كل شي (ن) فيك انا نصفه الثاني الكاتبة / مجنونه هواك ، مكتملة

[اسطورة !]

[TABLE1="width:100%;background-image:url('https://www.rewity.com/vb/mwaextraedit2/backgrounds/12.gif');background-color:white;border:10px double blue;"]

[اسطورة !]

الســلام عليكم أعضاء آل روايتي المحترمين..!!

هاذي أول روايه لي..

و إن شاء الله تنال أعجابكم..

كــل شـــي(ن) فـــيـكــ أنــــا نـــصـــفــه الـــثـــــــــــانــــــ ـي..!!

الـــكــــاتبة: مجـــنونـــه هـــــواك..!!

البــارت الأول..

تعب و هو واقف أمام باب غرفه الولادة.. و قام يمشي و يدور لين ما تطلع الدكتورة تطمنه على كل شي و أن زوجته بخير و المولود بعد..

بداخل الغرفه..

كانوا الممرضات حولين البنت الحلوة و هم حزنانين على اللي صار.. و خايفين يطلعون و يخبرون الشاب اللي برا و ناطر على نار بأنه زوجته جابت له بنت قمر بس تركته و ماتت..

أمام غرفه الولاده..

الشاب رايح و راد و هو متوتر و ما لاحظ وصول عمه و عمته (( أهل زوجته )) و أمه و أبوه اللي توهم واصلين و حابيين يوقفون مع ولدهم الوحيد..

جاسم (ابو الزوجه): ها يا خالد بشر ما طلعت صمود؟

خالد و هو متوتر و ما انتبه لوجودهم إلا توه: هاااه.. لا يا عمي جاسم ما طلعت و أنا وايد متوتر و خايف.. يا رب استر على عبادك

أم خالد: يا خالد لا تتوتر لازم تتماسك و تدعي لربك و أنا أمك

أم صمود: يا رب سهل على بنتي و لا تعسر.. يااااا رب

و عم الصمت للحظات.. و وقف خالد و قام يروح و يرجع و ما قدر يقعد بمكانه و كل شوي يدعي ربه بانه يسهل عليهم أمورهم و يقومون له بالسلامه..

بعد نص ساعة..

طلعت له الدكتورة و ويهها ما يبشر بالخير أبد..

حاولت تبتسم بس الحزن واضح عليها: سلام عليكم..

الكل: و عليكم السلام..

خالد: هااه بشري دكتورة طمنيني عليهم.. زوجتي شخبارها و الطـفل؟

الدكتورة نزلت راسها: عظم الله أجركم..

الكل انصدم.. و أم صمود اغمى عليها من سمعت الخبر

الكل حزن على حال خالد اللي نزل ع الأرض و يصيح و يقول: لا حول و لا قوة إلا بالله.. اللهم لا اعتراض على حكمك.. لا حول و لا قوة إلا بالله

الدكتورة: أخوي زوجتك ماتت بس قبل لا تموت جابت لك بنت جميله و حلوة اسم الله عليها..

خالد رفع راسه: وينها بنتي.. وينها أبي أشوفها الله يخليك دكتورة أبي أشوف بنتي..

الدكتورة: إن شاء الله بتشوفها هي ألحين بالحضانه أنا استأذن و عظم الله أجركم مره ثانيه و جعله آخر الأحزان ان شاء الله..

الكل بحزن: أجرنا و أجرك.. جزاك الله كل خير..

أكيـــد الكــل مستغرب من رده فعل خــالد ليه ما قلب المستشفى فوق تحت و ما صــرخ.. لأنه كــان موكل أمره لـ ربه و يعرف بـ أنه مهما عمل ما بيقدر يسوي شي و يرجع حبيبه قلبه و أم بنته..

و الحــزن كـــان بـ قلبه.. مـــا حب يــطلــعها..

بالحضانه..

خالد راح لبنته يشوفها و كله لهفه و شوق بأنه يشوف حبيبه قلبه و قطعه منه و من حبيبته و زوجته صمود اللي تركتهم و ماتت..

كانت نايمه بسلام و ما تعرف باللي مخبي لها القدر.. و كانت ملااااك تجنن و هي نايمه بين باقي الأطفال..

خالد قعد يتأملها و ابتسم ماتت الأم و تركت شبيه لها بس مصغره.. ربي احفظها لي و لا تحرمني منها مثل ما حرمتني من أمها..

عند ام صمود..

الدكتور: الحمدلله ع السلامه ام صمود..

أم صمود بحزن: الله يسلمك يا دكتور.. و تنهدت: الله يرحمك يا الغاليه الله يرحمك..

أبو صمود: يا أم صمود أبيك تتماسكين و تتصبرين.. ربي يرحم صمود و يغمد روحها الجنه..

ام صمود تصيح: اللهم لا اعتراض على حكمك.. يا رب أغفر لها و ارحمها يا ارحم الراحمين..

ابو صمود: هاااه يا ام صمود ما تبين تشوفين حفيدتنا الحلوة؟

ام صمود بفرح: أيه يا ابو صمود الله يخليك خذني لحبيبتي حفيدتي أبي اشوفها و أكحل عيني بشوفتها..

ابو صمود فرح لأنه قدر يبدل حال زوجته و يفرحها بشوفه الحفيدة..

عند أبو خالد و أم خالد..

ابو خالد: لا حول و لا قوة إلا بالله.. الله يرحمك يا بنتي صمود و يغمد روحك الجنه..

أم خالد بنفسها: الحمدلله افتكيت منها طول الوقت ماخذه ولدي مني..

ام خالد بتمثيل: أمين كلنا ماشيين بـ هالدرب يا بو خالد.. لا تزعل نفسك و تتعب علي.. مالي غيرك يا الغالي..

ابو خالد ابتسم و قال: هااااه يا الغالية ما تبين تشوفين حفيدتك القمر..

أم خالد من حقدها على صمود حقدت على حفيدتها.. قالت و هي تبتسم: ان شاء الله يالله يا بو خالد خلنا نروح نشوفها..

و مشو ابو و ام خالد يبون يشوفون حفيدتهم.. و هم بالممر أم خالد مثلت إنها دايخه و تعبانه.. و أبو خالد خاف عليها: بسم الله عليك يا ام خالد.. شفيك شو اللي صار؟

أم خالد بتمثيل: آآآآآه يا بو خالد.. ما أدري و الله بس خلنا نروح لحفيدتنا و لا تخاف علي بس دخت من الوقفة و تعبت.. آآآآآه

أبو خالد بخوف أكبر: لا يا كل الغلا خليها للمره الجايه نروح نشوفها تراها مب طايرة.. الأهم ألحين راحتك يا ام خالد..

و رجعوا للبيت و اتصل ابوخالد لولده..

ابوخالد: هلا خالد هلا بأبو القمر

خالد استغرب ليش ابوه متصل عليه و ما جا للحضانه: هلا بك يا الغالي..

ابو خالد: مبروك مبروك ما جاك يا وليدي تتربى بعزك و دلالك إن شاء الله..

خالد: الله يبارك فيك يبا.. بس ليش ما جيت إنت و أمي للحضانه؟

قال ابو خالد: امك تعبت و داخت علي و قلت لها خلينا نرجع البيت ترتاح و المره الجايه نشوف القمر..

خالد بخوف: شفيها أمي هي بخير ألحين؟

ابو خالد و هو يناظر زوجته السرحانه: إيه يا وليدي امك بخير تبي تكلمها؟

خالد: ايه يبا لو ما عليك أمر..

ابو خالد يعطي مبايله لأم خالد..

ام خالد: هلا و غلا بحبيب قلبي..

خالد: هلا فيك يما.. ها يمه شخبارك ألحين؟

ام خالد: انا الحمدلله بخير يا يما لا تحاتي و لا تخاف.. خالد يما لا تتأخر و تعال بيتنا لا تروح لبيتك.. تعال و ارتاح عندي يا يما..

خالد: ان شاء الله اللي تامرين عليه يا الغاليه بيصير..

ابتسمت ام خالد: خلاص يما بس لا تتأخر ترا وجودك بالمستشفى ما منه فايده و يتعبك و أنا أمك..

خالد مستغرب من أمه أنها مب مهتمه لبنته: خلاص يما و لا يهمك بجي البيت بعد شوي..

ام خالد فرحت: يالله عيل مع السلامه..

خالد بحزن: مع السلامه..

خالد بنفسه: أمي ما اهتمت لبنتي و لا سألت عنها و لا بارك لي حتى.. ليش يا الغاليه ليش؟؟

و افاق من سرحانه ابو و ام صمود اللي باركوا له و قعدو يشوفون حفيدهم الجديدة..

ابو صمود: خالد يا وليدي وش بتسميها؟

خالد: كنا أنا و صمود مقررين نسميها بان.. بس أنا قررت أسميها صمود على اسم امها..

ام صمود: لا يا وليدي يا خالد لا تزعل بنتي و سمي بنتك مثل ما هي حابه.. الله يخليك ريحها و سميها بان..

خالد ابتسم بحب لأم صمود: إن شاء الله يا الغاليه بسميها بان..

و قعد يتأملها يتأمل بنته (( بـــان ))..

انتهيت من البارت الأول..

[اسطورة !]

قبل لا ابتدي بالبارت الثاني..

حابه أعرفكم بالشخصيات و أبطال الروايه..

بيت خــالد..

• خالد (أبو بان): موظف في أحدى الدوائر الحكومية عمره 50 سنه طيب مره و ما يحب يبين حزنه لـ أحد و مفوض أمره لـ ربه و يحب بنته الوحيدة (بــان) و يخاف عليها من أمه و أخته لأنه يحس بأنهم ما يحبونها و هو مدلع بنته..

• بـــان: بنت الـ 19 سنه حلوة وايد أحلى بنت بالعايله ملامحها ناعمه و طويله و شعرها الكيرلي الطويل أحلى شي فيها هههههه و عندها غمازه بخدها اليمين بنت خجوله وايد و طيبه وايد و على نياتها، على طيبتها إلا إنها عنيده و تدرس بالجامعه حاسب آلي..

للمعلوميه: {{ معنى اسم بان : شجر طويل الأوراق أبيض الزهر، كناية عن الطول والرشاقة وهو اسم عربي.}}

بـــان ما عندها أعمام بس عندها عمه وحده و اسمها ((خوله))..

بيت العمه خوله..

• خوله (ام زياد): عمه بــان و عمرها 54 سنه حاقده على بــان بنت أخوها من لاشي.. و ما تحب طاريها و كل ما تشوفها تسمها من كلامها اللي كله طعن بشرف صمود..

• عادل (ابو زياد): رجل مزاجي و لا يحب الخير و همه الفلوس و بس عمره 66 سنه و ما يهتم لزوجته و لا لعياله..

• زياد: شاب وسيم يحب الفلوس (( هذا الشبل من ذاك الأسد )) المهم كمل دراسته و يشتغل بأحدى الدوائر الحكوميه عمره 23 سنه و يحب بــان و يبي يتزوجها بس هو خايف من أمه..

• دانه: بنت عربجيه مالها بالأنوثه أبد.. و عمرها 18 سنه تكره بان من كره أمها لها.. خلصت الثانوي بمعدل 56% و قاعده بالبيت..

• زيد: عمره 13 سنه انطوائي و كله قاعد بروحه..

خـــوال بـــان..

بيت عبدالوهاب..

• عبدالوهاب (ابو فيصل): خـال بــان الكبير حبوب و طيب مره بس وقت الجد ما يحب أحد يثني كلامه و كلمته هي المسموعه..

• ساره (ام فيصل): مره حبوبه و طيبه و تحب عيالها.. اجتماعيه كانت أخصائيه لمدرسة ثانويه و الكل يحبها و يحب سوالفها..

• فيصل: عمره 30 سنه يشتغل مع أبوه في شركته و متزوج من بنت عمه (جواهر) و عندهم ولدين و بنت || الولدين توأم (( كنان و سنان )) عمرهم 8 سنين أما البنت (( حنان )) 5 سنين ||

• رهف: عمرها 23 بنت جميله و ملامحها هاديه على هداوتها عندها غمازتين و هي خجوله وايد نفس بــان، رهف سمرا شوي بس سمارها حلو و مخطوبه لولد عمها (فهد) و زواجهم قريب << حياكم كلكم معزومين..

• نور: عمرها 22 سنه بنت فللله و استهبال و محد مسوي ازعاج بالبيت إلا هي.. و تحب تلعوز بــان لأنها تعصب و تتنرفز بسرعه..

• منصور: آخر العنقود عمره 15 سنه حبوب و يستهبل مرات مع أخته نور..

بيت عبدالرحمن..

• عبدالرحمن (ابو فهد): حبوب و طيب حييييييييييييل ههههههه و كل الشباب يحبونه و الكل يخاف عليه لأنه مريض بالقلب من كان صغير..

• لولوه (ام فهد): ربه منزل و تحب عيالها و تعشق بـــان مووووووووت و تتمناها لولدها..

• جواهر: أم التوأم ((كنان و سنان)) عمرها 28 سنه تحب زوجها و تهتم وايد بعيالها هي خلصت دراسه بس ما اشتغلت لأنها تبي تتفرغ لبيتها و عايلتها، جواهر ملامحها حلوة و هادية و هي بيضا و عيونها بنيه و عندها غمازات بس خفاف و ما يلاحظ..

• فهد: عمره 26 سنه شاب مملوح و هو حنطاوي و عيونه بنيه و جسمه رياضي، يشتغل مع أبوه و عمه بالشركه و يساعد فيصل.. مخطوب لبنت عمه رهف..

• جــلوان: عمره 24 سنه شاب وسيم و أحلى واحد من عيال عمه جسمه رياضي و عضلاته بارزه عيونه عسليه و هو أبيضاني غير عن باقي الشباب.. كل بنت تتمنى تاخذه بس هو حاط وحدة بباله لأنه يعرفها عنيده و ما تحبه و دايما يضايقها و هي تعصب منه..

• لمـــار: عمرها 19 سنه بنت مرحه بس على هداوه مب نفس نور و هي أقرب وحدة لـ (بـــان) ملامحها هاديه وايد و شكلها طفولي بيضا و عيونها عسليه..

• مــشاري: آخر العنقود يحب يسوي مقالب و أكثر وحدة يسوي لها مقالب هي بــان خخخخخخ و عمره 12سنه..

بيت عبدالله..

• عبدالله (ابو تركي): رجال صارم و ما يحب أحد يطلع عن شوره بس يحترم أخوانه و ما يرفض لهم طلب..

• عبير (ام تركي): ربه منزل و حبوبه حيييل و ما تحب صرامه ابو تركي ع عياله بس هي حاولت معاه و هو يقول أنا ادرى بمصلحه عيالي..

• تركي: شاب مملوح يشتغل بالشركه مع عيال عمه عمره 24 و هو و جـلوان قريبين وايد من بعض تركي أسمراني و عيونه عسليه مايله للأخضر و عنده غمازتين حلوين و جسمه مثل جسم جلوان عضلاته بارزه بس مب وايد، يجذب الناس بأسلوبه و كلامه اللبق.. حنون وايد على خواته و هو الولد الوحيد..

• ريتان و ريتاج (توأم): عمرهم 20 سنه

- ريتان: أكبر من ريتاج بـ 10 دقايق ملامحها ناعمه و هاديه و شكلها طفولي، شعرها يوصل لين نص ظهرها و تحب التسوق و البحر، بنت هاديه و طيبه وايد و خجوله..

- ريتاج: توأم ريتان ملامحها حاده شوي بس تاخذ من أختها ريتان وايد، شعرها يوصل لين كتفها، تحب السيارات و السباق و الكورة، بنت مزعجة و مرحه ما نقول بويه بس دفشه و عنيده وايد، ريتاج عندها شامه فوق شفايفها بس خفيف مب واضح..

• الجــوري: آخر العنقود عمرها 13 سنه دلوعه تركي أخوها.. من بعدها أم تركي ما جابت عيال لأنه كان عندها ورم بالرحم و استأصلته..

و الــباقي راح تتعرفون عليهم من خلال الروايه..

أبي رايكم بــ الرواية.. أدري يمكن فيها أخطاء.. بس مشهووها ..

[اسطورة !]

البـــارت الثاني..

بعد 19 سنه..

بـ أحد قاعات الأفراح بمدينة الريــاض..

المكان مزين بأحلى الزينه و المكان مزدحم و الكل لاهي و مستانس لأنه اليوم زواج أحلى ثنائي (فهد و رهف)..

أم فهد و أم فيصل واقفين يستقبلون الضيوف و المهنئيين و مستانسين لأنه اليوم زواج عيالهم و الأرض مب شايلتهم من الفرح..

رهف فوق بغرفتها و متوتره و البنات رايحين و رادين و ما يخلونها محتاجه شي.. كل شوي وحدة تقعد و تسولف عشان تنسى التوتر و الخوف..

دخلت عليها بنت لابسه فستان طويل باللون الأحمر الدمي و كرستالات صوب الخصر و ورده ع طرف تسريحتها المرفوعه و مكياجها هادي مثل هداوه ملامحها..

رهف: حيا الله المتأخره كان ما جيتي يا آنسه بـــان

بـــان بخجل: آسفه حبيبتي رهف سياره ابوي تعطلت فعشان كذا تأخرت..

رهف بابتسامه: تعالي يا دووبه ما تبين تباركين لي..

بــان راحت و حضنتها: ألف مبروك رهوفتي و عقبال العوانس البقيه..

البنات يناظرون بـان بغضب.. و بــان خافت و قالت بسرعه: و الله امزح امزح أووووف ما تخلون الواحد يمزح معاكم..

الكــل ضحك على بــان الخوافه هههههههههه..

بـــان بعصبيه: ضحكتو بلا ضروس ان شاء الله..

لمــار: فديت المعصب..

بــان باست خد لمار و البنات يضحكون على الثنيتن و هبالهم..

بعد ربع ساعه..

البنات نزلو تحت لأنه رهف بتنزف و الكل ينتظرها و يبي يشوفها..

بدأت زفه رهف.. و الكل بنت تبتسم لها و تدعي لها بحياة حلوة..

حد منكم شاف في الدنيا بدر

مقبلٍ يمشي و من حوله بشر

من حلاه يزف للناظر ضياه

ان ظهر للناس و لا ما ظهر

هذا ما هو بدر ليل يختفي

مع طلوع الصبح و بزوغ الفجر

او بدر يصبح بعد مده هلال

هذا بدر مكتمل طول الشهر

هي عروس النور في هذا الزمان

هي ملاكٍ بس في صورة بشر

من غلاها انقول صلوا على الرسول

يا اللي شفتوها بقلبٍ او نظر

الله يا نور في ها الدنيا نراه

مستحيل ان نشوفه في بشر

و التقت شمس الظهيره بالقمر

و في محياها بدى الصبح بضياه

مشرقً و خدودها واحة زهر

و العيون الي كما عين المهاه

تمتزج فيها البراءة بالسحر

الليله .. الليله محلاها الليله

الليله .. الليله حلوة و جميلة

شعرها ليل كسا الدنيا دجاه

حالك متحدر كانه نهر

يحسبه قطعة حرير من رآه

و الحقيقة هو حريرٍ من شعر

و الحسام الي صفا الوجنه كساه

يبعث اشواق الحواجب للثغر

و الثنايا كالبرد بين الشفاه

او كحبات الندى و لا المطر

عذبةٍ لو تلمس اطراف الحياه

كل غصن فتح بوردٍ حمر

و العفاف بروحها يسقي بوفاه

و الوفا في عينها النجلاء سهر

شاعر الوجدان واحلامه سماه

مبدع و احساسه المرهف شعر

ماخذ من وصفه مبتغاه

يا عسى الله يوهبه طولة عمر

الله يحفظها و يسعدها معاه

شيخ بطيبة فواده يشتهر

والله يجعل كل دنياهم هناه

يكتسي بالسعد كله و البشر

و رهف تمشي بكل ثقة بين الحضور و تبتسم و ما بين عليها الخوف و التوتر مثل ما توقعت و البنات جنبها و يصفقون لها و لما وصلت نص الكوشه البنات لفو حولها و بدأو يرقصون حولين العروس و اليباب شايله القاعه ههههه..

كملت رهف لين ما وصلت لمكان المخصص لها و البنات يرتبون لها الفستان و الطرحه..

البنات قامو يرقصون و هم فرحانات لرهف حبيبه قلوبهم و رهف تبتسم لهم و تدعي لهم بأنهم ما يتفرقون و يكونون على قلب واحد..

و بعد ساعتين من الرجه و الاستهبال بالرقص اعلنوا عن دخول المعرس و كل وحدة راحت تتغطى و غطو العروس لأنه عيال عمها بيدخلون مع المعرس..

و دخل فهد بهيبته و الابتسامه مرسومه على ويهه و كل بنت تدعي له بالسعاده مع رهف..

الكل خق على جـلوان و على وسامته و لما يبتسم يسلب قلب كل بنت إلا وحدة كانت تكرهه و تكره حتى ابتسامته و هو عارفها من بين كل البنات و لما يبتسم يناظرها كأنه يقول لها موووتي قهـــر ههههههههه..

للمعلوميه: {{ معنى اسم جلوان : مثنى جلو أي الواضح والبيّن, وكاشف للحقيقة وأصل الاسم عربي.}}

كل البنات كانوا يتكلمون عنه و عن ابتسامته و كل شي فيه ما عداها هي تناظره بحقد و كره له و لما يبتسم تتنرفز منه و نتقهر و تتمنى تقوم و تتهاوش معاه..

الشباب باركوا للمعاريس و طلعوا من القاعه ما بقى غير ابو فيصل و ابو فهد و ابو تركي و فيصل و منصور و معرسنا أكيد خخخخخخ..

فهد شال الغطا من على رهف و باس جبهتها و البنات يصفقون و يصارخون بحماس هههه.. و فيصل ما ترك فهد من التعليقات..

سلمو عليهم و طلعوا.. جلسو المعاريس و طلعوا خوات المعرس يباركون له و بعدهم طلعوا بنات عمه و باركوا له و هو الابتسامه ما فارقته و نور ما خلتهم في حالهم كل شوي تعليقات و تنرفز فهد و رهف و البنات يضحكون على خبالها..

قعدو المعاريس ربع ساعه بعدين قطعوا الكيكه و راحو لغرفه ياخذون صور و بعدها طلعوا للفندق..

نور الرجه صاحت لما ودعت أختها رهف و البنات صاحوا معاهم و سوو فيلم هندي و فهد ماسك ضحكته هههههههه..

طلعت رهف مع فهد كان هو اللي يسوق ما حب يكلف على الشباب و محد عارضه عشان يخلونه براحته..

بعد ما طلعوا المعاريس الشباب دخلو يبون يرقصون و يفلونها هههههه.. فيصل – تركي – منصور – جـلوان – مشــاري دخلوا و رقصوا لين ما قالوا بس..

جواهر تنحت على زوجها و أبو عيالها و تمت تناظره هو و عياله كنان و سنان و هم يتنكسون و مستانسين و دعت ربها أنه يخليهم لها و لا يحرمها منهم..

جـلوان يتنكس و هو عارف إنه في بنت مفوله منه و عادي بأي لحظه تنط لنص القاعه و تصارخ و تقول له اطلع تراك عله.. و يبتسم لها و كل البنات يضحكون على البنت اللي فار دمها من جـلوان و حركاته..

تـركي يتنكس ويا جـلوان و أمه تدعي له بأنه يوافق يتزوج و تزوجه ألحين و بأسرع وقت..

مشـاري و منصور فالين أمها و الكل يضحك عليهم و على حركاتهم و مرات كنان و سنان ينضمون لهم بس فيصل يسحبهم هههههههه يخاف على عياله ينجنون..

و بعد ما الشباب فلوها كل واحد أخذ أهله و راحوا بيوتهم يرتاحون من هاليوم المتعب و يجهزون لباجر الغدا ببيت ابو فهد..

انتهى اليوم على خير و الكل فرحان لفهد و رهف..

اليوم الثاني

ببيت ام زياد ((العمه خوله))

زياد كان بغرفته يتخيل أنه ع الكوشة مع بــان.. و هو فرحان و طاير بسما الأحلام و ما يعرف إنه الواقع مرير مب كل الأحلام تتحقق..

أم زياد تنادي: زيااااااااااد.. زياااااااااد و صمخ..

زياد فاق من أحلامه: نعم يما نعم..

أم زياد: نــعامه..

زياد بنفسه: ترفس عدوينك يا رب..

قال: استغفر الله يا ربي هاي أمي..

طلع من الغرفه و راح لها..

زياد: هلا يما آمري..

أم زياد: وينك من الصبح أنادي عليك و سنه لين ما ترد..

زياد يناظرها بدهشه: من الصبح تنادين و سنه لين ما أرد..

أم زياد: جـب و لا كلمه و احترمني..

زياد: آسف يما..

ام زياد: الله ياخذك نسيتني شو كنت أبي فيك يالله طس..

زياد: هاااااه!!

و رجع لغرفته و هو معصب لأنها صحته من أحلى حلم و بالأخير نست شو كانت تبي منه..

ببيت ابو فهد..

ام فهد مع الشغالات تشوف شنو الغدا و تطلب منهم يسوون الفواله و يجهزون كل شي حق العزيمه..

ابو فهد نزل تحت و شاف ام فهد واقفه مع الشغالات و متعبه نفسها..

ابو فهد: يا ام فهد خلااااص و الله الشغالات عارفين شنو يسوون إنتي بس تعالي و ارتاحي إنتي من أمس و إنتي تراكضين وراهم..

ام فهد ابتسمت: هلا ابو فهد.. يا الغالي و لو ما ركضت وراهم ما يسون كل شي تمام.. و أنا ما ارتاح إلا لما اتأكد إنه كل شي جاهز..

ابو فهد يهز راسه بأسف: اوك بس لا تتعبين نفسك و تصارخين..

ابتسمت ام فهد: من عيوني يا حمني..

جـلوان سمع امه و هو نازل فضحك و قعد يقلد امه: من عيوني يا حمني حبيبي..

ام فهد استحت من جـلوان: وجع من وين طلعت إنت؟

جـلوان: ههههههههههه توني نازل من فوق و سمعتك يا لولو حياتي..

ضربته امه بخفه و هي مستحيه من جـلوان و راحت تشوف شغلها مع الشغالات.. و ابو فهد يضحك على مستحاها و جـلوان بعد..

الظـهر السـاعه 1 و نص..

الكل تجمع ببيت ابو فهد البنات يساعدون ام فهد بالضيافه و ام فهد تدعي لهم بالستر و الزوج الصالح..

بعد الغدا البنات يقهون الحريم و يوزعون الفواله..

بــان كانت توزع الحلى و وصلت لأم فهد و أم فهد مبتسمه لها..

ام فهد بحنان: يا جعلني ازفك لـعريسك يا بنتي..

بــان بخجل فظيع و همس ما ينسمع: ان شاء الله..

البنات ماااتو عليها ضحك و قعدوا يقلدونها و الحريم يضحكون عليهم..

بـــان راحت للمطبخ تصريفه عن الحرج و لما كانت هناك ما انتبهت للشاب اللي تنح من لما دخلت هي.. و ما عرف ينزل نظره منها و من حلاتها..

كانت لابسه تنوره لنص الساق لونه أسود و عليه حزام فضي و الـبدي كان لونه أبيض و عليه كرستالات فضيه و شعرها رافعته ذيل حصان و مسويه تنعيم لشعرها الواصل لين آخر ظهرها..

الشاب بينه و بين نفسه: ما شاء الله قمر نازل علي لالا ملااك ملاااك بسم الله عليها و الله عليها جسم ........!!

انتبه لـنفسه: استغفر الله..

قاوم و غض البصر و طلع من دون ماهي تحس عليه عشان ما يقهرها هههههههه << اكيد عرفتو بس أنا أدري و متأكده إنكم غلطانين ههههههههه..

بـــان سوت للبنات عصير برتقال و رجعت للمجلس و وزعت ع الكل و قعدوا يسولفون و مستانسين.. و مر الوقت لين ما اتصل فهد على رهف و قال لها أنه لازم يروحون للمطار قبل لا تطير عنهم الطيارة..

سلمت على الكل و فكوها مناحه هي و اختها نور و البنات بعد و الحريم يواسونهم و ام فيصل صاحت مع بنتها و حبيبه قلبها الهاديه المطيعه و وصتها على نفسها و على فهد و إنها تسمع كلامه و ما تتعبه..

و طلعت رهف و ركبت السيارة ورا لأنه أخوها فيصل هو اللي راح يوصلهم للمطار.. وصلو المطار و ودعهم فيصل و وصاهم ينتبهون على بعض..

و الكل رجع لبيته بعد ما قضوها ببيت ابو فهد وناسه و سوالف..

ببيت خالد..

خالد بابتسامه: حبيبه أبوها شنو مشتهيه حق العشا..

بــان بابتسامه: مالي نفس و الله..

خالد: ليش حبيبتي ما تبين تاكلين؟

بــان: يبا اليوم مكثرة ببيت عمي ابو فهد و ما خليت شي ما أكلته و ألحين مالي نفس آكل شي..

باسها أبوها على راسها: ههههه خلاص عيل نقعد نشوف تلفزيون..

بـــان نطت عنده و راحوا لصاله يشوفون التلفزيون..

ببيت ابو فيصل..

الكل كان ياكل عشاه و ساكتين احتراما للأكل..

ابو فيصل: الحمدلله.. ام فيصل بعد ما تخلصين جيبي لي الشاهي للمكتب..

ام فيصل: ان شاء الله..

و قاموا ورا بعض و خلت السفره ما عدا من نور اللي مبوزه و حاسه بمكان اختها رهف..

امها: نوور حبيبتي شفيك؟

نور بابتسامه: ما فيني شي مامي..

ام فيصل قامت و قعدت يمها: يا يما هاي سنه الحياه كل وحدة تروح لبيت زوجها..

نور تحاول تمسك عمرها ما تبي تصيح: ادري و الله ادري بس اشتقت لها..

ام فيصل حضنت بنتها نور أول مرة تشوفها بـ هالحاله..

نور بعدت عن امها و تمسح دموعها: خلاص يما لا تحاتين ما فيني شي بس كنت متضايقه لأنها مب موجوده اما ألحين لا.. و ربي يسعدها..

ام فيصل: آمين.. و عقبالك يا رب يا نونو..

نور بهبال نطت على أمها: لا يا يما انا بكون عندك ما أبي اتزوج..

أمها: آآآآآآخ منكم ألحين ما نبي الزواج بس من تسمعون عن الخطابه تقولون موافقين من دون تفكير هههههههه..

نور ضحكت مع امها و راحوا ينامون بعد تعب الزواج و العزيمه..

ببيت الجد ((ابو خالد))

ابو خالد توفى من 4 سنوات..

ام خالد: سيتي يا سيتي.. سيتي و وجع..

سيتي تركض: نأم ماما شنو يريد..

ام خالد: جيبي القهوة و حطي الفواله.. بابا خالد ألحين بيجي..

سيتي: تيب ماما..

و راحت تجهز الفواله و القهوة و هي تتحلطم من تعامل أم خالد لها..

عند خالد..

كان بمكتبه اللي بالبيت.. و دخلت عليه بنوته الحبوبه و هي تمشي على أطراف اصابعها كأنها داخله تسرق هههههههه..

خالد مندمج بالأوراق: بــان بابا طلعي و سكري الباب وراك لأني مشغول حيييل..

بـــان بخيبه أمل: باباتي شلون عرفت أني جايه لك و أنا ما طلعت صوت..

خالد لف لها و مسك أيديها و باسهم بحنان: هههههه حبيبه باباتها زعلانه لأني كشفتها..

بــان مبوزه: أيه كل مره أجي لك تكشفني..

خالد بحب: إنتي قلبي فـ عشان كذا أعرف هههههههه..

بــان خجلت من كلام أبوها: بـــابـــا..

خالد مات ضحك على خجل بنته.. فجأة تذكر إنه اليوم لازم يزور أمه و وقف و طلع من البيت و بــان زعلت و عرفت إن أبوها راح لجدتها..

ببيت ابو فيصل..

بجناح فيصل و جواهر..

كانت جواهر توها طالعه من الحمام (عزكم الله) و لافه الفوطه حولين جسمها ما انتبهت لفيصل اللي دخل الغرفه بنفس وقت خروجها من الحمام (عزكم الله)..

جواهر وقفت أمام التسريحه و أخذت تدهن جسمها باللوشن الفواكه.. و فيصل يبتسم بخبث و هو يناظر حركاتها و هي تدهن جسمها..

عرف إنها مندمجه بـ تدهين جسمها.. فـ راح وراها و مسك خصرها و همس باذنها: يا لبى ع الجسم و الحلاوه.. يا بختي فيك جوجو..

جواهر بارتباك و خجل: اااا.. فصولي اااا.. اممم انت متى جيت؟.. و الله ما انتبهت لما دخلت..

لفها فيصل عليه و قعد يتأملها بتمعن كأنه أول مره يشوفها.. مب كأنه صار لهم 9 سنين متزوجين و حتى جواهر تخجل منه..

تقرب منها حيل بس سمعوا صوت حنان تبكي.. راحت جواهر لها و فيصل انقهر من بنته اللي خربت كل شي..

نهاية البـارت الثــاني..

توقــعاتكم..

- من هي البنت اللي تنقهر من جــلوان؟!

- زيـــاد و أحلامه.. هل راح تتحقق؟!

- فهد و رهف وش راح يصير معاهم في الرحلة؟!

- بــان من شــافها و هي بالمطبخ؟!

- أم خـالد هل مـا زالت تكره بــان؟!

[اسطورة !]

الجــــــزء الثــالث..

مدينة الريــاض..

(( بيت أبو تركي))..

تــــركي!!

نايم على سرير و يكلم نفسه..

شفيك يا تركي وش صار فيك اليوم؟

مب إنت اللي ما تبي الزواج و لا تحبه و مالك بسوالف الحب..

فتح مبايله على أغنيه عيـار و قعد يسمع الأغنيه و يبتسم كأنه صلاح الزدجالي يتكلم عن تركي ههههههههههه..

وش صار وش الي غيرني

ماعدت اعرفني

طبيت في المطب

عيار كانو يسموني كلهم يعرفوني

مالي انا والحب

مادار في بالي الخالي اتعلق بغالي

واضيع في الدرب

وش صار وش صار لهالقلب

حب وعشق وانحب

وانا ادري انه صعب

قالو غير في هندامه والليل ماينامه

متعذب ومحروم

واقول انا ماهو انا من بعد يادانه

صرت اسمع ام كلثوم

معذور من زهرة الفلي متغيرن كلي

والامن ماهو اليوموش صار وش صار لهالقلب

حب واعشق وانحب

وانا ادري انه صعب

حبيت لاتسالوني ليش

يمكن عقل او طيش

والحاله هي حاله

وسويت في نفسي القصه

مافادت القرصه وغنيت مواله

ياليت تنفعني كلمة لو

ماكنت احبه هو

مالي انا وماله

وش صار وش صار لي هل القلب

حب وعشق وانحب ~ ..

بعد ما خلصت الأغنيه نام على السرير و قعد يتخيل اللي اقتحمت عقله و قلبه من أول نظرة..

وين كانت عني من زمان؟

قعد على طول و قال بينه و بين نفسه.. ألحق عليها قبل لا يخطبها أحد غيرك بصراحه هي بنت و لا شيخه البنات محد بيفوتها.. فالحق عليها قبل ما تكون لغيرك..

ركض و طلع من غرفته و راح.........؟!

ببيت العمه خوله..

زياد ما قدر ينام لأنه متنرفز ما قدر يشوف بــان اليوم و أخته دانه قالت إنه بـان كانت حلوة وايد و تتكلم عنها بحقد و هو مستانس و خايف بنفس الوقت.. مستانس لأنه حبيبته من يومها حلوة و خايف لأنه يعرف إن الكل يبيها و أولهم أم فهد تبيها حق جـلـوان.. جـلوان أوسم من زياد بشوي يعني أحلى اثنين بالعايله جـلـوان و زيـاد..

زيد دخل الغرفة و شاف أخوه سرحان كالعاده.. و يعرف أخوه بشنو سرحان فما تدخل فيه و هو طبعه وحداني.. راح حط راسه و نام..

زياد تم سرحان لين ما غلبه النوم و لفت إنتباهه أخوه زيد اللي نام قال بينه و بين نفسه: سكنهم في مساكنهم كيف دخل هالجني؟ لا يكون دخل من الجدار و أنا ما أدري؟ بسم الله الرحمن الرحيم..

حط راسه و نام و هو مقرر يكلم أمه يخطبها و اللي فيها فيها..

ببيت ابو فيصل..

نور ما قدرت تنام تأملت سرير رهف و قامت من سريرها و راحت نامت على سرير أختها حضنت مخدتها اللي فيها ريحتها و تمت تصيح و تتمنى لأختها السعاده طول العمر و نامت و هي تدعي لأختها الوحيدة << يا قلبي عليها..

بغرفه ثانيه..

جــلــوان و سرحانه بالبنت اللي سكنت قلبه من أول ما شافها ببيتهم و بالمطبخ<< المطبخ مكان الصدف الحلوة ههههههه..

قعد يتخيلها جنبه و تكلمه و منقهره منه و من حركاته.. ابتسم جـلـوان على هالتخيلات و الأحلام..

جلـوان: آآآآآآآخ... يا ليتك تحبيني نفس ما أنا أحبك..

مشاري: الله الله الله أستاذ جـلـوان يحب!!

جـلـوان رمى عليه المخدات وقال له: انطم ونام فكني خلني في حالي..

ضحك مشاري على أخوه ههههههههههه..

أيضا ببيت ابو فيصل.. <<مافي أمل أطلع من بيت أبو فيصل ههههه..

بـ جناح فيصل و جواهر..

جواهر كانت توها جايه من غرفه عيالها و تطمنت عليهم بأنهم نامو..

فيصل كان يطالع التلفزيون: هاااه حبيبتي نامو العيال..

جواهر واقفه جنب الباب و تتأمل فيه و تبتسم و أبد مب معاه ههههههه..

فيصل لف لها و شافها تبتسم و تمشي صوبه بخجل..

ضحك عليها: ههههههه يا لبى يا جوجوتي ما أدري متى تبعدي عنك الحيا الزايد..

جواهر نامت على ريله: ههههههه لمن تبطل تناظرني بـ هالنظرات..

فيصل: و الله ما أقدر لو أتم من اليوم لمليون سنه أناظرك ما أمل أبد..

جواهر استحت و غطت وجهها بايدها و فيصل نزل لها و باسها على جبينها و قال: يالله أنا تعبان أبي أنام..

جواهر قامت من على رجله و وقفت و فيصل شالها و دخلوا لغرفه << خليهم براحتهم ههههههههههه..

بمكـــان بعيــد..

تــركيا.. و شهر عسل معاريسنا الحلوين فهد و رهف..

قبل ساعتين واصلين فهد نايم، و رهف....؟؟

فهد مد يده يدور عليها ما حصلها قام و شاف حوله ما حصلها.. وقف و راح للصاله و المطبخ بس مافي أثر لها قال: يمكن بالحمام (عزكم الله)..

و ما حس اللي باليدين اللي غطت عنونه << يا لبى بث..

ابتسم و مسك ايدينها و باسهم.. و رهف سحبت إيدينها و استحت من حركه فهد لها..

فهد: يا مساء الخير على أحلى رهوفه بالوجود..

رهف بخجل و منزله راسها: مساء الورد و الفل و الياسمين هههههههه..

تخبل فهد على كلامها و همسها اللي بالزور ينسمع.. شالها و دورها وهي من الخوف تمسكت فيه أكثر و تقربت منه..

هو وقف عن الدوران و قعد يتأمل وجهها اللي قريب من وجهه و بحركه سريعه....

رهف نزلت و هربت للمطبخ و فهد ضحك و دخل يتسبح..

نـــرجع للمملكه..

ببيت خالد ابو بــان..

بــان شافت الساعه كانت قريبه من 1 و الربع و هي ناطره أبوها اللي راح لجدتها..

اتصلت على صديقتها و بنت خالها لمــار بس ما ردت فعرفت إنها نايمه..

و بعد خمس دقايق دخل أبوها مهموم من أمه و كلامها له.. ما يبي يزعلها لأنها تحبه و ما يحب كلامها عن بنته و وحيدته..

تقول له بنتك و بنتك و بنتك و هو يدري إنه بــان مستحيل تسوي هالحركات..

بــــان تناظر أبوها بخوف: يبا حبيبي شفيك؟

خالد: لا حبيبتي ما فيني شي.. ليش ما نمتي لحد ألحين؟

بــان: كنت انتظرك تجي..

خالد بابتسام راح و سحب بنته و حضنها: الله لا يرحمني منك يا أحلى بــان بالوجود..

بـــان حضنت أبوها لأنها مشتاقه له و لحنانه لها: أحبك باباتي..

خالد باس راس بــان و حزن عليها ما حست بحنان أمها فهو يعوضها قد ما يقدر و أمه الله يهداها ما تبيني أدلعها و أعوضها..

خالد بعد بــان: يالله بـان حبيبتي روحي نامي..

بـــان باست راس أبوها بحب: أن شاء الله من عنوني يا الغالي..

خالد: تسلمين لي يا رب..

و راحوا نامو و كل واحد مهموم بــان مهمومه من هم أبوها هههههههه..

اليوم الثاني..

في الممــلكه..

ببيت بو تركي..

ابو تركي نزل الدرج و شاف أم تركي سرحانه و قاعدة ع السفره بس ما أكلت شي من الفطور.. استغرب حالتها ليش هي سرحانه و بشنو تفكر..

دخل غرفه الطعام: صباح الخير..

أم تركي انتبهت له: صباح الخير بو تركي.. كيف أصبحت؟

بو تركي: الحمدلله و إنتي كيف أصبحتي؟

ام تركي: الحمدلله يا الغالي..

و سكتوا و اكلوا بس انتبه بو تركي لسرحان زوجته..

بو تركي: ام تركي شفيك؟

ام تركي بتنهيده: ااااااااه.. و الله ما أدري أمس تركي كان يبي يقول لي شي بس إنت الله يهداك ما خليته يقول لي السالفه و أنا طول الليل أفكر وليدي شنو كان يبي مني؟

بو تركي بلا مبالاه: ما عليك منه هو دايما ما عنده سالفه.. و من متى نحن نهتم لكلامهم..

ام تركي: لا يا بو تركي أنا وحدة اهتم و ابي اعرف شنو شاغل بال تركي و ما قدر يصبر لين الصبح..

تركي نزل و سلم عليهم و باس راسهم: شخباركم؟

امه و ابوه: بخير الحمدلله..

تركي ما أكل وايد و قام راح للشركه و ام تركي ما مداها تعرف شنو كان يبي منها و تضايقت..

ببيت ابو فهد..

غـرفه لـمار..

كانت توها قايمه من النوم راحت و غسلت و لبست قميص أصفر و تنورة بيضه لنص الساق و شعرها رفعته ذيل حصان و خلت قذلتها على جنب و حطت بس قلوز وردي و نزلت تحت و شافت أمها تفطر..

لـمار بابتسامه: صباح الخير يا أحلى أم بالدنيا..

ام فهد: صباح الخير يا يما.. هاااه نمتي عدل؟

لـمار باست راس أمها: أيه يما نمت عدل و ما حسيت باللي حولي كأني ميته..

أم فهد: بسم الله عليك لا تفاولين على نفسك..

لمــار: ههههههههه إن شاء الله يا الغاليه.. وين الشباب؟

ام فهد: جـلـوان و مشاري بعدهم نايمين.. حبيبتي لموره روحي قومي جلـوان عشان يروح للشغل..

جــلــوان من وراهم: بـوووووووووووو..

لمار و أمها خافوا و لمار ركضت وراه تضربه و هو يهرب منها و يضحك و أم فهد تضحك عليهم و تدعي ربي يخليهم لها و لا يحرمهم الفرح و الحب..

ام فهد بضحكه: بس يا لمار أتركِ أخوك ياكل وراه شغل بالشركه..

لمار و هي معصبه: ما أبي يما كيفه لا يروح للشغل و يخصمون عليه و....

قطع كلامها رنه مبايل جلوان و كان تركي: هلا و الله بتوأم روحي..

تركي بابتسامه: هلا فيك توأمي.. وينك؟ أنا واقف عند الباب و أنت ما طلعت لي..

جـلـوان شاف الساعه و ركض طلع لبرا و هو يقول: يالله مع السلامه..

لمار و أمها: الله يحفظك مع السلامه..

و قعدت لمار تفطر مع أمها و يسولفون عن العرس و العزيمه..

[اسطورة !]

ببيت ابو خالد..

أم خالد: سيتي يا سيتي..

سيتي: نأم ماما..

أم خالد: جيبي التلفون هنا..

سيتي: تيب..

و راحت سيتي و جابت تلفون البيت لأم خالد..

أم خالد اتصلت على بيت ولدها خالد..

ببيت خالد..

خالد طلع عنده أشغال و محد بالبيت غير بـان و كانت توها قايمه من النوم و رايحه للمطبخ تقول لشغاله تسوي لها توست و عصير برتقال..

توها نازله الدرج و متوجهه للمطبخ سمعت صوت التلفون..

شافت الساعه 10 إلا ثلث.. من بيتصل علينا هالوقت..

بــان: ألوووو السلام عليكم

ام خالد بتكشيره: هلا بـ بــان أخبارك؟

بــان بابتسامه: أهلين يما أنا بخير الحمدلله من سمعت صوتك يا الغالية.. أنتي شخبارك؟

ام خالد: أنا مب بخير من سمعت صوتك عطيني أبوك..

بــان بزعل: أبوي مب بالبيت طلع عنده مشوار..

ام خالد سكرت الخط بدون ما تقول مع السلامه..

و بــان دمعه عيونها من تعامل جدتها معاها..

و رجعت لغرفتها و سكرت الباب وقعدت تصيح على هالحال اللي هي فيها جدتها و عمتها يتكلمون بـ شرف أمها و يقولون لها أكيد أنتي نفسها..

و تمت تبكي و تستغفر ربها وقطع نوبه بكاها صوت الباب مسحت دموعها و قالت: مين؟

كوماري (الشغاله): هيدا أنا مدام بــان..

(( كوماري شغاله خالد وكانت مشتغله بلبنان ثلاث سنين و ما تعرف تتكلم إلا لبناني و بــان تحب طبخها و أكثر شي حلو تسويه التبوله و ورق العنب))

بــان عدلت شكلها و فتحت الباب: كوماري شو تبين؟

كوماري: مدام إنتي ما بدك فتور (فطور)

بـان بابتسامه: إلا أبي فتور ههههههههه..

كوماري ضحكت مع بــان و نزلت تسوي لها توست و عصير برتقال و بــان نزلت وراها و دخلت المطبخ تفطر و تتناسى اللي صار معاها اليوم..

بـ شركه الـ........ ..

كان تركي مشغول بالأوراق اللي بين أيدينه دخل عليه أبوه.. تركي وقف أحتراما.. أبوه كان عنده ملف قال لـ تركي: يا وليدي خذ هالملف و روح بيت زوج عمتك خالد و قول أبوي يقول لك درسنا الملف و كل شي تمام و خله يشوفه و يتصل علي..

تركي كان مشغول بملفه و ما كان باقي له إلا كم من ورقه و يخلصها، فحب يكمل شغله بالأول بعدين يروح بيت زوج عمته..

تـركي: إن شاء الله بروح بعد شوي لأنه عندي ملف ما بقى عليه شي و أخلصه..

أبـو تـركي ناظر تركي كأنه يقول له تكسر كلمتي..

تـركي بلع ريقه و قال: خلاص يا الغالي ألحين ألحين بروح لبيت العم خالد..

و طلع من المكتب بسرعه قبل ما ينفجر عليه أبوه << ههههههه تونا نعرف إنك جبان يا تركي..

ببيت ابو تركي..

أم تركي قاعده بالصاله و دخلوا عليها البنات (ريتان و ريتاج و الجوري)

الجوري ركضت و نامت بحضن أمها و أم تركي مسحت على راسها..

ريتان و ريتاج يطالعون بعض و يقولون في نفسهم: لنا الله..

ريتان: صباح الخير يما.. و راحت تبوس راسها و قعدت جنبها..

ريتاج: صباح العسل يا الغاليه.. و باست راسها بس قبل ما تقعد شدت شعر الجوري..

و أم تركي تضحك على غيره البنات من الجوري دلوعها و دلوعه تركي..

ام تركي: صباحكم فل و ياسمين يالله قومو افطروا.. و إنتي يا ريتاج مب بس تشربين شاي و تقولين فطرت.. أبيك تاكلين يا يما..

ريتاج بابتسامه: إنتي تعرفين يا يما إني ما أحب آكل الفطور.. بس عشان خاطرك بفطر و لو قطعه توست بالجبن..

أم تركي بابتسامه لبناتها اللي راحوا يفطرون.. و تدعي ربها بأنها تشوفهم عرايس..

تــــركـــيا..

عند المعاريس..

فهد كان طالع و رهف ملت من قعدت البيت و تبي تطلع..

قالت بـ نفسها: و الله حاله هذا شهر عــسل؟! هو اللي يطلع و انا لا.. و كل ما قلت له نطلع قال تعبان و ما أدري أيش..

و بين هي ما كانت تكلم نفسها دخل فهد و حب يمزح معاها و جاا وراها: بووووووووووو..

رهف من الخوف و العصبية صفعته على وجهه..

فهد انصدم من رده فعلها توقع تسوي أي شي ما عدا أنها تضربه..

رهف بـ خوف: ســ ســـوري و الله ما كان قصدي.. بـس.....

فهد ما عطاها وجهه و دخل الجناح و هي عصبت.. و قالت في نفسها: هي خاربه خاربه..

دخلت وراه و هي معصبه: فهد أنا ما كان قصدي و ثانيا هذا شهر عسل أنت اللي طالع و أنا اللي جالسه بالبيت..

فهد ما عطاها وجهه.. و كمل ياخذ أغراضه عشان بـ يتروش..

رهف: فهد أنا أكلمك لو سمحت رد علي و لا تسفهني..

فهد ما تكلم و دخل الحمام ((عزكم الله)) و رهف كانت مصدومه من فهد و تصرفه معاها.. توقعت يهاوشها..

بعد ساعه و نص..

طلع فهد من الحمام ((عزكم الله)) و راح للتســريحه و قعد يمشط شعره..

رهف راح له و أخذت المشط بالهداوة و هي قلبها ما طاوعها على اللي عملته بـ زوجها و هي أصلا ما كانت قاصدة..

فهد ما جادلها و تركها تاخذ منه المشط و جلس عشان تمشط شعره..

رهف بـ همس: آسفه فهد ما كان قصدي اللي صار..

فهد لا زال على صمته..

رهف حطت يدها على كتفه و قربت من أذنه: فهودي أنا آسفه على اللي صــار و ما كان قصدي أبد و الله..

فهد كان يناظر لحركاتها من المرايه و فـــجـــــــــــأه..

ههههههههههههههههههههههههه ههه و الله شكلك يضحك و اني خايفة مني..

رهف باستغراب: بسم الله عليك شفيك؟!

فهد: ههههههه و الله ما كنت أعرف أنك جبانه و تخافين مني..

رهف: فهد يعني أنت كنت تلعب علي و ما كنت زعلان..

فهد و هو يحضنها: و أنا أقدر أزعل من حبيبتي رهووفه..

رهف عصبت و بعدته عنها و هو يضحك عليها و يشد من حضنها..

رهف ما وقفت إلا بعد ما تعبت: و الله ما راح أعديها لك يا فهود..

فهد باس خدها بقوه: عيون فهود و قلبه أنتي.. و ألحين أبيك تروحي تجهزي نفسك بنطلع و ننبسط..

رهف من الفرحه حضنت فهد و باست خده

في المملـــكه..

ببيت ابو فهد..

لمــار بعد الفطور راحت غرفتها تاخذ جوالها و شافت اتصال من بــان أمس الساعه 1 و ربع تقريبا..

و شافت الساعه كانت 10 فقالت أكيد قامت من النوم ألحين بـ اتصل عليها و أشوف أخبارها..

و اتصلت و بــان ما ردت عليها لأنها كانت تحت تشوف التلفزيون و تشرب شاي..

لمــار خذت الجوال معاها و نزلت تسوي قهوة لها و لأمها.. لمــار تموووت بالقهوة و أنواعها..

انتهيت من الجـــزء الثالث..

[اسطورة !]

الجـــــزء الرابع..

بـ بيت خالد..

بــــان جالسه بالصاله لابسه جينز للفخذ و قميص كت و رافعه شعرها بعشوائيه.. و تناظر للتلفزيون برنامج The Doctors.. بــان تمووت على هالبرنامج..

و مندمجه بالبرنامج و كوماري بالمطبخ تنظفه و ترتب الأغراض..

دق الجرس و بــان عبالها أبوها ناسي مفتاح البيت.. و كوماري راحت فتحت الباب و شافت تركي و سألها عن خالد إذا موجود و لالا..

كوماري: لا بابا خالد مافي بالبيت..

تركي: أوك هو بيتأخر و لا لا؟

كوماري: لا ألحين يجي تفدل (تفضل).. و أخذته للصاله ناسيه إنه بــان مندمجه بالبرنامج..

دخل تركي و ما انتبه لـ بــان اللي كانت قاعده تشوف البرنامج.. انتبه إن التلفزيون مفتوح على برنامجه المفضل و قعد ع الكرسي المنفرد و تم يطالع مع بــان اللي ما شافته و لا انتبهت له..

تركي بينه و بين نفسه: ليش التلفزيون مفتوح و محد جنبه؟ لا يكون بـان كانت تشوف البرنامج و ألحين طلعت لما عرفت إني جيت؟ .. و هو يكلم نفسه لفت انتباهه شي يتحرك بالكرسي اللي بأول الصاله و قريب من التلفزيون..

شــاف بــان و هي تشرب الشاي و تتابع البرنامج كانت متكوره و ماسكه الكوب بأيدها.. و شكلها كان طفولي مع شعرها الكيرلي.. تنح تركي بشكلها الطفولي..

بعد ما خلص البرنامج بــان تحركت شوي تاخذ الريموت و تغير القناه و حطت قناه وناسه كانو حاطين اغنيه لحن المفارق

يمكن تمر الضلوع وبيتها بيتها

ماغيرتها السنين وماتغيرت انا

يوم اكشفت عن مفاتنها وضميتها

قالت لي الحب وشهو قلت بيت الهنا

ياليت مالي خفوق ينبض وليتها

الى نعس رمشها ماعادتسرف بنا

يغار قميصها من لمس جاكيتها

لهزت كتوفها كبر ودلع وانثنا

غصن من الشوق اذا مال تماديتها

لين اقبل الله لنا وان ادبر الله لنا

اغلى المزايين واحلاهم شهر صيتها

في ديرة الخصر والارداف طفرة غنا

قالت يازين المطر قال المطر جيتها

لين السحب حاصرتها من هناك وهنا

قلت لسنا الشمس علمني لي مريتها

ابغي اشوف السنا لي منه عانق سنا

خلتني البارحه وانا ماخليتها

غنيت لحنالمفارقوالهجر و العنا

تركي بينه و بين نفسه قال: و الله هالأغنيه تنطبق عليك يا بــان و الله إنك ملاااك و الله ملاك..

بــان تحمست مع الأغنيه و قامت تهز على مقطع

لهزت كتوفها كبر و دلع و انثنا

غصن من الشوق اذا مال تماديتها

لين اقبل الله لما و ان ادبر الله لنا

تركي تنح عليها و ما قدر يسوي شي غير: أحمممم أحمممم..

بـــان كانت مطوله ع الأغنيه و ما سمعت صوت تركي..

تركي شاف الملف اللي بين إيديه و الطاوله اللي جدامه خطرت بباله فكره..

ضرب الملف بكل قوته ع الطاوله و بــان حست بشي بس سوت طاااف لأنها متحمسه و مستانسه ع الأغنيه ههههههههههههه..

تركي قام من مكانه و كان يبي يطلع عن الاحراج بنفس الوقت اللي دخل خالد الصاله و شافهم..

تركي خاف و نزل راسه و مشى من الصاله و حط الملف على الطاوله و طلع من البيت..

أما بــان مسويه طاااف لكل شي و تتنكس مع الأغنيه.. خالد بينه و بين نفسه: يعني صح كلام أمي إني وايد دلعتها و آخر هالدلع تدخل ولد خالها و ترقص له و هو اللي ما تربى طعني بـ ظهري بـ إنه يلعب بمشاعر بنتي..

بـــان توها تنتبه لأبوها السرحان.. راحت ركض له و حضنته.. و هو من غضبه بعدها و دفها و خلاها تطيح ع الأرض و نزل لها و عطاها كف خلاها تنصدم منه..

بـــان: بابا خالد أنا وش سويت عشان تضربني؟ ليش ضربتني ليش؟

خالد مسك شعرها و سحبها لغرفتها و قفل الباب: و الله تستاهلين أكثر من هذا يا الـ..... و الله ما عرفت أربيك يا حـ........

بــان منصدمه من كل اللي صار.. أنا وش سويت و ليش ابوي ضربني.. و قعدت تنوح قالت: بابا انا وش سويت عشان تسوي فيني كذا الله يخليك لا تسوي فيني كذا افتح الباب بابا..

خالد كان عند باب غرفتها و يسمع نوحها: جب و لا كلمه يا الـ......... أنا ما عندي بنت اسمها بــان..

بــان تضرب نفسها و تبكي.. هي ما سوت شي عشان أبوها يسوي فيها كل هذا..

عند تركي (( بالـسيارة ))..

ركب سيارته و هو زعلان ع اللي صار.. أكيد خالد ألحين ضرب بــان و هي مالها ذنب.. اتصل بأبوه قال له إنه حط الملف ببيت خالد و ما شافه..

رجع للبيت لأنه أبوه هناك خلاص قرر يخطب بــان لأنها مالها ذنب باللي صار و يبي يصلح كل شي..

بـ بيت ابو فهد..

غرفه لمـار..

لمار حست بضيق ما تدري من شنو بس خطرت ببالها بــان.. و ركضت لجوالها و اتصلت عليها..

ما ردت عليها بــان لأنها كانت بحاله لا يرثى لها و ما تبي تقلق لمار.. ما تدري بأنها خلت لمار تقلق أكثر و أكثر لما سكرت جهازها..

لمار من صوب ثاني تتصل و تتصل بس مافي أمل لأنها سكرت جهازها.. طلعت من الغرفة و شافت جلوان قدامها راح له و قالت: جلوان الله يخليك خذني لعند بــان..

جلوان خاف على بـان: شفيها بان يا لمار تكلمي..

لمار تصيح: ما أدري يا جلوان اتصلت عليها ما ردت و بعدين سكرت جهازها..

جلوان خاف عليها و قال: يالله لمار بسرعه روحي لبسي عباتك و أنا بالسياره أنتظرك..

ركضت لمار تلبس عباتها.. و جلوان ركب سيارته و هو يفكر بـ بــان و شنو صار فيها..

بـ بيت خوله..

زياد توه واصل من دوامه و راح لأمه: السلام عليكم يما..

خوله: و عليكم السلام..

زياد محتار يقول لأمه و لالا بس بالأخير راح غرفته و بدل ملابسه و رجع لأمه: يما أبيك بموضوع..

خوله جابلته: قول و أنا أمك شنو عندك؟ فلوس ما عندي من ألحين أقول لك..

زياد: لا يما ما أبي فلوس بس..

خوله: بس شنو؟؟ شنو عندك؟

زياد: أبي أكمل نص ديني..

خوله: هاذي الساعه المباركه يما.. أنا بدور لك على شيخه البنــ...

قاطعها زياد: لا يما أنا اخترت لي وحدة..

خوله: من هي هالبنت؟؟

زياد بخوف: يما اااااا ... البنت هي....

خوله: أيه البنت من هي؟

زياد: بـ .... بــان يما..

خوله عصبت: من قله البنات تاخذ بان لـ.....

زياد: يما اسمعيني انزين إنتي بالأول..

سكتت خوله تسمع ولدها: يما أنا بتزوجها لشيئين..

خوله: شنو هالشيئين؟ الأول؟

زياد بابتسامه مكر: تاخذين حقك من أمها و تخلينها خدامه عندك..

خوله بمكر: أي و الله شلون فاتتني هالشي.. والثاني؟

زياد: الثاني يا طويله العمر.. فلوسها و ورثها.. لا تنسين جدي اللي هو أبوك كم معطيها من ورثه و غير جدها الثاني اللي معطيها مزرعه كبيرة لها وحدها.. و غير معاش خالي خالد اللي يعطيها منه.. يعني بالمختصر آخذ فلوسها لي..

خوله بضحكه مكر: الله الله عليك يا زيود من وين لك هالمكر كله..

زياد بابتسامه: منك يا يما..

خوله قامت و ضربته على راسه و قالت: أنا ماكره يا الـ....

زياد مسك يدها و باسها: لا يما أنا.. أنا الماكر بس قولي لي شو رايك؟

خوله: أوك موافقه بس أكلم أبوك اللي ما أدري وينه فيه بأي أرض الله قاطه..

زياد: يما لالا أبوي بيتأخر إنتي احجزيها لي حاليا لين ما أبوي يوصل بالسلامه..

خوله: خلاص ألحين اتصل بأخوي خالد و أقول له..

و راحت خوله تتصل بأخوها و زياد طااااير من الفرحه من زمان يتمنى هاليوم و أخيرا بيتزوجها..

زياد بينه و بين نفسه: و الله يا يما بسرعه ينقص عليك معصي أخليها خدامه باخذها و نروح ببيت لحالنا بس الحلو بالموضوع إنه فلوسها لي أنا.. أنا و بس..

بـ بيت ابو تركي..

كانو أبو تركي و أم تركي قاعدين بالصاله يشربون شاي.. و دخل عليهم تركي و هو تعبان من اللي صار..

راح لهم و باس راسهم..

أم تركي: شفيك حبيبي؟

ابو تركي: يا ام تركي الولد صار طول الجدار و إنتي لحد ألحين تدلعينه..

ام تركي كسر خاطرها ولدها اللي تعبان و تعب أكثر من كلام أبوه..

تركي: يبا يما أبي أقول لكم شي..

كلهم انتبهو له بس ابو تركي ما عجبه الوضع بس قال خلنا نشوف شنو آخرتها..

تركي: أحمم بصراحه أبي أكمل نص ديني..

ام تركي استانس: و الله هاي الساعه المباركه و أنا أمك حبيبي و الله أنا عندي لك خوش وحده و ...

تركي: يما حبيبتي أنا اخترت لي و أنا أبيها..

ابو تركي بصرامه: تــــركـــي.. من متى و إنت تكسر كلامنا نحن اللي اخترنا لك وحدة تصونك و إنت اللي عليك بس توافق..

ام تركي زعلت من رد زوجها: تركي يما في حد ببالك؟

ابو تركي: ام تركي و نحن وش لنا باللي في باله.. ألحين ابيك تروحين تكلمين أهلها لأنه اليوم بنخطبها و تركي مالك غير إنك توافق..

تركي قام و هو زعلان من أبوه الصارم معاه يعني حتى بالزواج لازم نمشي بشوره..

ام تركي راحت تكلم أهل البنت بأنه اليوم بيجون يخطبونها..

بمكــان بعيد عن هالحــزن..

(( تركيــا ))

كانو معاريسنا طالعين مع المرشد السياحي (( شكيب )).. هو أصله تركي و يتكلم إنجليزي و شويه عربي..

فهد و رهف مستانسين بالجو و المكان و المرشد السياحي يتكلم عن المكان..

شكيب:Princes’ Islands, an archipelago of nine islands in the Sea of Marmara…..

((جزر الأمراء، أرخبيل من تسع جزر في بحر مرمرة... ))

فهد و رهف منتبهين له و يشوفون المكان و مبسوطين وايد..

شكيب: Now I will take you to eat lunch in Arabic Restaurants

(( الآن سآخذكم لتناول الغداء في المطاعم العربية ))

فهد و رهف راحوا معاه للمطاعم العربية و قعدوا ع الطاوله و طلبوا لهم الغدا و المرشد راح ياكل و بعدين يكمل معاهم..

فهد و هو يتأمل رهف المستانسه: رهوفه حياتي مستانسه؟

رهف و هي مبتسمه: طبعا مستانسه دام إني معاك و هالجو الحلو..

فهد مسك أيدها و رفعها و باسها بحنان.. رهف استحت منه و من جرأته فقالت: فــهـــد..

فهد ابتسم عرف إنها مستحيه بس سوى نفسه مب فاهمها: عيونه و قلبه..

رهف تشوف الناس اللي قاعدين يطالعونهم: فهد مب جدام الناس الكل يطالعنا..

فهد طالع الناس و شافهم بإنهم يطالعونهم.. سوى لهم طاف و قعد يبوس بإيد رهف اللي استحت موووت منه و من جرأته و حاولت تسحب إيدها بـــس..

فهد: لو سحبتي يدك بزعل منك و ما بكلمك و بقطع سفرتنا و نرجع لأهلنا..

رهف تفاجأت منه: خلاص ما بسحب بس الله يخليك لا تحرجني أكثر من كذا..

فهد ابتسم و بعد يد رهف عن شفايفه و قال: إنتي تامرين أمر يا كل الغلا و يا أحلى رهف و ...

رهف بخجل: بـــس حبيبي..

فهد فتح عينه على وسعها و رهف تمنت الأرض تنشق و تبلعها على هالزله..

فهد: شو قلتي؟ عيديها الله يخليك.. قوليها مره ثانيه..

رهف بخجل: اااااا.. أنا ما قلت شي غير بــس..

فهد بوز و دف يدين رهف.. و رهف حز بخاطرها ترفض له طلب..

رهف مسكت ايدينه و قالت بهمس: حبيبي..

فهد شال يده: اتركيني أنا زعلت، و بعد ما تقولينها بهمس، لا أبيك تقولينها بصوت أعلى..

رهف بخجل نزلت راسها: فهود حبيبي..

فهد يبي ينرفزها: ما سمعت وش قلتي؟

رهف تحاول تقول بصوت أعلى: فهود حبيبي..

فهد ماسك نفسه عشان ما يضحك: ما سمعت إنتي تكلمين النمل اللي تحتك..

رهف عصبت و قالت بصوت عالي: فهود حبيبي ارتحت ألحين..

فهد فرح و كل الخليجيين اللي حولهم شافوها و سمعوا وش قالت..

و رهف تحولت من الغضب لخجل غير طبيعي لأنها عرفت إنه الكل سمعها.. فقامت و ركضت تبي تبعد عن هالمكان.. و فهد ضحك بصوت عالي و قام يلحقها..

و رهف تهرب منه و من كل اللي حولها لأنها تمنت الأرض تنشق و تبلعها من الاحراج و السبب هو فهد.. قالت بقلبها: أنا أوريك يا فهيدان الحمار.. و ضحكت على جملتها لأنها تعرف إنها ما تقدر عليه و لا على زعله..

بـ بيت خالد..

خالد قاعد بمكتب البيت و يفكر بإنه لازم يعيد تربيه بنته.. و قال ما في شي أحسن من إني ما أدلعها صح كلام أمي.. بإني لازم ما ادلعها و أعاملها بقسوه..

بـــان بالغرفه تصيح و تنوح و هي أصلا ما تعرف ليش أبوها ضربها هي شو سوت عشان يضربها كانت بالبيت لا كلمت حد و لا غلطت على حد..

بعد خمس دقايق سمعوا صوت الجرس..

كوماري راحت تفتح الباب و يبين عليها الحزن..

دخلت لمار و شافت وجهه كوماري فخافت و ركضت فوق غرفه بــان تدور عليها و جلوان سأل كوماري عن اللي صار..

كوماري: بابا جلوان أنا ما بعرف كُل شي بس شُفت بابا خالد يضرب بــان كف و يمسك شعرها و يسحبها هيك (و تمثل لجـلـوان)..

جـلـوان بعصبيه: بس خلاص وين بابا خالد؟

كوماري: بـ مكبتو (بمكتبه)..

جلوان مشى لمكتب خالد و هو ماسك أعصابه لأنه هو أبوها و جلوان ما يصير لها شي عشان يعصب عليه..

أما لمار ركضت لغرفه بــان و حاولت تفتح الباب بس الباب مقفل و دقت الباب بقوة: بـــان حبيبتي فتحي الباب أنا لمار..

بــان بصياح و صراخ: ما أبي أحد وخروا عني محد يحبني.. ماما وينك عني ماما تعالي شوفي حالي و الله ما سويت شي ليش يصير فيني كل هذا..

لمار تدق الباب: بنوونه فتحي الباب حبيبتي أنا جيت لك أنا أحبك حبيبتي فتحي و استهدي بالله..

بـــان وقفت عند الباب: لموور ما أبيك تشوفين حالتي أنا أبيك تروحين البيت و لا تتعبين معاي ما بفتح الباب..

بــان ما حبت تقول لـ لمار إن أبوها هو اللي قفل الباب عليها..

لمار استسلمت لأمر بــان و نزلت و شافت أخوها جلوان بيدخل المكتب قالت: جلوان يالله نروح البيت..

جلوان: شلونها بــان؟

لمار: بالسيارة بقول لك بس يالله تعال نروح البيت..

جلوان راح مع لمار و قلبه مع بــان..

بـ بيت أبو فيصل..

نور ركضت لجناح فيصل و جواهر و تصارخ: جواااااااااااهر جوااااااااااااهر لحقي يا جواااااااااهر..

جواهر فتحت الباب و خايفه: بسم الله شفيك نور؟

نور تمثل إنها تصيح: إلحقي كنان يا جواهر طاح بالمسبح..

جواهر من سمعت اسم ولدها ركضت مثل المينونه..

راحت صوب المسبح و منصور يقول لها: جواهر لحقي عليه أنا ما أعرف اسبح و نور بعد..

جواهر تعرف إنهم يعرفون يسبحون بس من خوفها على ولدها ما ثبتت.. نطت و سبحت صوب ولدها كنان.. لما وصلت شافت إنه دمية كبيرة و شافت نور و منصور يضحكون..

عرفت إنه مقلب منهم و صارخت عليهم و تحمد ربها إنه ما كان واحد من العيال.. بس يوم طلعت شافت فيصل جاي صوبهم معاه كنان و سنان.. يوم شافت العيال ركضت و لمتهم و باستهم..

فيصل مستغرب منها: جوجو وش فيك؟ و ليش ملابسك كله ماي؟

جواهر: لا ما صار شي بــــس.. و طالعت منصور و نور اللي يقولون لها لالا و يسوون حركات علشان يكسرون خاطرها..

جواهر ابتسمت و ما قالت غير: و لا شي فصولي بس كنت أنا و أخوانك نلعب و ما انتبهت للمسبح و طحت فيه..

فيصل: الله يهديك ألحين إنتي بعمر إنك تلعبين مع هالبزران..

نور و منصور سكتوا و ما تكلموا بس عشان ما تتكلم جواهر و يروحون فيها..

انتهيت من الـجـــــزء الــرابع..

أبي توقعـــاتكم..

- رهف و فهد هل حياتهم بـكون كذا للنهايه؟!

- تــركي هل راح ياخذ البنت اللي يبيها و لا راح ياخذ اللي أمه بتختارها؟!

- بــــان وش راح يصير معاها؟!

- زيـــاد هل راح يتزوج من بــان؟! و راح يخلي بــان خـدامه عند أمه؟!

- أم خـــالد هل راح تتغير و تحب بــان؟!

أتمنى أشوف توقعاتكم الحلوة..

أحتــــــرامي..

[اسطورة !]

الجــــــــزء الخــامس..
ببيت بو تركي..
تركي قاعد بـ غرفته يفكر بالموقف اللي صار له و يفكر برده فعل خالد.. بس قال بينه و بين نفسه: لالا خالد يحب بــان و بيعرف إني ما كنت قاصد ادخل على بنته و إنه ما بيني و بينها شي..
قام و نزل تحت و شاف أمه قاعده بروحها و سرحانه عرف إنها تفكر فيه.. طلع من البيت ما يبي أمه تعرف هو كان يفكر بمنو.. خلاص يبي أمه هي اللي تختار له عروسته، و دام أمه و أبوه قرروا هو ما حب يعصيهم.. و بيحاول يحبها و ينسى اللي خذت عقله و قلبه بنظرة وحدة..
تركي ركب سيارته و حركها لبيت حبيبته و قال: أحبك نعم.. ابيك نعم.. بس أبوي أختار و مثل ما يقول أنا ادرى بمصلحه عيالي فعشان كذا باختار اللي اختارها ابوي و امي.. بس عرفي شي واحد إنك بالقلب.. و ربي يوفقك مع من يستحقك يا ......
قطع كلامه صوت موبايله: ألووووو
....: هلا و الله بالقاطع وينك يا تركي ما عاد تنشاف
تركي: أهلين فيك و الله موجود بس مشاغل الدنيا و إنت أدرى يا حارب..
حارب: ههههههههه كلامك يضحكني كأنك شايب و ما بقى شي من عمره..
تركي ابتسم على خفه دم صديقه: ههههههه وش ماخذين من الدنيا؟
حارب بشك: تركي شـ السالفه و أنا أخوك؟
تركي بحزن: لا و لا شي حارب لا تشيل همي و....
حارب بصراخ: جب جب تقول لا أشيل همك أنا إذا ما شليت همك يا أخوي من يشيله؟ و أنا ألحين بييك بيتكم و ما أبيك تقول لا..
و سمع تركي صوت القطااار..
توووووووووووووووووووووووو وت..
تركي تم يطالع موبايله
و قال بينه و بين نفسه: على هباله إلا إني أحبه..
حارب: صديق تركي من أيام الجامعة لأنه جلوان سافر الخارج و تركي تعرف على حارب و صاروا أكثر من أصدقاء عمره 24 سنه يشتغل بشركه مع أبوه طويل و أسمراني و عيونه بنيه و مرح و عليه حركات..
ببيت خالد..
توه مسكر من أخته اللي طلبت منه أيد بنته بـــان..
تنهد توه كان يفكر كيف يأدبها بس خلاص دام إنه زياد بيخطبها بيفتك منها و من حركاتها..
سأل نفسه: أروح آخذ رايها بزياد و لا لا؟؟
بالأخير قال ياخذ رايها مهما كان هي حبيبته و وحيدته..
راح لغرفتها و فتح الباب.. شاف بنته الوحيدة نايمه ع الأرض و متكوره كسرت خاطره و راح لها و لمها و باس خدودها.. تذكر زوجته و حبيبته صمود قبل ما تدخل غرفة الولاده..
صمود: اااااااااه .. بموووت يا خالد بموووت أهئ أهئ..
خالد ماسك إيدها: لا تقولين كذا يا صمود ما بتموتين استغفري ربك.. و راح تقومين بالسلامه و نربي الـطــفل مع بعض..
صمود و هي تصيح: خالد أمانه لو مت رب الــطـــفل و لا تزعله و لا تخليه يصيح.. الله يخليك أوعدني إنك ما بتقصر معاه..
خالد باس إيدها و جبهتها: أوعدك يا حبيبتي و أدري إنك بتقومين بالسلامه و بتشوفينه يكبر و تهتمين فيه..
صمود: لا ما أعتقد يا خـ...
الدكتورة: أخوي ما تقدر تدخل وصلنا غرفة الولادة.. ممكن تنتظر برا..
خالد تم يتأمل زوجته و حبيبته و هي تدخل غرفة الولادة..
تم يتأمل بـــان و هي بين ذراعه يا قلبي عليك يا بنتي قسيت عليك.. بس شنو تبيني أسوي و أنا أشوفك ترقصين أمام ولد خالك..
استغفر ربه هو يعرف بنته إنها مستحيل تسوي هالحركات بس الشيطان وسوس له و ما برد حرته إلا لما ضربها و حبسها..
باس راس بـــان.. و تم يصيح و يقول: أنا مب قد الوعد يا صمود.. شوفي شنو سويت ببنتنا و هذا كله من وسوسه الشيطان.. استغفر الله بس كيف فكرت إنها ممكن تسوي هالحركات كيف بس..
بــــان حست بأبوها: باباتي.. شو فيك؟
و قعدت و تمت تمسح دموع أبوها و هي تصيح.. بـــان: جعلني أموت و لا أشوف دموعك يا أغلى أبو بالوجود.. بابا سوي فيني اللي تبي بس لا تصيح.. الله يخليك لا تصيح..
و حضنته و تمت تبوس إيده و راسه..
خالد حضن بنته الوحيده و عرف إنها ما تستاهل اللي صار لها.. و شالها و حطاها على سريرها..
خالد: حبيبتي بنونه.. أنا أبي آخذ رايك بشي..
بــان: عيون حبيبتك بنونه.. شنو عندك يا الغالي؟
خالد: عمتك خوله.. ااااا..
بـــان تناظر لأبوها يعني كمل أسمعك..
خالد يحك راسه: لالا خلاص ما أبي شي إنتي ألحين نامي و لا تحطين ببــ.....
بـــان قاطعت أبوها: آسفه بابا قاطعته بس إنت لازم تقول اللي عندك.. مب أنا بنووو حبيبتك.. و ابتسمت له
خالد مسك إيدينها و تأمل وجهها اللي كل مالها تشبه أمها: حبيبتي عمتك خوله طالبه يدك لولدها زياد.. و أبي رايك هل موافقه و لالا؟؟ و ما أبيك تعطيني رايك ألحين.. أبيك تصلين صلاه الأستخارة و بعدين تجاوبيني.. أووك حبوو..
بــان بارتباك: هاااه.. اااا.. بابا ما أفكر بالزواج و لا أبيه ألحين..
خالد: حبيبتي هاذي سنه الحياة مكان البنت بيت زوجها..
بــان: خلاص بابا بصلي و بجاوبك..
خالد بابتسامه: ربي يوفقك يا بنتي.. و باسها على راسها: تصبحين على خير..
بــــان: و إنت من أهل الخير خلودي هههههههه..
خالد تم يلاعب بنته اللي ماتت ضحك و هو مستانس لوناستها..
خالد: يالله يا الدوووبه نااامي..
بــــان غطت وجهها بالبطانيه و تضحك..
خالد: يالله نوم العوافي..
بـــان من تحت البطانيه: الله يعافيك و يو تو..
خالد ضحك و سكر باب غرفه بنته و راح لجناحه و هو مرتاح و مستانس..
ببيت بو تركي..
التوأم ريتان و ريتاج كانو قاعدات بالحديقة و سوالف و ضحك.. ريتاج شافت ساعتها و قامت
ريتاج: رتون ألحين بتبتدي المصارعه الحرة بروح أشوفه..
ريتان: ماااالت بس إنتي متأكدة إنك توأمي؟
ريتاج: أيه متأكدة و الدليل الشامه ههههههههه..
ريتان ضحكت على خبال أختها و شافتها تدخل الصاله تشوف المصارعه الحره WWE.. و الله هالبنت مستخفه في حد يطالع المصارعه الحره << عن الغلط ريتان تراني نفسها ههههههههه..
حارب وصل بيت بو تركي قبل تركي و دخل ما كان متوقع إنه في حد بالحديقة..
و شاف ريتان تناظر بالمسبح و سرحانه و هو تم يتأملها..
حارب: يا لبى بس من وين نزلت هالقمر؟.. استغفر الله يا ربي..
نزل راسه و دخل المجلس و فتح اللمبات و التكييف..
تركي توه واصل البيت و شاف سياره حارب واقفه.. دخل تركي و شاف ريتان بالحديقه خاف إنه حارب شافها..
تركي: ريتاااان.. رتووون..
ريتان: لبيييه.. هلا و غلا تروك..
تركي: إنتي من متى قاعده هني؟!
ريتان: من زمان يعني تقريبا من ساعه و نص..
تركي: دخلي داخل أشوف بسرعه دخلي..
كان حارب بالمجلس و سمع إسم البنت بينه و بين نفسه: ريتان يا لبى.. أأأأأأأخ وينها عني من زماااان.. ههههههه استغفر الله..
قام حارب و بسرعه دخل الحمام ( عزكم الله ) و سوا نفسه إنه كان يغسل وجهه و على دخله تركي طلع حارب..
تركي تم يدقق بملامح حارب و يدرسها هههههههه.. و حارب مسوي نفسه إنه ما شاف رتونه ههههههههههه..
حارب: ما شاء الله كان ما جيت مع هالوجهه..
تركي: و إنت خليتني أتكلم على طول قفلت الخط بوجهي و سمعتني صوت القطـــار..
حـــارب بـهبال: توووووووووووووووووووووووت .. هههههههههههه
تركي ضحك مهما حاول يقاوم ما يقدر على فرفشه هالرجال: ههههههههه الله يقطع ابليسك تعال سلم..
حارب ناظره يعني نــعم..
تركي تحرك و راح له: السلام عليكم و تخاشموا..
هههههههههههههههههههه يا لبى هالحلوين..
ببيت بو فهد..
أم فهد و بو فهد و لمار و جلوان قاعدين بالصاله..
ام فهد " وينك يا وليدي من أول ما عرست و إنت ما اتصلت خلاص بكرا باتصل عليه و اشوف أخباره "
ابو فهد " ألحين فهد و عرس و الحمدلله باقي هالمقرود جلوان و المتعوسه لمار.. يا رب فرحني فيهم "
جلوان " هالحمارة لمار ما قالت لي شي عن بـان.. شفيها ليش العم خالد ضربها.. أوووف و الله تعبت من التفكير فيها "
لمار " وش صاير معاك يا بـان ليش ما فتحتي الباب علي.. أنا باجر بروح لها و مب طالعه من عندهم إلا لما أشوفها و أعرف شو فيها "
قطع الصمت لمار: يما يبا.. أنا أبي أقول لكم شي..
بو فهد: آمري حبيبتي شنو عندك..
لمار: صديقتي اليوم كلمتني و قالت إنه في مركز للرسم بمنطقتنا.. و أنا حابه أشارك.. شو قلتو؟
بو فهد ناظر لأم فهد و قال: إنتي تبين هالشي؟
لمار بابتسامه: أيه بابا ودي و الله من زمان أشارك بالمراكز و أنا أحب الرسم مثل ما تعرفون..
جلوان: وين مكان المركز؟!
لمار: مب بعيد جنب جامع ......
بو فهد: خلاص تم أنا من باجر بوديك تسجلين..
لمار نطت على أبوها و باسته و بعدين عند أمها و بالختام عند جلوان اللي ضحك عليها..
بو فهد: جلوان..
جلوان: هلا يا الغالي..
بو فهد: هذا فهد و فرحنا فيه.. إنت متى دورك..
جلوان فتح عينه و استانس: يبا أنا كنت ناطر الوقت المناسب..
ام فهد: و الله يا وليدي.. تبيني أدور لك و لا انت عندك حد ببالك..
جلوان بخجل: يما كل شي بوقته حلو.. و قام من عندهم و طلع يروح عند أصدقائه..
بـ بيت خوله..
زياد بالغرفة يفكر بـ بـــان و ردها.. هل بتوافق عليه و لالا؟؟
و هو كان خايف من أمه بالأول أما ألحين من بــان لأنها لو رفضت ما يقدر يغصبها..
قعد يفكر فيها لين ما نام..
نحن من زمان ما جبنا اسم (دانه)
خلونا نروح نشوفها هي وينها..
لا تخافون ما فيها شي هههههههه..
بـ غرفه دانه..
دانه قاعدة ع منتدى ...... و تدخل من موضوع و تكتب ردود و .....إلخ
و هي مندمجه بالمواضيع شافت عندها رساله خاصه..
شافت من عضو (( ســلطــان الامارات )) << أحم أحم ما أقصد حد ههههههههههه..
و كان كاتب فيها إنه يبي يتعرف عليها و يبي يكون صديق لها..
و هي ردت عليه بإنها عادي عندها تكون صداقات داخل محيط المنتدى بس، و ما قالت عن أسمها بس نك نيمها..
و قعدت تكلمت بالخاص.. هي ارتاحت له و هو اللي عنده يقول لها..
شافت الساعه كان وقت نومها باجر عندها شغل مع أمها..
استأذنت من ســلطان و قالت له إنه عندها جامعه..
و سكرت اللاب و هي ما ودها بس عندها شغل شو تسوي..
بـ بيت بو فيصل..
العايله كلهم قاعدين بالصاله..
ام و ابو فيصل قامو ابو فيصل: أنا استأذن وقت نومي ألحين..
و راح هو و زوجته..
و فيصل و جواهر و نور و منصور قاعدين يطالعون التلفزيون..
فيصل يغمز لجواهر يعني يالله قومي و هي ابتسمت و قامت و راحوا لجناحهم..
دخلوا الجناح..
فيصل: ما بغينا نطلع
جواهر استحت منه و نزلت راسها.. فيصل ينجن من خجلها و يعشقها أكثر و أكثر..
تقرب منها و هي ترجع لورا و هو يتقرب و يتقرب ليييين ما حاطت جواهر ع الكرسي و فيصل قعد يضحك عليها و على خجلها..
مسك إيدها و وقفها: شفيك جوجو.. بالله لحد ألحين ما تعودتي علي..
جواهر احمرت منه: ااااا.. انزين انت لا تناظرني كذا.. وووو ااااا.. و ركضت للغرفة..
و فيصل راح وراها و هو يضحك عليها: أحبك جوجوتي أموت بخجلك..
ووو.... << سكروا الباب بوجهي.. أااااااخ وجهي بررب شويات ألقط وجهي و أكمل.. ههههههههههه
بـ بيت أبو خالد..
ام خالد حست بتعب فضيع و تحاول تنادي بالشغاله: سـ... ســيـ.. سيتي.. سـيتي..
بس صوتها ما وصل لمسامع سيتي اللي كانت نايمه و مب داريه عن ام خالد..
ام خالد مسكت قلبها و تذكرت إنها غلطت واجد على صمود و حفيدتها << بعد شنو يا ام خالد..
قعدت تصيح و تنوح لأنها عرفت إنه فات الأوان.. و قالت بقلبها: آسفه يا صمود بنتي آسفه على كل شي.. عذبتك و دمرت حياتك و إنتي استحملتيني و استحملتي عذابي.. و بــان حفيدتي الحلوة اللي ما خليتها بحال سبيلها و كل يوم كلام طالع نازل عليها.. آسفه حبيبتي أدري إنه ألحين ما ينفع الأسف.. بس أطلب من ربي تسامحيني يا حبيبتي..
و قاومت ام خالد بس فاضت روحها لبارئها و ماتت و هي ظالمه لصمود و حفيدتها بــان.. << يا رب حسن الخاتمه..
بـ بيت خالد..
بـــان قامت من كابوسها.. و حست بضيق فضيع..
قامت من على سريرها و استغفرت ربها و توضت عشان تصلي و يرتاح بالها..
للمعلوميه بـــان صلت صلاه الاستخارة قبل لا تنام..
بان صلت و قرت القرآن و الحمدلله ارتاح بالها و قعدت تدعي لربها.. و قامت تكمل نومها..
أما خالد كان حاس بإنه بيصير شي قام من نومه و استغفر ربه و طلع و راح غرفه بــان يشوفها و شافها نايمه و رجع لجناحه و توضى و صلى و قرأ القرآن..
قعد يدعي لربه..
خالد ما قدر ينام طلع و راح للمطبخ يسوي له كوب شاي و فتح التلفزيون على القرآن و قعد يسمع لآيات ربه و يستغفر..
بـــان سمعت صوت بالصاله و لأنها نايمه مبجر ما قدرت تنام.. طلعت و شافت أبوها و هو بالصاله يسمع للآيات و يشرب الشاي.. راحت بهداوه و سوت لها شاي و قعدت جنب أبوها اللي ما انتبه لوجودها.. حطت يدها على كتفه فانتفض..
بـــان: بسم الله عليك بابا.. شفيك؟
خالد: هاذي إنتي؟ لالا ما فيني شي.. ما جاني النوم و قلت خلني أجلس و اشرب شاي..
بـــان تأملت وجهه أبوها و عرفت بإنه مهموم نفسها: بابا إنت مهموم نفسي صح؟
خالد تم ساكت و تنهد بعدها قال: و الله يا بنتي أحس بإنه شي بيصير اليوم..
بـــان تمسح على ظهره: كل الخير يا أبوي كل الخير إن شاء الله..
ابتسم خالد لبنته و تذكر: إلا تعالي.. هااااه شنو جوابك..
بــان تذكرت الحلم و نزلت راسها بحزن: باباتي أنا صليت و حلمت حلم لا لا مب حلم إلا كابوس.. و....
ابوها قاطعها: خلاص لا تكملين و تبين الصراحه أنا ما أبيك تاخذين زياد و لا تخافين هاذي حياتك و لا تتوقعين إني بزعل لا أنا ما أزعل أنا أتمنى لك كل الخير و دامك شفتي كابوس فانا بعد مب موافق..
نطت بـــان من الفرح و حضنت أبوها و قعدت على ريله كأنها طفله و لقت الأمان..
خالد شال بـــان: يالله يا كتكوته ألحين وقت النوم..
و راح فيها غرفتها و حطها على السرير و لحفها بالبطانيه و ابتسم لها و رجع لجناحه بعد ما طفى كل اللمبات..
يوم جديد..
بـ بيت بو فيصل..
كانو كل الافراد ع الطاوله يفطرون..
ام و ابو فيصل
فيصل و جواهر
نور و منصور
كنان و سنان و حنان
ابو فيصل خلص فطوره: الحمدلله يالله يا فيصل عجل ورانا شغل..
فيصل: ان شاء الله يبا أنا باخذ العيال و أوديهم لمدارسهم و أجيك للشركه..
بو فيصل هز راسه بالموافقة و طلع من البيت متوجه للشركه..
جواهر قامت للمطبخ تجهز lunch box لعيالها.. و فيصل قام: الحمدلله يالله يا عيال عجلوا و أنتوا (يأشر على منصور و نور) لا تأخروني نفس كل مرة.. و طلع و ركب السيارة ينتظرهم..
جواهر خذت العيال و ركبتهم و سلمت عليهم و نور و منصور طلعوا على طول و ركبوا السيارة و يدعون جواهر..
فيصل بقلبه: يا بعدهم كلهم ما ترتاح إلا لما تجهز العيال بنفسها و ترتب أغراضهم و تودعهم.. ربي لا تحرمني منها و من طلتها علينا.. أحبها و الله أحبها..
بـ بيت بو تركي..
بو تركي راح للشركه و و التوأم راحوا للجامعه..
تركي و أمه و الجوري قاعدين يفطرون..
ام تركي " أنا ما اتصلت على البنت و اخطبها عشان ما اكسر بخاطرك يا نظر عيني "
تركي " غريبه على أساس أمس نروح نخطب لا يكون نسوا السالفه.. أووووف أحسن "
الجـوري " هالتركي متى يتحرك بتأخر ع المدرسه "
الجوري: تروك.. أووووووف ترووووووووووووك..
تركي قام من سرحانه على صراخ الجوري: هلا حبيبتي جوجو..
الجوري: متى تخلص عشان نروح المدرسه..
تركي اللي ماله نفس ياكل: يالله قومي ألحين أوصلك..
أم تركي: وين يا وليدي إنت ما أكلت شي لحد ألحين..
تركي يحاول يبتسم لأمه: لا يما مالي نفس..
و قام و أخذ أخته و راح يوصلها للمدرسه..
أم تركي " أنا ما برتاح إلا لما أعرف من هي اللي كنت تبيني أخطبها لك.. الله يهدي أبوك اللي دايما قاسي عليكم و ما يحب يسمع لكم.. لو بس خلاني أعرف و الله لأخطبها لك يا وليدي "
بـ بيت خالد..
خالد كان نايم و ما وراه دوام متقاعد..
و بــان كانت بالغرفه تعدل نفسها للجامعه..
كانت لابسه..
قميص كم طويل لونه أبيض و جينز بيج و حزام أبيض و أكسسوارات ذهبيه و فلات بيج و حطت فيونكه على طرف شعرها..
و تعطرت و لبست عباتها و راحت تفطر فطورها المعتاد توست و عصير برتقال..
كوماري: واااااااو بنو إنتي كل يوم بتحلوي أكتر و أكتر..
بـــان: ههههه قولي ما شاء الله لا تحسديني يا البطه..
كوماري: هههههههه ما ساء الله ما بحسدك ما تخافي..
بـــان: و ليش ما أخاف و الله العين حق..
كوماري ما فهمت شي من اللي قالته بـــان بس ابتسم و راحت تكمل شغلها..
بـــان قعدت تاكل فطورها و تحس إنه في شي بيصير و خايفه.. تخاف من ردهم لعمتها تزيد الطين بله.. بس هي متوكله على الله و اللي كاتبه ربها بيصير..
ما انتبهت لأبوها اللي كان شكله منهار و هو يركض من جناحه لباب البيت.. على صكت الباب بــان حست و سألت كوماري اللي كانت خايفه من ملامح خالد..
بــان: كوماري.. بابا خالد اللي طلع صح؟
كوماري: أيوه بنو بس بابا خالد فيس مب أوك
بــان خافت على أبوها و اتصلت عليه بس ما رد و عادت مره ثانيه هالمره سمعت صوت الموبايل بجناحه يعني أبوها نسى موبايله بالبيت..
بـــان: بابا نسى موبايله و طلع.. الله يستر..
كوماري سكتت و كملت شغلها و هي خايفه من اللي جاي..
بيت بو فهد..
لمار كانت بغرفتها تلبس للجامعه..
كانت لابسه قميص كم طويل لونه زهري و عليه بقع باللون الرمادي الفاتح و على أطراف القميص فيه دانتيل باللون الرمادي و لابسه بنطلون رمادي فاتح و فلات زهري نفس درجه لون القميص و لبست بس ساعه و لمت شعرها ذيل حصان..
و طلعت من غرفتها و شافت جلوان لابس..
كان لابس قميص باللون الأسود و بنطلون أسود و لابس حزام هرمز و طالع شكله خــــقـــــهـ..
صفرت لمار بأعجاب.. و جلوان نزل راسه مستحي هههههههه << يا لبى قلبك..
قالت لمار: جلوان حبيبي يالله تراني تأخرت على بــان..
جلوان بابتسامه جذابه: يالله أنا ناطرك بالسياره لا تتأخرين يا عسل..
و راح قرص خدها و طلع يركب سيارته..
لمار متنحه من حركه أخوها جلوان.. عمره ما قرص خدها و يقول لها كلام حلو كله يهاوشها.. لا السالفة فيها إنه.. و ليش ألحين لما أيب له أسم بــان يستانس و الضحكه شاقه الحلج. قبل ما كان يهتم لها و.......
قومها من سرحانها بوري السياره.. و ركضت تلبس عباتها و تشيل أغراض و تركب السيارة..

بالسيـــاره..
{{تبون منو؟!}}
نهايه الجـــــــــزء الخــامس..
توقـــعاتـــكم..
- وش راح يسير بـ خــالد ((أبو بــان))؟!
- جــلوان هــل يحب بــان و لا مجرد أعــجاب؟!
- زيـــاد وش راح يسوي بعد ما رفضووه؟!
- دانة وش راح يكون نهايتها مع ((سلطان الامارات))؟!
أنتظـــر تـــوقــعاتكم..!!

[اسطورة !]

الجـــزء الســـادس..
بـ سيارة تركي..
قاعد يفكر هل يخطب البنت اللي بباله.. و لا ينتظر أمه تخطب له اللي ببالها و اللي اختارتها شريكه حياته..
تركي " أنا لو كسرت كلام أبوي أدري بيحول حياتي لجحيم و بيتحكم بكل شي.. و إذا رضيت باللي هم أختاروها لي راح يستانس و أمي بعد و أنا هذا اللي أبيه ما أبي واحد منهم يشيل علي.. مب خوفي منهم لا بس ما أتمنى أكون عاق بنظرهم مع إنه هاذي حياتي أنا و أنا اللي راح أكملها بس مع ذلك برضى باختيارهم "
و نزل من السيارة و طلع لمكتبه لأنه اليوم عندهم شغل أكثر من أي يوم.. و هو ماشي شاف جلوان و كان متضايق..
تركي: جلواني توأمي.. شخبارك؟
جلوان ابتسم: هلا تروك حبيبي.. تمام الحمدلله و إنت شخبارك؟
و سلمو على بعض و كملو مشي لمكاتبهم اللي كانت جنب بعض..
تركي: أنا تمام يسرك حالي.. شفيك مهموم من على الصبح..
جلوان: ههههههه يعني ما تشوف الشغل كيف اليوم.. يعني ما عندنا وقت فراغ كله شغل في شغل و تبيني أبتسم بعد..
تركي: ابتسم في وجهه أخيك صدقه.. يالله تصدق علينا و ابتسم..
جلوان ضحك على كلام تركي اللي يجذب الناس له و لخفه دمه اللي ماخذه من حارب..
تركي: يا ليل أبو لمبه.. قلنا ابتسم مب اضحك..
جلوان ما قدر يوقف من الضحك: ياخي إنت فلللله.. و الله إنك عسل غيرت مزاجي..
ابتسم تركي و بتكبر مصطنع: أحم أحم لا يكثر بس لو تبي مني شي أنا بمكتبي..
و راح عن جلوان اللي تم يضحك لين ما قال بس..


بالجــامعه..
في الكافتيريا..
عند لمار و بـــان اللي وصلهم جلوان..
لمــار: بنونه ممكن سؤال..
بـــان بابتسامه: سألي و ربي يستر من أسئلتك
لمار عدلت جلستها و ابتسمت: يعني هو سؤال محرج و ما دام نحن قريبات من بعض و كذا.. يعـ.....
بــــان بنرفزة: لمووووووور الزبده يا حبيبتي الزبده..
لمااار بابتسامه ماكره: إنتي تحبين؟ و من هو؟ و عندي سؤال أخير بس بسأله بعدين هههههههههههه..
بــــان فتحت عينها و احمرت خجل من هالأسئله: وجع وجع وجع يا لمار.. الأسئله نفس وجهك..
لمار: لا تتهربين و أنا بعد بقول لك يعني نفضفض لبعض.. قولي قولي عادي و لا تستحين نحن أكثر من خوات..
بـــان سكتت و قعدت تكلم نفسها " ألحين أنا وين و الحب وين و هاي تسأل حبيت و لالا؟ يعني بالله عليكم أنا وجهه وحدة تحب؟ "
لمـــار: بنوووون جاوبي يالله أنا انتظر جوابك و لا تكذبي لو سمحتي..
بـــان ناظرتها بتكبر: أنا ألحين أكذب مع وجهك وش قالو لك لمار خانوم..
لمــار: أوكي آسفه بس لو سمحتي جااااااااااوبي..
كل اللي كانوا بالكافتيريا طالعو لمار و بان..
بـــــان بغضب: وجع يا لمار و عناد فيك ما بقول لك و موووتي قهر.. و قامت بــان تروح للكلاس لأنه بعد خمس دقايق بيبدأ..

........: هاي لمورتي.. و باست خدها..
لمار بابتسامه: هلا و غلا بالغايبه.. هلا جلنار..
جلنار: شفيكم ليش كل هالازعاج..
لمار ما تحب تقول كل شي لـ جلنار لأنها تعرف جلنار ما تحب بــان: و الله سالفه سخيفه.. بــان مب راضيه تخبرني عليها.. بس بالأخير قالت لي إنها سالفه سخيفه و ما يستحق كل هالازعاج و بتقول لي بعد ما نخلص الكلاسات.. تامرين على شي جلنار لأنه ما أحب اتأخر على كلاسي..
جلنار بتكبر: سلامتك.. يالله روحي لا تتأخرين و سلمي ع الاستاذ و قولي له إنه جلنار غايبه بصراحه مالي خلق أجابل وجهه على الصبح هالشــايب..
لمار ما تحب فيها أهمالها بس سكتت و قالت لو عندي وقت بكلمها و انصحها: ان شاء الله مع إني بكذب بس أمري لله.. و ما على الرسول إلا البلاغ..
جلنار ابتسمت بسخريه " على إنهم عندهم خير و يقدرون يحصلون كل شي بالواسطه بس هم مع غباءهم يحبون يتعبون نفسهم "
و راحت جلنار عند صديقاتها اللي يخربوها و يبعدونها عن الدراسة.. و قعدت تسولف معاهم و ما اهتمت لكلاسها..

جـــلنــــار: صديقه بـــان و لمــار من أيام الابتدائيه بس تغيرت عليهم من دخلوا الجامعه و تعرفت على الشله الفاسدة و جلنار بنت حلوة سمرا و مب طويله و عيونها عسليه و اللي يشوفها يعجب فيها.. بس هي مب أحلى عن بــان
(( للمعلوميه: معنى اسم جلـنار هي زهرة الرمان ))

ببيت بو تركي..
أم تركي " ألحين لو بو تركي سألني شو سويت بسالفه الخطبه وش أقول له.. يعني أعصي كلمه زوجي.. لالا بقوم أتصل و ربي يكون بعونك يا ولدي "
قامت أم تركي تتصل على أهل البنت و ما ردوا عليها..
أم تركي: يمكن خيره لو سألني بو تركي بقول له ما ردوا علي..
و راحت المطبخ تشوف الغدا و تجهزه مع الشغالات و هي بالها مع ولدها اللي كاسر خاطرها..


ببيت خوله..
دانه و هي تسوي الغدا و تتحلطم تبي تخلص بسرعه و تدخل المنتدى تكلم العضو ((سلطـان الامارات))..
دانه " آآآآآآخ منه كلامه حلو و حسيت أنه يحبني و يبيني و يبي يتزوجني.. ألحين لو قال لي أبي اتزوجك و قلت له موافقة و جا عند أبوي يطلبني شنو بيقول له.. أوووويه بيقول له أنا كلمتها بالمنتدى و حبيت أسلوبها و أخلاقها معاي.. يمه يمه الموضوع وايد يخوف و ... "
دخلت خوله على دانه بالمطبخ و هي تصارخ..
خوله: دااانــــــــــــــــــــ ــه أمي يا دانه..
دانه خافت من شكل أمها: يما شفيك؟ و شفيها جدتي؟
خوله تصيح و منهاره: جدتك ماتت.. مــــــاتت يا دانه..
دانه قعدت تصيح و تنوح نفس أمها.. دخل زياد اللي أمه قالت له يهد شغله و يرد البيت..
زياد: يما شفيك؟ و شنو اللي صار؟ ليش ما قلتي لي بالموبايل؟
خوله تنوح و تصيح دانه تكلمت: جدتي يا زياد.. جدتي ماتت..
زياد ما تأثر لأنه ما يحبها بس سوى نفسه حزين: هذا يومها.. يالله لبسوا عبيكم أنا انتظركم بالسيارة و باتصل بخالي خالد و أشوفه وينه..
خوله قامت تلبس عباتها و تكلم ولدها: خالك ألحين بالمستشفى يسجل شهادة وفاتها و بعد صلاه الظهر يصلون عليها.. يما حبيبي خذني للمستشفى..
زياد: لا يما باخذك لبيت خالي خالد هناك العزا أكيد و قبل صلاة الظهر بوديك لصلاه الجنازة..
خوله تنوح و تصيح هي و بنتها دانه.. و زياد ركب سيارته و هو متضايق..
زياد " يعني أنا بروحي متخوف من رد خالي على الخطبه و ألحين جدتي ماتت بيأخر الخطبه و أنا طول هالوقت أنتظر و أحترق.. ليش انتظر أنا ألحين بودي أمي لبيت خالي و بشوف بــان هناك و بكلمها و بشوف هي شو بتقول و لو رفضت بتقرب من خالي و أدهن سيره عشان يخليها توافق علي.. ههههههههه و الله أحب عنادك يا بـــان و أدري إن هالعناد قناع لأنه حبك واضح بعيونك يا عيوني "
ركبوا خوله و دانه السياره و راحوا ياخذون زيد اللي مب عارف شو السالفة، بس المهم افتك من المدرسة و راحوا بيت خالد أبو بــان..

بالمستشفى..
خالد كان بحاله لا يرثى لها.. شكله مبهدل و وجهه تعبان لأنه ما نام عدل من هالكوابيس و الضيق اللي كان يحس فيه طول الليل..
خالد " الله يرحمك يا أمي.. إنتي كنتي تصارعين الموت و أنا بالبيت ما أدري عنك.. الله يسامحك قلت لك تعالي معاي بيتي بس إنتي اللي عاندتي و ما حبيتي تكونين بالبيت اللي بــان فيه و بنفس البيت اللي دخلته صمود.. و كان يبين عليك الكره من اتجاههم و أنا أحاول ما أخليك معاهم عشان ما تستفردين فيهم بس مع ذلك ما قدرت عليك.. ربي يغفر لك و يسامحك على أفعالك.. "
توه وصل فيصل لأنه خالد اتصل عليه دامه أكبر العيال و عنده واسطه بالمستشفى يطلب منه يخلصون شهاده أمه بسرعه و يدفنها..
فيصل: عمي خالد..
خالد رفع راسه بتعب: هلا ولدي فيصل زين وصلت أبيك تكلم صديقك يخلصني بسرعه تراني و الله تعـ....
ما قدر يكمل لأنه طاح مغمي عليه من التعب و قله النوم و بـ سبب الخبر المفاجأ..
فيصل ينادي: دكتوووور.. دكتووووور.. ســاعدوني..
طلع له الدكتور و شال خالد و فحصه و سبب الأغماء هي الضغوطات النفسيه..
الدكتور: استاذ فيصل الأخ خالد شو صار معاه عشان يغمى عليه..
فيصل: بسبب أمه يا دكتور.. أمه عطتك عمرها..
الدكتور بأسف: عظم الله أجركم يا أخ فيصل..
فيصل: أجرنا و أجرك.. بس ما قلت لي أقدر أطلعه اليوم؟
الدكتور طالع خالد التعبان و المنهار: و الله ما أقدر أقول لك إلا لما يقوم و نشوفه شو يصير معاه..
فيصل: بس يا دكتور هو ما بيرضى يتم لأنه يبي يصلي على أمه و عنده بنت بالبيت بروحها..
الدكتور: يا أخ فيصل المهم راحه المريض و البنت تقدر تاخذها لعندك و تفاهم معاه و لو هو يبي يروح يصلي على أمه انا بعطيه اذن يطلع يصلي و يرد أشوف ضغطه و أفحصه لو حسيته إنه تعبان بخليه عندنا..
فيصل بابتسامه: خلاص يا دكتور اللي تامر عليه بس بحاول معاه مع إني أدري فيه..
الدكتور يربت على كتف فيصل: الله يكون بعونكم و إن شاء الله تكون آخر الأحزان..
فيصل: مشكور يا دكتور و الله ما قصرت..
الدكتور: و لو هذا واجبنا..
و راح الدكتور و خلى فيصل مع خالد.. اتصل فيصل بصديقه دامه بالمستشفى و يساعده بسالفه الشهاده..
فيصل: سلام عليكم يـ القاطع..
.........: و عليكم السلام..
فيصل: علينا أدري بأنك دكتور بس مب تخق علينا و ما تكلمنا..
........: ههههههههه دامك تعرف ليش تقول لي قاطع و الله الشغل لفوق راسي..
فيصل: الله يكون بعونك..
..........: و عون الجميع.. و ليش أنا اتصل لك و إنت لا؟؟
فيصل: أنا فيصل الــ..... أتصل عليك..
...........: و النعم فيك وش هـ التكبر اللي نازل عليك تراه مب لايق عليك..
فيصل أخذه السوالف و ما تكلم بالمهم: ههههههه المهم سنمار طالبك..
سنمار: آمرني يا أخوي.. شو تبي مني؟
فيصل: ما يامر عليك عدو بس إنت تعرف خالد زوج عمتي أمه أمس ماتت و اليوم هو جاي يبي يسوي شهاده وفاه و هو تعب علي و ما قدرنا نسوي لها و طالبك تخلص موضوعها..
سنمار: أنا ألحين بمر عليك و آخذ بياناتها و اعتبر الموضوع خالص..
ابتسم فيصل لـ هالانسان مافي منه و الله: خلاص و مشكور و ما قصرت و الله..
سنمار: و الله ما سوينا شي و يالله أجلب وجهك بجي لك و أشوف أوراقها معاك..
و سكر الموبايل و فيصل يضحك عليه..

سنمار: صديق فيصل من أيام الجامعه.. شخص طموح و مجد و يحب الطب عكس فيصل.. عمره 26 سنه ما كانوا بنفس الكلاس بس تعرف عليه لما كان سنمار يحتاج مساعده بخصوص العرض و فيصل ساعده و علمه كيف يسوي عرض مع إنهم مب بنفس التخصص.. شاب غيور و عطوف على أخوانه اللي ماله غيرهم من بعد أهله ما ماتوا.. طويل و حنطاوي و عنده غمازتين و عيونه بنيه..
(( معنى اسم سنمار: قمر و من لا ينام الليل ))

بالجـــامعه..
كانت بــان مع لمــار يكتبون الواجبات اللي عليهم لأنهم يبون يروحون البيت و هم مخلصين كل شي..
بــان تاكل كندر و لمـــار تاكل باونتي..
جلنار شافتهم و ضحكت بسخريه: ألحين تبون تبينون للكل بأنكم خايفات على درجاتكم..
بـــان ما اهتمت لوجودها أما لمار قالت: و الله هالشي يخصنا يا جلنار و إنتي تعرفين شكثر نحن نحب دراستنا..
جلنار قعدت و ما تكلمت بس تشوفهم و تضحك بينها و بين نفسها..
لمـــار تذكرت: إلا جلنــار.. ليش إنتي ما تهتمين لدرجاتك و كلاساتك؟
بـــان وقفت من الحل و قعدت تنتظر جواب جلنــار..
جـلنار ما تحب أحد ينصحها و هي حساسه بزياده و ما تحب حد ينقدها: لــمار إنتي تعرفين إني حساسه فما أقدر أجاوبك و لو سمحتي سكري السالفه..
بـــان: لــمار ما غلطت يعني نحن نحبك و نبي مصلحتك..
جــلنــار بصراخ: ما طلبنا رايك يا بـــان خانوم و لو سمحتوا سكروا السالفة..
بـــان و لمــار سكتوا لأنهم شافوا الدموع بعيون جـلنار..
بـــان مسكت يد جــلنار بس جـلنار سحبت إيدها بــان تكلمت: جلــنار يعني مب كل ما نحن ننصحك تزعلين و تصيحين.. و نصيحتنا لأنه نحن نخاف عليك..
جـــلنار نزلت دموعها محد يقول لها لا تسوين هالشي عشان مصلحتك الكل يقول لا إنتي الصح و كملي محد ينقدها على غيابها إلا لمار و بان..
لــمار قامت و حضنت جــلنار.. بس جلنار دفتها و قامت تمشي بعيد عنهم..
بـــان كانت بتلحقها بس لــمار مسكتها: بنونه يعني إنتي لحد ألحين ما عرفتي جلنار.. جلنار لما تصيح ما تحب أحد يلحقها و يواسيها تحب اطلع كل شي بروحها.. خليها و متى ما هدت بنروح نواسيها و ننصحها..
بـــان تمت اطالع مكان ما اختفت فيه جلنار و هزت راسها بنعم و قعدوا يكملون حل المسائل..
وقفهم صوت رنه موبايل بــان.. بـــان طلعت موبايلها شافت رقم غريب فما ردت.. و رجعت تكمل الحل بس صاحب الرقم دق و دق و دق لين ما بــان حاشها لقافه إلا تعرف صاحب الرقم.. هههههههه مع إنه أبوها نصحها ما ترد على أي رقم غريب..
لـــمار تناظرها: بلا لقافه أكيد واحد يلعب عليك مثل هذاك اللي ما خلاك لين ما أبوك لعن خيره..
بـــان: ااااا.. و يمكن حد يبيني ضروري؟
لـــمار: أوك فتحي سبيكر و لا تتكلمين إذا رجال بنسكر و لو بنت نكلمها و نشوف شو تبي..
بـــان هزت راسها بـ نعم و فتحت السبيكر: ألووووو بـــان وينك ليش ما تردين علي..
كان صوت رجال بس بــان ما سكرت الخط لأنها عرفت صاحب الرقم: ألووو آسفه زياد بس أنت متصل من رقمك و أنا ما عندي الرقم و ما أرد على أرقام غريبه..
زياد " يا حلو اسمي على لسانك يا قمر ": أيه خلاص بغيت أقول لك استأذني من الجامعة و تعالي البيت.. بس سؤال عندك حد يردك البيت..
لمار هزت راسها بنعم.. بــان ردت: أيه عندي.. بس ممكن أعرف ليش استأذن من الجامعه..
زيــاد: قولي لهم ظروف عائليه و لو ما رضوا عطيهم رقمي و انا اتفاهم معاهم..
بـــان بعنــاد: دامك ما بتقول شنو السبب فما بطلب الاذن يالله الله معاك..
و سكرت الخط بوجهه.. كانت خايفة إنه سبب الأذن هو إنه جاي يطلب إيدها..
لــمار: أووووووووه بـــان وين وصلتي..
بـــان: هااااه.. شنو كنتي تقولين؟
لــمار: اللي ماخذ عقلك..
بـــان بنرفزه: مافي حد و الله يخليك سكري السالفة و خلينا نحل و نلحق على الكلاس الأخير و أرجع البيت..
لمار تهديها: خلاص اهدي ما صار شي أنا آسفه..
و كل وحدة قعدت تحل واجبها و تاكل حلاوتها هههههههههه..

ببيت خالد..
العمه خوله و عيالها وصلوا و قعدوا بالصاله..
خوله: شنو صار معاك؟ قلت لـ بــان؟
زياد: هااااه.. أيه قلت لها و هي قالت بعد شوي بتجي..
خوله: و من بيردها للبيت..
زياد يحك راسه لأنه مب عارف الإجابه: و الله ما قالت لي بس كأنها يابت أسم بنت و قالت لها توصلها..
خوله: مااالت بس ماالت ما ادري كيف بتاخذها.. لا حلا و لا هم يحزنون حور بنت صديقتي أحلى منها بمليون مره..
زياد بينه و بين نفسه " تخسي هاي حور الحوله تكون أحلى من بــان الملاك "..
خوله : دانه يما روحي جيبي لي ماي..
دانه تنادي: كوماااري كومااااري..
كوماري تمشي على مهلها: نأم مدام دانه..
دانه بعصبيه: مدام بعينك أقول لا يكثر بس جيبي ماي لنا بسرعه..
كوماري ما ردت بأي شي و تمشي على راحتها تجيب لهم ماي.. و تعرف إنه الكل مرتفع ضغطه و هذا المطلوب هههههههههه..
دانه: عمى الحمارة ما ردت علي و تمشي على البيض.. يما تقههههههههر..
خوله: و الله خالك مدلعها و لا هالأشكال لازم تعطينهم العين الحمرا.. و لا بنته بـــان مدلعها ما يعرف إنه بنته مب لايق عليها الدلع..
زياد " اللهم طولك يا روح و الله أنا بطلع عن طوري من امي.. كل دقيقه و الثانيه جايبه سيرة حبيبتي بــان و تغلط عليها "
زياد: يما أنا طالع تامرين على شي..
خوله: وين طاس اجلس ما بقى شي على صلاة الظهر و خالك مب مبين أبد ما ادري وينه..
زياد: أنا بشم شويه هوا زيد بتجي..
زيد اللي طول اليوم ساكت هز راسه بلا و راح قعد بزاويه ما يبي يختلط معاهم..
زياد ما اهتم له و طلع و خلا أمه و أخته يحسدون خاله و بنته بــان على الخير اللي هم فيه..

ببيت بو فهد..
ام و ابو فهد قاعدين يشربون الشاي و يسولفون و ما يعرفون بخبر موت أم خالد..
بو فهد: ام فهد..
ام فهد: هلا يا الغالي آمرني..
بو فهد: إنتي كلمتي فهد؟
ام فهد: أيه أمس كلمته و قال إنه بخير و بعد يومين رادين الديره إن شاء الله..
بو فهد بفرح: يوصلون بالسلامه.. أقول ما ودك نفرح بـ جلوان؟
ام فهد: أي و الله ودي اليوم قبل بكرا.. و عندي له خوش بنيه..
بو فهد: من هي؟؟ ودي أعرف..
ام فهد: من غيرها شيخه البنات بــــان..
بو فهد استانس: و الله زين ما اخترتي يا أم فهد حلوة و رزينه و الكل يحبها..
ام فهد: الله يكتبها من نصيبه..
بو فهد: آمـــ........
قطع عليهم صوت التلفون..
أبو فهد: ألووو السلام عليكم
.......: و عليكم السلام شخبارك عمي أبو فهد؟
ابو فهد بفرح: الحمدلله يا فيصل أنا الحمدلله شخبارك و شخبار بنتي جواهر و العيال؟
فيصل بابتسامه: كلهم بخير يا الغالي.. عمي ابي اقول لك بأنه ام خالد عطتك عمرها..
بو فهد بحزن: لا حول و لا قوة إلا بالله.. و من متى؟
ام فهد خافت: بو فهد وش السالفة الله يخليك ريحني..
بو فهد سكتها.. و فيصل قال: أمس بـليل..
بو فهد: أن لله و أن إليه لـ راجـعون.. و متى صـلاة الجـنازة؟! و وين العـزا ببيتها و لا بيت ولدها؟!
فيصل: ببيت العم خالد يا عمي.. و الصـلاة بعد صـلاة الظــهر.. بالأذن يا الغالي..
بو فهد: اذنك معاك حبيبي..
أم فهد بخوف: بو فهد قول لي منو اللي مات ريحني..
بو فهد بحزن: أم خالد عطتك عمرها..
ام فهد حطت يدها على شفايفها و شهقت: لا حول و لا قوة إلا بالله.. و العزا ببيت خالد صح..
بو فهد: أيه يالله يا ام فهد جهزي نفسك خلينا نروح نقوم بالواجب..

نهايه الجـــزء الســادس..

تـــوقعــــاتكم..

- بـــان شو راح يصير فيها من تعرف بـ الخبر و خبر تعب أبوها؟!
- هــل بـــان تحب و لا بس كانت تتهرب من لــمار؟!
- العمه و معـاملــتها لـ بـــان.. هــل تتــغير؟!
- شو راح يصير لـ زياد لـما يعرف بـ رفض بــان له؟!

أتمنى أن أرى تـــوقـــعاتــــكم..!!

[اسطورة !]

البـــارت الســـابع..

بمكـــان بعـــيد << من زمان عنهم هههههه..

بالجنــاح..

كان فهد نايم.. و رهف داخل الحمام ( عزكم الله ) تتسبح و لما طلعت شافت فهد نايم و ما كان عندهم وقت لازم يروحون للمطـار لأنه فهد كذب على أمه و يبي يسوي مفاجأة لهم بأنه يرجع اليوم..

راحت له و هي لابسه الروب اللي لين فخذها و المنشفه على راسها و تنشفه..

رهف راحت قعدت يمه و مسكت كتفه و تهزه بشويش: فهودي يالله قوم ما بنلحق على الطياره..

لف عليها فهد و حضنها و خلاها تنام يمه: نااامي ما أبي ازعاج..

رهف ضحكت: شنو أنام قوم يا حبيبي بتفوتنا الطيارة و بعدين بتهاوشني..

فتح عين و العين الثانيه مسكره: ليش الساعه كم..

رهف مسكت موبايلها و تفتحته على الساعه و كانت الساعه 8 و طيارتهم 9 و نص..

قــام فهد مرة وحدة و نزل من السرير و كان مختبص مب عارف شو يسوي.. رهف ضحكت عليه..

فهد لف لها و هو معصب: و ليش ما قومتيني من قبل؟

رهف ما قدرت توقف ضحك و تمت تضحك عليه و على شكله.. فهد عصب و راح لها: على شنو تضحكين مع وجهك قومي سوي الفطور و لا تبينا نروح المطار و أنا مب ماكل..

رهف تأشر على ساعه الجدار: شوف الساعه كم بعدين تعرف ليش أنا أضحك..

شاف فهد الساعه و كانت الساعه 6 و نص..

فهد عصب و راح لها و هي خافت و نقزت تبي تشرد بس هو مسكها و لزقها على الجدار و كان قريب منها و أنفاسه الحارة من العصبيه تضرب خد رهف اللي خافت من فهد.. أول مرة تشوفه بـ هالشكل..

رهف بخوف: فهد فهد و الله ما أعيدها.. خلاص أنا آسفه و الله أدري فيك ما بتقوم إلا إذا كذبت عليك بالوقت.. و كانت ترتجف و الخوف واضح بعيونها..

فهد يمثل العصبيه: جب و لا كلمه.. ألحين تخليني مختبص و مرتبك و تقولين آسفه..

رهف ترتجف أكثر: و الله ما أعيدها خلاص فهد آخر مرة..

فهد كان يبي يضحك على شكلها بس قال خلني أطولها و أشوف شو بتسوي..

فهد لزق فيها و انفاسه على وجهها و هي ترتجف تخاف يضربها بأي وقت و كل مالها ترتجف أكثر و أكثر.. و ما حست بأيد فهد اللي وصل لحبل الروب و قعد يفتحه..

رهف أخيرا حست و استحت و قالت: فهد لا.. فهد مب وقتك ما عندنا وقت بتفوتنا الطيارة..

فهد يمثل العصبية: ما برضى إلا لما أنتقمت منك..

شالها و راح على السرير و سكر الليت << نخليهم مع جوهم هههههههههه..

ببيت أبو فيصل..

وصله الخبر من ولده و ألحين يستع يروح للجنازة و العزا و يوقف مع خالد اللي دايم كان معاهم..

بو فيصل: يا ام فيصل وينك بسرعه و نادي جواهر و استعجليها..

ام فيصل: ان شاء الله يا بو فيصل اصبر شوي جواهر تلبس عيالها و بتاخذهم معاها ما تقدر تخليهم بالبيت..

بو فيصل: الله يخليك استعجلي و انا انتظركم بالصاله..

بعد نص ساعه نزلو من فوق..

ام فيصل و جواهر..

كنان و سنان و حنان..

بو فيصل: يالله يا الغوالي توكلنا على الله..

و طلعــوا راحوا لبيت خالد ينتظرون صلاة الجنازة عشان يروحون كلهم و عيال جواهر كوماري بتشوفهم لأنه جواهر واثقة فيها..

نروح لعــند جــلوان و تركي..

كانوا بالمكتب و وصلهم الخبر و زعلانين و يترحمون عليها..

جـلوان و هو يطالع الساعه: تروك أنا لازم أروح أجيب البنات من الجامعه..

تركي: بطلع معاك بروح لصلاة الجنازة و العزا..

طلعوا ثنيناتهم بس سيارة جلوان ما اشتغلت معاه..

جلوان: تروك سيارتي تعطلت..

تركي: حياك تعال معي نروح ناخذ البنات و بعدين نشوف سالفة سيارتك..

جلوان سكر باب السيارة و ركب مع تركي اللي راح للجامعه.. و هم بالطريق..

تركي: جلوان البنات يعرفون بالخبر؟

جلوان: لا فيصل ما حب يخبرهم إلا لما يخلصون من كلاساتهم..

تركي: عيل ما بنتكلم و نقول شي إلا لما يروحون بيت خالد و هناك الحريم يقولون لهم..

جلوان بتأييد: أحسن شي ما نبي نكون بوجهه المدفع..

وصــلوا و ركبوا البنات اللي مستغربات أشكال الشباب.. بس ما قالو شي و طول الطريق ساكتين و ما فتحوا فمهم و هالشي غريب على جلوان و تركي..

بـــان خافت من سكوتهم بس لمـار قالت يمكن متزاعلين..

بالمستشفى..

خالد ما قام و هالشي خوف الدكتور و قال لفيصل بأنه ما يقدر يخليه يطلع..

و فيصل خبر أبوه اللي قال له: يا فيصل أكرم الميت بدفنه..

فيصل: خلاص يا الغالي شورك و هدايه الله.. ألحين أنا جاي و نصلي عليها و لما يقوم بفهمه..

بو فيصل: أجل يالله تعال نصلي و نبدى بالعزا..

فيصل: ان شاء الله يا أبوي ألحين أنا جاي..

فيصل كلم الدكتور بأنه يتصل عليه إذا قام خالد من الإغماء.. و الدكتور ما قال لفيصل إله خالد ممكن يدخل بغيبوبه..

ببيت خالد..

تركي و جلوان توهم واصلين و ما نزلوا و كانوا مرتبكين مما خلا هالشي يخلي بــان تخاف و قالت: تركي جلـوان شو فيكم؟

جلوان نزل راسه و سكت.. أما تركي: ااا.. بــان نزلي إنتي و لمار روحوا داخل و أمي بتقول لكم كل شي..

بـــان بخـــوف: أبوي فيه شي؟ صار له شي؟

تركي لف عليها: لا يا بــان و الله ما فيه شي بس أمي تبيكم بسالفه داخل البيت.. يالله يا بنت عمتي دخلي إنتي و بنت العم داخل و بتعرفون كل شي..

بـــان نزلت و ركضت داخل البيت.. و لمار تلحقها و تنادي عليها: بــــان.. بـــان وقفي حبيبتي خليك هاديه لا تتوترين قالو لك أبوك مافيه شي..

بـــان لفت عليها بعصبيه: كيف تبيني أهدى يا لمار كيف.. و الله قلبي من أمس ضايق و ما ارتحت بالنوم و كله أشوف كوابيس بأحلامي..

لمــار مسكت وجهه بــان: شوفيني بــان شوفيني.. الله يخليك هدي و الله أنا متوترة نفسك بس بالأخير مالنا غير الصبر.. صح حبيبتي..

بـــان شافت عيون لمــار: صحيح بس لو صار بأبوي شي بموت من بعده.. ما بقى لي بـ هالدنيا غيره يا لــمار..

لـــمار حضنت بـــان و كل هذا شافوه ( جلوان و تركي ) و كان واحد فيهم وده يواسي حبيبته.. << عاد افهموها من هو ههههههههه..

ك

دخلــوا لمــار و بـــان..

و شـــافوا كل العايله بالبيت..

بـــان حست بالخوف و التوتر و مسكت إيد لمــار اللي ضغطت على إيدها تواسيها و توقف يمها..

بـــان سلمت على الكل و ام فهد مسكتها و جلستها يمها و حضنتها بكل حنان.. و بـــان غاصت بصدر أم فهد اللي تحسسها إنها أمها و ما تحب تخليها تحس بفقد أمها..

جلوان و تركي دخلوا و شافوا بــان بحضن ام فهد و تصيح.. راح جلوان بم أمه و قال لها: يما حبيبتي خبرتوها؟

ام فهد تهز راسها بـ لا: ألحين بقول لها و زين منكم ما قلتوا لها..

بـــان قامت من حضن أم فهد و سألتها: خالتي قولي لي شو السالفة تراني و الله متوترة طمنيني يا الغالية..

أم فهد بحزن مسكت إيد بــان: حبيبتي بنونه أبيك تكوني قويه..

بــــان ناظرت جلوان و ام فهد بضعف مما خلا الاثنين يحن قلبه عليها: خالتي قولي و ان شاء الله أكون قويه و أتحمل..

لــمار جلست يم بــان و مسكت إيدها تبين بأنها معاها بالخير و الشر: و لا تنسين كلنا معاك حبيبتي.. يما قولي شنو صار؟

ام فهد بحزن: أم خالد عطتكم عمرها..

بــــان تفاجأت و نزلت دموعها: الله يرحمها يا رب و يغفر لها..

أم فهد حضنت بـــان: هاذي بنونه حبيبتي القوية.. عظم الله أجرك يا بنيتي..

بــــان و دموعها ما وقفوا: أجرنا و أجرك يا خالــ...

ام فهد حطت يدها على شفايف بــان: قولي لي يما و ريحيني يا بنيتي..

بـــان بحب و قعدت تصيح: يــ... يــمــا..

ام فهد حضنت بـــان: يا محلى هالكلمه من لسانك..

لــمار قعدت تصيح متأثرة و الكل بعد ما عدا العمه و بنتها اللي متضايقين من جو البيت..

عند فــيصل..

توه واصل بيت خالد..

كلم أبوه يطلعون يروحون يصلون على أم خالد لأنه ما بقى شي على صلاة الظهر و شاف زياد توه واصل..

و سلموا على بعض بس زياد ما يحب أهل زوجه خاله و يكرههم لأنهم ناجحين و حياتهم المادية أحسن منه بـ واجد..

و فيصل ما اهتم لـ هالمخلوق اللي أمامه و دخل يعجل بـ اللي بالبيت..

و الكل طلع يروحون يصلون على أم خالد و قبل ما يطلعون..

جواهر: كوماري ما عليك أمر عيالي انتبهي لهم لين ما ارجع..

كوماري اللي تحب العيال: ان ساء الله ماما مافي خوف أنا في شوب (بشوفهم)

جواهر: يالله ماما ما أبي مشاغبه أبيكم تقعدون مؤدبين أوك حبايبي..

التوأم و حنان: ان شاء الله..

و نزلت باستهم كلهم و ودعتهم..

فيصل " ربي لا تحرمني منها و جعل يومي قبل يومها "

بالمستشفى الـ........ ..

الدكتور يفحص حاله خالد و اللي كان خايف منه صار.. بـ إنه خالد دخل غيبوبه و خايف ما يصحى منه أبد..

و ما كلم فيصل لأنه يعرف بأنه بالجنازة فقال بخبره قريب العصر..

دخل على الدكتور سنمار اللي مر على خالد عشان يشوف حالته و يقول لفيصل اللي موصيه يطمنه عليه..

د. سنمار: السلام عليكم دكتور بدر..

د. بدر: و عليكم السلام و رحمه الله و بركاته.. شخبارك د. سنمار..

د. سنمار: أنا بخير بس أبي أتطمن على خالد..

الدكتور لف على خالد و تم يشوف شكله: و الله ما أبي أكذب عليك.. يمكن يدخل بغيبوبه لو ما قام خلال 24 ساعه..

سنمار: لا حول و لا قوة إلا يالله.. الله يكون بعون هالعايله.. خلاص أنا استأذن بروح للعزا و أقول لفيصل عن حاله خالد لأنه وصاني أخبره..

د. بدر: خلاص يا د. سنمار الله معاك و سلم لي على فيصل..

د. سنمار: الله يسلمك من كل شر.. بالأذن..

بعـــيد..

بالطــيارة اللي متوجهه للأرض المملكة..

فهد حط راسه على كتف رهف و نام.. و رهف تتأمل ملامح وجهه اللي تعشقه و تحبه كل يوم أكثر عن اليوم الثاني..

فهد ما كان نايم بس كان يبي يكون قريب من رهف اللي أخذت قلبه بأسلوبها الحلو و بـ دلعها و خجلها اللي يموت عليه..

فهد يهمس بأذن رهف: حبي مضيعه شي بوجهي..

رهف فتحت عينها على وسعها: هااااااه.. لا ما كنت أشوفك كنت بس أبي اتأكد إذا نمت و لالا..

فهد بابتسامه جانبيه: أيه هين.. و ثانيا لك ساعه تشوفين في وجهي فقلت يمكن مضيعه شي..

رهف تلعب بأصابعها عشان تبعد عنها الخجل: امممم أوك كنت اشوفك فيها شي..

فهد قرب منها شوي: لا ما فيها شي.. يالله تأمليني على راحتك..

بعدت رهف وجهه فهد و خجلت منه و من جرأته ما يهمه اللي بالطيارة..

فهد مسك وجهها بايدينه: أبي اسألك إنتي وين كنتي مختفيه من قبل؟

رهف ببراءه: كنت ببيت أبوي..

فهد ضحك بصوت خفيف: يا لبى اللي كانت ببيت أبوها..

رهف استحت: تلبي بـ مِنى ان شاء الله..

تموا ساكتين و يتأملون ببعض و العيون تتكلم عن مدى حبهم لبعض..

بالعــزا..

كان ببيت خالد مثل ما كانوا مقررين من أول..

عند الحريم..

بـــان تستغفر ربها و تدعي لجدها بالمغفره و الرحمه و تبكي بصمت و تحاول تتماسك..

بـــان " مهما كان بتظل جدتي و مهما سوت فيني بحبها و بطلب لها الرحمه من ربي.. الله يرحمك و يغفر ذنوبك "

لــمار " و الله يا بــان طلعتي قوية.. أدري أنك كنتي خايفه بأنه أبوك صار له شي بس الحمدلله ما فيه إلا أرهاق و بيقوم بعد ساعات "

دانــه " متى أرجع البيت و أكلم (( سلطان الامارات )) و الله اشتقت له و لكلامه الحلو أووووووف من هـ الملل و المكان كأيب و يلوع الكبد "

خــوله " الله يرحمك يما بس ما استفدنا من وراك شي.. أنا ناطره خالد يرد علي بالموافقة على خطبه ولدي لبنته والله لأخليها خدامه تحتي و ما يشوفها وكل حلالها لولدي "

ام فهد " فديت الكلمه والله ردت لي الروح.. سبحان الله مع إنها مب بنتي إلا إني أفداها بروحي و دمي.. يا رب أكتبها من نصيب ولدي جلوان.. مسكينه أبوها تعبان و هي مع ذلك صابرة و متوكله على ربها تذكرني بأمها صمود ربي يحفظها و أشوفها عروس "

دانــه قامت من مكانها و راحت عند بـــان و تكلمها بلطف من ورا خاطرها: بنونه حبيبتي أبي لاب توبك لأنه صديقتي تبي مني شي و مثل ما أنتي تعرفين ما أقدر أرد البيت..

بـــان بابتسامه: أفااا عليك تعالي معاي أوديك غرفتي عشان تاخذين راحتك..

دانـــه: أيه و الله تسوين خير فيني ههههههه..

بـــان صحكت مع دانـــه و خوله لاحظت " ضحكتي من سرك بلا.. و هالدانـــه شنو تسوي معاها؟ الله يستر و لا لا يكون تبي تتقرب منها عشان تخليها توافق على زياد.. أيه فديت بنتي العبقريه طالعه على أمك "

لــمار: يما أبي أكلمك شوي..

أم فهد: هلا قلبي شنو عندك..

لــمار: بخصوص المركز يما أنا كلمت صديقتي هي تسجلني و من يخلص العزا بابتدي أداوم و هي بتحضر و تساعدني..

أم فهد بابتسامه: زين يا يما بس إنتي اللي بتشتركين؟

لمــار: أيه أنا و يمكن آخذ معاي بــان بس بــان بتاخذ قسم الموسيقى..

ام فهد: خذيها و خليها أمام أمر الواقع ههههههههه..

لـــمار: خلاص أوك و إذا عصبت برمي كل شي على راسك..

ام فهد بثقة: عادي و الله ما بتقول شي..

لـــمار: يا واثق هههههههههههه

أم فهد ضحكت مع بنتها..

عزا الرجال..

كلهم يستقبلون المعزين..

زيـــاد " بالله جدتي ما عرفت متى تموت.. خربت علي كل شي.. أوووف ألحين لين متى بانتظر الرد و الله أنا ناطر على نار.. و خالي خالد بعد طاح لين ما يقوم و أطلبها مره ثانيه و الله حاله.. الله ياخذه و أفتك منه و أجبرها بطريقتي "

فيصل " الله يكون بعون خالد ألحين نحن صلينا على أمه و أستقبلنا المعزين و هو تعبان بالمستشفى.. الله يقومه بالسلامه يا رب.. و لو ما قام بناخذ بــان معانا أو بخلي عمي عبدالرحمن ياخذها لأنها قريبه من لــمار "

بو فيصل " الله يرحم جميع أمواتنا.. أنا بروح أزور خالد بعد صلاة العصر قبل الكل.. أما بــان بخليها معاي أو مع أخوي عبدالرحمن ما بخليها بالبيت بروحها "

تركي و جلوان بعالم ثاني كل واحد يفكر بحبيبته.. بعدين انتبهوا على عمارهم و قعدوا يستغفرون لأنه مب وقته ههههههههههه..

دخل عليهم سنمار و قام بالواجب و قعد على طرف هو و فيصل و بو فيصل..

فيصل: هاااه سنمار بشر شخبار خالد؟ قام من الإغماء و لالا؟

سنمار نزل راسه: أأأأأأأأأأه.. ما بخش عنكم بصراحه هو يمكن يدخل بغيبوبه.. و الدكتور خايف إنه ما يقوم خلال هالـ 24 ساعه..

بو فيصل: لا حول و لا قوة إلا بالله.. خلاص يا وليدي أنا بروح له بشوفه.. فيصل يبا كلم أمك خلها تتفاهم مع أم فهد من بيقول لـ بيان و وين تنام؟ بس أمانه لا تجبرونها على شي هي ما تبيه أوك..

فيصل يأشر على عيونه: من عيوني يا الغالي.. سنمار و الله إنك ما قصرت..

سنمار: هههههههه ما سويت شي بس بسألك سؤال..

فيصل: تفضل اسأل..

سنمار بغباوه: وين مطبخكم؟ ههههههههه

فيصل قام و مسكه سنمار من يده و قعده: حلفتك ما تقوم إنت تعتبرني غريب تراني منكم و فيكم اللي فيكم مكفيكم و انا ما أبي أتعبك.. بس قول وين المطبخ

فيصل بابتسامه: تعال إنزين أنا بطلع بروح للسيارة ناسي موبايلي و بدليك على المطبخ..

سنمار بارتياح: أي أشوى بس أمانه ما تتعبون نفسكم..

فيصل مسك أيد سنمار و طلعوا و أشر فيصل لمكان المطبخ و قال له إنه أسم الشغاله ((كوماري)) << انتبااااه قااال الشغاااله.. ههههههههههه

مـــطار الريــاض..

فهد و رهف توهم واصلين أرض المملكة..

رهف قعدت بالانتظار لين ما خلص فهد.. و بعدها أخذوا الشنط و أخذوا تاكسي..

بالتـاكسي..

فهد: ألحين نروح لبيت أبوك و لا تبينا نروح لبيت أبوي نرتاح و بليل نزور أهلك..

رهف اللي مشتاقه لأهلها: و الله أنا مشتاقه لأهلي واجد بس اللي يريحك..

فهد ما يحب يكسر بخاطرها: خلاص نروح لأهلك بس هااااه ما نطول أوك..

رهف: أوك موافقه ما نطول.. و حضنت إيديه و حطت راسها على كتفه..

بعد ربع ساعه..

وصلوا لبيت بو فيصل.. و دقوا الجرس و طلعت لهم الشغاله ((ناني))..

رهف: ناني لك وحشه يا الشينه..

ناني من الوناسه راحت حضنت رهف و فهد انقرف من هالناني..

ناني: رهوووفه و الله وحشانه واجد (( وحشانه = وحشتيني ))

رهف بابتسامه: وين ماما و بابا؟! أوك لا تقولين لهم إني جيت بسوي لهم مفاجأة..

ناني بحزن: رهف ماما كالد موت و ماما و بابا يروح عجا ((عزا))..

رهف شهقت و ناظرت فهد اللي مب فاهم شي و منقرف من هالمخلوقة..

فهد باستغراب: هالآدميه شنو قالت تراني مب فاهم شي..

رهف بحزن: أم خالد عطتك عمرها..

فهد: لا حول و لا قوة إلا بالله.. إن لله و إن إليه لراجعون.. وين العزا خلينا نروح..

رهف: ناني وين العزا؟

ناني: ما أدري بس يمكن بيت بابا كالد..

رهف: تقول يمكن ببيت خالد..

فهد مسك أيد رهف: خلينا نروح لبيتنا نبدل و نتروش و نروح لهم..

رهف ودعت ناني و راحوا ركبوا التاكسي رايحين لبيت بو فهد..

ببيت سنمـــار..

أعرفكم بـ أهلها..

• أرغد و رغد: عمرهم 16 سنه..

- أرغد: شـاب مملوح نفس أخوه بس سنمار أحلى منه، يحب البلاي ستيشن و الكورة، شـاب حبوب و يغار على أخته الوحيدة، عيونه سودا و شعره لحد كتفه و يلعب حديد فـ جسمه شبه رياضي ههههههه..

- رغد: دلوعه أخوانها تحب سنمار لأنه دايما ما يقصر معاهم و كل ما تطلب شي تحصله و ما يقول لها لا، بيضا و عيونها بنية تشبه أرغد بس ملامحها أنعم و أهدى، طيبه و على نياتها.

رغد تنظف الوساخة اللي مسويه أغرد و معصبه بس تعرف إنه ما باليد حيله لازم تنظف و هي ساكته لين يجي سنمار و يأدبه..

أغرد: رغووده.. رغــــــد..

رغد: هلا أرغد آمرني عندك طلبات ثانيه..

كسرت خاطره هو يوسخ و هي تنظف: تعالي حبيبتي..

رغد راحت عنده و قعدت: لبيه..

أرغد: حبيبتي خلاص لا تنظفين أنا بنظف بس لو ما عليك أمر سوي لنا غدا و أنا إذا خلصت تنظيف ساعدتك بالطبخ..

رغد بابتسامه: أوكيشن بس هااااه لا تبهدل المكان..

أرغد أشر على عيونه: من عنوني يا عنوني..

رغد ضربته على كتفه بخجل: يمممه منك و من كلامك المعسول..

أرغد ضحك و قام يرتب البيت و ينظف و رغد قامت تسوي الغدا..

{{ معنى اسم أرغد : الأكثر خصوبة وسعة وهناء وطيب وهو اسم عربي. }}

نهايه البـــارت الســـابع..

توقعاتكم..

شنو بيصير بـ خالد؟!

بـــان وين بتنام؟!

منو اللي يحب بــان؟! جلوان و لا تركي؟!

لــمار شنو بيصي رمعاها بالمركز؟!

سنمار شنو بيصير معاه بالعزا؟!