آخر 10 مشاركات
مشاعر على حد السيف (121) للكاتبة: Sara Craven *كاملة* (الكاتـب : salmanlina - )           »          جدران دافئة (2) .. سلسلة مشاعر صادقة (الكاتـب : كلبهار - )           »          أرملة أخيه-قلوب زائرة(ج1 سلسلة حكايات سريه) للكاتبة : عبير محمد قائد*كاملة&الروابط* (الكاتـب : قلوب أحلام - )           »          خادمة القصر (الكاتـب : اسماعيل موسى - )           »          رغبات حائرة (168) للكاتبة Heidi Rice .. كاملة مع الروابط (الكاتـب : nagwa_ahmed5 - )           »          هيا نجدد إيماننا 2024 (الكاتـب : رانو قنديل - )           »          سجل هنا حضورك اليومي (الكاتـب : فراس الاصيل - )           »          نبضات حرف واحاسيس قلم ( .. سجال أدبي ) *مميزة* (الكاتـب : المســــافررر - )           »          في قلب الشاعر (5) *مميزة و مكتملة* .. سلسلة للعشق فصول !! (الكاتـب : blue me - )           »          587 - امرأة تائهة - راشيل فورد - ق.ع.د.ن ... حصريااااااا (الكاتـب : dalia - )


العودة   شبكة روايتي الثقافية > قسم الروايات > منتدى الروايات والقصص المنقولة > منتدى الروايات الطويلة المنقولة الخليجية المكتملة

Like Tree1Likes
إضافة رد
 
LinkBack أدوات الموضوع انواع عرض الموضوع
قديم 15-10-13, 09:53 PM   #1

اسطورة !

نجم روايتي ومشرفة سابقة وفراشة متالقة بعالم الازياء

alkap ~
 
الصورة الرمزية اسطورة !

? العضوٌ??? » 120033
?  التسِجيلٌ » May 2010
? مشَارَ?اتْي » 15,367
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » اسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond repute
¬» مشروبك   pepsi
?? ??? ~
My Mms ~
Elk يا قاتلي هل لي بكلمة / الكاتبة غموض انثى حالمة ، مكتمله


[/TABLE1]

[TABLE1="width:100%;background-image:url('https://www.rewity.com/vb/mwaextraedit2/backgrounds/14.gif');border:7px double crimson;"]




السلام عليكم ورحمة الله وبركاته

كيفكم اعضائنا الكرام

اقدم لكم رواية للكاتبة غموض انثى حالمة وان شاء الله تنال على استحسانكم



قراءة ممتعة احبتي الكرام

ندى تدى likes this.


التعديل الأخير تم بواسطة لامارا ; 25-10-13 الساعة 10:21 AM
اسطورة ! غير متواجد حالياً   رد مع اقتباس
قديم 24-10-13, 11:40 AM   #2

اسطورة !

نجم روايتي ومشرفة سابقة وفراشة متالقة بعالم الازياء

alkap ~
 
الصورة الرمزية اسطورة !

? العضوٌ??? » 120033
?  التسِجيلٌ » May 2010
? مشَارَ?اتْي » 15,367
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » اسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond repute
¬» مشروبك   pepsi
?? ??? ~
My Mms ~
افتراضي

رّۇۈۉأَيّتًيُ أُلِأِوِلِى // يّأُ قّأَتٌلٌيَ ,, هًلّ لِيّ بٌڳَلِمّة ؟!

السلام عليكم ورحمة الله وبركاته



ها أنا أضع بين ايديكم احداث روايتي الاولى
بكل ما فيها من حب وكره مشاعر متبادلة و مشاعر ينبض بها طرف واحد
قصتي من نسج الخيال الا أن الوآقع أبي سوى أن يخالطه
خطت يدي الحزن و الفرح دموع الأنثى ومن تجرأ على ظلمها
وكيف هو ألم الرجل .. عندما يتسببه ذوي قربى

أهديها لـ وآلدي حفظهما الله ورعاهما
وإخوتي و أخواتي وصديقاتي
وكل من زار روآيتي قراءة أو نقل ومن أبدى إعجابه وكذلك استيائه

رأيكم يهمني وهو الداعم لإستمراري
أتقبل النقد و التوقع.. ربما شاركتموني في وضع الخاتمة

دعوآتكم لي ما أريد .. اسألوا الله التوفيق
ودي لكم




الجـــــزء الأول


الجو مطر والبرق و الرعد يجهز المنطقه بقوة الصوت والاشعاع الامطار غزيرة من قوتها تعطلت حركة السير و الكل لجأ لمنزله للإحتماء ، كانت على مكتبها تحاول تدرس تلحق الضياع اللي عاشته في دراستها وتسرب الدرجات من يدينها
رفعت يديها للسماء بصوت كله الم : يا رب وفقني في دراستي وكل اموري واكتب لي الخير ، يا رب حنن قلبه علي و سخره لي يا رب صبرني وتوفني مسلمة لك ,, آمين .
رجعت لكتبي لعلي اركز بس ما قدرت من شدة الالم في ذراعي اليمنى ، طاحت مني دمعة ماسمحت لنفسها تكون وحيده اخواتها كانوا خلفها وانا اقول بهمس : ليه كذا يا رائد أنا وش سويت لك حتى تقسى علي كل ذي القسوة ليه تعاملني كأنك تعامل جماد حتى الجماد راح يتكسر و يتتحل و يـ ....
قطعني بصوت كله هدوء : وش قاعده تسوين ؟
فزيت من الكرسي حتى اني نسيت الم يدي : انت هنا
رائد : لا هناك ! قلت وشتسوين ؟؟
غالية بهمس : كنت ادرس الامتحانات ما بقى عليها شي
رائد : زين اتركي اللي بيدك و روحي صلحي لي شي آكله
غالية : إن شاء الله ,, مريت من جنبه بطلع من الغرفة فاجأني بحركته يوم مسك ذراعي الايمن
كانت ردة فعلي تلقائية : آآآآآآآه ، صرخت بكل قوتي متألمة تعجب مني رائد
: وش فيك ؟
نزلت راسي للأرض : تألمني كثير
رائد باستفهام : مني ؟
نزلت دمعتي اللي جاهدت احبسها و فضلت اكمل طريقي : ...........
وقفني بعصبية واضحة : أنا يوم اكلمك ما تمشين تخليني ، روحي البسي عبايتك يلا اشوف
ما قدرت اجادل ولا اعمل اي شي أصلا أنا اقدر ؟! رحت مسيرة لبست عباتي وطلعت وراه ، للمستشفى
وصلنا للمستشفى وكان الدكتور يحاول يعرف مني سبب الكسر اللي في ايدي بس كنت على كلمة وحده : لاتضغط علي يا دكتور أنا راضية
الدكتور ما يقدر يسوي شي لي على اني احتاج مساعدته كثير بس ما يهون رائد !
طلعت ورحت لرائد اللي كان ينتظرني ركبنا السيارة و انطلق رائد للصيدلية ، يحضر الوصفة
كانت ناتالي تنتظرني على نار كأنها ام تنتظر بنتها خايفه عليها وتتمنى اللي فيها اقل ضرر ، ما امداني دخلت شقهت وهي تركض لي وتتحسس الجبس على ذراعي : I feel sorry for you " أشعر بالاسف لما حصل لك "
رديت لها بابتسامة : I'm fine don't worry "أنا بخير لا تقلقي بشأني "
فديت ناتالي صح لها شهور عندي بس احسها قريبة لي حيييل وتحبني وانا بعد الله يعطيها على قد نيتها جبرتها الظروف انها تعمل في بيتي وهي بريطانية !



***



الصبح كان لازم اقوم اروح المدرسة اليوم عندي مراجعة عامة للرياضيات لازم احضرها على الاقل افهم شي من اللي ضاع علي
تجهزت وتحضرت لبست مريولي الرصاصي الواسع من تحت مع بلوزتي البيضاء من الداخل لميت شعري كله على جنب بربطة وحطيت على الجنب الثاني من فوق شباصة بيضاء تعطرت ونزلت افطر
الساعة 6 حلو يمديني اراجع شوي قبل تبدا الحصة لاني بحضر بدري اليوم
سرحت في رائد و حياتي معه و كل تفاصيل حياتي
خلصت كوب الحليب .. لبست عبايتي ركبت السيارة مع ناتالي وانطقلنا للمدرسة ..



***



مرت الاسابيع بسرعة ، اليوم آخر امتحان لنا كان مادة النحو والصرف الحمد لله حليت اللي اقدر عليه وان شاء الله مابيخيب ظني في درجتي النهائية
طلعت من اللجنة رايحة باتجاه الحمام ( تكرمون ) استوقفني صوتي مشاعل الضخم
: لي ساعة اناديك يا بنت أحمد !
غالية بكل هدوء : بغيتي شي ؟
مشاعل : ابد حبيت اسلم وآخذ اخبار الامتحان
غالية : الحمد لله
مشاعل بأسى : يا حسرتي على نفسي قلبي بيتخرج هالسنة
غالية : مشاعل اتقي الله في نفسك انت بنت وانا بنت مثلك
مشاعل : ماطلبت صعب ، بس عطيني اللي ابيه
غالية : في احلامك ممكن ، اسمحيلي ما اضيع وقتي مع ... ولا بلاش لساني يكرم عن هالكلمة !
دخلت الحمام ( تكرمون ) وتركتها .. مدري وش تحس فيه ؟!



/
\
/



كنت قاعده سرحانه بعدما اكلت لي خبزة من المقصف انتظر سيارتي تجي نبهتني ضربتها الرقيقة لي رجعت للواقع ابتسمت في وجهها : هلا خولة كيف الامتحان ؟
خولة : نقول الحمد لله على كل حال هذي انا لازم اخبص في الامتحانات
غالية بابتسامة : ماعليه ان شاء الله بتتخرجين بمعدل حلو يدخلك اللي تبين
خولة : الله كريم بيني وبين تخصصي حواجز بوجهي أبي طب نساء وولادة
غالية : ما تدرين كل شي جائز
خولة بحماس : غالية انت وش تبين تصيرين
لفيت للجهة الاخرى اناظر وفكرت للحظات ثم رديت : .......... ام !



***



رائد : خلاص يبه لا تشيل هم بنتبه لنفسي و بطمنك اول ما اوصل ... ايه خلاص لا تهتم ... ههههههههههه لا ما عليك ، ،،، ايه خلاص نادوا على رحلتي ,,,, فمان الكريم ؛ قفل الخط ولف علي
: يلا قومي رحلتنا
قمت انا و ناتالي وراه ، هالسنة صيفنا في اوروبا شهرين كاملة مابين فرنسا ايطاليا واوكرانيا وراح نروح بريطانية عشان ناتالي تشوف اهلها
هذا حنا كل سنة ، بصراحة استغرب رائد بس ما ادقق عليه لأني اعرفه ببساطة .. مزآجي !





.
.
.
.


تم الجزء الأول


اسطورة ! غير متواجد حالياً   رد مع اقتباس
قديم 24-10-13, 11:41 AM   #3

اسطورة !

نجم روايتي ومشرفة سابقة وفراشة متالقة بعالم الازياء

alkap ~
 
الصورة الرمزية اسطورة !

? العضوٌ??? » 120033
?  التسِجيلٌ » May 2010
? مشَارَ?اتْي » 15,367
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » اسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond repute
¬» مشروبك   pepsi
?? ??? ~
My Mms ~
افتراضي

الجـــزء الثاني ~




*****


بعد مرور خمسة سنوات على السابق


*****


كنت جالسة في الصالة اشرب كوب عصير برتقال و اتابع صباح السعودية احب هالبرنامج كثير انتبهت لها وهي داخله البيت معها شي غريب استغربته بالبداية بس ماستنكرته اعرفها مهبولة هالبنت ما دآومت في الكلية عشان تجيبه : أمووووآآح .. وهذي بوسة لأحلى بآبي
قفلت منه فرحانه كثير بالعود الجديد اللي شريته لكن يا فرحة ما تمت لقيتها بوجهي : لين وش هاللي معك
لين : امممممممم ، عود مثل ما تشوفين ماتعرفينه يعني
الجازي : اقصد وش تبين فيه وش يسوي هنا عندنا بهالبيت
لين : اممم عاتي يا عمري كله عود أبدق فيه لآ اجتمعت مع البنات
الجازي : رجعيه مكان ما جبيته ما يقعد مزمار الشيطان بهالبيت دقيقة وحده
لين : مو على كيفك بآبي يدري عنه و موافق فديته
الجازي : احترميني يا بنت عن الدلع الماصخ وبتشوفين يا أنا يا أنتِ
لين تأففت ولا قالت شي و طلعت ركض لغرفتها ، أما الجازي طلعت جوالها تدق على ابوها .. بعد ثواني جاها صوته
أبو سعد : هلا يبه
الجازي : كيفك يبه ان شاء الله بخير
ابو سعد : نحمد الله سبحانه ، آمري بغيتي شي ناقصك شي
الجازي : ما يآمرك ظالم ياكل الغلا .. بس ودي اسألك عن الآلة اللي جايبتها لين البيت
ابو سعد : اممممم ... ايه تقصدين العود
الجازي : ايه يبه ،، الله يرضى عنك ما يصير اللي هي تطلبه ولا يصير انت تجيبه لها
ابو سعد : ما فيها شي يا بنتي خلها توسع صدرها شوي
الجازي : يبه هذا ما ينفع هذا مزمار الشيطان ودخل بيتنا بكرة يدمر حياتنا
ابو سعد : الليلة ان شاء الله برجع ونتناقش بالموضوع الحين عندي شوي شغلات
الجازي : آسفة يبه قطعت عملك المعذرة
ابو سعد : ولا يهمك يا نور عيني
قفلت منه وتنهدت : الله يصلحك يا لين و يهديك


***


طلعت من تغيير ضماد المريض وراحت تغسل ايدها مر سعود بجنبها و وقف وهي تعديه ونظراته القذرة تلاحقها ، دخلت غرفة الممرضات تعدل حجابها
ياسمين : بنت وش فيك ماجيتي من بداية البريك
رؤى : ليش قالولك ميته على جلستنا خليها بكيفها
ياسمين : ما شفتوا سعود يا قلبي عليه ، يركض وراها ركض وهي مطنشته مدري وش لقى فيها
رؤى : لا هذي ما معك حق ، كل الجمال فيها وه بس الله يرزقنا
ابتسمت غالية على سوالفهم و قعدت بدون ما تعلق
هند : وش فيه الحلو ساكت .. تكلمي يمي مو مآكلينك
" المعروف عن غالية سكوتها الدائم ، مآتحكي إلا ما ندر في المستشفى هادية جدا و اغلب كلامها على حالة مريض مع الدكتور بحكم انها ممرضة "
ياسمين : أقوول هنود شفتي الموظف الجديد اللي اسمه رائد ؟!
رفعت غالية راسها تناظرها تنتظر تكملة كلامها
هند : اسم الله عليك قالت هنوود ما قالت غلو ، ايه كملي سوس وش فيه
ياسمين : انت شفتيه يعني اقصد شفتي وجهه ؟
هند : لا والله بس سمعت انه الموظف الجديد بس ما قابلته من قبل
رؤى : وهـ وهـ ، فاتك نص عمرك وش من جمال عليه الله يحرسه ويخليه لأهله
غالية بصوتها الناعم الهادئ : الحين انتم ما تملون بس تناظرون خلق الله وهذا وسيم وهذا بشع
ياسمين : اخيرا نطقت و ليته من سنع
هند : اي ليته من سنع وش عليك انتي هذا الجمال الله حاطه بالدنيا عشان نصد
رؤى : ايه جد خل نشوف المزايين دام مالنا فيهم نصيب تبين تحرمينا نتأمل
قامت غالية : الله يكملكم بعقولكم ؛؛ دخلت عند المرايا تعدل حجابها بترجع لعملها


***


خلص دوامه وطلع للبيت .. وهو في الطريق رفع جواله ودق عليها
رائد : وينك ماشفتك اليوم
غالية : موجودة بس علي شغل كثير
رائد : وأنت دايم عليك شغل مافي أحد غيرك يشتغل
غالية : ــــــــــــ
رائد : المهم اليوم بمرك بعد العشاء طيب
غالية : كيف يعني بتنام هنا ؟
رائد : مهبولة انت لا بس بسير عليك اشتقنا للحلوين ، تأكدي لا يكون احد موجود بحارتكم
غالية : طيب
قفل منها بعدما وصل البيت و كانت الجازي في استقباله
الجازي : هلا و الله اسفرت وأنورت
رائد : هلابك يمه كيفك وش مسويه
الجازي : بخير دامك بخير ، احط لك غداء
رائد : ايه والله تكفين جوج .. ميت جوع
الجازي : أبشر شويات يكون الغداء جاهز روح بدل ثيابك وتعال ننتظرك
رائد : ليش ما تغديتوا ؟؟
الجازي : لا و الله تعرف الوالد يحب كلن على السفرة و لين جابت لي بلوى معها فوق
رائد : بلوى !! وش جايبة وش مسويه
الجازي : رووح شوفها جابت آلة موسيقية معها وأنا مو نآوية أخليها في هالبيت دقيقة وحدة
رائد : أفااا عليك إلا زعلك أنا بتخلص منها لا تشيلين هم يا بعد عمري
الجازي : يسعدلي ياك فديت قلبك
رائد : فديتك يا يمه .. باس راس الجازي اخته الكبيرة وطلع لغرفته يبدل


***

في المستشفى ~

سعود : بنت الكلب مو راضية تلتفت لي
يزيد : خلها بحالها واضح على البنت انها مو راعية حركات
سعود : هه موراعية حركات اجل وش مدخلها تمريض ؟ ولا شفت صديقاتها كلهم تلاحظ عليهم
يزيد : استغفر الله بعدين لا تتبلى البنات انا ما شفت عليهم شي صح هم داخلين معنا اكثر ويمونون بس الحق ينقال
سعود : اسكت واللي يرحم والديك قال حق قال بكرة بتشوف وش من حركات عندها ذي الحية وياما تحت السواهي دواهي
قطع عليهم دخول الدكتور فارس اللي ما يطيق سعود : وش عندكم شباب هنا
يزيد : أبد وقت البريك جالسين
فارس : آهاا طيب و الغداء وشلون
يزيد : والله انا مطفر اليوم طالع الصبح ركض حالتي حالة ونسيت بوكي حتى ما تشوفني مو معلق بطاقتي
فارس : هههههههههههههه و الله انك مأساة رحمتك يلا غداك علي
يزيد : ونعم الصديق والله مو بعض الناس ولا فكروا فيني
سعود : وش قصدك ؟ الحين انت صرت كخه !! ولا فارس طلع احسن مني
ضاق فارس ما يحب يختلط مع سعود ابد وعشان لا تصير مشكلة طلع : يزيد أنا انتظرك برا
يزيد : يلا جيت ... سعود رجع عقلك لمخك ما يصير اللي تسويه واللي تفكر فيه خاف ربك
سعود : طس بس طس يلا
راح يزيد و خلاه وهو مو عاجبه الوضع ابد .. بينما سعود كل دقيقة من وقته يقضيها يفكر كيف يجيب راس هالبنت
آخر شي طلع من غرفتهم يمشي و لمح غالية عند مريض اللي كان بريكها مخلص من مده وقف يتأملها وسمع صوت من وراه
د.نواف : ها سعود اشوفك واقف ما عندك شي تسويه ولا بريك الحين ؟
سعود : ايه والله يا دكتور هالحين بريك بس قلت امشي شوي
د.نواف : روح تغدا لاحق على المرضى و المشي
سعود : أمرك دكتور ..يلا تبي شي بروح
د.نواف : أبد سلامتك بس لاتنسى لا تتاخر علي كالعادة تعرف احتاجك مع المرضى
سعود : لا ان شاء الله مو متأخر
راح الدكتور ترك سعود واقف في مكانه ولا تحرك لين لفت غالية وشافت نظراته القذرة كالعادة لها
غالية بهمس : الحمد لله إنهم ناقلينه لقسم الطوارئ من الاسبوع الجاي بيروح له و افتك منه هالقذر
ورجعت تكمل شغلها لين انتهى دوامها الساعة 3 العصر و طلعت لبيتها اللي يجمع كل معاني الفخامة !



***


بعد صلاة العصر .. وعلى جلسة الشاي في الحديقة و الكل مستمتع
أبو سعد : يا أولاد في موضوع بحكي معكم فيه
الجازي حست من نبرة ابوها الجديه حطت بياله الشاي ولفت على ابوها : سم يبه نسمع لك
ابو سعد : سم الله عدوينك
لين : قول بابي نسمع لك ، ورائد ما علق وكأنه متوقع او حاس بالموضوع
ابو سعد : أنا قررت أتزوج
بعد صمت دآم دقايق
رائد : مبرووك يبه ، الله يسعدك
لين : وش مبرووك انت الثاني لا انا مو موافقة مافي وحده تحل مكان ماما انا مو موافقة فاهم علي
الجازي : بنت احترمي نفسك وتكلمي زين في حضور ابوك ، يبه أنا مقصرة معك اخواني ناقصهم شي انا عيوني لكم
ابو سعد : ــــــــــــــــــــــ
الجازي : يبه أنا اتمنى لك كل السعادة سو اللي يريحك صدقني بكون مبسوطة طول ما انت مبسوط وسعيد
لين : بابي تكفى لا تتزوج بعد ماما هي كانت تحبك وتموت عليك ’’ سكتت شوي ’’ : الله يخليك عيد النظر

بعد سكوت عم المكان ..
أبو رائد : خلاص خلصتوا حكيكم .. رائد الله يبارك فيك الجازي انت ما قصرتي ورايتك بيضاء بس ولو أنا لازمني وحده تقوم فيني انت مهما صار ماتقدرين
لين بابا عمري ماقصرت معك بشي عمري مارفضت لك طلب عمري ما قلت كلمة لا بوجهك كل اللي تبينه على عيني وراسي مستعد ادفع عمري ولا اشوفك تبين شي ولا تلقينه
امك انا ما قلت انها ماتحبني بالعكس وانا اموت فيها بس وش اسوي غير اني اقول الله يرحمها وان شاء الله لقائنا في الجنة ، أنا ما ودي اسوي شي بدون رضاكم ألزم ما علي انتم
قآم طلع لغرفته مخلي اولاده كلن وتفكيره
الجازي : أنا كم مرة قلت لك تثمنين كلامك بحضور الوالد
لين : لا و الله طيب وش تبيني اسوي اصفق له مثلا ما سمعتيه وش قال !!
الجازي : بس ولو .. بغض النظر عن الموضوع هذا ابوك جنتك ونارك يا بنت افهمي افهمـــــي
لين : بابا على عيني وراسي بس مو موافقة
رائد : عطيني سبب على عدم موافقتك يا ست الحسن و الدلال
لين : وماما مو سبب ؟؟
رائد : لا يكون على بالك نسيناها ولا راح اسمح لوحده بهالكون تآخذ مكآنها بعدين تذكري مو امك لحالك بس وينها الحين هاااه وينها جاوبي
ما تحملت اكثر لين وبكت .. بينما الجازي مازالت صامته
رائد : يالين افهمي ابوي محتاج وحده تداريه وتقوم فيه لا انت ولا الجازي راح تبلون اللي يبيه خلاص عاد ما صارت اللي يشوف يقول زوجته مو بنته
قامت لين على حيلها وهي تشهق : انا مو موافقة مو موافقة وحتى سعد ما رآح يوافق .. ودخلت ركض رايحه لغرفتها
وهي تركض باسرع ماعندها .. صقعت في الجدار العريض في ممر غرفتها و طاحت منه لوحة كبيرة وتحطم زجاجها
قعدت من فورها وبكت وبكت لين غلبها النوم ونامت مكانها و الدم حولها ولاحد حس فيها
الجازي قامت بصمت وتوجهت للمطبخ كعادتها تطلع شوي من حرتها بفكرة ابوها للزواج حسستها انها مقصرة وهي اللي ضحت بالزواج وانها تملك بيت واطفال على خدمة ورعاية اهلها
رائد حس بملل من تصررف لين و صمت الجازي وانها اكيد شايلة بخاطرها بس هذا حقه و لو هي حيه فيه يآخذ عليها 3 بس تفكير الحريم وش يسوي فيه
أخذ جواله ودق عليها : بجيك الحين شوفي الوضع
غالية : مو أنت قلت بعد العشاء
رائد : أشوف طالع لك لسان وبعدين أنا حر بكيفي أجي متى ما بغيت وأنت تفتحين لي وتستقبليني مثل الكلبة فهمتي
غالية: ــــــــــــــ
رائد : قلت بجي جهزي الوضع
غالية : لا تكفى الحين الوضع مو مستقر ممكن اي احد يطلع فجأة
رائد : دبري نفسك بعد ساعة بكون عندك وترى ما بيكون لك خير ,, قفل منها بدون لايودعها او على الاقل يسمع ردها




تم الجزء الثاني


اسطورة ! غير متواجد حالياً   رد مع اقتباس
قديم 24-10-13, 11:42 AM   #4

اسطورة !

نجم روايتي ومشرفة سابقة وفراشة متالقة بعالم الازياء

alkap ~
 
الصورة الرمزية اسطورة !

? العضوٌ??? » 120033
?  التسِجيلٌ » May 2010
? مشَارَ?اتْي » 15,367
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » اسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond repute
¬» مشروبك   pepsi
?? ??? ~
My Mms ~
افتراضي

الجــــــزء الثالث ~



جَ’ـيت وشٍ جـآ آ بڪ |حبيبي|..


.....من بعد طول المـَ’غيبي..!


ولــآ ...


نــآوي يـآحَ’ـبيبي ۧ .~


.....تغرق الـَ’غرقــآ آ ن


أڪثر


....... أڪثر





ياسمين : حبيبي وينك قاطعني من زمان



فؤاد : والله اشغال يا روحي تعرفين من توظفت وانا ماشي صح ابي اثبت ووجودي بالاول



ياسمين : آهاا بس انا وش ذنبي الا ان كنت ماتحبني شي ثاني



فؤاد : وبعدين معك بتعيدين تفتحين هالاسطوانه ترى بزعل بجد واقفل ولا ارد عليك



ياسمين : لا لا آسفة طيب قولي شخبارك كيف دنياك



فؤاد : أنا بخير طول ما انت بخير يا روح روحي



ياسمين : وهـ فديتك



فؤاد : وتلوموني فيها يا ناس انا اتعب كذا شوي شوي علي



ياسمين بخجل : وحشتني



نطت لها رؤى من برا : وحشتك العافية قولي آمين انت ويآه



ارتبكت ياسمين : آآآ احم ’’ وبعدت الجوال ’’ انت وبعدين معك ما تستحين بعدين ادعي علي بس هو لا



رؤى : يا سلام عشان هالخايس مالت عليك وعليه



ياسمين : اوك مالت علينا يلا بغيتي شي ولا اذلفي



دخلت عليهم هند : انتم وش فيكم ما تشبعون مناقر



رؤى : اسأليها قاعده تكلم الزفت من اليوم وحبيبي و وحشتني



هند : بلا سخافة انت ويآها بعدين انت للحين ماتحركتي الناس ينتظرونا وحضرتك تسولفين



ياسمين : الحين بنروح ؟ ما امدانا نخلص دوام



رؤى : يابرائتها .. لابعدين ، قومي خلصيني



هند : والله بزران .. قومي اخلصي ، اخذت رؤى معها وطلعت



رجعت ياسمين لجوالها : آسفة حبيبي بس هالمرجوجات اللي عندي



فؤاد بتفكير : ياسمين قد وش تحبيني ؟



ياسمين : فوق ما تتصور



فؤاد : حددي



ياسمين : صعب



فؤاد : ليه ؟!



ياسمين : ادفع عمري فدوة لعيونك



فؤاد : ــــــــــــــ



ياسمين : امم خلاص انا لازم اقفل الحين قبل لا يقتلوني البنات بس ارجع بكلمك



فؤاد : طيب خذي راحتك



ياسمين : توصي شي ؟



فؤاد : انتبهي لنفسك يا روحي .. عشاني



ابتسمت ياسمين : وانت بعد الله معك



قفلت منه وتنهدت من اعماق قلبها اللي ينبض ومع كل نبضه يكبر وينمو حبها لفؤاد ومايندرى وش نهاية هالحب !!





***





بعد مرور ساعة و زيادة ~ تجهزت البنات وطالعين متوجهين للملاهي مثل ماهم متقفات مع صديقاتهم .




في سيارته : هاا وش صار اقدر اجي الحين



قامت من طولها متجههة للشباك : لحظة اتأكد بس



رائد : اخلصي علي



غالية : ايه تعال مافيه احد



دخل رائد الحي كان مسرع شوي حتى لآ احد ينتبه له فتحت له الباب ودخل بسيارته دآخل البيت نزل واتجه لها فورا بالصالة



رائد : أنا كم قلت لك كلمتي ما تردين علي فيها ؟



غالية نزلت عينها للأرض : ــــــــــــــــــ



شدها من شعرها ولفها : أنا يوم اكلمك ما تسكتين .. رفع راسها له وشاف دمعتها على خدها : زعلتي مني



بعدت عنه واومأت براسها بـ لآ



رائد : زين انك ما زعلتي لانك بترضين من نفسك ماعندي وقت لدلعك



ماردت غالية عليه



رائد : روحي جيبي لي شي اشربه ولا كذا تستقبلين ضيوفك



مشت من عنده بدون ولا حرف دخلت المطبخ وقفلت على نفسها الباب وقالت بهمس : حقير .. وينك يا يمه وينك تشوفين حالي من بعدك ضعت يا يمه ضعت ، مسحت دمعتها



طلعت له مسرعة بيدها كوب العصير قبل لايبدا اسطوانه هواش ثانية لها وهي مو ناقصة : تفضل



رائد : وش ذا ؟! كذا بدون لا صينية ولا صحن كم مرة اعلمك اهلك ماربوك ما علموك اخذ العصير وشرب منه



ابتسم بوقاحه : صح نسيت ماعندك اهل كثر خيري ضفيتك من الشارع ببيتي ومو اي بيت شوفي عيشتك تحلم بها بنت ناس احسن منك بس ما لقت



غالية ما تحملت بكت بحرارة وغصة ذابحتها وطارت ركض لغرفتها دخوله عليها فجأة خلاها تستوعب قامت مسحت وجهها اللي حرارة دموعها اكلته ولازالت تآكل منه



رائد : قومي زين عن الدلع جوعان



غالية : ما تغديت ؟



رائد : مايخصك اتغدا مثل ما ابي و الشي اللي ابي فهمتي علي



غالية : آسفة بروح اجهز لك الغدا



رائد : تعالي انت غداي ~ أخذها بكل وقآحة وشراسه وفكره يقول هي ملكي انا لميتها من الشارع يوم اهلها تركوها !!





***





بين الخضرة وازعاج الالات والاسواق و تجمعات الحريم البنات كانوا جالسين ولو انهم مآخذين جوهم وراحتهم الا ان هذا يعتبر نقط في بحر لان فيه امثالهم كثر .!



سعاد : اقول رؤى ها وش صار على روحتك للطايف ؟



رؤى : استكي بس خليها على ربك والله اني ادعي ربي ليل نهار يجيني نقل او القى وظيفة هناك لو براتب اقل بس اكون عند مآمتي وعشان ظروفي مو قادرة اجيبها هنا



سعاد : الله يكون بالعون الا وش اخبار المستشفى معك عساك مرتاحة بس



رؤى : المستشفى حياتي اكيد برتاح بس المرضى احيان ودك تسطرينهم



هند : يوووووه ولا يوم ينافخ عليك يحسبك شغالة بحساب ابوه و تلقيننه حافي منتف مالت بس



سعاد : هههههههههههه الله يرجك عاد انت ماعندك وقت مشمرة دووم ودك تكفخين بس



أبرار : ايه هالمهبولة فاضحتنا من يومها



هند : اسكتي بس ماسمعتي اصول الفضيحة خاقه مع ممرض وهو ولا جاب لها خبر



أبرار : أووما عاد



شروق : إيه تسويها ذي مفجوعة الرجال كل ما شآفت واحد وهـ يمه قلبي مزيون خقه فديته يهبل ومن هالكلام



ياسمين : وانتم وش عليكم حسستوني لكم عروق من غالية



سعاد + شروق + أبرار بصوت وآحد : من غالية ؟ ...





البنات ناظروا بعض و فطسوا ضحك على انفسهم



ياسمين وهي تحاول تمسك نفسها من الضحك : هذي ممرضة معنا من سنة متوظفة بس تعالي شوفيها للحين كأنها أمس جايه ما تحكي ما تسولف



هند : و إن نطقت عيب عليكم يا بنات ما عندكم غير تناظرون الخلق غضوا بصركم اتقوا الله



رؤى : أخاف يوم تطلع من الهيئة ههههههههههههههه



البنات : ههههههههههههههه



سعاد : ليش ماتعرفونا عليها مالت بس



شروق : ايه جد خايسات



رؤى : وانت ست ابرار ماعندك اضافة



ابرار : لا يختي فديت صديقاتي بس



ياسمين : الحين ماسمعتوني يوم اقولكم ما تحكي ما تنطق ؟!



هند : جد من وين تسمعون كيف بنعرفكم عليها على الصامت



رؤى : هههههههههههههه لا هزاز



سعاد : مالكم داعي جيبوها وحنا بطلع لسانها ما عليكم بس



هند : اسمعي لك بس يا بنت حنا ما قدرنا تجين انت تقولين بطلع لسانها



ابرار : ايه وش ناقصنا



ياسمين : ماتجي والله ما تطلع ولا مكان حتى سوق تقول ما اروح الا مرة في السنة للضرورة القصوى بس



هند : وتقول هي ما تطلع لأحد ولا تعرف احد



سعاد : اسمعها تقول وتقول هذا وهي ما تتكلم



رؤى : يا هبلة ضغطنا عليها عاد مو قلنا ما تحكي يعني ما تحكي قصدنا ماتسولف معنا ولا شي



شروق : انتم هاتوها ولا عليكم ولا وش رايكم تعزمونا يوم ببيتهم



رؤى : ههههههههههه والله وفقعتوا مرارتي يا كلبات اي بيتهم يا ماما هذي تجي الدوام قبلنا وتروح بعدنا لدرجة صرت اشك انها ساكنة في المستشفى !!



سعاد : لا عاد طيب ما قد يوم جت متاخر ولا راحت مبكر وقزيتو من يجيبها ويرجعها



ياسمين : والله جد راحت عن بالي ما عمري راقبت و اصلا مو فاضية لها اطلع العصر اوقف عند الباب انتظرها هه تحلمين



هند : اقول فكونا من سيرة البنت خلاص



شروق : ايه جد بس حاولو تكفوون نبي نشوفها لو نمركم في المستشفى يوم ما طيب



ياسمين : خلاص ندبر لكم



كملوا البنات سوالفهم لبعد العشاء وكل من رجع بيته بعد يوم حافل وكله ذكريات ومرح لهم





احتاااج لك ..



و اتعب من افعالك كثيييير






الساعة / 10:53 م





فتحت عينها بتثاقل تحسست رائد بجنبها ما بعد راح رفعت راسها تناظر للساعة شهقت



غالية : رائد قوم تأخر الوقت الساعة 11



رائد قام مفزوع : يا بنت الكلب يا حقيرة مو قلت لك قوميني الساعة 9 ماتفهمين انت



غالية بخوف : والله كنت نايمة ماحسيت بالوقـ ..



بصراخ : قومي فزي جهزيلي الحمام وحسابك بعدين يا بنت الـ ×××



قامت غالية ولبست روب الحمام تبعها ومشت تجهز الحمام لعديم الانسانية اللي عندها أما رائد فتح جواله ووصلته رسايل و مكالمات من ابوه واخته



رجع دق على ابوه وبعد لحظات : هلا يبه وينك



رائد : كنت طالع مع الشباب الاستراحة و الشبكة تعطلت آمرني يبه



ابو سعد : ابد بس كنت ابيك تمرنا المستشفى



رائد : خير يبا عسى مو شر !



ابو سعد : الحمد لله جت سليمة اختك لين نزفت دم كثير من القزاز اللي جرحها



رائد : اممم و كيفها الحين ؟



ابو سعد : لا الحمد لله اقولك لا مو خطر إلا متى بتجي ولا ناوي تبيت بالاستراحة



رائد : والله تعرفني ما اقول لا بس عاد ... وسكت وهو يخزها بعيونه قبل لا يطلع صوتها من فمها اللي يبي ينطق



ابو سعد : هااه بس وش ؟



رائد : سلامتك يبه بس واحد من العيال اليوم مسوي جمعة لنا تعرف من زمان عن السهرات و كذا



ابو سعد فهم عليه : زين بس لا تتاخر عشان دوامك لا تفشلني مع الخلق



رائد : تآمر أمر يبه



ابو سعد : في أمان الله



رائد : الله معك ~ قام من فراشه وتوجه لغالية و الشرر يتطاير من عيونه غالية اللي من خوفها ما عادت رجلينها شايلتها طاحت اغمى عليها



رائد حآطها بحضنه : غالية قومي قومي تركها وراح جاب مويه ورشها عليها وهي فزت من مكانها



غالية وهي تبكي : رائد الله يخليك لا تطقني تعبت وربي تعبت لا تطقني تكفى



سحبها لحضنه وظلت تبكي وتبكي وهو ساكت ما نطق كان يمسح على شعرها



بعد ماهدت بلحظات قامت من حضنه وهو تعداها للحمام تسبح على السريع بدل وطلع من عندها وهي مازالت بحسرتها و ألمها على حالها اللي هو سببه





***






في شقة البنات ..





هند : بنات متى بتنامون وقسم اقلقتوني



رؤى : ماتبين طسي غرفتك حنا بنتفرج ونسولف



هند : لا خلاص بس عجلوا شوي



ياسمين : هههههههه خوافه



هند بتوتر : اااا مو خوافه



ياسمين : اجل وش تسمينه



رؤى : شجاعة هههههههههههههههه ، وضربت كف ياسمين بيدينها



هند تبي تضيع السالفة : بنات من جد مافكرتوا في كلام البنات اليوم



رؤى : أي كلام ؟



هند : عن غالية يعني اقصد بيتهم من يوديها ويجيبها وليش تطلع بعدنا وتداوم قبلنا



ياسمين نطت جنبها بحماس : الا والله جد نفسي اعرف سر هالبنت



رؤى : تصدقون بنات عمري ما انتبهت لهالشي !!



هند : بنات نراقبها ؟!



ياسمين : لا ما توصل لهالدرجة بس نعرف شوي عنها



رؤى : ايه وبعدين مغامرة حلو وبنتسلى في داومنا بدل المرضى و الكآبة



هند : طيب يلا ننام ورانا مهمة مع الصبح



ياسمين : والله وقدرتي تنومينا يا دوبه



هند اكتفت بضحكة انتصار و لفت على الجانب الآخر و نآمت


تم الجزء الثالث


اسطورة ! غير متواجد حالياً   رد مع اقتباس
قديم 24-10-13, 11:42 AM   #5

اسطورة !

نجم روايتي ومشرفة سابقة وفراشة متالقة بعالم الازياء

alkap ~
 
الصورة الرمزية اسطورة !

? العضوٌ??? » 120033
?  التسِجيلٌ » May 2010
? مشَارَ?اتْي » 15,367
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » اسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond repute
¬» مشروبك   pepsi
?? ??? ~
My Mms ~
افتراضي

الجـــزء الرابع ~



في تمام الساعة 5:30 بعد صلاة الفجر


كانت في مصلاها تذكر ربها و تطلبه عفوه ورحمته ومغفرته و ختمته بالورد اليومي تبعها وقامت تتجهز للدوام اللي بتروح له بعد دقايق معدودة
أكلت لها خبزه محشوه بالزبد و مربى الفروالة وكوب حليب كوجبة افطار من اعداد ناتالي لها و طلعت من البيت متوجهه لدوامها الصباحي ولكن كالعادة مبكرة جدا رغم ان بيتها يبعد عن المستشفى اشارتين فقط !!
كان رائد موفر لها سواق بسيارة كلايلز السوداء واضح عليها لون من الفخامة توصلها لوين ماتبي و وقت ماتبي وهذا الشي اللي كانت تستغربة غالية لانه ما يعاملها كويس و يسب ويطعن بشرفها و هي مو عاجبته وفوقه كله مو مخليها محتاجه شي في الدنيا حتى رواتبها يمر الشهرين والأربع وهي ما استخدمت منها ريال واحد
وصلت للمستشفى بآكر كالعادة و حضرت نفسها وبدت تحضيراتها وزيارتها للمرضى في القسم و تستفسر من الممرضات المناوبات قبل نهاية دوامهم


في هذي الاثناء ..~.


رؤى : بنات بسرعة يلا انا بشوف اغراضها لو بالغرفة معناه وصلت بدق عليكم
هند : ايه تكفين
ياسمين : يا رب ماجت ودي اشوف من يجيبها
رؤى : بينا كوول ، طلعت لغرفة الممرضات تبحث عن اغراض غالية
دخلت ترتاح شوي بعد جولتها وشافت رؤى وبصوتها الواطي الناعم : السلام عليكم
رؤى : يمه بسم الله خرعتيني
غالية : ليش وش قلت أنا اسم الله عليك !
رؤى : هاااه لا و لا شي اممم كيفك
لآحظت توترها : اشوفك جاية بدري اليوم مو بالعادة يعني
رؤى : هااه ايه حتى البنات بس تحت بيشترون كوفي الحين يجون
غالية لاحظت انها مو طبيعية بس ماحبت تدقق فيها وقعدت على كرسيها بينما رؤى دقت على البنات تخبرهم عن غالية ، عدا اغلب دوامهم في هاليوم على الروتين اليومي
البنات ياخذون بريك قبل وقته وينتهي بعد وقته و سعود و نـظراته القذرة لازالت و تجاهل فارس له و نصح يزيد له احيان وتسليكه له احيان


قبل نهاية الدوآم بنص ساعة


ياسمين : بنات وش رايكم نقعد نشوفها ولا نروح البيت وبكرة نجي ابكر من كذا
رؤى : لا يختي انا داخلي شي يحكني ابي اعرف وش ورا هالبنت ابي ادخل حياتها غصب و اولها من يوصلها
هند : جد بنات احسها غريبة و وراها قصة غريبه عجيبه
ياسمين : يعني اتفقنا بنقعد ؟
هند : افاا عليك
رؤى كانت تتكلم على دخول غالية بدون ما تنتبه لدخولها : بنات شفته وهـ وهـ اسم الله عليه يجنن ملاك ذا مو بشر
هند : من هو لا يكون الموظف الجديد
ياسمين : رائد ؟
رؤى : ايه هو وه يمه قلبي احسني حبيته بس مدري احس عينه تشع حزن
غالية : بنات وبعدين معكم كم مرة اقولكم اتركوا الناس بحالها انتم هنا تعالجون مرضى مو تخزون الرجال
رؤى : اوووهووو علينا جاتك الثانية
ياسمين : انت وش عليك ولآ شكله داخل مزاجك وتبين تقزينه لحالك
غالية : استغفر الله العظيم ، أخذت شنطتها واغراضها وطلعت قبل لا تلبس عبايتها و البنات مانتبهوا لها
هند : اقص يدي هالبنت وراها شي ويا انا يا هي وبعرفه
ياسمين : صادقه رورو
اما رؤى كانت سرحانه برائد اللي دخل مزاجها بقووة وشكله مو ناوي يطلع


***


سعود كان نازل للطوارئ لان مطلوب منه يرقي حالة للتنويم لمحها وهي ماشية عبايتها بايدها ومعلقة شنطتها ، مشى وراها بخفة يبي يعرف وين رايحة
لبست عبايتها بحركة خفيفة ومشت اتجاه بوابة الخروج بعد وصول سيارتها اللي تنتظرها عند البوابة تحت الباب وركبت في المقعد الخلفي وانطلقت السيارة
سعود : بنت الكلب والله لأجيب راسك لو كنت من ! ومشى وصقع في رائد اللي كان يبحث عن قسم المختبر
سعود : عفوا
رائد : ما صار شي بس ممكن سؤال اخوي
سعود: تفضل
رائد : يزيد فضلك وين القى المختبر ؟
سعود : اطلع من هالبوابة وامشي باتجاه الشرق بتلاقاه على يسارك
رائد : طيب مشكور واي شي تحتاجه انا بالخدمة
سعود : انت موظف هنا ؟
رائد : إيه انا الادآري الجديد اسمي رائد
سعود : هلا والله استاذ رائد تشرفنا
رائد : وأي خدمة بتلقاني في مكتبي .. بعد اذنك
راح رائد للمختبر على قولته يتعرف على المستشفى قبل لا يرجع البيت و سعود للطوارئ و مخه مو معه ابد !!



***


الجازي : قومي حبيبتي اكلي مو زين لك
لين : والله مآبي مو مشتهية
الجازي : ولو قلت لك عشاني
لين : طيب أنت تشوفين أن باآبي مصمم خلاص على فكرة الزواج يعني ما في أمل منه
الجازي : ليه يا حبيبتي موترة نفسك كذا ما يسوى ترى
لين : الا يسوى بكرة تجيك وحده ملعونة تاخذ بابا علينا وكل حلالنا وتقولين مايسوى !
الجازي : شيلي هالافكار من راسك و بعدين أنا معك لا تخافين من شي لو كانت محترمة على العين و الراس و لو غير بعرف اوقفها عند حدها
لين : تتوقعين يصير
الجازي : لآ مو صاير الا خير ان شاء الله انت كلي الحين وريحي نفسك
لين ضمت الجازي اللي بدورها اخذتها بحضنها .. بينما كآن أبو سعد يسمع لهم من ورا الباب تنهد .. ورآح


***


ياسمين : بنات متى بننزل ترى تأخرنا وهي ماجت للحين
هند : يلا الحين ننزل بعدين تلقينها مع مريض
رؤى : جد يلا خلوني اكمل العصير
ياسمين : طيب براحتكم
طق عليهم الباب فارس : لوسمحتوا بنات
تغطوا البنات بسرعة : تفضل
فارس من عند الباب : بنات هذا الملف وصلوه لغالية لازم تشوفه بكرة اول ما تداوم
هند : خلاص شويات بتجي و بنعطيها ياه
فارس : ليش هي قالت بترجع ؟!
رؤى : ليش هي وينها
فارس : استئذنت من مدة وطلعت بيتها
رؤى : نعم ! وش تقول
فارس : ايه هي اليوم معي في القسم و استئذنت مني و طلعت ، المهم لا تنسون اللي قلت لكم يلا سلام
طلع وقفل الباب
رؤى : بنات هالغاليووه بتجلطني
هند : متى راحت و اغراضها شنطتها عبايتها متى خذتهم !!
سؤال حير البنات كلهم في الاخير طلعوا سوا متوجهين لشقتهم بعد قضاء وقت في الانتظار طلع مهدور !


***

الساعة 5:20 في صالة بيتها تتصفح الانترنت من لابتوبها رن جوالها و المتصل كالعادة : أنا عند الباب
غالية : طيب لحظات اشوف ، قامت غالية وشغلت الكاميرا و كان الشارع فاضي فتحت له باب الشارع حتى يدخل مع سيارته
غالية : فتحت لك الباب تقدر تدخل وقفلت منه
بعد دقايق قليلة صار عندها بالبيت : وش قاعدة تسوين
غالية : أبد بس كنت اتصفح الانترنت
رائد : خلي عنك وقومي حطي لي غدا
غالية : بس أنا ماطبخت اليوم أنت ماقلت لي
رائد : وليش ما طبختي مو أنا كل يوم اقولك اطبخي الوقت اللي أبي بجي آكل ولا تنسين هذا بيتي اجي واسوي اللي ابي وما تقدرين تمنعيني
غالية نزلت راسها للأرض : ـــــــــــــــ
رائد : تحركي اشوف نص ساعة أبي أشوف شي سنع قدام عيني - وصرخ - يلا تحركي
ركضت غالية للمطبخ من هالمرعب اللي طآلع بحياتها وهي تحاول تهدي نفسها

ناتالي : can I help you ? " كيف أساعدك "
غالية : I want cook some food for raed " أريد أن اطهو الطعام لرائد "
ناتالي :OK let me start now " حسناً سأبدأ الآن "
غالية : no I will do it alone .. you can go"لا سأقوم بإعداده وحدي .. تستطيعين الانصراف "
ناتالي : OK I'm here for any help " حسناً سأكون هنا للمساعدة "

اكتفت غالية بابتسامة وبدت تطبخ لرائد وجبة صغيرة والاهم انها تعجبه لانه مايتقبل اي شي منها على طول
بعد نص ساعة..
رائد : غاااالية .. غاااااااااااااااالية وصمخ ان شاء الله
غالية جت مسرعه : هلا
رائد : خلصت نص ساعة ولا شفت السفرة
غالية : عطني دقايق زود بس ويكون كل شي جاهز
رائد : وليه ان شاء الله وش كنت تسوين من قبل
غالية : بس باقي شوي و يكون قدامك
رائد : خلاص اذلفي مو ناقصك و هي دقايق ويكون كل شي جاهز فهمتي
غالية : ان شاء الله ، طلعت من عنده تخلص شغلها قبل لا يعصب عليها مرة ثانية
حطت له الغداء كامل على السفرة وراحت تناديه : الغداء جاهز تفضل
رائد : كان ما خلصتي
مشى قدامها للسفرة و أول ما دخل و هو كان ناوي يهاوشها على بس أوقفته السفرة اللي عاملتها غالية كانت عبارة عن رز بلونين اصفر و ابيض بالدجاج و مزين بالمكسرات المقلية
و جنبة نوعين سلطة بالخس و بالخيار و الفطاير حول الاكل و لا نست الحلى عبارة مهلبية مثل اللي يحبها
أبدى رائد إعجابه في داخله وقعد على السفرة بدون ما يعلق حتى ، يتغدا بينما غالية خافت ان شي ما يعجبه بس عدا الموضوع على خير


***


لين كانت مع صديقتها فوز على المسن ..



الدنيا حلوة = فوز
ليه يا زمن = لين


الدنيا حلوة : والحين وش ناوية تسوين
ليه يا زمن : مدري
الدنيا حلوة : كيف ماتدرين لازم تتصرفين لا تسمحين له
ليه يا زمن : أخاف اكون قسيت عليه
الدنيا حلوة : على الاقل يختار حرمه مو مرة ابو
ليه يا زمن : هذا خوفي
الدنيا حلوة : ايه بس لازم تكونين قوية وانت تعرفين الصح من الغلط لازم ما تسحمين فيه انت كبيرة و عاقلة و واعية
ليه يا زمن : نفس كلام الجازي
الدنيا حلوة : ايه صح فديتها الجازي يا حليليها كيفها وش اخبارها ؟
ليه يا زمن : والحمد لله بخير
الدنيا حلوة : وهي وش ردها من زواج ابوك
ليه يا زمن : مدري بالضبط بس هي صامته اتوقع انها خايفة تقول شي و تندم بعدين عليه
الدنيا حلوة : الله يكون بعونكم
ليه يا زمن : آمين
الدنيا : الا انت يا وسخه متى بتزوريني ؟؟
ليه يا زمن : قريب ان شاء الله بجيك
الدنيا حلوة : طيب انتظرك ولا بجد بزعل
ليه يا زمن : لا ما يهون علي بجيك يا كلبه فديتك
كملوا سوالف البنات على المسن ^_^


***


بعد صلاة المغرب في الصالة بانتظار البقية ...


ام فارس : وبعدين معك يعني لين لمتى بنتظر ؟
فارس : قلت مو الحين
ام فارس : متى يعني
فارس : يمه لو جا الوقت أنا بقولك اخطبي لي
ام فارس : يعني مو حاط احد ببالك ؟
فارس : يمه والله لا قلت لك الحين المهم عندي اثبت نفسي في دوامي و شي براسي اسويه و وقتها ابشري يالغالية ما طلبتي شي
ام فارس : الله يوفقك يا وليدي و ينولك مرادك
فارس : ايه يا يمه كثري من دعواتك السنعة هذا بس اللي ابيه
ام فارس : الله يخليك لي انت واخوانك ويوفقك ويرزقكم من حيث لا تحتسبون
فارس : الا يمه وينه وليد لي كم يوم ما اشوفه
ام فارس : ابوك راسله عند عمك في جده يسوي له كم شغله
دخل معاذ مسرع : يمه فارس لحقوا ابوي تعبان ، ما كمل جملته و كان فارس يسابق امه واخوه نازل يشوف ابوه وطبعا هو دكتور .. أسعفه !
تنهدت براحة : مو قلت لك تآخذ علاجك بوقته عاجبك كذا خرعتنا عليك
ابو فارس وهو يرفع اكمامه : مافيني شي يا بنت الحلال بس دخت شوي
فارس بقلة حيلة : يبه علاجك لا تهمله الله يخلي لي ياك
ابو فارس بلا مبالاة و واضح عليه الارهاق : العمر واحد بعيشه بعلاج او بدونه وبعدين وش لي بالحياة وأنا ما لقيتها
فارس : جعل يومي قبل يومك يا الغالي ولا تشيل هم أنا بلقاها بإذن الله
ام فارس : انت لاتتعب عمرك ولدك رجال يعتمد عليه وبيلقاها اكيد بس تكفى لا تخرعنا عليك
معاذ : وش هي اللي تبون تلقونها
فارس : خل عنك اللقافة و اطلع ناد هنادي و شروق ولا تلعوز دانية علمتك
معاذ : شف هنادي و شروق بناديهم بس دانية والله لو تفرفر ماغير افجر مخها
ام فارس : قم الله يصحلك ويحنن قلبك على اختك مدري متى بتم على هالحال
ابو فارس : قم يا ولدي ناد خواتك نبي نتقهوى
معاذ : لاحقين على القهوة مو طايره وقسم ، اصلا ماتشبعون منها انتم !
فارس : لا يمه معليش ولدك ذا بأعيد تصنيعه
معاذ : هااااو طابوقه قالولك تبي تعيد تصنعني ؟!
فارس : يبه ليتك راسل هالولد بدل وليد ، خله يتعلم المراجل بدل المطاقق و المعآير في البيت
ابو فارس : ناوي له بس يكمل 15 سنة وبهجوله
معاذ طلعت عيونه : دامك كذا تبي تفتك مني زوجني يبه و ريح عمرك
ام فارس : لا والله هذا اللي بيموتني ناقصه عمر .. قم ياجعله القص لسانك
معاذ : لا فديتك محد يموت ناقص عمر
قال جملته و طلع ينادي خواته في الوقت اللي فارس و امه وابوه يضحكون عليه وعلى كلامه


***


ياسمين : وبعدين معك .. أنا ما صدقت انك ترضى علي
فؤاد : وش اسوي لك دام تفكيرك طفولي
ياسمين : أنا طفلة ؟!
فؤاد : أحلى طفلة بعد .. بس وش اسوي لك قلت خل ازعل يمكن تنتبه لي شوي
ياسمين استحت : ......................
فؤاد : اقول سوسو .. اممم احكيلي اكثر عن اهلك واخوانك
ياسمين : وش تبيني اقولك عنهم
فؤاد : كل شي ودك تقولينه اسمع لك
ياسمين : انت عارف ان ابوي عايش و امي واخوي عبدالله متوفيين في حادث ابوي متزوج من قبل امي وعنده بنات واولاد وزوجته للأسف ما تطيقني
كبرت عند جدتي وهي درستني وعلمتني لين دخلت كلية التمريض وبعدها توفت وانتقلت لسكن الطالبات لان مرت ابوي رافضة وجودي في بيتها
صح أتمنى عائلة وللحين ودي ارجع لأبوي و اعيش معه ومع اخواني واتعرف عليهم بس للأسف مافي بوادر حتى هو ما كأني بنته ما فكر يسأل عني لين الله قدر لي تخرجت و توظفت
تعرفت على زميلاتي اللي لهم ظروف الله العالم فيها واتفقنا ان كلنا وحيدات عشان كذا سكنا سوا حنا الثلاث وانا لقيتك وعرفت معك الحب واتمنى من كل قلبي ان الله لايحرمني منك
فؤاد متأثر : آمين يا قلبي آمين
ياسمين : فؤاد أنا ما احكيلك عشان تحس بعطف تجاهي لا بالعكس أنا مرتاحة كثير بجنب خواتي اللي ما جابتهم امي موظفة وعايشه حياتي مثل اغلب الناس مافي احد مرتاح
فؤاد : والله وصدقتي مافي احد مرتاح .. بس انت اثبتي انك قوية بقوة عزيمتك وارادتك لو انه شاب في مكان كآن اسهل ي له الانحراف وبيطيح ببلاوي لها اول بس مالها آخر
الله يحبك يا سوسو و نور دربك لا تضيعين نفسك واحمدي ربك على النعمة وحولك ناس تحبك وتخاف عليك
ياسمين : يا بعد عمري انت ...


***



غالية : Natally .. can you help me " ناتالي اريد مساعدتك "
ناتالي : yes afcorse what I an do for you ?" طبعا ماذا يمكنني ان افعل من أجلك "
غالية : I wanna change the living room stile also my room " اريد تغير ديكور الصالة وكذلك غرفة نومي "
ناتالي : sure let us start " أكيد هيا لنبدأ "
غالية : OK " حسناً "
وفعلا بدت غالية و ناتالي بمساعدة الشغالة يبدلون ويعدلون في غرفة الجلوس و بعد غرفة نوم غالية
كانت 3 ساعات كافية لهذا العمل اللي ارهقهم بجد لكن نتيجته لها اثر ، يكفي اثر النفسي !


تم الجزء الرابع


اسطورة ! غير متواجد حالياً   رد مع اقتباس
قديم 24-10-13, 11:43 AM   #6

اسطورة !

نجم روايتي ومشرفة سابقة وفراشة متالقة بعالم الازياء

alkap ~
 
الصورة الرمزية اسطورة !

? العضوٌ??? » 120033
?  التسِجيلٌ » May 2010
? مشَارَ?اتْي » 15,367
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » اسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond repute
¬» مشروبك   pepsi
?? ??? ~
My Mms ~
افتراضي

الجــــزء الخامس ~


كنت جالسة متمللة من الحياة و كل تفكيري في حياتي وش بسوي والدتي في بلد وانا في بلد ماعندي اخ ولا اب ولا خال اعمامي تبروا مني بعدما اكلوا حقي وحق امي ورمونا في الشارع
رائد اللي طلع لي فجأة ما صارت لي مواقف معاه بس شكله طيب وحبوب مررة بس انا ليش اخربط كذا واحد مثله مستحيل يناظر لي يالله وش فيني انا وش صاير لي فجأت لمحت هند
كانت تأشر لي تنبهني بوجودها : وين وصلتي رورو
: أبد هنا معك
هند : مو علي دوري غيري
رؤى تنهدت بعمق : كنت افكر فيني وفي وضعي والدتي وش بيصير علينا كيف بعيش حياتي بعد وش مخبى لي و لها
هند : اللي الله كاتبه بيصير لاتتعبين عمرك عيشي يومك وانت كل اجازة تروحين لامك ومامنك قصور رايتك بيضاء الله العالم بظروفك وليش انت هنا وهي هناك
رؤى : تصدقين احيان كثير افكر ودي اروح لعمي اللي الظاهر انه نسى هالشي يرجع لنا حقنا انا وامي بس اتردد كثير
هند : خلي ببالك ان الظالم عمره ما بيتهنى ودامك مظلومة بيجي يوم الله سبحانه بينصرك
رؤى : والله تعبت انا في مكان وامي في مكان ولا هي تعبانه ماعندي مشكلة القى وظيفة لو نص راتبي الحين بس اكون بجنبها يوم تحتاجني اسوي لها اللي تبي بس موبيدي
هند تمسح على ظهر رؤى اللي نزلت دموعها بلا حساب
رؤى من بين شهقاتها : يا رب رحمتك يا رب
دخلت عليهم ما كانت واعية تفكيري شارد تماما ولا حسيت باللي يصير قدامي كل اللي في بالي كلام فؤاد لي وش قصده وش معنى فتح معي هالموضوع الحين
لازم اعرف بس بنتظر الوقت المناسب لفتني صوت هند اللي تصرخ : انتم وش فيكم اليوم يوم الشرود العالمي كل وحده شفتها وهي بعالم ثاني
ياسمين : ولا شي
هند : مو علي خلصينا وش فيك
نزلت دمعتها ياسمين : ابي اشوف ابوي واخواني اشتقت لهم
تأثرت حيل هند وقام ضمتها في الوقت اللي ما قدرت رؤى تسيطر على نفسها اكثر انفجرت باكية وراحت ضمتهم لين هدأوا كلهم وانسحبت منهم هند لغرفتها !
**
***

كنت واقفة عند المرايا بعدل لمسات مكياجي الاخيرة رائد بيجي ، فجأة حسيت بألم أسفل بطني شكيت يا رب مو صح بس لازم اتاكد دخلت الحمام ( تكرمون ) طلعت و كل أنواع الالم فيني مو عشاني عشان رائد : لا يا ربي مو وقته و الله يذبحني رائد وش اقوله بيقول اكيد متعمده الحركة ذي عاد هو ما يتفاهم يا رب وقف معي وارحمني
ما قدرت ابدل ولا اشيل كشختي طلعت الصالة متألمة بالموت مشيت ابي مسكن قعدت على الكنبة ناديت ناتالي
ناتالي : yes " نعم "
غالية : I'm not OK give me panadol " انا لست بخير احضري لي بنادول "
ناتالي : but we don't have it " لكنه نفذ لدينا "
غالية : you can go to buy it for me but quickly and be careful " يمكنك الذهاب لشرائه لي لكن اسرعي و تمهلي "
ناتالي : OK " حسناً "

طلعت ناتالي من البيت مع السواق متوجهة للصيدلية تجيب لي بنادول أنا ما قدرت الا اني انكمش على نفسي في انتظارها ربع ساعة كانت كافية انه يكون عندي
قدمته لي ورجعت لشغلها في الوقت اللي انا استرخيت على الكنبة و تبعثر شعري حولي حسيت براحة وغفيت يمكن 10 دقايق بعدها قمت بس مو من نفسي
بعد بوسة رائد إللي طبعها على خدي اليسار اللي كان بارز له قمت بارتباك اناظر فيه ثم نزلت عيوني للأرض
رائد : صح النوم حبي .. وش الجمال و الحلاوة ذي كل هذا لي !! حتى انت نايمة تقطرين حلآ !
غالية : ـــــــــــ
رائد : ساكته يا قمر ما عليه مو لازم تحكين تعالي بس اقربي
غالية بتردد : رائد ابقولك شي بـ ...
رائد : اششش اقربي مو وقت الكلام الحين
غالية : بس لازم تسمـ ...
ما عطاني فرصة اكمل كلامي ضمني لحضنه بسرعة ، وهذا اللي ما يعجبني فيه يحسبني جاهزة له اربع وعشرين ساعة ماعندي اعذار !
فكيت نفسي منه بقوة هو استغرب تصرفي : وش فيك مو وقتك تعالي
غالية : رائد أنا مافيني ابقى معك و لا اعطيك
رائد بدأ يعصب : وليش إن شاء الله فيني جرب ولا فيني مرض تعالي اخلصي
غالية : لا انت ما فيك أنا اللي فيني ما اقدر بطني يمغصني
شفته وقف قدامي و وجهه متغير وبكل هدوء : هي جتك .. تكلمــــي جتك ؟
أومأت براسي ايه لا شعوري : والله ما كنت عارفه هي مو منتظمة عندي و المفروض انها تجي الاسبوع الجاي مو الحين
رائد : بصراخ وليش مسويه في نفسك كذا هااا تكلمي ناوية تعذبيني ليش ما دقيتي علمتيني عشان لا اجي اشوف هالوجه ولا ناوية تنتصرين لنفسك تشوفين العذاب اللي فيني بنفسك
غالية ببكى : والله مو قصدي كذا توها جتني بعدما تجهزت آلمتني وخذيت بنادول غفيت وقمت على حسك
شفته قعد بعيد شوي عني يمسح على وجهه ولا نطق بحرف وأنا دموعي تنزل بصمت وراسي على الارض مرت نص ساعة وأنا على حالي و احس فيه
وهو يلف يناظرني ثم يرفع عينه عني خفت كثير يوم رفع يده ومدها لي كنت أناظره مرعوبة و اناظر في يده ماتطمنت لين لمحت شبح ابتسامه عليه قمت وقفت اناظر
رائد بحنان : يعني راح تتمين واقفة ما راح تجين
قربت منه مشيت شوي شوي وفاجأتني حركته يوم اخذني لحضنه وباس خدي همس في اذني : فزتي هالمره
رديت له بهمس كله هدوء : سامحني
ضمني لصدره وشد علي وهو يمسح على شعري بصراحة كنت مستغربة كثير من حركته اول مرة يكون رائد معي بهالحنان يا عساه دووم تعبي نسيته يوم شفت رائد
بس ارتحت كثير وانا بحضنه استلمت للنوم ~ ورحت في نومه كآنت الاجمل من سنوات !.

***

الساعة 5:21 الفجر ، كنت احوس في البيت اتجهز للدوام بعدما صحيت سيدات الحسن تعرفون لازلنا نبي نعرف سر غالية خلصت ورجعت لهم القاهم داخلات جو في النوووم
انفجرت فيهم فجأة : قومي انت ويآها جعلكم للي مانيب قايلة اصحو البنت داومت وانتم تشاخرون هنا يلا تحركي انت وهي
رؤى : يوووه مو لازم نشوفها اليوم بكرة تعرفين ما نمنا الا متأخر !
ياسمين : روحي تكفين نبي ننام
هند وهي تقرب تشيل اللحاف : نامت عليكم طوفه اصحي يلا خلصيني
ياسمين : خلاص خلاص قمت اووووف
رؤى قامت على الصامت وعيونها مقفلة تجاه الباب وصقعت رجلها في طرف الطاولة وقعدت متألمة
ربع ساعة كانت كافية لنا اننا نجهز ونفطر بعد ؛ كيف لا و هند على رؤوسنا ! وصلنا لسى ما داومت وهذا الشي خلانا نخف على هند يعني فيه امل نشوفها اليوم ونخلص
و الغريب ان الساعة الحين 6:18 و غالية ما وصلت ! وش صار معها تتوقعون ؟!

***
الجازي كانت على السفرة تنتظر افرادها كالعادة جا ابوها و لين بعد فترة
ابو سعد : اخوك وينه من غدا امس ما شفته ؟
الجازي : والله مدري يبه دقيت عليه العشاء قال انه بيتعشى برا و لا عاد رد من دقيت عليه ثم صار مقفل
ابو سعد : ولا رجع للبيت ؟
الجازي : لا ما رجع !
كنت آكل بهدوء و أنا اسمع لهم ولا كنت اناظر لهم
ابو سعد : أنا طالع للشركة
الجازي : ما كأنه بدري اليوم
أبو سعد : صح بس عندي اشغال لازم اخلصها
الجازي : عساك على القوة يبه
ابو سعد : الله يسعدك يا روحي ، الحمد لله تبون شي يبه
الجازي : سلامتك يبه
لين لازالت خايفة ابوها يتزوج : سلامتك ارجع بدري على الغداء
ابو سعد فهمها وابتسم : ان شاء الله
مشى خلانا لفيت عليها لقيتها تآكل كأن اللي احد غاصبها : وش فيك تآكلين بدون نفس ؟
لين : أبد ولا شي بس قاعده آكل
الجازي : أدري انك تاكلين بس كانه مو عاجبك
لين : لا ارتاحي عاجبني قامت عن الكرسي : بس اليوم وراي اختبار مالي خلق المادة الكئيبة
طلعت وخلتني وانا عارفه ان اللي في بالها اكبر .. اكبر بكثير ، أخذت سماعة التلفون أدق على رائد اللي ماعرف اخباره من قبل العشاء امس ؛ بس لازال ما يرد !

***

الساعة 6:45 وداومي الفعلي يبدأ 7:00 بس أنا لازلت نايمة الغريب ان رائد صاحي .. ولا صحاني !
لفيت اتحرك بعدل جهتي فتحت عيوني وطآحت على الساعة قمت بسرعة مخترعه لفيت لقيته يشرب قهوة الصبح بهدوء ويناظرني : صباح الخير
رديت : صباح النور ليش ما قومتني تأخرت كثير على الدوام
ترك كوبه وقرب مني و طبع بوسه على جبيني : ما راح يضر غياب يوم بسوي لك اجازة مرضية و اوقعها واختمها من عندي
استغربت تصرفه و استحيت حيل قمت ابي اصرف الوضع : لا انا مافيني شي بداوم وانا امشي رايحه اتجهز للدوام : روح لبيتكم اكيد ...
قبل لا اكمل جملتي رن جواله كالعادة انا التزمت الهدوء بس ما تحركت جتني حالة من حالات اللقافة اللي تصيب البنات اتوقع ان الاتصال من بيتهم
كان يرجع لقهوته بيقعد ورد : هلا يمه .. ايه لا تخافين علي ........ والله جد امس كانت عندي شغلة ضرورية ولا قدرت ارجع ... خلاص بس ارجع اقولك .... يايمه قلت لك خلاص
ايه برجع على الغدا ...... طيب طيب .... مع السلامة
رفع راسه ناظرني انا خفت من نظرته دخلت بسرعة سمعت صوته و هو يستعجلني : اخلصي بسرعة أنا بوصلك اليوم
ما حبيت اعلق وتبون الصراحة فرحت كثير .. أول مرة في حياتي احس اني ...... متزوجة !!

***
ام فارس : انتبه على نفسك وسوق شوي شوي طيب
فارس : ان شاء الله يمه
ام فارس : وش تبيني اطبخ لك اليوم لى الغداء وش نفسك فيه
فارس : يمه اي شي من يديك حلو بس تكفين انا متاخر اليوم
ابو فارس : خلي الولد بحاله كل يوم يعني على نفس الموال ؟
فارس : تكفى يا يبه تفاهم معها يلا اناطالع
مشيت بسرعة قبل لا تذكر الوالدة سؤال وانا طالع لقيت صالح ولد جيرانا واقف عند باب البيت قال وش ينتظر الباص لأخته لا يروح عليها !! ماحبيته هالولد ابد
تركته ومشيت للدوام همي اوصل في اقرب وقت لأني متأخر اليوم ناظرت في الساعة لقيتها 6:48 ان شاء الله يمديني اوصل تقريبا معي 10 دقايق مشيت باقصى سرعتي
واختصرت طرق وقطعت اشارتين .. وصلت ولله الحمد ناظرتي ساعتي لقيتها 6:59 اليوم انا في صراع مع الزمن 7 لازم اوقع ورحت طيران وسجلت حضوري
ابتسمت ابتسامة عريضة حسيت بالانتصار فجأة حسيت احد يمون طقني على كتفي : دكتور فارس كيفك اليوم احس بسعادة في وجهك اسعدنا معك
د.فارس : ابد بس وقعت في 7 تمام اليوم متأخر عن الدوام
ياسر : اليوم غريب بصراحة !
د.فارس : ليش وش صاير ؟؟
ياسر : والله يا دكتور كل العالم متلخبطة جداولهم الا انا يمكن عشان كذا لاحظت
فارس : وضح !
يا سر : الممرضات هند وشلتها جايات بدري ومرابطات تحت اكيد وراهم شي لازم اعرفه و سعود جاي بدري اليوم على غير العادة و اللي خالف العادة وغير نظام المستشفى غالية !
فارس : وش فيها غالية ؟!
ياسر : انت عارف يا دكتور هذي اول وحده تداوم في الشفت و آخر وحده تطلع من الدوام !!
د.فارس : طيب
ياسر : للحين ماجت مع ان الشفت بدأ !!
د.فارس : غريبة اليوم هي معي و عندي جراحة المفروض من بدري تحضر المريض
ياسر اقشعر جسمه من طاري الجراحة وحس فيه فارس : هااه اشوف تغيرت معالمك توك مسويلي مكتشف ومدري وش
ياسر : لا لا سلامتك بس تذكرت عندي جوله على المرضى في قسمي
د.فارس : الله يعين المرضى رح لا تتأخر وتبلشني
مشى ياسر و خلفه فارس اللي كان يضحك عليه لان يخاف من العمليات و تصيبه حالات اغماء !!

خلصت اموري وتجهزت بسرعة وما رضى رائد نطلع الا وحنا فاطرين .. وش عليه دوامه 8 مو انا اللي متاخره حيل !
كنا طالعين للسيارة سوا بس رن جواله باتصال غريب كالعادة هذا اكيد من سلسلة الاتصال اللي تجيه عمري ما فكرت اعرف لأني و ببساطة اخاف من ظله
كيف ادخل في خصوصياته بيذبحني لا محال ، أشر لي اسبقه للسيارة ركبت وكنت اناظر في ملامحه اللي جمدت فجأة وكأنه رجع رائد الشري وبصراحة خفت يوم رجع لي معصب
ولا هو طايقني من شوي وش زينة معي شكله حظي العاثر دوم ما تكمل فرحتي !!
***
في المستشفى ::
د.نواف يطلع على ملف المريض : عطيه Normal saline 0.09 وخليك مراقبته عنده انخفاض واخاف يدخل في complication
ياسمين : حاضر دكتور ..
د.نواف : وين غالية اليوم غريبة ما شفتها ؟!
ياسمين : مدري يا دكتور واضح انها ما وصلت الى الان !
د.نواف : خير ان شاء الله انتبهي على المريض واي شي يصير للمريض عطيني خبر فورا
ياسمين : ان شاء الله
د.نواف : بلغي زميلاتك هند و رؤى اني ابيهم في مكتبي الحين بسرعة
ياسمين بلقافة واضحة : خير يا دكتور صار شي ؟
فهم عليها وابتسم : لاتخافين مو شي ضروري بس تقارير لهم من امس كانت ناقصة لازم افهم وش صاير معهم ولا عندك رأي ثاني انتِ ؟
ياسمين : آهااا أبد .. راح ابلغهم الحين
طلع وتركها وهي بدورها خبرت البنات اللي تركوا المراقبة وراحوا للدكتور ......

كآن سعود مدآوم بدري على غير العادة بس شكله كأنه كاره عيشته مطفش من الدنيا و حالته صعبة لدرجة انه داوم بدري بس على غير سنع قعد جنب سيارته في المواقف يدخن !
: أنا وش ابي فيه بنت الكلب ليش فارض نفسي عليها اللي ما تبيني و اضح انها مو راعية هالحركات صادق يزيد انا لازم اشيلها من بالي بس كيف كيف انا حبيتها ايه حبيتها هذا التفسير الوحيد لحالتي حسبي الله عليك يا غالية عذبتيني جننتيني
كان يدخن بكل قوته حتى انه اوشك على انه يخلص باكيت كامل في جلسته ذيك .. بس صدمه الموقف اللي شافه ، سيارة يعرفها زين كيف لا وهي سيارة رائد
بس الصدمة كانت يوم وقف في المواقف القريبة منه معقولة رائد هنا و هالتواضع شدني ان باب الراكب انفتح و نزلت منه وحده ايه وحده أنا متأكد منها هي اللي خذت قلبي و عقلي
غالية ! معقولة هذي انت يا غالية هه توني كنت اقول انها مو لذي الحركات بس طلعت داهية بنت كلب عرفت من تختار ايه وش عليه هذا رائد ولد الـ .. مو حنا عيال حيا الله شي
بس وش الوقاحة اللي فيها جاية لدوامها ونازلة من سيارته عيني عينك هين يا غالية ان ماجبت راسك ماكون سعود وانت بعد يا رائد لازم تدفع ثمن سرقتك لغالية مني !
***
كان في مكتبه يخلص اشغاله قبل الاجتماع اللي بيسويه للموظفين الجدد .. وشاغل فكره الفرع الجديد اللي بيفتحه للشركة وبيحط مسؤوليته على من ؟!
رن جواله بمكالمة دولية : هلا يبه شلونك
سعد : أنا بخير يبه طمني عنك وش مسوي
ابو سعد : الحمد لله كل شي تمام .. ها بشرني كيف الشغل عندك
سعد : الحمد لله عال العال الامور في تحسن و المدخولات صايرة اكثر و اكثر و طلعت نسبة ارباح بفائض
ابو سعد : الحمد لله زين ما نويت تزورنا اشتقنا لك
سعد : والله ودي يبه عمرك طويل انا داق طالبك في اجازة اشتقت لك و للبنات ورائد والرياض و اهل الرياض
ابو سعد : زين تسوي حياك باي وقت وبعد ابي شورك في امور بسويها هنا
سعد : ارسل لي ايميلات بكل شي وانا بخلصه من عندي قبل لا ارجع
ابو سعد : لا هذي امور ثانية انت تعال ويصير خير ان شاء الله
سعد : ان شاء الله بكون عندك باقرب فرصة
ابو سعد : زين ما اطول عليك انتبه لنفسك وزوجتك وبوّس احفادي
سعد : ان شاء الله فمان الله
قفل من ابوه وراح باتجاهها كانت معطيته ظهرها تناظر من البلكونه ضمها من الخلف وباسها في خدها : خلاص هانت كم يوم بنروح
صرخت بفرحة : really من جدك حبيبي ما تمزح
سعد : من متى مزحت معك في سفرة
بعدت عنه ولفت تناظره : لا جد ماعمرك مزحت بخصوص السفر
ناظرها بنظره خجلتها : بس هذا اللي طلع معك مافي بوسة شي
ساره بتصريفة : امممممم فواز و عبد الإله يسبحون برووح اشوفهم
سعد قرب منها وبهمس : نادي لهم لوسي وانت خليك هنا ...

***

خلصت من المريض اللي في الملاحظة و بصراحة تعبت صح انا اتعذّر بالتعب دووم عشان ارتاح بس هالمرة بجد انا بحاجة للراحة استئذنت و شلت نفسي رآيحه غرفتنا اريح
انا ماشية طلعت جوالي ادق على وحده من البنات عشان لا ابقى لحالي بس اللي فاجأني رن و الرقم غريب و تبون الصراحة انا مو متعقدة من الارقام الغريبة يعني عادي عندي ارد
بس ما حبيت ارد وانا ماشية انتظرته قفل .. دقيت على رؤى لان هند مافي امل !
ردت علي ما طولت اما انها طفشانه او تبي تنحاش عاد اليوم دكتورها نواف قالت بصراخ : يا كلبة وينك من اليوم توك تذكريني
أنا ماستغربت حالتها : وش صاير بعد من حآبسك ؟
رؤى : نوافووه التبن نزلني قسم الاطفال واحد منهم فتح حجابي و خلاني اضحوكة لا و الثاني جايني كله دم ويرافس ويسب بعد قسم ودي اسطره على نافووخه
ياسمين تخفي ضحكتها : فديتك تعالي طيب انا بغرفتنا
رؤى : زين بجي بس بخلص ضماد ابو سيقان ذاك
ياسمين بضحكة : طيب
كنت اكلمها وانا ماشية وصلت الغرفة وحطيت الجوال على الطاولة رجع رن رنتين ولا كمل الثالثة الا وانا ارد : نعم
جآني صوت رجال غريب وهو يتكلم حسيت بهيبة الشخص اللي معي : ياسمين .. أنا ابوك
ابوي ! انت ابوي يالله كم اشتقت اناديك يا .. : يبه ! هلا يبه كيفك ؟
ما دققت كثير في كلامه مشاعري راحت لمكان ثاني : .... انت وينك الحين
ياسمين : مداومة في المستشفى آمرني يبه
خالد : بجي آخذك معي للبيت اليوم
ياسمين : إن شاء الله انتظرك
خالد : طيب في امان الله
قفل مني وانا مو مستوعبة معقولة يا بشر هذا ابوي ابوي يا عالم كلمني وبياخذني بيته ظليت سرحانه افكر وافكر وانا ابكي فجأة نطقت وعلقت بالكلمة اللي ما قلتها
لي زمن : يبه يبه يبه ..!!

***

كنت في غرفتي اليوم ماعندي محاضرات و هنادي مداومة يا بعدي تتعب مع طالباتها ومع ذلك تحبهم فارس في المستشفى و معاذ و دانية في مدارسهم ابوي كان عنده شغله طلع لها
و امي اتوقع انها على التلفزيون تتفرج بعد قلبي قلت بروح لها فديتها اسولف معها طلعت من غرفتي كنت بنزل تحت بس لمحت التلفزيون شغال في الصالة اللي فوق رحت ولقيتها سلمت عليها وقعدت معها
: ورآتس ما دآومي يمه يعورتس شي فيتس شي ؟
شروق : لا يمه بس اليوم محاضراتنا وحده اعادة و الثانية معتذرة قلت ارتاح بالبيت
ام فارس : ورا يمه لو انتس رايحة تجددين معلوماتس
شروق : هماني قلت لتس يمه اليوم اعادة وانا مآحب التكرار تعرفيني بنيتس
ام فارس : الله يوفقتس و يوفق اخوانتس يا رب
شروق : آمين ، الا يمه وينه الوالد ماشوفه
ام فارس : راح يخلص شغله وبيرد ماهو بمطول
شروق : يمه وش السالفة اللي لكم فترة تحكون فيها ومن هي اللي ابوي مايبي يرتاح دامه مايعرف وينهي وفارس يدور عليها
ام فارس : وش اقولتس بس يا يمه هذي سالفة طويلة لها سنين الله يعين ابوتس
شروق : خوفتيني يمااه قوليها لي تكفين
ام فارس : قبل سنوات وقبل لا تنولدين انت كنت حامل باختس هنادي يوم جاني خبر هزني .................

تم الجزء الخامس

وش توقعاتكم في علاقة رائد و غالية وليش مخبينها ؟

هند وش سالفتها ؟

ومن هي اللي ام فارس تحكي عنها لشروق ؟؟


شاركووني


اسطورة ! غير متواجد حالياً   رد مع اقتباس
قديم 24-10-13, 11:45 AM   #7

اسطورة !

نجم روايتي ومشرفة سابقة وفراشة متالقة بعالم الازياء

alkap ~
 
الصورة الرمزية اسطورة !

? العضوٌ??? » 120033
?  التسِجيلٌ » May 2010
? مشَارَ?اتْي » 15,367
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » اسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond repute
¬» مشروبك   pepsi
?? ??? ~
My Mms ~
افتراضي

الجـــــزء السادس ~


يّأٌ قُسّوُة بَعِضً أًلًبّشِرِ

كنت في غرفتي اليوم ماعندي محاضرات و هنادي مداومة يا بعدي تتعب مع طالباتها ومع ذلك تحبهم فارس في المستشفى و معاذ و دانية في مدارسهم ابوي كان عنده شغله طلع لها
و امي اتوقع انها على التلفزيون تتفرج بعد قلبي قلت بروح لها فديتها اسولف معها طلعت من غرفتي كنت بنزل تحت بس لمحت التلفزيون شغال في الصالة اللي فوق رحت ولقيتها سلمت عليها وقعدت معها
: ورآتس ما دآومي يمه يعورتس شي فيتس شي ؟
شروق : لا يمه بس اليوم محاضراتنا وحده اعادة و الثانية معتذرة قلت ارتاح بالبيت
ام فارس : ورا يمه لو انتس رايحة تجددين معلوماتس
شروق : هماني قلت لتس يمه اليوم اعادة وانا مآحب التكرار تعرفيني بنيتس
ام فارس : الله يوفقتس و يوفق اخوانتس يا رب
شروق : آمين ، الا يمه وينه الوالد ماشوفه
ام فارس : راح يخلص شغله وبيرد ماهو بمطول
شروق : يمه وش السالفة اللي لكم فترة تحكون فيها ومن هي اللي ابوي مايبي يرتاح دامه مايعرف وينهي وفارس يدور عليها
ام فارس : وش اقولتس بس يا يمه هذي سالفة طويلة لها سنين الله يعين ابوتس
شروق : خوفتيني يمااه قوليها لي تكفين
ام فارس : قبل سنوات وقبل لا تنولدين انت كنت حامل باختس هنادي يوم جاني خبر هزني عمي الله يرحمه اللي هو جدتس طلب من ابوتس انه يتزوج بنت صديقه
الحرمه كانت مطلقة وقته امها متوفيه وابوها متزوج عشان كذا ماحب يترك بنته وحيده وهي ماعندها ولد ولا اخ فخطبها لابوتس من ابوه و هو ماحب يرد صديقه
و اجبر ابوتس انه يتزوجها وفعلا تزوجها بس تعرفين الناس وكلامهم اللي ما يرحم احد ولا يترك احد في حاله كان يآصلنا كلام من كل مكان انها مو كويسة ولها حركات ومن تسذا
لدرجة انها سببت جلطة لابوها وبعدها بفترة توفى ، ابوتس ما يقدر يخليهها لانها حآمل و الكلام مثل السم يآصل وهي ما تحكي ولا تحآول تبرئ نفسها وتبكي احيان
واحيان تصدقين من تصرفاتها لين مره جا لأبوتس خبر عنها واثباتات عليها استغفر الله وان الجنين اللي ببطنها مو لابوتس .. ما كلمت كلامها لان دموعها خانتها وقعدت تبكي
شروق متأثره مررة شوي تنزل دمعتها : يمه هدي الله يخليتس
ام فارس تشهق : والله الشي ما يتصدق انا ما كنت راضية بزواج ابوتس منها بس عاد شي وصار وقتها انقهرت عليه كثير
شروق : ايه يمه وش صار بعده ؟

: أنا بحكي لتس وش صار !

لفوا لمصدر الصوت كلهم ، ابو فارس دخل عليهم وباين انه متأثر حيل : ما تركتها لحظة وحده ولا رحمتها طلقتها ورميتها بالشارع كانت تبكي وتبكي وانا قلبي صخر ما لان لها ولا للي ببطنها
اللي ممكن باي لحظة تولد ماعررفت اي خبر عنها ارسلت ورقتها لبيت مرة ابوها وانقطعت اخبارها عني ، بعد تقريبا سنة جات لي في الشركة بحضنها بنت كانت تترجاني تبيني اسمع لها
بس انا ماتركت لها مجال طردتها مرة ثانية وراحت ولا رجعت اختفت من كل حياتي مرت الايام و السنوات جيتي انت و معاذ و دانية و الصغار كبروا و اللي مات مات ومنهم هي !
شروق بتفاجأ : مآتت !! وبنتها وش صار عليها وش دنياها ؟
ابو فارس : هي اللي ادور عليها هي اللي ما برتاح لين القاها اتمنى من ربي ما يقبضني لين القاها
ام فارس : اسم الله عليك بتلقاها ان شاء الله
شروق : ليش تبي تلقاها يبه ؟
ابو فارس : لانها اختس !
شروق : اختي !! انا عندي اخت غير هنادي و دانيه ؟
ام فارس : ايه يا يمه ايه عندتس و اكبر منتس بعد
ابو فارس : الله يعلن الشيطان الله لا يوفق اللي كان السبب ظلموها وخلوني اظلمها معهم وظلمت بنيتي اللي عمري ما ناظرت بوجهها عمري ما حملت لها عاطفة وهي بنت صلبي
قآم مستاء كثير و طلع لغرفته وأنا كلي استفهامات و تعجب وامي بجنبي محزنه وبشوف دموعها مخي قفل عن التفكير وش هالصدمات يا رب معقول معقول انا عندي اخت معقول فيه ناس
ناس بدم ولحم وقلب يسوون هالامور ليه لييييه وش مصلحتهم ؟؟ يا رب رحمتك يا رب انا اسمع القصة احسني بموت كيف مرت ابوي اللي صار معها كيف بنت ابوي اللي هي اختي وينها
وكيف عايشه وش مسويه بدنياها ما لقيت الا اني ادعي لها بقلبي الله ييسر عليك يا فارس و تلقاها وتجيبها لنا يا رب

***

الحمد لله نجحت العملية الدكتور فارس ما شاء الله عليه شاطر الله يوفقه و يسهل امره طيب هالدكتور على انه شاب صغير بس ما عنده حركات مثل سعود استغفر الله
طلعت من غرفة العلميات بدلت و رحت ارتاح بصراحة تعب العملية وقفت كثير مدري هي طولت ولا انا تعبانه رحت ارتاح في غرفتنا عشان برجع اسير على مرضاي بعده بخلي رائد يعملي اذن اطلع البيت ارتاح كنت ماشيه لقيت الدكتور فارس اللي طلع قبلي وكانت تمشي وراه رؤى قربت منه : مبرووك دكتور وان شاء الله من نجاح لنجاح
د.فارس : الله يبارك فيك غالية وانت ما قصرتي ونعم فيك
غالية : طيب دكتور كم بنقعد نراقب الحالة في المستشفى
د.فارس : على حسب الاستجابة بعدما يصحى من البنج انا بقعد اليوم لين اتطمن انت تقدرين تنصرفين فيه ممرضة بدالك خليتها للحالة
غالية : مشكور دكتور ما تقصر
د.فارس : العفو نقدر الكفاءات اللي مثلك
رؤى كانت توزع نرها بينا ! تناظرني و تناظر فيه نظرات عميقه ما فهمت عليها ثم سمعتها تقول بغيرة : دكتور فارس متى تدخلني معك عملية ودي اوريك اني بعد شي مو بس غاليه
ابتسم لها وناظرني : يوم تكونين مثل غاليه ، اوعدك لو ما اخذتي مكانها بتصيرين على الاقل جنبها
نزلت راسي بحيا لان واضح اعجاب الدكتور بشغلي ؛ رن جواله استئذن وراح
رؤى : غالية و غالية وغاليو وهم غالية ودي اعرف وش فيك من زود !
غالية : بتروحين الغرفة ولا عندك مرضى ؟
رؤى : لا عيوني من اليوم رجلي على رجلك وبعرف شلون اتغلب عليك
غالية : لا تقلديني تقدرين تصيرين احسن مني
رؤى بقهر : ايه تفلسفي علي وقولي الغاز ما فهمها
ضحكت لا شعوري : لا يا عيوني ماتفلسف بس انت اثبتي شخصيتك لا تقلدين شخصية غيرك !
رؤى : اقول غالية اليوم مزاجك اووك تسولفين وضحكتي بعد وش الطاري ما خبرتك كذا
مر سعود وقتها و رمى كلمته ومشى : وش عليها نآمت في العسل امس !!
يمه منه اسم الله علي كيف عرف اني نمت احلى نومه امس : .......
رؤى : الله يخلف عليه بس الولد بيموت وانت معطيته طناش
غالية : انا تعبانه تعالي نرتاح
مشينا بصمت و رؤى كانت ناشبه فيني مثل الطفل في زحمة ناس يخاف يضيع امه ! دخلنا الغرفة ورحت على طول اشغل الغلاية ابي شاهي لفيت لقيت رؤى واري تناظر
استغربت منها حيل يوم قالت : غلو تصدقين عيونك نسخه من عيون الدكتور
زاد استغرابي : انا ! اي دكتور
رؤى : فارس من اليوم اناظر فيكم نفس العين نفس الرسمة كل شي حتى طول وكثافة الرموش لو اني ماعرفكم كنت قلت اخوان لا توم بعد
غالية : الله يكملك بعقلك من شوي تقولين تبين تآخذين مكاني وهذا تفكيرك عيون ورموش
رؤى حست بشي تافه قالت باحراج : يعني حرام نشطح
غالية : لا ابد مو حرام اصلا وش دراك يمكن يكون نسختي بس الذكوريه !
حسيت رؤى ودها تصكني بالكوب في الوقت اللي اكتيفت بابتسامة ورجعت اصلح لي كوب شاهي

***

انتهى دوام رائد وقعد ينتظرني ستغربت منه بس اللي زاد استغرابي سعود تصدقون اليوم ما قعد يتأملني ولا سوا شي غير كلمته لرؤى عني كان مختفي تماما حتى عند المرضى ما شفته
يا جعله دووم كنت بطلب اذن خروج من رائد بس انشغلت مع البنات سولفنا وضحكنا خصوصا اليوم الحالات مو بذاك السوء الحمد لله و الفلبينيات قايمين بالمهمة ..
اليوم سولفت مع غالية يالله يا ناس بنت شفافة وراقية في تعاملها وصريحة كنا مآخذين عنها فكرة انها معقدة وشي من كذا بس بالعكس طلعت غير ويمكن هذا نقطه في بحر
حسيت بألم في نبرة صوتها يعني هي ما تفرق شي عني انا وياسمين ورؤى وحسيت رؤى مررة قاطه الميانه معها وحسيتها مررة قريبة منه حتى تقوم وتقعد معها استغربت كثير
بوريها رؤى الكلبة ذي خاينة تكون صداقات من ورانا أما ياسمين حسيت بفرحه في عيونها مدري كانت كل شوي تناظر ساعتها وراها شي ما قدرت امسك لساني
: اقول سوس وش فيك تناظرين الساعة و شكلك ينطبق عليه اللي على راسه بطحا والغريب احس بسعادة و غيرة في الغرفة هنا لاول مرة الله يتممها ويديمها علينا
رؤى بلقافة حتى اسرع من ياسمين : ايه ما دريتي بتروح مع ابوها لبيته اليوم بعد الدوام
هند بابتسامة : جد حياتي ليش ما قلتي لنا حتى نبارك لك !
ياسمين : والله مدري وش صاير بس احسني فرحانه لمجرد كلام ابوي مدري هو يبيني اقعد عنده على طول ولا بس زيارة ويرجعني
هند : تعالي ابوسك يا كلبة ولا تعلميني مبرروووك وان شاء الله فاتحته خير
ياسمين بحب : عقبالك يا قلبي
حسيت ان هند تأثرت من كلام ياسمين وغالية تناظر بصمت حبيت الطف الجو : بنات اليوم اكتشفت شي خطير
قبل لا البنات ينطقون بحرف طق الباب تغطينا كلنا بسرعة : تفضل
فتح الباب وقف عنده : السلام عليكم
كلنا سوا : وعليكم السلام
د.فارس : اعتذر عن ازعاجكم بس بغيتك غالية تعالي شوي
قامت غالية وراحت له : آمر دكتور
د.فارس : ما يآمرك ظالم ... كان يكلمها في حاله المريض في غرفة 16 السرير الثاني طلب منها ورقه وقلم لانه احتاج يكتب و عطته غالية قلمها
د.فارس : زين انت حرصي عليه و عاينيه الصبح اول ما تجين واكتبي لي تقرير وصف للحالة
غالية : ان شاء الله ، طلع من الغرفة ومعه قلمها اللي استحت غالية انها تطلبه منه رجعت تسولف مع البنات والباب لا زال مفتووح
هند : ايه رورو قولي وش اكتشافك الخطير حمستيني
ياسمين : لا يكون اكتشاف طبي بنصدم صراحة
رؤى : هههههههههه لا تخافين مو غالية انا
ياسمين : اجل
رؤى : اليوم كنت اناظر في الدكتور فارس و في غالية سبحان الله نفس العيون جحم وكبر ورموش وكل شي وربي لو ما كنت اعرفهم كنت اقول اخوان لا توأم بعد !
اللي محد كآن متوقعه ان فارس رجع يعطي لغالية قلمها وسمع الاكتشاف بلم في مكانه ثم استوعب عطاها اعتذر ومشى
مشى ومخه مشغول في غالية و اكتشاف رؤى اللي عمره ما فكر يحط و1% انها في مكان عمله حاول يشيل الفكرة من باله بس عجز !!!
رؤى : وش فيه اسم الله عليه تقولين مسه سكني
هند : جد وش فيه قلب توه يحكي ويسولف ومبتسم
ياسمين : غريب هالانسان
غالية وصلها مسج من رائد ( يلا انزلي 5 دقايق بكون مقابل الباب ) اسئتذنت على طول من البنات وقامت بدلت و طلعت متجهه للسيارة
سعود فضل يراقب من بعيد لبعيد كان يراقب رائد و غالية اللي ركبت سيارة رائد بحركة خفيفة محد انتبه لها و اللي محد داري عنه ان البنات واخيرا شافوا من يوصل غالية ~
رؤى مصومة وساكته بينما ياسمين ما قدرت تمسك لسانها : معقولة معقول اللي شفته غالية مع رائد ! كيف وليش ومتى ماتوقعتها آخر وحده توقعتها تسوي كذا
هند ما تدري وش تقول : .. ياسمين اهدي عيوني ما عليك كل شي بيبين لا تتهمين احد بمجرد نظرة يمكن فيه شي
رؤى بعصبية : اي شي ما شفتي شلون تسحبت يوم وصلها مسج شلون ركبت السيارة ولا معاملتها هي ورائد من قبل مو معقول
طلعت وتركتنا استغربت من حركتها و ردة فعل ياسمين و من الاساس فعلة غالية بس عمري ما اتهم احد بشرفه ارجع و اشوف نفسي بالاول !!

***

عارفة بجدول و نظام البيت حتى غالية متى تداوم و متى ترجع و متى رائد يجي و كم يقعد وش يصير بينه وبين غالية ، كل معلوماتها اللي تجمع توصلها بشكل تقرير يومي ؟؟

ناتالي : OK she is arrives now " سوف تصل قريباً "
... : OK you can go , keep your quiet and continue in your job " حسناً يمكنك الذهاب ، حافظي على هدوئك و واصلي عملك "
ناتالي : please I'm so tired " أرجوك أنا متعبة جداً "

... : خلصي اشغالك و لا تتشكين ، قفل في وجهها !!
ناتالي : لو ماكنت مضطرة ما قعدت هنا دقيقة وحده ،، رحمتك ربي



من هذا وش مصلحته يعرف باللي يصير في بيت غالية ؟
ناتالي ليش توصل له اللي يصير بشكل يومي ؟


تم الجزء السادس


اسطورة ! غير متواجد حالياً   رد مع اقتباس
قديم 24-10-13, 11:45 AM   #8

اسطورة !

نجم روايتي ومشرفة سابقة وفراشة متالقة بعالم الازياء

alkap ~
 
الصورة الرمزية اسطورة !

? العضوٌ??? » 120033
?  التسِجيلٌ » May 2010
? مشَارَ?اتْي » 15,367
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » اسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond repute
¬» مشروبك   pepsi
?? ??? ~
My Mms ~
افتراضي

الجـــــزء السابع ~

ذٌڳَـــــرِى


مرت علي 3 اشهر كأنها برق رغم ثقل احداثها بس انا تعودت على المر كآنت احداث غريبة تصير بس ماهمتني اصلا وش يهمني .!.
رائد كان مجافيني ما يسأل علي ولا يهمه شي لو جا يآخذ اللي يبيه و يتركني والغريب ان الاتصالات اللي تجيه واحسه يقشعر منها زدات الفترة الماضية ودي اعرف بس ما اتجرأ اسأله صار يمد يده كثير علي مره قص لي شعري ورماني انام بالصالة ناتالي اخذتني غرفتها هدتني ونومتني عندها ...
مستغربة كيف ابوه سامح له ينام برا البيت وهو كان يرفض مدري يمكن عشان سعد رجع !

سعود اختفى من نظري ما عدت اشوفه و اذكر انه اخذ اجازة اسبوعين و رائد وافق له عليها لانه تقرب منه الفترة الماضية بس اللي ماتوقعته الدكتور فارس
يحاول يترقب مني باي طريقة ما احسه ناوي لعب و نظراته لي حنان واحس بعيونه كلام بس ماعمري اهتميت اعرف على اني انشغل بهالسؤال يوم اشوفه !

رؤى تحمست في الدراسة و الشغل اكثر و فعلا صارت محل اعجاب الدكاتره و علاقتها فيني رسمية جدا اليوم مريت من السيب شفتها واقفه مع رائد عند مكتب المدير مدري وش عندها بس نآظرتني بنظرات ارعبتني ورائد ولا التفت لي !

ياسمين يالله كلمه ورد غطاها و هند ما تهتم تحكي معي يعني حكينا حكينا ما حكينا مو شرط !

يزيد كان دووم متلخبط وما يدري وين الله حاطه و ياسر ملقوفنا سمعت انه خطب بنت خاله الله يتمم على خير و
الدكتور نواف تركنا بيكمل دراسته في المانيا الله يوفقه

تعبت من الروتين الممل اليوم انا في وحدة الكلى كانت معي طالبات تدريب وبسبب تفوقي في اغلب التخصصات حطوني مشرفة لهم يا حلوهم 5 بس شكلهم نشيطات الله يوفقهم
جلست اراجع اوراق التقييم لهم ما ودي اظلم الوحده فيهم واكيد عندهم احلام واماني راسمينها احاول اعلمهم والمح لهم طريقة التقييم قبل كل عملية تقييم كمساعده كنت دايخه وحالتي حالة بس اقاوم مرضي مدري فجأة احسني تعبت لا هي انفلونزا ولا شي واقولكم سر .. انا اخاف من الابر كثير على اني محترفة فيها كأنها تخصصي !

شاكه بشي فيني وفي نفس الوقت اقول مستحيل يكون هو اصلا لو عرف رائد بيذبحني ؛ جد ترى ما استهبل !!

نزلني ساهر عند باب البيت على غير العادة أنا طلبت منه لاني بصراحة ابي الف في الحوش ولا ابيه يكون موجود قلت له يروح لاهله لو يبي طلبت من ناتالي تطلع لي الاكل في الحديقة كنت قاعده تحت المظله اللي محوطتها الورود بمسار جميل كان فكرة ناتالي .. أنا أحب المشوي بس نفسي رفضته اليوم ولي كم يوم مدري وش السبب اقصد اخاف يكون هو !

قالي رائد مرة تنسين فكرة يكون عندك ولد بيوم ومني بذبحك واشرب من دمك فاهمة هذا اول ما تزوجني يوم كان عمري 12 سنة ! يالله لي 11 سنة متزوجة ‘ يعني أمي الله يرحمها لها 11 سنة متوفية الله يعفو و يتجاوز عنك فقدتك يا ماما من رحتي عني لقيتني بعدها باسبوع زوجة لرائد القاسي اللي منزوعه منه الرحمة
اذكر زواجي الفعلي كان وانا بثالث متوسط عمري 14 كرهت عمري وكرهت رائد وقته بس بعده تعودت لان الشي مو بيدي اصلا ولا على كيفي ، زواجي منه كان سري و اللي اعرفه حتى ابوه مو عارف بوجودي

راحت بي الافكار لبعيد ودمعت عيني يوم حاولت اذكر يوم حلو لي مع رائد خلاني احبه غصب رغم قسوته وفي نفس الوقت انا بدونه ولا شي الله يخليه لي

تركت الغداء مكانه وقمت رحت المطبخ عصرت لي برتقاله وليمونه سوا شربتهم بدون سكر .. اشتهيته بس وطلعت انام .. برتاح شوي

***

دخلت البيت حالتي حاله من الدوآم اليوم الوالدة يا عمري عليها فديتها تعبانه وتكآبر بس شديت عليها وزعلت ما رضيت لين ارتاحت في فراشها الوالد تحسنت نفسيته شوي يوم قلت له اني تقريبا لقيت بنته بس تفصلنا خطوة عن الحقيقة صار يداوم بشركته و وليد معه فديت هالوليد ماغير مسافر الله يعين زوجته و يصبرها بس اللي ناوي له للحين معاذ ودي يشغله شي غير عن الهواش مع دانية اذاها هنادي مع طالباتها صجتنا تقول هي اول مدرسة في العالم !

كانت في استقبالي شروق : هلا وغلا باخوي فديته كيفك
رميت نفسي على الصوفا الطويلة بنص الصالة : اممممم مرهق وجوعان وش غداكم اليوم
شروق : كبسة يحبها قلبك
فارس : يالله كبسة من زمن عنها ميت عليها تكفين شروق ابي
شروق : من عيوني دقايق ويكون الغدا عندك روح بدل ثيابك واغسل
دخلت لقيته متسدح بالصالة شكله هلكان مغطي عيونه بيديه رحت له على اطراف اصابعي ابي اخرعه وطلع انا اللي اخترعت يوم سمعته : هنادي تعالي همزيني
بلمت في مكاني ثم استوعبت ورحت له : وشلون شفتني اسم الله عليك ما امداني
فارس : عن الهذرة يلا انا متكسر
هنادي : لا مآبي توني حاطه زيت اظافر بغذيهم فديتهم
فارس : يعني الحين اظافرك اهم مني قومي فارقيني يلا
هنادي : افاا ياخوي مو هقوتي تطردني
فارس : اخوك ببلاش توك رافضة تهمزين يلا طسي مالت على فيسك فديتها شروق وخيتي
هنادي تصرخ عليه : وفديتني انا بعد فاهم ولا افهمك بطريقتي !
ضحك عليها : وقسم مهبولة !!
هنادي : أقوول فارس وش صار على غالية
سكت شوي ثم : ان شاء الله قريب بعرف ، فيه شي براسي سويته وهانت ان شاء الله كل شي بيبين
هنادي : وناسة يعني غالية بتجينا قريب البيت
دخلت عليهم شروق : لا تتأملين كثير اخاف ننصدم تعرفين
هنادي بخوف : فال الله ولا فالك ان شاء الله بتطلع هي
شروق : ان شاء الله يلا فارس تعال تغدا
قام من مكانه : يلا مشينا
هنادي : خذووني معكم

***

لي فترة قاعدة ببيت أبوي اشتقت لهبال رؤى وهند اللي تهدي صراخنا و تفارقنا وقت تمعيط الشوش فآيزة ما تعاملني كويس و بنفس الوقت ما تعاملني بسوء لذيك الدرجة وانا قاعده كآفيه خيري شري اتقي المشاكل واولادها ما كأنهم متقبليني للحين العلاقة رسمية ما عدا رهف اللي احسها فرفوشة على الطاري من زمان عن البنات و الشله و الهبال فقدتهم ورجتهم الله يرج ابليسهم اقعد اذكر كل وحده فيهم سبحان الله كل وحده لها قصة فينا و القصة مره نعرف تفاصيل بعض بس بصراحة مستغربة هند ماتحكي عن اهلها وانا بصراحه ماحب اضايقها اعرف بقفدانها لامها والسالفة تحز فيها حتى لو تكلمنا عن اهلنا اشوفها تكتم وملامحها تتغير ودي اعرف وش سرها !!

***

اللي واضح لي ان الوالد شال فكرة الزواج على الاقل في الفترة الحالية .. يكون افضل له ولنا لازم بالاول نعالج منطقه الغريب في مسألة سكن سعد حالف عليه ما يسكن برا البيت !! سعد عنده زوجة واولاد وانا بنظرهم عزوبي بالبيت ما ينفع كذا كل من يبي يآخذ راحته ~
كنت بغرفتي قافل على نفسي مابي اكلم احد ولا اشوف احد الافكار تآخذني وتوديني وكله من تحت راس البلا هذي اللي اسمها غالية
: استغفر الله و الله مو قصدي اسب فيها ولا شي انا مجبور عليها و كرهتها اكثر بعد المعاملة اللي تجيني بسببها ، طق باب غرفتي
الجازي من ورا الباب : يلا رائد العشاء
رائد : مآبي شي تكفين خليني في حالي
الجازي : رائد لو ما فتحت الباب بضطر انا افتحه خلاص عاد ما صارت كم لك
قمت بدون نفس فتحت الباب : آمري
الجازي : يا رائد لا تعذبني خلاص عاد يلا قدامي نبي نتعشى كم لك ما قعدت معنا
رائد : يايمه يا حياتي تشوفينها عدله اقعد انا ومرت اخوي بسفرة وحده !
الجازي : مثل ما تشوف ما بيدي شي اصلا انا في هالبيت ما عاد لي لزمة ماتنسمع لي كلمه ولا اقدر اسوي شي
رائد يبوس راسها : لا انت الخير و البركة يلا انا جاي دقايق ابدل
الجازي مبتسمة : دقايق طيب بعدها بجي اسحبك , ولا تقفل الباب علمتك
رائد : ههههههههههه فديتك يمه ~

***



أشتآآآق لك ..
وأحتريكْ ،. . . . ..
ليتك تشوف / ش كثر يتمنى قلبيْ " أمانك


في الكم يوم الماضية ماعدت اشوف رائد هجرني و بصراحة خفت عليه لدرجة اني تهورت بيوم و دقيت على بيتهم بس ما قدرت احكي لاني سمعت صوت اخته واضح منه العقل و الثقل و الجديه فعرفت انها الجازي قفلت لاني تطمنت نبرتها ماتبين شي خطير قمت اجهز للدوآم تذكرت اليوم النتايج بتطلع عند الدكتور فارس اخذ مني عينة دم بيسوي لي تحاليل لاني اكثر من مرة تعبت في وجوده قمت افطرت و تجهزت وطلعت حالتي تحسنت عن الايام الماضية كثير الحمد لله ؛ الجو جدا بارد دخلت المستشفى بسرعة لأنها دافية وطلعت فوق غرفتنا بهيأ نفسي للدوآم اليوم بريح شوي مافي طالبات التدريب برتاح يعني لقيت رؤى قاعده تشرب كوفي .. تدفي نفسها
: السلآم عليكم
بدون لا تناظر فيني حتى : وعليكم !
شلت عبايتي ورتبت طرحتي وعدلت نقابي رحت اصب لي مويه حاره وانا معطيتها ظهري : شلونك رؤى
رفعت عينها وناظرت بطرفها : كنت بخير
زآد استغرابي منها اخذت الكوب و لفيت قعدت بجنبها : رؤى وش فيك
باستنكار : مافيني شي انت وش فيك ؟!
غالية : انت لك فترة مو طبيعية من اهتميتي بالعلم و الشغل تكبرتي علينا ايه وش عليك صارت لك مكانه
بعثرت نظرها في ارجاء الغرفة : لا ابد بعدين تعرفين على اجتهادي وحماسي ما وصلت ربع اللي انت فيه ريحي
قلت لها بمزحه : تغارين مني
ناظرتني بحده : على وش يا حسرة لاتاخذين مقلب في نفسك انت بس مجتهده في شغلك وحريصة عليه ولا غيره ما اشوف شي يستاهل
بصراحة صدمتني بكلمتها ما قدرت اجاوبها ظليت اناظر فيها بلا وعي وهي بعد ناظرتني ثواني لبست برقعها و اختفت من عيني ؛ ظليت بمكاني افكر طردتها من بالي و حطيت رائد
اشتقت له و الله ما اقدر اسأل عنه في البيت ولا في المستشفى جواله مقفل ولا فكر يطمني ادري ما يحبني بس على الاقل انا تحت اسمه لفتني دخول هند للغرفة ما شاء الله جايين بدري
: السلام عليكم
رديت بهدوء : و عليكم السلام .. ظليت اشرب من الشاهي وانا سرحانه
حسيت فيها وتقعد جنبي همست : وش فيك غالية ؟
رديت بلا شعور : رائد مدري وينه .. بعده بثواني انتبهت بس وش انا قلت عدلت قعدتي وانا اناظر فيها بطرف عيني شفتها تناظرني نظرة غريبة : رائد ما غيره ؟
سكت ما رديت ماعندي شي اقول وربي لو عرف رائد اني قلت شي بيقلتني من فوره مو راحمني
: ليش ساكته فيه شي ماعرفه و احتاج اسمعه منك ماحب اظلم احد !
صدمتني كلمتها حيل وشفتها قربت مني انا ارتعت : ممممم مافي شي صدقيني
هند : مو علي غالية انا من زمان ملاحظة عليك حتى البنات هذا سر معاملتهم الجافة معك لو تسألين يعني
نآظرتها بتهرب : هند صدقيني ما في شي بس ما شفته يدآوم له كم يوم
لفيت وجهي بسرعة وشلت الكوب بشرب منه بس فاجأتي حركتها يوم لفتني بقوة لدرجة رش الكوب عليها حطيته بسرعه وكانت هي اسرع يوم دخلت الحمام وقفلته حاولت معها انها تفتح بس ما قدرت اخاف على بالها اني متعمده اعتذرت منها بس ما فيه فايدة رحت قعدت على الكرسي اكيد بتطلع ، بعد دقايق صمت طفشت اسمع حسها بس ماتبي تطلع
فكيت نقابي و طرحتي بعدل حطيتهم على الطاولة انفتح الباب بقوة حسبتها هي طلعت فزيت بروح لها لكن صدمني اللي شفته ، الدكتور فارس ! ايه الدكتور فارس كيف سمح لنفسه يدخل علي حتى بدون لا يستئذن بلمت واقفة بمكاني كان يناظرني بغضب و حنان بنفس الوقت : غالية انت متزوجة ؟؟؟؟؟
فتحت عيوني على وسعها توترت : اااا لا ليش
فارس بعصبية من بين اسنانه وصوت مسموع : ليش نتايج التحاليل تقول انك .. حـــآآمل !!
حسيت الدنيا تلف فيني حامل أنا حامل لا يا ربي لا مستحيل قرب مني ومسكني من ذراعي للحظة حسيته ابوي صرخ فيني : تكلمي انطقي النتايج تكذب
في هالوقت مر سعود علينا وقف يناظرني متعجب حيل دخل الغرفة كأنه بيتاكد من شي شفته يقرا اسمي من البطاقة ناظرني بخبث : كل يوم مع واحد ما ينشره عليك يا .. يا رخيصة
فارس وعصبيته واضحة وكان يغطي علي لا يشوفني سعود قال بحده : سعود تحرك لا ارتكب جريمة الحين
طلع سعود و مشى في الوقت اللي حسيت بزياده ضغط فارس على ذراعي و سمعت الباب انفتح و طلعت منه هند تناظرني بنظرات ما فهمتها واللي زآد دخول رؤى مع ياسمين اللي توها وصلت ما قدرت اتحمل الموقف لفت فيني الدنيا لف ما عدت اميز الوجيه حولي اكسجين يا ناس ابي اكسجين ما قدرت انطق بحرف طحت من طولي .. بين دكتور و ممرضات !!!!!

***

حالتي حالة من كم يوم ما طلعت من البيت ولا لي نفس لشي حتى ما نعّمت اكلي مو بذاك الزود احسني نحفيت هذا تأثير النفسية غالية ما اقدر اتركها و في نفس الوقت ما اقدر انفذ اللي طلبوه و المشكلة ابوي ما علق على الموضوع كأنه عاجبه الوضع وش يعني هم يخططون وانا انفذ ولا يهتمون لي ومشاعري وش ابي انا بالطقاق اهم شي مصلحتهم هم
على طاري المشاعر اللي فيني مو حب لغالية أنا ما احبها لو اظهرت لها بعض المشاعر و الكلمات بس أنا تعبت امشي ورا كلامهم واللي ابي اقرره صعب وانا افكر اعاندهم مو منفذ طلبهم ولاني تارك غالية على كيفهم يزوجون ويطلقون ؟؟!!
رن جوآلي الا تصال الوحيد اللي يجبني على هذا الرقم رديت بدون لا أناظر الرقم : هلآ طآل عمرك
سيف : لمتى بتقعد حآبس عمرك و حآبسنا معك ؟
رائد : هذا وقتي اللي افكر فيه خلوني براحتي
سيف : راحتك طولت و غالية بدون رقيب وشكلها مسويه مصيبة !
وقفت على طولي رغم اني حاس اني رجليني مو شايلتني : كيف ! وش تقول ؟
سيف : انا اللي المفروض اسألك لحق عليها نايمه في المستشفى طاحت هناك
رائد : ان شاء الله بعد اذنك بروح
سيف : رائد صدقني ما بيصير لك خير لو يمسها مكروه ، تصرف مابيهم يعرفون علاقتك فيها بس طلعها من الموقف
خلص كلامه وقفل وانا مو مستوعب الكلام اللي قاله ولو اني حسيت بنبره حانية بصوته همي الوحيد وش صار مع غالية !
طلعت ركض للمستشفى ماشوف اللي قدآمــــي مدري شلون .. بس وصلت !

***

سارا طيبة وبنت حلال بس عليها طلعات صراحة تنرفز ودي لو سعد يآخذ لها بيت لحالها بس المشكلة هنا الوالد رافض هالشي يبي عياله تحت سقف وآحد وبصرآحة ماحب افتح معه موضوع يزعجه .. كنت قايمة من الصبح كعادتي لين مداومة في الجامعة سارا في الجيم تعمل رياضة تحآفظ على نفسها فواز و عبد الإله بمدرستهم رائد كالعـ ..
على طاري رائد شفته نزل بحاله فوضى وطلع من البيت الله يستر وش فيه اصلا هو له كم يوم مو طبيعي يقوم بعد يطلع من البيت بهالحالة ركضت على التلفون ادق عليه .. مآيرد !
انشغل بالي عليه جاتني ساره : good morning JOJ
رديت لها : هلا سوسو حيآك
قعدت بجنبي و هي تآكل تفاحه : تدرين شي ودي لونطلع اليوم انا وانت ولين نروح نتسوق و نفلها لحالنا بدون اطفال نرجع ايام المراهقة
: بنشوف وش يصير على حسب الوضع اليوم
سارا : يلا عاد فكيها مو زين اللي تسوينه بنفسك ما تطلعين من البيت و حريصة بزيادة بتشيبين قبل عمرك
الجازي : غصب عني مو بايدي
سارا : قولي تم وقسم لأحببك في الطلعات و الجيات وتدورينها دوارة
الجازي بابتسامة سخرية : اذكر ما تركت مكآن ما رحت له بس عآد تغير الزمن و تغيرت الظروف !
سارا : مآلي شغل فيك بتجهزين و بتجي لين و بنطلع انا خذيت اذن سعد و قال لو وافقت البنات ماعندي مآنع
قالت كلامها وطلعت مدري وش قصدها بطلعة اليوم بس الله يرزقها على قد نيتها !

***

الفجر قمت مصدعة وحلقي يوجعني حالتي حالة شربت لي حليب دافي يمكن اخف طلع مافيني حيل حتى افرد طولي فديتها دانية جابت لي بطانيتها اتغطى عن البرد و الله قلبي عورني على طالباتي اليوم بيضيع عليهم ما راح يستفيدون شي مافي مدرسة تغطي مكاني لان اغلب المواد اليوم موادي وكل مدرسة مشغولة ببنآت فصلها ، جوعانه مرره ولاني مشتهية و مصدعة
رفعت التلفون دقيت على المطبخ جابولي فطاير جبنه وحليب بالزنجبيل لعل وعسى اخف بنتظر فارس يجي يعايني فديته تذكرت فارس و وحماسه مع غالية و شروق وبرودها اللي أنا متأكده انها اكثر وحده متحمسة لجيتها بس تكآبر ولاتبي تتعلق بسراب على قولتها وليد الا صح وليد لي زمن ما شفته الله يوفقه كبر صار رجال يعتمد عليه عقبال معاذ ويفك دانية ويعقل
اكلت فطوري و انسدحت كمحاولة للنوم بس جافاني على اني اخذت علاج اسمه فلو تآب !!

.
.
.
.
.



تم الجزء السابع


اسطورة ! غير متواجد حالياً   رد مع اقتباس
قديم 24-10-13, 11:46 AM   #9

اسطورة !

نجم روايتي ومشرفة سابقة وفراشة متالقة بعالم الازياء

alkap ~
 
الصورة الرمزية اسطورة !

? العضوٌ??? » 120033
?  التسِجيلٌ » May 2010
? مشَارَ?اتْي » 15,367
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » اسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond repute
¬» مشروبك   pepsi
?? ??? ~
My Mms ~
افتراضي

الجـــــزء السابع ~
ذٌڳَـــــرِى

مرت علي 3 اشهر كأنها برق رغم ثقل احداثها بس انا تعودت على المر كآنت احداث غريبة تصير بس ماهمتني اصلا وش يهمني .!.
رائد كان مجافيني ما يسأل علي ولا يهمه شي لو جا يآخذ اللي يبيه و يتركني والغريب ان الاتصالات اللي تجيه واحسه يقشعر منها زدات الفترة الماضية ودي اعرف بس ما اتجرأ اسأله صار يمد يده كثير علي مره قص لي شعري ورماني انام بالصالة ناتالي اخذتني غرفتها هدتني ونومتني عندها ...
مستغربة كيف ابوه سامح له ينام برا البيت وهو كان يرفض مدري يمكن عشان سعد رجع !

سعود اختفى من نظري ما عدت اشوفه و اذكر انه اخذ اجازة اسبوعين و رائد وافق له عليها لانه تقرب منه الفترة الماضية بس اللي ماتوقعته الدكتور فارس
يحاول يترقب مني باي طريقة ما احسه ناوي لعب و نظراته لي حنان واحس بعيونه كلام بس ماعمري اهتميت اعرف على اني انشغل بهالسؤال يوم اشوفه !

رؤى تحمست في الدراسة و الشغل اكثر و فعلا صارت محل اعجاب الدكاتره و علاقتها فيني رسمية جدا اليوم مريت من السيب شفتها واقفه مع رائد عند مكتب المدير مدري وش عندها بس نآظرتني بنظرات ارعبتني ورائد ولا التفت لي !
ياسمين يالله كلمه ورد غطاها و هند ما تهتم تحكي معي يعني حكينا حكينا ما حكينا مو شرط !
يزيد كان دووم متلخبط وما يدري وين الله حاطه و ياسر ملقوفنا سمعت انه خطب بنت خاله الله يتمم على خير و
الدكتور نواف تركنا بيكمل دراسته في المانيا الله يوفقه

تعبت من الروتين الممل اليوم انا في وحدة الكلى كانت معي طالبات تدريب وبسبب تفوقي في اغلب التخصصات حطوني مشرفة لهم يا حلوهم 5 بس شكلهم نشيطات الله يوفقهم
جلست اراجع اوراق التقييم لهم ما ودي اظلم الوحده فيهم واكيد عندهم احلام واماني راسمينها احاول اعلمهم والمح لهم طريقة التقييم قبل كل عملية تقييم كمساعده كنت دايخه وحالتي حالة بس اقاوم مرضي مدري فجأة احسني تعبت لا هي انفلونزا ولا شي واقولكم سر .. انا اخاف من الابر كثير على اني محترفة فيها كأنها تخصصي !

شاكه بشي فيني وفي نفس الوقت اقول مستحيل يكون هو اصلا لو عرف رائد بيذبحني ؛ جد ترى ما استهبل !!
نزلني ساهر عند باب البيت على غير العادة أنا طلبت منه لاني بصراحة ابي الف في الحوش ولا ابيه يكون موجود قلت له يروح لاهله لو يبي طلبت من ناتالي تطلع لي الاكل في الحديقة كنت قاعده تحت المظله اللي محوطتها الورود بمسار جميل كان فكرة ناتالي .. أنا أحب المشوي بس نفسي رفضته اليوم ولي كم يوم مدري وش السبب اقصد اخاف يكون هو !
قالي رائد مرة تنسين فكرة يكون عندك ولد بيوم ومني بذبحك واشرب من دمك فاهمة هذا اول ما تزوجني يوم كان عمري 12 سنة ! يالله لي 11 سنة متزوجة ‘ يعني أمي الله يرحمها لها 11 سنة متوفية الله يعفو و يتجاوز عنك فقدتك يا ماما من رحتي عني لقيتني بعدها باسبوع زوجة لرائد القاسي اللي منزوعه منه الرحمة
اذكر زواجي الفعلي كان وانا بثالث متوسط عمري 14 كرهت عمري وكرهت رائد وقته بس بعده تعودت لان الشي مو بيدي اصلا ولا على كيفي ، زواجي منه كان سري و اللي اعرفه حتى ابوه مو عارف بوجودي

راحت بي الافكار لبعيد ودمعت عيني يوم حاولت اذكر يوم حلو لي مع رائد خلاني احبه غصب رغم قسوته وفي نفس الوقت انا بدونه ولا شي الله يخليه لي
تركت الغداء مكانه وقمت رحت المطبخ عصرت لي برتقاله وليمونه سوا شربتهم بدون سكر .. اشتهيته بس وطلعت انام .. برتاح شوي
***
دخلت البيت حالتي حاله من الدوآم اليوم الوالدة يا عمري عليها فديتها تعبانه وتكآبر بس شديت عليها وزعلت ما رضيت لين ارتاحت في فراشها الوالد تحسنت نفسيته شوي يوم قلت له اني تقريبا لقيت بنته بس تفصلنا خطوة عن الحقيقة صار يداوم بشركته و وليد معه فديت هالوليد ماغير مسافر الله يعين زوجته و يصبرها بس اللي ناوي له للحين معاذ ودي يشغله شي غير عن الهواش مع دانية اذاها هنادي مع طالباتها صجتنا تقول هي اول مدرسة في العالم !
كانت في استقبالي شروق : هلا وغلا باخوي فديته كيفك
رميت نفسي على الصوفا الطويلة بنص الصالة : اممممم مرهق وجوعان وش غداكم اليوم
شروق : كبسة يحبها قلبك
فارس : يالله كبسة من زمن عنها ميت عليها تكفين شروق ابي
شروق : من عيوني دقايق ويكون الغدا عندك روح بدل ثيابك واغسل
دخلت لقيته متسدح بالصالة شكله هلكان مغطي عيونه بيديه رحت له على اطراف اصابعي ابي اخرعه وطلع انا اللي اخترعت يوم سمعته : هنادي تعالي همزيني
بلمت في مكاني ثم استوعبت ورحت له : وشلون شفتني اسم الله عليك ما امداني
فارس : عن الهذرة يلا انا متكسر
هنادي : لا مآبي توني حاطه زيت اظافر بغذيهم فديتهم
فارس : يعني الحين اظافرك اهم مني قومي فارقيني يلا
هنادي : افاا ياخوي مو هقوتي تطردني
فارس : اخوك ببلاش توك رافضة تهمزين يلا طسي مالت على فيسك فديتها شروق وخيتي
هنادي تصرخ عليه : وفديتني انا بعد فاهم ولا افهمك بطريقتي !
ضحك عليها : وقسم مهبولة !!
هنادي : أقوول فارس وش صار على غالية
سكت شوي ثم : ان شاء الله قريب بعرف ، فيه شي براسي سويته وهانت ان شاء الله كل شي بيبين
هنادي : وناسة يعني غالية بتجينا قريب البيت
دخلت عليهم شروق : لا تتأملين كثير اخاف ننصدم تعرفين
هنادي بخوف : فال الله ولا فالك ان شاء الله بتطلع هي
شروق : ان شاء الله يلا فارس تعال تغدا
قام من مكانه : يلا مشينا
هنادي : خذووني معكم

***
لي فترة قاعدة ببيت أبوي اشتقت لهبال رؤى وهند اللي تهدي صراخنا و تفارقنا وقت تمعيط الشوش فآيزة ما تعاملني كويس و بنفس الوقت ما تعاملني بسوء لذيك الدرجة وانا قاعده كآفيه خيري شري اتقي المشاكل واولادها ما كأنهم متقبليني للحين العلاقة رسمية ما عدا رهف اللي احسها فرفوشة على الطاري من زمان عن البنات و الشله و الهبال فقدتهم ورجتهم الله يرج ابليسهم اقعد اذكر كل وحده فيهم سبحان الله كل وحده لها قصة فينا و القصة مره نعرف تفاصيل بعض بس بصراحة مستغربة هند ماتحكي عن اهلها وانا بصراحه ماحب اضايقها اعرف بقفدانها لامها والسالفة تحز فيها حتى لو تكلمنا عن اهلنا اشوفها تكتم وملامحها تتغير ودي اعرف وش سرها !!
***
اللي واضح لي ان الوالد شال فكرة الزواج على الاقل في الفترة الحالية .. يكون افضل له ولنا لازم بالاول نعالج منطقه الغريب في مسألة سكن سعد حالف عليه ما يسكن برا البيت !! سعد عنده زوجة واولاد وانا بنظرهم عزوبي بالبيت ما ينفع كذا كل من يبي يآخذ راحته ~
كنت بغرفتي قافل على نفسي مابي اكلم احد ولا اشوف احد الافكار تآخذني وتوديني وكله من تحت راس البلا هذي اللي اسمها غالية
: استغفر الله و الله مو قصدي اسب فيها ولا شي انا مجبور عليها و كرهتها اكثر بعد المعاملة اللي تجيني بسببها ، طق باب غرفتي
الجازي من ورا الباب : يلا رائد العشاء
رائد : مآبي شي تكفين خليني في حالي
الجازي : رائد لو ما فتحت الباب بضطر انا افتحه خلاص عاد ما صارت كم لك
قمت بدون نفس فتحت الباب : آمري
الجازي : يا رائد لا تعذبني خلاص عاد يلا قدامي نبي نتعشى كم لك ما قعدت معنا
رائد : يايمه يا حياتي تشوفينها عدله اقعد انا ومرت اخوي بسفرة وحده !
الجازي : مثل ما تشوف ما بيدي شي اصلا انا في هالبيت ما عاد لي لزمة ماتنسمع لي كلمه ولا اقدر اسوي شي
رائد يبوس راسها : لا انت الخير و البركة يلا انا جاي دقايق ابدل
الجازي مبتسمة : دقايق طيب بعدها بجي اسحبك , ولا تقفل الباب علمتك
رائد : ههههههههههه فديتك يمه ~

***

أشتآآآق لك ..
وأحتريكْ ،. . . . ..
ليتك تشوف / ش كثر يتمنى قلبيْ " أمانك


في الكم يوم الماضية ماعدت اشوف رائد هجرني و بصراحة خفت عليه لدرجة اني تهورت بيوم و دقيت على بيتهم بس ما قدرت احكي لاني سمعت صوت اخته واضح منه العقل و الثقل و الجديه فعرفت انها الجازي قفلت لاني تطمنت نبرتها ماتبين شي خطير قمت اجهز للدوآم تذكرت اليوم النتايج بتطلع عند الدكتور فارس اخذ مني عينة دم بيسوي لي تحاليل لاني اكثر من مرة تعبت في وجوده قمت افطرت و تجهزت وطلعت حالتي تحسنت عن الايام الماضية كثير الحمد لله ؛ الجو جدا بارد دخلت المستشفى بسرعة لأنها دافية وطلعت فوق غرفتنا بهيأ نفسي للدوآم اليوم بريح شوي مافي طالبات التدريب برتاح يعني لقيت رؤى قاعده تشرب كوفي .. تدفي نفسها
: السلآم عليكم
بدون لا تناظر فيني حتى : وعليكم !
شلت عبايتي ورتبت طرحتي وعدلت نقابي رحت اصب لي مويه حاره وانا معطيتها ظهري : شلونك رؤى
رفعت عينها وناظرت بطرفها : كنت بخير
زآد استغرابي منها اخذت الكوب و لفيت قعدت بجنبها : رؤى وش فيك
باستنكار : مافيني شي انت وش فيك ؟!
غالية : انت لك فترة مو طبيعية من اهتميتي بالعلم و الشغل تكبرتي علينا ايه وش عليك صارت لك مكانه
بعثرت نظرها في ارجاء الغرفة : لا ابد بعدين تعرفين على اجتهادي وحماسي ما وصلت ربع اللي انت فيه ريحي
قلت لها بمزحه : تغارين مني
ناظرتني بحده : على وش يا حسرة لاتاخذين مقلب في نفسك انت بس مجتهده في شغلك وحريصة عليه ولا غيره ما اشوف شي يستاهل
بصراحة صدمتني بكلمتها ما قدرت اجاوبها ظليت اناظر فيها بلا وعي وهي بعد ناظرتني ثواني لبست برقعها و اختفت من عيني ؛ ظليت بمكاني افكر طردتها من بالي و حطيت رائد
اشتقت له و الله ما اقدر اسأل عنه في البيت ولا في المستشفى جواله مقفل ولا فكر يطمني ادري ما يحبني بس على الاقل انا تحت اسمه لفتني دخول هند للغرفة ما شاء الله جايين بدري
: السلام عليكم
رديت بهدوء : و عليكم السلام .. ظليت اشرب من الشاهي وانا سرحانه
حسيت فيها وتقعد جنبي همست : وش فيك غالية ؟
رديت بلا شعور : رائد مدري وينه .. بعده بثواني انتبهت بس وش انا قلت عدلت قعدتي وانا اناظر فيها بطرف عيني شفتها تناظرني نظرة غريبة : رائد ما غيره ؟
سكت ما رديت ماعندي شي اقول وربي لو عرف رائد اني قلت شي بيقلتني من فوره مو راحمني
: ليش ساكته فيه شي ماعرفه و احتاج اسمعه منك ماحب اظلم احد !
صدمتني كلمتها حيل وشفتها قربت مني انا ارتعت : ممممم مافي شي صدقيني
هند : مو علي غالية انا من زمان ملاحظة عليك حتى البنات هذا سر معاملتهم الجافة معك لو تسألين يعني
نآظرتها بتهرب : هند صدقيني ما في شي بس ما شفته يدآوم له كم يوم
لفيت وجهي بسرعة وشلت الكوب بشرب منه بس فاجأتي حركتها يوم لفتني بقوة لدرجة رش الكوب عليها حطيته بسرعه وكانت هي اسرع يوم دخلت الحمام وقفلته حاولت معها انها تفتح بس ما قدرت اخاف على بالها اني متعمده اعتذرت منها بس ما فيه فايدة رحت قعدت على الكرسي اكيد بتطلع ، بعد دقايق صمت طفشت اسمع حسها بس ماتبي تطلع
فكيت نقابي و طرحتي بعدل حطيتهم على الطاولة انفتح الباب بقوة حسبتها هي طلعت فزيت بروح لها لكن صدمني اللي شفته ، الدكتور فارس ! ايه الدكتور فارس كيف سمح لنفسه يدخل علي حتى بدون لا يستئذن بلمت واقفة بمكاني كان يناظرني بغضب و حنان بنفس الوقت : غالية انت متزوجة ؟؟؟؟؟
فتحت عيوني على وسعها توترت : اااا لا ليش
فارس بعصبية من بين اسنانه وصوت مسموع : ليش نتايج التحاليل تقول انك .. حـــآآمل !!
حسيت الدنيا تلف فيني حامل أنا حامل لا يا ربي لا مستحيل قرب مني ومسكني من ذراعي للحظة حسيته ابوي صرخ فيني : تكلمي انطقي النتايج تكذب
في هالوقت مر سعود علينا وقف يناظرني متعجب حيل دخل الغرفة كأنه بيتاكد من شي شفته يقرا اسمي من البطاقة ناظرني بخبث : كل يوم مع واحد ما ينشره عليك يا .. يا رخيصة
فارس وعصبيته واضحة وكان يغطي علي لا يشوفني سعود قال بحده : سعود تحرك لا ارتكب جريمة الحين
طلع سعود و مشى في الوقت اللي حسيت بزياده ضغط فارس على ذراعي و سمعت الباب انفتح و طلعت منه هند تناظرني بنظرات ما فهمتها واللي زآد دخول رؤى مع ياسمين اللي توها وصلت ما قدرت اتحمل الموقف لفت فيني الدنيا لف ما عدت اميز الوجيه حولي اكسجين يا ناس ابي اكسجين ما قدرت انطق بحرف طحت من طولي .. بين دكتور و ممرضات !!!!!

***
حالتي حالة من كم يوم ما طلعت من البيت ولا لي نفس لشي حتى ما نعّمت اكلي مو بذاك الزود احسني نحفيت هذا تأثير النفسية غالية ما اقدر اتركها و في نفس الوقت ما اقدر انفذ اللي طلبوه و المشكلة ابوي ما علق على الموضوع كأنه عاجبه الوضع وش يعني هم يخططون وانا انفذ ولا يهتمون لي ومشاعري وش ابي انا بالطقاق اهم شي مصلحتهم هم
على طاري المشاعر اللي فيني مو حب لغالية أنا ما احبها لو اظهرت لها بعض المشاعر و الكلمات بس أنا تعبت امشي ورا كلامهم واللي ابي اقرره صعب وانا افكر اعاندهم مو منفذ طلبهم ولاني تارك غالية على كيفهم يزوجون ويطلقون ؟؟!!
رن جوآلي الا تصال الوحيد اللي يجبني على هذا الرقم رديت بدون لا أناظر الرقم : هلآ طآل عمرك
سيف : لمتى بتقعد حآبس عمرك و حآبسنا معك ؟
رائد : هذا وقتي اللي افكر فيه خلوني براحتي
سيف : راحتك طولت و غالية بدون رقيب وشكلها مسويه مصيبة !
وقفت على طولي رغم اني حاس اني رجليني مو شايلتني : كيف ! وش تقول ؟
سيف : انا اللي المفروض اسألك لحق عليها نايمه في المستشفى طاحت هناك
رائد : ان شاء الله بعد اذنك بروح
سيف : رائد صدقني ما بيصير لك خير لو يمسها مكروه ، تصرف مابيهم يعرفون علاقتك فيها بس طلعها من الموقف
خلص كلامه وقفل وانا مو مستوعب الكلام اللي قاله ولو اني حسيت بنبره حانية بصوته همي الوحيد وش صار مع غالية !
طلعت ركض للمستشفى ماشوف اللي قدآمــــي مدري شلون .. بس وصلت !

***
سارا طيبة وبنت حلال بس عليها طلعات صراحة تنرفز ودي لو سعد يآخذ لها بيت لحالها بس المشكلة هنا الوالد رافض هالشي يبي عياله تحت سقف وآحد وبصرآحة ماحب افتح معه موضوع يزعجه .. كنت قايمة من الصبح كعادتي لين مداومة في الجامعة سارا في الجيم تعمل رياضة تحآفظ على نفسها فواز و عبد الإله بمدرستهم رائد كالعـ ..
على طاري رائد شفته نزل بحاله فوضى وطلع من البيت الله يستر وش فيه اصلا هو له كم يوم مو طبيعي يقوم بعد يطلع من البيت بهالحالة ركضت على التلفون ادق عليه .. مآيرد !
انشغل بالي عليه جاتني ساره : good morning JOJ
رديت لها : هلا سوسو حيآك
قعدت بجنبي و هي تآكل تفاحه : تدرين شي ودي لونطلع اليوم انا وانت ولين نروح نتسوق و نفلها لحالنا بدون اطفال نرجع ايام المراهقة
: بنشوف وش يصير على حسب الوضع اليوم
سارا : يلا عاد فكيها مو زين اللي تسوينه بنفسك ما تطلعين من البيت و حريصة بزيادة بتشيبين قبل عمرك
الجازي : غصب عني مو بايدي
سارا : قولي تم وقسم لأحببك في الطلعات و الجيات وتدورينها دوارة
الجازي بابتسامة سخرية : اذكر ما تركت مكآن ما رحت له بس عآد تغير الزمن و تغيرت الظروف !
سارا : مآلي شغل فيك بتجهزين و بتجي لين و بنطلع انا خذيت اذن سعد و قال لو وافقت البنات ماعندي مآنع
قالت كلامها وطلعت مدري وش قصدها بطلعة اليوم بس الله يرزقها على قد نيتها !

***
الفجر قمت مصدعة وحلقي يوجعني حالتي حالة شربت لي حليب دافي يمكن اخف طلع مافيني حيل حتى افرد طولي فديتها دانية جابت لي بطانيتها اتغطى عن البرد و الله قلبي عورني على طالباتي اليوم بيضيع عليهم ما راح يستفيدون شي مافي مدرسة تغطي مكاني لان اغلب المواد اليوم موادي وكل مدرسة مشغولة ببنآت فصلها ، جوعانه مرره ولاني مشتهية و مصدعة
رفعت التلفون دقيت على المطبخ جابولي فطاير جبنه وحليب بالزنجبيل لعل وعسى اخف بنتظر فارس يجي يعايني فديته تذكرت فارس و وحماسه مع غالية و شروق وبرودها اللي أنا متأكده انها اكثر وحده متحمسة لجيتها بس تكآبر ولاتبي تتعلق بسراب على قولتها وليد الا صح وليد لي زمن ما شفته الله يوفقه كبر صار رجال يعتمد عليه عقبال معاذ ويفك دانية ويعقل
اكلت فطوري و انسدحت كمحاولة للنوم بس جافاني على اني اخذت علاج اسمه فلو تآب !!

.
.
.
.
.


تم الجزء السابع



اسطورة ! غير متواجد حالياً   رد مع اقتباس
قديم 24-10-13, 12:06 PM   #10

اسطورة !

نجم روايتي ومشرفة سابقة وفراشة متالقة بعالم الازياء

alkap ~
 
الصورة الرمزية اسطورة !

? العضوٌ??? » 120033
?  التسِجيلٌ » May 2010
? مشَارَ?اتْي » 15,367
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » اسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond reputeاسطورة ! has a reputation beyond repute
¬» مشروبك   pepsi
?? ??? ~
My Mms ~
افتراضي

الجزء الثامن ~



صَـــــدْمَــة


كنت واقف على راسها معي هند هي سمعت الكلام اللي صار بينا نبهتها ما تحكي لاحد ابد كنت اتأمل غالية وملامحها احاول اشوف فيها شبه من اي احد فينا بس شكلها طالعة على امها ، يمكن امها اي يمكن الا اكيد امها امبراطورة جمال دام هذي غالية ما شاء الله عليها حتى شعرها كان طويل وناعم ما قدرت ما اسمح لنفسي اني امسح عليه واطبع قبله على جبينها لسى انا ما تأكدت من التحاليل اول ما وصلتني ترددت وتوترت بس فتحته ابي اشوف المطابقة مع ابوي بس طلعت لي النتيجة اللي صدمتني غالية حامل ما اذكر انها متزوجة و لا اذكر عليها حركات مدري انشل تفكيري رحت اركض لها لقيتها بغرفتهم وصار اللي صار لاحظت هند كيف تناظر بنظراتها لي تجاهلتها ادري تفكيرها شطح الحين بس ماهمني اكبر همي اختي غالية ايه اختي ليش اعلق نفسي اكثر النتايج عندي بروح اشوفها عشان اطرد كل الافكار البشعة من الكل رغم حملها !!
: هند الله يعافيك انتبهي لها ومثل ما وصيتك لحد يدري بالسالفة لازم اخلص كم شغلة معها احفظي السر تكفين
هند وكانت متعجبة مني : ان شاء الله دكتور
فارس : اي شي يصير بلغيني بسرعة ولو قامت بعد قوليلي
هند : طيب لا توصي
قعدت على الكرسي اللي بجنب الطاولة بعيد كل البعد عن سرير غالية اللي يدخل ما ينتبه لوجودي واستغرقت في التفكير معقولة انت يا غالية مسويه كذا كنت بقول يمكن متزوجة محد يدري بس باذني سمعتها تقول للدكتور لا مو متزوجة طرا على بالي رائد شقهت معقول يكون هو اللـ ... ما كملت تفكير انفتح الباب ودخل منه ( رائـــــد ! ) تسمرت في مكاني
ركض لها وشكل حالته حاله اصلا انا ما شفته كم يوم بالمستشفى ماهتميت بس نبهني سؤال غالية عنه اول الصبح بجد بجد شكلة متدهور
رائد : غالية قومي تكفين كلميني
انا انصدمت بشوفته يعني صدق بينهم علاقة اصلا واضح من دخل لها بذي الطريقة
غالية : ـــــــــــ
رائد : غالية حبيبتي الله يخليك قومي ردي علي
شفتها لفت وجهها بانزعاج منه وهي نايمة قام يمسح على وجهها وشعرها : تكفين ردي تكفين
فتحت عيوني ببطء مو مستوعبة وين انا ولا من اللي قدامي انتبهت له مبتسم : غالية حياتي
تعدلت على اساس بقعد : رائد هذا انت
رائد : ياعيون رائد قرب مني وحضني
بكيت بحضنه : وينك عني وين رحت وتركتني ليش ليش
رائد : خلاص اششش انا عندك الحين
بعدت عنه بخوف يوم تذكرت فارس وكلامه ونزلت عيني للفراش : وش فيك ؟؟
خفت منه و يعاملني بطيب بعد لو درا باللي فيني بيذبحني
انا كنت كأني اللي يشوف مسرحية بث مباشر كل اللي صار مو مستوعبته وقفت على طولي من الربكة و التوتر
لف رائد وانصدم يوم شافني : انت هنا ...!

/
\
/
\

طلعت ركض لمكتبي ابي اقطع الشك باليقين ابي اصرخ بوجه كل العالم غالية اختي بحميها منكم ومن نظرتكم ركضت على الاوراق رفعتها نتيجة غالية انصدمت ماحسبت حسابها طرت ببالي شروق وكلامها كان منطقي صرخت بهدوء : مستحييييييييييييييل غالية اختي
كانت النتيجة مو متطابقة غالية مو اختي مو هي مو هي يا رب انا وش سويت دقت باب مكتبي ودخلت حاولت اكون طبيعي
لوسي : Dr. faris yo didn't see the patients today " دكتور فارس لم تقم بجولتك على المرضى اليوم "
ناظرت لها : you can go " تستطيعين الذهاب "
اللي فيني اكبر من اني اجول بين المرضى طلعت اتطمن على غالية هي اختي غصب عن الكل !
نزلت وانا متلخبط و حالتي حالة الصدمة مو مخليتني مركز و رجليني تقودني لغرفتها لاشعوري اختي يا ناس ماتمنيت من هالدنيا شي قد ان غالية تكون اختي كنت آمل اني بدخل لها على اني اخوها واقدر اضمها لحضني بس الله مو كاتبه بدخلها على اني دكتور وهي المريض لازم تحكي لي عن حملها حتى لاتصير قضية !


/
\
/
\


كنت واقفة اناظر لهم ما فقت من صدمتي و رائد ساكت ملامحه متغيره مو هو ذاك الوسيم المرتب الانيق اللي خقق الكل بلا استثناء غالية جميلة بكل معاني الكلمة تصدقون اول مرة اشوفها بهالشكل يعني مو محجبة ما استغرقت في تفكيري كلن ساكت و واضح من ملامح غالية الخوف انا مالي حق اقول لها شي ولا احاسبها و اتوقع ان خوفها مو من شخص غير رائد لان هالنظرة ما بانت الا بعد وصوله فجأة صارت ترجف ركضت لها وقفت تدفق المحلول لجسمها ودفيتها رائد قعد جنبها على السرير معطي الباب ظهره من نظرته واضح انه كان خايف عليها اللي يشوف معاملته لها وخوفه ما يشوف غلط بس الاكيد انه فيه سر !
رائد بتوتر : وين الدكتور خليه يجي يشوفها بسرعة
غالية : لا تكفى تكفى رائد مابي دكتور
طلعت جوالي بدق على الدكتور فارس ما امداني بدق عليه الا وباب الغرفة ينفتح الدكتور فارس وراه !
واضح انه مو طبيعي بس بعد انصدم من المنظر ... هو فيه احد يقدر يلومه !!
قام له رائد بسرعة : دكتور الله يخليك شوفها
ناظر فيه بنظرات غريبة تعداه و راح لعند غالية : وش تحسين غالية
غالية اللي كانت عيونها غارقة ما تحملت اكثر انفجرت باكية
فارس عصب عليها : احكي قلت لك فهميني عشان اتصرف ولا بتضطرين تحكين للمحقق
رائد : محقق ليش ؟ وش صاير فهمني
فارس اللي حس ان وجود رائد مريب ويبي يعرف علاقته فيها : هذا امر خاص بالمريضه تقدر تتفضل استاذ رائد
غالية تشهق : لا الله يخليك لا تروح رائد
فارس : لازم اعرف وش قاعد يصير لف على غالية : مو من صالحك لو ما حكيتي فسري لي حملك وانت مو متزوجة على قولتك
انخطف وجه رائد حسيت فيه وشكله كأنه اللي تذكر شي : انت وش قاعد تقول يا دكتور
فارس : غالية حامل ولا تبي تحكي انا ما فيني اقعد اكثر بروح ابلغ وانت اكثر واحد تعرف بهالمواضيع يا رائد
مشى رائد لغالية قعد مقابلها ومسك يدينها : جد غالية انت حامل ؟؟
غالية : ـــــــــــــ
رائد جمد : تكلمي انطقي
غالية تشهق : رائد أنا ..
وقف و صرخ فيها لدرجة انا خفت : انطقي سمعيني
هزت راسها بايه وزادت نوبة بكاها غطت وجهها بيدينها بقوة
كنت واقفة بينهم مثل الهبلة سامعه وشايفة كل شي وبين مصدقة ومكذبة !!
فارس : استاذ رائد لاتضغط على المريضة اعتقد مو من حقك فيه شرطي يتفاهم معها
رائد مسح على شعره و وجهه وقعد بجنبها : مآفي داعي يا دكتور غالية ... زوجتي !
يا رب وش هاليوم كله صدمات و مفاجآت
: وش .. زوجتك ؟!
رائد : ايه زوجتي يا دكتور مافي دآعي للتحقيق انا ابوه
غالية فقدت وعيها وهي قاعدة ، الضعيفة ما تحملت اكثر ...~

***

رؤى : اموت و اعرف وش فيها غالية ليش طاحت وفارس وش عنده عندها وهند ليش مصدومة
ياسمين : صدقتي احس بشي غريب بس تدرين كيف هند علينا اكيد تعرف السالفة كلها
رؤى : افا عليك والله ما فيني صبر لها لآزم اعرف
ياسمين : هين يا هند ان ما ... ما كلمت جملتي شهقت : رؤى هذا مو رائد
رؤى : وينه وينه ماشوفه
ياسمين : هناك عند الاصنصير مع الدكتور فارس
رؤى : تستهبلين شوفي شكله شلون رائد غير
ياسمين : دققي يا مخ هو رائد شوفي ملامحه
رؤى : ايه صادقة وش فيه اسم الله عليه بعدين كيف يدآوم وهو بهالحالة
ياسمين : السالفة كبيرة واضح مشينا ندور على هند
رؤى : يلا مشينا

***

رائد اخذ الدكتور فارس و طلع فيه مدري وش بيقوله كنت لحالي معها حسب وصايا الدكتور حسيت اني مذنبة لاني بيوم فكرت اشك فيها وفي شرفها قربت منها حطيت
ايدي على ايدها رحمتها كأنها اللي حست بالامان ظليت اناظر فيها فتره
قطعت حدة الصمت الحاصل : هند أنا مدري وش اقولك بس ..
ما خليتها تكمل جملتها : غالية الله العالم بظروفك بس بصراحة الفترة الماضية البنات ماخذين فكرة عنك
غالية : وانت ؟
هند لفيت نظري حول الغرفة : انا بصراحة ماحب اتكلم في هالموآضيع دايم اقول لله يستر علينا
غالية : هند بقولك لك شي ماتعرفينه ولاحد يعرفه بس تكفين يظل سر
هند : ولا يهمك انا بشيل سرك بس كوني على ثقة ان لك كل الحرية لو ماتبين تحكين انت مو مجبرة اهم شي انك راضية عن نفسك
غالية : رائد زوجي بس محد يدري بهالشي
انصدمت صراحة توقعتها تقول شي غير مثلا علاقتها برائد : كيف يعني ؟
غالية : انا وحيده بدنياي رائد كل حياتي تزوجني بعد وفاة والدتي
هند : كيف ؟!
غالية : ايه تزوجني رائد كنت 12 سنة ماعرف في الدنيا شي غير ان امي توفت قبله باسبوع
هند : من جدك 12
غالية اومأت براسها : ايه
هند : يعني هو يقرب لك ؟
غالية : لا اول مرة بحياتي اشوفه يوم تزوجني
هند : يعني ابوك يعرفه من قبل وزوجك
غالية بعد صمت : أنا مآعرف ابوي
هند متفاجأة : بجد
غالية : رائد يا هند ما كان يبي احد يشاركه فيني مو لأنه يحبني بالعكس ماحس ان عمره حبني بس كان مخفيني على العالم و الناس ما يبيني اكون صداقات اشتكي لاحد اكلم احد كنت طول عمري وحيدة حتى بدراستي وحيده و بظل وحيدة
سكت ماقدرت اكمل حكي احس لو تكلمت زود ببكي شدت على ايدي ومسحت على شعري قربت مني و اخيرا اخذتني بحضنها ما قدرت اقاوم .. بكيت

ظلينا على هالحال وانا في نفسي اقول الله يعينك يا غالية حياتك صعبة اللي يشوف مصيبة غيره تهون عليه مصيبته انفتح الباب بس ماحبيت ابعدها عني لانها مرتخيه اكيد نامت
قربت مني الخطوات واحسآسي قال انها نسائية بعدت غالية بشويش وسدحتها لفيت لقيت نظرات صعبة التفسير من ياسمين ورؤى !
ياسمين بهدوء : هند وش صآير
هند : بعدين نحكي غالية نايمة
رؤى : طيب تعالي برا
هند : معليش ما اقدر اتركها اوامر الدكتور بعدين ورانا يوم طويل
رؤى : لا الحين يلا هند
هند : خلاص رؤى قلت بعدين
خذيت غفوة بسيطة قمت لقيتهم واقفات على راسي ارتعت و قعدت بسرعة عدلت نفسي قربت مني هند تمسكت فيها مدري أحس بأمان معها هي الوحيدة اللي حسيته معه بعد رائد نظراتهم لي ما تتفسر همست : ابي مويه
عطتني هند مويه شربتني ياها شربت شوي : شكراً
هند : معليش بنات ممكن تخلونها ترتاح
ياسمين : ان شاء الله يلا رؤى مشينا وطلعنا بصمت كل وحدة وتفكيرها ~

***

اليوم كان صعب لي ولغالية و رائد قال لي رائد عن علاقته بغالية بصراحة تعور قلبي عليهم خصوصا ان قال بعض الامور صعب اقولها على اني محتاج احد احكي له فيه اشياء ما تدخل العقل بس لمجرد احساسي صدقته فيها
طلعت بتكآسل رحت البيت بعد يوم هو قصير بس متعب الوقت مر ماحسيت فيه بقد ما حسيت بالتعب مع كل دقيقة فيه دخلت البيت تفاجأت وليد كان قاعد بوجهي
صرخت فيه : يا معفن يا خايس
قام من مكانه وجا لي ضمني : اشتقت لك حيل ياغالي
كلمته ذكرتني بغالية فورا : وانت بعد فديتك الحمد لله على السلامة انورت الرياض
وليد : أدري يآخي مو لازم تقول
رفعت حاجب : شف الواثق
وليد : يحق لي لا تنكر
فارس : في ذي صدقت ها بشر كيف امورك واعمالك
وليد : الحمد لله ممشيها عدل في الوقت اللي المفروض انت تمشيها وانا ادرس الطب
فارس : وش اسوي مآحب البزنس ابد
وليد : وهذا قدري طلعنا بالعكس المفروض انا اكبر منك وابوي يكون ابو وليد مالت بس على حظي العاثر
فارس : لا يا شيخ وانا كرتون عندك يوم الوالد يطلع ابو وليد
وليد : شف الثور افهم وش انا قايل بالاول ثم تفلسف مشكلة الكبار ياخي دووم يبون يفرضون شخصيتهم لو انها غبيه
فارس : ورا ما تبلع هاللسان لا اقصه لك
وليد : عادي ما راح اتنازل و يقصون لسانك بعد
فارس : ضحكتني بقول كنت اسوي له عملية وصار خطأ طبي و عادي مايسوون لي شي
وليد : شف المجرم هين فويرس انا وانت و الزمن
دخل في هاللحظة معاذ : سلام شباب
فارس وليد : وعليكم السلام
فارس : ها معاذ بشر شلون المدرسة اليوم
معاذ : اممم عادية مثل كل يوم
فارس : لاني ادري انها مثل كل يوم اسألك مع من تمشكلت اليوم وكم عددهم
معاذ : ابد يطولي بعمرك كلهم اثنين اليوم في حصة الرياضة
وليد : بس اثنين لا مؤدب و عاقل اسم الله عليك بقول للوالد يزوجك
معاذ نط عليه : ايه تكفى يبو ودني اجرب العرس
وليد عينه طارت : قم قليل الحيا استح مالت على وجه(ن) هو لك
فارس يضحك : وليد يسعدلي يآك ماقيت تدور الحيا الا عند ذا ؟؟
وليد : وش دراني حسبته آدمي من طفا الشمعه رقم 15 من كم يوم
معاذ : اسم الله علي وش قلت جعلكم الصلاح
فارس : ودانية أخبارها ؟
دخلت دانية : أنا بخير وش فيني مافيني الا العافية
فارس : ليتني قلت كيف الغداء
دانية مبوزة : يعني ماتبي تشوفني خلاص بطس غرفتني اصلا انتم صايرين اشرار معشر اخواني ماتحبوني كأني مو بنتكم فديتني
فارس تذكر غالية : يلا شباب انا بطلع اريح نادوني للغداء
وليد : ان شاء الله
معاذ : اقول دانية وراه شعرك متعفط ما شفتي المرايا قبل تجين ؟
دانية : لا ما يخصك تفهم انت
معاذ : كنت انبهك بس عشان ترتبين حوستك
دانية : شكرا ما احتاج انت بالاول امسح الكاكاو من خدك تقل بزر ياكل نسكويك بالخش
انحرج معاذ وليد فطس ضحك عليه : الله يكمل عقولكم ~

***


كنا مجتمعين على الغدا ليتني ما جبت طرحتي رائد مو معنا الكل يآكل بصمت عمي مو عاجبني احسن فيه شي وحتى رائد مستغربة انه طلع والجازي تقول طلع بشكل غريب لين ماهمها الا نفسها و الشي اللي ببالها تسويه وملامحها الحين تقول انها مخططة لشي وشكل ما بقى شي عشان نعرف السالفة ... وفعلاً
لين : امممم بآبي
ابو سعد : عيونه آمري بآبي
لين : ودي اليوم اروح السوق ناقصتني اغراض
ابو سعد : روحي وانتبهي لنفسك
لين : الله يخليك لي يا أحلى دآدي
سعد : حلو حتى الجازي و سارة بيروحون معك
لين : وليش ان شاء الله
سارة : كنا مخططين نروح اليوم وقلنا بس تجين بنقولك صح جوج
الجازي ناظرت فيها بدون لا ترد
لين كشرت وكأن اللي خربنا عليها شي : اووك اللي تشوفونه ، الحمدلله
ابو سعد : وين ماكليتي شي ؟!
لين : انا اعمل دآيت سمنت شوي بعد اذنكم .. وطلعت خلتنا
سعد : وش فيه رائد ؟؟
لاحظت ابوي رفع راسه بسرعة : مدري اليوم طلع بشكل غريب من الصبح
قآم من مكآنه و كأن اللي سدت نفسه : الحمد لله
محد تكلم مشى باتجاه مكتبه ، سارة ببراءة : وش فيهم اليوم ؟
الجازي : علمي علمك
سعد : ذي العائلة غريبة مدري وش يحسون فيه
الجازي : سعد متى ابوي بيتزوج ؟
سعد : مدري بس اتوقع فيه شي شاغله ذي الفترة
ساره : طيب انت معه بالشغل اكيد تعرف
سعد : لا مو سالفة شغل لان كل امورنا تمام اتوقع هالشي يخص رائد وابوي !

***

الساعة 5:30 في شقة البنات

رؤى : اقولك تعالي الحين تفهمين انت
ياسمين : ما اقدر اجي الحين اصبري شوي فايزة محتكرة ابوي مابي اكلمه عندها
رؤى : وبعدين معك استئذني و تعالي اخلصي علي
ياسمين : خلاص بحاول خلال نص ساعة اتصرف
رؤى : وربي ياسمين هي نص ساعة لو ماتجين بوريك الشغل شلوون
ياسمين : خير انت وش تبين ترى انا ابي اعرف السالفة اكثر منك
رؤى : اقول لا يكثر .. قفلت السماعة بوجهي
×× هذي رؤى مصيبة من تبي تتلقف بسالفة تعصب عساها المغص
كانت في الصالة متوترة تهز رجولها :هند مسويه نفسها نآيمه هين يا هند بوريك ماتبين تحكين والله لاطلع الحكي بالغصب
توترت كثير أبي اعرف السالفة مدري وش جاني احس بحرارة شغلت المكيف وبعد محتره والله من القهر قمت دخلت اتسبح لين تشرف ياسمين و ننط على هند


***

نزلت للصالة عند ابوي وزوجته ابي استئذن منه بطلع لرؤى لا تذبحني
ياسمين : يبه
خالد : هلا آمري
ياسمين : يبه معليش اروح لصديقاتي هند ورؤى
دخلت عرض ودي اسطرها : مو كنتي معهم اليوم الصبح وش تبين بعد
عطيتها نظرة ولفيت لأبوي : ها يبه وش شورك
قال بحنان : معليش يبه خليه يوم ثاني اليوم جايين ناس يشوفونك و ..
قطعت عليه وانا اوقف : شلون يعني يشوفوني
فايزة بسخرية : يعني بيخطبونك لولدهم
قلت بحده : يبه انا مابي اتزوج لاتجبرني ليش ماخذيت رأيي من بدري
خالد : خلاص ياسمين لا تفشليني مع الناس
ياسمين : يبه لايجون مانيب طالعة لاحد
خالد شد صوته : ياسمين قلنا خلاص
عضيت شفتي بقهر و طلعت لغرفتي مستاءه من تصرفهم ليش يعني ما يىخذون شوري هذي حياتي قعدت ابكي و ابكي دقت علي رؤى : يا كلبة وينك
كنت ابكي : لحقي علي بيزوجوني
رؤى : نعم وش تقولين انت ؟؟
ياسمين : اليوم بيشوفوني مابيه مابيه
رؤى : سوسو هدي شوي شلون بيزوجونك انت مو صغيره حتى يصير هالكلام
ياسمين : اكيد الحية فايزة تبي تقلعني من البيت
رؤى : وش بتسوين
ياسمين : رؤى انا احب فؤاد و هو قال اصبريني ما راح اطول عليك
رؤى : طيب كلميه قوليله يمكن يلقى حل للمصيبة ذي
ياسمين : دقيت لقيت جواله مقفل له كم يوم ما يكلمني اصلا
رؤى : طيب انا بجيك الحين يلا باي
ياسمين : تكفين عجلي .. قفلت منها وانا ابكي سمعت الباب انفتح بقوة ناظرته ..
متعب بعصبية : وش الكلام اللي سمعته
ياسمين : مابي اتزوج ليش ما تفهمون
متعب : مو على كيفك الرجال جاي اليوم بيشوفك وربي لو ما تنزلين ما بتعدي الليلة على خير ماعندنا دلع بنات
ياسمين تصرخ وتبكي : قلت مابي مابي
فايزة بمكر : وليش ان شاء الله كل هالرفض والاصرار الا لو خايفة من شي
متعب بحده : يمه لو سمحتي خليني معها
فايزة : بنشوف آخرتها بتفشلنا مع الناس ، طلعت من الغرفة
متعب بهدوء : ياسمين لاتحديني على شي ماتبينه انا قلت اجهزي بعد العشاء بيشوفك
رفعت راسي ناظرت له بقهر وصديت هو طلع وخلاني بعد صمت و تأمل دآم دقيقة وزيادة ~

***

دخلنا البيت كنت خايفة خصوصا انه طول الطريق شفته ساكت ولا كلمني بس لف تجاهي وناظرني بنظرات ورجع لف انا فزيت اخاف من ظل رائد كيف منه وانا بعيني شفت وش يسوي اذكر مرآت طقني الله ستر علي ما مت
قطع افكآري وهو يقعد مقابلي على ركبيته ويمسك ايدي : حبيبتي
رفعت راسي و عيوني غرقانه : مدري كيف صار والله انـ ...
رائد : خلاص لاتحكين بعدين من قدك بتصيرين ام
نزلت دمعتي : رائد الله يخليك طقني اذبحني ريحني من هالدنيا وربي تعبت
قام مكاانه ولا نطق توجه لغرفته اللي كان يحرص علي ما افتحتها ابد .. قفل الباب
رجعلي بعد ربع ساعة قعد معي ساكت وطول وهو ساكت
: من اليوم ورآيح ما راح تدآومين في المستشفى على الاقل لين تولدين
غالية : لا لا حرآم عليك سو اللي تبي بس لاتحرمني المستشفى
رائد : اسمعي الكلمة بدون اعتراض
نزلت راسي للأرض خلاص مافي مجال هذا رائد قرر : إن شاء الله
لف يناظرني ثم قال : غالية وش تعرفين عني ؟
تعجبت من سؤاله : انت رائد
عقد حواجبه : اعرف اني رائد اقصد وش تعرفين عن حياتي
اخذت نفس : امك متوفية عايش مع ابوك واخوك وزوجته و عياله و اخواتك انت في المستشفى اداري متزوجني من 11 سنة و ... ، سكت ماعرفت احكي هذا بس اللي اعرفه عنه معقولة هالمده معه ماعرف عنه الا هالامور !
ابتسم بخبث وهو يناظرني : بس هذا اللي تعرفينه عني وانا زوجك لي 11 سنة
كنت برقع لنفسي : آآآ طيب انت وش تعرف عني ؟
ضحك ضحكة قوية اول مرة اشوف رائد يضحكها قرب مني لين نعدمت المسافة تماما همس : أنا اعرف عنك اللي انت ما تعرفينه !!
بتسآؤل : مثل وش ؟
رائد : لاتدخلين في سوالف انت في غنى عنها واحمدي ربك ماتعرفين كل شي
غالية لانت ملامحها وغرقت عيونها : رائد الله يخليك لا تتركني مرة ثانية انا بدونك ولا شي لو فكرت بيوم تتركني اذبحني قبلها الموت اهون لي من فرقاك
حرارة انفاسها ملامحها نبرة صوتها كلامها للحظة حسيت وش سويت انا فيها ماقدرت غير اني اضمها لحضني اللي ملته راحت في دوامه بكى طآلت فيها
رن جوآلي رفعت راسها تناظرني توترت بعدت عيني عنها : أنا لازم اروح الحين
: تكفى لاتخليني الله يخليك
رائد : ماقدر خلاص قلت لك عندي شغل
مسحت دموعها بطرف كمها ولفت تناظر الجهه الثانية : طيب .. الله معك
ماقدرت الا اني اروح من قدامها بدون لا ارد عليها ، طلعت ركبت سيارتي طلعت امشي الى اللامكان .. جوالي يرن للمرة الثانية رديت : هلآ طال عمرك
سيف : ما قلت لي وش قررت
رائد : ماقدر اتركها ولا اقدر انفذ اللي تبيه لا تنسى هي حآمل الحين محتاجة لي
سيف : من قال انها محتاجة لك انت اصلا ماتقدر تحميها
رائد بعصبية : هذي زوجتي حامل بولدي تفهم انت
سيف : اهدا يا بابا ما يصير اخاف يتأثر الجنين على العموم راح نأجل الموضوع لين نشوف ولدك ونبارك لك ونتحمد لأمه بالسلامة بعدها لا تلوم الا نفسك
رائد : انت وش تبي مني اتركني بحالي ما اذكر اني بيوم اذيتك
سيف : بس اخذت شي يخصني
رائد : ما اخذت انت عطيتي بكل رضاك
سيف : روح لأبوك بشره حفيده الثالث في الطريق
ضحك ضحكة استفزازية وقفل بوجهي تنرفزت ما اذكر شي غير اني دعست على البنزين و .... ~

***

اليوم صارت اشياء يالله استوعبتها التعب اللي تعبته بسببها يساوي تعب شهر كآمل مع المرضى ! قمت ابي اصحصح طفشانه حيل رحت المطبخ ابي كوب حليب يدفيني جاتني رؤى : صح النوم
اكيد جايه تبي تعرف وش صارمع غالية ، ابتسمت : هلا مساء الورد
رؤى : دريتي باللي صار
على بالي تقصد غالية قلت بلا مبالاة : وش اللي صار ؟
رؤى : ياسمين اليوم شوفتها مسيكنة تعور القلب لو تسمعينها
تفاجأت : يا بعد عمري سوسو كيفها الحيين
رؤى : مدري البسي يلا بنروح لها
هند : وش اللي نروح لها تستهبلين انتِ ؟
رؤى : صديقتي بروح اوقف معها لو ما وقفت الحين متى بوقف
هند : هبلة اهلها وش بيقولون عنك
رؤى : اللي يقولونه يكفي بيجبرونها تتزوج وآحد ماتبيه
هند : اركدي بنت روحه مافيه بعدين تفهمين منها السالفة زوريها بكرة او اللي تبين الحين لا يعني لا تفهمين انتِ !!
تأففت رؤى و طلعت لغرفتها : مجنونة هالبنت وقسم !
صلحت لي كوب الحليب و طلعت اتابع روايتي ~

***

رن التلفون مآفيني اشيله متلخبطة وحالتي حالة عبايتي بيد شنطتي بالثانية و جوالي بين اذني و كتفي : حبيبي خلاص بنطلع الحين ... اوك اوك ولا يهمك .. بآي
حطيت شنتطي بلبس عبايتي وبنزل تحت رجع التلفون يرن رجعت بآرفعه جات الجازي : خلاص سوسو انا برفعه
الجآزي : هلا ..
المتصل : السلام عليكم اختي هذا بيت رائد بن فهد
الجازي : ايه نعم هذا بيت رائد بن فهد آمر يآخوي
المتصل : عنده طرد واصل له لازم يجي يستلمه على هالعنوان ....
الجازي : خلاص إن شاء الله بقوله ، مع السلامة
نزلنا كلنا تحت ركبنا السيارة متوجهين للمول كانت لين سابقتنا !
لين : بدري كان ما جيتوا حضرتكم
سارة : وش يعني تبين اجيب عبدالإله معي ؟
لين : كان اشوته لك من السيارة والله
الجازي : خلاص انت وياها طالعين ننبسط ونتسوق مو تتهاوشون بالسيارة وحنا لسى ما رحنا ولا مكان كأنكم بزران
سارا : خلاص بنسكت يرحم والديك بلاش محاضرات
لين : من الحين بقولكم انا بمشي مع صديقتي فوز
سارا : وليش ان شاء الله
لين : كذا مو مالين عيني
الجازي : صدق انت قليلة ادب و ماتحشمين احد
لين : يكفيني فيكم الادب ماعلي منكم
الجازي : اللهم طولك يا روح ~


.
.
.
.
.



تم الجزء الثامن


اسطورة ! غير متواجد حالياً   رد مع اقتباس
إضافة رد

الكلمات الدلالية (Tags)
الكاتبة, انتى, تكملة, حالمة, غموض, قاتلي

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

الانتقال السريع


الساعة الآن 10:13 AM



Powered by vBulletin®
Copyright ©2000 - 2024, vBulletin Solutions, Inc.