آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
19-09-13, 07:06 PM
| #11 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  صباح الخير و الخيرات والنور والمسرات معليش انا اسفه كنت بنزل البارت الساعه سته بس نمت الساعه ثنتين بالليل وماقمت الا الساعه تسعه ونص علطول رحت بنزل البارت ملاحظه مهمه مهمه مهمه جدآ جدآ انا ادخل عن طريق بطاقات نت والبطاقه اللي انا داخله بها قربت تخلص وانا احيانا اجلس عن النت شهر شهرونص بس انا تحسبآ لهذه الامور اعطيت معزوفه حنين سته بارتات يعني حقه ثلاث اسابيع قدام فعشان كذا انا اذا تأخرت عنكم السبت راسلو معزوفه الاحد تنزل البارت واذا مانزلت الاربعاء راسلو معزوفه الخميس تنزله فأنا في غيابي وحظوري لن تتوقف الروايه بالشديد القوي انا ما كتبتها عشان اوقفها او عشان اتأخر في تنزلها انا ما سويت كذا الا لأني جربت مراره الانتظار وما احب احد يعيشه غيري جافيني النوم البارت العاشر @@@@@@@@@@@ اشواق جلست فتره تبكي عم السكوت والهدؤء اشواق ببكى : تكفى عمي والله البنت تمام ومافي مثلها بس انا اللي جنيت عليها طالبتك ياعمي تكفى لا تردني عمها حميد : خلاص وافق انت ماوراك حرمه ولا انت خاطب ومصيرك تتزوج ثامر : ماكأني صاير عروس مو عريس شكلكم اخرها بتغصبوني اشواق : ياويلي ياعمي تكفى عشان خاطري ثامر : تم عشان خاطرك بس بشرط ابو اشواق : قول ثامر : والله والله لو شكيت لو بس واحد بالميه انها ماهي بنت اقسم بالله العظيم لافضحها عند اللي يسوى واللي مايسوى وارميها رميه الكلاب اشواق : كيف بتعرف اذا البنت اصلآ الغشاء انفتح والا بتهدم حياتها وبس اذا بتهدمها فوق ماسويت تكفى مابي منك ولاشي ثامر : انا اعرف كيف اكشفها ما كثر الله غير مستشفيات السعوديه ان كان صدق اثبتوه الدكاتره وانجرب وانشوف والتجربه خير دليل كذا تمام راضيه يامدام ناصر اشواق : راضيه ومشكور وانا اللي بجهز شقتك على حسابي انا وناصر من و الى ابو اشواق : وانا علي بشتري لك سياره اللي تعجبك واذا رحنا لأهل البنت كلمتكم وقلت لكم الموعد ونخطب مره وحده عمها حامد : وانا بتكلف بالقصر والشعار والدقاقه عمها حميد : وانا بتكلف بالعشاء وامور الشبكه قبلها ثامر : يعني انا اجي برقبتي بس والله هذه احلى زواجه فيها امتيازات شي ناصر : انا لو داري ان فيها هالامتيازات وافقت علطول عمها حميد : لا انت متزوج على بنتنا تحلم تشوف هالامتيازات @@@@@ ناصر بعد خروجهم من البيت دق ناصر على جوالها لقيه مقفل ارسل لها ( ما الومك ترخصين فيني مدامك مطنشتني اسبوع مالي في قلبك غلا واللي مايبينا مانبيه ) راح ناصر للبيت وهو معصب دخل البيت لقى امه وابوه جالسين ومعهم اخته هدى ناصر بعصبيه: هذه بنت اختك اللي قلت تزوجها واللي اقنعتيني يمه اتزوجها شوفيها مناديتني تبغاني اتزوج عليها ماكفاني همها تباني اهم نفسي بوحده بعد على ذوقها هدى : هذه شكلها ماهي صاحيه ام ناصر : طيب ليش وش السالفه ناصربعصبيه : اسألي عمتي انا ماني فايق صعد فوق بيته اللي تقريبآ جهزه وكمله باقي فيه اشياء بسيطه لا تكاد تذكر رمى بغترته وفتح ازارير ثوبه ناصر : لاحول ولاقوه الا بالله وش هالحال ياربي وش هالورطه اوف استغفر الله ياربي سمع صوت اذان العشاء قام توضى وهو يفكر في امه وكيف عصب عليها استغفرك ياربي واتوب اليك نزل من دون ما يأخذ غترته بيعتذر لامه ناصر كل شي بحياته امه اذا هو تزوج اشواق عشان امه ويهدي لاشواق عشان امه ويكلمها بحب قدام امه عشان يحسسها بإنه فرحان ومرتاح ويجي فالأخير يخربها بسبه اشواق لابركه فيها بالطقاق الدنيا بما فيها كوم وامه بكوم ثاني نزل بسرعه مالقيها في الصاله راح المطبخ وشافها واقفه تقطع خيار وواضح عليها متكدره دخل عليها وباس راسها وقال : السموحه يا ام ناصر والله طلعت من طوري يوم شفتها ترخصني في مجلس ابوها بين الرجال ومتمسكه بابوها كأنه زوجها ام ناصر بعتب صريح وواضح : ماهو كل ما حصلت لك مشكله حطيت الحره فيني عشاني خطبتها لك ناصر : انا ماقهرني الا رخصتها لي قدام الرجال والا هي تخسى ماتجي عند ماطئ رجلك ام ناصر : انا ما ابيك لا تقصر لافي حقي ولا في حقها بس وانتبه واوزن الامور بعقل ناصر : ابشري و انتي سألتي عمتي ام ناصر : ايه روح صل تلحق الصلاه قبل لا تقام ناصر : ان شاءالله @@@@@ شوق لما حطت راسها بتنام سمعت صوت رساله جايه لجوالها ورقم غريب مكتوب فيها بنــــــبـــــقـــــــى... والزمــــن شاهـــــــــد.. (حبايـــــــــب...) ( قلبنــــــــا...) --<{[.. وااااحـــــــــد ..]}>-- وتربطنا محبتنـــــــــا ... رباط الكــــف ... بالساعـــــــــد .. ظروف الوقـــــت ..... لو بــــــارت .. وخلــــــتنا نعـــيش ...... بــــــعااااد اكيـــــــــد.. للوفـ.ـ.ـ.ـ.ـ.ــــا وقفة ... تجدد للــــــغلا ؛.. ميعـــــــــاد ..؛ & & فيــــــــصل خطيبك &&& طار النوم من عين شوق لما قرت اسمه معقوله طيب اش اسوي اطنش والا ارد اتصلت على هند وقالت لها ان فيصل ارسل لها وش رايك ارسل قالت هند ارسلي بس مو الحين بكرا الصباح اذا صحيتي @@@@@ بيت ابو ريم بعد ما سروا الضيوف دخل ابو ريم وام ريم غرفتهم ابو ريم : انا بقولك بس ابي اقولك شي بس هدي اعصابك وخليه سر بيننا بس وعد ام ريم : وشو فجعتني ريم فيها شي والا روعه تكفى لاتفجعني ابو ريم : اول شي قولي وعد ام ريم : وعد ابو ريم : ريم فقدت غشاء البكاره بسبب الطيحه ام ريم بفجعه : اسألك بالله ياويلي على بنتي وجلست تناظر في الفراغ وتبكي ماتقدر تنكر خوفها من البدايه من النزيف بس ماتوقعت هالمصير ابد ابو ريم : استهدي بالله انا للحين ماقلت لها ابيها تتشافى واقول لها كفايه نفسيتها وطفشها بسبب التسطيح والجبس مابي ازيدها وحتى ماقلت لأحد مايدري الا انا وانتي وريوف ام ريم تبكي وما كأنها تسمع شي صدمتها عزلتها عن اللي حولها واحترم ابو ريم سكوتها يبيها تفضي اللي في نفسها وترتاح @@@@@ شوق قامت ريم الصباح وارسلت لفيصل رساله كان الوقت الساعه تسعه الا عشر "صباح الورد" صباح يختفي بنوره أنين البرد.. صباح مايعرف"الصد" صباح معطر بورود شفافه.. تشفي الهم وجراحه.. تزيل الغم وأشباحه.. "صباح الورد" صباح ماتطوله ليالي البعد.. صباح يعطر(الوجدان) ولأجله تسهر ورود الأرض والريحان... "صباح الذكرى" وإحساس الأمس وشعور اليوم وأمل بكره... "صباح الخير" ياقلب الطير صباح الحب ياكل"الحب" "صباح النور" ياضحكة عمر من قلبي أغليها.. "صباح الورد" ياشمعه عسى الله لايطفيها.. "صباح الود والاشواق" وعهد ماوراه فراق.. صباحك حب يا ~ أطيب قلب ~ كثر مالك أنا مشتاااااق ،؟ @@@@@ بيت سامي سامي : اتصل علي عمي يبي ملكه تركي وريما بعد اسبوعين ويسوي التحاليل بكره وخواله يطلعون التحاليل بمعرفتهم سميه : غريبه ماكان الزواج قرروه آخر الصيف سامي : لا انتي شكل الاخبار ماتوصلك اول بإول سميه : عسى خير وش صار سامي : عبدالعزيز طلب ان زواج تركي يكون مع زواج فيصل سميه : معقوله مو كان زواج فيصل أول الصيف وتركي أخره سامي : عبدالعزيز يقول مابي احد يبارك لي ببنتي اذا احد بيبارك يبارك بزواج اخوي وبس سميه : مره عبدالعزيز شايل علينا بقوه صح غلط ولدنا بس والله ما احنا راضين باللي سواه سامي : لا تلومينه باللي سواه هذا شرف مو لعبه سميه : طيب كيف بنجهز لتركي وريما سامي : وش نجهز سميه : كم بتعطي مهر سامي : اللي يأمرون فيه سميه : مستحيل يأمرون بشي سامي : يمكن اعطي خمسين الف ريال او اكثر سميه : لا تزيد عشان مايجيهم احساس انك شاري رضاهم بهذه الفلوس خاصه ان ماعلى اهلي وعبد العزيز قاصر سامي : الله يزيدهم من نعمته سميه : طيب وين بنسكنهم سامي : في غرفه تركي أكيد سميه : بس صعبه تطلع من غرفتهم عشان تدخل دوره المياه سامي : طيب وش نسوي سميه : ما في حل الا انا نخلي مدى تروح غرفه ربى يصيروا سواء وغرفه مدى مع غرفه تركي مع دوره المياه تشكل جناح صغير ونأثثها كامله عشان يأخذوا راحتهم أكثر سامي : حلو بس انتي عليك تأثثين خذي العريس معك انا ترى مو رايح معك سميه : بغيت انسى لازم نجيب له شبكه وهدايا في الملكه سامي : هههههههه احسك شايله الهم كأنك اول وحده تزوج ولدها سميه : لا جد صعبه نروح يدنا فاضيه ونبي طقم كشخه عشان يبين ان صح شارين بنتكم سامي : سوي اللي يرضيك سميه : طيب ندخله عليها يشوفها سامي : ههههههه ليه هو بقى شي ماشافه سميه : سامي لا تتطنز انا من جدي سامي : لا لا تدخلينه اخاف يتهور و ينام معها في الغرفه سميه : الله يستر من ولدك صرت أخافه سامي : انا بتصل عليه ببشره اخذ سامي جواله واتصل على ولده تركي تركي : الو سامي : السلام عليكم تركي : وعليكم السلام سامي : كيف حالك تركي : طيب سامي : كيف اول يوم في الدراسه تركي : مو حلو عندكم أحلى سامي : لا خلك كذا عشان تتربى وينعدل حالك اسمع الاربعاء الجاي تجي هنا عشان ملكتك الخميس وقول لعمك يوديك تسوي تحاليل الزواج وارسلها على هنا بالفاكس تركي : طيب سامي : ياالله مع السلامه تركي مع السلامه @@@@@ بيت ابو عبدالعزيز ريما : بدور هاتي بلعب لي ساعه انتظرك طفشتيني بدور : توي باقي ما خلصت لعبتي خلود : أكيد تغش والا كان مداها خلصت ريما : والله مالي دخل اذا خلصتي اجلس ساعه حتى لو انهزمت ام عبدالعزيز : خلاص بدور عطيها والا والله أخذه ريما : جده اخذي القيم بوي تكفين (game boy) بدور : خلي ابوك يشتري لك اش دخلني انا من بعدها سكتت ريما ولا قالت شي ولا عاد بتطلبه بعد دقايق عبدالعزيز جياته لبيت اهله قلت او انعدمت عمومآ يكتفي بالاتصالات رن تلفون البيت جات ريما ورفعت السماعه آلوووو عبدالعزيز : نادي لي امي ريما انصدمت : هاه عبدالعزيز بحده وعصيبه : نادي امي بسرعه ريما بخوف : طيب ريما : جده تلفون وصعدت دارها @@@@@ ريما ريما صعدت لدار بدور والدموع في عينها بعد كلام بدور وموقف ابوها قدره التحمل انعدمت عندها دخلت ريما الغرفه وبكت بكت غضب ابوها منها وابتعاد امها عنها وضغوط بدور عليها بحكم السن اللي يعيشونه والضغوط النفسيه اللي جاتها من فعلت تركي وموقف جدها وخوالها نفسيتها في الحظيظ اللي في عمرها همها تلعب وتستناس وبس وهي شالت هم أكبر من عمرها وهمها اليوم ارحم من همها بكره اذا انتقلت لبيت خالتها وعيشتها مع تركي صعدت خلود لدار بدور عشان ريما بعد ما حست بتعبها ولما سمعت صوت ريما تبكي صوتها عالي وهي تجهش بالبكاء تعرفون كيف الصغار يبكون فتحت خلود الباب وناظرت بالغرفه عيونها تدور على ريما تسمع صوتها بس ماتشوفها انفجعت وين ممكن تكون دخلت ووصلت وسط الغرفه لقيت ريما متكوره جنب دولاب التلفزيون داخله في الركن بين الدولاب والجدار جاتها خلود جري وجلست قدامها خلود : ريما اشفيك وهي تمسح شعرها وتمسح دموعها عشان بدور لاتهمك بالطقاق هي ولعبتها اشتري لك انا بلايستيشن3 ولا تزعلين وقيم بوي بعد بس لا تكدرين خاطرك ريما على حالها تناظر بيدينها وتجهش بالبكاء ماتحركت خلود : رموشه حبيبي اشفيك قولي لي انتي فيك شي وش اللي مزعلك تبغين تروحين بيتكم ريما اشرت بلا خلود : طيب اجل اشبك طيب خلاص هدي عشان خاطري قامت خلود من عندها ونزلت تحت وهزئت بدور وقالت لها : هاتي القيم والا والله لأعلم فيصل واخليه زي ماجابه يأخذه لازم تناحسين البنت وتزعلينها ماتقدرين تلعبين ساعه انتي وساعه هي لازم اللعانه بدور : ياسلام انا دايم اعطيها كل شي غرفتي معي وملابسي احيانا تلبس من عندي والعابي معي وكل شي هي معي ماقلت شي ياسلام عشان لعبت ساعه وماعطيتها خلاص صارت جريمه وهاك هذا القيم بوي ما ابيه وراحت للمكتب وسكرت عليها الباب أخذت خلود القيم بوي وصعدت لريما وقالت : خلاص هذا هو جبته لك تو عرفت انك زعلتي اعطتني اياها ريما ببكى : مو عشانه ابكي اصلآ بس زعلانه خلود : طيب زعلانه من ايش سكتت ريما ولا ردت خلود : طيب انا ابيك تجين معي في غرفتي اوكي ريما هزت راسها بإيه أخذتها خلود بيدها ودخلتها غرفتها وراحت خلود وجمعت اغراض ريما اللي في غرفه بدور وجابتها في غرفتها وسوت كذا عشان تحد من المشاكل اللي قامت تكثر بين بدور وريما بسبه احتكاكهم ببعض يزيد هالمشاكل كلها واخذت خلود القيم ونزلت لبدور في المكتب وفتحت الباب على بدور اللي كانت تبكي وقالت : انتو ما ادري كيف بتعيشون ايش ينقال لكم هليتوا وراه دمعاتكم خلاص هذا قيم بويك واصعدي غرفتك خلاص هي مالها شغل لا فيك ولا في غرفتك ولا في اغراضك انا نقلتها غرفتي وبكذا ارضيكم كلكم @@@@@ اشواق بعد ما فاقت اشواق وخرجت من الهم اللي كانت فيه وتأنيب الضمير فتحت جوالها اول الرسايل ناصر Mawjood: you have (42) missed call(s) from the sender ريوف Mawjood: you have (9) missed call(s) from the sender شوق Mawjood: you have (7) missed call(s) from the sender ريم Mawjood: you have (1) missed call(s) from the sender نور Mawjood: you have (3) missed call(s) from the sender بابا Mawjood: you have (2) missed call(s) from the sender ناصر ( ما الومك ترخصين فيني مدامك مطنشتني اسبوع مالي في قلبك غلا واللي مايبينا مانبيه ) تو شافت رساله ناصر طنشت باقي الرسائل كان المتبقيه 12 رساله اتصلت على ناصر سبع مرات طنشها أخر مره اتصلت كان مقفل جواله عرفت انه زعلان وشكله شايل بقوه منها واتصلت على بيت خالها ردت ساره ( أخت ناصر الصغيره ناصر وحيد امه وله اخت هدى متزوجه وهذه ساره وبس ) : الو اشواق : السلام عليكم ساره : وعليكم السلام هلا عاش من سمع صوتك اشواق : عاشت ايامك كيفك ساره : تمام الحمدلله اشواق : كيف خالي وخالتي طيبين ساره : الحمدلله عمتي اش اخبارها اشواق : طيبه تسلم عليكم ساره ناصر عندكم في البيت والا طالع ساره : لا في البيت في غرفته وانا اقول غريبه الأخت متصله ومسمعتنا صوتها اتاريه عشان الزوج المبجل اشواق : ههههههه اعجبتني الزوج المبجل طيب ممكن تنادينه لي ساره : طيب دقايق بعد دقايق رجعت ساره وقالت : نايم اشواق : نايم الحين مو عادته ليه تعبان ساره : لا مو تعبان بس كذا مدروخ يبي ينام اشواق : يعني مو نايم بينام ساره : ايوه اشواق : طيب سلميني على خالي وخالتي و سلميني عليه وقولي له يفتح جواله ابيه ضروري ساره : تسلمين يوصل ان شاء الله اشواق : مع السلامه ساره : مع السلامه رجعت اشواق بعد عشر دقايق اتصلت لقيته مقفل وارسلت له ياعلني ما افقدك ولا افقد عزيز اتصالك وياعلني ماافقدك ولا افقد رسايلك ماهو لحالي ميت بكيف حالك شف هم جوالي يموت بموبايلك @@@@ ريم ياربي لك الحمدلله العافيه نعمه مايعرفها الا فاقدها انا الحين متسطحه على سريري وما اقوم منه الا للضروره القصوى طفشت طفشت هم المرض من ناحيه والملل وقله الحركه من ناحيه ثانيه سحبت نفسي جهه الكوميدينه وأخذت جوالي اتصلت على ريوف اربع مرات وماردت في المره الخامسه ردت بصوت ثقيل وثخين من النوم : هاه ريم : سود الله وجه عدوك يا الخايسه وش منومك هالحزه ريوف بثقل : ليش علبالك انا منسدحه زيك واوامري بإشاره اصبع قاطعتها ريم : الله وأكبر عليك حاسدتني على المرض ريوف : زي ما انتي حاسدتني على نومتي حاسدين الفقير على موته يوم الجمعه ريم : داومتي ريوف : أكيد والا مالقيتني نايمه ريم : تكفين فوقي وصححي وتعالي ريوف : مستحيل خلي اذا صحيت جيتك ريم : متى يعني ريوف : اذا حجت البقره على قرونها ريم : هههههههه سخيفه حتى وانتي نايمه ريوف : لا تطوليها بتشوفي سخافتي على اصولها ريم : أكثر من كذا ما أظن ريوف : ودك تشوفين ريم : هاتي نشوف طوط .طوط.طوط يانذله هذه نذاله مو سخافه سكرت بوجهي رجعت اتصل عليها لقيت مقفله جوالها @@@@@ اشواق ذوق : بابا يقول ياالله اشواق : اوكي جايه ذوق : الله يخليك اشواق نبي نروح مجمع ......... اشواق : اش معنى هناك ذوق : بنلعب في الدبابات اشواق : انتي بنت المفروض اللي يطلبون الدبابات راكان وبتال ذوق : حتى انا ابي اشواق : اليوم ما احنا رايحين هالمجمع بنروح ........ ذوق : لا لا لا اشواق : لا تخافين بنروح عشرين مره للاسواق تلعبين لحد ماتطفشين ذوق : بابا يقول بس تروحوا خميس وجمعه اشواق : اللي يذاكر دروسه بدري ويحل واجباته يروح معي ياالله ياالله هيا @@@@@@ ابوراكان اتصل على اخوانه وناصر وحدد موعد روحتهم لابو سعود وبعدها اتصل على ابو سعود اللي رحب فيهم وكانت الزياره بعد ثلاث ايام في السياره ابوراكان : خلاص انا حددت مع ابو سعود اليوم اللي بنروح فيه ام راكان : متى ابو راكان : بعد ثلاث ايام اشواق : بنروح معاكم ابو راكان : ان شاءالله واخذوا اللي تحتاجونه من السوق للروحه ترى مافي سوق قبلها ذوق : بابا نبي مجمع ..... ابوراكان : شوفي اشواق من وين بتأخذ اغراضها انا ما علي الا اوديها وبس اشواق : خلاص غثيتيني اذا جيت بروح مره ثانيه اخذتك معي ولاتزعلي @@@@@ خلود اتصلت خلود (أخت عبدالعزيز ) على خلود (زوجه عبدالعزيز ) انتبهوا لا تلخبطوا برمز لهم خلود ف هذه أخت عبدالعزيز وأخذت اول حرف من اسم خطيبها وخلود ع زوجه عبدالعزيز اول حرف من اسم زوجها خلود ف : ألو خلود ع : هلا خلود ف : كيفك وش اخبارك كيف العيال وعبدالعزيز وينه ماينشاف خلود ع : ابد انشغل في سيارته خربانه والله الحمدلله كلنا تمام خلود ف: خلود ارسلي بعض اغراض ريما العابها كلها وبجايم لها وثلاث والا اربع ملابس خرجات هي وبدور تشاكلوا عالأغراض خلود ع : خلاص اوكي برسلها المغرب مع ماجد خلود ف : اوكي @@@@@ انتظروني...... | ||||
|  |
|
19-09-13, 07:07 PM
| #12 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت الحادي عشر يوم عشاء ريم ريوف من الظهر ببيت عمها ترتب وتنظف البيت وتمسح المرايا وتبخر البيت وتجهز القهاوي ام سعود : ريوف ريحي نفسك وانتي من اليوم تنظفين ريوف : لا عادي ياعمه وش وراي ام سعود : خلاص روحي ريحي عند ريم ريوف : لا باقي لي اشياء قليله اخلصها وارتاح ام سعود : لا والله العظيم ماتسوين شي شوفيني حلفت خلاص اصعدي عند ريم ريوف : الله يهديك ياعمه بعد ساعتين نزلت ريوف وهي بكامل اناقتها لابسه جنز ابيض وفيه فصوص ازرق وبلوزه رقبه ازرق على شكل مثلث من جهه الرقبه وواسعه من تحت في الوسط صوره دخلت المطبخ تحظر صحون التمر واقفه عالدولاب وظهرها لباب المطبخ سمعت صوت مشي وراها والا اللي واقف وراها ناظرت اسفل شافت جزمه سوداء وثوب ابيض وصلتها ريحه العطر علطول لا شعوريآ ناظرت فوق شافته $ $ $ @@@@@ ريما راجعه من السوق مع عمتها خلود وعمتها بدور دخلت خلود ووراها ريما ووراها بدور خلود : عبدالعزيز السلام عليكم عبدالعزيز : وعليكم السلام اول ماشاف ريما وراها عفس وجهه والتفت عنهم خلود : أخيرآ شفناك مابغيت عبدالعزيز ساكت ومطنش ام عبدالعزيز : ريما وبدور اصعدوا غرفتكم بدور : طيب بعد ماصعدوا خلود : اشفيكم ام عبدالعزيز اشرت لها تسكت عبد العزيز : انا بستأذن عندي شغل خلود : ماجلست معي والله مشتاقه لجمعتكم عبدالعزيز : خليها مره ثانيه انا جاي مشي سيارتي حالها مش ولابد ام عبدالعزيز : خف رجلك عليها ماتصبر السيارات عبدالعزيز : ان شاء الله ياالله مع السلامه ام عبدالعزيز : مع السلامه خلود : لا تطول خلنا نشوفك بعد دقيقه خلود : يمه اش فيه عبد العزيز مع ريما ام عبد العزيز : كلها ايام وتعرفون الا بدور صغيره ما ابيها تعرف خلود : اش فيه ام عبدالعزيز : قلت بعدين @@@@@ عند ريوف سعود : ماشاء الله قاطعته ريوف : وخر بطلع والا ناديت عمتي سعود : لا تخافين ما عندك احد كلهم يتجهزون ريوف بحده : وخر احسن ترى والله مو طايقتك سعود ناظرها : اشفيك علي ريوف : لاياشيخ سعود همس لها : والله احبك وقفت ام سعود تناظر سعود اللي واقف ومغطي على ريوف ماتشوفها ام سعود بعصبيه : سعود وش جايبك هنا البنت تتغطى عنك التفت سعود لأمه منصدم من وجودها وريوف قلبها يطق طبول تخرعت الحين عمتها وش بتقول عنها سعود بتلعثم : كنت بشرب مويه ولقيت ناس بتطردني من بيتنا غصب ريوف ياحيوان ياحقير قلب السالفه علي مع ذا الوجه مالت عليه ياويلي عمتي الحين وش تظن فيني ام سعود : روح المجلس وانا اجيب لك مويه اخذت ام سعود مويه وراحت لسعود ام سعود : ثاني مره تستأذن قبل تدخل البيت وبنت الناس تترك ملاحقها سعود : انا ما اقصد ام سعود : تقصد والا ماتقصد والا والله اعلم ابوك سعود : بس انا ابي اتزوجها ام سعود : ههههههه من جدك تراها أكبر منك سعود : والله احبها ام سعود : هذه احلام مراهقه سعود :والله نفسي فيها وابي اتزوجها ابو سعود دخل المجلس : من هي انفجع سعود وسكت ام سعود : ريوف ابو سعود : هههههههههه لا ما اظن البنت بعدين نزوجك بنتها سعود بحزن : وش ذنبي اذا ابيها بالحلال $$ انا اول من عرف قدرك وانا توي صغير وشاب وابي منك مدام انك عرفتيني تحبيني $$ الشاعر : حامد زيد @ ابو سعود بجديه : انا ماعندي مانع بس تتوقع عمك يوافق سعود : عمي خلوه علي بس انتو وافقوا ابو سعود : اذا وافق عمك انا موافق ام سعود: وانا بعد @@@@@ العشاء تجمعوا اهل اشواق خوالها وعماتها وريم حظروا اهل امها من تبوك وعماتها وعمها ابو ريوف واختها روعه ماحظرت مسافره مع زوجها يدرس بالخارج وماتقدر تجي لأنها حامل اهل اشواق حظروا بهداياهم يتحمدوا بالسلآمه لريم ريوف انا الليله فرحانه بجيه اشواق مو مصدقه ان اشواق قدامي هي وبنات عمتها صراحه حبوبين بقوه كنت اشتغل بالمطبخ وهم يساعدوني ماتركوني ولا بشغله بعدين قهوينا الحريم وخلصنا جلسنا بجلسه احنا البنات لوحدنا والحريم لوحدهم بجلسه البنات اشواق:شوي وانجن من الخوف عليها شفتها طايحه والله من دون قصد بس اذا قال الله سبحانه جل في علاه كن فيكون برمشه عين ريوف:ماتقدرين تردين القدر وما انتي بأسرع منه ريم:صادقه بغمضه عين بعدين لما طحت آلام بظهري قويه لحد الأن لما سمعوها ريوف وأشواق تشكي من ظهرها حزنوا عليها بس مايبغوا يبينون لها ابرار بنت خاله اشواق:أكيد قويه احنا بس نطيح من درجه ايش يصير لنا وبعدين الم الطيحه يبين اليوم الثاني أكثر من نفس يوم الطيحه عزوف بنت خاله ريم: لما زرتها اليوم الثاني كانت تعبانه بقوه الحمدلله الحين خفيتي @@@@@ بعد ما خلص العشاء سروا كل الضيوف بقي عم اشواق حامد وحميد وثامر وابوها سعد وكل العوايل سرت حميد:يابو سعود بغيناك بكلمه راس ابو سعود:سعود روح انت وسامي بيت عمك سعود:ان شاء الله خرج سعود وسامي حميد:يابوسعود احنا عارفين بنتك وش صار فيها وولدنا ثامر في سن زواج ونبي بنتك حليله له وهو راضي ابوسعود:انا عطتني الدكتوره ورقه تثبت انها فقدت الغشاء بسبب الطيحه فإذا ولدكم يبي له من بناتكم الله يوفقه وبنتي عندي معززه مكرمه وان ربي رزقها الله يوفقها وانتم وبنتكم مسموحين من بنتي ومني ابوراكان:الله يرفع شأنك يابو سعود بس الولد يبي يتزوج وهذه البنت عنده وراضي ومو صغير عشان ينغصب على شي مايبيه وهذا هو عندك ابوسعود:بشاور البنت ويصير خير ان شاء الله @@@@@@ مها مها:الو فهد بجفاف :خير مها:السلام عليكم فهد:وعليكم السلام مها:فهودي نبي اغراض فهد:اكتبيها برساله لي طوط...طوط...طوط.. سكر بوجهي ارسلت له رساله وكتبت بأخرها ايش تبغى اسوي لك غدا ارسل بتغدى برا الحين صار يصحيني للصلاه ويروح الدوام مايفطر للبيت ومايجي الا الساعه ثلاث وينام لحد يأذن العصر يخرج لأهله ويجي بعد صلاه المغرب يجلس مع بنته لحد صلاه العشاء يروح يصلي ومايرجع من الاستراحه الا الساعه وحده ينام ماعدت اشوفه @@@@@ شوق صحيت من النوم سمعت صوت ازعاج بيتنا أكيد عبدالله وهند عندنا صليت ونزلت لهم تغدينا سوا عبدالله:شدونه ياحبي لها شدن:الي ابي دباله عبدالله:لو سمحتي ياهند ترجمي بنتك وش تقول هند:هههههههههه تقول خالي ابي بقاله عبدالله :انتي ليش ماتتكلمين زين شدن:مالت ددل هند :هههههههههههههه ناظر عبدالله بهند وقال:أكيد سبتني هند:هههههههههه تقول مالك دخل عبدالله:بنت عيب انا خالك لاتقولي لي كذا انت ماتتكلمين زين عشان القطو اكل لسانك شدن:تداب انت تداب عبدالله:بعد كذاب وشي الجالسين: ههههههههههههههه هند:لاتضحكون تحسب انها صح وتعجبكم لازم تصححون عشان ماتأخذها عاده خالد:قولي له طق رأسك بالجدر هند:لاتعلمها ذا الكلام كم مره اقولك ابوها يضربها اذا سمع كلام كذا هند: دايم تأخذ لقعات منه ذاك اليوم قالت لجواد "طس" ماتقول طس تقول طت قالتها قدام ابوها واخذت لها كفخه محترمه سألها من علمك قالت جواد عشان يضربه بس هزأها أكثر اعترفت قالت خالد الجالسين:هههههههههه ابوعبدالله:ابوي شدن تعالي هنا شدن:طيب..نعم ددي ابوعبدالله:خليك شاطره وقولي كلامك صح ولاتسمعين كلام خالك خالد وحبي رأس جده الجالسين:هههههههه خالد:اوه حركات شوق:امي استحت هند:لاتسببون انحراف لعيالي يصيرون مراسيل غرام ابوعبدالله:ياسلام يعني حرام اعبر عبدالله:عبر بعيد عننا يابو عبدالله ابوعبدالله:انا ما ارتاح الا بعد ماازوج شوق وخالد يفضالي البيت وأخذ راحتي خالد:لاتكفون خططوا بعيد عني شوق:احسن يادلوعه ماما بيزوجونك @@@@@ اليوم الثاني الصباح سعود خرجت من البيت بروح المدرسه ناظرت جهه بيت عمي شفت ريوف جالسه عالدرجه تتعبث بجوالها عرفت ان عمي في الداوم بيستأذن ويرجع لأن ريم وريوف قبل كان يوديهم مره عمي اذا دوامهم بدري واذا داومهم متأخر يوديهم ابوي واليوم أكيد دوامها متأخر وريم ماهي معها عشان كذا لازم عمي يستأذن ويأخذها رحت للبايكه اللي فيها سيارتي دقيت على عمي سعود:الو عمي صباح الخير ابوسامي:صباح النور سعود:عمي انا بروح أخذ سامي معي وريوف جالسه برا عادي أخذها معي اوصلها ابوسامي:اي والله أخذها الله يجزاك بالخير عندي مستندات فيها غلط مستحي استأذن وانا ماعدلتها بعد كلام المدير معي سعود:طيب عمي اتصل عليها تتجهز تروح معي ابوسامي:ان شاءالله سعود:السلام عليكم ابوسامي:وعليكم السلام شغلت السياره وخليتها تحمي شوي ورحت بيت عمي شفتها واقفه تكلم بالجوال وقفت السياره قدامها وضربت "بوق السياره" ناظرت فيني اعطتني جنبها وكملت مكالمتها طلع سامي من البيت ركب معي في السياره سامي:السلام عليكم سعود:هلا سامي انزل نادي ريوف خلها تركب معنا بنوديها الجامعه نزل سامي وكلمها وجات معه ركبت وراء سامي وهي ساكته وسكرت الباب سعود حركت السياره وقلت: مستكثره علينا السلام همست ريوف بدون نفس: السلام عليكم سعود طنشتها مزآآآج بس رديت في نفسي لأن خلاص الرد وجب علي سعود:سامي عبدالاله وش سالفته مع ايمن جلس سعود يحكي لي وانا مخي مشغول بعيد عن اللي يحكيه نزلتها عند الجامعه ورحنا للمدرسه متأخرين @@@@@ في يوم جمع ابو عبد العزيز بندر وأميره وخلود عشان يصارحهم باللي صار مع ريما كلهم وانصدموا وتعاطفوا مع ريما وانقهروا من تركي وسواته بندر طبعآ تحلف في تركي وناويه نيه شينه وفيصل طلع تحاليلهم اللي كانت متطابقه بعدها انتشر خبر زواجهم بين الناس مع اخفاءهم للسبب الحقيقي ابو عبدالعزيز في المكتب ابو عبدالعزيز : ابو هادي اتصل على عبدالعزيز يجيني الحين السكرتير ابو هادي : ان شاء الله عمي بعد دقائق دخل عبدالعزيز لمكتب ابوه عبد العزيز: السلام عليكم ابو عبد العزيز : وعليكم السلام انا مشغول وانت مشغول ندخل في المهم علطول دون مقدمات عبدالعزيز : سم يبه ابو عبدالعزيز : سم الله عدوك بكره ملكه بنتك احنا مانبي فضايح تحظر تملك لبنتك لإنك وليها عبدالعزيز : طيب ابو عبدالعزيز : وتجلس تتعشى عبدالعزيز : لا عاد اسمح لي يبه احضر الملكه قلنا طيب ما تتم الا بوجودي بس العشاء لا ابو عبدالعزيز : انت تبي تفضحنا احنا ماسترنا على الموضوع من البدايه عشان تجي انت وتفضحه بالآخر بتوطي رأسك بالمجالس غصب تحظر الملكه وتستقبل مباركه الناس لك والابتسامه شاقه وجهك وتتعشى واذا سروا ضيوفنا تسري عبد العزيز : ياانا يا تركي ابو عبدالعزيز: خل عنك العناد تركي بيجي المغرب نملك له ويروح ويجي بعد العشاء يتعشى ويسري علطول على اساس انه داخل يشوف البنت عبدالعزيز : لو يموت مايشوفها بالعرس ياخذها بيته ابو عبدالعزيز : هو شافها وخلص وشاف المكنونات بعد عبدالعزيز زفر بضيق : اعوذ بالله منك يا ابليس ابو عبد العزيز : خلاص توكل بس الله يرضى عليك عشان خاطري بلاش فضايح @@@@@ قبل ملكه ريما وتركي بيوم تركي الثلاثاء بالليل جاء من جده يوم الاربعاء العصر بيت سامي سامي في الصاله يتفرج عالتلفزيون وعنده تركي ومدى وسميه في المطبخ تحظر القهوه سمعوا صوت الجرس نطت مدى للباب وقالت : مين ...........افتحي الباب سامي : من مدى : خالي بندر سامي : افتحي له فتحت مدى الباب ودخل بندر وقال : السلام عليكم وناظر بتركي وواضح عليه العصبيه سامي : هلا حياك تفضل والقهوه استوت على طاريك بندر : مابي قهوتكم وجاء بسرعه ووسحب تركي بياقه ثوبه حتى وقف سامي : مدى اصعدي فوق طنشت مدى وهي تناظر خالها متفاجأه سامي بعصبيه : مدى فوق بسرعه راحت مدى جري وصعدت دارها سامي : صل عالنبي يابندر طنش بندر بندر بعصبيه : بنات الناس لعبه عندك ياكلب وأخذ يد تركي ولواها وراء ظهره تركي : آآآآآآآآآآآآي يدي ابوي يدي سامي سكت وعرف ان ولده يستنجد فيه بس مابيده شي طبعآ بندر لطش تركي وهزأه وجات سميه تحاول تدافع عن ولدها بس أكيد بندر في قمه عصبيته ولا راح يلتفت لها وخرج بعد مانفس عن غضبه وتركي صعد داره يبكي نفسيته كانت مش و لابد تعبانه بسبب بعده عن اهله واصحابه وكل معارفه وزاده بندر باللي سواه سامي بعد ما صعد تركي قال لسميه : زودوها اهلك صراحه ما احترمني ولا استاذني ماكأني اكبر منه كأني اصغر عياله والله لو ما انا اعطيت عمي كلمه والا والله كان لي معه تصرف ثاني بعد ماحلينا السالفه وقضى لها ثلاث اسابيع جاي يفش خلقه في ولدي وهز هيبتي في نظره ونظر اخته لما سمعت سميه كلام سامي بكت طنشها سامي وطلع من البيت بعد ماهدت اخذت الجوال واتصلت على بندر بندر : نعم سميه ببكاء : ليش كذا يابندر ما احترمت وجود سامي تهز هيبته قدام عياله شوفه زعلان منك كلمه بندر بعصبيه : اقول انقلعي انتي واياه وسكر بوجهها @@@@@ ريم اتفجأت ان ماما جاتني وقالت اني انخطبت لعم اشواق نذله ماقالت لي حتى انا اردد لماما عم اشواق تقول: ماما ايوه اقول :عمها عمها تقول: ماما بسم الله ايوه عم اشواق مو مصدقه رجعت اقول: اش اسمو؟ قالت ماما: ثامر خلاص بانت الحقايق جلست ساعه وانا بين صدق او كذب @@@@@ مها اليوم بحاول اراضي فهد اذا جاء بعد المغرب صلحت قهوه وقاتوه فواكه لأنو يحبه ولبست ترنق شورت رمادي وتحت بنطلون شبكه برمودا اصفر يعني شبكه بخيوط الصوف مبين ماتحته وبلوزه رمادي محدده بأصفر حطيت مكياج خفيف واستشورت شعري طلعت روعه واتعطرت جلست انتظره بعد دقايق دخل البيت فهد:السلام عليك مها:وعليكم السلام ماناظر فيني ولا اهتم على طول جلس عند رهوف وشالها يلعبها ويضحكها ويبوسها بقوه تضحك وكل ماباسها اقوى تضحك اقوى فهد:هههههههههه فديتك ياحبي هاه فوفي حبيبي ياقلبوشتي أده..اده رهف:بب بب فهد:هههههههه فديت عيون ابوها ولا كأني جالسه لاناظر فيني ولا اهتم رحت المطبخ جبت القهوه والحلى مديت له فنجال فهد:قهوتك مشروبه ناظرت فيه صددددمه جلست والدمعه في عيني قلت وانا ابكي: فهد اسفه ماكنت اقصد والله أخر مره رفع عينه لي وقال بأستهزاء: والله قمت رحت جلست جنبه وبكيت وسلمت على رأسه ورجعت ارخيت رأسي على رجولي وجلست اشاهق وابكي سمعت صوته يبوس رهوف بصوت مرتفع وبقوه يغيضني مها رفعت رأسي: اسفه قبلت اسفي والا قاطعني وهو يناظرني: وين اصرفه؟ لماقال كذا خلاص غسلت يدي منه ارخيت عيوني عنه ودموعي مو راضيه توقف أخذت منديل مسحت دموعي نزلت مره ثانيه وصرت اكتم البكيه واشهق سحبني له وضمني له بست اذنه بصوت خفيف جلسني بحظنه ومسك رهف بيده اليمين فهد:لاتطيحين بنتي خذي لك مكان صغير جلست ظهري لصدره بعد دقايق فهد مد رهف لي فهد:خدي بنتك وهيا الغرفه رحت معه وانا راسمه ابتسامه رضا @@@@@ اتصلت سميه على امها وحكت لها تشتكي من بندر وام عبدالعزيز قالت لابو عبدالعزيز وهزأ بندر وطلب منه يتعذر من اخته وزوجها الخميس ملكه ريما وتركي ريما ماتجهزت كأي بنت ابدآ لبستها خلود فستان على ذوقها وحطت لها مكياج مع انه خفيف الا انه مايناسب براءه وطفوله ريما أميره: لا ياخلود خففي لها خلود : أكثر من كذا اميره : ايوه شوفي سميه سميه : وش رايك حطي لها بس روج وردي ومسكره وكحل اسود وتحت حطي فيروزي وبس اميره: صادقه سميه تطلع ذوق اكثر من كذا وسوي لها بف بالصغير ونشوف كيف تطلع دخلت خلود ام ريما الغرفه : السلام عليكم ردوا الجميع : وعليكم السلام خلود ام ريما : كيفكم يابنات سميه واميره : بخير الحمدلله خلود اخت عبدالعزيز : خلود اش رايك خلود مشت ووقفت عند ريما : لا مو حلو خلود اخت عبدالعزيز :افآ جاملي طيب خلود ام ريما : هههههه ما اعرف بس صدق احسه مكبرها خلود اخت عبدالعزيز : طيب روحي ياريما امسحي وجهك بذي واغسليه وتعالي راحت ريما وسوت زي ماعمتها قالت ورجعت وجلست امها بهدوء ساكته وترد بس نعم ايه لا طيب ماتتعداها سوت خلود اخت عبدالعزيز لريما زي ماقالوا لها ولبسوها فستان فيروزي قصير ماسك على جسمها لحد نص الفخذ ومن عند الصدر كرستالات فضيه وعلى العلاقات بعد من ماركه تركيه ولا يخفى علينا الماركات التركيه قمه الذوق والاناقه والنعومه وطلعت ريما نعومه وكيوت وبالبف صار نفسك بس تناظري بوجهها اميره: ماشاءالله تبارك الله كذا روعه روعه بدور : حلوه جنان خلود اخت عبدالعزيز : اش رايك ببنتك بعد التعديل خلود ام ريما : تجنن ولاحظوا الدموع بعينها كلهم سكتوا راعوا انكسار فرحتها بننتها بيد تركي غير كذا كلام الناس كيف تزوج بنتها بها العمر حرام عليها ذنب بنتها بيجلس برقبتها طول عمرها وغير وغير من اقوال الناس اللي ماتخلص كأن ستر البنت بالزواج عيب ما كأنه شرع فرضه في دينه @@@@@ انتظروني..... | ||||
|
| |
|
19-09-13, 07:09 PM
| #13 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت الثاني عشر تمت ملكتهم وزفوا ريما عالساعه احدى عشر سميه حبيت ان تركي يشوف هالنعومه وهالحلا بفرح قلبه بشي بسيط خاصه ان نفسيته في الحظيظ ولا يأكل حتى جلست افكربخطه دقيت على سامي سامي : آلو سميه بهمس :سامي انا بدخل تركي يشوف ريما سامي همس لها : انتي ناويه علينا اليوم سميه : تكفى انت شايف كيف نفسيته البارح نبيه يفرح سامي : يفرح بإيش هذا بزر سميه : لو بزر ماسوا اللي سواه احنا مامودينا في ستين داهيه الا كلمه بزر ذي سامي : طيب وش نسوي وكيف سميه : انت اتصل علي بعد عشر دقايق وقول ابي ابارك لريما وتعال من الباب الخلفي وجيب تركي وبارك لها ونخلي تركي يبارك لها بعد بس علمه وش يسوي سامي بإستغراب : وش يسوي سميه : يقول السلام ويبوس راسها ويبارك لها سامي : وطيب يا ام الذكاء لو احد كشف الملعوب سميه : لاتخاف من جهه باب الرجال ما احد يقدر يوصلنا وباب الحريم بسكره واذا انفتح اعرف ان احد بيجي ونقدر نتصرف سامي : ياحلو حركات ايام الخطوبه سميه: ههههههههه احلى شي بعد عشر دقايق اتصل جوال سميه وخلاص الناس سروا مابقي الا اخواتها واخوات زوجها ولما خلصت المكالمه قالت : ريما روحي سلمي عمك عند الباب يبي يبارك لك ناظرت ريما بأمها وقالت : مابي اروح لوحدي سميه : يا الله انا اروح معك قامت سميه وريما وراحوا برا وسكرت سميه الباب المؤدي للحوش وفتحت باب الشارع ودخل سامي وبارك لريما اللي كانت مستحيه وتغص بكلامها يادوب تطلعه طلع سامي ودخل تركي اللي كان خايف موت ويرجف مصيبه لو شافه احد من خواله تركي : السلام عليكم ريما لا شعوريآ دخلت وتخبت وراء عمتها سحبتها سميه بيدها وقالت لها : سلمي على خطيبك شافت ريما يد تركي ممدوده مدت يدها وصافحها وسحبها وباسها على خدودها سميه فهت وفتحت فمها وصكت خدها بيدها وباس راسها بعدته سميه وقالت : خلاص تركي يناظر ريما وقال : مبروك ريما ابد ما ردت قالت سميه: خلاص تركي روح مع السلامه طلع تركي وسكرت وراه الباب وقالت لريما : لا احد يعرف انك شفتي تركي ريما هزت راسها ووجهها احمر ويادوب تأخذ نفسها تحس انفاسها مخنوقه سميه : وعد ريما بهمس : وعد دخلوا داخل البيت سميه وهي داخله البيت شافت بندر قدامها لفت وجهها عنه وطنشته جاها بندر جري وسحبها بيدها وباس راسها : السموحه يا ام تركي كنت معصب وانتي الله يهداك ماكنك تعرفين طبع اخوك وجعله مبارك ماسويتوا سميه : الله يبارك فيك أخر مره ماتعيدها بندر : بس يوم الزواج سميه لفت جهته باستغراب ومفتحه عيونها كشافات بندر : يعني ماتبيني ابارك لك في الزواج سميه بحمق : انا ما اقصد المباركه انا اقصد الحركه اللي ذاك اليوم بندر : أخر مره وحقك على راسي من فوق بعدها اتصلت سميه على سامي وكلمته بهمس : انت وش قلت لتركي يسوي سامي : ماقلت له شي ليه ؟ سميه : صافحها وباس خدودها وباس راسها ولو تركته ظنتي انه بيضمها سامي : هههههههههههههههه يحليله ولدي ماعنده وقت لو ما انتي ## سميه : لا وبعد لو مابعدته مدري وش كان ناوي عليه سامي : هههههههههه يدق الحديد وهو حامي @@@@@ اشواق بدت تقضي اغراض زواجها خاصه انو مابقي شي عليه واحيانا تدق على شوق تروح معاها تقضي اليوم اشواق اتصلت على شوق يتقابلوا في المجمع دخلت شوق ولمياء المول ودقت شوق على اشواق شوق:يابنت وينك اشواق:جهه الكافيهات أخر كوفي جنبه مطعم فراسان شوق:اوكي بآي بعد دقايق شوق:سلام ياعسل اشواق:يمه بسم الله فجعتني وطرمتي اذني بشويش حافظي على احبالك الصوتيه شوق:هههههههههه احب افزفزك هذه لمياء زوجه اخوي عبدالله وهذه اشواق صاحبتي اشواق:تشرفت بمعرفتك ياقمر الساعه المباركه اللي شفتك فيها لمياء:ساعتك ابرك ولي الشرف والله كيفك وش اخبارك اشواق:الحمدلله بخير انتي كيفك وكيف عيالك لمياء:بخير الحمدلله شوق:هاه وين وجهتنا اشواق:أكيد ناحيه العطور لمياء:بما اني معكم ووصوني عليكم معكم بس ثلاثه آلاف للعطور غير كذا انسوا اشواق:اوووه بدا شغل العجايز لمياء بضحكه:عجايز والا مو عجايز هذا اللي عندي لفينا بالسوق لحد ماطيرنا كل الثلاثه وكنا بنطير غيرها بس كانت لمياء لنا بالمرصاد وماشاءالله ذوقها بالعطور عذآآب صراحه مااخطت شوق لما جابتها شوق:اشواق تكفين روحي جيبي لنا آيسكريم ببرد على قلبي تعبت اشواق:لا انتي روحي انا عرسي بعد ثلاث اسابيع شوق: وانا زواجي بعد شهرين طالعنا بلمياء بنظره خبث نبيها تقوم تشتري ردت لمياء بسرعه: وانا وحام ههههههههههههههههههههههههه ههه فطسنا ضحك عليها عرفت تصرف شوق:ياسلام واللي وحام تروح تتسيوق اشواق:لا وبعد غثتنا تحط لنا ميزانيه لمياء:طبعآ لأن امهاتكم وصوني عليكم اشواق:خلاص انا بروح وأمري لله @@@@@@ اليوم الثاني شوق الساعه سته رن جوالي بإسم فيصل رديت شوق : الو فيصل : السلام عليكم شوق : وعليكم السلام فيصل : كيف حالك شوق : تمام الحمدلله انت كيفك فيصل : وحشتيني وسكت شوق : تسلم فيصل : عشان كذا بجيكم بعد المغرب شوق : حياك فيصل : اهم شي اشوفك شوق : ان شاء الله فيصل : مع السلامه شوق : مع السلامه قمت اخذت شور واتوضيت وصليت واستشورت شعري قصير وجبت خمريه وحطيتها على شعري وجبت فيونكه صغيره وحطيتها لون وردي ومالبست حلق ما احبه لبست سلسال ناعم فضي ووردي وخاتم بس وحطيت روج وردي وحطيت كحل ازرق وحطيت من تحته من اسفل العين بالكحل الوردي وحددت حواجبي بالقلم البني ولبست فستان نعوم لحد فوق الركبه وردي وحزامه على الخصر رمادي وهو كم قصير ولبست تحته بنطلون لونه رمادي لحد نص الساق ولبست خلخال وردي وحطيت مناكير لمعه وردي وحطيت عدسات عسلي محدده برصاصي وجاتني تهاني :ماشاءالله تبارك الله روعه طالعه كيوت كنك عمرك عشرين خلصتي تراه جاء شوق:ايوه خلصت بنزل الحين فيصل لبست ثوب والغتره وتعطرت وأخذت كيس الهدايا ونزلت للوالده تحت ولقيتها في الصاله جالسه فيصل : ماشاء الله يمه وش عندك ام عبد العزيز : جالسه ما عندي شي البنات راحو السوق وانا جلست هنا فيصل : ليه مارحتي معهم ام عبد العزيز : مافيني اروح انت قولي وين رايح وهالعطر الفواح وكيس الهديه اتوقع مكان واحد ما غيره فيصل : هههههههههههه أكيد ام عبد العزيز : انت نايم اصلآ المفروض جناحك مأثثه ومخلصه وش تنتظر مابقي الا شهرين وكذا اسبوع فيصل : الاسبوع الجآي بروح اجيب احد يضبطي لي الديكور والنجفات يضبطوها وبعدها بنجيب الأشياء الباقيه ام عبدالعزيز : كل شي باقي غرفه النوم تبي لها تغيير من و الى والمطبخ يبي له دولاب ومواعين وطاوله وثلاجه كبيره فيصل يقاطعها : ليه يمه كل هذا البيت مافيه الا ماجد وخلاص الشهر الجآي بيستلم الفرع بأبها وتكون جياته خفيفه ام عبدالعزيز : لا كذا احسن عشان تأخذ حريتها واحنا نأخذ حريتنا فيصل : ان شاء الله وش ناقص بعد ام عبد العزيز : الصاله غير فرشها والكنب لبسه بس والدولاب شيله وجيب شاشه بلازما فيصل : ان شاء الله يمه ام عبد العزيز : ووصي خواتك يشوفوا مطربه بدون موسيقى وآلات فيصل : هذه شغلتهم هم يسوونها من دون ما اقول لهم ام عبد العزيز : انت اللي بتدفع اتفق معاهم واحجز صحون الحلا وغيرها وغير ابوك مشغول والا كان التفت لك فيصل : هههههههههه ان شاء الله تراي تأخرت عالناس بتعشيني عندهم غصب ام عبدالعزيز : خلاص روح ودير بالك على نفسك في حفظ الله فيصل سلم على رأس امه وقال : تسلمين ياالغاليه الله لا يحرمني منك ام عبد العزيز : وسلمني على عروستك فيصل : الله يسلمك رحت بيت عمي ابو زوجتي وفتح لي الباب اخوها خالد فيصل : السلام عليكم خالد : وعليكم السلام فيصل : كيف حالك طيب عمي طيب خالد : بخير الحمد لله انت كيف حالك وش علومك كيف اخوانك وابوك طيبين فيصل : كلهم طيبين الحمدلله وين خطيبتي المفروض تستقبلني خالد : ما عندنا شباب يشوفون قبل العرس فيصل :لو ما انا مستأذن من عمي كان صدقتك خالد : طيب يمكن البنت مستحيه ماتبي تشوفك فيصل : هههههه دور غيرها توي مكلمها تتجهز خالد : هههههه بعد من ورانا مراسيل غرام راح خالد يناديها وانا جالس على اعصابي نفسي اقابلها خالد داخل البيت : شوق ويتدلع بصوته فصولي يبيك ورجع لفيصل وقال لي دقايق وتجي خرج وبقيت انا في المجلس لوحدي رفعت رأسي وشفتها ارتبكت وسرت رجفه في جسمي قالت : السلام عليكم رديت : وعليكم السلام وجلست في كنبه وسط الغرفه بعيد عني اما انا عيني مارفعتها عنها وهي تناظر الارض صراحه حلوه وعيونها عذاب نظرتها حاده احسن شي في انها بعيد عني اني دققت فيها وفي ملامحها طولنا واحنا ساكتين قمت ورحت عندها وانا يدي ترجف مو مسأله خوف ماادري جلست جنبها رفعت رأسها بيدي تأملتها قلت لها تدرين زاوجنا كم باقي عليه؟ اشرت بكتوفها بمدري بعد شهرين رفعت عينها فيني قالت : جد قلت شكلك مو مشتاقه مثلي وضميتها بقوه مع الجنب وبست تحت اذنها فتره طويله بعد شوي قالت فيصل انتبه بتحبر انا هنا انفجرت ضحك هههههههه خلاص انتي متزوجه عادي هذه الأشياء تحبر عشان تذكريني طوال الأسبوع سكتت ماردت علي قمت جبت كيس الهدايا اللي جايبه لها عطر وطقم مكياج وطقم حمام الله يكرمكم واعطيته لها و### وجلسنا بعدها نسولف ولابستها خلاص خفت تخاف مني مشفوح وانا ماتزوجتها وخرجت وانآآآ مشتاق لها لو بيدي ما خرجت من عندها @@@@@@ ريوف اليوم عمي كلم وحكى لها وضعها أكيد انهارت واتغيرت نفسيتها ميه وثمانين درجه بس انا ما قابلتها لحد الآن في بيتنا العصر كنت في غرفتي جالسه على النت الا اشوف باب غرفتي طاير ودبج في الجدر لقيت الخبل ساميوه مرتز عند الباب ريوف بعصبيه:خير ان شاءالله اش هذه الهمجيه دق الباب قبل ماتدخل تراها مي غرفتك سامي بهدوء تآم:عمي يبيك على التلفون ضروري ويقول حتى لو نايمه صحوها ريوف صراحه انفجعت نزلت جري أكيد فيه شي عمي عمره ماسوا كذا رفعت سماعه التلفون ريوف:الو عمي:الو ريوف:السلام عليكم عمي:عليكم السلام ريوف:أمرني عمي عمي:مايأمر عليك ظالم ابيك تجين الحين تسلين ريم نفسيتها في الحظيظ تعالي وانا عمك اجلسي معها سليها وهديها انا علمت بحالتها ريوف:ان شاءالله عمي ولايهمك عمي:الله يعطيك العافيه ريوف:الله يعافيك @@@@@@ ريوف طلعت من بيتنا لبيت عمي لقيت ريومه تبكي ريوف:السلام عليكم ماردت ريم تبكي ومعاها عمه تبكي جريت لريم وحظنتها وقلت ريوف: قولي اللهم اجرني في مصيبتي واخلفني خيرآ منها تمتمت ريومه شكلها تردد الدعاء ريوف:هذه قدره ربك ربي اللي اراد لك ماسمعت الحديث : عن أبي يحيى صهيب بن سنان رضي الله عنه قال قال رسول الله صلى الله عليه وسلم عجبا لأمر المؤمن إن أمره كله له خير وليس ذلك لأحد إلا للمؤمن إن أصابته سراء شكر فكان خيرا له وإن أصابته ضراء صبر فكان خيراً له رواه مسلم . سمعتها تمتمت بالحمدلله على كل حال بعدين رب ضاره نافعه مااحد يدري الخير وين قومي صلي ركعتين وادعي ربك يفرج همك وييسر امرك ريم :أكيد ثامر خطبني عشان يستر علي ريوف:انت ما سويتي شي غلط الحمدلله هذه حكمه ربك ريم:احس نفسي مخنوقه ريوف:روحي صلي وانا انتظرك هنا راحت تتوضى وانا نزلت المطبخ صلحت لنا حلى سريع بارد وصلحت القهوه وصعدت لغرفتها ولقيت هديت بس شكلها بكت وهي تصلي لأن عيونها متورمه بقوه جلست عندها ونزلتها انا وعمتي وفرشت بساط في الحوش من الجهه الخلفيه عشان ماحد يشوفنا اتصلت على ماما تجي بيت عمي جلسنا نسولف وجات ماما عندنا وجبت القهوه وصلينا المغرب وجاء عمي جلس معنا لبست ماما غطاها واتصل عمي على بابا وطلبه يجي يجلس معنا جاء بابا وسامي تغطت عمه وجلسنا نسولف عمه سألت عمي وين سعود؟ قال:في المجلس قال بابا :نادوه يجلس معنا وريوف تتغطى وتجلس معنا عادي راح سامي نادى سعود وانا تغطيت دخل سعود:السلام عليكم ردينا:وعليكم السلام وجلس انا ماشوفه بيني وبينه بابا وعمي عمي شال غدي ولماشافته بكت واذا ناظرت فيه تبكي عمي:آفا يابنت منصور ماعرفتي عمك زعلتيني والله بابا:عشانها ماتشوفك كثير والا الباقين متعوده عليهم عمي:خلاص بأخذها اسبوع عندي بابا:تذبحك ريوف عاد هي صايره امها عمي:ليه؟ بابا:صراحه هي صياحه بتزعجنا نحطها عند ريوف احسن لنا عمي:ياسلام عشان تأخذون العسل كله والبصل لغيركم بابا:هههههههههههه ياأخي تعودنا على الراحه عمي:ياريوف لاتعطينهم وجه ترى كثر العسل يجيب التخمه بابا:حاسدني يعني عمي:لا انا خايف على ريوف تجيب نونو لها بعدين تتعب والسبه العسل الكل: هههههههههههههههههه كملنا سواليفنا وحلف عمي نتعشى عنده اتعشينا وجلست عند ريم بنام عندها دخلنا غرفتها جبنا اللاب توب وسهرنا عليه عالساعه وحده جعنا نزلت بجيب لي انا وريم ساندوتش وعصير دخلت المطبخ البيت هدوء شوحت لحمه البرقر جبت ورقه خس وشريحه طماطم وقطعه جبن و اللحمه حطيتها في ساندوتش البرقر وصبيت كأسين عصير فراوله وشلتها بصعد الدرج الا اشوف سعود متكي على الكنب قاطب النونه طنشته بكمل طريقي سعود:ممكن بنادول ضرسي يوجعني وقولي للشيخه ريم ترد على جوالها احرقته اتصالات وهي خبر خير هههههههههه احسن افتكيت منه لو ان ضرسه طيب أكيد مستحيل يخليها تعدي لي استغفر الله.. استغفر الله الشماته مب زينه استغفر الله دخلت غرفه ريم وقلت لها ولقيت عندها بنادول وطلبت مني احطه عند باب غرفتها واتصلت على سعود وأخذه @@@@@ مرت الأيام على ابطالنا سريعه ريم استخرت أكثر من عشر مرات وكل مره ارتاح أكثر من المره اللي قبلها في الأخير كلمت ماما وقلت لها اني موافقه واتصلت على ريوف لأنها طول الوقت تقنعني أوافق وحبيت ابشرها هذه اختي الثانيه ما احسها بنت عمي ريم:يسعد صباحو ريوف:وصباحك كيفك ريم:بخييير عندي لك خبر ان شاءالله بيفرحك أكيد بيفرحك ريوف:بشري غردي انا وانتي واحد ياعسل اللي يفرحك يفرحني ريم:وافقت على ثامر ريوف بصراخ:اوووووه الف مبروك ههههه كللللللووووش ريم:ههههه الله يبارك فيك اعصابك صجيتي البيت بصراخك دخل سعود وريم تكلم ريوف سعود:قولي لها عقبالنا ريم بحسن نيه :ان شاءالله عقبالكم سعود يقولك عقبالك انتي واياه وسامي ريوف :ان شاءالله بس ابي اللي في بالي ريم:ياخاينه منو اللي ببالك وماقلتيلي ريوف:سر ماراح اعلمك سعود يسمع في الكلام ويغلي من قلبه وعرف قصدها ريم:أفآ تخبين على اختك ريوف:عبدالرحمن ريم متفاجئه:مين عبدالرحمن؟ ريوف بلكاعه :السديس هههههه ريم:السديس ياالنذله موقفه دمي وبالأخير السديس مع وجهك سعود :قولي لها لاتفكرين في شخص وانتي مخطوبه لغيره ريوف:هههههههههههه بدل ماتدعين لي شكلي بصير العانس الوحيده في الشله ريم:لا الله يرزقك باللي يستاهلك سعود يقولك لاتفكرين في شخص وانتي مخطوبه لغيره من وراي ياالنحيسه ريوف:من وراك ايش؟ ريم:مخطوبه لمين؟ ريوف:والله ماني مخطوبه انتي ادرى بسم الله انتي اختي اشلون اخبي عليك ريم:هههه طيب ايش رايك تجين لي ريوف بتهرب:لا انا مشغوله وغدي مطفشتني وماما نايمه ريم:اوكي مع السلامه ريوف:مع السلامه @@@@@ اتصل ابو سعود على ابو راكان وبلغه بموافقه ريم وطلب ابو راكان من ابو سعود انه يسوي التحاليل لبنته لإن ان شاء بعد زواج بنته بإسبوعين نملك لريم وثامر واتفقوا على كذا @@@@@ اشواق مابقي على زواجي شي وانا متوتره واعصابي تلفانه بقوه اتصلت على شوق وريم وريوف اعزمهم وأكدت عليهم يجوا بس ريم اعتذرت عشانها ماتقدر تجي حسافه كان امنيتي تجي وانا وناصر متزاعلين أكيد عشان سبب تافه بس هو يزعل بسرعه ومابي اراضيه بيتعود انه في كل مره حتى لو مخطي انا اراضيه @@@@@ ريم انا الحين رايحه مع بابا بصلح التحاليل البارح ارسلت لي اشواق صوره عمها صراحه شكله رهيب واحلى مافيه انو اسمر وتختوخ شوي بس حلو صلحت التحليل ورجعت البيت وقالوا بتطلع بعد عشره ايام @@@@@@ اشواق اليوم زواجي صحيت من النوم على طول رحت المشغل رجعت الساعه اثنى عشر بالليل دخلت جناحي بصاله الفرح لبست فستاني اتصلت علي ريوف وطلبوا يدخلوا لي وفرحت بجيتهم ريوف:كللللللووووش ياعسوله شوق:مبروك ياقمر بيروح فيها نصور اشواق بحيا وفرحه:هههه الله يبارك فيكم عقبالكم شوق:فستانك روعه صراحه خيآل فستان اشواق ابيض الصدر مشغول بكرستالات سماوي وفضي وحزام بنفس الكرستالات من اسفل شيفون لامع مبروم بأكسسوار فستان شوق ابيض قصه طويله وسلسال طويله لون وردي وشريطه وردي على الجبين تنربط وراء الشعر كلاسيكي بس ذوق فستان ريوف تراكواز حرير ماسك على جسمها مبين تفاصيله وفتحه لحد نص الفخذ ريوف:هاه ناصر دخل والا لا اشواق:لا المصوره توها جات اذا خلصت من تركيب الخلفيات اتصلت عليه كيف الجو برى؟حلو؟ شوق:والله روعه فله صراحه الدقاقه تجنن والله لا يوريك ريوف كل ماطربت لأغنيه سحبتني معها واعطي رقص ماعندها اشواق:هههههههههه الله يعينك دامك طحتي بيد ريوف ماترحمك ريوف انجرحت من كلمتهم : اذا مت بتعرفون قيمتي شوق:مانقصد ترى صراحه انتي الأكسجين حق الشله ........ممكن لو سمحتوا تتفضلوا بنبدأ تصوير اشواق:طيب ممكن نجلس عادي ........لا اسفه اعذروني عشان العروس تأخذ راحتها ريوف:خلاص بآي باقي فيني دبك ما خلصته وهذه هديتي وهذه هديه ريم و تسلم عليك كان نفسها تجي بس انتي ادرى بالظروف شوق:هههههههه الله يصبرني بآي @@@@@@ انتظروني...... | ||||
|
| |
|
19-09-13, 07:10 PM
| #14 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت الثالث عشر ناصر الليله زواجي صراحه تعبت من كثر ماشديت وجهي بالأبتسامه اللي شاقه الحلق وتعبت من قوله الله يبارك فيك جاني اتصال من اشواق وطبعآ بوقته قمت دخلت لها الغرفه على اصوات زغاريد امي وخالاتي وعماتي ماشاءالله تبارك الرحمن ناصر:السلام عليكم همست :وعليكم السلام ناصر:مبروك اشواق بهمس :الله يبارك فيك رفعت يدها شفت رجفتها الملحوظه ونفسها المتوتر وضميتها في يدي اشرت للمصوره تصور طلبت من الموجودين يخرجوا وبدأت تصور بعد فتره طويله ناصر:خلاص ممكن تخرجين ؟ .........طيب الف مبروك خرجت المصوره وسكرت الباب التفت لأشواق ياآآآعذابي تجنن تجنن شفايفها عذآب تقربت منها لثمت شفايفها بسرعه وقلت لها : انزفي الحين وانا انتظرك اشواق:بس الناس ماتعشوا ناصر:مايهمني اهم شي نروح البيت لثمتها على خدودها وعيونها ## وقلت: آنا مشتآق اقسمـ قسمـ بالله.......انيـ لكـ اشتقتـ اقسم قسم بالله اني لك اشتقــــــــت واقسم قسم بالله ماني بـ رايــــق ياللي معك حسيت في قيمة الوقــــت غيبّتك حلم وذكرياتك حقــــــايق وقلت :خلاص انا ماأقدر أتأخر أكثر من كذا وخرجت لحفله الرجال قبل مااطلع اتصلت على الوالده وأكدت عليها يزفونها الحين @@@@@@ ريوف انزفت اشواق على شعر هادئ ذوق يمدح جمالها كانت مبهره وجميله جمال خرافي رقصنا عندها وسلمنا عليها فديتها الله يوفقها وخرجناها برى ولبسناها عبايتها عشان ماتشوف امها اللي كانت تبكي حزينه على فرقى بنتها اتصلت على بابا يجي يأخذني وطلبت منه يوقفني عند بيت عمي لأن ريم ملزمه اجي عندها تشوف كشختي واحكي لها اش صار كانت ريم حاطه لي المفتاح فوق علبه الجرس أخذتها وفتحت الباب ودخلت بحكم ان كل اهل البيت نايمين الساعه ثلاث ونص فسخت عبايتي في المدخل رتبت نفسي في المرايه سمعت وراي صوت مشي التفت وفزيت مخترعه همست :سعود كانت نظراته الحيوان تخوف طنشته ورحت بمشي بسرعه بروح بصعد الدرج مسك يدي اليسار وسحبني لصدره سعود:وش جابك؟انتي عروس الليله واحلى عروس كانت انفاسه سريعه ونظراته وقحه يناظرني بهوان سحبت يدي اليسار منه شاد مسكتها ما قدرت أسحبها منه وضربته كف بيدي اليمين عصب شد يدي اليسار ولواها وراء ظهري سعود بفحيح:ترفعين يدك أكسرها لك سامعه مو معناته احبك خلاص صرت مو رجال ريوف تداري دمعتها :مو رجال بزر وأكبر بزر سعود من وراها مد اصباعه و مسح دمعها:بس عشان خاطر هالدمعتين بتركك وانا بزر وعديني ولدك بس ابي حنان وفك يدي وصعد لغرفته تنفست الصعداء الحمدلله الذي صرفه عني ههههههههههههههه صدق بزر (عديني ولدك صراحه طفل شكله مايعرف الدخله وش؟ وبعد يقول بتزوج خخخخ) صعدت جري لغرفه ريم ودخلت سهرنا على احداث الزواج وسواليف لاتنتهي @@@@@@ ناصر دخلنا الجناح ناصر:سمي بالله وادخلي برجلك اليمين وقولي اعوذ بكلمات الله التامه من شر ماخلق سمعت همسها سكرت الباب وجلست بالصاله فسخت عبايتها وطبقتها ونظرها للأرض ناظرتها بلهفه وانا اتوه بزينها بس مابي اخوفها تتوتر زياده و قمت قلت خذي راحتك ودخلت غرفه النوم ونزلت البشت والغتره والعقال واتصلت وطلبت العشاء ودخلت اشواق الغرفه وضعت يدي على رأسها وتمتمت بالدعاء وقلت لها نصلي سوا وصلينا وأخذت شور ينعشني وطلعت لقيتها تشيل البرستيجه خرجت للصاله انتظرها تخلص بعد دقايق جابوا العشاء ناديتها ناصر:أشواق خرجت اشواق من الغرفه رائعه لو بيدي كنسلت العشاء بس أكيد هي جيعانه شعرها سايح وطبقات ولابسه طقم نوم ابيض ماسك على جسمها محدد مواضع الفتنه فيه حطيت العشاء بسرعه وأكلنا وانا كل شوي اقولها أكلي زيدي تعشي وهي يادوب لقمه .. لقمتين .. ثلاث يادوب بالزور خلصنا عشاء شالت اشواق الأغراض للمطبخ قلت لها : الحقيني في الغرفه طفيت انوار الغرفه وشغلت الأباجورات وردي وذهبي انتظرت انتظرت انتظرت ماجات طبعآ طلعت من الغرفه لقيتها تدور بالمطبخ وقفت عند باب المطبخ اناظرها وفي عيوني السكره همت في حسنها جيتها بسرعه وانا اشيلها وابوسها بلهفه ناصر:تأخرتي وش تدورين في المطبخ؟ اشواق:ابي مويه ناصر:انا ارويك وسكرت الباب برجلي ونزلتها بالسرير ودفنت رأسي بحظنها ناصر:ضميني @@@@@ ريم فكت الجبس من رجلها وبدأت دوامها بس تروح وقت المحاظره وترجع للبيت وصلحت تحاليلها @@@@@ اشواق بعد مرور اسبوع على زواجها الليله معزومه ببيت خالي على سابع زواجي انا وناصر اشواق:ناصر بروح للمشغل ناصر:ليش تروحين اشواق:بتجهز انا عروس ناصر:انتي حلوه صلحي نفسك بنفسك اشواق:بس اناعروس بطلع ب طله حلوه ناصر:لا ما يحتاج ماراح اوديك اشواق بقهر: ليش ماراح توديني مافيه كلافه عليك ناصر:لاتكثرينها علي ماراح اوديك كلمه ورد غطاها اشواق:طيب بروح لأهلي ناصر:خلاص انتي بتقابلينهم الليله مايحتاج اشواق:عشان اتصلح عندهم ناصر:لو ابيك تتصلحين وديتك انا اشواق دخلت الغرفه وهي تبكي بقهر اوووف منه هذا وانا عروس يكسر بخاطري ضبطي نفسك بنفسك طلعت فستاني واكسسوراتي واغراضي كلها وانا ابكي بقهر دخلت أخذ شور وانا ابكي كلما تذكرت كلام ناصر خرجت من دوره المياه لقيت ناصر يختار له ثوب من الدولاب ناظرني نزلت عيني عنه ناصر باستغراب:اشفيها عيونك؟ اشواق باقتضاب:مافيها شي ناصر:شكلك كنتي تبكين ترى مافيه شي يستاهل اشواق بنفسها (على شينه قوات عينه) طنشته ورحت جعدت شعري ورفعت شعري كله من قدام وحطيت تاج ذهبي وسويت بف من وراء بجميع الشعر وصلحت مكياجي ولبست فستاني ابيض قصه السمكه عاري من دون علاقات قصه السنتيان بنفسجي والباقي كله ابيض فيه من وراء رسم ورد خفيف بالبنفسجي شكلي كلاسيكي بذوق انتهيت من اللمسات الأخيره لشكلي أخذت عبايتي وشنطتي وخرجت لقيت ناصر جاهز لابس ثوب وغتره وعقال كان حضوره طاغي ورجولته طاغيه احس نص زين الرجال في الزي الخليجي اللي هو (ثوب وغتره وعقال) تزيده رجوله على رجولته اشواق:خلاص انتهيت التفت لي ناصر:يالله ماشاء الله تبارك الرحمن شفتي اش حلاتك بدون خبيص المشاغل لبست عبايتي وخرجنا لبيت اهله والحين الوقت بعد المغرب دخلنا بيت اهله فتح الباب ناصر:ياولد ...ياولد جات خالتي حصه ام ناصر واخواته هدى وساره خالتي:هلا ياهلا بالمعاريس الله يحفظكم الف مبروك بين كلمات الترحيب والسلام الحار رحت عند المدخل فسخت عبايتي وأخذوها البنات علقوها وتعطرت وأخذت خمريه للشعر والجسم وحطيت منها وناصر ينتظرني دخلنا انا وناصر مجلس الحريم انصدمت . . . . . انصدمت . . . . انصدمت . . . انصدمت . . انصدمت . انصدمت ناصر دخل في مجلس الحريم وخالاته وبناتهم جالسين متحجبين من دون غطى سلمت عليهم وانا احترق احس نار شابه بجوفي نفسي ابكي ابرد حره قلبي وناصر يسلم على خالاته وبناتهم يصافحهم تفرقت اصواتهم الف مبروك منك المال ومنها العيال كيف حالك ياناصر كيفك يااشواق ناصر يرد وانا ارد ارد عليهم بآليه وانا مبتسمه "ابتسامه من دون روح " جلس ناصر يسولف مع خالاته و بناتهم ويسولف ويضحك كأنه مسوي دعايه معجون الاسنان وحده من بنات خالته:تنصحنا نتزوج ناصر:أكيد مؤيد بشده شدي حيلك انتي وسيف انتبهت في يدها دبله وحده من بنات خالاته ثانيه اسمها سميه: "طبعآ انا مااعرف بنات خالته بحكم سكنهم في الدمام عمري ماقابلتهم الا مره وحده وانا اول متوسط" طيب ياحسرتي واللي تنتظر القطار ناصر:زواجك انتي بالذات علي انا ورقبتي سداده هههههه صراحه احس الدمع في المحاجر انا من العصر والنفسيه زفت وشكله ناوي يزفتها أكثر ساره:يشتغل خطابه للناس وناسي خواته الكل ضحك: ههههههههههههههه كانت خالتي توها جايه من المطبخ ناصر:ههه شوفي يا ام ناصر بنتك عمرها اربعتش وتبي تتزوج ام ناصر:هههههه لو اطاوعها ولدها طولها ناصر:هدى وينها ابي كتكوتتها بسلم عليها خاله ناصر:عقبال عندك وتستغني عن عيال الناس خاله ناصر الثانيه:يمديها حامل من اول ليله ان شاء الله وولده ببطنها ناظرني ناصر وانحرجت احس كأنه مويه حاره صبوها علي ومسح بيده على ظهري اتصل خالي على ناصر وطلبنا في مجالس الرجال عشان يبارك لنا رحنا انا وناصر لخالي وسلمنا عليه وجلسنا نسولف معاه ثم خالي استأذن عنده شغل ناصر:هيا أشواق دخلنا اشواق بكيت بحرقه ماقدرت امسك حالي انفجع ناصر ناصر:بسم الله الرحمن الرحيم وجاء ضمني هدي هدي اشفيك اشواق ردي اشفيك اشواق رديت بصعوبه:ليش تقابلهم من دون غطايه ناصر بعصبيه:اوووف على بالي عندك سالفه حاولت اوقف بكي مو قادره اشواق:خلاص بروح بيتنا ناصر:لا ياشيخه بسهوله بروح بيتنا ايوه وش يقولوا عنا الناس من يوم عرفتك اي مشاده بسيطه تبكين لو مشكله كبيره وش تسوين اشواق:بس بعرف ليش تقابلهم كذا انا لو ولد عمي اقابله زيهم ترضى ناصربأستهزاء:لا وش رأيك تخاوين مو احسن اشواق:طيب ليش انت وغصيت بالبكي ماقدرت احكي ناصر:انا اعدهم خواتي لو مااعدهم خواتي كان تزوجت منهم واحنا متربين سوا وتعودنا على كذا اشواق:كيف تربيت معهم وهم بالشرقيه ناصر:خلي الحكي هذا بالبيت رتبي نفسك بنرجع لهم اشواق:ابي دوره مياه ناصر:تعالي من هنا دخلت رتبت نفسي وضبطت مكياجي اللي انحاس سوالي خريطه بوجهي رجعنا الغرفه كملنا سواليف جذبني من كلامهم غافله خاله ناصر:وين خالتك ام فزاع ما عزمتوها ناصر:مايحتاج نعزمها من بعد أخر مره مانتقابل حتى غافله:اعوذ بالله اللي راح راح وانتم انسوا ام ناصر:والله ماهي هاينه علي اختك بس الظروف جابت القطاعه غافله:بحاول اصلح بينكم خلاص البنت تزوجت وانت تزوجت ليش الزعل والقطاعه ناصر:لا خلينا كذا مرتاحين اشواق فيه سالفه أكيد بين ناصر و خالته ام فزاع شكله كان بيتزوج بنتها بس ليش تركها وكيف مادرينا عن هالسوالف كلها مصير اعرف واشوف هالحلقه المفقوده على اذان العشاء راح ناصر يصلي وبعدها جو اهلي و جداني وعماتي وبناتهم اتونسنا بقوه وخففوا عني التوتر اللي كنت حاسه به رجعنا البيت في البيت دخلنا البيت فسخت ملابسي وأخذت شور لبست الروب وخرجت من دوره المياه لقيت ناصر جالس على السرير ناصر: شاالحال اللي سويته عند اهلي اشواق: لا تقول انا اش سويت انت اللي شمسوي ناصر بعصبيه:لاتردين سؤالي بسؤال اشواق:اوكي انا شسويت؟ ناصر:انتي ماترتاحين الا تنكدين علينا في الطلعه اشواق:اوكي مادامك جبت طاري النكد ليش يقابلونك من دون غطآ؟ وش سالفتك مع بنت خالتك؟ ناصر بأستغراب:بنت خالتي مين؟ اشواق:بنت ام فزاع ناصر:مافي سالفه انتي على كيفك تفهمين الأمور البنت خطبتها امي لي وانا رفضتها وزعلت خالتي وصارت القطاعه ارتحتي واذا على سالفه مايتغطون انا مااقابلهم الا في المناسبات وماراح احتك فيهم عشانك انتي ماليه عيني ومغطيتها اشواق ماصدقت سالفه بنت خالته بس مشيتها وسالفه تغطيتهم اتحدى يتركهم بس بسوي نفسي ممنونه له رحت جري وهو جالس بالسرير وضميته وطحت فوقه على السرير ناصر:ههههههههه لاعاد تسئين الظن بنصورك آح ياالبرد انتي فتنه لما حسيت انه بدا يبوسني بلهفه شديت نفسي بقوم شد ضمته ناصر بذوبان:وين ما خلصنا اشواق:تكفى توي متحممه ناصر:اوووش @@@@@ في الجامعه شوق:الو وينك ريوفه ريوف:الحين بنجي ريم معاي شوق:غريبه بتداوم اجازتها تنتهي الأسبوع الجاي ريوف:عندها اختبار قراءن شوق:اوكي بانتظاركم . . . . السلام عليكم شوق:هلا والله حمدلله على السلامه ماتشوفين شر ريم:ياهلا فيك الله يسلمك مايجيك ان شاءالله ريوف:وانا شوق:توي شايفتك امس مايمديني اشتاق لك ريوف:غلط من سماك شوق شوق:ههههههه افآ ليه ريوف:الشوق في ديره وانتي في ديره شوق:نشتاق للناس المهمه بسسس ريوف:درينا ان فيصل مهم لاتذكرينا شوق:ههههههههه ريم:ياحلو النوم يابنات نفسي انام ريوف:توي مصحيتك من النوم مايمديك تشتاقين له شوق:لاصدق اللي تتعود عالنوم ماتبي تقوم وحلات النوم صبح ريم:اصلآ انا مااقوم الا الساعه ثنتين الظهر شوق:كيف جيتي وانتي عندك اجازه ريم:الدكتوره قالت لساره الجالدي خليها تجي وتختبر عشان ارصد الدرجه لها وماتتكاوم بعدين السور عليها شوق:انا عندي محاظره عندكم شي الحين ريم:لا انا الساعه تسع ونص بروح اختبر وانتي الساعه عشر تطلعين صح شوق:ايوه ريم:افطر معاكم والساعه احدى عشر اخرج البيت شوق:وانتي ريوف متى محاظرتك؟ ريوف:عندي بس من احدى عشر لأثنى عشر . . . . @@@@@@ شوق نزلت من محاظرتي جيت لمكاننا المعتاد مع صاحباتي مالقيتهم قلت يمكن راحوا يجيبوا فطور انتظرتهم ربع ساعه ماجوا اتصلت على ريم ماردت اتصلت على ريوف ريوف:آلو شوق:وينكم ياالخاينات ريوف:تعالي احنا بدوره مياه المبنى السادس شوق:ليش اجيكم انتو تعالو ريوف:ضروري اذا جيتي اقول لك رحت لهم لقيت ريم تبكي بحرقه وريوف تهديها شوق:بسم الله سلامات اش فيها ريم ريوف:بنت حسبي الله ونعم الوكيل فيها تقول سمعنا انك انخطبت لعم اشواق عشان يستر عليك بعد ماجاتك دوخه بسبب النزيف يوم غلطتي مع واحد وسقطتي وشكله عم اشواق ولما هزئتها قالت هذا مو كلامي كلام الناس شوق:من هي؟ ريوف : غاده بنت ..... شوق بعصبيه قامت وقالت: اوريك فيها قليله التربيه ريم مسكت ذراع شوق:تكفين عشان خاطري مابي مشاكل شوق:حسبي الله عليها طيب هدي وخلينا نروح مكاننا تفطرين وتهدين عشان اختبارك ريم:لا اتصلت على ابوي بخرج الحين وبكره اجي للأختبار خرجت ريم وجلسنا انا وريوف نكدت علينا البنت حسبي الله والله يجبر بخاطر ريومه ويوفقها @@@@@ بعدها بإسبوع مها سمعت جوالي يرن وانا جالسه العب رهوفه حطيتها عالارض ورديت : الو امي : السلام عليكم مها : هلا يمه وعليكم السلام امي : كيف حالك اش اخبارك مها : تمام انتي كيفك كيف ابويه والعيال امي :كلهم بخير يسلمون عليك ويسألون عنك مها : الله يسلمهم امي : لك شهر ماشفناك وينك مها : مشغوله امي : هاه مها : مشغوووله امي : عندك احد مها : ايه امي : طيب انتي الحين بتروحي مكان مها : لا امي : بجيك بعد دقايق كذا مها : حياك البيت بيتك امي : الله يسلمك مع السلامه مها : ياهلا ناظرت في فهد اللي مفصول عن الخدمه مؤقتآ من بعد أخر مره زعل حتى محاولات ارضيه ماتجيب نتيجه ايجابيه ظاهره مها : فهد امي بتجي الحين فهد : غريبه مو عاده تجي مها : اكيد لأني ما اروح لها بتطمن علي فهد : ماسوى فيك هالحال الا فعايل يدك واذا سألتك عمتي ليش ماتجينهم افضل انك تكذبين احسن لي واحسن لك لأن الخسران في الأول والأخير انتي اووووف لازم نعيد ونزيد متى ينتهي هالكابوس فهد : انا طالع تبون شي مها : لا سلامتك @@@@@ بيت عبدالعزيز عبد العزيز : قلت لك لا يعني لا جداناها زوجوها هم ويجهزونها خلود : كيف بنتي تروح بدون جهاز عبدالعزيز : انا شاقول من اليوم يابنت الناس اتقي الله فيني ولا تذكريني خلود : بس ابي اجهز اغراضها معها عبدالعزيز : اوووف شكلك ماتفهمين عربي خلود ببكى: ليه تكسر فرحتي ببنتي مافرحت فيها اول ولا افرح فيها تآلي اللي صار مكتوب مااقدر ولا انت تقدر ترده عبدالعزيز بعصبيه : انا طالع @@@@@ الصباح فهد صحيت من النوم توضيت وصليت ورجعت صحيت مها عشان تصلي وانا اتجهز للدوام دخلت دوره المياه وراحت المطبخ تصلح الفطور بعد ما خلصت لحقتها في المطبخ جلست عالكرسي فهد : وش تسوين مها : فطور فهد : ليه ماصليتي مها : ما علي صلاه اكذب عليكم ان قلت لكم ضاق صدري كان نفسي تكون حآمل كم عمري انا عشان انتظر ثلاث سنين الانسان مايضمن عمره يوم فهد : كم لكي تاركه الحبوب مها : شهر وثلاث ايام فهد : طيب كم مده مناعتها مها : شهر فهد : متأكده والا كذبه زيها زي غيرها @@@@@@@@@@@@@@ انتظروني...... | ||||
|
| |
|
19-09-13, 07:12 PM
| #15 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت الرابع عشر مها : متأكده واذا مو مصدق اسأل اي صيدلاني او اي دكتور تبيه فهد : الله يرزقنا من واسع فضله مها : فهد انت ليه مستعجل ناظرت فيها وابتسمت بسخريه : اذا بتناقشين في الموضوع النقاش انتهى فيه من زمان الحين خلاص انتي مأموره تبين تحملين هذا المطلوب تبين شي ثاني انا مستعد مها : خلاص ولا يهمك ننتظر امر الله واحمل فهد : بس هذا مو معناته اني نسيت حركتك مها : احط لك نسكافيه فهد : انا بفطر برا مها : وهذا الفطور فهد : عليك بالعافيه ابيها تعرف حجم غلطها وماتكرره ابي اادبها بالراحه $$ من كثر ما اغليه صرت افرح بزلاته لو قلتوا اخطى عليك اقول وش يعني $$ في الجامعه وقت البريك راحت شوق بتشتري الفطور للبنات واقفه عند الكافتيريا شوق : ممكن ياعسل ياهو ياعسل هنا هنا سمعت شوق بنت بجنبها ........ هلا والله أخيرآ شفتك طنشتها شوق علبالها ماتقصدها ....... شوق التفت لها شوق تو شافتها تذكرت خلود اخت فيصل شوق : هلا والله وغلا خلود : كيفك ياعسل اش اخبارك شوق : والله تمام انتي كيف حالك وكيف الاهل كلهم خلود : بخير يسلمون عليك شوق : الله يسلمهم غريبه جايتنا في هالمبنى خلود : عندي اوراق هنا مع الدكتوره عاليه شوق :وخلصتيها خلود : لا يقولوا ماجات بتجي عالساعه اثنىعش قلت امر الكفتيريا أخذ لي فطور شوق : طيب تعالي افطري معاي انا وصاحباتي خلود : لا صعبه خذوا راحتكم مع بعض شوق : لا وي لا صعبه ولاشي نتونس مع بعض احسن لنا خلود : اوكي مشكوره عالدعوه أخذوا خلود وشوق فطورهم وراحوا لجلسه ريم وريوف عند ريم وريوف ريم : شوفي شوق جايبه معاها وحده ريوف : اوف حركات شوق على كذا بنخليها كل يوم تروح للكفتيريا تشتري لنا الفطور وتجيب بنت نتعرف عليها ريم : شكل البنت مسولفجيه وصلت خلود وشوق لريم وريوف خلود : السلام عليكم ريم وريوف : وعليكم السلام شوق : هذه خلود اخت فيصل وهذه صاحبتي ريم وهذه بنت عمها ريوف خلود : تشرفت ريم : الشرف لنا ريوف : وانا اقول شواقه متعنيه وجايبه لنا بنت متعرفه عليها ومتعبه نفسها اتاريها مو لله أخت الحبايب شوق : سخيفه ههههههه خلود :هههههه لا يغرك انا اللي نطيت فيها مش هيا كأنها اخت خطيبي مو انا اخت خطيبها شوق : انتي مخطوبه خلود : ايوه ليا سنتين مخطوبه لولد عمي شوق : مبروك متأخره ريوف : لا وانتي الصادقه مغبره خلود : الله يبارك فيكم عقبال العايزين ريوف غنت : جبتها عالجرح وكنك مادريت وانت قاصد ماهي عني اصدفت والدليل انك تبسمت ومشيت وانا انادي لك ولا يمي التفت من عرفتك وانت تجرح ما اكتفت وتاشر بيدها لخلود اللي تبتسم ومو فاهمه شي دنيتي وهي دنيتي منك اكتفت هذا حظي من على الدنيا وعيت كل ما ضوى في دربي شمعه انطفت ريم وشوق عرفوا قصد ريوف وافطسوا :ههههههههههههههههههه بس خلود زي الاطرش في الزفه شوق : ادعي لها كلنا انخطبنا الا هي خلود : لا يغرك انا اتمنى اني ماني مخطوبه ريوف : ليه خلود : زواجي مشروع وقف مع قيد التنفيذ خطيبي أخر همه زواجنا يبي يدرس ويأخذ اعلى الدرجات ونتزوج شوق : بيأخذ ايش خلود : الدكتوراه شوق : وطيب وين واصل الحين خلود : توه في بيأخذ دوره انقلش وفرنسي خلص سنه ونص وباقي له سنه ونص وبعدها الدكتواره بعثه برا السعوديه ابوي يبيه يتزوج ونروح سوا برا السعوديه بس الصراحه ماودي علي انتظره اربع سنوات ولا اروح معه ريم : بالعكس يابنت روحي اختي راحت مع زوجها يدرس في كندا خلود : بستخير واشوف @@@@@ اشواق صحيت الصباح وجهزت شنطتنا عشان بنسافر للجنوب عاد والله طبيعه خياليه انا متشوقه لها بقوه انتظرت لحد الساعه احدى عشر الضحى واتصلت على ريم منها ببارك لها واسلم على ريوف وشوق أكيد معاها في الجامعه اتصلت على ريم ريم:الووو مرحبآ بالعروس وينه سي السيد نايم بالعسل والا شو ريم شغلت السبيك وعندها شوق وريوف وخلود اشواق:ههههههه خليني اسلم اول مو تدفشيني وبعدين سي السيد اغار عليه لاتطرينه ريوف:لنا الله صرنا نغار بعد ماكانت بتزوجني اياه اشواق:من قال زوجي لي لوحدي ريوف:ابوك ياالتهاويل البنت خقت ماعاد تشوف الا ناصر مابقى الا تقول شوبيك لوبيك اشواء بين ايديك ابن عمي البنات كلهم فطسوا ضحك ههههههههههههههههههههههههه ههههههه اشواق:ليكي ماتتكلمي ع ابن عمي هيدا خص نص ليا انا ناصر: فديت اللبناني وفديت بنت عمي خص نص اشواق راح وجهها ألوان البنات سمعوا ناصر ضحكوا على اشواق قامت اشواق بترقع اشواق:مبروك ريومه الف مبروك ريم:هههه الله يبارك فيك ريوف:اويل قلبي العنوسه طقت بابنا لها سنه واقفه ترد الخطاطيب شوق:لايهمك بزوجك فيصل ريوف:ايه العبي علي مثل اشواق شافت المزيون نست العهود و المواثيق اللي بيننا شوق:متحطمه الأخت ريوف:بلاكم ماصار فيكم مثل ماصار فيني لا بعد معانا ضيفه جديده استبدلناك بفتاه عزابيه خخخخخخ اشواق بدلع:لا كلو ولا احد يأخذ غلاتي عندكم ريوف:فديت الدلوعه اكيد نصور عندك اشواق:أكيد من عندكم؟ شوق:خلود أخت فيصل ريم:نسيت اسم ابوخلود ماذكرت غير فيصل البنات:هههههههههههههههههه� �هه أشواق:اوكي بنات سلموني على ضيفتكم وان شاءالله اقابلها اذا داومت هاه تبغوا شي البنات:لاسلامتك يعطيك العافيه مشكوره بالتوفيق أشواق:الله يعافيكم ويوفق الجميع مع السلآمه البنات:مع السلآمه اشواق نزلت جوالي على الطاوله وناظرت بناصر اشواق:صباح الخير ناصر:صباح النور صحيتي وماصحيتيني ليه؟ اشواق:احسك تعبان وابيك تريح تبي فطور؟ ناصر:تعالي خلي الفطور بعد شوي جيت جلست بس بيننا مسافه ناصر:تعالي هنا واشر مكان ملازق له جيت جلست وصراحه استحي منه اذا قرب مني ناصر ضمها وهمس لها: اش رأيك في الزواج؟ اشواق انا عارفه ان وراه مصيبه: سكت مستحيه وش اقول ناصر:جاوبيني بلا هالحياء ترانا طقينا الاسبوعين @@@@@@ اشواق:ايوه حلو ناصر:اش احلى شي فيه؟ اشواق:...... ناصر شالها بين ايديه للغرفه: ماأقاوم الحيا انا دخل بها الغرفه .......... اشواق:مابي ناصر مابي ناصر:اشششش انا ابي اشواق:تكفى انا ...... سكتها بقبلته على ثغرها اتفلت منه بالقوه اشواق: معي الدوره ناصر بعصبيه يتلحق انفاسه: اووووف قولي من زمان دخل دوره المياه يتحمم وانا رتبت نفسي مره ثانيه ورحت اجهز الفطور رتبته على الطاوله سمعت صوت ناصر خارج من الحمام رحت الغرفه لقيته يلبس غترته جاهز بيطلع اشواق:ناصر الفطور ناصر بحده:ماابي بروح اهلي وجهزي الشناط نسافر بعد العصر اشواق:طيب ان شاءالله بودع أهلي ناصر بلا مبالاه:يصير خير وخرج @@@@@@ ريوف اتصلت علي ريم ريم:ريوفه حبيبي بروح السوق ابيك معي ريوف:اوكي متى بتروحين؟ ريم:بروح بعد العشاء ريوف:حلو عشان اقضي معك مره وحده ريم:ببشرك بشي بس ابي البشاره ريوف:ابشري بعزك ريم:روعه بكره جايه طايرتها الساعه خمس الصباح ريوف: واو الحمدلله الله يبشرك بالخير ريم:ماني مصدقه احس اني بموت من الفرحه لا وبعد بتجلس عندنا لحد ماتولد ريوف:خلاص مابقي لها على التاسع الا اربع أيام ريم:تقريبآ تجلس شهر ونص الحمدلله لو اسبوع نعمه ريوف:الحمدلله ريم:خلاص اقابلك الليل باي ريوف:ان شاءالله باي @@@@@@ ريم لبست عباتي وطلبت فلوس من بابا ودقيت على سعود يجي يأخذني اروح السوق وخرجت في الحوش انتظر سعود ودقيت على ريفه تطلع جاء سعود وريفه بآقي ماجيت ريم:سعود قدم شوي بنأخذ ريفه ونطلع مع البوابه الشماليه سعود:دقيت عليها تطلع ريم:ايوه جات ريوف وركبت وهمست السلام عليكم ريم وسعود:وعليكم السلام ههههههههههههههههههههههههه ههه فطست ضحك ريم :ريفه اللي أمس هواشاتها ومناقرها مسويه ضجه مع سعود واليوم مستحيه ومالها حس سعود:الحيا زينه البنت وهذا أكثر شي يجذب لها ريوف في نفسها مالت عليك جذبوك سبعه عفاريت خشته اللي فرحان فيها والشعريتين اللي نابته فيه من مفعول زيت السيارات خخخخخخخخخخ صار هندي يقهر بس بعد بطنشه "الحقران يقطع المصران" ريم:ماشاءالله سعود لسانه ينقط عسل سعود:الزين يجبرني اشوفه ريوف في نفسها والله مايمك زين مايمك الا سخافتك اووووف منه سخيف يقاله أخذ بمقوله "اليك اعني واسمعي ياجاره" ريم:شكرآ شكرآ أخوي كلك نظر سعود:من جاب طاريك انتي اصلآ ريم بأستهبال:ليه من تقصد؟ سعود:انا قلت الزين ماقلت ريم قال كتغيير للموضوع وين تبون؟ ريم :بنروح ....... سعود:لا أختاري غيره ريم:ليه؟ سعود:الصيع فيه بالهبل ريوف في نفسها سلامتك انت ياشريف مكه لو ما احترامي لعمي وعلاقته بابوي وربي لا يكون لي تصرف ثاني معك ريم:عآدي احنا دايم نروح له واللي ساتره نفسها وحاطه ربي قدام عيونها لا يمكن تعصيه لانها نظرت لعظمه من عصت و ما نظرت لصغر المعصيه سعود:انا بروح معكم طيب ريم:غريبه قبل ماكنت تهتم سعود:قبل ماما معكم الحين مافي احد معكم ريوف في نفسها لا ريم لا قولي لا تكفين يارب تقول لا ريم:اوكي عادي بعد فتره وصلوا نزلت ريم وريوف وسعود دخلوا سعود بالأول ووراه ريم وريوف ريوف بهمس:ليه ماقلتي لا بيغثنا هنا ريم بهمس:بالعكس احسن خليه معانا وانتي متعوده عليه بعد لاتقولين مستحيه مالك شهر من تغطيتي عنه ريوف التزمت الصمت وهي غير راضيه @@@@@@ ريوف دخلنا السوق تقضي ريم طبعآ طفشنا العله اللي اسمه سعود هذا لا تدخلوه هذا فيه رجال كثير هذا صاحبه سعودي اوووف منه تعالوا على يساري حطنا بينه وبين الجدار يقال له بيحمينا بس هذولا المبزره اذا نبت لهم شعرتين تفرعنوا قالت ريم ابي محل ملابس داخليه قلت لها انا ماابي شي ما احلاني وانا اشتري لي ملابس داخليه و سعود معايا دخلت ريم المحل وانا رحت الجلسات اللي قدام المحل وجلست فيها وشوي الا اشوف سعود قدامي كوب هوت تشوكلت وبيده كوب ماادري وش فيه وجلس في الكرسي جنبي ياقهري سخيف طنشته وأخذت شنطتي ودزيت الطاوله قدامي وانكب الكوب اللي حاطه لي وهو مسك كوبه بسرعه لا ينكب ورحت انا لمحل ساعات وجلست اتفرج بس عشان ما اجلس عنده وبعد دقايق خرجت ريم وطلعنا أخذت لها فستان عشان شبكتها واكسسوار وجزمه الله يكرمكم انا ماقدرت اخذ شي بسبب وجود سعود بس ريم اجبرتني الا أخذ وأخذت فستان وطلعنا @@@@@ فهد بعد موقف مها الأخير معي صرت اسهر مع اصحابي والاقيها تنتظرني عادي مااتحمس لها انكسر في نفسي شي عليها صح عايش معها عيشه الأزواج ومعطيها حقها الشرعي ومااحرمها في حقها الشرعي شي بالعكس زي ماكنت قبل بس اذا خلصت من الحق الشرعي ارجع غير مبالي لأني مابظلمها في شي وانا مجروح منها اليوم الصباح صحيت وهي نايمه لبست ملابسي ورحت وصحيتها تصلي وخرجت للعمل ماافطرت ولا انتظرت فطورها ورجعت الظهر تغديت وماسولفت معها ابد بس اعطيني ماء حطي ليمون عطيني قمر ابوها وغفيت للعصر قلت لها اجهزي بوديك لأهلك ولبست ورحت اصلي وأخذتها وديتها اهلها ورحت عند اهلي لحد بعد المغرب اخذتها من بيت اهلها ورحنا الملاهي صلينا العشاء اتعشينا ورجعنا البيت دخلت معها البيت اول مادخلت الصلاه أخذت شنطه مها من يدها من دون كلام وفتشتها خفت تأخذ حبوب لحد الآن ومالقيت شي نزلتها على الكنبه واشوف مها واقفه تناظرني باستغراب دخلت الغرفه وطنشتها أخذت بدله سبورت بروح البسها عشان اروح الأستراحه الا دخلت مها وقالت مها:ليش فتشت شنطتي على بالك بأخذها مره ثانيه فهد:عادي أخذتيها المره الأولى بتهون عليك المره الثانيه مها ببكى:فهد انت ليش كذا ليش ماتراعي فهد:مااراعي انا والا انتي اللي خنتيني بالأول مها تبكي وجلست على السرير فهد:صراحه ما عاد أئمن لك مها:اللي يسمع كلامك يقول خاينتك مع واحد فهد بعصبيه:اكون حافر قبرك ودافنك فيه مها تبكي:بس ماسويت شي غلطت واعتذرت فيه احد ما يخطي فهد:السالفه مو بالهدوء ذا انا مجروح منك كسرتي شي امنيتي فيه انا ابي عيآآآل كثير وشكلك لوحدك ماتقدرين تتحملين اذا انتي عندك بنت وحده وماقادره تجيبي مولود ثاني معها كيف لوكان معك ثلاثه وطلبتك رابعهم مها تبكي بشده وتشاهق: يعن آآه ي يعني آه هاآ اه بتتزوج علي فهد:شو تفسرين اعتراضك على طلبي حمل ثاني؟ طيب قولي انتي كم بتجيب لي عيال سواء بنات او اولاد كلهم نعمه من الله مها بعصبيه:ليش تسبق الأحداث يمكن اموت وترتاح وتأخذ بدال الوحده عشر فهد بهدوء ويتنهد:اصبري علي مها انا مجروح منك ما اقدر انسى لك هالشي اصبري علي يا بنت عمي ان شاءالله بنسى ومها انسدحت على جنب السرير وتبكي رميت بدلتي السبورت هونت ماراح اروح الاستراحه خفت على مها بهاالحاله ومابي اتركها صح جرحتني بس زوجتي احبها وتمون علي حتى لو ماصارحتها رحت لها رفعتها عن السرير وضميتها دفتني بإيدينها ماتوقعت هالهجوم منها مها:لاتضمني وترويني من حنانك وبكره يرجع لي صدرك صحراء سكت ومسكت ايدينها ونزلتها وشديت ضمتها وانسدحت انا واياها على السرير لحد ماهديت وانتظمت انفاسها ونامت @@@@@ بيت سامي سميه : ابي فلوس بروح بأثث بيت تركي سامي : احس الكلمه ماهي مناسبه على شكل تركي ابد سميه : ياربي ما ادري كيف بيعشون بزارين مع بعضهم سامي : لا عادي البنت يكبر عقلها بسرعه وهو بنكون وراها عشان يصلح حاله وربي يهديه سميه : سألته وش رايك فيها لما شافها سامي قاطعها : ماتفوتك هالحركات سميه : هاها أكيد سامي : طيب اش قال سميه : يقول محلوه أكثر من قبل وشعرها طول بس لو تكبر شوي سامي : اهب عليه مفتح عيونه يدقق سميه : قهر كان نفسي اسألها كيف شافته تغير محلو والا كيف سامي : حرام عليك شكلها مستحيه لا تزيدينها عليها سميه : والله والله ياسامي ميته ميته اشوفهم سوا مو متخيله ابد نفسي اشوف حياتهم تصدق ان مهما كان حركه تركي واطيه الا اني فرحانه واشكر ربي بعد سامي : بس اهل البنت انكسرت فرحتهم سميه : لا تذكرني تكفى ابي اروح بعد المغرب اقضي الاساسيات وابي اخذ هديه لفيصل محتاره ما ادري وش اخذ سامي : عادي افرشي له غرفه سميه : وش افرش جناحه غرفه نوم وغرفتين وصاله بس سامي : اعطيه الفلوس في يده تفيده متى زواجهم سميه : تقريبآ باقي شهر سامي : الله ييسرها سميه : آميين @@@@@ اشواق بعد أخذوا اسبوع في الجنوب واضطروا يرجعون عشان ملكه عم اشواق وريم الجمعه رجعوا لبيت خالها بعد ماكانوا قبل في الفندق لأكثر من اسبوع في السياره ناصر : الحين الفطور اول شي عند اهلي مسوينه اشواق: يا الله تعبانه ليه ما تعتذرت ناصر : ياسلام تبيني اقول لهم لا الشيخه تعبانه هي كلها ساعتين ما انتي ميته منها اشواق : اشفيك ما اقصد اردهم بس صدق تعبانه وما في حالي ناصر : عآدي اضغطي على نفسك عشان خاطرهم ساعتين واطلعي بيتك اشواق : اوكي ولا يهمك وصلوا البيت نزل ناصر الشنط وحطها بمدخل العماره ودخلنا لقينا خالي وخالتي وهدى وساره رحبوا فينا واحس خالتي وخالي فرحانين بقوه خالي : مبروك ياعيالي ابتسمت ورد ناصر : الله يبارك فيك يبه بعد جلسنا دقايق نتكلم عن الجنوب وين رحنا ووش شفنا ووش احلى شي جابت ساره لنا عصير أخذ ناصر كاس وقال لساره مايحتاج اشواق اشربها معي ناظرته من فوق لتحت وكان يتكلم بجديه هدى : اشفيك عليه تشيلينه بعيونك وتحطينه انصدمت من كلمتها اشواق : لا عادي هدى : زمان البنات تجلس شهر ماتعرف ملامح زوجها اش قصدها ان انا ما استحي وطبعا مدحه بردحه ما هي مبينتها ناصر : لا بنات اليوم تخلع له بعد هدى : سماجه بنات اش قصده ياناس ابي ابكي ابي ابكي والله سخيف وتافه وش بيقولون حسيت الدموع بعيوني احاول انسى واركز معهم شرب ناصر نص كأس العصير ومده لي بيشربني اياه رفضت اشواق : لا مابي ناصر : حتى انا مابيه كله شربت كفايتي وزاد اشربيه اشواق : لا قامت خالتي واخذت عصير تفاح من الصحن وجابته لي اشواق : لا والله يا خاله تسلمين ام ناصر : لا والله ماترديني اشواق : ولا اردك من عيوني ام ناصر : تسلم عيونك حطوا الفطور لنا جبن سايل وكرافت وكيري وابو ولد ؛لبنه؛بيض؛ زيتون؛ حلاوه طحينيه شعر وعادي؛ عسل؛ قشطه؛مربى؛زبادي؛تونه؛فول؛ عدس؛تقاطيع؛كبده؛معصوب؛ ومصلحين ثلاجه نسكافيه وثلاجه شاي وثلاجه شاي بالحليب ناظرت بهذا كله ياالله من بيأكله كله جلسنا عالسفره قلت : يعطيكم العافيه تعبناكم خالتي : لاتعب ولا شي هذه من فرحتنا فيكم اشواق : تسلمون @@@@@ ريوف ريوف : آلوووو شوق : هلآآآآ ريوف : هلا والله شوق : اخبارش ريوف : اسأل عنش شوق : كيفش ريوف : وين موصلتها ياختي شوق : انا ادري عنك بكره مداومه ريوف :لا بعد بكره ملكه ريم شوق : وانتي بتغيبين بكره ريوف : ان شاء الله شوق : ليه انتي العروس على غفله ريوف :يعني لازم تذري عالجرح ملح ما احب الضرب تحت الحزام شوق : هههههه من جد نفسي اشوف نصيبك ريوف : الله ييسره شوق : آمين يارب شكله مع تركي ريوف : تف من فمك الشر برا وبعيد شوق : ليه يمكن شب حليوه ريوف : حليوه بعين امه مو بعيني شوق : مشكلته يحبك ريوف : حبه برص غيري السالفه اشوف شوق : طيب العروس اتصلت تبي ..... قاطعتها ريوف : كثرت طلباتها شكلها ماصدقت تصير عروس شوق : خليها تأخذ راحتها كم مره بتصير عروس ريوف : اوكي وش تبي شوق : لبى قلب الحنونه تبي نأخذ الملخصات نصورها ونعطيها نسخه ريوف : غريبه اجازتها تخلص قبل الاختبارات باسبوعين مداها ليش مستعجله باقي لها اسبوع اجازه شوق : تقول مو مداومه الا في الاسبوع الاول يوم تأخذ ملخصاتها وبس ريوف : خلاص اوكي اكلم سوزان تجيب لنا المخلصات اوكي @@@@@@ انتظروني........ | ||||
|
| |
|
19-09-13, 07:13 PM
| #16 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت الخامس عشر ريم وريوف في بيت ابو ريم متجمعين ينتظروا روعه اخت ريم تجي من السفر بعد ساعه جات روعه من المطار هي وزوجها جابهم من المطار سعود دخلت روعه الصاله وناظروا فيها متعجبين هذه اول مره يشوفوها من بعد ما حملت جاتها ريم جري وضمتها وريوف بعدها اللي كانت تموت في شي اسمه روعه ام سامي : بشويش عليها لا تطرحون ولدها يا المطفوقات حظنت روعه ريم وتبوسها بلهفه وتبكي بشده وبعدها لفت لأمها وحظنتها وهم يبكون تكتفت ريوف اللي كانت مشتاقه وماسكه دور بعد ريم ناظرتها ريم وضحكت عارفه غلاه روعه عند ريوف بعد ما خلصت روعه سلام امها لفت لريوف شافتها متكتفه روعه : افآ ما تبين تسلمين علي ريوف : لا زعلانه انا من اليوم حاطتني انتظار روعه حظنتها وهي تقول : ماتركتي لقافتك زي ماتركتك لقيتك ريوف : أكيد ما تتغير هذه علامه الجوده وبعدها سلمت على ام سامي الا صوت سعود : يآ ولد ياروعه روعه : تعال مافي احد قاطعتها ريم بسرعه : الا فيه فيه اشفيك ريوف تتغطى عنه روعه : اسألك بالله ريم : والله روعه : حركآآآآآت انا بروح اسلم على ابوي وعمي ماقابلتهم راحوا ريم وريوف في ذي اللحظه يحظروا الغداء جاتهم روعه في المطبخ روعه : مبروك ريم ريم : الله يبارك فيك روعه : تصدقوا انكم تغيرتوا ريم شوي تختخت ريوف : هههههههاي مو منها من السدحه عالسرير شهر ريم : والله انك صادقه روعه : وريوف قصت الشعر محليتك أكثر ريوف : اهم شي ماسمنت روعه : لا سمنه ما حولك سمنه ابد ريوف : اشوا طمنتيني الله يطمن قلبك روعه : طيب وانا ريوف : ماشاء الله تبارك الله محلوه سامنه شوي وقفت ريم عند بطن روعه وتمسح عليه : يادلبوشي ياروح خاله محليك هالنزغه روعه : سيبي ولدي في حاله ريوفه وين غدي ماشفتها ريوف : نايمه روعه : تشبه لك ريوف : لا فيه اختلاف كبير ريم : انا اشوفها تشبه لك ريوف : يمكن بس انا ما اشوف هالشبه ابدآ راحت روعه وحظروا البنات الغداء وحطوا السفر وقدموا غداء الرجال ريم : خذ ياسعود هذا الصحن سعود : عندك احد ريم : ايوه سعود : طيب جيبي جوالي شوفيه عالكومدين في غرفتي وابي كأس مويه ريم : جوالك مو فاضيه له ابد والحين اجيب لك مويه ريوف : خليه انا اروح اجيبه راحت ريوف و صعدت لدار سعود وفتحت الباب ونظرت الغرفه حوسه راحت للكومدين وسحبت جواله اول شي شافت الاسماء وبعدها الرسائل وبعدها الصور لفتها كلها ماشافت فيها شي شاذ ابد هي كانت بتجيبه بتشوف جواله واكيد الجوال عنوان لشخصيته اتوقعت تلقى اشياء حقيره وتافهه بس العكس مافيه شي من هالقبيل نزلت بسرعه واعطت ريم الجوال وريم اعطته سعود تجمعوا عالسفره روعه : قبل لا اجلس ابي اشوف روعه ام سامي : شوفيها هنا في هالغرفه روعه : اوكي راحت وشافتها ورجعت روعه : اسم الله عليها تزنن وربي ياناس فيه شويه شبه من ريوف والعيون عيون سامي ريوف : زي ما اقول لامي وامي تقول لا روعه : الا صادقه ياعمه ريم : ترى سامي حلو ريوف : اي ماشاءالله احلى مني ريم : تخيلي امس وش يقول لي يقول ماني مصدق انك بتزوجين وتتركينا انا وريوف روعه : ياقلبي عليه شايل هم الوحده قولي كيف بتسوي اذا تزوجت ريوف ام سعود بخبث : ريوف اذا تزوجت ماهي بعيده عنه ام سامي : على حسب نصيبها وين يوديها ام سعود : الله يرزقها @@@@ اشواق في المطبخ تصلح لها برقر وفكرها مشغول تفكر في حياتها وتفكر في شبكه عمها وابد مو منتبهه كلش وجابت صحن وترتب فيه شريحه الطماطم والخس علبال مايجهز لحمه البرقر اللي في الزيت دخل ناصر البيت ويسمع صوت في المطبخ راح له شافها مندمجه جاء من وراها ولم وسطها فجأه اشواق انتفضت وصرخت بأعلى صوتها وحط ناصر يده على فمها وكتم صيحتها ناصر بهمس : فضحتينا عروس وصيحه في الارض وصيحه في السماء واشواق انفاسها تطلع وتنزل وقلبها دقاته سريعه فتح عن فمها اشواق : يمه خرعتني ليش تسوي فيني كذا والله بغيت انجن ناصر : يا خوافه ماسمعتي صوت الباب اشواق : لا ماسمعته ناصر : وش تسوين اشواق : برقر وعصير جوافه تبي ناصر : اي ابي اشواق : اوكي ناصر : انا بروح اغير ملابسي وارجع لك راح ناصر وغير ملابسه ورجع اشواق : ناصر ابي اروح لاهلي ناصر : انتي توك مالك عنهم شهر خلي بعدين اشواق : والله مشتاقه لهم ناصر : خلاص خلي بعدين يعني بعدين اشواق :ناصر تكفى ناصر : كلمه ورد غطاها لا يعني لا @@@@ ملكه ريم الصباح راحت ريم المشغل معاها روعه بس اما ريوف بتتصلح في البيت وبتجي لبيت عمها المغرب اشواق طبعآ ناصر رفض روحتها للمشغل بحجه خوفه عليها من المصايب اللي في المشاغل اشواق وريم كلهم عزموا شوق للشبكه بس رفضوا اهلها تحظر لإن الشبكه عائليه في بيت ناصر اشواق تبكي وناصر جالس يناظر الtv : كل ماطلبتك شي رفضت بيت اهلي مارحت والسابع رفضت اروح مشغل والحين نفس الحركه ليه ناصر : اشواق هدي ماله داعي هالبكاء كله عشان مشغل بس انا خايف عليك من مصايب المشاغل انتي زوجتي وارتبط اسمك بأسمي واللي يهينك يهيني انتي حلوه وتجهيزك لنفسك احسن وماتحتاجين كثير اشواق : انت دايما تسكتني بأعذار مالها داعي طفشت نفسيتي راحت وطي ناصر : صلي عالنبي وتعوذي من الشيطان وافرحي بشبكه خالك اللي المفروض انا الليله مكانه اشواق : لا والله ودك بس حامض على بوزك ناصر : انتي اللي كنتي بتزوجيني والا نسينا ماكلينا اشواق : في لحظه ضعف كنت وانت ماقصرت فيني ناصر : تستاهلين والا انا ترخصيني في مجلس ابوك قدام الرجال وسحبها بإذنها أشواق : آآآي اذني حرام عليك ناصر شدت قبصته على اذنها صرخت اشواق : آآآآه ناصر : ولا يهمك غالي والطلب رخيص اتزوج عليك بس بأختياري اشواق : ياويلك والله ازعل ناصر بإستهزاء : جد والله تزعلين هزت راسها بطفوليه وكمل تكفين الا زعلك واردف بجديه : عآدي ازعلي واطنخي راسك بأقرب جدر وانا بستناس مع عروسي الجديده اشواق : طبعآ ما صدقت بتتزوج وتقلد عليه : زواجك علي وارقبتي سداده ناصر بضحكه : ههه فديتها اشواق : مالت عليك وعليها ناصر : فيه عروس تقول لعريسها مالت عليك اشواق : وفيه عريس يقول لعروسته بتزوج عليك ناصر : بقولك الصراحه الزواج الى الان فكره مؤجله بس مو غريبه لو سويتها اشواق : عادي اروح لاهلي واتطلق ناصر : لا تظنين بهاالكلمه تلوين ذراعي لو فكرت اسوي شي اسويه من دون شورك حتى @@@ بعد المغرب تجمعوا ريم وروعه وريوف وبعض اقاربهم وجاوا الرجال وملكوا المغرب والحريم اتجمعوا وجاوا بعد صلاه العشاء جات المصوره وصورت ريم وروعه واتصورت معهم ريوف دخلت اشواق الغرفه على ريم وقالت : ماشاء الله روعه الله يحفظك ريم : تسلمين اشواق : يابخت عمي والله انزفت ريم ورفض سامر يدخل يشوفها أكثر ما انقهر في السالفه ريم واشواق وانجرحت ريم برفضه لشوفتها ورقعت السالفه اشواق لما قالت عمي افكاره قديمه يقول اشوف عروسي في ليلتها احسن الحين بس شوف وحرقه جوف وكانت بداخله تسبه حسبي الله ياسامر اول الغيث قطره اوف منك ياصبر ايوب وش هالرجال اللي استغفر الله مافيهم لا خير ولا مروه لحريمهم ابد خليني ادق وش سالفته ووش مهبب عند ثامر بالمجالس رن جواله بأسم اشواق ثامر : الوووو وخرج بعيد عن مجالس الرجال بشوي اشواق : السلام عليكم مبروك ياالعريس اللي رفض يشوف عروسته ثامر : وعليكم السلام الله يبارك فيك لو انك امي ذبحتك قبل اتزوج (قصده حشريتها في سالفه زواجه ) اشواق : الله يرحمها رحمه واسعه عمي اشفيك ليش مادخلت تشوف عروسك ثامر : جزاك الله خير و مابي ادخل اشوفها في الزواج مره وحده اشواق : عمي تكفى عشان خاطري ثامر :انتي اللي تكفين الين هنا وبس يا اشواق الحياه الخاصه بيني وبين خطيبتي مالك دخل فيها من الاخير يا اشواق انا وصلت هنا وبس برغبتك وماعندي استعداد اعيش باقي حياتي برغبتك بعد حياتي الباقيه اعيشها انا على كيفي اشواق : اوكي ياعمي على امرك واشوف اخرتها ثامر : مالك شغل لا بأولها ولا بأخرها اشواق بزعل : اوكي أنا اسفه ياعمي وحقك على راسي من فوق ومع السلامه ثامر : في حفظ الرحمن @@@@@ بعد العشاء اتصلت سميه وردت ريما سميه : السلام عليكم ريما : وعليكم السلام اشرت سميه لولدها تركي يجي وهي تبتسم وشغلت السبيكر وجلس جنبها يسمع سميه : كيف حالك ريما بحيا : طيبه سميه : كيف امي وابوي واخواني ريما : طيبين سميه : كيفك بعد الملكه ريما : طيبه سميه : اشفيك ماعندك الا طيبه وطيبين ريما ضحكت على خفيف وهي مستحيه : لا عادي سميه : عندك احد ريما : لا سميه وهي تناظر تركي بخبث : كيف شفتي تركي تغير شي والا لا ريما : عادي أشر سامي لسميه ناظرت فيه قال بهمس : حرام احرجتيها سميه : كيف عادي ريما : ما انتبهت له وماناظرت زين سميه : طيب هو بيكلمك الحين ريما : لا ياعمه صعب قام تركي مستحي فز بسرعه بيهرب لا تحرجه امه اكثر مسكته سميه بيده وجلسته سميه : عادي كلها ثلاث اسابيع او اقل وانتي عنده ريما برجاء : عمه اعطت تركي السماعه تركي : الو ريما : الو تركي : كيف حالك ريما : طيبه تركي : وينك يوم قال وينك وسميه وسامي يفطسون ضحك عليه انخبص تركي من ضحك امه وابوه وقال : ايه طيب هاه وريما توترت لما سمعت الضحك : ببيتنا ريما : من عندك تركي : ماما وبابا سامي : قول امي وابوي مو بابا وماما كنك بزر تركي : انتي من عندك ريما : مافي احد عندي وين مدى سامي : قولها انا معك وتسألين عن مدى انا زوجك تركي ناظر بابوه وابتسم بخجل وبلع ريقه اللي يحس انه نشف بصعوبه وسميه تشجعت : قول قول تركي همس لابوه : ايش عاد ابوه كلامه وقال تركي : انا معك وتسألين عن مدى انا زوجك ريما اتفجأت : هاه وسكتت تركي : ليه سألتي عن مدى وانا معك وطنش الكلام الباقي ريما : بس ابي اعرف هي فين همس سامي لتركي : قول انا احبك سميه ضحكت وقالت : لا .... لا حرام عليك اشر تركي لأبوه بلا تركي : طيب خذي امي سميه : الو هلا ريما ريما : ايوه سميه : قضيتي لزواجك ريما : لا سميه : ليه ريما : ما عندي احد يقضي لي عماتي مشغولين بعمي فيصل وماما بابا رفض تروح معي وجده ماتقدر تروح معاي سميه : طيب خلاص انا من بكره اخذك للسوق نقضي اغراض جناحكم واغراض زواجك ريما : طيب مشكوره ياعمه سميه : خلاص سلميني على جدتك انا اتصل فيها شوي ريما : طيب سميه : مع السلامه ريما :مع السلامه سكرت سميه وفطسوا هي وسامي ضحك وتركي منحرج ويبتسم سميه : والله انكم تجننون تركي : طيب لاتضحكون علينا سامي : قولها احبك تغزل فيها اشتقت لك وحشتيني انا مشتآآآآآق سميه : لا عاد لاتزودها خل هالحركات اذا تزوجوا سامي : وصح تراني جبت الكتب لك اربعه حطيتها فوق المكتبه اقراها واتثقف وشيلها عن اختك لاتشوفها سامع والا اذا خلصت منها ردها لي تركي : ان شاء الله @@@@@ آخر الليل في غرفه ريم عندها ريوف وروعه ريم : تتوقعون ليه مادخل روعه : عآدي انا عزام رفض يدخل ريم : ما ادري غريبه احس شكله مو راضي ريوف : ياسلام مافي شي يجي غصب ريم بكت تحس نفسها مقهوره ومكبوته روعه : يابنت الناس اذكري الله ووكلي امرك لله البكاء ماهو بجايب لك لا خير ولا شر ريم ببكاء : مو كذا بس تخيلي خطيبك مايشوفك وعاداتهم تسمح بالشوفه وعاداتنا بعد وانا في حالتي اكيد ما خطبني الا لأن بنت اخوه تحس نفسها اخطت بحقي وان ما احد بيرضى يتزوجني بالمعنى الصحيح يستر علي روعه : المهم انك صاينه شرفك وماوطيتي راس ابوك ريم : ماتدرين يمكن فتره يستر علي ويطلقني لو انه راضي كان قبل بالشوفه مو امه تجي تلبسني كأنه مستحي والله استحيت اقول قدام اشواق او اسب مهما كنا هذا عمها وما ترضى عليه ريوف : انتي استخرتي وارتحتي واتيسرت امورك واكيد خير بإذن الله حتى وان صار الطلاق ما احد يعرف الخير وين ريم : امري لله بس من جد ما قدرت الا ابكي زين مسكت نفسي لا اطقها صياح والناس موجودين روعه : صلي قيام الليل وادعي سهام الليل لا تخطيء وما يرد القضاء الا الدعاء ريوف مغيره للموضوع : متى تطلع صورك ريم : بعد اسبوع ريوف : تمام ما تطول ريم : اقهرتني شوق ماجات ريوف : عاد اهلها مارضوا وش تسوي صعبه روعه : احلى شي اني تصورت وانا حامل بشوف نفسي بالكرش ريم : هههههه وحده ماصدقت انها تحمل ريوف : من زين خشتك ويا هالكرش ابد ما يضبط صايره مو راكبه روعه : غصبآ عنك وموتي حره بنشوفك بكره حامل ترى الخشه تركب والا ماتركب ريوف : قال انفخ النار ياشريم قال ماش برطم روعه : لا انا حاسه انه قريب قريب بشكل ماتتصورينه ريم : هذه احساس الحامل اشتغل ريوف : لا وانتي صادقه تخريفات الحامل والا لا يكون لاقطه لي عريس روعه : اكيد عريس يقف على شنبه الطير ريوف : ليه ابو شهاب على غفله اول شرط يخفف شنبه وبعد الشوفه يحلها الف حلال والا لا يكون رجلك انا فاكره ان شنبه كتر خير الله روعه : هههههاي يمه يمه منك عينك زايغه ريوف تقاطعها : صح ريومه عريسك ماشفناه ريم : ولا انا شفته ريوف : انا بتصل على اشواق تدبرنا لنا صوره ريم : لا لا تتصلين صعبه بتنام الحين ريوف : لا مستحيل اشواق اعرفها روعه : هذاك ايام العزوبيه الله يرحم ريوف بسخريه : الا ليت العزوبيه تعود فأخبرها بما فعل الزواج روعه وريم فطسوا ضحك عليها ريوف : اجل برسل لها رساله وارسلت لاشواق دقايق اشواق الصوره وكاتبه تحت سمي على بنت عمك اذا شافت الزين واشهقت والا اغسلي وجهها اذا طفست ههههه . . . . . . ريوف اول ماسمعت المسج ريوف : انا اقول لكم البنت ما نامت فتحت عالصوره وشهقت وقالت ماشاء الله جات ريم وروعه عندها جري بيشوف شكله من شهقتها انه يجنن ناظرت ريوف دقايق : هذا مو كأني شفته في التلفزيون ريم : هذا شاعر يجي في الساحه ريوف : اي صح اللي يقول قصيده الا ليت الزمن يرجع والا الليالي تدور روعه : شكلها تكذب او انه يشبه له نزلت ريوف بالرساله تحت لقيت التكلمه . . . . . هذه صوره الشاعر : فيصل اليامي اما خطيب بنت عمك ماله صور عندي باطلبه وارسل لك ريوف صاحت الحيوانه حسبي الله على عدوها وارسلت لأشواق عساك بكف من ناصر يقلب وجهك قلي آمين انا اللي شهقت مو بنت عمي انا لما شفته قلت اشواق عندها عم يجنن وما اعطتني اياه @@ في بيت ناصر اشواق تقرأ وفاطسه ضحك ناصر : ونسيني معك اشواق : خطيبه عمي طلبت صورته وارسلت لها شوف ناصر : ليه هو ما شافها اشواق : لا عمي نحيس الله يهديه لها ويسخره ناصر : البنات صراحه ماعاد يستحون الرجال استحى وما شافها والبنت طالبه له صوره اشواق : عآدي أش فيها مو احنا كنا نتقابل ونكلم بعض يعني ما استحي ناصر : انا جرئتك معي اشواق : ياسلام يابو جرئه انت ناصر : اكبر دليل شوفيك مو قادره تجاريني فيها اشواق : ياشيخ ارحمني ناصر : انتي اللي ارحميني وكمل بذوبان : منك ومن شوفتك وحلاك وعذابك وفي كل يتقرب من اشواق حتى صار قدامها وهي تغوص في الكنبه على وراء ناصر : وشفايفك آآآآآه منك كلك ولثم شفايفها حتى شافها ضاقت انفاسها من الحيا واحمر وجهها ناصر : شفتي كيف ؟ اوديك البحر وارجعك عطشانه مستحيل تجاريني حتى انفاسك من الحيا مو قادره تنظمينها ابدآ ما قدرت اشواق ترد خاصه انه مسيطر عليها وانفاسهم مشتركه @@@@@@ اليوم الثاني راحت سميه لبيت اهلها بتمر ريما وتروح السوق انزلت سلمت على امها وجلست بالصاله تنتظر ريما تجهز نزل فيصل ولقي سميه جالسه سلم عليها وسألها وش عندك بها الزياره وما فصختي عبايتك سميه : بأخذ ريما معي تتسوق لزواجها فيصل بشك : من بيوديكم سميه : فيصل فيصل : تركي فيه سميه : ايوه فيصل طلع لسامي في السياره وقال له : خلاص روح انا بأخذ خواتي كلهم وسميه معهم سامي : طيب رجع فيصل ودخل الصاله وشاف ريما نازله لابسه عبايتها جاهزه : انا بوديكم سميه بتعجب : وسامي فيصل : انا صرفته بروح معكم ناقصني اغراض خرجوا وراحوا السوق اشترت سميه لريما طقم ارواب وطقم بجايم للعرسان وأخذت لها فستان صباحيه وفستانين سهره ودورت جلابيه مالقت مقاسها وأخذت لها بجايم سبورت وأخذت بناطيل جنز وهي تسأل عن ذوق ورأي ريما وتشاركها ريما بالأختيار ودخلت .......... وفيصل معاها بتأخذ لها أقمصه نوم ريما هنا سكتت سأل فيصل : بتأخذي لك شي من هنا سميه : ليه العروس انا والا ريما @@@@@ انتظروني...... | ||||
|
| |
|
19-09-13, 07:14 PM
| #17 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت السادس عشر ، نسيت اوصيكم وصيه تكفون اللي ناويه الحج تدعي لي بكل الدوعاي اللي يحبها قلبك وتدعي ربي يفرج همي واللي ماهيب بحاجه تدعي بيوم عرفه ماارتاحت مني لا اللي بتحج واللي بتجلس ببيتها صدق اني مغثه ودخلت .......... وفيصل معاها بتأخذ لها أقمصه نوم ريما هنا سكتت سأل فيصل : بتأخذي لك شي من هنا سميه : ليه العروس انا والا ريما فيصل : هيا هيا طلعنا سميه : لا بأخذ لها غرض والا غرضين فيصل بحده وهمس : ولدك مايستاهل هذا كله من قال انا نبيه يدخل بها اوبالأصح تكون بيهم علاقه سميه بعد ما طلعوا من المحل : ليه بتحرمونه حق من حقوقه فيصل : لو ولدك جآي مع الباب كان قلنا حقه بس يلف ويجي البيوت من خلافها ويبي حقه هذا جريمه بحقنا سميه : حلاله وشرع ربي اللي فرضه لف لها فيصل بقوه وهمس بحده : شكلك راضيه باللي سواه بس خلاص نخلي ماجد يسوي بمدى نفس ماسوى تركي بريما سميه سكتت مجروحه من فيصل وكلامه راحوا للسياره وركبوا فيصل : هذه اخر مره تأخذين ريما للسوق انا بخلي خلود تقضي لها سميه بقهر : شكلكم يا اخواني ما بتخلون في قلبي لكم بذره غلا فيصل : بعد سواه تركي تدورين لنفسك غلا سميه بكت وسكتت وماينسمع الا شهقاتها وقفوا عند الاشاره التفت فيصل لريما وقال : اسمعيني زين ان سوى بك تركي زي ذيك المره قولي لي لاتقولي التفاصيل ارسلي رساله خالي الحقني وانا افهمها قبل مايبدأ يسوي شي بعصبيه سامعه ريما بخوف : طيب سميه ناظرت فيصل بحده بس فيصل طنشها نزلت سميه بيتها حتى ماقالت لهم مع السلامه وتركت اغراضها اللي اشترتها في سياره فيصل ودخلت بيتهم تبكي وصعدت دارها وتركي ومدى بالصاله متفاجئين أخذ فيصل اغراضها من السياره ودخل البيت رن الجرس فتح له تركي دخل فيصل ما رد السلام ودخل الاغراض وسأل مدى : امك فين مدى : صعدت دارها تبكي فيصل : وابوك مدى : وراها لف فيصل بيطلع وناظر بتركي بسخريه واشمئزاز : انت بالديره سكت تركي واطرافه ترتعش خايف من خاله فيصل : تفي عليك وطلع وسكر الباب وراه صعد تركي لأمه ولقي الباب مفتوح دخل الغرفه وجلس عالارض داخل الغرفه وهو ساكت و امه وابوه يناظرونه متفاجئين وانكب على ركبه وبكى بحرقه وفك قهر الايام اللي فاتت كلها ناظر سامي سميه بقله حيله سميه نزلت وضمت تركي وسكتت تبيه يرتاح من همه اللي كابس على صدره بعد ما هدأ سأله سامي : اشفيك تركي دمعت عيونه من جديد وقال : خالي فيصل قال لي تفي عليك سامي : انا بحط حد لها المهزله كذا ماينفع اللي يوطي راسه للناس ينحط خده تحت المداس واتصل على عمه ابو عبدالعزيز وطلب منه يجمع عياله وبيجيه الحين لبس ملابسه وراح لبيت عمه دخل سامي المجالس ولقي عيال عمه متواجدين الا عبدالعزيز سلم عليهم وجلس وتقهوى وقال سامي : انا ياعمي جايك وطالبك طلبه ومابي الا حل وماني طالع من هنا الا بحل يرضينا كلنا ابو عبدالعزيز : ابشر بعزك سامي : تسلم انا ياعم اشوف ان ريما تجلس مع تركي شهرين وتطلق ابو عبدالعزيز بعصبيه : ليش بنتنا بايره والا سوى فعلته وعافها سامي : لا والله ياعمي ماهو كذا بس انا اشوف المشاكل تزيد ما تنقص وتركي كف شره وخيره عنكم وبيستر على نفسه اولآ وعلى بنت عمه ويستر فعلته فيها بس اللي انا اشوفه عيالك ماوقف اذاهم عني وعن ولدي وحتى اختهم عالاقل يحشمون اختهم وانا قبل كذا جيتك شكاي من بندر وانا اليوم اجيك شكاي من فيصل وانا اقدر اجمع ابوي واخواني بس مابي السالفه تبين لهم ابو عبد العزيز : وش جاك منه سامي :انا كنت بروح اودي سميه السوق ومعها ريما وجاني فيصل بوديهم مع خواتي قلت تم ورحت جاتني حرمتي تبكي من اخوها وبعده بدقايق قابل فيصل تركي وجانا يبكي اسأله وش قال لهم ورد فيصل عليهم : حلوه ذي يخطي ويبيني ابتسم بوجهه اول شي سميه بتقضي لريما اقمصه نوم رفضت انها تشتري لها احنا انخطط واهي تخرب وتركي كيف بحسسه بخطأه اذا تبسمت بوجهه سامي : اول شي قال لسميه بعد اللي صار تدورين لك غلا وقال لا تقضين لريما بالعكس جزاها الله خير البنت مابقي على زواجها شي وانتم ماحد قضى لها وتركي قال له قدام اخته تفي عليك البنت بتهتز صورت اخوها قدامها وقبلها بندر ماحشمني وانا اكبر منه تسامح من اخته وماعبرني ابعد عن الشر وغني له اذا البنت ماتزوجت وهذه المشاكل وش يصير اذاتزوجت ياعمي يا اما انك تشوف لي حل والا انا بنفسي بدور راحتي واسوي اللي يرضيني و انا ولدي غلط سلمتك امره بس تطولني المشاكل انا وامه هذه قويه انا ماحاولت ارضيكم الا اني مابي مشاكل ابو عبدالعزيز : خلنا على اتفاقنا الاول وابشر باللي تبي ومايصير بخاطرك الا الطيب سامي : يالله مع السلامه ابو عبدالعزيز : تعش ياولدي سامي : تسلم وراح سامي ناظر ابوعبدالعزيز بعياله وقال بهدوء : اقسم بالله العظيم لو اشوف احد منكم تطاول على سامي والا حتى سميه اقسم بالله مايصير له طيب اذا بتسوون شي شاوروني انا ما اشحد منكم فلوس وطلع من المجالس @@@@@ فهد رجعت البيت لما دخلت المفتاح في الباب شميت ريحه البخور مستقبلتني فتحت الباب وانا اغصب الابتسامه و اطل : السلام عليكم مها : وعليكم السلام فهد : مساكم ورد مها : مساك حب وشوق فهد : فديت الشوق واهله رهوفتي وينها مها : بسابع نومه فهد دخلت الغرفه فسخت ملابسي وانسدحت على سريري مابي احتك بمها واجامل واضغط على نفسي انتظمت انفاسي وانا النعاس يغلبني الا احس بيد مها تلعب في شعري فتحت عيوني وناظرتها مها : انت صاحي فهد هزيت راسي بإيه مها : ياالله عشاء فهد : اوكي قمت مكسل وغسلت يديني وجلست تحط لي أكل مها : فهد بروح اشتري فستان لي ولزواج لزواج فيصل وتركي فهد : بعدين صوري رهف مع ريما مها : انت تصور مع بنت اخوك وصور رهف معك فهد : اوكي بس خلي السوق بكره مو الليله مها : طيب فهد : انا بروح الاستراحه الليله مها بتأفف : يوه ما خلصنا من هالاستراحه يعني فهد : لا تعودت عليها مها بدلع : بس انا ما ابيك تروح الليله مشتآقه لفهودي مرررره فهد : ههههه لآآآآ مها : ههههه والله $$ قيمه جروح القلب من قيمه الشخص لولا غلاه الشخص ماضر جرحه $$ @@@@@ التغيرات في بيت ابو عبد العزيز جناح فيصل مابقي عليه شي الاساسيات تغيرت وترتبت واتجهزت فيصل له ثلاث ايام يروح السوق يجهز نفسه يشتري عطور واحذيه الله يكرمكم ساعات نظارات كبكات واشترى له ثياب وفصلها عند الخياط ريما لها اربع ايام تروح مع خلود تقضي لها فالأخير ريما وبدور يلعبوا في الالعاب او يأكلوا اسكريم وتطيح براس خلود تفر وتشتري وتختار وتحاسب وترجع البيت طافيه وريما وبدور يلعبون فالينها خلود وبدور وريما فستاينهم عند مصممه وريما تتبع نظام غذائي مع دكتور وكانت كل اخر اسبوع تروح للمصممه تأخذ مقاساتها من اول وجديد والتطور سريع وملحوظ في جسمها @@@@@ بيت عبدالعزيز الاستعداد غير مرغوب فيه صح اشتروا احسن الثياب بس جروح القلب تطغى @@@@ بيت سامي لا يقل عن بيت ابو عبدالعزيز لا وبعد يمكن أكثر سامي جهز بيت تركي من والى وسميه اشترت الاغراض على ذوقها كلها واخذت تركي واشترت لوازمه كلها من عطور واحذيه وتيشرتات وبناطيل واحزمه ولوازم حلاقه وثياب وغتر واشمغه وساعات ومسابيح وكبكات وجابت له اربع خواتم رجاليه ورتبت جناحه كامل وبخرته دخل تركي غرفته وناظر بالغرفه وكانت امه تسوي في مفرش السرير تركي : حلوه صارت ام تركي : أكيد اذا انا اللي مسويتها تركي : من جد خيال ناظر بالتسريحه اللي مرصوص علنا عطوره واغراضه والدولاب والقنفه والسرير كل شي مشترك فتح الدولاب جهه ملابسه واغراضه تركي : اوف كل هذه لي سميه : هههههه ايوه وراح يفتح الدولاب الثاني لقن فاضي سميه : هذا مو لك للعروس تركي : تجيب اغراضها هنا سميه : اكيد تركي : وش شريتي لي سميه : افتح اول درج في التسريحه لأغراضك والدولاب اليسار والادارج اللي تحته وودولاب الكومدين لك وهذا لها وفيه دولاب الصيدليه فيه اغراض لك تركي : والله شي روعه تو حسيت بالفرحه سميه : الله يتمم لك تركي : بس عادي احظر زواجي سميه : وليه عريس اذا مابتحظر تركي : اخاف خوالي ..... سميه قاطعته : لاتخاف تكاليف الزواج بين ابوك وجدك يعني لك مثل ما لخالك بس انت شد حيلك وانجح عشان تتفرغ لبيتك وزوجتك الله لو تشوفها ماتعرفها تركي بابتسامه : ليه سميه : سمنت واحلوت وتحس جسمها بانت فيه ملامح الانوثه الله يسعدكم انا فرحانه فيكم بشكل ماتتصور تركي : انا برجع جده ومو جاي الا بعد الاختبارات عشان اذاكر هنا ومافي شي يشغلني ابي اثبت لخوالي اني رجال سميه : ايوه ابيك كذا ابي الرجال في المجالس تعبر لك شايبهم وشابهم ابيك تعتمد على نفسك ومن شركه جدك تكون مشروع او شركه صغيره ابي كلن يقول سامي وسميه زين ماربوا وهذا الرجال من ظهر رجال تركي : ان شاء الله @@@@@@ اشواق في الصباح سمعت صوت طق بباب الشارع ببيت خالتي طنشت وجلست اسوي فطوري وطول الطق بزود واستمر لعشر دقايق رحت الصاله وجلست لما رفعت كأس الكابتشينو بشرب سمعت صوت جوالي دخلت غرفتي نومي واخذت الجوال ورديت : آلووو ناصر بعصبيه : بلا يبليك في روحك قولي آمين عساك العله ان شاءالله باب الشارع اتكسر وانت مطنشه اهلي واتصالاتهم ولما اتصلت انا رديتي اشواق : انا توي ..... ناصر : انقلعي افتحي الباب لاهلي ثلاث دقايق واتصلت لهم ومافتحتي مايصير لك طيب واحسابك اذا رجعت من العمل طوط .. طوط .. طوط سكر بوجهي نزلت جري وفتحت لخالتي وهدى واما ساره بالمدرسه ماكانت معهم انا نفسي اعرف ناس تطلع من بيوتهم اشحقه ما تأخذ مفاتيح فتحت الباب ام ناصر دخلت : السلام عليكم هدى بتأفف : اخيرآ حسيتي يا الأميره الخامده اشواق : وعليكم السلام ام ناصر : اشفيك يا اشواق تعبنا واحنا ندقق بالبيبان ودخلوا بيتهم ودخلت بعدهم اشواق : كنت اسوي لي فطور بالمطبخ وجوالي بغرفه النوم وماسمعته بس اسمع الطقطقه بس ماتوقعت انه انتي ياخاله تعمدت اتجاهل هدى بشتى الطرق هدى : مو منك من الرفاله اللي فيك اشواق : خاله تأمرين بشي هدى : مو محتاجه وبنتها عندها حاولت اكسبها وقلت : الله يخليك ويحفظك لها ام ناصر : تسلمين يابنتي الله يخلي لنا ولك اشواق : آمين صعدت بيتنا وانا مقهوره جلست عالكنبه وانا محتره حتى فطورتي ما اكلته @@@@@ ريم ريم : روعه تكفين روحي جيبي الصور روعه : ياسلام انا المخطوبه والا انتي ريم : احس نفسي مكسره بقوه ام سعود : عاد الغرض لك روحي والا اقعدي ريم : بقول لريفه يمكن تروح سعود: عمي ماهو فيه عشان تروح ريم : ياالله هيا اروح قبل تطلع برا المشغل يجيها شغل والاشي وتتركني سعود : انا ناطرك بالسياره اخذت ريم عبايتها وطلعت تجيب الصور @@@@ اشواق جالسه اعصابي نار ناصر يخلص داومه الساعه ثنتين وانا من آذان الظهر شابه اعصابي انفلتت من التوتر ماراح يسكت لي ناصر ابدآ عالساعه ثنتين وعشر سمعت صوت فتحت الباب عرفت ان ناصر جاء جلست اقطع في الخيار احظر السلطه واحاول اشغل نفسي فيها وقف ناصر عند الباب وناظرني من فوق لتحت وراح لغرفه النوم سحبت انفاسي اللي توقفت بوجوده ناظرت بيدي ترجف من شده الخوف خلصت السلطه افرغت الرز في الصحن اخذت صحن حطيت فيه صحنين سلطه وحطيت الببسي حجم عائلي والكاسات وأخذت سفره رحت فرشتها ورتبت كل شي ناصر ماجاء من الغرفه باقي رجعت أخذت صحن الغداء وحطيت عالسفره ودخلت الغرفه الا ناصر واقف عند السرير متجه للباب بيطلع من الغرفه اشواق : غداء ناصر : جيتي والله جابك اشواق بفهاوه : هاه جاء عندي وسحب يدي وضغط عليها بقوه وقال بعصبيه : حركات اللعانه في اهلي ان عدتيها كسرت رقبتك هذولا تاج راسك فاهمه اشواق مبعده راسها ومغمضه عيونها حاسه ان بتجيها ضربه من ناصر اشواق بألم : طيب انا فتحت الباب لهم ناصر : هدى تقول شافتك تطلين مع الشباك لما شفتيهم ليش مافتحتي اشواق : والله ما طليت مع الشباك والله ولا شفتهم ولا دريت عنهم بس سمعت الطق ناصر : والجوال قولي ماسمعتيه ومطنشه اتصالاتهم ولما اتصلت رديتي اشواق : والله كنت اسوي فطوري في المطبخ وماسمعت جوالي في الغرفه ولما جيت افطر سمعت صوت الجوال ورحت رديت الا هو انت ناصر : كلمه ورد غطاها اهلي اهلي انتبهي تغلطين عليهم اشواق بكت ولما شاف دموعها خفف قبضته : بس ماسويت شي غلط لهم مادقوا بابي وطنشتهم ولا هزاتهم ولادريت انهم راحوا من اساسه انا نفسي اعرف ناس تطلع من بيوتها ما تأخذ مفاتيحها ليه ناصر حذفها قدامه وقال : مالك دخل جلس ناصر عالسفره بيأكل اما اشواق جلست في الغرفه تبكي @@@@@ ريم جلست بالصاله وفتحت المجله تتفرج بصورها وسعود يتفرج بالالبوم مر بصور سحب صوره من الالبوم ودخلها بصدر بلوزته وقال سعود لريم : احلى يا الفن ريم طلت بالالبوم : ايش لفه لها شهقت ريم : ريوف حرام البنت تغطت عنك بلا سلاعه هات سعود : توها توها تغطت مامداني انسى شكلها بعد ريم : ولو هات روعه : اشفيكم ريم : شوفيه يناظر صوره ريوف روعه بخبث : بنعدها شوفه شرعيه ريم : ليتك اكبر من ريوف عشان نزوجك اياها سعود : عآدي حتى لو كنت اصغر منها ريم : بس هي يمكن ما ترضى روعه مغيره للموضوع : هات بشوف الصور كيف صوري اجنن سعود : ووع ريم : بالعكس حلوه سعود : القرده بعين امها غزال روعه : انت القرد ياقرد سعود :هههه قرده حامل روعه : القرده ماتحمل ريم : وش تسوي روعه : تبيض كلهم :هههههههههههه سعود : هذه مو قرده هذه دجاجه تقلد القرده قام سعود عنهم وصعد داره قفل عليه الباب و فتح الصوره وناظرها بتنهيده : الله يكتبك من نصيبي @@@@@ اشواق ليتني ماتزوجت ليتني انثبرت ببيت اهلي ولا هالخوف والهم والمذله اووف وين اشواق اللي كان ما احد يزعلها قبل العشاء والغداء عشان تأكل وين اشواق اللي طلباتها اوامر وين اشواق اللي زعلت زعلت مستحيل ترضى الا بشي كبير $$ يازمن اصفى معي مره او عدت مراتي القهراصعب مرض وما هو عامل وراثي والألم نفسي ويحتاج طبيب وعلاجي مره يازمن اصفى وانا لك مديون دبت حياتي "جافيني النوم" $$ جلس ناصر ينتظرها عشر دقايق ماجات رجع لها في الغرفه والا هي على جلستها تبكي وجاء جلس عندها ناصر : قومي تغدي اشواق : ما عاد ابي ناصر : مو لازم ابي اشوفك جالسه عالسفره هالكلمه من ناصر هي اللي قصمت ظهر البعير كما يقال بكت اشواق من جديد ناصر : نفسي اعرف مع اي مشاده او مع اي زعله او اختلاف وجهات نظر بكيت اشواق : مااحب احد يزعلني ناصر بهدوء : احد قبلي قال لك انك دلوعه اشواق بدلع رغم بحه البكاء : واحتاج من يدلعني ناصر : فديت الدلع واهله ابشري غالي والطلب رخيص @@@@@ سعود ناظرت بالصوره وانا خوفي ان بيجي يوم تكون لغيري يناظرها على الطبيعه يارب تكتبها من نصيبي وتجعل فيها الخيره لي ياحلوها بدون مكياج وتجنن بمكياج لابسه فستان احمر مخصر طالعه روعه والروج ناري (احمر ) ياالله ان شاء الله تمشي خططي على اكمل وجه ولازم انجح في ثالث ثانوي ان مانجحت اعرف ان ريوف طارت وماعادت اول قائمه احلامي انا كل موادي تمام بس لو هالانقلش افتك منه تمام ولازم نسبه عاليه والا كل احلامي راح تنهار من القمه جاتني ضيقه كل ما اذكر هالأمور كلها بطلع من البيت بشم هوا بروح العب كره مع العيال بالحاره نزلت اسفل ريم : خير خير وش جايبك هنا سعود بضيق : جاي اتأمل في وجهك ريم : اش فيها الأخلاق مش ولابد سعود : سلامتك ريم : اطلع غرفتك ريوف جايتنا عيب شفت صورتها عاد عالطبيعه مانسمح لك ذكرتني جرحي سعود : انا طالع $$ الغلا اللي سكن خافقي بأول عمر اختلط حبها مع دمي في الوريد ينقص الدم في عروقي ويروح هدر ويبقى غلاها عايش طول العمر جافيني النوم $$ هذه الاشعار انا كاتبتها بس اللي تحتها اسمي وش رايكم فيني شاعره تراني اخبص ولا اعرف للبحور @@@@@ ريوف كنت واقفه عند باب الشارع بسحب سلك يفتح الباب الا الباب انفتح من نفسه وطلع سعود من وراه وناظرني وقال : اوووف ومشى من جنبي خارج برا اوف بشكلك يا السخيف انا اللي انط لك والا انت اللي فاقع مرارتي وغاثني ريوف : السلام عليكم ياناس ريم وروعه : وعليكم السلام ريم بملامح حزينه : تعالي شوفي صورك خربت ماهي حلوه ريوف : امانه افتحي عليها بفصخ عبايتي واجي لكم رجعت : اشوف وشفت صورتي كانت حلوه مافيها ابد ريوف : مافيها ش.... وقطعت كلامي لما شفت روعه فاطسه ضحك وريم ابستامتها واسعه عرفت انه مقلب صحت : سخييفآآآآت وانشغلت عنهم اناظر في صوري ريوف بإستغراب : بنات صوري خمسه بس مالقيت الا اربعه @@@@@ انتظروني....... | ||||
|
| |
|
19-09-13, 07:15 PM
| #18 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت السابع عشر الأحداث من هذا البارت تبدأ والشخصيات تتنافس في الظهور اتمنى اشوف تشجيع أكثر واتمنى اشوف اراء وردود أكثر من هنا ابد في الضغط على نفسي للوصول لعقده الأحداث الا استحق منكم شي تشجيع تقييم دعاء وهذا احسن شي راح اتلاقاه منكم واحلى هديه بشوفها انا ملتزمه حتى في غيابي ما انساكم ابد الا استحق شي منكم $$$ ريوف بإستغراب : بنات صوري خمسه بس مالقيت الا اربعه ريم : سألتك بالله ريوف : والله روعه (سعود يا لئيم دواك عندي ) : عآدي حتى انا طلبت ست صور جاتني اربع ريوف : ياالله بالطقاق اهم شي لي صوره لوحدي قامت روعه وأخذت جوالها ودخلت غرفتها القديمه روعه : الو السلام عليكم .........وعليكم السلام روعه : وين صوره ريوف سعود بتعلثم : هاه وش روعه بخبث : هاه وش الحين وين صوره البنت سعود باستسلام: في غرفتي روعه : ليه اخذتها سعود : انتي اكثر وحده تعرفين ليش انا أخذتها روعه : سعود انا خايفه عليك تتعلق بوهم سعود يقاطعها : تكفين تكفين لا تحطميني انا عندي امل بالله وامل كبير بعد روعه : الله ييسر لك امرك ويجعلها من نصيبك سعود : ايوه كذا انا ابيك روعه : مع السلامه سعود : مع السلامه @@@@@ كلها ايام وتنتهي الدراسه ويبدأ التحول في حياه ابطالي ريما نجحت من صف سادس لأول متوسط تركي نجح من صف ثالث متوسط لاول ثانوي سعود نجح من ثالث ثانوي بنسبه 96% شوق تخرجت بشهاده البكالوريس بمعدل 3.15 اشواق تخرجت بمعدل 3.6 ريوف تخرجت بمعدل 2.80 ريم تخرجت بمعدل2.99 هاهي اول بوابه او اول عتبه يطأها ابطالي لا نعلم مابعدها لكن نأمل ان يكون الأفضل @@@@@ حفل بمناسبه تخرج سعود بها النسبه العاليه وكان معزومين فيه كل خواله وعماته وازواج عماته وزوج اخته طبعآ المعروف في اي حفله سواء كانت تخرج او سابع مولود او وظيفه او اي شي المعزومين لازم يعطون اللي له الحفله هدايا وبنشوف هدايا الليله لسعود في مجلس الرجال خال سعود الكبير $عايد$ : مبروك ياسعود ما شاء الله تبارك الله والله انك رجال جبتها واذا تبي الطب دخلتك سعود : لا يا خال انا ابي ادرس اداره اعمال واشتغل بالشركه اللي ابوي يشتغل فيها دوام مسائي وبعدها اكون لي شركه خاصه بي خاله عايد : بيض الله وجهك ياسعود الله يرزقك وييسر امرك عم سعود : حلو انك تشتغل عند ابو رامي يعرف ابوك وبيراعيك اكيد خال سعود $فهاد$ : خل يتعلم الشده للرجال بعد العشاء خال سعود فهاد : هديتك مني فكسار ابيض الموديل الجديد خال سعود راجي : وهديتك قطعه ارض بحي سكابه خال سعود عايد : وانا هديتي مهر عروستك علي زوج روعه اخته : وانا مني عشر الاف واعذرني عالقصور انت عارف البير وغطاها سعود : خيرك سابق وكثر الله خيركم وجعلني اردها لكم في الافراح عم سعود ابو ريوف : وانا هديتك ........ قاطعه سعود : انا هديتي منك ابي اطلبها ابو ريوف : ابشر ورقبتي لك سداده سعود : ابي ..... @@@@@ بيت سامي سميه : هاه وش شعورك وانت بكره عريس تركي : حاس اني متوتر بس ياالله عآدي سامي : طيب قريت الكتب تركي : ايوه سامي : فهمتها كلها تركي : ايوه سامي : أكيد والا تركي : يعني يعني سامي : كيف يعني اي شي صعب قولي افهمك ماراح اقصر تركي : طيب سامي : تو ما تجي انت واياها من القصر تتوضى انت واياها وتصلون ركعتين انت الامام وهي وراك وبعد ماتخلص تحط يدك على راسها وتقول (اللهم اسألك خيرها وخير ما جبلت عليه واعوذ بك من شرها وشر ماجبلت عليه ) واذا قبل ماتجيها قول ( اللهم جنبنا الشيطان وجنب الشيطان ما رزقتنا ) تركي : طيب سميه : واذا دخلتوا الغرفه خلها تأخذ راحتها انزل اخذ العشاء من تحت وانتظر عشر دقايق واصعد لها تركي : طيب سامي : اشفيك من اليوم على طيب تركي : طيب وش اقول سامي : اسأل استفسر اي شي مو كذا سكوت تركي : ماعندي اسئله مع ان تركي في الاساس خايف وطار من راسه كل سؤال وكل استفسار ومتخوف من هالخطوه مع ان المفروض برز ولايهمه بس ذلك الخوف متملكه يفكر وش اقول لها كيف انام جنبها كيف وكيف اسئله كثيره تدور بنفسه بس مو لاقي جرئه يسأل @@@@@ ريما مسويه حفله في غرفه بندر بما انه يحبها ويموت عليها وطبعآ حفله مناحه وبكاء وكان عنده عمتها خلود وبدور واميره وعندها عمها فهد وبندر ريما تبكي : الله يخليكم مابي مابي مابي اتزيج مابي اروح عندهم الله يخليك عمي مابيه مابيه خلاص مابي اتزوج بجلس هنا جلس بندر جنبها : افآ وبعدين من وين لك عريس ريما زاد بكاها : مابي مابي عريس فهد : طيب ومن وين لتركي عروس ريما : يسرق من الشارع الا انا مالي دخل فيه بندر : رموشه انتي مالك خيار انتي لتركي وتركي لك مستحيل يتغير شي ريما : انا خايفه مابي اروح له لحالي فهد : من قال انك لحالك انا بنفسي بروح معك وبعدين هناك مدى وعمتك وعمك سامي خلاص حبي ريما براسها ايه @@@@ نرجع لبيت ابو سعود سعود في المجلس اعصابه مشدوده وهو متوتر وانفاسه مخنوقه وملحوظ عليه كل شي وكل شوي روعه تتصل عليه لأنها الوحيده اللي خططت مع سعود وشجعته واتصلت عليه ثلاث مرات والمره الاخيره رد عليها وقال : لا عاد تتصلين وترتيني فوق توتري اعصابي تلفت وانت السبه اذا استجد جديد بشرتك اوكي وسكر ابو ريوف : ابشر ورقبتي لك سداده سعود : ابي بنتك حليله ابو ريوف انكتمت انفاسه بسبب الاحراج : جاتك سعود : انا شاري البنت ومهرها بيجيها بس ابي موافقتك وموافقتها هديه لي ابو ريوف : انت رجال وماعليك كلام وولد عمها واولى فيها زوج روعه : من قدك ياعريس عقبال نفرح بدخلتك خال سعود فهاد : متى الزواج سعود : أخر الاجازه او بعد العيد بس أكثر الظن اخر الاجازه وهنا سعود حكر عمه قدام الرجال انه خلاص صار زوج بنته وحدد الزواج بعد يعني خلاص ماعاد فيها كلام قام سعود وارسل لروعه برساله كل شي تم بس ريوف لا تقولوا لها خلوا اهلها يقولوا لها @@@@@ اشواق لي شهر وأكثر ماشفت اهلي الا في العزايم والمناسبات رحت لناصر لقيته جالس عاللاب توب اشواق : نصوري تكفى قول تم ناصر : مشوار اوديك لا اشواق : ناصر هيا عاد بلا بجاحه ناصر : انا تقولي لي بجيح وعشان كلمتك ذي مابوديك اشواق : يافديت الزعول ياناس ناصر : لا تحاولين اشواق : افآ ليه ناصر : خلي بكره اشواق : بكره زواج وحده من صاحباتي بروح لها ناصر : لا اختاري واحد منها اشواق : لا تكفى ناصر لازم هالمناقر على كل روحه والله مو معقوله ناصر : اكره شي بحياتي اودي واجيب اشواق : طيب واهلك ناصر : هذيلا اهلي قلتيها يعني امي والجنه تحت اقدامها اشواق : وانا مو زوجتك وبذمتك ناصر : أكيد بس انتي تمشين بشوري اما هم لا شورهم بيد ابوي اشواق : خلاص انا اخلي ابوي يجيبني ويوديني ناصر : لا تفشليني مع عمي اختاري روحه وحده وأنا اوديك لها انتي زوجتي اشواق بحمق : ياهالزواج اللي جاب لي المغثه ناصر انقهر من ردها ورص على خدودها باصابعه وقال : انا خطبت وانتي وافقتي لا تحط نفسك مغصوبه اشواق تقوست شفايفها بالبكاء وامتلت عيونها بالدموع ناصر : عندك شي غير الدموع ناصر اكره شي بحياتي الدموع انا مجرد سماعي ان اختي بكت بسبب شي او امي او اشواق انحاس ونفسي اسكتها وارضيها انا اشد على أشواق بس اذا شفت دموعها انسى كل شي سحبتها لي وضميتها على صدري ناصر : اهلك بوديك لهم ولايهمك بس الزواج اعتذري انا ما استغني عنك ليله كامله وشدت ضمتها لي عرفت ان هذا رضاها @@@@@ راحت مها لبيت عمها عشان زواج فيصل وتركي وكانوا متجمعين خلود زوجه عبدالعزيز وسميه تجي وتروح ما تجلس واميره جات بعد وكان البيت عآمر بوجودهم وحظروا ليله الحنا المعروفه عند السعودين وعشاء الرجال اللي يجيبوا الرجال فيه واجبهم لاهل الولد وطبعآ جاء سامي وتركي وابو عبدالعزيز اجبر عبدالعزيز يحظر فكان الواجب يعطي لفصيل ولسامي واحيانا يجمع الشخص واجبه للأثنين في كرت واحد الواجب (اما فلوس تبدأ من 400 وتصل ل3000 او ذبايح " غنم او شاه او جمل " وكلن وغلاته ) @@@@@ $$يـــــــــوم العرســـــــــان$$ فيصـــــــــل&شـــــــــو� � تركـــــــــي&ريـــــــــ� �ا في هذا اليوم بيظهر شخصيتين جديده على جدار روايتي ياترى ماهي قصتهما وكيف يظهرون؟ الكوافيره جات في بيت ابو عبدالعزيز للجميع لأميره وسميه وخلود وبدور ومدى ومها وخلود زوجه عبدالعزيز وام عبدالعزيز وكوافيره خاصه للعروس $ريــــــــما$ عالساعه 8 خلصوا اهل فيصل وراحوا للقصر ما عدا خلود جلست تنتظر ريما تخلص ويروحوا سوا للقصر عالساعه 9 خلصت ريما وراحت هي وخلود للقصر واتجمعو الناس كلهم بالقصر $$$ $$ $ هـــــــــلا بضيـــــــــوفنا واهـــــــــلين هـــــــــلا ياربـــــــــعنا الغـــــــــالين بصـــــــــراحه ياحبـــــــــيابنا بعد هـــــــــالغيبه مشتـــــــــاقين بعد هالـــــــــغيبه مشتـــــــــاقين $$$ $$$ نورتـــــــــونا يا اغـــــــــلى نورتـــــــــونا يا احـــــــــلى جماعه بالفـــــــــخر شاخت ولا زال الفـــــــــخر يعلى $ $$ $$$ نجي للفساتين اميره فستانها لونه بنفسجي والشوار فسكي اللي على جنب الصدر اصفر لامع ومحدد الخصر على الفخذ سميه فستانها تفاحي فيها شرايط بيج ومكياجها زيتي وتفاحي زيتي طقم الاكسسوار والشنطه والجزمه الله يكرمكم خلود فستانها ابيض وذهبي بدور وردي بناتي قصير الــــــــعروس ريــــــــما كانت قمه في الروعه مكياجها كان ناعم لابعد حد والفخامه كلها في الفستان اللي كان خاصر نازل والتسريحه طلعت جنان اهل شــــــــوق لمياء لابسه فستان حمل سماوي هند لابسه فستان ذهبي تهاني لابسه فستان حرير تركواز والشوار فسكي عالخصر شاد الفستان عالخصر ومزموم بالشوارفسكي العــــــــروس شــــــــوق فستانها ابيض والكرستالات احمر والمسكه ورد احمر والميك آب احمر طلعت طلقه يعني واوو بالعربي في مجلس الرجال تركي متوتر وواصل التوتر حده الغتره مضايقته والعقال مو متعود ويكملوها عليه بالبشت كل ماحاول يفسخه ويرمي الناس وارائهم وراء ظهره يتذكر امه وهي تبخره و تقول : البشت كامل لاتفسخه عليك يجنن هو اللي يبينك عريس يرجع يضمه من جديد لجسمه ويسحب حوافه يقرب يشقه ساسره بندر : اعصابك عالبشت اللي يشوفك يقول مغصوب تركي : خالي ما ابيه نفسي افسخه طفشان بندر : تصبر تصبر كل ساعتين وترمي ثيابك كلها تركي : لا تخليني اتهور واسري بعروستي هالحين بيتنا بندر انقهر من تركي وناظر به بقسوه : اقضب ارضك لا ادفنك فيها تركي : حلالي بندر : والز... فيك من محفظك هالكلمين اذا انت معالم الرجوله ماظهرت عليك والله لا فتله عظم ولا لحيه وشارب وحفظوك كلمين وسمعتها لي فهد : وش فيك بندر وش هالتقطيبه بندر : من ولد اختك ذا راح عنهم تركي وهم يتكلمون عنه @@@ فيصل كان سعيد بليلته وشلون مايكون سعيد واهله شايلينه شيل من فرحتهم وكلن واقف معه وعروسته تنتظره بفستان ابيض يليق ببياض انوثتها كان التبريكات أكثر له من تركي واصحابه واقفين معاه وما خلوا رقصه الا ورقصوها معاه قلبه مرفرف يحمل في طياته رحله ودورب من السعاده @@@@@ في صاله الحريم دخلت ريم وريوف للقاعه كان في استقبالهم تهاني وهند حيوا بهم وأخذتهم تهاني لغرفه شوق ريم بصراخ : الف مبروك حياتي شوق : يمه يمه قلبي انا مفجوعه وطايره ومتخرعه وانتي تصرخين فيني حرآآآآم ريم : السلام عليكم يآعرووووس شوق : وعليكم السلام وين ريفه لا تقولي ما جات ريم : الا جات بس تسولف مع تهاني شوق : الحمدلله انها جات و اشواق ماجات ريم : من زوجها الله يعينها صراحه ريوف : السلام ياناسو تجنين شوق : اش رايكم في فستاني والتسريحه والمكياج ريوف : ماشاء الله كلها توب ريم : متى تنزفين شوق : عالساعه وحده مابي اتأخر وراي عروس ثانيه تنزف ريوف : اوكي تمام ريم : تصورتوا شوق : اي بس باقي خواتي يتصورون بالغرفه الثانيه @@@@@@ ريما اعصابها متوتره ريما : ماما انا خايفه مابي اطلع خلود : ليش خايفه بتروحين مع عمتك عآدي سميه : احنا بنروح البيت سوا كلنا بنروح بيتنا ليش الخوف ريما : مابي انزف سميه : الا هذه انتي تجنين شكلك روعه وفرحتنا فيك بنتنا وبنزفها طيب ريما هزت راسها بعدم رضى بس استسلام لواقع @@@@@ تهاني طلعت من الغرفه اللي تصورنا فيها وكان الممر غريب علي مو اللي كل شوي امر عليه اذا جيت لغرفه شوق او طلعت منها مشيت احاول اوصل لصاله الفرح طولت ماوصلت لها وقفت اناظر من وين اروح والا ارجع الا اشوف قدامي اقدام من فرحتي رفعت راسي مبتسمه الا اشوف رجال يناظر فيني بتدقيق واستغراب شهقت بفجعه وحاولت ارجع الا سحب يدي خلاص انا انتشر بجسمي حراره ونفاضه من دون شعور رحت معاه وهو سابحني بيدي دخلني في حافه على جدار الممر بحيث اللي يجي من ناحيه صاله الرجال مايشوفنا بس اللي يجي من ناحيه صاله الحريم يشوفنا علطول ................وش اللي جابك لصاله الرجال تهاني : والله والله مو قصدي طلعت من غرفه اختي العروس بروح صاله الحريم بس ضيعت وبكت ................اعصابك والله والله ما اسوي لك شي انتبهي المكياج تهاني : تكفى وخر ابي اروح ................ناظرها من فوق لتحت اعجبته وجمالها روعه روعه والتركواز مبرز مفاتنها : اش اسمك تهاني : مالك دخل ابي اروح تكفى ................خلاص روحي ناظرها وهي تجري رايحه بلحظه التفت له تهاني : من وين اروح ................خذي الطريق سيده بترجعين لنفس الغرفه اللي كنتي فيها واطلعي مع الباب الثاني مو ذا لأن هذا ممر صاله الرجال تهاني بحيا : مشكور وراحت جري ................ جلس يفكر في كلمتها طلعت من غرفه اختي العروس طلعت من غرفه اختي العروس طلعت من غرفه اختي العروس طلعت من غرفه اختي العروس طلعت من غرفه اختي العروس طلعت من غرفه اختي العروس يعني اختها العروس عروس تركي ريما واختها صغيره واعرفها مترت الشوارع بلعبها عروس فيصل هذه اختها طلعت من غرفه اختي العروس نسأل ونستفسر وش ورانا جعلني فدوه نظره عيونك ارووووووووح ملح @@@@@ انزفوا العرائس لازواجهم $$$ $$ $ كـــــــــل القصـــــــــائد والغـــــــــنى كـــــــــل المدايـــــــــح والمنـــــــــى لأهلـــــــــي وكـــــــــل من هو حظر واللي تعـــــــــنى لاجلنـــــــــا واللي تعـــــــــنى لاجلنـــــــــا $$ $$ شيـــــــــلوها شيـــــــــله ياحـــــــــظور بالصفقـــــــــه واصناف الســـــــــرور شـــــــــيلوها شيـــــــــله ياحـــــــــظور بالصفقـــــــــه واصناف الســـــــــرور شـــــــــيلوها من قلب صـــــــــدوق خلـــــــــوا الفـــــــــرح فينا يـــــــــدور $$$ $$ $ شـــــــــوق و فيـــــــــصل شوق ودعوها اهلها ولبسوها عبايتها وأخذ فيصل مسكتها وحطها بالسياره ورجع واخذ شوق بيدها وفتح لها الباب وسكره وحرك سيارته ووراه فايز بسيارته ومعاه فهد وبسياره ثانيه ثلاثه من اصحاب فيصل طبعآ خوفآ على فيصل وعروسته وخاصه مشواره للفندق بعيد عن صاله الفرح في السياره فيصل : تأخرتي في الزفه شوق : بالعكس نطول اكثر من كذا بس عشان وراي عروس ثانيه بس جلست ثلث ساعه فيصل : انا حددت مع الفندق يحظروا العشاء ثنتين بس شكلنا بنتأخر اكثر من كذا شوق : عآدي شوق متوتره بس تحاول تداري توترها بالسواليف ريـــــــــما و تركـــــــــي تو ما شافت خلود بنتها بتنزف دخلت دوره المياه اكرمكم الله راحت وراها خلود اخت عبدالعزيز بسمي خلود زوجه عبدالعزيز بأم ريما خلود اخت عبدالعزيز : اشفيك ام ريما تجهش بالبكاء ومنقطعه انفاسها : خلود اخت عبدالعزيز : صلي عالنبي ياام ريما وهدي انتي اشفيك بنتك حذفه حصاه عنك ماهي بعيده استهدي بالله واتوكلي عليه جات لهم اميره اميره : بسم الله عليك بنتك زافينها المفروض ما تخلينها تشوف دمعتك عاد هي مفجوعه خلقه لو تشوفينها تناظر تدورك بين الحظور تدور فيك الامان اكيد بتسأل عنك واذا مالقتك بتنفجع ويطير عقلها اذا التصوير يادوب صورناهم خمس صور سوت النون ومايعلمون ام ريما تشهق بالبكاء : مااقدر اشوفها اميره: خذي مسحي دموعك وهيا قامت ام ريما للمرايا ومسحت دموعها ورتبت نفسها وطلعت تداري دموعها عن الناس وعن بنتها @@@@@@ أخذوا ريما بعد الزفه ولبسوها عبايتها ريما : مابي اطلع وحدي عمتها اميره : عمك بندر يسوق فيكم وعمتك سميه وعمك سامي ريما : تركي مع مين اميره : معاك في السياره ريما : لامابي اميره : ريما شوفي عروسه عمك راحت بيته ماسوت سواتك تركي كنت واقف انتظر تطلع مع البوابه اشوف خالاتي يلبسوها عبايتها وجاتني ماما لابسه عبايتها وقالت : أخذ المسكه وحطها قدام بسياره عمك رحت لريما انا اسحب في المسكه وهي متمسكه فيها تركي : ريما امي قالت لي حطها بالسياره ضحكوا خالاتي خالتي خلود : خربت ام الكشخه ياشيخ "امي قالت" مره قويه ذي ابتسمت بإحراج شاقول وانا متوتر ريما ارخت يدها عن المسكه واخذتها وحطيتها بالسياره امي : اخذها بيدها وركبها السياره وسكر بعدها الباب واركب معاها وراء واذا وصلتوا انزل افتح لها الباب واخذه بيدها لبيتنا ناظرت بأمي رايحه وتركتني ضايع بالطوشه دخلت وأخذت ريما بيدها ودعونا خالاتي واحنا نازلين مع الدرج تعثرت ريما بفستانها لو ما لقطت وسطها كان مداها متمدده عالأرض سمعت صياح خالاتي وراي انفجعت بغيت افتح يدي واطيحها بس قدها ساندت نفسها وقامت نزل خالي من السياره خالي بندر : انت خبل بسرعه تسحب فيها وراك كأنها عنز بتطيح غصب منك تركي : والله مامشيت بسرعه سحب يدها مني وركبها قدام معاه سمعته يقول لها : اتعورتي تنهدت وقلت بنفسي ( انا لو افتك من تدخل خوالي كان بخير) ركبت معاهم وراء @@@@@ انتظروني....... | ||||
|
| |
|
19-09-13, 07:18 PM
| #19 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| @@@@@ بلغكم الله فضل العشر ونور صدروكم كلما افلت الشمس والقمر وازاح الله همومكم كلما حج فوج واعتمر وجعل الله ذريتكم كأبي بكر وعمر وغفر الله لوالديكم على مد البصر وكثر الله احبابكم ومحبيكم فيه بعدد ملايين البشر اللهم بلغ قارئين هذه الصفحات العشر الاوائل من ذي الحجه وهم اجد عملآ واكبر املآ والم شملآ واسعد حالا واوفر حلالآ واريح بالآ والى الفردوس اقرب منالآ كل اضحى وانتم بخير ابي ردود وتوقعات تشفي غليلي ابي دعوات بتفريج همي @@@@@@ البارت الثامن عشر @@@@@@@@@@ في السياره عند سميه سامي : شوفي اخوك وين مركب تركي سميه : الله يهديه صراحه سامي : وانا اشوفه ملزم علي بيوديهم بس عشان يفصلهم عن بعض اتحداك اذا دخلوا بيتي تفصلهم عن بعض سميه : ماراح يرتاح تركي لين يبعد عنهم ويمكن مايسلم والله انهم طيبين ويحبونه بس سواته سودت قلوبهم عليه @@@@@@ وقف بندر عند الباب نزل تركي ونزل بندر بندر : معك مفتاح باب الشارع تركي : ايوه بندر :روح افتح الباب سمعت صوت بندر يفتح باب السياره و يساسرها بس ما اميز وش يقول دخلت بيتنا ودخل عمي وريما وراي بندر : الف مبروك انتبه لها ودير بالك عليها وقرب منه وقال : ان لمستها لا تلوم لا نفسك وطلع انا واقف وريما واقفه وكلمته ترن بإذني ان لمستها لا تلوم لا نفسك ان لمستها لا تلوم لا نفسك ان لمستها لا تلوم لا نفسك ان لمستها لا تلوم لا نفسك اش قصده انا مستحيل اضربها والا امد يدي عليها مدى وهي اختي مامديت يدي عليها بمد يدي على ريما زوجتي انتبهت على دخله امي وابوي سامي : اش فيكم يا العرسان واقفين مبروك الف مبروك ياعيالي تركي : الله يبارك فيك سميه : هيا لغرفتكم ياعرسان ريما اخذي راحتك فصخي غطاك دخلوا الغرفه اخذت سميه ريما بيدها وجلستها عالقنفه في الغرفه سميه : هاتي عبايتك وانت فصخ بشتك والغتره شوفوا هذه ملابسك ياريما وهذه ملابسك انت زي ماقلت لك صل وادعي ياالله تصبحون على خير ياعرسان @@@@@ فيصل دخلنا الجناح فيصل : مهجزين العشاء لنا بعد شوق : واو روعه فيصل : له عشر دقايق روحي غيري وانتعشى قبل لا يبرد شوق : طيب راحت شوق وبدلت ملابسها ببجامه سكريه فخمه علاقي لما رجعت كان فيصل منزل غترته عالكنب وجالس يعبي صحنه من البوفيه اخذت شوق صحن وملعقه ومرت عالانواع تحط منها في صحنها ناظرها فيصل بتأمل وجاء عندها وضمها من جنبها له وهمس بهدوء وبطء : وش هالزين والحلا ارخت شوق راسها وبتشغل نفسها عنه اخذت كبه بتحطها في صحنها وطاحت من يدها عالارض فيصل : اعصابك اعصابك مو مسوي لك شي وراح عنها لمكان العصاير فيصل : اجيب لك عصير شوق بتوتر : لا وجلسوا عالطاوله يتعشون بعد العشاء فيصل : تعالي نحلي شوق : اوكي وقفوا عند القاتوه مكتوب الف مبروك قطع فيصل صغيره بالشوكه وقربها من فم شوق واكلتها وبقى من الكريمه بشفايفها لما شفت فيصل يقرب منها لحستها بلسانها بسرعه قبله وتحاكي نفسها ( يوه الحين وش يقول ملحوسه ماصدقت تشوف القاتوه ) فيصل : ههههههههه انا مؤدب ماكنت بسوي شي ياخوافه مابتأكليني شوق : الا فيصل : طيب اكليني والا اكلتك بدالها شوق : اوكي اخذت شوق بالشوكه قطعه ومدت يدها لفيصل وكانت الرجفه بيدها واضحه واضحه بقوه بس فيصل سكت ماعلق مايبي يوترها اكثر دخلوا غرفه النوم وصلوا فيصل : انا بأخذ شور واخذ منشفته ودخل راحت شوق واندست بالفراش بتحاول تنام بس النوم بعيد عنها ابعد من السماء بعد ما خلص فيصل خرج لابس بنطلون البجامه بس وشافها منسدحه اتوقع انها مانامت طفى النور وانسدح بجنبها في السرير وباس خدها وهمس لها : تصبحين على خير واتأكد انها ما نامت من صوت تنفسها السريع واللي ازدادت سرعته بقرب فيصل @@@@ تركي فصخت الغتره والبشت حاولت اشغل نفسي واطبقها بس ما اعرف لفلفتها بيدي ورميتها في الدولاب وجلست افسخ الشراب وحذفته بدوره المياه بسله الغسيل وريما على جلستها مثل ماهي جلست قدامها عالسرير وريما منزله راسها وتفرك بإيديها وترفع يدها وتمسح شعرها وتدخله وراء اذنها واحيانا تهز رجلها بتوتر ما ادري ليه حبيت اناظرها بتأمل وما اشيل عيوني عنها طولت لثلاث ثواني استسلمت وقالت : ابي اغير فستاني ورفعت عيونها وارخت نظرها بسرعه تركي : طيب ادخلي هنا واشرت للغرفه الثانيه قامت تسحب فستانها قدامي صراحه نتفه احس فستان الزواج معطيها اكبر من عمرها اخذت ملابسها وطلعت للغرفه الثانيه جلست انتظرها طولت قلت بروح اتوضى مداها خلصت توضت وجلست وهي باقي ما جت قمت ورحت لها كانت جالسه بفستانها ماسكه ملابسها وتبكي انفجعت ياويلي لو تبكي عند خوالي ذبحوني رحت وجلست جنبها تركي : ريما اشفيك ............. ............ ........... ساكته ماترد تركي : اشفيك تعبانه اشرت بلا تركي : طيب اشفيك ........... ........... تركي : تبين ماما اشرت بإي ورحت جناح امي وابوي ودقيت الباب انتظرت ودقيت بعد دقيقتين سميه : طيب دقايق تركي : انا بروح جناحي بس الحقيني ريما تبيك دخلت الغرفه الثانيه وانسدحت بعد عشر دقايق جات امي سميه : اشفيكم جلست وقلت : ريما في الغرفه الثانيه تبيك راحت سميه لريما وشافتها تبكي : اش فيك ريما : افتحي لي فستاني ومابي هذه الملابس سميه : اوكي افتح لك فستانك بس ليه ماتبين تلبسين هالملابس ريما : لا صعبه مابي البس عند تركي كذا وكان قطعه حرير ماسكه من الصدر لنص الفخذ بس لونها اخضر غامق لامع يبرز بياضها سميه : هذا زوجك عآدي حلال ريما : مابي سميه : ياسلام يوم كان حرام فصختوا مابقيتوا للزواج شي ولما صار حلال كل واحد يصد بكت ريما : ماكنت اعرف انه حرام احسبها لعبه لما شافت سميه دموع ريما ندمت سميه : عادي ماراح يصير لك شي انا بفتح فستانك وانتي البسيها ونامي عند زوجك طيب ريما : طيب فتحت سميه فستان ريما وراحت وسكرت باب الجناح قامت ريما لبست القطعه وراحت للغرفه اللي فيها تركي وفسخت اكسسوارتها وحطتها على الطاوله كان تركي يناظرها متفاجئ وش هاللبس اللي طالعه فيه روعه وصايره قشطه بيضاء بياض صارخ وراحت للحمام وتركي مفهي فيها حتى انه نسي يقول لها اتوضي بنصلي بعد ثواني استوعب ودق باب الحمام تركي : ريما ريما : نعم تركي : اتوضي بنصلي ريما : طيب بعد دقايق طلعت ريما متوضيه وصلوا بعد ماخلصوا دخلت ريما في الفراش وراح وطفا النور ريما : لا ما احب الغرفه ظلام تركي : ولعي الاباجوره وفتحت ريما الاباجوره وأخذ تركي ملابسه ولبس عند ريما ريما تو ماشافته لحفت وجهها وهي تسبه مايستحي وحست فيه دخل معها في الفراش وسحبها له وضمها ريما : ما احب وخر شوي عشان انام تركي : طيب @@@@@ اليوم الثاني ناصر واشواق اشواق : والله احس اني مقهوره ماحظرت الزواج وصاحباتي حظروا ناصر : ما مداك تشتاقي لهم توك الدراسه منتهيه لها اسبوع اشواق : يوه احس كبدي بتنفطر عليهم ناصر : يمكن متوحمه عليهم اشواق : تخيل ناصر : ليش لا مافي شي صعب على الله اشواق : تونا متزوجين لنا شهر ونص ناصر : عادي خلي الحمل بعدين مو متشوق له اشواق : المفروض تتشوق انت مو صغير ناصر : طيب وان ماجاء اشق ثيابي يعني اشواق : لا طبعا ناصر : وانا ما ابيك تحملين الا بعد ما ننقل اشواق : بننقل من هذا البيت ناصر : ايه اشواق : وين بنروح و ليه ناصر : ماراح نروح بعيد وليه انا بأجر هذه الشقه اشواق : وش الفايده اتأجر وتستاجر الفلوس اللي تجيك من المستأجر بتدفعها للي مأجرك الشقه ناصر : من قال اني بستأجر اشواق : اجل ناصر : بنسكن في غرفتي ببيت اهلي تحت اشواق بدهشه : من جدك ناصر : والله اشواق بعصبيه : لا والله انت مو صاحي والعقل كل ماله يتلاشى ناصر عصب منها وسحبها بيدها وهو جالس عالكنب واشواق جالسه عالأرض : شكل الاحترام انسحب منك أحترمي حالك لاتشوفين شي مايسرك اشواق : ما ادري عنك انتي كلامك ناصر بعصبيه : انا حر اعيش وين ما ابي بتعيشين معي اهلا وسهلا مابتعيشين الله يستر عليك قامت اشواق من مكانها وهي تكتم بكيتها دخلت غرفه النوم وتمددت عالسرير وهي تبكي وتشهق مو معقول هالانسان من جد متقلب زفت بيعيشني بغرفه ببيت اهله مستحيل ياربي وش اسوي أكيد بيسكني ببيت اهله ويأجر هذه الشقه ويأخذ فلوسها بس مو محتاجها ليه يجمعها عنده ياويلي لا يكون بيتزوج مو غريبه من هالانسان يسويها ويسوي أكثر بس طيب دواه عندي مو معقوله ما اتخذ موقف ضده @@@@ على اذان العصر اخذت ريوف قهوتها وجلست في الحوش عند البوابه الخلفيه يعني بيت عمها ما احد يشوفها منهم الا اللي يجي في الباركنات وأخذت غدي معاها جلست دقايق بعدها قامت تلعب بالكره شوي سمعت امها الصوت وطلت عليها تقول : انتبهي لأختك لا تضربينها بالكره ريوف : اخذيها معاك طيب بعد ربع ساعه سعود اللي كان رايح للباركنات بيأخذ سياره ابوها ويروح مع خاله عشان يأخذ له سياره شاف ريوف تلعب بالكره اخذته الخطوه لها سعود : العن يا الحريفه بيطلبك المنتخب هذه السنه تلعبين معاه ريوف بفجعه : يمه بسم الله فجعتني الله يأخذ عدوك سعود بإبتسامه : اسم الله على قلبك مشت ريوف بسرعه للبيت سحبها سعود بيدها وهو يضحك : وين .. وين بسألك عمي ما قال لك شي ريوف : لا ولا شي اصلا ماقابلته خير شر وافتح يدي بروح داخل مسك خدها وباسها بقوه ريوف فتحت عيونها بفجعه ام سامي بعصبيه : ريوف تعالي التفتوا سعود وريوف بخرعه جهه الباب اللي واقفه عنده امها سعود : ياعمه قاطعته ام سامي : روح بيتكم الله يستر عليك راح سعود للباركنات وريوف دخلت البيت اول ماوطت رجلها البيت صفقتها امها كف ام سامي بعصبيه : اقسم بالله العظيم ياريوف ان ماتركتي قله الحيا والا والله اعلم ابوك وسهرات اخر الليل في بيت عمك انسي ريوف : والله هو اللي داي.... قاطعتها امها : كلمتي وقلتها وانقلعي لغرفتك اشوف @@@@ عند ريوف راحت غرفتها وهي تبكي حسبي الله عليك ياسعود كله من تحت راسك ياربي ما ادري كيف فاتني لا اقول لامي بحركاته معي من جد شافني سكت له وزادها بس وش اسوي مابيدي شي يارب فرجها عليك ياصاحب الفرج عند سعود راح وركب السياره وفكر في الموقف كذا لازم اكلم امي تكلم عمتي وتحكي لها اني خطبتها من عمي لها ثلاث ايام اكيد عمتي بتفهم غلط ومستحيل ترحم ريوف رجع للبيت جري ودخل على امه سعود : يمه ابيك تدقين على بيت عمي كلمي عمتي وعلميها اني خطبت ريوف من عمي ليله عشاء التخرج ام سعود : ليه سعود : انا لقيت ريوف تلعب كره برا عند الباب وبستها على خدها وشافتنا عمتي وهزأتني ام سعود بعصبيه : انا كم مره قلت لك اترك هذه الحركات وخل البنت في حالها لين تتزوجها سعود : ما ادري بس كلميها ام سعود : وش اقول اقول ولدي باس بنتك عشانها خطبها ياسلام سعود : اي شي بس عشان ماتضربها ام سعود : بحاول اتصلت ام سعود بأم سامي وحست بصوتها متغير وتعذرت منها وحكت ان سعود من الاساس يبي يتزوج ريوف وخطبها من ابوها ليله العشاء وريوف مالها ذنب سعود هو اللي دايم يصادفها ويحرجها @@@@ اشواق اتصلت اشواق على عمها اشواق : الو السلام عليكم ثامر : وعليكم السلام اشواق : كيف وش اخبارك مداوم ثامر : بخير الحمدلله لا مو مداوم اشواق : وعلومك بشرني عنك ثامر : بخير تمام انت كيفك وكيف ابو العيال اشواق : هههههه وين العيال ذيلا الله يطعمنا عمي ابي لك صوره حلوه وتجنن ثامر : وش تبغين بالصوره تبيني انا جيتك مالها لزمه الصوره اشواق : مو لي انا اعرفك زي ما اعرف نفسي ثامر : اجل وش تبين بصورتي اشواق : لخطيبتك ثامر باشمئزاز : امحق اشواق بحده : عمي حرام عليك وش السوداويه ذي ثامر : اوكي انا عندي صوره برسلها لك اشواق : تكون حلوه ثامر : ولايهمك عندي حلوه ارسل لها بس انتظري دقايق أشواق : اوكي مشكور يا احلى عم بالدنيا @@@@ بعد المغرب ريوف رن جوالي عالساعه خمس ونص أخذته ورديت : ياالله تحييها ريم : هههههههههههههههههههه صوتك نكته كأنك في مسلسل بدوي ريوف : انا عارفه انك تبيني اجيك بس حامض على بوزك مستحيل ريم : تتحديني اجيبك من بيتكم غصب ريوف : اتحداك ريم : اشواق ارسلت لي صوره خطيبي ريوف : كذابه ريم : والله العظيم ما اكذب بس تعالي انتي ريوف : والله انك نذله انا دايم اجيك ومسنتره عندك وانتي ماتجيني الا نادرآ مابي اجيك تعالي انتي ريم : خلاص دقايق واجيك @@@@ طبعآ خبر خطبه سعود لريوف ما انتشر بين الناس حتى صاحبه الشأن "ريوف" ماتدري جالسه ريوف بالصاله تشرب قهوه ومعاها امها ودخل ابوها عليها ابو سامي : السلام عليكم ريوف : وعليكم السلام هلا بابو سامي ابو سامي : ياهلا فيك ريوف : تبي قهوه ابو سامي : اي صبي زين لقيتك هاليومين انا مشغول ريوف : الله يعينك ابو سامي : جاك خطاب ريوف خفق قلبها بفجعه : هاه ابو سامي : ههههههه اش فيك اقول لك انخطبتي واستخيري وان ارتحتي خير وبركه ريوف بحيا : طيب مين ابو سامي : سعود ولد عمك ريوف : ههه لا شكلك تمزح ابو سامي : لا من جدي طلبك ليله العشاء وتممت له انا كنت بعطيه هديه بس هو قال هديه نجاحي انا بطلبها وتممت له وطلب موافقتك وموافقتي لزواج بس البنت ماهي هديه بس الموافقه لانه قال المهر واصل لك ريوف : مستحيل ابوي هذا اصغر مني بخمس سنين ابو سامي : التوفيق بيد الله هذا مو عيب لو عيب او حرام ما كان الرسول تزوج السيده خديجه وهي اصغر منه بخمس وعشرين سنه وانا اعطيته كلمه صعب لو ارجع فيها خواله كانوا حاضرين والمجلس كان مليان رجال وحدد زواجه يا في الاجازه او بعد العيد ريوف : يعني موافقتي أكيد برضاي او من دون ابو سامي : اتمنى انها تكون برضاك @@@@@ فيصل وشوق فيصل : جهزي نفسك بنروح لأهلي وأهلك ونسافر شوق : اوكي طيب اجهز الشنطه والا اخليها اذا رجعنا فيصل : لا خذي اغراضنا كلها بنروح لاهلي نأخذ اغراضنا من جناحنا ببيتنا عشان بنسافر ثلاث اسابيع شوق : وين بنروح فيصل : مفأجاه شوق : ما احب احد يلعب اعصابي عاد شوف لي حل فيصل : مالي دخل بروح وانتي بتشوفين شوق : تكفى عاد فيصل : لا تحاولين دخلت شوق ولبست فستان صباحيه ابيض وتفاحي قصير ولبس فيصل الثوب والشماغ وناظر شوق : وش هالحلاه صايره جنان وباسها على جبهتها وقرصها على خفيف في خدها وشوق توترت وانكتمت انفاسها وحمر وجهها من الحيا فيصل : يله طلعنا شوق : يله @@@@ بيت ابو عبدالعزيز وصل فيصل وشوق من بيت عمه لبيت اهله دخلو ا سلموا عالموجودين واستأذنوا بيجهزوا شنطتهم بيسافروا بعد ساعتين لقوا عيال سامي بيت جدهم عشان يأخذ العرسان راحتهم صعدوا لجناحهم نزلت شوق عبايتها فيصل : تعالي افرجك عالجناح شوق : اوكي بعدها دخلوا غرفه النوم واخذت شوق الشنطه ترتب اغراضهم جاء لها فيصل شوق : كم تبي لك غيار فيصل : خذي ثوبين والبدل كلها شوق : اوكي دخل فيصل دوره المياه وبعد ما خرج توجه لشوق وضمها من وراء وشالها للسرير شوق تنزل فستانها بعد ما ارتفع عن فخذها : فيصل اشفيك فيصل : ولاشي بس كافي اعفيتك البارح عن مهامك @@@@@ رجعت مدى واخوانها للبيت اول ما دخلت مدى البيت مدى : وين تركي وريما سامي : هلا هلا علطول وين تركي وريما مافي وحشتوني والا احبكم والا بوسه عالطاير مدى : هههه وباست راس امها و ابوها سامي : الحين اقولك العرسان بغرفتهم نايمين وراحت فوق بعد ثواني سميه : ما اسمعها دقت بابهم سامي : يمكن راحت دارها سميه : لا شكلها دخلت علطول سامي : روحي بسرعه شوفيها طلعت سميه جري شافت جناح تركي مفتوح ومدى واقفه عالسرير تسولف مع ريما اللي يادوب تفتح عيونها وتركي غاطس بنومه ازعاج مدى ماقومه سميه بعصبيه : بنت بلا قله حيا ماتعلمتي تدقين الباب قبل تدخلين صحي تركي على ازعاجهم والتفت لتركي : وانت جناحك تسكر بابه بالمفتاح قبل تنام وانتي بسرعه قدامي على تحت وانتو غسلوا وصلوا وانزلوا الغداء بحطه خرجت سميه ومدى قامت ريما ووراها تركي دخلت دوره وجلس ينتظرها عند الباب توضوا و صلوا ونزلوا للغداء @@@@@@ دعواتكم ياعسولات من جد دعواتكم أكثر شي احتاجه الله يعطيكم حتى يرضيكم انتظروني....... | ||||
|
| |
|
19-09-13, 07:20 PM
| #20 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| كل عام وانتم بخير هذه عيديتكم مني انا جافيني النوم ولو اقدر ارسل عليكم حلاو ارسلت بس شوف عينكم انتظروني من يوم السبت 14/12/1431 نبدأ في تنزيل ثلاث بارتات سبت واثنين واربعاء كما وعدتكم سابقآ بس ابي منكم تقييم للروايه وبكره عرفه ابي دعواتكم اللهم اجعل قراء هذه الصفحات ممن لا يرد لهم دعاء اللهم اهديهم وعافهم واعفو عنهم اللهم لاتجعل لهم ذنبآ الا غفرته ولاهمآ الا فرجته ولا كربآ الا نفسته ولا دينآ الا قضيته اللهم اجمعني بهم في جنات النعيم على سرر متقابلين اللهم اغفر لنا وتجاوز عنا اللهم اجعلنا راضين مرضين لوالدينا اللهم آتنا في الدنيا حسنه وفي الآخره حسنه وقنا عذاب النار @@@@@@@@@@@ البارت التاسع عشر @@@@@@@@@@@ شوق صحيت على صوت المويه في الحمام فيصل يتروش فكرت باللي صار صار بوقت مو متوقعته ناظرت بالساعه الا الساعه ثلاث بالليل يا الله راحت علينا نومه تسع ساعات لفت الروب على جسمي واخذت ملابسي للحمام الله يكرمكم اللي برى غرفه النوم بعد ماطلعت من دوره المياه رحت للغرفه فيصل : نعيمن ياعروسه صباحيه مباركه شوق بحيا : ههه الله يبارك فيك فيصل : راحت علينا السفره وش رأيك نكنسل شوق : لا عاد بنتونس وش ورانا فيصل : ولا يهمك ان شاء الله راحت شوق للمرايه ونزلت المنشفه عن شعرها وجففته واستشورته عالخفيف فيصل : ليه قاصه شعرك كذا شوق : ايش فيصل : سكري الاستشوار عشان تسمعيني شوق : يالله قول فيصل : ليه قاصه شعرك كذا شوق : ليه مو حلو فيصل : الا حلو شوق : طيب فيصل : بس قصير شكل اذا طول بيطلع احلى شوق : ولا يهمك راح اطوله عشان خاطرك وجاء من وراها وشم شعرها فيصل : وش هالريحه الزينه شوق : عجبتك فيصل : حطي لي شفت تحطين لنفسك وغرت الا تسوي لي زيك اخذت شوق من خمريه الشعر وخللتها بشعر فيصل باس يدها وقال : تسلم لي هاليدين الله لا يحرمني منها @@@@@ اشواق لي ثلاث ايام زعلانه من ناصر وما بيننا كلام هو ساكت ومطنش وانا بعد ناصر : جهزي اغراضنا بنزلها الليله اشرت براسي ايه قمت بروح اجمع ملابسنا واغراضنا نزلت الشنطه وطبقت فيها جزئيه الا بدخله ناصر علي وجلس عالسرير وانا ارتب ومطنشته ناصر : ترى سكوتك وزعلك مابيغير شي ابد طنشت $ $ جاء وحجزني عالدولاب وثبت راسه براسي وحرك انفه على انفي ناصر : لو انك تحبيني ما ترددتي لحظه في انك تسكنين معاي بأي مكان بس توي عرفت قدري نزلت دموعي الكبت والقهر اللي كان طول الايام فشيته توه باس خدي بهدوء تام وانسحب طالع من الغرفه سمعت صوته في الصاله رحت طليت عليه شفته يشيل في التلفزيون والاسيفر رجعت للغرفه اكمل شغلي بعد دقايق دخل الغرفه وقال : لا تطلعين جايب عمال يشيلون معي الأغراض وسكر الباب وخرج @@@@@ تركي بعد الغداء صعد داره وريما معاه جلس عالارض واخذ البلايستيشن 3 وشبكه في التلفزيون تركي : تلعبين ريما : يله وهم مندمجين باللعب دق الباب قامت ريما وفتحت الباب الا عمتها سميه ريما : هلا عمه تفضلي سميه وشافت تركي : ما شاء الله هذه اشكال عرسان صدق انكم بزران تركي : هههه ليه سميه : انتم طفره جينيه العرسان يحظنون بعض يتباوسون مو انتم مقابلين السوني ناظر تركي بريما منزله راسها مستحيه ووجهها احمر سكت تركي ما رد سميه : قوموا بدلوا بنمشيكم ريما : والله بنروح ملاهي ........ تركي : لا بنروح ملاهي .......... سميه تتحلطم : مشكله اللي يعطي البزران وجه طلعت وهي تقول : ان ما خلصتوا في خلال ربع ساعه طنشناكم قامت ريما طيران هي وتركي يلبسون @@@@@ فهد مها : تصدق لي يومين ما جاتني الدوره موعدها طاف فهد : لاتعشميني اخاف تجيك وانصدم مها : خلاص بصبر هذا الاسبوع كله سكتوا فتره تكلمت مها من جديد : لو جبت بنوته ثانيه فهد : من الله خير مها : ولو جبت بنت ثالثه فهد : اللي من الله حياه الله مها : طيب لو خلفتي كلها بنات فهد : عآدي اتزوج مها : لا يا شيخ هذا اللي كان ناقصني فهد : انا ادري عنك هذا اللي تدورينه من اليوم مها : تترسني بالبنات وبعدين تتزوج فهد : انتي تدرين بكره وش بيصير مها : لا فهد : خلاص منه لين بكره ولها الله مها سكتت بغير رضا @@@@@ ريوف منهاره بكي في غرفتها مصدومه من اللي بيصير حسبي الله عليك يا سعود كان هذه فعلتك فيني عرفت تلعبها صح وش يقولوا عني الناس تزوجت بزر تزوجت واحد اصغر منها اصغر منها بخمس سنوات ليش انا بايره والا فيني عيب آآآآآآآه ياربي تفرجها ياربي اللي فيه الخير لي قدمه $$ كلما ضاقت واستحكمت حلقاتها فرجت وكنت اظنها لا تفرج $$ لازم اشوف لي حل لازم ما اسكت ابد وش اللي حدني على كذا وش صار طلعت ريوف من غرفتها وراحت غرفه امها ريوف : امي الله يخليك مابي سعود ام سامي بقهر : ليه مو كنتي راضيه وهو مو حلالك وضامك بأحضانه عند باب بيت اهلك ولافكر خلاص خذيه بالحلال احسن لك ريوف : يمه الله يخليك ام سامي : لا تحاولين زواجك منه اذا ما جاء برضاك بيجي غصب عنك هذا ولد عمك واولى من غيره وانتي ما تدرين الخير وينه وهذه اخر مره تتكلمين معي في هالموضوع وروحي غرفتك احسن لك رجعت ريوف لغرفتها متحطمه امالها والغلط راكبها من ساسها لراسها وسعود طلع منها زي الشعره من العجين وطاح الذنب بريوف طبعآ مو هو رجــــــــــــال @@@@ ........... يتذكر واقفتها قدامها بزينها وحسنها الفتان وفستانها اللي ابرز بياضها هام بحسنها وزينها ورقتها وتوترها ورجفتها وبرائتها كلمتها ترن بإذنه اختي العروس اختي العروس فديتك يابعد حيي $$ أنــــــــا .. أنــــــــا وأعوذ بك يـارب مـن كلمـة أنـــــــــا عبد وهبته من بديعـات المواهـب ما وهبـت آمنت بك وأسلمت لك أمـري وأنـا و أنـــا وأنـــــــــا المنتهي كل أربعاء والمبتدي في كـل سبـت أخاطب عقول الرجـال الفاهمـه وانـا هنـا وان شاء ربي ثم أمرني ماتحاكيـت وكذبـت أجمل نساء الارض غنت لي بصوت (( الله لنا)) وأنا الفقير اللي رزقه الله بمرعى كـل نبـت طرقا عرض فستانها الازرق خطر غصن القنا نازل على الوادي بنا يشرب وانا قبله شربـت حبيتها ليـن انفـرط سلسالهـا بعـد وعنـا وأبعدت عنها في حياتي كثر ماعنهـا قربـت قولوا لها يا أجمل نساء الارض ((أما آن لنا)) أن ننهي الحلم القديم ونكبـت الغايـات كبـت الشاعر / ضيدان ابن قضعان $$ صدقت ياضيدانقولوا لها يا أجمل نساء الارض ((أما آن لنا)) أن ننهي الحلم القديم ونكبـت الغايـات كبـت هناء : اشفيك حبيبي ...........: هلا حياتي ابد افكر هناء : وين وصلت طيب ...........:وصلت لقلبك ياحياتي هناء : ههههه يا بكاش وآآآي منك تأخذ بعقلي حلاو ...........: حلاو يتخير بحلاو هناء : كيف تجي ذي ...........: لعيونك اجيبها هناء : لنا كم سنه متزوجين وماتركت عياراتك ياعيار ...........: عيار لاني احبك هناء : وانا بعد احبك ...........: فديت الحب من فمك @@@@ اشواق نزل ناصر كل اغراضنا ورتبها مع العمال حتى الشناط حقت الثياب نزلها وانا توي نزلت وبيصير العشاء والغداء مع بيت خالي على سفره العشاء كنا جالسين انا وناصر وساره وخالتي وخالي عالسفره ابو ناصر : متى يسكن رامي ناصر : سمعت هدى تقول بيجيب اغراضه بكره العصر هنا ابو ناصر : بكم اجرتها ناصر : هذه السنه عشانه عريس اجرتها بعشره الاف بس من السنه الجايه الاجار اربعه وعشرين الف ابو ناصر : طيب هو شافها ناصر : لا بس هدى قالت لزوجها وزوجها عارف بيتنا ونظامه وقال لأخوه ووافق ام ناصر : انا ما كنت راضيه بشور هدى تحشر نفسك معنا عشان كم الف ربي بيغينك عنها ناصر : لا حشر ولا شي الحشر بالقبور والقلوب اما الأرض ماهي حشره ام ناصر : مادام انت وزوجتك راضين انا ما عندي مشكله اشواق في نفسها يعني هدى وراء هالسالفه كلها من تحت راسها الله يكفيني شرها مع ان مابيني وبينها شي من قبل لا اتزوج ناصر بس بعد ماتزوجتها غثتني بالاسلوب الخايس بس ما اذكر ان سويت فيها شي عشان تكون هذه رده فعلها معي ابو ناصر : بنروح بكره للشاليهات جهزوا اغراضكم ناصر : لا انا ماني رايح اجيكم اخر الاسبوع عندي التزام ابو ناصر : خلاص اخذ اشواق معنا ناصر : لا اشواق خلها معي اذا جيت اجيبها ابو ناصر : خلها تروح تستانس معنا كم لها ماطلعت من البيت ناصر : لا زوجتي وابيها معي اشواق : بس انا بروح مع خالي وش وراي ناصر : انتي ماتسمعين لا يعني لا وقفت اللقمه بحلقي بسبب الغصه بالبكي حطيت الملعقه وقمت ودخلت غرفتي ابكي @@@@ بيت سامي خرج سامي وسميه وريما وتركي في السياره متجهين لبيت ابو عبدالعزيز بيسلمون عليهم ويمشون العرسان وهذا اليوم الثالث لهم وفيصل أخذ شوق لمكه والمدينه وبيروح بعدها ابها والطائف دخلوا لبيت الجد لقيوا فهد وبندر واميره وخلود وبدور بعد السلام عليهم جلست ريما جنب تركي من شمال خلود : ياحلوكم ياطيور الكناري كيف الزواج ياريما ريما : حلو ابو عبدالعزيز : كيف العرسان تركي : بخير وكانوا جالسين بجنب بعض مستحين لإن النظرات كلها عليهم سميه : يالله نبي نستأذن اميره : وين ما جلستوا سميه : لا مانقدر سامي ينتظر في السياره خلود : على وين سميه : بنشوف احتمال نروح لعبدالعزيز ونمشي العرسان فهد : شكل العرسان انتي وسامي ماهو الضعيفين ذولا سميه : هههههه وش ورانا نعيد ايام العسل ابو عبدالعزيز : لا تروحون لعبد العزيز خلي لين يطخ اللي براسه سميه : ان شاء الله بس امها مسكينه ابو عبدالعزيز : الخميس تجي وانجيب ريما تشوفها اميره : اخذتي عيالك معك سميه : لا هذه تمشيه حصريه للعرسان يالله مع السلامه بعد ما طلعوا خلود : ياويلي ياناس يضحكون وراء سميه يلحقونها فهد : انا ماسألت دخل عليها والا لا بندر : بعد التهديد ما اظن يتجرأ ابو عبدالعزيز : هذا حقه في شرع الله مايجوز تحرمونه منه صح مانبيها تحمل بس هذا حقه بندر : قاهرني صراحه بزر يسوي سواه العقال ماسووها قطع الله هالوجه فهد : اتق الله ولا تدعي وش دراه انضحك عليه @@@@ بيت ريم صحيت ريم عالساعه سبع المغرب نزلت تحت لقيت البيت فاضي استغربت اتصلت على روعه جوالها مقفل اتصلت على امها سمعت صوت جوالها امها يعني امها طلعت ونسيته اتصلت على سعود مايرد اتصلت على ابوها ورد ابو ريم : الو ريم : السلام عليكم ابو ريم : وعليكم السلام ريم : وينكم البيت خالي ابو ريم : روعه جاها الطلق ووداها سعود للمستشفى ريم : متى ابو ريم : بعد الغداء ريم : انا شايفتها الساعه ثنتين ونص مافيها شي ابو ريم : مدري عنها ريم : طيب ولدت والا باقي ابو ريم : اتصل علي سعود يقول دخلوها كشك الولاده بس باقي ماولدت ريم : طيب مع السلامه ابو ريم : هلا رجعت ريم تتصل وتحاول على سعود وامها ما احد يرد طفرت واتصلت وهي ميته بكاء على ريوف : ريوف تكفين تعالي لي ريوف : لا والله ما اقدر اجيك ريم : ليه ريوف : زعلت ماما وحلفت ما ازوركم بس انتي قولي لي اشفيك ريم : روعه تعبانه بالمستشفى ريوف : عآدي زي ماما تعالي عندي نتونس ريم : بس ماطمنوني ريوف : زيي انا جيتك بالليل ما اتطمنت الا في الظهر اشفيك انتي هذه ولاده مو عطسه في دقيقه تخلص ريم : هههه يازينك بجيك بس اعطيني دقايق ريوف ليه بيت عمي ماجابوا طاري يمكن مو موافقين على خطبه سعود لي زرتهم مرتين وما قالوا لي ولا حسسوني بشي حتى ريم اللي خبر خطوبتها حكته لي وهو ماصار له ساعه هذه السالفه ليه ماقالت لي أكيد رافضين انا بسأل اذا كانوا مو راضين يصير سبب عشان ارفض وافتك من سعود النحس ماعدت اسمع مغثته لو دريت كان من زمان تركت الروحات لبيتهم وانثبرت في بيتنا عشان ارتاح من مغثته @@@@ في الملاهي سامي وسميه جالسين عالفرشه يتقهون وتركي وريما يلعبون الصحن الدوار وصراخهم مالي الدنيا سامي : شوفي هالمجنن وين راكبين هذه اطالع فيها من هنا ادوخ كيف عاد لو اركبها سميه : متعودين عالالعاب مو زينا بعد دقايق ريما : يوه انا دايخه حدي تركي : يا خوافه شوفي انا ماصار فيني شي ريما : لا انت الخواف كنت تصارخ فوق لو مو خايف ما صارخت تركي : طيب نلعب لعبه ثانيه ريما : وش تركي : قطار الموت سميه بصراخ : لآآآ مجانين انتو ريما : لا ما ابيها نبي نلعب ذيك اللي تنزل من فوق بسرعه في المويه تركي : طيب سامي : اول شي اخذوا اكل لاتجلسون جيعانين ريما : ابي اروح اجيب لي برقر وبليله وعصير تركي : وانا بعد جيبي لي زيك وابي غزل البنات ريما : حتى انا ابي سامي : خذي هذه خمس وعشرين اشتروا اكلكم راحت ريما تشتري سميه : تركي تركي : نعم سميه : دخلت بريما سكت دقايق وقال : لا تركي : بس كذا وهي ما تحب اضمها تقول وخر ما احب سامي : مو لازم تضمها الشغل يضبط من دون ضم سكت تركي مستحي سميه : اذا خايف من خوالك عادي ماراح يدرون وش دارهم تركي : اخاف تقول لهم سميه : لا وش تقول هذا حق من حقوقك تركي : طيب جاتهم ريما بالأكل وجلسوا يأكلون @@@@@ فهد فهد : هيا بنروح عجلي مها : دقايق اصبر فهد : هاتي رهف انا اشيلها اخاف حامل وتطيح جنينك مها : صراحه توي تشوقت احمل فهد : اش معنى مها : لأن جالسه اعيش الموقف فهد : خلاص اليوم نتأكد مها : ان شاء خير فهد : ان شاء الله @@@@ اتصل سعود على ريم بيبشرها بعد ماشاف اتصالاتها المتكرره كانت جالسه عند ريوف وفتحت السبيكر سعود : الو ريم : هلا سعود : ايدك عالبشاره ريم : ابشر سعود : روعه جابت ولده سمته ياسر نبي نزوجه غدي ريم : شفته سعود : لا توها ولدت مالها دقايق ريم : وكيف هي طيبه سعود : ماعليها ريم : ليش ماقلتوا لي انفجعت ورحت بيت عمي سعود : انتي اللحين ببيت عمي ريم : ايوه الدكتور حدد متى تطلع سعود : لا اقولك تو طلعوها من كشك الولاده اشفيك انتي قمتي تخربطين ريم : عشانكم روعتوني سعود : يالله يالله باي ريم : باي @@@@@@ تركي وريما في غرفتهم ريما جالسه تلعب في جوال تركي بالالعاب وتركي يتأملها ويتذكر كلام امه ويتشجع قام وجلس جنبها ومسح على شعرها ناظرت فيه واسكتت حط يده وراء راسها وباس خدها وحس بريما جفلت تحت يده ولثم شفتها وحس بتنفسه وتنفسها السريع تركي بهمس : اشفيك خايفه ريما اشرت بلا وقامت بسرعه ودخلت دوره المياه وتركت تركي وراها يتنهد بعد ماطلعت جلست بعيد عن تركي تركي : تعالي اجلسي عندي ريما : مابي تركي : بزعل ترى ريما : والله لأقول لخالي فيصل والا بندر تركي : انا مابي اسوي شي بس ابي اضمك ريما : ما احب احد يضمني تركي : طيب ضميني انتي ريما بحده : مابي سكت تركي وهو مقهور نفسه بإشياء كثيره بس خواله واقفين ضده يحس بحراره تسري بجسمه وينتفض نفسه يجبرها مايهم بس خواله مع تشجيع اهله الا خوفه منهم كبير خاصه ان ابوه اكثر من مره يتعرضون لتركي مايوقف بوجيههم ولا يوقفهم عند حدهم @@@@@ فهد ومها من بعد طلعتهم من المستشفى واكدوا ان مها حامل في شهر كان فهد فرحته لاتصوف بس مها خايفه ومتوتره في السياره فهد : شكلك زعلانه عشانك حامل مها : مو زعل بس صراحه مره خايفه فهد : عآدي هدي اعصابك مو اول مره تحملين مها : عشان كذا انا خايفه ومرعوبه فهد : ياسلام قولي انك خايفه من الحمل الثاني مها : ياربي انت وش يرضيك قلت احملي حملنا قلنا نخاف حتى هذه بتحرمنا منها اوف فهد : اعصابك اعصابك هذا اول تواترت الحمل لاتفشين خلقك فيني مها : استغفر الله ياربي دخلوا بيتهم فسخت عبايتها وراحت بسرعه للغرفه لحقها فهد وضمها وباس راسها فهد : الف مبروك الله يرضى عليك زي ما ارضيتيني مها : الله يبارك فيك فهد : ان شاء الله يطلع سبع مثل ابوه والا ملاك مثل امها الله لا يحرمني من امها @@@@@@ طلعت روعه من المستشفى وسوى لها زوجها عشاء في بيت اهلها وريوف ماجات اتصلت روعه عليها روعه : الو ريوف : هلا حمدلله عالسلامه روعه : الله يسلمك بس ما ابيها كذا ابيك تجين وتلبسين تحظرين العشاء ريوف : لا تكفين اعذريني ما فيني اجي روعه : ليه عشانك صرتي خطيبه اخوي ريوف : لا ياشيخه روعه : انا ادري عنك ريوف : لاصراحه مابي اجي كذا مزآآآج روعه : اوف ياهالمزاج ما درى والا قوم الدنيا وما قعدها عشانك ريوف : بس باقي أنا ما وافقت بس افكر روعه : خذي راحتك بس ترى سعود طيب وكلنا فرحنا يوم قال انه بيخطبك من جد فرحنا ريوف : بس لي اسبوع اجي واروح ولا وحده منكم فتحت فمها كأنكم مو راضين روعه : ترى ريم لحد الآن ما تدري ما اصدق انك بصير حماتك يآي حلم بس لا تطولين في التفكير بحظر شبكتكم قبل لا ارجع كندا ريوف : الله يكتب اللي فيه الخير وييسره روعه : امين والله يوفقكم جميع ياالله نشوفك قريب ريوف : ان شاء الله روعه : يالله مع السلامه ريوف : مع السلامه ياهلا بعد ماسكرت ريوف قامت توضت وصلت ركعتين استخاره وهذه اول مره من بعد خطبتها تصلي الاستخاره وبكت حست نفسها متضايقه خايفه من صغر سنه مخاوفها كثيره مع انها لو انها اصغر منه كان وافقت من غير اي تردد في الموضوع ياترى زواج سعود وريوف بيتم ؟ تحاليلهم بتضبط ؟ استودعكم الله الذي لاتضيع ودائعه دعواتكم أكثر ما احتاج ابي دعواتكم في ظهر الغيب تكفون تكفى والليا قلت تكفى بيع خلق الله عشاني """ كأني تهورت وانا ما ادري @@@@@ انتظروني.......... | ||||
|
| |
|
| الكلمات الدلالية (Tags) |
| للكاتبة, أسافر, مسدوده, مكتملة, النوم, الكون, جافيني, يفرجها, وسكتي |
| أدوات الموضوع | |
| انواع عرض الموضوع | |
|
|
1Likes
العرض العادي
