول بنفسه : ( اهيه كان امبين من ويهها انها خايفه وماتبيني( كمل بسخريه ) اكيد بتخاف انا بنظرها مجرم وقاتل بعد .. بس هيين تزوجوني وتغصبوني عليها مااشي اوريكم هييييين)
$#$#$

بباريس عند يوسف وريم .. رجعوا من المستشفى لجناحهم بالفندق .. كانوا جالسين على الكنب اللي بالصاله ..
يوسف بإبتسامه يبي يراضيها : خلاص حياتي انا اسف وحقج علي
ريم اصلا مو طايقه تشوفه تأفأفت ..
يوسف رفع حاجبه وقال : يلا عاد قلت لج اسف وبعدين باجر بنروح جنيف عاد لاتخربين شهر عسلنا
ريم طالعته وهي رافعه حاجبها وطالعته من تحت لفوق وابعدت نظرها عنه..
يوسف : اها يعني السالفه جذي
ريم طالعته وقالت بعصبيه : ايه اييه السالفه كذا بغيت تكسر ايدي ماتقولي لما ارجع وش راح اقول لما يسألوني عن الكدمات
يوسف تنرفز مايحب احد يصرخ عليه : جب عاد لا تصرخين ايدج في رضوض وبعدين على هالكدمات اكيد تعرفين تغطينهم
ريم اشوي وتصيح : انت ليه تغيرت بس ابي افهم
يوسف تنهد وقال بحده : لأنه تعاملج معاي تغير عيل انا تعطيني كف جدام الناس ولا بعد ألحين قاعده تصرخين علي ( كمل بتهديد ) سمعيني زين انا صج احبج لكن ما ارضى تخليني نفس الخروف عندج وسالفة هالطق هذي علشان تتأدبين ولا ترفعين ايدج الحين صار مجرد رضوض بس مره ثانيه اكسرها
ريم وهي تصيح وتصرخ : انا الحين ماابيك طلقني
يوسف : ههههههههههههههههههههههههه هههههههههه طلقني ! وهذا ثاني يوم لنا من صجج انتي ( كمل بجديه ) ريم حبيبتي صوتج لا يعلا انتي زوجتي وبنت خالتي رجاء لا تخليني اغلط عليج انا ترى ريال ما احب المره تصرخ علي وترفع ايدها
ريم طالعت فيه تبي تتأكد إذا كان جد يوسف ولا يمزح لالا اكيد مو يوسف ..
ريم بدون ماتطالعه وهي تنزل دموعها : يوسف اذا بتعاملني كذا انا ما ابيك ( طالعته وقالت ) وانت ماتستحي تطالع بهالحريم وانا جمبك انا صرت زوجتك يايوسف احترمني ولا تضربني واذا بتظل اتعاملني كذا انا ما ابيك اهم شي عندي كرامتي
يوسف بنرفزه: انتي عطيتني كف وجدام الناس استحملي اللي راح يجيج مني .. تدرين اشلون انا بروح انام ابرك لي
وراح لغرفة النوم وسكر الباب بقوه ..
ريم وهي تصيح وتقول بنفسها ( ماراح اقدر اتحمله زياده اذا من ثاني يوم بدأ يفرض نفسه بالطق والتهديد اقول لمين وش اللي غيره علي يوسف صاير يخوف واتوقع اللي صار لو اعرفه احد راح يذبحني لو عرف .. بس لازم ما اسكت )

#$#$#$

ثاني يوم بالسعوديه الساعه 3 العصر عند عايلة ابو رائد توجهوا بسيارتهم للسعوديه.. بهالسفره صارت اشياء واجد .. رغد تقدرون تقولون الضحك مجرد تمويه ولا ماتنام قبل ماتصيح .. هند اللي ودها تمنع اللي يصير بأقرب وقت ممكن .. اعجاب او حب وسن لعبدالعزيز .. رائد وحبه لجود اللي يحسبها بريئه وراح تقبل فيه ..

$#$#$

عند سلوى .. تقدرون تقولون مثل اللعبه يسوون فيها اللي يبونه ماتقدر ترفض وحتى لو ارفضت ابوها ماراح يرحمها وراح يسوي اللي براسه غصبن عليها طالعت بأمها اللي ملامح الخوف ماتفارق وجهها .. ودها تصرخ لكن مايفيد صراخها .. مر الوقت وصار وقت روحتها للقاعه امسكت يد امها وفعيونها رجاء وقالت : يمه لو كنتي تحبيني هربيني
ام حمد : يا ابنيتي اهدي وخلي الليله تمر على خير وبعدين نفرض هربتك اذا عرف ابوك راح يذبحك ويذبحني
سلوى اوقفت وطالعت بعيون امها : يمه بتقضون على شبابي انتي كذا جالسه تنهين حياتي
ام حمد تنهدت : بسم الله عليك وش هالكلام يا ابنيتي امشي لا نتأخر
سلوى اشوي وتصيح : ايش هذا لهدرجه تخافين منه ابوي ايش سوالك علشان كذا تخافين منه ليه ماتطلبين الطلاق وتفكين عمرك
ام حمد عقدت حواجبها : الكلام اللي تقولينه فاضي يلا امشي
مشت سلوى وهي مستغربه ليه كذا امها تخاف من ابوها لييه ..
$#$#$

عند عايلة ابو عبدالله ..
فاطمه دخلت غرفة عبدالعزيز حتى بدون ما تستأذن والابتسامه على وجهها وسكرت الباب..
عبدالعزيز بنرفزه وصراخ : طلعي برره انا جم مره قلت لج لا تدخلين غرفتي
فاطمه توجهت له ومعاها الورقه وابتسامتها زادت ..
عبدالعزيز بدون مايطالع الورقه عقد حواجبه وقال بعصبيه : طلعي بره انتي غبيه ولا شنو
فاطمه بحده مع رفعة حاجب : اقرا الورقه
عبدالعزيز سحب الورقه من يدها وهو يقراها ما قدر يوقف جلس من الصدمه وقال بصدمه : شـ شنوو هذا
فاطمه ابتسمت وهي تجلس وتلعب بشعرها : اتوقع انك قريتها وعرفت شنو اهيه
عبدالعزيز حط يده على راسه من الصدمه ..
فاطمه بإبتسامه : بالمختصر المفيد حلال عليك وسن بس ابيك تذل وسن واتخليها تبجي بعد ولا صدقني هالورقه راح تهدم بيتك فوق راسك ابيك تذلها ( كملت بحده) ابيها مكسوره
عبدالعزيز طالعها وقال بنرفزه : انتي شنوو ما اتحسين
فاطمه بحده : اسمعني زين انا متأكده انك ماسويت اللي سويته برائد إلا خوفا مني ومن اني اقول سواد ويهك
عبدالعزيز بدون مايطالعها : اهيه شنو ضرتج فيه اهيه ماسوت لج شي فاطمه .. انا احبها لاتخليني اسوي شي يضايقها ويضايقني
فاطمه بحده : جب بس سو اللي قلت لك عليه ( ضحكت فجأه) ههههههههههههه ايه احسن انا ابيك تنذل ولا نسيت شلون ذليتوني كلكم
عبدالعزيز طالعها وهو عاقد حواجبه : انتي لحد الحين قلبج شايل
فاطمه طالعته بقرف وقالت : سو اللي قلت لك عليه وبس
وطلعت من غرفة عبدالعزيز ..

$#$#$

عند عايلة ابو رائد رجعوا للسعوديه على المغرب ..
وكالعاده وسن ورغد جالسين بالصاله ويتهاوشون على ريموت التلفزيون .. وابو رائد بالصاله معاهم بس ماله خلق يسكتهم ..
ام رائد بنرفزه : خلاص عاد وبعدين وياكم انتوا ماتسكتون ..
رغد : يمه شوفيها ابغى الريموت ابي اشوف مسلسلي
وسن وهي تسحب الريموت : ويييع مسلسلك خاااايس ما احبه بعدين شوفيه بجوالك
ام رائد : اووووه عاد ( طالعت ابو رائد ) وين هند
ابو رائد طالعها من تحت لفوق وراح لغرفته ..
ام رائد تخصرت : الحمدالله والشكر اشفيه هذا .. اووووف
وتوجهت لغرفة البنات ..
وشافت هند جالسه على السرير وتقرأ قرأن ودموعها ماوقفت .. اتركتها ام رائد وراحت وسكرت الباب بشويش .. فجأه دخل رائد وقال وهو يطالع ام رائد : يمه وين ابوي
ام رائد عقدت حواجبها وقالت بإستغراب : بالغرفه.. ليش ؟؟
رائد وهو يتوجه للغرفه : في واحد بره يبغاه
ابو رائد يطالعه : وش فيك
رائد : يبه في واحد يبغاك بره
ابو رائد ببرود : قوله مشغول
رائد : يبه يقول ضروري
ابو رائد تنهد : دخلته للمجلس
رائد : ايه
ابو رائد : خلاص طيب روح الحين واجلس معه وانا الحين اجي
وراح رائد .. بعد كم دقيقه راح ابو رائد للمجلس ..
ابو رائد اول ماشافه تنرفز وعصب وقال لرائد : خلاص روح
وراح رائد استغرب لما شاف ابوه معصب ..
ابو رائد بنرفزه : وش تسوي هنا
.. ببرود مع انه ماسك اعصابه : انا ابي اشوف امي
ابو رائد من بين اسنانه : مشعل لا تخليني ..
قاطعه مشعل بحده : ابي اشوفها وبس انت حرمتني من ابوي وهالمره من امي
ابو رائد بعصبيه : اطلع بره
مشعل طالعه من تحت لفوق وقال بنبرفزه : انت حرمتني من برها ابي ابر فيها قبل لا الموت يأخذها الله يطول بعمرها
ابو رائد بعصبيه : انت ميت بنظر الكل مت ( دفه من كتفه ) اطلع بره وما ابي اشوف وجهك هنا
مشعل طالعه بحقد وكره : ماشي ماااشي
ابو رائد بقرف : اقول بس اطلع بره
وطلع مشعل بره وركب سيارته وطالع البيت وقال : والله لا اعلمك تحرمني من ابوي وتبي تحرمني من امي بعد بس ماااشي ماااااااشي
وحرك سيارته ..

#$#$#

عند اسماء .. كانت جالسه بالصاله وتطالع عيالها بسرحان وهم يلعبون وتقول بنفسها : ( معقوله يتزوج ايه ليش لا انا خنته واكيد مايبيني بس اهوه صج كان يحبني اذا اهوه صج كان يحبني ليش يبي يجرحني ألحين ليش يبي يذلني )
فجأه دخل محمد وبشته بيده .. وعلى طول فجر وسالم راحوا عنده واحضنوه
اسماء بسرعه وقفت وراحت له وقالت وهي واقفه قدامه : وينها
محمد : منو هذي
اسماء رفعت حاجب : سعيدة الحظ
محمد : ههههههههههههههههههههههههه هههههههههههههههه
اسماء استغربت : ليش تضحك
محمد : الحمدالله والشكر انا لو متزوج جان ماشفتي ويهي بالبيت هذا زواج رفيجي ( صديقي)
اسماء انصدمت : وليش ماقلت
محمد وهو يصعد على الدرج : والله عاد كيفي
وراح للغرفه واسماء الحقته ..
اسماء بنرفزه : ليش ماقلت لي خليتني اهنيه قاعده وفكره تروح وتجي
محمد وهو يعلق البشت بالكبت : شوفي انا من امس سهران وما ابي ازعاج
اسماء تخصرت : لا والله وانا شنو ياهل تلعب بعقلي
محمد طالعها وقال بسخريه : ايه والله ياهل الحمدالله والشكر فيه وحده تقعد تغازل بهالرجاجيل ويقص عليها واحد واهيه متزوجه
اسماء نزلت عيونها : وانت ليش ماقلت لي انك تحبني هالكثر
محمد طالعها بعصبيه : انتي هبله مو باليوم عشرين الف مره اقولج احبج وانتي مسويت لي طاف
اسماء طالعته ودموعها تنزل : اذا كنت صج تحبني جان سامحتني
محمد بنرفزه : انا مو مجبور أبين لج حبي وانتي قلبج قاعد فيه شخص ثاني
اسماء وهي تصيح : بس اللي يحب يسامح
محمد ببرود : بالضبط قلتيها اللي يحب يسامح انا ألحين عفتج ما ابيج
اسماء وهي تصيح بقوه : انا صج احبك وابيك انا نسيته خلاص
محمد : ههههههههههه اوكي
اسماء اوقفت قدامه : محمد حرام عليك خلاص جد ترى هذا لعب يهال
محمد بنرفزه : انتي لو كنتي تحبيني جان ما تجرأتي تكلمينه ولو حتى كان حب قديم واهوه رجعه
وكان بيدخل للحمام لكن وقفه صوت اسماء..
اسماء نزلت عيونها وقالت وهي تصيح : محمد انا اسفه لاني ما حسستك ولو مره وحده اني احبك صج لأني وبصراحه وافقت لأنه مستحيل اهلي يرضون فيه انا بنظرك انسانه قذره وادري مو طايقني .. لكن لا تعاملني بهالبرود طقني سو اي شي يضمن لي انه بتمر الأيام ونرجع مثل اول
محمد تنهد وقف لدقيقه والتفت يطالعها وقال : انتي لو فيج خير جان ماقلتي لي هذا الكلام اشكره انج ماكنتي تبيني
ودخل للحمام .. اسماء إلبست بسرعه واستنته يطلع وبعد ماطلع قالت بدون ماتطالعه : انا بطلع
محمد وهو يجلس على السرير قال ببرود : بالطقاق
اسماء قبل لا تطلع طالعته وقالت : انت كبرت بعيني بعد مارجعتني وانت عارف اني كنت اكلم غيرك ابيك تدري اني احبك ومافي بقلبي غيرك
محمد انسدح وتظاهر انه ماهمه الكلام .. اطلعت اسماء واركبت السياره وحركت السياره بسرعه جنونيه و قامت تصيح وهي ابد مو جمب السياره فجأه اطلعت سياره قدامها واصدمت فيها ..

#$#$#$

بالسعوديه ..عند مشعل رجع لبيت عمته وهو معصب ..
سعاد مستغربه : وش فيك وش صار
مشعل بعصبيه : النذل مثل ماتوقعت مايبيني اشوفها
سعاد تنرفزت : اووووف منه النذل
مشعل بعصبيه : والله لا أوريه هييين هيييييييييييين
سعاد : ووش بتسوي
مشعل طالع بسعاد وقال بحقد : ابيك تساعديني
سعاد : آمر
مشعل ابتسم بتوعد : مايآمر عليك عدو .. سمعيني

#$#$#$

عند محمد .. تأفأف مو قادر ينام كلام اسماء لحد ألحين يفكر فيه ..
محمد وهو ماسك جواله : هذي خبله بروحها سواقتها بخبال ولا بعد طالعه واهيه تبجي
يتصل عليها لكن ماترد خاف عليها وقال بخوف : هذي لا يكون فيها شي اووووف استغفرالله الله يستر
فجأه جا سالم وقال وهو يفتح الباب : يبا في واحد يبيك على التليفون
محمد نزل بسرعه ومسك التليفون وقال : الوو
.. : انت محمد الـ ..
محمد : ايه ليش
.. : انته زوج اسماء الـ..
محمد بخوف : اييه ليش شنو صاير
.. : اخوي معاك المستشفى ......
محمد بعصبيه : زوجتي اشفيها ماتتكلم
.. : زوجتك مسويه حادث ممكن تجي علشان تسمع من الدكتور
محمد بسرعه سكر التليفون ونادى الشغاله وجت وقالها : سمعيني اخذي فجر وسالم بوديهم البيت يلااا بسرعه
المهم بعد ما اركبوا السياره ووصل سالم وفجر .. وراح للمستشفى بسرعه جنونيه راح للدكتور ..
محمد بخوف : اشفيها اسماء يادكتور
الدكتور تنهد : اخ محمد زوجتك عمليتها صعبه
محمد بصراخ : يعنيي شنووو
اللي بالمستشفى قاموا يطالعونه ..
الدكتور: اهدا بس نبيك توقع علشان نبدأ بالعمليه
محمد : ايه اكيد بوقع
الدكتور : اوكي تفضل معاي
ومشا مع الدكتور مع محمد وبعد ماوقع بدأ الدكتور بالعمليه ..
محمد اللي يقول انه مايحبها وانه عافها محمد اللي مو طايقها .. قلبه كان مغلف بكره كذاب ماينكر انها صدمته بخيانتها له يحس انها كسرت قلبه

$#$#$

بالسعوديه .. عند عايلة ابو رائد ..
ام رائد وهي تفتح شنطتها وتحط ملابسها بالكبت : رائد خلصني البيت مافيه خدامه لا تقعد تحن وراي مشاغل انا
رائد : يمه ترى الموضوع يخصني
ام رائد طالعته : شنو اهوه الموضوع
رائد بتردد : يمه ابي اتزوج
ام رائد : اشفيكم كلكم تبون تتزوجون
رائد : يمه ألحين انا جايك وقلت لك ابي اتزوج تقولين كذا
ام رائد بإبتسامه : انزين حاط ببالك وحده ولا انا اخطب لك
رائد تنحنح وقال بإبتسامه : لا حاط وحده ببالي
ام رائد : ههههه واي فديته ولدي انزين منو اهيه
رائد بإبتسامه : يمه ابي جود
ام رائد انمحت من على ملامحها الابتسامه : شنووو !!
رائد : ايه يمه ابي جود
ام رائد بنرفزه : مالقيت إلا هذي
رائد : ايه يمه مافيها شي
ام رائد تنهدت : البنيه ماتصلح لك
رائد عقد حواجبه : لا تصلح لي يمه وانا ابيها
ام رائد : لا حول ولاقوة إلا بالله ياوليدي ماتدري يعني اختها شنو سوت
رائد تنرفز : يمه انا مالي دخل بأختها أبيها هي اشوف هند عادي تتزوج عبدالله
رائد بحده : لأنه الرجال عيبه بجيبه والمره غير
رائد بنرفزه : يمه لا تجنيني انا احبها وابيها
ام رائد بنرفزه اكثر : لا يكون تكلمها بعد
رائد تنرفز لكن حاول يهدي اعصابه : يمه انا ما اكلمها واتوقع شفتيني كيف اكلمها كلمتها بإحترام وبعدين انا ماعندي هالسوالف
ام رائد تنهدت : افهمني يارائد انا ما ابي بنيه لولدي اختها خاينه ريلها
رائد تنرفز : يمممه ترى عندك بنات وعيب تقولين كذا داخله بينهم انتي شايفه وش صار اذا ماشفتي لا تتكلمين
ام رائد بعصبيه : اوووص وقص لسان انا تكلمني جذي انا امك يالثور اذا بدايتها جذي تدافع عنها وعن اهلها عيل اشلون اذا اخذتها شنو بتسوي بتدوس فوق راسنا
رائد تنهد بنرفزه : يمه ترى تناقض تزوجين هند لرجال ذابح زوجته وانا لما اطلب منك اختها تقولين لا
ام رائد عصبت وعطته كف وقالت بعصبيه : جب ولا حرف يلا اطلع بره يلااا
ابو رائد دخل للغرفه وقال بإستغراب : وش صار ليه تصرخون
رائد طالع فيهم بعصبيه وطلع بره البيت..
ابو رائد : وش سويتي له
ام رائد : يبي يتزوج جود وانا قلت له لا
ابو رائد رفع حواجبه : وليه لا
ام رائد بسخريه : تضحك صح انت تعرف ليش بعد علشان اختها
ابو رائد : وخير ياطير خليه يتزوج جود هذا انتي زوجتي هند لعبدالله وعبدالله مسوي مصيبه
ام رائد : عبدالله رجال غيرعيبه بجيبه مو مثل المره
ابو رائد عقد حواجبه : وجود وش مسويه
ام رائد : سمعة اختها من سمعتها
ابو رائد بحده : هذا كلام فاضي ورائد من ما يبغى راح يتزوجها
ام رائد طالعته : شنو قصدك .. قصدك تعاندني
ابو رائد : والله عاد انتي ماحشمتيني قدام ابو عبدالله واستحملي اللي بيجيك
ام رائد بنرفزه : انته من صجك !!
ابو رائد وهو يجلس على السرير : لا امزح اكيد من جد اتكلم ورائد راح يتزوج جود اتصلي واسألي وخلينا انشوف ردها
ام رائد بعصبيه : لا ماراح اتصل والبنيه ما ابيها لولدي
ابو رائد ببرود : اذا ما اتصلتي ترى انا بتصل
ام رائد عصبت واطلعت بره الغرفه ..
رغد استغربت : يمه وش فيك
ام رائد : اووووف منكم
رغد طالعت بوسن واستغربوا ..
وراحوا لها وسن على يسارها ورغد على يمينها وباسوا خدها اثنينهم بوقت واحد ..
ام رائد ابتسمت اشوي : اشتبون
رغد : يمه ما انحب انشوفك كذا معصبه وش صاير
وسن : ايه والله يمه
رغد : قولي لنا وش صاير
وسن : يمه مين معصبك
ام رائد : خلاص خلاااص ماشاءالله عليكم حنه .. رائد يبي يتزوج جود
رغد ووسن طالعوا بعض وقالوا بصدمه : اييييييش!!!!!
ام رائد : ايه ادري حتى انا انصدمت وما ابيها له
رغد بسرعه قالت : اييه ايه يمه لا تخطبينها له ترى جد ماتستاهله
وسن : وانتي وش دراك خليها تسأل بالأول
ام رائد : اقول قوموا انتوا الأثنين يننتوني
قاموا رغد ووسن وراحوا بعيد عن امهم ..
رغد : اقولك يالخبله انتي مو سامعه كلام جود تبين رائد ينكسر قلبه
وسن : اوووف ومين قال يمكن اذا عرفت انه رائد يحبها ويبي يتزوجها تغير رأيها فيه
رغد : تراك جد خبله انتي غبيه ولا ايش يمكن ترفض وتتحجج بالدراسه وانا بصراحه خايفه عليه
وسن : شكله يحبها جد ولما تشوف الحب اللي بعيونه يمكن توافق
رغد ضربتها بخفيف على كتفها : انتي وش فيك خبله ولا ايش
وسن : طيب ليه ما نسأل هند .. هند هي اكبر وحده فينا واكيد تعرف تتصرف بمثل هذي المواقف
رغد : اوكي يلا مشينا
وتوجهوا للغرفه وشافوا هند عيونها ورمت من كثر البكي وحالتها حاله راحوا لها بخوف ..
رغد بخوف وهي تمسح على شعرها : وش فيك ياهند
وسن امسكت يد هند : بسم الله عليك وش صاير لك
هند ماتتحرك ولا حتى تطالع فيهم وكانت مسنده راسها على السرير ومغمضه عيونها ..
ولما حركوها طاحت وماعاد تتحرك ..خافوا رغد ووسن وعلى طول قالوا لأمهم وابوهم واخذوها للمستشفى ..

#$#$#

خلص البارت الثامن عشر ..
شكرا للي ردوا علي ..
ردودكم وتوقعاتكم تسعدني ..

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري