03-10-13, 10:35 PM
| #21 | |||||||||
| نجم روايتي ومشرفة سابقة وفراشة متالقة بعالم الازياء  
|  نزلت لعند المسبح وشافته جالس وراسه بين يدينه خافت اكثر..راحت جلست مقابله... ريناد: محمد محمد وهو يرفع راسه: هلا ريناد ريناد: خوفتني فيك شئ؟ نزل راسه يطالع الطاوله ..ايش اقول لها؟؟كيف ابدء.. اما هي دق قلبها بقوه..... محمد: ريناد باقولك شئ بس خليك ريلاكس ريناد وهي تبلع ريقها: اوكي محمد: الرقم اللي عطيتيني اياه دق قلبها اكثر..احمد ...شفييييه؟ ريناد: شفيه رقم احمد محمد بنظره استهزاء: قالك ان اسمه احمد؟ ريناد: أي احمد....محمد تكلم عاد محمد: اممممممم طيب ريناد انا اعرف هالولد .. ابتسمت له وفرحت من قلبها... ريناد: جد تعرفه؟؟؟ محمد: أي اعرفه بس.... ريناد: بس شنو؟؟ بعد صمت دام ثواني.. محمد: عنده حركات ريناد: حركات؟ مثل شنو؟ محمد: اممممم يعني يدخن ويقولون مغرور و ريناد: ههههههههههه هذي الحركات طيحت قلبي يامحمد عادي كل الاولاد يسوون هاالحركات... انقهر ولام نفسه لانه جبان وماقدر يقول لها الصراحه,.... محمد بارتباك: اوكي انا حبيت اقولك بس سكت وسرح بعييد ...لاحظت هاالشئ ....وقالت وهي تبتسم ريناد: هاااا شفيك سرحان ليكون حنينا للحبايب محمد بحسره: ايييه سماح؟ مادري ايش اخبارها مرتاحه ولامتضايقه...وحشتني ريناد: محمد مانسيتها؟ محمد: حتى لو على جثتي ريناد: بس حبك مستحيل يامحمد محمد: أي ادري ياريناد مالي امل معاها بس ايش اسوي ..هي القلب والروح كيف احيا بدونها ريناد: الله يعينك ياولد عمي بس نصيحه مني انساها وعيش حياتك محمد: لاتضحكيني ياريناد انساها؟؟مجنون انسى قلبي تنهدت وسكتت...الله يعينك يامحمد على حبك ويسعدك محمد: ساكته ريناد: ايش اقولك...مليت من كثر ماانصحك بس الظاهر مافيه فايده محمد: عليك نور مافيه فايده...وسماح مستحيل انساها ريناد: بس حرام محمد باندفاع: لامو حرام..حرام اللي تقولينه كيف انساها وانا متأكد انها مانستني للحين ريناد: خليك واقعي البنت تزوجت واذا تذكرتك مع احتمال 40 % خلاص عاشت حياتها الدور والباقي عليك محمد: ريناد ارجوك هاالموضوع منتهي ريناد: براحتك محمد... محمد: الاصح ابوي مااشوفه يكلم هااليومين ريناد: دق عليهم طلع جواله ودق عاالبيت جات خلود ورفعته.. خلود: الووو محمد: خلود؟ حلود: محمد؟؟هااي سويتي هاو ار يوو؟ محمد: انا بخير يالدبه انتي اخبارك واخبار ناصر خلود: تمام بخير جات ام محمد لماسمعت اسم ولدها وسحبت من خلود السماعه... ام محمد: محمد ولدي محمد: هلااااا ياالغاليه وحشتيني اخبارك ام محمد: بخير وانتوا اخباركم واخبار اختك عسى مو مجننتك محمد: طلعت لي قرون يمه ليل نهار باالسوق ام محمد: هذا موصيتها بعد ماعليه اذا رجعت اوريها محمد: لايمه خليها تتونس مو كل يوم بنجي الامارات الا ابوي شخباره؟؟وينه عندك؟ ام محمد: لاوالله باالشركه لازم بيكلمك الليل محمد: خلاص انتظره يمه ريناد تبي تكلمك ام محمد: عطني اياها... اخذت ريناد الجوال حتى تكلم ام محمد اللي تعتبرها مثل امها باالضبط ريناد: الوو ام محمد: هلا بنيتي ريناد اخبارك حبيبتي ريناد: هلا خالتي وحشتيني والله ام محمد: مايوحشك غالي اخبارك مستانسه هناك؟ ريناد: أي والله ليتكم معانا خلاص عاد مانسافر دونكم ...السفر دونكم مو شئ ام محمد: حبيبتي والله ريناد..المهم انتبهوا لنفسكم زين وقولي لشوق تخف على اخوها شوي ريناد: ههههه لاتوصين ...سلمي على عمي كثييير ام محمد: يوصل وانتي سلمي على حور والكل ريناد: الله يسلمك تبين شئ خالتي؟ ام محمد: سلامتكم بس خلي هاالقاطعه حور تدق علي ريناد: من عيوني مع السلامه ام محمد: الله يسلمك عطت محمد الجوال وقامت... محمد: وين؟ ريناد: باروح لحور محمد: اوكي صعدت وهي داخله الممر اللي فيه غرفهم شافت مازن طالع من الغرفه وكان مخطط يروح مقهى ويكلم الجوهره..كان لابس بلوزه سوداء وبنطلون كحلي..... ريناد: هاااي مازن: هلا ريناد: وين رايح؟ مازن: مقهى انترنت طارت من الفرحه وابتسمت ابتسامه عريضه ريناد: لاتمزح مزوون مازن: ليش امزح عاد ريناد: ياالله وحشني النت...يصير اروح معاك بليييز؟؟ مازن: من وين نازل عليك السنع ريناد: انا سنعه من يومي مازن: بتروحين يلا نقول لبشار وشوق بعد ريناد: بس بدخل اكلم حور شوي دقت الباب دقات متتاليه...طلع لها وجهه ماهر وهو مكشر وشكله كان ناايم.. ماهر: ماتخلوا احد ينام براحته...تفضلي انسه ريناد ريناد وهو تدخل: هههههههه سوري عاالازعاج وين حور؟ ماهر: تسبح الحين بتطلع ريناد: تسلم عليك خالتي ماهر: الله يسلمها كلمتيها؟ ريناد: أي من شوي طلعت حور من الحمام وهي تجفف شعرها ريناد: ياالدبه كلمتين ورد غطاهم كلمي امك تحاتيك حور: ليش مستعجله؟ ريناد: باروح مقهى انترنت ماهر: مع من؟؟ ريناد: مازن وبشار وشوق ماهر: طيب روحي خذي فلوس من ثوبي ريناد: عندي ماهر امس عطيتني ماهر: اوكي يمكن ينقصك المبلغ يمكن تمرون سناتر واسواق ريناد: معاك حق راحت وحضنت اخوها وحبته على راسه... ريناد: الله لايحرمني منك ماهر: ولامنك ياالدلوعه انتبهي لنفسك ريناد: طيب ............. ,,في المقهى,,,,,, جلست ريناد جنب شوق جهه البنات ومازن وبشار جهه الشباب... اول شئ سوته ريناد فتحت ايميلها صابتها خيبه امل كبيره يوم مالقته, مازن كان بيفتح الايميل لكن .. مازن: بشار مو فاضي لحظه بفتح الايميل بشار: بلا ايميل بلا هم تعال اوريك حاجه بسرررعه ترى مااكلمك مازن: ياااي مرره قلبي عورني مالت عليك بشار: اووه انت تعال قام مازن لعند بشار وراه مقطع فيديو لبنات يرقصون بعرس.. مازن: والله انك فاضي استح يلا امسحها بشار: وانا ايش دخلني من اول موجوده مازن: امسحها بلا هم... ريناد سكرت ايميلها ولفت لــشوق الجالسه عاالشات... اما هو فتح ايميله وكله شوق لها لكن نفس خيبه الامل صابته ...اااه ياالجوهره وينك عني وربي افتقدك متى بس الاقيك عاالنت واقولك اللي في قلبي كله ترك ايميله مفتوح على امل تدخل لكن ريناد فقدت الامل وماعاد تفتح ايميلها.... لفت شوق على ريناد وشافتها صحيح تناظر الشاشه بس سرحانه.. شوق: الووو الحلو وين وصل؟ ريناد: معاك شوق: صح باالعيد ريناد: شوق مو رايقه لك شوق: اوووه .ليكون مالقيتيه اون لاين ريناد: مالقيته ولاشئ.. شوق: اها علشان كذا.. قامت ريناد من جهازها وجلست على كرسي عند جهاز شوق.. جات بهاالوقت بنت اماراتيه لهم.. شيخه: مرحبا الساع ريناد-شوق: مرحبتين شيخه: سوري عاالازعاج شوق: لاعادي شدعوه شيخه: عفوا بس هاالجهاز مو يالس عليه حد..بس شفتج من ساعه يالسه عليه.. ريناد: تفضلي مااحتاجه شيخه وهي تجلس: مشكوره شوق: حياك شيخه: من السعوديه صح شوق: صحيحين شيخه: هيه عرفتكم من رمستكم شوق: احم احم لهاالدرجه احنا مميزين شيخه: هههههه ياحليلج هيه..احس جي حجيكم ينعرف بسرعه شوق: وانتوا بعد كلامكم حلووو ودي اتعلم لهجتكم شيخه: ارمسي عادي سهل..ترى الحجي الاماراتي ماشي اسهل عنه شوق: لاترمسين خلاص باموت جذي شيخه: هههههههههههه شاطره تعلمتي بسرعه ريناد: من كثر ماتقرأ قصص اماراتيه شيخه: وليش اماراتيه باالذات شوق: يااااه اموت باالقصص الاماراتيه حلووه فيها حب صادق شيخه: لايغرج يا....عفوا شسمج الشيخه؟ شوق: شوق وهذي بنت عمي ريناد شيخه: عاشت الاسامي....لايغرج ياشوق كله قصص وكلام بس الواقع غير ماشي حب عدل هاالايام الشباب حياتهم لعب في لعب شوق: اصابعك مو سوا ياشيخه شيخه: هيه صادقه بس اقصد الأغلبيه جي..يرمسون البنت باالتلفون يقصون عليها وبعد ماتحبهم المسكينه يودروها ريناد: اوكي يودروها يعني يتركوها؟؟ شيخه: هيه يتركوها ريناد: ايووه بس حلوو كلامكم شيخه: شو حزب المعجبين باالحجي الاماراتي شوق-ريناد: ههههههههههههههه سمع بشار ضحك الثنتين ولف شاف شيخه معاهم... بشار: مزوون مزوووون مازن وعينه عاالشاشه: نعم بشار: والنعامه ترفسك قول امين...شوف مازن: شنو؟؟؟ بشار: والمنشار اللي يقص لسانك ياالدب لف وشوووف لايفوتك القمر مازن: على اساس القمر يطلع بالليل واحنا لسه نهار بشار: شوف القمر الجالسه مع ريناد وشوق لف طالعها مازن ببرود ورجع يطالع الشاشه... مازن: أي مافيها شئ عاديه بشار: باالعكس حلووه طالع عيونها باروح لهم مازن: الحين شوق تعصب عليك بشار: لاماتعصب تعرف انها القلب مازن: الله يهديك بشار: جميعا...باي ياحلو قام بشار من كرسيه وراح عندهم.... بشار: مرحبا الساع لفت شوق تطالعه ورجعت تطالع ريناد وهي مستغربه منه...من متى الاخ يحكي اماراتي بعد.. الثلاث: مراحب بشار: اخبارك شوق ضحكت ريناد عليه... شوق: انا بخير نعم أي خدمه؟؟ بشار: لاشفت معاكم ضيوف قلت اسلم ريناد: أي هذي شيخه....شيخه هذا اخوي بشار خطيب شوق بشار: اخبارك شيخه؟ شيخه: مانشكي باس انت شحالك اخويه؟ بشار: تمام سحب له كرسي وجلس معاهم.... شوق وهي تكلمه في اذنه: قوم لاادوس في بطنك بشار: روحي زين شوق: لاوالله قوووم ريناد : وكم عمرك ياشيخه؟ شيخه: 18 سنه اولى جامعه ريناد: ماشاء الله حلوو شوق: الله يوفقك شيخه: جميعا يلا اسمحولي الحين حبت شيخه تنسحب لانها لاحظت توتر الجو خاصه ان شوق واضح انها معصبه... ريناد: وين بدري شيخه: فرصه سعيده وحياكم باالامارات مع السلامه ريناد: الله يسلمك.... بعد ماراحت شيخه واختفت لفت شوق لبشار... شوق: ايش هااللي سويته بشار: ماسويت شئ ريناد: اووه انا حاسه انكم بتتهاوشون شوق: نتفاهم..عيب هااللي سويته لاوتكلمها عادي كأنك تعرفها بشار: انا سلمت عليها لااكثر شوق: حتى لوو بشار: انتي اصلا عقلك صغير شوق: انا عقلي صغير؟؟؟؟ماكأنك انت الغلطان بشار بعصبيه: ماغلطت وبعدين واذا جلست معاكم فيها شئ؟ شوق: الا فيها وفيها بشار: انتي عارفه زين اني احبك ومستحيل افكر او اطالع غيرك بس عقلك صغير الله يهديك قال هاالجمله بعصبيه حتى ان مازن سمعه وحمد ربه ان المقهى مو زحمه حتى ماتصير فضيحه... قام دفع عنهم الحساب وجاء لهم.... مازن: خير خير؟ ريناد: أي خير تهاوشوا كاالعاده مازن: انا مو قلت لك لاتروح لهم بشار: مازن مو ناقصك طيب...الغلط مو مني شوق: طبعا انا دائما الغلطانه في نظرك ريناد: خلاص بشار وشوق فضحتونا ماصااارت شوق وهي تقوم: انا طالعه بشار: وين يابعدي رايحه شوق بعصبيه : انت مو شغلك طيب ولاتكلمني بعد بشار: احسن بعد شوق: أي هذا اللي تبيه لكن تدري كيف لك اللي تبيه وانسى ان عندك بنت عم اسمها شوق طلعت من المحل ودخلت المول اللي قريب نسبيا منه.... مازن: وين راحت بعد شوق ريناد: اكيد دخلت السنتر بشار: انا برجع الفندق مازن: الله يهديك نرجع سوا بشار: اتركوني براحتي باي طلع وقف تاكسي ورجع.... __________________ | |||||||||
|  |
|
03-10-13, 10:36 PM
| #22 | |||||||||
| نجم روايتي ومشرفة سابقة وفراشة متالقة بعالم الازياء
| ريناد: الله يهديهم مازن: اميين..مادري متى بيتركون هاالحركات ريناد: يلا نروح لشوق مازن: يلا دخلوا المول ولفوا الدور الارضي كله.... ريناد: مازن انا تعبت خلاص مازن: وانا اكثر منك وين راحت يعني ريناد: الله اعلم مازن: خليني ادق عليها ريناد: ماتطلع بجوالها السوق مازن: اووف اجل ليه شايلته معاها...طيب والحل ريناد: انا عندي حل...اجلس انا في هاالكوفي وتروح انت تدورها مازن: لاعااد؟ ريناد: أي والله مازن: كلمه ثانيه واذبحك ريناد: واهون عليك؟ سكت وقام يطالعها بصمت ونظرات عميقه...ذابت من هاالنظرات وحست ببروده تلف جسمها...بعد ثواني حست لنفسها... ريناد: اممممم مازن: اه.احم خلاص نريح شوي وندورها بعدين ريناد: اخاف تمل وتدورنا ماتشوفنا مازن: ذي تمل من السوق مااظن ريناد: حرام عليك اكيد تبكي الحين مازن: لاصدقيني تتسوق جلسوا في الكوفي يشربون قهوه اكسبرس...ولما خلصوا صعدوا الدور الثاني يدوروها...ومالقوها ريناد: ياالله....والحيييييين شنسوي؟؟ مازن: مادري هذي وين راحت ريناد: امممممم يمكن في الحمام تبكي مازن: عن الاستهبال ... ريناد: ايي ليش لا مازن: طيب هذا حمام نساء ادخلي يمكن تشوفيها.. دخلت ودورتها بين جموع البنات....بس مالقتها..راحوا لحمام ثاني دخلت وماتفاجأت لما شافت شوق واقفه وتبكي...راحت على طول وحضنتها ريناد: خلاص حبيبتي لاتبكين ماهدأت شوق باالعكس زادت من صياحها... ريناد: شوق علشاني هدي حالك شوق: رينااد احبه ريناد: وهو يحبك اكثر شوق بصوت مبحوح: لامايحبني ماسمعتيه ايش قال لي ريناد: لانه معصب مو من قلبه... طلعت ريناد منديل من شنطتها ومسحت دموع شوق وطلعوا وكان مازن مكانه ينتظر .... مازن: انتي هنا واحنا قالبين عليك المجمع كله شوق: ـــــــــــ طالع مازن ريناد بنظره تساؤل وبنظره من ريناد عرف انها كانت تبكي... مازن: شوق شوق: نعم مازن: حرام عليكم والله اطفال ..وبعدين بشار يمزح شوق: لاتدافع عنه يامازن مازن: خلاص براحتك يلا نرجع ريناد: يلا... ............. انسدحت على سريرها وجات هبه على بالها...اي ليش ماادق عليها ومنها اعرف اخبار حبيب قلبي.. هبه كانت تحط مكياج لانها بتطلع....لما سمعت صوت الجوال ركضت ورفعته ورود: الوو هبه: هلا وغلااا ورود: هلا اخبارك ياالقاطعه ولاتقولين عندي صديقه اتصل اشوف اخبارها هبه: هههههههه سوري حبيبتي انشغلت المهم اخبارك؟ ورود: اااه اخباري عادي هبه: شفيك؟؟ ورود: انتي عارفه....اخباره؟؟ هبه: مازن؟؟؟ هههههه تمام كلمته امممم مادري امس او اللي قبله تدرين مع من كان قاعد؟؟ ورود باندفاع: من؟؟؟؟ هبه: مع ريناد باالمطعم لوحدهم تخيلي ورود: تمزحين؟؟؟؟؟ رينادووه قاعده معاااه ؟؟؟اياالقهر شتبي هذي فيه هبه: هههههه معجبه يمكن.. الغريب ان مازن شكله كان فرحان ويضحك عادي ورود: مبسوط حضرته هين اوريها هبه: ايش بتسووين؟؟ ورود: مالك شغل بتشووفين ايش باسوي لها .. هبه: الله يستر من افكارك ...................... لما وصلوا الفندق تقدمت شوق ريناد ورمت نفسها على سريرها..اما ريناد ماحاولت تكلمها بأي طريقه حتى ماتضغط عليها وتزعجها...مازن لقى محمد يطل من نافذه الغرفه على بشار اللي جالس عاالمسبح حزين... مازن: السلام محمد: وعليكم السلام مازن: ايش تسوي؟ محمد من غير نفس: ولاشئ مازن: اها طيب وين بشار محمد: عاالمسبح مازن: طيب تعال ننزل نجلس وياه راح محمد وانسدح عاالسرير وتغطى باالفراش محمد: نعسان بنام انزل لوحدك سكت مازن وهو يفكر ومحتار..شفيه محمد متغير علي انا شسويت له؟؟ مااذكر اني زعلته بشئ او ضايقته.. مازن: محمد محمد:ــــــ مازن: نمت..؟؟ طبعا محمد ماكان نايم بس ماتكلم لانه اصلا مو حاب يكلم مازن... مازن: طيب براحتك طفى الانوار ونزل جلس مع بشار ........ __________________ نزل مع مرته لوحدهم يتعشوا جاء الاكل هو اكل اما هي حاولت بدون فايده... ماهر وهو يرفع راسه يطالعها: حبيبتي شفيك ماتاكلين؟ حور: شبعانه ماهر: شبعانه؟؟ حتى الغداء مااكلتي وتقولين شبعانه حور: ماهر مالي نفس ماهر: حاولي حياتي تاكلين علشاني طيب حور: بشرب عصير ماهر: انا قلت اكلي مو اشربي حور: والله مو مشتهيه اكل ماهر: اوكي شفيك؟؟ حور: مادري هاالايام نفسي مسدوده ماهر: تبين اغير لك الاكل؟؟ حور: لاحبيبي كل انت حاول يضغط عليها لكنها مصره على رأيها ..بعد ماخلصوا مسك يدها... ماهر: تبين تطلعين؟ حور: لا اليوم تعبانه ماهر ودي انام خليها لبكره ماهر: ماعاش التعب ياعيون ماهر خلاص يلا نصعد.. بقت يدها في يده لين ماصاروا في المصعد..حست بنفس الدوخه اللي ملازمتها هاالايام..بس هاالمره بشكل اقوى مو قادره تسيطر عليها..حست بضباب يلفها ..غمضت عينها وطاحت تداركها ومسكها قبل ماتصير عاالارض.. ارتبك ماهر ايش يسوي...ضربها ضربات خفيفه على خدها... ماهر: حوور حور تسمعيني ياربي عونك انفتح اللفت طلع بسرعه وهي بين يدينه فتح باب الغرفه بصعوبه ودخل حطها عاالكنبه... ركض للمطبخ وجاب الماي وكب شوي منه على وجهها....صحت على طول.. ماهر: الحمدلله حور وهي تحاول تقوم: شصار؟؟ ماهر: ارتاحي ارتاحي.. ماصار شئ غلاتي بس دختي وطحتي علي جات بتقوم لكن غمضت عينها ورجعت... حور وهي شوي وتبكي: مو قادره اقوم ماهر...تعبانه شفيني؟ انفجرت في صياح جلس جنبها وحط يده على كتفها يهديها.... ماهر: حبيبتي لاتبكين هدي بالك مافيك الا العافيه...انا مو قلت لك اكلي ... حور: أي مالي نفس عاالاكل ماهر: هذا من قله الاكل طحتي ...لو انك تسمعين كلامي...ياعمري اسمعيني انا ابي مصلحتك مايصير هااللي تسوينه مو زين لصحتك....اجيب لك اكل؟ حور: لازم؟؟ ماهر: علشانك ...ايش قلتي؟ حور: اوكي طيب.... حبها على جبينها وقام يطلب لها عشاء ............. نطير للسعوديه وباالتحديد الخبر في بيت ابو محمد...خلود باالمطبخ تسوي عشاء لناصر وناصر مع ام محمد وابو محمد باالصاله... ناصر: وينها خلود ام محمد: تسوي لك عشاء ناصر: كل هذا عشاء مانبيه خلاص انا جاي اشوفها.. ابومحمد: الا الحين شصار على عرسكم؟؟ ناصر: قصر الافراح حجزته ...وحجزت سفر الى لندن كل شئ تمام بعد شهر ان شاء الله.... خلود وهي تطلع من المطبخ: لازم اروح اقيس فستاني ناصر: للحين مارحتي خلود: لا ام محمد: قلت لها روحي ياخلود روحي بس راكبه راسها طيب واذا طلع مو قياسك خلود: لايمه ماخذين المقاسات كويس..ناصر انت اخذت اجازه؟؟ ناصر: أي شهر اخذت وباالمووووت وافق المدير ابومحمد: الله يوفقكم.... ........... بعد يومين رجعوا من الامارات الاوضاع بين مازن ومحمد على حالها متوتره وكل واحد يتحاشى الثاني..وحور فرحانه مره تدرون ليش؟؟؟ لانها طلعت حامل الفرحه مو سايعتها هي وماهر.. وصلوا المطار الساعه 8 الليل لما خلصوا كل الاجراءات تجمعوا عند البوابه الرئيسيه.... مازن: يلا انا استأذن الحين ماهر: وين مازن؟؟؟ ارتاح معانا في البيت مازن: لامشكورين واحد من اصحابي ينتظرني بره بشار: بتوحشنا يالدب.. مازن: وانتوا اكثر خلاص تعودت عليكم سلم عليهم كلهم ولما وصل لعند البنات... مازن: انتبهي لنفسك والى البيبي حور: هههه من عيووني مازن: وانتي يالدبه اكبري واعقلي شوي شوق: هين باوريك الدب انته حول نظره الى ريناد وابتسم وهي ردت له الابتسامه... مازن: امممم يلا استأذن ريناد: مع السلامه مازن: امممم اوكي ريناد انتبهي لنفسك طبعا كل واحد كان يسولف مع الثاني علشان كذا مازن ماخذ راحته وكأنه بعالم لوحده مع ريناد.... ريناد: وانت بعد... مازن: مو من قلبك ادري عنك تكرهيني ريناد: انا اكرهك يامازن؟؟؟ حرام عليك كنت اكرهك بس الحين لا سكت شوي يتأملها.... مازن: والحين ماتكرهيني؟ ريناد: لا ابتسم ...وبعدها قال وهو يرفع شنطته... مازن: لاتنسيني ... وطلع بعدها وهي مذهوله من كلمته...(لاتنسيني)..ماانساه؟� �ابقى على ذكراه؟ليش؟؟ ايش كان يقصد فيها؟؟؟اممممم جايز مايقصد بها شئ عادي يعني...بس خيالي واسع كاالعاده الله يهديني.. طلع من المطار وهو حزين على فرقاهم..بجد ماوده يتركهم...تذكر ابتسامه ريناد وضحكتها..نظراتها..في شئ غريب ...ايش ياترى؟؟اوهام؟؟؟اكيد اوهام ....صعد سياره صاحبه وراح..... وشوق بعد اللي صار مع بشار ابدا ماكلمته ولاهو كلمها وكل واحد يحاول يكون بعيد عن الثاني ............. __________________ بعد فتره من التجهيزات المتواصله جاء يوم عرس خلود وناصر...محمد مو شايلته الدنيا خلاص اخته بتعرس ولان سماح بتحضر العرس هاالشئ كمل الفرحه... ريناد مبسوطه عاالاخر..خاصه انها كلمت احمد وعاتبته بس راضاها لانه مايقدر على زعلها... بس في شئ قاله لها وخايفه منه....انه يبي يسمع صوتها..حتى يقول لها شئ مايقدر يقوله باالماسنجر... المشكله مو هنا....انه قال انه بيزعل..ريناد ماتقدر على زعله وطول هااليومين تفكر في هاالورطه.. شوق للحين ماتصالحت مع بشار ممكن يتصالحون الليله؟؟كل شئ جايز خلود اخر توتر بس فرحتها ساعدتها على تخطي هاالتوتر الكبير... دخلت خلود عاالحضور على اغنيه جواد ياناس في فستان تغلب عليه البساطه وفي نهايته فراشات بيضاء صغيره والطرحه اخر بساطه..والمكياج زيتي بارز لون عيونها..وشعرات كله رولات بعضها مرفوعه والباقي على اكتافها... مشت بهدوء والابتسامه مرسومه على شفايفها..لين وصلت للكرسي المخصص لها جلست براحه واخيييرا.... في طاوله كانت جالسه عليها هبه وصديقتها ورود اللي كانت تراقب ريناد بحقد..وتطالعها بتفحص ومقهوره من حلاتها...اللي كانت ملفته للنظر..لابسه فستان وردي موديل فرنسي وفيه ورده عند الخصر..وشعرها مرفوع كله بتسريحه ناعمه وخصله طايحه على خدها اليمين... ورود: اكره هاالانسانه هبه: يعني انا اللي احبها... مرت عليهم شوق لما انتبهت لهم رجعت وسلمت عليهم... شوق: مرحبا هبه-ورود: مراحب شوق: اووه هذا انتي ورود شلونك ورود من غير نفس : بخير وانتي شوق: بخير واخبارك هبه؟ هبه: تمام... شوق: وين خالتي مااشوفها.. هبه: مادري بس الظاهر مع حور شفتهم سوا... شوق: اها اوكي باي هبه: باي بعد ماراحت شوق... ورود: متى ملكتها؟ هبه: مادري بس عاالارجح بعد مايخلص بشار جامعته ورود: الا هو حلووو؟ هبه: بشار؟ اووه قطعه من الوسامه والحلاوه اخلاق وخفه دم يدخل القلب بسرعه ورود: اقول حددي موقفك هبه: ههههههه ياحبيبتي انا لمحمد ومحمد لي وبس ورود: كلام...مااشوفك تحركتي سويتي شئ.. هبه بخبث: اليوم بتشوفين....ان شاء الله يسعفني الحظ قولي اميين ورود: امييييييين ونشوفك عروس ......... دخلت سماح القاعه...تطالع يمين ويسار تبي تشوف حد تعرفه ..لمحت شوق من بعيد راحت لعندها.... سماح: الله الله ايش هاالحلاوه؟ لفت شوف لمصدر الشوق وماصدقت اللي تشوفه.... شوق: سماح؟ مستحيييييييييل ماتوقعتك تلبين الدعوه... حضنتها على طول ودمعت عين سماح ...كيف وشوق من ريحه الحبايب... شوق وهي تبعد عن حضن سماح: واخبارك ؟؟؟ سماح : والله عايشه مبرووك الف مبرووك...اخبارك انتي واخبار..... شوق: هههه انا بخير والــــ اممم مشتاق لك سماح: صدق؟؟ شوق: اكيد عمره مابينساك ياسماح.....الا اذا دخلت حياته وحده غيرك سماح: شوق ابيك توصلين له شئ .. شوق: شنو؟؟ سماح: قولي لمحمد انه يتزوج وينساني...مالنا امل مع بعض...واذا كان يحبني مابيرفض لي هاالطلب شوق: مستحيييل يوافق ماتدرين شقد يحبك... سماح وهي تتنهد: وانا بعد لكن الظروف شوق: الحين ماعلينا تفضلي اجلسي لاتبقين واقفه | |||||||||
|
| |
|
03-10-13, 10:36 PM
| #23 | |||||||||
| نجم روايتي ومشرفة سابقة وفراشة متالقة بعالم الازياء
| سماح: مشكوره... صعدت شوق عاالستيج مع امها وصوروا مع خلود..وام ناصر تطالع خلود بحقط لانها حاطه في بالها ان خلود بتاخذ منها ناصر.... رقصوا البنات لين قالوا بس..ريناد كانت واقفه جنب شوق عاالستيج...وسرحانه شوق: تعالي نرقص ريناد ريناد: ارقصي انتي شوق: اوووه شفيك اليوم؟؟؟ كله هاالحلاوه وزعلانه ريناد: لاتجامليني شوق: تعالي شوفي شكلك في المرايه قمت اغار منك ريناد: ههههههههه شوق: حتى الضحكه من غير نفس ريناد: شوق باموووت صدقيني شوق: اها حمود حبيب القلب ريناد: عن الغلط انا اللي ادلعه بس شوق: عشتوووووو ريناد: تدرين مشتاقه اسمع صوته شوق: ريناد اتركي الجنون عنك ريناد: طيب اسمعه واسكر شوق: بيعرفك صعبه يعني ريناد: لاموشرط... شوق: براحتك انا قلت لك.. ريناد: اووه شوق لاتكلميني بهاالطريقه وربي ضايعه.. شوق: بسألك انتي واثقه فيه؟ ريناد: ايه واثقه وقال لي اخر مره ان مادقيت عليه بيزعل..من جد شوق: خليه يزعل ريناد: لاوالله كل شئ ولازعله شوق: تحبيه؟ ريناد: اااه أي احبه ياشوق شوق: الله يديم المحبه ريناد: امييين... شوق: تعالي نروح لهم لايشكون بشئ قربوا من ام محمد وحور وخلود... خلود: يمه ام محمد: هلا خلود: متى بيدخل ناصر شوق: مستعجله على شنو هاااا دبه نزلت راسها وهي لونها احمر.. شوق: فديت قوس قزح خلود: شووق خلااص حور شوفيها ليش ماتدافعين عني ام محمد: هههههه ياحليلها اختك اللي فيها كافيها... حطت حور يدها على بطنها وابتسمت..... ام محمد: بس ناصر تأخر صارت الساعه 12 وينه مابين شوق اطلعي لاخوك واسأليه شوق: طيب يمه لبست عبايتها وطلعت برع مالقت حد..قامت تكلم نفسها وينهم لامحمد ولامازن ولاحتى...حتى بشار.. حست بقلبها يدق لمجرد انها تذكرته اااه منك قاسي ..مااشتقت لي معقووله؟؟ابتسمت بألم ولفت بشار كان يراقبها من مكان مو بعيد عنها...لما شافها بترجع جاء... بشار: شووق كشرت..اتخيل اني سمعت صوته.....طنشته وجات بتدخل... بشار بصوت اقوى: شووق __________________ وقفت هاالمره ...تقدم خطوتين حتى يصير قريب منها... بشار: اخبارك؟ شوق: بخير بشار: يعني راح تكلميني من ورا ظهرك لفت له بهدوء وراسها للارض... بشار: الله من وين جايبه هاالحلاوه اليوم شوق:ـــــــــــــــ بشار: وحشتيني ابتسمت له غصبا عنها.... بشار: امووت على هاالابتسامه..واخيرا شفتها.. شوق: تبي شئ؟مو فاضيه بشار: افااا وايش اللي شاغلك شوق: مو مشغوله بس هم مو فاضيه لك... بشار: مقبووله منك ياقمر..ايش كنتي تبين؟؟ شوق: ليه للحين ناصر مادخل؟ بشار: الحين بيجي مع محمد.. في هاالوقت وصل مازن ووقف بينهم... طالع الاثنين بخبث وضحك... بشار: خير ياالخبيث مازن: هااا صافيه لبن طاح الحطب؟ شوق: لاطبعا بشار: ماعليك منها تصالحنا شوق: مو بكيفك بشار: واهون عليك تجافيني كل هاالمده؟ تركتهم ودخلت.... بشار: تحبني احم.. مازن: ههههه خلاص ارتحت الحين؟ بشار: طبعا الليله ادق عليها واصالحها.. تتوقعون شوق بتسامح بشار؟؟ولا؟؟ وريناد بتتهور وتدق على احمد وتعرف من يكون؟؟ كل هذا بتعرفونه في الجزء القادم وصلت السياره اللي فيها ناصر ومحمد وابو محمد وابو ماهر...دخلوا كلهم ماعدا بشار وابوناصر ومازن.. خلود لما لمحت ناصر على بدايه الستيج توترت ونزلت راسها...ياربي عدي هاالليله على خير اطرافي كلها بارده مو قادره استحمل اكثر...كل ماقرب تقوى دقات قلبها.. صار مقابلها..رفع عنها الطرحه..وحط يده وراء راسها وحبها على جبينها وخدها.. محمد: هيييييه خلاص خلوا هاالحركات للبيت ناصر: موشغلك مرتي ابومحمد: هههههه بعدوا شوي خلوني املي عيني بشوفتها قبل ماتروح.. دمعت عينها لماقرب منها ابوها وحضنها... ابومحمد: خلود بنتي هالله هالله بنفسك وزوجك لاتخالفينه واسمعي كلامه.. خلود: طيب محمد: يالله بطت اذننا هاالموسيقى... صعدت شوق وجنبها ريناد عاالمسرح.... شوق وهي تسحب يد محمد وترقص: لاتستحي عبر عن شعورك فااليوم ليس له مثيل محمد: فضحتينا...اتركيني شوق: مافيه .... وبقت ماسكه يده وتتمايل معاه.... ابومحمد: ناصر متى سفرتكم؟ ناصر: بعد يومين.. ابومحمد: بالتوفيق ان شاء الله... نزل محمد قبل ابوه وصارت ريناد تمشي معاه على طول المسرح...لما قرب عند الباب لاحظ انها مو طبيعيه اليوم..فيها شئ وخمن ان السبب احمد عفوا....مازن محمد: شفيك ريناد: انا؟سلامتك محمد: الا فيك شئ ريناد: مافيني شئ محمد محمد: احمد؟؟ ريناد: ايش دخل احمد في الموضوع لا ماسوى لي شئ محمد باندفاع: ليه تدافعين عنه بهاالطريقه ريناد: وانت ليش تتكلم عنه بهاالطريقه ؟؟ محمد: ليه ماتبين تقولين لي شصاير ريناد: اوووووه محمد ماصار شئ بعدين....(سكتت شوي) هذي حياتي انا حره فيها اووكي محمد: ماتبيني اتدخل يعني؟هذا معنى كلامك؟ ريناد بعصبيه: عليك نوووور باي تركته ودخلت الحمام تشيل عبايتها وتعدل مكياجها...نزل راسه وهو يفكر..براحتها ماتبيني اتدخل..طييب ياريناد باخليك براحتك وبيجي يوم بتعرفين فيه من احمد..وبتبكين دم.... هبه كانت عيونها تتابع محمد لين طلع من الصاله.. ورود: هذا هو محمد؟ هبه: أي هوو فديته بس شفتي رينادوه تمشي معاه اوووف ورود: وربي حلووو عرفتي تختاري هبه..ها ايش ناويه تسووين؟ هبه: بطلع له بره ... ورود: انتبهي لحد يشوفك هبه: لاتوصين.. قامت بسرعه وشافته يفتح الباب ويطلع طلعت وراه وسوت نفسها ماشافته....وحطت يدها على راسها وافتعلت ملامح الالم....حس بوجود حد لف لما شافها استغرب... محمد: هبه؟؟ هبه: محمد؟؟ هلا محمد: هلا فيك شلونك؟ نزلت راسها بحزن مصطنع... محمد: محمد شفيك؟؟ هبه: تعبانه والله محمد: سلامات شفيك هبه: تعبانه محمد راسي...وابي حد يرجعني البيت بس مو لايقه محمد بعد صمت لفتره قصيره: تبين اوديك؟ ابتسمت له ابتسامه النصر.... هبه: تقدر؟؟ محمد: اكيد تفضلي يلا... لما طلعوا بره حدود قصر الافراح طلعت من شنطتها شريط وحطته...كان لنانسي عجرم...لف عليها وابتسم هبه: ليكون ماتحب نانسي؟ محمد: ابدا هبه: هذا ويقولون اني اشبهها في الشكل والجسم.. محمد بتوتر: امممم مادري هبه بدلع: اقول محمد محمد: هلا هبه: اخاف بس ثقلت عليك وانت يمكن مشغول محمد: عادي حاضرين للطيبين هبه : تسلم لي محمد __________________ وصلوا نزلت من السياره توقعته يقول شئ لها بس ساكت رجعت وفتحت الباب... هبه: مابتنزل؟ محمد: لاوالله هبه: طيب ليش اشرب لك شئ عصير او عاالاقل ماي محمد: لامايصير هبه انتي لوحدك في البيت هبه: لاهنا الخادمه محمد: معليش مره ثانيه هبه: بتزعلني يعني؟ محمد: ياهبه لاتزعلين...بس هبه: لابس ولاشئ انزل ارتاح شوي .. محمد بنفاذ صبر: طيب دخلوا البيت ومشوا لين وصلوا لغرفه الضيوف... هبه: تفضل محمد: اظن لو جلسنا باالصاله افضل هبه: ههههههه ادخل عاد استجاب لاوامرها مسير لامخير...غصبا عنه بيشرب هاالعصير ويقووم.. غابت عنه 5 دقايق ورجعت بيدها عصير برتقال.. هبه: تفضل.. محمد: مشكوره هبه: العفو ماسوينا شئ جلست قريب منه وتطالعه وهو يشرب بنظرات خبيثه تحمل داخلها معاني غريبه .... لما نزل الكاس لف لها وانتبه لهاالنظرات...توتر كرده فعل اولى... شفيها تراقبني ..وتطالعني بهاالطريقه.... هبه بصوت اقرب للهمس: محمد محمد: نعم هبه : شرايك فيني امحق سؤال شفيهاا ذي اليوم محمد: امم تمام قامت وقفت قدامه...ولفت على نفسها لفه بدلع..وعبايتها حدث ولاحرج فستان كل الوان قوس قزح فيها... هبه: والحين؟؟؟عادي؟؟ محمد وقلبه يدق بقوه: هاااا اممممم قاطعته: اعترف اني حلووه محمد:ــــــــــ هبه: مو عاجبتك؟ محمد وهو يقوم: اسمح لي هبه بطلع الحين هبه وهي تحط يدها على يده: افا محمد ويين ماجلسنا مع بعض... محمد وهو يطالع يدها اللي على يده باستغراب: لازم اروح هبه وهي تمنعه : بس على شرط لاتقطعنا اووكي؟؟ محمد وهو يطلع من الغرفه: يصير خير ماصدق متي صار في سيارته..كان يتنفس بصوت عالي..ياربي ايش هاللي سوته هبه..استغفر الله ايش كان قصدها..معقوله كل هذا يطلع منها...ماتوقعت.احرك قبل ماتطلع لي.......... انسدحت عاالكنبه بخفه وهي تضحك.......ههههههههههههههه شاطره ياهبه الخطوه الاولى تمت بنجاح باقي الخطوه الثانيه....ويصير محمد لي انا وبس ههههههه.... ................ __________________ | |||||||||
|
| |
|
03-10-13, 10:37 PM
| #24 | |||||||||
| نجم روايتي ومشرفة سابقة وفراشة متالقة بعالم الازياء
| لما وصل لمكان العرس اول شخص شافه مازن..اللي كان ماسك جواله بيده والخوف واضح على معالم وجهه وبشار جنبه يكلمه ...نزل وراح لعندهم وهو يتحاشي النظر لمازن.... محمد: شصاير؟؟؟ بشار: هبه صار لنا ساعه ندورها... محمد وهو يتذكر كل اللي صار: اها انا وصلتها البيت مازن: طيب ليه ماقالت لنا طيحت قلوبنا ماتحس جلس محمد عاالكرسي وحط رجل على رجل: يمكن نست تقول لكم حصل خير مازن بعصبيه: احر ماعندي ابرد ماعندك صح ماعندك احساس رفع محمد راسه وابتسم بسخريه.... محمد: انت تتكلم عن الاحساس؟؟ليه متوفر عندك؟؟؟ مازن: اكيد مو مثلك محمد: اووه تطورنا سلفني اجل شويه ياابو احساس مازن: محمد عن الغلط بشار: ياجماعه صلوا عاالنبي شفيكم على بعض مازن: من ولد عمك ماتشوفه من يوم كنا باالامارات وهو قالب علي وكلامه مثل السم والسبب طبعا مجهول محمد: اظن اني حر اكلمك بكيفي وبالطريقه اللي تعجبني انا اوكيه؟ مازن: حر؟؟طيب يامحمد من اليوم ورايح لاانت تعرفني ولااعرفك بشار: اعوذ باالله منك ياابليس شفيك مازن الله يهديك..نسيت انكم اهل مازن: انا مانسيت بس ولد عمك نسى محمد: انا؟؟؟كلن يشوف الناس بعين طبعه مازن: انت عن شنو تتكلم محمد وهو يقوم: انت عارف زين باي تركهم وراح....جلس مازن مكان محمد وهو مستغرب اسلوب محمد وكلماته... بشار: شصاير بينكم عن شنو يتكلم مازن: مادري.. بشار: تذكر اكيد مسوي شئ مازن : والله يابشار ماسويت شئ والله بشار: الله يهديه .. مازن: امين.. ........... الساعه 1 ونص طلع ناصر مع خلود وتوجهوا لفندق بيقضوا فيه ليلتين وبعدها يسافرون... ورود اول مارجعت دقت على هبه حتى تسألها عن اللي صار لكن لقت جوالها مقفل.. ام مازن رجعت البيت وهي مستغربه ليه هبه طلعت من العرس ...سألت الخادمه وقالت لها ان محمد جابها ... والحين هي نايمه.. شوق دخلت غرفتها وهي كئيبه كيف باعيش بدون خلود في البيت؟ بتوحشني حيل نزلت دموعها بدون احساس سريعه على خدها...وقررت تنام في غرفه اختها.. بدلت ملابسها واخذت جوالها وراحت لغرفه خلود..رمت نفسها على سرير خلود الكبير وتغطت باالفراش...وطارت عند حبيبها بشار..احبه والله هاالانسان جد مااقدر ازعل عليه معقوله يدق علي الليله؟؟ يااااااارب يتصل وحشني..ووحشتني سواليفه..استسلمت لتعبها ونعسها.ونامت .............. بعد ساعه ونص رجع ماهر وبشار وحور وريناد البيت... ريناد: يلا انا باروح انام باااااي ماهر: تغطي زيين...بشار بشار: هلا ماهر: متى بيرجع ابوي ماقالك؟ بشار: مابيتأخر نص ساعه وبيجي الله يهديها هاالدبه خلووود حور: هههه مصره ان عمي وابوي يوصلونها للفندق ماهر: حركات بنات زين ماسويتي مثلها وجيبتي امك وابوك ليله عرسنا بشار: انت احمد ربك ماخلتهم ينامون وياكم باالغرفه ماهر: كانت بتسويها بس منعتها ههههه حور: تتمسخرون انت وياه لكن هين باعلم عليكم وصعدت فوق.. بشار: الحقها راضيها لايصير في ولدك شئ.. ماهر: بومه وربي بومه اسكت مع سواليفك البايخه..انا باصعد انام تعبااان بشار وهو يقلد صوت ماهر: باصعد انا تعباااااااان روح احد ماسكك ماهر: اذلف زين تصبح على خير يالبومه بشار: وانت من اهله ميمي ماهر: هههههه الله يهديك __________________ صعد وراه بشار لغرفته بعد مابدل ملامسه رمى نفسه عاالسرير ودق على شوق...رفعته الاخت النايمه بدون ماتطالع الشاشه... شوف بصوت كله نوم: الووو سكت وهو يتأمل صوتها.. يااااه من زمان ماسمعته شوق: الوووو .....عمركم مارديتوا ناس فاضيه.. بشار: اسف حبيبتي ازعجتك استوعبت صوته واعتدلت في جلستها.... شوق: بشااار؟؟ بشار: عيونه وروحه وكل دنيته اسف صحيتك من نومك بس الشوق ذابحني شوق: لاعادي بشار: شلونك ؟؟ شوق: بخير...وانت؟ بشار: انا من بعدك ضايع شوق: أي قص علي بشار: وربي مااقص عليك تتوقعين يعني ايش بتكون حالتي من بعدك وحيد ضايع ماعندي قمر تدلعني ليل نهار شوق: بشااااااار بشار: ههه خلاص اسفين شوق: لاتعيدها بشار: مااشتقتي لي؟ سكتت وهي مبتسمه ايش اقوله الا ميته شووق الا هي انا خخخخ شوق: امممم انت عارف الاجابه بشار: لو عارف ماسألتك شوق بصوت مثل الهمس: اكيد اشتقت لك بشار: يابعد قلبي ياشوق...وانا اكثر واكثر...زعلانه مني؟ شوق: أي بشار: يحق لك غلاتي والله اسف مااعيدها وبعدين ياشوق انت عارفه انك الوحيده بقلبي وعمري ماافكر بغيرك شوق: بس اغار عليك.. بشار: خلاص حقك علي حبيبتي مو تزعلين هاالزعل كله مره ثانيه؟ شوق: اوكي... ............... في نفس البيت القسم الثاني كانت جالسه على سريرها..وماسكه الجوال بيدها وتطالع رقمه...ادق اولا..بيزعل؟الحين ينتظرني فدييته ياربي ايش اسوي وايش الموضوع اللي بيقوله لي... اكيد موضوع خطير ولاماكان الح علي حتى اتصل.. امممم طيب برسل له مسج وخلااص.. ارسلت مسج تسلم فيه عليه وتقول انها الجوهره ومن هاالكلام... وصل له المسج وهو يدور في اغراضه عن شئ..استغرب من اللي تذكره في هاالليل كان مكشر وهو يفتح المسج لكن من شاف اسمها ماصدق... الجوهره؟؟ معقووووووووووله مااصدق ياربي واخيرا.....حنت علي واخير .. جلس على طرف السرير ودق عليها....رفعته بعد 4 رنات... وهي ترتجف من راسها الى رجلها ..مو عارفه ايش بتقول وكيف بيكون صوته ..حلو ولا وكيف اسلوووبه...موقف صعب لاتحسد عليه وتجربه جريئه لكن الفضول ولولا انها تحبه ماهتمت له وحطت له طناش.... مازن: الووو تأملت بصووته ....حلوو صوته....سامعه مثله من قبل بس ويين... مازن: الجوهره..... صوته رجعها من افكارها وبصوت متوتر ... ريناد: الو ابتسم هو الثاني..الدبه صوتها حلوو مثل ماقالت لي هذاك اليوم...مميز...يابختي فيها...ونااااااااااااسه ياناااااس الاثنين ماميزوا اصوات بعض ..تعرفون الاصوات تتغير بشكل او بأخر في التلفون.... مازن: واخييييرا ياالظالمه اخبارك ريناد بخوف: بخير مازن: دوووم مو يووم شفيك خايفه؟ ريناد: لابس... مازن: لاتخافين ولوو....كيف يعني مريت على بالك... ريناد: امممم انت قلت بتزعل لو ما دقيت .. مازن: بس جد مفاجأه واخيرا سمعت صوتك جد كنت مشتاق اسمعه ريناد سكتت ولاردت بأي شئ هذا اول مكالمه ويقول هاالكلام كيف بعدين... مازن: مستحيه مني يعني؟؟ ريناد: تقدر تقول... مازن: لاخذي راحتك ريناد: اوكي... مازن: الجوهره.... ريناد: نعم.. مازن: انا قلت لك اني باكلمك بموضوع ريناد: أي صح مازن: الجوهره...انا بدايه تعارفنا كنت احسبك مجرد اخت وصديقه اشكي لها همومي تساعدني وباالمقابل اساعدها لو هي احتاجت ريناد: طيب والحين؟؟ مازن بتنهيده: الحين الوضع تغير احس اني احتاجك كل لحظه تساعدني تشلي عني الهم لو كنت مهموم ... باختصار..صرت مااقدر على فراقك.. ابتسمت..واخيرا نطق وين كان خاش هاالكلام عني...احمدك ياربي انك ماخيبت املي الوحيد.. يعني يحبني مثل مااحبه.......الحمدلله... مازن: الله ابيه منك ياالجوهره تصونين الامانه اللي حطيتها بين يدينك ريناد: اللي هي؟ مازن: قلبي.. __________________ بعد ماسكرت من عند مازن دقت دايركت لشوق الي كانت شبه نايمه وسكرت من عند بشار.... شوق: الووو دبه ريناد: نااااااااااايمه؟؟ شوق: لااا شفيك صاير شئ؟؟ ريناد: شوقووووووه كلمته شوق: من؟؟ احمد؟؟؟؟؟؟؟؟ ريناد: أي شوق: مجنونه انتي؟؟؟؟؟؟؟؟ وايش صار ريناد: شوق يحبني مثل مااحبه شوق: لاوالله مبرووك انقلعي باي ريناد: شوق لاتكلميني كذا شفيك؟ شوق: قلت لك لاتدقين ليه تعاندين ريناد: حتى مايزعل واعرف الموضوع اللي بيقوله لي شوق: أي موضوع يهم الامه الاسلاميه عسى بس تحررت فلسطين؟ ريناد: باااايخه شوشو شوق: وكيف طلع ؟؟ ريناد: اااه يجنن ياشوق اسلوب وكلام عسل ومحترم ماغلط معاي ولا كثر حكي شوق: الله يساعد قلبك ريناد: باكلمك بكره وباقولك التفاصيل شوق: اوكي باي ريناد: باي.. .... رجع مازن راسه عاالمخده وارتسمت على ملامحه ابتسامه....لااكيد انا في حلم مااصدق لبت طلبي ودقت..يالله ايش قد همساتها حلووه...بيني وبينكم حبيتها..لاستغربون حبيتها هاالانسانه... ملاك والله ملاك ومستحيل الاقي مثلها ...طيوبه وحبوبه تخاف علي ويمكن....تحبني..ليش لا انا ايش ناقصني ماتحبني مافي بنت تعيف مازن...لااا بس هذي غير ... لكن راح اخليها تحبني تبادلني مشاعري فتح جواله وخزن رقمها بأسم الامـل.. بعدها قفل جواله حتى ينام مرتاح..ومحد يزعجه..بس وين تجيني الراحه وهي اكيد بتسكن افكاره طول الليله... ياربي كيف قدرت بنت تدخل قلبي بهاالسوله....بس ايش مصيرنا مع بعض... حس ان لسه النهايه صوره معالمها مشوشه ومو واضحه للحين.. ........ صحى وحس نفسه مفعم باالحيويه والسعاده لف عليها بسرعه...الحمدلله مااحلم يعني.قام راح لناحيتها تأمل ملامح وجهها البريء وخصلات من شعرها طايحه عليه بعد الخصلات عن وجهها ... تحركت وشالت يده ضحك على حركتها وحب يعاندها ويعيد الحركه.. وهي لازالت مغمضه بس من تكشيره وجهها ينعرف انها منزعجه.... خلود: اوووه شووق روحي عني ناصر: هههههههههه شوق يالدبه... فتحت عينها على طول صوت رجال..ركزت شوي ناصر يالله الظاهر نسيت اني امس متزوجه ناصر: احلى صباح حبيبتي خلود: صباح النور رفعت يدها بتعب ورفعت شعرها كله بمشبك.. خلود: كم الساعه؟ ناصر: اممم 11 ونص خلود: اووه تأخرت في النوم جلس جنبها وحط يدها على كتفها.... ناصر: لا ماتأخرتي ناسيه ان امس سهرانين سوا ابتسمت بخجل وقامت لعند المرايه..ماتركها راح وقف جنبها.... ناصر: تدرين خلود خلود: شنو ناصر: اني اموووت فيك لفت له وهي تشابك اصابع يدها.... خلود: جد؟؟ ناصر: صدقيني ماابالغ لو قلت انك كل حياتي سحب يدها وباسها...سحبت يدها برقه وهو انقهر منها.. ناصر: بسيطه وين بتروحين مني خلود:هههههههههه ناصر: اضحكي باوريك خلود: ايش بتسوي؟ ناصر: يعتمد على حسب مزاجي خلود: واهون عليك؟ ناصر: اخ منك هنا المشكله انك ماتهونين علي ... دخلت سبحت ولبست بدله موديل هندي زرقاء مع قميص طويل مطرز وتحته بنطلون ...حطت لها مكياج بنفس اللون مع جلوس وردي... ناصر وهو يطالعها من المرايه: وااااااااااو ايش هاالزين ابتسمت وكملت مكياجها..ولما خلصت راحت جلست جنبه عاالكنبه... ناصر: توني عرفت اني ماخذ قمر خلود: تبالغ... ناصر: لاليش ابالغ خلود: تسلم لي... ناصر: مو كأني اتغزل فيك من صباح الله وانتي كلمه وحده ماقلت له.. خلود: انت تدري اني احبك و.. ناصر : بس بس باموووت ماسمعت عيديها خلود: احبك.. باسها على خده وضمها لصدره... ناصر: وانا احبك اكثر حبيبتي.. __________________ | |||||||||
|
| |
|
03-10-13, 10:38 PM
| #25 | |||||||||
| نجم روايتي ومشرفة سابقة وفراشة متالقة بعالم الازياء
| رن بهاالوقت جوال خلود بعدت شوي عن ناصر ..واخذت جوالها ناصر: من؟؟ خلود:هههه شوق ناصر: اراهن انها تشوفنا.. خلود: هههههههه الووو شوق ليش تضحكين اعترفي ايش قال لك خلود: حرام ماقال شئ شوق: خوخه وحشتيني ارجعي البيت خلود وهي تكلم ناصر: ناصر شوق تقول ارجع البيت سحب الجوال من يدها .. ناصر: سكري يلا باي شوق: صبر صبر نصوور احم اقصد ناصر ناصر: حد يتصل بهاالوقت يالدبه شوق: جوال اختي كيفي ناصر بنفس صوت شوق: جوال زوجتي كيفي شوق: هههه اقول عنتر اعطيني اختي يلا ناصر: مافيه اغار شوق: تكفى ناااصر جيبها تنام معانا الليله ناصر: شنووو ليش مجنون مو صاحي شوق: اووف بامووت والله لوحدي ملييت ناصر: لاشوق شوفي انا عندي اقتراح احلى شرايك امرك واجيبك تنامين معانا باالفندق شوق: الله صدق؟؟ احلى واحلى ناصر: اقول قلبي وجهك باي شوق: باعلم عليك اختك سارووه ناصر: كملت انتي وسوير...يلا اخذي اختك عطى خلود الجوال وقام يسبح.. خلود: شوق اخبار امي وابوي؟ شوق: بخير مابتمرين البيت؟ خلود: الا بنجي انا وناصر نتغدى معاكم شوق: خلاص حلووو انتظرك مو تتأخرين خلود: اكيد يلا سلمي عليهم شوق: الله يسلمك باي خلود: باي... وبعد ماطلع ناصر راحوا اول شئ بيت ابو ناصر وبعدها بيت ابومحمد.... ................. ربطت شعرهاو فتحت باب الحمام وينه ماهر ..انزل اشوفه...نزلت ومالقت الا ابوماهر باالصاله... حور: عمي وين ماهر؟ ابوماهر: طلع الحديقه شوي حور: ريناد وبشار وينهم ماصحوا؟ ابوماهر: لاوالله اكيد بينامون للظهر حور: لا مايصير الدراسه قربت ولازم ينتظم نومهم... ابتسم لها ونزل راسه حست انه تذكر شئ راحت جلست جنبه.. حور: ممكن اعرف ايش تذكرت؟ ابوماهر: ام ماهر الله يرجمها...الحمدلله اللي عوضني فيكم وانتي ياحور يابنتي لولاك مادري كيف بيصير البيت حبت عمها على راسه... حور: ماابي اسمع هاالكلام ياعمي انا لولاكم ولاشئ وريناد وبشار مثل اخواني واعز واحبهم اكثر مما تتصور ابوماهر: الله يخليك لهم يابتيتي حور: هذا الواجب ياعمي ابتسمت لعمها وراحت المطبخ 10 دقايق وطلعت لقت ماهر باالصاله جالس جنب ابوه وبشار منسدح عاالكنبه والنوم بعيونه... حور: براافو صحيت بشار زين وفرت علي التعب بشار: ليش زوجك هاالدب يخلي حد ينام براحته حور: ههههههههه زين يسوي فيك....صح النوم ماهر ماهر: صح بدنك قلبي حطي الفطور حور: فطور في الظهر ماهر: جوعاااان حور: طيب اصبر ساعتين واتغدى ..ليه ماصحيت ريناد ماهر: ذي عاد اللي ماقدرت عليها ابوماهر: مو هينه طالعه على ابوها ماهر: في هذي صادق ابوماهر: الا اقول ماهر مو كأنك مصختها شوي ماهر: ليش يبه عاااد؟ ابوماهر: متى ناوي ترجع للشغل في الشركه هلكنا انا وعمك ماهر: طيب يبه مو انت مشغل موزن ومحمد معاك وينهم؟ ابوماهر: محمد مايقصر ومازن والله يتعب معانا وانا احسبه مثلكم انت وبشار ماهر : خلاص يبه انت تامر امر السبت بداوم وياك بشار: وانا ليش مااداوم وياكم ابوماهر: ياليت يابشار تجي وتداري حلالك بشار: حلوو خلاص احسبوني من اليوم وياكم ماهر:لاتكفى يبه كل شئ ولاذا ماحد بيضيع حلالنا غيره حور: لاماهر خلوه وياكم يتعلم من الحين عاالشغل ماهر: لا مافيه انا مو موافق ابوماهر: ماهر وانا وين رحت؟ رأي مو مهم ماهر : العفو ياالغالي بس انا كنت اقترح وبشار لسه عوده لين والشغل يبي له صلابه ابوماهر: لابكره يصطلب ويطلع اكبر تاجر بشار: احم طبعا وبشتغل في الاسهم بعد واصير واااو بزنس مان ماهر: الله يعيننا عليك وعلى تفكيرك الاقرد ........... __________________ حست بأنزعاج من النور فتحت عينها وطاحت عاالساعه..1 ونص الظهر اوووف مانمت شئ قامت سكرت الباب وطفت النور ورمت نفسها بتعب عاالسرير توها تغمض عينها الا جوالها يرن...يالله شنو مابنام اليوووم يعني..رفعته بدون ماتفتح عينها ريناد: الووو مازن: الووين فتحت عينها واعتدلت في جلستها وطالعت الشاشه..حتى تتأكد مازن: الووووو ريناد: هلا احمد....هلا مازن: شفيك تخرعتي من سمعتي صوتي ريناد:هههه لا شدعوه بس ماتوقعت مفاجأه مازن: عسى بس مفاجأه حلوه ريناد:ــــــــــ مازن: قلت شئ يستدعي الصمت ريناد: لا مازن: جاوبيني طيب ريناد: امم ماراح اجاوب مازن: طيب ليش؟ ريناد: امممم مزاج مازن: افا يالجوهره الحين انا طلعت باالنسبه لك مزاج؟ ريناد: لاتفهمها بهاالطريقه مازن: اوكي ايش كنتي تسووين؟ ريناد: نايمه مازن: والله؟ سوري عاالازعاج كان قلتي حتى اسكر... ريناد: لاتقول هاالكلام احمد مازن: عاالعموم ارجعي نامي خلاص وبدق اتطمن عليك في الليل اذا ماكان عندك مانع طبعا ريناد: اوكي مازن: خلاص انتبهي لنفسك توصيني على شئ؟ ريناد:سلامتك مازن: الله يسلمك ....اكيد ماتبين شئ ترى مايردك الا لسانك؟ ريناد: ماابي الا سلامتك مازن: طيب عيوني مع السلامه ريناد: الله يسلمك.. بعد ماسكر مازن باس الجوال وضمه لصدره..اااااه ياربي احس اني احبها ...ابي اسمع صوتها كل دقيقه كيييف باصبر لليل ..الله يعين هي نفس الحاله ماطاعت عينها تغمض مره ثانيه.. اه يااحمد كيف بس قدرت تخليني انجذب لك واحبك بهاالطريقه اموت واعرف كيييييف حبيته ؟؟ قامت بحيويه ونزلت جلست مع اخوتها وابوها... ................. الساعه 4 العصر وبعد ماتغدوا في بيت ابومحمد رجعوا الفندق... دخلت خلود ورمت الشنطه عاالكرسي وجلست..راح وجلس جنبها.... ناصر: تغديتي زين؟ خلود: الحمدلله ناصر: بصراحه طبخ خالتي ام محمد لايعلى عليه خلود: أي والله ناصر: بس محمد ياخلود مادري شفيه اليوم فيه شئ خلود وهي تقوم: لا ناصر: حبيبتي شفيك؟ خلود: ولاشئ ناصر: تخبين علي يعني خلود: مافيني شئ قام ومسك يدها وباسها... ناصر: احلى خوخه باالعالم شفيها.... نزلت راسها بدون ماتقول أي شئ... ناصر: قولي حبيبتي خلود: امك ياناصر ليش ماتحبني استغرب من جملتها ....ياربي حست على امي...ااه ايش اسوي لها حتى اخليها تحب خلود .. ناصر: حبيبتي خلود اسمعيني هي تحبك بس ماتحب تظهر لك مشاعرها خلود: بس انا احسها ماتحبني ابدا ناصر: طيب حتى لو انتي بطيبتك وحنانك بتخلينها تحبك... خلود: اوكي ناصر: حاولي علشاني خلود: اوكي علشانك ناصر ناصر وهو يحضنها : الله يخليك لي حبيبتي.. .................. كان جالس يشاهد التلفزيون ومعاه اخته وامه...لف على شوق شافها تاكل مكسرات ومندمجه في الفلم.. محمد: شوووق شوق وهي اخر اندماج: امممممممم محمد: شوووقووه شوق: هااااااااا اسمعك خير محمد: تعالي فوق ابيك شوي شوق: بعد مايخلص الفلم محمد: لا الحين ابيك ضروري ضرووري شوق: اصبر الحين بينتهي محمد بعصبيه: اقولك الحين ماتفهمين ام محمد: شفيك محمد معصب هدي حالك...شوق قومي شوفي اخوك ايش يبي حطت علبه المكسرات وقامت وهي تتحرطم.... شوق: شرف محمد افندي قدامي دخل غرفته وهي وراه جلست على طرف السرير وهو رايح جاي مقابلها... شوق: تكلم شفيك؟ محمد: امممممممم حبيت اسألك عن شئ شوق: اللي هو؟؟ حمل البرواز اللي فيه صورته .... محمد: امممممم شوق: تكلم لاتستحي مني هههههه محمد: اوكي بسألك عن سماح شوق: سماح؟؟؟؟؟ توقعت والله محمد: اخبارها شفتيها امس؟ شوق : شفتها وسلمت علي محمد: واخبارها مرتاحه حسيتيها ؟ شوق: تبي الصراحه لا و امممممم سألت عنك محمد: لاااااااااااااا تمزحين جد؟؟؟ شوق: بسم الله شوي شوي علي أي قلت لها يسلم عليك محمد وهو يحضنها: كفوو والله اختي اااه متى تتطلق واخذها شوق وهي تحط يدها على جبينه: شفيك؟؟ مريض ؟؟ شنو تتطلق بعد انت صاحي محمد: اكيد بيمل ويطلقها لانها ماتحبه شوق: الله يهديك هذا كلام واحد عاقل فكر في نفسك ومستقبلك محمد: اقووول توكلي اطلعي بره شوق: صدق ماعندك ذوق محمد: خليته لك ماابيه شوق: باي ......... __________________ دخلت سماح غرفتها شافت ابوعلي يقرأ في الجريده لما شافها تركها وارتسمت على وجهه ابتسامه... ابوعلي: سماح سماح: نعم؟؟ ابوعلي: تعالي ابيك شوي سماح: شنو ؟؟ ابوعلي: انتي تعالي طلعت زفره وراحت جلست مقابله .. سماح: في شئ؟ ابوعلي: أي ابيك بموضوع سماح: اللي هو؟ ابوعلي: انتي عارفه ظروف عملي تتطلب مني سفر للخارج سماح: اوكي؟؟ ابوعلي: لهذا بسافر حست بفرح دفين داخلها ....يعني برتاح فتره اااه واخيرا سماح: وبتطول؟ ابوعلي: للاسف أي سماح: كم؟ ابوعلي: 5 شهور سماح: 5 شهور؟؟؟؟؟ ابوعلي: أي وان شاء الله السفر بعد 4 ايام باروح مصر ابيك تنتبهين لنفسك ولاتحتكين في ام علي مانبي مشاكل سماح : اوكي لاتوصي حريص قامت لعند المرايه وهي مبتسمه....فرحانه؟ أي ماانكر..بس 5 شهور كثير كيف بتحمل هاالنسره زوجته لوحدي؟؟لا لكن مو لوحدي معاي شهد ..طيوبه وحبوبه هاالبنت لولاها كان طفشت جد من هالبيت.. ............. | |||||||||
|
| |
|
03-10-13, 10:38 PM
| #26 | |||||||||
| نجم روايتي ومشرفة سابقة وفراشة متالقة بعالم الازياء
| الساعه 11 ونص كانت جالسه مع ابوها وماهر وحور باالصاله ... ريناد: ههههههههه حلوه يبه قول غيرها ابوماهر: ماعندي خلصوا النكت حطت راسها على كتف ابوها... ريناد: توني ادري انك خفيف دم يبه ابوماهر: صدق ماعندك سالفه قومي بس عني ريناد: ههههههه ماباقوم احبك ماهر: حياله مادري على من طالعه حور: على اخوها الكبير طالعها ماهر بنص عين ماهر: هااا ماسمعت حور: من قال هاا سمع ماهر: شين وقوي عين حور ويدها على صدرها: انا شينننننننننننننننننه؟؟ ماهر: من قال حور: انت ماهر: ظالمه الحين من قال شينه الظاهر الحمل مأثر على سمعك ريناد: هههههههههههه عندك اياها حور: وانتي بعد وياه الله يسامحك كانت ريناد تاركه جوالها باالغرفه ومازن يدق عليها بس مايحصل رد...بعد نص ساعه صعدت للغرفه وشافت 4 مكالمات...فرحت من الخاطر وطرشت له مسج (( احمد...اسفه كنت جالسه مع اهلي وتاركه الجوال بغرفتي...)) وصله المسج وهو جالس مع بشار ومجموعه من الشباب في القهوه...لما شاف المسج ابتسم.. بشار: اعترف من راسل لك مسج؟ مازن: مالك شغل سحب بشار الجوال من يد مازن لكن تداركت يد مازن الموضوع واخذه باالقوه... بشار وهو يغمز: هااا مزوون مخاوي من ورانا.. مازن: مالت عليك يمكن.. بشار وهو يرمي نفسه جنب مازن: احلف احلف احلف مازن: هههههههه خبل قووووم تركي (واحد من الشباب): شفيكم شباب ضحكونا وياكم مازن: لابس تعرفون بشار وخفه دمه تركي: زين مازن تعال العب ويانا ورق مازن: انا اعذروني بطلع اكلم شوي بره هنا ازعاج تركي: خذ راحتك بشار: بعد بره؟؟؟باجي معاك اسمع صوتها مازن: اوووف باكلم الاهل بشار: بسيطه ان ماسمعته اليوم بسمعه بكره مازن: هههههههه باي طلع بره وجلس على سيارته ..ودق عليها.. ريناد: الو مازن: اهلين ريناد: هلا وغلا مازن: شلونك؟ ريناد: تمام وانت؟ مازن: بخير مرت عليهم دقايق الصمت فيها كان ثقيل... مازن: شفيك ساكته؟ ريناد: ولاشئ...وين انت؟ مازن: مع اصحابي باالقهوه... ريناد: اها اوكي اجل رسلت بوقت مو مناسب مازن: شدعوه جوهرتي... سكتت ..وهي خلاص مستحييه..جوهرتي بعد؟؟ ليش يحرجني هالدب... مازن: شفيها جوهرتي وين سرحت؟ ريناد بصوت منخفض: لا ولامكان مازن : اها سكتت وهي محتاره ايش اقول ياربي..ماابي اطول اخاف حد من اخواني يدخل علي ساعتها باروح في خبر كان...ويييلي مازن: جوجو تكلمي ابي اسمع صوتك مشتاق لك ريناد:ـــــــــ مازن: اووه نسيت انك خجوله لكن مو مني من اللي ماخذه عقلي ريناد: من؟؟ مازن: وحده ماتعرفيها سكتت ريناد وهي تفكر ياشينك اذا صرت ثقل قول اسمي وخلاص مازن: جوجو الووو ريناد : لو سمحت اسمي جوهره مو جوجو مازن: بدلعك كيفي ريناد: لامو بكيفك دلع حبيبتك بس هو مبسوط عاالاخر لانه حارق اعصابها .. مازن ببرود: ليه معصبه؟ ريناد: لاابد سلامتك باي مازن: وين بتروحين؟ ريناد: بنام مازن: اوكي قبل ماتسكرين باقولك شئ... ريناد: قول مازن : ترى ماحد شاغل بالي غيرك لاتزعلين ياالغلا باي سكرت بدون ماتقول شئ...اااه راحه وفرحه غريبه احسها لما اسمع صوته...احس كلماته..اسافر معاه لعالم ثاني......بس صدقوني احس بشعور يزلزلني ويحيرني.....الخــــــــوف من المستقبل تتوقعون هل الاحداث والصدف بتصير لصالح ريناد ومازن؟؟ ولا شئ ممكن انه يخرب كل شئ بينهم؟؟ وايش ينتظرهم من مواقف ؟؟ كل هذا بتعرفونه في الجزء القادم الساعه 4 ونص الفجر...كانوا يشاهدوا فلم لف عليها لقاها مغمضه عينها ومرجعه راسها عاالكنبه...ابتسم وراح جاب غطاء وغطاها حتى ماتبرد وحبها على جبينها....طفى التلفزيون دخل يسبح وطلع للصلاه بسرعه اليوم موعد طيارتهم الى لندن ومايبي يتأخر...لما خلص صلاه راح دايركت لبيت ابومحمد يجيب شنط خلود... بعد مامر على بيتهم واخذ شناطه... لقى محمد عند الباب توه راجع من الصلاه... ناصر: تقبل الله محمد: منا ومنكم صالح الاعمال ناصر: اخبارك ؟ محمد: هلا نصوور انا بخير هاا وينها اختي؟ ناصر: اختك نايمه محمد: كان صحيتها نبي نشوفها قبل ماتسافر ناصر: ماحبيت ازعجها..وين عمي؟؟ محمد: لسه باالمسجد ناصر: خساره كان ودي اودعه محمد: بتلحق عليه مابيتأخر تفضل ليش واقف عند الباب دخل وكانت ام محمد باالصاله...حبها على راسها وجلس قريب منها.... ناصر: شلونك خالتي؟ ام محمد: هلا ناصر ولدي ...انا الحمدلله بخير وين بنتي؟ ناصر: تراكم حطمتوني كلكم تسألون عنها وانا ولد البطه السوداء ام محمد: هههههههههه الله يشهد ياناصر غلاوتك من غلاوه خلود بس تعرف... ناصر: والله ياخالتي هي نايمه...ماحبيت ازعجها واصحيها.. ام محمد: كان صحيتها ياناصر ابي اشوفها قبل ماتروح ناصر: مادري حسيتها تعبانه تركتها... ام محمد: طيب مااوصيك عليها ياناصر..هذي خلود الغاليه ناصر: افا ياخالتي خلود بعيوني لاتوصين... ام محمد: مو تتركها لحظه لوحدها... ناصر: اكيد محمد: شوف نصور ان صاب اختي شئ امحيك والله من الوجود ناصر: بل بل بل ياخاين العشره بهاالسهوله تنسى الصداقه وتمحيني محمد: ههههه لا بس هذي خلود وردتنا ناصر: انزين يالدب... دخل بهاالوقت ابو محمد... ابومحمد: السلام عليكم الكل: وعليكم السلام قام ناصر لعمه وحبه على راسه ابومحمد: تحب الكعبه ياناصر ها جاهزين ؟ ناصر: أي عمي كل شئ تمام ابومحمد: وخلود وينها كشر ناصر وضحك عليه محمد محمد: نايمه تركها وجاء ناصر: يلا ياجماعه انا استأذن الحين ابومحمد: في وداعه الرحمن ياناصر مااوصيك على خلود انتبه لها ناصر: من عيوني عمي..مع السلامه شال الشنط بمساعده محمد وصعد السياره وحرك شال جواله وشاف 3 مكالمات من خلود...دق عليها... خلود: ناصر ناصر: هلا عمري صحيتي؟ خلود: ناصر ويينك خايفه ناصر: ههههه لاتخافين ياالغلا انا توني طالع من بيتكم خلود: ليه ماصحيتني ناااصر اووف ناصر: مو تزعلين خوختي بس ماحبيت ازعجك شفتك تعبانه... خلود: اوكي خلاص من بيودينا ناصر: اتفقت مع محمد بيمرنا خلود: اوكي خلاص باي ناصر: تعالي مو تنامين ترى اسافر واخليك خلود: ماتقدر ناصر: في هذي صادقه مااقدر ابعد عنك لحظه وحده امووواه حياتها خلود: اووه ناااااااصر باي ناصر: ههههه باي ياحلووو ............... الساعه 6 و40 دقيقه اقلعت الطائره وكانوا حاجزين عاالدرجه الاولى...هي مبسووطه مرره طالعت ناصر وهي تتذكر اول مره شافته والمره الثانيه في زار في ابن خلدون....بس انا ليش ماسألته عن هاالمرره مالت علي خليني اسأله.... خلود: ناصر ناصر وهو يلف لها: هلا عمري خلود: حبيت اسألك عن شئ ناصر: تفضلي خلود: كنت من زمان ابي اسألك بس اممم طنشت وقلت يمكن صدفه ابتسم ناصر لانه عرف قصدها..... خلود: هااا كأنك عرفت ناصر: اكيد ولوو قصدك يوم شفتيني في ابن خلدون صح؟ خلود: باالضبط ليه كنت رايح صدفه؟؟؟ ناصر: اكذب عليك لو قلت صدفه كنت لاحقك فتحت عيونها وحطت يدها على ذراعه وضغطت عليه خلود: ناااااااصر كنت تلاحقني ناصر: هههههههههه شوي شوي ريلاكس ياالغلا كان قصدي شريف ومالحقتك الا هاالمره خلود: ليش؟ ناصر: كنت مشتاق اشوف احلى عيون باالشرقيه كلها شالت يدها وابتسمت له..... خلود: اوكي تيل مي....(( اخبرني)) اعتدل في جلسته وقال لها احداث هذاك اليوم وكيف انه شافها عند البيت ولحقها لبيت ابوماهر ومنها الى السوق.. ناصر: خلود من شفتك عجبتيني انبهرت فيك..دخلتي مزاجي حاولت اشيلك من راسي بس ماقدرت حاولت وحاولت لين صرتي لي ومن نصيبي...تدرين كنت باموت لو ماكنتي من نصيبي... خلود: سلامتك حبيبي ناصر... ناصر: ايش اسمي انا؟؟ خلود بخجل: ناصر ناصر: ياعمرررررررررري خلود: الله يخليك لي ناصر: ويخليك لي يارب قولي اميين... خلود: امييين ............. __________________ الساعه 10 الصباح صحى مازن من النوم طالع جواله سحبه ورسل لها هاالمسج (( لو انك جمره تحرق كفوفي منك مامليت لضمك دوم في كفي واسوي نفسي ماحسيت)) هي كانت نايمه بس سمعت صوت المسج سحبت جوالها وبتعب فتحته لما شافت المرسل قامت وابتسمت وتذكرت كلامه امس....خليه الدب مابرسل له بعانده..رن الجوال في يدها وهو اللي اتصل..... ريناد: الووو مازن: صباح الخير ريناد: صباح النور هلا احمد مازن: هلا جوهرتي شلونك؟ ريناد: امممم بخير مازن: اكيد؟ ريناد: انت ايش شايف يعني مازن: خذي بعد حزمتك واضربيني مو احسن ريناد: هههههههههه اسفه اسفه مازن: لاتعيدينها....كنت صاحيه ولانايمه؟ ريناد: نايمه لكن اوكي..ماقلت لي اخبارك؟ مازن: بخير دامك بخير...وحشتيني ريناد: وانت بعد مازن: جد؟؟ ريناد: أي مازن: اه لو تدرين يالجوهره احس اني بحلم مو مستوعب اللي يصير مو مصدق اني اكلمك ريناد: لاصدق مازن: ممكن اطير من الفرح؟؟ ريناد: هههه لاخليك وياي مازن: ههههههههههههه ريناد: الا تعال صحيح مازن: هلا ريناد: ليه ماتدخل النت الحين؟ مازن: الحين دامي سمعت صوتك ماله داعي النت ريناد: اممممممم كذا يعني؟ مازن: ليه ماتبيني اسمع صوتك يعني؟ ريناد: مو كذا احمد... مازن: براحتك يالجوهره اذا شايفه هاالشئ مناسب لك ريناد: احمد مازن: هلا ريناد: لاتفهمني غلط مازن: اووكي جوجو باقولك شئ ريناد: تفضل مازن: الجوهره انا خلاص تعودت عليك اول باالنت والحين تلفون بصراحه مااقدر افارقك.. ريناد:ـــــــــــ مازن:مادري انا حاليا شنو بالنسبه لك بس قلبي ياالجوهره بين يديك ابيك تحافظين عليه ريناد بصوت اقرب للهمس: في الحفظ والصون... مازن: جد؟ ريناد: تطمن مازن: الحمدلله الحين تطمنت ريناد: بس خايفه مازن: ليش؟ ريناد: احمد اللي نسويه غلط....انا عارفه هالشئ بس مستمره فيه علشانك...ماابي تخذلني و قاطعها: غلاتي جوجو والله اني....(سكت شوي ) احبك تسمعين احبك؟ ماراح اتخلى عنك كيف اقدر وانتي روحي...تطمني... ................ بعد مافطر صعد غرفته على اساس بيطلع مع بشار..وهو يحط الجل في شعره تذكر هبه وحركاتها يوم العرس.. ياربي ايش قصدها جد كانت غريبه مررره اول شئ الحت علي انزل بعدين اسلوبها معاي واحنا جالسين ايش تفسيره؟؟؟؟؟؟ هي دائما كذا ولا معاي بس؟؟؟ ادق عليها؟؟ لا شنو جنيت..بس الفضول ذابحني لا لا ماراح اكلم راح تفهمني غلط خلي فضولي لي وربي مالي داعي ادق عليها..... اخذ مفاتيح سيارته وجواله والبوك ونزل تحت... ................. | |||||||||
|
| |
|
03-10-13, 10:39 PM
| #27 | |||||||||
| نجم روايتي ومشرفة سابقة وفراشة متالقة بعالم الازياء
| جلست بملل على سريرها شافت قطوتها(كاتو) جايه لها..شالتها وحطتها على رجلها وجلست تمسح عليها وعلى راسها .....وهي تتذكر كلام مازن...انا غلط والل ياسويه غلط ... اااه ايش اللي احسه .احس بشئ يخنقني طاحت من عينها دمعه استغربت هي منها....احمد احبه؟ ايه وبعدين ايش نهايه هالحب ...نهايه معروفه نفترق لان اساس علاقتنا غلط...شنو انساه يعني بس كيف وهو بدمي مااقدر انساه ااه ياربي ساعدني مالي غيرك دفنت راسها بمخدتها وبكت من خوفها من المستقبل البعيد...كانت الخادمه بتناديها للغداء بس لما شافتها تبكي رجعت تحت.. الخادمه: بابا ابوماهر: وين ريناد؟ الخادمه: هزا ريناد يبكي ابوها: ريناد تبكي؟؟؟ طلعت حور من المطبخ وجنبها ماهر شايل صحن السلطه وهم يضحكون ...طالعهم ابوماهر بسرعه وصعد... ماهر: يبه وين رايح؟ ابوماهر: اختك مادري شفيها انتظروني صعد لغرفتها وشافها لسه على وضعيتها... ابوماهر: ريناد رفعت راسها ومسحت دموعها.... ابوماهر بجديه: شفيك؟ ريناد: مافيني شئ يبه ابوماهر بعصبيه: اجل وشوله الدلع والبكي ؟ طالعت ابوها باستغراب من ماتت امها وهو يحاول مايجرحها ولايرفع صوته عليها حتى مايزعلها.. ريناد وهي تقوم له: يبه...شفيك؟ ابوماهر: ولاشئ وطلع من الغرفه..وهي طلعت وراه كانوا ياكلون بصمت ماهر يطالع حور وهو مستغرب منهم.... حور: الا وين بشار مو في غرفته ريناد؟ ريناد من غير نفس: لا حور:وين راح ريناد: لاتسأليني مادري ماهر: شفيك انتي الحين تتكلمين من غير نفس ريناد بنفاذ صبر: ولاشئ ماهر: كيف ولاشئ ليش هاالعصبيه رمت الملعقه وقامت... ريناد: اووف قلت لكم مافيني شئ ماهر عصبي ولايتحمل حد يكلمه بهاالطريقه ويرفع صوته عليه لاشعريا قام ورفع يده وجاها كف على خدها وهي مو مستوعبه اللي يصير اليوم لها .. ماهر: حتى تحترمين نفسك وتتكلمين بأدب ريناد وهي تبكي: حرام عليك انا شسويت ماهر: ثاني مره ان سمعت حسك مرتفع تشوفين شئ ماشفتيه فاهمه قامت حور وبعدته عن ريناد....لكن ريناد ماقدرت توقف لحظه وحده اخذت روحها وصعدت..... ابوماهر: خلصت ياماهر؟ ارتحت الحين حس باالاحراج من ابوه ونزل راسه.... ابوماهر: وجودي مو مهم يعني؟ تعال بعد اجلس مكاني وتصير انت الامر الناهي في هالبيت ماهر: العفو يبه ابوماهر: ليه سويت كذا فيها مو كفايه هي متضايقه وانا رفعت صوتي عليها تجي انت وتضربها انا حتى مااكسر كلمتك قدامها ماقلت شئ بس الحين مابسكت لك ماهر: يبه ماشفت اسلوبها كيف انا بأدبها ابوماهر بعصبيه: بس اسكت ولاكلمه...شايفها مو مؤدبه يعني حتى تأدبها ماهر بنفس العصبيه : ماتشوف دلعك لها كيف مأثر عليها صارت ماتحترمني وانا اخوها الكبير ابوماهر: ترفع صوتك علي ياماهر؟ حط يده على قلبه وغمض عينه.... حور: عمي عميييي فيك شئ ابوماهر بألم: ايش اللي مافيني مو حرام عليكم هذي اختك يتيمه بدال ماتراعيها تقوم تطقها ماهر: مو بس هي يتيمه كلنا..و ابوماهر: بس اسكت...تراددني بكل قواة عين صدق اني ماعرفت اربيك __________________ دخل في هالوقت بشار وهو يسمع حسهم لبره .. الثلاثه لفوا عليه شار بحيره: شصاير؟؟ ابوماهر: شوف ياماهر كلمه وحده ماراح اثنيها والله ثم والله لو اشوفك رافع يدك عليها بتندم فاهم ماهر: ممكن لو سمحت ماتهددني بشار: ماهر..خلاااص كيف تكلم الوالد كذا ماهر: اوووه روحوا زين طلع بره البيت لحقته حور بس ماقدرت تمسكه..... جلس ابوماهر بتعب عاالكرسي ويده على قلبه الضعيف اللي مايتحمل أي انفعال ...قرب منه بشار والخوف ساكن عينه... بشار: يبه...فيك شئ ابوماهر: هاتوا لي ماي عطته حور ماي وفتح له بشار ازرار ثوبه... بشار: يبه علشاني لاتعصب نفسك مره ثانيه ماهر تعرفه يخور اذا عصب ابوماهر: بس يرفع صوته علي؟ ماتوقعتها اول مره يسويها حور: ماعليه عمي انت هدي بالك وماهر خليه علي ..كمل اكلك قام من مكانه بألم واضح على ملامحه: انسدت نفسي قبل مايدخل غرفته مر على ريناد لقاها على سريرها وتصيح بقوه.. ابوماهر: ريناد حبيبتي يابنتي خلاص لاتبكين ريناد: اتركوني ايش تبون ضرب وضربتوني ايش اكثر بعد راح وجلس جنبها عالسرير... ابوماهر: ريناد اخوك مايقصد انتي عصبتيه ريناد: ماعصبته اصلا لقاها فرصه وطقني ابوماهر: سويتيها طق ماعليييه بس خلاص لاتبكين ريناد: خليني يبه حط يدها على راسها وهو مبتسم....قامت وحضنته بقوه.. ريناد: يبه...احبك واسفه اذا زعلتك ابوماهر: انتي ماسويتي شئ بعدت عنه وبعينها نظره تساؤل..... ابوماهر: غلطتي على اخوك صح؟ نزلت راسها ريناد: لا ابوماهر: لاهذي مو ريناد بيتي اللي ربيتها بتزعلين ابوك عليك ريناد: لاطبعا....بس ابوماهر: عالعموم هو ترك البيت وطلع ريناد: وين راح ابوماهر: مادري الله يهديه صاير ثور هالولد دخل بشار في هاللحظه ودق عالباب.... بشار: ممكن اقتحم غرفت الانسه ريناد وادخل ريناد: ههههه حياك ابوماهر: انا باروح ارتاح بغرفتي بشار: الله معاك يبه راح بشار جلس مكان ابوه .... بشار: رينادووه شصاير ريناد: مادري لاتسألني بشار: قووولي..علمي اخوك الدب ايش سوى علمت اخوها بكل شئ .... ............. وهي تتغدى كانت تطالع محمد رفع راسه وابتسم لها ردت له الابتسامه وقالت.... ام محمد: اقول محمد ....بعد الغداء ابيك في موضوع محمد: موضوع؟ اوكي يمه شوق وهي تاكل السلطه: سر يعني؟ محمد: لاتصيرين ملقوفه أي سر بيني وبين امي شوق: شنوووو صارت فيه اسرار بهاالبيت شفت يبه من ورانا.... ابومحمد: واحنا مايصير نعرفه يعني؟ ام محمد: بتعرفونه قريب لانه يخص محمد لازم اعرف رايه... سكتت شوق وبلعت غصتها....تمنت مايكون موضوع هبه .....من كل قلبها تمنت انه مو هاالموضوع ولـــــــكن,,, في غرفه محمد.... محمد: يمه هبه ماابيها ام محمد: ليش يامحمد مافيها شئ ينعاب محمد: مثل اختي وبعدين ماتناسبني ام محمد: اسمع كلامي يامحمد هبه خوش بنت لو ماكانت كفو مافكرت اخطبها لك.. محمد بتردد: يمه حبيبتي هبه ماابيها اوكي ام محمد: رفضك لها باصرار يخليني اشك محمد وهو يعطيها ظهره: وبتوتر: يعني...يعني ايش بيكون السبب قربت منه وحطت يدها على ظهره... ام محمد: في وحده في بالك محمد؟ محمد: ها لاطبعا ام محمد: محمد ياولدي صدقني هبه تمام اخلاق وجمال وادب وعلم وبعدين انت اولى فيها من الغريب كانت واقفه عند الباب تسمعهم....ظنونها صدقت ...سرعت غرفتها قبل ماتطلع امها تشوفها وسكرت الباب وتسندت عليه والحل؟؟ محمد نقطه ضعفه امي واكيد اذا ضغطت عليه بيوافق بس لاااا انا مستحيل اسكت...اخليها تاخذ اخوي وتصير زوجته مستحييل ...وامي تحبها اااه يالقهر صرت اغار ... طلعت وهي مصممه تنفذ اللي براسها شافت امها تطلع من غرفه محمد وطيف ابتسامه على محياها. ام محمد بعد ماحست لشوق: شووق رتبتي اغراضك لبكره؟ مو ناقصك شئ للمدرسه شوق: الا بارووح المكتبه مع ريناد الحين بادق عليها ....اممم يمه باقولك شئ ام محمد وهي تدخل غرفه شوق: قولي شوق: بس لاتعصبي اوكي؟ ام محمد: طيب شوق: يمه....هبه ماتنفع لمحمد قامت امها من الكرسي بعصبيه بعد ماجلست عليه وانفجرت بوجه شوق.. ام محمد: كنتي تسمعين كلامنا؟ صدق ماتستحين شوق: يمه ماسمعت كنت جايه لغرفتي وبالصدفه سمعت كلام محمد ..كان يصارخ ام محمد: وبعدين تعالي..اتوقع اخوك هو اللي بيتزوج مو انتي شوق: اكيد..بس مرت اخوي مالي حق اختارها؟؟وهبه ماتنفع لمحمد لانه يستاهل وحده احسن منها.... ام محمد: لانك ماتحبينها لهذا ماتبينها..لكن لو تتقربين منها اكيد بتحبينها شوق: وواااع من سابع المستحيلات احب هبه ام محمد: بكيفك انا بنزل لابوك سكرت الباب وراء امها وهي معصبه...اوووف مافي فايده مصممه امممم كيف احلها الحين اقول لريناد ونشوف ... دقت عليها واتفقوا يروحون مكتبه جرير.....وهم باالسياره..... ريناد معصبه على سايقهم لانه يسرع حكمت: ماما ريناد انا مافي اسرع ريناد: لاتسرع خفف السرعه شوي اووف أي كملي شوشو ايش صار بعدين؟ شوق: كلمت امي وعصبت علي مافي فايده مقتنعه ريناد: شوق حبيبتي اسمعيني صحيح ان انتي علاقتك في هبه مو ذاك الزود لكن خلي محمد يقرر لوحده في النهايه هو اللي بيعيش معاها مو انتي...ودامه رافض لاتتعبين عمرك تطمني مابياخذها... وان واقف ماتقدرين توقفين بطريقه شوق: انتي شايفه كذا؟ ريناد: اكيد وبعد سوالف ماتنتهي بين هالثنتين وصلوا... ريناد: حكمت مو تروح ويت اوكي؟ حكمت: مافي تأخر اوكي؟ شوق: مالت يتأمر مع وجهه انزلي بس ريناد: يلا كانت تمشي جنب اخوها راحت لعند الشنط مازن: هبه الزرقا احلى خذيها هبه: مازن تعرفني مااحب الازرق شرايك في الحمرا مازن: عندك فالنتين انتي هبه: ههههههه بيطردوني من المدرسه ان شاء الله مازن: لا عاد وهم لافين لجهه الشنط لمحتهم من بعيد.. شوق: اووه وانا اقول شفيها المكتبه منووره ريناد وهي ترسل مسج الى احمد اللي هو مازن: خير ايش شايفه شوق: طالعي بنفسك رسلت المسج وقامت تمسحها من الرسايل المرسله وبعدين رفعت راسها .....شافت هبه تضحك مع مازن وهو ماسك جواله بيده يطالعه دق قلبها بطريقه خافت منها...لكن ابعدت افكار خياليه من بالها... شوق: تعالي ريناد: روحي لوحدك شوق: بلادلع تعالي نسلم عليهم ريناد: والاخ مازن موجود؟ استحااااله انا باروح فوق اطالع الكتب شوق: طيب باسلم عليهم واجي وراك صعدت ريناد فوق وشوق تقدمت تسلم عليهم مو حبا في هبه بالعكس.... شوق: مين هبه ومازن ؟؟معقووله؟؟ لفت هبه ورسمت ابتسامه على وجهها استغربت شوق شصاير في الدنيا هبه تبتسم؟؟؟؟ الله يستر هبه : الله ايش هالمفاجأه هلا شوق اخبارك؟ شوق: تمام ....اخبارك يالقاطع؟ مازن: هلا بأم كشه شلونك جايه لوحدك؟ شوق: لا ريناد معاي مازن وهو يتذكرها لما كانوا باالامارات: اها وينها؟ شوق: فوق يلا انا استأذن الحين سلموا على خالتي مازن: الله يسلمك يوصل __________________ كانت تطالعهم من فوق وشافتهم يفترقون عن بعض....لاحظت بنت ابتسمت لمازن يوم شافته وتكلمت مع صاحبتها وهو طالعهم باحتقار ومشى مع هبه..... شوق وهي تصادف ريناد بنص الدرج: ليه نزلتي كنت جايه لك ريناد: مافي داعي..شوفي شوق البنات اللي يطالعون مازن لفت شوق ولقت البنتين يراقبون مازن وهم حاط لهم طناش... شوق: تعالي ننزل وسحبت يد ريناد لكن صار شئ خلى شوق توقف وبالتالي وقفت ريناد... تقربت البنت الاولى من مازن وسوت نفسها باالغلط ماشيه على عبايتها الطويله وتطيح على مازن اللي لاشعوريا مسكها .... دق قلب ريناد لهاالحركه بعنف.....تذكرت لما شالها لما كانت بتطيح...لما كانوا باالسوق وحتى تكمل التمثيليه بين البنتين جات الثانيه... البنت الثانيه: سلامات حبيبتي شصار لك؟ البنت الاولى: لا ولاشئ كنت باطيح لكن هاالشخص تصرف وطالعت مازن مبتسمه.. وهو كان عارف حركاتهم ماتطوف عليه حركات البنات لف على اخته ولقاها تضحك عليهم.. مازن وهو يطالع البنتين باحتقار: اختي مو قلت لك تجيبين مبيد للحشرات الزاحفه هبه: هههههههه اخوي نسيته هالمره مازن: ماتستحين انتي وياها مو عيب عليكم البنت الاولى: شسوينا عاد مازن: تفتكرون ان هذي حركات..بنات محترمات؟ الله يهديكم كانت ريناد تراقب عن بعد وهي مبتسمه لمازن لانه وقفهم عند حدهم...استحوا هالبنات وراحوا بعيد عنه رفع عينه للدرج شاف شوق تضحك من قلب طالع ريناد وابتسم لها وبحركه الشفايف قال لها(( شرايك فيني....؟)) ردت عليه بنفس الحركه(( تعجبني مزوون..)) ضحك لها...ومسك يد هبه وحاسبوا وطلعوا.... وريناد سرحانه مكانها من ضحك مازن لها...احمد كيف بيكون شكله ...ياترى عيونه حلوه مثل عين مازن؟؟ ضحكته تجنن مثل ضحكة مازن؟؟ اوووه انا شفيني اقارن الثرى باالثريا.... ريناد: شوشو خلينا نخلص ونطلع يلا شوق: اووه خلينا ماخلصت باقي واجد ريناد: يالدبه اخلصي شوق: أي بتروح البيت وتكلم فارس الاحلام احمدوووه | |||||||||
|
| |
|
03-10-13, 10:39 PM
| #28 | |||||||||
| نجم روايتي ومشرفة سابقة وفراشة متالقة بعالم الازياء
| صحت طالعت الساعه اووف نمت كثير...لفت للجهه الثانيه وهي متوقعه تشوف ناصر....دق قلبها طبول لما ماشافته ويييييييينه؟ قامت بسرعه من السرير وراحت لعند الحمام مافي أي صوت ...لاااااا مستحيل وينه نااصر يتركني ويطلع..؟؟.تجمعت الدموع بعينها غصبا عنها.....وقامت تروح وتجي باالغرفه وهي مو عارفه كيف تتصرف جلست عالكرسي وهي تدخل يدها بين خصلات شعرها بتوتر....انفتح الباب رفعت عيونها وابتسمت لما شافته وراحت لــه,,, ناصر: شفيك حبيبتي خلود: خفت عليك ناصر وهو يمسح دموعها: لاحبيبتي تطمني اسف ماقلت لك بس امس سهرانه قلت بتتاخرين في النوم خلود: ولووو المفروض تقول لي ناصر وهو يحط يده على كتفها: حقك علي حبيبتي جوعانه؟؟ خلود: شوي ناصر: يلا البسي وخلينا ننزل ناكل خلود: ابي اكل هنا ناصر: ليش عاد خلود: ماابي انزل ناصر: الحين نحن جايين حتى تاكلين بالغرفه نطلع نشوف الناس طالعته بنص عين لان كلامه ماعجبها.... خلود: شهر عسل وجاي تشوف الناس ولاتشوفني؟ ناصر: انا ماقلت كذا بس بالغرفه عاد؟ خلود: اوكي از يو لايك سحب يدها وباسها.... ناصر: اموت فيك وانتي زعلانه ابتسمت وحطت راسها على كتفه... خلود: ناصر ناصر: روح ناصر انتي خلود: احبك موت ناصر: بس انا اكثر خلود: لا انا اكثر حضنها بحنان وبعدها نزلوا .. ............... تلبست عاالسريع واخذت شنطتها طالعت الساعه ويييييلي بتأخر من اول يوم ..تذكرت خطتها... لازم اكلم ريناد واحرجها ..لازم مازن لي انا وبس وضروري ابعدها عنه.... حطت هالفكره في راسها وراحت للمدرسه.... دخلت وبعد 10 دقايق دخلت ريناد ومعاها شوق وكانوا جايين بعبايات كتف وهالشئ طبعا ممنوع في المدارس السعوديه.... طلعت لهم فجأه المشرفه اللي تكرهها شوق.... المشرفه: انا كم مره نبهتكم شوق باستهبال: على شنو ابله المشرفه: اتوقع انظمه المدرسه معروفه العبايه الكتف ممنوعه شوق: طيب بس اول يوم الكل يجي باالكتف ريناد: بالغلط نسيينا والله المشرفه: مشكله هالغلط اللي يطلع لنا كل مره اكلمكم فيها بعد ماراحت رفع شوق وسوت لها حركه مالت عليك شوق: بقررره وحماره ريناد: ههههههههههههههه حرام عليك ترى طيبه شوق: بلا طيبه بلا هم مااواطنها جات بهالوقت ساره اخت ناصر لهم....وحضنت الثنتين... ساره: وحشتوني والله ريناد: يالدبه وانتي اكثر ليه ماتجين لي وتزوريني هاا؟ ساره: والله انشغلت رنووش حقك علي شوق: يلا خلونا ندخل متنا حر ساره: يلا .................. __________________ طلع مستعجل حتى شعره مامشطه....نزل مرايه لسياره ومشطه عالسريع اووووف متأخر ماكأنه اول يوم دراسه ولازم اروح مبكر...عسى مايعطيني الدكتور محاظره مالي خلق..شغل الراديو حتى يتسلى سمع صوت موجات وذبذبات الجوال تعلن قرب وصول مسج او اتصال.....من الفاضي اللي تذكرني من الصباح... وصله مسج فتحه واستغرب....من هبــه؟؟ يؤؤؤؤؤ ايش الطاري عليها وتذكرتني.. (( عمر الصمت ماقد صار معنى للنسيان...ماتشوف الارش هامده وبجوفها بركان )) بركان؟؟؟؟ الحمدلله والشكر ..عسى بس ماينفجر ونروح فيها ياربي هالبنت ايش اسوي لها تحاول تتقرب مني...انا ملاحظ هالشي المشكله انها 4 شهور واحتمال تصير خطيبتي..معقووله؟؟؟ هبه خطيبتي وتصير زوجتي وام عيالي في المستقبل؟ اوافق عليها واخطبها؟ وقلبي مع سماح... اااه اكيد ملتهيه مع زوجها الحيين ولافاكرتني ... لين متى ببقى كذا؟ والله ملييييييت عايش على امل ماله وجود.....مادري الله يعيني..وانسى ............. رن جرس البريك(الفسحه) جلست جنب شوق بالساحه الكبيره اللي يتجمع فيها عدد كبير من البنات.. شوق: ياربيييي الجو حااار بامووت ريناد وهي تلمح هبه وجنبها ورود: شوق طالعي هبه قصت شعرها طالعه حلوه شوق: أي والله مناسبه لها ... انتبهوا لورود تكلم هبه وتجي صوبهم وهبه كملت طريقها لوحدها.... شوق: كأنها جايه لنا الله يستر ريناد: أي والله مادري ايش عندها... قربت لهم وعلى شفايفها ابتسامه غريبه ماعرفت ريناد كيف تفسرها..... ورود: ريناد ممكن اكلمك شوي ريناد: انا؟؟ أي اوكي بعدت عن شوق وهي مو عارفه ايش السالفه... ريناد: خير تكلمي ورود: ريناد شوفي كلمتين ماراح اكثر....انتي جلستي مع مازن لوحدكم باالامارات كشرت.....جنيه ذي كيف عرفت...وليه تسأل؟ مالها خص ريناد: بصفتك من حتى تسألين؟ ورود: جاوبيني صح او لا؟ ريناد: الا أي ورود: الحمدلله مانكرتي باختصار ياريناد مازن ابعدي عنه اوكي؟؟ عارفه ليش لانه حبيبي ريناد: شنوووو حبيبك؟؟؟ بس مااظن انه يحبك ورود: هالشي بيني وبينه وان مابعدتي عنه ترى صورك عندي حركه ثانيه وتلاقيها منتشره حطت يدها على فمها وهي مصدوووومه..بتنشر صوري؟؟؟؟ لييييش انا ايش سويت لها..ومن وين ماخذتهم..من هبه...رحت فيها ريناد: من وين جبتيهم؟ ورود: بسهوله من عند هبه بدون ماتدري اخذتهم......انا قلت لك وذنبك على جنبك تركت ورود وراحت لعند شوق وهي تبكي بهستيريه.. ريناد: شوووق بتفضحني وتنشر صوري شوق: ايييش؟؟ أي صور؟؟؟ ريناد: مادري ...مادري تقولي ابتعدي عن مازن والا نشرت صورك شوووووق هي تدري اني جلست معاه باالامارات لما كنا بالمطعم شوق: انتي الغلطانه من تصرفاتك وجنونك ليه تجلسين وياه؟؟؟؟وهي كيف عرفت طالعت شوق وهي مستغربه اكثر..بدل ماتوقف معاي تزيدني.... ابتعدت عنها بخطوات واسعه وجات تصعد الدرج وهي تركض..لكــــن.....تعثرت وطاحـــــت....على راسها عند حد النافذه اللي وراها.....وبقوه جسمها طاحت عاالارض.... هالشي خلى بنات كثير يجتمعون عليها.... هبه لمحت اللي صار وجن جنونها صحيح ماتحب ريناد بس مو لهاالدرجه قلبها قاسي....كانت بتقوم تشوفها لكن ورود منعتها..... ورود: ههههههههههه خليها تتدلع هبه: شنو تتدلع ماتشوفينها طاحت ياربي الدم كثير اللي ينزل من راسها ورود: تستاهل هذا اللي كنت ابيه والحمدلله صار هبه: ليش مسويه شئ من وراي؟ ورود: أي رحت هددتها بصورها هبه : أي صور انتي بعد ورود: مو مهم وحذرتها من انها تتقرب من مازن مره ثانيه هبه: حقيره ياورود توني عرفت حرام عليك ورود: هذا وانتي ماتحبينها بعد هبه: بس مااكرهها عيب اللي سويتيه....من وين جبتي صورها؟؟ ورود: من عندك هبه ويدها على راسها: ياربيييي استر هاتي كل الصور اللي عندك ورود وهي تقوم: مافيه ياحلوه وراحت لعند الدرج مرت على ريناد اللي طايحه وفاقده الوعي وابتسمت بسخريه وكملت طريقها...... ........................... وصلوا المستشفى....بعد مادقت على بشار وجاء المدرسه على طول...طالعته بنظره حزن...وهو واقف جنب سرير ريناد وبعد لانهم دخلوها الغرفه..يفحصونها.. جلس بيأس عاالكرسي...راحت جلست جنبه وهي مو عارفه كيف تتصرف اول مره تشوفه بهاالحاله ...لف عليها والدمعه بعينه... شوق: ادعي لها يابشار بشار: شوف خايف نفقدها ماتشوفين الدم اللي نزفته.... شوق: بشار علشاني خليك قوي للاسف هالكلمات ماكانت تقويه بالعكس هزته اكثر ونزلت الدمعه من عينه..ماتحملت اكثر وراحت عند الغرفه وتسندت عالجدار ..وبكت... دخل ماهر ومعاه ابوه بعد مادق عليهم بشار وقال لهم...صاروا في الممر وقف ابو ماهر لما شاف الاثنين يبكون حط يده على قلبه بعد مااحس بألم فيه.....وغمض عينه... ماهر: يبه شفيك جات الكلمه متأخره وطاح ابوه عاالارض طلعت من ماهر صرخه هزت المستشفى كله بشار لما شاف المشهد هذا...حس باالفعل ان الموت يقرب منهم....اخته او ابوه واحد من الاثنين بيروح فيها.. مستحيل لاااااا ................... دخلت الفصل بعصبيه وكانت ورود جالسه تتصفح كتبها..جات عندها هبه وضربت الطاوله بعصبيه... هبه ببرود: خير هبه؟ هبه: أي خير بعد اللي سويتيه ورود: ماسويت شئ هبه: لاتضحكيني غافلتيني واخذت صور من البوماتي لريناد لا وتهددينها بعد الحين لو صار فيها شئ وعرفوا اهلها باالموضوع راح يحطون اللوم علي انا...(سكتت شوي وبعدها ناظرت ورود باحتقار) لاني سمحت لحشره مثلك تدخل بيتنا.... ورود: احترمي نفسك هبه: للاسف مااقدر احترم انسانه فاقده هالشي ورود: ليه تدافعين عنها مو انتي تكرهينها... هبه: مااكرهها لانها ماقد مره ضرتني بشئ واللي سويتيه بصراحه ماتسويه الا وحده عذرا للكلمه ولكن....حقيره ورود: ممكن تحتفظين بكلامك لنفسك هبه: تدرين لو اللي صار يوصل لمازن ايش بيسوي فيك ورود بعد ماحست شوي : لاهبه اجوك لاتقولين له هبه: دامك خايفه ليه سويتي هالشئ الحين البنت الله الوحيد العالم بحالتها ورود: لاتخافين مافيها شئ هبه بعصبيه: ماتحسين انتي طاحت ونزفت وتقولين مافيها شئ ورود: ماحد ضربها على يدها والله هبه: تدرين...من اليوم ورايح مالي كلام معاك ورود: هبه لاتكبرين الموضوع طلعت هبه من الفصل وهي معصبه بجد...اما ورود ابتسمت بخبث ورجعت جلست عالكرسي...فرحانه بانجازها.... ................ كان واقف بحيره يطالع اخوه اللي اول مره يشوفه ضعيف كذا..اكيد دام ريناد وابوي اقرب له من أي حد اااه طلعت من قلبه..مسكين يابوي من كثر الصدمه طحت وانت بدون شئ قلبك ضعيف.... نزلت دمعه حاره على خده مسحها بسرعه ولف على حور يطالعها بألم... ماهر: حور خايف على ريناد وابوي... حور: بأذن الله مافيهم شئ..بس ياماهر خليك قوي وتماسك علشان بشار مسكين شوف حالته ماتسر لاعدو ولاصديق من اول مادخلوت عمي العنايه المركزه وهو مانطق واقف يبكي ... قام ماهر لبشار وحضنه وبكى بشار اكثر ماهر: بشار خليك رجاااال لاتنزل دموعك بشار: ابوي واختي ياماهر..اااه ايش هالمصايب ماهر: استغفر ربك يابشار وادعي لهم جاء بهاالوقت ابومحمد ومعاه ام محمد.... قرب من ماهر بخوع ومسك ذراعه.. ابومحمد: سامحني ياماهر توني بس دريت وجيت ركض ماهر: مسموح عمي حصل خير ابومحمد: ايش صار على اختك وابوك ماهر: ايش اقولك ياعمي خليها على الله ريناد الطيحه طلعت .. قويه عليها وللحين مافاقت وابوي... سكت وهو يستجمع قوته.... ماهر: مادري تحت رحمة الله دخلوه العنايه المركزه... جلس ابومحمد عالكرسي لان رجله مو شايلته.....وقام يدعي لاخوه وبنت اخوه باالشفاء العاجل... ...................... __________________ رجعت البيت ووجها مو على بعضه واضح انها متضايقه....جلست جنب امها.. ام مازن: خير ياهبه شفيك؟ هبه: ماوصلك خبر اللي صار ام مازن: الا خالتك ام محمد قالت لي على ريناد بس... هبه: بس شنو؟؟ ام مازن: ابوماهر من خوفه على بنته طاح ودخلوه العنايه.... سكتت وهي تحاول تمسك نفسها قبل ماتقوم وتكسر شئ تطلع فيه حرتها من ورود.....صحيح ابوماهر مايقرب لي بس اعزه واعتبره من ابوي لانه يحبني ويحب مازن من يوم كنا صغار.... اااه انتي السبب ياورود في كل اللي صار....الله لايسامحك هبه: بتروحين المستشفى؟ ام مازن: مااظن للحين ريناد مافاقت هبه: لاتقولين جد؟؟؟ ام مازن: الله يشفيها اخذت شنطتها وصعدت غرفتها...رمت ثقلها عالسرير....ياترى محمد عرف بالموضوع...ادق عليه واتأكد رغم اني اتوقع انه مايدري لسه بالجامعه....لازم اقوله.. على اخر رنه رفعه... هبه: الو محمد محمد: هلا هبه اسف بس الجوال كان بالسياره ولحقت عليه في اخر رنه هبه: مو مهم...انت عرفت؟ محمد: خير شصاير؟ هبه: عمي ابوماهر وريناد..... محمد: شفيهم..؟ هبه: باالمستشفى يامحمد.... محمد: شنوووووو انتي ايش تقولين؟ هبه: اللي سمعته محمد: باي سكر قبل مايسمع ردها....رمت الجوال على الطاوله معاه حق يتضايق هذا عمه....اقوم اسبح احسن لي .............. | |||||||||
|
| |
|
03-10-13, 10:40 PM
| #29 | |||||||||
| نجم روايتي ومشرفة سابقة وفراشة متالقة بعالم الازياء
| التفت الى زوجته لقاها حاطه يدها على بطنها ومكشره....راح وجلس جنبها ماهر: حور اذا تعبانه روحي البيت حور وهي تحاول ترسم ابتسامه على ملامحها: لاحبيبي مافيني شئ ماهر: تحسين بألم؟ حور: شوي ماهر: خلاص قومي ارجعك البيت حور: كيف اروح ياماهر خلاص تطمن مافيني شئ ماقال الدكتور شئ على عمي؟ ماهر وهو يتنهد: رحت له و....على حالته حور: يارب انك تشفيه سمعوا خطوات حد يقرب منهم..لفوا له كان جاي يركض...وقف مقابل ابوه وهو يلهث وبعينه الف سؤال وسؤال... محمد: طمنوني ابومحمد: استريح ياولدي محمد: يبه تكفى قولي ابومحمد: مافيهم الا كل خير ان شاء الله ...بنت عمك طاحت باالمدرسه وتعورت وعمك تعرف قلبه ضعيف طاح .. محمد: صار له شئ؟ وينه؟ ابومحمد: باالعنايه المركزه قال هالكلمه بصوت منخفض..محمد من الصدمه جلس جنب ابوه وهو يطالعه وكأنه مو مصدق.... لما استوعب كلام ابوه نزل راسه وحطه بين يدينه.... جات لعنده شوق وهي تمسح دموعها وحطت يدها على كتفه...رفع راسه وشاف ابتسامه تحت الدموع.... ام محمد: هدوا نفسكم ياجماعه مابيصير الا كل خير ان شاء الله ....................... حط الشوكه على جنب ويده على بطنه..ضحكت خلود على شكله ...كانوا مخلصين غداء ناصر: تضحك بعد الدبه خلود: هههههه شبعت؟ ناصر: الحمدلله ....اكلهم حلو اكل هالمطعم... خلود وهو تطالع اركان المطعم: أي حتى الديكوريشن رائع ناصر: صحيح..الا حبيبتي كلمتي اهلك؟ خلود: دقيت ماحد رفعه..وجوال امي مسكر وحتى جوال ابوي بصراحه خايفه ناصر: يمكن رايحين مكان مافيه ابراج خلود: بش ظهر وين بيروحون... ناصر: لاتحاتين غلاتي لما نرجع دقي عليهم مره ثانيه وان شاء الله خير خلود: ان شاء الله ..................... دخل مازن البيت وهو يدندن....يامسهر عيني حبك على عيني...يامحير قلبي وروحي.. هي قاعده على الكرسي الطويل مقابل التلفزيون وبيدها ايس كريم.... مازن: مرحبا هبه: مراحب حطت الايس كريم بتوتر عاالطاوله واعتدلت في جلستها....جلس جنبها وهو يطالع التلفزيون... مازن: ايييه..شفتيه هذا فيديو كليب راشد نسيناكم حلو هبه: أي كلاسيكي....اممم ليش تأخرت؟ مازن وهو يطلع الزفاره من مخباه: رحت القهوه هبه: رجعت تدخن مازن؟ مازن: يالخبله قصري حسك لاتسمعك امي هبه: عاد شدعوه مابتشم الريحه مازن: بنعطر المكان سحبت الزقاره من فمه وطفتها في الطفايه.... مازن: ليش عاد هبه..اوووف هبه: اسمعني الحين في موضوع مهم قام من مكانه وعدل بلوزته... مازن: بعد مااصحى من النوم هبه: الحين....اقولك مهم مازن: هبه نعسان وتعبان رايح الجامعه مواصل خلاص لما اصحى يصير خير... هبه: براحتك .................... دخل الدكتور غرفه ريناد ودخلت وراه ممرضه..قام ماهر من مكانه وحط يده عالباب بس تراجع...مااقدر ادخل واشوفها بهاالحاله..لما طلع الدكتور مشى معاه ماهر... ماهر: صحت ولا؟ الدكتور: للاسف لا ماهر: طيب ليش ؟ متى بتصحى؟ الدكتور: العلم عند الله بس اكيد الضربه جات قويه على راسها علشان كذا تعبت وماصحت للحين... ماهر: هالشئ خطر عليها دكتور؟ الدكتور: لاتستبق الاحداث اذا صحت بنعرف كل شئ..عن اذنك بعد ماتركه الدكتور راح للكفتيريا وجلس يشرب قهوه لعل وعسى تهدأ اعصابه ويخف هالتوتر..ولكن عبث ..................... اول ماصحى من النوم فتح جواله يشوف الساعه...7 المغرب اووه نمت كثير قام من السرير ورفع يديه بتعب....جات الجوهره على باله اييه وحشتني خلني ادق عليها واشوف اخبارها...بس لامو الحين يمكن ازعجها خليها لليل... طلع من غرفته وشاب باب غرفه امه مفتوح ..دخل راسه شافها تصلي...طلع وراح لغرفه هبه كانت ناشره كتبها عالسرير والدفاتر بحضنها..ابتسمت له يوم شافته راح وجلس مقابلها.. مازن: حشى حشى شصاير ليش كل هالحوسه؟ هبه: شسوي بعد...توك صاحي؟ مازن: أي والله....الا ايش الموضوع اللي كنتي بتقولينه لي؟ هبه بتوتر: ها أي موضوع؟ مازن: نسيتي يافاقده الذاكره هبه: أي تذكرت مازن: يلا سمعيني اجل هبه: امممم مازن شوف ياخوي بادخل في الموضوع على طول مازن: خوفتيني هبه شصاير؟ هبه: بصراحه اليوم صار شئ باالمدرسه خلى ريناد تطيح والحين هي باالمستشفى دق قلبه.....دقه اسرع من اللي قبلها...وكشر... مازن: شفيها؟ هبه: طاحت على راسها ونزفت يامازن ايش اقولك....وللحين ماصحت رجف جسمه وهو يتخيل شكلها.. مازن: والسبب؟ هبه: هذا الموضوع اللي كنت باقوله....... __________________ قامت هبه سكرت الباب وجلست جنبه.. هبه: اول شئ خليك هادئ ماابي عصبيه مازن بعصبيه: قولي خلصيني حرقتي اعصابي حشى هبه: شوف مازن...وحده اليوم راحت لريناد وهددتها بنشر صور لها...اذا ماتركت وبعدت عنك..تعرف انك معذب قلوب العذارى.... مازن وهو مكشر ومو مستوعب: شنو؟؟؟؟؟هذا وقت مزحك وثقاله دمك هبه: هذا اللي صار ياعزيزي..هي شافتكم لما كنتوا جالسين مع بعض باالامارات نزل راسه ومسكه بيدينه وبعصبيه دخل اصابيعه فيه.. لف على هبه والشر يتطاير من عينه..هي خافت وتراجعت ورا.. مازن: تعرفي هالبنت؟ هبه: ها لا ...مااعرفها مازن: شفيك متوتره طيب ..تعرفيها؟ قامت وراحت لعند المرايه.. هبه: لا.قلت لك مااعرفها مازن: في أي مستشفى ريناد؟ هبه: بتروح؟ مازن: لاشرايك يعني..وهذا سؤال هبه: على فكره ابوماهر عمي..لما عرف طاح عليهم ودخلوه العنايه انت عارف قلبه ضعيف مايستحمل فتح عيونه على اخرهم....بعدها قام لعندها ومسك كتفها.... مازن: تمزحين انتي؟ هبه: لو مو مصدق اسأل امي.. مازن: ايش هالمصايب اليوم....لكن اسمعيني هبه البنت لازم تعرفينها اذا مو اليوم بكره فاهمه هبه: ايش بتستفيد يعني؟ مازن وهو يحاول يتحكم بأعصابه: ماتفهمين انتي...اعرفيها وجيبي اسمها وخلاص اخليها تعرف مره ثانيه تسوي هالحركات..وهي بعدين ايش مصلحتها؟ هبه: معجبه فيك يااخ مازن: تنقلع مع وجهها لاتحلم...اعبرها طلع وسكر الباب وراه بكل بقوته...هي نقزت من مكانها ..اووف ليه ماقلت له انها صديقتي المصون ورود على الاقل تاخذ حقها ..بس لا مهما كان هذي كانت صاحبتي في يوم من الايام ومازن اعرفه اذا عصب مايحرم .... ............ رن جواله وطلع من غرفه ريناد على طول حتى ماتتأثر الاجهزه.... مازن؟؟ اكيد عرف باالموضوع بشار بصوت مخنوق: الوو مازن: هلا بشار ..اخباركم؟؟ ماتشوفون شر بشار: الشر مايجيك انت شلونك؟ مازن: ماعليك مني ...قول انتوا بأي مستشفى بشار: في مستشفى ....... جناح..... مازن: ثواني وانا عندكم باي... حط الجوال بجيبه ودخل لاخته مره ثانيه يطالعها...مسك يدها ...ريناد يلا اصحي ..علشاني.. واذا مو علشاني علشان الوالد...مسكين من خوفه عليك وحبه لك طاح والله الوحيد العالم بحالته....ليه كذا ياريناد ايش صار لك... ترك يدها وجلس عاالكرسي يتأملها قرابه النص ساعه..بعدها حس بيد على كتفه...عرفه على طول مازن..ابتسم ولف له... مازن بصوت اقرب للهمس: ها..ماصحت؟ بشار: للاسف لا مازن: وعمي اخباره؟ بشار: خليها على الله مازن: في أي دور هو؟ بشار: في الطابق الخامس ماهر وحور وعمي ابو محمد عنده فوق... مازن: أي انا شفت شوق ومحمد بره بشار: راحت ام محمد؟ مازن: ماشفتها والله بشار: تصدق ماتركت ريناد لحظه وحده الله يعطيها العافيه.... رن جواله وعرف من النغمه انها شوق.... بشار: عن اذنك لحظه مازن: اوكي ترك مازن لوحده باالغرفه وطلع لشوق..... حول نظره لريناد..رجفه لفت جسمه كله..منظرها كذا يعور القلب...قوى نفسه وقرب منها.... اسف ياريناد..يمكن انا سبب المشكله..عارف حجم التعب النفسي والجسدي اللي تحسين فيه لكن... صدقيني هالبنت البايخه مابسكت لها..لان الشئ اللي صار لك ولعمي مو هين... حركت راسها وتنهدت بصعوبه..حس بفرح ممزوج بتوتر وارتباك...بس سكنت حركاتها ورجعت جامده مثل اول.... .اااه الحمدلله اهم شئ تحركت ..ابتسم ابتسامه عريضه بوده يقرب منها ويهزها ويقول لها..قومي كفايه دلع قوومي خوفينا عليك ..بس لا....دخلت الجوهره عرض بأفكاره يالله تناقض افكار انا عايش فيه ريناد والجوهره؟؟ لا مو الثنتين بس وحده بقلبي...الجوهره في قلبي وبس وريناد طيب؟ اختي؟ أي مثل اختي هبه.. بس الشعور اللي احسه اكبر من الاخوه... معقوله القلب يحب ثنتين؟؟ مايصيييير يامازن هذا الجنون بعينه وحده ياريناد او الجوهره.... طلع من الغرفه لعل وعسى تهدأ حده افكاره ومشاعره لان وجوده جنبها يربكه يخليه يفكر بأشياء مايبي يفكر فيها...سند راسه عاالجدار...ااه الجوهره..وينك تنقذيني من اللي انا فيه اكيد لو سمعت صوتك بنسى مو بس ريناد الا العالم كله... حس بضربه خفيفه على بطنه محمد: هههههههههههه شفيك حظي صار لي ساعه اكلمك رفع راسع لمصدر الصوت وابتسم بارتباك.... مازن: من متى انت هنا ماانتبهت لك محمد وهو يغمز: هااا مازن من شاغل بالك؟ من ورانا مازن وهو يتلفت حوله: لاياشيخ تطمن.....وين الباقي؟ محمد: الكل راح ماعدا بشار وشوق مازن: غريبه ماهر راح وترك ابوه واخته محمد: راح يضبط شويه امور للشركه وشال حور وابوي معاه.... مازن: كيف حاله الحين عمي ابوماهر؟ محمد: عادي مافي جديد.. مازن: محمد على فكره ريناد تحركت... مسك محمد كتف مازن بسرعه وقال والفرحه تهل من عينه... محمد: جد مازن؟؟؟ قالت شئ؟؟ مازن: ابدا..تحركت وتنفست بصعوبه ورجعت لحالتها... محمد: انا رايح اقول للدكتور... بفرح ابتسم محمد وراح غرفه الدكتور..حط مازن يده على فمه ..ليه فرح بهاالطريقه؟؟ياترى ريناد ايش باالنسبه له؟؟اااخ مني ايش هاالافكار انا ناسي ان محمد يحب ذيك سماح وريناد مثل اخته... طلع من المستشفى وطلع جواله حتى يدق على الجوهره...بس مامن مجيب انتظر لاخر رنه بس للاسف... شفيها بعد هالدبه ماترد..وقت اللي محتاجها تطنش؟؟ يمكن حاطه عالسايلنت ..اووووف اليوم نحس نحس انا شايف غراب اليوم...يلا الله يعيننا.....اروح البحر ..ملاذي الوحيد.. ........................ __________________ كانوا يطالعون ابوماهر من الحاجز الزجاجي..لفت له شافته يغمض عينه بألم... كيف اواسيه...ايش اقووله..اقرب منه بأي طريقه...صحيح انا متعوده على بشار...بس لازال الحيا موجود بيننا.. مااقدر اندفع بكلامي واقوله كلام حب واواسيه ...اووف والحل...خليني اجرب اقول هي مرره وحده.. هو حرام تعبان ومتضايق فيها شئ لو ساعدته..وبعدين خطيبي صحيح للحين ماملكنا بس الكل يعرف هالشئ وكلها شهور واصير زوجته رسمي... شوق بارتباك: بشار...ياقلبي خلاص لاتخاف مااستوعب اول شئ كلمه...ياقلبي..اول مره تقولها..ابتسم ولف لها.. بشار: الله...عيديها استحت وراحت جلست بعيد...ماتركها راح جلس جنبها... بشار: علشاني عيديها.... شوق: اووه بشار خلاااااص ارتسمت ابتسامه بارده على شفايفه.... بشار: شوق شوق: هلا بشار: ايش صار باالمدرسه؟ ..ايش اقولك يابشار ان وحده سخيفه كانت السبب .. الله لايبارك فيها شوق: ماصار شئ بشار: طاحت كذا بدون سبب؟ شوق وهي تتحاشئ النظر لعينه: أي صح...بدون سبب بشار: جايز... .............. | |||||||||
|
| |
|
03-10-13, 10:44 PM
| #30 | |||||||||
| نجم روايتي ومشرفة سابقة وفراشة متالقة بعالم الازياء
| دخل البيت ..ولقى امه ماسكه التلفون وباين عليها الخوف...لما شافته تركت التلفون وراحت لعنده.... ام مازن: مازن حبيبي ليه قافل جوالك؟ مازن وهو يطلع جواله: كنت باالمستشفى ام مازن: طيب اخبارهم؟ مازن: ريناد تحركت ان شاء الله تفوق وتصير احسن ام مازن: وابوها؟ مازن: على نفس حالته ام مازن: لاحول ولاقوه الا بالله يلا الله يشفيه مازن: وين هبه؟ ام مازن: بغرفتها اكيد نايمه مازن: اوكي صعد الدرج بسرعه لين وصل غرفتها ودق عالباب هبه: مين؟ مازن: انا هبه: نااايمه دخل وشغل الاضواء مازن: اول مره بعد اشوف وحده نايمه وتتكلم هبه: خير ايش تبي. مازن: ايش سويتي باالموضوع هبه باستهبال: أي موضوع مازن وهو يجلس على طرف السرير: بتذكرين ولا اذكرك بطريقتي قال هالجمله بعصبيه نزلت راسها.. هبه: اييه تذكرت...ماسويت شئ مازن: لييييش؟؟ شوفي هبه مدرستكم صغيره واكيد تعرفي معظم البنات بمجرد انك تعرفي من اللي راحت الامارات وتعرف ان ريناد لااختي ولا تقرب لي بتوصلين لها هبه: صح..كيف وصلت لكل هذا مازن: مايبي لها ذكاء اصلا هي ماقالت هاالكلام ولاهددت ريناد الا وهي متأكده انها ماتقرب لي.. لان لو تقرب لي طبيعي بنجلس مع بعض مافيها شئ... وبعدين الصور ياهبه..مافكرتي فيها؟ من وين بتاخذ الصور يعني؟ اما انها صاحبه شوق...او ريناد انخدعت فيها وصاحبتها...اووووو وحده من صاحباتك بعد سكتت وهي تفكر...ياويلي منه مو هين ماباقي الا يقول انها ورود...والحل ياربي؟؟ مازن: حطي عينك بعيني اشوف.. رفع راسها بيده...بس تحاشت تحط عينها بعينه... مازن: تعرفيها صح؟ هبه: لا...لا مااعرفها مازن: احلفك بغلاة الوالد الله يرحمه تقولين الصدق ياهبه...حاس انك تعرفيها هبه وهي تقوم من السرير: اووف قلت لك مااعرفها مازن: اوكي براحتك..بس ذنب اللي صار لريناد وابوها في رقبتك ياهبه طول العمر...لو كنتي تعرفيها ولاقلتي لي... كان بيطلع من الغرفه بس نادتـــه... مازن: ها؟ هبه: مازن....اعرفها ابتسم وراح وقف مقابلها.. مازن: يلا قوولي هبه: اول شئ ابيك توعدني انك ماتسوي لها شئ... مازن: من هي؟ هبه بخوف: ورود سكت وهو يتذكر صاحبه هاالاسم....ايييي بس تذكرتها هذي الماصخه اللي تجي لهبه.. مازن: متأكده؟ هبه: اكيد مازن: مو ذي صديقتك؟؟ هبه: الا صديقتي مازن: تصاحبين هاالاشكال مع وجهك خافت منه ومن صراخه...وجلست عاالسرير وراسها في الارض مازن بعصبيه اقوى: ليه ماتردين؟؟ القطوه اكلت لسانك؟ بسيييطه ياهبه لكن اسمعيني زين والله ثم والله ان شفتك مره ثانيه معاها او سمعتك بس تكلميها مابيصير خير فاهمه وهي دواها عندي هين اوريها... طلع وصفع الباب وراه ....ياربييي استر ياستار..الحين ايش بيسوي لها... وبتبتدي المشاكل عن جد...اوووف لكن يلا تستاهل جزاها واقل من جزاها.... اجل تهدد ريناد بصورها...مايصير والله ................. __________________ الم فضيع يلفها....حطت يدها وراء راسها وتحسست مكان الجرح..ياالله ...يألمني فتحت عينها ببطء..حست بألم خفيف لهذا غمضت وفتحت مره ثانيه..وين هالمكان؟؟ غرفتي؟؟ طالعت النوافذ والكراسي...و مغذي؟ مستشفى يعني...لكن ايش اللي صار..حاولت تعصر مخها وتتذكر اللي صار بعصووبه..بس عبث ..ايش اللي صار ياربي حتى اكون هنا.. دخل بهدوء على طول طالعته..ابتسم لها بشار ابتسامه عريضه وراح لعندها وحضنها... بشار: الحمدلله....واخيرا قمتي طالعته بفضول واستغراب وبعدت يده اللي حطها على راسها....منو هذا؟؟ بشار: ريناد يالدبه كلميني...يالخبله شلونك الحين؟ حطت يدها على راسها..وجهه مألوف ..احس اني شايفته من قبل لكن مااذكر وين... قال ريناد..!! اها اسمي ريناد.... ريناد: من انت؟ طالعها بعين مفتوحه عاالاخر ويده على فمه...لامستحيل ماتتذكرني..اختي فقدت الذاكره بشار: ريناد انا اخوك بشار...شفيك لفت عاالناحيه الثانيه...وتشويش يهاجم خيالها وذاكرتها...اخوي بشار؟؟؟ لفت تطالعه حتى تثبت شكله في بالها... دخل الغرفه الدكتور وهو مبتسم.... الدكتور: ايوه ياريناد ياجدعه....اخبارك دلوقتي؟ ريناد وهو يتطالعهم اثنينهم: بخير كان يطالعها بعين حزينه حست لهاالنظرات وانحرحت...زعلان الظاهر لاني ماتذكرته الدكتور: بتحسي بألم دلوقتي؟ ريناد: في راسي بشار: دكتور لف الدكتور يطالعه..... بشار: ماتذكرتي... عبس الدكتور وراح لعند سريرها بسرعه.... الدكتور: ازاي؟؟؟ ريناد مين دا؟ ريناد بخوف: بشار الدكتور: بيقرب لك ايه؟ ريناد: يقول انه اخوي ماقدر يبقى اكثر طلع بره الغرفه وسحب هواء لصدره....ماهر وابومحمد كانوا طالعين من المصعد كانوا عند ابوماهر اللي حالته مستقره ولله الحمد... تقدموا والبسمه مرسومه على وجههم....لكن تلاشت لما لاحظوا العبوس والدمعه بعين بشار.... ماهر: شفيك بشار؟ بشار باندفاع: ماتذكرني....ماهر اختنا فقدت الذاكره ماهر وهو يطالع عمه ويرجع يطالع بشار: شنو؟؟؟ اكيد تمزح انت شتقوول اختي بخير مافيها شئ ماصدق كلام اخوه ودخل بسرعه اول شئ سواه ثبت عينه بعين ريناد وابتسم حتى يتأكد من كلام بشار...... لكنها عدلت شيلتها..منو بعد هذا؟؟ الدكتور: ممكن ياابني تخرج شويه؟ بعد ماطلع وسكر الباب وراه.... ريناد: مين هذا؟ الدكتور: مش فاكره؟ ريناد: لا الدكتور: دا اخوك ياريناد ريناد: اخوي؟ ليش كم اخو عندي؟ الدكتور: انا مش هاقولك طلع وشوي دخل ماهر وبحزن قرب منها وضمها هي حست بتوتر....حس بهاالشئ لانها بعدت عنه... جلس جنبها عالسرير وحط يده على كتفها.... ماهر: اخبارك الحين؟ ريناد: عادي ماهر: ماتذكرتيني؟ نزلت راسها وضغطت بيدها على فراش السرير الابيض...ليش مااذكر شئ؟؟ايش صار لي خلاني انسى حتى اسمي...لو مانطقه اخوي اللي اسمه بشار..ماعرفته ماهر: ريناد...انا ماهر اخوك الكبير ريناد: ليه انا هنا؟ ماهر: طحتي في المدرسه على راسك...وجبناك امس المستشفى ريناد: امس في المدرسه؟؟ بأي صف انا؟ ماهر بضيق: ثاني ثنوي ...معاك بنت عمك شوق بنفس المدرسه....كنتي تسمينها توأم روحك ريناد: وينها طيب؟ ماهر: الحين بتجيك مع محمد ريناد: مين محمد؟ اخوي بعد؟ ماهر: انا وبشار اخوتك بس محمد اخو شوق ولد عمنا.. غمضت عينها وهي تحاول تحفظ هالمعلومات اللي حصلت عليها في فتره قياسيه .... ماهر وهو يحط يده على راسها: ريناد حبيبتي معقوله ماتذكرين شئ؟ حاولي طيب من خلال هالمعلومات اللي عطيتك اياها تذكرين...اذا مو علشاني علشان الوالد الوالد؟؟ ابوي؟؟ صح وينه ؟؟وين امي ؟؟وينهم؟ ليه بس اخواني حولي ريناد: ليه ماجاوا معاك طيب مايدرون صد عنها وحاول يقول جمله مرتبه بدون مايشوش افكارها ويعذبها.... ماهر: ريناد شوفي امي توفت...ابوي لما عرف باللي صار لي طاح عليها ... فتحت عينها متفاجأه من هالصدمات اللي تجي ورا بعض..وحست بألم داخلها..امي متوفيه وابوي مريض؟ يعني مابيبقى لي حد؟ دمعت عينها على طول بدون شعور..بس لما حست بعين ماهر اللي تلاحق كل تصرف يصدر منها مسحت دمعتها... ماهر: ريناد...لازم ترجعين مثل قبل..حاولي ماراح تخسرين شئ قبل ماترد عليه دخلت شوق والدموع على خدها بعد ماعرفت هي ومحمد بالخبر من بشار... قربت وحضنت ريناد اللي ماابدت أي رده فعل... ماهر: وهذي شوق مع محمد وصلوا طالعتهم ريناد بتفحص ودقه...وابتسمت لهم ياربي هالوجوه اعرفها..مو غريبه ابدا ماهر: طيب انا بطلع شوي وبرجع لك... ريناد: طيب جلست شوق مقابل ريناد ومسكت يدها... شوق: تمام الحين؟ ريناد: تمام حولت نظرها الى محمد اللي كان خايف يقرب منها وماتتقبله شوق: محمد تعال قرب وجلس عالكرسي وابتسم بارتباك..... محمد: اخبارك ريناد الحين؟ عسى مو تعبانه؟ ريناد: بخير...بس ليه مااذكركم؟ محمد: ان شاء الله فتره وبعدها بتذكرين كل شئ ريناد: وان ماذكرت؟ شوق: لاريناد لاتقولين هالكلام ريناد: اوكي ايش صار بالمدرسه؟ سكتت شوق وطالعت محمد برعب...لا مستحيل اقولها عللي صار ..خليها تخف وتطلع من المستشفى بعدين هي بنفسها بتتذكر كل شئ...... شوق: ماصار شئ ريناد: كيف طحت؟ شوق: ااه..اممم كنت تسرعين عالدرج وطحتي بعدها على راسك.. ريناد: طيب ابوي صحيح انه مريض؟ شوق: اييه...وهنا معاك بالمستشفى الدور الخامس... قام محمد من مكانه بعد ماحس بتجاهل من قبل الثنتين... محمد: انا استأذن الحين شوق: على وين؟ محمد وهو يطالع ساعته: باروح الجامعه صارت الساعه 8 وبعدها بروح البيت اريح شوي للعصر الله يهديك ياشوق مقومتني من صباح الله...... شوق وهي تطالع ريناد: اكيد باشوف بنت عمي....طيب متى بترجع محمد: بتأخر شوق قلت لك باريح للعصر خلي حد يرجعك البيت شوق: طيب فمان الله طالع ريناد وابتسم.... محمد: دبه رينادووه....لازم تذكرينا لااذبحك ريناد: ههههههههههه لما طلع حست براحه..ارتحت مع هاالاثنين اكيد كانوا قريبين مني وكنت احبهم ....حست بشوق تأشر قدام عينها.... ريناد: ها شوق: وين رحتي؟ ريناد: انا هنا.... نزلت شوق راسها...حستها ريناد بتقول شئ .... شوق: احمد اكيد الحين ولهان عليك.. ريناد: ومنو هذا؟ شوق: حبيبك... رفعت ريناد حواجبها بتعجب..... ريناد: بعد احب؟ منو احمد؟ قامت شوق تعلم ريناد على كل شئ من اول ماعرفت احمد لليوم..... ريناد: اوكي واحبه؟ وهو يحبني؟ شوق: أي يحبك ياريناد سكتت وهي تحس بشئ في قلبها...احب احمد؟؟ يعني حبيبي مثل ماقالت شوق...يالله ساعدني شوق: باجيب لك جوالك العصر... ريناد بتوتر: ليه مارحتي المدرسه؟ شوق: اروح وتوأم روحي مو معاي مايصير حضنت ريناد وبكت.... ................ __________________ كان جالس جنب امه يطالع كتب الجامعه بقرف..واااع اكرهكم والله متى بس اخلص وارتاح...لما حس ان امه سكرت من التلفون لف عليها بلهفه.... مازن: اخبارها؟ ام مازن: ريناد فاقت بس... مازن: بس شنو؟ ام مازن: فاقده الذاكره حس بقشعريره في كل جسمه.....كل شئ ارتجف ..لاياربي يعني ريناد مابتعرفني؟ لااااا اكيد بتعرفني ادري انها تعزني... ام مازن: باروح انا مع خالتك ام محمد العصر لها..وبنسير بعدها على حرمه توها راجعه من العمره... مازن: باوصلكم تفاجأت امه من اندفاعه بهاالطريقه...وحتى يتهرب شال كتبه وصعد بنفس الوقت نزلت هبه وراحت عند امها وجلست جنبها..... هبه: شفيه مازن؟ ام مازن: مادري...المهم ماعلينا جهزي نفسك العصر بنروح المستشفى كشرت ولفت عاالتلفزيون...اووف مالي خلق ابدا اشوفهم واقابلهم...عاد من زين اللي باشوفهم....شوقوه اللوعه وريناد..اوووف ام مازن: ترى فاقت... هبه: والله؟ زين اجل مابروح...لان اكيد بيطلعوها صح؟ ام مازن: أي بكره ياهبه وهي فاقده ذاكرتها هبه: يعني شنو يمه؟ ماتذكر شئ؟ ام مازن: تستهبلين يعني؟ أي ماتذكر شئ هبه: لامايصير حرام.... ام مازن: أي والله .....لكن ايش نسوي ادعي لها هبه: الله يشفيها ولفت للتفزيون وابتسم بخبث وهي تتذكر خطتها الجهنميه......ماعليه يامحمد اصبر علي ..عاالاقل اسبوع حتى تخف ريناد واشبك فيني واصير خطيبتك وزوجتك ولي انا وبس... ................ قام من عند التلفزيون ودخل لها الغرفه طاحت عينه عالساعه...11 الظهر.. ناصر: خوخه خلود وهي تحط الكحل: امممممم راح وقف عند المرايه يطالعها كيف تحط الكحل والمسكره....لما انتبهت له ضحكت.... كالعاده مايقاوم ضحكتها والبراءه اللي تطل من عينها..راح جنبها ومسك يدها..... خلود بدلع: شرايك فيني؟ ناصر: ااه ايش اقول بس.اخاف اقول قمر واظلمك حبيبتي حبته داخل كف يده وحطت يده على خدها..... ناصر: والله باموت منك بتوقفين قلبي خلود بصوت اقرب للهمس: سلامتك حبيبي من الموت قربها ومنه وضمها وهمس في اذنها..احبــك بعدت عنه بدلع وجلست عالكرسي.... خلود: بنطلع؟ ناصر: لا عقدت حواجبها بيأس.... خلود: مو انت قلت لي اجهزي بنطلع ناصر: غيرت رأي خلود: ليش ناصر: بنقعد هنا سوا انا وانتي.... راح لعندها ومسك راسها ضمه لصدره....وهي ذايبه كل ماتسمه دقات قلبه....تسمع معاها كلمه احبك خلود: ناصر ناصر: روح ناصر خلود: لهاالدرجه تحبني؟ ناصر: اهواك خلود....صدقيني احبك واحبك بجنون | |||||||||
|
| |
 |
| الكلمات الدلالية (Tags) |
| مكتمله, الاسرار, العاشقين, الكاتبة, دنيا |
| أدوات الموضوع | |
| انواع عرض الموضوع | |
|
|
1Likes
.png)
العرض العادي
