آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
28-10-13, 10:19 PM
| #1 | ||||||||||||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  ينشاف نور البدر من زين خليّ / للكاتبة موت وميلاد
التعديل الأخير تم بواسطة لامارا ; 29-10-13 الساعة 11:52 AM | ||||||||||||||
|
|
28-10-13, 10:21 PM
| #2 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
|  البارت الاول : فرحه اغتالتها الصدمات ..جروح تنبض ولم تندمل .. احلام تنصدم بواقع مرير .. جبروت انتقام ..علاقات متفككه ولحظات فرح مسروقه .. من منا لم يحلم بالسعاده؟؟! من منا لم يقضي ليالي وساعات في بناء احلام واماني وبلمح البصر يجد نفسه بلا احلام؟؟ و إن شفتني : مكسور قرَب ، و قل لي يَ كم على درب الوفا من " مظاليم " ! .. الساعه العاشره والنصف ليلاَ .. بالشارع وقبل تدخل البيت فكت غطا الجوال من ورا وطلعت الذاكره وحطتها بجيبها ورجعت ركبته وحطته بشنطتها تنفست براحه لما تاكدت انه مو موجود وراحت على غرفتها قفلت الباب وفصخت عبايتها دخلت يدها بجيبها تطلع الذاكره.. شهقت بخوف وهي تدخل يدها مره ثانيه تتاكد.. دورت بالارض ممكن تكون طايحه عند رجولها .. بعد ماقلبت غرفتها وهي تدورها طلعت للصاله والحوش ... ومالقتها رجعت طلعت فوق بسرعه وقفت بالصاله تتامل المكان وقفت عيونها على عباية امها معلقه .. لبستها بسرعه وطلعت تدورها بالشارع وراحت للمكان اللي فكت الذاكره فيه : ياربي كيف بـ الاقييييه الحين ؟؟؟ المكان كله تراب وقفت عندها سيارة بي ام سوداء : انتي وش موقفك هنا ؟؟ جوانا مسحت دموعها : ضايعه لي فلوس هنا وقاعده ادورها تقدم لها بسيارته وشغل نور سيارته عالمكان اللي تدور عليه وبابتسامه : يالله دوري عليها دورت ودورت ودورت بس للاسف مالقت شي .... : تبيني اساعدك ؟؟ ناظرته وبعدين كملت بحث جاء هو .. وصار يدور معاها جوانا : لو سمحت قدم سيارتك شوي هنا عشان اقدر اشوف ؟ بقلبه "كنها بدت تمون" .. وركب سيارته وتقدم للمكان اللي اشرت عليه اقترب منها وبصوت غاضب كاسح : جوانا ؟؟؟ جوانا وكنها بدت تستوعب ان وقفتها بهالمكان غلط وبخوف : ه هـ ـااه قرب منها وعيونه تتطاير شرار : وش تسوين هنا ؟؟ جوانا تبلع ريقها : فلوسي ضاعت هنا وقاعده ادورها خالد بعصبيه اكثر : وذاك وش يسوي هناك ؟ جوانا بلعت ريقها : مدري وقف يسالني محتاجه شي ؟ و إن شفتني : مكسور قرَب ، و قل لي يَ كم على درب الوفا من " مظاليم " ! .. .... بابتسامة استهزاء : هذي لايكون مضيعه لها مليون هنا ؟ ههههههههههههه جاء بيركب سيارته لفت انتباهه شي عالارض انحنى شاله : ذاكره!!! حطها بجيبه وركب سيارته ومشى.. و إن شفتني : مكسور قرَب ، و قل لي يَ كم على درب الوفا من " مظاليم " ! .. جوانا بصياح : ماسويت شي يامتتتتتخلف اقولك ماعرفه والله ماعرفه والله خالد : اجل وش تسوين باخر الليل بالشوارع بتجيبين فضيحه لنا انتي ؟؟ جوانا : متتتتخلف انت؟ اقولك توني جيت من بيت خالتي وانا داخله طاحت الشنطه من يدي وفقدت فلوسي رجعت ادورها رجع يسطرها بكف ويسحبها من شعرها : وتطلعين اخر الليول عشان تدورينها وهذاك وش يسوي؟ جوانا بالم : اذا شفتني اكلمه او بسيارته ذاك الوقت حاسبني عطاها كف اقوى من الاول : قوية عين والله ؟؟ ضربته بركبتها على مكان حساس .... ترك شعرها وركع يتاوه من الالم ... وركضت باقوى ماعندها وطلعت الدور الثاني وقفت تايهه وين تروح وبسرعه راحت على غرفة الغسيل فتحت الباب بشويش وقفلته وراها وتخبت ورا الغساله حاظنه رجولها وقلبها يدق بقوووه .... اب متوفي .. وام ضعيفة خالد الاخ الاكبر 34 سنه متزوج من فاطمه ولديه محمد باول ابتدائي ومالك 3 سنوات ولين سنتين ثم فيصل 27 سنه ثم ابتسام 25 سنه متزوجه ولديها ابنتين دانه 3 سنوات وداليا سنه .. واخيرا جوانا 20 سنه ثاني جامعه .. و إن شفتني : مكسور قرَب ، و قل لي يَ كم على درب الوفا من " مظاليم " ! .. اليوم الثاني الساعه السابعه صباحاَ .. بحي راقي من احياء جده عند قصر كبير وتشكيله رائع .. تقدمت من باب غرفته حاولت تفتح الباب بس مافتح معها ضربت الباب بقوه برجلها ورجعت تضربه بقوه برجلها مرتين ثلاث اربع خمس ست سبـ ... فتح الباب طارق بعصبيه : نععممممممممم ؟؟ خير وش هالدق عساك بالكسر الزين بابتسامة ناعمه : صباح الخير اخوي طارق : اذلفي من وجهي لاكمل على يدك الثانيه واكسرها .. غبيه انتي وهالرجل حديد اعوذ بالله ؟؟ الزين شهقت : اذكرالله وجع "وبابتسامه" ترا الساعه 8 طارق برعب : احللللفي؟ ليه ماصحيتيني من 7 ... عندي محاضره مهمه .. مو قااايييلللللكك صحيني ؟؟؟ الزين ناظرته ببرود وتركته يتكلم مع نفسه وركبت المصعد ونزلت و إن شفتني : مكسور قرَب ، و قل لي يَ كم على درب الوفا من " مظاليم " ! .. جلست على الطاوله وبابتسامه : صحيته ابشركم واحسبو له 10 دقايق بس ؟؟ وتلاقونه نازل ابو الجوهره : هههههههههه كفو والله ببنيتي الذيبه الزين بحماس : كفوك الطيب .. وانا من ايدك اليمين لـ ايدك اليسار؟ رامي يناظر ساعته ويرفع حاجبه بروقان : لو نزل بعد 10 دقايق على قولتك .. لك اللي تبين ؟ الزين بثقه : احسب عندك ؟؟ وامي وابوي شاهدين على كلامك وبتنفذ غصبن عليك .. ؟ خذت لها كاس حليب وقامت من على الطاوله ابو الجوهره : ما افطرتي ؟ الزين : الحمدالله شبعت جلست عالكنب بالصاله وانشغلت بجوالها ... مرت 8 دقايق بالضبط .. شافت طارق يخرج من المصعد مستعجل ومحفظته ونظارته وجواله بيده اول ماشافت شكله : هههههههههه صباح الخير طارق اللي مو رايق لها طنشها ومشى من عند اهله مستعجل ابو الجوهره : خير وش عندك مستعجل ؟؟ طارق : تاخرت يبه والغبيه اللي هناك ماصحتني من الساعه سبعه ؟ ناظر الزين ثم التفت له : ههههههه اجلس افطر توها الساعه 7 ناظر جواله بصدمه وبقهر : حسبي الله عليك ابو الجوهره : تعوذ من الشيطان واجلس افطر ماينفع لك الا الزين توريك شغلك .. الله يخليها لك ههههه و إن شفتني : مكسور قرَب ، و قل لي يَ كم على درب الوفا من " مظاليم " ! .. جوانا : حسبي الله عليك .. اخرتها انام بغرفة الغسيل الله ياخذك ياكلب بالم حطت يدينها على رقبتها تفركها من نومتها الغلط .. فتحت الباب بهدوء ومشت على اطراف اصابعها .. حمدت ربها انه مب موجود وانطلقت تركض على غرفتها وقفلت الباب مرتين : اهه توني احس بالراحه اللحين توجهت للمكيف وشغلته وقفلة الستاره ونطت عالسرير بشششوق وضمت المخده : اشتقت لسريري يازززززين الراحه وهذي احلى سحبه عالجامعه اول ماحطت راسها بتنام دق باب غرفتها فزت على طول : ممممين ؟ ام خالد : قومي البسي بسرعه عشان مايجي السواق الا انتي جاهزه ماهو يضرب بوري مرتين ويروح يخليك زي الاسبوع اللي فات جوانا : يمه مو مداومه اتركيني بحالي ام خالد باستغراب : فيك شي ؟ جوانا : يمه ماعندي شي اليوم الدكتوره ماراح تجي خليني اننننناااام و إن شفتني : مكسور قرَب ، و قل لي يَ كم على درب الوفا من " مظاليم " ! .. فالجامعه .. اماني: ياهلابك ياصباح الخيير ويينك لييه متاخره؟اخلصي ماعندي رصيد الزين وهي عند باب الجامعه من الداخل وتنزل عبايتها : خلاص دخلت انتي اللي وينـك؟؟ اماني بعصبيه : عند الكافتريا بس اخلصي انتظرك..يالله تقلعي ماعندي رصيد حطت جوالها بجيب بنطلونها طلعت مرايه صغيره من جيبها تعدل شعرها .. وهي ترفع اصابعها تمسح الكحل السايح من عيونها وبهمس : انا وش خلاني اتحمس واكحل عيوني ؟؟ اصرخت مفجوعه من اليد الي انحطت على عيونها فجئه : بسم الله الرحمن الرحييم وش ذا طيحتي قلبي ؟ تحاول تلف عشان تعرف مين هاذي لكن ماقدرت وبياس : ياحول فكيني .. كحلي راح فيها ..الزين بلا سخافه حاولت تمسك ضحكتها وهي تشوف اماني شوي وتصييح ماقدرت وبضحكه فكت يدها : انا غيداء .. انا معقوله ماعرفتيني > تسبل برموشها اماني وهي معصبه : ولعنه طيحتي قلبي (وبصراخ) خربتي كحلي ومكياجي اللي سويته !!!! غيداء وهي تناظر بعيون اماني : الحمدلله والشكر كحل وتقولين مكياج الله من الدجه بس اماني وهي مبتلشه بالكحل السايح على عينها : قلت اكشخ .. مير نبي الزين والزين مايبينا هههههه غيداء بعد الضحك : وين البنات ماجو لسى؟ ووين بنت عمي ماجت ؟ اماني وهي تضحك : الذيب على طاريه يجي الزين بابتسامه : يالله انك تحييني وتبقيني وتخليني اماني : ياهلين وسهلين ومرحبتين شو هالزين يخز العين .. يخرب بيتك الزين تقاطعها : قلبتيها محاظره ههههههه ايار بحماس : سلام عليكم بعد مارد الكل السلام .. الزين : الله حي الشيخه ايار وعيونها على بنت ماره من جمبهم كانت كيوت حييل صفرت وبصوت عالي : وش هالزين وش هالصواريخ اللي تمر علينا ؟ البنت ناظرت بايار مستغربه من كلماتها وحطت عينها على كتبها وكملت طريقها ايار : ياااهووووه ياالثقيل صدق اللي قال الثقل صنعه هههههههههههههه غيداء : فشتلينا يوري هالحيين البنت تصدق عمرها ونبلش ايار وهي ترفع كتوفها وتعدل بلوزتها السوداء الرسمي الواسعه : ياصباح الليل بالمسا ياحلى صباح اجل فيه احد يصبح على مزز وماتنتفتح نفسه ؟؟ اماني وهي تضحك : بشويش على عمرك لايطق فيك عرق ماهي بجايبه خبرك ابد .... ؟ ايار بعصبيه : كم مره اقولكم لاتقولون لي يوري ينمغص بطني تحسسوني اني بنت مدلعه ؟؟ اماني حاطه يدها تحت دقنها وحركتها يمين ويسار لين سمعت صوت دقه رقبتها وبابتسامه من ابتسامتها الحلوه : طيب ولاتزعل مانخليك بنت ابد ههههههه ايار : وماني ولد بعد ؟ ( ايار مو بويه بس بطبيعتها عربجيه وتكره الدلع يجيب لها المغص على قولتها ) و إن شفتني : مكسور قرَب ، و قل لي يَ كم على درب الوفا من " مظاليم " ! .. قامت من النوم وناظرت جوالها شافت الساعه 11 ونص ظهر راحت غسلت وجهها واخذت عبايتها ونزلت مالقت احد وبسرعه طلعت تدور بنفس المكان على امل انها تلاقيه وصارت تدور وتدور وتدور وبقهر والدموع خانقتها : ياررب مايطيح بيد واحد مايعرف ربه يارب استر .. يارب بعد ماياست انها تلقاه توجهت للبيت وجلست بالحوش تفكر والخوف ماكل قلبها حظنت راسها بيدينها تفكر وش تسوي .. دقايق وراحت تسحب خرطوم مويه وراحت للشارع ونفس المكان وصارت ترش عالمكان مويه لين غرق المكان كلياً "اقل شي لو لقاه احد تكون الذاكره خربت" ودخلت للبيت وحست بدوخه من حرارة الشمس اللي صكت راسها وتوجهت للمطبخ وخذت كاس ماء بارد ورشت على نفسها تبي تحس بالانتعاش .. بعدها جهزت فطور واكلته وراحت غرفتها و إن شفتني : مكسور قرَب ، و قل لي يَ كم على درب الوفا من " مظاليم " ! .. اماني وهي تغني وترقص فالممرات .. الزين حاطه السماعات زي العاده وداخله جو مع الاغنيه وايار عينها على الرايحه والجايه مارحمت احد من نظراتها.. لفت بطفش وهي تصارخ :اماني وصمخ اسكتي فجرتي اذني على بالهم الخلق انك مجنونه ؟ اماني وهي ترفع صوتها : حبيبي برشلوني ويموت ف برشلونه "وتهز كتوفها عناد" الزين وهي تنزل السماعه من اذنها : انتوا وش فيكم بس تهاوشون ترى ازعجتونا ؟ ايار وهي تشمر يدينها : ذي ازعجتنا وهي تغني ياخي ماصارت تو هالدكتوره رافعه ظغطي مابغت تخلص تجي اماني اماني بضحكه : خلاص بسكت ولايهمك بس لايكثر صراخك ترى بيحسبونك خبله "غمزت بعينها قدام عشان تنتبه ايار للبنت النعومه .. كانت تعجب ايار حيل" ايار بعد مالاحظت وهي تبتسم وتخبط ظهراماني : ازين صوت صوتك كملي واطربينا الكل ضحك على تعليق ايار .. الزين وهي تقفل من جوالها : يالله بنات عن اذنكم انا طالعه مع السلامه .. و إن شفتني : مكسور قرَب ، و قل لي يَ كم على درب الوفا من " مظاليم " ! .. توه بيدخل غرفته عشان ينام التفت على صوت الخدامه وهي تناديه : نعم ؟ "وهو يناظر بيدها" الخدامه : مستر طارق خود هادا .. انا يلقى في جيب بنطول مال انتا خذاه من يدها ودخل غرفته وقفل الباب وراه برجله وهو يناظر فالذاكره الصغيره اللي بيده .. حطها عالكومدينه وفصخ بلوزته بتعب ورماها عالارض وانسدح على سريره ... و إن شفتني : مكسور قرَب ، و قل لي يَ كم على درب الوفا من " مظاليم " ! .. المغرب .. هم ساكنين بالدورالثاني وخالد ساكن بالدور الاول ومزعج جوانا عالطالعه والداخله .. تتمنى بس لو انه ساكن بعيد عنهم كانت جالسه بالصاله تتابع التلفزيون واول ماشافته عدلت جلستها بخوف كانت تبي تهرب بس ماعاد يمديها .. واستسلمت للواقع خالد : السلام عليكم جوانا من غير ماتناظره : وعليكم السلام خالد يجلس جنبها وبحزم : اللي صار امس اتمنى ماينعاد طالعه اخر الليل عشان تدورين فلوسك اللي طاحت من يدك ؟ لو تعرض لك ولد حرام لو شافوك الجيران وش بيقولون عنا ؟ كان كلمتيني انا ادورها لك .. ماهو تطلعين بذا الوقت عشان تدورينها ؟ جوانا معقده حواجبها : مافكرت وقتها بشي خالد : لان مخك هذا يبيله تكسير ؟ ماتعرفين تفكرين انتي جوانا وهي توقف : تحسسني ان اللي سويته فضيحه ؟ تراني افهم من مره وحده مايحتاج تعيد علي الف مررره وبسرعه غمضت عيونها وغطت وجهها بايدينها ورجعت على ورا بخفه وصكت بالطاوله الصغيره وطاحت عالارض خالد يمسك نفسه : تستاهلين ؟ "وطلع من المكان قبل يتهور ويجلدها" و إن شفتني : مكسور قرَب ، و قل لي يَ كم على درب الوفا من " مظاليم " ! .. بأحد القصور الكبيرة والفخمة ذو اللون الأبيض والزخارف الإسلامية الذهبية ببوابة سوداء عملاقه تخللها اللون الذهبي أيضا في زخرفة أبوابها والحديقة الخضراء الواسعة والزهور المنتشرة فيها والنافورة الكبيرة في وسط الحديقة .. على كراسي من سعف لونها زيتي .. وطاوله دائريه كبيره من زجاج الزين بملل : والاختبارات مابقى عليها الا اسبوعين ام الجوهره : شدي حيلش وخلي اللعب كلها اسبوعين تختبرين فيها وبعدها تاجزين وترتاحين الزين : ههههههه كل سنه نفس الموال .. واحمل ماده يمه تكفين لاعاد تنصحيني ام الجوهره بعصبيه : قسم بالله لو تحملين هالسنه ماده .. ان تحلمين تسافرين هالعطله برا الزين وهي تستنشق الهوا بعمق : وش تشكي منه جده ؟ عادي اجلس فيها هالسنه ههههههههه ام الجوهره بقهر من برود بنتها : تحسبيني العب معش ؟ والله والله ماتطلعين مكان لو رسبتي وتشوفين يازوين طارق يبتسم بروقان : وش مسويه لك الزين ؟ عشان تعصبين وانا اخذ حقك منها ام الجوهره : ماعليك منها خبله .. اجلس اصب لك شاهي الزين بقهر : اموت واعرف وش مسوي لامي ؟ ياخي متخرفنه عندك طارق يضربها على راسها : تكلمي بادب عن امك ؟ الزين تحك راسها : جعلك الكسر قول امين .. وقسم بالله لو يدي بخير كان وريتك شغلك ؟ طارق يرجع على ورا ويتكي ويحط يدينه ورا راسه : ههههههههههههه هياطك هذا مو صاحي .. ما اقول الا الله يعين اللي بياخذك كل يوم متصفق ام الجوهره تغمز بعينها لطارق : ههههههههه الا بتتخرفن معاه واذكرك ؟ الزين بققت عيونها : ما المتخرفن غيرك ؟ طارق يقوم من على الكرسي ويسحبها من مكانها بقوه الزين : اه اتركني لاتعور يدي شالها بقوه وهي تضربه برجولها لعله يتركها .. لما شافته يقرب من المسبح الزين بصوت عالي : لالالالالاالالا يييممممممه الحقي علي .. يدي لا .. الجبس ياحيوان طارق وهو يضحك : خلك عشان تتادبين مع امك .. ترا ماهي واحد من اخوانك ؟ الزين بصراخ : يمممممممماااااه تكفين .. طارق تكفى لالا يدي حرام عليك المره الاولى بسبب مزحك الثقيل طيحتني مع الدرج الحين بتكمل علي؟ ام الجوهره وهي تضحك على ولدها : اتركها يبن الحلال لاتعورها الزين تشوف المسبح قدامها مباشره تحاول تتمسك فيه اكثر وهو يحاول يفكها .. مخشت وجهه ورقبته باظافرها وهي تسب فيه وتلعن .. اما هو رماها بالمسبح وهو يسمع صراخها .. ويضحك من قلبه عليها وهي تحاول تسبح بس ماقدرت .. شافها مو قادره تسبح زين وكل شوي تغرق رحمها ونط بالمسبح بسرعه وشالها الزين تعطيه كف بيدها اليمين السليمه .. بعد مانزلها عالارض وبقهر: والله لانتقم مننننننك طارق بتمثليه : اه لفيتي فكي كنتي بتكسرينه .. مو بنت انتي .. ؟ امراه حديديه هههههههه قامت وهي تكح من الماء اللي شربته وتقدمت له ولكمته على صدره وتوجهت للقصر وهي تتوعد فيه .. طارق لحقها وهو يضحك على عصبيتها .. كانت بتبكي من القهر بس ماسكه دموعها "شنبه هالبنت" الزين بقهر : لاتقرب مننننني ؟؟ اذبحك وربي طارق : هههههههه تسوينها والله .. لازم اقفل الباب بالمفتاح مرتين قبل انام عشان لاتغتاليني ؟ الزين بصراخ : اللحيين تغير ملابسك وتنزل زي الكلب وتوديني المستشفى اغير الجبس ؟ طارق : لالالا .. تسبيني وتبين اوديك ؟ يبئى احلمي يختشي الزين تطنشه : دقايق اغير واجي .. لاتتاخر طلعت بسرعه من المصعد وراحت على غرفتها شوي وتصيح من الالم وبقهر صرخت : الله ياخخخخذذذككك غيرت ملابسها بسرعه ولبست عبايتها وراحت على غرفة طارق ضربت الباب برجلها مرتين وفتحت الباب دخلت لقته لاف المنشفه على خصره : فاضي تتروش ؟ "صرخت" بسرعه البس استناك تحت لبس بنطلون جنز كحلي غامق وتيشيرت بولو اصفر فاتح .. وضيق مبرز عضلاته لبس ساعته الكحليه .. واخذ محفظته ومفتاح سيارته من على الكومدينه وحط محفظته بجيبه ونزل لقاها جالسه بالصاله وتحرك رجولها بعصبيه طارق : امشي يالله ؟ طلعت معاه وقابلو امهم بالحديقه نزلت الجوال من اذنها وهي تسال : وين رايحين ؟ طارق : باودي الدلوعه المستشفى .. نغير عالجبس ام الجوهره : الله يصلحكم الزين تتركه وتروح للكراج وتفتح سيارته بعصبيه وتركب وتقفل الباب بقوه .. طارق وهو يركب : بينك وبين الباب ثار ؟ الزين بقرف : شغل سيارتك ذا الخرده وخلنا نروح المستشفى ولا تكثر كلام ؟ طارق : هههههههه صارت البي ام خرده ؟ اذا ماني بناسي انك انتي اللي رحتي معاي واشتريتها على ذوقك ؟ صارت خرده سيارتي انا خرده؟؟ اجل ابيعها واشتري وحده احلى وعلى ذوقك شرايك .. ؟ الزين بقهر : طروق حرررك سيارتك ؟ الاب .. عبدالعزيز الراهي دكتور تخصص طب عام معروف وله مستشفى خاص وكبير .. وماينادونه الا ابو الجوهره برغم ان عنده 3 عيال بس يحب ينادونه بالجوهره دلوعته وفرحته الاولى .. والام نوره ربة بيت صغيره بالعمر الجوهره 25 سنه مخطوبه رامي وطارق والزين توام 24 سنه باخر سنه فالجامعه اما الزين متاخره سنه .. لانها كانت تعبانه الزين تخصص انقليزي ورامي جراحه وطارق صيدلي معاذ 15 سنه هذا دلوع البيت نقف هنا .... اترك لكم التوقعات.. سبحانك اللهم وبحمدك استغفرك واتوب اليك.. | ||||
|
|
|
28-10-13, 10:22 PM
| #3 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت الثاني.. يجيب الله *لقى* والا المطر يَ عزوتي جانا .. بالمستشفى .. يمشي بالممرات سمع بنت تتكلم مع اللي جنبها "هادا طارق الراهي اللي ينزل مقاطع بالكيك" وترد عليها الثانيه أي والله هو .. وه ياملحه شوفي كيف؟ ولا حتى كلف نفسه يناظر فيهم ابتسم ومشى وهو يتجاهل باقي تعليقاتهم.. طارق وهو يلتفت لابوه بعد ماسمع اسمه وهو يناديه .. قرب منه وباس راسه .. بعده قربت الزين وباست راس ابوها ابو الجوهره باستغراب : وش جايبكم ؟ الزين : فتحت الدش ابي اتروش مادريت الا وانا مغرقه الجبس .. وجيت اغيره ؟ ابو الجوهره وهو يلتفت لطارق : طيب روح مع اختك خلهم يغيرون الجبس وراح وياها يغيرون الجبس بعد معاناه كانت بس تصارخ عليهم .. وهو يحاول يمسك ضحكته لايضحك وتحذفه باقرب شي الزين تمسك دموعها لا تبكي : حسبي الله عليك ياطارق .. انا ليش ماقلت لابوي يجلدك ؟ طارق : اقول امسكي دموعك لاتطيح ؟ فضحتينا فالمستشفى بصراخك .. هذا وانا احسبك عضلات ؟ طلعتي رخمه وماعندك سالفه الزين بصراخ : اطللللللع براااااااااااا طارق "لحول بتفضحنا ذي" وطلع من الغرفه وجلس عالكراسي ينتظرها تخلص وهو يسمع صراخها عالممرضات الفلبينيات "الله يعينهم عليها" نص ساعه وطلعت من الغرفه اشرت له ومشت بتطلع من المستشفى انتبهت لابوها يناديها : لبيه يبه ؟ ابو الجوهره بابتسامه : سمعت انك جننتي الممرضات ؟ الزين بزعل : يبه مايعرفون يشتغلون ماعندهم سالفه .. لعبو فيني ابو الجوهره : هههههه طيب مره ثانيه انتبهي لنفسك مو كل يوم نغير لك الجبس ؟ الزين : ان شاءالله يبه يجيب الله *لقى* والا المطر يَ عزوتي جانا .. اماني تجس نبضه : يوسف "سكتت شوي ثم كملت" سمعت ان جوانا بتنخطب .. ؟ يوسف اللي تغير وجهه : لا تقولين ؟؟ اماني بجديه : متى تتحرك يابارد وتخطبها .. قبل ماتروح لغيرك ؟ يوسف : بس هي رفضتني من قبل ؟ اماني بعصبيه : تحبها وتبيها .. ؟ يوسف بقلة صبر : ايه ابيها ومابي غيرها اماني وهي تعدل جلستها : اجل اخطبها مره ثانيه .. انت خطبتها بالثنوي وبعدين انا عرفت ان اللي رفضك خالد مب هي ؟ وقبل تسمع رده .. طلعت جوالها من جيبها ودورت على رقمها واتصلت عليها .. وحطت سبيكر جوانا : الله حيها اماني بابتسامه : الله يبقيك "وبهدوء" السلام عليكم جوانا : وعليكم السلام ياهلا اماني : شوفي انا مالي بالمقدمات .. عشان كذا اسمعي اللي بقوله جوانا : بسم الله الرحمن الرحيم .. خوفتيني وش الموضوع ؟ اماني وهي تضحك : كل خير ؟ ليه متعوده مني الاخبار الشينه ؟ جوانا بقلة صبر : اخلصي وش عندك ؟ اماني : اسمعي يابنت خالتي ياحبيبتي .. يوسف كلمني اليوم وقال لي انه يبيك .. ؟ وابي اسمع ردك الحين .. موافقه ولا لا ؟ جوانا بجرائه : اخوك والنعم فيه ماينرد .. وغير كذا اعرفه زين وحظ اللي من نصيبه.. بس تعالو كلمو المصفوق اخوي وان شاءالله مايصير الا الخير ؟ اماني وهي تصارخ : مممممممممبروك الف مبروك "وهي تناظر يوسف" ماقلت لك انها من نصيبك ان شاءالله ؟ شهقت جوانا منحرجه وبقهر : قولي لاخوك اني مو موافقه وقفلت الجوال بوجهها وبقهر رمته عالسرير : وش يقول عني اللحين مشفوحه عالزواج .. حسبي الله عليك يا اماني .. كانك مفشلتني دايم يوسف وهو يصفقها على راسها : احرجتي البنت يالوصخه ؟ اماني وهي تضحك : يوووووه نسيت وربي من فرحتي جبت العيد "وبجديه" بكره بتلزق بالجدارن واتصفق كله بسبتك ؟ يجيب الله *لقى* والا المطر يَ عزوتي جانا .. الساعه الثانيه عشر ليلا .. دخل غرفته وفصخ بلوزته ورمى نفسه عالسرير طلع جواله من جيبه وقعد يقراء الرسايل بالواتساب .. دقايق وجلس على سريره وحط جواله عالكومدينه .. شاف الذاكره وخذاها وركبها بجواله عنده فضول يشوف اللي فيها تكى عالسرير وصار يقلب بالصور كانت كلها محادثات مصوره صار يقراها وتحمس لما شاف انها لبنت عدل جلسته وهو يشوف صور لبنت قصيره لابسه فستان قصير لنص الفخذ باكمام عاريه لونه وردي فاتح وماسك على جسمها وشعرها الاسود لاسفل ظهرها "كسواد الليل" بيضاء بعيون كبيره وحاطه عدسات رمادي غامق برموش كثيفه وطويله وصار يمشي عالصور وكانت كلها لنفس البنت .. خمن انها ممكن تكون بالثنوي ؟ انهبل على جمالها وصار يعيد بنفس الصور"هذي فتنه تذبح .. صاااارروخ" وهو يتذكر وين لقاها "اخ بس وين هالزين ؟ اكيد تدور عليها وقالبه الدنيا .. ناسي تماماً من البنت اللي شافها ذاك اليوم وساعدها يجيب الله *لقى* والا المطر يَ عزوتي جانا .. اليوم الثاني الاربعاء الساعه التاسعه صباحاَ قررت ماتداوم اليوم لان يدها تعورها شوي وبالمره تستقبل الجوهره ومعاذ بالمطار جايين من الرياض وتطلع تفطرهم .. لبست بنطلون جينز ازرق فاتح وتيشيرت لاكوست اسود عادي وبوت من لاكوست اسود .. حطت جوالها وصرافتها بجيبها .. مافيها تاخذ شنطه تحس انها زحمه نزلت لتحت وتوجهت للمطبخ تاخذ لها كاس حليب وبعدها تمشي .. قابلت بوجهها رامي قاعد يفطر رامي باستغراب : رايحه للجامعه بهالشكل ؟ الزين : لالا بروح المطار استقبل الجوهره رامي : وليه مايروح السواق لحاله ؟ الزين بغرور : تكرماَ مني بروح استقبلهم "وبتساؤل" احد صحى طارق ؟ عنده محاظره الساعه 10 رامي وهو يوقف بيطلع : بغرفته نايم "وهو يضحك" روحي له اللحين كان ودك تنتقمين .. ؟ الزين بعد ماشربت الحليب : خلها بوقتها انا اربيه ؟ رامي يغمز لها : اذا احتجتي مساعده كلميني بس !! الزين : ههههههههههه اجل ماراح اردك يجيب الله *لقى* والا المطر يَ عزوتي جانا .. توجهت للكافتريا اللي تتواجد فيها اماني هي وصديقاتها دايم .. لمحت وحده من صديقات اماني .. تشوفها معها دايم قربت منها وبابتسامه : السلام عليكم ؟ غيداء برفعة حاجب : وعليكم السلام جوانا : اكيد انتي صديقة اماني اممممم بس ماني فاكره اسمك غيداء وهي توقف تسلم عليها : هه اسمي غيداء .. "وهي تتذكرها" انتي اكيد بنت خالة اماني ؟ جوانا : ايه انا جوانا "وبعجله" وين اماني ؟ غيداء تجلس : ايه توني كلمتها الحين جايه "وتاشر لها عالكرسي" اجلسي دقايق وتجي اماني ومعها ايار وهم يضحكون .. فهت ايار مع البنت اللي جالسه مع غيداء وصفرت باعجاب : ياهووووه وش هالزين ؟ التفت لهم جوانا ورفعت حاجبها باستغراب من البنت اللي مع اماني "ذي وش تكون ؟؟؟ بويه" سفهت ايار ماكانها تشوفها وتقدمت من اماني وسحبتها مع ياقتها بعصبيه وصارت تسحبها وراها طالعه من الكافتريا .. ضجت القاعه بالضحك من شكل اماني وهي تنسحب زي الخروف ورا جوانا ايار باستغراب : من ذي ؟؟؟؟ غيداء وهي تضحك : بنت خالة اماني ايار : اوفف هالزين تصير بنت خالة اماني وحنا ماندري.. ؟ غيداء بتفكير : الله اعلم وش مسويه لها اماني عشان تسحبها زي الخروف قدام الكل هههههههههههه يجيب الله *لقى* والا المطر يَ عزوتي جانا .. بالسياره .. الزين من قلب : نووووورت جده .. من دونكم ماتسوا الجوهره : تسلمين لبى روحك .. والله اشتقت لك ولهبالك الزين بحماس : قبل ماتقولين شي ترا بنروح نفطر بمطعم توني طحت عليه يجنننننن معاذ يلتفت عليها : أي والله تكفين جوعان وابي شي لذيذ الزين : ثنين على واحد "التفت للسواق" روح عالتحليه الجوهره : رحتي مع مين ؟ الزين : مع طروق هو اللي علمني عليه ههههههه ناظرت معاذ وسالته : هاه انبسطت بالرياض.. ؟ كنت بتتكسر عشان تروح مع الجوهره معاذ بملل : من الفندق للمصممه حقتها ذي مدري وش تطلع ومرتين طلعنا السوق بس ؟ الزين : بعد كانه موعاجبك ؟ ترا محد ضربك على ايدك وقالك روح يامعاذ يجيب الله *لقى* والا المطر يَ عزوتي جانا .. جوانا وهي تغطي وجهها بايدينها : اللحين وش يقول عني.. ؟ يالكلبه الله ياخذك قولي امين ؟؟؟ اماني وهي تضحك : ياشيخه الا طار من الفرحه لما سمع ردة فعلك جوانا باحراج : اوعديني انها اخر مره تفشليني فيها ؟ اماني : انتي تعرفين اني مو متعمده احرجك جوانا تضربها على كتفها : أي لان مشكلتك غبيه وتجيبين العيد فيني دايم !!! اماني : ماعلينا .. ترا بكره بنجيكم جوانا تضيق عيونها : حياكم الله اماني بعيون تلمع خبث : بنجي نخطب بنتكم !!! جوانا : هههههههه ماعندنا بنات للزواج يجيب الله *لقى* والا المطر يَ عزوتي جانا .. ايار بعد الضحك : يشيخه صرتي مااتسوين ؟؟؟؟؟ غيداء تكلم ايار : انتي ماشبعتي من الضحك ؟ من يوم جات البنت وانتي ماوقفتي .. ايار : لا بس تذكرت شكلها وهي ههههههههههههههه ههههههه ياشيخه مب هينه بنت خالتك ذي ؟ "وسكتت تضبط ياقتها وبثقه" عرفيني عليها .. وانتقم لك ؟ اماني برفعة حاجب : استحي على وجهك ترا ذي بنت خالتي مب أي احد ... قسم لاتروحين فالرجلين ؟ ايار باستغراب : اروح فالرجلين ؟؟؟؟؟؟ اماني : هههه أيه يعني تروحين شربه .. بتقطعك بمشرطها الوردي ايار بققت عيونها : لاااااءءءء .. شرسه ذي !!!!! اماني تكمل : ايه ماتشوفيني لما سحبتني ماسويت شي خفت على نفسي لا تشوهني بمشرطها ايار عقدت حواجبها وكانها ماصدقت السالفه ثم ابتسمت : صدق ان الززين مايكمل هه يجيب الله *لقى* والا المطر يَ عزوتي جانا .. وهم طالعين من الكلاس ويتمشون بالممرات ساله باستغراب : طروق وشفيك اليوم ؟ بس سرحان طارق يبتسم : مافيني شي بس مانمت امس الا متاخر محمد بتاكيد : لايكون فالاهل شي لاسمح الله طارق بسرعه : لالا مافيهم شي تطمن محمد : سرحانك اليوم مو صاحي ..اول مره اشوفك زي كذا بغيت تنطرد من الكلاس مررتين ؟ طارق دفه ومشى يتعداه .. وبابتسامه من ابتسامته الحلوه : ياخي شفيك نشبه اليوم ؟؟؟ قلت لك مافيني شي محمد : اكيد طايح لك بمصيبه ياولد.. ؟ طارق يتجاهله ويمشي طالع من الجامعه .. التفت على محمد وهو يناديه وبملل : نعمممم ؟؟ محمد : وين رايح ؟ محاضرتنا بعد شوي .. طارق وهو رايح : احضرها لحالك , مو قادر اركز بروح البيت يجيب الله *لقى* والا المطر يَ عزوتي جانا .. وهم طالعين من المطعم .. التفتت ورا وهي تضحك : معاذ ياخي كان خاويتها ؟ ما امداها تكمل جملتها الا وتسمع صرير كفرات سياره .. غمضت عيونها بقوه من الخوف ...... وقف برعب نزل من سيارته بخوف : صار لك شيء ؟؟؟ الزين تفتح عيونها بعد ماسمعت صوته وبعصبيه : حمار انت.. ؟؟؟؟؟؟ كنت بتصدمني كله بسبب استهتارك ضيق عيونه بضيق من اسلوبها المتعجرف .. كان بيرد عليها بس سبقه معاذ المحرج من اسلوب اخته السيء .. همس لها : اسكتي خلاص .. "ثم تقدم من الرجال وباحراج سلم عليه" معاذ : العذر والسموحه .. ماصار الا كل خير الرجال بابتسامه : انا اللي اعتذر كنت مستعجل .. وزين اللي ماصدمتها معاذ بتفهم : حصل خير.. حياك الغداء عندنا ابتسم من اسلوب معاذ المهذب : ماتقصر .. مره ثانيه ان شاءالله ؟ استاذن الرجال من معاذ بعد ماقال انه مستعجل وعنده مشوار ضروري .... ركب معاذ السياره والتفت على ورا : فشلتينا مع الرجال .. انتي وذا اللسان ؟ الزين بعصبيه : بغى يصدمني ؟ وتقول له حياك الغداء .. "وبقهر" لاويقول مره ثانيه .. هو فيه مره ثانيه ؟؟ شكلها على عزاي الجوهره تضحك من عصبية اختها : يابنت الحلال .. توكلي على الله .. يعني هو قاصد يصدمك ؟ اعوذ بالله محد يسلم من لسانك انتي الزين تكشر منها وتناظر بالشارع : مو انتي اللي بغيتي تنصدمين.. ؟ معاذ : ترا الرجال يطلع خوي رامي وطارق اسمه محمد قد جاء بيتنا كم مره يجيب الله *لقى* والا المطر يَ عزوتي جانا .. بوقت العصر جالسه تتقهوى مع امها واخوها وهم يضحكون اماني : بس سحبتني زي الخروف قدام البنات لو تشوف شكلي بس .. اخ خربت برستيجي يوسف : هههههههه اشوا ما لزقتك بالجدار.. ؟ ام يوسف : تسلم ايدها .. لو هي مكفختك بعد ؟ ماتعرفين السلوم تكلمينها قدام اخوك ياللي ماتستحين ؟ اماني : يمه البنت وافقت ومشى الحال ام يوسف : ان شاءالله بس يوافق هالعله خالد .. كانه مو مخليهم يرتاحون اماني من قلب : ياااارب تيسرهاا يجيب الله *لقى* والا المطر يَ عزوتي جانا .. جالسه بالصاله تلاعب بنت اخوها لين .. ماتحب الاطفال بس هالبنت تجنن اللي مايتجنن وهي تبوسها بقوه بخدهاا وتعضها .. بوزت اول شي من الالم وبعدين اطلقت الصرخه تبكي جوانا : ههههههههههه فديتهم الدلوعين انا "وتضمها لصدرها عشان تسكت" حبيبي انا .. اشششش خلاص ام خالد تلتفت لها وبعصبيه : هاتيها الله يقطع بليسك .. لازم تبكينها ولا ماترتاحين ؟ جوانا تضمها لصدرها : والله ماتاخذينها .. ماعضيتها بقوه يمه بس هي دلوعه حبتين .. زمان ماعضيتها خالد يدخل عليهم : السلام عليكم بعد ماردو السلام .. نزلت لين بحظن امها .. وقامت بتروح لغرفتها خالد : اذا حضرت الملائكه ذهبت الشياطين جوانا بهمس : ما الشيطان غيرك وجع تعمدت تتجاهله وتطلع .. ماتبي تحتك فيه لانها تحسه بس يدور عليها الزله ويقعد يتفلسف على راسها ..عشان كذا اول ماتشوفه تطلع من المكان ام خالد بجديه : خالتك كلمتني .. تبي جوانا ليوسف وبكره ان شاءالله بيجونا خالد : ذا وش يبي بعد ؟ مو قد رفضناه من قبل ام خالد برجاء : تكفى ياوليدي خلها تشوف نصيبها .. ويوسف رجال ماعليه منقود ؟ ولا انت شايف عليه شي خالد من غير نفس : ماني شايف عليه شي ام خالد : اجل تكفى ياولدي طلبتك ان تسهلها علينا .. خلها تشوف حياتها مسيكينه خالد وهو بيقوم طالع : خلهم يجون ويصير خير ام خالد بشوية راحه : الله يسهل دربك ياولدي ويرضى عليك يجيب الله *لقى* والا المطر يَ عزوتي جانا .. نزلت بسرعه وهي متحمسه وعيونها تلمع بخبث عطته المفتاح : وينك تاخرت اليوم ؟ من الظهر ومفتاحه معي ههههههه رامي يضحك : اهم شي لسى ماصحى ؟ الزين : لا يمكن شوي ويصحى تكفى رورو انطلق الحين رامي معقد حواجبه : رورو بعينك .. وشو اللي روري شايفتني بزر عندك انا ؟ الزين بقلة صبر : يووه , قصدي الشيخ رامي .. بسرعه يالله روووووووح قبل يشوفك "وبحرص" خل المفتاح معك رامي وهي طالع : مدري وش مخليني اطاوعك ؟ اخرتها تمشيني بزر ؟ الزين تضحك : خففففففف علينا يالشايب .. اكبر مني بخمس دقايق ويهايط , اذلف بس.. ؟ رامي : المثل يقول لاصارت حاجتك عند الكلب قولو ياسيدي .. وانتي شوي وتصطريني ؟ الزين شوي وتبكي : ااااااااه منك رامي روح تكفى .. الله يلعن ابو المذله ؟ رامي بصدمه : وش مذلته ؟ وانتي من صبح تنافخين علي ؟ الزين : ابوس رااااااسك روووووووووووح يجيب الله *لقى* والا المطر يَ عزوتي جانا .. بعد المغرب بساعه .. صحى من نومه ونزل تحت يتغدا شاف الزين لابسه عبايتها شكلها طالعه طارق باستغراب : وين.. ؟ الزين : بروح لبنات عمي طارق يعقد حواجبه : اليوم تزنين علي اعشيك بمطعم .. والحين بتروحين لبنات عمك ؟ الزين بغرور : والله غيرت رايي طارق يكمل غداه : اجل الله يستر عليك الزين بمغزى : بنام عندهم وبقفل جوالي لاتزعجني اوكي ؟ طارق ببرود : هه يالمهمه ؟ قالت ايش لاتزعجني ههههههههه اذلفي بس الزين : مرد الكلب لراعيه .. ومصيرك تجيني ؟ طارق وهو يوقف : شرايك تتسبحين اليوم بالمسبح ؟ الزين بتهديد : وقسم بالله سووها ؟ والله والله لا اندمك ؟ طارق : اجل توكلي من قدامي يجيب الله *لقى* والا المطر يَ عزوتي جانا .. كل وحده جالسه على جوالها بملل يستنون الزين .. طولت عليهم من المغرب اتصلت وقالت انها بتجي وللحين ماجات توليب بملل : مقروشتنا لاشوفكم نايمين المغرب بجيكم وزحمه .. واخرتها لنا ساعه وعليها من اذن المغرب ؟ غيداء تسحب القهوه : زوينه ماعندها سالفه .. انا بتقهوى اصب لك فنجال.. ؟ توليب : صبي صبي نتقهوى لين يفرجها ربي من عنده .. وتشرف حظرتها غيداء بملل : تصدقيييين عاد مالي خلق الاختبارات اووووووف توليب بتقهرها : حمدالله ان ماعندي الا اسبوع واحد بس .. واخلص غيداء : حظك يالبزر ؟ توها بترد عليها الا قاطعتها الزين بصوت عالي : سلامممم عللليييييككككمممم بعد السلام ضربتها توليب على راسها وبقهر: لنا ساعه ننتظرك وتوك تشرفين.. ؟ الزين بحماس كعادتها : اقولكم اسمعوووو السالفه بس "كملت لما شافت البنات متحمسين لها" انتقمت من طارق اخذت مفتاح سيارته من غرفته لما جاء الظهر من الجامعه .. بعدين رامي ماجاء البيت الا المغرب هو السبب تاخر علي .. هاوشته شوي وعطيته المفتاح هو قال بيساعدني اخذ سيارته ووداها عند واحد من اخوياه كم يوم عشان يتادب طارق وبالمره اقهره هههههههه توليب فاتحه فمها بصدمه من الزين : ياويلك ؟؟؟ نقف هنا .. اترك لكم التوقعات + لاتبخلون علي بردودكم وتشجعيكم سبحانك اللهم وبحمدك استغفرك واتوب اليك.. | ||||
|
|
|
28-10-13, 10:24 PM
| #4 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| صباحكم / مسائكم نرجس ..أسعدني والله الترحيب الدافئ وتشجيعكم الجميل بـ المتصفح كما أنتم وعهدتكم.. رائعين بردودكم البـارت الثـالث.. وين أودي وجه هالشوق المباح وين أطير ؟ و كل جنحاني بـ طين غربتي ماتستفز إلا الرياح يشتعل جمري بها في كل حين .. بعد السلام ضربتها توليب على راسها وبقهر: لنا ساعه ننتظرك وتوك تشرفين.. ؟ الزين بحماس : اسمعوووو السالفه "كملت لما شافت البنات متحمسين لها" انتقمت من طارق اخذت مفتاح سيارته من غرفته لما جاء الظهر من الجامعه .. وبعدين يوم جاء المغرب تو رامي يجي هو السبب تاخر علي .. هاوشته شوي وعطيته المفتاح هو قال بيساعدني اخذ سيارته ووداها عند واحد من اخوياه كم يوم عشان يتادب طارق وبالمره اقهره هههههههه توليب فاتحه فمها بصدمه من الزين : ياويلك ؟؟؟ الزين : ماني بجايبه خبره .. قلت بنام عندكم اليوم عشان مايستخدم فنون التعذيب حقته علي هههههههههه واستفزعت فيكم توليب : انا اتبراء منك ؟ الزين : محد طلب فزعتك انتي بالذات .. يارخمه ؟ توليب : الرخمه انتي وجع الزين وهي تضحك : نفسي اشوف ردة فعل طارق اللحين لما يبي يطلع ومايلاقي لا مفتاحه ولا سيارته ههههههههههه ابو ياسر "سلمان الراهي" شخص شديد وله هيبته عنده شركة سيارات باسمـه زوجته تصير بنت عمهم الوحيده غيداء 24 سنه بالجامعه اخر سنه توليب 20 سنه ثاني جامعه ثم ياسر 16 سنه ثم يارا سنه ونص دلوعة جده كلها .. وين أودي وجه هالشوق المباح وين أطير ؟ و كل جنحاني بـ طين غربتي ماتستفز إلا الرياح يشتعل جمري بها في كل حين .. لبس ثوب وكاب ونزل يدور على مفتاحه "وين بيكون يعني استغفرالله بس" قلب البيت عليه وهو يسال عنه وسال الخدم يمكن شافوه .. ومالقاه , راح للكراج يمكن ناسيه بالسياره .. انصدم وهو يشوف الكراج خالي من سيارته .. وهو يستوعب وين ممكن تكوون سيارته فجئه صفق يدينه ببعض وهو يتذكر وبقهر : الزززززين طلع جواله من جيبه واتصل على رقمها .. لقاه مقفل راح على غرفة السواق والحارس اللي بجنب باب القصر من برا طارق يدخل عليهم بهدوء : هات مفتاح سيارتك انيس ؟ خذا المفتاح وراح لبيت عمه .. طلب يقابل الزين لكنهم قالو انها طالعه هي والبنات برا .. سال وين ممكن يكونون؟ .... قال له ياسر بيروحون للسوق بس مايدري وين ؟ طارق : طيب اتصل على غيداء اسالها وينهم ؟ باي سوق اتصل على غيداء اكثر من مره لكنها ماردت .. ورجع يتصل على توليب ونفس الحال ماترد احرق جوالاتهم بالاتصالات ياسر بياس : ما ردو ؟ هههههه طارق : لقيتها .. كيف راحت من بالي اتصل على سواقكم واساله وينهم باي سوق ؟ بعد ما اتصل ياسر عالسواق وعرف هم وين وباي سوق .. طلع من عنده طارق وهو ناوي يادبها رد على جواله : هلا محمد ؟ محمد : الحين انا عند بيتكم .. وينك ؟ طارق سكت شوي ثم تكلم : اوكيه جايك الحين قريب منك ؟ محمد : لاتتاخر بس خمس دقايق بالضبط وطارق عند الباب لان مابينهم وبين بيت عمهم مسافه طويله بنفس بالحاره اللي وراهم على طول .. طارق يوقف السياره عند البوابه بالضبط وضرب عالبوري مرتين ونزل متوجه لمحمد يسلم عليه محمد باستغراب : وين سيارتك ؟؟؟ طارق يتجاهله ويركب السياره من جهة الراكب .. محمد : اسالك انا ؟ طارق بابتسامه : خربانه وين أودي وجه هالشوق المباح وين أطير ؟ و كل جنحاني بـ طين غربتي ماتستفز إلا الرياح يشتعل جمري بها في كل حين .. اليوم الثاني .. عالمغرب كان عندهم يوسف ومعاه عمه ورجاجيل من جماعتهم يخطبون جوانا .. عطاهم خالد موافقه مبدئيه بس قال لهم انه باقي بيستشير اخته وان شاءالله مايصير الا كل خير اماني بقهر : ليه ماتوافقين الحين وتريحينا ؟ جوانا : وش تبين يقول لي خالد ؟ خليها كم يوم وبعطي موافقتي امي واخليها تبلغه اماني بفرحه : يالله .. ان شاءالله كم شهر وتشرفين بيتنا جوانا بسرعه : لالالالاالا مافي زواج اللحين .. اشوف نفسي صغيره عالزواج ان شاءالله بعد سنه عالاقل لما اخلص ثالث جامعه ؟ اماني بصدمه : وشوووو من جدك انتي ؟؟؟؟؟ جوانا بجديه : أي والله اكلمك صادقه اماني : ويمكن يكون عند يوسف كلام ثاني ؟ جوانا : وش علي من اخوك ؟ .. انا اللي احدد متى زواجنا مو هو اماني : مو وقت مزحك جوانا ؟؟ جوانا : شفيك .. قسم بالله اكلمك جد اماني : مالت عليك .. وانا اقول بنزوجكم بعد رمضان ان شاءالله وتجين بيتنا وننبسط فيك ؟ جوانا بغرور : لعبه انا ؟ عشان تاخذوني بيتكم وتنبسطون فيني اماني : لعبه ونص هههههههه جوانا : اتخسين اماني : ما اقول الا الله يعين اخوي .. كانك بتهبلين فيه مدري وش بيسوي لادرا بكلامك ذا ؟ جوانا : وش بيقول يعني ؟ انتي مكبره السالفه اماني : بلاك ماتدرين .. الولد متخبل عليك ولو ماخذاك ماهو ماخذن غيرك "تغمز لها" يحبك يامال جوانا كانت تعرف ان يوسف معجب فيها وهي اساسا تميل له وتحترمه جدا لانه محترم وطيب مع اخواته وهذا اهم شي .. غير كذا كلام خواته دايم يلمحون لها وين أودي وجه هالشوق المباح وين أطير ؟ و كل جنحاني بـ طين غربتي ماتستفز إلا الرياح يشتعل جمري بها في كل حين .. مرت اليومين ونص بسلام .. طارق حاول كم مره يقابل الزين ببيت عمه لكنه يتفاجاء انها طالعه او نايمه واليوم جمعه والحين الساعه 8 ليل وللحين ماجات قرر ينتقم منها النذله ويادبها عاللي سوته فيه جالسين بغرفة التلفزيون ويتقهوون امها وابوها والجوهره ورامي وطارق اما معاذ منسجم مع فلم اكشن .. توها تدخل وبابتسامه نصر : السلااااممممم علللييكمممم بعد ماردو عليها السلام .. قربت وباست راس امها وابوها وجلست جنب ابوها طارق بابتسامه : وحشتينا ؟؟ الزين تبتسم اكثر: انت بالذات اكثر واحد اشتقت له ههههههه طارق : عساك انبسطتي عندهم بس ؟ الزين : اوووه "وتزيد من ابتسامتها اكثر" فوق ماتتصور طارق وهو يضحك : يقولون الواحد لافرح كثير يجي بعدها فـ انتكاسـه ؟ ابو الجوهره : اعوووذ بالله منك .. وش هالتشائم ؟ الزين : انت شايف يبه ؟ وقعدو يسولفون ساعتين كامله وبعدها طلع ابوهم لغررفته بينام وطلعت وراه مرته .. وبعدها الجوهره دق جوالها وطلعت تكلم خطيبها بغرفتها .. التفت لها بقهر .. طارق : وين سيارتي ؟ الزين : الحين بطلع انام تعبانه .. ذكرني بكره الصباح اعلمك بمكانها تروح تاخذها طارق يعقد حواجبه : ترا عطيتك وجه وين سيارتي بس ؟ الزين وهي تضحك : شفت اني قول وفعل .. مو قلت لك بنتقم منك .. وبعدها قلت لك مرد الكلب لراعيه خليتك رايح جاي على بيت عمي ههههههههههه اول ماشافته يوقف .. ركضت عند رامي وهي تطلب فزعته رامي : ههههههه خلاص لاتعصب بكلم خويي الحين يوقفها عند الباب طارق بصدمه : انت معهاا ؟؟ رامي يضحك : اييه .. عشان مره ثانيه تترك مزحك الثقيل طارق : انا استغربت وين بتودي السياره ذي؟ والله ما استبعدت انها تكون محركتها بنفسها رامي : ههههههههه لاتبالغ بعدها اتصل على خويه يجيبها اذا ماعليه امر ويوقفها قدام البوابه بالضبط وين أودي وجه هالشوق المباح وين أطير ؟ و كل جنحاني بـ طين غربتي ماتستفز إلا الرياح يشتعل جمري بها في كل حين .. مر شهر على ابطالي تعمدت فيه جوانا تتاخر بموافقتها .. الاوله تلعب باعصاب اماني اللي كل يوم متصله عليها والثانيه تطقطق على يوسف شوي .. تستمتع جدا لما تخلي الكل على اعصابه لعبتها المفضله .. وبعد موافقتها , قررو يحطون الملكه بعد الاختبارات وماعارضت وين أودي وجه هالشوق المباح وين أطير ؟ و كل جنحاني بـ طين غربتي ماتستفز إلا الرياح يشتعل جمري بها في كل حين .. الزين بهدوء شديد : يمه حملت ماده بس ؟ ام الجوهره بابتسامه : قد حلفت لش من قبل وقلت مافيه طلعه لو رسبتي بماده فلا تزعجيني ؟؟ الزين بملاعبه : يمه نفداش .. ظنش اقعد لحالي بالبيت لا ومع طارق ؟ اللي اغلب الوقت برا .. مستحيل رجلي على رجلش سفهتها ولا كانها تشوفها .. طلعت فوق وخلتها تتحلطم لحالها الزين بقهر : اووووف لو اني شاده حيلي .. الله يلعن الشيطان دخل وهو مروق : هههههه شفيك معصبه ؟ الزين وهي مو فايقه له : اوص انت محد كلمك طارق يرفع حاجبه الايمن وباستفهام : اللهم سكنهم مساكنهم .. اللحين انا وش سويت لك.. ؟ الزين : ماسويت شي .. بس بتسوي لما تعرف السالفه وتقعد تطقطق علي ؟ طارق وهو يبتسم : اها اجل الشغله فيها طقطقه ههههههه اعطيك اللي تبين بس تعلميني بالسالفه ؟ الزين تضيق عيونها وبقهر : ياحبك للشمــاتـه طارق : ليه ماتقولين انه اهتمام.. ؟ بشوف وشهو الشي اللي مضايق اختي حبيبة قلبي الزين باستسلام تام : امي كاشته فيني بيسافرون تركيا وبقعد مقابلتك طارق بجديه : ليه تحسبين امي تتكلم بدون لاتنفذ ؟ الزين بقهر : حتى بنات عمي بيطلعون ااااه مستحيل اجلس لوحدي 3 اسابيع ؟ طارق : عاد انطقي هالسنه فالبيت عشان يمديني انتقم منك ؟ هههههههههه الزين : انت وين وانا ووووووين طارق يضحك : شوي وتبكين اذا سافرو وش بتسوين.. ؟ "وبجديه" تصدقين خلاص بطلت انتقم منك هذا اكبر انتقام ويكفيك مابي ازيدها عليك ههههه عطته نظره قويه وطنشته .. وسكتو بعدها هي تفكر وهو جالس على جواله .. قطعت الصمت اللي بينهم ... الزين : تصدق عاد ودي اروح للديره اشتقت لجدتي ؟ طارق : اييه والله اشتقنا لها وهالسنه مارحنا ابها .. مدري كيف ؟ وقعدو يسولفون عن ذكرياتهم بالجنوب وهم صغار وعن هواش جدتهم لهم رغم محبتها الكبيره لهم .. وين أودي وجه هالشوق المباح وين أطير ؟ و كل جنحاني بـ طين غربتي ماتستفز إلا الرياح يشتعل جمري بها في كل حين .. توها راجعه من السوق وهلكانه .. لها 3 ايام تروح السوق تدور لها فستان عشان ملكتها جوانا : لو اني مفصله فستان ابرك ابتسام : بالعكس فستانك الييييم وانتي بتحلينه صدقيني .. صح ناعم بس حلو جوانا : زين ولا شين بلبسه خلاص ابتسام بابتسامه : الله يسعدك يارب .. واشوفك عاقله ومع رجلك وعيالك حوالينك هههههههه جوانا بققت عيونها : امداني اكون مع زوجي "وبقرف"عيالي حواليني وععععععععع لاتنكدين علي تكفين ابتسام : استغفري ربك ترا لاتزوجتي وحملتي بتحبين ورعك وتهاوشين العالم اذا زعلوه جوانا بملل : انتي الحين وش مستعجله عليه ؟ ورعان وقرف صه تكفين يعني معجبينك ورعانك اللحين يصحونك من عز نومك ويسهرونك ابتسام تقاطعها : ايه معجبيني صح يتعبون اصلا كذا الحياه لازم تتعبين بس والله متعه تربينهم بكيفك وتسوين فيهم اللي تبين جوانا : مابي هالنوع من المتعه وقفلي الموضوع خلاص ابتسام : طيب .. ماقلتي لي وين بتسوين مكياجك ؟ جوانا : بسويه بنفسي طبعا ابتسام : طيب وش بتسوين بشعرك ؟ وظلو يتكلمون عن ترتيبات الملكه ووش راح يسوون فيها وين أودي وجه هالشوق المباح وين أطير ؟ و كل جنحاني بـ طين غربتي ماتستفز إلا الرياح يشتعل جمري بها في كل حين .. الساعه التاسعه ليلا .. بعد يومين قلبت الدنيا عشان تسافر معهم بس بالاخير ماردت عليها امها .. حتى ابوها اللي وقف ضدها... وقال عشان تشدين حيلك المرات الجايه وتبطلين لعب ابو الجوهره بابتسامه : يعني ماتبين تقعدين مع ابوك ؟ الزين بتكشيره : يبه انت اغلب وقتك مشغول ابو الجوهره : بالليل اكون بالبيت .. وبحاول ان شاءالله اني ما اقصر معك واطلعك الزين سكتت وماعلقت وهو رجع يقرا الجريده شوي دق جوالها مسكت الجوال وابتسمت من قلب الزين : هلا وغلا اماني وهي تضحك : وحشتيني يابعد قليبي الزين : امداك تشتاقين لي وانتي عندي امس ؟ اماني : اصلا اول ماطلعت منك وانا بديت اشتاق لك الزين : هههههههههه يالبى قليبك اماني : اسمعي يالنبض بما انك لحالك وطفشانه رحمتك وعندي لك اقتراح جميل الزين بحماس : وشوووو اماني : انتي تدرين ان بكره ملكة يوسف وابيك تروحين معنا الزين : لالالا مابي اضايقكم صراحه ماقدر اماني بعصبيه : وش تضايقينا قسم بالله لو انك عندي لا اصطرك كفين ولا ثلاثه .. تضايقنا قالت ؟ الزين بجديه : الملكه عائليه وش يوديني ؟ اماني : تكفين ياللي عائليه .. ترا مافيها شي لو حضرتي ماراح تضيقين علينا الزين : يوووه اماني غصب تحرجيني بينكم ؟ حتى الملكة بتكون ببيت خالتك وفوق ذا كله بنت خالتك ما اعرفها ولا قد شفتها ؟ كيف تبيني اروح بيتهم وش صفتي ؟ اماني وهي تضحك : بصفتك اخت المعرس لابارك الله في عدوك "وبجديه" علماَ يوصلك ويتعداك ماني حاظره الملكه بدونك كيفك عاد الزين : ههههه لاتحظرينها ابكيفك اماني : والله وقسم بالله شوفيني حلفت ما احظر اذا ماحظرتي الزين بعصبيه : امممااااانننني ولعنه قلت لك مابي احظر غصب هو.. ؟ يختي لاتحرجيني بالله امانه : والله بكيفك انا حلفت ما احظر الا وانتي معي.. ؟ قفلت منها بعد ما اعطتها موافقه انها راح تحضر ثم اتصلت على بنت عمها غيداء بعد السلام .. الزين : خاطري اطلع السوق بس نفرفر وشرايك ؟ غيداء : اوكي قدام بس تبيني امرك او تمريني ؟ الزين : لالا انا بمرك خلك جاهزه لاتتاخرين علي تكفين غيداء : لا مب متاخره الحين اطلع اتجهز لا تتاخرين انتي رمت جوالها بالصاله وطلعت تركض لبست ليقنق اسود وتيشيرت عنابي لبست جزمه رياضيه ناعمه من لاكوست ابيض وفيها عنابي خذت شنطتها بسرعه وطلعت .. مرت على غيداء وحمدت ربها انها ماتاخرت عليها .. وراحو للسوق وين أودي وجه هالشوق المباح وين أطير ؟ و كل جنحاني بـ طين غربتي ماتستفز إلا الرياح يشتعل جمري بها في كل حين .. جات بتهرب من قدامه مسكها مع شعرها بقوه وقربها لصدره وهو يصارخ : عطيني فلووووووس جوانا بصراخ : ماعندي اترررررركني فيصل يشدها مع شعرها اكثر : اقولك عطييييييييني جوانا تبكي بخوف : ماعندي اترررررركني جرها مع شعرها بقوووه ورماها عالارض بقسوه حتى ارتطم وجهها الجميل بالارض وبدا خشمها وفمها ينزفون دم قرب منها وجلس عالارض وهو في حالة سكر شديده ومسكها مع شعرها ورفعها له وبعصبيه : عطيني فلووووووس جوانا تبكي : اتررركني والله ماعندي فلوس لسى مانزلت مكافاءة الجامعه ولا كان عطيتك ؟ دخل خالد على صوت صراخهم ومسكه من ثوبه الوصخ من ورا وسحبه بقوه : وش تسووووي انت ؟؟؟ عطاه كف بقوووه خلاه يفقد توازنه ثم رجع عطاه كف ثاني وسحبه وطرده برا البيت .. وين أودي وجه هالشوق المباح وين أطير ؟ و كل جنحاني بـ طين غربتي ماتستفز إلا الرياح يشتعل جمري بها في كل حين .. بالسوق .. الزين بحماس : امشي نطلع فوق نلعب بالملاهي شرايك ؟ غيداء تشهق : حقت البزرران ؟؟؟ الزين وهي تضحك : يابنت الحلال خلينا نفلها بس وش ورانا .. ... ان شاءالله حقت شيبان امشي بس ههههههه وطلعو للملاهي شافت الشباك حق التذاكر مليان وعالم الزين بقرف : يوه شوفي العالم مستحيل ادخل بين ذولا عاد اكره الزحمه .. تدخلين انتي ؟ غيداء : والله ما ادخل لو ايش الزين بتفكير شافت واحد عمره 9 او 10 سنوات مسكته : اسمع حبيبي انا ابي العب ؟ شرايك اعطيك فلوس البطاقه بنلعب هاللعبه بس وارجعها لك شرايك ؟؟ قال لها مو مشكله وعطاها بطاقته لعبت بوحده من الالعاب وهي متحمسه وميته ضحك شافت واحد تقريبا بال 20 يناظرهم ويبتسم .. الزين ناظرته باستحقار لانه طول الوقت يناظرهم وماشال عينه عنهم .. اشرت له بمعنى خير وش تبي ؟ < انحرج ولف وجهه الزين وهي لسى متحمسه تبي تلعب اكثر تقدمت من ولد ثاني صغير وطلبت منه بطاقته وانها بتعطيه فلوس الولد : بعطيكي عادي بس البطاقه الحين مع اختي خليني اروح ادور عليها وصارت تمشي معه يدورون عليها شوي لقت اخوه اللي اكبر منه وكان عمره تقريبا 17 سنه صارت تمشي جنبهم هي وغيداء رايحين جايين يدورون على اخته الزين بتعب : اسمع ياولد انا بروح اجلس هناك عند اللعبه هذيك اذا لقيتو اختكم تعالو حنا هناك وين أودي وجه هالشوق المباح وين أطير ؟ و كل جنحاني بـ طين غربتي ماتستفز إلا الرياح يشتعل جمري بها في كل حين .. جوانا بقهر : شفتي كيف شفايفي مجروحه وبكره ملكتي هذا حظي النحس .. مالقى غير يجي اليوم ؟ ابتسام تحاول تهديها : يابنت مو باين مع الروج ان شاءالله جوانا : كان بيكسر فكي حسبي عليه ابتسام : الحين انتي روقي وتعوذي من بليس ومسحي دموعك جوانا بضيقة خلق : طيب انا بدخل اتروش دخلت جوانا الحمام وهي ردت على جوالها وبحب : هلا حبيبي .. طيب يالله دقايق وطالعه .. معالسلامه وين أودي وجه هالشوق المباح وين أطير ؟ و كل جنحاني بـ طين غربتي ماتستفز إلا الرياح يشتعل جمري بها في كل حين .. جاو وشافوها تلعب بلعبه "شكلها شافت احد غيرنا" قعدو يضحكون على شكلها وهي ماده رجولها وتحركها باستهبال اشر لها وهو يحط يده عند اذنه وفمه .. غيداء باستفهام : ذا وش قصده ؟؟ الزين تاشر له بمعنى استنو شوي وتلف لغيداء : مدري شكله يقصد انهم جابو البطاقه نزلت لهم واخذت جزمتها من الارض وراحت جلست عالكراسي بجنب الاثنين وهي تلبسها لفت لهم : خلاص مشكورين بنروح اللحين الولد الكبير : طيب ممكن تعطينا الرقم ؟ الزين بققت عيونها فيهم صرخت : وشوووووو وش قلت.. ؟ الولد وقف بخوف وهو يروح : خلاص ولا شي غيداء : ههههههههههههههههههههههههه ههه قمط اووم العاااافيه هههههههههههه الزين وهي تضحك : خليه عشان يتادب ويخاف يطلب الرقم من احد مرره ثانيه غيداء : من اول كنا اصدقاء اللحين كرشتيهم .. صدق انك ماتستاهلين هههههههههههه الزين : هههههههه وش ودك يعني اعطيه رقمي ؟ غيداء وهي ميته ضحك : لا بس روعتيه هههههههههه لو تشوفين كيف شكله هههههههههههههههه الزين وهي تلوي فمها : صدق ماعاد فيه بزران وين أودي وجه هالشوق المباح وين أطير ؟ و كل جنحاني بـ طين غربتي ماتستفز إلا الرياح يشتعل جمري بها في كل حين .. بيوم الملكه الساعه التاسعه ليلاَ .. الزين كشخت وخلصت وقفت عند المرايه وهي تشوف شكلها الاخير مسويه كيرلي شعرها لنص ظهرها لونه بني غامق وحاطه مكياج خفيف عباره عن روج لحمي وراسمه عيونها ومثقله الكحل وبلاشر وماسكرا .. لبست فستان اسود با اكمام طويله ماسك عالجسم لين فوق الركبه بشوي ومن فوقه شيفون اسود طويل الزين وهي تلبس عبايتها : يلا طروق طروق بابتسامه : ماشاءالله قريتي اذكارك الزين : أي قريتها .. واحس اني متوتره وخايفه طارق وهو يضحك : لايكون انتي اللي بتعرسين خخخخخخ الزين بابتسامه بايخه : هه ههه ههههه طارق : محد يمزح معك انتي ؟ ههههههه يالله امشي قبل اغير رايي واسحب عليك وخلي السواق يفرفر فيك وهو مايدري وين ربي حاطه الزين : اقول لاتذلنا بس ؟ طارق يبتسم : ماعاش من يذلك .. يالله امشي تراي مابي اتاخر على اخوياي وطلعو من البيت .. لما وصلو الحي حقهم كان حي بسيط جداا اتصلت على اماني بسرعه تاخذ منها الوصف لكن طلعت خبله وماتعرف توصف وبالاخير شكلها رحمت الزين واعطتها الزين تكلمها وحطت سبيكر عشان يسمع طارق الوصف وصار يمشي على وصف البنت واخيرا وقفو عند الباب .. الزين باحراج : طيب وصلنا يعطيك العافيه انا نازله الحين خلي اماني تنزل لي اول مادخلت حظنتها اماني وهي تضحك وبعدين سلمت عليها وطلعو الدور الثاني ودخلتها غرفة جوانا اللي كانت حوسه مو طبيعيه .. سلمت على جوانا وباركت لها ابتسام دخلت عليهم وسلمت على الزين ثم التفت لجوانا وهي تستعجلها : يالله جوجو يوسف يستناك بالمجلس لاتطولين جوانا تلف لهم وبشوية ارتباك : هاه بنات كيف شكلي ؟ اماني تسحبها مع يدها : شكلك يجنن مايحتاج تساليني الف مره وش سالفتك اليوم.. ؟ جوانا بخوف : مدري متوتره احس بيصير شي اماني : ام التشااائم اعوذ بالله منك امشي ماراح يصير الا كل خير ان شاءالله جوانا توقف قدام مراية المدخل تعدل شكلها .. لابسه فستان اسود عاري الاكمام وفتحة الصدر كانت على شكل مثلث وكبيره شوي وبعدين ماسك من تحت الصدر وطايح على جسمها ومن ورا نفس الشي وفيه فتحه من اليسار فوق الركبه بالضبط كانت اييييه فالجمال بالروج الاحمر الصارخ اللي زادها فتنه ومخليه شعرها استريت عادي .. دخلت على يوسف اللي وقف وقعد يذكر ربي عليها .. اول ماقربت منه طبع قبله على جبينها ثم نزل ليدها وقبلها جلست جنبه وراسها بالارض ماقدرت ترفع وجهها له وتطالعه .. اما هو ماشال عيونه عنها نقف هنا .. سبحانك الله وبحمدك استغفرك واتوب اليك | ||||
|
|
|
28-10-13, 10:25 PM
| #5 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البـارت الرابــع.. يا فالق المحار لاتجيب لي دانه جب للغريب اخبار وش سوت اوطانه ** الزين باعجاب : صررراحه ماشاءالله عليها صصاااروخ بنت خالتك الله يحفظها بس "وباستفسار" عندها اخوات ؟ اماني : عندها بس وحده اسمها ابتسام ومتزوجه هي اللي دخلت علينا قبل شوي تستعجل جوانا الزين : اها ماشاءالله حتى اختها حلوه مرره نعومه وملامحها هاديه بس جوانا صراحه خقه اماني : ترا جوانا تشبه اخوها فيصل ماشاءالله عليه يمووووت .. عليه ملح مو طبيعي يا فالق المحار لاتجيب لي دانه جب للغريب اخبار وش سوت اوطانه ** جوانا بجرائه : صراحه ما افضل نكلم بعض يوسف يرفع حاجبه باستغراب : ليش ؟ جوانا : ماحب المكالمات احس انها تخلي العلاقه بيننا مُمله يوسف : طيب يعني متى حابه الزواج انتي ؟ جوانا : ان شاءالله بعد سنتين يوسف : طيب وسنتين كامله تعلقيني كذا ؟ جوانا : لالالالا اذا حاب تزورني حياك ماراح اردك يوسف بابتسامه : اشوا اجل جوانا ردت له الابتسامه وسكتت .. شافت الكيكه قدامها وقفت بتسوي سنعه وتقطعها خبصت امها قطعتها بشكل ابعد مايكون عن المثلث وحطتها بصحن وعطته اياها بارتباك .. وجات بتقطع لها يوسف بابتسامه : ارتاحي انا اقطع لك بعدها ظل يسولف لها وعن اعجابه فيها من قبل كان يتمناها باي شكل , ظل يتغززل فيها وفي شكلها الى ان دخل خالد وقال له يطلع عشان العشاء جاهز يا فالق المحار لاتجيب لي دانه جب للغريب اخبار وش سوت اوطانه ** بالاستراحه عند الشباب .. طارق : فؤاد ممكن جوالك ؟ بتصل عالاهل ضروري لان جوالي طافي فؤاد : ابشر .. وعطاه جواله خذا الجوال وطلع برا وفتحه بسرعه وفتش بالارقام وقف عند اسمها "زهره" وبسرعه سجل رقمها بجواله ودخله بجيبه راح لفؤاد وشكره وعطاه جواله .. واستاذن منهم وطلع اول ماركب سيارته اتصل على الزين وقالت له يجيها .. راح لها واول ماوصل البيت اتصل عليها تطلع الزين من قلب : صراحه انبسطت عندكم الله يسعدكم "وحظنت جوانا" فرصه سعيده اللي تعرفت عليك فيها جوانا : لبى روحك والله انا اسعد جد انبسطت معاك سلمت عليهم بسرعه وطلعت لان طارق اتصل على جوالها اكثر من مره وتعطيه مشغول جوانا وهي تجلس جنبه : ياخي ياشينك نشبه وثقيل دم ازعجتني ماعرفت اقول كلمتين على بعض ؟ طارق : دام ماودك تطلعين ليه تقولين تعال خلاص ؟ ولا الشغله استهبال بس ؟ الزين : وشرايك انام عندهم ؟ طارق يضحك : ماعلينا انبسطتي ؟ الزين : فوق ماتتخيل يوه ياطارق ناس تاخذ العقل .. يدخلون القلب بسرعه حبيتهم مررره يا فالق المحار لاتجيب لي دانه جب للغريب اخبار وش سوت اوطانه ** بالاستراحه بعد كم يوم.. دخل فؤاد معصب وهو يصارخ وينادي على طارق : وووووينه الووصخ .. وووويننننه ؟؟؟ محمد بصوت عالي : خير وشفيه وش عندك تصارخ ؟ فؤاد بعصبيه : وين طارق ؟ النذل الحقيرر محمد : احترم نفسك ولا تغلط وبعدين وش مسوي لك عشان تعصب كل هالعصبيه ؟ وتوه دخل طارق بكل ثقه وبابتسامه : شفيك تصارخ ؟ فؤاد قرب منه وسدد له لكمه على وجهه وطارق رجع له اللكمه وتضاربو والعيال يفزعون بينهم رائد يسحب فؤاد على ورا ومحمد يمسك طارق ويهديه عشان مايرجعون يهجمون على بعض مره ثانيه محمد : وش صاير لكم انتو ؟؟ فؤاد : والله ما اسكت لك عاللي سويته اوريك يالنذل طارق يتفل : النذل انت واشكالك يالوصخ تحسب بنات الناس لعبه عندك وتاكد اني راح اخرب عليك كل ماتعرفت على وحده فؤاد بقهر : انت اصلا وش دخلك من حطك محامي لهم ؟ .. ودف رائد بقوه ورجع يهجم على طارق محمد يسحبه بقوه من ثوبه وهو يصرخ فيه : هييييه انت بتتضارب انقلع برا استراحتي لاقلب الدنيا عليك ويطلع من عندهم ويلحقه رائد .. ومحمد منصدم وش بينهم عشان يتضاربون .. ماعمره شاف فؤاد معصب قد كذا محمد : طارق وش سويت ؟؟ طارق بقرف : بس خذيت رقم حبيبته وقلت لها ان فؤاد ناوي ياخذ اللي يبيه منها ويرميها مثلها مثل البنات اللي لعب عليهم قبلها .. محمد باستغراب : مين لايكون زهره ؟ طارق : ايه زهره ماغيرها محمد : وصدقتك ؟ طارق : تذكر اليوم اللي اختفى فيه جوال فؤاد .. انا اخذته وقابلتها ووريتها محادثات حبيباته وصور البنات خوياته وحتى مابغت تصدق لين اتصلت على جواله ورن بيدي وتاكدت ان اللي بيدي جواله وشكلها كرشته اخيرا محمد : وانت ليش تدخل نفسك بينهم ؟ انت عارف فؤاد قذر واساليبه قذره ماهو تاركك لين ينتقـم منك طارق ببرود : رحمت البنت مسكينه وهذا مايخاف ربه وبعدين ماني خايف منه ولا من عشره زيه .. اعرف اتعامل مع اللي مثله لاتوصي وكمل سهرته مع العيال ورجع البيت متاخر دخل غرفته ونفس كل يوم يدخل الذاكره بجواله ويشوف الصور حقت البنت وهو يفكر "هالبنت جننتني اخ بس" يا فالق المحار لاتجيب لي دانه جب للغريب اخبار وش سوت اوطانه ** فؤاد بقهر : احبها يارائد احبها وقسم كنت ناوي اخطبها بس ذا خرب علي .. والله ماعمري حبيت ولا توقعت احب لكن هالزفت مالقى يخرب علي الا عند اللي حبيتها من قلبي لكن قسم بالله لاوريـه لا ادفعه ثمن هياطه اللي سواه ماكـون انا فؤاد لا اخلي قلبه يحترق مثل ماحرق قلبي عليها رائد : تعوووذ من الشيطان اكيد بترجع لك لما تفهمها فؤاد : مستحيل ترجع لي حاولت فيها اخ قلبي يحتتتترق ماني مصدق تركتني زهره رائد : جات عليها يعني ؟ عرفت مليون غيرها ليش حبيت ذي يعني ؟ فؤاد : لانها غير عنهم حبيتها يارائد ااااه وش اسوي اللحين ؟ رائد : بتنساها مثل مانسيت غيرها فؤاد : بس هذي ماحبيت الدنيا وصار لها طعم الا لما حبيتها يا فالق المحار لاتجيب لي دانه جب للغريب اخبار وش سوت اوطانه ** اليوم الثاني .. بقصر الراهي طلعت بالحديقه تتمشى بطفش مرت من عند الملحق تحمست "ايييييه صح بتابع افلام اكيد طارق اللحين جاب اشرطه جديده" اول مادخلت ماستغربت لما شافت انوار الملحق شغاله لانها اغلب الاحيان تكون شغاله لان طارق فيها .. اول مادخلت وقفت عند الباب ماتحركت تنحت بصدمه فاللي جالسين قدامها كانت عيون طارق بجواله ومانتبه لها ابدا لان دخولها كان هادي... اما خويه اللي معه تنح فيها ثم نزل راسه على طول .. اما هي لما شافته ينزل راسه استوعبت ورجعت على ورا بسرعه وخرجت من المكان بهدوء مثل مادخلت الزين تحط يدها على قلبها " يووه لو شافني كان اتهزئت دايم يحذرني ما ادخل الملحق "وبعناد" لعنته ليه مايقول لي ان خويه عنده ؟ بس ياربي احس اني شايفه اللي معاه من قبل وووين وووين "شهقت وهي تتذكر" ايييييه هذا محمد اللي قابلناه بالمطعم وكان بيصدمني خخخخ يافشلتي بس اكيد ماراح يعرفني ؟ اما عنده حاول يتدارك نفسه لما شافها ونزل راسه على طول قبل يشوفه طارق وش بيقول عنه ؟ ابتسم وهو يتذكر "هذي الخبله اللي هاوشتني ذاك اليوم ام لسان .. االا والله هي ( يدها مكسوره ) تشبه لطارق ؟ بس هي اجمممممل .. انا وش قاعد اخبص افكر باخت صديقي .. تعوذ من بليس ورجع يتابع الفلم مع طارق اللي ترك جواله واندمج مع الفلم مرره ثانيه .. ثم التفت لطارق يساله محمد : طارق ماتفكر تنزل مقاطع بالكيك مره ثانيه ؟ طارق : لااا مليت وماعاد ابي انزل فتره وعدت ههه محمد يضحك : بعد ماعلقت قلوب العذارى طارق : جات علي.. ؟ هم كل ماشافو واحد منزل مقاطع خقو عليه ما احقر من نفسي بس هذا الصدق محمد : تصدق عاد لا مشيت بمكان ما اسمع االا البنات يقولون هذا محمد صديق طارق اللي بالكيك كنت انسان عادي لين نزلت مقاطعك وابلشتني معك هههههههههههه طارق يضحك : والله طقت براسي انزل ونزلت والحين مليت محمد يسند ظهره على ورا : صراحه استغرب التضاد اللي بينك وبين اخوك كل واحد شخصيته تختلف عن الثانيه متعاكسين اللي يشوفكم مايقول انكم توائم لا التفكير ولا الشكل ولا الشخصيه ؟ انتو متاكدين انكم توائم ؟... يا فالق المحار لاتجيب لي دانه جب للغريب اخبار وش سوت اوطانه ** بالحوش .. جوانا جالسه عالدرج حاطه يدها على خدها ومعها محمد ولد اخوها خالد .. ويضحكون على ريناد اللي تدف اماني بالعربيه (حقت بنده خخخخ) وتفحط فيها ريناد ملت من الوضع .. فجئه ابتسمت بلعانه ودفت العربيه لين عند باب الشارع وفتحته اماني صرخت بـ روعه اما ريناد ماهتمت لها ودفتها بقوه لبرى الشارع وهي تحاول تتمسك بالباب لكن ماقدرت ريناد واقفه عند الباب وميته ضحك على شكل اماني وهي بوسط الشارع وداخل العربيه وببجامتها ناظرت مع اللفه الي باخر الشارع فيه سياره جايه شهقت ثم رجعت على ورا اماني اول ماشافت السياره صرخت .. ثم وقفت بتنط من فوق العربيه اول مانطت تحركت معها العربيه وطاحت على وجهها وانجرحت ركبتها بقوه من الزفلت وصارت تبكي بالم حاطه يدها على فمها وخشمها اللي ينزف .. مرت من عندها السياره وهو مصدوم يطالع فيها ثم دخلت تركض للبيت وتصارخ على ريناد اللي ركضت لداخل وجوانا مصدومه من اللي صار ومحمد مفهي معها اماني بفم مجروح وخشم ينزف وبجامه مشقوقه من عند الركبه وجرح كبير "تبكي" : الله لايوووفقك ياملعونـه جوانا تقدمت لها تساعدها : بسم الله عليك تعالي غسلت وجهها وهي تسب وتلعن في ريناد المتهوره .. ثم جلست عالارض وكملت نحيب يا فالق المحار لاتجيب لي دانه جب للغريب اخبار وش سوت اوطانه ** محمد بحماس يكمل : بعدين طاحت فالشارع وريناد تضحك عليها فيصل يحاول يسكــته ويناظر للمغاسل : اوص خلاص لاعاد تتكلم اششششش ومحمد يكمل السالفه بحماس مستعجب من اللي صار اليوم قدامه .. خذاه فيصل وسحبه لبرا فيصل بعصبيه : ماتفهم انت؟؟؟ والله لااشوفك تتكلم بهالسالفه لا اقطع لسانك .. فاهم ؟؟ يوسف بابتسامه : وشفيك عالولد ؟ فيصل : ازعجني من صبـح يسولف على راسي "اعطى محمد نظرة تهديد ورجع للمجلس مع يوسف" يوسف : لاهنت فيصل انا عندي شغل لاعليك امر تخليهم يكلمون خواتي عشان يطلعون ؟ فيصل : ابشر اللحين اكلمهم بعد مانادى على خواته وطلعو .. جلس بالصاله جنب جوانا وهو منحرج فيصل بهدوء : جوجو جوانا بزعل : نعم ؟ فيصل يقرب ويبوس راسها : سامحيني ياخوك ماكنت في وعيي يوم مديت يدي عليك .. سامحينـي تكفـين حتى ملكتك ماحظرتها جوانا : كل يوم بسـامحك يافيصل ..؟ متى ناوي تعقـل انتـبه لنفسك فصول والله مو عيشه ذي كل يوم تدخل علينا بحاله "سكتت ثم كملت" ارحمنـا وارحم نفسك صدقني انا مابي غير اشوفك ماشي بالطريق صح فيصل بحزن : ادعـي لي جوانا : ادعي لك ياخوي والله اني ادعيلك .. بس عاد انت تعالج واصمل هالمره وان شاءالله انك تتركها فيصل بابتسامه : ان شاءالله "سكت ثم رجع يتكلم" جوجو محمد يقول ان اماني تفحط بالعربيه هي وريناد وطاحت بالشارع اليوم العصر ؟ جوانا تشهق : كذاب لاتصدقه ماتعرف البزران.. ؟ فيصل : اجل وش السالفه جوانا : الباب اليوم كان مفتوح العصر لان الشغاله تغسل الحوش بالماء وجات المهبوله ريناد ماهيب صاحيه دفت اماني عالباب حق الشارع وطاحت عند الباب من داخل بس نقف هنا.. انتظر توقعاتكم .. | ||||
|
|
|
28-10-13, 10:26 PM
| #6 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البــارت الخــامس.. وش احكي لك ؟ وحشني صوتك , وأيامي معك وش احكي لك , عن الوحده اخاف احكي وابكي لك . .. بعد مانادى على خواته وطلعو .. جلس بالصاله جنب جوانا وهو منحرج .. فيصل بهدوء : جوجو جوانا بزعل : نعم ؟ فيصل يقرب ويبوس راسها : سامحيني ياخوك ماكنت في وعيي يوم مديت يدي عليك ..سامحينـي تكفـين حتى ملكتك ماحظرتها جوانا : كل يوم بسـامحك يافيصل ..؟ متى ناوي تعقـل انتـبه لنفسك فصول والله مو عيشه ذي كل يوم تدخل علينا بحاله "سكتت ثم كملت" ارحمنـا وارحم نفسك صدقني انا مابي غير اشوفك ماشي بالطريق صح فيصل بحزن : ادعـي لي جوانا : ادعي لك ياخوي والله اني ادعيلك .. بس عاد انت تعالج واصمل هالمره وان شاءالله انك تتركها فيصل بابتسامه : ان شاءالله "سكت ثم رجع يتكلم" جوجو محمد يقول ان اماني تفحط بالعربيه هي وريناد وطاحت بالشارع اليوم العصر ؟ جوانا تشهق : كذاب لاتصدقه ماتعرف البزران.. ؟ فيصل : اجل وش السالفه جوانا : الباب اليوم كان مفتوح العصر لان الشغاله تغسل الحوش بالماء وجات المهبوله ريناد ماهيب صاحيه دفت اماني عالباب حق الشارع وطاحت عند الباب من داخل فيصل : قشرا هالبنت ههههههههه جوانا : أي والله ماهيب صاحيه مافيها عقل رؤيتك! اتمناها كَ مٌذنب يٌريد العفوّ . .. بعد مرور اسبوعين ونص اتصلت الزين بجوانا عشان تجي مع اماني ويسهرون مع بعض لبست لها لقن عنابي وبلوزه بيضاء باكمام عاريه .. رسمت عيونها بـ ايلاينر من فوق وكثفت الماسكرا وزادت من الروج العنابي على شفايفها ولبست عبايتها بعد ماتصلت عليها اماني وقالت لها انها برا وبعد وصولهم بيت الزين .. وهم بالحديـقه الكبيره الواسـعه شهقت جوانا وهي تتذكر انها نست شنطتها السوداء الصغيره بسيـارة يوسف وخلت اماني تكلمه يرجع وبعد محاولات رضت اماني انها تطلع له .. في هذه الاثناء كان طارق داخل مع الباب الخلفي للقصر عشان يبدل ملابسـه ويخرج لفت انتباهه بنت لابسه عبايه واقفه وبيدها جوال تكلم .. قفلته وطلعت برا ثواني ورجعت وبيدها شنطه سوداء صغيره تقدمت وهي تتكلم مع البنت اللي واقفه وشكلها تنتظرها صدمـــه خلته يتجمد ويستوعـب اللي واقفه قدامــه كانت فاكه ازرار عبايتها والشيلـه على كتفها اخذت الشنطه من اماني وراحت هي وياها داخلين للقصر "فتنــــه تمشي عالارض اقسم بالله انها هي .. اقدر اميزهـا من بين الف بنت , نفس الملامح بالضبط ماقدر اصدق الصدفه اللي صارت يعني هذي جوانا اللي كنت اشوف صورهـا بكل ليله .. تطلع صديقة الزين اختـي؟" انـا مـاني على بعضيّ , ولا بعضيّ علي ملتم عجزت اثبت على ارضي احس ان الاماكن هم .. بالاستراحه عند الشباب.. محمد بهدوء : فؤاد لو سمحت اطلع برااا انت جاي تدور مشاكل وانا ماني فاضي لك ؟ وتاكد لو سويت له شي انا اول واحد راح يوقف بـ وجهك ؟ وقتها لا عِشره ولا غيره تهمني !! فؤاد بقهر : تفو عليك وعلى استراحتك ؟ تبيع عشرتي عشان طارق ؟ "وباستهزاء" صدق اللي قال الطيور على اشكالها تقع محمد تقدم منه بعصبـيه عشان يادبه .. مسكه بقوه رائد : خلاص محمد امسحها بوجهي هالمره لف لفؤاد بعصبيه : وانت اطللع براااا ماتفهم ؟ فؤاد : طالع بس قول لطارق اني ماراح اخليه بحـاله دخل على اخر شي قاله فؤاد ضحك باستهزاء ثم اردف : ضروري تعرف ان طارق ماجاب خبرك ؟ هه فؤاد يبتسم بقهر : انتظرني بس .. وطلع من المكان جلسو بالجلسـه بتواجد طارق الرايـق ونظرات محمد الغاضبه له .. مافاتت على طارق نظراته يدري انه منقهر عشان خويه فؤاد اللي يشوفه سيء بالنسبه لمحمد الطيب .. وفضل يطنش ولا كانه حاس تِلك القصيره , تثملٌ عقلي بِـ فساتينها القصيره تِلك الجميله , تأسرٌ قلبي بِـ عيونها الجميله . .. جات الساعه 11 ونص ركب سيارته ومشى وهو يتامل انه يشوفهـا لو شوي "صرت اطمع اشوفها عالطبيعه احس اجمل واجمل بكثير من الصور هذي نفسي بس احطها قدامي واتاملها ليل نهار هه" رجع البيت وهو يدعي بقلبه انها باقي موجوده .. دخل البيت بحذر لقى الزين لوحدها بالصـاله وبخيبـة امل : السلام عليكم الزين : وعليكم السلام طارق : راحو صديقاااتك.. ؟ الزين : اييه توهم قبل شوي راحو طارق يجلس جنبها وبابتسامه محرجه : زوزتي بسالك سؤال تكفـين لاتعصبين ولا شي وجاوبي على سؤالي ؟ الزين "استغربت طارق ومستحي خير وش عنده" : طيب اسال ؟ طارق : اليوم دخلت من الباب الخلفي للبيت عشان اغير ملابسي لكن شفت وحده بالغلط وقسم بالغلط كانت داخل القصر هم ثنتين "ابتسم لما شاف تعابير وجهها" لكن اللي معها شايله الطرحه من وجهها "بعيون تلمع" لابسه بنطلون عنابي وشعرها طويل قصيره البنت شسمها ؟ الزين : الله اكبـر عليك بالغلط وقزيت البنت قز ..الله عليك طارق يعقد حواجبه : اللحين تركتي سؤالي ودققتي بالوصف ؟ الزين : يمـه منك اثاريك مـب هين طارق يحاول يضبط اعصابه : شسم البنت ؟ الزين تضحك : اسمها جوانا بس وش تبي باسمها ؟ طارق : عجبتني ماشاءالله حلوه ؟ الزين بقهر : اخ لو انها مب مخطوبه.. ؟ كان والله لاخطبها لك دامها عاجبتك وخليتك وراي وشفتك قباليّ يَ هذا الزين مدري شَـ قصتي ويّاه ؟ ملامحك البريئه , خربت حالي ..انا ماني مٌراهِق لكن انتِ يـاااااه .. اليوم الثاني.. لبست فستان اسود ملتف على جسمها يوصل لنص الساق باكمام طويله رافعه شعرها لفوق بكلبس وحطت مكياج خفيف كالعاده بروج لحمي .. ونزلت ليوسف اللي ينتظرها تحت بالمجلس اول مادخلت طاحت عيونها على بوكس موجود عالطاوله بشكل حلو وفوقها بالون .. ابتسمت بخجل والقت السلام وجلست بعيد عنه شوي يوسف يضحك : وشفيك قربي.. او اجي لك؟ جوانا قربت منه شوي ورفعت يدها لشعرها بارتباك يوسف : الدبلـه ماكانت حلوه الا بايدك ؟ جوانا : عيونك الحلوه يوسف وقف وراح جلس بجنبها .. اما هي رجعت على ورا بخوف من حركته المفاجاه يوسف يضحك : وشفيك خفتي ؟ تراني ما اكل ههه جوانا عقدت حواجبها وبعدين ابتسمت بخوف لانها ماتعودت على يوسف كثير عشان يقرب لها هالكثر كبرنا ولم نعٌد نفتقِر للعطف نحنٌ نعرف جيداَ مٌقاومة الحٌزن , وهزم الوِحده نعرف جيداَ كيف نحيا بِـ لا اهتمامات بشريّه ~ .. بقصر الراهي.. الزين تحظن امها : والله انـه نور البيت بجيتكم ؟ وحشتوني ام الجوهره : وانا اشتقت لش حتى ماتسوى الطلعه بدونش الزين بزعل : لو انها ماتسوى كان اخذتيني معك ؟ ام الجوهره : ان شاءالله بس اخذتي درس ؟ الزين تضحك : اييييييه والله توبـه يمـه طارق يدف الزين ويحظن امه بشوق : لك وحشــه يالغاليه ..ياشين جده من دونكم ام الجوهره : حبيب امك انت ..والله اني اشتقت لكم وتمنيت انك معنا انت واختك طارق : على فكره الاميره ترا ماخلت مكان والله انها مستانسه يمه الزين : لايكثر بس انت اصلا ماشوفك كثير "وبدلع" يمه ترا ما انتبه علي ام الجوهره تضربه على راسه بخفه : وانا وش وصيتك ؟ طارق يبوس يدين امه وبشغب : اخ يمه ..وانتي صدقتيها ام الجوهره بابتسامتها الحلوه : اول مره اشوف الزين زعلانه قد كذا ..لايكون بس مزعلها ؟ الزين بقوه : يمه مو مزعلني الا غيابكم عن البيت ..ولا طارق ماعنده سالفه هههههه طارق : ماعندي سالفـه اجل ؟ الزين : تصدقين يمه .. اكتشفت بغيابكم ان طـارق حنون ويناسو عليه مدلعني عالاخر طارق : لاتصدقين عمرك بس ؟ من الحين بقلب طارق القديم اللي مزحه ثقيل واللي ناشب لك زي العظمه بالبلعوم هههههههه الزين بقهر : الله ياخذ ابليسك انت وهالمزح اللي يجيب المرض بكره بتتزوج وتجنن بنت الناس معك ..ياخي خلك رقيق شوي موعشاني ..؟ عشان المسكينه اللي بتبتلى فيك ؟ ام الجوهره : وانتـي محسبه اخوش بيعاملها زي مايعاملش الزين : يمه ثقالة الطينه تمشي بدمـه طارق : خلاص يابنت بالعه مسجل من صبح وانتي تسولفين على راس المسكينه امي.. اسكتي شوي اقترفت الحٌب ضِمن السيئات , ونام حظ الحٌب بكفوفك فقير ماقويت احبك إلا فِ سكات , وانكسر حٌبك بَـ ضلعيني كثير .. قبل رمضان بيـوم .. اجواء ايمانيه وروحانيه ..الناس تبارك لبعض بهالشهر وفرحانين فيه رامي : يمه انا فكرت وكذا ام الجوهره : اسلم .. وش عندك ؟ رامي : ابي توليب بنت عمي ؟ اخطبوها لي .. الكل سكت منصدم .. رامي يبي توليب ؟! من متى .. عمره ماقال انه يبيها او لمح لنا بالعكس ماكان جايب خبرها اصلا الزين بمفاجاه : تبي مييين ؟؟ توليب ماغيرها بنت عمي وش السالفه رامي ؟ رامي بهدوء : ايه توليب ماغيرها ؟ ام الجوهره بفرحه : والله وزين ما اخترت ابشر بس نكلمهم لك وان شاءالله خير طارق يبتسم : حركاات اللحين تبي تخطب وتتزوج من قدنا ؟ رامي : خلها توافق بس ؟ ام الجوهره بفخر : وليه ماتوافق والله انك احسن الشباب واحلاهم الزين تغمز لامها : وماودك بعد نخطب لطروق ؟ طارق بسرعه : لالا فكوني بس زواج الحين مافيه .. بكيفه رامي يبي يتزوج اللحين هو حر اما انا مو ناوي اتزوج اللحين.. ؟ ام الجوهره : بسم الله عليك شفيك شرشحتنا مابعد قلنا شي اذا ماتبي تعرس اللحين محد بيجبرك فديتك لين تجيني وتقول يمه زوجيني.. ؟ .. ذيك الحزه اخطب لك احسن واحلى بنت الزين بغيره واضحه : نـاس ونـاس .. الله لنا طارق يضحك : يختي اذكري ربك لاتقلبينها بيني وبين الحب الزين : ذاكره ربي وجع الا غصب تخلي عيني حاره في فمّي لك كلام لا يٌحكى الا بَـ اذنك وبين اصـابعي لك قِصص لا تٌروى الا بين اصـابعك وفي قلبيّ لك قلبْ ليس سِوى قلبٌك , .. الزين : قسم بالله ما اكذب عليك وجع ..كنك متعوده اني اكذب عليك يعني ؟ غيداء : يختي الكلب اخوك ذا ليه ماعمري حسيته مناسب لاختي الزين : عاد مدري عنه صراحه فاجاني انتي تعرفين شخصية رامي غريبه محد يعرف له ..لكن قراره ذا صدمني غيداء : مننن جد انا حتى مو مستوعبه وقعدو يسولفون بهالسـالفه واخر شي قبل تقفل منها حذرتها ماتقول لـ توليب شيء ..عشان تحلى الطقطقه غريب كَ سحابهٍ لا تمّرٌ فوق سماءٍ تٌضللك .. اليوم الثاني.. قبل المغرب بشوي جوانا تحضرالعصير والمويه وتحطها عالسفره وهي تناظر السفره لاخر مره تتاكد ان كٌل شي كامل.. اخذت القران من على الكنب وصارت تقرا لها شي قبل ياذن دخل عليهم خالد وزوجته وصراخ عيالهم وراهم خالد وزوجته : السلام عليكم سلم على امه .. التفت لها شافها تقرا قران ومو معهم جلس عالكنبه جنب امه وهو يسالها عن اخبارها ام خالد بحنان : كيفك يا امي وشخبارك ؟ فاطمه "زوجة خالد" : بخير عساك بخير والله مانسال الا عنك انتي طمنيني عنك ام خالد : يارب لك الحمد .. وسكتو صار كل واحد يستغفر ويقرا اذكاره ويدعي .. جوانا نزلت القران على جنب وتقدمت من خالد مدت يدها تسلم عليه .. ناظرها بهدوء وبعدين مد يده لها ببرود حتى ماكلف على نفسه يوقف يسلم .. اكتفت بمصافحته وجت بتسحب يدها من يده .. سحبها بقوه لحتى طاحت عند رجوله ناظرته ببرود خالد بنظره غاضبه : سلمي زي الناس جوانا وقفت بهدوء وقربت من راسه وباسته وابتسمت بهدوء وقربت تسلم من فاطمه اللي وقفت تسلم عليها .. ورجعت جلست مكانها وصارت تقرا اذكارها وتسبح وتستغفر بعد خمس دقائق بدأ الاذان ياذن .. الله اكبر الله اكبر الله اكبر الله اكبر أشهد ان لا اله الا الله أشهد ان لا اله الا الله اشهد ان محمداً رسول الله اشهد ان محمداً رسول الله حي على الصلاه حي على الصلاه حي على الفلاح حي على الفلاح الله اكبر الله اكبر لا اله الا الله الورد لاكثرت يدين العرب حوله , حتى ولو ما انقطف ماعــاد يغريــني , .. جالسين بالصاله بعد مارجعو من صلاة المغرب .. ابو الجوهره بجديه : وانت ماودك تشتغل عندي بالمستشفى وتبدا تداوم زي اخوك ؟ طارق : يبه بدري خلني ارتاح لي شوي وبعدها لاحقين عالشغل المستشفى مب طاير ابو الجوهره : الله يعين عليك.. ام الجوهره : شفيك عليه توه متخرج خله يرتاح شوي طارق قرب يبوس راس امه : يخليك لي اياك ياشيخه محد فاهمني غيرك.. ام الجوهره تضحك : مو بس تطول اجازتك شهرين بالكثير وبعدها يصير تداوم فالمستشفى طارق : ابشري بس خليني ارتاح وانبسط هالفتره .. لان الدراسـه اهلكتني يمه الزين : دلوع امـه اهلكته الدراسه ياعوومري طارق : هههههههه تصدقين ان غيرتك زايده هالفتره ؟ الزين باستحقار : وشو اغار منك انت ؟ هه اركد بس مادريت عنك رامي بتساؤل : الا دلوعة البابا ماعاد تنشاف من يوم انخطبت وهي منزويه بغرفتها ..يالله سترك!! الزين : اييه ياخي هالنوعيه اسالني عنها انا .. اربعه وعشرين ساعه تكلم الحب ولا مشغوله بَـ زواجها "وبضحكه" ترا طارق نفس نوعيتها ههههههههههههههههه طارق يبقق عيونه : اللحين انا شدخلني فالسالفه يالسوسه.. ؟ الزين : ادري مالك دخل بس كيفي هههههههه رامي : اقول روحي نادي اختك خلينا نسولف معها شوي محنا ماكلينها طارق : هذي لا تزوجت ماراح نفقدها هههههه ابو الجوهره : اسكت انت ويـاه لاكسر روسكم والله لاشوف احد قايل فيها شي ان يندم .. خلوها براحته طارق يمسك ضحكته : ابشـر يبـه الزين : ايه ولا كلمه هههههههههههه كفو يالوالد نقف هنا .. سٌبحـانك اللهــم وبحمدك استغفرك واتــوب اليـك | ||||
|
|
|
28-10-13, 10:27 PM
| #7 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البــارت السـادس.. تجارِبٌ عٌمري وسيلة عشق .. تؤدي اليـك لانك غـايه , لانك حٌب بِغير ابتداء فـ حبك باقٍ لما لا نهايه .. ببيت ابو ياسر الساعه عشره بالليل .. مستواهم لايقل عن مستوى ابو الجوهره.. بعد مابخرو البيت وضبطو كل شي في انتظار عمهم ابو الجوهره وعياله.. جايين يسمرون .. ومنها بيكلم اخوه بموضوع رامي نص ساعه وهم عندهم.. الزين بهمس : لايكون قلتي لا احد ؟ غيداء : والله والله ماقلت لاحد حتى العروسه ماقلت لها ههههه الزين : اشوا عاد نفسي اشوف ردة فعلها .. الله يالحماس توليب ترفع حاجبها الايمن : وش عندها الاخت متحمسه.. ؟ الزين تغمز لها : شوي وتعرفين توليب تضحك : متى شوي ؟ الزين : وشفيك مستعجله ؟ شـامه خبر انتي.. توليب باستغراب : وش اشم بعد انتي ؟ غيداء : هههههههههههههه ماتدري والله ماتدري توليب بقهر : انتو وش مخبين علي ؟ ما تدري ومدري ايش تكلمو زين ؟ الزين باستهبال : الا شكلها تدري شوفيها مجتطه بعمرها ومسويه غشيمه صدق اللي استحو ماتو توليب بعصبيه : وجع بعينك انتي وياها الشرهه مو عليكم عاللي يجلس معكم ويعطيكم وجه قامت من عندهم ودخلت لداخل بتجلس مع امها وزوجة عمها لانهم بصدق رفعو ضغطها ام الجوهره بابتسامه : رامي كلمني امس ويقول يبي بنتك ام ياسر باستغراب : مين غيداء ؟ بـ عمره ام الجوهره : لا يبي توليب وقفت مكانها مصدومه تستوعب اللي سمعتــه انا رامي يبيني .. انا انخطب اكيد ماسمعـت زيـن.. ام الجوهره تضحك : وشفيك بسم الله عليك تعالي اجلسـي توليب بصدمه : مافيني شي (حطت يدها ورا رقبتها بارتباك) ام ياسر تبتسم : تعالي اجلسي توليب دخلت وهي مرتبكـه جلست مقابل امها وزوجة عمها ام ياسر بحب : سمعتي وش قالت خالتك ؟ توليب تبلع ريقها بصعوبه : لا ماسمعت وش قالت ؟ ام ياسر بابتسامه من ابتسامتها الحنونه : تقول رامي كلمها امس ويبيك توليب بارتباك : يبيني كيف.. ؟ ام الجوهره بلسانها المعسول : يبيك زوجة واميره لبيته ؟ توليب اصطبغ وجهها باللون الاحمر القـاني صح انهم ميانه مع بعض وطول عمرهم متربين مع بعض بس هالموضوع يحرجها وهي معروفه بخجلها غير عن غيداء والزين.. ام ياسر : احرجتي بنتـي يام الجوهره هههههههه "التفت لتوليب" كلمي وحده من الشغالات تجيب الشاهي توليب توقف بسرعه : ابشري يمه طلعت من المكان وهي منقهره من اختها غيداء يعني كانت تدري ولا قالت لي الحقيره ويطقطون بعد اوريكم.. راحت المطبخ كلمت وحده من الخدم تودي الشاهي للصاله .. وهي تحرك رجلها بتوتر شديد وعصبيه وهي تناظر للمطبخ وكانها اول مره تشوفه وقفت عيونها على علبة مويه ..ابتسمت وهي تتنهد براحه طلبت من الشغاله تعطيها جيك مويه كبير وبارد تقدمت من الثلاجه اخذت علبة الثلج وحطتها زياده عالماء وطلعت للحديقـه قربت منهم وهم مندمجين فالسوالف ورفعت ايدها لجهتهم ورشت الماء عليهم امتلى المكان صراخهم وهم يستوعبون من وين جاتهم المويه شافوها تضحك .. اول ماشافتهم بيقومون ركضت على داخل بقووه وهي تمسك بطنها من الضحك.. اعطني كفايتي منك وساكتفي من هذا العـالم .. عند الرجال .. ابو الجوهره : استشير البنت اول وان ماصار نصيب ترانا اخوان ولا راح يتغير بينا شي ابو ياسر : ان شاءالله انها مهيب مخالفتني وين بلقى مثل رامي لبنتي ؟ رامي بحب : تسلم الله يخليك لنا طارق بخفـة دمه المعتاده : وانا ياعم طالب بنتـك يارا ماني لاقي مثلها .. ؟ ابو ياسر يضحك : ان كانك بتنتظرها لين تكبر فهي لك طارق : بانتظرهـا العمر كله انا وين الاقي مثل يارا حلاوتها ماشاءالله .. ماشفت مثلها بالاطفال ياسر يضحك : رامي ونعم فيه طارق : وش قصدك هاه ؟ ياسر : يعني تخسي تاخذ يارا منت بـَ كفو طارق : اقطع واخس ياورع ابو الجوهره : انت توظـف بعدين نخطب لك طارق بابتسامه : قريب ان شاءالله.. الا على طاري الضما والسنابل , وشفيني إن هب الهوا بِك تمـايلت ؟ .. بعد اسبوعين .. وافقت توليب على رامي بعد اصرار من امها وابوها وتحس بخوف غريب حاولت ترفض بحجة ان غيداء اكبر منها ولسى ماتزوجت .. بس غيداء عطتها الضوء الاخضر وانه عادي عندها واصلا هم عارفين بـ قرار غيداء ضد الزواج دلوعة ابوها ماتبي تعرس.. لذا كانت محاولتها فاشله .. بعد الاتفاق قررو تكون الملكه بعد زواج الجوهره .. وهالشي خلا توليب تقلب البيت فوق تحت .. اوكي وافقت بس مو معناته ان الملكه تكون هالفتـره كان ابوها صارم معها بطبيعته شديد معاهم شوي بعكس ابو الجوهره ورضت للامر الواقـع.. اما رامي كانت ردة فعله عـاديه ومو واضحـه .. زي اي واحد خطب وحده بـ طلبه هو المفروض يكون فرحـان وبس يبتسـم .. الزين : ان شاءالله حبيبتي يمديك تحظرين ملكة رامي ؟ الجوهره بفرحه حقيقه : اكيد ابي احظر هذا رامي مو حيالله الزين : سمعت من ابوي انها بتكون بعد زواجك اليوم الثاني عشانك انتي يالحب .. يقول ابيها تحظر قبل لاتسافرر شهر العسل الجوهره بحب حقيقي : الله لايحرمني من ابوي الزين : تصدقين بديت احس اني بنت البطـه السوداء ؟ انتي ماخذه قلب ابوي وطارق قلب امي ورامي قلب الاثنين ومعاذ عاد دلوع الكل وانا لي الله ؟ الجوهره بققت عيونها : انتـي دلوعة الكل يالسوسه الزين : هين قال دلوعة الكل "بتفكير" ماعلينا تصدقين بفقدك ؟ الجوهره : ان شاءالله كل يوم عندكم ؟ لاتزعليني الزين : اللحين انتي متخرفنه وانتي عندنا كيف لو صرتي عنده اتوقع ماعاد نشوفك الا بالاعياد وزين منك لاعرفتينا الجوهره : مدخلتك غرفتي تسولفين معاي واخرتها تقولين كذا قومييييي اطلععيي برااااااا الزين تضحك : خلاص سامحيني ماعاد بعيدها الجوهره تسحبها مع ياقتها بقوه وتدفها مع الباب وبغرور : لاعاد اشوفك توطوطين عند باب غرفتي حشيت رجولك حش .. صدق قويـة عين الزين : كم اسبوع وتذلفين وباخله علي اجلس معك صدق اللي استحو ماتو كل هذا عشان حويتم ؟ الجوهره : احسن منك .. < وتقفل الباب بوجهها الزين : اللهم لاتؤاخذنا بما فعل السفهاء مننا مافيـه عقل بالمره طارق يشوفها تتمشى بالممر رحمها وهو يشوفها تسولف مع نفسها : الزين تعالي هنا الزين بملل : وش تبي بعد انت ؟ طارق : شرايك نطلع البحر ؟ الزين بحماس : والله ؟؟؟؟ طارق : اييه يالله البسي عباتك واطلعي لي لاتتاخرين سحبت عليك ومشيت الزين : لا تروح شوي واجي ولا اقول شرايك اطلع بدون عبـايه محد بـَ داري ؟ طارق : انقلعي جيبي عبـايتك الزين : ههههههههه طيب يالله دقايق وانا عندك خلني مابين ضلعينك ابات , واحتفظ بي لا تبـادلني بــاحد .. يوسف : احترم رغبتك في انك ماتبينا نتكلم بالجوال ولا حاولت اتصل عليك بس جد ترا نفسي اكلمك ؟ جوانا : يوسف اتمنى تكمل جميلك ولاعاد تطلبني هالطلب لانك عارف اني ماحب ارد لك طلب .. لاتحرجني بليزز يوسف : يخلي لي هالعيون اللي ماشفت اجمل منها ..اعتذر لو كان هالشي يضايقك ؟ ووعد مني ماعاد اطلبك لين تجيني بنفسك وتعطيني رقمك ؟ جوانا : والله يايوسف مو عن شي بس مابي علاقتنا تمر بفترة ملل نكتفي بذا الزيارات اللي اشوفك فيها يوسف : انتـي تدرين ان خالد بالقوه بالعني.. ويدخلني ؟ جوانا : انت تعرف خالد زي ماعرفـه انا وحاول تخفف زياراتك عشان لايمنعك مره وحده ..ترا يسويها يوسف بعصبيه : يخسي الا هو جوانا ابتسمت من عصبيته : اخوي يايوسف اخوي ماقدر اخالفه باي شي .. يوسف بضيق : يعين الله.. رتب انفاسك .. وقِل لي : كم بقى وتموت فيني ؟ .. مر شهر رمضان بسرعه وبعده العيد .. واليوم ( يوم زواج الجوهره ) لكن قبل الزواج بيوم راحت الزين للمستشفى تفك الجبيره من يدها وعلى مسؤليتها لان مستحيل تروح الزواج ويدها بالجبيره .. بالزواج.. اصووات الاات الطقاقه مالي القاعه الكل يرقص ومبسووووط.. من الطبقات المخمليه فالمجتمع.... وبعد المتوسطه... لكن مايتميزون عن بعض الجميع بافخم الموديلات وبافخم المجوهرات اقرب مايكونون بعرض ازياء وكل وحده بتبرز نفسها وانها الاحلى ..ومتمنيه ان ام من هالعوايل البطره تختارها لواحد من عيالها غيداء وهي منتبهه لعيون الحريم اللي بتاكلها من كثر مايناظرون فيها بس تعوودت لانها بكل مكان تكون محط الانظار وهي تجلس على كراسي بالكوووشه الفخمه اللي كانت بشكل قفص حمام كبير والوررد الطبيعيه بكل مكان... بجناح العروسه.. وهي واقفه بفستانها الناعم ورغم كذا كانت فيه قمر تدرج الوان غروب الشمس من اخره يبدا وكل ماتحركت كانت تحرك الشيفوونات اللي مركبتها بالقماش بدوون اكمام ضيق والبطن شفاف وشعرها مسويته شينون ناعم كانت حلوووه وباعجاب حقيقي ابتسمت : جوجو وربي طالعه قمر مشالله الجوهره والمصوره تاخذ لها كم صوره لحالها :تسلمين ... "سكتت شوي ثم قالت" بالله خذي الكاست من على الطاوله واعطيه امي عشان يشغلونه للزفه بعد شوي الزين خذته من على الطاوله.. وهي تطلع للقاعه ..وقفت وهي تناظر باشكال الحريم واللي ترقص متحمسه واللي تتقهوى وتسولف مع الي بنفس الطاوله وباين انها تحش واللي عيونها ماتدور الا على البنات وشكل عندها عيال على وجه عرس وتدورلهم بنت مزيونه شافت امها من بعيد وهي تاشرلها انها تعطي المطربه كاسيت الزفه والانوار بدت تنطفى.. رجعت بسرعه لجناح الجوهره وهي ترفع طرف فستانها عشان تقدر تتحرك وبسرعه : جوجو يالله الزفه بدت الجوهره واللي كان باين عليها الارتباك : طييب خمس دقايق وقولي لابوي يدخل حاتم ساعدتها الزين لييين توقف وبعد ماغطت وجهها بتل ناعم ابيض طبعا نظام القاعه وكأنه اوبرا فهي كانت بالدور اللي فوووق والحريم فالدور اللي تحتها ظلام والكشافات الملونه هي اللي تتحرك ..... كانت لابسه فستان ابيض بدون اكمام ماسك من الصدر لين الفخذ ونافش من تحت بذيل طووويل حيل ومكياج خليجي ثقيل عكس اللي الكل متعوده على الجوهره كانت دايم نعومه ولاتحب المكياج الثقيل...وتاج لولو مثبتته فشعرها اللي كان مسووى بلفلفات تجنن ومسكتها بالوان الروز الاحمر والابيض بس كانت ناعمه وكانها باقه ورد والموسيقى الكلاسيكيه بصوتها ماليه المكان.. ماقدرت تناظر باحد ... مشغوووله بعالم ثاني وكيف بتكون ليلتهم مع بعض ؟!! حست بلمسه دافيه على كتوفها العاريه وبدون شعوور لفت بقووووه شافته جمبها ... بطوله الفارع وجسمه الرجولي نزلت عيونها ماتبي تشوف عيونه تغيرت الموسيقى لاسرع وهو يلفها له ويرفع التل الناعم اللي مغطي وجهها سمعت همسته : مشالله تبآرك الله وربي قمر وسمعت تصفيق وصراخ الزين وغيداء والبنات وزي المخدره .. لفها عشان يعطوون الحريم ظهرهم وهو ماسك يدها بتملك حركها بسرعه عشان يحذفون باقه الورد على البنات اللي يصارخون وكل وحده تحاول تمسكها قبل الكل ... الزين بأبتسآمه تجنن : مشالله تبآرك الله شوفي مآجملهآ جنبه غيداء بحب : مشالله ... الله يسعدهم ويحففظهم ياارب رجعت للكوشه مع غيداء وهم يتمايلوون على الموسيقى الناعمه اللي كانت الجوهره تمشي عليها وحاتم لاف يدينه على خصرها بتملك وباين انه ناسي كل الناس وهو فرحان بالجوهره.. مهمآ كنت مثآليآ ستجد من لآيحبك حتى آلملآئكه تكرههآ آلشيآطين ! .. عند طاوله بأول القآعه وهي تجلس : خلالاص تعبت مآبي اسلم على احد كل القاعه سلمت عليها حشى تعرفين جده كلها انتي ؟ اماني تضحك : الحين انتي ليش معصبه ؟؟ طلعت جوالها من شنطتها وهي تلعب فييه : لاني طفشت من كثر هالبنات اماني بكشره : يختي حللي كشختك شوي بدال منتي جالسه لحالك كذا وماتعرفين احد نقف هنا .. انتظر توقعاتكم او رايكم بالاحداث اللي صارت !! سبحانك اللهم وبحمدك استغفرك واتوب اليك | ||||
|
|
|
28-10-13, 10:29 PM
| #8 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البــارت الســابع.. مهمآ كنت مثآليآ ستجد من لآيحبك حتى آلملآئكه تكرههآ آلشيآطين ! .. عند طاوله بأول القآعه وهي تجلس : خلالاص تعبت مآبي اسلم على احد كل القاعه سلمت عليها حشى تعرفين جده كلها انتي ؟ اماني تضحك : الحين انتي ليش معصبه ؟؟ طلعت جوالها من شنطتها وهي تلعب فييه : لاني طفشت من كثر هالبنات اماني بكشره : يختي حللي كشختك شوي بدال منتي جالسه لحالك كذا وماتعرفين احد جوانا : مآيحتاج استعرض كل اللي بالقاعه شآفوني اماني : بالطقاق يختي .. "وهي تناظر الجوهره وزوجها" يازين الجوهره شوفي كيف شكلها جوانا : تصدقين ماتشبه الزين ؟ اماني: اييه الجوهره تشبه ابوها جوانا : بس ماشاءالله قمر الله يحفظها "وبرجاء" امون تقومين معاي للمرايات ابي اشوف شكلي ؟ اماني : اسمحي لي مستحيل اقوم معاك ؟ جوانا بعصبيه : انتي وش هالكسل اللي ماشوفه الا معاي وقبل شوي ماخليتي ولا وحده الا وقمتي تسلمين عليها اشوفك مبسوطه ماشاءالله ؟ اماني وهي مستمتعه بصوت الموسيقى والجو : اقول روحي لحالك ماني فاضيه لك جوانا سفهتها وهي تاخذ شنطتها السوداء الصغيره وتروح للمرايات .. وقفت مقابل المرايه وهي تناظر بنفسها اول مره تسوي هالستايل لابسه فستان اسوود وقطعه صغيره مغطيه من قدام وباقي بطنها واضح وتنورته ضيق ولها ذيل طويل قماشه الشامواه محلي جسمها مع تجعيد شعرها الاسود طالع شكلها من بعيد قريب لمريام فارس بس هي اجمل.. وكـانك تبيها على النهج القديم ؟ انت بِـ الخافق راعي الاولـه .. بعد ماقامو الضيوف للعشاء طلبت الزين من المطربه تغني لهم اغنيه حلوه كذا وعلى ذوقها عشان العروس بتروح .. اول ماسمع المطربه بدت تغني وقف ووقفت معاه الجوهره اللي سحب يدها بلطف ووقفها .. مع وجود بعض البنات اللي صارو يصفقون ويصارخون لما شافوهم طالعين الدرج لجناحهم.. بعد نص ساعه تدريجيا بدا الكل يرجع للطاولات.. بدا الدق بطريقه روووعه...واغلب البنات قاموا يرقصوون الكل كان مبسووط وداخل جوو مع صووت المطربه اللي يدوخ وش اوصف فيك ؟ يامكثـر حلاك كل شي فيك – بـ الزين امتلى .. بالفندق.. جالسين بالصاله حاتم برقه : روحي غيري فستانك بالغرفه عشان ترتاحين احسه متعبك ؟ الجوهره بخجل حقيقي : بس وين شنطتي ؟ حاتم : نسيتها بالسياره دقيقه انزل اجيبها لك.. تبين شي ثاني اجيبه لك وانا جاي؟ الجوهره : سلامتك ورضاك.. حاتم : الله يسلمك.. يالله شويه وجاي ماني متاخر.. اوكي هزت راسها بموافقه وهو طلع على طول.. عشر دقايق وجاء دخل بالغرفه لقاها جالسه عالسرير.. حاتم ينزل الشنطه عندها : هذي شنطتك وانا بطلع برا استناك فالصاله "ويغمزلها" لاتطولين هااا الجوهره بلعت ريقها بارتباك.. وهي تشوفه يطلع من الغرفه ويقفل الباب وراه جات بتفصخ فستانها اللي مو راضي .. وهي تدعي بقلبها انه ينفتح وماتحتاج يد ثانيه تساعدها وبالاخير انفتح معاها بغت ترقص من الفرحه.. اخذت قميص طويل موف وماسك عالجسم باكمام عاريه ومن فوقه روب بلون السكري واطرافه موف.. دخلت للحمام وحاولت انها تطول اكثر من اللازم لعل وعسى انه ينام وتعدي هالليله براحـه .. بس كل شوي تسمع طقه عالباب وترجع تقوله انها شوي وتطلع.. بعد ساعه ونص كامله بالحمام.. بالربع الساعه الاخير ماعاد سمعت له حس.. فتحت باب الحمام بهدوء وطلعت.. شعرها مبلول وتحاول تنشفه بالفوطه.. فتحت باب الغرفه بهدوء وهي تشوفه مسترخي عالكنبه وواضح انه نايم .. ابتسمت من قلب ان الليله مشت زي ماتبي هي.. شارع اٌصيبت ارصفـته بـ لعنة الذكرى, ما إن مررتٌ بـ جانبـه عابرا إلا وسمعت نحيبه ينبٌض .. بدلت فستانها ببجامه برمودا والبلوزه كت بسحاب من قدام وكاب من ورى لونها الفووشي مبين جمالها مع شبشب بفرو فوشي .. حضنت كووب القهوه بيدها اليمين ويدها اليسار بجيب البرمودا حاسه بكئابه فظيعه من بعد الجوهره صح ماكانت مقابلتها على طول بس حزنت عليها .. دخلت غرفتها وجلست بعد ماشغلت تلفزيون البلازما لمت رجولها لحضنها بيدها اليسار ويدها اليمين حاضنه كووبها : ياااربي بتطللع روحي من الطفففش "تذكرت الجوهره" وش مسويه الحيين يااترى ؟؟؟؟ فتح الباب بشويش ودخل راسه مع الباب لما شافها صاحيه دخل وبابتسامه : هاه وشفيك اليوم احسك حزينه.. ؟ الزين : والله زعلانه على الجوهره احس اشتقت لها طارق يجلس جنبها "يضحك" : عاد تصدقين مافقدناها الزين : ياثقالة الدم.. وليه مانفقدها ؟ طارق : تبين الصدق عاد والله شوي احس اشتقت لها بس تعرفين ماهي معانا على طول وتغثنا زيك.. امممم يعني هي هاديه وماكانت تدخل جو معنا كثير .. بس والله والله اللي بفقده وبموت عليه ذاك اليوم انتي يالسوسـه؟ الزين تضحك : ماني متزوجه بقعد على قلبك شرايك ؟ طارق : ههههههههه واللي يقولك فيه عريس متقدم لك؟ الزين : مع نفسك انت وياه .. لاني ما افكر بالزواج اللحين سكت يفكر شوي وكل واحد سرح بخياله.. قطع الصمت اللي بينهم بهدوء : اخبارها صديقتك ؟ هي جات الزواج.. الزين تضحك : ايه جات "اردفت" طروق تراها مخطوبه يعني انسى رجع يسرح بضيق "صدق اول ماعرفت انها مخطوبـه انقبض قلبي بقوه كنت اتمناها لي .. كل ليله قبل انام اشوف صورها وكاني لاول مره اشوفها.. فيه احد يتعلق بشخص من صورته؟ اصبحت عاده عندي جديده من يوم طحت على صورها قبل لا انام اتفرج عليها.. وبعدين وش الحل مو قادر اشيلها من بالي.. بـ اسم اللذي سواك اجملهٌم اعيذك من كٌل قدر يٌبعـدك عني .. اليوم الثاني بالظهر.. حست على صوت احد يصحيها فتحت عيونها وهي فيها النوم حاتم : اما انك شيطاننه صحيح شلوون خليتي الليله تروح علي وما صحيتيني؟ الجوهره ابتسمت بخجل : شفتك نايم ماحبيت ازعجك حاتم : اخ منك .. طيب قومي صحصحي طلبت لنا فطور بعد ماغسلت وجهها قربت من المرايه وحطت مكياج خفيف جداً عباره عن ملمع وردي ورسمت عيونها من داخل بكحل اسود بدون لاتحط ماسكارا لان رموشها كثيفه وطويله فما يحتاج لمت شعرها الاشقر الكثيف والطويل بـ كلبس .. جلست جنبه على نفس الكنبه والفطور جاهز اكلت شي خفيف بعد اصراره.. وبعد ماخلص من الفطور شالته وحطته بالمطبخ.. ورجعت جلست جنبه على نفس الكنبه بس بعيد شوي .. حست بيده تمسك عضدها .. سحبها جنبه رفعت عيونها له وهو يناظرها نزلت راسها حط يده من ورى ظهرها ويده الثانيه على يدها اسحبت يدها بشويش وباحراج من ملمس يده رفعت عيونها له لاول مره وهو قريب منها بهالشكل .. حاتم ببتسامه رايقه : ويلموني فيك.. ؟ تضيعين العقل من يوم شفتك عندنا بالبيت وشفت شعرك واذهلني جماله التفتي وكملتي الجمال .. الله يخليك لي.. ؟ والله ان الريم سوت فيني خير يوم انها تعرفك وجيتي بيتنا رفعت عيونها له ونزلتها بسرعه وهي تشوف شعر دقنه حاطه عارض وريحت العطر ماليته شافها نزلت راسها قرب منها وحرر شعرها من الربطه اللي لامتها به ورماها جنبه .. يحب شعرها كثير وحط يده ورى ظهرها ويد مسك فيها راسها وضمها لصدره وصار يمسح شعرها وهي قلبها يرقع بقوه مد يده على لحيها ورفعه له وبرقه : لحيك دقيق مره ... نزل راسه وباسه اكـاد اٌجن يـاسيدي من بريق قناعك الرٌخامي الياقوتي الزٌمٌردي الاحمر انزعه ف انا على يقين ان فتنتك اجمل وادهى ومن الحلو امرّ .. بالليل.. بيوم ملكة رامي وتوليب كانت الملكه عائليه جداً بطلب من رامي .. وسط الاعتراضات الكثير اللي واجهته الا ان الراي اولاً واخيراً له .. وعطاهم حرية الاختيار بالزواج ويسوون اللي يبونه لكن الملكه فضلها تكون عائليه .. وبنفس الوقت ارتاحت توليب بهالقرار كانت تحس انه افضل من الازعاج والزحمه كانت لابسه فستان فيروزي ناعم .. مبين جمال جسمها مناسب بشرتها البرونزيه وشعرها الطويل زاد بساطة الفستان جمال على رسمة عين وعيونها مشابهه لعيون الهنود وخشمها الواقف كنه السيف .. بطولها المتوسط كانت بقمة الروعه وسمارها فتنه وزاد هالفتنه روج وردي فاتح مبرز شفايفها وبلشر خفيف الزين باعجاب : ياصلاتي عالنبي ايه ده كولو توليب بتوتر : احس بيغمى علي ؟ الزين : ماعليك ترا اخوي ماياكل ولا عنده سالفه ؟ لو اني بدالك بطلع له وانا اضحك توليب : والله من الدجه .. فالحه تهايطين بس ولا جاء الصدق باذكرك يوم تنخطبين ونشوف منهو اللي بيضحك ؟ الزين : اقول لاتتفاولين علي بس فتحت الباب بعصبيه وهي تكلم الزين .. غيداء : هييه انتي طاقه حنك هنا ومخليتني تحت لحالي امشي معي يالله ؟ الزين : وجع وجع انتي وهالصوت ؟ قصري حسك توليب برجاء : لاتروحين تكفين كنتي مخففه علي الزين : زي ماقلت لك ياخبله ترا والله ان تندمين بعدين لما تتذكرين انك كنتي متوتره او خايفه .. روقي بس انا اول من عرف قلبك؟واول من سمـع نبض .. صحت من النوم الساعه 7 المغرب ماتدري كيف نامو كل هالوقت حست كانها مو نايمه من فتره .. بسرعه دخلت الحمام وخذت لها شور وصلت الصلوات اللي فاتتها وصحت حاتم عشان يصلي اللي فاته .. وبعدها تجهزت عشان تروح ملكة اخوها رامي .. كآنت نعومه ححيل بجلابيتها البني المطرزه بفخامه باللون الفيروزي كان موديلها مغربي مفتوحه زي العبايه وتحتها بنطلوون باللون البني ومسوويه شعرها ستريت وطالع يهبل ومزينه عيونها الكبـار بكحل فيروزي.. زايد من وساع عيوونها وروج لحمي وبلشر .. رشت عطر جي اكس على نفسها قرب منها وحظنها بخفه من ورا وهو يناظرها بمراية التسريحه : قمررر وربي قمر ابتسمت بخجل ثم اردفت : يالله مشينا ترانا تاخرنا عالاهل ؟ يوسف : طيب بس زي ماقلت لك ؟ الساعه 12 او 12 ونص اجـي واخـذك ؟ الجوهره : اوكـي من عيوني .. ماراح اطول شوفي لنآ مغنى على وزن لآبآس .. الزين بقهر : اقول مالت على اخوي بس .. كان نفسي بملكه زي الناس والعالم مدري كيف يفكر.. ؟ غيداء باستغراب : يختي انتي تؤامه غريبه كيف ماتحسين باللي فيه.. ؟ الزين تضحك : ماصرت تؤامه .. صرت عالمة الغيب وانا مدري ؟ غيداء : ههههههههههه كلي تراب .. بس يختي انتي يعني ماتحسين فيه ؟ الزين : يارب صبرني على غباء هالبـنـت ؟ وش احس بالضبط شخصيته غريبه مافهم له يعني عشاني تؤامه بافهمه غيداء : ايه يقولون كذا ؟ الزين تضحك : ماعليك اشاعات فجئه صارت تصارخ بحماس وتنط اول ماشافت الجوهره راحت لها ركض وحضنتها الزين بقهر : يارب لاتفجعنا .. خذيتي عقلي الله يلعنك قولي امين ؟ الف مره قلت لك صوتك العالي ذا اقصريه غيداء طنشتها وهي تسلم على الجوهره بَـ حراره .. قربت منها الزين ودفتها بخفيف وحظنت اختها الزين باعجاب حقيقي : اشوفك محلوه.. ؟ غيداء بحماس : ايييه والله محلووه مرره .. ماكنت ادري ان العرس يحلي "ختمت جملتها بغمزه" الجوهره تضحك بخجل : كان ودك بالحلا اعرسي ؟ غيداء تضحك : لالالالا امزح خلاص الزين : ههههههه يارب اشوفك هالسنه عروس يارب غيداء : دعيتي علي تراها بترجع لك.. ؟ الزين : هههههههه دعيت لك مادعيت عليك الجوهره : بس انتي وياها ؟ عورتو راسي بهواشكم ماتعقلون انتو.. ؟ "مشت عنهم وهي تسلم على امها" عجبي على حرفين قد سلب وقاري .. حاء "حريق" بـاء بتُ في نار .. بعد العشـاء طلب رامي يشوف توليب .. وطلعت له بعد شق الانفس كانت حيل خايفـه .. بتدخل على وحش مو خطيبها ؟ ذي كانت فكرتها , تحس رامي مختلف اشد الاختلاف عن اخوانـه محد يفهم له وشخصيته هاديـه .. واذا عصب يكون شديد عكس طارق بالمـره اللي معروف بخفة دمه .. ذا اللي تعرفه وماخفي كان اعظم نقف هنا .. سبحانك اللهم وبحمدك استغفرك واتوب اليك | ||||
|
|
|
28-10-13, 10:30 PM
| #9 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البــارت الثــامن .. عجبي على حرفين قد سلب وقاري .. حاء "حريق" بـاء بتُ في نار .. بعد العشـاء طلب رامي يشوف توليب .. وطلعت له بعد شق الانفس كانت حيل خايفـه .. بتدخل على وحش مو خطيبها ؟ ذي كانت فكرتها , تحس رامي مختلف اشد الاختلاف عن اخوانـه محد يفهم له وشخصيته هاديـه .. واذا عصب يكون شديد عكس طارق بالمـره اللي معروف بخفة دمه .. ذا اللي تعرفه وماخفي كان اعظم القى السلام وصافحها الموقف اللي خلاه يتنح لما مد يده عشان يصافحها وهي جالسه وراسها بالارض .. قال بصوت عالي عشان تسمع : السلام عليكم رفعت راسها له بارتباك .. بطوله الفارع وجسمه الرجولي استوعبت الموقف وقفت بخجل وصافحته .. قربها لعنده وباسها بخدها وجلس بجنبها تقدمت منهم الزين بابتسـامه وهي تمد له طقم الذهب : يالله لبسها رامي : لازم ؟ الزين : اييييييه لاااازم ..اجل وش ظنك فشلتنا في فالبنت تقول اللحين وش ذا اللي مايفهم.. ؟ رامي عطاها نظره حاده خلتها تسكت .. سلمته الطقم وهي رافعه حاجبها الايمن .. خلته يبتسم من حركتها .. زعوله ومدلعه لبسها الدبله وبعدها السواره بيدها واخيرا العقد طول وهو يحاول يلبسها مما زاد من احررراجها ام الجوهره بابتسامه : عنك .. خلني البسها الزين : المفروض ياخذ دوره كيف يقدر يلبسها ؟ رامي : ماتسكتين انتي ؟ الزين سفهته وهي تكلم توليب : صحيح ان العقد من لبـاسه .. طالعه قمر وانتي جنبه ؟ بس صراحه قمة التناقض انتي ناعمه وهو هيبه .. بس تناقض حلو تطمني ؟ توليب عطتها نظره حاده خلتها تموت من الضحك الزين وهي لسا تضحك : وش قصتكم اليوم ؟ لالا صدق تناسبون بعض ؟ رامي بابتسامه خفيفه : انتي وش عندك اليوم تحارشين ؟ الزين : ايييه لان طارق مو فيه وانتو تصبيره لين نرجع البيت هههههههههه خاطرك هذا مسوي بي سوايا كلما قالوا عشانه قلت قدام .. بالبيت .. بعد مارجعو من الملكه الزين بقهر : بشهر 12 مايمديني اسوي شي ؟ ياخي عليك قرارات تسد النفس .. رامي : ترااه زواجي ؟.. لاصار زواجك ذيك الحزه قرري على كيفك طارق : ليه مايمديك تفصلين فستان ؟ الزين : مدري على حسب طارق : بيمديك ان شاءالله بلا هالدلع.. ؟ وبتفصلين احلى فستان بعد وعلى ذوقي ؟ شرايك الزين وهي تضحك : كـــارثــه كااااارثه طارق : هههههههههههههه بكيفك قاعد اعرض عليك خدماتي وانتي موعاجبك بكيفك.. ؟ الزين : طروق والله لو صدق تختار لي فستان على ذوقك ويعجبني مرررره مدري وش بيصير صراحه .. بس بتزيد محبتي لك.. ؟ طارق بحماس : والله صدق يعني موافقه اختار لك الفستان بنفسي.. ؟ الزين : ايه بس بشرط ؟ اول شي تشتريه بفلوسك انت واذا عجبني ادفع لك ؟ شرايك طارق : والله انا قدها وصدقيني ذوقي بيعجبك ؟ الزين تضحك : طيب اتحدااك.. ميزه ..تميزه...وهي الضد...يجمع كل شي متضاد... الحنان والقسوه...الحضاره والبداوه.. .. غيداء : طيب ماقالك انه بيتصل عليك الليله شي ؟ توليب : لا ماقالي شي ولا تكلم بهالموضوع نهائيا غيداء : غريبه ؟ توليب : مدري عنه مافهمته .. بس الزين زودتها اليوم بصراحه كنت بقطعها باسناني غيداء تضحك : ليه وش سوت لك ؟ توليب : كل ماجات لها فُرصه تحرجني ماتوفر ؟ غيداء : ههههههههههه والله انك تستاهلين يالخجول توليب بقهر : الخجل زينـة البنت وش تبين اكون زيك مغسول وجهي بـ مرق.. ؟ غيداء تشهق : انا مغسول وجهي بـ مرق ؟ توليب وهي تنهي النقاش وتوقف بتروح لغرفتها : لا انا .. مـا يجرح [ الصادق ] الا غدر من يامنه لا جت من احباب قلبك ! لا تلوم السنين .. الساعه الثامنـه ..صباحاً صحت من نومها وهي تمسك يدها بـالم .. زاد العوار عليها فجئه صح كانت بالزواج تعورها شوي بس الحين زااد الالم ولا يحتمـل .. الزين وهي تحظن يدها لعل الالم يخف .. راحت لغرفـة امها وفتحت الباب بيدها اليمين قربت من امها اللي نايمه عالسرير حركتها بخفيف وهي تنادي عليها .. ام الجوهره بنص عين : بسم الله وشفيك ؟ الزين بـالم : يممه قومي تكفين يدي مو قادره اتحمل ؟ ام الجوهره بسرعه قامت وبخوف : وشفيك ؟ وش صار لـ يدك الزين : اقولك تعورني ماني قادره اتحمل ابي اروح المستشفى ام الجوهره بسرعه خذت جوالها من على الكومدينه واتصلت عالسواق يجهز السيـاره .. بالمستشفى.. الدكتور : انتـي ازاي تفُكي الجبيره وهيه لسى ماجبرتش ؟ الزين بعصبيه : اقولك شف لي حل ماني ناقصتك ترا ؟ الدكتور انصدم من عصبيتها .. رفع يده لنظارته يعدلها وبهدوء : اوكـي اللحين حـ نركب لك الجبيره مره تـانيـه الزين بـالم : سوو اللي يريحني بسرعـه عطوها مسكنات وبعدها ودوها غرفة العمليات وسوو لها الجبيره مره ثانيه بعد معـانـاه .. ورجعت للبيت وهي تتحلطم الزين بقهر: ذي ثالث جبيره اغيرها للحين .؟ ام الجوهره : محد ضربك على يدك وقالك فكيها الزين : تخيلي بس شكلي بالجبيره وانا لابسه الفستان مررره مايجي ام الجوهره : دلع بنات رأيت عينـاك مره ومن بعدها لم يلفت انتبـاهي أي شي .. الساعه الثامنه مساءً.. لبست فستان اورنج فاتح ناعم .. مبين جمال جسمها مناسب بشرتها البيضاء اكتفت بالروج اللحمي وبلاشر مشمشي وكحل داخلي وتركت شعرها مفتوح .. فرقت شعرها من النص وسوت تسريحة عاصي نزلت جزء من شعرها على كتفها من قدام والباقي خلته طايح ورا لبست ساعه الماس ومعها اكسسوار وعقد الماس كان مهديه لها بيوم الملكه كان شكلها اييه فالجمال والنعومه .. قرب منها وباسها على جبينها وهو يذكر الله عليها وبحب : قريتي اذكارك يا اميرتي.. ؟ الجوهره تبتسم بتوتر : ايوه قريتها حاتم يمسك يدها ويرفعها لفمه ويبوسها وبحنان : وشفيك كاني احسك مرتبكه ؟ الجوهره وهي تضغط على يده اكثر : والله احس بتوتر فضيع يعني ماعمري تجمعت مع ناس ماعرفهم ولا احب التجمعات ذي حاتم يضغط على يدها اكثر : هذولا اهلي بيكونون معك وبعدين الريم بتكون معك طول الوقت واهلي طيبين مرره الجوهره : انا ما اقصد اهلك ياروحي .. اقصد الناس والعالم اللي بيكونون بـ بيتكم ؟ حاتم بابتسامه : وخليهم يشوفون حرم الشيخ حاتم .. اميرررتهم كلهم الجوهره : هههههه انت وين وانا وين ؟ حاتم يضحك من قلب : هههههههههههههههه ياروح حاتم انتي .. تبين نسحب عليهم .. والله ماوديك لهم لو مو مرتاحه ؟ الجوهره : لالا حرام عليكم اهلك جهزو كل شي وفالاخير مانحضر اصلا مو مطولين الساعه 11 بتاخذني ورانا رحله حاتم : اييييه كذا خليك قدعه هههههه يآسجين الشوق..!قل ..لي..,كيف يتحرر القيد...؟ .. توها صحت من النوم من بعد التعب والالم اللي شافته اليوم نزلت تحت وجلست بالصاله مالها خلق تاكل شربت مويه بس طلعت جوالها البلاك بيري من جيبها وصارت تلعب فيه وتسولف مع صديقاتها .. توه جاي من برا كان بيطلع اللفت بس لما شافها جالسه بالصاله راح لها وجلس جنبها طارق : الحمدالله على سلامتك الزين وهي مشغوله بالجوال وبدون لاتناظره : الله يسلمك طارق : هذا وانتي تكتبين بيد وحده ومو معطتني وجه كيف لو الثنتين ؟ الزين ترمي الجوال جنبها : يووه منك طروق تتفاول علي طارق يبتسم : بسم الله عليك الزين وكانها تذكرت شي تبي تقوله لطارق من قبل زواج الجوهره بس ماكان فيه وقت واجلتها لبعد الزواج الزين بحماس : طروق تذكرت صدق ابيك بسالفه ؟ طارق يحط يده على قلبه وبفزع : وشهوو ؟؟ الزين : هههههههههه لا عاد طروق مو كل ماقولك ابيك بسالفه تحط يدك على قلبك طارق : انتي هبالك واجد ويروع ..وش عندك بس ؟ الزين تبتسم اكثر : طيب اسمع الزين كلمتني لالا مو كلمتني يعني بس كانت تسولف وتقول انها تبي تشتغل وكذا وقلت لها ابشري بدبرك وتذكرت ان عندي اخو راعي فزعات وقلت مايجيبها الا انت .. اما طارق اول ماسمع اسمها فز قلبه متحمس يعرف وش سالفة جوانا اللي تبيه فيها سكت شوي يفكر بكلام اخته ولمحت بباله فكره على طول طارق بحماس : بالمستشفى محتاجين احد عالرسبشن تنفع لها لو عادي يرضون اهلها تشتغل بمكان عام ومختلط زي كذا الزين تقوم وتبوس راسه بحماس : تسلم لي ياشيخ دقيقه اكلمها اللحين واشوف وش تقول ؟ خذت الجوال واتصلت عليها .. وبعد السلام والسؤال عن الحال الزين : اسمعي جوجو جوانا : لبيه حبيبي ؟ الزين : لقيت لك شغل بمكان حلو وكذا جوانا بحماس : والله ؟؟؟ الزين : ايه والله بالمستشفى حقنا سمعت اخوي يقول الرسبشن محتاجين احد .. اممم يعني عادي تشتغلي بمكان عام ؟ ابتسمت بخيبه وسكتت تفكر "خالد مستحيل يرضى اصلا بالطقاق من متى يعجبه بـ اوافق وبشتغل فيه مو لازم يدري جوانا : خلاص موافقه اييه عادي الزين : كويسسس والله .. بوصي ابوي عليك هههه جوانا : بعد بتحرجيني مع ابووك ؟ الزين : عادي يختي بخليه يحطك بعيونه ولا يهمك بس جوانا بامتنان : والله مدري كيف اشكرك صراحه ماقصرتي معاي يعطيك العافيه والله الزين : ولو مابينا انتي تامرين امر والله جوانا : تسلمين ربي يسعدك .. وسولفت معاها شوي وبعدها قفلت منها .. طارق : وافقت صح ؟ الزين : اييه الحمدالله بس باقي بكلم ابوي .. عشان يتوصى فيها ترَى كلّ الكلام اللّي يعدّونه عَن أهل الحُبّ . . إذا جيت أتسمَّع شفت : صَمت العاشقين أسمَى ! بمجلس مليان حريم وبنات كلهم من الطبقات المخمليه جالسه ومتوتره من داخل عكس شكلها الخارجي اللي واضح عليها الهدوء والثقه .. باخر المجلس ثنتين يتهامسون الاولى تقول "شوفي الجمال بس اكيد انه خاق معها ما الومه والله ؟ الثانيه ترد عليها بـ غيره "عاديه البنت .. كشختها اللي محليتها ولا هي عاديه جدا يختي ماتلاحظي انها رافعه خشمها وماتكلم احد واذا تكلمت يالله ترد .. بهاللحظات دق جوال الجوهره .. مدت يدها لشنطتها ووقفت بتطلع من المكان عشان ترد عاللي متصل عليها واللي بالاساس تعرف من هو .. لانها مخصصه له هالنغمه الجوهره وهي تطلع برا بالحديقه اخذت نفس وردت بدلع رباني : هلا حبيبي .. حاتم : لبى والله هالصوت .. اشتقت لك الجوهره : وانا مشتـاقه لك ياروح الجوهره حاتم وقلبه يدق بقوه : اجــيــك اللحين ؟؟ الجوهره وهي تحط يدها على فمها وتضحك : ههههههه حبيبي تبي تزعل اهلك مني انت ؟ حاتم وهو يتنهد : مايزعلون منك .. الجوهره : كلها كم ساعه ونكون مع بعض حاتم بجديه : هاه وش سويتي بالعزيمه ؟ الجوهره : ابد والله قعدت بالمجلس وش ذا ياحاتم مره زحمه وعالم اول ماشفتهم دخت ههه حاتم : عيون حاتم انتـي .. عشاني خلي هالليله تعدي على خير وحاولي تاخذين وتعطين معهم ؟ ب س مو مره تراهم متوحشين انتبهي اوكي ؟ الجوهره بعصبيه : الله لايبارك في عدوك ياحاتم .. يقالك بتخفف علي اللحين ؟ حاتم : هههههههههههه والله انتبهي من قرايبي ترا ياكلونك والله نقف هنا .. انتظركم توقعاتكم او ارائكم سبحانك اللهم وبحمدك استغفرك واتوب اليك | ||||
|
|
|
28-10-13, 10:31 PM
| #10 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البــارت التـاسع.. ترَى كلّ الكلام اللّي يعدّونه عَن أهل الحُبّ . . إذا جيت أتسمَّع شفت : صَمت العاشقين أسمَى ! .. بمجلس مليان حريم وبنات كلهم من الطبقات المخمليه جالسه ومتوتره من داخل عكس شكلها الخارجي اللي واضح عليها الهدوء والثقه .. باخر المجلس ثنتين يتهامسون الاولى تقول "شوفي الجمال بس اكيد انه خاق معها ما الومه والله ؟ الثانيه ترد عليها بـ غيره "عاديه البنت كشختها اللي محليتها ولا هي عاديه جدا يختي ماتلاحظي انها رافعه خشمها وماتكلم احد واذا تكلمت يالله ترد .. بهاللحظات دق جوال الجوهره .. مدت يدها لشنطتها ووقفت بتطلع من المكان عشان ترد عاللي متصل عليها واللي بالاساس تعرف من هو .. لانها مخصصه له هالنغمه الجوهره وهي تطلع برا بالحديقه اخذت نفس وردت بدلع رباني : هلا حبيبي .. حاتم : لبى والله هالصوت .. اشتقت لك الجوهره : وانا مشتـاقه لك ياروح الجوهره حاتم وقلبه يدق بقوه : اجــيــك اللحين ؟؟ الجوهره وهي تحط يدها على فمها وتضحك : ههههههه حبيبي تبي تزعل اهلك مني انت ؟ حاتم وهو يتنهد : مايزعلون منك .. الجوهره : كلها كم ساعه ونكون مع بعض حاتم بجديه : هاه وش سويتي بالعزيمه ؟ الجوهره : ابد والله قعدت بالمجلس وش ذا ياحاتم مره زحمه وعالم اول ماشفتهم دخت ههه حاتم : عيون حاتم انتـي .. عشاني خلي هالليله تعدي على خير وحاولي تاخذين وتعطين معهم ؟ بس مو مره تراهم متوحشين انتبهي اوكي ؟ الجوهره بعصبيه : الله لايبارك في عدوك ياحاتم .. يقالك بتخفف علي اللحين ؟ حاتم : هههههههههههه والله انتبهي من قرايبي ترا ياكلونك والله الجوهره : وش قاعد تقول انت ؟ ليش وش سويت لهم انا حاتم : ماسويتي شي حبيبي الجوهره بعدم اهتمام للي قاله : طيب حبيبي مابي اطول عليك بقفل وراك رجاجيل مو تقعد مقابلني كذا وسوالف ترا لاحقين على بعض .. حاتم : طيب حبيبي ولله ماودي اقفل منك بس خلينا نرجع البيت لاعضك عض .. الجوهره : حويتم معالسلامه بعد ماقفل منها التفت بيرجع لداخل المجالس شاف ولد عمه وبحسبة اخوه اللي ماجابته امه .. قايد بحزم : وينك يارجال ؟ حاتم يبتسم : كان عندي مكالمه وتو خلصت .. قايد يضربه على صدره بـ خفه : مخلي الرجاجيل ومقابل الجوال تكلم سندريلتك حاتم : ههههههههههه لاتلومني ياخوك.. قايد : مشينا داخل .. وش يقولون عنك رجاال وهيبه واخرتها مطيح لي مكالمات مع المره اثقل ماخبرتك كذا.. ؟ حاتم يقرب منه ويلكمه على صدره بـِ مُمازحه : مسويلي فيها الحازم وانت ميت بـ هوى بعض الناس ؟ "ويغمز له" قايد اللي تنهد بهدوء وسكت متوجه لداخل.. فمك سـ اقتلعه من جذوره إن نطق يوماً بـ احبك لِغيري عُلم ؟ .. حطت جوالها بشنطتها ومشت متوجهه للصاله تبي تشوف الريم .. فاديه : اجل ذي زوجة اخوك ؟ هه الريم برفعة حاجب : لايكون موعاجبتك بس ؟ فاديه بوقاحه : توقعت بتكون احلى هه بصراحه يعني اخوك احلى منها الريم : ههههههههههه في هذي غلطـانه وبعدين ابعرف الحين وش حارق رزك ؟ هو عاجبته ومايشوف غيرها بالوجود ؟ فاديه بحقد : هه لا محروق رزي ولا شي عسى الله يهنيهم بس الريم رفعت نظرها للى ورا فاديه بارتباك وهي تتقدم لها : هلا جوجو من متى هنا ؟ الجوهره تحاول تكون هاديه وطبيعيه : توني جيت الريم بابتسامه صفراء : طيب وش جابك ليه مو بالمجلس انتي؟ الجوهره : قلت اجي اشوفك ؟ الريم : حبيبي قاعده اشرف اللحين على تحضير العشاء انتي روحي ارتاحي .. الجوهره : اوكـي مات عـام وغاب عام وراح عام ليه انا ما انساه؟ يوم انه نسى .. ابتسام : منتي صاحيه وربي ؟ جوانا : ماهو داري وش بيعرفه بقوله اني اشتغل بمعهد ولا أي شي ابتسام : وتتوقعين بتمشي عليه.. ؟ جوانا : بخلي امي تقنعه اسكتي يختي حتى امي ماراح اقولها ابتسام : لا عاااد امي ضروري تعرف جوانا : يختي مب لازم ؟ ابتسام : انتي تعرفين تقنعين امي ؟ ان شاءالله ماراح تقولك شي جوانا بضيق خلق : يعني ماتعرفين امي وخوفها الزايد علي ؟ ابتسام : ما تنلام والله ؟ ماتدري مين بالمستشفى هناك وكيف طبيعة اللي يشتغلون هناك جوانا : انتي بتقهريني ؟ اقولك هو مستشفى ابو الزين .. تعرفينها ؟ اللي جات بملكتي ؟ ابتسام : اييه عرفتها .. طيب واذا مستشفى ابوها جوانا : يعني تاكلين تراب ولا عاد تناقشيني .. <وقامت من عندها معصبه من تفكير اختها اللي ماتفهم }احبك{تعني ان يفور دمي حينما ارى احداً يُحدق بك او يتحدث عنك .. ركبت السياره بهدوء سلمت وبعدها ماعلقت باي كلمه واذا سالها ترد وتسكت .. حاتم باستغراب : الجوهره شفيك حبيبي ؟ الجوهره : مافيني شي حاتم : الا فيك .. تعبانه شي ؟ الجوهره بعصبيه : يووووه حاتم قلت لك مافيني شي خلاص اسكت عني ؟ حاتم انصدم من عصبيتها المٌفاجئه وفضل يسكت ومايضايقها اكثر لين يوصلون البيت ويكلم الريم ويسالها لان اكيد فيها شي.. اول ماوصلو الفندق رتبت شناطها واغراضها .. اما هو على طول اتصل عالريم.. الريم تشهق : اكيد سمعت الكلام اللي قالته بنت خالتك الزفت ؟ حاتم بعصبيه : مييين فاديه ؟؟ الريم : ماغيرها حاتم : وشقالت الزفت ذي ؟؟؟؟؟ الريم : تقول اجل ذي زوجة اخوك وحاتم اجمل منها ومدري وشو .. الغيره عاميه قلبها والله حاتم : هذي متى تتوب وش تبي خلاص اللي بيني وبينها انتهى طلقتها ومشي الحال ليش للحين موقفه بطريقي ؟ والله والله ماسكت عنها الا الجوهره ماتقرب منها .. اللحين اروح بيتهم واوريها الريم بترجي : تكفى ياحاتم رحلتك بعد ساعه ونص لاتخرب فرحتكم عشان وحده ماتسوى روح انبسط .. والجوهره ترا طيبه كلمتين وترضى ترا السالفه مو كايده حاتم بقرف : صادقه والله .. خليني ارجع من شهر العسل ولي تفاهم ثاني معها .. الريم تتنهد براحه : يالله سلم لي عالجوهره ؟ والله يحفظك قفل منها وراح للغرفه لقى الجوهره تلبس عباتها قرب منها وباسها بـ خدها حاتم : والله والله مايرتاح لي بال لين اشوفك راضيه ومبسوطه وفاديه ذي انا بتفاهم معها واوريك فيها الجوهره : تتفاهم معها كيف ؟؟؟ حاتم : اروح احوسها عشان تتربى الجوهره بـ غيره : والله ان شفتك تكلمها ياويلك ؟ حاتم : تخسي ما اكلمها لو اميرتي بتزعل مني .. انا اكلم خالتي تتفاهم معها يرضيك ؟ وبعدين هذي غيرانه لانك اجمل واحلى منها والله انك بعيوني كل شي ؟؟ الجوهره : انا مو قاهرني الا وقاحتها بس ؟ حاتم بقرف : عشان كذا طلقتها .. وزين ما ابتليت فيها وتزوجتها وربي رزقني باللي تسواها وتسوى مليون زيها .. حُلم اللقاء يُثير الشفقه .. بعد يومين بالضبط .. كلمت امها بالموضوع حق شغلها فالمستشفى بالقوه رضت بعد اقناع يومين كامله كل شوي تزن عليها عشان توافق .. وبعد موافقتها طلبت منها ماتقول لخالد لانه مستحيل يرضى ويمشون عليه الكذبه بانها تشتغل اداريه في معهد .. اليوم هو اول دوام لها بالمستشفى وبيكون يوميا من ثمانيه الصباح الى 5 العصر مؤقت لانهم بالاجازه لبست بنطلون جينز وبلوزه رسميه سماوي فاتح وصندل اسود وشنطه سوداء صغيره .. لبست عبايتها وطلعت برا بالحوش تنتظر السواق نفس اللي يوديها للجامعه .. اشرقت الدنُيا بي .. طارق من امس صار يداوم بالمستشفى .. ماكان له نيه يداوم بالمستشفى هالفتره بس من عرف ان جوانا بتشتغل عندهم ماصدق طاار من الفرحه يعني بيشوفها كل يوم وهذا المهم بثوبه الابيض ولابس كاب مكتوب عليه قاب لونه كحلي طالع شكله جنان بطوله وجسمه المعضل.. نزل تحت وجلس عالطاوله افطر بسرعه وطلع برا .. ركب سيارته وشغلها وضغط عالمسجل واشتغل الاف ام بـ صوت شيرين ربع ساعه ووصل المستشفى دخل بروقان وبابتسامة ثقه وفرحه بنفس الوقت .. مر من عند الرسبشن لقى ثنتين لابسين بالطو طويل ونقابات ركز فيهم من بعيد قبل ينتبهون له .. فهاللحظه رفعت عيونها له اول ماحط عينه بـ عينها عرفها على طول .. شال عينه عنها بعدم اهتمام ودخل عالصيدليه .. اللي كانت مقابله للرسبشن وهذا كان احلى شي بالنسبه له عشان يطلع ويشوفها بوجهه جلس عالكرسي بابتسـامه وطلع جواله من جيبه وصار يلعب فيه اما هي اول ماحطت عينها بعينه حست ان ملامحه مو غريبه عليها ابتسمت وهي تتذكر الزين "ايييه يشبه الزين والله.. خلني اتصل عليها اقولها اني لقيت واحد يشبهها سبحان الله" طلعت جوالها من جيبها واتصلت على الزين بحماس لانها متاكده انها سهرانه للحين ولسى مانامت .. جوانا بحماس : السلام عليكم الزين تضحك : وعليكم السلام.. وش عندها النشيطه مع الصباح؟ جوانا : انا بالمستشفى اللحين الزين : ايييه صح هاه كيف الدوام معك ؟ جوانا : كويس .. بس خليني اقولك ؟ الزين : وشو ؟ جوانا : تخيلي قبل شوي شفت واحد جاينا المستشفى يشبه لك مرررره .. "وهي تضحك" نفسي اصوره عشان تشوفين شبيهك هههههه الزين تضحك : اجل تقولين يشبه لي ؟ جوانا : اييه والله يشبه لك نفس الملامح .. الزين : لابس كاب كحلي ؟ جوانا بصدمه : ايييه وش عرررفك الزين : هذا اخوي طارق هههههههههههه جوانا : اما وانا مبسوطه لقيت واحد يشبهك ومستغربه ومدري وش .. واخر شي يطلع اخوك؟ هههههههه الزين : ايه وزيدي عليها يصير توامي بعد جوانا بـ خقه : ماشاءالله توامك ياحظك الزين : وبعد عندي اخوي ثاني ؟ تؤامي بعد هههههههه جوانا : تطقطقين علي انتي ؟ الزين : والله اني صادقه امي جابت ثلاثه توائم انا وطروق ذا اللي شفتيه قبل شوي .. ورامي بالمستشفى عندكم بس بقسم الجراحه ؟ جوانا : صدق والله ؟ الزين : مو مصدقتني عندك طارق روحي اساليه ههههه افلت حنين الكون في قلبي ورحل .. بالليل .. الزين : طروق .. ابوي يقول روح جيب جدتي من المطار طارق : ومتى جايه ؟ الزين : ساعه ان شاءالله وتوصل طارق : طيب شوي ورايح الزين : بروح معك ترا طارق : طيب روحي البسي عباتك ولا تتاخرين علي اللحين تروحين تلبسين ؟ الزين : طيب خمس دقايق لبست عباتها وجات طايره وصلت عنده وجوالها بيدها وازارير عبايتها مفتوحه عطته جوالها يمسكه وسكرت ازرار عبايتها وضبطت طرحتها وخذت جوالها من يده بعد خمس محاولات فاشله في انه يفتح الجوال ويطلع الرقم السري غلط الزين بعصبيه : خير انت بتلعب بجوالي ؟ طارق يوقف : امشي بس ههههههه الزين وهي تتذكر : الا صح قول لي وش اخبار الدوام ؟ طارق : يسلم عليك الزين بخبث : شافتك جوانا اليوم .. واتصلت علي تقول لي جاينا واحد بالمستشفى يشبه لك .. ماتدري انك اخوي هههه طارق يبتسم وينتظرها تكمل .. الزين كملت بعد ماشافت ابتسامته : وتقول والله نفسي اصوره لك عشان تشوفين شبيهك ومتحمسه الاخت .. قلت ان ذا اخوي ياكمخه طارق : وليه تكلمك ؟ كان جاتني وقالت اعرف وحده تشبه لك ماله داعي المشاوير هههه الزين بـ لعانه: ان شفتك توطوط عندها بـ اعلم ابوي عليك واخليه يتصرف معك طارق وهو يركب سيارته : اجلسي عندك منتي بـ رايحه ؟ الزين بغرور : ماهو بكيفك .. وراحت من الجهه الثانيه وفتحت الباب لكن مافتح معها "وبعصبيه" هيه افتح ؟ طارق يبتسم ويشغل السياره بدون لا يطالعها الزين باستسلام : خلاص امزح افتح انا اسـفـه قرب يده من باب الراكب وفتح لها الباب وبابتسامه ثقه : اييه خلك مؤدبه وبلاش من التهديد واللعـانـه الزين وهي تركب وبـ ابتسامه عناد : ماشاءالله ياطارق ماكنت اعرف انك تحب الشغل لذا الدرجه كنت متوقعه ماتداوم بالمستشفى الا بعد سنه هه طارق : اتعبتي نفسك وانتي تراقبيني .. شوفي لك شي ثاني يشغـلك عني الزين تضحك : ماراقبتك والله .. انت مكـشوف اصلا طارق ينهي النقاش : طيب يالقافطه .. بالمطـار اول مادخلو المطـار وقف شوي ينتظر الزين اللي تمشي وراه بشويش وقف لين جات عنده ومسكها مع يدها ومشى الزين : انتظر ياخي وشفيك تركض ؟ طارق : ماني قاعد اركض انتي اللي بطيئه الزين توقف وتشد يدها منه بقوه : فكني ياخي نقف هنا .. انتظر توقعاتكم او ارائكم بالبـارت سبحانك اللهم وبحمدك استغفرك واتوب اليك | ||||
|
|
|
| مواقع النشر (المفضلة) |
| الكلمات الدلالية (Tags) |
| للكاتبة, البحر, خليّ, ينشاف, وميلاد |
| أدوات الموضوع | |
| انواع عرض الموضوع | |
|
|
العرض العادي
