آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
28-10-13, 10:32 PM
| #11 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  البـــارت العــاشر.. بالمطـار اول مادخلو المطـار وقف شوي ينتظر الزين اللي تمشي وراه بشويش مسكها مع يدها ومشى الزين : انتظر ياخي وشفيك تركض ؟ طارق : ماني قاعد اركض انتي اللي بطيئه الزين توقف وتشد يدها منه بقوه : فكني ياخي بهاللحظه مرو من عندهم بنات تكلمت وحده منهم بجرائه : بشويش عليها يامٌـز ؟ طارق رفع عيونه لها وابتسم ورجع يكلم الزين : طيب امشي يالله.. وحده منهم تكلمت بدلع يفقع القلب : اااااءءءء بالطبيعه اجمل مليون مررره من المقاطع .. الزين بـ غيره واضحه على اخوها .. ناظرتهم باستحقار ومشت وتركته طارق يضحك : وشفيك شوي وتاكلينهم ؟ الزين : مايستحون وانت بعد ماتستحي ؟ طارق : هههههههههه عز الله مايستحون .. بس انا وش دخلني؟ الزين : لانه عاجبك الوضع وتضحك لهم بعد طارق يطنشها : اقول عندك رقم جدتي ؟ عشان نتصل عليها نشوف اذا وصلو او لا.. وهل الغياب مُعدي؟ ليُصيب كل هؤلاء .. جالسه بالصـاله وتلعب بجوالها ماحست الا جوالها ينخطف من يدها رفعت عيونها بصدمه لفوق .. جوانا بعصبيه : خيرررر وش هالهمجيه ؟ خالد : ليش تبيني استـاذن منك لا جيت افتش الجوال جوانا تعدل جلستها وبتافف : الله يشـفـيك بعد مافتش الجوال .. وبالمحادثات والصور خالد بحزم : زين ماشوفك صرتي تصورين نفسك ؟ واضح انك بديتي تعقلين.. ؟ جوانا ببرود : هات جوالي طيب ؟ رمى عليها جوالها وراح لـ غرفة امه فتح الباب بشويش لقاها ترتب غرفـتها .. خالد : مساك الله بالنور يالغـاليـه ام خالد : مساك الله بـ رضـاه خالد : جهزتي الفلوس اللي طلبتك.. ؟ فتحت درج التسـريحه وطلعت منه 2500 ريال وعطته اياها خالد يبوس راسها : ماتقصرين يالغـاليه .. والله ماودي اطلبك بس اني محتـاجها ام خالد : فلوسي فداكم كلكم .. خالد بـ حزم : وليش جوانا ماترتب غرفـتك ؟ هالبنت عاصيه وماتستحي مخليتك تشتغلين فالبيت لحالك ام خالد : ياولدي ماقصرت نظفت البيت كله وجات بتنظف غرفتي .. وحلفت عليها ماتلمسها ان لم تكن لي وحده فلا تقترب مني .. اليوم الثـاني.. الجده بعد ماباركت لـ رامي بـ خطبته من بنت عمه "توليب" لفت على طارق : وانت ليه ماتعرس ؟ طارق يضحك : ياجدهّ انا مخلي العرس لك ؟ الجده تخبطه بـ عصاها : وين اعرس بعد ذا العمر عز الله اللي ما اعرست .. طارق يضحك ويحك مكان الضربه : جايب لك عريس لؤطه اشقرانـي وعيونه خضر لا وصغير بعد .. بيرد لك شبابـك اللي ضيعتيه مع جدي.. ؟ الجده بعصبيه : انت اللحين مخلي العرس وقاعدن تشاورني .. اعرس بالاول ياورع الزين ضحكت بقوه : هههههههههههههههههههههههه رُفعت الفنايل ونسفت السراويل طارق يضحك : متعود على جدتي تمون الزين بصوت مايسمعه غير طارق : بـ تستلمنا بالدور بس انت اصبر عليها ههههه الجده : وش تقولين انتي ؟ الزين بـ ممازحه : اقول نبي نزوجك ههههههههه الجده : قومي قبل لا اخلي العصا ذي تلعب على ظهرك طارق : امشششش يالتهديد هههههه دخل ابو الجوهره على ضحك عياله وواضح انهم يطقطقون عالجده كالعـاده .. قرب منها وباس راسها ابو الجوهره : هاه يمه لو انهم مزعلينك ولا شي ؟ الجده : عيالك ذولا مامنهم فود يبون يزوجوني وهم مابعد .. اعرسو ؟ ابو الجوهره بـ ابتسامه : يعني عادي عندك تعرسين ؟ بس تبين نزوجهم قبل ؟ طارق والزين فقعـو من الضحك على ردة فعل ابوهم .. الجده : اقول ثور يقول احلبوه , انت مهبول كنك عيالك .. وش ابي بالعرس بعد هالعمر ياكـافي.. ؟ طارق : تجددين شبـابك معه ؟ يرجعـك للعشرينات.. ابو الجوهره : ولا كلـمه خلاص ؟ لا تزعل جدتك حجة ان تجعلني اب لك وام حتى اقترب منك فـ انا لم الدك ولم اعتني بك وانت لا تُرضيني .. بعد اسبوعين ونص مرت احداثه على ابطالي بسرعه.. طارق يشوف جوانا كل يوم وبس يكحل عيونه فيها ولا هو قادر يسوي اكثر .. والجده جلست عندهم اربعه ايام وعلى طول رجعت ابها ماتقدر تستغني عن بيتها .. بعد محاولات كثيره من عيالها واحفادهم بـ انها تجلس لكن رفضت وبـ قوه .. وقبل يومين انخطبت الزين من واحد من اصدقاء اخوها طارق.. رفضت بالبدايـه بـ حجة ان باقي لها ترم اقنعها ان زواجهم بيكون بعد ماتخلص هالترم ان شاءالله .. وان الرجال طيب واخلاقـه كويسـه .. واخيرا وافقت بيوم الملـكه .. الزين بفستانها اللي باللون الاورنج الفاقع واللي مبرز سمارها الجذاب بشكل قوووي .. ظهره مفتوح بفتحه دائريه كبيره وبين كل مسافه ملموم بفيونكه ومن قدام مكسر تكسيرات خفيفه وعلى الجمب تلات نازله بالوان الاورنج والعشبي ومكياجها ثقيل على غير العاده بتدرجات الاورنج والعشبي وشعرها مسويه تسريحه غجري وكله نازل طالعه ااااايه فالجمممال الكل قراء عليهاا وحصنها كانت فـاتنه بمعنى الكلمه.. توليب : اايوه بغرفتها تعالي غيداء وبحركه مسرحيه وهي تدخل على الزين رجعت لورى وغطت عيونها وكأن نور الزين من قووته اعماها : لالا مو معقووووله هالقمر بيروح لواحد ؟ اماني وهي تدفها مع كتوفها وتروح لـ الزين اللي جامده ولاكانها الا تمثال ومسوويه تقرا عليها وبصووت عالي :ومن شر حاسدن اذا حسسد قربت منها غـيداء والابتسامه شاقه حلقها باست جبين الزين : مبروووووووووووك الف الف مبروك الله يسعدكم وشوي تدخل الجوهره وناظرت باختها وهي فرحانه لها.. باست خدها بعد ماباركت لها وانتبهت للجوال يدق بـ يدها : ايواا يمه ... يلاا ثوااني بس الزين : وش تبي امي دداقه ؟؟؟ الجوهره بابتسامه : يعني اش تبي تقول خلو الزين تنزل عشان المعرس بيجي.. وقفت الزين بارتباك وهي تهمس : يالله طططيب الكوافيرا ابتسمت وهي تلم اغراضها : مشالله دانتي قمر واخلاقك عسل تستآهلي كل خير ربنا يسعدك.. توليب وهي تعطي الزين مسكتها اللي كانت منسقه بتنسيق حلو ازهار كريس اوركيدا وروز وقرنفل بس كلها كانت باللون الابيض .. وحضنتها جوانا وبأبتسامه : الله يسعدك ويوفقك ياقلبي معه الزين بـ ارتباك : امممممممين ها قولو لي فيه شي ناقص اعدله قبل لاطلع.. ؟ الجوهره وهي ترفع طرف ذيل فستانها بيدينها عشان تقدر ترجع على ورى وتناظر الزين من فوق لـ تحت بابتسامة رضا غيداء وهي تصفق بيدينها متحمسه : قصصصصصصم مشالله تجنني بيذوب الرجال اليوم ؟ ههههه صار قلبها يدق بسرعه من جابت طاريـه وبهمس : يله خلينا ننزل الجوهره وهي ترفع ذيل فستانها عشان تقدر تمشي وقبل ماتطلع دقت على امها عشان تحط كاسيت الزفه والبـاقين لبسوعباياتهم وتلثمو لان خطيبها بيكون تحت .. الزين مصصمه انه يجلس قبلها الجوهره للبنات : انتو انزلو مع الدرج وانا بنزل معاها دخلتها المصعد اللي كله قزاز وشفاف عشان تنزل للدور الارضي اللي فيه المعازيم والانوار طافيه ومايشتغل الا الليزر بالوانه المختلفه والكشاف كان مركز على المصعد وهو ينزل الكل معلق عيونه عليهم وهم ينزلون انفتح المصعد والبخار الملون انتشر وملا الجووو وبدت الاغنيه اللي كانوا مجهزينها تحضن اجواء القاعه ماكان شكل الزين واضح ممممره بس كان من بعيد رووووووعه اما هو وقف بدون شعوور مذهول من هالجمال وهو يهمس : مشالله تبارك الرحمن .. معقوله هالقمر لي < وملامح وجهه باين عليه انه فاهي او مذهول الجوهره وهي تدفها مع كتوفها : ميين قدنا شكل المعرس خق عليك.. ؟ الزين توترت زيااده .. الجوهره تفك لثمتها وتزغرط : كلووووووووووووووش الزين بهمس : جوجو غطي ناسيه ان رائد فيه.. ؟ الجوهره بضحكه : بدينا نغار الزين اللي غمضت عيونهاا بقوه وهي تشوفه يجي الجوهره شهقت : يووووه ليش يجي مآخلصت الزفه < ويوم شآفته قرب اكثر تركتهم بهدوء الجوهره تنآظر بـ رائد اللي قرب منهم مممره : مممبروك الله يتمم لكم على خير رائد وعيونه معلقه بالملاك اللي سحرته من اول ماشافهاا : الله يبارك فيك لف يديه اليسار على خصرها وبيده اليمين مسك يدينها البارده وهو حاس قلبه يرقع مثل الطبووول وبدون مايتكلم ...كمل معها الززفه ليين جلسها على الكرسي باس جبينها... وبهمس وهو يحضن يدينها البارده بيديه : الف مبــــــــــــــروك .. حبيبتي رفعت راسها للعيون اللي تناظرها بلهفه كان فاهي فيها بسرحانها وربكتها : الله يبارك فيك وعيونه مانزلت منها وهو مو وقادر يملي عينه من هالجمال والانوثه الصارخه الملفته بشكل قوي مع التصفيق والاغاني لبسها الشبكه ويدينها ترتجف.. والكل بـارك لهم .. ماكان فيـه اي احد من اقاربـه سوى خالتـه , لان ابوه وامه ميتين وهو وحيدهم .. وعمـانه متهاوش معهم ولا يكلمهم لانهم كانو يبون ياخذون حلالـه بس كبر وخذا حقـه كامل منهم اعدك بغياب يكسر عين كبريائك ويجعلك تُحتضر شوقاً وتموت فقداً .. بعد نص سـاعه طلع المعرس من عندهم وبدا يمتلي المسرح بالبنات اللي ترقص واللي تسولف مع الزين واللي واقفه تصفق طلبت جوانا من الزين انها ترقص معهم ولما وقفت الزين تفاجئت بالدبكـه ناظرت لجوانا بقهر وهي ميته عليها ضحك .. قربت منها جوانا وخذتها بيدها وصارو يدبكـون كان حماس بشكل مو طبيعي تصفيق وتصفير وصراخ شوي وقفت المطربـه والزين بدت تتنفس بالقوه بعد المجهود اللي بذلته جلست عالكوشـه وهي تضحك غيداء تضحك : يالله بتتطلقين اليوم ؟ بيقولون وش هالبنت المطفوقـه اللي بلانا بها ربي هههههه جوانا : اقول خل تستانس اليوم ملكتها لازم ترقص ولا كيف بتحس بالملكه غيداء : جاها المعرس ولبسها الشبكه وكل شي وفوق ذا ماتبينها تحس ؟ والله لو انها حمار الزين : الحمار انتي .. لين اخر يوم بـ عمري راح تتمسخرين علي جوانا : اللي يحبك يسبك هههههههه غيداء : صح لسانك ياشيخه ريناد : بنات نفسي اغني بدال المُطربه الزين تشهق بحماس : ايييي صوتك حلو انتي .. امانه قومي غني صار الكل يشجعها بـ حماس عشان تقوم تغني راحت للمطربه ومعها اماني وجوانا وغيداء ابتسمت المطربه وعطتها المايك بكل رحـابة صدر اول مامسكت المـايك بدت تغني الكل صار يصارخ وبدت الموسيقى تصدح بكل القـاعه قامو الكل يرقصون ومتحمسين لان صوت ريناد كان يجنن وكانه صوت مطربه فعلا .. بعد ماخلصت الاغنيه طلبوها البنات تغني مره ثانيه ريناد : لالالا خلاص مره تعبت ماتنعطون وجه انتو ؟ هههههه ورجعت جلست بـ مكانها وكل مامرت وحدها مدحت بـ صوتها وذكرت ربي عليه ريناد تضحك : حسيت اني مشهوره هههههه جوانا : شرايك تصيرين طقاقه ؟ وتسوين لك فرقه هههههه ريناد : اسمها مطربه مو طقاقه ياحيوانه شوهتي الفن انتي واللي زيك ؟ اوجعوني فيك والذكرى تألم واللي ماعمره عشق ماحس فيها ؟ ضربة الغالين توجع ثم تعلمّ - وانت ضربة غيبتك الله عليها .. اليوم الثاني العاشره صباحاً.. بالمستشفى وبالكافتريا تحديداً طارق ومعاه اثنين سعوديين دكاتره بنفس المستشفى طارق بصدمه : كيف "ويبلع ريقه" أي وحده ؟ طلال : جيت سولفت معاها بالكافتريا هنا وضحكنا وكذا واصلا شكلي عاجبها من زمان ماصدقت لما عطيتها رقمي وصرت اكلمها سالم : بسم الله علينا متى امداك تشبكها وتاخذ رقمها طلال يضحك بثقه : كل شي جاني لعندي طارق قام من المكان معصب " تكفين الا انتي لاتصيرين كذا .. عشاني ياجوانا مو عشان نفسك حتى لو انك مو لي بس لاتطيحين من عيني بعد ماكنت احسبك البريئه ومالك في هالطريق " نقف هنا.. انتظر توقعاتكم ورايكم عن الاحداث سبحانك اللهم وبحمدك استغفرك وااتوب اليك | ||||
|
|
29-10-13, 08:14 AM
| #12 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البــارت الحادي العاشـر.. قلبي وهو قلبي اذا قال بنساك يحرم علي لاهو بقلبي ولا ابيه .. طلع من الكافتريا معصب من طلال ومعصب اكثر من اللي سمعه عنها .. مر من عند الرسبشن وشافها تسولف مع اللي جنبها ومو منتبهه له ناظرها بقهر وصد عنها ودخل للصيدليه البنت اللي معاها انتبهت لنظرات طارق الغريبه وبنبرة استغراب : جوانا طارق قبل شوي يناظرك بنظرات مافهمتها جوانا بصدمه : كيف يعني ؟؟ ابرار : مدري حسيت لو ان النظرات تقتل كان متي بمكانك من قوتها هههههه جوانا تضحك : الله ياخذ بليسك يعني تمزحين ؟ ابرار : وقسم بالله اكلمك صادقه .. انتي لما كنتي تسولفين معي مو منتبهه له مر من عندنا وكان شكله معصب ناظرك بنظرات مافهمتها ودخل عالصيدليه .. جوانا : طيب عادي يمكن معصب وطبيعي عينه تجي علينا بما ان الصيدليه قدامنا ابرار : ليتك شايفه نظراته .. تعال فتشني من اقصاي لـ اقصاي وبحق ماتلقى سواك انت فيني .. قبل 3 اسابيع من الان.. بالسوق !! فواد : الحلوة تمر وما تسلم علينا ؟؟ ولا كأنها تعرفنا ؟ التفتت له الزين بحققد هذا وش يبي له اسبوع يلاحقني ويتصل علي ؟ مدري من دازه علي قربت له بتحدي الزين باستحقار : جيييييت يا ولد امك ؟؟ فؤاد يقرب منها اكثر : هههههه ايه جيت .. وربي جابني الزين بقهر : قول امين جعل يووومك قريب يا ابن الكلب فؤاد يضحك : اااااامين .. جعل يومي عليك قريييب سطرته الزين بكف جااااامد الزين : تخسى يا حشررررررررررة رجع براسه لورى ومسك مكان الكف وضحك فؤاد : أح .. عورتيني ..تراك مررة مصدقة نفسك انتي الزين : اقوووى منك يا ............ كل كلمه منك ترفعني سمـاء لو تقول اشتقت لك ضيعـت الكلام .. بالليل وببيت رائد .. كانت البوابه مفتوحه دخل وهو معصب وتوجه للمجالس شاف رائد وولد خالته جالسين .. رائد ماحس بنفسه الا وهو ينسحب على فوق وسدد له محمد لكمه على وجهه وصار يضرب فيه بقهر .. رائد بالبدايه ماستوعب اللكمه اللي جاته منصدم من اللي يصير بعدها دفه رائد على ورا ورجع له اللكمه وبدت المضاربـه تحتد وكل واحد يسلط قوته عالثاني .. دخل من بينهم ولد خالته وصار يبعدهم عن بعضهم ويحاول يهديهم !! محمد : يالنذل يالووووووصخ ليش تخطبها ؟ رائد : والله اخطب اللي ابي انا حر وبعدين لو تبيها كان خطبتها من قبلي ماهو يوم شفتني خطبتها تزعل .. وتحط اللوم علي؟ محمد يحاول يهجم عليه : بس انا قلت لك اني ابيها وناوي اخطبها تروح تخطبببها ليش ؟ قلوّ البنااااات يعني مالقيت الا هي عشان تاخذها ورجعو يتضاربون بحده فهاللحظه دخل طارق ومسك محمد والثاني مسك رائد محمد بعصبيه : طارق وخر عني !!!! طارق : محمد وشفيك تعوذ من ابليس ؟ بعد ربع ساعه هدا الوضع من بينهم واخيرا قدرو يفكونهم عن بعض وطلع محمد من المكان معصب .. رائد : هذا وشفيه ؟ طارق باستغراب : مدري عنه كنت توني داخل الاستراحه وفجئه شفته طلع من المكان ومعصب لحقته شفته رايح لـ بيتك استغربت ؟ رائد : انا بعد ماعرف شفيه ؟ يمكن سامع كلام عني طارق بتفكير : ماتوقع محمد مايتصرف هالتصرف ؟ لين يتاكد .. "وبجديه: بس سالفه انه يسمع كلام ويجي يتضارب معاك وهو مو متاكد منه ماتوقع رائد بعصبيه : مدري عنه قلعتـه !! كُن طامعاً بي ! لاترضى بالقليل مني . بعد مرور اسبوع.. ببيت عبدالعزيز الراهي .. وتحديدا بمجلس الرجال جالسه مقابل رائد .. رائد بشوق : ان شاءالله زواجنا بين الترمين تصدقين عاد متشوق متى يجي هاليوم.. ؟ الزين ابتسمت بخجل من دون ماتعلق باي كلمه رائد يضحك : اللحين ليه ماتجين جنبي ؟ الزين بعناد : المهم انك تشوفنـي !!! رائد بضحكه : اجل السالفه عناد ؟ ..والله وطلعتي عنيده يالزين طيب انا بـ اجي عندك قام وجلس بجنبها وهو يهمس : ماشاءالله تبارك الله وش هالجمال ؟ وماتبيني اتاملك من قريب الزين بـ ملاعبه : امي تقول لاتخلين احد يقرب منك رائد من قلب : هههههههههههههههههههههههه انا فداك وفدا امك يالززززين "سكت شوي ولما جاء بيتكلم قطع عليهم طارق وبنذاله : شكلك بتنام عندنا ؟ رائد بقهر : شفتي اخوك النذل؟ انا حتى بوسـه للحين ماخذيتها الزين انحرجت وبقهر : وعساك ماخذيتها <وقامت من المكان بتطلع رائد يسحبها مع يدها قبل تروح وبرجاء : تعالي تكفين وين رايحه باقي ماشبعت منك !! طارق يتقدم منهم ويسحب الزين منه وهو يضحك : توكل يالنسيـب طلعت من المكان وهي منقهره من هاالاثنين كل واحد يحرجها قدام الثـاني.. رائد بيقهر طارق : المره الجـايه اخذ بوستي طارق يضحك : على جثتي هههههههههه رائد يلكمه على صدره : وانت لازم تخرب علينا ؟ جعلك تذوق اللي اذوقه واكثر بعد مسكـين من قال الهوى جنه !! .. بعد مرور شهرين بالضبط وباجازة الحج .. الساعه الخامسه والنصف فجراً بالفندق وبعد انتهى الزواج بعد مانزلت فستانها وتروشت لبست قميص نوم طويل ومن فوقه رووب لونه وردي وابيض .. خلت شعرها مفتوح ونازل على ظهرها مثل الشلال الناعـم ... اكتفت بـ قلوس باللون الوردي من دون اي اضافات كان شكلها ناعم حيييل وبريئ كانها طفـلـه جالسه هي وياه بالصاله .. رامي : تدرين ليش اخذتك ؟ "سكت شوي وبعدين اردف" لانك البنت اللي ببالي خجوله ومنتي راعية هبال فضلتك على البنات كلهم طالعت فيه توليب بصدمه من كلامه " وش هالرجال شايف نفسه !!! كمل رامي لما شافها ساكته : انا احب البنت المحترمه اللي تحترم زوجها وتقدره وهالشي ان شاءالله ماراح نختلف فيه لك اللي تبينه مقابل انك تحترميني وتعزيني وقتها لو تبين عيوني اعطيك توليب بغت تقوم تصفقه من القهر " المتزوجين باول يوم لهم مع بعض يقولون كلام حلو وغزل وذا يفرض علي اوامره حسيت اني عبده عندي .. اففف ياربي استغفرالله وش هالادمي ؟ رامي يبتسم : اشوفك ساكته وماعلقتي.. ؟ توليب ابتسمت بخجل : ان شاءالله ماتشوف مني الا اللي يرضيك قرب منها وباس جبينها بـ رقه وبعدين نزل لشفايفها وباسها توليب دفته بخفه وهي ترتجف لما شافت نظراته المستغربه بربكه وخوف : وش رايك نصير اخوان.. ؟ بققق عيونه فيها من الفجيعه وبهدوء : روحي نامي خلاص شكل اعصابك تعبانه رجعت وحدي مالقيت الا غيابات الجميع وجلست مع نفسي ادورني وسط صوت الكلام .. الساعه الخامسه عصراً.. توهم راجعين من المستشفى بعد ماقالو لهم انها حامل ماوقفت دموعها بس تبكي حاتم برقه يقربها منه ويحظنها : قسم بالله لو ماتبينه اللحين نروح ننزله ؟ الجوهره تبعد وجهها من صدره وتمسح دموعها : لا مو اني ما ابيه بس احس بدري ؟ لسه ما انبسطنا انا ويـاك بدري شوي عالحمل والمسؤوليه حاتم يبوس جبينها ويتاملها بحب : ومن قالك بتربينه لحالك انا معك لين اخر يوم بعمري وبنربيه سوى وبعدين انا مشتاق اجيب منك بنوته او ولد يشبهونك .. والله لو تدري امي بهالخبر بتطير من الفرحه !! الجوهره برجاء : لالا لاتقول لا احد شي اللحين لين تزين النفسيه واستوعب الحمل .. عشان خاطري حاتم حاتم : ابشري باللي يرضيك "وبابتسامه" بس كم يبي لك وقت لايكون مطوله يالدلوعه !! الجوهره ابتسمت رغم الدموع : انت لو تطاوعني قلت لك لين اولد ههههه حاتم يحظن يدينها وهو يضحك : انا خايف انها اتخوني نفسي واقول لـ امي اليوم هههه ماكسر ضلع الثقه غير الظنون .. الزين تغني : هلا باللي لفانا ياهلا به قربت من رامي وتوليب وسلمت عليهم بحب الزين بممازحه : عاد جابكم الله قاعده لحالي لا ولد ولا تلد ولا اخوان بدو ينقرضون اهل البيت ذا رامي : هههههههه ليه وينها امي ؟ الزين : تعبانه بغرفتها قالت بتريح جاها شي مب صاحي من ليلة امس رامي : انا بطلع عندها الزين : لحول الله اقول ثور يقول احلبوه ياحبيبي قلت لك تعبانه يعني لاتروح لها "ثم التفتت لتوليب" اخوي سبيكـه ههههه رامي يمسكها مع اذنها : وانتي من اللحين شكلك تبين تشيشين مرتي علي وتخربينها ؟ الزين تدفه : خففففف علينا انت ومرتك .. باذن الله دام تووليب بتعيش معنا بنفس هالبيت اني لا اخربها وما اكون الزين اصبر علي بس ؟ رامي : ماتنزل عليكم الا ورجلي على رجلها لاني ما اضمنك صراحه !! نقف هنا .. انتظر توقعاتكم وارائكم عن البارت استغفرالله واتوب اليه | ||||
|
|
|
09-11-13, 08:32 AM
| #13 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البــــارت الثــاني عشر.. العام تعجز ظروف الوقت تجرحنا واليوم كل الجروح تثور من غبنه.. .. السـاعه الواحده والنصف ليلاً.. الزين بقهر : قسم بالله لو اني بدالك لامسكها مع شوشتها والعن خيرها الجوهره : ليه تحسبيني مثلك ؟ الزين : يختي تقهرين كان خليتيه عالاقل هو يتفـاهم معها يلعن ام الحماس اخليه يسفل فيها وانا اضحك اخ ليتها عندي بس؟ الجوهره : ماني مثل طريقتك وبعدين خلاص هو كلم امها واعتذرت منه واضح منحرجه منها الزين بقرف : هالاشكال ماينفع معها الادب اذا ماوقفتيها عند حدها من اول مره ماتتوب ؟ وتشوفين ان مارجعت بشي اقوى من المره اللي فاتت لاتسميني الزين الجوهره : الله يستر منها ..الله يكفينا شرها دخل عليهم طارق وهو يغطي عيون الجوهره الجوهره : بسم الله روعتني الزين تضحك : طارق فكها شال يده من عيونها وحظنها وهو يسلم عليها : كيفها حبيبتنا الجوهره : بخير بشرني عنك انت ؟ وهي تغمز له.. كيف الشغل معاك.. طارق باستغراب ليش تتكلم كذا : الحمدالله ماشي ..لف على الزين باستفسار الزين اشرت له بمعنى مافيه شي طارق رجع يبتسم : وكيف حاتم ؟ ان شاءالله مبسوطين الجوهره : ابد بخير والله انه يسلم عليك طارق : الله يسلمه يارب الزين : طروق اقولك خبر حلو ؟ الجوهره : ياشيــن اللــقــافه الزين : ابي الخبر الحلو يطلع مني انا .. لانه يقول انتي ماوراك الا الاخبار الشيــنه طارق يضحك : وش عندك ؟ الزيـن بسرعه وهي تشوف الجوهره تتكلم : اختنا حــامل طارق لف للجوهره بفرحه : صدق حامل ؟ الجوهره بابتسـامه خجوله : ايه صدق طارق يسحبها ويحضنها بقوه : بصـير خال الله يازين هالخبر والله الزين : شــوي شـــوي عليها بتسقط البنت .. والله من العفــاشـه في هالولد طارق يبعدها عن حظنه وبفرحه : عالبــركه والله انه احلى خبر سمعــته الزيـن : مدري ليش احس اننا فرحانين اكثر منها طارق باستغراب : كيف ؟ الزين : اختك مو فرحـانه بالحمل الجوهره بعصبيه : زوين انتي محد يفضفض عندك سي ان ان اعوذ بالله منك !! طارق بجديه : ليش مو فرحانه بحملك ؟ الجوهره : ماعليك منها خبله .. بالعكس مبسوطـه بس افضفض لاختك الهبله وقلت كان نفسي انبسط شوي احس بدري عالحمل طارق بابتسامة حب : حصل خير .. ماهي مشكله لف للزين اللي مبققه عيونها فيهم طارق يضحك : انتي وشفيك كذا ههههههههههه الزين : مدري عن اختك المريضـه عصبت علي قرب منها وهو يلف يدها على ورا وبحماس اشتاق يعذبها: شرايك نكسر يدك هالايام من زمان ما اذيتك هههههه الزين اللي توها فكت الجبس قبل شهر تقريبا وبالم : فك ايدي والله ياخي ماني على خبرك عظامي صايره على حبـه ونص ماني فــايقه لك طارق يفك يدها : هههههههههههههههه اشوفك صرتي دلوعه وبخبث.. لو دارين مازوجناك ويييين شكلي بفقــد الزين ؟ <وهو يمثل الحُزن الزين وهي تغرس كوعها بنص بطنه : بلا فشكلك مسوي بتحشرني ؟ لاحبيبي ماتغيرت ماهو انا اللي يغيرني الزواج طارق يحط يدينه على بطنه وهو يركع من الالم : كفوو ياشــنب هههههههههههههه الجوهره : شنب بعينك محد مخرب علينا البنت ومخليها كذا غيرك .. حسبي الله على بليسك الزين بقهر : لعلمك ترا ماقال شنب الا عشان يستفزني بس يخسي طارق : ههههههههههههههههههههههه الجوهره :بس انت وياها .. وهي تكلم طارق" ودني لبيتي طارق : ليه وينه زوجك؟ الجوهره بققت عيونها : بلا فشكلك انت وهالسؤال طارق باحراج : والله ماهو قصدي ولا انا وسيارتي تحت امرك افا عليك بس الجوهره بابتسامه : يالله بروح اجيب عباتي من فوق واجي طارق : والمزهريه ذي وش شغلتها "وهو ياشر على الزين" روحي جيبي عباة اختك الزين : طيب بس ترا بروح معكم طارق بملل : ماني رايح للمريخ ترا بوديها بيتها وارجع الزين بضحكه بايخه : هيهيهيهيهي ادري بس بروح معكم الجوهره بضجر : طيب روحي جيبي عباتي تراني تعبانه ابي اروح بيتي ارتاح طلعت الزين مع اللفت ماهي الا خمس دقايق وهي نازله ولابسه عبايتها والطرحه على كتفها وجوالها بيدها تطقطق رمت عبايه الجوهره عالكنب جنبها وهي متحمسه تسولف بالبيبي .. ركبت بالسياره وهي تلف الطرحه بعشوائيه من اسفل خشمها وتستقر فوق راسها بعدم اهتمام ظلت ساكته تستمتع للجوهره وطارق اللي يسولفون بهدوء.. عشر دقايق وهم عند البيت وبوسط الحديقه بالضبط نزلها عند الباب بعد ماشكرته.. نزلت الزين وركبت قدام طارق بقق عيونه الكبار فيها : وين نقااابك ؟ الزين بابتسامه بريئه : مادري مالقيته وقلت مب لازم طارق بجديه : عدليها زين قبل الف وجهك بكف الزين بملل : يوه منك اللحين احنا باخر الليل محد درا عني والشوارع فاضيه.. طارق : اكشفي وجهك مره وحده وقولي محد درا الزين : مالقيت نقابي ومافيني ادوره استعجلت لاني مابي اتاخر عليكم طارق بهدوء : اجل تستاهلين كنت بوديك البحر بس مافيه واللحين عدلي هاللثام تدرين اني اكره اللثمه الزين تنط عنده وتبوسه بخده وبرجاء : تكفى طروقي خلنا نروح تكفى تكفى طارق : مــافيــه الزين : الله يخليك بليز اللحين بعدل ذا اللثمه وارمي الطرحه على وجهي وقعدت تقنعـه لين ما وافق واخيرا غير طريقهم وراحو للبحر .. ماهو غريب احساسي الليله ولا جويّ كئيب بس الغريب؟ اني اعيش احساسي لوحدي وانا عندي حبيب .. جالسه بالحوش عالفرشـه ومشغله اغنيه وحاطه السماعات باذنها.. منشغله تسوي بحثها اللي لازم تسلمه بكره ماحست بالباب اللي انفتح.. كان فيصل جاي من برا وبحالة يرثى لها شافها مندمجه وماهي حوله قرب منها ورفعها لفوق.. طاحت السماعات من اذنها على الارض وبخوف من الحركه المفاجئه صرخت برعب جوانا : وش تسوووي انت ؟!!!!! فيصل مارد عليها وسحب بلوزتها بقوه اللي انشقت من فوق لين تحت.. ارتعبت بقوه وهي تلم بجامتها على بعضها وتحاول تغطي صدرها وبطنها العاري اما هو قربها لحظنه اكثر صاحت بخوف من اللي بيسويه "سكير ومايدري اصلا انا مين" حاولت تنفك من احظانه بالقوه وطاحت بالارض فوق اوراقها وبحثها ورجع سحبها لفوق مره ثانيه وهالمره قدرت تاخذ القلم من الارض وغرزته بفخذه وجرته بقوه مما سبب له جرح طويل وحاد بدا الدم ينزف وطاح بالارض وهو حاظن فخذه بيدينه ويتاوه من الالم دخلت لداخل ركض وصارت تدق على باب بيت خالد باقوى ماعندها خالد برعب حقيقي يفتح الباب وبعصبيه : خير وشششفيه ؟؟ جوانا وهي تحاول تلم بلوزتها على جسمها عشان مايبان منها شي وهي تبكي : فـ فيـ ــصــ ــل خالد برعب : وشفــــــــيه فيــصل ؟ جوانا تصيح اكثر : تـ تهــجم عــ ـــلــ ـــي خالد : وينه الحيوان ؟ لايكون سوالك شي ؟ جوانا وهي تشاهق : بالحـــ ـــــــ ـــوش طلع له بكل عصبيته وهو يشوفه متكور على نفسه ويتاوه قرب منه شاف فخذه تنزف شاله من بلوزته بعصبيه : حســبي الله عليــك من ولـــد قوم الله يــاخذك وسحبه وراه وهو راكع من الالم ورماه بقوه بوسط الملحق وهي يشتمه ويتحسب عليه خالد بصوت عالي : جوانا جات وهي لامه بلوزتها وتشهق من البكي وقفت عند الباب تناظرهم بصمـت خالد : ســــوا لك شي ؟ جوانا وهي تشير بالنــفي خالد : طيب روحي على غرفتك قفل الباب عليه بالمفتاح مرتين وخلاه يتعذب ويتاؤه من الالـم لانه يستاهل ..المفروض حقه الذبــح وطلـــع وخلاه خابر اني قد سقيتك في ضماك وانت كن الله لغيري سخرك .. ركب السياره بعصبيه وركبت وراه وقلبها يدق بخووف الزين بقهر : يعني ضروري تتضارب معهم؟ طارق بعصبيه : انتي اووووووص كله منك انتي وهالطرحه؟ الزين : هي طارت مع الهوى بعدين هم اللي صارخو مافيهم عقل وانت نزلت عقلك لهم طارق : عشاني معطيك وجه قلتي اتلثم ماهو قايل شي لو هو رامي كان لف وجهك بكف ؟ هذا نهاية دلعي لك الزين بعصبيه : طرررررروق شفيك انهبلت وسويتها سالفه حسستني متعمده اطيح طرحتي شهقت لما شافت خشمه بدا ينزف دم اخذت مناديل وعطته بهدوء : خذ .. خشمك ينزف هو حبيبي بس حبيبي من بعيد لا كلام ولا وصال ولا حتى لقى .. اليوم الثاني بالدوام.. الصباح.. بالمستشفى سالم : ماقلت لك؟ طارق : وشو ؟. سالم : خوينا طلع كذاب هههههه طارق : مين ؟ مافهمت سالم : طلال يوم قال انه مشبك جوانا وانه خذا رقمها طارق بقق عيونه : من جددددك ؟ سالم يضحك : اييه قسم بالله شفتها امس بالمغرب تلعن والدي والديــنه تقول له ماتستحي على وجهك ماعندك كرامه وين حنا فيه يوم تطلب رقمي ويوم جيت حشرته سكت ماقال شي هههههههه طارق بعصبيه : ابن الكلب طلع من الصيدليه بسرعه وهو متوجه لمكتب طلال فتح الباب بعصبيه : يابن ال....... تمشي وتتكلم بشرف الناس وش انت من الرجال .. ماتخاف الله انت.. ماعندك خوات ما انت خايف بكره واحد يتكلم بخواتك ؟ طلال يعقد حواجبه وباستغراب : نعم وش السالفه علامك هايج كنك ثور ؟ طارق قرب منه ولكمه على وجهه باقوى ماعنده وبدت المضــاربه بينهم شوي دخل بينهم سالم ويحاول يفك بينهم.. شوي شوي لين تجمعو كل الاطباء بالغرفه خمس دقايق وجاء يركض ابو الجوهره دخل بعصبيه وفكهم عن بعض ودف طارق على ورا بقوه وبصوت عالي : كل واحد فيكم طول الباب وتتضاربون كنكم ورعان وش بقيتو لهم ياحــيف بس طارق بعصبيه : يبــه الكلب ذا متعرض لوحده تشتغل عندنا بالمستشفى ويطلع عنها كلام ابو الجوهره باستفسار : وش قايل ؟ طارق : ماخللا ولا وحده الا وتحرش فيها مايستحي على دمــه .. واخر شي يتبلى على وحده يقول انها معطيته رقمها وتكلمه ..يرضيك يبه ؟ ابو الجوهره بهدوء : طلال تعال معي المكتب لك مهره من بد الازوال تهواك ولا غير شخصك فاز وارخى رسنها .. بَ كافتيريا الجـامعه.. اماني : طيب وفصلتي فستان الزواج ولا لسى ؟ الزين بملل : والله للحين اماني : طيب من اللحين ضروري تلحقين ترا ماعاد يمديك يابنت باقي بس شهرين ونص ؟ الزين : يختي ماودي اتزوج اللحين احس بدري ياليتني ماتسـرعت ؟ اماني بصدمه : يعني ما ارتحتي له ؟ الزين : منهو ؟ تقصدين خطيبي بالعكس مافي منه ومره مرتاحه معه وحابته بس مابي اتزوج اللحين اماني : اجل بلا دلع دامكم تحبون بعض وهو طيب معاك فلا تطيرينه من يدك ترا الرجال الطيب نعمه الزين : صادقـه والله اماني بابتسامه : تحبينه ؟ الزين : يا جعلني فدوته اموت عليه مو احبه وبس ؟ اماني تضحك : بعد عممممري اللي يحبون الزين : احلى مافي هالترم انو اخر ترم بالحياه واخيرا بنفتك من الجامعه.. اماني تتنهد : ااااااااه واخيراااا من جد الزين بتفكير : وينها بنت خالتك ؟ اليوم عندها محاظرات من الساعه ثمان وللحين ماشفناها حتى اتصل عليها ماترد تتوقعين غايبه؟ اماني : اييه اكيد غايبه عيش فيني وحبني لاخر مدى وانا احبك واعشقك واهيم فيك كل جرح من عندك فدى وانا اضمن لك - جروحي ماتجيك - .. الساعه سبعه ونص الليل.. دخلت غرفة طارق دقت الباب مرتين على اساس الباب مقفل شدت عالمقبض وفتح معاها.. الزين : غريبه اول مره غرفته تكون فاتحه شكله ناسي يقفله .. دخلت تدوره سمعت صوت الماء "شكله يتروش" دخلت غرفته شافت جواله عالسرير بفضول قربت منه وفتحته وصارت تقلب فيه فجئه بققت عيونها بقوه مصدووووووممممه الزين : جواانننننااااااا وصارت تقلب فالصور بصدمه وكل ماشافت صوره شهقت مره بفستان قصير مره بشورت " معقوووووله تكلم طارق؟ مسسستحيل وش صاير ؟ زادت دقات قلبها وهي تشوف الصور فجئه حست صوت الماء اختفى نزلت الجوال مكانه وطلعت من الغرفه وهي في حالة ذهول !!! وتحاول تستوعب "طارق وجوانا .. بس هي مخطوبه ...... كيف ؟؟؟ وتحب يوسف.. ليش تكلم طارق وترسل له صورها ياربي وش قاعد يصير.. طارق طلع من الحمام وهو لاف المنشفه على خصره وباستفسار : وش تسوين عند باب جناحي ؟ رفعت راسها وهي ضايعه.......... نقف هنا.. هــذا البـــارت لعيون صديقتي تغريد.. لنا لقاء قريب إذا كتب الله لنا عمر استغفـرالله واتــــوب أليــــه | ||||
|
|
|
30-01-14, 06:17 AM
| #14 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البـارت الثــالث عشر.. مآعآد به لذه ولو فيه تجديد .... كل شي ممل ومآله آدنآة قيمه .. الساعه التاسعه والنصف مساءً.. الجو الرايق وريحة المطر وريحة الاشجار باختصار الجو بحديقة البيت كان يجنن الزين ووهي تجلس : انا ياوخيتي تعيبآنه مافيني شده ..عظيماتي مااش وابو العيال بيعرس علي تهي تهي) توليب تلوي البوز : بدينا بسوالف العجايز ايوا ياجدتي وبتركيز في الزين " زوز نحفانه احس وزنك نقص؟؟ الزين تلتفت تدور على اقرب شي موجود عالطاوله وتحذفها فيه.. توليب ترجع ترمي علبه المنديل على راسها الزين وهي تفرك يدينها براسها : عورتيني يالبطه وش ذا ماينمزح معك؟ توليب : اجل تحذفيني واسكت حشا ماسكتش عن حقي هههههه الزين: حمآره لعد تقولين نحفآنه يضيق صدري والزواج قرب.. توليب تضحك : وبتدخلين عش الزوجيه ياعمري الزين بجديه : الا صدق توته ماعلمتيني اخبار اخوي معك؟ توليب : تمام الحمدلله الزين بضجر : شبعنا من هالكلام؟ اقصد كيف معاملته معاك اخوي ترا يحب بس مايبين مشاعره يمكن محسب انه لو طلعها بيموت ولا شي ههههههه رامي وهو يلحق على اخر شي قالته : وانتي يالملقوفـه وش عندك مسويه فوزيه الدريع وتحللين شخصيتي عند زوجتي؟ الزين تضحك : تصدقين احلى كلمه ممكن يقولها لك زوجتي ترا يحس انه قاعد يمدحك هههههههههههههههه واول ماشافته قرب منها نطت وطاح الكرسي على ورا وركضت مُبتعده عنهم.. توليب : يالخوافه هههههههههههههه رامي يجلس جنب توليب وهو يضحك : بس فالحه بالهياط نفخت روسنا بكثر هياطها وعلى هالعاده.. الزين من بعيد : خل طروق يجي واوريك اخ بس لو عندي عضلات كان ماهربت منك ههههه ولوٌ الموادع ما هو كايـد وكسـرة ظهـر .؟ ................. ما شفت في نظرة حروفه رجى وإحتيـاج .. ببيت صغير ومتواضع.. اماني : عاد تصدقين لو ماجيتي كان ذابحتك جوانا بضيق خلق : جيت ومشي الحال اماني : خير وش عندك معصبه شوي وتاكليني جوانا : مافيني شي .. وقامت من مكانها اماني : وووووين ؟ جوانا : بروح الحمام واول ماطلعت من الصاله وراحت لقسم الحريم حست باحد يحظنها من ورا ضربته بكوعها في بطنه بقوه ورجع على ورا وهو حاط يده على بطنه وبمزح : ماكنت اعرف انك عنيفه وراعية حركات بهلوانيه.. جوانا معقده حواجبها : ليه ماقالت لك اختك عن مشرطي الوردي؟ يوسف قرب منها وهو يبوس يدينها بشوق : الا قالت بس ماصدقتها عارف انها تطلع من وراك اشاعات هههه جوانا نفضت ايدينها منه بهدوء اما هو رفع حاجبه الايمن باستغراب : وشفييك ؟؟ جوانا باعتذار : مافيني شي بس تعبانه شوي ومابيك تشوفني بهالمنظر يوسف وهو يتاملها من فوق لتحت : أي منظر ياشيخه انتي بكل حالاتك سحر .. اخ منك عنيده لو تقدمين زواجنا بس ؟ قرب منها وحظنها بشوق .. شهرين ماشافها ولما شافها اللحين مو قادر الا يحظنها ويقبلها بشوق جوانا دفته بعصبيه : اقولك اتركني ؟ يوسف بصدمه : جوجو شفيك ؟ دفته على ورا وطلعت من المكان بعصبيه.. تدري وش خطاي الله يسامحني قفايتي عنك وانت الي تمنيته.. .. اليوم الثاني.. معزومين عند اهل الجوهره مسويه حفله بسيطه بمناسبة حمل الجوهره وعازمين بعض اقاربهم ومن ضمنهم اهل الجوهره وعمانها.. سمعت صوت حاتم يتنحنح يبي يدخل .. وانتبهت لفاديه اللي جات تتمخطر ومافاتت عليها الحركه الزين بعصبيه : ارجعي وراك زوج اختي بيدخل فاديه برفعة حاجب : وانتي مين عشان تكلميني بهالطريقه ؟ الجوهره توها تجي وعلى راسها الف علامة استفهام : خير شفيكم ؟ الزين : الزباله هذي ماتستحي غصب تقط نفسها على رجال باعها برخيص واخذ الغالي "وبقرف" صدق اللي استحو ماتو !! فاديه اللي ماتحملت الكلام ماحست الا بيدها تمتد لخد الزين وتصفعها بقوه .. غيداء اللي كانت واقفه جنب الزين مسكتها مع شعرها وسحبتها لعندها بقوه وصطرتها كفين باقوى ماعندها الزين تهجمت عليها بعصبيه .. على طول مسكتها الجوهره وهي تحذرها : لاتفشلونا بالناس وش يقولون عنكم خلاص "وبعصبيه سحبت غيداء وهي تحاول تفكها من يدينها .. الجوهره لفاديه : وانتي روحي من هنااااا فاديه تبكي : تضربوني ببيت خوالي والله لا اندمك حق الكف ياووووقحه .. وراحت وهي تمسح دموعها حاتم بصوت عالي : الجوهره الجوهره وهي تلطم وجهها بخفيف : وش اقوله اللحين فشلتوني الله يفشلكم الزين بعصبيه : انتي ماشفتيها مدت يدها علي عساها بالكسر قسم بالله لو فاكتني عليها لاقطعها تقطيع تركتهم الجوهره وراحت لزوجها اللي ينادي.. غيداء بانتقام : سطرتها كفين يحبها قلبك الزين وهي تشد من قبضة يدها ويبان الخاتم اللي اهداه اياها طارق سان لوران الكبير "وبقهر" كان نفسي الكمها واكسر لها خشمها ذا الواقف ..عمى متكبره غيداء تضحك : ههههههههههه تصدقين شعرها يابس من كثر ماحطت فيه اسبريه "مثبت الشعر" الزين : هههههههههههههههههههههه قـلبها...! يآ هنيك ب قلبها يآ [ الميت..]..! .. اماني : كلمت امي وخالتي وقلت لهم بنروح نتعشى بمطعم ووافقوا جوانا بدون لاتناظرها : وانا مابي اروح اماني : والله مو على كيفك بتروحين وغصبا عنك ريناد دخلت عليهم وهي تلبس عبايتها : بسرعه السواق برا "وبصدمه وهي تطالع جوانا" شفييك مالبستي عباتك؟ جوانا : ماني رايحه مالي خلق والله ريناد بعصبيه : هه قالت مالي خلق وقسم بالله ان تقومين وتروحين معنا ورجلي على رقبتك بعد !! اماني : ههههههه يالله قومي بلا دلع ريناد ترمي عليها عبايتها : يالله البسي ولا تبيني البسك؟ تدري هـ الليله / طويله : وإحتياجي لك عذاب .. بالمطعم.. فجئه جلس معهم بالطاوله شخص .. رفعت راسها بصدمه بتشوف من هاللي جلس معهم يوسف بابتسامه : السلام عليكم الكل ماعدا هي : وعليكم السلام اماني وريناد يقومون من على الطاوله .. ريناد : نخليكم على راحتكم جوانا بصدمه : على ويييين ؟ ريناد بابتسامه : بنطلع للعرب بنقابل صديقاتنا يوسف بابتسامه : وانتي بتجلسين معي ؟ وانسحبو من المكان بسرعه .. قبل يشوفون باقي ردة فعلها يوسف بحنان العالم : شفيك ؟ زعلانه مني جوانا نزلت راسها بدون لاترد عليه يوسف بدا يقلق اكثر : سئلتك بالله تقولين لي شفيك ؟ جوانا وقفت بعصبيه : لاتحلفني بالله يوسف بهدوء : خلاص اجلسي رجعت جلست وبهدوء : ماني زعلانه منك يوسف برقه : طيب ليه تعامليني كذا ؟ تعرفين اني ماقوى جفاك جوانا : والله مشكلتي مو معك ؟ يوسف : خالد مضايقك يعني.. ؟ جوانا : مابي اتكلم بهالموضوع ولا تناقشني لو سمحت يوسف بابتسامه يغير الموضوع : خاطرت علشانك وطلعتك معي.. انتي تدرين لو يشوفنا خالد مع بعض ان يذبحني ويذبحك ههههه جوانا ابتسمت من قلب : هذاك عارف ومخليني اخاطر معك يعني كلنا بنروح فالرجلين ههههه يوسف : يابعد هالدنيا انتي.. ايه اضحكي ردي لي الروح "وبجديه" تدرين اني على اعصابي لين ضحكتي اللحين يخرب بيت الحب جوانا : والله فوق طاقتي اعذرني.. يوسف : انتي بس فكري تعيدينها المره الجايه اخطفك من يدين خالد جوانا : ههههههههههه يوسف يمسك ايدينها ويشدها لفمه ويقبلها بشوق "وبتنهيده" وحشتيني.. وش سويتي بقلبي يابنت؟ سيّر علي ’’ بس امسح دموعي وروح ..}..!! .. جالسه بالحديقه تفكر بعمق مصدومه من الصور اللي شافتها بجوال اخوها "والحل يعني" وهالفتره ماجلست مع طارق كثير كان مشغول ومايجلس بالبيت كثير .. تاكل اظافرها بتوتر صار لها اسبوع تفكر بهالسالفه ومو قادره تشيلها من بالها والاكيد انها ماراح تعديها على خير شافته توه جاي من برا قرب منها وباسها بخدها وبضحكته المعتاده : من زمان عنك ؟ عدلت جلستها وناظرته بهدوء عكس طبيعتها الزين : طارق وش علاقتك بـ جوانا ناظرها بصدمه لثواني بدون لاترمش عينه مستغرب من سؤالها قطب حواجبه : تقصدين صديقتك جوانا ؟ الزين ضحكت بتوتر : مسوي مستغرب من سؤالي وانت تكلمها من ورانا واكيد تقابلها طارق : انتي تكلميني من جدك اللحين؟ الزين بعصبيه : طارق لاتوترني اكثر من كذا طارق بعصبيه اكثر : انهبلتي انتي ولا انهبلتي وش السسسالفه؟؟؟ الزين : شوف صورها اللي معبيه جوالك وتفهم السالفه طارق برفعة حاجب : وانتي كيف شفتيها ؟ الزين : قبل اسبوع نسيت جوالك مفتوح وبالصدفه شفت صورها عندك ؟ وش بينكم طارق بعصبيه : مابيننا شي الزين : وصورها كيف جات عندك ؟ طارق : شي مايخصك الزين : قاعد تكلم وحده متزوجه وصديقتي بعد وتقولي مايخصني ماتخاف ربك انت ياخي مصدومه من اللي قاعد يصير اللي اعرفه انها تموت على خطيبها كيف كلمتك مدري !! طارق : قلتلك مابيني وبينها شي الزين : لاقيني باللفه؟ غبيه انا ما افهم يعني طارق : بالطقاق عساك مافهمتي وقام من الكرسي بعصبيه متجه للداخل تاركها وسط حيرتها .. جيتك .. وخلّيت الكرامه ، على ( جنب ) ، وأقفيت أنا ، خسران : " حُب وكرامه " ! .. قاعده على اعصابها تنتظر تخلص امها هالمكالمه اللي اقلقتها واول ماقفلت من اللي تكلمه جوانا بقلق : يمه شفيه ؟ ام خالد : يوسف قتل واحد وهو بالسجن اللحين خارت قواها وطاحت عالارض وهي ترتجف بلعت ريقها بصعوبه وبللت شفايفها بلسانها وبصوت مخطوف : ............. نقف هنا.. هذا بارت تحميسي واعدكم بـِ بارت طويل الاثنين القادم باذن الله.. واعتذر ماقدرت انزل غير بارت واحد لاني مشغوله والله فلاتحرموني من ردودكم وارائكم بالبارت انتظر توقعاتكم.. في حفظ المولى سبحان الله وبحمده.. سبحان الله العظيم | ||||
|
|
|
05-02-14, 01:26 PM
| #15 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت الرابع عشر.. جوانا بصدمه : يمه شفيكم ؟ ام خالد : يوسف قتل واحد وهو بالسجن اللحين خارت قواها وطاحت بالارض وهي ترتجف بلعت ريقها بصعوبه وبللت شفايفها بلسانها وبصوت مخطوف : يمه يوسف انقتل ؟ ام خالد بحُزن : يابنتي الله يهداك يوسف اللي قتل واحد جوانا بخوف اكبر : متى صار ذا الكلام ؟ ام خالد : اليوم العصر وتو اختي تعلمني خاطرك هذا مسوي بي سوايا كلما قالوا عشانه قلت قدام جالس لوحده بعد ماقامت اخته من عنده دخلت مزاجه هالبنت من سوالف اخته عنها وتاكد انها الوحيده اللي تصلح له بـ قوة شخصيتها .. متاكد انها هي المناسبه له وقرر يخطبها من كثر ماتحن عليه امه يتزوج وهي اللي تنفع له لو غبت لو صديت لو بقتني بوق ..؟نفسي على شوفك تراها شفوقه .. الزين : يمه بقولك شي ام الجوهره بـ قلق : وش عندك بعد ؟ الزين : يمه طروق يكلم وحده متزوجه ام الجوهره بـ صدمه : وش تقولين انتي اخوك طروق متاكده؟ الزين : ايه والله شفت صورها بجواله وعرفت انها مخطوبه وكلمته لكن عصب علي وقالي مالك دخل يمه غلط اللي يسويه .. ام الجوهره بـ هدوء : خليه يجي واتفاهم معه وخذت جوالها وضغطت على رقمه اللي حافظته شوي سمعت صوته .. ام الجوهره : طروق وينك طارق : توني داخل البيت ليش؟ مـدري ؛ بـ / مـوَت مـن العطـش ؛ وَإلآ ؛ بـ / مـوَت مـن الغـرق ! .. خالد بصوت عالي : والله ماتقعد بذمته دقيقة وحده يطلقها ورجلي على رقبته بعد ام خالد : ياولدي الله يصلحك ذا ماهو كلام ولد خالتك بالسجن وانت تقول كذا خالد : ذا كبره ويروح يتهاوش مع مبزر ويقتل وتبينها تقعد بـ ذمته بعد !! جوانا اللي كانت تسمع الكلام وساكته انفجرت بـ عصبيه : انت ماتتتتححححس الرجال بالسجن وانت تقول يطلق الله ينتقم منك سحبها من شعرها وبعصبيه : والله ماتقعدين بـ ذمته هالاسبوع بس وانتي مطلقه ام خالد بعصبيه : اترك اختك لاتخليني اغضب عليك تركها بعصبيه وهو يقول : تعودينها عالدلع انتي ماتشوفينها كيف ترفع صوتها علي ام خالد : روحي على غرررررفتك كل ماجيت اسامح وتناسى خطاك صاحت جروح قلبي القصاص القصاص..] .. ام الجوهره بـ هدوء : عطني جوالك اشوف ؟ طارق بصدمه : يمه شفيك ام الجوهره : شفيك منصدم ؟ طارق : اول مره تطلبين جوالي وش تبين فيه ام الجوهره : بشوف هاللي ماخذه عقلك وتكلمك من وراه زوجها .. طارق بعصبيه : انا داري ان الزين قايله لك لكن وربي انها فاهمه غلط ام الجوهره : طيب وصورها اللي بجوالك وش تفسيره.. ؟ طارق معقد حواجبه : يمه ماراح تفهمون ولاتقعدين تحققين معي كني وحده من بناتك؟ ام الجوهره بعصبيه : وشفيهم خواتك مربيتهم وواثقه فيهم طارق بعصبيه : ماقلت فيهم شي بس لاتجين تحققين معي وانتي مو متاكده من كلام زوز ام الجوهره : طيب عطني جوالك اشوف !! طارق : ماني معطيك ولاني مضطر ابرر لاحد ..وطلع من المكان معصب أذكر إنيّ كنت بين إيدك وصنت..؟وإذكر إنّك في جروحي " حاآتمي .. بعد يومين بالضبط.. ابو ياسر بابتسامه : والرجال ضابط وعاجبتني شخصيته وسالت عنه قالو لي ونعم غيداء : بس يبهم ابي اتزوج اللحين ابو ياسر : اختك اللي اصغر منك تزوجت وش تنتظرين انتي بعد ؟ غيداء : يبه انا مبسوطه عندكم والله يخليكم لي ابو ياسر : انا وامك محنا دايمين لك وانا اقول وافقي عالرجال برضاك او اعطيه الموافقه انا .. غيداء بغصه : يبه لاتجبرني ابو ياسر : انتي تخليني اجبرك كم واحد رديتيه للحين كم واحد هاه ؟ غيداء : مو غصب الزواج انا مرتاحه ببيتنا ابو ياسر : وانا ماراح ارتاح لين اشوفك مع ابن الحلال اللي يقدرك ويسعدك .. غيداء : يبه لاتجبرني عليه الله يخليك ابو ياسر ينهي الحديث : لك القرار اذا تبينه او لا بس اللي بيتقدم لك المره الجايه بوافق عليه وبدون علمك انتي بكيفك .. بعطيك اسبوع تفكرين اذا تبينه او لا غيداء : مايحتاج اسبوع.. خلاص موافقه ابو ياسر بحنان : اجل الله يكتب اللي فيه الخير وامنعيني تفشليني معهم غيداء بقهر : افا يبه متعود افشلك ابو ياسر : ههههههههه لا ماني متعود بس اللي اعرفه انك عنيده وشكلك بتجننين الرجال ليش تبعد.؟! وآلليآلي في .. خييآلي تحتريك ..وآنت تدري / في غيآبك ، تنهدم فيني منآبر .. بعد مرور شهر مرت احداثه على البعض حلوه والبعض الاخر سيئه وقبل مرور شهر من الان.. راح خالد للسجن وطلب من يوسف يطلق اخته لكنه رفض وبقوه فـ اضطر انه يخلع اخته منه بالمحكمه وتم الخلع .. بيوم زواج الزين.. نقف هنا.. ادري البارت قصير بس وربي انه فوق طاقتي اكتب اللي اقدر عليه ومتى ماقدرت نزلت بارت لان ماعندي نت هالفتره واعطي بنت عمي وهي اللي تنزل البارت انتظر رائيكم بالبارت وتوقعاتكم فـ لا تحرموني منها سبحان الله وبحمده.. سبحان الله العظيم | ||||
|
|
|
| مواقع النشر (المفضلة) |
| الكلمات الدلالية (Tags) |
| للكاتبة, البحر, خليّ, ينشاف, وميلاد |
| أدوات الموضوع | |
| انواع عرض الموضوع | |
|
|
العرض العادي
